دردشة بنات فلسطين, دردشة حوامل فلسطين, تجمع بنات فلسطين

[سهى2012]

صباح الخير

كيفكم كيف اصبحتوا ان شاء الله بخير

وببيهات بخير انا ماعدت انام صار لليل نهار ونهار لليل

[جارة القمر]

صباح الخير

صحه وهنا عسوله وست غموض شهيتونا يا بنااااااااااااااااات

بشرب بنسكافيه الصباح تفضلو ............
صحيح بنات من اول حملي وانا ما بقدر اشرب الحليب سادة بحط قليل نسكافيه لاقدر اشربه شو رأيكم؟
ومن بداية حملي ما اكلت بيض الا كم مره وانتو؟؟؟؟؟؟؟؟؟؟؟؟

[سهى2012]

يسعد صباحك جارة

صحتين على نسكافيه انا كنت زيك في بداية حملي ما بشرب حليب لوحده احط معه شوية نسكافية ولما كنت بتونس عندهم عادات قهوة صبح مع كيكة قهوة يعني نسكافيه وحليب او شوكولاته وحليب بس طبعا كنت اقل شي بالاسبوع اكل بيضة او تنتين عشان منيح وقت حمل بس مش بكتره

[بينك روز]

صباح الخير صبايا شو اخباركم
جارة انا متلك من اول حملي ما شربت حليب ولا اكلت بيض
الله يستر
بس احيانا بشرب حليب مع نستويك بالشوكولاه

[جارة القمر]

امي ضحكتني ...........اتصلت علي بتقلي انها طول الليل بتتقلب وبتستنا فيه ارن على التلفون
اقلها بدي اولد ويا حرام بتقلي كل ساعة تتفقد بلفونها وحاطه تلفون البيت جمبها ههههههههههه

[سهى2012]

هلا بينك روز كيفك ياعسل

شو اخبار رهف كيف حركتها

والله انا اليوم منفخة كتير كتير رجليا وايدي زي كورة كبيرة بس بستنى ليوم السبت موعد دكتورة ربنا يكملنا على خير

[بينك روز]

يالله على قلب الام
الله يخليك اياها جارة
وتكون ولادتك سهلة يارب

[بينك روز]

هلا سها
والله انا اليوم كمان منفخه كتير
وحاسه انه ضغطي واطي
مابعرف مالي ضغطي الايام هاي كتير بوطا
يارب كون معنا يارب

[سهى2012]

يارب يكون معنا ويخفف علينا حمل

بحسب بدقيقة وقتيش اولاد وارتاح من كل شي تنفيخ وجع وجلطه وكل شي تعبت كتير كتير وان شاء الله تيجي جنى على خير وسعادة وتكون بصحة جيدة لاني والله مش متحمل شي بعدها

[بينك روز]

ان شاء الله يارب
الله يسمع منك

[حواء مثالية]

سلام عليكم كيفكم شو اخباركم عساكم بخير


ام عزمي وينك لا حس ولا خبر ان شاء الله المانع خير

سمااااااااااااااااااااااااااااا طولتي نيمي عمورة وتعالي طمنينا عنك

جارة ان شاء الله بالسلامة يارب حاسة حالك مطولة ولا شو ادي خلصتي من التاسع

سهى بالسلامة ان شاء الله الله يخفف عنك وعننا يارب ويسهلها ((((( كن مع الله ولا تبالي))))))

هبة منورة

بينك روز يسعد اوقاتك

والله انا كمان ايدي واجري منفخات صبحوا مبارح حسيت ما في شي بس شكلي لما اتذايق او ازعل بصير هالشي عندي

كل الصبايا نهاركم سعيد

[أم عزمي]

يسعد مساكم جميعا

هلا ام عزمي كنت بدي اسئلك انت من وين بخانيونس يعني وين انتي ساكنة

انا بيت حمايا سكان خلف حي الامل عند مدرسة شيخ جبر
سهى حبيبتي
أنا بعيدة عن بيت حماكي بس بعرف المنطقة اللي ساكنين فيها أنا ساكنة حي الأمل آخر شارع المدرسة اذا ما في مشكلة قوليلي من أي عائلة بيت حماكي؟

[أم عزمي]

صباح الخير صبايا
كيفكم
معلش ما فوتت امبارح وانتوا ما شاء الله ما قصرتوا حاكين كتير بدي يومين تشوف محادثاتكم
بدي احكيلكم انه سلفتي ولدت الحمد الله والله اعطاها عبد الرحمن الله يحفظه يارب
زي القمر بجنن ما شاء الله عليه
بس ياحرام ولادتها كانت صعبة كتير الله يكون بعونها
وينسف مستشفى الشفا نسف
لانه حيوانات الي فيه مو دكاتره
حسبي الله ونعم والوكيل

حبيبتي الحمدلله على سلامتها عئبال سلامتك يا عمري

[أم عزمي]

عيون المها سلامتها بنتك لانا ما على ألبها شر انشاء الله
عسولة فلسطين-مسك السنين-حواء مثالية تسلمو على السؤال معلش خليتكم تفقدوني
بس والله الكهربا الها يومين بتقطع من الصبح للساعة 3 العصر و طبعا المسا بيكون جوزي قاعد عالنت
و امبارح رحت عند أهلي صارلي 3 أسابيع ما شفتهم و كمان عشان ماما كانت عند أختي اللي ولدت و أول امبارح كان أسبوع البيبي
بس أنا ما رحت خايفة أطلع مشاوير بعيدة بالسيارة و امبارح نزل عليا دم مع افرازات تنكدت و نفسيتي صارت زفت بس الحمد لله راح مهو أنا بتنزل مني افرازات بسبب الغرزة اللي عملتها لعنق الرحم و الشهر اللي فات كان ينزل عليا دم كل أسبوع مرة و كنت أتنكد و أروح عالدكتور و كان يقولي انه الخلاصة وضعها تمام و الجنين بخير لا تخافي بس أنا كتير خايفة لأني حسيت بمرارة فقدان الولد الله يكون معي أمانة يا بنات ادعولي أولد بالشهر التاسع و الله ميتة خوف و كمان كلام الناس ما بنخلص منه أنا كمان 12 يوم انشاء الله بفوت بشهري و بآخر الأسبوع الأول من شهري بفك الغرزة انشاء الله عخير معلش طولت عليكم بالحكي اعزروني

[Heba T]

مسالخيير

مين هنا/؟

[أم عزمي]

هلا مسا النور

[مسك السنين]

بنااااات كيفكم اليووووم

[أم عزمي]

هلا مسك السنين
أنا بخير ما قرأتي شو كاتبالك و للصبايا اللي سألوا عني ليش كنت غايبة؟
و صورة توقيعي بتكون بنت أخي شو رأيك فيهاااااااااااا؟

[مسك السنين]

هلا حبيبتي يااااااارب تقومي بالسلامة انت وهويدة
بنت اخوكي اسمالله قمرررر ربنا يحفظها الكم
عقبال عندك تشوفي هويدااا

[أم عزمي]

تسلمي الله يخليكي و يقومك بالسلامة

[أم عزمي]

صحيح مسك السنين
انتي كنتي تسألي عن الخلاصة الجانبية ؟

[حواء مثالية]

يسعد مساكم

منورة ام عزمي الله ما يحرمنا طلتك يارب

مسك هلا ياقمر

هبة مساكي عسل

هاتو شي ندردش في

[مسك السنين]

ايوة ام عزمي انا سئلت عن الخلاصة الجانبية

[Heba T]

بخ


منوووووريييييين

[أم عزمي]

هلا حواء بدك موضوع ندردش فيه ممكن نحكي نكت هههههههههه شو رأيك
مسك السنين بالنسبة للخلاصة الجانبية بصراحة و ما بدي أخوفك سمعت انها بتسبب ولادة قيصرية الله يبعد عنك الشر حبيبتي لأنه صعب و خطر انه تكون الخلاصة سابقة الجنين و الله يبعتلك اللي فيه الخير حبيبتي لا تخافي بس ضلك تابعي عند الدكتور
هبة بخ عليكي منورة حبيبتي

[Heba T]

ام عزمي اليوم مفرفشة

[مسك السنين]

ازا ع قدر قيصيرية فش مشكلة عندي
كانت ولادة طبيعية او قيصيرية الاتنين فيهم الم
بس مابدي يصيرلي شي بهالشهور يعني اوصل للتاسع وكتر خيرها للخلاصةههههههههههه

[أم عزمي]

هههههههههههههه
ليش بتقولي هيك يا هبهب و الله اني امبارح كنت متنكدة لأنه نزل عليا دم مع الافرازات اللي بتنزل بسبب الغرزة اللي أخدتها لعنق الرحم مع انه صار معي هيك بنص الشهر السابع و انا هلأ بنص التامن و الدكتور كان يطمني و يقولي انه الخلاصة بمحلها ووضعها تمام و الجنين بخير و الحمد لله بحس بحركة بنتي بس و الله خايفة موووووووووت الله يكمل هالأسابيع الباقية عخير أنا بتمنى بس اني أفك الغرزة من هون و بعدها أولد من هون ياااااااااااارب

[أم عزمي]

مسك حبيبتي انتي بأي شهر هلأ؟

[مسك السنين]

يوم الخميس الجاي ببلش بالخامس

[أم عزمي]

أها يلا وصلتي لنص الطريق الله يتمم لك عخير يا عمري

[مسك السنين]

الي والك ولكل الصبايا يااااااااارب

[أم عزمي]

تسلمي حبيبتي انتي بس ريحي حالك و أهم شي انه ما بينزل عليكي دم صح؟

[جارة القمر]

مساء الخير هي دخلتي البيت اخدت دوش وجيتكم ههههههههههه

كنت بالشغل لاني رحت اليوم متأخر
وبعدها مريت على امي فجأة ولقيتها عامله معكرونه وشوربة
الحمد لله لحقتلي صحن
ورحت بعدها انا وجوزي شرينا كعكتين ........بكرا بدي اعمل حفله صغيره ليزون تفضلو
بس لحد هلا ما عزمت حد ومش ناويه اعزمهم على اساس
عيد يزن حرام ما بدي اكلفهم بدي اعزمهم
على اساس فنجان قهوه .................

انا ساكنه بعماره فوق بيت حماي الطابق الخامس الله يعني على الدرج............
وكل العماره عمام جوزي وفوقي سلفتي
ونحن بنحب بعض كتير مع انهم مش صغار بالعمر اصغر وحده عمرها 30 سنه
بس بحبهم وبحوني الحمد لله



ام عزمي بنت اخوكي بتجنن ما شالله عنها ان شالله هويده تطلع متلها

هبه
حواء
سهى
بينك روز
عيون المها
عسوله
غموض
سما
بنت الضفتين
مسك السنين
احساس انثى

ان شالله ما نسيت حد ربي ما يحرمني منكم اعز اخوات ..........


حواء :انا ضايلي اسبوعين لاخلص شهري
بس انا مش حاسه اني رح اكملهم يعني كل يوم بتوقع اولد

[Heba T]

جارة القمر يعطيكي العافية وكل عام وهو بخير يزون

والله يعينك عالدرج

[غُمُوض أُنثَى]

جـآرة , ربي يقومك بالسلآمة حبيبتي

يلآ مش ضآيل كتير :)

وعقبآل 100 سنة لـ يزووون كل عآم وهوا بألف خير

ونحنا مآ النآ كيكة ؟؟ ههههه يتهنى يـآرب الله يخليلك ياآه

-

شُو عآملين الصَبـآيـآ اليُووم

[أم عزمي]

مسا الورد صبايا
جارة الأمر انشاء الله عئبال 100 سنة ليزووووووووو
و كل عام و هو بألف خير انشاء الله يكبر و تشوفيه عريس و تعملي اعياد ميلاد لأولاده ههههههههه حبيبتي الله يخليلك اياه يا رب
و الله يعينك على الدرج يلا هانت قربتي تولدي عئبال عندي يااااااااارب

[جارة القمر]

ام عزمي
وغموض
وهبه
تسلمولي يارب
وهاي احلى كعكة لعيونكم


http://t1.gstatic.com/images?q=tbn:ANd9GcS9muDzvvaq1wZkj2ZuIFL5zxi49lMA_ JUJyxSzZxpvx94RgQJT
يلا بدوووووووووووور

[أم عزمي]

مرسي تسلمي عالكعكة شكلها لزيزة خاصة انها بالشوكولاتة وأنا بموووووووووووت بالشوكولاتة
ههههههههههههههههه

[Heba T]

عدها قطعت الكهرباااا

[جارة القمر]

ام عزمي انا ما بحب الكيك الجاهز بحب صنع البيت

صحيح بدي اسألكم لما تقطع الكهربا بالليل متل هلا شو بتعملو كيف بتقضو الوقت؟؟؟؟

[غُمُوض أُنثَى]

حتى انا بحب اعمل الكيك بالبيت ياجارة

اهل غزة تعودو ع قطعة الكهربا

انا لو مكانكو وقطعت الكهربا في هالوقت بطلع بتمشى انا وجوزي :)

[أم عزمي]

أنا لما تقطع الكهربا بفتح أغاني على اللابتوب و مرات بسهر أنا و جوزي و مرات بسهر مع بنات عمو لزوجي
يعني و مرات بحضر عرسي هههههههههههه بس صح كلام غموض تعودنااااااااا بس بصراحة روحي بتفرفط من قطعة الكهربا
و خاصة بالليل بصير بدي أعيط و مرات بعملها و بعيط هبلة عادي بعيط متل الصغار ههههههههههههههههه

[أم عزمي]

يا بناااااااااااات أنا زهقااااااااااانة مووووووووووت و النت اليوم هبل ما في شي يسلي ما بعرف ليش؟
يمكن عشانكم مش موجودين هوووووووووووون؟؟؟؟؟؟؟؟؟؟؟؟؟؟؟؟؟؟؟؟؟؟؟ظظظ

[غُمُوض أُنثَى]

هههههههههههه ضحكتيني يا ام عزمي

يعني لما بتزهقي بتتسلي بالعياط؟؟؟؟

ع فكرة احيانا كنت اعملها انا هههههه

شوفي انا متلك يمكن يوم بعد يوم بتفرج ع عرسي ^^

[احساس أنثى]

هههههههههههههههههههه

مساكم ورد وفل وياسمين ياحلوين

بكره فرجي ابنك على فرحك ياام عزمي وغموض انثى

انا توي مروحه من الموفنبيك بس شوووووووو زحمه ومليان اطفال كنت اروح بجو الشتا هدوء اكتر بس حلوة القعده عشان اللمه اليوم الخميس

شو عاملين لبكره غدا ؟؟

[Heba T]

بخ

بالنسبة لقطعة الكهربا تعودنا بس بصراحة انا بسير عنيفة لو يصحلي اضرب حد مش حقصر

احساس انثى الموفنبيك حلو لما يكون فاضي بحس ,

انا غدا بكرا فانا مرتاحة زوجي طالع مع اصحابه للمسا واانا فاااااااااضية اجاااازة

انت شو طابخة بكرا

[مسك السنين]

هلا اجت الكهربا بنص الليل شو اسوي فيهااااااااااا

[جارة القمر]

صباح الخير بنات............

الله يعينكم والله لتقطع شوي عنا بفرفط.............
بالنسبه لاتفرج على عرسي بتصدقو ما بحب بخجل ههههههههههه

المهم انا ليش دخلت بناااااااااااااااااااااااااااااات مشان الله ادعولي بترجااااااااااااااااااكم
نزل علي افرزات مع دم وحاسه بالم بروح وبيجي ..........ادعو الله ربي يسهل علي ولادتي


بس يارب اصمد شوي لاني حضرت لعيد يزن .......قلت لزوجي
اعملو الحفله حتى لو انا رحت اولد والله هاد الحكي امبارح بس كان عندي شعور
اليوم يصير شي ....وامي حلمانه فيي ههههههههههههههه وشكله رح يتحقق

[أم عزمي]

يا حبيبتي يا جارة
ربي يسعد صباحك ما شاء الله صبحتينا بخبر حلو انشاء الله بتبشرينا بسلامتك و سلامة البيبي حبيبتي
و بالنسبة ليزن معلش خيرها بغيرها انشاء الله تعمليله عيد ميلاد و انتي قايمة بالسلامة و بعدين و الله أجتله أحلى هدية ليزن شو بدو أحلى من هيك راح ييجيله أخ الله يهونها عليكي و عئبااااااااااال عندي و الله حاسة اليوم بسنة متى أقول هيني بالتاسع و الله فرطت و كل يوم بالليل بتعب و بخاف كتير لأخسر بنتي بستنى متى أدخل بالتاسع و بعدها بطمن و الله حاطة ايدي عئلبي بعين الله بس جوزي دايما بيطمني و بيقولي خوفك هو اللي حيدمرك و يدمرنا معك ياعمري و الله لتشوفيها بين ايديكي و تكبر بأحضانك الخمد لله انه جوزي بيهون عليا معلش طولت عليكي بالحكي حبيبتي انشاء الله النا البشارة يا عمري
و بالنسبة لانك بتخجلي تتفرجي على عرسك هههههههههه موتيني من الضحك بس مرات بحس بنفس شعورك لما حد يتفرج معي هههههههههههههههههههههههههههههه

[أم عزمي]

صباح الورد لكل الصبايا و انشاء الله جمعتكم مباركة
أنا مبسوطة تصبحنا بخبرية حلوة و انشاء الله بتكمل على خير و بنتبشر بولادتها و سلامتها لجارة الأمر ياااااااااااااارب

[جارة القمر]

ام عزمي حبيبتي ربي يقومك انتي وهويده بصحه وبسلامه يارب وتوكلي على الله..........ان شالله رح ادعيلكم كلكم
وانا بالولادة
بالنسبه لحفلة يزون
ههههههههههه عزمتهم يجو عندي بعد اذان العصر ...........بدي اصمد

حرام يزووون ......وصرت محضره كلشي ........

ورح اضل متواصل معكم لاقصى فترة لاني بحس انكم بتدعموني والله

[أم عزمي]

يا عمري الله يخليكي لولادك و ما يحرمكم بعض
صحيح لما تدعيلي قولي الله يتمملك عخير و يقومك بالسلامة يا هداية يابنت فتحية و فايزة و جمال هههههههههههه
مهو امي اسمها فتحية بشهادة الميلاد و بينادوها فايزة حبيبتي لا تنسينا بالدعاء و احنا انشاء الله معك و بندعيلك
يا رب تصمدي و تعملي عيد ميلاد يزن و عالمغرب ييجي معاد ولادتك يا عمري ياااااااااااارب

[حواء مثالية]

صباح الخير

جمعتكم مباركة الجميع

جارة بالسلامة يارب الله يقيمك بالسلامة انتي والبيبي عشان انا بعدك والله حاس انه ما ضللي شي لاخلف ادعيلنا امانة ياقلبي

ام عزمي يسعد صباحك يارب ونهارك سعيد

[أم عزمي]

حبيبتي حواء
انتي بعدها و أنا بعدك باذن الله يلا بالدوووووووور ههههههههههههه
يسعد يومك و جمعتك مباركة

[أم عزمي]

و الله يا جارة جوزي جايبلي كرز
و جايب معاه عوامة و بورمة بالقشطة شكلو بدو يحتفل بعيد يزووووووووووو ههههههههههههههههه

[بنت الضفتين]

صباح الخير
جارة القمر مبروك عيد ميلاد يزن وعقبال 100 عام وربنا يقومك بالسلامة وتكون ولادتك سهلة
انا متلك خايفة كتير من الولادة صحيح بحكو ساعة الولادة ساعة منسية بس بضل الها رهبة وخوف وربنا يقوم كل الحوامل بالسلامة ويشوفو اولادهم بصحة وعافية

[جارة القمر]

ام عزمي هههههههه لازم اسجل اسمك على ورقه معناتو
وبالنسبه لزوجك يا عيني شو هالدلال هااااااااااااد خلص بس ضل تولعي شمعه

حواء ومسك السنين ربي يتمم عليكم ويقومكم سالمين

[أم عزمي]

ههههههههههههههههه
حبيبتي و لا يهمك بنجيب جاتوه و بنولع شمعة رقم 4 صح 4 سنين و لا أنا غلطانة؟؟؟
أصلو عندنا شمع على شكل أرقام بتجيبي الرقم اللي بدك اياه شو رأيك أنا هديتي ليزووووووووو بوسة و اذا بينفع بنعطيه هويدة عروسة له هههههههههههههههه

[أم عزمي]

انتي قصدك شو هالدلال انه جوزي بيدللني و لا انه الدلال ليزن ههههههههههه
اذا قصدك عني اوعك يسمعك ليخجل و يبطل يدللني ههههههههههههههههه

[مسك السنين]

صباحووووووووو
وصباح الاخبار الحلوة
جاااااااارة ربنا يقومك بالسلامة وعيد ميلاد سعيد ليزن
ويلا عقبال عند البنات يقومو بالسلامة وربناا يتمم ع خيييييير

[أم عزمي]

يا بنات عيطو معي ههههههههه
أهلي بدهم يروحوا يتغدوا عالبحر و أنا جوزي مش فاضي عشان نروح معهم
أصله بيت حمايا الهم صالة أفراح جنب بيتي و اليوم فيها اشهار و جوزي هو اللي بيقعد على الديجي و الاستيريو
و بيحط الأغاني للعرسان بس يلا بتسلى بروح بتفرج عالعرسان ههههههههههه

[حواء مثالية]

يسعد مساكم


منورة ام عزمي

[بينك روز]

مسا الخير صبايا شو اخباركم
وحشتوني والله بس شو نعمل الكهربا هيه الي بتعمل معنا هيك
جارة الله يقومك بالسلامة والعمر كلو ليزوون العسل
شو اخبارك ام عزمي وهبة واحساس وعسولة وحواء وسها وعيون المها اكيد مابدي انساها
ومسك السنين حبيبتي ان شاء الله بخير
طمنوني عنكم يا قمرايات

[سهى2012]

جمعة مباركة ويوم حلو للجميع

اليوم كتير شوب ونار وينكم صبايا

يلاه كله مشغول بطبخ ونفخ وشغل البيت وجوازنا طبعا ههههههههههه

[بينك روز]

يالله يا جارة شو حاسه فيكي
امانة تدعيلي
الله يقومك بالسلامة ياقلبي
وما طولي علينا كتير بس تولدي على طول بطمنينا ياعسل

[مسك السنين]

بينك انا الحمدلله بخيرررررررررر بسطول اليوم ببكي من وجع ضهري
مع انو مرتاحة

كيفك انتييييييي

[سهى2012]

جارة الله يقوم بسلامة حبيبتي

يارب يارب تكوني بخير وتولدي بسلامة

بدعيلك ياروحي ربنا يكون معك ويسهلك الامور

[سهى2012]

مسك السنين

سلامتك من وجع الظهر حاولي ترتاحي ما تشوفي شر ان شاء الله

بينك كيفك اليوم ان شاء الله تمام تعالي لعندي

[احساس أنثى]

مرحبا ياحلوين .,, ازيكم

جاره الله يقومك بالسلامه يارب قلوبنا معكم والله يرعاكم هههههههه

مسك السنين سلامة ظهرك من شو؟؟ من التقل ولا التهابات ؟؟

ام عزمي انتي من سكان غزه ؟؟

[جارة القمر]

حبيباتي الله يسعدكم وضلو لي احلى اخوات هلا خلصت تنضيف بعد حفلة يزون

بس بنات ما عندي الم قوي لسا متل ما هو متل وجع الدورة بس الافرازات بعدها

ام عزمي شو هالدلال الك اسم الله عليه زوجك وان شالله يضل هيك ............لو انا منك بروح مع اهلي بتغدا
وبرجع احضر العرس وبرقص هويدا شوي هههههههههه........
وطبعا البوسه وصلت اما بالنسبه لهويدا عروس ليزن بشرفنا اكيد
بس المشكله لحد هلا على ذمة يزن اكتر من 5 بنات هههههههههههههه
بترضى بنتك هالوضع


ا

[غُمُوض أُنثَى]

جمعَة مبــآركة عليكم يـآ صبـآيـآآ

شو طآبخين اليوم ..؟؟

انا عآملة فرآخ مع خضآر بأكيآس الفرن + رز مندي " تفضلو "

زهقت من الطبخ والله بحتار شو بدي اطبخ كل يوم وجوزي بالمرة ما بساعد بالاقتراحات

-

مبروك عيد ميلاد يزون ياجارة الله يخليلك ياه يارب وتقومي بالسلامة حبيبتي

ومسك السنين يارب تقومي بالسلامة

وسهى حبيبتي ان شاء الله ربي يقومك بالسلآآآآآمة

البآقيين لسآ بدري عليهم هههههه

نهآركم زين

[مسك السنين]

احساس والله مابعرف من شو بس اما مرتاحة كتييييييير
يعني لو في التهابات ممكن يسوي الم بالظهر؟
طيب هاي الالتهابات بكشف عنها بتحليل ولا صورة ولا كيف
لانو اول مرة بسمع معلش مابعرف


جااارة يلاااا ان شالله انبسطووو

غموض وسهى ربنا يسعدكم ياااااااااارب
تحياتي الكم

[حواء مثالية]

يسعد مساكم يارب

يعطيك الف عافيه جارة وان شاء الله يضل الك وتضلي الو يزن وتحتفلي في كل سنة يارب


كل البنات الله يسعد اوقاتكم يارب

بنات ثلاث ايام بنزل بالتاسع واخيرا ساعة الصفر قربت بدي ارتاح عقبال عند الكل

جارة قبل تروحي على المشفى فوتي احكيلنا انك رايحة ونحنا بنتوقع الاحداث لوقت ما ترجعي هههههههههههههههه

سما والله الك وحشة وينك يا بنت طمنينا عنك ياعيني


لولو حمادة كمان اكيد سافرت

[جارة القمر]

مساء الخير .............
غموض
تسلميلي يارب

مسك السنين اه والله انبسطنا

حواء اوكي ولا يهمك ....رح اضل معكم لاخر لحظه..

انا اكلت اليوم مقلوبة من حماتي بس هلا جوعانه ومش عارفه شو بدي اكول مو جاي عبالي شي

[Heba T]

مسالخير

جارة القمر طمنينا كيف وضعك؟

مسك السنين منورة

حواء مثالية الله يقومك بالسلامة

احساس انثى صحتييييين

[احساس أنثى]

مسء الخير على الحلوين لحظات وتقطع الكهربا يادوب اكتب هههههه

مسك السنين والله انا مره سالت عن وجع ظهري حكولي يمكن فطريات والتهابات وحكولي اشربي مويه كتير لانو الالتهابات الشديده بتسبب ولاده مبكره

عم باكل اسكمو يلي ع بالي ما يحرم حالو لانو اليوم كتير حر

اكيد الكل بيحضلر عرب قود تالينت انا بحضرو رغم اني مابحبو هههههى بس تضيع وقت بحس مافيه مواهب عن جد كلها هبل

[Heba T]

اه والله هالبرنامج بااااايخ


انا ما بحضرو

[حواء مثالية]

مساكم فل كيفكم

هبة تسلمي يا عيني

احساس انا ما بحضرووووووووووووووووو

فتت البيت طلعا نتمشى واكلنا ذرة وايسكريم

[عيـ‘ـون المهـ‘ـا]

مســـــاكم معطّـــّر بشـــذى الــورد
اخبـــــاركم حبــ ــوبااااااات ؟؟

يـــــزن اليوم طفّـى 4 شمعـ‘ـات ,, يا حيــاتي ان شاء الله تضل شمعــــه منـــوره في حياة الماما و البـــابـــا
جـــــارة القمــــــر
عئبــال ال120 للقمر الحقيقي يزن,,
ربي يهـــونها عليكي و تقومي سالمـــه و بين ايديكي الامير الصغير
بتاخدي معاكي البلفون و بتنقلي لحضراتنا الخبر من قلب الحدث هههههه و اذا بتحطي مباشر live بيكون احسن ههه
مسائك حلللللو بعيد عن الاوجاع
تحياتي

[احساس أنثى]

مشكلتنا ياصبايا اي برناامج جديد بنتابعو سواء هادف أو لأ ..!!

[احساس أنثى]

انا بقول انو في البعض عندهم مواهب بجد .... بس نادرين الاغلب حركات ورقص وبس مابتحسي في مواهب جد صعب الشخص يعملها ....

[عيـ‘ـون المهـ‘ـا]

امـــــ عــــزمـــي ــــ
******
ان شاء الله تدخلي شهرك التاسع
لا يضل الخوف مسيطر عليكي
اقرأي دائما ايات التثبيت على بطنك
طالما هاي الافرازات من الغرزه فلا تخاااافي الراحه اهم شي لوضعك
كيف كان نهار جمعتـــــك
****

[Heba T]

زهقـــــت كتييييير

[غُمُوض أُنثَى]

والله يـآآ حوآء احنا كمان كنا بنتمشى انا وزوجي

تقريبا كل يوم بنروح نتمشى عشان بالليل الجو حلو وفي نسمات هوا حلوة

-
برنامج اراب جوت تالنت في ناس حلوين بس اغلبهم تفاهة

انا متابعاه والله بسلي وبيضحك بنفس الوقت

احضروا امريكا جوت تالنت وشوفو المواهب عنجد هههههه

مساكم ورد

[Heba T]

هدووووووووووووووء

والكل نايم مبين


تصبحو على خيييييييييير

[Heba T]

باااااااك عالسريع

سما مشتاقينلك كتييييييييييييييير< اجت في بالي والله قبل ما اروح

تصبحو على خير

[مسك السنين]

عيوووووووون شو ايات تثبيت الحمل انا مابعرفهم

منوووووووووورين صبايا

[عيـ‘ـون المهـ‘ـا]

عيوووووووون شو ايات تثبيت الحمل انا مابعرفهم

منوووووووووورين صبايا
تكـــرم عيــــونك حبيبتي راح اكتب الك اسم السوره و رقم الايه ,,و الايات الطويله شوي راح بس اكتب الك رقمها و انتي اكتبيها من القران
بسم الله الرحمن الرحيم
البقــره((25))
البقـره((265))
النساء((66))
الانفال((11))اذ يوحي ربك الى الملائكة اني معكم فثبّتوا الذين امنوا

الانفال((45)) يا ايها الذين امنوا اذا لقيتم فئة فأثبتوا و اذكروا الله كثيرا لعلكم تفلحون

هود((120))و كلآ نقصّ عليك من انباء الرسل ما نثبت به فؤادك و جاءك في هذه الحقُّ و موعظةُ و ذكرى للمؤمنين

ابراهيم ((24)) الم ترَ كيف ضرب الله مثلآ كلمة طيبهً كشجرةٍ طيبةٍ اصلها ثابت و فرعها في السماء

ابراهيم((27)) يثبت الله الذين امنوا بالقول الثابت في الحياة الدنيا و في الاخره و يضل الله الظالمين و يفعل الله ما يشاء

النحل((102)) قل نزلّه روح القدس من ربّك بالحق ليثبّت الذين و هدىً و بشرى للمسلمين

و دائما إقرأي على بطنك
((لكل نبإ مستقرٌ و سوف تعلمون)) 7 مرات
(( الله خيرٌ حافظأ و هو ارحم الراحمين))
((و لهُ ما سكنَ في الليل و النهار و هو السميع العليم))
***************************************
صدقيني ما برتاح ألا بالقران و دائما استودع اجنتي لله
ودائع الله لا تضيع

[عيـ‘ـون المهـ‘ـا]

بينــــك روز ّ& سهـــى
صباحكم ورد و ريحان
تقريبا عندي الساعه 11 بالليل بس ما حبيت اطلع قبل ما ابعت الكم احلى صباح لاحلى خواااااات
عيووني مسكره هههه و بدي اانام’’ متلك يا سهى كتير صايره عم بتئلب بالليل و يادوب بعد صلاة الفجر ارجع اانام شوي ,, مع كبر البطن ما عم يستقر نومي
و انتي ان شاء الله عم بتنامي احسن هلآ

نشوفكم حبوبات على خير
سلامي و ودي الكم

[maya123]

صباح الخير صبايا في حدا هون؟

[جارة القمر]

صبااحكم فل وياسمين..............

والله زوجي من الجو تبع ليلة امبارح ضل صاحي لاذان الفجر وصحيت عليه
بقلو شو مالك قلي مش عارف على العلم انه عنا 3 مكيفات بالبيت
انا بشغلو لما ادخل انام بس ولا مره صحيت من النوم الا وبطني بوجعني مع اني بخلي الدرجه طبيعيه مش بارد ..............
بس انتو كيف مرقت ليلتكم .................؟
صليت الفجر حسيت بمغض وهلا كمان عندي مغص مع افرازات ودم
مش ناويه اروح على المستشفى الا
ليصير شي عندي واضح للولاده لاني بصراحه بيزن رحت بدري وتعبوني فحص ............

عيون المها هههههههههه ضحكتيني على النقل المباشر هي بلحظتها بتكون الست بدها
تدبح الحوليها من الالم ........
لا بس ان شالله بنقللكم الحدث بعد ما صحصح ........

فعلا سما الها زمان مادخلت ........

[أم عزمي]

حبيباتي الله يسعدكم وضلو لي احلى اخوات هلا خلصت تنضيف بعد حفلة يزون

بس بنات ما عندي الم قوي لسا متل ما هو متل وجع الدورة بس الافرازات بعدها

ام عزمي شو هالدلال الك اسم الله عليه زوجك وان شالله يضل هيك ............لو انا منك بروح مع اهلي بتغدا
وبرجع احضر العرس وبرقص هويدا شوي هههههههههه........
وطبعا البوسه وصلت اما بالنسبه لهويدا عروس ليزن بشرفنا اكيد
بس المشكله لحد هلا على ذمة يزن اكتر من 5 بنات هههههههههههههه
بترضى بنتك هالوضع


ا
تسلمي حبيبتي الشرف النا أكيد بس شو هالدلال 5 بنات؟؟؟؟ لا يا عمي بطلنا عنكم احنا يا بتكون بنتنا مأيدة مسيدة يا بلاش هههههههههههههه و لا شو رأيك أقولك احنا نترك الاختيار ليزن هو يختار واحدة من الخمس بنات ماشي هيك بنكون استبينا هههههههههههههه حبيبي ربي يقيمك سالمة

[أم عزمي]

مرحبا ياحلوين .,, ازيكم

جاره الله يقومك بالسلامه يارب قلوبنا معكم والله يرعاكم هههههههه

مسك السنين سلامة ظهرك من شو؟؟ من التقل ولا التهابات ؟؟

ام عزمي انتي من سكان غزه ؟؟
أنا سكان خانيونس حبيبتي

[أم عزمي]

مسا الخير صبايا شو اخباركم
وحشتوني والله بس شو نعمل الكهربا هيه الي بتعمل معنا هيك
جارة الله يقومك بالسلامة والعمر كلو ليزوون العسل
شو اخبارك ام عزمي وهبة واحساس وعسولة وحواء وسها وعيون المها اكيد مابدي انساها
ومسك السنين حبيبتي ان شاء الله بخير
طمنوني عنكم يا قمرايات

حبيبتي بينك روز أنا بخير بس و الله اشتئت للدردشة معك قعدنا فترة ندردش كل يوم الصبح يلا الكهربا حاكمة علينا بعين الله

[أم عزمي]

امـــــ عــــزمـــي ــــ

******
ان شاء الله تدخلي شهرك التاسع
لا يضل الخوف مسيطر عليكي
اقرأي دائما ايات التثبيت على بطنك
طالما هاي الافرازات من الغرزه فلا تخاااافي الراحه اهم شي لوضعك
كيف كان نهار جمعتـــــك

****

حبيبتي تسلميلي خلاص راح أعمل بنصيحتك و انشاء الله خير كلها 10 أيام و بدخل بشهري التاسع انشاء الله و الحمد لله نهاري كان سعيد روحت عالصالة و تفرجت عالعرسان اللي في صالة بيت حمايا يعني انبسطت

[بينك روز]

صباح الخير صبايا
شو اخباركم اليوم
والله عندي المكتب شوووووووووووووووووووب
والكهربا قاطعة وبحكي معكم من لاب توب ابن المدير
فعزروني ماراح اكون اليوم كتير هون لانه لما اروح بتكون الكهربا قطعت
حسبي الله ونعم الوكيل عليهم
عيون المها وام عزمي وحشتوني والله
انتو وكل الصبايا

[أم عزمي]

صبااااااااااح الوررررررررررد لكل الصبايا
نهاركم سعيد انشاء الله
بينك روز أنا متلك الكهربا قاطعة بس كل ما يشغلوا المولد بفتح هون على طول ههههههههه
شو بعمل و الله امبارح بالليل الشوب هلكني الله رحمني بالمروحة و الله بعين الله حبيبتي كمان مع التقل الشوب بيزيد

[أم عزمي]

بينك روز
أنا راح أتسلى بفحر الكوسا و طبخها لحتى تيجي الكهربا
يلا بتيجي تتغدي عندي محشي كوسا حبيبتك الكوسا و بتتهوي و بتتسلي بتكون الكهربا جاية بنفتح المروحة و بنتهوى شو رأيك؟؟؟؟؟

[أم عزمي]

تكـــرم عيــــونك حبيبتي راح اكتب الك اسم السوره و رقم الايه ,,و الايات الطويله شوي راح بس اكتب الك رقمها و انتي اكتبيها من القران

بسم الله الرحمن الرحيم
البقــره((25))
البقـره((265))
النساء((66))
الانفال((11))اذ يوحي ربك الى الملائكة اني معكم فثبّتوا الذين امنوا

الانفال((45)) يا ايها الذين امنوا اذا لقيتم فئة فأثبتوا و اذكروا الله كثيرا لعلكم تفلحون

هود((120))و كلآ نقصّ عليك من انباء الرسل ما نثبت به فؤادك و جاءك في هذه الحقُّ و موعظةُ و ذكرى للمؤمنين

ابراهيم ((24)) الم ترَ كيف ضرب الله مثلآ كلمة طيبهً كشجرةٍ طيبةٍ اصلها ثابت و فرعها في السماء

ابراهيم((27)) يثبت الله الذين امنوا بالقول الثابت في الحياة الدنيا و في الاخره و يضل الله الظالمين و يفعل الله ما يشاء

النحل((102)) قل نزلّه روح القدس من ربّك بالحق ليثبّت الذين و هدىً و بشرى للمسلمين

و دائما إقرأي على بطنك
((لكل نبإ مستقرٌ و سوف تعلمون)) 7 مرات
(( الله خيرٌ حافظأ و هو ارحم الراحمين))
((و لهُ ما سكنَ في الليل و النهار و هو السميع العليم))
***************************************
صدقيني ما برتاح ألا بالقران و دائما استودع اجنتي لله

ودائع الله لا تضيع

يسلمو ايديكي حبيبتي و الله يجزيكي خير و يعطيكي على قد نيتك حبيبتي ربي يحفظك و يقومك سالمة انتي و توأمك يااااااااارب

[أم عزمي]

صبااحكم فل وياسمين..............

والله زوجي من الجو تبع ليلة امبارح ضل صاحي لاذان الفجر وصحيت عليه
بقلو شو مالك قلي مش عارف على العلم انه عنا 3 مكيفات بالبيت
انا بشغلو لما ادخل انام بس ولا مره صحيت من النوم الا وبطني بوجعني مع اني بخلي الدرجه طبيعيه مش بارد ..............
بس انتو كيف مرقت ليلتكم .................؟
صليت الفجر حسيت بمغض وهلا كمان عندي مغص مع افرازات ودم
مش ناويه اروح على المستشفى الا
ليصير شي عندي واضح للولاده لاني بصراحه بيزن رحت بدري وتعبوني فحص ............

عيون المها هههههههههه ضحكتيني على النقل المباشر هي بلحظتها بتكون الست بدها
تدبح الحوليها من الالم ........
لا بس ان شالله بنقللكم الحدث بعد ما صحصح ........

فعلا سما الها زمان مادخلت ........
و الله يا جارة بعدك صامدة لهلأ يعني عملتي عيد ميلاد ليزن يلا منيح ربي يقومك بالسلامة طمنينا عنك بأقرررررررررررب وقت ممكن حبيبتي ألبي معك لا تنسينا من الدعاء

[بينك روز]

حبيبتي ام عزمي
والله انك زوووووق ياعسل
يسلمو اديكي على المحشي مقدما
اكيد هيكون زاكي لانه روحك الحلوه هيه الي عملاه
انا اليوم مابعرف شو اطبخ
بس اروح بشوف شو الطبيخ هيكون

[حيفا]

صباح الخير صبايا کيفکم شو اخبارکم
سامحوني مابدخل کتير بسبب ظروفي هالفتره بس ان شاء بطلطل عليکم کل فتره
اليوم تباااانه وجع بطن وضهر دوره متل النزيف ياربيي تهونها علينا
حتي شغل البيت مو قادره اعمله :(
المهم الله يقيم کل حامل فيکم بالسلامه هي والبيبي
ويرزق کل حابه الحمل
ويخلي ويحفظ اولادکم
نهارکم سعيد

[أم عزمي]

حبيبتي الله يخليكي تسلمي يا رب

[حواء مثالية]

صباح الفل كيفكم اليوم

تعباااااااااانة اليوم كثير انا ليلة مبارح مانمت

[احساس أنثى]

مساالخير على كل بنات فلسطين الحلوات

ام عزمي هلا بيكي وبكل اهل خانيونس

حوامل مالكم اليوم تعبانين حواء ؟؟ حيفا ؟؟ من شو عسى ماشر

انا كنت بدي افوت الصبح ادردش معكم بس للاسف دخت وتعبت وضليت على السرير ساعتين ورحت حللت دمي طلع 10.9 قلت يمكن دمي ضعيف بس متحسن عن اول يعني 11 الحمد لله

هيني فتت اتطمنت عليكم جميعا لان نصف ساعه وتقطع ونعيش بجو الملل لل10 بالليل ول ال11 اوووووف ازهقنا هالروتين
قلنا بتتحسن مع توجيهي وللله ماهما هاممهم حد لاتوجيهي ولا غيرو

[حواء مثالية]

الف سلامة احساس ما تشوفي شر

انا ما بعرف شو صارلي ما قدرت اوقف وجع بظهري واسفل بطني وكان بطني مثل الحجر هاد غير الشووووووب

نمت بعد صلاة الصبح الحمدلله هسه كويسه

[أم عزمي]

مسا الخير و أخيرا أجت الكهربا
حيفا نورتي حبيبتي زماااااان ما طليتي دايما طمنينا عنك و يارب تكون هذه آخر دورة الك و ما تشوفيها الشهر الجاي و تكوني حامل يا عمري
احساس و حواء سلامتكم و انشاء الله ما على ألبكم شر حبيباتي
باقي الصبايا يومكم سعيد
صحييييييييييح وييييييييييييينك يا عسوووووووولة صارلك يومين مش مبينة انشاء الله خييييييييييييييير

[حواء مثالية]

هلا ام عزمي الله يسعدك يارب ويكمللك انتي كمان على خير

شو عامله هلا

[أم عزمي]

منيحة
كل وقتي على النت خلصت طبيخ
و بألعب في ستار دول لتلبيس الفتيات هههههههه شو بدي أعمل

[مسك السنين]

صبااااااااايا كيفكمممممم
والله الجوووووووو نار
ومش قادرة اطبخ
شكرا عيون المها ع الايات
ايش عاملللين يااحلوين

[Heba T]

مرحبا

توي اجت الكهربااا

[Heba T]

شو طابخييين؟

[حواء مثالية]

انا اليوم عاملة حواضر

[مسك السنين]

انا حاكل جاهز
وجبة اسمها روما هههههههههه
عقبال ما اكل وجبة اسمها باريس
خخخخخخخخخ

[حواء مثالية]

ههههههههههههههههههه صحتين وعافية

بالشوب الواحد ما بعرف شو يوكل

[غُمُوض أُنثَى]

الواحد بالشوب والله بس يضلو يشرب ميا وعصير وصودا

الاكل بالعافية الواحد بياكل

كمان انا عاملة حواضر اليوم

نهآركم سعيد يارب

[أم عزمي]

يسعد مساكم
شو هي الحواضر يا بنات؟؟؟؟

[مسك السنين]

ههههه ع سيرة الاكل
انا لسة ما افطرت
والدنيا قريب المغرب

[مسك السنين]

الحواضر يام عزمي
يعني نواشف بالغزاوي هههههههههه

[غُمُوض أُنثَى]

الحواضر :

يعني شغلات من حواضر البيت

حاجات خفيفة

[حواء مثالية]

ام عزمي نورتي

الحواضر شغلات خفيفة سلطات مقالي معلبات منقيش عجة مخللات

يعني كلشي عندك بالبيت موجود

[أم عزمي]

أهاااااااااا
توقعت بردو انه تكون مقالي و شغلات خفيفة و سريعة يعني

[أم عزمي]

الحواضر يام عزمي
يعني نواشف بالغزاوي هههههههههه
بتتمسخري عالغزاوي بردو هههههههههههههههههههههههه

[أم عزمي]

يا بنات
هاتو موضوع للدردشة
مثلا بدي أقولكم عن الحظ هههههههههه
جوزي امه ماتت من وهو صغير و لما خطبنا قرروا بيت حمايا يبنوا صالة أفراح و يفتتحوها بعرسنا تمام؟؟؟؟
قعدنا خاطبين 9 شهور بنستنى بالصالة تجهز المهم لما جهزت الصالة و حددنا عرسنا و كل شي تمام .......
أجى يوم حنتي و حفلة العريس اللي هو جوزي و افتتاح الصالة و شووووووووفووووووووووو .... شو صاااااااااااار
الله لا يوفقهم حماس أجوا و هدوا الصالة من الصبح لييييييييييييش بس لأنه عمي متعدي على كم متر يعني مش مرخصهم
و الله هدوا المرخص واللي مش مرخص المهم أنا كنت بالكوافير لما خلصت عرفت و طول ما أنا مصمودة بالحنة و أنا بعيط
و يا حرام جوزي لما هدوا الصالة صار يعيط و يقول لسة عرقي ما نشف من تعب الشغل و البناء في الصالة و يا حرام ضربوه و ضربوا أختوا و رجلها كانت ملفوفة يوم عرسنا و ضربوا ستو وبنات عمو وولاد عمو والعيلة والجيران يعني ....
المهم تجوزنا و عملنا عرسنا بصالة تانية هلقيت حملت و الله وكيلك ولدت ولادة مبكرة وابني مات المهم خلاص حملت تاني و أخدت غرزة بعنق الرحم صارت يا حرام تدايق جوزي عند الجماع
يعني نهاية الحديث انه جوزي ما الو حظ بهالدنيا امه ماتت وهو صغير و هدموا صالتهم يوم عرسه و ابنه مات و حتى الحاجة اللي الله حللها اله مرااااااااااات بيمتنع عنها ليحافظ على الجنين بعين الله

[مسك السنين]

تفائلي يام عزمييييييي خير
ربناااااا كبير ومابنسى حد كلو بميزان حسانتكم

[بنت الضفتين]

كيفك ام عزمى
مافى شى اسمو حظ هاد ابتلاء من رب العالمين وربنا ازا احب عبد ابتلاه يعنى الله بحب زوجك عشان هيك ابتلاه من بين العباد ولازم تنبسطى لهاد الشى الدنيا فانية مابيفيدك غير عملك الصالح وانتى كمان لازم تحمدى ربك على الاشياء الى صارت معك صحيح الامور الى صارت معكو صعبة بس اكيد فيها خير وحكمة من رب العالمين الله بيعلمها واكيد ازا صبررتو ربنا راح يعوضكو سواء فى الدنيا او الاخرة

[أم عزمي]

تسلمو يا بنات
بس ما تزعلو كتير احنا بنينا الصالة تاني و النا شهر مفتتحينها و صار فيها أفراح و امبارح كان فيها اشهار

[أم عزمي]

مسك و بنت الضفتين
أنا بس حبيت أدردش عموما هالشي مش مأثر كتير على حياتي و خلاص ما عدت أفكر فيه بس حبيت أفتح موضوع للدردشة حسيتك استأتي مني يا بنت الضفتين يعني شوفتيني سيئة اكيد أنا بحمد الله على هالابتلاء وكمان الرسول امه ماتت و هو صغير يعني يا بخته جوزي و لا شوووووووو بس و الله يا بنات الله بعتله مرت أبو طردتوا من بيت أبوه هو واخته والله في الفترة اللي كان محتاج فيها لحد جنبه و هو بفترة المراهقة سكنوه في بيت لحالو و هو بأولى ثانوي هالشي كان ممكن انه يجعل منه انسان سلبي و لا شو رأيكم؟؟؟؟؟ بس الحمد لله أنا هيني بدير بالي عليه و بحبه و حنونة عليه بغض النظر عن المناوشات لأنه ما في بيت بيخلى من المناوشات الا ما يصير كل فترة مناوشات بس الحمد لله بشكل عام بنحب بعض و حنونين كماااااااان

[بنت الضفتين]

ام عزمى انا مو قصدى احكى عنك سيئة بس حبيت اذكرك انو هاد ابتلاء وكل مؤمن مبتلى وهاد من رحمة ربنا علينا عشان انلاقى النا حسنات فى الاخرة يمكن االظروف الى بتمرو فيها صعبة بس واضح من كلامك انك صابرة وايمانك قوى برب العالمين
انا صحيح ربنا ابتلانى بعدم الانجاب لعدة سنوات وقبل مااحمل بشهر كانت حماتى بدور عروس لزوجى وكان زوجى بدايق عليا وبدو يطردنى باى طريقة وكنت مدايقة كتير ولكن جاء فرج من ربنا وصار الحمل ومابعد الضيق الا الفرج وفى فترة حملى حسيت انو هاد الوقت المناسب الى عشان احمل عشان صرت اكتر نضوج وفهم فى الدنيا يعنى لو صار الحمل فى بداية زواجى كان اتعبت نفسيا يعنى كان خير الى احمل فى هاى الفترة

[أم عزمي]

حبيبتي الله يخليكي
احنا الحمد لله ظروفنا منيحة بس و الله اني بنقهر على جوزي لأنه مرت أبوه هيك بس هي بعيدة عني ما بتدخل فينا
و الحمد لله انك حملتي ما في شي كبير على رب العالمين و الواضح من كلامك انه كل تأخيرة و فيها خيرة متل ما بيقولوا

[احساس أنثى]

ام عزمي والله كلنا بالدنيا سواسيه ,..,. انتي بتقولي قصتك لكن بكفيكي تكون مبسوطه وصحتك تمام

غيرنا عندو المال والعيال وماعندو السعاده وراحة البال يامصاب بالمرض العاطل بعيد عنا الشر

وع فكره كل فرح الا مايسير فيه موقف أنا يوم فرحي خربت سيارتي ....

كنت عند الكوافيره كل العرايس روحوا الا انا اتصلت بقلولي بنص الطريق لما اجى ياخدني العريس خربت رجع على البيت ودبر سياره واجى تخيلو الوقت الناس روحت والصغار مرضو هههههه الكل بعاتبني ههههههه

ما اوصلت الصالة وانصدمت الا بدت الصالة تفضى المعازيم الهم من زمان ما صدقوا يشوفوا العريس والعروسة وروحوا هههههههههههههه هي همهم حلوين ولا لأ

بس والله تنكدت لأني ماخده جوزي عن حب وكان في مدايقات من بعض القريبات ساروا يقولوا ياحرام يعني اجت بسياره عاديه مش مزينه مش سياره عروس .... وطبعا انتو حطوا اللهجه تبعت الغيره ههههههههه بس الحمد لله احس مايسير مواقف شر

[بنت الضفتين]

زكرتينى يااحساس بيوم عرسى صار معى موقف وانا زوجى قبل ماندخل القاعة جابولنا 2 كوب بيبسى وكل واحد يشرب التانى وزوجى وهو بيشربنى كب البيبسى على فستان العرس اتخيلى منضر الفستان من قدام كيف شكلو ودخلت فيه شو بدى اعمل وكمان كنت ناسية مسكة الورد عند الكوافيرة

[احساس أنثى]

اووووووووووووووه

هاد كل وحده فينا الها موقف

الحمد لله انها اجت على قد هيك ..

بس شكلوا ريقكم كاين ناشف من اولها مشربينكم ببسي ^_^

[بنت الضفتين]

احنا هيك كانت عاداتنا وقتها بس منضر الفستان كان بخجل بس الحمد لله على كل شى يمكن صار معنا هاد الشى عشان يمنع عنا الحسد
ام عزمى احكيلنا عن المواقف السيئة الى كانت بتعملها معك مرت ابوه لزوجك يمكن مرت بظروف صعبة فى حياتها او زوجها مابيعاملها منيح

[Heba T]

بخ


الكهربا قاطعة و كنت طالعة وهلا اجيت

شو قصة مواقف الفرح عكم بس يلا كله برد العين عنكم

[Heba T]

نسيت اقوللكم انو فخصت اليوم نظري هعhwaml7


و طبعا محتاجة نظارةhwaml43

يقطع الجامعة و المشاريع و الكمبيوتر

[غُمُوض أُنثَى]

اكيد طالما بتدرسي تصميم داخلي

كلو بدو دقة وتركييييييييز بعرف هالشي

مبروك النظارة مقدما ههههههه اصلآآآ صارت موضة والله
-

شو بالنسبة لمواقف الافراح هاي هههههه

بحس كل فرح الا ما يصير فيه فقسة بس هادا كلو بيرد العين والله صدقوني

ومنيح انها بتيجي ع قد هيك

[Heba T]

غموض والله صح كلامك انا انكسر عقدي يوم الفرح

بس عادي ما اتدايقت

اما بالنسبة للنظارة , الدكتور بقولي خدي فريم عريض والله حسيت حالي كونان هههه

[غُمُوض أُنثَى]

احنا كنا جايبين تلات كاميرات فيديو بالفرح

وانحرقت وحدة ولعت قدامنا ههههههههههه وانا بضحككك هسترت يمامي شو خفت

بس الناس كانو منسجمين مع العرسان كانت فقرة الجاتوه وما انتبهوا كتير وربنا ستر الحمدلله انها اجت ع قد هيك

هيا الناس بتسيب حد من شرها بهيك مناسبات ؟؟؟ ربنا بيستر والله
-

اصدك اطار عريض كيف يعني ع شكل مستطيل؟؟ والا عدسات عريضة مافهمت

ازا اطار عريض احلا اصلا هلا موضة الاطار المستطيل او نص اطار حتى مش اطار كامل

[أم عزمي]

ام عزمي والله كلنا بالدنيا سواسيه ,..,. انتي بتقولي قصتك لكن بكفيكي تكون مبسوطه وصحتك تمام

غيرنا عندو المال والعيال وماعندو السعاده وراحة البال يامصاب بالمرض العاطل بعيد عنا الشر

وع فكره كل فرح الا مايسير فيه موقف أنا يوم فرحي خربت سيارتي ....

كنت عند الكوافيره كل العرايس روحوا الا انا اتصلت بقلولي بنص الطريق لما اجى ياخدني العريس خربت رجع على البيت ودبر سياره واجى تخيلو الوقت الناس روحت والصغار مرضو هههههه الكل بعاتبني ههههههه

ما اوصلت الصالة وانصدمت الا بدت الصالة تفضى المعازيم الهم من زمان ما صدقوا يشوفوا العريس والعروسة وروحوا هههههههههههههه هي همهم حلوين ولا لأ

بس والله تنكدت لأني ماخده جوزي عن حب وكان في مدايقات من بعض القريبات ساروا يقولوا ياحرام يعني اجت بسياره عاديه مش مزينه مش سياره عروس .... وطبعا انتو حطوا اللهجه تبعت الغيره ههههههههه بس الحمد لله احس مايسير مواقف شر
حبيبتي الله يسعدك ويديم المحبة بينكم منيح اللي أجت بالسيارة أحسن ما تيجي فيكم حبيبتي و احنا احسن من غيرنا كتير بسمع انهم بيتطلقوا يوم العرس

[أم عزمي]

احنا هيك كانت عاداتنا وقتها بس منضر الفستان كان بخجل بس الحمد لله على كل شى يمكن صار معنا هاد الشى عشان يمنع عنا الحسد
ام عزمى احكيلنا عن المواقف السيئة الى كانت بتعملها معك مرت ابوه لزوجك يمكن مرت بظروف صعبة فى حياتها او زوجها مابيعاملها منيح
بسيطة كب العصير على الفستان ليرد العين عنكم و يمنع الحسد و صحيح احنا مع اللخمة تبعت هدم الصالة و النكد نسينا أصلا مسكة الورد ههههههههههههههه بس عرسنا كان بيجنن و كان فدعوس و أحصنة و زفونا و دخلوا بالصالة من جوة و أنا مسكت حصان و لفيت حوالين جوزي ههههههههههه و جبنا جاتوه من 5 طوابق و شي يعني حلو كتييييييييير يعني مشينا حالنا مع انه كنا متنكدين و جوزي عملوله حفلة شباب شووووووووووووو مهرجااااااااااااااااااان
و حبيبتي انتي بتسأليني عن مواقف مرت أبوه معي أنا صارلي سنة و نص متزوجة مش زمان و بعدي صغيرة شوي عمري 20 و عمر جوزي 23 و هو خلص دراسته و بيشتغل مع أبوه الهم منجرة كبيرة و بيعملوا أطقم نوم و غيرها يعني هما اللي عملوا طقم النوم تبعنا بس مرت أبوه من وهو صغير كانت من الصبح تطلعوا عالشارع و كان يروح عبيت عمو هو و اخته و ستو هي اللي ربتو و مرت أبوه ما بتحبله الخير و لما صار بالثانوي طردته و سكن في بيت لحالو و صارت أخته تطعميه و تشربوا و تضب البيت و تغسله و هيك يعني بس أبوه ما كان آسي مع مراته بدليل انها قدرت تطرد ولاده و كمان بتقول عن ولادها انهم مش أخوات جوزي و هما خواته من أبوه و الها كتيييييير مواقف شو بدي أحكي لأحكي
بس مواقفها معي مثلا لما جوزي يقبض من أبوه بتصير تعد علينا الشيكل لدرجة انه بتقول عني طول نهارها تشتري عصير طبيعي طيب أنا حامل و ضروري هالشي و لا لو عرفت انه أكلنا شوكولاتة و لا حاجة بتقول بيضيعوا مصاريهم عالكلام الفاضي كمان مرة نزل عليا دم و أنا بحملي هذا و ما حد عرف شو مالي صارت تحكي معها طلق و فزعت الدنيا و صارت تقول أقص ايدي لو دخلت بالشهر التامن يعني عشان ابني اللي مات كان سبعاوي مع انه هي ولدت ابنها الأول سبعاوي كان معها زلال بس هو عايش الله يخليلها اياه يا رب و هي مش كبيرة بالعمر لهيك مكيودة عمرها تقريبا 40 سنة و بتعرفي و الله كنت أروح عندها عبيتها أول ما تجوزت و كنت أحبها مع انها ما كانت منيحة مع جوزي و الله كمان جوزي كان يقولي روحي عندها عيب و بالعيد روحنا عليها و أعطيت لجوزي مصاري و قلتله عيدها و بالفعل انبسطت بس ما بعرف ليش صارت تتحركش فيا ما علينا و الله اني مسلماها للي خلقها ما بعرف شو أحكيلك قلبي تعب انسي مواقفها كتيرة و ما بتنعد و الله ما انا قادرة أفتكر هلأ مواقفها لأنه انا ما بهتم الها هي آخر اهتماماتي و صيح هي تربت بمصر يعني رداحة و نورية و الله لا يوريكي كمان بتعرفي كل همها انها تحوش مصاري و تشتري دهب و لو بدها تشوف جوزها ميت قدامها ما بتبيع و لو جرام دهب الله يهديها و كمان مربية ولادها على انه أي شي بيصير أو بيسمعوه أو بيشوفوه يحكولها اياه و طبعا هي بتفسر على كيفها يعني بتكزب الكزبة و بتصدقها و بتعرفي كل هذا و أنا ساكنة بعيد عنها هي و سلافها بالعمارة و أنا بيتي منفرد بعيد شوي عن العمارة هو هذا البيت اللي سكنت فيه جوزي بس زبطوه و تجوزنا فيه الحمد لله منيح وواسع و بطون كمان و صحيح أخت جوزي قدي بالعمر و بتدرس جامعة و ساكنة عند ستها في بيت عمها لأنه مرت أبوها ضربتها ضرب جامد عشان الشغل و هي اللي كانت تشتغل الها كل شي معلش طولت عليكي بالحكي

[مسك السنين]

ربنا مابنسى حد ام عزمي الله يخليكم لبعض ويوفقكم
وتقومي بالسلااااامة يارب

[عيـ‘ـون المهـ‘ـا]

هبــــHeba Tـــــه
مساء الخير
سلامة عيونك,, بتعرفي في المدارس عنا هون كل سنه بيجي دكتور على المدرسه و بعملوا فحص مجاني لكل الطلاب للعيون و السمع لحتى يتأكدوا
اذا في طالب عم بشكي من شي ,, فبنتي اسيل ما شاء الله عليها
اجتازت التست ,, هلآ لانا لمى الدكتور عمل الها الفحص بتحكيلي ماما انا عرفت كل الحروف ما عدى اخر سطرين كتير صغار و عملت غلطات فيهم,,على طول بعتوا النا انو لانا لازم تعمل فحص لعيونها
على طول اعملنا الها فحص عند دكتور عيون و نفس الشي
ما عرفت كل الحروف الصغيره فالدكتور قرر الها نضاره بس للدراسه
انا زعلت لانو عيونها ربي يحفظهم خضر و ما توقعت انها تحتاج نضارات وقت الدراسه ,,ان شاء الله لمى تكبر راح نسويلها ليزر لحتى ما تحتاج للنضارات ,, و انتي ااذاا فيكي تعالجي المشكله بالليزر افضل اذا ما بتحبي تتقيدي بالنضارات طول الوقت

[فراشة الأحلام]

مرحبا بنات
كيفكن..؟؟ يا رب تكونو بأحسن حال
هلأ انا جديدة هون حابة أنضم الكم اذا في امكانية
كنت متابعة من زمان المنتدى وحبيتو كتير وحبيت روح الأخوة اللي موجودة هون

فيني أكون معكم ... ّّ!!!

[عيـ‘ـون المهـ‘ـا]

مرحبا بنات
كيفكن..؟؟ يا رب تكونو بأحسن حال
هلأ انا جديدة هون حابة أنضم الكم اذا في امكانية
كنت متابعة من زمان المنتدى وحبيتو كتير وحبيت روح الأخوة اللي موجودة هون

فيني أكون معكم ... ّّ!!!


فراشــ ـة الآحـ ـلام
******
هلا فيكي حبيبتي
نورتي المكان ,, يسعدني انك تنضمي لتجمعنا
بتمنالك اوقااااات سعيده و تواصل دائم معنــااااااا

[عيـ‘ـون المهـ‘ـا]

امـــ عـــزمـــي ــ
*^^*
ما انتبهت هاي الاموره بتكون بنت اخوكي
ئديش عمرها الصغيره ._.
ااناا كتير بحب صور الاطفال و اكتر شي بيعجبني فيهم اذا كانت ضحكتهم حلوه و نغنوشه
في صوره لبنتي لانا كانت كتير صغيره يمكن شي سنه
بضل احكيلها ماما انتي لمى كنتي صغيره كنتي تشبهي الاولاد
ما كان عندك شعر طويل هههه ,,حكتلها عملت الك حلق لحتى يعرفوكي انك بنت ههههههههههه
http://forum.hwaml.com/imgcache2/hwaml.com_1339894166_221.jpg

[مسك السنين]

مها ماشالله بنوووتك قمر احمم احم طالعة لامها اكيد
فراششششة اهلا وسهلا بتنوري والله

[غُمُوض أُنثَى]

عيوون المهــآ , مـآشآآآء الله عليهــآ بنتك صلآآآة النبي

اكيد حِلوة طآلعــة لأمهــآ والا لأبوهـآ ؟؟ قولي الصرآآحة هههه

ربي يخليلك بناتك ويحميهم من العين
-
هلا فيكي فرآشــة نورتِ التجمع

انتي من غزة والا من وين ؟؟

-
يسعد صبـآحك مسك السنين

وصبـآحكم بنات

[بينك روز]

صبـــــــــــاح الخير
شو الاخبار اليوم
ان شاء الله تمام
ما شاء الله عليها البنوته
بس انا ما فهمت هاي بنت عيون المها ولا بنت اخوها لام عزمي
فهموني
يسعد صباحك مسك السنين انتي وغموض انثى
فراشة الاحلام منوره التجمع

[أم عزمي]

صباح الورد بينك روز
البنوتة اللي بتوقيع عيون المها بتكون بنتها أما البنوتة اللي بتوقيعي انا بتكون بنت أخي فهمتي هلأ

[أم عزمي]

ربنا مابنسى حد ام عزمي الله يخليكم لبعض ويوفقكم
وتقومي بالسلااااامة يارب
حبيبتي تسلميلي الله يخليكي يا رب

[أم عزمي]

مرحبا بنات
كيفكن..؟؟ يا رب تكونو بأحسن حال
هلأ انا جديدة هون حابة أنضم الكم اذا في امكانية
كنت متابعة من زمان المنتدى وحبيتو كتير وحبيت روح الأخوة اللي موجودة هون

فيني أكون معكم ... ّّ!!!


هلا فيكي حبيبتي بتنورينا راح تنبسطي كتير هون مع البنات أنا تقريبا أصغر وحدة فيهم بس كتيييييييييييييييييير بحبهم و بنبسط معهم و انتي عرفينا عن نفسك

[أم عزمي]

امـــ عـــزمـــي ــ

*^^*
ما انتبهت هاي الاموره بتكون بنت اخوكي
ئديش عمرها الصغيره ._.
ااناا كتير بحب صور الاطفال و اكتر شي بيعجبني فيهم اذا كانت ضحكتهم حلوه و نغنوشه
في صوره لبنتي لانا كانت كتير صغيره يمكن شي سنه
بضل احكيلها ماما انتي لمى كنتي صغيره كنتي تشبهي الاولاد
ما كان عندك شعر طويل هههه ,,حكتلها عملت الك حلق لحتى يعرفوكي انك بنت ههههههههههه

http://forum.hwaml.com/imgcache2/hwaml.com_1339894166_221.jpg

حبيبتي ما شاء الله عنها بنوتك أكيد طالعة لامها عنيها حلوة يبقى لهيك اسمك عيون المها و الله بيحقلك ههههههه حبيبتي بنت اخي صورتها هاي ما بعرف كم كان عمرها بس هي هلأعمرها سنة و 9 شهور بس ما شاء الله عنها لسانها بالبلد كلها هههههههه مهو خواتي كتار اللي بيلعبوها و بيدللوها عشان هيك برامة و لزووووووووزة بمووووووووووت عليهااااااااا

[بينك روز]

صباح الخير ام عزمي
هلا فهمت
ماشاء الله عليهم البنوتات الله يحفظهم يارب
يارب بنوتي تكون هيك حلوه متلهم

[Heba T]

صباح الخير

[أم عزمي]

حبيبتي الله كريم أكيد راح تطلع حلوة لامها ما فيها كلام هذه و لا شوووووووووووو؟؟؟؟

[أم عزمي]

صباح النور هبة
وينك بتطلي شوي و بتطلعي؟؟

[بينك روز]

اكيد هتطلع لامها او لابوها
والحمد لله كلنا حلوين
ههههههههههه
هلا هبة صباح النور ياعسل
ازيك

[Heba T]

والله يا ام عزمي كل شوية ابني بعمل اشي بخليني بدي ارمي حالي من الشباك


الله يكبرو

[Heba T]

بنك روز والله منورانا

انا تمام انت كيف حالك؟

[أم عزمي]

هههههههههههه
له يا بنت الحلال ابعدي عن الشباك لتعمليها بعدين وين نروح؟؟؟؟
بسيطة صح بيغلبوا بس و الله حسهم حلو بالبيت

[بينك روز]

هلا هبة انا بخير الحمد لله
الله يخليه الك ابنك يارب ويغلبك كمان وكمان يارب
والله مافي احلى من لصغار
انا بموووووووت فيهم
كل يوم بروح على بيت حماي مشان اشوف ابن سلفي
يالله ما ازكاه

[أم عزمي]

ماشي يا بينك روز بتقولي لهبة يا رب يغلبك كمان و كمان
بكرا بنسمعك بتصوتي متلها ههههههههههههههه

[بينك روز]

مافي احلى من شقاوة الاطفال
يغلبوني مش مشكلة طول وهما قدامي بالدنيا كلها

[بنت الضفتين]

[quote=أم عزمي;2335614]بسيطة كب العصير على الفستان ليرد العين عنكم و يمنع الحسد و صحيح احنا مع اللخمة تبعت هدم الصالة و النكد نسينا أصلا مسكة الورد ههههههههههههههه بس عرسنا كان بيجنن و كان فدعوس و أحصنة و زفونا و دخلوا بالصالة من جوة و أنا مسكت حصان و لفيت حوالين جوزي ههههههههههه و جبنا جاتوه من 5 طوابق و شي يعني حلو كتييييييييير يعني مشينا حالنا مع انه كنا متنكدين و جوزي عملوله حفلة شباب شووووووووووووو مهرجااااااااااااااااااان
و حبيبتي انتي بتسأليني عن مواقف مرت أبوه معي أنا صارلي سنة و نص متزوجة مش زمان و بعدي صغيرة شوي عمري 20 و عمر جوزي 23 و هو خلص دراسته و بيشتغل مع أبوه الهم منجرة كبيرة و بيعملوا أطقم نوم و غيرها يعني هما اللي عملوا طقم النوم تبعنا بس مرت أبوه من وهو صغير كانت من الصبح تطلعوا عالشارع و كان يروح عبيت عمو هو و اخته و ستو هي اللي ربتو و مرت أبوه ما بتحبله الخير و لما صار بالثانوي طردته و سكن في بيت لحالو و صارت أخته تطعميه و تشربوا و تضب البيت و تغسله و هيك يعني بس أبوه ما كان آسي مع مراته بدليل انها قدرت تطرد ولاده و كمان بتقول عن ولادها انهم مش أخوات جوزي و هما خواته من أبوه و الها كتيييييير مواقف شو بدي أحكي لأحكي
بس مواقفها معي مثلا لما جوزي يقبض من أبوه بتصير تعد علينا الشيكل لدرجة انه بتقول عني طول نهارها تشتري عصير طبيعي طيب أنا حامل و ضروري هالشي و لا لو عرفت انه أكلنا شوكولاتة و لا حاجة بتقول بيضيعوا مصاريهم عالكلام الفاضي كمان مرة نزل عليا دم و أنا بحملي هذا و ما حد عرف شو مالي صارت تحكي معها طلق و فزعت الدنيا و صارت تقول أقص ايدي لو دخلت بالشهر التامن يعني عشان ابني اللي مات كان سبعاوي مع انه هي ولدت ابنها الأول سبعاوي كان معها زلال بس هو عايش الله يخليلها اياه يا رب و هي مش كبيرة بالعمر لهيك مكيودة عمرها تقريبا 40 سنة و بتعرفي و الله كنت أروح عندها عبيتها أول ما تجوزت و كنت أحبها مع انها ما كانت منيحة مع جوزي و الله كمان جوزي كان يقولي روحي عندها عيب و بالعيد روحنا عليها و أعطيت لجوزي مصاري و قلتله عيدها و بالفعل انبسطت بس ما بعرف ليش صارت تتحركش فيا ما علينا و الله اني مسلماها للي خلقها ما بعرف شو أحكيلك قلبي تعب انسي مواقفها كتيرة و ما بتنعد و الله ما انا قادرة أفتكر هلأ مواقفها لأنه انا ما بهتم الها هي آخر اهتماماتي و صيح هي تربت بمصر يعني رداحة و نورية و الله لا يوريكي كمان بتعرفي كل همها انها تحوش مصاري و تشتري دهب و لو بدها تشوف جوزها ميت قدامها ما بتبيع و لو جرام دهب الله يهديها و كمان مربية ولادها على انه أي شي بيصير أو بيسمعوه أو بيشوفوه يحكولها اياه و طبعا هي بتفسر على كيفها يعني بتكزب الكزبة و بتصدقها و بتعرفي كل هذا و أنا ساكنة بعيد عنها هي و سلافها بالعمارة و أنا بيتي منفرد بعيد شوي عن العمارة هو هذا البيت اللي سكنت فيه جوزي بس زبطوه و تجوزنا فيه الحمد لله منيح وواسع و بطون كمان و صحيح أخت جوزي قدي بالعمر و بتدرس جامعة و ساكنة عند ستها في بيت عمها لأنه مرت أبوها ضربتها ضرب جامد عشان الشغل و هي اللي كانت تشتغل الها كل شي معلش طولت عليكي بالحكي[/quot
بالنسبة لمرت ابو زوجك انا شايفة انو هاد رد فعل طبيعى منها عشان بدها تعيش حياتها زى اى ست متجوزة وتسكن لحالها مع زوجها واولادها فكان وجود زوجك واختك فى حياتها مسئولية عليها وبعدين زوجك شب يعنى مو ماخدة راحتها فى بيتها ولو كان زوجك شاطرفى دراستو كان مانزلتو على الشارع وكان ابوه ماخلاه يشتغل معووكمان يبدو انو مرت ابو زوجك مو متعلمة فكان طبيعى تعمل هيك مع اولاد زوجها بس انها تطرد زوجك من البيت هاد تصرف غلط منها بس كان هاد خير الو بدليل انو اتزوج فى سن صغير واتحمل مسئولية الزواج
بالنسبة للمصارى الى بتحاسبك عليها انتى وزوجك يمكن يكون أبو زوجك بخيل معها او تكون طماعة بدها زيادة وخاصة انك بتحكى انها بتحوش مصارى عشان تشترى ذهب
بالنسبة لطريقة تعاملك معاها واضح انك مو حاطها فى بالك بدليل انك مابتاذيها ووجودك بعيد عنها ساعدك كتير فى انو مابتفكرى فيها بس يفضل يكون تعاملك معها رسمى يعنها تزوريها فى المناسبات يعنى مايكون فى قطيعة معها سواء منك او من زوجك عشان الحلال والحرام
بالنسبة لزوجك مابعرف كيف كان زوجك يعاملها يعنى يمكن ماكان يسمع كلامها او عنيد معها
فكان رد فعل طبيعى منها انها تعمل معو هيك وبعدين لما كبر وصار فى التوجيهى وصار شب صار مقيد حريتها فكان الحل انو يسكن لحالو
هاد رأيى يمكن مايعجبك

[أم عزمي]

أها الله يتمملك عخير و تشوفي شقاوة بنوتك

[أم عزمي]

و الله يا بنت الضفتين انه عمي ايدو فرطة عالآخر و مش بخيل
و هي بتحوش عشان تزيد دهب فوق دهبها مش انه عمي مش معطيها دهب و لا مصاري
كمان جوزي كان شاطر بالدراسة بس هي ما كانت تعلمه هي بعد ما خلفت صارت تعاملهم زي الزفت
و بعدين هي متعلمة مين قلك انها مش متعلمة بس هي اتولدت و تربت بمصر و علمك المصريين ما شاء الله من غير وصف نور و كمان انتي بتقولي انها طردت جوزي لتاخد راحتها لاااااااااا بيتهيألك هي طلعته من بيت أبوه لما كان حيدخل اولى ثانوي يعني لما كان بدو يعدي الثانوية افهمتي و هي حلال تكشف حالها عليه أصلا طول نهارها بشعرها قدام ولاد سلافها بس هي ما اهتمت بالأيتام اللي تزوجت عشان تربيهم انتي شكلك ما فهمتي عليا بسيطة مش مشكلة لو انك عندي كنتي اعرفتي كل شي بقصدو
و كمان جوزي بيشتغل مع أبوه لانه هو الكبير في كل خواته عرفتي هو البكر لعمي و امه ماتت بمرض القلب و هي حامل يعني حماتي اللي ماتت بتكون المرة الأولى لعمي فهمتي عليا و هي مرت أبوه شرانية طيب و الله حماتها قالتلي بعظمة لسانها انها ما بتحبها لأنها ما بتنسى اللي عملته بجوزي و أخته

[فراشة الأحلام]

مرحبا بنات ...
عيون المها & مسك السنين & غموض أنثى & بينك روز & أم عزمي
شكرآ كتير الكم على الترحيب

أعرفكم بنفسي..
أنا من غزة من حي الرمال
عمري 19 سنة <<< هيك يا ام عزمي مين بيطلع أصغر من التاني ههههه بمزح والله الحكاية مش بالعمر بالفهم والعقل
طالبة جامعية بكلية التربية جامعة الأزهر
متزوجة من سنتين ولسه بعد لم أرزق بالأطفال ولم يسبق لي الحمل
مش عارفة شو كمان أضيف هههههههه سامحوني

طمنوني عنكم كيف حالكم...؟؟

[أم عزمي]

هلا فيكي حبيبتي
الله يرزقك انشاء الله و يعوض عليكي بالذرية الصالحة
بالنسبة للعمر أنا بشهر 10 بصير عمري 20 يعني أنا و انتي متل بعض بالعمر
أنا مواليد 1992 و انتي؟؟؟؟
أنا الي سنة و نص متزوجة و حملت وولدت ولادة مبكرة و ابني مات و هلأ حامل و بنص التامن عئبال عندك حبيبتي

[فراشة الأحلام]

اللهم آمين ... ربنا منا في أكرم منو
هلأ انتي أكبر مني بسنة بالزبط لانو انا من مواليد سنة ال 1993 بآخر السنة
انا الي سنتين متزوجة سنة ال 2010 بشهر 7 اتزوجت
قرأت قصتك من قبل ,, الله يتمملك على خير وتشوفي بنوتك ( هويدا ) على ايديكي عم تكبر

[أم عزمي]

تسلمي الله يخليكي حبيبتي

[أم عزمي]

انا تزوجت ب 30-12-2010

[فراشة الأحلام]

العفو منك
هاتي قوليلي شو طابخة اليوم ام عزمي لأني محتارة ...؟؟

[أم عزمي]

أنا و الله عندي محشي كوسا من امبارح

[أم عزمي]

أنا بحب أطبخ الطبخة على يومين أريحلي

[أم عزمي]

قوليلي شو عندك طبخات و أنا أقلك
أو اذا بدك أحسن شي اطبخي معكرونة لو بتحبيها انتي و جوزك شو رأيك سهلة و سريعة

[بينك روز]

هلا فراشة الاحلام منوره حبيبتي
ان شاء الله تكوني مبسوطه معنا بالتجمع

[سما الدنيا]

هاي .............كيف الحلوات شو عاملين..........
مشتاقه كتير..
انا وعمورة تمام .......
كنت طالعه عند اهلي منشان عرس ابن خالي لنحضرو ...بس اتاجل العرس ل2.7 لانو خال ابو العريس اتوفا الله يرحمو....والعروس غميت والعريس زعل اكتير وام العريس الله يكون بعونها حالتها حالة لانو اول ولد الها بتزوجو.......المهم الله يجعلها اكبر المصايب.....

[بينك روز]

هلا سما منوره حبيبتي
والله ليكي وحشه انتي وعموره
عظم الله اجركم ان شاء الله اخر الاحزان يارب
ومعلش كل تأخيره فيها خيره ان شاء الله

[سما الدنيا]

تسلمي يا بنك روز واتعيشي ....امييين,,
انتي كيفك وشو اخبارك وكيف البوبو ان شاالله يكون بخير

[فراشة الأحلام]

أم عزمي <<< صحة وهنا خلص ليكني عملت تايلندي اتفضلي معي ,, أنا ما بحب أعمل أكل على يومين بحب أعمل كل يوم بيومو على كمية قليلة حتى ما يزيد شي بس كلو ماشي

بينك روز >>> الله ينور عليكي يا رب ,, الحمدلله مبسوطة وبدي الجميع يكون مبسوط ومرتاح

سما الدنيا <<< نحنا تمام انتي كيفك..؟ ,,عظم الله أجركم كل تأخيرة وفيها خيرة وخير الأمور ما كتبها الله الوضع صعب بيعين الله

[سما الدنيا]

تسلمي يا فراشة....انشالله يتم عرسهم عخير......
وهلا بيكي بالمنتدى منورة...
وان شاء الله يكتبلك ربنا الحمل عن قريب يا رب العالمين

[فراشة الأحلام]

يا رب الله يفرح الجميع
والله ينور عليكي سما ولأني منورة المنتدى عدها قطعت الكهربا عندي واااااااء
الله يسمع منك ربنا ما في أكرم منو

[maya123]

مرحبا صبايا كيفكم؟ وكيف البيبات والله اشتقنالكم

[سهى2012]

بينك روز- ام عزمي- عيون المها - مايا - احساس انثى - جارة - غموض أنثى - وضيفتنا جديدة فراشة

يسعد مساكم يا غاليات

بسم الله ماشاء الله عليكم واحد بيغيب يوم بيرجع بلقي 8 صفحات دردشة هههههههههه مش عم لحق اتابع معكم يمكن انا كسولة ومش نشيطة بس شو اعمل بنوتي تعبتني كتير وكل يوم بيزيد حمل وجع وتعب مبارح كان عندي مراجعة عند دكتورة والحمد الله صغيرة بخير وتم تحديد موعد ولادتي وبشكل نهائي يوم 7/1 وقبل يوم طبعا لزم اروح على الشفا عشان ارتب الاموري هناك للولادة قيصرية دعواتكم يا احلى صبايا ويارب نقوم كلنا بخير وببيهات يكونوا بخير باذن الله


عيون المها وغموض حبيباتي

يارب يجمعنا فيكم ربنا على خير وسعادة وديم المحبة بينا

تحياتي للجميع وان شاء الله ما اكون نسيت حدى يسعد مساكم حبيباتي

[عيـ‘ـون المهـ‘ـا]

احلــ ــى مســـ ــا لعيـ ـــونكم

***
.. مســـــك الســـنين ..
حبيبتي عيونك الحلوين ان شاء الله تشوفي جنينك باكمل و احسن صوره ,,

غُمُــوضْ أُّنثـَـى
..
تسلمـــي حبيبتي ,,لانا كمان طالعه حلوه على عمتها لانو عيونها زرق و خالتها عيونها
خضر و خوالها عيونهم ملوزين اخضر على عسلي يعني ماخده من العيله

.. بينـــــك روز ..

اكيد رهوفه راح تطلع متل القمر و نغنوشه كمان
سبحان الله كل بنت الها جمالها الخاص فيها ,,بنتي اسيل عيونها بني و شعرها بني طويل بس بحب زكاوتها كتير يعني بناتي عكس مواصفات بعض
المهم ,ان شاء الله 3 ايام و بتدخلي التامن حسب شريط حملك
مبـــــروك سلفـــاً

فراشــــــة الاحــــلام
..
العمـــر كلــــو حبيبتي * على هيك بتكوني متزوجه بعمر كتير صغير
معظم الصبايااااا هون متلك من غـــزة شرفتي عمري
بدي اسألك شو هي اكلة التايلندي ,, ممكن تكون اسم لاكله عندكم بغزة و يكون الها اسم تاني عنا في القدس
عالعموم نهــــــــــارك سعيــــــــــد
و موفقه في دراستك

[عيـ‘ـون المهـ‘ـا]

~..~ سهـــــى ~..~
دخيلـــك لا تغيبي كتير بعدين ترجعي المره الجاي
و تلاقينا كلنا والدين هههههههه
يعني اسبوعين من تاريخ هاليوم ان شاء الله راح تشرف على الدنيا احلى بنت لاغلى اخت
حبيبتي ربي يكون معك دعواتنا الك ,, و بفضل الله بتكوني في شهرك التاسع و ان شاء الله تتيسر كل امورك
مسائك هاااادي بعيد عن الاوجاع بتمناه الك

[سهى2012]

~..~ سهـــــى ~..~
دخيلـــك لا تغيبي كتير بعدين ترجعي المره الجاي
و تلاقينا كلنا والدين هههههههه
يعني اسبوعين من تاريخ هاليوم ان شاء الله راح تشرف على الدنيا احلى بنت لاغلى اخت
حبيبتي ربي يكون معك دعواتنا الك ,, و بفضل الله بتكوني في شهرك التاسع و ان شاء الله تتيسر كل امورك
مسائك هاااادي بعيد عن الاوجاع بتمناه الك

حبيبتي

ههههههههه ان شاء الله ما بغيب وان شاء الله بطمن عليكم انتو وببيهات

ويارب يسهل ولادتي وتشرف هالحلوه على خير لانها غلبتني كتير كتير مبارح ودكتورة بتشوفها وهي بتحرك وحركتها واضحة كتير حتى صارت ممرضة عند دكتورة تضحك ودكتورة تحكي لبنوتي روقي وهدي خلينا اعرف اشوف وزنك وطولك انا كنت بضحك على انو دكتورة استفزت من حركت بنتي هههههههههه لانها بدها تخلص وتشوف غيري وطبعا بنوتي ماخده راحتها وبتلعب هههههههههه مكيفه وكانت معي بنتي ندى وصارت تضحك وتحسس عليها وطبعا هاد كله وانا لس ما كنت مفطره لأني بعرف كل ما يكون عندي موعد لزم اصوم عشان فحص سكري وضغط بس بظاهر بنوتي ما شاء الله عليها وربنا يحميها ويحفظها يارب بدها تلعب حست انها طلعت مشوار هههههههههههههههه


وانتي مها كيف توأم وحركتهم اكيد بطنك بالايام هي ما بيهدا هههههههه حركة واضحة وطبعا مافي نوم بعد يوم هههههههه زي ماعدت اشبع نوم ولما بدي أتئلب على سرير لزم اقوم وبعدها اغير وضع نومتي ومعركة بطن بتشتغل لصبح هههههههههه الله يحميهم لنا ويكونوا بخير وبصحة جيدة أمين يارب عالمين

[احساس أنثى]

اي والله انكم احلى صبايا بالكون

عشان هيك بدي استشيركم قال الشعر الأسود مابنفع ينحط فوقو اي لون تاني من الوان الصبغه غير الأحمر؟ ؟

[عيـ‘ـون المهـ‘ـا]

امـــ عـــزمـــي ـــــ
..
ربي يحفظها بنت اخوكي فكرت عمرها سنه في الصوره
لهيك حطيت صورة لانا و دورت على صوره لاسيل في عمر السنه بس ما لقيت ههه
عالعموم ان شاء الله تفرحي بهويدا و تزيني صفحتك بصورتها !


صبـاياااااااا
جارة القمر ما بينت اليوم و هي اخر مره حكت انو كان معها وجع و ينزل عليها افرازات تكرمو ,, قلبي معها
ان شاء الله ولاده ميسره الها
و تبشرنا بقومتها بالسلامه

[بينك روز]

مسا الخير حبيباتي
يابنات من ساعة ما روحت من الشغل وانا بشتغل بالبيت
والله حيلي انهد
روحت لقيت زوجي جايب سمك والحمد لله هوا الي نظفه وتبله وعامل سلطة ومقبلات بس انا قليته
بس لهلا ما جليت الجلي لاني قاعدة بغسل وبرتب بالبيت ونكتت غرفتي كلها
انا في عندي مكياج كتير ضبيت نصه في الخزانه لانه ماراح احتاجه كتير الايام هاي
لاني حاسه حالي تعبانه ومو فاضي للمكياج
بس خليت النص التاني مشان زوجي ما يزعل مني
:)
حبيبتي سما
الله يخليكي يارب ويحفظك بنوتي زي القمر بتلعب كتير والحمد لله الواضح انه صحتها تمام
ان شاء الله عندي معاد في 5\7 بدي اروح اشوفها

عيون المها
الله يخليهم الك بناتك يارب وتشوفيهم زي مابدك يارب
وتشوفي توأمك على خير يارب
اه صح كمان تلات ايام بفوت بالتامن على خير يارب
اه صح بالنسبة للتايلندي هاي الاكل بتنعمل بصدر الدجاج مع خضار فليفلة وجزر وبصل وموتيكا حليب كتير زاكيه

سهى
الحمد لله انها تحددت العملية مشان يرتاح بالك وتشوفي جنى بنت خالو على خير يارب

مسك السنين
منوره حبيبة قلبي

فراشة الاحلام
صحة وهنا على الاكلة

احساس انثى
والله حبيبتي ماعندي فكرة بالنسبة للصبغة على الاسود
يمكن البنات هون يفيدوكي

[نبض قلب]

كيفكم صبايا

الله يهون على جميع الحوامل

يا بنات انا من مبارح بطني منفوخ شوي و حاسة انو بيوجعني

و نفسي مايعة و لهلا ما افطرت

و معي اسهال-الله يكرمكم-وابني اسهل على هوايا لاني برضعة طبيعي

وانا مركبة لولب يعني مش حامل

و مبارح تناقرنا انا و جوزي
و زهقانة حالي .......

معلش نكدت عليكو بس سامحوني بدي افضفض يلي بقلبي

[سهى2012]

هلا بينك روز

ويعطيك عافية على شغل البيت

وان شاء الله بتطمني على رهف حبيبتي

والله اشتقتالك ونفسي اشوفك انتي واهلك حاولي تيجي عنا

خالك بيشتغل بالبركة صارت كتير حلوه اولاد بيحكوا ماما مافي تنزلي إلا بس تولدي خايفين على جنى اكتر مني هههههههه

تعالي اسبح فيها من هالشوب هههههههههه وجيب مايوه طيبا ما تنسيى

[نبض قلب]

الله يعينكم يا جميع الحوامل يلي بدكم تولدو الحمد لله ربنا ريحني و عقبال عندكم

سهى * جارة * بنك * عيون المها* واللي نسيتها ماتزعل انا اشتاق ليكم كتير

و اعدكم مثل خواتي

كان النت عنا مفصول و هلا جاي مشان هيك ما طليت لي 4 ايام

فراشة الحلام ** اهلا بيكي

انت متزوجة صغيرة
كم كان عمرك لمن تجوزتي

[سهى2012]

سلامتك نبض قلب

يمكن اخد برد وطبيعي ابنك يصير معه متلك حاولي حبيبتي ما تزعلي لانك بترضعي مو منيح عشانك وعشان صغيرك

الف سلامة عليك يارب ما تشوفي شر

[بينك روز]

سلامتك نبض القلب ماتشوفي شر يارب

والله يامرت خالو بدي اجي بس والله بتعب كتير ورجليه كتير نافخين وطول الليل ما بنام من الوجع طول الوقت على اااااااااه واااااااااااه
وبالنسبة لاهلي هيجوكي ان شاء الله بس انتي عارفة ظروفهم

[نبض قلب]

سهى ** بنك

مشكورين

الله يقومكم بالسلامة انتم و بيبيهاتكم

[نبض قلب]

يا بنات كان معنا عضوة اسمها *أسماء*
شو اخبارها

عسووولة وينك
طلي طمنينا عنك

[Heba T]

مسالخير


يا بنات انا حاااااااقدة

في ناس اجت عندهم الكهربا بس قطعت 3 ساعات ااااااخ قهر

مع انو مشغلين المولد هع

[Heba T]

بينك روز والله مس يو

نبض قلب منورة

عسولة وينههاااااااا

و سهى و ام عزمي والكل حاسة زمان ما حكيت معكم :)

سما اشتقناااالك كتيييير , والله يجعلها اخر الاحزان

فراشة الاحلام ان شالله بتنبسطي معنا

[Heba T]

مين هناااا؟!!!

[بينك روز]

هلا هبة حبيبتي
اي مس يو 2
والله لسه توه خلصت شغل البيت وقاعدة شوي بدي ارتاح
وبعدين بدي اطلع زهقت بدي ألف بالرمال شوي

[Heba T]

ياااي جيبيلي معك اشي

[عيـ‘ـون المهـ‘ـا]

ســـهى
ان شاء الله تشوفي جنى و هي تلعب قدام عيونك و تملي قلبك سعاده ,,دائما طالما الجنين حركته ممتازه معناتو صحته منيحه ,,ان شاء الله ابتداءً من الاسبوع هاد راح اخد لانا و اسيل معي على الالتراساوند
هلآ لازم اتابع عندهم مش كل اسبوعين ’’لازم في الاسبوع مرتينhwaml03’’ يا ربي مع هالتقل ما عاد فيني متل اول
اخر مره حطو توأمي على تخطيط قوة القلب
و الحمد لله كانت قوة القلب عندهم ممتازه تبارك الرحمن
بتحكيلي لازم هاد الفحص ضروري للتوأم كل اسبوع
اما دكتورتي الخاصه فراح تشوفني كل اسبوع مره
يعني من هون لاولد بسلام راح يكون كلو مواعيد
ربي يهونها مليت المواعيد

بينـــك روز
ليش كل هاد تعمليه في يوم واحد ,, حبيبتي كل يوم اعملي شي هيك ما بتحسي بكل هالتعب ,,و ربي يحفظ النا ازواجنا الحمد لله بياخدو جانب عنا و بقدروا تعبنا’’ انا اول ما حملت شغلي متركز على الطبخ و عندي dish washerجلاية صحون
و تنضيف المطبخ اكيد كل يوم,,اما الغسيل والفاكيوم و shopping للبيت زوجي متكفل فيه لانو بيتي اكتر من طبقه و ما بطلع و لا بنزل درج و غرفة الغسيل عندي لازم انزل درج ,, ربي ييسر امورنا لحين نولد بسلامه
قبل حملي كنت ما اروق حتى اشوف كل شي بيلمع بالبيت
بس هلآ صعب اتحرك متل اول
يسلمو ايديكي على شرح التايلندي

نبض قلب
الف سلامه ’’ يمكن متل ما حكت سهى تكوني ماخده برد او ما كله شي ما تقبلته معدتك ,, حاولي انك تشربي عصير ليمون
و كلي لبن و ابشري فيه شوية ثوم و ان شاء الله ترتاح معدتك و طمنينا عنك

اشوفكم بعدين
لازم اخد شاور و اصلي الضهر و اغدي توأمي ههههه
سلامي للجميع

[Heba T]

في حدا هنا؟

[غُمُوض أُنثَى]

يسعد مســآآكم بنــآت والله منووووورين :))

عيون المهـآ .. مـآشآء الله بناتك يعني كوكتيل اشي عنين خضر واشي بني هههه احلآ شي والله
ربي يخليهم الك حبيبتي عقبـآآلنــــآ ^^
-
سهــى يـآعمري منورة والله , الحمدلله انه موعد العملية اتحدد يعني مش بـآآآقي غير شوووية صغيرة وتيجي جنى بالسلامة يـــــآآآآرب
الله يجمعنا عالخير ان شاء الله وتكوني بأحسن صحة وعــآآآآآفية يا البي
ديري بالك ع حالك

-
فرآشــة مـآشاء الله لساتك صغيرة وبتحكي صارلك متزوجة سنتين ؟؟
اديش كان عمررك لما تزوجتي وبتدرسي هلا والا شو ؟؟

-

نبض قلب منورة يـآ غآلية والله يبعد عنك الضيق يارب
لا تدايقي حالك

-
احسـآآآس , بالنسبة للصبغة اللون الاسود مزبوط الحكي ما بزبط عليها غير الخصل الاحمر غامق حتى مش فاتح
لكن ازا بدك تعملي خصل بلاتيني او دهبي لازم تعملي ارضية عسلي غامق

هادا الحكي من الكوافيرة .. لانه انا ليلة فرحي عملت ارضية عسلي غآمق وميش خصل رفيعة كتير لون بلاتيني طلع روووعة
اما الاسود زي ماحكتلك
شو ناوية انتي تعملي خصل؟؟

-
هبة وبينك روز وسما
بـآقي البنات يسعد مساكم وعسولة مش مبينة ان شاء الله خير

[حيفا]

مسا الخير صبايا کيفکم شو اخبارکم? ???
ااااه ياصبايا والله الوجع اللي معي مش طبيعي ضهري وبطني بشدووووو ع بعض غير الدوخه والحراره وطبعا الدم اللي نااازل متل نزييف وانتو بکررامه
الدافستون دبحني دبح
الحمد لله

[بينك روز]

هلا غموض حبيبتي منوره
يسعد مساكي يارب

حيفا حبيبتي الف سلامة عليكي
الله يشفيكي يارب
اشربي حبوب مسكن يخفف الالم
انا لما نزلت قبل هيك كنت اخد حبوب ايزوفين كتير كنت ارتاح عليه

[Heba T]

حيفا خدي تروفين وانشالله بتخفي

[بينك روز]

عيون المها
والله ياروحي انا ما بكوم شغل البيت على حالي
بس مشاني بشتغل وبروح تعبانه والكهربا مو مساعدة الواحد يخلص شغله كله
مشان هيك بسير الوقت ضيق معي
والحمد لله زوجي بساعدني يعني لما اكون بالمكتب والكهربا جاية بالبيت بحاول يستغل الوقت وينظف البيت
او يركب وجبة الغسيل او يكوي
الله يخليه الي يارب

[Heba T]

بينك روز طلعتي ولا نو؟

[بينك روز]

والله طلعت بس روحت على طول لاني ما قدرت
ضغطي حسيته واطي كتير ميلت على صيدلية افحص
لقيته 90 على 50
ما انبسطت

[أم عزمي]

امـــ عـــزمـــي ـــــ

..
ربي يحفظها بنت اخوكي فكرت عمرها سنه في الصوره
لهيك حطيت صورة لانا و دورت على صوره لاسيل في عمر السنه بس ما لقيت ههه
عالعموم ان شاء الله تفرحي بهويدا و تزيني صفحتك بصورتها !


صبـاياااااااا
جارة القمر ما بينت اليوم و هي اخر مره حكت انو كان معها وجع و ينزل عليها افرازات تكرمو ,, قلبي معها
ان شاء الله ولاده ميسره الها

و تبشرنا بقومتها بالسلامه

حبيبتي تسلمي بنت أخي ما بعرف كم عمرها بالصورة بس هي هلأ سنة و 9 شهور فهمتي عليا و بالنسبة لجارة بظن انها ولدت

[Heba T]

بينك روز الله يعينك و يقومك بالسلامة

[أم عزمي]

هاي .............كيف الحلوات شو عاملين..........
مشتاقه كتير..
انا وعمورة تمام .......
كنت طالعه عند اهلي منشان عرس ابن خالي لنحضرو ...بس اتاجل العرس ل2.7 لانو خال ابو العريس اتوفا الله يرحمو....والعروس غميت والعريس زعل اكتير وام العريس الله يكون بعونها حالتها حالة لانو اول ولد الها بتزوجو.......المهم الله يجعلها اكبر المصايب.....
حبيبتي نورتينا بسيطة لعله خير و كل تأخيرة و فيها خيرة و الحمد لله على كل شي انشاء الله ربنا بيفرحهم حبيبتي

[أم عزمي]

مسا الخير أو صباح الخير أزبط هههههههه
الكهربا الها نص ساعة جاية الله لا يوفقهم
دوبي قرت الصفحات اللي راحوا عليا و رديت عالبنات
بينك روز يعطيكي العافية اشربي عصير برتقال و كتري من السوائل عشان ضغطك يعلى

[بينك روز]

هلا ام عزمي منوره حبيبتي
كيف زوجك سامحلك تقعدي على النت
هوا دايما بالليل بكون ولا انا غلطانه
حبيبتي انا هلا احسن
شربت لبن اب تحسن الحمد لله

[أم عزمي]

ههههههههههههه
ما هو حاطط اللابتوب عالشاحن عشان الكهربا كانت قاطعة
و قاعد عندو شباب لما يخلص شحن بياخدو مهو النت هوائي عندنا عرفتي
هههههههه يعني شوي و بياخدو

[أم عزمي]

طيب انتو لما تقعدوا بالليل وين بيكونوا جوازكم؟؟؟؟

[بينك روز]

اها فهمت عليكي
والله وانا كمان زوجي بستنا بالاب توب
بس انا محتله الموقع ومو راضيه اعطيه اياه
بس عندي شويه وهنام وهوا بيسهر عليه
وانا كمان عندي النت هوائي

[بينك روز]

انا جوزي هيو جنبي يا ام عزمي
بتفرج على مراد علمدار

[أم عزمي]

بس انا مشكلتي ما بعرف انام و جوزي مش عندي
بس انتي أكيييييييييييد لأنه عليكي شغل مضطرة تنامي

[بينك روز]

حبيبتي انا بنام وزوجي جنبي
في عنا تلفزيون بغرفة النوم
بتفرج عليه وانا على الاب توب

[أم عزمي]

أهاااااااا أنا جوزي ما بيحب المسلسلات
و انا بعكسك هو بيقعد عالنت و انا عالتلفزيون

[بينك روز]

ههههههههههه الله يخليكم لبعض يارب
معلش انا بدي اطلع هلا لاني تعبانه شوي
ونعست وبكره عندي دوام
اشوفك على خير
تصبحي على خير

[أم عزمي]

حبيبتي و انتي من اهل الخير

[أم عزمي]

ويييييييييينك يا عسولة فلسطين؟؟؟
جارة الأمر انشاء الله قمتي بالسلامة؟؟؟؟
يا بنات انا الصبح بتكون الكهربا قاطعة عندنا يعني العصر بتواصل معكم انشاء الله

[أم عزمي]

حيفا حبيبتي ديري بالك عحالك هو انتي لليوم ما خلصتي من الدورة؟؟؟؟
نبض قلب حبيبتي انشاء الله تكونوا تراضيتو انتي و زوجك ؟؟؟؟

[أم عزمي]

حواء مثالية زمان ما بينتي؟؟؟

[أم عزمي]

يا بنات انتو اليوم نعسانين
تصبحوا على ألف خييييييييييير

[حيفا]

صباح الخير يا حلويين
تسلمو حبيباتي اخدت ايزوفين بالليل ونمت متل القتيله
وهلا الحمد لله انا احسن وخف النزيف شوي
ام عزمي انا صارلو وجع الدوره من اسبوعين بس هي اتاخرت واجت يوم الجمعه
انا عندي فيها مشکله يعني مش منتظمه لهيک اخدت دوا ينظمها وهالدوا عملي وجججججع وکمان نزلت دوره قويه کتير
يا ستي الحمد لله ع کل حال

[سهى2012]

صباح الخير للجميع

اسعد الله صباحكم ويومك

[بنت الضفتين]

صباح الخير صبايا
انا هلا باقى 20 يوم واخلص الشهر التاسع وبكرة عندى فرح واحد قريبى بس مكان الصالة بعيد علينا يعنى بدى شى ساعة فى الطريق هل بياثر هالشى على الحمل او بلاها الروحة

[نبض قلب]

صباح الخير للجميع

بنت الضفتين** روحي عالفرح ما بيصير شي باذن الله بعد ما تولدي راح تتربطي ما تعرفي تروحي مشوار بدون البيبي

ام عزمي ** شكرا ليكي سدقي اني حبيتك كلامك ظريف و حلو و لسا ما تصالحنا

[بينك روز]

صباح الخير يا حلوين
شو اخباركم
مالكم كسلانين على الصبح
شكلها جارة ولدت والله العليم
وحواء مختفية وسما مشغوله مع عموووره
وعسوله ابصر شو صاير معها ما بتبين
واحساس كل البنات وينكم

[بنت الضفتين]

صباح الخير للجميع

بنت الضفتين** روحي عالفرح ما بيصير شي باذن الله بعد ما تولدي راح تتربطي ما تعرفي تروحي مشوار بدون البيبي

ام عزمي ** شكرا ليكي سدقي اني حبيتك كلامك ظريف و حلو و لسا ما تصالحنا
انا خايفة انو يجينى الطلق وانا فى السيارة وخاصة انو هاى المنطقة مافيها مستشفى
هولازم ينزل الدم قبل ماييجى الطلق؟ وكم المدة بين نزول الدم والطلق

[نبض قلب]

مو شرط ينزل دم قبل الطلق

انا ببنتي بدا معى الطلق و ما كنت عارفة انو طلق رحت عالمشفى و فحصتني قالت حالة ولادة

من دون ما ينزل دم

الله يهون عليكي و تقومي بالسلامة يا رب

[سهى2012]

الله يقومك بسلامة بنت ضفتين

صباحكم نبض وبينك حلو ان شاء الله

[بينك روز]

وكليها لربك بنت الضفتين ربنا هيكون معك
منوره نبض القلب انتي وسها

[سهى2012]

شو راح تطبخوا صبايا

جو شوب

انا بدي اجيب شاورما لاني مش قادرة اقف في مطبخ

[نبض قلب]

الله يسعدكم
بنك ** سهى ** جميع الموجودين

انا اليوم عندي جاجة طبختها يوم الجمعة

سهى** انت باي منطقة ساكنة

[احساس أنثى]

صباح الورد والفل والياسمين على الناس النشيطه ماشاء الله عليكم

صاحين من بدري اللهم لا حسد ههههههههه

كيفكم جميعا شو عاملين بهالحر؟؟ والله الجو عذاااااااااااااب الصيف هاد

حتى الواحد مو جاي عبالو الاكل كل شوي مويه مويه ميه

[نبض قلب]

سهى

انت هاد الحمل الاكم الك

اكم مخلفة قبل هيك

[سهى2012]

نبض

هاد حمل سادس عندي ثلاث اولاد وبعدها كنت احمل وانزل وهلاء حملت بعد عشر سنين تاني

انا ساكنه غزة النصر المشتل

[سهى2012]

هلا احساس منورة

حبيبتي شوب بتعبنا اكتر من ناس عاديين لانه جمسنا بدون هالشوب بيكون نار مع حمل وكيف لما بيكون جو هيك والله كل شوي مي مي مي لدرجة بطني وجعني وما بلحق ادخل حمام مع سكري عندي الله يكون معنا ويساعدنا

[بنت الضفتين]

مشكورين صبايا وربنا يقومكو بالسلامة

[نبض قلب]

عنجد العرق زي المية علينا

توا حممت بنتي بردت عليها

الله يقومك بالسلامة يا سهى

ربنا يعينكم يا حوامل على الشوب

انا قلت الحمد لله اني ولدت بأول الصيف مش بشهر 8 مثلا

[احساس أنثى]

اه والله ياسهى انا مش ملاحقه دوووش وميه بارده

لولا التكييف بغرفتي كان فقعت والله بالاول كنت معارضة زوجي يجيبو بس لما حسيت فيه سرت مااقدر انام الا وهوا شغال هههههه سار يلومني انتو هيك النسوان كل شي عندكم لأ هههههههههههه

احنا عاملين طبيخ كفته ورز يلي عبالو مايحرم حالو

[احساس أنثى]

البنات صبحوا وقاموا للطبيخ مافي غيري شكلو