دردشة بنات فلسطين, دردشة حوامل فلسطين, تجمع بنات فلسطين

[حلا الماس]

الله يسلمك يا دودو .. هشوف حماتي لانها هي بدها كمان تروح على الدكتور

وصار انو هي تتصل وتحجز الها والي .. يا رب يكون مداوم
اصلا ازا التزموا الخلايلة بالاضراب من اساسو


هلا ام عبد الله .. كيفك وكيفو عبد الله اليوم ؟؟؟

عادي وانا صبحت افطرت اندومي بتحرء هههههههههههه

[حلا الماس]

حيفا هنا .. يا مرحبا يا مرحبا

وينك يا بنت ؟؟ كم يوم الك ما طليتي ؟؟

كيفك ؟؟ وشو اخبار رجيمك ؟؟

كم كيلو ي نازلة

[احساس أنثى]

صبايا لولو وحلا شو قصة النسوان ؟؟ وليش الاضراب ؟؟
فضوليه ههههههههه

ام عبد الله يسعد صباحك

دودو ماشالله سرتي بالسادس يالله هانت ربي يقومك بالسلامه انتي والصبايل

[لولو الفلسطينية]

دودو هههه الله كريم
ام عبد هلا و الله هههه لا مش كلهم عنيدين في شي عقولهم طرية ههههه
حلا ما بتوقع الاضراب شامل الدكاترة
حيفا اهلا يا حلو
احساس هدول كانو نسوان تنتين في ناس بتحكي انهم بنت و امها و نا س بتحكي انهم خوات المهم كانو بسيارة و فجأة هجمو عليهم اتنين شباب و طخو بالهوا و ضربو هدول النسوان بالسكاكين و وحدة منهم ماتت يلي هي الام اله يرحمها و التانية صابتها مش بسيطة و خطفو الزلمة يلي كان مع هدول النسوان بالسياة
السبب مش معروف شة بحكي ثار و شي بحكي شرف
الله اعلم

[حلا الماس]

احساس .. الاضراب لانو في شهيد بالمدينة

اليهود اعتقلوا من بيتو قبل اسبوع وامبارح اعلنوا استشهادو من كتر التعذيب ... الله يرحمو ويصبر قلب اهلو


اما قصة النسوان .. كل حدا بيحكي قصة

بس الرواية الاكيدة انها قصة ثأر .. صارت بعين سارة

كان في نسوان تنتين بسيارة ظخوا عليهم ناس مجهولين وحدة منهم ماتت والتانية اصابتها خطيرة جدا والشب الي كان بالسيارة انخطف ... وبيقولوا انو المرة الي ماتت كانت قاتلة جوزها قبل 7 سنين هي واختها الي كانت معها .. وانحبسوا 3 سنين .. وقبل 10 ايام طلعوا من السجن ..والي قتلها اهل جوزها .. والله تعالى اعلى واعلم

نشرة اخبار عالصبح .. هههههههههههههه

[احساس أنثى]

يااااحراااااااام
وين هاد ؟؟ بأي منطقه ؟؟

[لولو الفلسطينية]

هاي صارت بالخليل في عين سارة بس النسوان من بيت اولا

[احساس أنثى]

ييييييي قاتلة جوزها نيله ليش ?
الله يرحمو الشعيد ياقلبي عليه

الدنيا بالمره كتر فيها الموت

[حلا الماس]

شايفة بالله .. ناس ما بتقدر النعمة


بيعين الله يا بنات

[ام عبدالله لولو]

هلا حيفا شو اخبارك الله يسعد ايامك ويرزقك بالحمل السليم يارب ..
حلا صحة وهنا بس دكتورة منعتني عن البهارات الي بتحرق ع شان الالتهابات

[حيفا]

حلا يا حلوة انا بخير الحمد لله ، وبالنسبة للكيلوات لسا ما وزنت ولا بدي اوزن عالاقل لبعد مايصير شهر هههههه
مع اني مش حاسه باي نوع اختلاف مع الرجيم غير انه جاي عبالي شوكولاته طول الوقت هههههههه

يا حرام سمعت عنه الشب جرادات ، وبقولو انه راح يكون بداية انتفاضة جديدة ، الله يستر يارب والله ايام الانتفاضه انها صعبه كتييير ،

اما عن النسوان ما سمعنا والله ، الله يرحمهم يااارب ، يختي حاسه صرنا ب لوس انجلوس قد ما بنسمع عن جرايم من هالنوع


يارب يكون يومكم بعيد عن كل هالاخبار السيئة يارب

[~{{ DoDo }}~]

ام عبد الله
حبيبتي انا هون دايما
بس مرات بنشغل ، تقريبا كل يوم الصبح لازم افوت هههه
اناومن غزة بس عايشة في دبي مع زوجي
وعمري 26 وصرلي سنة و10 شهور متزوجة وهاد اول حمل الي ربنا يتمملنا ع خير ؛)

لولو وحلا
يا الله شو هالقصة الله يجيرنا
والله قصص القتل والاعتداء كترت الله يكون بعون الناس
والله يرحم الشهيد

احساس
كيف دورتك صحيح
حاسة حالك عم تستفيدي ؟ ومبسوطة فيها؟

[~{{ DoDo }}~]

حيفااااا

يسعد صباحك ياحلووو
لسارمارتوزني بكير
بعدين لسا بكير عالنتيجة بدك اسبوعين لحتى تحسي حالك عن جد اخف وتقل شهيتك عالاكل
اسالي مجرب ههههههه كنت احب من فترة للتانية اعمل ريجيم بتتحسن نفسيتي هههههه

[لولو الفلسطينية]

حلا و انا سمعت نفس الشي انها قتلت جوزها و هاي ثار عشانو
المهم يا صبايا
عندي سؤال بس ما تضحكو علييه طيب ؟؟؟
:
:
:
:
:
هلا عندنا بمستشفياتنا لما الحامل تولد بخلوها تشوف البيبي اول ما ينولد يعني قبل ما يحمموه و لا شي يعني لما بشوف في الافلام بحطو البيبي على حضن امه و بعدين بشيلو عشان يحمموه
و الا كيف هون ؟؟؟ معقولة ما بتشوفو الا بعد الولادة بكم ساعة ؟؟
جاوبوني يا صاحبات الخبرة

[~{{ DoDo }}~]

حلاا
لا تكتري اندومي بالحمل
مش منييييييحة كلها مواد حافظة وبهارات وابصر شو
والله انا زوجي مانعني عنها نهائيا مع انه احنا التنين بنحبها

[حلا الماس]

هلا حيفا .. انتي بتلعبي رياضة ولا لأ ؟؟

اسمعي من وخدي هالوصفة انا جربتها لما كنت اعمل رجيم .. وكتيييير فادتني

اغلي كمون ونعنع وزنجبيل اخضر او مطحون .. واشربي منها كل يوم 3 مرات

الصبح عالريق .. وقبل الغدا .. وقبل العشا .. لانها بتمسح الكرش وبتسد النفس عن الاكل وبتقطع الشهية

والله بعد اسبوع لقيت كرشي خف شوي ومع لعب الرياضة والروجيم رح تشوفي فرق كبير .. حتى جوزي الي عمرو ما علق على شكلي لاحظ الفرق وحكالي انو الرجيم جايب نتيجة


والله انو الشهيد اتقطع قلبي عليه .. عمرو 31 سنة متزوج وعندو ولد وبنت ومرتو حامل

لما اليهود اعتقلوني قايلينلو ودّع اهلك .. يعني نية قتلو من قبل اعتقالو ..

ااااااااااااه .. بيعين الله .. ربي يفرجها من عندو يا رب

[~{{ DoDo }}~]

لولو
سؤالك حلو هههه
انا اللي بعرفه حسب يعني
في بعض الاماكن بيعطوه للام من اولها تضمه او تحطه ع صدرها بيكونوا بس لافينه بشغلة
وفي لا بيورجوها اياه من بعيد وبياخدوه يحمموه ويلبسوه وينضفوه
ممكن تسالي بالمكان اللي رح تولدي فيه او تتركيها للتساهيل متلي هههه الله اعلموكيفزيكون وضعنا وقتها

[ام عبدالله لولو]

الله يسعدك يادودو والعمر كلو اليك ان شاء الله وبتقومي بالسلامة

[حلا الماس]

لولو .. يا حبيبتي ما بضحك على سؤالك

انا ولدت 3 مرات ببمستشفى الاهلي .. وكانوا يحطوا البيبي على صدري قبل ما ياخدوه ينضفوه

يعني من حد ما ينزل بتلفوا الممرضة بمنشفة وبحطوا على صدري وبعدين بتاخدوا عشان اتنضفوا

انتي شو حابة ؟؟؟ انك تشوفيه على طول ولا بعد ما ينضفوه ؟؟ ووين بتفكري تولدي ؟؟

لا والله يا صبايا .. ما باكلها كتيييييير يعني من حد ما حملت مرتين او 3 بس .. وبدي اخلي جوزي ما يعاود يجيبها

[لولو الفلسطينية]

hwaml03hwaml03 دودو و انا اقرا في ردك صار قلبي يدق هههه حسيت بالجد
الله يهونها علينا

[~{{ DoDo }}~]

ام عبدالله تسلمي يا قلبي

لولو
هههههه اناركل ما افكر بالولادة قلبي بدق
يا الله مش متخيلة

[لولو الفلسطينية]

حلا حبيبتي الله يخليلك اياهم و يقومك بالسلامة
انا و الله حابة عطول اشوفها و اتطمن عليها
بالنسبة للمستشفى يلي رح اولد فيها لسا مش عارفة بس على الاغلب في الهلال لأنه دكتوري يلي بتابع معو مسؤول قسم التوليد فيها و لأني باخد ابر مميعة للدم و هو بعرف حالتي مش حابة واحد غيرو يولدني
بس جوزي بدو في الفرنسافي ببيت لحم هههه احلا شي اكون طايرة من الوجع و الطلق و لسا بدي اروح عبيت لحم هههه صحيح قريبة بس الفكرة مش داخلة مخي
يعني غلى الاغلب في الهلال .... انا جربتها مرتين لما اجهضت و عملت تنضيفات كانت كتير منيحة حتى الممرضات يلي فيها خفيفات دم و لطيفات
ان شاء الله الايام تعدي بسرعة و نوصل التاسع و نرتاح و يكون كلشي تمام

[~{{ DoDo }}~]

حلا
اه احسن شي زوجك ما يجيبها
انا هيك زوجي عمل

[حلا الماس]

سلامات صبايا ..

بدي اطلع هلأ ... برجع اكلمكم تاني

بس ارجعوا ادخلوا ..

[ام عبدالله لولو]

صبايا ياااااااارب نقووم بالسلامة بصراحة خوفتوني هههه بدي اتحرك من سريري واروح ارتب البيت هههههه لهلا ولا شغلة رح ارجع اطل عليكم يا خواتي الغاليات والله بنسلى معكم كثير

[حلا الماس]

بالتوفيق .. يا لولو


سلفتي ولدت فيه مرة وبتشكر منو كتييير

انا كان نفسي اجربو لما ولدت خليل بس جوزي ما رضي .. ووداني عالاهلي هههههه

والمرة هاي ما بعرف لسه مش مفكرة وييين .. انتي جربي الهلال وقوليلي كيف .. يعني بنجرب فيكي خخخخخخخخ

[~{{ DoDo }}~]

حلا الله يسهل عليكي

ام عبدالله الله يسمع منك يارب ويعطيكي العافية سلفا

انا والله علي تنضيف وضب ومكسلة بس اليوم لازم اعمل شغلة
بما انه رح اطبخ طبخة خفيفة

[حلا الماس]

خلص سلام كبييييييييييييييير

بدي اعمل شغل البيت .. واحضر طبيخ الغدا

[لولو الفلسطينية]

الله معكم صبايا و يعيكم العافية سلف
انا ما عندي شغل تقريبا بس لازم ادرس شوية ههه الفضل صارلو تلات اسبيع و اكتر مبلش و انا لسا ما درست الا امبارح بس خفييييييف
دودو شو رح تطبخي ؟
انا بدي اعمل شيش طاووق ازا بتعلافيها ؟ ما عمري عملتها بس شفتها على جروب عالفيس بوك و سهلة و مكوناتها موجودة عندي هع هع و ما بتوخد وقت يعني لسا بدري على الطبيخ بس جهزتها و عملتلها التتبيلة و حطيتها بالتلاجة

[~{{ DoDo }}~]

لولو
صحتين اه اكيد بعرفها
بس انا كمان ولا مرة عملتها

انا طلعت صدور دجاج وعم بفكر اعملها مع خضار بالفرن
مش جاي عبالي اعمل شي تاني

يلا قومي ادرسي يا كسووولة ههههه

[لولو الفلسطينية]

هههههه
حاضر يا دودو
صحتين على الغدا مقدما
يللا سلام

[~{{ DoDo }}~]

الله معك ؛)

[ام عبدالله لولو]

كيفكم يا صبايا شو ما في حد هوون

[احساس أنثى]

دودو تسلميلي ع سؤالك الدوره حلوه مبارح كان اول يوم ومقدمه بسيطه دورتي يوم بعد يوم

صبايا لاتخافو من الولاده بس اهم شي ادعو تكون مسهله وطبيعيه حتى ماتتعدبو هي اذان الظهر بأدن ادعو
والتسلهيل من ربنا حتى وانتي بتطلقي ادعي شوفي يلي بوجع الطلق وكل وحده بتختلف عن التانيه ومتل وجع الدوره بس اجمد شوي
بكن فترة نزول الراس والجسم مابتحسي في كتير ع طول تك تك هههههههه وبنزل يعيط بتنبسطي وبترتااااااحي كتير
انا ولدت بالاهلي لفتو بكفوله بكونو معك وحطتو جنبي بعدين اخدتو ورتبتو وكان في كمان ممرضه حممتني ولبستني واخدتني ع غرفتي استريح وارضع البيبي
وممكن تخليكي يجو الاهل يتطمنو عليكي عادي بس انا عشان يوم عيد بس رضعت زوزو روحت ع طول ماضليت بايته :)

حاسه حالي حكيت كتير بدي اقوم اخد دش
احنا عاملين فول بطحينه حاااادق ياحوامل هههههههه مغري تفضلو

[ام عبدالله لولو]

هههههههههه الله يسعدك يا احساس الصبح خوفوني الصبايا ههههههه بي كلامك بخكي هههه ما في وجع.. صحة وهنا الفول طيب ووووزاكي

[~{{ DoDo }}~]

اهلا احساس
يلا حلو بتتسلي بهالدورة وبتاخدي معلومات
بالنسبة للولادة انا لهلأ مش عم بفكر بالموضوع
وما بحب اسمع قصة ولادة حدا لو كانت مخيفة
خلص بضل اقول بقلبي تساهيل ولما افوت بالتاسع بخاف ملحقة هههه
بعدين امهاتنا وكل النسوان بيولدوا والحياة ماشية
الله يقومنا بالسلامة كلنا ونولد طبيعي ياااااارب وتكون مسهلة عالجميع اهم شي الصحة والسلامة والخلقة التامة ؛)

ام عبدالله
قوي قلبك متلي ولا تفكري كتير
استمتعي بالحمل وخلص هاد احلى شي
بعدين ملحقين عالخوف وبعده عالمسئولية ؛)

[~{{ DoDo }}~]

صحيح احساس
صحتييين عالفوووووول خصوصا انه حادق ههههه

[ام عبدالله لولو]

هلا ديدوو خلصتي شغلك ووشو طبختي ههههههه انا بروح وباجي .. شو دارسة ديدوو

[حيفا]

مرحباااا مرة تانيه

رحت اشتغلت البيت وجهزت المحشي ، ورجعتلكم رجعة صغيرة وبدي اروح اجهز حالي مشان بعد الغدا انطلق للصياعه ههههههه

الله يسهل الحمل والولادة الكم جميييعا ياااااارب وان شاء الله بتشوفو بيبياتكم بصحة وسلامة يارب :)

[ام عبدالله لولو]

صحة وهنا يا حيفا عقبال عندك اتخبرينا بحملك

[~{{ DoDo }}~]

ام عبد الله
انا دارسة كمبيوتر
وانا كمان طبخت ونضفت وهيني باكل فواكه هههههه

حيفا
يعطيكي العافية حبيبتي
ويومك سعيييييييد

[ام عبدالله لولو]

الله يعطيكي العافية يارب شو طبختي ..

[احساس أنثى]

شلونكم صباااايا

شو عم تعملو بهادي اللحظه بسرعه اعترفو

دودو مجالك كتير حلو مابتفكري تشتغلي ؟؟

[ام عبدالله لولو]

هلا احساس هههههه انا هلا خلصت طبيخ .. شو مش تاوية تجيب اخ او بنوتة حلوة لزوزوو

[حلا الماس]

هلا صبايا ..

شو عم تعملوا ؟؟ شو طبختوا ؟؟


انا عملت صينية سمك واتغدينا كمان ...ممممممممممممم شو طيبة

[~{{ DoDo }}~]

ام عبد الله
عملت دجاج بالخضار

احساس
انا كنت اشتغل بغزة اشتغلت سنتين
بس للاسف بالامارات الوضع مختلف
فرص الشغل قليلة للناس اللي ما عندها خبرة جوات البلد
او ازا لقيت شي بيكون دوامه كتير طويل ومش معقولة اوصل البيت انا وزوجي مع بعض
كتير حاولت اشتغل اولها وقدمت بس عالفاضي ما كان في نصيب
ان شاءالله لقدام بصحلي

حلا الالماس
يعطيكي العافية وصحتييين عالسمك

[حلا الماس]

يعافي قلبك يا دودو ...

وانتي كمان صحتين عالجاج كتييير سهلة وسريعة هالطبخة

[جارة القمر]

مسااااااااااء الخير

[حلا الماس]

هلا جارة مساكي عسل يا عسل

بس عن اذنك انا بدي اطلع ... اجت بنتي من الروضة ...بدي اغديها واشوف واجباتها


برجع بالليل ان شاء الله

[حيفا]

صحة وعافية للجميع ع طبخاتهم
زوجي اجا تغدا ورجع طلع سيارته بدها تصليح وانا مجهزة حالي قال بدنا نطلع مشوار ههههههه

بنااااات ولو اني عامله دايت بس بفضل اتفرج عالوصفاااات ههههههه
هالوصفه كتير عجبتني وحسيتها سهله كتييير ، شوفوها

التويكس - مطبخ منال العالم-tab5atmama (http://tab5atmama.d1g.com/video/show/5117571)

[حيفا]

يااااا امي شو حلووووو هههههه ضحكت من قلبي ع زكاوتهم :)


‫مقطع طريف - ضحكات طفولية‬‎ - YouTube (http://www.youtube.com/watch?v=66tDkMFp0Tw)

[حيفا]

‫طفل يقلد اخته بس ظريف‬‎ - YouTube (http://www.youtube.com/watch?NR=1&feature=fvwp&v=w-e7o5bjqFU)

[احساس أنثى]

هههههههههه فيديو التواأم فرجاني اياه جوزي مره بجد بجننو الله يوعدك متلهم يارب
وشو عم تعملي حلويات ؟ والرجيم ؟؟

[حيفا]

لا ما عم اعمل حلويات هههههه ، بس بحب اتفرج ع وصفات هيك تسلاية ههههههه

وانتي شو عم تعملي ؟

[جارة القمر]

حلاااا الماس:

اليوم خواتي مروحين من الجامعة مضربين هن بيدرسووو بجامعة البوليتكنك حكولي عن قصة المراه وبنتهاااا

شي بيحزن .........
::""::

ومين اللي بياكل اندومي انااااا لو شوفوووو ممكن مااااااا اكل لمدة اسبوع لاني بابني الاول بالحمل كرهتوووو وما زلت
حتى لمجرد اشوف دعايتوووو بالتلفزيون ما بتحملللللللل

[حلا الماس]

مسا الخير يا بنات .. مين هون فيكم

حيفا فيديو التوأم بيجنن كتيير حلو .. ربي يوعدك ويعطيكي متلهم يا رب :)))

جارة .. والله وانا ما برغبلها الاندومي .. بس بحملي هادا طلبتها مرة وجاب جوزي بكيت كبير يعني ما جاب غيرو

واكلتها مرتين او 3 بس ... مع اني مابخلي ولادي ياكلوا منها ههههههه .. بس انا بجي عبالي اشي مالح وبيحرء وعلى طول بقول اندومي

بس ليخلص البكيت وخلص ما رح اعاود اجيبها .. بعرف انها كتييييير مضرة ... خلص بطلت ببوس التوبة

بالنسبة لقصة القتل هي الصحيح انها مرة واختها .. هي اكدوا الرواية

بس الاضراب عشان الشيهد عرفات جرادات ... حتى صار في مواجهات بكل محافظة الخليل


انتي من وين ؟؟ انا ما بعرف

[احساس أنثى]

الله يرحمهم ولونها قاتله جوزها بس مابجوز الا الرحمه ع الميت

[احساس أنثى]

معلش حيفا تركتك انزلت مع حماتي ع حماتها :) يلي هيا ست جوزي :)

[حواء مثالية]

مساء الخير يا بنات كيفكم

[جارة القمر]

حلااا الماااس::

انا من القدس خواتي ميخدات سكن بالخليل جنب الجامعه .....
واهااااا هيك بدي ياكي ما تاكلي اندومي هههههههههه بعرف الحامل مش بايدهاااا.......


حواااء ::

يسعد هالمساااا

[حلا الماس]

هلا فيكي يا حواء نورتي ... وين ما طليتي اليوم ؟؟

كيفها برلنت العسل ؟؟


جارة ... اها على راسي اهل القدس والله
تسلميلي يا رب


باقي الصبايا وينكم .. ليش ما طليتوا ؟؟

[حواء مثالية]

هلالالا جارة وحلا نوركم

والله كل النهار كنت عند حماتي عزمتني على لفطور ونقصي عندها كل النهار تعشينا وروحت وهيني اجيت

[إنبثاقة أمل]

صباح الخير

شو أخباركم

لولو ربي يسعدك ويسعد كل الي سألو عني

انا رجعت من يوم الجمعه ع بيتي

وكان الفراق جدا صعب لي

بس الحمدلله المهم اني شفتهم ويارب يضلو بخير

ويجمعكم مع احبابكم ع خير

بس ع طول من الجو فلوزت ويلي رشح وكحه الله يعين

[احساس أنثى]

انبثاقه الحمد لله ع سلامتك
والف سلامة عليكي ياعسل

[إنبثاقة أمل]

الله يسلمك ياقلبي

ربي يسعدك

[حواء مثالية]

انبثاقة الف الحمدلله على سلامتك

والله يجمعك باهلك على خير يارب

[إنبثاقة أمل]

الله يسلمك ويسعدك حواء

ماعرفت انام من الكحه تعبتني كتيييير :(

قمت اشرب بابونج بلكي هديت علي

[em3omar]

صباح الخير عليكم جميعا يا صبايا
كيفكم وشو اخباركم اشتقتلكم كتير
سامحوني ما عم بعرف ادخل ولا احكي كتير ملهية حتى لو بيجيني وقت فراغ بردو بكون مشغولة ما بعرف ليش
اشتقت كتير لحيفا ان شالله تكوني بالف خير
ولام عمرو شو اخبارها ان شالله ولدت بالسلامة
ولعيون المها ان شالله تكون بخير
ولانبثاقة امل الله يسعد اوقاتك
ولحواء مثالية شو الاخبار
ام عبد الله اهلا وسهلا فيكي
dodo و bink rose كتير اشتقتلكم
احساس انثى منورة
لولو الفلسطينية الله يسعد صباحك ومساكي
حلا الماس تشرفت بمعرفتك
والباقي كلكم الله يسعد اوقاتكم وسامحوني اذا نسيت حدا انتو دايما بالبال
الله يعطيكم كلشي بتتمنوه وينولكم يلي ببالكم ويباركلكم بالي عندكم

[احساس أنثى]

قصباح الخير صبايا كسلااااااانه
عندي دوره من بدري عر9

[حيفا]

صباااااااااح الورد والفل واليااااااسمين ، صباح النشاط

ام عمر حبيبتي يسعد صبااااحك يا حلو ، دايما بقولو التاني بكون اصعب من الاول مشان بدك توفقي بين تنين ، بس اول فترة بعدين بتتعودي وبصير عندك وقت فراغ ، كيف الامورة الصغيرة ، وحموودة ؟؟

احساس نهارك سعيد ، ودورة موفقة باذن الله :)

انبثااااقه الحمد لله ع سلااامتك يا عسل ، ومتل ما ودعتي تلاقي ، وسلامة قلبك يا حلوة ، اذا عندك عسل خدي عالريق بقولو انه منيح للكحه

باقي الصبايا جميعا الله يسعدكم جميعا يارب ، وان شاء الله نهار كله تفاؤل وسعاده :)




في خبر قرأتو هيك فرفحلي قلبي عالصبح واكتر شي عجبني لبس الزوجه *-*


http://sphotos-a.ak.fbcdn.net/hphotos-ak-ash4/419790_585797298115552_849820026_n.jpg


عماد برناط مع زوجته وابنه على السجادة الحمراء لحفل الأوسكار
وصل المُخرج الفلسطيني عماد برناط إلى الحفل الـ 85 لتوزيع جوائز الأوسكار برفقة زوجته وابنه، ويأمل برناط الليلة في فوز فيلمه خمس كاميرات محطمة " 5 Broken Cameras" في الفوز بجائزة أفضل فيلم وثائقي.

وكان برناط قد أعُتقل منذ أيام قليلة في مطار لوس أنجلوس، بعدما رفضت إدارة الهجرة السماح له بالمرور، مشككة في الأسباب التي دعته لزيارة الولايات المتحدة الأمريكية، وهو ما استدعى منه طلب المساعدة من المُخرج مايكل مور ليؤكد للسلطات أن سبب تواجد برناط في أمريكا هو حفل توزيع جوائز الأوسكار

[حلا الماس]

صباح الورد على عيونكم ..

احواء .. يخليلك حماتك يا رب

انبثاقة .. حمد لله على سلامتك حبيبتي .. وبروح الشر عنك سلامتك من الكحة اشربي زعتر مغلي مع عسل .. كتير منيح للكحة

ام عمر .. وانا تشرفت بمعرفتك كمان .. ويخليلك ولادك يا رب

احساس .. صباحك نشاط وامل ♥

حيفا .. يسعد كل ايامك .. ويرزقك السعادة وين ما رحتي حبيبتي ♥
حلو كتير الخبر عجبني .. ربي يوفقوا هالمخرج .. وبجد زوجته انها زوء وبنت اصل حبيتها كتير


باقي الحلوات يا اصحوا خلص الشمس من زمان طلعت ..

[حيفا]

يا عيني عالنشيطة يا عيني هههههههه
صباحك حلا والماس يا حلا الماس :)

شفتي والله شي حلو كتيييير عجبني انها لابسه الثووب الفلسطيني "-"

كيفك انتي وكيف البنوتات ؟

[حلا الماس]

انا تمام حبيبتي ...

نشاطي هذا بعض ما عندكم ههههههههههههه

الحمد لله بناتي بخير .. ماسة راحت عالروضة ..و خلا وخليل لسه نايمييين zzzz

شو عم تعملي انتي ؟؟ شو اخر اخبارك؟؟

[حيفا]

والله ما عم اعمل شي ، ما بدي اطبخ اليوم وعندي شغل بيت خفيف :)

ما في اخبار جديدة ، رحنا عالدكتور يوم الخميس انا وزوجي ، فحص هرموناته ممتاز ، والفحص العضوي كمان ممتاز ، لهيك الدكتور رجع طلب مننا فحص العينة مرة تالته لانه بيشك انها النتيجه خطأ !!
وان شاء الله خير

[ام عبدالله لولو]

صباح الخير يا حلووات .. الله يسعدكم يارب

حلا يسعد صباحك انتي وحلا وماسة وخليل والنونو الصغير ..
حيفا الله يصبحك بأنوار النبي ونصير نسألك ع النونو تبعك ..

[~{{ DoDo }}~]

صباح الخير يا حلوين كييييييفكم

جارة وحواء اللي كانوا سهرانين يسعد اوقاتكم

انبثاقة
الحمدلله ع سلامتك حبيبتي
ان شاء الله بتجتمعوا على خير قريبا يارب
ونورتي بيتك وحياة زوجك ؛)
وسلاااامة قلبك مع تغيير الجو الواحد بيمرض ع طول ما بيتحمل
دري بالك ع حالك

احساس
موفقة بدورتك حبيبتي
كيفو زوزو

حلا وام عبد الله وحيفا صباح الفل :)

ام عمر
اشتقنااالك
الله يعينك يارب ويكون معك
ان شاء الله مع الوقت بتتعودي وتسهل الامور عليكي
دايما تعي طمنيني عنك وبوساتي لعمر وتولين

[حلا الماس]

بيعين الله .. انا محتارة شو اطبخ !!! ما بعرف وجوزي وولادي ما بيعجبهم اي اشي
مثلا خليل مع انو لسه ما كمل 3 سنين كل يوم بيقلي بدي مقلوبة .. من حد ما يصحى من النوم

وخواتو ما بياكلو اي اشي .. ولا ابوهم والله كتير بيغلبوني بشغلة الاكل
بناتي بيحبوا اشي وابوهم ما بيحبوا او العكس

هههههههه مفكرة احرد عن الطبيخ

وشغل البيت لما يصحوا ولادي لانو ما بعرف اكنس ولا ارتب وهم نايميين :( :(

اتوكلوا على الله اتني وجوزك .. وان شاء الله خير يا رب

[~{{ DoDo }}~]

صحيح
حبيييييت المخرج الفلسيطيني هو ومرته
يا هيك الوطنية يا بلا
ان شاء الله يفوز ويفقعهم كلهم يااااااارب

[حيفا]

اهلاااااا صباح الورد دودو يا حلوتي ، ازيك ، وازاي العيال هههههه :)

حلا ونعم بالله حبيبتي ما بنتوكل الا على الله :) ، وبالنسبة للطبيخ انا زوجي ما بغلبني في هالناحية يعني شو ما اطبخ بياكل ، ما بعرف بكرا الولاد بغلبوني عالطبيخ ولا لاء ههههه
الله يحفظلك ولادك وابوهم ياااارب :)

[حلا الماس]

ام عبد الله ... يسعد صباحك وكل اوقاتك يا رب

وعبودة الزغنون كيفو اليوم ؟؟


دودو .. صباحك سعادة ورضا حبيبتي ... منورة

[ام عبدالله لولو]

يسعد صباحك دودو شو اخبارك يا حلوة ..
تسلمي يا ام خليل هههههههه احلا من حلا الله يخليلك اياهم عبود صبح مخليني اكل ليموون حااااااااامض بس زاكي ع شو بتتوحموو صبايا

[~{{ DoDo }}~]

حيفا
موفقين حبيبتي بالتحليل
ضللك ادعي ربنا يسهلها ويكون خير ؛)

حلا
منورة بوجودك والله
والله يعينك عالاولاد وابو الشباب
الاكل بيحير لو كان الواحد مش مزاجي
فما بالك يكون كل حد بحب شي هههههه

انا اليوم بدي اعمل ملوخية ودجاج وجنبها رز بالخضار والمكسرات
تفضلواااااا صبايا

[حيفا]

ام عبد الله يسعد صباحك يا عسوووولة :)

وصحتين للجميع عالطبخات اللزيزة :)

انا عندي محشي من مبارح ما بدي اطبخ

[ام عبدالله لولو]

صحة وهنا دودو طيبة الملوخية الطازة الناشفة ما بحبها .. يومك سعيد ان شاء الله

[ام عبدالله لولو]

وصباحك يا حيفا .. من وين انتي وكم عمرك
صبايا مين منكم اتوحمت ع الليمون باكلو كثير مع انو ما كنت احبو

[~{{ DoDo }}~]

ام عبد الله
يسعد صباحك حبيبتي
وصحة ع قلبك ياااااارب
انا ما بحب الملوخية كتير بس زوجي كتييييير بيحبها صرت اكلها عشانه

[~{{ DoDo }}~]

ام عبد الله
انا توحمت عالحوامض بشكل عام
كنت كتير اشرب عصير ليمون اول حملي
والبرتقال لهلا باكله كل يوم من اول حملي

[حيفا]

انا من القدس وعمري 25 :)

[ام عبدالله لولو]

هههههه وصحة وهنا فتحتي نقسي عليها خاصة مع اليموون .. اتوحمتي ع الليموون

[~{{ DoDo }}~]

لا ما اجا ببالي اني اكل ليمون لحاله
كنت اشرب عصير بس ليمون

[ام عبدالله لولو]

اهلا وسهلا فيكي .. العمر كلو ان شاء الله بتزين بالحلوين

[حيفا]

قصدي 26 هههههههههه

[حيفا]

بنسى اني كبرت سنة :p

هههههههههه

الله يسعدك حبيبتي ويبارك بعمرك :)

[ام عبدالله لولو]

هههههه العمر كلوووو انا 25

[~{{ DoDo }}~]

حيفا العمر كله ههههه
انا كمان مرات بنسى اني صرت 26

[حيفا]

خلصنا ربع قرن وداخلين بالربع التاني ههههههههه

[~{{ DoDo }}~]

هههههههه ع قولتك

[beboo]

صباح الخير كيفكم

ان شاء الله العمر كله ياصبايا وتعيشو وتشوفوا احفاد احفادكو

[حلا الماس]

دودو ... صحتين عالملوخية بموت فيها .. بس الي فرزتو السنة الي عدت خلص .. وبستناها تنزل خضرة

ام عبد الله .. يا رب تشوفي عبود بالسلامة .. والله اتحمضت من كلامك عن الليمون .. انا مش كتير برغبلو

حيفا صحتين عالمحشي .. بفكر بطبخة محشي باتنجان للاسبوع هادا .. طبعا جوزي ما بحبو رح اعملو محشي بطاطا :(

مش بقلكم متغلبة معاهم

المهم قررت اعمل يخني بطاطا وبامية مع رز وجاج ... وهيها طنجرة الضغط بتصفر هههههههه

بيبو يا عسولة .. وينك بتغيبي كتير صايرة .. بدي ابعت لولي امرك .. نشوف سبب الغياب .. خخخخخخخ


دخلت بسرعة اشيك عالدردشة وطالعة سلام ... برجع لما اكمل الطبيخ :)

[beboo]

حلا هههههههههههههه يئطع شرك شو دمك خفيف والله الاستاذ بيان مابيقبلي افوت نت كتير لانى بفترة مراهقة ههههههههههه

لا بس ان شاء الله حتشوفونى متل اول لانه السنون شكله بده فترة ليطلع متى يطلع ويريحنى

شو طابخين اليوم انا عملت معكرونة لانى كتير كسلانة

[مسك السنين]

منوووووووووووووورين صبااااااااااااياااااااااااااا

[beboo]

صبايا شوى وراجعة بدى اكمل الطبخة بلا ماتنحرق >>الى بسمع بيقول خروف عاملة ههههههههه

[~{{ DoDo }}~]

حلا
الله يعينك عليهم ههههه
وصحتين عالبطاطا وعلى البامية ؛)

بيبو
نورتي يا هلا والله
صحتين عالمكرونة وسلامته بيبو الي مغلبك
لازم تتاقلمي هههههه لحتى يطلع السنون ويرتاح وترتاحي انتي

مسك السنين
نووووورك ، كيفك وكيف ديدو باشا ؟

[ام عبدالله لولو]

مرحبا صبايا شوو اخباركم صحة وهنا ع الطبخات

[مسك السنين]

انا قاعدة بسوي سبانخ كتييييييييييييير بحبو بس المشكلة نسيت انقع حمص يؤؤؤؤؤؤؤؤؤؤ


ديدو الحمدلله وليد افضل من الاول ربنا يحميه وتشوفي عموووووووووور متلو


منورة ام عبدالله وبيبو

شو طابخيييييييين

[ام عبدالله لولو]

تسلمي يا مسك النور نورك .. السبانخ طيبة مع الليمون ههههههه انا من الصبح نفسي مفنوحة ع الليمون الف صحة وهنا يارب .. منورات صبايا ووين غطست ام خليل

[أميرة الجوج]

مرحبا انا سجلت جديد بالمنتدى وحامل بالشهر الرابع اول حمل إلي وحابه اشركم واستفيد من خبراتكم

[beboo]

دودو حبيبتي على قلبك هيني خلصتها واتغدينا الحمدلله

مسك منورة بوجودك

باقى الصبايا منورين

[حواء مثالية]

سلام عليكم صحتيين يا بنات انا لهلا ما بعرف ششو بدي اطبخ



ام عبدالله انا وانا حامل في برلنت ما خليت ليمونه الا اكلتها وبرتقال كمان بس حملي هاد مش متوحمة على شي

اميرة يا ريتو مليووون هلا عرفينا عليكي

[حلا الماس]

مسا الخيييييييييير ..

دودو .. يعافي قلبك حبيبتي تسلمي ..

ام عبد الله .. الله وكيلك كنت غاطسة بين الطناجر والطبيخ .. بس هلأ الحمد لله خلصت واتغدينا ..
شو طبختي انتي اليوم ؟؟

بيبو يا عسل .. ازا بيان ما بيسمحلك معناتو اسمعي كلامو .. هو اهم منا :) يسعد قلبو العسول الي بيمنع امو من النت ..ريتو الف صحة عالمعكرونة .. عملتيها ببندورة ولا بالباشميل ؟؟

مسك .. هلا فيكي ويييييييييييين هالغيبة .. ليه ما بتدخلي كتير ؟؟
وصحتين عالسبانخ ... بس لشو الحمص ؟؟ شو بتعملي فيه

اميرة .. مبرووووووووووك حملك .. ويا مية هلا فيكي

حواء .. مساكي سكر يا رب ... كيفك وكيف برلنت اليوم ... والبيبي كيفو ؟؟


نداااااااااااااااااء لولو وينك اليوم مش مبينة ؟؟؟ على راي ام عبد الله وين غاطسة ؟؟؟

باقي الصبايا .. ربي يسعد كل اوقاتكم يا رب ♥ ♥ ♥

[مسك السنين]

هلا حلااا الحمص حب بينحط بالسبناخ مممممم ولا انتي كيف بتسووووي


وبنشغل عنكم بسبب ياطالعة ياديدو منكد بس الحمدلله ان تحسن عن اول صار اهدى

[حلا الماس]

ما عمري سمعت انو بينحط مع السبانخ حمص حب

ازا سبانخ للخبز ... بنفرم بصل معاه وبنتبلو ببهارات وزيت زيتون

وازا لليخني بقلي بصلة وبعديها بضيف السبانخ ليدبل وبعديها المرقة وبيغلي شوي وبقدحلو بتوم ومش دايما

وسلامتو الامور وليد يا رب يخليلك اياه وبحفظو يا رب ....

انتي بدك تعملي السبانخ بخني ولا قراص خبز ؟؟

[مسك السنين]

لاطبيخ يخني مش حبز الا بنحط حمص حب بيكون فظيع

والمصرين اظن بحطو فلفل حراء وحبة بندورة

[حلا الماس]

ما عمري سمعت .. المهم انك بتحبيه والف صحة وعافية على قلبكم يا رب

[ام عبدالله لولو]

مسا الخير .. مسك صحة وهنا السبانخ انا مثلك بحطلها حمص ولا اطيب من هيك وليمووووون ..

ام خليل يسعد مساكي ويعطيكي العافية بكرا بكبرو الصبايا وبساعدوكي ..

حواء والله اشتئلك امبارح ما شفتك .. والله قصتي قصة مع الليمون .. صبايا حد صار معها التهاب بول اكرمكم الله وهي حامل ..

اهلا فيكي اميرة عرفينا ع حالك .. صحيح لولو وين غاطسة

ديدوو وحيفا واحساس وبيبو يسعد مساكم يارب

[حلا الماس]

الله يخليكي يا ام عبد الله .. يسعدك دنيا واخرة يا رب

الله كريم .. بس هم بالاول يعقلوا شوي وبعديها فرج .. ههههههههههه

جاي عبالي اعمل حلو .. وبفكر بلفائف السكر والقرفة تجي تساعديني ؟؟

[ام عبدالله لولو]

ويسعدك يارب .. ع راسي والله الي الشرف بأخت زيك شو هاي علميني عليه ههههههه مع انو ما بشتهي غير الحامض
..
سالت عن التهاب البول الله يعزك بما انك مش اول بيبي

[مسك السنين]

ام عبدالله انا التهاب البول الله يعزك كااااااان يجيلي من الموالح شيبس مثلا عصير مانجا مخللات هيك شغلات كنت اكلها نادرا
بس الاشي الحلو بحملي كنت اشرب مييييييييييييييييييا
وعصير قصب جدااااااا رهيب

[ام عبدالله لولو]

الله يعزك يا مسك .. يعني مابأثر ع البيبي ع العلم دكتورتي اعتطني علاج بس من يوم دخلت الرابع بحس وجع ببطني خايفة تكون رجعت

[ام عبدالله لولو]

مساكم سعيد شكلو الصبايا نامو يا اما طالعين الجو حلو للمشي .. شكلها ام خليل نوت ع الحلو وراحت تعمل ريتو صحة وهنا يارب

[حلا الماس]

هلا ام عبد الله ..

اه والله عملتو وهلأ خلصت .. وعلى طول على هون .. ما بقدر استغني ♥

اسفة حبيبتي ما انتبهت انك سالتي عن التهاب البول .. داومي على شرب المي لو ما كنتي عطشانة كتيييير منيح

انا اجاني اول حملي واستعملت غسول اسمو البوكال .. ودهون ديكتازول .. خبرة انا ..

ولما قلت لدكتورتي حكتلي انو عادي وما بياثر عالحمل ان شاء الله ..

بس ازا كتير ولا سمح الله في حكة .. الافضل تروحي للدكتور يعطيكي مضاد حيوي ... وسلامتك :)

يلا هاتي الكشفية ..

[حلا الماس]

http://im34.gulfup.com/YH29y.jpg (http://www.gulfup.com/?9rn3LX)


ام عبد الله .. هاي لفائف السكر والقرفة ... بتشبه العجوت كتييييير .. بس حشوتها بتختلف .. طعمتها يميميميميميميمي

[غُمُوض أُنثَى]

يسهد مسآكُم صَبآيآ -♥-

شو الآخبآر .. حبيت امسي عليكم بعدين اقرأ اللي قبل

مسك * ماما كانت تحط حمص حب مع السبآنخ كتير طيب .. صحة ع البك

حلآ المآس * لفآئف السكر والقرفة اسمها سينآمون دايما بعملها كتير زآكية عنجد صحة حبيبتي

ام عبد الله .. التهاب البول اجآني مرة بعد ما اجهضت مع انه الدكتورة اعطتني دوآ لمنع الالتهآب وعنجد معآنآة خصوصآ لما يزيد جربت كل الغسولآت والمطهرآت اللي بالصيدلية ع الفآضي .. بالآخر ماما اعطتني طريقة وبعد يوم واحد ما عدت حسيت فيه اختفي

حكتلي حطي شوية كربونة " كربونآت الصودآ " في لتر ميا دافية واعمليها غسول * الحمدلله بعدها اختفى نهااااااائي
سلآمتك يارب

[ام عبدالله لولو]

تسلمي يارب الله يخليكي .. بتشهى فيه احكيلي كيف اعملتيها

[ام عبدالله لولو]

تسلمي حبيبتي غموض الله يعوضك خير يارب ويرزقك الي تتمنيه .. دكتورتي اعطتني مضاد وبعدو دوء بس من يوم دخلت الرابع صرت احس وجع ببطني بحكي شكلو التهاب

[حيفا]

مسا الخير صباااااااياا

حلا يسلمو الديات عهالحلااااا :)

غموووووووض في بيتنا يا مرحبا يا مرحبااااااا ، وين هالغيبات ، بتخوفيني عليكي يااااا بنت ، وين ايامك وشو اخبارك ؟؟
واسأليني عن اخبار البنات انا هون كل يوم 24 \24 ههههههههه

[حيفا]

ام عبد الله سلللاااامتك ، بصراحه ما بعرف شو علاجه لاني والحمد لله عمري ما جربته وان شاء الله ما اجربه هههه ، شوفي البنات بفيدووكي كلهم خبرات وما شاء الله




خطرت ببالي عسوووووولتي غااااايبه من فترة ، وعيووون المها كمان !!

[غُمُوض أُنثَى]

حيفاآ

ولك انا عم بقرأ الصفحات السآبقة لحتى شوف اخبآرك صآرلي فترة بدي اعرف شو صار معك
مشتآئتلك موت ياآ دبة .. شو اخبارك؟!

ويلآ اتفضلي احكيلي اخبار البنات انا عرفت انه هبة حآمل بس وبآركتلهآ !
متآبعة القصة معك انتي وجوزك بس خلص بدي ابطل احكي في مواضيع الحمل ههههههههههههههه تسآهيل

انا والله بطلت اقعد بالبيت كل ما بنوي اقعد وبحكي لجوزي خلص اليوم بالبيت بيطلع مشوآر هيني اليوم عزلت المطبخ الصبح وكمان شوي رح نطلع ..

ام عبد الله تسلمي حبيبتي الله يسمع منك ويتمم لك ع خير * حآسة فيكي لانه التهاب البول زي الزفت يا الله كل ما بتزكرو بينسم بدني ما كنت اعرف لا اوقف ولا اقعد ولا شي فادني الا وصفة ماما

[حلا الماس]

هلا يا غموض وربي انك منورة ... وين هالغيبة ؟؟
ما بعرفلها اسم تاني يا غموض وانا وال مرة بعملها .. بس الحمد لله زبطت :))

ام عبد الله .. طريقتها سهلة وسريعة

اول شي عجنت عجينة عادية بطريقة ال10 دقايق ازا بتعرفيها هاي العجينة ..

وحضرت الحشوة سكر وقرفة وخلطتهم مع بعض .. وقطعت العجينة لدوائر صغار .. ورقيتها بالشوبك ولازم تكون رقيقة وحجمها بحجم الشراك او اصغر شوي .. وبعديها دهنتها زيت زيتون ورشيت الحشوة عليها .. ويعدين لفيتها رول وقطعتها بالسكين ولما كملت الكمية كلها دهنت وجه القطع زيت زيتون ورشيت عليها سمسم .. ودخلتها الفرن ..

مع اني ما كنت متوقعة بس زبطتت معي والاهم انو ولادي كتيييييير حبوها :))

[ام عبدالله لولو]

الله يسلمك يا حلوة ما كان عندي بس بصير مع الحمل .. الله يكتبلك الحمل قريبا يارب .. صاحبت الخبرة بدها الكشفية هههههه

[حلا الماس]

حيفا .. هلا فيكي يا قمر

واديكي يا رب .. لسه غير شكلو والله طعمو كتير زاكي

وانا كتير مبسوطة لانو ما الي كتير بالحلو .. واول مرة بعملو بس زبط الحمد لله

[حلا الماس]

هههههههههههههههههههههههههههههههههههه .. الله يسعدك يا ام عبد الله

دعوة حلوة منك احسن من 100 كشفية

[ام عبدالله لولو]

ريتو صحة وهنا يارب.. بس انا ما بعرفها عجينة 10 دقائق .. تسلمي غموض ع اهتمامك .. انا ما بعرفك بس دائما بشوف الصبايا بيسالو عنك .. من وين انتي وكم عمرك

[حيفا]

حبيبتي غموووض الله يهنيكي ، روحي وتعي وانبسطيي ، ان شاء الله بتضلي مبسووووطة على طووول

بالنسبة لاخبار البنات انا بنسى بسرعه لهيك ما في ببالي ولا خبر هههههههههه

اخباري انا زي ماهي هيني بتابع مع الدكتور وبروح عليه كل اسبوع مع انه ما بيشتغل معي وللااااشي كل الشغل مع زوجي هههههه ، انا بروح مسانده معنوية لزوجي :p

بكرا بده يعيد الفحص للمرة التالته وان شاء الله خير

انا عندي اوجاع بظهري واليوم استجد بظهري هههههههه ، مع اني ما اخدت ولا اي نوع ادوية هالشهر حتى دوا التكيس قطعتوووو والفوليك اسيد كمان !!

بعين الله
وربنا بيرزقنا انا وانتي والدووووبة الغايبه عسولة وانبثاقه كمان باذن الله :)

[حلا الماس]

على قلبك يا رب ..

ولا انا كنت اعرفها .. بس من جديد صرت اتاعمل فيها كتييييير سريعة وسهلة .. وبتنفع لعمل المعجنات المالحة والحلويات

ازا بدك طريقتها بعطيكي اياها

[حيفا]

حلاااا هيك معدله ، بتييجي تعمليلي حلويات واكلات يوم الجمعه عندي عزوووومة لصاحباااتي : )

[ام عبدالله لولو]

هههههههه الله يسعدك يا ام خليل هههههههههه اكيد بتنكتي اكيد بدي اياه ازا ما عندك مانع.. ان شاء الله بكرا بتخبرينا الاخبار الحلوة يا حيفا

[حلا الماس]

ولو حيفا .. حياكي الله حبيبتي

مية طلب متل هالطلب ...

[حيفا]

ام عبد الله حبيبتي الله يسعدك ويبشرك بكل خير :)

حبيبتي حلااا ما بتقصري :)

، بس انا مشكلتي اني كيف بدي اعمل حلويات وانا عامله دايت هههههههه

[حلا الماس]

ام عبد الله .. اتفضلي الطريقة

3 كاسات طحين .. كاسة مي دافية .. نص كاسة زيت .. معلقة كبيرة خميرة .. معلقة كبيرة سكر .. نص معلقة ملح

اول شي بتخلطي كاسة طحين وحدة مع الخميرة والسكر والملح وبتعجنيهم بكاسة المي .. طبعا حركيهم بالمعلقة مش بايدك .. لانها رح تكون مرقة كتيرر .. غطي العجينة وخليها تتخمر 10 دقايق .. بعدين ضيفي كاستين الطحين التانيين ونص كاسة الزيت اعجنيهم مع بعض لحد ما تصير متماسكة وتقدري تتحكمي فيها يمكن تحتاجي كمان معلقة زيت ازا لقيتها ناشفة .. واتركيها ترتاح كمان 10 دقايق ..

وبعديها ابدي اعملي فيها اي شي بدك اياه ..

وازا بدك اتضاعفي كمية الطحين بدك اتضاعفي كمية كل الاشياء ..

وسلامتكم ... هاي هي

[ام عبدالله لولو]

تسلمي يارب خلص بجربها تا اصير احب الحلو .. معدلة ام خليل

[حلا الماس]

تسلمي يا ام عبد الله .. خجلتيني

بس بتنفع لاي اشي تاني غير الحلو

يعني لو بدك تعمل صواني بيتزا او مناقيش زعتر وجبنة او سبانخ خبز او اي نوع معجنات مالحة .. بس ازا بدك تعمليها لمعجنات مالحة بدك تعكسي كمية السكر والملح

[ام عبدالله لولو]

تستاهلي كل الخير يا ام خليل .. انا من يوم احملن مش كثير بالحلو نهائيا ما بيجي ببالي .. الا الليمووون

[حلا الماس]

ربي يتمم ليكي وليا ولكل الحوامل على خير يا رب

عن اذنك حبيبتي بدي اطلع .. صدعت من كتر القعدة على اللاب توب اليوم وعيوني عم توجعني :(

سلامات

[جارة القمر]

يسعد مسااااااااااكم

[عسولة فلسطين]

يسعد مساكِ جاااااارة كيفك وكيف الحلوين بوساتي لهم
بنات كتيييييييييييييييييييير مشتاقة لكم وما شاء الله حاكيين كتيييييييييييييير كتيييييييييييييييييييييييير
مش حألحق أقرأ ايش كاتبين بس انا متأكدة انه سألتو عني فشكرا يا احلى خوااااااااااااات

[عسولة فلسطين]

بنات سبب غيبتي هيك الواحد كانت نفسيته شوي
خالي مسكين هيهم حولوه ع مصر فجأة بطل يعرف يآخد نفس وهلأ فيو صفارة برقبته بيتنفس منها الله يرجعه لأهله سالم وعمتي بالأردن اكتشفوا معها المرض العاطل ومتغلغل الله يصبرنا ويشفي كل مرييييييييييييييض يااااااااااااااااااااااااااااااااااااااااااااااااا ارب

[احساس أنثى]

مساكم ورد وفل
معلش صبايا يوم الدورة ماببين مش متعوده كتير ع الطلعه لسى بتعب من اولها

[عسولة فلسطين]

المهم الخبر الحلو *****
انه أنا حامل الحمدلله يا بناااااااااااااااااات ربنا جبر خاطري والله ربنا كبير وكريم وربنا يتمملي على خير يااااااااااااااااااااااااااااارب
انبثاقة ،، حيفا ،، غمووووووض >>>>> رفيقاتي والله بدعيلكم معي ومازلت ربنا يجبر خاطركم وأكون استفتحت فيكم
ربنا يعوضكم خير وما ينتهي هالشهر الا وانتوا حوامل يااااااااااااااااااااارب
بنات دعواتكم لي انه ربنا يتمملي على خيييييييييييييير هالمرة يااااااااااااااااااااااااااااااااااااااااااااااااا ارب

[عسولة فلسطين]

يا هلا باحساس ام الزوز اشتقتلك يا بنت
كيف دورتك؟؟؟ مبسوطة فيها ومين بيعطيكي صائب؟

[حيفا]

حبيبتي عسوووووووووووووووووووووووووولتي الف الف الف مبروووووووووووووووووووووووك ربي يتمملك على خير يارب ، اكيد لازم تتابعي من اولها عند الدكتور وتديري بالك ع حالك كتييييير
يا الله شو مبسوطتلك اناااااا :)

الله يتمملك على خير يارب :)


احساس يعطيكي العافيه يا حلوة ومساكي فل :)

[حيفا]

نسيت ادعلي لخالك وخالتك ربييي يقومهم بالسلااااااامة يارب ما يشوفو شر ياااارب :)

[~{{ DoDo }}~]

مسا الخيييييير والاخبار الحلوة اللي بتفتح النفس
صراحة ما قدرت اقرا واقاوم اني ارد

عسوووووووولة
الف الف الف مليون مبرووووووووك حبيبتي الحمل
يا الله ما بتصدقي شو فرحتلك الحمدلله ربنا ان شاء الله رح يعوضك بكل خير
ديري بالك ع حالك وتابعي من اولها مع الدكتور وخدي كل احتياطاتك
الله يتمملك على خير ويفرحك بالحمل السليم المعافى يااااارب وتشوفيه بين ايديكي بصحة وعافية يارب
الف سلامة على خالك وعمتك الله كبير ادعيلهم وان شاء الله ربنا يكرمهم ويشفيهم

جارة واحساس وحيفا يسعدلي هالمسا كيفكم يا حلوين

[غُمُوض أُنثَى]

عسًولة حبيبة ألبي قد ما فرحتـــــــــــــــــــــــــلك ياعمري

والله كنت حآآآآآآآآآآآسة انك حتحكي حآآآآآآمل

الحمدلله انه ربنا جبر بخاااااااااااطرك عقبالنا ههههههههه انا وحيفآآآآآآ وانبثآآقة ان شاء الله

ديري بالك ع حالك المهم هلأ ويارب يتمملك ع خير هالمرة

حيفا عقبالك انا وانتي بيوم واحد هههههههههههههههههههههههه ^^

--

حلآ المآس عنجد شكلها بيشهي الف صحة وهنا ع البك يا البي

ام عبد الله تسلميلي حبيبتي

انا من غزة وعآيشة هلا بتونس من سنتين مع زوجي
عمري 24 سنة :)) كنت حامل قبل سنة ونزلت وكنت حاطة مانع لمدة سنة وقبل 3 شهور شلتو ادعيلي بالحمل السليم

[~{{ DoDo }}~]

غموووووض
يسعد مساكي والله الك وحشة
عقبالك انتي وحيفا وانبثاقة يااارب تيجي متل عسولة تبشرينا ؛)

[حيفا]

دودو يا مسا الفل والياسمين ، هههههه انتي متلي انا عملت تشيك من الموبايل قبل انام ، لما شفت رد عسولة رجعت عاللاب توب ههههههههه الله يتمملها على خير يااااارب :)


غموووضتي حبيبتي عقبالنا انا وانتي وانبثاقه في نفس هالشهر ياااااارب :)

[~{{ DoDo }}~]

حيفا
هههه القلوب عند بعضها
عقبااااااالكم يارب انتي وغموض وانبثااااقة ان شاء الله عسولة تكون فاتحة خير ؛)))

[غُمُوض أُنثَى]

دودو ..

ومسآكِ يَ عمري تسلميلي يآآآآرب
الله يسمع منك ان شاء الله
وربي يتمم لك ع خيـــــــــــــــــــر انتي ولولو :))

-

حيفـــآ حبيبة ألبي الله يسمع منك والله انا بتمنى نحمل انا وانتي سوآآآآآآآ :)
حيكون الشعور مضآعف والله

[~{{ DoDo }}~]

والله يا بنات اتفائلت بعد خبر حمل عسووولة
ربي يكتبلكم اياه على اهون سبب الله كريييييم
انا من اول ما تزوجت ضليت اقول الله كريم الله كريم لما اعطاني الحمدلله

يلا شدوا الهمة ؛)

[حيفا]

حبييبتي دودو والله قلبك ابيض ، ربي يرزقك ع قد نيتك الطيبة يااااااارب :)

غمووووض والله ما بظن رح افرح لحالي اكثر من فرحتي فيكي وعسولتي وانبثاقه والله
الله كريم حبيبتي وان شاء الله عسولة تكون فاتحه الخير علينا :)

[~{{ DoDo }}~]

حبيبتي حيفا
الله يعطيكي انتي كمان على قد نيتك الحلوة انتي والصبايا
وان شاء الله متل ما قلتي تكون فاتحة خير يااااارب ؛)

[حيفا]

حبيبتي دودو

زوجي بينادي علي بيقلي مش انتي جيتي تنامي شو رجعك عالنت ، بثله ببارك لأكرام ، بقلي مييين اكراام هههههههههه

لازم اروح تصبحو على خير وعلى اخبااااااار حلوة ياااارب جميعا :)

[~{{ DoDo }}~]

تلاقي خير حيفا
يلا ركد عالتخت هههههههه
نوم الهنا :)

[~{{ DoDo }}~]

صارت عندي الساعة 1 بعد نص ليل
وما في حدا هون

بدي اقوم انام ، تصبحوا على خير ورضا من الرحمن :)

[إنبثاقة أمل]

صباح الخير

شو هالخبر الحلو

يااااااااارب لك الحمد ماشاء الله تبارك الرحمن

ربي يتمم لك ع خير ويفرح قلبك بشوفته يارب سليم معافى جميل الخلقه والاخلاق

الحمدلله الي عوضك خير ياقلبي

والله كان قلبي حاسسني غيبتك انك حامل سبحان الله مجرد احساس

فرحانه كتير وصحصحت عليه

دموعي نزلت من الفرحه حبيبتي

عقبال عند حيفا وغموض وانا وكل متمنيه يارب

الله كريم والله ربي كريييييييييييييم

خلص بما انه الخبر الحلو اليوم ماراح احكي الخبر الي مو حلو عندي خلينا فرحانين بعسولتنا الحلوه



ربي يشافيلك احبابك ويتمم عليهم عافيتهم

[عيـ‘ـون المهـ‘ـا]

(* يسعـ‘ـد مَـ‘ـسا كُـ‘ـلْ ألصَّبايـ‘ـا *)
:*:*:*:*:*
أإأإأن شــــــــاء دائمـــ‘ـا أدخـــل على الدردشـــه و أقرأ أخباركم الحلــــوه {:

(* عســــــــــــولة *)
حبيبتي الـــــــــــــف مبـــــــــارك ان شاء الله حملك ربي يتمم الك على خير
و تشوفي احلى بيبي بين ايديكي و يقر عيونك و عيون زوجك فيه
و الله فرحتلك كتير متل ما فررحت لآختي بالزبط
اكثري من قول (( لكلِّ نبإ مستقر و سوف تعلمون ))
ههههههه هي ادومه كمان ببارك الك و بدعي الله تجيبي صبي حلو و امور متلو hwaml7
و ربي يمن على عمتك و خالك بتوب الصحه و العافيه ان شاء الله
ضلك طمنينا عتك و عنهم

عئبال ان شاء الله باقي الامورات
حيفــــــــا ~ غمـــوض ~ انبثــاقه

[لولو الفلسطينية]

بخخخخخخخ
صباح الخير يا بنات
اول شي الف الف مليووون مبروك لعسولة و الله و الله اني كنت حاسة بعد غيبتك هاي رح تيجي و تحكيلنا حامل و الحمد لله انه ربنا جبر بخاطرك و فرحك و ان شاء الله ربنا يتمملك بخير و يقر عيونك بشوفيه احلى بيبي بين ايديكي يا الله يا كريم و الله فرحتلك من قلبي يا احلى عسولة
ديري بالك عحالك و ربنا يتمملك بخير و ان شاء الله يا رب عقبال غموض و حيفا و انبثاقة ييجو يخبرونا هيك خبر حلو عاجلا غير اجلا يااااااااا رب بس انتو خلو املكم بالله الكريم
و الف سلامة على خالك و عمتك ربنا يشفيهم و يردهم بصحة و عافية ان شاء الله
ام عبد الله
بالنسبة للالتهابات بتصيب اغلب الحوامل ما تخافي بس كتري مية و سوائل قد ما بتقدري و ان شاء الله بتخف ..... انا اجتني التهابات قبل حوالي شهرين و الدكتور اعطاني مضاد حيوي و راحت الحمد لله
ربنا يتمملك و لكل الحوامل بخير
حلا
يا معدل انت هههه شكلهم بشهي ريتو صحة و هنا علي اكلوهم يا رب
بيبو
ان شاء الله يطلع سنون بيان و ترتاحو انتي و اياه
انبثاقة
الحمد لله على سلامتك و ان شاء الله بأقرب فرصة بتزوري اهلك كمان مرة .... الله يخليلك اياهم و تجيبلهم احلى حفيد عن قريب ان شاء الله
كل الصبايا الباقيين بدون تحديد شو اخباركم و كيف الدنيا ماشية معكم ؟
انا من اول امبارح الصبح ما دخلت اول شي كنت اطبخ و انا بعمل في الجزر على المبشرة او مش عارفة شو اسمها !!! عملت اصبعي مع الجزر و ساعة كاملة و الدم ينزف من اصبعي لانها ما كانت جرح صغير ... صارت زي الحفرة بأصبعي يعني طلعت منو شوية لحمة هههه و ما كان ندي حد و طلعت على حماتي و عملتلي هي و سلفي اسعاف هههه
و امبارح الضهر رحت لعند اهلي و طولت عندهم لهيك ما دخلت هون و بعدين صارت معاية شغلة تانية ايدية صارو يرجو و كل ما احمل شي بيوقع مني و بتكسر في يومين كسرت تلات اشياء و الله صرت احس ايديه ارتخو و مش قادرين يمسكو شي
شكلها من قلة النوم
بس هلا الحمد لله احسن ههههه بطلت اكسر في الاغراض hwaml03
في حد هون و الا لا ؟
يسعد صباح الجميع

[~{{ DoDo }}~]

لولو

صبااااااح خير انا هون

سلااامتك يا بنتي مالك ، انا والله كمان جرحت حالي وانا بقطع الدجاج مبارح
ههههههه والله قصتنا قصة ، ديري بالك ع حالك وشوي شوي المرة الجاية
بالنسبة للرجفة انا اجتني من اول الحمل مرتين او تلاتة وبنسى اسال الدكتورة
بس احتمال يكون هبوط سكر او ضغط ، ان شاء الله يكون خير
يوم السبت عندي موعد ورح اسالها ان الله راد
كيف البيبي طمنيني تمام ؟ لسا بتخبط تحت هههههه

[حلا الماس]

صباااااااااااااااااااااااااااااااااااااااااااااااح الخير ...

الي ساعة بالمنتدى يستنى وحدة فيكم اتطل ..

مبرووووووووووووك لعسولة الحمل ... وربي بثبتو حبيبتي ويتمملك على خير يا رب

عيون المها .. انبثاقة .. منورات .. ليش بتغيبوا كتييير ؟؟

لولو .. تسلنيلي حبيبتي .. وسلامو اصبعك .. ريتو اصبع جارتنا ولا اصبعك
ديري بالك المرة الجاية .. شو عملتي بالجزرات بعديها ؟؟

دودو .. كيفك اليوم يا عسل ؟؟ شو اخبارك؟؟

[~{{ DoDo }}~]

حلا يسعد صباحك يا قمر

انا بخير الحمدلله عم بشرب حليب مع نسكويك وبسكوت تفضليييي
انتي كيفك وكيف الاولاد والبيبي

[حلا الماس]

هلا دودو ..

صحتييييييييييين على قلبك وقلب النونو يا رب

ديري بالك عليها وغذيها منيح عشان تجي حلوة وكلبوظة .. ههههههه

انا وولادي مناح الحمد لله .. انتي عندك اطفال ولا بس البيبي الي جاي عالطريق ؟؟ لانو ما بعرف كتير عنك انا

[ام عبدالله لولو]

صباح الخير للحلوات
ريتوالع مبرووك يا اخت عسولة الله يتمملك بخير وتقومي بالسلامة ..

عقبال عندك يا حيفا انتي طيبة واكيد ربنا بحب يسمع دعواتك لهيك اتاخر حملك ..

وانتي يا غموض صدقا راح ادعيلك من قلبي اليك ولكل الصبايا لانو والله بتستاهلي اكثر كمان ان شاؤ الله هاد الشهر بتحملو الثلاثة حيفا وانبثاقة وغموض ..

لولو تسلمي يا عمري ربنا ينكللك بحير يا حلوة ديري بالك ع حالك وانتي غاطسة بين الطناجر هههههههه ..

ديدووو يسعد صباحك ومساكي شو اخبارك وكيف البيبي

[لولو الفلسطينية]

ههههه
دودو الله يسلمك اه و الله لسا بتخبط تحت ههههه بس هاليومين صايرة هادية
و هيها بتسلم على عمورة الحلو الله يحميهم
و انتي كيفك ؟
ان شاء الله تتطمني يوم السبت و يكون كلشي تمام
حلا يا حلا هههه الله يسلمك و يسعد صباحك
الجزرات طبعا رجعت عملت غيرهم هههه و عملت فيها رز بزبدة و جزر من اختراعي هههه مع شيش طاووق
و انتي كمان كيفك اليوم ؟

[ام عبدالله لولو]

هلا بالدكتورة الي بدها الكشفية كيفك يا ام خليل ههههههههه الله يسعد صباحك يارب

[حلا الماس]

حبيبيت يا لولو .. بس كوني هادية وانتي عم تطبخي

وصحتين على الاختراعات .. اكيد زاكييين من تحت دياتك ...

انا منيحة .. وبفكر اطلع حراماتي بالشمس اليوم .. الجو كتير حلو .. صح ؟؟

هلا ام عبد الله صباحك ورد يا حلو .. كيفك اليوم ؟؟ صبحتي تتوحمي على ليمون ولا لأ ؟؟

[ام عبدالله لولو]

وصباحك يارب اه والله بس مش راح اكلو باكل موز امبارح منو بطني ووووجعني لهيك خفت يكون التهاب

[لولو الفلسطينية]

ام عبد الله هههههه كله من الطناجر hwaml02
يسعد صباحو الحلو
كيفك و كيفو عبد الله ؟ حسيتي بالحركة والا لسا ؟
حلا هههه الله يسعدك
اها الجو حلو اصلا في ارتفاع اليوم
صبايا شو بدكم تطبخو ؟
اعطوني افكار لأني محتارة و ما في شي ببالي

[~{{ DoDo }}~]

حلا
انا فيني ولد مش بنوتة ؛)
تسلميلي يااااارب حبيبتي

ام عبد الله
يسعد صبااااااحك
كيفك اليوم وكيف البيبي

لولو
ان شاء الله الله يسمع منك
مستنية الموعد على نار لانه تاخر
كانت الدكتورة اجازة واتصلت احجز لقيت كله محجوز مافي مواعيد
قلتلها بدي موعد غصب عنكم حتى لو عالانتظار واخدت موعد الحمدلله هههههه

شو طابخين اليييييييوم
انا عندي من مبارح باقي الملوخية والرز والدجاج

[حلا الماس]

صحتييييييييييييين عالموز يا ام عبد الله .. كتير منيح للحامل

لولو .. والله مش عارفة شو بدي اعمل بفكر اعمل شغلات خفيفة وحواضر يعني مش رح اطبخ

صحن فول ومتبل ومقالي وصحن قلاية بندورة وهادا هو ..

حلمت الليلة اني طبخت ططماجة .. وصحيت اتحمض واتوحم عليها ههههههههههه

[ام عبدالله لولو]

اسالي المعدلة صاحبن الافكار هههههه بس ديري بالك تاخد كشفية
هههههه انا بدي اطبخ مقلوبة .. بالزهرة
شكلو ديدووو راحت تفطر

[حلا الماس]

سوري دودو .. كنت مفكرة انو رح تجيبي بنت ..

الله يحفظلك اياه وتقومي بالسلامة انتي وهو ..

انا كنت مفكرة انو عندك ولد وحامل ببنت خخخخخخ طلع تفكيري غلط

[مسك السنين]

من ساعة ماشفات خبر عسولة وانا بجري بالصفحات جراي

قبل ما اقلك مبروك

اكدي ع دكتورتك بالمثبتات
وانت مرة قلتي محتاجة غرزة صح انتبهي كويسسسس
وحاولي تتغذي وتلتزمي جدول صحي وحركتك وشغلك بالبيت يكون بقدر المعقول
وخلي نفسينك حلللللللوة
والف الف مبرررررررررررروك ياعسسسسسسسل يارب يرزقك بطفل سليم معافى من كل شر ومرض ويكون من الذرية الصالحة وع قولة الغزازوة ههههههه لاني انا منهم ان شالله اول العشرة ههههههههههههه
والف مبروك كمااااااااااااااان مرة جد فرحة كبيرة يارب عقبال غموض وحيفا وانبثااقة وكل العايزييييييييييييين
انا يوم عرفت خبر حملي ما تاثرت بالنهار مع الناس الفرحانة بالليل قعدت مع نفسي بقول كمان 9شهور بصير عندي بيبي
طيب ال9 شهور كتتااااااااااااار ههههههههههه

اكررام ولادتك بتطلع تقريبا متل ديدووو
مبروك مبروك

[~{{ DoDo }}~]

هههههه حلا
لا لسا بكرية هاد اول بيبي الله يكرمنا جميعا
يمكن عشان سعتيهم بيقولوا عمور لانه احنا ناويين نسميه عمر ان شاء الله ؛)
عقبال ما تعرفي جنس البيبي وتحسي بحركته وتنبسطي يااااااارب هانت

ام عبد الله
هيني هون كيفك وكيف البيبي طمنيني عنك
حسيتي بحركة ولا لسا ؟ وصحة عالموز مفيد كتير صرلي فترة ما اكلت موز والله

[ام عبدالله لولو]

يسعد صباحك مسك كيقك وكيف وليد ان شاء الله بخير

نسلمي يا ديدووو الحمدلله بخير والبيبي بخير يعني بحسو اكثر ع جهة اليمين وباليل اكثر شي هههه ما بعرف انام الله يتمملنا ع خير الي وللجميع
وووين غطست يا ام الحلوين حلا

[حلا الماس]

صباح الخير مسوكة الحلوة .. كيفك اليوم ؟؟؟


دودو حبيبتي ان شاء الله بتقومي بالسلامة وبتفرحي بشوفة عمر يا رب

ام عبد الله فضحتيني عالكشفية ويا ريتني اخدتها ههههههههههههههههه ..

وبدي اقوم اغطس بشغل البيت .. لانو ولادي صحيوا وهلأ بقدر اشتغل .. سلامات

[~{{ DoDo }}~]

مسك
صباااح الفل
كيفك وكيف وليييد بوسيلي اياه

ام عبد الله
هههه انتي عكسي انا اول ما حسيت بالحركة كانت كلها عاليسار
وبقول ليش مركز باليسار هههههه
ربنا يتمملنا ع خير يااارب

[احساس أنثى]

صباح الخير صباي
كأنو عسوله حاااااااااامل
ماشالله ماشالله ريتو الف الف الف مبرررررررروك حبيبتي
والله احلى خبر سمعتو ع الصبح ربي يتمملك ع خير يارب

[~{{ DoDo }}~]

حلا تسلميلي عالدعوة الحلوة يا قمر
ويعطيكي العافية سلفا

[~{{ DoDo }}~]

احساس
يسعد صبااااحك انتي وابو الزوز
اه انتي كنتي راااايحة لما فاتت عسولة وبشرتنا
عقبال ما تجيبي اخت لزوزو يااارب طمنينا عنك

[ام عبدالله لولو]

الله يسعد صباحك يا احساس شو اخبارك وكيف زوزو .ز شو طابخة اليوم

[مسك السنين]

هلا دودو وام عبدالله

انا تمام وديدو تمااااااااااااااام
انتو كيفكككككككم

شو حتطبخو اليوم

انا عندي ملفوف وفول اخضر وبتنجان ممممممم

[إنبثاقة أمل]

صباح الخير

شو أخباركم

لولو ربي يسعدك وسلامتك ياقلبي

حلا ربي يسعدك ويخلي لك احبابك

الي يومين والله تعبانه بقضيها من البيت للطوارئ عندي التهاب حاد بالقصبات

وبضل اروح اخد تبخيره

الحمدلله ع كل حال

يسصعد صباحكم جميعا دودو وام عبدالله واحساس ومسك

وكل كل الصبايا

[ام عبدالله لولو]

الله يعطيكي العافية بس ما تتاخري علينا .. حظرتي جهاز البيبي يا ديدووو

[ام عبدالله لولو]

وصباحك يا انبثاقة ربي يسعدك ويرزقك بالدرية الصالحة السليمة المعافاه .. الف سلامة عليكي اشربي زهورات مفيدة ..

مسك اطبخي الفول زاكي

[~{{ DoDo }}~]

انبثاااقة
سلااامة قلبك حبيبتي
بيروح الشر عنك يارب
ديري بالك ع حالك وخدي علاج ودفي حالك
الله يرفع عنك يااااارب

مسك
انا عندي ملوخية ودجاج ورز من مبارح

ام عبد الله
اه جهزت التياب تقريبا قربت اخلصها
لسا باقي الاشياء على مهلي يمكن بالسابع احاول اخلصها

[عسولة فلسطين]

صباااآآآآااااح الخير
الله يبارك فيكم ياااااااارب يا أحلى خوات وما يحرمني منكم يارب
الحمدلله انه ربنا جبر بخاطري وأكيدة غموض وحيفا وانبثاقة حيلحقوني هيك قلبي حاسسني والله
مسوووكة بالنسبة للغرزة ... اها حأعملها ان شاء الله حتى ما يتكرر اللي صارلي بس كتير خايفة منها بس هي مش هلأ بتنعمل بتنعمل بالشهرين ونص... اه ع حساباتي انه بشهر 11 بكون بالتاسع او اخر موعد اللي ... الله يخليلك دودو يارب
والله يا بنات انا وقت كنت غايبة النفسية شوي ع عمتي وخالي الله يشفيهم وكل مريض و كنت اناااااااااااااااااااام كتير زوجي بيقولي انتي بتصحي 4 ساعات وبتنامي 20 ساعة ايش مالك
ماكنت متوقعة حمل لأنه هالمرة الاعراض غير عن المرتين الأول ..... وان شاء الله هالمرة يكون غير ويثبت

لولو سلامة اصبعك ديري بالك ع حالك>>> انتي بينزل دم كتير لأنه بتآخدي ابر سيولة للدم لهيك انتبهي

عيون المها ... حبيبتي ان شاء الله بيطلع زي آدومة ووصل تبريكه حبيب قلبي ^_^

يا الله يا دودو ايش جاي عبالي ملوخية رغم اني أكلتها يومين ورا بعض كتير بتيجي عبالي صحة وهنا
كل الصبايا يسعد كل أوقاتكم يارب

[ام عبدالله لولو]

انا اشتريت اشياء بسيطة هههههههه فرحت فيه بس بكير لبعدين بكمل ..

ملابس البيبي حلوة هههههه لبس تفس اظل اطلع فيه

[إنبثاقة أمل]

الله يسلمكم حبيبياتي

وصحتين ع الغدا مقدما

انا حسب ما اقدر لان من التعب مو قادره اشم ريحة طبخ لان ع طول صدري بسكر

[~{{ DoDo }}~]

عسووووولة
يا هلا والله يسعد هالصباح
اذا جاي عبالك ملوخية يا مية
اهلا وسهلااااا انتي حامل هلا لازم ما تخلي شي بنفسك
ههههه اوعكوتضل الملوخية بنفسكككككك
الله يثبتلك حملك هالمرة ويتمملك على خير يارب وعليكي كل يوم بالرقية تعت الجنين
اذا مش عندك ببعتلك اياها

[عسولة فلسطين]

انبثاقة ألف سلامة عليكي.... زي ما قالتلك ام عبد الله اشربي بابونج وزهورات
ولو بتكحي... اعملي زي الهنود قطعي الليمونة أربع اقسام وحطيها بمي وخليها تغلي ع النار وبعدين اشربيها وهي دافية بتروح الكحة... الف سلامة عليكي

[عسولة فلسطين]

حبيبتي يا دودو ويقومك بالسلامة انتي وعمورة يارب
تخافيش هي ماما حتعملي اياها كمان يومين ان شاء الله رغم اني ماكلاها من يومين برضه بس بضل اشم ريحتها
لا ماعندي الرقية تبعت الجنين ابعتيها ^_^
والله يا دودو انا دايما بأقول يارب وكلت امري الك واعتمدت عليك تحفظلي ما برحمي ي الله.... وربنا ما بيخيب املي ان شاء الله



اليوم انا طبيخ بطاطا وجنبه رز وخلصنا

[مسك السنين]

عسووولة وقت عملت قيصيري بالشفا

شفت صبية عملت غرزة

ياستي بلبسوكي التوب الاخضر تبع العمليات
بتفوتي الغرفة تلات دقايق
بتطلعي بحطوكي عندهم ساعتين
بعدين بتروحي

وعلما انها مابتوجع كتير ولما تفكيها عطول بتولدي
صحبتي عندها ولدين عملتها بكل خمل الها

وام عزمي ع فكرة مسوياها كانت
وياستي غرزة غرزة المهم نشووووف بيبي هههههههه


انبثاقة روحتي من عند اهلك ؟

انت من غزة ولا ضفة مممممم

[ام عبدالله لولو]

عسولة الله يكتبلك التمام يالله .ز بس بدي اسالك نومك اتوفو ببطنك ولا بعد الولادة

[~{{ DoDo }}~]

عسووولة تكرم عيووونك
هاي الادعية انا كل يوم بقراها من اول ما حملت
وموكلاها لرب العالمين واعملي متلي

% (( ادعيــه لحفظــ الجنين بأذن الواحد الاحــد)) - سيدتي (http://forum.sedty.com/t114586.html)

[مسك السنين]

عسوووووولة غيري التوقيع

[عسولة فلسطين]

اها صحيح يا مسك ام عزمي عملت الغرزة
انا يمكن اعملها بالعيادة .... بس اروح الدكتور بشوفه وبسأله
ع قولتك غغرزة غرزة بس المهم نشوف البيبي
مرة كتبتي اسم دكاترة وانا كتبتهم عندي بس مش عارفة وين وديت الدفتر
مين دكتور او دكتورة شاطرين بمتابعة الحمل... يكونوا ثقة لأني بدي حد ينتبه لي منيح منيح

[حيفا]

صباح الخيرات والليرات للجميع يارب تكونو جميعا بصحه وعافيه :)

عسولتي خبرينا كيف شكيتي بالحمل وشو حسيتي ، وشو عملتي يلا يلا هههههههه
ربي يتمملك على خير ان شاء الله والثالثه ثاااااابته باذن الله :)

[عسولة فلسطين]

دودو .... الله يسعدك يارب ... هلأ بطبعهم وبحطهم ع الكمودينو جنب راسي بأصير أقرأهم اول ما أصحى ولما أنام وفعلا كلامك نوكلها لرب العالمين ... لأنه قل لن يصيبنا الا ما كتب الله لنا

ام عبد الله ... أنا توأمي كانوا عايشين بس صار انه عنق الرحم اول يوم بالسادس لقوه فاتح 7 سم قالوا ولادة وفعلا ولدتهم قعدت 12 ساعة وحدة بالليل ووحدة الضهر تاني يوم ونزلوا عايشين عاشوا شوي وبعدين توفوا الله يسهل عليهم ياااااااااااارب و يجعلهم شفعاء لي ولأبوهم

مسوكة... والا يهمك هلأ بأغيره بس والله مش نسياهم وبعمري ما بنسى ... الحمدلله... وع قولتك النفسية تكون حلوة هيني ابتسمت ^_^

[عسولة فلسطين]

يسعد صباحك يا حيفا
و ربنا يجبر بخاطرك يااااااارب
أبدا انا كنت اعرف انه حمل بالحملين السابقين قبل الدورة باسبوع او عشر ايام ينزل نقطة دم الله يكرمكم وهاي علامة التعشيش اللي بيحكوا عنها
هالمرة غير قلت لزوجي ما تتأمل كتير قالي انا موكلها لربي
وبعدين صارلي اسبوع بأنام كتيييييييييييييييييييير كتيييييييييير
طبعا فيه وجع بالصدر ومغص زي الدورة بس خفيف ووجع الضهر بأحس ضهري من ورا زي كأنه فيه نبض
ونفسي بتميع كتير بس ما بستفرغ الله يكرمكم صرت ع هالصبح أحط ليمونة عندي واكل منها لما احس نفسي ماعت
والحمدلله يارب يا حيفا انتي وغموض و انبثاقة ياااااااااااااااااارب
ويكون حمل قوي و سليم وثابت و وورا بعض نكون يااااااااااااااااااااااااااااااااااارب

[مسك السنين]

اكرااااااااام روحي الصحابة الطبي عند وحدة اسمها وسام ابو عمر
هاي دكتورة بالشفا والصحابة بس فظييييييييييييييييييعة

والله والله مابخبي عليكي شفتي قديش حالتي صعبة كانت هيا وقفتللللللللللي
وبدك واحد دكتور في مهدي حرزالله
هدا بالجلاء عنا كتيييييييييير معروف وشاطر
بس بنصحك بوسام يعني لو بدك متابعة بالشفا بالقسم الخاص بتوقفلك وبالصحابة ايضا
واتوكلي ع ربنا

[ام عبدالله لولو]

الله يرحمهم برحمتو .. اسفة كثير لاني رجعنلك جروحك سامحيني يا اختي ربنا عوضك والله يتبنلك حملك استعملي دفاستون كويس لثبيت الحمل بعد استشارت طبيبك .

[عسولة فلسطين]

لا ام عبدالله عادي حبيبتي والا يهمك... الحمدلله اللي اختارهم بالجنة الحمدلله
وهي ربنا عوضني خير الحمدلله ربنا يتمملي ع خير
هلأ بآخد ابر انا مثبتة كتبلي عليهم الدكتور

مسوكة خلص ان شاء الله بس اعمل الغرزة بروح وبتابع عندها...لأنه حجتي الست ماما بتقولي نكمل عند هالدكتور لغاية ما يعملك الغرزة وبنشوف كيف والا ايش رأيك؟

[حيفا]

حبيبتي عسوووووولتي ان شاء الله التمام على خيييير يارب ، وتابعي عند الدكتورة من هلااااء ما تستني وان شاء الله ربي بيحفظلك النونو وبتشوفيه تام الخلقه سليم معافى يا الله ، وتشوفيه عريس كماان ههههههه

[~{{ DoDo }}~]

انا بقرا ومستمتعة
ربنا يتمملك ع خير يا عسوووولة
نفس اعراض حملي بس انا ما كنت نفسي تموع

عقبااااالك حيفااااا ان شاء الله بتلحقي عسولة انتي وانبثاقة وغموض بالدور ؛)

[غُمُوض أُنثَى]

صَبـــــــآحكم ورد ي صبآآآآيآ
بشوفكم مجتمعآآآت ** عالخير يارب دايما :))


عسولة .. ديري بالك ع حالك منيح منيح هالمرة
وربي يكمل الك ع خيييييير حبيبتي

حيفا يسعد صبآحَك يا حِلو ^^

ام عبد الله ومسك وحلاآآ واحساس منورآت ويسعد صبآآآآآآآحكم يارب

[غُمُوض أُنثَى]

حبيبتي دودو يسعد صبآحك انتي والبيبي :*

الله يسمع منك يارب :)

ولولو كمان والله الف سلامة عليكي ديري بالك وانتي بتقطعي الخضرة
المبشرة هاي انا اكتر من مرة اقع في نفس الفخ هههههههه

[ام عبدالله لولو]

الله يسعدك يارب ويتمملك ه خير نصيحة مني امشي ع دكتور واحد ما تغيري لانو الي بتابع الحالة من الاول بظل يعرف حالتك من هلا دوري هع دكنور شاطر وهو بعملك الخرزة .. انا الحمد لله لول حمل الي كنت اروح ع دكتورة شغتها مش كثيرة من البداية غيرتها

[~{{ DoDo }}~]

غموووووض
يا هلا والله لقطناكي عالصبح نورتي
اللهم آمين حبيبتي يسمع مني ومنك ومن الجميع ؛)

[ام عبدالله لولو]

الله يسعد ايامك يا غموض عقبال ما اصحى يوم وافتح الا اشوف خبر حملك انتي وبافي الصبايا ..

حيفا الله يسعدوو الحلو شو اخبارك

بلازن صبايا نسيت حالي هوم بدي اروح ارتب البيت واطبخ رح ارجع اطل بس طروني خليني اخلص الشغل هههههه

[عسولة فلسطين]

الله يخليكم يا بنات
ان شاء الله يا غموض.... حيفا ونشوفلك أحلى ذرية صالحة يارب
ام عبد الله انا دكتوري شاطر بس كيف بالعلاج مش بمتابعة الحمل وانا المرة الماضية قالولي تابعي عند غيره قلتلهم لأ هو منيح وضليت معه وكان مش عاملي غرزة لأني مالي نصيب فيهم الحمدلله ع اللي من الله
بس هالمرة حتى بالعلاج ماعرفت اروح لحد غيره خفت حسيت نفسيتي تعبت بس هلأ الحمدلله والفضل لله الحمدلله والشكر خلص دوره وحشوف اللي بتحكي عنها مسك وان شاء الله خير ^_^

[مسك السنين]

عسولة انت لسة اول شهر فاحصة جديد صح

مين دكتورك؟

انا من راي تروحي لدكتور او دكتورة متمرس بشغله مش واحد يقلك لمفروض عملنا ومفروض سوينا

ازا دكتورك مش هالقد غيري من البداية افضل الك

[عسولة فلسطين]

مسك .... هيني غيرت التوقيع وكل مرة بآجي احط صورة ما بيزبط سبحانك يارب هالمرة زبطت :)

[مسك السنين]

غموووووووووووووووووووووضك نورك ياعسل



بينك افتقدكككككككك

[عسولة فلسطين]

صح يا مسوكة
ان شاء الله بشوف كيف
هي د. وسام لو رحتلها بالصحابة بالاقيها هناك والا لها عيادة والا كيف؟

[مسك السنين]

عسولة بتلاقيها بالصحابة

واليوم بس يجي زوجي باخد الرقم من جوالو لانو انا راح من عندي

بس انا متاكدة انك حتنبسطي معها وتدعيللللللي

بس لاتنسي تقولي لها الشغلات اللي صارت معك المرات الماضية تنذكر وماتنعاد

[مسك السنين]

بينك ياام رهوووف وينك

[~{{ DoDo }}~]

اه يا بنات بينك فاتت قبل كم يوم وقالت متدايقة وبدها تفضفض
وما رجعت فاتت تطمنا عنها

[عسولة فلسطين]

مسك بعتلك رسالة ع الخاص شوفيها وصلتك؟؟ لأنه الرسائل عندي مليانة ففرغتها ^_^ مابعرف وصلت او لا
ان شاء الله خلص بآخد الرقم وبروحلها

اه يا بنات بينك وينها؟؟؟
هي كانت متضايقة ليش؟
وحواء وين كمان؟؟؟؟ مش باينة

[إنبثاقة أمل]

عسولة الله يسلمك ياقلبي

ويفرحنا بقومتك بالسلامه يارب

مسك اه روحت من عند اهلي

وانا من الضفه :)

غموض يسعد صباحك ياقمره

[عسولة فلسطين]

شوفوا هالصورة .... من صفحة منال العالم ع الفيس

http://sphotos-a.ak.fbcdn.net/hphotos-ak-ash3/s480x480/581700_10151316283141342_461329250_n.jpg

[لولو الفلسطينية]

عسولة و غموض و حيفا و مسك منورين الصبايا يسعد صباحكم
عسولة انا اخدت الابر المثبة لحتى خلصت الشهر التالت بعجين وقفهم الدكتور
ربنا يتمملك بخير و ما يضيعلك تعب ان شاء الله
بينك جد مختفية ان شاء الله تدخل تطمننا عنها
دودو صحيح كان بدي اسألك انتي و الي عندها خبرة انا الي يومين حاسة انو الحركة هادية و خفيفة
عادي و الا شو ؟

[عسولة فلسطين]

انبثاقة سلامتك
وحمدلله ع السلامة ان شاء الله بترجعي بتشوفي اهلك انتي بتمام الصحة والعافية وع ايدك بيبي ياااااااااااااااااااااااااااااااارب

[إنبثاقة أمل]

الي يومين بضغط ع حالي اشرب حليب

طلع عندي نقص بفيتامين د

وبعمل كل انواع التحايل مع نفسي ع شان اتقبله ههههههه

[~{{ DoDo }}~]

لولو
انا مرات بتمرق ايام بتكون الحركة خفيفة
بس سمعت مرة بيقولوا انه عدي 10 حركات او 12 حركة خلال 12 ساعة
وقتها بيكون طبيعي ، واذا اقل من هيك بيكون لازم تشوفي الدكتور
انا مرات كتير متلك بتوسوس وبقلق وبحسها بتخف بس اخر اليوم برجع بعد
بلاقيها منيحة
ان شاء الله خير طالما في حركة لا تقلقي مش ضروري تكون على مدار اليوم لانه البيبي بينام بالنهار

[إنبثاقة أمل]

ياقلبي يا عسوله

الله يسلمك ويخليلك احبابك ويفرحك بسلامتهم ويطمنك عليهم

اهم شي تنتبهيلنا ع حالك واطلبي واتمني

وابو الشباب يلبي هههههههه

يارب يكرمك بثبات حملك وشوفته ع خير

[لولو الفلسطينية]

انبثاقة هههه شكله فيتامين د عند كل العرب صفر هههه
انا و دودو كمان عندنا نقص فيه هههه و بنوخد حبوب عشانها
اه صحيح سلامتك و سلامة قصباتك هههه ربنا يخفف عنك

[~{{ DoDo }}~]

الي يومين بضغط ع حالي اشرب حليب

طلع عندي نقص بفيتامين د

وبعمل كل انواع التحايل مع نفسي ع شان اتقبله ههههههه

انتي متلي يا انبثاقة
عندي نقص حاد فيه
بس حاولي بالاضافة للحليب تتشمسي
شمس الصبح اللي هي قبل الضهر
او شمس العصر اللي بعد ال 3 مفيدة كتييير
وممكن تاخدي حبوب فيتامين عادي لو ضل ناقص
ما في منها اي ضرر وكلي بروكلي ومشروم وسمك مرتين بالاسبوع

[إنبثاقة أمل]

عن جد هالفيتامين مجنن العالم ههههههه

الله يسلمك حبيبتي

[~{{ DoDo }}~]

لولو شفتي ردي بالنسبة للحركة ؟ هيو فووووق

[~{{ DoDo }}~]

وانبثاااقة كمان شوفي ردي فوق كبشة نصاااائح هههههه

[إنبثاقة أمل]

ربي يعافينا منه

ربي يسعدك دودو

بس اخف ان شاء الله ناويه اعمل حالة استنفار بالاكل المفيد والمفيد جدا

[إنبثاقة أمل]

يسعد قلبك ويفرحه بشوفة عموره سليم معافى

تمت المشاهده :)

[لولو الفلسطينية]

اه دودو شفته شكرا الك
مش عارفة بس ان شاء الله يكون طبيعي يااااا رب

[عسولة فلسطين]

ههههههه يا قلب لا تحزن شكلي انا زيكم
كمان يا بنات
بس انا ما عملت تحليل بس قرأت ع النت لأنه بيطلعلي اسمرار حولين شفايفي بيخف وبيروح زي كلف خفيف فشفت سببه ع النت

[~{{ DoDo }}~]

انبثاقة
ان شاء الله بس تصحصحي منيح اهتمي وما بيكون الا كل خير

لولو
وكليها لربنا ان شاء الله خير
واذا الك موعد قريب ان شاء الله بتتطمني

[~{{ DoDo }}~]

عسووولة
عالشهر التالت آخره اطلبي تحليل فيتامينات من الدكتور
وببين اذا لا سمح الله فيه نقص فيتامين د
بس هو بشكل عام ممنوع تاخدي حبوب فيتامين د قبل ما تخلصي التالت
لانه البيبي بكل الاحوال اول تلت شهور رح ياخد كفايته منك وانتي اول الرابع بتشوفي شو لازمك فيتامينات

ان شاء الله ما بيطلع عندك لا نقص ولا شي

[إنبثاقة أمل]

عسوله هدا الفيتامين مخبى بتيابه هههههه

كل حدا اعراضه شكل

انا ما بشكي من شي الحمدلله

بس لما راجعت عند دكتوره وانا بالسعوديه لاني بعمل كل شهر تحاليل بطمن ع الغده وهرمون الحليب

صدمتني الا هي بتقول عندك نقص حاد

سألتني بشو بتحسي قلت ولا شي طبيعيه ميه بالميه

بعدين حكيتلها عن وجع ايدي وانه عندي التهاب بالاوتار قال ما اله دخل ولا تصيري توسوسي ههههه

[عسولة فلسطين]

ان شاء الله
بأعمله هالتحليل بداية الرابع هلأ بآخد انا فيتامينات كتبلي عليها الدكتور وفيه ضمنها الفوليك اسيد وبيبي اسبرين وابر تثبيت

[~{{ DoDo }}~]

عسولة
ممتاز اه
ربنا يتمملك على خير يااارب

انبثاقة
هو ما اله اعراض
بس انا الاعراض بينت معي من الحمل
لانه البيبي صار ياخد كل الي عندي وبان النقص بوجع رجليا وبالدوخة

ان شاء الله برتفع عندك بس اهتمي بالغذا وما تقلقي كل الناس عندها هالفيتامين ناقص

[عسولة فلسطين]

لا انبثاقة انا بس من حول شفايفي بيجي كلف خفيف وبيروح ففتحت النت اشوف ايش السبب لقيته هيك وان شاء الله بالتحليل ما بيطلع هي مش ناقص ههههه