دردشة بنات ليبيا , دردشة حوامل ليبيا , تجمع بنات ليبيا

[أم سعد]

السلام عليكم

مساء الخيرات على الحلوات

شن فاتني ومنو قاعد وشن صاير وكيف وأمتى وعلاش وكل شي ؟؟؟؟؟؟؟؟؟

[ام معاد]

خير ام سعد كيف حالك ، حتي اني زيك مانندري علي شي كان الضي هارب

[ام روفيدة]

أهلين أم سعد كيف حالك وحال سعودي والحمل معاك هانت خلاص قرب موعدك إن شاء الله على خير وتنوضي بالسلامة

[ام معاد]

ام روفيدة تي غر عدلي علينا انت من وين من الزنتان

[أم سعد]

أم معاد ... كيف حالك وشن أخبارك ؟؟؟ ...

أم روفيدة ... ايه قررررررررررررررربت ويستر الله ... دعواتكم

طبعا أنا اليوم غياب ... الصبح نزلت لحوش العيلة تغديت عندهم ... وفي الظهر جتني جارتنا درتلها شعرها .. وبعد العصر مشيت لجامع الصقع شفت بساطات وستارات ... وبعدين خطمت على محل مكياج شريت كم حاجة ناقصتني ... ماهو غدوة جارتي عندها دخول وتبي مكياج وتسريحة ... وروحت تعشيت عند عزوزتي وركبت ... ولدي وراجلي رقدو وأنا جيتكم ... قلت خللي نلحق على الموجودين

[ام معاد]

ام ورد خيرك خشيتي جري وطلعتي جري

[الفراشة الواحة]

السلام عليكم كيف حالكم اليوم

[ام وسونة]

السلام عليكم كيف حالكم

وخيه ام روفيدة بارك الله فيك وتسلميلي يارب اليوم كله من الصبح مكسدة

على عصر الليم تخايلوا شريت كيلو ليم ب 12 الدينار عصرته جاني قريب

ليترا الحمدلله بعدها مشيت لعزوزتي رفعتلها حصتها وهدرزنا عندها واحني كيف

وصلنا هرب الضئ وهدا وين جي خشيت نجري عالمنتدى ههههههههههه

[ام معاد]

انت تعرفي في التسريحات والمكياج؟

[ام معاد]

كيف حالك ياغريانية

[أم سعد]

الفراشة .. وعليكم السلام ورحمة الله وبركاته أهلا وسهلا نورتي

أم وسونة ... ربي يعاون .. كيف حالك؟؟

أم معاد ... ايه شوية شوية

[ام روفيدة]

أهلين أم وسونة نورتي يا حبيبة كيف حالك وكيف حال السنفورة وسونة ؟

الله يبارك يا أم وسونة الله يبارك كيلوا ليم عصرتيه صحى ليك والله أني ليمة وحدة نعصرها بالسيف ما نحبش نعصر الليم ههههههههههههه ربي يعطيك صحيحتك

[ام وسونة]

سلمك ياغالية ماهو عصرته بالعصارة الكهربائية يعني مش فلاحة ههههههههه

[ام وسونة]

الليبيين بين الداء والدواء..

الليبين لديهم تصنيفاتهم الخاصة للامراض اللهم عافانا واياكم..ولديهم تشخيصاتهم الخاصة بهم فالليبي في الغالب يشخص نفسه بنفسه وقد يقوم بتشخيص حتى غيره ..

وفي اغلب الاحيان يكون التشخيص الاولي مايعرف بالبردة..وبردة الليبيين لاتعرف اي حدود..فالليبي قد تصيبه بردة في معدته ومصارينه واحيانا في راسه و عظامه او جنابه ولاتستغرب لو لقيت ليبي ضارباته بردة في عينه.

واما من لم تكن اعراضه من ضمن ماسبق فان التشخيص يبقى غامضا تحت عنوان ( اللي جاه جاه)..واما مايخرج عن نطاق المعروف والمألوف عند الليبيين من الاعراض قد تجعل التشخيص يتحول الى ( المرض المش باهي)..

واما الادوية فاول علاج يستخدمه الليبي بعد حبتين البنادول هو التغليف بالفيكس..فمهما كان العضو المصاب يتم دهنه بالفيكس وقد يتعافى بشكل غامض..واما الامراض الجلدية باختلافها تتم معالجتها بي بوماطة الاسد...والآم العضام والعضلات فحلها الاول مايعرف ب (بوماطة الراجل الزقطوط)..والحل الاخير للعلاج غالبا هو السفر لتونس اذا سمحت الظروف المادية...والى ان تتحسن الظروف الصحية في ليبيا سيبقى الليبي خبيرا في العلاج الذاتي.

[ام وسونة]

هههههههههههه يابنات مش كيلو الليم ههههههههههه راهو 30 كيلو

[ام روفيدة]

http://forum.hwaml.com/imgcache2/hwaml.com_1326578554_333.jpg (http://www.7arir.com/)

[ام روفيدة]

http://forum.hwaml.com/imgcache2/hwaml.com_1326578686_684.jpg (http://www.7arir.com/)

[ام وسونة]

يا رب أسألك مفاجئة جميلــــــــــــة منك لا يسع لقلبى تصديقها و تدمع عينــــــــــــى عند سماعها ... ... ... و قـــــــــدر لي الخـــــــــــــير حيثُ شئت ثم ارضنـــــــي به ... و اجعل حياتـــــــــــــى أهنأ و أسعد و اجمل من كل توقعاتى و أكتب لى فى أيامى القادمة فرحة تغير بها مجرى حياتى للآبد و أسعد قلبى و قلب من احبهم و أعطهم الخير كله من عندك و أكتب لنا سعادة و رضا بالدنيا و الاخرة و أرزقنا سعـــــــــــــادة القلب و هدوء النفس و سكينة الروح

[ام روفيدة]

http://forum.hwaml.com/imgcache2/hwaml.com_1326578790_121.jpg (http://www.7arir.com/)

[ام روفيدة]

عاطفة الرسول مع زوجاته

يعرف مشاعرها وأحاسيسه


كان رسول الله صلى الله عليه وسلم يقول لعائشة : إني لأعلم إذا كنت عني راضية ،
وإذا كنت علي غضبى . قالت فقلت : ومن أين تعرف ذلك ؟ قال : أما إذا كنت
عني راضية ، فإنك تقولين : لا . ورب محمد ! وإذا كنت غضبى ، قلت : لا . ورب
إبراهيم ! قالت : قلت : أجل . والله ! يا رسول الله ! ما أهجر إلا اسمك .
وفي رواية : إلى قوله : لا . ورب إبراهيم . ولم يذكر ما بعده
الراوي: عائشة - خلاصة الدرجة: صحيح - المحدث: مسلم - المصدر: المسند الصحيح - الصفحة أو الرقم: 2439

قدر غيرتها وحبها
عن
ام سلمها انها :أتت بطعام في صحفة لها إلى رسول الله صلى الله عليه وسلم
وأصحابه ، فجاءت عائشة متزرة بكلمة ممنوعةاء ، ومعها فهر ، ففلقت به الصحفة
، فجمع النبي صلى الله عليه وسلم بين فلقتي الصحفة ، ويقول : كلوا غارت
أمكم مرتين ، ثم أخذ رسول الله صحفة عائشة ، فبعث بها إلى أم سلمة ، وأعطى
صحفة أم سلمة عائشة .
الراوي: أم سلمة - خلاصة الدرجة: صحيح - المحدث: الألباني - المصدر: صحيح النسائي - الصفحة أو الرقم: 3966


يتفهم نفسيتها وطبيعتها
قال
صلى الله عليه وسلم : " استوصوا بالنساء ، فإن المرأة خلقت من ضلع ، وإن
أعوج شيء في الضلع أعلاه ، فإن ذهبت تقيمه كلمة ممنوعةرته ، وإن تركته لم
يزل أعوج ، فاستوصوا بالنساء "
الراوي: أبو هريرة - خلاصة الدرجة: [صحيح] - المحدث: البخاري - المصدر: الجامع الصحيح - الصفحة أو الرقم: 3331
والحديث ليس على سبيل الذم كما يفهم العامة بل لتفهيم وتعليم الرجال.
وفي
الحديث فهم عجيب لطبيعة المرأة وفيه أشارة إلى إمكانية ترك المرأة على
إعوجاجها في بعض الأمور المباحة ، وألا يتركها على الإعوجاج إذا تعدت ما
طبعت عليه من النقص كفعل المعاصي وترك الواجبات .

يتبع

[ام معاد]

شن ارقدتوا

[ام معاد]

تصبحوا علي خير

[ام روفيدة]

تصبحي على خير يا أم معاد

[ام معاد]

ولدك راقد ام روفيدة

[ام روفيدة]

لالا ولدي ما زال ما روحش طالع مع بوه

[ام وسونة]

غداً سيفتح الله لك بابــــــــاً
•
•
•
•
•
•
•
•
•

كنت تظنه من شدة اليأس لم يخلق بمفتاح ..!

فقط تفائلوا بالخيـــر .. وستجــدوه ان شاء الله

[ام وسونة]

العيــــــلة الليبية طالعيــن زردة :

1- اللي راكبين من تالي يوسعوو مزال خوكم بيركب
2-احيه سحيقة عفست على رجلي
3-اثبتي يافرخة في مكانك معاش تتحركي
4-وخروووو شبشبي طاااح نبي ندوره
5-تي نوووض قعمزت على عبايتي
6- افتحوو المكيف معاش نقدر نتفس
7-مش عارفة علاش نحس ان اححني ناسيين حاجة !
8-كان وقفو بحدا محل \ ماحد ينزل اللي بينزل بنخلوه وبنمشوو
9-انت يافرخ طفي الضي
10-يممممه شوووفيه يضرب فياا
11-يادراه هييه مرض عفست على صبعي الصغير
12-بوووووووي ترا مدلي كنيكس
13-افتحي الروشن بنحدف الكاغط
14-نوض نوض اني بحدا الروشن مكاني من بكري حاجزه
15-المرضعة متاع حمودي في القجر ترا مدها
16- يمممه جيعااااااااان :( مزال هلبااااا بش نوصلو ؟!
17-شوفي مروة هربت ماتبيش تنزل معانا حاجة
18-كلكم ركبتوووو .. مانسيناا حد !
19-خلاص صكروو فومكم والله واحد يتكلم لما نردكم

ههههههههههههـ زردة جميلة رسمي :)

ـ ربي يكون في عون اللي سووق

اهم حاجة يوفروله البنادول ههههههه صداع

والله من الاخير جو وخلاص .

[ام روفيدة]

حلوة الزردة الليبية يا أم وسونة ههههههههههه الليبيين عندهم جو خاص في كل شيء ههههههههه

[ام روفيدة]

أني نستأدنكم توا بنمشي انهرول على السير ولما انتم مرات نرجع المهم تصبحوا على خير وماتنسوش ركعتين في جوف الليل خير من كنوز الدنيا كلها وربي يرزق كل محرومة الدرية الصالحة ويرزق كل متمنية.

أم وسونة أسأل الله العظيم رب العرش العظيم أن يرزقك الحمل السليم المعافى وتبشرينا بحملك الشهر الجاي ربي يرزقك من أوسع أبوابه يااااااااااااااااااااااااااااارب اللهم امين .
أستودعكم الله الدي لاتضيع ودائعه في حفظ الرحمن يا غاليات
والسلام عليكم ورحمة الله وبركاته

[ام وسونة]

شوفتي يا ام روفيدة والله الا الليبيين عندنا اجواء مستحيل تلقيهم عند حد تاني

[ام وسونة]

وانتي من اهل الخير وخيه ام روفيدة وبارك الله فيك عالدعوة الحلوة

ويارب نحمل اني وانتي في شهر واحد ويارب يرزقك بالحمل العاااااااااااجل

ويعطيك على قيس نيتك يااااااااااااارب

[ميمونة]

السلام عليكم


شكلكم طلعتوا انا معاش عندي حظ معاكم سبحان الله


عيون --وينك عالفيس بعتلك رسايل اقريهم

ام رفيده==ليا يومين معاش تلقينا شن حالك وحال وليدك

ام وسونه==كيف حالك توا وصحيحه العصير

[عيون زوجي]

السلام عليكم
ام روفيده الله غالب راجلي طلع للمحل وسارة رقدت وما نقدرش نخليها بروحها تنخلع من ابسط حركة والنت عندهم بالخيط في هالحوش مش واي فاي لانها عزوز وماتفهمش في شي
ام معاد كيف حالك انتي والضي
ام سعد شنو شريتي من بساطات وستاير
ام وسوووووووونه ليك وحشه يا غاليه كيف حالك وحال وسونه؟؟؟

[ام وسونة]

اهلين ميمونتي كيف حالك وسلمك ياااااااااارب

وخيه عيون مبروك ماشريتي وتبيدي بالهني يارب والله اني مستاحشاتك اكتر

[ميمونة]

هلا ام وسونه شن الجو
\
\عيون واخيرا تي وينك ياقمر والله استحشتك يعطيهالك شن حالك وحال صغارك

[ليبياقلبي]

سسسسسسسسسسسسسسسلام ام نوزة جيت

[عيون زوجي]

ميموووونه يا احبيبه كيف حالك؟ وشنو اخر اخبارك ؟؟

[ميمونة]

هلا ام نوزه شن حالك وحال بنيتك

[ميمونة]

وينك عالفيس افتحي نهدرزوا ياعيوني

[عيون زوجي]

والله ليكم وحشه جماعة الليل انتم ههههه
ميمونه
ام وسونه
ام نوزة
والغياب
ايه
ميراس
ويلي فارقتنا برعاية الله ام روفيدة

[عيون زوجي]

حااااضر......

[عيون زوجي]

سؤال للحاضرات منو راجلها جرب هالعطر



http://t1.gstatic.com/images?q=tbn:ANd9GcRx1rE7DhvaYqTPu7DBfWrSqkiyZXaJI HQoMwT74z83XScuX8Rylg

[ليبياقلبي]

عيون ضيفني بعتلك صداقة

[ام وسونة]

للاسف ياعيون اول مرة نشوفه الحق لكن من شكله حلو

[ليبياقلبي]

ميمو شن الجو

[عيون زوجي]

ام نوزة ما وصلني شي احبيبه اعطيني اسمك انتي
ام وسونه انا اشريته لخوي هديه نصحتني بيه الالمانيه يلي في المحل وسعره غالي شوي ب 120 دينار ليبي وانا عجبني بس الناس اذواق راجلي قال مش حلو وانا خلاص شريته

[ام وسونة]

مرات خوك تعجبه راهو الروائح مستحيل زوز يتفقوا على ريحة وحدة

[ليبياقلبي]

هلا ام وسونة

[ليبياقلبي]

العفو ياعيون مايوصلك من شي

[عيون زوجي]

كيف حال وسونه وشنو جوها وصحه الليم نبوا منه
وكيف بنيتك نوزة يا ليبيا وحال زوك

[عيون زوجي]

والله ما وصلتني حاجه لحد الان من اي وحده فيكم وينها العفوووو

[ام وسونة]

اهلين ام ناريز كيف حالك وشن اخر اخبارك

سلمك ياعيون والله وسونة الحمدلله وانتي شن اخبار سرورة

[عيون زوجي]

سارة تعلمت النوم بكري من الساعه 10 لانها تنوض من 8 ومن 10 تتطلع معاي ومش متعلمه بطلوع ومشي هلبه زي هنايا في ليبيا السيارة معلمة التنبله والبخل حتى للصغار

[ام وسونة]

هي ياجماعة الخير تصبحوا على الف خير ياااااارب

ربي لاتذرني فردا وانت خير الوارثين

[عيون زوجي]

تصبحوا على الف خيرررررررررر

[ليبياقلبي]

عيون تو تكتبلك اسمي ميمونة انا بعتلك اضافة ورسالة بس نحس في روحي نضايق فيك مش ضروري

[رغوده2006]

صباح الخيرات هل من احد؟؟

[رغوده2006]

يقونه وينك ياحبيبه غياب والله الا استاحشتك مش من عادتك قبل تدخلي الصبح المهم كيف حالك وحال فروتي
الاء صباح الخير كيف حالك اليوم شنو عجباتك الغريبه ؟

[ام معاد]

صباح الخير رغودة كيف حالك

[رغوده2006]

ام معاد صباح النور كيف حالك وحال وليدك وبنيتك وشنو البارح دارت فيك في الرضاعه
والله انا البارح احمد دار فيا حاله

[ام معاد]

حتي اني زيك ما طلقتنيش للصبح ورقبتي حالة توجع فيا من الرضاعة

[الاء 2002]

صباح الوررررررررررررررررررررررررررررررررد للكل

[الاء 2002]

رغوووووووة الغربية تهبل احلى من متعى نحس فيها جديدة
يقوووووونة صباح الفل خيرك مغيبة والله لايغيبك كيف حال بنيتك
عيون راجلها كيف حالك وحال عولتك
ليبيا قلبى كيف حالك وسلمك نشاده ياحنه

[ام معاد]

ألاء كيف حالك

[رغوده2006]

الاء دسي الوحده غير راك تكمليها هههههههههههههههههههههه

[رغوده2006]

يقووووووووووووووووونه يقوووووووووووووووووووووووووونه وينك من امبكري انادي فيك لين ريقي شاط وانا صايمه لاه عليك هكي

[رغوده2006]

ام معاد قداش عمرها بنيتك ووليدك؟

[ام معاد]

ولدي عمره سنتين وتلات شهور وبنتي عشرة شهور واسبوع

[رغوده2006]

ام معاد ان شاءالله ربي يخليهملك ياااااااارب ويلحقك فرحمهم
شنو اسماهم؟

[الاء 2002]

الحمد لله يام معاد كيف حالك انتى وحال صغورتك
رغووووووة هانى قريب نكملها نسلى فى روحى مع الخدمة هلى كداس

[رغوده2006]

الاء غير كانك بتاكلي وماتفسديش كولي صحتين عليك اما الفساد ياودي لا ههههههههههههههههههههههه

[ام معاد]

سامحيني يا رغودة الضي هدا وتين شرفنا

[ام وسونة]

السلام عليكم

[ام وسونة]

تنهيدة زوجة مكمودة

اليوم مشي.وقبله امس..وكل يوم نفس الشي..كله كساد.....العمر كله فات وماترجعه
التنهيدة..
كل صبح انوض بين حوش ومطبخ..اليوم كل يفوت..ومافيش حاجة جديدة
كل يوم نفس الحوسة..اللي درته امس..نرجع اليوم نديره..
وهو راقد..ولاطالع ولاماد وجهه..

ولا يعرف يضحك معاي ولا يبصر تقول من ميتله..
لايعرف تدهوير ولا جو وتهدريز...ديمة قارن حواجبه وديمة واصلتله..

يحب المفرخ وكل عام يبي عيل..ولاعمره شد واحد منهم..فالح يكشخ وديمة يشكي من مصروفهم وعياطهم ودوشتهم..
تقول مش صغاره ومن حوش بوي معاي جايبتهم..
يحسابني مانفدش من تعبهم وحوستهم..

خاطري يشكرني..ويحس بقيمتي ويفهمني..ويقول من زيها اتحملت هلبة وديمة معاونتني..
و نعرفه مستحيل يديرها ومش ممكن..لكن لما نغلط في غلطتي يعنكشلي..ويقعد شادهالي زي اللوبانة لين نمل ويفددني

وكان مانشدش روحي عليه راني من زمان هبدته بطاوة ولا طنجرة على راسه..لين ينسى انه في يوم عرفني.

[زهرة2000]

السلام عليكم كيف حالكم
ام وسونه يعطيهالك هههههههههههههههه

[زهرة2000]

ميمونه كيف حالك انا حلمت بيك ههههههههههههههههههههههه
ليبيا قلبي حتى انت حلمت بيك ههههههههههههه انه شعرك اصفر وبيضاء وخشمك طويل هههههههه لما فقت بديت نضحك قلت سبحانه الله شن جابهم هدوم فى الحلم هههههههههه

[ام وسونة]

عجباً لكثير من البشر ..

إذا تعلق الأمر بذنوبهم أكدوا أن الله غفور رحيم ..

و إذا تعلق الأمر بذنوب الآخرين أكدوا أن الله شديد العقاب ..!

[الاء 2002]

السلام عليكم انا hwaml7hwaml7hwaml7جيت هل من احد

[الاء 2002]

هيا بالسلامة

[زهرة2000]

الووووووووووووووو خيركم يابنات مكسدات هيا انشطو وهدرزو وينكم

[أم سعد]

السلاااااااااااااااااااااااااام عليكم

[ramaa]

مرحبا كيف الحال ياحلوات

[أم سعد]

أهلين راما كيف حالك؟؟

[ramaa]

كيف الحال ام سعد انا الحمد لله توا انا التاسع وخايفه شوي

[أم سعد]

لالا ماتخافيش خللي كل شي في وقته ماتحسبي لشي

انتي بكرة ؟؟

[ramaa]

ايه هدا اول حمل ليا ومتزوجه ليا سنه ونص

[أم سعد]

ربي يسهل عليك ... شن قالولك ولد والا بنت ؟؟؟

[ramaa]

بنوته قالولي

[أم سعد]

ربي يمتعك بشوفتها ياااارب ... وشن اخترتيلها من اسم

<<< شعارنا القصقصة

[ramaa]

ااااميييييييييين والله الاسم مازال حايره

[أم سعد]

باهي وين اتابعي انتي ووين ناوية تجيبي ؟؟

[الفراشة الواحة]

السلام عليكم

[أم سعد]

وعليكم السلام ورحمة الله وبركاته

أهلين الفراشة كيف حالك اليوم؟؟

[الفراشة الواحة]

الحمد لله تمام انتي كيف حالك وحال وليدك

[ramaa]

انا من الجبل وفي نالوت انشا الله

[أم سعد]

الفراشة .. أنا ووليدي بخير ... شن تخبرينا اليوم ؟؟

راما ... بالجودة ان شاء الله

[ramaa]

وعليكم السلام الفراشه كيف الحال

[الفراشة الواحة]

شنو بنقولك يا ام سعد كساد وقلق

[ramaa]

انشاء الله

[الفراشة الواحة]

انتي كيف حالك يا راما اني بخير والحمد لله

[أم سعد]

شنو لا طلعة لاخشة ؟؟؟

[زهرة2000]

السلام عليكم كيفكم

[الفراشة الواحة]

لا لا لاطلعة ولاخشة راسي وراس ولدي وخلاص

[أم سعد]

أهلين زهرة كيف الحال نورتي

[الفراشة الواحة]

وعليكم السلام يازهرة كيف حالك اليوم

[أم سعد]

الفراشة ... كم عمره وليدك وشن اسمه ؟؟

[زهرة2000]

خيرات ام سعودى كيف حالك وحال الحمل خلاص هانت ربي يسهل عليك
الفراشه كيف حالك انت موعدك معايا صح انا نخش شهرى نهايه 3 وانت
راما مرحبتين بيك انستينا وشرفتينا ربي يسهل عليك انت موليد الكم

[الفراشة الواحة]

ولدي عمره 8شهور واسمه احمد يا زهرة ان شاء الله ربي يتمم علينا بخير

[أم سعد]

ايه يازهرة انتو تقولو هانت أنا نشوف فيها مابعدها ... كان نلقى نجيب توا خلاااااااااااص تعبت

[أم سعد]

الفراشة ... ربي يحفظه ... صغيرون مازال ... يمرد؟؟

[زهرة2000]

ههههههههههههه شن تقولى علينا مالا هههههه والله انا نحسب باليوم الى يعدى نفرح نقول خلاص هانت دكرتيى بموقف صارى مع زوزى هداك اليوم نقوله خلاص هانت مازال 100 يوم ونجيب تما يضحك عليا وقالى تحسبيهم شوى 100 يوم ههههههههه

[الفراشة الواحة]

شوية شويةي ام سعد

[أم سعد]

ههههههههههههههههههههههههههههه

لا ونزيدك من الشعر بيت

ان موعد ولادتي بيكون يوم3/2/2012 ان شاء الله

يعني مازال 18 يوم

[ramaa]

الفراشه اني الحمد لله تعرفي اني في التجهيزات للبيبي
زهره الله ايانسك ااااااااااااااامين .. اني مواليد90

[زهرة2000]

ايه راما شن جهزتى للبيبي

[عيون زوجي]

السلام عليكم
وكيف حالكم وربي يسهل اعليكم حملكم وتجيبوا بالسلامه ذكرتونا في ايام الثقل والتكركير ربي يعينكم ويؤجرنا اجمعين وتحمل كل متمنيه يارب

[أم أجنادين 80]

السلام عليكم ورحمة الله وبركاته

[أم أجنادين 80]

كيف الحال يابنات

[أم أجنادين 80]

مفيش من جاوب علي سؤالي ماعدا ام روفيدة

[أم أجنادين 80]

كيف حالكم ام سعد وزهرة والفراشة وعيون

[أم أجنادين 80]

كساد وينكم

[الفراشة الواحة]

كيف حالك يا ام اجنادين اني الحم لله

[أم أجنادين 80]

اهلا فراشة

[ام وسونة]

السلام عليكم

[ام وسونة]

كم اخجلتني يا الله
.
.
.
.
.
عندما
قـلت : ليـس عـندي أحد .....

فقال تعالى : نَحـْنُ آقـرَبْ إلـيْكَ مـنْ حـَبْل آلـوَريد

قـلت : أعطــني أملا يـا رب ..... فقال تعالى : إنّ مـَع آلعــُسْر يسـرا

قـلت : كيف لآحـلآمي أن تتحـق ؟ ..... فقال تعالى : إدعــُونِي آسْــتَجـبْ لَكـم

كم أحبك ربى ♥

[ام وسونة]

http://forum.hwaml.com/imgcache2/hwaml.com_1326661985_298.jpg

[الفراشة الواحة]

حلوة منك ياام وسونة

[ام وسونة]

تسلمي فراشتي

[الفراشة الواحة]

وينكم شكلكم رقدتو

[ام وسونة]

صباح الخيرات والليرات

[ام وسونة]

اللّهُمّ إِنّي أَصْبَحْتُ أُشْهِدَكَ وَأُشْهِدُ حَمَلَةَ عَرْشِكَ وِمَلاَئِكَتِكَ وَجَمِيعَ خَلْقِكَ بِأَنّكَ أَنْتَ اللهُ لاَ إِلَهَ إِلاّ أَنْتَ وَحْدَكَ لاَ شَرِيكَ لَكَ وَأَنّ مُحَمّداً عَبْدُكَ وَرَسُولُكَ ...

http://forum.hwaml.com/imgcache2/hwaml.com_1326703018_385.jpg (http://www.facebook.com/photo.php?fbid=279264358803935&set=a.151070671623305.34981.145773102153062&type=1&ref=nf)

[ام وسونة]

أَصْـبَحْنا وَأَصْـبَحَ المُـلْكُ لله وَالحَمدُ لله ، لا إلهَ إلاّ اللّهُ وَحدَهُ لا شَريكَ لهُ، لهُ المُـلكُ ولهُ الحَمْـد، وهُوَ على كلّ شَيءٍ قدير ، رَبِّ أسْـأَلُـكَ خَـيرَ ما في هـذا اليوم وَخَـيرَ ما بَعْـدَه ، وَأَعـوذُ بِكَ مِنْ شَـرِّ هـذا اليوم وَشَرِّ ما بَعْـدَه، رَبِّ أَعـوذُبِكَ مِنَ الْكَسَـلِ وَسـوءِ الْكِـبَر ، رَبِّ أَعـوذُبِكَ مِنْ عَـذابٍ في النّـارِ وَعَـذابٍ في القَـبْر.

[ام وسونة]

لا تلتفت يمينــاً أو شمــالاً لتبحـث عن أحـــــد يسـاندك ..!!

.
.
.
.

أنظـر فقط للأعلى وقـل " يـــــــــــــــــــــا رب " فستجـد من يرعـاك ..!!

[أم سعد]

السلام عليكم

[ام روفيدة]

السلام عليكم ورحمة الله وبركاته
كيف حالكم اليوم كلكم ؟

[الفراشة الواحة]

السلام عليكم كيف حالكم ان شاء الله بخير

[ام روفيدة]

تفسير سورة الناس

(( قل أعود برب الناس 1 ملك الناس 2 إله الناس 3 من شر الوسواس الخناس 4 الدي يوسوس في صدور الناس 5 من الجنة والناس 6))

هده السورة مشتملة على الاستعادة برب الناس ومالكهم وإلههم من الشيطان الدي هو أصل الشرور كلها ومادتها الدي من فتنته وشره أنه يوسوس في صدور الناس فيحسن لهم الشر ويريهم إياه في صورة حسنة وينشط إرادتهم لفعل الشر ويقبح لهم الخير ويثبطهم عنه ويريهم إياه في صورة غير صورته وهو دائما بهده الحال يوسوس ويخنس أي : يتأخر إدا دكر العبد ربه واستعان به على دفعه .

فينبغي على العبد أن يستعين ويستعيد بربوبية الله للناس كلهم وأن الخلق كلهم داخلون تحت الربوبية والملك فكل دابة هو اخد بناصيتها .
وبألوهيته التي خلقهم لأجلها فلا تتم لهم إلا بدفع شر عدوهم الدي يريد أن يقتطعهم عنها ويحول بينهم وبينها ويريد أن يجعلهم من حزبه ليكونوا من أصحاب السعير .

والوسواس كما يكون من الجن يكون من الانس أيضا ولهدا قال تعالى ((من الجنة والناس )).

[ام روفيدة]

أهلين فراشة كيف الحال؟

[ليبياقلبي]

سسسسسسسلام شن الجو

[ام روفيدة]

كتاب بلوغ المرام من أدلة الاحكام
كتاب الطهارة
باب الغسل وحكم الجنب

عن عائشة رضي الله تعالى عنها قالت : كان رسول الله صلى الله عليه وسلم إدا اغتسل من الجنابة يبدأ فيغسل يديه ثم يفرغ بيمينه على شماله فيغسل فرجه ثم يتوضأ ثم يأخد الماء فيدخل أصابعه في أصول الشعر ثم حفن على نفسه ثلاث حفنات ثم أفاض على سائر جسده ثم غسل رجليه . متفق عليه واللفظ لمسلم .

وعن عائشة رضي الله تعالى عنها قالت : قال رسول الله صلى الله عليه وسلم : (( إني لا أحل المسجد لحائض أو جنب )). رواه أبو داود وصححه ابن خزيمة


عن عائشة رضي الله تعالى عنها قالت : كان رسول الله صلى الله عليه وسلم يغتسل من أربع : من الجنابة , ويوم الجمعة , ومن الحجامة , ومن غسل الميت . رواه أبو داود وصححه ابن خزيمة .

[ام روفيدة]

وعليكم السلام ورحمة الله وبركاته

أهلين ليبيا كيف حالك وكيف حال نوزة؟

[ام روفيدة]

يتبع عاطفة الرسول صلى الله عليه وسلم مع زوجاته


يشتكى لها ويستشرها

استشار النبي صلى الله عليه وسلم زوجاته في أدق الأمور
ومن
ذلك استشارته صلى الله عليه وسلم لأم سلمة في صلح الحديبية لما كتب رسول
الله صلى الله عليه وسلم القضية بينه وبين مشركي قريش ، وذلك بالحديبية عام
الحديبية ، قال لأصحابه : قوموا فانحروا واحلقوا ، قال : فوالله ما قام
منهم رجل ، حتى قال ذلك ثلاث مرات ، فلما لم يقم منهم أحد ، قام فدخل على
أم سلمة ، فذكر ذلك لها ، فقالت أم سلمة : يا نبي الله ! اخرج ثم لا تكلم
أحدا منهم بكلمة ، حتى تنحر بدنك وتدعو حلاقك فتحلق ! فقام فخرج فلم يكلم
منهم أحدا ، حتى فعل ذلك ، فلما رأوا ذلك قاموا فنحروا ، وجعل بعضهم يحلق
بعضا ، حتى كاد بعضهم يقتل بعضا غما
الراوي: أم سلمة هند بنت أبي أمية -
خلاصة الدرجة: متواتر - المحدث: ابن جرير الطبري - المصدر: تفسير الطبري -
الصفحة أو الرقم: 2/293

[ام روفيدة]

وينكم اليوم خيركم هكي مكسدين ؟

[ام روفيدة]

وينك يا أم قصي ليك فترة غايبة يارب المانع خير؟

[ام روفيدة]

عيون يا عيون يا عيون وينك اليوم مهناش ياودي هالسفرة خداتك منا وخليتي مكانك لكن المهم تنبسطي وتوسعي خاطرك يا حبيبة كيف حالك اليوم وكيف حال سرورة وحمودي كان كلمتيه ؟ وبعثتلك رسالة على الخاص من هداك اليوم واليوم زدت بعثتهالك ثاني امشي فتشي كويس في الرسائل تو تلقيها

[عيون زوجي]

السلام عليكم ورحمة الله
هلا وغلا بالغاليه ام روفيده اني جيت على خاطرك قلت اكيد حزومي ربي يحفظه طلع مع بوه وانتي قعده بروحك انجي نسايرك ونستفيد من بعض الدروس يلي تنزلي فيها

[عيون زوجي]

بنسألك ام روفيده على وليدك عنده الجنسيه البريطانيه والا بس الاقامه الدائمة

[شذى الأرجوان]

اعذروني بنات ليبيا على تطفلي بس دخلت على تجمعكم محبة في التعرف بيكم
حبيت اسلم عليكم
انا اختكم شذى الارجوان من المدينه سعوديه وحامل بالشهر 6 دعوااااااتكم الطيبه

[عيون زوجي]

اختنا شذى ربي ينولك يلي في بالك وتقومين بالسلامة انتي والنونو ومرحبتين بيك معانا

[ام وسونة]

السلام عليكم كيفكم ياحلوات

[ام وسونة]

شكله مافيش حد وييييييييييييينكم ياعيلة

[ليبياقلبي]

ووووووووووينكم مضايقة وبنفش غلي هنا

[ليبياقلبي]

قوولي عندي عرس الخميس وراجلي قتتله رفض قالي انا متاتر علا بوي مش باب عراس فوتيه وانا حمقت بس منبيش ندير مشكلة انصحوني

[ميراس]

سلامات للكل ليبيا حبيتي والله انا من راي راجلك الصراحة كان ماقفتي معاه في زي هالموقف امتي اماله بتوقفي الصراحة انتم مش في باب اعراس ايقولوا فيها واحد مشنق والاخر باله في الحلة وكان بيلوموا عليك طز فيهم واللي بيحرج خله ماليك الا راجلك بعدين ياناري معه الحق الله عالم كيف صاير في بوه

[ليبياقلبي]

مشكوة مروسة

[ليبياقلبي]

http://forum.hwaml.com/imgcache2/hwaml.com_1326760323_624.jpg
هادي دجاجتي المحشية

[ليبياقلبي]

http://forum.hwaml.com/imgcache2/hwaml.com_1326760370_673.jpg
هدا قفطان نوزة من طربلس

[ليبياقلبي]

http://forum.hwaml.com/imgcache2/hwaml.com_1326760414_773.jpg
هدا عشاي عند صاحبتي

[ليبياقلبي]

http://forum.hwaml.com/imgcache2/hwaml.com_1326760651_802.jpg
هادي لبيسة نوزة من طربلس

[ميراس]

يعطيهالك ياليبيا جوعتيني وشوفتيني انموت فيه الدجاج المحشي صحتين علي قليبك ونوزة تبيد وتجدد انشالله

[ميراس]

لكن القفطان الاول احلي

[ليبياقلبي]

http://forum.hwaml.com/imgcache2/hwaml.com_1326761042_341.jpg
هدا قفطان نوزة من هادي لي في ميزران

[ليبياقلبي]

http://forum.hwaml.com/imgcache2/hwaml.com_1326761248_793.jpg
هادي يرغاني

[ليبياقلبي]

سلمك مروسة اي قفطان

[ام وسونة]

ياخفافيش قاعدين فايقين يعطيكم الصحة

ام نوزة صحيحة الدجاجة ومبروك على بنيتك القفيطينات وتبيدهم بالهني يارب

ميرااااااااااااااااااااااااس شن مسهرك

[ام وسونة]

ام ناريز القفطان الاول طلعتلي الدجاجة المحشية مش قفطان ههههههههههههه

[ميراس]

هدا القفطان اللي نحكي عليه ياليبيا ام وسونة وانت شن مسهرك ياحلة شكله يابنتي ماعندتا من حاكم فينا شن اخر الاخبار قالوا زاوية الدهماني نايضة شن فيه عندكم معلومات

[ميراس]

هي اماله تصبحوا علي خير

[Om KHaled]

أخواتي الحبيبات

المسابقة على الرابط بدأت
وتنتهي يوم الأربعاء القادم


http://forum.hwaml.com/t91015.html#post1843267

[أم ورد]

السلام عليكم صباح الخير كيف حالكم اليوم

[زهرة2000]

السلام عليكم
ليبيا ما شاء الله ع الدجاجه شكلها يشهى بس انت مره تانيه اربطى رجليها بيش يجى شكلها احلى ملموم القفاطين حلوات تبيدهم بالهناء

[ميمونة]

السلام عليكم

كيف حالكم يابنات

[ميمونة]

ام ناريز ربي يهنيك انشاءالله

[ام معاد]

السلام عليكم كيف حالكم كلكم

[ميمونة]

زهراء كيف حالك وشن قصه الحلمه شن حلمتي احكيلي

[ام معاد]

ميمونة وزهرة كيف حالكم وشن اخر اخباركم

[ميمونة]

هلا ام معاذ العفو اعطينا طرف تشكلت نتفرجوا عليها وخلاص اللي في التوقيع

[ميمونة]

رقائق البطاطا تسبب السرطان

أظهرت اختبارات جديدة لرقائق البطاطـــا المعروفة باسم (شيبس) بانها تحتوي ليس فقط على كميات كبيرة من الدهون وإنما أيضا على المواد التي يمكن لها أن تسبب السرطان. (صحيفة ملادا فرونتا التشيكية الواسعه الانتشار) ذكرت أنها قدمت 18 عينة من أكياس شرائح البطاطا التي تباع في مختلف الأماكن ومنها المدارس إلى مختبرات تشيكية فتبين بعد تحليلها بان هذه الرقائق تتضمن كمية كبيرة من مادة (اكريلاميد) التي تسبب السرطان وفق الوكالة الاوروبية لأمن الغذاء .

وأشارت إلى أن الاكريلاميد يتشكل في المواد الغذائية التي تحتوي على النشويات في حال قليها أو شويها بدرجات حرارة عالية الأمر الذي يحدث بشكل أكثر في رقائق البطاطا و البطاطا المقلية. ونقلت عن مختصين غذائيين قولهم بان الكيلو الواحد من رقائق البطاطا يحتوي على 418 ميلغرام من مادة (اكريلاميد) غير ان منتجي هذه الرقائق لا يخرقون اي قانون في هذا المجال لانه لم يتم تحديد اي سقف معين لكمية (الاكريلاميد) في الطعام منذ اكتشافه قبل ثمانية أعوام.

أما استهلاك التشيك من هذه الرقائق فيبلغ سنويا 1,85 كغ فيما يرتفع العدد لدى البريطانيين الى 3,5 كغ سنويا كما يتم استهلاك هذه الرقائق على نطاق واسع في مختلف دول العالم ولاسيما من قبل الأطفال أما تحويل البطاطا الى تشيبس فيتم خلال 12 دقيقة فقط . المختصون الغذائيون يرون بانه يمكن اليوم اختيار رقائق البطاطا التي تحتوي على دهون أقل ناصحا البالغين بان يتناولوا كحد اقصى (كيس واحد من رقائق البطاطا اسبوعيا) اما (الاطفال) الذين تزيد اعمارعم عن عشرة أعوام فينصحهم باخذ (كيس واحد كل 14 يوما) في حين (لا ينصح الأطفال) الذين تقل اعمارعم عن 10 اعوام باخذ هذه الرقائق أبدا.

وبالتوافق مع هذا الرأي يرى طبيب الداخلية التشيكي (بافيل كوهوت) بانه من الضروري على الناس الذين يعانون من البدانة او زيادة في الوزن ان يكونوا أكثر حذرا في مسالة تناول رقائق البطاطا اما المختصة الغذائية (هانا كنيجكوفا) فترى بانه في حال كان طعام الأطفال متوازنا ومتنوعا ويحتوي على كميات كافية من الخضار والفواكه فانه يمكن لهم ان ياخذوا أكياس رقائق البطاطا مرة واحدة كل اسبوعين كنوع من التنويع لقائمة طعامهم .

[ام معاد]

اتفضلي يا حبيبة مافيش غالي علي الغالي

[ميمونة]

توا انا نستاذنكم وهذا

سلامي ليكم

[زهرة2000]

خيرات ام معاد كيف حالك وحال الصغار انت عندك ولد وبنت صاح

[ام معاد]

اهلين زهورة ايه عندي بنت ولد

[زهرة2000]

ما شاء الله ربي يخليهم لكى شن اسمائهم انا ملخبطه بس انت مسميه عبد الرحمن ولا انا غلطنه هههههههههههههههههههههههه ولا وحده تانيه

[ام معاد]

ايه اني مسمية عبد الرحمان

[ام معاد]

زهرة انت قداش عندك صغار

[ام معاد]

يقونة وينك امغيبة ان شاء الله المانع خير

[زهرة2000]

ربي يخليه ليك وبنتك شنى اسماها
انت بنتي اسماها لين

[ام معاد]

اسمها مارية انت من وين

[زهرة2000]

انا من بنغازى وانت مين وين
شن درتى غداك

[ام معاد]

اني زنتانية ، ما در تش غدي راجلي مهناش عمل

[ام معاد]

وينكم اليوم زهرة وين مشيتي

[زهرة2000]

ايه موجوده يلا راحه انا طيبت رز ابيض بالدجاج

[زهرة2000]

وينكم كنكم مكسدين خشو هدرزو وينكم
ياقين وينك ان شاء الله خير

[ام معاد]

السلام عليكم

[ام روفيدة]

السلام عليكم ورحمة الله وبركاته

كيف حالكم اليوم يا حبوبات؟

[ام معاد]

الحمد لله كيف حالك انت وحال حازم

[ام روفيدة]

يا عيون سامحيني امس انشغلت شويا والتجمع ما عاش انفتح معاي امس مش عارفة خيره فيه مشكلة يا اما في الكمبيوتر ولا في الموقع نفسه حتى توا بالسيف باش انفتح لي

[ام روفيدة]

الحمد لله كويسين كيف حالك انتي وعبد الرحمن وماريا؟

[ام معاد]

الحمد لله اهو قعدين بروحنا

[ام روفيدة]

تفسير سورة الفلق

(( قل أعود برب الفلق ))

قل: متعودا
أعود : أي ألجأ وألود , وأعتصم
برب الفلق: أي فالق الحب والنوى وفالق الاصباح .

من شر ما خلق : هدا يشمل جميع ما خلق الله من إنس وجن وحيوانات فيستعاد بخالقها من الشر الدي فيها .

ومن شر غاسق إدا وقب : أي من شر ما يكون في الليل حين يغشى الناش وتنتشر فيه كثير من الارواح الشريرة والحيوانات المؤدية .

[ام روفيدة]

كتاب بلوغ المرام من أدلة الاحكام

كتاب الطهارة
باب الحيض

عن عائشة رضي الله تعالى عنها قالت : إن فاطمة بنت أبي حبيش كانت تستحاض فقال لها رسول الله صلى الله عليه وسلم : (( إن دم الحيض دم أسود يعرف , فإدا كان دالك فأمسكي عن الصلاة فإدا كان الاخر فتوضئي وصلي )) . رواه أبو داود والنسائي وصححه ابن حبان والحاكم

وعن معاد بن جبل رضي الله تعالى عنه أنه سأل النبي صلى الله عليه وسلم ما يحل للرجل من امرأته وهي حائض ؟ فقال عليه الصلاة والسلام : (( ما فوق الازار )) رواه أبو داود وضعفه .

وعن أم عطية رضي الله تعالى عنها قالت : كنا لانعد الكدرة والصفرة بعد الطهر شيئا . رواه البخاري وأبو داود واللفظ له

[أم سعد]

السلام عليكم

كيف الحال؟؟

بنسألكم سؤال

أنا توا في نهاية الثامن واليوم عندي تقلصات في الرحم لدرجة انه رجلي اليمين توجع فيا

ماعرفتش شن هذا لأنه ماصارش معاي في ولدي

في حد يعرف؟؟

[ام روفيدة]

وينكم يا عيلة خيركم هكي بديتو ديمة مكسدين يلا انشطو وخلونا زي زمان

[أم سعد]

أهلين أم روفيدة كيف حالك؟

[ام روفيدة]

أهلين أم سعد يمكن تكون تقلصات كادبة معناها الرحم يستعد للولادة وهيا تبدا اتجي للحامل أعتقد من نهاية الثامن والله أعلم المهم ريحي نفسك وما اديريش اي عمل شاق وسلامتك يا حبوبة هانت بإدن الله وتفرحي ببنيتك وترتاحي .

[أم سعد]

ياااااااااارب ... تعباااااااااااانة

[ام روفيدة]

عاطفة الرسول عليه الصلاة والسلام مع زوجاته


يظهر محبته ووفاءه لها


قال صلى الله عليه وسلم لعائشة في حديث أم زرع الطويل والذي رواه البخاري : "
كنت لك كأبي زرع لأم زرع " أى انا لك كأبي زرع في الوفاء والمحبة فقالت
عائشة : بأبي وأمي لأنت خير من أبي زرع لأم زرع .

الراوي: عائشة - خلاصة الدرجة: [صحيح] - المحدث: البخاري - المصدر: الجامع الصحيح - الصفحة أو الرقم: 5189




يختار أحسن الأسماء لها

قال صلى الله عليه وسلم لعائشة : " يا عائش ، هذا جبريل يقرئك السلام . فقلت :
وعليه السلام ورحمة الله وبركاته ، ترى ما لا أرى . تريد رسول الله صلى
الله عليه وسلم
وكان يقول لعائشة أيضاً يا حميراء ، والحميراء تصغير حمراء يراد بها البياض .

الراوي: عائشة - خلاصة الدرجة: إسناده صحيح - المحدث: ابن حجر العسقلاني - المصدر: فتح الباري لابن حجر - الصفحة أو الرقم: 2/515

[عيون زوجي]

السلام عليكم
سامحوني البارح النت كان ضعيف ومش عارفه شنو مشكلته ولهذا سكرت وطلعت
كيف حالكم اليوم كلكم
كيف حالك يا ام روفيدة ورسالتك وصلتني مع الف شكر وبارك الله فيك على كل شي
وهلا بالغاليه ام سعد اجابتي زي ام روفيدة الرحم يستعد للولادة ما تخافيش

[أم سعد]

أهلين عيون .. كيف حالك ؟؟ وكيف حال سرورة وبوها ؟؟؟ وشن جو ألمانيا؟؟

وشكرا على الإجابة ليك ولأم روفيدة

[ام روفيدة]

http://forum.hwaml.com/imgcache2/hwaml.com_1326833960_360.jpg

[ام روفيدة]

http://forum.hwaml.com/imgcache2/hwaml.com_1326834365_667.jpg

[ام روفيدة]

وعليكم السلام ورحمة الله وبركاته

أهلين بالغالية عيون كيف حالك اليوم وكيف حال سرورة وشن امدايرة وشن الجو عندكم اليوم احني توا درجة الحرارة 2 تحت الصفر ولا شكر على واجب يا حبيبة و أسأل الله الاخلاص في القول والعمل لأن العمل بدون إخلاص هباء منثورا.

[ام روفيدة]

http://forum.hwaml.com/imgcache2/hwaml.com_1326834941_568.jpg

[ام روفيدة]

http://forum.hwaml.com/imgcache2/hwaml.com_1326835071_480.gif

[ام روفيدة]

قال رسول الله صلى الله عليه و سلم: «ما من امرئ تكون له صلاة بليل، فغلبه عليها نوم، إلا كتب الله له أجر صلاته، وكان نومه صدقة عليه» [صححه الألباني].

[ام روفيدة]

قال صلى الله عليه وسلم: «تعوذوا بالله من جهد البلاء، ودرك الشقاء، وسوء القضاء، وشماتة الأعداء» [رواه البخاري].

[ام روفيدة]

قال شيخ الإسلام بن تيمية رحمه الله: "السعادة هي أن يكون العلم المطلوب هو العلم بالله وما يقرب إليه" [النبوات].

[عيون زوجي]

سامحيني مرة تانيه
كنت انكلم في خوي عالسكايب
ايوه معاك توا
ايه اليوم الجو صقع بس احنا 2 فوق الصفر بس السيارات في الشارع الصبح مدايرين طبقه ثلج من الصقع مش ثلج ولا شي
ولينا 4 ايام بلا مطر والسماء صافيه بس النسمة مثلجه وسارة مقعمزتها في العربه ومتغطيه بشال على رجليها

[أم ورد]

السلام عليكم كيف حالكم اليوم

[عيون زوجي]

هلا ام ورد كيف حالك وحال عويلتك وحال طرابلس اليوم

[عيون زوجي]

شنو وين مشيتوا العفووووو؟؟؟

[ام روفيدة]

يا عيون الصقع حالة ما تحكيش عليه والله توا الدفايات امدايرتهم على أقوى حاجة ومافيش فايدة يديا ورجليا مثلجات

[ام روفيدة]

أهلين أم ورد كيف حالك ؟

[عيون زوجي]

تصبحوا على الف خيرررررر مضطرة نطلع يا ام ورد وام روفيده لو انكم قاعدات لان بنتي تعيط تبي ترقد بالاّذن سلام عليكم

[عيون زوجي]

هههههههه بنتي اضحكت اعليها بطرف كيكة وبعثها لبوها قدامي 5 دقايق قبل ما ترجع اتنق تاني

[ام روفيدة]

أني قعدة يا عيون إنتي وين مشيتي؟

[عيون زوجي]

لا احنا داخل الحوش ميه ميه دفاياتهم كويسات توا لابسه نص كم وفي الليل نسخنوا وما نتغطوش بكل ولو فتحتي الروشن خشمك ييبس من الصقع حتى الحمام حاشاك فيه دفايه

[عيون زوجي]

اليوم صارلي موقف يبكي ويضحك
طلعنا لمدينة تانيه بالقطار وبعد ما روحنا جينا للحوش بالمترو وانا رايقه انلعب في بنتي انمشي فيها عالدروج الكهربائي وراجلي وراي شاد العربه فاضيه
وبنتي قدامي اطيح اعليا وانا انطيح على ظهري ورجلي تحصل بين الدرجات والرجل التانيه تحصل في الكريصه وراجلي ما عرفش كيف يسلكنا الزوز طايحات والسير يتحرك ما يوقفش ههههههههههه ستر ربي مافيش عرب يضحكوا علينا
قعدنا طايحين لنهاية السير باش سلكت رجلي والحمدلله من غير اضرار جسديه نفسيه فقط

[ام روفيدة]

شنو تميتي شري بضاعتك ولا مازال؟

[ام روفيدة]

حي حي يا عيون الحمد لله على السلامة يا حبيبة تكبري وتنسي هههههه موقف صعب والله لكن الحمد لله طلعتوا منها سليمين والله أني ديمة انخاف منه هالسير وما انحبش نركب عليه وهما في كل مكان امدايرينه

[ام روفيدة]

[URL="http://www.bakingmad.com/"]http://www.bakingmad.com/[/URL
يا عيون ترا افتحي الموقع هدا نتمنى تستفيدي منه لانه معبي لين خلالالالالالالالالالالاص لين راسي ايدوخ لما انخشله هههههههههه

[ام روفيدة]

http://www.bakingmad.com/tips/howtovideos

[ام روفيدة]

وينكم يا عيلة ؟

[ام وسونة]

السلام عليكم

واخيرا النت شد معاي بعد ماجابلي البغدد وتبغددت ههههههههههههههه

[ام معاد]

السلام عليكم صباح الخير عليكم كلكم

[يقين]

السلام عليكم
صباح الخير كيف حالكم كلكم ان شالله تمام
وشن اخر الاخبار لاني ما قريتش ولا صفحه

[رغوده2006]

يقوووووووووووووووووووووووووونه حبيبتي تي وينك وينك ياهرابه والله الا ليك وحشه شنو صار معاك وكيف حالك وحال فروتي وعلاش هالغيبه وشنو فطرتي هيا احكيلي كل شئ بسرعه ههههههههههههههههههههههه

[أم ورد]

السلام عليكم صباح الخير

[رغوده2006]

وعليك السلام ام الورد كيف حالك
معليشي عرفيني بنفسك بمعناها قصقصه

[يقين]

توا مضطره نطلع لان النت ضعيف جدااااااااااااااااااااااااا ومش حنستفيد شي من قعادي هني
يلا باااااااااااااي سلام خاص لكل وحد فيكم

[أم ورد]

ولا يهمك حبيبة أني متزوجة ليا سنتين ونصف وساكنة في طرابلس وأخت أم معاد

[أم ورد]

كيف حالك أم معاد وكيف حال عبد الرحمن وميمي كيف حالك يقين وكيف حال بنيتك

[يقين]

رغوده سلمها يا ربي
بالنسبه لغيبتي ليها عدت اسباب اولهم كنت تاعبه شوي وتجيني دوخه رهيبه لين معاش نقر نوقف وقعدت حاشاك طريحه الفراش وخلاص
السبب التاني النت ضعيف هلبا يفدد معاش فتحناه بكل
والحمدلله اني حالي باهي في نعمه وفروتي كويسه مشالله عليها قعدت توقف معاي ومع الحاجه تعلمت توقف الععقبه للمشي ياربي
وفطوري قلايه هيا تفضلي اهو توا كيف نفطر

[يقين]

ام الورد سلمك حالي باهي انتي كيف حالك تمام
ام معاد كيف حالك وحال صغارك

[يقين]

رغوده قوليلي شن اخر الاخبار في التجمع

[عيون زوجي]

السلام عليكم ورحمة الله

اعتذااار لوخياتي ام روفيده وام ورد لاني انقطعت البارح والسبب النت اضعف ودره الكبد
وتانيا كيف حالك يا رغودة وحالك يا يقونه والف لاباس اعليك وكيف حالك يا ام ورد وقداش مواليدك لان اختك اصغيره صح وقداش عندك صغار

[عيون زوجي]

يقونه شنو سبب الدوخة اكيد دمك ناقص كتري من اكل اي شي لونه احمر بجديات هذا شئ علمي ويساعد على زياده نسبة الهيموجلوبين في الدم

[أم ورد]

الحمد لله عيووون كيف حالك إنتي حتى أني زيك النت ضعيف مواليدي 85 لاماعندي صغار

[عيون زوجي]

وين مشيتوا يا جماعة الخير انا نستنى في اذان الظهر بنصلي ونطلع تعالوا انهدرزوا اشوي نحكيلكم وتحكولي هههههههه

[عيون زوجي]

ربي يرزقك من وسعه يا ام ورد ويرزق كل متمنية والله العظيم لليوم ندعي في صلاتي ونقول يارب ارزق بنات التجمع بيلي يتمنوه ويارب يرزقك بالذريه الصالحه ويكونوا احلى من ماريه وعبدالرحمن هههههههه خلي اناشبوا ام معاد