دردشة بنات العراق, دردشة حوامل العراق , تجمع بنات العراق

[ام نورهانه]

هلوووووووووووووو بنات شلونجن اووووف من شغل البيت تخلص اعمارنه وهو ميخلص هسه كملت وفتت اخذتلي حمام دافي ارتاحيت شلونكم انتوا


لج زنوبه هاي تخبل ولا تحجن على الخشوم اني نورهان اول مجتي خشمها اكبر من وجها وصدك يكولون المرة اذا تحب رجلها يجي جاهلها يشبها واني بنتي مسويتها استناخ الابوها

عذورة الله مصلي على محمد بنتج صايره تخبل ربي يحفظها فدوه القلبها ببوسيلياها وفد عضه من الخدود

[ام نورهانه]

هلا فوفو حبي سلامتج ومتشوفين شر ان شاء الله ويعدي حملج بلا تسمم يارب

زنوبه انجل شلونج اي صدك واحد يرتاح من يسمع قرأن

لج كوكي حبحب اخبارج مشتاقتلج تومااااااااااااااااات بوساتي اللولي وج ياثقة هاي لعد انتي هالشهر راج اطنبين علينه حوبه

لج سجاوي شلونج قليباتي


امونه شلونج حبحب وشلون بنونه يمه فديته للخشم جنه فستقايه
اكلج اريد اتعلم شلون اسوي فطاير مالحة علميني حباابه وبشنو احشيها واذا عندج موضوع مخصص انطيني الرابط واني اروح اشوفه

[فوفو العراقية]

زينب السويد
ولج مو حاجيتج اول البارحة؟
الي اخذ عقلج يتهنة ههههههههه
شلونة البيبي؟
يمكن بيج توم
وسوي مال الزنجيل والحلقه .. ومال السجينة والمقص... ولو عندج موقع يبيع اغراض حوامي عبر النت
دزي منة تحليل البودرة بلادرار مال معرفة نوع الجنين..

[فوفو العراقية]

هلو حبي ام نورهان
شلونج

ربي يسلمج
ان شاء الله ميصير التسمم لان من صار بية قبل دمرتي وجلدي ادمر وصار كلة حبوب وتنزف وتحك
الله لا يراوي لحد
اني هم خايفه كلش
بس الاخصائية كالت السبب الرأيسي هو عدم تناول الاكل بشكل منتظم
وارتفاع او هبوط الدم هم يأثر
الله كريم ويسهل علينة ويكومنة باتم الصحة كلنة يارب.

[*بنوتة عراقية*]

زينب السويد
والله صدك يشلعون الكلب والله والله يستر يوم الأثنين شنو يصير والله يسهل ان شاءالله

[*بنوتة عراقية*]

اكولكم طايحة بحلاويات كلش اكل وايد
وهسة حاطة يمي جكليت واكل منة
منو تريد ههههههه

[*بنوتة عراقية*]

هذة صورة من نت مو عندي هههه

http://forum.hwaml.com/imgcache2/hwaml.com_1338579906_530.jpg

[*بنوتة عراقية*]

سوالف ما تحلى الى مع كرزات ههههه
http://forum.hwaml.com/imgcache2/hwaml.com_1338579967_746.jpg

يلا تفضلو

[ام نورهانه]

هلاووووو حبي فطومة اني خاله جبس ليز حامض ولبن مدخن اغمس واكل تفضلي ويايه

[ام رحمة]

هلو بنات اكو احد منكم لو نمتو ههههههههههه

[*بنوتة عراقية*]

هم زين مو حامل هههههههه جان اشتهيتة من وين اروح اجيب ههههههههههههههههههه


الف عافية انا هسة صايرة مو كلش ويا حواض و موالح صارلي اسبوع اكل وايد حلويات

[*بنوتة عراقية*]

انا موجودة واريد احد اتكلم ويا هههههه ضوجة ودنيا تمطر

[ام رحمة]

ام نورهانة لازم النونو ولد يكولون الحامض ولد
وكلشي يجي اللحمد لله المهم السلامة والصحة الج وللنونو

[ام رحمة]

هلا بنوتة اي والله ضوجة وملل

[*بنوتة عراقية*]

اي اليوم كلش اجواء مو شي

[فوفو العراقية]

بنوته
شلونج حياتي
اكلي الف عافية
بس اني ماريد جكليت
اريد كرزات اموت على هالسوالف والملج مبين منه يم يم
اريد
اليوم اشتهيت كعك وجاي وماعندي كعك واااااااااااااع


ام نورهان الف عافية حبي..

[ام رحمة]

اهنا الحر موطيعي وانتي يمج مطر

[ام رحمة]

ادزلج فوفو والله شلون كعك

[*بنوتة عراقية*]

فوفو
ماعندي كرزات بس جكليت وقت الحمل جنت احب اكل كرزات بس هسة قليل والله مو كلش

ههههه ديري بالج لا تحكين جسمج وهنوب يطلع بأبنج

[*بنوتة عراقية*]

اي ام رحمة
عندنا مطر لهسة تصب وباردة

[ام رحمة]

ديربالج على نفسج وادفي زين اندزلج شوية شمس
هههههههههه

[زينب السعدي]

تسلمين قلب فله انت الاحلى اروح فدوة للخشش ههههههههههههههههه
زينب انجل الحمد لله اجيتي انشالله ارتاحيتي شوي
دااشوف اربز كوت تالينت يعجبني هذا المخبل السوري ابو اللورد كاكا اكس خخخخخخخخخخخخخخخخخ

[*بنوتة عراقية*]

ان شاءالله ام رحمة
والله هسة متلفلفة بل لحاف

[White angel]

فوفو الي مأخذ بالي هو يوم السونار دا احسب يوم يوم
وبالنسبه للي مأخذ بالي ف هو موجود بس صافن يمكن عشقان هههههههههههههه
والله حبي إحنا طماعين ونريد نحجي وياج يوميه
بعد12 يوم ع السونار
بس ع الاغلب بنيه لان نوم هوايه
والحموضه هوايه هههههههه ولد
والله محتاره بس احمد الله انو رزقني وشنو نوع الرزق ميهمني لان شنو الي يهدي رب العالمين اليه ابوس ايدي وجه وكفه عليه واحمده الف مره وكره
لاحبي ماكو هيج مواقع بس مبقى شي ع السونار
هسه غير يدفر ابن ... ال عليه طبعا لي هسه مدفر هههههه

[*بنوتة عراقية*]

اكول زينب من السويد
غيري اسمج صعب ينكتب ههه

[White angel]

زنوبه والله حتى أني وخربانه ضحك ع الارعن يمه عايفه كلشي ودا اشوفه
هههههههههههههه دا يوزع ورق تصويت اله هههههههههههههههههههه

[White angel]

فطوم اسمي زينب انجل ههههههههه سهل ياعيني

[*بنوتة عراقية*]

هههههه اوكي صار زينب انجل ههه
عاشت اسامي

[فوفو العراقية]

ام رحمة
ياريت فد كعكاية وحده ولو
والله حتى حلم احلم اني اشتري كعك
الله يستر ميكلع بابني


هههههههههههههه بنوته
حكيت لما كلت بس
ماكدر ماحك من اشتهي شي
يجي ابني خريطة ههههههههه


زينب السويد
حبي مابقى شي لو بعد 12 يوم سونارج
بس لو تنامين هواي يعني ولد والاملاح والحموضة يعني ولد
اني ادري تتمنين بنت
بس جيبي هسة ولو ولد سوي رجيم ورا ماتجيبي بالسلامة
رجيم للمساعده بالحمل ببنت
ووقتها اني اكتبلج الجدول
الواحد يسعى ويطلب من رب العالمين والله يرزق من يشاء
الله يتمملج حملج على خير ونفرح وكل البنات يحملن بسلامة ياررب.

[*بنوتة عراقية*]

يلا استأذن اكوم انسدح لانو من اكعد احس الم قوي عندي واشوفكم بخير

[*بنوتة عراقية*]

هههههههههههه
عاد الله يستر شنو يطلع ابنج ههههههههههه

[White angel]

انتي العايشه حبي


زنوب اكولج شنو رأيج ب الارعن الخبل مهند الي صعد للنهائيات
راح أموت بسببه

[White angel]

فوفو حبي مينحزر
اول شي مجان عندي ووحام مثل البنات ابد ولامره والحمد لله
ثاني شي أني من قبل لااحمل مزاجيه بشكل يعني الي أشتهي الا اكله والا انجن ومرات ابجي
وهسه متت ب الطرشي وبنفس الوقت متت ع الحلاه
اكوله الزوجي شنو تتوقع يكولي توم
واصلا بطني هسه يله طكطكت يعني شلون رهمها توم ماادري
بس والله حتى احساسي صار مخبل وساعه بنيه وساعه ولدهههههههههع
اي حبي بس يجي عود احمل مره ثانيه بس متصير 3 او 4 لان زوجي ميقبل

[ام نورهانه]

ها ولجن شكد لحكتن تسولفن اني بنتي بنت الزفرة خبلتني متنحسه

ام رحمه اني بيه بنوته واني طبعي احب الحموضه وحتى بلا حمل مااخلي بحلكي شي حلو لو تذبحيني حتى يكولولي مصفرجه من الحموضه

[زينب السعدي]

كوكي حرامات رحتي مشتاقتلج ياولو
لج زينب منو مهند مااذكره منو ...بس هسه متت من شما شنو هالعوبه صعدوها وهذولي اوفر بويس جنهم امخابيل

[توتايه]

بنات منو صعد ب اعرب جود تالينت .؟ لان مشفت النتائج

[*ام هيمن*]

هلو بنات شلونكم
منو موجودة؟؟؟؟؟؟؟؟

[زينب السعدي]

شما الاماراتيه جنها شحاطة هاي بالمرز الاول
واوفر بويس هذولي المغاربة ولد وبنات يهوسون بالطبلات مالتهم بين قوسين (دنبكجية)برنامج فاشل ديصعدون الدنبكجية ويوخرون المواهب الحقيقية

[*ام هيمن*]

توتاية صعدت شما البنية الي غنت اول شي
وفرقة الطبول صعدو

[*بنوتة عراقية*]

شما كأنها ولد والله اول ما شفتها كلت هذة ولد هههه
تخرع اسم الله حتة مو شي غناء وحتة هذولي مغريبين والله تكول مجانين

[*ام هيمن*]

ام رحمة عيوني
اني نورس من بغداد
عمري 22 سنة وبعد شهر اطب بال23 انشاءالله
متزوجة صار سنة وشهرين
وعندي ولد عمرة 4 اشهر ونص
انتي شسمج ومنين.؟

[*بنوتة عراقية*]

اي والله برنامج فاااااااااااشل مابي شي حلو والله

[زينب السعدي]

هلو نورس شلونج
يمعودة فطوم برنامج فاشل والله صوجي اني اتابع هيج شكول زفرة حشاكم

[*بنوتة عراقية*]

ههههههههههههه اعصابج زنوب
والله حتة انا بلأخير اكول مو سوجكم سوجي انا اشوفكم هههههههه

[*ام هيمن*]

اي صحيح عبالك ولد
بس شكلهة بنية وصوتهة ولد ههههههههه
والفرقة كلشي ماسوو بس عالطبول وهاهية
بصراحة مواهب اليوم موهلكد قوية
يعني كلهم شي عادي
ولعبت نفسي من هذا ابو الحية
غير مقرف ومقزز

[*بنوتة عراقية*]

هههههههه اي والله مو حلو

[*ام هيمن*]

هو برنامج حلو بالعكس
وبي مواهب حلوة بس للاسف يختارون المواهب الطايح حظهة

[*ام هيمن*]

اكول بنات صدك
شخبارو رويدة
جابت لوبعدهة؟

[*بنوتة عراقية*]

لا بعدها اليوم جانت موجودة ويانا

[*ام هيمن*]

بنات سؤال عفية
اكول ابني جفن عينة الفوك والجوة شوية احمر
هذا طبيعي لوشنو؟؟؟؟
اني وديتة لدكتور كالي هذا بسبب القشرة الي براسة
احد سامعة بهيجي شي
انطاني شامبو للقشرة شتكولون؟

[*ام هيمن*]

اي اليوم جنت موجودة من جانت ويانة
عبالي جابت العصر هههههههههههه

[*بنوتة عراقية*]

والله مادري بس انتي خليج على كلام دكتور وخلاص واستعملي الة شامبو وان شاءالله يروح منة والله يشافي

[توتايه]

هلو نوورس حياتي شلونج اخبارج مشتاقون وين هالغيبه حبحب

هلو زنيبه اي شفتهم

هلو فطومه

مشتاقتلكم كومات

انفال زراب تعالي وينج

[*بنوتة عراقية*]

هلو توتاية شخبارج؟

[توتايه]

اني استعمل بيبي جونسن ليوسف وزين عليه خطيه ليش من هسه شامبو قشره

واذا عيونه حمره شويه جاي دافي مر وبقطنه مسحيلهياه وادعيلي

[*ام هيمن*]

هلو توتي حبي
اني موجودة انتي ماكو وين هالغيبة؟؟؟؟؟؟؟

[توتايه]

هلو حياتي فطومه والله الحمدلله مشتاقون وبعنف يمكن متعرفيني اسمي اية مواليد 90 صارلي سنتين متزوجه ابغداد وعندي يوسف بعد 18 يوم يصير سنه

[زينب السعدي]

انعل يومج توته ع هالاسلوب ويييييييييييع

[*ام هيمن*]

يعني جاي دافي اسويلياه ومر؟؟؟؟
يعني انتظر يخدر هواية لوبدون شكر؟؟؟

[*ام هيمن*]

يمعودين كرهت الجهال والله وخاصة الولد
من يوم الجبت ابني لليوم بس يتمرض خطية
والله عبالك نفس وعين موطبيعية علي
كل كرايبنة يسون عالطريقة مال ولد ومتنجح
وسمعن بية جبت ولد والله فتحو حلوكهم علينة
حتى خير ماشايفة من وراه

[توتايه]

حبيبتي مو تحمين الجاي؟ شويه دافي على ايدج دافي ومر بدون شكر ومسحيلهياه وشوفي النتائج بس كل مسحه بشويه قطن حتى لتعدي اللخ

شكو مطيه انتي اللخ شبيج زينب


موجوده نوارسه بس والله ما ادخل قليل اكثر شي على الفيصبوق

[*ام هيمن*]

كل يوم متمرض ابني
مرة امساك مرة اسهال مرة التهاب
خطية فدمرة يعني حتى اجتني حجاية من وراه عبالهم مادايرتلة بال لو ممهتمة بي
واني اعز من روحي ومداريتة اكثر من نظر عيني والله
بس ماعرف شسوي لبستة سبع عيون ومافادت شسويلة بعد
كملت اطلعة اقرة معوذات وايات واطلع
يعني شنو صاير قحط بالولد بهالدنيا لو الي تجيب ولد تنفس بعد؟

[توتايه]

ولج لتكولين هيج حرام عادي يولي اليوم اجت مرة حماية هاي الي جانت لاجه وياية وظلت فدوه لضحكته وفدوه لرجله المغرب وكع وكعه على راسه الا صوته انكطع من البجي شتسويلهم العين والحسد موجود اقري المعوذات والله يحميهم

[*ام هيمن*]

وين عالفيس بوك؟؟؟؟؟؟؟؟
شنو اسمج؟؟؟

[توتايه]

شتسوين ياعمري اكو نفوس ضعيفه ميدرون كل الي يجي من الله خير وبركه واهم شي تمام الخلقه هاي بسيطات والله الحمدلله والشكر مناقص بيهم شي وكاملين ومكملين

[*ام هيمن*]

والله دااقرة
حتى قران كمت اشيل بجنطتة
والله حرت حرت حرت وياه

[*بنوتة عراقية*]

هلو اية عمر كلة يارب

[*بنوتة عراقية*]

الله يساعدج ام يهمن
يلا ان شاءالله يكبر ويتعدة هاي الأزمة والله يسهل عليج وعلى ايهومي

[توتايه]

تسلميلي قلبي فطومه

[*ام هيمن*]

تخيلي بنت عم زوجي
سوت طريقة الولد وطلعت بنية
ومرة ثانية راحت لسوريا ولاربيل
ودفعت 4 اوراق علمود هالطريقة
وصارت حامل سوت سونار طلعت بنية
تخبلت زوجهة كاللهة متجيبيهة يمي
وزعلت وياه وعراك فدمرة
ومن جبت سمعت ولد كالتلي هنيالج يمعودة
شتريدين بعد من اول بطن وولد
حتى تخلصين من حلك العالم بعد

[توتايه]

الله اكبر هيه متدري كله بيد الرجال ثول اي والله ثول

[*ام هيمن*]

هههههههههههههههههه رجلهة مابي خير اني شعلية

[*ام هيمن*]

اكلج عذراء الجابري الي بالمنتدى ويانة؟

[*ام هيمن*]

زنوبة ترة ضفتج عالفيس بوك
اسمي هيمن احمد

[توتايه]

اي عفيه شسويله اذا ميشتغل عدل عاااااااااااااااااا

[توتايه]

اي موجوده عذراء ضفتج لتجمعنا السري وفوتي على البنات وضيفيهم

[زينب السعدي]

لج همزين كلتيلي نورس لان رحت هسه ع صفحة اربز كوت تالينت عالفيس وكتبت تعليق فرغت شحنات الغضب العندي وهناك هبو عليه المصريين كلهم يطلبون الصداقة ماكو مصري ماطلب مني 80 مليون طلب وصلني لحد الان

[*ام هيمن*]

ههههههههههههههههههههههه خرب بليسج اية

[*ام هيمن*]

ههههههههههههههه ولج شوداج هناك هههههههههههه
اني هيمن احمد بالانكليزي

[White angel]

زنوب حبي هذا الخبل سعودي وماعننده اي موهبه بس رعونه

بنات الصراحه مال هاي السنة فاشل الى اقصى

رحت غسلت مواعيين وصليت وفتت تمكيجت ولبست ودا انتظر زوجي جان يحجي ب التلفون دا احجي وياكم
اجيت لكيت 10 صفحات كاتبات

[نعومه التميمي]

هلو بنات شلونكم مشتاقتلكم
س والله ماعندي مجال ادخل
لان ديمه جانت مريضه لان الجو بارد صار عده فلونزه قويه بس الحمدالله صارت احسن شنو اخباركم
من جابت من حملت
انشاءالله الكل بخير
ايه كل عام ويوسف بالف خير

[توتايه]

تسلميلي وئام حياتي انتي دا انتظر يوم 19 بفارغ الصبر شخبار ديومه سلامتها حبيبتي نزليلنا صورتها وانتو ابغداد لو رجعتو؟

[عذراء الجابري]

صباح الخير على عيونكم الحلوة وعلى بنات بلادي
وعلى كل اللي يمتحنون وانشاء الله بالتوفيق

[عذراء الجابري]

هلو اية حبيبة وانتي و يوسف

[*بنوتة عراقية*]

صبااااااااااااااح الخير

[توتايه]

هلو عذوره عمري
الله يوفق الجميع

شلونج وشلون هداوي

[*بنوتة عراقية*]

تفضلو منو يريد يتريك وياي

[توتايه]

صباح الانوار فطومه

[فوفو العراقية]

صباح الخير يا حبيبات قلبي
شلونكم
اني اليوم فرحتي لالالالالالالالالالالالالا توصف
اطفالي كلهم نجحو والحمد لله علاماتهم ممتازة
http://forum.hwaml.com/imgcache2/hwaml.com_1338622515_920.gifhttp://forum.hwaml.com/imgcache2/hwaml.com_1338622515_920.gif
http://forum.hwaml.com/imgcache2/hwaml.com_1338622516_359.gif

http://forum.hwaml.com/imgcache2/hwaml.com_1338622516_778.jpg
http://forum.hwaml.com/imgcache2/hwaml.com_1338622517_200.jpg
متدرون اشكد فرحانة
لان اني مسؤله عليهم بوحدي
وابوهم تاركهم من سنوات
الحمد لله محمد انتقل للصف السادس
ورنا للصف الخامس
وانوار البيبي مال ماما حبيبتي راحت للثاني
مع انهم ماجانو راضين يخلوها بصف الاول لان كالو مناضجة
واني قلت الهم راح تنجح اوعدكم اني اشجعهة واكون وياهة
وفعلا ربي وفقني ونجحو اطفالي وبيضو وجهي

نجاحهم من نجاحي والي ماكدرت اسوي راح اسوي باطفالي وينجحون ويارب يوصلون لاعلى المرتب
لانهم متفوقين على الاطفال الفنلنديين نفسهم بالصف وياهم
الف حمد وشكر لك يارب
دموع الفرح مافارقتني
http://forum.hwaml.com/imgcache2/hwaml.com_1338622515_920.gif
ربي يفرح كل ام ب نجاح اطفالها يااااااااااااااااااارب.

http://forum.hwaml.com/imgcache2/hwaml.com_1338622518_185.jpg

http://forum.hwaml.com/imgcache2/hwaml.com_1338622515_920.gifhttp://forum.hwaml.com/imgcache2/hwaml.com_1338622515_920.gifhttp://forum.hwaml.com/imgcache2/hwaml.com_1338622515_920.gif

[*بنوتة عراقية*]

كلللللللللللللللللللللوش الف الف الف مليون مبروك على نجاهم والله يوفقهم وان شاءالله لجامعة

http://forum.hwaml.com/imgcache2/hwaml.com_1338622756_182.gif
http://forum.hwaml.com/imgcache2/hwaml.com_1338622757_923.jpg

[*بنوتة عراقية*]

هلو اية شخبارج؟

[فوفو العراقية]

الله يبارك بيج حبيبتي بنوته
ربي يرزقج احلى الاطفال وتربيهم ودخليهم مدارس وينجحون و
ويرفعون راسج وتحققين بيهم احلى الامنيات
http://forum.hwaml.com/imgcache2/hwaml.com_1338623052_558.gif
ياااااااااااااااااارب يا حبيبي مثلما رزقتني اطفال صالحين وفق كل صديقاتي
وحقق لهم مناهم بجاه الحبيب محمد(ص)

[*بنوتة عراقية*]

تسلمين فوفو
اللهم امين

[عسل بغداد]

صباح الخير على عيونكم

[عسل بغداد]

الف مبروك نجاح اطفالج
http://forum.hwaml.com/imgcache2/hwaml.com_1338629370_962.jpg (http://www.hwaml.com/up/)
انشالله تشوفيهم باعلى المراتب
وتبقين فرحانه وفخوره بيهم
http://forum.hwaml.com/imgcache2/hwaml.com_1338629370_407.gif (http://www.hwaml.com/up/)

[ام نورهانه]

صبااااااااااااااااح الخير بنااااااااااااااااااااااااات


فوفو الف الف مليون مبروك نجاح اطفالج وان شاء الله يوصلون الاعلى المراااتب وتشوفيهم كلهم دكاترة ويرفعون راسج ياقلبي والله من كل قلبي فرحت الفرحتج ان شاء الله بالموفقيه للجميع


واليوم البكلوريا اول يوم امتحان الهم ربي يوفقهم وينجحون كلهم ويسهل امورهم اني سنة الجايه راح اكون بمكانهم ربي يسهلها عليهم وعليه

[عذراء الجابري]

الف مبروك النجاح لاولادج فوفو وياربي شوفيهم باعلى المستويات ويفيدون بلدهم الام


http://forum.hwaml.com/imgcache2/hwaml.com_1338633370_641.jpg

[kokee]

حبيبتي نورس ضفتج علفيس بوك
وابنج ما شاء الله تخبل ضحكته فدوه لعمره
الله يحفظه من كل مكروه
ودائما اقري عليه اية الكرسي للحفظ

[kokee]

فوفو مبروك نجاح اولادج
الله يسعدهم

[kokee]

عذوره شلونج حبيبتي وشخبار العلويه بدت تناغي لو بعدهه

[عذراء الجابري]

هلا بزنوبة اشلونج شو جياتج قليلة ولولي اشلونة الله يخليه كام يمشي
وهداوي بعد ما طبت شهرين لا ومتانغي وبس تقرأ النا هههههههههه

[kokee]

اي والله بده يمشي خطوات ويوكع وفرحان بروحه بس يضحك هههههههه

[kokee]

ماكعد علحاسبه من وره لولي نظل نتعارك عليهه هوه يجر واني اجر عود من ينام افوتلي شويه

[عذراء الجابري]

الله يحفظة الكم يارب

[almassa]

السلام عليكم ممكن تقبلوني صديقه معاكم

[*ام هيمن*]

هلوزنوبة عيوني
شلونج اخبارج
مشتااااقة لسوالفج والله
لولي شلونة حبيبي
كم شهر صار عمرة؟؟؟؟؟؟؟؟

[*ام هيمن*]

اهلا وسهلا المسا
من وين انتي ؟؟؟؟؟؟
متزوجة لولا وكم طفل عندج
انطينة البطاقة كاملة هههههههههه

[*ام هيمن*]

كلللللللللللللليش مبروم فوفو نجاح اولادج
يارب كل سنة وهم بنجاح وتفوق وباعلى المراتب

[*بنوتة عراقية*]

هااااااااااااا منو اهنا ؟؟؟؟؟؟؟؟؟؟؟؟؟

[*بنوتة عراقية*]

المسا
اهلا وسهلا فيج معانا وان شاءالله تتونسي ويانا

[almassa]

اهلا بيكم
اني من العراق بغداد
متزوجه
وصار عندي حمل وسقطت
وهسه اني حامل بالشهر الاول بس كلشششششش خايفه

[*ام هيمن*]

زنوبة شفت زوجج وابنج
ماشاءلله حلو زوجج

[*ام هيمن*]

هلو بنوتة
اني موجودة
شلونج اليوم؟

[*ام هيمن*]

المسا الله ثبت حملج يارب
وتولدين بالسلامة

[*ام هيمن*]

اني نورس من بغداد
متزوجة صار سنة وشهرين
وعندي ولد اسمة هيمن عمرة 4 اشهر ونص

[almassa]

تسلميلي حبيبتي ام هيمن ع الدعاء
والله يخليلج هيمن ان شاء الله

[*بنوتة عراقية*]

هلووو ام يهمن
والله نفس الحالة امس بليل بلغصب نمت من الام والحين هم رجع مرة ثانية

[*بنوتة عراقية*]

المسا
اهلا وسهلا فيج والله يثبت حملج بجاه محمد واله محمد

انا هم من عراق وعمري 25 قريب ادخل 26
وكنت حامل وتوقف نبض جنين والحين يوم الأثنين عندي موعد حتة ينزلون الطفل والله يسهل ان شاءالله
هذة اول حمل الي بعد 3 سنوات والله يصبرني ويرزق كل محرومة ويرزق كل فقدت جنينها
حاليا عايشة في السويد

[*ام هيمن*]

نورتي المنتدى عيوني

[*ام هيمن*]

الله يصبرج بنوتة ويرزقج بالذرية الصالحة يارب

[*بنوتة عراقية*]

امين نورس
ويصبر كل من فقدت جنينها

[*بنوتة عراقية*]

انطوني حبيتين لازم اخذ قبل 3 ساعات من عملية ومادري اذا يخدر ولا لا ؟!!

[*بنوتة عراقية*]

هذة اسم الحبوب راح اخذة

t.cytotec 0 2 mg


اذا تعرفونة كولولي يخدر ولا لا؟

[*ام هيمن*]

والله ماعرف بصراحة
انشاءالله البنات يساعدوج
وانشاءالله ربي يعوضج خير

[*ام هيمن*]

يلة اني اترخص اروح
بليل ارجع انشاءالله
باي

[نعومه التميمي]

هلو بنات شلونكم فوفو الف الف مبروك النجاح
بنوته يارب تكومين بسلام
نورس شلونج شلون هيموني
كوكوشخبار الولي مبروك على خطوتين اني ديمه تكمش باي شي وتمشي
ايه لا رجعت صار شهر تقريبا لو ماريحه اهواي احسن لان تبهذلت مارتاحيت
شخبار رحوبه اشو ماكو
ويسرى اهم ماكو امونه تعاي شلونج
باقالبنات شخباركم

[*بنوتة عراقية*]

تسلمين نورس الله وياج

[مجنونة بحبها]

هلووووووووووووووو بنااااااااااااااااااات


شلونكم اخباركم


فوفو الف الف مبروك النجاح ويارب دوم مو يوم


زنوبه اشو اليوم اكول لامي الناس بلبنان يكولولي بنونه تشبهني تكول
لا تشبهه ابوها بعد ماعرف انا اشوفها جسمها يعني اديها ورجليها
نسخه من ابوها ها وشعرها وراسها بعد شبقه هههههههههههه

[مجنونة بحبها]

فطومه شلونج وشلون صرتي اليوم

[*بنوتة عراقية*]

بنات من سويتو كورتاج اخذتو حبوب قبل 3 ساعات ؟
انا انطوني حبوب ولازم قبل الكورتاج اخذة وهذة اسمة

t.cytotec 0 2 mg
منو اخذت حبوب؟
هل هذة تخدير ولا شنو؟

[عسل بغداد]

مساء الخير بنااااااااااات شلونكم

هلو امونه شلونج اخبارج بنونه شلونها
اااااااام السحوره شلونها وياج اليوم

[*بنوتة عراقية*]

هلو ام بنونة
والله نفس الحالة الم ترح وترجع وهسة مسدوحة علفراش كلش تعبانة والله مليت من صبر شيجيب يوم الأثنين

[عسل بغداد]

هله بفطوم الله يكون بعونج والله ماعندي فكره

[*بنوتة عراقية*]

تسلمين عسل والله يسهل

هسة اريد افتهم اذا هوا دم ماكو لا نزل شي ليش كل هذة الم؟؟؟ والله راح اموت

[عسل بغداد]

لو بس تسمعين كلام وتعيدين السونار مره ثانيه حتى تتاكدين

[*بنوتة عراقية*]

والله مو بيدي والله حاولت شكثر هما ما يقبلو والله ودي واتمنى هذة شي بس ما قبلو والله اتصلت وكالو خلاص بين انو نبض واقف والله خايفة وانا هم افكر مرات اكول يمكن بعدة عايش بس شسوي اذا هما ما يقبلون شسوي والله متت منهم

[*بنوتة عراقية*]

قبل يومين اتصلت وكتلهم اريد اعيد سونار كالو ما يصير بعد هاي اطباء السويد يلي يطلعون روح الواحد والله متت والله حتة بجي ابجي ولقران نفسيتي تعبت وسبب هما بس ماكو الى الله يصبرني واخلصها على خير ويفكني منهم تعبت والله

[زينب السعدي]

هلو بناااااااااات شلونكم كلكم انشالله زينيين
فطوم التخدير مو حبوب اول متدخلين صالة العمليات يخلولج كاينولا بايدج ويضربوج جرعة بنج ومن تنامين عالسرير ينطوج كمام نفس والثاني تخديرين ...اخاف هالحبوب توسع عنق الرحم حتى يتوسع عنق الرحم بدونما همو يوسعوه بالالة...أبحثي عنها بكوكل وشوفي شنو فلمها؟؟؟؟
كوكي شلونج حب مشتاقين
نورس وامونة وسجاوي وتوتايه وفله والكل انشالله بخير

[زينب السعدي]

فوفو حبي الف مبروك نجاح الاطفال انشالله التفوق الدائم بظل رعايتك والله يفرحك دايما

[*بنوتة عراقية*]

زينب سويت بحث بس ما طلع شي بلعربي بس سويدي وهما ماكالولي بس انا اتمنى انو مو تخدير لانو قبل 3 ساعات لازم اخذة يعني ساعة 4 ونص فجر اخذة ويجوز انو لتوسع مادري!! يلا اشوف شنو تاليها

[زينب السعدي]

http://forum.hwaml.com/imgcache2/hwaml.com_1338647051_222.gif


علكيها اليوم فووفو خخخخخخخخخخخخخ

http://forum.hwaml.com/imgcache2/hwaml.com_1338647052_332.gif

[عسل بغداد]

هلو زنوبه شلونج حب

[*بنوتة عراقية*]

طلع حبوب احط من مهبل ما اخذة ههه شوف شلون هم زين انتبهت!

[عسل بغداد]

شوف شلون همزين مبلعتيهن جان صار حلكج حلك بكد الصينيه

[*بنوتة عراقية*]

هههههههههههههههه اي صدك هههههههههههههههههههههههههه
الله ستر
هسة اختي راح تتصل عليهم وتتأكد

[almassa]

حبي بنوته اني صديقتي اتوفى الطفل بطنه صارله 10 ايام وماعده توسع انطوه حبوب
ونزل الطفل كان متوفي بسبب مااخذت اسبرين لان الدم عده متخثر بالمشيمه ومديوصل للطفل فمات
اما اني فمنطوني حبوب لان اصلا كان عندي توسع والطفل ميت بطني صارله 3 اسابيع فسويت كورتاج

[*بنوتة عراقية*]

اهاااا
انا هوا هذة حبوب انطوني وهوا يلي يسوي توسع
زين شكثر اخذ مدة كورتاج كم ساعة؟

[almassa]

اني من سويلي كورتاج متأخرو نص ساعه العمليه
بس ورا تبقين لحد ميفتح البنج منج
زين انتي ليش حسوين كورتاج ميت الطفل بطنج همين

[*بنوتة عراقية*]

almassa
اي كنت حامل 3 اشهر يوم السبت رحت وسويت سونار لانو نزل دم مني ف كالو نبض واقف وحطولي موعد يوم الأثنين
ولهسة مانزل اي شي لا دم ولا شي بس مرة او مرتين والام ذبحني مادري شنو سبب

[White angel]

مسائو ياصبايا ياحلوين
شلونكم
اخباركم
اليوم رحت للسوق وجبت كيلو مشمش وكيلو فراوله ووكعت دك بيهن لان
المشمش هش ويجنن صار اسبوع مشتهيته
مكانكم خالي
شنو اخبار الق مشرفت بالي يمها
والبنات اخباركم حبايب

[عسل بغداد]

هلو حبي الف عافيه المشمش هنا شبعانين منه وسوينه شربت

[White angel]

والله ياسجاوي هنا يجيبوه مستورد بس المحلات العربيه يجيبوه فرش يخبل
وصار أسبوعين من نزل
الله يعافيج
وهسه وصيت أمي تشتري لي بعد لان راحت المالمو المدينة ساعه من يمنا
وخوخ مصوف

[*بنوتة عراقية*]

هلوووووو زينب انجل شلونج

عاد هاي شغلات بعدها غالي
هذاك اليوم شفت كيلو مشمش ب 40 كرون

[*بنوتة عراقية*]

زينب انجل
انا ضفتج بأيمل ما قبلتي؟

[عسل بغداد]

اليوم التجمع خمول

[*بنوتة عراقية*]

اي والله
كلشوي ادخل واشوف ماكو احد

[فوفو العراقية]

مساكم الله بالخير

مشكورات حبيباتي
عسولة
وام نورهان
وكوكي
وعذورة
وام هيمن
ونعومة التميمي
و امونة
وزينب السعدي ... ياعمري مشكوووورة ..واني علكتهة اليوم خسر جيبي هواي هههههههههه
وصديقتي جتي وهم بتهة ناجحة وحتفلنة للاطفال وهدينالهم هداية النجاح
يارب يرزقج الطفل الصالح الي يفرح قلبج دوم ويرفع راسج بنجاحة.


ربي يفرحكم بأطفالكم وتشوفوهم ناجحين بكل حياتهم ومتفوقين
وتنزل دموع الفرح لجلهم اللهم امين يارب العالمين...

[ام رحمة]

هلو بنات اشلونكم

[عسل بغداد]

هلو فوفو هلو ام رحمه شلونكم

[عسل بغداد]

ميوشه الها وحشه مكانها خالي راحت للزياره وبعد مبينت

[*بنوتة عراقية*]

iهلووووووووووووووووووووووووووووووووووووووووووو
شكو ماكو
اكو احد؟

[ام نورهانه]

مسااااااااااااااااااااء الخير ياحلوت شلونكم

[عسل بغداد]

هلله وميه هله بأم نورهانه

[عسل بغداد]

كلنه خلصتي امتحانات راح تكابلينا وتكعدين اشو مابينتي

[*بنوتة عراقية*]

هلوووووو ام نورهان

[*بنوتة عراقية*]

كللللللل راحو اهئ
خلي اكوم ارتاح انسدح بديت الم عندي

[ام نورهانه]

كل الهلا بيكم سجاوي وفطومة لج سجاوي والله مكضيتها شغل كنت مستغله الوطنيه كعدت كويت ملابس رجلي تالي بالكوه خلصتلي قميصين من مجموع خمس قمصان وخمس بناطير تالي انكطعت المهجومة

[White angel]

هلو اكاين ياحلوات
شلونكم ياسكرات
اشو صفنه
حبي فوفو مبروك النجاح ويارب تشوفيهم أطباء ومهندسين يارب

[ام نورهانه]

هلوووووووو حبيبتي زنوبه انجل شلونج وشلون النونو

[مجنونة بحبها]

الوووووووووووو

[White angel]

هلو عمري ام نورهانه
والله زينه الحمد لله
والنونو زين بس غير يدفر ويخلصني
لي هسه ماكو شي
انتي شلونج حب اخبارج وأخبار الئمورات نورهانه والجديده شنو

[White angel]

لج هلو حبي امونه شلونج كبد
هاي شنو اشو مختفيه مشتاقون حبي

[زينب السعدي]

هلوووووووووووووو بناااات شلونكم لكم اليوم العصر شحالني انجرحت باله قطع كلللللللللش حادة وشالت لحماية مني من االابهام والدمايات ملتني ملي وكام الدم يوكع بالكاع وماالحك عليه وبالكوة كدرت اخابر زوجي واجه من الشغل هو وحمايه يتمركضون وسوولي اسعافات اولية وهسه اصبعي ديموتني بس احسن من العصر

رويدة شكلها جابت بالسلامة انشالله لان كالت اذا مدخلت معناها جبت الله يسهل عليها
فطومة مو كتلج هاي مال توسع ومال التوسع شي طبيعي تصير تحاميل مو بلع خخخخخخخ
بقية البنات شلونكم كلككم ...امونة وفله موجودات لو رحتو؟؟؟؟؟؟؟؟

[زينب السعدي]

هلو زنوبة شلونج ...لج ممعقوله بالاسبوع 18 وماكو حركة !!!!!!11 اني بالاسبوع 13 وحسيت بوقتها بالحركة
معقولة مصار عندج نغزات بجهة من بطنج لو دغدوغات هههههه...تره اذا صارت عندج هاي حركة تعتبر

[White angel]

هلو زنوبه
حبي الحمد لله ع السلامه يارب
شلونج وشلون صرتي يارب بخير

[White angel]

اي زنوبه تجيني هاي النغزات يعني مرات بجهة اليسره ومرات اليمنه
بس مو دفرات هههههههههههه مثل زوجة أخوية يدفر كل دفره ولا الثانيه
هذاك اليوم خاله شي ع بطنها كام يدفر حتى وكعها ههههههههه وكيح ع أبوه

[ام نورهانه]

هلا زنوبه سلامتج الف سلامة يمعوده غير تنتبهين يله راح شره ان شاء الله
هلو امونه قلب شلونج

لج زنوبه انجل اني النونيه للاسبوع ال19 ياله تحركت خبلتني وهسه تعالي شوفيها كامت تصير عدها ردات فعل يعني اذا اضربها ترجعلي الضربه بنت العوبه من هسه متتحجه والله قبل شويه ضلت تدفر يمنه تالي ضربتها بالجهه اليسره لان ضوجتني كلت بلكي تهدء وراها بتقريبا بدقيقه كان تضربني من نفس المكان الضربتها بيه وضلت تدفر هههههههههههههههه ضحكتني والله

[White angel]

هههههههههههههههههههههههه ام نورهانه هاي غير وتيحه هههههههه فدوه القلبها
شوكت احس بيها مو متت
بس ضحكتيني من كل قلبي ع النونيه تؤبرني

[زينب السعدي]

الله يسلمكم حبايبي
لج زنوبة بعد وكت عالدفرات لاحكة عليها غير يكبر ويكوم يدفر بس الحركات الاولى هي النغزات والدغدوغات ههههههههههه
فله بنااااااااتج الله يساعدج عليهن ههههههه

[hdhd]

هلو بنات شلونكم اني عضوة جديدة وحامل شهرين ويومين
اريدكم تنصحوني وتفيدوني لان اني ابددددددددد مااشتهي وتقريبا اكثر الاكل ارجعة اني خايفة عالجنين شلون راح يتغذة
وطبعا هذة حملي الاول تحياتي الكم

[*بنوتة عراقية*]

ههههههههههههههههههههههههههههه ام نورهان هاي شنوووووو من هسة بنتج وكيهة الله يعينج من تطلع هههههههههه والله حلو

[*بنوتة عراقية*]

هدهد
راجعي عن دكتورة وكوليلها انو كعة يصير هشكل وان شاءالله هيا تساعدج
وان شاءالله بنات يساعدونج

[*بنوتة عراقية*]

زينب سلامتج اوووووووووووف الله يساعدج
كان حطيتي كهوة حتة ينقطع الدم

ههههههههه
شفتي شلون هم زين شفتة والله علأساس كلت اكعد صبح واخذة شو اليوم شفتة وقريتة طلع مو بلع هههه
الله ستر
والله هذولي راح يدمروني واصلا هما ما كالولي الله لا يوفقهم

[*بنوتة عراقية*]

والله كنت منتضرة هذة اللحظة بس شسوي الله كريم على جايات هههه

[*بنوتة عراقية*]

بنااااااااااااات باجر لعبة العراااااااااااااااااااااااااااااااااااق
يارب يارب يارب بحق محمد واله محمد وبحق اهل البيت يفوزون شايلين هم

[*بنوتة عراقية*]

مااااااااكو احد
يلا تصبحو على خير

[ام نورهانه]

صبااااااااااااااااااااااااااااااااااح الخير ياحلوات شلونكم
اليوم اني مغبشه
ولجن زنوبات وفطومة اي بناتي مو بنات لا شواذي هذولي الله يعيني عليهم ههههههههههههههه لكم اني بلساني دائما من تضوجني نورهان اكولها خرب امج ليش البارحه ضوجتها كان تكولي خرب امج ماما كتلها هيهي الله اكول الامي عليج بنت القندرة كامت تضحك العوبه لكم صاير ببغاء شتسمع تحفظ وتكول وها هسه كايمه تقلدني بحركاتي بكلامي بكل شي
البارحة واكفه احجي ويه ابوها وشسوي حركات بيدي هي هم تسوي بيدها مثلي ولازم شألبس اكسسوارت لازم هي هم بحيث كلشي اشتري منه اثنين والمكياج لازم مثلي تخلي اخير شي جبتلها علبه مكياج مال بنااات باربي هيج بيها كلوس وحمره صغيره بيها فيتامين واصباغ اضافر هم صغار واحمر خدود كذابي وخالتهن على ميز تواليت وكلما اخلي تلزم عدتها وهي هم تخلي

[*بنوتة عراقية*]

ههههههههههههههههههههههههههههههههههه
والله ضكت شنو هاااااااااااي كلشي تسوينة تسوي هههههههههههه
الله يخليها
بس لاا تعلمينها على هذة كلام لا هنوب تروح تكول لأحد ف ديري بالج اطفال كلشي يسوون وكلشي يسمعون يكولون ما يعرفو شنو معناتة ف ديري بالج

[قمر بغداد]

هلو بنات شلونكم
جان النت عاطل واختفيت
امنورهان

[قمر بغداد]

كمت اشخبط ههههههههه
ام نورهان ديري بالج لتروح بنتج تكول لابوها خرب امك فديوم ههههههههههههههههههههههههههههههه بس يمكن شكد حلوة بحلكها عبالك عسل من تحجي خطية بوسيلياها
طبعا البنية تقلد امها بكلشي

[قمر بغداد]

هدهد اهلا بيج ويانة بس شو انتي رأسن هجمتب
لازم اول شي تنطين اسمج وعمرج وكل تفاصيل حياتج يعني معلومااااااات كاملة لان احنة لازم نعرف كل شي هنا
اما بالنسبة للحمل اني ضليت اتوحم لحد مادخلت بالشهر الخامس وهسة اني راح اكمل السادس بحيث كل شي ما اكل فالطفل لتخافين عليه لان شنو اكو بالدم ياخذة منج لحد ماتصيرين عودة وعود وره الرابع ترجع صحتج احسن بس اهم شي اشربي حليب بالذات من الصبح وبارد لان اكيد اول متكعدين نفسيتج غامه عليج اول متصحين واخذي فولك اسد حبوب اول 3 اشهر وبالرابع تلقحين كزاز وراجعي طبييب كل شهر

[White angel]

صباح الخير ياحلوات
شلونكم حبايب
أخباركم
ام نورهان تره الطفل الي يحفظ شغله مينساها لاتحجين كدامها لا صدك تروح تحجي كدام أبوها هههههههههه

[ام نورهانه]

هلا بفطومه وقموره لج قمورة هاي اني عود تخاف مني تحترمني تعالي شوفي على ابوها الاحترامات مشتغله هههههههههههه والعكس صحيح
خو اني رجلي يموت على طفل لسانه طويل ويظل يتحارش بيها ويغلط وهي تسكت الا ان تزهك تكوم شغلط عليها هي تغلط عليه بس كل الكلام بالمكلوب يعني زمال تكول سماله وحقيرى = حكير
وادبسز = ادسبز
وها حامض = حازم
وبسكت = بستك
ولذيذ = لزيز
وبارد = بادد
وكريم = كميل
واكرهج = اكهج
وثعلب = ثعبل
وبزونه = زبونه
وخروف = خفوف
وووووووووووووو بعد كومه بس راحو من بالي

[White angel]

بنات فتت شهر الخامس يبيييييييي
كمت اعيط اوييبيبيييييييها

[ام نورهانه]

الف مبروك زنوبه ويوم دخولج التاسع وتولدين بالسلامة

[White angel]

الله يبارك بيج حبي ويسلمج ياربي كولي يوم السونار ان شاء الله

[عذراء الجابري]

http://forum.hwaml.com/imgcache2/hwaml.com_1338715485_619.jpg

[عذراء الجابري]

انشاء الله الفوز لمنتخبنا الوطني وكسر خشم الطائفي عدنان حمد
http://forum.hwaml.com/imgcache2/hwaml.com_1338715696_456.jpg

[فوفو العراقية]

السلام عليكم جميعا

شلونكم حبايبي
عساكم بخيررر

زينب السويد حبيبتي مشكوورة وربي يرزقج الطفل الصالح وانتي هم تفرحين بنجاحة كل سنة يارب..
والف مبروك وصولج للشهر الخامس وعقبال التاسع يارب وولادتج بكل يسر وفرح.


ام نورهان فدوة لنورهانة شنو هاللسان العسل
اي هية البنت هيج متشوفين اموت عليهن هههههههه وبناتي هم هيج
خو الجبيرة صارت فادية رقم 2 بس حبيبة ماما تخبلل
ربي يحفظ بناتنه وينجحهم بكل حياتهم اللهم امين!

اكول بنات
مشتهية كعك عراقي
مال جاي نفس الكعك الشامي هذا...
http://forum.hwaml.com/imgcache2/hwaml.com_1338718634_895.jpg

بس ماريد من هذا لان مسويته وماحب طعمة
http://forum.hwaml.com/imgcache2/hwaml.com_1338718633_958.jpg

http://forum.hwaml.com/imgcache2/hwaml.com_1338718633_562.jpg
اريده مقرمش مال جاي
حبابات العدهة مقاديره لا تبخل علية بي
الله يجزيجن خير.

[kokee]

هلوووووو بنات
ولا ادري
الظاهر البارحه جايبه رويده
لان فتت على الفيس بوك مالتهه ولكيت التهاني
الحمد لله على سلامتكم حبي

[*بنوتة عراقية*]

تهانينا لمولود الأمام علي عليه السلام مبرووووكين
http://forum.hwaml.com/imgcache2/hwaml.com_1338719915_617.jpg

[*بنوتة عراقية*]

ان شاءالله اليوم فوز العراق
بجاه الأمام علي علية السلام

[فوفو العراقية]

صدك رويده جابت؟
وااااااااااااااااااااو
الف مبـــــــــــــــــــــــــــــــــــــررررررررررر رررررررررروكـــــــــ
يلا منتظرين نشوف النونووة
الله يكومهم بالسلامة
بس ليش ماجتي يمكن بعدهة بالمستشفى؟
ان شاء الله يطلعون بالسلامة وتكون ولادتها تمت سهلة بعون لله...

[kokee]

اي والله قريت التهاني علفيس
يمعوده وين تكدر تكعد علفيس تلكينهه مخيطه تخيط هههههههههه
يوم الالج ان شاء الله

[kokee]

يمه من اتذكر الولاده مدري شيصير بيه ومن اشوف حامل جني شايفه فلم رعب هههههههه

[kokee]

صدك بنات صارلي 3 اسابيع اداوم بمحو الاميه عقد مجاني
ودوامي بسيط احد وثنين من 3 لل5
بس كون يثبتونه
ادعولي حبابات

[kokee]

كل ما فوت لهنانا تشردن هههههههههه

[*بنوتة عراقية*]

ام نورهان
الله يخليها ان شاءالله تشوفيها عروس عاد شسوي ويا زوجها الله يستر ههههههههههههههههههههههه

[*بنوتة عراقية*]

زينب انجل
مبروك دخولج ب 5 وان شاءالله ل 9 يارب وتكومين بسلامة

[فوفو العراقية]

اي والله كوكي
الولادة شي مرعب
اني من هسة شايلة هم وتخيلها بكل وكت ههههههههههه

وخطية رويده ان شاء الله ماكو خياطات عدهة
اني اموت منهن
لان بمحمد اول ولادة الي خيطوني اويلي
ووحده تخيطني بدون بنج والثانية جتي تكول مو عدل
لازم افتكة وارجع اخيطة
يتهيألها قماش بيدها
واني اصيييييييييييييييح من الالم بلا بنج اويلي ما انساها
بس بالجهال البعدهة ما سوولي خياطات لان جان توسع عندي طبيعي
وان شاء الله هالمرة هم ميحتاج.

وربي يوفقج ويثبتوج بمحو الامية.

[*بنوتة عراقية*]

الله يساعدج فوفو والله شي يخوف ورعب هههههههه
الله يسهل عليج وان شاءالله ماكواي خياطات

[فوفو العراقية]

هلو قلب بنوته
شلونج ياقلبي

الله يسلمج
اي والله شي يدمر لما اذكره بس الحمد لله صارت سوالف
وعقبالج تحملين حمل سليم وتجيبين وتسولفيلنة عن لحظات الولادة ويارب تكون يسيرة..

[ام نورهانه]

بناااااااااااااااات هسه دخلت على صفحة زوج رويده لان شفت بصفحتها تهاني ولكيته كاتب


ألق قاسم الشمري أبصرت النور قبل قليل
ألف حمد و شكر لك يا رب

طبعا هاي البارحه كاتبها لكم عفيه كزبر جلدي ربي يكومها بالسلامه وتجي تطمنه

[ام نورهانه]

كلللللللللللللللللللللللللللللللللللللللوووووووووو ووووووووووووووووووووليش
لكم متصورون اشكد فرحتلها يااربي عبالك اني جبت مو هيه والله دمعت عيوني ربي يكومها بالسلامه وعقبااااااااااااال كل الحوامل والمو حواااااااااااااااامل يحبلن وكلهن يمرن بهالحظة الف الحمد لله على سلامتها هي وصغيرة

[مجنونة بحبها]

الحمدلله على سلامه رويده ويارب تجي تطمنا عنها


ام نورهانه بنونه هم هيج صايره شسوي تقلدني
وتحجي وراي تردد حجيي بس اكيد تقلب الحجي
اليوم خبصتني عبور عبور
طلعت تكول عصفور خربت ضحك عليها
ها ولوكيه اتقشمر بيه اتبوس النهار كله
ومن تشوفني عصبيه عليها تكول
ماما ماما حبيبتي
انا كبل افش واحضنها
يارب يحفظ بناتنه ويرزقنه برهم
ويارب يرزق كل من تتمنى الحمل




زينب عيني سلامتج ماتشوفين شر

زينب انجل مبروك دخول الخامس ويوم بشاره ولادتج

[ام نورهانه]

يمه فدوه البنونه حبيبتي اي ولج اني هم لوتيه ربي يحفظهن ويخليهن النه وطبعا العصفور انوشه تكوله عفور هههههههههههههههه

[فوفو العراقية]

الف الحمد لله والشكر على سلامتهة ام الق والق
ربي يفرح كل امراة بحملها وولادتها وتمام الفرحة عليهة
والله فرحت كلش
واخيرا يعني ؟؟؟؟؟؟؟؟؟؟؟؟
قرت الاعين يابنات بسلامة صديقتنة وحبيبتنة رويده...

[زينب السعدي]

هلو بنااااااااااااااااات شلونكم كلكم انشالله بخير
الف الف الحمد لله ع سلامة رويدة هي مبين جابت البارحة لان مدخلت ابد انشالله يارب تكون هي والبيبي بخيييير
مستعجلة كلش اشوفكم بعدين حبايبي

[مي &]

كلللللللللللللللللللللللللللللللللللللللوش



سمعت ام الق جابت
الف الف الف مبروك وقرت عينكم عيني ابو الق وام الق

نورتي الدنيه الوقه


طبعا هلو شلونكم شخباركم
طبعا مثل مكلتلكم جنت ابغداد رحت زرت الكاظم
وطبعا اندعيتلكم كلكم ومن الله من كلبي
ومن اجيت لكيت الاشتراك مال النت خلصان وهسه دا احجي وياكم من بيت خالتي

مشتاااقتلكم كومات كومات

[*بنوتة عراقية*]

الف حمدالله على سلامة ام الق ويارب تتربى بعزهم وتشوفها عروس ان شاءالله

[*بنوتة عراقية*]

الحمدالله جاااااااااااااابو واحد العراق وان شاءالله اكثر يااااااااااااااااااااااااااااااااااااااااااااااااا اارب

[*بنوتة عراقية*]

هلو قلب بنوته
شلونج ياقلبي

الله يسلمج
اي والله شي يدمر لما اذكره بس الحمد لله صارت سوالف
وعقبالج تحملين حمل سليم وتجيبين وتسولفيلنة عن لحظات الولادة ويارب تكون يسيرة..

مشكورة حبيبتي واللهم امين ربي يسمع منج

[*بنوتة عراقية*]

هلو مي
تقبل الله زيارة والحمدالله على سلامة

[مي &]

الله يتقبل اعمالج حبيبتي

شخباركم طبعا اي صفحه مقريت وما ادري شكوماكو


صدك بنات ابشركم ابرار بطنهه كامت تتطلع عادي ومن وحده وصارت زينه
الف الف الحمدلله والشكر

الله لا يوجع كلبكم علىغالي يارب

[*بنوتة عراقية*]

اي الحمدالله الله يشافيها يارب ومايرجعلها مرة ثانية
ماكو اي اخبار
انا باجر عندي كورتاج وخايفة مادري ليش!!

[مي &]

الله ايكومج بسلامه حبي انشالله
يله اترخص منكم
لان اني ابيت خالتي بس يرجع الاشتراك مال النت ارجعلكم انشالله


اشوفكم على خير

[*بنوتة عراقية*]

الله يسلمج الله وياج

[مجنونة بحبها]

هلا فله شفتي شلون لوتيات انتي زين عفور

انا بنونه عبور عبور

هههههه

وده وده عوده دوده

اماين عود ايمان

نعن نعن عود تسب

بس صايره نحسه وحقيره البارحه رحت لاهلي كلبت الدنيا

وكتلت بنات اخوي خطيه خلت البنات يشردن يم امهن خايفتت منها

[*بنوتة عراقية*]

ههههههه الله يخليها بنونة

ام بنونة شو انا ابد ما نزل شي صارلي 3 ايام ماكو شي والله خايفة انو بعدة جنين عايش والله ميتة من خوف


ساعدوني بنات من يموت طفل هشكل يصير ما ينزل شي ؟؟؟؟؟؟؟؟؟؟؟؟؟؟؟؟؟؟؟

[مجنونة بحبها]

هلا فطومه

يارب يرزقج احلى من بنونه وتشلع كلبج مثل ماهسه مشلوع كلبي من وراها
ههههههههههههههههه

حبيبتي انا من اسوي السونار ويكولون النبض واقف
ابقه اتامل بان السونار غلط فابقه اسبوع ضبط يوم ينزل قطرات دم ويوم لا
الى ان اكمل الاسبوع سبحان الله يصير عندي مثل الم الولاده وينزل الطفل
واروح للمستشفى اسوي الكورداج هذي حالتي

[*بنوتة عراقية*]

هههههههههه امين ام بنونة والله اتمنى هذة الشي بس الله كريم

والله انا اول يوم من سوو سونار نزل حشاج دم وراها بيوم كام ينزل وساخ حشاج وراها وقف وهسة صارلي 3 ايام ماكو شي بس الام تروح وترجع والله حتة انا مرات اكول اخاف بعدة وهما راح ينزلونة وانا اشيل ذنب والله هشكل وثل تفكيري والله متت وتعبت بس شسوي راح اخليها على ربي والله دعيت لمن كلت بس

[مجنونة بحبها]

حبي عادي انا هم هيج واضل ادعي وادعي الى ان ينزل واسكت

[مجنونة بحبها]

الله يرزقج عاجلا غير اجل


باجر عود طمنينه عنج مو تختفين فدمره

[*بنوتة عراقية*]

يلا ان شاءالله خير والله يسهل ان شاءالله

[*بنوتة عراقية*]

لالا اكيد بس يمكن باجر ما اكدر ادخل من اخلص اروح عند اهلي وارجع لبيتي يوم الأربعاء وان شاءالله اذا كدرت ادخل من بيت اهلي واطمنكم ادعوووولي

[فوفو العراقية]

ماتشوفين شر حبي بنوته
همة هنا عدهم دقه بالتشخيص لو مامتاكدين من ان الجنين متوقف قلبه ماجان كالولج
وانتي سلمي امرج لله
وعسى ان تكرهو شيئأ وهوة خيرا لكم

حاولي اطمنينه عنج باجر
وان شاء الله تجينه وانتي بأتم الصحة يارب...
الله يكون بعونج.

[*بنوتة عراقية*]

فوفو
اي والله هية ضليت دقق وايد وتشوف الجنين
والله من اول يوم من سمعت هذة الشي سلمت امري لله عزوجل والف حمدالله وشكر على كل حال

والله احاول انو ادخل باجر بس اكون عندي اهلي وان شاءالله اذا كدرت ادخل واطمنكم بس ادعولي

[فوفو العراقية]

يارب تكومين بالسلامة
حاولي تاخذين الاب توب مالتج وياج
ومناك طمنينه
حتى بنفس الوقت نكون وياج اول باول ونطمن عنج وهم نساندج بهذي المحنة
ربي يجازيج بالخير ويهدي قلبج
الله يعينج ويعين زوجج مو هينة والله لان اعرف احساسكم هسة شلونه لاحول ولا قوة الا بالله
انا لله وانا اليه راجعون
جعلها الله اخر المصايب يارب.

[**نورا**]

هلوووو بنات شلوووونكم اخباركم شكو ماكو امور اخبار احوال
** حمد لله ع سلامة الق وامها وانشالله تتربه بعز اهلها **
** بنوته الله يساعدج والله فكرت سويتي كورتاج وخلصتي ربي يخلصج من هاي الشده وانتي بصحه وعافيه **
** فوفو سوده عليه لو انتي قريبه جان دزيتلج كونيه كعك ههههههههه **
اني بارحه رحت الدكتوره والسونار
ام السونار كالتلي الطفل كلش زوين وراسه جوه ونموه طبيعي وكالت حجمه زين مو صغير بس كالت شربي مي هوايه حته ميه ميقل ما ادري ليش هيج كالت قلقتني
اما الدكتوره كالت وضعج طبيعي الحمد لله وكالت الولاده طبيعيه اذا ما ارتفع الضغط او صار شي لا سامح الله واتوسلت بيها علمود تنطيني ابر للرئه مال الطفل ما قبلت واااااااااااااااع

[*بنوتة عراقية*]

مشكورة اختي والله مادري شكولج وبس الله يدري بحالي والله ميتة من خوف وتوتر وبس عوزي ابجي والله بس شسوي الله كريم والحمدالله وشكر
لا اهلي عندهم لابتوب بس انا اقصدة انو اخاف اكون تعبانة او شي بس شلون ماجان راح احاول ادخل وادري بيكم تكونون قلقانين علي بس اذا مادخلت اعذروني وراح احاول ان شاءالله
اللهم امين ويارب يكون اخر مرة والله امس كاعدة وادعي اكول يكون اخر مرة ويتعدى على خير

حتة عمتي اتصلت علي من عراق وحسبالها اليوم كتلها بعدة وهم مسكينة مشلوع كلبها كتلها بس ادعيلي انو اطلع بسلامة

[*بنوتة عراقية*]

نورا
والله تمنيت هذة الشي انو امسويتة وامخلصتة وانتضر الحمل الثاني هههه
بس شسوي اذا حشاج اهنا اطباهم اغبيا وخلو طفل ميت صارلة اسبوع او اكثر بس شكول سلمت امري لله والله يعوضني ان شاءالله

[ام نورهانه]

هلاااااااااااااااااااوووو بنات فطومة ربي يصبرج ويعدي محنتج على خير

نورا حبي اهم شي طمنتي على البيبي والحمد لله صحته زينه وتره هذا الحجي مال ظلي اشربي كل الدكاتره يكولوا عاااادي لا تخافين وتضلين توهسين اما عن ابر الرئه مالها داعي لتضلين هيج وان شاء الله يكمل شهره ببطنج وجيج بصحه وعافيه
خلي اسألكم انتي وفوفو وسجاوي شلون شكل بطنكم هسه كبرت لو بعدها مفروشه لو مدوره اني هسه من خشيت السادس كلش بين الكبر التها بس عبالك بطيخه يعني ليكدام ماعندي خواصر يعني بالضبط شكلها كذابي عبالك خال طوبه ببطني شكلها يضحك هههههههه
وشويه صايره حركتي صعبه وبالذات من اكوم واكعد

[**نورا**]

انشالله تسوين وتخلصين وتجين بعد فتره وتبشرينه عن الحمل بس انتي خلي عندج امل وثقه بالله وانشالله ميصير غير الي انتي تتمني

[*بنوتة عراقية*]

اليوم بنام من وقت ولازم اكعد ساعة 4 حتة اخذ حبوب وساعة 7 ونص موعدي كون قبل 7 ونص اهناك وحتة يبدون والله يستر ويعين

[*بنوتة عراقية*]

يلا بنات اكوم اسويلي شي اكلة ولانو وراح 11 ما اكل شي لصبح
يلا تصبحو على خير واذا كدرت ادخل بعد اشوي
لا تنسوني بلدعاء

[**نورا**]

هلالالالالالالاو فله
اني بطني جايه بالعرض يعني اذا اخلي الشال عليها ميبين اكو حمل بس يكولون شنو هاي الفيله ههههههههههههههه
والحركه صعبه الله يعينج ويعينه

[**نورا**]

وانتي من اهل الخير حبي بنوته الله يكومج بالسلامه طمنينه عود

[ام نورهانه]

ههههههههههههه ضحكتيني نورا نزول على عدوج ههههههههههههههه لج لا اني صايره مدورة بس شكلها حلو اتذكر من كنا صغار نحشي ملابسنه نفاخ علساس حوامل واني هسه صاير بالضبط عبالك خاله نفاخه ههههههههههه اتذكر روحي من كنت صغيرة ههههههه

[ام نورهانه]

الله وياج فطوووومة ولا تنسين طمنينه عنج ومراح ننساج بالدعاء

[**نورا**]

هههههههههههههههه اي حلو هييج
عود يكلج ام الولد بطنها طولاني وام البنيه بطنها بالعرض