دردشة بنات فلسطين, دردشة حوامل فلسطين, تجمع بنات فلسطين

[مسك السنين]

شكرا بينك روز
ومايا منورة
بنات طيب انا يوم الخميس عندي دكتورة قالتلي احتمال تسويلي صورة
طيب نبض الجنين بيبان بهالاسبوع ولاكيف

[مسك السنين]

مش عارفة احطه بالتوقيع بينك روز

[بينك روز]

انسخيه الصورة عادي والصقيها بالتوقيع
بالنسبة للنبض انا بين عندي بالاسبوع السابع
ان شاء الله انتي تقدري تسمعيه لما يجي موعد الدكتوره بتكوني بالاسبوع السادس

[maya123]

الحمدلله اخت بينك روز الحمل معي كتير منيح الحمدلله انا حامل بالاسبوع 16 وحامل ببنوتة

وانتي كيف حملك؟

[احساس أنثى]

مرحبا صبايا شلونكم

[maya123]

هلا احساس كيفك؟

[احساس أنثى]

انا بخير مايا انتو شو اخباركم؟

[غُمُوض أُنثَى]

مسك السنين .. انتي ليش متعبة حالك وبتدوري بالجداول
الدكتورة لما تعملك الالترا ساوند بتحكيلك انتي بأي اسبوع بناءً ع حجم الجنين
ودايما حساب الدكتورة هو الأصح ..

وغالبا نبض الجنين بيبان في الاسبوع السادس او السابع
ان شاء الله تسمعيه المرة الجاية .. ربي يتمم لك ع خير

وكل الصبآيــآ ان شاء الله

[جارة القمر]

يسعد صباحكم

بينك رووووز هلا فيك اشتقنالك ....

لولو .........كم يوم ضايلك؟؟؟ للولادة وحضرتي حالك

[بينك روز]

هلا فيكم حبايبي انا بخير ومشتقالكم كتير
اليوم رحت على العيادة لانه كان عندي موعد
والحمد لله سمعت نبض الجنين ووضعه ممتاز
والدكتوره اعطتني ابره تتيتنوس بايدي
حكتلي هاي بتمنع التسمم الك وللجنين

[عسولة فلسطين]

صبااااااااااحكم فل يارب
وصباح الأخبار الحلوة
سما ألف مبرووووووك عمورة والحمدلله ع سلامتك ويارب يرزقكم بره ويتربى بعزكم
مسك ... أنا بان النبض معي بالأسبوع السادس
طمنوني عنكم بنات
لولو الله يقيمك سالمة انتي كمان
حغيب عنكم لاخر الاسبوع
كان النت عندي فاصل وهلأ حروح ابات عند بيت حماي

[عسولة فلسطين]

الله يتمملك على خير يا بينك روز
انا السبت موعدي مع الدكتور ياترى بيعرف ايش نوع الجنين... انا مش حابة اعرف بس بنفس الوقت عشان اشوف الاسم وهيك شغلات
أنا حاليا بالاسبوع ال 15 من الحمل يعني بالشهر الرابع اوله

[بينك روز]

هلا فيكي اكتر عسوله
اكيد بيعرف لو رحتي على دكتور خاص
انا لسه مارحت بصراحة
وناوية اروح الاسبوع هاد مشان اعرف جنس الجنين

[جارة القمر]

هلا عسولة
جنس المولود بينعرف بالشهر الرابع ...............يلا بس تعرفي خبرينا

[احساس أنثى]

مرحبا صبايا

ماشاء الله عسولة سرتي بالرابع انا بالخامس بيني وبينك شهر

[مسك السنين]

واناااااااااااااا اليوم رحت للدكتورة
وعملتلي صورة وقالتلي اني بالاسبوع الخامس بس يابنات الجنين كان نقطة هههههههههه بس لما ضلت تكبر بالصورة قالتلي مبلش يتخلق متل البراعم
هههههههه والاحلى لما نمت ع السرير بتقلي هلا حوريكي اياها بقلها انا مش فاهمة حاجة حتى لو ورتني وفعلا ضلت تكبر وتقلي كيس حمل وابصر شو وانا اقولها اه اه وانا انسو الموضوع مابقتنع الا لو شفتو بيبي بيتحرك فعلا

[جارة القمر]

صباح الخير

كيفكم صبايا ...........

امبارح بالليل بجد اكتئبت ودايقت كنت مروحه من المعهد وكانت ازمة سير على غير العادة بهالوقت
بعد شوي كان في اسعاف ومرقت من جنب حادث سير مؤلم بس ما شفت الاشخاص لكن الماتور والسيارة
وضعهم صعب فكيف الاشخاص .
كان حذاء صاحب الماتور طاير على الجه التانية من الشارع وماتوره مفتفت
الله اعلم شو صار فيه
والمشكلة انه اليوم الصبح سمعت بالراديو خبر وفاة ثلاث اطفال برفح حرق بسبب شمعة والمشكلة انه الاطفال اجو بعد 17 سنه وبعد زواج 3 نساء شي بيقطع القلب خنقتني العبره الله يرحمهم ويجعلهم شفعاء لاهلهم.......ويصبر امهم ...والدهم يارب


يعني ما في شي بيفرح ............

الله يعين الناس........

[غُمُوض أُنثَى]

اه والله معك حق ياجارة ..

كتير صارت حوادث حريق بغزة هالفترة عشان مافي كهربا
والكل بيولع شمع وخصوصا مافي ماتورات لا بنزين ولا غيرو ..

بجد الله يعينهم وحسبي الله عاللي كان السبب في هالازمة
الله يصبر اهاليهم

[سهى2012]

صباح الخير صبايا

الف مبروك سما يتربى بعزك وربنا يحفظه ويحميه إلك

غموض أثنى هلا فيكي حبيبتي وبكل الصبايا فلسطين حلوين

يارب تقوم كلكم بسلامة ويزرقكم الاطفال حلوين وصالحين

يسعد صباحكم جميعا

[بينك روز]

صباح الخير صبايا
شو اخباركم
اسمعتوا الاخبار لجديده
بيحكوا انه الكهربا انحلت وراح تصير متل كرت الجوال
يعني نشتري كرت ونعبيه ووقت ما يخلص تقطع الكهربا
شو رأيكم بهيك مشرووع

[جارة القمر]

صباح الخير

كيفكم...............

سهى هلا وغلا فيك حضرتك من وين وانت حامل ولا بعدك...؟


غموض صحيح الله يعين الناس يارب

بينك روز هاد النظام مطبق زمان عنا وطريقة ناجحة
تماما متل الجوال ،
مين الافضل الكرت ولا الخط بالجوال!!!
انا من رايي الكرت لانك بتتحكمي بكمية السحب اما الفتورة اخر الشهر بتنخدعي فيها بتكوني ساحبه
ومش متوقعة المبلغ



صحيح بنات انتو كم بتعبو كرت او بتدفعوا فتورة جوالكم ؟؟؟؟


هههههههههه بالنسبه لي معي خطين سلكوم وجوال
سلكوم بالشهر بحط تقريبا 55 وبيضل للشهر اللي بعده
اما جوال اقصى حد 20 شيكل بالشهر احيانا بضل
للشهر اللي بعده ...........لاني فعلا ما بحب استخدام البلفون
وما بحب المكالمات الطويله
اما زوجي يا سلام على فواتيره
معاه خط واحد وبالشهر بتوصل فتورته ل-500- ومرات اكتر واحيانا اقل ..........

[بينك روز]

اها معك حق والله جارة
يمكن النظام هاد يكون احسن
يلا بنجرب كيف وبنحكيلكم كيف الوضع
اما بالنسبة للجوال
انا كرت وبعبي كل شهر ب 20 شيقل بس طبعا هاريه فتوره زوجي اتصالات
وكمان لما ارن عليه ما بفتح عليه خط ياويله ازا فتح خط لازم يعطيني مشغول بعدين يرجعلي
مع انه بكون معي رصيد
وطبعا اخر الشهر بتطلع متل زوجك 500 شيقل واحيانا اكتر ههههههههههههه

[maya123]

هو في كرتات ب 20 شيكل؟؟؟!!!!

انا تلفوني خط ومع اني ما بحكي كتير بس بوصل 500 شيكل واكتر مرات

[maya123]

صبايا احكولي!

انا هسا بالاسبوع ال 16 وينتا احسن شي ابدا اجهز جهاز وغرفة البنوتة؟
لا

[بينك روز]

هلا حبيبتي مايا
نحنا بنحكي عن كروت الجوال
نحنا في عنا كروت ب 20 شيقل وفي كمان ب 10 شيقل
اما بالنسبة للتجهيز اعتقد لسه بدري كتير

[maya123]

والله كتير منيح وكديش بيحكي كرت ال 20؟

[بينك روز]

والله ما بعرف أديش بالزبط
لانه حسب النظام الموجود عندك بشريحة الجوال
ازا دردش او كرت أو دردش شباب بتفرق كتير معك
بس انا بفضل معي كرت 20 شيقل تقريبا شهر

[maya123]

والله كتير منيح هالشي
بس ما اظن في عنا جوال اما اعجبتني الفكرة

بينك روز احكيلي انتي بشو حامل؟ اعرفتي الجنس؟

[بينك روز]

انا حامل بالشهر الخامس
بس لسه ما عرفت جنس الجنين

قوليلي انتي من اي منطقة وين ساكنه

[maya123]

ان شاء الله ربنا يعطيكي اللي ببالك اخت بينك روز

انا من عرب ال 48 من الناصرة

احكيلي!!
شو رايك بابرة الظهر؟ منيح الوحدة توخدها بوقت الولادة؟ لاني كتير خايفة من الولادة
هاي الابرة كيف منيحة؟ بعرف انو ما بتخلي الوحدة تحس بشي ولا وجع ولا شي بس ما بتاثر او بتضر؟

[بينك روز]

اهلا وسهلا بيكي اختي
انا من غزة
تسلمي ان شاء الله وان شاء الله ربنا ينولك الي ببالك انتي كمان
بالنسبة لابرة الظهر مابعرف ازا منيحه ولا لأ انا لسه بكريه ومابعرف كتير بالشغلات هاي
بس سمعت انها ممكن تأثر على الست الحامل بعد ما تولد
والله اعلم

[maya123]

اهلا فيكي وبكل اهل غزة
انا كمان بكرية وما بعرف شي

انتي كديش عمرك وايش عاملة بحياتك؟؟؟ تدرسي ؟ تتعلمي؟

[بينك روز]

انا عمري 25 سنة
في 25/4 بسير الي متزوجة سنتين بالزبط
طبعا درست بكالوريوس تجارة وبشتغل بشركة خاصة محاسبة
حملت قبل هيك مرتين بس الحمد لله ما كتب ربنا اله يتم

خبريني عنك

[جارة القمر]

مايا لسا بدري تجهزي بس ازا بتحببي قطع معينه اشتريها
بالنسبه لابرة الضهر انا اخدتها كتير بتساعد وبنصحك تطلبيها

[maya123]

يسلمو اخت جارة انا كتير خايفة من الولادة وبفكر اطلب ابرة الظهر حكولي كتير بتساعد وما بشعر بشي!! بس ما الها مضاعفات وتاثير بعد الولادة؟

جرة انتي حامل ببنت ويلا صبي؟

اخت بينك روز عن حالي انا عمري 22 من الناصرة بدرس طب اطفال ومتزوجة من 6 اشهر وما بشتغل لاني كتير مبلوشة بالدراسة. هاد اول حمل لي ان شاء الله ربنا بهونها علي وعالكل وبيعطينا اطفال سالمين بلا زيادة او نقصان

[maya123]

بالنسبة لجهاز البنوتة بفكر اجهز الغرفة بس بهاي الفترة لانو بدها كتير شغل لسا بدي ادهنها وافرشها وبفكر اعمل فيها ديكور حلو بفكر اعمل هالاشياء هسا واخلي باقي الجهاز لبعدين

لانو باخر اشهر من الحمل بكون بفترة امتحانات وضغط بالدراسة وما راح افضى كتير

[غُمُوض أُنثَى]

كيفكو صبآآآيـآ ..

بينك روز ومـآآيآ العُمر كله يـآرب .. بينك انتي عنجد بتحكي عن نظآم الكهربآآ بالكَرت ؟؟؟
وشو هالحَل هـآدآ !! عنجد غريب اول مرة اسمع فيه والله

بالنسبة لكروت الجوال لما كنت بغزة كنت دايما اعبي كروت عشآن مسجات واتصالات دولية لخطيبي
بس هلأ بتونس 5 او 10 دنانير بيضلهم ومابعرف شو اعمل فيهم o.O

بنـآت مين بتشوف برنـآمج " تُوب شيف 2 " بيجي عالــ LBC كتير حِلو وممتع
وكمآن للي بدهآ تتعلم فن تقديم الاكل عنجد روووعةَ

اللي بتحضرو تحكيلي :)

[سهى2012]

صباحكم ورد وفل وياسمين

كيفكم اليوم يارب تكون بخير وحملكم بخير

بينك روز فكرة حلوة عن كرت كهربا هي كان ضايل علينا بغزة الله يريحنا من فيها وعملوا فيها

هلاء نظام 8 ساعات بتيجي وباقي اليوم بتقطع يعني حتى لو تبرعت كل دول العالم بالسولار لشركة الكهربا راح برضوا يقطعوها حسبي الله عليهم

غموض انثى حبيبتي انت وين بتونس انا كنت بتونس قبل فترة واهلي هناك وانشاء الله راجع لها استقر فيها ويارب تكون ولادتي بتونس عند اهلي

على فكرة صبايا تونس روعة روعة كتير مهما حكيت عنها مابقدر اوصفها بكفي انها تونس الخضراء وشي الحلو انتشار الدين الاسلامي فيها

يسعد صباحكم غموض انثى وبينك روز ومـآآيآ العُمر كله وكل الصبايا الحلوين

[جارة القمر]

صباح الخير

مايا انا الحمد لله ما عنيت من شي بعدها احيانا بعد الولاده كان محلها يوجعني بس بشكل بسيط جدا
يقال لها اعراض بس فايدتها اكتر

انا حامل بولد ........... مايا


سهى اكيد تونس رووووعه اهلك ليش هناك ؟؟

[بينك روز]

صباح الخير صبايا
كيفكم شو اخباركم
شو سهى بدك تسافري وتتركينا بنهون عليكي
صحيح شو صار مع خالوووو طمنينا عنه

[مسك السنين]

صباااااااح الخير ياصبااااااااااايااااا
كيفكم وشو اخباركم
بناااااااات انا نفسي اكل اكل زاكي م الصبح اقترحولي اشي هههههههه
غموووض حاسة اني بعرفك قبل هيك ليش مابعرف
بينك روووز منووورة انت واهل غزة من وين بغزة

مااايا حيالله باهل الناصرة
وجارة وواهل الضفة كلهم
وماننسى سهى احلا صباااح

وكلكم سلمو ع البيبي اماانة ههه

[maya123]

صبااااااااااااااااح الخيييير صبايا كيفكم؟

انا هسا قمت من النوم لسا وكتير نعسانة ههههه اليوم عنا فرح بالعيلة لابن عمي!! اتفضلوا!

[مسك السنين]

يلا مبروك يامايا
تخيلي نفسك كمان 20 سنة بهدا اليوم انت ام العريس او العروس لوووول
وبتصيري حمايا هههههههههه

[maya123]

ههههههههه يا لطيف اخت مسك خليني افرح بشبابي لسا ههههه
هيك بعد ما احكيتي اتخيلت حالي ست وعندي احفاد يغنولي يا ستي يا ختيارة ههههه خلينا شباب لسا

[مسك السنين]

ماهو لسة مبارح كنا اطفال بنلعب بيت بيوت
هلا اتحققت وفعلا صرنا بالبيوت
بكرا حنصير كدا حنلاقي حالنا النا احفاد شعور حلو ههههههههههههههه

[بينك روز]

هههههههههههههههه
يسعد صباحك مسك السنين انتي ومايا
مسك انا ساكنه بالنصر
على فكره مايا اليوم كمان انا عندي اشهار لبنت عمي
اكيد بتتفضلوا

[maya123]

اه والله الوقت بسرعة بمر
والشي اني حامل ببنوتة والبنات بيتجوزا قبل الاولاد يعني بصير ست عن قريب ههههه
هسا متلا قبل من اكم يوم بنتي اللي ببطني اجاها طلاب بدي اخطبلها من اليوم اذا عندك صبي بنفع تتقدمو برضو بنناسبكم هههه

[maya123]

مبروووك بينك روز
هسا مسك السنين حولتها من فرح لكيف احنا راح نجوز اولادنا ههههه اللي بدو يخطب بنتي يتفضل

[بينك روز]

ههههههههههههههه
بصراحة لسه انا مش عارفه شو نوع الجنين
اليوم ان شاء الله راح اروح واعرف
خلص ازا صبي بتجزيلي بنتك مايا

[مسك السنين]

انا اول بنتين رح جيبهم جاهزين العرسان
والله من قبل ما احمل والعرسان جاهزة
هلا انا حامل بس بالاسبوع السادس
الله يستر ويطلع هالحكي صح لما نكبر
بس قرايب صعب ههههههههه

[بينك روز]

ههههههههههههه
ياستي هينا بنحكي مابنعرف بكره كيف هتكون حياتهم ومستقبلهم
بصراحة انا زعلانه على الي ببطني
بحكي مسكين مش عارف شو مستنيه في الدنيا
الله يكون بالعون

[مسك السنين]

بنات بجد بجد
انا نفسي اروح ع الضفة قد مازوجي بحكيلي عن اهل الضفة مابصدق بقول معقول غير عنا
جد مبارح عطلت سيارتنا وبدنا نركب تاكسي
المهم وقفلنا شخص بسيارة تويتا حدييييييث واللي كان سوق مش باين سواق لابس وجنتل
طبعا احنا لازم نعطي فلوس يخصم المشوار
اللي هوا بقلنا
اهلا وسهلا فيكم انا مش سواق
بس كنت طالع ولقيتكم بطريقي حبيت اساعدكم
لو كل واحد فينا بيعمل هيك كان انتهت ازمة المواصلات
والله الواحد لما بركبلو سيارة عن الخط بدو ساعة ونص ومابوصل للمشوار اصلا
المهم زوجي طبعا حكى معو الا بقلو انا مش من غزة انا من الضفة والزلمة بلش ياخد ويعطي بالحكي بس يالله شووو نااااااااااس زوء ومتفهمين اما اهل غزة الله يكون بعونهم ويصبرهم دايما مشحونين ومتعصبين مش من قلة من الوضع يلي احنا فيه

[maya123]

اه والله مساكين هههه

انا بنتي من هسا اتقدمولها 3 عرسان هي لما تيجي بتشوف مين بدها

امبيرح شفت بنوتة كتير حلوة اعجبتني قلت بدي اتوحم عليها اجيب متلها

بعد ثواني بدت البنت تنط وتشاغب وكتيييييير بتغلب امها اول مرة بشوف بنت هيك هههههه قلت لحالي اذا بتطلع بنتي هيك مصيبة

[maya123]

والله يا اخت مسك هاد ما بتعلق بالبلد بكل محل بتلاقي ناس هيك وناس غير مو كلها متل ما بعضها
انا والله كتير نفسي اروح على غزة ولا مرة ما زرتها

[مسك السنين]

انا مابعرف اي مكان بفلسطين الا صور ربنا يفرجها ونصير نروح ونجي ع بعض
اما غزة بقعة جغرافية زغييييييييييييييييييييييرة
الحلو فيها البحر
وكل الفنادق والمطاعم بتطل عليه

[maya123]

ان شاء الله ربنا بيفرجها عليكم
بالك ايش! استغربت من شي قبل اسبوع رحت على مستشفى للاطفال عنا استغربت انو في هناك تقريبا نص المستشفى اطفال من غزة والله كتير استغربت

[بينك روز]

مزبوط كلامك مسك
انا الصبح لما بطلع على الدوام بفضل على الاقل نص ساعة مشان اركب
واحيانا السواق بيقعد يتشرط بده زيادة
بعين الله
على فكره الضفة كتير حلوه انا كنت اشوفها بس ما كنت انزل فيها
لما كنا نيجي من السعودية عن طريق جسر الاردن
ان شاء الله الله يوعدنا ونروح هناك

[بينك روز]

ليه موجودين هناك
بتعالجوا مثلا

[maya123]

كتير بتعالجوا اه يعني قعدنا مع اهلهم وحدة منهم امها صارت تحكيلنا بقصة بنتها عندها توقف بالنمو وامعاءها ملتصقة ببعض بتحكيلنا جبتها من غزة بس نفس فيها كانت راح تموت وبحاولو يعالجوها هسا وكل مرة بيعملولها عمليات وما بتنحل المشكلة

هسا اللي استغربت منو انو ما اعرفت انو الاطفال بييجوا يتعالجو عنا امها بتحكي انو ما بدفعوا شي عالعلاج السلطة بتدفع للدولة عن كل الاطفال

[maya123]

الله يشافيهم ان شاء الله ويشافي كل امة محمد صلى الله عليه وسلم

[بينك روز]

اه والله كتير في عنا اطفال بعانوا من امراض متل هيك
كل هاي الامراض نتيجة الحرب الي صارت على غزة
ونتيجة الفسفسور الي رموه علينا
يعني كتير سمعت قصص اطفال فيهم تشوهات بسبب الفسفسور
الله يصبر اهلهم يارب

[maya123]

عنجد الله يصبر اهلهم طتير بتغلبوا وخصوصا لما ما يكون علاج لهاي الامراض بضلهم يتنقلوا من مستشفى لتاني وما في حل

الله يعينهم ويشفيهم يا رب

[maya123]

صبايا شو ناويين تطبخوا اليوم؟

[بينك روز]

انا عن نفسي مش عارفه
قاعدة بفكر شو بدي اطبخ ولحتى الان ما استقريت على شي
خصوصا انه انبوبة الغاز عندي مخلصه وبدها شهر لما تتعبى تاني
مش عارفه شو اعمل

[maya123]

وانا والله مو عارفة شو اطبخ المشكلة بسال جوزي دايما شو بنفسك اطبخلك كل مرة بعطيني نفس الجواب

بقللي انتي ليش بتغلبي حالك بالطبيخ! تطبخيش بجيب معي اكل او بنطلع برا

بس انا مو بالزبط بحب اكل برا بس شكلي اليوم مو راح اطبخ بدي اطلع كمان شوي اجيب ثوبي من عند الخياطة مشان الفرح اليوم

ادعولي تكون مزبطتو

[بينك روز]

اها
ان شاء الله يكون زابط عليكي وحلو
مايا بدي اسئلك
معلش بطلع الك شعر على بطنك ولا كيف
لانه بصراحة انا حاسه انه الشعر الي على بطني زاد
وصرت اخجل منه كتير

[maya123]

انا من قبل ما كان على بطني شعر بالمرة اما هسا بالحمل بلاحظ انو صار يطلع شعر بس مو كثير خفيف بس بتخيل عادي تغير بالهرمونات بصير بالحمل وكلشي بتغير

[بينك روز]

اها
الدكتورة نصحتني ما اشيله
حكتلي بروح لحالو

[سهى2012]

مرحيا بينك روز مرحبا صبايا موجودين ومش موجودين

كيفكم اليوم انا نفسيتي تعبانة هاليومين مش من حمل لاء بس عشان زوجي سافر عندي اهلي بتونس

بينك روز وصل خالك بسلامة على تونس طمني اهل طيب حبيبتي بالنسبة للشعر بطن هاد امر عادي جدا تغيير هرمونات مش اكتر بعد ولادة باذن الله بيروح لوحده

احكولي صبايا شو اعمل بغيب زوجي قلقانة وصغاري متعبيني كتير وهاد لس باول يومين من سفره

بدي اسئالكم دايما في نبض مستمر اسفل بطني يعني بعد سره بشوي لدرجة مابعرف انام منه ولحتى اكون قاعدة منيح

اذا في حد بيعرف يساعدني

سلامي للجميع

[احساس أنثى]

مرحبا صبايا شلونكم شو عاملين

لفت انتباهي بكلامكم مايا ؟؟
وين الخياطة يلي عاملة عندها توبك ؟؟ ولما تجبيه احكيلنا حلو ولا كيف طلع
أنا عملت فستان لحنة بنت عمي بكرة عقبال ماتقوموا سالمين بس حساه ناعم وسمبل

[سهى2012]

جار القمر سألتيني ليش اهلي بتونس

عشان احنا بالاصل كنا هناك وقت سلطة كانت بتونس مع الشهيد ابو عمار

بعدين اخواتي تزوجوا بتونس وستقرينا هناك وطبعا استشهد والدي بتونس رحمه الله

وامي غالية كمان توفيت قبل سنتين بتونس ومابقي الا اخواتي وانا كنت رجعت غزة وتزوج لكن باذن الله راجعه انا وزوجي اولادي نعيش بتونس الخضراء

[maya123]

اهلين اخت احساس هاي الخياطة وحدة من عنا بالبلد كتير شاطرة اعجبتني مع انو اول مرة بجربها
والفستان طلع كتير حلو البستو اليوم لسا هسا روحت البيت عنا فرح لابن عمي واليوم كان حنة العروس
اما التوب لونو احمر مع اسود ههههه يعني ما شاء الله من بعيد ببين

[غُمُوض أُنثَى]

صباحكم ورد صبآيـآ ..

مسك السنين , شو خلآكي تحسي انك بتعرفيني هههه اساسا يمكن نص الموجودين بيعرفوا بعض وهما مش عارفين هالشي !!
سهى , انتي متى ناوية ترجعي ع تونس ؟ ان شآء الله بنتعرف وبشوفك :)
طيب ليش زوجك لحالو رايح ع تونس عند اهلك انتي ليش مش رايحة ؟

فعلآآ تونس حلوة كتير روعة واسم ع مسمى " تونس الخضراء " .. بس المكان حلو باصحابو يعني انا بعتبر غزة احلآ هههه ^^

هلأ بدا موسم الافراح والمناسبات .. انا فرح اخت زوجي عالصيف بس للاسف مش رح يصحلي انزل احضرو اهئ اهئ

[سهى2012]

صباحكم حلو فيكم

حبيبتي غموض يسعد صباحك ياعسل زوجي نزل لوحده عند اهلي عشان بدنا نفتح مشروع بتونس ونستقر

وانا كنت قبله بشهر بتونس بس رجعت عشان اكون عند اولادي صغار وهو يطلع ويرتب الامور وانشاء الله بالصيف

بنلتقي بعتلك رسالة وشرحت فيها كل استفساراتك

[Dr.Reem]

مساء الورد ع احلى حوامل كيفكم صباياااا وكيف الحمل معكم ربنا يتمم للجميع ع خير و يقومكم بالسلامة جمعة مباركة

[جارة القمر]

مساء الخير بنات

مايا انا معزومة على عرس بتاريخ 7-4-2012 بالناصره لصديقة كانت تشتغل معي
بس مش رح اقدر احضره لانه مسافة بين القدس والناصرة ...........

صحيح كلامك نحن عنا بمستشفى المقاصد بالقدس كتير ناس من اهل غزة الله يكون بعونهم

مايا شو بدك تسمي بنوتك؟

بنات ساعدوني باسم ولد مش ملاقية اسم يعجبني !!!


سهى موفقين ان شالله بتونس والله يرحم والدك والدتك

[بينك روز]

صباح الخير صبايا كيفكم
اسمعوا شو بدي احكيلكم يوم الخميس رحت على الدكتوره
وحكتلي ببطلنك بنوووته يالله شو انبسطت فيها
واعطتني الها صورة طول الوقت اطلع عليها
سبحان الله كيف ربنا خلقها يارب احفظها الي ولأبوها يارب
ان شاء الله ناويين نسميها رهف
زوجي نفسه بهاد الاسم من زمااان
سهى الحمد لله على سلامة خالو ان شاء الله رحله موفقه يارب
على فكره سهى بتكون زوجة خالوووو
^_^

[جارة القمر]

صباح الخير
بينك روز ما شالله مبروك البنوته ان شالله ربي يتمملك على خير ...............

[احساس أنثى]

صباح الفل ع الجميع

الله يخيلكم لبعض ياسهى وبيتك روز

جارة شو اسم ابنك الكبير ؟؟ جبيه ع نفس الوزن هههه احلى

بينك روز ربي يطمن قلبك دايما البنت والولد كلهم حلوين

دكتورة ريم احنا بخير انتي شلونك؟؟

[جارة القمر]

احساس انتي شو طلع جنس البيبي؟؟؟؟؟


انا اسم ابني يزن ...................... يلا ساعدوني باسم

[بينك روز]

الله يبارك فيكي يارب جارة واحساس
بس في شي غريب صار يابنات
لما رحت على الدكتوره بحكيلها انا بالاسبوع العشرين
للهيه بتقولي الجهاز بيحكي انك بالاسبوع 22
وحكتلي انه راس البنت كبير شوي
بصراحة خايفه
ازا في عندكم تفسير احكولي

[احساس أنثى]

عادي دائما الحسابات تخربط شوية

بالنسبة للراس مابعرف؟

[بينك روز]

اها
شكرا الك حبيبتي احساس
بس شو الازبط حسباتي ولا حساب الجهاز

[مسك السنين]

بينك منووورة دائما السونار بزيد اسبوع عن حساب الدورة

جارة سمي ابنك زين او يزيد مشابه لاسم يزن

[توتي كيوتي]

مرحبا صبايا

كيفكم يا حلوين

كيف الوضع عندكم ؟؟
والله مشتاقه كثييييييييييييييييييييييييييييييييير لايام البلاد

[maya123]

مرحبا صبايا كيفكم!!

بينك روز مبروك البنوتة احلى شي البنات كتير بحب لبسهن ههه

وجارة احنا لسا ما قررنا ايش راح نسمي البنوتة بس جوزي حابب اسم لمار شو رايكن؟

[جارة القمر]

مساء الخير

بينك روز انا لما فحصت كان الجهاز زايد اسبوعين قلي الدكتور انه بالاشهر الاولى الجهاز ادق من هلا
فما تخافي.....
بالنسبه لراس الجنين ليش ما استفسرتي من الدكتورة بس في فترة من التكون بيكون فيها راس الجنين اكبر من جسمه

مايا اسم لمار بجنن ..............

[سهى2012]

يسعد مساكم صبايا

بينك روز مبروك على بنوتة وماتخافي بخصوص راسها كان مجد ابني هيك وحكولي بدنا نسحبه بجهاز شفط عشان راسه

بس الحمد الله دكتورة شاطره بالاصدقاء المريض وفتحت عنق رحم شوي واخدت بعدها غرز كتير بس ماتخافي وهي انتي بتشوفي مجد كيف حلو ولا راسه كبيرة هههههههه

المهم الف الف الف مبروك ياعسل على بنوته رهف وانشاء الله تقومي بالسلامة وحساب جهاز هو ادق بحساب

غموض وباقي الصبايا انا كتير بحبكم بس سامحوني لس ماحفظت اسمئكم بس اكيد راح احفظهم ههههههه انا والله بمر بظروف شوي صعبة عشان سفر زوجي واولاد مغلبيين بينك روز بتعرفهم عشان انا بكون زوجت خالها على فكرة صبايا بينك روز بنوته ناعمة وهادية كتير كتير كتير وعسل انا بحبها وبحب خواتها

يلاه طولت عليكم سلامي للجميع

لحظة ليش ماحد جاوبني على سؤالي وهو انه بحس بنبض تحت بطني يوميا وبيزيد اذا كنت جالسه عند جهاز كمبيوتر او على كرسي بالله بيعرف شو سبب يشرحلي

يلاه تصبحوا على الف خير والاحلام سعيده

[عسولة فلسطين]

مسااااااااااااااااااء الخير بنااااااااات
كيفكم أهلا وسهلا بسهى وبالبنات الجداد
اشتقتلكم كتير
ما شاء الله حاكيين كتير من وراي هههه
بس ويييييييييييييييينك يا حوااااااااااااااااااااااااااء؟؟؟
مختفية ولولو
طمنوني عنكم غموض وجارة و احساس وكل البنات؟
الحمدلله اليوم كنت عند الدكتور بس الافندية حاطين رجل على رجل
شافت واحد منهم قالتلي احتمال بنت والتاني مش مبين ههههههههه ما أزكاهم الله يخليلي اياهم يااااااااااارب
ويقيمنا جميعا بالسلامة

[جارة القمر]

سهى الله يديم المحبه بينكم
بالنسبة للنبض والله عندي نفس الشي
وبصراحه كتير بضايق منه بس مش عارفة ليش برضو

[جارة القمر]

عسوله ما شالله انت حامل بتوأم!!!!!!!!!!!!!!!!!

[عسولة فلسطين]

اها ياجارة الحمدلله
والله ما كنت متوقعة بس ربك كريييييييييييييييييييم وبيعوض خير
ع قد ما عيطت وزعلت وانقهرت من المرة الاولى وطلعت من عند الدكتور كل عين اللي مورمة الا انه ربنا
كبير
وعوضني خير الحمدلله
عقبال عند غموض يارب

[عسولة فلسطين]

جارة وين حواء مختفية؟

[جارة القمر]

عسولة ربي يتمملك على خير
والله حواء لها فترة مش داخله .........وما بعرف شو السبب ان شالله المانع خير

[عسولة فلسطين]

الله يارب يتمم لنا جميعا على خير يارب
والله لأني بشوف ما شاء الله الصبايا حاكين وهي مش موجودة؟؟؟ قلقت عليها

[maya123]

مساء الخير صبايا كيفكم؟

عسولة مبروك الحمل بتوأم الله يحفظهم

يسلمو جارة شكلو راح نسميها لمار انا كمان معجبني

صبايا احكولي! اليوم اشربت مشروب طاقة اكس ال بس مو كتير شوي بس يعني نص كاسة عادي؟ ويلا فيها شي؟ باثر شي عالحمل؟

[غُمُوض أُنثَى]

يسعد صبآآآآح احلآآآ صبـآآآآيـآآآآ

ولي ع قآآآآآآآآآآآمتي اديش فرحتلك ياعسولة والله والله حسيت اني انا الي حامل بتوأم ههههه :))
يـآآآآرب عقبآآآلي ربنا يعوضني خييييير عنجد نفسي أحمل بس حضرة الدكتور جوزي لسا ما اعطاني الضو الاخضر اهئ

الف مبروووووك حبيبتي بس هالمرة ديري بالك ع حالك وان شاء الله ربنا يتمم لك ع خييييير


كيفكم صبآآآيــآ .. كيفك سهى شو اخبارك حبيبتي قرأت رسالتك وانبسطت كتير كتير والله
يسعد نهاركم يأآآرب .. جارة وعسولة وبينك روز واحساس وبآقي الصبآيآ

[سهى2012]

صباح جميل صباح سعيد


لكل صبايا

صباحك حلو غموض أنثى صباح كل الصبايا

اتمنى تكونوا بخير وصحة جيدة

صبايا لعندها تفسير لموضوع نبض اسفل البطن بالله حد يفسر هالموضوع لانه متعبني

ولس موعدي عند دكتورة اسبوع جاي حتى اقدر افهم منها فاذا حد بيعرف او مر بهيك شي يفسرلي

تحياتي لكم جميعا

[جارة القمر]

صباح الفل والياسمين

والله يا سهى ضليت ادور بجوجل لانه عندي نفس الاستفسار وبضايق من هذا النبض
الجواب انه حازوقة البيبي يعني الزقزقة تبعته مع انه الجواب ما اقنعني ويقال انه الضغط
على الامعاء بتعمل هيك وكمان انه تدفق الدم من المشيمه ما بعرف مين الصح فيهم بس لتروحي عند الدكتور
اسأليه شو السبب لحتى نعرف بس اطمني النبض ما بيعني شي سيء لانه معظم الحوامل هيك

غموض ربي يفرح قلبك يا قمر
عسولة شو بدك تسمي الحلوين !!

[مسك السنين]

صباح الخييييييييييييير ياحلووين
عسولة الف مبروك يارب تقومي بالسلامة انت وكل الصبايا
جارة منورة وشو لهلا ما وصلتي للاسم
مايا اسم لمار حلو بس في ليمار الذهب المصقول
غموض ربنا يوفقك وان شالله الفرح قريب
سهى انا اي سؤال بدي اياه من الدكتورة بكتبو ع ورقة حتى ما انساه لما روح عندها بتصير مراجعتي متل المحاضرة تماما هههه
بس مابخوف النبض متل ماقالتلك جارة
بالسلامة ياعسسسسسسل

[سهى2012]

شكرا لكم صبايا

ويسلموا مسك فكرتك حلوه راح اعمل متلك واكتب على ورقة واعمل محاضرة للدكتورة على اقل بطمن شو بيصير معي

حبيبتي جارة .... يسلموا ياعسل غلبتك معي وخليتك دوري بس انا بجد كتير منزعجة من نبض وبخاف وانا جالسه يكون شي سيء على بيبي

بس راح اسمع كلام مسك حلوه واعمل بفكرتها وانشاء الله يكون عنده جواب مقنع وبرجع بحكيلك جارة شو طلع قصة نبض

وين بينك روز .. وغموض أنثى ...وعسولة فلسطين وين باقي صبايا ياريت بنقدر نجتمع كلنا في دردشة ونحكي مع بعض

اتمنى للجميع يوم حلو ومريح

[عسولة فلسطين]

الله يبارك فيكم ياااااااارب
والله لو كانوا ولدين حسمي اسماعيل وابراهيم ع اسم حماي وسلفي اللي استشهدوا ولأني أول كنة لهم
وحابة لو بنتين أسمي ريهام وسلااااام
ولو ولد وبنت اسماعيل ع اسم حمااي والبنت روعة نفسي فيه من وأنا بنت
بس لسه ماعرفت ايش نوعهم الاتنين كانوا حاطين رجل ع رجل بس كيفت عليهم ما شاء الله تتبارك الرحمن

[عسولة فلسطين]

والله يا سهى انا كمان بحس بنبض وزي شد من تحت سرتي ان شاء الله خير

[maya123]

صبايا بالنسبة للنبض هاد شي طبيعي لا حازوقة الطفل ولا شي يعني مش معقول كل الوقت البيبي عندو حازوقة؟

بتخيل درسنا بالجامعة عن هاد النبض هاد بكون من اعراض الحمل شي عادي لانو الحامل بكون عندها تدفق دم اكتر من المو حامل لهيك مرات كمان اذا بنتبهو على جسمكو بتلاحظوا انو الشرايين ظاهرة على الجلد اكتر من قبل
وبما انو تدفق الدم اللي بينزل من القلب للجسم وكمان للجنين بزيد وكمان في ضغط من الرحم فهاد النبض هو شعور تدفق الدم بالشرايين
هاد شي طبيعي الكل بيشعر فيه ما تخافوا
بتمنى فدتكو

[maya123]

صبايا هسا جاوبوين بليييز امبيرح اشربت مشروب طاقة بس مو كتير شوي يعني نص كاسة هل باثر شي ولا عادي؟

[جارة القمر]

الاكس ال اجمالا مو منيح
فكيف للحامل بس ما تخافي مو من اول مره بيضر ..........لكن الاستمرار بشربه سيء
مايا انا اشربته قبلك لاني بحب طعمه بس نفس الشي شربت شوي لارد نفسي وعيني ههههههههه

[maya123]

ههههههههههه جارة هاد في حدا متلي! انا صراحة ولا مرة ما حبيتو ههههه بس شفت جوزي بشرب وغرت منو
انا قريت بالنت بعد ما اشربت هسا في وحدة مثلا كاتبة انو شربتو بالسادس واتوفى عالجنين على طول!!! بس يعني معقول هالحكي هاد؟

هسا بعدها انتقلت للبحث بلغات ثانية في كتير سائلات دكاترة عن الموضوع حكالهن ما بضر بس نسبة كافئين في عالية والكافئين بضر الحامل بس هسا نص كاسة ما فيها كافئين عالي يعني زي ما افهمت ضررو متل الكولا والقهوة

[بينك روز]

مسا الخير صبايا كيفكم شو اخباركم
معلش انا اسفه ما فوتت اليوم لانه انتو عارفين قصة الكهربا

مبروك عسوله التوأم والله كتير حلوين انا اخي عنده توأم أولاد كتير بحبهم وبموت فيهم
حبيبتي جارة لمار اسم كتير حلو
سهى كيفك شو اخبارك وكيف الاولاد ان شاء الله تمام وان شاء الله خالو مبسوط برحتلوو
بالنسبة لراس مجد ماشاء الله عليه صغير على فكره انا بحب مجد كتير وانتي عارفه هاد الشي بحبه اكتر من فراس
لانه هادي كتير انا هيك بشوفه
وشكرا كتير على المدح الي مدحتيه فيه انا واخواتي
هاد من زوقك والله
يسعد مساء الجميع يارب

[maya123]

مرحبا صبايا في حدا هون ادردش معو؟

[maya123]

صبايا شوفو ابن اختي وهوي عم ياكل ما الذو ههههههه متت ضحك عليه

ما زبط معي غير احط الصورة بالمرفقات
حدا عندو فكرة كيف بقدر ارفعها عادي؟

[ام ارجواااااان]

مرحباااااااااااا
يالغالياااااااااااااااااااااات
شرفونااااااااااااااااااااااا
على الرابط


http://forum.hwaml.com/t104081.html (http://forum.hwaml.com/t104081.html)




http://forum.hwaml.com/imgcache2/hwaml.com_1333922438_316.jpg

[احساس أنثى]

يسعد مساكم جميعا جميعا جميعا هههههه

عسولة فلسطين مبروك التوأم والله فرحتلك من كل قلبي

بس الله يعينك ع تربايتهم بكرة لازم تستعيني بحماتك

بينك رزو شو الكهربا لسى ماانتظمت ؟؟ سارت 8 ساعات قطع و8 تيجي احسن من أول

لي عودة باذن الله بس صحيح يابنات شو اخبار حواااااااااااااااااااااااااااااااء الها فترة مابينت؟

يلي بيعرف شي يخبرنا .. أنا عليا غسيل كتير بدي اروح اغسل بعد اذنكم ^_^

[عسولة فلسطين]

الله يبارك فيكم يارب
اه والله يا احساس لما عرفت انهم توأم اختلطت مشاعري بفرحة كبيرة وبخوف
بس ربنا يخليلي اياهم يارب ومايحرمني منهم ويجوا ع هالدنيا على خير ياااااااااااااارب
وبيعين الله في تربايتهم ماما قريبة كتير مني وحماتي بعيدة عني كتير بس مش غلط ال 2 اولها بساعدوني
والمشكلة انا ما بفهم أي شيء بالصغار ياريت يعطوا دورات للأمهات الجدد
لو حد بيعرف فيه دورات هيك يقولي عشان اروح

[احساس أنثى]

هههههههههههه

أنا بعرف ياعسولة انه الطفل قال هوا بربي الام وبعودها عىلى كل شي بحبو هيك بقولوا

يعيني بتيجي لحالها

[عسولة فلسطين]

الله يجيبهم على خير يارب
ويتمملنا حملنا بالسلامة
خلصتي غسيل؟

[بينك روز]

صباح الخير صبايا كيفكم شو اخباركم
والله ليكم وحشه
صحيح احساس انه الكهربا انتظمت بس انا ما بحس فيها مشاني بشتغل
يسعد صباحكم جميعا يارب

[احساس أنثى]

يسعد مساكم ياحلوييييييييييييييين

خلصت غسيل من هون قطعت عليا من هان ربنا بحبني

مع اني بكره يوم الغسيل مابحب الغسالات يلي بحوضين بحب الاوتوماتك بس يلا لما اسير ببيت لحالي بجيبها ان شاء الله


كيف اموركم ياحوااااااااااااااااامل؟

[توتي كيوتي]

هلا حبيبتي احساس انثى

الله يعطيكي الف عافيه يا رب

كيفك شو اخبارك؟؟

[بينك روز]

مسا الخير صبايا
كيفكم
شو رايكم اندردش شويه
مافي حد هون ولا لأ

[جارة القمر]

مساء الخير

بينك روز اسم لمار حلو سألت عنه مايا
انا بعدني بدور على اسم ومش كاينين نلاقي
شو رايكم باسم يامن !!!

مايا اسم الله بجنن الله يخليلكم ياه ...........
اتوقع لو اعملتي للصورة copy , paste
رح تزبط

احساس كيفك النا زمان عنك يمكن انا وحواء الله يسمعنا عنها الاخبار الطيبه سألناكي 100 مره شو اخبار البيبي
وشو نوعه بس ولا مره جاوبتينا شو مخبيه عنا !!!!!!!!!!!!

[بنت الضفتين]

كيفكم صبايا
مبروك عسولة فلسطين التؤام وربنا يقومك بالسلامة بالنسبة لتربيتهم لازم تثقفى حالك فى عندك كتب عن التربية وفى مواضيع هون عن تربية الاطفال كتير حلوة وفى مواقع كتير عن تربية الاطفال وزى مابيحكو زوجك على ماعودتيه وابنك على ماربيتيه يعنى انتىى الى بتشكلى الطفل زى مابدك يعنى ازا عودتيه على الدلال بطلع فاشل وازا شديتى عليه بيطلع منيح يعنى التربية مو بالساهل
وازا انتى ماربيتيه راح ياخد الى ناقصو من الى حواليه ويمكن يكون بتعلم شى خطا وربنا يعينك على تربيتهم التربية الصالحة

[عيـ‘ـون المهـ‘ـا]

صبـاح الخير و المحبه و السعاده لبنات بلدي .. بتمنى تتقبلوني صديقه الكم في هاي الصفحه انا من القــــدس و مقيمه حاليا في امريكا ..عضوه جديده في المنتدى ..مهما بعدت فينا المسافه بس انتمائنا لتراب بلدنا و دمنا الفلسطيني بيجمعنا ..تحياتي الكم و نهار حلو لكل الصبايا

[توتي كيوتي]

هلا عيون المها

كيفك يا الغاليه شو اخبارك

انا كمان فلسطينيه مقيمه في امريكا انتي في اي ولايه ؟؟؟

[سهى2012]

صباحكم عسل وشهد ورد

يا احلى صبايا أحساس انثى - غموض انثى - بينك روز- جارة القمر- مايا- توتي كيوتي -عسولة فلسطين- بنت الضفتين - عيون المها

هلا فيكم وبكل صبايا موجودين ويارب ما كون نسيت حدى فيكم يسعد صباحكم حبيباتي

انا اليوم مبسوط كتير كنت مبارح عند دكتورة وطمنت على بنوتي صغنونة ههههه يارب يحميلها ويحفظها

قولوا امين يارب العالمين

وعملت محاضرت للدكتوره ههههههههههههههه بلشت فيها أسئلة وهي تجاوبني بلشت بالموضوع النبض كان شاغل اغلب بنات وانا كمان والحمد الله طمنت وحتى شفت كيف بيتم النبض هو عبارة عن ضغط الجنين على شريين مغذية للرحم يعني دم لما يدفق للرحم بيكون جنين بيضغط لهيك بنشعر بنبض متل نبض القلب ومافي شي بيخوف بالعكس كل ماكترت حركته كان نبض اكتر متواصل وانا شفت كيف صغنونتي بتضغط عليا ههههههه من هلاء طالعة شقيه هههههه

وبعدين بلشت بنوتي طوالها وشكلها وحجم راسها وعيونها وايديها ورجليهاههههههههه حتى شفت بطونها منفوخ شوي ف خفت قالتي دكتورة عادي عشان بتبلع مي بهيك شهر المهم الحمد الله ياربي اني اطمنت عليها وراح اتركلكم صورة لها ههههههه واخترت لها اسم ويارب يعجبكم واعطوني رائيكم هو (( جنى )) معناه ثمرة من ثمار الجنة
http://forum.hwaml.com/imgcache2/hwaml.com_1334117997_656.jpg

وهلاء قبل ماانسى برحب باختنا عيون المها وبنت الضفتين بينا وانشاء الله نكونوا كلنا الاصدقاء والاخوات باذن الله

تحياتي للجميع وباتمنالكم يوم كتير كتير حلو

[احساس أنثى]

اهلا وسهلا فيكي عزيزتي عيون المها وبنت الضفتين

نورتونا ...........

الله يطمن قلبك دايما ياسهى اسم جنى حلو كتيييييييييييير

[maya123]

صباح الخير صبايا كيفكم اليوم؟ احنا هاد الاسبوع مبلوشين بخطبة اخوي يوم الجمعة
سهى اسم جنى كتير حلو

[احساس أنثى]

ربي يتمملكم ع خير يامايا
وعقبال ماتقومي بالسلامة يارب

[maya123]

تسلمي احساس
احكيلي! انا هسا بالاسبوع 17 ولسا ما بشعر بحركة البنوتة شي عادي هاد؟

[جارة القمر]

مرحبا صبايا

هلا وغلا بعيون المها وبنت الضفتين ........

بيتكم ومطرحكم..................


سهى ما شالله ماشالله ربي يطمن قلبك وتشوفيها بين اديكِ اسم جنى حلو
اللي شهرين بروح على الدكتور وبيكون مستعجل
وما باخد منه حق ولا باطل .....
سهى باي شهر انت؟؟

مايا حركة الجنين بالاسبوع 16 بتبدأ بشكل خفيف

وربي يتمم لكم على خير

[maya123]

جارة كيف يعني بشكل خفيف؟ انا مرات لما اكون نايمة على ظهري بحس بشي خفيف متل النبض بس ما بعرف اذا هاي حركة!!!

كيف هو الاحساس بالحركة؟ هل هاد حركات؟

[سهى2012]

هلا صبايا كيفكم اليوم معلش كهربا كانت قاطعة

جاره القمر حبيبتي انا بالشهر السادس والحمد الله طمنت عليها وبعدين ياروحي ماتستعجلي بالعكس خدي وقتك بانك تسئلي دكتورة بكل شي بتشعري فيه

وعقبال الجميع يارب تشوفوا اولادكم بخير وسعادة

احساس انثى ومايا يسلموا يا حبيباتي على زوقكم وكلامكم حلو وشكرا كتير لكم على مدحكم لاسم بنتي صغيرة ((جنى))

[عيـ‘ـون المهـ‘ـا]

هلا عيون المها

كيفك يا الغاليه شو اخبارك

انا كمان فلسطينيه مقيمه في امريكا انتي في اي ولايه ؟؟؟
تـ‘ــوتي كيـ‘ـــوتي ..أنــا فيــ ولايـــة ~أوهـــايو OHio~ ..و انــتي فيــ أي ولايـــه مقيمــه حالياً ؟؟

[عيـ‘ـون المهـ‘ـا]

~ سهــى 2012~ أحســاس أنثـى ~ جــارة القمــر ~ يسعـــد مســاكم مشكــ‘‘ــورات على الترحيــب الجميـ‘‘ـل ..كلكم ذوق .. ((سهــ2012ــى بدي ابــارك الك في بنوتك انا قرأت تعليقك و الاسم اللي اختارتيه كتير حلو ربنا يتمم الك فرحتك و حملك على خير )) و للجميع نهار سعـــ‘ـــيـــ‘ــــد .

[سهى2012]

عيون المها حبيبتي مرة تانية برحب فيكي بينا وانشاء الله تقدري تقضي وقت حلو معنا

هون صبايا كلهم اكتر من اخوات واغلب مش مابيسكونوا في فلسطين يعني متلك مغتربات

بس بالمنتدى رائع وجميل جمعنا حتى نكون مع بعض ونقرب مسافات بينا في وقت بنكون بامس حاجة لاهل والاخوات

على عموم مرة تانية اهلا وسهلا فيكي ياعيون المها والله يبارك فيكي ياعسل

[عيـ‘ـون المهـ‘ـا]

عيون المها حبيبتي مرة تانية برحب فيكي بينا وانشاء الله تقدري تقضي وقت حلو معنا

هون صبايا كلهم اكتر من اخوات واغلب مش مابيسكونوا في فلسطين يعني متلك مغتربات

بس بالمنتدى رائع وجميل جمعنا حتى نكون مع بعض ونقرب مسافات بينا في وقت بنكون بامس حاجة لاهل والاخوات

على عموم مرة تانية اهلا وسهلا فيكي ياعيون المها والله يبارك فيكي ياعسل
مساء الخير..سهى 2012 ..ان شاء الله نقدر نتواصل في المنتدى كاخوات و صديقات متل ما حكيتي رغم المسافات و الغربه ياللي منعيشها بس احيانا منشعر بقرب الصديق احيانا اكتر من الاهل .. على فكره انا متلك في الشهر السـ6ـادس بداية الاسبوع ال24و حامل بتوم و بتابع كل اسبوعين الحلوين في السونار ultrasound احلى شعور ربنا يتمم النا على خير و نشوفهم سالمين معافين من كل مرض ..طولت عليكي الك مني احلى التحيات *_^

[جارة القمر]

مساء الخير

سهى مو انا بكون مستعجله الدكتور بيكون بدو يخلص المواعيد اللي عليه مع المراجعين وبيكون مستعجل خلص
بدي اروح على دكتوري التاني لحتى اطمن ..............


مايا حركة البيبي بتكون متل الغازات بالبطن اسفه على التشبيه بس هيك انا كنت اشعر يعني يادوب تميزيها
بس بعد شوي بتصير واضحه ............الشعور بالحركة تبعته هلا مو واضحه لانه بعده صغير والرحم واسع بعد شوي
بيكبر ولما يتحكرك بالرحم بيصير يضرب بجدرانه
سبحان الله


بنات اكرهتو اشياء خلال فترة الحمل !!؟

[بينك روز]

مسا الخير صبايا كيفكم شو اخباركم
ماشاء الله عنا ضيوف جداد
اهلا وسهلا فيكي اخت كيوتي واخت عيون المها منورين متجمعنا المتواضع
كيف سهى شو اخبارك ما شاء الله عليها بنت خالو جنى امبينه اكبر من بنتي الله يخليها الكم يارب وتجيكم على خير وسلامه يارب
كيف عسوله واحساس وجارة على فكره وين وجه القمر بجد طولت كتير
وسما شكلها مشغوله مع عموووره كتير مو قادره تحكي معنا خالص
معلش انا اليوم يومي كان كله طافي
في المكتب كانت الكهربا قاطعة وروحت على البيت قطعت لما وصلت
ما اجت غير قبل بشوي
والله قرفت حالي من هيك وضع

[سهى2012]

صباحوا حلوييييييين

كيفك عيون المها انشاء الله بخير جارة حبيبتي كيف انتي يارب تكوني كمان بالف خير بدي اسئلك وين انتي ساكنة جارة

بينك روز منورة ياحلوة توقعت انها قاطعة كهربا لهيك ماشفت نورك معاً والله يحميها بنوتك صغونة رهف حبيبت امها وابوها وتيجي بالسلامة ياروحي يلاه رهف وجنى بيكونوا قراب مع بعض وبيلعبوا مع بعض انشاء الله اذا ماطلعنا على تونس واستقرينا هنك خالك بيسلم عليكم كتير ومشتاق لكم وهو كتير مبسوط بحكي تونس وكانها حلم ههههههه ا

غموض انثى شو اخبارها صبايا ماعد شفتها هون انشاء الله تكون بخير يارب

طيب صبايا بدي اقوم افطر احسن بنوتي كمان شوي بتصير جوعانة هههههههه بتبلش تتحرك بدها تاكل هههههه تفضلوا معي على فطور ( حليب + بسكوت + تفاحة ) شفتوا هي فطوري صبح لاني والله هي انا بالشهر السادس لكن دائما عندي غثيان وحموضة من صبح كل بيحكيلي انه شعر بنوتي صغيرة هو سبب

برجعلكم وانشاء الله تكونوا موجودين ياحلوووووين

[سهى2012]

جارة انا كرهت من اول الحمل شرب قهوة والشاي وريحت عطر زوجي
ولهلاء وانا بشهر السادس لس بكره هيك الاشياء وهاد شي طبيعي جدا بعد حمل بيتغير كل شي

لهيك ماتقلقي عادي حبيبتي في بيكرهوا ازواجهم ههههههه مابقدروا يتحملوا بعض بشهور الحمل بس طبعا زوج بيقدر وبيفهم ها الوضع الله يكون بعونهم ازواجنا ههههههههه بتحملوا ههههههه كتير ههههههه

[بينك روز]

صباح النور سهى
منوره بطلتك
سلميلي على خالو كتير واحكيلوا انبسط ما تفكر بشي
وديري بالك على جنى هتكون رفيقة رهف اكيد
يسعد صباحكم جمعيا

[maya123]

صباح الخير صبايا كيفكم؟
جارة شكرا عالرد طمنتيني لاني كنت كتير خايفة وكتير بحاول ارطز بحركة البنوتة بس كو قادرة اميزها ان شاء الله خير

شو عاملين صبايا؟

[بينك روز]

هلا مايا صباح النور
شو اخبارك انا الحمد لله اليوم مزاجي معكر شوي
بس ان شاء الله خير

[maya123]

انا الحمدلله بينك روز يسلمو عالسؤال

وليش مزاجك معكر؟ صاير شي؟

[بينك روز]

بالنسبة للجنين الحمد لله بنوتي مبسوطه وحاسه فيها
بس هيك امور الحياة بدايق الواحد
وفي كتير ناس بتحكي معك كلام مابتعرف شو بتحكي
بتجرحك وهيه كل علمها انه الامر طبيعي
حسبي الله ونعم الوكيل بس

[غُمُوض أُنثَى]

صبآح الخير صبآيــآ كيفكم شو الاآخبآآآر ..
بينك روز الي بيجرحك امسحيه من قائمة الناس في حياتك .. هادا احسن حل :))

ان شاء الله تكوني دايما مبسوطة

كيفكو بنات .. عسولة واحساس وجارة ومايا ومسك وباقي الصبآيـآ
سهى كيفك حبيبتي ان شاء الله تمام .. انا منيحة بس كان النت فاصل هاليومين ورجع

نهـآآآركُـ’م سعيـــ’د يـآرب

[maya123]

بينك روز حبيبتي ما تاخدي على قلبك ما في حدا بستاهل زعلك
اهم شي هسا سلامتك وسلامة البنوتة

غموض كيفك شو اخر الاخبار عندك؟

[بينك روز]

هلا غموض حبيبتي منوره بعد هالغيبة
وشكرا كتير على النصيحه
مرسي الك مايا
والله بحاول ما ادايق مشان ما أأثر على الي ببطني

[maya123]

بينك روز شو حابة تسمي البنوتة؟

[غُمُوض أُنثَى]

بينك روز حامل ببنوتة . مـآ شآء الله
وماياآ شو البيبي ولد والا بنت ؟

[بينك روز]

اه غموض صورت الاسبوع الي فات وحكتلي الدكتوره بنوته
راح اسميها رهف ان شاء الله
بس الدكتوره خوفتني من شغله
حكتلي انه البيبي ظاهر بالسنوار انه عمره 22 اسبوع وانا لما رحت عليها كنت بالاسبوع 20
وكمان حكتلي انه وزنها 413 جرام
وراسها كبير
بصراحه خايفه من موضوع راسها كتير

[غُمُوض أُنثَى]

لـآ مآ تخآفي .. كتير مروآ عليآ نـآس وحكولهم هيك عآدي
ماآ تقلقي حآلك لآنه القلق مو منيح وبيأثر ع صحتك

اسم رهف كتير حِلو :)
ربنآ يتمم لك ع خير يـآرب

[maya123]

غموض انا حامل ببنوتة كمان وراح اسميها لمار حلو الاسم؟

بينك روز ما تخافي السونار كتير مرات ما يعطي معلومات صح اتوكلي على الله حبيبتي ما تخافي

[بينك روز]

يسلمو كتير الكم حبيباتي
احكولي هلا شو ناوين تطبخوا اليوم

[maya123]

انا ناوية اطبخ مقلوبة مع جاج ولبنة وانتي ايش طابخة بينك؟

[غُمُوض أُنثَى]

مـآيآ بتعرفي اسم لمـآر كتيييييير حَلو انا كآن يعجبني اسم ميـآر وميرآ ولمآر جآي عالوزن هههه :))
ربنآ يتمم الكو ع خير يـآرب ..

بجد انا لهلأ مش عآرفة شو بدي اطبخ
وجوزي مو مسآعدني مآ بعطيني اجآبـآت محددة

[بينك روز]

بصراحة انا ماراح اطبخ لانه امي هتجيني على الشغل واروح انا واياها على السوق
ولما اروح ان شاء الله زوجي هيكون محضر النا مشاوي
تفضلوا عندي يا صبايا اليوم

[غُمُوض أُنثَى]

انا كتير بحب المشاوي والله

خلص غدآيآ عندك اليوم ههههه
صحتين وعآآفية يــآآآرب ع البكو حبيبتي

[maya123]

غموض انا كمان اسم ميار كتير بعجبني وكمان اسم ميرال بعجبني كنت متحيرة بين هال 3 اسماء وبالاخر حبينا لمار اكتر شي

وبالنسبة لجوزك هاد شكلو متل جوزي
هاد كل ما اسالو شو حابب اطبخلك؟ بحكيلي انتي ليش بتحبي تغلبي حالك!؟ اتريحي تطبخيش شي فبطلت اسالو الزلام مالهم بالطبيخ

[maya123]

بينك المشاوي كتير زاكي احنا لسا قبل يومين اجا ببالنا مشاوي ورحنا شوينا عند البحر جو كتير حلو كيفنا

[غُمُوض أُنثَى]

بالعكس انا جوزي الو بالطبيخ ههههههه
بس كل ما اسالو شو اطبخ بحكيلي كل شي من ايدك حلو وبآكلو

والله مآ بعرف .. يمكن اعمل استيكات بالكريمة
اي دونت نووو ..

بس احنا كتير بنجيب جاهز لانه كتير بكسل اطبخ ^^


كيف وحامكو ياصبآيآ

[بينك روز]

اهلا وسهلا فيكي غموض بتشرفي والله
واكيد مايا بتنوروني والله
خلص بحسب احسابكم معنا ولا يهمكم
بالنسبة للازواج والله انه احسن منا مابحبوا يغلبونا
زوجي الحمد لله مريحني احيانا هوا الي بجهز الاكل وانا بس عليه أكل

[غُمُوض أُنثَى]

اكيد لانك حاآمل لآزم يعمل هيك ههههه

وجوزي لما كنت حامل كان هوا يلي يعمل الاكل والله

مسآكين

[maya123]

غموض انا الحمدلله من اول الحمل وحامي يعتبر منيح مو متغلبة كتير
بس اخر فترة كتير قلقانة كل يوم بنام على ظهري وبحاول اركز بحركات البنوتة ومو قادرة احس بحركات وكتير خايفة انتو وينتا اول مرة حسيتو بحركة الجنين؟

[maya123]

اه والله الجيزان كتير بساعدوا ما بحبو يغلبونا

[غُمُوض أُنثَى]

اها مهوا وسواس الحامل هادا شي طبيعي

انا ما لحقت احس بحركة الجنين بصراحة
بس غالبا بتكون حركة الجنين هيا عبارة عن رفرفة خفيفة
يعني مش دايما رح تحسي فيها

هيا بتبدا ما بين الاسبوع ال16 لل20
ازا حبيتي تحسي فيها كلي شوكلاتة ونامي ع جنبك اليمين او اليسارر ههههه جربيها

[maya123]

يسلمو غموض راح جربها لانها بصراحة هاي البنوتة مغلبتني ومقلقتني عليها كتير

[بينك روز]

حبيبتي مايا
انا ما كنت احس بحركة الجنين بالشهر الرابع
بس هيك كنت احس بنض خفيف جدا
اما هلا بحس برفرفه خفيفه ودايما بحس فيها بعد ما اكل

[maya123]

شكلو حركة البنات هادية بين روز لهيك بنحس فيها متأخر

[بينك روز]

اكيد الجنين بتأثر بالاصوات الحوليه
انا الحمد لله مافي حد عندي
مافي غير انا وزوجي
واكيد الجو هادي
يمكن مشان هيك بتكون الحركة خفيفة

[maya123]

اذا الجنين بتاثر بالاصوات بهالفترة معناها البنت بدها تتحرك كتير لانو بكرة خطبة اخوي وهسا صرلنا 3 ايام كل يوم بنسهر عند اهلي وبكونوا كتير ناس وضجة وموسيقى اتفضلوا عالخطبة صبايا

[بينك روز]

اها ان شاء الله ألف مبروك يارب
وان شاء الله بتحسي بحركة بنوتك العسوله
انا لما اكون بفرح كتير بحس بالحركة
بتكون منسجمه مع الصوت واكيد بترقص
ههههههههههههه

[maya123]

ههههههههه البنات من قبل ما ييجوا عالدنيا بحبوا الرقص
ان شاء الله احس بحركتها عشان اطمن وما اضلي قلقانة وكمان يوم الاحد عندي مراجعة عند الدكتورة برضو بطمن عليها
ادعلولي صبايا
ان شاء الله ربنا بثبت حملنا وبرزقنا احلى بنوتات

[بينك روز]

الله يطمن قلبك يارب

[عيـ‘ـون المهـ‘ـا]

~بينـــــك روز ~ يسعد مسـ‘ــاكي التجمع منور بوجودك ..مشكوره على الترحيب حبيبتي , عذرا منك على تاخر الرد بس اختلاف الوقت بيني و بينكم ..انا مقيمه في امريكا و توقيت فلسطين بيسبقنا بـ7 سااعات.. بحب ابارك الك في الحمل و ربنا يتمم الك على خير عمري .....احلى مسا لعيونك *_*

[عيـ‘ـون المهـ‘ـا]

سهـــــ2012ــــى > مساء النور و الخير و الخيرات ..كيفك اليــــوم و كيف جنـــ‘‘ــــى اكيد مبسوطه على حركتها الاموره .. سهى هاد اول حمل الك ؟ هلآ عندي الساعه 8:30 الصبح بس لمى قرأت تعقيبك عن الفطور متلي هههههه بكون جوعانه الصبح خصوصا انو هني توم الله يحفظهم ...سلامات حبيبتي منشوفك بعدين

[عيـ‘ـون المهـ‘ـا]

اصبحنا و اصبح الملكُ لله و الحمد لله ,لا اله إلآ الله وحده لا شريك له , له الملك و له الحمد و هو على كل شيء قدير , ربّ اسألك خير ما في هذا اليوم و خير ما بعده و أعوذ بك من شرما في هذا اليوم و شر ما بعده , ربّ اعوذ بك من الكسل و سوء الكبر , ربّ اعوذ بك من عذاب في النار و عذاب في القبر .

[بينك روز]

هلا اختي عيون المهاااا
يسعد صباحك يارب
يسلمو كتير على المباركه
وانتي كمان مبروك التوم
يتربوا بعزك يارب
نحنا هلا عنا الساعة 6 المسا

[احساس أنثى]

منورين صبايا

[بينك روز]

هلا احساس منورين بوجودك ياعسل
كيفك

[احساس أنثى]

تسلميلي يارب

بخير الحمد لله ........ ملانة قاعدة ومافي شغل ولا شي

هيني ع المنتدى من قسم لقسم ^_^

[عيـ‘ـون المهـ‘ـا]

~بينـكْ روز~ مساء الخير ..الله يبارك فيكي عمري ..انا خايفه من شي اسمو hwaml4 ولاده مبكره لانو بيحكو التوأم معظمهم بيولدوا قبل موعدهم ,,و مريحه نفسي قدر المستطاع ,, رغم اني بحب الحركه بس لخاطر عيونهم مستحمله متوكله على ربي و دائما ادعي انو ربي يحفظهم|| و انتي بأي شهر و متى حددولك الولاده ان شاء الله ؟ ربنا يتمم النا على خير ....

[عيـ‘ـون المهـ‘ـا]

~ احساس انثى ~ منور المكان بوجودك .. هيك الحامل دائما تحس الايام بطيئه و ممله .. بتمنالك مساء مريح بعيد عن الملل حاولي انك تشغلي نفسك باس شي مفيد و بتحبيه ...تحياتي ....

[جارة القمر]

مساء الخير

سهى انا من القدس ...................
ياريت بنات نتعرف على بعض يعني كل وحده تكتب عن حالها شوي ..........

بينك روز شو بتشتغلي؟؟

[بينك روز]

مسا النور عيون المها
انا هلا بالاسبوع 21 يعني بالشهر الخامس
وحددتلي الدكتوره موعد الولادة في 22\8 ان شاء الله يارب

[سهى2012]

يسعدك مساكم

جارة - عيون المها - احساس - غموض - مايا- بينك روز- يسعد مساكم حبيباتي

اسفة تاخرت عليكم بالحضور بس كهربا راح تسببلي توتر وانا من غير شي وزوجي مسافر وانا على اعصابي

عيون المها حبيبتي حنى بتكون 4 باولادي بس بعد عشر سنوات كنت عملت تنظيم وبعدها رجعت حملت زوجي بحب صغار هههههه وبحكيلي انا لس ما كبرت بكفي وبده صغير بالبيت يلعب معه هههههههه

غموض ياعسوولة وينك ياروحي فكرتك طلعت بالثورة تونسية قبل يومين ههههههه بس بجد تونس شو مابيصير فيها بضل كتير حلوة باهلها وناسها

بينك روز ياحياتي انتي ليش زعلانة مين مزعلك وانا اضربه لك هههههههه بعدين زعل مو منيح لرهف حبيبتي والف صحة وهنا على مشاوي واحكيلي شو اشتريتي انت وماما من سوق والله انا لس ماجهزت لجنى ولاشي بحكي بس اسافر بشتريلها من تونس وخلص
وبعدين مو انا خبرتك ماتقلقي على رهف بخصوص راسها وكلام دكتورة هي كله بايد رب العالمين هو قادر على كل شي

هي جنى عمرها 25 اسبوع وزنها 655 جم يعني ياروحي وزنها مع عمرها منيح كتير بس انت اهتمي باكلك ومتل ما وصيتك نامي على جنب يسار عشان تتغذا منيج ويارب تقومي بالسلامة وتحطي رهف حلوه بحضنك

جارة حبيبتي انا اسمي سهى وعمري 31 سنة وسكان غزة موظفة بالمجلس التشريعي لحكومة رام الله دراستي الادارة الاعمال وبرمجة كمبيوتر بالجامعة البريطانية ibi يعني كانت دراستي عن الادارة باللغة انجليزية
وعندي بنت اسمها ندى - ولد مجد الدين - ولد فراس وهلاء جنى انشاء الله تنضم لهم وزوجي كمان موظف وهو من الاسرى محررين سابقا هي بالنسبة لي وياريت باقي الصبايا فلسطين او حتى من اي دولة نتعرف عليهم اكتر

وهلاء بحبكم كتير يااحلى واروع صبايا دردشة فلسطين سلامي للجميع

[بينك روز]

هلا جارة حبيبتي منوره
راح احكي عن نفسي شوي متل ما طلبتي
انا عمري الان 25 سنة من مواليد السعودية - جدة
وأقيم حاليا في فلسطين - غزة
درست بكالوريوس محاسبة في الجامعة الاسلامية
اشتغلت بعد ما خلصت دراستي على طول في شركة خاصة
تختص في التخليص الجمركي والبريد الدولي ems
وأعمل فيها حاليا محاسبة
متزوجة من سنتين يعني في 25\4 بسير إلي سنتين بالزبط
حامل بالشهر الخامس واحمل جنين بنوته وان شاء الله راح نسميها رهف
طبعا انا بكرية
وحملي الحمد لله تم بعد رحلة طويلة من العلاج لانه كنت احمل وانزل بسبب التجلطات الي في المشيمة
ما كان يعيش الجنين
والحمد لله زوجي تفهم الموضوع وعالجني
ازا حابين تعرفوا شي تاني انا مستعدة اجاوب عليكم
وياريت كل صبية معنا تحكي عن نفسها شوي مشان نتعرف على بعض اكتر
تحياتي الكم

[بينك روز]

هلا يا مرت خالووووو ازيك
اوعى تكوني بتزعلي لما اقولك هيك
لحسن بكبرك بعدين
^_^
اليوم رحت على السوق انا والماما طبعا وشرينا شوية اغراض لرهوفه حبيبة قلبي
شرتلي الملابس الداخلية وشوية تبنات وملفات
بس شو بجننوا انبسطت عليهم كتير
وان شاء الله راح ننزل مرة تانية ونشتري كمان بس مو هلا
حكتلها مهل لقدام شوي
المهم انتي كيف اخبارك وكيف الاولاد

[سهى2012]

مبروك ملابس رهف حبيبتي ويارب تهريهم بالهنا

انا بخير واولاد كمان خالك بخير وبيسلام عليكم

ومابزعل منك ياعسل عادي انت بتبقي اختي وصديقتي وبنت اخت زوجي وانا بحبكم كتير واكيد بتعرفي ها شي

بعد بكرا بدي انزل شوي على سويدي يمكن اشتري شي لجنى وخالك بيوصي عليها ههههههه بده شعرها يطلع حلو له او لي ههههههه

شاف صورتها وانبسط عليها وسئلني عنك وخبرته برهوف حلوة ومبسوط الك كتير وحكيتلوه عن سهرة يوم الثلاثاء وكمان كان مبسوط لسهرة

شو وين صبايا طيب احنا بغزة وبتقطع كهربا بس تونس عند غموض مابتقطع احسن يصير عندهم ثورة على قطع الكهربا ههههههه وعيون المها كمان امريكيا مابتقطع الكهربا شو بنات شكلكم مع ازواجكم يارب يسعدكم

[بينك روز]

الله يسلمك يارب
والله انا كمان بعدك اختي لكبيرة وصديقتي كمان
وبسمعك كلامك لانك اكتر مني
سلميلي على خالووو كتير
بالنسبة عن الصبايا وين غاتسين يمكن غاتسين مع ازواجهم
ماتنسي انه اليوم الخميس
ههههههههههه

[عيـ‘ـون المهـ‘ـا]

مسا النور عيون المها
انا هلا بالاسبوع 21 يعني بالشهر الخامس
وحددتلي الدكتوره موعد الولادة في 22\8 ان شاء الله يارب


~ روز ~ ربّـي يتمم الك على خيـ‘‘ــر ,,بيني و بينك اسـ2ـــبوعين انا في بدايـة الـــ24 ــ ..في الشهر السادس ,, و بالنسبه لبنوتك عمري لا تخافي ابدأ و استودعيها للرحمن انو يحفظها من كل شر ......و بالنسبه للراس اذا كانت مقاسه اكبر بقليل من الطبيعي لا تهتمي .. اسألي الدكتوره كم نسبة الزياده عند بنتك ربنا يحفظها ...... كتير ناس كانت الهم تجارب متل هيك انو الطبيب يحكيلهم انو الجنين بيعاني من عيب او تشوه و بعد الولاده ما شاء الله ينزل الجنين معافى . بالنسبه للوزن في اخر الشهر الخامس لازم يكون وزنها 500 غم نصف كغم.. وزن بنتك طبيعي لانو في نهاية الاسبوع 21 الوزن تقريبا 400 غم و في الاسبوع ال22 الوزن 490 غم انتي حاولي انك تزيدي من اكل البروتينات و لازم تشوف الدكتوره كمية الدم الواصله للطفله عن طريق المشيمه اذا كل شي تمام لا تخافي..ففوضي امرك الى الله و كتري من الدعاء اليه والصدقه و الاستغفار و بأذن ربنا راح يكرمك فيها معافيه سليمه من غير زياده او نقصان ...اقرأي موضوعي ~من خلق هو من يتم الخلق ~ طولت عليكي ...الك مني كل الود

[عيـ‘ـون المهـ‘ـا]

I'M BACK ~~~ جـــارة القمـــر ~~~ بطاقتي الشخصيه المتواضعه إحـم إحـم ...> انا من القـدس الشريف مغتربه في امريكــا من 12 سنـــه منذ بداية زواجي .. دارسه دبلوم محاسبـــه و سنه و كم شهــر لغه انجليزيه في امريكا ,,توقفت عن الدراسه بسبب حملي التوام لان حمل التوأم بيحتاج الى راح تامه و عنايه خاصه .. عندي بنتين ربي يحفظهم ~ اسيل~ و لانـا ~ و هاد حملي الثالث~مستقره في حياتي ..زوجي يعمل في شركة Taylor Kia لبيع السيارات .. افتقد الكثير من الصديقات و الاهل في غربتي لكن اسرتي و ربي ملاذي و سعادتي .. هذا عن نفسي باختصار......

[عيـ‘ـون المهـ‘ـا]

~ سهـــ2012ــى و ~ بينك روز ~hwaml17 هههههههه ضحكتوني البنات وين غاطسين ! سهــى ربي يحفظ اولادك و يتمم الك حملك على خير كتير نايس اسمائهم زوئك حلو بالاسماء ..رحلتك الى تونس اقامه و ألا زياره ؟ ديري بالك على حالك السفر متعب للحامل .. الله يحفظك

[عيـ‘ـون المهـ‘ـا]

~ بينك روز ~ نزلت تعقيب في صفحة 94 و بعدين عدلت ردّي كنت مفتكره انو بنوتك الله يحفظها عندها زياده في الوزن مو العكس ..سوري ما كنت فاهمه الوضع ,,عالعموم إقرأي ردي في الصفحه94 بعد التعديل.

[سهى2012]

صباح الحلويين

بينك روز ياعمري انتي يارب تشوفي رهف بحضنك وبحنانك في متل بحكيلك اسئل مجرب ولا تسأل طبيب وانا من خبرتي باولاد خالك تعلمت منهم وعلى فكرة كل حمل بيختلف عن تاني وحمل بنات اصعب من حمل اولاد وانت بتعرفي اولاد خالك من طبيعتهم هههههههه

عيون المها غاليتي هلا ياعسل كيف توأم اكيد بعملوا فيكي مصارعة بطنك ههههههه يارب تشوفيهم على خير وتحميلهم بحضنك وحنانك

انا جنى مبارح ما خلتني انام كل وقت ترفس وتضرب وتعمل شغلت هههههههه مابعرف كيف افسرها بس مبارح بالليل حطيت ايدي على بطني وكنت احسس عليها واسكت شوي تصير تضرب بنفس مكان حطيت ايدي ههههه نبسطت عليها وعرفت انها بتتجاوب معي وبتشعر بحركة ايدي عليها الله يحميها يارب وتيجي بالخير وصحة جيدة

على فكرة صبابا انا كنت موقفه حمل 10 سنين بس والله لما حملت مرة هي شعرت وكأني اول مرة راح يجيني بيبي وكنت كتير مبسوط شعور حلو كتير الامومة رغم صغاري اشقياء ههههه وكمان بنوتي ندى وعمرها 11 سنة عم تسنى اختها اكتر مني وبتحكيلي انت بس خليها تيجي عالدنيا ورضعيها وباقي انا بعمله لها حتى بتفكر بدها تصير تاخدها على مدرسة ههههه اخدتها قبل يومين عند كتورة وقفت جنب جهاز التصوير وصارت هي تسئل دكتورة هههههه دكتورة حكتلها بدك بنت ولا ولد قالت لاء بدي بنت هي لي انا هههههههه وكانه لعبتها هههههه وصارت تضحك كيف بتتحرك جنى بطني وبعدها اخدت صورتها من دكتورة وخبتها مني هههههه ومين يجي علي بالبيت تخليهم يشوفه اختها ههههه
حلو أولاد بالبيت وأحلى يكونوا متفاهمين وبتحسي انهم كبروا بسرعة مع البيبي الجديد معلش صبايا دائما بكتب محادثة طويله بس هون بيتي تاني واهلي واخواتي حلوين

[غُمُوض أُنثَى]

يـآصبآح الورد لآحلى صبـآيـآ ..

مآشآء الله عليكو نشيطين وصآيرين تحكو كتير ^^

كيفك سهى شو اخبارك حبيبتي لآ انا مليش في الثورة التونسية ههههههه بس اليوم كانو عاملين اضراب ع فكرة

كنا طالعين انا وزوجي النا يومين صايعين بنطلع وبنرجع اخر الليل :))

حآسة حآلي زغلولة بينكو .. انا 23 سنة لسآ وبآقيلي شهرين وبصير سنة متزوجة ان شاء الله

بس سبحان الله كيف مروا بسرعة هالشهور والله ماحسيت فيهم بالمرة !

عيون المهاآ مآشآء الله الك 12 سنة متزوجة ؟ اديش عمرك انتي

وع فكرة انا مغتربة متلك بس في تونس ,

نهـــآركُم سعييييد يآ بنآآآآت

[بينك روز]

صباح الخير صبايا
كيفكم شو اخباركم جمعة مباركة عليكم يارب

حبيبتي مها يسلمو كتير فهمت عليكي بس انا ماكنت خايفة من الوزن
كنت خايفة من مشكلة الراس
بس ان شاء الله كل شي بسير تمام

صباح الخير سهى شو صاحيه بدري
والله انا لسه توه صحيت بس لسه ما قومت من لفراش حبيت احكي معكم بالاول

غموض يسعد صباحك حبيبتي ان شاء الله طول عمرك تكوني مبسوطه في حياتك
استغلي كل فتره حلوه هلا لانه بعد هيك اكيد هتنشغلوا مع الاولاد

يسعد صباحكم جميعا يارب

[غُمُوض أُنثَى]

تسلميلي حبيبتي بينك روز ..

الواحد بحآول يستغل قبل ما يجو الولاد :)

وين الصبايا مختفييين

بنآت بكرآ جآيين اصدقاء زوجي وانا كل مرة بحتار شو اعمل ضيافة !!

شو فكركم اعمل سآعدوني

[سهى2012]

هلا غموض وينك ياحلوه والله تونس باخد منا الناس الحلوين والغاليين زوجي متلك غاطس بتونس عم يصيع مش فاضي لي ههههههه وبيحكي معي وكانه عايش بحلم بتونس مبسوط فيها كتير وبيحكي كتير كتير حلوه طبعا انا بعرف تونس وعشت وتربيت فيها لهيك شو مايحكي بعرفها منيح تونس وبضل جميلة وحلوه كتير

وبعدين ياعسل عندك اكل تونسي كتير زاكي اعملي كسكسي وطاجين وصلته مشوية او بيتزا ومعجنات كروسون باتيه بعرفك شاطرة مابنخاف عليك بالضيوف






يـآصبآح الورد لآحلى صبـآيـآ ..

مآشآء الله عليكو نشيطين وصآيرين تحكو كتير ^^

كيفك سهى شو اخبارك حبيبتي لآ انا مليش في الثورة التونسية ههههههه بس اليوم كانو عاملين اضراب ع فكرة

كنا طالعين انا وزوجي النا يومين صايعين بنطلع وبنرجع اخر الليل :))

حآسة حآلي زغلولة بينكو .. انا 23 سنة لسآ وبآقيلي شهرين وبصير سنة متزوجة ان شاء الله

بس سبحان الله كيف مروا بسرعة هالشهور والله ماحسيت فيهم بالمرة !

عيون المهاآ مآشآء الله الك 12 سنة متزوجة ؟ اديش عمرك انتي

وع فكرة انا مغتربة متلك بس في تونس ,

نهـــآركُم سعييييد يآ بنآآآآت

[سهى2012]

بينك روز ياحبيبتي انتي والله صليت صبح وضليت صاحية جنى الليلة مانمت منها ماشاء الله عليها بتحرك كتير مابتحب حركة إلا بالليل وعملت عليها تجربة لليلة اشوفها بتتجاوب معي ولاء بس حبيبتي تجاوبت معي وضلت تضرب ماسكتت بس قبل شوي نمت ساعة وكانها بتعرف وقت نومي بتبلش ضرب وحركة ههههههه طالعه لاولاد خالك

المهم تعالوا عندي يوم شوفي بنات تعالوا عنا بنسهر مع بعض طيب قرري واحكي معي


صباح الخير صبايا
كيفكم شو اخباركم جمعة مباركة عليكم يارب

حبيبتي مها يسلمو كتير فهمت عليكي بس انا ماكنت خايفة من الوزن
كنت خايفة من مشكلة الراس
بس ان شاء الله كل شي بسير تمام

صباح الخير سهى شو صاحيه بدري
والله انا لسه توه صحيت بس لسه ما قومت من لفراش حبيت احكي معكم بالاول

غموض يسعد صباحك حبيبتي ان شاء الله طول عمرك تكوني مبسوطه في حياتك
استغلي كل فتره حلوه هلا لانه بعد هيك اكيد هتنشغلوا مع الاولاد

يسعد صباحكم جميعا يارب

[عسولة فلسطين]

يسعد مساكم يا صبايا
وجمعة مباركة علينا وعليكم يارب
بنت الضفتين الله يبارك فيكي يارب انا خوفي بس لأني بخاف احمل الصغار ومن هالحكي بس بالنسبة للترباية ما تخافي زي ما تربيت ان شاء الله حربي
أهلين يا عيون المها الله يتمملك على خير ان شاء الله
مايا>>> انتي سبقاني باسبوع وانا ع فكرة متلك بس بحس بنبض واحيانا بحس كانه حد بيزغزغني هههه بس مرة حسيت فيها مابعرف هاي حركة والا ايش الله يطمن بالنا ومبارك لأخوكي
جارة واحساس وبينك روز و سهى وغموض طمنونا عنكم
يا بنات حوااااااااااااااء ولولو وسما مختفيين
يمكن لولو ولدت؟
وسما مشغولة مع البيبي
طيب حواء وين ما بتبين والله قلقانة عليها



يمكن أبطل أدخل كتير النت لأنه بحضر حالي لامتحان التوظيف ادعولي يا بنات
حبيت أطمن عليكم وتحياتي للجميع

[عيـ‘ـون المهـ‘ـا]

مساء جمعــ‘‘ــه مبــ‘‘ــارك علـ‘‘ــى الجميـ‘‘ــع ~ احساس انثى ~انعديت منّك اليوم انا الملل زايرني .. زوجي بيحكيلي تعالي على معرض السيارات عندنا غيري جو hwaml16..شو اخبارك اليوم طمنينا عنّـــــــك . حبوبه؟

[عيـ‘ـون المهـ‘ـا]

~جارة القمر~ ان شاء الله تكوني هلآ تعرفتي شوي علينا و لا تنسي تعرفينا على حالك ..تحياتي الك و للقدس مشتاءه الها موووت ~ سهــ2012ـى ~ كيفك حبيبتي اليوم ؟كيف الاولاد؟ لآ شو مصارعه انا توأمي هاديين ما شاء الله عنهم مؤدبيين ههه ~بينك روز~ كيفك عمري ؟ القلق مو منيح الك و لا للبـbabyـي ربي يطمن قلبك وبالك..~عســولة فلسطين ~ يا هلا فيكي عيوني تحيي و تدومي ~ توتي كيوتي~ ذكرتي مره بتعقيب انك متلي في امريكا اي ولاية انتي ربّ صدفه خير من الف ميعاد يمكن تكوني بنفس ولايتي و نكون قراب على بعض طمنينا عنك ربي يقومك بالسلامه

[عسولة فلسطين]

الله يسعدك عيون المها
متى حسيتي بحركة التوأم
لأني بس بحس بتوأمي نبض واحيانا شد كمان

[عيـ‘ـون المهـ‘ـا]

الله يسعدك عيون المها
متى حسيتي بحركة التوأم
لأني بس بحس بتوأمي نبض واحيانا شد كمان
انا حسيت بحركة التوأم في اخر الشهر الرابع على الاسبوع 17 و 18 و كان على شكل نبض ورفرفه خفيفه و مع كل اسبوع بتزيد الحركة ..لدرجة اني هلآ بحس لمى يغيروا موضعهم ..شو بان معاكي جنس توامك و إلا بعد ما عرفتي ؟

[جارة القمر]

مساء الخير

بنات منورين ما شالله

وشكرا على تعريفكم بنفسكم .,,,,,,,,,,

انا اسمي هديل عمري25 متزوجه من 4سنوات ونص
وعندي ولداسمه يزن عمره 4 سنوات
وهلأحامل بالشهر السابع كمان بولد الحمد لله على كل حال مع .....اني كنت بتمنى تجيني بنوته
ولحد هلا مش متفقين على اسم للبيبي

موظفة اخصائية اجتماعية بتخطيط وادارة مشاريع اجتماعية ..........

مواليد السعوديه - الخبر والاصل من القدس وعايشه فيها


وهاد هو ..............

[سهى2012]

صباح الخير جارة القمر - عيون المها صباح الخير للجميع

ادعولي يابنات اليوم عندي كمان شوي موعد عند دكتورتي بدي اطمن على جنى حبيبتي انا كل اسبوع او اسبوعين بيكون عندي مراجعة عند دكتورة عشان عندي ضغط عالي وسكر وطبعا كانوا معي من قبل الضغط وسكري يعني قبل الحمل وانا اخد علاج للمرضين الله يشفيني ويشفي جميع من الامراض لهيك دكتورة بتابع حالتي صحية وحالت جنين كل اسبوع لاسبوعين وحتى حكتلي انها راح توالدين بشهر 7 وعملية سيزيرية ((قصرية)) عشان ضغط دائما علي وبتخاف على جنين دعوالي ياصبايا اليوم يكون ضغطي منيح وبنوتي الصغنونة تكون بخير

اسعد الله صباحكم وجلعه مليئ بالخير والسعادة
تحياتي سهى

[بينك روز]

صباح الخير
أصبحنا وأصبح الملك لله

[بينك روز]

الله يطمن قلبي سهى
وان شاء الله بكون وضعك تمام يارب

[سهى2012]

يسعد صباحك بينك روز

والله ياعسل ماطمنت هلاء روحت من عند دكتورة وحسيتها ماكانت مرتاحة وهي بتفحص بالجنين وطلبت بعد اسبوع اعمل فحوصات هرومانات ودم وسكري وكانت تحكي مع دكتورة تانية باللغتهم مافهمت علية وسالتها كيف بيبي حكتلي انشاء الله بيكون بخير وكمان ضغطي كتير عالي واعطتني كمية علاج مضاعفة للضغط تنكدتت ورحت وانا مش مبسوطه يارب تكون بنوتي بخير

[maya123]

صباح الخير صبايا كيفكم؟

سهى حبيبتي ما تخافي ان شاء الله خير ان شاء الله انتي والبنوتة سالمات والله يشفيكي من الامراض
انا بكرا عندي مراجعة للدكتورة ادعولي

[عسولة فلسطين]

يسعد مساكم صبايا
كيفكم سهى ان شاء الله خير يارب وربنا يتمملك انتي والبيبي على خير
عيون المها ... لما رحت آخر مرة الاتنين كانوا حاطين رجل على رجل هههههه خجلانين
ما عرفتهم ايش
بس اللي من الله يا ما أحلاه

[بنت الضفتين]

كيفكم صبايا
عاوزة أسألكو انا حامل فى نص الشهر السابع ووزن البيبى كيلو 100جرام هل هاد الوزن طبيعى ولا فى زيادة ووزنى زاد من بداية الحمل 15 كيلو هل الزيادة هاى طبيعية؟

[عيـ‘ـون المهـ‘ـا]

كيفكم صبايا
عاوزة أسألكو انا حامل فى نص الشهر السابع ووزن البيبى كيلو 100جرام هل هاد الوزن طبيعى ولا فى زيادة ووزنى زاد من بداية الحمل 15 كيلو هل الزيادة هاى طبيعية؟
يسعد مساكي ..حبيبتي لو تحكيلنا انتي بأي اسبوع من الشهر السـ7ـابع ..و طولك و كم كان وزنك قبل الحمل و هلآ بعد الحمل لحتى نحسبلك ؟

[عيـ‘ـون المهـ‘ـا]

سهــ2012ـى * يسعد صباحك و مسائك * الف لا بأس عليكي حبيبتي ..طبعا السكري و الضغط مو مناح للجنين ابدا ..خليكي متابعه مع الدكتوره و السكري اكيد انتي ماشيه على حميه غذائيه و عندك جهاز قياس السكر و بتقيسي كل يوم ..ما بعرف اذا بتاخدي ابر انسولين بس الحميه الغذائيه لازم لحتى تضبطي السكر كم نسبة قراءات السكر و الضغط عندك؟ قد ما تقدري ابعدي او خففي الخبز و الارز و البطاطا و كتري خضراوات قد ما تقدري و اشربي مش اقل من 2 لتر مي في اليوم .. اكيد دكتورتك معطيتك ارشادات معينه بالنسبه للاكل و الحركه و الدواء..معافيه ان شاء الله وخبرينا عن فحوصاتك لمى تعمليها ..دمتي بصحه و خير

[جارة القمر]

ربي يشفيك ويعافيك يارب يا سهى وتشوفي جنى سالمه غانمه بين ايدكي
يارب توكل على الله

[سهى2012]

يسعد صياحك حبيبتي مايا

شكرا كتير لوقفتك معي وانشاء الله اطمن على جنى يوم الخميس دعواتك ياعسل وانشاء الله ياحبيبتي انت كمان بتطمني عند دكتورة
تحياتي الك واتمنالك يوم سعيد


صباح الخير صبايا كيفكم؟

سهى حبيبتي ما تخافي ان شاء الله خير ان شاء الله انتي والبنوتة سالمات والله يشفيكي من الامراض
انا بكرا عندي مراجعة للدكتورة ادعولي

[سهى2012]

صباحك ورد ياعسولة
يسلموا ياعمري لوقفتك معي ودعائك اتمنالك من ربي سعادة والخير ويارب تشوفي توأم بحضنك وبحنانك
تحياتي لكي ياعسل

يسعد مساكم صبايا
كيفكم سهى ان شاء الله خير يارب وربنا يتمملك انتي والبيبي على خير
عيون المها ... لما رحت آخر مرة الاتنين كانوا حاطين رجل على رجل هههههه خجلانين
ما عرفتهم ايش
بس اللي من الله يا ما أحلاه

[سهى2012]

ياروحي انتي ياعيون المها
بجد مابعرف كيف اشكرك لوقفتك معي وخوفك علي ياروحي انا اكيد من قبل الحمل كنت بعمل حمية من السكري والضغط حتى كنت العب رياضة بالنادي وفجاة نزل وزني 20 كيلوا كانت 80 وفجاة صرت 60 وقتها مدربة نادي استغربت بوقت قصير انزل بالصورة هي وطلبت مني وحتى شجعتني اعمل فحص للدم وقتها عرفت نفسي حامل بس حمل مع سكري وضغط وحمية قوية هما سبب نزول وزني وبشهر وقتها وقفت رياضة ورجيم وبلشت اتابع مع دكتورتي بخصوص حمل وسكري وانا والحمد الله من نوع بيخاف من الامراض هي وعملت حمية مو طبيعية لدرجة وصلت شهري رابع بالحمل وانا بنزل بالوزن وخسرت كمان 3.5 كيلو من وزني بس وقتها عصبت علي دكتورة وطلبت اكتر من اكل سمك وكبدة عشان دم نزل عندي 6 وضغطي دائما 140/100 واحيانا بيوصل 150/110 والحمد الله مستمرة بالعلاج والحمية بس كل شهر جديد بالحمل بيزيد نسبة الضغط وسكري عندي لهيك واكيد اني راح تكون ولادة سيزيرة ((قيصرية)) مافي غير اقول الحمد الله رب العالمين المهم عندي تكون (( جنى)) بخير واطمن عليها انشاء الله كمان يومين بالفحوصات دعواتك لي ياروحي وبكرر شكري مرة تانية ياعسل


سهــ2012ـى * يسعد صباحك و مسائك * الف لا بأس عليكي حبيبتي ..طبعا السكري و الضغط مو مناح للجنين ابدا ..خليكي متابعه مع الدكتوره و السكري اكيد انتي ماشيه على حميه غذائيه و عندك جهاز قياس السكر و بتقيسي كل يوم ..ما بعرف اذا بتاخدي ابر انسولين بس الحميه الغذائيه لازم لحتى تضبطي السكر كم نسبة قراءات السكر و الضغط عندك؟ قد ما تقدري ابعدي او خففي الخبز و الارز و البطاطا و كتري خضراوات قد ما تقدري و اشربي مش اقل من 2 لتر مي في اليوم .. اكيد دكتورتك معطيتك ارشادات معينه بالنسبه للاكل و الحركه و الدواء..معافيه ان شاء الله وخبرينا عن فحوصاتك لمى تعمليها ..دمتي بصحه و خير

[سهى2012]

نهارك ويومك كل خير وحب وسعادة

حياتي جارة القمر..... يسلموا ياحياتي على دعوتك وخوفك عليا ويارب يسمع منك واشوف جنى روحي بخير وسلامة انا مش مهم بقدر ما هي عندي اهم وتوكلت على الله وهو قادر على كل شي

يسعدك حياتي ويارب تكوني انتي كمان بخير وسعادة

ربي يشفيك ويعافيك يارب يا سهى وتشوفي جنى سالمه غانمه بين ايدكي
يارب توكل على الله

[سهى2012]

بينك روز وغموض انثى وباقي صبايا وينكم اليوم

اتمنى للجميع يكونوا بخير وسعادة ويسعد صباحكم ويومكم

[جارة القمر]

يسعد صباحكم

وصباح الانوار والسعاده لك يا سهى انت و جنى ويطمن قلبك يارب

كيفكم؟شو عاملين ؟
انا لازم اراجع الدكتور هذا الاسبوع ..............عملت قبل فترة فحوصات طلع نسبة دمي 10 قلي
الدكتور لازم اعلى واعطاني فولك اسد اقوى من الكان عندي حاسس حالي من كتر ضغط الشغل والتعليم
ومشاغل الدنيا اني مهمله بحالي وبالبيبي مع اني بحملي الاول اسم الله كنت كتير اهتم .........

[maya123]

صباح الخير صبايا كيفكم؟
جارة ما تضغطي حالك كتير اهم شي انتي والبيبي ديري بالك

صبايا انا اول اول امبارح كنت بخطبة اخوي هسا هيك مرة وحدة وانا هناك حسيت حالي مو قادرة اتنفس ووجهي ساخن كتير والم راس مو طبيعي وروحت رحت عالمستشفى
حدا منكم مرة صار معها هيك؟ غريبة هاي اول مرة بتصير فيي

[جارة القمر]

مايا سلامتك الف سلامه ما عندي علم بهالحاله بس ممكن تعب !

[بنت الضفتين]

كيفكم صبايا
انا حامل بنصف الشهر السابع ووزن البيبى كيلو و100جرام هل هاد الوزن طبيعى ولا فى زيادة؟

[احساس أنثى]

صباحكم سكر ياحلوين

سلامتك ياجارة ...أنا مبارح الدكتورة حكتلي لازم كل شهرين تعملي تحليل دم وبول الله يكرمكم عشا الوحدة تتطمن ع حالي

ماكنت بعرف كنت مفكرة الوكالة بتعملوا وخلص حكتلي لأ مابنفع ... لسى ماعملتوا

بس انتي عليكي بالعصاير بتقوي الدم ...


والله يابنت الضفتين مابعرف بالنسبة لسؤالك بس شو حكتلك الدكتورة هيا بتعرف؟

[سهى2012]

يسعد مساكم جميعا
سلامتك جارة وفحوصات الدم بتكتر خصوصا بعد الشهر الخامس انا من تجربتي عملت شهر ماضي مرتين فحوصات دم وبول وكل فحوصات لازمة للبيبي ولي وبخصوص حديد او فولك اسد منيح انك تستمري وتاخديه حتى لو كميته اكتر عشان نسبة دم ماتنخفض عندك وعند البيبي
والف سلامة عليكي ياروحي

احساس انثى كيفك ياعسل انشاء الله يومك يكون بخير وحلو

مايا ياحبيبتي سلامتك وهاد شي طبيعي بيصير معك هيك انا صارت معي من كم يوم وعادي تقلبات الحمل وكمان جوا له تاثير بس انتي حاولي تبعدي عن مكان فيه كتير ناس لانه اكتر شي بتحسس جسمك بهيك فترة فما تخافي ياقلبي عادي بس كتري شرب مي بالشهور هي

بنت الضفتين وزن البيبي عندك كتير منيح وماتخافي هي انا بالشهر السادس وزن البيبي وصل 655كجم يعني ما بوصل سابع حتى يكمل وزن متلك عادي مهم اهتمي بنوع غذاء ومشروبات بالفترة هي وانشاء الله ربنا يتمملك على خير

[عيـ‘ـون المهـ‘ـا]

عطَّـر الله صباحكـ‘ـم و مسائكـ‘ـم بالبسمه و الصحه و السعاده ..^.. ~~سهـى~~ ربنا يكون معك و يتمم حملك على خير هانت حبيبتي راح الكتير و ضل القليل استمري و تابعي مع دكتورتك || بسمع عن شراب الكركديه كتير ممتاز بخفض الضغط ما بعرفه بس بشكرو فيه بنقعوه و بصفوه و انتي كمان ساعد نفسك بشراب الزنجبيل للسكري امي معاها سكري و الدكتور نصحها فيه كوب صغير بعد الاكل || دائما استودعي نفسك و جنينك للرحمن و ربنا لا تضيع ودائعه و اكثري من قول"""(اللهم بك استدفع كل مكروه انا فيه و اعوذ بك من شره يا ارحم الراحمين)) سلامي الك معطر بالورد الجوري

[عيـ‘ـون المهـ‘ـا]

الغاليات ~بينـك روز~ أحساس انثى~ عسولة فلسطـين ~ و الجميع بتمنى تكونوا في احسن حال و لا تحرمونا من وجودكم معنا تحياتي الكم..احساس انثى لا تهملي اي فحص اعملي فحوصاتك اول بأول حتى تطمني دائما .

[عيـ‘ـون المهـ‘ـا]

جـ,,ــارة القمــ,,ــر ~ كيفك بنت بلدي ؟ اهتمي عمري بصحتك و صحة البيبي ..انا كان دمي ممتاز و هلآ في الشهر السادس صار تقريب الـ11 و دكتورتي حكتلي لازم يكون 12 شوفتي التوأم سحبوا كل الحديد من جسمي hwaml15 كتبتلي على حبوب حديد .. و انا صرت اركز على اكل السبانخ و الملوخيه و عصير البنجر و كل شي بيحتوي على حديد ..لاني ما بحب اعتمد على الفيتامينات بس ...سلامي و ودي الك .

[جارة القمر]

مساء الخير


بنت الضفتين وزن البيبي مناسب مو زيادة انا باول يوم بالسابع قلي الدكتور وزن البيبي كيلو و 400 بس انا
مش مصدقه لانه كان مستعجل ومش مركز يوم الثلاثاء بدي روح على دكتور تاني واعرف
بس الوزن المناسب هو 1000 غرام يعني كيلو في بداية السابع ...............يعني وزن البيبي عندك منيح


سهى و عيون المها ربي يسعدكم ويسهل ولادتنا جميعا ........................

[بينك روز]

صباح الخير صبايا
كيفكم شو اخباركم
معلش ما فوتت لانه انتو عارفين الكهربا
يلا بعين الله
طمنوني عنكم

[غُمُوض أُنثَى]

ﯾﺳﻋﮃ ﺻﺑﺂﺣﮑۆ آפﻟآ ﺻﺑآﯾﺂ

ﺂﻧ ﺷﺂء آﻟﻟھَہّ ﯾۆﻣ̝̚ﮑﻣ̝̚ ﯾﮑۆﻧ ﺳﻋﯾﮃ ﯾﺂړُﺑ

ﻋﺳۆﻟة ۆﭴآړُة ۆﺑﯾﻧگـ ړُۆژ ۆﺳھَہّـﮯ ۆآפﺳﺂﺳ ۆﻣ̝̚آﯾﺂ ۆآﻟﺑﺂﻗ̮ـ̃ﯾ

ﻁﻣ̝̚ﻧۆﻧآ ﻋﻧگـۆ

[عاشقة الاقصي]

السلام عليكم
اللهم لا ترني فردا وانت خير الوارثين
الخبرات والمعرفه بخصوص الحمل بهذه الفتره ..
ونتمنى مراعاة الآتي حتى لاتتعرضين للتوقيف والحضر من المنتدى :



عدم التدخل بخصوصيات العضوه .
أحترام وجهات النظر وعدم الشتم والتجريح والكلمات الغير لائقه لأي عضوه .
تبادل الإميلات والأرقام وروابط المواقع داخل التجمع ممنوع .
يمنع تنزيل أي عمل تجاري أو عروض داخل التجمع.
يمنع التطرق والتعرض للأعراض أو للعنصريه أو للقبليه أو الطائفية والتي بها تجاوزات دينيه وسياسيه.
يمنع فتح تجمعات إلا بعد التنسيق مع مشرفات القسم أو الإداره .



نتمنى التعاون معنى وأتباع قوانينا التي وضعت من أجلكن لتتمتعن بدردشه راقيه وذات فائده
,,

[maya123]

صبايا كيفكم اليوم؟ امبيرح كانت عندي مراجعة للدكتورة والحمدلله كلشي تمام وامبيرح شعرت بحركات البنوتة لاول مرة وكتير انبسطت

كيفكم؟شو عاملين؟ شو طابخين؟

[لولو حمادة]

ولدت باحلى البشر
عريس مثل القمر
سبحان ربي اللي امر
اعطاني هدية العمر
محمد

ربي يحفضك طول الدهر

[لولو حمادة]

مرحبا صبايا كيفكم
انا ولدت يوم 8\4 الحمد لله
ربنا يقومكو بالسلامة
كيفك حواء وجارة واحساس انثى وعسولة وغموض والصبايا الجدد

[غُمُوض أُنثَى]

مًبِرَوَوُوَوُۇۈۉوَوٌوٌوٌوِوَڳُ يُأٌ عَسٌلٌ

أٌلّلِهًمّ صّلَيِ ۶ـلِى سٌيٌدٌنُأِ مِحِمًدً

ۇۈۉأِسٌمّ مًحٌمٌدً مُأِفُيَ بٌعٌدَهّ طٌبُعٌأِ

أٌلٌلٌهُ يَخُلًيّلَڳّ يًأَهً يِأُرِبٌ وّيٌحُمُيِهً

وّأَلّحٌمّدًلّلَهٌ عً سَلًأًمَتِڳُ يِـأُرًبِ

...

ڳٌيُفُڳً مّأَيٌأَ أَنٌ شٌأَء أُلًلُهّ دِأَيَمُأً يٌڳًوّنً ڳَلِ شُيُ تَمَأًمً

أٌلّلٌهٌ يِتِمُمَ لِڳَ عٌ خٌيًرً يّأَرًبّ

[maya123]

الف الف مبروك الصبي اخت لولو حمادة جعله الله من الاولاد الصالحين

انا الحمدلله غموض كتير منيحة كيفك انتي؟ في حدا هون؟

[حواء مثالية]

السلام عليكم

كيفكم شو اخباركم الي من الظهر هووووووووووون بس عم اقرأ باخباركم

سما الحمدلله على سلامتك يا قلبي يتربى بعزكوا ان شاء الله

لولو مبروك عليكي والف الحمدلله على سلامتك ياقلبي

عسولة مبروك التوأم الف الحمدلله على عطا ربنا

جارة ياقلبي الك وحشة كيفك وكيف الحمل معك

غموض الله ما يحرمنا طلتك يارب

مايا الله يسعدك وتكون كل ايامك حلوه

احساس الله يتمملك على خير يارب وتكوني دايما بخير


كل الصبايا لجداد هلا فيكم نورتوا

ممممممممممممممممممممممممممممممممممم سبب غيابي كثير شغلات

اهمها انه صار مشكله بخطوط التلفون والنت عندي بالمنخفض الاخير وعندنا ببيت لحم كل يوم عيد شكل وعطله شكله الهم فترة

بس الحمدلله انا كثير منيحه وكثير بخير وبنوتي كمان ما شاء الله عليها اليوم كنت عند الدكتور كلشي تمام صحتها وكلشي بتعلق فيها

يومين بنزل بالسابع شوفو الايام كيف بتمر بسرعة الله يتمملنا على خير وسلامة يارب
بس بطني بعدووووووو صغير يعني مو مبين اني حامل ولا حد شافني وصدق اني حامل بس الدكتور حكالي ما في مشكله عادي كلشي طبيعي ومن ست لست بختلف هالشي

بعدني ما قررت شواسميها اليوم زوجي حكالي راح نقرر شو بطلع معنا اكيد راح اخبركم

دايما كنتوا ببالي

[عيـ‘ـون المهـ‘ـا]

~لولو حمــاده ~ الفــــ1000ــــ مبـ*ــروك ــــ يتربّـى بعــزكم و يجعلـــه من مواليـــد السعـــاده و الهنـــا ...

[غُمُوض أُنثَى]

حوااااااااااااااااء

اخيرآ طليتي ياآ قمر

والله توحشناكي برشآ حبيبتي

وقلقناآ عليكي بس الحمدلله انك بخيرر اهم شي والبنوتة بخييير

ياآرب تكوني دآيمآ بخير نورتي والله

[سهى2012]

صباح الخير حبيبتي غموض انشاء الله تكوني بخير وسعيده ياقلبي

معلش انا هاليومين تعبانة ومدايقة على موضوع الفحوصات يوم الخميس ولس كمان ماطمنت على جنى يعني مزاجي مش كتير ونفسيتي سيئة ما تزعلي مني حبيبتي على عدم تواصلي معكم بس دائما باتمنالكم الخير وسعدة جميعا
تحياتي سهى


ﯾسعﮃ صبآحکۆ آפلآ صبآﯾآ

آن شآء آللھَہّ ﯾۆم̝̚کم̝̚ ﯾکۆن سعﯾﮃ ﯾآړُب

عسۆلة ۆﭴآړُة ۆبﯾنگـ ړُۆژ ۆسھَہّـے ۆآפسآس ۆم̝̚آﯾآ ۆآلبآق̮ـ̃ﯾ

طم̝̚نۆنآ عنگـۆ

[سهى2012]

صباحك حلو حبيبتي مايا الحمد الله طمنتي على صحتك وعلى بنوتك يارب تقومي بالسلامة وتشوفيها بحضنك ياعمري اسعد الله الايامك وحياتك

صبايا كيفكم اليوم؟ امبيرح كانت عندي مراجعة للدكتورة والحمدلله كلشي تمام وامبيرح شعرت بحركات البنوتة لاول مرة وكتير انبسطت

كيفكم؟شو عاملين؟ شو طابخين؟

[سهى2012]

http://t3.gstatic.com/images?q=tbn:ANd9GcSXelZSvSdTQEU-SA1_i9QEa8qb7AzjmQeznZglhWWImlTa4bhO7q8chX8Q

مرحبا صبايا كيفكم
انا ولدت يوم 8\4 الحمد لله
ربنا يقومكو بالسلامة
كيفك حواء وجارة واحساس انثى وعسولة وغموض والصبايا الجدد

[سهى2012]

عيون المها حبيبتي يارب تكون بخير ومبسوطة

اتمنالك يوم مشرق وجميل كله خير وسعادة ياقلبي

تحياتي لك ياعمري

[سهى2012]

بينك روز .... ياعسولة انتي كيفك شو اخبارك وانشاء الله بخير وبنوته رهف بالف خير

جعل الله يومك كله خير وسعادة واشوفك دائما مبسوطة ومرتاحة

سلامي لاهل حبيبتي

تحياتي ياروحي

[سهى2012]

جميع صبايا حلوين معنا بدردشة

اتمنالكم جميعا الخير والسعادة

ويتمم لكم الحمل وتقوموا بسلامة

سلامي للجميع سهى

[حواء مثالية]

صباحكم عسل نهاركم رايق

[احساس أنثى]

صباح القشطة ع الجمييييييييييييييييع

[جارة القمر]

http://t1.gstatic.com/images?q=tbn:ANd9GcSzCL-WjQmEhGLKRXqNUL35oeLvbKK3fn_JfggFTbWYXbE3sL3m

لولو الف الف مبروك يا عسل يتربى بعزك وبعز زوجك يااااااااااااااااارب

الحمد لله على سلامتك


http://t0.gstatic.com/images?q=tbn:ANd9GcRtAhYKa3dnS9AJ7SQnwZikGS4RbvL9k d70j-SheZzy2IYybVIR9A
حواااااااااااااااااااااااااائتي اشتقتلك كتيييييييير الحمد لله طلع المانع خير الايام بتركض ركض بكرا بنجي على الدردشة ونحن عنا البيبي



---------------
حبيبتي سهى ربي يطمن قلبك ارجوك ما تقلقي بلاش يرتفع عندك السكر بعيد الشر او الضغط مالك الا تدعي الله وتتوكلي عليه
ربي يطمن قلبك