دردشة بنات فلسطين, دردشة حوامل فلسطين, تجمع بنات فلسطين

[احساس أنثى]

الله معك عيون المها
ان شالله اي خدمه احنا موجودين :)

مادام مو راضي وفر عليا هديه ههههههه

[عيـ‘ـون المهـ‘ـا]

مسك
انا دكتوري شرحلي انو فيه انزيمات في المعده ما بيكون
مكتمل عملها لهيك مندخل انواع الاكل بانتظام للطفل
مثلا الانزيمات اللي بتهضم اللحم و الجاج و اصناف تانيه بيكتمل نموها
في معدة الطفل على الشهر السادس و فوق لهيك سمح لي فيها
انا بصراحه ما بحب امشي على قاعدة الناس انو اعطيت ابني كذا و ما صار فيه
اشي لانو كل طفل حساسيته بتختلف عن التاني
فاللبن يفضل على الشهر السادس طبعا للآسباب كمان اللي انتي زكرتيها
يعني اعتقد وليد بـــ 4-3 ليطبق ال4 شهور العمر كلو
فهلآ اعتماده الاساسي الحليب + اذا بتحبي العصيده الرز المطحون بس

[مسك السنين]

عيون انا لحد هلا بصراحة ماشية ع كلامك لانو افضل طريقة وصحي
وحتى خزنت الكومنت تبع دكتور ادومي ربنا يحفظلك اياااه

ع الاكل تبع الست شهور

انا مش مستعجلة ع اكل وليد بس الكل بقلي لانو مافي رضاعة طبيعية بيحتاج مقويات

بدي اسئلك في بامريكا حليب اس26؟
هوا تصنيع ايرلندا


ويسلمووو الك
بالنسبة لمفتاح غزة ازا بتحبي اساعدك
هلا رقم ام عزمي بيبلش 059 صح
انت حطي 0097259 والرقم يلي بعد التسعة كملي فهمتي عليا

احساس زوجك فعلا وفر عليكي

انا مفكرة اغامر واعمل عشا ضخم شغل ايدي ولاحاجة جاهزة ههههههههههه عشان اقلو عندي مواهب ورربنا يستر عمري ماطبخت غير المالوف صراحة

وحكون محضرة هدية اله مني وهدية من وليد هدية هوا من وليد مش لازم بس خطرتلي هههههههه
مش عشان عيد الحب لا انا كنت بدي مناسبة لانو زواجنا وعيد ميلاده ورا بغض


بيبو دودو لولو ام عمر حواء غموض عيون حيفا بينك عسولة انبثاقة جارة ام عبدالله احساس 1 اجساس2 هبووووش ميسااا

توحشتكم


اللي معها رقم ام عزمي تبعتو ع الخاص لما اشغل جوالي حرنلها

[احساس أنثى]

صباح القشطه مسوكه
دخلت وماتوقعت حد صاحي غيري انا وزوزو

طلعتي هيك صاحيه :) كيفو وليد صاحي !!

[مسك السنين]

ليش وهوا احنا نمنا ياروحي هههههههههه
صباحك مسك
متى ينااااااااااام وانام بنومتوووو

اااااااخ نفسي اكبسها نوم لبعد العصر

[احساس أنثى]

الله يعينك يالله هانت
هالشهر ان شالله بتشيري تنامي بس انو يصحى يرضع وبرجع ينام

انتي ولييد بيضل صاحي ومصحصح ولا بعيط بدو يرضع ؟ وينام؟

[مسك السنين]

الرضاعة بموعدها عادي

بس نو فش نوم بالليل زي كانه حد موصيه بدو يلعب بعيط ونغمات زي احملني
هيك الموووضوع

[~{{ DoDo }}~]

صباح الخير بنات

كيفكم ؟

[احساس أنثى]

معلش مسوكه غفيت مع زوزو

صباح النشاط دودو شو مصحيكي من هلا ؟

[~{{ DoDo }}~]

اهلا احساس

صاحية من ساعة عنا الساعة هلا 11 ونص

كيفك وكيف زوزو انشالله بخير

[احساس أنثى]

اها

احنا بخير الحمد لله



كيفك انتي وكيف البوبو؟؟

أنا هل بستأذن بدي اقوم ادفع للدوره قبل مايصحى زوزو
اشوفكم بس ارجع

[حيفا]

صباح الخير صبايا كيفكن ؟؟

[لولو الفلسطينية]

صباح الخير صبايا
مين هون ؟؟

[احساس أنثى]

هلا لولو وحيفا انا جييييييييت

مين هان ؟؟

بدي احمم زوزو قبل ماتقطع الكهربا وقبل ماتشوفني حماتي هههههههه
عشان زوزو مزكم بس حساه معفن هههههههههه واجيكم تاني

[حيفا]

هلاااا لولو صباح الورد

احساااااااس ههههههه ، يا حرامك طيب غسليلو و تغسيل وتمسيح وغيريلو كل لبسه لانه اذا مرشح بزيد مع المي والحمام مع انه جووو اليوم دداااافي
الله يحفظلك ياه يارب من كل شر

[لولو الفلسطينية]

حيفا منورة يا عسل شو اخبارك ؟
احساس هههه حرام عليكي اذا هو مرشح رح يزيد الرشح معه لا سمح الله
زي ما حكتلك حيفا غسليلو تغسي و غيريلو و خلص برضو الجو مش كتير دافي
عشان هيك ما تحممي احسن
الله يخليلك اياه
دودو ويينك ؟

[لولو الفلسطينية]

بنات الدكتور حكالي اخد حبتين حديد بدل حبة وحدة بس نسيت اسأله الحبتين مع بعض و الا بينهم فترة ** شو رأيكم ؟

[حيفا]

هلا لولو يا حلوة انا بخير الحمد لله
اخدو مني اليوم ست انابيب دم هههههه ، يا ويلي دخت من بعدهم


لولو بالنسبة للحديد ، عالاغلب مع بعض لانه اللي بعرفو انه الحديد بيتاخد بوقت واحد مشان الكالسيو بتاخد بوقت بعيد عنه
انتي ارجعي اتصلي عالدكتور للضمان

[لولو الفلسطينية]

هههه سلامتك بعين الله يا حيفا
يوووووووه ذكرتيني لما عملت التحاليل قبل هاد الحمل اخدو مني دم كتيييييير
ههههه انا ما تركو في جسمي الا 6 انابيب hwaml02
ان شاء الله ربنا ما بضيعلك تعب

[حيفا]

ان شاء الله امين ياااارب :)
ربي يتمملك على خير ويقومك بالسلامة يارب :)

بديتي تجهزي للبيبي ولا لسا بدري ، انتي بالخامس مش هيك ؟؟

مرة اخوي مبارح رحت معاها بلشت تجهز هي بنهاية السابع ، يمااا ما احلى اواعي الصغار والتجهيز الهم ، ربي ما يحرمنااا يارب :)

[احساس أنثى]

ما بأمن بالتمسيح ياصبايا

بعملها والله بس حاسه شعرو هيك مع العرق وهوا نايم

مدفيه لاغرفه ... ولبستو منيح .. ان شاالله مايسيرلو شي


بدي اروح انيمو بدا الزن وارجعلكم ^_^ ...

لولو أنا كنت اخد حبتين حديد ..اعتقد وحده الصبح ووحده المسا والله نسيت

[لولو الفلسطينية]

تسلمي حيفا
لا و الله لسا ما بلشت حسيتها بدري و انا لسا بالخامس يعني ان شاء الله اخر السادس اول السابع ببلش اجهز * بس جد اواعي الصغار بتهببببببببل و لو الواحد بلاحق حالو بشتري كل السوق هههه
ان شاء الله يا رب عقبال ما تجهزي لولادك و بناتك يااا رب

[لولو الفلسطينية]

يا حرامك يا احساس هههه
ان شاء الله يا رب ما يزيد الرشح معه * الله يحفضو ابو الزوز

[حيفا]

احساس حبيبي الله يحفظه هالعسل ، والصغار لزيزييين شو مااااكانو وسخين ولا نضااااف ههههه

هههههههههه ما بلاحق ابدا ، هي كانت حاطه مبلغ معين تشتري فيه ، اشترينا بزيادة علييييييه هههه

بدي اسألك بتعرفي مخلات لسرير البيبي ؟؟
مرت اخوي بدها وعنا هون بالقدس كتير غالي :) ومفكرين بالخليل او بيت لحم او رام الله

[لولو الفلسطينية]

انا صراحة لأني لسا ما بلشت اجهز مش عارفة بالهلقصص
بس قبل فترة رحنا على هوم بلازا في الخليل طبعا اذا بتعرفيه ؟؟ و كان عنده اشكال كتيرة لسرير البيبي بس احنا تطلعنا عليهم و حكينا لسا بدري هههه

[حيفا]

لا والله ما بعرفه ، بس بشووف ، بنروح انا وزوجي وبنسأل لانه راح يكون هديتنا الهم ان شاء الله :)

طب كيف الاسعار ولا ما سألتو ؟

[لولو الفلسطينية]

هو محل كتير معروف بالخليل و عندو شو ما بخطر عبالك يعني لو سألتو بالخليل رح تندلو اكيد
بالنسبة للاسعار و الله ما سألنا بس بالعادة هو بكون عندو البضاعة نضيفة و الاسعار معقولة و كتييير اوقات بكون عامل تخفيضات

[حيفا]

اهااا خلص ان شاء الله النا زيارة عليه

[عسولة فلسطين]

يسعدلي هالمسا يارب
كيفكم بنات
احساس يا ام الزوز هههه وين اشرد بس رحت الحمام الله يكرمكم رجعت لقيت زوجي ع النت جيت افتح من جوالي حكيت فايبر والتهيت هه
اها سجلت بالاعلان وان شاء الله خير بس دراسة انسي الوضع دمار حالة كسل مش طبيعية
دودو انا وقت كنت حامل بالتوأم كتبولي بدل الحبة 2 حديد كنت آخد وحدة الصبح ووحدة بالليل بس انتي تأكدي من دكتورك أفضل
بنات أحدثكم وانا بالمطبخ
بتتذكروا الملفوف هههههههه هيني هلأ باعمله تفضلوا
سلقته وبدي أبلش الفه عاد نقطة اللف واااااااااااااء يارب تبيض وجهي ههههههههههه
كل الصبايا بدون ذكر اسماء يسعد كل اوقاتكم
حيفا ان شاء الله بتجهزي للبيبي تبعك ياااااااااااااااااارب

[لولو الفلسطينية]

اهلا عسولة منورة هههه صحتين على الملفوف
انا عملت صينية كفتة مع بطاطا و الذي منه hwaml02
انا يلي سألت عن الحديد مش دودو
دودو مختفتية ابصر وينها ؟؟ مش عوايدها

[احساس أنثى]

عسوله انا متلك مابدرس هههههههههه

وانا بكلمكم وانا بلقط خبيزه بس مو اكلة اليوم اليوم كفته

[~{{ DoDo }}~]

بناااات انا جيييت

احساس
نعيما لابو الزوز
انا من مؤيدين انه الواحد ما يدقق كتير عالاطفال بالنسبة للحمام ولو انه برد
بس معلش ، عشان البيبي ما تصير مناعته ضعيفة واي مرض يمرض بعيد الشر لانهرمشمتعود عالحمام بالبرد
قلبي قوي متلك ههههههه بوسيلي اياه بوسة الحمام

حيفا
عقبال ما تجهزي للبيبي تبعك ياااااارب
وتخسري ابو الشباب فلوس كوميات

لولو
هيني هون مبارح فتت محدش عبرني هههه
واليوم فتت ورجعت انشغلت بالمطبخ
بالنسبة للحديد اتصلي بالدكتور افضل ودققي كتير ع اوقات الحديد والكالسيوم والفرق بينهم
عشان تستفيدي من التنين
انا بلشت اجهز من كتر ما انا متحمسة ، انا من هون وماما من غزة بلشتلي مبسوطة عالحفيد الاول
الله لا يحرم حدا يااااارب يلا بلشي شوي شوي متلي كل مشوار قطعة او تنين ههههه عم بفسدك

عسووولة
يسعدلي هالصباح
والف صحة عالملفوف يم يم
وان شاء الله انتي كمان عقبال ما تجهزي للبيبي تبعك ياااااارب
انتي وحيفا وغموض وانبثاقة وكل مشتهية

بناااات عملت كوسة مغشي باللبن يم يم صرلي فترة متوحمة عليها
بس شو طلعت شي فاخر تفضلوا عندي اليوم تغدوا

[عسولة فلسطين]

هههههه معلش يا لولو المهم وصلت ما انتبهت والله هلأ دودو بتطلع ^_^
حبيبتي صحة وهنا ع الكفتة
اسكتي اتاري انا سالقة الملفوف بزيادة ههههههههههههه هيني بحاول قد ما اقدر ازبط والله
ياوردي علي اول مرة اعمله لحالي
ابقوا اطمنوا علي هههههههههههههه

[لولو الفلسطينية]

اهللللللن دودو
شو اخبارك ؟
عسولة ههههه قوي قلبك و كملي الطبخة و الله يستر ههههه

[عسولة فلسطين]

ممممممممم يللا يادودو منيح لقيت بديل بدل الملفوف فيه ورقات كتير مستوييين ههههههههههه وفيه حلوين شكلها حتطلع كم من حبة
وانا بموت ع شيخ المحشي صحة وهنا
احساس يللا منيح هاتي نشجع بعض ههههههه >>> شوف مين بيحكي

[~{{ DoDo }}~]

لولو
انا الحمدلله تمام
انتي كيفك وكيف الامورة
ان شاء الله تكون امورك كلها بخيييير وصحتين عالكفتة صحيح

عسووولة
ولو يا اهلا وسهلا ومية مرحبا
بتنورينا ، وانا كمان اكلتي المفضلة انا وزوجي هههه
بنقعد ناكل فيها يومين ولو صحلنا اسبوع ما بنقصر
يلا معلش انا مرة صارت معي بالملفوف سلقته زيادة
بس رجع مسك معي وقت ما طبخته وانضغط
صحتيييين وتعي طمنينا بس تتطبقيه ؛)

[لولو الفلسطينية]

دودو ههههه انا اليوم بالليل كل ما انقلب اصحى هههه الله وكيلك بحس كأنه بطني من تحت مشدود كتييييييير حتى لما ارفع ايديه و انا نايمة بتدايق
عسولة ما تنسي تطمنينا هههه بس حاولي ما تكتري فيو رز عشان يستوي اسرع لأنه اصلا مسلوق زيادة ............ الله يستر هههه

[عسولة فلسطين]

لولو هيني بزبط ههههههههههههههههه
فيه السلقة الاولى كتير
واللي حطيتهم اسلقهم مرة تانية مرتبين ههههه هيهم زبطوا

[حيفا]

يا هلا بالصبايا العسولات يا هلاااا

عسووووولتي ان شاء الله انا وانتي وغموض وانبثاقه نجهز للبيبيات بنفس الشهر وبوقت قريييييب ياااااااارب
وبالنسبة للملفووف ما بحب الفه خالص خالص ، لف ورق العنب اسهههل ، بس عملته كم مرة وزوجي كتيييير حبه وانا بحبه بس بتغلب منه ، بشتري الملفوفة بتضل اسبوع ولا اسبوعين عبال ما اعملها ههههههه

دودو يا دودو يا صباح الفل ، ان شاء الله بتقومي بالسلامة وبتلبسي عمورة من هالتجهيزات يارب
وبالنسبة لمبارح انا فتت بعدك ومسيت عليكي بس انتي شكلك كنت زعلاانه ما انتبهتيلي هههههههه مش مهم ولا تزعلي يا حلوة :)

انا عامله مسخن لف ، تفضلو صبايا :)

[عسولة فلسطين]

آآآآآآآآآآآآخ يللا الحمدلله دايما ربنا بيبيض وجهي كنت هاكلة هم لفه طلع حلو بس المشكلة بانه فيه وراق بزيادة
صحة وهنا يا دودو

[~{{ DoDo }}~]

لولو
والله اناوكمان وقت النوم بحس بشد مش طبيعي الله يعيننا
واوقات وانا بالمطبخ بيشد علي كتييير ما بقدر اضل واااقفة
مش عارفة ليش بس حاسة انه الشد يعني البيبي بيتقلب جوا هههههه

عسولة
انشالله بتزبط هينا بننتظر النتيجة

حيفا
حبيبتي شفت ردك هههه بس كنت مسطلة نمت وانا ماسكة الآيفون والله
ما بزعل هههههه بتدلع بس تسلميلي
صحتيييييين عالمسخن بحبه

صبايا كلنا عاملين اكلات طيبة اليوم شو القصة ههههههه

[لولو الفلسطينية]

عسولة يللا ربنا سترها هالمرة ..... عمرك ما تعيديها hwaml02
بمزح معك هههه
اكيد كلشي من ايديكي بيطلع زاكي و مرتب ما معدل انت
دودو هههه الله يعيننا *** شو ما كان بس الشد طبيعي مع الحمل و الدكتور حكالي عااادي
حيفا صحتين على المسخن

[احساس أنثى]

عسوله انا حماتي بتسلقو مره وحده بس ^_^

دودو وهادي من زوزو لالك ياعسل اممممممموووووااااه

[لولو الفلسطينية]

اليوم مش عارفة اذا رح نروح على القدس زي ما حكيتلكم بس على الاغلب حنروح و كمان زوجي لما راح يوم الجمعة جابلي اواعي حمل بس في منهم اشياء طلعو كباااااااار هههه بدخل انا و اياه فيهم و مفكرة ابدلهم ** لانه حتى ما بضمن ييجو علييه بالاشهر الاخيرة
بس ييجو من الجامعة ببين معنا
و انا من الصبح كتير زهقانة حتى شغل بيت يسليني ما فيه هههه بس طبخت و صليت و قعددددددت الاشي الوحيد الي بخلينا احرك دمي روحة الحمام الله يكرمكم هههه

[عسولة فلسطين]

ايه يا احساس وانا مرة بس سلقته بس ع دفعتين عرفتي
هههههه ييلا هيني ركبته كشكل حلو ومرتب بس يللا الله يستر الاقي الاوراق اللي بزيادة خبايص
يييي يا لولو خشلتيني ^_^

[عسولة فلسطين]

لولو مبروكين الاواعي ان شاء الله تتهني فيهم وعقبال قومتك بالسلامة انتي ودودو وكل حامل يارب

[~{{ DoDo }}~]

لولو
مبروكين تياب الحمل
بس نصيحة ما تشتريهم مرة وحدة
لانه كل شي الجسم بيفرق
انا بحاول كل ما احس حالي بطني كبرت شوي بجيب قطعة عشان الاشهر هاي كوم والاخيرة كوم تاني خالص هههههه
انشالله بتروحوا القدس وبتنبسطوا وبتقضوا وقت حلو :)

[لولو الفلسطينية]

معك حق يا دودو ههه ما انا عشان هيك بدي ابدل الكبار باشياء على مقاسي هلأ و لوقت الاشهر الاخيرة بفرجها الله

[عسولة فلسطين]

شوي وحتقطع الكهربا
وحتيجي ع الساعة 10

[حيفا]

صباياااااا ، اتصل علي زوجي ونتيجه فحصه التاني نفس الاول !!!!

صفر الحيوانات المنوية :(

صوته كتيير متدايق وهو هلاء جاي بالطريق مش عارفه شو بدي اعمل معاه :(

[لولو الفلسطينية]

الله يعينكم على قطعة الكهربا كل شوية و الله اشي بهز البدن
صبايا انا بدي اقوم من التخت و ارتبه ههههه شفتو النشاط وصل فييه لوين ؟؟ hwaml02
و بدي احرك جسمي شوية بلاش الزق على التخت ههههه
و ان شاء الله المسا اذا صار وقت الي عودة
يللا باي
استودعكم الله

[لولو الفلسطينية]

حيفا حبيبتي بعين الله ...... ان شاء الله اموركم بتنحل و بيمشي الحال يا رب
و الله ماني عارفة شو احكيلك بخصوص جوزك بس خليكي هادية لأنو زعلان و حاولي ما تدخلي معه في التفاصيل الا اذا هو حكالك لحاله
ربنا يهونها عليكم و يرزقكم من فضله عاجلا غير اجلا

[~{{ DoDo }}~]

حيفاااا
معلش ربنا كريم وانتوا بلشتوا هلا بالشي الصح
حاولي تكوني قدامه قوية وتهوني عليه
قوليله الحمدلله الله سهلها عشان نعرف السبب
ونبلش العلاج وكتير بسمع انه ما بياخد وقت طويل ابدا
ونتايجه دايما حلوة ، هوني عليه قد ما تقدري وما تحسسيه انه هو سبب لشي
واحكيلو كلام بيفائل انه قربت انشالله وهينا متحمسين ومبلشين
هلا كل الاتكال عليكي ديري بالك والله يكتبلكم الحمل على اهون سبب ياررب

[عسولة فلسطين]

حيفا يارب ما تقطع وانا بكتبلك
بس هلأ قومي تمكيجي ورتبي حالك واستقبليه باحلى ابتسامة لك
وقوليله يللا خلينا نعيش يومين حلوين والله بكرة بيجيوا وحنصير نشد شعرنا منهم
صدقيني الله كريم وحيعطيكم عاجلا غير اجلا لأنه هالشي بارادته وحده مش بشطارة اي حد والا اي دكتور
حبيبتي يا حيفا ربنا يكرمك يااااااااااااااااااااااااااااااااااااااااااااااااا اااااااااارب والله بدعيلك قبلي

[احساس أنثى]

قطعت الكهربا سلاااااام صبايا

[عسولة فلسطين]

احساس احنا لسه ما قطعت
يا بنات ريحة الملفوف طااآآآآآآآآآآآآآآااااااااااااالعة يا الله كتير مبينة بتشهي
يختي ما أشطرني هههههه
الحمدلله وشفت المنظر منيح شكله مش مبين مخبص بس الله يستر لما آجي اقلبه هههههه

[عسولة فلسطين]

احم احم
بما اني لحالي
استأذنكم

[umm 3amr]

Ana khlft mn 12 day amlya ed3o baby t3ban msh 3arfeh aktob

[جارة القمر]

مسااااااااء الخير


ام عمورة:
الف الحمد لله على السلامة ومبارك البنوتة ........الله يتمملك على خير .....وتكون البنوته باتم الصحه والسلامه ..والله يشفيها ويعافيهاااا


حوااااء:

ربنااااااا كبير ما بينسا حد ...........


عسولة ::

صحتين عالملفوف

[~{{ DoDo }}~]

ام عمر
الحمدلله على سلامتك حبيبتي
بس انتي ولدتي قبل التاسع ؟
ان شاء الله ربنا يحميلك اياه ويقوم بالسلامة يااارب رح ادعيلك :(
طمنينا عنك شو صاير معك

[عسولة فلسطين]

أنا جيييييييييييييييييييييبت
يا كسلانين
جاارة ع قلبك يارب
^_^
ام عمر حمدلله ع سلامتك والبيبي والف سلامة عليها الله يطمن بالك عليها يارب

[عسولة فلسطين]

غمووووووض يا بنت وينك لهلأ؟؟؟؟
والله قلقت عليكي وام جودي وسما المختفية وميسى وسهى وكل البنات وييييييييييييينكم

[لولو حمادة]

مساء الخير

[لولو حمادة]

عسولة كيفك شو اخر خبارك

ام عمر ان شاء الله بيشفى البيبي وتفرحي فيه

[عسولة فلسطين]

يا هلا بلولو

وينك مختفية انتي التانية والله ببالي
كيفك وكيف الاولاد؟

[لولو حمادة]

الحمد لله على كل حال

زهقانة ونفستي تعبت من الغربة

اولادي كويسين

[~{{ DoDo }}~]

عسول ولولو يسعد مساكم
كيفكم؟

[احساس أنثى]

ام عمر الحمد لله ع سلامتك والف سلامه ا البيبي

جاره شو كاتبه !!

[احساس أنثى]

بنااااااااات جوزي طالعلي بشي جديد
مااقعد زوزو ع التلفزيون لحتى يسير عمرو سنه

بقرأ ع النت تقارير أطباء اجانب
وبسألهم وبيجي يقلي !!

[عسولة فلسطين]

يسعد مساكم يا احساس ودودو
لولو بيعين الله الغربة صعبة بس ايش بدك تعملي تأقلمي
هي ما شاء الله لي صديقة بدبي وهيها متأقلمة بهالغربة ومتعرفة ع بنات الله يقومها بالسلامة يارب قربت ولادتها
بدك تتعودي هيك الدنيا والله يجمعكم بالاهل ع خير يارب

[عسولة فلسطين]

احساس الله يخليلكم ابو الزوز يارب
وهو من رأيي أحسن شي بعد السنة البيبي يشوف تلفزيون عشان نظره حرام بتعرفي كلها اشعاعات وبتضر
وحتى ما بأييد الست اللي بتمسك الجوال لابنها مشان يسكت كله بيضر فيهم وهالشي حرام ع صحتهم بتعرفي كيف مناعتهم بتكون

[لولو حمادة]

عسولة انا تعود على لغربة بس بتيجي اوقات بتمني اكون بغزة خصوصا لمن يمرض حدا من الاولاد بحوس

احساس كيفك ليش ماتقعدي زوزو على التلفزيون ؟
دودو يسعد مساكي

[عسولة فلسطين]

بيعين الله يا لولو
ان شاء الله ربنا بيحميلك اياهم وبيبعد عنهم الشر يارب

[~{{ DoDo }}~]

احساس
هو القعدة الكتير عالتلفزيون او اكتر من نص ساعة متواصل مش منيحة
بس كمان الطفل لازم يشوف تلفزيون من وقت للتاني
بنمي الحواس عندو وبيشوف الوان وصور وبيسمع ناس بتحكي
يعني عادي لو نص ساعة او ساعة باليوم بس مش مستمر يعني متقطع

لولو
الغربة صعبة بس الحمدلله لازم نتاقلم
انا كل ما اكتئب بسحب حالي وبطلع مع صحباتي اللي هون
بغير جو وبحس حالي مش لحالي وبيمشي الحال وزوجي بيهون علي
بتهووووون حبيبتي ولا يهمك وسلامتهم الولاد الله يحميلك اياهم يارب

[احساس أنثى]

جوزي متلك ياعسوله بهتم بهيك امور كتير

لولو بيقولو مش كويس عشان عيونو لسى صغير

[حيفا]

مسا الخير كل الصبايا الموجودين واللي مش موجودين :)

والله يا صبايا عملت متل ما قلتولي زبطت حالي ، وجهزت فلم كوميدي نحضره ، وكنت مجهزة الغدا ، ورتبت السفرة ، كأنو عنا مناسبة ، روح زوجي وجهو اسوووووود ، ومكشر ، ماحكى شيييي ، تغدينا وعملت حالي بتفرج عالفلم وانا بعرف انه بحب افلام كوميدية ، صار يتفرج معي وشوي لقيته بيضحك ، وبعده حسيته هدي شوي ، سألته عن يوومه بالشغل ، وسكتت ، قالي عادي خلينا نحكي عن نتيجه الفحص ، وقالي خايف يكون عقم ، وخايف اظلمك معي ، قلتله اصلا مع تطور الطب ما ضل شي اسمه عقم ، وعنا هون الطب كثييير متطور ، صحيح اسرائيل محتليتنا ، بس استفدنا من هالاحتلال في هالناحية :)

وشوي قلتله انسى هالموضوع ، وخلينا نتابع عند الدكتور ، وربنا يجيب اللي فيه الخير :)


مع انه قلبي بيوجعني عليه عارفه انه قلبه محروق :(

الله يعينه ياااارب ويعينني ويصبرنا على مصابنا يارب :)

صبايا كلامي بدايق بعرف ، بس والله من قهري ، زوجي حساس كثير خايفه يصيرله شي :(

[maisa odeh]

مرحبا صبايا كيفكم كلكم والله اشتئتلكم
بس البيت والاولاد عم يلهوني والي فتره والله لاغيه النت من البيت مشان صار بده يأثر ع ولادي مشان الدراسه ف لغيتوه فتره مشان شوي يلتهو عنه
وهيني رجعتلكم والله ما الي غنى عنكم بصراحه الكم وحشه وما بنساكم وكلكم ببالي
طمنوني عنكم كلكم بدون زكر اسماء لاني مش حابه انسى اي حدا

[~{{ DoDo }}~]

حيفا
يسعد مساكي
الله يعدي ايامكم على خير يارب
انتي ضلك ادعيلو دايما ربنا يهدي باله ويبعد عنه الضيق والزعل
واقرئي قرآ ن بالبيت دايما وتوكلي على الله ان شاء ما على قلبكم شر انتوا التنين
ومتل ما قلتي الطب متطور وما في شي مستحيل
انتوا تشجعوا وبلشوا وربنا كريم وكلوا اموركم اله
واحنا اخوات ولا يهمك لو ما فضفضتي هون وين بدك تحكي يعني ولووو ؛)

[maisa odeh]

مسا الخير كل الصبايا الموجودين واللي مش موجودين :)

والله يا صبايا عملت متل ما قلتولي زبطت حالي ، وجهزت فلم كوميدي نحضره ، وكنت مجهزة الغدا ، ورتبت السفرة ، كأنو عنا مناسبة ، روح زوجي وجهو اسوووووود ، ومكشر ، ماحكى شيييي ، تغدينا وعملت حالي بتفرج عالفلم وانا بعرف انه بحب افلام كوميدية ، صار يتفرج معي وشوي لقيته بيضحك ، وبعده حسيته هدي شوي ، سألته عن يوومه بالشغل ، وسكتت ، قالي عادي خلينا نحكي عن نتيجه الفحص ، وقالي خايف يكون عقم ، وخايف اظلمك معي ، قلتله اصلا مع تطور الطب ما ضل شي اسمه عقم ، وعنا هون الطب كثييير متطور ، صحيح اسرائيل محتليتنا ، بس استفدنا من هالاحتلال في هالناحية :)

وشوي قلتله انسى هالموضوع ، وخلينا نتابع عند الدكتور ، وربنا يجيب اللي فيه الخير :)


مع انه قلبي بيوجعني عليه عارفه انه قلبه محروق :(

الله يعينه ياااارب ويعينني ويصبرنا على مصابنا يارب :)

صبايا كلامي بدايق بعرف ، بس والله من قهري ، زوجي حساس كثير خايفه يصيرله شي :(
حبيبتي حيفا يا عمري شو صاير معك ومع زوجك انا اسفه ما شفت الحكي الي بخصك لانه والله الصفحات كتيره وما راح ائئدر اقرا كلشي انتي طمنيني عنك شو مشكله زوجك انا هيك فهمت حبيبتي

[~{{ DoDo }}~]

ميسا
نورتي والله
ان شاء الله كل امورك تكون بخير
الله يخليلك اياهم الحلوين ويوفقهم يااارب

[حيفا]

حبيبتي دودو الله يسعدك ، مالي غيركم والله :)

اهلاااا ميسوو ، نورتي الشات ، كيف بنوتتك الصغيرة ، واولادك ؟؟
مممم زوجي فحص ، وطلع فحصه كتييييير سيء ، يعني مافي حيوانات منوية بالسائل :) الحمد لله ع كل حال

[عسولة فلسطين]

حيفا ...
حبيبتي اللي عملتيه حلو ووقفك جنبه بهيك موقف وزي ما قلتي الطب تطور بعدين التغذية مهمة كتير ركزوا ع السمك والعسل بطلح النخل كتييييييييييييير منيح وركزوا ع علاقتكم بربنا اهم من كل شي بهالدنيا وان شاء رب العباد حنسمع الاخبار الحلوة عن قرييييييييييييييييب.... وما تضلوا تفكروا بالموضوع عشان النفسة الها تأثير أكبر بالعلاج من الادوية

ميسا... يا أهلا وسهلا نورتي
يللا منيح خليهم ينتبهوا لدراستهم والحمدلله انك بخير

[~{{ DoDo }}~]

بنات انا مصدعة شوي
بدي اقوم احاول انام

تصبحوا على خير يارب جميعا :)

[حيفا]

حبيبتي عسولتي ، الله يسعدك وينولك اللي ببالك :)
بتعرفي وقت ما عرفت انه عندي مشاكل ، مازعلت قد ما انا مقهورة ع زوجي ، هالموضوع كثييييير مهم بالنسبة للزلمة
يارب يصبره ويشفيه من كل علة يارب

[عسولة فلسطين]

تلاقي الخير يا دودو
الله معك ريحي حالك واكسبي النوم ههههههه

[حيفا]

دودو تصبحي على خير وسلامتو راسك يا حلوة
، زوجي بده يروح ينام لازم اروح انا كمان
تصبحو على خير

[عسولة فلسطين]

تلاقي الخير يا حيفا
وليلة هنيئة يارب
وان شاء الله كل الامور تمام وبخير
وبما انوا زوجي برضه حساه نعس ههههههههه شكلهم متفقين فحأقوم
تصبحوا على خير

[حيفا]

تصبحي على خير يا حلوة :)

[لولو حمادة]

اهلين ميساء كيفك وكيف الاولاد

حيفا الصبايا ماقصرو بالحكي التغدية كثير مهمة والحالة النفسية
والطب اتقدم وان شاء الله بتعرفو السبب وبيتعالج وتسمعونا اخبر حلوة

عسولة ودودو تصبح على خير

[maisa odeh]

يا عمري حبيتي حيفا طولي بالك ع زوجك واكيد في حل واحسن شي انك حسستي زوجك بوئفتك معه وبالاخر الطب ما خلاه شي متل ما حكيتي وتوكلي ع الله
انا كتير منيحه والحمدلله والاولاد مناح الحمدلله وانشالله عن ائريب بشوفك احلى ام يا رب

[maisa odeh]

مشتائه الكم صبايا كتير شو عاملين وشو اخبار اولادكم طمنوني عنكم كلكم امانه

[إنبثاقة أمل]

صباح الخير

شو أخباركم .. يارب الكل بخير وعافيه

كالعاده اخر المجودين :)

حيفا ياقلبي ربي ييسر اموركم

ويسهل امور العلاج .. وانت حكيتيها كل شي تطور

خلي زوجك يفكر بالحجامه

زوجها لبنت حماي كان عنده صفر العدد وضل يعمل حجامه

صح خلفو بطفل انابيب بس بفضل ربي وثم الحجامه لانها رفعت العدد

وبإذن الي عينه مابتنام ربي راح يكرمكم من اوسع ابوابه

الله كريم ياقلبي

[مسك السنين]

مرحبااااااااا صبايا

اليوم حخبركم عن وليد هدا الولد دايما فاضحني

24 ساعة بيستفرغ وانا طبعا بغيرلو وبجبو عطول نضيف حتى عطول بجطلو صدراة بس خلص

يعني لو رحت مشوار بيوسخ حالة مسافة الطريق ولو حد حملو برتبو ههههههه عطول بعطيلو نصيبة من ئشطتو

ناهيك عن لو شرب شي كمون ينسون سقية بيعطر حالو وانا والله ماخلييييييييت اشي يعتب علياا عطول بحافظ عليه بس نفسي تضل لبسة نضيفة كل غسيلنا اله لانو بغير خارجي وداخلي متى بيخلص هالموضوع؟؟؟؟؟؟؟؟؟؟

[عيـ‘ـون المهـ‘ـا]

يسعِد اوقاتكم جميعـــاً
كيفــــــــــــــــــكم صبايــــــــــــــا
و الله على ئد ما انبسطت اليوم بطلعتي انا و زوجي و البنات و ادم
على ئد ما زعلــــت لمى قرأت تعقيبـــــ ام عَمْر افهمت من تعقيبها
انه صاير معها ولاده مبكـــره
بنات لا ننساها بالدعاء ربي يعافي طفلها من كل شر و يلبسه ثوب الصحه
و العافيه ان شاء الله و يجعله من البارين
ان شاء الله تدخل و نطمن عليها و على البيبي

[عيـ‘ـون المهـ‘ـا]

إأإأحساس
حمام الهنا لزيااااد اكيد اكتر يوم منحب اطافيلنا هههه هو يوم الحمام
ما ازكاهم بعد الحمام لانهم على طول بنامو هههههههه [:
خلينا نضل نشوفك لا تنشغلي عنا بالدوره


مِسْـ سـك
يسلمو حبيبتي على مساعدتك كلك زوء
ان شاء الله راح اجرب متل ما شرحتيلي
و بالنسبه لحليب s 26 اها موجود عنا بانواع مختلفه

[عيـ‘ـون المهـ‘ـا]

ميسـ ـاا
هلا حبيبتي
كيفها ماريـــا و الاولاد ان شاء الله تماااام
نحنا بخير لآنو شفناكِ

[عيـ‘ـون المهـ‘ـا]

مسك
انا ادم كان يرجع حليب و وهو صغير بعد كل رضعه كانو يحكولي زيادة حليب
كنت اضل حاملاه حتى لا يتحرك كتير و يطلع الحليب و كنت انيم ادم على شي مرتفع شوي بشكل مائل حتى يساعد و كنت كتير ادايئ
من قصة الارجاع بس الحمد لله لمى بلشت طعميه خف كتير
على الاربع شهور و حاليا الحمد لله ما بطلع شي
فأكيد لمى تبلشي طعميه راح تخف المشكله و تتلاشى
دكتور ادم حكالي ممكن يكون حموضه بالمعده بتسبب الارجاع
او نوع الحليب احيانا بس ادم كان يرضع طبيعي
فالدكتور اعطاني نوعين دوى للحموضه بس وقفتهم بعد اسبوع من استعمالهم
لانو ما حسيت في اختلاف فحكالي الدكتور معناتو مو من الحموضه
حكالي لمى ببلش ياكل راح تخف المشكله لانو الضغط بزيد على المعده
مع الاكل و بالفعل لمى بلشت طعمي ادم اختفت المشكله
بس انتبهي انو وزنو بزيد بالمعدل الطبيعي و عم بكسب وزن
ادم كان يطلع حليب بس الحمد لله ما كان يخسر وزن كان يزيد كل شهر كيلو تقريبا
يعني بالمعدل و اكتر

[احساس أنثى]

صباح الخيييييييير
عيون المها مابقدر ابعد عنكم والله / سرت مدمنه الدردشه وكتير بحب الصبايا هون

مسك انا ماعندي خبره عيرن المها هيها دلتك الله يخليلنا اياها هيا عندها خبره ماشالله عليها

عسووووووووله كيف الملفوف طلع ؟؟

ميسووووو اشتقنالك كتير كيف اولادك!!

حيفااا انتي لاتحسسيه انو عندو شي خليكم عايشين حياتكم طبيعيه وضلي هوني عليه يعني اعملي اجواء
كتير كويس للنفسيه ودايما الدكاتره بقولو قبل لاتبدا العلاج لازم تكون نفسيتك مرتاحه وربي يكرمكم لحد ماتزهقوهم
جوزي كان يحكيلي نفس الكلام لما كانت نسبتو صفر كان يقلي لو عقم ماحخليكي ع زمتي واظلمك والله يومها عيطت قدامو
حكتلو انت كل دنيتي ومو مهم عندي الخلفه الكلام الحلو وانو يشوفك متمسكه فيه حيخفف عنو هوا عشان اولها متحسس
ربي يكرمكم والله لما زوزو يغلبني بدعيلكم كلكم بقول يارب تعطيه لكل مشتهي وبسير اعدد بالاسماء :)

لولو حماده كيفك وكيف سارت صحة اولادك ؟

انبثااااقه شو أخبارك لك مااشتقتي لبعلك هههههههه حرام قلبي ع الراجل تقول شكالي هههههههههههه

دودو نوم الهنا ان شالله تكونيي نمتي الليله

[حيفا]

صبااااح الخير صبااااايا

ميسووو حبيبتي الحمد لله ع كل حال وربنا يكتب النا وللجميع اللي فيه الخير :)

احساس ياعمري الله يحفظلكم زيزوووو حبيبي ، ويخليكم لبعض يااااارب ، بدي اسألك كم فترة العلاج تاعت زوجك ؟؟

انا كنت متدايقه وزعلانه انه رح نتغلب ليصير حمل ، بس هلاء بس زعلانه ع زوجي ، متخيلين وحيد أهله ، وكان اكثر شي يحكي فيه واحنا خاطبين هو الاولاد ، ويطلع عنده مشكله ، بس على مين ما طلعته لزوجي من البيت الا وهو راضي ، ما كنت اعرف قديش معزته بقلبي الا لهالفترة ، الله يخفف عنه يارب
وكمان قلتله يمكن لو حملت هلا بوزني هاد يصير اجهاض او اتعب كتير بالحمل ، وربنا اعطاني هالمهله مشان اخفف وزني ، حسيته تحمس وقالي خلص بنرجع نسجل رياضه انا وانتي ، وبنعمل دايت للتقوية الجنسية هههههههه
انا اليوم كتييير حاسه بتفاؤل :)

يومكم سعاده وهنا وتفاؤل يارب

[حيفا]

ييييه انبثااااقه حبيبتي اسفه ما انتبهت للرد تاعك الا هلاء ، حبيبتي ربناااا كبييير ، هلاء انا وزوجي كل شي مع بعض رح نعمله ، وهاد اكييييد رح نتقرب لبعض اكتر وهاد شي انا بحاجته ، لاني صارلي سنة متزوجه ، ولسا ما عندي الاحساس بالانتماء لبيتي وزوجي ، بس هلاء بجد بجد حاسه انه زوجي مسؤوليتي ، وانا مسؤووليته ، يعني بنستفيد من هالوضع ، وان شاء الله قريبا ربنا بكرمني وبكرمك وغموض وعسولة بالحمل السليم التام المعافى ياااارب


وبرجع وبقول اشتقت لغموض :(

[لولو الفلسطينية]

صباح الخير يا بنات
شو الاخبار ؟؟
حيفا حبيبتي الله يسهل اموركم و يرزقكم عن قريب بأحلى توأم يا رب انتي و كل الصبايا ياااااااا رب يا كريم ** توكلي على الله و كلشي بصير للاحسن ان شاء الله
خليكي دايما متفائلة و ان شاء الله ربنا ما بضيعلك تعب و عن قريب بتكونو احلى ام و اب
ام عمر الحمد لله على سلامتك يا قلبي و ربنا يشفي بنوتك و يحفضلك اياها و تكون بأحسن حال ان شاء الله *****حاولي تطمنينا عنك و عن البنوتة كل فترة
ميسا زمااااان عنك يا عسل نورتي و ما شاء الله عنه ابنك الله يخليلك اياه

مسك هههه الله يخليلك اياه و يضل يوسخ لبسة و انتي تغسليلو اياهم هههه
لولو حمادة و انتي التانية زمااان عنك كيفك و كيف اولادك ؟ ان شاء الله بخير
غموض فعلا مختفية ان شاء الله تدخل قريبا و تطمننا عنها و عن اخبارها
انبثاقة و دودو و احساس و بينك و عيون المها و عسولة و كللللللل الصبايا ان شاء الله تكونو بخير
سامحوني اذا نسيت حد منكم *** تركيزي صاير صفر hwaml02
الله يسعد صباح الجميع

[لولو الفلسطينية]

بنات بدي اسألكم
هلأ انا مرات بحس حركة البيبي في بطني من تحت تحت ...... الدكتور حكالي طبيعي و الحركة اصلا بتكون في البطن من تحت بس انا بضلني خايفة
لدرجة احيانا بحس كأنو رجل البنوتة بدها تطلع ههههه
في حد منكم مر عليها نفس الشي !!!!

[لولو حمادة]

صباح الخير

لولو واحساس اولادي بخير الحمد لله

حيفا انا كتبتلك رد بليل

[beboo]

صباح الفل صبايا كيفكم

كتير اشتقتلكم شو اخباركم نفر نفر طمنونى عنكم

[لولو الفلسطينية]

اهلين بيبو تشتاقلك العافية
يسعد هالصباح

[جارة القمر]

يسعد صباحكم

هلا بميساء

[جارة القمر]

احساس:
اناااا قرأت بخصوص مشاهدة الطفل للتلفاز ......بيحكي انه الولد بعد السنتين تيبدأ يحضر

[احساس أنثى]

مساالخير بكلمكم من تحت الحرام حاسه حالي متلجه :)

يعني صح كلام جوزي ياجاااره :)

حيفا تقريبا بعد 3 شهور سار الحمل هلا الكل بيقلي جيبي لزوزو اخ يلعب معاه وشوفو حالكم خوفا تكون مسبة جوزي قلت
بس هوا مابدو وانا ماشيه ع هواه لان كلو من مسؤلياته حرام

ويسعد مسااا كل الصبايا الحلوين

[~{{ DoDo }}~]

هاااي يا حلوين كيفكم اليوم
كنت طالعة من الصبح مع صاحبتي وهلا جيتر
وراسي كتير بيوجعني :((((
مش قادرة ارد عالكل سامحوني كلكم

بس لولو الفلسطينية بدي اقللك
انا كمان اوقات بحس الحركة كلها صارت تحت
وبحس بدو يطلع من تحت بعيد الشر
بس متهيالي طبيعي يعني مرات فوق ومرات تحت
وطالما ما في وجع انشالله عادي وبلكي البنات يفيدونا كمان
بدي اسال دكتورتي كمان اسبوع ونص موعدي

[احساس أنثى]

سلامتك دودو

[حواء مثالية]

مساكم فل جميعاااااااااااااا اشتقتلكم كثير

يارب تكون اموركم تمام كلككم

[احساس أنثى]

هلا حواء كيفك وكيف البيبي ؟ الصغير ؟

[حواء مثالية]

هلا احساس الحمدلله نحنا بخيير قبل يومين رحت على الدكتور كلشي تمام بس لوحام موتني والي كم يوم صداع هاد غير انه برلنت بتطلع باسنان وما بتنام كويس هلكانة شوي

انتي كيف وكيف زوزو يارب تكونو بخير

قاعدة عند الصوبة وبردانة

[احساس أنثى]

مع ان الحامل دايما بتكون حرانه

والله يعينك على الوحام بأي شهر سرتي؟؟

زوزو والله مفلوز ومجنني عياط التاني

[عسولة فلسطين]

يسعد كل أوقاتكم يارب
يا هلا بحواء كيفك وكيف برلنت والبيبي
عيون المها ان شاء الله بتنبسطي
والله يا احساس طلعوا الملفوفات لذيذين يمي يمي والحمدلله ما طلع مخبص
لولو اعتقد هالحركة عادية أنا لأنه كنت حامل ببنوتين فكانت وحدة ترافص فوق ووحدة تحت اللي تحت أحسها وكأنها بتدق ههههههه
الله يتمملكم على خير يارب
احساس اليوم الجو حلو ... متى حتبدأ دورتك؟
كل الصبايا يسعد كل اوقاتكم يارب

[عسولة فلسطين]

احساس سلامته لزوزو
ما ع قلبه شر

[عسولة فلسطين]

ممممممممممم عم بقرأ رواية الأسود يليق بكِ
مين قرأتها قبل هيك ههههههه بحب اعرف النهاية من هلأ

[جارة القمر]

يسعد مساااااااكم


حواء:
حبيبتي هلا وغلا والله وين هالغيبة ..........؟


عسوله+احساس::: منورين

[عسولة فلسطين]

يا هلا بام يزن النور نورك والله
كيفك وكيف الاولاد

[ام عبدالله لولو]

مساء الخير

[حواء مثالية]

بعين الله يا احساس

انا هلا بالاسبوع 11 اخر التالت

هلا جارة تسلمي يا قلبي والله غيبتي الها عدة اسباب اهمها انه اختي خلفت جابت بنوته زي القمر

عسولة منورة يا قمر

[نبض قلب]

تفضلو اشربو شااااااااااااااااااي

[نبض قلب]

ادعولي يا بنات بمر بفترة صعبة

[عسولة فلسطين]

ام عبد الله يا اهلا وسهلا
حواء ويسعدلي مساكِ يارب ومبروك لأختك وحمدلله ع سلامتها عقبال قيامتك بالسلامة يارب انتي والبيبي يارب
نبض صحة وهنا ع الشاي انا مستنية زوجي يروح واعمل شاي وفشار هههههه تفضلوا ^_^

[عسولة فلسطين]

الله يكون معك يا نبض ويوفقك يارب العالمين

[Heba T]

مسالخير

كيفكم يا بنات ،، اكيد مافي حد هنا :)

عملت تارت بالكاسترد و الشوكولاتة تفضلو

[عسولة فلسطين]

يسعد مساكِ يا هبووووووووووووشتنا
كيفك وكيف ميلو
صحة وهنا
انا بفكر اعمل سوفليه بس بدي نسكويك وما عندي هههههههه

[حواء مثالية]

انا بدي شااااااااي

نبض الله يهونها عليكي

عسولة الله يسلمك يا قلبي وعقبال ما نباركلك باحلى بيبي

[Heba T]

عسولة .. هلأ نفسي اعرف انو السوفليه مش زي الكب كيك؟ اش بفرق؟

نسيت اقولك يسعد مساكي

[Heba T]

هلا حواء والله غيبتك طولت ،، كيف الامورة برلنت؟

[عسولة فلسطين]

ويسعد مساكِ يا هبوشة
والله انا بحس السوفليه طعمه ألذ من الكب كيك مابعرف ^_^ يمكن لأني بحبه أكتر
حواء الله يسعدك يارب

[حواء مثالية]

هلا هبوش برلنت بتسلم عليكي

[نبض قلب]

اكتبي طريقته يا عسووووووووولة


كيف ميلو يا هبة


الله بتمم الك ع حير يا حواء

[عسولة فلسطين]

تكرم عيونك يا نبض
بتجيبي ربع قالب زبدة وبتسيحيه على النار ونضع عليهم ملعقتين طحين... بتحركيهم على نار هادية لغاية ما يطلع للطحين ريحة حلوة
وبتجيبي فنجان قهوة بتحطي فيه سكر ونضعه فوق الطحين لحد ما يدوب السكر ونحركهم ع نار هادية على الآخر وبعدين طفي النار.
وبتجيبي جاط وبتحطي فيه كاسة ونص حليب بودرة و كاسة ونص نسكويك وكاسة ونص مي ونحركهم لغاية ما يدوب النسكويك والحليب.
ومن ثم نضع نصف هالخليط على المقلاية اللي فيها الطحين والسكر والزبدة وعلى نار هادية لغاية ما تدفى وبعدين بتصبي فوقها باقي الخليط ( بتخليها ع النار دون ما تغلي لأن لو غليت خربت ... بس تدفى ) بعدين بطفي النار
وبنحط بصحن بيضة ومعلقة كبيرة ممسوحة بيكنج باودر ومعلقة فانيلا وبنحركهم مع بعض جيدا وبسرعة وبنصبهم فوق الخليط ونضعهم على نار هادئة أيضا ونحركهم لمدة دقيقة و بعدين بتصبي الخليط كله بالبايركس وبتحطيه بالفرن من فووووق لمدة تلت ساعة فقط... ولو بدك شكل أحلى من البايركس بتحطي الخليط بورق الكب كيك بيطلع شكله حلو كمان
وصحة وهنا

[حواء مثالية]

بنااات شكلو في مشكلة بالفيس بوك ؟؟؟؟؟؟؟؟؟؟؟؟؟؟؟؟؟؟؟؟؟

[جارة القمر]

ابصر مالو زيد صحي بنكد فظيع ..........!!!!!

[جارة القمر]

حواء....ليه مالو الفيس عندك؟؟؟؟

[حيفا]

مساء الخير صبايا شو اخباركم ؟؟؟ :)


شهيتوني اعمل شي حلو ، بس ما بعرف المكونات اللي عندي بتنفع لشي او لاء

عندي طحين شوي ، وحليب جاف ، وحليب سائل ، وظرف كريمة ، وكاكاو شوي ، وبيكينج باودر ، وفانيلا ، وماء زهر ، وسكر ، وسيرب شوكولاته

انصحوني بقا شو بينعمل بهيك مكونات هههه

[عسولة فلسطين]

حواء لأ ما فيه مشكلة هيني شغالة ع الفيس عادي
جارة اقرأي ع راسه قرآن
حيفا هههههه جربي اعملي السوفليه كتير لذيذ بس انا باعمله بالنسكويك مش بالكاكاو

[~{{ DoDo }}~]

يسعد مساكم
ومس الاشياء الطيبة والحلوة هههه شهيتوني عالحلو هههه

كيفكم بنات ؟

[حيفا]

عسولتي يا مساكي حلا وشوكولاته
السوفليه بحبه جاهز ، يختي بحسه غلبه ، والحشوة اللي جوااهاا ما بعرف بحس بدها معلم شكلي بختصر الموضوع وما بعمل شي ه اخف هههههههه

دودو اهلا يا حلوة مساك احلا من الحلا

[~{{ DoDo }}~]

اهلا حيفا
ههههه انا اي شي فيه شوكليت بموت فيه
بس عاملة كونترول غير شكل هلا عشان الوزن ما يطلع بالعالي
ههههههه الله يستر
كيفك وشو قررتي تعملي حلو ؟

[حيفا]

وانا بموت بكل شي في شوكولاته ووهلا مشان حاسه اني مقبله ع مرحله تنزيل وزن صايرة صورة الجلاكسي ما تفارق خيالي ههههه

قررت ما اعمل واكل شوكولاته وخلص
الكسسسسل انوااااع ههههههههههه

[جارة القمر]

زيود رضع ونااااااااام .......

[~{{ DoDo }}~]

ههههههه لا تشكيلي لابكيلك عالكسل
اديه بقول صرلي جاي عبالي اشي حلو اعمله بالبيت
وبكسللللل

هههههه صحتين

[~{{ DoDo }}~]

جارة
يسعد مساكي
نوم الهنا لزيود :)

[جارة القمر]

تصبحوووو على خير ما تاكلوووو حلو قبل ماتناموووو هاااااا

مع اني قبل شوي اكلت ممممممممم

[~{{ DoDo }}~]

جارة
لا توصي حريص ههههههه
نوم الهنا الله معك ؛)

[حيفا]

ههههههه دودو حبيبتي والله مشكلة هالشوكولاته ، وماشاء الله كل حبه باكلها بحسها لزقت ع طول وعملت وزن زايد هههههههه


جاااارة يا عمي الناس الضعاف بياكلو براااااحتهم ، الله يحفظلك صحتك يارب ، وتصبحي على خبير ونوم الهنا لزوزو وزوزو وام زوزو كمان :)

[عسولة فلسطين]

حيفا شكلك زي حالاتي بالوزن
يللا بيعين الله ماعندي ارادة

[~{{ DoDo }}~]

عسوولة وحيفا
بصراحة الواحد مرات ما بيقدر يعمل دايت وينزل وزنه
انا لما ازيد كم كيلو زمان كنت ما اتغلب انزلهم بسرعة
بس هلا معاناه ، والله يستر اخر الحمل كيف يكون وضعي
بس بجد حلو الواحد يكون عندو ارادة ويضعف والوقت المناسب هو الصيف اكيد مش الشتا ههههههه

[حيفا]

اهاا طول عمري وزني زايد ، ودايما بفكر بالدايت ، بس بصراحه ولا مرة كملت للاخر ما عندي اراده ههههه
بس ان شاء الله الفترة الجاي ناوية اشتغل ع حالي شغل مرتب ، اعمل ميييك اوفر لحياااتي كلها ، وان شاء الله خير :)

[عسولة فلسطين]

أنا عاد طول عمري ووزني وسط مش تخينة والا رفيعة
طبيعة جسمي بينفش بسرعة
وكانت ماما الله يخليلي اياها محافظة ع اكلي ههههه ومواعيده
بس لما تزوجت عندي زوجي بيموت بالعشا يعني مستعد يصوم كل اليوم بس وجبة العشا لازمة له وبيحب اقعد معه
زااااااااااااااااائد الابر تبعت تقوية المبايض حدث والا حرج
يعني يوم الجمعة كانت خطبة بنت عمي فالكل صار يقولي اكرام انتي تخنانة ليش هيك هههههه
مش عارفيني منفخة طبعا اللي بيعرف اني أخدت الابر صار يطلع فيني ويبتسم
واللي قاهرني انه لهلأ فيه شغلات بجهازي التكت عليها وما لبستها والا مرة hwaml4
بيعين الله ..... عنجد كل مرة باقول ببلش من الفطور الريجيم بيجي العصر بيخرب hwaml15

[عيـ‘ـون المهـ‘ـا]

~ْ يسعـــد مســـاكم ~ْ
و سهــرتكم حلــوه

عنا هوا كتير قوي حاسه البيت بدو يطير ههههه
حكيت لزوجي اليوم انت بتجيب لانا و اسيل من المدرسه



عسولة
يا سلام امبارح ملفوف و اليوم سوفليه حبه حبه على الراجل
متوصيه عليه ههههههههه بالهنا حبيبتي [:
حيفـــا
صحتين على الشوكولاه انا بس اوقات معينه بحس حالي بدي اكلها
يعني مو كل وئت بحبها
رجيم و شوكولاه اكيد في الاتجاه المعاكس هههههه

اليوم صباياااا عملت اكلة سمك فيليه لاول مره بجرب الطريئه و طلعت جنان
خلطه مع مايونيز بس كتير طيبه
المره الجاي بعزمكم عليها لاني خفت اليوم ما تطلع طيبه ههههههه

[~{{ DoDo }}~]

حيفا
مافي احلى من الارادة
شطووورة انشالله بتقدري تعملي اللي نفسك فيه؛)

عسولة
انا متلك
جسمي طول عمرو لا رفيع ولا ناصح
بس نسمة الهوا بتنصحني هههه
عشان هيك مركزة زيادة ، وبعد ما تزوجت زدت شوي
العشا مصييييييييبة :s

[~{{ DoDo }}~]

عيون المها
يسعد مساااااكي
وصحتين وهنا عالسمك
مرة شفت بالتلفزيون طريقة سمك بالمايونيز
شكلها بيشهي ، بدي شي مرة اجرب هالتتبيلة
كيفو ادووووم

[عسولة فلسطين]

ومساكِ يا عيون
يااااااااااااي بحب اجواء الهوا والعواصف انا هههههه
صحة وهنا ع السمك... لازم أكون متوصية فيه ( حبيبي ) هادا
كيفهم لانا واسيل وادوم حبيبي
دودو.... عاد أنا أهلي وجبة العشا ملغية عندهم هيك متعودين وصار العكس لما تزوجت بآحاول أأقلمه ع هيك بس مش عارفة هههههه وهو زوجي ما شاء الله عنه جهامي طووووووويل وعريض شوي

[حيفا]

اهااا عندنا الوزن الزائد وراااثه ، وكمان انا بحب الشوكولااااتات والحلوياات ، بتعرفو الكل بقلي ع اكلك لازم تكوني قشة هههه ، لاني الاكل العادي مش كتير ، بس بحب الاشياء الهبله الل بتنصح ، زوجي بيتعشى وانا ما بقدددر اكل شي بالليل ، يعني ممكن شي خفيف ، بس اكل اكل مستحييييل ، مشلكتي بس في الشوكولاتات والشيبسات والحلويات ، يم يم يم
وكمان بحاول اني ما اكثر ، مع اني لو افلت حالي بصير قد وزني مرة ونص ههههههههه وع قولة دودو نسمه الهوا بتنصحني هههههه

اهلا عيوووون مساء الوووورد ، وياستي ربي يمن علي بكره الشوكولاتات والحلويات هههههه

[~{{ DoDo }}~]

عسووولة
وانا ببيت اهلي وجبة العشا ملغية كماااااان
وكنت متاقلمة ، زوجي مرات بيتعشى ومرات لا
بس ما بجبرني اكل الحمدلله والا لو باكل معه هههههه كان وييييييين
هو ضعيف وقد ما اكل ماشاء الله الله يحميه ما بينصح هههههه العكس شايفة

حيفا
هي الحلويات والشيبس وهاي القصص ادمان ومصيبة بجد
الواحد بيضعف قدامها ههههه الله بيعين

[عيـ‘ـون المهـ‘ـا]

عسوله و حيفا
جربو Turbo fire بالبيت
و بتئدرو تمشو اكتر من 2 mile
بالبيت المشي المتحرك
اكيد اذا عندكم اراده قويه كل يوم راح تشوفو الفرق
و يسير جسمكم يبني عضلات و يتخلص من كل الدهون
المتراكمه

[حيفا]

وصحه وهناااا عالسمك
انا كمان عملت سمك فييليه بس بتتبيله الثوم والبقدونس والفلفل الحار :)

صار لازم ودعكن صباااايا مع انه لا يمل والله بس زوجي اجااااا وبده عشاااا هههههه

تصبحو على خيييير وليلة سعيييييده :)

[عسولة فلسطين]

آآآآآآآآآآآآخ ع التخن من الهوا آآآآآآآخ
حيفا خلص تعي بكرة نبلش والله بحكي جد بنركز ع التفاح و المي كتيييييييييييير وبنآكل كل شي نفسنا فيه بس بنحدد الكمية تكون كأنها عينة
والشوكولاتات والشيبسيات نبعد عنها

[~{{ DoDo }}~]

حيفا
صحتين لزوجك ديري بالك عليه
والله يسهل عليكي ؛)

عسولة
معك حق التفاح والمي جدا ممتازين لتخفيف الوزن
بس الواحد يداوم ويقلل الكميات ويتحرك

[عسولة فلسطين]

اه والله حيفا لا يمل منكم
بس زوجك أهم وأحلى عشا بده أحلى ابتسامة يا حلو صحة وهنا
عيون المها بتعرفي انا وقت كنت بنت كنت مهتمة بحالي أكتر مسجلة بنادي رياضي عنا و بالعب بالبيت وآكل كل شي صحي و اطلع امشي برة والرقص بالبيت بس هلأ ما بعرف مالي كسل وعدم ارادة مش طبيعية
بس جد من أعماق قلبي حابة ارجع زي ما كنت لما تزوجت صح مش ضعيفة بس كسمي حلو كان
عارفة حتى تخني هلأ بيأثر عندي ع الحمل الدكتور قالي انتي لازم تكوني أكتر وحدة حريصة بالكون ما تزيدي كيلو وقد ما تقدري اضعفي آآآآآآآآآآآآآآآآآآآآآخ بس

[عيـ‘ـون المهـ‘ـا]

دودو
هلا **تسلمي على السؤال ادومه بسلم عليكي
و ان شاء الله تشوفي عمر باتم الصحه
هاد زوجي متل زوجك ما بينصح
زوجي نفس الكسم من اول ما تزوجنا
لانو كمان طبيعة شغل زوجي بدو حركه قليل ليئعد على المكتب بس لمى الزبون يوقع على شرا السياره ههههههه

حيفااا
بالهنا فيه العافيه تتهنو بالعشويه [:
اها السمك كتير طيب لو كل يوم اعمله ما بزهئو
بكل انواعو ما عدى السكالوب


عسولة
حبيبة البي ادم و لانا واسيل بسلمو عليكي
اها الله يخليلك ياه حبيبتي و تضلك مدلللاه [:

[عسولة فلسطين]

hwaml03الله يسلمك ويسلمهم يا عيون
الله يخليلك اياهم وابوهم يارب
انا السمك برضه بحبه كتييييييييييييييييييييييير بكل أشكاله

[عيـ‘ـون المهـ‘ـا]

iiiiiiii
هههه صحي ادم على نغمات النكد
شكلو هو ياللي متوصي في
بدي اعرف السر كل ما اكتب بالدردشه بفيئ

[عسولة فلسطين]

هههههههههههه يسعدده العسل يا ناس
هو انتي مش عارفة شم ريحة خالتو اكرام قال لازم أمسي عليها هاي حبيبتي
عرفتي السر ^_^

[عسولة فلسطين]

احساس وينك بالعادة بتسهري؟؟

[احساس أنثى]

شكرا عسوله ع سؤالك بس هي ترويحتي من مستشفى الاطفال اخدت زوزو
صحي ع نكد مش طبيعي ساعه ضل ويئين طلعو عندو التهابات بصدرو
الرشح نازل ع صدرو / اعطوه 3 تبخيرات وابره ولما تحسن روحوني
وكتبلو ع علاج

[عسولة فلسطين]

حبيبتي يا احساس انتي بتنوري الدردشة والله
والف سلامة عليه لزوزو اليوم الجو هوا شوي يمكن لهيك
المهم انه منيح وبخير الحمدلله ربنا يطمن قلبك عليه
دفي الغرفة منيح وما تطلعيه منها لغاية ما يصير تمام التمام ان شاء الله

[Heba T]

احساس
الف سلامة عليه زيزو هالولد من مرضة للتانية ،، الله يحميه و يبعد عنه كل شر

[Heba T]

شكلكم رحتو تنامو؟!

[Heba T]

امممممم طيب تصبحو على خير

[عسولة فلسطين]

لا هيني يا هبوشة
صاحية

[Heba T]

بنات بس قبل ما اطلع والله ام جودي الها وحشة كتيييير،، ان شالله تيجي تطمنا عنها

[Heba T]

اخيرا يا عسولة لقيت حدا

ع فكرة المطبخ عندي بدو ترتييييييب اخخخخخ والله زهئت ضب و تنضيف لازم يوم نرتاح

[عسولة فلسطين]

ممممممممممم تلاقي الخير يا هبوشة
وبما اني صرت لحالي خليني اروح أكمل الرواية مع كاسة نسكافية
وحنام وأنا ناوية ع الريجيم هههههههه
بكرة رايحة بيت أهل زوجي يا بشوفكم بالليل يا بعد بكرة
تصبحوا على خير

[حواء مثالية]

منورات صبايا

احساس انتبهي لزياد حرام كل فترة باخد علاج شكل مش كويس

انتي طول ما الطقس بارد ما تطلعي من الغرفة من مره الله يحميلك اياه يا رب ويشفي

[عسولة فلسطين]

هبوشة يللا هيني معك شوي
اه والله ام جودي وغموض وعددي البنات المختفيين
ييييييييييييييييييي ع شغل البيت ما بيخلص
انا مش لاحقة كل شوي مسح وترتيب وبيتي دايما نضيف ههههه
انهلكت منه كيف لما يصير عندي بيبي الله يعينه
بحب دايما ريحة بيتي معطرة

[Heba T]

هلا حواء

عسولة والله انا عندي اسماعيل الله يخليه ما بخلي اشي مكانو،، وكل اشي العاب يعني كل اشي بالبيت لعبه الو

[Heba T]

تصبحو على خير

[عيـ‘ـون المهـ‘ـا]

هههههههههههه يسعدده العسل يا ناس
هو انتي مش عارفة شم ريحة خالتو اكرام قال لازم أمسي عليها هاي حبيبتي
عرفتي السر ^_^
هههههه حببتي الله يسعدك انتي العسل كلو [:
اهااا بئول ليش سكت على طول و صار يضحك هههههه
ادوم ببعت الك احلى سلام و بوسه كبيره كمان
فترة النهار احيانا بئوم متنكد بس الصبح احلى صباح هو صباح ادم
بئوم يضحك و يلعب عمرو ما نكد الصبح
يعني هو هلمزبوط عسول اول ما يصحى من نومة الصبح

[عيـ‘ـون المهـ‘ـا]

~ أإأإأحساس ~
سلامتو زياد مسكين كتير بمرض

ديري بالك عليه حبيبتي و دفيه و ان شاء الله معافى

[احساس أنثى]

الله يسلمكم يابنات شو اعمل
من كتر الحرص لو خففت بلوزه بمرض
ومن كتر ما بيحملوه اعمامو 5 هادول ويلي مقلوز ويبي مرشح

[احساس أنثى]

الظااااهر لوحدي انا

[احساس أنثى]

يالله نعست وزيااااد صاحي عيونو ماقيهم اي نعس

[إنبثاقة أمل]

صباح الخيرات

شو أخباركم جميعا

احساس سلامته ابو الزوز ربي يعافيه ويحفظه من الشر

الله يعينك ع هالشتا من تعب لتعب

حيفا وعسوله خدوني معكم واعملولي رجييييم ههههههههه

ااااه من الابر والادويه وهمها

انا ع الكلوميد ما تأثرت كتير

بس لما نويت اعمل تلقيح صناعي اعطوني ابر مو طبيعي الي بصير معي

بسمن بطريقه غريبه

جد اكتئبت الله يعين وريحنا منهم

بدي احكيلكم شغله غريبه بتصير معي

انا لما اكون عند زوجي علامات التبويض مابشوفها بالمره صح بكون عندي التبويض ممتاز الحمدلله بس علامتها ابدا بتختفي

ولما اجي عند اهلي وابعد عن زوجي كل علامات التبويض بشوفها !!!

هالشغله طلعت من راسي والكل بحكيلي روحي عند شيخ يقرأ عليكم

مابعرف شو أعمل

الله يعين ويسهل الامور

[حواء مثالية]

الله يكون بعونك يا احساااس هاد الي بخلي ابنك يمرض الكل بحملو بتعرفي انا لو اعطي مجال للي عندي كان بعملوا اكثر من الي عندك بس انا ما بهمني زعلهم وقت الموضوع يتعلق في برلنت اهم شي عندي تكون بخير وانا وقت يكون حد مربض من دار عمي ما بروح عليهم وما بخليهم يحملوها

وايام البرد لو كان نسمة هوى برا ما بطلعها من البيت والي بدو يشوفها ويلاعبها بيجي عندي على البيت

بالاول كانوا يزعلو بس هلا عرفوا انه لمصلحة البنت واتعودو

[حواء مثالية]

هلا انبثاقة منورة يا قمر يسعد اوقاتك

[إنبثاقة أمل]

اهلين ياقلبي

الحمدلله انا بخير

كيفك وكيف قمرنا برلنت

وكلامك صحيح والله المهم صحة الطفل والي بيزعل اخرته برضى :)

[حواء مثالية]

الحمدلله نحنا بخير برلنت من شوي نامت الها فترة نومها مو كثير عشان بتسنن

[إنبثاقة أمل]

ياقلبي عليها

ربي يحفظها ويعينك ع فترة هالاسنان كتير بسمع هالفتره صعبه

[حواء مثالية]

تصبحوووووووووو على خير

[إنبثاقة أمل]

تلاقي الخير ياقلبي

[عيـ‘ـون المهـ‘ـا]

الله يسلمكم يابنات شو اعمل
من كتر الحرص لو خففت بلوزه بمرض
ومن كتر ما بيحملوه اعمامو 5 هادول ويلي مقلوز ويبي مرشح
انا طول فترة الشتا بضل ملبسه ادم نفس نظام اللبس
حتى يضل جسمو محافظ على نفس الحراره
و المفروض ما يحملوه عمامو لمى يكونو مرضانين
لسى طفل صغير و بسرعه بياخد الفيروس
انا لانا أو اسيل اذا رشحو بضل انبههم ماما لا تئربو على ادم

و من فضل الله الحمد لله ادم لحد الان ما رشح او سعل
و ما بطلع بادم مشاوير كتير و اذا طلعت زوجي بحملو و بلفو بحرام لحد ما ادخل السياره و هيك لمى نرجع البيت
ان شاء الله دائما الصحه و العافيه لاطفالنا جميعاااا
بس احرام و الله انتي بتتغلبي و بعدين كتر الادويه مو كويسه تضل تختلط بدم الطفل
و كلام حواء صحيح لانو الام هي اللي بتتغلب و الطفل بتعب

[إنبثاقة أمل]

تصبحو ع خير :)

[إنبثاقة أمل]

نسيت اسألكم حدا بيعرف عن غموض شي

عن جد طولت الغيبه علينا

يارب انها بخير ويكون غيابها خير وبشاره حلوه معها :)

[احساس أنثى]

شو اعمل ياصبايا بقدرلهمش هههههههههه
وحكاية التخفيف انا بقلك اني غلطانه

[لولو الفلسطينية]

صباح الخيرات على احلى بنات
شو اخباركم ؟
ما شاء الله ههههه اول كم صفحة عن الحلويات و الاشياء الزاكية و اخر كم صفحة عن الرجيم و التنحيف hwaml02 يللا ان شاء الله كل وحدة فيكم بتقوي ارادتها وز بتوصل للوزن يلي بدها اياه
انا في الاصل مش ضعيفة و لا سمينة يعني جسمي عادي و المهم انو زوجي ما بحب البنت الضعيفة هههه بحب الدسم بس يعني مش يكون اشي زيادة ...... وسط يعني
و هو ما شاء الله زي جوزك يا دودو ضعيف و ما بينصح ابدا
اه دودو على هالسيرة كم كيلو صرتي زايدة لهلأ ؟؟؟ انا تقريبا 5 الله يستر في الايام الجاية هههه
احساس سلامته ابو الزوز الله يحميلك اياه
نبض الله يكون معك و يحقق كلشي في بالك يا رب
بس جد في بنات مختفيات زي غموض و ام جودي ان شاء الله يكونو بخير
كل الصبايا الموجودين و الي نايمين شو اخباركم
الله يسعد صباحكم كلكم

[احساس أنثى]

الله يسلمك لولو حبيبتي

[لولو الفلسطينية]

يا الله يا بنات رجلييه شو بوجعوني صارلهم يومين لأني زمان ما مشيت مشي كتير و بالقدس ما خلينا محل بعتب علينا
ههههه بس لما دخلنا اخر محلين و الله صرت ابكي زي الهبلة ..... بتعرفو ليش ؟؟؟
لأنو الاواعي بجننو و عليهم تخفيضات شي 50% و شي 70% و طبعا مش للحوامل و انا كتير عجبني اشياء و لما ادخل اقيسها و اجربها يطلع شكلها بضحك علييه هههه ..... مع انها بطني مش طالعة كتير كتير بس شوية صغيرة
و وزجي بسألني ليش بتبكي بحكيلو حميانة و ما بدي اشلح الجاكيت هههه ..... طبعا ما اقتنع بس مشاها

[~{{ DoDo }}~]

صباح الخير
جيت اصبح عليكم قبل ما اطلع او انشغل

احساس
حبيبي زوزو الف سلامة عليه واللهركتير بيمرض
الله يكونلك معين يارب ، والله الاطفال والامهات بيمرضوا من مرضة البيبي
ديري بالك عليه اكيد مش مقصرة وبلاش تطلعيه كتير من الغرفة متل ما قالت حواء
قوليلهم مريض مش قادر حرام
حبيبتي بيروح الشر عنه الله يحميلك اياه يارب

حواء
كيييفك وكيف برلنت القمر والحمل
ماشاء الله شو الايام بتجري صرتي باخر التالت
وقربتي تعرفي جنس البيبي ، ربنا يتمملك ع خير يااارب

عيون المها
والله زوجي من سنة و9 شهور يعني من اول الزواج لهلا
على نفس الكسمات وصحابوا بيغاروا منه لانه كلهم صاروا بكروووش بعد الزواج
بس هو هيك طبيعته يا ريتني متله هههه بس انا طول ما انا واعية ومحافظة ما بنصح الحمدلله

انبثاقة
حبيبتي كيفك وكيف اهلك
متى راجعة عالاردن ؟
صحيح بدي اقللك شي
انا قبل ما احمل بشهر نص
انا وزوجي خلينا واحد كبير من قرايبنا يقرالنا على راسنا الرقية الشرعيةر
كل واحد لمدة ساعة تقريبا ، والحمدلله الحمدلله ربك سهلها ، الكل كان يقللنا فيكم عين ومحسودين
والله وجابت نتيجة ، توكلي على الله وخلي اي حدا كبير بالعمر يقرالكم الرقية الشرعية

لولو الفلسطينية
هههههههههه لا تساليني اسئلة محرجة. :(
انا اخر مرة بموعدي كنت زايدة 6 كيلو ومكتئبة
والدكتورة بتواسيني وبتقلي عادي ولسا معك مجال ل 16 او 17 كيلو
وتعي شوفي مريضاتي واوزانهم وقولي الحمدلله
بس والله دايرة بالي ، بالليل ما باكل الا فاكهة او حليب او لبن
بس بفطر فطور عادي وغدا عادي وما بنقنق كتير وزوجي اصلا ما بيرضى يجيبلي اشياء مضرة
زي الشيبس والموالح عشان قرأ انها خطر عالحوامل وبتعمل بلاوي ، يعني كا اسبوعين مرة يمكن هههههه حكم القوي
الله يستر من الي جاي انا متلك بطوني لسا مش هالقد مبين بالتياب بس صدري ومحيط خصري عرضانين
عشان هيك تيابي اديقت ، وبلبش بنطلونات حمل وبلايز عادية بس واسعة شوي
وعندي كتير فساتين بدي استغلها بالصيف

جارة وحيفا وعسولة ولولو حمادة وام عمر وام عمر 2 وام جودي وغموض ومسك وهبة وحلا الالماس وام عبد الله لولو ومين في بنات
كلكم يسعد صباااحكم
غموض وام جودي افتقدنااااااكم وين هالغيبة ، ان شاء الله تكونوا بخير حبيباتي :)

[لولو الفلسطينية]

اهلا دودو يسعد صباحك
هههه الحال من بعضه

[لولو الفلسطينية]

بنات شو بدكم تطبخو اليوم
محتارة و مش حاي عبالي اعمل شي

[ام عبدالله لولو]

الله يسعد صباحكم جميعا يارب ..

[حنان الصمت]

مرحبا احلي صباح الخير لاحلي لفلسطينيات.....انا بدي انضم إلكو انا حنان الصمت من غزه حامل في الشهر الثاني ....حترحبو فيا..ولا لاء؟؟؟؟؟ وبدي صديقات اتواصل معاهم..انا بحب الصداقه كتيييييييير..

[احساس أنثى]

صباحك فل دودو / مهوا ابني البارد تعود ع للحمل كان بدي احبسو
عمتي بتقلي لاتعطيهم اياه قصدها ع اولادها طيب منتس عودتيهم
اعطيهم اياه بحبوه انا عارفه

لولو معقول مالقيتي ولا موديل حلو للحوامل !!

حنان الصمت هلا بيكي اخت بينا اكيد حتنبسطي معنا ومبروك الحمل ربي يتمملك ع خير

[احساس أنثى]

صباح الفل والياسمين ام عبد الله

لولو احنا عاملين سمك غُبُص تفضلي

[احساس أنثى]

اختفااااااااااء

كالعاده !!!!!

[ام عبدالله لولو]

الله يسعدك احساس .. والف سلامة للحلو

اهلا حنان الصمت والله يمملك ع خير

[احساس أنثى]

عيوني كأني فاتحه مناحه هههههههههه من الرشح
عداني زوزو

وبدي اتحمم وعندي وجبة غسيل كسلااااانه ع الاخر
نفسي ارجع اكمل نومي / لانو زياد افندي الليله نيمني ع 1
وهوا بالعاده بنام ع 10

[احساس أنثى]

ام عبد الله انتي معك بس عبد الله ؟؟ كم عمرو ؟؟
معلش ماعندي زاكره قويه من بعد ماخلفنا بطل في مخ ههههههههه

[ام عبدالله لولو]

هههههههههه تسلملي يااحساس والله انا حامل 4 شهور وجوزي بدو يسمي عبدالله

[حنان الصمت]

أهلا وسهلا بالحاضرين وبأم عبد الله...
يعني تجاوزا .........يارب يجي عبد الله ويملي عليكي البيت....ليش طيبا نيمك علي الواحده سلامتو وسلامتك.؟؟ مالكو

[ام عبدالله لولو]

يعني لسه جديد متزوجة 6 شهور

[احساس أنثى]

الله يخليلك اياه ويحي بالسلامه يارب / انتي مابتحكي كتير كان لاحظت وفهمت :)

حنان زوزو مفلوز ومعاه كحه وعداني فلوزت زيووو :)(
الله يسلمك حبيبتي

انتي كم عمرك وهاد اول حمل وشو مخلصه ومن وين من غزه ؟

[ام عبدالله لولو]

نسلمي ياحنان الله يفرحك يارب .. صبايا شو طبختو اليوم

[حنان الصمت]

الله يخليكون يارب انا متزوجه من 4 سنوات معايا بنتين وانا هلا حامل وان شاء الله يارب علي خير...

انا يااحساس من حي الزيتون ازا بتعرفيه؟؟ عمري 22 سنه ؟؟؟وشو كمان حابين تعرفو عني؟؟

[لولو الفلسطينية]

احساس ما هو انا اشتريت بس ما فشيت غلي هههه
اصلا للحوامل ما كان الا محلين و بس
و الباقي لغير الحوامل
يللا بعد الولادة رح افلس زوجي و اعوض صبري كل هالشهور hwaml02
ام عبد الله اهلين يا حلوة زمان عنك ***** انتي كم عمرك ؟
حنان الصمن هلا و الله و حيا الله هههه نورتينا و شرفتينا بمعرفتك
انا رح اعمل معكرونة اسسسسسرع شي لأني قرفانة شي اسمه طبيخ و وخفة بالمطبخ
يسعد مسا الجميع

[احساس أنثى]

هلا بيكي حنان اكيد بعرفو

لولو مبروكيييين ملابسك

[حنان الصمت]

انا راح اطبخ طبخه عربيه بحته هههههههههههههه عدس وسلق....هههههههههه مفيده جدا صح؟؟
معني والله قرفنه الطبخ وحاسه حالي دايخه....
يلا الله بعين شو بدي اعمل ؟؟

[ام عبدالله لولو]

مسا الورد لكل الصبايا .. عيونك الحلوة يا لولو عمري 25 ... وانتي كم عمرك من وين

[احساس أنثى]

صحتين ياحنان والله زاكي

[احساس أنثى]

حنان انتي لاجئه شكلك صح ؟؟

[ام عبدالله لولو]

كيف ابنك يا احساس ان شاء الله اتحسن

[لولو الفلسطينية]

ام عبد الله انا عمري 19 و نص من الخليل
البنات اليوم كسلانين و ما بينو hwaml03
حرقت اصبعي من البخار الطالع من الطنجرة
هههه من هون لشهرين مش رح يضل بايديه ولا محل مش محروق hwaml02
الله يستر هههه

[جارة القمر]

يسعد مساااااااااكم


اليوم رحت حطيت لولب باركولي هههههههههه


احساس::

الف سلامه على زوزو شريت جهاز التبخيره لزيد مع الادوية اللازمتوووو الفنتولين والتاني انسيت اسمه ....
كان صدره مسكر من البلغم مسكين والله عانيت معه بس الحمد لله طاب وان شالله ماتتكررر.........
تعي خدي الجهااااز .....مني رح يستفيد زوزو......


لولو::

هههههههه ضحكتيني نحن بنجي مخصوص على الخليل لنشتري من عندكم الملابس لانهااااا احلى من عنااااا
وانتووو جيتوووو وشريتوووو من عنااااا
مبروكين الملابس .......


اهلا وسهلاااااااا حنان الصمت

[~{{ DoDo }}~]

يسعد مساكم صبايا كيفكم

حنان الصمت
اهلا وسهلا فيكي معنا
والله يتمملك على خير ياااارب نورتي

ام عبدالله لولو
الله يتمملك على خير انتي كمان
وان شاء الله دايما بخير

لولو
معلش السنة الجاي ان شاء الله بتلحقي التخفيضات وبتشتري ولا يهمك
هههههه الحال من بعضه اانا كمان ايدي مشطبة من الحرقات تعت المطبخ
خلص هاد شي لا بد منه ههههههه

احساس
صحتييييين عالسمك
ان شاء الله زوزو تحسن شوي طمنينا عنه

جارة
الحمدلله عالسلامة
حلو ركبتيه وارتحتي
ان شاء الله ما يعملك مضاعفات يااااارب ويكون بيناسب جسمك
سلامته زوزو ما بيشوف الشر ان شاء الله :)

باقي الصبايا المختفيين يسعد اوقااااااتكم

[احساس أنثى]

تسلمولي ياصبايا
الحمد لله تحسن عن اول كتير

والله يلهديل جوزي قال بدي اجيبلو واحد بس مارضيتا قلتا هاد يالطيف للي معهم ازمع فال مش كويس عهههههههههه
تفكير عبيط بعرف

[احساس أنثى]

انا الكهربا قاطعه عندي بس شغلنا ماتور :)
ان شالله الاقي حد مش كالعاده وحيد ياليل ههههههه

[جارة القمر]

دودو:
الله يسلمك ......بالنسبه لزيد الحمد لله فتره وعدت


احساس::

ههههههههه هبوله بعيد الشر عن زيااااد لااااا ابدا جهاز التبخيره بيريحك تروحي على المركز الطبي لتعملي هناااااك
وانضف ..........

[احساس أنثى]

اه والله صحيح ممتاز بلبيت
بس انا لاحظت بالمستشفى انو بحطو جوا التبخيره شي زي محلول زي ميه مابعرف شو !!

[~{{ DoDo }}~]

احساس
لا تفكري هيك ابدا
بعرف كتير ناس صحابنا
عندهم اطفال بيمرضو وبرشحو من وقت للتاني
واشترو هاد الجهاز مريح كتير. ومتل ما قالت جارة انضف واسرع بالبيت
مش غلط بالعكس هو اصلا مش للازمة مخصوص ، التبخيرة للحساسية اللي بالصدر عاااادي

[حيفا]

مساء الخير وللاحساس والطيييبه :)
ازيکم کلکم
بکلمکم من الموبايل لهيک ماقدرت اقلب بالصفحات
بس عندي سؤال. لجاااره انت بتابعي بکوبات حوليم او دکتوره خاصه* ??

[~{{ DoDo }}~]

اهلا اهلا حيييفا
يسعد مساااااااكي

[جارة القمر]

احساس:

هاد الملحلول اسمووو فنتولين +ماء وملح (طبي)


حيفااا:

كوبات حوليم للمراجعات العادية اما متل اللولب رحت على دكتورة خاصة .....

[حواء مثالية]

يسعد مساااااااااااااااااااااااااكم منورات صباياااااااااااااا

[جارة القمر]

~هلااااااا ♥ حوااااااااء~

[جارة القمر]

اפـساس و ينك؟!

[~{{ DoDo }}~]

اهلا حواااااء يسعد هالمسا
كييييفك

[beboo]

مسا الخير صبايا كيفكم ان شاء الله كلكو بخير

حبيت ادردش معكو قبل ماتقطع الكهربا شو اخر اخباركم

[حواء مثالية]

الله يسعد اوقاتكم يا بنات انا بخير والحمدلله

[لولو الفلسطينية]

مسا الخير
يسعد اوقاتكم
جارة احنا ما رحنا خصوصي عشان الملابس بس دخلنا على المول يلي في مملة و على الكنيون اكيد بتعرفيهم و تفرجنا و شرينا كم شغلة و كس نا رجلينا هههه
دودو و الله اصبعي مولع زي النار و فيه حروقة مش طبيعية و جربت الف شغلة و مش راضي يخف و راح زوجي يجيبلي دوا من الصيدلية و ان شاء الله يخف
و قبل حوالي ساعتين بابا عمل حادث و الحمد لله الحمد لله ما صارله شي و السيارة يلي ضربت فيه كان فيها زلمة و
وحدة حامل و الحمد لله كمان تقريبا ما صارلهم شي بس السيارات شوية تطبشو ........ السيارات في داهية المهم ما صار لحد شي و الحمد لله
الله لا يضر حدا
انا داخلة من الموبايل بس حبيت اشوف اخباركم
يسعد ا قاتكم صبايا

[حواء مثالية]

هلا لولو الف الحمدلله على سلامته ابوكي العوض بسلامته

[احساس أنثى]

لولو الحمد لله ع سلامة الوالد ويلي بالسياره التانيه
فداااه السياره

[احساس أنثى]

مافي حد سهران شكلو !!

[حواء مثالية]

انا هوووووووون يا احساس شو عاملة هلاhwaml8 انا مالة شوي

[إنبثاقة أمل]

صباح الورد

شو الاخبار .. يارب الجميع بخير

اليوم اختي حطت اولادها عنا وراحت ع المستشفى ع شان بكرا الصبح ان شاء الله ولادتها

الله يقومها بالسلامه ويطمنا عليها

[احساس أنثى]

صباح الخير

سوري حواء نمت :)

انبثاقه ربي يقومها بالسلامه اختك يارب طمنينا عنها وشو الله اعطاها ؟!