دردشة بنات ليبيا , دردشة حوامل ليبيا , تجمع بنات ليبيا

[ليبياقلبي]

شن متشية لحوش اماليك حقا انت ولا ام ورد اكبر

[ام قصى محمد]

السلام عليكم
كيف الحال

[ليبياقلبي]

بنمشي نفطر معا اماما

[ام معاد]

ام ورد اكبر ايه ابنمشي عند اهلي بنبات غادي زوزي عمل

[ام معاد]

انت صايمة اليوم والاشنو

[ام قصى محمد]

مرحبتين ام معادكيف حالك وحال وليدك وبنيتك
وشن الاحوال عندكم فى عين زاره

[ام معاد]

اهلين ام قصي كيف حالك انت وشن اخبارك عين زارة صقع بكل

[ام قصى محمد]

قسمك فى الجنه ام ناريز
صحيحتين على قلبك وسلملى على امك

[ام معاد]

وينك يا ام قصي ، حلوات السندويتشات يا ام جني

[ام معاد]

ركبتي دار نومك والا مازال

[ام معاد]

مازالي شوي وبنمشي وينكم

[ام قصى محمد]

والله انا على اعصابى الدوره موعدها بكرا وخايفه تجينى
يارب يارب نكون حامل

[ام معاد]

ليبيا وام قصي وينكم

[ام معاد]

انشاء الله ماتشوفي منها قطرة وتطلعي حامل وتبشرينا ان شاء الله

[ام قصى محمد]

من لثلاثاء الماضى قلعت سن والى اليوم الالم غريب
بس حتى هى سن غريبه الشكل هههههههههههههه والله بجد نحكى عوجه

[ام قصى محمد]

يارب يارب يارب يارب

[ام معاد]

شن جو درنة

[ام قصى محمد]

ميراس ايه عيون زوجى ام اجنادين
ميمونه يقين ام سعد ليبيا قلبى ام وسونه سالى سوسو زهره الاء
راكم تنسونى من الدعاء
ام معاد ام ورد فراشه شمس
ام محمد بنت الجبل

[ام قصى محمد]

مشاء الله الحمدلله
من ناحيه الطقس تقولى صيف الجو دافى والشمس حاره
والباقى الحمدلله

[ام معاد]

احنا اليوم صقع بكل

[ام قصى محمد]

ام معاد شن اديرى فى يومك كساد يعنى او عندك جيران اهل زوجك يعنى شن اديرى انتى تشتغلى

[ام قصى محمد]

ام معاد مشيتى
يابنات 100 مره قلت الى تطلع تقول انها طالعه

[ام قصى محمد]

السلام عليكم
نستاذن

[ام معاد]

يا ام قصي اني ممشيتش بس اتصلت بزوجي وقالي قربيب نجي مشيت غسلت مرضعة بنتي وجيت بالله ماتزعليش

[ام معاد]

يا ام قصي اني ربت بيت مقعمزة في حوشي لاهية بصغاري وزوجي ونقرا ونتبت في القران واهل زوجي بعاااااااااااااااااااااااااااااااااد عليا هلبة وزوجي بروحه هني ماعنداش حد

[ام معاد]

فيه وحدة زعلانة منها هلبة في التجمع لاكن غدوة حسابها كلكم خشو غدوة وشوفو من يلي يربح

[أم ورد]

السلام عليكم كيف حالكم توى

[ميمونة]

السلام عليكم كيف حالكم توا

انا كيف روحت من موجود

[ام معاد]

تو نستادن سلامي للكل

[ام معاد]

اهلا ميمونة كملتي حاجاتك

[ميمونة]

العفو وين ماشيه اقعدي هدرزي شويا

[ميمونة]

لا والله مازال طلعت بكري علي خاطر نروحو بكري

اخــــــــــــــــــــــتي الاصغر مني مواليد 88 متخرجه من الصيدله اليوم الفضان متاعها عقبالك وخيااتكم يارب

[ميمونة]

غدوه انشاءالله نكمل باقي بضاعتي مشيت شفت طاقم اقسم بالله 2000 ماتجيبش الا المزهود والله حاله راكب فيه النار الذهب

[saly.me.91]

السلام عليكم
كيف حالكم الكل

[ام معاد]

ابنمشي عند اهلي بنبات غادي

[ميمونة]

هلا سالي كيف حالك ولاباس عليك وين هالغيبه انشاءالله خير بس

[ام معاد]

ربي تمملها بالخير وخيتك

[أم ورد]

ميمونة كيف حالك اليوم

[أم ورد]

سالي كيف حالك وين هالغيبة

[saly.me.91]

مشكور من تذكرني
يقونتي الف مبروك ياوخيتي الغالية
ويارب يكون ولد ميه في المية ويكون ولد بار وصالح

سوسو كيف حالك ولاباس على حمودي ربي يشفيه من الحرارة
وانشالله تروحي بالسلامة وتديري كل اللي في خاطرك

رغودة كيف حالك انتى والبنيات ومعليش
ماتزعليش روحك هذا حالنا احنا اللليبيين الله غالب علينا

ميمو كيف حالك ومبروك على وخيتك

[ميمونة]

الله يسلمك ا معاذ

ام ورد كيف حالك اليوم

[ام معاد]

هيا هدرزو قبل مانمشي

[أم ورد]

الحمد لله عروسة مبروك على وخيتك

[ميمونة]

الله يبارك فيك سالي طمنينا علي حالك

[ام معاد]

ام ورد بتجي غدوة

[ام معاد]

سالي كيف حالك وشن جو الحمل

[ميمونة]

الله يسلمك ام ورد

ام معاذ مستعجله تبي تطلع

[أم ورد]

بإذن الله الصبح بكري وإنتي أمتى بتروحي

[saly.me.91]

اهلين ام ورد وام معاذ كيف حالكم
انا الحمدلله بخير وماخشيتش لان النت دايرها فيا
امس مشينا لكناينا وحدة في غوط الشعال ووحدة في
دواخل القصر وخوي يجري والسيارة دبل قابينا والطريق
جربة وحرفة وخودلك من هاداكا التقربيع وانا دايرة مخدة وراي
وشادة بطني بيديا وبطني اتلقلق ايمين ايسار..قريب متت
ماوصلت الحوش لين خلاص..شعفة قلتلهم معاد طالعه

[ميمونة]

وين بتجي ام ورد غدوهhwaml03

[ام معاد]

لالالا مادا بي نقعد لاكن من الصبح والنتدي مكسد ويقونة خلتني من غير غدي هههههههههههههههه

[أم ورد]

عندك إن شاء الله بنوتي معاك ههههههههههههههه
بنجي لحوشنا لأن اليوم ما مشيتش

[ميمونة]

الحمد لله علي سلامتك سالي والله مش خوك بس والله كلهم بدوا يسوقوا علي اعصابهم

انا بنسكن انشاءالله في غوط الشعال بعد السمافروي

[ام معاد]

تعرفوا توا تخلعني قطوسة حشاكم لين عيطت فتحت الباب بنحط الفراش طلعت تجري ووووووووووووووووووو

[ميمونة]

اعوذ بالله منها انا عندي ليها فوبيه مش طبيعه من نشوفها نزريق نشدها عياط ونجري هههههههههههههه

مابعدك ام معاذ الحق

[عيون زوجي]

السلام عليكم
ميمونه يا احبيبه استاحشتك ومبروك ماشريتي ومبروك على اوخيتك وعقبال كل اصبيه وعزري يارب
ام وسونه ...لاباس على بنيتك ويارب يشفيها يارب
ام ناريز ماتحرجيش مني ويارب تشوفي نوزة اعروسه يارب

رغودة الله غالب ادعي ربي يباركلنا في بلادنا ونشوفوها احلى بلاد في العالم امالا كان تسافري وترجعي قداش ما تكرهي الوضع اولا السلاح الكاثر ومافيش وين تلعبي صغارك ولا وين تتدهوري بيهم لا متاحف ولا معارض لا مقاهي عائليه ولا مطاعم اعليها القيمه حاله وخلاص يارب العالمين يفرجها اعلينا المهم والاهم الامن والامان والسلامة والسلام
سالي كيف حالك وروحتي لحوشك ولا لا وحصلتي تقرير للسفر برا ولا لا؟

[ام معاد]

مرات بنروح بكري لان مافيش عمل هلبة امتحانات سنة خامسة

[ام معاد]

اهلا عيون كيف الحال

[أم ورد]

أهلين عيون كيف حالك وكيف حال عويلتك

[ميمونة]

جيتي يافالحه الله يبارك فيك
وينك هكي نغطسه هالغطسه المهم شن حالك وحال سروري وحمودي انشاءالله تمام شن عندك جديد يلا ابدي انا توا فاضيه

[عيون زوجي]

ام معاد شنو قعده ما مشيتيش نوضي بالك؟؟

[عيون زوجي]

بندير طويسة شاهي بالياسمين طعمتها اتجنن تستاهل بؤوكم
لحظة وراجعه ما تهربوش ما صدقت لقيتكم
ميمو
ام معاد
سالي
مكانك قف.....

[ام معاد]

هههههههههههههههههههه زوزي اتصل وقالي ساعة تانية

[ميمونة]

هههههه مقعمزه تقصقص خايفه ندوي عليها

[عيون زوجي]

http://forum.hwaml.com/imgcache2/hwaml.com_1328456868_615.jpg

[saly.me.91]

اهلين ياعيون كيف حالك؟ولاباس على خالك ربي يعوضه خير ياارب

لالا قاعدة عند اماليا وين بنروح منو بيا غادي والتقرير
والله معاد فهمت حاجة الدكتور لما يشوفني يقعد يرعش فيا
انتى بتجيبي مبكر ومستحيل يعيشو ويبو عناية ولازم اتجيبي فالاردن
ووضعك صعب..والخ الخ الخ...ووين كتب التقرير دار انه وضع البيبيات ممتاز
من حيث القياسات ويجب المتابعه في المستشفي...هاااادي حدها؟؟
معاش فهمت انا..قبل شيبانيا بيوليله يقوله شن هالتقرير المبهم
بس كل يوم مايصيرش..قلت لراجلي انجربو نقدمو حتى بهذا وخلاص

ربي يسهل واللي فيها الخيرة يأتي بها الله

[ميمونة]

جيبالي معاك والله راسي مصدع

[ام معاد]

تعرفي يا ميمونة وكان نجيك نقلرصك قرصة لعزايز دكري قبل الزواج ههههههههههههههه

[ميمونة]

ربي يسهل سالي وانشاءالله خير يارب

عيون --لاباس علي خالك ماسمعتش بيه

[ميمونة]

واوو عليا ياسر اليبره متاع تحليل الزواج تعرفي زرقه وحمراء بدت في ايدي ليها توا اربعه ايام وكل يوم نحس فيها في زياده

[ام معاد]

ووومشناه متاع التحليل

[saly.me.91]

شورك زيني فيسع ماتتزرقي من الايباري وووك نكرههم التحاليل

[ميمونة]

اليوم طلعت النتيجه بس مكانها قاعد اقسم بالله بسم سمها شورها ضربتها قاعده لليوم ايدي فاشله

[ميمونة]

والله ياسالي حاله الحق شورني حساسه ههههههههههههه

[ام معاد]

اكره ماعندي التحاليل وووووووووووووووووووووووووووووووووووووووووو

[أم ورد]

تعرفوا النت درهلي كبدي اليوم من الصبح

[ام معاد]

اعطيه كف باهي هههههههههههههههههههههههههههه

[ام معاد]

كان انت درهلك كبدك اني يفصلولي فيه الصغار عيني عينك

[ام معاد]

شكلها عيون حاسبتنا في الشاهي عطلت المراة

[عيون زوجي]

انا جييييييت طويسة شاهي اسخونه في هالصقع يلي ما حسيتش بيه حتى في المانيا شنو هذامع انه درجة الحرارة 10 وغدوة صقع والحرارة 9 حاله هالصقع
سالي الله يسلمك ويحفظلك صغارك بس اجري ورا هالملف لين تتدهشي هذا حال الليبين كل شي يبي التعب سمعت عن هلبه هلبه نساوين سافروا الاردن على حساب المجلس
ام ورد خيره النت معاك يبيك تنوضي وتسيبينا
ميمو شنو بديروااليوم في فضانيتكم

[أم ورد]

يا ريتني إنحصله مش كف نعطيه طريحة إلي نعرفها أني هههههههههههههههه

[ليبياقلبي]

سسسسسسسسسسسسسسسسسلام ام معاد وام قصي انا لالالا والله ماما صاية بس اهلي هنا روتينهم يفطروا الساعة 2 او 3 والعغداء 8 او 9 هكي روتينهم مش زي انا
ميمو وعيون شن الجو لاباس علا خالك عيون
ساليتو بالله فكينا مني كلامه دكتورك انا اختي توامة وعادي صغارها صح جوا اول يوم التاسع وناقصهم اكسجين بس كعدوا في الحضانة 4 ايام ننصحك نصيحة امشي لدكتور محمد المحيشيش وحتى ولادتك جيبي في السعيد مصحته ماشاء الله

[ليبياقلبي]

ام ورد شن اخبارك وشن مدايرة

[أم ورد]

شكله هكي يا عيون لكن أبدا إني نسيبكم والله أبدا ههههههه

[أم ورد]

أهلين أم ناريز كيف حالك وكيف حال بنيتك أني الحمد لله

[ميمونة]

والله الحق خفيفه قعدين مش هلبه طيبنا رز مسقي ومعاه امبطن وسلايط وفواكه

[أم ورد]

عيون صحة صحة طويسة الشاهي

[ميمونة]

عيون لاباس علي خالك قوليلي انا ماسمعتش

ام ناريز شن الجو

[عيون زوجي]

هادي طويسه الشاهي يلي درتها وهذا باكو الشاهي بطعمة الياسمين بنته حلوة تعرفوه ولا لا


http://forum.hwaml.com/imgcache2/hwaml.com_1328458387_223.jpg (http://forum.hwaml.com/imgcache2/hwaml.com_1328458387_223.jpg)

[ليبياقلبي]

ووووووووووووووووووووينكم
يقونة وسوسو استحشت هدرزتكم

[ليبياقلبي]

صحة الشاهي حتى انا نحبه عيون

[ليبياقلبي]

هلا ميمو وام وورد

[ليبياقلبي]

وووووووووووووووووووووووووونوووووووووووووووووووينكم ياهوووووووووووووووووووووووو

[عيون زوجي]

هلا ام ناريز كيف حالك وحال نوزة ومبروك اعليك دار النوم ونبوا صورتها لازم
ميمو سهفتيني بالمبطن انموت فيه ماعنديش معاه الروح انا بنوض انطيب فاصوليا عشي لاني ما درتش غدي وجو الصقع يبي الماكله
الله يسلمكم يلي سئلتوا عن خالي وماتشوفوا شر لا انتم ولا احبابكم يارب
ميمو خالي قص صوابعه ال 3 بالصاروخ الكهربائي حاشاك
ام ورد حلفنالك ما تسيبينا اقعدي غصبا عالنت

[saly.me.91]

عيون بنسألك وجاوبي بصدق
قصدك سادك هالمكعب السكر هذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حشيشتي السكر انا خخخخخخخخخخخخخ

كيف حالك ام ناريز وكيف حالل بنتك ومبروك دار النوم

[ليبياقلبي]

بنطلع توا بنوتي فطور ماما وراجلي

[ميمونة]

لاحول ولا قوة الا بالله والله وجعني الحمد لله علي سلامته الله غالب قداش ماحس مسكين الحمدلله

[ميمونة]

حتي انا بنطلع جونا شكلهم الضيوف يلا سلام نتلاقوا علي خير

[saly.me.91]

يقين مش عارفة علاش وين انخش انا استحالة اتخش ياسبحان الله
سوسو يافرخة وين غاطسة راك تغرقي بس..انشالله غير ولدك حاله باهي

[عيون زوجي]

سالي ايه سادني وقهوتي بلا سكر نهائي
ميمو خليلي طرف امبطن
ليبيا صحه فطوركم وشنو هو ؟؟؟

[عيون زوجي]

حتى اني استاحشتها يقونه
سالي بنقولك حاجة وماتخافيش باهي

[عيون زوجي]

بالأذن ....السلام عليكم ورحمة الله.....

[ليبياقلبي]

شن جوكم توا

[ليبياقلبي]

عيون ماما مدايرة محاشي وفاصوليا ومدايرة لراجلي كسكسي بالبصلة البرانية واختي مدايرة سويسرول منال يهبل تو ندير صزرته

[أم ورد]

السلام عليكم

[شمس الزمان]

شن اج يابنات

[ليبياقلبي]

يقونة انت كبرايائي تكلمي فيها

[أم ورد]

أهلين سمش كيف حال اليوم وكيف حال بنيتك

[شمس الزمان]

كيف الحال ام ورد اوليبيا اوعيون

[ليبياقلبي]

هلا شوسة واام ورد خيرك ميمشتيش باتي معا ام معاد

[شمس الزمان]

والله الحمد لله تمام ميه ميه

[شمس الزمان]

اليوم حصلت التاشيره الصينه نبي اناسفر الصين اوهذي موش اول مره ابروحي بس توه خايفه من شموسه اتعبني في الرحله من عندها فكره عل سفر الاطفال الصغار

[أم ورد]

هلا شوسة واام ورد خيرك ميمشتيش باتي معا ام معاد
غدوى ماشية إن شاء الله لأن اليوم مش فاضية

[شمس الزمان]

عيون قولينا رايك

[ليبياقلبي]

هلا بيك شوسة

[ليبياقلبي]

عادي شوسة مافيش فرق قوليلي شن عندك في الصين

[شمس الزمان]

مافش حد هنا

[ليبياقلبي]

ايوة النت زفت

[ليبياقلبي]

انا هنا خيرك بتسافري للصين

[شمس الزمان]

انا زوجي تاجر يشتغل غادي خايفه اتعبني في الرحله اصلا 14ساعه اومانك غابيه الرضاعه والبمرسس والتغير الدبش كلا انفكر فيه

[شمس الزمان]

اونحنا طالعين درجة البزنس والمره هذي عل القطريه اوربي يستر

[شمس الزمان]

والله من قبل مشيت قعدت شهرين كرهت روحي بس تومانقدرش انخليه ايسافر ابروحه اصلا يبي ايطول عل اقل سنه

[شمس الزمان]

خليها عل الله والله مانبيها بس عل اعيون زوجي خايفة يزعل مني اوسنه واجد ابصرحه يما ايصر فيها الدنيا

[شمس الزمان]

بس نبي ناخد فكره عل شركات الطيران والمميزات

[saly.me.91]

السلام عليكم
شنو حالك شمس سافري وتوكلي على الله وكيف ماتفوت تفوت
وبنتك غيريلها حتى ف الحمام ..المهم تمشي جنب راجلك..ياناعلي كان انا مانصبر بلاه

[saly.me.91]

حتى اني استاحشتها يقونه
سالي بنقولك حاجة وماتخافيش باهي

عيوووووووووون
شن بتقوليلي شوقتيني
اسفة مبكري طلعت بدون مانقول
لان راجلي خش فجأة وانا مرايفة عليه
ليا يومين ماشفتاش قعدت معاه نهدرز عليه
لين روح سلامته وجيت

[زهرة2000]

السلام عليكم كيف حالكم كلكم كلكم

[أم ورد]

السلام عليكم

[أم ورد]

زهرة كيف حالك اليوم

[زهرة2000]

الحمد لله كيف حالك ام معاد وكيف حال الصغار وحال ورده

[ام وسونة]

السلام عليكم كيف حالكم وشن مدايرين مع الصقع

بالنسبة ليا اني جااااااااااااااامدة هههههههههههههههههههه

ميمونة ربي يقوي سعد وخيتك ويجعلها زواجة الدهر يارب

ام قصي يارب تطلعي حامل والدورة ماتشوفيها الا بعد 9 شهور

سالي كيف حالك وربي يتبت صغيويرتك وينبتهم وتفرحي بشوفتهم

شمس الزمان خليك وين ماراجلك وين ماانتي

عيون صحيحة الشاهي وبالنسبة ليا مانشربش في المنبهات

ام معاد وام ورد ربي يدوم لمتكم

وخيه رغودة وسعي بالك وبادن الله الجاي احلى

وشكرا لكل من سال على بنتي ودعالها اليوم الحمدلله حالها احسن

وياريت كلكم تدعوا لبنت اختي بعد غدوة فضانيتها


طبعا حنديروا شكلاتة كوالتي استريت ورزاطة وعبمبر وقهوة عربية وكابتشينو ونوعين حلويات

من النحلة و العشي رز مسقي وبوريك الورقة المجبودة ومبطن وسلايط وفواكة وبقلاوة

وباكو خشب فيه مكسرات وكونفيتي وخلاص

[زهرة2000]

وووووووووووووو مكيدين وينكم
ميمو مبروك ع اختك
ليبيا كيف حالك وحال نوزه
عيون لاباس ع خالك وطهور

[عيون زوجي]

السلام عليكم ورحمة الله
كيف حالكم يالموجودات وسلام للغايبات
شمس الزمان يا احبيبه قصدك الطيارة تقعد في الجو 14 ساعه هلبه هلبه ربي يعينك انا من اول ساعه تمر نبدا انحس بالملل
انا سافرت ببنتي كانت اول رحله عمرها شهرين وسافرت عمرها 6 شهور وسافرت وعمرها سنة وشهرين وتوا سافرت وعمرها سنتين و7شهور قولي 3 سنوات
لكن اطول رحله ليا كانت 4 ساعات ونص
لما روحت اخر مرة بنتي جاها اسهال في الطيارة كل شويه خاشه طالعه عالحمام انغير في البمبرز
ولازم انعبي الشنطة بما لذ وطاب باش انزلبحها وتسكت وما اديرش الشطانه واضايق الناس ولازم شنطة الطيارة فيها غيار ليا وزوز لبسات ليها لاني بنفترض انها اترجع اعليا حاشاكم
ولو كانت عندك مرضعه الحليب ومررتيها من السير مع الشنطة في التفتيش ما تشربيهاش لبنتك ممنوع لوحيها قصذي الحليب غيريه وديري غيرها
ولو بنتك تمشي لازم كل ساعه توقفيها تلعب في كرسيها او تتمشى في الممر بين الكراسي
ولو حالتكم كويسه ننصحك تحجزي عالدرجة الاولى اريحلك في النوم وفي خدمات المضيفات ليك
وربي يوفقك في سفرتك وتمشي وتجي بالسلامة يارب
ولازم تصوريلنا الصين خشي على موضوعي وديريلي موضوع صيني زيه ههههههه
ونتمنى اني افدتك ولو بمعلومه صغيره

[ام وسونة]

قصة قصيـــرة جداً .. ولكنها مؤثــرة ..
{ ولو كنت فظاً غليظ القلب لانفضو من حولك } ...
..
..
..
..

دخل لص بيت مالك بن دينار " رحمه الله " ..
فبحث عن شئ يسرقه فلم يجد ..
ثم نظر فإذا بمالك يصلي ..
فعندها سلم مالك ونظر إلى اللص فقال :
" جئت تسأل عن متاع الدنيا فلم تجد ... فهل لك في الآخرة من متاع ..؟! " ..
فإستجاب اللص وجلس وهو يتعجب من الرجل ..!!
فبدأ مالك يعظ فيه حتى بكى ..
وذهبا معاً إلى الصلاة .. وفي المسجد تعجب الناس من أمرهما :
" أكبر عالم مع أكبر لص .. أيعقل هذا ..؟؟! " ..

فسألوا مالكاً فقال لهم :
" جـــــاء ليسرقنـــــــا .. فسرقنـــــا قلبـــــــه
^_^

[عيون زوجي]

زهرة الله يسلمك وما تشوفي شر وكيف حالك وحال ليونه
ليبيا قلبي صحه العشي شهتينا بالمحاشي ونزلي صورة السويسرول
سالي بنشوقك اكتر خليها غدوة

[عيون زوجي]

كيف حالك يا ام وسونه وحال وسن اليوم ولاباس اعليها

[ام وسونة]

والله الحمدلله ياعيون بس تاعبه من السهور مع وسن ومش عارفه

شن بيفيقني الصبح للعمل اه اه اه اه

بس اليوم وسونة احسن الحمدلله والله قريب هبلت اني بوها البارح من الحرارة مابتش

تنزل لكن في الاخير نزلت بعد جهد جهيد ههههههههههههه

كيف حالك انتي وكيف حال صغيويرتك

[عيون زوجي]

الحمدلله على سلامتها وانتي امتى بديتي تمشي للعمل ووين؟؟ ووين اتحطي في وسن؟؟

[ام وسونة]

اني متعينة من 2006 خدمت سنتين وطلعت خارج الملاك الوضيفي بس توا رجعونا

والمدير عاطيني 12 الحصة احتياط ومقسمهوملي على 3 ايام يعني من 2 الى 5 سبت واتنين

وخميس ونشتغل في مدرسة تانوية للولاد علوم هندسية بحكم مؤهلي

[ام وسونة]

بالنسبة لوسن نجيب في وحدة من بنات اختي تبات عندي وتقعد بحداها الصبح

وفي العشية نروحوا بيها

[شمس الزمان]

صحيتي يا عيون عل المعلومات اوربي يستر

[شمس الزمان]

ؤالله شايله الحمل السفره هذي من بنغازي لدوحه 7 ساعات اومن دوحه الشنقهاي برضو 7ساعات اوترنزيت تقريبا 6 ساعات

[شمس الزمان]

اوبنيتي اشويطينه سلمتها عمرها سنه اونص اوخذين درجه رجال الاعمال

[saly.me.91]

شنو قاعدين ولا مهناك حد؟؟

[شمس الزمان]

من في هناhwaml9

[saly.me.91]

عيووووووووووون
فكينا من اللعب بالاعصاب
راني فضولية وفضولي يقتلني
كان يسمع بيا بنراجيك لغدوة
سألتك بالله تقوليلي فورا

[يقين]

صباح الخير

[يقين]

سالي كيف حالك استاحشتك
عيون مرحبتين حبيبه كيف حالك وحال صغارك وحمدلله علي سلامتك انستي اماليك وانستي حوشك وبلادك
ولا باس علي خالك ان شالله ربي يعوضه ويهون عليه

[يقين]

ايوووووووته سلم هاليديات ربي يحفضك عيني عليك بااااارده وكل عام وبنيتك بخير ان شالله تعولي للتخرجها ولفرحها يارب
ميمومبروك علي وخيتك ربي يهنيها ويهنيك ما قوتلكش بعتلك الشنطه متاع الملابس الداخليه وصادروها الله غالب

[يقين]

ام نوزه كيف حالك وحال بنيتك واستاحشناك كيف النفسيه ان شالله احسن الايام هادوا انتي حساااااااااااااااااسه هلبا ودلوعه شدي روحك معاش تزعلي من اين شي وتتاثري منه
رغووووووووده سلمها اللي لسينها كيف العسل امواااااااااااااه كيف حالك تواحشتك يعطيك الهني

[يقين]

اليوم كنت في معرض الكتاب وتلاقيت ني وليبيات من ضمنهن كبريائي غريب والله قضينا جو مش عادي ربي يحفضها محلاها
وني شريت كتاب اكلات مغربيه وكتاب لفروتي وشويت خرابش وفتفت صغير وتوا حسني عيانه بنمووووووووت وبنوض نرقد

[يقين]

ميراس كيف حالك وشن اخبار صغارك تمام

[ام وسونة]

نحن لآ نملگ تغيير آلمآضے ، ولآ رسم آلمستقبل . .فلمآذا نقتل آنفسنا حسرھ علے شۓ لآ نستطيع تغييرھ !؟؟آلحيآھ قصيرھ من آن نقصرھآ آگثر . .آنظر آلے آلسحآب ، ولآ تنظر آلے آلترآب . .آذا ضآقت بگ آلدروب فعليگ بعلآم آلغيوب . .آحص نعم آللہ .. وقل الحمدللہ علے گل شۓ ♥

[يقين]

ام ورد كيف حالك احبيبه وشن مدايره
ام معاد كيف حالك يا عسوله انتي تنوري دنيتي كلها غير تتفضلي بس تشرفينا وتانسينا
ام روفيده كيف حالك احبيبه وحال وليدك ومحلا جوكم يهبلللللللل كان ما كيفك نفرش برا ونقعمز في هالبروده
ام وسوووووونه لا باس علي سوسو ربي يحفضهالك يا ربي كيف حالك حبيبه وحال زوجك تمام ان شالله
سوووووسو وينك وكيف حالك وطمنينا علي حموده كيف حاله توا

[يقين]

هيا تصبحوا علي الف خيييييييير

[saly.me.91]

بي ع السرعه يايقين بي بي

[ام وسونة]

اهلين يقونة كيف حالك وشن شعور زوجك لما قالتلك الدكتورة انه البيبي ولد

[ام وسونة]

سالي كيف حالك وحال الكتاكيت سالت عليك بس انتي مطنشة

[ام وسونة]

http://forum.hwaml.com/imgcache2/hwaml.com_1328482630_782.jpg

[ام وسونة]

ضربـوآ "الرســول" صلى الله عليه وسلم وَآذوه !!
.
.
.
.
.

وهَو يمسـحَ الدّم عن وجهه الشريـفَ ويقـول :

[ "اللهــمّ اغفـر لقَومـي فـأنهـــمّ لآيعلمــون" ]

صـلوآت ربـيِ وسـلآمه عليـكَ يـآخيـرَ البشَـر

صلـــوا عليــه وسلمـــوا تسليمــــا ♥♥


http://forum.hwaml.com/imgcache2/hwaml.com_1328482787_782.jpg

[ام وسونة]

http://forum.hwaml.com/imgcache2/hwaml.com_1328483040_376.jpg

[saly.me.91]

والله ماصارت شن جوك لنتى باهية
انا فاتحه الفيس ونهيج خخخخخخخخ
عقابات الليل اول مرة

[ام وسونة]

ابعتيلي ايميلك عالفيس حتى اني نهيج فيه توا

[ام وسونة]

هي تصبحوا على الف خير يارب

ربي لاتذرني فردا وانت خير الوارثين

[saly.me.91]

وصلك؟؟ الايميل
ضيفيني وراني مش خبرة هلبا ره يادوب خخخ
عيوني خلاص نستادن بنرقد
تصبحي على خير

[ميمونة]

ام وسونه --الله يبارك فيك عقبال ماتفرحي ببنيتك

يقونه --تسلمي حبيبتي بس شن قصه الشنطه صدروها وتعال قوليلي شن قصه الزلازال توا سمعت الخبر فالوا في الاسكندريه انشاءالله خير

زهراي--بارك الله فيك وخيتي وعقبال احبابك يارب

شمس--- تشرفت بمعرفتك والله يبارك فيك--ويحفضلك بنيتك

[يقين]

صباح الورد عالكل
ام وسونه واله فرح لما قلتله وليد ان شالله ربي يكمل فرحتا
سالي يعطيك الهني يا بنتي البارح كنت عيانه ومريضه ضربني الصقع من الليبيات مايعينش بكل لادن في المعرض كله ههههههههه وفالحات كان في التفتفيت الفاضي لكن جوهن حلو العطيبات
ميموووووووووو شنطه الملابس الداخليه صادروها مننا قالوا فيها ملابس محرمه دوليا مانعرفش اما هما ههههههه نهار ابيض علي هالخبر زلزال شني كان ماتجينا الدعكه حتي احني عندك علم شهر 6 اللي فات جي زلزال للقاهره خفييييييييييف وما حسش بيه الا اللي في الدور الرابع وفوق اقسملك بالله ني متكيه وراي الحيط الحيط لصق فيا كيف مانعرفش خشيت نجري لراجلي قتله والله الا الحوش تحرك والحيط لصق فيا قالي مسكينه شكله الجياب اثر فيك هلبا لين قعتي تخترفي هاداكا كيف جايبه وبعدين قعد يتفرج في التلفزيون جابوه الخبر يستر الله كان موتنا نموت شهداء

[يقين]

مزكومه وعندي كحاحه وحراره والله حسني في حاله والبارح زاد ضربني الهوا قوي هلبااااااااا اني خايفه ندعي فطومه بس يا نهاري الابيض قداش بنعاني كان هادا

[يقين]

ام قصي يا حبيبه كيف حالك وبارك الله فيك علي هالايلوب العسول زيك ربي يحفضك واكيد انتي زي وخيتي
كيف حال البنوتات وبوهن تمام ان شالله

[أم ورد]

السلام عليكم صباح الخير

[أم ورد]

يقونة كيف حالك وكيف حال فروتي ولاباس عليك طهورا إن شاء الله

[ميمونة]

صباح الخير يااهل ليبيبا تساقط الثلج فجر اليوم تبارك الرحمان

http://forum.hwaml.com/imgcache2/hwaml.com_1328519188_874.jpg (http://www.gulfup.com/show/Xbr6iuktav8q)

[ميمونة]

وهذه زوايه الدهماني ماشاءالله

http://forum.hwaml.com/imgcache2/hwaml.com_1328519282_790.jpg (http://www.gulfup.com/show/X39kf2lvaphgi)

[يقين]

ام ورد صباح الورد كيف حالك وشخبارك الله يسلمك فاطمه كويسه ومهبلتني
ميمو صباح الفل كيف حالك مشااااااااااااااااااالله عالثلج يهبل

[ميمونة]

وهذه غريان اليوم

http://forum.hwaml.com/imgcache2/hwaml.com_1328519418_590.jpg (http://www.gulfup.com/show/X39ke5t58a8i0)

[يقين]

مشااااااااااااااااااااااااالله تبارك الله يا وخييييييييييتي يا ريتني غادي

[ميمونة]

وهذه سوق الجمعه


http://forum.hwaml.com/imgcache2/hwaml.com_1328519609_738.jpg (http://www.gulfup.com/show/X48f6ab4ig0)

[ميمونة]

يقونه مبارك عليك وانشاءالله تنوضي بالسلامه وتجيبي وليدك علي خير


شن رايك في الثلج يقونه

[ميمونة]

يقونه الحمد لله علي سلامتكم والف لاباس عليك ردي بالك علي روحك

اما قصه الشنطه ماترعيش روحك تقولي وصلوني الله غالب وخلاص

[ميمونة]

شوفوا طريق الشط اليوم في طرابلس


http://forum.hwaml.com/imgcache2/hwaml.com_1328520048_303.jpg (http://www.gulfup.com/show/X39hy4z8l4zr7)

[يقين]

ميمو الله يبارك فيك هههههههههه وليش التبلعيط هما وصوك ما وصلوك خلاص خلي نقول الحق الشنطه صاااااااااااادروها اشبح شن لقوا فيها عاد
وبعدين تعالي اهني سااااااااد من الصور اللي تنزلي فيهم سفهتيني علي جو ليبيانا امتي نروحلها بسسسسسسسس
والثلج مشااااااالله يهبل ربي يدوم النعمه والخير علي بلادنا يارب تو راهام الصغار يجروا حفايا عليه هههههههه من الفرحه

[يقين]

ميمو مش زلزال اللي في الاسكندريه عماره من 14 دور طاحت

[sosolibya]

السلام عليكم ورحمة الله وبركاته

[ميمونة]

اها باهي الحمد لله يقونه انا سمعت قالو زلزال بس انشاءالله مافيش اضرار بشريه يارب استر

اما حكايه الشنطه اللي صادروها انت شن حطيتي فيها ماتقوليلي ترعشي فيا وانا قريب عرسي

[ميمونة]

هلا سوسو شن حالك وحال الكساد عندك غادي الحق مابعدك غير تعالي شوفي الثلج هنا والجو الشتوي تقولي في تركيا ههههههههههه بس والله اول مره نشوف الثلج عندنا الحمدلله

[ميمونة]

سأل أحد الأزواج أحد الحكماء قائلا: كيف أعرف أن زوجتي تحبني ؟
فأجابه قائلا: إذا فعلت أربعة عشر فعلاً ثق أنها تحبك
فقال الزوج : وما هي تلك الأفعال ؟
فرد الحكيم قائلا:


ـ1-إذا كانت تحب سيرتك وتحب من يحبك

ـ2- إذا لم تغضـــــــب إذا خالفتهـــا الرأي

ـ3- إذا كانت تتأثر بغضبـــــك أو حزنــــــك

ـ4- إذا كانت تحاول دائما خلق مواضيع لتحدثك

ـ5- إذا كانت تستشيرك كلما حاولت الإقدام على فعل أو اتخاذ قرار
ـ6- إذا كانت تبتهج لهديتك مهما كانت بسيطة

ـ7- إذا كانت تحاول التخفيف عنك أو التبرع بالقيام بأحد أعمالك

ـ8- إن كان يقلقها غيابك

ـ9- إذا كانت تحرص على عمل كل ما يرضيك ولا تكرر عمل ما يغضبك

ـ10- إذا كان لايزعجها ضعف دخلك

ـ11- إذا كانت تتحمل الأذى في سبيلك

ـ12- إذا كانت تحاول مشاركتك أفكارك واهتماماتك وتحاول الدخول إلى عالمك والإهتمام بهواياتك وعملك

ـ13- إذا كانت لاتشعر بالخجل من عملك مهما كان

ـ14- اذا ساعدتك ان تتقرب من الله و تعينك دوما على العبادات و الطاعات

[sosolibya]

كيف حالكم الكل
سامحونى يللى انشغلتو عليا
ويللى سألتو عليا
بس زى ما قلتلكم حمود تعبان وحرارته نااااار مرتفعة والليل كله نسهرو انا وبوه فى محاولات تنزيل الحرارة وهى مش راضية تنزل وهو مش راضى يخلى الكمادات
وشروبو الحرارة ماباش يأثر فيه بكل
لن اخدينا زلابيط باش أثرو فيه شوية
واليوم باهى شوية الحمدلله
لكن ماتقولو لحد باهى هههه كان امتعينى يسمعو بيه مرض ما يخلو مايقولو
لكن طبعا هو مرضه مش من الصقع والله مانا هنا دافيين اكثر من بلادنا
يعنى تدفئة الغرفة مركزية حكم قاعدين هكى
مش حياشنا يللى فى ليبيا
لابسين ومتقمطين وبطاطين
ومكيف ودفاية والحوش فريييييييييييييييز

لكن حمود شكله اسنانه لان الانياب منفخات
طبعا هو مطلع قبل 12 ماشاء الله

[ميمونة]

عرادة ت-سوق الجمعه--غرق يالله ذاب الثلج وبان المرج


http://forum.hwaml.com/imgcache2/hwaml.com_1328533119_608.jpg (http://www.gulfup.com/show/Xbn1sxtiwvdt)

[ميمونة]

http://forum.hwaml.com/imgcache2/hwaml.com_1328533226_215.jpg (http://www.gulfup.com/show/Xexub22qo9)


طبعا لاننسوا يفرن--القلعه

[sosolibya]

هلا ميمونة شن الجو وشن شعورك كعروسة الاسبوع الجاى عرسها راك تنسينا عاد
ووالله الثلح رووووعة ولحد توا مش مصقة لانه ميقارب اكتر من عشرين سنة او اكتر ماجاش تلج زى هدا لحد ماجى راجلى وقالى لا لا صقى الاخبار صحيحة


ومبروك على اختك وبطول عمرها ربى يكمل على خير واحكيلنا يالله بالتفصيل شن درتو

[ميمونة]

سوسو انشاءالله لاباس علي وليدك وربي معاك ويعاونك

[ميمونة]

الله يسلمك سوسو عقبال احبابك --

والله شعوري متلخبط لاني مشغوله الحق في العواله للتوا كيف خشيت ومازال ناقصين حاجات ربي يسهل الاحد الجاي قرب

والثلج مش عادي

انا توا نستاذن صايمه خلي نرتاح شويا مازالي يومين ماصمتهم قلت خلي نصيامهم

نتلاقوا

[ام قصى محمد]

السلام عليكم
كيف الكل
ميمو الله يقويك ويتمم امورك على خير
انا الدوره من شوى جتنى وتقدرو تتخيلو شن حاسه
الحمدلله
بس توقعت نفسى نبكى بس حسيت بشويه احباط
الخيره فيما اختاره الله
نفكر بكرا نمشى لدكتوره

[sosolibya]

يقين
اف الف مبروك لأنك عرفتى جنس البيبي وانشاء الله بطول عمرك وعمره وتشوفيه سالم بين ايديك
سالى
شن الاخبار وكيف حال نساوين خوتك منظر مش عادى انحاول نتخييلك مرت خو عليهم ياترى انتى واعرة ولا ساهلة ههههه
عيون
كيف الحال ولاباس على خاللك وربى يعوضه خير وشن جو ببي ولدك
وماتقوليش لسالى على الموضوع خليها تفكر هههههه والله نبصر عليك انا بروحى قريب نهبل نبى نعرف فضووووووول هههه
ام ورد ورغودة
شن الاخبار وياسر لعب انت وياها بالسلاح
ام معاد
كيف حاللك وحال صغارك
ام وسونة
شن جوك ومبروك على بنت اختك وبطول عمرها
اية
انشاء الله تشوفى بنتك عروسة وكيف حاللك انت
ام روفيدة
شن جوك ماكنتش نعرف انك فى بريطانيا لاباس
ليبيا قلبى
مشكورة حبيبتى وكيف حاللك ومبروك عليك دار النوم ترقدى عليها بالهناء
زهرة
شج وكيف اخبارك

شمس الزمان
شنج توا نرجع نحكيللك على الطيارة
توا طالعة سلامممم

[شمس الزمان]

السلام عليكم توا غير كملت حوست الغد انشالله لاباس عل حموده ياسوسو والله لكي وحشه اوام قصي عسى ان تكرهو شياء وهو خيرا لكم ميمونه والله بيك تم اوربي ايهنيكي

[ام قصى محمد]

سوسو بعيد السو على حمودى
يقين ان شاء الله تقومى بسلامه الف مبروك البيبى ولد
ام رويفيد كيف حالك وحال حزومى
عيون شن اخبارك
سالى مبروك عليكم
الثلج يهبل شكله

[ام قصى محمد]

مشكوره شمس كيف حالك

[ام قصى محمد]

شن اخبار بنيتك وحملك
شن تشتغلى او قاعده فى الحوش عرفينى عليك
انا عندى بنتين مواليد 83 مدرسه انجليزى

[شمس الزمان]

والله الحمد لله تمام ميه ميه

[شمس الزمان]

ان ياحنه مازلت نقره في اخر سمسترفي كليه العلوم اوعندي ابنيه عمرها سنه اونص اوتوه حامل في الرابع اموليد88

[شمس الزمان]

ادعيلي السنه انتخرج اونفتك

[شمس الزمان]

انتي من وين

[ام قصى محمد]

مشاء الله ربى يوفقك يارب
انا متزوجه من 5 سنوات
وعندى فايزه 4 سنوات وجنى 2

[ام قصى محمد]

انا من درنه وانتى من بنغازى

[شمس الزمان]

ربي ايخليهم لكي واتزيد عليهم ان شالله

[شمس الزمان]

بجوده بيك انا من بنغازي

[ام قصى محمد]

انا بنتى الكبره تمشى لروضه والصغيره ناخذ فيها معاى للمدرسه
انتى شن اديرى لبنتك

[شمس الزمان]

شن الجو عندكم اكيد سقع غادي

[ام قصى محمد]

الله يسلمك
شن عندك اليوم مكسده
انا نبى نمشى مشوار لرابطه انا عضوه
فى رابطه
وتخيلى ليا 10 ايام من غير ثلاجه
ومشينا شرينا وحده 1600 ومازلات ما جت من مده اسبوع قالو اليوم ايجيبوها يارب

[شمس الزمان]

والله نمشي يومين في الاسبوع الثلاث والخميس انحط فيها عندي عمتي هل داري

[ام قصى محمد]

لا والله ريح ومش مصقعه حتى غبار

[شمس الزمان]

وه عليك مشكله انشالله اتجيك اليوم والله مانبش نطلع الوم الجو امسقع اوشموسه مزكومه

[ام قصى محمد]

تسكنى بعيد عنهم او فوق انا نسكن فوق منهم

[شمس الزمان]

عندكم حد في بنغازي

[ام قصى محمد]

تعرفى نفكر نكمل قرايتى نحضر يعنى
ومش عارفه اذا قدرت انكمل فى درنه يكون احسن
توا انفكر نرد ناخذ دورات عشان نقوى اللغه عندى

[شمس الزمان]

لاوالله انا نسكن بعيد منهمبس الحق الله ايسامحها عمتي تمسك فيها ليا

[ام قصى محمد]

عندى عماتى غادى واعمامى وخالى وخالتى

[عيون زوجي]

السلام عليكم وكيف حالكم

سوسو كيف حالك ولاباس على حمودة وصحيتي عالنشده


شمس الزمان كيف بديري في قرايتك وحملك في هالسفرة


ميمونه الصور روعه وحوشنا الفجر مليان ثلج بس طلعت الشمس ذااااب ضروري اتخشي الليله نبيك


ام قصي كيف حالك وحال البنات وربي يعوضك الشهر الجاي بالحمل السليم وعندكم في الشرق ثلج ولا لا؟

يقونه لاباس اعليك حتى اني زيك امزكمه ورقبتي وراسي حاله نبوك تصوريلنا ابداعاتك في المطبخ المغربي .....

[ام قصى محمد]

مشاء الله الله يخليها لك ويديم المحبه بينكم تريحك على الاقل

[شمس الزمان]

والله انقولك حاجه ابصرحه لنقانها تعب اوبهدله بذات كان عندك اصغارانا نبي انكمل وانتريح قبل مانجيب اصلا والله عذب حوش اوراجل اوطلعي البت في صبح امعكي اوامتا تقري اوكان جوك ضيوف اوكان طلعتي مش كيف

[ام قصى محمد]

اهلين عيون
لا والله الجو عادى
الثلج جانا ليله واحده بس مش بالغزاره هذى
والله توا انفكر ونقوول معقوله ايجينا
لانه المره الماضيه لما جاى ضرب الضى عندنا قعدنا 3 ايام من غير ضى

[شمس الزمان]

انا امتحني توه والاسبوع الجاي اناقش المشروع والسفره ان شالله يوم22اوالحمل عادي مافش مشكله نبي انجيب غادي ان شالله

[شمس الزمان]

اهم حاجه نلصق في راجلي

[ام قصى محمد]

شمس وين مسافره

[شمس الزمان]

شن الجو عندك ياعيون

[شمس الزمان]

والله كان سخر ربي نبي نمشي لصين

[ام قصى محمد]

العصر اذن
اللهم رب هذه الدعوه التامه والصلاه القائمه ات محمد الوسيله والفضيله وابعث اللهم المقام المحمود الذى وعدته انك لا تخلف الميعاد

[شمس الزمان]

راجلي يشتغل غادي

[ام قصى محمد]

الله يوفقكم
هاىىىىىىىىىىىى الثلاجه فى الطريق

[شمس الزمان]

مبروك اتبيدها بلهناء

[ام قصى محمد]

الله يسلمك
توا قاعدين يرقو فيها لشقه والله فرحانه

[شمس الزمان]

توه نستاذن منكم نمشي انغدي ابنيتي توغير ناضت

[عيون زوجي]

الله المستعان كيف درتوا بلا ضي 3 ايام متواصله في هالصقع
احني اليوم الصبح هرب اعلينا جانا ال 1 الظهر اتجمدنا درت بطاطين لصغاري وليا وقعمزت بيهم في الدفي ويلي اينوض بيلعب انكشخ اعليه يرجع لبطانيته لين جي الضي

[ام قصى محمد]

شمس اصحى تنسينا لما تمشى لصين

[شمس الزمان]

توه مع السلامه

[ام قصى محمد]

اى والله ايام مرت الحمدلله
تعرفى ياريت بس من غير دفايات الا وبلا مياه سااخنه تخيلى

[عيون زوجي]

شنو هو يلي يرقوا فيه للشفه يا ام قصي
انا ما طيبتش غدي فطرنا اماخر لكن توا بنوض انطيب امبكبكه اسخينه اندفي بيها الصغار وبوهم

[ام قصى محمد]

اذنك معاك شمس

[شمس الزمان]

لا توانتوصل امعاكم عندي نت غادي معقوله نساكم اومبروك الثلاجه

[ام قصى محمد]

الثلاجه الجديد

[عيون زوجي]

صحه غذاك يا شمس وجيبيلنا معاك هدايا من الصين زي يلي جبتهملكم بالزبط ههههههههههه

[ام قصى محمد]

العروس روحت ووصلت للكوجينه ههههههههههههه
اخترته اسود فى رصاصى عشان يمشى لونها مع غساله العوايز
الثلاجه ماركه هيتاشى

[عيون زوجي]

مبروك الثلاجه شنو نوعها وبقداش صوريها يا ام قصي ماتنسيش؟؟؟

[ام قصى محمد]

خذيتها ب1665 بالضبط
ماركه هيتاشى

[عيون زوجي]

ماشاءالله ارررررررروي للعروسه الفرحه بهالعروس خير من حقها بقداش لان ماركة هيثاشي ممتازة جدا

[عيون زوجي]

تبيديها بالهني صوريها هي وغساله الصحون نبي نشوفهم

[ام قصى محمد]

نستاذنكم
ان شاء الله انخش فى الليل
سلام

[زهرة2000]

ام قصي تاخد سوك الخيره فيما اختار الله
سوسو لاباس ع حمودى
شمس شن اخبارك انت ماشيه ع اى خطوط انا مجربه القطريه روعه مش عاديه مريحه وحلوى فيها تلفزيون لكل واحد وافلام جدد تقصري بيهن الوقت وافلام كرتون لبنتك بس انت من بنغازى للدوحه اما خطوط انا مره مشيت لى ماليزيا مشيت بنغازى طربلس ومنها للدوحه ومنها للمليزيا بس ماكنش ماعيا بنتى هههههههههه

[زهرة2000]

ام سعد طمنينا شن صار معك

[saly.me.91]

السلام عليكم