دردشة بنات العراق, دردشة حوامل العراق , تجمع بنات العراق

[ام نورهانه]

هلوووووووووو بناات تسلمين حبي زنوبه وهنوده ياله الحمد لله تدرون اليوم مرت حمايه وعمتي طلعن للسوك وشافن هيج كم قطع مال الولد ابن نفاس وج عيني جابوهن لو تخبلت كتلهم ميطبن بيتي ضموهن يمكم ولاتشوفهن الي ولا تكولون هاي الانفال ماادري تهسترت لان اتذكرت بالتوم هم الكل بدو يجهزولي من البدايه وسبحان الله مضلو وكلش خفت بينما نورهان اني اطلك ياله خليتهم يشترون هدوم زين يدرون بيه اخاف شكو شتروا والله ضجت
وطبعا ليهسة مرحت للدكتورة عتريس يوميه يطلعلي بسالفة وامه شتكولي هسة الا هو يوديج روحي لامج كتلها واني دكتورتي هنا وامي بالفلوجة يعني شنو كتلها ثاني شي امي مصارلها اسبوعين من سوت عمليه تكعد تفرفر بيه على الدكاترة هو شنو شغله بس على ذيج الشغلة يسويها والباقي العالم يحيرون بيه تهي بهي والله ياربي

[مجنونة بحبها]

هلوووووووووووووووو انا اجيت

اكو احد لو اروح

[ام نورهانه]

اني موجودة هلو ام بنونه شلونج

[مجنونة بحبها]

هلا ام نوره حبيبتي شلونج

[مجنونة بحبها]

المنتدى ثكيل كوه يحمل والكهرباء صايره اشاره تطفه وتشتغل

[مجنونة بحبها]

بنونه شالعه كلبي متخليني اكتب

[رويدة_ أم ألق]

السلام عليكم ..
أنفال تعلمتي من هند على عتريس ههه
ولتضوجين ترى الحفظ من الله واللي كاتبه ما ينمحي
الله يحفظلج ابنج يارب وزين سويتي كلتي لعمتج لازم زوجج يقوم بواجباته

إيمان صايرة صدك مثل توم وجيري ... شلونها بنونة؟

[ام نورهانه]

هلا حبي رويدة ههههههههههههههه هاي قديمه مال عتريس تره اني وهند صارلنه سنتين هههههههههههه وحتى بوقتها سوينه منتدى هههههههههههههه
امونه اي والله صايرات يشلعن القلب ويتنعوصن كلش اني شكد مضوجتني شافها كال راح اخذها يم اهلي ويه الجهال كتله اخذه لان راسي راح ينفجر وصايرة كلش مااتحمل

[زينب السعدي]

الله يسلمج حبي كوكي
حياتي فله ميصير لازم ترحين للدكتورة ليش ما عمتج تاخذج واذا مقبلو روحي وحدج المهم تتطمنين ع روحج وعالبيبي
وبالنسبة للملابس لتضوجين ولتكونين متشائمة وانشالله فالهم خير عليج ..اكيد همو فرحانين بحملج وعجبهم يجهزون من هسه

[ام نورهانه]

هلا زبوبه وج عمتي فكر مااخذها ههههههههههه اول واحد هي اخذتها وراح وانوشة مااخذتها اخذت رجلي وبالثالث اخذتها وهم راح فلو هو لو مااروح هو شنو شغله لعد بس عرف يكتل روحه على الطفل
لج زنوبه مااعرف اضوج وهم يعرفون بيه اضوج وكلش اخاف مااكدر مو بيدي

[زينب السعدي]

لعد اذا يعرفون ليش هيج يسوون؟؟؟؟؟؟؟؟ ماادري والله
دااحاجيكم واكبكب خخخخخ

[ام نورهانه]

اني ادري هم حظي تكولي نسينه

[ام نورهانه]

بالعافية الكبه حبي جتي مرة حماج لو بعدها

[kokee]

هلو بنات شخباركوم

[kokee]

درشة حوامل شو كلجن جايبات ههههههه

[kokee]

أتخبل من لف الكبه عاأااأ

[kokee]

يبو هم ملتهيات اروح افر بلفيس بوك احسن

[ام نورهانه]

ولكم اليوم ماكو شبيكم

[زينب السعدي]

اااااااااااااااااااااااخ ظهري يموتني
صارلي ساعة اكبكب سويت 50 كبة حامض
قسمت شغلي باجر اسوي غرفتين وحماماتهن +كبة حلب
وبعدباجر الغرفتين اللخي وحماماتهن +كبة برغل
ووراها الصاله والطوارم +سمبوسة
طبعا بمساعدة زوجي في بعض الامور
حتى من تجي ماانخبص اقلها اهتم بروحي لان هاي طبتها الاولى النا مااريد يكون نقص من اي جانب
هي الثلاثاء تجي انشالله

[ام نورهانه]

ياله بالعافية الكبه والله يساعدج على الشغل اويلي والله ميخلص اني خوب مثل السلحفاة شغلي

[زينب السعدي]

اني هنا فله وينج ..شلون صرتي انشالله احسن

[زينب السعدي]

لج عيني شنسوي لعد ..اني هم رجلي من النوع النقناقي ميحب يشوف شي اعوج يريد دايما كل شئ على مايرام
واني هم كلشي معندي غير بيتي..ليش انتي مثل السلحفاة يعني بطيئة بعملج !! اني من النوع الكلش بطيئة

[زينب السعدي]

اشتهيت زبدة لورباك المملحة ويه التوست والشاي
اروح اسوي شاي

[ام نورهانه]

لا والله نفس الشي بس شسوي الحمد لله على كل حال

[ام نورهانه]

اي والله كلش بطيئة ومااعرف اشتغل هيج شلح واعبر يعني دقيقة وهسة صايرة بسرعة اتعب ويشكل ظهري فد مرة يتشنج

[زينب السعدي]

لج اني هم كلش دقيقة بعملي
اني من كنت حامل كنت اجيب شغاله تنظف لان كنت تعبانه كلش
والطبخ بالدفرات اطبخ لان كرهت المطبخ وريحة الطبخ

[ام نورهانه]

لج شهيتيني عابتلج بالعافية حبي
هسة اني هم اسوي غرت خخخخخخخخخخخخخ

[زينب السعدي]

شكد حلو لو جيرانه انتي جان اكلج تعالي اكلي ويايه
وحدي بالبيت زوجي وحمايه طالعين

[ام نورهانه]

حبيبتي تسلمين اي والله اني هم وحدي لا ولج همزين عندي زبد مالح رحت خليت القوري على النار واجيت ولج جوعانه بس مامشتهيه شي وهسة طلعتلي فوكره الزبد ههههههه

[زينب السعدي]

اني هم حاطة الجاي عالنار

[ام نورهانه]

هنسة خدر وصبيت وكاعد اكل وانوش نبصت روحها بالنص

[ام نورهانه]

هنسة شنو خخخخخخخخخخخخخ سحكت ياله غلسي

[زينب السعدي]

يااااااا شكد حلو الله يخليها الج ولباباتها
اني هم دااكل بس اني وحدي ..شوكت اكل ويه ابني لو بنتي ..

[زينب السعدي]

عادي اني اخر وحدة اتكلم بهالمواضيع لان اني ام السحكات

[ام نورهانه]

لج يا حلو مو طلعته زقنبوت هههههههههههههههه
يارب يرزقج ويرزق كل وحدة تريد طفل وتجينه يومية يبو خبلوني يبو لعبو روحي

[ام نورهانه]

اليوم االبنات نايمه عليهم طابوكه اشو ماكو

[زينب السعدي]

اااااااااااااامييييييييييييييييييين يارب وتكومين انتي بالسلامة واخو انوشه بحضنج حتى يخبلوج عالاخر

[ام نورهانه]

خره بحظي طشت الجاي بنت الزفرة خلي اجيب وصله امسحة واصب غيرة بنت القندرة صار سم

[زينب السعدي]

خخخخخخخخخخخخخخخخخخخخخخخخ صارت بالقنادر لج مو تضربيها
اليوم خميس والبنات شكلهن ملتهيات ب ال احيييي لان باجر عطله وياخذون راحتهم

[ام نورهانه]

لج شظربها فوكاها هي رزلتني تكولي خبيه ماما عود غبيه بنت الكلب

[ام نورهانه]

الحمد لله خلصنه المعركة قصدي خلصنه اكل

[زينب السعدي]

اني هم خلصت الحمد لله
لج فدوة للسانها
اريد اسبح لان كسرت عليه الدورة ولازم اتعلى هسه ..اخاف يجي الرجال يريد شي واكله بعدني مغسلت شيكول عليه بله
اكيد حيكول لعد انتي شكد جايفة

[توتايه]

هلو بنات لالالاع ماكو احي رجلي فلاونزا وخطيه غصبا عنه ودانه للعرس مال كرايبه طبعا متنونسنا لان العرس كله ولد ما اخذنا راحتنا


اووووووووووي فدوه لايدها اهم شي ما انجوت من الجاي

[ام نورهانه]

هلو توته لا منجوت العوبة طشته بحظني بس كنكوني انجوه خخخخخخخخخخخخ

[ام نورهانه]

ياله اهم شي توته غيرتي جو
لج زنوبه بعدج تسبحين

[رويدة_ أم ألق]

خخخخخخخخخخخخخخخخخخخخخخخخ صارت بالقنادر لج مو تضربيها
اليوم خميس والبنات شكلهن ملتهيات ب ال احيييي لان باجر عطله وياخذون راحتهم


هههههه بالنسبة الي يا دادة ويني ووييين
قسوم اليوم رجع للبيت العصر يشكي من جسمه وبلاعيمه
بداية افلاونزا بالعظم
وبقيت طول الوقت ملتهية بي خطية يكلي لتتقيدين بية
بس ما أكدر مرة شوربة ومرة جاي وبسكتhwaml13 ومرة ورد ماوي
على كولتج صار فوفي ابن آية ههههه ... راح ضرب ابر وهسة أحسن الحمدلله
باجر الفجر يروح للبصرة.

[رويدة_ أم ألق]

آية بنت الحلال بذكرها هسة ذكرتج شلونج؟

فلة ههههههه ديري بالج يمعودة.

[زينب السعدي]

يالله رويده انقهرت عليج يعني حيعوفج وحدج اكيد حتشتاقيله وفوكاتها شكلت عنده انفلونزا
اليوم شجاهم رجولتكم ويه الانفلونزا ..عدهم العافيه
هلو ايو ..يلا اهم شي غيرتي جو ..ديربالج ع سنان
ها فله وين صارت عركتكم..ديربالج ع ذاك خخخخخخخخخ
هسه طلعت من الحمام بس بعدني بالبرنص وكلشي ماكو جوة وداعتكم..اروح البس واتحضر لان زوجي ع جيه

[رويدة_ أم ألق]

الله لا يقهرج عيني زنوبة ...
اي أشتاقله كلش ومرات أحضن ملابسه وأنام
بس شنسوي هذا شغله

يلة البسي وإذا أنت بيضة مااوصيج كثري من الأسود والأحمر ههههههه
وأتمنالج ليلة مشعللة .

[توتايه]

سلامته رويده عيوني اني زوجي رشح وجسمه مكسر همينه سويتله شوربه خضار وراد يزوع علية ههههههههههههههههههههههههههههههههههههههههههه وسويتله نسكافيه

زين ليش يروح؟ خلي ياخذ اجازه اذا صبح ممتحسن انشاء الله زوجي وزوجج يكعدون مصحصحين

باعي اذا عندج عسل خلي على ريكه ياكل خاشوكه كوب هسه تسوي بلاعيمه زينه

[توتايه]

الله يخليج زوبه اخذي حيفنا واخذي طاقتنا هع

[توتايه]

حياتي رويده تسلميلي شلونج؟


ولج فله تعالي اشو محطيتي صورةالدولمه والدجاج

[رويدة_ أم ألق]

الله يسلمج عيوني
ميكدر ياخذ إجازة لأن عنده اجازات هواية سابقة
وبالنسبة للعسل اي فكرت بيه راح أحضرله إن شاءالله
هاي افلاوزنتهم كله من ورة العناد ميلبسون متغاووين
أركض وراه من يطلع بس اليوم ممنتبهة عليه.

[توتايه]

اي عفيه اني هم زوجي هيج مخبلني تخبل

[رويدة_ أم ألق]

طفت المولدة
وأنا أصلا لازم أنيم ابني ههههههه

يلة حبايب تصبحون على ألف خير
بوساتي للحلوين فوفي ونوارة.

[زينب السعدي]

ياااااااااااااااااا سبحان الله شنو هالحدس المو طبيعي ..رويده الحاسه السادسة شغاله عندج ..طبعا رحت ابدل ولبست دشداشة نوم حمرة واندر وير احمر واسود سيت خخخخخخخخخخ..واجيت لكيت روديه توصيني عاللبس هههههههههه
والله لبسته قبل لا اجي اقره ..رويده اذا حدسج هيج قوي متحدسيلي عالمانع شوفيلي اشيله لو لا ويصير عندي بسرعة لو اتاخر حبابه شوكت ماتتغل عندج كوليلي حتلو مو زين لا سمح الله

[توتايه]

أنتي صارلج شكد من سقطتي زوبه؟

[توتايه]

يمكن بقيت وحدي اروح افرفر الي تجي تدزلي تنبيه

[زينب السعدي]

ها توتايه ..كنت دااحضر نفسي وراها حضرت العشا توهم اجوي
حبي صارلي 3 اشهر ونص

[مجنونة بحبها]

جمعه مباركه


شلونكم بنات اخباركم

انا بعد مااقره الصفحات السابقه انتم تسولفون وانا تروح عيوني من القرايه

ههههههههههههههه بطلت بعد

[توتايه]

اكولج زوبه برأيي نظفي بعد دوره لخ وشيلي المانع واتوكلي على الله والله يكتبلج الي بيه الخير



هههههههههههههههههههههههههههه صباح الورد امونتي جمعه مباركه اني كمت من اشوف اكثر من 3 صفحات ما اتعب روحي لان تنحول عيوني اخبارج حب؟



جمعه مباركه عليكم بنات

[ام نورهانه]

صباح الخير hwaml76hwaml76
شلونكم جمعة مباركة عليكم ان شاء الله

[رويدة_ أم ألق]

صباح الخير والعافية
شلونكم؟ اليوم أول يوم العطلة خالتي وحماتي راح يسوون حملة ع البيت
ايي شكد صارلي منتظرة هاليوم
والله اكو شغلات صعبة عليه وأحب الحملات الشعبية هههه


زنوبة ضحكتيني والله
اي فعلا أغلب الأحيان أحس بشيء أو ألمح بيه ويصير
قبل متساليني تتذكرين؟كتلج انت انتظرتي انتظرتي فاصبري بعد شوية
احساسي يكلي بعد هالشهرين ونص راح يصير الحمل مباشرة باذن الله.

رايحة أتريك ...

[زينب السعدي]

جمعة مباركة على امة محمد صلى الله عليه وعلى اله وسلم
ايو انشالله الاربعاء اروح اجيك وحسب الوضع نقرر وانشالله فالج خير
الله يسمع منج رويدة بلكي هالمرة هم احساسج بمحله ..الله يكومج بالسلامة انتي وبنوتج

[عذراء الجابري]

سلام عليكم بنات جمعة مباركة عليجن انشاء الله

[زينب السعدي]

هلو عذورة
علينا وعليكم انشالله

[عذراء الجابري]

هلو زنوبة حبيتي

[عذراء الجابري]

بحق هذا الآذان يحققلج مرادج وتحملين احلا محمد

[رويدة_ أم ألق]

هلاااو زينب وعذراء شلونكم؟

[عذراء الجابري]

دعاء يوم الجمعة
بِسْمِ اللّهِ الرَّحْمنِ الرَّحِيمِ

الحَمْدُ للّهِ ِ الأَوَّلِ قَبْلَ الإنْشاءِ وَالاِحْيأِ وَالاخِرِ بَعْدَ فَنأِ الاَشْيأِ، العَلِيمِ الَّذِي لايَنْسى مَنْ ذَكَرَهُ وَلا يَنْقُصُ مَنْ شَكَرَهُ وَلايَخِيبُ مَنْ دَعاهُ وَلايَقْطَعُ رَجأَ مَنْ رَجاهُ. اللّهُمَّ إِنِّي اُشْهِدُكَ وَكَفى بِكَ شَهِيداً، وَاُشْهِدُ جَمِيعَ مَلائِكَتِكَ وَسُكَّانَ سَماواتِكَ وَحَمَلَةَ عَرْشِكَ، وَمَنْ بَعَثْتَ مِنْ أَنْبِيائِكَ وَرُسُلِكَ، وَأَنْشَأتَ مِنْ أَصْنافِ خَلْقِكَ، أَنِّي أَشْهَدُ أَنَّكَ أَنْتَ اللّهُ لا إِلهَ إِلا أَنْتَ وَحْدَكَ لا شَرِيكَ لَكَ وَلا عَدِيلَ وَلا خُلْفَ لِقَوْلِكَ وَلا تَبْدِيلَ، وَأَنَّ مُحَمَّدا صَلَّى اللّهُ عَلَيْهِ وَاَّلِهِ عَبْدُكَ وَرَسُولُكَ أَدّى ما حَمَّلْتَهُ إِلى العِبادِ وَجاهَدَ فِي اللّهِ عَزَّ وَجلَّ حَقَّ الجِهادِ، وَأَنَّهُ بَشَّرَ بِما هُوَ حَقٌ مِنَ الثَّوابِ، وَأَنْذَرَ بِما هُوَ صِدْقٌ مِنَ العِقابِ. اللّهُمَّ ثَبِّتْنِي عَلى دِينِكَ ما أَحْيَيْتَنِي، وَلا تُزِغْ قَلْبِي بَعْدَ إِذْ هَدَيْتَنِي، وَهَبْ لِي مِنْ لَدُنْكَ رَحْمَةً إِنَّكَ أَنْتَ الوَهّابُ. صَلِّ عَلى مُحَمَّدٍ وَعَلى اَّل مُحَمَّدٍ، وَاجْعَلْنِي مِنْ أَتْباعِهِ وَشِيعَتِهِ، وَاحْشُرْنِي فِي زُمْرَتِهِ، وَوَفِّقْنِي لأَداءِ فَرْضِ الجُمُعاتِ وَما أَوْجَبْتَ عَلَيَّ فِيها مِنْ الطّاعاتِ وَقَسَمْتَ لأهْلِها مِنَ العَطاءِ فِي يَوْمِ الجَزاءِ. إِنَّكَ أَنْت‌َ العَزِيزُ الحَكِيمُ.

[عذراء الجابري]

اهلاً حبيبتي ام الوقة

ع نسائم الجمعة الندية، إليكم هذة الهدية :
ملأ الله قلبكم بالأنوار وحفطكم من الأخطار
وأسعدكم مادام الليل والنهار
وجعل حياتكم حياة الصالحين الأبرار
زان الله جمعتكم بالطاعات

[زينب السعدي]

شنو هالادعية الحلوة الي تفتح النفس ..عذورة شكرا لدعاؤج الي وانشالله تكومين بالسلامة انتي والبيبي ..صدك ولد لو بنت؟
تقبل الله اعمالنا واعمالكم جميعا
علو رويدة شلونج

[زينب السعدي]

اهووووووووووووووووووووووووووو
علو =هلو

[رويدة_ أم ألق]

بخير اسأل عنكم
الله يرزقج على قدر عطائج ويخليلج البيبي عذراء.

[رويدة_ أم ألق]

اي اي وصلت الفكرة هههههههه

[زينب السعدي]

اليوم سويت غدا حامض شلغم وطلع يجنننننننن بس حمايه وزوجي لسه بصلاه الجمعة مااجوي
اليوم عندي حمله تنظيف مو طبيعيه ادعولي اطلع منها سلامات خخخخخخخ

[رويدة_ أم ألق]

بألف عافية .. انتو تطبخوه بس أحمر؟

[زينب السعدي]

اهلي ميحطون معجون بس عيالي يحطون ..طبعا اني اسوي ع طريقه عيالي لان زوجي يحب ع طريقه امه اكثر بس اني احبه بلا معجون اكثر بس شنسوي حكم القوي عالضعيف
زوجي هواي حرمني من اكلات مثل البيتنجان الي اموت عليها هو ابد مياكله لا مرقه ولا تبسي ولا مقبلات ومقلوبة ولا اي شي
والسبزي هم ميحبه والفسنجون هم ميحبه وطبعا اخوه نفس الشي
هسه انتظر مرت حمايه حتى من تجي اسوي هالاكلات اقلها اني وياها ناكلهن خو مو وحدي

[مي &]

هلو يا بنات اني اجيييييييييييييييييت شلونكم شخباركم مشتاقتلكم كومات كومات شلونج عذوره الله ايتمم حملج على خير وتولدين بسلامه وتجيبن احلى جعفوري تسلمين حبي على الادعيه الحلوه الله يجعلها بميزان حسناتج شلونج ام الق وشلونهه الوقه زنوبه شلونج وشلونهم الحلوين الزغار بلعافيه على الحامض شلغم وصدك اطيب بدون معجون

[رويدة_ أم ألق]

لعد قاسم ميحبه لا بمعجون ولا بدون معجون ههههههه

صدك الأبيض أطيب... اشتهيــــــــته
وعلى ذكر البيتنجان مياكله لا هو ولا مركة البتيتة ولا الشجر ولا الفاصوليا الخضرة
ياا الله شكد أكلات هو حارم نفسه منه أكله بس تذوقها وجرب ميفيد.


زوجة حماج من أي محافظة؟

[مي &]

صدك هاي شنو المنتدى صاير ايجنن اني اول ما دخلت عبالي امتيهىه خخخخخخ جمعه مباركه حبيباتي

[مي &]

ام الوقه هاي صورة منو الي تحت اسمج

[رويدة_ أم ألق]

ياا هلا مي ذكرتج أول البارحة وسجلتج غياب
شلونج أشو ماكو؟

[مي &]

اكول صدك يابنات محد تعرف رحاب ام علاوي شنو اخبارههه اشو ماكو؟؟؟؟؟

[رويدة_ أم ألق]

احزري مي صورة منو؟

رحاب رجعت بس حضورها قليل خطية يمكن بسبب حالتها الصحية
الله يعطيها العافية.

[مي &]

تسلميلي حب ام الولقه والله اني اغيب لان الشغل لفوك راسي بلبيت هاي بس من اجي لاهلي اكدر افتح المنتدى وتسلميلي على سؤالج عني والله اني اغيب بس محد يذكرني والي عتب ويه الكل اهئ اهئ انتي بس مرات اتذكريني

[مي &]

الله ينطيهها العافيه والله رحوبه كلش غاليه على كلبي بلنسبه للصوره مممممممممممممممممممممممممممم انتي من انتي صغيره مو يعني اكيد مو الوقه هههههههههه

[رويدة_ أم ألق]

الله يساعدج عيوني بس والله دائما أفتقدجhwaml13

[رويدة_ أم ألق]

شفايتلي لو ألوقة ... المضروبة طولت علية شوكت تجي أحس نفسي صار سنة حامل هههههه

وتخمينج خطأ.

[مي &]

مممممممممم لعد بعد ما اعرف ههههههه ؟؟؟؟؟؟يله هانت هانت انشالله تجي بسلامه وصحه وعافيه انتي شكد حامل هسه يمه ذكرتيني من جنت حامل جنت احسب يوم يوم خخخخخخ ما الومج كليبي

[رويدة_ أم ألق]

يسلم قلبج ويخليلج أبرار
أنا دخلت السادس.

[مي &]

الله ايتمملج على خير انشالله شوفي حبي مدام دخلتي السادس انتبهي زين لااتامين على ضهرج بعد مو زين نامي على اليسره واليمنى واذا اتريدين تنكلبين اكعدي وبعدين انكلبي اوكي حبي صدك حب انتي منو دكتورتج اني اراجع يم ازهار الطريحي والله خوش دكتوره اتجنن

[رويدة_ أم ألق]

تسلمين ميمي
اي بالفعل لما أنام على ظهري اتأذى يمكن لأن الرحم يتمدد
دكتورتي جنان البغدادي ولو محتاجيتها
رحت مرتين على حالتين متستوجب بس خالتي وزوجي خوافين كلش.

[مي &]

اي سامعه بيه جنان
بس لا حب لازم امنتامين على ضهرج بعد
ولاوم اتروحين بين فتره وفره اتسوين سونر تتطمنين على الوقه
اني ازهار الطريحي عدهه سونر بلعياده وكل شهر جنت اروحلهه وكل شهر اتسويلي سونر
ومرتين دزتني على غير سونر مره بسابع على رياض الهيساوي اكيد سامعه بي وبلتاسع على دكتور فائز وكلهم كلش خوش دكاتره مال سونار يعني اهتمت بيه كلش كلش بين قوسن هي عرف يعني تعرفنه خخخخخخخخخ والبارحه رحت وديتلهه ابرار شافتهه واتخبلت عليهه كالت كلش حلوه بس ليش عيونهه مو خضر عليج ؟؟؟ كلتلهه بعد ما ادري هيه رصاصي ايجوز تتحول كالت يارب يعني كلش حبتهه لابرار

[مي &]

رويده الرد كله اخطاء غلسي بس اني وياج بلتجمع محد شافني هههههههههههه

يله حبي كولي هاي منو بلصوره صار عندي فضول ؟؟؟؟؟؟ خخخخخخخخخ

[مي &]

رويده وينج اشو ماكو لمن اني اجي الكل ايروح اهئ اهئ

[رويدة_ أم ألق]

فدوة ممبينة عيونها بالصورة وشلون متكون لونها هي ماشاءالله حلوة
أنت عيونج خضر .. حلوو
هم اشتغلت عندي الحاسة السادسة
كنت حاستج كلش حلوة واحساسي صدك هههههههه

مي أموت من العيادات والأدوية ما أروح إلا للضرورة
بس السونار اي للاطمئنان 4 مرات رايحة
قبل أقل من اسبوع صارت عندي افلاونزا ورحت وأخذت
أكدلي جنس الطفل وكال كل شي عندج تمام وطبيعي الحمدلله.

[رويدة_ أم ألق]

بس للاسف لحد الآن مشايفة بنتي بشاشة السونار
لأنه مثل متعرفين ننام ورة الستارة

آخر مرة شكد ضحكت
أبو ألق كال للدكتور شكد طولها بنتي هههههههه
أمه كانت واكفة كالت له دكتور هذا ابني يخاف على بنته لتطلع على بيبيتها كصيرة.

[مي &]

الحمدلله اهم شي السلامه حبي
وتسلميلي عيونج الحلوه حبي خجلتيني

[رويدة_ أم ألق]

يااا اكو مشاركتين عندج هسة يلة شفتهن بالصفحة السابقة
مغلسة عيني مغلسة *_*

وهذا اللي بالصورة زوجي قاسم ههههههههههههه

[مي &]

ههههههههههههههههههههههه حلوه هاي مال طولها هههههههه
اني همين حبي ابد مشفتهه بس انطوني صورتهه بلسونار وكلش ممبين كلت لماما يمكن اني مو حامل خخخخخخخخ

[مي &]

لا لا لا والله زوجج صدك والله عبالي بنيه شنو ليش هيج املبسته امه ههههههه خوش والله والا امبين
وشكرا على التغليسه *_^

[مي &]

اني وزوجج كرايب
اني مين شمريه

[مي &]

يله حبي راح اكلج بااااااااااااااي لان الحب راح يجي واريد اصب غده اهلي اتغدو واني انتضره احلى شي الاكل ويه الحب ^_^

[رويدة_ أم ألق]

اي والله زوجي
أمه كانت تحب تلبسه ملابس بنات
لأن ملابس البنية حلوة
تالي الله ما نطاها ولد وراه خطية ههههه


نتشرف بيج حبيبتي.

[عذراء الجابري]

هلو احبيبات
زينب السعدي
رويدة ام الق
مي ام ابرار
باقي البنات انشاء الله كلجن بخير وعافية وامان
اليوم شمسويات غدة وخلي انشوف منو امسوية اطيب اكلة
اني مسوية دولمة وتشريب لحم المفضل لزوجي

[رويدة_ أم ألق]

باي وبألف عافية عيوني هو الأكل ما يحلى إلا وياه.

[رويدة_ أم ألق]

هلاو عذراء أنا أكلتي أطيب
لأن كل شي مطابخة هههههه.

[عذراء الجابري]

ممكن المقادير لان مبينة كلش طيبة ههههههههه

[رويدة_ أم ألق]

اي عيني ادللي
خاشوكتين تغليسة
مع خاشوكتين "واهس طاير"hwaml9 انتبهي لازم يكون كلش طاير
وتصيرلج أحلى طبق ههههههههه

[عذراء الجابري]

والله يابة حقج مالج واهس انشاء الله يرجعلج الواهس بالسلامة
وآني مرات الواهس مالتي اغلب الاوقات خارج البيت وملي نفس بكلشي

[رويدة_ أم ألق]

هههههههه

لاجديات عذورة من يكون زوجي بالبصرة نادراً مانطبخ
ناكل نواشف ومعلبات ومرات أسويلهم تمن أحمر لأن هو ميحبه.

[عذراء الجابري]

بالف عافية بس ابتعدي من المعلبات لأن بيهة ضرر عالجنين

[مي &]

ررررررررررررررررجعت ايكول موجوعان هسه ههههههههههه واني جوعانه اهئ اهئ

[مي &]

عذوره شلونج وشلونه جعفوري

[مي &]

اشو ماكو وين ختفوووووووووووووووووووووووووووون

[مي &]

عذراء حبي اريد توقيع لابرار شلون اسوي

الو الو الو وينكم

[زينب السعدي]

هلو بناااااات شلونكم
هلو مي شلونج عيني وعذرينه من التقصير بس والله انت بالبال يا ام برورة الحلوة
رويدة مرت حمايه نجفية اصلها بس من زمان عايشين بلندن

[زينب السعدي]

مي انت هنا لو
اذا ردتي تضيفين صورة برورة بتوقيعج روحي بالشريط الفوك اكو خيارات سريعة دوسي عليها يطلعلج تعديل التوقيع دوسي عليها وهناك اكو ادراج صورة او رفع صورة دوسيها وروحي للصور الي بحاسبتج

[رويدة_ أم ألق]

خالة زوجي اجتي وانشغلت وياها شوية

اي عذراء بعضها مضر مو كلها
مي اكلي أي شي خفيف بين ما يجوع الرجال.

[مي &]

هلو زنوبه حبي معذوره قلبي انتي والله ينطيج العافيه صدك حبي انت كم طفل عند وانتي يامواليد وصارلك اشد متزوجه ههههههههههههههه صرت اليوم اني ضابط اريد الهويه يله

[زينب السعدي]

رويده ع فكره تره اني اتوقعت هذا زوجج خخخخخخخخخخ

[مي &]

لا لا حبي تسلمين بس قصدي اريد التوقيع مال العمر الي مسويته معضم الامهات

[زينب السعدي]

ميمي عندي 5 اطفال 4 ولد وبنيه وحدة وهسه حامل ومواليدي 1975 وصارلي 10 سنين مزوجة

[مي &]

اي رويده حبي اكلت نستله بس شيفيد حيل جوعااااااااااااااااااانه

[رويدة_ أم ألق]

ههههههههههههههه
مي ولامعلومة كالتها زينب صح

طبعا توقعتج تعرفين منو بالصورة شيطاااانة

[مي &]

الله ايخليلج اولادج وايتمم حملج على خير انشالله
اني صارلي سنه ونص متزوجه وعندي بس بروره عمرهه شهرين ومواليدي 1987

[زينب السعدي]

ميمي اتشاقه وياج
اني من واليد 86 واتزوجت قبل سنه و9 اشهر السنة الاولى ونسه سوينا مانع وبعد السنه شلت المانع وحبلت راسا بس الجنين ماكتبله عمر وسقطت ببدايه الخامس اسم الله عليكم وهسه صارلي 3 اشهر ونص من الكورتاج
لا مو ظليت اباوع عالصورة وعالتوقيع وشفت اكو تشابه

[رويدة_ أم ألق]

هسة تلكين مي كالت بقلبها هذي بنية لو مكينة أطفال
ههههههههه

[مي &]

يعني شنو رويده ولا معلومه صح ولجن ناصبات عليه خخخخخخخخخخخ
ولجن مو اني جوعانه ودا اعلس مو تستغلون هذا الشي

[رويدة_ أم ألق]

زينب ان شاءالله من توصلين السنة العاشرة داير مدايرج يركضون كومة أطفال.

[زينب السعدي]

هههههههههههههههههههههههه اي رويده اني هم كلت
بس يمكن ميمي استحت مني ومرادت تحرجني بس اكيد بداخلها كالت هاي بيا عصر عدها 5 وتريد السادس

[مي &]

ايا ملعونه والله صدكت هخخخخخخخخخخخخخخخخخخ
شعندج سوالف والله كلت ابكلبي مثل ماكلتي رويده هههههههه كلت شنو متتعب هاي البنيه

[زينب السعدي]

ههههههههههههههههه لاتسلمين رودي بس مولهالدرجة يعني شنو افتح روضه
والله ماادري ..مندري الله شكاتبلنه

[مي &]

يله يله انشالله 15جاهل خخخخخخخخخخخخ

[رويدة_ أم ألق]

ههههههههههههههههه

صدك بنات برأيكم شكد العدد المثالي للأطفال بالعائلة؟

[زينب السعدي]

ههههههههههههههههههههههههههه اكيد كلتيها ميمي لان العدد مينسكتله حقيقه
اني تعجبت شلون اخذتي الموضوع ببساطة ولوما رويده جان مستمر الفلم لحد الان

[مي &]

انشالله الله ايرزقج بلحمل السليم المعافى وعن قريب يارب انشالله حبي
زين هاي منو بلصوره الشخصيه مالتج

[مي &]

ههههههههههههههههه اي واله لومو رويد جان صدكت والله مواكلج ملعونه والله وكحه ههههههههههه

[زينب السعدي]

والله بالنسبة الي احب 4 ..2 ولد و2 بنات حتى البنيه عدها اخت والولد عنده اخ
بس زوجي يحب هواي اطفال يعني يريد بس 2 بنات واولاد هواي ههههههههه ..بس مو كلشي نريده يصير
نشوف الله شكاتبلنه؟؟؟؟؟؟وانشالله خير

[انسانة]

السلام عليكم بنات اني عراكية من العراك من بغداد يعني اذا متقبلوني وياكم ترة اتعارك اسمي لمياء مواليد 85 وصار 6 اشهر متزوجة وسمعت بمنتدى حوامل وواريد انضم وياكم وهسة حامل صار شهرين . عفية حبابات خلوني وياكم ترة مثل ما كتلكم اتعارك بسرعة هههههههههههههههههههههههه hwaml7hwaml7hwaml7

[رويدة_ أم ألق]

ولج خطية مو هي جادة تريد تتعرف عليج انت استلمتيها همبلايزيشن هههههههههههه

[زينب السعدي]

تسلمين ميمي حياتي ..هاي بنت اخي اسمها مريم
عندي بعد يت حمايه تجننن اموت عليها اسمها فطومة بسالصورة ثكيله ودتتحمل هنا

[مي &]

حبي رويه زوجي ايريد 8 اطفال ما ادري يتشاقه ما ادري يحجي صدك واني من اول طفل شيبت هههههههه

[رويدة_ أم ألق]

أهلا بيج انسانة وأحسج مو غريبة علينا

زنوبة اشوف 3 حلوين كلش.

على فكرة همبلايزيشن هذا مصطلح اشتقيته من التهمبل هههههه

[زينب السعدي]

ههههههههههههههههههه لا اكيد اكللها الحقيقة بس ردت الطف الجو
اهلا بالانسانه واكيد حنتقبلج لان مالنا خلك عركات الصراحة بس ممكن الاسم الكريم
بس اكو شي ديحوص بداخلي ..ليش كلتي اني عراكيه لو من العراك !!!! شو لهجتج غريبه بعض الشي .. اذا تكدرين جاوبيني بس لتركعيني كله يمعودة

[مي &]

اهلا حبي انسانه اهلا بيج

شفتي رويده موكتلج سمعت بيه جوعانه كلت خلي استغل هذا الشي اهئ اهئ

الله ايخليلج بنت اختج حبي وبنت حماج ويرزقج بالاحلى انشالله

[رويدة_ أم ألق]

لا أكيد يتشاقة مي .. من يوصل العدد 3 يشوفون حجم المسؤولية ويغيرون آرائهم.

[مي &]

انشالله يتشاقه بس اشو من يحجي مثل الجديات بس من اكله حباب صدك ميجاوبني يمكن يلعب بعصابي ههههههههههه
بس الاطفال حلوين كلش اني اموت عليهم

[زينب السعدي]

اي عرفت من الهمبله رويده
هو حلو 3 صح بس احس البنيه تكون مكسورة خاطر وحدها اذا مو وياها اخت لان اذا اجوي الجناين خاف ياذوها بعدما نموت احنا بعد العمر الطويل
والولد هم لازم عده اخ حتى واحد يلزم ظهر الثاني ويه هالوكت وهالبشر حشاكم
هسه صديقتي الي امها ماتت ذاك اليوم تكسر الخاطر لان ماعدها اخت شوفيها وحيدة وحالتها حاله بس متاكده لو جان عدها اخت جان وضعها غير شكل

[زينب السعدي]

بنت اخويه مو اختي اني معندي بس اخت وحدة وبعدها بالكليه ممزوجة
شو العراكيه شردت ..............وينها
ميمي زوجي هم يريد 8 بس استحيت احجي هههههههه يريد 6 ولد و2 بنات عبالك هو بكيفنا

[انسانة]

حبيبات رويدة وزينب ومي اتشرف بيكم وبكل الاخوات الباقيات كنت اتشاقة وياكم من كتلكم من العراك كنت اقصد العراق حبيبات ولتزعلون علية كنت اتشاقة وياكم

[رويدة_ أم ألق]

الأخ والأخت ينرادون فعلا بس كون الحظ يجيبها عدل 2:2

على فكرة بنتي من تجي بالسلامة ماعندها لا عم ولا خال.

[زينب السعدي]

لا عادي حياتي مصار شي احنا هنا هم نحب نتشاقه لعد شكو جايين هنا غير نغير جو ..هي مال رسميات

[انسانة]

لا حبيبتي زينب اني موجودة مشردت ههههههههههههههه

[زينب السعدي]

اي والله صدك كلامج رويده خو هو موبكيفنا
اني اطفالي من يجون عدهم 3 عمام و3 خوال وعمة وحدة وخاله وحدة ههههههههه حلو مو؟؟؟

[زينب السعدي]

يلا عراكيه عرفينا بنفسج ...........شسمج ووين عايشه وشتشتغلين وشمخلصه يلا بس رعه السي قبل لا نطردج خخخخخخخخخخخخ

[زينب السعدي]

يبوووووووووووووووووووووووووووووووووو اقصد السي في
بله العلم عرفتني هنا عندي سحكات بس انتي جديده شلون ؟؟
حبابه منا وهيج غلسي تره سحكاتي مو طبيعيه بالطباعه

[رويدة_ أم ألق]

حلو زينب خوش تقسيم

عادي انسانة عيني اخذي راحتج
أصلا عركة النسوان حلوة من زمان محاضرة عركة هههههههه

[زينب السعدي]

بنات اروح احمي الجااااااي
شكد احب الجاي .. دااحس روحي كاعدة وياكم وصراحة الكعدة متحلا اذا مبيها جاي لو نسكافيه

[رويدة_ أم ألق]

صبيلي وياج عيني ولتكثرين السكر.

[انسانة]

زينب اول وحدة مال السي عبرتهة الج بس مال العلم يعني عود العالم هاي تعذريني مو بيدي بيد العالم اللي تقصديهم ههههههههههههههههههههههههه حبيبتي اني لمياء مواليد 85 وصار 6 اشهر متزوجة وحاليا حامل والحمد لله واسكن في بغداد واي شي ثاني اني بالخدمة خخخخخخخخخخخخ

[زينب السعدي]

هلا بيج لمياء واتشرفنا بمعرفتج وانشالله ربي يتمم حملج بالسلامة وتكومين انتي والبيبي بكامل الصحة
رويده تدللين بس خلي احضر الصينيه
لمياء اخليلج استكان لو متريدين

[عذراء الجابري]

عفواً بنات الاشارة تخبل عندي مدري شوكت النت عدنا يصير زين
زوجي يكول بعد ثلاثة اشهر نخلص مشروع ستراتيجي بالكابل الضوئي
نصبر ونشوف
اهلاً بالاخت (العراكية) ؟؟؟ تره بزعانين من العرك
ممكن cv

[رويدة_ أم ألق]

أخاف ناصبة علينا
اسلوبج محسسني بأنه انت من جماعتنا
اعترررفي هههه


كل الهلا بيج والله يثبتلج حملج ويكتبلج السلامة.

[زينب السعدي]

عذورة مو قدمته السي في ..قابل المريه كم سي في تقدم شو كل موظف يريد سي في خاص اله تره والله حرام
شنو هالظلم وتاليها تعيين ماكو

[زينب السعدي]

بنااااااااااااااااااااااات اني مرعوبه ساعدوني الله يخليكم
يوميه عدنا سالفه شكل ..الله يجيرنا من الاعظم

[رويدة_ أم ألق]

للعلم زينب حتى من سالتيها انت كانت مقدمته خطية ههه
بس شتسوي كالت اخاف مااتعين يمهم خلي اشمر فايل.

[رويدة_ أم ألق]

عذراء الله يكون بعونج ومعذورة عزيزتي

خير زينب؟؟

[انسانة]

هاي شنو بنات اشو خبصتوني بالسيفي غير اعرف اتعينوني يمكم لو لا ؟؟ وشنو المستمسكات المطلوبة هههههههههههههه

[مجنونة بحبها]

انا اجيت هلووووووووووووووووووووو

[مجنونة بحبها]

هلا انسانه منوره حبيبتي

[زينب السعدي]

باااااااااااعو
زوجي يشتغل بشركو اميركيه وهسه حيييل ضايج بالشغل ديضايقوه هواي وابد ممرتاح ويريد يبطل بس اني اكله اول الكه شغل وبعدين بطل ..بس مديلكه شغل زين لحد الان واذا عاف الشغل بعد منكدر ناجر بيت لان الاجارات حييييييييييل غاليه يعني لازم يشوف شغل بمكانه حتى نكدر نعيش
وهسه يكلي اذا ملكيت نرجع للندن كتله ووين نعيش كال ويه اهلي
اني تخبلت لان اولا امووووووووووووووووت من لندن والله متنعاش كئيبة الى درجة يعني من اروح بيها للسياحة اتاكب شوي هالمره اعيش بيها اكيد حتصير بيه حاله نفسه
وثانيا ويه اهله ..بيت اهله مهلكد كبير وبيت حمايه عايشين بي وعندي حما لاخ ممتزوج وعمي وعمتي يعني هوسه واني تعودت عالحريه وعالبيت الوحد والاستقرار
اني لازم اكون ويه زوجي بمحنته هاي بس كتله من سابع المستحيلات اعيش بلندن وويه اهلك فوكاتها ..كتله تدري بي احب الاستقرار طبعا هو مضاج لان يدري الحق ويايه بس مو بيده شي
كتله نروح للعراق ولا لندن وكتله نعيش ببيت اهلي الفارغ لان اهلي عدهم بيت فارغ واهله ه عدهم بيت فارغ بالعراق كتله نروح لاي بيت بس المهم مو لندن بس المشكله هوابد ميحب يعيش بالعراق وعمره معاش هناك ومااعتقد يكدر يتاقلم
بناااااااااااااااات
مااريد منكم شي بس تدعولنا الله يسهل عليه بعمل زين هنا ومنروح لا عراق ولا لندن لان حقيقه اموت ع دبي وماارتاح الا بيها

[رويدة_ أم ألق]

خلص تعينتي وشغلج راح يتركز على جمع السيفيات
لكل عضوة ناسفة جديدة ... ها موافقة؟

غير تحجي زينب قبل ما أروح
تعبت وينج؟

[مجنونة بحبها]

لايكون شفتوني وشردتووووووووووووووووووووووا

ووووينكم

[عذراء الجابري]

#تاييد سكن
4 صورملونة مامسوتها بالفوتو شوب
توصية من احد من الاحزاب المتنفذة

[مجنونة بحبها]

هلا زنوبه الله يرزق زوجج وظيفه زينه وتبقون بدبي

عيني تعودت على الكهرباء والامان متريد العراق هههههههههههههههههههههههه

[زينب السعدي]

هههههههههههه حلوة هاي مال توصيه عذراء شكلج متعقدة من هالفلم التعبان
لج هلوووووووووووووووو امونة شلونج حبحب

[رويدة_ أم ألق]

اها .. بس شوفي لو شكد متضوجين من لندن يمكن .. يمكن تكدرين تعيشين بيها وتتأقلمين
أما هو ما اعتقد يكدر على وضع العراق لأنه ما عايش هنا نهائيا وأنت دتحوليه من بيئة جيدة إلى بيئة أسوء.



زين ميكدر يتلافى المضايقات أو يعالجها؟
دعواتي من الله ان يسهل أمركم .

[عذراء الجابري]

هلا امونة منوره
مبروك الوسام
صايرة مقلة مو عوايدج

[زينب السعدي]

لا مديكدر شادين وياه فد شده لان مسلم ..ديسوون تصفيات بالشركة شكلهم يريدون يطلعون المسلمين منها
ياريت لو الله يسهله شغل هنا ونخلص
وتسلمون بنات عالدعوات
بنات والله لندن متنطاق ..
دبي غير شكل شكد افترينا دول بس مابيها راحه ودلال ودلع مثل دبي

[رويدة_ أم ألق]

هلاااو إيمان شلونج؟
للاسف اجيتي وية طلعتي ... حبايب ألقاكم على خير أجمعين.

[زينب السعدي]

الله وياج رويده
شو الستايل القديم رجع !!!!!!!!!!!! شنو الفلم

[مجنونة بحبها]

هلو زنوبه شلونج حبي

[عذراء الجابري]

زنوبة هو اكو احلا من العراق
بس شسوي لأولاد الحرام
حــــــــــب الوطــــن من الإيــــمان



بلــــدي وإن جـارت عـــليّا عزيزةٌ
أهــــلي وإن عــزّو عـــليّا كرام
...............................ُ
بلـــــدي إن شغلت بالخـــــلد عنه
لنازعتني عليه في الخـــــلد نفـــس
أرض الجنّتــــين أرض الســـعــــــيدة
عـــلى مر التاريخ والعراق أرض الخــير الوافر الأرض المعطاء التي لا تبخـــل بخيرها وخيراتها على كل من وطأة قدماه ترابها
وليس عـــلى أبنــائها فحســـــب

عاشــــو فيها أبائنا وأجــدادنا
نعمو بخـيرها وخـيراتـها عشــقو وتغنو
الهمة عقول الشــعراءفقالو فيها أجــمل واروع القصــائدوالفو فيها ومن أجــــلها آلاف الكتب
امّا نحــن الآن أوالكثير منا يتفننون
في قدحها وذمها ووصــفها بأبشــع العبارات لأنهم تعساء في حياتهم وربما كانت تعاستهم بســبب تخلفهم وقصــور عـقولـهم وهــذا اكـيدلأن العاقـل المكتـمل العقل لا يمكن أن تسـمع منه مثل هذه الأوصــاف الغــير منصــفه والغـير لائقة لبلـده ووطنـه في الحــقيقــه أنا أســألكم ســؤال واحـدفقط هل سـمع أحدكم رجل في كامل قواه العقلية يصف أمه بأوصاف مشينه هل سـمع أحــدكم رجـل عاقل يعيب أمة قد تســمعون نعـــم قد نسـمع ..ولكــن بالتأكيد لن يكون هــذا الشــخـص رجل طبيعي وعاقل ولاأضـن أن أحــد منّا يســمعه ولا ينكر عليه قوله قبـــل الختـــام أسألكم من منكم قد سئل واحدًا من أبناء الجاليات الأخرى المتواجدون هنا في السعوديه وهم كُثر من منكم قد سئل أحدهم عن بلــــده وســع منه ردأً بذيئاً وخســيـــس يصـــــف فيه بلده
إنـّك حــين تســـــأل المصــري مثــلاً عن بلده مصر بيقـــــولك
اه مصــــــــــــر دي أم الدنيــــا
وتظجــــر منــــه وهـــوا مســــــترســــل في مـــدح بلـــده
وكـــــذالك الهنــــــــدي والباكستـــــــاني
والســــــــــــــــــوري والســـوداني. و.و.و. الى آخــــــــــــره
فقــــــط جـنـــــــــس واحـــــــــد من الناس عنــدما تســـــأله عن بلـــده
يســتــرســــــــــل ويتــفــــنن
في إنتقاء الكلمــــات الــتي لا تنــقــص من قدر الوطن الحبيب العراق
وإنمـــــــــا تنقــــــــص من قــــــدر أولائــــك الأشـــــخاص
الـــــــذين نقـــــــص الإيــمـــــــــــان في قــلـــــــــوبهم
فنــقـــــــــــــص حـــــــــــــــب أوطـــانــهــم في أنفـســــــــــهم

[مجنونة بحبها]

هلو عذوره حبيبتي شلونج وشلون سيد جعفر

الله يبارك بيج انا يوميه موجوده بس ماالكه احد واروح

والصفحات هواي ووقتي محدود فتركت قرايته الصفحات وصرت مثل الغريبه

عليكم ههههههههههههههههه



ام الوقه شلونج حبي وين رايحه بعد وكت

يله جيبلي عصير عطشانه خوش استقبال عافتني وراحت هههههههههههههههههههههههه

[زينب السعدي]

هلو ام بنونة الوردة شلونه البرياني اليوم

[مجنونة بحبها]

تسلمين عذوره على الكلمات الحلوه

الوطن شي عزيز ماكو مثله اعز من الروح


بس زوج زينب معايش بلعراق ومراح يكدر يتاقلم هنا
ولا راح يلكه وظيفه هذا الواقع

[زينب السعدي]

ارو ح فدوة للوطن بس شنسوي الحياه مو مريحه صايره بالعراق
يعني كهرباء ماكو حيري بالمولدة والبنزين والكاز
الماي شحاله بحيث الشعر يخشب من تطبين للحمام ..طبعا ماي الشرب نشتريه
الخدمات زباله حشا السامع
الطرق والطسات منحجي بهالموضوع
ووووووووو الخ هواي امور نقص
زين اني زوجي عمره معاش بالعراق وعاش طفولته بدبي ومن كبر بلندن والمانيا وهسه رجع لدبي يعني بلاد مرتبه ومتطورة ..شلون يكدر يعيش بالعراق؟؟؟؟؟
يعني اني صارلي سنتين هنا وبعد مااكدر كيف ما هو اصلا معاش هناك
خلي العواطف ع صفحة لان بحياتنا اليوميه ومتاعبنا العواطف متوكل خبز
هاي غير الامان يعني الواحد بينا يطلع ميدري يرجع لو لا يعني اني اظل حاطة ايدي ع قلبي من يطلع زوجي لو شلون

[مجنونة بحبها]

ايخبل زوجي كام ياكل وهو مسوي رجيم عجبه حيل

واتمنيت انتي يمي وناكل سوه وانتي شلون طبختج

[عذراء الجابري]

والله مشتاقتلج هواي ومشتاقة لاكلج
واني زينة واحمد الله والسيد 24 ساعة يدفربيه
وانتي شلونج وية عيالج

[زينب السعدي]

الف عافيه امونة ..اني هم طلعت طيبه وحبوها كللش مكانكم خالي

[مجنونة بحبها]

هذا وضع العراق خوما غريب عليج

لاامان لا ابسط الخدمات

علاج زين ماكو ومن غير الفساد الاداري وين متروحين

لاعيني صعبه عبالك حكمتي اعدام عليه خطيه

الله يوفقه بشغله

[مجنونة بحبها]

الله يخليج عذوره ويخلي سيد جعفر


شي طبيعي الحركه وتحسيها ماكو احلى منها

لحد هسه اتذكر حركه بنونه وشكد افر ح بيهااااااااااااااا


بلعافيه زنوبه اكل العوافي

[زينب السعدي]

اي والله ايمان صدك كولي حكمت عليه اعدام اسم الله بس والله بالنسبة الي احسن من لندن وكابتها
اذا ملكه لاسمح الله نشوف اكو شغل باربيل بلكي يلكه هناك هم منها نجي للعراق وهم هناك الوضع غير شكل
بس اني اريد دبي هئ هئ هئ

[مجنونة بحبها]

تدرون هذا الستايل احلى من الجديد

ماحبيت الجديد زين من رجعو هذا

[مجنونة بحبها]

اربيل يكولون حلوه وبيها تطور احسن من باقي المحافظات

[زينب السعدي]

اي ايمان هذا احلى اني هم ماحبيت ذاك
هذا اهدا ذاك هوسه

[مجنونة بحبها]

مو بس هوسه الوانه تاخذ العين

متت منه كمت ماادخل المنتدى بسببه

[عذراء الجابري]

حبيتي زوبة ترى البلدان تتقدم باهلها
ودشوفين باقي البلدان شلون صارت بعد التغيير وهمه مامروا باللي مر بيه العراق من حروب وحصار ظالم ورعونة حكامة السابقيين وهسة الامور كاعد تتغير للاحسن والخير البيه ميخلص بأذن الله والعراق يمتلك الاهلية لذلك من حيث الموارد الطبيعية والعقول البشرية مو مثل باقي البلدان لأعتمادهم عالوافدين الاجانب

[زينب السعدي]

يا احسن الله يخليج متكلييلي شنو نوع الاحسن
اني مااريد اتطرق لامور سياسيه بس العراق نحو الاسوء يوم ع يوم ..ولا حكومة انصفت وياه
والشكوى لله

[ام نورهانه]

هلو حبايب امانة ادعولي بشده ميعلم بيها بس رب العباد حسبي الله ونعم الوكيل على زوجي ولكم مرمر حالي وحجيت الماما لان حيل حيل اتمادى والله تعبت طبعا فاتحه من التليفون لان هو كاعد على المهجومه

[زينب السعدي]

هلو فله حياتي
سودة عليه ..شجاه هذا ليش هيج يسوي يعني ميخاف ع ابنه
استغفر الله
الله يسله امرج

[زينب السعدي]

ههههههههههه اقصد يسهل امرج

[عذراء الجابري]

الله يهدي الجميع

[زينب السعدي]

اااااااااامييييييييييين يا رب

[عذراء الجابري]

شو الانسانة طفرت

[زينب السعدي]

يمكن معجبتها الوظيفه هنا

[عذراء الجابري]

خلي ترجع وخليها بمكان احسن وبراتب اعلا

[زينب السعدي]

اني حروح هسه انظف واجيكم كل شوي

[مي &]

هلو اني رجعت والله زين الكل سأل عليه خخخخخخخ قصدي بلعكس بس اطلع منا محد ايكول وين راحت اهئ اهئ عيني ام نورهان الله يفرج عليج انشالله

[مي &]

الله وياج حبي زنوبه

[مي &]

ماكووووو احد موووو ؟؟؟؟ اخذلي فره بلمنتدى واجيكم شلونج حبي ام بنونه مشتاقتلج حبي شلونهه بنونه

[أم أيهومي]

هلو بنات شكو ماكو منو سأل عني منو مسأل اريد ملخص وحده تحجيلي شكو ماكو عندي امتحانات ومدا اكدر اطب زوجي ميقبل
ادعولي بنات الله عليكم الي اطب اتكلي شصار وشكو
فلفوله شبيج عمري شبيه زوجك..؟؟
المفروض يكون هسه يخاف عليج من النسمه لانه حامل
اموووووووووووووووونه حبي ام بنين
حلمت بيج حلم الليل الفات والله يخبل
حلمت بيج جايبه توأم واني وياج بمستشفى خاصه واحد كنتي ترضعيه من صدرك والاخر اني شايلته ماشاء الله يخبل الي اني شايلته ولد
بس مااعرف الي انتي ترضعيه شنو كان جنسه
بس والده عمليه..
والله اول مكعدت دعيتلج حبي انه الحلم يصبح حقيقه والله ميرد دعوة احد ابدا حاشا لله ودعيت لزنوبه هماتين يارب يفرحكم قريبا ان شاء الله

[مي &]

هلو ام ايهومي شلونج

[أم أيهومي]

هلو مياوي شلونج وشلونهة بنتج

[زينب السعدي]

لج هلو نجوله شلونج والله عرفنا انتي مشغوله بالامتحانات الله يعنيج بيت وطفل ودراسه هواي صعبة الله يسهل عليج وبالتوفيق انشالله
طبعا مصار اي جديد كل الامور ع حطة ايدج واصلا البنات كلها صايره قليل تدخل مدري شصاير
طبعا حلمج بامونة كللللللللش حلو يارب يتحقق ..اني من زامن حلمت بيها كانه هي فرحانه كلش بس ماادري ليش ..انشالله خير يارب
وشكرا لدعواتج حبي وبوسيلي ايهومي

[زينب السعدي]

انعل يوم الشغل ميخلص واني حيل مزاجي متعكر اليوم وملي خلك اشتغل اااااااف

[أم أيهومي]

هلو زنوبه مشتتتتتتتتتتتتتتتتتتتتاقتلج كومات
ومشتاقه للكل ولمهاوي البذاته لاسؤال ولاشي اليوم عيد ميلادي ومهنئتني

اسفه حبي والله الامتحانات شكت حلكي وايهومي متنحس صاير يعرفني ويدلل عليه
داافكر ازوجه خخخخخخخخخخخخخ
حبي لتظغطين على نفسج بالشغل هو ميخلص واتونسي بيه ولتفكرين راح تشوفيه بسرعه يخلص

[زينب السعدي]

الله يخليج حبي وان هم مشتاقتلج والله
وعيد ميلاد سعيد وكل عام وانتي بالف خير يلا احتفلي بهالميلاد هذا اول عيد ميلادج الج وايهومي بحضنج ..يارب تدوم الافراح والمسرات عالجميع
ضايجة نجلاء ومتضايقه وفعلا مااكدر اشتغل احس اكو ححسرة بقلبي اليوم كلش اضجورت

[قمر بغداد]

هلوووووووووووووووو ومساء الخير على كل البنات شلع
كل عم وانتم بخير بمولد سيد الكائنات المصطفى عليه الصلاة والسلام

[زينب السعدي]

هلو هباوي وانتي بالف خير يعيده علينا وعالجميع بالايمان والخير والبركة والسلامة والامان

[رويدة_ أم ألق]

نجلاء كل عام وأنت بألف خير
عمر مديد وسعيد يارب.

هبة شلونج؟ بديتي تتوحمين لو بعد؟

أنفال الله يكون بعونج ويصبرج
أستغرب شلون القلب اللي حب بيوم يتحول إلى مصدر تعب ومعاناة

عذورة كلامج ذهب
وفعلا أغلب الدول الخليجية الثروة من الله والعقول من برة
معتمدين بالطب وبالتجارة وبغيرها على عراقيين ومصريين وغيرهم
وأنا مثلج أحس الجاي أحسن لان دوام الحال من المحال
ومثلما كال بدر شاكر السياب

الشمس أجمل في بلادي من سواها
والظلام حتى الظلام هناك أجمل فهو يحتضن العراق.

[أم أيهومي]

زنوبه حبي اتفائلي خير وادعي الله واستعيني بيه
وشكرا للتهنئه حبي وانتي بألف خير يارب يفرحج بجاه النبي محمد

قمر منوره حبي شخبار حملج

ومبارك عليناوعليكم مولد سيد الكائنات عليه افضل الصلاة والسلام

[رويدة_ أم ألق]

هلاو زينب ..صدك شعجب ليهسة مماخذين ايميلات بعض
راح ادزلج ايميلي ع الخاص.

[أم أيهومي]

شكرا غاليتي ام الوقه يارب تحتضنين الق بالخير والعافيه..
بالفعل لايوجد اجمل من الوطن وان مر علينا مالم يمر على بشر من قبل..
لكن الظلام وان طال لابد للنهار من مجيء..

[زينب السعدي]

والله مااعرف كل من ورايه بس الحياة الواقعية متعبة بغض النظر عن العواطف
تره احنا العراقيين ماعدنه غير ننتقد هذا وذاك ..هسه شنو حاصل الامارات ؟؟تعتبر من اكثر الدول رفاهية ومرفهين شعبهم سواء العقول من بره او من جوه المهم حاولو بان يحسنون من وضع بلدهم ويرفهون شعبهم عالاخر خو مو جماعتنا بله بيش استخدمو عقولهم بس فهموني بالبوك والنهب لاموال الشعب ..دخلونه ساكتين لخاطر الله
تعالو شوفو هنا مجرد المواطن اذا عقد عقد زواج بس ياخذ العقد ويروح للبلديه تنطيه لو شقه لو بيت ملك يعني الي يتزوج ميفكر ان يكعد ويه اهله لو ياجر لان بيته موجود هذا ابسط شي
لو التطور التقني والتكنلوجي الي دخلوه للبلد الي خله الانسان يختصر هواي امور عن طريق التلفون لو النت والي بعد قرن متوصل للعراق
لو الرواتب الي ينطوها للموظفين وماعدهم واحد يتخرج ويكعد بالبيت
كولولي انت اكثركم متخرجات ليش ما عينوكم لسه ..وين لعد التقدير لهذه العقول
مو الي كاعد بالبيت وميدري بالعلم شديصير يكول احنا زين وضعنا بس من يطلع ويشوف العالم ليوين وصل يكول احنا باي قرن ؟؟بعدنا بالقرون الوسطى

[رويدة_ أم ألق]

الله يسلمج ويخليلج أيهومي.

[رويدة_ أم ألق]

عيوني زينب محد يغالط نفسه ويكول العراق مزدهر
الشعب تأذى وشاف ويلات ولا يزال بس أكو ناس متفائلة وأكو العكس
وانا عن نفسي ما أبدل العراق ولا حتى بأحلى منتجع بهاواي.

[زينب السعدي]

منو يبدل بلده هذا الشي اكيد بس وداعتج نفسياتنا تعبانه وتعبنا بما فيه كفايه ومحصلنا شي
حقيقة محتاجين لراحة نفسية والله حرام العمر يضيع ويه راح الكهرباء اجت المولدة طفه ابو المولدة الكلب ابن الكلب ..ماعدنا بنزين ..اليوم ازمة مال بنزين والدنيا صيف ورمضان اروح اخذ سره بنزين(طبعا هو صايم والحر يموت وكتله العطش)يا ماكو مي شرب روح اشتريلنه
طبعا بالطريق شبع طسات يعني اذا سيارته موديله 2012 تصير كول 1975 عباره عن عربانه بسبب الطرق والحفريات ..اهو الطريق مسدود منا حاطين حواجز كونكريتيه لو اسلاك
يروح لغير شارع اهووووووو اليوم سدوه لان اكو حفريات مال مجاري (طبعا صارلها اكثر من5 سنين )زين شوكت تخلص هالمجاري ..هاي البنى التحتيه هلكد تطول لعد شوكت نعمر البلد
ها اليوم زياره ومسددين كلللللللللللل الفروع يعني واحد ميكدر يطلع سيارته من باب بيته ولتكولون لا لانهالشي صار بكربلا بزياره الاربعين احلى بهذله تبهذلنه ولمدة 15 يوم حتى الحسين ميرضى بيها , و و , و الخ اااااااف

[رويدة_ أم ألق]

وبعد وبعد أكثر من هذا ما نكدر ننفيه
لكن عندي أمل بالله وبالناس الخيرة (ومستحيل شعب يخلى من الزينين)أن نتجه للأفضل وياريت لو كل فرد يحس بالمسؤولية ويحب الوطن مثلما يحب بيته
ترى جملة اني شعلية وجملة يلة حالي حال الناس ماتنزل من لساننا وأخطائنا مو أقل خطورة وتاثير من اخطاء القيادات .. مدرس ميدرس طلابه مثلما ما يريد الله وطلاب ملتهين بسوالف احنة بهذا عمرنا منعرفها وشعب يا مكان اللي يدخله يخربه ومايحس بانه من ممتلكاته .. يمعودين خلونا ساكتين والله مرة بالزيارة والحمامات مبنية جديد وتعبانين عليها وحدة من التحف شايلة ملابس وسخة تكرمون تكول شكو عندي خلي اغسلهن هنا حتى اخذهن نظيفات!!!

[kokee]

هلو بنات شنو صايرين تدورون سياسه خخخخخخخخخخخ يمعودين مو شبعنه ضيم لخاط الله صار حصره علينه الفلس بس هم منفارك العراق بلادي وان جارت عليّ عزيزة واهلي وان ضنوا علي كرام اليوم رحن حنه وعفت لولي بلبيت يم ام وكلبي اشتعل نار عليه هفففففففف شلون اداوم بس

[kokee]

نجلاء كل عام وانتي بخير حبي العمر كله يارب ام الوقه وزينب شخباركم

[زينب السعدي]

اسكتي خو مصايب الشعب حدث ولا حرج
تره شعبنا مع احترامي للزينين والمثقفين بس هوااااااي عدنا متعبين ميفيد بيهم نظام وتطور والله يسوون اشياء تفشل البدو ميسووها
يعني بطاري الحمامات العامة ..مره اجتي وحدة من ذني العربيات جايبه بطل وتملي من سائل غسل اليدين الي بالحمامات تدوووووووووووووس ومملحكه بلا هو شنو قيمته حتى انت جايه تاخذيه
لو حشاكم الي بالزيارات تنزع ابنها الحفاضه وترميها بالشارع مع العلم اكو سله مهملات يمها بس هيج خباثه
لو الي يمخط بالشارع تكرمون لو يبولون ..صدكوني اشوف هواي رياجيل كبار يروحون يم الحايط ويبولون ويرجعوه بمكانه بدون غسل .. يعني استلمي هيج وضع

[زينب السعدي]

هلو كوكي شلونج الج وحشه هاي وينج رحتي ردحتي واجيتي

[رويدة_ أم ألق]

يلة استلمي هذولة شلون بيهم
هلاو عيني زينب أم لولي هسة صايرة أعصاب فد شوية أكوم أبوسج
تفضلي استريحي ههه

[kokee]

انسطرت من الحنه وكلش طفيت هسه ههههههههههههه

[زينب السعدي]

رويده ضفتج ع ايميلي شنو موصل

[زينب السعدي]

ليش عصبيه رويدة خو ماكو شي ؟؟؟؟؟؟؟؟؟
هسه خابرت رجلي وكمت ابجي من الخنقة خطيه انقهر عليه وكال لتخافين ماكو شي انشالله احلها

[kokee]

ولجن كافي عوفن السياسه خلنه على مصايبنه ههههههههههههههههه

[رويدة_ أم ألق]

لا زنوبة ماوصلني شي
انت ضفتيه كله؟ حتى اللي بعد المقطع آت @

[رويدة_ أم ألق]

عصبية من سوالف شعبنا ههه
والله شر البلية ما يضحك

أم لولي شلونها العروس؟

[kokee]

العروس مكيفه مواليد 93 بس هيه دبدوبه ههههههه

[رويدة_ أم ألق]

هههههه اي طبعا تكيف غير عروس.

[عذراء الجابري]

سلام عليكم بناتنا الحلوات
نجلاء كل عام وانت بالف خير ونجاح وتفوق وتعيين عالملاك الدائم.........
هلو ام لولي انشاء الله حنة لولي
عفية رويدة حب الاوطان شعبة من الايمان
زنوبة كل مشكلة والها حلال ومتضيك الا وتفرج

[kokee]

اهلين ام جعفوري شلونج حبي

[kokee]

رويده هاي وانتي زغيرونه هههههههه؟

[رويدة_ أم ألق]

عليكم السلام والرحمة أم جعفر.

[رويدة_ أم ألق]

لا زنوبة هذا قاسم من كان عنوني هههههههههه

[kokee]

شل القضيه فد مره طفيت هههههههههه