دردشة بنات ليبيا , دردشة حوامل ليبيا , تجمع بنات ليبيا

[ميرنا]

كريم شنيل بكم سعرها

[يقين]

عيوووووووون
كيف حالك وحال صغارك ولا باس علي مودي
وربي يسهل علي بنيتك وتتعلم بسرعه

[عيون زوجي]

موجودة فور ايفر وكويسه فعلا

[زهرة2000]

كم عمرها ساره تو حتى انا نفكر نشيل الشمال للونى

[عيون زوجي]

يقونه ياغاليه الله يسلمك احنا كويسين ونجاهدوا في جرة عالشمال كيف حالك انتي ومرت بوك وعياااااااااااد

[زهرة2000]

لقيته فى مصرسعره 400 جنيه مصريات يعنى 100 دينار

[عيون زوجي]

ساره كبيره ماشاءالله عمرها 3 سنوات الا شهر اخخخخخخخخخخ

[عيون زوجي]

ميرنا شنو عندك من مناسبه؟؟؟

[عيون زوجي]

سؤااااالي المعتاد على قولة اوخيتي سوري شنو اتغديتوا كلكم؟؟؟

[يقين]

زهوره والله ماشيه ولله الحمد مرات نتنكد لاني نستاحش في اماليا ونبي نروحلهم بس يلا شن بنديروا هادي الحياه تضحيه وصبر الحمدلله ربي يعيني

[عيون زوجي]

فيه ماركة خليجه الكل يشكروا فيها ويقولوا ممتازة وموجودة في ليبيا وانا انفكر نشري شنطتها كامله ب 150 من غير الكريم والبودرة اسمها مكياجي

[يقين]

عيون ربي يعينك يا حبيبه حاولي تعاوديه واصبري بنت عمي عمرها 4 سنين وبالشال كل مانكلم امها نقوللها سامحيني هادا اهمال منك السنه الجايه البنت بتقرا والله حاله وخلاص

[أم ورد]

السلام عليكم

[عيون زوجي]

هلا ام ورد ياحلوة البارح وين اتعشيتي يا سمحه؟؟؟؟؟؟؟؟؟؟

[زهرة2000]

انا ماوال ماتغديت بس طيبت رز اصفر بالحم وانت شن غداك
ماركه مكياجى حلوه شايفتها

[أم ورد]

أهلين عيون كيف حالك وكيف حال صغويرتك
إمبارح ياستي أول حاجة خديتها بطاطا مقلية بالكاتشب والمايونيز من مطعم بلاك ما عنديش معاها الروح
بعدين خدينا حوت مشوي وسلطة حاشة عويناتك من الحفرة

[عيون زوجي]

انا درت كنتاكي ومعاه بطاطا وسلاطة

[أم ورد]

أني اتغديت كسكسي بالبصلة وسلطة

[عيون زوجي]

الف الف صحه وهالبلاك وين ايجي قوليلي

[ميرنا]

الله يبارك فيكن كلكن اما عمورى يشبه لابوه ايجنن الحمدلله لى ربى فرحنى بيه وعقبال كل محرومة يارب

[عيون زوجي]

صحتين للكل ومأكوول الهنا يارب

[أم ورد]

الله ايسلمك
في قرقارش والفرع الثاني بجنب سوق المهاري

[عيون زوجي]

ايه ايه شايفاااااااااااته فيه تى شاورما وسندويتشات تانيه

[عيون زوجي]

ربي يخليهولك يا ميرنا انتي قعده حلوة وامورة ولا عمر خلاك تهملي جمالك

شوفوا هالتسريحه محلاها طبقتها امس وطلعتلي اتهبل

http://forum.hwaml.com/imgcache2/hwaml.com_1334681460_306.jpg

[أم ورد]

إيدير في دجاج وبيرغر

[ميرنا]

تخيلو يا بنات انا اليوم راجلى قالى انا خاطرى فى رز امبوخة بدون خضرة قلتله عمرى ما اسمعتها بس درت وخلص ما نحكيلكم منظره يضحك ههههههههههههه

[عيون زوجي]

سؤال والكل لازم تجاوبوا كل وحده اتقول شعرها طويل ولا قصير اخخخخخخخخ

- انا كان لوداني اخخخخ وتوا تحت كتفي يعني نص نص لاطويل لا قصير

[عيون زوجي]

تخيلو يا بنات انا اليوم راجلى قالى انا خاطرى فى رز امبوخة بدون خضرة قلتله عمرى ما اسمعتها بس درت وخلص ما نحكيلكم منظره يضحك ههههههههههههه


صحتين ليك ولابو عموريhwaml7

[عيون زوجي]

ميرنا قعده تكلمي في ام اسيل ولا لا؟؟؟

[زهرة2000]

عيون طايحه ع الاسئله تتوحم هههههههههههههههه انا لنص ظهرى بس مدرج هههههههه

[عيون زوجي]

طحت في قروب غيركم عالفيس ناشطات اا نسئل سؤال تجيني 20 اجابه اخخخخخخخ

هذا مش وحم هادي قصقصه اخخخخخخخخ

ام ورد وام معاد ويقونه وميرنا جابوا حالا بالا؟؟

[عيون زوجي]

تفضلوا القهوة بكري طلبتها وماجاني شي

http://forum.hwaml.com/imgcache2/hwaml.com_1334682239_359.jpg

[ميرنا]

ايوه انكلم فيها هى اكويسة وجابت ولد وسمت يوسف وهى تشتغل مديرة مدرسة خاصة ثانوية وقالت وقتى قصير بين الحوش والصغار وشغل ............... اما على الشعر كنت ديمة انقص فيه على الاذان وبعد ما حملت بعمورى معش قصيت وتوة وصل الى نصف ضهرى

[زهرة2000]

يقونه وينك قولى شن اسعارهم فور ايفر ؟؟؟؟؟؟

[عيون زوجي]

قداش عمره عمر توا وطهرتيه ولا مازاااال؟؟؟

[زهرة2000]

بنات بنسالكم انا ماعنديش نيه بكل للاكل حتى انتم ولالالا وانس ديراته فيه الغازات

[عيون زوجي]

لانه متغير اعليك الجو وتخممي في رجعتك وسبوعك وهرموناتك قاعدات ملخبطات المهم كثري سوائل وفواكه وخلاص
انس رقديه على بطنه وانتي لو تاكلي في بصل او ملفوف بطلي منهم وحسيته اصغير على شرب الكمون وسكر النبات

[عيون زوجي]

ماتغيريش الموضوووع نبي صورة انس ضروري جدا جدا

[عيون زوجي]

ادعوا لميمونه اتكون حامل موعد دورتها فات عليه 6 ايام

[عيون زوجي]

سورينام

ام سعد

وينكم اليوووووووووم؟؟

[عيون زوجي]

http://forum.hwaml.com/imgcache2/hwaml.com_1334684103_226.jpg

[أم ورد]

ادعوا لميمونه اتكون حامل موعد دورتها فات عليه 6 ايام
يارب اتكوني حامل يا ميمونة وتبشرينا يارب

[زهرة2000]

ان شاءالله يارب تكون حامل وربي يجبر بخاطر كل متمنى يارب

[أم ورد]

شن بديروا عشاكم يا عويلة

[عيون زوجي]

عن اذنكم بنصلي المغرب ياهربااات انا مش مدايره عشي لاننا تغدينا قريب العصريه وانتم

[ام معاد]

السلام عليكم سامحوني نكتب ونلرجع لان زوزي قاعد من بكري اراجي فيه امتا يخش يقرا امقعمز بحداي انقوله نوض اقرا خخخخخخخخخخخخخخخخخ

[أم ورد]

ربي يتقبل يا عيون

[ام معاد]

اني شعري الي نهااااااااااااية ظهري

[أم ورد]

أهلين أم معاذ كيف حالك

[ام معاد]

الحمد لله حال البردة

[يقين]

السلام عليكم سوري طلعت بلا اذن فطومتي كانت تعيط

[أم ورد]

لا باس عليك طهورا إن شاء الله أمس كنت غادي في جهيتكم

[يقين]

زهوره سالتيني عن اسعار الفو ايفر
هادا ياحنه خديت العلبه متاع الضلال دورين الوانها روووووعهفيها فوق ال100 لون هادي يا حنه ب 300
قلم الكحل ثابت ومايسيحش حتي في النو ب 105
الروج واخده لونين واحد موف وواحد فوشيا الواحد ب 70
كريم الاساس والبودره والبلاشر خديتهم مع بعض ب 220 مش عارفه تفصيلهن والكلام اهوا من جياااااااااااابي ولتوا قاعده نستخدم فيهم وما كملوش نازله فيهم البركه ههههههههههه

[يقين]

يااااااااااااااااااااااارب تطلع ميمو حامل ياااااااارب اللهم امين
وام ورد تكون هالشهر حامل
وام اجنادين ماتشوف الدوره لبعد تسع شهور
وام وسونه يااااااااااااااااااااارب ترزق بالحمل الثابت
ومروسه ترزق بالحمل وتفرح هيا وزجها
وتمووووووووووووووووووووووووووره يااااااااارب تكون حااااااااااااااااامل
وطبعا حبييييييييييييييييييبه قلبي الغايبه واللي نستني ريم البرااااااري ياااااااااارب تكون حملت ولو لا يارب هالشهر تحمل اللهم امين

[أم ورد]

اللهم أمين ربي يسمع منك يقونة ويرزق كل متمنية يارب

[زهرة2000]

يقونه بارك الله فيك بس قوليلى وين المحل الى خديتيهم منه ؟؟؟؟؟؟اى مول قصدى

[زهرة2000]

امين يارب العالمين ربي يسمعك منك

[زهرة2000]

بنات بنسالكم ع سالى مافيش اخبار عليها ؟؟؟؟؟؟؟؟ ان شاء الله تكون بخير هى والبيبيز يارب

[أم ورد]

لا والله مرة وحدة خشت وطمنيتنا وبعدين معاش خشت

[ام معاد]

يقووووووووووووووووووووووووونة شن الجو

[أم ورد]

سلالالالالالالالالالام تصبحوا على خير

[عيون زوجي]

وانتي من اهله يا ام ورد

[عيون زوجي]

اين انتم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟

[الفراشة الواحة]

السلام عليكم

[سورينام]

السلاااام عليكم ..
فراشة كيف حالك وشن دايرين فيكي الكتاكيت ؟؟ طلعو القروون والا مازال ؟؟ههههههه
عيووووني .. قااااعده والا لااااااا؟؟؟؟؟

[سورينام]

http://forum.hwaml.com/imgcache2/hwaml.com_1334709385_272.jpg

[ليبياقلبي]

السلام عليكم شن اخباركم ليك وحشة والله انا ما عاد نفضي في حوش ششيباني
والله العظيم احللى فرحة بوم طلع وجيت مغاجاة تهبل من الاخير الحق صدقى راجلي ماشي بيزوره قالولهم طلعلا قرار الافراج الحمد لله فرحنا هلبة بس فرحتي متمتايش لانا حاني تاعبتة هلبة بالاكسجين والله ربي غالم بي حالي

[ليبياقلبي]

عظم الله اجركم ام معودي وام ورد في بنية اختك
سلامات علا امك رفودة والف لاباس عليها
والحمد لله عالسلامة امك سوري
والف مبروك عليك ياهاتو ويتربى في عزك
والحق مغجبتيش من ميمو وعيون لقطة رقمي عندهم مدورنيش بكل والله كان انا مانديرها الحق بالعكس
ويقونة مالا مدورانتيش بكل

[سورينام]

تصبحو على خيييييييييييييييييييييير وبشاير من الرحمن ...
عيون أطفي الضي لما تطلعي .. وبالشويه راك تعفسي على يقونه ماهو بايته في المنتدى مش عارفه خيرها قالت بنتي فددتني لوحتها لبوها وبنتمرقد اهني وحلااااص ... مازال لما ايولو زوز اصغار مانيش عارفه كيف بتدير هالمرا
ايه ايه وقبل ما تطلعي ياحنه أغسلي عواله القهوة الي ما عزمتونيش عليها والا اتخش رغوووده الصبح وتستلمكم أيوا .. اني ما دحلنيش فيهم يا رغووووودا ماحوستش معاهم شي ره .. هاذي عيون وام ورد البايرات ...

[ليبياقلبي]

والله حنيت يوم السبت حنة تهبل بس تغششيت علا حنينا تاغبنة ادعولها شيباني يا سوري حاله باهي بس ضاغف ونقسيته صغر

[سورينام]

تصبحي على خييييير ام نارييييز .. وياسرك من الحرج والوم متاع العزايز حير ما انجي نبرك عليك نحكلك الفلفل في شواربك...
احنا كلنا اوخياتك..وكل حد عنده ماشاغله .. ويعدين مادام رقمك عندهم اكيد ارقامهم عندك خيرك حتى انتي ما دورتيهمش حتى هما ليهم فتره امغيبين ...
عيون ربي ايعينك اوحيتي على تنحايه شمال سرو .. فترة صعبه .. بالله اتوسعي بالك وما اتعصبيش على بنيتك سلم وخيتي كله ايفوت وكله بأجره ان شاءالله.. آهو اني سرورتي اتوقعتها اتعبني بالعكس الحمد لله ماشاءالله عليها بنيتي مافاتش اسبوع لين ولت في النهار كله تعملها في الحمام ومرات يزرق منها شويه في ملابسها الداخلية .. يعني كتريلها منهم لانك ديما بتغيرلها.. وفي الليل قعدت في حدود الشهر ونص نلبسها الشمال وبعد فترة بديت اندحلها قبل ماترقد للحمام وانقص السوايل بعد المغرب والله الصبح نلقى في شمالها فااااضي ولا قطره .... لذلك حولته حتى ف الليل الحمد لله تبارك الرحمن عليها ماسكرتش 3 سنين والشمال افتكت منه ليل ونهار ولله الحمد والمنه ...

[سورينام]

والله حنيت يوم السبت حنة تهبل بس تغششيت علا حنينا تاغبنة ادعولها شيباني يا سوري حاله باهي بس ضاغف ونقسيته صغر
ربي يشفيهالكم يااااارب ... اللهم اشفيها شفاءا لا يغادره سقما ياااارب ..وطهور ان شاءالله
.. والشيباني ربي ايصلح حاله وزي ما ايقولو (غير يسلم العود اللحم مردوود) والنفسيه عليكم انتم اتغيروله جوه مش ساهل الحبس ربي ايعينه واينسيه اللي شافه وصلح حال بلادنا اللهم آآآآآآآآآآمييييييييييييين

[ليبياقلبي]

لا ياسوري اسالي عليا شكلك متعرفيش مبمو قبل كل ماتغيب ندورها وانا توا معاش خشيت لمنتدة منعرفيش من غاب ومن لالالا وانا ياسوري مانفصيريش يقونة لما ركدت في المستشفى تلا تة ايام نتصل بيها ومترديش واحد مش يجمل بس انا منقصريش وانا توا صايرتلي مناسبة وبالدات هالمناسبة وهما وحياتي وعارفين كيف اتعدبت وانا بشرت عيون وبعتلها مسج مقدرتبش نتصل بيها ياريت فهمتني قبل لا لمتي ياسوري

[سورينام]

تصبحي على خير بجد المره هادي ..ر اجلي ناض عيونه معبيااات نوووم قالي الساعة 3 وانتي قاعده نايضا؟؟؟ مش عارفه كيف شافها الساعة وهو عيونه نص مفتوحاااات .... أخخخ منهم الرجاله اخخخ

[ام معاد]

السلالالالالالالالام عليكم صباح الخيررررررررررررررررر علي الحلوات

[ام معاد]

رغووووووووووووودة وينك والا مازال اضمي في حوسة القهوة

[ام معاد]

توا نستادن ياحلوات

[أم ورد]

السلام عليكم كيف حالكم اليوم

[ام معاد]

تي وينكمممممممممممممممممممم

[عيون زوجي]

السلام عليكم

كيف حالكم اليوم ام ورد و ام معاد وشنو الجوووووووووو

ليبيا قلبي حبيبتي انتي في البال بس اني مش من النوع يلي نفضى ونتصل حتى بخواتي لان كل واحد لاهي في حاله وكل وحده بعويلتها ربي يسهلها عالكل ولما جتني بشارتك والله العظيم ماعندي رصيد وما انعبيش فيه ديمة لاه عندي ريفي شغال للعيله اهلي واهله ومع هذا حقك اعلينا ونتفكروك في الافراح ياحنه وسلامة حناك من كل شر


سورينام ياغزيله ياحبوبه استاحشتك ليا هلبه عليك انتي وام ورفيدة خشي في النهار بنهدرز اعليك وبنشاورك عندي زوز اعراس وبنصورلك بدلتي الصغيرة وقوليلي شنو نشري كندرة اخخخخخخ
ساره كبرت ولت صبيه لا رجوع لارجوع والى الامام في تنحاية الشمال
انتي بنيتك كانت صغيرونه وممكن تسخفي اعليها وقتها لكن توا نستنوا منو يجي يخطب ولوا عرايس ماشاءالله بنتي ليل ونهار اتقولي ماما انا عروسه والشمال نابت فيها ههههههههههههه

[عيون زوجي]

ام معاد انا هنا تحت الانقاض صغاري مفرشين العابهم في الصاله والستافات في كل مكان حاله انفجار صاير ابعثي ماريه وعبدو خلي يكملوا هالحفله

[ام معاد]

اخخخخخخخخخخخخخخخخخخخ توا راقدين ، حتي اني بادية انعود في عبودي علي الحمام حشاك وربي يستر ، ياعيون توا نستادن زوزي قريب يجي نتلاقوا في الليل بالله خشي

[عيون زوجي]

ان شاءالله ديري بالك على روحك وكم عمره عبدالرحمن توا يطلع اصغر من ساره نوريك

[ام معاد]

عبدو عمره سنتين ونص

[ام معاد]

توا بنمشي للمصحة وبعدين نتلاقوا نبي التجمع نااااااااااااااااااااااااااااااار حمرة فاهمة انت وياها مش زي توا تلجhttp://forum.hwaml.com/imgcache2/hwaml.com_1334757782_571.jpg

[سورينام]

آه شنو منو .. من اللي قالك يا عيووون ... يا ودي غي اطلعي للتغطية صوتك ايقطع ما فهمتش منك غير كلمه وحده بس (أم معاذ حاااااااامل) روروروروروري ي ي ي ي .. ماشاءالله ربي ايكمل عاالخير واني انقول كاتبه بتمشي للعياده ... خخخخخخخ ما تتحشميش يا ام معاذ عادي عادي درتها قبلك اني .... واخيرا لقيت من ايسايرني في الرقم امتاعي خخخخخخخ عقبال عيووووون ياااارب

[سورينام]

عيوووووون .. اضهر وبااااااان عليك الامان

[سورينام]

اسمعي جتني اضافة منك عالفيس درت عليها كلك ما بتش تمشي ... وصفحتك الشخصية لقيتها خزنتها عندي في المفضلة وخلاص شن بندير ....
قوليلي عالقروب اللي محصلتيه في الفيس خلي نمشيلك غااادي

[ام معاد]

بري عليا بعيد بالفال متاعك ووووووووووووووووووووووووووووووووووووووووووووووو

[سورينام]

قالو الفلوس اللي رجعوهم الثوار بعد فتوى الصادق الغرياني بتحريمهم عاللي عنده مصدر رزق وصلو ل 4 مليووون دينار ... الحمد لله وماشاءالله على شبابنا الفاهم اللي مايرضاش بالحرام
http://forum.hwaml.com/imgcache2/hwaml.com_1334759688_853.jpg

[سورينام]

غير شن اتقوليلي اني ... مش اني يا ام معاذ .. هاذي عيون اتصلت بيا وهدرزتلي .. يا اوخيتي وين نندري عليك ما تبيش اتقولي اني .. عيون قالت ام معاذ خاطرها اتجيب معاذ .. قلنالها ان شاء الله ربي يعطيها

[عيون زوجي]

شبيك لبيك عيوووووووووووون بين ايديك اؤمري يا سوريناااااااااااام

تبي ام معاد تحمل حاااااااضر اليوم نخليها تحمل اخخخخخخخخخخخخ نخلعها بقصص العقم وامراض النساء ونقنعها مايفوتش هالشهر الا وهي اتكركر

[عيون زوجي]

تتذكروا في متفائله ماشاءالله في السادس عقبال المتمنيات يارب واحتمال بنوته

[عيون زوجي]

سورينام ضربتيها ساره في الايام الاولى ولا لا............

انا اليوم ضربتها من قلبي ومش نادمة لاني لو ماضربتهاش راهو مابردتش على روحي اخخخخخخخخخخ حاشاك عملتها ككا كبيره عالسجاده وسط الصاله وزيادة تعفس اعليها وكان رجليها محنيات هههههههههههههه
ضربتها وجي قدامي الفرخ مودة كلي هبدة باهيه في جراير اخته بلا ذنب ياناري وصوتي واصل اخر الدنيا

[سورينام]

سورينام ضربتيها ساره في الايام الاولى ولا لا............

انا اليوم ضربتها من قلبي ومش نادمة لاني لو ماضربتهاش راهو مابردتش على روحي اخخخخخخخخخخ حاشاك عملتها ككا كبيره عالسجاده وسط الصاله وزيادة تعفس اعليها وكان رجليها محنيات هههههههههههههه
ضربتها وجي قدامي الفرخ مودة كلي هبدة باهيه في جراير اخته بلا ذنب ياناري وصوتي واصل اخر الدنيا
هههههههههههههههههه أقسم بالله نضحك بدموعي حاليا ووووووووووووووووووووه
إماله يا حصلة امبارح في عقابات الليل ليش نترجى فيك وانقولك بالله ما اتعصبي عليها ... اللي اتوصيه ما خير فيه خخخخخخخخخ ياناري على مودا ما جااااااايه في جرتها ههههههه

[سورينام]

عادي عادي يا احبيبه .. ربي يعطيك اصحيحتك وايعاونك يااارب ... وحتى اني اعيييت نضرب وانخوف فيها وحطيت شمعه في الحمام وكل ما تعملها تحتها انقوللها بنحرقك بيها خخخخخخ ارهابيه اني راهو .. ومرات الحق كنت انطمع فيها انقوللها كان تعمليها في الحمام بنعطيك شوكلاطه.. وكل مره انجرب حاجة لين اتعلمت ..
وبعدين انتي ما دامك امحولتلها ليش رافعتها للصالة ... ابعدي عن الاماكن الفاخرة عندك خخخخخخ وديما خليك قريبه من الحمام طوارئ ...
وانتي مل شويه فكريها ودخليها للحمام حتى لو مافي شي باش تتعود ... اسمعي وما تقعمزيهاش عالمرحاض امتاع الصغار .. قعمزيها عالكبير لانها كبيره ماشاءالله ...
وما يأنبكش ضميرك .. حتى اني نضرب ونولي غوووووله لما اتطيري .. ولازم انبرد غلي بالضرب الله غالب ربي يهدينا وخلاااااص

[سورينام]

بنوض انصلي العصر ونغسل فرشة المطبخ اتبزع عليها زباااادي ..
مادام اصغاري راقدين .. وبعدين نرجعلك عيوني بااااهي .. كلها انفيص ساعة ان شاءالله

[عيون زوجي]

الله يسلمك يا غاليه طمنتيني اه اخخخخخخخخخخ اصلا ولدي ديمة ياكل في الضرب ضميري من ناحيته مرتاح وحتى اني بنصلي العصر وبنغسل السجادة متاع الككا حااااااشاااكم

[ام وسونة]

السلام عليكم

كيف حالكم يا حلوات وشن اخر أخباركم

عيون وسعي بالك راهو تتعقد البنت أني وسنة من تاني يوم تعلمت ماشاء الله عليها الحق ماتعبتنيش

وتوا ليها سنة متعلمة يعني تعلمت من عمرها سنتين و7شهور في الاحداث هههههه عريت حوشي وفضيتلها

ام معاد خيرك مع الحمل احمدي ربك في اللي يتمنى اولهم وخيتك ام وسونة ادعيلي بالحمل

سورينام عندك حق التغطية زي الزفت لكن اهم حاجة فهمتي مضمون المكالمة هههههههههه

ام ناريز الحمد لله على سلامة شبانيك ولاباس على حناك ربي يشفيها

ام معاد وأم ورد عظم الله آجركم وخياتي

[سورينام]

السلام عليكم .... عدنااااااااااااا

[سورينام]

كيف حالك أم وسوونه .. كيف حال وسن وبوها .. وربي يرزقك آآآآآآآآآآجل غير عاجل بتوأم باش تولي عندك 3 زيني وليل نهار تنتفي في شعيراتك وشوايرك مذهوبه زيني بالزززززززززبط
وتوه ما تغيريش الموضوع .. ابعتيلي طرف بيكمبودر مع الفرخه وسن توا توا توا .. بندير كيكه بنشرب بيها الشاهي .. راجلي قتله جيب بيكمبودر والا بشكطي بنشرب شاهي شكله اشبح فاش غطس ... شوايره انذهبت زيييني ههههههه

[سورينام]

عيووون ... مازال ما كملتيهاش سجاده الككا خخخخخخ جيبيها هيا الصبية اتعاونك فيها ... والا كان عندك حاجة حلوة للشاهي تو انجي انعاونك في الفرشة لاني كملت فرشة المطبخ ودرت شاهي كيس ونستنى في الحلو ... يا حلو

[ام وسونة]

سوري افتحي الباب هوني بعتتهولك مع الفرخة ههههههههه

ويااااااااااارب من فمك لباب السمي والله عجبتني دعوتك باللهي زيديني منهم هههههه طماعة

[ام وسونة]

ربي لا تذرني فردا وانت خير الوارثين يارب العالمين أرزقني أني وكل وخياتي اللي يتمنوا بالحمل العاجل

ام ورد وأم إجنادين وأم وسونة وميراس ياااااااااااارب

[عيون زوجي]

ام وسوووووووووونه كيف حالك ياغاليه ياحشمتي منك واخلاص ماسئلتش اعليك وين هالغطسه كانك ... توا خلاااص كيف حال الصبيه وبوها واعطتيها ولامازااال

ويارب ياوسووونه يرزقك بتوم يارب عندنا في عيله اهل راجل اختي زوز نساوين ودة بكرة جابت 5 توامه مع بعض ماشاءالله وحدة عندها قبل زوز وتوا جابت 4 مع بعض ماشاءالله والزوز في الاردن عقبال عندك بنسئلك خيرك مامشيتيش للاردن لتوا


سورينام جتني غولة النظافه والغسل طلعت العفاسات كلهم وسجادة الممر الطويله وسجادة الدار ودرتهم كلهم وارتحت
وتوا بعثت قهيوة للشيباني والعزوز لان صغاري يلعبوا غادي قدام حوشهم
وقدامي طرف طورطة درتها امس اتجنن الكيكة بالكاكاو ومحشيه كراميل ولوز وكريمة مخفوقه ومزينه بعجينة المرزبان تعالي وجيبي الصغيويره فيه هلبه يسدني ويسدك

[عيون زوجي]

اين انتم؟؟؟ من انتم ؟؟؟ من انتم؟؟ تتطلعوا وتخلوني انبقبق بروووحي اخخخخخخخخخخخ

[سورينام]

ندعيلك دعوة عزايز خخخخخخ
ياربي دعيتك بين مغرب وعتبه .. اوخيتي ام وسونه بل ريقها بعيل (شيط ريقها)
يارب ياعاطي يا منان .. ياكريم ياوهاب ..يامجيب الدعوات ..دعيتك من قلبي وصادقة الدعوات..يااارب منا الدعاء ومنك الإجابه ومنا الرمي بسهم الرجاء ومنك الإصابه ارزق
أم وسونه .. بزوز خوت لوسونه .. وارزق أم ورد بولد وبنت اتسميهم ورد و وريده هههههههه وأرزق أم أجنادين بــــأجنادين .. وميراس .. ارزقها بمن ايونس وليداتها وأرزق كل متمنية اتقول آمييييين
وارزق اوخيتي ام معاذ بسته خوت لعبدو وماريا باش ايولو تمانيه ووخيتي عيووون ب4 بنيات و4 وليدات باش تبدا خبرا زيني في تنحايه الشمااااال هههههه
يارب دعيتك فلا تردني .. يارب ياكرييييم
والله ادعيت بصدق ومن قلبي وبحداي فراس ايقول امييييين خخخخخ

[سورينام]

ماعندي وين نمشي ياعيون .. الراجل زلبحني طلع وماجاش موصياته على حاجات فاتني شوره .. طاشة الشاهي شربتها ببشكطي مالح اخييييه ... وانتي تضربي في الطورطه اصحيحه ...
وتوا امقعمزه قدامي عرم حوايج انطبق فيهم ....

[عيون زوجي]

ماتقوليش خيرك تماري فيا حتى عرم الوايج زيني كيف كملت تتطبيقهم وقعمزت ودرت دورة عالكوجينه غسلت عوالة القهوة والحلو
اتفضلي طرف كيكه ياغاليه......

http://forum.hwaml.com/imgcache2/hwaml.com_1334769877_577.jpg (http://www.hwaml.com/up/)

[عيون زوجي]

اسمعي بنبعثلك رابط القروب متاع الفيس عالخاص خشيله توا ونتلاقوا هنا وهنال عالحبليين
وبوسيلي فراس يلي يقول اميين وقوليله يارب نشوفوك اعريس يارب

[سورينام]

ماشاءالله اعليك ياعيون شكلها ايشهي وكأني كليتها بجد والله ... تسلم ايدياتك يا حلوة

[عيون زوجي]

عيووووووووووونك الحلوااااااااااااات وكلك ذووووووووووووووووووق يا قمر انت يلي فايتها زوزها وابصر وين ايفنص في البنات يلي لابسات سراويل الاتش دي اخخخخخخخخخخخخخخخخخخخخ

[سورينام]

باهي اشويه وانخشله الرابط يا عيون .. نور ناضت .. شبحتلي وقالت (أمي أرجو ان تحضري لي قليلا من السيريلاك لانني جائعه)ههههههههه صقع عليكم بنتي بالفصحى ..!!

[عيون زوجي]

شنو صااااااااار معاك يا سوري؟؟؟؟؟؟؟

[سورينام]

ههههههه .. زعما .. Hd .. باهي ايجيبلي شن وصيته وبعدين خله والله ايزرد مادامهم مشرتعات ارواحهم ..

[عيون زوجي]

هههههههههههههههههههههههههههههههههههههه يعطيهالك امس شفت وحدة والعياذ بالله بوليدها في سوق الثلات لابسه هالسراويل ربي يهديهم واحد شنو بيدعي المهم وانا نازله انسب ونلعن قلت في خاطري اني الغبيه زوزي ماكانش مركز بكل خليته ايفنص من تحت لتحت اخخخخخخخخخخخخ

[سورينام]

آهي بوليدها زي ماقلتي ... أمورها ماشيه ماناقصها شي
قالك شن خلى قليلات الاصل كلهم يتجوزو واغلب المحترمات ايعنسو الا من دعي الناس .. اللي ايشوف وحدة زي اللي شفتيها ايقول ربي يستر عليها .. واللي ايشوف وحدة محتشمه ايقول ربي ايخليها لإماليها هههه وهذا اللي صاير

[سورينام]

اماااااله في الجامعه امدايرين بيهم حالة هالسراويل .. بنت جارتي قاتلي اتحشمت من بوي وكان نلقى معاش ايوصلني من عفانه عالمناضر ربي يسترنا دنيا وآخره ..

[عيون زوجي]

باهي اشويه وانخشله الرابط يا عيون .. نور ناضت .. شبحتلي وقالت (أمي أرجو ان تحضري لي قليلا من السيريلاك لانني جائعه)ههههههههه صقع عليكم بنتي بالفصحى ..!!

ههههههههههههههههههههههههههههه ربي يحفظها هالنور وتنورلكم حياتكم مرات انفكر فيك انقول مابعدها 3 صغار وانا زوز ومدهشيني وراهم ومرات انقول سعدودها جابت وافتكت واحني ورانا ورانا مانبيش انوقف الصغار الا لو ربي مش كاتبلي نبي 4 او 5 صغار

[ام وسونة]

تسلمولي يا أحلى وخيات على هالدعوات اللي والله بكتني ربي يحفضلكم صغيويرتكم ويجعلهم من حملة القران

عيون والله بالنسبة للأردن مااعتقدش حنمشيلها لكن ممكن نمشي للمركز الاردني ويارب يسخر لي الحال

مشاء الله عليهم جابو عيلة في ليلة سؤال هالناس عندك علاقة بيهم لان حابه نسالهم وخاصة تجاربهم ناجحة نبي

نستفيد من تجاربهم بالك حتى أني نخش علي داروه

[سورينام]

عيون .. القروب خشيتله ودرت انضمام وبعدين معاش عرفت منين انخش .. قصدي بدل كلمة انضمام بعد ما رصيتها طلعتلي الغاء .. كييييف الحل ؟؟

[ام معاد]

السلالالالالالالالالالالالام عليكم

[ام معاد]

اني ياوخياتي نبي نحمل لاكن عبدو مارية جبتهم علي بعضهم ونتعب في الوحم واني مازلت صغيرة كان ربي اعطاني العمر نجيب لين نعيا لكن الوحدة مادامها جابت زوز علي بعض المفروض انها ترتاح كويس وتهتم بنفسها اني الصراحة قلت بعد خمسة سنين انفكر اني نحمل وان شاءالله ربي يسخر كل وحدة وخاصة ام ورد وام وسونة وباقي وخياتي

[ام وسونة]

أهلين ام معاد وعليكم السلام

ها طمنينا ان شاء الله اخبار البيبي تمام ولا قالتلك انهم زوز مش واحد الحمد لله ربي يتمملك على خير

وامتى قالتلك تعرفوا جنس البيبيات

[ام معاد]

اسمعوا يابنات اليوم خديت قفطان لمارية يشبه من يلي منزلتهم عيون المدة يلي فاتت لكن روحت للحوش قلي زوزي هدا مش حاتلبسه الا بعد شهرين لان الجو مازال مصقع عليها ولما قسته جاها مزبووووووط وما اظنش ايجيها بعد شهرين وهدا اكبر رقم والله وجعنييييييييي قتله دبرلي في واحد زيه ، شوية ونزل الصورة

[رغوده2006]

السلام عليكم

[ام معاد]

أهلين ام معاد وعليكم السلام

ها طمنينا ان شاء الله اخبار البيبي تمام ولا قالتلك انهم زوز مش واحد الحمد لله ربي يتمملك على خير

وامتى قالتلك تعرفوا جنس البيبيات
ربي يسمع منك ان شاء الله وانت قبلي ، اني مشيت عاينة علي يدية طلعت عندي حساسية من الصابون اعطتني مرهم وحبوب وكريم مرطب وقوانطي

[ام معاد]

لغووووووووووووووووووووووووووودة سن الزو

[ام وسونة]

ام معاد دسيه الفستان البيبي الجاي مش فاولتلك سورينام

[رغوده2006]

ام معاد كيف حالك وحال عبدو وماريه ولاباس على ايدياتك ان شاءالله ومبروك ماشريتي

[رغوده2006]

ام وسن كيف حالك وحال وسن وبوها وان شاءالله ربي يرزقك بالحمل العاجل غير اجل ياااااارب وكل من يتمنى اااااااااااامين

[ام معاد]

url=http://www.hwaml.com/up/]http://forum.hwaml.com/imgcache2/hwaml.com_1334776634_578.jpg[/url

[رغوده2006]

عيون والله الا زعلانه منك هللللللللللللللللللللللللللللبه

[ام معاد]

الله لايوريك باس ياحبيبة ، ام وس باللك تقدم موضته خخخخخخخخخخخخخ

[ام معاد]

[url=http://www.hwaml.com/up/]http://forum.hwaml.com/imgcache2/hwaml.com_1334776778_901.jpg[/url

[رغوده2006]

ام معاد القفطان يهبل منين وبكم وان شاءالله تقطعه بالهناء يااااااارب

[ام معاد]

اشريته من محل اسمه العالمية بجنب مصحة السرور، ب22 دينار

[ام معاد]

نستادن توا بنصلي العشاء

[رغوده2006]

ام وسن لاحظت انك على كثر مانسأل عليك انت اطنشي سلامتك ياحنه

[رغوده2006]

حتى انا سلامتكم وتصبحوا عالخير

[سورينام]

شن ام معاد قالولها ابنيه ؟؟ باهي باهي تلقيهم يا اوخيتي .. لكن شن شاريتيلها قفطان من توه .. غيير يولد وايسمووه ....

[سورينام]

لغوووووووووده ... ماشي ماشي ما سألتيش عليا بكل ...حتى آني نعرف نحرج آيواااااااااااا
خخخخخخخ .. بيولي اسمنا تجمع حراجات ليبيا خخخخخخخخ

[ام معاد]

تعرفي يا سوري كان انجيك نعطيك قرصة بااااااااااااااااااااااااااااااااااهية

[ام وسونة]

لا لألا رغودة كل شئ الازعلك يانوارة التجمع وسامحيني العتب عالنظر يالغالية تسلميلي على الدعوة الحلوة

ربي يحفظلك صغيويرتك وتشوفيهم كيف ماتبي وأحسن يارب

[ام معاد]

اسمعوا فكووووووووووووووووونا من الكساد اني حتي صغاري رقدوا تعالوا هترزوا

[ام وسونة]

حلو الفستان ياام معاد كان من زيك دسيه كله كله تمانية شهور وتجيبي وتلبسه بنيتك الجديدة

[ام وسونة]

أدعو لي ربي يعطيني تؤام زي اللي في صورتي الشخصية يااااااااارب ارزقني من عندك باحلى تؤام وفرحوا قلبي

[ام معاد]

والله انحس في روحي بنطلع حامل من فالكم اليوم خخخخخخخخخخخخخ

[ام معاد]

يارب يرزقك عاجل غيراجل والله ياوخيتي الواحد يصبر ومادامه الرزق علي ربي ماطحي هم في باللك والله وحدة نعرفها جابت بعد 14 سنة اهم شي الظن الحسن بالله

[ام روفيدة]

السلام عليكم ورحمة الله وبركاته

كيف حالكم كلكم ؟يا غاليات ليكم وحشة كبييرة

[ام وسونة]

ام رفيدة يالغالية والله انتي اللي ليك وحشة

[ام معاد]

ام روووووووووووووووووووووفيدة كيف الحال وينك وليك وحشة كيف حالك وحال حزومي والحمل

[ام روفيدة]

أم وسونة يا غالية أسئل الله العظيم رب العرش العظيم أن يرزقك بما تشتهيه نفسك من الدرية الصالحة النافعة إنتي وكل متمنية اللهم ااامين

عيون يا غالية كيف حالك وحال السنافر ووسعي بالك مع سرورة وبشوية بالشوية تو تتعلم وتمشي امورها تمام ونبوووووووو صورة للتورتة ضروري ولا تقعد في خاطري هههههههههه واني مازال عندي شوية طريفات من اليكلاوة تو انصورهم ونزل الصورة لكن العشي امتاع العزومة ما صورتاش .
وحزومي اليوم اول يوم يمشي لمركز الاطفال مركز زي الروضة يمشي يلعب ويروح اليوم اعطوهم يلعبوا بالالوان والزواق والمية حزومي روح لي مبلول ههههه ايحب يلعب بالمية بوه قال لي ما باش يقرب الزواق والالوان بكل هههه ويوم الجمعة اني بنرفعه ونقعد معاه فيه قروب نساوين ايديروا في نشاطات حرفية مع بعضهم فقلت خليني نمشي خير من الكساد ومنها تتحسن اللغة اكثر واكثر .

سورينام كيف حالك وحال سنافرك وحمد لله على سلامة أمك وربي ايطول في عمرها على الطاعة وتشوف صغار صغاركم اللهم اامين

ليبيا قلبي الحمد لله على سلامة جد نوزة وربي يهنيكم برجعته ونفسيته رح تتغير مع الوقت بإدن الله

أم معاد كيف حالك وحال السنافر وشن اسمها البوماطة يلي عطتهالك الدكتورة وكان ما مشتش معاك نعطيك إسم مرهم والله العظيم خييييييال مش عادي ايخلي يديك يتحسنو من اول مرة تستعمليه

[ام معاد]

وينكممممممممممممممممممممم

[ام روفيدة]

قال صلى الله عليه وسلم: «لا تحقرن من المعروف شيئا، ولو أن تلقى أخاك بوجه طلق» [رواه مسلم].

[ام روفيدة]

اللهم إني أسألك فعل الخيرات ، وترك المنكرات ، وحب المساكين ، وأن تغفر لي وترحمني وتتوب علي ، وإن أردت بعبادك فتنة فاقبضني إليك غير مفتون

[ام روفيدة]

قال بعض الحكماء: "إني لأقضي عامة حوائجي بالترك، فيكون ذلك أروح لقلبي"!

[ام وسونة]

تسلميلي ياام روفيدة وربي يخليك ليا

[ام معاد]

المرهم اسمه elocom

[ام معاد]

بالله بوسيه هالحزومي قصدك ضروري ماتمشوا معاه

[ام معاد]

اخخخخخخخخخخخخخخخخخخخخخخخخ

[ام معاد]

hwaml15اخص عليكم

[سورينام]

والله ماصارت يا ام معاذ ,,, خيرك اتنتفي في شعيراااتك ... معليشي طلعي خلووقك علييينا كان ما اتحملناك احني من بيتحملك يا كبدي الوحم وااااااااااعر اسألوني اني ...

[عيون زوجي]

قنين القفيطين مبروك على ماريه ولو ماجاهاش لاختها الجايه فاولنا وخلااااااااااااص

رغووووووووودة خيرك زعلانه زي ام ناريز شنو خيرني مزعله كل الناس

ام روفيده الله الله سهفتيني على الروضه والاشغال الحرفيه استاحشتك ونصيحه اقعدوا غادي هالسنين وبما يتصلح حال البلاد روحوا بنتي نبيلها روضه مالقيتش حاجه باهيه وسعرها معقول ولغتك ماشاءالله مش ناقصه تعليم نبوك تعلمينا بكورس صغيرون


ام معاد شكله الدكتور عمل وانتي بروحك

[عيون زوجي]

سورينام خشي عالقروب عادي كيف درتي وسكرتيها الصفحه

[ام معاد]

ايه عمل واني مللللللللللللللللللللللللل

[ام معاد]

شن تعشيتواااااااااااااااااااااااااا

[ام معاد]

تصبحوا علي خيررررررررررررررررررررر

[عيون زوجي]

شن درنالهم يا حبيبتي .. ماحد فقدني انهير غيبتي .. امغير قولي شن درنالهم يا حبيبتي...شن درنالهم .. نشدنا على الصحه وكيف احوالهم .. امغير قولي شن درنالهم...دارولنا الرُّعّيش ... زعم بالقصد ولا مجرد طيش .. امغير قولي دارولنا الرُّعّيش...بتنا في العلاوي .. مالقينا طب ولاطبيب ايدواي .. امغير قولي بتنا في العلاوي...شن درنالهم .. احنا شحطنا وهما رخوها احبالهم .. وبعد مانشدنا عليهم قالولنا بعيالهم .. بالله شن هو اللى درنالهم...غير شن درنا .. بعد عشرة بالجفا يهجرنا .. . ..غير شن درنا ... جرحنا ودبحنا وكسر خاطرنا .. غير بالله قولي شن درنا....وشن درنالهم ياحبيبـــتى

[عيون زوجي]

انا ما تعشيتش تغدينا اماخر انتي شنو عشاك غير اقعدي شوي

[أم ورد]

السلام عليكم صباح الخير كيف حالكم اليوم
ماشاء الله تبارك الرحمن على الهدرزة أمس ربي يحفظكم ويونسكم ببعض
وبارك الله فيكم على الدعوات وربي يتقبل منكم يارب

[أم ورد]

أم وسونة كيف حالك وبارك الله فيك على السؤال وربي اينولك إلي في بالك يارب

[رغوده2006]

السلام عليكم

[أم ورد]

وعليكم السلام أهلين رغووووووودة كيف حالك اليوم

[ام وسونة]

السلام عليكم

ام ورد كيف حالك وشن درتي غداك على قولة عيون ههههههه

رغودة كيف حالك وسامحيني العتب عالنظر يا غالية كيف حالك وحال السنافر روحتي من العمل ولا مازال وشن بديري غداك

[أم ورد]

أهلين أم وسونة كيف حالك وكيف حال وسونة
اليوم غداي رز بالبصلة وإنتي؟

[سورينام]

السلاااام عليكم .. كيف حالكم كليااتكم كلياتكم وكيف حال عويلاتكم

[سورينام]

أم ورد .. صحيحه الرز
أني غذاي كسكسي ومسير وزيتون ..
فراس راقد وساره اتلعب في اختها وبوهم عنده خدمه عالكمبيوتر في المربوعه .. واني قبل مانتغذو طيبت بسبوسه بنرفعها لحوشنا بنمشيلهم بعد العصر...
وذا ملخص يومي من غير ما تتعبو في القصقصه خخخخخخخ

[سورينام]

عيوووووون .. شن صار فيك انتي وسروره اليوم؟
أم روفيده .. مبارك على حزومي الروضه .. خليه يختلط بالصغيويره وايغير جوه ويتعلم .. والله زي ما قالت عيون احني في هالبلاد ما عندنا روضات ولا مدارس امقومه للصغار .. هو حتى وين اتلعبيهم ما تلقي مكان ايفرح القلب .. حسبنا الله ونعم الوكيل .. اني سرورتي مع شهر 10 الجاي تكون عمرها مع 3.5 سنوات بنسجلها في مدرسة اقرأ في باب بن غشير اختي تخدم فيها وقالت ايجهزو في روضه كبيره ومتنوعه وبرامحها مشجعه واسعارهم مناسبه ليا الصراحه 350 دينار في السنه +حق الباص حسب السكن وربي ايسخر ان شاء الله ...

[ام وسونة]

ههههههههههه ريحتيني ياسوري كيف بنبدا القصقصة

صحيحة الكسكسي والبسبوسة نبي صورتها ههههههههه

ام ورد صحيحة الرز اني غداي بيتزا

[ام وسونة]

بالله ياسوري لما تبدا الروضة قوليلي خلي نسجل وسونة تغير جوها

سوري قداش اعمارهم صغارك ربي يحفضهم

[سورينام]

يقونه .. وينك امغيبه ان شاءالله المانع خيييير !!
أم معاذ .. وينك ما طليتي الصبح زي عوايدك .. ان شاءالله ما زعلتي مني يا وخيتي ؟
أم ناريز .. كيف حال حناك .. طمنينا عليها ربي يعطيها الصحة وطول العمر ان شاءالله ..
أم وسونه .. ازيك النهارده .. أمس درتلك اضافة عالفيس وانتي ماعرفتينيش ..ولما بدينا اندردشو انقطع الاتصال ... يا والله بخت وخلاص ههههههه !!
رغووووده ..كيف حال امك ان شاءالله كويسه توا ؟
وخيرك طليتي وهربتي العفو ... مكدسين اعليك الخدمه اكيد .. ربي ايعينك يا اوخيتي اني قاعدة في الحوش ومن لما نفتح عيوني واني نجري وانضم وانظف وديما عندي وسواس ان الحوش يبي التنكييييت ... مابال انتي خدمه برا وداخل ربي ايعينك ويعطيك صحتك ...

[ميمونة]

السلام عليكم شن حالكم

انا اللي قريته شويا من الصفحات انت دوتكم هلبه تبارك الرحمن بس فهمت ان

هاتوا جابت هيا وزهراء--الف الف مبروك ويتربي في عزكم

وام معاذ حامل --الله عليك ربي يتبتلك حملك والف مبروك

وام ناريز زعلانه مني --بس انقوللها ماتلوميش عليا انا والله مانخش للنت الا بالنقال والفيس فقط اللي ينفتح سريع
والحمد لله على سلامة شبانيك ولاباس على حناك ربي يشفيها

[ميمونة]

سورينام شن الجو وشن حال سنافرك كان عندك اخبار جديه قوليلي

[سورينام]

أم وسونه سامحيني اتأخرت في الرد اعليك يا احبيبه .. النت فصل لين سكرت الجهاز وفتحته من جديد ...
أعمار صغاري يا حنه كالآتي :
ساره .. 3-5-2009 يعني بداية الشهر الجاي اتسكر 3 سنوات
فراس .. 15-8-2010 .. سنه و8 شهور
نور .. 9-10-2011 .. يعني ماشيه في 7 شهور
وربي يرزقك بزيهم أو أكثر في القريب العاجل يارب .. ويرزقني برهم ويقدرني على تربيتهم ويحفضهم اصحيحين يارب ويحفظ اصغاركم كلكم ...
وبالنسبه للروضه بعد الرمضان ان شاءالله .. واول ما يبدو ايسجلو حنقولك بإذن الله..

ميمووووووووووووووووووونه .. الف مرحبا بيك يا سموحه .. كيف الحال والاحوال وشن صار في النت .. مازال ما كشرتي عن انيابك للراجل ههههههههه
اسمعي اني ضفتك في الفيس ديريلي موافق .. اخديت من عيووون .. واسمي sarah sassas
وصورة البسبوسه .. ياحنه خوي ردلي كاميرتي من غير ميموري ههههه تمشيط عيني عينك .. وراجلي كل يوم انقوله ميموري وبطاريات ايقولي باهي ولما ايروح ايقول انسيت .. كان اموصياته على جمل راهو جابه .. حتى عيون تبي صور الصغار واني اندير في روحي حوله وخلاص لين ايجيبولي عواله الكميرا الله غالب ..

[سورينام]

ميمونه .. شن صار في دورتك ؟؟ ان شاءالله ما تشوفيها الا بعد 9 شهوووووور يااارب

[ميمونة]

الله يسلمك عيون ماشاءالله لقيتها خاشه تقوللكم ادعولي بارك الله فيكم وفيها

والله الدوره قاعده ماشرفتش وانا مادرتش التحليل لها 9 ايام غايبه

[ميمونة]

حاسه بيها لخبطه هرمونات لان الشهر اللي فات عطلت وانشاءالله خير

[سورينام]

ياااااااااااااااااااارب ياااااااااااااااااااااارب ايكون حمل وما تشوفيها الا بعد ما ايمون البيبي بين ايدياتك ربي ايفرحك انتي وكل متمنية يااااااااااارب

[زهرة2000]

خيرات ياحلوين كيف حالكم كلكم

[أم ورد]

السلام عليكم
سوري كيف حالك وكيف حال عويلتك وصحتين غداك والبسبوسة
أم وسونة صحتين البيتزا
أهلين ميمونة كيف حالك وكيف حال مولى بيتك ويارب اتكوني حامل يارب وتبشرينا يارب

[أم ورد]

أهلين زهرة كيف حالك وكيف حال لين وأنس

[ام وسونة]

الحمدلله على كل الاحوال

https://fbcdn-sphotos-a.akamaihd.net/hphotos-ak-ash3/546716_10150766538482556_145055062555_148202761_26 5207370_n.jpg

[ام معاد]

السلام عليكم ، كيف حالكم كلكم وصحة للي كلي وشرب

[ام معاد]

وخيتي ياميمو كيف حالك وحال مولي بيتك وان شاء الله تكوني حامل يارب ، وبالنسبة ليا اني ماتصدقيش هدي فبركة من سوري خخخخخخخخخخ

[ام معاد]

سوري ياغلية اني والله مازعلت عاااااااااااااااااااااااااااادي جدا

[ميمونة]

بارك الله فيكم سورينام وام معاذ --وام ورد انشاءالله ماتبشرينا بحملك

[ام روفيدة]

السلام عليكم ورحمة الله وبركاته

كيف حالكم اليوم يا حلوين ؟

[أم ورد]

اللهم أمين يا ميمونة
وعليكم السلام أم روفيدة كيف حالك وكيف حال حزومي وبوه

[شمس الزمان]

السلام عليكم ورحمة الله وبركاته هذي اخر مره نكنبلك فيها اصلا انتتن عمرك ما سالتن عليا ولا عبرتني وانا ديما نسال عليكن بلوحده

[ام روفيدة]

وعليكم السلام ورحمة الله وبركاته كيف حالك يا شموسة ووسعي بالك يا حبيبة وبارك الله فيك فعلا ديما تسألي وعندك حق لكن والله العظيم بالنسبة ليا اني لما انخش للتجمع نبدا امدايرة في بالي بنكتب لهلبة بنات معانا لكن لما انجي نكتب معظم الاخوات ننسى فيهم حتى يلي اتصيرلها حاجة نكتبلها بعد فترة والله العظيم كله من النسيان اهو زي سورينام امها قداش ليها امروحة من تونس وكل مرة انقول بنكتبلها حمد لله على سلامة امك وننسى والله العظيم واامس بس كيف كتبتلها وليبيا قلبي حتى هيا نفس الشيء شيبانيها طلع من الحبس واول ما قريت الخبر من عيون قلت بنكتبلها ومش عارفة لهيت في حاجة ثانية ونسيت وامس حتى هيا كيف كتبتلها وحمتلها سلامة شيبانيها وزهرة والله العظيم حتى هيا بنياركلها على انس وننسى ما نيش عارفة خيرني شكلي الوحم جايني بالنسيان هههههههههههههههه المهم ما تزعليش يا حبيبة والاخوات كثروا ما شاء الله ومن الصعب تتفكري الكل المهم انتي كيف حال حملك وبنيتك وشن جو الصين ؟

[ام روفيدة]

زهرة كيف حالك وحال انس ولين إن شاء الله حالكم بخير وبارك الله في الموهوب لك وشكرتي الواهب وبلغ أشده ورزقتي بره اللهم ااامين وسامحيني جت متأخر بس العتب على النسيان (( اني الباين ما انجيش إلا بالعين الحمرا هههههههه))

[ام روفيدة]

أهلين أم ورد كيف حالك انتي وكيف حال زوجك ؟ أني الحمد لله بخير ونعمة

[ام روفيدة]

قال صلى الله عليه وسلم: «من دعا إلى هدى، كان له من الأجر مثل أجور من تبعه، لا ينقص ذلك من أجورهم شيئا» [رواه مسلم].


قال الحسن رضي الله عنه: "ما زالت التقوى بالمتقين حتى تركوا كثيرًا من الحلال مخافة الحرام".

[أم ورد]

الحمد لله أم روفيدة في خير ونعمة ما شاء الله على حازم ومغامراته ههههه ربي يحفظه
شموسة حبيبة ماتزعليش كلنا خوات ومرات الواحدة منا إيصيرلها النسيان وتنسى حد وليك عليا في الجديد أول ملنخش نسأل عليك يلى باش ترضى وسامحينا

[ام روفيدة]

س: ما حكم من يحتفظون بالصور التذكارية سواء في جوالهم سواء في أجهزة الحاسب أو غير ذلك والصور كما سألته لم تكن صور نساء إنما هي صور لمن يُحبهم من زملائه أو صور لبعض المشايخ الذين يُحبهم؟.
ج: بالنسبة للصور أرجو إذا كانت بهذه الصورة التي ذكر السائل صور بعض محبيه من أهل العلم أو أصدقاءه الذين لا يجتمع معهم على شر فأرجوا أنه لا حرج في ذلك وإن كانت ليست من الأمور التي يُحمد على حملها وفعلها والبلية السيئة من يحتفظ بالصور الخليعات المُومسات في جواله حتى كل ما نظر صار ينظر في معصية الله والعياذ بالله، فأرجوا أنه لا حرج على الأول، وأسأل الله يوفق كل من كانوا في الصفة الثانية أن يتوبوا إلى الله جلَّ وعلا و يتخلصوا من الصور المقيتة.

المفتي : فضيلة الشيخ صالح اللحيدان حفظه الله

منقول من موقع الشيخ صالح بن محمد اللحيدان

[ام روفيدة]

إذا توضأ شخص قبل المفروضة بدون أن ينوي أن هذا الوضوء للصَّلاة المفروضة فهل يجزئه هذا الوضوء عند حلول الفريضة؟،
ج: إذا توضأ وضوء الصلاة يقصد بذلك الوضوء فيجوز له أن يؤدي العبادات في هذا الوضوء من قراءة قرآن ومن صلاة نافلة ومن أداء الفريضة فلا حرج ولو جدد الوضوء عند إرادة الدخول للمسجد لصلاة الفريضة لكان أولى به لكن لا حرج عليه فيما فعل.

المفتي : فضيلة الشيخ صالح اللحيدان حفظه الله

منقول من موقع الشيخ صالح بن محمد اللحيدان

[يقين]

السلام عليكم
يا مساء الورد والفل والياسمين يا تولتوميت مرحبا

[ميمونة]

هلا بيقونه ازيك وازي جوزك وعيالك

[يقين]

او لا ام نارييييييييييييز كيف حالك وسمعت انك زعلانه مني اني مانسالش عليك والله بالنسبه لشيبانيك ما سمعت بيه لاني ما نقراش في الصفحات
وحمدلله علي سلامته والف لاباس علي حناك
ويا ام ناريز ني وجعتني كيف تقولي نتصل بيها وماتردش ني وضحتلك اللي صار وقوتلك الهاتف كان عند زوجي
وني لو مقصره في حقك او مره غلطت فيك سامحيني

[يقين]

يا مرحبتيييييييييييييين اموااااااه اموااااااه ازيك يا حببتشي وازي الباشا
ويااااااااااااااارب تكوني حامل ونفرح بيييييك

[أم ورد]

السلام عليكم
يقونة إزيك يا بت عمل إيه

[ميمونة]

الله يبارك فيك يقونه شن حالك انت وحال بنيتك وحملك انشاءالله تمام وشن حال جارتكم

[ميمونة]

وعليكم السلام ام ورد شن حالك توا وشن تعشيتوا والا مازال

[يقين]

ام ورد
كيف حالك وحال قوزك واماليك ووخيتك
ام روفيده
كيف حالك وحال حزومه وحال الحمل والوحم ان شاللله مش متعبك بس
عيووووووون
كيف حالك وحال صغارك وشن جو سوير والشمال نساته ولالا
ام معاد
كيف حالك يا حلو تي وين قالوا حامل مبروك عليك ان شالله 4 توامه خخخخخخخخخخخ
ام وسونه
كيف حالك وحال وسن وبوها ان شالله بخير
سورينام
كيف حالك وحال صغارك وحال اماليك يارب كلكم بخير
زهوووووووووره
كيف حالك وحال لولو وانس ان شالله بخير

رغوووووووووووووده
كيف حالك يا حبيبه وحال صغارك وبوهم وشن صار في الموضوع اللي قولتيلي عليه خخخخخخخخ نستني راهو
شموووووووووووسه
وسعي بالك وماتزعليش وعادي مرات الواحد ينسي لكن انتي غاليه علينا وهادا شي مفروغ منه

[يقين]

ام ورد
سلمك يا حنه انتي شخبارك سن دلتوا عساكم
ميمو
وفيك بارك الله سن تعسيتوا حني عسانا تبزه وتبيحه خخخخخخ كانك فالحه قولي شن قولت

[ميمونة]

هلا بيك شموسه انا بصراحه مازال ماتعرفت عليك اكثر وانشاءالله مع الايام نتلاقوا ونهدرزوا اكثر وماتزعليش زي الحراجه عرفتيها من هيا قالت زعلانه هلبه مني حي يحي عليا

[أم ورد]

الحمد لله يقونة كيف حال فروتي وعياد خخخخخخخخخخ
الحمد لله ميمونة شكلك بايته اليوم عند اماليك
العشي امدايرة قلاية وسلطة ومازال ماتعشيناش
وإنتي شن عشاكم

[ميمونة]

خيرك الطف يقونه بديتي تخرطي خخخخخخخخخخخخخخ

انا تعشيت شاورما

[ميمونة]

صحتين عليكم

انا بصراحه راجلي متزرد مع اصحابه والعزومه عليه بمناسبه زواجنا في الحوازه ومروحين غدوه العشيه

[يقين]

صحه عشاكم
هيا نستاذن وتصبحوا علي خييييييير

[أم ورد]

صحتين عشاكم يقونة وميمونة
حق ماقوتلكمش أمس خاطرت وحنيت بروحي خخخخخخخخ

[أم ورد]

خيرك يقونة مازال بكري هدرزي

[ميمونة]

وانت بالف خير يقونه

تعال هنا ياحناياتبارك الرحمن عليك حنيت بروحك وكيف طلعتلك

[ام معاد]

ياهلالالالالالالالالالالالالالالالالالالالالالالال الالالالالالالالالالالالالالالالالا بيقونة

[أم ورد]

جت ما شاء الله
والله كان نحكيلك تقعدي تضحكي
أمس بديت فيها من بعد العصر حنيت رجليا قبل ونحيتهم وبعدين حنيت إيدي اليمين وخليتها ساعتين ونحيتها واليوم الصبح حنيت إيدي اليسار هههههههههه

[ام معاد]

صحة صحة ان شاء الله تحني في نفاسك

[أم ورد]

اللهم أمين وبارك الله فيك أوخيتي

[ميمونة]

صحه صحه ماشاءالله عليك انشاءالله في حنه انفاسك بس ام معاذ تحنيك بعدين

[ام وسونة]

ميمو منورة المنتدى ياغالية

يقونة صحيحة تبيحة ياحلوة ومعاش تغبي المنتدى يكسد من غيرك

ام ورد صحة الحنة وعقبال حنة نفاسك يااااااااااااااارب

هلا ام معاد كيف حالك

[أم ورد]

اللهم أمين يارب
لما نحني في حوش إماليه ديما هي حاصلة فيا مسكينة

[ميمونة]

منور بوجودك ام وسن شن حالك توا حبيبه

[أم ورد]

سلمك أم وسونة تسلمي

[ام وسونة]

اني الحمدلله راجلي ساهر برا لاول مرة بعد 5 سنوات جواز وبعد الحاح طويل مني يمشي

[ميمونة]

صار كسودي زيني تعالي نمشو الكساد شويا

[ام وسونة]

عيووووووووووووووون اين انتي شكلك طالعة تنسرفي؟؟؟؟؟

[أم ورد]

نستأذن توى نمشي نتعشى ونرجعلكم سلام

[أم ورد]

جيتتتتتتتتتتكم

[أم ورد]

شكلكم ارقدتوا

[أم ورد]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[أم ورد]

تصبجواااااااااااا على خير وليلتكم سعيدة

[ليبياقلبي]

سسسسسسسسسسسسسسسسلامات شن اخباركم كلكم انا مقدرتيش نقرا الصفحات كيف روحت من حوش شيباني وحنينا طلعوا بيها لتونس يارب ترجعلنا بالف سلامة والله قلبي متقطع عليها الحق المرة هادي مصموطة انا وخلاص

[sosolibya]

السلام علييييييييييييييييييييييييييييييكم


كيف الحال ياحلوين وعاش من سمع اخباركم

[sosolibya]

شج للجميع
راهو ما لحقتش نقرأ الصفحات يللى فاتو

[sosolibya]

الخبر الحلو


انى جبت بنوتة
زى القمررررررررررررررررررررررر

يوم 7/4/2012

[sosolibya]

اكيد رح تسألو عن الاسم بس تخيلو لحد اليوم قاعدين ماسميناش

بس زوجى مل وقال غدوة رح نسجلو خلاص
يعنى لازم نختارو اسم

[sosolibya]

العقبال عندكم كلكم

شن سمتيها بنتك يا امالسعد
بالك نخنبوه ههههههههههه

[sosolibya]

السلام عليكم
كل مافى الموضوع ياحلوين
انى ولدت يوم 7/4/2012 السبت الماضى بنوتة حلللللللللوة زى القمر
وكان بخاطرى اسميها أية بحكم انى امها ومن حقى انا يللى اسميها بعد الحمل والتعب
بس هات من يفهم
بس قلنا احتما ل نسموها عائشة
وام زوجى اسمها عائشة ومن يوم سمعت هالكلمة وهى مصممة اننا نسموها بهدا الاسم
بس بابا قال اننا لو سماناها عائشة رح يزعل وماعاد رح يكلمنا ابدا ابدا
لانه مضايق من عمايل ام زوجى فيا
فخطر على بالى اسم مرام واسم مريم بس قالو مريم منعوه
وغضيت نظر عن اسم اية لان عزوزتى رح تزعل ادا رح نسموه وقالت لزوجى هدا رأى زوجتك
فأرجوكم قولولى ايش أعمل والله حرت والله حيرنى

بس بسرععععععة الله يوفقكم
لأن الموضوع طول والناس عم تسأل عن الاسم


الموضوع مو سهل مثل ما انتم متوقعين
الموضوع اصعب من هييييييك
ام زوجى عاملة نكايد لزوجى من يوم ما حست اننا رح نغض نظر عن الاسم

[sosolibya]

ع فكرة انا جبت بالعملية
اهى اهى اهى
الحمد لله الحمد لله
توا يوم تانى نحكيلكم القصة

[sosolibya]

ماصارش من اسم عائشة لان قعدو يقولونا بلعانى تسمو ع القدافى ماهو قبل محمد وتوا عائشة
درهولنا كبدنا