دردشة بنات فلسطين, دردشة حوامل فلسطين, تجمع بنات فلسطين

[~{{ DoDo }}~]

حلا صحيح
انا بحب كتير اسم قصي
ويوسف كمان حلو ومميز بحسه رااااقي
الاسمين بجننوا الله يباركلك فيه يارب

لولو
ما حطيتو قائمة اسماء لسا ؟

[لولو الفلسطينية]

دودو صحتين و عافية عقلبك و قلبو لعمورة هههه
بنات عن ازنكم انا رايحة بلكي بلكي عرفت ادرس كم صفحة
الله وكيلكو الامتحانات بعد اسبوعين و انا تقريبا ما بعرف شي عن المواد هههه

[حلا الماس]

دودو .. صحتيييين عالكورن فليكس الك ولعمر الشطور

لولو .. ما قررتي شو بدك اتسمي بنوتك ؟؟

انا من قبل ما احمل كنت اقول قصي او قيس

بس من فترة حلمت انو ولدت وسميت يوسف وصحيت من النوم حابة الاسم كتييير وحاسة انو جوزي مقتنع شوي بالاسم

ولسه ما قررت بدي اشوف حماتي يمكن نفسها باسم .. مع انها ما بتتدخل بس من باب الاحترام يعني

[لولو الفلسطينية]

بالنسبة للايم و الله مش عارفين
هههه في اسماء عجبتنا بس لما زوجي يتزكر حدا بهاد الاسم ببطل ههههه
انا عجبني اسم زينه و هو عجبه بس تزكر وحدة ما بتقربنا بس من بعييييييد و عايشة بالسعودية كمان ههههه لهيك طنش هالاسم
و ان شاء الله خير

[~{{ DoDo }}~]

لولو
الله يسهل عليكي ادرسي منيح
والله يوفقك ويفتحها عليكي ياااارب يلا شدي الهمة

حلا
يوسف حلو بجد موفقين فيه
وان شاء الله بييجي بصحة وعافية وخلقة تامة يارب ؛)

[حلا الماس]

لولو .. الله يسهل عليكي حبيبتي

ادرسي منيح .. ربي يوفقك ويسهل عليكي

[حلا الماس]

دودو .. الله يسعدك ويسمع منك يا رب

لولو .. اسم زينة كتير حلو ومميز .. وبكرة لما يجيها اخ بتسموه زين .. بيصيروا زين وزينة

مع انو كان نفسي اسمي زينة وجوزي كل ما احكيلو زينة .. بدحك ويقلي زينة ونحول خخخخخخ

[~{{ DoDo }}~]

هههههه حلا طب احلى شي زينة ونحول
اخخخخخ منهم الرجال
انا قبل ما اعرف جنس البيبي كنت بدور ع اسامي بنات
وكل ما اقله اسم ما يعجبه ويتمسخر ونتخانق ههههه
وهيو طلع ولد وسهلها علينا عمووورة الله يرضى عليه

[لولو الفلسطينية]

ههههه زيي انا بحكي لزوجي بنسميها زينه و بنسمي الاخ الجاي نحوول هههههه
ربنا يجيب يلي فيه الخير
ههههه شكلي لا رح ادرس ولا شي
بس لاااازم ادرس مش بخاطري

[حلا الماس]

شايفة بالله ..

مش بقلك انا ما سميت حدا من ولادي ....البنات ابوهم سماهم وخليل على اسم حماي

بتمنى انو المرة هاي اسمي الاسم الي بختارو انا ..

[حلا الماس]

يا ستي لا تحتاري ولا على بالك

ساعة الولادة ربي بيسهل كل شي ورح تختاروا الاسم بكل سهولة
ما بتعرفي البنت شو مسمية عن ربنا .. كل مكتوب ومقدر عند ربنا

[~{{ DoDo }}~]

لولو
بنوتك رح تجي ويجي اسمها معها
ما تقلقي ، وتوكلوا على الله
ويلا قومي ادرسي وشدي حيلك بما انك متنشطة فرصةةةةة يا بنت

[~{{ DoDo }}~]

شو طابخين اليووووووم

[حلا الماس]

بنات يا حلوات .. انا دوامي الصباحي خلص

بدي اطلع لانو خليل صحى وبدي اكمل شغل البيت .. سلامات

بدخل بالدوام المسائي ان شاء الله

[~{{ DoDo }}~]

الله معك حلا

وانا رايحة كمان

[احساس أنثى]

بدري وين رايحين وسايبيني:)

البنات المحاضره مشيت عادي مافي اي تعليق ههههههههه بالعكس اهتمام اكتر وشرح مفصل متل صف الاول

لولو ربي يوفقك بامتحاناتك هيا فتره وبتعدي
حلا الملوخيه نزلت اشتريها واقضي نفسك
دودو شلونك ؟!

[حيفا]

صباح الخيرات صبايا كيفكن ، شو اخباركن ؟

صوتي مبحووووح وبحكي بالاشارات وزوجي بيضحك عللييي ههههههههه

اليوم ما بدي اطبخ معزومة ع ورق عنب اخضر عند ستي الله يحفظلي ياها يارب :)

[~{{ DoDo }}~]

احساس
انا تمام الحمدلله
يلا حلو يعني الاستاذ عرف غلطته هههههه
شو الاخبار

حيفا
يا هلا والله اشتقنالك
سلاااامتك يا قلبي
شو اخبارك ؟ وصحتين على ورق العنب الله يخليلك ستك يااااارب

[حيفا]

احساااس صباح الفل والياسمين :)

دودو الله يسلمك يارب ماتشوفي شر

منيحه الحمد لله بس بحة الصوت بتدايق شوي ههههه

كيفك وكيف عمورة ؟

[~{{ DoDo }}~]

سلامتك ان شاء الله بتخفي عن قريب
اشربي بابونج مع عسل او ليمون دافي مع عسل كتير ممتاز بيفيدك

انا بخير الحمدلله وكل الامور تمام بدي اياكي بخير :)

[جارة القمر]

مرحبااااا..........

حلااا:

ما شالله الخير عندكم اهل الخليل ....وين بالخليل انتي ...!!.؟


حيفااا:

سلامتك ياااا أأأأأأأأمر ........نزلت عليكي الدورة ؟؟ّ!!

احساس::

هههههههههه منيح اتربى الاستاز ......

دودو + لولو :::: هاايات

[بينك روز]

مسا الخير بنات شو اخباركم
ماشاء الله عليكم ما بتكنوا من الحكي
والله مشتقااااااااااااااااااالكم كتير
انا اليوم صايمة وامبارح كنت صايمة
عليه خمس ايام من رمضان بقضي فيهم افطرتهم لما ولدت رهف

[جارة القمر]

بينك روز::

هلااااا حبيبتي ..........فئدناكي ..........

صيام مقبول ان شالله ....

[حواء مثالية]

هايات كيفكم كلكم

مبارح كنت عند اهلي لهيك ما طليت

[احساس أنثى]

تتهني يارب ياحواء
بينك ربي يقدرك النهار طول الله يعينك انا باقيلي يوم

صبايا والله حسيت بالذنب لانو كان كتير كويس معنا حرام
بس هيا رده فعل مش اكتر :) يالله تتش وانتهى

[حواء مثالية]

تسلمي احساس


يالله حصل خيررررررر


حيفا نورتي

[احساس أنثى]

مالكم صبايا نمت ساعتين توقعتكم حاكين فيهم وينكو ؟

[ام عبدالله لولو]

مسا الخير يا صبايا
شو اخباركم اليوم روحت ع السوق واشتريت للبيبي ملابس بيجننو من وقتها وانا بشتغل شوية وبطلع فيهن شوية
انتو شو اعملتو اليوم نورتي حواء شو اخبارك احساس ولولو واحلا ام خليل ودودو وجارة وكل الصبايا يسعد مساكم يارب

[جارة القمر]

يسعد مساااااااكمــ

ام عبدلله::
احلى شي التجهيز للبيبي .......يلا ان شالله بتشوفيه بالسلامة

حواااء::

هلاااااا نورتي

احساس:

هينااا هون تعي دردشي......


غموض:
فين وصلتي بالقراءة ههههههههه

[حواء مثالية]

مساكم عسل



منورات

[احساس أنثى]

مبروك ياام عبد الله ملابس البيبي ربي يهنيكي فيهم ويجي ع خير وتلبسيه اياهم ويهريهم بعرق العالفيه

[~{{ DoDo }}~]

مسا الخيييييير صبايا

بينك رووووز وين هالغيبة كيفك وكيف رهوفة طمنينا عنك

حواء وجارة واحساس منوريييين شو اخباركم واخبار بيبياتكم الحلوين

ام عبد الله مبرووووك تياب البيبي فعلا احلى شي التجهيز
انا باقيلي كم شغلة عم باجل فيهم بس شكلي مش رح اقاوم واجيبهم

شو الاخبار وين الصبايا مختفيين

[agan]

هلا صبآيا منورين

[احساس أنثى]

هلا اجان جديده معنا انتي ؟

[جارة القمر]

طيب وبعدين .............هههههههههههه

[~{{ DoDo }}~]

ههههههه ولا قبلين يا جارة

[احساس أنثى]

ههههههههه ملل صح
البنات شكلهم اعتزلو الدردشه

[حواء مثالية]

والله شكلو هيك يا احساس


صحيح انسيت اقلك ابو الزوز زي القمرررررررررررررررررررر

[احساس أنثى]

تسلميلي ياحواء انتي القمر

شو بتعملو ياصبايا بهالوقت ؟؟
انا حاضنه زوزو ونايم

[حواء مثالية]

بحضر ان وبرلنت بتوم وجيري على ام بي سي 3

[فوفو89]

مرحبا صبايا

كيفكم اليوم

اليوم رحت ع الدكتور هاني النابلسي والحمدلله حكالي كل شي منيح بالنسبة للحمل

http://www13.0zz0.com/2013/03/25/20/776127752.jpg (http://www.0zz0.com)

وهاي صورة الجنين .. احكولي شو شايفين ؟؟ وشو مبين ولد ولا بنت؟

[حواء مثالية]

هلا فوفو الحمدلله انه كلشي عندك تمام

ومش مهم ولد ولا بنت اهم شي الخلقة التامه انا والله ما بعرف يمكن البنات يفيدوكي

ممممممم شو حكالك الدكتور

[حواء مثالية]

تصبحوووووو على خير وسعادة

[فوفو89]

هلا فوفو الحمدلله انه كلشي عندك تمام

ومش مهم ولد ولا بنت اهم شي الخلقة التامه انا والله ما بعرف يمكن البنات يفيدوكي

ممممممم شو حكالك الدكتور

اه طبعا مش مهم خصوصا انو هذا اول بيبي النا .. بس الواحد بيحب يعرف صح ولا لا ؟؟ هههه

تسلمي يا زوووء

[فوفو89]

شو يا صبايا ما حكيتولي شو رايكم بالصورة ؟

وشو شايفين ؟ ولد ولا بنت ؟

http://www13.0zz0.com/2013/03/25/20/776127752.jpg (http://www.0zz0.com)

[ام عبدالله لولو]

صباح الخير صبايا
اظن والله واعلى واعلم انو ولد من شكل الكيس .. زوي ما حكت حواء المهم الخلقة التامة

[حلا الماس]

صباحووووو ..

كيفكم اليوم يا بنات ..

ام عبد الله حبيبتي .. مبروك تجهيزك للبيبي ويارب يجي بالسلامة وتلبسي اياهم كلهم وتفرحي فيه يا رب .. حلو التجهيز وبحسو بكون حماسي لانو اواعي البيبي الزعيرة كتييييير حلوة وبتحرك المشاعر .. حمستيني اجهز للي ببطني .. بس انا في عندي بدي كم من غرض خفيف مش كتير لازمني للبيبي اواعي ..

فوفو .. الله يطمنك عن البيبي يا رب وعقبال تشوفيه بين احضانك يا رب .. بس حبيبتي الصورة مش واضحة لانها هاي صورة كاملة للجنين لازم صورة للعضو عشان نعرف ازا ولد ولا بنت ؟؟؟ انتي شو حكالك الدكتور .. بان جنسو ولا لأ؟؟

كل الصبايا الي كانوا سهرانين مبارح ربي يسعد كل ايامكم ♥ ♥

البنات الغايبات : حيفا .. بيبو .. عسولة .. ام محمد .. ميسا .. ام مروان .. غموض .. انبثاقة .. بينك .. عيون المها .. تعالوا طمنونا عنكم والله وحشتونا

نداااااااااااااااء الى موظفات الدوام الصباحي ليه هيك متاخرات الدوام بدأ .. يلا تعالوا

[ام عبدالله لولو]

هلا ام خليل يسعد صباحك ياعسل .. تسلميلي يارب والله فرجة حلوووة كثير هههههه خاصة وانا اتسوق كل شي حلو وبجنن يلا عقبالك

[~{{ DoDo }}~]

صباح الخير ام عبد الله وفوفو وحلا حبيبتي

كيييفكم اليوم

فوفو
الله يتمملك ع خير المهم الخلقة التامة
والله انا ما بفهم بالسونار ومتهيالي البنات كمان
كان سالتي الدكتور المفروض بيعرف ، الله يفرحك فيه يااارب ويسهل عليكي وعلينا

ام عبد الله
يسعد صباحك يا قمر
كيفك اليوم وكيفو عبوووود باشا

حلا
يا صباح الورد كيييييييفك يا ام العيال
طمنيني عنك وعن القطاقيط الحلوين
وعن البيبي الحلو الي بالطريق

شو عاملين اليوم شو الاخبار

[ام عبدالله لولو]

منورة ام عمر شو اخبارك يا عسل شكلو البنات بفوتو بصبحو وبطلعو .. انا االحمد لله بخير هيني بغسل وبدي ارتب البيت بدياعمل متبل فول اخضر كثيرررررر زاكي وانتي شو بدك تطبخي يا شيف دودو

[~{{ DoDo }}~]

شايفة ام عبد الله
لما فتت الكل اختفى هههههههه
والله انا بخير الحمدلله ، حركة عمورة بلشت توجعني شوي بعض الاوقات
بس كله فداه ولا احلى من هيك الحمدلله

امممم انا بدي اعمل مسقعة كوسه اول مرة بعملها وعندي كوسا ومو جاي عبالي اعمل لا محشي ولا مخشي
ههههههه ادعيلي ان شاء الله تزبط وتطلع طيبة

[احساس أنثى]

يسعد هالصباح يانشيطات اللهم لا حسد :)

شلونكم صبايا انا صحيت حاسه زوري فيه احتقان شكلو زوزو عداني

هيني بدي ابلش الف مع حماتي ورق عنب ونحشي كوسا تفضلو احنا زمان ماعملناه :) يمي يمي يمي

[ام عبدالله لولو]

صحة وهنا يارب نطلع طيبة يارب ,, بس شو هاي ههههه اسمه غريب شوية

[~{{ DoDo }}~]

احساس
يسعد صباحك والف سلامة عليكي
لحقي حالك عشان ما تزيد المشكلة واشربي بابونج بالعسل او ليمون داااافي
وصحتين عالكوسا وورق العنب :)

ام عبد الله
عادي كوسا ولحمة مفرومة مع صلصة طبقات وبالفرن ههههههه
بس اعملها بقللك النتيجة ، متل مسقعة البتنجان ولا انتوا ما بتعملوها ؟

[ام عبدالله لولو]

يسعد صباحك احساس سلامتك وصحة وهنا اكلة طيبة كثير
دودو والله ما بعرفها ههههه صحه وهنا يارب .. دودو انتي عايشة بلامارات صح يعني شعل ولا دراسة

[~{{ DoDo }}~]

ام عبد الله
اه انا عايشة بالامارات انا وزوجي في دبي
شغل طبعا ، اهلي واهله في غزة بس احنا هون مستقرين

[ام عبدالله لولو]

تتهنو يارب يلا بكرا بيجي عمورة ع خير وبسليكي هههههه شو بيشتغل جوزك

[~{{ DoDo }}~]

ان شاء الله الله كريم
زوجي مهندس كمبيوتر
وانا من اول ما اجيت دورت ع شغل وحاولت اشتغل بس صعب بالبلد هاي الشغل كتييييييير
بيعين الله

[ام عبدالله لولو]

ههههه بكرا بتشتغلي بعمر هههههه الله يقومك بالسلامة يارب وتفرحي فيه

[إنبثاقة أمل]

صباح الخيرات

شو أخباركم حبيباتي

إشتقتلكم كتير كتير

[~{{ DoDo }}~]

ام عبد الله الله يسلمك حبيبتي يااارب ويسمع منك

انبثااااااقة
لسا مبارح كنتي ببالي والله
شو اخبارك ووين هالغيبة
طمنينا عنك ان شاء الله بخير ؟ اشتقنالك

[إنبثاقة أمل]

اهلين دودو

الحمدلله ياقلبي بخير

بس هالفتره ظروف ورا بعضها الله يعين

وصبحت الدوره نازله وتعبانه منها مو قادره انام من وجعها

وحاسه نفسيتي بالمره

عن جد اشتقتلكم كتير

[~{{ DoDo }}~]

انبثاقة
سلاامتك حبيبتي
الله يهونها عليكي يااااارب
ديري بالك ع حالك واتدفي منيح واشربي اشياء سخنة
وما تغيبي كتير خلينا نضل نطمن عليكي

[إنبثاقة أمل]

الله يسلمك ياقلبي

هيني بشرب بلكي روقت عليها

ان شاء الله ياقلبي تروح هالظروف ما ابعد عنكم

[~{{ DoDo }}~]

ولا يهمك وكلي امورك لربنا
وهو بيهونها من عنده ، اهم شي تديري بالك ع حالك
وما تشوفوا شر ياااارب انتي وكل احبابك :)

[ام عبدالله لولو]

مرحبا يا صبايا ..
سلامتك انبثاقة ما ع قلبك شر حبيبتي الله يهونها عليكي يارب
دودو شو عن تعملي
حلا اجت بس بدها تزبط الدوام الصباحي واختفت هههههههههههه يلا صحصحو يا بنات
حيفا وينك بطلتي تفوتي طمنينا عنك

[فوفو89]

تسلمو خواتي ام عبدالله وحلا الماس

الدكتور حكالي احتمال ولد .. بس مش اكيد .. وحكالي المرة الجاي بيأكدلي

يعني مثل ما حكت ام عبدالله شطووورة :)

المهم الخلقة التامة والله يتمم امورنا ع خير يارب

انا ما بدي اعمل غدا اليوم ولله الحمد لانه دار حماي ذبحو ذبيحة عشان سلفي وعيلته اجو من اميركا الهم غايبين 3 سنين .. وبدهم يعملو عشا منسف
اتفضلووووووو

[لولو الفلسطينية]

مسا الخيييييير
شو الاخبار ؟
في حد هون و الا لا ؟
فوفو بالسلامة ان شاء الله
ربنا يتملك على خير

[~{{ DoDo }}~]

لولو
كييييفك
شو الاخباااار
اديه باقيلك لتفوتي التامن صحيح ؟

[لولو الفلسطينية]

اهلا دودو
ههههه كان الموبايل رح يخلص شحن و يطفي و انقزته باخر تانية ههههه
انا الحمد لله ماشي الحال
و الاه على سونا اخر مرة تخربطت
السونار اعطى بزيادة اسبوعين يعني كاني في الاسبوع 29 او 30 هيك شي بس على حساب الدكتور العادي في 23 بدخل التامن
يعني خربطولي الدنيا ههههه
و تنتي كيفك و شو اخبارك ؟

[~{{ DoDo }}~]

لولو
والله معك حق صارت خربطة
بلكي الموعد الجاي بتتاكدي
لانه لو ضل السونار معطي زيادة اسبوعين معناها السونار هو الصح
والحمل بيكون صاير بكير
انا الحمدلله بخير والحركة صارت تنغزني وتوجعني هاليومين
بس متحملة عادي الحمدلله ، وموعدي يوم السبت مستنية على نااااااااااااار
وعندي كبشة اسئلة للدكتورة

[لولو الفلسطينية]

ههههه يلاا ان شاء الله بتتطمني يوم السبت
هههه انا دكتوري صار متعود على طبعي و كترة اسالتي و كل ما اروح بحكيلي يللا بلشي اسئلة ههههه و لما اجي بدي اطلع من عنده بحكيلي ليكون نسيتي شي هههه
انا كمان الحركة صارت تنغزني بس اغلبها تحت تحت
ان شاء الله خير

[~{{ DoDo }}~]

هههههه والله احسن شي
يعني لو ما سالناهم مين بدنا نسال
انا صراحة ما بثق الا بكلام الدكتورة
حتى لو حدا عنده خبرة حكالي اشي
برجع بسال الدكتورة وبتاكد صح ولا غلط
وطلعت في شغلات كتير الناس بيحكوها وهي غلط اصلا
عشان هيك بسجل اسئلتي عالموبايل قبلزما اروح وببلش اسال

يا ستي ربنا يتمملنا على خير جميييييعا وما يضيعلنا تعب

[لولو الفلسطينية]

هههه اه و الله معق حق
انا نفس الشي
الاه يسمع منك و يتمملنا بخير يااا رب
هههههخ حاسة كانها طالعة تغير جو في معدتي هههه فوووق بتتحرك هلأ هلأ

[~{{ DoDo }}~]

ههههههه ماشاء الله
انا هيك بيصير معي بالليل او وقت النوم
بحسه شوي ويقعد مكان القفص الصدري ههههههههه
الله يخليلنا اياهم ونفرح بحركتهم وهم بحضننا يارب
نفسي صحيح الموعد الجاي اشوفه ثري دي بوضوح
كل مرة ما بكون واضح كتير هالمرة بلكي شفت ملامح

[لولو الفلسطينية]

ياااا رب
لا بتشوفي الملامح ان شاء الله
انا اخر مرة رحت كاااانت واااااضحة الملامح هههه شكلها زي ابوها رح تطلع
بعدين انا قرأت من كم يوم انو بالاسبوع 27 بكون شكل البيبي مماثل تماما لبعد الولاة بس حجمه و وزنه بكون اقل
سبحان الله

[~{{ DoDo }}~]

الله يسمع منك شجعتيني
هي الدكتورة الشهر الماضي قالتلي هالشهر الجاي ببين وبورجيكي
بس قال هي بتقلي انه بيشبه ابوه ما بعرف كيف شافت بس نياله اذا بيشبه ابوه ههههههههه

[لولو الفلسطينية]

ههههه ربنا يجيبلنا اياهم بالسلامة و يكونو بأحسن حال ان شاء الله

[~{{ DoDo }}~]

امييييييين يارب الله يسمع منك يا لولو
شو لوين وصلتي صحيح بتجهيزاتها ؟

[ام عبدالله لولو]

مرحبا صبايا شو اخباركم ..
لولو ودودو انا بعرف انو السونار ما بحسب ع ايام الدورة بيعطي حسب الجنين ونموه يعني ازا بزيادة بيكون حجم البيبي وافي هيك بعرف ههههه انا الدككنورة حسب السونار هو بينحسب من اليوم 8 للدورة هاد ازبط حساب هيك دكتورتي حسبتو

[لولو الفلسطينية]

خلصت ملابسها تقريبا و بزيادة كمان
تنا متاكدة في اشياء مش رح ييجيها الدور ههههه خصوصا الملابس الصغييييييرة لانه الواحد لما يشترب ملابس الصغار بينسا حالو هههه بتصير زي الادمان
و هلا ضلت الاشياء زي السرير و الخزانه و هاي الاشياء و الاشياء الي بتقد فيهم هههه مش عارفة شو اسامي هاي الشغلات
و بعدين هاليومين بدي اشتري اغراضي ان شاء الله
و انتي وين وصلتي

[~{{ DoDo }}~]

اهلا ام عبد الله
هو مزبوط بس لما يكون في فرق واضح بالسونار يعني اسبوعين او اكتر معناها
انه فعلا البيبي هيك تقريبا عمره
يا ستي مش مهم المهم الصحة والخلقة التامة ولما الله يريد بيطلعوا على هالدنيا. ؛)

[لولو الفلسطينية]

منوووووورة ام عبد الله
شو اخبارك يا حلوة ؟
اليوم مختفيين الصبايا

[~{{ DoDo }}~]

لولو
شطووورة عملتي متلي ههههه
انا جبت كتير تياب اشي نيو بورن واشي من 0 ل 3 وحساهم كتاااار
غير اللي ماما رح تجيبلي اياهم لما تيجيني والهدايا اللي قرايبنا باعتينلي اياهم
وهدايا دار حمايا ههههههه ابصر السيد عمورة يلبس كل هالشغلات ولا لا
يلا فداه كل يوم بغيرله اللبسة 3 مرات ههههههه
انا كمان تقريبا متلك باقيلي التخت والخزانة والكوتة اللي بيقعد فيها والعرباية تعت الطلعة
وباقي الاشياء بتجينا هدايا لانه بدنا نحط قائمة لاصحابنا عشان يجيبولنا اشيا نستفيد منها
ممممممم شو كمان باقيلي اغراضي بدي اجيب بجامات وروب وقميص نوم طويل يعني للازمات
واغراض النظافة تعت البيبي لسا كمان ما جبتها بخليها للاخر

وبحس حالي كمان ناسية الف شغلة هههه

[لولو الفلسطينية]

ههههه يعني زي بعض
و تنا كمان امي عملتلي شنته كبييييييييرة ههههه و كل ما اروح بتورجيني اشياء جديد جايبيتها
ان شاء الله يهروهم بالعافية
و برضو عمي و مرت عمي كل يومين و هم جايبين كم شغلة
هههههه عمي لما يجيبلها اي شي بكون ملفوف و علبيه شبر و ورد عاساس هديه هههه و انا بثواني بخرب هاي الاشياء و برميها و بشوف شو جواتها ههههه بحكيلي عمي غلبنا صحاب المحلات عالفاضي هههه
ههخخخ انا مش متخيله حالي بقميص نوم طويل
بس لازم ههههه

[~{{ DoDo }}~]

ههههههه ضحكتيني
شوفي يا ستي وانا كمان ما كنت بدي قميص نوم بس قال شو قالولي
لما يجيكي الطلق وبدك تولدي بيضلوا بالمستشفى يجوا كل شوي ويفحصوا من تحت
وقال وقتها لازك تكوني لابسة شي مفتوح عشان ما تتغلبي ، يعني لقبل الولادة بس
اما بعدها ان شاء الله ازا ولدت طبيعي والله اكرمني بجامات وبس

[لولو الفلسطينية]

هههههه و انا امي و مرت عمي بيحكولي نفس الشي
يللا بعيننا الله بنتحمله كم ساعة ههههه
ان شاء الله بنولد طبيعي
ههههه لما قريت " يفحصوكي من تحت " قلبت معدتي و مغصني بطني ههههه

[~{{ DoDo }}~]

ههههههه انا ماجلة الخوف للتاسع
وبحاول اطنش وانسى
مهل علينا ملحقين نخاف ونرتعب الله يستر

[لولو الفلسطينية]

ههههه على قولتك
كلشي بوقتو حلو

[~{{ DoDo }}~]

اه والله كل شي بوقته حلو
على قولتهم استمتعي بحملك هلا ههههه

[لولو الفلسطينية]

ههههه هينا بنستمتع ..... كل يوم بنشوف شي جديد هههه ♥
شكلنا اليوم انا و انتي لا شغلة و لا عمله ههههه
انا و وزوجي معزومين عند اهلي بس لسا بعد حوالي ساعة بنروح
و عمي و مرت عمي راحو ع اريحا عالبحر الميت

[~{{ DoDo }}~]

هههههه
انا والله طابخة من بكير وما علي اشي اعمله وقاعدة بستنى زوجي يرجع من شغله
يعني فاااااااضية اشغال

[لولو الفلسطينية]

لا انا زوجي عندي ههههه
اليوم و بكرة اضراب في الجامعات عشان هيك

[~{{ DoDo }}~]

ايوةةةةة طب ممتاز بيكسبها اجازة مع الويك اند
احلى شي قاعد بسليكي والله ، انا زهقانة شوي عالتلفزيون وشوي عالنت مش لاقيتلي شغلة

[لولو الفلسطينية]

هههه بعين الله
اصلا انا زوجي بحاول يستغل كل فرصة ليدرس لانه قرب يخلص الماستر ان شاء الله
عشان هيك انا كمان زيي زيك زهقااانه

[im mohmmed]

مرحبا صبايا ويسعد يومكم

كيفكم وشو اخباركم ؟؟

بنات شوفولي حل مع هالاكل مش راضي ينزل الخبز من زوري ع السوائل عايشة

وبموت ع عصرة الليمون ع اي اشي

نفسي اكل ومش عارفة بضلوا وائفلي وما بستفرغوا بس هيك بضلوا عامل زي الحجر بزوري :(

[~{{ DoDo }}~]

لولو
الله يوفقه يارب ويخلص الماستر على خير
بيعينك الله هاااااانت

ام محمد
يا هلا فيكي
سلامتك ، انا بقول روحي للدكتور افضل
لانه هو اللي بيقدر يشوف شو عندك
يمكن التهاب بحلقك او شي عشان تتطمني
انا ما عندي فكرة والله كنت متمنية افيدك

[لولو الفلسطينية]

اهلين ام محمد
بعين الله
انتي حاولي تقللي كمية الاكل و تزيدي عدد الوجبات ممكن احسنلك
بعدين السوائل كتييير منيحة بالحمل منيح انك تكتري منها
و كلي خصرة و فواكه باستمرار ممكن بتحسيها اخف من باقي الاكل يعني بتنزل من زورك ههههه
الاه يهونها عليكي و يتمملك بخير

[لولو الفلسطينية]

انا طالعة
باااااي

[~{{ DoDo }}~]

الله معك لولو
ام محمد جربي تعملي متل ما قالت لولو يمكن يجيب نتيجة
الله يهونها عليكي ياااااارب حبيبتي

[im mohmmed]

هيني عملت سلطة وسلكت معي

ربنا يستر ويكمل حملي ع خير يااااارب


الله يخليكم

[ام عبدالله لولو]

مسا الخير يا صبايا
ريتو صحة وهنا يا ام محمد ان شاء الله بتشوفيه بين ايدك يارب افضل شي السلطة كلها الياف وبتمنع الامساك عند الحامل انا كل يوم بعنلها يا تبولة او فتوش او سلطة بطحينة يعني بنوعها

[احساس أنثى]

ماشاالله يابنات كاينين تحكو عن البيبيهات ربي يخليلكم اياهم حلوين رغم انهم بعزبو
والله اعضابي من مبارح تلفانه حاسه حالي انفريت :) زياد 24 ساعه عياط حتى بالليل
وكل مايشوفني يعيط احيانا بخزن عليه واحيانا بزعق فيه وروحي بتطلع

[ام عبدالله لولو]

ماشاء الله عنو زوزو بيجنن وحلو وشكلو مش نكد ههههههه بس ضحكنيني ع انك بتعصبي عليه حرام هههههه بجوز موجوع يا احساس او من سنانتو

[~{{ DoDo }}~]

ام محمد
صحتين حبيبتي ان شاء الله بتصيري تقدري تاكلي
والسلطة ممتازة يوميا للحامل وانتي وشطارتك نوعي فيها

ام عبد الله
يسعد مساكي

احساس
معلش بيعينك الله بدك تتحمليه
انا بسمع كتير انه الاطفال بالعمر هاد كتير بينكدوا
بيكون من التسنين وكمان مغص لانه بلش ياكل اشياء تانية
يعني هي فترة بس عشان يتعود الله يعينك وان شاء الله مع الايام بيتحسن وبيروق
انتي ضلك اقريله قران ورقيه على راسه حاولي بلكي ربنا بيهديه

[احساس أنثى]

والله ياصبايا انا عارفه انو بكون بعيط يعني موجوع ومن اسنانو ومن الرشح تعبان كتير
بس احيانا بنفذ صبري انا مابحب العياط / الله يعين يارب وتعدي هالفتره ع خير

ربفتحلو قرءان وبعملو كل الازم بس خلص لازم النكد / بكره بتجربو وان شالله مايطلع
اولادكم نكدييييين

[احساس أنثى]

اختفااااااااااااء
احنا هلا مضيوفين جاينا ام واخت صاحب جوزي يتعرفو علينا
بعد مايروحو بشوفكم سي يوووووووو

[حواء مثالية]

مساكم فل

كيفكم

كنت بالسوق اليوووووووووم بدي ابلش احضر لعرس سلفي لاسعااااااار ناااااااار

[im mohmmed]

ع ألبكم يارب يا ام عبد الله ودودو

الله يسعدكم يارب

هيني بتشاطر شوي شوي الله يسمع منكم يارب


مين فايئ ؟؟؟؟

[احساس أنثى]

مرحبا مين هون

انا بدي اطلع ع استقبال الاطفال هلقيت بزوزو ياقلبي عليه
صيحت عليه عيونو حمر وبيقدو وانفو سيلان من الرشح وسخونه و
بتنفس من تمو مستوي ع الاخر

يالله كل شهرين بمرض وبنروح المستشفيات

[عيـ‘ـون المهـ‘ـا]

مَسَاْء ألــخــيرْ صَـبايــا
~*~*~

كيفـــــــــــــكم إأإأن شاء الله الجميــــع بأحسن حـــــال و اطفالكــم بصحه و عافيه
و ربي يتمم لكل الحوامل على خيــــر ان شاء الله
حاسه حالــــي كأني أأأأول مره بكتب بالدردشه من مده ما دخلت و مو متابعه اخباركم
بسبب انشغالي

(*‘‘‘ احساس ‘‘‘*)
الف سلامه عليه زيـــــاد ..حرام ئديه بمرض و عم بسنن
ان شاء الله معافى حبيبتي و طمنينا عنو أول ما ترجعي من الاميرجنسي
شكلو لفحة هوى و السخونه مو منيحه احيانا التهاب او فيروس رشح

قلبي معك و دعواتي لزياد

[احساس أنثى]

حبيبتي ياعيون المها وللله منا عارفه ليش مناعته بتتعب قليله
اجيتي ببالي انتي والله بس الدنيا تلاهي يابفوت بسرعه يابنسى
شو خلصتي مشتريات ومتى حتنزلي بشهر 4 ولا 5

ان شالله بس اروح بطمنكم / الله يرفع عنو والله انا يلي تعبانه مش هوا

[عيـ‘ـون المهـ‘ـا]

معظم الصبـــاياااا حوامل بالتجمــع [:

××

أم جودي ~ حلا الماس ~ دودو ~ لولو الفلسطينيه ~ حواء ~
حيفـــا ~ عسولة فلسطين ~
و نسيت مين كمان حامل [: مفكره اعمل جدول للصبايااا حتى نعرف مين
بتدخل شهرها و نضل متابعين معهم و ندعيلهم ههههههه تزكرت لمى عملت مره جدول للآلنا هلآ دورهم ربي يزيد و يبارك و يكتب للجميع الحمل المعافى

[حواء مثالية]

ما على قلبه شر يا احساس

بجد الله يحمي ابنك اسم الله علي والله هاد الطقس مقرف

[عيـ‘ـون المهـ‘ـا]

حبيبتي ياعيون المها وللله منا عارفه ليش مناعته بتتعب قليله
اجيتي ببالي انتي والله بس الدنيا تلاهي يابفوت بسرعه يابنسى
شو خلصتي مشتريات ومتى حتنزلي بشهر 4 ولا 5

ان شالله بس اروح بطمنكم / الله يرفع عنو والله انا يلي تعبانه مش هوا
و الله انتي و كل الصباياااا في بالي و ربي يديم التجمع و يديم المحبه

صحيح زياد ما شاء الله رضع طبيعي و المفروض مناعته تكون اقوى
من هيك بس اكيد تقلبات الجو و قد ما يكون بضل طفل و بسرعه بتأثر

ما على قلبو شر و بستنى ان شاء الله طمنينا عنو

بالنسبه للمشتريات الحمد لله خلصت و بهيك بكون انجزت و هلآ برتاج شوي
و ان شاء الله سفرتي بنص مايو ربي ما يحرمني و لا يحرمكم لمة الاهل
و يديمهم فوق روسنا

[حواء مثالية]

عيووون المها نورتييييييييييي يا قمر والله اشتقنالك

[احساس أنثى]

الله يسلمكم يابنات
مااخدت روزو اعطيتو تحميله وصحصح الحمد لله
للصبح ان شالله حاخده ع الدكتور

يالله ع خير ياعيون المها يارب / ويتهنو فيها المشتريات :)
حواء شو مسهرك برلنت ؟؟

[عيـ‘ـون المهـ‘ـا]

(* حوّاء *)
هلا تشتائلك العافيه و السعاده دائماااا
و يخليلك برلنت و تشوفي عز الدين منور حياتكم

[عيـ‘ـون المهـ‘ـا]

الحمد لله انو تحسن زياد و خفت الحراره و ان شاء الله بكره
بطمن قلبك عليه اكتر و تمر الليله خفيفه عليكي و عليه [:

قوليلي
كيف نشاط زياد صار يحبي او بوقف و بمسك بشي
بحكي ماما بابا بقلب من الضهر على البطن
و بئاتل بدو الشي ههههههه مممم مغلبك و إلا عاقل

[ام عبدالله لولو]

صباح الخير
شو اخباركم يا حلوات
احساس سلامتو زوزو ما غ قلبو شر هاد اكيد من تقلبات الطقس
جارة وين مختفية من امبارح طمننينا عنك يا عسل
حلا ووينك امبارح ما دخلتي بالدوام المسائي عليكي اندار هههههههه
دودو ولولو يسعد صباحكم وتولدو بالسلامة هههههه وتحكولنا عن تجاربكم بالولادة
حيفا تعالي طمنينا عنك
حواء وام محمد وعيون المها وباقي الصبايا يسعد صباحكم

[إنبثاقة أمل]

صباح الورد

شو أخباركم وكيف صباحكم

صبحت جارتنا رانه علي تطمن ع عمي وطارت النومه :(

وانا نفسسسسي أنام

[ام عبدالله لولو]

هلا صباح الورد كيفك انبثاقة

[إنبثاقة أمل]

اهلين ام عبدالله

الحمدلله انا بخير

شو أخبارك وكيف البيبي وترفيساته

ربي يتمم لك ع خير وتقومي لنا بالسلامه يارب

[ام عبدالله لولو]

والله الحمد لله شايفتيني صاحية من 5 هههههههههه من ترفيساتو وبطني بوجعني ههههه عقبالك يارب الله يعطيكي انتي كيفك طمتتيت عنك ازا ما فيه ازعاج روحتي ع دكتورة او شي متخصص غلشان الحمل

[~{{ DoDo }}~]

صباااح الخييييير

كيييفكم جميعا

انبثاقة وام عبد الله منوريييييييين
طمنينا عنك انبثاقة حبيبتي كيف صرتي ان شاء الله احسن
وام عبد الله الله يخليلك اياه ويفرحك فيه يااارب

احساس
الف سلامة على زوزو
ان شاء الله بتيجي بتطمنينا عليه اليوم
وبيكون منيح وصحته كويسة الله يحميلك اياه يا قلبي

عيون المها
والله اشتقتلك كتير سالت عنك قبل يومين
بجد فقدناكي يا ام ادم
مبروك مشتريااااتك وان شاءالله بالسلامة يااارب حبيبتير
طمنينا على ادوم ولانا واسيل اكيد هلا ادوم كبر وصار رجال اسم الله
يا ستي بالنسبة للجدول انا اول وحدة رح اقلك عشان تدعيلي
مع انه بتكوني بالقدس يمكن ما تتزكريني هههههه
انا بفوت بالتاسع ب 24-5 واخر موعد لولادتي 24-6 ممكن اسبوع قبل اسبوع بعد
والصبايا الحوامل ان شاء الله بيقولوك كمان مواعيدهم

[ام عبدالله لولو]

هلا ام عمر شو اخبارك ان شاء الله بتقومي بالسلامة وبتحكيلي تجربتك يعني قبلي بشهرين هههههه الله يجبر بخاطرك يارب .. دودو انتي كمان بدي اعطيكي اندار تاخير هههههه

[~{{ DoDo }}~]

ههههههه ام عبد الله اه باجي وبقللك تجربتي ووعد مني مش رح اخوفك ابدا ابدا
بالنسبة للانذار الله يرضى عليكي انا ما بنام الا على وجه الصبح من اول حملي
يعني غصب عني بصحى هلا وبيكون نفسي اضل انام كمان
هههههه عشان هيك سماااااااح خلص

[ام عبدالله لولو]

هههههههه هاي المرة علشان عمورة سماح هههههههه تا نشوف عدر ام خليل بنسامحه ولا لا ههههههه

[~{{ DoDo }}~]

ههههههه ماشي يا قمر

[ام عبدالله لولو]

تسلمي يارب .. شو طابخة اليوم انا عم بحفر بادنجان

[حواء مثالية]

صباح الخير انا جاية بالحصة التالته بنفع ولا اروح

بحاول الحق واداوم بدري

[~{{ DoDo }}~]

حواااء
يسعد هالصباااح
كيفك وكيف برلنت وعزووووان شاء الله تمام
وكيف وحامك خف عن اول ؟

[~{{ DoDo }}~]

ام عبد الله
والله لسا ما قررت
بس اقرر بقلك شو بدي اطبخ

[ام عبدالله لولو]

اهلا وسهلا فيكي ام العز ههههههههه المرة الجاية بتاخدي اندار هههههه الله يسعد صباحك يارب كيفها الحلوة شاطرة ولا بتغلب

[إنبثاقة أمل]

اسفه تأخرت عليك ام عبدالله

الحمدلله انا كويسه ياقلبي ربي يسعدك

بتموني ياقلبي انتو خواتي

من بعد زواجي ب 6 شهور بديت برحلة البحث عن الحمل

والى قبل شهر وانا اتابع كل شهر بشهره التبويض ومتى تنزل البويضه وكل الامور تكون كويسه

بس لسه ارادة ربي فوق كل شي لسه ما انتكتبت

الحمدلله انا انسانه مؤمنه وراضيه بالي ربي كاتبه

مابخفيك في وقت من الاوقات نفسيتي بتتعب بشكل اني ما بطيق اشوف انسان

يمكن الي حولي كل ما حاولت اتناسى الموضوع مع انه موضوع لايمكن نسيانه بذكروني فيه

يا بتصرف او سؤال ومن هالاشياء

وهاي الفتره بمر فيها نفسيتي سيئه كتير وبحاول اكون قويه بس مو قادره

ومو بس ع الحمل خلص كل شي حولي

الحمدلله ع كل حال

والي عند ربي قريب وربي كريييييم

[إنبثاقة أمل]

اهلين دودو وحواء يسعد لي صباحكم

خلص صار مسا صحيح هههههههه

يسعد مساكم يارب

[فوفو89]

يسعد مساكـــــــــم صبايا

كيفكم اليوم

انا بدي اعمل مقلوبة بيتنجان غدا .. وانتو شو بتحضرو للغدا ؟

[ام عبدالله لولو]

ولايهمك حبيبتي زي ما حكيتي ربنا كبير وما بينسى حد ممن فضله وما دام ما في شي الحمد لله المهم اظل نفسيتك كويسة لانها كثير مهمة اعملي مغاطس ماء ساخن ايام التبويض بعرف بنت سنة ونص وهي هون وهون ومش هارفة شو اعملت هيك وبازن الله حملت طبعا كلو بمشيئة الله

[إنبثاقة أمل]

ويسعد مساك فوفو

وصحتين ع المقلوبه

راسي فاضي ومو عارفه شو اطبخ

[ام عبدالله لولو]

يسعد مساكي فوفو انتي بتيجي تحكي شو طابخين وبنخنفي هههههه داومي بالدوام المسائي معنا اليوم

[إنبثاقة أمل]

ربي يسعدك ام عبدالله

الحمدلله ربي يكتب لي ويكتب لحبيباتي غموض وحيفا الخير والحمل ياااارب

وكل متمنيه ياارب

[ام عبدالله لولو]

الله يسعدك يا انبثاقة انشاء الله الكل بيحمل الي عند الله قريب ..
حلا يارب يكون تاخيرك خير يلا تعي طمنيني عليكي

[إنبثاقة أمل]

ان شاء الله حلا تكون بخير وتأخرها لخير

[احساس أنثى]

كيفكم بنات شو اهباركم
انا نعسااااااانه حاسه حالي سرت انام كتير يعني لازم كل يوم اقيلل :؛

عيون المها سوري اني هلا لرديت عليكي
زوزو لسى بدا يشد لكن مابيمشي ولا بيزحف
هلا بسنن اسنانو ع وشك يطلعو طلع واحد وهي التاني ع وشك

والغواش والصراخ ماتسألي عنو ههههههه مابيعجبو العابو
بدو الشغله يلي بايدنا :) واذا مااعطوه وزهق بسير يتف هههههههه

[فوفو89]

ههههههههه ضحكتيني يا ام عبدالله

انا والله اغلب الوقت مش فاضية

عشان بشتغل عند دار عمي وبدارنا

وبالليل جوزي بيكون مستلم اللاب توب وما بيرضى يعطيني اياه

[لولو الفلسطينية]

مسا الخير
شو الاخبار
احساس
سلامة قلبو زوزو ان شاء الله هلأ احسن ؟
عيون المها
افتقدناكي و الله
ههههه انا بدخل التاسع 23-5 و بخلصه 23-6
هههه يللا بلشو ادعولنا
الله يزيد و يبارك و عقبال عند الباقيات ان شاء الله
حواء
ان شاء الله عقبال ما تشتري لعرس برلنت ياااا رب
الله يقومك بالسلامة
ام عبد الله
ههههه ان شاء الله بتعدي هالايام بسرعة و بنقوم كلنا بالسلامة و بنيجي نحكيلك الاكشن هههه
انبثاقة
منووووورة يا عسل
ربنا يرزقك انتي و حيفا و غموض عاجلا غير اجلا يا الله يا رب
و الله ربنا كربم و ما في اكرم منه
فوفو
صحتين عالمقلوبة يا نشيطة ههههه انا مش جاي عبالي اقرب عالمطبخ و الله
حلا
اين انتي يا ام خليل اتاخرتي عالدوام هههه
ام عمر و ام عمرو و ام جودي و ميسا و ام عزمي و عسولة و المختفيات كلهم وييييييييينكم يللا تنشطو زي الاول
شو عاملين و كيفكم اليوم ؟
دودو و كل الموجودين كييفكم و يسعد مساكم

[فوفو89]

"لولو الفلسطينية " تسلمي يا عسل ..صحه ع قلبك

اي شهر انتي بالحمل ؟

[حيفا]

مسا الخير يا حلوين :)

كيفكم اليوم شكلي جايه بعد نهاية الدوام هههههه

سلامتوووو زوزو يا احساس ما ع قلبو شر


انا اليوم عامله صينية لحمة وبطاطا :)



بنات بدي اسألكم بلكي حد فيكم يعطينا حل لهالدوامة اللي احنا فيها
هلاء كلكم عافين قصتي وانه زوجي عنده مشكلة ، هلاء بعد ما صار الحمل ، تخربطنا وتهنا ، نكمل علاجنا ، ولا نستنى يصير حمل بدون شي ولا شو نعمل !!
كل يوم بكون في اقتراح جديد ، شي نجرب اكم شهر بدون تدخل طبي بس بخاف يروح الوقت علي وانا اجرب ، وشي انه نكمل علاجنا بتكاليفه وبتعبه مع انه صار حمل بدون علاج ، جد حاسه حالي بمتاهه ، مرة بقول نروح ع مركز مساعده انجاب ، ومرة بقول بتابع لحالي عند دكتورتي ، الحمل اللي صار خربشلي الدنيا هههه اعطني امل ، بس فتحل كثير بواب علي ، مش عارفه من وين ابدا ووين اروح

ع فكرة انا اخدت حبوب مشان ينزل الحمل ولسا ما نزلت لا هو ولا الدورة ، بس لسا معي اسبوع وقت ، الدكتورة قالتلي مش بحاجه شي يعني بينزل لحاله متل دورة عادية لاني ما كان كبير يعني كان 3 اسابيع او اقل

بدي ياكم تدلوني تعطون يحل شو لازم اعمل ؟؟؟؟؟؟

[فوفو89]

اخت حيفا بيعين الله

بس برأيي لازم تتعالجي

لانه الحمل الان ما تم يمكن عشان حجم البويضة صغير او الحيوان المنوي ضعيف

لازم علاج عشان يكون الحمل الجاي ان شاء الله اقوى ويثبت

ولازم تعرفي سبب عدم استمرار الحمل لتجنب الاسباب في المرة الجاية

انتي من وين حيفا ؟؟

ربي يرزقك بالحمل الثابت بالقريب العاجل

[ام عبدالله لولو]

بحكي مال دنيا نورت ههههههه هلا حيفا والله ياقلبي استني هاد الشهر والي بعدو وان شاء الله بيكتبلك الحمل وبالنسبة للدوم متاخررررة كثير مرة تانية يتاخدي اندار هههه
ست لولو انتي عليكي اندار متاخرة كثير ه الدوام ههههههه شكلو غيرتو قواعد الدوام
احساس الف سلامة عليه ابو الزوز
فوفو صحة وهنا حبيبي

[غُمُوض أُنثَى]

يسعد مسآكم يا حلوآآآت شو اخبآآآركم اشتقتلكم كتير

الحوامل كيفهم ان شاء الله كله تمام ,,

برضو بتحكوا في الطبيخ هههههههههههه مشكلة كل يوم اااخ بس

حبيت اطمن عليكو جميعآآآآآ ^^

[فوفو89]

ههههههههههه هو في بعد الاكل يا غموض انثى

[حيفا]

فوفو وام عبد الله حبيباااتي الله يسعدلي مساكم ان شاء الله بمشي مع العلاج وبشوف شو بصير الله يجيب اللي فيه الخير


غمووووووووض اهلا والله وين هالغيبة يابت ؟؟ كيفك شو اخبارك وين ايامك ؟

[لولو الفلسطينية]

فوفو النور نورك يا عسل
انا في الشهر السابع عقبال عندك
حيفا
انا رايي ترتاحو من العلاجات و قصص الدكاترة تلات اشهر مش اكتر منها برتاح جسمك و جسم جوزك من الادويو و حتى نفسياتكو بترتاح ان شاء الله و لو لا سمح الله لا سمح الله ما صار حمل في هالتلات اشهر بترجو للدكتور و بتابعو معو و ان شاء الله ربنا ما بضيعلكم تعب و بيرزقكم عن قريييب باحلى بيبي يا الله يا رب
بس انتو توكلو عاى الله و ما تغقدو الامل لانو ربنا ما غي اكرم منه
ام عبد الله
هههههه يا ستي حقك علييه اول مرة و اخر مرة بتاخر هههه توووبة
غموض منووورة يا حلوة
احنا مشتاااااقينلك
كل الصبايا يسعد اوقاتكم

[فوفو89]

حيفا ما حكيتيلي انتي من وين ؟؟


لولو الفلسطينية .. الله يتمملك ع خير ويقومك بالسلامة .. عقبالي لما اصير بالسابع . . انا امبارح دخلت بالشهر الرابع

[حيفا]

فوفو انا من القدس :)

[حواء مثالية]

مممممممممممممممممم

منورات صبايا

جارة الله اعلم وين غاطسة صارلها يومين

نحنا معزومين على مقلوبة عند حماتييييي

[حواء مثالية]

غموض نورتي يا قمر ليش بطلتي تفوتي شو شاغلك عنا

[احساس أنثى]

حيفا انا من راي تبدأي فترة علاج وتسألي ع دكتور شاطر تباشري انتي وجوزك عندو
وربي يكتبلك كل خير ربنا قال اسعى ياعبد وانا اسعى معاك يعني مابنفع تقفي محلك
وربي يكرمك يارب :)

[حواء مثالية]

انسيت اجاوبكم


الحمدلله وحامي خفيف جدا هاد الحمل اخف من حملي الاول بكثير

وبرلنت شطورة الله يرضى عليهااااااااا ما بتغلب بلشت تحبي

مسك كنتي سالتي مالها حماتي هداك اليوم

كانت زعلانه مني وما كنت بعرف ليش

هي كانت طالعة رحلة الجمعة الماضية وقال زعلانه مني ليش ما رحت اسلم عليها لما روحت


هاد الي صار روحت هي متاخر بعد الساعة 11ونص

شايفين هالذنب

hwaml9

[نبض قلب]

دعواتكم بكرة المشرف جاي يحضرلي حصة وااع وااع زااع

[ام عبدالله لولو]

مساء الخير ياصبايا
هلا حواء ههههه شطورة عقبال ما تفرحي فيه يارب ههههه اما حماتك بضجك شو هالدنب هي من وين مروحة

[حلا الماس]

مساااااااا الخييييييير ..

كل الصبايا الي هون منورات كتير كتير كتير كتير كتير قد ما بدكم المهم انو كتير

ام عبد الله .. امانة بطلت ببوس التوبة بس احزفي الانذار وما تحكي لماما اني اتاخرت :(

انا مبارح كنت معزومة عند حماتي عالغدا .. وبعد ما رجعت على بيتي كنت تعبانة وعندي شد برجليي وكنت كتير تعبانة
وبالليل اجت عندي بنت حماي .. ونامت عندي وطبعا عيب اتركها واقعد عاللاب توب .. واليوم الصبح راحت معزومة عند اختها وانا رحت مع سلفتي عالروضة عملناا عيد ميلاد لابنها .. وسالت عن بناتي كمان .. ورجعت عملت غدا (مجدرة) ودرست بناتي واجباتهم .. وهي جيت والله اني شتقتلكم كتير .. بس ما انقطعت عنكم متابعتكم بصمت من الموبايل .. بس للاسف كل ما احاول اسجل دخولي عالمنتدى منو ما بيزبط .. !!! مش عارفة ليش؟؟

وهادا هو تقرير مفصل عن سبب غيابي

[حلا الماس]

لولو ودودو .. الله يتمملكم حملكم على خير يا رب

عيون المها .. الله يسعدك والله كتير واحشتيني
ومشكورة سلف عالجدول .. انا بدخل الشهر التاسع ب 1 / 7 واخر موعد للولادة 1 / 8 / 2013

حيفا .. يا قلبي منورة بقوة .. انا برايي ارتاحي شوي من العلاجات .. والله يكتبلك الخير يا رب

احساس .. سلامتو الف سلامة عليه زوزو .. اكيد مرضان من تغير الجو ... حرام ما تعصبي عليه طولي بالك هو بيكون متنكد لانو مريض

حواء .. انبثاقة .. غموض .. فوفو .. ام محمد .. وكل البنات اشتقتلكم كتير

[عيـ‘ـون المهـ‘ـا]

oـساءْ ألــخــيـرْ

و أنا وين موقعي من الدوام ههههههه مع اختلاف الوئت بيني و بينكم [:

(* ام عبد الله *)
تسلمي حبيبتي على التحيه يسعد صباحك و مساكٍ
(* دودو*)
مساكٍ ورد جوري
بعرف انك بنت اصل و دائما تسألي عن الكل ما تفئدي غالي ابدااا
الله يبارك فيكِ و اخيرأ خلصت مشتريات و بئالي اشياء بسيطه ههههه صرت زبونه
دائمه في المولات و المحلات صارو ياخدو بطاقة الفيزا بدون ما يطلعو على الرخصه [:
مبروك دخولك الشهر السابع الله يبلغك التاسع ان شاء الله
و اسيل و لانا و ادم بسلمو عليكي و الامور ادومه صار 8 شهور ما شاء الله كبران و حليان ان شاء الله تشوفي عمر على خير و تفرحي فيه دائما و هو يكبر ئدام عيونك
لآ ابدأأأ مو معئول انساكم حتى لو سافرت ان شاء الله بضل على تواصل
و ربي يئيمك سالمه انتي و كل الصباياااا دعواتي للكل

(* لولو الفلسطينيه*)
مبـــــــــروك حبيبتي السابع عئبال التاسع ان شاء الله
انتي و دودو بتولدو بنفس الوئت كتير حلو [:
كيف دراستك بديتي دوام و امتحانات

(* احساس*)
كيف زياد اليوم ان شاء الله احسن
هههههههه ضحكتيني معئول زياد بتف هالاطفال عليهم حركات
انا عندي ادم ما شاء الله كتير حركي ما بئعد و بعلمو امور و ما شاء الله
عليه بسرعه بلئط محلاهم بهاد العمر كتير بفهمو اشياء بس ما بحب عنادهمhwaml4

(* غُمُوضْ*)
شو طبختو اليوم هاد ســــــؤال روتيني بالدردشه ههههههههه
و ما شاء الله الصباياااا كلهم ستات بيوت اكيد اول شي بدهم يفكرو فيه
الصبح هو شو يعملو على الغدى [:
طب انتي شو طبختي اليوم ههههههههههhwaml02

[عيـ‘ـون المهـ‘ـا]

(* حلا الماآس*)
حبيبتي ما يوحشك غالي
و الله يعطيكي العافيه و يخليلك الاولاد ان شاء الله
معناتو انتي هلآ بالخامس ما شاء الله ربي يتمم الك على خير

[حلا الماس]

عيون المها .. هلا فيكي حبيبتي ويسعدك

ويخليلك حبايبك يا رب .. صح انا هلأ بنهاية الخامس ويوم الاحد ان شاء الله اول يوم السادس .. بس الي بيشوفني بيقول مش حامل خخخخخخخ

[ام عبدالله لولو]

هلا عيون المه الله يسعدك يارب خلص من اليوم راح نسجلك حظور وغياب ولا يهم عيونك يا عسل
امااا انتي يااااااااااست حلا فلازمك عقاب هههههه وهو بكرا ه 8 صباحا تكوني بالدردشة وتعملي افتتاحية ههههههه ونشيد وطني

[ام عبدالله لولو]

انا موعد ولادتي ان شاء الله 23\8\2013 سجلووووووني بالجدول ههههههه يسلمو عيون المها الله يخليك والله دائما بشوف البنات بيسالو عنك

[حلا الماس]

هههههههههههههههههههههههههههههههههههه

يعني عذري مش مقبول .. افهم من كلامك

بسيطة انا بجي .. وبقرأ الفاتحة كمان بس بشرط انو تلمي كل بنات الدردشة عالموعد عشان يشهدوا العقاب ...!!!!!!!

واهم وحدة انتي

[حلا الماس]

بعدين انتي عاقبتيني .. بس ما قراتي ردي كلو شكلك

ولا حتى قلتيلي سلامتك عشان كنت تعبانة ..

[حيفا]

لولو حبيبتي اسفه ما انتبهت قبل لردك ، ياااااارب يجيب اللي فيه الخير ، والله انا ناوية ع الف شغله اعملها بس اللي بريده ربنا بصير ، وناوية استخيييير ان شاء الله وربنا بيسر الاحسن الي :)

احساس معك حق مش لازم اترك حالي ، العمر بيمشي ، وانا وزوجي بنكبر بالعمر ربي يجيب اللي فيه الخير

حواااااء هههههههههههههههه ويلي منها حماتك ، لازم حفلة استقبال وحفلة وداع قبل كل مشوار ههههههههههههه يا ويلي
المهم يسعد مساكي


عيوووون اهلا منورة بعد غيااااااااب والله انا طلع حملي ضعيف ونزل :) الحمد لله

حلااا الماس يا هلا يا حلوة مسا الورد

ام عبد الله مديرة المدرسة هههههههههه مساكي ورد وياسمين :)

[ام عبدالله لولو]

ههههههه حلا الف سلامة عليكي يا قلبي والله ما انتبهت بتعرفي علاتك عندي شوفي كم مرة سالت عنك .. المهم غلبتيني هههههه
حيفا تسلميلي يا عسل الله يفرح قلبك يارب ههههه شايفة مغلبة حالي من الصبح ع هس واسكت hwaml12ههههههههه

[جارة القمر]

مساء الخير

[جارة القمر]

احساس
الف سلامة لزوزو

حواء
اشتئتلك احكيلي. ما شية على برنامج الاكل?

انبثاقة +غموض
على طول ادخلووووو


حلااااا
يعطيك العافية هاد في حد متلي بيعرفش الراحه


ام عبدالله
مرحبااااا مس هيني جيت

[جارة القمر]

امبارح اطلعنا 20 موظف وموظفه على منطقة اسمها مجد كروم بمنطقة الشمال قريب من حيفا
رحنا هناك على مؤسسة داخلي كيوم دراسي وشغل والله هلكت روحت البيت على 8 ليلا وطالعه من البيت7 صباحا
حسيت بالم نفسي على اولادي وخاصة زوزو مع الطقس مزكم واليوم اخدت اجازة لاعوض اولادي غيابي امبارح وطلعت على الدكتورة النسائية لشوف وضع اللولب الحمد لله ممتاز واعتطني دوا ليوقف الدم

[احساس أنثى]

مسا الهير ياخلوين

عيون المها هاد زياد حيطلع فاسد متوقعالو هالمستقبل عههههههههههه
نبض ان شالله تتوفقي مع المشرف ومايعلق تعليقات سلبيه
حواء ربي يخليلك اياها برلنت شكلهم البنات اهدا من الاولاد
حلا يعطيكي العافيه ع كل هالمشاوير والامور


عم بحضر فاطمه وانتو شو بتعملو ياخلوين ؟؟

[احساس أنثى]

المهم تكوني انبسطتي ياجاره
وهيك ماشالله عليكي اليوم قضتيه مع الاولاد
ربي يوفقك

[حلا الماس]

حبيبتي واختي ام عبد الله .. عن جد بينفع تكوني مديرة

الله يعافيكي وبخليكي يا رب .. خلص ما بدي اغلبك كل يوم بدي ادخل ما بقدر استغني عنكم

حيفا .. عيونك الحلوين ... يسعد مساكي

جارة .. الله يكون بعونك يا رب .. والله وانا بشتهي الراحة وبتمنى يوميين اجازة من البيت والولاد والتعب والمسؤولية .. بس للاسف ما في المسؤولية بتكبر وبتزيد

احساس .. يسعد مساكي يا عسل ..
طمنيني عن زوزو .. كيف صار هلأ ؟؟ رحتي فيه عالدكتور ؟؟
انا مش عم بعمل اشي .. وولادي باقي العقل الي عندي طيروا