دردشة بنات فلسطين, دردشة حوامل فلسطين, تجمع بنات فلسطين

[Heba T]

دودو ما بضرو ،، بس الافضل انو من الرابع تبدي ،، حتى انو بقولو ما تاكلي البدة في اول الحمل ،، مليانة حديد
انا ما بعرف شو بأثر بس اكتر من دكتور حكالي نفس الاشي

[احساس أنثى]

صح كلامك ياهبه حكولي مااكتر من الكبده اول الحمل

[احساس أنثى]

http://forum.hwaml.com/imgcache2/hwaml.com_1355597805_705.png

مين عاوز ؟؟ يقول أنا عشان أبعتلو ^_^

[~{{ DoDo }}~]

بكرا الصبح رح اكلم الدكتورة واسالها
ابلش اخدهم هلا ولا استنى اسبوع عبال ما افوت بالشهر الرابع
وان شاء الله خير

[احساس أنثى]

ان شالله خير يادودو لا تخافي

هيا حبوب الحديد لما تفوت الوحده بالشهر ال4

[Heba T]

احساس انا بدي بس مش اللي بالفول السوداني ،، بدي الشكولاتة ( الاحمر)

دودو ،، احسن تكلميها ،، ان شالله خير

[احساس أنثى]

للأسف ياهبوش يلي باكلو بالفول السوداني ^_^ بس لزيز بكل الأطعمه ليش مابتحبيه بالفول السوداني

[Heba T]

حس طعمو بايخ ،، انو شوكولاتة مع فول سوداني ، مش زابطة معي

[غُمُوض أُنثَى]

اهلين حبيبآآتــي والله اانا كمان اشتئتلكم كتير

حيفآ واحسآس وهبوش وجاآرة .. يسعد مسآآكُم :)

دودو ربي يتمم لك ع خير ان شاء الله

عيون المها الها اكم يوم غآيبة صح

[Heba T]

هلا غموض

فعلا عيون المها الها كم يوم غايبة ،، ان شالله خير

[احساس أنثى]

خلص راحت عليكي ياهبوش ^_^

عيون المها حكت انها حتغيب بس ماحكت وين هههههه

[Heba T]

اها انا ما قرأت الصفحات ،، عشان هيك ما عرفت انها حتغيب

[Heba T]

تصبحو على خير

[احساس أنثى]

تلاقي من الله خير هبوش

بقيت لوحدي واااااااع

[إنبثاقة أمل]

أنا جيت :)

[احساس أنثى]

منوره انبثاقه

شو مسهرك؟؟

[إنبثاقة أمل]

منوره بوجودك ياقلبي

ولا شي زوجي نايم وانا بتصفح بالنت

حبيبي هالنت انا اله وهو الي بهي الغربه هههههههههههه

[احساس أنثى]

الكهربا قاطعه وشاحن الاب توب فنش أشوفك على الموبايل ياحلوه ^_^

[احساس أنثى]

انتي بغربه ياانبثاقه ؟؟

لاني مابجمع كتير سوري ^_^

انا جوزي طاشش وسهرانه ع النت انا كمان

[إنبثاقة أمل]

اوك ياقلبي

اليوم الحلوات نايمين ع البدري

[إنبثاقة أمل]

في ناس بضحكو علي لما احكي عن الاردن غربه

بس انا بعتبر المكان الي اهلي مو فيه هو غربه

انا اهلي عايشين بالسعوديه وانا هون بالاردن ما عندي غير زوجي واهله

ع شان هيك بحس كتير بالوحده

[المهـ ـرة]

ولأني لا اعترف بالحدود الجغرافية
فكل وطن هو وطنٌ ليّ

امسي عليكم بالخير
وترى انا سهرانة بعد
زوجي محتفل مع اصحابه بمناسبة الماستر وانا قاعدة ع النت وباكر دوام hwaml7


محبتي للجميع

[إنبثاقة أمل]

ربي يسعدك العيطبول

واهلا وسهلا فيك ياقلبي

كلنا بالهوا سوا شي نايم وشي سهران الله يحفظهم النا يارب

[المهـ ـرة]

ربي يسعدك العيطبول

واهلا وسهلا فيك ياقلبي

كلنا بالهوا سوا شي نايم وشي سهران الله يحفظهم النا يارب

اللهم امين يارب

وهذي احلا قهوه لكِ ولـ احساس انثى

http://t1.gstatic.com/images?q=tbn:ANd9GcShspW8N6RNSGXsjHyP9K_hT3O1tpQ1Q JBI0jqtuOchtwM-VWARJg0mL5yE

محبتي وتقديري واحترامي

[احساس أنثى]

هلا فيكي حبيبتي نورتي السهره بس ماعرفناانتي من اي بلد ؟؟

والله انبثاقه معك حق المكان يلي مافي الاهل غريه الله يعينك انا بحب الاجتماعيات كتير

[المهـ ـرة]

هلا فيكي حبيبتي نورتي السهره بس ماعرفناانتي من اي بلد ؟؟

والله انبثاقه معك حق المكان يلي مافي الاهل غريه الله يعينك انا بحب الاجتماعيات كتير

انا من السعودية
من الرياض وتزوجت وعشت في جده
تخصصي علم نفس
ولكن لم اعمل بمجال تخصصي
مديرة شركة للفرع النسائي
ولم اكمل عامي الاول بالزواج وماعندي اطفال
واسأل الله ان يرزقني ويرزق كل الاخوات

اعشق الكتابة واحب الشعر والادب
هذا انا باختصار

لاتسون عليّ كونانhwaml7

[احساس أنثى]

ههههههههههههه هلا بيكي اختي بينا
انا قضيت كل طفولتي بالسعوديه :؛

[إنبثاقة أمل]

حسوسه انت كنتو بالسعوديه

تسلمي العيطبول ربي يسعدك

[احساس أنثى]

اع انبثاقه لما هاجرو اهالينا طلعنا ع السعوديه قضينا يجي 13 سنه فيها

[إنبثاقة أمل]

سبحان الله بحبها كتير السعوديه بالذات الرياض

انولدت وعشت فيها

يمكن كمان اسبوعين اسافر لان عندي تجديد التأشيره مو حابه تروح علي

[احساس أنثى]

متلي يعني مواليد السعوديه

انا بعشق موووول بنده رهييييب

اذا رحتي سلميلي ع اهل السعوديه كلهم

[إنبثاقة أمل]

ههههههههه بعده عايش بنده

الله يسلمك ويسعدك

[احساس أنثى]

اكييييييييييييد :)

اتا سار لازم اقوم عيوني قفلو وماصدقت زيدون ينام
تصبحي على خير ياعسل :)

[إنبثاقة أمل]

نوم العافيه الك واله يارب

[غُمُوض أُنثَى]

مين هون ؟

شكلكو كلكو نمتو

[~{{ DoDo }}~]

صباااااااح الخير يا صبايا
كيفكم اليوم

انبثاقة واحساس انا كمان انولدت بالسعودية وعشت فيها شي 9 سنين

صحيح بنات حكيت مع الدكتورة وقالتلي بلشي في الحديد والكالسيوم من هلأ ضروري
وقالتلي متى اخد كل شي فيهم واطمنت الحمدلله ، هي بتعرف شو بتحكي بس انا دايما بقلق وبتردد
ربنا يكمللنا على خير يااااارب

غموض كيفك اشتقتلك طمنيني عنك ، وعيون المها اشتقناااااالك وين هالغيبة وام عزمي كمان
وحيفا شو اخبارك
وبينك كيفها رهوفة حبيبة قلبي، وام عمرو وام عمر وام جودي ولولو حمادة ولولو الفلسطينية
شو اخباركم جميعا صبايا وسامحوني لو نسيت حدا

[احساس أنثى]

صباح النشاط يادودو
يالله الحمد لله اتطمنتي ربي يتمملك ع خير

باقي الصبايا اين انتم ؟؟

[احساس أنثى]

صبايا بدي انزل اليوم السوق اشتري لحوزي هديه
اعطوني اسماء عطور رجالي عالميه يالله بسرعه ياحلوات :)

[~{{ DoDo }}~]

احساس كل سنة وزوجك سالم حبيبتي

انا اكتر شي جبته لزوجي وحبه هم :
ون ميليون من باكو رابان
و212 في اي بي من كارولينا هريرا
وفي كمان من جفنشي بس نسيت اسمه هو مش جديد
وفي من جفنشي كمان عطر اسمه play بس مش الاسود لا الرمادي احلى ريحته

[احساس أنثى]

تسلميلي يادودو ون مليون بعرفها
حسأل عن play و 212 واشوف كيف

كلك زوووء ياعسل :)

[~{{ DoDo }}~]

شو بنات وينكم اليوم ؟
ما حدا مبين

[إنبثاقة أمل]

مسا الخير

شو أخباركم

هاليومين مختفين .. ان شاء الله تكون اموركم بخير

كيفك دودو شو أخبارك

[~{{ DoDo }}~]

اهلا اهلا انبثاقة
كيفك حبيبتي شو الاخبار طمنيني عنك
انا بخير الحمدلله وكله تمام

الصبايا مختفيين بشكل غريب شو قصتهم

[إنبثاقة أمل]

الحمدلله بخير ياقلبي

مابعرف شو مالهم يارب انهم بخير

[um jo0ody]

مرحبا ،، انتوا هون يا صبايا ؟؟

[~{{ DoDo }}~]

اهلا ام جودي

احنا هون بس باقي الصبايا مختفييييييين!!!!

[um jo0ody]

هلاااا دودو حبيبة قلبي كيفك ؟؟ وكيفو البيبي ؟ ليه الصبايا مختفيين ؟؟ لعله خير يا رب ،،

[احساس أنثى]

مسا الخير صبايا
الكهربا قاطعه عندي بس عندي نت ههههههههه عشان مابقدر استغني عنكم :)

انا الصبح رحت وصيت ع الكيك لبكره وشريت عطر يادودو 212 بقديش بتجبيه انتي ؟؟؟؟

[احساس أنثى]

يسعد مساكي دودو وانبثاقه وام جودي اخيرا طليتي !!

[إنبثاقة أمل]

اهلا ام جودي

شو أخبارك

اهلين حسوسه يعطيك العافيه

يلا كويس جهزتي امورك ع البدري

[~{{ DoDo }}~]

ام جودي اهلا حبيبتي انا بخير الحمدلله والبيبي بخير وكل الامور منيحة

احساس يعطيكي العافية وانشالله يتهنى زوجك يااارب
يا ستي انا جبته هون لزوجي من السوق الحرة تعت المطار
لما جبته كان ال 100 مل ب 385 درهم والدرهم تقريبا نفس الشيكل

[um jo0ody]

هههههههه حبيبتي يا ام الزوز كيفك ؟؟صحيح كل سنة وزوجك طيب وعقبال 100 سنة يا رب يعيشهم بسعادة وهنا معك يا قمراية انتي والزوز الصغير :) ومبارك العطر ،،، معلش حبيبتي كنت غايبة عشان الجامعة والبيت ووائل وحمودي دوبني الحق والله ،، ولانه الامتحانات قربت يعني توقعوا اغيب كتييير الايام الجاية بس هبقى اطل عليكو يا حبيباتي ما بستغنى والله

[~{{ DoDo }}~]

ام جودي

الله يعينك حبيبتي ويوفقك يااااارب
وتقدمي امتحاناتك منيح وتضلي انتي وعيلتك بخير

[um jo0ody]

اهلا اهلا انبثاقة حبيبتي انا تمام شو اخبارك انتي يا حلوتي ؟؟ كيف صحتك طمنيني عليكي ،،

[um jo0ody]

حبيبة قلبي يا دودو الله يسعدك يا رب ويخليلي اياكي ،،، تسلميلي على الدعوات الحلوة يا عمري :)

[إنبثاقة أمل]

الله يوفقك يا ام جودي وييسر امورك وينجحك يارب

الحمدلله انا بخير وكويسه

[جارة القمر]

يسعد مسااااااااااااكم :::

هاد المعظم مواليد السعودية انا مواليد السعودية منطقة الخبر وعشنا فترة بالرياض ....



بناااات: الكبدة مضرة باول اشهر مو عشان الحديد عشان فيتامين أ فيها بكثرة ومو منيح باول اشهر ....

اما الحديد الفوليك اسيد كنت اخدو من قبل الحمل لاخر يوم فيه ما قطعتوووو بنوووووب

-------


كنت اكره اشي اسمو سلطة هلأ صرت اعشق السلطة بس مو الناعمة بحب اليونانية او بالتونه رووووعه وبتجي كتير على بالي وخاصة ازا حامضة حد يعملها ويبعتلي ........


وين حيفاااااااااااااااا_حيفا كل ما اكون بشعفاط على طول بتخطري ببالي يا بنت

[~{{ DoDo }}~]

اهلا اهلا بجارة نورتي

انا كمان هيك قالولي وسمعت كتير ببلشوا ياخدوا الحديد من اول شهر
انا طول عمري دمي قوي بس شكلو عبال ما الدكتورة تعملي التحليل الاسبوع الجاي حبت تعطيني حديد وكالسيوم
وعالعموم اللي اعطتني اياه اصلا مكتوب عليه للحامل والمرضعة مخصوص وطمنتني
بالنسبة للكبدة حكيك صحيح هي والجزر فيهم فيتامين ا بشكل مكثف وبيعمل لا سمح الله تشوهات باول 3 شهور لو اكلناه بنسبة كبيرة

كيف شغلك وعيلتك انشالله تمام ؟

[إنبثاقة أمل]

ويسعد مساك جاره نورت

تفضلي عامله سلطة جرجير وحامضه ع كيفك كمان :)

ان شاء الله حيفا تيجي وتبشرنا وتكون حامل يارب

[um jo0ody]

حبيبتي انبثاقة الله يسعدلي اياكي يا قمر ،، ربي يحفظك من كل شر ونفرحلك قريبا يا سكرة :)

[احساس أنثى]

ام جودي تسلميلي يارب وربي يرفقك ان شالله بالبال دايما ودايما بندعيلك انتي وحمود العسل

دودو انا جبتها قلي نوعيتها اسرائيليه بتدوم ع الملايس ب 300 شيكل عجبتني زوووقك روعه كنت متعوده ع الون مليون

انبثاقه صحتين ع السلطات تعرفي انا بموت بالمقبلات والسلطات والمخللات اكتر من الاكل :)

جاره شلوووونك ياقمر ؟؟ انا رغم اني كنت بالسعوديه بس مو كتير حافظه كلامهم لاني كنت صغيره :)




بكره ياصبايا بقلكم ردة فعل جوووزي انا كمان بستنى ببكره اشوف شو ردة فعلووو

[احساس أنثى]

شوفو وين الكسفه ياصبايا جوزي شافني بالرمال وانا ماحكتلو اني طالعه قلت بشتري وبروح بسرعه
يانيله ماعرفت شو اقلو كان معي بنت عمي حكتلو رحنا نفصل عبايه ها اقلو رايحه اشتريلك هديه هههههههه

بس بكره حيعرف لحالو وين كنت :)

[إنبثاقة أمل]

يييي ع الموقف ههههههههههههههه

يلا ان شاء الله تمشي عليه وبكرا تكون المفاجأه الحلوه

متحمسه لبكرا وردة فعل زوجك

ربي يسعدكم ويخليكم لبعض

[um jo0ody]

احساس يا عمري تسلميلي ،،، ربي يسعدكو ويهنيكو ،، من اي محل وصيتي ع الكيك؟

[غُمُوض أُنثَى]

يسعد مسَآكُم يَ بنآت شو اخبآركم منورين والله

وين الصَبآيــآ اغلبهم مش مبينين فعلآ !!

احسآس كل عام وزوجك بِ الف خير يـآرب :)) والعطر يلي جبتيه كتير حِلو مزوءة ..

دودو * انبثآقَة * ام جودي .. يسعد مسَآكم يَ حِلوآت منورين

هَبوش انا اشتئتلك اكتر يآ حِلوتي ** انتي كيفك هلأ احسن ان شاء الله ..؟؟

وكيف تصميم الحديقة يلي معك خلصتيه والا لسآ .. شكلهآ حديقة عَآمَة ؟!

[احساس أنثى]

و
بكره بحدتكً ياانبثاقه انتي والصبايا :)

ام محمد وصيت عليه من مزاج :)

غموض والله دودو المزوقه هيا يلي دلتني عليه انا بتعامل مع الون مليون :؛

[غُمُوض أُنثَى]

ممممم لانه 212 عطر بابا المفضل يلي دآيمآ بستخدمو

يعني الريحة جدا مميزة بجد هههه وبابا انسآن لا يتعآمل الا مع كل ماهو رآقي ^^ يؤبرني


جوزي بيستخدم تشكيلة مرة عطر cigar

وعطرmillionaire

وعطرlively

وعطر 212

كلهم حلوين عنجد

يلآ ان شاء الله عؤبآل 100 سنة سعادة

وبكرآ احكيلنآ شو بصير :))

[احساس أنثى]

ان شالله ولا يهمكمً ياصبايا

كلن نفسي اوصي معهم ع بوكي ورد بس مازبطت معي :)

[um jo0ody]

احساس حبيبتي صحتين وعافية مقدما هيكون لزيز كتييير طالما من مزاج موصية عليه ،، انا اهلي جابو كيكات حمودي من عند معتوق وكانوا كتييير لزيزين ،،،

هلاااا غموض حبيبتي يسعد مساكي ،، كيفك يا عسل ؟؟ احكيلنا كيف كان نهارك ؟؟

[~{{ DoDo }}~]

احساس
مبروك عليه ويتهنى فيها حبيبتي
وانشالله يارب يعجبه ويكون بكرا مبسوط منك
اشتقت لكيك مزاج بجد
ربي يسعدكم على طول

غموووض
شو اخبارك يا حلوة نورتي حبيبتي

باقي الصبايا منورين

[احساس أنثى]

خلص صبايا تعالو احتفلو معي وكل وحده فيكم الها قطعه :)

[umm 3amr]

مساء الانوار صبايا

[احساس أنثى]

ام جودي معتوق عندو اه كيك للمناسبات بس ولا مره جربتو لهيك خفا وصلت خليني ع الي مجرباه عشان تطلع لزيزه ومااتحرج :)

[احساس أنثى]

هلا ام عمر منوره كيفك اليوم

[umm 3amr]

ههههههههههه يعني ما بتسبوا علينا يا احساس

[umm 3amr]

الحمد لله

بكرا صوري شو بصير

[umm 3amr]

نورك يا عسل زوزو نايم غلبك اليوم ؟؟

[umm 3amr]

دودو اتصوري من اسبوع بلشت بالحديد والكالسيوم بد اسالك عن طريقة اخذهم كم حبه وايمت؟؟

[احساس أنثى]

له يام عمر لو ماشالتكم الارض بنشيلكم بعيونا

ياريت اقدر اصور انا متلكم مش حشوف شي لان حياخدها الدليفري ويوصلها مش حشوف شي :)

زوزو الليله الفاتت عزبني نام ع 4 هلا نايم وشكلو تاوي يعملها ويسهر كمان الليله

[umm 3amr]

كلك زوء يسلمو يا ئلبي
من فترة احتفلت صاحبتي بزوجها رحنا ع مكان العمل واخذنا كيك ورد وهدايا وبعدها رحنا اتعشينا بمطعم راقي بفندق وكان في موسيقا ههههههه ورقاصه ولمن جابوا الكيكه اهدوه اغنيه سهرة حلوة

ان شاء الله تتهنوا مع بعض وخليه زوزو يدلل
عمورة لسه لحد اليوم ما بنام الا بحضني مستعد يسهر للفجر احنا اكتر منكم بساعتين

[um jo0ody]

صحيح يا احساس الاضمن الي مجرباه انتي ومرتحاله ،،، المهم انه شغلهم نضيف وحلو وطعم لزيز :) ،،، انا كمان محمد بسهرني ل 5 و 6 واحيانا بتوصل ل9 الصبح وكمان السهر بهالشتا صعب لانه بالليل الجو كتييير بارد ومحمد من الاطفال الي ما بحب يقعد بيضل بدو يمشي او يوقف هههههه

[um jo0ody]

هلااا ام عموورة منوورة والله يا سكرة ،، كيفك ؟؟ وكيفو عمورة العسول :)

[umm 3amr]

ام جوودي شو اخبارك؟؟

[umm 3amr]

الله يخليك النور نورك يا عسل
الحمد لله عمورة بسلم عليك وع حمودي هيو بيلعب بالسيارات مدمن عليهن

[um jo0ody]

حبيبة قلبي يا ام عمورة انا تمااام ،، احكيلي اتقابلتي انتي ولولو ههههههه

[عسولة فلسطين]

هاااااااااااااااااااااااااايز
كيفكم يا حلووووووووووووووووووين طمنوني عنكم وعن أخبااااااااااااركم كتير اشتقتلكم
ويسعد مساكم يارب

[umm 3amr]

اتفضلوا سنكرس
كل ما اكل شوكولاته بحس بحموضه بالمعدة ليه !!

[umm 3amr]

اهلين عسوله نورتي
شو اخبارك ودوامك ؟؟

لا والله ما صار نصيب لولو ما طلعت كانت مشغوله مع انه كنت حابه كتير نتعرف

[~{{ DoDo }}~]

دودو اتصوري من اسبوع بلشت بالحديد والكالسيوم بد اسالك عن طريقة اخذهم كم حبه وايمت؟؟

ام عمرو يسعد مساكي حبيبتي
انا سالت الدكتورة قالتلي اهم شي يكون بينهم اكتر من 4 ساعات لانه التنين بيعيقوا امتصاص بعض
انا باخد الكالسيوم الصبح بعد الفطور والحديد بعد الغدا لانه بتغدا متاخر قبل المغرب يمكن
المهم الحديد يكون على معدة مليانة لانه بيوجع شوي ازا فاضية

وربنا يسهللنا حبيبتي وللجميع

[عسولة فلسطين]

يا هلا ام عمرو وام جودي
منورين
انا الحمدلله تمام ودوامي ماشي حاله

[~{{ DoDo }}~]

عسووولة

اهلا اهلا يسعد مساكي شو اخبارك
وكيف المدرسة والدوام ؟

[عسولة فلسطين]

دودو يا عسل كيفك ويسعد مساكي

[um jo0ody]

فديت قلبو انا عمورة العسوول ،، ربي يحملك اياه ويسعدو حبيبتي ،، ان شاء الله حمودي لما يكبر يسير مدمن سيارات متله ،، سرت معبية غرفته العاب واجى اله هدايا كتييير بردو ان شاء الله لما يكبر شوي بسير يلعب فيهم ،،، انا لما كنت حامل ما كنت احب الشوكولاتة ابدا ابدا ما بعرف ليش فمو عارفة من شو بسير معك حموضة يمكن الصبايا مجربين

هلاااا عسووولتنا كيفك حبيبة قلبي ؟؟ وينك يا قمر ؟؟ كيف صحتك طمنيني عليكي ؟؟

[عسولة فلسطين]

الحمدلله انا بخير
ومبسوطة هههههه صار عندي سلفة
ودوامي ماشي حاله هيني متحملة غصب عني ليخلص هالفصل

[عسولة فلسطين]

يا هلا ام جودي طمنيني عنك وعن حمودي

[عسولة فلسطين]

ينات بكرة ان شاء الله بشوفكم تصبحوا على خير
قاعدة بغفي ع الكيبورد صارلي يومين بسطل سطل مش طبيعي

[~{{ DoDo }}~]

عسولة الله معك حبيبتي ضللك تعي وطمنينا عنك

[احساس أنثى]

هلا عسوله مبروك السلفه الجديده :)

ام عمر خففي حلو طيب عشان الحموضه والله بتتعب


بنااااااات / الصبايا يلي بالجنعيه عند زوجي بعرفهم وبيعرفو زوجي واكتر من مره اجو عليا عالبيت
اقترحو عليا بدل ماابعت الكيك ناخدهااناواياهم ونروح ع الجمعيه ونحتفل سوا ونفاجئ جوزي
شو رايكم ؟؟؟ بس انا خايفه زوزو يعزيني !!!

هما البنات حيروحو وبدهم ياني اجي معهم شورايكم محتاره ؟؟

[um jo0ody]

ههههههه حبيبتي انتي اول كنة يعني لبيت حماكي ؟؟ ان شاء الله تكون بنت منيحة وتتأقلموا مع بعض :)

[umm 3amr]

ههههه وانا عمالي ببلع الحديد الصبح وبحكي ليه معدتي بتوجعني
والكالسيوم ع العشا بموت تا تنزل معي كبيرة الحبه يلا بصير اعكسهم
ان شاء الله يسهل علينا يا رب

اي صح ام جوودي ما بحبه بس لمن اكل حلو حركت الجنين بتزيد وزوجي جاب وما حبيت افشله وزني ما بزيد نفسي اجيبه لزلوز ههههه

الله يحماه وتشوفيه كبير وبيلعب ويكسر اللعب وانت تصرخي جننتني عجزتني

[~{{ DoDo }}~]

احساس

والله فكرتهم حلوة
وانتي عشان زوزو ما يعزبك حاولي ما تطولي وبتعدي يعني
بس بلاقيها لفتة حلوة منك ازا الصبايا اللي معه كويسين وفي بينكم علاقة حلوة
انا رايي من رايهم توكلي على الله وروحي انتي وزوزو بيكيف :)

[umm 3amr]

وانت من اهله يا عسوله احلام سعيدة

[um jo0ody]

بصراحة هيك احلى يا مها انه انتي تروحي بنفسك وتفاجئيه اكيد هينبسط اكتر من انه تبعتيها ،،، وبعدين بتشوفي ردة فعله بنفسك :))

[umm 3amr]

روحي احلى بكتير وخليه زوزو معك يوم وبعدي وبفرح فيه ابوه وبتشوفي ردة فعله وفرحته يعني الصبايا يحضروا وانت لأ ما بصير

[um jo0ody]

الله معك عسووولة يعني انتي جاية هيك بس تطلي علينا عالسريع ،، ما شفناكي لسة ههههه ،،، حبيبة قلبي انا تمام والله وحمودي ببوسك :) ،،، موفقة حبيبتي وربي يبعتلك كل خير ،، احلام سعيدة يا قمر

[um jo0ody]

اوووه يعني متفقين تمااام هيك ،، اسمعي منا وروحي يا احساس والله بتطلع احلى :)

[~{{ DoDo }}~]

ام عمرو ضرووووري يكون الحديد على معدة مليانة ديري بالك
بعدين الدكتورة قالتلي ما خدي اشي منهم بالليل او متاخر كتير قبل النوم
لانه وقت النوم الجسم ما بيمتص الفيتامينات بشكل كبير فما بتستفيدي منهم كتير
اعملي متلي وخدي الكالسيوم بعد الفطور والحديد بعد الغدا وتوكلي على الله

[umm 3amr]

بد اسالكم عن الزهورات شو بضر منها ؟؟

[umm 3amr]

اي صح يا دودو بدي اعمل متلك ان شاء الله لانه معدتي فعلا وجعتني وارجعت متل اول وحام واستفراغ وتعب

[~{{ DoDo }}~]

امممم الزهورات ما اظن بتضر ازا شربتيها مرة متلا باليوم
انا سالت صراحة عن اليانسون والدكتورة حكتلي منيح ما بيضر
عشان انا بقلق بالليل ما بنام وبفكر اشرب ينسون

[احساس أنثى]

خلص حرد عليكم ياصبايا :)

مااعتقد الزهورات بتضر يلي بيضر بالحمل الشي الحامي متل القرفه

[umm 3amr]

رايحه انيم عمورة واذا ارجعت وانت سهرانين بنكمل السهريه الحلوة

سلام

[إنبثاقة أمل]

دودو انا سمعت من سلفتي انه كثرته حامي اليانسون

مابعرف اسألي اكتر واتأكدي

ربي يحميك ويحمي جنينك

[احساس أنثى]

الله معك ام عمر بوسيلي اياه العسول

[umm 3amr]

هيني ارجعت
تسلمي احساس وزوزو العسل لسه نايم؟؟

اليانسون بحطه مع الزهورات مهديء بس النوم ولا شي بفيدني

شو بالنسبه للبابونج والميرميه ؟؟

[إنبثاقة أمل]

الاشياء هاي لا تكثرو منها

ان شاء الله ربي بيتمم عليكم حملكم وعافيتكم

[umm 3amr]

الله يسلمك وان شاء الله تحملي عن قريب

[umm 3amr]

شو ناويه تحتفلي بيوم ميلاد زوجك ؟؟

[إنبثاقة أمل]

لسه مو عارفه

ع شان مابعرف اماكن هون بالاردن

قبل يومين حكيت لسلفي يساعدني اطلع واجيب هديه لزوجي

بالعاده بكون عامله حسابي وبجيب الهديه معي من السعوديه لما اروح عند اهلي

[umm 3amr]

حبيباتي شكلكم نمتوا

يلا سلام نلتقي غدا ان شاء الله

[umm 3amr]

اها
تتهنوا وعقبال 120 سنه مع بعض

بد اسالك شو رايك بجدة الحياة فيها والعمل؟؟

[إنبثاقة أمل]

تسلمي ربي يسعدك

والله ياقلبي انا كنت عايشه بالرياض

الي بعرفه جده اغلى من الرياض ومتفتحه اكتر

بس ماعندي معلومات كتيره عنها لان بس كنت اروحها من المطار ع مكه للعمره

[احساس أنثى]

ليش سبتوني لوحدي؟؟

زوزو هلأ صحي يعني سهرتي طويله

[إنبثاقة أمل]

صح النوم لأبو الزوز

عاد لازم ينام ع شان بكرا وراه حفله وهيصه

[احساس أنثى]

نبثاقه يعني انتي عامله عمره ؟؟

نيالك

[إنبثاقة أمل]

اه الحمدلله

بابا الله يجزاه الجنه كان بالسنه يخلينا نروح شي 3 مرات او أربعه

والحمدلله حجيت كمان قبل ما أتزوج

ربي يكتبها للجميع يارب حج وعمره

[احساس أنثى]

ماشاء الله شي حلو ...

ربنا يوعدنا احنا كمان

[umm 3amr]

صح النوم يا زوزو

انبثاقه يا حجه نيالك وان شاء الله نحج جميعا
ناويه اعمل عمرة قريب بمشيئة ربنا

طلع لزوجي عمل بجدة وكان متردد والكل نصحه فيه
وحكوله جده من اجمل مدن السعوديه بس السياره ممنوعه للمراة صح؟

[maisa odeh]

مرحباااااااااااااااااااااااااااااااااااااااااااااا اا للجميع كيفكم كلكم انا هوووووووووووووووووووووووووووووووووون

مين كمان هوووووووووووووووووووووون

[احساس أنثى]

ياالله نعسااااااااااااااااااااااااااااااانه وبردانه

خايفه احط حالي تحت الحرام أدفى وأنام

وزيدون لسى صاحي الأخ ههههههه

تمتعو يابنات بحياتكم

[umm 3amr]

اتفضلو برينجلز حاسه حالي فارة باخر الليل

[احساس أنثى]

مائاء الله أم عمر بس تروحي افتكرينا بدعواتك

منوره ميسوووووووووووووو

[إنبثاقة أمل]

حلو اطلعو ع السعوديه واهم شي استخيرو

ربي يوفقكم

اها ممنوع السواقه هناك

ويرزقكم جميعا العمره والحج ياااارب

[احساس أنثى]

لو برنجلز بطعم الطماطم انا عاوزه ياأم عمر ^_^

[umm 3amr]

واااو منظر البيت كانه في حرب العاب عمورة
والجلي معبي المطبخ شكلي بده اخليه للصبح

[umm 3amr]

اهلين ميسوو شو اخبارك؟؟
الله يسمع منك انبثاقه ويرزقك الي ابتتمنيه

احساسو برينجلز الاصلي بدك ابعتلك؟؟

[احساس أنثى]

ههههههههههههههههههههههه بسيطه ام عمر اذا على قد العاب عموره

واذا بكره ماعليكي شغل كتير ولا طبيخ خليه الجلي بتتسلي فيه بكره

[احساس أنثى]

اصلا حرام الجلي بهالجو ياام عمر ولا عندكم مش برد متلنا

[احساس أنثى]

يابنات نعسانه حد ياخد عيوني نيمهم شي ساعه زمن ويجيبلي اياهم هههههههههههههههههههه

[umm 3amr]

الجو عنا عادي مشغله المكيف بغرفه النوم ولابسه نص
كان يصير معك الم بالعظم من اسفل وخاصه وانت نايمه
لمن اتحرك بالليل بصير ابكي

[umm 3amr]

هههههههههههه مش انا لانه ما بنام خالص الساعه عنا 2

جيبي زوزو عندي وروحي نامي

[احساس أنثى]

مزبوط ياام عمر ورجلي كمان

كانو يحكولي عشان فيكي ولد قال بتزرري مابعرف شو يعني ههههههههه كلام نسوان

انتي حامل؟؟

[umm 3amr]

سلام يا حلوين بدي شوف جارتي مالها
الله يعينها ع زوجها سكران ومجنون

[umm 3amr]

اها حامل الله يتمم ع خير
يا ريت بس بزرر
وكمان عظامي من تحت مكسرة
اول مرة بتصير فيني حملت
6 مرات شكلو من عمليات التنظيف شو رايك؟؟

[احساس أنثى]

الله معك ام عمر وأنا كمان راسي صدع بدي اقوم اشوف زوزو واناملي شوي نعست

[احساس أنثى]

والله مابعرف عن عمليات التنظيف

بس انا كنت لما اكون قاعده او نايمه على ظهري واجي اقوم مااقدر اسندو امشي متل المحودبه هههههههههه

ربي يتمملك على خير يارب

[احساس أنثى]

انا رضعت زوزو واعطيتو لحماتي هههههههههه بدي الحق اناملي شوي

تصبحو ع خير

[maisa odeh]

اها والله صح صبايا يعني لما بتكون الوحده حامل ب ولد بحكو انها بتزرر هههههههههههههههههههههههههههههههههههههههههه بس حكي يعني مش شي علمي ومثبت

[إنبثاقة أمل]

النوم شكله زعلان مني :(

مو عارفه انااااام

[احساس أنثى]

في حد هان يونسنيييييي

[~{{ DoDo }}~]

صباااااااااح الخييييير

مين هون

[لولو الفلسطينية]

صباح الخير صبايا
شو اخباركم ان شاء الله كلكم تمام ؟
دودو انا الدكتور اعطاني الحديد لانه دمي كان 10 و صارلي تقريبا اسبوع باخده
ربنا يهونها علينا
احساس كل عام و جوزك بخير و تتهنو ان شاء الله
بينك و ام عزمي وينكم مختفيين ؟؟؟ ان شاء الله خير
عيون المها و انبثاقة و حيفا و حواء و لولو و ميسا و ام عمرو و ام عمر و ام جودي و غموض و الكل الكل يا رب تكونو بخير و تمام
بنات انا بعد يومين ان شاء الله بدخل الرابع و اليوم عندي زي الشد او الثقل اسفل البطن تتوقعو طبيعي و الا شو ؟؟ طمنوني

[لولو الفلسطينية]

يسعد صباحك دودو
كيفك ؟؟

[~{{ DoDo }}~]

لولو اهلا اهلا صباح الورد

انا والله عطتني الحديد والكالسيوم بس لسا التحاليل يوم السبت رح اعملها
انا بحساب النت بدخل الشهر الرابع معك
بس الدكتورة قالتلي لا كل 24 من كل شهر بتفوتي بشهر جديد
فانا بدي امشي ع كلامها
بالنسبة للشد انا بحس فيه ايام اه وايام لا
يمكن لانه ببلش شوي شوي البطن يرتفع لفوق
ما تقلقي حبيبتي طالما ما في وجع قوي ولا افرازات واذا حابة تتطمني اكتر اتصلي بدكتورك

[حيفا]

صباحكم عسل صبايا :)


كيف نهاركم ؟

[لولو الفلسطينية]

و انا الدكتور حكالي كل 23 بدخل شهر يعني الجمعة ان شاء الله بس على حساب الشريط بعد يومين
و ان شاء الله خير
انتي ايمتى موعدك مع الدكتور و الا رحتي ؟؟

[لولو الفلسطينية]

اهلين حيقا منورة

[~{{ DoDo }}~]

حيفا يسعد صباااحك حبيبتي كيفك

لولو انا رحت يوم السبت عالدكتورة وكتبتلي اعمل تحاليل الدم والسكر والفيتامينات يوم السبت الجاي
وبعد اسبوعين الموعد الجاي عشان تقللي نتيجة التحاليل يعني السبت الجاي والي بعدو كمان رح اشوفها
ان شاء الله خير

[حيفا]

اهلين دودو ولولو

يا بناات والله تعبانه ، الدورة المفروض قبل 5 ايام ، وجع بضهري قتلني ووجع عند السرة متل الشد ، مش عارفه شو اعمل الدكتورة ما اعطتني حبوب انزل الدورة قالتلي نستناها احسن ، وحمل مستبعد لانه عملت فحص يوم الدورة وكان سلبي ، وكمان كان تبويضي ضعيف مش عارفه شو اعمل

[~{{ DoDo }}~]

حيفا
ان شاء الله يااااااارب يكون حمل
الله يخفف عنك حبيبتي يارب
واستني شوي ما تاخدي حبوب احسن
ان شاء الله خير ، سلااااامتك حبيبتي

[لولو الفلسطينية]

طيب حيفا حللي كمان مرو و اتأكدي * لأنه ممكن يكون حمل بس صار متأخر و بعد النتيجة ارجعي اسألي الدكتورة و ربنا يجيبلك الي فيه الخير ان شاء الله
دودو و الله انا الدكتور اعطاني موعد بعد شهر هههههه و شكلي ما رح اقدر اصبر

[Heba T]

صباح الخير يا حلوين

[~{{ DoDo }}~]

لولو
انا اصلا نسيت اسالها متى الموعد الجاي
بس سالت الممرضة وانا طالعة قالتلي كمان اسبوعين
شكله عشان كبشة التحاليل اللي بدي اعملها

[~{{ DoDo }}~]

اهلا هبة
صباح الخير ، كيفك اليوم

[لولو الفلسطينية]

صباح الورد هبة hwaml7

[حيفا]

بشوف بلكي اليوم عملت تحليل مع انه امل ضعيف الحمل :)

اهلا هبوش كيفك وكيف ميلو ؟

[Heba T]

انا تمام الحمدلله ،، و اسماعيل بخير

بنات بدي اسأل في حد عمل عمليات تنضيفات قبل هيك؟

[Heba T]

حيفا ،، انت قولي يارب وبس

وان شالله خير ،، اش ما الله كاتب خير

[Heba T]

دودو ،، شو صار معك بخصوص حبوب الحديد اخديتهم؟

[Heba T]

لولو الفلسطينية

منورة ،، شو اخبارك؟

[Heba T]

كالعادة ،، بحكي لحااالي

[~{{ DoDo }}~]

هبة
والله ما عندي فكرة عن عملية التنضيفات
بالنسبة للحديد اكيد عم باخدو
الدكتورة قالتلي ضروري بلشي فيهم هو والكالسيوم

[إنبثاقة أمل]

مسا الورد

كيفكم حبيباتي شو أخباركم

حيفا ياااارب يكون خير وتكوني حامل مافي شي بعيد ع رب العالمين

ربي يزقك الذريه الصالحه

[جارة القمر]

هااااااااايز جميعاااااااااا :

كيفكم.....

يلا احساس:
خبرينا عن الجووووو اللي عملتي ان شالله يكون روعه.

حيفا::
ان شالله تكوني حامل ياااااااااااا أأأأأمر وتفرحينا مالي خص بتجيبيلي الحلوان لشغلي ......بدي كيكة زاكية هههههه

[غُمُوض أُنثَى]

يسعد مســآآآ البنآآت الحِلوآت الموجودين هلأ :)

دودو * جــآآرة * حيفــآ * هبوش * احسآس * ام عمر * انبثآقـــة * ميسوووو

وبــآقي البنآت ليه ما بكتبوآآ ..؟

حَوآء وينك غــآطسة

حيفــــــآ * حبيبتي يـــــآآآآرب تكوني حَــآمل اعملي الفحص واحكيلنــآآآ
يارب يارب تكوني حَـآمل ان شاء الله :))



شُو طَآبخين يَ بنآت

[~{{ DoDo }}~]

جارة وغموض

يسعد مساااااكم

شو اخباركم اليوم

غموض انا اليوم زوجي طلب عدس فعملت عدس :)

[إنبثاقة أمل]

الناس طبخت وخلصت وانا لسه بدي اطبخ

راح أطبخ مندي

عن جد الطبخ حيييييره

[جارة القمر]

يسعد مسسسسسسسسسسساكم::

لا للطبيخ ...........اكلت اليوم مفتول من حماتي .............


دودو +غموض:

كيفكم..؟

[~{{ DoDo }}~]

جااارة صحتين عالمفتول بحب اعمله
انا تمام الحمدلله

انبثاااقة صحتين عالمندي زوجي بيحبه كتيييير بس انا لا ههههه

شو الاخبار

[جارة القمر]

دودو :

على طول اضلي منيحة...
انا ما بعرف اعمل مفتول *.*ممممممممــ

[~{{ DoDo }}~]

تسلميلي جارة وانتي كمان
والله هو سهل بالعكس بس قليل للواحد يعمله

[إنبثاقة أمل]

ع قلبك دودو

جاره ياريت في قانون لا للطبيخ بس مو موجود ابدا هههههههههههههه

وصحتين ع المفتول

دودو ماشاء الله عنك بتعرفي تعمليه

عاد انا دائما بحكي لزوجي ماراح اتعلمه هذا للستات الكبار فقط

من ايدهم البركه غير

وطبعا هروم من اني اتعمله كمان هههههههه

[~{{ DoDo }}~]

هههههه انبثاقة معك حق هو للستات الكبار
بس بالغربة الواحد بيحن لكل هاي الاكلات
ولو ما عملته وتعلمته محدش حيعملي اياه

والله الواحد بصراحة بيزهق من الطبخ بس خلص روتيييييين لا بد منه

[إنبثاقة أمل]

اه والله صدقتي في اشياء الواحد بالغربه لازم يتعلمها

من ناحية الزهق والروتين بالطبخ عن جد شي لابد منه

[em3omar]

مرحبا كيفكم بنات شو اخباركم
الي يومين مش داخلة على الموقع عمر مش مخليني اعرف اقعد
بتمنى تكونو كلكم بخير

[جارة القمر]

هلا انبثاقة وام عمر ...........


احساس وينك تعي خبريناااا

حيفا :
وينك......تعي خبرينا
ههههههههههه بستنا بالاخبار وبعدين ...........


وين حوااااااااء

[غُمُوض أُنثَى]

يسعد مسآكم يَ صَبــآيآ ..

دودو * جآآرة .. منورآت حبيبآتي :))

انبثآقة انا عملت اليوم مندي برضو ^^

جارة صحححة عالمفتول * دودو صحة عالعدس :))

حيفآآ وينك يا بنت

[جارة القمر]

صحتين غموض.......لك زماااان ما قلتيلنا شو عملتي حلووو؟

[~{{ DoDo }}~]

ام عمر
اهلا حبيبتي كيفك وكيف عمر واخته ؟

غموض
صحتين عالمندي ومتل ما قالت جارة خبرينا شو عملتي حلو هالفترة ؟

احساس تعي خبرينا شو صار اليوم

وحيفا تعي طمنينا عنك

وحواء وعيون المها وام عزمي مختفيين من كم يوم

يسعد اوقااااتكم جميعا

[إنبثاقة أمل]

صحتييييين غموض

بتصدقو بحب اعمل سلطات وحلويات اكتر من الطبخ بكتيييير

حتى لو الحلو بغلب بس بحب اعمله

[عيـ‘ـون المهـ‘ـا]

http://forum.hwaml.com/imgcache2/hwaml.com_1355768891_275.jpg

إزّيّـكُـ ـــمــــ،،ـ ~يــ،،ـا أحلَـ،،ـى~ صبـ،،ـايــ،،ــا
~ان شاء الله تكونو بألــف خيــر~
~*~*~*~*~
كنــــاااا خـاااارج الولايـه و امبـااارح وصلنااا
من بعــد مشوااار طويل و ممتع
قضيناهااا في الفندق و حضور حفل زفاف صديق زوجي
المقرّّب
و تاني يوم كان العريس حاجز مطعم بس للعرسان و لجميع صحابو و عائلاتهم اكيد قضينااا وئت كتير حلو
و انا وزوجي استغليناا كل الوئت اثناء وجودنا بره الولايه و طلعنا و غيرنا جو

و

اكيد اشتقت الكم صباياا و لاخباركم الحلوه [:


~..~

[رنيا احمد]

انا معاد دورتى بكره والمفروض انها بتقدم معايا هل ممكن ابقى حامل

[~{{ DoDo }}~]

عيون المها

اشتقنالك والله
الحمدلله انكم غيرتوا جو وانبسطوا
كتير حلو جو الاصحاب بالمناسبات في الغربة
الواحد بيغير شوي عن الروتين
ونورتي من جديد حبيبتي

[عيـ‘ـون المهـ‘ـا]

عيون المها

اشتقنالك والله
الحمدلله انكم غيرتوا جو وانبسطوا
كتير حلو جو الاصحاب بالمناسبات في الغربة
الواحد بيغير شوي عن الروتين
ونورتي من جديد حبيبتي
~* دودو *~
حبيبة ألبي تشتائلك العافيه
علاقة زوجي بأصحابو كتير قويه من ايام الجامعه
و لهيك ما تردد زوجي انو نسافر و يشارك صاحبو فرحته
بجد
كتير انبسطنا و غيرنا جو و تعرفت على ناس و وجوه جديده
و قضينا ايام حلوه و البنات كمان غيرو جو
و سبحان الله القلوب لمى تتوفء و تختار شريكها
ما بحكمها جمال او فلوس او اي شي الحب هو بكون الخيار الاول و اكيد الناصيب
صاحب زوجي ملك جمال بصراحه و العروسه كتيربسيطه في الجمال و كتير مليانه حسيتها اكبر منو رغم اني لئيت بينهم توافق ~و مرت صاحبو لزوجي التاني بتحكي انهم مو لابئين لبعض قلتلها اكيد شايف فيها شي حلو نحنا مو شايفينو
و ااهم شي التوافق العقلي [:
الله يهنيهم
و التصوير كان من زوجي هديه للعرسان هههههه
و انتي عمري شو اخر اخبارك كيف الحمل معاك دخلتي الرابع؟؟

[~{{ DoDo }}~]

عيون المها

والله معك حق بجد الواحد لما يحب ويختار شريك حياته بيشوفه احلى الناس
بغض النظر عن اي شي وشو ما يقولوا الناس المهم هم كيف شايفين بعض

انا تمام الحمدلله والبيبي تمام لسا كمان اسبوع انشالله بفوت بالرابع

[عيـ‘ـون المهـ‘ـا]

و الساعه هلآ عنديـــ 2:13
وئت الغدى تفضلي دودو بما انك موجوده و اكيد الكل
عملت اليوم
ستيك + بطاطا مشويه+فطر بالبصل و التوم
و بتعرفي اجى على بالي شوربة عدس بحبها =)
~..~

[~{{ DoDo }}~]

عيون المها صحتييييييين
بحب هاي القصص
وبالنسبة للعدس اطيب شي بالشتا
خلص المرة الجاية تفضلي واهلا وسهلا

[umm 3amr]

مساء الخير للصبايا المنورين

اهلا وسهلا فيك عيون المها اشتئنالك
مبارك عرس صاحبك فعلا الحب اعمى
اهم شي التوافق بينهم

غموض .. اهلين بالنسبه للطبيخ لبن وانت شو كيف تونس معك؟؟

جارة .. صحه ع المفتول لمن اشتهيه بشتري
مفتول فلسطيني ناشف وبجهزه بالبيت

دودو .. صحه ع العدس مفيد للحامل

لولو .. اهلين منورة وشكرا ع سؤالك عني
بالنسبه للشد طبيعي لانه الرحم بكبر

ام عمر .. اشتئنالك هانت ان شاء الله تخلفي
بالسلامه

حيفا .. اعملي فحص حمل بالدم بكون ادق
بتريحي نفسيتك والله يجيب الخير يائلبي
وتحملي توام

انبثاقه .. شو الي سهرك امبارح؟؟صحه ع المندي
كيف بجهزي الرز؟؟


هبه .. انا جربت التنظيفات اكتر من مره

[umm 3amr]

هههههه سوري عيون عرس صاحب زوجك

وصحه ع الغدى احنا الساعه 12 ليلا

بالنسبه للفطر بما انه ما بحبه

كيف ابتعمليه ؟؟ بد اجربه
ا

[umm 3amr]

بينك روز .. وحواء مثاليه ... ولولو حمادة..وعسوله فلسطين ..وبيبو..وام جوودي .. طبعا ام عزمي
وينكم اشتئنالكم ؟؟

[عيـ‘ـون المهـ‘ـا]

("" دودو ~ ام عمـر "")
-----
الله يتمم الك على خير حبيبتي *‘احلى اشهر هي الشهور
الوسطى في الحمل و بتبدى حركة البيبي في الشهر الرابع شعور كتير حلو يالله عشان تبدي تجهزي كمان شوي للبيبي
و صحه على ئلبك يا أمر =) انتي كمان
-------
تشتائلك العافيه و السعاده حبيبتي ام عمر
الله يبارك فيـ عمرك و ان شاء الله تفرحي بعمر و تعزمينا على عرسه هههه =) صحيح بنسى كل مره اسألك انتي بأي شهر هلآ؟

[إنبثاقة أمل]

ام عمر تسلمي ياقلبي

والله مابعرف شو مالي حتى مانمت كويس صحيت بدري

الله يعين

الرز ياقلبي بنقعه والين ماينقع

بقلي بصله الين تصير شقرا وبعدها بحط عليها ماجي ومقدار المي الي راح احطه ع الرز

وبخليهم يغلو

وبعدين بحهم ع الرز

وبحط معهم حبة لومي وهيل وعيدان قرفه ورشة ملح

وبسكر عليهم وبحطهم بالفرن

والدجاج طبعا بتكوني متبلتيه قبلها بليله بكون طعمه الذ

بتبهريه بهار عادي بس الاضافه الي بحطه ع الدجاج بحط كركم

وبحط شبك فوق طنجرة الرز وبخليه يستوي ع بخار الرز

اذا ماعندك شبك فيك تحطي قصدير وتخرميه ع شان يستوي من البخار

وصحه وعافيه

[عيـ‘ـون المهـ‘ـا]

أمــ عمــر
انا بعمل الفطر سوتيه بمرق الجاج
و اهم شي يكون فريش
طبعااا اول شي بقطع البصل و التوم و بدبلهم بالزبده
لدرجة انهم يمتصو كل الزبده و يكون تقلبو شوي
و بعدين بحط الفطر المقطع و بئلبهم على نار عاليه
لمى ببدى الفطر يتغير لونه بحط مرق الجاج كميه قليله مو كتير و شوي طحين و بسير متل الصوص
اكيد ملح فلفل و بهارات
و بقدم الستيك و فوقه الفطر و الصوص

[umm 3amr]

اخرتي راح انجن بعد ما كتبت
اجا السيد عمور وسكر اللابتوب

الله يسلم دياتكم مشكورين جاري
النقل وان شاء الله اطبقهم عن قريب


عيون .. تسلمي يا عسل والله يسمع منك
بتنورينا وانت من اهل البيت ما بدك
عزومه
انا ببداية السادس..

حاسه فيك يا انبثاقه
اهم شي وكلي امرك لربنا
السنه نازله ع السعوديه؟؟

[umm 3amr]

بد استشيركم عمورة ايام بكون جالسه
وفجأة بييجي بيضرب بطني بسأله ليه

بحكيلي اضرب البيبي وبصير يضحك!!

[umm 3amr]

بد احاول انيم عمورة
ان شاءالله برجع
سلام

[حيفا]

حبيبااااااتي يسعد ايامکم

معلش مرضانه وبالتخت مش قادره اکتب
بس ما عملت الفحص لاني شکلي صابتني انفلونزا غير وجع الضهر والدوره مانزلت
بکرا بحکي معاکم بس هلا تعبانه

ليلتکم صحه حبيباتي وسغاده

[عيـ‘ـون المهـ‘ـا]

بد استشيركم عمورة ايام بكون جالسه
وفجأة بييجي بيضرب بطني بسأله ليه

بحكيلي اضرب البيبي وبصير يضحك!!
امــ عمــر
شكلو عمر بغـار هههه فيـ اطفال بحسو بالغيره
أهم شي انك تديري بالك لانو طفل و ما بكون
قاصد بس بتخافي لا قدر الله يإزي البيبي
و بعدين انتي ضلك حسسيه بمحبتك
و احكيلو انو البيبي كتير بحبك و دائما علميه انو يبوس البيبي و أسأليه شو بدك نشتري للبيبي
و هيك امور ههههههههه الله يخليه عمور ئديه عمره

[عيـ‘ـون المهـ‘ـا]

~حيفــاااا~
سلامتك الف سلامه حبيبتي
ليله هاديه بعيده عن اي وجع
و ان شاء الله بكره طمنيناااا عنك

احلام ورديه
[:

[إنبثاقة أمل]

قولي ان شاء الله انزل

اهلي مو راضين لاني كل 6 شهور لازم اجدد او بتروح علي الاقامه وبعد هيك مابقدر ازورهم الا بزياره

وصارت امي تحكيلي بلا الناس ماتحكي عليك

ودائما بحكيلها زوجي راضي ومابهمه حكي الناس

والله مو قادره اتعود ابعد عنهم

والله مرتاحه مع زوجي وكل اموري بخير بس الوحده كتير صعبه وزوجي دوامه طويل

الله يعين ياقلبي

ويسلم لي قلبك الطيب الي حاسس فيي

ربي يسهل امور حملك وتقومي بالسلامه ويحفظ احبابك

[إنبثاقة أمل]

حيفا ياقلبي سلامتك

ماتشوفي شر ياقلبي وتعدي امورك ع خير

حاولي ماتشربي ادويه الا لما تتأكدي من موضوع تأخر الدوره والحمل

وان شاء الله تكوني حامل وتبشرينا



برررد الجو كتير

[احساس أنثى]

صباحكم ورد

انا جييييييييييييييت


يالله صبايا اليوم احلى يوم بحياتي انسو جوزي صابتو صدمه هههههههههههههههههههه

خليت وحده من البنات تفوت بالاول وحامله زوزو تفاجأ وقف وماحكلى ولا كلمه وبعدها انا دخلت وباقي البنات وحكنالو كل عام وانت بخير ..... سار يضحك انبسط والله كتتتتتتتتتتتير

حتى كل الشباب والصبايا انبسطو اني عملالو مفاجأه وانبسط ع الكيكه عشان مكتوب عليها سنه حلوه يابابا وتحت زوزو


وكيفو على زوزو ^_^


اليوم هو بكون عيد ميلادو لسى مااعطيتو الهديه بدي اعمل كمان جو شاعري بسيط بالبيت واعطيلو ياها

[~{{ DoDo }}~]

يسعد صباحكم صبايا

حيفا
سلامتك حبيبتي ان شاء الله بتصيري احسن
ازا حاسة ببداية انفلونزا خدي فيتامين سي
برتقال وليمون وهيك واشربي بابونج
وان شاء الله الله بيطمنك ياااارب ديري بالك على حالك

احساس
واااااااو حلو كتير شفتي احلى شي كان انك رحتي واخدتي زوزو
الله يهنيكم يااااارب وان شاء الله كل ايامكم تكون احتفالات
وموفقة اليوم بالحفلة الخاصة ؛)

باقي الصبايا صباح الفل عالغايبين والحاضرين

[لولو الفلسطينية]

صباح الخير
شو الاخبار ؟؟

[لولو الفلسطينية]

بنات انا امبارح عملت تحليل و طلع عندي التهاب بسييييط و اعطاني الدكتور دوا و ان شاء الله بخف
و كمان رحت عند دكتور تاني و عملت سونار 3d و الدكتور حكالي على الاغلب حامل ببنوتة بس لسا مش اكيد و مش واضح و بين اني حامل بالاسبوع 13 و نص

[~{{ DoDo }}~]

لولو

صباح الورد
سلامتك ، اهم شي تاخدي الدوا
وهاد شي طبيعي بيروح ان شاء الله
وبيجي لاغلب الحوامل ما تقلقي
ومزبوط انتي 13 ونص ، يعني بين معه
طيب ان شاء الله خير كله حلو ولد او بنت
انا لسا الدكتورة مش متاكدة وما قبلت تقلي
ان شاء الله المرة الجاي يبين

[مسك السنين]

صباحوووووو بنات

[~{{ DoDo }}~]

مسك

اهلا اها يا صباح الورد
كيفك وكيف وليد ؟

[مسك السنين]

وليييييد هيووو صاحي مكيف لابس اصفر كماااااان

عقبال ماتشوفي البيبي تبعك ياررررب
بس نصيحة قد ماتدرررررررررري نامي

[مسك السنين]

تقدررري 000

[~{{ DoDo }}~]

مسك
والله يا ريت
نومي بالمرة مش منيح من اول الحمل
مش مرتاحة بالنومة :(
ان شاء الله بيتحسن وبقدر انام ههههههه عشان بعدين ما في نوم
الله يخليلك اياه حبيبتي ويفرحك فيه

[مسك السنين]

دودو انا شوية معلوماتي مخربطة

انت من غزة ؟؟؟؟؟؟؟؟


اول الحمل هيييييييييك انت وحامك كيف ؟

[~{{ DoDo }}~]

انا من غزة بس عايشة بالامارات
ووحامي كان خفيف الحمدلله
بس رجلي بيصيروا بالليل ينمنموني
وبضل اتقلب وحالتي حالة شو بدي اعمل يلا الحمدلله
شفتي هاد من اول الحمل وهيك :(

[جارة القمر]

يسعد صباحكم جمعيا دون استثناااء:

عيــون المها :

مبروك عرس صديق زوووجك




حيفااااا::

سلامتك

[جارة القمر]

احساس::

يــــــــــــــــــــــــــــي ما أأأأأحلى هههههههههه حسيت حالي معكم ومن قلبي فرحتلك انه الشي ناجح

ويا عيني على اللي بدو يعمل جوووو الليلة بس يا ترا ابو الزوز رح يسمحلكم !!!هههههههاي


ام عمورة::

ممممممــ تعرفي يزن وانا حامل كنت بضل احط ايدي على بطني واعمل حركة بوجهي اني مستغربة بقلي يزن شو ماما ليه هيك عامله !!
بحكيلي يييي استنا اشوي اخوك بحكيلي شي ....هلا هو بضل يستنا لحتى احكيلي شو حكى

بعدين بحكيلو انه حكالي مشتائلك وببوسك ...وانا ببوسه هو والله يا حرام بطير من الفرح وبيبوس بطني وبيرجع يحكيلي ماما هلا شو حكا لما بستو .......والله صارت عاده عندو كل ما ارجع من الشغل بيبوسني وببوس بطني وبقولي احكيلي شو حكا

واخر شي صار يحكيلي ماما متى بدووو يجي اخوي عشان نحكي مع بعض لما احكيلو لسا بدو وقت بقلي طيب دخليني عنده
لو شوي هههههه كيف تفكيرهم

بس لما اولدت جبتلو هدية وقلت انها من اخوك والله والله لليوم بقولي ماما انا بموت باخوي اللي اعطاني لهديه واحكيلو يجيبلي كمان .......وعلى طول بحكي ليزن انه اخوه بيحبو والاشياء الايجابية

طولت بالكتابة بس انتي من هلا ابداي بتهيئه قبل ما يجي ........وصدقيني الاولاد لصغار كتتتير اذكيه

[مسك السنين]

جااااااااارة منووورة


دودو بالنسبة الي لما كنت حامل وحاامك خفيف ههههههههههه ربنا يكملك ع خير

وين بالامارات

كم عمرك

[Heba T]

حبيت اصبح عليكم قبل ما اروح الجامعة

صباح الخير

لكل الموجودين واللي مش موجودين

[~{{ DoDo }}~]

جارة
يسعد صباحك
عنجد افكارك روووووعة رح استفيد منها ان شاء الله
اذا ربنا كتبلي واجاني اكتر من بيبي :)

هبة
الله يسهل عليكي وانشالله يومك يكون حلو

مسك
ههههه الحمدلله شايفة
انا يوم الاتنين الجاي بصير 26
وساكنة في دبي

[احساس أنثى]

صباح الورد صبايا

جاره ودودو ولولو ومسك وهبه

هبوش موفقه بجامعتك ياعسل

دودو والله انبسطت كتييييييييير ^_^

جاره زيدون بشبعو وبغيرلو وبرحلو على حماتي ههههههههههه

مسوكه ياحرام تعاني من قلة النوم والله انا زوزو بكره بخلص الرابع ولسى نومو مخربط ومجنني والله .. بوسيلي اياه سبونج بوب الأصفريكا ..^_^

لولو الالتهابات بتيجي لكل الحوامل لا تخافي عادي والحمد لله انها بسيطه

[احساس أنثى]

بنات ابره الأربع شهور بالكتف ولا بالفخد ؟؟

[جارة القمر]

هلا دودو وهبوش واحساس


تطعيم 4 شهور بالفخذ 2 والفم ......تطعيم زيد بنفس يوم عيد ميلاد زوجي بــ25/12

[~{{ DoDo }}~]

جارة
كل سنة وزوجك سالم يارب
انا قبله بيوم هههههه

[جارة القمر]

دودو

كل سنه وزوجك سالم طيب انت متى ميلادك بالكي يكون قريب مني هههههههههه

[~{{ DoDo }}~]

جارة

هاد عيد ميلادي مش عيد زوجي
ههههه انا اللي 24/12
وزوجي بشهر 7

[جارة القمر]

هههههههههههه كل سنة وانت سالمة يا أأأأمر بس انا مصدمة !!!!!!!!!!!!!!!!!

[~{{ DoDo }}~]

وانتي سالمة ياااارب بس ليش مصدومة
ليكونعيد ميلادك انتي بشهر 7 هههههه ؟

[جارة القمر]

اهااااااااا انا بشهر 7 بــ23/7

[جارة القمر]

طيب باي شهر رح تولدي ؟؟؟؟ اشوف بالكي الاولاد كمان بنفس الوقت

[~{{ DoDo }}~]

ههههههههههه ما احلى الصدفة
انا رح اولد بشهر 6 يعني اخرو d:

[جارة القمر]

هههههههههههههاي
يزن ميلادو بــ17/6/2008
زيد ميلادو بــ16/6/2012

[~{{ DoDo }}~]

ههههههههههههه
ماشاء الله شو هالصدف الحلوة هاي
سبحااااااان الله
الله يخليلك اياهم يارب

[إنبثاقة أمل]

يسعد مساكم

شو أخباركم جميعااا

حلوه الصدف بينكم دودو وجاره :)

ربي يعطيكم الصحه والعافيه

[~{{ DoDo }}~]

انبثاقة اهلا حبيبتي
كيفك اليوم وشو اخبارك ؟

[إنبثاقة أمل]

اهلين ياقلبي

الحمدلله بخير ربي يسعد قلبك

شو أخبارك انت

[~{{ DoDo }}~]

انا تمام الحمدلله
زهقانة هالكم يوم مش عارفة جد ملل
بيعيييييين الله

[حيفا]

مسا الخير صبايا
كيفكم شو اخباركم


انا مرضانه شوي انفلونزا ، ووجع بكل جزء بجسمي بس الحمد لله عايشه هههههههه
ما فحصت حمل وما بدي افحص ، وما باخد ادوية غير مسكنات

مع كل المرض لسا لازم اطبخ ومش عارفه شو بدي اطبخ مخي مقفل
اعطوني طبخه سهله وسريعه ممكن تنعمل من قطع دجاج مربعات ، او من لحمة مفرومة خشنه

[~{{ DoDo }}~]

حيفا
سلامتك حبيبتي
دفي حالك و انشاء الله خير بتعدي
اممم قلبي اللحمة او الدجاج مع بصل ولما يستوي
ضيفيله شو عندك خضار
يعني جزر كوسا بازيلا درة فلفل حلو اللي بدك اياه اكتر من نوع
وقلبيهم وضيفيلهم شوية مي وبهريهم منيح باي نوع بهار بدك اياه
وممكن تحطيلهم معلقة صلصة للنكهة متل ما بدك
واعملي جنبهم رز او ممكن تتاكل بخبز او سانديتشات شو ما بدك
هاي اسهل شي

والف سلامة عليكي ياااارب

[حيفا]

تسلمي حبيبتي والله فكرة الصوص وحدها رز ، سهله وسريعه

كيفك انتي اليوم وكيف الحمل

[إنبثاقة أمل]

سلامتك ياقلبي ماتشوفي شر

ان شاء الله تعدي الانفلونزا ع خير

متل ما حكت دودو مع خضار .. او اذا بدك حوسيهم مع بصله وثومه

واخر شي حطي شرائح فلفل رومي

واعمليهم سندويشات

[~{{ DoDo }}~]

حيفا

حبيبتي صحتين على قلبكم
اه طيبة مع رز مبهر انا بعملها دايما لما ازهق
انا منيحة الحمدلله والحمل منيح
شوي هاليومين معدتي بتوجعني ، بتهون ان شاء الله
عقبال ما نفرحلك حبيبة قلبي