دردشة بنات ليبيا , دردشة حوامل ليبيا , تجمع بنات ليبيا

[saly.me.91]

تعالو جاي ويــــــــنكم
امبارح ساهرة للساعه 2 واليوم نضت الحداش ونص فتحت 12 ونص وهرب الضي طووووووووول لا توا

[زهرة2000]

خيرات كيف حالكم مين موجود
سالى كيف حالك اليوم وربي يرحم شهداءنا ويدخلهم الجنه يارب

[saly.me.91]

الله يبارك فيك يقونة...كيف حالك اليوم انتى وفطومة
ام ورد وام معاد كيفكم
زهرة وعيون كيفكم ووينكم ماهناك حد

[زهرة2000]

هيا قوليلى شن فطرتى وشن غداك ههههههههههه تعرفى تشجعى فيا ع الاكل بارك الله فيك ههههههههههههه

[saly.me.91]

زهرة حالي الحمدلله بس جنبي حالة الله المستعان متعبني البيبي اللي فوق
قلت لامي لما بنجيب انشالله بنقول للدكتور البيبي اللي هنا خليه ع جنب
باش نعاقبه ع اللي كان يدير فيه ههههههههههه

[زهرة2000]

تعالى قوليلى كيف حصلتى عليه اللقب اكيد بالواسطه ههههههههههههههههههههههه عارفاتك الايام الى فاتة كلها مع مديره المنتدى ههههههه

[زهرة2000]

زهرة حالي الحمدلله بس جنبي حالة الله المستعان متعبني البيبي اللي فوق
قلت لامي لما بنجيب انشالله بنقول للدكتور البيبي اللي هنا خليه ع جنب
باش نعاقبه ع اللي كان يدير فيه ههههههههههه
هههههههههههه ربي يخليهم ليك وتشوفيهم ع خير وبصحه جيده ههههههه شكله بيطلع مشرانى ههههههههههه ويتعبك hwaml12

[saly.me.91]

هيا قوليلى شن فطرتى وشن غداك ههههههههههه تعرفى تشجعى فيا ع الاكل بارك الله فيك ههههههههههههه

هههههههه ضحكتيني باهي كويس اني ساهمت بحاجة في المجتمع
فطرت دحي مقلي وهريسة وجبنة وزيتون وشاهي...وغداي مقطّــــــــعhwaml02 وانتى؟؟؟؟؟؟؟؟؟؟؟ظ

[زهرة2000]

سالى ان شاء الله الاسبوع الجاى تخشي للسادس ما شاء الله ولاحوله ولاقوه الابالله ربي يتمم ع خير يارب

[saly.me.91]

تعالى قوليلى كيف حصلتى عليه اللقب اكيد بالواسطه ههههههههههههههههههههههه عارفاتك الايام الى فاتة كلها مع مديره المنتدى ههههههه

قل اعوذ برب الفلق... هههههههههههههه يالله تغيير جو خير من الكساد

[زهرة2000]

انا فطرت شاميه وحليب هههههههههههه والغدى بكبوكى ههههههههههه

[saly.me.91]

سالى ان شاء الله الاسبوع الجاى تخشي للسادس ما شاء الله ولاحوله ولاقوه الابالله ربي يتمم ع خير يارب

آميـــــــــــــــن يارب ان شاء الله على خير ياربhwaml13

[زهرة2000]

قوليلى شنى زوزوك جابلك البوكسات ؟ فاتحه محضر تحقيق هههههههههههههههههههه

[زهرة2000]

يقين ان شاء اليوم احسن ربي يقومك بالسلامه يختى

[زهرة2000]

وينكم شكلى بروحى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[saly.me.91]

اي خديت 2 boxes.. واحد pink وواحد blue

[أم ورد]

السلام عليكم
كيف حالك يا سالي وألف مبروك
توى نستأذن منكم جاييني ضيوف
وووووووووك منهم ضيوف الغفلة ههههههههههه

[ام معاد]

السلام عليكم ، يقين كيف حالك وحال فطومة ، سالي كيف حالك وماعينكش فيه انت غر جيبي وهاتيه لولدي تو ايعلمه الادب علي اصوله ههههههههه، تعرفي يازهرة اخر مرة اتطيبي واني انضم لماعين تسمعي فيا والانزيد انصيح هههههه المهم كيف حالك وحال لين وزوزك

[زهرة2000]

سالى وين الصور حطيهم نشوفهم

[زهرة2000]

سالى وهدا هديه منى http://forum.hwaml.com/imgcache2/hwaml.com_1329484294_704.jpg

[زهرة2000]

ام معاد انت ساد ولدك وهو يحوس فى المطبخ ضمى حوسته ياماما عيين منه ووووووووووووووو

[ام معاد]

خخخخخخخخخخخخخخخخخخخخخ اني ولدي مايخشش للمطبخ خلي ولدي في حاله بنتك تحوس وتحطي فيها في راس ولدي

[ام معاد]

http://forum.hwaml.com/imgcache2/hwaml.com_1329485900_286.jpg صحة البكبوكي يازهرة وماتنسيش لماعين خخخخخخخخخخخخخخخخخخخخ

[saly.me.91]

سالى وين الصور حطيهم نشوفهم

صور شنو العفو؟؟

[saly.me.91]

نتغدى ونجيــــــــــــــــــــــــكم
ااااااااااه جعااااااانة

[saly.me.91]

عشرين دقيقة ومزال ماهناك حد....هي بالسلامة امالا

[saly.me.91]

بناااااااااااات ليبيا

ادخلو للموضوع هذا وشوفو الصفحه رقم 2 بعد قراءة الصفحة 1 وقيمو اجاباتي

بانتظااااااااااااااااااركـــــــــــم

http://forum.hwaml.com/t97255.html

[زهرة2000]

صور شنو العفو؟؟
ايه يابت بتستعبطى ولا ايه صور البوكسس هههههههههه hwaml4
وشنى ماعجبكش السرير الى بعتها لكى ؟؟؟؟؟؟؟؟؟؟؟

[أم مُحمد]

السلام غليكم وكل عام والجميع بخير
بمناسبة الذكرى الاولى لثورة السابع عشر من فبراير
وتحيه لاسر الابطال الشهداء بهذا اليوم العظيم
وعاشت ليبيا حره ابيه

[saly.me.91]

مشكورة يازهرة
ليــــــــــش المنتدى مكسد اليوم؟؟؟؟

[زهرة2000]

وووووووووووو كساد وينكم العفووووووووووووووووووووووو

[عيون زوجي]

السلام عليكم وكيف حالكم توا

ام ورد سامحيني الضي هرب من قبل الجمعه جي العصريه

عمي ( شيبانيا ) اتغدى عندي اليوم درت بازين باللحم والبطاطا والدحي انودكم بيه

وفاكهه وعصير طبيعي ( الليم الدمي ) وطاسة شاهي باللوز

العشية خشت عليا حماتي وبنياها وحده مخطوبه والتانيه متزوجه

درت عصير طبيعي لانه واتي ولونه وطعمه واااو

وخليتهم وطيبت كب كيك بالشكلاطة عالسريع طلعتها مع الكابتشينو

ودرت فاكهه وتوا كيف روحوا بسليمتهم تمنيتهم قعدوا هدرزتهم لا يمل منها ماشاءالله عليهم

وتوا بروحي بنتي عالرسوم وولدي راقد وبوهم برا طالع

هادي قصة حياتي اليوووووم اخخخخخخخخ

[عيون زوجي]

نسيت انقووووول عشاي ان شاءالله امبطن ( احلى شي) ومش عارفه شنو انديررر

قولولي شنو اندير معاه؟؟؟؟

[عيون زوجي]

امس في مصراته تم زف اكتر من 15 عريس الف الف مبروووووووك ليهم واللقطه يلي خلتني نتكلم عليهم انهم في العرس ما سيبوش صلاتهم ولما دخل وقت الصلاة اصطفوا وراء الامام وصلوا


http://forum.hwaml.com/imgcache2/hwaml.com_1329498754_720.jpg

[عيون زوجي]

ساااااالي مبروك عليك الاشراف

بنسئلك واعلاش اختاروووك وشنو هي مهمتك بالزبط؟؟؟


لازم تجاوبي

[عيون زوجي]

اذا تم كسرُ بيْضة
بواسطَة قوّة (خارجيّة ) ، فإنّ حياتها قد انتهت
ۈ إذا تمّ كسر بيضَة
بواسِطة قوّة ( داخلية ) ،فإنّ هنَاكَ حياة قد بدأَت
الأشيَاء العظيمة دائماً تبدَأ من الدَّاخل

[sosolibya]

السلام عليكم
كيف الحال
ليكم وحشة

شن هالنت يللى عندكم هدا
واااااااااااااااااااااااااااااااك
محلى نت الاردن على متعكم
كرهنى فى عيشتى
ملجححقتش نقرأ حتى يللى فاتنى

[عيون زوجي]

نمشي لكوجينتي واقعدوا فيها ولا وحده فيكم اتخش اتهدرز واتجيب معاها حويجه ناكلوها ونهدرزوا الله الله عليكم.. الصاحبات زمان كانوا يلتموا كل عشيه وكل وحده ادير حاجه في حوشها وتجيبها معاها

[عيون زوجي]

سوسو ...الحمدلله على سلامتك وشنو جو تجهيزات عرس خالتك وسامحيني يا احبيبه بنضطر نطلع للكوجينه بندير العشي بالكثير نص ساعه وراجعتلكم ان شاءالله

[sosolibya]

وييييييييييييييينكم
عيب عليكم مشتاقة لييييييييييييييييكم

[ام معاد]

السلام عليكم تي غر تعالي هني ياعيمن نحكيلك قصتي اليوم خخخخخخخخخخخخخخ طبعا زوجي طلع للعمل من قبل الجمعة وبعدين اقعدت علي الحوش درتله ضمة باهية وطيبت للصغار غداهم بكبوكي وتوا صغاري ناموا واني قعدة بروحي وفاضيتلكم خخخخخخخخخخخخخخ

[ام معاد]

سوسو الحمد لله علي سلامتك وشن جو الزاوية

[sosolibya]

انا كيف وصلت فى صفحة يقين مريضة
انشاء الله سلامتها
يس قولولى شن صار فيها

[ام معاد]

خطروا عليا ايام القصف وووووووووووووووووووووووووووووووو الله لا تعودها

[ام معاد]

نحولها اللولب وربطولها

[ام معاد]

http://forum.hwaml.com/imgcache2/hwaml.com_1329501709_791.jpg عيون احسبيني في المبطن

[sosolibya]

الحمد لله ريحتينى
لان دوتكم هلبة وماوصلتش فى شن صار فيها
انت كيف حاللك وحال صغارك
الزاوية معبية نقاط للاحتياط
ربى يرزقهم ويخنيهم
والله ما بعدهم من الصقع

[ام معاد]

اني الحمد لله والصغار اكويسين حمودة كيف حاله

[ام معاد]

رغغغووووووووووووووووووووووووووووووووووووووووووووود ة استاحشتك وان شاء الله المانع خيررررر

[ام روفيدة]

السلام عليكم ورحمة الله وبركاته

كيف حالكم كلكم؟

عيون صحتين البازين وربي يكتب لك اجر اكرام الضيف وياريتك صورتيلنا الكب كيك من 11 يوم فاتوا درت طلبية من الانترنت في زوز طواجين سليكون ومعاهم حاجات ثانية المهم طواجين السليكون واحد كبير وتشكيلته إيهببببببببببببببل والثاني امتاع كب كيك على شكل وردة دوار الشمس حتى هو فضيع وخديت قطعة سليكون خاصة بالرسم على عجينة اللوز وعجينة السكر واسمها imprint mat مش عادية حتى هيا وخديت ياحنة تاكم فيه 100 قطعة خاص بتزيين الكيكات والتورتات وخديت قالب فيه اربع وردات مختلفات فظيع حتى هو اتصبي فيه الشكلاطة السايلة وتزيني بيها الكيكات المهم الطلبية وصلت وفرحححححححححححححااااااااااااااااااااااااااااااااان ة بيهم قريب انطير ههههههههههههههه هههههههههههههههههه

[sosolibya]

سامحونى قاعدة مالهيتش نسأل عليكم بالوحدة
للانى نقرأ فى دوتكم الزايدة هههههههههههه
واصلة فى 807

[ام روفيدة]

قال رسول الله صلى الله عليه وسلم : ( اشتكت النار إلى ربها فقالت : يارب أكل بعضي بعضًا فأذن لي بنفسين ، نفس في الشتاء ونفس في الصيف ، فهو أشد ما تجدون من الحر ، وأشد ما تجدون من الزمهرير ) متفق عليه ، والمراد بالزمهرير شدة البرد .

قال ابن رجب : فإن شدة برد الدنيا يذكر بزمهرير جهنم .

وهذا ما يوجب الخوف والاستعاذة منها ، فأهل الإيمان كل ما هنا من نعيم وجحيم يذكرهم بما هناك من النعيم والجحيم حتى وإن شعر القوم بالبرد القارس فيدفعهم هذا إلى تذكر زمهرير جهنم ، ويوجب لهم الاستعاذة منها ، ويذكرهم بالجنة التي يصف الله عزوجل أهلها فيقول عزوجل ( مُتَّكِئِينَ فِيهَا عَلَى الْأَرَائِكِ لا يَرَوْنَ فِيهَا شَمْساً وَلا زَمْهَرِيراً ) الانسان 13

قال ابن رجب : فنفى عنهم شدة الحر والبرد .

قال قتادة : علم الله أن شدة الحر تؤذي وشدة البرد تؤذي فوقاهم أذاهما جميعا .

فيدفعهم هذا إلى النصب وإلى التهجد فكل ما في الدنيا يذكرهم بالآخرة

[saly.me.91]

السلام عليكم
شن اخبار الموجوديــــــــــــن
يقين ماخشيتيش اليوم فقدتك

رغوووووووووووودة والاء ليهم هلبا ماخشوش
ميمي ليـــــــــك وحشة ياعسل

انا جايني قوزي وبايت معاي معناها الليلة مش ح تشوفووووووني
غير لان توا يتوضأ للصلاة

غدوة ان شاءالله نبيكم الكل واقفين طابور هنا نبو نهدرزو عاد ياسركم من الكسل

وخشيتو ولا لا للموضوع اللي قلتلكم عليه..واااااااااك نشحت فيكم شحته

غدوة البنات اللي بيخشو بنحكيلهم حاجات عرفتها جديدة

عيووووووووون لالالالازم تقوليلي الحاجة اللي هاداكا اليوم شوقتيني عليها ..متاع لما قلتيلي بنقولك حاجة بس راك تخافي.. قاعده مانسيتهاش ره
سوسو حمدلله ع سلامتك وليك وحشة هللللللللبا يانوارة التجمع

نستأذنكم توا في حفظه

[ام روفيدة]

ام قصي يا حبيبة كيف حالك وكيف حال سنافرك أني وحزومي بخير ونعمة ولله الحمد والمنة

[ام معاد]

كيف حالك يا ام روفيدة وحال حازم وزوزك ومبروك الطلبية اتعيشي وتشري

[ام روفيدة]

تفسير سورة الكافرون من كتاب تيسير الكريم الرحمن في تفسير كلام المنان للعلامة عبد الرحمن بن ناصر السعدي رحمه الله

بسم الله الرحمن الرحيم

(قل يا أيها الكافرون ) : أي قل للكافرين معلنا ومصرحا

(( لا أعبد ما تعبدون )) : أي نبرأ مما كانوا يعبدون من دون الله ظاهرا وباطنا .

(( ولا أنتم عابدون ما أعبد )): لعدم اخلاصهم لله في عبادته فعبادتهم له المقترنة بالشرك لا تسمى عبادة ثم كرر دالك ليدل الاول على عدم وجود الفعل والثاني على ان دالك قد صار وصفا لازما .

ولهدا ميز بين الطرفي وفصل بين الطائفتين فقال : (( لكم دينكم ولي دين )) كما قال تعالى (( قل كل يعمل على شاكلته )) وقال تعالى (( أنتم بريئون مما اعمل وانا بريء مما تعملون ))

[ام روفيدة]

كيف حالك يا ام روفيدة وحال حازم وزوزك ومبروك الطلبية اتعيشي وتشري

الحمد لله اني وحزومي بخير ونعمة وسلمك يا حنة وكيف حالك انتي وسنافرك وزوزك ؟

[ام معاد]

عيون نبي طريقة الكب كيك لو سمحتي

[ام روفيدة]

قال عمر ابن الخطاب -رضي الله عنه-: "ما أعطي عبدٌ بعد الإسلام خيرًا من أخٍ صالح".

[ام روفيدة]

للهم إني أسألك من كل خير خزائنه بيدك، وأعوذ بك من كل شر خزائنه بيدك» [حسنه الألباني

[ام معاد]

الحمد لله والصغار اكويسين عبدو ارقد من لساعة سبعة وربع

[ام روفيدة]

كلمة العلامة ربيع بن هادي المدخلي لشعب السوري

http://www.youtube.com/watch?v=1GgHcqeBfnQ

[ام روفيدة]

وشن درتي عشاك حتى اني حزومي رااااااااااااقد

[ام معاد]

مادرتش زوزي عمل اكليت توست والصغار مكرونة من الغدي

[ام معاد]

نمشي انصلي

[ام روفيدة]

كتاب بلوغ المرام من ادلة الاحكام

كتاب الصلاة

باب الحث على الخشوع في الصلاة

عن ابي هريرة رضي الله تعالى عنه قال : نهى رسول الله صلى الله عليه وسلم أن يصلي الرجل مختصرا . متفق عليه واللفظ لمسلم ومعناه ان يجعل يده على خاصرته وهدا ما نهى عنه الرسول صلى الله عليه وسلم
وفي البخاري عن عائشة رضي الله تعالى عنها قالت : (( أن دالك من فعل اليهود ))

عن عائشة رضي الله تعالى عنها قالت : سألت رسول الله صلى الله عليه وسلم عن الالتفات في الصلاة ؟ فقال : (( هو اختلاس يختلسه الشيطان من صلاة العبد )) رواه البخاري .

وعن ابي هريرة رضي الله تعالى عنه - أن النبي صلى الله عليه وسلم قال : (( التثاؤب من الشيطان فإدا تثاءب أحدكم فليكظم ما استطاع )). رواه مسلم والترمدي وزاد ((في الصلاة ))

[ام روفيدة]

http://forum.hwaml.com/imgcache2/hwaml.com_1329504848_339.gif (http://www.7arir.com/)

[ام روفيدة]

عن أبي هريرة رضي الله عنه: «أن أعرابيا أتى النبي صلى الله عليه وسلم فقال : "دلني على عمل إذا عملته دخلت الجنة؟"، قال: "تعبد الله ولا تشرك به شيئا، وتقيم الصلاة المكتوبة، وتؤدي الزكاة المفروضة، وتصوم رمضان"، قال: "والذي نفسي بيده، لا أزيد على هذا"، فلما ولى، قال النبي صلى الله عليه وسلم: "من سره أن ينظر إلى رجل من أهل الجنة، فلينظر إلى هذا"» [رواه البخاري].

[ام روفيدة]

قال أبو سليمان الداراني: "الزهد: ترك ما يشغل عن الله".

[ام روفيدة]

وينك يا عيون هيا قعدتي ساعة مش نص ساعة هيا مستاحشاتك ونبي انهدرز معاك

[عيون زوجي]

السلام عليكم

ام روفيده الغاليه كيف حالك وحال حزومي وسهفتيني على الحاجات يلي شريتيهم الله يا احبيبه سعدودك تقدري تشري شنو يعجبك عالنت امتى تولي ليبيا هكي وتتطور في ظل الخير والدين ونقدروا نشروا ونحجزوا عالنت
نبيك تصوريلي شنو شريتي ضروري؟؟؟

[عيون زوجي]

http://forum.hwaml.com/imgcache2/hwaml.com_1329508616_384.jpg

http://forum.hwaml.com/imgcache2/hwaml.com_1329508616_905.jpg


http://forum.hwaml.com/imgcache2/hwaml.com_1329508615_560.jpg


زي هذا fondant imprint mat صح ايهبل الله نبي منه دبريلي ما دخلنيش فيك نعرف اهل الزنتان يفدوا اخخخخخخخخخ

[ام معاد]

اهلا بعيون وصحة عشاك

[sosolibya]

الله غالب على 3 ايام غياب مافيش حد استاحشنى

[عيون زوجي]

الله يسلمك يا ام معاد تعالي ارفعي حصتك خليتلك امبطن يا غاليه

[ام معاد]

سوسو شن اتعشيتي

[ام روفيدة]

[SIZE="7"][COLOR="Red"]يعطيك الصحة يا عيون جبدتيها قطعة السليكون هههههههه

لكن اني هده يلي خديتها
http://forum.hwaml.com/imgcache2/hwaml.com_1329509068_720.jpg (http://www.7arir.com/)


وحااااااااضر غدوة بإدن الله انصورهم لك الحاجات]

[عيون زوجي]

سوسو بلا حرج بكري حمدتلك على سلامتك ما ردتيش اعليا بكل الله غالب شنو بنديرلك

يا ستي عسلامتك وكيف حالك وحال حمودي والبنبينو

[ام معاد]

صحيتي جيت خديته ومدتهولي سارة ياوخيتي سلمها

[عيون زوجي]

استاحشتك الله لا يغيبك اعلينا وان شاءالله المانع خيررر


ايه جبدتها هههههههه عجبتني نبي منها بس اللون الاخضر عندي منه حساسيه ههههههههههههههه

كيف حالك وحال بريطانيا وصقعكم خف ولا مازال؟؟؟

[عيون زوجي]

الف صحه شنو رايك فيه

[ام روفيدة]

الحمد لله حالي بخير ونعمة والصقع يا وخيتي قااااعد لكن اتصدقي إن صقع ليبيا اقوى من بريطانيا بهلبة وعلميا صقع المناطق الصحراوية اقوى من المناطق الغير صحراوية صقع ليبيا يضرب في العظم طووووول

كيف حالك انتي يا غالية وكيف حال السنافر ؟

[عيون زوجي]

الحمدلله يطيروا ويطيروا عقبال ما تخاوي حزومي يارب العالمين ويطيروك ويديرولك قرون زي قروني
بس حلويين ههههههههه

حزومي يتكلم ولسانه مطلوق ولا مازال؟؟؟؟

[عيون زوجي]

شنو تعشيتي؟؟؟؟

[sosolibya]

شج
ام معاد انا تعشيت طبيخة بقوليات سخونة تهبللللللللللل
والله صقع بلادكم يبى الماكلة
والليل طويل فيسع مانجوعو
والثلج يبى حاجة دااااااااااااااااااااافية


عيون تسلمى حبيبتى
انا قلت ما استاحشنى حد مش ما سأل غليا حد
ومشكورة حبيبتى

ام روفيدة كيف حالك غير عدلى

[ام روفيدة]

لالالالالالالالالالالالالالالا عشي شنو يا عيون انا لازلت صامدة على رجيمي الصامد في بيتي الصامد ههههههههههههههه

توا بنمشي نشرب 4 كاسات شاهي اخضر من غير سكر

[عيون زوجي]

بالعكس خليتي مكانك وفقدناك يا سوسو لانك كنتي اتخشي كل يوم ومواضيعك هلبه وشيقه

[عيون زوجي]

ربي يقويك ويعطيك من وسعه يا ام روفيده يا بنت ام ام روفيده


بنسئلك صوت المقطع الصوتي يلي نزلتيه للشيخ المدخلي مش واضح ويلي فهمته انه ضد مظاهرات الشعب السوري صح ولا فهمت غلط

[sosolibya]

مشكورة حبيبتى عيون انشاء الله ماتفقدى غالى





ساااااااااااااااااااااااااالى
كيف حاللك حبيبتى
عجبتنى كلمتك لما قلتى
ياغيبتك ياسوسو

[ام روفيدة]

حزومي بدي يتكلم ايقول ما ما وبابا ونبي وتبي وصقع وسخون وعمي وخالي وضياء هههههههه هدا صاحب بوه الوحيد يلي حافظ اسمه ههههه ويقول ددا زعميتها جدي ويأدن مع ا الادان لما يأدن والاغرب من هدا كله إنه بدي يتكلم انجليزي يقولyesو no و dady وbig yesو no و dady وbig وسبحان الله وربي شاهد عليا ما علمتهملاش إلا كلمة big شوره يسمع فيا لما نتكلم في التليفون ويلقط مني في الكلمات واول امس كنت في السوق ولما جدت بنخلص سألتني العاملة قالت لي بما معناه تبي كيسة لأني واخدة حاجة وحدة فسألتني نبي كيسة ولا لا امشي قلتلها yes وحازم في الكروسة امشي ناض وقعمز وقاللها no iiiiiiiii قعدت تضحك عليه اقسم بالله كيف ما نحكيلك يا غالية ما شاء الله تبارك الله عليه

وتوا هاني حكيتلك على كليمات حزومي بالتفصيل توا انتي احكيلي على حمودي كيف يتكلم

وبالنسبة للقرون انحس فيهم قريب يطلعولي ههههههههههههههههههههه

[عيون زوجي]

ماشاءالله تبارك الرحمن عليه اوليد الفرح الله يباركلك فيك وتشوفيه من خيرة الناس يارب

حمودي اقل بهلبه هلبه ماما وماما ونبي حتى هو وممه معناها ماكله وزيزه يلي هي المرضعه واميه وهاتي والله اكبر ويقول تكبير ويقول ليبيا حره يشد العلم في الصاله ويبدا يلهد ويعيط ليبيا حرة لين ينبح صوته ومالايم عليه حد

واللغات ما نحكيلك 10 لغاااات اخخخخخخخخخ

صف السادس ان شاءالله باش يقدر يتكلم كلمتين على بعض انكليزي

[ام روفيدة]

يا عيون الشيخ ربيع حفظه الله في المقطع قال يجب على السوريين ان يربوا انفسهم التربية الاسلامية الصحيحة ثم يعدوا العدة للقتال وامرهم يبتعدوا عن المظاهرات ويعدوا العدة للقتال قال لأنه النظام السوري ليس لوحده بل تدعمه ايران وبلدان ثانية سماها وهدا ما جاء على لسان شيخنا الفاضل حفظه الله وشفاه وعفاه اللهم اااامين

[عيون زوجي]

الحمدلله يا ام روفيده فرحتيني لاني خفت اني كنت ضد هالاسد وندعي بالنصر للشعب السوري

بس رح تكون دعوتي من اليوم اللهم اهدي الشعب السوري للحق وثبته وانصره يارب

[عيون زوجي]

ام معاااد وين غطستي ولا جعتي لانك بلا عشي؟؟؟

[عيون زوجي]

تصدقي توا توا على قناة العربيه مذيعه مدايره لقاء مع بعض المتظاهرين قال المذيعه انكم سلفيين وتيار سلفي

اتعوذ من السلفيه وقال لا لا انا لا اصوم ولا اصلي انا واصحابي وهم عددهم 30 والدليل هالقهوه يلي شربتها قدامك واحنا في 11 رمضان

استغفر الله العظيم سبحان الله تفسير لفتوة الشيخ ربيع حفظه الله

لازم يربوا روحهم بالدين والاسلام

[عيون زوجي]

الله المستعااااااااااااان

[عيون زوجي]

عييييييييييييله........


ام روفيده بعثلك رساله عالخاص تلقيها ....

[ام روفيدة]

عيون يا غالية اعطيني نصف ساعة ثانية بإن الله ونرد عليك على الخاص غير مشغولة شويتين هههههههههههههههههه بس وتي عويناتك للقراية خخخخخخخخخخخخ

[عيون زوجي]

رح نحكيلكم علة ابو مرت خوي

اول امس ناض الصبح وصلي فجره وجاب الخبزة لحوشه ولكناينه وطلع

رجع تغدى مع بناته وزوجته ورقد للعصر واموره تمام

بشر زوجته انه رح يمشي يسجلها بيرفعها للعمره معاه هو وبنته لان سعر العمره بدي ارخص في ليبيا ب 750 دينار للفرد هكي قالوا

المهم مشي بعد العصر لحوازته وكمل شنو يبي وتوضأ وبدي يصلي في المغرب

بنت خوه شافاته من بعيد وجت بتسلم عليه استغربت خيره عمها عطل في السجود حركاته بتكلمه لقاته ميت في وضع السجود سبحان الله

الله يرحمه ويغفرله يارب جاته الموت وهو ساجد سبحان الله

[ام روفيدة]

ماشاءالله تبارك الرحمن عليه اوليد الفرح الله يباركلك فيك وتشوفيه من خيرة الناس يارب

حمودي اقل بهلبه هلبه ماما وماما ونبي حتى هو وممه معناها ماكله وزيزه يلي هي المرضعه واميه وهاتي والله اكبر ويقول تكبير ويقول ليبيا حره يشد العلم في الصاله ويبدا يلهد ويعيط ليبيا حرة لين ينبح صوته ومالايم عليه حد

واللغات ما نحكيلك 10 لغاااات اخخخخخخخخخ

صف السادس ان شاءالله باش يقدر يتكلم كلمتين على بعض انكليزي

ما شاء الله تبارك الله على حمودي ربي يحفظه وتشوفيه من السلفيين على الجادة ومن حملة كتاب الله وقوليله قالت لك خويلة الهد واشطح كيف ما تبي مادامها ليبيا حرة ومادامك صغنوووون ههههههههههههه

[عيون زوجي]

خوذي راحتك بنوض انضم الصاله قالبينها صغاري حاله واندير قهيوه وانجي هذا لو زوزي ما سبقنيش عالجهاز

السلام عليكم توا..........

[سورينام]

السلام عليكم ورحمة الله وبركاته

[ام معاد]

وعليك السلام سوري كيف الحال وشن جو بوسليم

[ام معاد]

ام معاااد وين غطستي ولا جعتي لانك بلا عشي؟؟؟
كلمني زوزي علي السكايب لين ناضوا الصغار بعد مافرحت انهم رقدتوا اقعدت معاهم لين رقدوا وتوا جييت

[عيون زوجي]

وعليكم السلاااااااااام

كيف حالك يا سوريناااااااااام

[ام معاد]

hwaml15تي وينكم

[عيون زوجي]

العفو واعلاش زوزك يكلم فيك عالسكايب هو في ليبيا ولا برا منها ؟؟؟؟؟؟؟؟؟؟

[سورينام]

الحمد لله ام معاد كويسة وبوسليم هاااادية رغم ان فيه منصة في نص السوق جيهة منطقة حي ناصر غادي قالو قالبينها العاب نارية وزحمة مش عادية ..

[ام معاد]

اخخخخخخخخخخخخخخخخخخخخخخخخخخخخخخ في ليبيا اخخخخخخخخخخخخخخخ ماهو عمل اليوم من الصبح ماشافناش

[أم ورد]

السلام عليكم كيف حالكم

[عيون زوجي]

كيف حالكم يا جماعه بوسليم عدلوا علينا

[سورينام]

أهلين عيون كيف حالك انتي وعويلتك وعظم الله أجركم في بو مرت خوك ..ان شاءالله ربي يعطينا حسن الخاتمة زيــه

[ام معاد]

الحمد لله ام معاد كويسة وبوسليم هاااادية رغم ان فيه منصة في نص السوق جيهة منطقة حي ناصر غادي قالو قالبينها العاب نارية وزحمة مش عادية ..

امبكري كلمتني صاحبتي قتلي بو سليم ماشاء الله احتفالات وويوزعوا في الشوكولاطة والكيكات

[sosolibya]

كيف حال ليبيا قلبى شورها مااستاحشتنيش

[عيون زوجي]

ياناري على ام معااااد


سوري شكر الله سعيكم كيف حالك وحال صغيويرتك وينك غيااااب يومين

[أم ورد]

ووووووووووووووووينكم

[عيون زوجي]

ام معاد شنو قصه المسابقه يلي نحوني منها وحطوك انتي اخخخخخخخ شنو طلبوا منك ؟؟؟

[عيون زوجي]

ام ورد كيف حالك ووينك من بعد الغدي غطستي؟؟؟؟

[سورينام]

امبكري كلمتني صاحبتي قتلي بو سليم ماشاء الله احتفالات وويوزعوا في الشوكولاطة والكيكات
يا اوخيتي بوسليم كبيييييرة وممكن في جيهتها فيه هكي .. لكن جيهتي اني كلها طحااااااااااااااالب hwaml15 واغلبهم كانو في الكتايب hwaml14
امبكري خشيت نصلي العصر لقيت سارة راكبة عالصالون وطالعة من روشن الصالة تغنيلهم ياطحالب عيشو معانا الله غالب خخخخخخ حتى بنتي صغيرة ومقهورة منهم hwaml17

[أم ورد]

هههههههههههههه جوني ضيوف

[عيون زوجي]

هههههههههه ردي بالك اعليها تتضربها طحلوبه اصغيرونه ههههههههههههه

[sosolibya]

كيف حال كل الموجودات

[أم ورد]

أهلين سوسو كيف حالك شيني جو الزاوية

[سورينام]

سوري شكر الله سعيكم كيف حالك وحال صغيويرتك وينك غيااااب يومين
آآآآآآآآآآآآآآه ياعيون شن بنقولك ؟؟ أولامس طعمنا فراس.. ضربوله يبرا في ايده وفي رجله اللي في رجله امتعباته هلللللللبه ومش قادر يمشي منها رغم لتي درتله الكمادات اول ما روح لكن مش عارفه حيره حتى الحرارة ترتفع وتنزل حااااااله .. والتنقنييييق وووووووه من التنقنيق ما يبينيش نمشي من بحداه ومش قادر يلحقني والله المستعااااااااااااااااان عييييييت والله

[سورينام]

وتوا اهو ناض ايعيييييط

[عيون زوجي]

الله المستعان مشناها مرضت الصغار

لابأس طهور يارب العيل ايطبق الخلوق حمودي موعد التتطعيمه يوم 4/4/2012 مازااال

[ام معاد]

ام معاد شنو قصه المسابقه يلي نحوني منها وحطوك انتي اخخخخخخخ شنو طلبوا منك ؟؟؟

هدا ياحنا فيه مسابقة امدايرتها وحدة بعتتلك رسالة علي الخاص وانت مارديتيش اختارتني اني ورديت عليها قلتها باهي شكلي ماعجبتهاش امشت اختارت سالي

[أم ورد]

لاباس عليه ولدك يا سورينام طهورا إن شاء الله

[sosolibya]

مشكورة ام ورد
الزاوية زيها زى المدن الثانية فرحانة
وللله الحمد وربى يفرح باقى الدول
وبالنسبة ليا طلعت بكرى شوية مشيت لحماتى جايبة فى الصابرية
الطريق زحمة وكلها نقاط تفتيش واحتياط لكل مكروه
ربى يعاونهم
وطبعا توا ماندرى على شىء لاننى بعيدة عن السنتر
انا فى الحوايز

[عيون زوجي]

اخخخخخخخخخخخ ام معاد واعلاش ما عجبتيهاش ههههههههههههههههه

[أم ورد]

عندي حماتي ساكنة في سنتر الزاوية يا سوسو

[sosolibya]

معاك الحق ياسورينام
تطعيمة السنة ونص بروووووووووووووحها
اصعب وحدة
بس لازم توسعى بالك وردى بالك من الحرارة
ديرى كمادات باردة
مع انهم مايحبوهاش لكن بالسيف
ولو اتطريتى ديرى زلابيط اقوى من الشروبو

[عيون زوجي]

ام وسوووونه وين امغطسه خشي بالله اعليك؟؟؟

[أم ورد]

سوسو شيني جو تحضيرات العرس

[ام معاد]

وين نندري عليها ، حالة وخلاص هههههههههههههههههههههههههههه

[عيون زوجي]

يا عليك حاله وخلاص

سالي بدت تلعب تسعه بدت مشرفه صقع علينا

[ام معاد]

اني علي طول انديرلهم زربوط ونديرهلم كمادات باردة غر لما تحطيها ماتقعديش اتهزي في مكان التطعيمة حطيها وظغطي عليها ضغطة بسيطة وخلاص

[سورينام]

صحيتو أم ورد وعيون وسوسو والله ماشي بزرابيط وخلاص توا درتله واحد وآهو على رجليا ونور عند بوها

[أم ورد]

hwaml15hwaml4hwaml15hwaml4hwaml15hwaml4hwaml15hwam l4hwaml4hwaml15

[أم ورد]

صحيتو أم ورد وعيون وسوسو والله ماشي بزرابيط وخلاص توا درتله واحد وآهو على رجليا ونور عند بوها
سلمك حبيبة لكن الليلة باين عليها إلى الصبح شكله بسهرك

[عيون زوجي]

ربي يسهل اعليك يا سورينام مابعدك يا احبيبه 3 صغار مسئوليه وتعب ربي يحفظهم ويعطيك الصحه


احكيلي توا شنو هما فرص العمل يلي جوك ووين بالزبط سواء يلي فوتيها ولا يلي فاتاتك

[sosolibya]

والله بالنسبة للعرس قريب نهبل
لليوم قعدة مامشيت وقلبى عندهم
اول يومين انا بين الحوش والزوار
وبعدين هما بيجو ماصارش
وعندنا عزى بعيد شوية مالهيتش بيه راجلى مرض فى هالصقع يللى عنجم وتسكر وحاااااااالة
والله محلى الاردن على هنا غادى مانشوفوش فى الصقع بكل
انشاء الله تولى بلادنا باهية وراقية وحتى احنا اديرو تدفئة مركزية
واليوم بنمشى مشى طلعتلى حماتى فى المخطط
لكن غدوة انشاء الله
بنمشى من الصبح
خلاااااااااااااااااااص
معادش نقدر نأجلها اكثر من هكى

[سورينام]

سلمك حبيبة لكن الليلة باين عليها إلى الصبح شكله بسهرك
الله غالب اتعودت خلاص .. تعرفي في بكرتي كنت بنهبل من السهر وتعبت هلللللبة
لكن توا اتعودت عليه ولى حاجة عاااااااااادية وحتى يرقدو هما أني نقعد امفنصة hwaml03 هههههه
والصبح انوض بهمة ونشاط ولا كإنه hwaml7
ان شاءالله عقبال لما تتعودي زي حالاتي وتجي تشكيلنا ياااااااااااااااااااااااااارب

[أم ورد]

اللهم أمين كل شيئ بأجره

[عيون زوجي]

هيا جاوبي سوري

[عيون زوجي]

؟؟؟؟؟؟؟؟؟؟؟؟؟؟؟؟

[ام معاد]

اسمعوا بالله بنسالكم وجاوبوني بسرعةةةةةةةةةةة
















الساعة يادن الفجر بالضبط ؟

[sosolibya]

عيوووووووووووووووووووون
خيرك على سورى
كل مرة اتدكرى فيها بمسؤلية صغارها ربى يقدلارها انشاء الله

وانشاء الله العام الجاى زى هالوقت انكون نقوللك انا فى نفس الكلام
هههههههههههههههههههههههه
عارفاتك ماتبيش
لكن هدا مش بيدك
هههههههههههههههههه
وقوليلى حبيبتى شن مدايرة مانع ارجوكى

[عيون زوجي]

الفجر الساعه 6 وثلت

[أم ورد]

اسمعوا بالله بنسالكم وجاوبوني بسرعةةةةةةةةةةة
















الساعة يادن الفجر بالضبط ؟
الساعة ستة ونص

[عيون زوجي]

اخخخخخ الله غالب سوريناااااام واجعتني ونتخيل في روحي مكانها

سورينام تصدقي في بدايه الاحداث الدورة اتأخرت عليا لين خذيت حبوب التنزيل شكلها قريب شدت معاي وجبت نور تانيه زيك

سوسو قوليلي انتي قبل شنو درتي مانع بعد حمودي

[سورينام]

عيون راجي شوية تو نجاويك .. حولي شوية يا سمينة نبي نكلم ام معاد ضعيفة ماتبانش بكل وراك ...
أيوه هكي باهي .... أم معاد ماتنخلعيش ياحنة الفجر ولي يأذن مرتين .. أني قداش ليا نسمع فيه ومش عارفة علاش يأذن مرة الساعة 6 وعشرة والتانية الساعة السبعة ال ربع مش عارفة علاش ياريت اللي تعرف اتقوللنا . ولد حماتي شأل قالوله قيام الليل الآذان الأول ؟ معقووووووووله القيام الساعة 6؟؟؟؟؟؟؟؟؟؟؟؟

[عيون زوجي]

سورينااااام بنسئلك انتي شنو درتي مانع بعد نور

[ام معاد]

بالكي اقامة مش ادان اخخخخخخخخخخخخخخخخخخخخخخخ

[عيون زوجي]

مرتين اخخخخخخخخخخخخخخخخ قويه

وذانك من السهر انضربوا

اخخخخخخخخخخخخخخخخخخخ

[ام معاد]

عيون شن امدايرة استفتاء للمانع اخخخخخخخخخخخخخخ

[عيون زوجي]

لان اوخيتك ماعندهاش خبرة فيه ههههههههههه

[ام معاد]

تعرفي ياعيون والله فيه مناطق في ليبيا يادنوا مرتين للفجر وسامعاته باوداني ، اني وداني صحاح مش زي سوري هههههههههههههه انبصر عليك سوري

[ام معاد]

تعرفي ياعيون عطشانة ومستكادة انوض نشرب بالله جيبيلي مية وخيتي

[ام معاد]

hwaml15ارقدتوا

[عيون زوجي]

مشيت جبتلك اميه اتفضلي

[أم ورد]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[عيون زوجي]

قصدك زوزك عنده خدمه الليله وانتي بايته بروحك يا ام معاد

[سورينام]

باااااااااهي يا حنة انتي وإياها طلعتوني طرشة والله ماصارها اني اصح حاجة فيا وديناتي ربي يحفضهملي خخخخخخ
مش مرة وحدة مرتين وعزوزتي تصلي في الفجر خاضر يوميا قالتهالي ماصدقتهاش ليت سمعت بروحييييييييي
عيووون .. بالنسبة للمانع .. واقي وياريته من زمااااااااااااااان يا كبدي

[عيون زوجي]

ام ورد اتفنصلي ماتبنيش انجيبلك الميه شنو بينك وبينها

[عيون زوجي]

سورينااااااااام ههههههههه انتي تشبهيلي هلبه هلبه وتخنبي مني في هلبه حاجات

حتى اني اكتشفته بعد حمودي اخخخخخخخخ

حلوة اكتشفته اخخخخخخخخخخ

[أم ورد]

لالا وخيتي جيبلي من التعب مش قادرة انمد إيدي ناخذ الطاسة لانفنص ولانغمض ههههههههههههه هاتي جاي الطاسة خيرك العفو أطلقيها ههههههههه

[عيون زوجي]

ام معاد ام معاد المراه شرقت ام ورد تعالي لوخيتك قريب مشت فيها

[عيون زوجي]

ام ورد ذكرتيني سلامتك اولا ...وبعدها من هما ضيوفك وشنو درتيلهم ؟؟؟؟ احكي التفاصيل بكري كتبتلك تقرير

[عيون زوجي]

http://forum.hwaml.com/imgcache2/hwaml.com_1329520661_805.jpg

[أم ورد]

ام معاد ام معاد المراه شرقت ام ورد تعالي لوخيتك قريب مشت فيها


خيرها الععفو هدا كله عطش هههههههههه

[ام روفيدة]

السلام عليكم

منورين كل يلي موجودين

عيون يا غالية يعلم الله كتبت لك رسالة طويلة عريضة عشرين دقيقة واني نكتب وبعدين جي الاستاد يلي اسمه حازم ايداعك فيا على الكيبورد رص وحدة من البطم امتسح يلي كتبته كله قدر الله وما شاء فعل غدوة إن شاء الله انعاود نكتبهالك ثاني

وتصبحوا على خير وما تنسوش قراءة سورة الملك والسجدة وصلاة الفجر حاضر يا حلوين دكرت نفسي واياكم

والسلام عليكم ورحمة الله وبركاته

[عيون زوجي]

ام روفيده زدتي شوقتيني ربي يسامحه حزووومي

المهم بارك الله فيك عالنصيحه وتصبحي على الف الف خيررر

[سورينام]

عيون الخدمة الـلي فوتتهاهيا خدمتي الاولى في المركز العام لتدريب المعلمين في قرقارش هاذي يا حنى سيبتها لما جبت سرو كنت بعقد ودوامها للساعة 3 ونص وسارة ما خدتليش المرضعة في الاول فما قدرتش نقعدلم رغم انهم يبوووني .. فالحة في خدمتي كنت ادارية ووصلت نائبة رئيسة قسم المحفوظات لكن الله غالب .. وتوا اتصلو يبوني نرجع رفضت لان الدوام هلللبة
والخدمة اللي فاتتني .. التعليم طلبو الاسبوعين اللي فاتو خريجات عالي حاسوب ويوم بنمشي راجلي رجله لعب مبارة معاش قدر ايحركها انتفخت .. على اساس نمشو تاني يوم .. صاحبتي اتصلت قاتلي خدو العدد الكافي وعينوهم اتخيلي قدااااااش تقهر وقالولهم اختارو المدرسة اللي تبوها وبالكثيير عشرةونص وايروحو ......وجعتنيييييييييييييييييي

[ام معاد]

اسمعوا فيه ضرب رصاص زي السبول وووووووووووووووك عليا

[ليبياقلبي]

سسسسسسسسسسسسلام منو موجود

[أم ورد]

يا حنة ضيوفي اليوم العشية نساوين وفي الليل رجالة ههههههههههههه قسمتهم
هذا ياسيتي بعد صلاة الجمعة جارنا كلم زوجي وقاله العويلة جايينكم بعد العصر وزوجي جاني الساعة 3 إلا المهم ديرتلهم عصير وشكلاته وكابتشينوا وكيك وشاهي وبعد المغرب روحوا
والرجالة اصحاب زوجي ديرتلهم عشاهم رزأبيض باللحم والمكسرات وطاجين جبن وشاورما وسلاطة مشوية وطبيخة بطاطا وبعدين فاكها وبعدها الشاهي وبعدين ضميت الكوجينة وووووووووواك منها لما تحوس ههههههههه

[عيون زوجي]

قدر الله وماشاء فعل مش كاتبينلك الزوز الله غالب ربي يكتبلك يلي فيه الخير ويسخرلك الحاااال

[ام معاد]

بنتي تكح افففففففففففففففففف

[أم ورد]

أهلين ليبا كيف حالك وكيف حال حناك

[عيون زوجي]

ام معاد ما تخافيش ان شاءالله خيررر حصني روحك وحوشك بذكر الله

ام ورد تسلم ايدياتك وربي يعاونا كلنا على حوسة الكوجينه

هلا ام ناريز كيف حااالك الليله

[ام معاد]

وين سوري نامت؟

[ليبياقلبي]

هلا ام ورد وهلا عيون الله عالخمس تهبل اليوم احتقالات وجو حلو قوللي عيون علا منو كاتبة

[ام معاد]

تي عيون خيرك كاتبة باللون الاخضر ، اكتشفتك انت طحلوبت سوق الجمعة

[أم ورد]

سلامات تصبحوا على خير
الله أحسن مافيها غدوة عطلة

[ام معاد]

قصدكم غدوة عطلة ؟

[ليبياقلبي]

عيون ايوة حبيبة شن حبيبة قوللي

[عيون زوجي]

بعيييد السو اعليا .......ههههههههههههه

[عيون زوجي]

بنسئلك عن حناك طلعت من المستشفى ولا لا؟؟؟

وكيف حال نوزة؟

وشنو صار في الشيباني ؟؟؟

ووين صورة دار النوووم؟؟؟

[ام معاد]

هيا توا تصبحوا علي خير ، لاتنسوا دكر الله

[عيون زوجي]

http://forum.hwaml.com/imgcache2/hwaml.com_1329522020_182.jpg

[أم ورد]

قصدكم غدوة عطلة ؟
إإإإإإإإإإإإإإإإإإإإإإإإإإإإإإإإإإإإإإإإإإإإإإإيه غدوة عطلة

[ليبياقلبي]

نوزة باهية والشيباني ماصار فيه شي وحاني الحمد لله تو حالتها احسن من بل ودار النوم تو نزلها غير قبل انت ادرى نفيتي تعبت حقا باركولادعولي نطلع نقرا برا نتمي بدولي في اوراقي مش يتمولي معيدا وبابا يتملي في اوراقي وادعولي نطلع برا نقرا

[ليبياقلبي]

كيف حال ليبيا قلبى شورها مااستاحشتنيش

ايه والله سالت وقلت وينها كسد الشات كف عاد ونشدت ع عونيلتك وناسك وحمودة

[ام معاد]

باهي يلي عطلة

[عيون زوجي]

ربي يوفقك ويكتبلك يلي فيه الخير....

والحمدلله انكم اطمنتم على حناااك

[ليبياقلبي]

اليوم الخمس تهبل من الاخير احتفالتها

[عيون زوجي]

hwaml9

hwaml9

hwaml9

hwaml9

hwaml9

اووووووووه غووووله hwaml4


hwaml17ضرب رصاص hwaml11hwaml11hwaml11

انخوف ام معاد لانها بروحها الليله

[عيون زوجي]

طلعتي يا نور ولا كسدتي في الحوش زينا

[سورينام]

هالوووووووووو

[عيون زوجي]

تصبحوا على الف خيررر جميعااا
hwaml7


سلاااامات

hwaml7

السلام عليكم ورحمة الله

hwaml7

[سورينام]

نتمنى ايجيني انوم ونقدر نرقد توا ما دام صغاري راقدين لكن الله غاللب مصحصحة .. نضت جبت طاسة لبن وتمر باللوز اتفضلي عيون وليبيا .. جغيمة جغيمة ماتكتروش انتم ما ترضعووووض زيني عاد .. والتمر مش لازم اتذوقوه شموووووووووه بس هههه

[عيون زوجي]

سورينااام يا احبيبه بالله ماعاد اتغيبي عليا باليومين hwaml03 هلبه اعليا الحق hwaml02 كل ما تفضي ولو دقيقتين خشي طمنيني اعليكhwaml7

بسليمتك توا hwaml13 ظهري طاااب

[عيون زوجي]

هههههههههههههه عينك اللبن ما نشربش فيه

والتمر مش غالي اعليا

اعطيني اللويزات بس

[سورينام]

تصبحي على خير عيوني .. ان شاءالله ما ايغيب عليك احبيب يارب

[عيون زوجي]

غدوة بنمشي لامي مش عارفه شنو ناخذ معاي


قبل اندير في حاجه حلوة لخوتي العزاره غالي اعليهم الحلوو واليوم تنبلت الحق اعيييت

غدوة زوزي يشريلي واخلاص من محل الساحل في طريقنا


ما ناخذش في رايكم للعلم انفكر بصوت عالي بس

[عيون زوجي]

hwaml7hwaml7hwaml7

[ليبياقلبي]

هلا ام معاد خيرك عيون من الصيوف لي جوك وشن درتيهم ومن توفليك
وهلا ام معودي

[ليبياقلبي]

عيون من جاكم من الضيوف
سوري وينك لالا مشيت للحوش جدي حوش حاني

[ليبياقلبي]

هي حتى انا بنطلع توا

[ام معاد]

السلام عليكم

[ام معاد]

اليوم عطلة عاد كلكم في سابع نومة

[ام معاد]

يقونة وينك وكيف حالك

[ام معاد]

hwaml9

hwaml9

hwaml9

hwaml9

hwaml9

اووووووووه غووووله hwaml4


hwaml17ضرب رصاص hwaml11hwaml11hwaml11
\

انخوف ام معاد لانها بروحها الليله

شن درنالهم ياحبيبتي

[saly.me.91]

gooooooooooooooooooooooood
morning

[أم ورد]

السلام عليكم كيف حالكم

[زهرة2000]

خيرات ياحلويم من موجود ؟

[زهرة2000]

قصدكم بروحى ؟؟؟؟؟؟؟؟؟؟؟؟؟؟؟؟؟؟؟؟؟؟

[أم ورد]

السلام عليكم وينكم اليوم

[sosolibya]

السلام عليكم
كيف الحال
انا كيف روحت من خوالى

[ام روفيدة]

السلام عليكم ورحمة الله وبركاته

كيف حالكم اليوم كلكم كلكم ؟

[ام روفيدة]

يا ليبيا...صحيح انك...

من غيرابراج ، والجو اعجاج...

ولكن زينك ما يحتاج...

وتبقى فوق رويسي تاج...

،صحيح انك ما فيك اعمار...

وفيك دمار...

لكن حبك قلبي اختار...

،ولا ما نخونك مهما صار...

. صحيح انك مليانة حفر...

،وتعومي لما تصب مطر...

لكنك في عيوني قمر...

وعلى شانك يحلالي المر...

انحبك يا ليبيا...

[أم ورد]

أهلين أم روفيدة كيف حالك وكيف حال حزومي
يسلموا دياتك على هالكلمات الباهيات

[أم ورد]

سوسو كيف حالك وكيف حال حمودي

[saly.me.91]

السلام عليكم
هيا ويـــــــــنكم عاااااد
ام مور وام معاد طريحة كان ماتخشوش

[أم ورد]

تي شيني يا سالي ماتشوفيش فيا هيكي كبري هههههه

[saly.me.91]

ام مور= ام ورد<<<<خطأ مطبعي هههههه

[saly.me.91]

شنو حالك والله استاحشتك انحس في روحي ليا ويــــــــن ماشفتكش

[saly.me.91]

امبارح ماشالله المنتدى رابخ هدرزة وقرمة
الله يسامحك يا ام معاد اتقرمي فيا

[saly.me.91]

شنو تغديتي؟؟؟ حنى امبكبكة ع الحطب اتهببببببببببل

[أم ورد]

سلمك ياحنة تستاحشك العافية إحكيلي اليوم شيني ديرتي والأمامير كيف حالهم

[sosolibya]

السلام عليكم
كيف الحال
كيف جيت من العرس
انتم شن اديرو

[saly.me.91]

ام ورد خيرلك ره

زهرة ويــــــــــــــــــنك انتى وسوسو

يقيــــــــــــــن كان تقوليلي فاش غاطسة شورك عاجبك الكساد في المستشفى...تي خشي حتى بالكذب

[أم ورد]

ما تقوليش متغدية مبكبكة على الحطب ؟

[saly.me.91]

اهو شادة بطانيتي وجنبي حراااااااااااااارة ناااااااااار مش عارفة شن انديرله

سوسسو شن جوك وشن جو حمودي واحكيلنا شن لقيتيهم يديرو عرب العرس

[saly.me.91]

ما تقوليش متغدية مبكبكة على الحطب ؟

اي والله ليش مستغربة؟؟؟؟؟؟؟؟؟

[أم ورد]

لا باس عليك خيره جنبك

[أم ورد]

اي والله ليش مستغربة؟؟؟؟؟؟؟؟؟
ههههههههههههه مش مستغربة لكن مليحة هالوقت خاطري فيها

[أم ورد]

أني اتغديت شوى

[saly.me.91]

والله مانى عارفة خيره جنبي حاااااااااالة داير فيا عرفتي تحت صدري من اليمين بالززززززبط ناااااار

[ام معاد]

السلام عليكم

[ام معاد]

لاباس عليك سالي

[saly.me.91]

وعليكم السلام
الله لا يوريك باس
البيبي ضاغط عليا هلبا لين مسببلي حرارة في ف اعلى بطنى

[saly.me.91]

عيووووووووووون تعرفيها لمن الصورة هدي
http://forum.hwaml.com/imgcache2/hwaml.com_1329581152_938.jpg

[sosolibya]

شج
كيف حالك ام ورد
ساااااااااااااااااااااااااااااااااااااالى الف الف الف مبروووووووووووووووووك
على المنصب الجديد
بس توا شن خدمتك بالزبط يامعلمة هههههههههههههههههه

[sosolibya]

هده صورة شنو ياسالى

[sosolibya]

الف سلامة عليك
يايقين

[sosolibya]

وينكم رانى مستاحشتكم
هلللللللللللللللللللللللللللللبة
برشة
وايد
واجد
كثيييييييييييييييييييييييييييييير
بالزاف

[sosolibya]

راهو نطلع ونسيبكم

[أم ورد]

السلام عليكم ورحمة الله وبركاته