دردشة بنات فلسطين, دردشة حوامل فلسطين, تجمع بنات فلسطين

[أم عزمي]

لكل الصبايا
يسعد صباحكم
بينك روز أكيد الكهربا قاطعة عندك لهيك مو مبينة أنا والله قاطعة عندي بس جوزي مشغل المولد عشان محتاج الكهربا شوي
ما صدقت و يفتحوا على طوووووووول قعدت عالنت هههههههههههههه
و كمان ساعة بتيجي الكهربا أصلا

[عسولة فلسطين]

يسعد صباحك ام عزمي
ههههه انتي عاملة زي انا برضه مدمنة صرت ع المنتدى بالذات الدردشة تبعتنا تقريبا نادرا بس اشوف اقسام أخرى ^_^ عند أي دكتور بتابعي؟؟
سهى سلامتك ياحبيبتي .... انا كنت هيك ايدي الاتنين يخدلوا طول الوقت وسألت الدكتورقالي لو عندي ضغط وفحص ضغطي بس الحمدلله ما كان عندي بس كمان قالولي انه من التقل لأنه الله يرحمهم كانوا توأم وما شاء الله نزلوا وافيين يعني كأنه كل وحدة كانت لحالها وطوال.... طالعين لأبوهم فيمكن من ضغط البيبي هيك قالولي
حتى لدرجة كان ينزل من أنفي نقط دم
الله يهونها عليكِ و تعدي هالايام ع خير وتيجي تبشرينا بقيامك سالمة يارب انتي وجنى

حيفا طمنينا عنك والله انك ببالي وبدعيلك>>> بيقولوا انه دعوة النفسة مستجابة
لولو غموض وينكم؟
باقي الصبايا طمنوني عنكم وما تطولوا الغيبة

[أم عزمي]

عسولة حبيبتي
أنا من خانيونس بتابع عند الدكتور عدلي الحاج رئيس قسم الولادة بمستشفى ناصر

[جارة القمر]

ام عزمي :
القيصري ما بعرف كم يوم اما الطبيعي 3 ايام ..........
بس صعب الوحد تروح على طول على الاقل تنام ليلة راحه.............انا بيزن خلوني 2 والتالت روحت
كانوا بدهم انام كمان ليلة ما رضيت لاني زهقت ............

شو طبختو ..................؟

عسولة ادعي الله يخليكي انه ربي يسهل علي ولادتي وتكون ميسره حبيبتي

[أم عزمي]

هلا جارة
انا طبخت محشي كوسا و باذنجان و دار عمو لزوجي بعتولي ورق عنب
مهو انا ما الي حماة و دايما بقعد مع دار عمو لزوجي لأنهم ربوه و لأنه ستو هي اللي خطبتني و ساكنة عند دار عمو
اما مرة أبوه بطلت أختلط فيها كنت أروح عندها يمكن مرة بالشهر أول ما تزوجت و هلأ من عيد الأضحى ما عديت الها بيت
لأنها ما بتحب زوجي و لا بتحب اله الخير و مرة نزل عليا دم بحملي هذا و صرت أعيط راحو ولادها قالولها انه معي طلق
و هي صدقت و فزعت الدنيا و بعدين صارت تقول أقص ايدي لو دخلت بالتامن مهو الحمل اللي فات ولدت سبعاوي
مع انه ابنها الأول ولدته سبعاوي بس عاش بس كله كيد نسوان أنا قلت ابعد عن الشر و غنيله
سوري زهقتك بقصص النسوان التافهة

[أم عزمي]

وينك يا بينك روز تعالي كلي محشي كوساااااااااااا
هههههههههههه

[Heba T]

مرحباااااااااااااااااا

[maya123]

مرحبا صبايا كيفكم؟ والله اشتقنالكم من زمان ما فتت اسلم عليكم

شو جديد؟

[أم عزمي]

مرااااااااااحب لعيونك هبة
وين غاطسة الك يومين ما بتبيني

[أم عزمي]

هلا مايا
انتي من زمان هون بالمنتدى أنا ولا مرة شفتك معنا ما صارلي زمان هون

[Heba T]

هلا ام عزمي والله عليا امتحانات الجامعة وتسليم مشاريع

مشغولة عالاااااخر

انت كيف حالك؟

[أم عزمي]

حبيبتي يعطيك العافية و الله يوفقك
أنا الحمد لله تمام و رضا من الله

[Heba T]

كيف البيبيييي

[أم عزمي]

تمااااااااام بنوتي نشيطة و كتيرة الحركة ههههههه

[سما الدنيا]

مساء الخييييييييير

[جارة القمر]

مساء الورد والياسمين ..............ام عمورة



مايا ...........هلا ..........كيفك .؟وكيف بنوتك............


ام عزمي ..........صحه وهنا..........

[أم عزمي]

مسا الورد لكل الصبايا

[أم عزمي]

وينكم يا صبايا
مسك و جارة و غيركم من المتواجدين هون
يسعد مسااااااااااااااكم

[حيفا]

مسا الخير صبايا
يسلمو لكل اللي سألو عني
ممممم

للاسف عملت فحص منزلي ، وسلبي الفحص . بس لسا الدورة ما اجت وبطني بيوجعنييييي :( والله مزاجي متعكر عالاخر

بس طبعا ودائما وابدا الحمد لله :)

[سما الدنيا]

مسا الخير التهيت شوي ...شو في حد هون...
جارة منورة..
وام عزمي ..وحيفا وكل الصبايا منورات...يلا تعالو ندرردش شوي

[احساس أنثى]

مسا الخير لكل الحوامل

كيفكم مع هالحر والله انا بس تقطع الكهربا ويطفي المكيف بمووووت ... ولسى شهري بيجي برمضان وبكون حر اكتر ربي يهونها علينا

حبيبتي حيفا ا تدايقي خلي املك بالله كبير ... بتسير احيانا ماببين عندهم الا بعد شهر او اكتر

حنشغل كمان يومين ياصبايا ,,,في غرفتي بلكونه صغيره حنهدمها ونضمها للغرفه وعلمكم ع التعزيل والترجيع من اول وجديد

شغل كتير ... عشان اوسع لزوزو قبل مااولد لان متدايقه من الكركبه وبحب التغير كتير انا ^_^

[حيفا]

اهلا مسا الخير سما واحساس

يا ستي ربنا يعوض وكرمه حيفيض علي انا متأكده :)


المهم الله يعينك والله صعب انا بتعب بدون حمل لما يزيد شغلي كيف انتي وانت حامل ههههههههه

الليله انا حاسها ابرد من مبارح ، يعني مبارح ما كان ولا نسمه هوا ، الليله هواها بارد وحلو ما بيحتاج تكييف

[سما الدنيا]

مساء الورد حيفا واحساس..
اها اليوم الجو حلو حلو الواحد يتمشى فيه...
احساس الله يعطيك العافيه بس ما اتعبي حالك ديري بالك عحالك..

[احساس أنثى]

ان شاء الله ياصبايا اولاد حمايا ماجزين من المدارس بخليهم يشيلو ويرفعوا معي ههههه

[سما الدنيا]

بدي اروح تصبحون عالف خير

[عسولة فلسطين]

أم عزمي يا حيا الله أهل خانيونس انا اهل ماما ساكنين فيها
وبالنسبة لمرة ابو زوجك ماتردي عليها ولا تشيلي همها

جارة والله حبيبتي بدون ما تقولي بدعيلكم كلكم ولكل الي مابعرفهم كمان

حيفا...لسه الأمل بوجه ربنا يمكن مش مبين هلأ وبعدين ياستي لو ربنا ماردا هالشهر ما تقلقي ولاتزعلي عادي ربنا كرمه ماله حدوووووووود

مايا زمان ما بينتي بالتوفيق لك
باقي الصبايا تقلانين علينا
تلاقي الخير ياسما

[احساس أنثى]

وانا كمان حنسحب ...الصبح حبدأ بتعزيل الغرفه

تصبحون على خير

[غُمُوض أُنثَى]

صَبآح الورد صبـآيـآ كيفكم ان شاء الله بخيررر

سهى كيفك حبيبتي الله يكوووون بعونك والله البي معك ان شاء الله تقومي بالسلامة وتعملي العملية وترتاحي يااااارب
ديري بالك ع حالك يا عمري
-

حيفآ ان شاء الله ربنآ يرزقك الحمل عن قريب وتفرحي وتفرحينآآ

-

مـآيآ كيفك منورة وين هالغيبة .. شو اخباآرك

-

سمآ كيفو البوبو الزغير ^^ الله يخليلك ياه يااااااارب
وباقي الصبآيـآآ ان شاء الله تقومو بالسلآآآآآمة وتشوفوآ ولادكم بين ايديكم يارب

[حواء مثالية]

صباحكم رضا من رب العباد

منورات بنات

اش جارة ما في بوادر ولادة اخذتي اجازة من شغلك ولا بعدك

[مسك السنين]

صبااااااااااحو
غموووض وحواء
كيفكم

بناااااات بدي اسئلكم
هلا حرقة البول والتنقيط شو علاجو لانو فحصت مافي التهابات

معلش سؤالي شوية ........... ههههههه بدي حد يساعدني لانو بجد بعاني مرات منو

[جارة القمر]

مراحب بنات/:

احساس قلبي معك الله يعينك على الورشة تبعتك ما تعبيلنا زوزو بدبحك..........

حوائتي :من اول يوم بالتاسع اجاني طلق كاذب يعني مغص بس بعدها بروح ........ههههه مبسوطه على حالي
كل يوم البيبي ببطني افضل ان شالله اصمد على الاقل لنص شهري .....لاني والله تعبت بهالحمل من الوقفه والوظيفه والبيت

ما اخدت اجازة والله حابب اخلي ايام اجازاتي بعد الولادة بس امبارح اخدته اجازة لارتاح
والاسبوع الجاي باخدلي كمان يوم على العلم انه وظيفتي بعيده عن بيتي ..........بالسيارة وبدون ازمة بدها 35 دقيقه سفر
ازا ازمة بتاخد ساعة وربع ههههههههههه ودايما ازمة الحمد لله

مسك السنين ضحكتيني :لاني انا ممنوع اني اضحك او اعطس او اسعل او اتأخر على الحمام شوي لاني متأكد رح اعملها ههههههههههههههه هاد من ضغط البيبي على عضلات الحوض بسبب ارتخاء في تمارين خاصة بتشدها
يعني الامر طبيعي توكل على الله.

سما كيف عمورة مشالله عنه امبين انه على قد حالو من صورته عمالو بيضحك بس ليش معلمتيه على الهايه
انا يزن الحمد لله ما قبلها على العلم جبتله ياها وباكثر من نوع وما قبلها .

ام عزمي شو طابخالنا اليوم؟
عيون المها وسهى ادخلو طمنونا عنكم

عسولة تسلميلي يارب

[أم عزمي]

صباحووووووووو كيفكم صبايا؟؟؟
حيفا لا تزعلي حبيبتي لعله خير و عادي في كتير ما بيبين الحمل من أوله اعملي فحص دم و شوفي يا عمري و طمنينا
عسولة حبيبتي انا ما بأهتم بالمرة لمرة أبوه لزوجي هي آخر اهتماماتي هههههههه بس أصلا هي غيورة لأنها صغيرة بالعمر عمرها تقريبا 40 أو 41 سنة مشان هيك كيدها كبييييييييييييير هههههههه و الله انا كنت أحبها و أروح عندها أول ما تزوجت مع انها مو منيحة مع زوجي من مصغره ما بتحبه و لا بتحب أخته بس الله يجازيها اللي متلهم أيتام لو حسستي على شعرهم بتدخلي الجنة و تصدقي انه زوجي كان يقولي عيب روحي عندها و الله أنا كنت أطلع عندها عشان عمي ما يزعل لأني دايما عند بيت عم زوجي و عند بنات عمو وستو يعني كأنهم بيت حمايا و الله لو اني مرة أخوهم لبنات عمو ما حبوني هيك الحمد لله دايما بحب الخير للناس لهيك بيحبوني معلش طولت عليكي بالحكي
مسك السنين غريبة انه ما عندك التهابات طيب يمكن عندك أملاح كتري من شرب المية و السوائل
احساس أنثى لا تتعبي حالك حبيبتي و الله يعطيكي العافية سلفا انتي متلي بتحبي التغيير كل فترة
بينك روووووووووز طمنينا عنك ويييييييينك صارلك فترة ما بتبيني بس ما تكوني تعبانة ياعمري و بسيطة لو كنتي مشغولة يعطيكي العافية
بااااااااااقي الصبايا انشاء الله تكونوا بخير

[أم عزمي]

هلا جارة يسعد صباحك
احتمال أطبخ بازيلاء بتحبيها؟؟؟

[جارة القمر]

ام عزمي يعني مش كتير .........انا تعلمتها من حماتي بيت اهلي ما بعملوها

حيفا :حللي دم اضمن

[حواء مثالية]

بعين الله يا جارة الله يقيمك بالسلامة يارب وتكون ولادتك سهلة

[بينك روز]

مسا الخير حبيباتي كيفكم شو اخباركم
معلش يا قمرات تأخرت عليكم بس انتو عارفين الكهربا
وبحكم اني بشتغل ما بشوف الكهربا احيانا طول اليوم
يلا بعين الله
اليوم مارحت على الشغل لانه عندهم عزا اتصلوا فيه وحكولي ما تيجي
انبسطت وكملت نومتي وصحيت طبخت ملوخيه على فراح
مين بتحبها تفضلوا عندي

[maya123]

هلا صبايا تسلمو عالسؤال جارة وعسولة واحساس وبينك والكل كيفكم؟
ام عزمي انا من زمان هون من اول حملي بس صارلي شهر ما بفوت وكتير مبلوشة بديت بالتطبيق للتعليم بالمستشفى للامراض العقلية وكتير مبلوشة هناك

متاسفة صبايا مو كتير ببين بس والله اشتقتلكم كتير انا وبنوتي
بديت اجهز بغرفة البنوتة تقريبا اشتريت كلشي والتخت والخزانة شفتهن راح ييجو بعد شه ان شاء الله

شو اخباركم انتو وبيباتكم؟ بديتو بالتجهيزات؟

[عسولة فلسطين]

يسعد مساكم صبايا
ام عزمي انا بحب البازيلا كتيييييييييييييييييييير خبيلي صحن هههههه صحة وهنا
نورتي يا بينك
الحمدلله يا مايا اموري تمام
بناات>>>> اليوم شفت عباية الحمل اللي كنت مشترياها جديد ما لبستها الا مرتين
والمرة التانية لما صارلي اللي صار.... صرت اعيط ايش رأيكم اوزعها>>>ماما حطت حالها جنبي وصارت تعيط بتقولي اخبيها ان شاء الله بلبسها عن قريب

[حواء مثالية]

مساكم عسل بنات

مايا منورة الله يكون بعونك ويكملك على خير يارب

عسولة ياقلبي لازم تكوني اقوى من هيك ان شاء الله يارب بتلبسيها قريب الامل بوجه ربنا كبير ما في اكرم واقرب منووووووووو

الله يفرحنا بخبر حملك قريب ويكملك على خير وتشوفي ضناكي بين ايدكي يارب

[عسولة فلسطين]

تسلمي يا حواء الله يسمع منك وربنا يقومك بالسلامة انتي وأحلى برلنت
وجميع الصبايا يااااااااااااااااارب
الحمدلله ع كل شي من ربنا بس ما بعرف بس شفتها شميتها وتذكرتهم كيف كانوا نافخين بطني فيها فما مسكت دموعي حاسة حالي مش ححب حد زيهم كتير كنت متعلقة فيهم.... الله يسهل عليهم الحمدلله هم في الجنة و ايش بدي أحسن من هيك

[حواء مثالية]

هاد هو يا قلبي الله يعوضك خير يارب عسى ان تكرهوا شيئا وهو خير لكم ربنا اكرمك وراح يكرمك

[جارة القمر]

عسوله يا عمري ...........ربنا كريم وربي يعوضك عاجل غير اجل ما توزعيها ولا شي خليها وباذن الله بس يرتاح جسمك
بتحملي بتشوفي ولادك حوليكي .............

حواء .............خبرينا عنك شو اخبارك؟

عيون المها وينك؟

[عيـ‘ـون المهـ‘ـا]

مسـاكم معطّـر بأجمل الهمسـات
و ليلتكـــم مزّينه بأحلى ال ,,,,,, انتو اختارو هههههه

كيفــــــكم صبـايااااا
~*~ جـــــارة القمــــــر ~*~
تسأل عنك العافيه و السعاده كيفك ام يزن ههههه
ان شاء الله بتكملي شهرك ,,لا تنسي تخبرينا يومها اذا حسيتي في ولاده عندك لحتى اناااا و كل الصبااايا ندعيلك
الله يعينك على مشوار شغلك اكتر من 1\2 ساعه بالسياره
انا بوصل بناتي على مدرستهم بالسياره 4 دقائق و بسدئ ارجع من ضغط التقل ,,البنوته ضاغطه علي بشكل فظيع
خلصتي كل اموورك
حطي يزن عندي لمى تولدي خلي يتسلى مع لانا و اسيل ههه
صحيح يزن عاااادي اذا تركتيه كم يوم و إلا من النوع اللي
متعلق فيكي كتير و ممكن يبكي

~*~ مسك السنين ~*~
عااادي لا تقلقي كتير بالموضوع لانو كتير حوامل بيتعرضو لهاشي لانو الرحم بيسير يضغط على المثانه و بيسير ضعف في العضله الاحليليه المتحكمه باخراج (البول) تكرمي
و متل ما حكت جارة تمارين كيجل بتساعد
و الحرقه اذا ما في عندك التهابات بول او في المهبل(سوري على التعبير) معناتو اشربي مي علىقد ما تقدري
معافيه حبيبتي

[عيـ‘ـون المهـ‘ـا]

~*~ ام عزمـــي ~*~
كيفـــــك حبوبه شو عامله
صحتين كنتي عامله بازيلا اليوم,, زكرتيني فيها بدي اعملها
شو بحتار بالطبخ ,, انتي كان عندك فكره بالطبخ قبل ما تتزوجي؟
نلتقي فيكي في وقت تاني

[عيـ‘ـون المهـ‘ـا]

~*~ عسـولة فلسطين ~*~
اناااا مقدره مشاعرك و متل ما انتي شايفه كل الصبااايا
عم بشجعوكي لانو الحياه بفضل الله مستمره
ان شاء الله تحملي بأحلى توأم و تلبسي العبااايه
و تمليها بعافية و صحة حملك
((و إذا سألكَ عبادي عني فإني قريب أجيب دعوة الداع اذا دعان )) >الحمد لله هو اكرم من سُأل و اجود من أعطى
بعد ولادتي ببنتي لانا حكيت خلص لسى عمري صغير و ما بدي احمل هلآ
بدي ارتاح اقل شي 5سنين و بعدين افكر بالحمل ,,لمى كبرت لانا و الكل يحكيلي شو ما بدك مع لانا تجيبي كمان جبيلهم اخت او اخ يسليهم ,,و انا احكي بدري بس سبحان الله شعور الامومه تغلب علي لانو ارادة الله كانت قبل شي و كل شيء عنده بوقت و بمقدار ,, رغم كنت احكي خلص و بيكفي البنتين بس سبحان الله ربي اراد و انا فرحانه بنعمته و ربي يفرح قلبك و ينعم عليكي بما يقر به عيونك
امي كانت تحكي لمرت اخوي بعد ما نزل حملها و هي تضل تبكي و مكتئبه ان شاء الله راح تجيبي و يملو عليكي البيت
و حكيتلك قبل ربي انعم عليها ب3بنات و 2 ولدين
طولت عليكي ليله هاااااديه

[عسولة فلسطين]

الله يسعدكم ويبارك فيكم وفي أطفالكم يارب
وتقوموا سالمين ومعافين انتوا وأطفالكم باذن رب العالمين
بحق انكم خوات أسعدني التعرف عليهم وبتشرف كتير بهالشي
كلماتكم رفعت من معنويتي الحمدلله نفسيتي منيحة ومتقبلة وراضية بصدر رحب قضاء الله وقدره ولكن لما شفت العباية لا اراديا تذكرتهم
عيون المها كلماتك خلتني ادمع الحمدلله ع كل شي ربنا يتمملك على خير يارب وتفرحي فيهم ان شاء الله
والله يخلي لمرة اخوكِ ولادها وتفرح فيهم
ليلتكم يارب مليانة بالخير والهنا

[أم عزمي]

مايا هلا بيكي من جديد لا تغيبي كتير
عيون المها هلا حبيبتي أنا ماما ما وقفتني جنبها بالمطبخ لأتعلم الطبخ بس يعني كنت أشوفها مرات و كمان هيك معرفة من الحياة كمان الواحد لما ياكل الطبخة تلقائي بيبين كيف طريقة تحضيرها أنا جربت كل شي و أنا متزوجة حتى العجين و لقيت حالي فنانة هههههههه (مداح نفسه كذاب) بس عنجد بعرف اطبخ كل شي
عسوووووووولة ما تزعلي حبيبتي و الله حاسة فيكي انا كنت هيك أحاول أتناسى بس غلبت جوزي بالعياط بالذات لما أنفرد مع حالي كنت اتزكر حركة ابني ببطني حتى فيه ساعة بيلبسوها للبيبي و بيكتبوا عليها اسم امه هذه الساعة خبيتها محتفظة فيها لهلأ و بجد أنا لهلأ بحبو لابني مع انه ما عاش معي بس الحمد لله ريحت نفسيتي و كل ما أتزكر بقول الحمد لله يارب عوضني بالذرية الصالحة و بقول الله يخزيك يا شيطان لأنه هو اللي بيخلينا نتذكر و نقول لو و لو و بيخلينا نعترض على حكم ربنا و لا اعتراض على أمر الله يعني يا عمري احتسبيهم عند ربهم و هو راح يعوضك بالأحسن باذن الله و اعذريني طولت عليكي خلاص بقى راح اتخليني أفتكر هديك الأيام و أعيط و الله كنت متل المريضة لأنه كانت الدنيا رمضان و ما بشوف الناس كتير وأ نا كنت آكل لوحدي من دون الكل و ماما كانت تيجي عندي و تروح لانه الدنيا رمضان ما كانت تقدر تبات عندي بس انتي ما شاء الله عنك مامتك دايما حواليكي و كمان بدي أقولك شغلة ماما حكتلي اياها مشان ما تزعلي أبدا ماما قالت لو زعلتي و انتي نفسة بتزعل ام ولادك
يعني الزعل بيأثر على الرحم و الرحم هو أم ولادك فهمتي عليا الله لا يقدر بلاش تتعوقي بسبب الزعل يعني خلاص اوعديني ما تبكي تاني و لو بكيتي تمسحي دمعتك و تستغفري ربك و تتعووذي من الشيطان متل ما كنت أعمل و هيني ما شاء الله صرت بالتامن عئباااااااااااال عندك يا عمري انشاء الله العوض قرييييب باذن الله و سامحيني لو قسيت عليكي بالحكي و طولت عليكي حبيبتي معلش انا برااامة كتير هههههه حبيبتي لا تزعلي

[أم عزمي]

يسعد صباحكم كلكم انا الصبح الكهربا قاطعة عندنا يعني ما راح أبين للعصر

[عيـ‘ـون المهـ‘ـا]

ام عزمي و كل الصباياااا الللي عايشين في غزة الحبيبه
الله يهونها مع قطع هالكهرباااااا خصوصا بالصيف
شو هاد نفط الدول العربيه بنور كل عواصم
العالم و غزه عم تنحرم الكهرباااا!!!
ان شاء الله يتغير الحال للاحسن
بس انتو كيف بتعرفو مواعيد القطع
و إلا عشان الوضع صار روتيني
مره هون في منطقتنا قبل سنه ا قطعت عنا الكهربا مره وحده خلال ال12 سنه العشتهم في امريكا,, و قطعت بس 5 ساعات
من عاصفه تلجيه قويه و كانت كتير برد و تعطلت التدفئه
و بيتي كبير و فيه اكتر من طبقه فشو صار البيت كتير بارد
وبنااااتي يومهاههههه ماما برد كتيرماما و ماما
و مش عارفه شو اسوي صرت اجيب كل الغطى اللي عندي
و حط عليهم هههه ,, يالله يومها بس 5 ساعات حسيت بمعاناه و حزنت على بناتي,, سدئت و ترجع الكهربا
و اشتغلت التدفئه في كل البيت,,
فربي يكون معاكم
ام عـــزمي
لا لازم اجي ليوم عندك و احكم بنفسي ههههه
عاشت ايديكي شكلك مرتبه بالطبخ
انا متلك عمري ما عملت كاسة شاي عند اهلي و الحمد لله بعد الزواج تعلمت كل شي
و زوجي بيضل يحكي لامي ما اطيب اكلاتها ,,
كلامك لعسوله مزبوط الحاله النفسيه بتأثر على الحمل,المهم الواحد بالحياة ما يفقد الدين و الصحه لانو بفضل الله الصحه و العافيه بحد ذاتها سعاده و اكبر نعمه
الحمد لله عسوله حملت و ان شاء الله بتحمل مره تانيه
يالله نشوفك العصر ان شاء الله ههههههه لمى ترجع الكهرباااا

[عسولة فلسطين]

صباح الفل ام عزمي وعيون المها وكل الصبايا النايمين
يارب صباحكم حلو ورايق
ام عزمي كلماتك كتير حلوة وعادي حبيبتي احكي وخدي راحتك
الحمدلله كل يوم ع وقت السحرة بدعي ربنا وبحمده انه جعل بناتي عصفورتين
وماما بتقولي انه ما ازعل بتزعل ام ولادي بس دموعي هاي لاني اشتقتلهم بيعين الله الحمدلله ع كل حال
شكله خط الكهربا عكس عنا احنا اليوم بتقطع من الضهر لبعد العشا يمكن لل 11 بالليل بس تيجي لهيك بفوت متأخرة ببعض الاحيان
عيون المها طمنيني عنك حبيبتي وشو طابخة اليوم؟
انا طبعا لسه عند أمي عاملة فيها نفسة ههههههه وماما اليوم عاملة سمك بركي الجمعة روحت ع بيتي

انا زيكم بالطبيخ ... تزوجت مابعرف اسلق البيضة بحكم انه ماما مدلعانا وبنفس الوقت كنت بالجامعة وما كنت فاضية للمطبخ وبعد الجامعة تزوجت مباشرة ... بس ربنا بعتلي بزوج الحمدلله بيحب اشي اسمه مطبخ بيساعدني كتير وبسأل ماما جبت دفتر سجلت فيه كل شي والحمدلله الواحد بيتعلم

يللا صاحية ع البرم هههههههه

[بينك روز]

صباح الخير صبايا شو اخباركم
كيف الصحه ان شاء الله تمام
عسوله حبيبتي والله خلتيني اعيط
لاني انا برضو متلك فقدت حملي السابق وكانت نفسيتي كتير تعبانه
امانه ما تزعلي حالك وشدي حيلك وان شاء الله بتحملي عن قريب
ام عزمي انا متلك العصر مابكون عندي كهربا للساعة 10
انا اليوم كمان مارحت على الشغل اجازة
يابنات حاسه الحمل كتير صار تقيل عليه
والنووم صار صعب كتير
طول الليل على اااااااااه وااااااااااااه
بجد تعبت كتير الفتره هاي

[احساس أنثى]

مسا الفل صبايا

[أم عزمي]

هلا مسا الورد
كيفكم اليوووووووم

[سما الدنيا]

مساء الخير كيفكم صبايا.......

[سما الدنيا]

هلا بالجميع ام عزمي وجارة واحواء وبينك وعسولة والكل يا رب اتكونو لالف خيييرر..
تسلمي يا جارة ..بالنسبة لابني حماتو عودتو عاللهاية من هوي وعمرو عش ايام لهيك قبلها ..بس والله فايدتني كتيروحاسو اتعود عليها مرات ما بريرضا ينام او يطلع مشوار الا واللهياية بتمو.....
..
بكره طالعه انا وزوجي مشوار وبدنا نشتري اغراض ويمكن انضل للمغرب ...قررت اخلي ابني عند حماتي وهاي اول مره بتركو وبدي اشتريلو علبة حليب بس ليوم واحد...
بس خايفه ارجع وما يقبلني انا...شو رايكم..وشو احسن حليب لعمرو؟؟؟؟؟؟؟؟؟

[حواء مثالية]

سلام عليكم بنات كيفكم ان شاء الله بخير

انا بخير جارة الحمدلله اليوم رحت على الدكتور واطمنت على برلنت كلشي تمام نشكر الله صحتها وضعها

ما رضي يعطيني اي شي عشان معدتي ومرات بحس بصداع غير اني بصحى منفخة رجعلي لوحام من جديد قلي ما ضل شي ولازم اتحمل كل هاد والحمدلله وزني زايد 2كيلو ونص هاد الشهر انبسط كثير وراس البنت لتحت ان شاء الله راح اخلف طبيعي الله يسهلي والك وللكل يا رب

[أم عزمي]

لا تخافي ما بظن انه في بيبي بيترك حليب امه
بس ممكن انه يتعود على الحليب الصناعي مع حليبك
و يمكن ما يقبل الحليب الصناعي
و بالنسبة لنوع الحليب اسألي الصيدلية بتعطيكي أفضل شي و المناسب لسنه

[أم عزمي]

حواء الحمد لله انه وضعك تمام انتي و البيبي
الله يقومك سالمة حبيبتي و انشاء الله ولادتك طبيعية و سهلة باذن الله

[أم عزمي]

يا بناااااااااااات
أختي من امبارح الساعة واحدة بعد نص الليل و هي بتطلق و لهلأ ما ولدت رحمها موسع 6 قراط
بدها كمان 3 قراط لتولد ادعوووولها هي بنص شهرها التاسع و بكرية يعني مقدمة عن معادها يمكن بشي 10 أيام
الله يعينها على الطلق

[جارة القمر]

مسـاكم معطّـر بأجمل الهمسـات

و ليلتكـــم مزّينه بأحلى ال ,,,,,, انتو اختارو هههههه

كيفــــــكم صبـايااااا
~*~ جـــــارة القمــــــر ~*~
تسأل عنك العافيه و السعاده كيفك ام يزن ههههه
ان شاء الله بتكملي شهرك ,,لا تنسي تخبرينا يومها اذا حسيتي في ولاده عندك لحتى اناااا و كل الصبااايا ندعيلك
الله يعينك على مشوار شغلك اكتر من 1\2 ساعه بالسياره
انا بوصل بناتي على مدرستهم بالسياره 4 دقائق و بسدئ ارجع من ضغط التقل ,,البنوته ضاغطه علي بشكل فظيع
خلصتي كل اموورك
حطي يزن عندي لمى تولدي خلي يتسلى مع لانا و اسيل ههه
صحيح يزن عاااادي اذا تركتيه كم يوم و إلا من النوع اللي
متعلق فيكي كتير و ممكن يبكي





كلك زووووووووووووووء
ههههههههههههه يزن بحب البنات كتير .........يعني لو يجي عند بنوتاتك ما رح تشوفيهم لانه عنده اللعاب مسليه ههههههه
كان حابب يسمي اخته دانا ........بس الله كتبنلنا احمل بولد عيني طالعه على بنوته والله ...
بالنسبه ليزن لا ما بتفرق كتير معها يعني مرتين طلعت مع الشغل نوم برا البيت كان بيسأل علي وين روحت
بس مادام هو عند ابوه بيمشي الحال الحمد لله انه هاي الصفه فيه ....

[أم عزمي]

يا بنااااااااااات
أختي ولدت هلأ الله رزقها بولد راح يسموه حمزة لأنه جوزها بيقولولو أبو حمزة بس لسة ما شفت البيبي هي بعيدة عني بدها زيارة بمواصلة لأنها بالنصيرات عئباااااااااااااال عندكم و المشتهية الله يعطيها عئبااااااال سلامتنا جميعا

[حواء مثالية]

يسعد مسامم جميعا يارب

ام عزمي الله يسعدك ويخليكي وان شاء الله ربنا بكملك والي وللكل بالسلامة ويرزق كل مشتهية يارب

الف الحمدلله على سلامتها اختك الله يحفظلها حمزة يارب ويكون من الذرية الصالحة يارب

سما بعدوا ابنك صغير ما تعطي شي اذا حليبك بكفي وبشبع منو واذا المشوار الي بدك تروحي علي مو متعب خدي معك افضل ما في بعد حليب الام

لولو حمادة زمان ما طلت

كل البنات الله يسعد اوقاتكم يارب

عسولة منورة ياقمر ايوا هيك انسي وارمي كلشي وراكي ربنا كريم ي

[أم عزمي]

تسلمي حواء الله يخليكي

[عيـ‘ـون المهـ‘ـا]

http://forum.hwaml.com/imgcache2/hwaml.com_1338999682_488.jpg

ألــــــف مبـــــروك
المـولود الجـــديد
امــــ عــــزمــــي
عئبـــال نفـــرح فيكي
و قومتـك بالسلامه
بهوـــيـــده

[Heba T]

مسالخير للجميع

[Heba T]

ام عزمي الحمدلله على سلامتها اختك و الله يتمملك على خير و للجميع ان شالله

[عيـ‘ـون المهـ‘ـا]

سلام الله عليكم جميعكم
جـــارة القمــــر
------------
ان شاء الله تجيبي احلى بنوته و تفرحي فيها و تتحقق امنيتك و تسميها دانا متل ما بدو الامور يزن بإذن الله
سبحان الله في بجيبوا البنات اول و بعدين الاولاد و في العكس

بينـــــك روز
-------------
الله يعينك على التقل ,,و الله انا صايره امشي بطيء من التقل الحمد لله وزني ما زاد كتير بس بطني برز
و امبارح ما عرفت انام من حركتهم (يالله لمى يتحركوا بنفس الوقت ,, و لتشوفي كم مخده بحطها حولي لاعرف انام ,, و لمى اقلب من جهه الى جهه و صار عندي اعلى الفخد الشمال وجع لاني مركزه النوم على الجهه الشمال فكل الضغط عليه
صحيح كيف التنفيخ معك لسى عم بتعاني منه؟؟
لسى قدامنا مشوار ربي يتمم النا على خير ان شاء الله

عســـــوله حبيبتي
---------
كيف كان نهارك اليوم
سألتيني شو طابخه لسى الوئت عندي بدري و يمكن اعمل منسف,,تفضلي عندي يا قمر نتغدى سوى ,,و انتي شو عامله

سمـــا الدنيـــا
-------------
صعب انك تعطي ابنك حليب صناعي و معدتو مو متعوده عليه
لهيك اذا فيكي تسحبي من صدرك و تحطيه برضاعه زجاج مو بلاستيك و حطيه بالتلاجه و خلي حماتك قبل ما تشربو لابنك
تفتر الحليب اذا ليوم واحد هيك افضلك

سهى نهارك سعيد وينك
ام يامن و بنت الضفتين طمنونا عنكم
كل الصباااايا احلى تحيه لعيونكم

[حواء مثالية]

يسعد مساكم يارب

كيفكم شو اخباركم

مشتاقلكم

الجو برا بجنن

[Heba T]

مرحبا ....:)

[عسولة فلسطين]

مساااااااء الخير .... مع جية الكهربا جيتكم ^_^
بينك روز الله يسعدك ويقومك بالسلامة يارب
انتي وكل الصبايا
أم عزمي .... الف مبروك لأختك ويتربى بعزهم يارب عقبالك نيجي نهنيكِ
أختك بتكون جارتي ع هيك ههههه أنا من مدينة الزهراء جنبها

حوااء... الله يسعدك يارب ويسعد برلنت وتيجي بالسلامة
الحمدلله كل شي تمام
عيون المها ... اليوم سمك تغديت وصحة وعافية ع المنسف .... انا ما بحب اللحمة بكافة أنواعها
ومساكم خير باذن رب العالمين

[بينك روز]

مسا الخير صبايا كيفكم شو اخباركم
كيف الصحة ان شاء الله تمام
ام عزمي الحمد لله على سلامة اختك يتربى بعزها حمزة ان شاء الله، وعقبالك تقومي بالسلامة يارب
عيون المها الله يخليكي يارب وتشوفي توأمك على خير يارب، بالنسبة للتنفيخ ما تحكي عليه شي رجليه بتنفخوا كتير
بس مشان الي يومين ما بروح على الشغل وضعهم احسن من اول بس لابد منه
صحيح شو بدي احكي هلا لما بنام بالليل وبقلب من جنب لجنب بقلب حالي من غير ما اسند حالي بالاول
هل هاد بضر الجنين وممكن الحبل السري يضره

[Heba T]

بينك روز يسعد مساكي

والله انا كانو يقولولي انو لازم اسند حالي و بعدين اتقلب , صراحة انا مع التقل ما كنت اقدر الف بسهولة فكنت اسند و اتقلب

بس في كتير ما كانو يعملو هيك وفعلا الحبل السري لف على رقبة الجنين الله يبعد الشر عن ابنك , هو اوك الدكتور بفك الحبل السري عن رقبة الجنين
بس الافضل انو تتندي و بعدها تتحركي

[Heba T]

لا اله الا انت سبحانك اني كنت من الظالمين

[عيـ‘ـون المهـ‘ـا]

عسوله
ان شاء الله دائما كل ايامك نور
صحتين عمري على السمــــك اناااا قبل يومين عملت سمك مشوي ,, أنااااا هلآ على عطلة حبيباتي لانا و اسيل صرت اسألهم و اعمل شو بحبو لانو زوجي بياكل اي صنف
فما بسأله ’’’

بينك روز
يسعد مساكي ,, الراحه كتير مهمه لوضعك و ارفعي رجليكي دائما على مستوى.. ان شاء الله تمر الايام بسرعه و ربي لا يضيع النا تعب
لمى تكوني على الجنب الايمن و بدك تغيري وضعيتك على الجنب التاني ,,اقلبي على الضهر ببطء و خليكي شي دقيقه و بعدين اقلبي على الجنب التاني و حطي مخده او 2 ورى الضهر لحتى تخففي الضغط على الرحم
نتحمل عشان خاطر عيونهم

[بينك روز]

صباح الخير
صبحنا واصبح الملك لله

[بينك روز]

صباح الخير عيون المها
يسلمو حبيبتي على النصيحة انا بعمل هيك
بس بضل خايفة والله

[إم يامن]

صباح الخير صبايا صرلي فترة ما عم شارك بس كل يوم بقرأ اخباركم وبطمن عليكم
صايرة قعدة النت تتعبني خاصة انه البيبي راسه تحت فكتير بحس بتقل دوب بفوت عنت
بشوف اخبار الكل وبرد بطلع
والله ماني مصدقة ايمتى اولد نفسي احس حالي خفيفة واتحرك براحتي اشتئت انام ع بطني واتقلب براحتي
هههههههه hwaml7hwaml7
ومشاء الله اتاري بالشهر السابع بتقوى اكتر حركة البيبي بحس في هزات ارضية ببطني خاصة بليل
بسير بقول هييييي يا اخ العرب بدنا انام من بعد اذانك يعني اذا تكرمت علي hwaml17
جوزي بسير يقولو ولا غلبها لامك وعزبها اتحرك براحتك hwaml15hwaml15hwaml15

[حواء مثالية]

صباحكم رضا ومحبة

[احساس أنثى]

صباح الورد والفل والياسمين على كل الموجودين

[أم عزمي]

عيون المها - عسولة - بينك روز - هبة
تسلمو عئبال سلامتكم و عسولة عئبال عوضك حبيبتي
بينك روز أنا ماما قالتلي لما بدك تقلبي حالك من الجنب اليمين للجنب اليسار اسندي حالك و بعدين يتتقلبي
عشان ما يلف الحبل السري على رقبة الجنين و قالتلي انه مة عمي ما سمعت كلامها في واحد من ولادها و لف الحبل السري عليه سبع لفات يعني الله اللي سلمه و انا من يومها و نومي قلق لأنه كل ما بدي أتقلب بدي أقعد و أسند حالي و بعدين أتقلب بس كله يهوووووووووون لأجل عيون هويدة

[أم عزمي]

أم يامن
انتي عاملة متلي مرات كتير بنتي بتقعد تخابط بالحامي لدرجة اني بتوجع منها مرات
و مرات بتقعد بمنطقة وحدة بتعزبني لما تعمل هيك بصير أقولها يا ماما حبيبتي شو ضاقت فيكي الدنيا و قعدتي بهالمنطقة كل هالبطن مو واسعك ههههههههههه
و لما تتحرك كتير و خاصة عند ما بدي أنام بصير أقولها يا ماما نامي خلاص عزبتيني بدي أنام بيصير جوزي يقولها
اضربيها يا بابا اضربيها اتحركي براحتك لا تردي عليها ههههههههههه كلهم هيك بيكونوا مبسوطين على ولادهم يا روحي عليهم

[مسك السنين]

صباحوووووووو صبايااااااااا
هلا متى بنحس بحركة الجنين انا تقريبا بنص الرابع هههههههههههه
صبايا بدي اقلكم شي ولا تضحكو عليا ههههههه خايفة انو يصير البوبو يتحرك بلبطن ههههههههههه
مابعرف ليش

[جارة القمر]

مراحب بنات

انا اليوم مكتئبه ههههههههههه مش عارفه ليش وزهقانه .........
حاسة بالضعط.........والملل .......والتعب....والكسل ,,,,,,,,,,
نفسي انااااااااااااام ............

متقل دمي ازعجتكم بهالحكي صح ..........

[جارة القمر]

حبيت افيدكم لاني قرأته واعجبني
اوزان الجنين خلال الاسابيع:

الوزن بالجرام

الاسبوع 11 = 7
الاسبوع 12 = 14
الاسبوع 13 = 23
الاسبوع 14 = 43
الاسبوع 15 = 70
الاسبوع 16 = 100
الاسبوع 17 = 140
الاسبوع 18 = 190
الاسبوع 19 = 240
الاسبوع 20 = 300
الاسبوع 21 = 360
الاسبوع 22 = 430
الاسبوع 23 = 501
الاسبوع 24 = 600
الاسبوع 25 = 660
الاسبوع 26 = 760
الاسبوع 27 = 875
الاسبوع 28 = 1005
الاسبوع 29 = 1153
الاسبوع 30 = 1319
الاسبوع 31 = 1502
الاسبوع 32 = 1702
الاسبوع 33 = 1918
الاسبوع 34 = 2146
الاسبوع 35 = 2383
الاسبوع 36 = 2622
الاسبوع 37 = 2859
الاسبوع 38 = 3083
الاسبوع 39 = 3288
الاسبوع 40 = 3462
الاسبوع 41 = 3597

[بينك روز]

هلا جارة منوره حبيبتي
والله انا متلك مدايقة ومخنوقه
مابعرف شو مالي الي يومين هيك
وكل شوي بعيط على أتفه سبب
بعين الله شو بدي اعمل والله حاسه حالي راح اطق
يسلمو حبيبتي على الاوزان على هيك بنوتي وزنها كيلو و 153 جرام
على خير ان شاء الله

[عسولة فلسطين]

مساااااااااء الخير

[جارة القمر]

مساء الخير




بينك روز ان شالله تتحسن نفسيتنا ........
الحمد لله اجت امي واخواتي عندي ولفينا ورق عنب بدي اعمل بكرا ولاول مره بعمله ببيتي
وتسلينا مع انهم ما طولوا عندي بس حاسه ضهري بدو يطق من التعب من الوظيفه للبيت للطبيخ لتنضيف البيت وبعدها لف
ورق عنب ...............

بينك روز بدي اسألك ناويه تاخدي اجازة بالتاسع؟؟

انا مش حابه اقعد بالبيت مادام عندي قدره اشتغل بحس بالذنب ههههههههههه



عيون المها يسعد مساكي بدي اسألك والحكي للجميع ............امي بتقول انه في قانون بمنع الحامل تسوق بالشهر التاسع
اسمعتي بهيك شي .........امي معها رخصة سواقة من زمان بس انا عمري ما سمعت متل هيك قانون !!!
وكمان صديقتي بتقول الحامل بتنعفى من وضع حزام الامان لانه بضايق بطنها
اسمعتي هيك شي.؟انا مستحيل امشي بدونه بعيد الشر ازا
صار حادث مصيبه بس استغربت.

ام عزمي وينك اليوم ...............

عسولة يسعد مساكي.

[حواء مثالية]

مساكم عسل يا بنات

شلونكم

زوجي مزاجه سيء اجيته باكثر من طريقه وضل منكد

قررت اتركه واجيكم بلا ما تنتهي بطوشه هههههههههههههه

[Heba T]

حواء مثالية

ابعد عن الشر و غنيله

يسعد مساكم

[بينك روز]

هلا حبيبتي جارة
بالنسبة للاجازة والله لسه مابعرف كيف هيكون وضعي
انا بفوت بالشهر التاسع مع رمضان يعني انا ورمضان مع بعض
مابعرف كيف هيكون وضعي
ازا وضعي ماراح يستحمل الشغل راح اخد اجازة
وانتي متى هتاخدي الاجازة واكم عندكم مدة الاجازة
انا بشتغل بشركة خاصة مش عارفه كيف هتكون مدتها

[بينك روز]

والله انا من رأي يا حواء تسيبيه براحته يمكن مزعوج من شغله
هلا هبة منوره حبيبتي

[ام رضى]

hwaml7hwaml7hwaml7
لولو نحن بنتفق عمالنا على موعد اجباري للكل يوم الخميس بالليل كلنا نكون بالدردشه
ولو ما كان النت شغال لازم تروحوا للكافيه ههههههههههه

وبدنا نختار الساعه
ويا ويلها اللي ما بتكونhwaml66hwaml66hwaml66
ممنوع تدخل الدردشة مره تانيه

وازا دخلت ما بتلوم الا حالهاhwaml11hwaml11

وقد اعذر من انذر وهالمره جد سامعه hwaml70hwaml70يا حواااااااااااااء

لكن لكل قاعده شواذ اذا انا ما دخلت فالحكم باطلhwaml7hwaml40

مساء الخير

[حواء مثالية]

هيك اعملت بس المشكله في لو كان متذايق لازم اسمعه اذا طنشت بزيد الطين بله

بحاول امتص غضبه بتعرفن يا بنات جوزي في مشكله اشطر منه في كلمة ما في اشي ما بلاقي

يمكن بايدي اريحه بس مرات كثيرة يمكن بحب الشخص يكون مع نفسه

ان شاء الله يروق هلا ما بدي ينام منكد

اتصورن حكالي اعملي قهوة اجا على المطبخ بقلي مين حكالك تعمليها هلا حكيتله مش قلت اعملي قهوة قلي اه بس ما حكيتلك هلا هههههههههههههههههههههههههه شوفو الحركشه

[Heba T]

بينك روز ... النور نورك

[ام رضى]

مساء الخير جارة القمر انا مشتركة جديد في المنتدى ممكن اتعرف عليك انا ام رضى

[أم عزمي]

يسعد مسا الكل
جارة و بينك روز أنا متلكم اليوم صرت أعيط من الزهق و الاكتئاب و كنت راح أطق
و جوزي عصب مني لأني بعيط بلا سبب

[أم عزمي]

حواء
ديري بالك الله لا يجيب مشاكل
صحيح انه بيتحركش الله يعينك عليه الليلة لأنه صعب تفهمي تقلبات مزاجه

[أم عزمي]

أم رضى
هلا بيكي بيننا حبيبتي

[أم عزمي]

أنا بستأذن منكم معلش طلتي كانت قليلة
جوزي بدو يقعد عالنت تصبحوا على خير حبيباتي
أشوفكم الصبح لو كانت الكهربا جاية أصلها طول النهار قاطعة اليوم

[أم عزمي]

حكم الوي على الضعيف متل ما بيقولو
هههههههههههههههه
تصبحوا عخير حبيباتي

[عيـ‘ـون المهـ‘ـا]

مساكـ ـم نـ ـور و ليلــ ـة جمعــ ـه مبـ ـاركه
جـــارة القمــر
مسائك فل - بالنسبه لسؤالك القانون عندنا ما بيمنع الحامل من السواقه حتى لو وصلت اخر التاسع -و بنفس الوقت ما بتنعفى من حزام الامان (اجباري)
اما القانون عندكم ما عندي فكره عنو
بينك روز-و جاره القمر-ام عزمي
راح انضم معكم الى رابطة الملل



مـــلل خصوصا انا ما بحب الخمول بحب الحركه -و هلآ في الصيف الجو كتير حلو عندنا و اماكن حلوه بس ما في اي طلعه هلآ
جوزي بيحكيلي مزوتيها شوي حتى المطاعم ما عم بترضي تطلعي تتغدي
حتى صديقاتي ما بزورهم
نتحمل لحتى الايام تعدي على خير


جاااااره عم تدلع شوي معلش يا بنات بشهرها بدنا نستحملها لانا راح نشتاق الها كمان شوي

عسوله يسعد مساكي
سهـى ان شاء الله امورك تمام شو جديدك؟
ام عزمي ,, ليلتك هاااديه و احلام ورديه

[عيـ‘ـون المهـ‘ـا]

مسك السنين
سألتي عن حركة البيبي
انتي هلآ بنص الرابع يعني الاسبوع ال15
ان شاء الله اخر الشهر الرابع راح تشعري فيها
و على الاسبوع ال18 بتكون اقوى و بتشعري فيها اكتر
بالعكس ما في خوف ابداااا من حركة الجنين احلى شعور
انا هلآ التوأم كتير مبسوطه على حركتهم و تعودت عليها
يعني اذا سكتوا شوي بقلق ههه

[عيـ‘ـون المهـ‘ـا]

~~اللهــــمّ صـلَّ علَـىْ سيّدنـا محمّـــد~~
عـددَ ما ذكـرهُ الذاكريـــــــــــن
و عـدد ما غفل عن ذكره الغافليـــــن

[جارة القمر]

أم رضى
هلا وغلا فيك بينا بدردشة حوامل فلسطين اكيد ممكن نتعرف على بعض وهون الصبايا
بجننو ما شالله عليهم رح تنبسطي ..........انتي حضرتك من وين؟؟

حواء :الله لا يجيب زعل .........

ام عزمي ههههههههههه كيف بتسمحيلو يقعد على الكمبيوتر وانت بتستخدميه ...........لا ما بينفع هيك كوني اعنف .......بمزح اوعك تصدقي بلاش اكون سبب في طوشة بينكم ............


عيون المها :الله يسعد صباحك ومساكي ..............خدي المناسب حسب الوقت عندكم ...........
ااااااااااااااااااااااخ يا عيون المها ياريتني بعرف ادلع ..........ههههههه


تعرفي يا الله شو خايفه من ساعة الولادة كل ما افكر بينشف ريقي ههههههههههه
بنات بالله عليكم ادعولي ربي يسهلها علي ..........بولادتي


بينك روز ......والله حاسس فيكي.......انا التانيه بكون قاعده على مسلسل فرضا بيجي موقف شو حزين
بنتحر من البكى ههههههههه
التغيير بالجسم الو دورو

بالنسبة للاجازة عنا 98 يوم مع اجرهم
وممكن امدد كمان 3 شهور على حسابي بدون راتب بس انا مش مفكره امدد
اما الاجازة ما قبل الولادة بتكون من ايجازاتي المخصصه لي سنويا ..

[بينك روز]

صباح الخير
جمعة ممباركة صبايا
شو اخباركم

[حواء مثالية]

السلام عليكم ورحمة الله وبركاته

نهاركم سعيد وجمعتكم مباركة

الحمدلله مرت ليلة مبارح على خير وتمت تسوية الامور طلع منكد من الملل والروتين

ممممممم اليوم بدي اعمل كبسة مين بحبها يتفضل

[احساس أنثى]

مساكم ورد وجمعه مباركه

صحتين وهنا ياحواء احنا اليوم عملنا بيتزا ازهقنا الرز واللحوم

[أم عزمي]

مسا الخير لكل الصبايا
الكهربا دوبها أجت عندنا

[أم عزمي]

مرحبااااااااااااااا
ما في حد أدردش معه و الله زهقااااانة و ملااااااااااانة كتييييييييييييييييييييييير

[نبض قلب]

ام عزمي انا هون

عرفيني عليكي

[نبض قلب]

كيفكم صبايا اشتقت ليكم كتير

كنت بامتحانات الجامعة

وابني بيغلب

لمن يسكت بقوم ارتب الدار

وهيني جيت احكي معكم

[حواء مثالية]

يسعد مساكم
كيفكم

[جارة القمر]

يسعد مساكم يارب................

حواء ام عزمي .........كيفكم.............
نبض قلب يعطيك العافية لك زمان مش طاله ..........

اليوم رحت رتبت شعري قصيته كتغير ..............

[أم عزمي]

هلا جارة يسعد مساكي انتي و كل اللي هون
نعيما و مبارك قصة الشعر و الله انا شعري طويل و جوزي مو قبلان أقصه
انا أصلا ما بدي أقصره بس نفسي أقصه مدرج و أحط فيه لون بس جوزي مش حابب بيقولي الصبغة بتخرب شعرك و انتي شعرك ناعم كتير و أنا بحبه هيك
بس احتمال بعد ما أولد لأنه عندهم فرح و بدي أعمل تغيير يعني بدي أقصه مدرج بس على طوله بينفع صح
بس المشكلة انه شعري مش خميل و لا خفيف يعني ماشي حاله يمكن ما تزبط عليه القصة و لا كيف؟

[أم عزمي]

ام عزمي انا هون

عرفيني عليكي
هلا بيكي أنا هداية من خانيونس عمري 20 سنة حامل بنص التامن
و انتي؟ شكلك من زمان مسجلة هون بس ما شفتك و لا مرة

[Heba T]

مسالخييييييييييير

[جارة القمر]

ام عزمي انا قصيته على طوله ما قصرته بس اصلا شعري مش طويل لتحت كتفي بشوي .......
صاحبة الصلون كتير شاطره ولا مره طلبت منها قصة معينه بقول لها على زوءك وهي مواكبة الموضه
يعني دايما عندها اخر القصات فبركن عليها

التغيير حلو

[نبض قلب]

ام عزمي

انا هناء من غزة عمري 21 عندي ولد وبنت ولي متزوجة سنتين و شهرين و بدرس بالجامعة الاسلامية و باقي لي سنة

و انتي ؟؟

[نبض قلب]

جارة القمر شو اخبارك كم باقي لك على الولادة

ربنا يسهل لك و ما تتغلبي

[نبض قلب]

و نا كمان نفسي اقص شعري مدرج على طوله و اصبغه زهقت و هوا هيك
بس زوجي مو راضي

[أم عزمي]

صبااااااااح الورد و الفل و الأنوااااااااار
اليوم اول يوم لامتحانات توجيهي و الله حاسة فيهم
أختي و بنات عمامي 2 و ابن خالي و ابن عمتي بتوجيهي
و ابن عم زوجي و بنت عمته كمان يعني السنة حافلة عندنا الله يوفقهم جميعا هما و كل الطلاب و الله لا يضيع الهم تعب
يااااااااااااااااااااااااااااااااااااااااااااااااا ارب
ادعووووووووووووووولهم و لكل الطلاب الله يعينهم و الله بيخوفوا امتحانات توجيهي الهم رهبة

[أم عزمي]

ام عزمي

انا هناء من غزة عمري 21 عندي ولد وبنت ولي متزوجة سنتين و شهرين و بدرس بالجامعة الاسلامية و باقي لي سنة

و انتي ؟؟
هلا بيكي بحب اسمك لأنه متل اسم مرة أخي انشاء الله العمر كلو الك حبيبتي
و ربي يحفظهم ابنك و بنتك و الله يوفقك بدراستك يا رب
أنا صارلي سنة و نص متزوجة و ما عندي ولاد بس حملت وولدت ولادة مبكرة
و ابني توفى و هلأ أنا بنص الشهر التامن و الله يكملي عخير

[احساس أنثى]

صباح الفل ياصبايا فعلا اليوم اول يوم للتوجيهي عاملين جو بالشواررع هههه

ربي ينجحهم يارب ومايضيعلهم تعب

[Heba T]

والله الكل منور

توجيهي والله موضوع تاني الله يعينهم


شو طابخين اليوم؟

انا محتارة كتير

[Heba T]

تصدقو نفسي افوت هالصفحة و حد يرد عليا

[جارة القمر]

صباح الخير للجميع ..........
هبه ولا يهمك الصبايا هون قليل ما يدخلو اصلا يدردشو فبحس الواحد انه بيحكي مع نفسه هههههههههههه

الله يعينهم التوجيهي وينجحهم يارب ............

نبض قلب حبيبتي انا هلا بشهري اخر موعد 29-6 .
الله يخليلك اولادك ............

[جارة القمر]

اليوم ما رح اطبخ رايحه على بيت اهلي ...............

[حواء مثالية]

صباح الخير كيفكم شو الاخبار

انا خواتي التنتين توجيهي وابن خالي وسلفي وبنت خالتي

الله يوفقهم يارب ويسهل عليهم

[بينك روز]

صباح الخير صبايا كيفكم شو اخباركم
بنات بدي اسئلكم سؤال
انا كمان 10 ايام بفوت بالشهر التامن
ومعي وجع برجليه من فوووق واسفل بطني
الوجع الي برجليه كتير زي كأني بدي اطول
مين صار معها هيك

[حواء مثالية]

يا هلا اتوقع هاي عشان التوسعات انا صار معي هيك شي واكثر كنت احس شد باجري لما اكون قاعدة بدي اوقف اتغلب وتوجع كثير

[بينك روز]

اها
حواء صار معك الشي هاد بأي شهر تقريبا
بصراحة انا خايفة لانه انا لسه ما فوتت بالشهر التامن

[أم عزمي]

بينك روز
حبيبتي عادي أنا كتييييير بتعب من شد رجليا من فوق من عند الشريان اللي فوق خالص
هذا عادي لازم الحامل تزرر من التقل هيك ماما قالتلي

[حواء مثالية]

باخر السابع والتامن ومرات لهلا انا هلا باخرالتامن

انتي اذا حاسة الشي مذايقك كثير وتعبانة اتصلي على الدكتور او روحي اتطمني افضل

[أم عزمي]

هبة
حبيبتي متل ما قالت جارة الواحد مرات بيحس حالو بيتكلم مع نفسه
و بالنسبة للطبيخ طبخت صينية كفتة

[أم عزمي]

حواء مثالية
انتي الك خوات تنتين بتوجيهي هما توأم و لا وحدة مولودة بأول السنة ووحدة بآخرها
أنا لما كنت بالمدرسة كان عندنا بالفصل بنتين هيك وحدة مولودة أول السنة ووحدة بآخرها

[حواء مثالية]

هلا ام عزمي اي حبيبتي خواتي توأم

بعدين اختي جابت توام من شي سبع شهور ماشاء الله ولد وبنت

كثير حابه يكون عندي توام الله يطعمني مثل امي واختي

[أم عزمي]

انشاء الله حبيبتي ما في شي كبير على رب العالمين
و بعرف انه اللي بتخلف توأم بس احتمال تنتين من بناتها يجيبوا توأم مو كلهم
يعني أختك جابت توأم بالأول و انشاء الله انتي التانية بس بدك الصراحة تعب كبييييييييير أنا شفت أختي بالتوأم
بالحمل و بالولادة و بالتررررررررررربية عزاااااااب و اسأل مجرب و لا تسأل طبيب ههههههههههه

[حواء مثالية]

حلوين التوام صح متعبين

[بينك روز]

هلا ام عزمي حبيبتي
الحمد لله طمنتوني يابنات
والله الوجع فضيع اتصلت بامي احكيلها حكتلي ما تمشي وما تقعدي كتير على الكرسي
هاي تحسيسات ولادة
خوفت الصراحة حكتلي طبيعي ما تخافي
يارب قومنا بالسلامة يارب

[بينك روز]

يابنات والله توأم غلبة
مرت اخويه معها توأم ولاد والله منشفين ريقهم
بس حلوين هما

[أم عزمي]

بينك روز
حبيبتي ديري بالك عحالك كلو الا الولادة المبكرة أمانة أمانة أمانة عليكي ما تتعبي حالك
و نامي على جنبك اليسار و خليكي متمددة هيك حتى لو مش نعسانة و أهم شي روحي على دكتورتك أو اتصلي فيها
و الله يجيب اللي فيه الخير

[حواء مثالية]

حتى لو كان بيبي واحد والله تعب

[بينك روز]

ولا يهمك حبيبتي ام عزمي
بس انا مش حاسه بشي غير الوجع هاد الي برجليه من فوق
اكيد انتي حسيتي فيه متلي الفتره هاي

[Heba T]

بــــــــــــــــــــــــــــــــــــــــخ

[بينك روز]

هلا هبة ازيك شو اخبارك
اطمني ما خوفنا منك
^_^

[سما الدنيا]

هايز..........
ازيكم يا صبايا..عاملين ايه ......بما انو انا من عيلة المصري لازم احكي معكم مصري ......
انساكم ما في احلا من الفلسطيني...
المهم مشتاقه وقرات اخباركم واطمنت عليكم والحمد لله انو الكل بخير...
اطلعت الخميس عرام الله وارجعت المغرب وكنت تاركه الولد عند حماتي كاين مسكين مش راضي يشرب حليب وكل الوقت عياط مش ماخد الا قننتين حليب وهاد لما كاين يفرط من الجوع ياخدهم ..يا حرام لما اجيت شفتو دبلان ووجهو اصفر ضميتو وحرمت اسيبو لحالو الا ليكلر اشوي....

[حواء مثالية]

هبة منورة انا ما خفت بس برلنت خافت

[بينك روز]

هلا سما منوره حبيبتي
والله مابعرف كيف اجاكي قلب تسيبي ابنك والله انا من هلا بحكي ما بدي اسيب بنتي خالص
مش عارفه لما ارجع على الدوام شو راح اساوي
بس لما اولد ان شاء الله هعودها على حليب مساعد مشان ما تستغرب منه لما اتركها
انا عارفه بعين الله سما شو بدنا نعمل
هيك الدنيا

[أم عزمي]

حبيبتي بينك روز
أنا هلأ بنص التامن و رجليا بيشدو كتيييييير من فوق
بس بيصير معاي تقل و وجع برجليا و بقاع بطني بعد الجماع مع انه في أيااااااااام راحة عن الجماع
خجلتيني ههههههههههه

[أم عزمي]

بخ عليكي يا هبة ما بتخوفي هههههههه
سما وييييييييييينك من زماااااااااان يا حرام عليكي هيك معزباه لعمورة الله يسامحك

[بينك روز]

ههههههههههههههه
عن جد خشيلتي يا اوختي
هههههههههههههههههههه
الله يسعدك يارب

[حواء مثالية]

هلا سما كيف حالك مسكين عمورة يالله يوم وعدى

[Heba T]

بخ كمان مرة

معلش اصلو البيه الصغير ما كان ساكت

قررت اعمل اليوم بازيلا

وانتو؟

[أم عزمي]

ما احنا قلنالك صينية كفتة

[Heba T]

اها ما شفت يؤ

[أم عزمي]

يقطع شرك يا بينك بتتمسخري
ههههههههههههههههههه
آه خشليت يختي هههههههههههه

[أم عزمي]

بسيطة يا هبهب صحتين البازيلا هي الأكلة المفضلة لزوجي

[Heba T]

زوجي ما بحبها هع

بس مقلوبة بازيلا اوك

[أم عزمي]

عارفين يا بنات بدي أقولكم على شغلة مدايقاني كتييييييييير
بتنزل مني افرازات كتيييير بسبب الغرزة اللي عملتها عشان عنق الرحم واسع عندي لحتى أحافظ على الجنين من الولادة المبكرة
ياااااااااااااا الله شو مدايقاني هالافرازات و ريحتها بتغيظني بستنى متى أصير بالشهر التاسع و يفكوا الغرزة و أخلص من الافرازاااااااااااااات

[بينك روز]

هلا هبة من جديد
انا عاملة اليوم ستكات بموت فيها
مو عازمه حدا تييييييييييييب


بمزح اكيد كلكم معزومين

[أم عزمي]

أوووووووووووووووووه بينك أنا بدي آجي و معي زوجي كمان لأنه بنموووووووووووووت فيهم
و كمان هويدة ببطني الها نصيب ههههههههههههههههههه

[أم عزمي]

هبة انتي زوجك ما بيحب البازيلا
طيب كيف بتطبخي طبخة زوجك ما بيحبها؟؟؟
ليش ما طبختي مقلوبة صح بيحبها
و لا انتي بتتمسخري و بتقولي ما بيحبها بس بالمقلوب

[بينك روز]

الله يكون بعونك ام عزمي
معلش بتهون كلها هالشهر وبتخلصي من الحمل وبتشوفي بنوتك بين اديكي
بس الافرازات عند الكل مو بس عندك

[بينك روز]

والله بتنوري ام عزمي ياريتك بغزة
كان اجيتي عملتيهم انتي لاني حاسه حالي مكسله
لسه بدي اروح من الشغل واعملهم

[حواء مثالية]

اجيت علة ريحة الاكل

صحتين صبايا

انا هلا بوكل بشمام تفضلوووووووووووووووووووو

[نبض قلب]

كيفكم صبايا

بينك روز انتي وين بتشتغلي

صدقو لهلا ما تغديت
والطبيخ اللوبيا الخضرا هيو عالنار

[نبض قلب]

مين هون ندردش

انا عندي هالشي اني بطول بالنفاس يعني بعد بكرة بيصير 40 يوم و لهلا ما طهرت

بزهق *ما يروح فكركم لبعيد*

ولسا ركبت لولب و حيضل ينزل دم عبال ما جسمي يتعود عليه

[غُمُوض أُنثَى]

هلا فيكي نبض قلب

بعين الله ان شاء الله بتقومي بالسلامة بعد النفاس

وبترجعي للحياة

-

قرفـآآآآآآآآآآآآآآآآآآآآآآآآآآآآآآآآنـــــــــــــ ـــــــــــة موت
ياربي الغربــــــــة شو مقررررررررررررررررررررررررررررررررررررفة

صرت اتطاوش مع جوزي ع اقل شي والله منا طايققة حد وطول مبارح بعييييييييييط
بدي ارجع ع غززززززززززززززززززززززززززززززززززة متت

[سما الدنيا]

هلا غمووض منورة وهلا بكل الصبايا..
نبض قلب منورانا من زمان عنك اهلا وسهلا فيكي مرة تانية؟..
انا الي مدايقني انو شعري بالرضاعه عمالو بيتساقط حاسة حالي ما رح يضللي شعر شو اعمل...؟

[نبض قلب]

سما الدنيا اهلن بيكي

طبيعي تساقط الشعر

بعد فترة بيعاود يطلع بس انتي اهتمي فيه

[سما الدنيا]

انشالله الله يسمع منك..
كنت حابة ااقصو عشان يرجع يخمل بس انا قاصصتو مشفر وما بدي اقصرو كمان....

[بينك روز]

مسا الخير صبايا
روحت من الشغل وعملت الغدا ونمت وماجليت الجلي
قبل شوي صحيت عملت بسبوسه لزوجي طلبها مني كتير واليوم عملتها
وجليت الجلي وهيني بدردش معكم مين هون ندردش سوى

[احساس أنثى]

مساكم فل يصبايا

عم بسمع قومي تنرقص ياصبيه ^_^

[بينك روز]

نبض القلب حبيبتي انا بشتغل بشركة خاصة بالنقل والتخليص الجمركي والبريد الدولي الممتاز

[بينك روز]

بنات انا بفكر اصبغ شعري قبل ما أولد
شو رايكم بتصحوني بهيك شي ولا لأ

[سهى2012]

مساء الخير للجميع

كيفكم صبايا وكيف ببيهات

ان شاء الله تكونوا بخير وبسعادة

[بينك روز]

هلا احساس شو اخبارك ياعسل
انا عقلي صغير والله قاعدة بحضر في سبيس توووون
هههههههه

[بينك روز]

هلا سهى منووووووووووووره

[حواء مثالية]

مساء الخير بنات كيفكم شو اخباركم

سهى منورة ما يحرمنا هالطلة يارب شو اخبارك

سما طبيعي تساقط الشعر انا خلال فترة حملي قصيته مرتين وقبل اولد راح اقصه كمان مره عشان بطلع افضل

احساس منورة
\

بينك روز منورة ويعطيك الف عافيه

انا عملت معكرونة اليوم

[سهى2012]

هلا فيكم بينك وحواء

انا بخير كنت بزيارة لمدة يومين عند بيت حماي بخانيونس بس اقسم بالله ندمت على هالمشوار تعب ومرض وقرف

انا ماعد اطلع من بيتي الا ان شاء الله بس للمراجعة دكتورة وساعة ولادة روحت تعبانة كتير كتير وزاد وجعي بكل جسمي وكمان نكسرت طحونتي وتنكدت كتير بالمشوار كل وقت احكي لزوجي بدي اروح على بيتي وسريري بدي انام وجع دبحني برجلي وجسمي وتقل الحمل صار اصعب من اول ياصبايا ودخول الحمام اصعب واصعب صار بالنسبة لي هي اخباري كلها بتعب وتملل صح

[عيـ‘ـون المهـ‘ـا]

مسِـِ،ِـاء الخيـِـِـِ،ـر
أخبـــــــــــاركـــــم
***
الكِـِـل عم بيشكِـِـي ليــه ؟؟ و ااانا لسى جاي اشكي الي يومين بفضل الله داخله التامن تقل غير شكل حاسه خلص ما في مجال يتمدد البطن اكتر من هيك هههه

جــــارة القمـــر ::: مبروك اللوك الجديد طالعه حلوه عليكي هههه ,, انا اول ما حملت ما قصيت شعري ما شاء الله صار تحت الخصر بشي5 سم تاركته ان شاء الله لبعد الولاده
انا لونه كستنائي و كنت عامله خصل كراميل فاتح بس هلآ ما في شكل للقصه لانو طول ,, شو عم تمشي كل يوم ,,
صحتين على ورق العنب خبرينااااااا كيف طلع طالماااا انك اااول مره بتعمليه hwaml03

بينــــك روز ::: عااااادي في هاد الوقت هاد الوجع اااانا متلك على اخر السابع حسيت فيه و امبارح كان موعدي مع دكتورتي و حكتلي ما بتقدري تسوي شي ,,هاد من تمدد عضلات و عضام الحوض و من تقل الرحم ,,اهم شي لا توقفي كتير و لا تطولي و انت قاعده ,, بعين الله حبيبتي ربي يصبرنا

امـــــ عــــزمي ::: كيفك.؟.
صحه على الكفته ,,انا عملت لازانياااا
الله يعينك على الافرازات اناااا طول فترة حملي ما بشوف الافرازات ابداااا يااا دوب اقل من الطبيعي
طب ليه الربط بسبب افرازات ؟؟ اقصد انها بتأثر على عنق الرحم ,,!!

[عيـ‘ـون المهـ‘ـا]

هلا فيــــكٍ !! سهـــى !! حبيبتي
يعني بدل ما تغيري جو ,, تنكدتي و تعبتي بمشوارك
ان شاء الله تزوريهم المره الجايه بالعافيه و تنبسطي
حاولي ريحي حالك هاي الفتره لحين يوم الولاده ان شاء الله
المهم جنى بخير و بصحه
لسى ما قرروا الاطباء يوم ولادتك؟؟؟

[بينك روز]

هلا عيون المها
بتعرفي لما بشوفك والله برتاح نفسيا مابعرف ليه
حاسستك متل اختي لكبيرة مابعرف هيك شعوري
وبحسك حنونه كتير علينا الله يخليكي النا يارب
على فكره انا ما الي اخوات كبار انا اكبر وحده بخواني كلهم
يمكن مشان هيك بحسك اختي لكبار
بالنسبة للوجع والله دابحني هيني قاعدة على لسرير وحاطه رجلية على مسنده وراكزه ظهري
الله يكون بعونا
والله خايفه من الوجع هاد

[عيـ‘ـون المهـ‘ـا]

حبيبتي بينـــك روز ,, ربي يديمك و يعزّك
و دائما تكوني مرتاحة البال و الخاطر
ان شاء الله دائما نضل اخواااات في هالمكان اللي جمعنا
شعور متبادل
انا عكسك اصغر اخت نحنا 4 اخواات بس في اصغر مني اخوين
ذكرتيني باخواتي كتير اشتقت الهم
انا متلك معظم وقتي الفراااغ بضل ماده رجلي على مستوى هاي الوضعيه بتريحني

[عيـ‘ـون المهـ‘ـا]

صحيح بينك روز ~~::~~
بالنسبه لصبغ شعرك ليه ما تستني بعد الولاده افضل أو اذا كتير مضطره حاولي تطلبي انو ما يلمس الصبغ جلد الراس
(انتي شو ناويه تعملي خصل هايلايت و إلا صبغ كامل لكل الشعر تغير لون)
انا تاركه لبعد الولاده لانو كتير بسمع انو مو كويس الصبغ خلال الحمل فمن باب الاحتياط افضل تتجنبي,,انا بس بعمل خصلات بين شعري تموجات ,, بس ماجله كل هاد ان شاء الله بعد الولاده

غمُوْض أُنثَى
اكيد الغربه صعبه و الكل بشتاق لموطنه الاصلي
انا مشتائه لكل شبر في القدس خصوصا الاقصى و الصلاه فيه
بس نصيحه مني ما تضلك تشكي قدام زوجك هيك بتحسسيه انو هو المذنب في عدم سعادتك و انو وجوده مش كفايه لحتى تكوني راضيه و سعيده
اانا كنت اول سنه من وصولي لامريكا هيك و اضل حاطه البوم الصور و ابكي بس صرت كمان احس بالذنب لانو زوجي عمل المستحيل لحتى ما يخليني ما اشعر بالغربه
فصرت احاااول اتأقلم مع الجو و اطلع على الامور الحلوه
و انو في متلي كتير متغربين و انو زوجي كمان متغرب زيي و الو مشاعر متلي
فقررت اني احمل و بالفعل بعد ولادتي باسيل
حسيت انو الوضع صار بالنسبه الي افضل,, و وجود اسيل سد فراغي و صار فرحه الي
و كمان في كتير عايشين جنب اهلهم و مش سعداء

[جارة القمر]

يسعد مساااااااااااكم\
ما حد يحكي عن شد الرجل اليوم بشكي لامي اني وانا ماشيه بنفضح لما تشد اجري بموت منها
كاني ببحسه قاعد على وتر او عصب بس ثانيه بروح ما بطول الوجع ...........وسبحان الله رجل وحد هي اليمين


عيون المها اهلا بهالطله اهلا .............والله يا بنك روز سبقتيني بالحكي لاني كنت بدي اكتب لعيون المها اني بحسها
اختي لكبيره ههههههههههه بس فعلا متل اختي لكبيره نفس الاسلوب والطيبه .........عيون المها خلص انتي العمده هون
بالنسبه للمشي الله لا يورجيكم قال طلعت امشي مع مرت عم زوجي كل يوم بتمشي الله يسامحها ما مشيت صارت تركض وكل
شوي تقلي شدي اجرك ...........وانا طلعت روحي صرت بدي ابكي ............المشكلة خجلت اقلها تعبانه لانها قالتلي قبل المشوار انها بتمشي مسافه وبسرعه قلتلها اكيد بقدر توكلي على الله ...........

صرت اكل تمر الصبح والمسا ..............

سهى هلا حبيبتي ربي يهون عنك ........متى ولادتك بينت؟

[عيـ‘ـون المهـ‘ـا]

جــارة القمـر "" طلتك الاحلى
هههههه عمدة مين ,انا متنازل عنها , جاره بكفي زوجي بضل يحكيلي اهلا و سهلا
رئيسنا كيف رضاك عناااا ههههه,, اذا لانا و اسيل بدهم شي
بيحكيلهم زوجي اول شي اسئلو الريس ماما اذا وافقت انا ما عندي مانع ,,

دائما يحكيلي زوجي شخصيتك قويه و واثقه من نفسك
كنت اول زواجي متكبره شوي على زوجي (صريحه هه)بس غيرت نفسي هلآ بقدم كل طيبتي على طبق من فضه لبيتي و لسى بضل اقول مقصره بس طبعا تعاملاتي بره بيتي الها حسابات تانيه

[غُمُوض أُنثَى]

غمُوْض أُنثَى
اكيد الغربه صعبه و الكل بشتاق لموطنه الاصلي
انا مشتائه لكل شبر في القدس خصوصا الاقصى و الصلاه فيه
بس نصيحه مني ما تضلك تشكي قدام زوجك هيك بتحسسيه انو هو المذنب في عدم سعادتك و انو وجوده مش كفايه لحتى تكوني راضيه و سعيده
اانا كنت اول سنه من وصولي لامريكا هيك و اضل حاطه البوم الصور و ابكي بس صرت كمان احس بالذنب لانو زوجي عمل المستحيل لحتى ما يخليني ما اشعر بالغربه
فصرت احاااول اتأقلم مع الجو و اطلع على الامور الحلوه
و انو في متلي كتير متغربين و انو زوجي كمان متغرب زيي و الو مشاعر متلي
فقررت اني احمل و بالفعل بعد ولادتي باسيل
حسيت انو الوضع صار بالنسبه الي افضل,, و وجود اسيل سد فراغي و صار فرحه الي
و كمان في كتير عايشين جنب اهلهم و مش سعداء

اكـــيد حبيبتي انا معك بهالشي , كمان انا مآخدة زوجي عن حب

والله لو يروح آخر الدنيا بروح معاه , ودايما بحكيلو هيييييك

بس والله كتير كتير مشتاقة لآهلي خصوصا كتير علاقتي قوية بماما وبابا ودايما بفكر فيهم وانا الكبيرة واول وحدة بطلع من عند اهلي " الوضع صعب كتير "

وجوزي حرام والله دااااايما بيطلعني وشو ما بدك بعملك ياوردي عليا متل جوزك بأول سنة والله بيعمل المستحيل وما يشوفني هيك زعلانة او ببكي دايما بطلع وبتعرف ع ناس

بس انا لأنه لسا ما صارلي سنة متجوزة وانا كمان كنت حامل ونزلت .. اتدايقت كتير بس صارلي فترة منزلة وبفكر بالحمل بس موقفاه حاليآ لانو عاملة حسابي ان شاء الله اولد عند اهلي الصيف الجاي .. الله كريييييم .. وانا بحكي متلك انه الولاد بيسدوا فراغ كبير بتلتهي فيهم

انا تأقلمت عالوضع هون ومبسوطة كتير مع جوزي , بس بتيجي لحظات خلص عنجد بتحسي انك عااااجزة وبدك تشوفي اهلك ومش قادرة اكيد حسيتي بالشي هادا كتير

الله يخليلك بناتك يـآآآرب ويسعدك انتي وجوزك ويخليكي انك فهمتيني ورديتي عليا
كنت محتاجة شوية معنويات عالية ههههه وهلأ قاعدة بحكي مع ماما وبابا عالنت الله يخليلي ياهم يارب

يسعد مساكو صبـآيـآ

[غُمُوض أُنثَى]

بينك روز

بسمع انه الصبغة بالحمل مش منيحة بالمرررررة

انا بنصحك تأجليها لبعد الولادة

خليكي حريصة

[عيـ‘ـون المهـ‘ـا]

جـ ـ ـ ـارة القـ ـ ـمـ ـر & بـ ـيـ ـنـ ـك روز
بشكــــــــركم من كل قلبــــــــي

http://forum.hwaml.com/imgcache2/hwaml.com_1339285976_957.jpg

ليلــــه هـــــاديه

[سهى2012]

هلا فيــــكٍ !! سهـــى !! حبيبتي
يعني بدل ما تغيري جو ,, تنكدتي و تعبتي بمشوارك
ان شاء الله تزوريهم المره الجايه بالعافيه و تنبسطي
حاولي ريحي حالك هاي الفتره لحين يوم الولاده ان شاء الله
المهم جنى بخير و بصحه
لسى ما قرروا الاطباء يوم ولادتك؟؟؟


صباح الخير لعيونك ياعيون المها

هلا فيكي حبيبتي بعين الله الحامل فينا وبشهور الاخيرة مفروض ما تطلع ولا تترك البيت حتى ساعة الولادة انا تعزبت وتعبت عشان خاطر اولادي بدهم يطلعوا باجازة عند بيت سيدهم وطلعت فيهم بس كان على حساب صحتي وتعبي بس حرام قدروا موقف وطلبوا نرجع على بيت لانه كان مفروض يقضوا خمس الايام عند بيت سيدهم بس شافوني كيف تعبت وماعرفت انام حكوا خلص بس تولد ماما بنرجع
سألتيني متى راح يولدوني هما بيحكوالي حضر نفسي شهر جاي قبل رمضان بكون قربت اخلص تاسع وان شاء الله على خير

المهم انتي كيف وبنات حلوين ربنا يحفظهم لك يارب وتوأم شو عاملين فيكي هلاء اكيد زاد تقل حمل عندك ووزن صار من الاسفل البطن الله يكون بعونك ويقومك بسلامة يارب

[سهى2012]

صباح الخير ياصبايا

كيفكم اليوم وكيف اصبحتوا ان شاء الله يكون اليوم عليكم خير وسعادة

حبيبتي غموض مادايق نفسك وان شاء الله عن قريب بتشوفي اهلك الغربة صعبة وين ما تكون خصوصا اهل هي انا عايشة بغزة بس متل ما بتعرفي اهلي بتونس ودائما ببكي بدي اكون معهم وجنبهم وبتمر كتير علينا مناسبات وما بنقدر نكون مع بعض بس الحمد الله سنة وبعد 13 سنة بعيد عنهم قدرت اشوفهم واكون معهم وان شاء الله راح اكون دائما معهم ما راح ابعد عن اهلي اكتر من هيك لانه ماعد في عمر كتير اعيشه بعيدة عن اهلي واخواتي مهما كان زوجي واولادي اكيد ما راح يعوضوني عن اهلي وان شاء الله انتي حبيبتي تجتمعي مع اخلك واحبابك عن قريب وما تشعري بالغربة

[سهى2012]

يسعد الله صباحكم ويومك

ويارب يارب جميع يكونوا بخير وبصحة جيدة

برجعلكم ..........

[بينك روز]

صباح الخير عزيزاتي شو اخباركم
عيون المها حبيبتي والله انا بحب اغير لونه كله بعدين اعمل فيه خصل
بس خلص راح اعمله بعد ما أولد إن شاء اللها
ولا يهمك غموض راح اسمع نصيحتك ياعسل
عيون المها بجد انتي اجمل اخت إلي الله يديمك النا يارب

[احساس أنثى]

مساكم فل صبايا

انا بسمع في نسوان بيصبغو باخر شهر قال عشان لما يجي عليها الناس تكون بحله جديده

بس هادي اكيد عندها 10 ههههههههه انا مانصحوني قلولي بعد ال 40 الحرص واجب

[نبض قلب]

يسعد مساكم

شو عاملين

انا غسلت

[حواء مثالية]

يسعد مساكم وكل اوقاتكم يارب

كيفكم شو اخباركم

والله يا بنات صبحت مش طايقة حالي ذيقة نفس وحاسة نار بدها تطلع من جسمي لهلا صرت متحممة مرتين بمي باردة وعلى الفاضي اضافة لوجع ايدي مع النفاخ مفاصل اصابعي بوجعوني ما مصدقة ويخلص هالشهر وارتاح الاسبوع الجاي بنزل بالتاسع وحماتي بتقلي لسه التاسع اصعب الله يهونها علينا يارب ويخفف عننا باقي فترة حملنا وولادتنا يارب

سهى منورة لما تكوني هون كثير بنبسط كيف صحتك اليوم ووضعك ان شاء الله تمام

جارة ما تهلكي حالك بالمشي على مهلك بدك تقدري تولدي امشي كل يوم ساعة براحتك واعملي تمارين تانية بالبيت بتساعدك واشربي حلبة وزهورات اسمعت بتساعد بالتوسعات

[حيفا]

مرحبا صبايا كيفكم شو اخباركم ؟؟ظ
كيف هالشوب معكم ؟؟

والله ما انا طايقه حالي كل شوي بتدوش ههههههههه
مو جاي عبالي اعمل شي

[سوما ليبيا]

مسا الخير حواملنا الحلوات
كيف حالكم
انا اختكم من ليبيا حبيت امسي عليكم
يارب تكونو بصحة جيدة

[أم عزمي]

مسِـِ،ِـاء الخيـِـِـِ،ـر

أخبـــــــــــاركـــــم
***
الكِـِـل عم بيشكِـِـي ليــه ؟؟ و ااانا لسى جاي اشكي الي يومين بفضل الله داخله التامن تقل غير شكل حاسه خلص ما في مجال يتمدد البطن اكتر من هيك هههه

جــــارة القمـــر ::: مبروك اللوك الجديد طالعه حلوه عليكي هههه ,, انا اول ما حملت ما قصيت شعري ما شاء الله صار تحت الخصر بشي5 سم تاركته ان شاء الله لبعد الولاده
انا لونه كستنائي و كنت عامله خصل كراميل فاتح بس هلآ ما في شكل للقصه لانو طول ,, شو عم تمشي كل يوم ,,
صحتين على ورق العنب خبرينااااااا كيف طلع طالماااا انك اااول مره بتعمليه hwaml03

بينــــك روز ::: عااااادي في هاد الوقت هاد الوجع اااانا متلك على اخر السابع حسيت فيه و امبارح كان موعدي مع دكتورتي و حكتلي ما بتقدري تسوي شي ,,هاد من تمدد عضلات و عضام الحوض و من تقل الرحم ,,اهم شي لا توقفي كتير و لا تطولي و انت قاعده ,, بعين الله حبيبتي ربي يصبرنا

امـــــ عــــزمي ::: كيفك.؟.
صحه على الكفته ,,انا عملت لازانياااا
الله يعينك على الافرازات اناااا طول فترة حملي ما بشوف الافرازات ابداااا يااا دوب اقل من الطبيعي

طب ليه الربط بسبب افرازات ؟؟ اقصد انها بتأثر على عنق الرحم ,,!!

تسلمي حبيبتي شو هي اللازانيااااااااا
بالنسبة للافرازات بتنزل بسبب الربط لأنه الخيط يعتبر جسم غريب و الرحم جزء حساس لهيك بتنزل بس مدايقاني كتير الافرازات كمان الها ريحة كريهة و ممكن تسبب التهابات و كمان ممكن تسبب ولادة مبكرة مع انه الغرزة معمولة لمنع حدوث الولادة المبكرة بس الافرازات هذه منها شو أعمل الحمد لله على كل شي كلها أسبوعين و لا تلاتة و بفك الغرزة بأول أسبوع بشهري انشاء الله
بتعرفي صح كلام بينك روز أنا بحسك أختي الكبيرة لأنك كمان أكبر منا كلنا هون و تجربتك بالحياة طويلة و انتي أعرف منا بكل شي و بتنصحينا و بتفيدينا بخبرتك و كمان أكبر أخت الي عمرها 25 يعني أصغر منك و أنا يعني بالوسط في قبلي بنتين و ولد و في بعدي 5 بنات مهو احنا 8 بنات و ولد ما شاء الله 3 متزوجين و 5 بيدرسوا و أخي خلص دراسة و تزوج و عندو بنتين الله يرزقه بالصبيان

[أم عزمي]

لكل الصبايا
يسعد مساكم معلش ما فتت من مبارح بسبب قطع الكهربا
ما شاء الله فايتني كتيييييييير من دردشتكم ما بعرف ارد على شو و لا شو ههههههههه
الله يخليكم و نشوفكم دايما مبسوطين و بتدردشوا حبيباتي

[أم عزمي]

سهى
حبيبتي ما شاء الله عنك الله يديمك لولادك لا تتعبي حالك حبيبتي
الحمد لله يللي شفناكي

[أم عزمي]

غموض أنثى
ديري بالك عحالك و لا تعيطي كتير الحامل دايما عصبية بس بعين الله
انشاء الله نسمع انك بغزة عن قريب حبيبتي

[حواء مثالية]

يسعد مساكم

حيفا انا مثلك كل ساعة بتدوش

ام عزمي منورة الله يخليكم لبعض انتي واخواتك يارب

[أم عزمي]

سما الدنيا
طبيعي تساقط الشعر للمرضعة بهذه الفترة
و بيقولوا انه لما يصير شعر المرضعة يتساقط بيكون ابنها صار يعرفها
و ماما قالتلي عن سبب تساقط شعر المرضعة بس نسيت ليش؟؟؟ ههههههههههه
بس عنجد بيصير ابنك يعرفك من هلأ و رايح

[أم عزمي]

تسلمي حواء حبيبتي الله يمسيكي بالخير

[حواء مثالية]

ومساكي يا قمر

[حيفا]

حد حس بالزلزال ؟؟؟ ههههههه
شوب وزلازل لا هيك كتير
ربي اجرنا من نار جهنم يارب

[maya123]

مرحبا صبايا كيفكم؟

[غُمُوض أُنثَى]

غموض أنثى
ديري بالك عحالك و لا تعيطي كتير الحامل دايما عصبية بس بعين الله
انشاء الله نسمع انك بغزة عن قريب حبيبتي

اهلين حبيبتي ام عزمي

بس انا مش حامل هههههههه كنت حامل ونزلت

الله يسمع منك يا البي تسلميلي يارب ^^

[غُمُوض أُنثَى]

صباح الخير ياصبايا

كيفكم اليوم وكيف اصبحتوا ان شاء الله يكون اليوم عليكم خير وسعادة

حبيبتي غموض مادايق نفسك وان شاء الله عن قريب بتشوفي اهلك الغربة صعبة وين ما تكون خصوصا اهل هي انا عايشة بغزة بس متل ما بتعرفي اهلي بتونس ودائما ببكي بدي اكون معهم وجنبهم وبتمر كتير علينا مناسبات وما بنقدر نكون مع بعض بس الحمد الله سنة وبعد 13 سنة بعيد عنهم قدرت اشوفهم واكون معهم وان شاء الله راح اكون دائما معهم ما راح ابعد عن اهلي اكتر من هيك لانه ماعد في عمر كتير اعيشه بعيدة عن اهلي واخواتي مهما كان زوجي واولادي اكيد ما راح يعوضوني عن اهلي وان شاء الله انتي حبيبتي تجتمعي مع اخلك واحبابك عن قريب وما تشعري بالغربة


ياعمري انتي , ربي يخليكي الي يارب

وربنا يقومك بالسلااااااااامة ان شاء الله حبيبتي

وتشوفي اهلك وانتي بصحة وعآآآفية .. والله صح كلآآمك ما في حد بحل محل الاهل لو شو مآكـآن

وانتي مجربة الغربة وعارفة الاحساس كيف .. بس هلأ انتي خلآص رح ترجعي تسكني عند اهلك والله احلآآآآ شي تلاقيهم طايرين من الفرح ههههه

انا اهم شي اني مش بغربة للأبد .. هيا فترة كم سنة وراجعين نستقر بغزة الحمدلله وانا الصيف الي جاي راجعة ع غزة في الاجازة عشان اشوف اهلي

بعين الله شو بدنا نعمل .. ههههه هاي سنة الحيآآآآآآة وكل شي نصيييب

ديري بالك ع حالك حبيبتي ربنا يسمعنا عنك الاخبار الحلوة :))

[غُمُوض أُنثَى]

هلا مايـآ يسعد مسآكي كيفك ؟؟

وباقي البنات ..

نهاركم سعيد

[أم عزمي]

يسعد مساكم
غموض و مايا و كل البنات المتواجدين و اللي مو متواجدين

[عيـ‘ـون المهـ‘ـا]

يا هلا سهــــى نــــورتي الصفحــــه بحــــروفك
بتعرفي اني انبســــطت لمى حكيتي انو ولادتك ان شاء الله راح تكون قبل رمضـــان
لحتى نضل نشوفـــك,, كتير منيح انو وضعك مستقـــر و هيك جنى ربي يحفظهــا
وجودها في الرحم افضل لوزنها و نمو الرئتين
بنوتاتي بسلمــــو عليكي و شافوا صور ندى و فراس و محمد على الفيسبوك
و قرأت الهم تعليقك على صور لانا و اسيل كتير انبسطوا,,((طبعا عيونك الحلوين و انتي العسل))
توأمي بفضل الله بصحه و عافيه ,,اكيد التقل زاد علي ,, بنام بصعوبه
و عندي مفصل الرجل الشمال وجع ,, ربي يهونها
الحمد لله انك راح ترجعي و تجتمعي بأهلك عن قريب ,,
بتمنالك السعاده بقربهم

[جارة القمر]

جــارة القمـر "" طلتك الاحلى



هههههه عمدة مين ,انا متنازل عنها , جاره بكفي زوجي بضل يحكيلي اهلا و سهلا
رئيسنا كيف رضاك عناااا ههههه,, اذا لانا و اسيل بدهم شي
بيحكيلهم زوجي اول شي اسئلو الريس ماما اذا وافقت انا ما عندي مانع ,,

دائما يحكيلي زوجي شخصيتك قويه و واثقه من نفسك

كنت اول زواجي متكبره شوي على زوجي (صريحه هه)بس غيرت نفسي هلآ بقدم كل طيبتي على طبق من فضه لبيتي و لسى بضل اقول مقصره بس طبعا تعاملاتي بره بيتي الها حسابات تانيه



ما شالله عنك والله واضح من تعاملك الراقي ..........مهو اكيد مش بنت القدس ....
يا ارض اشتدي ما حد قدي ههههههههههههه


حواء الله يعينك فعلا اليوم كانت كتير شوب ..........روحت على البيت بعز الشوب
اول ما روحت شغلت التكييف ........... بس عادة بيتي بارد ...........

حيفا :دوش الهنا ان شالله .
شو شرفت دورتك ولا بعدها مع انه احساسي انك ما رح تشوفيها الا بعد 9 اشهر

ام عزمي : هلا ...........بحسك يا ام عزمي متل الجارات واحلى جارة والله انه بتجي وبتطمني وبدردشي وبتسمعي اخبارنا وبتحكيلنا اخبارك .............الله يديم هالطله


نبض قلب يعطيك العافية


سهى وغموض وعسوله يسعد مساكم

[جارة القمر]

مسا الخير حواملنا الحلوات
كيف حالكم
انا اختكم من ليبيا حبيت امسي عليكم
يارب تكونو بصحة جيدة


يسعد مساكي يارب

[عيـ‘ـون المهـ‘ـا]

مســـاء الــورد ام عــزمي
كيفــ؟؟ــــ اليوم ـــــك
اللازانيــــاااا
هي طبقات من المعكرونه العريضه و فوقها اللحم المفروم مع البصل و الزعتر و التوم
مخلوط بصوص خاص لللازانيا و فوقهم جبنه برمازان مبروش و طبعا بتكون اكتر من طبقه 3 او 4 طبقات

http://forum.hwaml.com/imgcache2/hwaml.com_1339344935_943.jpg
هاي صوره من النت لحتى تاخدي فكره كيف بتكون
عملها كتير سهل و طيبه بناتي كتير بحبوها هي اكله ايطاليه جربيها مممممم

مـــا شـــــــــاء الله
انتو 9 ربي يخليكم لبعض ,, نحنا كمان 9 بس نحنا 4 بنات انا اصغر وحده بالبنات
و 5 شباب ,, كلنا تقريبا متزوجين لهيك لمى تزوجت كان الوضع صعب علي
لاني متعوده على العيله الكبيره و اللمه ما بحب الوحده نهائيا
تسلمي الي الشرف اكون اختك الكبيره

ههههه بس ضحكتيتي على هالخبريه لمى يتساقط شعر المرضع بيسير ابنها يعرفها
شكلك انتي عندك خبره بالحياااااة اكتر مني
شوفي انا قرأت انو الام و هي حامل في الاسبوع ال28 بتقدر تحكي و تغني لجنينها لانو بيحكو انو بيسير يميز صوتها سبحان الله

طولت عليكي مسائك هااااااااادي

[عيـ‘ـون المهـ‘ـا]

عسولة فلسطين
النــا فتره ما عم منشوفك ؟؟
ان شاء الله تكوني بخير و عافيه(طمنينا عنك)
*********

[أم عزمي]

جارة الامر تسلمي انتي جارتنا يعني نحنا الأمر هههههههههه الله يخليكي و الله من الزهق دايما شاغلة حالي فيكم و بجن لما تكون الكهربا قاطعة
عيون المها صحتين اللازانيا من صورتها شكلها بتشهي خصوصا اني بموت بالمكرونة و كمان شكل الجبنة و هي سايحة مممممممممم بيجنن زكرني بالبيتزااااااااا ههههههههههه و الله يخليلك خواتك يا رب يعني انتي آخر العنقود
صحيح انه آخر العنقود سكر معقود هذا المثل بيلبقلك حبيبتي

[أم عزمي]

صحيح عيون المها
أنا دايما بكلم بنوتي و بخلي جوزي يحسها و يبوسها و يصبح و يمسي عليها
و كل يوم لما آجي انام بتصير تلعب كتيييييييير بصير أقول لجوزي هويدة راحت عالنادي هلأ معاد النادي عندها هههههههه
من كتر ما بتكون حركتها قوية صح بتعزبني بس والله بمووووووووت عليها و هي بتخابط هههههههههه

[إم يامن]

مرحبا كيفكم صبايا

يابنات انا بنص السابع وعم حس بوجع بالحوض يعني اعلا الفخاد خالص عادي هالشي ولا كيف في حد منكم حس بهالشي متلي
بكون قاعدة بدي اقوم امشي دغري بحس بوجع بالحوض
hwaml15hwaml15hwaml15hwaml15 ايمتى يمضى هالحمل غخير وسلامة ونخلص بديت احس بالملل نفسي اولد وارتاااااااااااح

[أم عزمي]

صحيح و الله العسولة زمان ما بينت يمكن على هوى قطع الكهربااااااااا أصلها شي بيغيظ و بيعطل الواحد عن شغلااااااااااات كتييييييرة بس انشاء الله يكون هذا السبب و ما تكون تعبانة الله يبعد عنك كل سوء يا عسولة فلسطين

[أم عزمي]

هلا أم يامن
عادي هذا الشي طبيعي بس لا تتعبي حالك
و لا تضلك تقولي زهقت من الحمل أنا كنت أقول هيك بالبطن الأول وولدت بآخر السابع و خسرت ابني تمنيت انه يرجع و احس بحركته و يضل لآخر التاسع
بس خلاص الحمد لله انا هلا بنص التامن و من كتر التعب بتمنى متى أخلص حملي على خير و سلامة
الله يتمم النا كلناااااااااااا على خيييييييييييييير

[إم يامن]

هلا أم يامن
عادي هذا الشي طبيعي بس لا تتعبي حالك
و لا تضلك تقولي زهقت من الحمل أنا كنت أقول هيك بالبطن الأول وولدت بآخر السابع و خسرت ابني تمنيت انه يرجع و احس بحركته و يضل لآخر التاسع
بس خلاص الحمد لله انا هلا بنص التامن و من كتر التعب بتمنى متى أخلص حملي على خير و سلامة
الله يتمم النا كلناااااااااااا على خيييييييييييييير

الله يقيمك بسلامة وتفرحي بهويدة يارب وتخاويها على 40 تحملي تاني مرة ههههههههههههههه

[أم عزمي]

الله يخليكي ام يامن
أنا بعد هويدة بتلات سنين لما أفكر أحمل تاني و طبعا كل شي بايد الله

[حواء مثالية]

مساكم عسل يا بناااااااااااات

[جارة القمر]

مساكي يا حواء فل وياسمين
مين سهران ..........

انا هلا دخلت البيت كنت امشي ..............

[نبض قلب]

الله يسعد مساكم

عمالها اجت الكهرب
و زوجي طالع و ابني نايم و بنتي صاحية

قلت اقعدلي شوية

سدقو سرت احب اقعد عالمنتدي

اشتاق ليكم

[نبض قلب]

شو بتقترحو اخد فصل صيفي و اخلص الجامعة كمان سنة

ولا ما اخد بس بتأخر فصل يعني بيضل لي 3 فصول مو 2

[جارة القمر]

نبض قلب خدي صيفي
الله يعينك عليه بس هيك بتخلصي بسرعه لانه الصيفي قصير ...........

يلا بنات تصبحو على خير

[بينك روز]

مسا الخير بنات شو اخباركم
معلش ما كنت كتير اليوم معكم
لانه الكهربا كانت قاطعة بالشغل والبيت وقبل شوي اجت
طمنوني عنكم وحشتوني والله كلكم

[بينك روز]

جارة القمر
يعطيكي العافية يارب تكون ولادتك سهلة وتيجي تحكيلنا قصتك
والله زوجي من اليوم متشوق امتى افوت بالشهر التاسع مشان يمشي معي
كتير متحمس للموضوع خصوصا اني بفوت بشهري مع بداية شهر رمضان
بقولي بنفطر وبنصلي التراويح وبنطلع نتمشى كل يوم
هههههههههه
من الفرحه استعجاله على بنته بده اياني اولد من اول ما افوت بشهري

[بينك روز]

نبض القلب
انا كمان بنصحك تاخدي صيفي هيك بتخففي عنك شوية مواد
وكمان بتكون المده اقصر
الله يوفقك يارب

[عسولة فلسطين]

مسا الخير عليكم جميعا
عيون المها ،، أم عزمي الله يسعدكم وشكرا ع السؤال
الحمدلله انا تمام وبخير بس لأني رجعت ع بيتي وقلبته قلب وغيرت فيه شوي
اشتقتلكم يا بنات كتير طمنوني عنكم
جارة الله يهونها عليكِ يااااارب وتقومي بالسلامة انتي وسري
نبض قلب لو قادرة توخدي صيفي خدي بيريحك أنا كنت كل صيفي آخد
انتي بأي جامعة ؟؟ وايش بتدرسي؟
انا كنت بالاسلامية .....
تحياتي للجميع

[بينك روز]

بنـــــــات انا بكره صايمة مين تصوم معي وتشجعني
عليه يومين قضى ما قضيتهم مع اني صايمة ايام زيادة بس خلص حملت وماقدرت اكمل

[بينك روز]

هلا عسوله منوره حبيبتي
وين انتي غاتسه ما بتبيني ليكي وحشه والله وافتقدنالك

[عسولة فلسطين]

يسعدك مساكِ بينك
الله يسعدك يارب
والله يتقبل منك .... انا نفسي اصوم بس اشوف ايش آخرتها مع النفاس؟؟؟
جننتني بس نقط الله يكرمكم مش عارفة ايمتى اخلص؟
كيف امورك؟

[نبض قلب]

بينك روز ، عسولة فلسطين شكرا ليكم

عسولة فلسطين انتي كم عمرك و شو درستي بالجامعة

وانت وين كاينة مشان تقولي رجعت عبيتي و قلبته قلب



انا بالجامعة الاسلامية بدرس لغة عربية

[نبض قلب]

و نا يا بنك روز نفسي اصوم بس النفاس بكرة بربعن

بيصيرلي 40 يوم والدة

عقبال جميع الحوامل تولدو بالسلامة يا رب

[بينك روز]

اها يلا ان شاء الله بتصومي بعد هيك
صحيح نبض احكيلنا قصة ولادتك
ما حكتيلنا

[بينك روز]

هلا عسوله انا تمام
والله حاسه فيكي انا لما نزلت قبل حملي هاد كان يسير معي هيك
شو بدنا نعمل بدك تتحملي
يعني هيك انا صفيت لحالي مابده حد يصوم معي
اهئ اهئ اهئ
شجعوني بنااات

[عسولة فلسطين]

الله يوفقك يا نبض وتخلصي الجامعة بخير
وفعلا فرحة التخرج بتجنن شعوووووووووووووور لا يوصف
نا عمري 23 سنة متخرجة لغة انجليزي
انا حبيبتي كنت عند بيت أهلي بعد ما نزلت توأمي وطبعا بحملي كنت ما اشتغل ببيبتي كتير كنت مرتاحة وكانت ماما تيجي تشتغلي فيه الله يعطيها الصحة والعافية...

يللا بيعين الله بينك اتسحري منيح وصدقيني ربنا بيهونها عليكي والله يتقبل...دعواتك عند الافطار

تصبحوا على خير يا صبايا

[جارة القمر]

صباح الخير شو يا بنك روز القرار المستعجل للصيام
اللي فترة بقول مين تشجعني وتصوم معي ......\\

انا علي يوم ...............يعني ان شالله بالكي بكرا اصوم معك ,,,,,,,,,,,,,بس قوليلي كيف صيامك اليوم كان ...
بس يمضي ....لانه الله يعينك لنهار طويل...........

عسولة الله يسعدك ويوفقك على الدعوة .........بالنسبه لاسم سري ما استقرينا عليه بقول لزوجي
خلص ما في داعي انسمي الولد جبنا كل الاسماء اللي بالدنيا ولا شي اخترنا،
الاسماء اللي كانت مقترحه رح اكتبها عشان ممكن انكم تستفيدو منها:

ليث
سري
جود
كنان
ركان
كيان
امير
يامن
يمان
مهران
اوس
قصي
قيس
ادم
واخرها وكتير اعجبني وما اعجب زوجي اسم رازي

واخيرا زوجي حسم الامر ههههههههههههه بقولي بدنا انسمي زيد ...........

بس انتظروا لبكرا رح انغير رأينا هههههههههههههه

[بينك روز]

صباح النور جارة كيفك ياقمر
والله انا هلا بالساعات الاولى من الصيام
ولسه باقي عليه يوم تاني بس شكلي ما راح اصومه بكره
لانه بكره بتكون الكهربا قاطعة عنا من الساعة 3 الظهر للساعة 10 بالليل
فهصوم بعد بكره اليوم التاني
لانه بجد صيام وقطعه كهربا كمان ما بسير والله هيك بتعب
وان شاء الله اخر لنهار بقولك كيف كان لصيام معي
بس ادعولي ربنا يقدرني

[بينك روز]

يا جماعة سلفتي شكلها هتولد اليومين هدول
لانه اليوم اخر يوم بشهرها وامبارح كان معها طلع وودوها على المستشفى بس روحها لانه لسه مو حالة ولادة
الله يهونها عليها يارب ويقومها بالسلامة

[حواء مثالية]

صباح الخير

كيف اصبحتم اليوم

[Heba T]

حواء مثالية صباح الخير


كيف صباحك انت؟

[حواء مثالية]

الله يكرمك يا رب

الحمدلله رضا من رب العالمين

[بينك روز]

يابنات سلفتي بتولد راحت على مستشفى الخدمة العامة ونقلوها على مستشفى الشفا
يارب تقومها سالمة يارب ادعولها الله يخليكم

[بينك روز]

هلا حواء وهبة منورين حبيباتي
معلش ما نتبهت عليكم وانتو بتحكوا
من فرحتي بسلفتي ههههههههههه
والله خايفة عليها