دردشة بنات فلسطين, دردشة حوامل فلسطين, تجمع بنات فلسطين

[نبض قلب]

هل من احد هناااااااااااااااااااااااhwaml5

[نبض قلب]

بدي اروح عالجامعة سلام

[~{{ DoDo }}~]

صباح الخير صبايا

بيبو
اشتقتلك والله كييييفك ؟
شكلها الكهربا مغلباكي عشان هيك ما طليتي مبارح

لولو
الحمدلله على سلامته ابوكي
الحمدلله اللي اجت ع هيك الله ستر وفدااه السيارات
المهم السلامة ، وسلامه ايدك كمان شو طمنيني جاب نتيجة الدوا ؟

احساس
صباااااحو شو الاخبار يا حلو ؟

انبثاقة
بالسلامة لاختك حبيبتي
ربي يقومها بالسلامة وتجيب احلى بيبي
وعقباااااااالك يارب ، طمنينا

نبض قلب
يسعد صباحك
وموفقة بالجامعة

مسك
صرلك يومين مختفية اين انتي طمنينا عنك

ام عمر (رشا)
يا ريت فيكي تفوتي وتطمنينا عنك وعن البيبي
بجد قلقانة عليكم

لولو حمادة
دخلتي قبل مبارح ورجعتي غبتي
ان شاء الله تكوني بخير

ام جودي وغموووووووض
وييييينكم يا بنات شو هالغيبة
والله افتقدناكم وقلقنا عليكم تعوا طمنونا

باقي الصبايا كلكم يسعد صباحكم ويومكم سعيد باذن الله :)

[حيفا]

صباااحو صبايا :)

كيفكم جمييعا

دودو صباح الورد والياسمين يا حلوة

انبثااااقه ان شاء الله اختك تقوم بالسلامة يارب هي والبيبي طمنينا عنها

جااارة سألتك لانه انا كنت اراجع عند طبيبة خاصه ، بس هلاء هاد الدكتور اللي رحنا عليه انا وزوجي بكوبات حوليم ، قلنا لازم اكون مع زوجي يعني اراجع عنده واتعالج عنده ، خايفه يكون في اهمال بتعرفي كوبات حوليم كيف تعاملهم ، مع انه الدكتور بروفيسور عقم يعني اكيد بيكون فهمان ، بس خايفه ما بعرف ليه


لووولو سلااامتو ابوكي ماعليه شر يارب ، وفداه كل السيارات

كل الصبايا ، صباحكم خير وبركه ونشاط ،ويومكم سعادة باذن الله :)


وشو طابخين ههههه ؟

[احساس أنثى]

يسعدلي صباحك دودو
فقدانا كلنا ربي يسعدك

انا تمااااااااااااام وزوزو بخير بصبح عليكم

[حيفا]

وغموووض الدبه في غيااااااااب ، شكلي رح ازعل منها :(

[~{{ DoDo }}~]

حيفا
يسعد صباحو الحلو
السؤال المعتاد شو طابخين ههههه
زكرتيني اطلع صدور دجاج
زوجي بدو اعمله صدور دجاج مع خضار سوتيه
انتي شو مقررة تطبخي

احساس
الله يسعدك يااارب ويخليلك الزوووووز بوساتي اله

[حيفا]

اهلا صباح الورد احساااس


دودو طلعت قطع لحمة بدي اعمل يخني بازيلا وجزر ورز
صحة وهنا عالجاج بالخضار :)

[~{{ DoDo }}~]

ع قلبك ياارب
وانا البازيلا عملتها الاسبوع الماضي بحبها كتيييير
صحتييييين ؛)

[حيفا]

على قلبك دودو يا حلوة
وكمان ناوية اعمل شي حلو اصالح فيه ابو الشباب طلع وهو زعلان ، صاير حساس كتيير ، كل كلمة بحكيها بفسرها بككيفه وبزعل منها ههههههه

[~{{ DoDo }}~]

ههههه الله لا يجيب الزعل
والله الرجال متل الاطفال عن تجربة يعني
الله يخليكم لبعض ، اعملي شي حلو وصالحيه ان شاء الله الامور بتكون تمام ؛)

[حيفا]

اه والله اطفال
بضل اقول لزوجي انت ما شاء الله معودني ع الحياة مع وجود طفل ههههههههه

الله يحفظلنا ياهم يارب :)

[حلا الماس]

صباااااااااااااااااح الخير يا عسولات ...

كيفكم اليوم .. شو اخباركم

حيفا انا اليوم طلعت سمك من التلاجة وبدي اعملو قلي ويمكن اعمل جنبو قلاية بندورة ومتبل باتنجان

معلش غبت عنكم كنت مريضة ومفلوزة والجيوب الانفية كتيير تاعبتني ... وحتى جوزي وولادي مرضانين كلنا

بس الحمد لله اليوم صحيت وحاسة حالي متحسنة شوي عن اول

لولو .. حمد لله على سلامتو ابوكي ...

كل الصبايا .. مشتاقتلكم جميعا .. ويسعد كل اوقاتكم ♥ ♥ ♥ ♥

[جارة القمر]

صباحكم عسل.
لولو
اهاااا اكيد بعرف انه التسوق مش الشي الاساسي اللي جيتوووو عشانووو بس انا
لاجي على الخليل عشان اتسوق
الحمد لله على سلامة والدك

حيفاااا
مادام بروفيسور توكلي على الله لو دكتور عادي بحكيلك روحي على خاص


انبثاقة

تقوم بالسلامة اختك

[~{{ DoDo }}~]

حلا الالماس
سلامتك وان شاء الله بتضلي احسن على طول يااارب
وصحتين عالسمكات بالهنا والعافية يااارب
يومك سعيد حبيبتي

جارة
يسعد صباااحك

[حيفا]

حلا الماس ، هلا يا حلوة نورتي ، الف سلامة عليكي وصحتين عالسمك :)

جارة حبيبتي خلص بنتوكل على الله وبنمشي مع هالدكتور وربنا يجيب اللي فيه الخير :)

[جارة القمر]

نفسي انااااام انااااا بالمحاضرة والله نعساااااانه

[لولو الفلسطينية]

مسا الورد يا بنات
شو اخباركم ؟
الله يسلمكم حبيبات قلبي انتو
دودو يييييي و الله ما في شي نافع مع هالاصبع و الدوا يلي جابو زوجي عشان ما يضل للحرق اثر بس و الله بحرقني كتير و لونه صار احمر احمر و في النص على زراق هههه و طلعت فيه فقاقيع ز ي الحبوب فيها ميه ههههhwaml02
و اليوم ستي عازميتنا على ورق عنب و هي ما شاء الله بتعملو غير شكل و انا نفسي اروح لأني زماااان ما شفت سيدي و ستي بس اليوم مش عارفة شو مالي صحيت من النوم جسمي مكسر و راسي مصدع كأني مضروبة عليه من قدام و مش جاي عبالي افارق التخت
و عندي باقي معكرونة من امبارح
حلا الماس سلامتكم يا عسل ما تشوفو شر
حيفا ربنا ما يجيب الزعل
احساس يسعد صباحك يا قمر
غموض و ام جودي الدبات ابصر شو مالهم مش مبينين جد طولو الغيبة ان شاء الله خير
جارة النعسانة هههه يسعد صباحك
انبثاقة الله يقوم اختك و البيبي بالسلامة و ان شاء الله تكون ولادتها سهلة
عقبالك يا رب انتي و الصبايا
كل الصبايا بدون ما اذكر اسماء و انسى حد ان شاء الله تكون اموركم تمام التمام

[جارة القمر]

سلامة اصبعك لولو هلا انتبهت

[لولو الفلسطينية]

ام عمر يا ترى شو اخبارها و ان شاء الله بنوتتها تحسنت و صارت احسن ؟؟
يا ريت لو تدخل تطمننا
الله يشفي بنتها و يحميلها اياها

[لولو الفلسطينية]

هههه الله يسلمك جارة

[Heba T]

صباح الخير او ضهر الخير

احساس شفت بتحكو عن جهاز التبخيرة ، انا عندي واحد و استخدمتو بس مرة لاسماعيل كان صدرو تعبان بس مشالله مرة والتانية ع طووووول بروق ، ومش مهم المحلول الملحي اللي بحطوه ، انا حطيتلو بابونج كنت عاملاه قبل بوقت بارد ، وممكن تغلي اي اعشاب تساعد ابنك ، كتير منيح هالجهاز .. احسن من الطلعة بالولد وهو مريض تعمليله تبخيرة و يرجع بالبرد بضل مريض يا لطيف

لولو حمدلله ع سلامتو الوالد اهم اشي انو بخير ..

حيفا انا عاملة اليوم فتة حمص ، اول مرة بعملها ..

[احساس أنثى]

مسا الخير صبايا اليوم ان شالله الكهربا راحه
غسلت وتحممت وعملت وجهي وغسلت لزوزو وبدلتلو تيابو وهيني اجيت

ع سيرة الغدا عاملين مجدره تفضلوووووو

حلا الماس ولولو سلامتكم ياحلوات

هبوش من وين شرتي جهاز التبخيره ؟ وكم سعرو ؟؟

جاره مالك نعسانه شو مسهرك زوزو ؟؟ ماطلع السنون

دودو وحيفا شو ناوين تعملو شي حلو دلوننننني خليني اعمل بس يسرعه
عشان ماما يمكن تيجي عندي اليوم تطمن ع زوزو !!

باقي الصبايا يسعد اوقاتكم وايامكم :)

[~{{ DoDo }}~]

لولو
يلا بسيطة ان شاء الله بيخف
وسلامة جسمك
والله انا كل كم يوم هيك بصحى جسمي مكسر وبطني تقيلة
مع انه ما بكون عاملة مجهود الله يعيننا

هبة
يسعد مساكي

احساس
نعييييما
اعملي حلا النوتيلا ازا عندك مكونات
طبقة كيك جاهز مفتت
وطبقة بسكوت مطحون مع علبة قشة و 4 كيري
بتخلطيهم وبتحطيهم فوق طبقة الكيك المفتت
وطبقة تالتة نص علبة نوتيلا مع علبة قشطة كمان بتخلطيهم وبتحطيهم عالوجه
وساعة بالتلاجة وبتكون جاااهزة ؛)

[ام عبدالله لولو]

مسا الخير .. كيفك احساس انت كم عمرك

[حيفا]

مرحبااااا
وصحه وهنا للجميع شو ما كنتو طابخين هههه
هبووووشة الفته هاي قد ما بسمع عنها ، نفسي اعملها ههههه يلا بتعمليها وبتعلميني

احساس انا عملت كيكة كاكاو ، وخبصتها ههههههه استني افرجيكي صورة هاد اذا زبط الصور عالموقع

http://im32.gulfup.com/Z2gDC.jpg (http://www.gulfup.com/?klkYCC)


http://im32.gulfup.com/rtubL.jpg (http://www.gulfup.com/?9hlTLD)



ما يغرك الشكل ، لانه الطعم طيب كتييير هههههه

الكيكة مكونات الكيك العادي بس بتضيفي كاكاو

واللي عالوجه هاد ، كريما مع شوكولاته هيرشي



وطبعا كل الصبايا تفضلووووو :)

[احساس أنثى]

ياسلااااام ياحيفاااا
مبدعه بعد هالقطع المشهيه ابو الشباب حيبطل زعلان :)

دودو اليوم جوزي خلص العلبه هههههههه علبة النوتيلا مدمن بياكلها بالمعلقه

ام عبد الله هلا نورتي انا عمري 24


قررت نااعمل شي بخلي جوزي يروح ويجبلي بسكوت بجيت لانو ماما جايه بعد العصر
مش بعد المغرب ومو باقي وقت مره تانيه بجربها الطريقه يادودو شكلها سهله ولزيزه :)

[حيفا]

حبيبتي احساس ، لا رضي من قبل الكيك *قلبه ابيض ناسي انه طلع زعلان اصلا هههههههههه

بكرا الفلنتاين دااااي
بتحتفلووو فيه ولا طناااااااااش زيي ؟؟

[~{{ DoDo }}~]

حيفا
يم يم يسلمو هالديات شكلها بيشهي
الله يخليكم لبعض ياااااارب وين بدو يلاقي معدلة متلك ؛)
انا اول سنة زواج احتفلت بالفالنتاين بس السنة شكلي طناش
يمكن نطلع نتعشى برا ونتمشى وهيك بس

احساس
اه كتير سهلة وطيبة
وبتنفع وقت الزنقات لما حدا بنفس اليوم يقللك انا جاي ههههه
المرة الجاي جربيها كتييييير طيبة ادمان
انشالله بتنبسطي مع مامتك :)

[حيفا]

دووودو حبيبتي تسلميلي
لا مش كتير معدله يعني من عشر مرات بعمل فيها حلو بتزبط مرة ، ما بعرف ليه هههههههه

وبالنسبة للفلنتاين انا مرة وحده اجتلي هدية فيه من صديقتي ، انا ما عمري اهديت حدا ولا احتفلت فيه

[احساس أنثى]

انا ابتداءً من السنه حطنش الفلنتااااااين
جوزي هيك طلب مع اني فكرت اجيب بس هديه من غير احتفال بس بطلت ههههههههه

[~{{ DoDo }}~]

حيفا
معدلة معدلة ههههه انا متاكدة

احساس
والله بيني وبينك في مناسبات اهم منه يعني
انا مش كتير بآمن بموضوع الفالنتين
لهيك خلص حطنش انا كمان بنوفر شوي ههههههه
جاية علينا مسئوليات

[احساس أنثى]

دودو هاتيلك شي تاني اعملو ؟؟

[~{{ DoDo }}~]

ههههه
طب شو عندك مكونااات

[احساس أنثى]

مش مشكله ببعت ع السوبر ماركت

هاتيلك طريقه تانيه

[~{{ DoDo }}~]

في حلا سهل صحيح اسمه ايس كريم الكراميل
بتخلطي بالخلاط 2 قشطة و 2 دريم ويب و2 باكيت كريم كراميل مع السكر البني تبعه ونص كوب حليب بارد او تلت ارباع كوب حسب الحجم
لما يصير قوامهم متل الكريمة الكثيفة شوي

بتحطي ببايركس طبقة بسكوت وبتسقيه بنسكافيه (كوب مي ساخن مع معلقة نسكافيه مر)
وبتحطي فوقه نص الخلطة اللي عملتيها عالخلاط وبترجعي بتحطي كمان طبقة بسكوت وبتسقيها بنسكافيه
وبتحطي فوق النص التاني من الخلطة وزينيها بيلي بدك اياه وحطيها بالتلاجة شي ساعتين فوق على ابرد شي

[احساس أنثى]

تسلميلي حبيبتي

عزبتك معي . ميرسي

وانا وظروفي يابعملهم اليوم يامره تانيه

أناعارفه حتيجي تنطي ببطني بتقولي الي ساعه بكتب بالاخر مابدك تعملي اليوم ههههههههههههه

[~{{ DoDo }}~]

هههههه لا ولا يهمك
اي شي انا بالخدمة ههههه عندي موسوعة
صحتين بكل الاحوال

[ام عبدالله لولو]

مسا الخير للجميع

[احساس أنثى]

تسلميلي دودو حبيبة قلبي
شكلك بتحبي لاشغلات يلي فيها بسكويت ^_^

ام عبد الله يسعد مساكي كيف انتي والحمل؟؟
كيف عبود حسيتي بحركتو هلأ بتبدأ الحركه خفيفه

[ام عبدالله لولو]

الله يمسيكي بانوار النبي .. والله الحمد لله يعني من اسبوع صرت احسن من الوحم كثير بتعب والريحة ههههههه وحام لحالو بس الحمدلله

[جارة القمر]

مساااااااء الخير

انا وزوجي واصلين من الشغل تعبانين وبنتفشش ببعض ........هههههههه

احساس::

لا والله نمت منيح بس كنت نعسانه من جووو المحاضره هدوء والجو بنعس والله 3 من الموجودين نامووووو مع انه كلنا
على بعض 15 واحد ههههههه
والحمد لله هلا لزيود سنين طالعين متل اللولو عقبال زوزو تبعك ....

[حواء مثالية]

مساااااااااااء الخير

كنت بطوشة واطلعت منتصرة

[حيفا]

شكلو طوشة مع حماااتك يا حوااء ههههه

مسيكي بكل الخير

[حواء مثالية]

والله الفريق كامل يا حيفاااااااااااا حماتي وبناتها هههههههههههههههههههههههه بشرب بعصير تعبت من كثر ما حكيت

الطوشة بخصوص خطبة سلفي كانت جارة سالتني كيف كانت الخطبة بس ما كان مزاجي رايق احكي

مممممممممم عندك وقت تسمعي الطوشة يا حيفا ولا راح اوجعلك راسك

[حواء مثالية]

والحكي للجميع طبعا

[حيفا]

لا احكي يختي احكي وفضفضي هههههههههه

[حواء مثالية]

اسمعي ياختي

هاد قبل الخطبة بيومين اجن بنات حماتي علينا عشان تحضيرات الخطبة وما شابه

هلا انا كنت حاجزة بصالون وصاروا بنات حماتي بدهم يروحو معي اتصلنا وحجزنا انا وبنت حماتي الي مو متزوجه والتانية متزوجه هلا لهون ما في مشكله الا هي المتزوجه اخر الليل بتحكي بدها تاخد اولادها معها على الصالون طبعا مستحيل هالشي لانه اولادها ما بقعدوا وما بخلوا شي مكانه انا اعترضت وحكيت الها ما بنفع وصاحبة الصالون ما بتتحمل

وبنت حماتي التانيه كانت معارضة قبلي على انهم الاولاد يروحوا صار حوار حاد بين حماتي وبناتها واتقاتلن مع بعض لانها حماتي ما رضت تخلي اولاد بنتها عندها وقت شفت الوضع هيك انا قلتلهم خلص انا بشوف صالون تاني وبدها تاخد اولادها معها تاخدهم

اجت بنت حماتي بتقلي اسمعي بدنا نروح على الصالون وبدنا ناخد لولاد معنا قلتلها انا ما بدي اروح انا شفت صالون تاني ومن هون بلشت المشكله صارت تحكيلي انتي ما بتحترمي اختي وانتي وحده قويه ومن هالحكي ما رديت عليها تركتها ورحت قعدت عند زوجي بقلي شو في حكيتله انسى ما في شي انا قلت الموضوع تافه وما بدي اعمل نكد على الخطبة

هلا تاني يوم كان السبت اجت بنت حماتي هاي الي مو متزوجه ورجعت نكشت الموضوع وبلشت بدها تغلط زوجي قاعد صار هو يرد عليها لاني ما بدي احكي لو حكيت بوجود زوجي كان المشكله صارت اكبر انقهرت لي ما رديت عليها وراحت بتقلي اخر شي بدك تروحي على الصالون ولا لا قلتلها لا انا شفت صالون تاني

من هاد الوقت لا حماتي ولا بناتها شفتهم وبلشت الطوشة والمقاطعة

هلا تاني يوم الخطبة كيف الوضع راح يكون هناك

انا قررت اتصرف ولا كانه في شي رحت على الصالون وجهزت اموري اوصلت القاعة كانن كلهن على الباب رديت السلام ولا وحدة ردت الا بننت حماتي التالته هاي صاحبتي وبتعرف انه ما الي دخل

كنت لابسه جلبابي ومش عارفات شو راح البس انا وهون الصدمة الهن لما شافني وقفن بزاوية ومن تحت لفوق يطلعن انا حطيت برلنت بالكوته وهات يا رقص ولا كانهن موجودات

كل الناس بحكو لحماتي كنتك بتجنن وكنتك وكنتك غير الترحيب من باقي العائلة بصراحة فشيت غلي واخذت مجدي

اليوم اجا عمي عشان يشوف مالني ما بروح عليهم حكيتله انجن وقلي حقك عندي هن كاينات مفكرات انه عمي راح يخليني اعتذر منهن

وصار عكس ما بدهن هلا نفسي اشوف عمي وهو يحكي معهن واذ وصلني شي بخبركم

[جارة القمر]

هههههههههه حواااااء Like

[جارة القمر]

طيب كيف طلعت العروس

[حيفا]

ههههههههههههه

بتعرفي بالمناسبات انا ما بحب اروح عالصالون اللي بعرف انه في حدا من قرايبي رايح عليييه* لانه الا ما وحده تجيب ولادها ، وامسكيه شوي ويعجب وانفضح مع الكوافيرة ههههههه
وثاني شي هم شكلهم بدقووو على كل شييي ، يعني مش منطق قصة صارت وخلصت ومش هالقصه الكبيرة يعني ، ليعملو عليها مقاطعه وعدم سلام ومن هالحكييي

يا ستي الله يهدي النفوس ، ويهدي حماااااتك وبناتها

انا حاسة هالفترة حماتي بدها تعملي مشكلة كل ما اروح عليهم بتكون مكشرة ، ومش عاجبها شي بس بطنش وبضحك وبعمل ولا كانو في شي لانه راسي فيه الف شغله تانيه اهممممممممم


واهم شي انك طلعتي حلوة ورقصتي وانبسطتي بالخطبة وما خليتي شي يزعلللك

[جارة القمر]

ههههههههههه مال الحموات ........حماتي الهاااا يومين مش على بعضهااااا ههههههههههه

[حيفا]

موسم استنفار الحماوات هههههههههه

[جارة القمر]

وين اختفت حوااااء؟
حيفااااا::
اي ساعة بتنامي؟

[حيفا]

يعني حسب بس بالمعدل 10:30 - 11

[عسولة فلسطين]

مساء الخير يا بنات كيفكم
طمنوني عنكم
بنات بدي دعواتكم لخالي ... بالعناية المركزة الله يستره
ادعوله لعل وعسى منكم دعوتها مستجابة
ربنا يشفيه ويعافيه ياااااااارب ويرجعه لبيته بصحة وعافية فهو الذي يحيي العظام وهي رميم

[حواء مثالية]

هيني بلاعب في برلنت التهيت عنكوووووووووووو

شكله الهن مواسم الحموات بس انا شبه اسبوعي عندي قصة لهيك متعودة بس المرة الفريق كامل عشان هيك الموضوع ساخن شوي

العروس طالعة حلوه بس كان بامكانها تكون احلى هي سمرا لابسة ازرق لو لبست لون تاني افضل

[حواء مثالية]

الف سلامة علي خالك يا عسولة الله يكتبله الشفا يا رب

[عسولة فلسطين]

هلأ خلصت أقرأ ايش كاتبين ما شاء الله
أول شي يا لولو حمدلله ع سلامة الوالد والحمدلله بالمال والا بالبني آدمين المال بتعوض
حوااااء حبيبتي طنش تعش تنتعش وبتعرفي يمكن لأنك طلعتي ما شاء الله قمراية عشان هيك انغاظوا
يللا بيعين الله ... والله يسلمك يارب
حيفا .... طنشي والا عبالك حماتك والا غيرها
كل الصبايا يسعد أوقاتكم

[نبض قلب]

فعلا موسم الحموات شكلوووووووووووو

[احساس أنثى]

مسا الخير صبايا هلا لروحو اهلي اجا بابا سهر عنا

الظاهر حماواتكم عقولهم مش مريحاهم
فهمت حواء انو حماتها عملالها تتش
وحيفا وجاره ع وشك هاد هدوء مابعد للعاصفه
حتى نبض بتلمح الظاهر حماتها ناويه ع شي !!

الله يهديلكم اياهم الا مانعدي فتره متل هيك
زي الام وبنتها الا مايسير تتش بس بترجعو حبايب

عسوله ربي يشفيلك خالك شفاءٍ لا يغادر سقما
الف سلامه عليه خيييير مالو ؟!

[احساس أنثى]

حواااااااء
Good حظا سهيدا للانتصار ههههههه
والله هما بدهم هيك اسلوب التطنيش

هلا قرأت شو كاتبين وهلا حقلكم تصبحووون على خييييير

[نبض قلب]

تلاقي خيير احساسو

[إنبثاقة أمل]

صباح الخير

شو أخباركم يارب تكونو بخير

الحمدلله اختي ولدت الصبح وجابت زيد

بس ياقلبي عليه حطوه بالعنايه المركزه وبكرا ليطمنو شو عنده

يارب خير

الله يعينها اختي ويلها الم القيصريه وويلها ابنها

ربي يحفظهم جميعا

لولو الحمدلله ع سلامة الوالد ربي يحفظه من الشر

عسوله ياقلبي أسأل الله العظيم رب العرش الكريم ان يشفي خالك شفاء لا يغادر سقما

ويطلع منها بخير وسلامه

حواء انتصار عظيم ههههههه

والله الواحد مو قصة يكون عايش ليحط اهل الزوج بباله بس هنه عليهم تصرفات بخلوك تتطلعي عن شورك

الحمدلله اخدت اجازه منهم

والله يعين ع الرجعه .. صح دار عمي مو نكدييين كتير بس صغيرهم قبل كبيرهم بدخل فينا

ومابدهم ايانا نعيش ع مزاجنا

بس الحمدلله ع نعمة ان الزوج يكون كويس والباقي احلى تطنيش لعيونهم :)

غموض يا غموض وين مختفيه يارب انك بخير

وكل الصبايا الغايبين مسك وعيون المها وام عزمي وكللكم كلكم

يارب تكونو بخير

[عيـ‘ـون المهـ‘ـا]

:*:*: يِـسـعِـد صَـبـاحكُــمـــ،،،،ـــ :*:*:

(-:

بدي أعطي أدومه لزوجي و أقرأأأ دردشتكم

(-:

[عيـ‘ـون المهـ‘ـا]

و اخيـــــــرأأأأ يا بنات زبط الاتصال على غزه حطيت 011
بس مش ام عزمي اللي ردت علي ههههههههه
ردت على وحده من دير البلح hwaml03 اعتذرت الها و حكتلها اني عم بحاول احكي
مع صديقه الي من غزه بس الظاهر تشابه ارقاممم شو خجلت

المهـــــــــم
ربي يعيشك يا أأأإإإحساس و يسلمك
ارجعي ابعتيلي رقم ام عزمي جلَّ من لا يسهو يمكن تكوني غلطانه برقم او كتباه بسرعه
و اكتبيه الي ياه كأنك عم بتنئليني اياه رقم رقم
بعتلك رساله بس مو عارفه ليه ما عم بتنبعت معاي لهيك اضطريت اكتب هون

معلش سوري حبيبتي بس و الله كتير حابه اطمن على ام عزمي
الواحد ما بينسى ابداا الصحبه و الجمعه الحلوه معها
و مشكوره من كل قلبي
و ان شاء الله هالمره اسمع صوتها و اطمن عليها و على هويده

[عيـ‘ـون المهـ‘ـا]

cـسوIـه
ربيــــ يرفع عن خـالك الشده ان شاء الله
و بالشفاء التام و العاجل و عوده محموده الو بين اولاده و اهله
إقرأو عليه اّيات الشفــــاء هي ست ايات
و سورة الفاتحه بدون توقف سبحان الله حتى الخلايا تتنشط عند قراءة القران على المريض

إأإأإأحسـIس
حبيبتي بردي الاول نسيت اسألك عن زيااااد
ان شاء الله صار احسن
و ان شاء الله الاهل بضلولك و دائما تجتمعي معهم و الله شوئتيني لاهلي
كتير مشتائه الهم

حـواااء
الظاهر حماتك و بناتها مو كتير سهلين

حلو موقفك انك غيرتي الصالون و بالقاعه لو مكانك كان و لا رقصت
غير بس رقصه وحده مع العروس مجامله الها و لاهلها حتى لا يحكو عنك متكبره
او غيره او اي شي و بتعطي صوره حلوه الك ئدامهم و بعدين بئعد رجل على رجل على طاولة اهلي بكامل شياكتي
كضيفه و بس لانهم ما عبروكي على باب القاعه و لا ردو على سلامك

انا ما جربت الكنه و الحماه لاني طول عمري متغربه من اول ما تزوجت
بس مرت عمو يالله شو هاديه و راقيه بالتعامل و ما بتحكي ابدااا إلا اذا سالتها
لهيك كل اللي بجمعني معها الاحترام لانها بتستحق

نسيت شو قرأت كمان هههههههه

[عيـ‘ـون المهـ‘ـا]

أإأإأنبثاقة
ما يغيب عنك غالي تسلمي على السؤال
و مبروك المولود الجديد لآختك بالسلامه و العافيه ألو و الها

[احساس أنثى]

صباح الخيييير
انبثاقه حمد لله ع سلامة اختك وان شالله زيد يكون بأتم الصحه والعافيه

عيون المها انا بعتلك اياه وانا فاتحه من جوال حفتح الاب توب وابعتلك اياه ولا يهمك

[~{{ DoDo }}~]

صباح الخير يا حلوين
كيفكم اليوم

حيفا
شطوووورة عجبني موقفك
عملتي واجبك وورجيتيهم انه عقلك كبير
الله يعينك على حماتك وبناتها ويبعد عنك المشاااكل يارب

عسوولة
الله يشفي خالك حبيبتي
ويبعد عنه كل مرض وكل شر وكل اذى
ما الكم الا الدعاء والقرآن ، ربنا يلطف فيه ويكون اله ولاهله معين

انبثاقة
الحمدلله على سلامة اختك والبيبي زيد
الله يشفيه ويقوم بالسلامة ويفرحكم فيه يارب
وتكون الشغلة بسيطة ، والله يصبركم ويصبر اختك
وعقبالك يارب حبيبتي

عيون المها
كيفك ام ادووووم
اشتقنالك ، شو اخبارك انتي ولانا واسيل وادوم
ان شاء الله كله تمام ، بعدك بتشتري هدايا لاهلك بالقدس ولا خلصتي ؟
ربي يعدي الايام على خير ويجمعك فيهم على خير يااااارب

احساس
الله يخليلك اهلك ويضل بيتك عامر فيهم حبيبتي
ان شاء الله زوزو تحسن مع شوفةرالاهل الله يخليلك اياه

باقي الصبايا لولو وحيفا وجارة وهبة ونبض اللي كانوا موجودين يسعد اوقاتكم

وغموض وام جودي المختفيااااااات يلا تعوا طمنونا بجد قلقنا عليكم

ومسك ويييييينك هاليومين ؟؟ وام عمر رشاااااا ان شاء الله تقدري تفوتي تطمنينا عنك وعن البيبي

باقي الصبايا اللي ما ذكرتهم كلكم بالقلب ان شاء الله اموركم كلها تمام

[ام عبدالله لولو]

صباح الخير للجميع الله يسعد اوقاتكم يارب

[احساس أنثى]

يسعد صباحك دودو وام عبد الله

الحمد لاه زوزو احسن من الاول يادودو ع الاقل رجعلو نشاطو

ام عبد الاه انتي مواطنه ولا لاجئه ؟!

انا عندي مؤن ححتفل بكيس طحين زياده عشان ضافولي زوزو حروح اجيبو وارجعلكم :)

[ام عبدالله لولو]

الحمد لله ع سلامتو .. لاجئة بس من الضفة انا

[احساس أنثى]

الله يسلمك حبيبتي

وهلا بكل أهل الضفه ^_^

[احساس أنثى]

افطرتو صبايا؟؟

تفضلو كاسه حليب مع سندويش فينو فلافل ^_^

مارحت على المؤن راح جوزي وحماتي عشان زوزو

[~{{ DoDo }}~]

اهلا ام عبدالله
يسعد صباحك نورتي كيفك وكيف الحمل

احساس
صحتييييييييين
انا سبقتك وافطرت كورن فليكس
وهيني قاعدة زهقانة لا شغلة ولاعملة

[احساس أنثى]

الحال من بعضو يادودو ... عمي صايم وجوزي بره بدو يشوي مع اصابو لاطبخ ولا نفخ

بس الكهربا للاسف حتقطع ع ال2 كان ضليت معكم نبرم

وحرقت الراوتر كان يشبكو جوزي على البطاريه خراب انا هههههههههههه

[soma adel]

http://forum.hwaml.com/t237818-2.html

[نبض قلب]

ششلللوووونكم

[ام عبدالله لولو]

وصباحك يا ديدوو والله الحال من بعضو ملل لايوصف ههههه الحمد لله

[نبض قلب]

عملت تست حمل اليوم طلع ساااالب
لانو الدورة تأحرت سبوووع

[ام عبدالله لولو]

الله يعوضك بالحمل السليم يارب ماعندك اولاد

[نبض قلب]

الحمد لله عندي ولد 9شهور و بنت عامممين

الله يعطيهن لكل مشتهي

[ام عبدالله لولو]

الله يخليلك اياهم ياررررب ..بكير ع الثالت هههههه hwaml12

[نبض قلب]

ههههههههههههه بدري كتييييييييير

انا ما بدي هلا الحمل بس مشان اطمن عملت تست

[نبض قلب]

وانت هاد اول حمل ليييكييي؟؟؟؟؟؟؟؟؟؟؟؟؟؟؟؟

[ام عبدالله لولو]

اها اول حمل الله يتمملي الي وللجميع بخير يارب

[نبض قلب]

ااااااااااامين يا رب

[احساس أنثى]

نبض انتي مش عامله مانع ؟؟

[نبض قلب]

عااااااملة

بس خلص وسوست ههههههههههههه

[ام عبدالله لولو]

صبايا شو طبختو اليوم

[نبض قلب]

اججاااااازة من الطبخ

[ام عبدالله لولو]

والله اريح شي .. انا اجى ع بالي مجدرة

[نبض قلب]

بس كتري بصل طيب كتير معها

[ام عبدالله لولو]

وخاصة مع سلطة .. من وين انتي اخت نبض

[احساس أنثى]

واحنا اجازه من الطبخ هههههههه

عارفه يانبض سار نفسي احمل هلأ ويجي بنوته لزوزو وبعدين اوقف شي 5 سنين

بس تيجي بنوته ياسلاااااااااااااام ^_^

جوزي بيقلي انا عارفه زوزو مش ماشي معك هههههههه عشان بجيبلو الجرابين والطاقيه ع نفس لون اللبس الموجود
بيقلي ولا عمرو حيتجوز ابنك ليضل بوجهك ومش حيعجبو اي وحده بكره ههههههههههه بقلي بدك بنت تحطيلها مناكير وشبرات وحلق بقول بعقلي اه والله نفسي ببنوته حلوه ^_^

[ام عبدالله لولو]

ولا في احلا من البنات ..

[نبض قلب]

حلووين البنات كتير

طب يلا شدي حالك احملي الشهر هاد خلي الغلبة مرة وحدة
ي
ما احلى المناكير مرة منكرتها بنتي

[احساس أنثى]

هههههههههههههههه ان شالله

انا سيباها لربنا

[نبض قلب]

لا اله الا الله

[نبض قلب]

في حدا من عمارتكم بمدرسة اسما (طالبة يعني) يا احساس


سمعتي عن الشب ا من دار الشتطي للي صابو خط الضغط العالي قبل شهر و نص

[احساس أنثى]

كتير في بنات من دار الشنطي بمدرسه اسما ؟؟ شو اسمها

مزبوط هالشب الو مختبر ... ادعولو الله يشفيه

[نبض قلب]

انا بسألك ما بعرف حدا عن البنات بمدرسة اسما بنت ابي بكر


زعلنا كتبر عليه هالشب الله يشفيه يا رب عملولو عمليا اليوم الصبح

[احساس أنثى]

في حنين الشنطي ليش بتسالي وفي سجى ؟؟

من وين بتعرفو هالشب ؟؟ هوا بقرب لدار عمي من العيله مش قرايب كتير

[نبض قلب]

جيران دار خالتي

ومرتو معلمة بمدرسة اسما

[احساس أنثى]

اها الله يشفيه يارب ويرفع عنو

اصعب شي الضغط العالي وجايه براسو

[احساس أنثى]

حماتي بتعمل رز وحليب

تفضلو صبايا

[احساس أنثى]

راااااااااااااااااااااااااااسي

مصدع بشكل مش طبيعي

ااااااااااااااااااه يمااااااااااااااا

[احساس أنثى]

معقول كل هالمده ماحد فاااااات

مالكم تعالو دردشو معي فاااااااضيه

وزهقااااانه جوزي طالع للفجر لحتى يجي

شكلهم البنات طاشين بيحتفلو بالفلنتاين !!

[احساس أنثى]

قولو لعين الشمس ما تحماشى .. لاحسن حبيب القلب صابح ماشى

يا حمام طير اقابلو اوام يا حمام .. خليلو الشمس حرير يا حمام

وياناس لو غاب يا ناس خلوه يبعتلى سلام ... دى الآه بقولها وهو ميدراشى

وفى بعده طعم الدنيا مايحلاشى .. قولو لعين الشمس ماتحماشى لاحسن حبيبى داللى صابح ماشى



بسمع فيهاااااااااااااااا

[جارة القمر]

يسعد مسااااااااااكـمـ


عسولة:
الــلــه يشفيه ويعافية خاااااالك ياااااارب

[احساس أنثى]

ومساكي هديل كيفك؟؟

[جارة القمر]

احساس::

انا تمام الحمد لله .....وانت وزوزو؟

[احساس أنثى]

الحمد لله تنشط احسن من اول

شكلك مااحتفلتي اليوم ؟ متلي

[جارة القمر]

بحضر بجويل

[جارة القمر]

لا والله ما عمري احتفلت فيه بس زوجي يوم الفلنتاين بجيبلي شوكولاته

[احساس أنثى]

حلوووو كتير

شوكلاته شو بديييي :)

[جارة القمر]

ههههههههه تفضلي

[لولو الفلسطينية]

الله يمسيكم بانوار النبي صبايا
شو عاملين ؟ مالكم كسلانين ؟
عسولة الله يشفيه خالك شفاء لا يغادر سقما يا رب
انبثاقة الحمد لله على سلامة اختك و ربنا يطمن قلبها على ابنها و يشفيه
احساس سلامته راسك و الله انا كمان راسي مصدع من الصبح
جارة يسعد صباحو النشيط و صحتين على الشوكولاته
كل الصبايا شو اخباااااركم ؟
يا الله يا بنات طلعتلي باصبعي يلي انحرق حبه مليانه ميه و كبييييييرة يمكن 2سم هههه و شكلها مش حضاري و كتير مدايقيتني
الله يسعد مسا الجميع

[جارة القمر]

بدي اطلع انا وزوجي ولولاد شمت هواااا وراجعه

[احساس أنثى]

تتهني جاره بنستناكي تخكيلنا كيف الاجواء بره اكيد حمره ههههههه

لولو سيبيها لما تنبعط لحالها لانها حتحرقك سيبيها تنشف لحالها

[لولو الفلسطينية]

اهلا احساس يسعد مساكي يا عسل

[احساس أنثى]

ومساكي لولو

شو جديدك شو ناويه تعملي بكره غدا ؟

[beboo]

مسا الخير صبايا كيفكم

اشتقتلكو كتيييير

شو اخباركم

[احساس أنثى]

هلا بيبو وين هالغيبه الك يومين

[حواء مثالية]

ممساااااااااااااكم فل

[احساس أنثى]

هلا حوااااااااء

انا قاعده بس ارحب بالكل

ومافي حد احكي معاه

[جارة القمر]

ههههههههههه احساس هيني جيت ........

[maisa odeh]

مرحبا احساس ولولو وبيبو وجاره القمر وحواااااااء

اشتئتلكم صبايا والله اشتئت بجد ل اسهر معكم متل الاول بس والله كتيير مشغوله وبدي اطلب متكم الي عندها فيس تعطينا فيسها لاني عملت فيس
وحابه اتواصل معكم كلكم من خلاله
ما بعرف وين احطه عادي احطه هون ع الدردشه ولا ؟ ؟

طمنوني عنكم كلكم صبايا كلكم كلكم ما بدي انسى حدا ابدا

[maisa odeh]

حيـــــــــــــــــــــــفـــــــ<3ــــــــــــــــا طمنينــــــــــــــي عنـــــــــــك حبيبتــــــــــــــي لانه والله ضل بالي عندك من اخر مره فتت ع المنتدى

[maisa odeh]

صبايااااااااااااااااااااااا وينكم تعو نحكي ونبرم متل الاول والله اشتئتلكم كلكم

[maisa odeh]

الوووووووووووووووووووووووووووووووووووووووووووووووو ووووووووووووووووووووووووو

[beboo]

هلا احساس حبيبتي

معلش شكلو ماراح اقدر ارجع ادردش معكو متل الاول الاستاذ بيان مو قابل ينام

ان شاء الله اذا قدرت بفوت من وقت للتاني

وبطمن عليكو من وقت للتاني

تصبحو على خير

[حيفا]

مساء الخير صبايا
كيفكم جميعااااا
شكله الكل بيحتفل الليلة مختفيين هههههههه

ميسووو حبيبة قلبي ، انا بخيير الحمد لله ، اشتريت لزوجي خلطة العسل مع حبة البركة ، واعشاب تانية ومنها كمان غذاء الملكات
وان شاء الله خير ، يوم الخميس الجاي موعدنا مع الاخصائي يشوف نتائج الفحوصات ويقلنا شو نعمل بعدها :)

الحمد لله على كل حال




كيفك انتي وكيف الاولاد ، والعسوووولة ماريا :)

[maisa odeh]

حبيبتي حيفا اخيرا رديتي انا كتير مشتائه الك والله وضل بالي عندك وولادي الحمدلله مناح بخير
وعئبال ما تجي وتخبرينا خبر حملك يا رب وما تقنطي من رحمه ربنا
وانا والله لسه كنت بدي احكيلك ع شغله الخلطات لانك بتعرفي جوزي عطار والله وكتير عمل خلطات ل متل حاله زوجك والحمدلله ربنا جعل فيها الشفاء

[ام عبدالله لولو]

تصبحن على خير

[حيفا]

حبيبتي ميسوووو ، انا اشتريتها جاهزة من عند عطااار معرووووف ، قالي فيها عسل سدر وغذاء الملكات وحبة البركة واعشاب تانيه
بدي اذا ما فيها غلبه تسألي زوجك عن هالمووضوووع اذا بتنفعه هالخلطة او لاااء ، وكمان عن اذا بتتضارب مع العلاج الطبي او لاء ؟؟؟

حبيبتي ميسوووووووو ربي يسعدك دنيااااا واخرة يااااارب

[maisa odeh]

انشالله حبيتي حيفا ولو راح اسالك جوزي وازا في اعشاب تانيه برضه بخليه يحكيلي اسمائهم وانتي بتشتريهم انشالله

[غُمُوض أُنثَى]

صَبآح الخير بنــــــــــــــــــــــــــــــآت

يَ الله شو مشتقآآآآآآآآآآآآآآآآآآآآآآآآآآآآآلكُُُكككككم والله كتير كتير كتير كبشات ^^

انبثآآآقة حبيبتي تسلميلي ع رسآلتك يخليلي يااااااااااكي

حيفآ واحساس وجااااااارة تسلمولي يارب ع انكم فقدتوني

وكل الصَبآآآيآ والله اشتئتلكم كتير ..

حدا هُون ؟

[غُمُوض أُنثَى]

عموما يا صبآيآ
كنت حآبة بعد هالغيبة ابشركو بشي بس مع الاسف مافي ^^ هههههه لسا ربنا ما راد


هابي فالنتاين ديي لكل البنوتات ياترى احتفلتوآ ؟!

انا عملت شوية حاجات بالبيت عملت كيكة ع شكل قلب ودهنتها احمر زبطت معي :D
وكتبت حرفي وحرف حبيبي

المهم هادا الشي كان من ضمن الحاجات

http://www11.0zz0.com/2013/02/15/01/275351982.jpg

وهادا الصحن لكل وحدة فيكو ..

http://www11.0zz0.com/2013/02/15/01/731981811.jpg


وهاي هدية بسيطة من زوجي الحبيب

http://www11.0zz0.com/2013/02/15/01/430711945.jpg

وهاي كانت جوا العلبة .. اتفضلوآ

http://www11.0zz0.com/2013/02/15/02/217089482.jpg

ويسعد صبآآآآآحكُم ♥

[حيفا]

صبااااااااح البركااااات
جمعتكم مباركة جميعااا

ميسو حبيبتي الله يسعدلي ياك يااااارب تسلميلي

غموووووووووض والله اهلا وسهلا ومرحباااااااااا نورتي ، وين هالغيبة قلقتينا عليكي
ويااااعيني ماشاء الله عالاشيااااء الرومانسية حبيبتي الله يحفظكم لبعض ياااارب ويتمم عليكم بكل النواحي يارب :)


كل الصبايا نهااااركم ابيض :)

[beboo]

يسعد صباحكم

كيفكم وشو اخباركم

جمعة مباركة عليكم

اللهم صلى وسلم وبارك على سيدنا وحبيبنا محمد

صلى الله عليه وسلم

[احساس أنثى]

صباحك الخييييير
جمعه سعيده كيفكم

والله ياهلا بغمووووووض نورتي لا ترجعي تغيبي والله الك حس بالدردشه
وتتهني ع الشغلات الجلوه يمي يمي يمي :)

بيبو مالو بيان حبيب قلبي ابقي طمنينا عليه ليه بطل ينام متل الاول

ميسوووو اخيرا شفناكي لا تحطي فيسك هون ابعتيه للبنات برساله خاصه

حيفااااااال يسعدلي هالنشاط :)

[حيفا]

بيبووو واحسااس صباحكم كل الخير اللي بالدنيا

البنات كسولين لسا نايمين ههههه ، انا صحيت من صباحية ربنا ، واشتغلت بالبيت وبدي ابدأ طبيخ كمان هههههه

[جارة القمر]

يااااااااا سلاااااااام شو هالصباح الحلو
الحبايب طالين .........

هلااااااااا وغلااااااااااااا بست غموض والله .......يا بنت اخر مره بتعمليهاااا خفنا عليكي بهالغيبه وين بدناااا اندور عليك بتونس
وشو هالاشيااااء كلهااااااااا يااااااااعم الله يهنيكم ياااااارب

ميساااااااااء :
100 مرحبااااااااااا ارجعي على طول معناااا كم هلا صار عمر ماريا اااا اللي اسمها متل اسم بنت اخوي ...


حواء:
بسمع بهالخلطات وهي طبيعية ومفيده للجسم كلوووو ......

احساس:
والله زيد مصحيني بدري بس هلا لقدرت ادخل اصبح ومش عارف قرأت صح ولا..!!! بدك اليوم تطبخي ..؟!
يلااااا موفقة يااااابنت خبريناااا شو بصير معك واي مساعده هيناااا هوووون

بيبووو:

شو مالو حبيبي بيبو ..!!

[احساس أنثى]

جاره انا حكيت بدي اطبخ؟؟؟

اليوم عملنا رز جاهز من المطعم

[لولو الفلسطينية]

مسا الخير على الحلوين
مين هون ؟
و مالكم مش حاكيين كتير على غير العادة هههه ؟
غموض هلا و الله الحمد لله انك بخير
بس لو ام عمر تدخل تطمننا عنها و عن بنوتتها ربنا يحفضلها اياها
بيبو و ميسا اهلا فيكم زماااان عنكم
ههههه احساس عجبتني عاملين رز جاهز من المطعم هههه يا ستي صحتين و عافية على قلوبكم ان شاء الله
انا اليوم ما طبخت و الله بطلت اطيق شي اسمه طبخ hwaml02
اليوم كنا معزومين على عرس بطولكرم بس انا و زوجي ما رحنا لأنها الطريق طزيلة و تعب على الفاضي بس راحة الشباب ( عمي و مرت عمي ) هههه
المهم كل الصبايا وين غاطسين و شو اخباركم
الله يسعد مسا الحاضرين و الغايبين

[احساس أنثى]

هلا لولو
حلوه راحو الشباب ههههههههه عمي وعمتك

[حواء مثالية]

سلام عليكم

جمعتكم مباركة جميعاااااااا

غموض نورتي الله ما يحرمنا طلتك

[لولو الفلسطينية]

اهلا احساس
كيفك و كيفو ابو الزوز ؟؟

[لولو الفلسطينية]

اهلين حواء نورتي
كيفك و كيف الحمل معك و الوحم ان شاء الله اخف من الاول ؟

[احساس أنثى]

زوزو هيو ع طيور الجنه سار مدمن عارفه لو كان وشو مش ع التلفزيون ويسمع صوت طيور الجنه ع طول بلتفت
والحمد لاه اجا جوزي وطفااالو اياه ممنوع قبل السنتين يتفرج هبلني هالراجل قاعد ع النت يقرألي تقارير الدكاتره

[جارة القمر]

انا عند أهلي هلاااااا وحبيت امسي عليكم ....مساء الخير

[لولو الفلسطينية]

هههههه سلامتك من الهبل
بتعرفي انا من لما كان عمري اشهر يعني اقل من سنه كانت امي تشغللي التلفزيون ساعتين تلاتة و تطلع من البيت و تروح و ترجع و انا يا بتفرج و ساكتة يا اما بكون نمت و انا بحضر بشي هههه و هلأ عيوني ما شاء الله ستة على سته hwaml02
هو فعلا مش منيح و خصوصا لفترة طويلة و المسافة تكون قريبة بينو و بين التلفزيون بس و الله على النت ببالغو و بطلعو كلش مضر و لو الواحد بدو يلاحقهم فعلا بنهبل
الله يخليلك اياهم زوزو و ابو زوزو هههه

[احساس أنثى]

مسا الورد جاااااااره
سلمي ع الاهل وربي يسعدك معهم :)

[حيفا]

اناااااا کمااااااان عند اهلي وحبيت اطل واسلم
مساکم معطر بذکر الله :)

[نبض قلب]

عليا غسيل مين تيجي تساعدني

[حواء مثالية]

مساكم عسل كلكم

نبض اذا بدك تشربي شي او توكلي شي بساعدك بس الغسيل ما بقدر ههههههههههههه

لولو انا بخير وحملي كويس الحمدلله

[نبض قلب]

هههههههههههههههههه الا الاكل بساعد انا بلد ههههههههههههههه

هيني بغسل مو كسلانة

ايمتى بتولدي بالسلامة يا جواء

[حواء مثالية]

هههههههههه بشهر 8 على العيد او بعدوووو

[نبض قلب]

بالسلامة يا رب

بس راح يطلعلك قررون و راح تشيبي ههههههههههههه
خخخخخخخخخخخخخخخخخخخخخخخخخخخخ

[حواء مثالية]

بعين الله شو بدنا نعمل ............ احكيلك شي انا مو متوقعة يصير هالشي بتعرفي اني لهلا ما عصبت ولا مره على برلنت ولا تذايقت منها مممممممممممممممممممم انا صبورة وبموت بشي اسمه اطفااااااااااااااااااااال

[احساس أنثى]

حواء انتي بتولدي مع اختي
وبشهر 8 بكون زوزو كمل السنه :)

نبض انتي عشان لوحدك ورا بعض اولادك
انا بتمنى هلا عشان اوقف وعشان عايشه مع عمتي بتساعدني كتييييييييير
ومتل حواء بتموت بالاطفال وبالها طويل

[نبض قلب]

فعلا انا متعقدة من قصة الحمل و الخلفة

الله بخليلك حماتك يا احساس

انا بالي مش طويل ة بعدين صرت عصبية بزيادة

انا بين ولادي سنة و شهرين بالضبط

[نبض قلب]

لسا يختي هول انت شفتي غلبتها مشان تعصبي عليها

[احساس أنثى]

ها متى الغلبه يانبض؟؟

أنا حنيت للخلفه بقول زياد كبر بطل يغلب هههههههههه

[نبض قلب]

هلا الغلبة بس يسبحو و يمشو و يا عيني لمن بصيرو يحكووووووو ببغاااااااء

طب انا ما سدقت ابني بكبر

[نبض قلب]

حني يختي حني براحتك خخخخخخخخخخخخ

انا كاشة من كل القصة هههههههههههههههه

[beboo]

احساس

هلا حبيبتي ابدا شكله بلشنا مشوار السنون يلي الله اعلم متي راح يطلع

جارة وحيفا

لا ما مالو شي بس منكد كتير ومو عارف ينام من السن يلي اله شهرين بده يطلعله ههههههه ان شاء الله بعد كام بده يطلع

تسلمو حبيباتي ع السؤال

[احساس أنثى]

هههههههههههه نبض انتي بحقلك تكشي ماشالله معك 3 وبتدرسي

بيبو بعين الله الحال من بعضو زوزو متل بيان بنستنى يطلع هالسنون

[beboo]

احساس يعني استعد لمشوار النكد ههههههههه بعين الله الله يصبرنا

انا روحي كتير قصيرة بس ربنا مطول روحي عليه والله يخليلنا اللهاية هههههه

[حواء مثالية]

ووالله يا نبض برلنت عمرها هلا سبع شهووور وفي اطفال من اول ما ينولدوووو بجبوا على اهلهم

انا برلنت مو هادية ما شاء الله عليها بس بشوف كلشي منها حلو واشي تاني انا متبعة اسوب تربيه صحيح معها واجمالا ما بنفع يكون الطفل معصب ومنكد والام تكون تتافف ومعصبة لازم العكس وباغلب الاحيان الوحدة لما تصير ام بتصير بتصير تتحمل اكثر وبتصير اهدى

[احساس أنثى]

والله يابيبو انا متلك روحي قصيره حتى جوزي بيقلي ههههههههه
وعمتي بتقلي انا ببصم ب10 انك مش نافعه يعطيكي العافيه هههههههههه

[نبض قلب]

خخخخخخخخخخخخخخخخخخخخخخخخخخخخخ

[نبض قلب]

انا عندي ولد و بنت بس مو 3 بدك تموتينيا يا ام الزوز

[نبض قلب]

بدي اقوم سي يو بعد بكرة ان شاء الله

[احساس أنثى]

الله معك نبض

بس ليش مش بكره؟

[maisa odeh]

مسا الخير صباياااااااااااااااااااا

كيفكم كلكم

[احساس أنثى]

هلا ميسا

كيفك انتي؟؟ وكيف الاميره الصغيره ؟؟

[احساس أنثى]

سلااااااام

وحدي كالعاده

تصبحو على خير

أنا ححرد وابطل افوت متل الاول لأني شايفه الدردشه سايره ممله

[maisa odeh]

غموووووووووووووض
يا عيني ع الرومانسيه يا غموووووووووووووووووووووووووض والله كتير حلو بس انا ما بحب احتفل بالفلانتين داي يعني مممممممممممممممممممممممممممممممممممما عمري اعملتها بس كتير زووووووووووووء
وعجبني كتيير الكتاب الي هداكي اياه زوجك
حيفاااااااااااااااااااااااا
انا بدي اتواصل معك ع الفيس بوك ازا ممكن تبعتيلي فيس بوككك ع رساله

بنات انا حابه من الي بتفوت ع الفيس تبعتلي فيسها ع االرسايل ازا ممكن

واحساس
اشتئتلك
ولولو وجاره ميت مسا الكم يا ائمر
وانشالله ع ائد ما بئدر بضل افوت وماريا هلا صار عمرها شهرين الا يومين
عئبال ما نشوف حيفا حامل وغموض يا رب

حوواااااااااااا طمنيني عن حملك كيف صار
ام عزمي وينك غريبه مش مبينه
بينك روزززززززززززززززززززززززززززززز وينك يا عسولتي طمنيني عنك
وعيون المهااااااااااااااااا يا عيون المها بجد بجد بجد اشتئتلك

وبرجع بحكي صبايا بجد اللي بتفوت ع الفيس و حابه اضيفها يا ريت تراسلني ع الرسايل

[حواء مثالية]

هلا ميسا منورة شو اخبارك اليوم

وحشتينونواا

احساس لا تحردي شكلهم بكونوا مشغولين كل حد وظروفه متفهمة اناااااااااااااااااااااااا

[maisa odeh]

احساس مشتائه يا عمري والله كتير انامنيحه بس مش متل الاول بس صرت افوت اكتر ع الفيس لانه كل اخواني وخواتي عملوه وهيك شجعوني

[maisa odeh]

هلالالالالالالالالالالالالالا حواء انتي طمنيني عنك وعن حملك كيف امورك هلا

[لولو الفلسطينية]

مسا الخير
مين هون
ميسا الله يسعدلي هالمسا
حواء يسعد مساكي
احساس يا حرودة ههههه تعي اهون hwaml02 ؟
وييينكم صبايا ؟

[حواء مثالية]

الحمدلله اموري وحملي من فضل الله تمام

[جارة القمر]

هيكم مجتمعين ..........!!!

هههههههههههه احساس تعي يا هبوله انا مبسوطة على حالي وسهرانه ............

بالنسبة للموضوع الفاتحينه عن الاولاد اناااااااااا نهائياااااااا ما بحب لصغار بس بحب العبهم شوي وارجعهم عند امهم
هاد الحكي قبل ما يكون عندي اولاد ،،، لصار عندي اولاد كماااااااااان بفرفط بسرعه بس بحاول قدر الامكان اضبط اعصابي

يعني زيود الحمد لله لليوم ما شافني مكشر بوجهه دايما بضحك بس يزن هلا كبر وبميز تماما الجد من المزح معي ....

و الحمد لله هلا مكتفيه بزيد ويزن الله يخليلي ياااااهم ...........وكمان زوجي مقتنع........وبيناتهم 4 سنين تماما .......
يعني يزن اخد حقه مني ومن ابوه كتير منيح ...........وعاش دلاله ........وهلا دور زيود ياخود حئو

[حواء مثالية]

الله يخليلك ياهم يا جارة

[maisa odeh]

والله انا متلك يا جاره بتفرفط روحي من الصغلر وعصبيه كتير بس بحبهم وبجد يا حبيبتي يا احساس مش هلا التعب والغلبه انتي مفكره هلا الغلبه الغلبه لما يسيرو يبحوه ويسيرو ينكوشولك ب الجروارير وكلشي ائدامهم بدهم يعرفوه شو هوه ولما يبلشو يحكو يا عمري عليهم ههههههههههههههههههههههههههه الببغاء يا نبض بتعلم منهم مش همه ببغائات والله انا بنتي ملك بضل من اول ما بتصحى لحد ما تنام وهيه تحكي وما بتسكت وكل الحكي مع بعضه ههههههههههههههههههههههههههههههههههههههه

[maisa odeh]

كيفك لولو وحواء وجاره شكلها جد احساس زعلت هههههههههههههههههههههههههههههههههههههههه

[لولو الفلسطينية]

بخخخخخ
وينهم الكسلانين ؟؟
بجد انتو في اختفاء تام hwaml15

[حلا الماس]

صباااااااااااااااااااااااااااح الفل والنشاط والتفاؤل على عيونكم يا حلوات ...

كيفكم ؟؟ وشو اخباركم ؟؟ كتييييير مشتاقتلكم والله

لولو العسل هيني هون .. كيفك يا بطة وكيف حملك ماشي هالايام ؟؟ انتي كم حامل هلأ ؟؟

[لولو الفلسطينية]

هههه طلع في وحدة نشيطة
يسعد صباحك حلا
انا منيحة و حملي الحمد لله منيح
انا هلأ باخر الخمس يعني بعد 6 ايام ان شاء الله بدخل السادس
و انتي كيف امورك ؟؟ عرفتي معك بنت و الا ولد و الا لسا ؟
الله يقومنا بالسلامة احنا و كل الحوامل و يرزق كل يلي بدهم يحملو ان شاء الله

[احساس أنثى]

وانا نشيطه وبطلت حردانه ههههههههههههه
يسغد صباحكم تفضلو افطرو معنا :)

[حلا الماس]

الله يتمملك حملك على خير يا رب وتقومي بالسلامة ..

لا والله لسه ما فحصت ناوية افحص لما ادخل بالخامس .. كمان اسبوعين ان شاء الله

اهم اشي انو مرحلة الوحام خفت بعد الرابع .. بس انا لسه ما كبر بطني ولا مبين علي الحمل اصلا

انا سمنانة كل جسمي بس بطني مش مبين كتير ...

وانتي بين معك شو بدك تجيبي ولا لسه ؟؟

[حلا الماس]

صباح الورد يا احساس .. ما شاء الله كلنا نشيطات اليوم ..

صحتين على الفطور .. والله انا سبقتكم

صايرة اقوم من النوم جوعانة وافطر من حد ما اصحى ... ولما يحصوا ولادي بفطرهم لحالهم :)

[لولو الفلسطينية]

على خير ان شاء الله و ربنا يعطيكي يلي بتتمنيه
انا الدكتور حكالي بنوتة و ان شاء الله اليوم بنتأكد
احساس هههه يسعدلي العاقل انا ****** صحتين على الفطور ان شاء الله مطرح ما يسري يمري
احنا بنفطر بدري عشان قبل ما يطلع زوجي على دوامو

[حلا الماس]

لولو .. عند اي دكتور بتراجعي لحملك ؟؟
حلوين البنات انا عندي بنتين البكر والتانية .. والتالت ولد
وبصراحة نفسي اجيب ولد عشان يصير تعادل وارتاح من الخلفة شي 10 سنين ..

احساس ولولو : شو مشاريعكم لليوم شو بدكم تطبخوا ؟؟

[لولو الفلسطينية]

ان شاء الله ربنا بعطيكي الولد الي بتتمنيه يا رب
انا براجع عند دكتور اسمه وجيه الدراويش اله عيادة على دوار المنارة و هو مدير قسم التوليد في مستشفى الهلال و مرات بروح على كمان واحد اسمه ماجد شاور اذا سمعتي عنهم
و انتي مين دكتورك ؟
ههههه ينعن ابو الطبخ شي بزهق و الله ماني عارفة شو اعمل غدا اليوم
يمكن اعمل صينية صغيرة معجنات و شوربة بس محتارة و مش جاي عبالي اعمل شي

[~{{ DoDo }}~]

صباااااح الخير يا بنات
انا شايفة لولو واحساس وحلا هون
كيفكم بنات شو الاخبار

صرلي يومين حموضة دبحتني
ومن اول ما احط راسيعالمخدة معدتي بتقلب وبتوجعني
لازم اضل كل شوب اقوم اقعد عالتحت
شكله بلشت التقل الله يعيننا

شو اخباركم اشتقتلكم ، وكيف قضيتوا هالاجازة وكيف ولادكم الحلوين
لولو عندك موعد اليوم ؟؟
انا موعدي السبت الجاي ان شاء الله

[حلا الماس]

اها .. بسمع عن ماجد شاور وبيقولوا كتيير شاطر .. هو من قرايب حماتي

واما الدكتور التاني ما بسمع عنو بس بعرف انو مستشفى الهلال كتييير منيح للولادة واصلا بفكر اولد فيه المرة هاي ..

مع اني ولدت كل ولادي بالاهلي ..

انا براجع عند ماجدة ادعيس .. عيادتها بباب الزاوية وكتييير شاطرة وقريبتنا وهي كتيييييير رايقة

انا مطلعة كفتة وبفكر اعملها صينية ببندورة ..

انا هلأ مضطرة اطلع اكمل شغل بيتي وابدأ بالطبيخ لانو طبيخي على الغدا وجوزي اليوم رح يجي بدري

سلامات بنكمل دردشة بعد الظهر

[لولو الفلسطينية]

اهلا دودو نورتي يا عسل
انا اه اليوم رايحة على الدكتور هيك جاي عبالي ههههه بس موعد اصلا بعد اسبوعين
ههههه شكلي اشتقت للدكتور hwaml02hwaml02
سلامتها معدتك ....... انا مرات بتدايقني بس مش كتير
و بالنسبة للتقل و قلة الراحة في النوم هههه لا تشكيلي ولا اشكيلك الحال من بعضه الله يعيننا

[حلا الماس]

اسفة لولو ما انتبهت على دعائك .. تسلمي اللهم امين ربي يسمعك منك

دودو: هلا يا عسل كيفك .. شو اخبارك ؟؟

انا طالعة وانتوا كملو دردشة ما تحكوا كتير عشان الحق اقرأ كل شي ههههههههههه

خلص سلام صبايا .. الوقت يداهمني لازم اطلع .. باااااااااااااااااااااااي يا عسولات ♥ ♥ ♥

[~{{ DoDo }}~]

حلا
صحتين عالكفتة ويعطيكي الف عافية يااارب
انا بخير وانتي انشالله تكوني بخير والبيبي بخير

لولو
ههههه والله نفسي ادلع متلك واروح عالدكتورة اليوم
بس عرفاها حتقليليش اجتيني يا موسوسة انتي وزوجك
يلا هانت السبت الجاي قريب
طمنينا اليوم انشالله تكون كل امورك تمام
وع قولتك الله يعيننا ، عم باكل برتقال تفضلي هههههه

[لولو الفلسطينية]

حلا الله معك و يعطيكي العافية مقدما
دودو هههه البرتقال رح يطلع من عيوني من كتر ما باكلو هههه
الله يسمع منك و ان شاء الله انتي كمان بتتطمني السبت يا رب

[~{{ DoDo }}~]

ههههه متل
اكتر شي باكل برتقال
انشالله الله كريم يااارب

[احساس أنثى]

سلامتكم صبايااااااا
حلا انا ولدت زوزو بالاهلي :كتير كوييييس

[إنبثاقة أمل]

صباح الخير

شو أخباركم

لولو ودودو وحلا ربي يعينكم ويهون عليكم تعبكم وتقومو بالسلامه ويفرح قلبكم بشوفتهم ع خير

احساس شو أخبارك وكيف ابو الزوز

غموض الحمدلله انك بخير بس لاعاد تخوفينا عليك

كل الصبايا شو أخباركم

كأنه لما رجعت ع الصفحات الي قبل عسوله ومسك غايبين

لا تأخذوني عندي صداع صحاني من النوم

ومو مركزه بالمره

[~{{ DoDo }}~]

انبثاااقة
يسعد صبااااحك وسلامتك من الصداع حبيبتي
الله يسعدك على هالدعو الحلوة ويعطيكي كل اللي بدك اياه وكل الخير بالدنيا
مزبوط استفقدت مسك غايبة من قبل عسولة
انشالله يكونوا بخير

غموض
هلا انتبهت انك رجعتي
وييينك يا بنتي قلقنا عليكي
الله يخليكم لبعض انتي وزوجك وصحتين عالاكل الطيبة حبيبتي
ضلك تعي طلي وطمنينا عنك

[لولو الفلسطينية]

انبثاقة حبيبتي تسلمي
ربنا يحقق امانيكي عاجلا غير اجلا
سلامته راسك ما تشوفي شر
بس جد و الله كتير من البنات غايبين الهم فترة ان شاء الله يكون خير .....بينك و عسولة و مسك و ام عمر ان شاء الله تدخل تطمننا عنها و عن بنتها و ام جودي و ام عزمي الي كل سنة بتطل مرة هههه و عيون المها الها يومين ما دخلت
ان شاء الله يدخلو و يطمنونا عنهم

[احساس أنثى]

هلا انبثاقه سلامتك من الصداع
زوزو بصوت عليهم بره ههههههه اسنانو موتاه

[حواء مثالية]

سلام عليكم جميعا

كيف اصبحتم ان شاء الله تمام

برلنت هلا صحت وانا كمان شمسنا عاليا اليوم


سلامته زوزو يا رب يطلع سنه اليوم عشان يرتاح برلنت بتطلع بالسن التالت شطورة بدها تخلص بسرعة ما شاء الله

[حواء مثالية]

انبثاقة يسعد اوقاتك منورة وسلامتك

[احساس أنثى]

ماشاالله عليها برلنت اموره

حواء وجاره وعيون المها
أحكولي

ابرة الشهر ال6 بتسخن ؟؟ بتورم ؟؟

[بينك روز]

مسا الخير بنات كيفكم شو اخباركم
معلش ياحلوين مابفوت كتير وماراح اقدر اشوف الصفحات الي قبل بس رهف مرضانه قبل شوي لسه روحت من المستشفى
معها رشح وكحه الله يشفيلي اياها يارب
بنات بتسلم عليكم مرت خالو سهى امبارح كانت عندي زيارة وحكتلي اوصل سلامها الكم وان شاء الله بتفوت تشوفكم
بدي اسئلك يا جارة القمر
جهاز التبخيرة الي شرتيه بكام ومن وين ممكن الاقيه بدي اشتري واحد لرهف

[بينك روز]

مساء الخير حواء واحساس
ماشاء الله عليكي يا حواء شمسك عالية متل ما بتحكي الله يخليلك لصغيره يارب ويتمم عليكي الحمل
احساس انا اسمعت انه ابره الست شهور بتسخن وبتوجع ديري بالك على زياد

[احساس أنثى]

الله يستر لسى ابرتو ع 20 الشهر

بالنسبه لجهاز التبخيره فيكي تسألي هبه لانها من غزه وهيا حكت شرتو لميلو ابنها

لأنو جاره من الضفه

[ام عبدالله لولو]

مسا الخير للجميع .. شو اخبار الصبايا

[حلا الماس]

احساس : سلامتو زوزو والله يعدي مرحلة التسنسن على خير .. بس ديري بالك لا يبرد لانو ازا برد على طلوع سنو بيمرض وبيتعب كتييير

حواء : صباحك ومساكي سكر .. كيفك اليوم وكيفها الامورة الصغيرة .. وكيف ماشي حملك ؟؟ عدتي الوحام ولا لسه ؟؟

بينك : هلا يا عمري ... سلامتها كتير رهوفة .. ديري بالك عليها انا مجربة هيك ببنتي ولهلأ بيفقد عليها لانو عندها حساسية بصدرها دهنيها زيت زيتون كل ليلة قبل النوم على صدرها وظهرها وازا في بلغم بيخف..

ام عبد الله : هلا فيكي ومساكي سكر .. شو اخبارك ؟؟

باقي الصبايا .. وينكم تعالوا ... ليش هيك نايميين ؟؟!!!

[ام عبدالله لولو]

الحمدلله شو اخبارك ياحلا من وين انتي وكم عندك اطفال

[حلا الماس]

انا منيحة الحمد لله ..

انا من الخليل متزوجة من 7 سنين ونص عندي بنتين وولد وحامل بالرابع

بناتي : ماسة 5 سنين ونص وحلا 4 سنين ونص وابني خليل 2 ونص

وانتي عرفيني على حالك يا ام عبد الله ..

[ام عبدالله لولو]

اللخ يخليلك اياهم يارب وتفرحي فيهم .. اطلعنا من الضفة

انا متزوجة من 5شهور وحامل ببداية الرابع الله يتمم للجميع بخير

[حلا الماس]

تسلمي حبيبتي .. يعني لساتك عروس جديدة

الله يتمملك على خير ويرزقك عبد الله باذن الله .. انتي من وين من الضفة ؟؟

[beboo]

مسا الخير صبايا كيفكم

حلا وام عبدالله هلا والله فيكم ياعسولات شو اخباركم

احساس حبيبتي لا تحردى انت عمدة الدردشة ياعسل كيفك وكيف زوزو

[حلا الماس]

يا حيا الله فيكي يا احلى بيبو

كيفك يا بطة وكيفو بيان العسل ؟؟؟

شو عملتي اليوم ؟؟ كيف مضى نهارك ؟؟

[beboo]

هلا حبيبتي تمام بيان بسلم عليك

الحمدلله نهاري كان منيح بس بيبو يلي منكد مابعرف شكلو بلشنا مشوار نكد الاسنان الله يعينا

انت كيف عسولاتك حلا وماسة وخليلو شو اخبارهم

[حلا الماس]

الله يخليلك اياه يا رب .. ديري بالك عليه كتير منيح بهاي المرحلة واوعي يبرد

ولادي مناح الحمد لله .. هيهم بغرفتهم عم يلعبوا والبيت كلو العاب مرمية بكل حتة ههههههه

بس شطورين بيرتبوا كل شي لما يخلصوا لعب ..

[beboo]

ماشاء الله الله يخليلك ياعسل عقبال قومتك بالسلامة ان شاء الله

وشو طبختي اليوم احنا قطايف باللحمة اذا بتعرفيها

[beboo]

ماشاء الله عليهم بناتك حلوين الله يحميلك اياهم ويحفظهم

لا بينخطبو ههههههههههه اجي اخطب هههههههه اصلى بدور على عروسة لبيان ومو لائية

[حلا الماس]

الله يسلمك حبيبتي ..

وصحتين على الاكلة .. يمكن احنا بنسميها سمبوسك .. صح انتي بتقليها قلي ؟؟


انا اليوم عملت صينية كفتة ببطاطا وبندورة

[حلا الماس]

تسلمي يارب .. ربي يرزقك متلهم ...

ولو ما بنلاقي متلكم .. وكل الناس خير والبركة

بس لسه بدري .. :)

[beboo]

صحة وعافية لا احنا بنعرف السمبوسك وبنعملو لا هادى قطايف عادية تاعت رمضان

بس بنحشيها لحمة مفرومة وبنشويها بالفرن

[حلا الماس]

اها .. لا والله ما بعرفها

لما تعمليها المرة الجاية اعزميني هههههههههه

بس شكلها طبخة سهلة وسريعة .. بتقلي بصل مع اللحمة ولا كيف ؟؟

[حلا الماس]

عن اذنك حبيبتي بيبو .. بدي اطلع لصلاة المغرب

يمكن ادخل بالليل لو قدرت سلامات

[beboo]

الله معك حبيبتي

وولايهمك المرة الجاية بعزمك اول مااعملها

وانا كمان بدي اقوم اصلى

عن اذنكم

[حواء مثالية]

يا بنات الي يومين ماسكني صداع

[~{{ DoDo }}~]

مسا الخير صبايا

كيفكم ومين هون

حواء سلاااامتك من الصداع يمكن مع الحمل

حلا الالماس وبيبو منورين

باقي الصبايا يسعد مساكم شو الاخبار

[ام عبدالله لولو]

مساء الخير :)

[~{{ DoDo }}~]

مسا النور ام عبدالله
كييييفك وكيف البيبي

[~{{ DoDo }}~]

شكلي لحالي هون
ما في حدا صبايا ؟ وييينكم ؟

[حواء مثالية]

هي انا وبرلنت اجينااااااااا يسعد مساكم

[~{{ DoDo }}~]

حواء
يسعد مساكي انتي وبرلنت
شو اخبارك وكيف برلنت والبيبي ؟

[ديدو أم عزمي]

يسعد مساااااااااااكم
كيييييييييييفكم؟
واحشيييييييييييييييني مووووووووووووووووت
عيووووووووووووون المهااااااااااااااااااااااااااااااا بدي أسألك هلأ رن عليا رقم أوله 04 و بيتكون من 11 رقم و بعده رن عليا رقم أوله 00000 بظن انه انتي بس انا ما برد على أرقام غريبة و بنفس الوئت زوجي مش عندي ليرد عليا لهيك أنا أعطيتك مشغول لو انتي صاحبة الرقم يا ريت تبعتي مسج و ترنيلي تاني أنا بانتظااااااااااااااااااارك
تصبحوووووووووون على خييييييييييييييييييير
البنات الموجودين يوصلو سلامي للبنات اللي مش موجودين

[ديدو أم عزمي]

يا بنات
هويده صارت تقول ماما و بابا و تاتا و ديدي هههههههههههههههههه

[حواء مثالية]

هلا دودو نشكر الله نحنا بخير حاسة وحامي اخف

منوووووووووووووووووووووووورة ام عزمي كويس انك بخير الله ما يحرمنا طلتك

[بينك روز]

هلا ام عزمي كيفك ياقمر شو اخبارك
ماشاء الله عليها هويده الله يحميها يارب وتسير ترغي اكتر هههههههههه
بوستاتي الها

[ديدو أم عزمي]

يسلمو يا بنات
انا مضطرة للخرووووووووج ههههههههههههه
تصبحوا على خييييييييييييييير

[حواء مثالية]

تلاقي خير ياااقمر ما بدك ترجعي مثل اول

بينك طمنيني عنك كيف رهف

جااااااااااارة وينك يا حلوة

[بينك روز]

هلا حواء
انا الحمد لله بخير بس رهف معها كحة ورشح ان شاء الله ربنا يشفيها يارب

[~{{ DoDo }}~]

ام عزمي
الحمدلله انك بخير وعيلتك بخير
ان شاء الله بتصيري تطلي من وقت للتاني

حواء
الحمدلله انه خف وحامك
الله يتمملك ع خير يااارب

بينك
يسعد مساكي وانشالله تكوني بخير انتي ورهوفة

باقي الصبايا مختفيين
تصبحوا على خير جميعا