دردشة بنات العراق, دردشة حوامل العراق , تجمع بنات العراق

[*بنوتة عراقية*]

مساااااء النور اخبارج؟

[o فرح عمريo]

فوفو حبي اولادج يجننون ربي يحفظهم من كل شر امين ويسهل حملج وولادتج ياربي
يمنى حبي الله يسهلج ان شا ءالله ويحل مشكلتج ويريح كلبج ياربي
حوري حياتي مشتاقتلج كووومات شلونج بالدراسه وبطلي مشاكل ويه الرجال ام المشاكل ههههه
زنوبه مبروك الصلح وان شاء الله تعيشون بسعاده وخير دوووم ياربي
ام نورهانه نورتي حب مشتاقيلج هواااي
ام بنونه الورده شخبارج وشخبار بنونه ان شاء الله تمام
عذراء الغاليه شخبارج وشلونها هداوي
ميوش حياتي مشتاقتلج وشخبار بروره ان شاء الله تمام
رويده حبي يله عاااااااااااااد وتالي وياج كلما تغيبين نكول راحت تجيب ربي يسهل عليج ان شاء الله
سجاوي وفاطمه وام ايهومي ورحوبه وزينب وكل البنات بدون استثناء تحياتي

[o فرح عمريo]

هلوو بنوته حبي اني بخير اسأل عنج انتي شخبارج ان شاء الله تمام

[*بنوتة عراقية*]

ليش محد يجاوبني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

[o فرح عمريo]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[*بنوتة عراقية*]

هلو الوان
والله انا اليوم من كعدت ضهري وبطني عندي الم مثل الام الدورة واحسن الم ينزل برجلي وخايفة

[رويدة_ أم ألق]

ياا هلا فروحة .. مو أكللكم بنتي عنيدة

فطوم بصراحة اني ما مريت بهاي الاوجاع إلاهالأيام
لازم تراجعين الدكتورة
وداما تذكري شغلة ترى كل حالة حمل تختلف عن الثانية
مو دائما اللي يصير عندي وعندج يصير عند البقية
تتبع الجسم وحتى الحالة النفسية

الله يكتبلج السلامة.

[o فرح عمريo]

لا حبي لتخافين هاي طبيعي تصير بالحمل يجوز تعبانه من شي بشغل البيت او واكفه هوايه
ان شاء الله ماكو شي لتقلقين

[رويدة_ أم ألق]

فروحة بتوقيعج مضى على زواجج 11 شهر
مثلي يعني بالسادس مو؟

[o فرح عمريo]

بنات ساعدوني الله يجزيكم الخير لأن حايره ودايخه كلش
تعرفون من 35 يوم صار عندي اسقاط اسم الله عليكم بشهرين ونص ونزل الجنين بدون كورتاج وبعد 15 يوم انكطع الدم كليا لمدة 5 ايام وبعدين صار نزيف قوي واخذت سونار كالت الدكتوره هاي بقايا من الجاره وانطتني حبوب وبعد اسبوع عدت السونار من 4ايام كالت الرحم نظيف ومتحتاجين كورتاج .بقى الدم يومين وبعدها انكطع كليا البارحه صار بيني وبين زوجي جماع واليوم الصبح رجع نزول الدم؟؟ ماادري هسه اعتبر هاي دوره بعد 5 ايام الاربعين مالتي لو بسبب الجماع لو شنو بالضبط السالفه

[عذراء الجابري]

مساء الخير على كل الحلوات الغاليات
رويدة حبيبني هاي الوقة سمعت انه الصيف الحالي كل حرارة عالية وغبار كثيف ومتريد تعوف الظلمات الثلاثة المحمية والمكيفة
ومبروك المصالحة الزوجية للعرايس هو اكو احلى من الصلح من بعد زعل
فاطمة عيني قللي من الحركة والتزمي بالراحة التامة الى الشهر الرابع والطبيبة هم واصفتلج مثبتات حمل

[رويدة_ أم ألق]

ماعندي علم فروحة إن شاءالله البنات يفيدوج حبيبتي.

[o فرح عمريo]

اي رويده 20-6 عيد زواجنا الاول ومن هسه دايخه بالتحضيرات لعد مدام انتي ويايه خل نغشش بعضنا شناويه تسوين ؟؟

[رويدة_ أم ألق]

مساء الأنوااار عذورة اي هم صدك كلامج



فروووح ولج نفس يوم زواجنا
اني راح أكون بفترة نفاس هههه
حتى الأربعين مطالعة
مع ذلك أريد لازم نحتفل خلي نفكر بشغلات مميزة





بس أريد اسألكم ضررروري اللي تعرف تجاوبني
الطفل من أي عمر مسموح له يصعد طيارة؟
زوجي يكول من سنة ونصف.

[عذراء الجابري]

حبيبني رويدة الطفل بعد الاربعين يكون انسان سوي يعني الجهاز التنفسي وجهاز الدوران عندة كامل
هلو افراح وانشاء الله دائما افراح ومسرات
امونة موجودة لو لو لا ؟ ام بنونننننننننننننننننن

[o فرح عمريo]

اهاااا شلون صدفه حلوه رويده

[عذراء الجابري]

اني حماتي سوت اطفال انابيب بسوريا ورجعت البغداد ومن دخلت بشهرها سافرت بالطيارة على مود سوي عمليتها القيصرية عند نفس المشفى ورجعت وعمر ابنها اسبوعين بالطيارة ومحد منعها

[رويدة_ أم ألق]

صدك عذورة؟ يعني أكدر أسافر باذن الله

تخلخل الضغط ميأثر على سمع الطفل؟

[*بنوتة عراقية*]

ياا هلا فروحة .. مو أكللكم بنتي عنيدة

فطوم بصراحة اني ما مريت بهاي الاوجاع إلاهالأيام
لازم تراجعين الدكتورة
وداما تذكري شغلة ترى كل حالة حمل تختلف عن الثانية
مو دائما اللي يصير عندي وعندج يصير عند البقية
تتبع الجسم وحتى الحالة النفسية

الله يكتبلج السلامة.
انا مو مشكلة اهنا الا مواعيد واذا اروح لطوارئ يخلوني فوق 4 ساعات انتضر
والله كلش خفت هسة خف عندي مشكورة حبيبتي على رد

[*بنوتة عراقية*]

مساء الخير على كل الحلوات الغاليات
رويدة حبيبني هاي الوقة سمعت انه الصيف الحالي كل حرارة عالية وغبار كثيف ومتريد تعوف الظلمات الثلاثة المحمية والمكيفة
ومبروك المصالحة الزوجية للعرايس هو اكو احلى من الصلح من بعد زعل
فاطمة عيني قللي من الحركة والتزمي بالراحة التامة الى الشهر الرابع والطبيبة هم واصفتلج مثبتات حمل
والله ما اتحرك وايد بس وقت الضرورة والله يسهل
لا ما كتبتلي اي مثبتات اهنا ما عندهم انا في السويد وما عندهم اي شي مثبتات

[زينب السعدي]

هلو بناااااات شلونكم كلكم انشالله بخير
يمنى رربي يسهل امرج وتمرين من هالازمة سلامات
مبروك للمتصالحين ...صارلنا هواي ممتعاركين اني ورجلي ههههههه هسه اضرب روحي عين وتكب العيطة بالليل
رويدة كلشي بساعته الق لسه مااجتي ساعتها
فروحة والله ماعندي علم بخصوص الجماع بعد الاجهاض لان اني من اجهضت كنت بالعراق وظليت 3 اشهر يم اهلي وزوجي ماكو
بقية البنات وينكم شخباركم

[*بنوتة عراقية*]

زينب السعدي
الله يبعد عنك وعنا مشاكل
هههههههه كلنا بهذة الشي نتهاوش ونرجع نتصالح هاي دنيا هههه

[روضانيه]

هلوووووووو بنوتات اخباركم ياعسووووولات
فطوووم ام الشوندر اشووونج والله ضحكتيني
فرووووحه اشووونج عنوناتي
يمنى الله يساعدج على الغربه اني بغير محافظه وميته على شوفة اهلي ومحافظتي
زنوووووووووووووووب اشووونج شخبار الشيله وياج
ام نورهان ام اللووقه ميوووووشه السكره رحوووبه اموووون فوفو مشتاقون
ام الحووواراث الله يصبرك ويتمم حملك اني مريت نفس تجربتج
قموره عذووره عسوووله كولكم اشوونكم بنات سوري اذا نسيت احد صايرين اهووايه انتم

[*بنوتة عراقية*]

روضانية
ههههههههههه شفتي شلون والله اتصودنت من شفتة الأحمر بسرعة ركض لدكتوورة هههههههه

[عسل بغداد]

مساء الخير بنات شلونكم مشتاقتلكم
كلش كلش من البارحه لليوم بس جان عندي امتحان يم رويده والحمدلله سلمت الاوراق وهسه اجيتكم واليوم عمتي يمنه وماكدرت افتح نت عذوره وحوريه وفطومه زينوبه ورويده وكل البنات مشتاقتلكممممممممممممممممممممممممممم

[عسل بغداد]

والله لوتدرون اكتب وايدي على قلبي هسه تطفه الكهرباء

[*بنوتة عراقية*]

هلوووووووو عسل الله يعينكم عاد كهرباء ينطفي و وقت صيف والحار الله يساعدكم

[رويدة_ أم ألق]

السلام عليكم

سجااوي الوررد
صدك سلمتي ورقتج؟ خلي أروح أشوف بسرعه.

[عذراء الجابري]

بنوتة عراقية سوري جان عدنا خطار وهسا يلى راح
هاي بالسويد وهيج يعاملون المرضى والحالة الطارئة يرادلها موعد ؟؟
وبالنسبة للمثبتات علاج يوصفة الطبيب للحالات التي تقتضي ذلك واغلب الادوية هي صناعتهم مو صناعتنة

[عذراء الجابري]

وعليكم السلام

[رويدة_ أم ألق]

هاي شنو سجاووي مبدعة بالاجابات

وأحييج على صراحتج بخصوص سؤال زواج الأرملة لأن الشيء اللي يحلله الله
مو من حق أي بشر أن يحرمه أو يلغيه.


لو ما محايدة أعطيج تسعة ونص

[عذراء الجابري]

هلو سجاوي واحنا اكثر وهاي يا امتحان

[رويدة_ أم ألق]

شكد دا أفهم فاطمة الأردنية عن سؤال الحرمان
ومفهمت قصدي ههههه

[عسل بغداد]

هاي شنو سجاووي مبدعة بالاجابات

وأحييج على صراحتج بخصوص سؤال زواج الأرملة لأن الشيء اللي يحلله الله
مو من حق أي بشر أن يحرمه أو يلغيه.


لو ما محايدة أعطيج تسعة ونص
شكرا حبي رويده بس بصراحه فاجعتيني فاجعتيني كلت وي عرس عمتي همزين راحو للطبيب حتى افتح نت جان راح عليه الامتحان ورسبت اهئ اهئ اهئ

[*بنوتة عراقية*]

بنوتة عراقية سوري جان عدنا خطار وهسا يلى راح
هاي بالسويد وهيج يعاملون المرضى والحالة الطارئة يرادلها موعد ؟؟
وبالنسبة للمثبتات علاج يوصفة الطبيب للحالات التي تقتضي ذلك واغلب الادوية هي صناعتهم مو صناعتنة
لالا عادي حبيبتي براحتج
اي والله هشكل يعاملون ولازم موعد يلا اروح واذا طوارئ كون اروح مستشفى واضل انا فوق 4 او 5 ساعات ولمن يجي دكتور ويلا يشوفون المريض هاي الحالات في السويد واي مثبتات ما ينطو بس شسوي والله خليتها يم الله واهل البيت مثل ما الله رزقني هوا يلي يحفضة لا على مثبت ولا على شي حبوب خليتها يم الله

[رويدة_ أم ألق]

ههههههه أنت الوحيدة سويتيلهيا مفاجأة
كل البنات أبلغهم قبل بيوم ونتفق.

[عسل بغداد]

حبي عذوره امتحان مال رويده امتحان بين العضوات كل وحده تنطي رأيها

رويده يجوز فاطمه عبالها الحرمان الجسدي

[رويدة_ أم ألق]

لا مو شرحتلها سجاوي كتلها مادي وضربتلها مثل
موجود التوضيح بالموضوع

هسة اني استأذن منكم حبااايب
بوساتي لكتاكيتكم.

[*بنوتة عراقية*]

شكد دا أفهم فاطمة الأردنية عن سؤال الحرمان
ومفهمت قصدي ههههه
؟؟؟؟؟؟؟؟؟؟؟ مافهمت ؟

[مجنونة بحبها]

هلوووووووووو حبايب

[مي &]

هلوووووووووووووووووووووو


هف هف النت اليوم ضعيف ما ادري ليش
كوه فتح عندي المنتدى

شلونكم شخباركم مقريت اي صفحه
اقراهن واجي
ولي عوده

[رويدة_ أم ألق]

هلااو أمونة وميمي

حبيبتي فطوم أقصد فاطمة ثانية.. من الأردن مو أنت.

[*بنوتة عراقية*]

هههههههههه اوكي رويدة فكرت انا اسفة

[رويدة_ أم ألق]

عادي ولايهمج فطوم.

[*بنوتة عراقية*]

رويدة
اريد اسألج بشهر 3 هم حسيتي بطنج صلبة؟ وكبران؟

[نبضات قلبه]

سلام بنات

مشتاقين والله...

أشلونكم؟؟؟ ان شاء الله بخير؟




حبيت أشارككم بأعمال اليوم بمنا أنه أول خميس من رجب

عسى الله أن يتقبل دعواتنا ودعواتكم




*&*&*&*


أول خميس في شهر رجب وهي ليلة الرغائب

وهي ليلة عظيمة الشان وذات موقعية كبرى في الابتهال والاستغفار والعبادة ولها فضل كثير جدا فهي ليلة غفران الذنوب العظام وقد روي عن النبي صلى الله عليه وآله وسلم في حديث فضل رجب أنه قال ولكن لا تغفلوا عن أول ليلة جمعة فيه فإنها تسميها الملائكة ليلة الرغائب وذلك أنه إذا مضى ثلث الليل لم يبق ملك في السموات والأرض إلا يجتمعون في الكعبة وحواليها ويطلع الله عليهم اطلاعه فيقول لهم يا ملائكتي سلوني ما شئتم فيقولون ربنا حاجتنا إليك أن تغفر لصوّام رجب فيقول الله تبارك وتعالى قد فعلت ذلك.

((( أعـــــمــــال لــــيــلــة الــــرغـــائــب )))

1 صوم أول خميس من رجب.

2 الصلاة بين المغرب والعشاء اثنتي عشرة ركعة يفصل بين كل ركعتين بتسليمة يقرأ في كل ركعة:

"فاتحة الكتاب مرة وإنّا أنزلناه في ليلة القدر ثلاث مرات وقل هو الله أحد" اثنتى عشرة مرة.

3 فإذا فرغ من صلاته يقول سبعين مرة:

"اللهم صلي على محمد النبي الأمي وعلى آله".

4 ثم يسجد ويقول في سجوده سبعين مرة:

"سبوح قدوس ربُ الملائكة والروح"

ثم يرفع رأسه ويقول:

"رب اغفر وارحم وتجاوز عما تعلم إنك أنت العلي الأعظم"

ثم يسجد سجدة أخرى فيقول فيها مثل ما قال في السجدة الأولى.

5 ثم يسأل الله تعالى حاجته فإنها تقضى إنشاء الله.

قال صلى الله عليه وآله وسلم والذي نفسي بيده لا يصلي عبد أو أمة هذه الصلاة إلا غفر الله له جميع ذنوبه إلى أن قال صلى الله عليه وآله وسلم فإذا كان أول نزوله إلى قبره بعث الله إليه ثواب هذه الصلاة في أحسن صورة بوجه طلق ولسان ذلق فيقول يا حبيبي أبشر فقد نجوت من كل شدة، فيقول من أنت فما رأيت أحسن وجها منك ولا شممت رائحة أطيب من رائحتك؟ فيقول يا حبيبي أنا ثواب الصلاة التي صليتها ليلة كذا في بلدة كذا في شهر كذا في سنة كذا جئت الليلة لأقضي حقك وأوانس وحدتك وأرفع عنك وحشتك فإذا نفخ في الصور ظلّلت في عرصة القيامة على رأسك وإنك لن تعدم الخير من مولاك أبدا.





ولا تنسوا دعاء كميل في ليلة الخميس

‫دعاء كميل بصوت الرادود ميثم التمار (كامل)ه Dua Kumail‬‎ - YouTube (http://www.youtube.com/watch?v=dF3OCF8YAcU)

[رويدة_ أم ألق]

باعي فطوم اني من دخلت الثالث صار عندي التالي:

الوحام خف تدريجيا
نومتي شوية صارت مزعجة مو مثل قبل محاسة بشي
اما الحجم فيتبع الجسم
اني الا بالخامس والسادس يلا برزت بطني
وبالنسبة للصلابة اي هم ببدت تتصلب بطني.


نبأ جعلها الله في ميزان حسناتج وعاشت ايدج.

[*بنوتة عراقية*]

انا هم مثلج خف وهام احسن من بداية بس بطني حاسة صلبة خصوصا من تحت وامبين بطني كبرانة نومي هم مو كلش بليل كلشوي اكعد واعرق وايد مثل واحد جاب علي ماي الكى مخدة امنكعة

[*بنوتة عراقية*]

نبضات
مشكورة على ادعية الله يسهل امرك ويقضي حوائجك وحوائج امة محمد امين

[ام نورهانه]

هلووووو بنات شلونكم

[رويدة_ أم ألق]

هلاوات حبيبة قلبي فلة

ليش تعركَين فاطمة؟ انتو حتى جوكم بارد
حاولي من يصير موعدج وية الدكتورة اساليها.

[ام نورهانه]

هلو رويده وج شو بعدج اتكمزين انتي وكرشج بالتجمع شوكت اتجيبين عااااااااااااااا لج اني راح اجيب وانتي لا

[رويدة_ أم ألق]

ههههههه اي دا اكمز بس مو بالتجمع وحده
حتى بالبيت والله
كل شوية اسوي شغلة وأرجع
والباقي يم ربنا.

[ام نورهانه]

ههههههههههههههههه يله ان شاء الله ولادة ميسرة وساعة سهله

[مجنونة بحبها]

وهم هلووووووو

اليوم بنونه مريضه وصايره نحسه متخليني لا اشتغل ولا اسوي اي شي
اتريدني كاعده وهيا بحضني سوده علي مسخنه واخليلها تحاميل ونفس الشي هسه نيمتها ومقهوره عليها

يارب ينتقل بيه المرض وتشافه بنونه بحق هذي ليله الرغائب

[رويدة_ أم ألق]

تسلمين عيوني انت ساعة السهلة لكل حامل يارب

ياا خطية سلامتها عندها العافية إيمان.

[*بنوتة عراقية*]

هلاوات حبيبة قلبي فلة

ليش تعركَين فاطمة؟ انتو حتى جوكم بارد
حاولي من يصير موعدج وية الدكتورة اساليها.
والله مادري لا هسة جوء عندنا حار بس انا مادري ليش بليل يصير هشكل من اكعد الاكي مخدة مبلل وجسمي مبلل مادري والله شنو سالفة!
يوم الأثنين عندي موعد وراح اسألها

[ام نورهانه]

هلاااا ام بنونه سلامتها البنونه اخاف نايمه جوه مبردة حبيبتي عدها العافية

[*بنوتة عراقية*]

سلامتها بنونة حبيبتي ماتشوف شر

[مجنونة بحبها]

هلا فله ورويده ونبأ وفطومه

[مجنونة بحبها]

منوره بوجودج فله
الله يسلمج حبيبتي بس احنه لليوم مامشغلين مبرده
بس البارحه غسلت الكراج وهيا تلعب وياي وبلمزليكه ومن دخلنا لكيت ملابسه منكعه مي وبارده
وبسرعه اتمرضت سوده علي



فاطمه عيني انا بحملي كله بلشتاء الناس تشغل صوبه
وانا عركانه وبنونه حتى تخبلت لمته ماتجين اصيح حاره واحنه بعز الشتاء
فلا تخافين شي طبيعي وعن تجربه وحتى الدكتوره تكول عادي

[مجنونة بحبها]

الله يسلمج فطومه ماتشوفين شر

[*ام هيمن*]

مرحبا بنات شلونكم
منو موجودة ؟؟؟؟؟

[زينب السعدي]

هلو بناااات شلونكم ...شو متسالون عليه عوبات

[توتايه]

حبيباتي شلونكم

نورس شلونج وشلون هيموني ماشاء الله شكد صار عمره

امونه سلامتها لبنونه ان شاء الله اجر وعافيه

زنيبه اتحولتي لو بعد؟

البنوتات كلكم شلونكم

[عسل بغداد]

هللللللللللللللو توتايه شلونج عمري شخبارج

[عسل بغداد]

امونه حبي سلامتها لبنونه عدها العافيه
فله حبي مشتاقيلج شاخبارج
حبي زنوبه موندري بضروفج والشيله الله يساعدج عمري
نورس حبي شلون صار ابنج
ميوشه الغاليه شلونج كبد
اليوم فوفو ماكو شعجب
حوريه شلونها اخبارها
فطومه *ونبأ*ويمنى *اخباركم *باقي البنات شلونكم والله مشتاقتلكم

[عسل بغداد]

اكلكم هسه اني نومتهم كلهم واجيت احجي وياكم بس للاسف ماكو احد اهئ اهئ اهئ

[ام نورهانه]

هلوووووو حبي عسوله شلونج

[روضانيه]

صباح الخير بنات اشووووووووووووونكم
مشتاقتلكم كوووووووووومات

[*ام هيمن*]

صباح الانوار روضانية
شلونج
منو موجودة؟؟؟؟؟؟؟

[*ام هيمن*]

هلو توتاية عيوني
وين هالغيبة اشو مختفية؟؟؟
هيمن عمرة خمس اشهر

[*ام هيمن*]

هلو عسولة عيوني
والله البارحة من الفجر لحد العصر 8 مرات طلعت بطنة
راسا وديتة لدكتور العصر
كال عندة التهاب قوي بالامعاء كال نتيجة الحليب
عاد راسا كتبلة ابر 4 كل يوم 2
وكتبلي شراب يمنع الجفاف
وشراب يقطع الاسهال
شسوي هاي داأنطي وارجع ورة
كال اقطعي الحليب الصناعي هسة بس صدرج
ووكلي اشياء طبيعية وعصائر هم
وكال منا ل5 ايام ماصار زين هم ارجعيلي
من البارحة العصر ماطلعت بطنة الصبح يلة الحمدلله

[*ام هيمن*]

وينكم اشو محد موجودة؟؟؟؟؟؟؟؟؟؟؟؟

[رويدة_ أم ألق]

جمعة مباركة عليكم
تقبل الله صلاتكم وأعمالكم

هلاو نورس سلامة هيموني
مو كتلج إحتمال من الحليب
اذا هو ياخذ صدرج ليش مقللتي الصناعي من البداية؟

[*ام هيمن*]

موصدري مايشبعة كلش
بحيث ياخذ صدري ورة ميخلص هم يبجي ويريد يرضع
وبعدين اول ساعة انطيتة ممية لان اني عملية
وماكدرت ارضعة صعب علية كلش وهو جان جوعان
لهذا انطو ممية
بس هسة دأنطي الادوية انشاءالله يصير زين
وانشاءالله بس يكمل 6 اشهر يبدي ياكل شوية راسا اترك الممية

[*ام هيمن*]

بشرني شلونج بالحمل باخر ايامة
اكيد منتظرة الق بأحر من الجمر موبالله؟؟؟؟؟
تدرين اني اخر اسبوع من التاسع يمر علية عبالك سنة

[*ام هيمن*]

اكلج من هسة خلي احجز الق لابني
موتنطيهة بعد؟؟؟؟؟؟؟

[رويدة_ أم ألق]

حبيبي ان شاءالله يتحسن يارب
اي والله أحس نفسي صار سنين منتظرتها

بس شلون تخطبيها من هسة
ابنج حلو أخاف متعجبه ويتنعووص عليج ههههه

[رويدة_ أم ألق]

أكلج نورس أتذكر انت هم ابنج كان عاصي
شكد فوك شهرج يلة جبتيه؟

[مجنونة بحبها]

جمعه مباركه على الجميع


اشكر كل من تعافى لبنونه ودعالها

ايه منوره حبي اشو كلها غيابات كضيتيها ويانا

نورس مبروك شفاء هيموني

[*ام هيمن*]

يمعودة وين حلو عابتلة
بس يجنن مثل ابوه هههههههههه

[*ام هيمن*]

اي رويدة
اني مشيت بشهري كومة
كل يوم جنت امشي ساعتين متتالية
وقبل مااكمل شهري بيومين
زوجي راد يسافر لدوامة تقرب مني بعنف ههههههه
اشو وراها سكت الولد خنس
اول يوم كلت يجوز تعب بس ثاني يوم ماتحرك هم راسا رحت للدكتورة
كالت ابنج تعبان ووضعج ميسمح تجيبين طبيعي
حولتني ثاني يوم راسا عملية
كلة من ورة زوجي ههههههههههههههههههههههه
عاد جبت عملية بالرغم جان عندي توسع اصبعين ونص
بس وضع الطفل ميساعد اجيب طبيعي
انشاالله تجيبين طبيعي وتخلصين
بس اني العملية عندي حسن لان شدتهة اول يومين وراها اتحرك عادي

[*ام هيمن*]

اي كملت شهري كلة واول يوم بالعاشر جبت ههههههههههههه

[*ام هيمن*]

يلة اني اروح
ابني كعد
العصر اجي
بلكت تجيبين اليوم يارب

[رويدة_ أم ألق]

الله يبارك أيامج إيمان

اهاا نورس ..
كل شي كاتبه ربج بيه صالح وحكمة
منو غير الاسم اتذكر كنتوا ناوين تسموه يزن مو؟

[رويدة_ أم ألق]

لالا فدوة مو اليوم ولا باجر
زوجي بالبصرة ههههههههه

الله وياج حبيبتي.

[روضانيه]

هلوووووووو بنات اشووونكم
منو موجوده

[مجنونة بحبها]

هلا ام الق وحوريه شلونكم

[رويدة_ أم ألق]

هلاووات حوري شلونها البراشيم؟

أمونة بما انه أنت شاطرة بالحلويات
جربت أكثر من وصفة للكيك
ونسيت المقادير الأفضل
لأن مرة طلعت عندي عاادية ومرة كلش طيبة
أكو بمواضيعج وصفة حتى أروح أشوفها هسة؟

[White angel]

والله ما اتحرك وايد بس وقت الضرورة والله يسهل
لا ما كتبتلي اي مثبتات اهنا ما عندهم انا في السويد وما عندهم اي شي مثبتات

هلو عيني
أني ب السويد
باعي بشهر الثالث
كانت عندي الآلام مثل الدوره
عاد زوجي ميتقرب لي ولحد هسه محروم
بس ارتاحي واحجي وي دكتورتج



انتي وين ب السويد
ملاحظه الطوارئ ميستقبلوج الا لو نزل دم عندج وأي شي ثاني ترحين ال بارن مورسكا مالتج

[White angel]

شلونكم حبايب طبعا نسيت اسلم لان حاسه نفسي حموت من الجوع
شلونكم صبايا
أخباركم

[o فرح عمريo]

صباح الخير و العافيه ع الموجودين والما موجودين
http://forum.hwaml.com/imgcache2/hwaml.com_1337942566_566.gif

[رويدة_ أم ألق]

زينب وفرح أهلا بيكم حبايب.

[o فرح عمريo]

هلو بيج حبي رويده شخبارج
ان شاء الله تمام

[رويدة_ أم ألق]

بخير الحمدلله حبيبتي أنت شلونج؟

[فوفو العراقية]

مساء الخير
شلونكم كلكم

بنات ادعولي بالصحة
كلش عندي الم من البارحة لليوم
الم قوي كلش وخايفه منه
احسه مصحوب ب تقلصات قوية
الله يستر
اعذروني للانقطاع او قلة دخولي
ودعولي بالسلامة ربي يسلملكم كل غالي,

[اه من الغربة]

هلا فوفو ان شاء الله ما عندج الا العافيه و هذه لان يمكن النونو ديتحرك و مكانه ضيق يصير عندج تقلصات المهم ارتاحي و ما عندج الا العافية

[اه من الغربة]

هلو بنات أخباركم
رويدة بس تجي الوقه بل سلامة فد بوسه قويه من ايديها مو خدها اخاف يصير احمر قوليلها العالم كلها منتظرة وين صرتي تدرين أني محمد هيجي جان عاصي بحيث 4 ايام عندي 5 توسع و ما يصير اكثر و اخر شي سوولي طلق اصطناعي و لمن صار توسع 9/5 قال الدكتور قلب الجاهل وقف ف سوولي فتح بطن مستعجل و ما حسيت لان اعطوني بنج عام
حاولي تمشين بس لا تضغطين علي نفسج و لمن يجي قاسم شويه اشتغلوا احم احم كلش زين و يسهل الولادة و الله يقومج بالف سلامة يارب

[اه من الغربة]

إيمان شلونج و شلون بنون

نورس ما شاء الله صاير يجنن هيموني ربي يحفظة الج يارب

باقي البنات أخباركم شكوا ماكوا

[زينب السعدي]

هلو بنااات شلونكم كلكم انشالله بخير
فوفو معندج الا العافية وانشالله سلامات وماكو شي
امونة سلامة بنونة تره ماادري بيها مريضة ماعدها الا العافية انشالله صارت زينة
يمنى شلونج عيوني شخبارج انشالله ماكو مشاكل عويصة وشوكت ترحين للعراق انشالله
بقية البناااااااااااااااااااااااات انشالله كلكم زينين

[*بنوتة عراقية*]

بناااااااااااااات شلونكم اخباركم؟
انا عندي الم من مهبل وكلش متضايقة وحرقة ف اليوم عندي موعد مع دكتورة علشان تسويلي فحص ف مادري يمكن راح تسويلي سونار من مهبل راح يأثر على جنين؟
الله يخليكم ردو بسرعة قبل لا اروح وخاااااااايفة وايد

[زينب السعدي]

هلو فطومة شلونج انشالله بخير
لالا ابد لتخافين اصلا احنا هنا اول 3 اشهر من الحمل كله يسوون بسونار المهبل وبالشهر 4 يلا يستخدمون ابو البطن ويكون ابو المهبل اوضح بهواي ...هسه اليوم انشالله تشوفين النونو واضح مبين راسه وحتى ايده ورجله بعدهن صغار مبينات كلش حلو يونس وانشالله سلامات

[زينب السعدي]

صدك فاطمة شنو فلمج انتي مو عراقية !!! شنو كنتي ساكنة باحدى دول الخليج شو لهجتج خليجيه

[*بنوتة عراقية*]

تسلمين يا زنوب والله يريح بالج مثل ما ريحتيني والله

جنت خايفة واليوم تشوف دكتورة اذا عندي التهابات لا سمح الله لانو كل اتأذة وحرقة عندي ههههههههه انا هم ودي والله بهذة الشي لانو اريد اشوفة ههههههههه
يارب يكون يبين واشوفة اليوم

[اه من الغربة]

هلا اب زنوب أخبارج قلب و الله المشكله بعدها ادعوا الله يقضيها علي خير. ان شاء الله يوم الاثنين نروح للكويت نظل 5 ايام و يوم 2/6 نروح للعراق
طبعا رحلتنا كندا لندن 8 ساعات بعدين توقف 3 ساعات اب لندن بعدها لندن بحرين 7 ساعات و توقف ساعة بل بحرين بعدين بحرين كويت ساعة وحده يعني راح نتاذي تمام أني كله شايله هم محمد و مريم لان راح يصير الجو بارد و حار ما اريد يتمرضون و ابوهم من هسه مريض

[*بنوتة عراقية*]

زينب انا بصراحة مولودة بكويت بس ابوي اصلى من عراق الناصرية امي هم مولودة بكويت

[اه من الغربة]

فاطمة عيني ابد لا تخافين اهنا عدنا هم كله سونار داخلي يأخذون ماكوا شي ان شاء الله بس ورا متسوين السونار بشرينا و ما عندج الا العافيه



إيمان سلامتها ال بنون ما تشوف شر

[*بنوتة عراقية*]

اه من الغربة
مشكورة حبيبتي طمنتيني ان شاءالله بس ارجع اكولكم ويارب ما يكون اكو شي

[اه من الغربة]

زنوب شنو دتنتقلين من بيتج

[زينب السعدي]

يمنى حبي ربي يسهل امرج انشالله والله يساعدكم ع هالرحلة الطويلة ...اني من دبي الى لندن 7 ساعات ومن اوصل ازهك ودربي مااشوفه هالمرة انتو هم طويله وهم تتوقف بهاوي مطارات ووياج اطفال ...كلش صعبة الله يكون بعونكم
فطومة هلا بيج وباهلج وانشالله تطمنينا مو تنسين ...

[زينب السعدي]

اي والله شلنا لبيت جديد لان هذاك البيت صاحبه يريده ...وهسه اجرنا بيت اكبر من ذاك واريح بهواي والحمد لله
اني هم عندي مشكله ادعولي كلكم حبابين

[*بنوتة عراقية*]

مشكوووووووورة حبيبتي زينب
ان شاءالله بس ارجع اطمنكم
الله يسهل امرك ويبعد عنكم المشاكل

[اه من الغربة]

الله يسهل امورج و يبعد عنج المشاكل يارب يلا زين نقلتي بيت اكبر حتي اذا اجيت ال دبي اشوفج

[زينب السعدي]

تسلمين حبي
والله ياريت لو برجعتكم تفوتون عدبي وتشرفونا

[اه من الغربة]

يلا حبايب من رخصتكم اروح أنام تعبت من ال 6 الصبح قاعده و هسه بعد مريم راحت للمدرسه خلي أنام فد ساعة لان اريد اروح الصالون اذا ما دخلت عذروني و سامحوني اذا زايده لو ناقصه لان الاثنين مسافرة و تدرون اخر يومين هوسه ان شاء الله بس اوصل الكويت أتواصل وياكم

[اه من الغربة]

تسلمين زنوب ان شاء الله أجي الامارات تدرين أني احن إلها لانها بلدي اللي كبرت بيها و قرايب أمي هناك يعني أكيد لازم أجي

[زينب السعدي]

الله وياج حبي وتوصلين بالسلامة عود طمنينا عليج وانشالله سفرة سعيدة ومريحة

[زينب السعدي]

هلا بيج حبي وباي وقت صدك افرح اذا اجيتيني ...الله وياج

[*بنوتة عراقية*]

اه من الغربة
الله وياج وتوصلين بسلامة ان شاءالله

[بنوته توته]

مرحبا عراقيات

شلونكم


اني بعد بالامارات ^__^ وبدبي

بس ردت اسالكم

اني حامل بالشهر الخامس بس الولاده شهر 8 عادي ولا وشهر 7 يعني فيها خطوره ولا عادي؟؟؟؟؟؟؟؟؟؟؟؟

[قلبي كسرني]

السلام عليكم
اخواتي بنات بغداد خصوصا اذا ممكن تساعدوني منين تشترون سيريلاك والاشياء الي تشبه مال اكل الاطفال ببغداد قالولي عند ابو وردة ومالقينا انتوا منين تشتروه ولكم الشكر مقدما
ملاحظة اني ماعايشة ببغداد ودااسال لابن اخوية همة بالعراق وكلتلهم اكو بنات حبابات راح اسالهم اتمنى الي تقلي اسم المحل تقلي بيا منطقة
اختكم قلبي

[*بنوتة عراقية*]

انا رجعت من دكتورة بس ما سويتلي سونار بس شافت كالت فطريات وكتبتلي كريم

[*بنوتة عراقية*]

قلبي كسرتي انا مو في عراق وان شاءالله اخوات يساعدونك

[*بنوتة عراقية*]

بنوتة توتة
كيف يعني تردين تولدين في شهر 7؟؟؟؟؟؟؟؟؟؟ مو زين بعدة طفل

[زينب السعدي]

اهلا بالبنات الجدد نورتو
فطومة الحمد لله ع سلامتج بس ليش ماخليتيها تاخذلج سونار كان تشوفين الطفل وترتاحين
قلبي كسرني يؤالج كلش غريب يعني السيريلاك متوفر بكل مكان مو شرط يم ابو وردة ...مااعرف سؤالج غير واضح بس بكل سوبر ماركت تلاكين كل شي متوفر
بنوتة توتة اهلا وسهلا اني هم مقيمة بدبي ..وبخصوص الولادة بشهر 7 هواي تصير عدهم ويجي سبيعي الطفل بس لازم يبقى بالخدج بس بشهر 8 اسم الله ميطولون اكثر ميقاوم ويتوفى ...بس ليش عندج ولادة مبكرة

[*بنوتة عراقية*]

زينب والله مادري ليش ما اخذتلي بس من فوق شافتة وكالت فطريات ههههه والله كان ودي اشوف بس ما صار يلا ما مقصومة

[عسل بغداد]

مساء الخير والانوار شلونكم حبايب

[**نورا**]

مساء الورد عله عيون الجميع شلونكم اخباركم النت مو زين ومدا ادخل قليل
عني سؤال مهم كلش كلت بلكي الله يعرفون البنات اني بعد 7 عندي مراجعه يم الدكتوره يعني راح ادخل الثامن باذن الله
المهم اني عندي وسواس قوي وخوف من الولاده بهذا الشهر كلت راح اكول للدكتوره تضربني ابره مال رئه من باب الاحتياط
كلشي يصير بلكي جبت بالثامن شسوي
شتكولون بنات هيه بيها مظار ؟؟؟

[عسل بغداد]

هلو نورا حبي شلونج كولي ياالله ليش هالوسواس انشالله تكملين التاسع بس عادي الابره مابيها مضار لان اني المفروض اولد بالسابع وضربت سبع ابر مال تنشيط الرئه وسألتها للدكتوره خاف بيها اذيه كثره الابر كالت اخذيهن على مسؤليتي

[**نورا**]

سجاوي والله دمرتني هاي الوساويس يوم اكول خاف يموت يوم اكول اجيب من وكت يمكن لان بالكوه صار هيج تفكيري بس احسن حل اخذ هاي الابر مدام مابيها مظار حته ائمن

[عسل بغداد]

والله اني اول ماصار عندي نقص بالمي النهار كله ابجي وامي وزوجي بس يحجون عليه من وره الوساوس وكلها تكلي خليها على الله وصدك خليتها على الله وماكو احسن من رب العالمين يوكف للانسان بهاذي المواقف لا طب ولا علم واذا ربج كاتبه الج لو مدري شيصير معلي شي اتعوذي من الشيطان واقري قرأن وشوفي شلون ترتاحين

[عسل بغداد]

اي والله شلنا لبيت جديد لان هذاك البيت صاحبه يريده ...وهسه اجرنا بيت اكبر من ذاك واريح بهواي والحمد لله
اني هم عندي مشكله ادعولي كلكم حبابين
هلو زنوبه مبروك البيت الجديد
الله يفرج همج على اهون سبب

[**نورا**]

ونعم بالله هوه هم هيج كلها يم الله بعد وانشالله خير

[عسل بغداد]

فوفو حبي سلامتج عندج العافيه انتي والنونو بس لتخافين من التقلصات

[عسل بغداد]

وينكم يمعووددين

[رويدة_ أم ألق]

مساء الخير والعافية.

[مجنونة بحبها]

هلووووووووو


رويده اسفه العصر بس سلمت ورحت هاي بنونه راح تشيب راسي
متخليني اكعد ولا دقيقه
فما شفت سؤالج عن الكيك انا منزلت رغم اني هواي مرات اسوي واصور بس
ماصارلي مجال الهن
بس مهاوي هواي نزلت وصفات وكلهن حلوات ومجربات شوفيهن ان شاء الله يفيدوج


زينب الله يسلمج لا مو البارحه سخنت حيل بس اليوم الحمدلله احسن



يمنى حبي تروحين وترجعين بلسلامه
الله يساعدج شطولها الرحله يابه تعبت بس من التفكير بيها
انا ساعه ونص من بغداد للبنان وانا كل شويه اكل
لحامد طلعت روحي شوكت نوصل هههههههه
ديري بالج على حمودي ومريومه
وعن تغير الجو هذا شي اكيد لازم ياخذولهم شويه فايروسات
الله يبعدها عنهم



البنات الجدد منورات


قلبي انا ببغداد والسريلاك موجود بكل المحلات والسوبر ماركت
متوفر حتى بالمحلات الصغار فماعرف شنو تقصدين بعد

[ام نورهانه]

هلو بنات شلونكم

[*ام هيمن*]

الله يبارك أيامج إيمان

اهاا نورس ..
كل شي كاتبه ربج بيه صالح وحكمة
منو غير الاسم اتذكر كنتوا ناوين تسموه يزن مو؟


اي سميتة يزن اول ماأجة
بس ثاني يوم ابوه كال خلي نغيرة نسمي لو هيمن لو عبد المهيمن
عاد سميناه هيمن
شسوي ابوه مااكدر اكولة لا

[*ام هيمن*]

شكرا حبيبة الماما
اي شوية صار احسن الحمدلله

[*ام هيمن*]

منو موجودة؟؟؟؟؟؟؟؟؟؟؟

[ام نورهانه]

هلو حبي ام هيمن شلون صار ان شاء الله احسن
اكلج اكو حليب بالصيدليات لحالات الاسهال هو حليب طبي بالذات للي معدتهم حساسه يوكف الاسهال اني كنت انطي البنتي

[*ام هيمن*]

الوووووووووووووووووووووووووووووووووووووووووو

[*ام هيمن*]

اي ام نورهانة الدكتور كالي علي
بس كلت خلي انطي بس صدري هالايام الى ان يصير زين
بعدين ارجع على الحليب القديم سيميلاك

[*ام هيمن*]

شعجب ماكو اليوم
اشو مختفيات البنات

[رويدة_ أم ألق]

قاسم بالبصرة يلة تعالوا << زوجج مو هنا العالم شعليها هههههه
هاي تخاريف الولادة كامت تظهر عندي.

[عذراء الجابري]

هلو ام الق

[*بنوتة عراقية*]

صباااااااااااااااااح الخير وين كل ناااااااااااااااايم

[عسل بغداد]

ربي يسعد صباحكم
http://forum.hwaml.com/imgcache2/hwaml.com_1338017051_983.gif (http://www.hwaml.com/up/)

[*بنوتة عراقية*]

انا عندي سؤوال
تمر الحين من اكلة زين ولا لا؟

[فوفو العراقية]

صباح الخير
http://forum.hwaml.com/imgcache2/hwaml.com_1338022625_877.gif

شلونكم يا احلى صحبة
شخباركم وخبار اطفالكم واجنتكم ؟؟ عساهم بخير

شكرا ربي يسلمكم كل من سال عني وتمنالي الصحة
ربي يجزيكم كل خير
اني اليوم الحمد لله احسن
والم كلش قليل اسفل البطن بالوسط
بس البارحة شفت نجوم الضهر
والحمد لله على كل حال

[فوفو العراقية]

هلوو حبي بنوته
التمر اني اكله عادي خلال فترت الحمل لما اشتهي
بس اني نادرا ما اكل تمر او حلاة
يعني قبل شهرين اشتهيت تمر ويا الروبه ههههههههههه
بس راشي وسمسم لا تاكلي ولا الكبده ولا اكاندي الاسود هذني خطرات .
بس التمر عاادي الف عافية.

[*ام هيمن*]

هلو بنوتات شلونكم
ها رويدة زوجج موهنا؟؟؟؟؟؟؟؟
زي حالتي هههههههههه

[عسل بغداد]

ههههلللللو

[*ام هيمن*]

هلاوين عسولة
شلونج بالحمل
اكلج سويتي سونار لوبعد؟؟؟؟؟

[عسل بغداد]

هلو حبي نورس سويت قبل 5ايام والوضع زين وبيه ولد الحمد لله

[*ام هيمن*]

اها عسولة مبروووووووووووووووك
يارب تقومين بالسلامة
مفكرين شنو رح تسموه؟؟؟؟؟؟

[عسل بغداد]

الله يسلمك عيوني

[مجنونة بحبها]

مساء الخير

شلونكم بنات اخباركم



شنو اشو صاير سبات وينكم

[مجنونة بحبها]

هلا سجاوي ونورس شلونكم

[زينب السعدي]

هلو بنااااااات شلونكم كلكم
شكرا عسوله عالدعوة الحلوة واشكر كل البنات الي دعولي
لج سجى اني مو كتلج انت وفوفو كان عندي حدس بيكم ولد والحمد لله حدسي مافشلني ويارب انشالله يضبط حدسي ويه امونة وتطلع التحاليل نظيفة وسليمة وتروح تجيبلنا توم ولد حلوين مثل لبنان ههه

[توتايه]

شلونكم بنوتات

مشتاقتلكم

[روح ملائكيه]

هلو بنات شلونكم؟

سجاوي ..فوفو مبروك عليكم الولد يتربى بعزكم يارب
امونه غلاتي شلونج اخبارج؟ بنونه شلونها؟ وعمتج شلونها وياج؟

زوزو شلونج انتقلتي لبيتج الجديد؟ نصيحه رشي بيتج قبل لا تنتقلين اله بالمبيدات الحشريه اني راح اتخبل جبت 2 ومافاد بس الحمدلله القاصر والديتول قضى عليهن نهااااااائيا ...انتبهي هذا موسم تكاثر الحشرات

رويده ولدت لو بعدهي؟

رحوبه شلونج وشلونهم عفاريتج؟

نجلاء خلصت امتحانات وهم تدخل هنا؟ ابنها وزوجهم شلونهم؟؟؟

كوكي شلونج غلاتي ولولي شلونه؟
فله شلونج؟ البيبي شلونه ونورهانه ؟

مي شلونج وشلونها بروره؟

بقية البنات شلونكم؟

[روح ملائكيه]

هلو ايو شلونج اخبارج؟
سوفي شلونه؟

[روح ملائكيه]

نورس شلون صار ابنج؟؟

لا تخافين من الاسهال عادي ..مرحلة التسنين بدت عنده

بس انتبهي احيانا يكون غير سبب

[روح ملائكيه]

يلا اشوفكم على خير

سلامي للجميع

[عسل بغداد]

هلو حبايب امونه شلون صارت بنونه
زنوبه حبي مشتاقيلج
مهاوي شلونج والكتاكيت شلونهم
ايوته شأخبرج مشتاقيلج ويوسف شلونه

[زينب السعدي]

هلو ايو شلونج حبي مشتاقين
هلو مهاوي وينج يمعودة وين هالغيبة مشتاقين
اني انتقلت للبيت الجديد وقبل لا انتقل رشيناه مبيد والعمال هم غسلوه بالديتول بس القاصر مستخدمته...الحمد لله داخل البيت ماكو حشرات بس بالحديقة اكو هواي بس اني ابد ماااعوف الباب مفتوحة ...شعجب شقتج بيها حشرات العمارات قلما يصير بيها هيك اني من كنت بشقتي كانت بالطابق 19 ولا حشرة اكو اصلا نسيت شكل االبك والذباب والصراصر ههههه
انت باي طابق شقتج
رويدة لحد البارحة مجابت بس اليوم ملها حس
كوكي ماعدها نت ومدتدخل
ونجلاء ملتهية بالامتحانات ومتدخل هلكد
وبقية البنات فاكو شي جديد

[بنوته توته]

اني بعد متزوجه ومقيمه بدبي بس انتي وين بدبي


لالالا الحمدلله ماعندي شي ههههه

بس هجي اسال على الولاده وهذا اول حمل لي واسال

[زينب السعدي]

اهلا وسهلا بيج بتجمعنا بنوتة بس ممكن السي في مالتج يعني اسمج ومواليدج وصارلج شكد متزوجة حتى نتعرف عليج كلنا
طبعا اني اسمي زينب ومخلصة كلية هندسة بس مااشتغل ومقيمة بدبي بالبرشا3 وصارلي سنتين مزوجة اول سنة مسويت اطفال كنا نريد نتونس وبعد السنة حبلت وصارعندي اجهاض بالشهر 5 من الحمل اسم الله عليج لاسباب صحية وسويت مانع بعد الاسقاط ولح الان مستمرة بالمانع صارلي 7 اشهر انشالله الشهر القادم ارفع المانع
ولتفكرين بهيك وساويس تره مو زين عليج وعالجنين اسم الله

[*بنوتة عراقية*]

هلوو حبي بنوته
التمر اني اكله عادي خلال فترت الحمل لما اشتهي
بس اني نادرا ما اكل تمر او حلاة
يعني قبل شهرين اشتهيت تمر ويا الروبه ههههههههههه
بس راشي وسمسم لا تاكلي ولا الكبده ولا اكاندي الاسود هذني خطرات .
بس التمر عاادي الف عافية.
مشكووورة حبيبتي والله سمعت انو مو زين التمر بداية الحمل
بس ليش راشي ما يصير!
والكبدة دكتورة كالت مو زين لا تاكلين

[o فرح عمريo]

هلوووو بنات مساء الحب والعافيه
شخباركم جميعا ان شاء الله تمام
اقره الصفحات واجي
بوساااااااااااااااااااااات

[o فرح عمريo]

يبوووووووووووو شكد حاجين دخت لما قريت الصفحات

حبي فاديه سلامتج الف سلامه عليج وان شاء الله مابيج غير العافيه
امونه حياتي شخبارج وسلامة بنونه متشوف شر ان شاء الله
ميوش مختفيه ان شاء الله المانع خير
يمنى عمري توصلين بالسلامه وسفره سعيده ان شاء الله
ام نورهانه- زنوبه-فاطمه-سجاوي-رويده- حوري-ام ايهومي-رحوبه-عذراء-
وكل البنات تحياتي الكم حبايب

[o فرح عمريo]

بنوته حبي اني مره سمعت من دكتور اعشاب بالتلفزيون يكول التمر والعسل يسهلن الولاده فميصير ياكلوها بأشهر الحمل بس بالتاسع مفيده
والله اعلم

[عذراء الجابري]

سلام عليكم بنات
اشلونكم حبايبي ومبروك البيت الجديد زنوبة وانشاء الله عتبة خير عليكم
ام الوقة بشرينة اشلونج ولادة ميسرة
وباقي البنات ربي تكونون كلكم زينين
شوية ما ادخل للنت من يكون زوجي مسافر خطية مكانة صعب جدا وهسة حاليا هو بالناصرية السبت القادم يله يجي بالسلامة

[عذراء الجابري]

فوفو سلامات عليكي
شكرا الوان حبي
ام بنونة مشافة بنونة بأذن الله

[زينب السعدي]

هلو فروحة شلونج شو مختفية هالايام مشتاقيلج
هلو عذورة شلونج انشالله بخير تسلمين حبي عالدعوة الحلوة بخصوص بيتنا الجديد
طبعا مازلت ارتب الالاغراض كل شي بمكانه وترتيب الملابس وغسلهن وترتيب الغرف...لتكولون عليه فاهية بس والله يوميه اشتغل بس اني وحدي ومداالحك والاغراض والغرف هواي
والحمامات 5 داخل البيت و2 خارج البيت بس العمال نظفوهن مع ذلك اريد اسوي الديكور مال الحمامات الي بداخل البيت لان هاي من اختصاصي وخاصة حمام غرفة نومي اريد ارتبه بطريقة رومانسية هههههههههه

[o فرح عمريo]

هلوو ام هداوي عيوني يرجعلج ابو هداوي بالسلامه ان شاء الله والله يصبرلج على غيابه هاليومين
زنوبه حبي شخبارج مشتاقتلج موتاااات اني موجوده بس مدنتصادف بالدخول للمنتدى سويه
اي عفيه عفيه اهم شي الرومانسيه تره هي ملح الحياة الزوجيه وربي يسعدكم ان شاء الله وتشوفون كل خير بهالبيت ياربي

[o فرح عمريo]

زنوبه بعد شكد وتشيلين المانع ,, اني بعد يومين تطلع الأربعين مالتي
وان شاء الله يرزقنا الحمل سويه وام بنونه همين
وكل المنتظرات ياربي

[زينب السعدي]

تسلمين قلب اني اكثر مشتاقتلج وانشالله يارب يعم الخير علينا كلنا ويرزقنا اني وياج وامون عاجلا غير اجلا بالولد الصالح

[زينب السعدي]

شوف سبحان اني وياج نفس الدعاء وبنفس الوقت
انشالله الشهر القادم اشيله هسه اني توني غسلت من الدورة انتظر الدورة القادمة تجي واغسل منها واشيله باذن الله

[فوفو العراقية]

هلووو حبايب
شلونكم كلكم


روح الله يبارك بيج وينطيج على كد نيتج يارب
مشكورة باعمري عالدعوة الحلوة.


زنوبة فعلا حدسهة ماكو مثلة ثلاثي الابعاد ههههههههه
ربي يرزقج الذرية الصالحة والف مبروك البيت الجديد ... ان شاء الله تملي اطفال


بنوته
سوري مو السمسم
بذرة الكتان
اني هم جنت غلطانه وهسة تاكدت من الكتاب الي انطوني ياه بمركز الحمل
والمشكلة اني اكلت هواي بداية حملي
ولحد اول البارحة هم اكلت صمون بي بذرة الكتان بالمطعم
ويمكن هية سبب التقلصات والاوجاع الجتني البارحة واول البارحة بالليل..
الله يستر ههههههههههههه

[فوفو العراقية]

زينب
مشيتي على الرجيم ؟ الي يساعد على الحمل بولد؟
شوفي اني جربته والله اعلم لو جان السبب منه مع اني خربطت اخر اسبوع ههههههه

[فوفو العراقية]

عذورة حبي شلونج؟
شلون صارت هدهد؟
ربي يسلمهة من كل شر..

[o فرح عمريo]

اي ولله سبحان الله نفس الدعاء ونفس الوقت
الله يسمع منا ان شاء الله
هلوو فوفو حبي شخبارج طمنينا عنج شلون صرتي وشلون النونو ان شاء الله تمام

[o فرح عمريo]

شنو هذا الرجيم الي يساعد بالحمل بولد اول مره اسمع بي تدرين ؟؟

[فوفو العراقية]

هلو حبي فروووحة
الحمد لله
اني زينه والنونو والحمد لله احسن
وحركته بدت تزيد والحمد والشكر لله دوما وابدا.

[عسل بغداد]

مساء الخير عليكم

[فوفو العراقية]

اي فروحة
اني جنت متوقعه احبل ببنت
ومشيت على هذا الرجيم مدة 3 اشهر ورابع شهر حملت وماكان عندي كلش فرق بموضوع جنس البيبي بس مجرد محاولة
وكلت يمكن اني اسعى واخذ بالاسباب مثلما ذكر في القران الكريم واجيب اخو لمحمد ابني..

هذا الرجيم هوة انج تاكلين اكلات تساعد البويضه تستقبل حيوان منوي ذكوري اكثر من الحيوان الانثوي
واكو رجيم بي اكلات خاصة تتغذه حتى تساعد البويضة تجذب الحيوان الانثوي...
لو تردي اكتبلج ياه
وتستمرين عليه لازم 3 اشهر قبل الحمل
وكل من جربه نجح وهوة مثبت من اطباء بريطانيين وعالميين بس يرادلة صبر
وشوية يزود الوزن ههههههههههه
بس لعبي ويا رياضة..

[فوفو العراقية]

مساء الورد عسوووووووووووووووولـــــــــــــ...

[عسل بغداد]

هلو حبي فوفه شلونج اليوم انشالله احسن
عذوره مساؤؤؤ شلون صارت هداوي الله يرجع زوجك بالسلامه
هلو فروحه شخبارج

[ياعونك]

الاااااياياهلو ايوته اصاير غيرو تجمعنا
توني قبل اشوي فاتحته القديم خخخخ

[ياعونك]

سلام عليكم ورحمه الله وبركاته
شلونكم شخباركم انشاء الله بخير الجميع ياربي

[أم أيهومي]

هلو حيايب دخلت اسلم عليكم مشتاقتلكم كلش ودايخه بالامتحانات يارب تخلص وارتاح والله تعبانه كلش ايهومي يريدني وابوه وجده يريدون خدمه فايف ستار والكليه اتريد درجات توب لاني الاولى والله احس نفسي مكينه واشتغل
ادعولي حبايب بان انجح وارتاح
يارب البنات كلهم بخير
مهاوي دلب مشتاقتلج موت اعذريني من التقصير..ومداسأل عنج بوساتي للحنفوشيين

بوساتي للجميع ولاطفالكم

[عسل بغداد]

هلو ام ايهومي الله يساعدج على دوخه الامتحانات
يارب تنجحين وتجيبين اعلى الدرجات
انتي شتدرسين

[أم أيهومي]

هلو سجاوي تسلمين حبي يارب ايكومج بالسلامه والولاده السهله
حبي اني ادرس تربيه جغرافيه مرحله رابعه

[o فرح عمريo]

اهاااا ولله حلوه هالشغله زين هذا وين الكاه الجدول
اي عادي اصلن اني ضعيفه ويرادلي شويه سمن خخخخخخ بس مو كلش لأن زوجي يكول اشمرج من الشباك اذا سمنتي

هلوو عسوله حب شخبارج

ام ايهومي ان شاء الله بالتوفيق ياربي وبالنجاح الدائم

[o فرح عمريo]

بنات اروح اسوي عشه وراجعه بأذن الله
تحياتي ياورود
رح اشتاقلكم موووت

[فوفو العراقية]

اي حبي الجدول عندي
ياهو تردين
مال الولد لو مال البنت؟ حتى انزلة هنا والخوات يستفادن
لو تردي برساله خاصة؟

[فوفو العراقية]

هلوو ام ايهومي
شلونج قلب
شلونة ايهوم؟؟؟
عساكم بخير؟

[رويدة_ أم ألق]

مساء الخير عليكم نفر نفر وحدة وحدة ههههه

[أم أيهومي]

تسلمين حبي الوان ولو مااعرف اسمك ولا السي في
يارب يرزقك بالحمل قريبا ان شاء الله

[رويدة_ أم ألق]

فادية سلامات إن شاءالله متشوفين شر
بس 3 أشهر أكل محدد والتزام وممهتمة بجنس الطفل لو تهتمين شلون هههههه

فطومة أنا طول الشتا كنت آكل تمر وأحيانا دبس وراشي
والحمدلله ماعانيت من شي

مهاوي نورتي والله كتبتلج رسالة طويلة عريضة
تالي طلع الصندوق عندج ممتليء

نجلاء , فرح , نورس , زينب , عذورة , سجاوي ,إيمان وكل البنات شلونكم حبايب؟

[أم أيهومي]

هلو فوفايه دلب مبروك الولد يارب يجي بالسلامه ان شاء الله
والله ايهوم ديسنن ومتعبني خطيه بس يحكحك بسنونه وعنده صخونه شويه

هلو ريري والله شهيتيني كباب بكلمة نفر نفر اتخيلته نفر كباب ههههههههههههههههههه

[مجنونة بحبها]

هلوووووو


اليوم طلعت الشمس نجوله وايوته ومهاوي بينوا شلونكم حبايب اخباركم
نجوله يارب النجاح والموفقيه واعلى الدرجات




زنوبه وفروحه اشكركم على الدعاء ويارب يرزقكم ضعف ماتتمنون
وانا ادعيلكم بالمثل



باقي البنات شلونكم اخباركم فوفو
وسجاوي

عذوره مشكوره حبي الشر مايجيج

اليوم بنونه الحمدلله صارت زينه وشالعه كلبي بوكاحتها


مستعجله اعذروني

[رويدة_ أم ألق]

توتة شلونج؟ شنو تجين تكتبين كلمتين وتروحين؟

هههههه جوجو

[ام نورهانه]

هلووووووو ولجن شلونج حبي نجوله ربي يعينج ويعيني اني يوم الثلاثاء عندي اخر امتحان
وطبعا باجر عندي اقتصاد وستوني فتحت الكتاب لان نظفت تنظيفة التراب غسلته للبيت من فوك ليجوه ووراها البارحه بنتي العوبة بالليل نسيت البسها حفاظة وكانت نايمه بفراشي وبالت بيه واني اصلا بيه واهس طلعت المخاديد اربعة والبطانية والدوشك كلهن بالطرمة ومن الصبح اجلف ليحد قبل شويه ياله خلصن وخليت الجراجف بالغسالة ودانتظرها تخلص علمود اشرهن يااااااااااربي اهلكت وبس اريد اخلص امتحانات علمود انزل بردات البيت وقنفات الاستقبال اغسلهن لان اثاثي اسود واحمر ومن التراب صار صحراوي واحمر لعبت روحي مسحت بالوصله والبخاخ مفاد احس التراب داخل جوه

[ام نورهانه]

وج ام كرش بعدج تناضلين ويه الوقه العوبه

[أم أيهومي]

هلوووووووووووووووووو بأمونه المستعجله دائما اشلونج حبي والله مشتاقتلج بنونه اشلونه بوساتي الهة
يارب يتقبل منج امونه ويتقبل دعائنا بأنه يرزقك بأخت لبنونه بوساتي الج ياغاليه

[ام نورهانه]

هلو فوفو قلب مشتاقتلج شلونج
فروحه وسجاوي وامونه وايوته ,ومياوي والزنوبات وعذوره وفطومه ورحوبه ومهاوي وحوري وبعد منووووووووووو عليكم الله عذروني اذا شطح مني اسم كلكم بالقلب ومشتاقتلكم كلش هوايه بس اخلص امتحانات اكعدلكم بالتجمع ركبه ونص
خو رويده وبنتها الا اطلع بنتج سحل من شعرها هاي الظاهر انتوا ناعمين بالتعامل وياها بس خلي اخلص امتحانات وتصبرلي الق هانم دقتنه
ههههههههههههه فدوه القلبها

[رويدة_ أم ألق]

ههههههههه فلة
شلونج حبيّبة على كيفج وية نفسج والله تتأذين بعدين.

[مي &]

وجان اجي اني

شلونكم وحده وحده مشتاااقتلكم كلش كلش انتو وعفاريتكم

ولج ام نوهانه على كيفج ويه التنضيف تره الترااب ميروح


حبي ام ايهومي اشلونج وشخبارج وشلونه ايهومي الحلو اريد صوره حديثه اله حبابه

ولج ام الوقه هااي بعدج مجبتي

وبااقي البنات شلونكم مقريت اي صفحه بس هاااي الصفحه

[رويدة_ أم ألق]

يمة سحل ...
والله اللي يقرا هذا العنف ميكول عندج كل هالنزاكة بملامحج انزول على قلبج.

[مي &]

اليوم رحنا لبيت حماتي وزوج حماتي صحفي وعنده كاامره حديثه واخذ صور كلش حلوه لبروره وهااي الي جوه اسمي وحده منهن
حجمهن اجبير اخاااف مينزلن هنا بلرد

[o فرح عمريo]

هلووو حبايبي شلونكم ان شاء الله تمام
ام نورهااانه وام بنونه منوررررررررررررررررررررررين

ام ايهومي الورد
اسمي فرح عمري23 سنه متزوجه من 11 شهر وصار عندي اسقاط بالشهر الثالث وبعد يومين تطلع الأربعين
واني من ديالى والسنه تخرجت من كلية تربيه قسم انكليزي
وبعد خوما ناسيه شي ههههههههه

[o فرح عمريo]

ياهلا بميووووووووش ولج هاي وين هالغيبه ولله افتقدناج هواااي
يمه صدقه لألله تجنن ربي يحفظها من كل شر بروره
الله عليج نزلي الصور خل انشوفها

[أم أيهومي]

لج هلو فله فلافل يبووووووووووووو شكد مشتاقتلج على كولة بنت اخويه من اتشوفني
ولج عوبه اركدي مو انتي حامل ديري بالج على نفسج ولج اني هم جنت هيج ابد مااكعد بيه مرض اسمه النظافه عمو ابو زوجي ايكول ابحياتي مشايف احد اينظف ابكد نجلاء
اني هو اريد انظف التخم احسه صاير مو ماروني واصفر صاير جوزي وبيجي من التراب
نورهانه مشتاقتلهة ولسوالفهة

اني الاسبوع الجاي كله يالله اكمل امتحانات ولج انشك حلكي من القرايه طلعت اجازة الولاده من خشمي

يالله هانت الله كريم بوساتي حبي
اكولكم ايه وينهة دتحجون وياهة وهي ماكو هاي العوبه متسأل بوساتي الهة ولسفسف

[مي &]

هلو حبي فروحه

الله ايسلمج حبي والله حجمهن جبير للصور حاولت وكلي لايصير خخخخخخخ

ولج هذا النت يمنه ضهيف صااارله يومين

[o فرح عمريo]

الله يعينكم على الأمتحانات
احنه نظامنه كورسات وبس كورس اول امتحنه وكورس الثاني بس تطبيق وبحث
خلصنه من الامتحانات ودوختها

[مي &]

يبوووو ضهيف يعني ضعيف

لتروح تجيني ام الق

[رويدة_ أم ألق]

هلاو ميمي صورة أبرار تجنن ماشاءالله

فروحة منورة ترى اني ونجلاء أم أيهم ومي ومها كلنا من اصول ديالية هههه

[o فرح عمريo]

حوري مختفيه اليوم ؟؟؟؟؟؟؟؟؟؟؟؟؟؟
ورحوبه هم مختفيه صارلها كم يوم ؟؟؟
ان شاء الله المانع خير

[مي &]

اي والله فروحه اشكد حلوو نظام كليتنه
من اسولف لحماتي اتكول انيالج
كلتلها تطبيق وبحث وعطلــــــــــــــــــــــــــــــــــله طويله بلا تعييين

[رويدة_ أم ألق]

اي مـــــي هو مرات يضهف وكلش يضوج ههههه

[مي &]

اشكرج حبي ام الوقه انشالله تجي الوقه وتطلع احلى منها بقاطات

صدك والله احنه اهل ديالى اذا نسوي انقلاب انفوز خخخخخخخخ

[o فرح عمريo]

هههههههههههههههههههه خوش كبسه مي طلعت رويده وراج

[مي &]

خررررررب ببسليج رويده

اني ادري الق ليش كااعده بطنج ومتطلع

متونسه على غلطاتي ههههههههه

[مي &]

شفتي عليج الله فروحه
لا وحتى لو مو ورااايه ما ادري منين اطلع الرد

[رويدة_ أم ألق]

ههههههههههه اي تكول تعجبني خالة مي تسحك وتغلس.

[ام نورهانه]

صدد فروحة انتي قسم انكليزي لج اموت على شي اسمه انكلوزووووو هههههههههه وان شاء الله بس اخلص سادس ادخل تربيه انكليزي اكلج شنو مجالات التعين غير التعليم اني الي اعرفه ام الانكليزي تكون الها مجالات اكثر وشلون شفتي الدراسه بالذات للي مثل حلاتي اطفال وبيت ومسؤوليه

[مي &]

هههههههههههههههههههههههههههه

ولج مو كتلج انتي هم من ديالى وهم من النجف
اي دغلسي

[o فرح عمريo]

هههههههههههههههههههه بس تردين الصدك ميوش
انتي هواااي تسحكيييييييييييييين

اهااا حلووو طلعنه كلنه من ديالى

[مي &]

ولج هله ام نورهان شلونج ويه الامتحاانات

[رويدة_ أم ألق]

صدكي ما أكدر مو بيدي
لا والنوب اجيت يم رجال أضرب مني فتخيلي الحالة وين واصلة هههههههههه

[مي &]

اهئ اهئ اهئ
ولكم هااي كلكم عليه
مو ذاك اليوم كلتلكم ليش اغلط اهوايه
مواني اكتب على السريع ما ادري ليش طبيعه بيه

[رويدة_ أم ألق]

مي وفلة انتو هم برز ببطنكم خط جوزي باخر شهرين من الحمل؟

[مي &]

يله يله اتونسو اتونسو على غلطاتي
رااح احول ما اغلط
بس ما اوعدكم ههههههههههههههههههه

[مي &]

اي صااار عندي خط وهسه رااح
بس اكو بيهم ميروح

[o فرح عمريo]

ولله ام نورهانه حبي لأن اني اصلا مكمله معهد معلمات قسم انكليزي فشفته زين مو صعب عليه
هو مو صعب بس يرادله وكت وقرايه اذا تردين تدرسين

واكو تعيينات بأي دائره لقسم الأنكليزي
هسه حتى السكرتاريه مثلا من يطلبوهم لازم دارسه انكليزي
وشكد حلو ونصير سكرتيرات حتى رجالنه ينتحرون خخخخخخخخخخخخ

[رويدة_ أم ألق]

أحول على المولدة هههههههههههههه

[مي &]

اكلج رويده
اشوكت موعدج ويه الدكتوره
بااقيلج اسبوع بس لازم اتروحين اترااجعين

[رويدة_ أم ألق]

ياا كل شي ولا ميروح؟ لان غامق ومنظره مو حلو.

[مي &]

hwaml03hwaml03hwaml03hwaml03hwaml03

راااح اتخبليني رويده

[رويدة_ أم ألق]

ميمي الدكتورة خلتلي 4 أيام فوك شهري على موعد المراجعة ما أعرف ليش

بس اني كلت باذن الله منا ل3 او 4 أيام أروحلها

[ام نورهانه]

يله يله اتونسو اتونسو على غلطاتي
رااح احول ما اغلط
بس ما اوعدكم ههههههههههههههههههه















هههههههههههههههههههههههههاي

[مي &]

لا لا لا انشالله ايروح لان اني رااح

بس حماتي مراح
فما ادري حسب شنو ايروح وميروح

اني بيضه وحماتي سمره

[رويدة_ أم ألق]

اني حنطاوية يعني يروح نص ويبقى نص ههههه

[مي &]

اي حبابه روحيلها
وحاولي مثل ما كتلج اتراقبين حركات الطفل
وكوليلها بدا ينلم بمكان وااحد

[أم أيهومي]

ههههههههههههههههههههه مي صايره تحجي بضهيف ههههههههه شبعت ضحك

عندي امتحان بيئه لعبان نفس كله انكلش وتلوث ومعادلات ووالسعي مالتي اربعين من خمسين اكول لزوجي راح اقره على كد العشر درجات ايكول اي انتي صرتي اكسباير

الوان اسمهة فرح ؟؟ا
وين عايشه وعدكم هيج نظام ؟؟