دردشة بنات فلسطين, دردشة حوامل فلسطين, تجمع بنات فلسطين

[umm 3amr]

مساء الانوار كيفكم صبايا اليوم؟؟

انبثاقه..ان شاء الله بتشوفي اهلك قريب
وما تهتمي بالناس وانزلي
الاقامه ما تروحيها من ايدك
واحسن شي انك متفاهمه مع زوجك

عيون المها..
الله يخليك ادم والبنات ويسعدكم
عمورة سنتين ونص بغار حتى لو
شافني حضنت طفل غيره بدفشه


جارة ..
يسلمو يا ئلبي ع النصائح
كتير بحاول افهمه انه بحبه
وانا بحبه كتير لعمورة حتى
ما بحط ايدي ع بطني خوف يغار
وحكيتله بده اخوك يجبلك هديه
سيارة انبسط بس لمن احكيله وانت
لعبه بالعابك بحكي لأ هاي لعمور
امرار ببوسه بغار لمن ابوه يلمسه
هيك حسيت
ممكن الغربه الها دور ما بشوف غيرنا
حتى من ابوه بغار علي

توافق غريب بينك وبين دودو

حيفا..
سلامتك الانفلونزا لا بد منها
المهم الحلق ما فيه نمنمه
كتير مزعج كتري شرب زهورات
وشوربه وحوامض كلي توم مع لبن
بقتل الفايروس
وان شاء الله تبشرينا بالحمل

احساس..
الله يجعل كل ايامكم حلوة
اليوم احنا جايين نحتفل معكم
هههههههه

لولو...
سلامتك ما اتخافي عادي الالتهاب
واشربي الدوا وماء والبقدونس
مفيد

[غُمُوض أُنثَى]

اختنــــآآق **

:(

[حيفا]

انبثاقه وام عمر ودودو حبيباتي الله يسلمكم :)


غموووووض شو في يا حلوتي ، سلامة قلبك من الاختناق :)

[~{{ DoDo }}~]

غمووووض

سلااااامة قلبك
الله يبعد عنك الاختنااااق

[غُمُوض أُنثَى]

حآسة اعصآبي تعبآنة كتير ..

والنا اكم يوم انا وزوجي مش مزبوطين خآلص * حآسة حآلي كتير متغيرة معآه

صرت بآردة جدآ في تصرفآتي * كان في زعل بينا قبل يومين ومن يومها وانا بالمرة لا بصد ولا برد

مع اني اول مبآرح كنت تمام وحلوين ومبسوطين بس مبارح واليوم ارجعت انتكست

يَ الله :(

[حيفا]

ممممم حبيبتي استهدي بالله ، انا بتوقع انك مشتاقه لاهلك لهيك متنكده ، احكي معاهم سكايب او حتى مكالمه عادية ، وفضفضي لمامتك ، وبترتاحي

الله يبعد عنك كل ضيقه حبيبتي :)

[جارة القمر]

يسعد مساااااكم::

غموض ::

حبيبتي الله يهدي بالك .........ومتل ما قلتك حيفا احكي مع الشخص اللي بتقدري تفضفضيلووو رح ترتاحي
شو صار بالدورة ما سجلتي ؟



حيفاااااا::

الف سلامة عليك يااااااارب ما عليك شر

انبثاقة امل هلاااااا

دودو::
هاد صدفة قوية ههههههههههههه

[~{{ DoDo }}~]

غموض
استهدي بالله وابعدي عنك اي افكار سلبية
كلنا بنمر بهيك اوقات
الواحد بيحس حاله من جوا كانه روحه صغرانة
مع الغربة والمسوؤلية وضغوط الحياة بس بدها تعدي
الله يعيننا علر هالغربة الواحد بس بيتفشش باي شي
حاولي تهدي حالك وتروقي وان شاء الله كل لامور بترجع احسن من قبل

جاااارة
احلى صدفة والله ؛)

[umm 3amr]

اهلين
حيفاالله يسلمك من كل شر
غموض.. كل المتزوجين بصير معهم مشاكل وخصوصا الي بالغربه بتكون نفسيتهم تعبانه وبفشوا غلهم ببعض حاولي انزلي عند
اهلك غيري جو
وانا كمان كتير مخنوقه ودايما نكد الله بعين

[عيـ‘ـون المهـ‘ـا]

~ مساء الخير~

اليوم انا صايمه عم بستغل ايام الشتويه لانو النهار
قصير شهر رمضان كلو ما صمتو بسبب ظروف
الحمل و الولاده ان شاء الله رمضان الجاي
ربنا يبلغناه ايااااه
~*~*~*~
جـــارة القمـــر
الله يبارك فيكي

ام عمـــر
العمر كلو لعمور ما شاء الله سنتين و نص ربي يحفظه
ان شاء الله تشوفي البيبي على خير ياارب
انتي باول الشهر السادس شو عرفتي بنوته و ألا ولد
بالنسبه لعمر حلو انو يختلط بأولاد من عمرو
و يتأقلم معهم و الظاهر كتير متعلق فيكي
و ممكن لمى يجي البيبي على خير عمور كتير يحبه
و تختفي الغيره [:

غُمُـوض انثَـى
الله يبعد عنك حبيبتي كل زعل
و الله النفسيه الها دور كبير في كل شي
و احيانا بتصير مشكله من غير شي حاولي انك تهدي نفسك
و تشغلي حالك بأمور تانيه

باقي الصباياااا طمنونا عنكم

[إنبثاقة أمل]

صباح الخيييير

اكيد الكل نايم مع هالبرررررررررد

ام عمر يسلم لي قلبك وغاليك ياقلبي

[beboo]

صباح الفل على الفل

كيفكم ..؟

اليوم الجو كتير حلو اصحوووووا ياصبايا

بس المشكلة بأنه بكرة الجو من القطب الشمالى ههههه

ديروا بالكوا

[لولو الفلسطينية]

صباح الخير
كيفكم اليوم ؟
مين هون ؟؟

[~{{ DoDo }}~]

لولو يسعد صباااحك

[beboo]

يسعد صباحكم كلكم ياصبايا

كيفك لولو

ان شاء الله بخير

وكيف انت دودو

[جارة القمر]

صباح الخير........
كيف اصبحتم ..........؟

[احساس أنثى]

انا حقول مساااااااء الخير ع الجميع

كيفكم صبايا اشتقتلكم والله مبارح كان النت مقطوع واليوم حبناه عشان مابقدر استغني عنكم بكااااااشه اه هههههههههههههه

حيفا الف سلامة عليكي ياقمر

غموض مالك ياسكره ... ليكون حد حاسدكم !! والله بتحصل ^_^

عيون المها ربي يقدرك والله انا صمت بس يوم واحد هههههههه والله يعينك على صيام الشهر انا اسبوع عليا

دودو اشربي لبن اب لحرقان المعده بهون عليكي شويه

جاره حلوة الصدف الاحلى تواريخ ميلاد اولادك ماعرفتي تزبطيهم التنين بنفس اليوم ^_^

أم عمر احتفلنا وخلصنا راحت عليكي هههههههه

باقي الصبايا ازييييييييييييييكم ؟

[احساس أنثى]

بنــــــــــــــــــــــــــــــــات

جوزي انبسط كتير على البارفان حتى كل اصحابو سألينو من وين هالريحه الحلوة حاكيلهم هدية مرتي بعيد ميلادي ^_^
بس ياحرام حس بتأنيب الضمير بقلي انا ماجبتلك هدية بعيد ميلادك ^_^

ومبارح رحنا على القيشاوي تبضعنا ورميلنا تعشينا كبااااااب ... بقلو كييييييف مدلعاك اليوم هههههه

[احساس أنثى]

حروح اقص اظافر الزوز فرصة لانو نايم

وارجعلكم بلكي لقيت حد ..

تعالو والله مشتقالكم تعالو قبل ماتقطع عندي

[جارة القمر]

هلااا احساس فقدتك يا عسوله

ياااااااا عيني الله يخليكم لبعض على طول يارب

تاريخ يزن وزيد بيناتهم ساعات لانه
زيد انولد الساعة 10:30 بالليل ويزن الساعة 2:00 بعد منتصف الليل بيناتهم 4 ساعات فقط هههههه

[احساس أنثى]

http://forum.hwaml.com/imgcache2/hwaml.com_1355916615_714.jpg

تفضلو معايا كورنفلكس مين عاااااااااااوز قبل مااخلصو ههههه

[حيفا]

مسا الخيرات صبايا :)


جارة واحساسووو مساكم عسل
احساس صحه وعافيه ، اقلك انا بموووت بالكورنفلكس ، وبحبه كتير مع العسل ، يعني بدل ما احليه بالسكر بحليه بالعسل ، نم نم ديليشز :)

[احساس أنثى]

ســـــأعتـــــــزل الـحـــــــــــــب اذا لـــم تكـــون انــت حبيبي
وسأغـلـــق ابــــواب قـــلبـــي اذا لـــــم تــكــون انــــت روحي
وأفـضـــــــــل الـــــــــــرحيــــل عـــــــــن عـــــــــــالـــم البشـــــــــــر
ان لـــــــــــــم تـكـــــون انــــــت ملاكـــــي ♥ ♥



عجبتني هالعبارات ^_^


ولا يهمك حيفا هلأ ببعتلك وبحليلك اياه بالعسل ياعسل

[احساس أنثى]

تفضلو تغدو معنا

سباااااااانخ ورز

حتغدا وارجع لعل وعسى الاقي حد ههههههههه

[جارة القمر]

احساس اكتبتلك رد أبل ما تحطي الكورنفلكس *.*.*.*.ههههه

حيفا:

هايات يا أأأمر وينك؟؟

شو صار معك حللتي ؟

[احساس أنثى]

ياسلاااااااااام

عارفه لو مني ومنك بحطهم بنفس التاريخ شو يعني مافرقت عال4 ساعات ههههههههههه

[احساس أنثى]

بنات أنا مبسوطه من زيدون سار ياكل العصيده الحمد لله

هوا بالاول ماكان حاببها مع المرميه والشغلات هادي هلقيت بعملها بميه وبحليها شوية صغيره

صبايا اختي جابتلي من الصيدليه بسكوت اسمو baby biss حدا جابو حد بيعفو؟؟ هوا تركي

[احساس أنثى]

كالعاده بحكي لوحدي تفاصيل حياتي متل الهبله ههههههههههههههههههههههه ماحد معبرني

[عسولة فلسطين]

يسعد مساكم
كيفكم مشتاقة لكم
مفلوزة وحالتي حالة

[احساس أنثى]

سلامتك عسوله

تشتاقلك العافيه يارب

[~{{ DoDo }}~]

يسعد مسااااااكم صبايا

كيفك اشتقتلكم ، كنت طالعة مع صاحبتي عالمول
اشتريت شوية اشيياء وروحنا

احسااااااس
ما عاش مين يتركك لوحدك حبيبة قلبي
انا بموووت بالكورن فليكس يم يم
خصوصا مع الحمل يعني طريقة حلوة عشان اقبل حليب ههههههه

عسووولة
سلامة قلبكككك
خدي برتقال وليمون
واشرب بابونج واشيا سخنة ان شاء الله بتخفي

باقي الصبايا يسعدلي مساااااكم شو اخبار الجميييييييييع ؛)

[احساس أنثى]

هلا دودو تسويقه ممتعه ان شاالله كانت !!

تسلميلي ياعسل .. انتي مابتحبي الحليب؟؟ والله انا بحبو بالحمل او من غير هههههههه

[~{{ DoDo }}~]

احساس
تسلميلي واللهاشتريت بنطلونات للحمل
لانه صاروا بنطلوناتي يدايقوني مع انه لسا بطوني ما بين بعدو
وجبت بلوزة وهيك يعني صرلي فترة ما اشتريت شي
وقعدت اتفرج ع محلات البيبي واحييييص ههههه

انا من وانا صغيرة ما بحب الحليب ابدا
الا مع الكورن فليكس ، بس هلا بشربه بارد مع الحمل بغصب حالي
بس الحمدلله يعني انه بقدر اشربه ، ام مع الكورن فليكس سخن وبيمشي الحال
كله بيهووووون عشان عيون البيبي ؛)

[عسولة فلسطين]

احساس ودودو الله يسلمكم ويسعد مسسساكم
دودو ملبوس الهننا يآارب

[احساس أنثى]

تتهني فيهم يادودو .... بس تعرفي نصيحه لاتكتري ملابس للحمل كلها فترة وبتعدي خساره أنا جربت

انتي بأي شهر؟؟ تعرفي انا من الشهر التالت بس عرفت انو ولد سرت اتفرج واشتري مااقدر اقاوم ههههههههههه

عسولة حبيبتي كيفك؟؟ الله يعينك على الدوام والفلونزه والله تعب

[~{{ DoDo }}~]

عسوولة

تسلميلي حبيبتي

احساس

لا مش حكتر ان شاء الله
لانه عندي تياب من اول مناسبة يعني للحمل
ومزبوط فترة وبتعدي
المهم انا هلا باقيلي كم يوم وبفوت بالرابع
والدكتورة مش متاكدة من جنس البيبي الا 60٪
عشان هيك انا صابرة غصب عني للموعد الجاي هههههههه
ان شاء الله بتتاكد وببلش اشتري وافضي السوووووق

[احساس أنثى]

على خير يادودو والله انا يوم ماشافتلي حكتلي 90 % باين

ورحت على اكتر من دكتور والكل حكالي يومها ولد وبلشت هههههه

[احساس أنثى]

أم عزمي وبينك وسهى وحواء معتزلين الدردشه قربو عى الشهر ومابينو شو الدعوه ؟؟

اليوم زقتوني مافي حد منكم هان باااااااااااااي

[إنبثاقة أمل]

يسعد مساكم

شو أخباركم


قبل شوي روحت من عند الدكتوره

الحمدلله طمنتني التبويض كتير ممتاز

بس عن جد مواعيد النساء والولاده بطلع الروح

[نبض قلب]

كيفكم

حاسة قلبي مقبوض

[إنبثاقة أمل]

اهلين نبض

بسم الله عليك ان شاء الله خير

شو مالك

[نبض قلب]

الله بسلم قلبك

زوجي واهلو طلعو مشوار وما قالولي حتى انهم طالعين


وانا زعلانة كتير

مش مشان المشوار بس عشان ما خبروني انهم طالعين ع الاقل

[umm 3amr]

مساء الفل

الله يسعدك
انبثاقه والحمد لله تبويضك ممتازان شاء الله تحملي


احساس مانا كنت احضر معكم
كنت اعطي عمورة بسكويت خاص
للتسنين بس انسيت اسمه صحه
ع الكورن وع السبانخ

دودو
مبارك الملابس من وين ؟؟
بيبي شوب عنده كتير حلو للاطفال

[umm 3amr]

نبض
سلامتك ما اتحط بئلبك
ولمن زوجك يكون بالبيت
اساليه ليه ما خبرك
بطريقه هاديه

عسوله
سلامتك الانفلونزا منتشرة
اهتمي بصحتك

[احساس أنثى]

مساكم فل صبايا

ياالله انبثاقه الحمد لله ان امورك تمام ^_^ ربي يكرمك بالحمل

ام عمر يعني منيح البسكوت حعطيه اياه لما يخلص العصيده ^_*

نبض ربنا يجيب يلي فيه لاخير

[احساس أنثى]

زيدوووون نااااااااااااام

وانا بدي اقوم انام معا هشويه لان راسي مصدع كتيييييييير وخوفا يصحالي بالليل

بكره تطعيمو حطلع من بدري وحميل على اهلي ماحشوفكم سي يو صبايا

[~{{ DoDo }}~]

انبثاقة
حبيبتي الحمدلله اللي اطمنتي وانشالله خير

نبض
خير اللهم اجعله خير

ام عمر
بيبي شوب بيجننننننننن
خصوصا تيابزالمواليد الجدد يعني
والتبانات والداخلي كتير عجبوني
بس اتاكد مم البي ان شاء الله ببلش اجيب
واسعارو حلوة حتى بدون سيل
واغراضي جبتهم من h & m

احساس
نوم الهنا الكم
وان شاء الله بيكون التطعيم خفيف على زوزو يارب

[غُمُوض أُنثَى]

يسعِد مسَآكُم بنــــآت ..

شُو أخبَآركــَم ..؟؟

يسلَمو بنـآت انا الحمدلله هلأ منيحَة ومبسوطة كآنوآ يومين نكد وعدّوآ هههه من شُوقي لأهلي طبعآ

ان شَآء الله نآوييــن انا وزوجي ننزل ع الصيف هادا عشان يشوف اهله وانا اشوف اهلي كمآن

بس حرآم اسيبه في عز دين شغله ودرآسته وانزل لحآلي والله ما بهون عليآآ


احســآس كيفك يآ بطة اشتئتلك واشتقنا لأبو الزووووز
يلآ حبيبتي ربي يهنيكو والحمدلله انه انبسط عالهدية والعشــآ
ودووووم يــآرب ايآمكم سعآآدة ..

بتعرفي انه زوجي حكالي نفس كلامك هههه انه النكد الي صارلنا عين وحسد
كنا يومهآ بمنآسبة ومآشآء الله انا ويــآه اخر شيآكة وهوا لابس بدلة وانا متشيكة عالاآخر وايدينآ بايدين بعض والكل يتغزل فينآآ وكنا كتير مبسوطين يومها باللمة والجو ..
روحنا من هان بلش النكد سبحان الله * انا صرت افتح قرآن دايما والله العين بتصيب ع طووول

جـــآرة * دودو * انبثآآقَة * حيفــآ * بيبو * ام عمر *عسولة * مسك * عيون المهـــآ * نبض

منورآآت والله حبيبآآتـــي

انبثآٌقـــة * ان شاء الله حبيبتي الشهر هادا ربنآ يرزقك الحمل السليم وتيجي تبشرينــآ

حيفآ * كيفك هلأ ي البي احسن ؟؟ حللتي والا شو صآر معك طمنيني


نبض * والله معك حق تزعلي عنجد بس انتي عاتبيه وخليه يعرف انك زعلتي وافهمي منه شو السبب

هبة * وينك شو اخبآآرك شو صآر بمشرووووعك

[جارة القمر]

دخلت اقلكم تصبحو على خير

[~{{ DoDo }}~]

غموض

الحمدلله انكم بخير وانوركم احسن
معلش والله مزبوط العين بتصيب وكتير كمان
عشان هيك الواحد يضل يقرا على حاله ودايما ارقي بيتك وزوجك حتى ولو من بعيد
وان شاء الله ربنا بيحميكم

جارة

نوم الهنا وتصبحي على خير

[em3omar]

مرحبا يا بنات كيفكم
انا كتييييييييييييييييييييييييييييييييييير زهقانة وطالعة روحي وحياة الله وما الي نفس باشي وبضل اكل شوكلاتة وحلويات يا ربي شو باكل خايفة انصح كتير بس باكل متل الي منومة مغنطيسيا
على فكرة اشتقتلكم كتير بس ملخبطة وما بعرف شو مالي
بدي اولد واخلص وبنفس الوقت حاسة حالي ضايعة وبقول يا رب تسهلي اموري
بتعرفو اهلي بمكان وبيتي بمكان وبدي اولد بمكان تاني
يعني انا اهلي بالقدس وساكنة مع جوزي بمنطقة بالجنوب عشان شغلو
زبدي اولد بالناصرة لانو المستشفيات هناك عربية وممتازة
وكمان لانو بيتي هناك وبحب لما اولد اكون فيه
يعني اخر شهري راح اكون بلا جوزي وخايفة اضلني لحالي مع انو حماتي معي ما بتتركني
بس ما بدي بدي يكون جوزي معي ما بقدر اعمل اشي بدونو انا هناك ما بعرف حدا
واذا غيرت رايي وقلت بدي اولد بالقدس بيت امي ما بينفع يستقبل بيبي جديد ابدا والجو هناك كتير مضغوط مش متل بيتي الخاص الي على مزاجي
يا الله شو محتارة وتعبانة والله ما انا عارفة شو راح اعمل
معلش زهقتكم تحملوني

[بينك روز]

مسا الخيير
كيفكم كلكم كلكم كلكم من غير دكر اسماء
لاني والله تعبانه كتير كنت مفلوزه انا ورورو
واليوم لصحصحت شوي
شو اخباااااااااااركم

[عيـ‘ـون المهـ‘ـا]

مسـ--ــ--ـاء البسـ--ــ--ـمه
[:
~
اليوم اكتشفت انو ادوم بنام على صوت الفاكيوم
متل التنويم المغناطسي هههههه و لمى خلصت
فاكيوم موكيت المطبخ و الصاله و طفيتها على طول صحي
اكتشاف عظيم ههههه
~*~
عسـ--ــولة
سلامتك بيروح الشر ان شاء الله
الله يعينك على تعب التدريس مع الانفلونزااا
معافيه
دودو
شو احساسك بخصوص البيبي بنت او ولد
انا صدق احساسي ببنتي اسيل اول حمل الي
كان عندي شعور قوي انها بنوته و اجت احلى اسيل
يي شو بحب الشوبنج للبيبي متل ما تحكي احلى شي
بعجبني بالحمل ههههه و اكيد مبروكين اواعي الحمل
ملبوس الهنـــ:]ـــا
احسـ--ــاس
خلص منصوم سوى و يوم الافطار عندك و يوم عندي
هههه شو رأيك ؟بس على شرط بتكملي معي لخلص الشهرhwaml02
عم بصوم يوم بعد يوم فاليوم مش صايمه
و بما انك بتحبي الـm&m تفضلي انا بحب البينك

http://forum.hwaml.com/imgcache2/hwaml.com_1355948001_536.jpg

غُمُـوضْ أُنثَـ--ــى
هلا ’’’ يسعد مساكٍ

و اكيـــد كل الصبــايااااا الغايبيـــن
بتمنى تكونو بالف خيـــــــر

و ميســـــــــا
قرب موعد ولادتها ان شاء الله ربي يئيمها سالمه
هي و البيبي و يفرح قلبها بشوفة بنوتتها على خير

[~{{ DoDo }}~]

ام عمر
حبيبتي وكلي امورك لربنا واللي رايدو بدو يصير
ما تفكري كتير بظروف ولادتك اتركيها لوقتها بجد احسنلك
انتي قرري وين تولدي واعرفي مين حيكون معك وخلص ما تضغطي اعصابك اكتر من هيك
وازا الله رايد شغلة بدها تصير حتى لو مش متوقعينها ابدا
ما توتري حالك مش منيح الك ولا للبيبي وكليها لربنااااااا والله كريم

بينك
سلاااامتك انتي ورور الله يشفيكم يارب
والله يكون معك ويعينك والله المرض صعب
خصوصا مع المسوؤلية ، يلا هي الحياة هيك

[~{{ DoDo }}~]

عيون المها
والله انا من اول الحمل احساس قوي انه ولد
بس طبعا بالحالتين رح اكون جدااااا مبسوطة
وان شاء الله لما اتاكد من دكتورتي بقللكم
انا كتير متحمسة اعرف عشان اشتري على مهلي واستمتع هههههههه
حبيبتي الله يخليلك ادوووم يااارب الاطفال عليهم اشيا غريبة ههههه الله يحميهم

[عيـ‘ـون المهـ‘ـا]

بينـــك روز
الحمد لله على سلامتك يا قمر
كيفك وكيف رهوفتنا
ان شاء الله مو معزبتك الزعره ’’
اعتقد صارت 4 شهور العمر كلو ياااا رب

[بينك روز]

تسلمولي دودو & عيون المها
والله مو مغلباني مطلعه رووووووووووووووووووووووحي الزعرة كنتك يا عيووون
بس على ألبي زي العسل
انتي كيفك

[عيـ‘ـون المهـ‘ـا]

ام عمــ--ــ-ـر
ان شاء الله كل امورك تتيسر و تعملي كل ترتيبات
الولاده بالشي اللي بريحك ~ اهلك ما بئدرو يجو لعندك فترة ولادتك أو زوجك ياخد فترة اجااازه قصيره اذا شغلو
بسمح لو لحتى يكون معك و يساعد بامورك
انتي متلي تماماااااااا بدون زوجي بحس حالي ملخبطه
بعتمد عليه بكتير امور و بحب يكون معي بكل لحظات الولاده~ و بيت حماكي هيكونو جنبك فلا تقلقي
المهم ربي يئيمك بالسلامه و لازم تكون نفسيتك مرتاحه هلآ قبل الولاده و ما تفكري بشي و متل ما حكت دودو كل شي بيجي بوقتو و طبعا حلو تكوني مرتبه امورك مع زوجك و اهلك
و صحه على الشوكولاه بس لا تكتري منها هههههه

[em3omar]

دودو وعيون المها الله يسعدكم يا رب
شكرا كتير لانكم رفعتو معنوياتي بحكيكم
الصراحة ما بعرف مرات بصير هيك متوترة وبفكر كتير يمكن هرمونات ويمكن كمان لاني مش مستقرة بمكان معين بردو الاستقرار بيساعد على الهدوء
عيون المها اهلي بيقدرو يجو بس انا مشكلتي باني بدي استنا بالناصرة لحد ما اولد يعني انا معي ل 18 الشهر والله اعلم ايمتى بولد يمكن تمد اكتر يمكن اولد قبل بتمنى طبعا
جوزي بدو ياخد اجازة بس مش قبل الولادة بعد ما اولد كمان
حماتي كتير ست منيحة وطيبة وما بتتركني بس زي ما قلتيها الوحدة فينا ما بتعرف تمشي خطوة بدون جوزها بالزات اذا كنت تحبيه وما بتقدري تقرري ولا تتعاملي مع حدا بدونو
دودو مزبوط حكيك ربنا هو الي بيقدر كلشي بتزكر وقت عمر كنت بدي اولد بالقدس واجاني الطلق بالناصرة وولدت هناك
فالله اعلم شو بيصير معي

[عيـ‘ـون المهـ‘ـا]

عيون المها
والله انا من اول الحمل احساس قوي انه ولد
بس طبعا بالحالتين رح اكون جدااااا مبسوطة
وان شاء الله لما اتاكد من دكتورتي بقللكم
انا كتير متحمسة اعرف عشان اشتري على مهلي واستمتع هههههههه
حبيبتي الله يخليلك ادوووم يااارب الاطفال عليهم اشيا غريبة ههههه الله يحميهم
حبيبتي الله يحفظك هههههه جد مستغربه انو ادم عن بنام على صوت
الفاكيوم هلآ هو نايم و مشغله الفاكيوم هههههه
يمكن يصدق احساسك و يكون ولد
المهم ربي يتمم الك على خير و تشوفي البيبي باتم الصحه و العافيه
و نصيحه لا تكتري اواعي للبيبي النيو بورن
لانهم ما شاء الله على الشهر بكبرو بسرعه

[عيـ‘ـون المهـ‘ـا]

تسلمولي دودو & عيون المها
والله مو مغلباني مطلعه رووووووووووووووووووووووحي الزعرة كنتك يا عيووون
بس على ألبي زي العسل
انتي كيفك
نشكر الله انا بألف خير حبيبتي
يييي كنتي قويه من هلآ ههههه الله يخليلك اياها و تضل
عسوله و حبيبة ماما
انا ادم مغلبني بقصة اني بدي اضل حاملاه ما بحب يتسطح
بحب يضل واقف او ماشي و كمان على قلبي زي العسل هههههه
رغم اني بتعب و بصدق زوجي يروح من الشغل لحتى يحملو عني
و لو تشوفي شو شريالو شغلات لحتى يلتهي بس خلص بحب يضل معي
خلص انتي شغليلها الفاكيوم بتنام بسرعه و بتهدى زي ادم
ههههههههههه

[عيـ‘ـون المهـ‘ـا]

نبض قلب
ييمكن زوجك و اهلو عم بدورو على عروسه لسلفك اللي ترك
بس معك حق انك تزعلي خصوصا اذا متعوده انو زوجك
يخبرك قبل ما يطلع اي مكان

غموض انثى
راح تنزلي على غزه الصيفيه حلو متلي انا وزوجي
ان شاء الله نازلين على القدس و لانا و اسيل فرحانين اكتر منا
كتير بحبو زيارة القدس
يالله ان شاء الله تكون رحله موفقه و سعيده للكل
خصوصا انو ان شاء الله راح اقضي رمضان في القدس

[عيـ‘ـون المهـ‘ـا]

صبـاااايــااااا
كتيــــر عجبنـــي العطـــر الجــديد لـــ
britney spears
fantasy twist
رييحتو كتير حلوه
اول مره بشتري عطر لبرتني دائما من شركات تانيه
هاد 2 in ون
http://forum.hwaml.com/imgcache2/hwaml.com_1355961184_397.jpg

[em3omar]

صبـاااايــااااا

كتيــــر عجبنـــي العطـــر الجــديد لـــ
britney spears
fantasy twist
رييحتو كتير حلوه
اول مره بشتري عطر لبرتني دائما من شركات تانيه
هاد 2 in ون
http://forum.hwaml.com/imgcache2/hwaml.com_1355961184_397.jpg


صباح الخير
انا بدي ريحة الي زمان ما اشتريت
شكرا عالنصيحة شكلها ريحة حلوة

[~{{ DoDo }}~]

عيون المها
اه ان شاءالله مش ناوية اكتر نيو بورن
بجيب نيو بورن ومن 0 ل 3
ولما يكبر البيبي ان شاء الله ببلش اجيب لسن اكبر على مهلي

وبالنسبة للبيرفيوم حمستيني عليه
لما اطلع بدي اشمه واشوف اذا عجبني بلكي جبته
زهقت من اللي عندي وتعودت عليهم ، وانا بحب التغيير بالعطور بحس بتغيرلي نفسيتي

صبايا جميعا الحضارين والغايبين يسعدلي صبااااااااحكم طمنونا عنكم

[حيفا]

صباح الورد صبايا

يا عيني شو بحب العطور انا :) حمستوني ازور شي محل عطور قريبا ههههه ، خصوصا انو نهاية السنة وبكون في عروض عالعطور

[~{{ DoDo }}~]

حيفا
يسعد صبااااااحك كيفك وشو اخبارك

[حيفا]

الحمد لله بخير ، خفت الانفلونزا ، بس بقي وجع الضهر هههههه
اليوم التامن لتأخير الدورة ، وما بدي اعمل فحص ليصير عشر ايام ، وان شاء الله خير :)

كيفك انتي ؟

[~{{ DoDo }}~]

اه مهل لا تعملي هلا حيفا
استني كمان يومين ل خمس ايام والله يجيب اللي فيه الخير حبيبتي
انا تمام الحمدلله منيحة

[حيفا]

ان شاء الله خير :)


هلا السؤال الازلي ، شو طابخه هههههههههههه

[حواء مثالية]

سلام عليكم جميعااااااااااااااااااا

وحشتوووني نفرا نفرا

صباحكم قشطة صبايا

شو اخباركم جميعا

شو جديدكم صبايا

انا بخير الحمدلله وبرلنت بتسلم عليكم

[حيفا]

اهلا اهلا حواء و يييين هالغييييييبه ؟؟

[~{{ DoDo }}~]

حيفااااا
انا طابخة سبااااااانخ تفضلي اذا بتحبيه
انا وزوجي بنحبه كتير هههه ومفيد بيقوي الدم

انتي شو طابخة اليوم

حواااااء
اهلا اهلا والله وين هالغيبة
شو اخبارك بوسيلنا برلنت العسل
انا قلت يمكن سلفك خطب والتهيتوا معه عشان هيك طولتي علينا
طمنينا عنك

[حيفا]

انا بحب السبنخ معجنات قراص يعني ومع شطه اما طبيخ عادي الملوخيه لا ما بحبه ههههه صحه هنا الك ولزوجك وللبيبي :)
بفكر اعمل كبسة ما بعرف لسا زوجي مطول ليروح هههههههه

[~{{ DoDo }}~]

امممم كبسة طيبة
وسهلة كمان
يلا صحتيييين كله منيح ؛))

[حواء مثالية]

انا بخير ومشتاقلكم

لا والله لسه سلفي ما خطب بعدها حمااتي بتدور

سبب غيابي زوجي اخد اجازة اسبوع كنا باريحااااااااا مبارح روحنا كثير انبسطنا كان واعدني بالعيد بس ما اطلعنا

[~{{ DoDo }}~]

حواء
حلو كتير تغيير جو الله يهنيكم يااااارب
متهيالي اريحا جوها حلو بالشتا
ان شاء الله بتضلوا مبسوطين على طول يارب

[حيفا]

يا عيني يا حواء ان شاء الله تكونو انبسطتوووو
اريحا هلا جوها مناااااسب كتير

تتهنو يا حلوة :)

[حواء مثالية]

تسلموووووووووو صبايا

غموض وعيون وجارة شو اخباركم

ام عزمي شكله لهلا ما رجعت

ميسا خلفت ولا بعدهاااااا

بينك ومسك ولولو ودودو وحيفااااااا يا رب كلكم تكونو بخير

الا ما اكون انسيت حدااااا

[إنبثاقة أمل]

يسعد مساكم حبيباتي

شو أخباركم جميعا

نورتي حواء

والحمدلله كانت لك رحله سعيده

عنا زوابع مخيفه الله يبعد عنا شرها

[جارة القمر]

مساء الخيرات والليرات عليكم:::

عامله بانكيك تفضلووووووو

حواء :
هلا فيك فقدتك والله ..........يلا ان شالله تكونوا انبسطووووو .........

السؤال القوي .....حماتك ما علقت وما ادخلت بطلعتكم ...!!!


زوجي هلا ناوي بنزل ينام باريحا لانه بكرا في سباق سيارات بينزل مع صحابووووو بيسهرو لصبح ........

[حواء مثالية]

ههههههههههههههههههههه هلا جارة منورة

والله يا قلبي ما عرفت اننا اطلعنا رنو علينا بفكرونا عند اهلي

لما روحنا بتقلي بتعرفي انك قوية والي براسك بتعملي قلتلها وقت يككون غلط ما بعملوووووووووووووووو

[جارة القمر]

ههههههههههه حواء برافوووووو عليك المهم غيرتو جوووو وبرلنتووووو كانت مؤدبه ولا عزبت ماما....



زوجي حزني هلا حامل شنطو ونازل على اريحا بهالجو بقلي ازا متت سامحيني ...يـــــــــــي ازعجني والله بهالكلام ....

[احساس أنثى]

مساء الخير ياحلوين كيفكم؟؟

بينك ... هلا بيكي والف سلامه عليكي وعلى رهوفه تعرفي فعلا الاطفال بجننو اليوم زياد اخد ابرتين لل4 شهور وجنني عياط وسخونه ولولا حماتي كان ماعرفت اعمل شي الله يخليلي اياها

أم عمر ... ربي يهونها عليكي لاتفكري كتير ان شاء الله حتلاقي حل قبل ماتولدي وحل يريحك وربي يقومك بالسلامه يارب

حواء ... رحله سعيده وربي يسعدك انتي وجوزك وبرلنت دايما يارب.. تعرفي بعجبني جوزك لأنو مابيرجع لاهلو يعني عندي قريبتي جوزها بقلها قولي لاهلي انك بدك تطلعي واذا رضيو اطلعي بجد بحسو ماالو شخصيه كل شي برجع فيه لاهلو قال بدو رضاهم بس مش لهادرجه

عيون المها صحتين وهنا على m&ms انا بحبو كتير مافي سوبرماركت بفوتو الا بشتري منو ^_^ ومبروك العطر ياقمر
وضحكتيني على ادومي شكلو بحب الاصوات لما ينام انا زوزو بشغلو الراديو لما ينام ^_* حلوين الاطفال كل واحج والو نهفه ربي يعطيهم لكل مشتهي يارب

حيفا ان شاالله بعد هالصبر ترجعي بخبر حلو ياكريم يارب العالمين

انبثاقه تدفي منييييييييييح اجاكي الريح هههههههههههههه اه اليوم الجو بره فظيع

دودو والله عزبني بس الحمد لله عدت روحت جراااي وحطيتلو زيت خروع والحمد لله حطيتلو كمان تحميلة سخونه وصحصح

غموض دائما قبل ماتطلعي اقرأي المعوذات تعرفي انا اليوم كنت عند اهلي وكنا نحكي عن الطلعات والطشات والمطاعم والمولات واني بروح وبشتري روحت مابعرف تمشكلت مع جوزي عشان طالع رغم انو كل يوم بطلع القصد مش اهلي يعني نسوان اعمامي البنات لأنو اهلي واعمامي بنفس العماره ... سرت اكلم حالي اقول يمكن عشان هيك ... وبعدين بقول مابدي اظلم حد مش شرط ... بعين الله *** وربي يسعدكم دايما ويبعد عنكم العين

[احساس أنثى]

جاره بقول نسيت حد سورري ياعسل ^_^ بعيد الشر لشو هالحكي ان شاالله يروح ويرجع بالسلامه ... بس هوا حيشارك بالسباق؟؟

[رزان العفيفة]

مساء الخيرات حوامل فلسطين الغاليات
أنا جديدة على المنتدى
كيف الحال ؟؟
دعواتكم لي بأن يتمم لى حملي على خير وأن ألد بنوتي في تمام الصحة والعافية
لأني ولدت مرتين قبل هيك بالشهر السابع وبعد الولادة توفت البنوتة والولد ... رحمهم الله
رجاءا ادعولي بتمام الحمل والولادة على خير

[جارة القمر]

هلا يا احساس ::

جايني دور التطعيم يوم الثلاثاء شو بكره التطعيم لانه بعدووو نكد....

اهاا زوجي بشارك بس هاد المره لا لانووو كل ما ينزل بسباق بعمل انقلاب عسكري وثورة
وعدني بس مشاركتوووو بالربيع او الصيف .......
.اهون شوي ....
...بحكيلو انت ابو ولاد ما بيسوا
يصير شي ..........بقلي اللي بدو يصيرلو شي بيصيرلو حتى لو انو قاعد ببيتووووو........//كلامو منطقي ههههههه

[احساس أنثى]

اختي رزان ربي يقومك بالسلامه يارب وتشوفي بنوتك بين ايديكي بتمام الصحه والعافيه يارب

جاره انا لو مني ومنك مابخليه يشارك ... خطر السباق ..
زيد عندو تطعيم الأربع شهور؟؟ اعتقد ال6 شهور صح؟؟؟

[احساس أنثى]

زيدون نام ومضطره انام معاه حكم القوي على الضعيف هههههههه

تصبحون على خير

[umm 3amr]

مساء الخير

اختي رزان الله يتمم حملك ع خير
ربي يعوض عليك ويجعلهم شفعاء
الك بالجنة

[حواء مثالية]

مممممممممممممممممممممممممممممممممممممممممممممممممم م ابو الشباب منكد مو راضي يحكيلي مالوووووووو لما يكون هيك انا بشغل حالي باي شي بدي اروح اعمل الي والو نسكافيه واحد بسكوت الي بده ما يحكيلي لانه ما في كثير ههههههه

بنات في باريحا شغلات كثيير حلوه ورخيصة خصوصا لعب الاطفال يالله شو شريت لبرلنت

جارة برلنت ما غلبت الحمدلله شطورة

ممممممم احساس زوجي ما بحكي لاهله اي شي بدنا نعمله لانه هالشي بخصنا ما الهم في بس حماتي مرات كثيرة ما بنشوفها الا هي فوق راسنا ما بنعرف كيف الا ما تتدخل بشغلات

بس هسه الخبر الساعقة الشهر الجاي وصينا انا وزوجي على حيطان جفصين عندنا الصالة حابين نغير فيها بدي وبدنا نحط جداران جفصين لانه في واجهة فيها عليها بلاط لانها بالاصل كاينة برندة واتفقنا مع الزلمة على اول الشهر الجاي يركبها بس محتارة شو ادهنها يا بنات

انا فكرت بالحيطان يكون لونهم اورنج بدنا نعمل ديكور جفصين بكل السقف مفكرين يكون بني لون الخشب مع اورنج بارد

ما بعرف اذا افهمتوا علي شو رائيكم

انا اغلب اثاث الصالة لونه بني وفي ذهبي فيوا قعدة صالة وكمان قعدة عربية

[umm 3amr]

عيون المها
ما بعرف ليه الكتابه ما ابتظهر عندي غير مقروءة!!
انت واولادك ان شاء الله بخير

دودو
صح حلو كتير بيبي شوب
حاسه فيك ولد صح
صرت خبيرة من كتر ما جربت هههه
في محلات حلوة بس بحس اسعارهم
مبالغ فيها متل مذركير

غموض
نورك حبيبتي تسلمي
كل شي صار معي من العين والسحر
الناس ما ابترحم

جارة
صحه ع الكيك وزوجك مغامر اكشن
حلو كتير

حواء
ازعلت انسيتيني هههه بمزح
الله يجعل كل ايامكم سعاده

احساس
سلامته زوزو ونياك ع حماتك
وين لسه بكير اسهري

حيفا
ان شاء الله حامل يا ئمر افحص وبشرينا

ام عمر
بعين الله انا لمن خلفت عمرو كنت ببيتنا عند بيت حماي
وزوجي بدبي واهلي بجنين حسيت حالي مخنوئه
وخاصه انه حالتي كانت صعبه وحولوني عمليه
بعد الولادة بسبب النزيف وشفطو عمور
وكان نفسي اكلم زوجي اتصوري ما سمحتلي
خواته حرا م بخاف جاوبني
والدكتور حكالهم 99 ميته واحتمال سرطان
اسبوع وانا منهارة ودخل عمور الحضانه
تاني اسبوع وكنت لوحدي
نزل وزني15 كيلو
شايفي ذكرتيني بالذي مضى

[umm 3amr]

حلو اللون لسه كنت بد
احكيلك عنه
قريب ع لون الرمل
صح متل بترا

[حواء مثالية]

ينساكي الموت ياعمري

كيفك يا حلوه

اي هيك اللون بالضبط انا كل غرفة بالبيت عندي لون شكل

وهاد عشان اغلب وقتنا بنقضي فيها وباعتبار هي قلب البيت بدي ارتبها كثير منيح

[umm 3amr]

حلو اعتمدي
ان شاء الله تشوفوا عوجه السعاده

[umm 3amr]

اشوفك ع خير يا عسل سلام بد انيم عمور الساعه 1ونص

[غُمُوض أُنثَى]

ﺂللهُم آسألُگ . . .
فِيـﮱ [ صَبآحِ ] هَذﺂ آليُوم "
أنْ ترِزقَ گِلْ وَآحِ‘ـِدْ مِنآ ،
. . . . `ضعف مَآ يتمنآھہّ . . !!

‏​​ ┈┅•̲̣̥٭̣̣̣̥الَلَـٌّھﻣ آميَـٌّن٭̣̣̣̥•̲̣̥

وجججُمعَة مُبـــآرَگة يَ رب عَ الجميعّ ..~


حِيفـــآ يَ رب في هاليُوم المبآرك تطلعي حَآمل يــــــــآآآرب :))
من كُل البي بدعيــــــلك

ويسعِد صٌبآحكُكم جميعآ

[زهرة القدس]

صباح الخير لاحلى صبايا
كيفكم شو اخباركم ان شاءالله اموركم تكون تمام
انقطعت فترة كبيرة عن المنتدى ورجعت الحمدلله

وجمعه مباركه عليكم

[احساس أنثى]

صباحكم جميل يااحلى قروب كيفكم

حواء البني والاورنج شي رهيب وبرستيج تتهني ياقمر ومبروك الجفصين مقدما

غموض تسلمي ع الدعوه الحلوه

زهره هلا والله كيفك

[احساس أنثى]

ام عمر
وربي يخليلك حماتك تعرفي لانو حماتي بتحب الاطفال وبتشيل زياد عني الكل بيحكيلي جيبي كمان واحد قبل مايسيرلك بيت :) او يطلعلك شغل بس انامش مشتاقه للحمل والولاده :)


بناااااات اليوم من اروع ايام الشتاماشالله من مبارح لليوم وهيا تمطر خييييييير :)
وغسيلي سار بخبر خير هههههههههههههه شكلو حيرجع ينغسل

[umm 3amr]

صباح الأمل
اللهم أنت ….الواهب لاسواك…. والمعطي لمن دعاك … يا من ترانا ولانراك … وتعطينا ولانبلغ ثناك … اجعل كل أيامنا في حسن عبادتك وارزقنا من خير الدنيا ونعيم الاخرة… آمين… جمعه مباركه ..
————————




غموض
يسعد ايامك وجمعه مباركه عليك

زهرة
اهلا فيك من جديد نورتينا

احساس
الله يسلمك
في ناس كتير بتعمل هيك بجيب اول
تنين عراس بعض
من جهتي ما بحب لانه بحس انها الام
ابتحرم حالها من طفوله اولادها
والرسول الكريم وصى ع تنظيم النسل
انت حاطه مانع؟؟

[Heba T]

صباح الخير .. مشالله اش هالشتا

الله يزيدنا رزق كمان وكمان

[Heba T]

شو رجعتو نمتو ؟!

[umm 3amr]

صباح النور هبوش
لا كنت اجهز بعمور راح ع الصلاة
وانت شو اخبارك؟؟

[زهرة القدس]

احساس انثى اهلا فيك انا بخير بنشكر الله
كيفك انت
ام عمر حبيبتي النور بوجودك

الطقس كتير حلو بس والله مع التقلبات بالطقس اني مفلوزه على الاخر

[umm 3amr]

سلامتك زهرة ما على ئلبك شر
اشربي شوربه وحمضيات وادفي

من وين انت يا عسل حامل؟؟

[زهرة القدس]

الله يسلمك ام عمر
انا من القدس
وان شاءالله باذن الله اني في بداية حملي
عشان هيك والله خايفه من الرشح والمرض

[زهرة القدس]

ادعولي الله يثبت حملي ويرزقني وما يحرمني

[umm 3amr]

محتارة اطبخ ولا اكل برا
مليت من نفس الطبيخ
والاكل برا ازهقته
يا ريتني عند اهلي
مين قرر يطبخ اليوم؟؟

[umm 3amr]

اهلين باهل القدس
الله يثبت حملك الانفلونزا ما بضر بس ما تاخذي
دوا دون استشارة الطبيب ومتل ما حكيتلك اشربي
سخن والتوم مع اللبن والملح كويس
اول حمل الك ؟؟

[زهرة القدس]

انا والله عند اهلي واليوم اختي طابخه ملوخيه

انا حملت قبل سنه واجهضت
وباذن الله هذا حملي الاول الله يثبتوا ويتتملي على خير

[حيفا]

صباااحكم فل وياسمين مبلول من المطر ههههههههه


غموووووووووض عيوني انتي ، ان شاء الله انا وانتي وعسولة هالشهر يارب ، انتي قربت دورتك صح ؟


اهلا بالصبايا النشيطين صاحيين بدري ههههههههه
زهرة ربي يثبتلك حملك يارب ، وينورلك حياتك هالبيبي :)
ام عمر انا بدي اعمل شوربة عدس هههههه اعملي متلي :)




نهاركم ابيض :)

[زهرة القدس]

والله هاليرد بدو شوربة عدس

الله كريم وان شاءلله ر بي بتتملي على خير

وعقبالك حيفا تسمعينا الاخبار الحلوه

[حيفا]

تسلمي يا حلوة :)

انتي من وين بالقدس ؟

[زهرة القدس]

انا من راس العامود

[حيفا]

اها اهلا وسهلا :)

[حواء مثالية]

صباحكم رضا من رب العباد

جمعتكم مباركة

الجو كثير حلوووووووو المطر ما شاء الله بجنن

غموض منورة احساس يسعد اوقاتك زهرة القدس نورتي الله يتمملك على خير يارب

حيفاااااااااااااا صباحك تحقيق اماني يارب معاكي اعراض شي؟؟؟؟؟؟؟؟؟؟؟؟؟؟؟؟؟؟؟؟؟

[احساس أنثى]

ارجعتلكم معرجعة الكهربا :)
ام عمر انا بقول متلك هيك الطفل الكبير بنحرم من الحنان انا مش حاطه مانع بس عامله مانع طبيعي ومسيطره ع الوضع :)

زهره ربي يتمملك ع خير اشربي ليمون مابيضر

هبوش وحيفا وحواء نهاركم سعيد

احنا مبارح عملنا شوربة عدس اليوم عملنا هامبرجر :)

[زهرة القدس]

حواء واحساس يسلموا واكيد ربنا ما في اكرم منه

هلاء يعني الرشح ما بأثر على الحمل حتى ولو كان في البداية لسه

[umm 3amr]

لأ ان شاء الله ما بأثر يا زهرة
وما اضل خايفه
وكلي امرك لله
صحه وهنا ع الملوخيه وسلمي ع اختك

صحه حيفا ع شوربة العدس زاكيه مع ليمون
مشيت حالي نقانق وسلطه وشوربه خضار

اهلين حواء كيف الامورة برلنت؟؟

احساس
يا عيني بعجبني المسيطر ع الوضع
الطبيعي ماله أمان هههه
كنت ارضع طبيعي وما بحمل احسن شي صح

صحه ع الهمبرجر شكلي طالعه اتعشى
همبرجر من ماكدونالدز

[umm 3amr]

ما شاء الله يعني مطر غزير عندكم

امبارح كان بث مباشر لطيور الجنه
من غزة وكان العدد هائل والمنظر جميل
حسستوني كاني معكم
مين فيكم يا حلوات كانت ؟

[umm 3amr]

دودو اليوم شكلها مشغوله ما بانت

[احساس أنثى]

ام عمر انا كان نفسي اروح بس عشان مطر وزيدون صغير وعشان عارفه انو زحمه ومش حشوف شي ففضلت اقعد ههههههههه


بناااااااااااااااااات
توي زياد موتني وخلصت فتحت اغيرلو الحفاظه لقيت خصيتو اليمين كتير منفوخه وهوا كان يعيط لما هدي رجعت تاني عشان اشوفها لقيت مافيها شي
حد يطمني. ؟؟؟ انا بكره حاخدو ع الدكتور بس بدي حد يطمني والله قلبي ع ايدي هالولد من حد مادخل الشهر الرابع وهو تعبان نشف دمي شي رشح شي مغص شي سخونه وهلقيت هادي !!!

[لولو حمادة]

مساء الخير

كيفكم اشتقت لجميع
احساس زوزو بيكون مفتق معو افتاق
اخوي وهو صغير كان هيك من كثر الصياح

[احساس أنثى]

هلا لولو اشتقتلك العافيه والله واحنا اكتر وين هالغيبه

طيب شو يعني يالولو ؟؟ شو علاجو

[Heba T]

مسالخير .. يارب الاقي حد موجود

[عيـ‘ـون المهـ‘ـا]

oـسـ()ــاء *جـoـعـ()ــه *oــبــ()ـارك
cــلى* ألــجــoــ()ــيع*
~*~*~*~*
ما شاء الله الخير وين مكان نحنا مطر و هوا كتير قوي
كراسي الجنينه كل واحد بمكان و غطا الجريل طاير
ههههههه يمكن يكون تلج الليله جاي من استراليااا
الله يعينا على التلجhwaml61 لون السما ابيض
و جوى البيت و لا حاسه بشي كتير شوب [:

إحسـ--ــاس
سلامة زيــاااد ان شاء الله ما يكون شي و كمان مرات سرة الطفل
اذا بتكون بارزه لبره اثناء البكى القوي بيكون علامه من الفتق
افضل شي انك تعمل موعد مع دكتور زيااد و تشوفي شو بحكيلك
ام عمـum3amrـــر
حبيبتي تسلمي انا و اطفالي بألف خير
ما بعرف ليه خطي مو طالع عندك *ان شاء الله يوضح عندك هالمره
ما شاء الله عمر بروح على الصلاه مع ابوه كتير حلو الله يحفظه
ام عــمـ(القدس)ــر
ان شاء الله حبيبتي تكون كل امورك تممااااام
كيف ترتيبات الولاده معك
و العطور اكيـــد اذواق يمكن يعجبك و تشتريه [:
و اكيد بدي اعلق على صورة عمر ما شاء الله عنه كتير
زاكي و بنحب ما بدي يسمعني ادم بعدين بغـــار هههههه
حيفــ--ــ--ــا
اعتقد حكيتي انك سجلتي بدوره في مجال تخصصك
ان شاء الله مبسوطه فيها و عم تستفيدي
و اكثري من هاد الدعاء قراته اكثر من مكان انو فيه تيسير لكل امر
" حسبنا الله سيؤتينا الله من فضله انا الى الله راغبون "
دودو
شو شاغلك عنا اليوم
ان شاء الله حبيبتي تجهزي على خير للبيبي و تفرحي فيه

لولو حماده
تشتائلك العافيه و السعاده
اكيد دائما مشغوله مع احمد و محمد لهيك ما عم منشوفك كتير
شو عملتي حفلة عيد ميلاد لاحمد ؟
~*~

[احساس أنثى]

مسا الورد هلا هبوش

انا هوووووووون كيفك؟

[احساس أنثى]

عيون المها بكره باذن الله حروح بس حبيت اتطمن من اي حد بيعرف والله قلبي بيغلي عليه بيطلع من شغله بتجيه شغله

بس سرتو لا مش بارزه لبره الحمد لله

[Heba T]

هلا احساس .. سلامتو زوزو ان شالله ما عليه شر ،،

انشالله شغلة عرضية

[زهرة القدس]

مساء الخير

[لولو حمادة]

عيون المها
عملت لاحمد حفلة لعيد ميلادو طبعا صغنونة
مشغولة مع احمد ومحمد الافلونزا والرشح عامل عمايلو معنا

احساس اعرضي زوزو عل دكتور

هبه كيفك

[احساس أنثى]

الله يسلمك هبه

ان شاالله يالولو بكره باذن الله مافيها كلام

مساء الورد زهره


لولو كتير بفلوزو اولادك ... غزيهم يابنتي ^_^

[Heba T]

هلا لولو

انا تمام ،، سلامتكم ، كل الناس مفلوزين هالايام
اسماعيل كمان كتير تعبان ،، الله يعينا و يعينهم هالاطفال

[احساس أنثى]

سلامتو هبوش

شو خلصتي الحديقه ؟؟

[جارة القمر]

يسعد مساااااااااااكم...........

[احساس أنثى]

ومسااااااكي هدوله

اخبارك ياجميل ؟؟

[عيـ‘ـون المهـ‘ـا]

زهـ‘ـرة القـ‘ـدس
هلا فيكي ** مساء النور عليكيــــ

لولو حمـ‘ـاده
سلامتهم معافيين ان شاء الله
الام نفسها بتمرض على هوى اطفالها الله يبعد عنهم كل مرض
و ان شاء الله كل سنه تفرحي فيهم
احساس
الله يطمن قلبك على زيااااد وان شاء الله تكون شغله بسيطه
و لا تنسي طمنيناااا عنه

[Heba T]

احساس
مشروع الحديقة بعملو مخطط عشان رح يتنفذ لاخر الفصل لسا بسلمو

[em3omar]

مسا الخير صبايا الله يسعد اوقاتكم كلكم يا رب

احساس حبيبتي الله يسعدك يا رب وان شالله ربنا بيتمملي على خير وتكون كل ايامك سعادة يا رب

ام عمرو والله بجد الف الحمد لله على سلامتك وحياة الله قلبي ارتعب عليكي انا هيك شوي بالمستشفى اخروني لما ولدت عمر خافو يكون عندي سخونة وضلو يحطولي ابرة بايدي بتعرفي والله متت من البكا والزعل انقهرت وهو اشي تافه مجرد خايفين عليي كيف انت الله يعينك يا رب ويجعل ايامك كلها سعادة

عيون المها الله يسعدك والله عيونك الحلوين وانا متاكدة انو ابنك حلو لاني حاسة بروحك الحلوة
يا ستي تصدقي بفكر حالي مرتبة كلشي للولادة طلع لسا مش شارية اواعي للبنت اشتريت داخلي كتير بس لسا مش شاريتلها اواعي عادي يعني لو تنين تلاتة عالاقل اقدر البسها
بدي اروح على زارا اذا بتعرفيه بحس احلا اشي عندو للاطفال وفي فوكس كمان وشيلاف محلات عند اليهود بس احلا اشي عندهم وكمان بدي اشتري خزانة للبنوتة وبدي ولسا مش شارية هدايا وشوكلاتة بستنى يروح المنخفض واروح عالقدس وامي بعمان هههههههههههههههه بستناها تيجي وقصص
المهم الحمد لله كل اموري بخير

[em3omar]

زهرة القدس
نورتي الصفحة واهلا وسهلا بكل اهل راس العامود
ستي عايشة هناك وانا من واد الجوز
ان شالله بتنبسطي معانا

[غُمُوض أُنثَى]

مرحبببـــ’’’آآآ يَ حِلوآآآت ..


حبيبة آلبي حيفآآآ يَ رب يسمع منك طيب انتي شو عندك اعرآض ^^ احكيلي
انا بآقي ع دورتي اسبووووع ههههه الله كَريم .. :)

هَبوش كيفك يَ بنوتة شُو اخبآرك ربي يوفقك في مَشروعِك وتخلصيه ع خير ..*

حوآآء يسعد مسآكي حبيبتي ومسآآآ الامورة برلنت .. صحيح شو بتدلعيهآ ؟^^

زهرة القدس هلآ فيكي منورة وربي يتمم لك ع خير .. انتي بالسنة اللي بعد الاجهآض كنتي حآطة مآنع والا شو ؟؟
لانه انا اجهضت وعملت مانع لمدة سنة ..

عيون المهــ’’آآ .. منورة يَ البي شو الاخبآر :)

ام عمر .. منورة ويسعد مسآآآكي

احســــآآآس .. سلآآآمته زوزو *
والله انا سألت زوجي العزيز عن الاشي الي صار مع زياد
حكآلي احكيلهآ بالحرف الوآحد انه لو صآر هيك مرة تآنية لآزم تروح فورآ عالطبيب
بس الحمدلله انه رجع طبيعي وهدي الولد .. ديري بآلك

عملت اليُوم بيتزآآآآآ :))
يَ الله ما احلآ الشتآ والمطر بجننوآ

[عيـ‘ـون المهـ‘ـا]

ام عمــــر
حبيبتي تسلمي بالنسبه لادم ابني متل ابنك قمر
الله يحفظهم بس ابني بمواصفات تانيه عيونه زرق
و ابيض ههههه نزلت الو صور بس لمى كان صغير
هلآ هو تئريب ال5 شهور
الله خليلي و يخليلك يا رب و تشوفي بنوتك على خير
اعتقد حكيتي اخر موعد لولادتك 28-1 لسى معك شوي وئت
ان شاء الله تقدري تخلصي كل امورك ~ انتي حاولي هلآ تجيبي الضروريات و اكيد كل المحلات اللي زكرتيها عندها شغلات كتير حلوه للاطفال خصوصا فوكس [: و زارا
على اول التاسع بكون دائما انا مخلصه كل اموري لانو الولاده
ممكن تسير باي وئت بالتاسع الله يتتم الك على خير
و تيجي امك بالسلامه من عمان

[umm 3amr]

مساء الخير
حاسه حالي مخنوقه وبد ابكي
بس عمورة بخاف اذا شافني
كل فترة بالمول عمور ما بعرف
ليه بندب وبنجرح 3 مرات اتقطب
صباحه وفمه ولحيته كل اسبوع
واليوم انجرح راسه والناس بحكولوا
بخريه بقرأ عليه المعوذات وشو اعمل ساعدوني

احساس
ممكن فتاق الولد بالخصيه كترة العياط بتسبب
والبنت بالسرة بجراحه بسيطه بعالجوها
ان شاء الله ما في شي وما يحتاج لجراحه
انتبهي اذا اتكرر طمنينا عنه

غموض
نورك يا عسل ان شاء الله تحملي المهم
نفسيتك بخير وما اتفكري لانه باخر الحمل
صحه وهنا ع البيتزا بتزبطيها جد شاطرة

عيون المها
ان شاء الله دوم بخير
ادفوا وما تخرجوا حلو التلج
عقبال ما اتشوفي ادم رايح ع المسجد

زهرة
اهلين اتحسنتي لساتك عند اختك؟؟

ام عمر
جهزي حالك واشتري الاغراض
ممكن اتخلفي باول التاسع
شو نويتي اتسميها بنوتك
زارا وفوكس كتير حلوين
الله يسعدكم يا ئمر

لولو
سلامتهم اولادك ما عليهم شر
اشتئنالك

هبه
مساك نور وخير
سألتي مرة عن التنظيفات
انا جربت

جارة
اهلين شو اخبارك رجع زوجك
من اريحا ؟؟

[عيـ‘ـون المهـ‘ـا]

غُمُـ‘ـوضْ اُنثـَ‘ـىْ
هلا انــا أخبــاري منيحـه ’‘
ان شاء الله تكون كل امورك تمــــام

[umm 3amr]

سلام صبايا اشوفكم ع خير

[عيـ‘ـون المهـ‘ـا]

ام عمــ‘ـر>.> الله يخليلك عمر و يحفظه من كل شر و من كل مكروه و من كل عين .. الرسول عليه افضل الصلاة و السلام كان يعوذ الحسن و الحسين :" اعيذكما بكلمات الله التامه من كل شيطان و هامه * و من كل عين لامه " 3 مرات
فحصنيه دائما قبل ما تطلعي اي محل و استودعيه للرحمن و دائما إقرأي عليه
((الله خير حافظا و هو ارحم الراحمين)) دعاء سيدنايعقوب لابنائه
و كمان طلعي عنو شي متل انك توزعي شي فلوس او خبز او اي شي بنية دفع البلاء لناس محتاجه او ايتام
و ما بعرف بالامارات يمكن ما تلاقي حد محتاج بتقدري تبعتي لاهلك فلوس و يوزعوها على ناس محتاجه
انا هيك بعمل
ودائما بستودع نفسي و زوجي و بناتي و ابني

[umm 3amr]

يسلمو يا ئلبي عيون والله دايما بقرا عليه
وبشهر سبعه ذبحت ووزعتها هون بالامارات
وان شاء الله بدعي الدعاء الي ذكرتيه
وخلص بدي اتصل باهلي واخليهم
يوزعوا صدقات
الله يسلمك

[maisa odeh]

مرحبا صبايا كيفكم كلكم انشالله بخير
طمنوني عنكم كتير اشتئتلكم والله


انا الحمدلله ولدددت ب 18 -12
الساعه سبعه الصبح
الحمدلله صح تعبت بالولاده بس الله سهلها علي بالاخر
الحمدلله الله رزئني ماريا وامورها وصحتها كتير تمام ورضاعتاها الحمدلله تمام هلا راح احطها صوره رمزيه وشوفها
اجت ماشالله 3200 جرام
وطولها 49 سم
ومحيط االراس 32 ولون عيونها زرئ ماشالله بتجنن
الله يحمبها

[maisa odeh]

بدي احط صوره ماريا ع التوقيع بس مو عارفه

[احساس أنثى]

مسا الخير شكلو مافي حد هون لاني اول وحده تهنئ ميسو

ميسو حبيبتي الف الحمد لله على سلامتك ومبروك المولوده الجديده

ع فكره 18-12 ميلاد جوزززززززززي ^_^
ربي يخليلك اياها ياارب

[احساس أنثى]

غموض وباقي الصبايا

أنا حروح بكره على كل الاحوال سواء تكرر اولأ ليطمئن قلبي

وان شاالله خير

[maisa odeh]

تسلمي حبيبتي احساس شفتي اليوم الي حكيت معك فيه ع الايميل بعد بيوم ولددت ههههههههههههههههههههههههههههههههههههههههههه
حطيت صوره ماريا شو رايك فيها احكيلي

[لولو حمادة]

ميساء الحمد لله على سلامتك الف الف مبروك
تتربى بعزك
اكيد حلوه مثل خواتها



احساس والله بغديهم كويس وما بقصر معهم مثلا الحمضيات مابتنقطع من البيت وغيروا او وغيرو
بس زوجي من النوع اللي بكش ادا شاف حدا مرشح
والمكتب عندو مليان مهندسين وكل يوم وتاني مرشح ومفلوز
وبيعدينا
بس يعرفي ماتزوجت ما كان يمرض حتى احمد بس بعد مانزلنا غزة وروحنا قبل 6شهور تغير لوضع مابعرف كيف


ام عمر سلامتو ابنك حصنيه لمن تطلعي من البيت بالقران
واعملى مثل ماحكت عيون المها خلى اهلك يعملو صدقة

[لولو حمادة]

ما شاء الله عليها يا ميساء زي العسل
يختي ما ازكاها


احساس

ان شاء الله الدكتور يطمنك على زوزو

[maisa odeh]

تسلمي لولو الله يسعدك هدا من زوئك والله وعيونك الحلوين والله

[بينك روز]

مسا الخير ياحلوين
عيون المها
كيفك ياعسل شو اخبارك ان شاء الله بخير

احساس
سلامته زياد ماعلى قلبه شر
احكيلي كيف ابرة الاربع شهور رهف ابرتها في 30 شهر

ميساء
ماشاء الله عليها ماريا الله يحميها يارب
ميزانها نفس ميزان رهف اول ماولدت
الحمد لله على سلامتك ياعسل

ام عمر
سلامته عموره ما على قلبه شر ديري بالك عليه

غموض وحيفا وانبثاقة
الله يبعتلكم الحمل عن قريب ياااااااااارب

[بينك روز]

لولو حبيبتي دفيهم الاولاد والله هاد الجوو بمرض

[احساس أنثى]

ماشالله عليها بنوتك ياميسو شبهك :) ربي يحفظها ويخليلك ياها

لولو سلامتهم الرشح بنتقل من اقل شي ومتعب ع الاطفال الله يعينهم

بينك الله يسلمك هوا اخد ابرتين بالفخد يلي بالشمال بتوجع وهيو الو 3 ايام مسخن ان شالله رهوفه ماتتعب منها انا حطيت زيت خروع اذا عندك خدي معك وع طول حطي عليها عشان ماتتعبك

[عيـ‘ـون المهـ‘ـا]

http://forum.hwaml.com/imgcache2/hwaml.com_1356129298_582.gif
حبيبتي ميســـا
الله يجعلها من مواليـد السعـــاده
تتـربّى بعزكم و دلالكم
ما شاء الله ربي يحفظها و يبارك الك فيها

[عيـ‘ـون المهـ‘ـا]

بينك روز يا عسل
رهوفه ماخده وئتك ما عم منشوفك متل اول
و الله بشتائلك و لسهى كمان حبيباتي
ان شاء الله رهف ما تسخن على التطعيم متل ادم

كنت كتير هاكله هم بس الحمد لله ما تأثر فيها
و لا حتى تأثر من مكان الابره
ادم كان التطعيم بالفخد و نقاط بالفم

[احساس أنثى]

انشغلت عنكمرحت لزياااااااد
يالله هالاطفال بيتعبو انا مش عارفه كيف بجيبو 6 و7 انا واحد ونشف دمي

[احساس أنثى]

ياللهتصبحون على خير اراكم غدا باذن الله

[عيـ‘ـون المهـ‘ـا]

بدي احط صوره ماريا ع التوقيع بس مو عارفه
ميسااااا
كتير سهل حبيبتي اول شي بتروحي على لوحة التحكم
و بتختاري تعديل التوقيع و بعدين اعملي browse
و بتنزلي الصوره من جهازك و بتعملي للصوره رفع
أو ادخل الصوره
و اخر شي حفظ التغيرات
[:

[احساس أنثى]

صباح الخير

لسى ماصحيتو اكيد

انا يلي قايمه احلم هههههههه

[لولو الفلسطينية]

صباحكم عسل يا حلوين
كيفكم اليوم ؟؟
صرالي حوال تلات ايام ما دخلت المنتدى و ما شاء الله عليكم حاكيين و مش مقصربن هههههه
المهم ان شاء الله تكونو بخير
ميسا الحمد لله على سلامتك و سلامة البنوتة و تتربى بعزك انتي و ابوها ان شاء الله
دودو وينك يا حلوة ؟؟ شو اخبارك
كل الصبايا بلاش انسى حدا شو اخباركم و كيف هالنيا معكم ؟؟
انا اليوم دخلت الرابع الحمد لله و امبارح عملت حاليل للسكر و الكبد و طلع عندي السكر نازل كتييييير مع اني باكل حلو و مش مقصرة الهم الدكتور حكالي طبيعي السكر يكون نازل مع الحمل و التحاليل التانية الحمد لله منيحة و كمان صارلي يومين عندي صداع و و الدوخة الي كانت تيجيني بأول شهرين رجعتلي اليومين هدول بس بحس فيها لما اقوم بسرعة او انزل راسي و ارفعه فجأة
و بس ههههه
انا اليوم ما بدي اطبخ مرت عمي عاملة سمك و بدنا ناكل عندهم يعني اليوم اجازة ههههه
و انتو شو عاملين ؟؟؟؟؟

[جارة القمر]

يسعد صبااااااااااحكم


ميساء:

ما شالله ....
الحمد لله على السلامة والف مبروك ...تتربى بعزكم.... اسمها متل اسم بنت اخوي ....ماريا ....


احساس::

سلامنو زوزو ما عليه شر وان شالله يكون شي عرضي .....
طمنينا عليه ....


ام عمورة ::رشا

مشكورة على سؤالك حبيبتي ....كلك زوووء.... الحمد لله رجع ...الحمد لله انه ما شارك لانه صاحبو قبل السباق

عمل سباق مع شخص طلب يسابقو ... الله رحموووو لانه من السرعة والتفحيط طار العجل منووو وزوجي من خوفو على صاحبو

راح يعاتب الرجال اللي سابق صاحبو وصارت بينهم مشاده بس الحمد لله على كل شي ومع هيك صاحب زوجي صلح السيارة وجاب المركز الاول بالباق الرسمي


ام عمور2::
تقومي بالسلامة ان شالله


انا
بشرتي ليزون وزيد عادة من kides *fox*golf .....


غموض ::
كيف صرتي اليوم؟؟

[لولو الفلسطينية]

يسعد صباحك جارة
منورة hwaml7

[احساس أنثى]

لولو الدوخه عشان سكرك واطي اشربي عصاير منيحه انا كنت متلك

جاره والله انا عند اهلي ستي تعبت سار معها غيبوبة سكر الله يرفع عنها فمش عارفه حقدر اروح ع الدكتور ولا لا

[جارة القمر]

هلا لولو واحساس:
لولو:ما عليك شر
احساس :الله يشفيها .......ستك .........كيف زوزو هلا بعد التطعيم؟

[حواء مثالية]

صباحكم فل
ميسااااااااااااااااااااااا مبارك تتربى بعزكم يا رب

بنات دورتي متاخرة يومين

برلنت بتسلم عليكم

غموض بندلعها بطة بس اغلب الاوقات بناديها باسمها

[مسك السنين]

بناااااااااات بليززز مساعدة
وليد بمعدتو وبطنو كتير غاازات بيضلو يبكي ليل نهار
لما اقلبو ع بطنو برتاح شوي


بس مسكين بحزن لما ببكي

اعطيتو كمون ريح البطن بس معدتو لالا بتكرع متل الكبار بصوت عالي وبصعوووووووووووووووبة

وجربت النعناع والكراوية والبيبي نام
مممممممم

[حواء مثالية]

هلا يا مسك منورة

االف سلامة علي وليدي افضل حل بهالقصة اعمليلو مساج لمعدتو من فوق لتحت بس ما تضفطي كثير بتنزل كل الغازات الي بمعدتو انتي شكلك بترضعي مو بانتظام وبفترات قصيرة عشان هيك بصير معو غازات بمعدتو

حبيبت

[مسك السنين]

انا رضاعة طبيعية موضووع انتهى

هلا ع حليب اس26

[حواء مثالية]

اها الببرونة هي السبب

اعمليلو مساج مثل ما حكيتلك وان شاء الله بخف

[~{{ DoDo }}~]

يسعد مساكم حبيباتي
شو الاخبار
شكرا لكل اللي سالوا عني الله ما يحرمنيرمنكم يااارب
والله زوجي من مبارح مفلوز ومعه حرارة ووجع والتهاب ورحنا انا وياه عالمستشفى
اعطوه ابرة وكتبوله على ادوية الله يشفيلي اياه يارب ويبعد عنه كل شر ما بعرف فجاة شو صرلو

وانا من يومين مصدعة صدااااع فظيع مش قابل يروح ونومي مش منيح بالمرة الله يهونها علينا يارب
واليوم الصبح رحت عملت تحاليل الحمل ، الدم والسكر والفيتامينات ولسارمش رح اعرف النتيجة
الا لما اشوف الدكتورة السبت الجاي هيك هون النظام ، وشربوني محلول جلوكوز وضليت صايمة شي 12 ساعة
ودخت وحالتي حالة صار كل جسمي يرجف :( الحمدلله عدت على خير بس راسي كتير بيوجعني :(

اشتقتلكم كلكم ، مبروك ولادتك ميسا وتتربى بعزك الامورة وسلامة زوزو يا احساس
ولولو وام عمرو سلامة ولادكم ، مش متزكرة شو قريت حاكيين كتير اسم الله

بحبكم كلكم ، حيفاااااا تعي طمنينا عم بستناكي

[حواء مثالية]

هلاا دودو ما على قلبك شر انا وقت اعملت هاد الفحص صار فيا مثلك ما بروح الصداع الا ليتخلص جسمك من السكر الي اخدتي

بعين الله


الف سلامة علي ابو الشباب الله يشفيلك اياه يارب ويبعد عنكم كل مكرووووووووووووووه

[~{{ DoDo }}~]

حواء

تسلميلي حبيبتي الله يسلمك ويخليلك عيلتك يااااارب
بيعين الله شو بدنا نعمل ، هيني عم بشرب مي كتير عشان يخف السكر
وان شاء الله خير

[جارة القمر]

هايزز حواء كيفك ........وكيف برلنتوووو .......شو عاملين ..!

دودو :
سلامتو زوجك ما عليه شر ان شالله ..........
---

اليوم عملت جاجة على طريقة شف بالنت وكانت امي زمااااااااان تعملها ......

الجاج اللي على أنينه أزاز.......مع اوزي ........
طلعت طيبه

.وعملت الحلو كعكة النسكافية اللي بالتلاجة ......

الاسبوع هاد مخدتوووو اجازة ان شالله لانه يزوون عطل وحابة اضل معاه .....

[~{{ DoDo }}~]

جارة
صحتين شفتها طريقة الدجاج هاي بالتلفزيون على فتافيت بيقولو بتطلع طيبة كتير
يلا استمتعي باجازتك والله يهنيكم يااارب

[جارة القمر]

اها دودو طيبة ...........وسهلة .......

[حواء مثالية]

الله يسعد مساكم

منوره جارة الحمدلله نحنا بخير وبرلنت بتسلم عليكي

انا اليوم اعملت مقلوبة

[umm 3amr]

مساء الخير
شو اخباركم صبايا؟؟


ميساء
الف مبارك البنوته وجعلها الله قرة عين لكم
وتتربى بعزكم ما شاء الله حلوة كتير
والحمد لله ع السلامه


بينك روز
الله يسلمك الحمد لله
ويخليك رهوفه

حواء
يعني اول مرة تتاخر الدورة شاكه في حمل
طعم الاربع شهور انتبهي من الحرارة بوسي
برلنت

دودو
سلامة زوجك وان شاء الله يشفى بسرعه
محسوبتك تحليل الجلوكوز استفرغته
وكانو بدهم يعيدوه وما ارضيت
الله يطمنك يوم السبت


جارة
الحمد لله رجع سالم زوجك
وسلامته صاحبه ومبارك الفوز
حلوة الفرحه
صحه ع الكيك والاكل


احساس
سلامتها ستك طمنينا عنها
واليوم اتحسن زوزو العسل


لولو حمادة
الله يسلمك فعلا تغير الجو
بتعب الاطفال لمن انزلت العام
كانت فلسطين شتا وكتير عمورة
تعب وصار يفلوز كتير بعدها
شكلها المناعه تعبت

لولو الفلسطينيه
سلامتك احسن السكر يكون
نازل من الطالع وانا متلك
وكان الضغط ينزل كتير
المالح بيرفع الضغط وما ترفع
راسك بسرعه ولمن توقف ع مهل

[~{{ DoDo }}~]

ام عمرو

شو بدنا نعمل بيعين الله
حبيبتي تسلميلي الله يجيب الي فيه الخير

[umm 3amr]

اتفضلو صبايا جاتوه وعصير كيوي مع ليمون

[umm 3amr]

الله يسلمك
فترة وبتعدي

[~{{ DoDo }}~]

صحتييين ام عمرو

[جارة القمر]

ام عمورة::

صحتين يا أأمررر


حواء::
اضلكم بخير

انتي عاملة مانع ولا لا

[ديدو أم عزمي]

يسعد مساااااااااااااااكم
وحشتوووووووووووووووووني
و الله يا بنات اللابتوب كان مسروق و اليوم رجعنااااااااااااااه
الحمد لله الحمد لله الحمد لله مال حلااااااااااااااااااااااااااااااااااال
و النت مفصول من عندي و انا في بيت عم زوجي و حبيت امسي عليكم و انشاء الله كل فترة و فترة بطمنكم عليا
انا و هدهدة بخيييييييييييييييييير واحشييييييييييييييييييني

[مسك السنين]

مبروووووك ميلادك ميساااا

[مسك السنين]

بنات اسفة مابعرف جديدكم
بس الحمدلله انكم بخييييييييييير

[حواء مثالية]

مساااااااكم قشطة

اول مره بتتاخر ثلاث ايام ولهلا ما اجتني بدي اصبر يومين ثلاث واذا مااجت بعمل فحص

اناا عامل مانع طبيعي يا جارة

[حواء مثالية]

منوووووووووووووووووووووووووووووووووورة ام عزمي ريتها ما تبلا هالطلة

[Heba T]

مسالخير

الحمدلله ع سلامتك يا ميسو ،، تتربى بعزكم البنوتة

مسك ،، كان ميلو زي وليد وكان يضل يعيط بالساعات من النفخة لعند ما جبتلو Simicol قبل كا رضعة كنت اعطيلو ياه و جبتلو كمان بيبرونة ما بتدخل هوا Infanti من الحلو فارم ،، وفعلا حسيت بفرق

غموض ،، الك وحشة والله

بينك روز والله كتييير بنشتقلك

احساس ،، كيف ابو الزوز هلأ

حواء ،، ان شالله خير هالتأخير

جارة ،، ان شالله تقضي اجازة سعيدة مع الاطفال الحلوين

دودو ،، سلامات لزوجك ،، كل الناس عندهم انفلونزا قوية ،، الله يعين

يارب ما اكون نسيت حد

[بينك روز]

مسا الخيييييييييييييير

[em3omar]

صبايا مسا الخير عليكم كلكم ان شالله تكونو بالف خير يا رب
إحساس أنثى
حيفا
حواء مثالية
بينك روز
انبثاقة امل
ميسا الف مبروك الولادة تتربى بعزك
Um 3mro رشا
عيون المها
hiba t
جارة القمر

مش عارفة اًذا نسيت حدا سامحوني المهم الله يسعد مساكم وصباحكم كلكم
عيون المها انا دخلت بالتاسع بولد ب18 /1 على حساب الدكتورة والله يخليلك ابنك يا رب حسب المواصفات الي بتحكيها شكلو قمر 14 الله يحميه

ام عمرو لسا ما استقريت على اسم للبنوتة ههههههههه كل يوم بقعد قعدة انا وجوزي وبنقرر اسم وتاني يوم بغير رايي

[em3omar]

اول مرة بكتب رد عن طريق البيلفون ان شالله يكون على قد المقام

[em3omar]

حلوين اواعي بنوتي ؟؟

http://co105w.col105.mail.live.com/att/GetAttachment.aspx?tnail=0&messageId=51eb9fa1-4cbc-11e2-81d9-001e0bcc4968&Aux=54|0|8CFAEE038BA4C90||0|0|0|0||&cid=91fad4b36a0d7b9f&maxwidth=220&maxheight=160&size=Att&blob=MHzYtdmI2LHYqS5KUEd8aW1hZ2UvanBlZw_3d_3d

[لولو الفلسطينية]

اهلين ام عمر يسعد هالصباح
الصورة مش طالعة !!!!
يللا ان شاء الله تقومي بالسلامة و تهريهم بنوتك بالعافية

[em3omar]

مزبوط مش طالعة خسارة
تعبتني هالصورة مش عارفة كيف انزلها
هلأ بجرب اشي تاني
صحيح الله يسعد صباحك

[em3omar]

http://forum.hwaml.com/imgcache2/hwaml.com_1356244124_137.jpg

[em3omar]

زبطو زبطو
ان شالله يعجبوكم

[لولو الفلسطينية]

يختي ما اسكاهم
انا بمووووت بملابس البنات الصغار
بجننو
ان شاء الله تهريهم بالعافية يا رب

[جارة القمر]

يسعد صباااحكم*******

ام عزمي::

هلا وغلاااا يلا الحمد لله انه اللابتوب رجعلكم


حواء::

يلا ان شالله خير


هبوش::

هلا كيفك وكيف ميلووو ؟


ام عمر ::

والله مرتبين ............ما احلاهم ملابس البنوتات بجننووووووووووو شو بحب لاروح على محلات الملابس
اطلع عليهم..........

هدول من وين شريتيهم ...؟



غموض +حيفا..........وينكم........يا بنات...........؟

[لولو الفلسطينية]

يسعد صباحك جارة
شكلو كلهم نايمين hwaml02

[جارة القمر]

لولو يسعد صباحك


ام عمر::
شكلهم من جولف

[~{{ DoDo }}~]

صباح الورد يا صبايا

ام عزمي
نورتي والحمدلله على سلامة الاب توب متل ما قلتي مال حلال
ضلك فوتي وطمنينا عنك وعن هدهد

ام عمر
مبروكين تياب البنوتة حلوين كتير
الله يجيبلك اياها بالسلامة يااااارب

حيفا
وين هالغيبة تعي طمنينا عنك

جارة ولولو واحساس وباقي الصبايا يسعد صباااحكم شو الاخبار

[لولو الفلسطينية]

صباحك عسل دودو
شو اخبارك و ان شاء الله زوجك احسن ؟؟

[~{{ DoDo }}~]

لولو
انا الحمدلله بخير وكله تمام
زوجي احسن شوي الحمدلله ، خليته ياخد اجازة عشان يرتاح شوي
وان شاء الله خير ، طمنيني عنك كيف البيبي والالتهابات انشالله احسن ؟

[لولو الفلسطينية]

اها الحمد لله
انا كمان الحمد لله منيحة و بالنسبة للالتهابات اليوم بخلص الدواء يلي اعطاني اياه الدكتور و ان شاء الله يكون راح الالتهاب
و البيبي كمان منيح الحمد لله و موعدي الجاي بعد اسبوعين و ان شاء لله خير
و ان شاء الله اقدر اتاكد من نوع الجنين و الله ما هي فارقة معايه بس متحمسة كتيييير اعرف شو هو hwaml03
و انتي الدكتورة اخر شي ما حكتلك او لمحتلك شو جنس البيبي ؟؟ الله يتمملنا بخير و يرزق كل وحدة بتتمنى الحمل يا رب

[حيفا]

صباح الخير صبايا

كيفكم اليوم ؟؟

معلش حاكيين كتيير ما حقدر اقرأ كل هالصفحات
عملت فحص منزلي وطلع خطين بس الخط التاني خفيف كتييييييييييييير ، وعملت فحص دم ، ما كتبلي لا نيجاتيف ولا بوزيتيف قلي ارجعي عيديه كمان اسبوع
مش عارفه ، خايفه اتأمل ويطلع مافي !!

مبارح صابني غثيان واستفرغت كمان اعزكم الله ، مش عارفه صبايا ، شعوري ملخبط
الحمد لله ع كل حال

[لولو الفلسطينية]

حيفا حبيبتي ان شاء الله انك حامل
انا بحملي الاول لما حللت بالمنزلي طلعلي الخط التاني خفيييييف و لما حللت دم طلع ايجابي
و انتي يا رب يا رب تكوني حامل و تيجي تبشرينا ان شاء الله

[~{{ DoDo }}~]

لولو
الحمدلله حبيبتي انشالله بتتطمني عن قريب
انا الدكتورة حكتلي 70 في المية واكتر ولد
بس هي لسا مش متاكدة
وانا بيني وبينك احساسي قوي انه ولد
وطبعا مش فارقة المهم الصحة والخلقة التامة
عالعموم السبت الجاي الي موعد اطمن عالتحاليل بلكي اكدتلي جنس البيبي
الله يتمملنا ع خيييير يااارب

حيفا
حبيبتي طالما الخط واضح تاملي الخير حتى لو كان خفيف
بس المهم انتي ماخدة منشطات او ابرة تفجيرية هالشهر ؟
الله يكرمك ياااارب وتتاكدي وتبشرينا بحملك حبيبتي والله انا متفاااااااائلة

[حيفا]

تسلمي لولو ، مش عارفه ما اكدلي انه حمل ما بعرف
يوم الاربعا عندي موعد مع دكتورتي ، ببان معها اذا في حمل بالالتراساوند ؟؟

[حيفا]

اخدت كلوميد وابر تنشيط بس بدون ابرة تفجيرية وكمان صارلي ماخدتهم من زمان يعني قبل شهر :) انا دورتي متأخرة 11 يوم اليوم

[~{{ DoDo }}~]

حيفا يا قمر
اذا حامل رح يبين مع الدكتورة متل النقطة السودا بالسونار
انا هيك كانت متاخرة الدورة بس 5 ايام ورحت عن الدكتورة
بين معها كيس الجنين نقطة سودة حتى ما عملتلي تحليل دم لانه قالتلي خلص مبين اكيد

الله يطمنك حبيبة قلبي

[~{{ DoDo }}~]

خلص تمام
اذا مو ماخدة ابرة تفجيرية يبقى انشالله حامل
كنت خايفة تكوني مخداها لانها بتعطي ايجابي بالتحليل
يااااااارب يطمنك وتفرحينا

[حيفا]

يااااااارب الله يطمن بالك متل ما طمنتي بالي
ان شاء الله خير ، واذا في حمل انتو اول ناس حتعرفو اكييييد

:)

[~{{ DoDo }}~]

الله يطمن بالك كمان وكمان
هينا عم نستنى حبيبة قلبي والله متحمسة كتير لإلك ؛)

[حيفا]

تسلمي يا عسل :)

انا مش مشكلتي حامل او لا ، المشكلة زوجي ، اللي جاب صوبة تانيه مشان يدخن بالغرفه التانيه مشان ما يأذي البيبي ههههههههههه
مش متخيله شو بده يعمل لو لا سمح الله ما في حمل هههههههههه

[~{{ DoDo }}~]

حيفا

ههههههههه متفائل حرام خليه
وبعدين كلو بايد الله المشكلة ما بتقدري تمنعيه من انه يتحمس
بس انشالله ما بيطلع اللي عملو عالفاضي
الله يفرحك ويفرحه يااااارب وكليها لربنا

[حيفا]

ونعم بالله :)

المهم شو اخبارك انتي ؟؟
وشو طابخين هههه ، انا ما بدي اطبخ زوجي بده يجيب معاه بيتزا

[~{{ DoDo }}~]

والله انا تمام الحمدلله
وما قررت شو اطبخ زوجي اليوم اجازة بدي اشوف شو جاي عباله
بس بجد زهقتتتتتتت الطبيخ كله :(

[um jo0ody]

يسعد صباحكم حبيباتي ،، كيفكم اليوم ؟؟ معلش ما قرأت الا اخر صفحتين بعدين بقرأ الباقي كتييير مشتاقة احكي معكم ،،،

صباحك فل وورد واخبار حلوة يا حيفااا ،، حبيبتي يا رب تكوني حامل اتفائلي خييير يا قمر :) ولا تنسي ع طول تيجي تخبرينا

يسعدلي صباحك يا احلى دودو :) كيفك حبيبتي وكيف البيبي ؟ ان شاء الله سرتي تنامي احسن شو اخبارك احكيلي

صبايا شو اخر الاخبار :))

[~{{ DoDo }}~]

ام جودي

اهلا حبيبتي انا بخير الحمدلله
النوم يعني والله مش هالقد بس الحمدلله شو بدي اعمل كله بيهون
طمنينا عنك وعن الامامير انشالله كل امورك تمام ؟

[um jo0ody]

ياااا رب دايما تكوني بخير حبيبتي معلش انا متلك كانت مشكلتي بحملي بجودي ومحمد النوم ،، ما كنت اقدر انام خالص وخصوصا باخر شهور ،، ربي يتمملك على خير يا رب وتشوفي البيبي بين ايديكي

اي امامير ؟؟ ههههه انا عندي امور واحد بس ،،، الحمدلله انا تمااام وحمودي كمان بسلم عليكي وببوسك :) ،،، شو قررتي تطبخي اليوم ؟؟

[~{{ DoDo }}~]

هههههه ام جودي معلش النعس عامل عمايله معي
انا قصدي الامور طلعت معي امامير
تسلميلي يارب الله يخليلك اياه حمودي العسل

والله مش عارفة يمكن زوجي يجيب شي من برا
زهقااااااااانة

[um jo0ody]

هههههه لا بسيطة حبيبتي ،، تسلميلي ياااا رب من كل شر ،، الله يعينك والله عنجد النعس والارق متعبين جدا وبتحسي يومك راح من دون ما تستغليه بشي مفيد ،، يلا حبيبة قلبي كلها كام شهر وبييجي البيبي ان شاء الله وما بتلاقي وقت لحتى تنامي هههههه ،،، صحتين وهنا مقدما خديها اجازة اليوم وارتاحي :) ،،، انا عاملة سمك

[~{{ DoDo }}~]

حبيبتي تسلمي
وصحتين وعافية عالسمك :)

[زهرة القدس]

مساءا الخير للجميع

حيفا باذن الله انك حامل
انا هيك صار معي بالزبط الاسبوع الماضي عملت فحص بالبيت وطلع الخط خفيف جدا وما بين في فحص الدم الممرضه حولتلي اياه رقمي وتاني يوم طلع هرمون الحمل 261 قلي الدكتور بداية حمل لهيك ما ببين واضح بالفحص العادي

ان شاءالله ربنا بطمن بالك وبتفرحينا

[em3omar]

مسا الخير عليكم جميعا
حيفا حبيبتي ان شاء الله انك حامل انا بالحملين الفحص البيتي يعطيني خطين واحد خفيييييييف والتاني واضح وكنت متلك اخاف يكون اشي تاني بس يطلع حمل الحمد لله

صبايا الله يسعدكم انا كتير مبسوطة اني اشتريت اواعي لبنوتي كتير حاببتهم بس ما حبيت اكتر لسا امي شاريتلي من عمان واختي اشترتلي كمان فقلت بيكفي هيك بس تكبر بشتريلها كمان وانا كمان شارية داخلي لالها كتير

الي سألوني هدول من وين اشتريتهم من جولف golf بصراحة انا مجربة بضاعتهم للاطفال من وقت عمر ما في احسن من هيك بضاعة وكتير مريحين عالجسم للاطفال فوكس كتير غالي عالفاضي البنطلون ما بيجي شبر والبلوزة كتيييييير زغيرة وحقو 140 وما في تنزيلات وزارا ما عندهم اشي حلو كلو غالي وشيلاف نفس الشي مش حلو بالمرة كلها قطع سادة ومش حلوة وغالية عشان هيك لقيت هدول انسب اشي
وتسلموا كتير على زوقكم

[جارة القمر]

حيفا::

الله يفرح قلبك وان شالله بتتأكدي بانه حمل يااااااااارب .........ديري بالك على حالك ..........



ام عمر::

اها انا بحب اشتري من golf هو اسعاره مو قليلة كمان .......بحب بfox البيجامات الفوتير ...
والقمصان ...زارا اشتريت لزيد منو افرهولات .......



لولو و دودو هلا ........



زهرة القدس هلا بيك بينا...

[em3omar]

بس مقارنة بفوكس وزارا لا كتير اسعاره انسب يعني بعد ما نقيت القطع بسال عن الاسعار بتقلي الي بتبيع انو القطعة الاولى بنفس السعر والتانية بنص السعر حسبتهم طلع عليي القطعة بستين شيكل يعني كتير منيح وعنا بالقدس اغلا كمان وبضاعة بتخرب من اول غسلة
انا بحب بضاعة زارا كتير لاني بحب البضاعة التركية وزارا شركة تركية بس للبيبي new born ما في اشي حلو بالمرة ومش رخيص كمان

[زهرة القدس]

جارة القمر هلا فيك

شكرا

[احساس أنثى]

مسا الخير صبايا كيفكم

ستي الحمد لله تحسنت

وهبه وجاره ودودو ويلي سالو ع زياد اخدتو ع الدكتور والحمد لله قلي شي طبيعي مش فتاق ولا شي

جار** اجازه ممتعه اتمناها لكي

دودو ** سلامتو جوزك مااعلى قلبو شر بس خلي بالك ليعديكي

ام عمر ** مبروكين الاواعي حلوين كتير ربي يقومك بالسلامه

حواء ** ان شالله اذا حابه تكوني حامل تحملي وربي يجيبلك يلي فيه الخير

ام جودي وام عزمي نورتونا بعد الغيبه الطويله اشتقنالكم

حيفا ان شالله ربي يفرح قلبك وقلب جوزك يارب

غموض اين انتي ؟؟ اليوم؟؟

لولو ان شالله تكون الالتهابات راحت على العلاج

زهره يسعد مساكي

[احساس أنثى]

عشان اجيت مافي حد هون ؟؟

[~{{ DoDo }}~]

احساس وام عمر وجارة وزهرة القدس

يسعد مساااااااكم جميعا

احساس الحمدلله اللي اطمنتي على زوزو انشالله ما على قلبه شر
والله زوجي مسكين بيحاول يبعد عني قد ما يقدر عشان ما يعديني
الله يستر وانشالله بيخف وبيطيب

بنات بكرا عيد ميلادي بصير 26 سنة :)

[احساس أنثى]

سنننننننننننننننننه حلوه ياجميل

عقبال 120 سنه وربي يهنيكي

صحصحي ابو الشباب عشان ياخدك يفسحك ويعملك حفله

[جارة القمر]

احساس هيني هوووووووووووون .........

الحمد لله اللي اطمنتي على ابو الزوز والله دعيتلو انه ما يكون فتاق ..........الحمد لله

والحمد لله انه ستك تحسنت .........


ام عمر::

اها هلا في تنزيلات ...........والله السعر ممتاز بلكي رحت اشتري لزيد .....

[جارة القمر]

كل سنه وانت سالمة عئبال ال120 يا حلووووووو

[حواء مثالية]

مساكم فل

كل عام وانتي اسعد الناس سا احلى دودووووووووووووو

حيفا يا رب تنفرحي وتفرحينا

اذا ما شرفت دورتي بعد يومين بعمل فحص

[~{{ DoDo }}~]

احساس
حبيبتي تسلميلي
والله حرام شكلو محضرلي اشي مع انه مريض ومش قادر
بكرا بتبين هههههه متحمسة

جارة
وانتي سالمة وبصحة وسلااااامة يارب
انشالله بتفرحي بالامامير يااارب

حواء
تسلميلي وانتي سالمة ياقلبي
يلا حللي وطمنينا ، انشالله خير

[جارة القمر]

شو بتعملو بهالوقت..........؟

[جارة القمر]

هلا حواءءءءءءءء

[um jo0ody]

يسعد مساكم يا حلوووين

احساسوو حبيبتي الحمدلله على سلامة ستك ما ع قلبها شر ان شاء الله ،، بس مالها هي من شو تعبانة؟؟

والف سلامة على زوزو حبيبي ما يشوف شر ان شاء الله ديري بالك عليه يا مها

دودو القمر حبيبة قلبي كل سنة وانتي طيبة وعقبال 120 سنة يا رب تعيشيهم بسعادة وهنا وراحة بال والف سلامة على زوجك بلكي لبكرة بكون صحصح وعملك حفلة حلوة :) تتهني حبيبتي

ع فكرة عيون المها ولولو حمادة كتييييير وحشوني

[um jo0ody]

مساكم ورد وفل جارة وحواء كيفكم يا حلوااات ،، تتهني باجازتك هدوولة مع الامامير

حواء لعله خير غياب الدورة انا احيانا متلك بتتاخر شي 4 او 5 ايام بس بتهيألي من النفسية لانه بفكر فيها كتير لما بيقرب موعدها انه في حمل او لا ،، بوسيلي الاميرة برلنت

[حواء مثالية]

انا بحضر بتلفزيووووووون وبلاعب في برلنت

منورة جارة

[~{{ DoDo }}~]

انا كمان بحضر تلفزيون انا وزوجي

ام جودي
تسلميلي حبيبتي الله يسعدك ويخليلك حمودي العسل
وتفرحي فيه يارب :)

[احساس أنثى]

دودو انتي حاسه انو في شي حمستيني معك هههههههه

جاره انا بكلمكم من تحت الحرام رجليا متل البوظه

ام محمد ستي معها السكر وكبيره بالعمر فجأه سارت متل يلي بتلوى وبتمغص فحصولها سكر كان نازل تحسنت بس لسى مش متأملين خايفين والله لانو مره بتعرفنا ومره لا ربي يرفع عنها / اما زيدون بعنيا والله بس يمرض بسير اصيح عليه بحزن عليه بتعب كتير

[حواء مثالية]

بنات بالكم المسكنات بتاثر على الحمل ؟؟؟؟؟؟؟؟؟؟؟؟