دردشة بنات ليبيا , دردشة حوامل ليبيا , تجمع بنات ليبيا

[sosolibya]

السلام عليكم
وينك حبيبتى ميمونة
مشغولة عليك ان شاء الله خير غيابك

[sosolibya]

حبيبتى يقين ان شاء الله غيابك خير

[أم أجنادين 80]

السلام عليكم
صباح الخيرات علي النايمات
ايه نسمع بيهم ياسوسو بس مانعرفش حد منهم
هذه روابط الصفحات
مطبخ ام عائشة
http://www.facebook.com/Kitchenomaisha (http://www.facebook.com/Kitchenomaisha)
فتافيت ليبية
ديري بحث عليها في القوقل تلقيها

[أم أجنادين 80]

كل وحده تكتب شن بدير غداها اليوم
انا بندير رشدة

[sosolibya]

صباح الورد

[sosolibya]

مشيتو للانتخاب

[sosolibya]

يابنات صفحة ام عائشة صور ولما نفتح الصور يعطينى البوم صور ولما ندير شار يعطينى صورة

[أم أجنادين 80]

اهلا سوسو
انا مامشيتش بنمشي العشية

شوفي ياسوسو الاكلة يلي تعجبك اضغطي علي صورتها مثلا انا اخترت الحلوى الحارة بعجينة الباف الباستري
Welcome to Facebook - Log In, Sign Up or Learn More (http://www.facebook.com/Kitchenomaisha#!/photo.php?fbid=394732550583138&set=a.394729267250133.90233.223835504339511&type=1&theater)
تطلع صوة علي يمنيك وعلي اليسار الشرح غير ركزي راح تلقيه
والصورة نفسها عليها اسهم حتي تغيري الصور وتنتقلي للخطوة يلي بعدها

[أم أجنادين 80]

غداي قريب يجهز
وغاطسة في دار النوم حملة تنظيف وازالة كل الاشياء الغير مستعملة ملابس مكياج اي شي
محلاها الحاجة لما تكون مرتبة وشوية مش مكدسة علي بعض
شن فطرتي سوسو وشن بديري غداك

[أم ورد]

السلام عليكم ورحمة الله وبركاته
كيف حالكم اليوم
ما شاء الله سوسو وأم أجنادين نشاط اليوم

[أم أجنادين 80]

اهلين ام ورد
شن اخبارك
وشن جهزتي لرمضان ينعاد علينا وعليك بالصحة

[sosolibya]

فطورى خبزة سخونة \
وجبنة كيرى وهندى
بسيسة بالعسل وتمر
وغداى طبيخة عدس
وطعمية من كوشة حى الوحدة رووووووووووووووووووعة
البارح اخديناها بالحمص تجنننننننننننننننننننننن
بنطلعها من الفريز ونسخنها






هلا بام ورد

[أم ورد]

الحمد لله أم أجنادين
ويارب ينعاد عليك باصحة والسلامة وربي يفتحها عليك ويناولك إلي في بالك يارب
اليوم بإذن الله بنطلع ناخذ شوية حاجات
وتوى قايمة الصالة والمربوعة ودار التقعميز انفظ فيهم

[أم ورد]

أهلين سوسو كيف حالك وصحتين فطورك

[sosolibya]

ام مشيت لابو جناح حى عليك حى مهناش وين تحطر اليبرة قلت لراجلى بلاش منه
تقول الناس ماعندهمش حتى ماعون

مبيخها الحركة متع لازم كل عام ماعين جدد
والله نستحقرهم الناس يللى هكى

لو يبو يرفهو على رواحهم مش بهالطريقة

على الاقل يعطو ليللى ماعنداش فيه يللى ماعنداش حتى شن يفطر

وياريتهمحتى الماعين الاولات يللى هما قاعدات جدد يعطوهم لحد والله فيه يللى يلوح فى الكناسة
ربى يهدى من خلق وخلاص

[أم ورد]

حتى أني أمس طلعت ماشية مشوار خطمت من أبي سليم حالة الدنيا زحمة قعدنا ساعة في الزحمة والناس إلي يشري في امعايين وإلي يشري في الفرش

[أم أجنادين 80]

صحة فطوركم وصحة غداكم مسبقا
والله حتي انا منحبهاش الحركة هذه كل رمضان لازم اماعين جدد ليش
صح خديت حاجات بس لان حوشي جديد ومعنديش منها الحاجات هذه
وخديت كوشة كهربائية لاني عندي متاع الغاز بس بهدلتني من سخونيتها
اما كل رمضان اماعين جدد وانلوح القديمات لااااااااااااااااا

[أم أجنادين 80]

درت بسبوسة علي طريقة مطبخ ام عائشة اشبح كيف تطلع طعمتها احسن شي مفيهاش دحي

[أم ورد]

صحتين البسبوسة أم أجنادين

[أم أجنادين 80]

سلمك ام ورد
ام ورد كم ليك متزوجة

[أم ورد]

ثلاثة سنين

[أم ورد]

رغوووووووووووودة ويقونة وميمونة وزهرة وأثري وينكم إن شاء الله خير

[sosolibya]

اجنادين
وين مركز الاقتراع
انا فى العروبة

[sosolibya]

ادخلو بسرعة

أحلى مثلجات من يدين الماما (http://forum.hwaml.com/t155789.html)

[sosolibya]

http://forum.hwaml.com/imgcache2/hwaml.com_1342534040_251.gifإضغط على هذا الشريط هنا لعرض الصورة بكامل حجمها .http://forum.hwaml.com/imgcache2/hwaml.com_1342534039_588.jpg (http://forum.hwaml.com/redirector.php?url=%68%74%74%70%3a%2f%2f%77%77%77% 2e%61%6c%64%77%6c%79%2e%63%6f%6d%2f%76%62%2f%74%35 %34%38%36%34%2e%68%74%6d%6c)

كوكو كوكو
انا اسهر الليل لوحدي
وهم شخيرهم واصل لعندي
كوكوكوكو
واحد يحلم بريشي
واحد يحلم بجلدي
والثاني بيحلم باكلي
انتوا عارفين ليش بيحلموا
لان الصبح موعد ذبحي
كو كو كوكو
سهران حيران اهرب من وين
مشكلتي ليها حلول كثيرة
لكن
شبااك الهروب فوق رووسهم
وادور على طريقة اهرب فيها
مش لاقي اي طريقة
خلاص
خلاص يعني هيموتوني وهياكلوني
كوكو كوكو
لا مش هستسلم ابدا لذبحي
اعمل ايه اعمل ايه ياربي
كلهم نايمين وانا لوحدي
استنى وقت الصبح مايجي
مش هلحق انفذ بريشي
قررت اعلي صوتي
واقول
كوكو كوكو
ولما يصحوا على علو صوتي اقولهم
هناك في الخارج حرامي
ويفتحوا الباب وانا اهرب
وان شاءالله يجيهم بعدها الف حرامي


http://forum.hwaml.com/imgcache2/hwaml.com_1342534039_820.gif (http://forum.hwaml.com/redirector.php?url=%68%74%74%70%3a%2f%2f%77%77%77% 2e%61%6c%64%77%6c%79%2e%63%6f%6d%2f%76%62%2f%74%35 %34%38%36%34%2e%68%74%6d%6c)

[sosolibya]

http://forum.hwaml.com/imgcache2/hwaml.com_1342534589_123.jpg

[sosolibya]

http://forum.hwaml.com/imgcache2/hwaml.com_1342535159_109.gif اجمل صوره فى العالم واحلى كلام ممكن تسمعه2011<b> [/URL]






SHARE اضغط هنا لنشر ومشاركة الموضوع على الفيس بوك
[URL="http://www.egypalace.co/vb/showthread.php?t=68000"]اجمل صوره فى العالم واحلى كلام ممكن تسمعه2011 (http://www.egypalace.co/vb/showthread.php?t=68000#)


اجمل صورة واحلى كلام (http://forums.msryat.org/msryat264266/)


اجمل صوره (http://www.egypalace.co/vb/showthread.php?t=68000) فى (http://www.egypalace.co/vb/showthread.php?t=68000) العالم (http://www.egypalace.co/vb/showthread.php?t=68000) واحلى (http://www.egypalace.co/vb/showthread.php?t=68000) كلام (http://www.egypalace.co/vb/showthread.php?t=68000) ممكن (http://www.egypalace.co/vb/showthread.php?t=68000) تسمعه



http://forum.hwaml.com/imgcache2/hwaml.com_1342535159_205.jpg (http://www.egypalace.co/vb/showthread.php?t=68000)
قال تعالى : “ لَوْ أَنزَلْنَا هَذَا الْقُرْآنَ عَلَى جَبَلٍ لَّرَأَيْتَهُ خَاشِعاً مُّتَصَدِّعاً مِّنْ خَشْيَةِ اللَّهِ “
سورة الحشر ، آيه : 21

حقا وسعة رحمتك كل شىء

تحياتى لكم
</b>

[sosolibya]

http://forum.hwaml.com/imgcache2/hwaml.com_1342535284_285.gif

[sosolibya]

وينكم يابايخات مخلينى بروحى



انا مشغولة على ام معاد

[sosolibya]

http://forum.hwaml.com/imgcache2/hwaml.com_1340191807_383.jpg

[sosolibya]

انا بنمشى ننتخب

[sosolibya]

انا انتخبت

[sosolibya]

بنتى جننتنى وهى فى عيطة وحدة
نظيفة ومغسولة وشبعانة وبرودة شن هو يللى تبيه مش عارفة والله حمود ماكان هكى
قولولى شن انديرلها

[sosolibya]

والله ماتتحشمو ويييييييييييييييييييييينكم
انا بنهبل من بنتى

[عيون زوجي]

السلام عليكم


كيف حالك يا سوسو ولاباس على رورو وخيرها تتدلع ومبروك اعليك من انتخبتي

شن الجو عندك؟؟؟؟؟

[عيون زوجي]

وينك يا غزاله؟؟؟؟؟؟؟؟؟؟

[sosolibya]

ايوا عيوننننن

[sosolibya]

اخيرا
مش عارفة شن قصة النقص يللى صايرلكم

[sosolibya]

انتم باسلين اليوم

[sosolibya]

https://encrypted-tbn1.google.com/images?q=tbn:ANd9GcTbaULrfgNvZWnE-2Y36aZHx2__eoG-ljLe3Pt5qECbXum2DXh8nQ

[ليبياقلبي]

سوسو مش الانتخابات يوم _7 7 علاش انتم اليوم

[ليبياقلبي]

عيون شن اخبارك انا ونوزة وبوها حالنا باهي انت شن اخبارك وشن مدايرة انت وسنافرك وبالنسبة للي الايفاد اهو كعادة نجري على اوراقيا خديت عجانة مولينكس ماكينة كاملة من مصراتة بي350

[ليبياقلبي]

معقولة ماخش حد يقونة ووووووووووووووينك

[أم ورد]

السلام عليكم ورحمة الله وبركاته
كيف حالكم اليوم

[أم أجنادين 80]

السلام عليكم
كيف حالكم
وينكم الباين مكسدين ولا طالعين تشروا

[عيون زوجي]

السلام عليكم


سوسو شن الجووووو اليوم؟؟؟؟


ام نوزة مبارك ما شريتي يا حلوة وتبيديها بالهني


ام ورد شن جو العرس

تعالواااااااااا نباركلكم الشهر ,,,,,,,

[عيون زوجي]

ام اجنادين ...كل سنه وانتي طيبه يا احبيبه وشن وتيتي لرمضان احكيلنا؟؟؟

[أم أجنادين 80]

ام ورد كيف حالك

[أم ورد]

أهلين أم أجنادين كيف حالك اليوم
عيون كيف حالك وكيف حال سنافرك
أمممممممم العرس ماشي حاله فات بجوه

[أم ورد]

كل سنة وإنتم طيبين ورمضان كريم وينعاد عليكم بالصحة والخير

[أم أجنادين 80]

ينعاد علينا وعليك
عندك صغار ام ورد

[أم ورد]

لالالالالالالالالالا

[عيون زوجي]

ان شاءالله العام الجاي بصغاركم انتم وام وسونه وكل متمنيه يارب

[أم ورد]

اللهم أمين
ربي ايطمنا عليها أم وسونة ليها فترة غايبة

[أم أجنادين 80]

ان شاء الله ربي يرزقنا جميعا
بالله شن اخبارها ام وسن
شن درتي اليوم ياعيون كملتي تجهيزات رمضان

[أم السنافر]

السلام عليكم

كيف حالكم يا حوامل وكل عام وانتم بخير وينعاااد عليكم بالصحة والسلامة

طبعاا ليا فترة ماخشيتش انشغلت بالامتحانات

ان شالله اموووركم تمام

[عيون زوجي]

نبي اندير حاجتين حلويات ويكونوا معسلات لقهوة رمضان شن اندير اقترحوا؟؟؟؟؟؟؟؟؟؟

[أم ورد]

أهلين أم السنافر كيف حالك وشن أخبار الحمل معاك
وربي ايوفق وإن شاء الله بالنجاح

[أم ورد]

عيوووووووووون اليوم شفت في مطبخ أم عائشة طريقة دبلة شكلها حلوووو وساهلة

[أم أجنادين 80]

اهلين ام السنافر
شن اخبارك وكل عام وانت بخير

[أم أجنادين 80]

عيون من يوم اعطيتيني موقع ام عائشة وفتافيت وانا نكتب في الوصفة يلي تعجيني
انت مجربة منهم وصفات خصوصا البوريك الهش طلعلك كويس

[عيون زوجي]

هلا ام السنافر وانتي طيبه وينعاد عليك بالصحه والسلامه وموفقه في قرايتك واي شهر انتي توا؟؟؟


ام اجنادين انا شريت ماكينة البوريك ورحيت خبزة ودرت طعميه ودرت صلصة البيتزا وبشرت الجبنه وشريت توابلي وخلاص وانتي؟؟


ام ورد ام وسونه كويسه نتلاقى معاها عالنت

[عيون زوجي]

مجربه منهم هلبه هلبه حاجات وكلها تتطلعلي كويسه


وتوا بنوض بندير الحلو متاع مربعات اللوز والتمر من مطبخ ام عائشه ومدايرتها قبل وطالعتلي كويسه

[أم أجنادين 80]

انا جهزت صلصة البيتزا والخبزة رحيتها بس بس
وغدوة بناخد قضية الكوجينة عالبسيط لاني نفطر مع حوش عمي
والحلو نفكر اندير كل يوم بيومه

[أم أجنادين 80]

عيون اكتبي رابطها مربعات التمر واللوز
في حتي بسكويت التمر البسيط في فتافيت

[أم أجنادين 80]

هههههههههههههه عيون الباين بديتي اديري فيها
ربي يعاونك لاتنسي اتذوقينا

[ام معاد]

السلام عليكم
كيف حالكم كلكم من غير استثناء وكل عام وانتم بخير ربي يجعلنا من صوامه وقوامه ومن عتقائه من النار

[ام معاد]

شكلكم امكسدين يلالالالالالالالالالالالالا سلالالالالالالالالالالالالام

[ام معاد]

تصبحوا علي خير

[sosolibya]

السلام عليكم

[sosolibya]

من هى ام السنافر بالجودة عرفونا

[sosolibya]

وينكم
ياعرايس
تعرفو ماخطرش عليا نوتى صلصة البيتزا
توا غدوة بنديرها

[sosolibya]

تصبحى على خير ياحبيبة قلبى ليبيا

اللهم انى أستودعك ليبيا وأهلها وناسها ومالها

قولو أمين

[أم ورد]

السلام عليكم ورحمة الله وبركاته
صباح الخير
كيف حالكم اليوم

[أم ورد]

http://forum.hwaml.com/imgcache2/hwaml.com_1342689380_134.jpg

[أم ورد]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[سوما ليبيا]

السلاااااااااااااااااااااااااام عليكم

[أم ورد]

وعليكم السلام
كيف حالك سوما وكيف حال الحمل معاك

[عيون زوجي]

السلام عليكم


بعد السلام يحلى الكلااااااام

[أم ورد]

وعليكم السلام
أهلين عيون كيف حالك اليوم

[عيون زوجي]

يامبروك علينا رمضان يارب نقيموه ونصيموه ونفرحوا بهلال العيد اجمعين ملتمين فرحانين

[سوما ليبيا]

اهلا ا م ورد
كيف حالك عيون

شن جوكم؟؟؟؟

[عيون زوجي]

شن رايكم في اسم سوار

[سوما ليبيا]

انا الحمد لله الحمل متعبني هلبة والوحم زايد عليا ورمضان عالابواب ربك يستر وخلاص

[سوما ليبيا]

وااتنم شن دايرات

ترمضنو بروحكم ولا في حوش العيلة؟؟؟؟

[عيون زوجي]

هلا وغلا بسوما كيف حالك وحال الحمل ومبروك الشهر وينعاد عليكم

[أم ورد]

اللهم أمين يارب

[سوما ليبيا]

حلو الاسم


مش عارفة احساسي اني بنجيب بنت وزوجي من توا يقولي

يا((((أم ليث))))

[أم ورد]

الحمد لله سوما في خير ونعمة
بالنسبة ليا رمضان في حوشي نفطر أول يوم انطيب فطوري ونمشي بعد المغرب وكل جمعة نفطر غادي

[عيون زوجي]

انا نفطر كل يوم في حوش العيله ويومين في الشهر عند حوش بوي
ورمضان يلي فات درت يوم بيوم مع سلفتي لقيته اريح وهالرمضان ممكن زي السنه يلي فاتت ما تلاقيتش مع الهانم قعده

[عيون زوجي]

سوما انتي بكره ويلي يجي من ربي حلووو وتفرحوا بيه انا بكرتي بنوته وانحبها فوق الخيال وعندي بعدها وليد ويارب الفال لام ورد

[أم ورد]

انواع الأسلحه المنزلية:-
-[الكف]
عيار 5 اصابع
وهو سلاح قريب المدى
يجعل الدنيا تلف حولك متل السكران..
يستعمل في حالة التعصيب المتوسط.
-[القرصه]
عيار 3 اصابع
وهو ايضا سلاح قريب المدى + صامت :/
غالبا ما يترك علامه زرقاء بجسد المصاب
ويستعمل في حالة وجود ضيوف.
-[الخيزران]
عيار خيزران واحد كفايه
سلاح محرم دوليا
متوسط المدى
يترك آثار هائله في الجسم
ويستعمل في حالة العصبيه الشديده :@
-[الشبشب]
متعدد العيارات حسب نمر الأرجل المتوفره في المنزل..
سلاح متطور جدا.
يمكن استعماله في عدة اشكال والمستويات
فهو سلاح قريب وبعيد المدى في نفس الوقت..
فيمكن ان يستعمل ك/صاروخ آرض جو موجه بدقه
يجيد اصابة الهدف بدقه متناهيه ولو كنت على بعد 30 متر

[سوما ليبيا]

اني عندي تلاتة سلفات
2منهم عندهم صغار شواطين وعزوزتي قالت مايجوش مع بعض والتالتة اول رمضان تحضره معاهم كان 3سنسن في مالي متعودة عالشغالات اني ياحنة الوحم داير فيا وهدا اول رمضان معاهم خايفة قبل امي تطيب فالماكلة الغليضة وعزوزتي ماتكلش فالحاجات اللي فيها دحي وزوزي ماياكلش الماكلة الغليضة الا العصيدة والبازين وانا مانعرفش نديرعه


والحماوات كلهم سقدناهم

[عبير الحرية]

اسالكم بالله لا تنسوهم ... (http://forum.hwaml.com/showthread.php?p=2421651#post2421651)

[سوما ليبيا]

من هما العفو؟؟؟؟؟

[أم ورد]

قصدكم من بكري ما خش حد خيركم العفو

[sosolibya]

مساء الفل يافلات

[عيون زوجي]

السلام عليكم

اليوم درت كيكة الباونتي وطلعت اتجنن لو تبوا الصور اطلبوها خخخخخخخخخخخخ


طلعت مع زوجي للسوق بنشري غساله الماعين لقيتهم مابين السبوع الفات واليوم زايدينها100 دينار فوتتها
وتوا ودني اتسطر فيا وتوجع يستر الله اعليا كيف بنعول

[عيون زوجي]

كل سنه وانتم طيبين توا توا الشيخ الغرياني اعلن رمضان

[sosolibya]

http://forum.hwaml.com/imgcache2/hwaml.com_1342734304_863.jpg

[يقين]

كل عام وانتم بالف خير
ينعاد عليكم بالصحه انتم وعويلتكم

[يقين]

عيون كيف حالك انت وعويلتك ومبروك عليك الشهر
سوسو كيف حالك انت وعويلتك ومبروك عليك رمضان

[يقين]

والله مستاحشتكم هلللللللبا

[عيون زوجي]

يقونه ياغاليه الله يبارك فيك وكل سنه وانتي طيبه جبتي ولا لا

[sosolibya]

بالله عليك لاتنس نية رمضان

[اوشي]

http://forum.hwaml.com/imgcache2/hwaml.com_1342739237_322.jpg


http://forum.hwaml.com/imgcache2/hwaml.com_1342739237_496.jpg


http://forum.hwaml.com/imgcache2/hwaml.com_1342739237_242.jpg

[عيون زوجي]

كيكة الباونتي من مطبخي بمناسبة رمضان (http://forum.hwaml.com/showthread.php?p=2422440#post2422440)

هادي كيكة الباونتي من مطبخي ومن صنع ايدياتي اتمنى تعجبكم ونلقى تعليقاتكم وتقييمكم في الصفحه

[سورينام]

السلاااااااااااااام عليكم ///
كل عام وانتم وأحبابكم بخير وربي يبلغنا وإياكم هلال شواااال آمييييييييين
وايقدرنا ربي على الصيام والقيام ياااارب ونختمو تلاوة القرآن مع بعضنا ان شاءالله \\\\\\\\\

[أم أجنادين 80]

كل عام وانتم بالف خير وليبيا بخير ويارب من احسن لاحسن

[يقين]

اوشي وسورينام كل عام وانتم وعويلكم بخير
عيون معليشي طلعت فجاه النت فصل لالا ما جبتش والله حالتي يرثي لها نفاخ وثقل وتعب خلالالالالالاص

[يقين]

ام اجنادين وانتي طيبه ينعاد عليك بالخير ان شالله وما يهل رمضان الجاي الا والبيبي معاك يارب اللهم اميييييييين

[عيون زوجي]

سورينام وام اجنادين كل سنه وانتم طيبات خشوا لموضوعي ضروري جدا


يقونه جوك اهلك ولا شنو ومنو جاك بالزبط

[أم سعد]

السلام عليكم

مبروك رمضانكم

[عيون زوجي]

خشيتوا زي الهلال وطرتوا وينكم؟؟؟؟؟؟؟؟؟؟؟

[عيون زوجي]

هلا ام سعد كل سنه وانتي طيبه وهالعريس السموحه وخوها بألف خيرررررررر

كيف حالك وحال عويلتك؟؟؟

[أم سعد]

اهلاااااا عيون


كيف حالك وكيف حال العويلة

هاتي اخر الاخبار اللي فاتتني

[أم أجنادين 80]

يقونة كيف حالك
رمضان كريم ينعاد عليك بالصحة والعافية
كيف بديري وانتي مثقلة ربي يعاونك

[أم أجنادين 80]

ام سعد وعيون رمضانك كريم
خشيتله من بكري موضوعك تسلم اييديك
بس ماقلتيليش علي مكعبات التمر واللوز

[عيون زوجي]

لا جديد

ماهناك حد الا اني وسوسو مكسدات

انتي شن اخبارك وشن جهزتي لغدوة وشن مقررة اديري؟؟؟

[عيون زوجي]

الله يسلمك يا ام اجنادين تلقيه في مطبخ ام عائشه

[أم أجنادين 80]

مزلتوا ساهرين

[عيون زوجي]

قعده معاك اصله ودني تسطر ومريضه ماعنديش نيه نرقد

[أم أجنادين 80]

وانا الدورة جتني امتعبتني

[عيون زوجي]

ام اجنادين قعده ولا ارقدتي؟؟؟؟؟؟؟؟؟؟؟

[أم أجنادين 80]

خيرها وذنك ان شاء الله لاباس عليك

[عيون زوجي]

صار رمضانك مازال يا حلوة سعدودك بتشربي الميه خخخخخخخخخخ

شن ناويه اديري فطور غدوة بأذن الله

[أم أجنادين 80]

بديت ننعس اصلا ننعس من بكري بس نقاوم راجلي مزال ميبيش يرقد

[يقين]

عيون اي احبيبه جتني اختي وخوي والله ربي يحفضها رافعتني علي كفوف لراحه والله الخوات كنز

[أم أجنادين 80]

والله فكرت في الشربة هذه اكيد , والبوريك الهش , وامبطن هذا مبدئيا
والحلو بندير كيكة النسكافيه

[عيون زوجي]

بروحها بدت اتسطر شكلها برده جتني عليها وكبدي نحسها زاهقه تصدقي حتى الكيكة يلي نزلتها ما ذقتها ولا اتبننتها لا اني ولا زوجي لانه حتى هو عنده اسهال حاشاك
الصغار كلوا طرف مرمدوه وخلاص

[أم أجنادين 80]

صح الخوات كنز
اسالس من فاقد هالنعمة
ربي يخليكم لبعض وماتلقيش الا اوخيتك كذب عليك لاصاجبة ولا سلفة ولا حماه

[عيون زوجي]

الحمدلله عسلامتهم يقونه اختك صبيه ولا مدام واهلك سمعوا بحملك قبل ليجوا ولا قلتيلهم

[عيون زوجي]

الوخيه وساده تتكي عليها والتانيات عقارب يصكوا خخخخخخخخخخخخ استعفر الله رمضان

ام اجنادين صحه من توا

انا عدوة كان ربي عطاني عمر وصحه وبأذنه انفكر في شريبه ورز ابيض ودجاج في الكوشه وبيتزا والحلو فيه كيكة باونتي وفيه مربعات اللوز والتمر

[عيون زوجي]

http://forum.hwaml.com/imgcache2/hwaml.com_1342743359_498.jpg

[أم أجنادين 80]

صحيحتين مسبقا
وان شاء الله الف لاباس عليكم عوينة وخداتك
ربي يخليك لزوجك وصغارك

[سورينام]

لا باس عيون ليك ولزوجك ... خوذي حبه مسكن خير ما تقعد شاده عليك الليل كله ... وراجلك اعطيه موز كان عندك ايشد البطن لان الاسهال مش كويس بالذات مع الو الجسم معاش يقعد فيه سوايل ... طهور ا شاءالله
موضوعك خشيتله وكتبت رد هكي كبره ولما درت انتر النت فصل خخخخخ قداش اتطيرلي منه النت لما يفصل !!
عالعموم عجبتني هلللللللبه والباين بديرها لكن بعد ما نشري الطاجين ما عنديش منه ... حويته عليك وسلم ايديك

[سورينام]

شويه ونرجعلكم يا حلواااات !!!!

[أم أجنادين 80]

انا بنرقــــــــــــــــــــــــــــد وبطني زادت عليا
تصبحوا علي الف خير

[عيون زوجي]

الله يسلمك يا ام اجنادين ويعبي عينك من شوفة وليدك يارب وتحملي هالشهر

سورينام الله يسلمك ويخليك انحبك يا دعوه( غزل بالليبي )خشي هدرزي عليا مستاحشاتك موووووووت

[عيون زوجي]

تصبحي على ألف خير ولاباس اعليك ويارب تكون اخر دورة لبعد 9 شهور تانيات قولي اميين

[سورينام]

يحبك المولى وايحبب فيك عباده .. المشاعر متبادلة وراس وخيتي وما نحتاجش انقولك قداش نرتاح لما انهدرز عليك والله كأني متربيه اني واياك سبحان الله ... وعندي هللللللبا حاجات نبي انهدرزهالك لكن الوقت ديما واقف في الص ... الغزال يبي محلبيه سحوره بانوض انديرها لانه ايدخن واللي ايدخن يتسحر بكري باش يلهى بالدخاخين ربي ايفكه من هالبلوى ...
على فكره بنسجل ساره في روضه بحدانا في بوسليم ممكن السبوع الجاي ... لنا عوده ونحكو في التفاصيل

[عيون زوجي]

الله يعزك

عندي محلبيه واتيه في الثلاجه تعالي خوذيهاله وهدرزي

الله يعفيه من هالتدخين

انا مشيت بنسجلها وماهانتش عليا لانها مرضت السبوع يلي فات تعالي نحكيلك وين

[أم سعد]

ااااااااه أنا ياعيون ماجهزت حتى حاجة

لأني في حوش بوي ،،، الصغار كانو مرضى

سعودي نزلة معوية ،،، وميار تكحكح

وراجلي بردة وختمت بيا أنا بررررردةةة قوييييييية ونهايتها جتني الدورة

فقعدت في حوش بوي وكل يوم مقوله نبي نروح

يقولي لا زيدي ارتاحي

واليوم راجلي مشي لمصراتة وتوا مروح في الطريق

وقالي مبيت حتى الليلة

[عيون زوجي]

لابأس طهور عليكم جميعا خيركم شنو جاكم خخخخخخ

ام العيله لو مرضت يتفركس كل شي مش لابالك كلكم مرضتم الله غالب اسئل الله العظيم رب العرش العظيم ان يشفيكم


شن ناويه اديري غدوة فطور ولامافيش شي في راسك لتوا؟؟؟

[أم سعد]

والله طبعا راجلي لااااااازم من الشربة والبيتزا والبوريك

وممكن زيادة شاور ما وسلايط

والحلو عندي دبلة وبيتيفور ومحنشية

بنلهى نضم حوشي ،،، وندير المحلبية وكريم كاراميل

ونرتب أوموري

[أم سعد]

عيون .... هذا الفيس متاعي saoudy sha3nan

[عيون زوجي]

صحه صحه ,,, وربي يعينك عالحوسه وانتي مريضه

انا الكاونت باسم sara mohammed

[عيون زوجي]

ام سعد ماباش يطلعلي هال saoudy sha3nan ديريلي انتي اضافه وخلاص

[عيون زوجي]

سورينام المحلبيه متاعك امتى بتسقع خفي روحك شويه

[عيون زوجي]

نستأذنكم بنوتي سحور زوزي لو قدر ياكل حاجه..

تصبحوا على خيررر ورمضانكم مبارك يارب

[سورينام]

هاني جيت يا حنه ... وجبت صوينيات المحلبيه معاي
http://forum.hwaml.com/imgcache2/hwaml.com_1342748154_445.jpg

[سورينام]

مرحبا بأم سعودي ولاباس عليك انتي والعويله طهور ا شاءالله

[سورينام]

يقونه سامحيني امبكري طليت مستعجله وما رحبتش بيك انتي وسوسو ... آنسوك وخيينك وربي ما يحرمك منهم يارب .. وايخفف تقلك يارويحتي اعليك رمضان وحمل وشكلك امطوله .. ان شاءالله غير عياد ما ايجيش اسم على مسمى وينزل في العيد وخلاص ههههههه ياناري على بو فطومه ياكبدي حتى كانك اقريبه نبعتوله الشريبه والبوريك وانريحووكي ... لكن انتي ما حاذيتي كان المصريات اللي ما عندهم الا الفول وسد الحنك ههههههه

[سورينام]

الجماعه شكلهم يتسحرو واني نرغي برووووحي ...
اممممممم اني حطيت سفره فيها صونيه جبنه حمرا وطماطم وخيار وصونيه فيها كيوي وموز شرايح ومحلبيه وتمر محشي وحليب ودلااااااع وما كليت منها غير الجبنه انحس في روحي شبعانه ومش متعوده عالوضع ومن بكري نشرب في اميه خايفه من العطش لاني انرضع وربي ايعيننا جميعا يااارب

[سورينام]

هيا توا الساعه 4 بنوض نتوضأ و نصلي ركعتين قبل الفجر تصبحو على يوم مبارك واخبار طيبه
وكل عام وانتم بخييييييييير

[أم أجنادين 80]

السلام عليكم
وينكم اليوم الباين راقدات

[أم أجنادين 80]

سورينام صحتين اللمحلبية

[sosolibya]

السلام عليكم

[sosolibya]

مفلحكم فيه يافالحات
عطلت عليكم شوية خشيتو كلكم

كيف حالكم الكل

شغلتينا عليك
يا يفين
انسوك عيالك


فكونا من جو ماترقدوش فالليل
ارقدو ونوضو اتسحرو

بصراحة انا مانقدرش مانرقدش

لانى مانضمنش نرقد فى النهار على خاطر صغارى ينوضو بكرى

[sosolibya]

انا اليوم بندير بيتزا

ماهو انا نفطر فى حوش عمى
وكل وحدة ادير حاجة
وتوا عجنتها

والبارح درت الصلصة وكيستها فى الفريز
وبنزينها بالزيتون والفلفل الحلو وجبنة شيدر

وبنديرها على كبر الطاجبين احلى
من طروف

[sosolibya]

عيون
سارة محمد طلع هلبة
شن صورتك انتى

[أم أجنادين 80]

يابنات لو تعرفوا مواعيد المسلسلات هده
حكايات بنات , بنات العيلة و فرقة ناجي عطا الله
قولو اكتة يجو علي ام بي سي دراما

[عيون زوجي]

السلام عليكم

كل سنه وانتم طيبات للمره الالف خخخخخخ


سوسو الصورة متاعي رمضان مبارك بالازرق


ام اجنادين للأسف مانقدرش نفيدك بهالخصوص


خشيت بعد العصر للكوجينه وكملت من الساعه 6.30 وتوا مكسده
طلعت برا سيقت الجنان وسقيت غرساتي وسقيت المعشب ولتوا كساااااااااااااااد


درت اليوم:

شربه + بيتزا + دجاج بالاكليل في الكوشه + خبزة محشيه

[يقين]

كل سنه وانتم طيبات ومع عويلتكم ملتمات
فطرت وجيتكممم

[sosolibya]

انا درت بيتزا
وتوا نقلى فى بطاطا
وبنرفعو معنا تمر دقلة

[sosolibya]

صحة صحة يقونة

[يقين]

عيون صحه فطورك مقدما ويسلمو يدياتك ويحفضك
سوسو صحه فطورك مقدماوربي يتقبل

[يقين]

حني فطورنا
شربه+رز بلاو+بتزا+امبطن وبسسسسسس الوقت ماسدش خشينا بعد ال3 للمطبخ مصر وقتها قصيييير المطبخ يبيك من ال 1

[ام وسونة]

السلام عليكم

كيف حالكم ياغاليات والله ليكم وحشة خشيت نسلم عليكم ونباركلكم الشهر الكريم

كل سنة وانتم طيبين وينعاد عليكم بالصحة والعافية يارب

[sosolibya]

صحة شريبتكم

[sosolibya]

تقبل الله من الجميع
هدا كله مش عاجبك يا يقين الحمد لله نعمة
شج ام وسنة

[sosolibya]

نحنا فطورنا

بيتزا
بطاطا مقلية
عصبان
طبيخة
قلايا
خبزة محشية
سلاطة ملفوف وطماطم

الحلو
بكلاوة جافة(مبطنة حلوة)

[sosolibya]

على ما اظن ايا اجنادين
بنات عيلة 4 مساء
على سبق اصرار 5

بس انا الحمدلله اعاهد نفسى انى مش رح احضر مسلسلت

فكل المسلسلات ستعاد بعد رمضان
الا النراويح والصلاة وقراءة القران

[sosolibya]

اذا لم تستطع نفع إنسان فلا تضره
وإذا لم تفرحه فلا تحزنه
وإذا لم تقف معه فلا تشمت به
وإذا لم تفرح بنعمته فلا تحسده
وإذا لم تمدحه فلا تذمه

أن لكل إنسان حق الأخوّة الإنسانية عليك
فكن لطيفاً مع الناس جميعاً، واجعل رحمتك تفيض عليهم
ولا تكن جاف المشاعر جامد العواطف بخيل اليد قاسي القلب فتحرم الرحمة والراحمون يرحمهم الله تعالى

[sosolibya]

ترك المعاصي في رمضْان ..

ليس إدعاء لـ المثالية , أو تناقض بـ الشخصية !

ھو “حبل رجاء” بين العبد و ربـه على أمل أن لا ينقطع

[sosolibya]

عذراً لـــنــدن فأمطــــارك لا تـكـفـيـنـــي...
عذراً مــدريــد فأحـيـائــك لا تـريـحـنــــي...
عذراً بــكــيــن فأهلـــــــك لا يشبهونني...
عذراً استنبول فمـــــــاؤك لا يـــرويــنـــي...
عذراً بــيـــروت فشواطئك لا تــسـحـرني...
عذراً دبـــــــي فعماراتـــك لا تـغـويـــنــي...

فليبيا وحـدهــا تـكـفـيـنــي

[أم أجنادين 80]

صحة شربتكم جميعا وصيام مقبول وذنب مغفور
ام وسونة كل وانت بخير شكلها زيارة خت فت
بالله شن اخبارك ووين هالغيبة شغلتينا عليك

[أم أجنادين 80]

عرفت مواعيدهم بس مش مناسبات
الوقت هدا يانرقد او نقرا في القرآن
يلا نحضرهم في الاعادة
صح ياسوسو الصلاة والقرىن في المرتبة الأولي بس النهار طويل تقدري تقسميه

[أم أجنادين 80]

فطورنا كان شربة وبوريك هش علي طريقة مطبخ ام عائشة وكيكة النسكافيه
وبراك وفركسيه ومكرونة

[أثري في مدادي]

الســــــــــــــــــــــــــــــلام عليكم ورحمة الله وبركاتـــــــــــــــــــــــــــه ~~~~~

مبـــــــــــــــــــــــ رمضانكم ـــــــــــــــــــاركـ

ونسأل الله أن يعيننــــــــــــــــــا على اغتنـــــــــــــــــــــــــــــــام فضله ~~~

كيفكم أحلى ليبيـــــــــــــــــــــــــات على وجه الكرة الأرضيـــــــــــــــــــــــــة

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

[أثري في مدادي]

من بكري وأني نقلب في الصفاااااااااااااااحي

ندور في آخــــــــــــــــــــــــــر صفحة خربشت فيها ،،،،

والله ما لقيتها لتوا

قلت شورني غالطة في التجمع ،،،،،،،،،،،،،،،،

انفصل عندي النت يومين ولا ثلاثة ،،،، هكي درتوا فينا

[sosolibya]

شج اترى كيف الحال


انا عيونى بيتغمضو خلاص

[أم أجنادين 80]

اهلا اثري رمضان كريم وعلي عائلتك
والله زيك ياسوسو

[ام وسونة]

السلام عليكم

كيف حالكم كلكم وشكرا لكل من سال عليا ونحب نطمنكم اني الحمدلله اموري تمام

ام اجنادين تسلمي يارب والله اموري الحمدلله واخباري مافيهاش جديد ههههههه

اتري كيف حالك وحال عويلتك وكيف حال النونو وشن قالولك عزري ولاصبية

[ام وسونة]

هذا فطوري اليوم

http://forum.hwaml.com/imgcache2/hwaml.com_1342836319_698.jpg

[ام وسونة]

وهذا الحلو

http://forum.hwaml.com/imgcache2/hwaml.com_1342837006_739.jpg

[sosolibya]

صباح الورد

عيون مهناش ولا وحدة فيها رمضان بالازرق

[sosolibya]

صحة ياوسنة
فطورك حلو

[sosolibya]

http://forum.hwaml.com/imgcache2/hwaml.com_1342869231_419.jpg







سيارة فى عهد سيدنا يوسف سبحان الله

[أم ورد]

السلام عليكم ورحمة الله وبركاته
كيف حالكم
وصحة فطوركم كلكم وربي يتقبل صيامكم يارب
أمس فطوري كان بيتزا و معجنات مشكلة وكبة بطاطا وشربة عدس وسلطة

[أم ورد]

أهلين أم وسونة كيف حالك وكيف حال العروسة وين هالغيبة والله ليك وحشة معاش اتغيبي طلي علينا زي قبل
أثري كيف حالك وكيف حال الحمل معاك وكيف امداير فيك في رمضان
يقونة كيف حالك وكيف حال فروتي وعياد وأنسوك إماليك وربي ايونسك بيهم يارب

[أم ورد]

سوسو كيف حالك وكيف حال عويلتك

[مليونيرة فقيرة]

صباح الخير عليكم ...

[sosolibya]

شج ام ورد بالعمار عليك ان شاء الله



اهلا مليونيرة كيف الحال

[sosolibya]

انا اليوم بندير
طعمية و باسطى

وزى مافلتلكم كل واحد يدير حاجة انا وامتعينى

[sosolibya]

يقين انا اليوم قعدت نشوف فى الصفحات زمان جو 300

لقيتك كاتبة

هوايتى صناعة الكيكات شن اخر كيكة صنعتيها خخخخخخخخخخخخخخ

وكمان (نتمنى لما نكبر نبدأ طبيبة اسنان)
مزال كبر اخر
هههههههههههههههههههه

كان المنتدى اياماته حلوة

[sosolibya]

http://forum.hwaml.com/imgcache2/hwaml.com_1327955267_697.jpg

[أم ورد]

اللهم أمين يا سوسو
أني اليوم ماطيبتش درت كيكة جوز الهند بس بنرفعها امعاي لحماتي
وعندي حاجات قاعدة من أمس بنسخنها

[أم أجنادين 80]

مساء الخيرات
اليوم درت بيتزا الطربوش وصورتها هيا وكيكتي امس والبوريك بس مافضيتش انزلهالكم
ودرت كيكة النسكافيه حتي اليوم بنرفعها لماما لان الحلو بديره حماتي اليوم مع امبطن وانا بنزيد اندير رشده

[أم ورد]

أهلين أم أجنادين
صحتين فطوركم مقدما

[أثري في مدادي]

الســــــــــــــــــــــــــــلام عليكـــــــــــــــــــــــــــــــــم ورحمة الله وبركاته ~~~~

أهلاً ............ أم وســـــــــــــــــــــــــونة ،،، يا محلاه رمضان ،،، طلَّ علينا وطلَّـــــــــــــــــــع معه الحبايــــــــــــب ،،،

اللهم بـــــــــــــــــــــــارك فطورك شهي ،،، وخاااااااااااااااصة تواااااااااااااااااا

وشكرا يا غالية على الســــــــــــــــــؤال ،،، الحمد لله بخيــــــــــــــــــر والله ونعمة ،،،

شوية بردة جايتني على الضلوع ،، ربي يسهل ويشفي ،،،

أمـــــــــــــــــا البيبي مازاااااااااااااااااال ما بانش بالرغم من أني في أول الســـــــــــــــــــــــادس

مفاجأة الموسم ،،، شورهاااااااااااااااا

كيف حالك إنت ؟؟؟ وكيف حال وسونة والعويلة ،،،وكيف حال اميمتك الغالية ؟؟؟؟؟

[أثري في مدادي]

مرحبتين أم ورد ~~~~

وأم أجناديــــــــــــن ~~~

وســـــــــوســـــــــــو ~~~

ما أخباركم مع الرمضانيـــــــــــــــــــــــــــات ؟؟؟

[أم ورد]

أهلين أئري كيف حالك ولاباس عليك طهورا إن شاء الله
شن درتي فطورك اليوم

[أثري في مدادي]

اليوم :

شوربة دشيشة بطميطمة خضرا

خبيزة محشية بالمفروم والجبنة

مسقعـــــــــــــــــــــــــــــــــــة

بازين ،،، توا بنوض انعصده ~~~~

وعصير كركديه بالزهر

كيكة عااااااااااادية

ومشقشقات نعبوا بيها الصفرة { سلاطة زيتون وذرة وووو خلاص وقت خنمشي

[أم ورد]

صحتين مقدما

[ام وسونة]

صحة فطوركم كلكم ياغاليات

تسلميلي يااتري وربي ينوضك بالسلامة يارب وتفرحي بشوفة البيبي كامل الخلقه

وخيه ام ورد ربي يحفضك ويخليك وسلمك نشادة

ام اجنادين صحة فطورك وكيف حال وشكرا على سؤالك عليا

[ام وسونة]

هذا فطوري اليوم

http://forum.hwaml.com/imgcache2/hwaml.com_1342899890_292.jpg

[أم ورد]

ما شاء الله أم وسونة جوعتيني من جديد خخخخخخخخخخخ
صحتين وتقبل الله صيامكم

[ام معاد]

السلام عليكم كيف حالكم كلكم

[أم ورد]

وعليكم السلام أم معاذ كيف حالك وكيف حال عبدو وميمي والحمل إن شاء الله مش امتعبك
وقوليلي بسرعة بتجي غدوة ولا

[ام معاد]

ايه بنجي لاكن مع المغرب لان زوزي عمل وضروري بندير حاجة

[ام معاد]

تصبحوا علي خير

[عيون زوجي]

السلام عليكم,,,,



أثري ليك وحشه ويسلم ايدياتك عالبازين في النو والصيام وانتي مراه متقله زوزك زي خوي العزري متعب امي مايبيش ياكل الا بالطماطم الاخضر وفم وينوض


ام وسونه ماشاءالله سفره دايمه وعقبال سفرة نفاسك


ام اجنادين وسوسو وام ورد وام معاد صحة شريبتكم منورات

يقونه صحتين هيا جيبي وبحبحي في ماكلة الرمضان خيرلك من صيام الصيف خخخخخخخخخ وصيميه في قلب الشتي

[عيون زوجي]

ام معاد وحمك جاي عالنت وينك مهناش وكلمة وقص

[عيون زوجي]

اليوم درت..


براك ( ضولمه) + شريبه + بوريك بالدحي + رز بلاو

+ دجاج مشوي+ سلاطة عربيه





الحلو....مربعات اللوز والتمر يلي درتهم من يوم الموسم

[عيون زوجي]

سوسو..مرتاحه عالاخر كل يوم احويجه بس يا سلام

[عيون زوجي]

http://forum.hwaml.com/imgcache2/hwaml.com_1342912581_744.jpg










رغوودة .......وينك سحروك المغربيات وخذوك عندهم ولا خذوا منك ابو احمد ولا شنو؟؟؟؟؟

[يقين]

السلام عليكم كيف حالكم
عيون كيف حالك وحال صغيراتك وصحه فطورك وسامحيني ولامس سالتيني عن اختي وهادا وين انتبهت لسؤالك
اختي مش متزوجه عزباء

[يقين]

ام وسونه كل عام وانت بخير

[يقين]

ام معاذ كيف حالك يا حلوه وحال البوبو
ام ورد كيف حال وشخبار رمضان معاك ربي يرزقك بالذريه الصالحه يارب
ام اجنادين كيف حالك وحال اماليك وزوزك ان شالله تمام وربي يفرح قلبك ياااارب بحمل ثابت سليم
سوسو كيف حال وخيرك تنابشي ها اي لما نكبر بنولي دكتوره اسنان وتقوليلي مزال كبر خيرني يا حنه حلني ني سن تليقي تاعده سعيلونه

[يقين]

فطوري
شربه+بوريك بالمفروم+بيتزا+خبيزا+فركاسيه

[أثري في مدادي]

السلام عليكم ورحمة الله

صحتين فطوووووووووورك ،،،، يا غالية

وربي يسهل عليك في هاليومين ~~~~

[ليبياقلبي]

صحة شريبتكم وكل عام وانتم بالف خير شن اخباركم ليكم وحشة كبيرة يقونة الحمد لله عالسلامة العويلة كلمتي بنت خالتي ولالا

[أثري في مدادي]

طيب خلوف فم الصائم عند الله

عن أبي هريرة رضي الله عنه قال قال رسول الله صلى الله عليه

وسلم قال الله عز وجل " كل عمل ابن آدم له إلا الصيام فإنه

لي وأنا أجزي به ، والصيام جنة، فإذا كان يوم صوم أحدكم فلا

يرفث يومئذ ولا يسخب، فإن سابه أحد أو قاتله فليقل إني امرؤ

صائم، والذي نفس محمد بيده لخلوف فم الصائم أطيب عند الله

يوم القيامة من ريح المسك، وللصائم فرحتان يفرحهما، إذا

أفطر فرح بفطره، وإذا لقي ربه فرح بصومه"

رواه البخاري ومسلم .

[sosolibya]

السلام عليكم

[sosolibya]

سوسو..مرتاحه عالاخر كل يوم احويجه بس يا سلام



وين ياعيون مرتاحة بالله

والله هو هكى وبنهبل
حشاك الصغار يغبرولى فى القايلة يرفعاها فوق راسى ومع الصيام والرضاعة
ارهاااااااااااااق


تحنا قبل نتلاقو من العصر غادى انا وسلفتى وحمواتى
لكن العام هدا انشاء الله نسقم روحى فى حوشى بين الفطور والصغار
ونمشى المغرب

[sosolibya]

اعجبتك الفكرة فاعملها نسخ ولصق ♥♥
.
.
.
.
.
... .
... ... ... ... ... .
.
و إذا لم تعجبتك فمر كأنك لم ترى شيئا
.
.
... ... ۞۩۞۩۩۞۩۩۞۩۩۞۩۩۞۩۩۞۩۩۞۩۩۞
۞ *•.¸.•* بِسْمِ اللهِ الْرَّحْمَنِ الْرَّحِيمِ •¸ .*• ۞
۞ قُلْ هُوَ اللَّهُ أَحَدٌ ۞ اللَّهُ الصَّمَدُ ۞ لَمْ * • ۞
... ۞ يَلِدْ وَلَمْ يُولَدْ ۞ وَلَمْ يَكُن لَّهُ كُفُوًا أَحَدٌ * • ۞
۞۩۞۩۩۞۩۩۞۩۩۞۩۩۞۩۩۞۩۩۞۩۩۞

۞۩۞۩۩۞۩۩۞۩۩۞۩۩۞۩۩۞۩۩۞۩۩۞۩۩۞
۞ *•.¸.•* بِسْمِ اللهِ الْرَّحْمَنِ الْرَّحِيمِ •¸ .*•¸ .*•۞
۞ قُلْ أَعُوذُ بِرَبِّ الْفَلَقِ ۞ مِنْ شَرِّ مَا خَلَقَ•¸ .*• ۞
۞ وَمِنْ شَرِّ غَاسِقٍ إِذَا وَقَبَ ۞وَمِنْ شَرِّ•¸ .*• .*•۞
۞ النَّفَّاثَاتِ فِي الْعُقَدِ ۞ وَمِنْ شَرِّحَاسِدٍ إِذَا حَسَدَ۞
۞۩۞۩۩۞۩۩۞۩۩۞۩۩۞۩۩۞۩۩۞۩۩۞۩۩۞

۞۩۞۩۩۞۩۩۞۩۩۞۩۩۞۩۩۞۩۩۞۩۩۞۩۩۞
۞ *•.¸.•* بِسْمِ اللهِ الْرَّحْمَنِ الْرَّحِيمِ •¸ .*•*•..• ۞
۞ قُلْ أَعُوذُ بِرَبِّ النَّاسِ۞ مَلِكِ النَّاسِ۞إِلَهِ*•.¸...•۞
۞ النَّاسِ۞ مِنْ شَرِّ الْوَسْوَاسِ الْخَنَّاسِ۞الَّذِي.¸•۞
۞ يُوَسْوِسُ فِي صُدُورِ النَّاسِ ۞ مِنَ الْجِنَّةِ وَالنَّاسِ۞
۞۩۞۩۩۞۩۩۞۩۩۞۩۩۞۩۩۞۩۩۞۩۩۞

[sosolibya]

السلام عليكم

[sosolibya]

معقولة من البارح مخش حد


انا البارح فطرت عند عيالى
انا درت فركسى وبيتزا
وبطاطا مقلية وباسطى بالعسل واللوز والشوكلاطة ونكهة الليم الكينى

وامى دارت رز بلاو وشربة وخبزة كسكاس ااااااممممممممممممم بحشوة الدجاج

طبعا مع العصائر والسلطات والفواكه الحمدلله

[sosolibya]

انا اليوم عجنت عجينة ماندرى على روحى مرات انديرها فركسى ومرات خبزة كسكاس
حماتى عندنا امس سيبتهت واليوم بنفطرو مع بعض

[sosolibya]

http://forum.hwaml.com/imgcache2/hwaml.com_1343052648_998.jpg



هيا للمطبخ ياحلوات انت وياها

[sosolibya]

ادخلو بسرعة

0 تجارب خاصة بالامومة (http://forum.hwaml.com/t93590.html)

[أم أجنادين 80]

مساء الخير ات ياحلوات
انا اليوم اول يوم صايمة ههههههههههه
مادرتش شي في حوشي اليوم سلفي جاينه اصحابه بنمشي لحوش عمي انجهزوا الفطور مع بعض

[sosolibya]

اجنادين يافطارة هههههههههههههههههههههههه
شن لقيتيه الصيام ساهل ولا صعب


جو اول يوم ليك وجاك التعب

[أم سعد]

هههههههه

حتى أنا اليوم أول يوم رمضان عندي

[sosolibya]

فطارات فى الرمضان
خخخخخخخخخخخخخخخخ

[أثري في مدادي]

السلام عليكم ورحمة الله وبركاته ،،،،

طلة على السريع .............................

كيفكم وكيف أخباركم ؟؟؟

مبارك رمضانك أجنادين أم سعودي

وووتوا روحكم آخـــــــــــــــــــــر رمضان ~~~~

سوسو ايعطيك الصـــــــــــــــــحة ،،،، وربي يعاونك ،،،،

الرضاعة متعبة برمضااااااااااااااااان

كثري سوااااااااااااااائل ،،،، وكله بأجره لحمد لله

كثفوا استغفار وتسبيح وانت حايسة في مطبخك ،،،، 2 في 1

[أم أجنادين 80]

مساؤووووووووو
شن درتوا فطور اليوم
احنا تعبنا هلبة اليوم درنا كسكسي وشربة
وبيتزا وطاجين همبرغر وطاجين بطاطا وكفتة سلايط وكيكة وبسبوسة

[أم أجنادين 80]

مفيش حد
سوسو - اثري - عيون - ام وسن - ام سعد -ام ورد -ام معاذ - ليبا قلبي
ويــــــــــــــــــــــــــــنكم

[أم أجنادين 80]

يابنات بنسالكم سؤال شوي محرج
.....
......
.......
........
بخصوص ازاله الشعر في المناطق الحساسة اام افضل طريقة الحلوة
او مزيل الشعر او الآلة براون او ايمجوي او غيرها من الماركات
انا نستعمل في الحلوة وكويسة جدا جدا
بس سمعت انها تسبب في ترهل الجلد ومضاعفات تزيل الاحساس او حاجة هكي
من عندها معلومة اكيده تفيدني

[أم أجنادين 80]

وكل وحده تقول وين وصلت في قراءة القرآن
طبعاً انا بديت اليوم

[أم أجنادين 80]

يلااااااااااااااا كل وحده تقول وين وصلت في قراءة المصحف
انا بديت اليوم .......

[sosolibya]

انا اتبعت طريقة حلوة شفتها فى الفيس

لو ختمة 1 20 صفحة فى اليوم 4 صفحات مع كل صلاة

وانا بندير ختمتين يعنى 40 صفحة فى اليوم 8 مع كل صلاة

طريقة حلوة وساهلة ومتلخبطش

ممكن توا فى سورة الاعراف

[يقين]

السلام عليكم
يابنات ادعولي ربي يعجل ولادتي خلالالالالاص عييت وشكلي مطوله واليوم صابحه رقبتي مسكره ومجرحه ومزكومه وعندي حراره ووداني يسطروا الله المستعان مخلط عليا كله
والله بجديات عييييييييييييت ومافيش ايييي علامه اني حنجيب عن قريب اخ ياربي هونها

[يقين]

اني هادا وين بنتم البقره الله غالب داهشه حتي الايه مانقدر نكملها كان بعد وييين الحمدلله ربي يعين

[يقين]

احني اسحرنا وفجرنا اذن بكري وصلينا توا مكسده والبيبي يضرب فيا بشكل غريب شكله حتي هوا رقاله القاز وعيي من الحبس مش قادره نرررررررقد

[أثري في مدادي]

يابنات بنسالكم سؤال شوي محرج
.....
......
.......
........
بخصوص ازاله الشعر في المناطق الحساسة اام افضل طريقة الحلوة
او مزيل الشعر او الآلة براون او ايمجوي او غيرها من الماركات
انا نستعمل في الحلوة وكويسة جدا جدا
بس سمعت انها تسبب في ترهل الجلد ومضاعفات تزيل الاحساس او حاجة هكي
من عندها معلومة اكيده تفيدني

هلا بيك يا الغلا ~~~~~~~~~

بالنسبة لي زيك ،،،،،،،،،،،، الحلوى هي المعتمدة عليها اعتماد كلي ،،،

بس صرت أخاف من مشاكلها ،،،،

وخصوصا أن في الحديث :" نتف الإبط ، وحلق العانة "

أكيد ما ذكر النتف إلا لأنه الأفضل للعانـــــــــــــــــة ،،،

بس مش متصورة أني نغير ،،، أهو توا في الشهر السادس .. عقبالك .. والبطن طلعت رســــــــــــــــمي ،،، وقاعدة نجااااااااااااااااهد بالحلوى ،،،

والله ،،،، نتمنى نوصل لرأي يريحني ويقنعني ،،، وربي يسهل

سؤالك جي على الجرح //// الله ينولك ما في بالك

[أثري في مدادي]

احني اسحرنا وفجرنا اذن بكري وصلينا توا مكسده والبيبي يضرب فيا بشكل غريب شكله حتي هوا رقاله القاز وعيي من الحبس مش قادره نرررررررقد

ربي يعاونك ويسهلك أمـــــــــــــــــــرك

معليشي وسعي بالك ،،، معك حق تعب وترظين ،،، لكن سعدودك كله بأجره يا حبيبة ،،،

توا " يولي كله خراف وذكريات "

واحمدي ربك على هالرفسات ،،، فهي دليل صحته وحياته وهذا المهم ،،،، صــــــــــــــــــح

ومليون من يتمنى يتشحور زيك وأكثر المهم في الأخير ،،،، بنبون في الحضن ~~~

وهذا من واقــــــــــــــــــع تجربتي ،،، كنت انشوف لكل حامل على أنها في متعة متواصلــــــــــة

إلى أن سخر ربي بالحمـــــــــــــــــل ،،، ونسيت قداش كنت طايرة عليه ~~~

هكي ابن آدم ،،،، فيسع ما ينسى ،،،،

والسعادة الحقيقية والأبدية ،،،،،،،،،،، بطاعة الله واجتناب نواهيه ،،،،

أعاننا الله وإياكن على اغتنام فضل هذا الشهر الكريـــــــــــــــــــــــــــــم ،،،

[أم أجنادين 80]

السلام عليكم
ربي يعينك يقين ويسهلك ولادتك يارب
سوسو والله طريقة سهلة وتقدري تختمي مرتين
اثري الصارحة كل مانفكر نستغني عن الحلوه مانقدرش هيا افضل من جميع النواحي
بس حسب الحديث "نتف الإبط ، وحلق العانة " يعني معادش نستخدموا الحلوة

[عيون زوجي]

السلام عليكم

كيف حالكم كلكم كلكم

سوسو

ام اجنادين

أثري

ام ورد

ام ناريز


يقونه


وشن اخباركم الحلوة؟؟

يقونه..........يارب يسهلها اعليك وتجيبي ولاده سهله ميسورة انا في ولدي التاني خذيت 20 يوم من العاشر وفي الاخير مشيت برجليا خذيت وجع صناعي وجتني ولادة متعسره تعبت منها هلبه هلبه


انا اليوم فاطره بروحي ماهو يوم انطيب ونرفع سفرتي كامله من شربتها لحارها ومشروبها وفاكهتها وحلوها وحتى حليبها وتمرها ونمشي لحوش العيله مع عزوزتي وشيبانيا ويوم بروحي وكذا


اليوم مرتاحه مستمخه لدرجه خشيت درت دوره على روحي من الفضى والراحه الصغار رفعهم بوهم يلعبوا في منتزه الاذاعه متاع الشط


ودرت:

رز بلاو ودجاج محمر وبيتزا وخبيزة بالدحي المطبوخ


والحلو:

تشيز كيك بالبرتقال وقطايف بالقشطة والمكسرات

تفضلوا معانا