دردشة بنات العراق, دردشة حوامل العراق , تجمع بنات العراق

[زينب السعدي]

صح كلامج ايه اكو هيج رياجيل بس الحمد لله رجلي مو منهم بكد ما هو شديد ويايه ببعض الاشياء بس نفس الوقت حنين الى درجه وقلبه كبير واتحمل هواي تنعوص مني يمكن غيره جان يضربني 100 جلاق بس الحمد لله .. الله لا يحرمني منه بحق الحبيب محمد واله

[توتايه]

الله يحفظلجياه حبيبتي بجاه واحد احد الحمدلله والشكر

[ام نورهانه]

بنات الى اللقاء هذا الافندي اجه ويريد الابتوب شوكت يشتري واحد لاخ واخلص اووووووف
والله طالعة روحي وضايجه وهو ينقنق فوكايه مثل عجوز البين

[kokee]

هلو بنات توهه اجت الاشاره اليوم خرط من وره الهوى العالي
ولجن دخت من الستايل الجديد هوووع

[kokee]

اليوم خاملات ولجن وينججججججن تعالن

[توتايه]

الله وياج فله حياتي


موجوده حبحب كوكي والله اني هم لعبت نفسي فوكاها النانو من تطفه تروح الاشاره خرب بالوكت

[kokee]

زنوووبه صورة جودي هنا حلوووووه اتخبل
الله يخلي الج

[kokee]

هلا ايووو
اي ولج اني هم نانو هسه ب12 تطفه واروح اهئ ووطني ماكو

[kokee]

ايه شلونه الجو ابغداد اليوم هوه عالي يمنه فد مره ومطر بس الصبح

[kokee]

شو ايميل مايكتب شكووو شكد عيب عود داسولف ويه زينب ونجلاء ههههههههههه

[زينب السعدي]

تسلمين كوكي .. بس ادري بي حلو فدوة لعينه
بنات ارتفع عندي الجالي من وره الستايل الجديد مال المنتدى هاي اكيد واحد شروكي مسويه لان هوسه ومرعبل

[kokee]

زييييييييييينب ولج مايكتب صفحة الايميل مدري شبي

[زينب السعدي]

ليش ميكتب اخاف بايلين عليه

[توتايه]

هههههههههههههههههههه خرب يومج حلوه مال بايلين عليه اني كلشي مدا اكدر اسوي لان ماكو احد يلزملي يوسف وبالحجله والصوبه يمي

اي كوكي زين ليش متشترون يوبي اس مال شحن؟

[زينب السعدي]

توتايه احنا كاعدين بالياهو
ليش متنطينا ايميلج تخافين عليه

[kokee]

عابتلج ولج شكو بايلين علي ماكو تواليت هههههههههههههه
ديري بالج على يوسف لا يجوي روحه خطيه

[حبيبي]

سلالالالالالالالالام اشلونكم
اشوف المنتدى ماخذ لوك اجديد

شخبار الجميع

[توتايه]

لا حبيبتي عيني عليه نطيته لابوه هسه مراح اطول وياكم شويه واروح لان كلش تعبانه

زوبه حبي ما اخاف على الايميل بس ما افتحه هوايه واضوج منه افتح بس فيسبوك والمنتدى وتدللين هسه ادزلجياه وانتي دزيه لكوكيه

[kokee]

راح تطفه المهجومه الى اللئااااء

[توتايه]

الحمدلله رحوبه عمري انتي شلونج


طبعا من دا اكتب الردود عيوني دتروح لان الكتابه بلون رصاصي

[حبيبي]

الحمد الله انا بخيررر
انتي شخبارج وشخبار العسل يوسف

[توتايه]

والله الحمدلله والعسل يبوس ايد خالته

[توتايه]

يلا بنات اشوفكم على خير

[مجنونة بحبها]

صباااااااااااااااح الخيررررررررررررررررررررر

[ام نورهانه]

صباح الخير بنات <3

[رويدة_ أم ألق]

صباح الخير والعافية والسلامة والذرية الصالحة وكل الامنيات اللي ببالكم
فلة بوسة صباحيةلعيونج الحلوات.

[توتايه]

صباح الخيرات عليكم كلكم

صباحو امونه وفله ورويده شلونكم اليوم؟

اليوم مالي واهس انظف بس مسحت الاخشاب مابيها شي لا الزوالي ولا الكاشي

مشتاقتلكم كلكم

[ام نورهانه]

هلو حبايب صباحو عسل على قلوبكم
اليوم والله عندي حمله تنظيف شامله واول شي بديت بروحي وسبحت وهسة طلعت وراح اخلي شويه ميك اب صباحي خفيف
وابلش بالاعمال المنزليه واول عمل تصفيط الملابس المغسوله وغسل الملابس المتسخة <<< مدري شبيه اليوم احجي لغة عربيه هههههههههههه صدك اليوم انوش اني معلمتها من الواحد للخمسة بالعربي وهم علمتها بالانكليزي كتلها يلي حسبي واحد كان تكولي اثنين افري عود ثري فول عود فور وخسه عود خمسه تيهت الطفله كامت تحسب عربي انكليزي

واليوم مشتهية دولمه بس ماعندي سلك فلهذا راح اسويها بس بيتجان ولهانه وطماطة وبصل عادي ماشي حالها وحابتها حاااامضة
وهم عجبتني الخلطة مال ماجي مال توابل الدجاج دزيت هلى واحد وقطعت الدجاجه وهسة اخليها بالكيس واخلي وياها جزر وبتيته وبصل وجبتها هوت صوص ممممممممم هذا تقريري لهذا اليوم وكل يوم ههههههههههه
يله راح اظل فاتحة الدردشة وكل شوي امد راسي

[توتايه]

خوااااطر الشاب في العصر الغزلي الحديث....

.
.
.
.
.
.
.
..
.
.

.....
خدك ورد رمان ومربى مشمش ................. جيتك مثل ذبان واتگلي كش كش
------------
اتمنة انكلب بزون واعبر سطحكم ............... وبحجة اللحمات احجي وية بتكم
--------
كون انكلب طلقات وادخل كلبكم ............... واكتب على الشريان دمرني حبكم
--------
انهجم بيت العين هلگد وكيحه...................... كل ما يمر حليو وتگلي صيحه
--------
من گلبي أجر أسلاك حتى أتصل بيك........... فدوة الرصيد يروح بس كون أحاچيك
--------
إرهابي ليش تصير مو أنت حباب................ فجرت گلبي شبيك سويته عطاب
--------
خيط وخرز ضليت سبحة آنة بيدك.......... مو صوچي ، صوچ الروح هي التريدك
--------
شگد أخاف عليك وشگد أهم بيك............ حزب الله لو يرضون نصر الله اسميك
--------
لا مسج لا مس كول حسبالي مفلس ........... بس أدري كلش زين لوتي و مغلس

وين ايامك نزار القباني تعال واسمع هعهعهع

[توتايه]

ههههههههههههههههههههههه فدوه لحلكها

اني د انتظر المغضوب عليها تكعد حماتي حتى نسبح يوسف وطبعا هيه كاعده وكاعده تدردم بالتلفون يمكن تحب لان البارحه سمعت صوت ولد من خابرت صديقتها هع يلا بلكي تزوج وتولي

[ام نورهانه]

هههههههههههههههههه لج توتايه متسبحي وحدج شتسوين بحماتج

[توتايه]

وج عيني مااسيطر عليه بس يتحرك وحمامي صغير اخاف يطفر وينفشخ بالشاور

[ام نورهانه]

لج توتايه خلي اعلمج طريقتي اني انوش سبحتها من هي عمرها اربعين يوم اكيد عندج بانيو مال اطفال او حتى طشت نايلون خلي بالحمام وخلي خاولي عليه وكعدي سوسف فدو القلبه هيج ميزحلك وتسيطيرين عليه وخليله ملاعيب وياه وعلى كيفج سبحي

[توتايه]

اي عندي بانيو مالته يسمع حسج اني كلت على الصيف اسويله هالفكره لان بالشتا بسرعه اريد اخلصه وادفيه

[kokee]

ها بنات شلونجن
ولج ايه ليش هيج ويه حماتج خطيه هههههههههههههههههههههههههههه

[kokee]

هل من احدددددددددددددددددددد

[kokee]

يلا اروح للسوك اشتريلي جم شغله ما دام ابو لولي مكفف ههههههههههههههههههههه

[زينب السعدي]

هلو بنااااااااات شلونكم
اليوم ارجع لدبي ولازم احضر غراضنا والله اذا اجه رجلي وشافني ع نفس الوضعيه يبسطني خخخخخخخخخخخخخ
لج موتيني ضحك على انوشه فله مال اجي اعضها ..خرررب .. من كنت صغيره كان اسم الدلع انوشه ومرات نوشه
لج ايو شبيج ويه حماتج خليها تكبل لو بس تريدين ذاك الج
ها ولج كوكي ام الفتوك شلونج

[ام نورهانه]

هاااااااا ولجن شتسون وج كوكي دايحة شعندج بالظهاري رايحة للسوك خخخخخخخخخخخ اخذي دريد لحام وياج مو تنسين هههههههههههههه هو هسة تره الرجال مال بيت خخخخ
ها ولج زبوبه ياله ان شاء الله توصلين بالسلامة

[زينب السعدي]

ها ولج سويتي دولمة ؟؟؟؟؟؟؟؟؟
لكم من ارجع للبيت عندي كومة شغل ........شايله هم

[مجنونة بحبها]

هلوووووووووووووووووووووووووووووووووووووو

[ام نورهانه]

اي ولج سويت وهسة على النار واني دا اكنس شفتي السعادة الي انا فيها عود عطلت من الدوام رجعت لسوالف البيت التعبانه

[ام نورهانه]

هلو حبي ام بنونه

[مجنونة بحبها]

هلا ام نوره شلونج

[مجنونة بحبها]

بلعافيه على الدولمه

[مجنونة بحبها]

ااااااااااااااااااااااااااااااااااااا

[ام نورهانه]

الله يعافيج حبي بس شايفة دولمه بلا سلك ولا ورق عنب الاستاذ صارلي اسبوع اوصي بيه وميجيبلي اخير شي كلت خلي اسويها بالمواد العندي وسويت قطع دجاج وخضروات بالتتبيله هسة بس يجي ويكملن اطكلهم صور وانزلها الكم

[ام بساسه]

هلاووو اليوم عدنه عاصفه هوائيه يبووو داسمع الصوت رعب خخخخخخخخخخ

[زينب السعدي]

اوووووووووووووووووو فله شهيتيني .. شنو رايج طيبة هالتتبيله مال ماجي
اذا طيبة حتى اشتري منها واسوي

[زينب السعدي]

هلو هنودة .. احنا هم بالدوحة عدنا مو طبيعية والجو مغبر كلللللش
خايفة بالطائرة خاف يصير شي ؟؟؟؟؟؟؟؟؟

[ام بساسه]

ياستار يمعوده توصلين بسلامه بالعافيه الدولمه التعبانه خخخخخخخخ

يله افوت اشوف شكوش ماكوش بالمنتدى وارجعلكم خخخخخخخخ

[زينب السعدي]

هسه نورهانه دياكلون دولمة ودجاج شوي واني جوعانة كاضيتها بسكت وسفن .. رجلي لسه مااجه
من يجي ناكل يبووووووووووووووووووو جعت
اشتاقيت لبيتي

[ام بساسه]

واخيرا فتحت ايميلي كللوش تعالو خلي اضيفكم خخخخخخخخخخخخخ

[زينب السعدي]

بنااااااااا شو هواي بنات مختفيات
بيداء بنت الخليج وعلياء رحمة الرحمان وعذراء الجابري واليوم ام محمد اه من الغربة ماكو وزينة هم صارلها فترة ماكو واماني مختفية
بالاضافة الى انه
من اجيت من العراق ولسه ابد مشفت يسرى ام ردينا الراوي !!!!!!شنو فلمها بالي يمها متعرفون عنها شي
وصعب تنساني هم ابد ماكو ؟؟؟؟؟؟؟؟

[ام نورهانه]

هههههههههههههههههههههههه ولج زبوبه ههههههههههههههههه لج صار حادث مؤسف للدولمه دااكلبها بماعون من ذولي الكزيز الكبار وجان يطك الماعون من الحراره خخخخخخخخخخخخخخخخخخخخخخخخخخخخ
وكعدت نقلت المرحومة الغير ماعون بس شوي تخربط شكلها وطكيتلهم صور هما والدجاج وخالتهم بالصينيه وانتظر الرجال نورهان متحملت اكلت لان جاعت واني بطني توصوص دا انتظره المفروض قبل نص ساعة يجي وليهسة مااجه وماعندي رصيد اخابره اووووف
تسلمين حبي هنودة بس وج والله صارت طيبه خليت لهانه بدل السلك

[زينب السعدي]

دزيلياه عالبرايفت هند

[زينب السعدي]

لا والله طلعت فله ام بيت الله يستر عليج وياربي يرزقج بالولد الصالح وتكومون سوا بالسلامة

[ام نورهانه]

زبوبه عوبه لعد شكالولج ابو بيت اني هههههههههههههه
تسلمين ياقلبي وربي يفرح قلبج ويرزقج بالذرية ويارب 3 توائم بطن وحدة خخخخخخخخخ
تكومين تنتفين شعر راسج من وراهم

[زينب السعدي]

يا شمعنى 3 خخخخخخخخخخخخخخخخ
لج مرت حاميه الي حامل بتوم واحد منهم مات

[ام بساسه]

عوافي دولمه ولج اخذيه من فله ايميلي خرب شدز خخخخخخخخخخ

[zena]

هلوو بنات حبيباتي مشتاقتلكم كووووووووووووووومات عذروني مااكدر اتواجد هل ايام لانه شوي عندي ضروف بالبيت اندعولي تسهل

[ام بساسه]

يبوو صاير بيه فضول مو طبيعي بس اريد اعرف شنو بيه خخخخخخخ

[ام بساسه]

متعرفون اشلون الوحده تعرف بلكت تعرفون عود مخلفه 3 ومطفيه مثل الثوله خخخخخخخخخخ

[ام بساسه]

الله يسهلج عمري

[ام بساسه]

سويت مال الجدول الصيني طلع ولد بس اكول هذا جذب مو بالله

[زينب السعدي]

هلو زينة حبي انشالله تسهل امورج وماكو الا الخير
هند سويتي هاي مال الحلقة والخيط؟؟ يكولون مضبوطة شو اني ضبطت ويايه بوكتها

[زينب السعدي]

لا كذب الجدول الصيني سويته اني من كنت حامل وطلعلي بنيه
بس هو كان ولد.. الله يعوضني بالاحسن يااااااااارب

[ام بساسه]

لا مسويت ماعرفلها بس سويت ابره وخيط وطلع طول خخخ

[رويدة_ أم ألق]

مساء الخير شلوونكم
زينب الله يعوض زوجة حماج مسكينة والله!!

[زينب السعدي]

اي اذا طول يعني ولد انشالله ..اني هم سويتها بوكتها طلع طول
شوفي تجيبين خيط وتجيبين حلقتج والافضل مال عرسج وتشدين الخيط بالحلقة وتطلعين بطنج وتلزمين الخيط من طرفه وتخلين الحلقة تفتر فوك بطنج بس مو تطخ بيها ..حتفتر دائري بالاول اذا استمرت دائري يعني بنيه واذا لا صارت تروح طول لو عرض يعني ع شكلخط مستقيم يعني ولد خليهاببالج اذا مستقيم ولد واذا دائري بنيه والله عالم
بس هاي كلها ناخذها بس لان لايجين بس مومعناه مضبوطة ..اني ضبطت ويايه خخخخ

[زينب السعدي]

الله يخليج رويدة ويعوض كل وحدة فقدت جنينها يااااااااارب بحق هاي المغربية واليوم وفاة الامام الحسن العسكري
وبحق فرحة الزهراء استجاب دعائنا

[ام بساسه]

خخخخخخخخخخ شطلعت قلم ومساحه ومرتلخ حلقه شنو هاي خخخخخخخخخ

[ام بساسه]

اكلج طبعا صدري كلش ديوجعني اول مرة هيج يصير ويايه ماعرف ليش شتكولون اسئل دكتورة اخاف يلعبن بيه وينطني ادويه وهنا الدكاتره مو هلكد

[زينب السعدي]

هاي شبيج هند شو سويتي نفسج كلشي متعرفين يمكن اني الي حابله 3 مرات وجايبه وهاي الرابعه
خو عادي الصدر يكوم يوجع ويكبر ويثكل بالحمل لان يبدي يصير بي حليب وهرمون الحليب يبدي يرتفع عندج خو هاي من علامات الحمل الواضحة الا لو غير وجع عندج

[زينب السعدي]

بنات اني هسه مبدله ومضرين غراضنا بس انتظر زوججي يصلي ونطلع بعد

[رويدة_ أم ألق]

آمين رب العالمين

هنودة شلونج احساسي يكلي ببطنج عتريس ازغيروني ههههههه

[زينب السعدي]

ياريت لو يطلع ببطنها عتريس زغيروني خطيه بلكي ترتاح دتلوج المرة

[رويدة_ أم ألق]

اي حتى فاقدة الذاكرة

توصلون بالسلامة زينب.

[زينب السعدي]

الله يسلمج عيوني رويدة

[ام بساسه]

خخخخخخخ اي والله فاقده مو اكوللكم متصدكون ههههههه الله يستجاب دعائكم يارب

[زينب السعدي]

يلا بنات اشوفكم بخير اني رايحة

[توتايه]

هلاو شلونكم مشتاقتلكم كومات جوووووووووووووووووووووعااااااااااااااااااااانه فدمره وخلصت دورتي باجر اسبح واتعلى

ههههههههههههههههههههههههههههههههه لالالالا يمعوده تخاف من ذاك عدها رعب هههههههههههههههه

[رويدة_ أم ألق]

هم هلاااوو.

[kokee]

هلوووووو بنات شلووونجن

[رويدة_ أم ألق]

البنات نايمات متعبيهم الرياجيل والاطفال.

[ام بساسه]

هلاو اجيتلكم خخخخخخ

[رويدة_ أم ألق]

هنودة هلاو بسرعة تحضري اريد اسالج.

[kokee]

بنات قبل فتره عود قدمت معامله علمود التعليم المجاني اني وبت عمتي
ومن دون العالم مطلعت اسمائنا ؟
تالي راحت امها تراجعلنه لكت فايلاتنا من دون العالم مشككه وام رجلي هيه اللي تداوم هناك يعني هيه الشككتهن حتى ابقه خدامه الها
كلتلي قهره اليوم وقيت منجبه وساكته ورجلي غلس لان هيه امه
بس سلمتهه بيد الله كطعت رزقي
يعني بنات هيج الناس بعد تكطع ارزاق غيرها وجماله الصلاة والصوم والسبحه
اففففف...الله كريم

[kokee]

ام الوقه وهنوده شلونكم

[رويدة_ أم ألق]

زنوبة تأكدتي بأنها هي اللي شككت المعاملات؟

هذا مو بس قطع ارزاق تجاوز ممقبول إذا فعلا صار.

[kokee]

الناس حصلت وداومت والافنديه شاكه فايلي خاف ما اداوم ومنو يشتغللهه بلبيت الصبح
لا اله الا الله هاي شلون دنيه ماتعرف صاحبك من عدوك

[kokee]

ام الوقه فدوه لعينج منو العنده عداوه وياي؟
شاكه المستمسكات البداخل فايلي لذلك مفادهم وشمرو فايلي
وفوكاهه فايل بت عمتي وياي مخربته حتى يضيع ابتر بين البتران لان قدمنه سوى
سكتت وانلصمت لان بس احجي اطلع مو خوش ادميه فخليتهه يم الله
ورجعت من جديد سوته الي عمتي اخت ابويه خطيه بس ماكلت لام رجلي بس اكلهه تخربه (اقضوا حاجاتكم بالكتمان)
احسن

[رويدة_ أم ألق]

انا لله ياربي ... دنيا غابة والله
وزين سويتي سكتي ماراح يتغير شي بالحجي صدكيني.

[kokee]

اشو ماكو البنات وخاصة بيداء فد مره مختفيه

[kokee]

لا مراح يتغير شي بس اجيب الاهانه لنفسي فخليتها هيه وربهه باجر حساب وراها

[kokee]

صدك شكد عليج هسه رويده؟

[ام بساسه]

يبووو هاي شكد بربوك لج ليش هيج متخاف من الله عود مريه جبيره شدخل الصوم والصلاة مو هاي لو تخاف الله مجان سوت هيج بس يالله سلميها بيد الله وحسبي عليها

[ام بساسه]

رويده حبي ادللي امريني امرر

[ام بساسه]

لج هاي لو عمتي اشوي على طي.... اكملي فراغ بصل لج شنو هاي شعليه التنظيف والبيت والكراب شيخلصه العمر يخلص والشغل ميخلص انعل ابليسها

[ام بساسه]

رجلي راح يشرب نركيله ويه ولد اختي الجبيره واصدقائه وعايفني بالبيت واني اجيت وكابلت لابتوب والله ملل وضوجه مو طبيعيه

[رويدة_ أم ألق]

ام لولي المفروض بهيجي موقف زوجج يحجي
بس لانه ساكت خلي امرج يم الله.


تسلميلي هنودة
من بداية الشتا مشتهية حامض شلغم
خالتي ام زوجي ولااا عرفت له تكول منطبخه هنا بالنجف
المهم اخذت التعليمات من امي ومصير الجدر كله كان حشاج شيل وشمر ههههههههه
من تزوجت لليوم هاي ثاني طبخة اذبها يلة هم نعمة مو هواية
علميني شلون اطبخه مضبوووط.

[kokee]

ماكو اليوم البنات مختفيات

[ام بساسه]

يمعوده مو تدللين حبيبتي اجيبين باقه سلق ةجم راس من الشلغم حسب انتي اشكد تحبينوتنقعين التمن بالمي مده ربع ساعه كلش كافي وراها تمرديه زين يعني تشوفيه صار نمنم وراها تحمسين الشلغم بزيت بجدر ومن تشوفيه اشويه لونه تغير على طول ذبي وراه السلق وابقي احمسي بس السلق مثروم والشلغم مقطع مكعبات ناعمه بس مو كلش ناعمه متوسطة الحجم وراها تحمسين المعجون مال طماطم وياه وتخلين المي والتمن وتخلين القليل من ليمون دوزي والملح وتضوكين لحد ميعجبج الطعم ويكون مناسب وراها يبقى يغلي على النار ويثخن قبل ميثخن ذبي الكبه البرغل وجريش امبينه مال سلق مو مال تكلاه وراها يثخن سوة وشوفي الكبه طفت ليفوك يعني استوت وابقي كلبي بجفجير الجدر حتى ميلجع جوة حتى لو تيفال مرات يلزم جعب وبالف عافيه اي شي تردين تحت امرج وبالخدمه

[kokee]

اسفه بنات حجيجن ما طلع يمي اشارتي طينه كلش
شسوي هند هاي هم امه هسه من يحجي وياهه تتمسكن ومرتك خربتك ومن هالسوالف عاد نسكت نحترم رواحنا

[رويدة_ أم ألق]

عيوني زنوبة دخلت بالسادس.

[kokee]

الله يتمملج على خير وتجي الانسه بسلامه

[رويدة_ أم ألق]

الف شكر احبيبة متقصرين هنودة
تقريبا سويته هالشكل بس يمكن غلطتي كانت كَليت الشلغم زايد
لأنه طعمه صار مركلش.

[ام بساسه]

اي هم حقج هاي هيه يمعوده خليها على الله ونتي الج الاجر لان صبرتي

عيوني رويده الله يكومج بسلامه ويتمم حملج على خير

[ام بساسه]

لا هالمره اضبطيه والله اني سويته صار يخبل واليوم اختي سوت تبسي خطيه وتغدو وراحو

[رويدة_ أم ألق]

ربي يسلمج ويعينج على عنادهم هههههه
بلكي نتعين سوية زينب صدك أنت شمخلصة؟

[ام بساسه]

لج عيني داكتب والوب طبعا عصعوصي كلش يوجعني مدري ليشاني جنت بس بلاشهر الاخيره هيج اتوجع مدري الزهايمر شغال لان كلش ناسيه ابني صف الاول الاخير وناسيه كلشي خخخخخخخخخ

[kokee]

اني اضوج من الحامض شلغم ما اطيقه خخخخخخخخخخخخخخ

[ام بساسه]

اني مخلصه معهد معلمات المفروض هسه معلمه متعيين وكعدت بالبيت واموت من التدريس جهالي بالكوة ادرسهم خخخخخخخخ

[kokee]

اني مكمله تربيه جغرافيه وهاي الي السنه الثالثه

[ام بساسه]

اكو هوايه ميحبوه تعالو اعلمكم طريقه للروبيان وادعولي عليها بس بلاول منو تحبه خخخخخخخخ

[ام بساسه]

رويده انتي بالنجف لو من النجف لان حمايه اهناك بيتهم كدام الامام

[رويدة_ أم ألق]

بالف عافية غداكم ... اي راح اضبطه ان شاءالله.

[kokee]

ههههههههههههه اي زين تسوين
يمعوده محتاجه للفلس وداعتج رجلي راتبه واحد وربع تهلسه مايبقه منه الا 200 منا لشهر العاشر على ابو سلفه نشتري سياره
مليت يمعوده حصره عليه اشتري شغله اففففففففف

[ام بساسه]

يبو هاي انتي بالضيم الله يكون بعونك كوكي انتي كاعده بيت اعيالج لو قريبه يمهم لو شنو الموضوع

[kokee]

مضايكه الروبيان اصلا
اني هم نجف هند خخخخخخخخ

[ام بساسه]

كوكي دزيلي دهينه يبوو اموت عليها خخخخخخخ

[ام بساسه]

يمكن بالعراق ماكو لان ماكو بحر خخخخخ نسيت هع

[kokee]

لا ولله ويه عيالي

[رويدة_ أم ألق]

هند ضايكة الفسنجون؟ هههههههههه

[kokee]

لا بلبصره اكو بس سعره غالي كلش
ولج هاي دهين علميز صارلهه قرن من جابهه رجلي هسه اطيجياها ههههههههههههههه

[kokee]

مو كل فسنجون طيب امي تسويه كووووووووووووولش طيب واكثر شي احب الدجاج البي

[kokee]

بنات الاكزيما اكلت ايدي اكل جنهن ادين واحد اجرب شسوي والله مليت ماخليت طبيب يعتب علي

[توتايه]

ولج هاي شكد صلفه كوكي يالله حبي شتسوي امرج لله

ادري وين ديوديها مينطيهم اني زوجي راتبه 900 ينطيهم 350 والباقي النه والحوافز النه زين الحوافز شنو ماعنده؟


يبوووووووووو اموت عليها جانت بيبيتي ام ابويه تسويها واكلها من ايدها تخبل


شونج رويده حبيبتي مشتاقون


بالي يم يسرى ام رودينه اشو اختفت على غفله هيه ونعومه وئام بالي كلش يمهم صار 3 اشهر مداخلين

اني اتعشيت وغسلت هدوم وكعدت والسرسري ميقبل ينام

[توتايه]

زين مشفتي خلطات مال اعشاب تفيدها؟

[kokee]

شهيتوني فسنجون خل اكل لامي تسوي السبت من اروح الهم

[توتايه]

اكولج شنو انتي متلبسين جفوف لمن تنظفين لو تغسلين مواعين؟

[توتايه]

منو هذا فسنجون؟


هاج كوكيه

http://cobarty.jeeran.com/archive/2007/8/290767.html

[kokee]

حبي واحد وربع وي الحوافز شسوي عينهه قويه راتبهه قوي ولايهون عليهه الربع ورجلهه يصرف علبيت ورجلي الفطير كله علي
اوووف
مليت ايه ماكو حتى اعشاب مايفيد اديه مفطرات يصبن دم شغلي كله بجفوف

[kokee]

خاف اروح يعني طفه النانو هفففففففففففف

[kokee]

حبي ايه حتى بول البعير شربته علمود الاكزما وماكو ايست فد مره

[ام بساسه]

لا والله ماعرفه الفسنجون بس اعرف جمه كلش طيب امي تسويه ويه التمن يخبل بس لتشهوني تره اهنا ماكو هيج شغلات اخاف يطلع باابني عاااا لج شمريها عليه الدهين يبووووووووو اموت عليها

[توتايه]

زين روحي زوري واطلبي مراد بلكي الله؟


اوف لا عيني اني رجلي اخاف اكو زياده فوك الراتب يطلعها هوه وبالشارع يخليها بجيبه ويخليلهم الراتب على الميز ياخذون منه والباقي يرجعوه والله العظيم والله فوكايه يكولوله ناخذ اقل منك بس يتحسن التقاعد


بتي احجي وياه هاي مو حاله

[ام بساسه]

نعست كاعده واتثاوب افوت اروح انام وعتريس بعده بالكهوة رياجيل اخر زمن خخخخخخ اروح الف راسي وانا هههههه تصبحون على خيرررر

[توتايه]

ههههههههههههههههههههه نوم العوافي وتلكين رجلج متلفلف وغافي روحي ارتاحي حبي هاي عصعصوصج يمكن من الحركه الهوايه والكعده ارتاحي حبي

[kokee]

اجتي الكهرباء همزين خخخخخخخخخخخخ
مليت ايه لامراد ولا عزه الاكزما العدي بالدم مو تحسس بسيط

[kokee]

يمعوده لاراتب ولا صخام هههههههههههه مهلسي تهلس

[kokee]

شحجي وياه كلما احاجي يكلي شنسوي بلفلوس هاي ميتين كافيه علينه
يعني ميفكر اشتري لبس اشتريلي شغله ذهب اشتريلي جهاز لا عبالك هوه مصرف جيب وهاي هيه

[توتايه]

يبوووووووووووووووووووو ولج شنو حجاره خوما حجاره ولج انتي مو حوك لو حوك جان قبل مينطيهم اخذي انتي على الاقل الحوافز زين كوليله اريد اشتري هدوم واشتري للولي


زين شلون هوه اكو دكتور محترم ابغداد بس شيجيبج من تجين والله روحيله فد شي رهيب

[kokee]

يا حوك يمعوده من تزوجت لليوم طاح حظي وتمرضت مابيه حيل احجي وهاي امه تريد حجه حتى تتعارك
اني جايه لدكتور خليفه الشرجي قبل جم سنه بروفسور الامراض الجلديه الاول بلعراق ابغداد
كلي الدوه الاطيجياه مجرد مهدئات لان هيه بلدم

[kokee]

نعسسسسسسسسسست فد مره ههههههههههههههههههههههه

[توتايه]

اني الدكتور الي ردت اكولج عليه هوه خليفه الشرجي مدرسه زين مستفاديتي على الدوايات؟

[توتايه]

هههههههههههههههههههههه روحي نامي حبيبتي قبل ليكعد لولي ويسويلج طربيه هههههههههههههههههههه

[kokee]

هوه هم هيج لان كمت اقره الديك حمار هههههههههههههههههههه
نصبحين على خير كبود

[توتايه]

نصبحين على خير مو هههههههههههههههههههههههههه صدك الديك بقره كمتي تقرين


وانتي من اهل الخير حبيبتي ادفي زين بارده

[رويدة_ أم ألق]

هلاو هياااااتني ..
رحت سمعت قصة حلوة من زوجي هههههههه
كتله خلي احجيلك قصة السعلوة كال لااا يمعودة

أيوتة الكتكوتة احنة اشوق
هند الفسنجون ينطبخ على لحم الطيور وخاصة الديك الرومي(الفسيفس)

[رويدة_ أم ألق]

نجلاء , نور , بيداء , أماني , عذراء , هبة , علياء , مي
مكانكم خالي غايبين من زمان ان شاءالله تكونوا بخير.

[توتايه]

أمين ياربي خلي يغيبون ميخالف بس من يرجعون يرجعولنا اخبار حلوه



اكولج شلون ينطبخ السفنجون؟

[زينب السعدي]

هلو بنات شلونكم اكيد كلكم نايمين
احنا هسه اجينا من المطار ورجلي ديباوع فلم ويه حمايه واني اجيت اشوفكم بينما يجي الحب
لج كوكي هاي عمتج مال الزمها وانتفها ..تلزميها هي وكماشه وتكبين عليهم مي وبالكيبل مال الكهرباء دك تنعنعين ضلوعهم تنعنع كتله مال يزي قهر

[عذراء الجابري]

للهم كن لوليك الحجة بن الحسن صلواتك عليه وعلى ابائه في هذه الساعه وفي كل ساعه وليا وحافظا وقائدا وناصرا ودليلا وعينا حتى تسكنه ارضك طوعا وتمتعه فيها طويلا برحمتك يا ارحم الراحمين ....
نعزي صاحب العصر والزمان بذكرى استشهاد الامام الحادي عشر الحسن العسكري عليه السلام

[دلوعة وطيوبة]

صباحوووووووو بنوتات كيفكون وحشتوني هوايه ههههههه طلعت عراقيه فين حبيبي وصعب تنساني مرا وحشوني

[مجنونة بحبها]

صباااااااااااااااااح الخيرررررررررررررررررررررررررررررررررررررر

[رويدة_ أم ألق]

صباح الورد.. أمونة شلونج؟

أيوتة اسفة البارحة نمت قبل ال2 ماكنت أدري بيج كاعدة
بس وداعتج هو مو سفنجون ههههههههههه

كل البنات تحياااتي.

[روح ملائكيه]

هلوووووو بنات شلوووونكم؟

ستايل المنتدى موف يفتح النفس هههههههههههههههه

[روح ملائكيه]

الله اكبر ...شكد حاجيات هو يوم غبته

اروح اقره الي فاتني زين اذا باجر خلصت هههههههههههه

[روح ملائكيه]

صدك نسيت اكوللكم اليوم وزنت وصلت لـ 84,900 كغم ضعفانه كيلو و200غم ....الحمدلله جاي اضعف بلا ريجيم ههههههههه

[اه من الغربة]

صباحكم خير و نور و سروور وينكم محد موجود وين مختفيات

ترا ضايجة و طاقة روحي اجيت اغير نفسيتي ولا وحده موجوده هسه ابجي

[روح ملائكيه]

ههههههههههههههههههههه
ولج نجوله عاجبج تراك شوق؟؟ خخخخخخخخخخخخ

ايو هذا اشتريته من العراق بأخر روحه الي بالشهر التاسع 2011

نجوله مو برمودا لا موديله طويل وكلاسيك ويصير حصر والارنوبه تحتها بلك درز ... صدفه لكيته بمحل يبيع ملابس مستورده وكلش عجبني فأخذته الها وجنصي جان آآخر قطعه ههههههههههههه
اذا تردن ادزه الجن بس شلون يصير عليجن؟؟؟ خخخخخخخخخخخخخخخخخ

[روح ملائكيه]

هلو ام محمد اني هنااااااااااااااااا
شبيج ضايجه ؟ ماتسوه عمري

[اه من الغربة]

هلا بيج مها شلونج و شلون الجهال و الله لازمتني كآبه صار أسبوعين ما طالعه من البيت راح أطق
كلما اريد اطلع لو ينزل ثلج لو الهوا كلش عالي و اخاف علي محمد لا يتمرض ما اطلع
ذاك الاسبوع ردنا نطلع و تنقرت علي الرجال و ما طلعنا و هل اسبوع ما جان عنده اجازه دوامه من ال3 الي 12

[ام بساسه]

صباح الخير بنات هسه كعدت هوة اني جنت كاعده بس احوص بالفراش مابيه حيل اكوم خخخخخخخخخ

[ام بساسه]

غربه اشلونج يمعوده هبطتيني كلت اشبيها البنيه طلعت علمود الطلعه تعالي يمنه خلي افرفرج بسياره خخخخخخخخخخ

[ام بساسه]

طبعا لو تذبحوني ماقره القديم يرادلي عطعطشش ساعه يالله اكمل هههههههههه

[روح ملائكيه]

هلو ام بساسه منوره عيوني

عيوني ام محمد وداعتج نفس الحاله دااعاني منها بحيث البارحه حسيت روحي مخنوكه وهم ردت اطلع وكان عدنا هوا كلش عالي وبارد وخفت على حمودي لا يمرض وبطلت وكعدت بالبيت وحتى ملل ..

[اه من الغربة]

لا اليوم قلتله ال رجلي يوم الجمعه أخذ منك السيارة اوصل مريم عربي و اروح اديح أني و محمد طاقة روحي
تسلمين ام بساسه شلونج اليوم و شلونه البيبي و الجهال شلونهم

[روح ملائكيه]

هههههههههههههههههههه اني جنت اقره كلام اول البارحه ههههههههههههههههههه

انتي ولدي بسلامه بالاول وضوكي حسرة الطلعه هههههههههههههه

[ام بساسه]

هلو عيوني روح نورج داده

قلبي غربه لتضوجين متسوة والله وين منروح ممرتاحين

[روح ملائكيه]

اني هم من يجي اكوله اخذ الاطفال ونروح لمول ...هو يقبل بس محمد مايرضى ينام بالعربانه واظل شايلته على كتفي خطيه هو يتعب واني هم ..

[ام بساسه]

والله يمنه المهرجان وشكد حلو ولا رايحه رجلي يكول عندج سياره اخذي جهال وروحي اتعاجز

[ام بساسه]

البارحه رجلي مدري ياساعه رجع بس سمعت تكلب يمي على الجربايه واني بالحلم الستين خخخخخخخ

[ام بساسه]

كاعده اتريك كيكه فاهيه وشاي حليب منو تريد تفضلووو

[اه من الغربة]

مو هنا عدنا ثلج و لمن نطلع لازم قبوط و بلاوي نلبس الجهال و محمد كلش حراني اصلا ما يقبل بس البسه القدوس يظل يبجي و يسويلي فلم ف دائماً احترم نفسي و اطلع ويه رجلي اكثر الأوقات بس صار أسبوعين صدفه ما صارت عنده اجازه و كل ما اريد اطلع ينزل ثلج و صعبه جهال و ثلج و عربانه و هوسه بس خلاص طقت روحي و أني بيه سوله لمن اضوج و اتكأب اذا ما اطلع و اشتري ما ارتاح

[روح ملائكيه]

عافيات عيوني

والله اني هم يمنه مهرجان دبي للتسوق واكوله اخذنه مايرضى ...
صدك اني اسمي مها

[ام بساسه]

عاشت الاسامي مهاوي اني اسمي هند زين انتي قريبه علينه تعالو يمنه زيارة لمسقط اني رجلي دائما يروح لدبي ويتوسل بيه بس اني ماحبها احسها هوسه خخخخخخخخخخ

[روح ملائكيه]

ههههههههههههه ام محمد اي لازم تسوين شوبنك وتخلصين الفليسات هههههههههههههه
اني هم كدامي محل كبير وطابقين وشامل للاطفال والاولاد والصبايا والنساء والرجال وحتى العاب واسره ...الخ بيه كدام بيتي بالضبط ومااروحله وهم هسه مسوين تنزيلات 50% وكله ماركات ومااروحله اتحسر اشوفه من البلكونه بس

[اه من الغربة]

الف عافيه علي قلبج انتي و البيبي هند اول جنت اطلع ويه مريم بس ويه محمد و مريم مستحيل اطلع وحدي لازم هوه ويايه و ما عندي مجال غير الجمعه لو سبت لان مريم تروح مدرسه عربيه اب هذه الايام و يبقي بس محمد


لا مها أني محمد لمن يطلع ويايه كلش حباب اصلا ما عودته اشيله كله بل عربانه حتي لو تنحس أشيله دقيقتين و بس يسكت ارجعه يدري أني ما اشيله بس لمن رجلي ويايه كله هوه يشيله مرات يقلي شيلي ما اقبل اقله انت عودته مو أني انت تشيله

[ام بساسه]

هاي ام محمد مثلي اني من يصير اجم فلس بجيبي اكوم احوص اله اصرفهن يالله ارتاح خخخخخخخ

[ام بساسه]

الله يعافيج عمري

[روح ملائكيه]

عاشت الاسامي هنوده ..والله ياريت بس شسوي لزوجي معيشني بقمقم ههههههههههه مااطلع ...ساكنه بالامارات صارلي 5 سنوات ورايحه لأماكن تنعد ع الاصابع هههههههههههههههه والناس حاسدتني على العيشه بالامارات ماادري على شنو ههههههههههههه

[اه من الغربة]

هوه هم هيجي يوم الجمعه اطلع و اروح اطلع الفرق مال أسبوعين

ولج هن اكوا احد يقول ال دبي لا يمعود روحي مره و هسه انتي تقوليله قوم وديني أني أموت علي دبي قلتله ال رجلي بس نخلص اوراقنا نروح لندن و عراق و نشوف اهلي و اهلك اريد اروح ال دبي كلش مشتاقتلها

[روح ملائكيه]

مو ارضع محمد طبيعي فمااكدر كله اخليه بالعربانه ...

هنوده لو تدرين شكد اني حريصه ومااصرف فلس مو بمكانه بحيث مخبلتهم ومحد يطلع وياي من اتسوك خخخخخخخخخخخ بس من اروح للعراق اصرف بلا حساب هههههههههههههه لأن مجمعه رواتبي عد والدي واكعد اصرف بيهن

[ام بساسه]

ههههه مهاوي بالعكس اني الوحيده الي محبيتها حسيتها زحمه وهوسه معجبتني وجوها نار اجيت بالصيف مسقط احلى بهوايه وهادئه كلش ابشركم البارحه سويت مال مساحه والقلم والابره وطلع بطول يروح ويجي القلم بعدين سويت مال الحلقه هم بطول كام يروح ويجي شنو يعني ولد بلكت الله يرحم بحالي حتى اخلص

[ام بساسه]

مهاوي طلعتي مصلاويه خخخخخخخخخ بس لتطلع وحده من الموصل ويصير كتلي عمل شعبي هههههههههههه

[روح ملائكيه]

اني ماساكنه بدبي لا بالشارقه بس بيتي على طريق دبي ..يعني دبي تبعد بس 4 دقائق بالسياره الشارقه ابعدلي ... حرامات ماعندي اجازة سياقه كل مااريد اقدم الكه نفسي حامل وابطل لأن حملي صعب اسم الله عليكم ...فقررت من ارجع للعراق اقدم على اجازة سياقه وان شاء الله احصلها واشتري سياره واخلص

[اه من الغربة]

اي لبالك ايدي تقوم تحكني الا اصرفهن يلا ارتاح اجت أني شكد حجت عليه و خطيه كومه غراض جابتلنه و قالت لا تشتريين بس دوده ما اقدر
هسه يوم السبت معزومين عرس صديق رجلي هسه اب حجه اريد شيله بيضاء قلتله اريد اطلع الجمعه لان ما يقبل يقول بارده ومحمد يتمرض انتظري نطلع سويه

[ام بساسه]

لا اني اهنا تعلمت السياقه و3 اشهر اخذت الايجازه صارلي 5 سنوات عندي سياره لان اهنا لازم اودي جهال مدارس وبعيده لازم سياره واروح اسوك رجلي يطلع الصبح يجي بالليل وكله براسي

[روح ملائكيه]

ههههههههههههههههههههههه لا لتخافين مو مصلاويه ههههههههههههههههههه
والله بالعراق محد يبذر مثلي هههههههههههه
لا مو هنا احنه بغربه وحاسبين حسابنه نرجع للعراق يعني ماظالين بالامارات فلازم ناخذ حرصنا ..بس كلشي موجود عندي والحمدلله وشيريدون الاطفال يلكوه بس بحساب مو يبجي انطيه الحاجه حتى يسكت لا ماعدنه هالشي ممنوع هههههههه وزوجي هم مكيف بهالشي هههههههههههههه

[ام بساسه]

اهنا السيارات رخيصه مو غاليه وبعدين سيارتي مستعمله رجلي اشتراها بس هاي على كدي توديني وتجيبني تعالي شوفيهن اهنا اشلون منفوخات كله فورويل خخخخخخخ

[اه من الغربة]

اي يمعوده اهم شي السياقة علي الاقل تقدرين تروحين و تجيين براحتج أني قبل ما احبل جنت اديح ويه مريم بحيث ماكوا مكان ما اعرفه و ماكوا طريق مختصر ما اندله لمن نريد نروح مكان رجلي يقول من هاكد ما تطلعين تعرفين كل مكان بس من وقت ما حبلت بطلت


اذا رحت يعني خلص شحن الايفون اعذروني

[ام بساسه]

صارلج اشكد بلامارات شوفي طبعا اول مااجيت عمان جنت احسب مثلج واكول ورايه رجعه وبالفعل جنت اجمع واسوي بس بعد معديت 5 سنوات كلتله انتهى بعد ماارجع للعراق ياعراق حبيبتي العراق انتهى يوم على يوم دمار اكثر بعدين اتحسين حتى الناس اتغيرت كمتي متثقين اتخافين من جارج وين ايام زمان كلها راحت البلد المابيه امان ميصير نعيش بيه

[اه من الغربة]

اي عفية عليج مها هيجي صحيح الامام علي عليه السلام قال المال في الغربة وطن

[روح ملائكيه]

اي بحجة الشيله طارن الفلوس هههههههههههههههههههههههههههه
اني طالعه على ابوي حريصه بس مو بخيله

اي المره بالغربه لازم عدها سياره بس اني زوجي حتى من يرجع من شغله مايطلع لأن عنده غرفه خاصه يستعملها للخط والزخرفه فتلكيه مقيم بيها هههههههههههههه فما نحتاج للسياره بس يروح ويرجع من شغله

[ام بساسه]

هسه اتغيرت واشتريت بيت اهنا وسجلته بااسم عمي لان عمي عنده الجواز العماني بس هم خايفه اكول بلكت استلم جواز اني مقدمه عليه صار 10 سنوات وجاني رفض بس كالو اكو امل رجعي قابلي الوزير وداشوف اسباب الرفض وارجع اقابل الوزير بلكت الله اكو حل

[روح ملائكيه]

عيوني هنوده مو اني بعدني بوظيفتي اشتغل معلمه وهذي آخر سنه الي اجازة امومه صارلي 5 سنوات اخذ اجايز خلص حقي بعد فزوجي يظل هنا بالامارات لأن شغله بصراحه مايتعوض طبعا من غير المعارض الي يشترك بيها ويبيع لوحاته ..اما اني والاطفال نرجع للعراق ونجي للامارات بعطلة نص السنه والعطله الصيفيه والله كريم

[ام بساسه]

تعرفون 10 سنوات تروح من عمرنه واحنه باامل نرجع للوطن واكو 20 و30 ونفس الشي امل بس ماكو رجعه عيشي حياتج وتاقلمي وعيشي جهالج على نظافه وامان وعلميهم لغه وسويلهم مستقبل

[ام بساسه]

زين ليش متقدمين بشهادتج على تعيين اكو تعينات مدارس خاصه وهم مرتباتهم حلوة وعيشي يمعوده لتعودين رجلج على ان يعيش بعيد عنج وعن جهاله ليش هوة اشكد بالعمر حتى الواحد يعيش بغربه عن الثاني

[روح ملائكيه]

ان شاء الله تحصلين عالجنسيه وتخلصين بصراحه مو مضمونه الدنيا والاخ مايتأمن بهالهدنيا ...
احنه هالفتره دنبني بيت بالعراق اشتريناه هيكل ودنكمل بيه مابقى شي بيه تقريبا

[ام بساسه]

اميين يارب شوفي اني ابد ماعندي شك بعمي لان رجال شايف وعايف عنده بدل العماره 5 وبيوت ومشاريع وخير من الله وهوة انسان متقي ويخاف الله بس اخاف من الدنيا لا سامح اله اذا صار عليه شي مااضمن اولاده بس الله كريم وعمر مال الحلال ميروح

[روح ملائكيه]

لازم انفصل من وظيفتي او استقيل ووظيفة الخاص بالامارات مو مضمونه وراتبها كلللللش قليل ومتعبه شسوي والله مارايده ارجع بس هو يكلي ماعدنه وظيفه حكوميه بس وظيفتج وتفيد الاطفال بالمستقبل

[ام بساسه]

مبروك عليكم البيت وان شاء الله بيت الخير عليكم

[روح ملائكيه]

اكيد المال الحلال مايضيع اني زوجي جان عايش بره العراق وقبل لا يتزوجني بكم شهر راد يسوي مشروع وانطه لواحد رجال مبلغ جبير حتى يشاركه الرجال اخذ الفلوس وهرب والحمدلله رجعن لزوجي لأن مال حلال وتعبان بيهن ...ان شاء الله تحصلون عالجنسيه وترجعين البيت بأسمكم

[ام بساسه]

الله يسهل امورج بس اني انصحج الرجال صعب تعوفيه الوحده ومتعرفين شنو يصير اتمرض لاسامح الله صار شي وانتي بعيده وهوة بغربه بعدين المشاركه حلوة بتربية الاطفال بكل شي وكل لحظه من ضحكتهم من سولفهم متتعوض

[روح ملائكيه]

تسلمين عيوني ان شاء الله يوم التفرحين بالجنسيه ..

[روح ملائكيه]

عيوني هنوده اني اترخص محمد يريد ينام
اشوفج على خير ان شاء الله

[ام بساسه]

اميين ياررب

[ام بساسه]

الله معاج بوسيلي حمودي

[رويدة_ أم ألق]

شلونكم؟
اللي تريد تبجي وياية خلي تتفضل
مشتــــــــاقة لأمي كلش.. خابرتها حجيت وياها بس قلبي ما برد
ألف عافية على كل وحدة تشوف أمها دائما.

http://www.youtube.com/watch?v=tifxcb3rtM4

[ام بساسه]

ياعيني رويده اله يجمعكم ان شاء الله باقرب وقت

[kokee]

الله يساعدك بنات
كملت شغلي بطلاع الروح هذا بس يبجي والافنديه جنابهه تدرس بالكليه ومتكركحه وكاعده واليوم احجي وياها من وره خشمي جنابهه سبحتهه بيدها وهيه الحقد يجري بدمهه
رويده حبي الله يساعدج اني امي بلاسبوع اشوفهه مره مرتين ومايرتاح كلبي
السفر يخوف انتي حامل جان كتلج روحي الها
هنوده شلونج يمعوده

[رويدة_ أم ألق]

تسلمين هنودة.

[رويدة_ أم ألق]

هلاو زنوبة الله يحفظلج أمج
اي والمسافة مو قليلة بحدود 5 ساعات.

[رويدة_ أم ألق]

ها وين سرحتوا وين صفنتوا؟
يمكن هند دتاكل هههه وزينب تعدل باروكة لولي.

[kokee]

هههههههههههههههههههههه لا كعد اقره ما فاتني خخخخخخخخخخخخخ

[kokee]

مها شجايبج للعراق يمعوده خل يستقر يلا تجين

[kokee]

والله اشوف الزواج بعيد عن الاهل صعب
الله يكون بعونكم

[kokee]

iها رويده بس لا اجى قاسم ورحتي هههههههههههههههههه

[رويدة_ أم ألق]

ههههههه لالا موجودة.. قسوم مااجة بعده

بس مشاركاتج طلعت كلها سوية.

[kokee]

ههههههههه اوكي
صدك رويده انتي هم خريجه تربيه؟
شعجب لهسه ممتعينه لو الرجال ما يقبل؟

[رويدة_ أم ألق]

البعد عن الأهل حيــــل صعب
انا هنا ماعندي أحد أبدا لا أقارب لا صديقات
بديالى كان وضعي غيرشكل ولهذا أحس بغربة أحيانا.

[رويدة_ أم ألق]

لا زنوبة خريجة كلية علوم
الرجال موافق والعماية سعت وياية بالتعيين ههههههه
قدمت للصحة وللتربية ماكو نتيجة.

[kokee]

نعست لولي من ال5 كعد مثل العماله ههههههههه

[kokee]

العلوم تعيينهم غثيث مثل الاداب
اختي الجبيره هم مكملع بايلوجي بس متعينه لان من الاوائل

[kokee]

هههههههههههه مو مثل عمتي ردتهه عون لان مشرفه هيه
لكيتهه مشككه مستمسكاتي وذابه فايلي هههههههه والله يا لله

[kokee]

الهوى عالي غسلت ملابس وشريتهن لكيتهن مطينات ورجعت من جديد غسلتهن ههههههههههه

[kokee]

يلا ام الق اني اروح ن طفيت فد مررررررره هههههههههههههه
في امان الله

[زينب السعدي]

هلو بناااااااات شلونكم
زوجي بالدوام انتظره يجي حتى نروح للهايبر ماركت نتسوك محتاجين كومة اشياء للطبخ
وعندي عمل شعبي بالبيت لازم ارتبه بسرعة خلال هاليومين لان مرت حمايه تجي الثلاثاء خو مو من تجي انخبص بالتنظيف والطبخ اريد اكعد اكبكب كبة حلب وكبة برغل وكبة حامض شلغم (كبة دك) واسوي سمبوسة ..طبعا مااعرف شوكت اخلص

[ام نورهانه]

هلووووووووووووووووووووووووووووووووووووو

[زينب السعدي]

هلو قلب شلونج مشتاقين
اليوم غدانة دولمة خخخخخخخ وتمن احمر

[ام نورهانه]

طبعاً بنات الشكوى لله بس نفسيتي صاااااااااااايرة بالحضيض وروحي مو طايقتها ومو عارفة اني شنو اريد وبس اريد اتعارك
وحاسه بمرارة مو كاعده تروووووووح اوووووووووووف ياربي استغفر الله

[زينب السعدي]

فله كولي الحمد لله والشكر ..هاي حالة طبيعية تصير بدايه الحمل تكون نفسيتج تعبانة وبس تبجين وخاصة انج خايفة عالحمل لان ماره بتجارب صعبة قبل وانشالله هالحمل يعدي ع خير ووترتاحين وتجيبين احلى اخ لانوشه

[ام نورهانه]

بالعافية حبي

[ام نورهانه]

اي حبيبتي ان شاء الله والله كأبه فد مرة ومالي واهس وجع راسي مديفاركني وكلشي مدااكدر اخذ اخاف
بحيث البارحة كال اوديج لاهلج كتله لا نفسيتي مو متحمله ومااريد امي تشوفني بهالحاله تنقهر خطيه والنوب اخليهم يتكابون من ورايه

[زينب السعدي]

بناااااااااات داابحوش اكلات بالنت وبكتب الطبخ .. اريد اسويهن من تجي مرت حمايه لان مااريد اكلات تقليدية
هي حتوصل بالليل يعني لازم اسوي عشا واكيد مو ثكيل

[زينب السعدي]

اي زين سويتي فله ..يلا انشالله بس اول 3 اشهر وبعدها تتونسين وتستمتعين بحملج
صدك انتي اخذتي سونار لو لسه ؟؟؟؟؟سمعتي نبض الجنين

[ام بساسه]

هلاوووو رجعتلكم اشلونكم شنو هاي فله هسه تصيرين مثل الورده ولج بعدج نونيه لو تصيرين بكدي اشلون اني عجوزه خخخخخخخخخ

بنات هسه محد بشرني سويت مال محبس طلع بطول يهتز شنو يعني عااااااا راح ابجي خخخخخخخخ

[ام بساسه]

اني يوم 8 موعدي اروح اشوف الدكتورة المكموعه شتكول غير مطفيات اهنا شلعن كلبي

[ام بساسه]

طلعت تنبؤات ابو علي الشيباني اشو كلها كوارث ومصايب سديته وكمت انظف خخخخخخخخخ

[ام بساسه]

هاي وينكم اشو من اجي تفلتن ومن اروح ترجعن هههههههههه

[زينب السعدي]

شكتلج هنودة مو كتلج اذا طول او عرض يعني ولد واذا الحركة دائرية يعني بنية بالنسبة لاختبار الحلقة
انشالله ولد واهلهلج واطش جكليت عليج ونخلص من النق مالتج

[زينب السعدي]

لج هند ياابو علي الشيباني شنو هالطي.... وكملي انتي
هذا واحد نصاب ودجال خي ولي

[مجنونة بحبها]

هلوووووووووووووووووووووووووووووووووووووووووووو

[زينب السعدي]

هلوووووووووووووووو بيج امونة

[رويدة_ أم ألق]

أم لولي اسفة ظل النت يفصل بسبب الهوا والجو
ومارجعت بعد.

[زينب السعدي]

شنو هاي شو اليوم باردين شنو فلمكم
اني دااشتغل وكل شوي امد راسي اشفوكم شدتسوون

[kokee]

هلو بنات شخباركم شو مختفيات

[kokee]

حمد لله عسلامتج حبي زنوبه