دردشة بنات فلسطين, دردشة حوامل فلسطين, تجمع بنات فلسطين

[حواء مثالية]

هلا يا قلبي الله يقيم سلفتك بالسلامة يا رب هي والبوبو

[Heba T]

الله يقومها بالسلامة

بس شو ليش حولوها عالشفا!!

[بينك روز]

الله يسلمك حبيبتي حواء
والله مابعرف يا هبة ليه نقلوها على الشفا يمكن لانه مية الجنين كلها نزلت ولسه مو موسعة غير 2 سم

[حواء مثالية]

يالله بالسلامة ان شاء الله هي بكرية ؟

حضريلنا الحلوان

[Heba T]

الله يهونها عليها و عالجميع

[بينك روز]

اه حواء هيه بكريه
يالله شو خايفه عليها يارب هونها عليها
ولا يهمكم الكم احلى حلوان بس تقوم بالسلامة

[أم عزمي]

صبااااااااااح الخييييييييير للكل
بينك روز أنا صايمة اليوم و لسة باقيلي 7 أيام ناوية أصوم الخميس
و الأسبوع الجاي بصوم احد و ثلاثاء و خميس و الأسبوع اللي بعدو احد و ثلاثاء و خميس و هيك بخلص انشاء الله
قبل ما أولد ههههههههههه و لسة رمضان هذا كلووووووووووووو افطاااااااااااااااااار بعين الله موعودة بولاداتي
المرة اللي فاتت أفطرت 17 و لسة بقضي بالباقي و المرة هذه رمضان كلو يلا المهم أشوف هويدة على خير و سلامة
و انشاء الله تقوم بالسلامة سلفتك قلبي معها الله يعينها شكلها متغلبة يا روحي عليها الله يهونها عليها انشاء الله بتتطمني و بتطمنينا عليها حبيبتي معلش طولت عليكي بالحكي

[أم عزمي]

عسولة فلسطين
الحمد لله عالسلامة نورتي بيتك يا شابة على رأي تامر حسني ههههههههههههههههههههه
حبيبتي الحمد لله يللي رجعتي بيتك انشاء الله بتزوري مامتك و انتي حامل عن قرييييييييييب يااااااااااااارب

[Heba T]

ام عزمي منورة

[بينك روز]

هلا ام عزمي
ان شاء الله صيام مقبول يارب الي وإلك

[مسك السنين]

مرحبا صبايااااااااااااا
اليوم جايكم بقصة جديدة الي
اول مبارح اغمى عليا بالعيادة من شو مابعرف فجاة صار ضغطي 60-90
رغم اني طالعة مفطرة
بس الحمدلله الجنين بخير
وبدي اسئل شغلة مبارح طول الليل عندي مغص رهيب كاااان معقول لاني مو ماكلة ؟؟
وكمان شغلى باقيلي شوية واخلص الرابع الدكتورة ماقلتلي جنس الجنين
وقالتلي جلدة البطن سميكة عندي ممممممممم يعني هاي بتضر بالولادة ؟؟؟

[أم عزمي]

هبة النور نورك حبيبتي
بينك الله يسمع منك

[أم عزمي]

هلا مسك السنين
الحمد لله انك بخير انتي و البيبي
انا كمان ضغطي 90-60 لما كان عليا فحص المرتين اللي فاتوا كان هيك و ما تغير
يمكن دمك ضعيف افحصي دمك و اشربي عصير برتقال و كتري من السوائل

[Heba T]

الضغط هادا لا مفر منو انا كان ضغطي ايام الحمل 40-80

بس ديري بالك على حالك و كلي واشربي سوائل كتير

[بينك روز]

هلا مسك السنين حبيبتي بدك تابعي ضغطك لمدة اسبوع
وتطمني على حالك مشان الضغط مو منيح بالحمل

[أم عزمي]

بس الضغط مش منيح ينزل أو يطلع عند الحامل بيخوف عند الولادة

[أم عزمي]

بينك روز
شو صار معك؟
أنا بديت أدوخ عندها قطعت الكهربا بتحمم و بصلي و بنام لأني شوبانة كتييييييييييير

[مسك السنين]

طب شو يعني جلدة البطن سميكة

[Heba T]

جلدة البطن سميكة هاي ما بتاثر على الولادة

في ناس بطنهم ببقى رقيق انو ممكن وهي قاعدة بتشوفي انو البيبي عمال يتحرك بشكل واضح

حسب ما بعرف انو ما الها اي تاثير هاي بتبقى طبيعة اجسام

[أم عزمي]

طيب مسك اسألي الدكتورة اللي قالتلك انه جلدة البطن سميكة
بس هدا الشي عادي ما الو دخل بالولادة انتي لا تفكري كتير حبيبتي
معلش سؤال محرج شوي انتي جسمك مليان يعني نصوحة؟

[بينك روز]

والله يا ام عزمي انا هلا بالشغل مو حاسه بشي ومشغله المكيف عندي والجو حلو
عندي لما اروح على الساعة 3 بنام وبصحى ان شاء الله اجهز لفطور وبعد هيك اروح على المستشفى اشوف سلفتي
لهلا ما ولدت

[Heba T]

بينك روز الله يعينها و يقومها بالسلامة

مسكينة حاساها الها زمان

[أم عزمي]

يا حرام لهلأ بتتوجع الله يعينها و يهون عليها ياااااارب

[مسك السنين]

اه انا مش تحينة كتير ههههههههههههه
بس جسمي ملفوف لف
يعني بنطلوني 40 مقاسو قبل الحمل

[بينك روز]

هيه من امبارح بالليل بتطلق الله يهون عليها يارب
مسك السنين ما تهتمي لمشكلة سماكة البطن اعتقد ما بتأثر في الولادة
بس اهتمي بالضغط لانه مو منيح للحامل

[Heba T]

مسك السنين والله انك خطيرة

ما تخافي من شي , المهم خدي بالك من اكلك

[Heba T]

بينك روز

انت اول مرة تحملي؟ ولا عندك اولاد قبل؟

[مسك السنين]

بنات انا عندي ملوخية وبدها تلقيط
ونفسي فيها بورانييييييييييي

[Heba T]

مسك السنين
شدي حيلك و لقطيها

[بينك روز]

لا هبة لسه ماعندي ولاد
انا حامل هلا بنهاية الشهر السابع وان شاء الله الي ببطني بنوته
وهنسميها رهف بإذن الله

[أم عزمي]

مسك السنين
ابعتيها أتسلى فيها و أضيع شوي من نهاري أصلي صايمة

[جارة القمر]

بدي انجلط







بعيد الشر عني .................

[جارة القمر]

الله يقوم سلفتك بالسلامة ويسهل لها ولادتها ........


"ما من عبد مسلم يدعو لاخيه بظهر الغيب الا قال له الملك ولك المثل "

[أم عزمي]

أووووووووووه مالك داخلة سخنانة و معصبة يا جارة؟؟؟
بعيد الشر عنك

[بينك روز]

سلامتك جارة شو مالك بدك تنجلطي ان شاء الله عدوينك يارب
يلا شدي حيلك الدور عليكي هلا بالولادة
بس ما تنسي تيجي تحكيلنا قصتك

[أم عزمي]

بينك روز
هويدة عمالها تروح و تيجي ببطني يمكن جاعت يا روحي عليها بس يلا هانت ضايل 5 ساعات للأذان تقريبا

[مسك السنين]

جااااااااارة سلامة قلببببببببك
بينك يلا انت وام عزمي وهبة تعو لقطوها عندي هههههههه
وازا بتطبخوها فش مشكلة
خخخخخخخخخ
بنات سؤال
هلا انا بشتري المشروم من السوبر ماركت بس طعمو مش متل اللي بااكلو برا
قلت اول مرة يمكن العلبة هاي بس اللي كدا
غيرت اسم العلبة كلو واخدت نوع تاني برضو نفس القصة
بتلاقي المشروم طعمها كدا غريب وبتشد طيب بالمطاعم مش هيك ؟؟
وانا بحب المشروم بكتير من السلطات
حد يقلي ايش الموضوع هههههه

[بينك روز]

والله يا مسك السنين انا هلا بالشغل لما اخلص شغلي بأجي القطلك ايها ولا يهمك ياعسل
بالنسبة للمشروم ما عندي فكره صراحة

[أم عزمي]

طيب شفتي تاريخ الانتاج و الانتهاء؟

[أم عزمي]

عندها قطعت الكهربا و بينقطع تواصلي فيكم الله يلعنهم

[أم عزمي]

جارة ما قلتي شو اللي راح يجلطك بعيد الشر

[بينك روز]

يا مسكينه يا ام عزمي
انا هلا الكهربا قاطعة عندي بالبيت
لما اروح بلقيها جاية
بنام على المروحه

[أم عزمي]

ماااااااااشي يا بينك روز
بتتمسخري عليا طيب خديني عندك

[مسك السنين]

اول شي بشتريه تاريخ الانتهاء والانتاج ههههههههههه
عشان التسمم اسم الله معبي غزة هههههه

[حواء مثالية]

يسعد مساكم

جارة سلامتك مالك

[Heba T]

عدها قطعت الكهرباااااااا


مسك لسنين حاسة انو قصة المشروم بسبب الوحام ما بعرف

ان مش عقول كل وحدة نفس القصة

[Heba T]

جارة القمر سلامات شو صاير؟

[أم عزمي]

هههههههههه يقطع شرك يا مسك
حواء يسعد مساكي

[بينك روز]

الله يسامحك ام عزمي والله ما بتمسخر عليكي ولا شي
تيب تعالي عندي بنتسلى انا واياكي وبنتفرج على التلفزيون
وبنشغل المراوح
وبهيك بضيع لنهار

[أم عزمي]

هبة أنا متلك عندها قطعت الكهربا

[Heba T]

صارت امنيه حياتي تيجي الكهربا يوم كاااااااامل

[أم عزمي]

هههههههههههه
بينك عادي بعرفك قلتيلي يا مسكينة لانك حاسة فيا

[بينك روز]

هلا حواء حبيبتي منوووره المنطقة

[أم عزمي]

و الله كلامك صح يا هبة بس صعب تحقيق هالأمنية بهالبلد الجربة هاي هههههههههههه

[بينك روز]

بعين الله هبوبه الوضع هاد صار شي روتيني عنا
والله لو يجيبوا كل السولار الي بالدنيا غير تقطع علينا
تعودنا

[Heba T]

صح كلامك والله بنك روز

[Heba T]

بنات مين شاطرة بالحلويات تعطيني اي طريقة لحلو سهل

و كمان مين جربت تعمل الارضي شوكي؟

[بينك روز]

هبه رووقي وحدي الله
سيبك من الاكل هلا
في ناس صايمة هووون
راعي ظروفهم يوه

[Heba T]

اهاااااااا ناسية الموضوع عالاخر انا


خلص بعد المغرب بنحكي بالامور الخطيرة هاي هع

[نبض قلب]

بخ

نفسي اعمل حلويات او كيكة

بس ما عندي فرن

كيف الصيام بينك روز؟؟

طمنينا مشان نستعد لرمضان

صحيح انتي ايمتى بتولدي

[نبض قلب]

هبة

عرفيني عليكي

[عسولة فلسطين]

كييييييييفكم ياصبايا
جارة سلامة قلبك يارب مالك؟
الله يتقبل منكم الصيام يا بينك وام عزمي....... ادعولنا وقت الفطور .....مش تشوفوا الأكلات وتنسونا ههههههه صحة وهنا يارب
الله يسعدك يا ام عزمي
ههههههههههههه انا مبسوطة الكهربا لهلأ ماقطعت صارلها ساعتين زيادة عدي نقيت عليها وقطعت
لكل الموجودين واللي مش موجوين أحلى تحية

[سهى2012]

lمرحبا صبايا كيفكم ياحلوين

الله يقدرك على صيامك بينك روز وام عزمي انا كان علي صيام 12 يوم والحمد الله صمت 6 بيض وعاشورها وعشره ذو الحجة يعني ربنا قدرني وصمت بزيادة بس هاد رمضان اكيد بكون مفطره لاني بكون والده وعقبل جميع ان شاء الله

بينك روز الله يقومها بسلامة سلفتك وبتطمني عليها وبطمنيني طيب حبيبتي وماااااا تنسي تحكيلنا عن ولادتها بالشفا عشان نستعد احنا كمان


حواء وجارة وغموض وهبة وعسولة وام عزمي وعيون المها وكل الصبايا المنتدى بوجودكم بنور منتدى وبنصائحكم وكلامكم العسل بيعطينا الامل والحياة الحلوه سلامي لكل الصبايا حلوين

[بينك روز]

هلا نبض القلب
والله الحمد لله مو حاسه لا بجوع ولا بعطش بس بنوتي شكلها جاعت
كتير بتتحرك وشكلها جاعت
يلا هانت كلها كام ساعة وبأذن المغرب
بالنسبة لولادتي اخر معاد الي في 22|8

[حواء مثالية]

يسعد مساكم يا بنات كيفكم شو اخباركم

ام عزمي الله يسعد كل اوقاتك يارب

بينك روز النور نورك حبيبتي

هبة منورة اليوم

عسولة الله ما يحرمنا طلتك ودايما نسمع عنك الاخبار الحلوة

سهى خير وبركة انك طليتي وطمنتينا عليكي

جارة الله يسامحك هيك بتشغلينا عليكي فوتي طمنينا شو صاير معك

[نبض قلب]

يعني يا بنك
بتولدي ع العيد

سمي البنت عيدة
هع هع

[نبض قلب]

سهى

انت متى اخر موعد ولادتك
انا ولدت بالشفا اولادي التنين
ابني و بنتي

[بينك روز]

هههههههههههههه حلو اسم عيده
ههههههههههه
لا حبيبتي بدنا نسميها رهف ان شاء الله
نبض احكيلنا قصة ولادتك الاخيرة متشوقه اعرفها
خصوصا انها بالشفا
يا جماعة سلفتي لهلا ما ولدت
تلات مرات تفوت غرفة الولادة وتطلع
خايفة مش عارفه تولد

[عسولة فلسطين]

مسا الخير لعيونكم
سهى الله يقومك بالسلامة يارب
حواااااء حبيبة قلبي يارب يخليكي ويقومك بالسلامة والله وانا بحب طلتك ووجودك معنا
بينك الله يكون بعونها لسلفتك يارب وتقوم بالسلامة هي والبيبي وربنا يسهلها عليها طمنينا عنها
قرررررررررررررررررررب المغرب يأدن
ياربي متى يجي رمضان بموت عليه لهالشهر
يارب يبلغنا رمضان واحنا بأحسن حال
الصايمين ايش عملتوا فطور؟؟
انا اليوم عملت معكرونة بالخضار

عيون المها وينك؟؟؟ وجارة طمنينا عنك والله شغلتي بالي

[نبض قلب]

كان يا مكان في قديم الزمان وحدة حامل كان معاد ولادتها 26/4/2012)iهادي انا طبعا ))وما كان معي و جع ولا شي اجا يوم1/5/2012وما صار شي

العصر يومها رحنا انا و حماتي عالشفا مشان اعمل تخطيط للبيبي
عملت تخطيط و الحمد لله منيح و وحدة فحصتني قالت موسعة 1 سم ، المهم روحنا مشي من الشفا عالدار انا ساكنة عند ابو اسكندر بالشيخ رضوان ، حماتي رجلها وجعتها و انا ما صار شي فيا

قالت تعالي بكرة الصبح عالعيادة الخارجية بالشفا

رحنا تاني يوم الكتورة فحصت قالت موسعة 3 سم بدنل نحطلك طلق صناعي نعمل انهاء للحمل -لاني قلت لها انو قوة ضربة البيبي خفيفة -
و عملت تخطيط ككمان مرة

بعدها قالت روحي -ابصر وين -بس بنفس المستشفى احجزي تحميلة طلق صناعي و عملت فحص دم

لفينا انا و حماتي السبع دوخات عبال ما حجزنا نروح مكان يقولو مش عنا روحي فوق ، نروح فوق يقولو روحو تحت

المهم ممرضة ركبت لي الكنيلة بايدي الشمال س 11 ص و بعدها رحت غرفة 6 استنى ييجي الدكتور يحط الطلق

استنيت حتى س 1 ظهرا

يتبع .............

[Heba T]

كملي كملي

بستناكي

[عسولة فلسطين]

ههههههههه يسعد مساكِ يا هبة
نبض عاملة حلقة تشويق
هينا بنستنى

[Heba T]

اه والله ببقى احكيلكم قصة ولادتي بالمرة بما اننا عاملينها مسلسلات

[عسولة فلسطين]

يلللا قولي هههههه
هبوش الله يخليك قديش معك ولاد؟

[جارة القمر]

مساء الخير بنات انا اسفه مش قصدي اشغلكم
بس الدنيا هيك مو دايما راحه .........انزعجت شو من زوجي

ومو حابه افتح معه الموضوع اللي زاعجني ......لاني مو حابه اتعب نفسي بالموضوع
لانه نهاري كان
شااااااااااق وبتعرفوا الحامل مع تغير الهرمونات والثقل والجو الحاااااااااااااار ما بتسيطر على مشاعرها
بس شافني قالب بوزي هههههههههههههه وسألني وقلته ما في شي ......وبعدها طلع من البيت وهلا بدردش معكم

يلا بنك روز وام عزمي يا حجات كيف صيامكم ؟
شو رأيكم اصوم بكرا؟ لاني مفكره اخود اجازه ؟!!!!!!!!!!!!!!!!!!

صحيح رحت على الدكتور اليوم وقلي انه كلشي تمام وزن البيبي 3.100
بس وزني انا مو زايد 59 ضل
وقلي خلص ما شالله استوى هههههههههههه والولاده هلا امنه الحمد لله


عقبال عندكم بنات تدخلو التاسع وتقلو وتستوو هههههههههههه لئيمه انا ..............


عيون المها طلي

[حواء مثالية]

مساكم فل بنات

والله شغلتي بالي جارة فكرت صار معك شي

هاتو شي ندردش في

[نبض قلب]

بكمل القصة بكرة ان شاء الله

بدي اروح اخد دووش و اصلي

و الكهرب عدها اطعت

[Heba T]

عسولة فلسطين عندي ولد واحد الحمدلله عمرو 7 شهود و 4ايام

[عسولة فلسطين]

جارة الحمدلله انك طمنتينا عنك
حوااااء نورتي....أنا بحضر فاطمة
هبة الله يخليلك اياه يارب وتفرحي فيه

[Heba T]

تسلمي


على فكرة عملت اليوم كيكة اناناس :)

[عسولة فلسطين]

اووووووه صحة وهنا
ههههههههههه اضحكي علي مرة عملتها وماعدتها
لزقت بالصينية من تحت وبطلت اعملها

[Heba T]

عسولة فلسطين الحمدللة ما خربت معي لهلآ بس في كتيييييير اشياء تانية خربت هع


بس منيح انو الرجال بتحملونا :}

[ام اسكندر]

بنات شاركونا بالتصويت للمشاركات

هنا الموضوع الاول

http://forum.hwaml.com/t133297.html

وهنا الموضوع الثاني

http://forum.hwaml.com/t133302.html

طريقة التصويت عبر الاستطلاع الموجود اعلى الصفحة

[نبض قلب]

hwaml9يسعد مساكم

رجعت اكمل القصة

المهم جا الدكتور و حط الطلق الصناعي و قالة المفعول بيدا بعد ساعة يعني الساعة 2 و برضو لازم نضل نايمين ع ظهرنا لمدة ساعة

صار ساعة و ما اجا الطلق

قالو كمان ساعة بيبدا

اللي كانو معي وحدة بدا معها الطلق بعد اقل من ساعة

المهم ادن 1لعصر و المغرب و ما صار اي نتفة وجع

بس كنت احس بطني بيشد من تحت كل فترة و فترة بس خفيف لا يذكر

ع العشا فحصني الدكتور و عملي توسعة و قال فاتحة من 4-5 سم

و رحت عالقسم التاني قريب من كشك الولادة و رنيت عامي اجت -هي كانت بس روحت بعد المغرب --

هاد الكلام ع 9 بالليل و قال الدكتور س 10 ادخل الكشك و يحطولي محلول

دخلت الكشك س 11

و حطولي المحلول بس قبلها عملولي تخطيط و انا باالكشك بس طول التخطيط يمكن نص ساعة او اكتر

بعدها فتحت لي كيس المية
و هان صار حمي الطلق hwaml16hwaml9-نسيت اقول لكم بعد ما عمل الدكتور توسعة صار ييجي طلق/ يعني هلقيت بدا مفعول طلق الصناعي-

و بعدها ناديت عالدكتورة لمن حسين الراس و هيا استغربت لانو لسا بدري و قالت لي ما تعصي عحالك لحسن نبنجك من تحت و تتغرزي كتير بدو يطلع -كانت قبلها فحصاني و قال 6 سم

اجو 3 دكتوراتhwaml10 و طلع رفيق حبيب قلبي س 1 بالليل

بس حزقة الراس بتوجع كتير لانو الحمد لله ما فتحولي يعني ما تغرزت الا غرزتين برا
و بعدها طلعت المشيمة و ما طولت عالسرير الولادة و اضحكو عليا و انا قاعدة بطلق سهيت وانا بين طلقتين من كتر النعس
اجت عاملة النظافة قومتني
المفروض يسموها عاملة الوساخة بعيد عنكم ما مسحت الدم اللي عليا -كان على رجلي في دم - وامي قالت لها بس طنشتhwaml11hwaml17

وبعد مارحت عالغرفة نمت ما رضعت الولد كنت نعسانة كنير


و حماتي كانت معي طول الوقت مسكينة راسها وجعها لانها ما نامت

و روحت عالدار س 10 ص من يوم 3/5/2012

و توتة توتة خلصت الحدوتة
حلوة ولا فتفوتةhwaml13

عقبال جميع الحوامل بالسلامة يا ربhwaml7hwaml7

[Heba T]

لولولولولولوولولولي

والله لو حافظة زغروته لهيك موقف لزغرتت

[عسولة فلسطين]

هههههههه اه والله ياهبة الحمدلله
مش بيقول المثل ايش ماعملت العمشة لجوزها بيتعشى
ع فكرة بحب اسم هبة لأنه ع اسم صاحبتي ^_^
نبض قلب.... الحمدلله ع سلامتك ويارب يتربوا بعزكم ويكونوا بارين فيكم

[Heba T]

عسولة والله ما كل عمشة جوزها بتعشا ههههههه

حسب مزاجو

عسوله انت حامل؟

[Heba T]

نسيت اقولك تسلمي عشان الاسم يعني هع

كنت زمان نفسي يكون اسمي ليلى والله و افكر جد انو بدي اغيرو بس يلا قضاء و قدر هع

[عسولة فلسطين]

ههههههه بحس هبة أحلى
الحمدلله ع هيك ربنا يخليلنا ازواجنا
انا كنت حامل بتوأم بنات بس ولدتهم بأول يوم بالسادس ولادة مبكرة
وماتوا الحمدلله ع قضاء الله وقدره
وحاليا بفترة نفاس

[Heba T]

اهااا الله يعوضك خير يارب

جعاااااانة والله حاسة حالي اليوم رح اكل الاخضر واليابس

[عسولة فلسطين]

آمين يارب
ههههههههه انا ما بحب الاكل بالليل
بس قومي شوفيلك تفاحة شي خفيف كوليه
هبوش انتي من غزة؟صح

[Heba T]

يس يس

انني من غزة ومن حي الرمال ووووو اعطيكي العنوان ههههه


والله انا ضاربه اليوم مفرفشة كتييييير هع

عسولة انت عرفيني عنك انو بالجامعة مش بالجامعة انو هيك ممكن!!!

[عسولة فلسطين]

هههههه تشرفنا
انا طبعا عمري 23 تخرجت من الجامعة الاسلامية مخلصة تربية انجليزي
متزوجة صارلي سنة و3شهور
وساكنة بمدينة الزهرا
وايش فيه كمان *_^
ياستي دوم الفرفشة يارب وربنا يبعد عنك كل شي مش منيح

[Heba T]

انا 22 سنه :}

لسا بالجامعة ومتزوجة من سنة ونص وعندي ولد امور وبس

بدي اناااااااااام

تصبحو على خير

[عسولة فلسطين]

ياستي الله يوفقك يااااارب
ويخليلك زوجك وابنك
تلاقي الخير يارب
وانا حاقوم

[نبض قلب]

هبة
خلص بميل عليكي و انا مروحة من الجامعة
انا بالاسلامية و انتي
انتي حامل ولا لا بعد ابنك

اذا حامل الله يعينك

[غُمُوض أُنثَى]

صباح الخير يـآبنآت

يسعد صَبـآآآحكُم جمييييعآآآ

مبآآرح طلعت طشششة بتجننن رحنآ على " سيدي بوسعيد " يا الله مكان ولا في الاحلاآآآم

تحس حالك كأنك في الجنة والله من كتر ما هي المناظر رووووووووعة

المهم مش هان القصة .. طبعآ روحنآآآ ميتين تعب لانه مشوآر طويل ومشينآآآ كتيرررررر

وانا نمت بدووووون هز وصحيت عالساعة 3 مفزووووعة :((((

ياربي كل ليلة بحلم بكابوس شكل مش عارفة ليش هيك بآخر اسبوع

بصحى قلبي بيدق بحسو بدو يطلع من جوا وبكون خايفة كتير كتير كتير ولازم اشغل الضو ومابعرف ارجع انام

والله جوزي يحاول معايا انه انام يمين شمال ابداااا

والمشكلة بضلني متزكرة الكابوس وخايفة طول اليوم

مع انه دايما بشغل قرآآآن بالبيت مش عارفة كيف اتخلص منها هالكوابيس والله عاملالي ازمة

:(((

[سهى2012]

صباح الخير لعيونك غموض حبيبتي رجعتيني لسيد بوسعيد انا بحبها كتير واغلب وقتي بقضي هناك وبحب امشي فيها لحتى اصل للقهوة مشهورة شوفوا صبايا ما احلى مكان كانت فيه غموض مبارح



http://forum.hwaml.com/imgcache2/hwaml.com_1339479937_511.jpg

http://forum.hwaml.com/imgcache2/hwaml.com_1339479937_903.jpg

http://forum.hwaml.com/imgcache2/hwaml.com_1339479936_707.jpg

http://forum.hwaml.com/imgcache2/hwaml.com_1339479938_557.jpg

http://forum.hwaml.com/imgcache2/hwaml.com_1339479940_247.jpg

بجد تونس حلوه بس احلى وجود غموض واهلي فيها

غموض حبيبتي حاولي تقرئي معوذات واية الكرسي قبل النوم واذا صار معك شي بالليل كتري من تسبيح واستغفار وربنا يبعد عنك كوابيس واحلام مزعجة

[أم عزمي]

صباح الورد لعيونكم
ولو انه الورد بينشم بس ما بينفع نقول صباح الورد لمناخيركم ههههههههه
غموض حبيبتي اقرئي المعوذات وآية الكرسي و أذكار المساء و انشاء الله خير و اذا في شي شاغلك لا تفكري فيه قبل ما تنامي أصلو بيقول المثل اللي عبال ام حسين بتحلم فيه بالليل هههههههههههه
و بعدين يا بختك يا عم على الطشة مهو العز للرز و البرغل شنق حالو هههههههه احنا هون بغزة عمرنا ما حنتزحزح من هالأماكن الغبية اللي عندنا لما بدنا نطلع يا بنروح البحر يا بنروح مطعم يا بنروح الرمال و بناكل بوظة من عند كاظم يا بنزور قرايبنا و هذه هي قصتنا فاااااااااااارطة ههههههههههههه بس الحمد لله شوفة الاهل بتغني عن كل شي صح انتي حاسة بهالشي حبيبتي
سهى يسعد صباحك الحمد لله يللي شفناكي بخير و سلامة حبيبتي
نبض قلب قصة ولادتك فيها شبه من قصتي بس أنا ما اخدت طلق و لا شي كنت موسعة أصلا لأنه عنق الرحم واسع عندي كنت فاتحاها باب سوق هههههههههه بس و الله بلاقيكي عاملاها مسلسل ههههههههه غلبتيهم للصبايا لحتى عرفوا تكملة القصة هههههههههههههههههه
عسووووولة منورة يا عمري ما شاءالله طليتي و انبسطتي كان نفسي اكون معكم مبارح بس الكهربا حكمت بغير هيك و صحيح أنا كنت عاملة معكرونة بالخضار مبارح متلك يعني
بينك روز يارب يكون صيامك عدى على خير أنا الحمد لله كا حسيت بشي بس دوخت شوية صغييرة هههههه و الشوب هلكني
هبة و الله كاينة مبارح فايقة و رايقة انشاء الله كل يووووووم هيك

[أم عزمي]

يسعد مساكم يا بنات كيفكم شو اخباركم

ام عزمي الله يسعد كل اوقاتك يارب

بينك روز النور نورك حبيبتي

هبة منورة اليوم

عسولة الله ما يحرمنا طلتك ودايما نسمع عنك الاخبار الحلوة

سهى خير وبركة انك طليتي وطمنتينا عليكي

جارة الله يسامحك هيك بتشغلينا عليكي فوتي طمنينا شو صاير معك
حبيبتي حواء الله يخليكي و يسعد كل أوقاتك

[أم عزمي]

مساء الخير بنات انا اسفه مش قصدي اشغلكم
بس الدنيا هيك مو دايما راحه .........انزعجت شو من زوجي

ومو حابه افتح معه الموضوع اللي زاعجني ......لاني مو حابه اتعب نفسي بالموضوع
لانه نهاري كان
شااااااااااق وبتعرفوا الحامل مع تغير الهرمونات والثقل والجو الحاااااااااااااار ما بتسيطر على مشاعرها
بس شافني قالب بوزي هههههههههههههه وسألني وقلته ما في شي ......وبعدها طلع من البيت وهلا بدردش معكم

يلا بنك روز وام عزمي يا حجات كيف صيامكم ؟
شو رأيكم اصوم بكرا؟ لاني مفكره اخود اجازه ؟!!!!!!!!!!!!!!!!!!

صحيح رحت على الدكتور اليوم وقلي انه كلشي تمام وزن البيبي 3.100
بس وزني انا مو زايد 59 ضل
وقلي خلص ما شالله استوى هههههههههههه والولاده هلا امنه الحمد لله


عقبال عندكم بنات تدخلو التاسع وتقلو وتستوو هههههههههههه لئيمه انا ..............


عيون المها طلي

حبيبتي منيح اللي أجت عقد هيك أنا كمان متلك لما ألوي بوزي جوزي بيطلع عشان يرجع يلاقيني فارداه و بضحك ههههههه
يعني مهو مش حلوة الواحد يدخل عالبيت يلاقي مرتو ضاربة بووووووووز ههههههه
و بالنسبة للصيام الحمد لله عدى عخيييير بس و الله النهار طويييييل الله يعين اللي بدهم يصوموا رمضان أنا عني بفطره كلوووووووو الله بعين
و كمان يللي بتغايزي فينا الله يقومك سالمة انتي و البيبي
هااااااااانت كلها هالأسبوعين و بفووووووووت بشهرييييييييييي
هههههههههههه هااااااااااااي يعني قربت يا بنااااااااات هههههههههههه عئبااااااااااال عند الكل ما يفوتوا بشهرهم
و اللي بشهرها الله يقومها بالسلامة و اللي بدها الله يعطيها و اللي راح منها الله يعوضها يلا هيني بدعيلكم متل ما الستات بيدعوا لأحفادهم وولادهم و الله و صرنا نساوين ههههههههههه
و صحيح الحمد لله وزن البيبي منيح يعني من هون لتولدي بيكون 3كيلو و نص انشاء الله
و بعدين بتدعي علينا نستوي الله يخليكي يا رب محنا مستويين من اليوم ههههههههههه

[أم عزمي]

يا بنااااااااااااات
فاكرين حيفا طلت شوي و زماااااااان ما بينت من بعد ما عملت فحص بيتي و طلعت مش حامل
عيووووووووووون المهااااااااااااا ويييييييييييينك ما طليتي من يومين
المهم يا بنات أبصر شو الدعوة اليوم معاد قطع الكهربا صباحي يعني 6 الصبح و هي الساعة صارت 11 و الكهربا جاااااااااااااية و الله معجزة ههههههههههه معلش شكلي بنق علييييييييهاااااااااااا

[احساس أنثى]

صباح الفل ياحلوين

ام عزمي انا لاحظت الكهربا بتيجي راحه مرة وحده على كل منطقه

شلوووووووون باقي الكروشات ؟

انا اليوم قاطعه عنا المسا حروح اعمل تحليل دم وبول الله يكرمكم خايفه من الالتهابات مع اني مش حاسه انو عندي التهابات بس زياده الخير خيرين

وبدي اعمل تحليل دم لأنو كان 10 وقالولي ضعيف بدي اشوف طلع ولا متل ماهوا ,,,

واطش على البحر مين بحب البحر يجي معي بس يجيب ضيافتو معاه ههههههههههههههه نداله اه

[أم عزمي]

هلا احساس
بردو أنا قلت هيك شكلها الكهربا اليوم راحة عن القطع
انا بموووووووووت بالبحر بس انشاء الله بعد الولادة بروح عشان أسبح بحب السباحة مووووووووت

[احساس أنثى]

انا بدي اروح هلأ لانو مع توجيهي بخف الزحمه شوية بكره بس يخلص توجيهي مابتلاقي مكان ومابتنبسطي بالطلعه هههههه

[احساس أنثى]

اسمعت انو الدعاء وانتي واقفه على البحر وقت الغروب مستجاب قال ياصبايا ولا خرابيط هادي؟

[أم عزمي]

و الله يمكن فيه منو كلامك

[احساس أنثى]

انا مابعرف اذا في حد سمع متلي هالكلام ؟؟

على فكره انا بعمل فيه بلكي طلع صح ههههههههههههه لاتقولو عني هبله

[نبض قلب]

((نبض قلب قصة ولادتك فيها شبه من قصتي بس أنا ما اخدت طلق و لا شي كنت موسعة أصلا لأنه عنق الرحم واسع عندي كنت فاتحاها باب سوق هههههههههه بس و الله بلاقيكي عاملاها مسلسل ههههههههه غلبتيهم للصبايا لحتى عرفوا تكملة القصة هههههههههههههههههه))

طيب يا ام عزمي ليش ما عملو لك غرزة و شو سبب الولادة المبكرة
و هلقيت انتي في غرزة ولا من دون


يا ام عزمي نفسي اعرف اسمك الحقيقي و ليش انت ام عزمي

غلبتك بأسئلتي بس شو بدك تعملي لازم تجاوبي لا مفر
هع هع hwaml12

[أم عزمي]

ههههههههههههههههيمكن بنسمع انه بتحقق الأمنيات و انه ارمي همومك بالبحر و أبصر شو و هدا كلو كلام الحبيبة ههههههههههههههههههههههههههههههههههههههه

[نبض قلب]

احساس

هدي خرابيط من ايام زمان زي قصة ابو رجل مسلوخة

كانو يخوفو فيها الصغار مشان ينامو

[أم عزمي]

ههههههههههههههههههههه
ضحكتيني عليها زمااااااان عن ابو رجل مسلوخة ههههههههههههههههه

[احساس أنثى]

ههههههههههههههههههههههههههههههههه

خلص بطلت اعملها

[حواء مثالية]

يسعد اوقاتكم يا بنات

منورات من شوي صحيت من النوم هلكانة مش عارفه مالني مع اني ما تعبت حالي بشغل ولا بشي بس حاسة حالي ما كسرة

برلنت الله يرضى عليها بتسلم عليكم قاعدة بتلعب

ام عزمي يبقى انا وانتي ان شاء الله راح نولد بنفس الفترة انا كمان الاسبوع الجاي بفوت بشهري يالله بالسلامة الي والك ولكل البنات يارب

بعدين في شي بضل حاسة حالي جوعانة ما بلحق اوكل الا انا بدي افرط من الجوع

[غُمُوض أُنثَى]

سهــى حبيبتي والله اجيتي في بالي وانا هناك

بحكي اكيد سهى اجت كتير عالمكان هادا

والقهوة الي انتي بتحكي عنها " قهوة سيدي شبعان " الي انتي حاطة الصور تاعتها

هيآ احلآآآ مكآآن هناك لانه بتشوفي كل المنآظر الطبيعية بجددددد روووووعة طولنا فيها القهوة والله انبسطت

ان شاء الله يــآعمري بترجعي وبنصير نطش انا وانتي هههههه رحلات عآئلية

ع فكرة بكرآآآ رآيحين " حلّق الوآآآآآدي " بدنـآ نروح نتعشى سمك ونتمشى حكولي حلو كتير المكآآآن

رح وريكي صورتين انا صورتهم لما كنا قآعدين بالقهوة :))))

ام عزمي ان شاء الله بتطلعي وبتشوفي مناظر احلا من هيك

الله يوعد الجميع

بس كل شي ع حساب شي تاني يعني بجد ,, الغربة والاشتياق للاهل صعب كتير

هادا كله تعويض ههههه

-

انا والله بقرأ قرآن قبل ما انام ودايما مشغلة قرآن

حتى لما مبارح نمت كنت ميتة تعب وما كنت بفكر بشي اصلا انا عارفة بعين الله

يسعد مساكم كلكم

[Heba T]

بـــــــــــــخ

اخيرا اجت الكهربا


منوريييين

[Heba T]

كالعادة لا احد يرد < الرجاء المحاولة فيما بعد

وينك يا عسولة فلسطين دايما متفاعلة معي هع

[أم عزمي]

حواء يلا بالسلامة الي والك انشاء الله بس انتي بتقولي حاسة حالك مكسرة هدا مش من تعب الشغل هدا من تقل الجنين و النوم خلص محنا استوينا ههههههههه
غموض تسلمي الله يوعدنا
هبة وينك حردتي و طلعتي يعني ههههههههههههه
أنا من الصبح فاتحة و بالأخير زهقت و أغلقت اللابتوب

[حواء مثالية]

بعين الله ام عزمي

هية منورة

[Heba T]

النور نوركم :)

شو الاخباااار؟

[أم عزمي]

كلو تمام بس الزهق مش سايبنا

[مسك السنين]

بناااااااااات الوحام خلص انا ليش بناااااااااااااام كتير

[حواء مثالية]

مسك السنين نامي قد ما تقدري بكرا بجي الي يصحيكي ههههههههههههههههههههههه

طبييعي خصوصا بهالجو شوب


ام عزمي سلي حالك باي اشي

بنات هداك اليوم اطلعت على الدكتور بالطريق كان في فوج سياحي مارين اطلعت على الستات الي معهم كلهم ملفتات للنظر بتعرفوا شو كان نفسي اسالهم بشو بنظفوا جسمهم مثل لمرايا جريهم وايديهم

انا بصير عندي هالنتيجة بس مؤقته

بالكم كيف بنظفوا شو الطريقة معقول ليزر والي منكم عامله ليزر كيف الوضع عندها

[غُمُوض أُنثَى]

اهـآ اكيد ليزر يآحوآء حتى انا بستغرب والله من الاجآنب الي بشوفهم هون

اجسآمهم غير شكل بتضوي ضوي بتلمع O.o

انتو يا بنات بشو بتنضفو بالحلاوة والا مآكينة برآون ؟؟

للمنطقة الحسآسة بقولو الحلآوة بتعمل ترهل بالجلد .. في موس حلآقة بالصيديلاآت للبنآت لونه وردي مع جل بنعم المنطقة

[Heba T]

الصراحة موس الحلاقة اللي معه جل منيح كتير بس ليومين بالزبط

بعدها على طول بترجعي زي الاول

والحلاوة الصراحة انا ما بتحمل وجعها , مش عارفة كيف باقي الناس بنضفو

[Heba T]

حبيت افيدكم بشغلة

اللي عندها سواد بالمناطق الحساسة تستخدم دوا السماط تبع الاطفال ببيض وبنعم في واحد اسمو بيبي ست منيح و مجرب

في حد جرب هالشغلة قبل هيك؟

[حواء مثالية]

انا بستخدم سلك براون

بس للمنطقة الحساسة مرات بالموس ومرات بالدوى فيت صح ما بطول ليطلع بس الحلاوة بتعمل ترهل للمنطقة عشان هيك

واجمالا انا مش شعورة وشعر جسمي اشقر وبطول ليطلع

[أم عزمي]

والله ما في أفضل من الحلاوة كمان أنا مع الحمل ما بيطلع الشعر على طول يعني بياخد وقت أطول من قبل
و تسلمي هبة على المعلومة بس انتي جربتيها للوصفة؟
و بعدين بدي أقولكم شغلة الحمل بيخلي هذه المنطقة غامقة و كمان حلمات الصدر بيغمقوا مع الحمل هيك مكتوب بالكتاب اللي عندي

[أم عزمي]

انا مرات بستخدم مزيل الشعر فيت أو نير لما أكون مستعجلة بس الحلاوة أنعم و أحسن ولو انها بتشلفط من الوجع ههههههههههه معلش هالمواضيع بتحرج شوي هههههههههه
بس بالحلاوة بيقعد مدة أطول من المزيل أو غيرو ليطلع الشعر من جديد و متل ما قلتلكم انا بالحمل المدة بتطول أكتر و أكتر و باقي جسمي بيطول أكتر من المنطقة الحساسة مهو اللي بيغيظ انه الشعر فيها يتطلع بشكل أسرع من باقي الجسم صح هدا الشي بيفرسنيييييييييييييييييي هههههههههههه لا تضحكوا عليااااااااا

[أم عزمي]

و صح كلامكم بحس الحلاوة بتعمل ترهل للمنطقة الحساسة
بس شو بدنا نعمل احنا هيك يا النسوان كل حياتنا قرف و تعب
من الحلاوة للافرازات للدورة للنفاس للحمل للولادة يا قلب لا تحزن كلو تعب و بالنهاية قرف

[حواء مثالية]

الله يكون بعونا يا رب

[عسولة فلسطين]

ههههههههههههه يقطع شركم دخلت ع هالموضوع يععععع
يسعد مسااااااااااكم يارب
امبارح ما قطعت الكهربا عنا بالمرة
صحة وهنا يا ام عزمي...انا بحبها المعكرونة بالخضار
حوااء يسعد اوقاتك يارب انتي و برلنت
هبوش هلأ لفضيت قعدت والله هههههه شغالة طول اليوم بالبيت وغسيل وضبيت الحرمات الشتوية
غموض حبيبتي الله يهنيكِ يارب خلتي سهى تحن لتونس ههههه
بتعرفي خلي دايما سورة البقرة شغالة بالبيت عندك أنا هيك بعمل دايما واذكار الصباح والمساء
ونامي وانتي متوضية....والأحلام السيئة تعوذي من الشيطان وما تحكيها لحد
بحس سورة البقرة كتير مريحة وبتطرد الشياطين من البيت هيني مشغلاها

[حواء مثالية]

هلا عسولة منورة حبيبتي

[عسولة فلسطين]

بوجودك يا حواء
كيفك طمنيني عنك؟

[أم عزمي]

يعطيكي العافية عسولة
صح كلامك سورة البقرة بتمنع دخول الشياطين و بتحفظ قارئها 3 أيام من كل شي و من الجن و الشياطين والعياذ بالله منهم

[أم عزمي]

يا بنات
بنتي قاعدة بتلعب مصارعة جوا بطني شكلها راحت عالنادي هههههههههههه
يا خوفي بالآخر يطلع ولد مش بنت لأنه بيقولو حركة البنت خفيفة بس بنتي بتخاااااابط يا اما حتطلع شعنونة هههههههههه

[عسولة فلسطين]

الله يعافيكِ يا ام عزمي
ههههههههه ضحكتيني ع هويدة الله يحميها لك ويجيبها على خير يارب
ابصر لمين طالعة هههههه الله يقر عينك برؤيتها بصحة وتمام العافية يارب

[حواء مثالية]

الله يرضى عليكي عسولة الحمدلله مشتاقلك انا بخير من الله كلشي تمام بس الشوب مذايقني

ام عزمي وانا بنتي ما بتهدى ما شاء الله عليها

[Heba T]

ام عزمي انا ما جربتها بس في بنات بعرفهم جربوها

عسولة والله منورة افتقدتك كتير اليوم

[أم عزمي]

حبيبتي يا عسولة
أكيد طالعة لأبوها مهو كان شقي كتيييييير بمصغره
حواء أنا كمان الشوب خنقنيييييييييي

[Heba T]

بنات لما بتجهزو للبيبي اغراضه انو البامبرز و الرضاعات والحليب والعطر....الخ

من اي صيدلية؟

[أم عزمي]

اللي الخاطر أقوم أتحمم بعدين أرجعلكم لأني شوباااااااانة مووووووووووت

[عسولة فلسطين]

يووووووووووه ياحواااء ع الشوب
انا الليلة كنت حفرط من الشوب بس لما فتحت شاك الغرفة صار كأنه مشغلة تكييف أنا عندي شباكين لغرفة النوم واسعة كتير اوضتي ماشاء الله
بس حاليا شوب هههه
الله يخليلك برلنت يارب..

[أم عزمي]

هبة جهزيهم من أي صيدلية قريبة على بيتكم و أفضل شي منتوجات جنسون للأطفال
و البمبرز بعرف انه بمبرز استرتش كتير منيح و بيمنع التسرب و العطور مش كتير منيحة للبيبهات حرام ريحتها قوية عليهم

[Heba T]

على فكرة مش كل الصيدليات واحد في اللي بجيبو مصري وفي بجيبو اجنبي

اما بالنسبة للسترتش فهو مش نافع وجربته وكل ما اسال حد بقول نفس الكلام

اول شغلة انو نايلون مش قن زي البامبرز الاصلي وكمان بسرب والامتصاص فيه مش قوي

[أم عزمي]

أها انتي اعتمدي صيدلية معينة و اتفقي معها على الشي النظيف

[عسولة فلسطين]

الله يسعدك هبوش يسعد مساكِ يارب
ماتفقدي غالي ان شاء الله

[عسولة فلسطين]

نعيما يا ام عزمي
خلصتي صيام صحيح


بينك روز طمنينا عنك وعن سلفتك والله انها ببالي الله يقومها بالسلامة يارب
عيون المها طمنينا عنك ؟.

[Heba T]

شو طبختو اليوم؟

[عسولة فلسطين]

والله اليوم ملوخية
وانتي هبة؟

[مسك السنين]

بناااااااات انا حطق واكل ملوخية بوراني
المهم حماتي شافتني حخطبها قالتلي هاتي اعملك اياها
وياريتهاااااااااااا ماعملتها
منظرها استغفر الله
ورق متل ماهيا ولا نونة مقطعة
وانا حطق اكللللللها

[عسولة فلسطين]

مسك السنين بيعين الله
وكتر خيرها اللي بدها تريحك
عارفة روحي عند اهلك زيارة واطلبي يعملولك اياها زي ما بتحبي
وصحة وهنا

[مسك السنين]

هههههههههه قلبك ابيض يااااعسولة
مفكرها موقف خيري يعني هههه
طيب هيا كل مرة بتطبخها مفرمة هالمرة ليش لا
مانا اي شي بطلبو من اهلي يسوا لاني بعرفش اطبخ

[أم عزمي]

يسعد مساكم يا بنات عسولة و مسك وكل المتواجدين و اللي مش متواجدين
مسك حبيبتي متل ما قالتلك عسولة روحي على مامتك و خليها تطبخها و تاكليها عندها بالهنا و الشفا
بس انتي بتقولي ملوخية بوريني شو يعني مفرومة و اذا مفرومة شو النوع التاني ورق أصلو أهلي مرات بيطبخوها ورق
و ما في كتير بيعرفوا طبيخ الملوخية الورق الا المجادلة و مش كلهم

[عسولة فلسطين]

يسعد مساكِ يارب ام عزمي
والله حاسة حالي اليوم مستولية ع المنتدى ههههههه

مسك برضه الكلمة الحلوة طالعة واللي مش حلوة طالعة قوليليها يسلمو ايديكي
واطلبيها من امك بتعملك اياها وكلي قد مابدك منها صحة وهنا

[Heba T]

مسالخير على سيرة الملوخية

[Heba T]

ايام وانا حامل كنت مروحة من الجامعة و بديش غير اكل ملوخية

والله واتصل في ماما و حماتي المهم اعلنا حالة الطوارئ لعند ما لاقينا ملوخية

حسيتها ازكى ملوخية بحياتي باكلها مع اني ما بحب الملوخية

[عسولة فلسطين]

تصبحوا على خير يا بنات بدي أطلع
لو رجعت وضلت الكهربا جاية برجعلكم
سلامات

[Heba T]

مع السلامة يا عسولة

[أم عزمي]

يا بنات بدي أحط صورة بنت أخي مكان صورتي الرمزية و احكموا عليها أكيييييييييييد حتقولوا قمرررررررررر
الصورة اللي بدي أحطها صورتها وهي صغيرة بس هلأ عمرها سنة ونص

[أم عزمي]

تصبحي عخير عسولة
هبة اكيد لازم تحسيها أزكى ملوخية مهو هدا الوحام ههههههههه

[سهى2012]

يسعد مساكم جميعا

هلا ام عزمي كنت بدي اسئلك انت من وين بخانيونس يعني وين انتي ساكنة

انا بيت حمايا سكان خلف حي الامل عند مدرسة شيخ جبر

[غُمُوض أُنثَى]

الليلة حظر تجول في تونس

فايعة الدنيا هون بين السلفيين والملحدين والشرطة عنجد الله يستر

[عيـ‘ـون المهـ‘ـا]

http://forum.hwaml.com/imgcache2/hwaml.com_1339554442_192.jpg
صبـــاحكم طيّــب كَــــ ....طـــيب قلوبكــــم
صبـــاحكم جميــل كَــــ ....جمــال تواجــدكم
حبيت اصبح على الحلوين
و اشكر كل من سألت عني
جارة القمر-عسولة فلسطين-ام عزمي
تسال عنكم دائما العافيه حبيباتي
بنتي لانا كانت شوي تعبانه من تقلبات هالجو و بفضل الله صارت احسن
كنت حابه ارد على كل مشاركاتكم و مواضيعكم بس وقتي ما سمح
اشوفــــكم علــــى خيـــــر

[سهى2012]

http://forum.hwaml.com/imgcache2/hwaml.com_1339564615_241.jpg

غاليتي عيون المها يسعد صباحك ويومك

الحمدلله على السلامة ( لانا ) الله يبعد عنها وعنكم شر المرض ان شاء الله..
ادام الله عليها الصحة والعافية وحفظها لك من كل سوء...
دمتم في رعاية الله وحفظه ان شاء الله..

http://forum.hwaml.com/imgcache2/hwaml.com_1339564614_247.gif

[Heba T]

صباح الخير يا حلوين

عيون المها الحمدلله على سلامتها لانا

غموض انثى طمنينا عنكم

[بينك روز]

صباح الخير صبايا
كيفكم
معلش ما فوتت امبارح وانتوا ما شاء الله ما قصرتوا حاكين كتير بدي يومين تشوف محادثاتكم
بدي احكيلكم انه سلفتي ولدت الحمد الله والله اعطاها عبد الرحمن الله يحفظه يارب
زي القمر بجنن ما شاء الله عليه
بس ياحرام ولادتها كانت صعبة كتير الله يكون بعونها
وينسف مستشفى الشفا نسف
لانه حيوانات الي فيه مو دكاتره
حسبي الله ونعم والوكيل

[بينك روز]

سلامتها لانا عيون المها
الله يشفيلك اياها يارب ويحفظها من كل سوء

[Heba T]

بينك زور والله الك وحشة

الحمدلله على سلامتها سلفتك , واللي بولد بالشفا لازم يكون بحسابه يضل كم يوم عندهم عشان هما مش فاضيين يولدو حدا

بينك انت وين ناوية تولدي؟

[بينك روز]

الله يخليكي هبة تسلمي ياعسل
والله انا لما شوفت سلفتي هيك بالشفا وماحدا دور عليها
قررت ما اولد هناك وزوجي بقولي بدي اوديكي على مستشفى الصحابة ان شاء الله

[Heba T]

اه والله الصحابة كتتيييييييير منيحة

[Heba T]

بقولو احسن من الخدمة العامة

[بينك روز]

ان شاء الله
والله خايفة من الولادة كتيييييييييييييير
الله يعيني على هديك الساعة

[Heba T]

والله انا رحت اولد وكانو رايحة العب بما اني رحت 3 مرات قبل الولادة الحقيقية

هي اخر الولادة اللي بتغلب شوية بس بالاول يعني كآنها دورة

الله يسهلها عليكي يارب

[بينك روز]

يــــــــــــــــــــارب
الله يسمع منك ويهونها عليه وعلى كل وحده حامل
والله الولادة بشكل عام بترعب
تخليص روح من روح
يارب كون معنا

[عسولة فلسطين]

صباحكم فل يارب
عيون المها ألف سلامة ع لانا ما تشوف شر يارب وربنا يحميلك اياهم ويكون بعونك

بينك روز... حمدلله ع سلامتها..والله اني حسيت فيها وكنت أدعيلها بالذات بالشفا أنا مسمياها المسلخ
تخيلي وضعي الله يبعد عنكم الشر وعن جميع النسوان كنت ابكي بحرقة وهما لا احساس بيقولي الدكتور هناك انتي مفكرة حالك الاولى يللا خلصينا بطريقة جلفة كتير
انا عمي دكتور ووصاهم علي احترموا حالهم
بس اللي غاظني أكتر فيه دكـ تورين لاحظي مش كاتبة دكتورين ....وصلت
اجوا يشوفوني قديش موسعة هاد لما اجيت أنزل البنت التانية لأنه بينهم 12 ساعة وكنت أبكي من شدة الألم شافوني ببكي والله انهم قالولي وبتعيطي كمان طيب مش شايفينك وراحوا ..... أعتقد هيك ناس حرام تكون معهم شهادات طب لأنه يفرض المحترم اني حالة موت مثلا حتى لو ببكي يتركني ويروح والا يهون علي
فتحتي علي الجرح

هبة صباحك فل
سهى صباحك معطر بذكر الله
وين ام عزمي وحواء وجارة
غموض حبيبتي الله يحميكِ طمنينا عنك

[حواء مثالية]

صباح الخير يا بنات كيفكم شو اخباركم

الف الحمدلله على سلامتها سلفتك يتربى بعز اهلو عبد الرحمن ان شاء الله

بنات لي وضع المستشفيات عندكم صعب كثير وسيء

نحنا عندنا مستشفى حكومي واحد ووضعه كويس المشكله بتكون بالناس الي بشتغلوا فيها والحق على وزارة الصحة

انتو عارفين انه الوضع مو منيح بالشفا بس بسمع بتروحوا هناك شو جابركم الوحدة تامن ولادتها من اول يوم بالحمل قصدي ماديا وتروح مستشفى تامن على حالها في وعلى البيبي

بعدين مره حكو البنات عن تكاليف الولادة بغزة لا تذكر بالنسبة للتكاليف عندنا هون بالضفة بالهناية ما بتسوى لا سمح الله يصير مع وحدة شي او البيبي نتيجة اهمال طبي ويروح تعبها على الفاضي

[حواء مثالية]

يسعد صباحك عسوله منورة

كيفك اليوم شو اخبارك

[عسولة فلسطين]

الحمدلله تمام
ياحواء طمنينا عنك
بتعرفي الشفا ما بتحطيه ببالك نهائياً بس بتضطري تروحيه
لأنهم بيحولوا عليه يعني مثلا لو انه الوحدة بكرية وعندها ضغط او سكري او توأم ما بتحملوا مسؤوليتها الباقي بيحولوها ع الشفا
أنا من تجربتي هناك وقف معي دكتورين الله يذكرهم بالخير يارب وطاقم الممرضين كانوا مناح ولعلمك اللي كانوا يتدربوا مش الموظفين
أما الباقي حدث الا حرج....خسارة فيهم اسم دكتور

[بينك روز]

هلا عسوله حبيبتي الله يكون بعونك
فعلا هما مو دكاتره هما متل ما حكيتي بالزبطة
واسفة ازا فتحت عليكي مواجع مو قصدي

منوره حواء
حبيبتي المشكلة مو بالمستشفى المشكلة بالدكاتره الي هناك
وازا رحتي على مستشفى تاني وكان وضعك صعب بحولوكي على الشفا على طول
حسبي الله ونعم الوكيل
والله خايفة من ولادتي الصراحة
لاني شوفت سلفتي ماتت وخلصت
الله لا يوفقهم

[حواء مثالية]

طيب يا عسولة في مستشفيات خاصة حبيبتي هي انا ما كان وارد احتمال اني اولد بالحكومي مع انه وضعه كويس وما بدفع في شي بس زوجي ما رضي ولا حتى اهلو انامن اول حملي شوي شوي بوفر على جنب وكل الفكة الي بالبيت بشيلها على جنب هلا معي مبلغ كثير منيح هاد غير الي حاطينوا للولادة

وبالوضع عندكم لو الوحدة كل يوم بتشيل عشرة شيكل على جنب او اقل حتى لانه تكاليف الولادة عندكم مو كثير

يعني عندكم كمان المستشفيات الخاصة بحولو على الشفا مش معقول هيك لي اسمه مشفى خاص لازم يكون موفر في كلشي

[عسولة فلسطين]

صباح الفل بينك
لا حبيبتي عادي هيك وضعنا الحمدلله ع كل شي من ربنا

[بينك روز]

بعين الله حواء
المشكلة انك بتكوني ناوية تولدي بمستشفى خاص ومحضره حالك وكل شي تمام
المستشفى الخاص مابتقبلك لانك بكريه
وبخافوا يولدوكي بحولوكي على الشفا على طول
والله شي بقرف

[عسولة فلسطين]

بعدين بينك لا تخافي والا شي اتركيها ع رب العالمين هو أرحم عليكي من أمك
وكلها تساهيل والله
وربنا يارب يسهل وييسر ولادتك وما تتغلبي انتي وكل الصبايا


حواء شوفي هو المستشفى العيب مش عليه ع اللي مسمين حالهم دكاترة
انا وضعي كان بيختلف لهيك فورا ع الشفا
بس ان الله راد وربنا كتبلي الحمل من جديد وتمملي على خير مش واصلة الشفا نهائيا
عارفة كنت حابة اولد بناتي برة غزة لياخدوا الجنسية بس ماديا ما زبطت الامور ههههه للمرة الجاية ان شاء الله

[حواء مثالية]

الله يكون بعونكم يارب والله شي بقهر

الله يهونها يارب وتجي سهلة من عند ربنا والله يغير هالحال باحسن حال

[عسولة فلسطين]

آمييييييييييين يارب العالمين

[عسولة فلسطين]

يا بنات أختي توجيهي السنة دعواتكم لها
حاسة حالي أنا توجيهي هههههه ومتوترة
بكرة عندهم ورقة أولى انجليزي

[بينك روز]

امين يارب العالمين
عسوله والله اسم توجيهي مرعب
يارب كون مع كل طلاب توجيهي يارب ونجحهم
يارب العالمين

[عسولة فلسطين]

ياااااااااارب
الأحلى بتطلع النتيجة برمضان
يللا ان شاء الله يوم النتيجة بنفطر اول شي حلوان نجاحهم بتفوق يارب العالمين وهي آدان الضهر بيأدن

[بينك روز]

امين يارب
ان شاء الله بتكون اختك من المتفوقات يارب

[Heba T]

شو هالشووووووووووووووووب

[عسولة فلسطين]

آمين يارب
أختي وكل الطلاب والطالبات

والله يا هبة الجو عندي منيح هههه

[عسولة فلسطين]

ايش غداكم اليوم؟
أنا اليوم أوزي...

[Heba T]

توي راجعة من عند الجامعة

وانتو عارفين اش شارع الجامعة

[عسولة فلسطين]

الله يعطيكِ الف عافية
هبة انتي باي جامعة

[جارة القمر]

مراحب بنات كيفكم؟

ما شالله عليكم مسفحين بالدردشة................

امبارح ما كان عنا نت وانا هلا بالشغل ابصر لارجع على البيت يكون فيه ولا لا.................

انا ناوية اطبخ باميه,.,,,,,,,تفضلو...........


ما تصدقوا


....


حبيباتي ساعدوني عيد ميلاد يزن ابني يوم السبت 17/6وبدي اعملو باقرب وقت وما بحب الكيك الجاهز ..........اقترحو علي شو اعمل ....
ولا اجيب جاهز مش عارفه؟
طبعا مو الهدف عيد الميلاد بس بحب افرح زوز
لانه هو كل حياتي ويقبرني بيستاهل لانه حنوووووووووون موت صحيح مجنني بس بسكتني باشياء تانيه .............ههههههههههههه

[بينك روز]

هلا جارة حبيبتي منوره
والله انا بموت بالبامية صحه وهنا ياقلبي
بالنسبة لعيد ميلاد يزن بنصحك تجيبي جاهز لانك بشهرك ما تتعبي حالك
والله لولاد لازم نهتم فيهم ونعمللهم اشياء تفرحهم
الله يخليه الك يارب والعمر كله اله يارب

[جارة القمر]

بينك روز تسلميلي يارب والله كلامك مزبوط اجيب جاهز بجد مش قدرتي اتفنن بحلويات
يعني بعملي كمان صنف او تنين .............شي بسيط

مع اني بحب اعمل وشاطره بالحلويات

[مسك السنين]

صباحوووووووووو بناااااااات
كيف حالكم ووشو اخباركم
مين عمرها سمعت عن الخلاصة لجانبية
انا الخلاصة عندي جانبية يعني لتحت قريبة من عنق الرحم

مممم مين بتعرف عن هالشي

[حواء مثالية]

مساكم عسل حبوبات

الدنيا اليوم شووووووووووووب كثير الله يجيرنا من نار جهنم يارب

[بينك روز]

هلا فيكي مسك السنين
حبيبتي بدك اديري بالك على حالك لانه مو منيح تكون الخلاصة على جنب او تحت
حاولي تنامي على ظهرك وترفعي رجليكي على مسنده عالية
وروحي على دكتورتك وتابعي عندها يمكن تعطيكي شي علاج
الله يارب يثبت حملك

[سهى2012]

مرحبا صبايا
ما شاء الله عليكم مش ملحقه اشوف صفحات دردشة الله يعطيكم عافيه

حواء مثالية ياروحي اشتأتلك وجارة وعسولة وهبة وبينك روز ربنا يحميكم ويعطيكم صحة وهنا وسعادة

والله ياصبايا انا خايفة كتير وكل يوم بوصي زوجي وصديقة لي بدها تحضر ولادتي بالشفا طبعا ومضطر لانها حالتي ما بدها الا الشفا وربنا يستر كتير كتير خايفة على صغيرة تروح مني وعلى صحتي بين أيديهم حسبي الله عليهم بيفكروا انهم دكاترة بجد وهما ولا شي ولا شي بس واحد مضطر روح عليهم ويارب يارب يوقف معي ومع صغيرة لاني حاسة حالي داخل عندهم ومش راح اطلع إلا على مقبرة أو اخسر صغيرة

[بينك روز]

بعيد الشر عنك سها
تفأئلي بوجه ربك
وماتحكي هيك والله باجي احكي لخالو
روقي وحدي الله

[سهى2012]

بينك روز

حمد الله على سلامتها سلفتك وعقبال عندك حبيبتي تقومي بسلامة وانا بنصحك الاصدقاء المريض او الصحابة

عن تجربة في الاصدقاء المريض كتير كتير ممتازة واهم شي امك او اي حد من اهلك بيدخل معك وقت ولادتك وربنا يقومك سلامة

[حواء مثالية]

الله يكون معكم بغزة يارب والله الواحد مش عارف شو بده يحكي يعني من وين يتلقاها من الاحتلال ولا الحصار والحياة ومشاكلها
ولا من خفة دم الدكاترة واهمالهم منهم لربهم

سهى انا ما فاهمة هالشي والحكي لكل بنات غزة كيف مشفى خاص ممكن ما تقبل ولادة بكرية يعني مش مشفى ولادة اسمو ومجهز بكل اشي

بعدين ما تخافي وكلي امرك لربنا ربنا ما بنسى حدا اقراي قران وحاولي تلاقي حد يوصي عليكي هناك وقت تروحي

عسولة اسمعتك بتحكي عمك دكتور اذا بتقدري وقت يتحدد موعد سهى تخلي يوصي عليها عشان وضعها هيك بتتطمن اكثر اذا في مجال طبعا وسهى بدها هالشي

يعني الوحد بكون ويلها هم الوجع والي هي في ولا تحسب حساب لمشاعر القابلة او الدكتور الي ما بخاف الله

[غُمُوض أُنثَى]

مسآكمّ ورد بنـآت ..,

نهـآركُم زيـــن , شو طَـآبخين اليُوم !!

عنجد الشِفـآ زي ماحكيتو " مسلخ " انا والله كنت اسمع من القرآيب اديش بيعآنوآ فيهآ بالولآدة

وتعآمل الدكـآترة هنآك بالمرة زفت .. مهوآ بيمر عليهم كتير وقليل وبالنسبة الهم الي بتولد والي بتجهض والي بتنزف واحد " هو بالنسبة الهم شغل وبس "

بس حرآم مش كل الدكـآترة هيك والله " مين يشهد للعريس " .. زوجي دكتور ياجمـآعة هههه بس اللبآقة والادب في التعآمل مع المريض هو اول الاولويـآت عنجد

انـآ عآرفَة بعين الله .. ما انا بحكيلو مستحيل اولد وانتا مش فوق راسي هههه ان شاء الله

ربنآ يقومكو كلكو بالسلآمة يـآرب وتكون ولاداتكو سهلة وما تتغلبو

موفقييييييييييييين

[احساس أنثى]

مساكم فل صبايا

هونوها بتهون .... لاتتوتري ياسهى صح الشفا مش مرغوب فيه ابدا ولا عند احد بس ان شاء الله بيقفلك دكتور ابن حلال

انا حولد بالاهلي يلي بالساحه زمان كانوا يسموه المعمداني أو لاانجليزي رحت عليه ودخلت غرفو وسألت الدكتور كل شي ببالي وطمني ... وان شاء الله نويت اروح عليه

[سهى2012]

الله يكون معكم بغزة يارب والله الواحد مش عارف شو بده يحكي يعني من وين يتلقاها من الاحتلال ولا الحصار والحياة ومشاكلها
ولا من خفة دم الدكاترة واهمالهم منهم لربهم

سهى انا ما فاهمة هالشي والحكي لكل بنات غزة كيف مشفى خاص ممكن ما تقبل ولادة بكرية يعني مش مشفى ولادة اسمو ومجهز بكل اشي

بعدين ما تخافي وكلي امرك لربنا ربنا ما بنسى حدا اقراي قران وحاولي تلاقي حد يوصي عليكي هناك وقت تروحي

عسولة اسمعتك بتحكي عمك دكتور اذا بتقدري وقت يتحدد موعد سهى تخلي يوصي عليها عشان وضعها هيك بتتطمن اكثر اذا في مجال طبعا وسهى بدها هالشي

يعني الوحد بكون ويلها هم الوجع والي هي في ولا تحسب حساب لمشاعر القابلة او الدكتور الي ما بخاف الله


هلا حبيبتي حواء

والله بخصوص شو بتسمعي صح ولس لو تشوفي لتموتي خوف انا كتير بشوف وبسمع فيها وبخصوص ليش مستشفى خاص مابتولد الا الامورها مسهلة وكمان مابتتحمل مسؤولية اذا صار لام او صغير شي لهيك بيفضول يحولونا على شفا لانهم بيعرفوا منيح شو ممكن يصير بالشفا بيريحوا راسهم من تعب وكلام

ياريت عسولة اذا بتعرفي حد هنك اعطيني اسمه وانا بتواصل معه لاني لغاية هلاء يمكن صرت شايفه خمس دكاتره وكل بده ضلك توصي وتكوني حريصة الله يكون بالعون وقتها والله مهما حكيت لكم قديش خوفي ومرعوبة من هيك يوم ما راح تصدقوا وخصوصا انها قيصرية والشفا ما عندهم رحمة ممكن يغلطوا فيها عملية في مرة وحده وكنت وقتها موجودة للمراجعة عشان جلطت رجلي دخلت تولد قيصري بعد بشوي طلعوا دكاتره يعتذروا من اهل مريضة انهم بالغلط تم نزع رحمها وقت توليدها وربنا بيحبها انها عندها من قبل 5 اولاد يعني لو مات عندها ماراح كان تخلف بعد هيك لانه تم أزالة رحم وطبعا اهلها عملوا مشكلة والله لا يوريكم وكتير كتير قصص بتصير عندهم اقسم بالله اسمه مسلخ توليد مش مشفى توليد

[عيـ‘ـون المهـ‘ـا]

مســــــــــاء الخيــــر ,,
سهــــــــى )( Heba T )( بينــــــك روز )( عســــولة فلسطـــين)
,,,,,
ان شــــاء الله ما تشــــوفوا شـــر ابـــدااااا حبيباتـــي
الحمد لله صارت لولو افضل
ربي يمتعكم بالصحه و العافيه انتو و بيبهاتكم و اولادكم
(بينــك روز)
الف الحمــــد الله على ســـلامة سلفتـــك و خير ما اخترتو من الاسمـــاء
عقبال نفـــرح فيكي و برهـــــــف
(سهـــــــى)
ان شاء الله ما تشوفي شـــر ابداااا الف ســـلامه على روحـــــك
لا تتشـــائمي حبيبتي و ربي هو كفيلـــــك
ان شاء الله يومها تتسهل امورك و تولدي بالسلامه
قلبي معك
الله يعينكم انا ارتعبت من بعيد ,,,اسمو مستشفى الشفا ؟؟hwaml03

لو اكتب كيف المعامله هون في المسشتفيات الامريكيه مش لانو لازم امدحهم
لآلآلآ ابدااا بس لانو الفرق بسيط نحنا مسلمين و دينا هو المعامله الحسنه و الاخلاق
و نحنا بعاد كل البعد عن هاد الشي بغض النظر عن الامكانيات.. المعامله هي الاساس
و الرحمه للمريض
لمى كنت في الشهر الخامس صابني وجع في اسفل البطن و الظهر و خفت تكون تقلصات ولاده لا سمح الله على طول اتصلت بجوزي و اخدني على المستشفى اللي بتابع فيه ,,اول ما وصل زوجي على باب المستشفى طلب كرسي متحرك و بسرعه جابو,,طبعا من غير ما نسأل بيجيبو بس من كتر ما كان زوجي يومها خايف علي و نا طول الطريق ابكي من الوجع
و دخلت على الاستقبال اخدوا معلومات بسرعه و سبب زيارتي ,,على طول ما في دقيقتين بيجي دكتور او دكتوره بيطلعوني على غرف الطواريء
بدخلوني في غرفه خاصه الي مجهزه بكل شي حتى الحمام تكرموا بيكون مع الغرفه
لوحدك اعطوني ملابس المستشفى حتى اغير ملابسي
و بسرعه بيجوا يعني 5 او 6 بيكونوا حواليكي دائما بطلب دكتورات
يسألوكي بشو بتشعري ؟ و كيف الالم ؟ و متى بلش معاكي ؟ بتشعري بحركة الاجنه؟ نزل عليكي شي ؟قياس ضغط و حراره ؟
على طول حطوني على جهاز التخطيط و بفضل الله ما كان طلق ,,الجهاز بين مجرد تقلصات من تمدد اربطة الرحم ,, بعدين بسرعه بياخدو عينه من البول تكرموا لحتى يتأكدوا ما في التهابات في البول او المهبل ,, بعملو التراساوند بيتأكدوا من نبض الاجنه و انهم بخير ,, بيتأكدوا من عنق الرحم يكون مغلق,,
بعدين تيجي دكتوره او دكتور متخصص بشرح الك شو كان معك بالزبط و ما تخااافي و هاد شي طبيعي و متى تفرقي بين التقلصات العاااديه و بين الطلق الحقيقي
بعدين بيجي شيف المستشفى بيسألك اذا جوعااانه و بيعطيكي منيو تختاري شو بدك
و بعدين تيجي نيرس تحكيلك اذا زهقانه اشغلك التلفزيون و بتمسك ايديكي
و الله يا سهى مسكت النيرس رجلي و بكل حنيه تمسح عليهم و تحكيلي
ما تخااافي و صارت ادردش معاي و تضحكني
اذا فش مجال غرفتي لوحدي بيسألوكي انو في مريضه راح تكون معاكي في الغرفه
طبعا بيكون سريرين و فاصل بينا
طبعا هاد النظام في كل المستشفيات خصوصا الطواريء
و ما بيطلعوكي الا اذا تأكدوا انك منيحه و خف الوجع عنك
حتى نسيت احكي اول ما تدخلي الغرفه بتيجي مشرفة القسم بترحب فيكي
حكيت لزوجي وكيلي هو ربي مهما كانت احدث التقنيات و الاجهزه و خبرة الدكاتره
فكل شيء بامره و عنايته و لطفه افضل من عناية البشر
و ان شاء الله راح اولد في نفس المستشفى كتير ارتحت فيه

[احساس أنثى]

الله يقومكم كلكم بالسلامه يارب

[بينك روز]

منورة عيون المها
مرسي الك حبيبتي، عقبال ما اهنيكي بتوأمك يارب
شو اخبارك كيف لانا ان شاء الله صارت احسن
الله يشفيلك اياها يارب وتشوفيها قدامك عروس
بالنسبة للمستشفيات ياروحي حيصتيني
خلص بدي اجي اولد عندكم
لانك ما شوفتي حالة سلفتي قبل يومين بمستشفى الشفا
الله لا يوريكي تعبت كتير وكل شوي كان يغمى عليها
ومافي حد دور عليها خالص
حسبي الله ونعم الوكيل

[بنت الضفتين]

كيفكم صبايا
انا هلا حامل بالشهر التاسع مشكلتى بحس حركة البنوتة شوى قليلة احيانا بتقعد يوم مابتتحرك وازا اتحركت يادوب حركة بسيطة وهلا الها يومين مابتتحرك الا خفيف مابعرف هاد الشى طبيعى او لا انا قلقانة كتير وروحت على الدكتورة قبل شهر حكتلى كل شى طبيعى

[جارة القمر]

مساء الخير

بنت الضفتين اصلا لازم مراجعة الطبيب بالشهر التاسع كل اسبوع روحي للدكتور افضل

انا بالتاسع وحركة البيبي اقل من الاشهر الماضيه بس باليوم لازم يتحرك ...........

[جارة القمر]

حسبي الله ونعم الوكيل الدين المعاملة ...........شو هاد اللي بتحكو عنه المستشفى والله قشعر بدني ...........

طيب اقلكم والله العظيم انه اليهود بالتعامل داخل المستشفيات طلعو احسن من عندكم ............

الله يعينكم.....................

سهى توكلي على الله لانه بأيده الامور ..............ربي يقيمك سالمه ................ويسهل عليك ولادتك وتشوفي
صغيرتك بين اديكي باحسن حاااااااااااااااااال


عيون المها :الحمد لله انه لانا بخير............

بنات صايره نفسيتي زي الزفت من اتفه الامور ..............الله يعين ...............

[سهى2012]

هلا حبيباتي ويسعد مساكم

بعين الله شو بيكتب ربنا بده يصير تركتم ونزلت عند زوجي عند بركة المي وكنت احكي عنكم وعن وقفتكم معي بيحكي زوجي انه ما اخاف وراح يعمل مستحيل ويكون معي لو بده يقلب مستشفى على راسهم هو مسكين لما بكون قاعدة وبدي اقوم من مكاني بيجي وبيرفعني وبيساعدني حتى اوقف على رجلي عشان جلطه ودائما بيحكي يارب تخلصي على خير وسلامة وكان يحكي مع اهلي انه بده يعمل مستحيل عشان ولادتي وعشان بعدها في عملية لرجلي مباشرة شايفيين عزابي كيف يعني من عملية قيصرية وبعدها عملية رجلي والله لهيك خايفة وخصوصا كله هاد راح يكون بالشفا او مسلخ الشفا الله لا يوفقهم عشان ما بتدفعي مصاري بعملوا البدع فينا واذا دفعتي يلاه يدور عليكي المشكلة كل الناس بيعانوا من الشفا بس مافي حد بيقدم شكوى الا يطلع هو عليه الحق

معلش صبايا حكي اليوم على مستشفى الشفا من كتير ما انا متعذبة منها وراح اتعذب فيها

[Heba T]

مرحبا......

[حواء مثالية]

يسعد مساكم كيفكم شو اخباركم

سهى وكلي امرك لرب العباد

جارة طولي بالك هانت ما تم شي

سما وينك زمان ما طليتي

لولو حمادة كمان شكلها سافرت ان شاء الله نتطمن عليها قريب

[Heba T]

اه والله سما زمااان ما بينت


اشتقنالها

[نبض قلب]

وانتو بتحكو عن الشفا اتزكرت حالي انا ولاداتي التنتين باالشفا

قلبي انمغص من اللي بيصير واللي شفتو

[حواء مثالية]

مساكي فل هبة

نبض قلب يسعد مساكي الله يكون بعونكوا يارب والله عندنا المشافي جنة لتشوفوا ونحنا بوطن واحد بس الي عندكم اجرام بحق الانسانية والله يهونها يارب ويبدل هالحال باحسن حال

[Heba T]

حواء مثالية الله يسعدك

نبض قلب هلا والله نورتينا الله يبعد عنا و عنك شر الشفا

[عيـ‘ـون المهـ‘ـا]

عســــــــولــــة فلســــــــطين
بالنجـاح و التوفيـق لآختـــك
دائما قبل الامتحان ذكريها بالدعاء ((ربي اشرح لي صدري , و يسر لي امري , و احلل عقدة من لساني ,)),, رجعت بالذاكره لمى كنت اقدم امتحانات التوجيهي رغم الخوف و التوتر بس كانت احلى ايام لا تنسى ابداااااا بتذكر معدلي النهائي كان 86 ادبي ,, و بسمع في غزه كل سنه بتكون نسبة نجاااح عاليه

بينــــــــك روز
بتشرفيـــــ يا احلى روز,,
جد الولاده هون عنايه و نضافه و خدمه مستحيل تسمعي اي شكوى
و كل النيرسات لعب باربي هههههه و في منتهى التواضع و الابتسامه
طبعا نفس المستشفى اللي حكيت عنو هو نفسه اللي بتابع فيه كل اسبوعين التراساوند
للتوام متابعين حالتي بدقه
قبل اسبوعين من زيارتي الاخيره النيرس بدها تاخد وزني وقفت على الميزان
بتعرفي شو سوت؟؟
تكرمي كنت لابسه صندل و في شي ملزق فيه زي ستيكرز صدقيني بتحكيلي لحظه شوي
و الله يا روز انحنت و شالت الشي اللازق في صندلي
لمى بتعملي الالتراساوند بتضل تسألني مرتاحه
حكيت في تعليقي الاول لازم نحنا ياللي نكون افضل منهم بس للآســـــــــفhwaml4

جـــارة القمـــر
ميرسي حبيبتي على سؤالك الحمد لله لولو صارت افضل
ان شاء الله ما تشوفي شر ابدااااااا,, مشكلة بنتي انها اذا مرضت خلص بتشوف الاكل سم ما بتقبل بشي بتحايل عليها و مية رجى لحتى تاكل شي الحمد لله سويتلها كوكتيل قبل شوي حليب و فراوله ,, و طبخت مقلوبه عشانها لانها كتير بتحبهاااا ,,
و انا ما عاد الي خلق متل اول ,, التقل غير شكل بتعب بسرعه ااذا وقفت
و انتــــي شو اخر اخبـــــارك
ما ضل لولادتك شي ربي يهونها عليكي,, اخدتي اجااازه من الشغل و ألا بعدك hwaml4

هبـــــــHeba Tــــــه
هلا ,,, يسعــــد مســـاكي

[حواء مثالية]

هلا هبة شو عامله هلا

انا قاعدة بقلب بالتلفزيون زهقانة جوزي من العصر نايم مش راضي يصحى الجو برا بجنن

[Heba T]

هلا عيون المها

انا والله زهقانة ومضغوطة وطلعانة روحي والله

عندي تسليم مشاريع للجامعة و بضيع الوقت طول النها في اني بستنى زوجي يروح طبعا بروح من العيادة عال5 و ابني بطلع اسنان طول النهار برن

والله ما عارفة اش اعمل بحالي

[نبض قلب]

هبة انت باي جامعة و شو بتدرسي

[Heba T]

انا تصميم داخلي و ديكور في الاقصى

[احساس أنثى]

مساء الخيييييييييييير على كل الموجودين

وكل المراحب ليكي هبه

بنت الضفتين شي طبيعي لانو الراس هلا تحت حتى اسمعت ان ممكن مايكون في حركه للبيبي بالشهر التاسع

والله انا بنتظر اليوم يلي يااولد فيه واشوف ابني مش عارفه ليش خايقين هههههههه مالك ياجارة القمر كيف لو انتي بكريه متلنا ؟

[غُمُوض أُنثَى]

هبة .. الله يعينك بجددددددد ع تسليم المشاريع

الهندسة المعمارية قريبة من التصميم الدآخلي

وانا بعرف كيف المعاناه تاعت تسليم المشاريع يا الهي كواااااابيس

ربي يوفقك

عسولة الله يوفقها اختك ان شاء الله وتجيب معدل عالي وتجيبيلنا الحلوان

سهى حبيبتي يارب يارب ما تتعزبي بولادتك ويكونو كويسين معك ان شاء االله

والله اليوم كنت زهقانة انا .. طلعنا انا وجوزي تمشينا وتغدينا برا الجو حلو كتير فيه نسمات هوا

يسعد مسـآكُم جميعآ

[احساس أنثى]

مين هووووووووووون من الصبايا؟؟

لاتقولولي رحتوا تنامو احنا بجو الصيف واكيد بتسهرو

[Heba T]

غموض انثى الله يعيننا كلنا يارب

شو طلبتي في المطعم :p

[عيـ‘ـون المهـ‘ـا]

هبــــه
ربي يعون معك ,, عليكي مسؤوليه كبيره
بيــت , طفل , جامعه
الله يعينك على التسنين اصعب مرحله ,, كنت اصدق و بناتي يخلصو هالمرحله ,, شكلو مجال دراستك حلو ,,
و اكبر نعمه طالما الزوج عم بشيل معك جانب و بساعدك

[Heba T]

عيون المها تسلمي والله رفعتيلي معنوياتي شوية حسيتك متفائلة

[حواء مثالية]

يسعد مساكم

مين بدها ايسكريم جوزي شاري علبة حجم عائلي بدي شهر لاخلصها

[Heba T]

حواء صحة وعافية

[حواء مثالية]

على قلبك هبة

[Heba T]

وين اختفيييتووو

[جارة القمر]

مرحبا

هلا دخلت البيت كنت امشي ................

حواء صحه وهنا

هبه الله يعينك على نكد الاسنان

عيون المها :
بتصدقي لسا ما اخدت اجازة عندي ضغط شغل والله ..........ومش مركن على حد...........بس الاسبوع الماضي اخدت يوم وهاد الاسبوع
اخدت اجازة يوم .............بريح فيه ...............

سألت دكتوري بيقول ما في داعي للاجازة قبل الولاده بس والله برجع مكسره وبطني بوجعني من هزهزت السيارة وطول المسافة وبرجع لسا اطبخ .......

الله بعين .......

احساس خلصتي ورشة الغرفة تبعتك ولا بعدك؟

[جارة القمر]

يزن بدو الاب توب بدو يلعب ......

[عسولة فلسطين]

يسعد صباحكم جميعاً
سهى حبيبتي بعيد الشر عن قلبك وما تحكي هيك والله كلها تساهيل وأنا متاكدة حتيجي وتصوري جنى ونشوفها وندلععلك اياها يارب تقومي بالسلامة والعافية يارب
أنا عمي مش دكتور نساء وولادة وما بشتغل بالشفا بس يوم ماصارلي اللي صار وماما اتصلت تعيط عرف انه الدكتور باسل مهدي لو سمعتوا فيه كان مناوب عنده نوباتشي ليلتها فهو بيعرفه ووصاه علي شوفي كيف موعدك وياريت اقدر اساعدك مش حاقصر

عيون المها ....الحمدلله انه لانا بخير دايما يارب تكونوا بخير........... حيصتيني ع المستشففيات اللي عندكم..... هما للاسف احسن منا ..... أختي الحمدلله بتقرأ ادعية بس مش عارفة خايفة عليها كتير ....أنا كنت أدبي وجبت 90% بدون أي أعشار ههههههه

جارة القمر العمر كله لأبو الزوز ويارب عقبال قيامتك سالمة انتي والبيبي

غموض الحمدلله انك بخير

أم عزمــــــــــــــــــــــــــــــــــــــــــــي أين أنتي يا فتاة؟؟؟!!! والله قلقت عليكي مش عوايدك تغيبي يارب تكوني بخير

طلعت تمشيت كتير حلو الجو بالليل وأكلت سندويشة فلافل ورجعنا ع البيت هههههه

يسعد أوقاتكم لكل الصبايا

[ميلا توتو]

في حد هوووون ؟؟

[Heba T]

انا هنااااا

[غُمُوض أُنثَى]

هههههه والله طلبت هون اشي جديد عليا

عم بجرب كل الاكلات التونسية لسا ..

شي اسمه " مقلوب الآسكآلوب " بس كتير زآكي مع " سلطة تونسية " + كوكآ كولـآ

يعني هينا كل مرة بطلب شي جديد عم بجرب

تصبحون ع خيييييييييييييير صبـآيآ

[Heba T]

عسولة صحة على قلبك الفلافل

[Heba T]

غموض صحتين

تلاقي الخير ان شالله

[عسولة فلسطين]

وقلبك يارب يا هبة
صحتيييييين يا غموض يللا صحة وهنا يارب

[Heba T]

عسولة فلسطين انت شو اسمك الحقيقي؟

[عسولة فلسطين]

اسمي اكرام هههههه ليش يعني ^_^

[عيـ‘ـون المهـ‘ـا]

صحتين يا عسوله
لازم تجيبي سيرة الفلافل ,, انا بحبه بس هون المطاعم العربيه ما بتعملو بنفس الطعم اللي في البلاد

[مسك السنين]

صارت الدنيا الفجر ولسة مانمت هههههههه بدي اسلم ع تلاميذ التوجيهي هههههههه

[مسك السنين]

ام عزمي مفقوووووووودة
تعالي يام هويدة تعالي