دردشة بنات ليبيا , دردشة حوامل ليبيا , تجمع بنات ليبيا

[ابتسامة الصباح]

السلام عليكم والله ليكم وحشة يا بنات كيف حالكم كلكم من غير استثناء ومبروك علينا الفرحة وان شاء الله كل عام فرحانين وربي يهني بلادنا يااااااااااارب ويحفظها من كل سوءhwaml50

[ليبياقلبي]

السلام عليكم انا تعبانة عندي التهاب مسالك حاد مدايرلي لية في بطني لين نازلة علا كيس البيبي عطتني الدكتورة دواء فنتلوين لانه مضايق غلا الرجم وغطتني ادوية ادعولي

[أم أجنادين 80]

صـــــــــــــباح الخيرات
كيف حالكم كلكم
انا نايضة بكري اليوم قلت خلي انصبح عليكم
اتفكرت ايام يقين لما كانت اتساير فيا الصبح هيا ورغودة

[رغوده2006]

ام اجنادين ياصباح الانوار
كيف حالك وحال زوزك

[dr.loly]

السلام عليكم كيفكم اليوم


ام فراس ربي قومك بالسلامه واتجيك ولادة سهله وميسرة يارب

اني اهو تعبانه قاعدا انعاني من الوحم والريق المر عدددددددددددددددددددداب

راجلي جاييب مصارين جمل يبي عصبان بالله قولولي كيف نغسلهم وهما ملويات ماعرفتش نقلبهم حاله وخلاص تو وقت العصبان تخايلو وحم وحمل وعصبان ومصارين وحوسه
وعليكم السلام شخبارك اختي حنين وربي يسهل عليك.... يقولو مضغ اللبان يخفف الوحم
و بصراحة مش جو مصارين....

وحالي حال الضغط تخيلي الدكتور قالي دخول ونعطوك لية صنــــــــــآعية واحتمال عملية رعشني بجد
وقالي تجي عند د.زكريا لنقي يتمم اجراءتك جيته قالي تستمري ع حبوب الضغط والاسبيرين

وليه صناعية تزيد الضغط hwaml03يعني عملية بس انتي مازلتي في السليم... دوخوني بجد ويستر
الله

اهم شئ ماصارش من الدخووول...

[ساجدة]

السلام عليكم يابنات بلادي..... وكل عام ونحن بألف خير وليبيا بخير يارب ويدوم علينا الأفراح.....أم فراس ربي أن شاء يسهلك ويقوما بالسلامة يارب يا كريم يا كريم

[dr.loly]

وعليكم السلام ورحمة الله وبركاته

اهلا اختي ساجدة وكل عام وانتي بخير وان شاء الله كل دكري استقلال تكون هكي فرحة وخيــر
وبارك الله فيك عالدعوة الطيبة

[ميمي 17]

http://www.abotlal.com/vb/imgcache/18960.jpg

[dr.loly]

الســــــــــــــــــــــلآم عليكم ورحمة الله وبركاته

جمعتكم مبـــاركة ان شاءالله

[شموسه 88]

السلام عليكم ورحمة الله وبركاته

[شموسه 88]

ام نوزه ان شالله لاباس عليكي طمنينا عليكي اوربي ايتملك حملك عل خير
حنين ربي اينوضك بسلامه
ام فراس كل توخيره فيها خيره ربي ايجيرك من العمليه تبي اتجيبي هنا في بنغازي وان شالله اتنوضي بسلامه
ام معاد وينك غاطسه ان ياربي اتكوني جبتي او خلصتي عل خير
اثري العسوله تعالي قولينا شن صار في النتايج "قمحه ولا شعيره" اونرجوا في الحفله
ابتسامه كيف حالك اوحال سنفورك او غزالك او شن جو ماليزيا
اوشي شن اخبارك انتي اتغيبي واتغيبي بعدها اتقولينا نبي ذبيحه او عصبان والله ماعندنا جحد له
ام اجنادين اورغوده او يقونه او ام وسونه اوسوسو اوعيون تعال ديرول لتجمع اشويه انعاش

[dr.loly]

اهلا شموووسه شن اخبارك ..؟ وين مختفية
وان شاء الله بنجيب في مصحة ابن سينا...
الضغط تعبني وهبلني بس حاليا دايخة اليوم شفت دكتورة الصبح قالت ان شاءالله ح تجيبي طبيعي ويستر الله

[شموسه 88]

ام فراس
ان شالله ربي اينوضك بلسلامه امتا موعدك بلضبظ او من دكتورتك؟

[dr.loly]

موعدي حسب السونار 7 3 طبعا هدا الاقرب لاني حملت وانا نرضع....بس اليوم الدكتورة قالتلي خلال هالاسبوع لاني ثلتي الراس نازل بالحوض...
طبعا من حملتي بفراس لعند الثامن وانا كل مرة دكتورة هبلني مايفيدنش... ولا وحده قالتلي جنس البيبي لعند طحت في دكتور مصري اسمه نهاد خليفه في ابن سينا كويس بس في الثامن بيش عرفته عاد وقتها...

وفي حملتي هدي نراجع عنده من الاول لعند نهاية السابع للاسف سافر اجازة لمصر 3 شهور... حولني عالدكتور محمد رافع
هدا اللي دارلي دخول بيديرولي لية صناعية قبل عشان خافو من الضغط....

بعدها جا الدكتور زكريا لنقي بعد راجعت عنده قال لا ماتستحقيش وراجي موعدك فرحني ههههههههه.... بس ويستر الله

[dr.loly]

السلام عليكم ورحمة الله وبركاته
خلاص اليوم ماشية عند هلي**** ببنغازي
عشان مصحة ابن سينا
وان شاء الله انجي لحوشي وابنيتي في يدي... المرة الجاية
أستودعكم الله

[اوشي]

السلام عليكم

[اوشي]

ربي يشفي الجميع وينوضكن علي خير وسلامة

[اوشي]

شموسة ... اخبارك ياحبيبة خلاص لا ذبايح لا عصابين

تسلمي

[اوشي]

hwaml02hwaml02hwaml02وتوة باي


hwaml7hwaml7hwaml7

[شموسه 88]

السلام عليكم ورحمة الله وبركاته
خلاص اليوم ماشية عند هلي**** ببنغازي
عشان مصحة ابن سينا
وان شاء الله انجي لحوشي وابنيتي في يدي... المرة الجاية
أستودعكم الله
ربي اينوضك بلسلامه اونسمعوا عليكي خبر خير مصحه ابن سينا اقريبه مني انا في عمارات 7000 لجنبها تو انديرلك زياره

[dr.loly]

السلام عليكم ورحمة الله وبركاته

[dr.loly]

مرحبا بيك شموسة في اي وقت زيارتك حتشرفني

[أمل ليبيا]

السلام عليكم
كيف حالكم يا بنات بلادي الله يسعدكم ويهنيكم ان شاء الله
نبي منكم استشارة لو سمحتو انا حاليا في امريكا وليا خمسة شهور متزوجه وماصارش حمل ومادابيا مانبيش نخش في المستشفيات من توا انا دورتي ماشاء الله منتظمه كل 28 يوم
لكن
انا في بداية ايام التبويض وامس بعد ماصار جماع حسيت في نصف الليل حسيت بوخز والم في بداية المهبل وهذه صارتلي حتى الشهر الي فات وانا خايفة تكون اعراض التهابات فانتم شن رايكم ولو كانت التهابات كيف نتخلص منها باقصى وقت❔‼
سألتكم بالله ساعدوني
في انتظار ردودكم

😢😢😢😢😢😢
❔

[ساجدة]

أهلين وسهلين وهلا والله ..... أنستينا ونورتينا أختي أمل ليبيا ومرحبتين بيك في أي وقت مع أني أنا ماندخلش ديما....وحتي أني زيك قاعده في بريطانيا وغربه وما عندي من نسأله والمستشفيات هنا نظامهم صعب مش كيف عندنا في ليبيا في كل وقت معاينه هنا لازم موعد قبلها وقصه وسين وجيم......طولت عليك مصدقت لقيت وحده بره......نرجع لموضوعك ونقولك عاااااااااااااااااااادي جداً جداً لا التهابات ولا شئ أي خوف أن شاء الله مافي إلا الخير كان عندك التهابات رآه اتحسي في ليه كيف ليت الدوره وحرقان في البول (أكرمكم الله)،،،،،،، واحتمال كبير أن التبويض عندك المره هذي قوي شوي هذا عليش حسيتي الالم ،،،وان شاء الله ايصير حمل ....

[أمل ليبيا]

بارك الله فيك اختي ساجده طمنتيني الله يطمنك ومرحبتين بيك حبيبتي نتشرف بمعرفتك😊

[شموسه 88]

السلام عليكم

كيف حالكم يا بنات بلادي الله يسعدكم ويهنيكم ان شاء الله
نبي منكم استشارة لو سمحتو انا حاليا في امريكا وليا خمسة شهور متزوجه وماصارش حمل ومادابيا مانبيش نخش في المستشفيات من توا انا دورتي ماشاء الله منتظمه كل 28 يوم
لكن
انا في بداية ايام التبويض وامس بعد ماصار جماع حسيت في نصف الليل حسيت بوخز والم في بداية المهبل وهذه صارتلي حتى الشهر الي فات وانا خايفة تكون اعراض التهابات فانتم شن رايكم ولو كانت التهابات كيف نتخلص منها باقصى وقت❔‼
سألتكم بالله ساعدوني
في انتظار ردودكم

😢😢😢😢😢😢
❔



وعليكم السلام ورحمة الله وبركاته
هلا بيكي اختي اموله انستيا اوشرفتينا حبيبتي لي صار عادي مش اللتهابات اصلا زي ماقالت اختي ساجده اللتهابات اعرضهن مغص غير محتمل "ربي ايفكك منهن "اوحرقان عند البول او جماع او نزول افرزات لونها اصفر
علشان هكي طمني روحك او ان شالله ياربي ماعاد اتشوفيها الدوره الا بعد تسع اشهور انتي اوكل متمني

[ساجدة]

وفيكي بارك الله أختي أمل ليبيا... وان شاء الله أيكون حمل وتبشرينا يارب

[أم أجنادين 80]

مساء الخيرات
كيف حالكم

[ام معاد]

السلام عليكم كيف حالكم وخياتي كلكم وشن اخباركم
نبشركم اني جبت يوم الاحد الساعة واحد ليلا وجبت ولد وسميناه (أبان) علي ولد عثمان بن عفان رضي الله عنه

[شموسه 88]

السلام عليكم كيف حالكم وخياتي كلكم وشن اخباركم
نبشركم اني جبت يوم الاحد الساعة واحد ليلا وجبت ولد وسميناه(أبان) علي ولد عثمان بن عفان رضي الله عنه

وعليكم السلام ورحمة الله وبركاته

خيتي ام معاد ماشالله تبارك الله الف الحمدلله عل السلامه ربي يحفظه لكي اويطولك في عمره ويكون من حفظة الفران وان شالله ماتعبتش في الولاده مش اتجي تحكيلنا قصت ولادتك

او عاشت الاسامي الاسم حلو الحق

[ام معاد]

الله يبارك فيك شمووووووووووووووسة الحمد لله علي كل حال ، التعب متعبتش هلبة الحق

[goldrose]

السلام عليكم كيف حالكم وخياتي كلكم وشن اخباركم
نبشركم اني جبت يوم الاحد الساعة واحد ليلا وجبت ولد وسميناه (أبان) علي ولد عثمان بن عفان رضي الله عنه
ماشاء لله الحمدلله علي السلامه والف الف مبروك يتربى في عزكم

[شموسه 88]

السلام عليكم ورحمة الله وبركاته
كيف حالك يا صبايا خير ان شالله معش في حد ايخش ايهدرز

[شموسه 88]

ام فراس طمنينا عليكي ان شالله اتكوني جبتي اوخلاصتي عل خير

[شموسه 88]

ام نوزه والله مشغوله عليك ربي ايتمملك حملك عل خير

[أثري في مدادي]

السلام عليكم كيف حالكم وخياتي كلكم وشن اخباركم
نبشركم اني جبت يوم الاحد الساعة واحد ليلا وجبت ولد وسميناه (أبان) علي ولد عثمان بن عفان رضي الله عنه

ملالالالالالالالالالالالالالالالالالالالالالالالال الالالالالالالالالالالايين التبريكات
وحمدا لله على سلامتك وسلامة "" أبون """ الغالي
طيب فيك افضتيه من عظيماتك
والعقبة للبقية الحوامل
والعقبة للي خاطرهم
ويعاون اللي عندهم
وإن شاء الله إنت نحيتي وأوخيتك أم ورد تلبس ~~~~~~~~~~~~ آمين

السلام عليكم ورحمة الله وبركاته
كيف حالك يا صبايا خير ان شالله معش في حد ايخش ايهدرز
أهو أني جيت ،،،،،،،،،،،،،،،،،،
على سلامتــــــــــــــــــــــي
وينكم إنتم يا حلووووووووووووووووووووووووووات ؟؟؟

[أثري في مدادي]

مشيت .......................
نمــــــــــــــــــت .....................
وجيت وامفيــــــــــــــــــــــــش حـــ~~~~~~~~ــــد
؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أسعد الله صبلحكن بالخير
وعمرت أوقاتكن بالطاعات

[شموسه 88]

مشيت .......................
نمــــــــــــــــــت .....................
وجيت وامفيــــــــــــــــــــــــش حـــ~~~~~~~~ــــد
؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أسعد الله صبلحكن بالخير
وعمرت أوقاتكن بالطاعات

السلام عليكم ورحمة الله وبركاته
ياهلا باثري العسوله كيف حالك اوحال دودي او عللولي ان شالله ايكون ابخير
طمنيني شن صار في نتيجتك ولا تبي نهربي من لمه
انا توا ماشبه لحوش هل داري "هل زوجي"متغدين غادي كل حوش حاط مبلغ او متغدين احويتات جاهزات "حشا اعيونكم"
ان شالله بعدين انجي انهدرز

[أم سعد]

السلام عليكم

أم معاد .. ألف مبروك يتربى في عزك ان شاء الله من حملة الكتاب

شن في أخبار تاني

ليكم وحشة كبييييييييييييييييييييرة

[dr.loly]

السلام ورحمة الله وبركاته
كيف حال جميع البنات ان شاءالله تمام
حمدلله ع سلامتك ام معاد وان شاءالله من حفظة القرآن
وعقبالنا يارب

ومازلت قاعدة انراجي ياشموووسه والله نعد في الساعات ونراجي في الساعه 12 ليل كل يوم عشان يمشي النهار ويخش تاريخ جديد
اهو بعد اشويه ماشيه فرح صاحبتي بقاعة فينيسيا نغير جو جايبين ناديه ستار

[شموسه 88]

السلام ورحمة الله وبركاته
كيف حال جميع البنات ان شاءالله تمام
حمدلله ع سلامتك ام معاد وان شاءالله من حفظة القرآن
وعقبالنا يارب

ومازلت قاعدة انراجي ياشموووسه والله نعد في الساعات ونراجي في الساعه 12 ليل كل يوم عشان يمشي النهار ويخش تاريخ جديد
اهو بعد اشويه ماشيه فرح صاحبتي بقاعة فينيسيا نغير جو جايبين ناديه ستار
باهي ماشالله غيري جو قبل مااتجيكي الوعوععععه
ربي اينوضك بسلامه ان شالله

[ام وسونة]

السلام عليكم

كيف حالكم وخياتي مبروك عليك يام معاد ويتربى في عزك

شموسة كيف حالك وحال السنافر

وخيه اتري وينك رهو مسجلينك غياب انتي وام سعد ههههههههه

كيف حال كتاكيتكم ورجالتكم

ام فراس ربي يخلص عليك وتنوضي بالسلامة يارب

[hanane amir]

salam banat ana men maghreb o tchawe9t nedkhol had dardacha dyal libya o net3aref 3likom

[اميره ع]

السلام عليكم هل من ترحيب انا جيت

[ساجدة]

أهلا وسهلا بيك أختي hanane amir وسط خواتك الليبيات ونورتينا وتفضلي في أي وقت،،،،،،،،مرحباً بيك أختي أميره ع

[سوما ليبيا]

مسا الخيراااااااااااااااااااااااااااااااااات


وحشتونيييييييييي موووووت مووووت


كيف حال سوسو واثري واجنادين وشموسة كيف حالك مرة شفت الصورة فالتي في خطرتي عليا
وام معاد وام ورد كيف حالهم


شن صار بعدي من جاب ومن حمل؟؟؟؟


ومن جي جديد؟؟؟

[ام معاد]

السلام عليكم اهلا سوما شن اخبارك وجبتي ولا اني جبت ولد وليا عشرة ايام جايبة الفال عندك ان شاءالله وتقومي بالسلامة

[يقين]

السلام عليكم

[يقين]

والله ليكم وححححححححححشه كبييييييييييييييره

[يقين]

ام معاذ حبيبه الف الف الف الف مليون مبروووووووووووووووك وحمدلله علي سلامتك وسلامه البيبي ربي يخليه ويتربى في عزكم ومن حفظه القرآن يااارب

[يقين]

كيف حالكم كلكم دون استثناء

[ليبياقلبي]

الف الحمد لله عالسلامتك ام معاد وان شاء الله بطول عمره وان شاء الله يكون من حفظة كتاب الله وربي يبارلك فيه الاسم حلو واحتمال تصير فيه سرقة لو البببي وليد

[ليبياقلبي]

يقونة حبيبتي ووووووووووووووووينك مغطسة هالتغطيسة
شموسة صحتي ياحلوة والله اللية متاع المسالك كعادة وناخد في العلاج وربك يسهل
اتري وام فراس وام اجنادين والكل شن اخباركم

[dr.loly]

السلام عليكم ورحمة الله وبركاته

كيف حالكم يابناات ...... ادعولي ربي يسرع ولادتي اليوم سكرت التاسع ومافيش بوادر ولادة....المشكله ورانا سفر في شهر 4 وانتمني مانطولش اكثر عشان نسافر متريحة اشوية كان جبت بالسلامة وحتي كان نافس....ويسترالله

[شموسه 88]

السلام عليكم ورحمة الله وبركاته

كيف حالكم يابناات ...... ادعولي ربي يسرع ولادتي اليوم سكرت التاسع ومافيش بوادر ولادة....المشكله ورانا سفر في شهر 4 وانتمني مانطولش اكثر عشان نسافر متريحة اشوية كان جبت بالسلامة وحتي كان نافس....ويسترالله
وعليكم السلام ورحمة الله وبركاته

ام فراس مااازاتي ماجبتي كانها لصقه البنت هههههههههههه ربي اينوضك بسلامه كل توخيره فيها خيره انا من فبل في عبسي فتت موعدي 10 ايام مانحكيلكش عل الملل سوال وين تبي اتسافري

[شموسه 88]

بنااااااات كيف حالكم شنو هل التغطيس هضا يقوووووووونه كيف حالك اوحال هيموا اوفروتي ام نوزه او اوسونه شن دايره في الحمل اثري او اوشي مش من عويدكن الغياب ام اجنادين اوسومه طمننا عليكن ام معاد اكيد غاطسه في توتاي اللمات

[ام وسونة]

السلام عليكم

كيف حالكم ياحلوات حبيت نقوللكم انه البيبي قالي الدكتور على الاغلب بنت الحمدلله

[أم أجنادين 80]

السلام عليكم
كيف حالكم كلكم كلكم
شن ماديرين وشن اخر اخباركم سامحوني عالسريع دخلت انسلم توا نرجع نقرا الردود

[أثري في مدادي]

السلام عليكم ورحمة الله وبركااااااااااااااااااااااااته

أهلا بالغوالي اللي في البال حتى كان غطسنااااااااا بالأجساد
الحق الوقــــــــــــــــــــت معاش فيه بركة
يتبخر بشكل غير عادي
بالرغم أن النهار زاد طوووووووووووول لكن عندي قاعد ما فيشي روووووووووووح
والله يبارك اميمتي كانت في العمرة ثلاثة أسابيع
فبرنامج الماشي والجاي .............................

شموسة ......... سلمك نشادة ياربي ،،، الحمد لله اختباراتي جبت فيهم امتياز والحمد لله

أم أجنادين ،،،، كيف حالك ياغالية ؟؟؟ وشن أخبار مشروعك إنت والزوج ؟؟؟

أم معاذ وأبان ،،،،،،،،،،، شن أخبار اللمات والعبمبر والرزاااااااااااااااااطة ؟؟؟ تخيلي أول أمس جايين عويلة يباركولي ،،، المفروض بعثهوملك أنت وخلالالالالالالالالالالاص

أم فراس ،،، خلص الله وحلك ،،، وإن شاء الله الخلاص وخليقة الناس
ولازم تتفرهدي وتغيري جو مرة مرة قبل كبسة البيبي ربي يحفظه
غير كان تفكي روحك من المعازف والموسيقى راهوووووووووووووو حرااااااااااااااااااام

يقونة ،،،،،،،،،،، كيف حالك بالله ؟؟؟ وشن أخبار مصر ؟؟؟ توااااااااااا

سوماااااااا ،،،،،،،،،،، ربي يسهلك حتى إنت وتجيبي علي خير وسلامة ~~~

أم وسونة ،،،،،،،،،، طيب الحمد لله المهم الخلقة الكاملة السليمة المعافاة ،،، ولعلها من حظ وسونة تحصل أوخية
واللي سخرلك بالبنت يسخرلك بالولد يا حبيــــــــــــبة

ســــــــــــــــــــــــــــــــــــــــــو ســــــــــــــــــــــــــــــــــــــو منو يجيبلي خبر عليها نعطيه مليووووووووووووووووووووون
والله شغلتني على الآخـــــــــــــــــــــــر ؟؟؟؟؟؟؟؟؟؟؟؟؟؟؟؟؟؟؟؟؟؟

أم نوووووووزة ،،،،،،،،، شن أخبار الوحم دار جناوح وطاااااااااااااااااااااار ،،، ربي يسهلك كثري من شرب المااااااااااااااااااااااااااااء

أوشي ،،،،، السمحة شن أخبار الشرق وأموره ؟؟؟؟ عساكم بخير وعافيـــــــــــــــــــــــة ؟؟؟

أم ورد أم روفيدة ميمونة وحنين و عيوووووون ووووووووووووووووووووووووووووو كل البنات الحبايب
والله قلبي يرف عليكم
والشبكة حالتها حالة هالأيام
مدرهتلي كبدي

[ام معاد]

السلام عليكم كيفحالكم كلكم وبدون استثناء والله يبارك فيكم كلكم وربي يرزق كل متمني يارب

[ام معاد]

ام نوزة ربي يهون عليك الوحم وعادي الاسم كله ليك ياحبيبة المهم تنوضي بخير
اتري شن الجو وحال السنافر والله مرة مرة يخش عليا حد والحق اللمات مش حندير الا لصاحباتي لكن مش عارفة امتي بنديرها لان بوي امس دار عملية علي رجله فيها احتكاك

[ام معاد]

علي فكرة ام ورد حالها باهي وكويسة هي في العمرة وغدوا ان شاء الله مروحة ربي يوصلها سالمة يارب امخلية مكانها هلللللللللللللبة في العيلة

[ملكتني بهمسك]

كلكم ادخلو وافيدوني في موضوعي هذا وباقيم كل الي يردون علي فيه hwaml86

http://forum.hwaml.com/t243245.html#post3047618

[أم أجنادين 80]

مساء الخيرات
الف الف مبروك ام معاذ يتربي في عزكم بس شني الاسم ماقريتش كل الردود
شموسة شن اخبارك واخبار القيادة
ام فراس ان شاء الله ربي يسهل ولادتك وين مسافرة قصقصة
ام وسن ان شاء الله ربي يسهل عليك انتي وام نوزة وربي يرزقكم بالذرية الصالحة والخلقة الكاملة مش مهم بنوتة او وليد
سوسو وين ياجارتي ان شاء الله المانع خير

[أثري في مدادي]

ا
اتري شن الجو وحال السنافر والله مرة مرة يخش عليا حد والحق اللمات مش حندير الا لصاحباتي لكن مش عارفة امتي بنديرها لان بوي امس دار عملية علي رجله فيها احتكاك



لاباس علي والدك الغالي والله يحفظه
ولا يحرمه منكم
توا أكيد بيبدأ الماشي والجاي علي خاطر بوك ...
ومافيش خير من صاحباتك يستاهلوا اللمة


علي فكرة ام ورد حالها باهي وكويسة هي في العمرة وغدوا ان شاء الله مروحة ربي يوصلها سالمة يارب امخلية مكانها هلللللللللللللبة في العيلة

الله يبارك
يا سعدودهاااااااااااااااااااااااااااا
إن شاء الله تروح بالسلامة
وفاتحة خيـــــــــــــــــــــــــــــــــر عليها


كلكم ادخلو وافيدوني في موضوعي هذا وباقيم كل الي يردون علي فيه hwaml86

http://forum.hwaml.com/t243245.html#post3047618

سلمك الله ورعاك أم راكان
دوما بإبداعاتك
موضوع مهم وحساس جداً

[أم أجنادين 80]

آثري كيف حالك وحال السنافر والحمد لله علي سلامة اهلك

[أثري في مدادي]

الله يسلمك ويبارك فيك
العاقبة عندكم ياااااااااااااااااارب

[ليبياقلبي]

مشكورة ام معاد وربي يخلهولك ابان وسلمينا علا ام ورد هلبة
واكيد يا ام اجنادين بنوتة ولا وليد المهم الخلقة التامة ويكون صالح والله هدا راي انا بس الناس مترحميش وانا قالكم احنى يشوفلنا هلبة لانا ماما معنديهش ولاد يدوا علينا هلبة
ام شموسة واتري شن اخباركم مشكورات عالسوال
ام فراس شن صار فيك يارب تجيبي وتنوضي بسلامة

[ليبياقلبي]

تعرفوا تاعبنة ههههههههههلبة مش شوية معاش ناكل من كتر مانشرب في المية نيتي مسدودة ديما ونرجع والتهاب المسالك كاعد وناخد كل مرة في علاج

[امجااد]

شاركونا بمسابقة ربيع حوامل

http://forum.hwaml.com/t243313.html#post3048653

[أم أجنادين 80]

والله ياام نوزة يتكلموا ولا ميتكلموش مش بايدهت امك تحدد نوع الجنين كله من عند ربي

[sosolibya]

السلام عليكم ورحمة الله وبركاته

الله قداش ليكم وحشة

وقداش شكله نور بوجودى خخخخ

[sosolibya]

يالله قولولى اخر اخباركم


من تزوج
من خطب
من حمل
من جاب
من سافر
من رجع
بالتفصيل


بس قبل كل شىء انا والله اليوم حبيت ادخل وأسلم عليكم

لانى حاسة نفسى تعبانة قلت خلى نسلم على الحبايب

[sosolibya]

حاسة نفسى مرييييييييضة


وبارك الله فى كل من سأل او انشغل عليا هذا لو فى احد يعنى سأل

فيه رسالة فى الوارد نشوفها ونرجع

[شموسه 88]

منو سوسو
هلا هلا نورتي او شرفتي

[شموسه 88]

سو سو تعالي قولينا شنو سر هل الغيبه
والحق اثري ديما تسال عليك او مشغوله عليكي

[شموسه 88]

كيف حااااااااااااال ريمو او حمووووووودي او كيف حال ابو شباب

[sosolibya]

بارك الله فيك حبيبتى اثرى على الرسالة

[sosolibya]

اهلا بالغالية كيف حالكم انتم نحنا الحمدلله

[شموسه 88]

اثري ماشالله الله يبارك عل تفوق هظ شي مش غريب عليك
ام ورد ماشالله ان شالله اتروحي بسلامه والعقبه لكل متمني
ام نوزه ان شالله لاباس عليك
ام وسونه مبررروك البنوته ان شالله اتشوفيها ابخير او سلامه او ياربي اتخاويها
ام اجنادين او ام معاد او اوشي او ابتسامه او ميموا او باقي البنات كيف حالكن كلن

[شموسه 88]

سوسو شن جو الدراسه صفيتي موادك

[sosolibya]

انا والحمد لله اولا واخيرا والله الوضع متعب
مع الاطفال والدراسة والمشروع
وطبعا هشام كمل اخر سمستر ويستنى فى النتيجة

خخخخخخخ اكتشفت انى كتبت اسم زوجى بس يالله

معادش ملحقة بكل
ربى يستر فى هالسنة بالله دعواتكم هانت نتخرج ونرتاح


ااااااااه تستاحشتكم عندى هلبة حكى بنحكيه

[sosolibya]

شموستى انا نظام سنة وتوا كيف باديين فى النصفيات شن جوك مع السواقة

[شموسه 88]

يلا شدي الهمه اوتخرجي اوتريحي
ان شالله موفقه

[شموسه 88]

والله هكي اوهكي قاعده زوجي قاعد في الصين ان شالله ايروح بسلامه
وانا مره مره نطلع بلسياره مش ديما مازلت خايفه منها

[شموسه 88]

ان شالله ايروح الثلاثا الجاي

[sosolibya]

اول شىء بالله بنسأل اجنلادين بما انها فى جيهتى
شن جوك ونبى نسألك على حوش للايجار ضروووووووووووووووووووووورى

[sosolibya]

اولا نبى نسأل ام اجنادين بما انها فى جيهتى

شن الجو
نبى نسأل على حوش للايجار ضروووووووووورى

[sosolibya]

ربى يرجعه بالسلامة

والله انا تعبااااااااااانة وحاسة روحى مريييييييييييضة

شن اخر اخبار المنتدى

[sosolibya]

قعدت فترة بدون حاسوب
بس توا عندى واحد جديد من فترة 3 شهور او اكثر
بس الفضووة مهناشى بكل

[أثري في مدادي]

نـــــــــــــــــــــــــــــــــــــــــــــــــ ــــــورت التجمـــــــــــــــــــــــــــــــــــــــــــــ ــــــــــــــــــــــع
يا شينة ؟؟؟؟؟؟؟؟؟؟؟؟
خلعتينا عليك ؟؟؟؟؟؟؟؟؟؟؟؟
باهي اللي جيتي
وفرتي علي المليووووووووووووون ؟؟؟
ولا جيتي باش تبي تاخديه ؟؟؟

خيرك لاباس تحسي في روحك تاعبة سوسو ؟؟؟
تتوحـــــــــــــــــــــــــمي ..؟؟؟
والقصقصة
حوش للإيجار لمنو ؟؟؟؟؟؟؟؟؟

[أثري في مدادي]

شكراً على التشجيع شمووووووووسة
وإن شاء الله يروح زوزك بالســـــــــــــــــــــــــلامة

أم نوووووزة لاباس عليك ،،،،،، وربي يقر عينك باللي خاطرك فيه

أم فراس مغطسة ،،،،،،،،،،، جابت زعما ؟؟؟

أم معاذ،،،،،، شن أخبارك مع سهور الليل ؟؟

[أثري في مدادي]

يحكى أن :
ابنة هولاكو زعيمِ التتار كانت تطوف في بغداد فرأت جمعاً من

الناس يلتفـون على رجل منهم،
فسألت عنه ...
فإذا هو عالم من علماء المسلمين، فأمرت بإحضاره، فلما مثل بين يديها سألته: ألستم المؤمنين بالله ؟

قال : بلى.
قالت: ألا تزعمون أن الله يؤيد بنصره من يشاء؟
قال : بلى.
قالت: ألم ينصرنا الله عليكم؟ قال : بلى.
قالت: أفلا يعني ذلك أننا أحب إلى الله منكم ؟
قال: لا. قالت: لم؟!

قال: ألا تعرفين راعي الغنم ؟ قالت : بلى.
قال: ألا يكون مع قطيعه بعض الكلاب؟ قالت: بلى.
قال: ما يفعل الراعي إذا شردت بعض أغنامه ، وخرجت عن سلطانه؟ قالت: يرسل عليها كلابه لتعيدها إلى سلطانه.
قال: كم تستمر في مطاردة الخراف؟ قالت: ما دامت شاردة.

" قال: فأنتم أيها التتار كلاب الله في أرضه وطالما بقينا شاردين عن منهج الله وطاعته فستبقون ورائنا حتى نعود إليه جل وعلا "

" اللهم اجمع شتاتنا، و وحد على كلمتك رايتنا "

[أثري في مدادي]

كلمات رائعـــــــــــــة ~
يــــا سائلــى بجهالـــــــة ** وتهكم عــن طولهــا !!
يا جاهــلا أمــر اللحــــــى ** متجاهــلا لجمالهــا !!

متناسيــا أمــر النبـــــــى **معظمــــا مــن شأنهــا
قــص الشوارب واجــــــب **إعفوا اللحــى لوقارهــا

أفــإن سألتــك يا تــــــرى **مــاذا فعلــت بحلقهــا
وعصيت أمر المصطفــــى ** وخــلعت عنك بهائهــا

هــل بالمجــوس تعلقــا !!!** أم بالنـاء تشبـهـا !؟؟
أم أمــر زوجـتـك صـــــارم **كى لا تشكشك وجهها

فعصيت سنة من هـــداك ** لكـــى تفــوز بعطفهــا
أم للنظــــــــافة تدعـــــى ** أقصـر كفــاك تسفّهــا

أأنت أنظف من رسـول الله! **لالا تنــطــق بهــا !!!
إن القــســاوس قـــلــدوا ** فيها المسيح لحسنها

لم يخرجــوا ممــا إدعـــوا **فـــــى دينهــم إلا بهــا
قــــرآن ربـــك قــد أتـــى ** فيما احتواه لذكرهــــــا

كن يــا أخــــى متشبهــا **بــــالأنـــبــيــاء قــــلــها
تحظــى بصحــبتهــم غدا ** فاللــــــــه زيننــا بهــــا
ارجــع إلــــى طــه تجــد **هــارون يتــلــوا ذكرهــــا

[اوشي]

السلام عليكم ورحمة الله وبركاته

كيف حال الجميع بدون استثناء

[اوشي]

شموسة كيف حالك ياحبيبة سلمها اللي تتفقد وتنشد

تنشد عليك الصحة والعافية

اهو قاعدة انا رديت للمدرسة والاولاد وقرايتهم

[اوشي]

اثري مبارك النجاح بتفوق مشاء الله اللهم بارك لك وعليك وربي يحفظك

والشرق الاخبار عندنا في البيضا وشحات مية مية وكذلك طبرق

يعني عشان مانجملش الشرق كله ومرات نقعد نكذب

[اوشي]

وباقي البنات ماشاء الله لا قوة الا بالله

رديتن ... ولا مازال في عفسة اخرى

[اوشي]

هيا توة اني بنعفس

[sosolibya]

السلام عليكم ورحمة الله وبركاته

[sosolibya]

نـــــــــــــــــــــــــــــــــــــــــــــــــ ــــــورت التجمـــــــــــــــــــــــــــــــــــــــــــــ ــــــــــــــــــــــع

ههههه عارفة عارفة كنتم مكسدين من دونى

يا شينة ؟؟؟؟؟؟؟؟؟؟؟؟ شكرا ياحلوة خخخخخخخخ
خلعتينا عليك ؟؟؟؟؟؟؟؟؟؟؟؟
باهي اللي جيتي

الحمد لله

وفرتي علي المليووووووووووووون ؟؟؟
ولا جيتي باش تبي تاخديه ؟؟؟

مليون شنووووووووووو

خيرك لاباس تحسي في روحك تاعبة سوسو ؟؟؟

نحس فى روحى نودع والله نحس فى روحى مريضة ربى يستر

تتوحـــــــــــــــــــــــــمي ..؟؟؟

لالالالالا توا معطلة عليا قريب شهر واليوم جت قوييييييييية
درت مرتين اختبار منزلى يطلع سالب

والقصقصة
حوش للإيجار لمنو ؟؟؟؟؟؟؟؟؟


متعرفة على عيلة سورية يهبلوووووو
تخيلى 5 عائللات فى نفس الحوش ربى يسترهم




شن جو على وجود راح الاسم كيف بنقول جهاد



والله مستاحشتكم هلبةةةةةةةةةةةةةةةةةةةةةةةةةة

[أم أجنادين 80]

السلام عليكم
وين كنتي مغطسة ياسوسو معقولة المدة هذه كلها
مبروك النجاح أثري وين الزردة

[ام وسونة]

السلام عليكم

كيفكم ياحلوات والحمدلله على سلامتك ياسوسو باهي اللي طمنا عليك

اتري وشموسة وام اجنادين وام معاد كيف حال عويلاتكم

[sosolibya]

السلام عليكم وصباح الخير

كيف الحال معقولة قاعدين زى قبل المنتدى مكسد

[sosolibya]

الله يسلمك اجنادين شن صار فى الحوش خخخخخخخ

[sosolibya]

تسلمى ام وسونة مبروك عليك البنية الجديدة

[sosolibya]

اليوم امتحان

والاثنين ان شاء الله والثلاثاء والخميس

[sosolibya]

امس اهلى وامتعين عمى ماشيين للحوازة ومزردين ومدايرين السفنز وخبزة على الشباك

وقتلهم خلولى شوية عجينة ودرتها فى الحوش بالقازول تعرفوه صح

طبعا نحنا لحقتا بعد العصر مش على خاطرهم وانما راجلى عنده نحل بيروح بيه


تعالو نديرو طاسة شاهى ونتشة اسفنز

[sosolibya]

السلام عليكم
اللطف وينكم


امتحان اليوم ماصارش منه تأجحل ليوم السبت القادم

[نسرينا]

السلام عليكم

منو اللي متفكرتني ؟؟؟؟

.

[أم أجنادين 80]

السلام عليكم
أما حــــــــــــــــــــوش ياسوسو ؟؟؟؟؟؟؟؟؟؟؟؟؟؟؟؟؟؟؟؟؟؟

[أم أجنادين 80]

سهفتني في زردة ياسوسو ؟؟؟
كيف حالك ام وسن وحال الحمل

[أم أجنادين 80]

صباح الخير
لا البارح ولا اليوم الصبح دخلتوا

شن درتوا غداكم انا بتزا وطاجين قبل بندير حتي طبيخة بازيليا بس الغاز تممممممم

[sosolibya]

السلام عليكم

ماشاء الله على ام اجنادين سهفتينى هذا كله غداء
وشنو عطلة مش عمل


شنو اي حوش مش قتلك دوريلى بالك تعرفى حوش للايجار نبيه لعائلة سورية

ديرى جهدك بالله عليك

[ليبياقلبي]

السلام عليكم شن اخباركم سوسو وين هالتغطيسة والله ليك وحشة هلبة
وسلامي للكل
انا عاينت وطلع الالتهاب زايد علبة بدولي مضاد في الوريد وتغدية والله غالب وخمواتي قريب يجبوا وانا مش مستعدة نهائي

[أم أجنادين 80]

السلام عليكم
سوسو قصدك هدا هلبة غدانا ,,, عندك الحق تعرفي راجلي زايد زايد وزنه من الاكل
امته قلتيلي والله ماانتبهت والعائلة السورية كم عددهم
كيف حالك ام نوزة ان شاء الله الف لاباس عليك

[أم أجنادين 80]

صباح الخيرات
وينكم سجلتكم غياب
شن اخبار امتحاناتك سوسو اتجاوبي كويس

[poucie]

السلام عليكم

منو اللي متفكرتني ؟؟؟؟

.

اهلا نسرينا شن اخبارك ان شاء الله كويسة تعرفي حتى اني ليا فترة ما خشيتش للمنتدى واليوم بس وين خشيت شن وانتي تفكرتيني

[أم أجنادين 80]

اهلا بنسرينا وبوسي مش عارفة أنا مش متفكرتكم
بس نورتونا

[أم أجنادين 80]

كســـــــــــــــــــــــــاد
وينكم ,,,

[أثري في مدادي]

السلام عليكم ورحمة الله وبركاته

هلا بجماعة الخير

باهي ولى التجمع ينشط

ريحة سوسو تفووووووووووح
وسفنزها يشره
وشاهيها يقعد الراس

صحتين أم أجنادين .... والله ما تحكيلي على الوزن الزائد
في الأول نزلت باهي حوالي خمسة كيلو وبعدين بدي بالقطارة
وعندي عرس بنت خوي شهر ستة
مانبيش نشري حاجة غالية ومقاسها يخلع

ادعولي وقولولي على أي حاجة تضعف

أهلا نسريناااااااااااااااا وأهلا بوســــــــــــــــــــي
وين كنتم ؟؟
مغطسات ؟؟
الحق ما تشرفتش بلقائكم
قبل هكي ~~~~

شموووووووووووووووسة غياب
إن شاء الله خير
شكلها لاهية مع أبو لشموســــــــــــــــــــــــــــــة
روح من الصيـــــــــــــــــــــــــن

أم نوووووزة
إن شاء الله لاباس عليك وربي يكون في عونك

أم فراس شكلها جابت وسلمت على خير
طلي وطمنينا إنت وسوماااااااااااااااااااااااااااا

باقي البنات كيف حالكم ؟؟؟؟؟؟؟؟؟؟؟؟؟؟

[نسرينا]

اهلا نسرينا شن اخبارك ان شاء الله كويسة تعرفي حتى اني ليا فترة ما خشيتش للمنتدى واليوم بس وين خشيت شن وانتي تفكرتيني

اهلا اهلا بوسي

كيف حالك وشن اخبارك
اكيد متفكراتك

وين في فرنسا والا ليبيا ؟

.

كيف حال الجميع
؟

[أم أجنادين 80]

السلام عليكم
وين ناشط يااثري وانا امس اليوم كله بروحي

[أثري في مدادي]

السلام عليكم ورحمة الله وبركاته

[sosolibya]

السلام عليكم
مساء الخير

شنجججججج
اثرىىىىىىىىىىىىىىىىىىى وينك نبيك فى استشارة بسرعة

[sosolibya]

اثورتى الحلوة خخخخخ تعرفى شن صار كيف جاية بنسألك على حاجة صغيرونة على مايسمى بعيد الام
ولقيت توقيعك قدامى قعدت نضحك

بارك الله فيك

المهم انا والله والحمد لله عارفة انه بدعة وانه لايجوز الى اخره
وحتى تعرفى المولد بالرغم من انه امتعينى كانو يتلاقو مع بعض مامشيتلهمش العام هذا وحتى هما تأثرو وفاتو الموضوع لانهم قبل كانو يديرو فى عشاء ويتلاقو......
ولكن يللى نبى نقوله

ان غدا فى الجامعة الطلبة مدايرين حفلة صغيرونة لدكتورتنا يللى تقرى فينا
تقديرا لمجهوداتها بما ان هناك مناسبة معينة (والتى هم يسمونها عيد الام)

والاكثر من ذلك الخلاصة من الموضوع يبو يفروحها لان هيا ماعندهاش صغار (متزوجة منذ 13 سنة وديما تنادى فينا ياصغار (مواليد 70))
بالتفصيل
على العموم
انا فى الاول فرحت ورحبت بالموضع جدا اتفقت حتى انى حنخلص معاهم فى تكاليف الحفلة الى اخره ....

لكن توا يللى جانى جانى بديت انفكر انه علاش هذا الهبال
وكله غلط فى غلط ودوة فاضية ونغيب غدوة خيرلى

بالرغم من انه عندى نية نغير جوى والله فااااااااااادة وخلوقى ضايقة ومعتبرة من حقى نتنفس شوية من جو الامتحانات والحوش والصغار وكنت حتى مفكرة نرفع جمودة معاى


بالله عليك اترى افيدنى بسرعة جزاك الله خيرا

لانى فى لحظة بعد ماكنت مقتنعة انى نبى نمشى ضميرى بدى يأنب فيا

[sosolibya]

هيا وينكم

انا بنمشى هااااااا








ها مشيت









نمشى




عندى شوية وقت نبى نهدرز تعااااااالو

[sosolibya]

اجنادين فرحانة بعدين قولى راجلى سمن

حتى انا راجلى كان ضعيف وتوا سمين ديما ينق عليا يقولى كله منك كنت ضعيف خخخخخخخخخخخ



اترى بسرعة تعالى ارجووووووووك

[شموسه 88]

السلام عليكم ورحمة الله وبركاته

[شموسه 88]

اهلين ابسوسو او اثري او ام اجنادين كيف حالكم والله ليا كم يوم نبي اتخش انهدرز بس ذايبه اومريضه امحصله برده شينه بس توا الحمد لله ان شالله احسن

[شموسه 88]

اثري سلمك نششششششاده ان شالله مانفقدها قرعتي
والله مازال ماروح عللولي "ههههههههه اسم زوجي" ان شالله السبت يركب من غااااادي والاحد باذن لله يوصل "ايروح طيب ان شالله"وانا قاعده غاطسه مره عندي هلي"حوش بابا "او مره في شقتي والجمعه نمشي انتغدا لهل داري "هل زوجي" بس الحق والله بهدله او مسؤليه مع الصغار

[شموسه 88]

شن الجو عندكم نحنا بنغاازي عجاج يالطيف كل مانمشي نبرم عل الشقه نلقها حاله من التراب ياربي الطف بينا

[شموسه 88]

سوسو او اثري تعالن عطني من افكركن المبدعه نبي فكره ميميزه لاستقبال زوجي من السفر اصلا ابصرحه شقت صفحات او مواقع حسيتهن افكار اوفر ما يمششنش مع جونا نحنا الليبين نبي حجات بيتتوتيه اوبسيطه او تمشا مع عادتنا او تقليدنا او باقي البنات عطني اقكركن

[sosolibya]

اللهم اجعل القران الكريم خير جليس لنا اللهم اجعله ربيع قلوبنا ونور صدورنا وجلاء همومنا واحزاننا

[sosolibya]

سوسو او اثري تعالن عطني من افكركن المبدعه نبي فكره ميميزه لاستقبال زوجي من السفر اصلا ابصرحه شقت صفحات او مواقع حسيتهن افكار اوفر ما يمششنش مع جونا نحنا الليبين نبي حجات بيتتوتيه اوبسيطه او تمشا مع عادتنا او تقليدنا او باقي البنات عطني اقكركن


اول شىء حبيبتى
لو تبى السعادة مع زوجك
وتبى زوجك يموت فيك وتكونى دايما شابة حلوة فى عيونه
اهم شىء ماتقوليش
هذه للصغار وانا كبيرة
ولاهده للشباب واحنا كبرنا
ولا هده اوفر واحخنا ليبين ماتمشيش معنا
مع زوجك خلى كل شىء متاح وممكن
وجربى كل وواستمتعى فيه بالحلال

عشان دايما زوجك يكون مجنون ومهوووس بيك وتبقى ديما شابة صغيرة وحلوة فى عينه


وانا رح انقولك على طريقتى فى ملاقاة زوجى

[sosolibya]

انا رح انقوللك على طريقتى فى ملاقاة زوجى وانتى وانت اختارى منها يللى يعجبك

طبعا ضرورى نكون فى الحوش قبل يوم من رجوعه من السفر

ونكون منظفة البيت ومنظماته بصورة معقولة وجميلة

وخصوصا غرفة النوم يكون ليها طابع خاص منسقة ومنظمة ومفرشة حلو او شىء جديد او ...

ومعطرة ومبخرة طبعا كل البيت معطر

ونطيب حاجات مليحة يللى عارفاته يحبها (ومرة زوجى روح فى وقت الفطور الصبح فجهزت الطاولة فى المطبخ ودرت ورقة ع اساس انه المنيو وكأننا فى مطعم وبعدين اعطيته ورقة قتله اكتب فيها تعليقك على الخدمات وكانت اللقطة حلووووووووة)
تجديد

باهى وبعدين

طبعا زوجى ليه فترة ماسافرش يعنى مجربتش فى وجود طفلين كيف الوضع

بس المفروض يكونو نايمين لو وقت نوم
ولو مش وزقت نوم يكونو نظيفين وحلوين عشان اكيد اشتاقلهم

ولو زوجك مايزعلش خليهم عند اهلك خودو جوكم شوية وبعدين برو جيبوهم

تفهمى فيا شموسة








يتبع

[شموسه 88]

اول شىء حبيبتى
لو تبى السعادة مع زوجك
وتبى زوجك يموت فيك وتكونى دايما شابة حلوة فى عيونه
اهم شىء ماتقوليش
هذه للصغار وانا كبيرة
ولاهده للشباب واحنا كبرنا
ولا هده اوفر واحخنا ليبين ماتمشيش معنا
مع زوجك خلى كل شىء متاح وممكن
وجربى كل وواستمتعى فيه بالحلال

عشان دايما زوجك يكون مجنون ومهوووس بيك وتبقى ديما شابة صغيرة وحلوة فى عينه


وانا رح انقولك على طريقتى فى ملاقاة زوجى
سوسو اناقصدي اغلبية الافكار لي انشوف فيهن
مثلا اتكي تحجز جناح خاص في قندق فخم ههههههههههه
او عشا في مطعم راقي ولا اتجيبي شركه اتزيلك الحوش بلورد اصلا نحنا في بنغازي معندناش الحاجتن هذينا او زوجي يوصل ان شالله الساعه 11 الصبح نبي افكر جديده لتغير

[sosolibya]

وبعدين نجو للحمام


الحمام يكون منسق ومنظم ولو فى شموع احلى واحسن ويكون مجهز بالماء السخون تعبى البانيو قبل مايوصل او لما يوصل
عشان تقوليله حبيبى يللا الحمام جاهز

ماتتحشميش منه خليك مع زوجك فرى وخليه يحس بجرأتك (لانى حسيت متحشمة من هالحاجات)
وخليه يحس بطابع جديد عليك بعد فترة هالغياب

وانا مرة درت لقطة حلووووة

تنزلى خيط من الشبشابة (خيط ورد )وفي اخره ورقة مكتوب فيها ودى اغسلك بالورد

وفى المية لوطة حطيت شيشة مشروب مخسكرة وفيها ورقة يعنى جو البحارة متع الكنز وفيها ورقة فيها كلمات حلوة

خخخخخ خليك مدجنونة شوية مش مشكلة

وفى اقتراح لو تحبى بعدين للمساج

بان تجهزى زيت ومحطوط فيه ورد مجفف او نعناع او اى شى

وطبعا هذه لاى وقت مش بس لما يروح من السفر بالفعللا طريقة حلوووووووة للتجديد بين الزوجين







يتبع

[شموسه 88]

اني انخلي اصغاري بره الحوش بعيده اصلا هو متعلق بيهم ابشكل رهيب بس حلوه فكره الفطور والمنيوا بس ممكن حنخليها غدا اصلا اكيد جيكون فاطر في الطيارهو"غير كنت مريضه بس من بكره ان شالله انديرله حاجه لي ايحبهن وانحطهن في الفريز"



في انتظار ابدعتك

[sosolibya]

خخخخخخخخخ جو ياشموسة
فعلا انا نفسى نتمناها لقطة الفندق
خخخخخخخخ

وتقدرى تعملى لقطة حلو انا عملتها قبل
تحطى على الباب من برا باب الحوش

ورد وبالونات وورقة فيها كلمات حلوة

ولمايخش يلقى فى الحوش لو فيه ممر
تحطى مثلا ورد او شموع او بالونات

وتقدرى تسكرى الرواشن علشان شوية جو ظلام

وبما انه بيروح 11
يعنى حخيكون فاطر فما عليك الا انك تجهزى غداء محترم وابدى من غدوة ديرى كل مرة شوية
متلا شوية طاجين شوية بيتزا

يعنى الحاجات يللى يحبها زوجك

[sosolibya]

وتوا نجو ليك انت

طبعا انت حتكونى غيييير

حتكونى متغيرة ومتنظفة خخخخخخخ ومتلمعة ومتمكيجة ومتغندرة وتعطرة وتخلصة خخخخخخخ
يعنى انت ادرى

ويا حبذا لو تلبسى شى جديد وحلووووووووووو ومغرىىىىىىىىىى

ومش معناها تمشى تشرى حاجة غالية يعنى حتى قفطان حوش بس يكون مميز

او حتى لبسة من لبسك يللى مش متعودة تلبسى فيها ديما يعنى متكونش يعرفها هلبة وواخذ عليها

او تلبسى لبسة متع طلو يعنى متعودة تلبسيها لمكان رسمى وتكون راقية بس بنفش الوقت بسيطة لان هو احق من غيره فى هذه الحالة

ان شاء الله منكونش كثرت بس مازال فى جعبتى الكثير

نموت فى الحاجات هذه
خخخخخخخخخخخخخ بشرط بتحكيلنا بعدين شنو يصير

[sosolibya]

بالله عليكم قولولى شن صار فى سوما ليبيا جابت ولا شنو


وين يقين وسالى معاش يبانو ولا شنو سالى راحت بس يقين خليتها تبان مرة مرة


لثرىىىىىىىىىىىى وينك

[sosolibya]

وينك شموسة بنحرج ره


بصفة عامة الغياب مرة مرة بين الزوجين مهم لانه يخليهم يشتاقو لبعض ويعرفو قيمة بعض

وبصراحة التلاقى بعد فترة من الغياب شىء رااااااااااائع جدا ولا الايام الاولى من الزواج

خخخخخخخخخخ يللا يابنات يللى تبى تجرب تمشى اسبوع لعيالها ولا تبعث راجلها لامه يومين خخخخخخخخ

بس والله بصدق

لما تغيبو فترة على بعض وتستاحشو بعض شوية وبعدين تتلاقو واااااااااو
ليها طعم غييييييييييير

يغنى بصراحة هذا اللقاء مفروض تعملى على انجاحه لأبعد الحدود لانه رح تكونو اسبوع بعد ماتتلاقو ولا عرسان جدد

هذا رأيى وهذه تجربتى

..................

[sosolibya]

شكرا لانى نهدرز بروحى

[شموسه 88]

ياربي سلملي سوسو ان شالله ما نفقدها او بارك الله فيك والحق ابدعتي يعني ماغلطتش لما طلبت منك
ربي ايخليلك زوجك واصغااااااارك
وان شالله لما ايرووح حنكتبلك التفصيل بعدين اشويه تو انخطط او نعرف شني لي ناقص علشان بكرا نبدا في التحضيرات

[شموسه 88]

لاوالله قاعده ياسوسو عير قاعده في حوش هلي والخط نعبان اشويا
او فعلا الحق زي ماقلتي حتى من باب التغير الروتين مره مره ضروري الوحد يكسر الملل ليعايشين فيه
ان اشالله ايروحلي سالم غانم ياربي العالمين

[شموسه 88]

وينك شموسة بنحرج ره


بصفة عامة الغياب مرة مرة بين الزوجين مهم لانه يخليهم يشتاقو لبعض ويعرفو قيمة بعض

وبصراحة التلاقى بعد فترة من الغياب شىء رااااااااااائع جدا ولا الايام الاولى من الزواج

خخخخخخخخخخ يللا يابنات يللى تبى تجرب تمشى اسبوع لعيالها ولا تبعث راجلها لامه يومين خخخخخخخخ

بس والله بصدق

لما تغيبو فترة على بعض وتستاحشو بعض شوية وبعدين تتلاقو واااااااااو
ليها طعم غييييييييييير

يغنى بصراحة هذا اللقاء مفروض تعملى على انجاحه لأبعد الحدود لانه رح تكونو اسبوع بعد ماتتلاقو ولا عرسان جدد

هذا رأيى وهذه تجربتى

..................

اكيد كلامك حتى انا امعاكي بس تمشي لعيلتهها لاااااااااااا
انا قلت لهلي غير ايروح زوجي معاد اتشوفوا وجي لمده شهر هههههههههههههه
ابصرحه اكثر شي امتعبني هيا البهدله من مكان لمكان اصلا انا بيتوته من حبش لطلوع واجد او بذات مع لصغااار الحق عذااب

[شموسه 88]

والله توا حاطه عل ليبيا تي في
جيبين ايام الثوره في الزاويه
سوسو وين كنتي يوم 20_2

[شموسه 88]

"اللهم تقبل امي اوارحمها برحمتك "

[شموسه 88]

توا ياسوسو نصبحي عل خير
اوصحيتي ياعسسسسسل

[أثري في مدادي]

أني جيييييييييييييييييييييييييييييييييييييت

[أثري في مدادي]

يااااااااااااااااااااااااااااخسااااااااااااااااااا اااااارة

فاتتني الهدرزة ~~~~~~~~~~~~

مع أحلى

ملسنات في التجمع ~~~~~~~~~~~~~

يالله فيها خيرة

[أثري في مدادي]

شوفـــــــــــــــــــــــــــي يا سوسو

والله فرحت على الآخـــــــــــــــــــــر
لماسمعت بإنجازك في المولد

وتصدقي أني فكرت فيك ................ وتخطري علي بالي
ونقول زعمى سوسو كيف دارت في هالموقف ؟؟؟

وزعما شن صار معاها في وفي وفي ؟؟؟

يعني ................. مهتمة بيك خخخخخخخخخخ

عموما

لو كنت في مكانك ،،،

*** غدوة نغييييييييييييييييييييييييييييب وتغييرة الجو نسيبها لله
ومن ترك شيئاً لله عوضه الله خيراً منه
ولا أفضل من ترك البــــــــــــــــــــــــــــدع

*** صويحباتي بيتساءلوااااااااااااااااا
سوسو المتحمسة غايبة ؟؟؟
نوضح ونبين السبب
لعل عبارة تكون بها هداية ويكون لك بها الأجـــــــــــــــــــــــر

*** دكتورتي الغالية ،،، نفوت وقت وناخدلها هدية حلوة مرفقة بكتيبات مفيدة
ونضرب عصفورين بحجر
تميز الإنفراد ، وتميز الاتباع للسنة ، والتميز بنوع الهدية

فرحاااااااااااااااااااااااااااااانة على الآخر بيك
زادك الله حرصاً وعلماً

[أثري في مدادي]

النصارى يصورون البغايا ويقدمونها لبلادهم

على أنها صورة المرأة المسلمة !!!


أخي المسلم الكريم.. لقد قام من النصارى في بلاد المسلمين بهذا الإجرام, حيث يصورون المرأة الزانية ويضعون صورها في بلدانهم قائلين: إنها المرأة المسلمة, ومن ذلك ما قام به أحد الكتاب من النصارى, حيث ألف كتابا ملأه بصور العاهرات, وقدّمه لفرنسا وغيرها أنهن مسلمات الجزائر!.

فقد صوّر العاهرات هؤلاء وهن عاريات تماما, من أعلى الرأس إلى أسفل القدم, وهن في السينما ويشربن السيجارة, أو يغازلن الرجال.

بل بلغ بهم الأمر أنهم أجبروا نساء السلطان العثماني عبدالحميد على الرقص, وصوروهن وهن يرقصن, وألزموهن بخلع الحجاب. نقلا عن كتاب "ماذا يريدون من المرأة" ص (85) بتصرّف.

والمنظمات التنصيرية العاملة في اليمن وكذا السياح يحرصون على تصوير المرأة المسلمة على أي حال, فيصورون المرأة وهي ترقص معهم, أو تصافح أحدهم.

ومما لا يتصوره عقل مسلم ما حصل في أحد المستشفيات في اليمن؛ وهو أن إحدى النصرانيات العاملات في الطب تابعة لبعثة صينية, اُكتُشِفَ أنها تصور المرأة المسلمة وهي عارية تماما, وذلك حين عمل العملية لها, فسئلت النصرانية: لماذا تفعل هذا؟ قالت: "من أجل دراسة الصورة في بلادهم".

هل رأيت أيها المسلم كيف يتشفى النصارى بنا عن طريق المرأة المسلمة العاملة معهم, والمتأثرة بهم, أو المستجيبة لهم؟!.

__________________________

من رسالة "المُؤامرة الكبرى" للشيخ محمد الإمام -حفظه الله وسدده-

[أثري في مدادي]

إهـــــــــــــــــيء إهــــــــــــــــــيء

مشوا نااااااااااااااااااااااااااااااموااااااااااااااااا اااا

""" علو """""""""
عنده حرارة ،،، إلتهاب حلق ،،،، إلتهيت بيه ،،،،،،،،

جيت لقيتكم مصكرين ضيكم ،،، ورادين بابكم ،،،،،،،،،

فيها خيرة وخلالالالالالالالالالالالالالالالالاص

الله يبارك استشارية رائعة في العلاقات الزوجية

سوسو

الله يرعاك ويباركلك في إبداعاتك ،،،،،،، هكذا فلتكــــــــــــــــــــن المرأة السلفية المسلمة ~~~~~~~~~

والله يرجعلك زوجك بالسلامــــــــــــــــــــة شموسة ،،، ولاباس عليك

[أثري في مدادي]

سئل فضيلة الشيخ محمد بن صالح العثيمين عن حكم الاحتفال بما يسمى عيد الأم ؟.
فأجاب :

إن كل الأعياد التي تخالف الأعياد الشرعية كلها أعياد بدع حادثة لم تكن معروفة في عهد السلف الصالح وربما يكون منشؤها من غير

المسلمين أيضا؛ فيكون فيها مع البدعة مشابهة أعداء الله سبحانه وتعالى ، والأعياد الشرعية معروفة عند أهل الإسلام ، وهي عيد

الفطر ، وعيد الأضحى ، وعيد الأسبوع ( يوم الجمعة ) وليس في الإسلام أعياد سوى هذه الأعياد الثلاثة ، وكل أعياد أحدثت سوى ذلك

فإنها مردودة على محدثيها وباطلة في شريعة الله سبحانه وتعالى ، لقول النبي صلى الله عليه وسلم " من أحدث في أمرنا هذا ما

ليس منه فهو رد " أي : مردود عليه غير مقبول عند الله وفي لفظ : " من عمل عملا ليس عليه أمرنا فهو رد " ، وإذا تبين ذلك فإنه لا يجوز

في العيد الذي ذكر في السؤال والمسمى عيد الأم ، لا يجوز فيه إحداث شيء من شعائر العيد ، كإظهار الفرح والسرور ، وتقديم الهدايا

وما أشبه ذلك ، والواجب على المسلم أن يعتز بدينه ويفتخر به وأن يقتصر على ما حده الله تعالى لعباده فلا يزيد فيه ولا ينقص منه ،

والذي ينبغي للمسلم أيضا ألا يكون إمعة يتبع كل ناعق بل ينبغي أن يُكوِّن شخصيته بمقتضى شريعة الله تعالى حتى يكون متبوعا لا تابعا

، وحتى يكون أسوة لا متأسياً ؛ لأن شريعة الله - والحمد لله - كاملة من جميع الوجوه كما قال تعالى { اليوم أكملت لكم دينكم وأتممت

عليكم نعمتي ورضيت لكم الإسلام دينا } ، والأم أحق من أن يحتفى بها يوماً واحداً في السنة ، بل الأم لها الحق على أولادها أن يرعوها

، وأن يعتنوا بها ، وأن يقوموا بطاعتها في غير معصية الله عز وجل في كل زمان ومكان .

_______________________________

- " فتاوى إسلامية " ( 1 / 124 )
ومجموع فتاوى الشيخ ابن عثيمين " ( 2 / 301 ، 302 )

[sosolibya]

السلام عليكم
صباح الخير والورد

كيف حالكم اليوم



والله توا حاطه عل ليبيا تي في
جيبين ايام الثوره في الزاويه
سوسو وين كنتي يوم 20_2


ااااااااه ايامات حلوة بس ربى لاتردها

كنا قاعدين متلخبطين وجو جديد على الناس وكيف وقفنا على الجامعة

[sosolibya]

حبيبتى اثرى تهبلىىىىىىىىى
الحمد لله انى شفت ردك يللى ريحنى


لانى بصراحة نثق فى كلامك

انا نايضة الحق وقررات انى مش ماشية بس حبيت نشوف ردك عشان نأكد لنفسى انى درت الصح

وقبل مانرقد البارح بعثتت ل3 منم صديقاتى رسالة مكتوب فيها
الكلمات يللى مكتوبة فى توقيعك

ويارب بارك لنا وعلينا

[أم أجنادين 80]

الســـسلام عليــــكم
ربي يحفظكم منورين التجمع بالهدرزة الحلوة
شمـــــــوسة ان شاء الله الف لاباس عليك
وربي يرجع جوزك بالسلامة
أثري الف لاباس علي عليوة ,,,
ياســـوسو ياســوسو والله ماتحلي الهدرزة الا بيك نويشطة ياجارتي رغم صغر سنك
عجبتني أفكارك وان شاء الله بنطبقها حتي لو زوجي مش مسافر
فكرة الخيط في الدوش والطاولة مع المينيو عجبتني ,,
انقولك رايي شموسة لان بصراحة افكار النت مبالغ فيها وتبي ميزانية او زوجة تتسوق بروحها
لان معظم الأفكار مش متوفرة في البيت ,,
مثل ماقالت سوسو البسي لبسة متاع طلعة او حتي لبسة تعجب فيه لما تلبسيها
وبخري الحوش ونظفيه ودار النوم ديري فيها شوية تغييرات مثلا غيري الورغان
وحطي ورد لو متوفر عندك
وخوديله هدية بسيطة عطر او اي شي مع رسالة تكتبي فيها كلمات تعبر عن اشتياقك ليه وهوا مسافر ,,
واول مايوصل استقبليه استقبال حار وقوليله خود دوش لغاية ماانجهز السفرة وطبعا هيا بتكون جاهزة
وانتي بتكوني مجهزة الاكلات يلي يحبها,,,
والصغار والله اكيد هوا مشتاقلهم حتي هما دوشيلهم ولبسيهم لبس انظيف وخليهم يستقبلوا بوهم
وعلميهم كلمات يقولوها ,,,
وخليهم ياكلوا معاكم حتي يحس بجو الأسري لانه اكيد فاقده ,,,
وبعدها خليهم يرقدوا ,,,
حتي تاخدي راحتك معاه ,,

[أم أجنادين 80]

ســـوســو العائلة السورية يبوا إيجار قصدك
مافهمتش منك ,,
ولو إيجار عارفة انتي الإيجار غالي حاليا وحتي الشباب الليبي غالي عليهم
يعني في حدود كم ميزانيتهم يلي يقدروا يدفعوا ضمنها ...
حتي نسالك لو فيه ايجارات وبكم

[sosolibya]

السلام عليكم
جمعة مباركة كيف الاحوال

[sosolibya]

الســـسلام عليــــكم
ربي يحفظكم منورين التجمع بالهدرزة الحلوة

ياســـوسو ياســوسو والله ماتحلي الهدرزة الا بيك نويشطة ياجارتي رغم صغر سنك
عجبتني أفكارك وان شاء الله بنطبقها حتي لو زوجي مش مسافر
فكرة الخيط في الدوش والطاولة مع المينيو عجبتني ,,
,,


سلمها ياربى الغالية يللى لسانها يقطر عسل


حتى انا نستاحش فيكم هلبة والله تقول عيلتى الثانية

[sosolibya]

موسع بالك يا اجنادين

والله ملاتلقى انتى لين هما يكونو سكنتو

صح غالى بس همات متضايقين لدرجة يبو يدفعو مقابل بس يرتاحو لانهم حاليا 5 عائلات

لو حوش مليح وارضى وواسع يدفعو حتى لو 500لا او 600
بس لو صغير وفوق المفروض مش اكثر من300

[sosolibya]

بالله والله ضيعت هلبة وقت من بكرى نظم فى الحوش

وفغدوة عندى امتحان

ومدامنى دازة الصغار لعمامهم خلى نقرى شوية احسن


عندى هلبة حكى بنحكيه بس خلى نقرا توا

سلاااااااااااااااااااام

[sosolibya]

خخخخخخخخخخخخخخخخخخخخخخ حسهم سلافى يجرو فى جرة الفراريج صار غدانا مليح اليوم خخخخخخخخ

[sosolibya]

خخخخخخخخ سامحونى درت دورة فى المناتدى خلى نذكركم فى شوزية حاجات قديمة



شموووووووووووسة
لازم عشى يا حلوووووووووو رائحة العرس لازالت عالقة بثيابهم
والهدية فكرة العطر حلوة ،،، أو حتى خاتم فضة نزوكي أو حاجة كهربائية زي ست البيت مثلا أو حقيبة كيوووت ،~~~~~~~~~
~~~~~~~~~~~

أم فرووووووسي ،،،
اليوم وزنت لقيت الزيادة 15 كيلو صارلي اكتئاب ،،، كيف بنحيهم ،،،
والحالة حالة شتاااااااااااا ورضااااااااااااااعة

والله ربي يعين ~~~~~~~~~~



خلى نذككرك يااثرى فى الوزن خخخخخخخ متغششيش روحك


نبى نعرف منو هى يللى تحكو عليها
وكم طلع عمرها فى الاخير

[sosolibya]

شموسة هل تقصدى بالوناسة

(مثرد) مفهمتش








اثرى نبى طريقة سلطة بابا غنوج كييييييييف

ويعطيك الصحة

[أم أجنادين 80]

جمـــــــــــعة مباركة علـــــــيكم
ازيك ياسوسو وازي أبو العيال
شن غداك اليوم

[أم أجنادين 80]

.بدنجان اشويه ع الغاز او حطيه ف الكوشه وبعدها قشريه وارحيه ف ست البيت.وحطي عليه شويه خل وزيت زيتون وملح وليم قارص .وتومه.وحطي اطحينه ويغورت او لبن..اتجيك بنتها زي امتع المطاعم
او
3ﺑﺎﺫﻧﺠﺎﻥ-2ﻓﺺ ﺛﻮﻡ-ﻓﻠﻔﻞﺍﺧﻀﺮ-ﻃﻤﺎﻃﻤﺔ-ﺑﺼﻠﺔ ﻭﺣﺪﺓ
ﺍﻟﻄﺮﻳﻘﺔﺍﺩﻫﻨﻲ ﺍﻟﺨﻀﺮﺓ ﺑﺎﻟﺰﻳﺕ ﺍﻟﻨﺒﺎﺗﻲ ﻭﺣﻄﻴﻬﻢ ﻑ ﺍﻟﻜﻮﺷﺔ ﻋﻠﻲ ﻧﺎﺭ ﻣﺘﻮﺳﻄﺔ،،،، ﺑﻌﺪ ﻣﺎ ﺍﻃﻴﺐﺍﺭﺣﻴﻬﻢ ﻓﻲ ﺳﺖ ﺍﻟﺒﻴﺖ ﻣﻊ ﻛﺴﺒﺭ ﺍﺧﻀﺮ ﻭﺯﻳﺖ ﺯﻳﺘﻮﻥ ﻭﻣﻠﺢ ﻭﻛﺮﻭﻳﺔ . .ﺍﺧﺘﻴﺎﺭﻳﺔ ﺍﻟﻜﺮﻭﻳﺔ ﻟﻮﻣﻌﻨﺪﻛﺶ ﻋﺎﺩﻱ. . ﻭﻭﻛﻮﻟﻲ ﻭﺻﺤﺘﻴﻦ

اوخودي الطحينه وعصري عليها الليم حسب الكميه ورشه ملح سن توم وقليل من الماء تزيديه وانتي تخدمي فيها بشويه علي ايدك او خلاط ٠وبعدين ياحنا تاخدي البذنحال علي النار او في الكوشه بس انحبد علي النار وتقلبيه لين يدبل وبعدين قشريه وارحي بروحه وخلاطيهم مع بعض وصحتين ملاحظه(تقدري اتحطي طرف كيري مع الطحينه وانتي تخدمي فيها علي خاطر اتنحي المراره

[أم أجنادين 80]

والله مالقيتش طلبك ياسوسو
لان الأيجار غالي وين بتلقي ب 300 لو القيتي قوليلي

[sosolibya]

الف مبروك على حمل الغالية ليبيا قلبى بالرغم من انها جت متأخرة

وربى يعوضكم خير ويرحم جداك ويغفر لها


مبارك عليك الحمل أم نووووووووووزة

وإن شاء الله بالذرية الصااااااااااااالحة ياااااااااااارب

والعاقبة للحبايب ::: أم أجنادين وميمونـــــــــة وتمر حنة وكل متمني ~~~~

ما تقولوش سوسو وين غطســــــــــــــــــــــــــــــــــــت ؟؟؟؟؟؟؟؟؟؟؟؟؟؟؟؟؟؟؟؟؟
في الامتحاناااااااااااااااااااات زعما ؟؟؟؟؟؟؟؟؟؟؟؟؟؟؟؟
والله انشغلت عليهاااااااااااااااا


وعيووووووووووون وينهاااااااااااااااااا ؟؟؟؟
قالت :: تي وغطست ؟؟؟

وبالله وين أم قصي؟؟؟؟؟؟؟؟؟ حتى هي تبخرت ،،، وحنين ؟؟؟؟؟؟؟؟؟؟؟؟


سلمها يللى مشغولة عليا ربى يخليك

أم أجنادين ................................
كيف حالك ؟؟؟ ومبارك علي قريبتك الفضانية والبيان ................
طريقة "" بابا غنوج """
باذنجان مشوي إما فوق النار وإما في الفرن على درجة حرارة عااااااااااااااااااالية
بصل مشوي أيضا وفلفل أخضر مشوي وثوم مشوي
ثم يقشر الباذنجان "" القشرة السوداء وهو دافئ تنزع بسهولة ""
ثم توضع المقادير مع ملح وكسبر وكروية وطحينة وجبن مثلثات ""حسب الرغبة ""
في ست البيت وتخلط جيداً
ثم توضع في صحن ويصب فوقها زيت زيتون وتزين بالزيتون والبقدونس
وكلي بالهنــــــــ~~~~~~~ـــــــاء والشفاء
وعذراً على التأخير ،،،،،،،،،،،،،،،،،،




مشكورة على الطريقة

حنجربها ان شاء الله بس وين بنلقى الطحينة

[sosolibya]

مشكورة اجنادين تعبتك


علاش ادورى فى حوش

توا انا لما ندورو


شقة فى ديلة ب300

وهناك حوش فظيييييييييع فى شارع احاجة كبير وواسع وارضى وجنان ب 450 او 500
بس عيبه الوحيد مقدم 5 شهور

وفى وحدة ب 250 بس صغيرة

[أم أجنادين 80]

الطحينة يبيعوا فيها في الإسواق موجودة في علبة زي متاع الشامية
في سوق القناعة ,,

[أم أجنادين 80]

والله بجد عندنا قريبنا بيتزوج يدور في إيجار
بس الشقة يلي في ديلة هذه كم حجرة واما دور

[أم أجنادين 80]

قريتي لإمتحانك سوسو
تعالي شن قلتي بتحكيلنا

[sosolibya]

على سيرة شارع الحاجة امتى بنتلاقو فى المزين

[sosolibya]

والله ماقريت باهى

الشقة ممكن دارين وصالة قالو كويسة


تقصدى القناعة المجمع فيه الطحينة

نستأذنكم نمشى نقرا

[sosolibya]

http://forum.hwaml.com/imgcache2/hwaml.com_1348037445_793.gif (http://forum.hwaml.com/redirector.php?url=%68%74%74%70%3a%2f%2f%66%6f%72% 75%6d%2e%72%6a%65%65%6d%2e%63%6f%6d%2f%74%34%39%34 %35%39%2e%68%74%6d%6c)
للمحجبات فقط








هذه الرسالة كتبتها حصيصا لك.... نعم لك أنت ... أنت أيتها المحجبة
http://forum.hwaml.com/imgcache2/hwaml.com_1348037445_934.gif (http://forum.hwaml.com/redirector.php?url=%68%74%74%70%3a%2f%2f%66%6f%72% 75%6d%2e%72%6a%65%65%6d%2e%63%6f%6d%2f%74%34%39%34 %35%39%2e%68%74%6d%6c)
معذرة

أنت يا من تظنين أنك محجبة ..... هذا الزي الذي تلبسينه لا يمت للحجاب بصلة

بل هو زي نساء أهل النار والعياذ بالله
http://forum.hwaml.com/imgcache2/hwaml.com_1348038020_607.gif (http://forum.hwaml.com/redirector.php?url=%68%74%74%70%3a%2f%2f%77%77%77% 2e%67%75%6c%66%75%70%2e%63%6f%6d%2f%73%68%6f%77%2f %58%32%63%79%68%75%72%6c%78%63%77%34%6b%73)


http://forum.hwaml.com/imgcache2/hwaml.com_1348037446_178.jpg (http://forum.hwaml.com/redirector.php?url=%68%74%74%70%3a%2f%2f%66%6f%72% 75%6d%2e%72%6a%65%65%6d%2e%63%6f%6d%2f%74%34%39%34 %35%39%2e%68%74%6d%6c)


ما هكذا يكون الحجاب ... يا فتاة الإسلام ...


لا تكوني من المتبرجات بالحجاب:
* بلباسك الضيق.
* بلبس البنطال و غطاء الرأس المزركش المُلفت.
* بعباءتك المزركشة وغطاء رأسك الرقيق.
* بساعديك المكشوفين وقدميك العاريتين.
* بمشيتك المتكسرة وخطواتك المقيدة المتكلفة.
* بنظراتك المتلفتة وصوتك المتغنج وضحكاتك الرنانة.
* بعطرك الفواح وبحذائك ذي الكعب العالي والصوت الرنان.
* بالزينة و الألوان الصارخة التي تبدو على وجهك.


الحجاب فرض وليس رمز، فرضه الله تعالى على النساء البالغات من أمة محمد صلى الله عليه وسلم، ولسنا هنا بصدد شرعيته أم لا، قال الله تعالى:{وَمَا كَانَ لِمؤمِنٍ وَلا مُؤمِنةٍ إذَا قَضَى اللهُ ورَسُولُهُ أمرَاً أَن يَكُونَ لَهمُ الخِيَرةُ مِن أَمرِهِمْ }. والآيات الكريمة والأحاديث النبوية الشريفة في هذا الموضوع لا يمكن أن ينكرها أحد.

صفات الحجاب الشرعي
مواصفات الحجاب الشرعي والشروط الواجب توفّرها مجتمعةً حتى يكون الحجاب شرعياً .
الأول: ستر جميع بدن المرأة على الراجح .
الثاني: أن لا يكون الحجاب في نفسه زينة .
الثالث: أن يكون صفيقاً ثخيناً لا يشف .
الرابع: أن يكون فضفاضاً واسعاً غير ضيق .
الخامس: أن لا يكون مبخراً مطيباً .
السادس : أن لا يشبه ملابس الكافرات .
السابع :أن لا يشبه ملابس الرجال .
الثامن :أن لا يقصد به الشهرة بين الناس .

http://forum.hwaml.com/imgcache2/hwaml.com_1348037896_595.gif (http://forum.hwaml.com/redirector.php?url=%68%74%74%70%3a%2f%2f%77%77%77% 2e%67%75%6c%66%75%70%2e%63%6f%6d%2f%73%68%6f%77%2f %58%32%63%79%68%75%72%6c%78%63%77%34%6b%73)
هل تعلمين؟
أتعلمين أختي المسلمة خطورة جهلك بالحجاب الشرعي؟.. كيف يكون، وما هي شروطه؟.. هل تريدين من هذه العباءة التي ترتدينها أن تنجيك من مساءلة: لِمَ ارتديتِ الحجاب؟.. وكيف ارتديتِ الحجاب؟.. أم أنها عادة تفعلينها تقليداً ومجاراة لمن حولك أصاب أم أخطأ؟.. ألم تفكري في هذا الحجاب الذي تمثله العباءة مَنْ فرضها،ولِمَ فرضها؟.. وكيف يجب أن تكون؟...
أظنك لست جاهلة فأراك الموظفة (موجهة، مديرة، معلمة، إدارية..) وأراك الطبيبة والممرضة.. وأراك الطالبة..وأراك الأم والأخت.

ماذا دهاك يا ابنة خديجة و خولة؟..
ألهذا الحد يتلاعب بك أصحاب الأهواء والشهوات وأصحاب المحلات والمتاجر فتنساقين وراء كل موضة مهلكة؟ !!
والله إن العجب ليأخذ إحدانا عندما ترى عباءة السهرة المطرزة اللامعة المنقشة المخرقة المفتوحة من الخلف والجانب .. !! وقولي ما شئتِ من أوصاف فلا أخالك إلا تجدينها ماثلة أمامك ترتديها وللأسف امرأة مسلمة تقول: إنها عباءة، وتقول: إنها حجاب.. !!

http://forum.hwaml.com/imgcache2/hwaml.com_1348037896_595.gif (http://forum.hwaml.com/redirector.php?url=%68%74%74%70%3a%2f%2f%77%77%77% 2e%67%75%6c%66%75%70%2e%63%6f%6d%2f%73%68%6f%77%2f %58%32%63%79%68%75%72%6c%78%63%77%34%6b%73)
لا وألف لا
عباءتك - الفستان - هذه تحتاج إلى عباءة أخرى فوقها لتسترها ...
لتواري زينتها ... لتخفف من بريقها ... لتستر الخروق والثقوب التي بها، والتي تُظهر لون البلوزة أو الفستان الذي تحتها!!!
ماهذا والله بالحجاب وما هذه والله بالعباءة الساترة …
بل هي فستان .. وعباءة يلزمها عباءة.

قال النبي صلى الله عليه وسلم: " خير نسائكم الودود الولود، المواسية المواتية، إذا اتقين الله، وشر نسائكم المتبرجات المتخيلات وهن المنافقات لا يدخلن الجنة إلا مثل الغراب الأعصم "، الغراب الأعصم: هو أحمر المنقار والرجلين، وهو كناية عن قلة من يدخل الجنة من النساء. لأن هذا الوصف في ا لغربان قليل. لحــدِّ الرُّكبتينِ تُشـمِّرينـا بربـِــكِ أيُّ نهرٍ تعبرينَ
كأن الثَّـوبَ ظلٌ في صبـاحٍ يـَزيـدُ تقلصاً حيناً فحينا
تظنـــينَ الرجالَ بلا شعور ٍ لأنكِ ربُما لا تَشـــعُرينا
http://forum.hwaml.com/imgcache2/hwaml.com_1348037896_595.gif (http://forum.hwaml.com/redirector.php?url=%68%74%74%70%3a%2f%2f%77%77%77% 2e%67%75%6c%66%75%70%2e%63%6f%6d%2f%73%68%6f%77%2f %58%32%63%79%68%75%72%6c%78%63%77%34%6b%73)

س :ماحكم الملابس الضيقة عند النساء وعند المحارم؟
ج: لبس الملابس الضيقة التي تبين مفاتن المرأة وتبرز مافيه الفتنة ...مُحرَّم، لأن النبي صلى الله عليه وسلم قال: " صنفان من أهل النار لم أرهما بعد، رجالٌ معهم سياط كأذناب البقر يضربون بها الناس - يعني ظلماً وعدواناً - ونساء كاسيات عاريات مائلات مميلات ". فقد فُسر قوله كاسيات عاريات بأنهن يلبسن ألبسة قصيرة لا تستر ما يجب ستره من العورة وفسر بأنهن يلبسن ألبسة خفيفة لا تمنع من رؤية ما وراءها من بشرة المرأة، وفُسرت بإن يلبسن ملابس ضيقة ساترة عن الرؤية لكنها مبدية لمفاتن المرأة وعلى هذا لا يجوز للمرأة أن تلبس هذه الملابس الضيقة إلا لمن يجوز لها إبداء عورتها عنده وهو الزوج، فإنه ليس بين الزوج وزوجته عورة لقول الله تعالى:{ وَالَّذِينَ هُمْ لِفُرُوجِهِمْ حَافِظُونَ * إِلا عَلَى أَزْوَاجِهِمْ أوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ} [المؤمنون:6،5]. قال شيخ الإسلام ابن تيمية ـ رحمه الله ـ في مجموع الفتاوى [22/146]: ( وقد فسر قوله { كاسيات عاريات } بأن تكتسي ما لا يسترها، فهي كاسية وهي في الحقيقة عارية: مثل من تكتسي الثوب الرقيق الذي يصف بشرتها، أو الثوب الضيق الذي يبدي تقاطيع خلقها، مثل عجيزتها وساعدها ونحو ذلك، وإنما كسوة المرأة ما يسترها فلا يبدي جسمها ولا حجم أعضائها لكونه كثيفاً وسيعاً ) انتهى.

http://forum.hwaml.com/imgcache2/hwaml.com_1348037896_595.gif (http://forum.hwaml.com/redirector.php?url=%68%74%74%70%3a%2f%2f%77%77%77% 2e%67%75%6c%66%75%70%2e%63%6f%6d%2f%73%68%6f%77%2f %58%32%63%79%68%75%72%6c%78%63%77%34%6b%73)
أخيراً وليس آخراً
لم يكن الحجاب يوماً وسيلةً لإبراز المفاتن ولإغراء الشباب كما هو حاصل اليوم بما يسمى “حجاب الموضة”، إنما كان الحجاب ولم يزل خضوعاً لأمر الله عز وجل وصوناً لعفة وكرامة المرأة المسلمة.
فطالما أختي المسلمة أنك ارتضيتِ أن تكوني من المحجبات والحمد لله وممن تبحثُ عن رضى الله ورسوله، فالواجب عليكِ ارتداء الحجاب كما أمر صاحب الأمر جلَّ وعلا، لا كما تتطلب الموضة أو تشتهي النفس، وهذه الكلمات التي بين يديك إنما هي تذكرةٌ عما غفلتِ عنه وبيانٌ لصورة الحجاب الشرعي الذي يرضى عنه الله ورسوله. فكان لا بد من كتابة هذه النصيحة حتى نكون من الأمة التي تأمر بالمعروف وتنهى عن المنكر، عسى أن ينفع الله بكِ وبنا ويرزقنا سواء السبيل.
http://forum.hwaml.com/imgcache2/hwaml.com_1348039052_736.jpg (http://forum.hwaml.com/redirector.php?url=%68%74%74%70%3a%2f%2f%77%77%77% 2e%67%75%6c%66%75%70%2e%63%6f%6d%2f%73%68%6f%77%2f %58%33%35%61%30%6d%35%38%70%68%63%67%30%77%77)http ://forum.hwaml.com/imgcache2/hwaml.com_1348039052_101.gif (http://forum.hwaml.com/redirector.php?url=%68%74%74%70%3a%2f%2f%77%77%77% 2e%67%75%6c%66%75%70%2e%63%6f%6d%2f%73%68%6f%77%2f %58%32%63%79%69%67%65%6e%71%36%6f%32%73%63)


http://forum.hwaml.com/imgcache2/hwaml.com_1348037444_201.jpg (http://forum.hwaml.com/redirector.php?url=%68%74%74%70%3a%2f%2f%77%77%77% 2e%67%75%6c%66%75%70%2e%63%6f%6d%2f%73%68%6f%77%2f %58%31%31%72%63%33%74%35%74%6e%7a%6f%30%63%30)

(http://forum.hwaml.com/[url=http://www.gulfup.com/show/X11rc3t5tnzo0c0]http://forum.hwaml.com/imgcache2/hwaml.com_1348037444_201.jpg)

[IMG]http://im27.gulfup.com/2012-09-19/1348037285588.jpg%3C/a%3E (http://forum.hwaml.com/redirector.php?url=%68%74%74%70%3a%2f%2f%77%77%77% 2e%67%75%6c%66%75%70%2e%63%6f%6d%2f%73%68%6f%77%2f %58%33%35%61%30%62%66%6b%31%35%30%30%30%77%67)
منقول

[sosolibya]

ملا انتم كانا انا مهناش مهناك حددددددددددددددددددد

[أم أجنادين 80]

ان شاء الله بالنجاح سوسو
ايه القناعة المجمع ,,
وين تبيني نمشي لطريق الحاجة يلي منعرفش وين ايجي ههههههههه

[أم أجنادين 80]

شني بتحكيلنا ياسوسو هيا احكي

[sosolibya]

اجنادين شارع الحاجة مقابل شركة البريقة
يوجد فيه جامع الحاجة ومدرسة خولة بنت الازور وجامع ثانى ومدرسة ثانية بالك اسمها عمر بن العاص

[sosolibya]

ههههههههه خيرك اجنادين شديتى فى شنو بنحكى شكلك مكمسدة ومالة
خخخخخخخ خلى نحكيلكم على اصحابى السورين\


نهارها عزمونا جوووووووووووو


اكلات سورية منبوش نحكو نهلكو على حد حامل ولا حاجة

[sosolibya]

والله يا اجنادين حكى بصفة عامة ماعنديش حاجة معينة


المهم


خلى نقوللكم انا شنو دزيتلهم


مرة دزيتلهم عسلوز

ومرة كسكسى عرس من عرس خالى


ااااااااااه صح ماقلتلكمش خالى تزوج تخيلو عمره بسسسسسسسسسسسي



مواليد 86


نحنا نشفو فيه بيبيييييييييي

وتزوج بنت بنت عمه

حى معقولة قداش ليا مخيتلككمشس

طبعا كان يوم زواجه ممكن 4 2

يوم الثلج ماهو صبلنا الثلج فى الزاوية

وطبعا داره يوم الاثنين

لانه هو خجووووووووووووول

واحنا استنتجنا انه بلعانى باش مايطلعش الجمعة خخخخخخخخخخخخ


وطبعا الكسكسى يللى بعثته للسوريين من عرسه


وزوجت خالى مواليد 94

[sosolibya]

ودزيتلهم كمان

رشدة

وعصبان زعمه كلوه خخخخخخخخخخخخخخخخخ

ومعجونة وبسيسة وعسل وزيتون ملح

وزيت زيتون

[sosolibya]

ويييييييييييييينكم مخلينى بروحى اهىء اهىء


شموسة انا قاعدة مكملتش بالنسبة لملاقاة زوجك


اول ماتعرفى انه خش للبلاد تبعثى مسج

ليبيا نورت بوجودك وبدونك كانت ظلمة وجوووووووو من هذا ........ خخخخخخخ

المهم لما يجى تقدرى اديرى جو ان الحوش او الممر يللى فيه الباب يكون ظلاااااام وتكونى انت واقفة تنتظرى ولما يخش

تظميييييييييييييييه بكل حرارة لين تحسسيه بكل الشوق

و يعنى شوية حركات منك مضرش

وبعدييين تقعدو شويا او فور تمشو للدار يللى رح يلقاها باااااااردة ومعطرررررررررة ومرييييييييييحة ونايرة بطريقة حلوة
يرتاح هو شويه على السرير يغير حوايجه وتاخدو طرف شوكلاطة من يللى جايبها وتاكلوها مع بعض بطريقة رومانسييييييية خخخخخخخخ بدينا فى الصياعة

وبعدين انت تفننى على راحتك انا نعطيك رؤوس عناوين

وبعدين لو فيه حمام زى مااتفقنا ولو الصغار نايمين ديرو مع بعض حمام


وعندى ليك فكرة نوضى الصغار بكرىىىىىىىىىىىىى

خخخخخخخخ تعذيب

وماتوصل الساعة 11 يكونو نايمين

وتلهى انتى بروحك تتمكيجى وتتغندرى

لانه اتوقع بوجودهم رح تتبهدلى بينهم وبين الاكل وبين نفسك

وبعدين ترتاحو شوية و وبعدين .......................

وبعدين تتغدو وتنامو وبعدين تنوضو الصغار وتفتحو الشناطى مع بعض

جووووووووووو والله سهفتونى
خخخخخخخخخخخخخخخ

[sosolibya]

اثورتى قداش عمرها جود توا



قولولى سوما جابت ولا شنو صار

[sosolibya]

اليوم عمامى متلاقيين فى قراج جدى ومتغديينم مع بعض

بس انا مشيت سلمت وروحت

وبعدين العشية جت خالتى لامى

وانا دزيت الصغار عند امى باش نقرا شوية

ولحقت المغرب وقبل شوية روحنا

ولقيتهم دارو عشاهم ايدام دحى وبيتزا وطاجين مطلعتهم امى من الفريز خخخخخخخخ

كنا موتينهم بقدموهم لما نعزم انا السوريين

يللى بديت فى الامتحانات وماصارش من العزومة حاليا


بس ان شاء الله عن قريب

[أم أجنادين 80]

جــــــــــــــــــــيتك
مش غير امكسدة وسكتي
قريب نهبل

[أم أجنادين 80]

وبصراحة انحب هدرزتك علي قولت ناس نعرفهم
" هدرزة النساوين فايحة " خخخخخخخخخخخخخخ

[sosolibya]

شموسة ماتنسيش المسسسسسسساج


وتبخير دولاب زوجك وحطى فيه حاجة مميزة مثلا كرت معايدة او .........

وانا فى حاجة كمان اعملها


احط بعض الكروت يللى فيها كلمات جميلة

فى عدة اماكن مختلفة

فى الدولاب
فى سكرية القهوة لو متعود يصنع فى قهوة بروحه

فى جيب الملابس

فى الكندرة

وكل مايمكن ان تتطاله يده

[أم أجنادين 80]

وينك ياسوسو
اهيء اهيء اهيء ماتخلينيش بروحي

[sosolibya]

المدة يللى فاتت بعد عرس خالى مباشرة جانا علرس ولد عمى وييلى واخدها حتى هيا من العيلة

وتعرفو يللى جاينى جاينى

هديكا سوسو الاولى متع اللبس والمكياج كلها راحت

تعرفو من غير فالينيا وقونة وجهى كحل فقط
وفى الحفلة لبست قفطان اول مرة نلبس النوعية هده طويل وفوكه جاكيت قصير

وكنت بسيييطة فتحت شعرى ونزلتها من جهو وحدة وحتى وةجهى كان مكياج بناتى بسيييييييط

الكل مستغرب فيا

بس حلو جدا الشعور كان

حاسة نفسى بنوتة صغيرة وحلوة

[sosolibya]

علاش نخليك بروحك انى فعدة ياحبى

انا يللى من بكرى بروحى قريب طلعت

قصدك كتبتى رد قبل هدا معنديش جهد انرد الصفحة يللى فاتت النت ضعيييييييييييف

[أم أجنادين 80]

حلوة البساطة سوسوو وانتي فعلا صغيرونة

[sosolibya]

تعرفى اجنادين

لما الفترة الفاتت كنت بنعزم السوريين كنت نبى ندير امبطن فكرتينى


شموسة علاش تقولو مصارين احنا نقولو عصبان

ونقولو امبطن يللى انتم تقولو بطاطا مبطنة

المهم وكنت انا مش فاضية وصدفة صديقتى كيف مدايرة بيانها وقالتلى على جارتهم مراة نظيف وباهية

قالت ادير فيه يهبللللللل الظرف بدينار

فقلت يللا مايولى

لكن تبو الحق استغليته قلت معناها كانا بناخد 50 طرف 50 دينار

والله اندير بيهم حاجة ثانية خير

ونديروه براحنا شنو خيره منعرفوش والله حتى احنا يجينا حلو

بس بصدق خاطرى نذوقه مرات نقول ناخد حتى شوية لروحى ذواقه

[sosolibya]

تسلمى حبيبتى اجنادين بس يللى نقصده انى كنت نمكيج ونبالغ فى اللبس وهكى مع العلم انى مش من نوعية يللى فى كل عرس بنشرى ولازم حاجة واتنين ومن اغلى الالبسة
مثل البعض هداهم الله

لا والله

[sosolibya]

اجنادين عندكم عسل

ماقلتلكمش بنت عمتى هذه يللى رفيقتى هلبةةةةةةةةةةةةةةة

انخطبت وعرسها اكيد قريب ان شاء الله

[أم أجنادين 80]

مرات لما اتجيك الحاجة واتية من غير تعب محلاها
وصح لما اتفكري فيها من ناحية الفلوس اتجيك ارخص ,,
بس انا عن قناعة العزايم اتعب هلبة
ومن رايي الجاهز يريح هلبة هلبة هلبة وخصوصا في اللمات مهما اديري مش راح يكفي
ومرات تفسد منك تنحرق مثلا تاخديها واتية واتريحي روحك

[أم أجنادين 80]

ايه عندنا ,,,
حتي انا زيك مانشريش كل عرس بس انمكيج ونكشخ زي مايقولوا

[أم أجنادين 80]

ربي كمل علي خير
قريتي سوسو الباين ماقريتيش هلبة

[sosolibya]

كنة عمى جايبة توا

ووحدة فى العيلة جايبة وتبو الحق من قبل ماتجيب انقول المرة هذه مش ماشيتلها ياسر

مع انى نخالط فيها وتجينى

بس هكى قلت ياسر بنقص من الزيارات ويللى ماشيتلها هلبة مرات معادش بنمشيلها
ويللى عروس جديدة قاعدة مش ماشيتلها

ويللى مجتنيش قبل مش ماشيتلها

مش عارفة شن صايرلى يابناويت بسم الله عليا خخخخخخخ

شورنى كبرت وعقلت

لانى بصراحة كنت نعشق الطلوع ونموت فى المناسبات الاجتماعية

ونحب نواصل هلبة هلبة

يعنى بصراحة هكى المفروض انقصو من المشى والجى ونحددو علاقتنا ياسر من

[أم أجنادين 80]

انا عكسك الشعور هدا فيني من يومي
ماانحبش نطلع هلبة
وعروس جديدة لو مش من العيلة مانمشيش يعني بنت خال راجلي بنت عمته بنت عمه وهكي
كان هدا مانمشيش ,,,
وين كل مشية تبي تنسيق وتخمميلها من قبلها بفترة وبتاخد من وقت حوشي
واصلا نرتاح من التعليق وغيره انتي عارفة

[أم أجنادين 80]

شني عشاك ,,,,

[sosolibya]

مرات لما اتجيك الحاجة واتية من غير تعب محلاها
وصح لما اتفكري فيها من ناحية الفلوس اتجيك ارخص ,,
بس انا عن قناعة العزايم اتعب هلبة
ومن رايي الجاهز يريح هلبة هلبة هلبة وخصوصا في اللمات مهما اديري مش راح يكفي
ومرات تفسد منك تنحرق مثلا تاخديها واتية واتريحي روحك


سامحينى اجنادين بس انا بصراحة مش مقتنعة قاعدة بالحاجة هذه الحق حلويات صح نشرى وعادى

بس الحار قعدة مااقتنعتش

وسامحينى لكن الحق انقولك انا نضايق منهم يللى يشرو ومرات فى حالات معينة حتى نهزى
نقول ليش ميديروش براحهم

فى حالات معينة صح ممكن

لكن الناس بارت بدت كل شىء تبيه واتى
يعنى بصراحة مش معقولة

قداتش منه حتى هو الراجل ومن الصرف

انا هذه قناعتى
يعنى حاجات معينة نشروها ممكن

بس مش كل شىء حتى يللى مفروض يندار فى الحوش الواحد يكون فى حدود المعقول

مش كل شىء بنقلدو غيرنا وخلاص

[sosolibya]

شنو يا اجنادين توزعى فيا هيا اهو بنمشى نقرا

تعرفى يا اجنادين انا لما كنت بلا صغار والله ماتعيقنى حاجة حتى بعد حمود وين وامتى مانبى نمشى

توا بس بالله والله حتى خشوش الحمام بدى بحسابه

المشية تنسقيلها ليييييين تعييي

وين بتحطى الصغار وامتى بتمشى وكيف ومنو وشنو وعلاش اخخخخخخخ

مسكين راجلى والله مايتشرط عليا هلبة بس انا نتحشم قداش بتخلى الصغار

هلبة حاجات بدينا نفرطو فيها

[sosolibya]

توا بعد شوية بتجى اثرى وتقول اخساره راحت عليا الهدرزة خخخخخخخخ














شموسةةةةةةةةةةةةةةةةةةةة

توين حاصلة اتطبهجى خخخخخخخخ

[أم أجنادين 80]

ايه معاك الحق مش كل بنشروه
مثلا في لمة نفاس وين بتقدري اديري حاجة بصراحة مش انها بايرة
بس هلبة تعب ,,,
عزومة بسيطة للصاحبات او لغاية 10 تقدري اديري في الحوش ولو كانو 20
وبدير حاجات حارة مع الرز , الرز ساهل وحتي البيتزا رغم اني معادش انفضلها في العزومات
ولو بديري سلايط حتي هيا عادي لانها ممكن اتسدك ,, امبطن حتي هوا لغاية 20 طرف تقدري بروحك
وبديري حاجة بالدجاج وبتنوعي وفي يوم مش راح اتلحقي لازم قبلها او معاك من يعاونك
ولو كان امسقي ساهل الصراحة غير اطيبي في مكان واسع بس ,,
لكن في لمة انا عكسك ناخد واتي من مكان موثوق وانظيف ويكون كله بنفس الشكل والطعمة
اريح اريح ,,,,

[أم أجنادين 80]

والله قلتها في خاطري راح اتجي اثري واتقول فاتتني الهدرزة
شموسة اطبق في نصائحك ههههههه

[أم أجنادين 80]

مش قصة تقليد
بس كل شخص ظروفه تحكم فيه
في من ماعنداش من يساعده ,,
وفي من عنده بس لما بيكثر الزحمة بكثر الزعل انتي قولتيلي وحسبتيني وانا ماحسبتينش
ويلي اتجي بصغارها بدل مااتعاون تبي من يعاونها وخليك من الجو هدا ,,
واهم سبب في من ماعندهاش من يعاونها

[أم أجنادين 80]

سوسو لو بتطلعي
قولي بنطلع حتي انا

[أم أجنادين 80]

الباين بروحي
هيا تصبحي علي خير

[ليبياقلبي]

هلا والله سوسو واخيرا اصطدقتي عزتني وباركتلي عالحمل وسلامي للكل

[أثري في مدادي]

السلام عليكم ورحمة الله .............
تحققت نبوءتكمااااااااااااااااااااا

إهيء إهيء

راحت علي الهدرزة

شورني شادتها تأخير
كان عندي تفريغ ضروري لازم نسلمه غدوة
كملته وخشيت طول
لكن ما لحقتش عليكم

[ليبياقلبي]

انا امس حولت الكنايولا وتمت المضاد يارب الاتهاب يتم

[أم أجنادين 80]

صــــــــــــــــباح الخـــــــــــيرات

[أثري في مدادي]

السلام عليكم ورحمة الله ،،،،،،،،،
لابأس طهوراً أم نوزة

وبارب تكون نهاية أتعابك إن شاء الله

صباح الورد والفل والعنبر

[شموسه 88]

السلام عليكم ورحمة الله وبركاته

[أم أجنادين 80]

ازيك اثري وازي السنافر ؟؟؟

[أم أجنادين 80]

وعليك السلام ورحمة الله وبركاته
كيف حالك شموسة
روح زوجك ولا مزال

[شموسه 88]

صباح الخيرات وليرات عل احلى عضوات
ام نوزه لاباس عليك معلش كلا ابجره
ام اجنادين والله فاتني الهدرزه الحلوه انتي اوسوسو امس جمعه كنت مجتمعه في حوش هل داري"هل زوجي"
والله قاعده غاطسه في تحضيرات والتوتاتي قعدت في اليوم نطلع بلسياره مرتين ان شالله ربي يستر
اثري كيف حال اعليوه او جودي طبعا ديما الهدرزه الحلوه فايتنا

[شموسه 88]

لا مازل اليوم العشيه يركب اوبكره الصبح ان شالله يوصل ربي ايسهلا طريقه ان شالله

[أم أجنادين 80]

ان شاء الله يوصل بالسلامة
ام نوزة ان شاء الله ترتاحي منهم الالتهابات

[شموسه 88]

تعرفى اجنادين

لما الفترة الفاتت كنت بنعزم السوريين كنت نبى ندير امبطن فكرتينى


شموسة علاش تقولو مصارين احنا نقولو عصبان

ونقولو امبطن يللى انتم تقولو بطاطا مبطنة

ه
ضحكتيني ياسوسو عطك خير ههههههه
حتى نحنا انقولوا عصبان بس لما ايكون كامل يعني مصارين او كرشه وردا"كان تعرفيك" بس انا دايره مصارين بس
بس لمبطن والله القيتهم ايقولوا بطاطا امبطنه مش عارفه شنو السبب

[أم أجنادين 80]

صحة ليك شموسة انا سيارة راجلي قدام الحوش ومفتاحها قاعد ونبي نمشي لحوش عمي
مفيش من يرفعني ولا انا نقدر انسوق السيارة انحس كان رجليا وايديا مربوطات

[شموسه 88]

شموسة هل تقصدى بالوناسة

(مثرد) مفهمتش








ا
الوناسه هيا الابجوره طانتوا اتقولولها تقريبا سهاره

[شموسه 88]

صحة ليك شموسة انا سيارة راجلي قدام الحوش ومفتاحها قاعد ونبي نمشي لحوش عمي
مفيش من يرفعني ولا انا نقدر انسوق السيارة انحس كان رجليا وايديا مربوطات
هيا انقول الحق لسواقه حلوه بس والله تعب ابصرحه انا نفسيتي مش متريحه لسواقه بكل والله مانطلع الا في حالت الطارئه "مضايفات بكل اوطريق زحمه والوقت ايخوف الحق"

[شموسه 88]

تحضيراتي لي وتيتهن
درت بطاطا امبطنه اوبيتزا اوشيش اوكباب"طبعا هلي مستفيدين مني ابدعاتي ههههههههههه
اوصيت عل تورته اوبوريك اومقروض بكره الصبح خويا ايجيبه ليا
اوفي العشيه ماشيه الكوفيرا نبي اندير نيو لوك

[أم أجنادين 80]

ايه الاباجورة هيا السهارة
صح هيا متعبة واتخوف مع الزحمة والسرعة
بس للضروريات كويسة زي حالتي توا
معادش عرفت انوض اندير غداي ولا نستني من يجي يرفعني

[أم أجنادين 80]

كيف طريقتك للكباب

[sosolibya]

السلام عليكم ورحمة الله وبركاته

كيف حالكم

[sosolibya]

شموسة ليش التورتة يعنى امتى بتاكلوها بالزبط

نقصد هل عندك لقطة معينة فى بالك

[sosolibya]

حبيبتى اجنادين
حتى انا قلتلك شرى الحار لظروف معينة ممكن

بس انا نحكى على يللى بدو يطلبو فيه لمجرد بيارة

وخلى نقولك مانا

انا قعد فى خاطرى امبطن جارة صاحبتى وتبى الحق بكرى بعثتلها مسج قتلها وصيلى ب10 دينار

نبى نذوقه ماولت خخخخخخخخخخخخخ

الحق انا مش مقتنعة لعدم ثقتى يعنى مش من الساهل فى الوقت هذا نوثقو فى حد منعرفوهش

[sosolibya]

حقا طعمتو ولا شنو صار فيكم

انا والله كان نلقى راجلى يرفعنا غدوة

الواحد يدير يللى عليه

وربى يحفظنا وخلاص

[sosolibya]

المدة يللى فاتت صاحبتى تزوجت

ومشيتلها قبل العرس ساعدتها فى تغليف السوابيت لان هيا عارفتنى عندى فكرة ونادتنى

وفى العرس مشيتلها يوم الخميس بس

وبعدين عزمتنى فى الاسبوع والحق مشيتلها

لانى مالة وقلت نغير جوى لانها صاحبتى هلبة ونعرف اهلها هلبة

ولان حتى هيا تجينى اكثر من مرة

[sosolibya]

اثرى انا بصراحة نبى نعرف شن وظيفتك بالضبط ممكن نفهم



اجنادين بالك تعرفيها صديقتى يللى تزوجت المدة الفاتت

حتى هيا من جودائم

[sosolibya]

بنااااااااااااااااااااااات هيا تعالو نهدرزو

شويةةةةةةةةةةةةةةةة

اجنادين وييييييييييييييييينك وقوليلى معادش تخدمى ولا شنو

[sosolibya]

عيااااااااااااااااانة نحس فى روحى مهسهسة وعيونى بيتغمضو

[sosolibya]

ليبيا قلبى ممكن تقوليلى كيف الالتهابات بالك عندى حتى انا

لان حتى انا فيه امر يزعجنى شوية

[sosolibya]

وينكم لا باس والله عيب عليكم اليوم عندى شوية وقت وخاطرى نهدرز

[أثري في مدادي]

السلام عليكم ورحمة الله

[أثري في مدادي]

اختفت """ شموسة """" مع طريقة الكباااااااااااااااااااااب ....

زعما شنو """ الشكل الجديد """ اللي مقررة بديريه ؟؟؟

قصيت شعرك ولا مازال ؟؟؟

~~~~~~~~~~~~~~~~~~~~~~~~~~~~~~~~~~

على ذكر الحار والجاهز الاسبوع اللي فات صارلي موقف ..............

منو قاعد نحكيهوله ؟؟؟

[أثري في مدادي]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هيا مع الســــــــــــــــــــــــــــــــــــــلامة

[شموسه 88]

السلام عليكم ورحمة الله وبركاته
جيت جيت يا اثري احكيلي شنو الموقف

[شموسه 88]

ام اجنادين
طريقة الكباب
لحم مفرووم_اوبصل_اوملح _اوفلفل اكحل_او خبزه مرحيه"مدقوقه" _اوثوم_معدنوس خلطي المقدير مع بعضهن بعدها دريهن اطول ابيدك اوحطيهن اشويه في الثلاجه علشان تمسك مع بعضها
حضري طجين عل النار حطي فيه زيت اشويه يعني مش قلي تحمير اوطيبي فيهن الكباب بعد مااتكملي حطيهن في كساس اوطيبيه عل البخار اوحطيله فحمه علاشان اتفوحيها او لفيها في فطيره انا شريتها جاهزه
اوصحتين مقدما ان شالله اتكوني فهمتي عليا

[شموسه 88]

اختفت """ شموسة """" مع طريقة الكباااااااااااااااااااااب ....

زعما شنو """ الشكل الجديد """ اللي مقررة بديريه ؟؟؟

قصيت شعرك ولا مازال ؟؟؟

~~~~~~~~~~~~~~~~~~~~~~~~~~~~~~~~~~

على ذكر الحار والجاهز الاسبوع اللي فات صارلي موقف ..............

منو قاعد نحكيهوله ؟؟؟
اثري قصيت شعري عل قولهم اسيوف اودرتلا هاي لايت احمر من تحت ان شالله ياربي يعجب ابو الشباب انا حاسه روحي غريبه بلوك الجديد اصلا اول مره انغير لون شعري بس
كان خاطري اندير حنه بس املعيني اشاعه في بنغازي ان الحنه امسممه هههههههههه خفت

[شموسه 88]

خويا جا نمشي انحطلا عشاء وانجيكم

[sosolibya]

صباح الخير

كيف حالكم اليوم

[sosolibya]

مبروك اللوك الجديد يا شموسة

شموسة الكباب مافيهش دحى

ذوقينا من الحاجات يللى جابهم خوك خخخخخخ

[sosolibya]

كيف استعيد الايام الرومانسية مع زوجي حبيبي و خطيبي

بعد الزواج بمدة تختلف الأمور عما كانت عليه في الأشهر الأولى أو حتى السنة الأولى، تتغير الحميمية بين الزوجين، وتصبح الحياة بينهما مرتبطة بالمسؤولية من جهة وتفقد صلاتها رويداً رويداً بعالم الرومانسية الجميل. للأسف علينا أن نعترف أن هذه سنة الحياة. وأن جذوة الحب والتعلق لا تزول تماماً، ولكنها تتحول من شكل إلى آخر، تنطفئ الشعلة وتبقى مسؤولية الزواج. خاصة إذا أنجب الاثنان باكراً، فإن سرعة غرق مركب الرومانسية تكون أسرع، لأن الأطفال يشغلون أكثر من ثلاثة أرباع الوقت.
فهل هناك من طريقة تجدد الرومانسية التي نحتاجها في حياتنا؟ خاصة مع قسوة العمل والحياة العصرية؟
قبل أن نعرف كيف نحافظ على هذه المشاعر المحلقة لا بد أن نقتنع بحتمية تغيرها، ولكن يظل هناك شيء يمكننا أن نحتفظ به يشعل شرارة الحب دائماً ويبقي على العلاقة بين الزوجين علاقة العشاق أيضاً، فنحن لا نريد لهذه النعمة أن تزول. يمكننا تجديدها نعم، فالإنسان بطبيعته كائن مبدع ولكنه لا يستثمر طاقته الخلاقة في علاقاته الزوجية العاطفية، فعادة مايعتقد أن العائلة الآن في مأمن وأصبحت من المسلمات، ولا ضرورة لبذل الكثير من الطاقة للتعبير عن فرحنا وحبنا للزوجة أو الزوج اللذين يعودان آخر النهار متعبين إلى البيت. فكما تقول الطبيبة النفسية الأميركية
كلاريسا بنكولا إن الزواج يمر بما يلي: الحب ثم موت الحب ثم الحب من جديد. وتقصد بموت الحب، انتهاء تلك الشعلة الأولى التي تجذب الاثنين ثم بدء نوع جديد من الحب بينهما، مرتبط بالوعي والنضج والعشرة. ولكل مرحلة رومانسيتها.
و إليك ست نصائح قد تساعد في بث الحياة في الرومانسية من جديد:
1- هل حدث بينك وبين زوجك شيء مؤلم لا تستطيعين نسيانه؟
عزيزتي، حان وقت أخذ القرارات فأنت تريدين المضي في هذه الحياة الزوجية، وتريدين أن تعيشي سعيدة. إن الخطأ الذي تقع فيه معظم النساء والرجال أيضاً، هو التذكير بما حدث. فما أن يحدث أي شيء مهما كان بسيطاً من زوجك، فإنك تبذلين جهدك لتذكريه بخطئه، في هذه الحالة لا تلومي إلا نفسك. إذا كنت تريدين الحياة بشيء من الحب تعلمي فن النسيان، وتجنبي تذكر الماضي دائماً. قومي بعمل دفتر مذكرات صغير أو ألبوم الذكريات الجديدة والحلوة فقط. وكلما غضبت من زوجك تذكري الأيام الحلوة معه وليس المرة.
2- هل أنت حنونة؟
احتضنيه فجأة بلا سبب، عدلي له ياقة قميصه وهو منشغل. جففي شعره ومشطيه بنفسك بعد الاستحمام. فاجئيه مرة بأنك قرأت الجريدة ووضعت له الخطوط تحت الأخبار التي تهمه في عمله مثلاً. فاجئيه بأول أغنية سمعتماها معاً. امتدحي طريقة هندامه وشكله وقصة شعره.
3- استعيدي أيام الرومانسية في زواجك ابعثي إيميل
أحياناً قومي بحركات عاطفية مئة بالمئة، ابعثي له إيميلاً تعبرين فيه عن حبك فقط، لا تطلبي أي شيء ولا تذكريه بأي مسؤولية ولا أي مشكلة. فقط قولي له كم تحبينه. حتى وإن سخر منك والرجال يسخرون عادة، اعلمي أنه في داخله سعيد جداً ويشعر بالرضى، أرضي غرور الرجل فيه بتذكيرك له بحبك من دون أي سبب لا قبل ذلك ولا بعده.
4- حسسيه بالفرق
حين يعود إلى المنزل، وأنت تجلسين أمام المسلسل اليومي، لا تتجاهلي حضوره، أشعريه بالفرق، وبأن قدومه يشكل فرق فعلاً، استقبليه بابتسامة حتى وإن اختلفتما في الصباح، حضري له كوكتيلاً مع عشاء ساخن. اسأليه بود عن حاله وعن أحوال النهار. أطفئي التلفاز وأشعريه أن كل تركيزك معه، لا تقلقي لن تفوتك حلقات المسلسل، ستعاد في يوم آخر أو قناة أخرى!
5- إجازة عسل
إذا سمحت الإمكانيات فحضري إنت وهو معاً رحلة لكما وحدكما، ضعي أطفالك عند الأهل في إجازة أسبوع واذهبا وحدكما إلى البحر مثلاً. حاولي تجنب "النكد" و"النق" تذكري أن هذا الرجل هو رجل حياتك، وأنك تريدين أن تعيشي معه لحظات سعيدة.
6- غيري إطلالتك
لا تكوني مملة ولا محافظة في منزلك، تزيني وتأنقي فأنت تستقبلين أعز الناس، غيري في طريقة مكياجك وشعرك بين فترة وأخرى. دعيه يشعر كم أنت امرأة متجددة. استعيدي أيام الرومانسية في زواجك كوني جريئة مع زوجك وعبري له عن حبك واهتمامك وشوقك.
7- لا تكوني مفرطة في عواطفك
من عيوب المرأة العربية الانفعالية، والإفراط في العواطف، ومن عيوب الرجل العربي حبه لتمنع المرأة. ستقولين لي ولكنه زوجي؟ أعرف ولكنه رجل في نهاية المطاف. أشعريه بحبك وكوني قريبة فعلاً، ولكن أرجوك لا تعيدي نفس الكلام كل مرة فتصبحي مثل إسطوانة مملة ومشروخة. كوني جميلة ومحبة وكوني حكيمة في عواطفك وأعطها بمقدار ليعرف أن هناك المزيد. وأنه لم يكتشفك تماماً بعد. أثيري فضوله بدلالك وقدرتك على تجاوز نفسك في الشكل والمعرفة والحضور والأناقة.

منقوووووووووووووووول