دردشة بنات فلسطين, دردشة حوامل فلسطين, تجمع بنات فلسطين

[beboo]

صباح الفل صبايا كيفكم

مين صاحى

[فوفو89]

يوم سعيد ان شاء الله

كيفكم اليوم؟

وكيف الحمل والوحام معكم ؟

[نبض قلب]

يا احساس وين بتاخدي الدورة

[ام عبدالله لولو]

مساء الخير

للجميع

[ام عبدالله لولو]

شو اخباركم صبايا .. انا الحمد لله بخير بس كنت شوية مشغولة شوية شكرا لكل الي سالو وما سالو .. حلا الماس ان شاء الله زوجك برجع بالسلامة
ديدوو الف سلامة عليكي من الزهق ان شاء الله بتجتمعي مع اهلك ع خير
حواؤ كيفك وكيف الامورة والبيبي
احساس الحمدلله ع سلامبو لزوزو من الفتاق وموفقة بالدورة
انبثاقة وحيفا الله يفرح قلوبكم بالحمل يارب
غموض سلامتك من الالنهاب والله يرزقك بطفل يفرح قلبك
مين ظل عموما اشتقنلكم كثير
اهلا وسهلا بالصبايا الجدد ام مرون وام محمد وفوفو

[نبض قلب]

اهلا ام عبد الله

انت من اي مدينة؟؟؟؟؟؟؟؟؟ظ

[ام عبدالله لولو]

اهلا فيكي .. انا من الضفة

[جارة القمر]

يسعد مسااااااكمــ،

يومـ، سيء....الحمد لله على كل حال ....الذي لايحمد على مكروه سواه....

[حواء مثالية]

مساء الخير
منورة ام عبدالله ان شاء الله تكون كل امورك تكون تمام

جاره خير ان شاء لله شو صاير معك

[حيفا]

سسيء للغايه والله


مساکم احسن من مساي ان شا الله کيفکم? ?

[حواء مثالية]

هلا حيفاااا وانتي كمان شوو صاير معك

[حيفا]

والله لا جديد ، اليوم قررولنا انه ما بنفع الا اطفال انابيب :)

الحمد لله الذي لا يحمد على مكروه سواه

[beboo]

مسا الخير صبايا كيفكم

انا كتييير اشتئتلكوو شو اخر اخباركم

مين سهرنا نفسي ادردش

[نبض قلب]

بخخخخخخخخخخخخ

بنفع انا با بيبو هههههههههههههه

[نبض قلب]

ع فكرة انا اليوم ايضا مريييييت بموقف سيئ ازعجني جدا

[حواء مثالية]

على اي اساس يا حيفااااا مش حكيتي الوضع كويس ؟؟؟؟؟؟؟؟؟؟؟؟ شو صاررررر
نبض وبيبو منورين

[beboo]

نبض حبيبتى طبعا بتنفعى ونص كيفك وشو اخبارك شو هو الموقف ( فضولية هههه) فضفضي يختى

حواء هادا نورك ياعسل كيفك وكيف برلنت والبيبي

[حيفا]

والله يا حواء ع اساس ثلاث فحوصات لزوجي ، كلهم طلعو انه ما في حيونات منوية في العينة ،

فحوصات الهرمونات ممتازة وصورة الاشعه كمان منيحه مافيها مشاكل ، ما بعرف حسب اللي قرأتو عن الموضوع انه اللي بكون فحوصات الهرمونات منيحه والاشعه انهم مافي شي يتعالج ، يعني ما بيعرفو سبب انه مافي حيوانات منوية في العينة ، لهيك لازم يطلعو العينه من الخصية مباشرة ، اذا لقو بجمدوها لحد ما ينشطولي المبايض ويستخرجو بويضات ويلقحوها ، المصيبة اذا ما لقيو حيوانات منوية في الخصية كمان ، بكون عقم وما اله علاج ، ولا بينفع معاه اي شي !

[حواء مثالية]

كلنا بخير بدنا سلامتك

بكرا قراية فاتحة اخوووووووووووي

[عسولة فلسطين]

مساااااكم فل
كيفكم يا بنات؟؟
ام محمد.... انتي زي حالاتي موسوسة كتييييييييييييير هههههه انا قبل هيك راح لي حملين فهلأ حاسة حالي متمسحة لأنه كل اعتمادي على الله توكلي ع الله وما تضلي خايفة....الله يتمملنا على خير

حيفاا... حبيبتي لعله خير المهم الحمدلله انه فيه أمل وطالما الأمل بوجه الله يبقى خلص ما تقلقي بعدين ايش يدريكي ربنا يكرمكم قبل كل شي :) حبيبتي انتي والله ربنا يجبركم عن قريب وما تحتاجوا لشي

جااارة ...خير مالك؟؟

غمووووض... الشغل تمام والحمل الحمدلله نشكر الله كل يوم الصبح بآكل ليمونة لتعدل نفسي وبآخد معي ع الشغل ليمون هههههه

باقي الصبايا يسعد مساكم انا بسطل كتييييييييييييييير وتصبحوا على خير
بينك الف سلامة عليكي ان شاء الله بترتاحي من وجع الاسنان

هبوشة الله يوفقك وما تتوسوسي وقد ما تقدري ريحي حالك

يا بنات والله حابة اضل وارد ع الكل بس جفوني بتفتح بالغصب تصبحوا على خييييير

[نبض قلب]

اريد ان ارتب الملابس و راجعى ان شاء الله

[حيفا]

والله يا عسولتي ما في غير الامل برحمة الله :)

تصبحي على كل الخير والسعاده :)

[beboo]

حيفا حبيبتى وكلى امرك لله واكثرى من الاستغفار وقراءة سورة البقرة بجد مفعولها قوى وان شاء هالسنة تكون خير عليكو وتيجى تسالينا كيف الوحام والولادة ياااااااااااااااارب

حواء الف مبرووووووك ياعسل عقبال برلنت يارب

عسولة بكير لسا والله لسا مااشبعنا منك يلا منشانك نعسانة الله معك

نبض اوك بانتظارك ياعسل

[حيفا]

بيبو يا حلوة الله يسعدك ويخليلك بيبو العسل

ونعم بالله وان شاء الله ربينا يكرمني بالحمل القريب والكم مني اقرفكم اسأله ههههههه

[beboo]

هههههههههههه والك علينا احلى دعاوى بس بدنا التحلاية مادخلنى ابعتيها بالحمام الزاجل هههههههههههه

يارب يافارج الهم افرج هم اخوتى بالله يارب يامجيب الدعوات يامن تجيب دعوة الداعى اذا دعاك ان تستجيب دعوة اختنا بالله وان ترزقها الحمل السليم المعافى عاجلا غير اجلا يارب العالمين وان تتم عليها الخير والبركة اللهم امين

[نبض قلب]

يا رب يا حيفا مالك غير الدعاء ( قيام الليل))

عادئ بنستحمل اسئلتك يا عسل

[حيفا]

حبيباتتتتي الله يسعدكم والله محتاجه دعاكم

وما بهون علي اللي انا فيه غيركم / ماحدا بيعرف بالموضوع

امي زعلانه مني ليه ما بروح عليها ، بس والله اذا رحت لتعرف من عيوني اني مش مبسوطه ومكتئبة :( ، شو رايكم احكيلها ولا لاء ؟؟

[نبض قلب]

ما تحكي اصبري شويى

[حيفا]

والله صعبه علي اكون لحالي بهالموضوع حتى زوجي ما بيحكي فيه ابدا :( ، تعبت افكر لحالي ، واواسي حالي ، بكرا لما يصير لازمني عملية ، لازم تعرف امي لاني رح اضل عندها اسبوعين مشان ما اتحرك كثير ، يعني راح تعرف اول ع اخر :(

[نبض قلب]

تصبحو ع خير انا جاجة ههههههههههههههه

[احساس أنثى]

مسالخير طول اليوم عند اهلي اليوم

نبض الدوره باخدها بالجامعه الاسلاميه
حواء مبروك لاخوكي
عسوله ربي يتمملك ع خير
وحيفا لعله خير يلي يجي من ربنا كويس وان شالله ربي يكرمك بالذريه الصالحه
جاره ارمي وراكي ولا تفتكري الاشياء السيئه بتنسيها
غموض وين رقم موبايلك ؟؟؟ ياحلوه

[احساس أنثى]

صبايا شو مجهزين لعيد الام هدايا
دلوني لاني مش عارفه شو اجيب لحماتي
لكن امي اشتركنا بميكرويف

[im mohmmed]

مسا الخير

كيفكم صبايا وشو اخباركم ؟

احساس شو الدورة يلي بتاخديها بالجامعة الاسلامية ؟؟ بعد اذنك طبعا





عيد الام انا بجيب لامي ولسة ما خططت انا واختي بس احتمال اجيب الها عباي لانه هيا نفسها بعباي محددة خصوصا جاي الصيف علينا وحماتي بعيدة ببعتلها مسج :)

[احساس أنثى]

هههههههههه حلوه ببعتلها مسج
يالله مبروكه العبايه مقدما

الدوره ياام محمد icdl

[im mohmmed]

الله يوفئك يا احساس

شكلك متابعة الحاسوب صح :)

[احساس أنثى]

تقريبا هلا سار عصر التكنولوجيا كل شي ع النت وع الاجهزه وع الاي باد والشغلات هادي
وممتعه حلوه تعالي خديها معي :)

[im mohmmed]

شو اخد انا هندسة حاسوب يعني ماخداهم كلهم :)

هلأ عندي كورس لغة بالامديست الاسبوع الجاي بتبلش تاخديها نتسلا ؟

[مسك السنين]

مرحبا بنات
كيفكم
ماشفت وﻻصفحة بس اشتقتلكم
وكنت مشغولو ولبد اخد التطعيم وخالد تعبان والحمدللله تحينو
بس انا مخنزقة وقرفانة ومش طايقة ناس كتيرومصيرهم يعرفو ﻻنهك كذابين ومظاهر
لما اروق بفوت سلام

[احساس أنثى]

هدي مسك مالك سلامتووليد وخالدالحمد لله خفت عنو هلا
ام محمد يعني انتي بتطلعي وبتروحي عشان بتقولي حملك صعب !!

[جارة القمر]

صبااااح الخير

راجعه بعد شوي

[جارة القمر]

حيفااا:

ربي يصبر قلبك انتي وزوجك ويجي الحل على اهون الاسباب ...


مسك::
شو مالك ...؟؟تعي خبرينااا

نبض:
وانتي كمان شو صاير معك....؟
،،،،،،،~،،،،،~،،،
موقفي السيء امبارح:

كنت متنكده لانه امبارح سبحان الله حكيت بدي اطلع من البيت بكير لانه ازمة السير عنااا لا توصف وبتأخرني
عن الدوام ...عنااا شرطة المرور على كل مفرء في 2-4 افراد شرطه(يهود) بيستنووو اقل شي ليعطووو مخالفات وعندهم المخالفات حسبي الله عليهم بشكل جنوني شي 1000 شيكل واطلع وسحب رخصه ونقاط على الرخص،
وانا عادة حذره ....
فكانت في شرطية عنصريه اول ما شافتني بالحجاب استنتي لاوصل عندها وطبعااا خلقتلها مخالفه خلق
احزروا شي هي ...؟! انا مشيت واشارة المرور خضراء وقطعت المفرء وما كان لكل سيارتي وساع
يعني ضل جزء منها مو داخل الشارع وهاد الشي بيزعج اللي رح يقطعو المفترق ...بس بالمقابل في سيارة وراي مسكره
المفترق كلووو من جميع الاتجاهات راحت قالتلها الشرطية ارجعي لورااا ومرقت سيارة من جنبي قدامي
يعني كان بامكاني ادخل بدل السيارة بكل بساطه .......المهم تخالفت ظلم 500 شيكل مع 6 نقاط على الرخصة
المعظم بيحكيلي ارفع بلاغ محكمه .....بس اناااا بكره اتوجه لمحاكم .........
والله لو 500 راحووو لجه تانية ما زعلت علىيهم قد ما زعلت لتروح للحكومة اللعينه

[نبض قلب]

احتسبي امرك عمد الله يا جارة



اولا الله يسعد صباحكم و كل اوقاتكم

اما انا المشرف حضر لي حصة و طلع عندي ملاحظات ازعجتني اهمها قال حسني خطك
و عدم التمكن من المادة العلمية

[نبض قلب]

طفرااااانة عمركم شفتة حدا بيصحا طفرااان

[جارة القمر]

نبض::

ممممممـ انتي شو بدرسي..؟؟

[احساس أنثى]

صباح الخير جنعه مباركه صبايا

فداكي ياجاره اعتبريهم صدقه

نبض مافي مشرف بيقول كل شي تمام لازم يطلعو ملاحظات

[نبض قلب]

يا جارة انا لسة متدرية بالمدرسة



صح كلامك يا احساس مممممممم ما في حد كامل

[احساس أنثى]

انا زهقاااااااانه نفسي اطلع اتمشى ولا اروح البحر الجو دافي اليوم
مع اني كنت مبارح عند اهلي وانبسطت كتير بس مش عارفه اليوم حاسه بقرف بعيد عنكم :)

[احساس أنثى]

الصبايا اليوم محتفين
قطعت عنا الكهربا وما اعتقد نشغل مولد
اراكم غدا :)

[beboo]

مرحبا كيفكم ياصبايا

جمعة مباركة يااارب

شو مالكو كلكو قرفانين وتعبانين وزهقانين

طمنونى عنكم وروقوا

[im mohmmed]

مرحبا كيفكم. وجمعه مباركه يارب

احساس لسه الكورس. ما بلش يعني حاليا بطلعش ولا بروح ولا بجي

[بينك روز]

مسا الخيييييييييييييييييييييييييييير

[beboo]

مسا الفل هلا بينك كيفك وشو اخبارك

[beboo]

شكلى لحالى بالشات ابرم مع حالى

كيف بيبو وكيف بيان لصغير

والله تمام الحمدلله بخير بس والله تعبان شوى مزكم بعيد عنك الشر

الف سلامة عليه بعيد الشر عنه الله يشفيلك اياه

الله يخليك وانت كيفك وشو اخبارك طمنينى عليك

انا تمام الحمدلله بخير مشتئالك

والله وانا اكتر شو طبختى اليوم

اليوم عملنا صينية جاج بالفرن

يم يم صحة والف عافية بدى صحن

تعالى ومن عيونى

تسلميلى ياعسل طيب انا بدى اروح اشوفك بعدين

ماشي حبيبتى الله معك




ههههههههههههه مش مطولة انى انهبل ههههههههههههه

[عسولة فلسطين]

ييييييييييه علينا كتبت وراح كله
أحاول اتذكر ايش كتبت
حوائتنا....الف مبروك ﻷخوكي ويارب تطلع بنت حلال وما تشوفوا منها الا كل خيييير
جارة .... حسبي الله ونعم الوكيييل فيهم
نبض...ما تتضايقي الا المشرف يطلعلك شي
بيبو.... ههههههههههه يسعدك ضحكتيني والله

اليوم أنا رحت كوافير واول ما حطت الشمع ع وجهي بلشت أدوخ وصار حيغمى علي و معدتي قلبت ياويلي عليها خافت ههههه منيح انه أختي كانت معي :)

بنات كلكم بمسماكم يسعد مساآاآاآاكم

[فوفو89]

مسا الخير كيفكم ؟

انا عندي موعد للدكتور اخر شهر 3 .. والله مطووووووووول كتييييييييير اشتقت اشوف البيبي "الله يخليلي اياه يارب ^_^"

شو رايكم بالدكتور هاني النابلسي ؟؟

[im mohmmed]

انا حاسة اعصابي بالمرة مشان سفر زوجي لدرجة مش مستوعبة احكي مع حدا ونازلة اعيط ع عمال ع بطال

راح اطئ وانا برتب الوا الشنط حاسة حالي بحضر كفني وغير مش مستحملة حدا يحكي معي

يارب صبرني :(

[احساس أنثى]

يالطيف ياام محمد بعيد الشر عنك يروح ويرجعلك بالسلامه ...هيا اكيد صعبه والله انا بس يطلع يسهر ويطول مع اصحابو بفقع كيف سفريه
بعين الله وبالنسبه للدوره هلأ مابقدر اخد اي دورة الا لما تخلص الicdl

بينك كيف رهوفه وكيف انتي سرتي ان شاالله عدت ظروفك على خير؟؟

بيبو كيف بيان لسى معذبك بأسنانو ؟؟

عسوله الف سلامه عليكي انتي بتعملي وجهك بالشمع ؟؟ بقولو ممتازه جدا بتخلي الوش يلمع بس انا بخاف احسس منها
ياالله نعيما ياقمر

[احساس أنثى]

الصبايا ضايلين زهقانين

كان حكيتو كان اخدتكم ع البحر رحنا ع الشليهااااااااااااااات وغيرت جو الله يخليلي جوزي حبيبي ^_^
بالأول كان يقلي زياد وزياد بعدين ماهان عليه

[احساس أنثى]

مافي حد هون طيب تصبحون على خير

[نبض قلب]

انا هووووووووووون


ليه ما اخدتيني يا احسااس ع البحر واااع واااع وااااع

[im mohmmed]

نيااالك يا احساس الله يسعدك ويهنيكي يارب

[عسولة فلسطين]

يا هلا نبض
يسعد مساكي احساس اﻷه يهنيكم...أنا بأعمله بالمع بيعطي لمعة للوجه ولعلمك بشرة وجهي حساسة كتييييير بس الكوافير هاي بتعملي ماسكات بس تخلص
ام محمد ... يروح ويرجع بالسلامة

[كبريآء أنثى ـآ]

يسعد مسااااااااااااااااااكن

[كبريآء أنثى ـآ]

مااااااافي حدا هووون

[مسك السنين]

هبووووووشة ثانكس ع اﻻنبوكس
عسولة مين كوافيرتك مممم



مساكم سكر

[beboo]

صباح الفل ياصبايا كيفكم

عسولة يسعدلى هالضحكة يارب ان شاء الله دوم مو يوم ياعسل

احساس ان شاء الله على طول مبسوطة ياعسل اه والله بيبو لسا منكد ومرشح كمان من الاسنان ياوردى عليا كتير متنكدة عليه الله يخليلي اياه ويحفظه ويشفيه يارب ومايضر اطفالنا يارب

[فوفو89]

صباحكم سكر يا حلوين

كيفكم وشو اخباركم

واخواتنا الحوامل كيف الحمل معاكم ؟

انا حامل بالشهر الثالث وعندي زكام وبلغم من اكثر من شهر .. شو اعمل ؟؟ والله تعبت من الرشح

[im mohmmed]

يسعد مساكم يارب

صباحكم يلي فايئين هلأ زي حالاتي


فوفو ديري بالك ع حالك واشربي عصير ليمون واشربي بابونج بس ما تكتري سخن دكتوري بيحكي مش كويس كتير السخن ئبل الرابع ورني ع دكتورك واحكيلوا ع الانفلونزا يلي انتي فيها هوا بيحكيلك شو تاخدي الف سلامة عليكي وما ع ألبك شر يارب

ربنا يتمم الك ع خير يارب

[مسك السنين]

منورين صبايا

[اميرة محمد]

مسا الخير كيفكم انا سجلت اليوم في المنتدى

[احساس أنثى]

اميره محمد هلا بيكي بينا ان شالله تنبسطي معنا
نسيت شو بدي ارد ههههههههه مع التعب الصبح دوره والظهر رحت مع حماتي
شرينا هديه وروحنا من السوق نعمل مقالي ووقفه ع رجليا وخلا نص ساعه وبدنل نطلع
ع قرايبنا سكنو بيت جديد عقبال الي عايز :) وانا منهم والدوره من شقه نفسي بمساج ميه سخنه اقعد فيه مااطلع هههههههههه

يلي سألت ع الرشح روحي لدكتورك بيعطيكي فوار مابيضر الحامل
باقي الصبايا يسعد يومكم

[عسولة فلسطين]

يسعد اوقاتكم
مسوكتنا كيفك وكيف ديدو.....كوافيرتي عنا بالزهرة

أميرة محمد...أهلا وسهلا فيكي

احساس يعطيكي الف عافية

[نبض قلب]

كيف الحمل معك يا عسولة ؟؟؟؟؟؟؟؟

الله يعطيكي توم يا رب

[نبض قلب]

بدي اغسل اللي بدها تجيب ملابسها

[عسولة فلسطين]

هلا فيكي يا نبض
ههههههه بكفيكي غسييلك يعطيكِ العافية يارب
ان شاء الله ربنا بيكرمني بنفر وااااااااااااااااحد ويكون سليم معافى ويكونلي نصييييييب هالمرة يااااااارب تعقتد من قصة التوم .... والله حملي الحمدلله بخير نشكر الله لسه ما رحت الدكتور

وين البنات اليوم غاطسييييييييييييييييين

[نبض قلب]

iiiههههههههههههههههه

هاتي غسيلك مشانك حامل ارتاحي

يا ستي نفر نفر المهم الخلقة التامة

انت كم ليكي متزوجة

[نبض قلب]

اليوم انا مبسوطة كتير سار معي 3 اشيا حلوة

[عسولة فلسطين]

ههههههه انا هالفترة عند أمي يا نبض الله يخليلي اياها وما يحرمني منها

انا هالشهر بيصير لي سنتين متزوجة

ان شاء الله دايما يارب بيصير معك اشيا حلوة وتنبسطي آمين

[حواء مثالية]

مساااااااااااااء الخير جميعااااااااااااااااا

[عسولة فلسطين]

مساااااء النور يا حواء
كيفك وبرلنت و البيبي؟


بنات لييييييش هيك صايرين بالمرة ؟؟؟!!!

[جارة القمر]

مساء الخير

[عسولة فلسطين]

مسااااء الخير يا جارة

[حواء مثالية]

الله يسعد مساكم

نحنا بخير عسولة نشكر الله بدنا سلامتبرلنت بتسلم عليكب

والبيبي بسلم على البيبي تاعك الله يتمملنا على خير يا رب

[احساس أنثى]

ماتزعلي ياعسوله انا هلا جيت وهبا بفوعلك الدردشه ههههههههه
قبل هيك سألتكم ع عيد الام شو ناوين تجيبو وماحد جاوبني

[احساس أنثى]

الحمد لله الدردشه ميته

بنات كمان سؤال أنا حاطه بغرفتي سجاد تركي متل هاد

http://fashion.al-moda.com/imgcache/18371.imgcache.jpg (http://fashion.al-moda.com/f26/2012-4791.html)

http://files2.fatakat.com/2012/12/13551675364418.jpg

زي الصوره التانيه بس مع المشي علمكم همد .. مين عندها متلو وغسلت سجادها ورجع نفش؟؟ خايفه اغسلو يهمد ماينفش؟؟؟؟ دلووووووووووني

[نبض قلب]

اغسليه و توكلي ع الله انت اعملي بيدك عكس شعرات السجادة بيوقفو شعرات السجادة خخخخخخخخخخ

[احساس أنثى]

ههههههههه يقطع شرك يانبض
فكره برضو :)

[نبض قلب]

هع ع هع هع هع هع هههههههههههههههههههههههههه

جاي ع بالي اضحك هههههههههههههههههههه
ههههههههههههههههههههههه
هههههههههههههه

[فوفو89]

احساس ما الك الا تستخدمي الجل الشعر .. واعملي للسجادة تسريحه سبايكي ههههههههه

بالنسبة لعيد الام نحنا ما بنحتفل فيه ولا عمرنا اشترينا هدية بمناسبة عيد الام ..

[نبض قلب]

بدي اقوم انيم بوقا

[حلا الماس]

مرحبا صبايا ..

مسا الخير عليكم يا حلوت

هيني رجعتلكم بس زعلانة منكم ... ليه هيك ما في حد سأل عني

ربي يسامحكم :(

شو اخباركم طمنوني عنكم .. والصبايا الجداد هلا فيكم منورات

كل البنات نفر نفر تعالوا طمنوني عنكم .. ♥

[احساس أنثى]

اخص عليكم ياصبايا بتتمسخرو
والله بدي حل

[حيفا]

مساء الخير صبايا

مرينا نمسي ونسلم ونغادر

ولكم باك يا احلوووش ، بس انتي قلتي رايحه ع اهلك يومين مش هيك ؟؟ واصلا البنات مختفيين ، لولو ودودو وام عبد الله وغموض

احساسسس ، نفس معاناتي ، عندي بالصالون من هالنوع من السجاد ، اول شي بغلب في الشفط ، وكمان بهمد الوبر تاعه ، بس لما اشفطه بالمكنسة الكهربا بيرجع ينتعش شوي هههههههه



انا لازم روح نام بس حبيت امسي على الحلوين :)

[اميرة محمد]

مسا الفل حبيباتي اهلا بيكم تشرفت بمعرفتكم والله

[احساس أنثى]

اميرة محمد انتي من وين من فلسطين عرفينا عليكي

[نبض قلب]

خخخخخخخخخخخخخخخخخخخخخخخخخخخخ

[حلا الماس]

صباحو صبايا .. يا عسولات

يلا مين نشيطة متلي وصاحية بدري ؟؟

تعالوا ندردش ونتسلى شوي

لولو .. دودو .. بيبو .. حواء .. احساس .. حيفا .. جارة .. غموض .. ام عبد الله .. بينك روز .. عسولة .. والصبايا الجداد تعالوا كلكم

واسفة بجد ازا نسيت وحدة بس لسه الدنيا الصبح وما شربت قهوة عشان اصحصح .. تعالو بنشربها سوا :)

[احساس أنثى]

صباح الخير انا صاحيه ياحلااااااااا
كيف اصبحتي ؟

[حلا الماس]

هلا احساس حبيبتي .. يسعد هالصباح يا رب

انا اصبحت بخير ورضا من رب العالمين ... الحمد لله

انت كيفك ؟؟ وكيفو ابو الزوز ؟؟ متى ناوية تنزليلنا صورة الو

[احساس أنثى]

دوووم يارب تكوني بخير
انا بخير الحمد لله بس أحلقلو ع الفر بنزللكم صوره لالو :)

[حلا الماس]

ههههههههههههه .. حرام ليه بدك تلحقيلو على الصفر

لسه الجو برد بتخافي يمرض لا سمح الله

شو بتعملي ؟؟ وشو بدك تسوي غدا اليوم ؟؟

[~{{ DoDo }}~]

صباح الخير صبايا
كيييفكم اليوم ان شاءالله بخير

حلا واحساس يسعد صبااااحكم

[احساس أنثى]

يسعد صباحك دودو وين كاينه مختفيه

شعرو ناعم ياحلا بس برجع بتلولو هههههه مش منظر بقول يمكن لما يحلق يعدل
من اول ماانولد ما حلقتلو :)

اليوم ماعليا شي بدي الخص محاضره السابقه بالدوره والطبخ مابعرف
الظهر بسأل حماتي شو ناويه تعمل :)

[حلا الماس]

الله يخليلك اياه يا احساس وتفرحي فيه يا رب
عقبال حلاقة العرس ..

على فكرة اول مرة بيحلق فيها الولد بيكون شعورك مش طبيعي ..هههه بتذكر لما حلقنا لخليل شعراتو اول مرة كنت طايرة من الفرحة وكتير مبسووووووطة .. مع انها اول حلاقة لابني كان عمرة سنة و9 اشهر ..

هلا دودو ..يا ام عمر كيفك يا قمر شو اخبارك ؟؟

بتذكر كنتي تشكي من وجع مفاصلك كيفك هلأ ... ان شاء الله احسن ؟؟

[احساس أنثى]

صبايا أنا مشتااااااااااقه للصيف كتييييييير
حابه اغير غرفتي اغير ديكورها واجدد دهانها وستايرها واجيب كنبايه فيها

واغير بحالي بدي اصبغ شعري اسود وافردو واشتقت لملابس الصيف بموت بشي اسمو بيجامات :)

[احساس أنثى]

معك حق والله ياحلا انا نفسي احلقلو اليوم صبل بكره
بس ابوه بقول مهل لما يدفي الجو وحماتي بتقلي خساره ناعم

[حلا الماس]

والله يا احساس انو الصيف كيف وحلو

بس ياخسارة السنة هاي مش رح اتمتع فيه زي ما بدي مع الحمل

بيروح اكتر من نص الصيف وانا حامل .. ويا حبيبتي الصيف مع الحمل بيكون صيفين :(

[احساس أنثى]

الله يعينك اه والله الحر بموت الحامل من غير هالواسطه بتشوب
يالله ربي يتمملك ع خير

[ام عبدالله لولو]

صباح الخير صبايا شز اخباركم ..
الحمد لله ع السلامة ام خيل انتي ودودو واله ازا بترجهي للصفحات اسابقة بتشوفي اني سالت عنك ول انتي اخت عزيزة

صباح الورد لكل الحلوات يوم سعيد للجميع

والله يااحساس انا امي متوفية اله يخليكم امهاتكم ما في عندي عيد ام وغير هيك اساسا ما بحتفل فيه وللحلاقة ريتو نعيما

[احساس أنثى]

حبيبتي ام عبد الله اسفه كتير .... وربي يرحمها ويسكنها فسيح جناته يارب

[~{{ DoDo }}~]

احساس
نعيما سلفا لزوزو مع اني بحب الشعر الطويل للاطفال ههههه
امممم انا بكره الصيف هون بالامارات لانه نااااار مولعة الحمدلله
واصلا من هلا بلشت تشوب عنا ومشغلين تكييف ليل نهار الله يعينني على شوب هالسنة مع الحمل

حلا
انا وانتي بالهوا سوا
صيف وحر مع الحمل الله يكون النا معييييين يارب
وبالنسبة لوجع المفاصل والله يوم هيك ويوم هيك
خصوصا لما اصحى من النوم بكون مكسرة بجد

ام عبد الله
الله يرحم امك يارب ويجعل مثواها الجنة ويرحم كل امواتنا
يسعد صباحك طمنينا عنك كيفك وكيف البيبي والحمل

اليوم بدي اعمل ملفوف صرلو اسبوع الراس عندي لازم اطبخه ههههه :)

[ام عبدالله لولو]

تسمي ياادودو الحمد لله كويسة والبيبي بيسلم ع خالتو ام عمر ههههه تسأليش ع وجع المفاصل روحت للدكنورة قبل كم يوم بسبب الوجع حكتلي يمكن نقص بالكليس

[ام عبدالله لولو]

حصل خير يا احساس عادي ما يهمك احنا خوات الله بعلم شو بتسلى معكن

[لولو الفلسطينية]

صباح الخير صبايا
كيفكم و شو اخبار ؟
كل الصاحيين دودو و احساس و حلا و ام عبد الله الله يسعدلي صباحكم
و المختفيات كلكم ويييسنكم ؟؟
ولكم ليش ما بتسالو عني الله يسامحكم على كل !!!!!
المهم انا صارلي تلات ايام عندي صداع ما بقدر ارفع راسي و كمان عندي دوخة شكلها رجعتلي زي اول شهرين اللله يستر
و رجليه و ضهري بوجعوني كتير حتى مش جاي عبالي اقوم من التخت
ام عبد الله ربنا يرحم امك و يسكنها فسيح جناته
انا بس جيت اتطمن عليكم
و طالعة لانو امي و ستي بدهم ييجو عندي و انا لساتني بقميص النوم
و احساس ريتو الف نعيما لابو الزوز و عقبال ما تحلقيلو حلاقة عريس

[~{{ DoDo }}~]

والله يا ام عبد الله لسا كل شهر بيزيد اكتر الوجع
انا ما كنت اتوجع بالرابع بس باخر الخامس وهيني بالسادس بتوجعني مفاصلي
انا بقول يمكن عشان فيتامين د ناقص عندي مع اني باخد حبوب وهيك
يلا الحمدلله المهم بيبهاتنا يضلوا بخير ويجونا بالسلامة يارب

[~{{ DoDo }}~]

لولو
حبيبتي يسعد صباحك
انا متلك صرلي تلت ايام ما فتت :( والله لو فتت كنت سالت عنك يا رفيقتي هههههه
سلامتك والله ، يمكن الدوخة والصداع عشان دمك نسبته قليلة
انا والله قبل مبارح صحيت دايخة وضليت طول اليوم نفس الشي الله يعيننا
وسلامة ضهرك ورجليكي الحال من بعضه وحياة عيونك يلا بناخد اجر وثواب على هالحمل هههههه
انبسطى مع مامتك وستك وسلمي عليهم ؛)

[ام عبدالله لولو]

سلامتك يا لولو ..
سلامتك يا دودو الوجع بلش عندي والله اوقات ما بعرف امشي ع رجلي

[لولو الفلسطينية]

هههههههه الله يسعدك يا احلى رفيقة ما بتقصري و الله
امين يا رب الله يعيننا و يتمملنا بخير
ام عبد الاه الله يسلمك و يتمملك بخير انتي كمان

[ام عبدالله لولو]

هههههههه ما انتو هلا صرتو حمات بنتها يا دودو هههههه

[فوفو89]

مرحبا يا صبايا كيفكم

اليوم سلفتي عملت فطور "زمبليطة" كتير طيبة .. مين بيعرف هالاكلة ؟؟

[احساس أنثى]

احنا بدنا نعمل مجدره تفضلو

[ام عبدالله لولو]

اهلا فوفو ايش هاي الاكلة علميني عليه تعرفو يابنات بحسدكم عندكم حد تتسالومعاه ويفطركم هههههه انا لحالي مابيجيني نفس ..
زاااااكية كثير المجدرة ياااحساس

[~{{ DoDo }}~]

لولو تسلميلي يا رب حبيبة قلبي

ام عبد الله الله يسعدك

احساس صحتييين عالمجدرة

فوفو صحتين بس انا ما بعرفها شو هي هاي الاكلة ؟

[فوفو89]

هههههه اتوقعت ما بتعرفوها

فتة ملوخية ناشفة .. بس زاكية كتير مع ليمون وزيتون ممممممم

عرفتوها ولا شو ؟

انا عايشة ببيت لحالي بس جنب دار حماي واغلب وقتي عندهم

[ام عبدالله لولو]

ههههههه كيف هاي شهتيني عليها كيف بتنعمل يا فوفو .. من وين انتي وكم عمرك وشو عندك حلوين

[فوفو89]

نفس ما بتنعمل الملوخية العادية بس بتزيدي المي .. وبتقطعي خبز "بتفتي يعني " وبتحطي عليه الملوخية وبتحركي منيح وبس

زي فتة العدس يعني

بس زاكية والله

انا متجوزة من 7 شهور من نابلس من قرية العقربانية اذا بتعرفيها جنب الباذن .. ما عندي اولاد طبعا لاني جديد متجوزة بس حامل بالشهر الثالث الحمدلله والله يتمم حملي ع خير يارب

[حلا الماس]

بـــــــــــــــــــــــــــــــــــــــــــــــــ ـــخ ... هيني رجعت

ام عبد الله يسعد صباحك ومساكي يا رب .. تسلميلي يا رب شفت انك سالتي .. وسوري حبيبتي ما تزعلي

دودو .. بعين الله .. انا الحمد لله كل ولاداتي بالصيف .. يعني مو اول مرة :(

لولو .. سلامة قلبك يا عسل والله انا الي كم من يوم ما دخلت ولا كان بسأل عنك يا عسل .. سلامة راسك يا رب وانبسطي مع امك وستك .. الله يخليلك اياهم يا رب

فوفو .. يسعد صباحك ومساكي يا رب ويخليلك عيتلك .. حلوة لمة الحماية والسلفات انا بحب هيك .. كتير بنجتمع عند حماتي وبننبسط عندها .. وصحتين على الاكلة

انا اليوم بدي اعمل مقلوبة باتنجان ... يميميمي انفضلوا ..

[حلا الماس]

احساس .. بالنسبة لسؤالك عن هدايا لعيد الام

انا ما بحتفل فيه .. يعني باخد لامي هدايا وشغلات بسيطة مش تقيلة كل شهرين او 3 شهور باخدلها شغلة لازمتها

يعني صحون كاسات ممكن مرات يكون بشاكير او منشفة .. وهي اصلا ما بتحب اجيبلها بتقلي مش ضروري

وربي يخليلك امك يا رب

[فوفو89]

تسلمي اخت حلا الماس كلك زوووووء

انا كتير بحبها مقلوبة البيتنجان اكتر من مقلوبة الزهرة

معك حق لمة الحماية مع السلفات حلوة بس بدون مشاكل وغيرة بين السلفات هههههههه ولا شو رايكم ؟

[حلا الماس]

اتفضلي يا فوفو .. وانا كمان بحب مقلوبة الباتنجان اكتر

ومستغلة فرصة سفر جوزي وبعمل اكلات ما بيحبها وانا وبناتي بنحبها ... ههههههه

والله على قولتك من دون غيرة بين السلفات والمكايدة .. بس الحمد لله سلفاتي كويسات ومناح .. مع انهم خوات وانا من عيلة تانية بس احنا مناح مع بعض الحمد لله ... قبل شوي لسه كنا عند حماتي ..

سلام طالعة للطبيخ وبرجع تاني ان شاء الله ... سلامات للكل ♥

[لولو حمادة]

صباح الخير
كيفكم ياصبايا
فوفو بعرف الزمليطة وكثير زاكيه بالشتاء مع زيت الزيتون ودقة الفلفل بس اسمها ملوخيه ناشفه
احساس كيف زوزو بنسبه لهدية عيد الام انا بعيد يمكن ابعت لاختي تجيب هديه
حلا الماس ودودو وام عبدالله يسعد صباحكم

[جارة القمر]

يسعد مساااااكمـ

كيفكم اشتئتلكمـ
اسفه ما صحلي اقرأ كلشي
احساس::
ما تخافي اغسلي السجادات انا امبارح فركتهم اكيد ما رح يرجعو متلمن لما اشتراتيهم لكن بتنشطو شو عن قبل الغسيل
انا حاطة بغرفة النوم قطع منوووو وحرمت اجيب متلو لانهم ما بدهم دعك
بالنسبة ليوم الام انا بحب اهدي حماتي وامي ...محتاره شو بدي اهدي بس بالنسبة لحماتي رح اعطي مصاري اما امي
رح اشتريلها يلا فكري اللي ولك ......


~~~~~



ينااات نزلوا صور لاولادكم اشتئتلهم ........وانا بنزل صورة صديقهم زوزو ....

[مسك السنين]

مرحبا صبايا هﻻ في نقطة بدي اشئلكم فيها
لو الواحد اتئنن فيكن ع امانة وواﻻمانة خاي حكي كذب وغلط
مش حرام الساكت عن الحق شيكان اخرس

[im mohmmed]

السلام عليكم

الله يسعد ايامكم

كيفكم وشو اخباركم ؟؟؟

[اميرة محمد]

مرحباااااا كيفكم صبايا اليوم احساس انا من فلسطين من مخيم قلنديا وعمري 19 ومتزوجة الي 11 شهر ولسة ما حملت وحبيت اشارككم في المنتدى لاني كنت كل يوم افتح على هاد المنتدى وسجلت فيه لاني حبيت كل يا الي فيه وتشرفت بمعرفتكم أكتر

[عسولة فلسطين]

يسعد مساكم
حبيت أمسي..... بس اصحصح برجع بأحكي

[جارة القمر]

مسك::
اناااا وانتي كتابتناااا عجب هاد جزاء مين يستخدم الموبايل بالكتابة .........

هلاااااا فهمينااااا الموقف تنحكم ........ازا بتحبي


اميرة محمد::

هلا وغلاااا فيك بيناااااا ..........


عسولتي ::

كيف شغلك...........

[اميرة محمد]

ويسعد مساكي حبيبتي منورة والله <3

[~{{ DoDo }}~]

مسا الخير

عالحاضرين والغايبين ، اين انتم يا صبايا ؟

عسولة وجارة يسعد مساكم

مسك قوليلنا الموقف لانه ما فهمت اشي

لولو حمادة واميرة وام محمد يسعد مساكم كمان

اممممم وباقي الصبايا المختفيات اين انتم

[نبض قلب]

نحن هنااااااااااااا

[~{{ DoDo }}~]

اهلا نبض
كيفك

[احساس أنثى]

مسا الخير صبايا كيفكم
حلا احنا كمان دايما بناخد شغلات متل هيك للام بس بهاليوم بنروح بنبات وبناخد شي تقالي

جاره انا فكرت اعطي حماتي نقدي بس مش حلوه وامي اشتركت انا واختي واخي بميكرويف
وبالنسبه لصور زوزو مافي صور جديده لالو

اميرة محمد هلا بيكي بينا مره تانيه وربي يكرمك بالحمل السليم عن قريب يارب

مسك انا متلك مابعرف اسكت عن الحق خاصه لو انا المظلومه

باقي الصبايا الموجودين عسوله وام عبد الله ودودو والجنيع يسعد اوقاتكم

[احساس أنثى]

شو اجت الكهربا يانبض

[beboo]

مساااء الخير ازيكم

اليوم كنت فى بيت اهلى لهيك ماقدرت افوت اصبح عليكم شو اخباركم

نفر نفر وشخص شخص

وهلا بيلى شرفونا جداد

وبالنسبة لهدية عيد الام انا ان شاء الله بدي اجيب لحماتي صندوق مصحف ولماما بدي اجبلها شالة سواريه ببقي اصورهم بس اجيبهم ان شاءالله

[حواء مثالية]

مسااااااء الخير جميعا

كيفكم

منورات صبايا

[غُمُوض أُنثَى]

كيفكم صبآيآ , طبعآ دايما بآجي بآخر الليل زي الخفافيش ع قولة انبثآقة :)

رح اعمل عشآ مين حابب يتعشآ معنا اتفضلو

شو اخباآركم بدون ذكر اسمآء بلآش انسى حدآ ,,

مسك شو الموقف يلي بتحكي عنه عشان نقدر نجآوبك يلآ بنستنى

[~{{ DoDo }}~]

صبااااااح الخييييير

مين هون يا كسلانين :)

[حيفا]

صباح الخير صبايا :)

ع قد ما الربيع حلو ع قد ما بكرهه ، عندي حساسية وبضل راسي يوجعني والتهاب بالجيوب كمان !!

يلا الحمد لله ع كل حال


كيفكم شو اخباركم ، شو طابخين ؟

[beboo]

صباح الورد صباح الانتعاش صباح الوجع هههههه

كيفكم صبايا

الجو اليوم كتييييير حلو خرج الواحد يطلع يتمشى بس مشكلة لما تشرف الحلوة والواحد يكون موجوع

[~{{ DoDo }}~]

حيفا

يسعد صباحك يا حلو
وسلاااامتك ، الله يعينك عالحساسية كتير صعبة
كيفك وشو اخبارك
انا اليوم بدي اعمل المفوف مبارح لفيته بس ما طبخته تفضلي

بيبو
سلااامة قلبك والله يعينك على وجعها ييييي انا هلا ناسياه ههههه
كيفك وكيف بيبو ان شاء الله بخير ولسا ما شق السنون ؟

[beboo]

هلا دودو الله يسلمك حبيبتى وان شاء الله ماحدا يدوق وجعها

لا والله لسا السنون الذهب ماطلع هههههههه عقبال مانشوف سنون ابنك عن قريب يارب

شو طابخة اليوم

[~{{ DoDo }}~]

ان شاء الله بيطلع وببطل العريس يغلبك هههههه

انا عاملة ملفوف مبارح ع اساس لفيته بدي اطبخه بس زوجي تغدى برا وقللي اجليه
وهيني اليوم عم بطبخه ؛) تفضلي

انتي شو طابخة

[ام عبدالله لولو]

صباح الخير كيفكم يا صبايا الله يسعد اوقاتكم ياحلوات صحة وهنا ع الاكلات الطيبة

[beboo]

دودو صحة والف عافية لا والله انا اليوم مش طابخة جوزى اليوم ماخد اجازة فحنجيب ديلفيرى ان شاء الله اتفضلى

ام عبدالله هلا ياعسل كيفك

[ام عبدالله لولو]

تسلمي يا بيبيو الله يسعدك صحة وهنا .. الحمد لله بخير انا اليوم طابخة مقلوبة بالحمص

[حلا الماس]

مرررررررررررررررررررحبا... كيفكم اليوم يا عسولات

دودو .. حيفا .. بيبو .. ام عبد الله صحتين على قلوبكم

انا اليوم بدي اعمل سمك مقلي بناءا على رغبة بناتي .. هيني بهرتو وتركتو يتشرب البهارات وكمان شوي لما يجوا من الروضة بيكون جاهز

اتفضلوا معنا .. :)

[~{{ DoDo }}~]

بيبو
صحتييييين مريحة راسك والله ههههه

ام عبد الله
يسعد صباحك يارب وصحتيييييين

حلا
صحة عالسمك والله كويس انه بناتك بحبو السمك
في اطفال نهائيا ما بقبلوا ياكلوه
يعطيكي العافية وصحتين

[حلا الماس]

هلا يا دودو ..

شو اخبارك .. البيبي كيف وضعو ؟؟

على قلبك يا رب .. لا والله بناتي كتير بيحبوا السمك .. وكتير بيطلبوه بس بيحبوه مقلي

لو اعملو صينية ما بيرضوا ياكلوا .. هههههه امبارح لما قلتلهم سمك نطت بنتي الصغيرة بتقلي بس ما تعمليه صينية !!!

ام عبد الله .. كيفك يا عسل شو اخبارك ؟؟ وعبود كيفو ؟؟

بيبو .. منورة حبيبتي .. انا اطالب بصورة لبيان

[ام عبدالله لولو]

تسلمي يا حلا والله الحمد لله بدنا سلامتك وصحة وهنا ع السمك

[فوفو89]

مرحبا صبايا كيفكم

شو ناويين تعملو غدا؟

انا بدي اعمل فول ع لبن مع رز مممممم

[مسك السنين]

هههههه فوفو تزعليش مني بخب امزح اكﻻتك غريبة هههه بس مشتهية ادوق معك
بيبو اعطتك الدكتورةبعيادة الرمال ادول نقط لبيان مشان اﻻسنان ممممم
دودو حﻻ ام عبدالله جارة احساس منورين
غموض وﻻيهمك بقلك
مفتقدة بينك وعيون
حووواء كيف اﻻمورة

ميسا ام حودي وينهممممممم

عسولة اي انت ايش صار معك بالدكاترة مممم

[~{{ DoDo }}~]

معلش غبت شوي
نضفت الحمامات وركبت عالملفوف واشتغلت شوي واجيت

حلا
انا الحمد لله بخير والبيبي بخير
هيو بيكبر يوم عن اليوم ماشاءالله
الله يتمملي ويتمملك ويتمم لكلرالحوامل ع خير ويعطي كل صبية مشتهية ياااارب وما يحرم حدا
الله يخليلك اياهم الحلوين اللي بحبوا السمك اهم شي لانه مفيد كتير الهم كمان وصححححة

فوفو
اهلا فيكي يا حلوة
راجعي الردود بتلاقي كل وحدة فينا كاتبة شو رح تتطبخ اليوم ههههههه

مسك
يا هلا بام ديدو والله شو اخبارك
ما قلتيلنا الموقف اللي حكيتي عنه مبارح مشان نساعدك
كيف ديدو انشالله تمام

[حواء مثالية]

سلام عليكم جميعااااااااااااااااااااااااااااااااااااااااااا

بكرا موعدي عند الدكتور وبكرا ان شاء الله راح اعرف جنس البيبي

والله الايام بتعدي بسرعة يعني بحملي في برلنت التسع شهووور مرو على عيني وكانه اليوم سنه بس بحملي هاد حاسة الايام مركبة جوانح هههههههههههههههههههههه

اليوم عاملو معكرونة حسب طلب ابو الشباب

[~{{ DoDo }}~]

يا هلا بحواااااء

موفقة بموعدك بكرا ولا تنسي تخبرينا شو بيصير معككككك
سبحان الله ربنا مخفف عنك هاد الحمل عشان برلنت
الله يتمملك ع خيييير يااارب وصحة وهنا عالمعكرونة ؛)

[حواء مثالية]

تسلمي يا قلبي الله يسعدك ويتمملك عخير يا رب

[فوفو89]

هههههه فوفو تزعليش مني بخب امزح اكﻻتك غريبة هههه بس مشتهية ادوق معك
بيبو اعطتك الدكتورةبعيادة الرمال ادول نقط لبيان مشان اﻻسنان ممممم
دودو حﻻ ام عبدالله جارة احساس منورين
غموض وﻻيهمك بقلك
مفتقدة بينك وعيون
حووواء كيف اﻻمورة

ميسا ام حودي وينهممممممم

عسولة اي انت ايش صار معك بالدكاترة مممم


هههههههه ليش اكلاتي غريبة ؟؟ كل الناس بيعملو فول ع لبن ولو !! hwaml15

لا ولا يهمك انا بحب المزح وبتقبله خذي راحتك hwaml17

[احساس أنثى]

مسا الخير صبايا حلوين توي اجت الكهربا
حواء انتي حاسه الايم بتمشي لانو عندك برلنت ربي يخليلك ياها بتسليكي

صبايا انا حماتي طابخت يقطين مين بحبو يجي يتغدا بدالي انا ماباكلوو مابحبو

[~{{ DoDo }}~]

احساس
يا هلا نورتي
بجية الكهربا هههههه
صحتين عاليقطين بس ما بعرف كيف بينعمل ولا بحبه
تفضلي انا عاملة ملفوف وحصتك موجودة

[احساس أنثى]

يسلمو دودو حبيبتي خلص اكلت شبس وشوكلاته هههههههههه شبعت

[لولو الفلسطينية]

مسا الخير صبايا
كيفكم اليوم ؟؟
هههه كل وحدة فيكم صحتين و عافيه على طبختها
احساس هههه صحتين عالشيبس و الشيكولاته
انا برضو عمري ما عملتو اليقطين
حواء ربنا يعطيكي الي بتتمنيه و ما تنسي تبشرينا بكرة
ههههه انا حالتي يرثى لها hwaml02 مرشححححححة و عيوني بيحرقوني كتير من الرشح
كل الباقيين بدون زكر اسماء يسعد مساكم وحدة وحدة
انا اليوم مش طابخة عندي اكل من امبارح
في حد هون و الا هربتو ؟

[ام عبدالله لولو]

مسا الخير الف سلامة عليكي يا لولو جارتنا عنك ههههههه اشربي ليمون كويس للرشح يا نايمين اصحو

[لولو الفلسطينية]

هههههه الله يسلمك ام عبد الله
انتي كيفك و كيفو عبد الله ؟؟

[احساس أنثى]

سلامتك لولو

انا اجيت رحت غيرت لزوزو لازم لما ياكل بسكوت او سيريلاك يعمل عمايلو لقيت احسن حل كل شي بالرضاعه

[ام عبدالله لولو]

الحمد لله شو اخبارك انتي بطلتي تبيني زي اول ..

حلا ووينك اختفيتي

حواؤ كيفك وكيف برلنت ان شاء الله بكرا بتتطمني ع الببيبي

[ام عبدالله لولو]

كيفك احساس شو اخبارك ريتوووووووو صحة وهنا ع قلبوووووووو

[احساس أنثى]

انا مصدعه والله اليوم حر وكان عندي دوره فالله يعين ع الحر يلي جاي
تسلميلي ياعسل كيف عبووووووود بيلعب ولا مجوعاه !!

[ام عبدالله لولو]

بعين الله يا احساس ع الشوب .. عادي والله الحمدلله الواحام الي بغلب بس هلا خلصنا منو بس مفاصلي بتوجع ع الخفيف .. انتي شو دارسة احساس

[احساس أنثى]

فترة وبتعدي ياام عبد الله ربي يقومك بالسلامه
دارسه تاريخ وجغرافيا بعيد عنك هههههه

[ام عبدالله لولو]

جد والله هاد زي انا هههههههه بعيد الشر عن الكل

[مسك السنين]

احساس الببرونة مممكن تشردؤ وتسبب سمنة مفطرة المعلقة احسن بتعود ع البلع وكلشي بنظام

[احساس أنثى]

ام عبد الله شو دارسه انتي ؟؟؟

مسك بطعميه بس احيانا بنجن منو مشاغب زوزو وبمسك كلشي

[اميرة محمد]

مسا الخير للجميع كيفكم اليوم
انا اليوم صبحت تعبانة وما نمت طووول الليل والله من وجع بطني من الدورة اكره عليا تجيني
ادعولي ما تجيني مرة تانية واضل الشهر الجاي حاااامل
ربي لا تذرني فرداً وانت خير الوارثين

[احساس أنثى]

ربي يكرمك يااميره يارب الشهر هاد بجاه الحبيبالمصطفى

[ام عبدالله لولو]

احساس انا معاية بكالوريس جفرافيا هههههههه شي ممل..
سلامتك يا اميرة ان شاء الله بتحنلي هالشهر يارب
يسعد مسا الحاضرين والغايبين

[احساس أنثى]

اداب يعني ياام عبد الله انتي ؟؟ خريجة اي سنه ؟؟

[ام عبدالله لولو]

2012 الفصل الاول

[احساس أنثى]

اها لسى مالك كتير متخرجه يعني

انا خريجة 2010

معك تربيه ؟؟؟؟

[ام عبدالله لولو]

قصدك تأهيل تربوي

[احساس أنثى]

اه انك تشتغلي عليه تدريس ؟؟
انتي خريجة اي جامعه ؟؟

ماقدمي للوكاله ؟؟

[ام عبدالله لولو]

ان شاء الله هههههههه هو في وظائف .. انتي بتشتغلي

[حواء مثالية]

هم بلشو تقديم الطلبات للتربية ولا لسه جوزي بقلي ما تقدمي السنة بس ما رح ارد علي لانه هو فاقد الامل وانا كمان بس لازم اقدم

[احساس أنثى]

بغزه عنا ياحواء الوكاله نزلت طلبات توظيف للمعلمين يعني تدريس

ام عبد الله من اول ماخلصت مالشتغلت ان شالله بنشتغل مع انو معدل كويس
بس التخصص منحوس هلا بتسلى بالدورات

[ام عبدالله لولو]

عنا بالضفة لشهر 5 بقدمو للتربية .. احساس انا اخدت دوارات بعد ما خلصت بس اما اتزوجت بطلن اروح

[ام عبدالله لولو]

كيفك يا حواء شو اخبارك

[احساس أنثى]

نسيت ام عبد الله انك من الضفه
ممتاز اذا معك دوران بكره بنفعوكي انا لسى من جديد سرت اخد

[احساس أنثى]

يالله صدااااااااع وارهااااااااق بشكل مشطبيعي

[beboo]

حلا الماس هلا حبيبتى والله مشتئالك كتيير كيفك وكيف الحلوين صحة والف عافية على السمكات ولا يهمك ان شاء الله الليلة بنزل صورة بيبو ولا يهمك

مسك حبيبتى اعطونى لما طلبت فيتامين الف ودال متل الادول من وهو عمره شهرين بس بعد لما رحت على ال 4 شهور قالولى مافيه بالعيادة انت لما رحتى لقيتى فيه عندهم؟؟لانه انا شريته من برا

[حواء مثالية]

ام عبدالله انا بخير وكثير مشتاقلك

هي برلنت بتسلم عليكي

[~{{ DoDo }}~]

مسا الخير جميييييعا منورين

[لولو الفلسطينية]

مساااااا الخير
اميرة احمد ربنا يرزقك انتي و كل الصبايا يلي نفسهم يحملو عاجلا غير اجلا يااااااااا رب
كل الموجودين و الغاطسين يسعد مساكم

[ام عبدالله لولو]

يسعد مساكم يا حلوات شو اخباركم سلامتك يا احساس ..
يسعد مساكي يا ديدووو ومساكي يا لولو ..
حواء مشاء الله عنها برلنت امووورة كثير وحلوة الله يحمها .. بس شكلها شاطرة بتسلم ه حماتها وديري بالها عليها من اليوم ههههههه الله يحمالك اياه يارب

[عسولة فلسطين]

يا هلا فيكم جميعا
برجعلكم بس بدي اترجم ورقة لبابا وراجعة

[حواء مثالية]

منورات صبايا الله ما يحرمنا هاللمة مع انها ناقصة اغلب البنااااات

[حواء مثالية]

ام عبدالله عيونك الحلوه الله يسعدك

[لولو الفلسطينية]

حواء و عسولة و ام عبد الله و دودو منورييييييييين
شو عاملين

[ام عبدالله لولو]

من عندي انا بقرء ع المنتدى من هون وهون البنات عندهم حكي كثير شي عن الولد وشي عن البنت هههههه بيضحكو هالبنات

[~{{ DoDo }}~]

شو يا بنات هالجمعة الحلوة

لولو كيييييفك وكيف الامورة وشو اخبار التقل

عسوووولة كيفك اشتقنالك وشغلك كيف

حوااااء مجتمعين بخير انشالله وبيجو البنات الغايبين ينوروا

احساس شو ناوية تاخدي دورات بعد هاي ؟
انا لما كنت بغزة كنت اخد دورات بالانروا دوراتهم بتجنن وكتير مفيدة
وبيعطوكي شهادة ومش رخيصة كمان دوراتهم بس ممتازة

ام عبد الله بتقري الخزعبلات ههههههه
كله بارادة ربنااااا حكي فاضي

ممممم مين كمان هون ونسيته اه بيبوووو وين الصورة

[حلا الماس]

يسعد مساكم .. ان شاء الله مجتمعين عند النبي يارب

شو اخباركم صبايا ..

ام عبد الله .. انا بعد الغدا نزلت على حماتي عملنا صواني حية .. لانو بكرة جوزي وسلفي راجعين من السفر

احساس .. سلامتك من التعب والصداع .. اشربي ليمون وخدي بنادول .. وربي يخفف عنك

لولو .. سلامتك من الرشح والزكام .. والله وانا حالي من حالك رشح وكحة وصداع .. وانسى وضعي دمار :(

بيبو .. يا عسل يعافى قلبك يا رب ..

اميرة محمد .. ربي يكرمك بالحمل هادا الشهر وتجي تبشرينا .. ويعطي كل محرومة يا رب

حواء .. يسعد مساكي يا رب ويحفظلك برلنت ويفرحك فيها .. شو اخبارك من زمان ما طليتي

مسك .. عسولة .. يسعد مساكم وكل اوقاتكم رضا وسعادة يا رب

حيفا .. وينك يا قمر .. زمان ما شفتك هون وين غاطسة ؟؟

فوفو .. انا بعرف انو اسمها لبنية فول .. وبتنعمل بلبن مخيض !! صح ؟؟

باقي البنات .. مساكم سعيد يا رب

[لولو الفلسطينية]

ام عبد الله جد هادا كله كلام فاضي كله بايد ربنا
ههههه
دودو انا الحمد لله بخير و البنوتة منيحة و بتسلم على عمورة
بس اليوم هادية و حركتهغ لفوق عند المعدة ههههههه
و انتي و عمورة شو اخباركم
حلا اهلا اهلا انتي كمان سلامتك ما تشوفي شر
شو كيف خليل و البنات ان شاء الله بخير

[~{{ DoDo }}~]

حلا
يجيلك بالسلامة زووجك يارب شغتي عدت الايام بسرعة

لولو
عمورة تمام الحمدلله بسلم عليكي
وهيو شوي من تحت وشوي من فووووق ههههه
صار بيوجعني مرات الازعر الله يهونها عالجميع يااااارب

[ام عبدالله لولو]

الله يسعدك يا حلا وحمدلله ع سلامتهم ..
ديديوووو صدقتي وشفت ردك هههههههههه عليها مقنع ههههههه

[~{{ DoDo }}~]

هههههه ما هم بيقهروا مرات يا ام عبد الله
بجد كيف وحدة عاقلة بتصدق هالخزعبلات انا ما بقدر اضل سااااااكتة عالهبل هههههه

[حلا الماس]

اهلين فيكي يا لولو ..

الله يسلمك حبيبتي ..

خليل والبنات بخير الحمد لله .. مشاغبين ومطلعين عيني حتى البيبي صاير مشاغب وبيرافس صحيح حركتو مش قوية بس بيتحرك كتير

[~{{ DoDo }}~]

حلا
ما عرفتي جنس البيبي صحيح ؟

[ام عبدالله لولو]

انا والله بس فضول بفوت وبقرء هههههه بس بجد هبل .. لولو انتي قرئني الموضع سخيف كثير
حلا شو بين جنس البيبي الله يقومك بالسلامة يارب والجميع

[حلا الماس]

حبيباتي دودو وام عبد الله ..

الله يسلمكم يا رب .. مش مصدقة يصل بالسلامة

دودو لا والله لسه ما عرفت . اخر مرة كان مسكر رجليه ومش مبين .. وما عاودت رحت مراجعة

[لولو الفلسطينية]

حلا ههههه بعين الله
ربنا يحميه و يتمملك بخير شو متى موعدك عشان جنس البيبي ؟
دودو ههههه الله يحميه و يخليلك اياه شكله ماخد راحته عالاخر فوق و تحت ههههه
انا اغلبها تحت بس امبارح و اليرم حسيتها لفوق
الاه يتمملنا كلنا بخير و ما يحرم حدى هالاحساس

[حلا الماس]

قولولي عن اي موضوع بتحكوا ؟؟

اعطوني الرابط خليني ادخل واشوف عن شو بتحكوا ... صابني فضول ههههههه


ام عبد الله .. تسلمي ربي يقيمنا كلنا بالسلامة يا رب

[ام عبدالله لولو]

سبحان الله سالنا نفس السؤال ههههه بعين الله المهم الخلقة التامة

[~{{ DoDo }}~]

حلا الرابط عند ام عبد الله كانت بتقرا هههههه
يلا ان شاء الله الخلقة التامة وسليم معافى وكل شي من الله حلو

ام عبد الله وانا متلك فضول بقرا كتير وبضحك

لولو ههههه خليه ياخذ راحته بكرا بكبر وبصير مش عارف يتحرك من الزنقة جوا
الله لا يحرم حدا ياااااارب

[لولو الفلسطينية]

ام عبد الله اه طبعا قريتو جد انهم تافهين
هههه حتى انا كنت اقراهم بس فضول بس ما بقتنع بهاي الاشياء ابدا و او تدوري بتلاقي كتير مواضيع عن هاي القصص بالمنتدى
طبعا يلي من الله حياه الله و احنا مش حاطين شي بايدينا

[ام عبدالله لولو]

المواضيع المطروحة وحدة كاتبة عنوان الي تبغى تعرف ولد ولا بنت هههههههه وكمان موضوع تكفووون تدخلو الي بدها ولد حتى لو حامل هههههه ع قولت ديدوو زعبلات

[حلا الماس]

ههههههههههههههههههه بيعين الله ..

صدقيني لما افحص ويبين شو هو على طول رح ابشركم ..

انا احساسي بيقلي انو بنت .. بس ما بعرف بس مجرد احساس يعني !!

يا ستي بنت ولا ولد المهم يجي سليم معافى ونقوم بالسلامة اهم شي والله ما هي فارقة كتير

[لولو الفلسطينية]

هههههه دودو عجبتني الزنقة
صحيح انا قريت انو بالتامن و التاسع الحركة بتقل لانو بصير زنقة عقولتك ههههه

[حلا الماس]

ههههههههههههههههههههه .. ااااه قرأتوا هاد الموضوع اليوم

واحلى شي فيه اضربي على بطنك وقولي اني سميته محمد ههههههههههههههههههههههههههههههههههههههههههههه

ناس فش عقول اللهم عافينا ..

والمصيبة في ناس مصدقة وبتقلها طب انا اسم جوزي محمد بنفع اسمي اسم تاني ؟؟ وي وي وي وي وي وي جنون لابعد الحدود

[ام عبدالله لولو]

صحيح يا لولو المهم الخلقة التامة الله يتمملك على خير يارب ..
حلا الله يعطيكي اخ لخليل يارب وتفرحي فيهم ..
ديدووو وين روحتي

[لولو الفلسطينية]

حلا يا عسل ربنا يعطيكي الي بتتمنيه و كل الي من الله نعمة
انا برضو من اول ما حملت و انا احكي بنت و احساسي طلع مزبوط

[حلا الماس]

تسلمي يا لولو .. وانا هيك احساسي بس من جديد حسيتو مش من بداية الحمل ..
معانو حلمت قبل الحمل بحملة تفسيرها انو رح احمل بولد .. وانا مش اول مرة بحلم وبيتفسر حلمي ... كتير صارت معي من لما كنت بنت بحلم وكل احلامي بتتفسر .. بالزبط متل الحلمة

بس احساسي اني حامل ببنت .. لانو لهلأ مش قادرة اختار اسم لو طلع ولد .. بس اسم البنت محضر وجاهز

ام عبد الله .. الله يسلمك ويسمع منك .. صدقيني مش حبا بالولاد بس حابة يصيرو 2 بنات و2 ولاد .. عشان ارتاح شوي من قصة الحمل والخلفة .. عارفة الرجال ونقهم بيحبوا الولاد .. مع انو جوزي ما بينق .. بس حماي وحماتي هم الي بينقوا .. هههههههه

[ام عبدالله لولو]

هههههههه الله يعطيكي صبي حلو زي هههههه .. ازا ه النق اكيد الكل بدوووو ولد الحمد لله كل شي من الله نعمة

[حلا الماس]

ههههههههههههههه .. تسلميلي يا ام عبد الله

والي من الله يا محلاه .. ويا مية هلا فيه لو كان صبي ولو كانت بنت

[ام عبدالله لولو]

صحيح الله يخليك اياهم وتقومي بالسلامة

[حواء مثالية]

بوكل في برتقااااال تفضلو

[~{{ DoDo }}~]

اه يا لولو انا كمان قريت عن الزنقة هههههه
هيها قربت

والله انا يا صبايا كمان من اول ما حملت وانا حاسة انه ولد
واحلم انه جبت ولد وطلع فعلا ولد
سبحان الله احساس الام ع قولة الدكتورة

[~{{ DoDo }}~]

حلا
انشالله بيكون اخ لخليل يااارب

حواااء
صحة عالبرتقال حبيبي البرتقال بموت فيه هههه

[حلا الماس]

تسلمولي يا رب ..

دوزدو .. عن اي زنقة بتحكوا ؟؟؟ لتكون زنقة القذافي ؟؟ !! ههههههههههههه

حوااااء ... صحتين على قلبك .. من شوي عملت عصير الي ولولاد وسبقناكي ..:)

[~{{ DoDo }}~]

حلا بنحكي عالزنقة الي بكون فيها البيبي
بالتامن والتاسع وكيف الرحم بيكون ديق عليه مش عارف يتحرك هههه

[حلا الماس]

هههههههههههههههههههه .. بيعين الله

تعالوا اسالوني عن الزنقات الي مريت فيها .. يووو حدّث ولا حرج

صحيح بتخف الحركة بس لما يتحرك بتكون قوية وبتوجع .. مش متل الشهور الوسطى

[جارة القمر]

مسااااء الخير


ولادي مريضين يااااااربي ....التنين مع بعض مرضووو صايتهم سعله قويه ...........

والله كتييييييير مدايئه عليهم .........

[~{{ DoDo }}~]

جارة
يسعد مساكي
الف سلامة عليهم الحلوين والله يعينك
صعبة التنين يمرضوا مع بعض ان شاء الله بخفوا الله يشفيلك اياهم ياااارب

[نبض قلب]

سلامتهم يا جارة

مممممممممم

وينك يا ام الزوز غاطسة هههههههه

الجميع منورين مساكم خير يا رب

[احساس أنثى]

مسا الخير
تسلمولي بنات الله يسلمكم حت نمت هههههههه وهيني لصحيت
دودو بدي اخد دورة طباعه وكيف تكون معلما ناجحا سجلت فيهم بس يلمو عدد كافي ببدأو فيهم

جاره سلامتهم اولادك ناعندك علاج بالبيت انا البيت مابيخلا من دوا الرشح والكحه وتحاميل السخونه

[حلا الماس]

جارة .. سلامتهم ولادك يا رب

دهني صدرهم زيت زيتون دافي قبل النوم وشربيهم يانسون او زعتر مع عسل منيح للكحة ..

نبض .. هلا فيكي يا عسل ويسعد مساكي يا رب :)

احساس .. موفقة بالدورات حبيبتي ..

صبايا تصبحوا على خير .. بكرة جدول اعمالي مليااااااااااااااااان وعندي كتير شغلات .. لهيك لازم انام بدري

تصبحوا على خير وسهرة سعيدة للجميع

[ملكتني بهمسك]

كلكم ادخلو وافيدوني في موضوعي هذا وباقيم كل الي يردون علي فيه hwaml86

http://forum.hwaml.com/t243245.html#post3047618

[حيفا]

مساالخير يافتيات ازيکن? ??
تسلملي هاللمه الحلوه :)

[احساس أنثى]

احنا بخير كيفك انتي حيفا؟

[حيفا]

بخير الحمدلله مشتاقلکم

کيف ابو الزوز?

[احساس أنثى]

هيو بشرب لبن اب بيقلك ياخالتو حيفا تفضلي اشربي معي :)

[احساس أنثى]

صبايا يلي عندها خبره تفيدني
شو الاول بنعمل الصبغه للشعر ولا فرد الشعر ؟؟

ناويه اعمل الاتنين

[فوفو89]

مساكم ورد صبايا

هس خلصنا عشا انا وجوزي

اتعشينا عشا خفيف بيض مقلي وسردين وشرحت بندورة وخيار وفليفلة

اخت "حلا الماس" كيف ما فحصتي وانتي بالشهر الخامس؟؟

انا مو مصدقة متى افحص واعرف شو فيني ولد او بنت .. مع انو مش مهم عندي انا وجوزي ولد او بنت المهم الخلقة التامة الحمدلله

[نبض قلب]

rlقمت جليت الجليات و نظفت الغاز و رفوف الثلاجة مين زيي نشيطة خخخخخخخخ