دردشة بنات العراق, دردشة حوامل العراق , تجمع بنات العراق

[بنت الخليج]

ياااااا الله يشافيج حبيبتي اني مو حامل وسويت عملية وشلتهة بس شلعوا كلبي وموتوني وهسة عايشة على الحبوب مال تنظيم الغدة اسمها ثيروكسين بس ممجربة وية الحمل

[عسل بغداد]

هلو بنات شلونكم تفضلو نسكافه حبي ام كرار تسلمين مو بس عقارب وحيايه اذا تردين هههههه كلشي عدنه

[غنى2011]

الله يخليج حبيبتي لا مو مال عمليه ان شاء الله ما احتاجها بس هس الخوف منها لان حامل

[عسل بغداد]

بس امانه الله عندي حماتي الجبيره حبابه وتحسبني مثل بناتها

[عسل بغداد]

هلو غناوي شلونج حبي

[بنت الخليج]

اسم الله عليج حبيبتي انشاء الله متحتاجين عملية بجاه محمد وال محمد والله يتمم حملك انشاء الله

[بنت الخليج]

هلوووو سجاوي ترة نفس الشي اذا عقارب او حياية كلهن لدغتهن توجع يا ستار وعدهن صفة ثانية تلدغ وتضم راسها عبالك ولا يمها

[بنت الخليج]

هاي شنو وين النسكافه اشو بس اشتمينة ريحتهة جيبيلنة فد فنجان ههههههههههههههه

[عسل بغداد]

اني اكره اللي يحجي ورايه لان همه يحجون على كل الجناين كدامي

[غنى2011]

هلو بيج عسوله انتي شلونج انتي ساكنه بغداد مو
اني من الحله

[عسل بغداد]

هههههههههه تدللين عيوني الج عمري

[عسل بغداد]

اي حبي ساكنه حي الجهاد لعد اريد كيمر من عدج

[عسل بغداد]

بنات اليوم الحلقه الاخيره من حريم السلطان منو متابعتها

[نورس دجلة]

السلام عليكم كيفك بنات اني عضوة جديدة ممكن ترحيب اني من الاعظمية محتاجة اسوالف وياكم بخصوص الحمل الان انا في الاسبوع التاسع والعشرون ممكن

[مجنونة بحبها]

هلووووووووووووووو بنات اخباركم

[بنت الخليج]

هلو امونة حبيبتي اشلونج وين هالغيبة

[بنت الخليج]

اهلا وسهلا بيج حبيبتي نورس نتشرف بيج ويانة

[kokee]

هلووووووو بنات

[kokee]

خلصت حريم السلطان نهاية حزينه كلش

[kokee]

انا بيا حال والدفان يغمزلي اخخخخخخخخخخخخخ

[فوفو العراقية]

هلو فوفو حبيبتي امنورة اني بيداء ام كرار . انتي يمكن قديمة بالمنتدى بس اني اقدم منك ههههههههههههه واعذريني ترة ما اعرف اسمج . اتشرف بيج


هلو ياقلبي
اتشرف بيج
والنور نورج ياعمري
عاشت الاسامي يا بيداء والله يخليلج كروري

اني مو كلش قديمة هههه بعده تاريخ الصلاحية هههههه
عادي حبي اعرفج بنفسي فادية ام محمد عراقية نجفية وعايشة بفنلندا من 15 سنة
وانتي؟

[فوفو العراقية]

توتو حبي
اني حبلت بأيام غير وقت الاباضة ترة مو صحيح انه مايتم الحمل الا بوقت الاباضة
ابداااااا مو صحيح
اصلا وقت الاباضة ماصار بينه تقارب ابدااااااا لاني جنت مريضة لمدة 10 ايام وكانت وسطها ايام الاباضة
ف متى ما شاء الله تم الاخصاب والحمل
توكلي على الله وكولي ماريد وراح يصير غصبا عليج هههههه
اني جنت مقررة لما تجي الدورة أأجل الموضوع الى اجل غير مسمى
ولما حللت طلعت حامل.

[بنت الخليج]

هلو فادية حبيبتي الشرف الي يا عمري وعاش اسمك والله يخليلك حمودي اني عايشة ببغداد ومواليد 80 وشغلي معلمة وعندي كرار وعلي واديان واهلا وسهلا بيج مرة اخرى

[فوفو العراقية]

حبي غنى شلونج
سلامتج ليش اشبيها الغده عندج
ترى بالحمل المفروض تكون متوقفة التغيير
يعني متوازنة خصوصا لو الحمل طبيعي
الا لو عندج مشكلة صحية بهالموضوع تحديدا الله ينطيج العافية ويحفضلج الي ابطنج يااااااااارب

بالنسبة للمكياج عادي كلة لكن؟؟؟؟؟

اكو كريمات تجميل سواء تبييض تسمير او كريم مسائي صباحي مثلا فهذا مضرررر عالجنين
تعرفين ليش؟
لان بي مواد امتصاصية سريعه وتوصل للجنين بسرعه
واكيد تكون بيها فيتامين دي الي هوة اخطر شيئ عالحامل
مثلما الشمس خطرة
وهذي الكريمات تسبب تشوهات للجنين وطفيليات على كيس المحيط بالجنين
هذا الشرح حصلت عليه من كتاب خاص لكل الحوامل وفترات الحمل.
لكن كريم الاساس والبودرة والمكياج اليومي عادي مابي هالامور كلها
وحاولي التقليل منه
بس امتنعي عن نوع واحد من السمك هنا يسمو hauki بس بالعراق ماعرف اسمة ولا بالعربي
حذروني منة بالمستشفى.

[فوفو العراقية]

عسولة حبي ان شاء الله ماكو شي
والجنين بصحة وعافية يارب.

[فوفو العراقية]

اهلا وسهلا نورس
تشرفينا حبي
والله يتمم عليج حملج يارب
راح تتونسين هنا باليوميات كلششش
واي سؤال احنة خواتج ونتبادل التجارب والنصائح سوى
بس ادرجي السي في مالتج لان ماراح يعوفوج البنات هههههههههه.

[فوفو العراقية]

تسلمين حبي ام كروري
واني عندي 3 محمد ورنا وانوار والرابع بالطريق
مواليد 82
وتشرفت بيج حبي,

[بنت الخليج]

اكلج فادية هذا السمك اللي كلتي عليه صدف لو جلد ؟؟؟

[بنت الخليج]

الله ايخليهم الج حبيبتي ويتربون بظلك وظل والدهم انشاء الله

[نورس دجلة]

ههههههههههههههه ان شاء الله حبي اني استاذة جامعية في كلية اهلية وعمري 31 واني حامل بالبكري وراح اضوجكم باسألتي هههه
وشكرا للرد يا الغالية
واول سؤال عن افضل مستشفى ولادة قريب على الاعظمية

[توتايه]

هلو عمري مستشفى الوزيريه اني جبت بيها هم اسعارها مناسبه وهم نظيفه ومستشفى اهلي اني من اهل الاعظميه والف هلا بيج نورتي وربي يتمم عليج بالخير

[توتايه]

انتي يم اي دكتوره تراجعين اني جنت يم هناء الالوسي

[كان حلم]

الله الله شوقتوني للعراق وللاعضميه والسمجهه المسكوف اشتاقيت الدكتوراتنه الشاطرات
ادعولي بنات اكوم بالسلامه عندي ولادة قيصريه بشهر الثامن

[توتايه]

كان حلم حبيبتي نورتي وربي انشاء الله تكومين بالسلامه عمري الف هلا بيج

[كان حلم]

حبيبتي توتايه تسلميلي على الرد الحلو مثلج

[توتايه]

انتي وين حلم؟ بالعراق لو خارج العراق

[كان حلم]

اني عايشه بفنلندا بلاد الثلج هسه الثلج شويه بده يموع واني تلعب نفسي منه لان كام ايصير مثل الازبري
اصلا بوحامي من اطلع واشتم ريحة الثلج اتقيئ ادعيلي بس اخلص واجيب

[توتايه]

انشاء الله طبيعي مو عمليه حبيبتي شعجبت قيصري الله ازبري يبو يبو شكد احبه

[كان حلم]

هاي خامس عمليه راح اسويهه عندي اربع جهال الله ايخليهم

[بنت الخليج]

هاي اشلون قهر مدااكدر انام وراح اتصبح الدنيا هاي يومية هيجي طبعا مااعرف ليش صاير عندي ارق . اشلونج اية حبيبتي شخبارك وكان حلم منورة حبيبتي واهلا وسهلا بيج

[بنت الخليج]

كان حلم ابسرعة انطينه هويتج الشخصية ترة وصلنة سيطرة بغداد هههههههههههههه الله يخلي اطفالك ويكومك بالسلامة عزيزتي

[كان حلم]

حبيبتي بنت الخليج هذا نورج
طبعا اني هم مداكدر أنام هالايام وفوكاها لازم اكعد الجهال للمدارس وعندي بالروضه هم لازم ابدللهم يعني مغمضة الصبح بس ادعبلهم
على ابوهم ايوصلهم وارجع أنام للضهر ولهوه يروح للشغل وبعدين اني ارجعهم للبيت

[كان حلم]

ههههههههه بنت الخليج
اني ام علاوي عمري 36سنه عايشه في فنلندا

[بنت الخليج]

الله يساعدك ويكون بعونك حبي . ها صدك نسيت اني بيداء ام كرار وعندي علاوي واديان بعد مواليد 80 وهسة موحامل

[كان حلم]

اتشرفت ابمعرفتج ام كرار مناويه تحملين
اني مجنت ناويه بس من دخلت هالمنتدى سوولي واهس هههههههههه

[بنت الخليج]

اها ام علاوي تشرفنا بيج حبيبتي واتوقع انتي اكبر وحدة بالتجمع ههههههههههه . الله يطول عمرك انشاء الله

[توتايه]

الله يسهلها عليج حبيبتي يجوز طبيعي اني اتذكر مرة عمي جابت اول بطن عمليه والباقي طبيعي الله يحفظهم حبايبي بيا شهر انتي هسه


هلو بيوده عمري لويش يولي شبيج بله اني متخبله انتي شبيج يلا شكو وراج عطله

[بنت الخليج]

لالالالالالالالالالا يمعودة فال الله ولا فالج همة ذولي اموتيني هههههههههههه وبعدين اني دا اخذ علاج مال غدة ميصير احبل هسة

[كان حلم]

اني اكبر منج بخمس سنوات بس
اشكد عمر ابنج كرار الله يخليه اني علاوي عمره 13 سنه هسه

[كان حلم]

توتايه اني سويت اربع عمليات بعد ميصير اجيب طبيعي
بيداء انتضري شويه وبعدين احملي الله يشفيج ان شاءالله

[توتايه]

ماشاء الله رجال الله يحفظه ولج بيداء عمتي عمرها45سنه وشايله الغده وتاخذ ثايروكسين وخلفت 2 عبالك اجنبيات يخبلن هيه من جانت حامل تكول هذوله راح يطلعون منغول لان اني جبيره بالعمر وبالتالي يخبلون طلعو

[توتايه]

كم سنه صارلج بفلندا

[توتايه]

بيداء يبو عزه راح تنهزم المره تكلو طابه لتجمع مال عراقيات لو مركز تحقيق

[كان حلم]

هههههههههه حبيبتي اسألي ابكيفج
اني صارلي ثلاث سنوات
انتي مكلتيلي اشكد عمرج وكم طفل عندج

[بنت الخليج]

كرار عمره 11 سنة ام علاوي . الله يخليلج اطفالج عمري . اية الدكتور منعني من الحمل هسة ايكول انتظري بس ما اعرف اشكد انتظر ههههههههههههه . ياااااا ليش تنهزم يمعودة غير انريد نتعرف عليهة وانفلسهة اتفلس هههههههههههههههههههه

[كان حلم]

الله يخليلج كرار ابني اكبر منه بسنتين
شلونه العراق اجاكم الحر لو بعده

[بنت الخليج]

الله يسلمج حبي وايخليلج اطفالج بالنسبة للحر بعده مو كلش مرات حارة ومرات زينة والله كريم

[توتايه]

والله عمري اني مواليد 90 يعني بشهر الثامن اصير 22 وسنه وعندي ولد واحد اسمه يوسف عمره 9 اشهر

[توتايه]

بيداء هم عاجبج تخلفين اني يوسف وتوبت من وراه

[كان حلم]

انتي توتايه وكتكوتايه همينه الله يخليلج يوسف ان شاءالله
عندي أخت نفس مواليدج
بنت الخليج انشاء الله متشوفون الحر ابد

[بنت الخليج]

اكلج اية بالنسبة العمتج الدكتور اشكد كللها تستمر على الثيروكسين اني ايكول تعالي بعد ثلاث اشهر انشوف الوضع والرجال ايريد طفل ايكول اريد اخت الاديان . تسلمين ام علاوي حبيبتي وانشاء الله متشوفين برد قوي ابد هههههههههههههههههههههههه

[توتايه]

ههههههههههه اي صغنونه بس اكو اصغر مني هنا

[بنت الخليج]

بنت اختي مواليد 90 ولح الان ممتزوجة اتريد اتكمل كلية وبعدين تتزوج . سمعتي اية يعني منا وغاد اتصيحيلي خالة هههههههههههههههههههههه

[كان حلم]

عيني بيداء وتوتايه أحاول أنام لان اكعد بالسبعة الصبح
نلتقي باجر
تصبحون على خير

[بنت الخليج]

اي صح اكو اصغر . اية تتذكرين رحمة الرحمن خطية مواليد 93 وانفصلت اسم الله عليج . وانتي من اهل الخير حبيبتي

[توتايه]

والله حبيبتي عمتي من جانت تقريبا بنص الثلاثين شالتها وليهسه تاخذ ثايروكسين

[توتايه]

وانتي من اهله حبيبتي تعالي باجر راح نسوي ركي وجبن عرب ونعناع والي تعرف تخبز خلي تجيب خبز وياها

اي سمعت تره شغلتها مال جهال وسرعة تصرف ادري شنو تنفصل واهلها ميدرون موحجي هذا

[بنت الخليج]

اية اقصد هي حبلت وتاخذ حبوب مو صح يعني مياثر ؟؟ لان اني مسالت الدكتور على هاي الفقرة

[توتايه]

اي خاله بيداء

[بنت الخليج]

هههههههههههههههههههههههه خرب يومج هو اني بنت اختي اتصيحلي باسمي هههههههههههههه

[توتايه]

شسويلج اكولج ولج اخاف دتحوصين نياااااااااااااا روحي اتحارشي بيه

ردتوني اتحارش اتحارش تاليها هيجي صار

[بنت الخليج]

يللة اني هم اروح تصبحين على خير اية وطمنيني عليج عود

[توتايه]

اوكيك عمري صدري متنك فدمره شلون قبل الدوره

اكيد اطمنج عيوني وانتي من اهل الخير

[بنت الخليج]

ههههههههههههههههههههه يمعودة وين اكو هسة رايح بسابع نومة لو ينزل الوحي هسة ميكدر هههههههههههههههه

[عسل بغداد]

صباح الخير حيلللللللللللللللللللللل البارحه شكد حاجيات جاينه خطار واني ماادري بس عاشت ايدكم بيوده وايه خوش مضيفيهم ضيافه ههههههههههه

[روح ملائكيه]

مساااااااء الخير بنات

نورس دجله
كان حلم

اهلا وسهلا ..نورتن التجمع يـ الغاليات

نورس ان شاء الله تولدين بسلامه واي سؤال احنا حاضرات
كان حلم ..ربي يتممها عليج بخير ويسر..

اني مها ام شوق عمري 35 سنه عايشه بالامارات متزوجه صارلي 6 سنوات+3 شهور وعندي (شوق,ملاك,محمد) حاليا ربة منزل بس اني معلمه وراح ارجع للعراق قرررررريبا ان شاء الله

خوش سي في مو؟ هههههههههههههههههههههههه

بيوده غلاتي نوووووورتي الجات غلاتي ..ماشاء الله من اجيتي جبتي الخير وياج ورجعن البنات من جديد

ايو ها شصار ع الدوره؟؟ ولج احسبلج ههههههههههههههههههه

رورو ربي يسلمج عمري هسه تجي الوقه وتتعودين عالاكل البارد والسهر وقلة النوم هههههههههههههه

زوزو حمدالله على سلامة عمتج ..الله يحفظها الكم ..ديري بالج عليها وانتي هم ماتتوصين ماشاء الله عليج شاطره واي شي تحتاجيه اني موجوده عمري..

زنوبه بس كليلي شنو زوري ههههههههههههههههههههههههه قبلاتي للولي

غنى عمري ماعندج الا العافيه ربي يتممها عليج بخير وسلامه ..وبالنسبه للقدوره والله مااشتريت زوجي مايرضى اشتري ام الغطاء الزجاجي لأن بس يوكع بالكاع ينكسر ..فأشتريت طاوتين تيفال ام الدائره الحمره وسيت ملاعق تيفال كلش حلو البارحه دشنت مهراسة البتيته ههههههههههههههههههه واختي البارحه كالتلي كلشي اكو والاسعار زينه هو راح اشتري من العراق واخلص.

ام محمد ماكو هالايام ؟؟

فوفو كعددددددددددي ههههههههههههههههه شلونج عمري؟ نامي زين باجر يجي الطفل وماتنامين ههههههههههه

[غنى2011]

حبي غنى شلونج
سلامتج ليش اشبيها الغده عندج
ترى بالحمل المفروض تكون متوقفة التغيير
يعني متوازنة خصوصا لو الحمل طبيعي
الا لو عندج مشكلة صحية بهالموضوع تحديدا الله ينطيج العافية ويحفضلج الي ابطنج يااااااااارب

بالنسبة للمكياج عادي كلة لكن؟؟؟؟؟

اكو كريمات تجميل سواء تبييض تسمير او كريم مسائي صباحي مثلا فهذا مضرررر عالجنين
تعرفين ليش؟
لان بي مواد امتصاصية سريعه وتوصل للجنين بسرعه
واكيد تكون بيها فيتامين دي الي هوة اخطر شيئ عالحامل
مثلما الشمس خطرة
وهذي الكريمات تسبب تشوهات للجنين وطفيليات على كيس المحيط بالجنين
هذا الشرح حصلت عليه من كتاب خاص لكل الحوامل وفترات الحمل.
لكن كريم الاساس والبودرة والمكياج اليومي عادي مابي هالامور كلها
وحاولي التقليل منه
بس امتنعي عن نوع واحد من السمك هنا يسمو hauki بس بالعراق ماعرف اسمة ولا بالعربي
حذروني منة بالمستشفى.


هلو فاديه حبيبتي انتي شلونج اي والله شسوي لهاي الدرقيه اشو فجاه بعمري ما شكيت منها

الله كريم هسه متابعتها بالتحاليل يم الله بعد

وعلى فيتامين دي ليش مو زين ع الحامل شلون اشو هاي حبوب الكالسيوم وياها فايتمن دي

اريد اسال الدكتوره
وهذا نوع السمك لو تعرفين شنو اسمه بالعربي يكون افضل حتى تفيدينا

[روح ملائكيه]

هلوووو عسوله عمري منوره وصباح الانوار عليج غلاتي

اي البارحه البنات مامقصرات بالحجي هههههههههههههههههههه

صدك بنات علياء انفصلت عن زوجها لو بعدهي بس حجي؟؟؟؟ الله يهديها

امونه الله يعينج عمري مشتاقين لسوالفج الحلوه

هباوي شلونج غلاتي مشتاقين
نورس ماكو غياب وانفال وهنوده ؟؟؟

شوكت ترجع رحوبه؟

[روح ملائكيه]

فاصل ونواصل ههههههه

ريست للرضاعه

[فوفو العراقية]

صباح الخيررر عالجميع

ام كروري هذا السمج صدف بس مادري هوة موجود بالعراق اصلا؟
هذي صورته.

http://forum.hwaml.com/imgcache2/hwaml.com_1333012532_126.jpg

[عسل بغداد]

هلو ام شوق الغاليه حمودي شلونه

[عسل بغداد]

صباح النور فاديه الورده النونو مالتج شلونه انشاالله بدا يتحرك

[فوفو العراقية]

اهلا وسهلا بالجيران
كان حلم ... ام علاوي

اني ام حمودي هم بفنلندا بس الي 15 سنة هنا واااع
اني بتوركو انتي وين؟
معقول ماعرفج؟
ههههههههه يلا بالكي نطلع كرايب.

[فوفو العراقية]

ههههههههههههه روح
هوة اني مقصره
اليوم ساعه 11 ورجلي يكعدني وماكوم كوووووووة يالله كمت
لغاية ما سوا هوة الجاي وطكطك بالستكان كمت حتى اتريك لان حسيت بالجوع هههههههه

دا أقضي نوم من هسة.

حبيبتي شلونج وشخبارج عسى كل شي تمام.

[فوفو العراقية]

هلا عسولة صباح الورد على احلى وردة
حبي اني زينة انتي شلونج

والله البيبي شكلة هوة هم ميشبع نوم
دا يكبر وميتحرك هواي يادوب حركة بسييييييييييييطة ويرجع يغفى 4 ايام مثل الدب ينام مواسم هههههههه

[فوفو العراقية]

حبي غنى
فيتامين دي لوحده مو زين
حتى اكو قطرات هنا منه للاطفال لازم كل يوم ياخذوه
وهذا حذرتني منة الاخصائية بفترت الحمل
والشمس هم كالت احاول قدر الامكان الابتعاد عنها الا لو اطلع عادي ايدية ووجهي.
وانتي تاكدي من الدكتورة لان هنا باوربا يمكن نظامهم غير,

[زينب السعدي]

هلو بناااااات شلونكم مشتاقتلكم ...شنو هاي راجع التجمع لشبابه شو رحت البارحه العصر اجيت اليوم الظهر لكيت كاتبين 10 صفحات ماشالله
البارحه العصر رحنا اني وزوجي يم عمتي بالمشفى وزوجي ساعه 12 رجع للبيت واني بتت يم عمتي واجيت اليوم الظهر وهسه اني وزوجي راجعين يم عمتي بعد ماادري لو ابات يمها الليله لو ارجع بس انشالله بكرى نخرجها
مشتاقتلكم هواااااااااي ومشتاقه نكعد سوا بس مداالحك لان اكيد من حتجي عمتي لازم ادريها بس احاول اشوفكم
باااااااااااي

[عسل بغداد]

مساء الخير حلواتي اليوم ماكو احد شنو دتباوعون القممه شكد عيب اني من بدت نمت وللخمسه يله كعدت

[عسل بغداد]

هلو زنوبه شخبارج عمتج شلون صارت انشاالله احسن

[توتايه]

يانقمه عسوله صدك جذب كلهم حراميه لو بية خير مجان صرف مليار ونص على القمه جان نطاها للموضفين والمتقاعدين


الحمدلله على سلامتها زوبه حبيبتي

[بنت الخليج]

هلوووووووووووو بنات اشلونكم شخباركم شكو ماكو ؟؟ اشكد ضوجة اليوم لا طبة ولا طلعة الطرق كلها مسدودة وكظيناها اكل ونوم .... فادية حبيبتي هذا السمج مشايفة منه بالعراق بعده مماخذ الجنسية العراقية ههههههههههه ... مهاوي حبيبتي النور نورك حبحب شفتي اشلون رجلي خضرة عليكم .... زنوبة حبيبتي اشلونج وحمد لله على سلامة عمتج اشلون وضعهة هسة ؟؟؟ سجاوي حياتي عجبج الريوك مو بالله هههههههههه .... ام علاوي الجديدة ترة ممنوع الغياب من البداية اريدج انشط وتواجد مستمر حبي ... امونة حبيبتي اشلونج عمري مشتاقتلج .... اية شنو الاخبار يمج بشري ... عذورة وينج حبيبتي طمنيني عليج ليش غياب؟؟؟ بس لا نسيت احد .. اكلجن ترة القمة اليوم من قراراتهة ماكو غياب بالتجمع فديروا بالكم مااريد غياب ههههههههههههههههه والاخوات الباقيات اشلونكم كلكم .

[توتايه]

بنات اليوم دفعت الكنتور مالتنا راد يصير بية فتق ومنزلت الدوره شلون شسوي اصلا ميصير احبل لان قطراتى مال العملية خطره للحامل والمررضع انصحوني

[بنت الخليج]

هلوووووووووو ايوتة حبيبتي اشلونج بشريني

[رويدة_ أم ألق]

السلام عليكم بنات شلونكم
قبل قليل اجيت من يم رحاب أم علاوي
التقينا بالنجف سولفنا وضحكنا مكانكم خالي
طيبة جدا هالانسانة ودمها محبوب
تسلم عليكم وباجر باذن الله ترجع للسعودية
شكد ردتها تجي وياية للبيت ماقبلت كالت بيتكم بعيد عن الإمام
خطية تعبانة من الزيارة
دائما يطلعون الفجر يزورون ويرجعون بالليل


مقريت ولاصفحة بعدين أقرا
ماشاءالله التجمع راجع لانتعاشه.

[مجنونة بحبها]

السلام عليكم

اخباركم جديدكم

[بنت الخليج]

هلوووووووووووو رويدة اشلونج حياتي والله يتقبل زيارتك بالنسبة الرحاب خابرتهة قبل فترة قبل متنكطع الاتصالات وكالت اني بكربلاء والله ميته من الخجل من عدهة اشكد عيب لا شفتهة ولا ضيفتهة من ورا القمة

[مجنونة بحبها]

ام الوقه هنيالج شفتي رحاب وانا جنت محضره نفسي

وحتى محضره فطاير وكبه لانها تحب الاكل العراقي

وجنه متفقين على يوم الاثنين وحتى زوجي كال نجيبهم للبيت

بس للاسف طلعت القمه وخربت كل مخططاتي

[بنت الخليج]

هلوووووووووووو امونة حبيبتي اشلونج شخبارج ... اية حبيبتي لتهتمين شغلتك سهلة انشاء الله واللي كتلج عليه سوي والله كريم

[مجنونة بحبها]

هلا ام كرار بنونه خابصتني خبص ومتخليني اكتب

[مجنونة بحبها]

اروح انيم بنونه تصبحون على خير

[بنت الخليج]

تصبحين على الف خير حبيبتي امونة اعذريني كنت مشغولة بوسيلي بنونة

[بنت الخليج]

هاي وينجن يمعودات اشو ولا وحدة مو اتفقنا ماكو خمول

[توتايه]

هلو بيوده اليوم اشتغلت شغل الزمايل وشلت بطل مال براد ودفعت الكنتور ومسحت اني وواكفه بيدي وغسلت البردات وجريت الميزتواليت والتعلاكه وفراش يوسف وكلشي مصار ولا نزلت ولا ابد نزلت خيوط بيضه علية وكلشي ماكو

[زينب السعدي]

هلو بنات شلونكم
لج ايه لتسكطين روحج عابتلج
انتظري موعد الدورة واذامااجتج حللي ثاني يوم وشوفي

[بنت الخليج]

هلالالالالالاو زنوبة حبي اشلونج الحمدلله على سلامة عمتج اشلون وضعهة هسة ؟؟؟ اية حبي صدك هاي اشتدسوين بروحك هو هيجي؟؟

[توتايه]

ولكم شسوي اذا هوه كالب خلفته فد كلبه

[بنت الخليج]

خلي يكلبهة شتسويلة يعني هو انتي شنو بيدج

[توتايه]

اني ادري ولج خليها سكته راح اروح انام لان صرت فلم هندي هالنوبه يوسف نابص بنص الفراش مالتنا خلي ادفه بيه وانام

[بنت الخليج]

الله وياج وتصبحين على الف خير

[مجنونة بحبها]

جمعه مباااااااااااااااركه على الجميع

[عذراء الجابري]

صباح الخير والانــــــــــــــــــــــــــــــــــــوار
جمعة خير وسلام وامان

[توتايه]

هلو بنات جمعه مباركه عليكم وليهسه مجتي الدوره متعرفون شي غير الدبس ينزلها

[بنت الخليج]

صباح الخير وجمعة مباركة على الجميع

[عذراء الجابري]

واخيرا انقضت القمة في بغداد السلام ورجعت الامور طبيعية في الشارع العراقي
واتنمنى من العرب ان يغيرو انفسهم المريضة تجاه العراق وشعبه المضياف الذي تحمل كل المعاناة لاجل لم العرب
والقضاء على الارهاب الهمجي والمدعوم من قبل بعض الانظمة العربية واللتي سوف بأتيها الدور لا محالة لان طباخ السم لازم يضوكة
وكم قال السيد المجاهد الشهيد محمد باقر الصدر (قدس الله سره)..الجماهير دائما اقوى من الطغاة , مهما تفرعن الطغاة , وقد تصبر ولكن لا تستسلم ..

الشهيد العظيم السيد محمد باقر الصدر قده

[رويدة_ أم ألق]

مساء الخير والعافية عليكم

شلوونكم؟

بيودة وأمونة ترى رحاب عاذرتكم شافت الوضع بنفسها
وعرفت ظروف القمة


عذورة عفية
وبرغم انه القمة ماراح تغير شيء
واللي عقدوها " من عرب" مجايين لأجل العراق
بس انعقادها ببغداد ونجاح والخطة الأمنية شوكة بعيون الارهاب والتطرف.

[فوفو العراقية]

صباح الخير
شلونكم
جمعة خير وفرح وسلام على كل العالم يارب

والله بنات ماعرف شنو سالفتي ويا التنسا
راحت فترة وخفت كلش
وهم رجعت البارحة واليوم حالي حال
بس تقيئ تكرمون والله تعبت ماعرف شسوي وكلش دا يسببلي ضعف ودوخة وخمول
يمعودات لحكني بحل.

[عذراء الجابري]

اهلا حبيبتي رويدة لازم ما اقدر على السكوت
وانشاء الله رحاب ترجع لبيتها سالمة غانمة وزيارة مقبولة وذنب مغفور

[فوفو العراقية]

عذراء شلونج
وشلوب البيبي
ماشاء الله مابقالج شي

الله يسهلج وتكومين بالسلامة وتفرحينة بأحلى مولود يارب.

[رويدة_ أم ألق]

هلاو فوفو عيوني الوحام ما اله علاج محدد
انت ببلاد التطور وتعرفين
مااعتقد اكو حل هو ياخذ وقته ويروح
الله يعديها عليج بسهولة ويسر.

[بنت الخليج]

هلو بنات اشلونكم رحاب اتصلت بية اليوم الساعة 4الفجر وودعتني وكالت راح اطير للسعودية وتسلم عليكم كلكم الله يوصلهة بالسلامة

[رويدة_ أم ألق]

هلاااو بيودة الله يسلمها ويسلمج.

[بنت الخليج]

هلالالالالا و حبيبتي رويدة هنيالج شفتي رحاب اني ظلت حسرة بقلبي شوفتهة وبعدين امراة غريبة تجي البلدي وماشوفهة ولا اضيفهة والله فشلة

[بنت الخليج]

هاي شنو عيني فادية ديري بالج من سماسم هسة تشلعج شلع هههههههههههههههههههههههههههههه

[بنت الخليج]

هاي وينجن وين رحتن hwaml4hwaml4

[رويدة_ أم ألق]

الظرف حكم بعد أم كرار
يله انتو شفتوا رحاب بعيوني ههههه

[بنت الخليج]

سالمة عيونك حبيبتي والله يحفظك

[فوفو العراقية]

اي والله رويده هوة تطور هنا بس بهالحالات ماكووو
كالتلي اخذي حبوب فيتامين سي ودا اخذ وهم ميفيد
مشلوع كلبي
الله كريم
يارب ويا نهاية هالشهر تروح.


ليش ام كروري ممنوع الكاريكاتير؟؟؟
يلا هسة اشيلة خخخخخ ولا يهمج.

[بنت الخليج]

اكلج ام الوقة هند ما عندك خبر عنها هي وام نورهان وهبة هاي البحرينية نسيت اسمها بس لقبها (صعب تنساني) ماكو مختفيات؟؟؟؟

[بنت الخليج]

هلوووووووو فادية حبيبتي اشلونج والله يساعدج على الوحام وبالنسبة للكاريكاتير كلش حلو بس اهنا كلشي ايخلون بي لولة ههههههههههههههههههههههه

[بنت الخليج]

هاي شنو فادية حبي سويتيهة صدك يمعودة اتشاقة وياج هههههههههههههههههههههههههه

[رويدة_ أم ألق]

اي والله هي فترة عصيبة الله يساعدج فادية

بيداء الله يسلم عيونج
هند وفلة متعبهم الحمل وما أعرف اخر أخبارهم يارب يكونوا بخير
صعب تنساني مدخلت بعد.

[بنت الخليج]

انشاء الله ايكون الكل بخير ويبعد الله عن الجميع كل مكروه

[مجنونة بحبها]

هلاو بنات اخباركم

[زينب السعدي]

هلو بنات شلونكم

[فوفو العراقية]

تسلمين حبي رويده .

ام كروري اي خفت اخاف ينطوني طماطاية بالكصة ههههههههههه ويلغون اشتراكي
يمكن الكريكاتير ما مسموح هههههههههههه
وخفت ماشوفكم بعد غير اموت
بس كلت لو حذفونة ومنعونة اروح على الجهاز الثاني اتواصل خخخخخ

حبيبتي اني زينة انتي شلونج والاطفال؟

زنوووووووووووووب شلونج قلب
الف حمد لله على سلامة عمتج والله ينطيها العافية ويوفقج يارب على مساعدتج الهة
الله يرزقج الذرية الصالحة البارة مثلما انتي تبرين بأهلج.

امون حبي شلونج
شخبارج
اشو دخلاتج قليلة صايرة ليش؟

[zena]

هلوووووووووووووووووو بنات شخباركم

[فوفو العراقية]

صباح الخير

هلووو زينة شلونج؟

[زينب السعدي]

هلو فوفو حبي شلونج ويه الوحام
تسلمين حبي عالدعاء الجميل ياام اللسان الدافئ
بقية البنات وينكم اليوم

[فوفو العراقية]

زم زم اني الحمد لله بس الوحام زفت مدا يروح ولهسة التقيئ شغال
خصوصا اليوم دمرني
والنمش الي بوجهي جان قبل فترة على اثار نقاط دم راح ورجع
وتأكدت من سببة التقيئ
لان ضغظ الدم يصير قوي على الوجه وينحصر الدم


اكيد نايمات البنات ههههه
لما اني اكعد هنة ينامن
جنهن البيبي مالتي
هم على طول نايم شكلة ... ولا يتحرك ههههه

[توتايه]

هلو بنات اني اجيت والدوره ما اجتي بس نزلت علية افرازات لعبت نفسي بيضه وثخينه اجرها جر ما اعرف شنو السالفه

[بنت الخليج]

هلووووووووووو بنات منو موجود اكو احد لو لا كالعادة نوم ماكو صاير عندي ارق صايرة مثل الخفاش انام بالنهار واكعد بالليل هاي العطلة كلبت حياتي كلهة هههههههههه اية حبيبتي اشلونج اكلج هذا الابيض زلال لو شفاف ؟؟؟ فادية حبيبتي سلامتج من الموت حبي هو احنا كم فادية عدنة ؟؟ ابعدوانج انشاء الله ... اليوم المنتدى خمول كلش شنو القصة

[بنت الخليج]

بنات اريد اول وحدة اتبشركم رحاب وصلت السعودية بالسلامة والله يتقبل منا ومنها صالح الاعمال

[غنى2011]

هلو بنات شلونكم


هلو بيج زينب انتي شلونج
شلون صارت عمتج الله يعينج ع التعب ويرزقج بالذريه عن قريب

لسه مافتحتي الفيس ؟ منتظرتج hwaml13

[غنى2011]

ايه شلون صارت عيونج ان شاء الله احسن انتي ليش شايله هم لا تحبلين هو رزق من الله عفيها على رب العالمين

[غنى2011]

بقيه البنات
رويده ، فاديه ، كوكي ، بنت الخليج ، عسوله ايمان وبعد منو اخاف نسيت احد
وزينه ونجلاء وام شوق
سلامي الكم ياوردات

[مجنونة بحبها]

صبااااااااااااااااح الخيرررررررررررررررررررر


شكرا ام كرار على البشاره البارحه اتصل بيها بس ماحصلتها

حمدلله على سلامه حبيبتي رحااااااااااااب

[غنى2011]

هسه اكللكم على اخباري
البارحه رحت سويت سونار طلع اكثر من حسابي باسبوع طلع 12 واني حسابي 11
المهم رجعت للدكتوره شافت السونار كالت اليوم خلي نسوي الربط يمعوده دكتوره اليوم كالت اي هسه تروحين كبل للمستشفى

والبارحه العصر تقريبا ساعه 5 طلعت من المستشفى بنج عام والبنج اذاني اكثر من العمليه

وهسه اشويه اكو الالام خفيفه ونايمه بالفراش والصبح شفت شويه دم

بعد بقت على رب العالمين ان شاء الله ماكو غير الخير ويكومني بالسلامه اني وكل الحوامل ويرزق الجميع بحق محمد وال محمد

[رويدة_ أم ألق]

صباح الخير والعافية
غنى حبيبتي الله يثبت حملج ويرزقج ما تتمنين يااارب
شكراً بيداء والحمدلله على سلامة رحوبة الغالية
أمونة شخبارج شوكت يرجعون بيت حماج؟


شلون سالفة نومي شكد خفيف حتى من قبل الحمل
بس أسمع حجاية لو خارج الغرفة أصحى وبصعوبة ارجع أنام
يلة راح أحاول وإذا ما نمت أرجعلكم هههههه

[مجنونة بحبها]

هلا غناوي الف مبروك الربط واي سؤال انا حاضره لاني مجربه

وعن الدم شي طبيعي ينزل دم بعد العمليه بس قليل


ام الوقه اخبارج

بيت حماي ماعرف يكولون هذي الايام والامر بيد الله

[مجنونة بحبها]

هلوووووووووووووووووووووو بناااااااااااااااااااااات

[زينب السعدي]

هلو بنات شلونكم
شلونج حبي غنى فتحت فيس بس ما وصلي طلب الصداقة مالتج دزيلي بالجديد انتظرج
غنى حبي مبروك الربط وانشالله يثبت يارب ويرزقج الولد الصالح بسلامتج وسلامته وسلامة ابوه
حبي امونه شلونج ويه التعب الله يعوضج خير يارب
بقية البنات شلونكم انشالله الجميع بخير

[مجنونة بحبها]

هلا زنوبه شلونج وشلون عمتج


بنات مهاوي تسلم عليكم ماعندها شاحنه للحاسبه ومفاتحه المنتدى

[زينب السعدي]

هلو حبي امونة شلونج
الله يسلمها لمها
بنات هند ام بساسة تسلم عليكم وتكول ادعولي لان السكر ديرتفع عدها هواي ومحتاجة دعاؤنا

[امرأة الفرح]

شلونكم حبايب ..
اني اول مرة افوت هنا ,, اساسا اني جديدة بالمنتدى
اريد مساعدكم
اني متزوجة صار سنة وخمس اشهر
صار عندي اجهاض قبل 8 اشهر ,,
وهسه قبل 3 ايام حللت وحامل .. الله يخلييكم اني اسمع عن الربط بس ما اعرف شنو
اني كلش خايفة يتكرر الصار بالحمل الاول

ساعدوني حبيباتي..

[زينب السعدي]

اهلا وسهلا امراة فرح نورتينا نتشرف بوجودج ويانه
انشالله البنات يفيدوج بمضوعج ويارب الحمل السليم والثابت بالولد الصالح انشالله

[فوفو العراقية]

مســــــــــــــــــــــاء الخيــــــــــــــــــــــــــــــــر
عالجميع.........................

حبيبتي ام كروري شكرا على كلامج العسل يا ام قلب الطيب
على راسي والله فديتج.

غناوي حبي الله يسلمج يارب
شلونج ياعمري؟.


رويده شلونج حبي
زوووبــــه حياتي شخبارج
عسولة حبي شلونج
امونه شلونج
ام علاوي شخبارج اشو اختفيتي اخاف اني زعجتج من سألتج
تراني طيوبه ولا تخافين من معرفتي لو متحبين اسأل عادي ولا يهمج اتواصلي ويا البنات انتي
لان اعرف حساسية الموضوع هنا بالنسبة الج.

زينة شلونج
الكل شلونكم حبيباتي؟

[زينب السعدي]

هلو فوفو حبحب شلونج مشتاقون

[فوفو العراقية]

غناوي حبي ان شاء الله يتم حملج على خيررر
بس ليش ما اخذتي حبوب تثبيت ترة احسن بهواي من الربط.
الله يتمملج حملج على خيررر.


امرأة اهلا وسهلا ومبروك الحمل الجديد
الله يتمم حملج على خير

حبي اني اجهضت 3 مرات وجان اول حمل والثاني والخامس اجهاض
والاول جان بسبب الجماع على ما اعتقد وصغر السن
الجماع ممنووووووووووع للي سبق الهة الاجهاض
والحركة الزايده هم موزينة

حتى هسة اني حامل وبداية حملي ويا الجماع نزفت بس الحمد لله مانزل الطفل بس ضليت 4 ايام مهدده بالاجهاض
ديري بالج وحاولو ان يتم هالموضوع ب هدوء جدااا وعدمه افضللللل خلال 4 اشهر الاولى
ولا تقهرين نفسج ابد
ولا تبجين
ولا تجهدين نفسج بأي شيئ
الحالة النفسية جدا مهمة
اني اجهاضي الثاني والثالث بسبب البكاء والقهر توفى الجنين في بطني
واكلي كل 3 او 4 ساعات بالكثير وجبة ولو خفيفه
لان الجوع هم سبب الاجهاض يكون
والخرعة او الهبطة المفاجئة هم تشقق المشيمة... الجارة.
اتمنى اكون افدتج
بس متأكدة بدون هالاشياء ميتم الاجهاض بعون لله
والله امرنا بأخذ الاسباب (وجعلنا لكل شيئ سببأ) صدق الله العلي العظيم.

[فوفو العراقية]

هلووو كلب كلب وين وين غايب علية يومين هههه
شلونج زمزومتي
اني اشـــــــــــــــــــ ووووووق
شخبارج
اشقررتي تسافرين لو تحملين؟؟؟؟؟؟؟؟
كوليلي اخبارج

[مجنونة بحبها]

هلو زنوبه اخبارج ياعسل

الله يشافي هند ويثبت حملها

فوفو شلونج ويه الوحام بشري ان شاء الله خف


امراه الفرح منوره حبيبتي
الله يثبت حملج ويفرج بلولد الصالح
حبيبتي انا بعد اجهاضين حملت وكان عنق الرحم مفتوح وخفت من الاجهاض ربطت
والحمدلله تم الحمل وجبت احلى بنوته بالدنيا ياااااااااااارب يرزقني اخ الها
عاجلا غير اجل واي سؤال عن الربط انا حاضره

[فوفو العراقية]

هلو امووون حبي شلونج؟

اني زينة والوحام يجي ويروح بس اعتقد خف من استخدمت حبوب فيتامين سي
بعدما رحت للدكتورة وكالت راح يخففها كلش.
حبيبتي شلونهة البنوته
وشخبارج انتي؟

[رويدة_ أم ألق]

هلا بيكم فادية وإيمان
الحمدلله على كل حال .. مخنوكَة وحاسة بالظلم

عموما انتو شخباركم

امرأة الفرح منورة روحي للطبيبة واحجيلها اسباب الاجهاض الاول
وكل وضعج السابق
هي راح تقرر وأكيد تعطيج اللي يفيدج
والبنات ماقصروا
إن شاءالله ترزقين بالولد الصالح.

[زينب السعدي]

شنو هالهدوء يمعودين شبيكم صلو عالنبي روحو شوف بنات ليبيا احسن منه هههههههههه

[زينب السعدي]

هلو رودة شلونج ...خير شبيج خو ماكو شي

[رويدة_ أم ألق]

هلااوو زينب
الحياة ماتخلى وأكو بشر لو تعامليهم بملائكية
هم على لحظة ينسوون.

[زينب السعدي]

عادي رويدة هي هاي الحياة نشوف بيها اشكال المواقف وانواع البشر ومابيدينا شي الا نصبر ونتحمل
وديربالج عالبيبي ولتضوجين ...الله يصبرج

[بنت الخليج]

هلالالالالالالاو منو موجود

[زينب السعدي]

هلا ام كروري شلونج

[بنت الخليج]

هلالالالالالا بالغالية عاش من شافج وين هالغيبة والحمدلله على سلامة عمتج اشلون وضعهة هسة ؟؟

[زينب السعدي]

والله ملتهية بالبيت وبعمتي
عمتي الحمد لله احسن بهوااااااااي

[بنت الخليج]

عيني ام الوقة الدنيا متسوى طز بكل شي اهم شي صحتج حبي

[بنت الخليج]

زنوبة هاي طبعا المرة الثالثة اهنيج على سلامة عمتج وانتي ماكو تدخلين اشوية وتطلعين واظل اركض وراج ههههههههههههههه وتاليهة اتكولين المنتدى بارد هههههههههههه هو المنتدى اللي ما بي زنوبة اشلون ميصير بارد

[توتايه]

الحمدلله والشكر سويت تيست منزلي وطلع ماكو حمل طلع بس خط واحد باجر اسوي سونار واشوف شكو ماكو واروح لدكتورتي مشتاقتلكم

[توتايه]

هلو غناوي حبيبتي الحمدلله علا سلامتج ربي ينممها عليج عمري واني عيوني احسن صارت بس الحمدلله طلع ماكو حمل

بيوده مثل الزلال وعبالك مطاط ابيض ثخين كلش لعب نفسي

[رويدة_ أم ألق]

صباح الخير والعافية

تسلمون زينب وبيداء الله يبعد عنكم الهم

مبروك عيني توتة
وإن شاءالله اللي تريديه يصير.

[امرأة الفرح]

حبيباتي ,, شكرا للتجاوب
ان شاء الله .. الجمعة اروح للدكتورة وهي تقرر

اني حملي الاول جان الاجهاض بدون اسباب
بس اتذكر جانت اكو مشكلة وبجيت بحركة طووول الليل
ثاني يوم نزل علية دم خفيف واستمر لحد ما اجهضت

تتوقعون هذا السبب

[kokee]

هلو بنات شخباركم

[مجنونة بحبها]

مساء الورد لكل الورد

اخباركم شلونكم مشتاقتلكم

كووووووووماااات


ام الوقه الله يبعد عنج الهم


ايه مبروك عدم الحمل هههههههههههه
وان شاء الله ماتشوفين شر

امراه حبيبتي لا تقهرين نفسج ولا تعبين
واهم شي الراحه النفسيه والجسديه
والله يتمم حملك على كل خير

[ام بساسه]

هلاووووووووو بنات مشتاقتلكم كلكممممممم موشون مجان تعالو احضنكم حضنه موطبيعيه هههههههههه

طبعا تعالو اشكيلكم همومي اول شي رحت لدكتورة مالتي اهنا اسمها رشا وعراقيه وكلت الحمدلله هاي مني وبيه وزينه وتفتهم رحت مرتلخ جانت مموجوده دزوني على دكتورة هنديه اكو بنات بغرفه الانتظار كاعدات وديحجن على دكتورات وجابو طاري العراقيه كالو متفتهم طبعا متت خوف كامت وساوس توديني وجيبني المهم دكتورة الهنديه كالت سكري ديرتفع ولازم انسولين والسونار عرفو شنو بيه كالت يمكن بنت بعد ماخذت وراها دانتظر اكمل الخامس هاي الايام واروح اسوي سونار وراها رحت دكتورة مصريه والمصريه كالت سوي فحص يوم كامل واشوفج سبوع جاي والله كريم هاي كل اخباري واليوم من الصبح كعدت نشيطه طبخت ودانظف البيت وغسلت الطرمه وكعت وكعه على ظهري متت من الوجع ونلطم راسي بالحايط من الوكعه تزحلكت وهسه راسي معنجرر هاي كل اخباري والحمدلله على كل حاااااااااااااااااال ومشتاقتلكم اسفه حبي زوبه البارحه جنت اكلمج بلايميل وفصل عندي وراها دخلت ملكيتج بوساتي للكل وحده وحده

[روح ملائكيه]

هلو بنات شلونكم اخباركم

كوه جاي اكتب محمد بحضني وديبجي

[روح ملائكيه]

اسفه بنات مدخلت اليومين الي فاتوا مجان عندي شاحنه لاب توب

امرأة الفرح منوره التجمع اختي ربي يتمم حملج على خير وسلامه

بنات آسفه تعبانه ومااكدر اكتب ..ان شاء الله تكونون بخير

نفسيتي تعبانه ..الحمدلله ماعندي مشكله بس كل مااذكر راح افترق عن زوجي اتخبل واضم بقلبي ومااكدر احجي ..ادعولي بنات براحة البال

واشوفكم على خيرررررر

[فوفو العراقية]

مساء الخيررر
شلونكم بنات
مكانكم خااالي سويت دولمة تجنن
كلش طيبة رغم انها تعبتني كلش بس حريمة
مكدرت انزل الصور
ماعرف ليش ميصير.

الي يريد يشوفها يعلمني انزلهن الصور ههههه

[zena]

هلوووو بنات شخباركم امونه وكوكي وزنوبه وفوفو وايووووو وام شوق وام ايهومي وام الوقه وام وام وام وام مشتااااااااااااااقه للكل

[zena]

ام شوق حبيبتي الله اريح بالج وحقج تضوجين بس شسوين الضروف تحكم دائما

فوفو الف عافيه الدولمه اني اليوم هم اجتي ابالي من شفت تقرير ع الشرقيه وشتهيتها واجتي صديقتي جايبتلي نذر مسويه دولمه ههه


حبيبتي زنوبه الحمد الله ع سلامت عمتج ودكوم ان شاءالله بخير وسلامه


ام الووقه ديري ع بالج ع الوقه وانسي الزعل لان موزين عليج


ايووووو مبروك ع عدم الحمل ههه انتي مثلي هم اخااااااف كلش

[مي &]

هاو بنات شاونكم شخباركم مشتاقتلكم وحده وحده
هاي شنو اشو ولا وحده ساله عليه
المهم اني مشتااااااااااااااااااااااااااااااااااااااقتلكم كومات كومات

[زينب السعدي]

هلو بناااااااات شلونكم كلكم
ام بساسة ومي وزينة وبقية البنات كلكم شلونكم
تعالو لمسابقة رويدة هالمرة اني مالتسابقة تعالو قيموني ولكم ههههههههههه مومتجون اطيح حظكم تره

[كان حلم]

شلونكم بنيوات

[توتايه]

هلو حبي انتي شلونج نورتي

[رويدة_ أم ألق]

صباح الخير والعافية على عيونكم

مهاوي الله يريح قلبج وبالج بكل خياراتنا دائماً أكو سلبيات
نصبر والله كريم

زينة وأمونة تسلمون عيوني الله يبعد عنكم وعن أحبتكم السوء
ما أحب الزعل مع أيا كان لكن الظرف يحكم وبعض البشر يجبروك تتقاطع وياهم.

هنووووودة هاي شنو صاير يمج أفلام هندية هههه
عندج العافية وربي يكتبلج السلامة

زينب شفتي شلون توقعاتي صح .. كتلج من تسعة وفوك
بالتوفيق ان شاءالله

فادية حمليها بمركز تحميل واختاري رابط المنتديات
انسخيه والصقي هنا راح تظهر مباشرةً

مي وآية وكل البنات سلامي وتحياتي.

[غنى2011]

صباح الخير شلونكم حبايب
اني دخلت البارحه بس مو كولش اكدر اكتب
يكولولي لازم تنامين اقل شي اسبوعين طبعا النومه ع الظهر كولش اتعب
بس الحمد لله اهم شي الحمل مبخالف اتحمل
انتو شلونكم ان شاء بخير

[روح ملائكيه]

مساء الخير

هلو غناوي عمري ماعندك الا العافيه

ارتاحي عمري ربي يتممها عليج بخير وسلامه

[روح ملائكيه]

صحيح رويده بحياتنا دائما اكو اختيارات نختارها غصب عنا ..بس شنسوي كله لمصلحة اطفالنا اولا وآخرا....شو قريت زعل شنو خير ان شاء الله؟؟؟

البنات كلكم بدون ذكر اسماء شلونجن؟

[غنى2011]

هلو بيج ام شوق
الله يعافيج قلبي
شوكت ترجعين للعراق

[روح ملائكيه]

بالشهر الثامن ارجع ان شاء الله

اسفه مجنت يم اللاب توب

[فوفو العراقية]

http://forum.hwaml.com/imgcache2/hwaml.com_1333363272_513.jpg (http://www.hwaml.com/up/)


http://forum.hwaml.com/imgcache2/hwaml.com_1333363272_411.jpg (http://www.hwaml.com/up/)


http://forum.hwaml.com/imgcache2/hwaml.com_1333363272_111.jpg (http://www.hwaml.com/up/)

[فوفو العراقية]

الحمد لله نجحت المحاولة
شكرا رويده

زينه اي اني هم شفت الشرقية البارحة وجانت الدولمة مالتي عالنار وقتها هههههههههه
كلت الحمد لله مسويتهة
يعني اتفرج والريحة طالعه من مطبخي هههههههه
بس تستاهل حلككم
كلش جانت لزيزة اويييييييييييييييي

[رويدة_ أم ألق]

شلوونكم غنى ومها؟

مهاوي لا الحمدلله الزعل مو بالتجمع
كنت ضايجة وحاسة بضيق والحمدلله هسة أفضل

باجر باذن الله أروح لبغداد أشوف اخواتي
ولديالى أشوف أبوية مشتاقتله صار 4 أشهر مشايفته
ادعولي الله يسهل الطريق لأن خايفة شوية.

[فوفو العراقية]

حبيبتي رويده ان شاء الله ترحين وتشوفين اهلج بأحسن حال
وادعيلي اني هم اشوف ابوية وامي لان من 17 سنة مشايفتهم ابد
والله كلش مشتاقة الهم
الله كريم وبعدني صابرة على بلواي.

[زينب السعدي]

اووووووووووووو فووفو شي يشهي ...الف الف عافية مبينه كلش طيبة
بقية البنات شلونكم كلكم

[زينب السعدي]

رويدة ترحين وتجين بالسلامة وانشالله تشوفيهم وترتاحين يارب
الحمد لله التقييم زين حدسج صح ههههههههه

[مجنونة بحبها]

هلووووووووووووووووووووووووو

[مي &]

شلونكم بنااااااااااااااااااااااااااااات وشلون احوالكم وشلون جهالكم يارب الكل بخير
حبيبتي ام الوقه انشالله اتروحين واترجعين بسلامه امين ياربي العالمين

[فوفو العراقية]

مساء الخير

زينب هلووو حبي ... الله يعافيج يلا ان شاء الله ارجع للعراق
ونسوي زيارات مابينة ونكون احلى صداقة ونطبخ احلى اكلات ونكون سوى وكل اسبوع ابيت وحده انسويلنة يوم للصداقة بالاسبوع.... يارب اعود لبلادي.

مي
هلالالالالا ومرحبا بيج
شلونج وشلونهة البنوته القمر فدوة تخبل الله يحفظها.

[فوفو العراقية]

هلووو امونة شلونج وشلونهة الحلوة
شخبارج؟

[روح ملائكيه]

مساء الخير عليكم

شلونجن بنات؟

شوفوا كيكة عيد ميلاد حسوني

نزلته الموضوع اليوم بالمنتدى

http://forum.hwaml.com/imgcache2/hwaml.com_1333363779_981.jpg

[روح ملائكيه]

رويده عمري تروحين وترجعين بالسلامه
لا تخافين الطريق زين هسه ..سلميلي على اشجار البرتقال شكد مشتاقه لديالى

فوفو الدولمه رهيبه وتخبل ...اذا الله قسم باجر اسويها ان شاء الله

زوزو شلونج عيوني عمتج شلون صارت؟

امونه وينج مشتاقون؟؟

مياوي غلاتي شلونج وشلونها بروره؟؟

ايو بشري نزلت عليج الدوره؟

نجلاء مختفيه كتبتلج اوف لاينات عالاميل ربي يسهلها عليج

كوكي شلونج اخبارج؟لولي شلونه؟

زيونه شلونج عمري وشلونها هلونه؟؟

رحاب اكيد هسه رجعتي منتظرين رجعتج للتجمع عمري

هنوده الله يعينج بس اني دكتورتي بالمستشفى جانت هنديه تكلي مداخله التاسع واني جنت راح اخلصه هههههههههههههههههه اعتمدي ع السونار الاول هو اضبط شي

بقية البنات شلونكم ؟؟

[مي &]

هله حبي فوفو الله ايسلمج وايخليج اشلونج واشلونه النونو يارب انشالله اترجعين للعراق وتشوفين اهلج انشالله عن قريب

مهاوي يا غااااااااااااااااااااااااااليه شلونج مشتااقتلج شلونهم الكتاكيت على فكره الكيكه من شكله رووووووعه خرب ابيومج شهيتيني كيكه همزين مو حاامل جان شلتي خطيتي خخخخخخخ
باااقي البنااات شلونكم وحده وحده مشتاااتلكم كومات كومات

[نورس دجلة]

السلام عليكم كيفك يا بنوتات ان شاء الله بخير يا ربي يسهل عليكم الولادة وترتاحون ان شاء الله احب اعرف معلومات عن الافرازات المهبلة التي تنزل لونه ابيض ثخين قليلا هل فيه خطورة على الحامل ممكن تساعدوني لطفا

[زينب السعدي]

اهلا نورس مااعتقد فيها خطورة واغلب الاحيان تحدث بسبب الالتهابات فالافضل تراجعين دكتورتج وتسويلج مسحة مهبليه حتى تشوف اذا اكو فيروس لو التهاب بسيط للاطمئئنان لان انتي حامل ولازم تديرين بالج من صحتج وصحة الجنين

[توتايه]

هلو بنات سويت تيست وماكو حمل ورحت سويت سونار هم ماكو حمل ولا تكييسات بس طلع رحمي بالمقلوب صاير لويش ما اعرف

رحت لدكتورتي شافت صدري بيه حليب كالت منا ل9 ايام اذا ما اجتج تعالي واني ليهسه ما اجتني

[غنى2011]

السلام عليكم كيفك يا بنوتات ان شاء الله بخير يا ربي يسهل عليكم الولادة وترتاحون ان شاء الله احب اعرف معلومات عن الافرازات المهبلة التي تنزل لونه ابيض ثخين قليلا هل فيه خطورة على الحامل ممكن تساعدوني لطفا


اذا لونها ابيض مثل الحليب عادي هذي افرازات حمل طبيعيه اني بكل حمل تنزل عليه
اهم شي ماكو ريحه او حكه

[غنى2011]

شلوونكم غنى ومها؟

مهاوي لا الحمدلله الزعل مو بالتجمع
كنت ضايجة وحاسة بضيق والحمدلله هسة أفضل

باجر باذن الله أروح لبغداد أشوف اخواتي
ولديالى أشوف أبوية مشتاقتله صار 4 أشهر مشايفته
ادعولي الله يسهل الطريق لأن خايفة شوية.





الله يسلمج رويده انتي شلونج
يارب تروحين وترجعين بالسلامه انتي وين ساكنه؟

[غنى2011]

ولجن هاي شمسويات دولمه وكيك ليش هيج هههههههه
الدولمه رهيبه فوفو عاشت ايدج
والكيكه والله اني مشتهيه كيكه شلون بيه مو اني خطيه نايمه وكلشي ما اكدر اسوي
يعني شكلها دمرني ام شوق دزيلي معليه

[روح ملائكيه]

هلو بنات شلووووونجن؟


هههههههههههههه غناوي ضحكتيني سلامتج من التدمير عمري والله لو انتي يمي اتخمج من الحلويات مو بس الكيك ههههههههههه

ايووووو كلللللللليش همزين ماكو حمل وعادي الرحم يندار اكو دكتورات شاطرات يرجعوه لوضعه الطبيعي والحليب الي بصدرج هذا باقي من سوفي قصدي من رضاعته وماراح تحبلين الا تنشفيه ..اني نشفت صدري بعد شوق 4 مرات يله حبلت بملوكه..

زوزو شلونج عمري وشلونها صارت عمتج؟


اليوم رويده سافرت خطيه ربي يسهل طريقها ..

[روح ملائكيه]

نجوله ماكو خير ان شاء الله

مياوي شلونج عمري؟؟ كدامج الكيكه وصاحبتها غلاتي

بقية البنات شلونكم

يلاا اروح خبصني ابني

[مجنونة بحبها]

سلام غالي لكل الغاليات اخباركم

[ام بساسه]

هلاووووووووووو بنات اشلونكم شخباركم ادعولي باجر اروح اشوف السكر مالتي بلكت نضبط اشلون قهررررررررررر

[روح ملائكيه]

هلو بنات شلوووووووونكم؟


هلو امونه شلونج عمري اخبارج؟


هلو هنوده ان شاء الله السكر زين عندج ياااااارب وتأكدي من جنس الطفل بلكت يطلع ولد وترتاحين..


بنات جاي اسوي صمون فينو

من اكمله ارجعلكم

يلا اشوفكم على خير

[مي &]

هلو بناااااااات شلونكم شخباركم
امونه شلونج وشلونهه بنونه مشتااااااااااااااااااااقتلج حبي كلش كلش
مهاوي شلونج عاشت ايديناتج اتخليني اتحمس اسوي اكلات واخذ راحتي بلمطبخ بس شسوي عمتي مكوشه على المطبخ ومسويتي حصريا بس الهه يله الله كريم انشالله الله يفرجهه واكعد بيت وحدي واسوي كلشي ابالي وكلشي يعجبني

ام الوقه يارب اتكونين وصلتي بخير وسلامه امين ياربي العالمين
بناتت اي تعرف اخبار ام نورهانه اتكولي اشو ماكووو

[مي &]

هنوده يارب خير انشالله ومتشوفين شر انشالله

[فوفو العراقية]

مساء الخير والسرور على الجميع
شلونكم يا امهات الحاظر والمستقبل

اليوم وصلني جهاز السونار الصوتي لدقات قلب الجنين
وجربته كلش ممتع
واحلى شيئ ان الاطفال بالبيت يكدرون يسمعون وياي ويفرحون
نوعيته ممتازة والصوت يطلع وااااااااضح حتى حركة الجنن.

انصح كل حامل تشتري لان كلش مفيد للاطمأنان على البيبي في البيت
وبنفس الوقت تستمتع مع الزوج او الاطفال بسماع المولود المنتظر,

[فوفو العراقية]

دا اسوي كيكة التوت بالجيلاتين
وراح اصورها ان شاء الله بعدما تكمل.

[نورس دجلة]

السلام عليكم ورحمة الله وبركاته كيفكم كيف الحال ان شاء الله بخير
شكرا لزينب وغنى طمنتوني كنت خايفة مشكورين يا حليوات

[نورس دجلة]

بنات امهات حوامل شنو رايكم بتدخل اهل الزوج في تربية اولادك بصراحة اني خايفة جدا من هالموضوع لان فيه عندنا اولاد حماتي جدا مو مهذبين ومدللين زايد حتى انه ميحترمون الكبير وانا خايفة من هذا الموضوع حتى انه عمتي تزعل من احد يتكلم عليهم ويضربهم حتى لو كانو غلطانين شو رايكم؟؟؟؟

[مجنونة بحبها]

هلوووووو

مي حبيبتي تشتاقلج العافيه والله انتو على بالي بس ماعندي مجال

شلونج وشلون بروره


هنوده الله يسهل عليج ويرزقج الولد الصالح

مهاوي شلونج حبي اخبارج

فوفو شلونج عيني اخبارج


نورس دجلة منوره حبيبتي

[نورس دجلة]

فوفو وياج فد قطعة كيكة اشتهيتهه ههههه والف عافيات حبيبتي

[توتايه]

والله يانورس نفس العضه عند نفس الدكتور اني هم هسه نفس الشي وانطعج الولد بحيث من الصبح لليل يتنعوص ولازم محد يحجي وياه ومن اعيط عليه اترزل تعبت والله واذا اصيح عليه ميفيد وياه

[خاتم ذهب]

بنات الحوامل
سمعت اللي تاكل فواكه وسفرجل وتمر وهيك يطلع الطفل يجنننننن قمر
قولي لي شنو تاكلو بالضبط غير فواكه وسفرجل عشان يصير قمر وجميل وصحي ومورد ودب هههه

[توتايه]

بنات اليوم صار عندي ذاك وجع الدوره همزين جنت حاطه وحده لان جنا طالعين كلت من ارجع للبيت الكي روحي فياضه ورجعت لكيت كلشي ماكو وهم هاي الافرازات لعبت نفسي

[توتايه]

التمر موزين بس بالاشهر الاخيره زين واني اكلت سفرجل وطلع حنفوش يجنن

[نورس دجلة]

بنات حابة اسال عن متى اتوقف عن اخذ حبوب التثبيت اشو اني لحد الان اخذهه علما باني في الشهر السابع نهايته افيدوني

[فوفو العراقية]

هلوووووو أمون حبي اني زينة أنتي شلونج


نورس اسمج حلو نفس اسم بنت عمي ب انيوزلانده
حبيبتي الكيكة وصاحبتهة لعيونج يا قلبي.

[مافيه اسم]

توتايه روحي الطبيبه

خاتم ذهب السفرجل حلووو للحامل

[فوفو العراقية]

نورس حبي حبوب التثبيت مال الحمل؟
اني اخذتهم بالمستشفى تحت اشراف طبي وكانت مرة وحده 6 حبات نفس الوقت
مع دخول مستشفى لمده اسبوع مع مغذي خاص بالجهاز لتقليص الرحم وتوقيف التوسع.

بس هذا في اروبا ... اما بلد ثاني ف طريقة التثبيت غير شكل
اسألي طبيبج الخاص احسن.

[ام نورهانه]

السلااااااااااااااااااااااام عليكم حبااااااااااااايب شلونكم مشتااااااااااااااااقتلكم كووووووووومات كوووووووووومات وتسلمولي كلكم على سؤالكم عليه ربي ميحرمني منكم
طبعا فرمتت حاسبتي وراحت كل المنتديات هي وباسورداتها وهسة صارلي ساعة اعصر المخيخ بحيث بقتلي محاولتين للدخول
اي شلونكم ما لونكم منو حبلت منو جابت منو تزوجت >>>>>>> ليسمعوني رياجيلكم يصير كتلي عمل شعبي

[ام نورهانه]

عاااااااااااااا نورس شراح يطلع النونو مالتج هههههههههههه اذا لسة تاخذيهم مال تثبيت هذا من هسة افرشيله جوه احسن ههههههههههه لا اتشاقة وياج بس حبي اني صارلي بالرابع 11 يوم وهسة وقفت الدكتورة حبوب التثبيت لان ان شاء الله راح خطر الاجهاض والباقي على رب العالمين

[ام نورهانه]

بالنسبة لتدخل العيال بتربية الاطفال اني محد يدخل بتربيتهم يخافون مني لان اني عصبية ههههه
بس لا صدك هم دائما يمدحون بتربيتي اني وبنتهم الوسطانية لان نفس تفكيري بالتربية ودائما يحجون على حماتي الكبيرة ومرة حماي لان مو شديدات وجهالهم عدهم تسيب بحيث عمتي مرات تكولي تفيدين تصيرين ضابط ههههه

[حبيبي]

السلالالالالالالالالالالالالام عليكم
اشلونكم مشتاااااقه الكم كومااااااااااااااااااااااااااااااااااااااااااااااا اااات
اني رجعت من العراق يوم الجمعه بس ما قدرت افتح المنتدى غيررر
اليله اشلونكم
اني الحمد الله بخيرررر ونبسطت كثيرررررر فلعراق واتمنى الرحله اطول من كذه
اشكر ايمان ورويده وبيداء
حسيت نفسي بين اهلي وناسي وما قصررو معاي فشي
يسئلون عني ويعرضون عليااا اي خدمه والله يقدرني ارد الهم هالجميل

مشتاقه لسوالفكم واخباركم اروح اقراء كم صفحه اكيد فاتني الكثيررر ههههههههههه

[زينب السعدي]

بنات وبدون زعل اني كلش شاكة بموضوع داخل المنتدى ودااحسه مو طبيعي ابدا

[زينب السعدي]

اهلا فله نورتي وينج يمعودة
رحوبة الف الحمد لله ع سلامتكم ييييييارب يوم الي تجين يمنا

[مي &]

هله فله شلونج اليوم سالت عنج والله
رحوبه منوره العراق كله
شنو زنوبه يا موضوع

[يا رب ساعدني]

مرحبا عراقيات شلونكم حبيباتي اني عراقيه من الحله تضيفون لو اروح بالمناسبه اني حامل باخر ايام الشهر الثالث ان شاء الله

[زينب السعدي]

اهلا وسهلا بيج
هلو مياوي شلونج وشلونه الوكيحة

[مي &]

هله حبي اهلا وسهلا
اني مي ام ابرار صارلي سنه ونص متزوجه وعندي بنوته اسمها ابرار عمرها 4اشهر مواليدي 1987 خريجه تربيه كيمياء وعلى فكره خريجه جامعه بابل

[ام نورهانه]

كل الهلا زنوبة وام بروره تسلمون على السؤال ربي يحفظكم ميو شلونها برورة صايرة تخبل ربي يخليها الج
وج زنوبة ياموضوع هذا

[مي &]

هله زنوبه شلونج الوكيحه مطلعه روحي
اكول يا موضوع شاكه بلمنتدى

[زينب السعدي]

مع احترامي للعضوات الجدد بس مي انتي وفله ممتواجدين بهالفترو وديصير دخول مو طبيعي وبتسجيل جديد واني جدا شاكة انه اكو بنات بالتجمع دتدخل باكثر من لقب طبعا مو بس اني شاكة اكو عضوة ثانيه هم شاكة

[فوفو العراقية]

هلو زم زم
خير ابشنو شاكة؟
اشبي المنتدى ؟
فايروس ههههههههههه

[ام نورهانه]

واخيرا دخلت المجرمة الى الفرن

[زينب السعدي]

الف عافية فله انشالله تطلع طيبة
اكلج عجينة ايمان الخياليه سوي منها المرة الجايه رهييييييييبة تطلع هشه ومنفشة تخبل