دردشة بنات فلسطين, دردشة حوامل فلسطين, تجمع بنات فلسطين

[حواء مثالية]

يسعد صباحكوووووووووو

انا اليوم كثير متذايقة وزعلانة

[لولو حمادة]

صباح الخير يابنات
جارة انا بدي اسافر على غزة عشان اولد عند اهلي ماعندي حدا في الامارات
حواء ليش مدايقة ربنا يفرجها عليكي
كيفك غموض وين باقي البنات مختفيات

[حواء مثالية]

توصلي بالسلامة يا لولو ان شاء الله ويارب ولادتك تجي سهلة

متذايقة من هالدنيا ومن حماتي عامليتني شغلها الشاغل وانا حملي تعب كثير والي كم يوم تعبانة زيادة وهي عاممليتني شغلتها زهقت يا بنات مش عارفه شو اعمل لا بعرف ارتاح ولا انام ولا حتى اعمل شي ويلي هم الشغل ولا هم البيت ولا هم الحمل وحتى زوجي كل حد علي من جهة وانا كثير مضغوطه مش ملاقيه حد يستوعبني بتعرفوا كيف الحامل بتكون ....... مطلوب مني اكون عادي على طول ممنوع اتعب ممنوع اشكي طيب ياربي والله مش قادرة كثير تعبانة وصرت ملاحظه يوم من الاسبوع الي هو يوم اجازة زوجي كان مبارح بتزيدها علي عشان تعمل مشاكل .... انا وقتي على قدي كل نهاري بالشغل بروح يا دوب ارتب البيت واعمل اكل بلاقي حالي اخر النهار بدي اموت ما في حد حاسس فيا بتضل تحكي لزوجي كنا نحمل ما كان يصير فينا هيك ولا نعمل هيك وهو ماسكلي هالحكي مبارح انخنقت وطلعت الصبح بدون ما اصحي على شغله

الله يصبرني يارب ويشغل حماتي عني ويبعد شرها عني ويهدي زوجي يارب

[leen82]

وانتي بالف خير غموض ان شاء الله ربنا بيكتبلك فيه حسنات وربنا يعطيكي غيرو ويسلك حملك ويجيبلك اياه بالسلامه اهم شي ان شاء الله بس تحملي انك تقرئي سوره يوسف اول تلات شهور لانها بتثبت الجنين ان شاء الله ربنا بيعطيكي
لولو حبييبتي لاتدايئي ولاعلى بالك الحموات هيك ازا مش اكتر اهم شي لاتخليها تأسر على علاقتك بزوجك وربنا يهديها ويبعد شرها عنك ضلك سبحي حسبي الله ونعم الوكيل وسبحي اللهم من ارادنا بسوء فرد كيده الى نحره واشغله في نفسه ربنا ان شاء الله بشغلها عنك وببعدها عنك انا حماتي رايئه وما بتتدخل فيي بالتحديد بس انا بنخنئ من سلفتي من اول حملي سلام الله ما سلمتو عليي هاد غير تأليف الئصص والمصيبه الكبرى انها دارسه شريعه الف خط تحت شريعه حسبي الله ونعم الوكيل ودائما بسبح هاد التسبيح والحمدلله ربنا برفع معنوياتي وببعدها عني ان شاء الله رح ابعتلك دعاء تضلك تقرئي مشان تبعد شرها عنك ويحببها فيكي

[leen82]

اسفه صبايا لخبطت بالاسم حواء مو لولو

[leen82]

حبيبتي حواء كرري هاد الدعاء
اللهم صلي على محمد وآل محمد

يارب عبدك قد ضاقت به الاسباب
وأغلقت دونه الأبواب وبعد عن جادة الصواب وزاد به الهم والغم
والاكتئاب وانقضى عمره ولم يفتح له الى فسيح مناهل الصفو والقربات باب وانت المرجوّ سبحانك
لكشف هذا المصاب يا من اذا دعي اجاب يا سريع الحساب
يا رب الأرباب يا عظيم الجناب يا كريم يا وهّاب
رب لا تحجب دعوتي ولا ترد مسألتي
ولا تدعني بحسرتي ولا تكلني الى حولي وقوّتي وارحم عجزي
فقد ضاق صدري وتاه فكري وتحيّرت في امري وانت العالم سبحانك بسري وجهري
المالك لنفعي وضري القادر على تفريج كربي وتيسير عسري
اللهم احينا في الدنيا مؤمنين طائعين وتوفنا مسلمين تائبين
اللهم ارحم تضرعنا بين يديك وقوّمنا اذا اعوججنا وادعنّا اذا استقمنا
وكن لنا ولا تكن علينا
اللهم نسألك يا غفور يا رحمن يا رحيم
أن تفتح لأدعيتنا ابواب الاجابه يا من اذا سأله المضطر اجاب
يا من يقول للشيء كن فيكون اللهم لا تردنا خائبين وآتنا افضل ما يؤتى عبادك الصالحين
اللهم ولا تصرفنا عن بحر جودك خاسرين ولا ضالين ولا مضلين
واغفر لنا الى يوم الدين برحمتك
يا ارحم الرحمين.

[جارة القمر]

بارك الله فيك لين وجعله في ميزان حسناتك يارب والله يعينك على سلفتك عندي سلفه بفترة الخطبة عملت معي هيك لانها سمعت حكي اني انا بحكي عنها والفضل لحماتي وهدفها انها لما تتزوج ما نكون صاحبات وتتفق عليها بس هلا لتزوجت بدات تفهم كل واحد سبحان الله . حواء قلبي معك والله لاني حاسه فيك وبنفسيتك من ورا هالشي انا بقول أطلبي من زوجك تروحي ترتاحي يومين عند اهلك والله بترتاحي وبترجعي احسن لسا اتوقع لتخلفي الامور بتصير اكتر وان شالله لا يارب *

[احساس أنثى]

مسا الخير صبايا هلا بيكي لولو حتنوري غزة

وقلبي معك ياحواء اصبري الكل بيحكي هالحكي كنا نحمل وماكنا متلكم بعين الله

انا حغيب يومين ياصبايا لأني تعبانة وسخنة كتييييير والله فتت بس اطمنكم عليا

وادعولي والله تعبت كل شهر بمرض ...بس الحمد لله على كل شي

[leen82]

تسلميلي جاره ربنا يهونها ان شاء الله علينا بالنسبه لسلفتي انا غريبه عليهم بتعرفي اهل الخليل ما بغربو بس النصيب جابني عندهم بنات حماي ما بحبوها عملت اكتر من فصل فيهم فبئهروها فيي وانا ضايعه بالنص سرت الائي سوء معامله وانا مو عامله شي هيك مزاجيه ايام بترضى عليكي وايام ما بتطيئك ما بتعرفي شو السبب بعدين اكتشفت ان بنات حماي السبب بالنهايه انا سرت اتجاهلها واعتبرها مو موجوده مع انو ياخساره السلفات لازم يكونو خوات مو هيك بس شو بدنا نعمل بالنفوس المريضه والنفوس المريضه الواحد يتجنبها احسن ربنا يهونها
كيف امورك جاره وكيف الحمل اليوم معك بكرا انا رايحه عند اهلي ويمكن ارجع اخر خميس او سبت حسب العجئه عندهم واحتمال اراجع الدكتوره اختي حكت معي بتئلي حلمت فيكي لابسه فستان عرس ابيض ربنا يجيب يلي فيه الخير

[leen82]

سلامات احساس انثى وان شاء الله بترجعيلنا بالسلامه دفي حالك منيح ربنا يحميكي

[عسولة فلسطين]

يسعد مسااااااااااااكم صبايا
كيفكم اليوم؟؟
لين العمر كله يااااااااااااب لمالك وربنا يخليكم لبعض ويقومك بالسلامة ان شاء الله
لولو بتنوري غزة كلهااااااااااا والله والله يقومك بالسلامة يارب
احسااااااااااس الف سلامة عليكِ حبيبتي وترجعي بالسلامة يارب
حوااااااااااااااء قولي يااااارب يعني هاي ابتلاءات من الله المهم علاقتك بزوجك تكون منيحة الله يهديها ويبعد شرها عنك ويسخرلك زوجك يااارب
ويييييييييين غمووووووووووووووووض وسمااااااااااااااا عنجد يا بنات طمنونا عليكم ؟؟؟

[جارة القمر]

لين الافضل الأحلام السيئه ما تتفسر والأحلام الجيدة تقال للأشخاص الثقة وفي نص حديث بهاد الشي لكن مش حاضرلي هلا انت اهلك بالأردن كمان إحساس سلامتك الف سلامة الله يحميك

[leen82]

تسلميلي عسوله كلك زوء
اهلي بالاردن جاره بس انا بمحافظه وهم بمحافظه تانيه للاسف :((

[حواء مثالية]

صباحكم فل بنات كيفكم شو اخباركم

وكيف حملكم

انا الحمدلله بخير واهون من مبارح

[نبض قلب]

كيفكم صبايا غزة و كيف حملكم وكيف جميع البنات

حبيت اصبح عليكم اليوم الشمس طالعة بعد يومين مطر

[حواء مثالية]

هلا كيفك نبض

[بنت الضفتين]

كيفيو صبايا
الله يعينك ياحواء على حماتك أنا شايفة أنو تسمع كلامها بكون افضل وبتريحى راسك وبعدين مافيها شى لو ساعدتيها مرة بالاسبوع بتكسبى ثواب والله بباركلك فى البيبى الى جاى وبعدين كماتدين تدان بكرة ابنك لما يتزوج راح كنتك تعمل فيك نفس الشى
الله يعوضك ياغموض على البيبى الى راح بس لازم تعرفى شو سبب الاجهاض عشان لو صار حمل تتفادى حدوث الاجهاض
وبعدين لازم تتعالجى عشان الحمل ماتسكتى على حالك وهلا عمرك صغير لأنو المراة كل ما زادت فى العمر قلت فرص التبويض عندها وبالتالى قلت فرص الحمل وكلام الناس مابيرحم وموضوع الحمل بالذات مابتاجل مابترعفى شو راح يصير بكرة وومكن الدكتورة يعطيكى منشطات ويصير حمل ازا الله راد

[جارة القمر]

السلام عليكم:
ان شالله على طول حواء هداوة البال يارب .... ايام وبتعدي

لين يلا توصلي لاهلك بالسلامة ان شالله

سما ابصر وين غاطسه ...........
اشتقتلها........

بنت الضفتين هلا فيك

[بنت الضفتين]

اهلا فيكى جارة

[حواء مثالية]

يسعد اوقاتكم صبايا منورات

بنت الضفتين المشكله مش اني اساعدها اولا انا مو مقصره معها هي مخليتني شغلها الشاغل هيك بدون سبب بتدور على نهفات ومشاكل من ولا شي والله بكون انا وزوجي ما شاء الله علينا قاعدين ونضحك ما بعرف كيف المشكله بتصير وقت تفوت

الله يهديها يارب ويكتبلي ما اقصر بحق زوجي واهله انا من هالناحية لو كل العالم يسالوها تحكي كنتي ما شاء الله عليها ما تاركه شي تلومني علي صدقيني

الله شايف كلشي

صبايا هاتو شي نحكي في

[maya123]

صبايا كيفكم اليوم؟

انا من امبارح حاسة حالي كتير تعبانة ومو قادرة اعمل شي وهيني من الصبح بالتخت لسا هاد شي طبيعي بالحمل؟

[جارة القمر]

مساء الخير جميعا مايا طبعا طبيعي ..........الحامل بتتعب من ولا شي
\

وينكم بنات تعو نحكي شو............

[leen82]

سلامات مايا بأول الحمل طبيعي تتعبي ريحي حالك وربنا يهونها عليكي
كيفك جاره نحن هنا ههههههه

[بنت الضفتين]

انا اسفة جارة فكرت الحق عليكى مو على حماتك بدك تصبرى شو بدك تعملى انا حماتى لما عرفت بخبر حملى انجنت عشان صارلى سنوات مافى حمل وكانت مقررة انو تزوج زوجى وبطلت تحكى مع زوجى حكتلو مابدى منها اولاد وكيف بتعالجها للحمل مابيعجبها زوجى يصرف عليا سواء مرضت او أى شى بتحكيلو قاعد بتصرف عليها وبما اانو ماعنا بيت فكنا ببيت العيلة فكانت تخلى زوجى ينام فى غرفة وأنا بغرفة كأنو بنعمل شى حرام استغفر الله العظيم شو بدى اعمل حسبى الله ونعم الوكيل ولسة مصرة انها تجوزو

[غُمُوض أُنثَى]

الله يعوضك ياغموض على البيبى الى راح بس لازم تعرفى شو سبب الاجهاض عشان لو صار حمل تتفادى حدوث الاجهاض
وبعدين لازم تتعالجى عشان الحمل ماتسكتى على حالك وهلا عمرك صغير لأنو المراة كل ما زادت فى العمر قلت فرص التبويض عندها وبالتالى قلت فرص الحمل وكلام الناس مابيرحم وموضوع الحمل بالذات مابتاجل مابترعفى شو راح يصير بكرة وومكن الدكتورة يعطيكى منشطات ويصير حمل ازا الله راد

هلا حبيبتي .. سبب الاجهآض كآن تلقاآئي الدكتورة حكتلي انه غآلبآ اول حمل الرحم ما بيكون متقبله او متجهز اله عشآن هيك نزل .. الرحم ماكان مهيئ للحمل
مافي سبب خطير لآسمح الله وكمان انا زوجي دكتور وفي حملي كان معايا كل خطوة بخطوتها وكنت اخد مثبتات وراحة تامة بس خلص نصيب
بعدين انا لسآ ما الي 6 شهور متزوجة وحآليآ بعد الاجهاض احنا الي مابدنا حمل غير لما نرجع ع بلدنا يعني لما نستقر زوجي هيك بدو .. يعني الحمدلله ما في شي بيخوف :)) انا حملت عطول بعد ماتزوجت وماكتب ربنا انه يتم ان شاء الله لما ربنا يريد واحنا نكون مستعدين بيتم الحمل وبيكمل ع خير

[leen82]

بعينك الله يا بنت الضفه على حماتك وربنا يسترها معك اللهم انا نجعلك في نحورهم ونعوذ بك من شرورهم ربنا يحميكي ويبعد كيدها عنك

[غُمُوض أُنثَى]

كيفكو بنآت شو الاخبآر :))

الشتآ عآمل كسل مش طبيعي انا بصحى عال6 المغرب ياجماعة بدي حل خخخ
مايا .. اول الحمل شي طبيعي تتعبي انا كنت ما افارق السرير بالمرة 24 ساعة
كيفكم صبآيآ وكيف الحمل معكم

[لولو حمادة]

صباح الخير ياصبايا كيفكم
الله يعينكم ياصبايا على حمواتكم
اهلين بنت الضفتين عرفينا على حالك ومن اين منطقة
سلامتك احساس انتبهي لحالك السخونة مش كويسة للحامل
كيفك جارة شو اخبارك
حواء كيفك وكيف الوحم معك
غموض كيف حالك
سما وعسولة مختفيات
لين كويس انو اهلك عندك في الاردن قراب منك

[عبير الخطيب]

بنات لا تحكوا عن الحموات الله يخليكم ... شو ما كانوا ابداً مو متل حماتي

انا حملت أول ما اتجوزت وسقطت بعد اربعين يوم ولما عرفت حماتي صارت تحكي علي اني حملت بسرعه عشان جوزي يضل معي ويلزق فيي و والله ما كان بنيتي اي شي لانه هيك صار بدون قصد

وبعد شهر رجعت حملت وجبت بنتي الله يحميها
و ولدت بنتي في 27/6/2011 يعني هلأ عمرها سبع شهور وبرضه حكتلي هيك اتطمنتي رح يضل جنبك

بتحكي هالحكي لانه جوزي كان عايش بأمريكا 25 سنه وكان متجوز امريكيه وجاب منها بنتين وطلق من عشر سنين

انا مو غبيه اني اخلف عشان اعلقه فيي . هي الامريكيه جابت تنتين وبرضه ما ضل معها

واكتشفت اني حامل بشهر 11 ( نوفمبر ) اصرت اني انزل الحمل
واقنعت جوزي بهالموضوع انو ما بصير حملت هلأ واني لازم انزله

وتخيلووووووووووووووو حكت لجوزي مرتك كانت مسافره ؟؟؟؟؟؟؟؟؟؟؟؟ قصدها استغفر الله

اي صح اجتني الدوره في 15/10 و سافرت في 18 ورجعت بتاريخ 22/10 فكيف ؟؟؟

حكيت لجوزي موافقه بس على شرط نسأل رجل دين بهالموضوع ( الفتاوي ) وحكيت في بالي انو الشيخ اكيد رح يقول حرام

عرفت حماتي من جوزي انا رايحين عند الشيخ لنسأله انجنت وقلبت الدنيا وصارت تدعي علينا تنقلب فينا السياره وييييييييييييييييييي

واحنا بالطريق جوزي رجعله عقله وقف السياره ورجعنا على البيت
وقلي اللي في بطنك مني مو حرام اعوذ بالله
هو اهم من الدنيا كلها

وكانت كلمات مؤقته لانه تاني يوم بس رجع لعند امه فهمته انو مو وقته انو على شو مستعجلين ولا حقين على الولاد
مع انو جوزي مو صغير عمره 43
بس هلأ الحمد لله اقتنع جوزي وخصوصاً كل اللي بشوفني بقول فيي ولد وهو نفسه بولد
والحمد لله من يومها ما دخلت بيت حماتي

بس ما فيي احكي الا حسبي الله ونعم الوكيل بكل ظالم

[حواء مثالية]

صباحكم عسل بنات

عبير الله يكون بعونك كيف تحملتي هيك وضع ما الك فيها عامليها رسمي اصلا عيب عليها تحكي بقصة شرف ونسب اولاد ابنها بعدين الله يهديكي انتي انتبهي لزوجك وريحي وكل ما تحكيله امه شي هو بشوف العكس انا صح حماتي مغلبيتني بس زوجي 99% معي وبعرف انها امه هيك وحكالي بعد ما تزوجت صايرة تغار وصايرة حساسة زيادة لهيك سايريها .......

الله يكون بعونا انا عارفه عنهم هيهم عاشو حياتهم يخلونا نعيش ويتركونا بحالنا
اقلك نهقة مبارح صارت ضليت اضحك انا بس من جوا انقهرت انا صارلي فترة مع الحمل بكسل اعمل اشي ما عدت اهتميت بحالي مثل اول يعني بكون عادي باواعي البيت وما بحط ميك اب وهيك امور هلا مبارح شفت حالي مصحصة لما روحت من الشغل قلت والله الا افاجيء زوجي رحت غيرت كلشي فيا حطيت ميك اب اوفر يعني طلعت من الاخر هي وقت يروح زوجي من الشغل بتكون مفضية حالها عشان ما اعرف استقبله وعشان ما يبوسني وهو فايت شوفي لوين هي اجت مبارح قبله ... لما شافتني هيك بتقلي شو شكله عندكم مناسبة قلتلها لا .... مو ضروري يكون في مناسبة عشان اكون هيك ..... من هون بلشت المشكله حكتلي بدل ما تحكيلي من زوءك وخليكي عندنا ومش عارفه اش وانا كل الي عملته حطيت ميك اب وغيرت الوك تاعي .... فكيف بالمناسبات ...... حماتي بتغار بتعرفي شو بتقلي وزوجي ابنها ..بتحكي نفسي يكون زوجي مثل زوجك شوفو لوين بتتمنى واحد مثل ابنها الها

[عبير الخطيب]

طيب بتعرفي انو حماتي بس تعرف انا كنا طالعين انا وجوزي ومبسوطين بتنكد لنمر عليها وتشوفه وبتكون عيونها منفخه من كتر ما بكيت وبس يسألها جوزي شو مالك بتعقد تقولو ما انت ما مريت علي اليوم ومن الصبح طالعين ومبسوطين وما قولتولي حتى تعالي معنا انبسطي.

بالله عليكي كيف بدي اقولها تعالي وهيه قاعده جنب جوزها وجوزها عنده جلطه واذا اخدتها مين بدو يقعد معو
وبعدين صحيح انا جوزي الكبير بس في خمس شباب غيرو

وبيني وبينك جوزي ما بسترجي يقولها تعالي معنا
جوزي شغله يا دوب يدفع اجار البيت ويجيب اكل البيت واغراض البنت
والطلعات كلها مني

[بنت الضفتين]

اهلين لولو
انا فلسطينية من غزة مغتربة حامل بالشهر الرابع عندى غازات ببطنى وبطلع ريح كتير الله يعزك مابعرف ازا هاد الشى بياثر على البيبى او لا وكمان ماحسيت بحركة البيبى الى اسبوع وبخلص الرابع ولسة مااعرفنا صبى او بنت

[عبير الخطيب]

بنت الضفتين طبيعي انا كمان نفس الموضوع بصير معي وراجعت الطبيب وقلي عادي
. وانا بالرابع ولسه ما حسيت بحركه بس بحس زي حكه من جوه بطني

[بنت الضفتين]

اهلين عبير
جزاكى الله خيرا وبين معك صبى او بنت؟

[عبير الخطيب]

لا والله هون عنا ما في تطور كتير المستشفيات اللي بروح عليها
اذا بدي اعرف هلأ لازم ادفع كتير
فلهيك لسه معنا وقت . بعدين انا كل 15 الشهر بدخل بشهري وما الي زمان داخله بالرابع

[غُمُوض أُنثَى]

يسعد صَبآحِك حوآء وكل الصبآيآ عبير وبنت الضفتين والجميع

حوآء بتعرفي بجد ضحكتيني ع حمآتك يعني مو لهالدرجة بجد ههههه
كل ما بقرآ مواقف حمآوآتكو بحكي انا في نعمة ^^

انا بس حمآتي حرآم بتحبني كتير بس برضو بحسهآ احيآنآ بتغآر لما كنت عندهم
يعني بحس لما نكون مبسوطين انا وزوجي الا ماتنكس شي موضوع ولو بالغلط عشآن يصير زعل بينا ..
انا عارفة يختي خلص هيك الحمآوآت بيغآرو وبطلعلهم بصرآحة لانه احنا بكرا رح نصير متلهم ..

منيح اني سافرت وبعدت عن الكل لانه بجد التدخل بيجيب مشآكل
اول ماتزوجنا قعدنا شهر في شقة مفروشة وكنا اخر انبسآط
بعدين قعدنا شهر رمضان كله في بيت عمتي يعني حماتي كنا مبسوطين بس لآحظت انه كانت تصير نكشات بينا احيآنآ والسبب حمآتي
هلأ احنا منعزلين عن الدنيا وآآآآآآآآخر حلآآآآوة الحمدلله

حاولي طنشي حمآتك بتزهق بالاخر
بتعرفي مع انه انا شخصيتي قوية وما بسكت لحد بس كرمآل زوجي كنت مآ ارد ولا احكي شي وبعرف بالاخر انها عمتي وبتحبني وبتتمنالي الخير بس خدوهم ع قد عقلهم وخلص

ونهاركم سعيد يآ صبآيا شو ناويين تطبخو اليوم

[حواء مثالية]

بعين الله يا بنااااااااااااااااات شي وانكتب علينا الله يرزقنا برهم يارب ودايما نكون مظلومين مو ظالمين

انا اليوم مش عارفه شو اعمل اكل بس على الاغلب معكرونة

بجد سما ابصر مالها بناااااااااااات اقرب حد لرام الله جارة القمر اوصلي اسالي عنها

[بنت الضفتين]

انا اليوم اعملت غدا فتة

[حواء مثالية]

صحتين وهنا

[احساس أنثى]

مساكم فل صبايا ماشاء الله عليكم ساير تفاعل كتيييييييييير من بعدي
اليوم صحصحت واجيتكم ..

اهلا وسهلا بالصبايا الجدد جد منورين باين عليكم اجتماعياااااات

بس عندي غسسيل كتييييييير عشان تعبت اسبوع تركتوا وتكوم عليا

ولسى والله جسمي مكسر مكسلة اغسل هههه..وبالاخر على راسي حتعب

[لولو حمادة]

اهلين فيكم صبايا منورين
صحتين حوء على المعكرونة
بنت الضفتين صحتين على الفتة الاعراض اللي بتسير معك عادي في الحمل بتسير
هدا اول حمل الك كم عمرك وين عايشة
غلبتك فضولية انا من غزة وعايشة في الامارات عمري 26 وهدا ثاني حمل ربنا يتمملي على خير ويتمم لكل البنات
الله يعينكم يابنات على الحموات عبير ربنا معك شو هدا
الحمد لله انو انا في بلد وحماتي في بلد

[لولو حمادة]

كيفك جارة واحساس اساعدك في الغسيل
عسولة وسما وينكم غموض كيفك

[حواء مثالية]

هلا لولو هلا جارة منورات ياقلبي

ممممممممممممممممممم

[احساس أنثى]

لا يالولو ياوردي عليا تساعديني وانتي بطنك طولك ههههه هيك بقولوا عنا عن الحامل

ههههههه يسعد مساكم

[leen82]

الله يكون بعونكم صبايا على حمواتكم انا بحمد ربنا حماتي عجبت على سلفتي ابل بس هلا ما بتحكي معي تلت التلاته كم مو لاني اويه وا بخليلها ولا حتى زوجي اوي ما بسكتلها بس انا فارضه احترامي عليها وبصراحه بشفئ عليها وبحب اساعدها وبحاول أد ما أئدر أئدملها الخير وكلو لله مو لشي تاني ولا بستنا شكرا منها حماتي عملت عمليه وانا يلي امت فيها ما كان عندها خدامه والله خدمتها بعيوني والحمدلله هي قدرت هالشي كلو وانا عندها اغلى من بناتها يمكن لاني بأول ما تزوجت ما كنت ساكنه عندها ولا اريبه منها ومع هيك بتتمنى اني اكون أريبه منها انا عندي ولد عمرو 5 سنين وبتترجاني من سنه اني اخلف واجيب ونحنا يلي مأجلين لحتى ما حملت وما سدئت وطار عئلها وكل فتره بتعزمني عالغدا عندها وبتحكيلي الخطيه برأبتك ازا بيجي على بالك شي وما بتطلبيه مني وكل فتره بتبعت خدامتها عندي عالبيت تعزل البيت وتنظفو الحمدلله على كل شي وانا والله جوزي كل ما يطلع من البيت بوصيه ياخدلهم فواكه بحكيلو شوف شو في نوع فواكهه اهلك ما أكلو خدلهم والحمدلله هو مقدر واهلو مقدرين
وبالنسبه للاساءه بتسير من بنات حماي مرات بس عمري ما علئت راسي لوحده ولا تخانئت مع وحده حتى لو غلطت عليي وسمعتها بداني بطنش وهم بحكو ما في زي لين ازا غلطنا عليها وطلبنا منها شي والله بتخدمنا بعيونها فعلا عرفتنا شو ئيمتنا
انا مشكلتي مو ببيت حماي انا مشكلتي بسلفاتي بس غيره وحقد الله يبعد شرهم عني وأهلي بعاد عني اهل بخلدا وانا بالكرك هاي كتير بتتعبني نفسيا اد ما تكون حماتك منيحه مو زي أمك بدي ربنا ارحل وارجع لعمان المشكله زوجي طبيب تعين بالصحه ربنا يجيبلنا الخير
اسفه صبايا طولت عليكم يلي بتشكي من الغازات هاد من القولون البيبي عندك عالشمال زيي وانا بأول حملي كان عندي غازات بس هلا لا لاني عم بنئع يانسون مطحون وشومر مطحون بالليل وبالصبح بشربها عالريئ بترتاحي كتير استمري عليها وربنا يتمملكم على خير صبايا

[سما الدنيا]

مساكم سعيد يا كروشات وكل البنات شو اخباركم ....كيف الحمل معكم اشتقنا والله...هلاء الحمد لله صارلي تلت ايام بالثامن يا رب هونها عليه وعلى الجميع.....

[جارة القمر]

وينك انت يا ست سما ؟ هيك بتخوفينا عليك كانت حوااء بدها أطلعني على رام الله ادور عليك !!!!!!!يلا اعترف وين كاينه

[سما الدنيا]

هههههههههههههههههههههه,,,هلا جاره منوره حبيبتي والله انا من عند بيت حماي بحكي سهرانه عندهم ...شو عامله انتي وكيف الحمل معاكي وكيف شغلك....يلا لازمنا طلعه عرام الله نشتري اغارض للبيبي ....للي ببالها تطلع تنسق معي والعزيمه عحسابي

[جارة القمر]

عبير الله يعينك على حماتك .انت هلا وبن موجودة ومن أصلكم اهم شي انت وزوج واولادك*

[جارة القمر]

سما يقبرني الكريم انا ان شالله ليش لا بس الجو مش مساعد

[سما الدنيا]

بتعرفي يا جاره مع اني بالثامن بس بطني اصغيره دكتورتي لما شافتني قبل اسبوع بتحكيلي بطنك زغنونه بس الحمد لله وزنو البيب منيح...ولحد هلاء الحمد لله ما صار معي تشققات ببطني ولاكلف يا رب ما يطلع كلف ولاشي ...اختي فاتت بالتاسع بدها اتجيب بنتوته حلوه...وانا بعديها يا رب اتسهل ولادتنا ..شو صبايا شو حكولكم عن جنس البيبي حواء واحساس وجاره شو بين معكم...

[سما الدنيا]

لساتكم هوون

[سما الدنيا]

بدي اروح بكره بشوفكم يا حلوات ضهري صار يوجعني

[لولو حمادة]

واخيرا بينتي ياسما شتقنالك كثير وين مختفية
ربنا يسهل ولادتك يارب
جارة سهرانة اليوم منورة

[حواء مثالية]

صباحكم فل كيفكم

هلا سما خير وبركة اتطمنا عليكي دايما طلي يا بنت الله يكملك على خير يارب

انا اول تنين بعرف بنت ولا ولد

جارة بين معها ولد

احساس بدها كمان شوي لسه يمكن الزيارة الي بعدها يبان معها

[عسولة فلسطين]

صباااااااااااااااااااحكم فل يارب
كيفكم يا بنات
اول شي الله يعينكم ع حماواتكم
الحمدلله حماتي كتير منيحة معي
واخييييييييييييييييرا يا سما بينتي هههه الله يتمملك على خير ياااااااااااااارب ويقومك بالسلامة
كيفك حواء ؟
وباقي الصبايا

[احساس أنثى]

صباح الفل ياصبايا

كيف اموركم اليوم ان شاء الله تكونوا بتمام الصحة والعافية يارب

أنا لسى سارلي اسبوعين بالتالت يعني لسى مابين معي ولد ولا بنت

[حواء مثالية]

مممممممممممم منورات صبايا انا اليوم جوعانه كثير بس مش جاي عبالي ولا شي مش عارفه شو اوكل مممممممممممممممممممم

بدي اطبخ جاج بلبن مع رز تفضلوووووووووووو

[maya123]

صحتين والله زاكي الجاج باللبن انا بدي اطبخ ملوخية مع جاج ورز اتفضلو صبايا

[maya123]

صبايا في 1 فبراير رايحة اشوف نبض البيبي ادعولي

[teya]

كيفكم صبايا شو اخباركم اشتقتلكم كتير بدي اسالكم انا هلا بالشهر السادس كمان اسبوعين بدخل بالسابع عندي التهابات واحيانا بترتفع درجه حراتري فجاه بشعر انو وجهي نار ودقات قلبي بحس فيها سريعه مين بسير معها هيك وهل هاد الاشي خطير وباثر عالبيبي شو رأيكم ياريت اتفيدوني صارت معي هاشغله اكتر من مره بروح بغسل وجهي برتاح شوي شو السبب طمنوني يارب خير انا فيي بنوته ويارب تيجي على هالدنيا عى خير يااااااااااااااااارب

[حواء مثالية]

اتصلي بالدكتور تاعك واسالي ان شاء الله يطمنك وطمنينا حبيبتي ما تستني عشان حراتك الحرارة مش كويسة

[لولو حمادة]

مرحبا في حدا موجود

[احساس أنثى]

صباحكم فل ياصبايا

وجمعة مباركة على الجميع

حبيبتي تيا الالتهابات حتغلبك في الولادة أنا هيك بعرف لهيك حاولي تخففي الموالح واشربي مية

وربي يطمن بالك

كيفكم صبايا اليوم الجمعة شو طابخيييييييييييين ؟؟

احنا عاملين مندي ...

[leen82]

مرحبا كيفكم صبايا جمعه مباركه عليكم اجمعين
مبارح رحت عالدكتوره وطمنتي عالبيبي انو كتير منيح بس ما بين معها نوع الجنين اول شي شافت تلت خطوط ألتلي احتمال بنت بعدين التلي في تلت خطوط واشي نافر يعني احتمال ولد :((( ألتلي عال 16 اسبوع بكون اوضح وبأكدلك في حد صار معو هيك يا ريت تحكيلي تجربتها
انا من اول حملي وانا مستعجله اعرف نوع الجنين ومو ابل يبين سبحان الله ههههههههه يلا الحمدلله على كل شي ويلي ربنا كاتبه بسير انا هلا بالرابع وبكير عالتجهيز مع اني مستعجله اجهز للبيبي

[جارة القمر]

مساء الخيـــــــــــــــــــــــــــر


كيفكم........................... مين موجود !!!!!!!!!!!!!!!!


سما انا بين معي ولد ومش عاجبني ولا اسم ما بحب اسماء الاولاد اسماء البنات احلى

تيا .........سلامتك حبيبتي اسالي دكتورك او حتى دكتور العائله مو شرط نسائي


حوائتي .........كيفك ياعسل وكيف نفسيتك اليوم ..........صحيح انا بسمع انه ليصير للوحده سلفه بتخف الحماه عن الكنه الاولى لانها بتتوزع قوتها على التنتين هههههههههه انت زوجك لكبير بين اخوته .؟
وصدقيني مستعجله اعرف انت شو معك بنوته او ولد ......... ويارب يكون ولد عشان انكون متل بعض ........... وكمان احساس


لين.......... صدقيني ما بعرف بس بسمع ازا ما بان الجنين بالشهر الرابع بيكون الاغلب بنت بس هاد الحكي بحسه مو مزبوط ..........انت شو حابه؟؟؟

[saly.me.91]

ادخلوووو وشاركونا
http://forum.hwaml.com/t93687.html#post1890714

[leen82]

تسلمي جاره انا حابه بنت وحاسه انو بنت بابني باخر التالت بين انو ولد وكان واضح انو ولد الله كريم ويلي يبعتو ربنا كتير منيح سواءا ولد او بنت المهم الصحه والعافيه

[leen82]

تيا حبيبتي الف سلامه عليكي ديري بالك بنت حماي صار معها نفس الشي بالسابع وكان ضغطها مرتفع تابعي ضغطك وانتبهي لاكلك وحاولي تبعدي عن الموالح والمخللات وضروري تراجعي طبيب واتنبهي لصحتك والف سلامه عليكي طمنينا

[teya]

كيفكم صبايا ان اكتير منيحه الحمدلله رحت على الدكتوره وحكتلي كل اشي تمام الحمدلله كيفكم انتو الله يبعتلكم اهنا يارب
بنات بدي احكيلك قبل اشوي ما فقدت الغاز الا هو مفتوح وريحه قويه بالبيت شميت اريحه ادايقت منها كتير ويبدو انو الغاز من زمان مفتوح بس فقدتو سكرتو على طول ووقفت بالهوا يا ترى باثر هاد عالبيبي انا كتير خايقه عقلي صار يودي ويجيب بحكي لزوجي معقول لا سمح الله صار شي للبيبي شو رأيكم بنات طمنوني ؟؟؟؟

[حواء مثالية]

سلام عليكم بنات كيفكم شو اخباركم

انا الجمعة اعطيتها اوف طلعت جوزي على الشغل ورتبت البيت ونمت للساعة اربعة حماتي ما خلت لاتلفون ولا باب وهي ترن وانا مطنشة بناتها اجو عندها مبارح عشان هيك اصحيت على 4 زبطت اموري ورحت عندها بتقلي خلعت الباب وانا ادق لي ما رديتي قلتلها حاطة سماعات الهتفون على قران ما سمعت شي وكنت نايمة عشان هيك بس بجد كنت تعبانة ومبارح الحمدلله ريحت عن اسبوع قدام .......

ياقلبي يا جارة انا هلا الحمدلله احسن بكثير قعدت مع زوجي قعدة مرتبة فشيتله قلبي والحمدلله سمعني وانصفني واعتذرلي على الاوقات الي ذايقني فيها وحكالي انه ما انتبه هي حماتي الها تاثير كبير وقت تكون موجودة بتسلب العقل ........ الاسبوع الجاي ان شاء الله بعرف ولد ولا بنت جارة بين بطنك ولا بعده انا بعدني ولا شي ولا كاني حامل بس بحس بحركته من اخر التالث وانا احس في حكتلي امي طبيعي بالخامس او بعده ببان بطنك مره وحده ... بس في ستات غير عطول ببان انهم حوامل ..... ومبارح كمان غيرت بديكور البيت والحمدلله اليوم انا كثير منيحه الله يديم علينا راحة البال .. قررت اطنش حماتي شو ما تحكي راح احكيلها اه وبالاخر اعمل الي بدي اياه انا هيك اتفقت انا وزوجي ووعدني ما يخلي حد يتدخل بحياتنا ......... الله يهدي بالنا وبال الجميع يارب

[احساس أنثى]

الله يهدي بالك ياحواء يارب ويطمنك على البيبي

وأقول مسا الورد للجميع

أنا كمان غيرت غرفتي عشان اعمل وسع وأجيب السرير الصراحة ستعجلة بعرف انه بدري عليه

[حواء مثالية]

هلا احساس منورة انا كمان نفسي اشتري كلشي بس بحكي لسه بكير وقت اصير بالشهر السادس ان شاء الله بس هلا شو ما اشوف شي حلو وصغير بشتري برضوا ههههههههههههههه وقت اعرف جنس الجنين كمان ببلش اخد شوي شوي الله يكمللنا على خير يارب ويفرحنا بشوفتهم ويسهل ولادتهم وتربيتهم يارب

[جارة القمر]

هلا وغلا .............بنات

حواء اللي عملتي مع زوجك ممتاز اما بالنسبه لحماتك الاختصار انتصار والله مو على شي بس
مرات الواحد ما بلاقي حل الا هيك

انا من يوم عزا سيد زوجي ويوم ما شكت حماتي عني لزوجي بدون اي اسباب تذكر واجى زوجي معصب لدرجه انه صيح وطلع صوته وانا مش فاهم شي وطلعو اهله على صوته ووصارو يقولوا مش وقت يطلع صوتك نحن عنا عزا كنت بقلبي اقول مدام حماتي عارفه انه مش وقت زوجي يطلع صوته كان قالت لنفسها هاد الحكي انه مش وقته تشكيني الو وتسوي مشكله
والله لحد اليوم مو قادرة احكي معها لانه ظلم وزور اللي انحكى على العلم كانت علاقتنا خفيفة من المصايب اللي عملتليها ومع هيك ما خلصت وقلت لزوجي بيني وبينها شعره وهي قطعتها

بس الحمد لله ما بخلي شي ياثر علي وعلى بيتي وزوجي بعد ما هدي تفهم الوضع مشكلة زوجي بيعصب بسرعه ولما يهدا بيراجه نفسه وبيعتذر

ما شاء الله والله مرت اخوي وامي ولا كانهم كنه وحماه ما شالله وهي متزوجه بنفس فترة زواجي ولا مره امي شكت عنها ولا مره هي شكت عن امي .............

[حواء مثالية]

بعين الله جارة بتهووووووووووووووووووووووووووووون

[احساس أنثى]

بعين الله جارة بيجي يوم وبيعرفوا قيمتك ... وكلي امرك لله وماعليكي منها

برجع الواحد بقول ستات كبار فاضيين ..

[جارة القمر]

في حد هووووون....

[leen82]

بعين الله جاره الله يهونها علينا ويهدينا حمواتنا امين يارب العالمين

[عسولة فلسطين]

مسا الخير بنات
يسعدك يا حواااء حسنشي بتعمليه
وبيعين ربك يا جارة
احساااااااااااااس لك وحشة والله ههههههههههه بس تجيبي السرير نزلي صورته نشوفه ومبروك مقدما
وين سما وغموووووووووض ولولو يمكن صارت بغزة؟؟؟
اهلين لين

[لولو حمادة]

مرحبا صبايا كيفك عسولة لسا ماسفرت
ادعيلي اوصل بسلامة مابحب السفر

[غُمُوض أُنثَى]

كيفكم بنآت شو الآخبآر .. اشتئتلكم ~

لولو ان شاء الله توصلي بالسلآمة . رح تسآفري لوحدك والآ زوجك معك؟
حوآء زين مآ عملتي وان شاء الله تضلك مرتاحة البآل دوووووم يآ حِلوة

عسولة كيفك شو الآخبآر .. طمنيني عنك شو جديدك ^^
جآرة الله يعينك ع حمآتك يلآ بعين الله اتحملي يآ شطورة

سمآ كيفهآ ان شآء الله منيحة ..؟
تيآ ولين منورآت كيفكو

موفقين بنآت

[حواء مثالية]

صباح الخير يا حلوووووووووووووووووووووووووووات مممم كثير مشتاقلكم وكثير منيحة انا اليوم الحمدلله فيكوووووووووو تحكو اني مبسوطة

اليوم عندي عزيمة لاخت زوجي مفكرة اعمل كبسة

[عبير الخطيب]

يسعد صباحكم يا رب

حواء الله يبسطك كمان وكمان يا رب ويبسط كل الموجودين

ادعولي انا اليوم رايحه أفحص ونفسي اعرف شو البيبي , انا دخلت الرابع من تاريخ 15 وانشالله يبين

[حواء مثالية]

هلا عبير ان شاء الله ربنا بعطيكي شو بتتمني

وخبرينا شو بصير معك حبيبتي

[جارة القمر]

مرحبااااااااااااااااااااا

حواء كيف عندك عزيمه وانت بتشتغلي يعني بتلحقي تحضري والله تعب عليك
لو عملتيها بيوم عطله ..

عبير ان شالله بيبان وينولك اللي ببالك


لولو توصل بالسلامة متى مسافره؟

[حواء مثالية]

شو بدي اعمل ما بتجي علينا يوم عطلتي برنامجها فل تقريبا مجهزة كلشي بساعة بخلص ان شاء الله شو بدي اعمل بعين الله

[جارة القمر]

الله يعينك ...........
انت دوامك بنفس المنطقة ولا في مسافه ؟؟؟

[حواء مثالية]

قريب على بيتي ربع ساعة من البيت للشغل

[maya123]

صباح الخير صبايا
عندي استفسار وحابة تساعدوني بما انكو اخبر مني

مرات لما افوت الحمام بكون على ملابسي الداخلية افرازات بنية فاتحة جدا وقليلة جدا مو دايما يعني هيك مرة او مرتين بالاسبوع هل هاد شي عادي بالحمل؟

[جارة القمر]

اها ممتاز ..............والله انا مسافة ...........بتوصل لمدة ساعه الا ربع
والازمة ................

بكره الصحيه بدري 6:00.........وخاصة لما احملت ..........اي ساعه بتصحي؟

[حواء مثالية]

انا دوامي 8.5 بصحى 7.5 دوامي مريح بس كمان والله تعبانه قولتك صحية الصبح كثير صعبة ما مصدقة ويجي شهر خمسة عشان اترك وارتاح بعدها وقت ما يجيني بالتربية بشتغل

مايا ما عندي فكرة ان شاء الله البنات يفيدوكي انا ما صار معي شي مثل هيك

[جارة القمر]

ليش بشهر5 بينتهي العقد؟؟؟؟؟؟؟؟؟
مع انه قعدت البيت احيانا بدمر ..........
لكن لما يكون عندك بيبي الامور اهون بتشغلي حالك فيه انا الحمد لله ابني ما تركته الا فتره صغير وهي فصل بالجامعة يومين بالاسبوع وكان عمره شهرين ومده قليله غيابي عنه
وبعدها لصار عمره سنتين ونص برضوا فتره بسيطه اما هلا الغياب

[احساس أنثى]

والله يامايا انا كمان ماقدرت افيدك ماحصلت معي

هيني ياجارة طول النهار بالبيت ههههه تعودنا انتو عشان تعودتوا على الشغل صعبة عليكم

[جارة القمر]

بنات شو وينكم؟؟؟؟؟

[عبير الخطيب]

بجد انحولت

كيفكم صبايا

مبارح رحت للدكتور وهو مو الدكتور يلي براجع عنده , هاد واحد جديد والكل نصحني فيه

بس حولني ................................

تخيلو انا كل 22 بدخل بشهري
يعني من 22/10 لحد 22/11 شهر
22/12 شهرين
22/1 3 شهور

ومبارح كان 29/1 يعني الي داخله بالرابع بس اسبوع

وانا متأكده من حسبتي

المهم اللي رحت عنده اللي والله أعلم لا اعتقد بأنه دكتور

بقول اني بعد اسبوع بدخل بالخامس !!!

عقلي بجد وقف !!!

بعدين بقول الجنين لافف ضهرو ومو مبين شي اله
وبس سمعت حماتي هيك صارت تبكي وتحكي هاي بنت وجننتني بجد روحي طلعت طيب حتى لو بنت انا شو زنبي
والله ما نمت طول الليل

[حواء مثالية]

صباح الخير يا بنات

جارة انا 22/6 راح يكون اخر شهر الي عشان ما بكون ضايل لولادتي اشي عشان هيك

عبير الله يهديها حماتك يعني البنت مش نعمة انسيكي منها وافرحي باللي كتبلك اياه ربنا

[احساس أنثى]

مساكم ورد يا صبايا لوسى فكرة الولد والنبت ضايله بعقول البشر يلي من ربنا كوسي غيرنا يتمنى اخلفه ماشافهم من سنين احمدوا الله على كل شي بس يجئ بتمام الصحة والعافية

[hadeel shady]

والله البنت والولد نفس الشي انا تأخرت 3 سنين ونص وبالاخر الحمدلله حملت حمل طبيعي من ربنا وبحكي ولد ولا بنت الي من الله يا محلاه.ولساتني بالشهر التالت..الحمدلله ربنا عوضني خير وماشاء الله هلا حامل بتوأم ربنا يتمملكو ويتمملي على خير يارب

http://forum.hwaml.com/imgcache2/hwaml.com_1327945159_808.png (http://pregnancy.baby-gaga.com/)

[احساس أنثى]

ما شاء الله يا هديل ربنا كبير مأرب ينسى حد والله ربنا يتم ملنا جميعا على خير يعني يا هديل يمكن انتي ممتلئ انا بالتالت لسى

[جارة القمر]

مساء الخير
هلا وغلا فيك هديل انت متل اسمي ههههههه بحب هالاسم
الله يتمملك على خير عبير الافضل ترجعي لدكتورك
انا بصراحة بتعامل ما دكتورين وهم نفس الكلام لكن التنين ما حسبو لي ع موعد دورتي حملي حسبولي حسب حجم الجنين بالجهاز يعني لو بدو يحسب على موعد دورتي كان عدد الأشهر اكتر من الجهاز بس مشينا على الحجم وانت ممكن هيك صار معك

[hadeel shady]

احساس انثى انا بالتالت وتحديدا اليوم فتت بالاسبوع ال11 شكرا لالك حبيبتي على ردك اللطيف....جارة القمر عاشت الاسامي هههههههه وشكرا كتير لالك عدعواتك وما يحرمني من ردودكو الحلوة

[حواء مثالية]

صباحكم فل شلونكم عساكم بخير

[احساس أنثى]

صباح الورد ياحواء كيفك اليوم وكيف يومك
؟

[جارة القمر]

صباح الورد والياسمين

كيفكم.؟؟؟

[حواء مثالية]

هلا انا بخير تعبانة شوي من الوحام بس بشكل عام مستقرة

طمنوني عنكم احساس متى زيارتك عند الدكتور انا السبت الجاي

[جارة القمر]

ههههههههههههه حواء خديني معك على الدكتور بدل حماتك

[جارة القمر]

صحيح شو رايكم باسم اوس

[حواء مثالية]

هههههههههههههههه بتوري جارة انا ما اخذت حماتي الا الزيارة الاولى المره الي فاتت رحت انا وزوجي وهاي المره كمان انا وهو راح نروح ان شاء الله اعطيتها اجازة هههههههههههههههههه

جارة راح من عندك لوحام ....... انا والله لسه تاعبني ومعدتي مغلبيتني خايف هالاشي ياثر على البيبي كمان

ياربي شو جاي على بالي انام نعسااااااااااااااااااااااااااااااااااانه hwaml85hwaml4

[حواء مثالية]

اسم اوس حلو بس في منه كثير

[احساس أنثى]

يلا بتهون ياحواء شهر زمان وبخف عنك الوحام

انا بعد بكرة عندي موعد بالوكالة ... ولما اخلص الشهر التالت عندي موعد على دكتورتي الخاصة ... شو يعني انا كل مشوار بروحوا مع حماتي وبتنبسط لما بتشوفوا بتحرك ... حتى هيا بدها بنوتة ههههههه

اسم اوس غريب ... بس مو حلو بالنطق

[جارة القمر]

حواء انا بالفحص الاخير اخدت حماتي .....
بدي اسم ولد حلوووووو واااااااااااع. مش لاقيه انا الحمد لله ما في وحام بس احيانا الصبح بستفرغ وبعدها برتاح
بس انت الله يعينك على وحامك

[حواء مثالية]

صباح الخير كيفكم

مغيرين ستايل المنتدى فكرت حالي فتت موقع غلط

شكله في ثلج يا بنات الدنيا برد كثير

[جارة القمر]

صباح الفل حواء والله اليوم ما رحت على الشغل كسلانه والجو برد وجوزي وتهاوشت مع زوجي من الصبح على نوع الطبخه هو لو يصحلو ياكل مقلوبة كل الاسبوع ما عنده مشكله لسا عملتها قبل كم يوم زهقتها ههههههههههههه

[سحابة الماضي]

صباحووووو صبايا

كيفك انتو من البرد والمطر

جارة القمر زوجك متل زوجي لو يصحلو كل يوم مقلوبه ما بوفر ههههههه

[بينك روز]

صباح الخير صبايا كيفكم
معلش انقطعت فترة كبيرة عنكم لاني كنت تعبانة
الحمد لله على كل شي
خبروني كيف حملكم

[حواء مثالية]

انا بالشغل هلا

زوجي كمان روح قلبه المقلوبه

بينك روز نورتي فقدانك وكثير سالنا عنك ما عليكي شر ياقمر

ازكى اشي بالهجو النوم بس

هاتو شي نحكي في اذا بعدكم هوووووووووووووووووون

اليوم بدي اعمل محاشي تفضلوhwaml7

[جارة القمر]

ههههههههههههههههه يعني مش زوجي لحاله هيك

خلص اتفقنا لحمه وخضار بالفرن بالفخاره

تفضلوو


حد بعرف كيف الجو يوم الجمعة

[بينك روز]

هلا حبيبتي حواء
تسأل عنك العافية يارب
مرسي الكم كتير
انا كمان بالشغل وبستنى امتى اروح
لاني حاسه بصداع دبحني من امبارح
وعيوني بجعوني منه
يالله امتى يخلص الدوام

جارة بصراحة ما عندي فكره كيف الجو بكره
يارب يكون كله شيتي
لانه ماما عزماني على مفتول

[جارة القمر]

انا اليوم ما شالله دخلت بالخامس نفاجأت بس لشريط تحت هو اللي ذكريني




سما واحساس غاطسين.........

[جارة القمر]

بنات وينكم؟؟؟؟؟؟؟؟؟

[سما الدنيا]

اذا مر يوما ولن اتذكر به ان اقول مسائكم سكرررررررررررررررررررررررر...
احلا مسا لعيونكم مشتاقلكم يا كروشاتي الحلوات ولكل البنات ...
النت عنا فاصل وهلا انا عند اهلي اسبوع رح احكي براحتي فيهم اطلع كل الي عندي بهالاسبوع هههههههههههههههههه
مشتاقلكم موووووت...

[حواء مثالية]

صباحكم عسل كيفكم نورتي سما

جارة الايااااااام بتمر بسرعة شوي تانية بنكون على تخت الولادة الله يعينا على هالساعة

[بنت الضفتين]

كيفكم صبايا
انا شايفة ياجارة القمر تختارى اسم من القران لابنك زى يوسف ابراهيم ....وخير الاسماء ماعبد وحمد زى محمد عبدالله عبد الرحمن ...الله يقومك بالسلامة

[سما الدنيا]

صباح الخييييييييير كيفكم يا حلوات شو عاملين اليوم الجو ادفا من مبارح ...اشتقنا للقعدة تحت الشمسات شو عاملات

[سما الدنيا]

منورة بو جودك حواء شو كيف البوبو شو بنوته ولا صبي بين معك ربي يقومك بالسلمه

[حواء مثالية]

هلا عمري الله يخليكي نورك يا عمري
لسه ما عرفت مراجعتي يوم السبت

بس بعدني بعاني من الوحام كثير ضعفانة وما بوكل

[سما الدنيا]

الله يعينك يا حواء يلا هوه لتخلصي الشهر الرابع بروح الوحام لانو انا هيك عانيت للشهر الرابع بس تصلي الخامس بتصير توكلي كل اشي...
ربي يطمنك عابنك انا اليوم موعدي للدكتورة بس ما رحت مخليها لخمسة الشهر هلاء انا كل اسبوعين لازم اروح عالدكتورة عشان اخر اشهر..يا رب هونها علينا جميعا

[حواء مثالية]

ان شاء الله يارب والله اني هلكت وبعيد عنك قرفت حالي ما الي نفس ولا بشي الله يطمنك انتي كمان ياعمري الله بتمملك على خير ياررب

هانت ما تم اشي بترتاحي الله يفرح قلبك يارب

[leen82]

مرحبا صبايا كيفكم والله اشتئتلكم كتير كانت بطاقة البرودباند مخلصه عندي وانشغلت مع بنت حماي بعيد عنكم عملت عملية مفصل
بكرا عامله مسخن لبيت حماي بدي اغديهم عندي ان شاء الله
اليوم الجو دافي مبارح تلج كتير ومطر سبحان الله كيف تغير
انا بمراجعتي رحت عالدكتوره وما بين معها بنت ولا ولد شفت تلت خطوط وألتلي احتمال بنت بعدين تراجعت وحكت ولد بس انا مو مقتنعه بكلامها لانو بصور السونار للاجنه يلي شفتها الولد ببين تلت كرات على شكل سلحفاه اما البنت بتبين تلت خطوط بيض بجنب بعض الله اعلم ربنا يجيب يلي فيه الخير بأول الخامس بكون اوضح يعني بعد اسبوعين تئريبا ربنا يختارلنا الافضل النا والكم اجمعين

[جارة القمر]

مساء الخيرات والليرات

هلا فيك ست سما انت والبوبو تبعك
اشتقنالك..........................خلص العد التنازلي بلش عندك ..........الله يقومك بالسلامة



يلا سما اول ما تعرفي بتدخلي على المنتدى وتخبرينا ما تخلينا ننتظر ......................


بنت الضفتين والله زوجي حاب اسم ادم ومقتنع فيه ......................انا بقول له بالكي لقينا اسم تاني

لين ...........يعطيك العافية وسلامة بنت حماك .......................

[احساس أنثى]

كيفكم صبايا مشتقالكم كتير حاسة حالي اني بعيدة عندكم سنة انا الي يومين يمكن مافتت والله مشاغل الدنيا .. بدا الجو يدفي وبدت الافراح والخطوبات ... عقبال عند كل العزابية

ورحت اليوم على الدكتورة ولقت وزني نازل واخدت بهدلة من زوجي هههههههه

بكرة عند اهلي عزماني ست الكل على زغاليل مين بحبها ؟؟ يتفضل معنا ماحشوفكم ... دعواتكم ليا ...

[leen82]

الله يعافي البك جاره تسلميلي
احساس تتهني ان شاء الله بالزغاليل والله يخليلك ست الكل ويحميها :)

[جارة القمر]

صباح الفل والياسمين عليكم يا حلوات
هلا وغلا يا إحساس والله لك وحشه وليش انت وحواء بتنزلو بالوزن
أغصبو حالكم تاكلو الله يعينكم ويحمي البوبوهات
وصحتين وهنا على قلبك كلي وخلصي صحنك بدي اسأل
امك ها ازا اكلت او لا هههههههه انا بصراحه ما بعرف هاد الطبخه



لين يسعد صباح يارب كيفك ؟؟؟؟
أكيد بدك مساعده لعزيمتك. انا جاهزه لاني بموت بشي اسمه
مسخن من أطيب الأكلات

انا اليوم جايين علي أخواتي مو عارفه اطبخ ولا اوصي بينزا
لانه عنا خطبه وهم جايين لاعمللهم ميك اب

وانا ساكنه بمنطقة بعيده عن بيت اهلي


يلا ساعدوني ما في وقت افكر

[leen82]

مسا الخير صبايا كيفكم اليوم
جاره تسلميلي ولو انتي اريبه عليي كنت بعتلك احلى صحن مسخن الحمدلله مرئت على خير وعجبهم الاكل والاحلى عمتو بتعترف انها مابتعرف تطبخ وبتحكيلي مابعرف ازبط المسخن والسمك والكفته مابزطو معي وكل ما تيجي على بالها اكله منهم بعمللها ايها يابعزمهم على بيتي او ببعتلها الاكل على بيتها حسب وضعهم الصحي
بدي اسالكم صبايا بنص التالت شعرت بحركه البيبي بس شي بسيط مره وحده وهلا انا بنص الرابع بالاسبوع 15 وما رجعت شعرت بالحركه وبس اروح عالدكتوره البيبي بكون نايم :(
حملي بمالك ابني كان حرك كتير هاد لا بعدين بطني زغير والزياده بالوزن جايه بالارداف والأفى عفوا والصدر مع العلم زاد وزني 4 كيلو بديت حملي 55 وهلا 59

[حواء مثالية]

صباحكم عسل بنات كيف حالكم والله الكم وحشة عسولة صايرة تغط كثير

الله يطمني ويطمنكم صبايا انا اليوم الموعد ان شاء الله راح اشوف بعد قلبي


انا عملت مبارح قدرة

اليوم زوجي عازمني برا نتعشى

[احساس أنثى]

يسعد مساكم صبايا ..ز اليوم ميعاد الكهربا تقطع بس جابوها اللهم لاحسد ههههه

فتت اتطمن على الكل ... تسلمولي جميعا وتسلميلي ياجارة لا لا تخافي عليا اكلت زغلولتين

الكل طابب فيا بهدلة عشان وزني نازلت فغصبت على حالي وأكلت ... بس الي مطمني انه الدكتورة الخاصة شافت النبض والحركة الحمد لله

بس هادول الوكالة ماعندهم اجهزة عشان هيك ..

الله يطمنك ياحواء اليوم ننتظر دخولك عشان تطمنينا على البيبي وعليكي ..

[حواء مثالية]

الله يسعدك احساس الله يطمن الجميع يارب

بنات من الصبح صداع ذابحني مش قادر افتح عيوني

قربت احساس ساعتين بكون عند الدكتور اذا عرفت افوت المسى ان شاء الله بطمنكم

سما وينك يا بنت بتتذكري جارتكم الي بتعمل اواعي بيبي بالصوف بدي اعمل كم شغلة

اساليها ادي بتعمل الشنتات بدي شنتة وحرام وبدي شال الي كمان وطقية بيبي وهيك قصص

ما تنسي

[سما الدنيا]

مسائو ..كيفكم يا صبايا
جارة كيفك ما شا الله هيك بالخامس يا رب يتمملك عخير ..
بتعرفي اسم ادك كتير حلو كان نفسي اسمي ابني هيك بس المشكلة انو في حد من عيلتو لجوزي مسمي هيك..خليكي عليه...وربي يهونها عليه والله ما بفكر كتير بالولاده بطلت اخاف بشجع حالي وبحكي لنفسي انو رح اتكون ولادتي سهلة ...يا رب يا رب اقوم بالسامه انا والبيبي...والكل كمان نفرح بشوفتهم...
عشني نايمه عند اهلي بلتهي مع امي وخواتي نايمات كمان هون ما بلاقي وقت..خوات هون وهناك مش ملحقه عليكم ربي يخليلي اياكم..
بنات بالنسبه للضعهف اول اشهر اضعفت بس انا ما شاء اللله من اول حملي لحد هلاء زدت 8 كيلو يعني ما اتخافو بس اتفوتو الخامس بتصيرو تاكلو كل الي بالبيت....

[سما الدنيا]

حواء حبيبتي من عيوني بحكيلها بس انتي احكيلي شو بدك بالزبط وشو اللون وانا بعطيها تعملك وبس يصير فرصه ان شاء الله منلتقي وبعطيكي اياهم...

[سما الدنيا]

اختي فاتت بشهرها فيها بنوته رح اتسميها ليان يا رب يقومها بالسلامه..
واختي التانيه ما شاء الله مبارح بتخبرنا انها حامل ربي يعطيها الي ببالها...

[leen82]

مسا الخير صبايا كيفكم ياكروشات انا ريحت حالي اليوم لاني تعبت مع عزيمت مبارح وسخنت الغدا تسخين بس عملت شوربة خضار شو تغديتو ياحلوين :))

[جارة القمر]

مساء الخير
حواء وينك تعي طمنينا عليك
سما يسعد مساك هلا انا روحت من بيت اهلي الله يخليلنا اهالينا
واكلت ملوخيه
والله يا لين امبارح عملت غدا لاخواني هم مو متزوجين بالجامعه وبالمدرسة عملت اوزي على السريع

وانت يعطيك العافيه على عزيمتك بالنسبه للحركة صدقيني ما شعرت فيها الا بنص الرابع وخفيف يا دوب
مره باليوم و خفيفة وهلا انا بالخامس كمان خفيفه مع انه بابني الاول ما شالله كان رفس بس عند الدكتور لما افحص
بقلي شكله ابنك رح يجننك اسم الله بتحرك بسرعه مع اني قلته اني ما بحس فيه

[حواء مثالية]

صباحو يا حلوووووووات

سما ياقلبي بدي مثل هاي الشنطة نفس اللون بس الحجم اكبر

http://forum.hwaml.com/imgcache2/hwaml.com_1328428299_649.jpg


وحرام البيبي نفس اللون نفس الطريقة (طريقة النسج )

كمان طاقية ولفة وجرابين بنفس طريقة الشنطة والحرام.... بس تكبرهم شوي لعمر سنة ونص تعملهم عشان لصغار بنصحو بسرعة

هسه مبدأيا شوفيلي هدول وادي بكلفوا واذا عجبني السعر بعمل كمان موديل لكل القطع

بدي اغلبك يا قلبي


مبارح رحت على الدكتور الحمد لله البيبي بجنن صحته كثير كويسه انا كمان وضعي تمام بس وزني نازل 2كيلو لكن اجمالا كلشي تمام الحمدلله

للاسف ما عرفت جنس البيبي الحبل السري مغطي المنطقة جوزي تنكد كان حابب يعرف كثير هلا راح نستنى للشهر الجاي
مبارح اكلنا برا اليوم معزومين عند حماتي

[سما الدنيا]

صباحو يا صبايا كيفكم شو عاملين...
كيفك حواء جارة وكل الصبايا ان شاء الله اتكونو بالف خير..
حواء خلص باذن الله بجيب نفس اللون وبحفظ رقم الصفحة عشان انسخهم عندي عالجهاز لانو انا عند اهلي وبخبرها تعملك متلهم ان شاء الله بتشوفيه وبتفرحي بشوفته..
جارةانا بالرابع كان متلك حركات خفيفه وكان اخر الشهر وبالخامس كمان كانت خفيفه بس اوضح شوي الي بكون هادي ببطن امو بطلع حركي كتير ...يا رب يفرحنا بشوفتهم جميعا

[حواء مثالية]

هلا سما الله يسعدك يارب بدي اغلبك ياقلبي انتي شوفي شو بلزم وانا حاضرة وادي بدها وقت فيهم كمان

عشان ارتب انا وانتي وابعتلك مصاري

[جارة القمر]

مرحبا بنات يا الله شو شغل البيت متعب وباخد وقت والطبيخ
انا اليوم عطلة المولد المنبوي وطلعت روحي من الشغل ومش منجزه

[leen82]

جاره........ الله يعطيكي العافيه وبسم الله ما شاء الله عالبيبي الله يحميه ويخليلك اياه ويجي على خير وهدات بال
كيفكم صبايا كلكم والله الشنته يلي بعتي صورتها حواء كتير حلوه عنا بالاردن ما في ناس بتقنو هيك اعمال الله يوفئك
انا الي يومين تعبانه بدت عليي حراره واليوم لوزي التهبو بس كان عندي زياره مريض كان لازم اروح والحمدلله مع الطلعه تحسنت شوي الله لايضركم ويحميكم

[احساس أنثى]

هوا هيك ياجارة يوم الاجازة مابتخلص فيه الشغل ههههه

سلامتك يالين عليكي ياللمون

وحواء ان شاء الله المرة الجاية يبين معك الجنين وتطمنينا عليكي

وصباح الفل لكل الصبايا الحلوين

[حواء مثالية]

صباحكم قرنفل كيفكم شو اخباركم

الله يسمع منكم يارب لين مقدمة الشنطة حبيبتي بس يجهزول ويوصلوني بصورهم وبنزلهم تشوفوهم

جارة الله يكون بعونك انتي ما تخلي شي يتراكم عليكي اشتغلي اول باول انا بخصص ايام مثلا كل يوم بعمل شغلة بخصص يوم للمطبخ يوم للحام ويوم لكل غرفة هيك بتخلصي بسرعة وما بتتعبي

[جارة القمر]

مرحبا صبايا

كيفكم ان شالله الكل بخير


حبيبتي حواء امبارح كانت الدنيا شمس طلعت كلشي يتشمس وغسلت اكتر من وجبه وطبخت وشطفت وكنت
مضغوطه لانه لازم اطلع على المعهد المشكلة انه بتركم احيانا شغل لاني بعد الدوام بروح على المعهد ولما ارجع
بكون يا دوب قادرة احكي

وطول امبارح وانا منكده

طبخت امبارح جاج محشي بفريكه وجنبها اعملت كبسه وفلفلت شوية فريكة

اما اليوم مش جاي عبالي اطبخ نهائيا

[حواء مثالية]

بعين الله نحنا الي بنشتغل هيك دايما وقتنا مو النا يعطيكي الف عافية حبيبتي

[leen82]

حواء ............ تسلميلي ان شاء الله حبيبتي بتتهني فيهم وبتهريهم بعرء العافيه ^_^
جاره ........ الله يعطيكي العافيه ديري بالك على حالك العمر بخلص والشغل مابخلص لاتتعبي حالك

[حواء مثالية]

حبيبتي الله يسعدك انا هلا صار لازم اودعكم اراكم غدا ان شاء الله خلص دوامي تعبت كثير اليوم

طمنونا عنكم البنات الغايبات غموض وعسوله احساس سما والكل

[جارة القمر]

مساء الخير


لين تسلميلي كلامك صحيح والله


يلا بنات وينكم شو في اخبار انا هلا بالمعهد بالبريك

[حواء مثالية]

صباحكم فل كيفكم شو اخباركم الكم وحشة

اقترحوا موضوع نحكي في اي شي بخطر ببالكم خلينا نغير روتين كلنا بنفوت نسلم وبنطلع ما في متابعة بشو مشغولات يا حلوووووووووات

[جارة القمر]

يسعد صباحكم يا حلوين

صحيح حواء البنات اختفوا

الله يسامحهم


حواء بلشتي تحضري اغراض للبيبي
انا عندي كتير اواعي من ابني الاول

بس كتير حابه اجهز اواعي جداد .................هلا بفكر انزل غرفة نوم ليزن مع تختين واحضرله غرفته
لاعوده ينام فيها قبل ما اولد لاني ما بدي يحس انه عشان اجى البيبي بدي انقله بس المشكله انه ابني ما بينام الا بيني
وبين ابوه وبعرف انا نحن خطأ بس والله انا بحب كتير ينام جنبي ..................


صحيح شو بدك تعملي اكل؟

[حواء مثالية]

والله انا بعدني الشهر الجاي ان شاء الله لما اعرف جنس البيبي شريت شغلات صغيرة

اليوم بدي اعمل سمك فيلي

الله يرجع البنات بالسلامة والله اشتقنا لقعداتهم

[جارة القمر]

مممممممممممممم صحتين مسبقا....

انا مش عارفه شو بدي اعمل اكل .

[حواء مثالية]

مممممم بكرا انا عامله ورق دوالي ومحاشي مع جاج تفضلو عندي الاسبوع هاد برنامج للاكل
هيك اريح لراسي بجهز قبل بوقت بجيب الاحتياجات من اول الاسبوع

[leen82]

الله يعطيكي العافيه حواء فعلا ترتبي امور البيت والمطبخ من اول الاسبوع اريح بكتير
جاره ... انا كان عندي نفس مشكلتك ابني مابنام الا بيني وبين ابوه مع انو عندو غرفه مفصله من سن السنتين بس الله يسامحو زوجي حنون بحنانه خربو هههههههه المهم هلا من اول حملي اعدت مع مالك بغرفتو وحكتلو انو البيبي بتدايئ ازا ضربتني ببطني بلاش لاسمح الله يروح وانت ماسدئت يجيلك اخ او اخت صح ألي صح ألتلو معناه بدك تنام بغرفتك ألي بتنامي جنبي بس انام بتروحي على سريرك وفعلا اول فتره كنت انام بجنبو ليغفي اتركو واروح بس هلا سرت احطو بالسرير واغطيه وينام لحالو تعود وان شاء الله ابنك ما بغلبك وبتعود ينام بغرفتو ^_^

[احساس أنثى]

مساكم فل يااحلى صبايا ... فترة الصبح ماكان عندي كهربا ..

كيفكم ؟؟ جميعا جميعا ؟؟

حواء بديتي تجهزي يلا عقبالي انا حيصانة على سرر الأطفال بس بحكولي بدري بخاف لاسمح الله يسير شي قال بس تصيري بالسابع بتشتريه ... يارب صبرنا هههههه

ربي يتمم للجميع على خير ويخليكم اولادكم

صحيح البنات مختفيات بالمرة مع الجو شكلوا عاملين بيات شتوي هههههههه

اليوم الجو اجى بارد وبقولوا بكرة كمان بارد أكتر ... والله تعبنا من هالجو المرض ... الله يعينا

[جارة القمر]

صباح الفل والياسمين يا حلوين انا اليوم ما رحت على الشغل لانو في إضراب الحمد لله شبعت نوم
بس والله بعاني من رقبتي وكتافي مرات ما بقدر أنام منهم حد هيك انا قبل ما احمل رحت لطبيب عام
ما فحصني ولا شي أعطاني شي ريح العضلات وما أخدته لاني حملت

لين ان شالله ابني يتعاون معي

اليوم حماتي حاسبه حسابنا بالإكل عامله مفتول الحمد لله ارتحت من الطبيخ ههههههه صايره اكره اطبخ

[احساس أنثى]

صباح الورد مالكم ماحد فات يصبح علينا

ياكسلانين ... حتى انا كسلانة عليا غسيل وكسلانة مع انو الجو دافي اليوم

[حواء مثالية]

صباح الفل يا بنات شو صبح مصحيكن كل يوم بكون لحالي منورات صبايا

تتهني بالعطلة جارة يالله نامي بس حاولي تكوني معنا

احساس قومي اغسلي بكرا الجو وبعدو ابرد

[احساس أنثى]

صباحكم فل ياجارة وحواء

مابدي ياحواء بس تغسل حماتي بحط الملابس المهمة معها وخلاص ههههههههههه اصلا هوا مو كتير بس ملابس زوجي

صحتين وهنا ياجارة المفتول لزيز مع هالجو انا بتوحم على تبولة عشانها حادقة حعملها الجمعة على جاج مشوي

[جارة القمر]

هلا إحساس والله هلا رتبت غسيل بدي انشر اللي غسلته
صايره اضل انا التانيه كسلانه مو قادرة اعمل شي بالغصب
متى موعدك يا إحساس عند الدكتور هالمره رح تعرفي نوعه

[جارة القمر]

بنات وبعدين معكم وينكم .....................\


لولو وغموض وسما ..................والباقي ....................


لين ما تصير تغيبي متل البنات تعي لندردش,........,.,,.




بنات .............................مين متلي بموووووووووووووووووت بالمنظفات البيتيه والمعطرات
وبصرف كتير عليهم .......

والله بحب اشتريهم اكتر من اي شي تاني ......................وانتو

[حواء مثالية]

صباح الخيرات كيفكم شو الاخبار يارب تكونوا بخير جارة انا مثلك بحب هالشغلات كثير

[احساس أنثى]

صباحكم فل ياجارة وحواء

شفتي ياحواء رجعت غسلت غسيلي ههههههههههه بس مو كتير هيني بتسلى فيه

لسى ياجارة على ال12 الشهر لما اخلص التالت معقول ببين بنهاية التالت؟؟ نفسي اعرف عشان انزل السوق حيصانة ومش قادرة اشتري الا لما اعرف جنس الجنين


صبايا أنا بتعب كتير من البنطلون بحسوا بدايقني وبحزق على بطني مع انو بطني لسى مو كتير كتير باين
ولسى ماشريت ملابس حمل ... بس شريت بيجامة متل هاد النوع ومعها حذاء نفس اللون قطن طويل أحسها اريح لي خاصة لما اقعد

http://forum.hwaml.com/imgcache2/hwaml.com_1328778566_489.jpg

[احساس أنثى]

والله انكم كسلانين ياصبايا

أنا ياجارة احب روائح الغسيل ... دار عم جوزي يلي فوقي يقولولي نعرف انك غاسلة من ريحة غسيلك ..

حواء بديتي تشتري ملابس حمل؟ ؟

حماتي عملتلي التبولة اليوم ياسلام .. مين عاااااااااااااوز ؟

[leen82]

كيفكم صبايا وشو اخبار الحمل معكم والله جاره انا بحب كتير المنظفات والروائح العطريه
اليوم نزلت كل اواعي مالك اول ولادتو وبريتهم يلي منيح غسلتو ويلي مو كتير وزعتو مشان اجيب للبيبي الاشيا النائصه بس لاني بتوقع انو البيبي بنوته فكل التبانات الولادي رفعتهم الاسبوع الجاي ببدا اجهز عالخفيف ان شاء الله لالي ماجبت شي للحمل ألت خساره بس جبت اشيا اكبر بنمره لانو وزني مازاد غير 4 كيلو ومو مبين علي الحمل لهلا الزياده حتسير بالصيف وبالصيف الواحد مابلبس غير أمصان نوم
يلي بولدو برمضان زيييييي شو احساسكم بصراحه انا متدايأه من هالشي وبئول ياريت تأخر الحمل شهر مشان أكسب رمضان صيام ما بحب افطر فيه ابدا :(( بالنهايه الحمدلله على كل شي وربنا يأدرنا

[جارة القمر]

مساء الخيرات


صحه وهنا يا احساس شهتيني على التبوله زاكيه ..............ويعطيك العافيه على الغسيل
تعرفي بالشتا بحب انشر الاواعي على المنشر واحطه بالغرفه الفاضيه قبال الشباك بضل ريحة البيت
معطر رووووووووعه

لين يا الله سبحان الله اللي يومين بقول لنفسي اطلع اواعي يزن واغسل اللي منيح واطلع الباقي بس والله
شغل البيت دابحبني وغسالتي ما بتفضى من الغسيل ولا المنشر .......
وبالنسبه لرمضان من اول ماعرفت اني حامل اكلت هم لاني بفطر برمضان ولادتي انا باخر شهر 6 ل1-7

ورمضان بيجي ما بعرفف ممكن بنص شهر 7 يعني خسارة .......


انت متى اخر موعد؟

[احساس أنثى]

صباحكم فل صبايا ... أنا اصلا بنشر على المنشر ياجارة لأنه بلكونتي فيها متور وبنزين وخربطة

عارفين شو نفسي اليوم أخد كرسي وانزل على الشارع اتشمس هههههههههه

اليوم الجو دافي وحلو ... للأسف البيوت الي حوالينا كلهم بنوا عمارات وسكروا علينا الشمس .. لأنا طابق تاني

جارة رمضان بأول 8 أعتقد ... يعني انا يلي حيروح عليا رمضان ...

[جارة القمر]

مرحبا صبايا .............

ههههههههههههه والله يا احساس الشمسات اليوم روعه بس ما قدرت اتشمس

شو عملتو اكل اليوم انا روحت من الشغل وحضرت بسرعه بسرعه

عملت شوربة عدس وسمك وسلطه يونانيه بدون جبنه وبطاطا ..............


يعني نحن هون حوامل مفطرين رمضان ههههههههههههههه ما بنستحي بس ان شالله انا بلحق اصومه

[لولو حمادة]

مرحبا كيفكم صبايا شتقتلكم كثير كثير

[جارة القمر]

هلا وغلا بلولو

سافرتي؟؟

[حواء مثالية]

صباح الخير كيفكم شو اخباركم

لولو منورة الف الحمدلله على سلامتك

كيفكم والحمل ان شاء الله تمام

[احساس أنثى]

صباحكم فل ياصبايا ... مبارح عملنا ملوخية اليوم اجى عبالي شوربة الخضار كتير زاكية ومفيدة

تفضلوا معي ...

[حواء مثالية]

صحتين احساس كويسه بهالجو كمان

انا كمان مثلكم السنة بروح علي رمضان انا ولادتي قبل رمضان باسبوع او اول رمض

[سما الدنيا]

مساء الخير يا صبايا كيفكم شو عاملين...فصلة هالنت بعدتني عنكم هيني من بيت حماي بحكي نمت امبارح عندهم حماتي مبارح شاريتلي كل اجهاز البيبي يعطيها العافيه بجننو بس حاسسهم كتار بفكر اجيبلو خزانه من هلاء....ان شاء الله رح اولد بالهلال البيره ...ادعولي يا صبايا اقوم بالسلامه يا ربي...
اطمنت عالبيبي بسته الشهر ما شاء الله كان منيح ووزنو وكل شي تمام بس ما شفت المره وجهو كان نايم عبطنو ازعلت كنت حابه اشوفو ب23 الشهر الي كمان موعد بكون فايته ان شاء الله بالتاسع...العد التنزلي ببلش عندي او هوه مبلش من هلاء..
يا رب يتمملنا كلنا عخير وييجو بصحة وعافيه يا ربي.....

[حواء مثالية]

بالسلامة ياقمر مبروك جهاز البيبي كمان

حبيبتي سالتيلي جارتكم عشان تبلش فيهم قبل ما تولدي

[احساس أنثى]

الله يوقمك بالسلامة ياسما ادعيلنا وانتي بتولدي ربي يسهللنت ولادتنا مش تنسينا مع التعب ^_*

[حواء مثالية]

هههههههههه الله عليكي يا احساس يعني هي بهداك الوقت شو بده يجيبنا على بالها الله يهونها علينا وعليها يارب

[سما الدنيا]

الله يخليكم يا بنات...هلا حواء واحساس منورات...
ان شاء الله اذا كان فيه حيل بدعيلكم دعا الوحده وهي تلد مجابه ان شا الله....
الله يعينا يا رب جميعا...ان شاء الله منجربها عخير وباجي اطمنكم واخبركم التجربة..
حواء حبيبتي هيه يتاخد عالطبه عشره شيكل ...انتي وينتا بتحبي اجيب اذا بدك بهاي الطلعه بجيب صوف بس اذا بدك كمان بعد ما الد بما انو بدك اياه لبيبي سنه ونص...يعني عمهلي...لانو انا بدي اعمل متلك بس لون تاني...شو رايك..
جارة ولولاو كيفهكم...

[حواء مثالية]

طيب مو مشكله انتي اساليها كم بلزم صوف على كل الاغراض انا حابه يكونوا عندي قبل ما اولد بدي اضبهم بالجهاز عرفتي عشان هيك انتي شوفي شوبكلف كمان عشان ابعتلك مصاري وعشان اذا السعر مناسب بدي اعمل كمان لون لكل القطع شوفي شو بلزمها صوووووووووووووووووووووووووووووف

[سما الدنيا]

رح اجيب الي والك ..شنته والحاف البيبي مع طقيه مع كلسات البيبي يعني انا حسبتهم يعني بييجوارب يمكن؟رح اجيب هيك وازا نص ببعت اجيب كمان خلص بهاي الطلعه علا هيك بجيب وبسالها..وينتا بتخلصهم..وانتي ابعتي اي حد بكون متلا متفقه احطلك اياهم بمكان او ازا انتي اطلعتي بشوف كيف...

[حواء مثالية]

تمام سما وين بتوصلي لهلموضوع بتخبريني خلينا على اتصال بس انتبهي للون يكون نفس الي حطيتها الله يسعدك راح اغلبك بس ما الي غيرك حبيبتي انتي

ان شاء الله تقومي بالسلامة

[moon girl]

مرحباااااااااا يا حوامل بلدي انا جديدة هون بتمنى تقبلوني صديقة جديدة معكم

[moon girl]

hwaml13hwaml13مرحباااااااااا يا حوامل بلدي انا جديدة هون بتمنى تقبلوني صديقة جديدة معكم

[جارة القمر]

هااااااااااااااااا ياااااااااااااااااااااات

سما اهلا وسهلا اشتقنالك يا بنت اشبكو نت عاد...............


يلا ربي يهونها عليك وتكون ولادتك سهله هلا لازم تمشي ..............اطلعو انتي وزوجك وتمشو



moon girl هلا وغلا فيك اخت بينا .....................



حواء بتصدقي ما اللي مراق لقصص الطلبيات اللي بلاقيه بالسوق بشتريه .............ما عندي صبر ههههههههههههه

لولو تعي طمنينا عليك وخبرينا اخبارك


احساس ,...................صحه وهنا كان نفسي اطبخ ملوخيه اليوم بس ما لحقت عملت شوربة خضرا ونواشف متلك يعني

[بنت النورر]

مرحبا صبايا بلدي بالصدفه لاقيت هذه الدردشه حلووو كتييير بس انا مش حامل وحابه استفيد من خبراتكم واطمن عليكم

تحياتي للجميع

[حواء مثالية]

صباحكم فل وهنا كيفكم شو اخباركم

مشتاقلكم

هلا وغلا باللي شرفونا جديد نورتونا ان شاء الله ترتاحو معنا وتنبسطوا كمان


جارة سما واحساس منورات الله يرجع الايام الاولى كنا كثير نكون بس كمان هالايام افضل من الايام الي مضت يعني متى يروح الشتى عشان نعرف نعيش انا شبه تعقد زوجي على قد ما بكون بردانة هههههههههههههه

[احساس أنثى]

صباح القشطة ياحواء

ههههههههههههه

اه والله البرد السنة جامد كتير ... بالعافية الواحد بقوم لاشغالوا شو نعمل يلا هي الجو بدأ يدفي

كيف يومكم ؟؟

[حواء مثالية]

صباااااااااااااااااااااااااح الخير هلا احساس البرد مركز السنة الله يرحمنا برحمته

يالله مشتاقة للصيف .............صيفنا السنة غير شكل راح نكون مع البيبيات

[احساس أنثى]

اختي المحجبة فوتي على قسم تأخر الحمل واعرضي مشكلتك وباذن الله تلاقي مين يرد عليكي

[حواء مثالية]

شو عاملات يابناااااااااااااااااات احساس شو افطرتي انا اكلت لبنة زيت وزعتر سندويشات طبعا وسلطة مشكلة

[احساس أنثى]

صحتين حواء أفطرت مع دار عمي اليوم بيض وفول وحمض وفلافل حلاوة وجبنه

والغدا جاب زوجي شيش طاووووق جاهز من برة مع تبولة طبعا هههههههه

[جارة القمر]

مساااااااااااااااااء الخير

الحمد لله اني شباعنه ................يا حواء واحساس ولا كان عملت لجوزي عرس ليجيبلي .................حمص وفلافل
بس رح اصبر لبكرا افطورنا بالشغل متل افطورك يا احساس .......................


كل اللي ذكرتيه بالفطور بحبببببببببببببببببببببه ههههههههههههههههههههه\


حواء صحه وهنا يارب لك وللبيبي شو ست احساس وحواء خلص دلع وخلي وزنكم يزيد...............

على قولتك يا حواء الازواج مظلومين ههههههههههههههههه من اول الشتا وزوجي ما شاف مني
الا اللبس المحتشم هههههههههههههههههه بلوزه وجولف وبنطلون وممكن تحته فيزون وجربين
ههههههههههههههه
والله مرات بحزن عليه ................مع انه بيتي في كوندشنات ..........بس ما بطيق اشغلهم على الدافي بنخنق

طبخت اليوم طبختين لاني انا بدي شي وزوجي بدو شي ...............

ونضفت البيت حاس حالي مش قادرة اتحرك...............

صحيح حواء انطلب منك فحص الزولال انا حددلي الدكتور موعد وما رحت عليه وصارلي 3 اسابيع
فايت موعده .................بصير بعد هيك اعمله .؟؟

[كاريس]

مسالخير كيفكن صبايا وكيف الحمل معكن

[كاريس]

مين احتفلت بعيد الحب يا صبايا

[لولو حمادة]

مرحبا صبايا
كيفكم
انا سافرت الحمد لله بس السفر بهدلة
انا كل مابدي افوت بتكون الكهربا يا قاطعة اومافي نت تغلبت
والجو برد كثير اول اسبوع وصلت فيه معي برد ونتق
والاسبوع الثاني لوز ورشح وصداع

[احساس أنثى]

صباح الخييييييييييييييييييييييير ... صباح خاص لحواء لأنها اكيد موجودة هلأ ^_*

هلا بيكي اخت كاريس معنا ... أنا جبت هدية واعطيتها لزوجي قبل بيوم بس من غير احتفال

الله يعينك جارة انتي كلو مرة وحدة التنظيف والطبخ ... حرام عليكي

هلا لولو نورتينا من جديد معلش حبيبتي مش ماخدة على الجو عنا بكرة بتتعودي ... وحتتعودي على نظام الكهربا كمان معاناه هههه

[حواء مثالية]

صباح الورد يا بنات كيفكم شو اخباركم

جارة لا بعدني ما عملته هو لازم الكل يعمله الزيارة الجاي بسال الدكتور؟؟؟؟

انا عندي فحص سكري الحمل كمان اسبوع ان شاء الله

صدقيني ما هو دلع بس ما بعرف كيف ان شاء الله الايام الجاية اكون احسن المشكله لهلا بتسفرغ واغلب الاوقات كلشي بوكله بعاني منه بس شو بدي اعمل الله يهونها علينا يارب

انا احتفلت بعيد الحب مو مبارح الي قبله عملت اكله زاكيه وشموع هدايا اغاني رومنسية كان الجو كثير حلوووووووووو بهاد اليوم صيفت كمان زوجي تفاجأ زمان ما شافني انثى ههههههههههههههههههههههه

[جارة القمر]

هههههههههههههه

ضحكتوني عليكم يا بنات انا مش قادرة اللبس شي خفيف نهائيا والله

وبالنسبه للاحتفال ما احتفلت بس زوجي كل عيد حب بجيبلي اكبر قالب شوكالاته بالدكان ههههههه وبغلفه متل لهديه

ودايما بقوله خلص فش داعي تغلفه صرت عارفه شو في
وجايب لابني هدايا اللعاب بما انه حبيبنا اما انا كمان شريته كت كات اللي بكونوا 10 مع بعض ههههههههههه
شريتها بصراحه ..........


لولو سلامة قلبك الله يعينك على فكرة مين ما بشوف بيكون مريض
ويزن ابني له من امبارح عنده حراره

[شهد العسل]

هاااااااااااااااااي

[حواء مثالية]

هلاااااااااااااااااااااااا بنات منورااااااااااااااااااااااااااااااااااااات

[حواء مثالية]

صباح الخير معقووووووووووووووووووووووووول ولا حد من مبارح

ان شاء الله غيابكم خير يا بنااااااااااااات

اشتقتلكم


سما عسولة لولو جارة غموض احساس كل البنات دون استثناء

خلص انا راح اطوب الدردشة باسمي ما رح اخليكم تفوتوا

[لولو حمادة]

مرحبا كيفكم اليوم صبايا
كيفك حواء
انا كل مابدي افوت على الدردشة بتكون الكهربا قاطعة او النت فاصل تغلبت كثير

[حواء مثالية]

يالله بعين الله ان شاء الله ازمة وبتمر الله يهونها عليكم يارب

[maya123]

صبايا انا كمان اسبوعين ان شاء الله بقولولي جنس الجنين كتير متحمسة

[غُمُوض أُنثَى]

هآآآآآآآآآآآآآآي بنآآآآت كيفكم والله مشتآئتلكم كتير :)

شو الآخبآآآر .. وكيف هالبرد معكم يآ مسآكين خصوصآ انكو حوآمل ههههه
بتزكر لمآ كنت حآمل مآ كنت اقوم من جنب الدفآية .. بس هلأ نعنشة ^^

حوآء وجآرة وسمآ وعسولة ولولو ومآيآ ولين .. كُل الصبآيآ ان شآء الله وضعكو تمآم يآ حلوآت

سمآ ان شآء الله تقومي بالسلآمة يــــآرب
لولــو الحمدلله ع سلآآآمتِك يآ حِلوة .. نيآلك في غَزة اهئ اهئ

هآبي فآلنينآين دي يآ بنآت شو عملتو بهاليُوم !!

انآ لقيت جوزي يخليلي يآه عاآملي مفآجآة جآيب كيس كبيييييييييير تآع هدآيآ لونه احمر وجوآه وردة جورييييية حمرآ مغلفة بورق احمر بتجنن + علبة عُطر مغلفة + بلوزة صُوووووف حمرآ روعة .. يؤبرني كله زوووء ^^ انآ كيفت طبعآ , وكآن قبلهآ بآعتلي مسج عالجوآل كلآم حِلو من تأليفو ..
انا بآلمقآبل كنت عآملة جو بالبيت .. لآبسة حِلو وعآملة عشآ حِلو " كُوردون بلو + سلطة تركية + سلطة مآيونيز + سلطة خيآر باللبن + شوربة "
وحلويآت كنت عآملة كيك بالشوكلآتة + كريم كرآميل + حلآ البسكويت بالنسكآفيه ..^^

وبعدهآ شموع وورد مجفف حِلو بكل الغرفة .. hwaml7 كآن يٌوم حِلو مع انه دآيمآ بعمل الجو هآدآ بس يومهآ كان مميز


كيف هالرومآنسية بس هههههههه
يلآ قربت يآ بنآت شدوآ الهمة يآ حلوآت يآرب تقوموآ بالسلامة وكل وحدة تورينآ البيبي الحلو تآعهآ :)))

نهآركم سعيد

[احساس أنثى]

تتهني ياغموض ... يارب

وينكم صبايا انا مليت من وضع الكهربا بغزة بس بتجينا 6 ساعات وبتقطع 12 ساعة

أحيانا بتيجي ونحنا نايميييييييييييييين

[جارة القمر]

مساء الخير كيفكم بنات,,,,,,,

انا كتير مدايقه على اللي صار اليوم وهي حافلة الاطفال اللي توفوا الله يرحمهم ويصبر اهاليهم

غموض هلا وغلا فقدتك والله
وتتنهي يا قمر

احساس ربي يكون بعونكم على الكهربا

مايا حبيبتي خبرينا شو الجنس لتعرفي

[غُمُوض أُنثَى]

الله يعينكم يآ اهل غزة .. كلمت اهلي مبآرح بيحكولي صآرت زي ايآم الحرب الكهربآآآ

الله يرحمهم الاطفآل والله كتير زعلت عليهم والمشكلة انه الصهآينة كآتبين تعليقآت بتسم البدن
بيقولو " منيح انهم فلسطينين لحتى يقل عدد المخربين" ... تحريض وحقد واضح

انا عارفة ربنآ يصبر اهلهم بس

[سالي فلسطين]

انا سالي من فلسطين عضو جديد حابه اتعرف واستشيركم
انا متزوجه من سنه دورتي منتظمه والحمدلله وهرمون الحليب ممتاز وما عندي شي والحمدلله. بس عندي مشكله انو دورتي متأخره الها 17 يوم وعملت تحليل منزلي بليوم 13 وطلع سالب . ولهلا ما نزلت .ومعي فرزات وعندي الم بظهري والم الدوره المعتاد بس هو الم بيروح ويجي . شو رايكم بنات ممكن يكون حمل وما بان بتحليل المنزلي .
سعدوووووووووووووووووني بلييييييييييز وطمنوني الله يطمنكووووووو
hwaml7

[سالي فلسطين]

ساعدوني بناااااااااات والله تعبت من التفكير
يا رب اكون حامل ادعولي بناتhwaml7

[ملامح شرقية]

كيفكم بنوتات

كيف الحمل معكم

أنا صرت بنص الرابع ولسا لعيان النفس ماراح زهقت :(

وباقيلي اسبوعين واعرف جنس البيبي متشوقة كتييير مع انو مافرقت معي صبي ولا بنت

الله يتمملي ويتمم للجميع على خير يارب

[سالي فلسطين]

بليزززززززز ساعدوني . وينكم بنااااااااااااات

[جارة القمر]

مساء الخير يا حلوت هلا فيك سالي وكمان ملامح شرقية


اختي سالي حبيبتي شو مستنيه ليه ما تفحصي دم وان شالله حامل طبعا الفحص المنزل احتمال
كبير يعطي النتيجه خطأ على طول حللي دم
واذا كان حمل وانا هيك متوقعه فالف مبروك وازا كان لا احجزي عند
الدكتور النسائي...........لحتى تعرفي سبب التأخير

وخبرينا مو تنسي................................


ملامح شرقية الله يتمملك على خير
بالنسبه للوحام فالله يعينك بسمع انه بالرابع بوقف وفي ناس بوقف بالخامس

حسب الجسم


بنات وينكم!!!!!!!!!!!!!!!!!!!!!!!!

غموض الله يعين اهاليهم والله ..............
ويعين اهل غزة على البرد بدون كهربا

[لولو حمادة]

مسا الخير كيفكم
في حدا هون

[سالي فلسطين]

جاره القمر تسلمي كتير على ردك الي . من تمك لباب السما يا رب حااااااااااااامل .
واكيد راح احلل دم وبشركم .

[عسولة فلسطين]

كيييييييييفكم يا بنات
مشتااااااااااااااااااااااااااقة لكم كتير كتير
غموض،، حواااااء،،لولو،، سما،،جارة ،،احساس وكل الصبايا الجداد أهلا وسهلا

ممممممممم يا بنات فيه خبر حلو ربنا عوضني خير وحملت والوحام تاعبني كتير والله يا نايمة ياغثيان وحالتي حالة
اليوم حسيت حالي منيحة واستغليت جيت الكهربا اللي مفقعانا وفتحت اشوفكم ما فيه حد موجود؟؟؟
لولو الحمدلله ع سلامتك يا حبيبتي تقومي انتي والبيبي بالسلامة يارب

[حواء مثالية]

نهاركم عسل

والله يا عسولة افرحتلك من كل قلبي الله يتمملك على خير ياقلبي انتبهي لحالك كثير منيح

احلى خبر اسمعته الله يهنيكي ياقلبي عقبال باقي البنات كيف الثلج عندكم يا بنات نحنا عندنا بنزل بس بذوب بسرعة عند اهلي في كثير الله يجيب الخير يارب انا عطلت اليوم عشان الطقسسسسسسسسسسسسسس

[جارة القمر]

السلام عليكم


يا عيني ياعيني الله يفرح قلبك يا عسولتي متل ما فرحتيني عليك الله يتمملك على خير يارب
ويثبتلك حملك يا رب وتقر عينك انت وزوجك برؤيته .........................



سالي يلا بنستنا النتيجه هااااااااااااااااااا



حواء خير ما عملتي ما رحت على الشغل انا يوم الخميس ما رحت خفت من الجو

وانتو متلنا ما تراكم ...................ما شالله اهلك باي منطقة لحتى متراكم عندهم
انا ابني يزن بيستنا على الشباك من امبارح ههههههههههههههه ليشوف التلج

لولو كيفك ؟..............

ما شالله البنات رجعو بس ضايل اطل ام كرش كبير ست سماااااااااااااااااااا



شو طبختو اليوم ؟؟؟؟؟؟؟؟؟؟؟؟
عملت صينية خضرا وجاج
وشوربة خضرا
وبدي اعمل عوامه اخدت طريتها من اختي ازا زبطت
بعطيكم الوصفه

[حواء مثالية]

هلا صبايا منورة جارة صحتين انا اليوم طبختي اوزي تفضلووووووو

اهلي ساكنين بجنوب بيت لحم قريب من الخليل بحكولي الثلج عندهم بجنن

مممممممم جارة انا بعدني بعاني من الوحام وكمان بطني مو باين وكمان حركت البيبي خفت عن اول حكولي طبيعي عشان بكرية بالنسبة لحركة البيبي بهالفترة بتخف حركته انا خايفه يكون هالشي باثر على البيبي الاسبوع الجاي موعدي بالكم استنى الموعد ولا شوو اعمل ان شاء الله يكون هالشي عادي حماتي بتحكيلي غريب حملك والدكتور بحكيلي عشان بكرية عادي واخر مره شفت الجنين كان كثير كويس وبجنن الحمدلله مممممممممممم عشان كلشي جديد بمر في واول مره ما بعرف

[سالي فلسطين]

جاره القمر . انا عندي تحليل دم يوم الاربعاء . يا رب خير . واكيد راح ابشركم
شو رايك اعمل تحليل منزلي كمان مره ؟
اني حامل ؟

[احساس أنثى]

مساكم ورد صبايا فتت على الماتور

ان شاء اله تطلعي ياسالي حامل اذا مش مستنيه اعملي تحليل بول فترة الصبح ويارب خييييير

حواء انا هيني بالرابع وماحسيت بأي شي حتى بحكولي يبقى فيكي بنوته حتى الوحام ماخف والله تعب بس نعمة كريم

جارة شلونك صحتين على الاكل اللذيذ ... وعلى الجو الحلو عندكم ياريت ينزل ثلج عنا ... عنا بس الجو بارد ريييح بارد جدا

[جارة القمر]

سالي حللي ما رح تخسري شي ...............


حواء والله يا حبيبتي عادي عندي مرت خال الله يعينها بتصدقي وحامها لمتى بضل!!
لتولد حلف خالي انها
بغرفة الولادة كانت تشتفرغ من لوحام ................
وكانت ما تاكل الا شي بسيط
هلا هي معها بنتين
ولد والتلاته نفس لوحام فخالي كان يباعد بين فترات الحمل من كتر ما كان يشوف صعوبة حمل مرتو

وبطنها يكون بعد السادس ضهر وما شالله كانت ولادتها متل المي وصحتهم ممتازة
فسبحان الله ربي حاطط الجنين بقرار مكين ما بيتأذى بسهوله
وياما الدكتور قلي في بطني الاول اسرقي اكلك سرقه
يعني مو المهم تشبعي بس بين الفترة والتانيه شي بسيط

ويا روحي يا حواء والله اني بالخامس وشعوري بحركته مو كتير و ثواني فقط
مع انه على الاتراساوند بكون
ماشالله حركته
فقلت للدكتور
اني ما بشعر انه بتحرك قلي لانه بعده حجمه صغير والرحم وساع
اما بعد شوي ليكبر بصير يضرب بالجدران بقوه وهو يتحرك ..................
والله ما بكذب انه بطني بيزن ضهر بالشهر السادس شي بسيط
وجبته وزنه 3وشوي
و هلا بطني بيبان بس كاني ماكله منيح يعني بطني مو باين الا قليل ..............بس وزنه ممتاز ..............
قلي الطبيب
اتوكل على حواء واحساس ..................
بس حواء لازم تراجعي الدكتور بالنسبه للفوليك اسيد لانه كتير ضروري

[غُمُوض أُنثَى]

مبروووووووووووووووووووووووووك حبيبتي عسولة
والله فرحتلك كتييييييييييييير .. ربي يتمم الك ع خير hwaml7
عقبآلي يآرب بس جوزي لسا مش رآضي هلأ hwaml11

ديري بالك ع حالك وماتتعبي كتير .. مبروك يآ البي

[سالي فلسطين]

احساس انثى : اميييييييييييين يا رب حامل . من تمك لباب السما . خلص انا بعمل تحليل منزلي وببشركم .
الله يومقك بلسلااااااااامه وتكوني احلى ماما .
جاره القمر : كيفك ؟ زكيف الحمل معك ؟ انشالله بتوقمي بلسلاااااااااااااااامه . انا اختي متلك ما بتحس بحركه الجنين بلمره بس السابع بيصير يصحيكي من النوم بدو يلعب .ههههههههه . الله يتممالك على خيررررررررر

[حواء مثالية]

صباح الخير والله الجو اليوم كثير برد بس اطلعت على دوامي

ان شاء الله يكون خير يا بنات وان شاء الله وضعي بكون تمام بس بتعرفوا الوحدة فينا بتضل الوسواس لاحقها

نهاركم سعيد يا حلووووووووووووووووووووووات

[لولو حمادة]

صباح الخير حواء
فعلا الجو كثير بارد
مبروك عسولة كثير فرحتلك
جارة انا بعرف اعمل العوامة الطريقة بسيطة جدا

[حواء مثالية]

هلا لولو منورة دفي حالك كويس يا قمر

[غُمُوض أُنثَى]

يسعد مَسآكُم وكُل اوقآتكُم حبيبآتي ..

ربي يتمم لكم ع خير ان شآآء اللـــّه :))

شو طَبختُو اليوووم !

[عسولة فلسطين]

مساااء الخير يا بنات
الكهربا فقعتنا كتيييييييييييير كتييييييييييير الله يعينا يارب
الله يبارك فيكم يارب ويتمملكم على خير ويتمملي وعقبال غموووووووض ياااااااااااااااارب تيجي تبشرينا
حبيت امسي عليكم قبل لأنام لأني مسطلة
تصبحوا على خير

[حواء مثالية]

تصبحي على خير عسوله

الله يكون بعونكم يارب ويخفف عنكم وتنحل هالازمة

صباح الخير يا بنات

شو الاخبار

جارة سما احساس لولو غموض كل البنات وينكم .. الي بغزة معذورين الكهربا والباقي شو شاغلكم

[جارة القمر]

صباحكم ورد وفل ...................


بنات امبارح كان عندي ورشات بالبيت يوم الجمعة جبت طريش لغرفة يزن ليغير لونها
وامبارح اجا الموكيت والبرداي وبعدها غرفة النوم .......... اندبحت من التعب و التنضيف ولسا
ضايل كتير ..................... الحمد لله كنت بتمنى يكون غرفه ليزن ...وهو طاير عقلو فيها بس ما نيمته
فيها لانه بعدو ريحت لدهان و السجاد وبدها تنضيف وترتيب


حواء انا موعدي عند الدكتور يوم الخميس شو رايك تاخدي انت موعد لنكون بنفس اليوم ونعرف اخر الاخبار

غموض ربي يفرحك بالحمل القريب ..

لولو انا زبطت معي بس طلعت يابسه شوي لازم قلل النشا انت كيف بتعمليها للعوامه ؟

[حواء مثالية]

هلا جارة منورة ياقلبي

يعطيك الف عافيه يارب انا عندي هالورشة بالصيف للغرفة البيبي بعد العيد هي لونها بيج بدي اعملها اخضر

بصراحة مش قادرة اتحمل التعب والالم والله ياجارة صرت اشك انه عندي مشكله بضل مصفرنة وهزلانة اغلب الاوقات مع اني على اتصال دائم مع الدكتور وبحكيلي هذا دليل على انه حملك تمام والاستفراغ بكون مع ستات طول فترة الحمل وهاي ضريبة الامومة

بس كمان مش مرتاحة من الناس الي حولي هسه فتت بقصة ولد ولا بنت الست حماتي بدها ولد عشان لهسه ما بان بحكوا الي ما ببان لهسه بكون بنت ...... انا متمنية بكري يكون بنت ......... مش عارفه افرح باشي ولا انبسط اتعبت امثل اني مبسوطة وسعيدة ....... حاسة بغصة بقلبي بمر علي وقت بحس حالي لحالي بهالدنيا وطيبتي الزايدة قاتليتني والله بكتب وانا ابكي

[سالي فلسطين]

مسا الخير لأحلى حوامل بلدنيا

[لولو حمادة]

مسا الخير صبايا
بيعين الله يا حواء اصبري
جارة العوامة بعملها بطريقة بسسيطة جدا
بحط طحين وخميرة ودرة ملح ومية وبس وبعجنهم
وبخليها تخمر بعدين بقليها مرتين المرة الاولى بتنفخ وبطلعها بيضاء بعد ماخلص من كل الكمية برجع اقليها المرة الثانية بحمرها بتطلع مثل الجاهزة
بس انا بتغلب من القطر كيف المقادير

[جارة القمر]

يسعد صباحكم يا اعز اخوات..............

سالي يا قمر ما عرفتينا عليك ................عمرك من وين ............دراستك.......كم لك متزوجه ههههههههههه

بنات مستغرب منكم مبطلين تسألوا اخواتنا لجداد ...................




حوائتي يا عمري قلبي معك والله الله يعينك على لوحام .............تعرفي الواحد ما بقدّر الصحه الا لما
يتعب................


صدقيني ما بعد الشده الا الفرج ...........صدقيني متفائلك انه بعد شوي يخف عنك .............

ويا روحي اكيد رح اضلك هزلانه ما دام البيبي بيسحب الاكل والفايده لما تاكلي والله لما ما اكل بحس كانه ابر
بجسمي ................

حواء.............اشتري كورن فلكس رقائق الذره اللي على الكرتونه مرسوم ديك هذا افضل الانواع واطيبها واخلطيها
مع حليب وسكروافطري واتعشي عليها .................خفيفه وزاكيه ومغذيه ...................
او
ادهني تطلي فروله مع جبنه كيري .............او زبده ............

انا حابه اعطيك افكار لاني هدول انا باكلهم وما بتتعب معدتي منهم

طيب في بان كيك كتير سهل وبتعمليه ب 5 دقائق وخفيف ومغذي...........
طريقته ............
بس اتذكر بالزبط المقادير بكتبها بس بتتكون من حليب ومعلقة طحين وسكر وباكمبودر وبمقلاه على الغاز
بدون دهنها بشي بتحميها وبتصبي شوي من المقدار لينخبز متل القطايف و
وبس تخلصي حطي عليه اللي بدك يا عسل شوكالاته دبس بشكل خطوط مو دهن وممكن فروله ..........

وبالنسبه لجنس المولود هاد الشي بايد ربنا ...............ولازم الستات لكبار يفهموا هالشي في ناس
محرومه الخلفه ...............وهن بدللو بنت ولا ولد................
وصدقيني مشاعر الحزن والزعل بدخل التغير الهرموني بسبب الحمل بشكل كبير فيها يعني ممكن بدون سبب
نعصب ونخلق زعل ونبكي .............يعني بنصير حساسين اكتر كيف كمان لما الوحده تكون مش قادرة ..........


.....................



لولو ..............انا طريقتي بالعوامه ..............3 كوب طحين -نص كاسة نشا-رشة ملح -رشه سكر-ومعلقتين خميره
وتخمير 3 ساعات مع كل نص ساعه تحريكه بالمعلقه..........وبعدها القلي

القطر:العادي كل كاستين سكر مقابلها كاسة مي يعني دايما الماء نص كمية السكر
اما قطر العوامه اتقل شوي زيدي مقدار السكر شوي
وبعد ما يخلص غلي عصرة ليمون او ماء زهر ..........في ناس بتنكه القطر بمعلقة سكر
وبحطو قرفه عودان وقرنفل وهيل هادي وصفة فتافيت

[حواء مثالية]

صباحو كيف حالكم شو اخباركم عساكم بخير

بعين الله يا بنات مصيرها تهون الله يصبرنا ويكمللنا على خير

راح اجرب اعمل العوامة اليوم اذا روحت مصحصحة

[عسولة فلسطين]

صباااااااااااااااحكم فل يا بنات
يللا صحة وهنا ع الوصفات اللذيذة
بيعين الله يا حوااااااااااء بتهون
والله انا اندبحت بالوحام كتيييييييييييييير تعبانة وما بطيق حالي أحيانا
وفيه اواعي كرهتها و ريحة المكسرات والحلويات ما بطيقها بالمرة
جااااااااارة مبروك ليزن غرفته ان شاء الله بيتهنى فيها

[جارة القمر]

عسولتي تسلميلي يارب .................
عقبال غرفة االبيبي تبعك.............


حواء ممتاز اعمليها بس ديري بالك منها لتفقع
وان شالله تطلع طيبه ...........



بنات سما مختفيه ..............بدنا نطمن عليها قبل موعد ولادتها

[مسك السنين]

مرحبا صبايا انا عضوة جديدة معكم وعجبني منتداكم حبيت اشاركم
فلسطينية طبعا
ومن غزة
عمري 21 سنة

[حواء مثالية]

سما يمكن ما عندها نت عشان هيك مو هون

عسولة بعين الله ياقلبي شو بدنا نعمل

اذا زبطت وشفت حالي كويسه المسى بفوت بطعميكن

[حواء مثالية]

مسك السنين هلا وغلا فيكي ياقلبي منورة بيتك ومطرحك

[سالي فلسطين]

جاره القمر : حبيت والله كتير .
انا اسمي سالي عمري 23 ومتجوزه الي سنه وبشتغل معلمه . واليوم عايشه بحاله حزن كبيرررررررررررررره .
لانو اليوم كنت بلمستشفى وحكيت مع الدكتوره انو الدوره متأخره علي 21 يوم وعملت تحليل منزلي وطلع سالب بليوم 13 وصدمتني وحكتلي ازا طلع معك سالب يعني مفيش حمل وحكتلي انتي مش حامل انسي اخ يا ماما كنت عايشه على امل اني حامل اه يا بنات تعبت والله والما طلبت منها تعملي تحليل دم حكتلي مفيش داعي . وانا اخدت موعد عن دكتوره النساء اشوف شو القصه . والله كل الوقت بعيط وزعلانه كتير ادعولي بنااااااات الله يحميلكم اطفالكم ويتمم حملكم على خير
ربي لا تذرني فردا وانت خير الوارثين

[سما الدنيا]

مساء الخير كيفكم يا حلوات شو عاملين وكيف الحمل معكم....ادعولي يا بنات هلاء باي وقت ممكن الد ..يا رب اقوم بالسلامة ...بتعرفو الخوف زايد عندي من كل الجوانب الولادة والبيبي وصحتو وكل اشي...
وبتعرفو الي صار الحادثة بجبع الله يرحمهم ويصبر اهاليهم سببلي حالة نفسية صعبة لانو شفت الصور وهيك ....الله يخلينا الي منحبهم يا ربي...
اشتقتلكم يا بنات والله جارة حواء وعسولة واحساس وغموض ولو والكل..
كانو عسوله حامل يا رب هيك ....الف مبروك بس اكدولي الخبر عشان نباركلها بمسج خاص

[سما الدنيا]

اها هلا قرات العليقات كلهم..الف الف مبروووك يا عسولة ربي يتمم حملك عخير يا ربي..ولكل الصبايا...موعدي بعد بكره بدي اطمن عالبيبي ياربي ييجي عخير وهوه بصحة وعافيه يا ربي ...