دردشة بنات العراق, دردشة حوامل العراق , تجمع بنات العراق

[فوفو العراقية]

امونة حبي هلا ومرحبا تقبرني هالطلة ههههههههههههه
شوف الشعر....

حبيبتي فروحة الحمد لله عساج بخير.

[عسل بغداد]

مساء النور حب حب يروح ويرجعلك بالسلامه

[عسل بغداد]

هلو امونه نورتي

[فوفو العراقية]

نسخيها من جوجل وسوي لسق بلا تحميل
ولو على الجهاز لازم تحميل يعني جذي ههههههههههه
http://t0.gstatic.com/images?q=tbn:ANd9GcSca9xUDEUL75TQVddgAC0HT1GC4OVkK HPLD-RBbGqZm8W-BVl0bnIFUPdr4Q

[مجنونة بحبها]

هلا فروحه حمدلله من طلعتلي متحتأجين كورداج
ويارب تحملين عاجلا غير اجل
انا زينه وبنونه تبوس خدج


سجاوي الف عافيه
شوفي اكو بدايه المنتدى مركز تحميل الملفات
حملي الصوره وبعدها انسخي الرابط والصقيه

[عسل بغداد]

تفضلوااا ازبري

[عسل بغداد]

شكرا فوفو حلوه واذا من الجهاز

[مجنونة بحبها]

منوره بوجودكم


حوريه عجنت العجينه وحضرت السحور
وهسه اجت الماتتسمه وخربت فرحتي غابت يوم وعبالي حامل
وجنت عايش باحلام اليقضه الحمدلله على كل حال
باجر اخر يوم من جماد الاخر وبعده اول يوم من رجب المرجب

[o فرح عمريo]

اي ولله بنات الف الحمدلله والشكر لأن جنت كلش خايفه

هلو عذوره شخبارج عمري يروح ويرجعلج بألف سلامه ان شاء الله
عسوله وفوفو ربي ينولكم الي ببالكم ياربي واهم شي اتمام الخلقه والذريه الصالحه

[عسل بغداد]

http://forum.hwaml.com/imgcache2/hwaml.com_1337627888_740.jpg (http://www.hwaml.com/up/)المفروض تطلع صوره الكرواسون الي سويته

[فوفو العراقية]

روحي على الصفحة فوك على اليسار مكتوب مركز التحميل
دوسي
وراح تطلع فراغات
دوسي يسار راح يطللع ملف الانترنت مالتج
اختاري الصورة
ودوسي اوك

وبعدين خلي علامة صح بالمربع جوة
وحملي

وراح تطلعلج روابط الصورة
اختاري رابط للمنتدى
نسخي ولسقي هنا
ويتم هذا الشي حتى بالتوقيع مالتج.

[عسل بغداد]

يااااااااااا والله قهرتيني انشالله خيرها بغيرها شهر الجاي متشوفيها
شكرا على تعليمي وضع صوره بش اشو طلعت زغيره

[فوفو العراقية]

طلعت
الصورة
مبروك
ههههههههههه بس زغنونه
تتربه بعزج




فروحة حبي
شكرا ياقلبي وربي يفرحج بالطفل الصالح.

[o فرح عمريo]

امونه ميخالف الحمدلله على كل حال ياربي يعوضج الشهر الجاي ان شاء الله
ولله ببالي دااريد اسألج هسه لأن بقه بالي يمج من البارحه بس هاهيه هذا امر الله
والحمدلله

[عسل بغداد]

حبي تسلمين طلعت زغيره يله الحول احسن من العمى بس شوفي التمساح شلونه يخبل

[o فرح عمريo]

امونه اكو فد سالفه من زمان اريد اكولها الج
رح اكتبها الج ع الخاص هسه

[فوفو العراقية]

امون حبي لا تضوجين
تراها النفسية اساس بهالشيئ سبحان الله جعل لكل شيئ سبب
ريحي اعصابج ويارب الشهر الجاي تبشرينا يااااااارب


رجب شهر العجب
حضرو نفسكم
ربي يجعل كل ايامنة حلوة كولو أمين...

[عسل بغداد]

امين يارب العالمين يفرح انشالله كل المسلمين

[عسل بغداد]

استغفر الله

[o فرح عمريo]

يله بنات اني اطفر اجه الحب مالي
تصبحون على حب وسعاده
ودي

[عسل بغداد]

بيباي وانتي من اهل الخير والحب

[فوفو العراقية]

الله وياج حبي فروحة
ليلى سعيده عليكم.

[فوفو العراقية]

اني هم اروح انام حتى اكعد من وكت
عندي موعد السونار ساعه 10 والمكان بعيد عن بيتنه

ادعولي فدوة لعمركم إن ربي يتمم فرحتي ويكون والجنين بصحة ونمو طبيعي
لا تقصرون والله بحاجة لدعائكم كلش اخاف من السونار وأوسوس وكول يارب تكون صحة الطفل زينة
وميطلع لا بي زيادة ولا نقص.
من ارجع باجر اكتبلكم اشصار وياي
باي قلووووووب
تصبحون على خير حبايب
http://images.coronaria.fi/?id=6936429

[عسل بغداد]

وانتي من اهل الخير ربي يفرحك بالاخبار الحلوه ويرزقك الولد الصالح

[عسل بغداد]

اني العصر اروح للدكتوره
هسه راح اروح لان رجليه صارن مخاد من الورم

[*ام هيمن*]

هلو بنوتات شلونكم
منوموجودة هنا؟؟؟؟؟؟؟؟

[*ام هيمن*]

باي الوان عيوني
تصبحين على خير

[*ام هيمن*]

فوفو عيوني الله يفرحج يارب
وتطمنين على النونو وعلى صحتج وتكونون بخير انشاءالله
لتخافين عسولة حبيبتي
باجر طمنينة

[*ام هيمن*]

منو موجودة؟؟؟؟؟؟؟؟؟؟؟؟؟

[*ام هيمن*]

يلة لعد اروح انام
تصبحون على خير حبيبات

[*بنوتة عراقية*]

فوفو
حبيبتي لا تخافين هاي انتي مثلي ههههه هم اوسوس انا عندي موعد شهر 7 ومن االحين اوسوس وخايفة والله كريم

اتوكلي على الله واهل البيت واقري فاتحة لأم البنين وان شاءالله ماكو شي وترجعين فرحانة والله يتمم عليج

[عسل بغداد]

صباح الخير عالحلوات الكاعدات من الصبح
خاصه الي مكعدهم التراب

[روضانيه]

صباح العسل
اشوووونج عسووووووووول

[روضانيه]

عسووول اصلا الجو يخبل ماكوتراب

[روضانيه]

امووووووووووووووون فدوه اروح لقلبج اني لاتضوجين
الله يعووووضج يلا ننتضرر للشهر الجاي يارب ماتشوفيها منا ل 9 اشهر
هذا الشهر وصي ابو الشباب يشرب الزنك واشتغلو عدل خخخخخخخخ

[رويدة_ أم ألق]

صباح الخير والعافية

البارحة متواعدين كلنا على الكرواسون ههههه
أمونة ربي يعوضج ويرزقج بأقرب وقت

وعلى فكرة التزمت بمقاديرج بالضبط
ومن اجيت اعجن العجينة شفتها شبه سائلة
يعني شوية أثخن من خليط الكيك
ضفتلها مايقارب كوب طحين بعد صارت ممتاازة.

[روضانيه]

صباح الانوار ام اللوق الورده
شااخبار اللق مااعرف كل مااذكرها اضل اضحك الله يسعد قلب هالبنت
امبينه وكيحه خخخخخخخخخ

[o فرح عمريo]

صباح العافيه على الجميع شخباركم بنات ان شاء الله تمام
حبي فوفو الله يسهلج ان شاء الله وينولج الي ببالج وتجين تبشرينا بأخبار حلوه يارب

[o فرح عمريo]

هلووو حوري قلب شخبارج مشتاقتلج وشخبار الدراسه بشرينا
هلوو ام الوقه حبي شلونج وشخبار الوقه بعدها مجلبه مترضى تطلع هههههه
وبعد منو اكو
هاا عسوله حبي شلونج وشخبارج ان شاء الله تمام

[o فرح عمريo]

وينكم الو الو

[روضانيه]

هلا فروح مشتاقوووووووووون اشونج قليباتي

[**نورا**]

صباح الورد شلونكم شكو ماكو
**** فوفو كبد انشالله تروحين وتجين وياج اخبار حلوه ****
****** امونه حبي انشالله شهر الجاي يصير عندج حمل نصيحه اكلي انناس فضيع منشط طبيعي *****
عسوله عمري الورم مو خوش سالفه خاف الضغط عندج مرتفع جيكي نفسج
الباقين انشالله تكونون بخير

[روضانيه]

فروح اش راح اطبخين اليوم للغده ؟؟؟؟
بعد ماطبخت ومابيه حيل افكر ش اطبخ

[**نورا**]

اني صايره من اكوم واكعد منطقة الحوضج والظهر توجعني كلش والنوم صاير مزعج كلش مدا ارتاح ابد

[روضانيه]

هلا نواره منووووووووووووووووووووووووووره ههههههه
عسوووووله اسم الله من الضغط خايبه قلللي من الملح
خلي بالج على البيبي مالتي > اتروح له فدوه خالته حواري

[o فرح عمريo]

هلوو حبي حوري اني بخير اسأل عنج انتي شخبارج ان شاء الله تمام
واني مشتاقتلج اكثر البارحه اشو مختفيه مشفتج ابد خير ؟؟
هلو نورا صباح الانوار والعافيه وكل عام وانتي بألف خير ان شاء الله
ويارب تحقيق الاماني

[روضانيه]

نواره اني همين نفسج
دا احس مرات بثقل بطني
مع لسه بدري عليه

[رويدة_ أم ألق]

هلااو حوري هي هم من تذكرج تضحك على الكتاكيت السود
هاي كله طبعا من سواد وجه أمهن وعمايلها هههههه <<< متخلصين من عندي


فروحة شلونج .. الحي شلون وضعه هسة؟
لحد قبل سنة كان مو تمام

فادية وسجاوي وفاطمة وكل الحوامل الله ينولكم اللي ببالكم
ويحفظ أجنتكم.

[o فرح عمريo]

ولله حوري اليوم مو عليه الغده لأن احنه اثنين يوميه على وحده اني البارحه طبخت باميه واليوم مرت حمايه رح تسوي مقلوبه

[**نورا**]

هلا بيج عيون نوريه عله كولة ام رجلي هههههههههههههههههه
الوان كبد مشكوره وانتي بالف خير

[روضانيه]

فروووح مامختفيه بس جان البارحه خطار اهل زوجي عدنا
وجنت ادرس حمايه خطيه بكلووريا
وكعدت ساعه اربعه اراجع له الفجر
وهسه دايخه ومابيه حيل اطبخ
محمد جاب الريووك من السوك كباب شوي بعده مااكدر اكوله جيب غده وياك هههههههه
بس الصدوك كولش تعبانه من البارحه لليوم متت
فروووح اني الاشووق وربي > ياربي لو انتي قريبه عليه اهئ اهئ

[روضانيه]

رويده دجاجتي شافها الديج وتخبل يوم كامل ايصيح خبصنا
محمد يكووول شاف جهاله واتخبل هههههههههههههههههه
ع الدجاجه الجديده ضامه افراخ ل الق لمن تطلع
من اجي للديوانيه ادزهم الج للنجف

[رويدة_ أم ألق]

ست حوري معرفتي شلونها الاسئلة اليوم؟

ابن اختي سادس وبالي يمه

هو كلش شاطر يريد يطلع أول على المحافظة
حاولت أتصل لكيت خطي معلقيه! وقاسم طالع.

[روضانيه]

يلا انتي نوريه واني حوريه على نفس الوزن
صارت ساعه 12 اروح اطبخ
لايجي محمد وينصدم

[رويدة_ أم ألق]

تسلمين عيوني بس ياريت يكونون أولاد حلال ههههههههههههه
منريد بلاوي فصل وكعدة

[روضانيه]

اوكفيلي ست رووويده هسه اخابر واسئلج

[روضانيه]

عاد مو الهل درجه
ترى دجاجتي غلطة مرة مو كل مره تغلط هههههههههههههه
لالا مو نفس الدجاجه كففت غيرها صرت هل المره خبره
يارب تطلع شريفه خخخخخخخخخخخ

[روضانيه]

ست رويده ايكووولسهله الاسئله
لو مامتصله احسن لي ضجت اهئ اهئ اهئ
الله كريم تصفه

[رويدة_ أم ألق]

تسلمين عيوني حوري بس ليش ضجتي؟

[o فرح عمريo]

رويده حبي الحمدلله تمام الوضع هنا
يله تعالي فد يوم حتى بلكي نكدر نتشاوف
روحي حوري طبخي احسن ماتنخبزين من محمد تره فصل النت قبل شويه سوري حب

[عسل بغداد]

هلو بنات رحت نمت وهسه كعدت

[عسل بغداد]

تسلمون حبيباتي عالدعوات الله يفرح قلوبكم

[o فرح عمريo]

نوم العوافي عسوله
صدك شنو اسماء اطفالج ؟؟

[عسل بغداد]

بنات شنو العطر بالحلم حلمت عدنان مسافر ومن رجع جابلي عطر

[عسل بغداد]

هلو حبي فروحه الله يعافيج علي وفرح

[عسل بغداد]

حوريه هنيالكم ماكو تراب يمكم والله هنا انكلبت الدنيا

[عسل بغداد]

هاي شنو اشو بس شفتوني انهزمتوا

[o فرح عمريo]

اهاااااااااا حلوو على اسمي
ربي يحفظهم ويخليهم ان شاء الله
ولله مااعرف بالأحلام بس بحثي ع الكوكل ان شاء الله خير
عاد انتي لازم تخسري عطر لزوجج بحجة الحلم هههههههههههه

[o فرح عمريo]

ولله احنه هم انكلبت الدنيا هنا
حرامااات التنظيف اهئ اهئ

[عسل بغداد]

اني صايره اكره العطور من حملت لهسه

[نعومه التميمي]

هلو ينات شلونكم

[نعومه التميمي]

hwaml7hwaml7hwaml7hwaml7hwaml7hwaml7hwaml7hwaml7hw aml7منو موجود

[نعومه التميمي]

كل ما اجي محد موجود

[عسل بغداد]

صباح الخير والعافية

البارحة متواعدين كلنا على الكرواسون ههههه
أمونة ربي يعوضج ويرزقج بأقرب وقت

وعلى فكرة التزمت بمقاديرج بالضبط
ومن اجيت اعجن العجينة شفتها شبه سائلة
يعني شوية أثخن من خليط الكيك
ضفتلها مايقارب كوب طحين بعد صارت ممتاازة.
اي صدك اني هم ضفتلها طحين بس بقت ناعمه ماحجرت

[**نورا**]

احنه اليوم مطر وكراكيع وعالكه يمنه هههههههههه
منوره عسول حبي شلون صبحتي

[عسل بغداد]

هلو نعومه اني موجوده

[**نورا**]

هلووووووووو نعومه منوره

[عسل بغداد]

هلو عمري نواره شلونج الحمد لله بس بعدني مورمه

[نعومه التميمي]

هلوعسل شخبارج

[نعومه التميمي]

هلو نورا عيوني

[عسل بغداد]

انتي والنونو ورنوده شلونكم

[**نورا**]

انتي تاخذين حبوب ضغط مو ؟

[**نورا**]

الحمد لله احنه زينين بس رنوده مدمرتني نحسسسسسسسسسسسسسسسسسسه تموت النهار كله تتزعل وتبجي وتون ما اعرف شسويلها حرت وياها
هلو بيج عيني نعومه

[عسل بغداد]

نورا اني عندي ارتفاع بالضغط بس اخذعلاج

[عسل بغداد]

هاي بنتج تغار من النونو لان فرح قبل فتره تعبتني هم هيج بس تتونون وكامت تحجي مثل الازغر منها بالعمر بس هسه عقلت

[نعومه التميمي]

اذا على الضغط دائما اشربي ماء اهواي يخفف الضغط

[**نورا**]

اني هم نفس الحاله حبايتين باليوم اخذ ومن تركتها صارت بيه التهاب بالعصب السابع انعوج حلكي ورجعتني عليها الدكتوره
بس حذرتني من الورم كالت من تلاحظين ورم لتسكتين عليه

[عسل بغداد]

ها نعومه وين رحتي

[نعومه التميمي]

شكدعدكم اطفال اني عندي بس ديمه عمر 11شهر

[نعومه التميمي]

سوري نيمت بنتي واجيت لان اليوم منامت من وكت اول مره سويه يوميه 12 يله تنام

[**نورا**]

اي هسه رند هم نفس الشغله هم تحجي مثل الجهال وبس تون وتبجي وتنوح
وبالنسبه للمي صح كلامج حبي نعوم لان هم نصحوني بي كالو زين

[**نورا**]

اووووووووو فدوه لله نوم العوافي صغيره بعدها الله يخليها الج وللبابا مالتكم

[**نورا**]

اني عندي بنيه وحده عمرها 8 سنين وهسه حامل بشهر السابع

[عسل بغداد]

باجر انشالله اروح للدكتوره لان اليوم ما اعتقد تكعد

[عسل بغداد]

الله يخليها وتشوفيها عروس اني عندي ولد 11سنه علي وبنيه 4سنوات فرح وهسه حامل ب7

[**نورا**]

انشالله خير هوه الحمل شو صاير صعب هالفتره مدري ليش قبل جانو يحبلون ويجيبون ومحد يحس عليهم

[نعومه التميمي]

الله يخليه الج يارب ويكومج بسلامه طبعنا اني هنا بهذا التجمع اول مافتح بس صار تقريبا 4شهور ما داخله لان جنت مسافره
صايره اهواي تغيرات ماشاءالله كثرانات البنات الله يكثرهم

[نعومه التميمي]

الله يخليها وتشوفيها عروس اني عندي ولد 11سنه علي وبنيه 4سنوات فرح وهسه حامل ب7

الله يحفظهم الج وشوفيهم كبار تفرحين بيهم

[عسل بغداد]

يله بنات من رخصتكم اسوي ريوك لفرح واجي

[عسل بغداد]

تسلمين عيوني ويفرح قلبج

[نعومه التميمي]

هاي شنو يا ريوك يمعوده اني هنا ابو ديمه وديمه نامو جاي اني افكر بل الغده مال باجر

[**نورا**]

الله وياج عسول وسبع عافيات عله قلب الكتكوته

حمد لله على سلامتج حبي 4 اشهر هوايه اكيد تلكين تغييرات هوايه هههههههه

[*بنوتة عراقية*]

سلام عليكم اخباركم؟
بنات عندي الم قوي بصدري واحس صلبات هذة عادي؟

[نعومه التميمي]

اي والله مو اول شي انتقلت على غير بيت ماكو اسبوع وسافرت للعراق اشوف اهلي
سلامتج بنوته خير شبيجمارحتي للدكتور

[**نورا**]

و عليكم السلام حبيبتي منوره
اني صارت عندي هاي الحاله قبل ما احلل الحمل اتصلي على الدكتوره مالتج احسن شي

[**نورا**]

نعومه بيا دوله عايشه انتي حاليا

[*بنوتة عراقية*]

والله هسة انتضر تتصل علي دكتورة
متت منهن الم قوي عندي وخدر حتة من كعدت من نوم كان صلبات والله حتة ملابسي نزعتهن من كثر ما ضايقة منهن

[عسل بغداد]

اجيتتتتتتتتتتتتت

[قمر بغداد]

هلة هلة بنعومة شلونج شخبارج مشتاااااااااااقون شكو ماكو سولفي؟

[نعومه التميمي]

بستراليا
بنوته ادخلي اسبحي ماي حار بلكي يرتاح جسمج

[قمر بغداد]

هلة بعسولة المغسولة كل الهلة

[**نورا**]

المي الحار يكولون مو زين للحامل هذا حجي بيبيتي بعد ما ادري هههههههههه
بعيده هوايه نعومه الله يساعدج
احلا جيه عسول هلا بيج
قموره منوره

[نعومه التميمي]

هلة هلة بنعومة شلونج شخبارج مشتاااااااااااقون شكو ماكو سولفي؟

هلو حبي انتي شلونج اخبارج بشري حملتي لو بعدج
اني زينه رحت للعراق اشوف اهلي والحمدالله شفتهم وشبعت منهم
وديمه صارت 11شهر عمره بس وكحه

[*بنوتة عراقية*]

هوا ليا شهر يختفي الم؟

[قمر بغداد]

ولجن وينجن

[عسل بغداد]

هلو هباوي شلونج اخبارج

[نعومه التميمي]

والله اني حملي حلسته كل سبح مي حار

[*بنوتة عراقية*]

نعومة
والله يكولون مو زين ماي حار هههه بعدين اهنا ميتين من حار هنوب نسبح ماي حار هههه

[قمر بغداد]

نعومة صدك جذب شبيج اني هسة دخلت بالسادس بس انتي جنتي مسافرة ومختفية عن الانظااااااار شفتي تذكرين معاناتي ههههههه

[قمر بغداد]

هلوووو عسل
هلو نورا
فدوة ديمة كبرانة حبيبتي عود شوفينه صورتها؟؟؟؟؟

[قمر بغداد]

كبدااااااااات شبيج سلامااات ليش تسبحين بمي حار

[قمر بغداد]

الووووووووووووووووووو

[نعومه التميمي]

نورس حبي الله يكومج يسلامه يارب يشوفين احلى نونو بحضنج
والله سوري موهنا الدنيه بارد احنه بل عكس عدنه شته فنسيت هههههههههههههه

[قمر بغداد]

نورس منو؟؟؟؟؟؟؟

[نعومه التميمي]

هو اريدانزل صورته هي تكول خلي خالتي يشوفني شلون كبرانه

[نعومه التميمي]

سوري تيهت والله

[قمر بغداد]

ههههههههههههه يلة عادي حقج حبي

[عسل بغداد]

النت كلش بطيء شلع قلبي

[قمر بغداد]

اسم الله على قوليبج

[عسل بغداد]

هبه انتي وين عايشه

[فوفو العراقية]

صباح الخير و مساء الخير عليكم جميعا
الحمد لله رحت سونار
والبيبي مالتي صحتة والحمد لله ممتازة
وكلش فرحت انه بخير
وطبعا كالولي جنس البيبي (ولد) وجان كلش مبين كالو 99%
واخذولي صور 2 للعضو لان تكول خصاوية بكبر طيزة ههههههههههه ياترى المن يشبه ؟ هههههههههههههه
اترككم مع الصور والحمد لله كلش فرحانة على نعمة الصحة
اطمن قلبي وربي يطمن قلوبكم كلكم.

http://forum.hwaml.com/imgcache2/hwaml.com_1337681740_526.jpg (http://www.hwaml.com/up/)

http://forum.hwaml.com/imgcache2/hwaml.com_1337681740_815.png (http://www.hwaml.com/up/)

http://forum.hwaml.com/imgcache2/hwaml.com_1337681740_342.png (http://www.hwaml.com/up/)

http://forum.hwaml.com/imgcache2/hwaml.com_1337681741_363.png (http://www.hwaml.com/up/)

http://forum.hwaml.com/imgcache2/hwaml.com_1337681741_912.png (http://www.hwaml.com/up/)

[*بنوتة عراقية*]

الف حمدالله وشكر اللهم صلي على محمد واله محمد
الله يكمج بسلامة وتشوفي عريس

[قمر بغداد]

عسووولة اني هبة عايشة بغداد /منطقة زيونة وانتي؟؟؟؟؟؟؟

[عسل بغداد]

هلو فوفو الحمد لله على تمام الخلقه والعافيه يارب تشوفي عريس

[قمر بغداد]

فوفو كلشي مفتهمت من الصور بس الي طالع بيها راس الطفل افتهمته
اللة يسهل عليج وعلى كل البنات ويتمم الفرحة يارب

[*بنوتة عراقية*]

فوفو
شوقتيني بهذة اليوم يمتة اشوفة هههه والله متشوقة وايد

[عسل بغداد]

ادري بيج هبه قابل كتبت سوادي
اني ساكنه بحي الجهاد

[قمر بغداد]

نعومة صحتج شلونها؟؟؟؟؟

[قمر بغداد]

عابتلج شكد لئيمة هههههههههه سوادي منو لو حسنية بيها مجال خخخخخخخخخ
هلة بأهل الكرخ عااااااااااااشو

[عسل بغداد]

هله بيج عيوني بسلا تطلعين زوجه ياسر سامي

[قمر بغداد]

بس حلوة مال سالفة سوادي ضحكتيني هههههههاي

[قمر بغداد]

ههههههههه لايمعوده شجابني عالسومرية

[قمر بغداد]

اكلجن شلون اسوي شريط الحمل؟؟؟؟؟ترة اني فدوة وحدة مطفية ههههه

[قمر بغداد]

اختفيتو بس لا عاطوووووووووووووو الجهال

[o فرح عمريo]

مساء الخير من جديد شلونكم
النت شلع كلبي بطئ يمووووت

فوفو حبي الحمدلله طمنتينه كلش فرحتلج ولله
يارب يتربى بعزكم وتشوفي احلى عريس

[*بنوتة عراقية*]

هلووووووو الوان شلونج اخبارج؟

[قمر بغداد]

الوان انتي جديدة لو اني ما ادري
بس كل الهلة واللة بالخير

[o فرح عمريo]

هلوو قموره شخبارج
هو اكو موقع تدخلين بي معلومات وتنسخين رابط تخلي بالتوقيع ويصيرلج شريط حمل
اتذكر قاريه بالمنتدى هيج موضوع وبي الموقع
او تضغطين على اي شريط حمل مسوياته البنات هو رح يطلعلج الموقع

[o فرح عمريo]

هلوو بنوته حبي شلونج اليوم ان شاء الله تمام
اني بخير اسأل عنج

قموره بيج اكثر عمري اي اني من فتره دخلت بالدردشه بس من فتره اشارك بالمنتدى

[قمر بغداد]

هاااااااااااا يعني يصير اغلسة من اي بنية خوش لعد هههههههههه

[عسل بغداد]

بخخ النت فصل وهسه رجع

[قمر بغداد]

اهلا بيج الوانه منورة

[قمر بغداد]

ارووووووووووووووووح ولنا لقاء جديد انشاء اللة
بااااااااااااااااااااااااي

[فوفو العراقية]

حبيباتي تسلمولي
ربي يبارك بيكم وبعيالكم ويخليلكم اطفلكم ويتمم عليكم حملكم بكامل الصحة الكم والاجنتكم
الحمد لله على نعمة الصحة
متعرفون اشكد اطمنت لما كالت صحتة كلش زينة ونموة طبيعي وكامل الاعضاء
طول الليل قلقانة وعندي ارق
ربي يتمم على كل وحده فرحتهة يااارب
مشكورات ياقلبي كلش هواي.

[o فرح عمريo]

هلووو عسوله نورتي

قموره هذا الموضوع

طريقة عمل شريط الحمل بالصور (http://forum.hwaml.com/t14737.html)

[*بنوتة عراقية*]

الوان والله انا الحمدالله بس الم بصدري ذبحني اليوم كعدت وحسيت انو خدرانات كلمت دكتورة كالت طبيعي

[مجنونة بحبها]

هلووووووووو

شنو هاي اشكد مسولفين اروح اقره الصفحات وارجع

[o فرح عمريo]

سلامتج حبي بنوته مدام كالت طبيعي ليظل بالج
هلا بأمونه حبيبة قلبي منوره حب
شخبارج ان شاء الله تمام

[فوفو العراقية]

هلو حبي امونة شلونج قلب لب

اني ترى ماقريت الصفحات كلهة
لان نعسااااااااانة
والله الموعد جان فاتني
ههههههههههههه موقته الساعه ومن دك المنبه طفيته ونمت
لوما فز رجلي بالوقت الضايع جان ارح علينة الموعد هههههههههههه
يمكن بعد شوة اروح اقضي نوم ههههههههههه.

[o فرح عمريo]

بنات اني اروح احضر الغده لزوجي لأن بعد ربع ساعه يجي
وهم ياله اروح اتمكيج وابدل شلون خلك هع هع
بااااااااي

[*بنوتة عراقية*]

الوان والله كلشي نتحمل بس شسوي الله كريم

يلا روحي عدلي نفسج الله يهنيكم

[*بنوتة عراقية*]

والله صايرة مالي خلف لمكياج ولبس حتة زوجي يكول صايرة ما تهتمين بنفسج ههه مثل قبل كتلة مالي خلق من حمل مالي نفس اسوي شي

[عسل بغداد]

http://forum.hwaml.com/imgcache2/hwaml.com_1337685480_445.gif (http://www.hwaml.com/up/)http://forum.hwaml.com/imgcache2/hwaml.com_1337685480_481.gif (http://www.hwaml.com/up/)فوفو الله يتمم فرحتك يله كولي شنو راح تسمينه

[عسل بغداد]

هلو امون شلونج حب حب

[فوفو العراقية]

عسولة
هاي المباركة الي؟

لو الي شكرا ياقلبي والله يبارك بعمرج ويفرح كلبج
وانتي هم انشاء الله اليوم تبشرينا وطمنينة عن البيبي,
وعن الاسم والله بعدنة ما نوينة
لان جنة معتقدين بنت وكلنة اسمهة رونق بس هسة تغير الوضع
والايام هواي الكدامنة راح نختار اسم حلو ومنغيرة بعدين ههههههههه وانتي؟

[*ام هيمن*]

مبروك فوفو حبيبتي
الله يحفظة وتولدين بسلامة يارب

[*ام هيمن*]

بنوتات بليز محتاجة مساعدتكم
ابني عندة اسهال صار 12 يوم
وديتة للدكتور كال عندة التهاب امعاء
وانطاني علاج وشراب فموي يمنع الجفاف
وماكو فائدة خروجة الله يكرمكم اخضر سائل وبي نقط بيض
خايفة علي حتى وزنة قل خطية وتعبان على طول
وديتة لاكثر من دكتور ونفس الحجي ونفس العلاج ينطوني
عمرة 5 اشهر
عدكم علاج زين ينفع وياه لان حيل تعبانة وخايفة علي

[فوفو العراقية]

انت روحي
حبي الله يبارك بيج
حبيبتي
بالنسبة لابنج الله يعافي ويخلي ويبعد عنه السوء
حبيبتي والله ماعرف شنو احسن شي اله بس جربي انطي روبه حامضه
يمكن شوية تفيده
ولو ميتقيئ ف ماعليه شر ان شاء الله
حبيبتي يمكن بسبب العلاج وبعده يتعافا بعون لله
لان يمكن العلاج من يخلص يروح الاسهال.
مايشوف شر والف سلامة عليه.

[عسل بغداد]

حبي ام هيمن الله يشافيه اهم شي انطي سوائل بدون سكر وكلي محلبي بدون سكر يروح الاسهال

[عسل بغداد]

بس مادام عنده التهاب بالامعاء يطلع الالتهاب وي الخروج احسن ولا يبقى بجسمه والاخضر استبراد

[مي &]

هلو بنات شلونكم شخباركم

قريت شويه من الصفحات واجيتكم

حبي ام هيمن الله ايساعدج انتي ابنج اسهال واني بنتي امساك الله ايعينه

حبي اذا انتي ساكنه بغداد ودي لدكتور رشيد صديقتي جان ابنهه اسهال ودتهه لدكتور رشيد زصار زين رأسا

[مي &]

فوفو حياتي حمدلله على السلامه النونو وهمزين اطمانيتي عليه
الولد الصالح البار انشالله ويوم الي تشوفي بحظنج

[عسل بغداد]

هللللللللللللو فوفوشلونج كبد اخبارج مشتاقون بروره شلونها

[فوفو العراقية]

مي حبي مشكوووووووووووورة ياعمري
الله يبارك بعمرج ويفرحج ب برورة

حبي ترى الامساك اسهل من الاسهال وثنينهن صعبات
ربي يحفظ اطفالكم ويبعد عنهم السوء.
انطيها كوجة حتى لو عصير سوي كلش راح يفيدها.

[عسل بغداد]

اسفه قصدي ميوشه الحلوه

[عسل بغداد]

كمت امسلت ههههههههه

[مي &]

هلو عيني حبايب شلونكم مشتاااقين

اخباركم

[مي &]

هههههههههههههههههه
اكول هسه هااي شبيهه
لا اكيد منايمه الظهر
مثلي ظليت اسولف ويه حسين الا ان هو طلع واني نومتي طااارت

[فوفو العراقية]

هلوووووووووو عسولة
ها بشري؟
رحتي للموعد؟؟؟؟؟؟؟؟؟؟؟؟؟؟؟
اشطلع؟ وشلونه البيبي.

[مي &]

شخباركم البارحه مدخلت للتجمع
الصبح جان عندي شغل والعصر رحت يم بنات اثنين ازواجهم ايصيرون اصدقاء حسين
حيل اتونست وياهم واتعشيت وياهم وبعدين رجعت بـــ 9 ونص تقريبا
التهيت ويه ابرار
فماصارلي مجال اشوف اخباركم

بس تدرون حيل اشتافيتلكم

[عسل بغداد]

اني مانمت الظهر هاي اولا لان كعدت متأخره
2عندي موعد وي الدكتوره ومثل الي عنده امتحان كلش متوتره
احلى اشتافيتلكم بالدنيا

[مي &]

خخخخخخخخخخخخخخ اشكد عيب مو كتلج منايمه الظهر يمعوده دغلسي

[عسل بغداد]

اسمي رابع اسم بالحجز والافندي يكلي بعد ساعتين يله اجي
اوفففففففففف لوبس عندي شويه من البرود مالته جان ارتاحيت

[مي &]

اشوكت موعدج
الله ايسهل عليج انشالله ويطمن كلبج

اي والله اشكد مزعج موعد الدكتوره

[مي &]

يله ميخالف لتوترين نفسج حتى لو فايت الاسم راسا" هسه ادخلج

[عسل بغداد]

شفت عروس البحر مالتج موعروس ياساتر سليمه البحررررررررررر

[فوفو العراقية]

ساعه بيش موعدج
؟
اكولج ترة اني ماعندس صبر ولج عسوله

[عسل بغداد]

لا هي السكرتيره حبابه

[فوفو العراقية]

عسولة راح اشك هدومي
متجاوبيني ليش مغلسه عني
وااااااااااااء
واااااااااااااااااااااااء
وااااااااااااااااااااااااااااااااء

[مي &]

اي والله منظر مرعب هاي جنيه البحر ههههه

[عسل بغداد]

اني كلش ماعندي صبر وازعج شي من يواعد وابدل واكعد انتضر
اني لهسه متحضرت ولا بدلت لفرح الحووووووووووبه

[عسل بغداد]

اسفه كبداتي المفروض هسه يم الدكتوره لعد شدا احجي صالي ساعه

[مي &]

ولج ليش تحجين على فروحه خطيه
اكول هي شكد عمرهه واخوهه اشكد عمرهه

[عسل بغداد]

وج دقتني تريد ابدللها وبس تنك عمرها 4 سنوات وعلوش 11

[عسل بغداد]

,,,,,,,,,,,,,,,,,,,,,,,,,,,,,,,,,,,,,,,,

[عسل بغداد]

تدرون جان اليوم موعد ولادتي

[مي &]

عنونه حياتي هي

زين فهميه كوليلها بابا لحد هسه مجاي اخاف ابدلج وتتوسخ ملابسج

[عسل بغداد]

غير لو تقتنع شلون علاوي يبدل وهي لا

[مي &]

انشالله حبي اتجيبن بتاسع وتمام وكمال
واتشوفين الطفل بصحه وعااافيه امين ربي
ايسهل عليج وعلى كل الحوامل

واولكم ام الوقه لان هسه موعدهه

الله ايسللكم انشالله

[عسل بغداد]

تسلمين حبي

[مي &]

ايسللكم يعني ايسهللكم
كبل متلكفني سجى ولج اخلصت من رويده طلعتيلي انتي هههههههههههههه


اي حبي هاي اكثر البنات الي ابعمرهه واصغر منهه هيج يتصرفون مو دا اشوف كبالي هوايه طفلات هيج
اتخبل غير اذا صارت بروره اتنق ايدي ولراشدي
هسه سجاوي اتكول هاي شبيهه صارلهه ساعه تنصح بيه فهميه وعقليهه واحجي ويه الطفله زين
هسه اكيد اتكولين عليه بيه انفصام بلشخصيه
هههههههههههههههههههههههه


حبي احجي وياج هيج دا اهديج بس تريدين الصراحه اني نار من العصبيه وما اتحمل طفل لزكه
اذا بروره اتصير هيج ومثل بت حماتي مزعج اضرب

[مجنونة بحبها]

هلوووووووو


فوفو مبروك على سلامه البيبي ويارب تشوفيه بصحه وسلامه

[مي &]

هله وميه هله بام بنونه
شلونج

[عسل بغداد]

هسه شلكيتيني شلون ام حنونه اذا انتي ايدج والراشدي عندي خاشوكه خشب مال مطبخ تموت كون اضوكيها ذاك اليوم دا اضرب وجان يجي عدنان وحصل وحده عالواهس ردت اترزل بس سويتها بالشقه

[عسل بغداد]

هلللللللللو امونه

[مجنونة بحبها]

هلو مي شلونج وشلون بروره

[مجنونة بحبها]

هلو سجاوي بعدج مرايحه للدكتوره راح تصير مغرب شوكت تروحين

[مي &]

خخخخخخخخخخخخخخخخخخخ خطيه الرجال جته وحده طايره
ولج مواكو جهال مينفع وياهم التفاهم مثل هاي بنت حماتي دكنه كلشي متفتهم وكحه وكاحه موطبيعيه
ولا تفتهم اكعدي ولا تفتهم اي شي
اتخبل من طفل هيج

[فوفو العراقية]

هلو امونة قلبي
شلونج
الله يبارك بعمرج ويرزقج الولد الصالح عن قريب يارب
والله كلش منتظرة فرحتي بيج وسماع خبر حملج
ياااااااااارب ياكريم يرزقج الطفل اللي تتمنيه.

[مجنونة بحبها]

مي تعالي شوفي بنونه من تريد شي تقفل
واذا صارت عصبيه تكتلني مو انا اكتلها هههههه
قبل شويه خبلتني شوهت وجهي تشوه وانا اكول صغيره خطيه وماحاجيها

[مي &]

تسلمين حبي امونه بروره زينه
بس بطنهه بعدهه الا بلتحميله يله تطلع >> وانتي بكرامه

[مجنونة بحبها]

هلا فوفو حبيبتي تسلميلي

انا ايست من نفسي

وقررت انسه الحمل لان صار بلنسبه الي شي مستحيل

[مي &]

يا انتي اكلتي كتله من بنونه

شوفو هااي جهال اخر زمن

ولج حبي ام بنونه مو اخاف تتعود

[عسل بغداد]

من الله يسهل يله نروح(الا يجي الفرج)

[مجنونة بحبها]

ياحبيبتي خطيه ليش هيج هيا هسه اشكد عمرها

[مي &]

لا حبي امونه عليج الله لتكولين هيج الله ايرزقج هلشهر انشالله بحق فاطمة الزهراء

حبي ذاك اليوم جنه ابكربلاء الله شاهد عليه وداعت بنتي منسيتج واندعيتلج من كل كلبي الله يرزقج انشالله

[مي &]

حبي ام بنونه ليش مجيتي ويه زوجج للنجف جان بلكي نلتقي اني وياج

[مجنونة بحبها]

لعد شسوي خطيه صغيره وابوها يتخبل اذا شافها تبجي

وهيا ماتطلع حركتها بس بيه

والله ملختني تملخ راشديات وتخرمش بوجهي

جنها بزونه ههههههههههه

انا مواكلج خيره مرات اعيط بيها واضربها من جوه ليجوه

بس اليوم لا انا مقهوره وضاله بس ابوس بيها هههههههه

وهيا جانت ضايجه فصارت تضرب بيه

[عسل بغداد]

اليوم فرح كاعدتلي مثل عماتكم
كويت عباتي ولبستها دااشوف الكسرات هي واكفه يمي تسويلي
حلوه حلوه وبعصبيه

[عسل بغداد]

يله حبايب اروح اتحضر بيباي

[مي &]

هههههههههههههههه يمه فروحه تنكرط كرط
ولج لتذكريني ابعمتي يوووووووووووووووووووووووو

[مي &]

الله وياج حبي بسلامه انشالله

[مجنونة بحبها]

مشكوره حبيبتي مياوي

جنت تعبانه وهو راح ويه صاحبه وبنونه مزعجه تعبني من نطلع وبقيت


سجاوي فديت فروحه صارت كماشه هههههههه

[مجنونة بحبها]

الله وياج بس ترجعين تعالي طنينه عنج

[مجنونة بحبها]

انا هم اروح احضر الفطور لزوجي باي موقتا

[فوفو العراقية]

امونة
ليش هيج تحجين
ولا تيأسو من رحمة لله

بس تدرين؟
احسن لو تنسين اصلا
تعرفين اني متعودة قبل من اول نومة احبل؟
وهسة بأخر محاولة حمل ضليت 4 اشهر ياله صار
وكنت اخر شهر يااااااااااااااااءسة من الحمل وحللت بس لانو جانت صرتي توجعني من العب رياضة
واللي ضوجني كلش اني كنت مسوية رجيم يساعد على الحمل بولد خلال 3 اشهر
وماكتشفت الحمل الا بعدما كنت يائسة وكلت بعد ماريد اسوي بس تجي الدورة
وقررت ااجل الموضوع لمدة سنة
بس سبحان الله تم الحمل بمشيأة الله
انت تريد وانا اريد والله يفعل مايريد.

[مي &]

بنات دا اكل نوتيلا
اموت عليهه وحسين ايجيب وينكل بلهل علب
همزين وزني ثابت


http://forum.hwaml.com/imgcache2/hwaml.com_1337698461_362.jpg

[فوفو العراقية]

باي حبي عسولة
ربي يطمنج وتجيبيلنة اخبار حلوة مثل وجهج ياعسل.

[مي &]

الله ويااج حبي امونه

[مي &]

فاديه اشوكت اتدخلين السادس

[مي &]

وينكم اشو محد ماكو هنايه

ضاااااااااااااااااااااايجه

[فوفو العراقية]

هلو حبي مي
والله ماعرف بس اني كل 18 بالشهر ادخل شهر جديد
بس جدول الحمل هذا مدا يتغير هههههههههههه
اني هسة 22+1

[فوفو العراقية]

اعتقد باجر يتغيير لان بغير منتدى تغير اليوم..

[فوفو العراقية]

مي
شمسوية عشة؟؟؟
اني ماحب اللحم واكل بس دجاج
واليوم مسوية تمن باكلة خضرة ويا دجاج مسلوكويا البتيته ومقلي محمر وسلطة وحركات هههههههه

[o فرح عمريo]

مساء الخير

[عذراء الجابري]

سلام عليكم بنات
مبروووووووووووووووووووووووووووووووووووك فادية انشاء الله من اولاد السلامة
ولجن صارلي ساعة كاملة اقرأ بلابل عصافير شكد تحجن صدك نسوان ههههههههههه

[o فرح عمريo]

اكو بنية تتفرج هي وزوجها في مسلسل تركي مترجم بالعربية وفي لحظة رومانسية
زوجها كللها .. كلبي
...
...
...
... ابتسمت وكالتله : نعم ياروح كلبي.
...
كاللها : كلبي على الجزيره الرياضيه لااكلب وجهج

[o فرح عمريo]

هلوو ميوش حبي شلونكي

[فوفو العراقية]

هلووووووووووو قلب عذراء
الله يبارك بيج ويخليلج اللعابه مالتج هداوي
حبيبتي شكرا
بشري شلون صارت بطنها؟؟؟؟؟؟؟؟؟؟؟


فروحة حبي يا هلا ويا مرحبا نورتي ياقلبي.

[عذراء الجابري]

( ربنا اغفر لي ولوالدي وللمؤمنين يوم يقوم الحساب )

[o فرح عمريo]

هلوو فوفو حبي هذا نورج ياقمر
شخبارج ان شاء الله تمام
كلش فرحتلج ان شاء الله يتمملج ع خير
وتشوفي احلى عريس

هلوو عذوره شلونج وشلونها هداوي ؟؟

[فوفو العراقية]

ههههههههههه عذراء ويص ويصصصصصصصصص كتاكيت وعصافير هههههههههه
اي لعد شلون غير نطلع طاقاتنه هههههههههه


فروحة ههههههههههههههههههه منيلج هاي
ولج ضحكتيني ربي يسعدج
قال كلبي قال

[فوفو العراقية]

تسلميلي ياعمري
ربي يفرح قلبج بالولد الصالح عن قريب يارب
بس يلا شدو حيلكم

انتظر اخبار حلوة برجب شهر العجب.

[o فرح عمريo]

ههههههههه ولله دا اقره نكات كلت خل اضحكهم شويه

[عذراء الجابري]

هههههههههههههههههههههههههههههههههههههههههههههههههه هههههه
خوش تحشيش الوان
فوفو الحمد لله بعدها تطحر طحر (تتعصر) عمتي تكولي هاي امور عادية الى الشهر الرابع تكتمل امعائها زين

[o فرح عمريo]

دوم الضحكه يارب

[فوفو العراقية]

عذراء
حاولي كلما ترضعيها دريعيها
كلبيها على بطنها على ايدج ودكيلها على طيزها وشوية شوية وصلي ايدج والدك على ضهرها فوك
وكلش بهدوء لغاية ماتدريع
خطية سودة علية هسة اشكد متأذية
ربي ينطيها الصحة والعافية يارب.

[o فرح عمريo]

محشش شك بزوجته راقبها..ودخل تحت السرير.. وبعد شوي جاء عشيقها !!!!وسألها ::- منو أتحبين آكثر :آني؟؟.. ولا... زوجك؟؟..

قالت بصرآحه : زوجي!!

وزوجهآ تحت السرير يبكي ويقول..
أصيله يا.................أم فلان

[o فرح عمريo]

بنات اني اترخص اروح اسوي عشه
اشوفكم بخير ان شاء الله
باي

[عذراء الجابري]

االلهم بحرمة شهر رجب المرجب والمولود بشهر رجب بارك لنا في ابداننا وارزاقنا واولادنا اللهم وارزقنا الذرية الصالحة خاصةً بنات المنتدى اللاتي يطلبن الذرية فرح الوان..زينب السعدي..ايمان..بحق محمد وآل محمد اللهم صلي على محمد وآل محمد