دردشة بنات ليبيا , دردشة حوامل ليبيا , تجمع بنات ليبيا

[يقين]

السلام عليكم
كيف حالكم

[أم ورد]

أهلين يقونة كيف حالك اليوم وكيف حال فروتي والبيبي

[يقين]

ام معاد كيف حالك وحال صغارك
ام ورد كيف حالك وحال زوزك
سوسو كيف حالك وحال حموي وحمدلله علي سلامتك
سااااااااااااالي لا باس عليك ربي يحفضك انتي والحلوين كيف حالك كويسه

[يقين]

ام ورد الله يسلمك يا عسوله حالي باهي وانتي شخبارك

[أم ورد]

الحمد لله يقونة تسلمي يالغالية

[أم ورد]

شيني ديرتي اليوم وأمتى الطلعة إن شاء الله

[يقين]

عيون
كيف حالك وحال صغيويرتك وبوهم
ام روفيده
كيف حالك وحال وليدك وبوه
سورينام
كيف حالك وحال صغيويرتك ولا باس علي وليدك التطعيم صعب شويه يتعب ربي يشفيه

[saly.me.91]

يقين شنجو
كنت نهيج في تجمعنا الاول ونقرا في مشاركاتكم القدم
كان جوكم سمح وديما القعدة رابخة ... شن جاكم

[saly.me.91]

الله يبارك فيك ياسوسو العقبا ليك كانا خاطرك هههههههههه
زي باقي المشرفات نقل مواضيع وتعديل ...والخ
بس تعرفي مابعدهم قداش يعانو
تخايلي في رجالة يخشو باسماء مستعاره ومايخلو مايكتبو
وفي اللي تخش ودايرة مواضيع شعوذة وسحررررررررررر
وووووه حاجة اتخوووووووف

[saly.me.91]

ويـــــــــــنكم كل مانخش تسكتو
تبوني نطــــــــــــــــــلع؟؟؟؟

[saly.me.91]

اقعدوووووووووووو فيها

[أم ورد]

النت افصل عليا سالي وين كنتي امغطسة

[saly.me.91]

توا انا نلعب باللهي

بالك خاطرك تلعبيانا نلعب توااااااااا لعبة هوتيل حلوة

[أم ورد]

وين باقي البنات اليوم

[أم أجنادين 80]

مساء الخير
كيف حالكم
يقين كيف حالك والف لاباس عليك وشن صار فيك
ام وسن كيف حالك وحال بنوتك وراجلك
عيون سالي ليبيا قلبي ايه ام روفيدة ام سعد ام قصي سوسو ام ورد ام معاذ كيف حالكم
سامحوني لو نسيت وحده

[أم ورد]

أهلين أم أجنادين كيف حالك

[sosolibya]

كيف الحال كلكم
سالى مابعدك مركزك صار تعب ويبى متابعة ديما
خلى نقعدو هكى مرتاحين خير


مشكورة ام اجنادين شن الاخبار

[أم أجنادين 80]

الباين مفيش غيرنا ياام ورد

[أم أجنادين 80]

كساد والضي هارب

[أم ورد]

شكله هيكي الباين بنهدرزوا أني وإنتي ترى استني في وحدة جايه أه هدي سوسو تعالي هدرزي معانا هههههههههه

[saly.me.91]

شن جو ام اجنادين... خيرك معاش اتخشي هلبا

سوسو ليش لما تتكلمي اتقولي بلادكم وصقعكم ونتكم ومش عارفة شنو ههههههههههههههههه
شورك نسيتي انها بلادك اخص اخص

[sosolibya]

قوليلى ياسالى شن هو اسم الموضوع متع المسابقة فيسع نبى نخشله
يللى تعرفه تقولى

[saly.me.91]

اما مسابقة بالززززبط فيه هلبا

[sosolibya]

ياسالى ههههههههه
والله هده بلادى واحلى بلاد فى عينى ومانفرط فيها ونفديها بقلبى وروحى وعيونى
ههههههههه شاعرة
غير انا بصراحة ماخليتهاش مصقعة هكى

[sosolibya]

المسابقة يللى فزتى فيها

[saly.me.91]

هذه متاع ازياء

http://forum.hwaml.com/t96911.html

[saly.me.91]

ياسالى ههههههههه
والله هده بلادى واحلى بلاد فى عينى ومانفرط فيها ونفديها بقلبى وروحى وعيونى
ههههههههه شاعرة
غير انا بصراحة ماخليتهاش مصقعة هكى

ايه ماهو من بعدما مشيتي انتي الدفايات كلهم فسدو

[أم ورد]

ههههههههههههههههههههههههه ضحكتيني

[saly.me.91]

المسابقة يللى فزتى فيها

فزت؟؟؟؟؟؟؟؟؟؟ امتى؟؟؟؟؟؟؟؟؟ ماريت شي


قصدك على هذه
كم من عشرة تستحق أجوبتها؟ .. موسم اختبارات حوامل الأول - الصفحة 4 (http://forum.hwaml.com/showthread.php?p=1964786&posted=1#post1964786)

[أم ورد]

وين زهرة ورغودة وألاء وأم قصي عيووون وشمس ليكم وحشة

[saly.me.91]

بالك تعرفو حاجة ع الموضوع هدا اتجاوبوني

http://forum.hwaml.com/t97587.html

[saly.me.91]

وووووووووووه يا ام وردي تستاحشي وانا بحدااااك؟؟ شنو مش ماليا عينكو؟؟؟

[sosolibya]

شن تقولي ياسالى
شن الرسالة يللى بعثتيها
انا كل مافى الموضوع نبى اسم الموضوع يعنى نبى نخش الصفحة نفسها باش نشوف ردودك فى المسابقة
والتقييم

[saly.me.91]

اااااااااااخ زعانة... انتعسي ونزيكم.. مس تهلبو ندتلكم

[saly.me.91]

ساهلة انقزي للصفحة رقم 2

[أم أجنادين 80]

شن عشاك سالي

[sosolibya]

وقت عشاك ياسالى هيا تعالى بنهدرزو
انا تعشيت عصيدة
صحة صحة

[أم ورد]

وووووووووووه يا ام وردي تستاحشي وانا بحدااااك؟؟ شنو مش ماليا عينكو؟؟؟
كيف عاد ماليتيهم لكن لازموا نسئلوا ونتفقدوا أوخياتنا الله لاتغيبهم

[أم ورد]

أأأأأأأأأاه وقت عشي توى كل وحدة تقول شيني عشاها لأن قاعدة ماديرتش عشي

[يقين]

معليشي طلعت فجاه وبلا استاذان
ام نووووووووووووووووووووووزه
حبيبي كيف حالك وحال نوزه وبوها وكيف حال حناك بارك الله فيك عالاتصالات سامحيني والله الموبايل ماهو معايا وقالي زوجي انك تتصلي بيا بارك الله فيك ان شالله نتصل بيك في جيبتك لوليد يا احبيبه

[زهرة2000]

خيرات كيف حالكم كلكم
يقونه شن تحسي روحك تو
ام معاد وام ورد كيف حالكم
سو سو وسالى شن اخباركم

[saly.me.91]

عشاي كفتة حوت وعصير وتوماتوز

[زهرة2000]

الله ياسالى قوليلى من دايرها وكيف الطريقه ؟ كفته الحوت

[saly.me.91]

اهلين زهورة كيف حالك
يقونة تي غير عدلي ع الموجودين

[زهرة2000]

انا ماعنديش نيه لانى تعشيت موخر ستيك ومشروم وبطاطا ورز وتو كليت بليله تعرفوها ؟

[saly.me.91]

استغفر الله واتوب اليه

[زهرة2000]

اليوم شريت للبيبي لحاف للبيبي عجبنى حسيته زى البطانيه مش غليظ هلبه انا من قبل خديت يرغان للسرير امتاع البيبي بس ما صورتش

[زهرة2000]

قريب نكره التجمع من الكساد وينكم اسم الله والوحده تخش تسلم وتريح معش تلاقيها

[أم ورد]

صحتين يا سالي
زهرة حبيبة كيف حالك اليوم تي وين كنتي من بكري
يقونة إزيك الهاردة عمل إيه يا بت

[أم ورد]

مبروك ما شريتي يا زهرة

[أم ورد]

تي وينكم سالي وزهرة هيا عاد

[أم ورد]

شكلكم إرقدتوا

[أم ورد]

http://forum.hwaml.com/imgcache2/hwaml.com_1329598592_634.jpg (http://forum.hwaml.com/redirector.php?url=%68%74%74%70%3a%2f%2f%76%62%2e% 6d%61%61%73%31%2e%63%6f%6d%2f%74%39%35%31%33%33%2e %68%74%6d%6c)
هيا أني قاعدة نستنى فيكم وينكم

[sosolibya]

شج ام وردة مكسدة وتراجى صار
زهرة اعصابك اهو جينا هيا وريلى فلاحتك فى الهدرزة

[sosolibya]

تعرفو يابنات انا نعانى من الم فظيع فى الحوض والافخاد والاوراك
وجنابى وكل عظامى وكل مانشكى لزوجى يقولى هدا من تقعميزك الغلط على الكمبيوتر
وتوا تعرفو ليا قريب ساعتين ولا اكتر وانا فى وضع غلط
عشانكم مضحية بنفسى وانتم فايتينى هههههههههههه
وتوا نحس فى روحى خلااااااااااااااااص بنموت من الالم لدرجة انى معادش نقدر نمشى
فبنوض سلامتكم

[زهرة2000]

السلام عليكم
كيف حالك ام ورد وكيف حال اختك هههههههههههه
سوسو شن اخبارك احكينا ع العرس ووين صور العبايات ودبش البيبي ؟

[sosolibya]

نسيت بنقوللكم بابا اليوم سافر لفنلندا عنده دورة شهر
انشاء الله فى حفظ الله ويوصل بالسلامة
اميييييييييييييييييييين
ونسيت نقوللكم ان حمود وضعه اليوم متلخبط وانا قريب نهبل لان توا مش وقت مرضه بكللللللللللللل
والمشكله يمرض توا وبعدين يقولولك من العرس
ياهمى من هالصقع ومشاكله
انحاول مانخليش المرض يتمكن منه ونعطيه كل مانقدر باش يقوم المرض
غير يفوتلى العرس بعدين ساهل ههههه
والله هى المشكلة مش فى الكحاحة والزكمة كيفهم
الهم فى الحرارة والردان
لكن صدقونى كان لسمح الله بعيد الشر جاته حرارة
بنمشيله بالزلابيط وخلاص
المهم هالسبوع يفوت على خير
ادعولى مايمرضش
كان هدا امتعينى يفددونى هههههههههههه
يارب متتطورش الحالة
ومايصير شىء
ويارب احميه واحغظه منكل مرض او عين او غيره
امييييييييييييييييييين يارب العالمين

[أم ورد]

الحمد لله زهرة
سوسو خيرك العفو أقعدي الثالثة بالشرشور هههههههههههههههه

[أم ورد]

ربي إيوصله باسلامة يارب وكيف ما ودعتوا اتلاقوا
لاباس عليه حمودي

[أم ورد]

أسمعوا أني غدوة بنمشي لحوشنا بكري الساعة 8 الصبح بنوض نرقد سلامات

[sosolibya]

ماشاء الله عليك يازهرة
داكرتك قوية
العبايات صورتهم بس لبس البيبي لا
للانى من حد ما روحت مافضيتش حتى نخلص راسى
بس رح انزلا الصور فى اقرب وقت انشاء الله

[ღॐ آية ღॐ]

السلام عليكم كيف حالكم
يا غاليات سوسو كيفك وديري بالك
من تقعميزتك وحاولي تاخدي وضع مريح
على خاطر النونو ما يضايقش وان شاء الله لاباس على حمودي
ليبيا ربي يسخرلك الحال وينولك الي في بالك وبعيد السو على حناك
وربي يزيدها من الشفى يارب وبوسيلي نوزة"
عيون بوسيلي صغيويرتك وسلمينا على اميمتك ووخينك
ياقين الحمد لله على سلامتك يا عسولة وديري بالك على نفسك
وبوسيلي فروتي ..

[ღॐ آية ღॐ]

امممم
كلكم رقدتو؟؟
يلا تصبحو على الف خير غاليات ..

[ليبياقلبي]

سسسسسسسسسسسسسسسسسلام منمو موجود

[ليبياقلبي]

معقولة مافيش حد
سوسو ياشينة انا نشدت عليك انت لي منشدتيش باه باه المهم ابعاد السوء علا حمود وربي يحفظه وردي بالك عليه
ساليتو سلامتك وشن صار فيك باكش هدا من ضغظ الاجنة ربي يحفظلك صحتك
ايوتة سلمك نشادة شن اخبارك انت وسنافرك
عيون وينك حبيبة
ام ورد خيرك ماشية 8 بكري كيف حال وخيتك
ام روفيدة شن اخبارك سامحني مقصرة معاك هلبة في السوال كيف حال حزومي
زهورة شن اخبار اليبي
وووووووووين شموسة والاء وراية ورغودة وام وسنة وام اجنادين
مممممممممممممممممممميمونة عاد عروس في ايامها

[شمس الزمان]

اني قاعده ياليبيا شويه انقصص الهدرزه الاوله وانجي

[ليبياقلبي]

هلا شموسة وخيتي شن اخبار السنفورة والبيبي وامتى بتسافري
الله علا الاحفاتىت في الخمس يهبلوا والمناضيد والجو

[ليبياقلبي]

شششششششششششششموسة وينك
سسسسسسسسسسسسسوري وينك رفيقتي في السهلا هي خشي طلي طلي بالابيض طلي

[شمس الزمان]

جيت جيت ياليبيا والله الحمد لله او جو احتفلات امس روحت صوتي مبحوحح اوكرعيا مشلولات
كلا السفر ان شالله الاربعاء الجايه

[شمس الزمان]

انتو شن جولاحتفلات عندكم

[ليبياقلبي]

ايه ماشاء الله امس جو حلو قوللي كم بتقعدي وتيتي روحك

[شمس الزمان]

هيا نوضوا نوضو وينكن ياعيون اوسالي اوسوسو ام معاد ام ورد ام قصي زهوووووووره
ليبييييييييا شكلك حصلتي عدوه

[ليبياقلبي]

والله مش عادي الخمس نشطت نشطة من الاخير الحق تبارك االرحمن عليهم

[شمس الزمان]

ان شالله سنه او اكثر على حسب التساهيل وتيت روحي بس كل مره طالعتي حاجه

[ليبياقلبي]

عدوة شنو ادعيلي شموسة بابا يديرلي في وراقي باكش نحصل ايفاد والله ايامات الطاغي ظلمني تصدقي نسبتي 98 وجايبة الاولى علا شعبتي والتانية علا 8 شعبيات وماحصلت في عهده شي طبعا في الجامعة ادعيلي توا

[شمس الزمان]

خليهم ايعبرواايطلعوا لي فا خاطرهم حتى هما ما شافوا اشويه

[ليبياقلبي]

كويس ربي يوفقك

[شمس الزمان]

ماشالله ان شالله ياربي يعطيك لي في نيتك انتي قسم شنو
باذن الله ما جاي الا الخير

[ليبياقلبي]

قسم تاريخ انت راجلك ماشي قراية ولا عمل

[شمس الزمان]

والله خايفه وامريبه منها المشيه بس يلا الواحد ايتوكل على الله والله امس خاذيته كل ابكا

[شمس الزمان]

لاوالله يشتغل تاجر ملابس

[ليبياقلبي]

لالالالالالالالالالالالالالالالالالالالالالالا ياحلوة توكلي علا ربي والله حلوة تغيري حتى جو سبحان الله لي عنده النعمة مبيبهيش انا اندعي نطلع نتم قرايتي اطلعي وكوني مستقبلك انت راجلك شعغل ولاقراية

[شمس الزمان]

اصلا السنه لي فات خسر واجد من الحرب السنه هذي يبي ايعوض لخساره

[ليبياقلبي]

خلاص توكلي علا ربي وامشي معا روجليك ومعاش تنكدي قدامه

[شمس الزمان]

والله من زمان مشيت مانسجمتش بكل حتى عائلات ليييه مافش او خايفه من الجياب غادي

[شمس الزمان]

لا ولله منبكش قدامه ما نبش انكد عليا والله حتى مضعوط يبي ايعوض اخسارته

[شمس الزمان]

علشان خاطر اعيونه انتحمل الله غالب

[ليبياقلبي]

الفاتح..كنايس وعفن
الفاتح ..زايل ويزول
الفاتح..شارع مكسور
الفاتح..سراق فلوس
الفاتح..خراب بيوت
... الفاتح ..واكل لحقوق
الفاتح..زايل ويزول
الفاتح..هدام لسواق
الفاتح..ماخلا باب
الفاتح..قاتل لرجال
الفاتح..قاتل لطفال
الفاتح..قاتل نسوان
الفاتح..زايل ويزول
الفاتح ..يتم لطفال
الفاتح..رمل نسوان
الفاتح..دمر شباب
الفاتح..عنس بنات
الفاتح..زايل ويزول
الفاتح..تورة مهبول
الفاتح..وسيف الصرصور
الفاتح..شينك طرطور

[ليبياقلبي]

اكيد حتى هو الحبيب

[شمس الزمان]

كان حصلتي بعثه تطلعي بره اتسافري

[شمس الزمان]

نحنا انقولو الفاتح """مانقبلوا
الفاتح""""يلعن بوه
هههههههههههههههههههههههههههههه

[شمس الزمان]

عندكم شهداء في العيله

[ليبياقلبي]

والله انا الغربة منحبيهش ومنحبيش نتغرب بس نبي الحق

[ليبياقلبي]

صح ههههههههههههههههه
لالا معنديش بس عندهنا من بعيد واصحاب

[شمس الزمان]

نحنا والله عندنا واجد عندي عمي اوولد عمتي اوعندي ولد خال لعند توه مفقود

[شمس الزمان]

عندكم حد في بنغازي

[ليبياقلبي]

ربي يرحمهم اجمعين وربيب بيرجدعلكم ولد خالك
ايه عندنا اقارب ماما وعندي صاحبتي

[شمس الزمان]

امين يارب العالمين
تعالي شرفيا ابزياره

[شمس الزمان]

ييييييييييييييييييييه شموسه اتكح من امس طلعت بيها لميدان الشهداء روحت بيها حاله

[شمس الزمان]

اوراجلي ايقولي كلا منك تو شن اتردي عليه

[ليبياقلبي]

شموسة عند ادنك بنوض نرقد لانا نايضة بكري اليوم

[ليبياقلبي]

ديما همي الرجالة مش حاجة جديدة عندك علم صاحبتي من بنغازي متعرفة عليها بالنت
ان شاء الله لاباس عليها

[شمس الزمان]

لا يااحبيبه اذنك امعك خوذي راحتك
تصبحي على خيرhwaml7hwaml7

[شمس الزمان]

السلااااااااااااااااااااااااااااااااام

[ام قصى محمد]

السلام عليكم
كيف انجى تمشوا قلت اكيد توا نلاقى مع من نهدرز شويه

[ام قصى محمد]

وين زهرة ورغودة وألاء وأم قصي عيووون وشمس ليكم وحشة
hwaml03مشكوره حبيبتى حتى انا توحشتكم
كانت عندنا لمه فى حوش عمتى وامس مشيت لحوش هلى ما روحتش الا من شوى

[ام قصى محمد]

شكلى بروحى اتمسوا على خير

[ام قصى محمد]

السلام عليكم
شكلى حتى توا بروحى صباح الخير
ام اجنادين مشكوره على السؤال كيف حالك انتى ؟
عيون وينك امس انتى وسورينام وايه شكلكم مرقديييييييييييين
يقونه الحمدلله على السلامه حبيبتى شغلتينى عليك
ام وسونه شن الاخبارك مرايفه عليك لازم نتلاقو نتكلموا
ام رويفيده كيف الحال وكيفه حزومى
ام معاد زهره هاتو شرقاويه ام محمد بنت الجبل كبريائى
سوسو
ام سعد شمس ام ناريز كيف حالكم
مروسه رانى مشتاقتلك تعالى سلمى بس وطمنينى عليك

ميمو يا احلا هروس مشاء الله ربى يهنيك تعالى احكيلنا شن جوك وطمينينا
سالى صرتى مشرفه مشاء الله والله الاشراف متعب الله يوفقك

[ام معاد]

السلام عليكم كيف حالكم يا حلوات

[ليبياقلبي]

صباخ الورد والعسل عليكم

[ليبياقلبي]

وقف رجل بجانب افعى سامة فقال لها : مااغدرك !!
تقتربين من الانسان وتلدغينه بهدوء وتبثين السم في جسده !!

فنظرت الافعى بازدراء الى الرجل وقالت :

.
.
.
.
.
.

اصمتوا يابني البشر ,, فأنا ألدغ , ولكني لم ألدغ افعى مثلي يوما ,, اما انتم فتلدغون بعضكم بعضآ كل يوم !!

[ليبياقلبي]

العفو ماخشيش حد

[ليبياقلبي]

انا عزووتي اليوم ورتني كيف ندير العسلوز وتيته كان نطيب الكسكي بس توا بنوض ندير دورة علا الحوش وبنطيبه

[saly.me.91]

السلام عليكم
كالعادة التجمع امنفض وامكسد
ام معاد خشي هيا كانك فاضية

شكرا ليبيا على سؤالك ودعوتك انشالله في ميزان حسناتك

[ام معاد]

اهلا سالي كيف حالك وحال جنبك

[saly.me.91]

الحمدلله يا ام معاد كيف حالك انتى والصغار
وشن دايرة بروحك اليوم والا زوجك معاك
وشن فطورك وشن غداك
واي اجابة عندك تاني عادي حطيها ههههههههههههه

[ام معاد]

والله الايام هدي اني مشغولة شوي انخش نقري ونسلم

[ميمونة]

السلام عليكم


انا جيت


طبعا استحشتكم كلكم كيف حالكم وحال صغاركم ورجالتكم

ونبي نقول لايوتــــــــــــه بارك الله فيها وقفت معاي هلبه الحق وماخليتني نبي نشكرها الحق ربي يرزقها الخير والصحه والهناء وربي يدوم الود اللي بيننا ومايفرقنا الوقت يارب

ونبي نقول لاام رفيده صحيتي عالاتصال مسكينه قعدت هلبه تكلم فيا ربي يسهل امورها

واكيد عيوني وام السعد ربي يخليكم يارب ويقونه وسوسو ربي يحفضك تقولي اتصلتي والله

وكل وحده باركتلي في المنتدي وفرحتلي ربي يرزقها من واسع خيره

وانا اليوم زياره في حوش اهلي hwaml03

يلا كل وحده تسلم وتخش وفي ايدها الهديه

[أم سعد]

السلام عليكم

http://forum.hwaml.com/imgcache2/hwaml.com_1329655447_541.jpg

[أم سعد]

أهلين ميمو شن الجو؟؟

[ميمونة]

اهلين ام السعد ربي يحفضلك بنيتك ووليدك والله الحمد لله شن امورك انت

[ام معاد]

اهلا بعريستنا كيف حالك وحال الجيزة

[ميمونة]

هلا ام معاذ والله الحمد الحمد الله والحمد لله

انتي شن حالك وحال وليدك وبنيك

[ام معاد]

اني اكويسة والحمد لله

[ام معاد]

ميونة وصلاتك رسالتي

[ام معاد]

سلي اني الحمد لله والصغار اكويسين افطرت خبزة وطن والغدي رز بلاو وبطاطا مقلية وزوزي عمل اليوم ماتقوليش لعيون راهي اتناديلي الغولة زي المرة يلي فاتت

[ام معاد]

ام سعد كيف حالك والله يباركلك في بنيتك

[ام معاد]

تي وينكم ميمووووووووووووووووووووووووووووووووووووووووووووووو وووووووووننننننننننننننننننننننننننننننننة

[ام معاد]

يا سااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااليييييييييييييي

[ام روفيدة]

السلام عليكم ورحمة الله وبركاته

اهلا اهلا اهلا وسهلا بالعريس واني انقول خيره التجمع امنور ما شاء الله تبارك الله عليك ياميمو منورة وبارك الله فيك خشيتي وسئلتي علينا لما حصلتي فرصة الله لا يحرمنا من هالطلة الحلوة اااااااااااااامين

شن حالك وشن اخبارك ليك وحشة يا قمر وكيف حال اهلك وناسك وحبابك ؟

والف مبروك يا غالية وربي يسعدك ويهنيك ويجعل زوجك قرة عينك ويونسكم ببعض الللهم ااااااااااااااامين

وبالنسبة للإتصال ما عنديش فيه جميل قبل بنكلمك ساعة لكن سخفت عليك قلت البنت كفشت في هالصقع هههههههههههههههههههه

[ام روفيدة]

عيون عيون عيون ياااااااااااااااااااااااااااااااااااااااااااا عيون وينك غياب يومين يارب المانع خير

[ام معاد]

ام روووووووووووووووووووووووووووووووووووفيدة كيف الحال

[ام معاد]

تعرفوا والله طيرتوهالي اففففففففففففففففففففففففففففففففففففففففففففففففف ففففففف

[ام روفيدة]

اهلا ام معاد كيف الحال ؟

اني الحمد لله بخير ونعمة

[ام روفيدة]

عيون عيون عيون ياااااااااااااااااااااااااااااااااااااااااااا عيون وينك غياب يومين يارب المانع خير

[ام معاد]

تي ياسرك وانت تنادي علي عيون

[ام روفيدة]

عيون عيون عيون ياااااااااااااااااااااااااااااااااااااااااااا عيون وينك غياب يومين يارب المانع خير نبي انحط لك صور الحاجات يلي شريتهم وبعثت لك رسالة على الخاص شوفيه وصلاتك ولا لا

[ام روفيدة]

ام معاد خشي على السكايب وخلي انهدرزوا

[saly.me.91]

هلا هلا ميمونة شن الجو كتبتلك فالياهو بس شكلك ماشفتيشي المهمم
ربي يهنيك يااااااااااارب

وهدي هديتك
http://t0.gstatic.com/images?q=tbn:ANd9GcREW4voozapb2QgwKTKZ5hUSaYs42Za6 v2_oWf_ML5FE_GJ2yPcUA&t=1

http://forum.hwaml.com/imgcache2/hwaml.com_1329659007_268.jpg

[ام روفيدة]

«اللهم اغفر لي، واهدني، وارزقني، وعافني، أعوذ بالله من ضيق المقام يوم القيامة» [قال الألباني حسن صحيح].

[ام روفيدة]

قال ابن الجوزي: "أسفًا لعبد كلما كثرت أوزاره قلّ استغفاره، وكلما قرب من القبور قوي عنده الفتور".

[ام معاد]

ما يلفظ من قول إلا لديه رقيب عتيد

[أم ورد]

السلام عليكم كيف حالكم اليوم

[أم ورد]

ميمونة كيف حالك وشيني اخبارك وشيني جو العرسه يعلم ربي قداش استاحشتك وصلاتك الرسالة

[ام معاد]

ام ورد روحتي ومن فيه غادي

[أم ورد]

روحت حسيت روحي تعبانه شوية مافيش حد وإنتي أمتى بتمشي

[ميمونة]

السلام عليكم ورحمة الله وبركاته

اهلا اهلا اهلا وسهلا بالعريس واني انقول خيره التجمع امنور ما شاء الله تبارك الله عليك ياميمو منورة وبارك الله فيك خشيتي وسئلتي علينا لما حصلتي فرصة الله لا يحرمنا من هالطلة الحلوة اااااااااااااامين

شن حالك وشن اخبارك ليك وحشة يا قمر وكيف حال اهلك وناسك وحبابك ؟

والف مبروك يا غالية وربي يسعدك ويهنيك ويجعل زوجك قرة عينك ويونسكم ببعض الللهم ااااااااااااااامين

وبالنسبة للإتصال ما عنديش فيه جميل قبل بنكلمك ساعة لكن سخفت عليك قلت البنت كفشت في هالصقع هههههههههههههههههههه


ام رفيده الله يخليك يالغاليه والله ماقصرتي ربي يحفضك ونتلاقوا علي الخير

[عيون زوجي]

ام روفيده يا اوخيتي الغاليه صوتك وصل لعندي وجابني اجعلني ما نفقدها واجعلها ماتفقد غاالي

انا امس مشيت حوش بوي وروحت صلاة المغرب مشيت لحوش عزوزتي درتلها عشاها ( اعدلوا..)

واليوم نفضت الحوش ودرت دوره عالحوش وطلعت سيقت الجنان وقفطاني خفيف وصيفي ضربتي برده ماكنه راسي يوجع وخشمي يصب حاشاكم ومش قادرة انقعمز وخامده تحت البطانيه


كيف حالك انتي يا ام روفيده وحال حازم اليوم وسلمك نشاده ووصلتني رسالتك يلي زي البلسم وبعدين بالك انصحصح وبنرد اعليك واتعب عويناتك انتي....

ميمونه...عروستنا السمحه مبروك اعليك العرسه وان شاءالله ربي يبارك لك فيه ويجعلها زواجة الدهر وبارك الله لكما وبارك عليكما وجمع بينكما في خير

ام ناريز كيف حالك

ام معاااد افرحي لاني مريضه وصوتي مبحوح باش اناديلك الغوله

ام سعد...ماشاءالله لاقوة الابالله تبارك الرحمن اعليها هالميااار من هداك اليوم خطبتك فيها لحمودي وما اعطيتنيش كلمه

[ميمونة]

هلا ام ورد اما رساله وين بعتيها بالضبط حتي ام معاذ ماوصل منها شئ الحق

[ميمونة]

هلا بعيوني شن حالك وحال صغارك ياقمر والله استحشتك الحق

[أم ورد]

لاباس عليك عيوووووون وطهورا إن شاء الله

[عيون زوجي]

امس واولامس البلاد تهيج وفرحاانه وخوتنا في الكفره يموتوا ما فهمتش واعلاش ما اغاثهم حد

حسبنا الله ونعم الوكيل....


http://www.youtube.com/watch?v=euK-SMJwRxw&list=UUZ3GlY9Un7V8fdAGgKxciew&index=1&feature=plcp

[ميمونة]

سالي صحيتي عالكندره جت مقاسي بالضبط ربي يحفضك

[عيون زوجي]

الله يبارك فيك يا ام ورد صحيتي يا غاليه

كيف حالك انتي ومش بتمشي من 8 لاهلك ولا هداكا امس

حقه بنسئلكم صح ان هاله المصراتي قتلوها يوم الجمعه في زنزانتها

[أم ورد]

إيه مشيت حسيت روحي تعبانة شوية روحت الظهر حتى أني اليوم قريته الصبح الخبر في النت لكن قاعدين ماأكدوشي

[عيون زوجي]

ميمونه ....استاحشتك ان شاءالله تكوني اتعودت على حوشك الجديد باش نيبرلك نبيك تحمري عينك ويجيبلك واي ماكس باش اتخشيلنا كل يوم

[عيون زوجي]

تعالي عندي انديروا زوز بطاطين في الصاله وكابتشيو اسخون ونهدرزوا عالقديم والجديد


http://forum.hwaml.com/imgcache2/hwaml.com_1329661626_957.jpg

[عيون زوجي]

هالكابتشيو لام ورد

[ميمونة]

ههههههههههه عيون لا نهدرزو عالجديد اهي عالجديد ربي يحفضهولي ويرزقني الذريه الصالحه قولوا امين

[عيون زوجي]

ام روفيده وينك ووين الصور ؟؟؟؟

[أم ورد]

هههههههههههههه كيف بنكتبلك وبنقولك إحسبيني

[عيون زوجي]

اليوم جايه جيه رسميه وعزومه وعزوزتك معاك ولا عادي جيتي بروحك؟؟

[ميمونة]

انا توا نستاذن جاينا جيراننا يبوا يسلموا عليا نتلاقوا في الليل انا اليوم بايته عندكم هنا راجلي عندي شغل ضروري ماشي مع قروب العمل يعني متربعه عندكم اليوم وغدوه


عيوني افتحي الفيس قبا مانسكر نستناك
نتلاقوا بعدين

[عيون زوجي]

اوكي... بسليمتك....

[ميمونة]

عيوني تي وينك توا نستنا فيك خيرك العفو نبي نجهز روحي

[أم ورد]

هلا ام ورد اما رساله وين بعتيها بالضبط حتي ام معاذ ماوصل منها شئ الحق
إبعتليك رسالة على الخاص

[عيون زوجي]

ام ورد شنو تغديتي

[أم ورد]

وين سالي اليوم ويقين

[أم ورد]

تغديت مكرونة مبكبكة

[ام معاد]

hwaml16توا بنمشي

[أم ورد]

بسليمتيك وسلميلي عليهم

[ام معاد]

يا خسارة بتفوتني القعدة اليوم ميمونة هني

[ام معاد]

الف لاباس عليك ياعيون ان شاء الله في قطوستنا

[عيون زوجي]

ام معااد خفتي من الغوله بري بسليمتك

[عيون زوجي]

ان شاءالله في قطوستكم حق ياااااارب تمرض هي وانصح اني اخخخخخخخخخخخخخخ

[ام معاد]

لالالالالالالالالالالالالالا ما خفتش محلاها غولتك اخخخخخخخخخخخخخخخخخخخ

[عيون زوجي]

http://forum.hwaml.com/imgcache2/hwaml.com_1329664623_682.jpg

[عيون زوجي]

درتلك حافظة ملياانه كب كيك خوذيها معااك لحوش بوك

[ام معاد]

صحيتي ويسلم ايدياتك علاش متعبة روحك انت مريضة

[عيون زوجي]

درتهم البارح قبل لا نمرض ما تعافيهمش لا عطست اعليهم ولا كنت مزكومه اصلا

[عيون زوجي]

http://forum.hwaml.com/imgcache2/hwaml.com_1329665317_717.jpg

[ام معاد]

لالا عارفاتك انظيفة وما شاء الله عليك خخخخخخخخخخ

[ام معاد]

اني خاطري في العصبان ، مشوا بيه الهدرزة في الليل انتم وميمونة امالا شن عريستنا ضروري انعشوها
http://center.jeddahbikers.com/do.php?img=572501

[ام معاد]

http://forum.hwaml.com/imgcache2/hwaml.com_1329666284_313.jpg
وهدي الرشدة تفضلو للعشي

[ام معاد]

http://forum.hwaml.com/imgcache2/hwaml.com_1329666740_338.jpg

[saly.me.91]

وفاش جت الواحه هذي يا ام معاد.. تبينا نتعشو ع الطبيعه امالا
باش تطلعلنا الغولة في الليل

[ام معاد]

توا اني بنمشي وتيتلكم العشي اعجبكم باهي ماعجبكمش حطوه في التلاجة مش اتخله البرا ويحمض ، والماعين تغسلهم




















































ميمونة

[ام معاد]

وفاش جت الواحه هذي يا ام معاد.. تبينا نتعشو ع الطبيعه امالا
باش تطلعلنا الغولة في الليل

خخخخخخخخخخخخخخخخخخخ نبي عيون تغطس فيها

[أم ورد]

سلالالالالالالالالالالالالالالالالالالالالالالالال الالالالالالالالالالالالالالالام

[عيون زوجي]

العصبااان شكله مسقع مانبيش منه الا كان سخنتيه تاني

والرشيده اسخينه نبي منها وشكلها بالوطني


والواحه صقع وانا امريضه خليها وقت تاني نتلاقوا فيها انا وياك والصغار وانغطوا الجوانب بالرديوات باااهي

[ام معاد]

تي اني درتلكم العشي وتيته والتسخين عليكم ، خلاص تو انزردوا غادي ياعيون

[عيون زوجي]

كيف حالك يا سالي وحال جنبك وحرارته؟؟؟

[sosolibya]

السلام عليكم
كيف حالكم جميعا
كنت اليوم طالعة دهوارى بنشرو هدية لخالتى
بس الاسعار نااااااااااااااااااااار
وروحنا تغدينا حوت عند عيالى
وتوا جيتكم












الهدية بناخد ميكروييف شن رايكم

[ام روفيدة]

السلام عليكم ورحمة الله وبركاته

عيون يا غالية الف لاباس طهورا ان شاء الله وردي بالك على نفسك انتي امراة صاحبة عويلة لا قدر الله اتصيرلك حاجة عويلتك منو بيهم وكيف اتسيقي الجنان بقفطان خفيف في هالصقع الله يهديك يا وخيتي هدي نفسك امانة عندك وعندها عليك حق ما عاش اتعاودي هالعملة هدي خير ما انجيك بطوبوا الغاز راهوا هههههههههههههه

[ام روفيدة]

وهده الصور يا عيون

http://forum.hwaml.com/imgcache2/hwaml.com_1329669497_451.jpg (http://www.7arir.com/)

بالنسبة لهدا مش مع الطلبية هدا خديته من السوق الالماني يلي قلت لك عليه اسمه lidl

http://forum.hwaml.com/imgcache2/hwaml.com_1329669493_199.jpg (http://www.7arir.com/)

وهدا طاجين الكب كيك

http://forum.hwaml.com/imgcache2/hwaml.com_1329669499_692.jpg (http://www.7arir.com/)

وهدا الثاني

http://forum.hwaml.com/imgcache2/hwaml.com_1329669501_949.jpg (http://www.7arir.com/)

وهده قطعة السليكون
http://forum.hwaml.com/imgcache2/hwaml.com_1329669495_267.jpg (http://www.7arir.com/)

وهدا التاكم يلي فيه مئة قطعة

http://forum.hwaml.com/imgcache2/hwaml.com_1329669487_496.jpg (http://www.7arir.com/)


وهادم الزوز أقلام الحبر الغدائي اتبعي بيهم الرسم يلي رسمتيه على عجينة اللوز او عجينة السكر

http://forum.hwaml.com/imgcache2/hwaml.com_1329669503_932.jpg (http://www.7arir.com/)


وهادوم الزوز يلي ايطبقوا في عجينة السمبوسة درت امعظم الاسواق وما لقيتهاش فشريتها من النت وخلاص

http://forum.hwaml.com/imgcache2/hwaml.com_1329669489_517.jpg (http://www.7arir.com/)


وهدا قالب الشكلاطة امتاع الوردات

http://forum.hwaml.com/imgcache2/hwaml.com_1329669491_333.jpg (http://www.7arir.com/)

[أم ورد]

ماشاء الله يا أم روفيدة حاجات حلوة إن شاء الله اتبيديهم بالهني

[أم ورد]

ووووووووووووووووووووووينكم العفو

[عيون زوجي]

بارك الله فيك لا اراك الله باسhwaml7

مااااااااااااااشاءالله يا ام روفيده ايجننوا محلاهمhwaml03

رح انخزن صورهم ومش رح نرتاح لين نشري زيهم (مش

حسد راهو اخخخخ)hwaml4

تبيديهم بالهني ابديتي الشيف ام روفيده

شكلهم كلهم قعدات جدد ما استعملتيش منهم شي لتوا

مبروكااات مسعوداتhwaml13

[ام روفيدة]

ماشاء الله يا أم روفيدة حاجات حلوة إن شاء الله اتبيديهم بالهني

سلمك يا حنة عيونك الحلوين

[عيون زوجي]

http://forum.hwaml.com/imgcache2/hwaml.com_1329671007_985.jpg (http://www.libyanyouths.com/vb/t43885.html)

[عيون زوجي]

http://forum.hwaml.com/imgcache2/hwaml.com_1329671082_692.jpg (http://www.libyanyouths.com/vb/t43885.html)

[ام روفيدة]

بارك الله فيك لا اراك الله باسhwaml7

مااااااااااااااشاءالله يا ام روفيده ايجننوا محلاهمhwaml03

رح انخزن صورهم ومش رح نرتاح لين نشري زيهم (مش

حسد راهو اخخخخ)hwaml4

تبيديهم بالهني ابديتي الشيف ام روفيده

شكلهم كلهم قعدات جدد ما استعملتيش منهم شي لتوا

مبروكااات مسعوداتhwaml13

إيه يا عيون كيف وصلوني الاربعاء يلي فاتت

والاسبوع الجاي بإدن الله فيه تورتة جديدة ترقبووووووووووووووها ((دعاية هههههههههه))

[sosolibya]

وشن معناها هده
وشن يقولوله هدا
والله عيب عليكم لما نخش انا تطلعو وعارفين وقتى بدى محدود

[عيون زوجي]

ابعثيلي حصتي ما دخلنيش فيك دبري راااسك

حي اعليك اتسمني ابوحازم ( وحده حاسدتها على ادواتها اخخخخ)

[sosolibya]

كيف حالك عيون ولاباس عليك
وشن عملتك هده يامجنونة ههههههههه لاباس عليك وانشاء الله بالشفاء

كيف الحال يا ام روفيدة ومبروك ماشريتى تقطعيهم بالهناء انشاء الله

[عيون زوجي]

اسمعي من توا التورته نبيها بالوان علم الاستقلال وتكون 4 طبقااات ومحشيه بالكراميل والتشيز كريم ونيوتيلا المواد الاساسيه مشروطات والطريقه خليتها ليك انتي...

[أم ورد]

حتى أني مادخنيش فيك والله ماعندي الروح مع الحلو نعيش عمري كله ناكل حلو عادي هههههههههههههه

[عيون زوجي]

الله يسلمك يا سوسو كيف حالك انتي ولاباس على حمودي توا؟؟؟؟

انا درت عملة المتكي دار عملته وقعمز بحداها يبكي

[عيون زوجي]

شديتك...

ام ورد معناها انتي فالحه في الحلووو صح؟؟؟

[أم ورد]

عندي في تطييبه الحلو شوية لكن في ماكلته هلبه هههههههههههههه

[عيون زوجي]

وينكم يا مداماااات؟؟؟

[أم ورد]

أأأأأأأأأأأأأنا هنا

[عيون زوجي]

هذه المشاركة ذات صلة بملتقى المهندسين العرب : http://www.arab-eng.org/vb/showthread.php?t=155621#ixzz1mqk2DySl (http://www.arab-eng.org/vb/showthread.php?t=155621#ixzz1mqk2DySl)


السلام عليكم ورحمة الله وبركاته،،

للعلم منقوووووووووووووول

معي اليوم وصفة جميلة جدا

" كيكه الشاكلت شبس او قطع الشكولاته "

http://forum.hwaml.com/imgcache2/hwaml.com_1329672405_358.jpg

المقادير:

شريحه من الكيك الاسفنجي
كاس كريمه باتسيير
كاس كريمه شانتيه
نص كاس من قطع الشكولاته
ظرف جلاتين مذوب
للوجه كريمه الغناش والجوانب شكولاته

الطريقه:توضع شريحه من البلاسيك اسفل الطبق
تخلط الكريم باتسيير مع الكريم شانتيه والجلاتين وقطع الشكولاته
نصب ربع كميه الكريمه في الطبق ثم نضيف الكيكه ثم الكريمه الباقيه
ترش بالشكولاته على والوجه وتدخل الثلاجه لمده يوم تخرج وتجمل

طريقه التجميل:

http://forum.hwaml.com/imgcache2/hwaml.com_1329672406_794.jpg

شكل القالب بعد خروجه من الثلاجه

http://forum.hwaml.com/imgcache2/hwaml.com_1329672406_456.jpg

يوضع القالب في ماء ساخن لمده 4 دقائق

http://forum.hwaml.com/imgcache2/hwaml.com_1329672406_763.jpg

شكل القالب بعد ان نقلبه

http://forum.hwaml.com/imgcache2/hwaml.com_1329672407_787.jpg

ننزع البلاستيك عن القالب

http://forum.hwaml.com/imgcache2/hwaml.com_1329672407_906.jpg

نساوي الاطراف بالسكينه

http://forum.hwaml.com/imgcache2/hwaml.com_1329672407_133.jpg

نساوي الوجه بواسطه سكينه الدهن

http://forum.hwaml.com/imgcache2/hwaml.com_1329672408_138.jpg

بواسطه قطاعه البسكويت نرسم الشكل المطلوب

http://forum.hwaml.com/imgcache2/hwaml.com_1329672408_255.jpg

نضع كريمه الغناش في كيس التزيين

http://forum.hwaml.com/imgcache2/hwaml.com_1329672408_989.jpg

نبدا برسم الشكل المطبوع بواسطه كريمه الغناش

http://forum.hwaml.com/imgcache2/hwaml.com_1329672409_876.jpg

نكمل الرسم

http://forum.hwaml.com/imgcache2/hwaml.com_1329672409_359.jpg

شكل الرسم

http://forum.hwaml.com/imgcache2/hwaml.com_1329672409_930.jpg

نرسم خط حول الكيكه

http://forum.hwaml.com/imgcache2/hwaml.com_1329672410_513.jpg

نلصق الشكولاته السبنجليز على الجوانب

http://forum.hwaml.com/imgcache2/hwaml.com_1329672410_526.jpg

نملى الفراغ بالكريم غناش

http://forum.hwaml.com/imgcache2/hwaml.com_1329672410_377.jpg

نكمل الرسم من الداخل

http://forum.hwaml.com/imgcache2/hwaml.com_1329672411_383.jpg

[أم ورد]

محلالالاهم الكيكات ( أني خشيت على الرابط )

[عيون زوجي]

ديريلنا وحده منهم غدوه ضروري

[أم ورد]

مني أني لالا هههههههههههههههه

[عيون زوجي]

هالة المصرتي تنفي خبر مقتلها بنفسها 2012.2.19



http://www.youtube.com/watch?v=jMlxbQaLdJo

[عيون زوجي]

مني الطريقه ومنك اليديااااات يا ام ورد

[أم ورد]

منك الطرقة واليدايات وأني مني الدواقة أني ناكل بس ههههههههههههههه

[عيون زوجي]

/// قامت كتيبة شهداء سوق الجمعة { سرية الشهيد محمود نشنوش } بإلقاء القبض على تجار مخدارت و معهم 234 صندوق من المشروبات الكحولية في مزرعة في عين زارة يوم 17-2-2012 و ثم التعاون مع جهاز مكافحة المخدرات ///

شكله هذا السبب لما ام معاد خافت من صوت الرصاص وهي بايته بروحها ياناري وجنبها عصابة مخدرات ما تندريش اعليهم
على قريب امشت فيها ام معاد ياناري اعليها اخخخخ

[عيون زوجي]

خلاص مني اليديااات والطريقه ومنك المواد بري بضعي جيبي كل شي حتى الميه مش مني جيبي اشيش اميه معااااك من الالف للياء

شنو رايك اخخخخخخخخخخخخ؟؟

[عيون زوجي]

ام ورد قداااش مساحة حوشك وقداش فيه دار نوم؟؟؟

[أم ورد]

خلاص هيكي ممكن
المساحة والله مانعرفها فيه ثلاثة ديار2ديار مساحتهم 4في4 وحدة 3في4 وصالة ومربوعة خارجية وكوجينة وحمام أكرمكي الله وجنان دور الداير

[عيون زوجي]

http://forum.hwaml.com/imgcache2/hwaml.com_1329673916_694.jpg

[عيون زوجي]

ماشاءالله ربي يهنيك فيه وتعبيه صغاااار يااارب

انا زوزي بني حوش لما جي يخطب فيا في ارض مساحتها 1600 متر كبيره واتعاقد مع مقاول معرفه وهو كان لظروف معينه مش موجود يمشي هداك الراجل يلي ما يخاف ربي يصغر مساحة الحوش من راسه لانه ماعنداش لوح يسده ومايبيش يخسر وصاحب الحوش مهناش يديره حاشاك اصغير 120 متر دارين نوم وصاله ومطبخ وحمام والجنان سيااااح نياااح,,,,
توا عمي كتب الارض يلي فيها حوشنا باسم بناته وعطانا ارض تانيه 800 متر باش نبنوا فيها من جديد لان الارض يلي فيها حوشنا جي عليها التخطيط
ومازال ندعوا ربي يسخرلنا الحال ونبنوا حوش كبيرر يااارب,,,

[أم ورد]

كويس معناة تقيدروا تبنوا بشوية عليكم وانتم قاعدين في حوشكم
يارب تبني البنية إلي على كيفك يارب

[أم ورد]

وين غطست سوسوووووووووووووووووو
ميمونة مازل ماروحوش جيرانكم
يقونة اشغلتيني ما خشيتي اليوم
سالي ما تقوليش هارب عليك الضي

[عيون زوجي]

بارك الله فيك بس البني بدي صعب هلبه العماله غاليه ومواد البناء اغلى ربي يسخر الحال يارب

لو دارولنا قروض كويسه بلا ربا ممكن اتحل المشكله ان شاءالله

[عيون زوجي]

http://forum.hwaml.com/imgcache2/hwaml.com_1329675354_431.jpg

[عيون زوجي]

د.راغب السرجانى

عشت في أمريكا فترة، وكنت أذهب لصلاة الفجر في المسجد وأرجع منه الساعة السادسة صباحاً..
وكنت أجد الطريق السريع مليئاً بالسيارات عن آخره في الساعة السادسة صباحاً، وهؤلاء الناس كلهم من نصارى ويهود وملاحدة...
وهؤلاء استيقظوا في ميعاد الفجر؛ لكي يذهبوا إلى دنياهم وإلى أعمالهم، كل هؤلاء الناس استطاعت أن تستيقظ الساعة الرابعة أو الخامسة..لكي تخرج الساعة السادسة صباحاً إلى شغلها.
... وهناك أناس آخرون كنت أراهم في الشوارع وأنا في طريقي لصلاة الفجر، يعني: قبل الفجر، فهؤلاء هم أصحاب الرياضة..
تجدهم يجرون في الشارع في الهواء النقي في ذلك الوقت، وهناك أناس قبل أن تذهب إلى العمل تخرج كلابها للفسحة...
لأن الكلب يقعد محبوساً في البيت من الساعة السادسة صباحاً أو السابعة صباحاً إلى الساعة السادسة أو السابعة في الليل...
فصاحب هذا الكلب يستيقظ قبل الفجر لكي يفسح الكلب، لكي يجعله يستنشق هواء لطيفاً ونظيفاً....
فالأمريكي نصرانياً كان أو يهودياً أو ملحداً يستيقظ قبل الفجر لأجل الكلب..

وبعض المسلمين، أو كثير من المسلمين، أو دعوني أقول بصراحة:
معظم المسلمين لا يستيقظون لله عز وجل، هذه مأساة يا إخواني



http://forum.hwaml.com/imgcache2/hwaml.com_1329675479_577.jpg

[عيون زوجي]

ام ورد شنو بطيبي عشااااااك ؟؟؟

[عيون زوجي]

http://forum.hwaml.com/imgcache2/hwaml.com_1329675627_251.jpg

[أم ورد]

عندك الحق كل شيء غالي بالنسبة للبني وياريت ايديرولنا هالحل

[أم ورد]

تيبي الحق ما عنديش نية في العشي لكن بندير لزوجي عشاه اطباهج وإنتي؟

[عيون زوجي]

رجل فقير زوجته تصنع الزبدة و هو يبيعها في المدينة لاحد البقالات وكانت الزوجة تعمل الزبدة على شكل كرة وزنها كيلو وهو يبيعها لصاحب البقالة ويشتري بثمنها حاجات البيت

وفي أحد الايام شك صاحب المحل بالوزن... ... فقام ووزن كل كرة من كرات الزبده فوجدها٩٠٠ جرام، فغضب من الفقير

وعندما حضر الفقير في اليوم الثاني قابله بغضب وقال له لن أشتري منك يا غشاش تبيعني الزبدة على أنها كيلو ولكنها أقل من الكيلو بمائة ......جرام

حينها حزن الفقير ونكس رأسه ثم قال نحن يا سيدي لا نملك ميزان ولكني اشتريت منك كيلو من السكر وجعلته لي مثقال كي أزن به الزبدة

تيقن تماماً أن(مكيالك يُكال لكَ به) يعنى الجزاء من جنس العمل

http://forum.hwaml.com/imgcache2/hwaml.com_1329675829_176.jpg

[عيون زوجي]

انا حاااشاك امريضه مانيش قادره انطيب لادرت غدي ولا امقكره اندير عشي هو ايدبر راسه لصغاره

[عيون زوجي]

مريض الكلى تُغسل كليته 3 مرات أسبوعيا

لمدة 4 ساعات في الجلسة الواحدة !!

أما [ المعافى ] فـ تُغسل كليته ( 26 ) مرة يومياً
...
وهو يعيش حيآته الطبيعية بلا مواعيد ولا انتظار

[ وَ إن ٺعدّوا ﻧعمةَ اللهِ لا ٺحصوھا ]


فالحمد لله على كل حال..



http://forum.hwaml.com/imgcache2/hwaml.com_1329676061_462.jpg

[عيون زوجي]

بالاذن بنتي اتعيط من الدلع

[أم ورد]

ووووووووووووووووووووينكم

[ورد الخدين]

السلام عليكم ..
كيفكم اخواتي الليبيات ..
مبسوطه بتعرف عليكم
انا حامل بالثاني ..
والله يثبت حملي وحملكم

[شمس الزمان]

اهلين بيك انستس يا ورد عطينا سيرتك اوعرفينا ابنفسك

[saly.me.91]

هذه اتهبل
http://forum.hwaml.com/imgcache2/hwaml.com_1329677786_129.jpg

[saly.me.91]

وين غطست سوسوووووووووووووووووو
ميمونة مازل ماروحوش جيرانكم
يقونة اشغلتيني ما خشيتي اليوم
سالي ما تقوليش هارب عليك الضي
ايه هرب عليا اللي مايتحشمش بدون سابق انذار انا نكتبلكم وهوا هرب
هدا وين جي
سهفوني التورتات اللي حطتهم عيون انشالله انوض مابياش ونديرهم يارب

[ورد الخدين]

انا درناويه وهذا ثاني حمل ليا ..

وانتو من وين اخواتي ..
ومين هنا درناويه غيري

[hatoo]

السلام عليكم بنات كيف حالكم, اهلين ورد الخدين مرحبتين بيك وباهل درنه ام قصي حتي هيا من درنه وانا من بنغازي

[ورد الخدين]

مرحبتين بيك اختي hatoo
وبأهل بنغازي جميعا ..
وكيف الجو عندكم صاح قالوا بررررد كثير ..

بس قولولي كيف الصفحات كثيره هنا توا وصلين لل900
ليش ماتبدوا صفحه جديده ..
يعني اكيد في حوامل من زمان وولدوا ..
ليش ماتكون صفحه خاصه بالحوامل بس ..
انا جديده ومش عارفه كيف ياريت توضحولي ؟؟

hahoo

انتي بأي شهر ؟؟

ياريت تحكيلي عنك وكيف الاجواء هنا بالدردشه
وام قصي وينها بتدخل ولاولدت

[عيون زوجي]

السلام عليكم...


ورد الخذين..اهلا وسهلا بيك وبأهل درنه وان شاءالله تنوضي بالسلامه

- انتي مواليد كم؟

- قداش ليك متزوجه؟

- تخدمي ولا لا؟

هاتو...كيف حالك وحال رتال ووينك ليك وحشه؟؟


سالي...مشرفه والضي يهرب عليها هلبه عاااد

[عيون زوجي]

اوخيتي ورد الخدين اهني فيه حوامل وفيه جايبات من زماااان وفيه قعدات يستنوا في الحمل ربي يرزقهم تقدري تقولي مربوعه هدرزة وتواصل لليبيات شرقاوياات وغرباويات

ام قصي مش حامل ربي يرزقها هالشهر هذا وعندها زوز بنااات

[زهرة2000]

السلام عليكم كيف حالكم كلكم كلكم
اهلين ورد الخدين شرفتنا وانستينا ونتشرفو بعرفتك

[زهرة2000]

اهلين بعروستنا ميميو ربي يهنيك تعالى احكينا ع العرس والعريس ههههههههه
كيف حالك عيون طهور
هاتو كيف حالك وحال رتولى