دردشة بنات فلسطين, دردشة حوامل فلسطين, تجمع بنات فلسطين [الأرشيف] - الصفحة 89

لولو الفلسطينية

03-12-2013, 09:13 AM

صباحو يا حلوين
جارة سلامتهم الحلوين الف سلامة عليهم ربنا يخليلك اياهم
احساس انا ما عندي علم بخصوص الصبغة و الفرد لاني ما عمري عملت هيك شي بس ريتو نعيما سلفا ام زوزو
حواء م تنسي تيجي تبشرينا بس ترجعي من عند الدكتور ..... بنستناكي hwaml13
في بنات جد مختفيات زي بينك و ام عزمي و ام عمر الاولى و التانية و ام جودي و عيون المها كمان و انبثاقة و هبوش و غيرهم كمان زماااااان ما دخلو ..... ان شاء الله خير

لولو الفلسطينية

03-12-2013, 09:14 AM

بلاقي حد هون و الا كلكم نااااايمين ؟
انا يمكن ما نمت الا ساعة هههه طول الليل و انا اتطلع بالسقف hwaml03
يسعد صباحكم جميعا

امجااد

03-12-2013, 10:02 AM

شاركونا بمسابقة ربيع حوامل

http://forum.hwaml.com/t243313.html#post3048653

احساس أنثى

03-12-2013, 10:27 AM

يسعد صباحك لولو
انا جيت نشيطه هيني :)

ام عبدالله لولو

03-12-2013, 10:34 AM

صباح الخير للجميع ..
احساس ريتو نعيما مقدما
لولو الله يسعد صباحك ومساكي يا نشيطة كان ع النوم هاد ارق حوامل
ديدووو شكلك نايمة ههههه صباحو يا عسل
حلا اليوم مشغولة من شاف احبابو نسى اصحابو الممهم رجعلك بالسلامة
حيفا يسعد اوقاتك خلينت نشوفك يا حلوة
حواء نحن بانتظارك يا قمر يا رب يكون صبي
مسك وعسولة وبيبو وغموض وانبثاقة وفوفو يسعد اوقاتكم سامحوني في كمان بس بحاول ازكر مش عارفة هههههه

ام عبدالله لولو

03-12-2013, 10:40 AM

احساس هلا انتي بتصحي مع زوزو الصبح ولا بيكون صاحي هههههههه اعطيني من خبرتك يا حلوة

فوفو89

03-12-2013, 10:52 AM

هلا ام عبدالله .. صباحك سكر

كيفكم يا حوامل وكيف يومكم

انا صبحت راسي بوجعني .. لاني بضل اصحى بالليل اروح ع الحمام .. كل ساعتين تقريبا .. والله زهقت من الحمام بالليل شو اعمل ههههه

حلا الماس

03-12-2013, 11:15 AM

يسعد صبااااحكم يا احلى بنات ..

لولو .. نامي نامي يا بنتي .. جاييتك ايام السهر بعد ما تشرف الاميرة الصغيرة ..
وحياتك صاحية من 6 ونص بس عندي اشياء كتير اعملها .. وهيني شطفت الدرج والساحة باب البيت وانقصف ظهري منو لانو بيتي طابق تالت والدرج كتير كبير .. والباقي سهل ترتيب البيت عادي

احساس .. يسعد صباحك يا قمر .. شكلو اليوم ما في دورة ؟؟

ام عبد الله .. يا عسل انتي .. الله يسلمك يا رب .. والله جوزي يا دوب يصل اليوم بعد ال 7 بالليل .. لسه لهلأ بالدوحة.. ربي يسهل يا رب

فوفو .. هلا حبيبتي انا مش باين مع جنس البيبي لانو لما رحت باخر الرابع افحص كان مسكر رجليه وما بان شو جنسو .. يعني على حسب وضعية الجنين .. مع انها الدكتورة ما قصرت وضلت اتحاول انها تعرف .. بس البيبي ما فتح رجليه هههههه .. مؤدب وخجول فديته

انا دخلت اصبح واطمن عليكم واطلع .. سلامات

ام عبدالله لولو

03-12-2013, 11:22 AM

هيني جيت يا معدلة هههههه يعطيكي العافية خايغة نسئلك شي تحكي بدك كشفية .. الله يسعدك يارب انتي العسل والله
فوفو الله يسعدك ياحلوة هاد عادي ببداية الحمل الله يتمملك بخير

اميرة محمد

03-12-2013, 12:24 PM

يسعد صباحكم صبايا الله يصبحكم بأنوار النبي
كيفكم اليوم جميعاً

ام عبدالله لولو

03-12-2013, 12:28 PM

اهلا اميرة شو اخبارك .. الله يرزقك الحمل يارب

فوفو89

03-12-2013, 12:29 PM

اخت حلا الماس ... مرة سمعت ستي بتحكي انه البنت بتضل مسكرة رجليها اغلب الوقت بس الولد بيكون فاتح رجليه بكل ثقة ... قال سبحان الله البنت دايما مستحية بس الولد عادي ههههههه

الله يطعمك الي ببالك يارب

اخت ام عبدالله انا قرأت بالنت انه بسبب الحمل بس عنجد اشي بيتعب انه الواحد يصحى وينام ..بيعين الله
سقالله وانا صايرة بالشهر التاسع

ام عبدالله لولو

03-12-2013, 12:34 PM

هههههههههه الله يسعدك يااافوفو والله ضحكنيني يعني مصرة انها تطلع بنت هههههههه الله يقومك بالسلامة يارب هاد عادي بكون ظغط البيبي ع المثانة .ز انتي كم عمرك

اميرة محمد

03-12-2013, 12:39 PM

حبيبتي ام عبدالله الحمدلله والله صبحت احسن من امبارح بكتيير
الله يئومك بالسلامة فوفو ويعطيكي كل الي في بالك

فوفو89

03-12-2013, 12:46 PM

هههههههههه الله يسعدك يااافوفو والله ضحكنيني يعني مصرة انها تطلع بنت هههههههه الله يقومك بالسلامة يارب هاد عادي بكون ظغط البيبي ع المثانة .ز انتي كم عمرك

هههههههههه الله يبسطك دايما يارب
لا انا مش مصرة انها بنت بس اتذكرت كلام ستي هههههه
انا عمري 23 سنة واتجوزت من 7 اشهر .. وانتي ؟

حبيبتي ام عبدالله الحمدلله والله صبحت احسن من امبارح بكتيير
الله يئومك بالسلامة فوفو ويعطيكي كل الي في بالك

تسلمي يا زوووء الله يسلمك يارب .. والله يتمملك ع خير انتي كمان

ام عبدالله لولو

03-12-2013, 12:51 PM

تسلمي والعمر كلو انا 25 ومتزوجة من 6 شهور

ام عبدالله لولو

03-12-2013, 12:54 PM

اميرة وين روحتي احكيلنا كم عمرك .. كمان ما تفكري كقير بالحمل لانو بيجي ع اهون سبب وان شااااااااء الله هاد الشهر بتكوني حااااامل ياااارب ..

شو طابخين ياصبايا

فوفو89

03-12-2013, 01:07 PM

اه العمر كله يارب ,,

انا ما بدي اطبخ اليوم غدا لانه دار حماي عاملين عشا منسف وبدنا نتعشى عندهم

ام عبدالله لولو

03-12-2013, 01:12 PM

ولا انا طابخة عندي اكل من امبارح وكمان بدي اعمل فنوش .. تتهني وصحة وعافية نيااالك هههههه

فوفو89

03-12-2013, 01:28 PM

ههههههههه اه ارتحت من الغدا

صحة وهنا انتي كمان

احساس أنثى

03-12-2013, 01:38 PM

ام عبد الله انا وقت مايصحى زوزو بقوم وبصحى
هوا بينام من 12 لل9 وطبعا طول الليل رضاعه

حلا اليوم لا ماعندي دوره

فوفو سلامتك من الصداع

حممت زوزو وخففتلو شويه موت الجو طول الليل عرقان
وعشان عندو مراجعه للدكتور اليوم عشان صدرو

ورتبت البيت وجليت بره باقي غرفتي يلي عامله متل سوق فراااااااس هههههههههههه
وعندي وجبتين غسيل بدي اعملهم وبدي اتحمم

شو طابخين ؟؟ حمايا جاب سمك لناكلو ونودع مع هالشوب ههههههعههعه

جارة القمر

03-12-2013, 01:46 PM

يسعد مساكمـ يارب

والله يسلمكم ....لاروح على البيت بدي اخودهم على الدكتور .........ان شالله

جارة القمر

03-12-2013, 01:54 PM

اللهم صل على سيدنااا محمد
صلى الله عليه وسلم

هاد زيد والربيع

http://www.hwaml.com/up/uploads/1363085631851.jpg (http://www.hwaml.com/up/)

فوفو89

03-12-2013, 01:57 PM

ما شاء الله عنه اخت جارة القمر .. امور كتير الله يخليلك اياه ويطعمني زيه يارب

جارة القمر

03-12-2013, 02:07 PM

فوفو:

تسلمي يارب والله يعطيك ولد بجنن وهادي ياااااارب

ام عبدالله لولو

03-12-2013, 02:08 PM

ماشاء الله عنه اللهم صلي غ سيدنا محمد الله يخليلك اياك وتشوفيه عريس ان شاؤ الله انا بحب الصغار هههههه لو انو معي اكلتو من حلوتو

جارة القمر

03-12-2013, 02:14 PM

ام عبدالله ::

تسلميلي كلووو من زوءك ...وان شالله يجي البيبي تبعك بالصحه التامه وتصوريه وتنزليلناااا صورووووو .....

احساس أنثى

03-12-2013, 02:14 PM

ماشاء الله عليه ياجاره ربي يحميه ويخليلك ياياه يارب

حواء مثالية

03-12-2013, 05:19 PM

مساء الخير

كيفكم

جارة ما شاء الله عليه ابنك زي القمر

بنات رحت على الدكتور الحمدلله كلشي تمام بس وزني مش زايد بالمره بحكيلي الدكتور كلشي تمام بس ان اخايفه يصير معي مثل برلنت طول فترة الحمل يحكولي كلشي تمام وبالاخر جبتهااقل من تنين كيلو

عرفت جنس البيبي جايينا ولد الله يجيبه بالسلامه راح نسمي عز الدين ان شء الله

احساس أنثى

03-12-2013, 06:39 PM

ربي يتمملك ع خير ياام عز الدين
ماتخافي بس انتي اتغزي اكل مفيد

وين الصبايا مختفييين
بكره عندي كوز بالدوره ادعولي

فوفو89

03-12-2013, 06:58 PM

اخت حواء مثالية " ام عز الدين" الله يجيبه بالسلامة يارب وتسوفيه وتنبسطي عليه يارب .. انتي بأي شهر ؟؟

اختي احساس انثى موفقة يارب ..

احساس أنثى

03-12-2013, 07:05 PM

تسلميلي حبيبتي فوفو

im mohmmed

03-12-2013, 07:43 PM

مرحبا كيفكم يا صبايا

شو اخباركم ؟؟؟؟

موفئة يارب يا احساس

حواء مثالية

03-12-2013, 08:13 PM

الله يسعدكم يا بنات الله يكرم كل مشتهية يارب

فوفو انا بالشهر الرابع

ام عبدالله لولو

03-12-2013, 08:26 PM

مسا الخير يا صبايا ..
الف مبرووووووك يا ام عزو ههههه اسم بجنن ان شاء الله بتقومي بالسلامة يارب

حيفا

03-12-2013, 08:32 PM

مساء الورد يا حلوين
كيفكم حبيباتي :)

الف الف مبارك يا ام العز :) ان شاء الله عقبال ما تيجي تبشرينا بولادته بالسلامة ان شاء الله

باقي الصبايا كلكم كل باسمها ومركزها ههههههه ليلتكم سعيدة :)

ام عبدالله لولو

03-12-2013, 08:37 PM

وانتي اسعد يا حيفا عقبال عندك يارب .. شو اخبارك وكيف صحتك والروووجيم شو اخبارو
صبايا شو بتحضرو مسلسلات جاية ه بالي احضر شي

حيفا

03-12-2013, 08:38 PM

الرجيم ويلي منه ، تركته من زمان اصلا بتفشش بالاكل اصلا ه هههههههههههههههههههههههه

يسعد مساك يا ام عبد الله ، كيفو عبوووده ؟؟ انتي عرفتي جنس البيبي ولا لسا ؟؟

ام عبدالله لولو

03-12-2013, 08:41 PM

بعين الله يا حيفا والله انك عسل هههه الله يعطيكي يارب .ز الحمد لله بان من شهر تفريبا الله يفرحك بشوفة ابنك يارب

حيفا

03-12-2013, 08:45 PM

تسلميلي يا حلوتي ربي يعطيكي اللي ببالك

انا زهقااانة جدا كثيييرا ، مع وجع الراس والرشح ووجع الضهر كمان حاسه حالي فل اوبشن هههههههههههههه

ام عبدالله لولو

03-12-2013, 08:50 PM

الف سلامة عليكي .. شكلك زي هههههه ما بتابعي شي ع التلفزيون

حيفا

03-12-2013, 08:52 PM

لااا ما بتابع ، الاغلب حوالي بتابعو تركي ، وانا بنسم بدني بس اشوف مسلسل تركي
انا ممكن اتابع فلم اجبني او عربي ، برنامج ، اما مسلسل التزم فيه كل يوم ما بقدر ههههههههه

حواء مثالية

03-12-2013, 08:54 PM

تسلمي ام عبد الله الله يخليكي ويحلي ايامك

حيفا ياقلبي الله يوعدك قريب بحمل سليم معافى يارب

بنات مفكرة اغير الدكتور تااااااااااااااااعي

ام عبدالله لولو

03-12-2013, 08:54 PM

ههههههههههه زي مالي روح ه المسلسلات بس بمل بدي اصير احضر علشان اتسلى ههههههه تضيع وقت

ام عبدالله لولو

03-12-2013, 08:56 PM

تسلمي يا حواء خير مالو دكتورك

حيفا

03-12-2013, 08:59 PM

هلا حواء يا حلوتي ، تسلميلي حبيبتي ربي يرزقك انتي كمان باللي تتمنيه يارب

ليه تغيري الدكتور ؟؟ بسمع ببيت لحم في كتير دكاترة شاطرين :)

ام عبد الله والله انا بحسه ارتباط اتابع مسلسل ههههه ، بحب المسلسلات اللي كل حلقة بعنوان ، يعني مش احداث متواصله مع بعضها هههه

حواء مثالية

03-12-2013, 09:00 PM

ما بعرف مش مرتاحه ما بدي يتكرر الي صار معي وانا حامل في برلنت طول فترت الحمل هو يحكييلي كلشي تمام وممتاز واخر الشهر الثامن صار يحكيلي البيبي ضعيف وصغير وما بكسب وخلفت برلنت كان وزنها قليل كيلو و900 غرام وهاد الحمل مش زايد وزني بالمره من بداية الحمل وانا خايفه لهيك بدي اغيرو

حيفا

03-12-2013, 09:04 PM

ممممممم غيريه اذا مش مرتاحه معاااه ، بس اللي بعرفو انه وزن البيبي ماله دخل بصحته ، يعن بنات حماي ولدو التنين بفرتة وحده بنتها اجت 3 كيلو ونص ، وشفتها بعد شهر لساتها متل ما هي ، اما اختها ، جابت ولده 2 كيلو وميتين ، ماشاء الله بعد شهر مبين الاختلاف وصاير خمسه كيلو

وهيها برلنت ما شاء الله عنها متل القمر ربي يحفظها ويخليلك يااااها يارب :)

ام عبدالله لولو

03-12-2013, 09:06 PM

خلص غيري ازا مش مرتاحة الو بس بدي احكيلك انو الجنين وزنو ما بيتعدى نص كيلو لحتى يوصل الشهر السابع بعد هيك بصير يزيد انتي غيري واتغدي كويس خليه يجي عزوو صحتو كويسة

احساس أنثى

03-12-2013, 09:21 PM

يسعد مساكم بشو بتدردشو !!

حيفا

03-12-2013, 09:39 PM

غطسوو الصبايا والله يا احساس هههههه

حواء مثالية

03-12-2013, 10:03 PM

بدي اغيرو واتوكل على الله المشكله يا بنات انه طول فترة الحمل بحكيلي كلشي ممتاز وانا برلنت الحمدلله اجت صحتها ممتازة بس بلكي يكون في حل عشان هيك بدي اغير بعدين غريبة هي انا الاسبوع الجاي بنزل بالخامس ووزني مش زايد بالمره ولا كاني حامل وبطني مش باين مثل حملي ببرلنت بالضبط

انا راح اعمل هالشهر برنامج غذائي مكثف وراح اغير الدكتور واشوف شو بصير معي وان شاء الله خير

احساس أنثى

03-12-2013, 10:04 PM

نسيت حالي ع الفيس سوري

حواء الاكل برضو مش غنيمه لانو الوزن الزائد بيعمل زلال وضغط وشغلات كتيره
انتي ماالك الا تقعدي مع دكتورتك وتسأليها شو السبب شو اعمل شو اكل

em3omar

03-12-2013, 10:05 PM

مرحبا يا صبايا كيف حالكم وشو اخباركم يا رب تكونو بخير كلكم
هي تولين بتمسي عليكم مع انها مبارح اخدت ابرتين وتطعيم للشهرين ما تستغربو بس صارت شهرين بجد الدنيا بتركض ركض
بنتي صارت صبية بتجنن وكل يوم عن يوم بتكبر وفرحتي فيها بتكبر
ان شالله ربنا ما بيحرم ولا وحدة بالدنيا هالاحساس يا رب
حيفا حبيبتي انا قلبي معك وبدعيك دايما ربنا يرزقك انت وكل مشتهية احلا ولاد يملو عليكم حياتكم
عيون المها شفت انك سائلة عني الله يسعدك يا رب انت دايما ببالي الاسبوع المرء كنت بالقدس وفكرت فيكي انت قلتي راح تيجي بشهر 5 ان شالله بتوصلي بالسلامة يا رب
وبقية الصبايا الحلوين بتمنالكم احلا الاوقات الله يسعدكم ويفرح قلوبكم يا رب

em3omar

03-12-2013, 10:06 PM

احساس وحواء كيفكم حبيباتي اشتقتلكم

حيفا

03-12-2013, 10:11 PM

يا اهلا وسهلا باحلى ام عمر

حبيبتي الصبيه تولين الله يسعدها ويحفظها من كل شر يااااارب بدنا صورتها ها ، بس اكيد قمورة متل عمر

كيفك يا حلوتي ووين غيباتك وغطاتك ؟

حواء مثالية

03-12-2013, 10:20 PM

احساس لو تشوفيني وانا حامل كيف بتقولي انه لازم حل طبعا كلشي يابد ربنا انا ما بدور على انه وزني يزيد بالعكس وبعرف انه الهاشي مو شرط بس انا بحكي عن انه البيبي يكون بخير

عشان هيك بديي اعمل احتياطاتي كلشي بايد ربنا وان شاء الله ربنا بكرمني وبولد طبيعي

ام عمر نورتي ياقلبي الله يخليها الامورة وما يحرمنا طلتك

والله غموووووووووووووووض شكلها قررت ترتاح مننا كنا واجعين راسها بطلت تطل بالمره وينك يا غموض اشتقنالك

em3omar

03-12-2013, 10:21 PM

والله يا حيفا هيني بهالدنيا بقالب بولادي الحمد لله
وكالعادة متنقلة بين القدس والناصرة وبير السبع

عسولة فلسطين

03-12-2013, 10:22 PM

مساااااااااء الخير
كيفكم
جارة الف سلامة عليهم الحلوين ويحميييييييييييييييييه لزيود العسول
حووااااء مبروك والله يجيبه ع خير... انتي روحي دكتور تاني وشوفي ايش حيقولك؟ وان شاء الله بيجي عز الدين بصحةوعافية ويكون امور متل برلنت
بنات انا بكووووووووووون محضرة ردود لكل وحدة فيكم بس والله بنسى ههههههه عنجد صايبني بذاكرتي شي
سامحوني وبكون مسطلة وحالتي حالة
الحمدله شغلي تمام و انا منيحة بس هالوحام غير شكل طول اليوم نفس مايعة والغريب يابنات اني ما بستفرغ لسه لو بستفرغ برتاح بضل رايحة جاي ع الحمام .... يااااااااااااب هالمرة ربنا يكتبلي نصيب في الحمل يارب
بنات انا اشتقت لانبثاقة وعيون المها ويننهم؟؟؟

em3omar

03-12-2013, 10:22 PM

حواء الله يسعدك يا رب ويخليلك برلنت الامورة
ان شالله تكون كل امورك بخير يا رب

حواء مثالية

03-12-2013, 10:22 PM

ياربي ما ازكاهم لصغار الله يحميها يا ام عمر مثل القمررررررررررر

عسولة فلسطين

03-12-2013, 10:24 PM

ام عمر يسعدها ربنا لتولين عسولة
ربنا يحميها يارب ويخليلك اياها آميييييين

حيفا

03-12-2013, 10:29 PM

حبيبتي ام عمر الله يعينك ياااارب بس شو بوديكي ع بير السبع ؟؟؟ هههههه

عسولتي حبيبتي يارب يثبت حملك ويقر عينك بشوفة البيبي بصحه وعافيه يارب ، صحيح شو ناوية تسميه او تسميها ؟

وغموض وانبثاقه وعيون غايبين منذ زمن والله ، ان شاء الله يجو يطمنونا عنهم يارب :)

حيفا

03-12-2013, 10:32 PM

يختي علينا مزكانا ياااااارب :)
الله يحفظها يا ام عمر وتجيبيلها اخت ولعموره اخ كمان هههه
احلى شي يكونو اربعه بنتين ووليدن مش هيك صبايا ؟

em3omar

03-12-2013, 10:33 PM

حواء وعسولة الله يسعدكم يا رب عيونكم الحلوين بس الكل بيقلي عمر احلا منها
قدر الله وما شاء فعل
حيفا حبيبتي شو موديني غير الشغل جوزي بيشتغل هناك وانا معو شو بدي اعمل بس بيني وبينك انا مرتاحة هون الحياة حلوة وكلشي مرتب المهم جوزي وولادي الله يخليلي ياهم

عسولة فلسطين

03-12-2013, 10:34 PM

حبيبتي يا حيفا ربنا يكرمك ع أهون سبب والله بدعيلك وخليت امي تدعيلك بقيام الليل ... بس بتقول حيفا :)

اذا ولد فاسماعيل ع اسم حماي واذا بنوتة مش عارفة
بس انا شفت حلم بعد صلاة الفجر... قال وحدة بعرفها اعطتني كتاب قالتلي خديه لك وكان مكتوب عليه محمد صلى الله عليه وسلم وعمر بن الخطاب رضي الله عنه . فايش تفسيره ؟؟؟؟
امي بتقولي حلو لأنه اسم الرسول موجود كان يااااااااارب خير

em3omar

03-12-2013, 10:37 PM

حيفا تسلمي حبيبتي
انا بردو بقول زيك نفسي بكمان ولد وبنت عشان الاخ يكونلو اخ والاخت يكونلها اخت
بس ربنا هو الي بيعطي الله اعلم بيعطينا او لا

حيفا

03-12-2013, 10:43 PM

حبيبتي ام عمر الله يسعدك وين ما كنتي والبنووووته عسسسسل ما تردي ع حداااااااااا الله يحفظها يااااارب

ام اسماااعيل ان شاء الله انها بشااارة حلوة الك ، ودام فيها اسم الرسول اكيد خييييير ان شاء الله بشارة تمام حملك يارب :)

جارة القمر

03-12-2013, 10:43 PM

يسعد مسااااااااكمــ

تسلمووو بنااااااات من زوءكمــ

حوااءء(ام عزوز)::
اهاااا شدي حيلك بالتغذية بجد ....فلفل حلووو اخضر ممتاز ...سلطة فواكة- سلطة خضار مع افوكادو ممكن فتوش
هادي سناك بين الوجبات الرئيسة ....عصائر طبيعية - كوكتيل -
بالنسبة للدكتور
غيري ما بتخسري شي ....في بعرف د.بهيج الخياط -د.مي دبدوب -د.نديم د.سحر الاعرج ....هدول كتييير شاطرين
انا جربت مي وبهيج .......شاطرين

حيفااا:
كيفك ياااا أأمر شكلك ما انتبهتي لصورة زيد حطيتها قبل 4او 5 صفحااااات ..........

ام عمر::

هلاااا وغلااااا ما شالله عنها الأمر الله يحميهاااا

بنااااااااااات غموض مختفيه .........!!! وانبثاااااااقة !!!! وميساااااااااء!!!! وياريت ام عمورة 2 تدخل اطمنا عن بنوتتها !!!

em3omar

03-12-2013, 10:48 PM

جارة تسلمي يا رب الله يسعدك

عسولة فلسطين

03-12-2013, 10:50 PM

تصبحوا على خيييييييير يا صبايا سطلت

احساس أنثى

03-12-2013, 10:51 PM

ام عمر الحمد لله انو بنوتك بخير هيا يلي بالصوره ماشالله عليها

عسوله وحواء مافي شي بالساهل ربي يتمملكم ع خير

ندوووش

03-12-2013, 10:51 PM

http://forum.hwaml.com/t243313.html#post3048653

حيفا

03-12-2013, 10:52 PM

حبيبييييي مزكاااااااه ماشاء الله ، الله يحفظه ياااارب ويخليلك ياااه يا جاارة قمر ماشاء الله
سامحيني حبيبتي ما فتحت الصفحات اللي قبل ، بس شكلي رح اصير افتش صفحه صفحه بتروح علي اشياء حلووووة ههههههههه

عسولة فلسطين

03-12-2013, 10:53 PM

أشرقت وأنورت يا احساس وينك يختي هلأ طالعة وانا رايحة انام ههههه :)
عشان ابو الزوز سامحتك
درستي للكويز والا لسه؟
خليني اتطمن عنك واقوم انام

حيفا

03-12-2013, 10:55 PM

تصبحي ع خير عسولتي سلمي ع امك ووصيها تدعيلي اكتر الله يحفظها يارب ويخليلك ياها :)

جارة القمر

03-12-2013, 10:58 PM

حيفاااااااا:

ههههههههه اتوقعت انك مو راجعه للصفحات اللي قبل ......
معناتها الافضل انك ما تنقطعي عناااا كل يوم تدخلي هوووووون .........

عسولتي::

ومين سمعك صار لازم رووووح نااااام مع صيصاني ..........تصبحي على خيررررر

احساااااس::

والله مشتااااااااء ادردش معك ياااااااابنت ............

~~~~~~~
بناااااااااااات بخطر ببالي .......شو رح يصير فينااااا لو هالمنتدى صار في شي
وبطلناااااا نلتم وندردش ..........وعلى طول ليجيني هالتفكيررررر بحاول ما افكر ,,,,,,,
!!!!!!!!!!!!!
المهم الله لا يفرقنااااااااا عن بعض ...........

هلأأأأ تصبحوووووو على خير

حيفا

03-12-2013, 11:05 PM

حبيبتي جاره يلا تصبحي على خير وبوسيلي الحلوين

وان شاء الله ما بنفترق يارب

وانا كمان رايحه انام تصبحون على ما تتمنون يارب :)

لولو حمادة

03-12-2013, 11:10 PM

مساء الخير
انا زعلانة منكم نسيتوني
جارة ما شاء الله قمر زوزو ربنا يحميه كيف صاروا اولادك اليوم ؟

احساس كيفك شدي حيلك بالكوز

حيفا ليش بطلتي الرجيم اولها بتتغلبي بعدين بتتعودي

ام عمر ما شاء الله ربنا يحميها تالين
حواء مبروك يا ام عزوز

احساس أنثى

03-13-2013, 02:49 AM

ان شالله حكون عند حسن ظنكم :)
جاره لا تقلقي الاغلب معنا اوقام بعض لو سار شي للمنتدى بنضل ع تواصل ع الموبايل

غُمُوض أُنثَى

03-13-2013, 04:18 AM

صبآح الخير بنآت ..

كالعآدة بنص الليل بآجي عنجد هاي مشكلة بالنسبة الي انه ما بلتقي انا وياكم ههههه

حسب ما قرأت وشفت انه

حوآءتنآ الحلوة طلع معها ولد صح ؟!! عنجد الف مبروك الله يتمملك ع خير حبيبتي ويجي بالسلامة ابو العز :)

جارة سلامتهم ولادك الله يشفيهم يارب ,, وما شاء الله عليه ابنك بجنن صلآة النبي طالع لأمه والا لأبوه ؟؟ ههههه

حيفآ شو اخر اخبآرك وتطورآت الوضع طمنيني :) مس يو

عسولة كيفو البيبي ؟! طمنينا عليه وهلأ اي شهر وصلتي

انبثآقة يآ بنآت حآليآ عمهآ تعبآن وفي المشفى وهيا بتكون عنده احيآنآ ادعوله بالشفآء والله يعينها هيا كمان يارب

بآقي الصبآيآ شو اخبآركم وحدة وحدة :)

ام عبدالله لولو

03-13-2013, 08:49 AM

صباح الخير يا صبايا .. دوودو وينك ما بينتي ان شاء الله خير
حلا يسعدو الحلو
حيفا يسعد اوقاتك يارب
احساس هلا بالدورة موفقة بالكوز يارب
لولو بتمر الصبح وبتختفي الله يسعد نهارك يارب
حواء غيري الدكنور واتبعي نظام غدائي وان شاؤ الله خير
جارة كيف الحلوين ان شاء الله اتحسنو
فوفو واميرة وباقي الحلوات يسعد اوقاتكم

لولو الفلسطينية

03-13-2013, 09:34 AM

صباح الورد عالحلوين
شو اخباركم ؟
جارة
ما شاء الله عنه ابنك بزنن الله يحميه
شو كيف صارو ان شاء الله تحسنو ولادك ؟
حواء
الف الف مبروووك يا احلى ام عز الدين و ربنا يتمملك بخير و يجيبه بالسلامة
و جد لازم تديري بالك على اكلك و تاكلي كلشي مفيد بس ما تزيدي كمية الاكل كتير لأنو انا الدكتور حكالي الحامل لازم تراقب وزنها كل اسبوع من الشهر الخامس و فوق و لو ما بزيد الوزن رح يعطوها فيتامينات لتحسن وزن البيبي
و ربنا يجيبلك يلي فيه الخير و تشوفي ابو العز احلى عريس
ام عمر
هلا هلا نورتي يا عسل و ما شاء الله عنها تالين ربنا يحميها العسولة و يخليلك اياها هي و عمورة
لولو حمادة
شو نسيناكي يا عسل ما تحكي هيك و الله انك دايما بالبال بس انتي يلي بطلتي تدخلي زي قبل
الله يسعدك
و انبثاقة
الله يعينها و يشفي عمها شفاء لا يغادره سقما
كل الصبايا المختفيات وييييييييينكم ....... وينك يا مسافر طولت الغيبة هههه
ام عبد الله النشيطة يسعد صباحك يا حلوة
كل البنات الموجودين و النايمين يسعد اوقاتكم

~{{ DoDo }}~

03-13-2013, 10:22 AM

صباااح الخير

لولو وام عبد الله منورين يسعد صباحكم

جااارة
ماشاء الله شو هالقمر هاد الله يحميه ويخليلك اياه
طمنيني كيف صاروا انشالله خفوا ؟

ام عمر
والله اشتقناااااااالك حببتي
اسم الله عليها تولين بتجنن الله يحميها ماشاء الله
ويخليلك اياهم يارب وتجيبيلهم اخوة والاخوات
لا تغيبي كتير عنا

حواااااء
مبرووووك حبيبتي وربنا يتمملك على خير وييجي ابو العز بصحة وعافية
ويخليلك برلنت ياااااارب وديري بالك ع اكلك منيح واهم شي اهتمي بالخضار والفواكه
لانها اكتر شي بتفيد البيبي وبتغذيه والبروتينات كمان متل اللحمة والدجاج والسمك والبيض
انشالله لما تغيري الدكتور رح يفيدك

حيفاااا
كيفك يا قمر طمنينا عنك
وشو اخبارك
سلامة ضهرك وسلامتك من الانفلونزا الله يعينك يااارب

عسووولة
الله يتمملك على خير يارب حبيبتي
بتهووووون ، ضلك كلي بسكوت او شي مالح للغثيان ممتاز
توست او قسماط او اي شي عالريق رووعة
وع قولة احساس ما في شي بيجي بالساهل ربنا يتمملنا ع خير ويرزق كل مشتهية

احساس
موفقة بالكوز اليوم
شو حلقتي لزوزو ولا لسا ؟

لولو حمادة
دايما بنسال عنك
بس انتي بطلتي تفوتي نهائيا
انشالله تكوني بخير وولادك بخير طمنينا عنك

غموض
يا اهلا وسهلا دايما بتيجي والكل نااااايم
يا سهييييرة انتي
انشالله كل امورك بخير وتمام

باقي الصبايا الغايبين خصوصا عيون المها طمنوووووونا عنكم

جارة القمر

03-13-2013, 11:37 AM

الله يسعد صبااااحكم ياااارب. انا هلا بمحاضرة
غموض
في مجال تبعتيلي رقمك لاضيفك. عندي مع التحويله ورقم انبثاقة
واللي عندووو فايبر او واتس اب او توتير يعطيني لاضيفوو عندي

فوفو89

03-13-2013, 11:37 AM

يسعد صباحكم صبايا كيفكم اليوم ؟

صباحك سكر ام عبدالله كيفك

قاعدة برتب بورق العنب جوزي جاب امبارح .. مين تيجي تساعدني او تسليني

عشان الغدا

ام عبدالله لولو

03-13-2013, 12:04 PM

الله يسعد صباحك يا قمر .. اكلة من الاخر انا اتوحمة بدية حملي عليه واكلتها 6 مرات هههههه بس هلآ بتصير طازة ازكى بتكون صحة وهنا
لولو وديدوو يسعد صباحكم يارب

حيفا

03-13-2013, 12:07 PM

صباح الخير يا حلوين

ازيكم جميعا

غموض حبيبتي وشك ولا القمر ،ههه ازيك يا عسوله انا اشتقتلك كمان

لولو ودودو وام عبد الله وفوفو صباحكم فل وياسمين :)

جاي عبالي ورق عنب بس ما عندي :( ، بدي اجيب من عند امي واعمل يوم الجمعه ههههههه

صحه وعافيه عالورق فوفووو

ام عبدالله لولو

03-13-2013, 12:32 PM

http://t1.gstatic.com/images?q=tbn:ANd9GcQmZaGW-YURmOF7vPAEy9r192ble5JiSgIdkom6vQAwR_C3KiPtHg
يسعد صباحك يا حيفا

فوفو89

03-13-2013, 12:40 PM

اتفضلووو ام عبدالله وحيفا ولو ..

انا من زمان مشتهيه بس امبارح وصلني ولله الحمد هههه

عقبالكم :)

جارة القمر

03-13-2013, 12:59 PM

نيالوووو ولا علبالوووو بدي ورء عنب

لولو حمادة

03-13-2013, 01:20 PM

صباح الخير

دودو لولو انا بخير الحمد لله

فوفو صحتين على ورق العنب

جارة كيف اولادك صاروا اخدتيهم على الدكتور؟

ام عبدالله وغموض شو اخباركم

ابثاقة ربنا يشفي
احساس شو عملتي بالكوز

فوفو89

03-13-2013, 01:58 PM

جارة القمر و لولو حمادة اتفضلوووو

هس خلصت لف ورق العنب ورتبته بالطنجرة .. تعبت وزهقت وانا بلف لحالي

em3omar

03-13-2013, 04:07 PM

مسا الخير عالجميع كيفكم صبايا
تولين كمان بتمسي عليكم وبتقلكم تسلموا جميعا انكم اعجبتوا فيي

em3omar

03-13-2013, 04:09 PM

http://sphotos-f.ak.fbcdn.net/hphotos-ak-prn1/164463_10200424808332973_1379972749_n.jpg

em3omar

03-13-2013, 04:10 PM

هاي ضيافة تولين واخيرا زبطت الصور

em3omar

03-13-2013, 04:12 PM

http://sphotos-h.ak.fbcdn.net/hphotos-ak-ash3/598836_10200424807612955_692894839_n.jpg

هدول الكب كيك عملتلي ياهم اختي لما اجو اهلي يباركولي

em3omar

03-13-2013, 04:13 PM

http://sphotos-f.ak.fbcdn.net/hphotos-ak-prn1/554477_10200424807292947_225699807_n.jpg

فوفو89

03-13-2013, 04:13 PM

يا عيني شو هالضيافة الحلوة ... ما النا حصة ؟

شو جواتهم ؟

em3omar

03-13-2013, 04:13 PM

http://sphotos-d.ak.fbcdn.net/hphotos-ak-prn1/45519_10200424806972939_1188425664_n.jpg

em3omar

03-13-2013, 04:16 PM

http://sphotos-c.ak.fbcdn.net/hphotos-ak-prn1/539885_10200424805252896_1350177640_n.jpg

http://sphotos-g.ak.fbcdn.net/hphotos-ak-ash3/540561_10200424806292922_1562781598_n.jpg

em3omar

03-13-2013, 04:18 PM

الله يسعدك فوفو تشرفت بمعرفتك يا ريت والله اقدر اوزع عليكم جميعا من عيوني
في جواتهم شوكلاتة

فوفو89

03-13-2013, 04:29 PM

جد شغلات حلوة وزووووووووء كتير

الله يهنيكي يارب وتتربى بعزك ودلالك

حواء مثالية

03-13-2013, 07:34 PM

مساء الخير تسلمولي يا بنااااااات

الله يجيب الي في الخير

منورين جميعا

غُمُوض أُنثَى

03-13-2013, 07:50 PM

يسعد مساكم يا بنات هيني جيت تئريبآ بالنهار هههههههه

ولكو فتحتوا نفسي ع ورق العنب قد ما بعمل هالاكلة ما بينزهق منهآآ مممممم شهيتوني صحة وعافية يارب

ام عمر عنجد ضيآفة تولين بتجنننننن طيب بدنا منها بصير ؟! ههههه الف مبروك حبيبتي تتربى في عزكووو يارب

حيفآ وحوآآآء واحساس ودودوووووو يسعد مساكم حبيبآتي

لولو حمادة شو اخبارك اشتقنآلك والله وين كنتي غآآآآطسة وكيف احمد ومحمد ان شاء الله بخير ؟؟

جارة يعطيكي العافية يارب بس محاضرة شو انتي بتاخدي محاضرآت ؟ هلأ ببعتلك الرقم برسآلة ,, :)

مين موجود هون هلأ ؟!

حيفا

03-13-2013, 08:51 PM

يا عيني عليكي يا ام عمر زووووووووء

غمووووضتي حبيبتي هنا في وضح النهار "المغرب" يا مرحبا يا مرحبا

مساء الخيرات صبايا يا حلوين :)

حواء مثالية

03-13-2013, 08:57 PM

هلا غموض نورتي بيتك ومطرحك

حيفا يسعد اوقاتك

حيفا

03-13-2013, 09:01 PM

نورك يا حوائتنا
ازيك ؟؟
بدي اسألك معك رخصة انتي ؟

حواء مثالية

03-13-2013, 09:04 PM

انا بخير ومشتاقلك

اي يا حيفا من 2007 معي محسوبتك شوفيرة نموه واحد بدك تروحي مشوار هههههههههه

جارة القمر

03-13-2013, 09:09 PM

يسعد مساااااااااكم،،

حوااااء :

كتبتلك رد قرأتي ...........!!!!!

حيفا

03-13-2013, 09:17 PM

ههههههه يا عيني عليكي يا ست الشوفيرة هههه
لا مش مشوار بس مشان انا اليوم صحيت من نومي حاسه اني لازم اتعلم سواقه هههههههه رحت سألت في مدرسة السواقه لازم اجراءات كثيرة وانا من الناس اللي بتزهق بسرعه ، بتعرفي عنا كثير صعب الرخصه ما بعرف يمكن مشان يهود بضيقو علينا ما بعرف

حيفا

03-13-2013, 09:18 PM

اهلا يا جارة مسا الورد :)

حواء مثالية

03-13-2013, 09:20 PM

اي يا جارة تسلميلي هيني شانة حرب على حالي

حيفا حلوه السواقة بشجعك

احساس أنثى

03-13-2013, 09:30 PM

مسا الخير صبايا كيفكم

اليوم بدي مشورتكم وبسرعه بليز

بكره طالعه مع صحباتي على منتزه بدي اكلات غدا تكون خفيفه غير المعجنات شو أعمل ؟؟؟ انا ماالي خبره احكولي انتو؟

جارة القمر

03-13-2013, 09:32 PM

هلااااا حيفااااااااااا:
يااااااااااا هبوله بتتسلي

حواء:
هههههههههه شجعتيني ابداااا انا حفلة تسمين...........لاني بموت ولا حد يحكيلي ضعفااااااااااانه بحس
كانهم بسبوني ............:(

حيفا

03-13-2013, 09:34 PM

بنتوكل على الله وان شاء الله بعد عيد الفصح ببدأ لانهم هلا بصير دوامهم كلو نص نهار

اهلا احساس يا حلوة ، والله هي المعجنات انسب شي بالطلعات ، مش خاطر ببالي اشياء تانيه ههههههه

حيفا

03-13-2013, 09:36 PM

اخ يا جار ة اخ يااااااااريت اصير ازعل لما حدا يحكي ضعفانه ههههههههههه

ان شاء الله بدي ابدأ خلص نويت باذن الله :) ، بتعرفي صاير لازم اروح اعمل توفس بكنيون المالحه ، وفحص طبي شامل غير فحص النظر ، اشتريت ال cd تاع التؤوريا وبدي ادرس عليه خلال عطله الفصح وبعدها ع طول بقدم التؤووريااا

احساس أنثى

03-13-2013, 09:47 PM

ماطلع معكم شي ياربات البيوت ؟؟

جارة القمر

03-13-2013, 09:51 PM

حيفاااااااا:

ان شالله تصير تزعلي متلي لما يحكولك ضعفانه .....اموووووووووووت وما اسمعهاااااا :(

مزبوط بس اناااا عملت الفحص بشارع يافااااا بس قبل 10 سنين .........هلا ما بعرف هيك بتحكي
بكنيون المالحه ....

اليوم رحت على ماميلااااا اشوف اNew collection
يااااا فرحتي بحاااااااالي .......ولا شي محرز ......روحت بئميص لزيد من fox

احساس:
هلا انتبهت للي كاتباه
انتي اعملي حلوووو خفيف مع براد شاي وبراد قهوة بزر ......ولا انتو رايحي تاكلووو!!؟

لولو حمادة::

تسلميلي على سؤالك عن اولادي......ربي يخليلك اولادك........اخدتهم على الدكتور قلي حولت بنت قبلكم على المستشفى
عندها التهاب بصدرهاااا اناااا انشفت خوف .......قلي اولادك لاوم تعمليلهم تبخيراااا وسبب السعله من تقلبات الجوووو
عناااا الجووو يا لطيف متل عز الصيف وغبراااااا

جارة القمر

03-13-2013, 09:54 PM

احساس:
ازارايحين تاكلوووو.......اشتروا ساندويشات فلافل وخدو معكم حمص كولاااا
ومخللات وزيتون..........او ساندويشات شاورماااا

احساس أنثى

03-13-2013, 09:54 PM

جاره رايحين من الصبح من ال11 لعبد العصر يعني لازم وجبة غدا

الشاي والمكسرات عامله حسابهم والعصير

جارة القمر

03-13-2013, 09:57 PM

لفووو طنجرة ورء عنب

جارة القمر

03-13-2013, 09:58 PM

اعملوووو شوي ........

وصواااا على بيتزااااااااااا

حيفا

03-13-2013, 09:58 PM

حبيبتي الله يعينك والله الناس ما عاجبهم شي لا مليان ولا نحيف هههههههه

بتعرفي ولا عمري رحت ع ماميلا ما بعرف ليه ما بحبوووو

هلاا بكون عندهم تنزيلات وعروضات بالعيد

جارة القمر

03-13-2013, 10:00 PM

على فكره تركيزي بالليل بخف .......
مين سألني عن المحاضره ؟؟؟؟!!!! متكاسل ارجع لورااااااا ........
المهم هاد الشغل بالعاده بطلعناااا كورساااااااات دراسية معترف فيهاااا وبيزدوولناااا نقاط وعلى الخبرة مع شوية
زيادة بالمعاش
اناااا هلا باخود عن القيادة الجماهيرية ويوم الاحد رح ابداااا كورس جديد لساااا ما عرفت عن شوووو

احساس أنثى

03-13-2013, 10:02 PM

ميرسي جاره

جارة القمر

03-13-2013, 10:03 PM

حيفااااااا:

ماميلا حلووووو كتير متل اوروبااااا السوق بتمشي بالنص وعن شمالك ويمينك محلات مبنية من الحجر وفوء راسك مفتوح حلو تروحي تتمشي فيه اماااااا بالنسبة للمحلات ما في كتير متل المالحه وانااااا قليل لروحوووو بس كنت اليوم بالبلدبة عشان الكورس وانزلت عليه

حيفا

03-13-2013, 10:05 PM

اهااا يبقى بجرب ازوره شي يوم هههههه

جارة القمر

03-13-2013, 10:09 PM

تصبحوووووو على خير

اميرة محمد

03-14-2013, 12:02 AM

تلائي الخير جارة القمر
عرفوني على حالكو من اي مناطق بفلسطين انا من قلنديا

غُمُوض أُنثَى

03-14-2013, 12:14 AM

احسآس ,, ازا بدك غدآ اعملي لفائف مسخن بالدجاج حِلو وزآكي وبيشبّع يعني
حيفآآآ ,, والله شكلك متلي كسولة عنجد انا بيكون نفسي اعمل شغلآت كتير بس بكسسسسسسسسسسسل

جارة هههههه انا يلي سألتك عن المحاضرة ,, يلآ كويس والله حِلو شغلكووو
ع فكرة انا لما كنت بغزة قبل ما اتزوج كانوا يجننوني الناس كل ما يشوفوني ضعفانة ضعفانة زهقت منهم
بس لانه كانت الجامعة والدراسة ماخدة صحتي وما كنت بهتم بالاكل
بس بعد ما تزوجت صار وزني حِلو بطلوا يحكولي ضعفانة خخخخ مع انه وزني باول الخمسين يعني لسآ

بنآت انتو بتعرفو لون الموضة هلا شو صح .. الازرق وانا والله مع انه ما كان داخل مخي بس حبيتو كتير كتير
ناوية اشتري skinny متل هادا شو رآيكو ؟!

http://www.gotceleb.com/wp-content/uploads/celebrities/katherine-heigl/in-blue-skinny-jeans-leaving-a-medical-building-in-la/Katherine%20Heigl%20-%20In%20Blue%20skinny%20jeans-10-560x844.jpg

غُمُوض أُنثَى

03-14-2013, 12:15 AM

اميرة محمد اهلا وسهلا فيكي شرفتي ..

هون البنات اغلبهم من غزة وفي من الضفة وفي مغتربآت يعني كوكتيل تشكيلة

حيفا

03-14-2013, 12:42 AM

غموووض حبيبتي والله حلووووو السکني الالوان بس بصراحه علي انا ماحبيتووو بده وحده ضعيفه تکون لانو اي زياده بتبين مش حلوه هههههه

اميره انا من القدس وفي بنات من غزه وفي من الخليل ونابلس وبيت لحم وفي اللي برات البلد مغتربات بتونس والامارات وامريکا يعني من قطر اغنيه ههههه محلاها هاللمه ربي مايحرمنا ياها

غُمُوض أُنثَى

03-14-2013, 12:46 AM

هههههههههههههههههه
مهوا محسوبتك ضعيفة يعني مش ضعيفة بس مافي زيادة بالوزن
رح اشتريه خلص , بس شو بيجي عليه لون لانه صراحة مش حابة ااحتار كتير بالسوق
انا بحكي لو بلوزة فيها اورانج او اصفر + هادا اللون ؟! ما بعرف
والشآلة رح اجيبها سادة لون البنطلون

غُمُوض أُنثَى

03-14-2013, 12:47 AM

هوا انا عندي سكيني بس الوان غامقة يعني بلبسو كتير
بس بدي جيب الوان جديدة تغييير وحابة جيب الوان ما لبستها من قبل !

حيفا

03-14-2013, 12:56 AM

هاد الازرق بيلبق عليه اي لون لانه شبه الجينز
في الالوان القويه متل الاصفر والاخضر والبرتقالي هي الوان الموضه والوان الربيع کمان هههه
ياستي لما تشتري فرجينا

حيفا

03-14-2013, 12:57 AM

کمان الزهري الفوووشياااا. والليلکي الفاتح والوردي بيطلع حلووو

غُمُوض أُنثَى

03-14-2013, 01:03 AM

ههههههههههههه مفتوحة نفسي عالشوبينج بشكل فظيع
فبكرا احتمال اطلع اتسوق

الواحد بيتنفح نفسه عالاكل وانا عالسوق :)

انا فكرت انه اجيب بلوزة بس مش سادة يكون فيها اصفر لاني بحبو

بكرا بنشوف

بس غريبة انتي سهرانة

حيفا

03-14-2013, 01:07 AM

مبطله انام بدري مع اني في السرير بس من اين ياتي النوم ههههههه
زوجي نام وانا ارقانه هههه

em3omar

03-14-2013, 04:00 AM

حبيباتي مسا الخير او صباح الخير
تسلمو جميعا على التعليقات الحلوة عالصور هدا من زوءكم
غموض كتير حلو السكيني بيلبقلو الابيض والأصفر والأخضر وكتير ألوان زي ما قالتلك حيفا
إحساس انا بحب التبولة بالطلعات وكمان بحب اعمل ساندويشات باردة يعني جبنة او مرتديلا حبش بالكتيرة
بس لما ماما تتفنن بطلعة بتعمل تبولة وجاج صيني بالليل وبتخليه للصبح بتحطو بالتبارويل وبناخدو معانا او بتعملو سانويشات بالباجيت وبنلفو بورق سيلفر بتمنى تكوني فهمتي عليي
وكمان سلطة المعكرونة مع صوص الرانش الابيض كتير زاكية بالرحل
بتمنى اكون افدتك حبيبتي
أميرة محمد انا من القدس متزوجة واحد من الناصرة وعايشة ببير السبع

فوفو89

03-14-2013, 11:54 AM

مرحبا يا صبايا ويا حوامل
كيفكم اليوم ؟؟

شو مخططاتكم لليوم ؟

لولو الفلسطينية

03-14-2013, 02:02 PM

مسا الخير صبايا
في حد هون و الا لحالي ؟؟
ام عمر كتير حلوين ربنا يخليلك تالين و تتربى بعزك و عز ابوها هي و عمورة
احساس ان شاء الله تنبسطي مع صاحباتك و تقضي يوم حلو
غموض حلو هاد اللون مع اني في كل حياتي ما شريت منه الا بلوزة بس
بس هالسنة موديلو هاد اللون يللا مبروكين سلف و تهريهم بالعافية
كل الصابايا الموجودين و الي مش موجودين ربنا يسعد مساكم و يحقق امانيكم

حواء مثالية

03-14-2013, 04:05 PM

سلام عليكم جميعاااااااااااااا

والله ياجارة بدي الاقي حل لاني بصراحة خايفه لا سمح الله البيبي يجي وزنو قليل ولاسمح الله يحتاج حضانة او اي شي مو منيح

يعني برلنت الله سلمها والحمدلله بنيتها قويه وما حتاجت شي بس ما بتعرفي لازم اخد بالاسباب

حيفا

03-14-2013, 04:24 PM

ااااااه يا صباااااااايا ااااااه

بالليل عندي الکم قصه عجيبه لاني هلا مش بالبيت

بس حبيت امر واتمنالکم نهار سعيد

حواء مثالية

03-14-2013, 04:35 PM

سلامتك من الااااه يا حيفاااا خير ان شاء الله

احساس أنثى

03-14-2013, 05:58 PM

يوم رائع وجميل قضيته مع احلى رفقه

سلامتك حيفا

لولو الفلسطينية

03-14-2013, 05:59 PM

مالكم اليوم كسلااااااااانين ؟
حواء انتي ديري بالك عحالك و عاكلك و ما تنسي تستشيري الدكتور بالموضوع و ان شاء الله بيجيكو عز الدين بصحة و عافية و وزنو منيح و وخدودو حلوين للبوس ههههه يااااا رب
حيفا مالك يا بنت خير ان شاء الله ؟

لولو الفلسطينية

03-14-2013, 06:00 PM

احساس يسعد مساك يا حاو
ان شاء الله كل ايامك رائعة و حلوة يااا رب

احساس أنثى

03-14-2013, 06:30 PM

تسلميلي حبيبتي لولو كيفك انتي اليوم ؟

فوفو89

03-14-2013, 06:51 PM

سلامتك حيفاا من الااااااه

كيفكم صبايا وكيف يومكم

اليوم ارتحت من الغدا واهم من الغدا ارتحت من الجلي ههه .. لاني بدي اتعشى عند دار حماي منسف اتفضلوووو

احساس أنثى

03-14-2013, 06:54 PM

صحتين فوفو بنات الضفه كتير بحكو عن المنسف احنا مابنعملو

جارة القمر

03-14-2013, 07:29 PM

يسعد مسااااااكمــ

داخله يااااا احساس اسأل عنك ::::::::

كيف طلعتك ؟؟شو اكلتو؟؟؟شو حكيتو؟؟؟؟ كم وحده؟؟؟؟ من اي ساعة لاي ساعة؟؟؟ اخدتي زوزو؟؟غلبك؟؟؟؟؟؟
صاحباتك من المدرسة ولا من الجاااامعه؟؟؟ كم عمرهم؟؟؟حكتيلهم عناااا..؟؟؟
ههههههههههههه بمزح..,! و لك الخيار على شو تجاوبي بس اهم شي شوووو اكلتوووووّ!!!!

حوااااااااااء::

لازم تجي تسمعي شو اكلتي اليوم ونحن بنقيم !!! اكلك بكفي ولا لا......؟!!!

حيفااااا::

سلامتك من آآآه ....ونحن بانتظارك |..........

غموض::
انا شريت لون خمري وناويه اشتري نيلي .........حلوووووين ...........

لولو الفلسطينية

03-14-2013, 07:47 PM

يسعد مساكم جارة و فوفو و احساس
ويييين باقي الصبايا ؟؟؟؟ اليوم اختفاء تااااام
احساس انا الحمد لله كويسة و مشتاقتاكم
بس عندي صداع و دوخة خفيفة الله يستر
انتو شو اخباركم

لولو الفلسطينية

03-14-2013, 07:50 PM

فوفو صحتين و عافية با حلو

إنبثاقة أمل

03-14-2013, 08:53 PM

مساااااااء الخير

شووو أخباركم حبيباتي

اشتقتلكم كتير كتير كتير يارب تكونو بخير وعافيه

الحمدلله اليوم عمي طلع بالسلامه وصار احسن كتير من اول

ياااارب ماتشوفو الشر ويخلي لكم احبابكم

عآشت للحب

03-14-2013, 10:35 PM

مرحبا صبايا

هو كلكم من الضفه

بحب اعرفكم ع حالي انا من غزة

بينك روز

03-14-2013, 10:36 PM

مسا الخير صبايا كيفكم يا قمرات
مشتقالكم كوميات
شو اخباركم معلش ماشوفت شو حاكين لانه كتير اسم الله عليكم

احساس أنثى

03-14-2013, 10:42 PM

ضحكتي بالدنيا هلا بيكي مش كلنا من الضفه انا من غزه
عرفينا ع حالك اكتر بدي اعمل زي جاره متجوزه معك اولاد حامل بتشتغلي من وين من غزه

مش غلط ياجاره حجاوب ع كل الاسئله لو تزكرتها هههههههه احنا 5 بنات 3 متجوزين و2 لا
رحنا من 11 ل4 ونص انبسطنا تحدتما كل وحده عن حالها وعن ايام الجامعه كلهم صديقاتي بالجامعه
وعن الشغل واكلنا معجنات ومخللات وتبوله وحمص وفتوش ونواشف / مااجت فرصه احكيلهم عنكم :)
امممممممممممم بس طبعا كلهم قدي 24

بينك منوره كيفك كيف رهوفه

حيفا

03-14-2013, 10:43 PM

هلا مش راح اقدر احکي شو القصه بوووعدکم بکرا صباحاااااا احکيلکم واتطمنو قصه غريبه بس حلوه ههههه والاه اه اسغراب مش حزن او زعل

مساکم فل وياسمين :)

حواء مثالية

03-14-2013, 10:47 PM

والله يا جارة كل يوم بفطر مرتين وبتغدا مرتين والعشا مرتين هاد غير الفواكه والمكسرات

بينك روز

03-14-2013, 10:51 PM

هلا احساس حبيبتي
الله يبسطكم دايما يارب انا بخير ورهف هيها جنبي بتاكل لبن تعالي طعمي ابنك

حيفا حبيبتي كيف مشتقااااااااااالك كتير

احساس أنثى

03-14-2013, 11:01 PM

الحمد لله ياحيفا مش حزن بنستناكي بكره :)

بينك زوزو مابياخد الا لبن اب الاخ اللبن العادي مابيرضى مش قليل هاد ههههههه

جارة القمر

03-14-2013, 11:23 PM

حيفااا
شوقتيناااا تعي ايسااااا احكيلنااااا

احساس
من زوءك انك جاوبتي بس السؤال المهم والقوي اخدتي ابوووو الزوز وغلبك ولا لااااا الله يسعد عينووووو
وان شاالله, ويضل الود بينك وبين صديقااااتك

حواء

فيوووو العافيه ياااارب ,,,, شو قررتي بالنسبه للدكتورررر

ضحكتي بالدنياااا
هلاااا وغلااااااا

جارة القمر

03-14-2013, 11:24 PM

ياااااا اهلااااا وسهلاااااا بام رهوفه منوره....... كييفك وكيف رهوفه

جارة القمر

03-14-2013, 11:27 PM

صحيح هي طلعتي من بيت حماي شريت هدية للبيت ومبلغ عشااان عيد الام وشريت للحاضنة اللي بحط زيد عندهاااا هديه
بكراااا انا وزيود بنروح نعطيهاااااا ياهاااااا كمان عشان عيد الام. بس ضل مامتي ممممممممم

جارة القمر

03-14-2013, 11:29 PM

وحماتي انبسطت من لهدية

جارة القمر

03-14-2013, 11:34 PM

بكفيني برم تصبحوووو على خير

بينك روز

03-14-2013, 11:38 PM

هلا حبيبتي جارة منوره بوجودكم اكيد
انا بخير الحمد لله ورهف الحمد لله منيحه وصحتها كتير تمام نشكر الله
بكره بسير عمره 7 شهور بالزبط

حواء مثالية

03-15-2013, 12:10 AM

تسلمي جارة قررت اغير الدكتور كمان

ويارب يتمملي على خير وسلامة

حيفا

03-15-2013, 12:20 AM

ما بقدر ارد لجارة حبيبتي طلب :)

http://forum.hwaml.com/t244090.html

حواء مثالية

03-15-2013, 12:44 AM

الله اكبر الله اكبر الله اكبر

يالله ياحيفا والله احلى خبر سمعته يا الله شو فرحتلك وكل حرف قراته مع دمعة تنزل مني

ريته الف مبروك يارب والله يتمملك بخير وسلامة حبيبتي انتي نفسي احضنك والله

um jo0ody

03-15-2013, 12:47 AM

يسعد مساكم صبايا ،، كيفكم يا حلويييين والله كتييير كتييير كتيييير مشتقالكم

يا حبيبتي يا حيفا انا الي فترة طويلة غايبة عنكم ويوم ما اقدر افوت الاقي هالخبر الاكتر من رائع ،، بجد حسيت قلبي بيدق بسرعة بسرعة لما قرات كلمة حامل ،، الف الف الف مبرووووك يا روحي وربي يتمملك على خير ويقر عينك بشوفته ،، ان شاء الله يا عمري ترتفع نسبة الهرمون ونشوفك احلى ماما بالدنياااا

حيفا

03-15-2013, 12:50 AM

تسلمولي حبيباتي والله مش قادرة اصدق طول وانا اكتب ابكي وارجف هههههههه
الحمد لله ربنا كريم ورحيم والله يا صبايا :)

um jo0ody

03-15-2013, 12:54 AM

ههههههه حبيبة قلبي ربي يتمم عليكي فرحتك ويسعدك والله العظيم وانا كمان لما قرات كل القصة والتطورات الي كانت سايرة معكم انتي وزوجك وانه كنتوا فاقدين الامل بالحمل عيوني دمعوا وما كنت مستوعبة هههههه ،، رجعت اقرأ اخر فقرة تاني ههههههه

حيفا

03-15-2013, 12:55 AM

كانت فترة سودااااااااا ، بس ربنا اكيييييد اله اسبابه ، والحمد لله ما طولها علي واكرمنيييي :)

um jo0ody

03-15-2013, 12:55 AM

يااااااااااااا رب عقبال باقي الصبايا

حيفا

03-15-2013, 12:57 AM

يااااااااااااااااااارب ارزق انبثاقه وغموض وكل متمنيه الحمل يااااااااااااااارب ، والله بدعيلهم مثل ما بدعي لحالي واكثر :)

um jo0ody

03-15-2013, 12:59 AM

يا عمرررري بجد الله ما بينسى حد ،، ودايما بسمع الاستغفار اله مفعول رهييييب وكمان نيتكم بكفالة طفل يتيم ،،، الله لا يرجعها هديك الايام وتضل ايامك كلها فرح وسعادة وهنا

حواء مثالية

03-15-2013, 12:59 AM

حيفااااااااااا بدنا حلوان مرتب ولا عندك راي تاني

حيفا

03-15-2013, 01:00 AM

تسلميلي يا حلوتي

خبرينا عن اخبارك وكيف البيبي :)

حيفا

03-15-2013, 01:00 AM

ولوووووو حوااااااء احلى حلوان انتي بس امري هههههههههه

um jo0ody

03-15-2013, 01:01 AM

ان شاء الله من تمك لابواب السما ،، الله يسعدك ويعطيكي على قد نيتك يااااا رب ،، احكيلي احكيلي اخر الاخبار اذا سهرانة هههههه
مين حملت من الصبايا خليني اشوف حدا يونسني بحملي :) لانه ولا وحدة لهلا معي :(

um jo0ody

03-15-2013, 01:04 AM

والله يا حيفا الي فترة طويلة ما بفوت لانه كنت كتير مريضة وبعدين شفيت محمد مرض وبعدين بدا الوحام ووحامي صعب انا كنت خايفة منها هالفترة بس الحمدلله عدت الي يومين احسن والوحام خف عن اول كنت دايما بالسرير ارهاق وتعب واستفراغ ودوخة ،، انا حاليا باخر الشهر الثالث الشهر الجاي بعرف جنس البيبي :)

حيفا

03-15-2013, 01:05 AM

انتي باي شهر ؟؟

في لولو ودودو هدول التنين بالشهر السادس

وفي عسولتي اظن لسا شهر او شهرين ما بعرف هههههههه

وفي حواء كمان 4 شهور

وفي ام عبد الله نسيت قديش حامل هههههه ،
في كم بنت حوامل بالتجمع

انا حامل صحيح هههههههه ولسا باول شهر :)

حيفا

03-15-2013, 01:05 AM

اهاا لا ماتخاااافي معك كوووووم صبايا حوامل هههههههههه

والحمد لله ع سلامتك انتي وحموووووودي ما عليكم شر

حواء مثالية

03-15-2013, 01:07 AM

حيفا انا الحلوان بالنسبة الي اني اشوفك دايما مبسوووووطة ومتهنية وبتوقع الصبايا رايهم من رايي

حيفا

03-15-2013, 01:10 AM

حبيبتتتي حواااء الله يسعدك يارب والله مبسوووطه ، وفرحتي معكم فرحتين ، في الي خوااااات بدي اقرفهم اسأله عن الحمل هلاء ههههههههههه

um jo0ody

03-15-2013, 01:12 AM

هههههههه ما شاء الله شو كومة الاخبار الحلوة هاي عسولتي وحواء حوامل ريتوووو الف الف الف مبرووووووووك لعسولتنا ولحواء ربي يتمملهم على خيييير ويقر عينهم بشوفة البيبيات الحلوين
لولو ودودو بعرف انهم حوامل بس ما شاء الله صاروا بالسادس يا الله هالدنيا بتجري بسرعة الله يتمملهم على خير هما كمان هانت عليهم ان شاء الله كلها 3 شهور وهتسير حياتهم غير شكل

مين ام عبد الله ؟؟ جديدة هون ؟؟ ان شاء الله بنتعرف عليها والف الف مبروك حملك يا ام عبد الله وربي يتمملك على خير

ههههههههههه يا حبيبتي يا حيفا واخيييرا فرحتينا ،، لهلأ البيبي تبعك اخر العنقود تبع التجمع هههههههه

حيفا

03-15-2013, 01:14 AM

لاااااااا مش اخر العنقود هههههه ان شاء الله بضل هالتجمع اخبار حمل حمل ههههههههه ما نعرف مين اخر العنقود منها :)

عيـ‘ـون المهـ‘ـا

03-15-2013, 01:15 AM

~ْ oـَّساء ألمحبَّه و أإأإلسَّعاده للجميـعْ ~ْ
كيفكُـoـ ؟ـ؟ـ؟
(* حـَّواء ~ أم جـودي ~ حيفـا *)
مساء خاص لعيونكم بما انكم موجودين [:
,
(* حيفـ،ـ،ـ،ـ،ـا *)
ما شاء الله لا قوة إلا بالله مبــــــــروك حبيبتي الف مبروك
ربي يتمم الك عل خير و يقر عيونك بحملك
يالله ئديه تأثرت بقصتك رغم انو كنا متابعين معك بس كلماتك خلتني ابكي بجد
من كل قلبي لدرجة انا ياللي سرت احمد ربي و ابكي من الفرحه هههههههه
ربي يثبت ما في رحمك و يجعله من الصالحين
((أمَّن يُجيبُ دعوّةَ ألمُضطَّر إذا دعاه ))

um jo0ody

03-15-2013, 01:16 AM

الله يسلمك ياااا رب ويسعدك دايما ،،
يسعد مساكي حواء معلش حبيبتي من فرحتي بحيفا نسيت امسي هههههه
الف مبرووووك حملك حبيبة قلبي :) واكييييد الحلوان انه نشوف حيفا مبسوطة وفرحانة دايما

حيفاااا احنا جاهزيييييييين للاسئلة بنستنى على احر من الجمر انك تسألينا ،، زهقينا اسئلة ههههههه

حواء مثالية

03-15-2013, 01:16 AM

والك الساحة كلها اسالي شو بدك تدللي

ام جودي والله مع خبر حيفا انسيت اسلم عليكي منورة يا قمر انا هلا باخر الشهر الرابع

انتي باي شهر

حيفا

03-15-2013, 01:17 AM

حبيبتي عيووووووون ، اسسسفه اني بكييييتك ههههه
الله يبارك بعمرك ويعطيكي كل اللي ببالك

والله لولاكم معاااي الفترة الماضيه كنت رح انجن

حبيباتي محلاكم :)

غُمُوض أُنثَى

03-15-2013, 01:18 AM

انا قرأت القصة بس عنجد حيفا حاااااااااااااااااااااااااااااااااااااامل ؟!!!!!!

ولك مش قاااااااااااااااااااااااااادرة اصدق وحياة الله يا الله شو مبسوووووووووووووووووووووووووووووووووووووطة عشانك
الف مبرووووووووووووووووووووووووووووووك ياعمري والله والله اديش فرحااااانة الك يا الله :) :) :) :) :)

عنجد عنجد احلا خبررررررررررررررررررررررررر يا الله ربنا شو كرييييييييييييييييييم سبحانك يارب

اولي ع قامتي ,,, بدنا نعمل حفلة هلأ هههههههههههههههههههه عقبالي انا وانبثآآآآآآآآآآآآآآقة هلأ ضآيل دورنآآآآآ ان شاااااااااااااء الله يارب

مبرووووووووووووووووووووووووووووووووك احلا حيفاااااا بالدنيا ,, حتصيري ماااااااااااما

حيفا

03-15-2013, 01:18 AM

ام جودي وحواء ، انت اللي جبتو لنفسك
يلا عالسؤال الاول هههههههه
انا بضل احس بوجع ضهر قوي وهلا صار كمان وجع بطن متل الدورة هل هالشي عادي ؟؟؟ ههههههههه

حواء مثالية

03-15-2013, 01:19 AM

ههههههههههههههههههههههههه ام جودي سامحتك القلوب عند بعضها

عيون المهااا نورتي وين هالغيبة

حيفا

03-15-2013, 01:20 AM

يااااااااااااااااااااااااا عمري يااااااا غموووووووض انا مش مصدقه كمان هههههههههه شكلي مش رح اصدق الا لما اولده ههههههههه

حبيبتي ربنا ماااااااااااااااااااااااااف اكرم منه وان شاء الله بنكون انا وانتي وانبثاقه حوامل نفس الشهر يارب :)

حواء مثالية

03-15-2013, 01:21 AM

اي حيفااا هالشي طبيعي بس انتي اجمالا ما تعبي حالك هالفترة لمدة ثلاث شهور الاولى بروح هاد الوجع طبعا ببلش شي تاني ههههه بطنك ببلش يبان والبيبي بكتمل

um jo0ody

03-15-2013, 01:23 AM

عيووووووون المها يا مييييية الف هلا باحلى ام ادم لك يسعدلي هالمسا كيفك حبيبتي وكيف الصبايا الحلوين وادووم الحلو ،، زمان عنك والله بجد بجد اشتقتلك كتييييييير
حواااائتي حبيبة قلبي والله ولا يهمك يا قمر ،، اكييييييد النور نورك ونور الصبايا ،، ما شاء الله انتي بالرابع اللهم صل على سيدنا محمد ربي يباركلك يا رب ويسعدك على طول اكييييد عرفتي جنس البيبي هلأ ،، انا باخر الشهر الثالث هلا :)

حيفا حبيبتي اكييييد كلنا هون اخوات وبنواسي بعض بالحزن ( الله يبعده عنا) وبنفرح لبعض ،، اذا بتحتاجي اي شي احنا بالخدمة يا قمر

حيفا

03-15-2013, 01:23 AM

طيب الحمد لله هههههه لاني شكلي رح اكون موسوسه ههههههههههه

طيب اشتريت فوليك اسيد وقرأت عالنشرة انه اذا كنتي حامل يجب استشارة الطبيب ، في فوليك اسيد بيختلف للحوامل ولا هو فوليك اسيد واحد ؟

ههههههههه وعد اخر سؤال بهالليله

عيـ‘ـون المهـ‘ـا

03-15-2013, 01:24 AM

حبيبتي عيووووووون ، اسسسفه اني بكييييتك ههههه
الله يبارك بعمرك ويعطيكي كل اللي ببالك

والله لولاكم معاااي الفترة الماضيه كنت رح انجن

حبيباتي محلاكم :)
هههههههههه قال اسفه عشان بكتني
ما في احلى من دموع الفــــــرح يا قمر

عئبال غموض و انبثاقه يارب نسمع الخبر الحلو عن قريب

um jo0ody

03-15-2013, 01:27 AM

هههههههههههه حبيبي يا حيفا متل ما حكتلك حواء هاد الشي طبيعي انا لهلأ معي وجع بضهري بحسه مقسوم نصين وكل فترة بحس بمغض خفيف وطبعا ناهيكي عن لوعة النفس طول النهار :(

ههههههههه حواء فعلا القلوب عند بعضها يا روحي اكيييد قلبك كبير وبتسامحي ،، طمنيني عن برلنت القمر كيفها هلأ ؟؟ كام صار عمرها الله يحميها ؟؟

غمووووووووووووض يا غموووووووووووض لك نورتي يا قلبي كيفك حبيبتي ،، ان شاء الله عقباااااااااالك يا رب هالشهر انتي وانبثاقة بجد فعلا بدها حفلة :)

حيفا

03-15-2013, 01:27 AM

يارب يارب اميييييين بكرا غموض وانبثاقه سوا سوا يخبرونا ويكون شهرنا يااارب :)

بنااااااات والله لا يمل ، بس انا زوجس بيتطلع فيي بنظرات حقد ههههههه مشان سهرانه عاللاب ومخلياااه لحاله، بشوفكم بكرااااااا :)

تصبحو على خير جمييييعا :)

حواء مثالية

03-15-2013, 01:28 AM

اي عرفت جنس البيي جاييني ولد ان شاء الله عز الدين

حيفا اتاكدي من الدكتووووووووووووووور

um jo0ody

03-15-2013, 01:30 AM

هههههههه طيب حبيبتي بتمنالك ليلة هادية وسعيدة وبالنسبة للفوليك اسيد انا بالنسبة الي لهلأ ما زرت الدكتور ولا مرة بس زوجي جابلي من الصيدلية فوليك اسيد اسرائيلي واخدته وعادي هههههه

um jo0ody

03-15-2013, 01:31 AM

بس بالنسبة الك لو مو مطمنة روحي للدكتور اكيييد هو بيكتبلك المناسب :) ،،،

um jo0ody

03-15-2013, 01:33 AM

ما شاء الله حواء حبيبتي الله يجيبه بالسلامة لعزوز وتفرحي بشوفته سليم معافى يااااااا رب ،، انا بتمنى اكون حامل ببنوتة ،، واكيييد الي من ربنا حلوووو هههههه

um jo0ody

03-15-2013, 01:34 AM

وين عيون وغموض فاتو شوي وطلعوووو :(

حوائتي حبيبتي انا هستأذن ربع ساعة محمد جاع هطعميه وانيمه وارجع اذا لقيتك بندردش

غُمُوض أُنثَى

03-15-2013, 01:36 AM

طبعا يسعد مساكو حواااااااااااء وعيون المهاااااا وام جوووووووودي
عنجد منورات يا بنات

وام جودي اشتقنالك يا بنت :)

الله يسمع منكو جميعا يا بنات والله يكرمنا انا وانبثآآآآٌقة يارب هالشهر كمان

تلاقي خير يارب ماما حيفا ههههههههههههههه

عيـ‘ـون المهـ‘ـا

03-15-2013, 01:42 AM

حواء
نورك حبيبتي و الله مشغوله قربت اخلص مشترياتي
و بما إني عم بكمل الكورس التالت بالجامعه فكتير مبلوشه
و ان شاء الله راح ارجع اتواصل معكم متل اول
بوساتي لبرلنت الحلوه [:
و ان شاء الله بالتمام و نبارك الك بئومتك سالمه

ام جودي
و أأأأأأأأأأأأأأأأأأخير طليتي و طمنتيناااا عنك
انا كنت مرات اشوفك اونلاين بس حكيت ممكن ما يكون معك وئت تدخلي
او داخله من موبايل المهــــــــــــــــم مشكوره و تسلمي حبيبتي لسؤالك
عن اطافيلي ههههههههه اسيل و لانا و ادم بسلمو عليكي و على حموده
اشتقت اسمع اخبارو و ربي يتمم الك حملك على خير و تشوفي مع حموده
بنوته قمر [: ههههههههه بحب البنات الهم نكهه خاصه بالبيت o:

حيفـــــا
و انتي من اهل الخير و السعاده عمري و احلام حلوه
بالنسبه لوجع الضهر طبيعي جداااا طالما ما في اي افرازات
و الفوليك اسد حبيبتي بفضل بإستشارة دكتور و بحدد الك كم مل غرام لازم تاخدي
لانو في حوامل بياخدو الفوليك لحالو و في بياخدوه مع عدة فيتامينات

عيـ‘ـون المهـ‘ـا

03-15-2013, 01:47 AM

غُمُوض
الله ينور حياتك حبيبتي
و نسمع خبر حملك قريبااااااا
خلص فال خير عسولة استفتحت و هلآ حيفا و ان شاء الله انتي و انبثاقه سوا

شو اخر جديدك زمان ما فوتت على التجمع؟؟

im mohmmed

03-15-2013, 01:49 AM

يسعد مساكوا يارب

ونوم الهنا يلي ناموا :)

عيـ‘ـون المهـ‘ـا

03-15-2013, 01:55 AM

حواء
مبروك عز الدين
خير ما اخترتي من الاسماء بحب بعض الاسماء المركبه للاولاد متل
نور الدين اسم اخوي [:
عز الدين حلو الاسم انتي اخترتيه و إلا زوجك
و زين الدين كمان حلو
و بحب عبد الرحمن

ام جودي
و انا راح استأزن معك لاني بدي اعشي ادومه حبيبي
بالعافيه و الهنا للشباب الحلوين هههههههه ادم و حمودي

لــــــــي عـــــــــوده ان شــــــــــاء الله
تحياتي للجميـــــــــع
[:

um jo0ody

03-15-2013, 01:57 AM

حبيبتي والله يا غموض وانا كماااان كتييير مشتقالك كيفك يا حلوتي ؟؟ شو اخر اخبارك ؟؟

الله يخليلي اياكي يا رب يا احلى ام ادم ،، الله يسلمهم حبيباتي الحلوين ويحماهم من كل شر ،، والله حمودي ما شاء الله عنه كبران بكرة ان شاء الله هنزل صورته هههههه كل ما بدي انزلها والله بنسى قبل اسبوع حلق شعراته :( كانو يجننوا عليه بس هالفترة بدا الجو يسير حر عنا وهو مسكين بحسه بعاني منه لانه طويل ،،
والله كنت افوت من موبايلي عالفيس يا عيون وعندي لما افتح نت من الموبايل تلقائي بيفتح عالمنتدى واليوتيوب لهيك يمكن كنتي تشوفيني اون لاين وكنت ما اطيييييييق افتح اللاب خالص طول هالفترة وهو مخبى بالشنتة ههههههه اليوم افرجت عنه

um jo0ody

03-15-2013, 02:00 AM

حبيبتي ام ادم لسة ما شفتك بس يلا معلش عشان ادومة الامور مسامحينك ههههههه بس خلينا نشوفك يا قمرنا انا عشيته لحمودي ومش راضي ينام :(

ام محمد اهلااا فيكي حبيبتي انتي جديدة هون ؟؟ عرفيني عليكي اذا ما فيها غلبة :)

em3omar

03-15-2013, 03:14 AM

مرحبا صبايا كيفكم
تولين مش منيمتني الليلة صباحي
حيفا فرفحتيلي قلبي صدقيني وعد مني الا لما تولدي اباركلك شخصي ان الله راد
عيون المها اشتقنالك كتير الك فترة مش مبينة
ام جودي يسعد اوقاتك اول مرة بحكي معك وسعيدة اكيد بمعرفتك
وبقية الصبايا نوم العوافي ان شالله

إنبثاقة أمل

03-15-2013, 03:30 AM

حيفاااااااااا ياقلبي ياعمري ياروحي انت

مبرووووووووووووك ياقلبي الحمدلله الي فرح قلبك

ماشاء الله تبارك الرحمن
ربي يتمم لك ع خير ويفرحك بشوفته سليم معافى

فرحاااااااااااااااانه كتير ويشهد ربي دموعي نزلت

احلى خبر والله ع هالصبح

عن جد لازم احلى حفله نعملها

سبحانه ربي الكريم

يلا بشارة خير عقبالي انا وغموض حبيبة قلبي وكل مشتهيه يااااااااااااااارب

إنبثاقة أمل

03-15-2013, 03:33 AM

عيون نورتينا ياقلبي

ربي يجمعك بأهلك ع خير وتفرحي بشوفتهم

كيف اولادك ان شاء الله انهم بخير وعافيه

بوساتي الهم :)

ام جودي وام عمر يسعد صباحكم يارب بالسعاده والرضى :)

وباقي الصبايا اشتقتلكم :)

إنبثاقة أمل

03-15-2013, 03:44 AM

تصبحو ع اخبار حلوه متل هالخبر الحلو

نوم العافيه للجميع :)

em3omar

03-15-2013, 03:48 AM

اهلا حبيبتي انبثاقة الله يسعدك يا رب
تولين كمان بتمسي عليكي

عيـ‘ـون المهـ‘ـا

03-15-2013, 05:14 AM

(* أإأإمْ جـ‘ـوديْ *)
تسلمي يا احلى ام جودي و يخليلك حمودي و تفرحي فيه
و نعيما قص شعر حمودي ‘ انا ادم لحد هلآ ما قصيتلو شعرو كتير ناعم و لونو كتير فاتح و مش حابه اقصهم هههههه
و الله جد نفسي اتعرف على حمودي و ان شاء الله ما تنسي و تنزليلنا صوره
اكيد قمر من غير ما أشوفو
بعدو بسهرك متل اول و إلا صار ينام احسن
حبيبتي انتي ياللي ما بنشبع منك ان شاء الله نضل على تواصل
و الله الك معزه خاصه في قلبي و كتير كمان صبايااا من غير ذكر اسماء [:

(* em3omar *)
تشتائلك العافيه و السعاده حبيبتي
اسم الله عليها تولين بتجنن هالاموره الله يبارك الك فيها
هلآ عرفت ليش عمر بغار منها لانها متل القمر ههههههههه
الله يخليلك اياهم و تفرحي فيهم

(* انبثاقة امل *)
ان شاء الله يضل احبابك منورين حياتك
تسلمي حبيبتي و ربي يخليلك اهلك و يجمعنا معهم دائما
و ما يحرم احد نعمة الاهل
ميرسي على زوئك وصلو بوساتك يا قمر[:

em3omar

03-15-2013, 09:39 AM

صباح الخير بنات جمعة مباركة ان شاء الله
عيون حبيبتي الله يسعدك يا رب ويخليلك الصبايا الحلوين وادم وتفرحي فيهم يا زوء

http://sphotos-g.ak.fbcdn.net/hphotos-ak-ash4/484660_589559991056522_1340950953_n.jpg

ما تستغربو مني ما لحق يغيب دنبي الا طالل راسي
بس شو اعمل واحد نام وواحد صحي
بتمنالكم نهار سعيد انتو واهاليكم وولادكم

~{{ DoDo }}~

03-15-2013, 09:49 AM

يا صباااااح البشااااير اللي بتفتح النفس على هالصبح
جمعة مباااااااركة وسعيدة

حيفاااااااااااا لا. لا ما ازنخك مبارح فتت ولقيتك كاتبه عندك خبر حلو
وقلتي لبكرا وانارقلت معقول حاااااامل ونعست ونمت
وهيني صبحت بقرا البشارة اللي زي العسل
يا الله الف الف الف مبااااااااارك يا قلبي
عم بقرا موضوع والدموع بتنزل ونفسي الاقيكي قدامي وارقصلك واحضنك
يااااااااه اديش رحمة ربنا كبيرة يا بنتي بجد يعني صدقتوا وصدق ربنا
يارب يتمملك على خير ويجعل حملك سليم معافى ويرزقك ببنت او صبي حسن الخلق والخلق دون زيادة او نقصان
داااااومي على ادعية تحصين الجنين اللي نزلتها مرة لعسووووولة واذا ما لقيتيها قوليلي بحطلك اللينك هون
ارتاااااحي وتدللي ولا تتحركي كتير ونامي منيح وغذي حالك منيح منيح ولا توطي ولاارتحملي تقيل ولا تشربي اشيا كتير سخنة
اممممممم وشو كمان ديري بالك وروحي للدكتور باسرع وقت عشان تحددلك شو لازم تاخدي ادوية وفيتامينات وقصص ضروري لا تتاخري
وضلك ادعي متل ما كنتي تدعي قبل الحمل واكتر لانه ربنا بيحب نضل نثني عليه وندعيله ونشكره وما نوقف حتى لو حققلنا دعائنا
واحلى بووووووووسة ، بس تعي هون قوليلي ردة فعل زوجك بالتفصيل الممل لو سمحتي لانه قلبي معه والله

ام جودي
اشتقتلككككككككككك كوميات كوميات قد البحر وسمكاته
ولك داب لساني وانا بسال عنك سلامتك يا عمري الف سلامة
كيفك وكيف حمودي والبيبي ، ان شاء الله تتطلع بنوتة متل ما بدك المهم الخلقة التامة
يلا ما تقطعينا بليييييييييز والله بستفقدك كتير انا والصبايا

عيون المها
اشتقنالك يا احلى ام ادووووم
يعطيكي العافية على كل شي ولا تطولي علينا لانه قربتي تسافري
ورح تنقطعي عنا بدون شر فترة اكيد طمنيني عن لانا واسيل وادوم

غموض وانبثاااااقة الفال الكم وعقبالكم حبايبي شايفين رحمة ربنا
انا تفاااااااائلت بجد وعم بستنى خبركم الحلو

حواء وجارة واحساس وام عمر وباقي الصبايا اللي كانوا مو موجودين بالليل يسعد اوقاتكم ونهاركم سعيييييد

حيفا

03-15-2013, 10:14 AM

حبيبااااتي ام جودي وانبثاقه ودودو الله يسعدلي ياکم ودايما نسمع الاخبار الطيبه بهالتجمع ياااااارب
دودو هههههه شايفه بحب اعمل اکشن اناااااااا بس الحمد لله الحمد لله والله يستاااااااهل الحمد کل دقيقه وکل ثانيه
وشکرا علي کل النصااااااايح ان شاء الله بعمل فيها وهيني صبحت اشرب عصير برتقال طازه

لولاکم من بعد الله ما کنت قدرت اصبر علي کل اللي صار قبل حبيباتي ربي يخليلي ياکم
يارب فرحنا بغموض وانبثاقه هالشهر ياااااااارب
صباحکم سعاده رضا من الله
جمعه مبااااارکه

جارة القمر

03-15-2013, 10:23 AM

حيفااااااااااااااااااااااااااااااااااااااااااااااا ااااااااااااااا

مواااااااااااااااااااااااااه مواااااااااااااااااااااااااااه

خلتيني ابكي ويزووون بكي لماااا شافني ببكي هههههههههههههههه بعدين فهمتووووو الموضوع راح يحكي
لابوووووو اني كنت ابكي وفهموووو ليش هههههههههههههههههه

الف الف الف الف مبروك ................حبيبتي ربي كريم وانت بتستاهلي ...........

ويااااااااااااارب يرزق انبثاقه وغموض عاجلااااا غير اجل ياااااااااااااااااااارب

وياااااااااااارب يرزؤ زميلتي بالشغل الحمل يااااااااااارب لانهااااا مرت بفحوصاااات الصبغة الرحميه كلشي عندهااا
تمام بس زوجهاااا عندو الضعف ...........واهل زوجها مش تاركينهااااا

جارة القمر

03-15-2013, 10:25 AM

انبثاقة:

الف الحمد لله على سلامة عمك ياااااااا أأأمر وهلا ارجعي تواصلي معناااااا

دودو:

منورة حبيبتي ............وين بتغطي !!!

حيفا

03-15-2013, 10:45 AM

حبيبتي جااااره والله کنت بدي اکتب اليوم لاني مبارح کنت تعبااااانه وزوجي حاسيته مابدي ياني اروح من عنده اوالتهي عنوووو ههههه
بس قلت جاره تطلب وانا ما البي ياعيبي ما بستحي ههههه حبيبتي الله يسعدک ويحفظلک اولادک وزوجک ويرزق کل متمنيه الحمل ياااااارب الله کرييييم ورحيم والله

فوفو89

03-15-2013, 10:50 AM

صباحكم خير وجمعة مباركة جميعا

اخت حيفا الف الف مبرووووووووك والله يثبته ويتمملك ع خير يارب انبسطتلك كتير

كيف بلشتو يومكم ؟ انا بلشت يومي بالغسيل وانتو؟

شو ناويين تعملو غدا ؟

~{{ DoDo }}~

03-15-2013, 11:53 AM

حيفاااا
حبيبة قلبي والله فرحتنا فيكي ما بتتقدر بجد
اهم شي تهتمي بحالك وبزوجك ولسا ما قلتيلي ردة فعله لهلا بالتفصيل هههههه
اكيد الفرحة ما كانت سايعته ربنا يتمملكم ع خير ويفرحكم ياااارب بالذرية الصالحة المعافاة

جارة
والله هياتني هون بس مرات بكسل افوت
وصايرة تقيلة بيني وبينك هههه الله يعيننا جميعا
انشالله انتي وامامير بخير وعافية يااارب

انبثاقة
انا اسفة نسيتك بردي بس والله من فرحتي بحيفا
الحمدلله على سلامة عمك وربنا يديم عليه وعليكم الصحة والعافية يا قلبي
وعقبال ما تبشرينا بخبر حملك ياااااااارب

فوفو
يسعد يومك
احنا بخير انا اليوم شكلي مش رح اطبخ شي ورح نتغدى برا
اجازة عاد بدي ارتاح والصبح غسلت وضبضبت وتحممت
ويمكن يجو العمال كمان شوي يصلحوا التكييف تبع غرفة النوم

جمعتكم مباركة يا قمرات