دردشة بنات ليبيا , دردشة حوامل ليبيا , تجمع بنات ليبيا

[عيون زوجي]

http://forum.hwaml.com/imgcache2/hwaml.com_1325878109_250.jpg (http://forum.hwaml.com/imgcache2/hwaml.com_1325878109_250.jpg)

[عيون زوجي]

هاتووووووووووووووووووووووو

[عيون زوجي]

تصبحوا على خيررر
انا ورايا نومة بنتي ربي يحفظها نومها صعب ولانها هالايام تلعب هلبه تنوض تحلم هلبه وتنادي في نومها
سلام وحرجانه منكم ولا وحدة ما خشتش على خاطري
ميمونه انتي وايه استنيتكم عالفيس ونزلتلكم الصور بس ما جيتوش يا اسفي عليكم مسحت كل الصور
انتقام مررر ( حاجة الله كبيره)
ههههههههههههههه
تصبحوا وتربحوا يارب
مش رح ننساكم من دعائي بأذن الله

[hatoo]

اهلين عيون كيف حالك وكيف حال المانيا ان شاء الله مبسوطه انا الحمدلله بخير انا والاسره معلش طولت عليك في الرد كنت ندير في سحلب وندير في العشاء والنت ضعيف عندي برضو

[ام وسونة]

السلام عليكم

وخيه عيون بشوية علينا قدري ضروفنا شني نسيتي ليبيا

ولا نسيتي انه الضئ يجينا ساعة ويهرب 12 الساعة هههههههههههههه

وخيه هاتو كيف حالك وصحة عشاك وشن هو عشاك هههههههههه

[hatoo]

والله عشائي هو تأليف متبله دجاج من بدري حطيته علي النار وحطيت معاه بطاطا وجزر وبزيلاء وكويسه وطماطم حكه وخليته يغلي بعدها حطيت علي رز وانظر شنو تطلع طعمته هو بنته حلوه لكن الله اعلم في الطعمه نبي نقلبه زي المقلوبه

[ام وسونة]

صحيحة عشاك ياهاتو واكيد مدايرتيه انتي اكيد عسل

[ام وسونة]

اللّـهم ارزُقنا البرَّ بآبائِنا , اللهُمَّ أعنَّا على برِّهما وَ طاعتِهما و الإحسَانِ وَ التَّودُّدِ إليْهِمَا
اللّـهم أسعدْهُما ببرِّنا وَ صلاحِنا ..

{ ربِّ ارْحَمْهُمَا كَمَا ربّيَانِي صَغِيراً }

http://forum.hwaml.com/imgcache2/hwaml.com_1325882825_541.jpg (http://www.facebook.com/photo.php?fbid=272915919438779&set=a.151070671623305.34981.145773102153062&type=1&ref=nf)

[يقين]

مساء الخير
كيف حالكم ان شالله اموركم تمام

[يقين]

تصبحوا علي خير لنا عوده قريبه ان شالله سلامي لكل وحده فيكم دون استثناء

[عيون زوجي]

السلام عليكم
كيف حالك يا ام وسونه
ووين هاربه يا يقونه؟؟؟؟؟

[عيون زوجي]

ياهوووووه يا هييييييييه يا هاااااااااااااااه

[عيون زوجي]

يا اهل الله يلي هنا

[يقين]

مرحبتين بعيون اوغلو تي شن جوك يا تركيه وشن جو تركيا معاك وكيف حال بنيتك وبوها خيرك معقوله مكسده وانتي في تركيا نوضي هيجي

[ام وسونة]

http://forum.hwaml.com/imgcache2/hwaml.com_1325883915_499.jpg

[يقين]

ام وسونه كيف حالك وحال عويلتك تمام ان شالله

[ام وسونة]

اهلين ياعيون كيف حالك وشن مسهرك شكله صقع

[ام وسونة]

ايه الحمدلله يايقونة وكيف حالك انتي وشن حال بنيتك وزوزك

[يقين]

ام وسونه الله يسلمك حالنا باهي حال الصقع جمووووووووود وكنا نهدرزوا علي ناس ليبين جينا قبل شوي استاحشنا الهدارز العفو قريب ننسي اللهجه

[ام وسونة]

والله حتى احني صقع هلبااااااااااااااااااااا وريح قوي وخايفة

يهرب الضئ لانه اليوم كله هارب كيف جي من ساعة بس

عموما نحسابك تسكني قريبة من الجنينة مول لان احني لما نمشوا

نسكوا في شارع العقاد او ارض القولف ولا شارع الطيران

[ام وسونة]

من سيقول "آميـن" لعلها ساعـه إستجابـــه
.
.
.
.
♥~ اللهـــم أرزقنا حســـن الخاتــــمه و اجعل آخر ما أقول :

[ أشهد أن لا إله إلا الله ، و أشهد أن محمداً عبده و رسوله ]

[ام وسونة]

اللهم اميييييييييييييييييييييين

[عيون زوجي]

الله يسلمكم يا حلوات
يقونه انا في المانيا توا وتركيا قعدت فيها ليله وحده ترانزيت عقبال سفرتك انتي وزوك وفروتي والعزري الجديد
ام وسونه قاعد الضي ينفخ فيهم بعدنا

[عيون زوجي]

اللهم اميييين

[عيون زوجي]

ام وسونه الصورة يلي نزلتها طلعتلكم ولا حتى انتم طلعت عندكم اشارة اكس

[ام وسونة]

والله مانحكيلك الضئ فجرهم مش نافخهم هههههههههههه

لالالالا مافيش صور وينهم ؟؟؟؟؟؟

[ام وسونة]

ﺧﺒﺮ ﻣﺆﻛﺪ ﻭ ﻣﻔﺮﺡ
.
.
.
.
.
ﺍﻥ ﺍﻟﻠﻪ ﻳﺘﻨﺰﻝ ﺍﻟﻰ ﺍﻟﺴﻤﺎﺀ ﺍﻟﺪﻧﻴﺎ ﻓﻰ ﺍﻟﺜﻠﺚ ﺍﻻ‌ﺧﻴﺮ ﻣﻦ ﺍﻟﻠﻴﻞ
ﺍﻻ‌ﻥ ﻭ ﻳﻘـــــــــــــــــــــــــــــﻮﻝ
.
.
.
.
ﻫﻞ ﻣﻦ ﺳﺎﺋﻞ ﺍﻋﻄﻴﻪ
ﻫﻞ ﻣﻦ ﻣﺴﺘﻐﻔﺮ ﺍﻏﻔﺮ ﻟﻪ
ﻫﻞ ﻣﻦ ﺩﺍﻋﻲ ﺍﺳﺘﺠﻴﺐ ﻟﻪ
.
.
.
.
.
ﻓﻼ‌ ﺗﺠﻌﻞ ﺷﻴﻄﺎﻧﻚ ﺍﻭ ﺫﻧﻮﺑﻚ ﺗﺤﺮﻣﻚ
ﻫﺬﺍ ﺍﻟﻮﻗﺖ ﺍﻟﻌﻈﻴﻢ ﻣﻦ ﺍﻻ‌ﺳﺘﻐﻔﺎﺭ ﻭﺍﻟﺪﻋﺎﺀ ﺍﻟﻤﺴﺘﺠﺎﺏ
فاحرص على قيام الليل

[ام وسونة]

http://forum.hwaml.com/imgcache2/hwaml.com_1325886274_962.jpg

[ام وسونة]

عيووووووووووووووون لاتخرجي نبي نسفسر على شئ

[ام وسونة]

يوَماً مآ سَتُرزَق فرَحُہ من حيَث لآ تَدِريّ ؛ تَمآماً ڪَمآ أبتُليت بآلوَجعْ من حَيث لآ تحَتسب //♥

[ام وسونة]

شكله عيون ويقين طلعوا يلا ماعنديش نصيب

[الفراشة الواحة]

السلام عليكم

[ام وسونة]

كلمتان خفيفتان على لسان ثقيلتنان في الميزان حبيبتان الى الرحمان سبحان الله وبحمده سبحان الله العظيم

[ام وسونة]

وعليكم سلام وخيه فراشة كيف حالك وشن درتي اليوم

[ام وسونة]

http://forum.hwaml.com/imgcache2/hwaml.com_1325887223_407.jpg

[الفراشة الواحة]

حالي الحمد الله اليوم مشيت ليحوشنا حطيت ولدي وطلعت شريت لي حمودي لبسة وكندرة و روحت ومبكري واني مكسدة علي الفيس

[الفراشة الواحة]

وين مشيتي ام وسونة

[زهرة2000]

خيرات ياحلوين

[عيون زوجي]

هلا وغلا
.....................ز

[عيون زوجي]

ام وسونه اتفضلي احبيبه سامحيني نكلم في امي عالسكايب

[ام وسونة]

اني قاعدة كنت نهيج عالفيس اعطيني الاكونت متاعك نضيفك فراشة

[عيون زوجي]

ام وسوووووووووونه؟؟؟

[ام وسونة]

واخيرا ياعيون طبعا نبي نسالك اني قريب اربع ايام اللي فاتو

تنزل مني قطرات دم يعني ممكن في اليوم قظرة او قطرتين وطبعا الدم

لونه بني او اسود يعني مش احمر لونه داااااااااااااااااااكن وامس واليوم

مانزل شي لكن عندي حكة فضيعة مهبلتني وهادي اول مرة تصيرلي الحق

وخاصة انه الدم نزل عليا في ايام 13 و 14 و 15 بعد الدورة هل ممكن

يكون التهابات رغم انه ماعنديش فمش عارفه شني مرات تكون عندك فكرة

وشن ناخد علاج

[ام وسونة]

فراشة مدايرة صورة ولدك في الفيس

[الفراشة الواحة]

ايوة ولابس السماعة

[ام وسونة]

هوني بعتلك طلب اضافة عالفيس اكدي الاضافة

عيييييييييييييييييون وينك

[ليبياقلبي]

سسسسسسسسسسسسسلام عيون منشدتيش عليا بكل شكلي مش عابالل

[الفراشة الواحة]

مازال ماوصلش

[ام وسونة]

الله غالب شكلها عيون خرطتني بالله من يلقى احبابه ينسى اصحابه ههههههههههههههههه

[ليبياقلبي]

شن الجو منو هنا

[ام وسونة]

http://forum.hwaml.com/imgcache2/hwaml.com_1325890516_211.jpg

[زهرة2000]

كيف حالك ام نوزة شن اخبارك كان انت عيون ماسالتش عليك انا حتى اسمى ماتكتبش فيه معرفتش ليش وشن السبب ؟؟؟؟؟؟؟؟؟؟؟؟؟؟ التجاهل هدا

[ليبياقلبي]

فراشة انتت هنا

[ليبياقلبي]

هلا زهورة انا عيون نعرفها هلبة ومدوريش فيا

[ام وسونة]

وسعوا بالكم يابنات ممكن لانها تخس مستعجلة هدا علاش

حتى اني بعتلها نستشير فيها ماردتش عليا عادي مرات النت عندها ضعيف

او الضئ هرب ههههههههههههههه عادي وسعوا باااااااااااالكم

[ليبياقلبي]

يقولك متزعليش الا من الحبيب ومايلوم عليك الا لي يحبك بس يا ام وسونة هيا تسال قعدت تنسى فيا انا حساسة زيادة عيون راك تحرجي انا ماهو نعزك

[ليبياقلبي]

وينك فراشة

[ليبياقلبي]

يالا بنطلع شكلا كساد

[ليبياقلبي]

حقا نوزة امس ضربها الضي قريب جمدت تعرفوا انا في المطبخ ندير في الشيشية وهي شحت السيبنا جيتها لقيتتها شورابها سود وتصيح

[ام قصى محمد]

سلامتها نوزه اتارى الضى هرب عندنا سحباته نوزه
الحمدلله على سلامتها
زهوره حبيبتى ليش الزعل والله كلنا خوات
اهلين ام وسونه شن اخبار الوحم؟؟؟؟؟؟؟؟؟؟؟

نرجع نقرا لى هلبنى

[ام وسونة]

اما وحم يعطيهالك يا ام قصي انتي قوليلنا شن صار معاك

[يقين]

صباح الخير كيفكم ومن موجود

[يقين]

ام قصي كيف حالك وحال بنوتاتك
ام وسونه عادي حبيبتي فتره وتمر مزالك هالشهر وتسكري التلاته شهور وتفتكي من الوحم شكله وحمك صعب ربي يعاونك

[يقين]

ام نوزه لا باس لاباس علي نوزه وحمدلله علي سلامتها وربي يحفضهالك من كل سو

[يقين]

ام وسونه علاش ماترديش عليا ولا وحمك جاي عليا ني

[يقين]

هيا باي توا عيوني ايطيحوا مني ونفتح فيهم بالسيف بنرررررررررررررررررقد سلالالالالالالالالالالالام

[ميمونة]

يقونه شن منوضك الفجر ياوخيتي

[ميمونة]

يارب يسمع منك يايقونه ويرزق ام وسونه بالحمل عاجلا غير اجلا

[ميمونة]

نهيج بروحي نسنا نصلي الفجر ونخش ننخمد
سلام

[يقين]

السلام عليكم
ميمو كيف حالك وحال اماليك نوضت صليت الفجر شوي قلت خلي نسلم
ام وسونه راك تزعلي اني نفاولك والفال كويس واسفه لو ضايقتك حقك علي راسي من فوق

[يقين]

اني توا نفضت الشقه ومولعه الغساله وحطيت غداي عالنار غداي كسكسي بالخضره والدجاج ومعاه طاجين جبن
وينكم العفو علاش التجمع مكسد

[يقين]

هيا باي شكلكم راقدين تحت بطاطينكم لاتندروا علي تجمع لا تفرق
بااااااااااي

[زهرة2000]

هلا وغلا
.....................ز
يعنى متلا هنا ماكتبتش اسمى وكتبت نقط ليش متلا مش معروف ؟؟؟؟؟؟hwaml4

[زهرة2000]

او نوزة لاباس عليها طهور ان شاء الله ردى بالك عليها

[ليبياقلبي]

الله لايوريك باس مشكورات زهورة وام قصي ويقونة الناشطى تبارك الرحمن عليها انشط مني

[ليبياقلبي]

لالالالالالالالالالا يازهورة والله عيون ماتقصد هي طيبة هلبة حتى انا توا لما كتبت متنشديش عليها هما وخياتي عارفيني انا نتححسس هلبة لما حد ميساليش عليا بس هيا تلاقيها نسوةبس شن اخبباركم كلكم وين رغودة معاش خشيت هيا والاء وراية ساليتو شن اخبار البيبيز كعادة في حوش مامتك احلى شي حوش الاهل منمليش منه بكل

[ليبياقلبي]

منو تكسد معاي

[ليبياقلبي]

غريبة وينكم اليوم لاهية في الصقع كلوا القصدك واشربوا السحلوب

[ليبياقلبي]

يقونة طاب الكسكسي

[الفراشة الواحة]

ليبيا قلبي كيف حالك وان شاء الله لباس علي بنيتك والله ليك وحشة ويقين كيف حالك اليوم

[ليبياقلبي]

هلا فراشة ديرتي غداك ولا مازال انا راجلي صايم عشاء طول

[ليبياقلبي]

ووووووووووووينك فراشة

[ام وسونة]

اهلين وخيه ليبيا كيف حال نوزة اليوم

[أم سعد]

السلام عليكم

كيف حال الجميع بدون استثناء؟؟؟

ليبيا قلبي ألف لاباس على بنوتك ... وشن بديري عشاك ؟؟

أنا غداي رشتة كسكاس

وحوشي قالباته فوقي لوطي نضم فيه ... من توا وان شاء الله الحسبة تلايم ...

[ام وسونة]

ربي يعاونك ام سعودي وتنوضي بالسلامة ياااااااااااااااارب

وصحيحة الرشدة واني غداي فاصولياء ومبطن

[أم سعد]

الله يسلمك أم وسونة

وصحيحة غداك وكيف حال وسونة

[ام وسونة]

الحمدلله كويسة باللهي ادعيلي لما تجيبي اني نحصل حتى بيبي تاني وبس

[أم سعد]

ياااارب يرزقك بالحمل الثابت والسليم يااااااااااااااااااااااااارب

[ام وسونة]

ياااااااااااااااااااااااااااااااااااااارب

[أم سعد]

خيره الحكاية مكسدة

[ام وسونة]

اذا ظهـــــرت عليـــــك نعمــــة . . فاحمــــــد الله
واذا ابطـــــأ عنــــك الـــــرزق . . فاستغفــــــر الله
واذا اصابتــــك شـــــّدة . . فأكثـــــر مـــن قـــــول لاحــــــول ولا قـــــوة الا بالله

[يقين]

السلام عليكم كيفكم

[ام وسونة]

احذروا من قول :-
يلعن يومه-
يلعن الساعه اللي عرفتك فيها-
يوم نحس
زمن غدار
... يوم أسود

والله تعالى يقول في الحديث القدسي :" يؤذيني ابن آدم"يسب الدهر"(وأنا الدهر) بيدي الأمر، أقلب الليل والنهار" (متفق عليه)

ويعني: أنكم تسبون الله
اللهم أني بلغت اللهم فاشهد

وتذكر: من كتم علمآ ألجمه الله بلجام من نار

[يقين]

فراشه كيف حالك وحال وليدك وحال الحمل
ام سعد ربي يتمم عليك بالخير ان شالله
ام نوزه كيف حالك وحال بنيتك اليوم
ام وسونه ربي يرزقك الحمل الثابت يارب ويقر عينك بيه

[ام وسونة]

اهلين يقونة كيف حالك وصحة الكسيكسو

[يقين]

رغوده وينك ان شالله المانع خير وكيف حالك وحال وليداتك تمام ان شالله

[يقين]

اهلين ام وسونه سلمك وحتي انتي صحه غديك

[ام وسونة]

سلمك ياغالية وشكرا على الدعوة

[يقين]

ويم ميمو وين عيون غياب
زهره كيف حالك وحال بنيتك والحمل تمام ان شالله

[يقين]

العفو لا شكر علي واجب
ام وسونه قاعد الضي يهرب ولا تعدل
عليك حاله ربي يعين هالشعب المسكين يوجعوا ماني عارفه قداش بيتحملوا بس

[يقين]

التجمع ولا كسااااااااااااااااد مش عارفه شالسبب

[ام وسونة]

والله اليوم هارب عليا من الساعة 7 الصبح جي ممكن الساعة 12

وتوا قاعد ماهربش بس متوقعاته في اي لحظة

[يقين]

ربي يعينكم حاله وخلاص

[أم سعد]

أهلين يقين ... الله يسلمك ... نورت التجمع

ريتي الكساد اللي فيه التجمع بكل ...

على سيرة الضي اليوم ماهربش عليا يستر الله كان مايجي الليل ويتفكر يهرب

كان هذا بنهرب من الحوش بكل

[يقين]

وين بقيه المجموعه خيركم العفو شن صابكم

[يقين]

اهلين ام سعود منور بيكم التجمع قوليلي انت في الشهر الكم
ان شالله مايهربش بالك صلحوه

[أم سعد]

يقين .. أنا في الشهر الثامن إن شاء الله

[يقين]

ام سعود مشالله تبارك الله ربي يتمملك بالخير ويهونها عليك يارب

[أم سعد]

الله يسلمك

[يقين]

هيا نستاذنكم توا نتلاقوا ان شالله

[ام روفيدة]

السلام عليكم ورحمة الله وبركاته
كيف حالكم كلكم بدون إستثناء يارب اتكونوا بخير ونعمة وصحة وعافية ؟
عيون الحمد لله على السلامة وردي بالك من الصقع وديري بالك على سرورة
ميمونة وينك اليوم ؟
يقين شن حالك وكيف حال السنفورة فروتي وشن حال الحمل معاك ؟
أم وسونة كيف حالك وكيف حال العروسة وسن ؟

[ام روفيدة]

يابنات امس درت تورتة وهده الصور ونتمنى تعجبكم وتعطوني رايكم فيها :
http://forum.hwaml.com/imgcache2/hwaml.com_1325957823_930.jpg

http://forum.hwaml.com/imgcache2/hwaml.com_1325957823_807.jpg

وهدا من فوقhttp://forum.hwaml.com/imgcache2/hwaml.com_1325957823_384.jpg

http://forum.hwaml.com/imgcache2/hwaml.com_1325957823_543.jpg


وهدا من الداخل درتها طبقات مربعة زي الشطرنج

http://forum.hwaml.com/imgcache2/hwaml.com_1325957823_567.jpg

http://forum.hwaml.com/imgcache2/hwaml.com_1325957823_878.jpg


ها شنوا رايكم ؟

[ام روفيدة]

خيرها الصور ما تبش تطلع

[ام روفيدة]

http://forum.hwaml.com/imgcache2/hwaml.com_1325958168_578.jpg (http://forum.hwaml.com/imgcache2/hwaml.com_1325958168_578.jpg)

[ام روفيدة]

http://up.hwaml.com/go.php?go=del&cd=ac065663c0207941805810bfbe7f6aa6

[الفراشة الواحة]

السلام عليكم كيف حالكم كلكم

[ام روفيدة]

http://forum.hwaml.com/imgcache2/hwaml.com_1325959397_291.jpg

[أم سعد]

مرحبا أم روفيدة .. أهلين الفراشة

أم روفيدة ديري حل للصور نبي نشوفهم

[hatoo]

السلام عليكم ورحمة الله وبركاته ,كيف حالكم كلكم النت رايح ضعيف والضي ينقطع

[أم سعد]

جربي حمليهم على هذا الموقع

www.7arir.com (http://www.7arir.com)

[أم سعد]

أهلين هاتو كيف الحال ؟؟؟ حالة هالضي يستر الله

[ام روفيدة]

وينكم يا عيلة نبي حد ايقولي علالالالالالالالالالالالاش الصور ما طلعوش

[الفراشة الواحة]

اهلين ام سعد كيف حالك وحال وليدك انتي في الشهر التامن واني في الشهر السابع ربي هون علينا انتي امتا موعدك

[أم سعد]

أهلين الفراشة أنا الحمد لله بخير ووليدي متعلم التفركيس وأهو بعد مانضم يجي يفركس

أنا المفروض موعدي الطبيعي يوم 22/2 لكن بما أني بنجيب بالعملية نبي نجيب يوم 3/2/2012 لأن ولدي جبته يوم 3/2/2011

[ام روفيدة]

http://forum.hwaml.com/imgcache2/hwaml.com_1325959964_433.jpg (http://www.7arir.com/)

[عيون زوجي]

السلام عليكم ورحمة الله
كيف حالكم وشنو الاخبار وشنو مدايرين
زهرة...كلامك زعلني بس سؤالي اعليك عالعين والراس انا كتبتلك هلا وغلا مش لازم ذكر الاسم معروفه القصد هو انتي وحرف ال ز مش ليك كنت بندير نقطة شكلي ما اضغطش عالشيفت وطلعت ز
وديمة نسئل فيك عن لين وعن الحمل بس ما يلومك الا احبيبك ويارب تكوني اصحيحه في هالصقع وانتي متقله وتكون لين كويسه
ام وسونه اهلي خشوا عالخط وانقطعت اعليكم منك السموحه يا اوخيتي وبعثلك ردي عالخاص
ام ناريز يا غاليه انتي عالعين والحاجب والف الف الحمدلله على سلامة ناريز وانتي ديمه في الخاطر وابعثلك الرد
ام روفيدة سلمك نشاده ووين كنتي مغطسه كيف حالك وحال العزري وزوزك وشنو مداير فيكم الصقع انا كويسه وصحيتي عالتوصيه يا غاليه
شنو صار في الريجيم وشنو قصة التورته يلي قعدت في خاطري والصور مهناش بكل دبريلي حل
يقونه كيف حالك وحال فروتي وشنو جنس الجنين بشرينا
ام سعد مبروك اعليك امتى بتخشي الحوش الجديد بالزبط
ميمونه وينك استاحشتك
الفراشه كيف حالك وحال اوليدك ؟؟؟
اعذروني ذكرت اسماء البنات يلي كتبوا قبلي بس مش تحرجوا انا انعزكم كلكم وسلامي للكل

[أم سعد]

أم روفيدة زي ماقتلك جربي المركز اللي عطيتهولك

[ام روفيدة]

أللللللللللللللللللللللللللللللللف شكر لأختي أم سعودي على مركز التحميل وتو ا بنزل باقي الصور

[أم سعد]

أم روفيدة تهبل الكيكة من الصورة حطي باقي الصور ونبي منك طريقة عجينة اللوز ضروري نبي نجربها

عيون نورتي والحمد لله على سلامتك ... أنا ساكنة في حوشي الجديد ونكمل فيه :)

[الفراشة الواحة]

عيون شكرا حبيبتي ربي يحفظك ولدي حاله الحمد الله وانتي كيف حالك وحال صغيورتك

[ام روفيدة]

http://forum.hwaml.com/imgcache2/hwaml.com_1325960270_354.jpg (http://www.7arir.com/)

[عيون زوجي]

http://forum.hwaml.com/imgcache2/hwaml.com_1325959964_433.jpg (http://forum.hwaml.com/redirector.php?url=%68%74%74%70%3a%2f%2f%77%77%77% 2e%37%61%72%69%72%2e%63%6f%6d%2f)


ماشاءالله لا قوة الا بالله وليتي بروفيشينال يا شيف ام روفيدة وبنعطوك لقب ماستر شيف ليبيا تبارك الله المنظر يشهي واكيد بنه وصنه زي ما يقولوا نبوا انذوقوا

[الفراشة الواحة]

ام سعد ان شاء الله علي خير

[ام روفيدة]

وهدا من فوق
http://forum.hwaml.com/imgcache2/hwaml.com_1325960490_408.jpg (http://www.7arir.com/)

[عيون زوجي]

مبروك اعليك العتبه الجديدة يا ام سعد ويعطيك خيرها ربي ويكفيك شرها وان شاءالله بالبركه وعقبالي يارب

[ام روفيدة]

وهدا من الداخل درتها طبقات مربعة زي الشطرنج بس باللون البودري و السادة يعني اللون العادي للكيك
http://forum.hwaml.com/imgcache2/hwaml.com_1325960697_958.jpg (http://www.7arir.com/)

[أم سعد]

عيون ... بارك الله فيك

أم روفيدة ... شكلها يشهي أبعتيلي حصتي :)

[عيون زوجي]

ماشاءالله تسلم ايديك تحفه يا بت يا ام روفيده

[ام روفيدة]

وهده ااااااااااخر صورة لعيون أخو سعودي او أخته اللي جاي في الطريق هههههههههههههههههههههههههههه

http://forum.hwaml.com/imgcache2/hwaml.com_1325960923_961.jpg (http://www.7arir.com/)

[عيون زوجي]

http://www.7arir.com/upfiles/XTp60654.jpg

[أم سعد]

هههههههههههههههههههه

نبي حصتي مادخليش :(

الطريقة بالتفصيل الممل

[عيون زوجي]

خيره الموقع متاع التحميل ما مشاش معاي

[أم سعد]

عيون جربي مركز التحميل اللي عطيته لأم روفيدة

لأن مركز الحوامل الباين فيه خلل

www.7arir.com (http://www.7arir.com)

[عيون زوجي]

http://forum.hwaml.com/imgcache2/hwaml.com_1325961137_504.jpg (http://www.7arir.com/)

[عيون زوجي]

هادي صورة سارة اول امس

[أم سعد]

ياسلام على المناظر ... عيون منورة

[ام روفيدة]

أم روفيدة تهبل الكيكة من الصورة حطي باقي الصور ونبي منك طريقة عجينة اللوز ضروري نبي نجربها

عيون نورتي والحمد لله على سلامتك ... أنا ساكنة في حوشي الجديد ونكمل فيه :)

سلمك يا أم سعودي عيونك الحلوين لا أكثر وربي ينوضك على خير وتشوفي البيبي بين يديك سليم ومعافى اللهم اااااااامين
وبالنسبة لطريقة عجينة اللوز تو نكتبهالك وحتى هاتو تبيها بس توا خليني انرد على الردود قبل وبعدين نكتبهالك بإدن الله

[أم سعد]

الله يسلمك ... طااااااااااايب أنا نستنى ....:)

[عيون زوجي]

ام روفيده عندكم تنزيلات حتى انتم في هالشهر ولا تمت خلاص

[hatoo]

سلم ايديك شكلها تهبل بكل

[عيون زوجي]

هادي صورة الطيارة اول ما طارت على الاراضي التركيه انا نحب الاقلاع ونكره الهبوط انخاف منه وقلبي يبدى يوجع فيا من الدق ههههههه


http://forum.hwaml.com/imgcache2/hwaml.com_1325961596_308.jpg (http://www.7arir.com/)

[hatoo]

ياخيه سلمها ياعيون ماشاء الله عليها

[ام روفيدة]

ماشاءالله لا قوة الا بالله وليتي بروفيشينال يا شيف ام روفيدة وبنعطوك لقب ماستر شيف ليبيا تبارك الله المنظر يشهي واكيد بنه وصنه زي ما يقولوا نبوا انذوقوا

بارك الله فيك عيونك الحلوين لا أكثر وبالنسبة للطعمة زوجي قال أحلى من المنظر بهلللللللللللللبة امس قصيتله منها طرف واليوم رفعها بياكلها هو وأصحابه وأني والله ما دقتها حتى الدواقة وبالنسبة للرجيم لله الحمد والمنة قعدة مستمرة عليه لليوم ستة ايام وربي يعيني ونقاوم مغريات الاكل يلي هني وخصوصا الشكلاطة اااااااااااااااااااه ههههههه

[عيون زوجي]

وينكم ؟؟؟ وين غطستوا؟؟؟ شوفوا صاحبة الحوش العزيز الالمانيه شنو مدايرة في دار التقعميز من يوم ما جيت ما قعمزت فيها حرمتها اعليها ما نبيش بنتي اتخش وتسألني لانها صغيرة وخايفه انها تحب او تتعلق بهالشي


http://forum.hwaml.com/imgcache2/hwaml.com_1325962026_273.jpg (http://www.7arir.com/)

[ام روفيدة]

ام روفيده عندكم تنزيلات حتى انتم في هالشهر ولا تمت خلاص

إيه يا عيون التخفيضات قعدة مستمرة شهر واحد كله

[عيون زوجي]

ماشاءالله اعليك يا ام روفيده هالتورته كلها قاومتها يارب يعوضك خير بصراحه ارادتك كبيره
بس من يومها قتلك ريجيمك قاسي هلبه اعليك تخافي منه اعليك صح ولا لا؟ وعندك يوم مفتوح ولا لا؟

هاتو الله يسلمك ويخليلك رتال وينوضك بالسلامه يارب

[عيون زوجي]

طلعتي قضيتي وشريتي من التخفيضات ولا حقه مش مهم انتي مقيمه مش زيني فرحت وانزلت في الشري اعمى وطاح في دشيشه من ال 10 نطلع انروح ال 3.30 مليانه شكاير شكلي بنحسب العيله لصنة الصنة

[أم سعد]

عيون ربي يعاونك ...

[عيون زوجي]

نستأذنكم قعده ما صليت العشي نصلي ونجيكم بأذن الله
السلام عليكم

[أم سعد]

وعليكم السلام ورحمة الله وبركاته

[hatoo]

الله يسلمك ياعيون

[ام روفيدة]

ماشاءالله اعليك يا ام روفيده هالتورته كلها قاومتها يارب يعوضك خير بصراحه ارادتك كبيره
بس من يومها قتلك ريجيمك قاسي هلبه اعليك تخافي منه اعليك صح ولا لا؟ وعندك يوم مفتوح ولا لا؟

هاتو الله يسلمك ويخليلك رتال وينوضك بالسلامه يارب
والله يا عيون القصة وما فيها إن زوجي حلفني بالله إني اندير برنامج رجيم ودرته امشي قال مش امسامحك لو ما تمشيش عليه
والنبي عليه الصلاة والسلام يقول في الحديث ( فنظري اين أنتي منه فإنما هو جنتك ونارك ) او كما قال عليه الصلاة والسلام
وعنده الحق مسكين والله تعرفي منظري حالة اتخيلي طولي متر ونص ووزني 90 كااااااااااااارثة ديما ايقولي وليتي زي الفازوا هههههههههه والحصيلة إن هدا السبب يلي خلاني انقاوم التورتة على قولتك وإلا كان هدا راني إلتهمتها ههههههههههههه
وبالنسبة للرجيم الدكتورة قالت لي ما دامك تاخدي قي
الفيتامينات وتشربي في السوائل ما اتخافيش ولما نوصل للوزن المطلوب بنمشيلها ادير لي برنامج غدائي باش ايثبت ليى وزني وما يخلينيش نرجع الضعف

[ام روفيدة]

طريقة عجينة اللوز
500 جرام لوز مطحون بودرة
450 جرام سكر بودرة
بياض بيضتين
ملعقة صغيرة فانيلا سائلة
ملعقة كبيرة روح اللوز
الطريقة
يخلط اللوز مع السكر البودرة كويييييييييس وبعدين ديري حفرة في الوسط وبعدين خودي بياض البيضتين وخلطيهم بملعقة الفانيلا واضربيهم مع بعض كويس بعدين صبيهم في الحفرة يلي درتيها في الخليط امتاع اللوز والسكر وصبي يعدهم ملعقة روح اللوز وابدي اعجني بيدك لين تنسبك كويس وتحفظ في الثلاجة في كيس نايلون لوقت الاستخدام
ولما تبدي تعجني اتحسي انها مش حتنسبك بكل لكن استمري في العجن وما اضيفيش اكثر من المقادير المكتوبة لين تلتم كلها وتتكون عندك عجينة سهلة التشكيل ولما بتستخدميها ضروري اترشي السكر المرحي على الطاولة وفوق العجينة باش ما تلصقش في الطاولة
وعلى فكرة حتى طريقة هاتوا في عجينة اللوز عجبتني هللللللبة لأن ما فيهاش البيض .

[زهرة2000]

خيرات ياحلوين
عيون عادى ما صار شي بس انا استغربت
ام سعودى حطينا صور تجهيزاتك للبيبي زى زمان لما حطيتى صور سعودى
هاتوووووووووو كيفك انت والحمل ورتال
ام روفيده ما شاء الله عليك ربي يحفظك

[hatoo]

اهلين زهوره كيف حالك انا الحمدلله تمام بس بديت نحس بالثقل لما نقمعز في ظهري وانتي كيف حالك

[hatoo]

حلوه طريقه عجينه اللوز بس ينفع نديرها من غير بيض لاني حامل والبيض النيئ مش كويس ليا واصلآ انا نخاف ناكل بيض نيء

[hatoo]

طريقتي حتي هيا حلوه بس بصراحه مازلت ماستخدمتهاش في تورته كبيره استخدمها علي كيكه صغيره تجربه ان شاء الله نديرها لتورته ونصورها بس بتاعي حستها تتلصق واجد عادي ولا لا؟؟؟

[ام روفيدة]

أقوال أهل السلف الصالح

كان قتادة إذا تلا: " {إن الذين قالوا ربنا الله ثم استقاموا} [فصلت: 30] قال: «إنكم قد قلتم ربنا الله فاستقيموا على أمر الله، وطاعته، وسنة نبيكم، وامضوا حيث تؤمرون، فالاستقامة أن تلبث على الإسلام، والطريقة الصالحة، ثم لا تمرق منها، ولا تخالفها، ولا تشذ عن السنة، ولا تخرج عنها، فإن أهل المروق من الإسلام منقطع بهم يوم القيامة، ثم إياكم وتصرف الأخلاق، واجعلوا الوجه واحدا، والدعوة واحدة، فإنه بلغنا أنه من كان ذا وجهين، وذا لسانين كان له يوم القيامة لسانان من نار» الإبانة الكبرى لابن بطة (1/ 318)

قال سفيان ابن عيينة (( ليس العالم من عرف الخير والشر إنما العالم من عرف الخير فاتبعه وعرف الشر فاجتنبه ))
وقال أيضا (( الغيبة أشد من الدين , الدين يقضى والغيبة لا تقضى ))

[ام روفيدة]

طريقتي حتي هيا حلوه بس بصراحه مازلت ماستخدمتهاش في تورته كبيره استخدمها علي كيكه صغيره تجربه ان شاء الله نديرها لتورته ونصورها بس بتاعي حستها تتلصق واجد عادي ولا لا؟؟؟

إيه عادي يا هاتو هيا هكي عجينة اللوز تتلصق هلبة وانتي قلتي طرحتيها بين زوز نايلوات وهدا ما يكفيش ضروري اترشي السكر المرحي بكثرة باش ما تلصقش في النايلوا ولا الطاولة ولا العصا يلي تفردي بيها وبالنسبة للبيض اني انحسها من غير بيض احلى و بالنسبة ليك إنتي حامل ايضرك البيض الني و على فكرة حتى الكريمات امتاع الكيكات يلي ايكونوا بودرة زي كريم شانتي حتى هما فيهم البيض الني بودرة

[hatoo]

ان شاء الله المره الجايه نكثر من رش السكر المرحي

[ام روفيدة]

يتبع تفسير سورة الفاتحة


في الكتاب لم يتطرق العلامة الفاضل لشرح الاية الثانية من سورة الفاتحة ((الرحمن الرحيم )) لأنه قام بشرحها في البسملة .

(( ملك يوم الدين ))

ملك: هو من اتصف بصفة الملك التي من اثارها أنه يأمر وينهى , ويثبت ويعاقب , ويتصرف بمماليكه بجميع أنواع التصرفات , وأضاف الملك ليوم الدين , وهو يوم القيامة . يوم يدان الناس فيه بأعمالهم خيرها وشرها , لأن في دالك اليوم يظهر للخلق تمام الظهور كمال ملكه وعدله وحكمته , وانقطاع أملاك الخلائق , حتى إنه يستوي الملوك والرعايا والعبيد والاحرار, كلهم مدعنون لعظمته خاضعون لعزته , منتظرون لمجازاته , راجون ثوابه , خائفون من عقابه , فلدالك خصه بالدكر , وإلا فهو المالك ليوم الدين ولغيره من الايام .

[ام روفيدة]

وين أم وسونة مش باينة هلبة اليوم قبل ديمة اتخش ولا زعمة الضي هارب؟

[ام روفيدة]

كتاب بلوغ المرام من أدلة الاحكام

كتاب الطهارة باب الانية

عن حديفة بن اليمان رضي الله تعالى عنهما , قال : قال رسول الله صلى الله عليه وسلم :(( لا تشربوا في انية الدهب والفضة , ولا تأكلوا في صحافهما , فإنها لهم في الدنيا , ولكم في الاخرة )) . متفق عليه

توضيح بسيط
الانية :جمع إناء

[ام روفيدة]

يا عيون ردي بالك من سارة ولبسيها كويس حسيتها في الصورة سروالها خفيف شوي صح؟ راهوا الصقع كان لحق العيل ايتعبه وربي يحفظهالكم بحفظه هيا وخوها ويكلئهم بعنايته اللهم ااااامين

[أم سعد]

أم روفيدة .. أنا مشكلتي في الجرامات كان تعطينا المكيال بالكوب أو الملعقة أحسن

وماينفعش ندير فانيليا عادية بدل السائلة؟؟؟

وشكرا على الطريقة :)

زهورة حاضر ولا يهمك ... البنت الحمد لله جهزتها من مجميعه :)

بشن تبيني نبدأ ؟؟؟

[ام روفيدة]

وينكم الباين إني بروحي وينك يا ميمونة اليوم يارب المانع خير عارفاتك تو اتخشي بعدي في الليل ههههههههههه

[ام روفيدة]

أم روفيدة .. أنا مشكلتي في الجرامات كان تعطينا المكيال بالكوب أو الملعقة أحسن

وماينفعش ندير فانيليا عادية بدل السائلة؟؟؟

وشكرا على الطريقة :)

زهورة حاضر ولا يهمك ... البنت الحمد لله جهزتها من مجميعه :)

بشن تبيني نبدأ ؟؟؟

يا ام سعودي شوفي إدا عندك أي طاسة ومكتوب عليها قداش وزنها زي طاسة الزبادي او فازو النوتيلا أكيد مكتوب عليهم الوزن فإنتي كيلي بيه لين توصلي للمكيال المزبوط ولا خودي الميزان امتاع الاطعمة وبالنسبة للفانيلا السائلة ضروري لأنها أقوى من البودرة باش اتنحي الزفرة امتاع البيض

[ام روفيدة]

أم روفيدة .. أنا مشكلتي في الجرامات كان تعطينا المكيال بالكوب أو الملعقة أحسن

وماينفعش ندير فانيليا عادية بدل السائلة؟؟؟

وشكرا على الطريقة :)

زهورة حاضر ولا يهمك ... البنت الحمد لله جهزتها من مجميعه :)

بشن تبيني نبدأ ؟؟؟

ما شاء الله تبارك الله يا أم سعودي صوريلنا حاجات البنوتة بالله عليك ونزليهم انحب انشوف حاجات البيبي وربي ينوضك بالسلامة ويقر عينك بشوفتها اللهم ااااااااامين

[ام روفيدة]

خيركم امكسدين هكي وينك يا عيون ساعة او اكثر اتصلي في العشاء يا هرابة
ههههههههه

[ام روفيدة]

أم سعودي أمتى موعد ولادتك ؟

[أم سعد]

حاضر يا أم روفيدة توا نصورلك الحاجات

بالنسبة لموعد ولادتي الأصلي يوم 22/2/2012

بس بما أني بالعملية فممكن يكون يوم 3/2/2012

لأن تاريخ ميلاد سعودي 3/2/2011

:)

[ليبياقلبي]

السلام عليكم تبارك الرحمن عليك يا ام روفيدة

[ليبياقلبي]

عيون يهبل الجو ماحلاه ربي يسعدك حقا مجانيش الرد وينه
ام سعودي ربي يساعدك ويسهل عليك فكرتني بي جايبي

[ام روفيدة]

السلام عليكم تبارك الرحمن عليك يا ام روفيدة

سلمك يا ليبيا قلبي

[الفراشة الواحة]

ليبيا قلبي كيف حالك

[أم سعد]

أم روفيدة موجودة بنحطلك الصور ؟؟؟

[أم سعد]

أهلين ليبيا قلبي ... كيف حالك وحال بنوتك؟؟

[أم سعد]

زهورة وينك ؟؟؟

[أم سعد]

طبعا ماصورتش كل شي

هادو القامجوات والداخلية

http://forum.hwaml.com/imgcache2/hwaml.com_1325972162_889.jpg

[أم سعد]

http://forum.hwaml.com/imgcache2/hwaml.com_1325972324_752.jpg

[أم سعد]

http://forum.hwaml.com/imgcache2/hwaml.com_1325972384_142.jpg

[معراج]

ربي ينوظك بلسلامه يا ام سعد ويلبسهم ياااااااااارب

[أم سعد]

هذا قفطان بس لعمر سنة

http://forum.hwaml.com/imgcache2/hwaml.com_1325972453_736.jpg

[أم سعد]

وهادو قفاطين صيفية

http://forum.hwaml.com/imgcache2/hwaml.com_1325972523_552.jpg

[أم سعد]

الله يسلمك يا معراج ... آنستينا :)

[ام روفيدة]

ما شاء الله تبارك الله يا أم سعودي ربي ينوضك بالسلامة وتلبسيهم لبنيتك بالصحة عليها تعرفي حوايج النيات بيهبلوني لما نمشي بنشري حاجة ناقصة لحازم نقعد نتفرج على حوايج البنيات زي الهبلة هههههههههههههه

[ام روفيدة]

تبارك الله على الحاجات بالدات القفطان يلي ما قبل الاخير يهببببببببببببل

[أم سعد]

عقبال ماتشريهم في حملك ببنية ياااااااااااااااااااااارب

[أم سعد]

طبعا أنا ضاربني الكساد ولدي وبوه رقدو وأنا النوم ولاخاطم عليا بكل

[ام روفيدة]

بارك الله فيك يا ام سعودي على الدعوة الحلوة
شكلهم كلهم رقدوا ولا هارب عليهم الضي حتى اني كنت مشغولة شوية وتوا امكسدة بروحي ولدي وبوه طالعين ومازال ما روحوش

[أم سعد]

في هالصقع طالعين

وشن تعشيتو والا مازال؟؟

[ام روفيدة]

هما تعشوا البرا واني امديرة رجيم توا بنمشي ناخد حبة الفيتامينات ونشرب طاسة شاهي خضرة وهدا عشاي ههههههه وإنتم شن تعشيتوا؟

[أم سعد]

أنا راجلي قالي ديري عصيدة الجو هذا يبي عصيدة

تعشينا عصيدة :)

[ام روفيدة]

صحتين العصيدة يمي يمي يمي ااااااااااااااااااااه حركتي عليا المواجع ههههههههههههههههههه

[أم سعد]

ههههههههههههههههه

وعلاش مواجع ... ماعندكش مغرف؟؟؟

[ام روفيدة]

لالا عندي زوز مغارف لكن ما نقدرش ناكل امدايرة رجيم

[أم سعد]

آآآآآآآآآآآآآآآآآآآآآه نسيت ... معليشي ربي يعاونك

[ليبياقلبي]

ام سعودي يهبلوا الحوايج تلبيسهم بالصحة والعافية قوليي القفطان لي مقاس سنة منين واخدتيه منين القفطاينات الحلوات وشن اخبار البييي والمياه توا

[ليبياقلبي]

شكلي بروحي كيف كعمزت ديرت كيكة طبقات القرفة

[ام وسونة]

اني جييييييييييييت واخير ا الضئ جانا اليوم هرب ويجي تلاتة مرات

وخيه عيون وينها رسالتك ماوصلني شئ عالخاااااااااااااااااااص

وخيه ام روفيدة تسلم ايدياتك فعلا روووووووووووعة وريتها حتى لراجلي

عجباته وياااااارب يرزقك بالحمل العاجل ياارب

وخيه ام سعد تلبسيهم لبنيتك بالهني وتبيد وتجدد ويارب تنوضيلنا يالسلامة

[أم سعد]

أهلين ليبيا قلبي الله يسلمك ... بالنسبة للقفطان متع عمر سنة والله جابتهولها أمي من الأردن

أم وسونة ... نورت ... والله يسلمك ..

[ليبياقلبي]

منو موجود اه ام سعودي باهي باقي القفطاينات وشن جايبك بديري لمة ولاعادي حقا اخترتي اسم

[ام وسونة]

غدوة عندي حفلة في الصالة وخايفة الضئ يعملها فيا ربي يستر

[أم سعد]

ليبيا قلبي ... عندك الأزرق والسماوي اللي فيه جاكيت بيضاء هادو من موناليزا فرع قرقارش

وعندك الرصاصي اللي لوطه والبيج اللي فيه جاكيت دم غزال هذا من توتوبيكولو في زاوية الدهماني

وبإذن الله بندير سبوع في صالة حوش بوي ...

ومازال مش عارفة شن بنسمي:(

[ام روفيدة]

ام وسونة نورتي يا حبيبة وهالضي هدا يبي طريحة بااااااااااااااااااااااهية ههههههههههههه وسلمك عيونك الحلوين وهدا من دوقكم إنها عجبتكم وبارك الله فيك على الدعوة الحلوة زيك وأسأل الله العظيم رب العرش الكريم أن يرزقنا الحمل السليم المعافى يااااارب اللهم اااااامين

[أم سعد]

أم وسونة .. أما صالة .. وشخص قريب أو بعيد ...؟؟؟

وبتمشي للمزين والا بروحك ؟؟؟

وشن لون قفطانك اللي بتلبسيه

هاتي كل التفاصيل يلا

الكساد يعلم القصقصة :)

[ام وسونة]

‎


صلاح القلب في أربع خصال: في التواضع لله، والفقر إلى الله، والخوف من الله، والرجاء في الله

[ليبياقلبي]

ربي يسهل عليك ام سعودي كويس في صالة اهليك ام سعودي بنسالك انت حملتي طول وحملك جا مفاجاة ولا انت تبي نقصد بما انك انت عملية ربي يسهل عليك الحق وبنسالك انا من الخمس ومنعرفيهميش الملات وين يجوا بالضبظ لاني نجي ونبضع بس مش مرات عليا الحق

[ليبياقلبي]

باهي ام سعودي انت تقصقصي في ام وسونة وانا نقصقصق فيك انا يوم الاتنين عندي لمة في حوش صتحبتي جايبة

[ام وسونة]

اهلين وخيه ام روفيدة تسلميلي ياغالية والله قلبي حبك لله في لله

ام سعودي الحفلة اخت جارتي ومدايرينها في الهناء وبنلبس فستان اسود

وطاقم تركواز توا نصوره ونزلهزلكم تشوفوه وشعري ومكياجي بروحي

لان مانمشيش للمزينات الا القراب هلبا لاني نعرف اندير توا كنت نقي في حواجبي

طبعا تنظيف بس

[ليبياقلبي]

صحتين ام وسونة طاقمك مستعمل ولا جديد لي اشريته

[أم سعد]

ليبيا قلبي ,,, والله حملي مش مفاجئة بس هلبة أسباب خلوني نحمل

1- إني فطمت ولدي

2- المانع الطبيعي مامشاش معاي

3- مانتوحمش

4- راجلي يعاون فيا هلللللللللللللللللللللللبه

5- راجلي مواليد 74 يعني عمره 37 سنة ... يعني لما سعودي في عمر المراهقة والطيش في العشرين يعني هو يكون عمره 57 سنة ... ربي يعطيه طولة العمر ... بس من النادر الليبي اللي يوصل لهالعمر ويكون بصحته ويقدر يتابع عيله ... يعني نجيب على الأقل زوز على بعض يتربو صح وبعدين الكبار هم اللي يردو بالهم على الصغار ... وربي يعطينا الصحة وطولة العمر

وبالنسبة للمحلات لو تبي وصف دقيق انتي قولي وأنا حاضرة:)

[أم سعد]

يلا ليبيا قلبي نفس الأسئلة جاوبي عليها حتى انتي

[ليبياقلبي]

ربي يعطيه الصحة وطولة العمر يارب وتجييبي وصحتك وباهية سامحني عالسوال بس انا معانتي زيك جيبيت بعملية بس منفكريش في الحمل لانا نبي البيبي التاني طبيعي لو ربي راد قوللي انت مواليد كم

[أم سعد]

أم وسونة ... حلو ... زي حالاتي شعري ووجهي بروحي

بس أنا مانقيش في حواجبي بكل .. أنا نشقر

[ليبياقلبي]

طبعا قوللي عالمحلات بالتفصيل انا نعرف مونسون وحنين والاسرة السعيدة وروبين والهدف والسندباد بس هدام لالا
وبالنسبة لسوالك انا الحق الحمل توا ماخرته شوية الحق قبل يقوللي حامل نقول ابعاد السوء بس تو قلت معاش متشعفة لانا منبييش يصيرلي زي المرة الاولى بس انا حملي في نوزة تعبني الحق ومنبيش نجيب عملية مرة تانية خايفة منها لانا كانت جيبت التاني عملية نبدا ديما عملية وانا الحجق منبيهيش

[ام وسونة]

هذا الطاقم اللي كان مشيت غدوة باذن الله بنلبسه

http://forum.hwaml.com/imgcache2/hwaml.com_1325977712_196.jpg

[أم سعد]

أنا مواليد 85

[ليبياقلبي]

حتى انا زيك نشقر

[أم سعد]

لما تبي تمشيلهم المحلات تو نوصفهملك

:)

[ام وسونة]

ام نوزة قصدك على طاقمي الذهب جديد ياغالية

[أم سعد]

أم وسونة حلو الطاقم ربي يهنيك بيه

[ليبياقلبي]

مرات انا نمشي يصادف انت متخشيش

[ام وسونة]

تُــــــــــــــــــرى مــا هـــــــــــي ♥ القلــــــــوب النقيـــــــــــة ♥

♥
♥ ♥
♥ ♥ ♥
... ... ♥ ♥ ♥ ♥
♥ ♥ ♥ ♥ ♥
♥ ♥ ♥ ♥ ♥ ♥
♥ ♥ ♥ ♥ ♥ ♥ ♥
♥ ♥ ♥ ♥ ♥ ♥ ♥ ♥
قلـــــــــــــــب ♥ يدعــــــــــــو لــك بظهــر الغيــــــــــــــــــــــب

قلــــــــــــــــب ♥ يتمنـــــــــــــــى لك ولغيـــــــــــرك كل خيـــر

قلـــــــــــــــب ♥ اذا غضــــــــــــــــب إستغفـــــــــــر اللـــــــــه

قلـــــــــــــــب ♥ اذا فــــــرح حمـــــــــــــــــــد اللــه كثيــــــــراً

قلـــــــــــــب ♥ اذا إحتــــــار إستعــــــــان و تــــــوكل علي اللـه

هـــذا هـــو قلـب شخص عقله و قلبـــه بين يــــدي الله ♥♥

اللهم ثبت قلوبنا علي دينك

اللهم ارزقنـــــــــــــــــــــــــا قلوباً نقية

[ليبياقلبي]

كويس ام وسونة سعره منين هدا من اي محل يهبل

[ام وسونة]

اما طاقم هدا اللي توا نزلته ولا الاول

[أم سعد]

والله موناليزا قرقارش مانعرفاش وين أختي بعتتها وجابتهملي

بس توتوبيكولو في زاوية الدهماني ... بعد ماتفوتي جزيرة دوران فشلوم وانتي ماشية لزاوية الدهماني يجيك على اليسار ...

والله مانعرف نوصف كويس

[ام وسونة]

يــــــــــــــــــــــــارب
ضاقت بى الدنيا وأغلقت أمامى الآبواب ألتفت عن يمينى أجد هما وعن يسارى السراب
أتسائل هل هذا بسبب الذنوب أم لزيادة الثواب ولكن كل أملى ورجائى فيك ياعزيز يارحيم ياتواب فلا تتركنى فأنا من دونك ليس لى أى أحباب

[ام وسونة]

قصدك ياام سعودي على محل ارض الطفولة قريب من بيتزا فاميلي

[أم سعد]

لالالالالالالالالالالالالالالا

مش هداكة

[ام وسونة]

هذا المبطن درته غداي اليوم

http://forum.hwaml.com/imgcache2/hwaml.com_1325979074_927.jpg

[أم سعد]

صحتين ام وسونة

[ام وسونة]

سلمك ام سعودة

هي توا نستاذنكم بنخش نغسل ونجفف شعري ونجيكم

[أم سعد]

يلا حتى أنا نقوللكم تصبحو على خير

سلامات

[ليبياقلبي]

ام وسونة لالا الطاقم الاول

[ام روفيدة]

السلام عليكم ورحمة الله وبركاته
أخواتي الغاليات حبيت إنبهكم إنه لا يجوز مس شعر الحاجبين بأي طريقة كانت حتى تنظيف او تشقير وحكمه حكم النمص وابحثوا على كلام أهل العلم في التشقير أو مجرد تنظيف الحواجب وسامحوني إدا ضايقتكم بكلامي هدا والله راني ما نقصد حاجة إلا إني انحبكم في الله محبة فعلية فلهدا نصحتكم لوجه الله وسامحوني مرة ثانية يا غاليات وأسأل الله العظيم أن يهدينا سواء السبيل اللهم اااااامين

[ليبياقلبي]

مشكورة ام روفيدة بس في شيخ قالي عادي التشقير

[ام وسونة]

بارك الله فيك وخيه ام روفيدة على النصيحة وصدقيني بالنسبة ليا

عمري مانزعل ولا نضايق من كلام ربي

[ام وسونة]

ام ناريز الطاقم من محل في بن عاشور اسمه بن زقلام

[ام وسونة]

أســــــأل اللـــــــــه لـــــــــــي ولـــــــــــــــــهم ولـــــــــــــــــــكم .....
"
"
"
... ... ⇓
... ...
قلب ♥♥
بـريء♥
طاهــر♥
شريـف♥
سعيــــد♥
بــــلا ذنب♥
بعقل قرآني♥
وفكــر ربانــي♥
بلســان ذاكـــر♥
وقلـــب خاشــــع♥
ونفـس مطمئنـــــة♥
وروح عاليـــة الهمـــــــة♥
وتوبة نصوح عن كل الذنوب♥
وحسنات من صيامنا وقيامــنا♥
[يــارب ] لو متنا فيه تشملنا رحمتك♥
ولو أحييتنا بعده اجعلنا دائما على الطريق♥
وكـــــل لحظــــة ذكــــر لك تولــــدنـا مــــن جديـــــــد♥
آميـــــــــــــــــــــــــن يــــــــــــــارب العـــــــــــــــــالميــــــــن♥