دردشة بنات العراق, دردشة حوامل العراق , تجمع بنات العراق

[روضانيه]

لا صعووووووووووووووووب الاول صار اجهاض
رويده اتخبل الاماكن الزراعيه اتنشط الدماغ اني اليوم الي مااطلع للحديقه احس قلبي ينقبض
لان جنت متعوده بيت اهلي دائما بالمزرعه ازرع ويه بابا خخخخخخخخخخ فلاحه درجه اولى

[ام نورهانه]

هذه بعض الصور من اول عيد لبنوتي طبعا سويت في بيت عيالي

http://forum.hwaml.com/imgcache2/hwaml.com_1337194221_444.jpg


http://forum.hwaml.com/imgcache2/hwaml.com_1337194221_276.jpg

[رويدة_ أم ألق]

حوري ههههههه
ماكنت متابعتها لكن خالتي أم زوجي سوتلي واهس تسولف بيها
وكل يوم أسمعها تكول ولج فاطمة وجعة بقلبج راح تموتين كريم خطية ههههههه

[مجنونة بحبها]

اي ام الوقه مقبل يكول ازعاج

وداني لاهلي وكال احتفلي هناك ههههههه

والسنه نفس الشي هم كال روحي لاهلج احتفلي ورحت

بس من رجعت هم سويت حفله بس فوك حتى لايسمع الاصوات ويضوج هههههههه

[رويدة_ أم ألق]

اي فعلا حوراء .. أكلج انتو بالأصل من أي محافظة؟

فدوة نوارة كلما دتكبر تصير أحلى .

[مجنونة بحبها]

شنو هاي فله حلو عيد ميلاد نورهانه

راح احسدج هههههههههههه

جنت اتمنى حامد يحتفل وياي بعيد ميلادها بس هو ميقبل والله قهر


ترى اتشاقه وياج يارب السعاده والافراح تملئ بيتكم

[رويدة_ أم ألق]

امونة لو السنة جارته من ايده وخالته يحضر
يمكن يغير انطباعه يشوف بنونة سعيدة ويرتاح نفسيا
شعنده غير هالعزيزة؟ زين هي ما بجت ورادت أبوها وياكم
خرررب شكد ضوجني زوجج لتزعلين منييييي

[ام نورهانه]

من كانت صغيرة واسويلها ستوتات اسميها متهور تذكروه هذا الويه كارتون فيردي النمله

[رويدة_ أم ألق]

اي اي فلة ههههههه أتذكره محبوب كلش.

[ام نورهانه]

ههههه حبيبتي امونه ويارب انتي بيتج تمليه جهال وايامج تصير كلها اعياد وغصبا عليه تسويهن يمه
لا اني اصلا راد يسوي بقاعة مال اعياد بس بوقتها صار عدهم حادث فمكدرنه نسوي بالقاعة وسوينا بالبيت واني من النوع الي كلش يحب هاي السوالف

[رويدة_ أم ألق]

هياته ههههه

http://forum.hwaml.com/imgcache2/hwaml.com_1337194732_854.jpg

[مجنونة بحبها]

ام الوقه ايست منه هسه حجي ميحجي وياي
لان مشغول بالفيس وميحب احد يزعجه هههه
وهاي من يرجع من الشغل لليل بس على النت هاي حياته
واذا اجت بنونه يمه ايضل ايصيح حتى البنيه تعلمت متروح يمه
رغم هيا تحب تلعب وياه بس شسوي احساس ماكو
انوب يقهرني من يكول بنونه اتريد تلعب وياي وانا مشغول هههههه



ام نورهانه مشكوره حبي على الدعوه ويارب يرزقج ضعف ماتتمنين
هو انا عندي ماكو احلى من عيد ميلاد بنتي بس يله ولا يهم المهم انا فرحانه ههههه

[نورس دجلة]

عفية بنات صوتو مين الاحلى رسول او ليث او ياسر محتارة علما باني فتحت القران وطلع اسم رسول 6 مرات بس انا عاجبني اسم ليث او ياسر ايش اسوي

[مجنونة بحبها]

متهور جان صديقي بالطفوله هههههههه

[ام نورهانه]

ههههههههههههه اي عفيه هياته الي وره الدعسوقه نسيت اسمها هههههه كنت اموت عليه

[رويدة_ أم ألق]

نورس كلنا جاوبنا

أم بنونة ما أكول غير الله يعينج
ويعوضج أفراااح بالولد الصالح قريبا.

[مجنونة بحبها]

انا اكول رسول حلو وليث هم حلو

وانتي اختاري زوج شختار

[رويدة_ أم ألق]

اني هم نسيت اسمها عود هي شلون نزاكة تكولين مو دعسوقة فد مندلة ههههه

[مجنونة بحبها]

شكرا ام الوقه ويارب يسهل ولادتج

انا نعست اروح انام تصبحون على خير

[رويدة_ أم ألق]

وأنتِ بخير وعافية أمونة.

[ام نورهانه]

هههههههههههههههههه ام الوقه اسمها الانسة جيني طلعت الكارتون على اليوتيوب

تصبحين على خير وسعادة ام بنونه

[رويدة_ أم ألق]

هااا عاشت الأسامي ههههه

أكلج فلة سؤال باعتبارج مارة بالحالة وأخوج طبيب
إذا بقيت هالشكل بدون أوجاع بس أكو توسع بسيط
شنو الحل؟
طبعا أخواتي ولا يفيدوني بهيجي شغلة ثلاثتهن عمليات.

[ام نورهانه]

هههههه انتي العايشه حبي
باعي اذا اكو توسع والطفل ماخذ الوضع الصحيح يعني راسه ليجوه ورجلي ليفوك وماكو طلق يسوولج تحريض يعني طلق صناااعي بس انتي هسه ميسولج لان بكريه بس لازم كل اسبوع او عشرة ايام ترحين تجيكين وضع الطفل ونبضه والله كريم ان شاء الله على غفله تجينه تكولين جبت احلى الوقه

[فوفو العراقية]

وااااااااااااااااااااااااااااااو يامحلا بلادي ومدينتي
شكرااااااااااااااااااااااااااااااااااااااااااااا رويده الج والزوجج
والله متدرين اشكد فرحت بهالصورة
احس شميت ريحت تراب العراق
ما اذكر شي منه والله بس اذكر ريحته غير شكل الللللللللللللللللللللللله
ربي لا تحرمني شوفته وزيارت الائئمة يارب.
والله رويده هواي اشكرج روحي عساج بالخير دوم والسعادة والهناء
عسى ربي يسهلج ولادتج من احسن مايكون وينطج الوقة ويفرحكم بيها ويرزقكم بعدها اخ ل الوقه ويكون من الطالحين
دا اكتبلج وعطست
يعني دعاء مشدد هههههههه


امونة بنونه تخبل حبيبتي بعيد ميلادها
فدوة عشاهة لل100
وكيحة مكيفه حبيبي



عذراء اسم ليث احلى اموت عليه هالاسم.

[رويدة_ أم ألق]

اي هسة الطفلة على راسها وكل وضعها تمام
وبالنسبة للنبض هي متبطل دفرات الله يسلمها يعني أكدر طمئن كل يوم عنها
لكن الدكتورة كتبت لي موعد لحد 5 بشهر السادس
يعني أكمل شهري وفوكاه 4 أيام !
كالت متجين قبل هذا الموعد إلا إذا صارت عندج أوجاع قوية.

[فوفو العراقية]

شوف الاملاء الحلو
عشاهة عساهة وطالحين صالحين
اويلي علية ساحبة خارجي. ههههههههههههه

[رويدة_ أم ألق]

تسلمين فاادية حاسة بيج شكد تفاعلتي وية الصورة
إن شاءالله تزورين بلدج بأقرب فرصة وتشبعين من ريحته
وربي يخليج على هالدعاء الحلو

على ذكر الولد خالتي كالت ياما سونارات تغلط
فقبل ماندخل ضحكت تكلي يجوز يطلع ولد
كتلها اذا طلع ولد غييير
كالت اي؟
كتلها الله وكيلج تمدين ايدج للدكتور تكليله تسمحلي بجوبي هههههههههههه " تدك جوبي وياه"

[ام نورهانه]

هههههههههههه هلو فوفو صدك مطفية ولج هاي نورهان بنتي الي بالصورة ههههههههههههههههههههههه

[ام نورهانه]

هههههههههههههههههههههههههههههههه كوليلها شيجي انعم الله بس صدكي ماكو احلى من لما تكون البنيه هي البكر تصير صديقة امها وتربيتها احلى بهواية وتكومين تعتمدين عليها

[ام نورهانه]

لج رويدة اني نورهان واني دا اطلك بيها تدفر خبلتني بس دفرات من هاي التعجبج

[فوفو العراقية]

http://forum.hwaml.com/imgcache2/hwaml.com_1337198548_894.jpg

يا خجلي
تصبحون على خير خخخخخخخخخخخخخخخخ

[ام نورهانه]

هههههههههههههههههههههههه تعالي تعالي وين انهزمتي هههههه ياله عادي كلنه صارت بينه اكلج شخبار تنبولي النوني فوديته وفديت قلبه
ولج اني هاي صايرة تدفرني دفرات مزعجة كلش يعني احسها تضربني على المعده على المثانة يعني على الاعضاء الداخليه ببطني ودفرات مزعجة كلش خو ام العوافي دمرتني بيها

[رويدة_ أم ألق]

اي والله أكللها وحتى قاسم يضوج من تكول أمه ياريت ولد


ذاك اليوم خنزرر ههههه كتله بقلبي فدوة لعيونك

وبالنسبة لدفراتها حتى لأبوها وصلت ههههههه

[ام نورهانه]

ههههههههههههههه اوي حبيبتي اني هاي تظل تدفر بس من سري يخلي ايده على بطني تخاف وتخنس ومتتحرك ابد

[رويدة_ أم ألق]

هاا شعحجب.. بنتي تزييد
بلكي يطلع ولد حتى ترتاحين كم شنة
لأن يكولون الولد يخنس ولو كلها عقااايد هههه

[رويدة_ أم ألق]

سنة *** العتب على ألق

[ام نورهانه]

ههههههههههههههههههه حلو ام شنه قصدي ام الق خخخخخخخخخخخخخخخخخ

[فوفو العراقية]

اسفه حبي ام نورهان
بس ربي يحفظها تخبل اموت عالبنات خو هيج عمر اكلهن اكل
فدووووووووووووووووة

ولج هالتنبول العندي مايتحرك
الا قلييييييييييييييييييييييل
يعني كل 3 ايام حركة تشبه الرفرفه
تصير بالمحالب رفرفه ووكتها احس انه راح يرفس الجنين او مثل يرج بطني بخفه
ابدا مو حيل والله حملي هذا يختلف عن اطفالي كلهم
ماعرف شنو سالفته
بس اعتقد مثل ابوه
ابوه او ابوهة هادئ وميتحرك هواي وتنبل ههههههههههههه وبس شطارته بل احي هههههههههههههه
وهسة راح اخلص الخامس والحركة مجرد رفرفات ومرات تتحرك بطني منها قريب المعده
يعني اعتقد صاير الجنين على شكل جلوس على اليسار والرجلين جوة والراس والاكتاف فوك منحني هذا تصوري
بس هواي احس بشيئ يشبه العجس وكلش يأذيني خصوصا بالمشي احس الجنين يرتفع ويعجس او يسند نفسة لا يوكع هههههههههههههه
اشرحيلي انتي الحركة عندج شلون ووين متمركزة
اني من اروح للسونار يوم الثلاثاء الجاي راح اعرف وضع الجنين شلون صاير ابطني
واكيد لو بين جنسه راح اجي اكوللكم رأسأ.

[رويدة_ أم ألق]

هههههههههههههه فلة

[رويدة_ أم ألق]

تدرين فادية هسة يلة انتبهت على التوقيع
طفل بيده ركي هههههه
لعد شكد حالتج صعبة



زين اللوبيا وخاصة العراقية ممشتهيتها ههههه
هم نزلت جديدة تخبل اليوم أكلت.

[فوفو العراقية]

رويده
والله هوة الولد يخنس اي
اني محمد ابني يعتبر بجري ولو سقطت قبلة 2 اولاد بالرابع
بس تحرك اول حركة بالخامس بدايته وجانت كلش قوية وولا يهداء ابد ببطني
وفتر من الشهر السادس هوة على راسه وضل يرفس وجنت احس بسابيع رجليه ورجليه يسندهن بظلوعي
كلش جنت اتأذة وولدته على 42 اسبوع ولادة اسطناعية هههههههههههه لانه انطوني مثبت بالخامس
جنت راح اسقطة هم وثبتو وتاخرت ولادتي وجانت صعبةةةةةةةةةةةةةةةةةةةةةةة الله يسهلها عليج.
ف مو شرط
بناتي تحركن بالثالث
وحركة قوية كلش
وهذا مكضيها رفرفات وبس واغلب الاحيان ماحس حامل.

[ام نورهانه]

ههههههههههه اوي فديته لا اني دفراتها بكيفج بكل مكان يعني ساعة جوه وعلى المثانة وساعات على القفص الصدري بس الضربه القوية تصير على القفص الصدري احس رجليها فوك والضربات الي مستمرة ومو كلض قويه احسها ايديها وليجوه ومرات تتكور ويصير راسها بصفحتي اليمنة ورجليها باليسرة لان الكعورة الاكبر والاقوه تصير يمنه فأكول هذا صماخها والضربات تصير يسره اني هيجي وضعيتها يعني راسها ابد ميصير فوك دومه ليجوه اعرفة من حركة ايدها ورجليها

[فوفو العراقية]

هههههههههههههههه رويده
الله يسعدج
لا تفرحين هواي ماناقصني غير الركي وحالي صعب برشا ومبروش هم...
اللوبية الخضرة موجوده مجمده واطبخها ههههههههههههههههه
اكلت لما كلت بس
هسة اشتهيتها
مالي خلك اكوم اسلكها ممممممممممممم طيبه
خخخخخخخخخخخخخخخخخخخخخخ

[رويدة_ أم ألق]

هههههه مجمدة شنو لا عيني تازة من المزارع للجدر ,, أبد مدا أخبث

[فوفو العراقية]

اي اني ابد مو هيج الحركة عندي
مختلفة
ودقات القلب مكان واحد
عاليمين فوك يعني الراس فوك تقريبا جلوس
بس هوة الجنين بهيج عمر يتحرك المفروض هواي هههههههههه
ويدور هواي
يعني ماكو قياس ومكان محدد اله
وكلة بمزاجة
الله يتمم علينه ويرزقنه الطفل السيم المعافا
اني هواي افكر واخاف السونار يكولون بي شي
كلش خايفه ماعرف ليش.

[فوفو العراقية]

رويده
....................... ابد مو خبيثة
نيتها صافية
بس شخط اخظر يطلع بطفلي
طبعا مو (علك)
لوبية خضرة
بسيطة راح تحملين بعد!!
وشوفي فدوة وفداوي شتسوي هههههههههههه

[فوفو العراقية]

يلا حبايب
اني قفلت وضيعت المفتاح
واخاف الاملاء مالتي ينحرف ويكتب شي غلط هههههههههههه
وشيخلصني ي ي ي
هههههههههههههه
احلام سعيده
تصبحون على خير.

[حبيبي]

مساء الخير اشلونكم
اشوف تحجون على حركت البيبيات ولي معندها بيبي بلطن هااااااااااااااااا hwaml15

احجي الكم عن حركات زوجي ودفراته خخخخخخخخخhwaml02


اليله اني كلش منقهر اليوم اجازه المفروض نطلع نتمشى ونتعشاء بره
وجهزت وتمكيجت ولبست فستااان يخبل لاني مغتسله من الدوره وتعطرت
وكاني رايحه لعرس hwaml4وجهز الجهال وفنهايه نصعد السياره تمشي اشوي hwaml16
وتوكف عطلت يلهوووووووووووووووووويhwaml9
طبعا اني بجيت فسياره بس بدون ميحس زوجي وزعلت اسبوع فلبيت
محبوسه ويوم كلت بطلع تتعطل السياره اشلون حظ
طبعا السياره كلشي مافيها بس البيه اخذهااااا مشان يشيكون عليها كامو اخربوها اوووووف
رجعنا البيت والجهال نامو ونا جلست على النت روحي طالعه وزوجي
حاس فيني ويدلعني بس ما منطيته وجه هههههههههه
هو هسه يتابع فلم ونا نت hwaml02

[ام نورهانه]

وانتي من اهله حبي فوفو

لا اني حتى بنورهان بعد الشهر الرابع ياخذون وضع واحد الي هو الراس جوه والرجلين فوك

[حبيبي]

اتلاقي الخير فوفو وولادج حلوووووووووووووووين كلش الله يخليهم لج



رويده بعدج تناااضلين ههههههههههههههه متى تولدين حتى الدجاجات فقصت هههههههههههههههههه
حوريه اخبار التوئم اشلونهم وشلون صحتهم نزلتي صورهم ؟

[حبيبي]

اهلين ام نورهااان اشلونج وشلووون الحمل

تعرفين اكره شي عندي اذا اجمع الطفل بجهه وتكور
يالله اضووووووج
ومن اكون جنب صاحباتي يكوم يرفس ودشداشه اطير ههههههههههه
حتى هما يحسون عليها يكلون شوفي يرفس هههههههههههههههههههه

[رويدة_ أم ألق]

لا يمة اسم الله فادية شنو ذنبه هذا الطفل البريء ههههه
اشو حسيت بالذنب جنها صدك


رحوووبة مشتاقتلج والله
اي نضالي مستمر واليوم سويت طلعة على العدو مداها ساعة هههه
حقج تنقهرين بس ربي يعوضج يمكن بيها صالح

فلة بوساتي للحنفوشة نوارة

أروح أسوي فد شي ناكله جعنا اني وقسوم

أشوفكم بخير حبايب.

[حبيبي]

واشكر الجميع على ردكم
وتعليقكم على حلويااتي
كانو عند امي اضيوف وسويتهم الها ههههههههههههههههه

[حبيبي]

واني مشتاقتلج مووووووووووووووووووت
وستمري فنضااااااااال يانتي يااهووو ههههههههههههههه
بلعافيه العشااااء مقدما
اني اتصلت بلمطعم وجابلي الاكل للبيت
كباب دجاج وكباب لحم وحمص وورق عنب وبيبسي هههههههههههه

[ام نورهانه]

هلااااااا رحوبة كيفك ياقلبي وياله خيرها بغيرها وان شاء الله ابو الشباب يعوظك بطلعة احلى

[حبيبي]

صلووووووووووووووووووووووووووووات على محمد وآل محمد



هذا حبيب خالتوووووووووووووووو حمودي
يكول الكم تردون جاااااااااااااااااااي
ههههههههههههههههههههههههههههههه

[حبيبي]

ان شاء الله الله يسمع منك وبكره يعوضني
هو اكيد بيعوضوني بكره ولا يبات عند امووووووووووو هههههههههههههههههههههههه

وخباري الحمدالله زينه بس منقهر ههههههههه

[حبيبي]

السلام عليكم ورحمة الله وبركاته كيفكم بنات حبيباتي مشتاقتلكم حبيت تشاركوني باختيار اسم لطفلي ارجوكم ارجو واحدة من هذه الاسماء (رسول -ياسر-ليث) ارجو التصويت علما بان زوجي اسمه يعرب وانا اسمي عذراءمين اسم الاحلى برايكم


وعليكم السلالالالالالام اني اختار ياسر هلاسم يعجبني hwaml03

بس اسم زوجج يناسبه اتصور
ليث يعرب ههههههههه
او رسول يعرب hwaml03

ولو تسميه احمد احلى واحلى هههههههههه

[حبيبي]

يمه يمه من عمااااااااااااااااتكم
حوريه وامونه ومي

منين هلعمااات الكم

زين ام زوجي مو نفسهم الحمدالله

بس جدت زوجي نفس جدت ام نورهان هههههههههههههههه وعايشه لهسه hwaml03
وكلش تعبانه ومقعده بس الساااااااااااااااااانه الله ليوريكمhwaml4اني لرحت ابوس اراسهاا
واسلم عليهااااااااااااا لازم اسمع منها كم كلمه اتسمم بدني فيهم hwaml15
اتعلق على كل شي لبسي واكلي واولادي
واذا دخل زوجي اتكوله هاملتك صاير اضعيف
متطبخلك لو طبخها مو حلو ما تشتهي تاكل hwaml4
ومن هلكلام طبعا مره كنت انظف غرفتها وهي اتصرخ
لتنظفين ومعندي اطفال يوصخون روحي نظفي غرفتك
هالوسخه hwaml15 واني ساااكته واسمع
وكفت المكنسه على الجدار حتى اشيل الوسخ
وتوكع المكنسه على راسها هههههههههههههههههhwaml03
يالله اشكد انبسطت ههههههههههههههههه
وهي مضلت دعوه مكالتها عليه hwaml02

المهم المكنسه ادت الواجب
ومن يومهاااا اسلم واطلع
مجلس يمهاااااااااااااا hwaml7

[عذراء الجابري]

صباح الخير على احلى بنات

[عذراء الجابري]

ام اللوقة ترى طولتيهة يلة خلي نشوف الحلوة
رحاب انتي مطلعين الا وره نص الليل
ام شوق ماكو اخبار منها
ام كرار هم ماكو

[White angel]

صباح الخير شلونكم بنات

الهرمونات تخربطت عندي والبارحه كضيتها بس بواجي وتخيلات
تخيلو
بجيت وخلصت رحت جبت لي كلينكس وردي ودا امسح دموعي
وفتت للحمام تكرمون
وجان اشمر الكلينسه وجان اكوم انخبطت مي وصار لونها احمر
وكعت وكمت ابجي عبالي ابني وكع
اجه زوجي اتخبل كال اخذج للطبيب اخذج يم اهلج واني بس ابجي

راح انجن مدري شصار ماعرف شبيه

[عسل بغداد]

صباح الخيررررررررررررررر

[عسل بغداد]

صباح النور عذراء بنوتج شلونها
حبي وايت عندج العافيه متشوفين شر

[فوفو العراقية]

صباح الخير
اني اليوم كلش عندي الم
من كعدت من النوم ضهري وبطني يوجعني
وهسة بطني كلش المحالب وتقلصات عندي كلش متضايقه
ادعولي ماكو شي لان الم مفاجئ وقوي نوعا ما.
يمكن ماراح ادخل هواي اليوم.

[عسل بغداد]

صباح النور حبي فوفو
سلامتج انشالله ماكو غير الخير
بس خاف مستبرده او نايمه مكشفه
فتصير تقلصات

[عذراء الجابري]

صباح الخير هلو عسولة

[عذراء الجابري]

حبيتي انجل بعيد الشر عنج و اذكري الله وتعوذي من الشيطان اللعين وغير جو بغير مكان

[عذراء الجابري]

حبيتي ام الق احنا بالهوى سوى اني هم ابو هداوي طلعلة مشروع من الرميلة بالبصرة الى المسيب يعني الصيف كلة يقضيه بالجول واجازته كل 14 يوم 7 ايام هايهية نتحمل من اجل خدمة وازدهار بلدنا الحبيب

[رويدة_ أم ألق]

السلام عليكم

شلونج عذورة؟ يعني زوجج هم موظف بالنفط؟
زوجي على أساس راح يتيغر دوامهم ويصير أسبوع دوام
وأسبوع بالبيت وعلى كولتج نتحمل .. وتصوري وصلت شغلة نقله للمحافظ وما كّدر يسويله شي

رحووبة ابن أختج عسل الله يحفظه

زينب وفادية سلامتكم ومتشوفون شر يارب

عسولة شلونج شطبختي اليوم؟

[عذراء الجابري]

هلو عمري ام الق
اي زوجي مهنس كهرباء وآلات دقيقية في شركة المشاريع النفطية ومقرها بغداد بس هذا مشروع ستراتيجي وكلش مهم للسيطرة على انابيب الغاز بالعراق وسلامتها من التخريب وانشاء الله اليوم يجي بالليل

[رويدة_ أم ألق]

اهاا الله يبارك بجهودهم يارب.

[ام بساسه]

هلاوووووووووووو بنات اشلونكم واخيرا نفتحت الصفحه يمي مال النت كلش تعبان واني مريضه كلشششششش وتعبانه وحدي الله يعيني بس واكمل هلايام على خير دعاوتكم بنات

[ام بساسه]

اخذت سوناارر وطلعت بنت ورحت اشتريت ملابس وراح اسميها ريماس هاي كل اخباري انتو شلونكم شخباركم والله اشكد احب اتواصل وياكم بس النت ابن الكلب ممخليني واعذروني

[عسل بغداد]

اهلا ام بساسه سلامتج عيني من المرض والف مبروك عالبنوته

[عسل بغداد]

هلو بيج رويده طبخت باميا وتمن مشتميتي ريحه الثوم ملت المنتدى

[رويدة_ أم ألق]

يا هلا هنودة الله يعينج ومبروك عليكم البنوتة يارب تجي بالسلامة

عسوولة شنو قلبي علمني وسألتج
حتى اني طبخت باميا وتمن بس نووو ثوم لأن ذاك اليوم حسيت قاسم ما تقبله
لج عيني حتى البصل شكد مهم وأحمسه زين هم ميحبه.

[o فرح عمريo]

مسائووووووووووو يااحلى بنات
شخباركم ان شاء الله تمام ؟؟؟؟؟؟؟

[ام نورهانه]

هلااااااااااا حبايب شلونكم اليوم عندي روحه للدكتورة فد بالاربع ونص اروح

طبعا نورهان دقتني لازمتلي دفتر الرسم والالوان وترسم خط وتكول ماما باعي هاي بطة اكلها اي رسمتلي خط ثاني وكالت هذا خروف ومرة تلخ خط اعوج وكالت ماما هذه بزونه بس لو اعرف شلون تعرف هذا حيوان ماادري ارسملها الشكل الصحيح ترجع ترسم خطوط وتكول عليه فد شي مدري شلون نظريتها للرسم وها تكون مقتنعه ان هذا الخط بزونه وذاك خروف وذاك بطة يعني تميزهم حاولت افتهم شنو الفرق بينهم كلها خطوط ماادري اليوم دوختني

[رويدة_ أم ألق]

ألوان مساء الأنوار شلونج؟

يااا الله صدقة أروحلها متتصورين شكد أحب سوالف الأطفال
وخصوصا هاي بنتج يمة مزروعة بقلبي وفد أحب اتابع سوالفها
ترى الطفل اله عالمه الخاص لا انت ولا اني نكدر نفهم شنو يدور ببالهم
خليها على قناعاتها لتحاولين تحسسيها هي خطأ
بعدها صغيرة مو زين منها ترسم وتحفظ كل خط شيمثل.

[اه من الغربة]

هلا اب احلي بنات مشتاقتلكم كلكم أخباركم الظاهر الوقه ما شرفت علي الدنيا بعدها تقول مرتاحة عند ماما ما اريد اطلع هسه ما تدري العالم منتظريها

فدوه ال قلبهم البنات حلوات و سوالفهم احلي منهم. ليش تلحين علي البنيه هي تعرف شنو دترسم أخبارج عيني فله و اخبار البيبي

باقي البنات شنو أخبارهم اعطوني الملخص

[عسل بغداد]

عاشت ايدج رويده والف عافيه
يممه فدوه لعيون الرسامات الفنانات
لعد لوشايفه رسم فرح ترسم دائره وبيها 600رجل تكلي هذا عنكبوت
والكتابه مسماريه اصليه
اه من الغربه هلو عيني شلونج

[مجنونة بحبها]

هلو بنات


رحاب ابن اختج يجنن الله يحفظه لاهله

هنوده منوره عاش من شافج
ومبروك البنوته ويارب الصحه والعافيه

ام نورهانه شتريدين من البنيه
تعالي شوفي بنونه تلزم القلم والورقه تشخبط واتكول
انونه حووووه صغنونه
عود كتبت هاي الجمله انا اخرب عليها من الضحك


حوريه وسجاوي ويمنى وزينب ومي شلونكم اخباركم


ايه وكوكي ومهاوي وام كرار ونجلاء ماكو يارب المانع خير

ام الوقه شوكت تجيبين تره طولتيها ههههههه


زينب انجل حبي سلامتج من الضوجه حبي

[مجنونة بحبها]

بنات شبيكم تخبطون بالحجي ههههههه

فوفو شلونج عيد ميلاد نورهانه سويتيه عيد ميلاد بنونه هههههه

عسل حبي فله تحجي على بتها رويده شجابها بالنص
بس عاشت ايدج ضحكتيني والله ههههههههههه

[مجنونة بحبها]

هلا فروحه شلونج اخبارج

[عسل بغداد]

قصدي عاشت ايد رويده عالباميا نسيت احط فاصل بينها وبين ام نورهان

[ام نورهانه]

هلااااا بالحبايب ستوني جيت من الدكتورة والحمد لله وضع النونيه زين بس عندي التهابات وطبعا زوجي معدي من عندي ولهذا مدنطيب لان ظالين واحد ينقل العدوه للاخ وتكول ماكو جماع فد عشرة ايام وبعدها للولادة يظل يلبس فلاش لان انتي لحمج كلش حساس وبسرعة يتأثر وانطتني كبسول وصابونه ومرهم وزوجي اربع حبايات كل اسبوع حبايه وكالت عيدي التحليل فد اسبوعين علمود نشوف البكتريا راحت
وكامت تحجي على وزني لان من ذيج المراجعه نفس الوزن 61 اصلا نازله 400 غرام بعد بس النونيه حجمها كلش زين وتكول انتي تظعفين وهي تسمن المفروض هسه انتي من بداية الحمل زايده اقل شي خمس كيلوات واني مزايده بس كيلو واحد عااااااا شسوي كولولي اكل اكل بس طبيعي لا قلة ولا اكثار وتكول هذا يضرج بعدين لان جسمج ينحل ويصير مبيج حيل للولادة وانطتني مشهي

[ام نورهانه]

تسلمين حبي ام الوقه وان شاء يوم الي تجي الوقة وتمليلج حياتج حركات وسوالف وشيطنه مثل العوبة بنتي تدرين اليوم دا اعاقبها وكعدت كان تكولي وهي بكل ثقة انتي تحبيني واني اخبول عود كلش حلوة ههههههههه خلتني متت من الضحك كتلها اي احبج تكولي لعد بوسيني بستها وكان تكولي ماكو عكاب عود ماكو عقاب هههههههه شلون لوتيه قشمرتني

ام بنونه فداوي البنونه اني نورهان شخابيطها فد شي مو طبيعي هسة فد يوم اصور الدفتر مالتها هههههههههههههه

هههههههه ولج سجاوي فدوه للبنوته ام الكتابة المسمارية ههههههه

[مجنونة بحبها]

اسفه عسوله انا قريت غلط ههههههه سورررري

[مجنونة بحبها]

هله ام نورهانه حبي كثري بالكلات البيها فايده
هاي انتي مثلي بحملي ببنونه صرت جلد وعظم
وهيا كلما اسوي سونار اتكول اكبر من عمرها جبيره
بس جانت بطني صغيره ومحد يصدك يكولون راح تجيب عصفور
وعن اللتهابات سلامتج
تعالي انا مايصير عندي التهاب بلشسمه
ومن رحت للبنان فحصتني دكتورتين واثنينهم كالوا نظيفه
بس اشو اول مرجعت لبغداد صارت عندي حكه مو طبيعيه
ولحد هسه موجوده وكاعد اخليلها عصاره كوادرديم
احسن بس بعدها موجوده حتى لباس مألبس كمت من الالم



وعن نورهانه حبيبه قلبي مثل بنونه بنونه مفكرتين يخبلن اثنينهن كتبت بيهن ولا تركت صفحه
ولا خلت لاحايط ولا قنفات ولا اي شي بالبيت حتى لعباتها ترستهم شخابيط
انونه حوووووه صغونه

يعني بنونه حلوه صغيرونه

[zena]

هلوووو بنات شخبااااركم

[zena]

اليوم حرامات نحرك السيم كارت مالت موبايلي وجان بي رصيد رجعت شتريت سيم جديد وكاعده اعبي رصيد من النت وكتبت رقم موبايلي غلط وراح الرصيد الغيري وراحت فلوسي

[فوفو العراقية]

مساء الخير
شلونكم حبايب

شكرا الكم على دعائكم الي بالسلامة
اني هسة احسن
الحمد لله
زوجي خلالي صفار بيض لظهري
وبعدها دخلنة ساونا ودلكلي ظهري عشر دقائق وسبحت صرت احسن

شلونكم كلكم؟
شخباركم؟

[ام نورهانه]

هلا حبي فوفو منتبهت خير شبيج اسم الله عليج قلبي طمنيني

هلااااا حبي زينه شلونج وشلون الصغيرة

[zena]

حبيبتي ام نورهانه الله أسلمج وعندج العاافيه. ً

[zena]

فوفر سلامتك وخيييير شبيج!!

[zena]

من رخصتكم بنات اروح انيم بنتي كلش تعبتني وفوكاها ترشح ومنحسه كللللش

[روضانيه]

هلا بنات مشتاقوووووووووووووووون

اليوم والحمدلله غشيت بالامتحان لعدشسوووووووووي امتحان كوله على الدماغ واني حشاكم سطل عفوا سطله خخخخخخخ
المهم يلا اتفضلووو اكلووووويايه اشون تكي عسل كووولش حلوووووووووو

[أم أيهومي]

السلام عليكم ورحمة الله وبركاته
اشلووووووووووووووووووووووووووووووووووووووووووووووو وووووووونكم حبايب مشتاقتلكم موتات هوايات كولشات
واسفه للانقطاع والله امتحانات دك على راسي والاثنين هذا راح تبدي امتحانات اخير السنه
ادعولي بالنجاح والتفوق
يارب الكل ابخير مقريت بس هاي الصفحه بوساتي الكم وحده وحده

[رويدة_ أم ألق]

مساء الورد

تسلمين فلة إذا هي هالشكل تسولف بعد يا عقاب يخطر ببالج هههههه

فادية الحمدلله على سلامتج

زينة نوم العوافي لهلونة.

[رويدة_ أم ألق]

عليكم السلام نجوولة شلونج

مشتاقيلج كلش بس ما أسجلج وية الغياب أعرف ظروفج ههههه

يارب موفقة باذن الله

شخبار زوجج إن شاءالله صحته زينة؟ وأيهومي الحلو شلونه؟


حوراء بألف عافية لا عيني حقج أنت شجابج على الدماغ وين تعرفيه هههههه

[فوفو العراقية]

ام نورهان
و
زينة حبايبي شلونكم
الخير يصيبكم
ماكو شي حبايب... بس من كعدت الصبح من النوم والم قوي عندي
بالرحم والمحالب وتقلصات والم ظهر قوي كلش.

بس الحمد لله هسة زينة
انتو شلونكم.

[أم أيهومي]

هلو ريري حبي والله اني الاشوق والله زوجي بعده نفس حالته والحمد لله وايهومي تعبني والله ديسنن وبس يفرك بسنونه وماكو شي واسهال وزواع وديته يوميه اوديه لدكتور ودكتوره بدله الحليب انطاه سيميلاك اشويه اتوقف التقيؤ (العفو )
وضعفان حبيبي والله لوتدرون بحالتي جان بجيتو عليه واتمنيت اني ماخذه ارقامكم واتصل بيكم واحجيلكم لانه كلش احتاجيتلكم
ومجان عندي نت اعرف اخباركم ريري الله عليج فد ملخص سريع اعرف اخبار الحبايب

[رويدة_ أم ألق]

اي بعيوني ادزلج ملخص على الخاص
وسلامتكم كلكم يارب .. الله يعينج.

[فوفو العراقية]

ولج رويده بعدج هنا؟؟؟؟؟؟؟؟؟؟؟؟
كل يوم اكول اليوم راح تنزل صورت البيبي وتكول جبت اني ترااااااااااااااااااااااااااا
هههههههههههههه
حبيبتي شكرا الج ربي يسلمج من كل مكروه ويحفظلج احبابج وينولج مناج.

ام ايهومي الحمد لله على سلامتج قلب
سالت عنج كم مرة ومحد كالي وين اراضيج هههههه
ويارب من الناجحين
ولو الغش ممقبول ومن جد وجد
بس الله يكون بعونج والله ... انتي وكل البنات الي حوامل وعدهم اطفال وعدهم امتحانات.
موفقه قلب.

[رويدة_ أم ألق]

ههههههه فادية بنتي ملتزمة بالمواعيد مثل أبوها
متريد تجي إلا على الموعد.

[أم أيهومي]

تسلمين فوفو دلب شخبارج حبي والله مشتاقتلكم كلكم موت شبيج حبي خيرج سلامتج حبحب

[مي &]

هلو بنات شلونكم شخباركم مشتاقتلكم
هوايه هوايه

عدنه خطار اليوم ودك شغل من الصبح لحد هسه
وهسه ميته موت من التعب وفوكاهه ابرار بس تبجي اتريدني بس اشيلهه

وهذا الشغل ميخلص

سلامي للكل

اترخص منكم اروح ارتاح

بس حبيت اسلم عليكم

[مجنونة بحبها]

ابن الحلال بذكره هلا نجوله يوميه على بالي واليوم سألت عنج اختفيتي انتي ومهاوي
شلونج وشلون ايهومي حبيبي سلامه كلبه
مشتاقتلج مووووووووووووووووووت



فوفو ماتشوفين شر وعندج بس العافيه


زينه يله فدوه الج الرصيد


حوريه فشلتينه الغشاشه
الله محب الغشاش هههههههههه هاي اغنيه على كراميش

مي الله يساعدج هو الشغل يخلص اسم الله

[o فرح عمريo]

مساء الخير والعافيه ع الكل
شخباركم ان شاء الله تمام
ام بنونه , عيوني اني بخير اسأل عنج انتي شلونج ان شاء الله تمام
ام نورهانه شخبارج عمري ان شاء الله بخير
وتحياتي واشواقي للكل

[o فرح عمريo]

رويده حبي اني بخير اسأل عنج انتي شخبارج ان شاء الله تمام ,, ام بنونه شخبارج مشتاقتلج وشخبار بنونه ان شاء الله بخير
تحياتي الكم ولكل البنات

[o فرح عمريo]

بنات بعد عشرين يوم من الاجهاض نزل علي دم وحسبته دم دوره بس استمر لمدة سبع ايام والبارحه صار ويايه نزيف شديد رحت للمستشفى اخذت سونار وطلع معاي بقايا من الجاره ورحت للدكتوره انطتني حبوب وكالتلي خلال ست ايام اخذي سونار واذا مانزلت اسوي كورتاج بس اني خايفه كلش من الكورتاج ادعولي بلكي ينزل واخلص منه ولله تعبت نفسيا

[o فرح عمريo]

مي سلامتج من التعب متشوفين شر ان شاء الله

[زينب السعدي]

هلو بنااااااااااااات شلونكم كلكم اليوم ملتهية كله شغل وتحضير للنقلة انشالله يوم الاثنين يجي اللوري وينقل الغراض ونروح نبات هناك والاثنين يخلص اشتراك النت وحنعوفه ومن نروح للبيت للجديد نحول ع غير منظومة بس مو راسا يعني راح اظل فترة مااشوفكم واشتاقلكم
فروحة شوفي عيني اني راسا سويت كورتاج بس مع ذلك اول ايام كان نزفي طبيعي مو هواي حتى اقل من الدورة ظليت 15 يوم ع هالوضع وبعدها نزل عليه نزف كلش قوي وكالو عادي هالشي واخذت سونار كالو معندج شي كله نظيف بس بقيت 12 يوم انزف يعني شي ع شي 27 يوم يلا توقف النزيف مع العلم اني مسويه كورتاج ورحمي نظيف عجباه انت ممسويه كورتاج فشي طبيعي هالشي هاي اولا ...ثانيا الكورتاج بنج عام وكلشي متحسين بس اول متفوقين من البنج تحسين بدوخة ووراها عبالك انفلونزا وكل هذا بتاثير البنج العام بس بغير مكان ماكو شي يؤذي
وانصحج اذا مانظفتي زين سوي كورتاج لان اذا بقت وساخة ممكن تسوي انسداد بالانابيب وراح يمنع الحمل عندج عود بعدين ينظفولج الانابيب وتنتظرين فترة يلا يصير ...وانشالله ميصير الا الخير

[فوفو العراقية]

تسلمون حبايبي ربي يسلمكم.

فرووحة حبي الف سلامة عليج
لا تخافين من الكورداج اني مسويته 3 مرات
بنج عام وتخلصين من الدم بالرحم والنزف بفترة اقل
اصلا اني انصحج بي لان كلش مهم تسوي بعد الاجهاظ
وخصوصا المشيمة دمها موزين يضل وهذا معروف
فلا تخافين ولا تترددين
وسوي الكورداج عادي وحتى تحملين بسرعه بعده.

[زينب السعدي]

يبوووووووووووووووووووووووووو
يا لهوووووووويييييييييييييييي

[زينب السعدي]

http://forum.hwaml.com/imgcache2/hwaml.com_1337289262_388.jpg


رحم الله الفنانة
وردة الجزائرية

واسكنها فسيح جناته خخخخخخخخخخخخ


لا عزلت الجنة لعد

[o فرح عمريo]

هلو بنااااااااااااات شلونكم كلكم اليوم ملتهية كله شغل وتحضير للنقلة انشالله يوم الاثنين يجي اللوري وينقل الغراض ونروح نبات هناك والاثنين يخلص اشتراك النت وحنعوفه ومن نروح للبيت للجديد نحول ع غير منظومة بس مو راسا يعني راح اظل فترة مااشوفكم واشتاقلكم
فروحة شوفي عيني اني راسا سويت كورتاج بس مع ذلك اول ايام كان نزفي طبيعي مو هواي حتى اقل من الدورة ظليت 15 يوم ع هالوضع وبعدها نزل عليه نزف كلش قوي وكالو عادي هالشي واخذت سونار كالو معندج شي كله نظيف بس بقيت 12 يوم انزف يعني شي ع شي 27 يوم يلا توقف النزيف مع العلم اني مسويه كورتاج ورحمي نظيف عجباه انت ممسويه كورتاج فشي طبيعي هالشي هاي اولا ...ثانيا الكورتاج بنج عام وكلشي متحسين بس اول متفوقين من البنج تحسين بدوخة ووراها عبالك انفلونزا وكل هذا بتاثير البنج العام بس بغير مكان ماكو شي يؤذي
وانصحج اذا مانظفتي زين سوي كورتاج لان اذا بقت وساخة ممكن تسوي انسداد بالانابيب وراح يمنع الحمل عندج عود بعدين ينظفولج الانابيب وتنتظرين فترة يلا يصير ...وانشالله ميصير الا الخير

هلو زنوبه عمري ان شاء الله ياربي عتبته خير عليكم البيت وتشوفون كل خير وسعاده بي
واحنه هم رح نشتاقلج هوااي
طمنتيني الله يريح كَلبج
انتظر اسبوع وذا ظل شي رح اسوي كورتاج ان شاء الله
تحيتي الج وشكرا ع الرد ياغاليه

[o فرح عمريo]

تسلمون حبايبي ربي يسلمكم.

فرووحة حبي الف سلامة عليج
لا تخافين من الكورداج اني مسويته 3 مرات
بنج عام وتخلصين من الدم بالرحم والنزف بفترة اقل
اصلا اني انصحج بي لان كلش مهم تسوي بعد الاجهاظ
وخصوصا المشيمة دمها موزين يضل وهذا معروف
فلا تخافين ولا تترددين
وسوي الكورداج عادي وحتى تحملين بسرعه بعده.

فوفو عمري تسلمين طمنتيني
ان شاء الله رح اسوي اذا احتاجيت اله
تسلميلي ع الرد ياعمري

[o فرح عمريo]

انا لله وانا اليه راجعون

[رويدة_ أم ألق]

هلاوو بنات

صدك وردة الجزائرية ماتت!
الله يرحمها ويغفرلها يارب
والله كانت صوت واحسااااس .. كلش أحبها

ألوان ربي يعوضج خير منه وعندج العافية

زنوبة الله يساعدج وإن شاءالله نقلة خير عليكم.

[أم أيهومي]

زنوبه انتي ومي بالجذب ردوا السلام الظاهر ميعجبكم اتردون عموما شكرا

[o فرح عمريo]

هلو رويده ولله اني منا عرفت بعد ماادري شكو ماكو
وربي يسلمج ويخليج عالدعوه الحلوه
تحياتي الك ياورده

[o فرح عمريo]

مرحبا ام ايهومي شخبارج ان شاء الله تمام
انا انضميت معكم جديد واسمي فرح
اتشرف بمعرفتك
تحيتي وودي

[عسل بغداد]

هللللللللللللو اكو احد احده

[عسل بغداد]

كلهم ناموا بقيت وحدي كاعده

[عسل بغداد]

تصبحون على خير

[عسل بغداد]

زنوبه حبي انشالله البيت عتبته خيرعليكم يرزقكم الذريه الصالحه راح نشتاقلج

[نعومه التميمي]

مرحبا بنات شلونكم اخباركم مشتاقتلكم موت
رحت للعراق بقيت 3اشهر وصار شهر من رجعت بس ماجان عندي نت
وبل لعراق ماكو مجال ادخل انشاءالله من افراغ ادخل اسوالفلكم
انتو شنو اخباركم
امونه وايه ويسرى ورحوبه وعلياء ووام حمودي وام ايهومي كوكي و زينب السعدي وباقي البنات
اخباركم بوساتي وبسوات دمدومه

[زهرة النرد]

مرحبا يا بنات شلونكم يا رب الكل بخيررررررررررر

امانة تدعولي ربي يثبت حملي ويتمللي بالف خير

[مجنونة بحبها]

جمعه مبااااااااااااركه على الجميع



فروحه حبيبتي التنظيف مثل مكالوا البنات بنج عام ومتحسين بشي بلعكس
انا 5 ايام ووكف الدم عندي ومرتين سويته ومره وحده مسويته وجلبت بيها التكيسات وبطلاع الروح يله
خلصت منهن انا ماريد اخوفج بس انتي شوفي حالتج ولاتخافين من الكورداج انا ثاني يوم كمت انظف واطبخ
وعشت حياتي



فوفو شلونج حب



ام ديمه حبيبتي مشتاقين وانتي دايما على بالي الله شاهد انتي ويسرى هم اختفت
وبعد معرفنه اخبارها
هسه شلونج وحمدلله على سلامتج وشلون ديومه اريد اشوفها كبرت شلون صارت



باقي البنات شلونكم اخباركم

بنونه تبجي ومتخليني اكتي بااااااااااااااااااااي

[توتايه]

عاااااااااااااا ولج هاي منو وئام حبيبتي مشتاقتلج كوووووووووووووووووووووووووووووووووووووووووووومه شخبارج الحمدلله على سلامتج ماكو يسرى والله بالي يمها شلونج وشلون دمدم

زهره الله يثبت حملج ويرزق البنات يارب


شلونج امونه حبيبتي انتي بعدج بلبنان لو رجعتي ومكلتي شصار ماصار

جمعه مباركه على كل البنات يارب

مشتاقتلكم كلكم بدون ذكر اسامي

[White angel]

صباح الخير
خلص أني قررت آفوت مستشفى المجنانين من وره زوجي
لكم خبلني يتعارك على لاشي
يعني البارحه عراك ومشاكل للصبح
واريد افتهم شكو
يكولي لاتنزبرين بوجهي
يعني خبلني ع الاخير
البارحه عقدنا الاخويه ومسوين حفله وبسببه دموعي بعيني
بنات فدوه نصحوني حنجن
يعني رحت وحضنته داير لي ظهره
بسته يدير وجهه
وكل دقيقه يستغفر عبالك شايف شيطان
متت انجنيت
مشكلتي احبه وأموت من دونه
والا تركت له البيت ورحت
ادري اكوله الخاطر ابنك يكولي هيج من ابني
تخيلو من رحنا نعقد ساعه الطريق طبعا ب الروحه والرجعه خلصتها بس بواجي
يكولي هذا ابنج راح يطلع معوق بسبب العوي مالتج
راح انجننننننننننننن

[مجنونة بحبها]

ايوته شنو السالفه يوميه اجاوبج وتفالتين ههههه
رجعت السبت حبي وانتظر نتائج التحاليل حتى نقرر شنسوي


زينب انجل حبي طولي بالج كلها الزلم هيج تعالي شوفي زوجي
كعدت ويه الصلاه عجنت العجينه وصليت والساعه سبعه سويتلها الفطاير
ويتعارك وياي يكلي وين جنتي هسه يله خلصتي وهسا الساعه بلسبعه وربع
والله بجيت كام يصيح شبيج حاهل محد يفتح حلكه
كتله وانا شسوي ميعجبك لو العجب
وكلها انا مقصره وعفته شسوي اذا هما ميحسون
والنهار كله يتحجج كمت اعوفه يحجي وحده يتعب ويسكت
انتي حامل النفسيه تكون تعبانه فلاتقهرين نفسج

[مجنونة بحبها]

زهره الله يثبت حملج


زينب ان شاء الله هذا البيت خير وبركه عليكم
ولاتطولين راح نشتاقلج

[روضانيه]

صباحالخير رررررررررررررررر اشونكم بنات
جمعه مباركه ع الجميع
زهره الله يثبت ويتممم حملج امين يارب العالمين
زنوووووووووووبه لاحبيبتي متفيد العصبيه اهم شئ صحتج وانتي حامل هسه
وزوجج نفس ازواجنا كولنا تجيهم ايام عسل وايام يصيرون بصل
اني محمد صار يومين عصبي
والبارحه بس صاح عليه راسا بجيت (بس جنت بيها اني الغلطانه عقدته ههههههههه)
المهم ضل ايسوووويلي يلا يلا اسكتي واني رحت للغرفه وزعلت (طنكرته)
صايره الكلمه مااتقبلها من اي احد لان مشتاقه لاهلي رح يطك قلبي
حتى ب امتحاناتي مجاي اركز
اي اموووون عذوره نعووومه فرووحه فوفو زنووووووووووووب 2 رحووووووب ميووووش عسووول
رويده خانم حامل صارلها سنتين امنورهان السكر ام ايهووومي رحوووم وكل البنات اشونكم

[روضانيه]

اها فطاير يووووووووومه اريد حصتي يلا امووووووووون
صايره اكل الطفه اني خخخخخخخخخخخخخخ

[فوفو العراقية]

صباح الخيررررررررررررر
http://forum.hwaml.com/imgcache2/hwaml.com_1337328515_178.png

شلونكم حبايب وحده وحده؟؟؟
عساكم بخيرررر يارب

[فوفو العراقية]

هلوووو حبي امونة
اني زينة انتي شلونج

شلونكم كلكم البنات
رويده
زينب السعدي
زينب السويد
ام نورهان
ام ايهومي
توتو
روضانية
ام زهراء
رحاب
فروحة
روح
نورس
عسولة
و............... منو بعد نسيت اذكر اسمة؟؟............؟؟؟
...كـــــــــــل البنات بدون اشتثناء
شلونكم حبايب؟ وشخباركم؟

[روضانيه]

هلا ب فوفو اخبار المغص بشريني ان شاء الله راح
وصحتك تمام اليوم

[عسل بغداد]

صباح الخير والاحساس والطيبه
جمعه مباركه عالجميع

[عسل بغداد]

شلونج حبي فوفو شلون صرتي

هلللللو حوراء مشتاقتلك كتاكيتك شلونهم

[روضانيه]

صباح العسل عسوووووووووول وينج مختفيه \
شكووووش ماكووووش

[عسل بغداد]

البارحه شهتني امونه عالفطاير اليوم سويتها عالريوك تفظلوا

[روضانيه]

هلا عسوووول الكتاكيت ايبوسون ايدج (اينكروووها )
لو شايفتهم اشكد وكحين طالعين على ابوهم محمد مشيبن راسي خخخخخخخخخخخخخخخ

[عسل بغداد]

وج هو اني المختفيه لو انتي يوميه ادخل وانتي ماكو يعني اوقاتنا متضبط سووووووا

[عسل بغداد]

يمكن صاير فايروس بالرياجيل مال خبال
صارلي يومين اريد اطلع وميقبل

[روضانيه]

هايه شنو كولكم مسوووين فطاير
اني اشتهيت كيك ح اسووووووي واذا اتحبووون ادز الكم صحن فارغ خخخخخخخخخخخخخخخخخخخخخخ

[روضانيه]

عسووول عدنا وعندج خير

اني صار كوووووووووووووومه مطالعه وياه وصار يومين بس يزمخ

[عسل بغداد]

كومي سوي شعايزج ايد رجل لو بس با...........شاطره

[عسل بغداد]

والله تجيهم جنيه قبل كم يوم من جان علاوي عنده امتحانات يوميه يكول خلي اطلعكم
والبارحه ميقبل مزااااااااااااااااااااااااااااج
عنفوصي

[عسل بغداد]

انتي خلصتي امتحانات لو بعدج

[روضانيه]

ههههههههههههه عسووول والله ضحكتني
بس مواشطر منج خخخخخخخخخخخخخخخخخ سويلي ودزيلي بالبلوتوث
مزاج عنفوووووووصي جديده ترى خخخخخخخخخ

اني اصلا ماايكووول نطلع
وبس نطلع انروووح لاقاربنا ياعيني اكوووو احلى من هيج

[روضانيه]

لا عسوووول والله ماخلصت الامتحانات النهائيه تبدي 22 /5
وهسه دا نمتحن عملي وكووولش تعبت مجاي اللحك
بس يلا دا اطبق مبدا الغش طريقك الى النجاح خخخخخخ

[عسل بغداد]

خاصه اذا الاقارب مو هلكد الواحد يرتاح ويتونس

[روضانيه]

خلي اشووووووف الغده وارجع
عن ازنكم >> اذنكم لو خشمكم خخخخخخ

[روضانيه]

يلا حووووبي عسووول اروح اكمل غده
ان شاء الله نحجي مرة لاخ بيباي

[عسل بغداد]

كل الكسالى يطبقون هذا المبدأ
كسولللللللللللللللللللللللللللله

[مجنونة بحبها]

اناااااااااااااااااااااااا اجيت ببببببببببببببببخ

[عسل بغداد]

الله وياج ديري بالج لتنجوين بالبخار مال الجدر

[عسل بغداد]

يمممممممممممه جفلتيني

[عسل بغداد]

اليوم حماتي راحت تجيب خطيه دخلت بالعاشر وماعدها ولاده
يمكن تسوي عمليه الله يسهللها ولام الق وكل حامل

[عسل بغداد]

اكو احد لو اروح اشتغل

[مجنونة بحبها]

رحت قريت الصفحات واجيت هههههههههه

حوريه زوجي يحب الفطاير والبارحه اشتره كيلو جبن مورتزيلا حتى ماكله خلصت هههههههه
تعالي تستاهلين بس انا من الرزايل ماصورتهن ومستعجلهه هههههههه


هلا عسوله حبي لعافيه الفطاير


هلا فوفو

[مجنونة بحبها]

يله راح تصير صلاه اروح اتحضرررررررررررررر

[عسل بغداد]

الله يعافيك امونه الغاليه
صارلي فتره تاركه المطبخ علكد الوجبه الرئيسيه
اليوم فروحه تكلي ااااي ماما كامت تسويلنه اكل طيب

[عسل بغداد]

اني هم اروح ولنا لقاء بعد الظهر

[روضانيه]

تـــــــــــــــــــــــــــــــــــــــــــــــــ ـــــي وجان اجي
اموووووووووون حقج خيتي من الرزايل مشايفه دربج خخخخخخخخخ

[*بنوتة عراقية*]

سلام عليكم انا عضو جديدة معاكم وحامل صارل شهرين ونص
هل تقبلوني معاكم؟hwaml7

[روضانيه]

هلا بنوووووووووووتة نووورتي مبروووووووووووووك ع الحمل
يلا عرفينا عن نفسج السيفي تبعك

[*بنوتة عراقية*]

مشكورة روضانية على ترحيب
انا من عراق بس حاليا في السويد
ومتزوجة صارلي 3 سنوات والحين صار حمل صارلي شهرين ونص

[مجنونة بحبها]

ااااااااااااااااااااجيت

حوريه اي شفتي مسطوره سطر هههههههههههه


بنوته منوره هلا وكل الهلا بيج

اتفضلي خل اصبلج جاي

[*بنوتة عراقية*]

حبيبة ماما
مشكورة حبيبتي على ترحيب
ههههه بس انا ماحب جاي هسة بحمل مو كلش ويا بس وقت ريوك
بس قبل الحمل يووووووووووووووو اكلاصات اشرب ههههه

[مجنونة بحبها]

http://ts1.mm.bing.net/images/thumbnail.aspx?q=4567139947054112&id=84325c812a5f939523c99ce7e00264f6


اتفضلي عيني بنوته بس انا ماحب الجاي ههههههههههههه

[*بنوتة عراقية*]

ههههههههههه
مشكورةةة يووووووووو كل هذة انا اشربة مو كلنا ما انحبة لو احبة شلون كان اكثر من هذة ههههههه

[*بنوتة عراقية*]

اريد اسألكم على اي حساب تمشون؟حساب سونار ولا حساب الدورة؟

[مجنونة بحبها]

يله ولا يهمج انا هم ماحب الشاي

اتفضلي



http://ts3.mm.bing.net/images/thumbnail.aspx?q=4900072921170706&id=88764943905c8a2886dce7b248923ada


http://ts3.mm.bing.net/images/thumbnail.aspx?q=4924988030911102&id=660d2544e5086e3503dd708b116192a5

http://ts4.mm.bing.net/images/thumbnail.aspx?q=4803809821853127&id=2d0248b5f45a9cdf2eb9dcf86d45fe1c

http://forum.hwaml.com/imgcache2/hwaml.com_1337336262_532.jpg

[رويدة_ أم ألق]

السلام عليكم بنات وجمعة مباركة

اليوم صحيت ساعة 6 على اساس نروح نزور الأمير اني وخالتي
بس لكيتها تعبانة من معدتها .. ويمكن نأجل الروحة للعصر ولو ازدحام فظيع وهم ماراح أكدر أزور

حوري متت من الضحك اي صدك عبالك صارلي سنتين حاااامل

عسولة تسلمين عيوني وربي يسهل على زوجة أخوج

زينب آنجل إذا يعرف الجنين يتأثر بالبكاء ليش مايخلي هذا الشي باعتباره!
بنات انتو صدك نعمة وأزواجكم محاسين بيكم
وحدة تصالحه وهو مبجيها والثانية تسويلها فطائر وكاعدة من ال6 ومعاجبه

هاي لو آني الله وكيلكم ما أتحمل
ويمكن الله يحبني انطاني رجال على مزاجي هههههههه

[رويدة_ أم ألق]

فادية الله يبارك أيامج شلونج اليوم؟

زهرة الله يتمم حملج على خير وبركة

بنوتة تشرفنا بمعرفتج عيوني

كل البنات تحياتي وسلامي ماراح أنساكم اليوم من الدعاء عند الأمير سلام الله عليه.

[مجنونة بحبها]

http://forum.hwaml.com/imgcache2/hwaml.com_1337336463_225.jpg


http://forum.hwaml.com/imgcache2/hwaml.com_1337336461_795.jpg


http://forum.hwaml.com/imgcache2/hwaml.com_1337336458_872.jpg




هلا رويده منوره تفضلي ويانه http://forum.hwaml.com/imgcache2/hwaml.com_1337336460_805.jpg


http://forum.hwaml.com/imgcache2/hwaml.com_1337336461_313.jpg

http://forum.hwaml.com/imgcache2/hwaml.com_1337336459_962.jpg


http://forum.hwaml.com/imgcache2/hwaml.com_1337336460_243.jpg

[*بنوتة عراقية*]

حبيبة ماما
الله احلا شي والله هههههههههههههه خوش غداء مادري شسوي راح اخذهم ههههههههه

[*بنوتة عراقية*]

لا حلو كرهتة ماحبة بس موالح هههههههههههههه

[مجنونة بحبها]

يله بنوته عوفي الشاي واتفضلي فطاير

[*بنوتة عراقية*]

http://forum.hwaml.com/hwaml/misc/11x11progress.gif رويدة_ أم ألق http://forum.hwaml.com/hwaml/misc/11x11progress.gif (http://forum.hwaml.com/u39241.html)
مشكورة حبيبتي

[*بنوتة عراقية*]

http://forum.hwaml.com/hwaml/misc/11x11progress.gif رويدة_ أم ألق http://forum.hwaml.com/hwaml/misc/11x11progress.gif (http://forum.hwaml.com/u39241.html)
وين بلعراق عايشة ؟

[مجنونة بحبها]

اي حبي هاي كلها فطاير موالح مو حلوه

الف عافيه

يله اخذي بس بقي للبنات خطيه هم حوامل وياج هع هع

[مجنونة بحبها]

اتفضلي برتقال طبيعي


http://forum.hwaml.com/imgcache2/hwaml.com_1337336780_941.jpg


ترى زين للحوامل كله فيتامين سي

[*بنوتة عراقية*]

ههههههههههههه اي عادي انا راح اكل واشوف يلي يزود انطيهم هههههههه

[*بنوتة عراقية*]

كنت اموووووووووووووت على برتقال بس الحين كلش ماحبها هههه
ماكو شي ما كرهتة في حمل

[مجنونة بحبها]

ها واذا متحبين البرتقال هذا فراوله يممممممممممممم

http://forum.hwaml.com/imgcache2/hwaml.com_1337336859_334.jpg

[رويدة_ أم ألق]

الله .. شنو هالاختيارات الظالمة ايمان ههههههه

بنوتة نمشي عليهم اثنينهم ولازم يكونون متطابقات
اني حسابي وحساب السونار نفس الشي.

[مجنونة بحبها]

راح اروح اجه زوجي بااااااااااااااااااي

[*بنوتة عراقية*]

انا فرق بين سونار ودورة بس اسبوع

يعني على سونار حامل اسبوع 10
من دورة الان حامل اسبوع 11

[*بنوتة عراقية*]

هههههههههههههه ولج شنو هااااااااااااااااي كافي شهيتينا ههههههههههههههههههههه

[رويدة_ أم ألق]

بايات أمونة
والله بعد ما أعرف يا بنوتة
الله يكتبلج السلامة .. أنت شكد عمرج؟

[عذراء الجابري]

سلام عليكم
وجمعة خير وبركة و ايمان وتقبل الله الطاعات
اهلاً بيج بنوتة منورة المنتدىhwaml7hwaml7

[*بنوتة عراقية*]

انا بعد شهر ادخل 26

بس دكتورة كالت بأسلوع 18 لمن يسوولي سونار هذا الساعة نحسبها على سونار ويكون اضبط

[رويدة_ أم ألق]

عليكم السلام والرحمة عذراء والله يبارك أيامج

بنوتة العمر كلــــه .

[*بنوتة عراقية*]

مشكوووووورة حبيبتي

[عذراء الجابري]

يمه ؟؟؟؟؟؟؟؟؟؟؟؟ هاي شنو الصورة اللي سدت المنتدى سد
اهلا بيج حبيبتي ام الق

[روضانيه]

بنات رح افخخ نفسي واخلص
ضايجه حيل ضايـــــــــــــــــــــــــجه

[روضانيه]

حضرته طلع ولاهمه ولاحتى كلي اطلعين ويايه
شافني ضايجه خله وراح لاهله
شااخبار الرومانسيه >>>>>>همين هجروووهااااااا
سووويت كيك وكريم ومااكلت
لعبانه نفسي صار اسبووع من البيت للدوام وهسه عطله وهمين بالبيت محبوووووووسه

[نعومه التميمي]

مرحبا بنات منو موجوده

[نعومه التميمي]

وينكممممممممممممممم اشو ماكو احد

[روضانيه]

هلا نعوووم مراحب خيتي

[نبضات قلبه]

مرحبا بنات


اني بصراحة كنت ابحث عن موضوع و بحثي جابني لهذا المنتدى
ومنها دخلت وشفت تجمع بنات العراق فـ قريت كومة صفحات لمن تعبت
ومن صدك حبيت صداقتكم + اخوتكم اللي جمعتكم هنا

ولذلك قررت أسجل والله بس حتى أكون وحدة منكم...


المهم هذا ملخص وجودي هنا

:)

[نعومه التميمي]

هلو روضانيه شلونج وشخبار الحمل وباي شهر هشه
منوره نبضات قلبي شلونج اهلاوسهلا بيج

[روضانيه]

هلا نبضات نووووووووووووورتي حبيبتي
يلا هاتي السيفي تبعك

ومن هسه ترى ماكوووووو ملخصات بعد اوووك كوووله بالتفصيل الملل خخخخخخخخخخ

[روضانيه]

نعووووووووووومه هشه اني المفروض بالاسبوووع العاشر لو التاسع ماادري خخخخ
اي طمنينا عن اخبارج انتي

[نبضات قلبه]

نعومة وردة تسلميلي النور اكيد نورج...



روضانية هلا بيج وردة تسلميلي هههههههههههه وهاج التفصيل الممل للسيفي مالتي:


أسمي نبأ
عمري 23
توقفت عن الدراسة مدة 3 أسنين لأسباب والحمد لله عدت من جديد وناوية ادخل طب علم الاحياء
متزوجة قبل 8 اشهر وهاي قصة لوحدها يرادلها نسكافيه وكرزات ههههههههههههههه زواجي تم بصعوبة بعد مشاكل كبيرة.
زوجي بالعراق واني بالدنمارك بس اجى قبل سنة لدنمارك حتى نتزوج...
وقبل شهر هيجي عرفت نفسي حامل لان جان عندي سترس فـ اصلا ما جنت متوقعة الحمل وما جنة مخططين اله... الحمد لله على كل شئ...

هممم بعد شبقى؟

[روضانيه]

هلا ب نباوووووووووووووووووي شرفتينا حبيبتي
واني حوراء متزوجه همين من 8 اشهر مواليد 89
كملت هندسة حاسبات وهسه دا ادرس تقنيات اجهزه طبيه
جامعة اهليه
وهسه ساكنه ويه زوجي بالناصريه وبث

[روضانيه]

نباوووووووووووووووي صدوووووووووك مبروك على الحمل خيتي
واني بعد تم بصعووووووووووبه وهم ينراد له سطل مالت كرزات خخخخخخخخخ

[نبضات قلبه]

هلالالا بيج حبيبتي

مبروك الزواج و عفية عليج شطورة والله...

حلووو اني اخت زوجي راح تتزوج بعد اسبوع او اكثر همات بالناصرية...

الله يبارك بيج والله اني زواجي تم بصعوبة بس حملي جنة ما نريد وما مخططين بس بعد نعمة من الله...

وزواجي قصته والله يرادله سطل كرزات عودين من اجيب اعزمج واسولفلج ههههههههههههههه


اكولج على شنو دا تتنسين هسة؟

اني راح انجلط واجلط الطفل وياي من الحامض حتى ريوكَي هذاك اليوم ليمونه اتخيلي حسيت نفسي ازوحرت هههههههههههههههههه

[رويدة_ أم ألق]

هم مديت راسي أشوف شكو ماكو

مراحب نبأ
اني رويدة مواليد 83
من ديالى ومتزوجة بالنجف صارلي 11 شهر
وحامل صار سنتين ههههههههههههههه
هاي روضانية تكول مو اني


أكلج حوري وين راح تفجريها اختاري مكان حلو وبيه خير

نعومة منورة.

[نبضات قلبه]

هلا بيج رويدة
العمر كله يا رب
مبروك وان شاء الله تكَومين بالسلامة
ههههههههههههههه خطية والله اني هسة راح ادخل الخامس واحس كلشي ثكَيل بيه الله يساعدج

[مجنونة بحبها]

كملت غده واجيتكم

بنونه ابوها مشتريلها مرجواحه وهسه خابصتنه خبص


نبأ عيني منوره هلا وكل الهلا بيج

عذراء منوره

وئام هلو حب تعالي سولفينه القصه مات السفر
وشكو ماكو

[مجنونة بحبها]

رحتوا لو بعدكم

[*بنوتة عراقية*]

نعومة وردة تسلميلي النور اكيد نورج...



روضانية هلا بيج وردة تسلميلي هههههههههههه وهاج التفصيل الممل للسيفي مالتي:


أسمي نبأ
عمري 23
توقفت عن الدراسة مدة 3 أسنين لأسباب والحمد لله عدت من جديد وناوية ادخل طب علم الاحياء
متزوجة قبل 8 اشهر وهاي قصة لوحدها يرادلها نسكافيه وكرزات ههههههههههههههه زواجي تم بصعوبة بعد مشاكل كبيرة.
زوجي بالعراق واني بالدنمارك بس اجى قبل سنة لدنمارك حتى نتزوج...
وقبل شهر هيجي عرفت نفسي حامل لان جان عندي سترس فـ اصلا ما جنت متوقعة الحمل وما جنة مخططين اله... الحمد لله على كل شئ...

هممم بعد شبقى؟
اهلا وسهلين فيج
خوش طلعنا جيران ههههههه انا من السويد

[*بنوتة عراقية*]

هلا ب نباوووووووووووووووووي شرفتينا حبيبتي
واني حوراء متزوجه همين من 8 اشهر مواليد 89
كملت هندسة حاسبات وهسه دا ادرس تقنيات اجهزه طبيه
جامعة اهليه
وهسه ساكنه ويه زوجي بالناصريه وبث
هلا والله بأهل الناصرية
انا هم من ناصرية ههههههههه

[*بنوتة عراقية*]

بنات شنو غداكم اليوم ههههههه

[نعومه التميمي]

هلو منو موجود لان ديمه ماتقبل تنام مسويه اظراب وتتعارك وياي تريد الحاسبه واني ميت من النعاس كلت خل اسوالف وياكم على ماتقررتنام

[نعومه التميمي]

بنوته والج ياغده كولي شنو الريوك هههههههههههه

[*بنوتة عراقية*]

هههههههههههه
ليش انتي وين عايشة؟

[نعومه التميمي]

اروح انام احسلس لان محد موجوده بوساتي الكم وحده وحده تصبحون على خير

[نعومه التميمي]

همزين اجيتي عبالي ماكو احد

[نعومه التميمي]

اني عايشه بستراليا وعندي بنوته اسمه ديمه عمر 10شهور
وصار سنتين وشهر من زوجت واسمي وئام

[*بنوتة عراقية*]

عاشت اسامي والله يخليها يارب
كم ساعة عندكم؟

انا عايشة في السويد ومتزوجة صارلي 3 سنوات والحين حامل شهرين ونص ودعواتج

[نعومه التميمي]

الله يسهل عليج ويكومج بسلامه
هسه الساعه 11بليل احنه قبلكم بيوم اعتقد لان عمتي عايشه بل سويد بودن

[نعومه التميمي]

شلونج وي الحمل وحامج شلونه

[نعومه التميمي]

اشو ماكو احد
صعوبه شنو اخبارج ام السان
امونه شخبار بنونه
ايه يوسف كام يمشي لو بعده
لولي وكوكي شخباره

[نعومه التميمي]

وين رحتي بنونه

[*بنوتة عراقية*]

اها الله يعينكم وقت وايد فرق اهنا الحين ساعة 3 الى 10

[*بنوتة عراقية*]

انا موجودة بس كعة اشوف مسلسل واكتب وياج

[نعومه التميمي]

اوكي براحتج خاف شغلتج

[*بنوتة عراقية*]

لاالالا حبيبتي على راحتج وياج موجودة

[نعومه التميمي]

اني ديمه يوميه اله صير ساعه 12يله تنام

[نعومه التميمي]

وحدج بل سويدلو اهلج وياج

[زينب السعدي]

هلو بنات شلونكم لكم والله ملتهية بالشغل ومداالحك تدرون بهوسه لنقله
لج هلووووووووووووووووو وئومة شلونج حبي مشتاقين وين هالغطة شخبارج الج وحشة
لج نجووووووووووووله حبي وداعتج وداعه ايهومي مدااقره الصفحات السابقة وماادري انت هنا لان ماالحك اقره تدرين دننتقل لبيت جديد وماالحك ادخل وهالمرة زوجي لابتوبه عاطل ودياخذ لابتوبي ومتصورين شكد مشتاقتلج واعذريني وحقج عليه بالعكس بالي يمج بس كلت ملتهية بالامتحانات والبحث الله يكون بعونج شخبارج وايهومي شلونه
بقية البناااااااااات الي جايين واني ماادري بيهم كلكم شلونكم والجدد اهلا وسهلا بيكم
عذروني مااكدر اقره الصفحات لان هواي ومعندي وقت بس حبيت اسلم عليكم لان مشتاقتلكم

[*بنوتة عراقية*]

انا مع اهلي كلهم اهنا او ما اجيت ويا اهلي وبعدين تزوجت

[ام نورهانه]

هلا بنااااااااااات جمعة مباركة عذروني هلاايام مااكدر ادخل
باجر امتحاناتي عااااااااااااااااااااا اهئ اهئ اهئ

[زينب السعدي]

الله يسهللج فله شدي حيلج

[مجنونة بحبها]

انا كل ساعه اسويلي شغله واجي امد راسي ههههههههههه



وئام حبي انا زينه وبنونه تسأل عنج وعن ديومه حبيبه قلبي

[زينب السعدي]

هلو امونة ام الفطائر شلونج حبي
ع فكرة عجينتج رهيبة اكثر عجينه نجحت عندي وعجبتني بس حقيقة هسه ماعندي وقت للفطائر والبيتزا انشالله بس نستقر ابلش بيهن

[نبضات قلبه]

هلو بنات عدنا





حبيبة ماما النور نورج وردة واهلا وسهلا بيح


___



هلا بيج بنوتة الوردة, شنو اسمج؟

[مجنونة بحبها]

هلا زنوبه حبي الف عافيه
اي انا دايما تضبط عندي ولا مره خربت الحمدلله
ان شاء الله من تستقرين عاد تفنني هههههه





هلا

[ام نورهانه]

زنوبه تسلمين حبي وربي يرزقج باحلى نونو
هلا بكل البنات الجديدات والقديمات

[نبضات قلبه]

هلا بيج ام نورهانة

[زينب السعدي]

هلا بنبضات وبنوتة وبكل البنات الجدد
امونة شخبار الدورة مالتج انشالله مااجتي لان انتي موعدج ويايه ...اني اجتني اليوم الحمد لله

[مجنونة بحبها]

هله فله الله يوفقج بدراستج عيني



هلا نبضات قلب

[*بنوتة عراقية*]

هلا فيج زينب السعدي مشكورة