دردشة بنات ليبيا , دردشة حوامل ليبيا , تجمع بنات ليبيا

[ام معاد]

ام ورد وعيون بديروها ؟

[أم ورد]

إن شاء الله كان ربي راد

[عيون زوجي]

قالوا محل الالعاب يلي في جزيرة الالعاب فيه هالمناطيد وصيت زوزي اليوم جاني مريض وماصارش
كان ناض من نومه حاله باهي بنبعثه يجيبلي زوز واحد لسوسو وواحد لحمودي تغيير جو وخلاص وان شاءالله يمر اعلينا على خير وعام داير يارب تكون البلاد في احسن حال ونكونوا كلنا فرحانين ومتهنين ياااارب

[سمو الاميرة]

السلام عليكم

كيف حالكم صباااااااايا ان شاءالله كلكم طيبين
يقين الف لاباس عليك ...فهموني شنو قصتها يقين حملت باللولب؟؟؟

[سمو الاميرة]

حلووة فكرة المنطاااد ياريت فيه هنا كنهاذا درتها

[ام معاد]

من فمك الي باب السماء ياعيون

[ام معاد]

فيه جزيرة اسمها جزيرة الالعاب ؟ وين

[أم ورد]

يا بنات حطوا على العربية جايبين برنامج على ثورتنا

[سمو الاميرة]

ووووووووووينكم؟؟؟؟؟؟؟

[ام معاد]

اهلين سمو الاميرة شن جو الضي عندكم

[سمو الاميرة]

نمشي انلبس بناتي عشان بيطلعو مع عمتهم وانجيكم

[سمو الاميرة]

هلا ام معاذ كيف حالك وحال الصغار
الضي تمااااااااااام عندنا المية الايام هادي مش تمام ضعيفة وتنقطع مرات

[hatoo]

السلام عليكم كيف حالكم كلكم , الف مبروك لام سعد وتتربى في عزكم ان شاء الله

[عيون زوجي]

سامحوني المحل في جزيرة الفرناج متاع الالعاب غلطت سوري

[عيون زوجي]

نستأذنكم شويه نمشي لحوش عزوزتي نص ساعه وراجعه

[أم ورد]

وينكممممممممممممممممم

[ام معاد]

اهلين هاتو كيف حالك وحال بنغازي اكيدة الدنيا رابخة احتفالات

[سورينام]

سلاااااااااام أنا جييييييييييت

[ام معاد]

انت كنتي تتفرجي علي الرنامج ؟

[سورينام]

وك إيدياتي اتجمدو من تقطيع الدجاج .. قبل ايجيبلي فيه مقطع ما ايتعبش زي توا .. غسلته وكيسته وحطيته في الفريز ووتيت عوالة العشي عالتطييب وجييييت جري ..ههههه

[أم ورد]

اقضيتي عليه الدجاج حرام عليك هههههههههههههه
إيه أم معاذ

[ام معاد]

http://forum.hwaml.com/imgcache2/hwaml.com_1329325407_385.jpg كل وحدة تاخد طرف وماتخلوش لعيون باش مرة تانية معاش تطلع خخخخخخخخخخخخخخخخخخخخخخ

[سورينام]

حلوة فكرة المنطاد عيون قاللي عليها زوزي .. كان قابلوه بياخدلنا حتى واحد
نصلي المغرب وانجيكم

[أم ورد]

سمو الأميرة سامحيني انسيت انسلم عليك كيف حال وكيف حال عويلتك

[ام معاد]

hwaml7اين انتم

[سمو الاميرة]

جييييييييييييييييييييت ...

ام ورد مش مشكلة كيف حالك انت ان شاءالله تمام

[أم أجنادين 80]

مساء الخير
ان شاء الله الف لاباس عليك يقونه وأزمة وتعدي شدي حيلك ربي ينوضك بالسلامة انتي والبيبي

[أم أجنادين 80]

حلوة فكرة المنظاد بس زعمه فيه في الزاوية

[ام معاد]

كيف حالك ام اجنادين

[أم أجنادين 80]

يابنات بنسألكم نقدر ناخد كلوميد من غير استشارة دكتورة يعني بناء علي وصفة سابقة عندي

[ام معاد]

لالا اني من رايي تستشيري قبل

[أم أجنادين 80]

اهلا ام معاذ شن اخبارك

[ام معاد]

شوية ونجيكم

[سمو الاميرة]

هلا ام اجنادين شني اخبارك
علاش الكلوميد بتاخديه؟؟

[أم أجنادين 80]

غدوة عطلة او لا

[أم أجنادين 80]

الكلوميد مش منشط للتبويض نبيه يزيد فرصه احتمال اني نحمل

[saly.me.91]

السلام عليكم
بالله يا بنات بالله عليكم كل وحده فيكم تدعي ليقين لانها من امبارح في المستشفي
اللولب متعبها واليوم عندها نزيف والدكتور مصمم علي تنضيف بالكامل والبيبي حي وفيه نبض وهيا راااااااافضه واللولب ماباش ينزل
اني الصبح كنت عندها حالتها تقطع القلب كيف تبكي وتقول نبيه البيبي
والله نكتبلكم ونبكي
ادعوووووووووووووووووووووووولها في صلاتكم يمكن حدمنكم دعوته مستجابه

allah elmust3an ana mn imbar7 mn lamma sma3t 3ndha laya ..3agli 6ar w ittasalt biha greeb 5 marrat matruddish wilyom mokfal..
yarab ol6f biha ya rabbi..
yarab a7fdlha janinha yaaarab
id3oooolha billah 3lekom

[سمو الاميرة]

ام اجناذين لازم تستشيري دكتورة احسن انت كم ليك ماحملتي وعندك صغار قبل؟؟

يوم السبت قالوو عطلة مش بكرة

[سمو الاميرة]

سالي شنو اخبارك اليوم وكيف حال الحمل معاك
تعرفي انحس في نفس اعراضك ليا 3 ايام جنبي اليمين وانحس الحركة يتحرك في
اليمين بس بس

[أم ورد]

سالي تعالي اهني ماتقوليش وين كنتي غاطسة ههههههههه
كيف حال جنبك اليوم

[ام معاد]

سالي اين انت ولاباس عليك

[سورينام]

سالي خيرك كاتبة بحروف لاتيني .. فهمناها لكن تفدد .. خاشة من الموبايل ؟؟؟

[زهرة2000]

خير عليكم من موجود شنى ماسمعتوش شي ع يقين

[سمو الاميرة]

نستاذنكم
في امان الله

[سورينام]

أم معاد .. شورا مهناك غير اني واياك نرقصو في التجمع هههههه .. عشيتي الصغيويرة .. أتي ماصارش من البطاطا مع الكباب .. قاللي الافندي نبي دحي زي متاع الهمبورجا مع الكباب في ساندوتشات ومعاه شرايح طماطم زهريسة وعصيير وخلاااص
فراس كلي نفيص صغير وسارة نتشة وحدة وقاتلي مانبيش .. بعد ما كملنا بدت تنقز قالت دبروهوليييييييييييييي خخخخخخخخخخ

[زهرة2000]

خيرات ام معاد كيف حالك وحال الصغار
سوري شن اخبارك واخبار الصغار

[سورينام]

الله ايسلمك يا زهورة كيف حال ليونه والبيبي يرفس زين والا مساعد امه

[ام معاد]

لالا مزال ماتعشيناش زوزي مازال ماروحش

[زهرة2000]

سوريي الحمد لله كويسين كيف حالك انت
سوسو ان شاء الله تكونى وصلتى بالسلامه
ليبيا قلبي لاباس ع حناك طهور

[ام معاد]

تي وين عيون

[زهرة2000]

بنات نبي نسالكم على البسيسه تهبل اليوم ضقتها عند صحبتى تهبل الله كيف تندار لو تعرفو نهاركم كان فتونى وماجوبتوش هههههههههههههههههههههههههه بلطجيه

[سورينام]

سهاااااااااااااااااااام سهااااااااااااااااام سهااااااااااااااااااام
ههههههههه لازم نعيط هكي باش تسمعيني مصر بعيدة عليا ماهو ..hwaml02.
خشي عاد طمنينا على يقونه بالله عليك ما ترقدي لين اتطمنيناhwaml10
ياااااااااااااااااااااااارب نسمعو الخير منك .....

[عيون زوجي]

انا جييييييييييييييت هلا وغلا بالكل

صحه الكباب والدحي يا سوري حتى صغاري ايديروا فيه الجو هذا

زهرة كيف حالك اليوم

سالي كيف حالك اليووووم

سورينام احكيلي عالسبوع هيا..........

[سورينام]

خبر عاااااااجل :
بمناسبة عيد ثورة 17 فبراير ... صرف مبلغ 2000 دينار لكل عائلة ليبية + 200 دينار لكل فرد في العيلة
مؤكد .. توا صرح جليل ...
زيطو هي ..

[سورينام]

عنوووووون .. ملحبتين يا غالية

[سورينام]

آهو بنحكي هي :.........
هذا يا حبيبتي درت العملية في الطبي طبعا .. وتعبت فيها مش زي عملياتي الاولات

[سورينام]

لما بيضربولي يبرة البنج اللي في الضهر .. دخلو راص اليبرا والدم معاش بطل .. وبهدين ضربولي يبرا تانية وبعد نص ساعة ضربولي البنج مرة تانية

[زهرة2000]

خساره ماهددتكم وين الاجابه بسرعه راه خيرلكم
لالالالالالالا تو جتكم عيون ما شاء الله عليها فالحه تو تعطينى الطريقه من غير جميلكم ههههههههههه

[سورينام]

وبدو في العملية ..ومشت الأمور تمام وطلعو نور بعد جهد جهيد لأنها زرقت منهم فووووق وما طلعوها ليييين بركو عليا زي اللي بتجيب طبيعي .. وهذا كله وعيني تشبح

[سورينام]

وبعد ما طلعوها وهما ايكملو في العملية وأني طبعا ايدياتي الزوز ممدودات مركبين فيهم اليباري ما نقدرش نحركهم بدي جسمي طله اينمل وياااااااكل فيا ياااااالطيييييف وايديا ما تقدرش انحك بيهم اتخيلو والعملية مازاااال ما تمتش...........




انكمل والا بايخة القصة خخخخخخخخ

[عيون زوجي]

قالي اعليه زوزي الخبر من شوي زعمه صح ولا زي وعووود زمااان
زهرة امي ادير فيها نتصل بيها غدوة وناخذ منها الطريقه احلى بسيسه عندنا اسمها البسيسه الزواريه وبعدها الجباليه وبعدها الطرابلسيه

[زهرة2000]

عيون لاباس ع زوزك طهور

[عيون زوجي]

زهرة الله يسلمك

سورينااااااااااام ....الله المستعان يا غاليه اتعذبتي ومزرطوك يا اوخيتي كملي كملي قصه مشوقه

[أم ورد]

زهرة كل منطقة كيف اديروا فيها وإنتي صاحبتك منين
ما بعدك يا سوري كيف تحميلتي كملي

[ام معاد]

ووويا سوري مابعدك ، واعود بالله منه الطبي والله ايطبق النفس بالله كملي

[سورينام]

المهم بديت انعيطلهم في حجرة العمليات ونقوللهم رقبتي وايديا وظهري كله اينمل حاااااااااااااااالة .. بدو يضربو في اليباري في الشكارا المعلقة وايحطولي في طروف على وجهي زي الكمادات بااارداااات .. وكملو العملية وطلعوني للملاحظة .. وحتى دكتوراتى الزوز اللي دارولي العملية ما تحركوش من بحداي ببالطواتهم متاع العمليات ..قعدت في الملاحطة واتطور الموضوع وطلع على وجهي طفح احمر وجسمي قاعد ياااكل وهما لايدييين عليا واقسم بالله وجوههم صفررررر ويتراعشو ....hwaml10

[عيون زوجي]

هيا كملي يا غاليه.................

[ام معاد]

هو هدا ايديروا عملتهم وبعدين يطلع علي وجوهم قوس قزح اخخخخخخخخخخخخخخخخخخخخخخخخ

[زهرة2000]

بارك الله فيك ياعيون بس هى قالتلى الجباليه شينه فيها حلبه؟

[ام معاد]

هيا كملي شوقتيني

[زهرة2000]

ام ورد بارك الله فيك هى من طرابلس

[عيون زوجي]

الله الله اعليك يا احبيبه جسمك اتسمم ولا شنو

[سورينام]

وبعدين جابولي دكتور دم سحب عينة وجي سألني شوية اسئلة عالحساسية ومش عارفه شنو قتله عمره ماصارلي هذا وبعد ما طلعت النتيجة قالو صارلي تحسس من البنج ما مشاش معاي .. وضربولي يبرا تانية في الوريد وبدي الاحمرار ايخف والحكة نقصت وهمت لايدين عليا في الملاحظة لين مشت الأمور تمام .. درت العملية الساعة 4 العصر ركبوني للقسم الساعة 11 في الليل يعني بدل ما نقعد ساعة في الملاحظة قعدت 7 ساعات تقريبا ...

[ام معاد]

هيا يا سوري زوزي قريب يروح

[ام معاد]

باهي الحمدلله علي سلامتك ياوخيتي

[أم ورد]

بارك الله فيك ياعيون بس هى قالتلى الجباليه شينه فيها حلبه؟
مش كلها فيها الحلبة يا زهرة وجبالية بسيستهم معروفة ايديروا فيها باألواز

[أم ورد]

باهي الحمد لله على سلامتك بعد شوي ايمشيتي فيها

[ام معاد]

محلاها البسيسة الجبالية اتهبل

[زهرة2000]

طهور ياسوري كله باجره لكن شن سبب العمليه ؟

[عيون زوجي]

الحمدلله على سلامتك يا غاليه طلعت من عينها

والحمدلله ربي فرحك بشوفة بنيتك نور ورجعتي لسارة وفراس وانتي مابيكش

المفروض درتي زردة وعزمتينا احني كلنا اخخخخخخخخخخخخخ

[saly.me.91]

sam7oni ya bnat mardeetsh ..5oy 5de elaptop
w nktib english leana el keybord mafishi 3arbi
w ma5a6rish nafta7 laptopy

ana 7ali kwais el7amdu lillah..mashghoola hallllllba 3la yaqeen... rabbi ykoon fi 3onha yaaaarab

[زهرة2000]

ام معاد وام ورد هيا جبت ورقه وقلم عطونى الطريقه ههههههههه بسرعه

[عيون زوجي]

انا بسيسة عرسي مافيهاش ولا حبة حلبه كلها حمص وكمامين وجميع انواع الالواز وفيها شاميه وفيها زبيب بنتها يممممممممم اتهبل بس ما نعرفش مقاديرها ههههههههه امي تعرف

[saly.me.91]

7amdillah 3la slamtek..sorinam

[زهرة2000]

قصدكم تديرو فيها للعروس ههههههههه نحسابه للجايبه بس هههههههههه؟

[ام معاد]

اني مافهمتش سالي الي فهمت تقول الان فيه حاجة علي يقين شكلها والله شاغلتني هلبة

[زهرة2000]

كيف حالك سالى شن صار فى جنبك مشيتى للدكتور ؟

[ام معاد]

قصدكم تديرو فيها للعروس ههههههههه نحسابه للجايبه بس هههههههههه؟

ايه ايديروا فيها حتي في العراس

[عيون زوجي]

انتم ما اديروش فيها في بنغازي بكل؟؟؟

[زهرة2000]

ام معاد سالى كاتبه
سامحونى بنات مقدرتش انرد عليكم خوى خدى الابتوب ونكتب انقلش لا الكى بورد مافيش عربي وماعرفتش نفتح لابتوبي
انا حالى كويس بس مشغوله ع يقين ربي يكون فى عونها يارب

[saly.me.91]

كيف حالك سالى شن صار فى جنبك مشيتى للدكتور ؟

msheet bas ma galli shay... janbi mn el baby jay te7t sadri min elyameen w mdayegni halllba..biddat lamma ennod essoba7

[زهرة2000]

لالالالالالالالالا اول مره نذوقها ههههههههههههههههه ونشوفها هههههه انا حاطتها فى السفره ونقول شنى هدا مسترده شن تبي فيها هههههههههههههه شوى قالتلى كولي قتلها لالالالالالالالا شنى هدا قالتلى بسيسه تهبل طعمتها مش عاديه بتمر هههههه انا طبعا اول مره هههههههه مشيت خديتها بالكشيك هكى قالتلى لالالالا بالتمر كوليها هههههههههه

[saly.me.91]

ام معاد سالى كاتبه
سامحونى بنات مقدرتش انرد عليكم خوى خدى الابتوب ونكتب انقلش لا الكى بورد مافيش عربي وماعرفتش نفتح لابتوبي
انا حالى كويس بس مشغوله ع يقين ربي يكون فى عونها يارب

of ya mutarjim...

yaqeen mobayelha msakker

[زهرة2000]

باهى الحمد لله يلا كله باجره ياسالى مازال لما تبدى تثقلى ويزيد الرزن شن بديري ههههههههههههه

[زهرة2000]

of ya mutarjim...

yaqeen mobayelha msakker
ههههههههههههه مترجم مالا شنى ههههههههههههههههههههههههه وقالتلكم hwaml11
موبايل يقين مسكر

[عيون زوجي]

الف لاباس اعليك يا سالي
سورينام عارفاتك مشغوله اول ما تفضي خشي كملي قصة السبوع وشنو درتي بالتفصيل حتى لو مالقتنيش

[عيون زوجي]

زهرة اتفضلي عندنا انديرولك منها كميه كبيره تاخذيها معاااك

[زهرة2000]

زهرة اتفضلي عندنا انديرولك منها كميه كبيره تاخذيها معاااك
بارك الله فيك ياعيون بنت اصول ربي يخليك ومايحرم زوزك منك ولا عيالك من ه الام الى زى البلسم ههههههههههه

[كبريائي غريب]

مساء الخير

[زهرة2000]

اهلين سهام ها بشري شن اخبار يقين ان شاء الله احسن توووووووو

[أم ورد]

السلام عليكم وأخيرا جي الضي

[زهرة2000]

يارب اشفى اختى يقين شفاء لايغادر سقما يارب اشفيها

[زهرة2000]

هيا وينكم شكلى بروحى ؟؟؟؟؟؟؟؟؟؟؟؟؟؟؟؟؟؟؟؟؟؟

[زهرة2000]

مالا تصبحو ع خير واحلام سعيده وربي يسمعنا خبر خير ع يقونه

[أم ورد]

ام معاد وام ورد هيا جبت ورقه وقلم عطونى الطريقه ههههههههه بسرعه
زهرة حبيبة ما تعبيش عليا لأن ما نعرفش مقاديرها ههههههههه لأن أمي هي كانت إديرلنا فيها ربي ايطولي في عمرها يارب

[كبريائي غريب]

يا بنات كنت عند يقين اللولب حولوحلها وربطولها الرحم والنبض متاع البيبي كويس وامورها تمام بس قاعده منهاره شويه
والله بلغتها سلامكم بالاسم وهيا تسلم عليكم
وبكرا زوجها بيرفعلها جهازها وعندها نت في المركز حتخش بروحها واطمنكم عليها
وبارك الله فيكم وربي يثبت حمل كل حامل ويرزق كل متمني ويخلي كل ام لصغارها
تصبحوا علي خير

[saly.me.91]

kibriyaaaee haya 6amnina arjoook

[عيون زوجي]

كليماتك يلي زي البلسم يا زهره حلفتك بالله لو يوم جيتي لطرابلس كلميني قبلها وتعاليلي وقبلها بمده باش انجهزوا البسيسه

ام كنانه طمنينا؟؟

[أم ورد]

الحمد لله الله ايطمنك ياربي كيف ما طمنتينا وبارك الله فيكي

[saly.me.91]

el7amdulillah 6ammentini...rabbi yo7fdha hia welbaby yaaarab

[saly.me.91]

good night ya bnat

[كبريائي غريب]

وهيا تبي تخشلكم باي طريقه وزوجي قالي لاوين ركبنا في التاكسي ترن علي زوجها تقوله نبي الجهاز نبي المنتدي زوجي قالي غير شن فيه بس هيا تاعبه والربط مايبيش كثرت حركه
قتله صاحباتها وتعزهم واجد
والله ان شالله ربي يخليكم لبعض فعلا ينشد بيكم الضهر وبنات اصول

[عيون زوجي]

الحمد على سلامتها اطمنا اعليها وانضمت لقروب زهرة وسالي متاع الربط

الربط ماتخافيش منه بالعكس افرحي بيه لانه بيطمنك اكتر على البيبي

[ام قصى محمد]

السلام عليكم
كيف الحال خيرها يقين شن صاير معاها

[ام قصى محمد]

اهلين بنات
عيون وكبريائى وام وردو سالى كيف حالكم
الحمدلله من شوى رد النت

[سورينام]

وهيا تبي تخشلكم باي طريقه وزوجي قالي لاوين ركبنا في التاكسي ترن علي زوجها تقوله نبي الجهاز نبي المنتدي زوجي قالي غير شن فيه بس هيا تاعبه والربط مايبيش كثرت حركه
قتله صاحباتها وتعزهم واجد
والله ان شالله ربي يخليكم لبعض فعلا ينشد بيكم الضهر وبنات اصول
والله الا انتي اللي بنت اصل يا سهومة ربي ايبارك فيك وايباركلك في وقفتك مع يقونة آهو لقاتك في هالغربة وهيا ما معاها حد مسكينة ان شاءالله تلقيها في الخير وايونسكم ربي ببعض لين تروحو لأهلكم يااااااارب
ألف الحمدالله عالسلامة يقوووووووووونه وبالله عليك بالله عليك تصدقي بصدقة لوجه الله لأنه دفع عنك الابتلاء ولله الحمد

[عيون زوجي]

انتي بنت اصول يا سهام لقاتك زي اوخيتها ان شاءالله اتردهولك في الفرح والخيررر يارب

[ღॐ آية ღॐ]

السلام عليكم غاليات
بعيد السوعلى يقونة وشكرا كبريائي لانك طمنتينا
يارب تخش هيا وتزيدأطمنا عليها بس نبي نعرف ليش نحولها اللولب
حسب معلومتي ينزل وقت الولادة عادي زي المشيمة؟؟؟؟
المهم سلامتها وسلامة النون يارب زيدها من الشفى
والله نحس في قلبي وجعني وعيوني دمعو بعيد السوووووووووووووووووووووووووو"
يارب

[كبريائي غريب]

توانستأذنكم وفي امان الله

[عيون زوجي]

هلا وغلا وين كنتي يا ام قصي ان شاءالله المانع خيرررر

سورينام واعلاش كاتبه مشاركة تشبه مشاركتي في نفس الوقت حتى الخواطر تتشابه هلبه اعلينا اخخخخخخ

[سورينام]

سورينام عارفاتك مشغوله اول ما تفضي خشي كملي قصة السبوع وشنو درتي بالتفصيل حتى لو مالقتنيش
حاااااضر يا غالية :
جبت بنتي يوم 9-10-2011 وقعدت 3 ايام وطلعت وجاني صداااع رهييييب عمري ما شفته والله يومين مافيش نوم لا ليل لا نهار وزوزي ما خلى ماجابلي من مسكنات وبعد ايامات هفت بروحه قالولي متحركة بعد البنج ..
المهم على اساس بنرتاح سبوع وبعدين بندبح واندير لمتي مرة وحدة ونرتاح ماداما حوشي مفرش ومرتب قبل ما ايحوسو فيه الصغار ..خخخخ بعد اسبوع هربت الميه وقعدت سورينام تحاحي لا لمة ولا الناس جو لأن كلهم عارفينى بندير لمة زي جياب ولدي .. وقعدت نحرق في اعصابيhwaml4 لين جت المية ودرتها يوم 4-11-2011
درت رز مسقي وصونية حار فيها طاجين دجاج بالجبنةوالبطاطا+فليفلة +كفتة فلفل مع سلايط ومخللات ومشروب وفواكه والحلويات درت 3 حاجات في باكو قنين مع الشاهي قبل العشي وروزاطا وعبمبر وبعد العشي طاسة باللوز وإقلب .. لأن المكسرات الوقت هذاكه لقيتهم اكبلو بــ 18 دينار + التحف متاعهم أرخص وحدات القطعة ب دينار الحق اكثر من امكانياتي وزيادة اني مدايرتهم في ساره وفي فراس يخي في سارة درت حتى الكونفيتي في تحفة بروحه والمكسرات في تحفة بروحه لذلك قلت ياسر منه هالسريب حتى طاسة باللوز ياسلاااام عليهاhwaml02

[ام قصى محمد]

حبيباتى حطو على ليبيا تى فى
والدى الشيخ صالح بلو يتحدث

[ღॐ آية ღॐ]

سوري الف الحمد لله على سلامتك بس ليش جبتي بلعملية
وليش مش بنج كامل انا عمليتي بنج كامل
خفت من يبرة الضهر سالني دكتور البنج شن تبي كامل او نصفي
قلتله كااااااااااااامل
ضحك وقالي شن معنة قلتله والله تبيني نشوفكم وانتم تجزرو فيا
لالالالاء والله ما نقدر...بس تعبني الكامل حاشاكم ما رجعتش وقعدة نكح
وكل كحة نحس العملية بتنفتح الحمد لله على كل حال...دكرتيني بلزي مضى"

[ღॐ آية ღॐ]

حبيباتى حطو على ليبيا تى فى
والدى الشيخ صالح بلو يتحدث

مشاء الله والدك كان في الجبهآ نتدكر صح؟؟

[عيون زوجي]

قصدك بوك يا ام قصي ما فهمتش؟؟؟

[عيون زوجي]

ياااااسر شنو يبوا اكتر من هكي سبيع اقنين وفي عز الربخه وغلاء الاسعار

عقبال ما تحضري اعراسهم يااارب

[سورينام]

أيوته ألف مرحبا حبوبة.. جبت بالعملية لأن صغاري الزوز الأولين جايبتهم بعملية سارة على خاطر جت فاخمة ماشاءالله 4 كيلو وفراس للتاسع وهو راسه فوووق (فارسي) خلاص معتاها التالتة ثابتة ههههههه عملية بدو تفكييير .. والبنح حتى اني في سارة درت كامل لأتها عملية طارئة .. لكن فراس قررولي عملية ف بداية التاسع ودرتها نصفي ومحلااااااااااااااها ما حسيت بشي وهما ايهدرزو عليا ويضحكو لين تمت واصلا ماتشوفي شي بينك وبينهم ستار

[سورينام]

ياااااسر شنو يبوا اكتر من هكي سبيع اقنين وفي عز الربخه وغلاء الاسعار

عقبال ما تحضري اعراسهم يااارب
سلمها يااربي ها شن رايك حكيتلك بالتفصييييل الممل .. ونسيت ماقلتلكش اني لبست قفطان أسود حاير ومشجر بالقهوي فيه ربطة تحت الصدر وبعدين وااااسع متاع حوامل لأن بطني كانت منفوخة هذاك الوقت + خراصات كرستال اسود طواااال وحلاص .. خخخخخ وراح مني خاتم ذهب ايهببببببببلللللل وليا معاه ذكريات حلوة جابهولي راجلي في اول عيد زواج قريب نهبل علييييه الله غالب انشاالله دفعة بلاء على صغيويرتي

[ღॐ آية ღॐ]

سلمك يا سوري
انا نتدكر جارتي جابت قبلي بي اسبوعين
لما مشيت انباركلها حكتلي انها جابت بلعملية ودارت
بنج نصفي وندمت لان الصداع قعد معاها اسبوع
وقالت كانت مرعوبة وهي تشوف في العدة وتسمع في صوت
المعدات وانا عاد ما نحكيلكش متت برعب وحمدت ربي في نفسي
اني بنجيب طبيعي سبحان الله نصيب ..قالو طبيعي وبعدين جبت بلعملية
لذالك طلبت بنج كامل "

[عيون زوجي]

اجرك حاصل يا احبيبه........

[ღॐ آية ღॐ]

ربي يعوضك ويحفضلك زوزك
ويرجع يهديك احلى منة يارب
وزي ما قلتي اخدي السو ان شاء الله"

[عيون زوجي]

اوجعني الخويتم اخخخخخخخ بس ايعوضك ربي بنور وخوتها اغلى من الخاتم ويحفظلك زوزك

[سورينام]

سلمك يا ايوته وما تشوفي سو ان شاءالله

[سورينام]

اوجعني الخويتم اخخخخخخخ بس ايعوضك ربي بنور وخوتها اغلى من الخاتم ويحفظلك زوزك
سلمك عيوني عقبال ما تحكيلي على لمتك في عزري لكن من غير ما يريح منك شي عاد hwaml02

[عيون زوجي]

كيف حال عزوزتك يلي تحبك هلبه ومرضت على خاطرك في وحدة من ولاداتك

[سورينام]

أم قصي ربي يحفظه والدك .. ماشاءالله عليه عمي الحاج لغة عربية فصحى وبطولة واضح انها صاااااااااااادقه

[عيون زوجي]

بالله يا سوري يا اوخيتي انتي عارفه الحال توا

زوز صغار على روس بعض وحوشي صغير وعندي قطعة ارض ومازال ما بنينا فيها شي

ربي يفرج ويسخر الحال وادعيلي انجيب في حوش جديد وكبير يااااارب

ايه...ياهرابه وين صور حوشك ليا عام نتجدى فيك واحكيلي درتي زردة للحوش وعزومه ولا لا

[عيون زوجي]

ما سمعتاش لان زوزي غير القمر بيتفرج على الكورة

بس شفته هو يلي لابس سوريه طويله ومداير لحيه صح هيبه ووقار ماشاءالله اعليه ربي يطول في عمره على الطاعه ويعطيه الصحه

[سورينام]

الحمدلله عزوزتي في خيار الخير يا عيون وحتى رمضان اللي فات مع بعضنا فوتناه بالرعايش لحد يوم 20 رفعها سلفي الكبير قالت ما نبيش الشقة خافت من القصف هههههه وهيا ما مرضتش على خاطري في فراس وانتي الصادقة مرضت من حال كناينها المايل بعد ما رقدت اتي في المستشفى ولا وحدة منهم دورتها بالله لا هبا ولا ولدها (زوزي)ولا ولد حماتي اللي عايش معاها

[سورينام]

نستأذن شويييييييييييييييييييييه سارة تبي الحمام حاشكم وفراس بيرقد .. ماتمشوش بعيد ايه وعيون جهازي مفتوح ره

[عيون زوجي]

شكلك نحيت الشمال لساره انا قعده انعاني في الشمالات قررت للصيف الجاي باش انحيه سعدودك يا دعوه

[عيون زوجي]

http://www.youtube.com/watch?v=hu9B_hMNLcA

[ღॐ آية ღॐ]

والله يا عيون قلت عبوة بس في بالي
كنت مصوراته لي خواتي ومسحتهم
واللمة والله مازال لاني ما كملتاش
اوكان سخر ربي الاسبوع الجاي بنطلعو
نكملو باقي الاثاث وبصراحة مادبية انصورة بعد ما نكمل لان صالتي
وجة القبول مش مأتيتها مازال
قعدة باتات النجيلة "" سوري انا قعدة ان شاء الله:

[ام قصى محمد]

الله يسلمكم
سورينام ياخذ سوك الخاتم بسلامه ولادك وراجلك
عيون كيف حالك مرايفه عليك
تعرفو فى خاطرى نسهرى معاكم بس عاجنه بيتزا
عمتى عندها لمه الخميس فى الحوش عائليه
امس درت سبموسك واليوم بيتزا وبكره ندير نوعين حلويات

ووصيت على نوع شاهى

[ღॐ آية ღॐ]

مشاء الله ياعيون ياااااااااارب
تشوفي حمودي وسرورة من حفظت القران الكريم
وانا نشوف ايوب واسولة
وصغيويرت سوري
وكل اطفال نساء التجمع هكي اللهم امين ياااااااااااااارب

[ام قصى محمد]

ايوته كيف حالك وحالك صغارك
ان شاء الله تكلمى تاثيث حوشك
ما تخطريش التصوير
عيون والله مش ناسيه نصورك الثلاجه والغساله

[عيون زوجي]

المستشار مصطفى عبد الجليل قام بي تأكيد خبر ال2000 دينار علي كل كتيب عائله +200 دينار لكل فرد مافراد العائله الغير متزوجين ..وسوف تعطى منحى دراسيه لكل طالة الجامعات والمدارس ..

وانه غدا سوف يوجه كلمه لشعب اللبي وسوف يوضح ماقامت بيه الحكومه والخطه القادمه للبلاد

واحسن كلمه انقالت في المداخله ..ان المنحه التي سوف تعطى ليس هبه او صدقه او هديه يعطيها المجلس الانتقالي والحكومه للشعب الليبي بل هيا حق ...له ويجب عليه ان يأخده

الله اكبر الله اكبر ..حفظ الله ليبيا وشعبها

[ام قصى محمد]

نستاذن توا بعيد عنكم
جنى مش عارفه شن صار لها بطنها توجع فيها واسهال ربى يستر قاعده تعيط
نمشى نشوفها ونطيب البتزا

[عيون زوجي]

خلاص ايه نستنوا للسبوع الجاي بس

ام قصي ماشاءالله فالحه وكنة زيك انودها لامي يارب

[عيون زوجي]

لاباس طهور على جنى يارب....

[سورينام]

ربي ايهني بلادنا يااااااااااااااااااااااااااااارب

[عيون زوجي]

http://forum.hwaml.com/imgcache2/hwaml.com_1329343226_784.jpg

[ღॐ آية ღॐ]

بعيد السو عليها
يارب ما فيها سو؟

[شمس الزمان]

السلام عليكم
يقونه اسال الله الكريم رب العرش العظيم ان يشفيك
شن الجو يا بنات ان شالله اموركن تمام والله لكن وحشه لكن والله الايام هذينا ما نفظش جري بين الحوش والسوق

[عيون زوجي]

بحبحي يا سوري لو حق بيعطوا على كل عيل 200 انتي بتاخذي اكتر مني اخخخخخخخخخخخ هههههههههههه

[شمس الزمان]

كيف حال اوحال لصغار ياعيون

[عيون زوجي]

كيف حالك وحال شمس وحال الحمل وربي يعاونك وشنو عرفتي جنس البيبي ولا مازااال؟؟

[شمس الزمان]

كل عام انتو ابخير ان شالله ربي ايهني لبلاد

[شمس الزمان]

لا ان شالله الاحد عند ي موعد مع الدكتوره ان شالله ايبان او يجيني لي في بالي

[عيون زوجي]

اللهم اني اسئلك الامن والامان والسلامة والسلام لبلادنا يااارب

[سورينام]

ام قصي لا باس على جنجونه بالك ضروس ...
أيوته .. ان شاءالله تأثثي حويشك زي ماتبي .. ماتستعجليش ماوراك شي آهو الخير جاي ديري حاجة باهية تقعدلك
عيون .. خيرك ماحولتيش لسرورة الشمال لتوا كبيرة ياوخيتي .. اني حولتهولها من شهر 6 اللي فات كنت قايمه حوشي كله قبل الجياب شحورتني شهر كل مرة تعملهالي في مكان وك يوم واتي نسبق وبطني قدامي وحااااااااااااله بس بعدين ماشاءالله عليها بنيتي ماجي الرمضات لين جولتهولها حتى في اليل خلاااص وكلهم مستغربنها الليل .. ولد سلفي عمره 3 سنوات و4 شهور وقاعد بالشمال والمرضعة وبنت صاحبتي 5 سنوات وتشمل فيها في اليل لكن اني افتكيت والصيف بنحول لفراس ان شاءالله

[شمس الزمان]

مافش اخبار عل يقين

[عيون زوجي]

لا ان شالله الاحد عند ي موعد مع الدكتوره ان شالله ايبان او يجيني لي في بالي

ان شاءالله تخاوي شمس باحلى اوليد ويلي يجي من ربي يا محلاهhwaml7

[عيون زوجي]

انا الصيف الفات خفت انحيه لانها هي وبنت عمها داروا هلبه من صوت القصف وخافوا ويعيطوا وبنت سلفي عمرها 5 سنوات ومنحيه شمالها من سنوات بدت تعمل فيها على روحها ومرات عمله كبيره خفت انحيه ونندم قلت انأجل للصيف الجاي وعلى قولتك هي وخوها بالمره

[شمس الزمان]

ان شالله ربي ايسهلك
شن و عندكم جو احتفلات غادي في طربلس اليوم

[عيون زوجي]

مافش اخبار عل يقين

طمنونا عليها نحولها اللولب والبيبي كويس وربطولها عنق الرحم

[عيون زوجي]

جتني الدورة ومتعبتني شوي قبل موعدها ب 5 ايام

بدت اتلخبط حاله بتهبل وتهبلني

نستأذنكم توا وتصبحوا على الف خيررر

نتلاقوا غدوة على خير

زوزي متكنطي يحسابه غدوه عطله اخخخخخخخخخ

[شمس الزمان]

ريي ياخد ابيدها ان شالله

[سورينام]

عيون مازال ما تبيش تشتغلي .. أني جوني فرصتين وحدة مش مناسبة فوتها اني ... والتانية مناسبة جدا فاتتني هيا الله غالب!!
ايوته .. انتي من شن متخرجة ؟؟ وليش ما تشتغليش

[شمس الزمان]

خوذي راحتك قدمك كل الخير

[سورينام]

اوكييه عيون طهور ان شاءالله اني جتني الاسبوع اللي فات نفرح لما انشوفها على ما مستاحشتههههههااااا خخخخخخ

[شمس الزمان]

تصبحو على خير حتى زوزي هظ وين جاء

[ليبياقلبي]

سسسسسسسسسسسسسلام الف الف الحمد لله عالسلامتك يقونة قوللي سهام انت كيف توصلي فيها انا من لما قلتي الخبر وانا نتصل بيها علا رقمها ممقفل والله انشغلت عليها هلبة الحمد لله ربي طمنا عليها مشكورة سهومة

[ليبياقلبي]

سوري وزهورة وعيون وايوتة وام معاد وام ورد وشموسة شن اخباركم
ام وسونة ووووينك

[ليبياقلبي]

ام اجنادين ربي يسخرلك

[ليبياقلبي]

الله علا الحظ كل مانخش مانلقى في حد

[سورينام]

مرحبتين ليبيا قلبي .. كل عام وانتي بخييييييير .... قوليلي كيف حال حناك ان شاءالله تمام

[ليبياقلبي]

والله ان شاء الله توا باهية الحمد لله احسن من قبل

[ليبياقلبي]

كيف حال سوري انت والسنافر

[سورينام]

كيف انضيف صورة hwaml5؟؟؟

[سورينام]

كويسسيييييييييين سنافري الله يحفضك . نروزة تمشي والا مازال ؟؟؟

[سورينام]

نووووووووووووووور وين مشيتي .. قوليلي كيف انضيف صورة وعطيني طريقة سويسرول شوكولا انديرها غضوة امبكري جابلي عوالة للكوجينة فيها نوتيلا hwaml03

[سورينام]

جعت بنمشي ندور شن ناكل ... خخخخخ الساعة 1 ونص .. هاذي الرضاعة خلتني زي القوارض ديما واني ناكل
ليبيا قلبي .. راجعه مش تهربي عاااااااد

[ليبياقلبي]

سوري اي سوسيرول بالزبط وبالنسبة للصورة مش انت تخشي قوقل وديري صور وتفتحي الصورة تاخدي تنسخيها وتجي هنا في المربع لي تكتبي فيه الرد تعالي لي علامة الصورة لي فيها متلت لي جنب الكرة الارضية واضغطي عليها وحطي الرابط وتطلع الصورة

[ليبياقلبي]

نوزة مريضة تعيط بنمشيلها

[سورينام]

لاباس عليها ان شاءالله حتى اني راجلي فنص فيا خلااااااص وسكر التلفزيوووون معناها حتى اني بنسكر اللابتوب .. الله غالب دكتاتورية

[ام روفيدة]

السلام عليكم ورحمة الله وبركاته

كيف حالكم كلكم كلكم ؟

عيون يا غالية كيف حالك وكيف حال السنافر وعويلتك واهلك وناسك وحبابك يارب اتكونوا بخير ونعمة وصحة وعافية وبارك الله فيك على النشدة ويارب ما تفقدي عزيز وغالي يااااااارب اااااااامين
بالنسبة ليا كنت مشغولة شوية وتوا بنفضالكم إن شاء الله تعالى

يقونة يا غالية ألف لاباس عليك وطهورا إن شاء الله واستودعك الله انتي وجنينك وتنوضي بالسلامة اللهم ااااااااامين

[ام روفيدة]

اخواتي الغاليات حبيت انبهكم على شيء وهوالاحتفال بالتحرير او الاستقلال او اليوم الوطني او كيف ما شئتم سموه إن الاحتفال به من البدع المحرمة التي ليست من الدين في شيء ونتمنى أن تبتعدوا عنها طاعة لله ولرسوله

http://forum.hwaml.com/imgcache2/hwaml.com_1329369837_314.jpg (http://www.7arir.com/)

[ام روفيدة]

نوضوا يا خميرات النوم الساعة سبعة اعجنوا الخبزة وولعوا الحطب وحطوا الشاهي على النار و ارموا خبزة التنور وجيبوا صونية زيت الزيتون وتعالوا خلي نفطروا فطور عرب الجبل هههههههههههههههه

[ام روفيدة]

هيا بسلامتكم توا خلي انوض انصلي الفجر توا كيف خش وقته عندنا توا الساعة ستة إلا خمسة وانتم الساعة 8 الا خمسة

[saly.me.91]

السلام عليكم

ويــــــــــــــــــــن
ام معاد
تم ورد
زهرة
وقروب الصباح.. هياااا نوضو عاااد

يقــــــــــــــــــــن حبيبتي ان شاءالله الف لاباس عليك والحمدلله
اتفكيتي منه اللولب احسن من يضايقلك البيبي وان شالله طهور
عليك انتى وجنينك ربي يحفظكم يااااارب...على ما اتصلت بيك يقولي مقفل
بس اطمنت هلبا امبارح والبركة في اختنا ام كنانة جزاها الله كل خير ماقصرتش مسكينة
المهم توا بعد الربط حافظي على روحك واستريحي قدر ماتقدري وماتجهديش نفسك..اسأل الله ان يحفظك

[ام قصى محمد]

السلام عليكم كيف الحال
من موجود انا جيت

[ام قصى محمد]

نوضوا يا خميرات النوم الساعة سبعة اعجنوا الخبزة وولعوا الحطب وحطوا الشاهي على النار و ارموا خبزة التنور وجيبوا صونية زيت الزيتون وتعالوا خلي نفطروا فطور عرب الجبل هههههههههههههههه
جوعتينى مروحه من المدرسه جيعانه
كيف حالك ام رويفيده وكيف حال جزومى وهلك الى بليبيا الله يرجعكم لها سالمين غانمين
مشكوره على النصح والافاده اول مره نعرف ان الاحتفال بالاعياد الاستقلال حرام
مشكوره بارك الله فيك

[ام قصى محمد]

الحمدلله ان يقونه بخير
انا نستاذن شكلى بروحى بس لما نخش فى الليل ان شاء الله نلقاكم

[ام معاد]

السلام عليكم كيف حالكم اليوم

[زهرة2000]

السلام عليكم ورحمه الله وبركاته كيف حالكم كلكم
يقونه ربي يقومك بالسلامه انت والبيبي
ام معاد وسالى كيف حالكم اليوم بعد فجعه يقونه ربي يشفيها

[ام معاد]

اهلين زهورة كيف حالك وحال بنيتك والحمل

[saly.me.91]

حي ع الكسااااااااااااااااااااااااااااااااااااد؟؟؟؟؟؟؟؟؟ ؟؟؟؟؟؟؟
هرب الضي وجي ودرت ع المنتديات والدنيا كلها وقاعدة الدنيا مكسدة هنايا
ياغيبتك ياسوسو..........

[ام معاد]

تي منبكري واني نراجي فيك

[saly.me.91]

هلا والله
ماشفتكمش وانا خاشة شوركم كنتو ف الكوجينة

[زهرة2000]

تى غير سلمى قبل ههههههههههههههههههههه قوليلى شن تاخدى من ادويه ساليتو

[ام معاد]

تعرفي نفرح لما يهرب الضي في النهار

[saly.me.91]

شن احوالكم انتو وصغاركم

زهورة انتى علاش رابطة؟؟معليشي عندي ذاكرة ضعيفة

[ام معاد]

ايه والله الا في الكوجينة وطلعت القيت بنتي نازلة من السرير بروحها خخخخخخخخخخخخخخخخخ

[saly.me.91]

ناخد ف فيتامينات حبة فيها مجموعه فايتمنز وحبتين كالسيوم وحبة حديد
ونص حبة مرتين باليوم يوتوبار لتهدئة الرحم

الصبح قلت لامي انا مولية زي العزايز بشكارتي متاع الدوا..هههههه

[زهرة2000]

ههههههههههه عندى ضعف فى عضله عنق الرحم وانا ناخد فى لفيتامين مع حديد وكاليسيوم مع ماغنيسيوم

[saly.me.91]

ادعولي ربي يسخرلي من السفر يااااااااااااااااارب

[زهرة2000]

ليش تاخدى فى حبتين كاليسيوم واجد يديرلك امساك راه والامساك مش كويس وخاصه وانت رابطه ؟

[ام معاد]

ووووووووووووو تعرفي قداش مانتهاون في اخد الدوا في الحمل مرات انلوح فيهم في الكناسة حشاك باش راجلي يقول اخدت هههههههههههههههههههههههههههههه

[saly.me.91]

باهي ياهمي الضعف كيف عرفوه يعنى حملتي قبل ورميتي مثلا ولا في حملك هدا كشفو عليك لقوو الرحم مستاسع؟؟؟؟

[زهرة2000]

ان شاء الله ربي يقدم الى فيه الخير لكى واللبيبيز
انا لتهدئه الرحم ناخد فى كاليسيوم مع ماغنيسيوم قالو الماغنيسيوم يهدى الرحم

[saly.me.91]

اليوم رفعو ملفي للجنة انشالله خيـــــــــــــــــــــر

[saly.me.91]

اسكتى الامساك هدا من قبل الكالسيوم مانمشيش الا بالتحاميل وووووووووه منهم

[saly.me.91]

من قالهالكي ع الماغنيسيوم؟؟ الدكتوور؟

[زهرة2000]

ان شاء ربي يسهل وتحصلى يارب بس ماتخفيش بنت عمى حتى هيا زى حالتك بعد تلات سنوات حملت بتلات توائم وجابت فى ليبيا وربطت وجابت فى اول التاسع او نهايه التامن جابنت عبد الرؤؤف وعبد الرحمن ومريم ما شاء الله عليهم حتى حضانه ماحطوهمش

[saly.me.91]

ماشاء الله عليهم
ان شالله ربي يهونها عليا وييسرلي ونشوف بيبياتي سليمين ياااااااااارب

[زهرة2000]

ايه وانا قريت عليه بعده لقيته صاح يهدى ويرخى العضلات الداخليه
انا مجهضه فى نهايه الرابع فربطت

[saly.me.91]

شوية ونجي ماتهربوووووووووش

[زهرة2000]

ان شاء الله ربي يسهل عليك وتشوفى عويلتك بكامل الصحه والعافيه وصحيحين يارب ياجبار الخواطر تجبر بخاطرها
شنى ناويه تسمى ؟

[زهرة2000]

شن طيبتو داكم ولا شن ناويين اطيبو ؟

[saly.me.91]

اها ربي يعوضك خير انشالله
يومتها وريتيني صورة بطنك..نحس فيها اصغيرة صاح؟؟

[saly.me.91]

تجيني نخصات في اسفل الرحم كان في عنق الرحم عرفتي زي الكهرباء
سألت الدكتور قلي من الخيط انتاع الربط خيط حاد يبز

[saly.me.91]

شنو نسمي؟؟؟؟؟؟؟؟؟؟؟
هههههههههههههه
غير يولد ويسموه

[saly.me.91]

شوفو هه هربو..............

انخط عليكم راه"""""""""""

[زهرة2000]

تجيني نخصات في اسفل الرحم كان في عنق الرحم عرفتي زي الكهرباء
سألت الدكتور قلي من الخيط انتاع الربط خيط حاد يبز
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لالالالالا انا مانحس بيهن وكيف حاد لالالالا مافيش منه الكلام هدا شوفى لو النغزات زى المنخاص راه خطيره ضروري تمشي للمستشفى hwaml10

[شمس الزمان]

السلام عليكم كل عام وانتو ابخبر

[زهرة2000]

شنو نسمي؟؟؟؟؟؟؟؟؟؟؟
هههههههههههههه
غير يولد ويسموه
بالعكس اول حاجه تخطر فى بالك الاسم وتقعدى تفكرى انت وزوزك وتتعاركو ع الاسم انت تقولى حلو وهو يقول لالالا وطبعا يقولك نبي نسمى ع امى ولابوى هههههههههه وانت تنجنىhwaml17 تقوليله انا نحمل ونتعب ونجيب وانت تسمى لالالالالالالالا هههههههههههههههههhwaml15

[شمس الزمان]

كيف حال ياسالي او يازهوره

[زهرة2000]

اهلين شموسه كيف حالك وحال الحمل وبنتك و ان شاء الله بنجاح خلاص وتيتى روحك للسفر

[شمس الزمان]

شن جوكم مع السقع

[زهرة2000]

لالالا بطنى عاديه بطن وحده فى نهايه السابع هههههههههههههه زيدى حطيها تو نوىيهالك

[شمس الزمان]

والله الحمد لله موعدي مع الدكتوره الاحد الجاي ان شالله اتطمني
والسفر والله قاعده انلم في شقتي اونجري عل السوق وان شالله غير ما نسى شي اوكلا الدراسه خليها عل الله

[saly.me.91]

اهلين شموسة كيف حالك انتى

[عيون زوجي]

السلااااااااام عليكم

كيف حالكم ووينكم وشنو الجو؟؟؟

يقونه زوزك جابلك اللاب توب خشي طمنينا عاد؟؟؟

سالي وزهرة ربي يسهل اعليكم وتنوضوا بالسلامه

ام روفيده انستي وخوي نورني زيك بارك الله فيك حصلتي اجرنا

ام معاد حي اعليك لو بنتك حصلت فشخه على راسها ابو عبدالرحمن ماهو راحمك من عركه

سورينااام خشي توا توا

ام ناريز وين صورة دار النوم؟؟

[saly.me.91]

بالعكس اول حاجه تخطر فى بالك الاسم وتقعدى تفكرى انت وزوزك وتتعاركو ع الاسم انت تقولى حلو وهو يقول لالالا وطبعا يقولك نبي نسمى ع امى ولابوى هههههههههه وانت تنجنىhwaml17 تقوليله انا نحمل ونتعب ونجيب وانت تسمى لالالالالالالالا هههههههههههههههههhwaml15

ههههههههههههههههههه والله الا صح صار الكلام هدا
بس قبل مانحمل خخخخخخخخخخخخخخخخ
وتوا مسكتة هوا خاطره يسمي محمد وحتى انا خاطري فيه مع انه اسم زوجي
بس كذلك اسم خوي المتوفى وكان ولد تانى بنمي حاتم حتى هوا خوي
والبنيات شوري انا هههههههههههه

[شمس الزمان]

والله يازهوره ان شالله الاحد عندي موعد مع الدكتوره
والسفر والله قاعده انلم في شقتي او نجري عل السوق كل اشويه طالعتلي حاجه
كلا الدراسه ربي يستر واخليها علا الله

[saly.me.91]

اهلين عيون شلونش؟؟
تعاليلي جاي شوية ف التركينة نبيك خخخخخخ
لما سافرتي لالمانيا على اما خطوط ياعيوني

[شمس الزمان]

خيرات يا عيون كيف الحال وشن دايرين مع السقع

[شمس الزمان]

سامحوني النت ضعيف اويقهر

[زهرة2000]

خيرات عيون شن اخبارك واخبار الصغار

[شمس الزمان]

خير ياسالي وين امسافره

[عيون زوجي]

شموسه ربي يسهل اعليك وتمشي بالسلامه وتجيك القدااام

[زهرة2000]

ها شن طيبتو غداكم؟؟؟؟؟؟؟؟؟؟؟؟؟

[شمس الزمان]

سلمك ياعيون ياغاليه

[شمس الزمان]

انا غديا كسكو بالخضرا

[عيون زوجي]

سالي يا احبيبه مشيت على الخطوط التركيه وكانت مريحه

الله يسلمكم يا غاليات زهورة وشموسه

[عيون زوجي]

انا درت دحي مقلي للصغار وبوهم متغدي برا بس للعشي جابلي جمبري

ومانعرفش انطيبه الا قلي زي طريقه مكادونالدز

منو فيكم تعرف اطيبه مع الرز؟؟؟؟

[عيون زوجي]

شوفوا الطحالب كيف مقهورين من التكبير هههه


http://forum.hwaml.com/imgcache2/hwaml.com_1329399450_327.jpg

[ام معاد]

اهلا عيون كيف حالك ، لالا طلعت منها كان هدا نهاري ابيض

[شمس الزمان]

طيح والله سعدهم
هذي من قهرتهم