دردشة بنات ليبيا , دردشة حوامل ليبيا , تجمع بنات ليبيا

[ميمونة]

الف الحمدلله علي سلامتك وتتربي في عزكم هذه اهم شئ واشبح ربي شن كاتبلها الاسم ماتحرقيش دمك انت نافس وماتاخد الانصيبها ربي يهنيكم

[أم ورد]

السلام عليكم صباح الخير كيف حالكم
سوسو الحمد لله على سلامتك وتتربى في عزكم البنوتة وإن شاء الله من الذرية الصالحة يارب
ميمونة صباح الورد كيف حالك اليوم

[يقين]

السلام عليكم كيف حالكم اليوم يا صقرات

[يقين]

سوسو
مبروك المزيوده ان شالله من طوال العمر ومن الذريه الصالحه وتتربي في عزكم
ام ورد
صحه الحنه والله الا زعيييييمه حتي ني تو نبي نخاطر ونتعلم وان شالله تحني في نفاسك يااااااااارب
ميمو
تباح الحيل تيف حالت وحا اماليت خخخخخخخخخخخخخخخخ
سؤال للجميع شن غداكم

[يقين]

ني غداي رز مسأي هههههه

[يقين]

هيا سلالالالالالالالالالالالالالالام زوزوي جي من الجمعه
بالسلالالالالالالالالالالامه

[أم ورد]

وعليكم السلام أهلين يقونة كيف حالك وكيف حال فروتي والعزري
غداي اليوم بازين

[sosolibya]

مشكطورة ميمو و وام ورد والعقبال عندكم

يقين العقبال عندك وليد سمح ز العسل ماقلتيش رأيك فى الاسم

[ام وسونة]

السلام عليكم

ميمونة وأم ورد ان شاء الله في يوم هالجمعة ربي يرزقني وياكم بالحمل العاجل غير اجل

يقونة صحيحة غداكم والله خاطري فيه الرز أني اليوم حماتي كلمت راجلي قاتله ماطيبوش أني حاسبتكم

طبعا مانعرفش شن هو الغدي خخخخخخخخخخ

سوسو مبروووووووووووووك وتتربى في عزكم وجعلها الله من حملة القران يارب

[ميمونة]

ياصباح الورد ام ورد ويقونه وام وسنه وسوسو شن حالكم اليوم وجمعتكم مباركه

[ميمونة]

يقونه وام ورد صحيحه غداكم حتي انحنا يايقونه رز مسقي

ام وسن خشي قوليلنا شن غداك اليوم ضروري

ام ورد تعرفي خاطري في بازين هلبه مش عارفه شفت صورته في النت هبلت مع اني ماعنديش عليه وحم زايد ههههههههه

[ام معاد]

السلام عليكم كيف حال الكل ، سوسو الحمد لله علي سلامتك وتتبي في عزكم العسولة يارب ومن الدرية الصالحة ان شاء الله ، اني اليوم غداي بازين ، ام ورد معادش اتما ريني خيرلك راهووووووووووووو

[ام وسونة]

صحة غذاك ام معاد

ميمو مش كتبت انه غدائ حماتي اتصلت براجلي قالتله ماطيبوش حاسبتكم شن صار في أختك روحت

[ميمونة]

عارفه ام وسن بس قوليلنا بعدين شن غداك اه روحت اختي

[ام وسونة]

باهي شن صار فيك يافالحة

[يقين]

اني جييييييييييييييييت
غديت جماعتي ورقدتهم وجيتكم
ام وسونه
ميمو
ام ورد
ام معاد
سوسو
سلمكم واعطيكم الصحه وصحه غداكم كلكم

[sosolibya]

انا قاعدة ماتغديتش
امتعينى بيبعتولى غدى
دبحو دجاج واكيد كسكسى مش عارفة
صحة غداكم

[sosolibya]

يقين
ماشاء الله تبارك الرحمن
عل صورة البنت يللى حاطتها تجنن
منو تكون هدى

[sosolibya]

ماقلتوليش رأيكم فى اسم مرام

[sosolibya]

وهل يجوز تسميته او لا

بسرععععععععة لان معادش عندى وقت غدوة بنسجلو خلاااااااااااص

[يقين]

سوسو هادي ني
اسم مرام حلو بس هللللللبا مسمينه عاي المهم عاجبك وعاجب زوجك الباقي عالرف ماادوري حددددددددددددددددد

[يقين]

خيرها عزوزتك تبيكم تسموا عليها خخخخخخخخخخخخخخ سميها عادي حتي ني بنتي سماها بوها علي حناها اخخخخخخخخ فالاول تعفلقت لان الاسم قدييييييييييييييييم وبعدين تاقلمت

[يقين]

هالايام يا بنات جايتني علي نفاص الزبده والمربي 24 س وني زبده ومربي مش عارفه شن القصه

[يقين]

ايح علينا عاااااااااااااااااااد تي وينكم تو ني مخليه غزالي بروحه علي خاطركم هكي اديروا فيا

[sosolibya]

يقين ع فكرة احنا هدا الاسم ماعندناش فى كل الجهة

وانا كيف فرحت لما قلتيلى سميه
بس ماصارش لما قلتيلى سمى على عزوزتك
وبعدين مش قتلك بابا مش راضى
اااااااه رح اجن



شجعونى على مرام ياللا

انا كنت نبى اية ومصرة عليه
بس عزوزتى قالت لراجلى هدا راي مراتك
وانا مانبيش تقول خلا عائشة وتبع كلام مرته فى اسم اية

[ام وسونة]

سمي بنتك مزن حلو وجديد ومذكور في القران ومعناه سحابه ممطرة

[يقين]

سوسو باهي خلاص سميه وتو معقوله بوك بيزعل عليشان اسم
سميها مرام خلاص حلو ولا سميها وتين اااااااه هادا قبل ني بنسميه لبنوتي

[يقين]

فعلا حتي مزن حلوووووووووووو

[sosolibya]

معقولة هادى انت يا يقين مستحيييييييييل
تره احلفى


بابا مش قصة بيزعل عشان اسم لكن هو مضايق منها
ومش عايزة عيوشة صغيرة تانية

[يقين]

حي عليك يا سوسو حيييييييييي
شن قصدك ب مستحيل خيرني سامعه عني شينه
لايا وخيتي خيرني عند روحي احلي منها حتي ني حلللللو ره اسالي سالي تو تقولك شكار روحه خخخخخخخخ لالا بجد

[يقين]

هيا بااااااي بنوض نصلي العصر

[يقين]

صليت وجيت
الله عالكساااااااااااااااد خاطرني نطلع

[ام معاد]

انا جييييييييييييييييييييييييييييييييت منو موجود

[يقين]

مافي حدددددددددددد
اففففففففففف تي كسااااااااااااااااد

[يقين]

ام معاد ني ني موجود
كيف حالك صحه البازين

[يقين]

هيا سلالالالالالالالالالالالالالالالالالالام

[ام معاد]

سلمك شن جو مصررررررررررر

[ام معاد]

تي خيرك العفوووووووووووووووووووو

[ام معاد]

يقوووووووووووووووونة حرجت يالهووووووووووووووووووووووي

[أم ورد]

السلام عليكم كيف الحالكم
وصحتين غداكم

[أم ورد]

سلالالالالام توى ماشية لحوش شيابيني

[ام روفيدة]

السلام عليكم ورحمة الله وبركاته كيف حالكم اليوم ؟

أني كيف روحت من مركز الاطفال اني وحزومة واليوم خدينا كيف انديروا بوبي فنقر واني اخترت فاكهة الموز ويبوها منا الاسبوع الجاي والاسبوع الجاي بيعلمونا كيف نستخدموا ماكينة الخياطة وهي دورة مدتها 7 اسابيع بعدين يعطوك شهادة من كلية المنطقة يلي اني موجودة فيها وحزومي قعد يلعب مع باقي الصغار في حجرة ثانية وحتى هو اعطوه شغل داره اعطوه ورقة ملونة لونها برتقالي واعطوه معاها اوراق صغيرة ملونة وريش ملون وهو ايأشر على المكان في الورقة الليمية وهما يلصقوها في هداك المكان هههههههههههههههههههههههههه عليك حالة وخلاص المهم بعدين اللوحة الفنية يلي دارها حازم خخخخخخخخخخخ اعطوهالي اني وقالولي هدي هدية من ولدك ههههه شفتوا النقطة المهمة وين وهو مسكين فرحان بيها جايبهالي والله يا بنات توا ليا أكثر من سنتين نسكن في المنطقة هدي وما فكرتش ولا مرة نمشي ولا نرفع ولدي لمركز الاطفال لين الممرضة الخاصة بحازم هيا يلي قالت لي علاش ما تمشيش فيه هلبة برامج تعليمية ليك ولولدك من لما عمره 6 شهور تخيلوا وهوا هدا يومي اليوم وبو حازم مشي ايصلي في الجمعة من بكري ما زال ما روحش غداه درتله طاجين دجاج لما ايروح ياكله واني غداي سلاطة طماطم وخيار .

[ام وسونة]

يومك مبارك ام روفيدة وكويس غيرتي جوك وصحيحة غداك ياحلوة

[ام معاد]

اخخخخخخخخخخخخخخخخخخخخخخخخخخخخخخخخخخخخخخخخخخ امتي بلادنا تولي هكي ياقهرتنا

[ميرنا]

ماشالله يا ام روفيده

[ميرنا]

ايش اخباركم يابنات ام ورد .... وام وسونة .............. وام معاد

[ام وسونة]

هلا ميرنا كيف حالك وحال عموري

[ميرنا]

ممممممممميمونة تعالى خشى بسرعة قوليلى انتى اتزوجتى ولا رديتى على راجلك لاول ربي يسعدك طول عمرك يا حبيبتى

[ميرنا]

ياام وسونة قوليلى شن ميمونة ردت لى راجلها ولا تزوجت

[ام وسونة]

ميمونة تجوزت راجل تاني بمجرد كملت العدة ربي يقوي سعدها ويهنيها

توا ليها قريب 3 شهور متجوزة

[ميرنا]

ربي يخليهولك يا ميرنا انتي قعده حلوة وامورة ولا عمر خلاك تهملي جمالك

شوفوا هالتسريحه محلاها طبقتها امس وطلعتلي اتهبل

http://forum.hwaml.com/imgcache2/hwaml.com_1334681460_306.jpg

مشكورة جدا جدا على التسريحة درتها اتجنن وتوة نكتبلك وانا ماديرتها بارك الله فيك حطينا واحدات اخر المهم يكونن سهلت زى هذى

[زهرة2000]

خيرات ياحلوين
ام ورد كيف حالك وربي يسهل عليك ويرزقك بالدريه الصالحه مبروك الحنه ان شاء الله تحنى فى نفاسك
اممعاد كيف حالك وحال ميمو وعبدو ربي يخلييهم لكى
ميمو كيف حالك ياعروستنا ربي يسهل عليك وتكنى حامل
ليبيا قلبي حمد لله ع سلامت شيبانيك ولاباس ع حناك
عيون شخبارك وحال سروره وحمودى ههههههههه شكله طلعولك قرون من الشمال ههههههههه
ام وسونه الحلوه ربي يخليها لكى وتخاويها يارب
ام رفيده الرشيقه ههههههههه ربي يخليلك حزومى وكيف داريره فى الحمل وبارك الله فيك والعقبالك
ميرنا كيف حالك وحال عمورى احكينا ع ولادتك وشن شعورك انت وزوجك تو ههههههههه ربي يخليه ليك وتخاويه يارب
سوسو الف الف الف مبروك لبنوته وتتربي فى عزك سمى تالين او ليان حتى اسم مزن حلو حتى مرام حلو
شموسه الزعاله ير تعالى فكينا من الحرج وحكينا ع الصين وتعرفتى ع حد ولالالا
يقونه كيف حالك انت والحمل وفروتى قولى بالحق انت فى الصوره تهبلى انا صدقتها ههههههههه حقه مشيت لمول العرب يهبل ماشيتيله؟
سورى الام المتاليه ههههههههههه كيف حالك وحال نور وساره ههههههههه ولدك نسيت اسمه هههههههه
من تانى حى عليا راه ننسه حد ربي يرجعنا يالى بالسلامه هى والبيبيز

[سورينام]

السلام عليكم زهووووره ... كيف حال البيبي ربي يحفضه ومازال ما روحتيش من مصر ؟؟ ردي بالك عالراجل راهو اتزيغ عينه ع شي مصريه كده ولا كده ههههههههه
ولدي يا حنه اسمه فراس واللي هيا جايه من الفراسه وهي الفطنه والذكاء ههههههه قولي من قالك نبي معناه الاسم !!
وصحيتي علي تسميتي بالام المتالية ههههه ان شائالله انكون نص متاليه هلبا عليا مثاليه على كبرها ههههههه

[زهرة2000]

خير معقوله مافيش حد خش غير سوسو ههههههههه والله عجبتنى مصر هههههه ممكن الاسبوع الجاى نروح لالالا وين رجلى ع رجله هههههه وكاان بيطلع بروحه نقوله خود لولو معاك هههههههه بيش تنكد عليه ويروح هههههه

[سورينام]

سوسو ربي ايباركلك في المولوده واتشوفيها من حمله كتاب الله والعاملين به ... وحمدالله على سلامتك من العمليه معليشي ولت موووضه توه ههههههه
وبالنسبه للاسم اني بنقولك حاجه :
يا احبيبه سمي الاسم اللي انتي وزوجك مقتنعين بيه وعاجبكم وما ادوريش هل قديم وال جديد والا موضه والا مش عارف شني .. المهم ايكون موجود في جيلها واسم ليه معنى .. اني بصراحه ما انحبش الاسماء النادرة والمكعفصه واللي تقعد البنيه اللي اتقوليله اسمها طووووول ايقولك شن معناه .. نحب الاسم اللي ساهل في نطقه وواضح في معناه
اسم عائشه حلو ومن الاسماء اللي انقدروها كلنا ويتسمى في كل وقت زي مريم وفاطمه وآمنه وباهي اللي ما جتش عزوزتك ساسيه والا ارميله والا زيتونه وبصراحه سامحوني حتى مبروكه عارفه فيه هلبا امهات اسماؤهم هكي لكن كل وقت ووقته يا احبيبه ...

[سورينام]

اني لما جبت سروره كنت تبي انسميها رناد كان عاجبني الاسم هلبااااااااوبالذات لما عرفت معناه (شجره طيبه الرائحه) لكن خوتي وزوجي ما عجبهمش واني سكرت راسي اعليه وقعدت البنيه 12 يوم من غير اسم وبعدين قنعوني بالقرعه وكل واحد حط اسم وطلع ساره مرتين ومره طلع ابتهال امي حاطاته ورناد ما صارش منه الله غالب ومن يومها كرهت القرعه ههههههه
المهم ساره حاطه بوها .. وبعدها فراس من الشهر الخامس وهو وضعيته فارسي وما باش ينقلب بكل .. قلتلهم نبي انسميه فارس قالولي فراس اخف واحلى سميته فراس
ونور الصراحه ربي ايسامحني من لما عرفت بروحي حامل واني طايرتلي استغفر الله وكل يوم ندعي ما يكتمل الحمل استغفر الله استغفر الله لذلك حتى لما جبتها ومن كثر ما سمعت من تلقيح الحق ما كنتش سعيدة استغفر الله ان شاءالله اتسامحني ابنيتي.. المهم بوها قالي شن انسموها قتله دبر راسك اختي اقترحت ميس والا يارا وقعدت تتناقش هيا وزوجي قالها نبي انسميها اسم ايعبر عالوقت اللي جت فيه وهو وقت انتصار الثورة .. واتصدقو انه يوم ماشي بيسجل واني مش عارفه الاسم لكن قالي قبل ما ما انسجل انكلمك وانقولك عالاسم .. كلمني وقالي شن رايك في نور الهدي الحق في الاول حسيته قديييم وبالذات كانو يقرو معاي بنات اسمهم هكي .. لكن لما قالي علاش اختاره اقتنعت قالي هالبنيه صارت وحملتي بيها في شهر 2 وهو شهر الثوره وجتنا وانولدت في شهر التحرير شهر 10 لذلك هالبنيه نور ربي نور بيه علي بلادنا وان شاءالله اتكون هكي .. قتله خلاص سمي و سمي والحمد لله مقتنعه باسماؤهم صغاري الثلاثه حتى لو فيه تلقيح من هنا والا من هنا .. المهم ما فيش اسم انفرض عليا والحمد لله وربي ايوفقك في تسميه بنيتك ويجعلها من بنات الوطن الصالحات ...ااااااه والله الا دهشت من الطباعه شورا دوتي هلباااا

[سورينام]

زهورا ... قداش ليك جايبه توا .. وكيف امدايرا اتعاني في نفاسك بروحك ما معاك حد صح؟

[زهرة2000]

ههههههههه سامحينى كنت نلود فى المنتدى ههههههه والله الفتره الاولى جتنى امى الحمد لله انا جبت 27-3

[زهرة2000]

شن غداك وشن عشاك هههههههه انااليوم مشيت لمول العرب يهبل هو جديد تغديت مشاوى وبطاطا

[عيون زوجي]

السلاااااااااااام عليكم ورحمة الله

كيف حالكم توا توا ومشكورات عالنشده كنت في حوش العيله حوش شيبانيا

ميرنا يا احبيبه بالصحه اعليك لو جت حاجه ساهله قدامي رح انزلها حتى اني امس مشيت لوحده جايبه وعالسريع درتها وثبتها بالسبراي وطلعت اتجنن ودرت فيها وردتين صغار لون اللبسه وحسيت بالثقه اخخخخخخخخخخ

سوريناااااااااام ربي يحفظلك صغيورتك يااااارب

سوسو الحمدلله عالسلامه وتتربى في عزك

زهورة هيا روحي نبوا العصيده في بنغازي ولا ما اديروش فيها

[أم ورد]

السلام عليكم
عيون وسورينام وزهرة كيف حالكم اليوم

[ام وسونة]

السلام عليكم

[عيون زوجي]

ام ورد كيف حالك وشنو اتعشيتي اخخخخخخخخخخخخخخخخ

ام وسونه روحتي لحوشك ولا قعده برا

انا عشاي مكرونه باسله في حوش العيله هههههههههههههههههههه

[ام وسونة]

لألا قاعدة في الماية تغير جو ههههههه

[أم ورد]

الحمد لله عيون اليوم اتعشيت في حوش العيلة بازيلاء وفاركسي وطاجين جبن

[أم ورد]

أم وسونة كيف حالك اليوم

[ام وسونة]

الحمد لله ياام ورد وصحيحة عشاكم

[أم ورد]

سلمك إنتي شن تعشيتي قاعدة عند حماتك

[ام وسونة]

عيون شن نوعها المكرونة ههههههههه

[عيون زوجي]

صحتين يا ام ورد ماشاءالله عشي قنين خير من عشانا يلي لابنه ولا صنه اخخخخخخخخخخخخخخخخخخخخخ

روحي يا ام وسووووووووووووونه غدوة وراك خدمه

[ام وسونة]

مبلطة عندها وتعشينا خفيييييييف

[عيون زوجي]

متاع الجمعيه هههههههههههههههههههههههه

[أم ورد]

ههههههههههههههههه خيره عشاكم

[عيون زوجي]

ام وسوووونه انتي تسوووووووقي ولا لا؟؟؟؟

[ام وسونة]

غدوة ماعندشي عمل خخخخخخخخخخ

[زهرة2000]

قولى اووسونه شن تغديتى عند حماتك

[ام وسونة]

إيه نسوق لكن الغزال مايعطيش فيا الامعاه لانها مارشة عادية شفر وليت توا بنغيروا اتوماتيك قالي أوكي سوقي

[ام وسونة]

تعديت في حوشي حماتي بعتتلنا غدانا فاصوليا وجغوم ورز وكبة وسلطات

[أم ورد]

صحتين أم وسونة

[زهرة2000]

صحه غداكم وعشاكم

[أم ورد]

زهرة تعالي جاي إنتي من بكري تسألي على غدانا وعشانا وإنتي شن غداك وعشاك ههههههههههههه

[عيون زوجي]

نفس السؤااااااااااااااال لزهرة

[زهرة2000]

خير ام ورد شن حالك وصحه الحنه

[أم ورد]

الحمد لله سلمك
جاوبيني على السؤال ما تهربيش خخخخخخخخخخخ

[زهرة2000]

ماهو قتلكم من بدرى مشينا لمول اسمه مول العرب جديد يهبل وتغديت مشاوى مشكله تدينا متاخر والعشاء خفيف

[أم ورد]

باهي صحتين ياحنة

[عيون زوجي]

صحتيييييييييييييييييييييين

[زهرة2000]

الله يسلمكن عيون شن صار فى ساره وشمال ؟؟؟مغامرات عيون هههههههه

[عيون زوجي]

انا اليوم ما مشيتش لحوش بوي انحس في حاجه ناقصتني

[أم ورد]

علاش إن شاء الله خير

[عيون زوجي]

ماصار شي قعده امعنته بس وراها وراها

سارة مرضت وقعمزت بيها وخلاص

[أم ورد]

إن شاء الله لاباس عليها

[عيون زوجي]

بارك الله فيك
.............

[أم ورد]

هيا سلالالالالالالالالام تصبحوااااااااا على خير وليلتكم سعيدة

[ام وسونة]

وانتي من أهله ام ورد

[عيون زوجي]

غدوة بأذن الله ناويه انطيب فلفل محشي وصيت على عوالته من بكري وياريتني نقيت الخضره خير من مدت وجهي عالنت اخخخخخخخخخخ

[ليبياقلبي]

سسسسسسسسسسسسسلام مشكورة زهورة بالسوال والنشدة عليا واللح شيباني حاله باهي وحنينا رفعوها لتونس ولقو عندها مياة عالرية لي متعبتها وانا احتمال الاسبوع هدا بنمشيلها

[ليبياقلبي]

الحمد لله عالسلامتك سوسو وتتربى في عزك البنوتة واسم مزن حلو واسم رفان ورفين احلى من مرام عندك علم منحبيش بكل عندي تلاتة منه في العيلة والتلاتة دمهم رزين هههههههههههههههه

[ليبياقلبي]

سوسو عندي تعليق عالموضوع انت ولد عمك صح زوجك وعادي راضي بفكرة بوك ميبيش الاسم

[ليبياقلبي]

http://forum.hwaml.com/imgcache2/hwaml.com_1334961247_625.jpg
زي هادي حنتي

[ليبياقلبي]

قصدكم بروحي

[ليبياقلبي]

انا اهو حالي الحمد لله واهو ناكل في جيلاطي سهرانة بروحي ونوزة وبوها رقدوا

[ليبياقلبي]

يقونة كان نشدك ياويللك مني معقولة معاش نشدتي عليا ومباركتليش بكل

[ام معاد]

السلالالالالالالالالالالام عليكم

[عيون زوجي]

وعليكم السلاااااااااااااام كيف حالك يا ام معاد اليوووووووووووووم وحال الفلاليس

[عيون زوجي]

ام معااااااااااااااااااااااااااد وينك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[أم ورد]

السلام عليكم كيف حالكم
أم معاذ وعيون كيف حالكم وكيف حال سنافركم

[عيون زوجي]

الله يسلمك يا ام ورد احني الحمدلله في نعمه وخيررررررررررررر انتي كيف حالك وشنو غداااااااااااااك

[ام معاد]

معليشي عيون طلعت فجاءة لان زوزي روح بكري اليوم غرييييييييييييبة خخخخخخخخخخخخخخخخ ، اني والفلاليس الحمد لله

[أم ورد]

الحمد لله
غداي رز فتش

[أم ورد]

سلام زوجي روح بنتغدوا نتلاقوا على خير

[عيون زوجي]

الف صحيحه يا ام ورد......................

ام معاد بري للدكتور توا ونتلاقوا بعدين على خيررررررررررررررررررر

[شمس الزمان]

السلام عليكم ورحمة الله وبركاته
معلش يا خوتي سامحني والله يوم الخميس كنت متغششه اومنقهره ولله اضيقت بكل من الغربه اومحدش حاس بيا اوحطيتي غلي فيكن اوفي زوجي المسكين هههههههههههه
اصلا الجمعه كان دفع اختي كنت انتمى روحي امعها غادي والله امس خذيتا كلا ابكا لين زوجي قالي روحي اوريحيني خخخخخخخخخخخخخ
علشان هكي انتمى انكن ماتزعلنش مني اوتمشني عل قصاد عقلي

[شمس الزمان]

سوسو يا حلوه الف الف الف مبروك البنوته ربي ايخليها لكي اون شالله تطلع عسوله زيك
اما بنسبه لاسم المشاكل هذينا تقريبا في كل حوش ليبي ايصيرن حتى انا في جيبتي لشموسه كنت انتمنى انسمي ريماس لكن كان زوجي الله يسامحه امعشم امه من وريا قيلها كان جت بنت انسميه شمسه صح هي معملتها ليا اكويسه اوحنونه بس الاسم تقيل اشويه
طبعا بعد جيبت شموسه عل اساس ريماس انصدمت او قعدنا 8 ايام اومسجلنهاش اومنبش نكسر ابخطرامه وفقت بس قتله سجلوها شمس عل اقل احلى اخف اومذكور في القران
بس حتى اسم مرام اوعايشه هنا الاثنين حلوات

[ام معاد]

شموووووووووسة معادش اتغششي روحك انت حامل واني معاك الغربة صعة لكن الوحدة تتحمل علي خاطر زوجها وهو هدا عملها ربي يوفها

[ام معاد]

عيون انت دلرتي فلفل محشي اني درت كوسة محشي خخخخخخخخخخخخ

[يقين]

السلام عليكم
كيف حالكم مدامات وكيف حال ازواجكم واصغاركم

[يقين]

صحه غداكم كلللللللللكم
شموسه
اماله ني شن انقول ليا عام ومعاها بعيده عن اماليا واصحابي واحبابي كلهم شن تسحابيني قادره غير الل غالب مافيش حل غير اني نتعايش لا وجبت بعيده عليهم وتوا حامل وبرضو بنجيب في غربه وبعيد عليهم تي عادي عادي تصير في احسن العايلات خخخخخخخخخخخخخ

[يقين]

خخخخخخخخخ سوسو صدقتي انه اللي في الصوره الرمزيه ني ههههههههه خيرني هبلت انزل صورتي في النت لالالا هادي صوره من النت عاديه

[يقين]

http://forum.hwaml.com/imgcache2/hwaml.com_1335015554_360.gif (http://www.iraqup.com/)تي ويييييييييييييينكم

[ام معاد]

هلا يقونة كيف حالك وحال زوجك وحال البنوتة وحال عيوووووووووووووودي

[ام معاد]

توا سلالالالالالالالالالالالالالالالالالالالالالالالال الالالالالالالالالالالالالالالالالالامات

[عيون زوجي]

شموسه ربي يطوي غربتك على خيررر وتروحي لليبيا بالسلامه يارب الحامل نتيجة الهرمونات تتعصب بسرعه وتتنرفز على اتفه الاسباب مايهمش البنات مش زعلانات وانتي ماتزعليش لا زوجك ولا روحك هيا مدة وتفوت وردي بالك على بنتك وحملك

يقووووووووووونه كيف حالك انتي وفرووووووتي ليك وحشه وانتي ست جدعه واخت رجاله وسمعت ان بو فروتي مش مروح لين ياخذ الماستر والدكتوراة من غينيا اخخخخخخخخخخخ

ام معاد اصحيحة درت فلفل محشي وبرااك اتفضلوا معانا الخير هلبه ماشاءالله

[sosolibya]

شج
كيف حالكم كلكم


زوجى مشى اليوم للسجل وما لقى حد روح
حكمة ربي
الاسم قاعد مانزلش

[شمس الزمان]

السلام عليكم ورحمة الله وبركاته
صحه صحه الفلفل المحشي يا عيون اوصحه الكوسه يا ام معاد
سوسو كل توخيره فيها خيره

[أم ورد]

السلام عليكم كيف حالكم توى
يقونة كيف حالك وكيف حال عويلتك
شموسة كيف حالك وكيف حال عويلتك وسعي بالك
سوسو كيف حال وكيف حال عويلتك وكل تأخيرة فيها خيرة
عيون الله ايسلمك وصحتين غداك
رغوووووودة وينك لا اليوم ولا أمس ما بينتي

[شمس الزمان]

الله يسلمك يااوخيتي ام ورد انت شن الاخبارك او شن الامور عندكم

[أم ورد]

الحمد لله حال الكساد

[شمس الزمان]

اه من الكساد والمللللللل اساليني انا

[أم ورد]

ربي ايعاونك الساعة كم عندكم توى
ومبروك على وخيتك

[شمس الزمان]

الله يسلمك وعقبه الغالياتك ياحنه والساعه توه 11اونص اليل

[شمس الزمان]

بعد اذنك يا ام ورد نمشي انحط غدي او عشاي دايره شربت عدس اودجاج في الفرن اوسلاطه هههههههههههه

[أم ورد]

إذنك معاك وصحتين

[عيون زوجي]

صحه عشااااااااااااااااك يا شموسه

شنو الجو ام ورد

سوسو مبروك اعليك البنيه بديري سبوع ولا شنو

ام سعد وينها؟؟؟

[أم ورد]

الحمد لله عيون

[أم ورد]

وينكممممممممممممممم

[ام روفيدة]

السلام عليكم كيف حالكم كلكم كلكم ؟

صحى غداكم واني درت رز بالبصلة واني غداي سلاطة طماطم وخيار كالعادة

سوسوا بارك الله لك في الموهوبة لك وشكرتي الواهب وبلغت أشدها ورزقتي برها اللهم ااامين

[ام روفيدة]

‫ابن عثيمين ساعة الاجابة في يوم الجمعة‬‎ - YouTube (http://www.youtube.com/watch?v=wX6wyhM0Oq4&feature=youtube_gdata_player)

[ام روفيدة]

‫قصة زواج يرويها الشيخ بن العثيمين‬‎ - YouTube (http://www.youtube.com/watch?v=30oS9ixx0Z0)

[ام روفيدة]

‫ما حكم مصافحة المرأة للرجل ؟ الشيخ بن عثيمين‬‎ - YouTube (http://www.youtube.com/watch?v=J-rolG9fVv8)

[ام روفيدة]

السؤال: النبي صلى الله عليه وسلم هل كان يقرأ أم كان أمياً؟
الجواب

الشيخ: النبي صلى الله عليه وسلم كان أمياً لقول الله تعالى (فأمنوا بالله ورسوله النبي الأمي) ولقوله تعالى (وما كنت تتلو من قبله من كتاب ولا تخطه بيمينك إذن لارتاب المبطلون) فهو عليه الصلاة والسلام كان أمياً لا يقرأ ولا يكتب فلما نزل عليه القرآن صار يقرأ، ولكن هل كان يكتب؟ هذا موضع خلاف بين أهل العلم فمنهم من قال إن النبي صلى الله عليه وسلم بعد أن أنزل عليه الوحي صار يقرأ ويكتب لأن الله إنما قيد انتفاء الكتابة قبل نزول القرآن، وما كنت تتلو من قبله من كتاب ولا تخطه بيمينك، وأما بعد ذلك فقد كان يكتب، ومن العلماء من قال إنه لم يزل عليه الصلاة والسلام غير كاتب حتى توفاه الله.

(موقع الشيخ)
ابن عثيمين رحمه الله

[أم ورد]

وعليكم السلام أم روفيدة كيف حالك وكيف حال حزومي وشن أخبار الحمل امعاك

[ام روفيدة]

الله ينصركم يا أخواتنا الغاليات في فرنسا ويثبتكم على الحق وين ما كنتوا اللهم اامين

‫مسلمة فرنسية ترتدي النقاب في شوارع باريس بكل فخر‬‎ - YouTube (http://www.youtube.com/watch?v=I7xx8pKvdVw&feature=related)

[ام روفيدة]

أهلين أم ورد كيف الحال ؟ أني وحزومي بخير ونعمة ولله الحمد والمنة والحمل ماشية اموري تمام التمام

[ام روفيدة]

اغتاب رجل عند معروف الكرخي فقال له: "اذكر القطن إذا وُضع على عينيك".

[ام روفيدة]

عن معاذ بن جبل رضي الله عنه أنه قال:«أخذ بيدي رسول الله صلى الله عليه وسلم فقال: "إني لأحبك يا معاذ"، فقلت: "وأنا أحبك يا رسول الله"، فقال رسول الله صلى الله عليه وسلم: "فلا تدع أن تقول في كل صلاة، رب أعني على ذكرك وشكرك وحسن عبادتك"» [صححه الألباني].

[ام روفيدة]

قال رسول الله صلى الله عليه و سلم: «ما من أحد من الناس يصاب ببلاء في جسده، إلا أمر الله عز وجل الملائكة الذين يحفظونه؛ قال: اكتبوا لعبدي في كل يوم وليلة ما كان يعمل من خير ما كان في وثاقي» [صححه الألباني].

[شمس الزمان]

انا تعشيت اوجيت

[ام روفيدة]

هيا اني نستأدن توا وراجعة بعدين بإدن الله

السلام عليكم ورحمة الله وبركاته

[أم ورد]

نستأذن نصلي المغرب وراجعة بإذن الله

[ام روفيدة]

شموسة يا حبيبة بعدين لما نرجع بإدن الله تعالى بنقولك كلمتين من أختك أم حازم المغتربة زيك استنيني

[يقين]

سلام عليكم

[أم ورد]

السلام عليكم

[يقين]

ام روفيده
كيف حالك حبيبه وحال وليدك والحمل ربي يتمم عليك بخير يااااااااربي
عيون
خخخخخخخخخخخخ وووووووووو تحركي من مكانك غينيت شنو يا همي ساد فيا مصر ههههههههههه الحمدلله ابوفروتي واخد ماستر وتو يدكتر هههههههههه شن رايك في الاختصار ربي يصبرني يا وخيتي وخلالالالالالاص
كيف حالك وحال عويلتك والله حتي انتي الا ليك وحشه مانتلاقوا بكل يا وخيتي بخت
ام ورد
كيف حالك يا ميه الورد انتي وحال زوزك
ام معاد
شج يا زعيمه شخبارك واخبار اطفالك
شمووووووسه
صحه غداك ومبروك علي وخيتك ربي يهنيها ويكمل عليها

[يقين]

ني كنت نسرف باهيو وشريت شويت حاجات فو مي باهيو
اممممممم وشن تاني وروحت متهتتتتتتتتتتتتتتتكه وبنتي فضضضضضضضضضضضضضضضضضضضحت بيا ماتعرف تقمز في الكروسه لالالا واقفه وتضحك وتهدرز لا والمشكله متعلمه سراكه جديده تشد في الناس لما نبدا في السوق وطبعا المصرين مستحييييييييييييييييييل يضايقوا بالعكس يفرحوا بيها ويقعدوا يبوسوا فيها كانهم ليبين ماعندهمش خلوق يضربوني ني ويها خخخخخخخخخخخخخخخ تي نقتلهم بعدين

[أم ورد]

الحمد لله يقونة

[أم ورد]

هههههههههههههههه مغامرات يقونة وفروتي هههههههههههه
ربي يحفظها يارب

[يقين]

ام ورد شجو وشن عشاك

[يقين]

ههههههه سلمك ياربي
نشوفها عندك يااااااااااااااااااااااارب تجيبي بنيه ووليد توامه اللهم امين

[أم ورد]

سلالالالالالالالام تصبحوا على خير

[أم ورد]

سامحيني يقونة ما شفتش ردك
عشاي توست تن وجبنة

[يقين]

صحه صحه
قدامك كل خيررررررر

[يقين]

http://forum.hwaml.com/imgcache2/hwaml.com_1335038224_339.jpg (http://forum.hwaml.com/redirector.php?url=%68%74%74%70%3a%2f%2f%77%77%77% 2e%68%77%61%6d%6c%2e%63%6f%6d%2f%75%70%2f)

[يقين]

هادي شنطي شريتها اليوم وووووووووك طالعه تخوف التصوير زفت معليشي تحملوا

[يقين]

وهادي الكندره بس مش نفس اللون الشنطه لان كل وحده شاريتها لحاجه
http://forum.hwaml.com/imgcache2/hwaml.com_1335038502_126.jpg (http://www.hwaml.com/up/)

[ام روفيدة]

السلام عليكم ورحمة الله وبركاته

كيف حالكم توا ؟

أهلا بيقونة كيف حالك يا حبيبة وكيف حال فروتي والحمل معاك أني الحمد لله بخير ونعمة وحملي الحمد لله بس توا خشيت للحمام لقيت نقطة دم خفيفة شنو زعمة ؟

[يقين]

ام روفيده
حبيبه الله يسلمك حالنا باهي
لكن اسمعي بالك من المشي يابنتي ولا رافعه شي رزين ردي بالك تربحي

[ام وسونة]

يقونة تبيديهم بالهني يا غالية

ام روفيدة بعيد الشر عليك ان شاء الله مافيك سوء ريحي روحك وغدوة بري لدكتورتك مرات تعطيك تثبيت

وردي بالك من السير اللي تمشي عليه وريجيمك مرات هما السبب ربي يطمنك حبيبه

[يقين]

وهادي لبسه للحوش
http://forum.hwaml.com/imgcache2/hwaml.com_1335038984_594.jpg (http://www.hwaml.com/up/)

[يقين]

ام وسونه سلمك
كيف حالك وحال بنوتك ان شالله تمام

[يقين]

يا بنات نستاذنكم
تصبحو علي الف خيييييييييييير

[شمس الزمان]

يقونه مبروك ما شريتي واتبيديهن بلهنا
ام حزومي رد بالك عل روحك ارقدي عل ظهرك اوبكره الصبح شوفي الدكتوره اطمنك ان شالله بس ماتخفش حتى ان في حملتي هذي صارتلي اوعطتني الدكتوره احبوب تثبيت

[ام روفيدة]

يقونة يا غالية سامحيني والله حزومي جي وخدي مني الكمبيوتر وما شاء الله تبارك الله على حويجاتك وتبيديهم بالهني وتبلى ويخلف الله وربي يحفظ لك فروتي ويتمم لك حملك على خير اللهم اامين

[ام روفيدة]

الله ايسلمك يا أم وسونة وما اتشوفي شر وبالنسبة للدم أني شاكة فيه من حازم لأن انقيم فيه ونحط لما انوضيه حشاكم في الحمام لما انغيرله في شماله وهو بسلامته حركي وبدي رزين مع إنه مش هداك الوزن لكن واخده الطول تبارك الله وديمة ايصك فيا برجليه على بطني ويستر الله وخلاص كان ربي كاتب بيتم الحمل هدا رح ايتم على خير وكان ربي مش كاتب بيه مش رح ايتم دعواتكم بس يا غاليات

[ام وسونة]

ربي يثبت حملك ويتممه عالخير وتشوفي البيبي وتفرحي بيه

[ام روفيدة]

أهلين شموسة يا حبيبة كيف حالك وحال شمس والحمل ؟

ما عاش اتغششي روحك و اضايقي زوجك معاك والله راهي الغربة فترة في عمرك وبتعدي ومش قاعدة غادي ديمة يا حبيبة اصبري وخليك قوية وما اتنكديش على روحك وعيشي ايامك الحلوة غادي راهو كله بقعد دكريات بعدين وما اتفوتيش فرصة تغيير جوك وخليك ايجابية هيا الغربة فيها ميزات وفيها عيوب وحاولي اتشوفي للإيجابيات ديمة باش اتهون عليك غربتك وتصبري وتصبري راجلك معاك امالا أني شن انقول توا رمضان هدا الجاي يلي مازال عليه شهرين هدا خامس رمضان ليا في هالبلاد هدي وفاتني اعراس خواتي الثلاثة وجياب خواتي ديمة فايتني كل المناسبات فايتتني لكن صابرة لله اولا ثانياعلى خاطر عيون الغالي ابو حازم ربي يحفظه لأنه رجل بمعنى الكلمة ويستاهل من ايضحي ويصبر معاه والحمد لله اموري ماشية ونحاول انلهي نفسي بأي شيء ونحاول ندمج نفسي في المجتمع يلي اني عايشة فيه بس من غير ما نتخلى على تعاليم ديني حتى ولو بالقليل لأني بنضطر انخالط الناس ما دامني موجودة في هالبلاد فحاولي حتى انتي اديري اي برامج اتفيدك وتفوتي بيها الوقت وهيا سنة شن تحسابيها اتفوت زي البرق كأنها شهر وربي ايسهل عليك غربتك يا حبيبة ويونسك ببنيتك وزوجك والبيبي يلي جاي إن شاء الله وكيف ما قلت لك ركزي ديمة على ايجابيات الغربة وتغاضي عن السلبيات وعليك بالدعاء إن ربي ايسهل عليك غربتك ويجعلك صبورة .

[شمس الزمان]

تسلمي اختي ام روفيده واوبارك الله فيك يا احبيبه والله صاح انتي زي ماقلتي الوحده ضروري اتحمل علشان راجلها لكن الله غالب مره مره الوحد يقفد السيطره عل نفسه انا الله من يوم الخميس ضميري اينب فيا على سبا توحشت عل راجلي وانا منحبش انزعله اوربي ايصبرني ويصبرك اوصحيتي اوربي ايخليك ابوحزومي اوحزومي اوتزيدي عليه

[رغوده2006]

صباح الخير كيف اصبحتم اليوم

[رغوده2006]

لاحظت ان دوتكم هللللللللللللللبه غبت يومين الصفحات وصلوا للعشرطاش ههههههههههههههه

[رغوده2006]

قروب الصبح وينه هيا بسرعه تعالوا

[يقين]

صباح الخير
شموسه وام روفيده سلمكم
رغوووووووووده
تي وينك وينك مغيبه ان شالله خير تواحشتك كيف حالك وحال صغارك

[يقين]

معليشي نستاذن الغساله والعه وفروتي كيف ناضت بالسلامه

[رغوده2006]

يقوووووونه كيف حالك وحال فروتي وعيودتي وزوزك ان شاءالله كويسين وموضوعي مازال شويه تو لما يصير منه اول من انبشره انت بأذن الله اوكي

[رغوده2006]

يقونه بالله عليك تعالي غيري جوي شويه هيا نستنى فيك

[يقين]

السلام عليكم
رغوده اهو جيتك تعالي هي

[عيون زوجي]

السلام عليكم

رغووودة كيف حالك وحال الصغار والخدمه وحوشك الجديد ان شاءالله كلهم تمام


يقووونه كيف حالك وحال فرووتي ومبروك ماشريتي اتبيدي بالهني انا اليوم دوري بنطلع نشري حوايج للحوش


ام معاااااااد و وام وووووورد شكلهم عند حوش العيله ربي يونسكم باهلكم


ام روفيده شغلتيني اعليك بري للدكتورة اديرلك التراساوند واطمنك وانتي طمنينا ويارب يثبتلك حملك يارب ويخليلك حزومي وشماله اخخخخخ بطلي توا من السير وكولي بروتين دجاج مشوي وبقوليات شوي شوي لانه مهم لنمو الدماغ للجنين

[عيون زوجي]

اليوم ما طيبتش غدي ماخاطريش في دوشة الكوجينه وحوستها ويلي اتخش اتقول شنو غداها من غير ما اتعبني ونسئلها ما اتعلمتوش اتكيت الدخول سلموا واسئلوا عالحال والاحوال وقولوا شن غداكم او عشاكم للتجمع قوانين لازم تحترموها

[عيون زوجي]

انا متعبني حمودي بسلامته عنده كحه متعباته عالاخر ورافعتله حرارته وما ماباش ياكل شي وماعرفتش شنو انديرله زوزي في الخدمة وماعنديش لا دواء ولا فيكس

[عيون زوجي]

قداش تعطوها هالكندرة الغريبه تخيلوا انها ب 190 ديناااااااار منو فيكم تبي تشريها اخخخخخخخخخخخ


http://forum.hwaml.com/imgcache2/hwaml.com_1335100778_678.jpg

[عيون زوجي]

وهادي ب 250 ديناااااااااار موجودات فعلا مش بصاره

http://forum.hwaml.com/imgcache2/hwaml.com_1335100860_685.jpg

[ام وسونة]

أهلين عيون كيف حالك وبالنسبة للغدي درنا شاورما وسلطات ومشاريب

تصديق حتى أني وسونة حرارة وكحاحة مسكينة ربي يشفيهم والنوع هدا من الأحدية مش من ذوقي الحق

عيون في صفحة عالنت اسمها جوفاني تعرض في حاجات روعة توا تفاهما معاها على باكو ماكياج فكتوريا روعة

كامل كل شئ فيه ب65 جنيه بس

[شمس الزمان]

السلام عليكم ورحمة الله وبركاتة
عيووووووووون اليوم غدي ياحنه رز ابيض اوكباب واسلاطه مشويه

[عيون زوجي]

ههههههههههههه ربي يهنيكم الف الف صحه ماتجوش الا بالعين الحمرة اخخخخخخخخخخخخ

ام وسووونه الف لاباس على وسن الله المستعان لما يمرض الطفل جو الحوش كله يتغير


ام شمس كيف حالك وحال الصين ونبي منك صور للصين مش قادرة نتخيل الا الزحمة والعيووون المشحطة اخخخخخخخخخ


ام وسووونه اعطيني الرابط ضروري السعر معقول وهالكنادر يلي نزلتهم مانشريهم ولو ب 10 دينار مايمشوش معاي

[ام وسونة]

خشي على صفحتى في الفيس تلقيها عالحائط بصدق روووووووعة

[عيون زوجي]

ان شاءالله...................

[ليبياقلبي]

والله زعلانة منكم هههههههههههههههههلب ولا وحدة سالت عليا ولا علا حنينا العفو ياربي كلكم

[ليبياقلبي]

والله ليكم وحشة لكن هلبة انا اليوم انا ونوزة راحت في حوشي مطيبة غداي صلصة باللحم وزوجي في حوش اهله مكسد غادي معا بوه مطيبة لي اختي حقا اختي حملت الكبيرة لي مقتلكن اربعة سنين محملتيش الا بالزرع لي جحابت مبشر ومقبل تو الحمد لله حمل طبيعي لما اتصلت قاتلي لين تبكي عقبال ام وسونة يارب وام اجنادين وام ورد يارب العالمين

[ليبياقلبي]

ام شموسو ربي يعنيك عالغربة يارب واصبري معاش تبكي هلبة لرادليك راهو الراجل يتعب يحس روحه السبب اصبري اهو يقونة وام روفيدة صلاابرات ربي يجايزيهم
ام روفيدة حببتي ارتاحي زمعاش طيبه حزومي ريجي روحك ربي يتبتلك الحمل يارب
يقونة معا اني زعلانة منك هلبة بس لبستاك يهبلوا
ام معاد وام ورد شن اخباركم
عععععععععععععععيون شن الجو ولاباس علا حمودي
رغودة شن امورك ليك وحشة
ام وسونة ربي يرزقك بالحمل يارب زي اختي

[ليبياقلبي]

من موجود حقا انا احتامال يوم التلاتاء ماشية لتونس انا وماما لحنينا قاعدة في صفاقص

[ليبياقلبي]

تعرفوا بنات عمي في العيلة لي جابوا بعدي اغلبيتهم حملوا هدكا اليوم قالي راجلي مشوفيكيش الجنيا حملت قتلا مازال عمتي هدكا اليوم قتلي يالا خوي نوزة قتلا لسه

[ليبياقلبي]

شنو مقايلات ولا شنو ووووووووووووووووووينكم

[شمس الزمان]

ام نوزه الف لاباس عل حنك وان شالله تقعد اكويسه اوتمشي واتجي لتونس طيبه اوهيا ياحنه اسمع كلام زوجك اوعمتك اوخاوي نوزه اوبلاش اسبل

[ليبياقلبي]

هلا شموسة لالالا مازال الوقت شن اخبارك انت وشموس والبيبي

[ليبياقلبي]

حاني لقو عندها ا مياة عالرية هي لي متعبتها ونقصت الاكسجين من جسمها

[ليبياقلبي]

وين يقونة وام معاد اليوم

[ليبياقلبي]

ووووووووووووووينكم مكسددة بروحي انا

[ليبياقلبي]

بالله يخش حد بليز

[ليبياقلبي]

توا حاطة ام بس 4 نتفرج علا روبي

[ليبياقلبي]

مضيت اليوم كلا بروحي كساد ههههههههههههلبة حتى نوزة رقدت

[ليبياقلبي]

هي بنطلع وبنمشي لحوش شيباني

[ميرنا]

بنات لى موجودة منكن اترد على ............. امس طعمت عمورى ....... واعطيته دواء حرارة ............ بس من امس وهو موش عمورى الاول لايضحك ولايلعب جاته على النوم واذا استيقض يبكى وفخذته حمرة ومتورمة ......... ايش انحط عليه بيش يحول الالم واللانتفاخ

[ام روفيدة]

السلام عليكم ورحمة الله وبركاته

أهلا ميرنا يا حبيبة بالنسبة لولدك هدا كله طبيعي لأن هده اعراض جانبية للتطعيم ما اتخافيش منها وبالنسبة للإحمرار كمديه بحاجة امثلجة وإدا ما نفعش فيه أرفعيه لدكتور أطفال يعطيك مرهم يزيل التورم والف لا بأس على عموري وطهور إن شاء الله وربي يحفظه لك وتخاويه اللهم ااامين

[ام روفيدة]

عيون يا غالية ربي ما يشغلك على غالي ألف لا بأس على حمودي وطهور إن شاء الله وكيف حاله توا إن شاء الله أحسن واني اليوم الحمد لله الدم نزل عليا الفجر وتوا ما فيش شيء والدكتورة كلمتها امتاع عيادة السبت والاحد لأن اليوم احد عطلة وفيه عيادة وحدة مفتوحة خاصة بالسبت والاحد فقالت لي إدا كان الدم قهوي او احمر داكن ما اتخافيش منه وما بتش تعطيني وصفة حبوب تثبيت قالت لي ما يستحقش لأن هدا دم في الرحم من انغراس البويضة في جدار الرحم وإن شاء الله خير .

يقونة يا حبوبة يا فرفوشة كيف حالك وكيف حال فروتي والحمل يارب اتكونوا بخير ونعمة .

أم وسونة يا حبيبة كيف حالك اليوم والف لا باس على وسونة وطهورة إن شاء الله وردي بالك تعطيك عدوة .

ليبيا قلبي يا حبوبة كيف حالك وحال نوزة السنفورة ولا باس على حناك طهورة إن شاء الله وربي يرجعها سالمة ويهنيكم برجعتها اللهم ااامين .

[ام روفيدة]

أني بنستأدن توا وبنرجعلكم بعدين إن شاء الله بنمشي انضم كوجينتي حاشاكم اتقول متفجر فيها لغم ههههههههههههههههههههه نضت من الصبح انطيب في فتات وبخلت ما قدرتش انضمها وتوا بالنوض بالسيف قبل ما ايروح ابو حازم ويلقاها كيف ما هيا ويقول شن هالمرا البايرة ههههههههههههههههههه اااااااه من الكوجينة وضمان الماعين اخخخخخخخخخخخخخخخخخخ بس منو اتجي اضمها عني .

[زهرة2000]

السلام عليكم كيف حالكم
ام حازم ربييسهل عليك ولاباس
ميرنا كنك ماعش تخشي زى زمان عمورى ديريله كمدات ع التطعيمه اميه مسقعه وربي يشفيه

[ام روفيدة]

السلام عليكم ورحمة الله وبركاته

عدنا ووووييييينكم؟

[ام روفيدة]

سلمك يازهرة كيف حالك وحال لين وانس وشن جو مصر ؟

[ام روفيدة]

قال ابن عباس رضي الله تعالى عنه: "لا تجالس أهل الأهواء فإن مجالستهم ممرضة للقلب".

[ام روفيدة]

«اللهم، خلقت نفسي وأنت توفاها، لك مماتها ومحياها، إن أحييتها فاحفظها، وإن أمتها فاغفر لها.. اللهم إني أسألك العافية» [رواه مسلم].

[ام روفيدة]

...الشرك تعريفه وأنواعه ...
ان أعظم ما عصي به الله منذ بدء الخليقة إلى يومنا هذا الشرك به سبحانه ، حتى وصف الله هذا الذنب بالظلم العظيم ، فقال تعالى : { إن الشرك لظلم عظيم } ( لقمان 13)
إن أعظم ما عصي به الله منذ بدء الخليقة إلى يومنا هذا الشرك به سبحانه ، حتى وصف الله هذا الذنب بالظلم العظيم ، فقال تعالى : { إن الشرك لظلم عظيم } ( لقمان : 13) وما ذلك إلا لما فيه من الجناية العظيمة في حق الخالق جلَّ جلاله . فالله هو الذي خلق ، وهو الذي رزق ، وهو الذي يحيي ، وهو الذي يميت ، ومع كل هذه النعم ، وهذه المنن ، والمشرك يجحد ذلك وينكره ، بل ويصرف عبادته وتعظيمه لغير الله سبحانه . فما أعظمه من ظلم وما أشده من جور ، لذلك كانت عقوبة المشرك أقسى العقوبات وأشدها ، ألا وهي الخلود الأبدي في النار ، قال تعالى في بيان ذلك : { إنه من يشرك بالله فقد حرم الله عليه الجنة ومأواه النار وما للظالمين من أنصار } (المائدة: 72) وكل ذنب مات العبد من غير أن يتوب منه حال الحياة فإمكان العفو والمغفرة فيه يوم القيامة واردٌ إلا الشرك والكفر ، فإن الله قد قطع رجاء صاحبه في المغفرة ،قال تعالى : { إن الله لا يغفر أن يشرك به ويغفر ما دون ذلك لمن يشاء ومن يشرك بالله فقد افترى إثما عظيما } (النساء:48)

والشرك المقصود بكلامنا هذا هو الشرك الأكبر المخرج من الملة ، وهو على أنواع :
1- شرك في الربوبية : وهو اعتقاد أن ثمة متصرف في الكون بالخلق والتدبير مع الله سبحانه . وهذا الشرك ادعاه فرعون لنفسه : { فقال أنا ربكم الأعلى } ( النازعات : 24) فأغرقه سبحانه إمعاناً في إبطال دعواه ، إذ كيف يغرق الرب في ملكه الذي يسيره ؟!

2- شرك في الألوهية : وهو صرف العبادة أو نوع من أنواعها لغير الله ، كمن يتقرب بعبادته للأصنام والأوثان والقبور ونحوها ، بدعوى أنها تقرِّب من الله ، فكل هذا من صور الشرك في الألوهية ، والله لم يجعل بينه وبين عباده في عبادته واسطة من خلقه ، بل الواجب على العباد أن يتقربوا إليه وحده من غير واسطة فهو المستحق لجميع أنواع العبادة ، من الخوف والرجاء والحب والصلاة والزكاة وغيرها من العبادات القلبية والبدنية ، قال تعالى : { قل إن صلاتي ونسكي ومحياي ومماتي لله رب العالمين، لا شريك له وبذلك أمرت وأنا أول المسلمين } (الأنعام : 162-163 )

3- شرك في الأسماء والصفات : وهو اعتقاد أن ثمة مخلوق متصف بصفات الله عز وجل كاتصاف الله بها ، كمن يعتقد أن بشراً يعلم من الغيب مثل علم الله عز وجلَّ ، أو أن أحدا من الخلق أوتي من القدرة بحيث لا يستعصي عليه شيء ، فأمره بين الكاف والنون ، فكل هذا من الشرك بالله ، وكل من يدعي ذلك فهو كاذب دجَّال .

وقد جمع النبي صلى الله عليه وسلم كل هذه الأنواع في جملة واحدة من جوامع الكلم حين سئل عن الشرك بالله فقال: ( أن تجعل لله ندا وهو خلقك ) متفق عليه ، والند هو المثيل والنظير فكل من أشرك بالله سواء في الربوبية أو الألوهية أو الأسماء والصفات فقد جعل له نداً ومثيلاً ونظيراً .

هذه هي أنواع الشرك الأكبر ، وأما الشرك الأصغر ، فهو وإن لم يكن مخرجا من الملة إلا أن صاحبه قد أرتكب ذنباً عظيماً ، وإذا لقي العبد ربه به من غير توبة منه في حال الحياة ، كان تحت المشيئة إن شاء عفا عنه ، وإن شاء عذبه ثم أدخله الجنة ، ومن أمثلة الشرك الأصغر الحلف بغير الله من غير أن يعتقد الحالف أن منزلة المحلوف به كمنزلة الله عز وجل في الإجلال والتعظيم ، فإن من اعتقد ذلك كان حلفه كفرا أكبر مخرجا من الملة ، ومن أمثلته أيضاً قول القائل : ما شاء الله وشئت ، فقد جاء يهودي إلى النبي صلى الله فقال : ( إنكم تشركون ، تقولون : ما شاء الله وشئت ، وتقولون والكعبة ، فأمرهم النبي صلى الله عليه وسلم : إذا أرادوا أن يحلفوا أن يقولوا ورب الكعبة ويقولون : ما شاء الله ثم شئت ) رواه النسائي .

ومن أنواع الشرك الأصغر الرياء ، وهو أن يقصد العبد بعبادته عَرَضَ الدنيا ، من تحصيل جاه أو نيل منزلة ، قال تعالى : { فمن كان يرجو لقاء ربه فليعمل عملا صالحا ولا يشرك بعبادة ربه أحدا } (الكهف :110 ) ، وروى الإمام أحمد أن رسول الله صلى الله عليه وسلم قال : ( إن أخوف ما أخاف عليكم الشرك الأصغر ، قالوا : وما الشرك الأصغر ؟ يا رسول الله ، قال : الرياء ، يقول الله عز وجل لهم يوم القيامة : إذا جُزِيَ الناس بأعمالهم اذهبوا إلى الذين كنتم تراءون في الدنيا فانظروا هل تجدون عندهم جزاء ) .

هذا هو الشرك بنوعيه الأصغر والأكبر ، والواجب على المسلم أن يكون على علم بتوحيد الله وما يقرِّب إليه ، فإن من أعظم أسباب انتشار الشرك بين المسلمين الجهل بما يجب لله من التوحيد ، وقد كان صلى الله عليه وسلم حريصاً على بيان التوحيد الخالص ، وحريصاً على بيان الشرك وقطع أسبابه ، إلا أن البعد عن منبع الهدى من الكتاب والسنة أدخل طوائف من الأمة في دوامات من الممارسات الخاطئة لشعائرٍ كان من الواجب صرفها لله ، فصرفت إلى مخلوقين لا يستحقونها.

منقول من صفحة الشيخ ابن باز رحمه الله

[ام روفيدة]

url=http://www.hwaml.com/up/]http://forum.hwaml.com/imgcache2/hwaml.com_1335127185_523.jpg[/url]

[ام روفيدة]

http://forum.hwaml.com/imgcache2/hwaml.com_1335127287_204.jpg (http://www.hwaml.com/up/)

[ام روفيدة]

حسبنا الله ونعم الوكيل اللهم كن لإخواننا في سوريا والله إن العين لتدمع وإن القلب ليحزن لما يجري لهم والعاااالم كله يتفرج ولا يحرك ساكنا بالله ما تنسوهمش من دعائكم لأنه حتى نحن مرينا بنفس ضروفهم واحتجنا للدعاء بقلوب صادقة وحسبنا الله ونعم الوكيل

‫التاريخ يعيد نفسه بن عثيمين : صمتكم يقتلنا‬‎ - YouTube (http://www.youtube.com/watch?v=j3ukjLNkHvU)

[يقين]

روروروروريروررورورورورويروروروروروروي

[ام روفيدة]

إإإإإيييييييييييييييييييييييييييييييييييييييييه ودني قريب انطرشت من الزغاريد هدا شنو الصوت الصداح الله ايبارك

[ام روفيدة]

اهلا بيقونة كيف الحال وشن الاخبار ؟

[ليبياقلبي]

هلا ام روفيدة يقونة بعتلك عالخاص مردتيش

[ليبياقلبي]

مافيش حد موجود

[ليبياقلبي]

وووووووووووووووووينكم معقوزلة لا في العشية لا في الليل

[ليبياقلبي]

مافيش حد حتى توا هي بنطلع

[أم ورد]

السلام عليكم
صباح الخير
كيف حالكم اليوم

[ام معاد]

السلالالالالالالالالالالام عليكم كيف حالكم كلكم بدون استتناء ولاباس علي ام روفيدة ولد عيون وبنيت ام وسن وحنا ام نوزة ومبروووووووووووووووووووووووووووووووك ماشريتي يايقوونة ومشكورين يلي سئلوا عليا

[ام معاد]

توا نستادن

[أم ورد]

وأخيرا ساعة وأني نكتب ماباش يمشي الرد خخخخخخخ

أم روفيدة كيف حالك وكيف حال حازم ولاباس عليك وربي يثبتلك حملك يارب
أم فروتي كيف حالك وكيف حال فروتي وعياد ومبروك ما شريتي إتبيديهم بالهني
أم وسونة كيف حالك وكيف حال وسونة ولا باس عليها وطهورا إن شاء الله
أم نوزة كيف حالك وكيف حال نوزة وكيف حال حناك توى وربي ايفرحكم برجعتها سالمة يارب
أم رغد ركيف حالك وكيف حال العرايس والعريس إن شاء الله بخير وينك ليك وحشة
أم شموسة كيف حالك وكيف حال شموسة والحمل
أم لين كيف حالك وكيف حال لين وأنس وشن امداير فيك
أم سارة كيف حالك وكيف حال سارة وشن أخر مغامراتها مع الشمال ولاباس على حمودي وطهورا إن شاء الله
أم نور كيف حالك وكيف حال سارة ونور وفراس إن شاء الله بخير
أم سعد وينك إمغيبة إن شاء المانع خير
وإن شاء الله ما نسيت حد بس

[يقين]

او لا ام نارييييييييييييز كيف حالك وسمعت انك زعلانه مني اني مانسالش عليك والله بالنسبه لشيبانيك ما سمعت بيه لاني ما نقراش في الصفحات
وحمدلله علي سلامته والف لاباس علي حناك
ويا ام ناريز ني وجعتني كيف تقولي نتصل بيها وماتردش ني وضحتلك اللي صار وقوتلك الهاتف كان عند زوجي
وني لو مقصره في حقك او مره غلطت فيك سامحيني
ام ناريز علاش ماتقريش في الصفحات اللي فاتو اهو شوفي كيف مباركتلك وحتي لما تغيبي نسال عليك ولما تخشي تقولي علاش ما سالتيش عليا لانك ماتقريش في الصفحات

[يقين]

ام ورد
صباح الخير كيف حالك نهارك مبارك
ام معاد
صباح الخير كيف حالك وحال صغارك
نهاركم سعيد

[يقين]

هيااااااا سلالالالالالالالالالالالالالالالالالالام

[أم ورد]

أهلين يقونة كيف حالك

[ام روفيدة]

السلام عليكم ورحمة الله وبركاته

كيف حالكم اليوم ؟يا حلوين يلي ديمة مش موجودين

[ام روفيدة]

قال ابن القيم: "والذي أجمع عليه العارفون: أن الزهد سفر القلب من وطن الدنيا، وأخذه في منازل الآخرة"

[ام روفيدة]

اللهم إني أسألك فعل الخيرات ، وترك المنكرات ، وحب المساكين ، وأن تغفر لي وترحمني وتتوب علي ، وإن أردت بعبادك فتنة فاقبضني إليك غير مفتون

[ام روفيدة]

قال رسول الله صلى الله عليه وسلم: «الحياء من الإيمان» [رواه مسلم].

[أم ورد]

وعليكم السلام أم روفيدة كيف حالك اليوم وشن صار فيك

[ام معاد]

ام روفيدة حتي اني صارلي هكي في مارية قعد الدم ينزل عليا اربعة ايام امشيت للدكتورة قتلي عندك بداية اجهاض وماتستحقيش لمتبتات واحد في المية ايصير منه قتلي روحي وينزل بروحه ، اني هداك الوقت كنت نتريض ونجري وراء عبدو لكن الحمد لله ماخديتش ولالالالالالالالالالالالالالالالالالا متبت بكل وتوا بنتي عمرها سنة وشهر انشوفلها وينقول انت يلي كنت اجهاض خخخخخخخخخخخخخخخخخخخخخخخ

[ام معاد]

اسمعوا المطبخ الليبي مايبيش ينفتح بكل معاي

[أم سعد]

السلام عليكم

كيف حال الجميع بدون استثناء

شكرا لكل من سأل عليا

أنا كنت في تونس مشيت اطمنت على بنتي وجيت

[عيون زوجي]

السلام عليكم

كيف حالكم ياعيله

ام روفيده لاباس طهور والحمدلله عسلامة البيبي وسلامتك لان الاجهاض متعب نفسي وجسدي ويارب تفرحي بشدة البيبي بيديك وانتم الزوز بصحه وسلامة


يقونه كيف حالك انتي وفطوووم وخيرك مستعجله خشيتي وطلعتي بلا ذكر يومياتك

ام ورد كيف حالك وحال مولى بيتك ونشدة اعليك الصحه سارة لتوا ما اتعودتش لهساعه منحيه الشمال وانرد فيه في الليل او كان طلعت بالسيارة وهي تقعد شاده الككا حاشاكم لليل اول مانلبس الشمال اتنزل المحصول اخخخخخ وفي النهار مرة مرة تعملي الميه على روحها وانا نجري ونعيط الله غالب هههههههههه


وحمودي ليلتين يسهر فيا التهاب في الصدر متعبه عالاخر الفجر الحرارة فوق 40 دوشتله بمية الشيشمة ودرت زربوط وكمادات مافيش فايدة للساعه 8 ارتاح شوي وارقد وصدره يزوي ويكح ولتوا مقعمز جنبي اسخين ولابس شمال بس من الحرارة اسئل الله العظيم رب العرش العظيم ان يشفي ولدي ووسن وكل مريض يارب

ام معاد كيف حالك وحال عبادي وماريه وشنو صار في شمال عبدو ما اديريش الفلاحه واتنحيه قبلي تشبحي بعدين ههههههههههه


السؤااال المقدس: شنو اتغديتوا


انا فلاااااااااااافل ( طعميه)

[أم سعد]

عيووووووووووووووون ... ليك وحشة ياوحشة اخخخخخخخخخخخخخخخ

ألف لاباس على الصغار ... لازم تعالجي الالتهاب كان تبي الحرارة تمشي

في دكتور بنتي مش عادي بكل ... اسمه صلاح الخافي .... يخدم في الرحمة وفي المسرة

اليوم العشية تقريبا في المسرة ... وغدوة الصبح في الرحمة

أنا غداي بكبوكي

[ام معاد]

hwaml15تي وينكم

[زهرة2000]

السلام عليكم كيف حالكم
عيون شن حالك لااباس ع حمودى وربي يشفيه الحراره ديريله خل بسرعه تنزل راه امسحى جسمه بيها طول تنزل
ام سعد شن اخخبارك واخبار الصغار