دردشة بنات فلسطين, دردشة حوامل فلسطين, تجمع بنات فلسطين

[**سماسم**]

بسم الله الرحمن الرحيم
فتحنا هذا التجمع من أجلكن لتبادل الخبرات والمعرفه بخصوص الحمل بهذه الفتره ..
ونتمنى مراعاة الآتي حتى لاتتعرضين للتوقيف والحضر من المنتدى :



عدم التدخل بخصوصيات العضوه .
أحترام وجهات النظر وعدم الشتم والتجريح والكلمات الغير لائقه لأي عضوه .
تبادل الإميلات والأرقام وروابط المواقع داخل التجمع ممنوع .
يمنع تنزيل أي عمل تجاري أو عروض داخل التجمع.
يمنع التطرق والتعرض للأعراض أو للعنصريه أو للقبليه أو الطائفية والتي بها تجاوزات دينيه وسياسيه.
يمنع فتح تجمعات إلا بعد التنسيق مع مشرفات القسم أو الإداره .




نتمنى التعاون معنى وأتباع قوانينا التي وضعت من أجلكن لتتمتعن بدردشه راقيه وذات فائده
,,

[غُمُوض أُنثَى]

مشكُورة خيتُو ع المجهُود ..

صَبآح الخير يآ بنآت , احسآس عسولة جآرة سما ام حمود وحواء والبآقي

كيف يومكُم ..؟

[teya]

صباح الخير بنات كيفكم شو اخباركم
كيف الحمل معكم انا كويسه الحمدلله بس الالتهابات هالكتني وعندي وجع ببطني دائمم شو بلتنصحوني بليييييييييييييز

[حواء مثالية]

صباحككم فل

[maya123]

وينكم بنات فلسطين؟ كيفكم اليوم؟

[عروبة وطن]

مسااااااااااااااءكم ورد وفل وياسمين ،،،hwaml7hwaml7


شكلهم الصبايا لسه مش عارفين انه افتتح القسم جديد ،،،

ياااااريت تخبروهم


يسعدني أن أنضم لكم في هذا القسم

كنت أتابع حديثكم في القسم السابق
عروبة وطن ،،وان شاء الله " ام عبد الرحمن " من غزة hwaml16متزوجة لي سنة وكمان اسبوع اكمل شهر ^_^


،،، احساس انثى حبيبة قلبي

وام حمود ،،، عسولة فلسطين وحواء وباقي الأخوات

أتمنالكم اوقات سعيدة

[حواء مثالية]

هلا وغلا فيكم نورتوا

الله يسعدكم يارب وان شاء الله ما ننحرم هاللمة يارب

انا طول نهاري مشغوله

عشان هيك ما اجيت اليوم

سما وعسوله وجارة واحساس سلامات الكم

[احساس أنثى]

مساكم ورد صبايا نورت الدردشة بوجودكم من جديد

أنا فكرت نفسي مع الفلونزة بطلت اشوف ههههه عشان القسم تغير

منورة عرووووووووووبة احلى تحية واحلى سلام لعروبة وطن

وان شاء الله عن قريب نسمع خبر حملك بعبد الرحمن ... الا صحيح هوا حماكي اسمو عبد الرحمن ؟

وينكم صبايا والله انا تعبانة حيل من الفلونزة والسخونة بس قلت اميل اسلم عليكم وانتوا كسلانين ونايمين

[maya123]

كيفكم صبايا فلسطين؟ في حدا هون ادردش معاه ويلا نايمين؟

[جارة القمر]

صباح الخير

بنااااااااااااااااات بكفي غياب وسفر هههههههههههه بكفي غياب والله بطلنا نعرف اخباركم بجد بجد تع نتفق ندخل يوم الخميس بالليل مع بعض واللي موافقه تكتب

حواء هلا كيفك ..........كيف لوحام
انتو بتزورو الدكتور بالشهر مره؟؟

اليوم من فترة استفرغت الصبح مع اني صرت بالشهر 4
بس ارتحت بعدها

يا جماعه سمااااااااااااااااا ضايعه ومختفيه وينها؟؟
احساس سلامتك الف سلامة ما عليك شر

[لولو حمادة]

صباح الخير كيفكم يابنات كيفك جارة
البنات مع السنة الجديدة اختفو
سما وعسولة مختفيات تمام والباقي يدوب بنشوفكم شكلو الحمل عامل عمايله

[احساس أنثى]

الله يسلمك جارة القمر

انا موافقة الخميس بالليل اكون موجودة باذن الله ... اذا ماجد جديد

ويسعد مسسسسسسسسسسسسساكم جميعا

[جارة القمر]

لولو نحن بنتفق عمالنا على موعد اجباري للكل يوم الخميس بالليل كلنا نكون بالدردشه
ولو ما كان النت شغال لازم تروحوا للكافيه ههههههههههه

وبدنا نختار الساعه
ويا ويلها اللي ما بتكونhwaml66hwaml66hwaml66
ممنوع تدخل الدردشة مره تانيه

وازا دخلت ما بتلوم الا حالهاhwaml11hwaml11

وقد اعذر من انذر وهالمره جد سامعه hwaml70hwaml70يا حواااااااااااااء

لكن لكل قاعده شواذ اذا انا ما دخلت فالحكم باطلhwaml7hwaml40

[احساس أنثى]

ههههههههههههههههههههههههههههه

والله انتي جبارة ياجارة القمر ماعرفتك هيك

[عروبة وطن]

مساءكم عسل

ايمتى الخميس ،،، في لمة حلوة ،،، لكل حوامل فلسطين ،،

شو رايكم أنزللكم فرمااااااااااان للكل يدخل ويشارك بالدردشة ،،،


أحبكم ف الله

[حلمي بطفل ثاني]

اهلين يا بنات كيفكم

[لولو حمادة]

مرحبا يابنات وينكم في حدا ولا نايمين

[حلمي بطفل ثاني]

انا هنا لولو كيفك

[غُمُوض أُنثَى]

ههههههههه جارة ضحكتيني يقطع شرك :))

..
هو بس شكله البرد مأثر شوية عشان هيك غطسناا
يوم الخميس منيح ..
سي يو صبآيآ

[maya123]

صبايا باركولي انا باقي لموعد دورتي 5 ايام واليوم اعملت تحليل طلع نتيحة ايجابية (خط وردي فاتح) باركوووووووووووووولي

كيفكم بنات فلسطين؟

[حواء مثالية]

صباح الخير احلى صبايا كيفكم شو اخباركم يارب تكونوا بخير

انا الحمدلله كثير منيحه الوحام مغلبني شوي اي جارة كل شهر بروح مره على الدكتور اليوم موعد زيارتي ان شاء الله بعد الشغل بدي اروح


سما احساس غموض مايا الف مبروك الحمل الله يكمللنا والك على خير

[جارة القمر]

صباح الخير

بدي اطمن التعميم وصل لكل حامل ......قصدي لكل وحده فيكم .....


احساس ههههههههه بينفغ اكون شرطيه ........

يلا باقي البنات يوم الخميس يعني اليوم ما بين الساعه 7-9 نحن ان شالله رح نتواجد هنااااااااااااااااااااااااا

وكل وحده تجيب ضيافتها معها

مايا حبيبتي مبروك بس والله ما تعتمدي على الفحص المنزلي اصبري وروحي اعملي فحص دم.......الله يتمملك على خير

[حواء مثالية]

هلا جارة ان شاء الله رح كون معكم كثير مشتاقلكم واليوم بطمنكم على البيبي كمان

جارة اخدتي طعم الكزاز انا اخذته من يومين وايدي بتوجعني

[جارة القمر]

ليه هاد التطعيم وما بضر الحامل خاصة اول 3 اشهر ؟؟

حواءتي يتنوري الدردشه يا قمر

[maya123]

اخت جارة الكل حكولي برضو الدكاترة ادا ببين خط شو ما يكون فاتح بدل على حمل لانو مستحيل يبين انو عندي هرمون بالبول بدون ما يكون حمل

[جارة القمر]

صحيح مايا بس ,,,,من تجارب البنات بالمنتدى كثير منهم بعد تحليل الدم انصدموا
لكن انا بقلك الف مبروك ربي يتمملك على خير

[maya123]

ان شاء الله راح استنى 5 ايام وبعدها بعمل تحليل دم ويلا ممكن من اليوم؟

[جارة القمر]

والله تنتظري افضل ...........

[حواء مثالية]

لسه مو ماخدتي انا كنت بعرف انه ممكن اخده باي فترة من فترات الحمل حكتلي الدكتورة يفضل باول ثلاث شهور حماية ووقاية ووقت الولادة بحفظ الجنين والرحم من البكتيريا والجراثيم واذا كان شي مو معقم حكتلي ضروري كثير تاخدي هلا واخدته من يومين ما اله ضرر اتصلت بدكتوري حكالي ممتاز خدي

مايا ريته الف مبروك يا قلبي ان شاء الله تقر عينك بشوفته

[سكر..مكر]

مساكم ورد يا صباياااا
انا فلسطينية وعايشه بقطر

حامل بأول اسبوع بالشهر الثالث
وهذا اول حمل لي بعد زواج سنه وشهرين

يارب يتمملنا جميعا على خير

[جارة القمر]

سكر مكر هلا وغلا فيك .......

حواء خلص بسأل عنه ان شالله .......وباخده بس انا مره اخدته وانا بالجامعه
يعني كمان مره ؟

[حواء مثالية]

مش عارفه والله انتي اسالي شوفي

سكر مكر الف مبروك الله يتمملنا كلنا على خير

[جارة القمر]

يا جماعه غياب سما بيقلق,,,,,,,,

[حواء مثالية]

يمكن ما عندها نت عشان شغل زوجها كثير بفصل عندها

ان شاء الله يكون غيابها خير

ياريت لو في طريقة نطمن عليها

[سكر..مكر]

جارة القمر
وحوااء الله يسعدكم

انتو وين عايشيين يا صبايا

[سما الدنيا]

بخخخخخخخخخخخخخخخخخخخخخخخخخخخخخخخ لعيونكم الحلوه
شو اخباركم يا حلوات يا امامير..والله اشتقتلكم مووووووووت..
كل عام وانتو بالف خير يا ربي سنة سعيده علينا وعليكم...
شكرا لكل الي سال عني ..بس والله انو صار خال زوجي اتوفا وهيك كان كتير زعلان عليه وما كان الو الواحد نفس يفتح نت عشانو...الله يرحمة ويطول باعماركم واعمار الي بتحبوهم..انا هلاء عند اهلي اخر راحه لا بطبخ ولا شي..اموري تمام والحمد لله..
كيفكم جارة وحواء واحساس ولو وعسولة وغموض وباقي الصبايا والله اشتقنا...

[غُمُوض أُنثَى]

هلا هلا سما نورت ياحلوة :))
عظم الله اجركم ان شاء الله تكون نهاية الاحزآآآآآن ..

كيفكم ياحلوآآتـــ واهلا وسهلا بكل الصبآيآ الي نوروناآ هُون :)
يا بنات الدنيا برد مش طبيعي

اسمعوا ياصبآيآ جوزي مآبدو حمل من هآن لسنة !
بيحكيلي احنا اول مرة سبنآهآ ع ربنا والتسآهيل ونزلتي ومازبط الوضع
قلي خلص هلأ لازم بالتخطيط ومش ناوي هلأ خااااااااااااااالص

وانا مش ناوية هلا صراحة غير لما تستقر امورنا ووضعنا ونكون ع وشك نرجع لغزة
اما هون في هالبلد يدوب اخد ع وضعهم اول

المهم انتو شو عاملين شكلكو نايمين
ووين عسولة شو اخبارك

[حواء مثالية]

صباح الخير كيفكم يا حلوات

والله كنت حاطة ايدي على قلبي وقلت راحت علي قعدة بتجنن يوم الخميس ولا وحده فيكم جايه حتى جارة ام التنسيق يالله لعل المانع خير انا والله يوم الخميس روحت انا وجوزي بكير ما فضيت بالمره تم عندي وهات يا دلال ويادلع الله يخليلي اياه ونمنا كمان بكيرلهيك ما قدرت اجي

سما عظم الله اجركم ان شاء الله اخر الاحزان يارب

عسوله واحساس وينكم مش طاليين

غموض حلوه فكرة زوجك خصوصا لانكم بغربة بعدين كلشي بوقته حلو لما يريد ربنا بريد الله يطعمك توأم يارب

جارة مايا لولو حمادة ما الها علوم كمان

انا رحت الخميس على الدكتور وشفت بعد قلبي ما شاء الله عنو بجنن كثير حركة يقبرني ما عرف يفحصه الدكتور بحكيلي شو مأكلتي هههههههههههههههههه وانا فحوصاتي تمام الحمدلله

الله لايحرم هالنظرة لحد وكل انسانه تقر عينها بشوفة ولدها

يالله جارة لي ما شرفتي يوم الخميس انا اجيت ما لقيت حد هههههههههههههههههههههههههه

[حواء مثالية]

والله شغلتني عليكن

وينكم لا حس ولا خبر هلا ببعت فرق بحث تدور عليكم بس ما تكونوا نايمات وانا بالشغل

[احساس أنثى]

مساكم ورد صبايا

يوم الخميس مافتح المنتدى ولا الجمعة كان في تصليحات

ربي يكرم الجميع يارب ... ويطمن قلوبكم جميعا على جيناتكم

عقبالي موعدي الخميس ... وانا على ناااااااااااااااار

[لولو حمادة]

مسا الخير كيفكم اليوم
اهلين حواء منورة الحمدلله انو البيبي وتحاليل تمام
سما عظم الله اجرك
على وجه السنة الجديدة اختفيتو

[حواء مثالية]

هلا احساس هلا لولو منورات

واناابحكي لما ما لتميتوا مممممممم انا حسيت انه المتندى في شي لهيك ما اجيت اصلا يوم الخميس ههههههههههههه

[حواء مثالية]

انا طالعة من دوامي هلا اشوفكم على خير بنااااااااااااااااات طمنوني عنكم

[احساس أنثى]

أنا هنا هل من احد هناااااااااااااا؟؟

[جارة القمر]

مسا الخيرات يا بنات
حواااااااااااااااااااااااااااااااااااااااااااء الله يتمملك على خير يا قمر ......


وحبل الكزب قصير لانه المنتدى يوم الخميس كان بطور التصليح ...........


ههههههههههههههه ...........بس بجد لازم نتفق نلتقي لو مره بالاسبوع
انا موعد فحصي يوم السبت الجاي

سما عظم الله اجركم ..................

\

بنات اللي بدها تغيب من اليوم وطالع تتكرم علينا وتدخل تقلنا قبل ما تغيب وننشغل عليها نحن حوامل والخوف النا مش منيح ههههههههههههههه


غموض والحكي لك كمان ......!!

[احساس أنثى]

ههههههههههههههه

ياخطير انت ..!!

[حواء مثالية]

صباحكم عسل

[جارة القمر]

صباح الورد والياسمين يا حواءتي ...........

[maya123]

صباح الخير لحوامل فلسطين كيفكم اليوم؟

[جارة القمر]

مايا هلا وغلا
فحصتي دم ؟؟؟؟

[جارة القمر]

بنات وينكم؟؟؟؟؟؟؟؟؟ مليت لوحدي والله

[حواء مثالية]

هلا جارة كيفك يا قمر كيف حملك ان شاء الله تمام

مايا شو اخبارك طمنينا عنك

[maya123]

هلا جارة القمر

ما فحصت دم بس عدت تحليل المنزلي وطلع خطين واضحات والكل حكالي انو هاد التحليل صادق 99% وما في حاجة لتحليل دم والله يثبت حملي وحمل الكل ان شاء الله

كيفكم صبايا؟ في حد هون؟

[maya123]

هلا اخت حواء انا الحمدالله منيحة وهيني باول حملي ومشان بكرية كتير حاملة لانو اليوم في كتير حالات اجهاض وبالي كتير مشغول

[حواء مثالية]

هلا مايا وكلي امرك لربنا حبيبتي الله يتمملنا كلنا على خير يارب

انتي انتبهي لحالك وما تعبي حالك خصوصا اول ثلاث شهور

وان شاء الله ربنا بقر عينك بشوفته بين ايديكي يارب

[جارة القمر]

الله يثبتلك حملك ........وحملنا يارب
حواء .........انا وحملي تمام الحمد لله
انت بداتي تنصحي ويبان بطنك؟؟

[حواء مثالية]

لا لسه ولا شي لا نصحت ولا بان بطني بالعكس مع الحمل انزلت 2 كيلو عشان بتم استفرغ واكلي قليل

[maya123]

يسلمو صبايا الله يثبت حملكم

انتو بتوخدو حبوب حامض الفوليك؟

[جارة القمر]

اها حواء انا ارتفع وزني بشكل بسيط بس بنت عم زوجي تقريبا حملنا بنفس الفترة كل واحد بشوفني بيقولي مالك بطن وكانك مو حامل اما هي ما شالله صارت شاريه بنطلونات حمل بطنها كتير بين ..........
انا الصبح ما بيكون لي بطن اما لما اكل ببان ههههههههههه

حبيبتي مايا طبعا باخد فوليك اسد كتير ضروري

[maya123]

جارة القمر انتي من وين بفلسطين؟

[جارة القمر]

انا من القدس..............

[حواء مثالية]

حسب جسم الوحده جارة بالرابع يمكن يبان الكل هيك بحكيلي

انا دكتوري وقف الفولك اسد لاني ما بتحمله وثقيل على معدتي هلا باخد دوى الاستفراغ بس حكالي المراجعة الجاي بنشوف وضعك وبناء عليه بتاخدي او لا بس حكالي كلي اكل صحي

[احساس أنثى]

يسعد مساكم ياحوامل وياصبايا

ربي يثبتلك حملك يارب يامايا والف مبروك

وعقبال عند البقية يقوموا بالسلامة

[غُمُوض أُنثَى]

يسعد صبآحكم ومسآكم يآ صبآيآ ..

والله يآ جآرة يآحبيبتي انا دآيمآ بفوت بس مآ بلآقي حد بطلع :))
صآيرة فوتآتكم قليلة يآ بنوتآت شكلو مع البرد ^^

بنات بدي اسالكم انا لسا جديدة عالحلويات بدي اصير اعملها
انتو شو بتعملو حلويات عادةً؟؟

ان شاء الله كلكم تكونو بخير وبيبهآتكو حلوييييييييييييين
اليوم لما رحت عالمول كان في قسم لملابس المواليد ما احلااااااااااهم صغنونين هههههههههههههه

[بينك روز]

صباح الخير صبايا كيفكم
شو اخبارك والله الكم وحشه
بدي اسئلك هلا الحامل بتحس بوجع ببطنها وظهرها بالشهور الاولى ولا لأ
لانه وجع ظهري دبحني صراحة

[حواء مثالية]

صباح الخيرات هلا بنات كيفكم

بينك روز اه حبيبتي كثير انا بالاول والتاني كثير وجعوني خصوصا ظهري

الله يهونها علينا يارب

[maya123]

صباح الخير صبايا كيفكم اليوم؟ وكيف حملكم؟

[احساس أنثى]

يسعد صباح كل الموجودين

ودام انكم بخير اكيد انا بخير ههههههه

بدك حلوياات ياغموض انا بعمل الكيك اسهل شي

بعمل الدوناتس ..بعمل فطاير الجالكسي .. والبيتي فور ..

بس من بعد الحمل ماطايقة اعمل شي مسكين جوزي قطعت فيه بحب الحلويات ههههه

حبيبتي بيتك روز طبيعي يجعك ظهرك بالشهور الاولى بس ديري بالك على حالك

أنا لما حكيت للدكتورة حكتلي اهم اشي الراحة بنخاف من الاجهاض بعيد الشر طبعا عنا جميعا

كيفكم مايا وحواء شو اخر اخباركم متى حتتزوج بنت حماتك ياحواء على الصيف؟؟

[جارة القمر]

هاااايات صبايا
اشتقتلكم مشان الله ارجعوا متل قبل شاطرين ودردشوا

غموض حبيبتي مزبوط حكيك بالنسبه للحلويات بموت بشي اسمه حلويات وبحب اعملهم

في العثمانيه :بسبوسة بالقشطه:كعكة الثلاجه :كعكة النيسكافيه :هريسه:كيك كاكاو غير شكل هههه:جيز كيك:كيك البرتقال:كيك الموز:كرات جوز الهند:

حواء انا بابني بين فيه بطني بالشهر السادس

...........بينك روز شي طبيعي الضهر والبطن يكون فيه الم وبيستمر للاشهر الجايه كمان
انا هلا بالرابع وايام بصحى استفرغ الله يعين

[جارة القمر]

صباح الخير.................وااااااااااااااااااااااااااا اااع
وينكم!!!!!!!!!!!!!!!!!!!!!!!!! بجد وينكم!!!!!!!!!!!!!!!!!!!


وين الملايين الشعب العربي وين ؟؟؟؟؟؟؟؟؟وين ؟؟وين

[حواء مثالية]

صباااااااااااااااااااااااااااااااااااااحو كيفكم

حالة غياب سائدة في قسم دردشة بنات فلسطين

عسكم بخير

عسولة زمان ما طلت ان شاء الله نطمن عليكي ياقمر

باقي البنات خلص حاولو تتواجدوا على الاقل عشان نتطمن عليكم انا معدتي ذابحيتني من الوجع

[جارة القمر]

صباح الفل يا حواء

تعرفي ....مرات باكل موز بحسه منيح الله يعينك ............

شو عامله ؟؟؟؟؟؟ شو طبختي

[حواء مثالية]

هيني بالشغل حاليا اليوم بدي اعمل كفته

انا شفت الرمان كويس خفف علي شوي

طمنيني عنك كيف امورك

[جارة القمر]

انا تمام يوم الخميس او السبت رايحه على الدكتور وهالمره رح اعرف جنسه ان شالله
بنوته ........

انا كرهت الكفته ما بطيقها..........

ولحمه كمان

انا اليوم معزومه عند اختي وزوجي بدو ياكل عند اهله ,.,,,,,مزبطه وضعي

[حواء مثالية]

ان شاء الله ربنا بعطيكي شو بتتمني حبيبتي

صحتين وعافيه

[لولو حمادة]

مرحبا كيفكم اليوم يا صبايا

[لولو حمادة]

كيفك حواء الحم صعب بس انا عندي اتوحم ولا يسير حموضة بموت منها
صحتين ياجارة ربنا يرزقك بنوتة
انا موعدي مفروض 8عند الدكتورة بس اجلتو ليوم 16

[حواء مثالية]

هلا لولو منورة ياقمر

الف سلامة عليكي الله يكمللنا كلنا على خير يارب

[جارة القمر]

في حد موجود؟؟؟؟؟

[لولو حمادة]

كيفك جارة
اهلين فيكي

[جارة القمر]

هلا لولو و الله الدردشه صايره بدون ناس وين سما عسوله غموض إحساس وين اخر الاخبار والطبخات *

[حواء مثالية]

صباحكم عسل يا بنات ان شاء الله تشرفوا اليوم

[جارة القمر]

صباح الفل والياسمين .............\\

[maya123]

صباح الخير صبايا كيفكم اليوم؟

[maya123]

صبايا عندي سؤال الكم بما انكو حوامل قبلي

حكولي انو ممكن نكتشف جنس الجنين باخر الشهر التاني حتى نصف الثالث بالالترساوند في منو؟

[حواء مثالية]

هلا جارة منورة

هلا مايا

بكون في احتمال يعرفوا بس الاكيد بكون بالرابع قبل هالوقت ما بحكوا عشان يكونوا متاكدين

[maya123]

يسلمو اخت حواء كيفك وكيف الحمل معك؟
انا هسا بحكي معكم من باريس طتير حلوة باريس

[حواء مثالية]

هلا مايا ان شاء الله سفرة حلوة وتنبسطي فيها هو في احلى من باريس جبيلنا عطر فرنسي معك هههههههههه

حملي تاعبني شوي بس الحمدلله يوم عن يوم اخف من اول عشان قربت اخلص الثالث الله يكملي ويكملك وللجميع على خير يارب

كيف بتقضي وقتك ادي الك بباريس

[maya123]

الله يثبت حملك وحملي

كتير حلوة باريس وكتير مبسوطة بس برضو الجو كتير سكعة لسا اول امبيرح سافرنا ورحنا على برج ايفل واتجمدنا من السكعة هناك وبرضو رحنا عالديزني وبس ما اركبت بشي هناك خفت ياثر عالحمل قلت يلا بسيطة بشوف عروض ديزني وبس
واليوم لسا مو عارفين وين بدنا نطلع

[حواء مثالية]

الله يهنيكي مايا

[جارة القمر]

ما شالله ماشالله بباريس بس الجو مش مناسب ازا الجو عنا موت برد

بالنسبه لنوع الجنين مستحيل قبل الرابع ............

ينعرف

[لولو حمادة]

صباح الخير كيفكم يا صبايا كيفلا حواء
اهلين جارة
مايا كانت وحدة كاتبة انو بيعرفو من اول الحمل من شكل كيس الحمل ادا بيضاوي اودائري
انتي عايشة بفرنسا

[maya123]

اهلا صبايا
لولو انا مو عايشة بفرنسا بس اطلعنا رحلة لاكم يوم بس
بس الجو بالمرة مو حلو هين مو قادرين نعمل شي
وبالنسبة لجنس الجنين ما بعرض كيف الممرضة حاكتلي انو باخر الشهر التاني

في حدا هون؟

[حواء مثالية]

هلا لولو جارة مايا منوراااااااااااااااااااااااااااااااات

عسولة سما احساس غموض وباقي البنات والله بدكن ذبح وينكن لاحس ولا خبر

بناااااااااااات احتمال بكرا ثلج الليلة في منخفض قوووووووووووووووووووووووووووووي

[maya123]

ثلج؟ ولا مرة ما نزل تلج ببلادنا شو بدو يجيب التلج؟

[احساس أنثى]

كيفكم ثبايا أنا هووووووون

معلش انا كنت مشغولة هاليومين والله اشتقتلكم كتير

بكرة اشهار بنت عمي وحبيت عند اهلي للجمعة

يعني حشتاقلكم كتيييييييييييييير

شو اخباركم ؟؟

تفضلوا كلوا كلمنتينة معي ههههه كويسة للحوامل

[جارة القمر]

لا مايا ببلادنا بينزل ثلج لكن بمناطق حسب الارتفاع ان شالله غيابهم البنات خير تعرفي حواء بحس انه الشتا و البرد حلو وخاصة تقضي الوقت انت وزوجك بالدفى بالبيت

[احساس أنثى]

الله على الرمانسية ياجارة القمر

ههههههههه احلى جو جو المطر ياسلام

[غُمُوض أُنثَى]

هاي الصبآيآ مجتمعين ههههههههه
غريبة !!

كيفكو والله اشتقتلكو كتير
ميرسي احساس وجارة ع اقتراحاتكو في الحلويات :))

حِلو الشتآ البرد فعلا خصوصآ تكوني انتي زوجك متدفييييييييين جنب بعض

[احساس أنثى]

ههههههههههههههه

شكلكم ازواجكم جنبكم ياصبايا

[حواء مثالية]

صباحكم خير ومحبة

كيفكم عساكم بخير

[جارة القمر]

مسا الخير يا حلوات مين موجود الليله ,,,,,,,,,,,,,,,, يلا تعو احكيلكم رحت على الدكتور اليوم

[زينة الحياه]

بتمنى انضم بينكم
يعطيكم الف عافية
بوركت جهودكمم

[جارة القمر]

زينة الحياة هلا وغلا فيك ...........نورتي
من وين حضرتك؟

[احساس أنثى]

بببببببببببببببببببببببببببببخ ياصبايا

كيفكم ؟ جمعة مباركة عليكم جميعا

أنا فتت من عند اهلي اشتقتلكم ^_^

كيف الجو عندكم بالضفة ياحلوين ؟

الجو عنا يجنن من الصبح بهاليوم الفضيل مطررررررررررررررر

ادعوا ياصبايا ادعوا وربي يستجيب منكم

وهلا بيكي ياغالية زينة الحياة نورتي بيتك التاني

شو سار معك جارة طمنينا عنك ؟

[غُمُوض أُنثَى]

صَبآحكُم وردّ وفل صبآيآ ...
مش نآفعيييييييييين شو هآدآ بطلتوآ تفوتو متل اول وين غآطسين

جآرة شو صار عند الدكتورة طمنينآ؟
وكل وحدة تحكي شو جديدهآ يآ بنآت :)

انا مبارح اجو صحاب جوزي فلسطينين طبعا مش توآنسة
واول مرة انحط في عزومة مفآجئة
الاطباق :عملت مندي + دجاج مع الخضآر بالفرن +سلطة خضار + سلطة خضار بالمايونيز + سلطة تركية + سلطة مكرونة بالمايونيز
التحلاية كانت : كيكة الشوكلاتة + مهلبية بالنسكآفيه
المشروب كان : مشروب الكاكاو السااااااااااااخن

وطبعا انبسطوااااا كتير الحمدلله بما انهم عزابية وكل اكلهم عالماشي
زفوني بعد العشآآآ خخخخخخخخ حآسة حآلي امهم لانه كلنا مغتربين وبعاد عن الاهل
وجوزي كبر رآسو عشان كان الاكل ببيض الوجه :))

شو اخباركو انتو احكوا ياجماعة اي شي عشان لما افتح الاقي جرايد هههههههه

[حواء مثالية]

صباح الخير كيفكم شو اخباركم عساكم بخير

والله يا بنات هالوضع ما بنسكت علي يعني مش عارفه شو بدي احكي صح انا كمان مقصرة بس الاهمال من الكل موجود يعني الست عسوله الها فترة لا حس ولا خبر سما كمان لولو حمادة

انا كل النهار بكون موجودة وعشان طول نهاري بالشغل نادرا ما يكون عندي وقت افتح بالليل

جاره ما حكيتي شو صار معك عند الدكتور ان شاء الله كلشي تمام شو بان عروس ولا عريس

غموض منورة ياقمر

احساس هلا فيكي

والي طلتها اول مره بينا حياكي الله زينه الحياة بيتك ومطرحك احكيلنا عنك شوي

انسيت اطمنكوا عني والله بعيد عنكم الوحام ذابحني من سيء لاسوء يوم الخميس حسيت حالي بدي اموت قضيتها بالحمام استفرغ ما قدرت اوقف على رجلي بعدها زوجي حزن علي يارب هونها علي وعلى كل الحوامل يارب

[بنت الضفتين]

مرحبا كيفيكم صبايا
طمنيا عنك جارة شو حكالك الدكتور
ماشاء الله عليكى غموض انثى ربة بيت وين اتعلمتى هاى الاكلات والحلويات منكم نستفيد

[حواء مثالية]

ولكم وينكم والله ما انتو طبيعيين هي انا اجيت بالليل كمان وما في حداااااااااااااااااااااااااااااااااااااااااااااااا اااااااااااااااااااا

[غُمُوض أُنثَى]

اسكتي ياحواء والله بدهم ضرب
بجد ابصر شو مالهم يختي معقول مشغولات اكتر منا يعني !!!
بعيد الشر عنك يا حلوة وان شاء الله يخف وحامك يارب وتكوني احسن
معلش هاي ضريبة الامومة كل وحدة بتدفع تمن غالي هههههههه :)
ربي يقومك بالسلامة ان شاء الله

هلا فيكي بنت الضفتين منورة يا البي
بصراحة انا كنت لا افقه شئ في المطبخ خصوصا كنت ادرس هندسة وما بدخل المطبخ بالمرة صدقيني ولا بعرف شي فيه

وحاليا بس صارلي 7 شهور متجوزة ولاني في غربة اضطريت اتعلم كل شي
بس صراحة مستغربة من حالي انه كل شي بعملو زآكي وبخترع شغلات ههههههه زي العنجد
وبقرا من النت ومن هان وهان :))
ماما بتحكيلي صرتي اشطر مني صراحة اهلي مصدومين فيا لانه بجد بجد بجد ماكنت بعمل ساندوش في المطبخ قبل ما اتجوز هههههههه الحياة بتعلم ياستي


عسولة وسما ولولو مختفيييييين
ولكو طمنونا يؤ

[لولو حمادة]

انا مش مختفية انا كثير بفتح بس مابتكونو موجدين
خلص غموض كل يوم اكتبيلنا اكلة اوحلويات
اهلين بنت الضفتين
كيفك جارة كيف النونو
حواء سلامتك الوحم متعب

[حواء مثالية]

صباااااااااااااااااااااااااااااااااااااحكم عسل

[لولو حمادة]

شو وينكم ما حدا بين منكم اليوم

[عسولة فلسطين]

مسااااااااااااااااااؤكم خير يااااااااااااااااارب
كييييييييييييييييفكم يا أحلى خوات بالكون طمنوني عنكم وحدة وحدة
ليش التشات متغير ومن متى
والله كتيييييييييييييييييييييييييييييييييير مشتاقة لكم بس اضطريت اتغيب عن المنتدى
وهلأ رجعت والحمدلله
شكرا يا بنات للي سألوا عني
الله يقومكم بالسلامة يارب
^_^

[عسولة فلسطين]

مين موجودة يا بناااات؟؟؟؟؟

[جارة القمر]

مساء الخير اشتقتلكم انا سيد زوجي امبارح اتوفى الله يرحمه ... اما أنتو شو أخباركم ؟

[عسولة فلسطين]

أهليييييييييييييييييييييييين يا جارة
عظم الله أجركم والله يرحمه يارب
كيفك انتي ويزن والبيبي طمنيني عنك؟

[لولو حمادة]

كيفك عسولة شو هالغيبة
عظم الله اجرك يا جارة

[جارة القمر]

الحمد لله الدكتور طمني وقلي كتير حركه وطلع جنسه ولد الحمد لله على كل حال مع انه كنت حابه بنوته وابني مسميها دانا وااااااا. المهم ساعدوني باسماء زوجي حاب اسم ادم شو رايكم

[عسولة فلسطين]

أهلين يا لولو
كيفك وكيفه حمادة والبيبي
يارب بخير
شايفة عشان تشتاقولي هههههههه

[عسولة فلسطين]

الحمدلله
لله يتمملك ع خير ياااااااااااااارب
كل شي من ربنا حلو المهم خلقة تامة
مممممممممم حلو اسم آدم

[لولو حمادة]

الحمد لله انا زيك كان نفسي في بنت طلع ولد حسميه محمد
اسم ادم حلو بس في احلى مثل ادهم \يامن \ياعلى \ايهم

[عسولة فلسطين]

يللا يا لولو الله يتمملك ع خير انتي التانية
ويقيمك انتي وجنينك بالسلامة يارب

[لولو حمادة]

يارب يسمع منك
ربنا يرزقك بنونو يارب
طمنينا شو هالغيبة

[سما الدنيا]

يا طير يا طاير في السما خدني ال عندالحبايب يا طير .................................احلا اغنية لفيروز بهديها لعيونكم
اشتقتلكم يا حلوين كيفكم ...شو عاملين وكيف البيبيات معكم ان شاء الله ما يكونو مغلبينكم كتير...
بنات والله انا صايره طلتي قليلة وكتير بشتاقلكم ..
بعد بكره موعدي مع الدكتورة وضايلي اسبوع بفوت الشهر الثامن ادعولي ربي يتمملي حملي عخير ويسهلي ولادتي كتير صايره افكر بهالموضوع ..
ووجع ضهري دابحني من اول السابع وهوه الوجع معي ..الله يعينا بس..
طمنوني عنكم في حد هووووووووووون...

[لولو حمادة]

كيفك سما شتقنالك وينك مختفية ربنا يطمنك وجع الظهر من الثقل
انا كمان اسبوعين بدخل الثامن
انا بكرة موعدي عند الدكتورة المساء

[لولو حمادة]

وينكم جارة وسما وعسولة

[حواء مثالية]

صباحكم قرنفل والله يا هلا وغلالالالالالالالالالالالا نورتوا صبايا

جارة عظم الله اجرك

لولو ان شاء الله يكون كلشي عندك تمام ويتمملنا والك على خير وسلامة

سما اذا انتي هلا بتفكري بالولادة انا صارلي من يوم تزوجت هاكله همها بس ربك بسهل

غموض طلي يا قمر

احساس شكلها صايرة تنام كثير

ممممممممممم انا بخير ودايما مشتاقة الكم بس وحامي ذابحني باقي ثلاث ايام بنزل بالرابع شوفو الايام كيف بسرعة لسه متى قلتلكم اني حامل سبحان الله عقبال ما نفرح بباقي البنات هالشهر..

حماتي طالعة بموال جديد بدها تنزل على الاردن باول شهر 7 وانا بكون بشهري قال بدها تحضر عرس ابن اختها يعني احتمال ما تحضر ولادتي

[جارة القمر]

صباح الورد والياسمين على الموجودين

ههههههههههههههه حواء ضحكتيني على حماتك خليها تروح ....وخلي امك تحضر ولادتك

يلا قربتي تعرفي جنس المولود

لولو والله زوجي حابب اسم يامن بس انا لا


سما اهلا بهطله اهلا والله
اشتقنالك ....... وبعدين قد ما تفكري بالولاده ما رح يوصل تفكيرك على مقدار الالم ههههههه اسفه اقلك هالحكي بس يارب تكون ولادتك سهله

[عسولة فلسطين]

يسعدلي أوقااااااااااااتكم يارب
كيفكم اليوم
أهلين يا سما ويا جارة ويا حواء
وين باقي البنات ؟؟؟؟؟
وين غموض واحساس لولو بتظهر بالليل
والله مشتاقة لكم
يللا يا حواء الله يعينك ويقومك بالسلامة يارب
جيبي امك عندك او روحي عندها احسنلك

[حواء مثالية]

هلا بنات الله ما يحرمني طلاتكم

بتعرفوا انا مش فارقة عندي اصلا هاملة هم وجودها مو لشي مش عارفه مش مرتاحه تكون هي حدي انا حكيت لزوجي ما بدي حد غيرك بس هو قلبه كثير حنون ما بتحمل يشوفني بهيك وضع بس انا وقت اكون لحالي بكون اقوى الي بحبهم ما بحب يتذايقوا على شاني انا بحكي يارب تجي ولادتي سهله ما احتاج شي بس بتعرفوا شو جايني فكرة اني راح اولد لحالي ما يكون عندي حد بالمشفى يعني انه اروح المشفى بالليل وهم يروحو على اساس انه معي وقت واولد ويجو واكون مرتاحة هالاشي مش رايح من بالي حاسه راح يصير معي هيك حماتي طيبة بس ما بعرف ما مرتاحة وجودها بهالوقت معي كل التساهيل على الله والوحده غير رحمة ربنا بهاللحظة وكل لحظة ما بدها انا يا بنات امي مريضة ما بتقدر تكون معي بس اختي لكبيرة بتسد مكانها عشان هيك قلبي واجعني مسكينه امي زوجتنا وهي مريضة لا راحت ولا اجت معنا ولا كله على التلفون كل الوقت الها اكثر من ست سنين معها جلطة دماغية ما بتقدر على التعب وبدها رعاية كمان بس بتعرفوا لما كانن خواتي يخلفن كانت تحس فيهن وبالفعل احساسها يكون مكانة انا بنار ما بعلم فيها الا الله والله بكتبلكم وببكي ما في قلب حنون الي بهالدنيا خواتي كمان بعيدات عني بحضروا ولادتي بس بعد ما اولد ما لي الا الله قد ما تكون الحماة ما رح تكون مثل الام او الاخت واكيد كلكم عارفات.....ومبارح تاكدلي هالاشي

كنا قاعدين انا وزوجي سهرانين عين الله علينا كنت كثير تعبانه كان قبل بيوم مش طبيعي كل الوقت اساله مالك ما يجاوبني اجت مبارح حماتي علينا هلا ما بقدر كل الوقت اضل قاعدة عادي الا اغير قعدتي او امدد حالي هلا شوي الا هي بتحكي حاسيتك ما بدك اقعد عندكم حكيتلها خير ليش زوجي اتطلع فيا بحكيها شو صار بتقلي عامله حالك بدك تنامي ونحنا بالصالة قاعدين يعني لا رحت على غرفتي ولا من هالحركات رحت جبت كيك حطيت الهم ما رديت عليها ضليت ساكته لما رحت على المطبخ حكالها زوجي هي ما بتقدر تضل قاعدة الا تمدد حالها " بطني من تحت بحسه مشدود وبوجعني لما اقعد نفس القعدة فترة طويلة" هلا عملتها زعلة ما دخلت ابنها التاني اصغر من زوجي بحكيها مالك بتقله ولاشي صار كلمة من هون وكلمة من هون انا انخنقت قلتها الي بطلنا قبل اربع شهور بدناش نرجع نعيده ما في داعي لكل الي بتعملي .... ابنها التاني بحكي لزوجي لما رحت اجيبله كيك ممنوع مرتك تحكي مع امي هيك وكبروها وانا حكيت هالكلمة وبدي حد يخلصني زوجي تذايق على انهم تذايقوا بعد ما روحو اتقاتلت انا واياه قهرني لانه اي اشي بعبي راسه طيب ما انت شايف شو صار بلا ما تسمع كلمة اخوك وفكر بالصح والغلط بعدين اتصرف انا من مبارح صح راضاني بس حاسسها بنفسي وكثير متذايقة والله بتدخلوا بحياتنا كثير واخر فترة حتى الامور الخاصة بدهم يفوتوا فيها ..... انا تعبت كثير مخنوقة كمان كثير مبارح بكيت لقلت بس طول الليل خفت يصيرلي شي ..... بعدين حماتي من النوع الي بنتقد وبحكي وبتتدخل انا ما بحب هيك بالمره كنت بتمنى اني بعيده عنهم كان ما كنت شغلها الشاغل انا............

دوشتكوا صح بس ما الي غيركم والله تعودت اداوي جروحي بايدي وامسح دمعتي بايدي واعيش وحيدة بهالدنيا المشكله زوجي مرات بحسه غريب عني وقت تكون امه كل الكون بلتغى كاني ما بعرفوا اخخخخخخخخخخخخخخخخخخخخخ وبس

[عسولة فلسطين]

بيعين الله يا حواء
انا قلتلك اياها كلمة من قبل حاسة حماتك بتغار منك لذلك طنشيها
وايش ما تحكي ما تردي عليها وريحي راسك
والله يشفيها لأمك يااااااااااااارب ويخليلكم اياها ويعطيها الصحة
ضلي قولي يارب سخرلي زوجي
والله يسعدكم ويبعد عنكم شر الناس
--------------------------
بنااااااااات زيت السمك للحامل منيح او لأ فيه وحدة قريبتي كتبتلها الدككتورة اياه وسمعت انه بيعمل تشوهات فتحت ع النت اشوفلها لقيته منيح بس هي سمعته ع الراديو انه مش منيح قلت اسألكم>>>> أخدتوه واللي موعدها قريب مع الدكتورة تبعتها تسألها وشكرا مقدما

[حواء مثالية]

بعين الله عسوله انا بعرف انه كويس كثير

بس بتعرفي دكتوري وقفلي الفولك اسد وحكالي ما تاخدي اي شي فحوصاتي طلعت ممتازة وقال مش بحاجة حتى للحديد وانا خايفه يكون البيبي بحاجة للهالشي بدي اروح على دكتور ثاني اشوف شو بقلي بعدها يا برجع على هداك يا بكمل عند لجديد والله هم ومسؤوليه

[عسولة فلسطين]

اها شوفي دكتور تاني احسنلك
وان شاء الله كل خير
طالما انتي مستودعة جنينك عند رب العالمين ما حيكتبلك الا كل خير يارب
قرأت انه بالاشهر الاولى زيت السمك مش منيح ياستي الله يجيب لها كل خير ويتمملها على خير

[حواء مثالية]

امييييييييييين يارب ويفرحنا بخبر حملك قريب

[جارة القمر]

يا حبيبتي يا حواء الله يشفي امك ويخليلكم ياها يارب حواء والله العظيم اني امبارح نمت وانا ابكي لانه عنا ميتم واحماتي عبت راس جوزي علي وأجا على البيت حالته حاله ومن اللي عرفته انه لاني ما ضليت قاعد جنبها وليش بحكي مع نسوان عمامو وعماته غارت وما بتحب اني أتعامل معهم بهالطريقة وبنفس الوقت انتقل الحكي باني ما كنت اجتماعية المهم انا بعرف شو السبب انه حماتي تموت ولا تشوفني بحكي مع حد لوحدنا بدون ما تكون سامعه اللي حرني اني حامل وضليت واقفه معهم بساعدهم وبالاخر بطلع اني مش كاين معهم هذا اللي وصل زوجي وانا عصبت وطلعت كل اللي بقلبي وخبصت بالحكي*

[لولو حمادة]

مرحبا كيفكم اليوم بيعين الله يا حواء ربنا يشفي امك ويقومك بالسلامة
اتحملي جارة ربنا يهدي حماتك
انا اليوم كانت مراجعتي عند الدكتورة كل شي تمام بس قالتي انو البيبي جالس ادا ما قلب في الثامن بولد بعملية ادعولي ربنا يقدملي اللي فيه الخير

[غُمُوض أُنثَى]

كيفك عسولة وين هالغيبة ياحجة شو اخبارك وجديدك ؟

حوآء وجارة ضحكتوني ع حماواتكو .. صدقوني مهما تكون الحماة منيحة وطيبة وبتحبك الا ما يطلع منها كم موقف يقهروكي
حواء .. عادي كل الازواج هيك قدام امهم صدقيني ع قد ما يكون بيحبك بس كلمة من امه بتقلب الدنيا بتضلها امه .. انسي وطنشي ولا يكون في بالك

لولو كيفك ان شاء الله يارب ما تحتاجي عملية وتولدي طبيعي حبيبتي
لعله خير في كل الاحوال

حواء الدكتور ادرى مني ومنك ياحبيبتي ازا حكالك مش محتاجة الفوليك ازن انتي مش محتاجاه
انتي خلصتي تلات اشهر والا لسا؟
ربنا يكمل الك ع خير انتي والصبايا ياااااااااااارب

[Om KHaled]

أخواتي الحبيبات

المسابقة على الرابط بدأت
وتنتهي يوم الأربعاء القادم


http://forum.hwaml.com/t91015.html#post1843267

[حواء مثالية]

الله يسعد صباحكم كيفكم يا حلوات

خير وبركة انكم طليتو واطمنا عليكم بس احساس وينها مختفيه ان شاء الله تطل وتطمنا عنها قريب

مممممممم انا اليوم الحمدلله افضل بكثير من مبارح الله يهونها علينا يارب

غموض انا بعد بكرا بفوت بالرابع ان شاء الله الله يكمللي وللكل على خير يارب

جارة ما تذايقي حالك والله ما طلت الا الزعل ونكدت على حالي انا طول الليل وانا مسموم بدني بس قلت مين راح ينفعني اذا صارلي شي وهم بالاخر كل واحد بعرف الصح من الغلط والله ما بنسانا وكل الحموات مثل حماتك انا الي عندي اذا زارتني وحده من نسوان عمامو بتعملي حفلة وبدها تعرف ليش اجت عندي وما اجت عندها ومن هالقصص الله يهديهن هالحموات والله رغم التعب بحكي الشغل نعمة الي ما بضل طول الوقت بالبيت كان انخنقت كنت ناوية اترك الشهر الجاي بس بطلت فكرت فيها لقيت بالشغل بتسلى وكمان اريح لراسي

افطرت مناقيش زعتر وشاي مممممممممممم اكلت عني وعنكم ههههه ان شاء الله تجو خلال النهار ندردش والله اشتقتلكم

[maya123]

صباح الخير صبايا كيفكم؟
بسيرة الحموات انا شخصيا حماتي مو كتير عاملتلي مشاكل
بس هاي اخت جوزي بنت صغيرة 12 سنة عمرها وكتير بتغار مني لانها بنت وحيدة بس بعين الله بتضلها صغيرة

[حواء مثالية]

هلا مايا منورة كيف حالك

بعين الله طنشيها

[maya123]

الحمدلله ماشي الحال كيفك انتي حواء؟

قوليلي انتي وينتا بدت عندك اعراض الحمل والوحام؟ لاني انا بهاي المرحلة مو حاسة بشي ولا بتوحم شو القصة!؟

[حواء مثالية]

هلا عمري انا بخير ومشتاقة الحمدلله

الوحام بلش عندي من نص الثاني لهلا ما تستعجلي ملحقة على التعب ان شاء الله يكون وحامك خفيف انا والله بعاني كثير كثير

بس هانت يومين بفوت الرابع ان شاء الله وكلشي بكون تمام

[عسولة فلسطين]

كيفكم بنااااااااااات
يللا صحة وعافية يا حواء
فعلا احساااااااااااااااااس مالها لا حس والا خبر
منوووووووووورة يا غموض والله اشتقتلك طمنيني عنك
انا الحمدلله منيحة كتير واخباري هيني عايشة
لولو حبيبتي ان شاء الله ربنا بيسهلك ولادتك وما بتحتاجي للعملية

[عسولة فلسطين]

أهلين بمايا
شكلك منضمة للتجمع بغيابي
احكيلنا عنك شوي

[maya123]

اهلين عسولة كيفك؟
اه والله انا منضمة جديد من شهر بس
انا متجوزة من 3 اشهر ونص وحامل بالشهر الثاني عمري 22 بدرس طب اطفال مواليد المانيا ومن عرب ال 48
وانتي احكيلنا عن حالك!

[عسولة فلسطين]

أهلا وسهلا فيكِ
الله يتممك على خير يارب
ههههههه انا البنات حفظوني
ياستي انا كمان اسبوع بصير 23 سنة
من غزة
خريجة لغة انجليزية
متزوجة من 10 شهور

[جارة القمر]

بنات طول اليوم وانا ابكي من القهر والله بعرف انه الأرزاق بيد الله بس حاسة حالي مظلومة بحفرولي ليطلعوني من الشغل حسبي الله ونعم الوكيل ادعولي ربي يثبتني بشغلي يارب

[maya123]

اهلا وسهلا عسولة والعمر كلو عقبال ال 120 يا رب
والله يعوض عليكي ويرزقك الحمل العاجل الغير اجل يا رب

[عسولة فلسطين]

آمين يارب يا مايا
أنا وغمووووووض
ويتمملك ع خير
-------------------
معلش ياجارة الله يثبتتك بشغلك وان شاء الله خير قولي حسبي الله ونعم الوكيل

[احساس أنثى]

مرحبا صبايا شلونكم شو عاملين بغيابي؟؟

والله اشتقتلكم كتييييييييييير

معلش كنت بايتة عند اهلي 5 ايام ومع اللمة مافضيت افوت من عندهم نت

بس انبسطت ههههههه رحلة حسيتها عشان اجتمعت مع اختي وامي

انتو شو اخر اخباركم ؟

[جارة القمر]

هلا إحساس اشتقنالك والله ...

[سما الدنيا]

كيفكم يا احلا بنات بهالدنيا..ان شاء الله اتكونو بالف خير
اليوم رحت عالدكتورة وشفت البوبو واطمنت عليه ما ازكاه الله يخليلي اياه كان يغمض عيونو ويفتحهم ويلعب باصابعو كانو بيحككيلي الي ولابوه هاي هههههههه انبسطت كتير عليه وما شاء الله وزنو منيح وراسو لتحت يا رب يهونها علينا جميعا....
حواء وجارة ولولو واحساس وعسوله ربي يعطيكم كل الي ببالكم...
اليوم شريت باقي اغرض المشفى لما اروح الد من كل شي...يعني تقربا كل اموري ان شاء الله مهونه بس ضل هم الولاده الله يعينا جميعا عليه....

[جارة القمر]

هلا وغلا سما .............ما شالله ربي يتمملك على خير وتشوفيه بين ايدك

ادعيلي ربي يثبتني بشغلي ...............

ويعطيك العافيه على التجهيزات ......ذ

[لولو حمادة]

الحمدلله انو كل امور البيبي تمام ربنا يقومك بالسلامة
كم وزن البيبي عندك
جارة ربنا يقدملك اللي فيه الخير انتي مش مثبتة في الشغل

[لولو حمادة]

كل مادخل الاقيكم مختفيين

[سما الدنيا]

هلا لولو منور ة ..انتي كيف حملك انتي تقريبا متلي بنفس الشهر...




جارة هلا فيكي منوورة بوجودك الله يثبتك بشغلك يا رب..بتعرفي اي شغل بتدخليه الا تلاقي حد يغار منك ويضل وراكي ليطلعك بالذات لما اتكون بنت من جنسك يعني بحس كانو منا ناخد رزقتهم شوفنا هيك اشكيلات...

[سيبال]

السلام عليكم

كيفكم اخواتى انا من غزة

اتشرف بمعرفتكم
وبمشاركتكم بالحديث

[لولو حمادة]

سما انا 10 ايام في السابع قالتلي الدكتورة انووزن البيبي كيلو كويس هيك الوزن لانك تقريبا مثلي

[غُمُوض أُنثَى]

مسا الورد بنات ..
هلا فيكي اختي سيبال منورة

كيفك واخبارك احكيلنا عن حاآلك ؟؟
منورين بنات الله يقومكم بالسلامة يارب

حواء سما عسولة جارة لولو مايا واحساس
جارة ان شاء الله ما بتسيبي الشغل ولعله خير ما تدايقي حالك

[لولو حمادة]

صباح الخير كيفكم يابنات انتو اكيد هلا نايمين والدنيا برد عكسي تمام

[حواء مثالية]

صباحكم عسل كيفكم شو اخباركم الله ما يحرمنا طلاتكم يارب ودائما نسمع عنكم الاخبار الطيبة يارب

مممممممممممممممممممممم انا بخير الحمدلله واموري تمام ......

[احساس أنثى]

صباح الورد للصبايا النعومين

شلونكم ؟؟ صبايا بدي اسألكم لمدة كم اخدتوا الفوليك اسيد ؟؟

لني لما خلصت التاني وقفتوا لحالي

انا رحت على دكتورة خاصة اعطتني الفولك اسيد ومشيت عليه لحد ماخلص

وبنفس الوقت سجلت بالوكالة عنا للحوامل اعطتني فولك اسد لكن مااخدتوا

أنا ماشية على كلام الدكتورة الخاصة هلأ كتبتلي الدكتورة زيت السمك

[maya123]

صباح الخير

اخت احساس انثى الفوليك اسيد المفضل تبدي توخديه قبل الحمل ب 3 اسهر وعلى طول فترة الحمل لانو بمنع التشوهات بالجنين وبثبت الحمل انا من رايي تضلك توخدي اذا ما فادك ما بضرك اكيد
هو شي ضروري الوحدة توخدو بالاشهر ال 3 الاولى لانو بهاي المرحلة ببدا تكون الجنين وكتير مهم الفوليك اسيد ومفضل تضلك عليه لاخر الحمل 0.4 ميلغرام مو اكتر

[احساس أنثى]

جد ... خلص باذن الله ارجع واخدوا

اشكرك يامايا على الافادة ربي يثبتلك حملك يارب

[maya123]

تسلمي اخت احساس ويثبت حملك وحمل كل الاخوات ان شاء الله انتي باي شهر هسا؟

[حواء مثالية]

منورات صبايا كيفكم

حبيبتي احساس انا مثلك صارلي بالضبط انا اخذت كورس واحد فولك اسد حكالي دكتوري مو بحاجة هلا بالزيارة الجاية بعطونا الحديد انا صارلي ثلاث اسابيع مخلصته وحكالي خلص

هلا شو بحكي الدكتور تاعك اعملي انا فحوصاتي جدا ممتازة الحمدلله ووضع البيبي كمان فبتخافي يزيد شي هرمون او اي شي من هالنوع لا سمح الله انا سجلت كمان بالوكالة كتبلي مثبت وحديد وفوليك اسد واكمول ومش عارفه اش اعطاني صيدلية بس ما اخذت منه شي حاليا دكتوري اعطاني دوى للاستفراغ بس والحمدلله وضعي ممتاز بس اهم شي اهتمي بنوع اكلك

مايا منورة ياقلبي شو اخبارك عساك بخير

ادي صارلك احساس هلا فتي بالثالث

مايا انتي بالتاني هلأ؟؟

[maya123]

هلا حواء انا الحمدلله منيحة كيفك انتي؟
اه انا بالتاني بس لسا ما رحت ولا زيارة عالدكتورة وينتا لازم تكون اول زيارة؟

[حواء مثالية]

الله يكمللنا على خير يارب

اول زيارة بعد اربعين يوم حمل يعني بالاسبوع السابع بكون نبض الجنين وكلشي تمام ان شاء الله

اذا رحتي قبل هيك ما رح تستفيدي راح تقلك ارجعلي بعد وقت عشان نشوف كيس الحمل ونبض الجنين

الله يطمنك يارب وان شاء الله التمام النا كلنا على خير

[maya123]

ان شاء الله خير انتي باي شهر حواء وكيف الحمل معاكي؟
انا بكرية وبضل كتير خايفة وبضل افكر اني اجهضت لا سمح الله او صار شي للجنين

[حواء مثالية]

الله يتمملك على خير ياقلبي انا بكرا بخلص ثلاث شهور بنزل بالرابع لهلا تعبانة من الوحام بس الحمدلله اهون من اول ان شاء الله الايام الجاية بتكون اسهل

طول ما كلشي عندك طبيعي ما تقلقي بس ما تعبي حالك

[maya123]

في حدا هون؟

[حواء مثالية]

اناااااااااااااااااااااااااااااااا هناااااااااااااااااااااااااااااااااااااااااا

جارة وينك طمنيني عنك كيف امورك وان شاء الله انحلت مشكلة شغلك

[احساس أنثى]

ربي يتمملنا على خير جميعا يارب

ويرزق البقية المتبقية من الشلة

أنا بكرة بخلص اسبوع من الشهر التالت

[احساس أنثى]

اشوفكم بكرة ياصبايا الكهربا شوية وحتقطع لل11 او 12

ومااعتقد نشغل متور ... سي يوووووو

[لولو حمادة]

مرحبا كيفكم يا صبايا
شو صار معك يا جارة طمنينا
ليش طلتكم قليلة

[رنيم عديلة]

مرحبا صبايا كيفكم حبيت لنضم لمجموعتكم لو بتقبلوني
انا حامل 6 اسابيع وحبيت اشركم معي خطوات حملي

[غُمُوض أُنثَى]

كيفكو يآحلوآآآآت ..
مآيآ بنصحك ما تضلك تفكري انه الجنين صآرلو شيييييييييي صدقيني التفكير والنفسية بتأأأأثر
ماتعملي زييييييييييييي ضليت افكر اني رح اجهض رح اجهض لغااااااية ما ررررراح هههه ربي يعوضني ان شاء الله انا وعسولة

ان شاء الله ربي يتمم الكو ع خييييييير يآحلوآآآت
كيفك لولو شو اخبارك متى ناوية تنزلي غزة والا بطلتي ؟

هلا رنيم نورتي ياحلوة ان شاء الله تنبسططي معنا هون بس انتي من وين غزة والا الضفة ؟
وحامل بأي شهر
ان شاء الله ربنا يتمم الك ع خير

طلي ياجارة وطمنينا .. ان شاء الله خير

[leen82]

مرحبا صبايا كيفكم انا جديده بالمنتدى وحبيت انضم لالكم بالدردشه انا حامل بفوت بالرابع بكرا ان شاء الله بالنسبه الك اخت مايا اقرأي سوره يوسف بيحكو انها بتثبت الجنين وان شاء الله ربنا بعوضك خير غموض انثى

[غُمُوض أُنثَى]

اهلا فيكي اخت لين نورتي ان شاء الله تنبسطي هون :)
ربي يتمم لك ع خير ان شاء الله في حملك
وتسلميلي ع دعوتك الحلوة

من غزة انتي ؟ واديش عمرك >> معلش تحقيق هههه بس عشآن نعرفك اكتر

[Om KHaled]

هنا((التصووويت )) للمرشحات للفوز في مسابقة اللون الرماادي الشروط بالداخل بالتوفيق# (http://forum.hwaml.com/t92268.html)

[رنيم عديلة]

انا من القدس وحامل بالشهر الثاني لسا بالبداية بس عندي بنات و ولد ادعولي ربي يعطيني كمان اخ لابني يارب

[حواء مثالية]

صباحكم فل بنات كيفكم شو اخباركم لين انا وانتي نفس الشي انا اليوم فتت بالرابع

اخر موعد لولادتك متى

وينها سما وجارة وباقي البنات طمونا عنكم انا بكرا رايحة عند اهلي عشان كمان اجازتي

[احساس أنثى]

صباح الخير صبايا كيف يومكم ؟؟

شو اخباركم ؟؟ وينكم مابتفوتوا زي الأول؟؟

هاد بكرة لما تسيروا بالسادس ولا السابع ماحيوسعكم الكرسي ماحنشوفكم بالمرة هههه

موفقين جميعا واهلا وسهلا بالصبايا الي انضموا النا

[حواء مثالية]

منوة احساس شكله البرد ماثر

[احساس أنثى]

اه والله الجو بووووظة تقولي معلقة قطعة ايس كريم بالجو من كتر البرد

هادي أربعينية ... بعين الله هينا لابنطلع ولا بننزل متدفين بالبيت

كيف انتي ؟ حواء بين الجنين ؟ بدا يتحرك معك وولا لسى؟

[teya]

بنات كيفكم شو اخباركم بلييييييييييز حد يجاوبني بطني بضل بضل يوجعني وصرت بالسادس شكلها الالتهابات رجعتلي هل بضر على الجنين رجت عادكتوره اشهر الي فات وكانت ااالالتهابات واعطتني دوا وشكلها هالشهر رجعتلي شو الحل طمنوني بليييييييييييييييييييييييييز

[سيبال]

انا اختكم سيبال من غزة

حامل جديد بعد سنة و3شهور بقدرة الله
حابة اعرف كل شئ عن الحمل
هلاء فتت بالشهر التانى حكتلي الدكتورة
بدي اعرف متى بعرف في نبض للجنين؟؟ حتى اطمن

[حواء مثالية]

الله يسعدك احساس انا بخير الحمدلله

والبيبي كمان من اسبوع حسيته اتحرك الحمدلله يعني صارلي اسبوع بحس بحركته الله يحميلي اياه يارب ويجيبه بالسلامة ويكملي ويكملك على خير

حبيبتي تايا الالتهابات بالمره مو كويسه وتاثر على الجنين ارجعي للدكتورة لو مو موعد زيارتك الها

سيبال نور التجمع بطلتك ياقمر

[احساس أنثى]

هلا بيكم صبايا نورتي سيبال

النبض يبان لما تخلصي التاني

ربي يتمملك على خير

[leen82]

اهلا غموض أنثى انا عمري 29 سنه أصلي من الرمله عايشه بالاردن مهندسه خلصت تعليمي من جامعه العلوم والتكنولوجيا الاردنيه حاليا ربة بيت عندي ولد عمرو 5 سنوات اسمو مالك وهلا حامل بالرابع تشرفت كتير بمعرفتكم والانضمام لهاد الموقع شو كمان حابه تعرفي عني على فكره انا اخصائية تغزيه ان شاء الله أئدر افيدكم بمجال تعليمي :)
كتير حابه ربنا يرزئني بنوته وبتمنى نكون أصدقاء

[leen82]

تسلميلي حواء ان شاء الله بتئومي بالسلامه انا اخر موعد لالي 20\7 بس انا بابني الاول ولدت باول التاسع يعني يادوب مر عليي بالتاسع اسبوع والحمدلله ربنا يسرها كتير ان شاء الله ربنا بيسرلك حملك وولادتك وتكون سهله انا زيك شعرت بحركة البيبي من اسبوع تئريبا بعدها ما رجعت شعرت فيه كيف حملك هاد انا حاسستو بيختلف تماما عن حملي الاول ربي يحميلي اياهم امين

[leen82]

اختي تيا ربنا يحميلك البيبي ويوصلك للتاسع بالسلامه لازم تراجعي دكتورتك الالتهابات بتاثر عالجنين ربنا يحميه الحمدلله انا ما عندي التهابات بس دكتورتي نصحتني بأكل اللبن كل يوم علبه لانو اللبن بيحتوي على 27 مضاد حيوي بعالج الالتهابات جربي مارح تخسري اللبن ما بضر الحامل ولا الجنين ازا ما استفدتي مابضرك
ربنا يحميلك البيبي ويأومك بالسلامه

[احساس أنثى]

اهلا وسهلا فيكي اخت لينا معنا

سعيدين بانضمامك معنا

وربي ييسرلك ولادتك وحملك يارب وكل الحوامل وأنا منهم ^_*

[leen82]

شكرا كتير احساس انثى تسلميلي هاد من زوأك وان شاء الله ربنا بيسرلك حملك وولادتك ^_^

[maya123]

مرحبا صبايا في حدا هون؟

[احساس أنثى]

انا هووووووووووووون

هاتو شي نحكي فيه

[جارة القمر]

مساء الخير بنات انا نفسيتي سيئه من الشغل يارب كون معي بطلت اعرف من اللي معاه الحق استغفر الله حاس قلبي مجروح و بطلت اتحمل المهم كيفكم أنتو ربي يديم عليكم هداوت البال انا بتصدقوا اني ما كنت انتبه انه البيبي تحرك او لا بس من اسبوع لرحت عالدكتور سألني اني بشعر او لا وصرت فعلا احس فيه هلا ابني جايب اسم ليث وزوجي بدو ادم وانا حبيت اسم سري بتشديد الراء ولحد هلا مش محددين اسم اسم حماي مش حلو لنفكر أنسمي باسمه*

[لولو حمادة]

كيفكم اليوم ياصبايا
جارة احلى اسم ادم ربنا يقدملك اللي فيه الخير يارب ويثبتك بشغلك
كيفك احساس
اهلين لين منورة حواء ربنا يسهل ولادتك هانت عدو خلص الوحم
وين سما وعسولة وغموض
انا الحمد لله الدكتورة اعطتني دواء حموضة ونفع معي وريحني من الالم والعداب وقلة الاكل

[عسولة فلسطين]

يسعد صبااااااااااااحكم يا بنات بما اننا صرنا بعد ال 12 ههه
اشتقتلكم
واهلا وسهلا باللي انضموا لنا جديد
طمنوني عنكم بنات ما فتت امبارح لأنه جهاز اهلي خربان وانا عندهم نايمة هههههههههه
جبت لاب توبي عشان اشوفكم

[لولو حمادة]

عسولة اعتقد انك دارسة انجليزي

[غُمُوض أُنثَى]

يسغد صبآحـﮘم صبآيآ ..

كيف الوضع معكم
كيفك عسولة ولولو ان شاء الله تمام

جارة الله يعينك حبيبتي ما تدايقي حالك واحكي لعله خير ان شاء الله
وما تخلي نفسيتك تأثر ع البيبي

شكلو مآحدآ هوووون !
اليوم عملت بسكويت بالمربى اول تجربة الي وزبطت الحمدلله
مين عندها طريقة حلوة وسهلة للبسكويت او بيتي فور اي شي

[جارة القمر]

صباح الخير. جمعه مباركه

[لولو حمادة]

صباح الخير ياصبايا كيفكم اليوم

[عسولة فلسطين]

جمعة مباركة ع الجميع يارب
اها يا لولو انا دارسة لغة انجليزية
طمنوني عنكم بنات
يللا صحة يا غووووووض شكلي حاخد منك وصفات ^_^

[leen82]

اهلا صيايا كيفكم
ربنا يهونها عليكي اختي جاره انا بنصحك بتكرير هاد الدعاء اللهم من ارادنا بسوء فرد كيده الى نحره واشغله في نفسه وان شاء الله ربنا بهونها عليكي
كيفك لولو تسلميلي ربنا يهونها ويسهلها علينا اجمعين يارب

[leen82]

هاي طريئه لعمل كيكه بالبسكويت ان شاء الله بتعجبكم

ليمون موس



2 علبة جلي ليمون اخضر او اصفر

2 بسكويت دايحيستف

2 مغلف كريما

1 علبة قشطة

1 علبة صغيرة حليب مركز

1 قالب زبدة صغير



الطريقة:

1. نطحن البسكويت حتى يصبح بودرة و يعجن مع الزبدة و يوضع في القالب على شكل قاعدة

2. نضع في خلاط الكريما و الحليب لمدة 5 دقائق ثم نضيف القشطة

3. نضيف الخليط فوق البسكويت و توضع بالثلاجة ساعتين

4. تحضير الجلي ( كاسة و نصف ماء بارد مع كاسة ونصف ماء ساخن) يحرك الساخن ثم البارد

5. نضيف الجلي على سطح الكريما بحظر و يوضع بالثلاجة 3 ساعات

[احساس أنثى]

مساكم فل صبايا معلش فترة الصبح ماكان في كهربا كالعادة

عسولة في طلبات بالوكالة شفتي الاعلان سجلي وان شاء الله يطلعلك

طيب بدنا عينة ياغموض من البسكويت ... اللهم لاحسد والله انا بطلت اعمل شي مع فترة الحمل

مع اني مغرمة بعمل الحلويات بجرب اي شي حتى لو ماكنت متعودة اعملها ^-^ لكن في الطبخ يبعت الله هههههههه فاشلة

[leen82]

مسا الخير كيفكم صبايا مين موجوده هون خلينا ندردش

[احساس أنثى]

انا هووووووووووون هل تسمعيني حول ههههههههه

[leen82]

اسمعك بكل وضوح من لين لاحساس انثى حووووووووووووووووووول

[جارة القمر]

مساء الخير بارك الله فيك لين محتاج دعواتكم

[عسولة فلسطين]

يسلمو لين ع الوصفة
اها قدمت طلب يا احساس يسلمووووووووووا
لعله خير يارب
مين موجووووووووووووووووووود؟؟؟؟؟؟؟؟؟ يعني لما بفوت ما حد بيكون

[لولو حمادة]

انا هون
كيف عسولة

[حواء مثالية]

صباح الخير والرضا والمحبة

كيفكم يا بناااااااااااااااات شو اخباركم انا ما فتت مبارح كنت من الصبح عند اهلي وروحت متاخرة لهيك ما فتت

الحمدلله جو اهلي كثير حلو رجعت البيت بنفسية جديدة

الله يتمملي ويتمملكم على خير يا بنااااااااااات والله الايام بتجري بسرعة

[غُمُوض أُنثَى]

صَبآح الورد ع كُل الصبآيآ ..

منورة حَوآء كيفك حبيبتي ان شآء الله دآيمآ تكُون نفسيتك حِلوة ومبسسسوطَة :)
وبآقي الصبآيآ ان شآء الله يومكُم حِلو وسعيييد يآرب

يسسلمو " لين " ع طريقة البسكويت هآي شبه طريقة البفآريآ صح !
بدي جربهآ وان شآء الله تزبط

والله يآ احسآس مقدم حبيبتي كله ع حسآآآآبِك ههههه
ما توهمي كتير فيآ انا لسآ جديدة عالحلويآت يعني كله تجآآآآرُب

عسولة انا الي بدي وصفآآآت مو اعطيك وصفآت يآ البي هههه

ربي يسعدكم يآآآرب

[عبير الخطيب]

مرحبا

انا اسمي عبير فلسطينية من القدس بس عايشه بالكويت
حابه انضم الكم ويا ريت تقبلوني اخت بيناتكم

عمري 31 سنة
اتجوزت سنة 2010
اجتلي أول بنت في 27/6/2011
وهلأ انا حامل بالشهر الرابع
و ولادتي بإذن الله رح تكون في 21/7/2011
ادعولي اقوم بالسلامه ويكون اللي في بطني بصحة وخير

وشكراً

[leen82]

العفو صبايا ان شاء الله بتعجبكم
اهلا فكي عبير منوره بيناتنا انا زيك بالرابع وموعد لادتي 20\7 ربنا يهونها علينا وان شاء الله بيجو بصحه وسلامه

[غُمُوض أُنثَى]

هلآ فيكي عبير ان شآء الله تكوني مبسوطة معنآ يآرب
وان شآء الله تقومي بالسلامة وربنا يكمل الك ع خير انتي والصبآيآ
انتي مغتربة برضو متلي ^^

ع فكرة لين انتي موعد ولآدتك بعيد زوآجي هههههه
حِلو يوم مميز :d

[جارة القمر]

هلا وغلا عبير فيك بينا بنتشرف بمعرفتك انا كمان بالرابع ولادتي ما بين 25-6 /1-7 -2012 ان شالله وفحصت قبل فترة وبين ولد انت شو؟ حواء انا كنت امبارح عند اهلي وغيرت جو انت هلا لزيارتك عند الدكتور رح تعرف النوع ؟

[leen82]

والله يا غموض فعلا هو يوم مميز اغلب البنات يلي بحبهم مولودين بهاد اليوم وكمان طلع يوم مميز على البك ان شاء الله بتتهنى وتكون حياتك كلها سعاده ^_^

[جارة القمر]

لين وانا مواليد هاد الشهر 23/7 ........ بنات في حد هون

[عسولة فلسطين]

يا بناااااااااااااااااات
يش هيك كسلانين ما كنتوا هيك
ويييييييييييينكم
جد بفوت وما بالاقيكم بمل صرت والا شكلي حبطل افوت الدردشة لاني ما بالاقيكم

[leen82]

ان شاء الله العمر كلو جاره انا ما بين معي وبصراحه موصابره لاروح عالدكتوره بعد كم يوم وعمات كل تجارب النت تئريبا :) وما عرفت شو نوعو اشي بنت واشي ولد بس يلي بعرفو انو عكس حملي الاول
والله يا عسوله انا مش عم بلائي حد احكي معاه كمان بشبك بأوئات ما بلائي حد فيها
صبايا بدي مساعده منكم لو سمحتومين بيعرف يفسر احلام؟؟؟

[نبض قلب]

كيفكم صبايا رجعت معكم بعد لخمة الامتحانات بالجاعة

كل وحدة تحكي شو صار معها ب هالشهر اللي غبتو يلا طمنوني عنكم

[نبض قلب]

كيفك لين82

كنك جديدة معنا

على العموم اهلا و سهلا بيكي

كم ليكي متزوجة و بأي شهر انتي حامل

[عبير الخطيب]

شكراً كتير على زوقكم

[حواء مثالية]

صباح الخير يا بنات كيفكم شو اخباركم يارب تكونو بخير

انا الحمدلله وحامي ذابحني مبارح ما اكلت ولا شي وتميت استفرغ مش عارفه شو اعمل هلكت

عبير انا كمان موعد ولادتي 21/7 يالله ان شاء الله ربنا بكتبلهم ايام حلوه يارب

[حواء مثالية]

اي جارة ان شاء الله الزيارة الجاي بعرف ولد ولا بنت باول تنين

منورات صبايا

سمااااااااااااااااااا وينها

[maya123]

صباح الخير صبايا في حدا هون؟

[حواء مثالية]

هلالالالالالا مايا كيفك طمنيني عنك

[maya123]

هلا حواء انا منيحة الحمدلله كيفك انتي؟
كيف الوحام والحمل معك؟ ان شاء الله خير!

[حواء مثالية]

والله وحامي تاعبني كثير قلت بفوت الرابع برتاح بس الحمدلله على كل حال وان شاء الله بكون بميزان حسناتنا يارب

انتي كيف امورك ان شاء الله تمام

هاتي شي نحكي في

شكله ما في غير انا وانتي هوووون

[maya123]

انتي بتدرسي شي او بتشتغلي؟

[جارة القمر]

مرحبا بنات............

حواء ليش هيك انت دخلت بالرابع الله يعينك ويخفف عنك شي متعب فعلا لوحام

لين حبيبتي انا بابني الاول متت من لوحام بهاد الحمل الحمد لله وحام بسيط
وبقي الجنس نفسه ولد ما تغير

بنات بجد ليش ما نرجع زي قبل متل العيله هلا حاسه انكم بعاد عن بعض ليش
؟؟؟

احساس ارجعي لهون عاد وست سما وغموض
ونبض قلب يعطيك العافيه الله يوفقك ........



ل

[نبض قلب]

كل وحدة تحكي باي شهر حامل

و كيف وحامها

و شو ناويه تسمس الطفل ازا و لد و ازا بنت

ابدا بنفسي انا هلأ بالشهر السادس

موعد ولادتي26/4

[maya123]

انا بالشهر التاني ومو حاسة بشي من الوحام وبكرية

[leen82]

اهلا صبايا كيفكم انا بالرابع الحمدلله وحامي كان خفيف بس فتره الصبح ان شاء الله ازا ربنا اعطاني بنت رح نسميها لجين وازا ولد رح نسميه عبد الرحمن
صبايا بدي اسألكم بنت حماي حلمت اني جبت ولد وسميتو محي الدين شو تفسير حلمها مع العلم انا بابني الاول حلمت فيه ابل ما اعرف بحملي وحلمت انو اسمو مالك وبحملي هاد حلمت باسم لجين بس لخبطتني بنت حماي وانا زرت الدكتوره باول الرابع كان عمر الجنين 12 اسبوع ويومين ما بين معها نوع الجنين :(

[leen82]

تفضلوووووووووو اليوم عيد ميلاد ابني صار عمرو 5 سنين عملتلو كيكه كريم الكراميل وكتير طاير عئلو فيها مع انو الدنيا تلج ما أتوقع حد يجي عنا :))

[جارة القمر]

لين عقبال 120 لابنك الله يخليلك يا كيف طريقة الكعكة لنعمل متلها انت هلا وين باي بلد؟

[leen82]

تسلميلي جاره حبيبتي انا هلا بالاردن
طريئه الكيكه بتاخدي 8 معالئ سكر بتحطيهم بصينيه الخبز وبتدوبيهم عالنار حتى يسير زي الكراميل وبتحركي الصينيه وبتتركيها على جنب
الطبئه التانيه بتجيبي البلندر (الخلاط) بتحكي فيه 4 بيضات ومعلئه فانيلا ونص معلئه خل تفاح ونص كوب حليب ناشف ونص كوب سكر و2 كوب ماء وتخلط بالخلاط كتير منيح بعدين بتصبيها فوء السكر بالصينيه وبتتركيها بتحضري هلا الكيكه وهي الطبئه التالته والاخيره بتجيبي 3 بيضات مع 2 معلئه فانيلا كاسه زيت دره تلتين الكوب كاكاو كاسه حليب سائل 2 كوب دقيق تلات معالئ بيكنغ باودر ونص معلئه صغيره كربونه ورشه ملح تخلطيها مع بعض كتير منيح وصبيها فوء الكراميل
جيبي صينيه اصغر من صينيه الخبيز يعني صينيه الخبيز خليها 32 قطرها والصينيه التانيه 28 او 30 قطرها حطي فيها مي ونص ليمونه مشان ما تسود الصينيه وحطيها بالفرن على درجه حراره 280 درجه وبتحطي فوئها صينيه الكيك وتسكري الفرن بعد تلت ساعه وطي الفون لدرجه 180 وما تفتحي الفرن عليها قبل نص ساعه بتاخد تئريبا بالفرن ساعه حتى تجهز بس تجهز بتفكي الاطراف بالسكين وبتئليبيها بصينيه التئديم واتركيها لتبرد تماما وصحتين وهنا كتير طيبه وان شاء الله بتعجبكم

[لولو حمادة]

مرحبا صبايا شتقتلكم
انا مشغولة قاعدة بجهز للسفر
شو صار معك جارة بخصوص الشغل
لين انا عماتها قبل هيك اسمها الكيكة المائية بس الصينية اللي فيها المية اكبر من صينية الخبيز يعني بتقعدي الصينية الخبيز في صينية المية
كيفك حواء وعسولة واحساس و غموض
وين سما مختفيه اهلين نبض قلب

[جارة القمر]

لولو حبيبتي ونحن اشتقنالك والله تروحو وترجعو بالسلامه ان شالله بس لوين مسافرين وخاصة انك حامل ؟ بالنسبه لشغلي والله نفس الحال حسبي الله ونعم الوكيل بس برجع بقول الأرزاق بيد الله ومحتاجه دعواتكم باني اثبت بعملي لين تسلم ايدك انا بحب اعمل حلويات وان شالله رح اعملها وأقلك .انت أصلك من وين من فلسطين؟ وكم ولد عندك وشو اسم ابنك . انا عندي ولد عمره 3 سنين و7 شهور وقبل ما اولد بيكون اربع سنوات اسمه يزن وما شالله عليه مجنني ولسانه كانه ختيار كبير

[leen82]

الله يحميلك اياه جاره ويخليلك اياه انا من الرمله وعندي ولد واحد اسمو مالك اليوم طبئ ال 5 سنين انا اجلت الحمل التاني لانو مالك الله يحميه مجنني رياضي بشكل وما بشجع الا برشلونه وطموحو يلعب بفريق برشلونه هههههههههههههههه الله لا يورجيكي يوم مبارات برشلونه ومدريد بتمشكل مع كل المدريديه مع خوالو وسيدو هههههههههههه
تسلمي لولو على مرورك انا بعرف كيكه كريم الكراميل هيك اسمها وزي ما كتبت الطريئه حمام مائي يلي بتحكي عنها كانها قدرة قادر بس بتكون الكراميل كميتها كتير كبيره والكيكه نص الكميه هاي وبالاول بتستوي الكراميل بالفرن تئريبا ساعه الاربع بعدين بتحطي خلطة الكيك عالكراميل وبتحطيهم بصينيه فيها مي انا هيك بعرفها ماجربتها ولا مره بس كيك الكراميل كتير عملتها وبحب كتير الحلويات والاكلات الغريبه بحب اتعلمها واعلمها
بكون ممنونه جاره منك ازا بتعملي شي غريب وبتكتبيلنا الوصفه

[جارة القمر]

حبيبتي لين ما شالله عن هالجيل فضيع انا نفس الشي اجلت حملي بسبب صعوبة لوحام بالاول ولادتي كانت موت فتعقدت وكان ابني نكد وسبحان الله حملت وصار حملي شهرين ومش عارفه وما بان باي تحليل ولا التراساوند ,,,,,,,,,,,

[leen82]

سبحان الله ربنا يتمملك على خير حبيبتي ويهونها ويسهلك ولادتك انا بمالك كنت ائضيها نايمه واخدت ابر تثبيت ليوم الابر الله لا يدوء حدا يلي صارلي هاد غير اي حركه اعملها بنزل افراز بني ولما فتت بالتاسع بس تئريبا 10 ايام ولدت بسرعه بنص ساعه كنت والده الحمدلله وبحملي هاد سافرت بالبر 7 ساعات روحه ورجعه وما حسيت بشي وبس رجعت فحصت لانو الاغلب ألي شكلك حامل وجهك نصحان وطلعت حامل وشعرت بالبويضه لما التصقت بالرحم وبصراحه كان شعور حلو مع خوف كانت تئيله كتير وكل ما تحركت كان مكان الحركه في حرئه لحتى التصقت والمتني كتير فصت تاني يوم سونار بينت البويضه بشكل واضح مكان الالم تماما وألي الدكتور البويضه كتير واضحه والك اسبوعين تئريبا حامل هاد ازا مش اقل وألي غريب انها بينت حزك اوي وربنا يتممها على خير وحام كان مختلف عن مالك كنت اكل الحلويات واشتهيها بمالك كرهتها كتير بهاد بشعر بطني تئيل مع انو لهلا مو مبين اني حامل وما حد بسدئ اني بالرابع ربنا بعين كنت بس اشعر بالاستفراغ بفتره الصبح بس
حبيتي اسفه كتير اكيد عجئتك معي :))

[نبض قلب]

اهلين بنات

توا لسا اجت الكهرب

مين بتقطع عندهم بالشكل هادا

[غُمُوض أُنثَى]

لولو نيآآآآآآآآآآآلك يآ البي :))
حتسافري ع غزة صح ؟؟

موفقة يآ البي وولادة ميسرة ان شاء الله
سلميلي ع غزة كتيييييييير انا كان المفروض اروح غزة بشهر 4 بس يلا مافي نصيب بعد ما اجهضت

كيفكو بنآت ..! ان شاء الله كل شي تمام

لين اول شي هابي بيرذ دي لمآلك وان شاء الله عؤبال المية يارب :)
بتعرفي انا بحملي كنت زيك بالزبط كنت مقضيآهآ نوم وحآمي كان نووووووووووووم
وازا بتحرك حركة بسيطة بينزل افرازات بنية بس تطورت لدم وراح الحمل والحمدلله ع كل حال مع انه كنت مرتاحة 24/24 .. نصيب

نبض قلب انتي شكلك بغزة عشان هيك الكهربا بتقطع هو لسا النظام زي ماهو؟؟
انا الحمدلله ما بتقطع خآلص بتونس
الله يكمل الك ع خير يارب
انا كنت حامل واجهضت بس كنت ناوية اسمي ازا ولد يوسف وازا بنت حلآ
ان شاء الله الحمل الجاي يكون سليم ويكمل ع خير

[عبير الخطيب]

صباح الخير صبايا

انا والله لسه ما شفت بنت ولا ولد بس جوزي كتير حابب ييجي ولد
بس بالنسبه الي اللي من الله حياه الله
شو من الله حلو