دردشة بنات ليبيا , دردشة حوامل ليبيا , تجمع بنات ليبيا

[أثري في مدادي]

نعم نعم ،،،،،،،،،،،،،،،،، قريب نخش نرقد ،،،، وينك أم أجنادونة

[أثري في مدادي]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

[goldrose]

السلام عليكم
انا جديدة ماعاكم في الدردشة
شن اخباركم يبات بلادي

[ميمونة]

اثري --شن حال وربي يسهلك في ولادتك يارب انا طبعا ماصار جديد بس مشيت للاردني وتوا راجلي ياخد في علاج ربي يسهل

[يقين]

صباح الخير
كيف حالكم اليوم وشخباركم
ميمو منوره كيف حالك حبيبه وشن جوك بالنسبه للريجيم وزني توا الحمدلله نزل وتوا 64 ك خلاص توا الريجيم تم هههههه زعميتا مدرسه

[يقين]

ام وسن وام معاذ اجركم حاصل ان شالله تشوفوهم في ايديكم صحيحين بعدين تنسوا كل شيييي

[ابتسامة الصباح]

السلام عليكم وينكم عندي دقايق بس وعبودي ينوض معاش خلاني ندير شي سلامته يرقد نوم قطاطيس عين مسكرة وعين مفتوحة

[ميمونة]

ماشاءالله يقونه شن درتي يابت قوليلي علي فكره نسافر تاني نبي نشوفك هالمره انتي وصغارك بالك في نهايه السنه كان ربي سخر

[ميمونة]

قوليلي عالريجيم ودرتي شفطت والا لا

[أم ورد]

السلام عليكم

[أم ورد]

ميمونة كيف حالكوكل سنة وإنت طيبة يارب
يقونة كيف حالك اليوم وكيف حال السنافر

[يقين]

اورد سلمك يا حبيبه تمام ني الحمدلله انتي شن جوك

[يقين]

ميمو
بالنسبه للريجيم عبط وخلاص بلا اشراف دكتور من النت نفطر علي ميه بس ويمكن ناكل سلاطه او تفاحه بس وكل يوم نمشي بعد العصر لمده ساعه ومع تمارين من النت والله الحق نفع معاي ونزلت
وبالنسبه للشفط لالا ما درتش بطني نديرلها في جلسات تدويب شحوم من الحمل وتحسنت ولله الحمد حتي شكلها بدى يولي طبيعي بعد ما جبت كان منظرها مش حلو بكل يمرض بس توا الحمد لله
وامتي ما تجي ان شالله نتلاقوا عالخير

[يقين]

وين ام روفيده مغيبه ليها وقت شكلها ما خشت هنا ان شالله ربي ينوضها بالسلامه هيا واثري وام وسونه وام معاذ وسوما وام قصي وكل حواملنا والعقبه للباقيات يا ربي بالحمل العاجل الثابت السليم

[ام معاد]

السلالالالالالالالالالالالالالام عليكم كيفكم يابطات

[ام معاد]

تعرفي اني البارح مارقدتش من الالم اللي في حزامي قريب متت والايام اللي فاتوا ينزلوا مني افرازات برتقالية

ربي يطمنك على تحليلك يارب قوليلنا شن قالولك البيبي ولد ولابنت
طلعت نتيجة التحليل وفيه التهاب بسيط قلي زوزي اشربي مية بسسسسسسسسس الحمد الله افتكيت من المضاد

[يقين]

ام معاذ لاباس عليك يا سمحهكثري من الميه وربي يعينك علي النوضان للحمام كل شويه

[يقين]

يابنات بالله عليكم نبي مساعدتكمممممم تربحوا
فروتي ما تبيش تاكل شييي وجبتلها فاتح شهيه وما نفعش معاها ونغيرلها فالاكلات وما حبت شي وبدا وزنها ينزل والله ماني عارفه كيف انديرلها قولولي كيف نخليها تاكل ونفتحلها شهيتها وكيف نخليها تسمن

[شرقاويه]

السلام عليكم معلش نبي نعرف هل جهاز كشف نوع الجنين موجود في الصيدليات بنغازي

[يقين]

شرقاويه كيف حالك
انت اللي جبتي بنت ولا ني غالطه كنت معانا اهني ولا
وبالنسبه للجهاز ما عنديش علم عليه

[يقين]

تهيا وينكم خيرا الجو يرققققد هني نبي نهترس هيااااااااااااااا

[أم عبد الرحمن2006]

اهلين ببنات بلادي من وين ما كنتو اني متابعتكم بس من بعيد والله ودي نتواصل معاكم بس النت عندي يادوبك الا لما نكون عند اعيالي كويس ادعولي رب يسهلها عليا هدا شهري واللي عندها نصيحه عن تجربه تقولها مع ان هدا تالت حمل لكن الخوف قاتلني و الله المستعان

[يقين]

وين سوسو مغطسه مش عوايدها قبل ديما منوره

[أم أجنادين 80]

مســـــــــــــــــــاء الخير
هلا بيقين كل عام وانتي بخير الباين ناسيتني
كيف حال سنافرك
وأمتة مروحه لليبيا
انقولك ماتروحيش خير
والله انا تعبت من عقليات يلي هنايا والله يابنات الشخص الكويس مايحصلش فرصة يثبت وجوده ويقدم شي لبلاده
ويلي ماعنداش شن يعطي ولا إمكانيات كل الأمور متسهلة معاه
والحمد لله علي كل حال

[يقين]

ام عبدالرحمن اهلا بيك وربي ينوضك بالسلامه انت والبوبو ونصيحتي ليك ما تخافيش لان الولاده تساهيل والخوف لا يقدم ولا يوخر هيا ساعه وتنوضي باذن الله انت والبوبو طيبين

[أم عبد الرحمن2006]

صحيتي يا يقين عالرد و عالدعوه الحلوه و انتي عندك صغار و لا لا

[يقين]

جوجو والله الا عيب معقوله ني ننساك لو تولي لاوره تلقيني كاتبه اسمك ومعيده عليك مع اسما ء البنات
بالنسبه للمرواح تعرفي قريب 12 العايله كانوا اهني صحاب راجلي مخلطين من طرابلس وم الخمس ومن سبها ومن زليتن والله اللي يتصل بيه يقوله ما تروحش خير لين كره المرواح وقالي شكله الوضع متازم وني خاطرني فالمرواح ومستاااااااااااااااحشه

[يقين]

ام عبدالرحمن سلمك ماعندي فيه جميل واي عندي بنت وولد لكن مش كبيره راه ههههههههههههه

[أم عبد الرحمن2006]

حتي اني عندي ولد و بنت وتزوجت بكري بلكي نطلعو نفس العمر

[يقين]

ني 91مواليدي يعني 21 سنه وانت

[يقين]

وين مشيتوا ام اجنادين وين تعالي هترسي لينا زمان ما هدرزناش مع بعض

[يقين]

اذا ما الاصل الفى غير زاك...... فما تزكوا مدى الدهر الفروع

[يقين]

ما قوتلكمش بنتي ضربت الجهاز كسراته نص الشاشه اسود والنص التاني من فوق باين بني طبقت اعنيه الفوقي بس اللوطي مانبوله حس طبقتها عالجهاز

[يقين]

شني نطلع خير ولا كيف ني مكسده نبي من يهترس عليا مستاحشه الهدرزه حرام عليكو تعملوا فيا كده

[يقين]

ام نوزه وينك حبيبه كيف حالك وحال نوزه وشخبارك اماليك ان شالله كلكم تمام

[يقين]

هيا نستني فاجوبتكم علي سؤالي

[ميمونة]

هلا ام ورد شن حالك اليوم وشن صار في الحنه


يقونه--باهي كويس وزن متالي نزلتي 20 كيلو صح ربي يتبتلك هالوزن انا بعد العلاج والحمل والرمي حسيت روحي زدت بس مش من الماكله جسمي متنفخ نبي نسالك علي زهراء قاعده في مصر

[أم أجنادين 80]

هلا بام عبد الرحمن
صح تشتاقي لوطنك صعب الإنسان يعيش في غير وطنه
بس نتمني يتصلح حالنا للأفضل

[أم أجنادين 80]

شن اخبارك ميمو

[ميمونة]

الحمدلله شن حالك انت كيف روحت من حوش العيله عندي حماتي مسكينه دارت حادث هيا وراجلها وحماتها كل يوم نمشي غادي المشي والجئ عليهم

[أم أجنادين 80]

الحمد لله علي سلامتهم

[أم أجنادين 80]

http://forum.hwaml.com/imgcache2/hwaml.com_1352458400_372.gif

[goldrose]

كيف حالكم خواتي

انا اخر دورة كانت يوم5_10_2012
درت تحليل الحمل يوم 5_11_2012 وكانت النتيجة موجبة والحمد لله
يوم 7_11_2012 رحت للدكتورة عملتلي سونار عادي علي البطنوقالت كيس الحمل مش باين
قالت لي نرجع بعد اسبوع انا خفت هل هذا طبيعي وامتي يبان الحمل في السونار والنبض
وتاني شي انا من زمان وانا نعاني من احتباس الغازات والامساك وبعد الزواج وليت ناكل خضار اكثر وتحسنت شوية الحالة
بس اللي صارلي ان توا الغازات محبوسة هلبة ومضايقتني هلبة والبراز مايطلعش الا بصعوبة ( لين حشاكم نتزحر هلبة )وعندي الم اسفل البطن واسفل الظهر وشعور بالغثيان ورغبة في الترجيع
واليوم الصبح زاد الام ولى الالم زي الم البطن لما يكون عندك اسهال وخصوصا لما حاولت اتبرز وتبرزت في الاخير وبطني حسيت وقتها قريب تتقطع
انا خايفة هل الالم هذا طبيعي ام لا وانا لما انخاف ديما نحس بشعور ان بطني يوجع كان عندي اسهال فياريت تجاوبوني
في اقرب وقت لان خايفة خايفة خايفة وهذا اول حمل ليا ادعولي ربي يثبته ويتممه بالخير يارب

[لوليته لولو]

السلام عليكم كيف حالكم كلكم كلكم ههههههه أنا الحمد لله
اختى قولدروز ان شاء الف مبروك ع الحمل طمني روحك عادى هو كيس الحمل والنبض ع تسع أسابيع يبان ان شاء الله وبنسبة للامسال قولا للدكتوراه تعطيك ملين كويس لان الإمساك مش كويس

[goldrose]

السلام عليكم كيف حالكم كلكم كلكم ههههههه أنا الحمد لله
اختى قولدروز ان شاء الف مبروك ع الحمل طمني روحك عادى هو كيس الحمل والنبض ع تسع أسابيع يبان ان شاء الله وبنسبة للامسال قولا للدكتوراه تعطيك ملين كويس لان الإمساك مش كويس

الله يبارك فيك
طمنتيني
بالله نبي تنصحوني علي دكتورة نتابع عندها ومدابيا تكون تجيب طبيعي ولماتتصلي بيها في اي وقت تجيك لان راجلي قالي تابعي مع دكتورة وحدة من اول الحمل لاخره
انا توا نتابع عند الدكتورة نادية برشان في مصحة السرور حسيتها كويسة لكن الحق مانعرفش حد يتابع عندها بالله عليكم انصحوني

[يقين]

السلام عليكم
كيف حالكم وشخباركم
زهره كيف حالك وحال السنافر امتى بتجي لمصر ولا جيتي يا بت

[يقين]

قولدروز مبروك الحمل وماتخافيش بالنسبه للكيس والنبض مزال شوي اني بان نهايه الشهر الثاني الشهرين الاولات ما بانش شي والنبض مزال ماتحسيش بيه توا
الامساك كثري من السلاطه متاعت الورق وعصير التفاح ولازم وضروري تقولي لدكتورتك تكتبلك ملين زي ما قاتلك لوليته لان مش كويس الامساك
وفي حاجه ني مجربتها فحملي وممتازه ديمه ديري مساج للفخاذ غير عادي للامساك
ولا باس عليك ان شالله ربي يتبتهولك

[يقين]

كيف صار باه خيركم مش مجاوبين علي سؤالي وما عدلتوش بكل خيركم وليتوا هكي العفو الحق فيا مدايرتكم خواتي ونسال فيكم باه شن فيها كان ساعتوني ولا لازم نترجوا حرام عليكم راه

[ابتسامة الصباح]

السلام عليكم وينكم مافي حد قالي الحمد لله علي السلامة العفو

[يقين]

وينكم وينكم

[ابتسامة الصباح]

أهلا يقونه شن هوا سؤالك

[يقين]

ابتسامه
حمدلله علي سلامتك ني مانندري علي شي راه خير مريضه ان شالله لا باس كيف سنفورك كويس ان شالله

[ابتسامة الصباح]

الحمد لله كويس صحيتي يا غالية أني اللي مريضة شويا

[يقين]

امس سالت علي بنتي باهي ماتاكلش فشي ومتحبش شي وعلي قد ما نزلبح فيها ماتبي تاكل كانت مشالله عليها سمينه توا بدا وزنها ينزل كيف نخليها تاكل ولا نسمنها حتي العصاير ني نديرلها فيهم فالحوش ما فيش شي من برا ومع هادا ما تحبش كيف الراي فيها

[ابتسامة الصباح]

بعد الجياب جاني إمساك حاد منفع معاي حتى المسهلات لين صارلي حاشاك جرح في فتحة الشرج وهدا مشكلته كبيرة ويبي عملية تحت التخدير النصفي والله أني ممدوره إلا وليدي واني في غربة لافي أهل لاشي لكن الحمد لله وخلاص والله عندي جارا تي ليبيات كويسات زي وخياتي لكن صغير والله ماهاين عليا شن تنصحوني

[ابتسامة الصباح]

تعرفي والله هده عن تجربه وليد جارتي هكي صارله اغليلها الحلبة وحليها بكاشيك عسل اعطيها تشربها مره الصبح ومره في الليل قبل ماترقد ممتازة والله فاتحة للشهية ومقويه وحتى في حديت علي الرسول عليها والله حتدعيلي طبعا داوميلها عليها مزبوط وانشاء الله تستفيد

[يقين]

ابتسامه باه بنسالك الجرح اهوا كيف عرفتي انه جرح مشيتي للدكتوره ولا هوا ليه اعراض عليشان حتي ني جاني الامساك وقعدت زي ما قولتي كان في حرج زعما هادا هوا حرح ولا كيف نعرفه اني استحاله نمشي نكشف والله مع انه متعبني هلللللبا لما نمشي للتواليت نموت ونعيش ومش عارفه شالحل

[ابتسامة الصباح]

وينك يقونه

[يقين]

بارك الله فيك تو نجربهاله ان شالله تنفع معاها باهي ندير مقدار كاشيك ولا هكي وخلاص بلا مقدار

[ابتسامة الصباح]

مشيت لدكتوره قلتلها عندي إمساك حاد ومع الم قوي في فتحت الشرج متل لوحاجه بتتمزق بعدها يبدأ يوزوز لمكان معاش نقدر حتى انقعمز كشفت عليا قالتلي عندك زوز جروح مسببهولك تصلب البراز وكترت الدحم بقوه لان العضلة متاع الفتحة حاشاك متشنجة وهده هيا معاناتي وضروري نديرولك عملية نرخو العضله باش يمر البراز براحة وتوا ناخد في اقوي نوع مسهل خلاص قاعدة حايرة ونعاني

[ابتسامة الصباح]

متلا كل طاسة اميه بزوز كواشيك حلبة

[يقين]

والله كانك تتكلمي علي لساني نفس المعاناه وماقولتش حتي لراجلي متحشمه من الموضوع حي عليا والله بنموت منه فعلا كان يتمزق الله غالب انت ديريها وخلاص ليش متردده وليدك يقعد مع بوه هاليومين ما يديرولا شي وبعد ماتروحي للحوش عادي واحمدي ربك انه صغيرون رضاعه ونوم ماله كان يمرد وياكل ماتقدريش تتحكمي فيه

[يقين]

باه صحيتي حبيبه تو نديرهاله
ابتسامه انت فامريكا ولا

[يقين]

وين ام معاذ مغطسه تعالي يا بت وحشاني اوووووووي

[ابتسامة الصباح]

والله شكله هدا اللي بيصير وانشاء الله خير ونصيحة ماتسكتيش بري عايني راهو يزيد اساليني أني وكتري من الماكله اللي فيها ألياف وانسي النشويات كولي خبزة الشعير والزميطة والفاكهة اهم شئ

[ابتسامة الصباح]

لا أني في ماليزيا

[يقين]

حوايج الشتي اهوا يهببببببلوا بالذات حوايج الولاد شي راقي للمليون مشيت ولامس جبت لولدي توته وتوب وشخاشير وبنتي توته وشخشير كلوت وقولت نكمل بعدين الحق حوايج حلوات

[يقين]

ابتسامه توكلي وديريها وني نسحاب الموضوع عارض وحينتهي بس علي كلامك بنشوف الويل حنمشي للدكتوره بس قوليلي نمشي للنساء ولا شنو

[يقين]

ماليزيا حلوه ان شالله ربي يوفقكم

[يقين]

قداش ليك ما نزلتيش ليبيا اني مستاحشه موت نبي ننزل فاقرب وقت فديت من الغربه

[يقين]

ابتسامه وين مشيتي

[يقين]

وين رغووووووده مغيبه ن شالله خير
وسوسو حتي هيا وينها مش عوايده ان شالله خير

[يقين]

مزال عندي امل ان حد يخش مش طالعه

[يقين]

اللهم اني رضيت بالله ربا وبالاسلام دينا وبمحمد عليه الصلاه والسلام نبيا

[يقين]

شن ما جي حدددددد

[ميمونة]

السلام عليكم

[goldrose]

قولدروز مبروك الحمل وماتخافيش بالنسبه للكيس والنبض مزال شوي اني بان نهايه الشهر الثاني الشهرين الاولات ما بانش شي والنبض مزال ماتحسيش بيه توا
الامساك كثري من السلاطه متاعت الورق وعصير التفاح ولازم وضروري تقولي لدكتورتك تكتبلك ملين زي ما قاتلك لوليته لان مش كويس الامساك
وفي حاجه ني مجربتها فحملي وممتازه ديمه ديري مساج للفخاذ غير عادي للامساك
ولا باس عليك ان شالله ربي يتبتهولكhggi
الله يبارك فيك يا وخيتي وصحيتي


السلام عليكم وينكم مافي حد قالي الحمد لله علي السلامة العفو
الحمد لله علي سلامتك ان شاء الله لا باس عليك

[goldrose]

بالله ردوا عليا باسامي دكتورات كويسات في طرابلس ويجيبوا
طبيعي ولما تتصلي بيهم يجوك لان راجلي قالي تابعي مع دكتورة وحدة من بداية الحمل للولادة ان شاء الله
انا مشيت لدكتورة نادية برشان شن رايكم
وشن رايكم في الدكتورة هدي القاضي يشكروا فيها هلبة ونصحوني بيها

[شمس الزمان]

ايييييييييه انا جيت كيف حالكن ياغاليات ياسمحوحات والله لكن وحشه واجد بكل بكل

[شمس الزمان]

اكيد اتقولن وين كنت غاطسه "اذكان فقدتني"
والله بعد العيد الفطر مشيت لمصر اوبعدها من مصر مشيت لتونس علاج اوتوا اوروحت قبل العيد الالضحى بكم يوم اواليوم غير حصلت نت اوفضيت

[أثري في مدادي]

بالله ردوا عليا باسامي دكتورات كويسات في طرابلس ويجيبوا
طبيعي ولما تتصلي بيهم يجوك لان راجلي قالي تابعي مع دكتورة وحدة من بداية الحمل للولادة ان شاء الله
انا مشيت لدكتورة نادية برشان شن رايكم
وشن رايكم في الدكتورة هدي القاضي يشكروا فيها هلبة ونصحوني بيها

السلام عليكم ورحمة الله وبركاته
أهلا بك يا غالية بيننا ،،، نورت الدردشة ،،، وربي يسهلك أمرك
بالنسبة للدكتورة أنصحك بالدكتورة " إعتماد المسلاتي " هي كويسة وخبرة وتكره القيصري مادام في إمكانية الطبيعي ،،،وتتوفر أول ما تتصلي بيهاااااااااااااااااا
حاليا نتابع عندها في عيادة " نور الإسلام " بحي دمشق مصحة جديدة ،،،، بس الدكتورة قديمة
واللي سميتيهوم الدكتورات الحق ما نعرفهمش ؟؟؟؟

ايييييييييه انا جيت كيف حالكن ياغاليات ياسمحوحات والله لكن وحشه واجد بكل بكل

أهلا أهلا،،،،، وينك غطست طغطيصة باااااااااااااااهية
الحكاية سفرات ،،، حمدا لله على سلامتك

[شمس الزمان]

تسلمي يااثري بارك الله فيك طمنيني شن اخبار الاخبار باقي البنوتات

[أم أجنادين 80]

السلام عليكم
شن اخباركم بنات ماشاء الله الحبايب كلهم متواجدين
وين هالهدرزة هذه في غيبتي
والله انا خدمة وقلقت خاطري نطلع انغير جو

[ام معاد]

السلام عليكم كيف حالكم كلكم

[ام معاد]

وين ام معاذ مغطسه تعالي يا بت وحشاني اوووووووي
ياودي سلمها هالعسل حتي انت وحشااااااااااني اوي والف لاباس عليك انت وابتسامة بري توكلي ديري العملية مادامها بديرهالك دكتورة وربي يسلم ان شاء الله

[يقين]

السلام عليكم كيف حالكم يا عيله
ام معاذ ازيك عامله اي وازي الفوركيش اللي فبطنك عامل اي الا أوليلي يا ختشي هوا اللي فبطنك ولد صح يا ربي يخليهولك وتشوفيه وتفرحي بيه ناويه تسميه اي الفوركيش الصغنن دا

[يقين]

شمس حمدلله عالسلامه وان شالله لا باس كيف حالك وحال اطفالك

[يقين]

اثري
خيرك فايتينا حتي نسال عليك ماتردي شكله وحامك جاي عليا
كيف حالك وحال وليدك

[يقين]

ميمو
وعليكم السلام كيف حالك وشخبارك

[يقين]

ني كنت فالسوق ني وفروتي جبتلها الكرسي متاع البيبي بنعلمها عليها لاني حشاكم كرهت روووووووووحي من تغيير الشمالات فديت اخخخخخخخخخخي بنعلمها عليها خلها تعود عالحمام عليا وعلي اعدائي قالولي استحاله مزال صغيره والشتي ما يساعدهاش
شن رايكم انتم؟

[يقين]

ام اجنادين
كيف حالك وشخبارك باهي .وكيف حال العمل ان شالله اموره تمام

[يقين]

ام نوزه
ويييييييينك مغيبه كيف حالك وحال نوزه

[goldrose]

شن اخباركم
شنو ماحدش رد عليا ماتعرفوش دكتورة هدى القاضي
باهي اعطوني اسم دكتورة نمشيلها بالله عليكم
انا اول حمل ومانعرف شي

[ام معاد]

شن اخباركم
شنو ماحدش رد عليا ماتعرفوش دكتورة هدى القاضي
باهي اعطوني اسم دكتورة نمشيلها بالله عليكم
انا اول حمل ومانعرف شي
اهلين بيك حبيبتي وربي يتمم حملك علي خير اني نتابع عند الكتورة كريمة بوصلاح دكتورة بسم الله ماشاء الله طبعا مش اول حمل انتابع عندها هدا تاني حمل والله في الولادة تقعد معاك لاخر لحظة طبيعي وفيه وحدة تانية استشارية لاكن مانعرفش ادا كان اتولد في اي وقت لكن رووووووووووووعة اسمها امال الخروبي في مصحة الياشفين وكريمة في مصحة البشري واسمعي والله انهم تقة وماشاء الله ويشكروا فيهم هلللللللبة وزوزي في المستشفي يعرفهم بالاخص امال الخروبي

[ام معاد]

السلام عليكم كيف حالكم يا عيله
ام معاذ ازيك عامله اي وازي الفوركيش اللي فبطنك عامل اي الا أوليلي يا ختشي هوا اللي فبطنك ولد صح يا ربي يخليهولك وتشوفيه وتفرحي بيه ناويه تسميه اي الفوركيش الصغنن دا ايه ولد ان شاء الله حال الرفس ياوخيتي ومازلت نتعارك اني وزوي علي الاسم ياندرا من بيغلب اني ولا هو هههههههههههههههههههههههههههههههههه

[أثري في مدادي]

اهلين ببنات بلادي من وين ما كنتو اني متابعتكم بس من بعيد والله ودي نتواصل معاكم بس النت عندي يادوبك الا لما نكون عند اعيالي كويس ادعولي رب يسهلها عليا هدا شهري واللي عندها نصيحه عن تجربه تقولها مع ان هدا تالت حمل لكن الخوف قاتلني و الله المستعان مرحبتين أم عبد الرحمن
ربي يسهلك أمرك ،،، ويوفقك ،،، شفتك حاطة مشاركة في تجمع ولادة محرم ،،،، حتى أني في 10 محرم ،،،، ربي يسهللنا أمرنا وتوكلي على الله ولا تخاااااااااااااافي
دكتورتي
نصحتني بالمشي وبالقرفة وبالرطب وبالجلوس في ماء دافئ وبالجماع ،،، وأعطتني " بوسكوبان " مرتين في اليوم
لتسهيل الولادة والمساعدة على فتح الرحم

اثري
خيرك فايتينا حتي نسال عليك ماتردي شكله وحامك جاي عليا
كيف حالك وحال وليدك ذ

حرام عليك ،،،،،،،،،،،ظلموني النااااااااااس
أني اللي ديما ننشد عليك ،،، توا مانبوش نخسر بعض عشان حاجات تفهة ،،،،
وأما الوحام يا حليلي كان للتاسع ومازال متمركز عندي ؟؟؟؟

حالي باهي ،،، نفكر فيك أيام النفاخ والتشحيط وانتظار الولادة وهاذوكا المشاوير والمشي وقلة النوم وصعوبة التقليب ،،،،، والله ربي يكتب الأجر وخلاص
وأما وليدي حالة اللطف ،،،، عالق في علقة رهيبة ،،، لاصق في ويعيط ويقول : نبي ماما ؟؟؟
مش عارفة تقولي رايحة عليه ،،، شكله شام الحكاية ولت جديات
وبالنسبة لفروتي والحمام ،،،، قداش عمرها توا ؟؟؟؟


شن اخباركم
شنو ماحدش رد عليا ماتعرفوش دكتورة هدى القاضي
باهي اعطوني اسم دكتورة نمشيلها بالله عليكم
انا اول حمل ومانعرف شي

حبيبتي راجعي الردود رديت عليك برد مطول ،،،، وربي يسهلك أمورك

[أثري في مدادي]

أهلا بأم معاذ ~~~~~~~~~~~~~~~~
شن مقررة بتسميه ؟؟؟؟ وشن يبي سي السيد يسميه ؟؟؟؟

[ام معاد]

اتري كيف حالك وحال وليدك هدوا الصغار هكي فعلا لماتوصل الام لشهرها يقعد لالالالالالالالالالالالاصق فيها وخلاص

[ام معاد]

اصلا ديمة بوهم ايسمي فيهم هوا عبدو قبل نبيه انس وين جي قلي نبيه عبد الرحمان ومارية كان اسمها اروي الي الاسبوع والحق اني وياه غيرناه لكن هو يلي سماها مارية والله اعلم ان من السنة المولود يسميه بوه لكن اني بيه معاد او معاوية والله عارفاته بيغلبني بيغلبني خخخخخخخخخخخخ

[أثري في مدادي]

باهي وبعد الجياب وين بيكون يا ترى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ام معاد]

باهي وبعد الجياب وين بيكون يا ترى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافهمتكش اتري

[يقين]

السلام عليكم ايها القوم ايوجد احد هنا

[ام معاد]

تعالي هني هترزي عليا

[يقين]

ام معاذ الحال من بعضه ني يخلي فيا طووووووووول الحمل نسمي ونغير نسمي ونغير تقول بنجيب 10 مش واحد المهم عمتك يقين تسمي وتتخيل لوييييين مايجي البيبي نلقى البي مسميه
ان شالله يا حنينه يتربى في عزك وعز بوه ويسميه بوه ويدلعه
وحتي كان يقولك بنسميه مراجع قولي سمعا وطاعه ههههههههه يا ام مراجع ياحليلي كان ما وحده من البنات اسم زوزها مراجع

[أثري في مدادي]

هو العيل اسمه يجي معاه ،،، وصح أن التسمية من حق الأب ،،، ولكن هذا لا يمنع التشاور وأخذ الرأي ،،،،
ولكن مادام الاسم حلو ومعناه جميل لاحرج إن كان من اختيارك أو اختياره ،،،
بس " معاوية " أعتقد أن له معنى موش ولابد ،،، لحظة انشوفه ونقولك ~~~~~

[يقين]

اثري يا قلبي علاش نخسروا بعض والله معزتك يعلمها ربي نبصر عليك بسسسس
وربي يعينك عالتعب والسهر وتشوفي عروستك علي خير يارب

[ام معاد]

ام معاذ الحال من بعضه ني يخلي فيا طووووووووول الحمل نسمي ونغير نسمي ونغير تقول بنجيب 10 مش واحد المهم عمتك يقين تسمي وتتخيل لوييييين مايجي البيبي نلقى البي مسميه
ان شالله يا حنينه يتربى في عزك وعز بوه ويسميه بوه ويدلعه
وحتي كان يقولك بنسميه مراجع قولي سمعا وطاعه ههههههههه يا ام مراجع ياحليلي كان ما وحده من البنات اسم زوزها مراجع
ضحكتيني يايعطيك الصحة والسعادة

[يقين]

وين
ام ورد ان شالله خير قداش ليها ماجت كيف حالها يا امراجع تشوفي فيها ولالا

[أثري في مدادي]

مافهمتكش اتري


قصدي إنت قلتي هكي الصغار كلهم امتى أمهم في الشهر التاسع ~~~~~
قتلك وبعد الجياب يستمر هالدلال ؟؟؟ووين بيكون وضعهم ملتصقين زي قبل ؟؟؟؟ ولا ينفصلوا شوية ؟؟؟؟

[ام معاد]

هو قصدي مش بلغصب ولاحاجة ويقولي شن رايك لكن مايسميه الالما انكون راضية الحق

[يقين]

اثري حقا سالتيني علي عمر فروتي سنه ونص والله بككككل ما تاكل فحاااااجه لا واللي يقهر فيا كان طاحت حاجه عالوطا راسها والف سيف تبي تاكلها مش عارفه ليش
شكلي بننثرلها الماكله عالوطا وخلها تهيج فدييييييييت

[أثري في مدادي]

المُعاويَةُ - مُعاويَةُ :

المُعاويَةُ : الكلبة الطالبة للكلب .
و المُعاويَةُ جرو الثعلب والكلب .
المعجم: المعجم الوسيط -


مُعاوية :
اسم علم مذكر مؤنث لفظي ،
معناه : الكلبة ، جرو الثعلب . من الفعل عَوى الكلبُ أو الذئب : لوى خطمه ومدَّ صوته . معاوية بن أبي سفيان ( ت 60 هـ ) مؤسسة الدولة الأموية . وقد يسمون به الأنثى .

[ام معاد]

تبي الحق ياتري بعد الجياب كل عيل وتصرفاته فيه يلي تلقيه يتقبل اخته وفي يلي لا اني ولدي الحق تغير بعد ماجبت مادارليش جو الببي والغيرة لكن كان وينك يافرصة يلقاها اينقز علي اخته هدي تعبني فيها هللللللللللللللللللللللللللللبة لكن انت ولدك ماشاء الله كبير ويفهم فاهيئيه انت وفهميه وقوليله هدي وخيتك وتلعب معاها وماتضربهاومن ها لكلام

[ام معاد]

المُعاويَةُ - مُعاويَةُ :

المُعاويَةُ : الكلبة الطالبة للكلب .
و المُعاويَةُ جرو الثعلب والكلب .
المعجم: المعجم الوسيط -


مُعاوية :
اسم علم مذكر مؤنث لفظي ،
معناه : الكلبة ، جرو الثعلب . من الفعل عَوى الكلبُ أو الذئب : لوى خطمه ومدَّ صوته . معاوية بن أبي سفيان ( ت 60 هـ ) مؤسسة الدولة الأموية . وقد يسمون به الأنثى .
اوووووووووه فكينا منه حدفناه خخخخخخخخخخخخخخخخخ

[أثري في مدادي]

اثري حقا سالتيني علي عمر فروتي سنه ونص والله بككككل ما تاكل فحاااااجه لا واللي يقهر فيا كان طاحت حاجه عالوطا راسها والف سيف تبي تاكلها مش عارفه ليش
شكلي بننثرلها الماكله عالوطا وخلها تهيج فدييييييييت

الله يحفظك ،،، ويرعاك

بالنسبة لفروتي نصيحة خليها شوية ،،،
أولا : صغيرة أني ولدي علمته عامين ونص ودرهلي كبدي
ثانيا : خاش الشتي والصقع والحوايج الهلبا والبساطات والبطاطين ،،، فكيك من هالبرنامج ،،، لاحقة عليه ،،، يامن عاش نين تدفى الدنيا حتى مع شهر 4 أو 5 ،،،،
ثالثا: إنت تشكي من قلة ماكلتها وتبي تحرقيلها أعصابها ببرنامج الحمام ؟؟؟ بيزيد يصكرلها نيتها لأنك حتعصبي عليها غصباً عنك
والله ،،،وخيتي أجليها خيرلك ~~~~~
والأكل مادامها تحب تلقط ،،، علاش ما تسلقيش مكرونة مثلا وتحطيها في صفرة دائرية وتطرحي مفرش كبير وتخليها تقعمز تلقط زي العصفورة ؟؟؟؟
أو قطع خيار أو جزر مسلوق أو وسط خبزة غمسيه في زيت زيتون واعجنيه بجبنة سايلة وكركبيه زي الكور وخليها والله تلقط ~~~~~

[أم أجنادين 80]

السلام عليكم
يابنات عندي طلعة لحماة حماتي امروحة من الحج
وانا اول مرة نمشيلها شني تنصحوني نلبس
بدلة قونة طويلة او فستان خريفي قصير

[ام معاد]

ام ورد حالها كويسة الحمد لله

[يقين]

لا مافي شي بالغصب لكن اني ما ندورش فيها موضوع الاسماء عادي مانختلفوش فيه بس هادا هو حكيتلك عالاكشن اللي يصير

[أثري في مدادي]

صحيتي ،،،، أم معاذ .... ربي يسهل ،،،،
هههههههههههههههههه فكينا عاد من جو الكلالالالالالالالالالاب حاشاك وحاشا قدرك

وباهي توا بالسلامة بتخش نرقد ،،،، غدوة عندي موعد في العيادة أكيد بتديرلي كشف باش تشوف الرحم ؟؟؟؟
يا حليلي
ومافيش حتى حااااااااجة لاوجع ولاآلام ولا شئ ؟؟؟؟ وأني ناصفت التاسع ،،، زعما هدوء ماقبل العاصفة

[ام معاد]

لا مافي شي بالغصب لكن اني ما ندورش فيها موضوع الاسماء عادي مانختلفوش فيه بس هادا هو حكيتلك عالاكشن اللي يصير
يا عبطبط اني رديت علي اتري ، قسما بالله ضحكتني بردك (مرااااااااااااجعععععععععع) حتي اني ماندورش الحق الافي حاجة وحدة مانحبش انسمي علي حد

[أثري في مدادي]

السلام عليكم
يابنات عندي طلعة لحماة حماتي امروحة من الحج
وانا اول مرة نمشيلها شني تنصحوني نلبس
بدلة قونة طويلة او فستان خريفي قصير

وعليكم السلام ورحمة الله وبركاته

حمدا لله على سلامتها

أكيييييييييييييييييييييييييييييييييييييييييييييييي ييييييييييييد

بدلة قونة طويلة

المهم مش قصيرة ،،،، القصير خليه لأبو أجنادين خخخخخخخخخخخخخخ

[ام معاد]

ان شاء الله يااتري غدوة تنوضي علي الوجع وتجيبي خخخخخخخخخخخخخخخخخخخ

[يقين]

ام اجنادين كيف حالك
كان عندك بدله رسميه قصيره بري فيها
وتوا بالسلامه الغاره بدت ههههههههههههههه

[أم أجنادين 80]

غارة شنو يايقين
ايقين عندي بدلة بس حسيت بيها اووووفر هلبة علي حج
يعني هيا مش مدايرة عزومة
والله ماعرفت
شن قصة الأسماء
وليش الأب ليه الحق هوا يسمي
حتي الأم من حقها هيا يلي تحمل ووتتعب 9 شهور وتربي ووووو .......الخ
المفروض فيه تفاهم .

[goldrose]

اهلين بيك حبيبتي وربي يتمم حملك علي خير اني نتابع عند الكتورة كريمة بوصلاح دكتورة بسم الله ماشاء الله طبعا مش اول حمل انتابع عندها هدا تاني حمل والله في الولادة تقعد معاك لاخر لحظة طبيعي وفيه وحدة تانية استشارية لاكن مانعرفش ادا كان اتولد في اي وقت لكن رووووووووووووعة اسمها امال الخروبي في مصحة الياشفين وكريمة في مصحة البشري واسمعي والله انهم تقة وماشاء الله ويشكروا فيهم هلللللللبة وزوزي في المستشفي يعرفهم بالاخص امال الخروبي
بارك الله فيك وربي يتمملك حملك علي خير وتجيبي احلي وليد في الدنيا



حبيبتي راجعي الردود رديت عليك برد مطول ،،،، وربي يسهلك أمورك[/quote]

شكرا ريته الرد بارك الله فيك ويتمملك حملك علي خير

[شمس الزمان]

السلام عليكم ورحمه الله وبركاته
اثري ان شالله اتجيبي عل خير اوسلامه اوماتخافش الولاده الثاني ساهله بكل ربي يسهلك غير كتري شرب اميه ولماشي
يقونه ازيك ياحلوه ان شالله لاباس عليكي شن دايرين فيك لصغار انا قريب ايصيرلي انهيار عصبي منهم
ام معاد كيف الحالك اوحال لصغار ربي يتمم حملك بلخير واتنوضي بسلامه والاسم ساهل بس المره هذي ضروري انت لي اتسميه

[شمس الزمان]

كيف حالك يا اجنادين انا في راي البسي بدله قونه طويله توا حسيت الدبش المحتشم والطويل رد موضه
قولروز ربي ايتمملك بلخير انتمنى روحي اني انفيدك بس انا من بنغازي

[أمل ليبيا]

بالنسبة لجو غيدنا ياحنا يوم الوقفة مشيت لي شيباني لقيت غزوزتي مطيبة لبصلة ودارت سلفتي مبطن وسلفتي التالتة ولاشي العروس بنغدروها وانا رفعت سينابون وسلفتي الاولى دايبى بريوش طبعا كلنا صايمين قطرنا تعشينا ديرنا نسكافيه وشاهي كغمزنا قرضنا خضرتنا وهدرزنا طبغا انا وسلفتي الاول اختي طبعا مش سلفة بتنا غادي الرجالة روحوا احنى لالا لكان هديكا وحهها بوروحها روحت ضمينا الحوش في الليل كسدنا سهلانا لا 5 جو هدرزة معاش عندهم الا حماة وحدة بنت في التانوي نوضنا 9 بعدها عيدنا وطلعتا غسلت سلفتي وانا وحماتي الدوارة وسلفتي وعمني قرضوا الافاد وعوالة العصبان المهم وتنا القلاية للغداء حشينا االعصبان حطيناه عالنار اتكفينا بالكيكات والجو والكابتشينو وبعدها طاب الغصيان وكغمزنا كلنا سلافي وعمتي كلنا شوا ليم طلع من عيونا وسلاطات وبيتزا عالحطب والله حو يهبل قسمنا العصبان وكل واحد روح وحو حلو

انا الاسيوغ لي فات عندي عرس ولد عم راجلي والله جو ايهبل صدرت وحنيت حنة تهبل
اختي سوسو قلتي قشور الرمان للحنة شن فايداهم انا نعجن فيها بالملح والسكر والليلم تجي سوداء بس ليش قشور الرمان منك نستفيد

شكله جوكم يهبل مع بعضكم ربي يدوم عليكم المحبه و الود ان شاء الله
وبالجوده بيك حبيبتي انا مواليد90 ومن الزاويه

[أمل ليبيا]

ام اجنادين -شمس الزمان- اثري في مدادي-يقين- قولد روز-ليبيا قلبي
كيف حالكم ياحلوات ان شاء الله تكونوا بالف خير

[يقين]

صباح الخير
ام اجنادين لا عادي مش اوفر كيف تبدا البدله سمبل وناعمه حلوه ومناسبه وني مانقصد القصير الهلبه لا الكبه كويس قصير هلبا
البدالي الرسميات القصيره تطلع كان الوحده توا كيف متزوجه
وعادي الرجلين ماهم عوره تحت الركبه يعني

[يقين]

ام اجنادين الغاره قصدي بيها بنتي لما تبي ترقد ماتنقنق زي الصغار لالالالالا تقعد تقلب فالالعاب وتحدف فيهم حاااااله لين انوض انرقدها
اثري بارك الله فيك عالنصايح واطمني الولاد سااااهله ماتخافيش
امل ليبيا صباح الخير كيف حالك وشخبارك
ام معاذ ههههههههههههههه عاده ني صغاري الزوز مسمينهم علي حد يا خراشي يا ختشي ماليش حظ

[يقين]

شموسه
كيف حالك وحال الاطفال عندك
الحمدلله ني حالي باهي والحق مش متعبيني ربي يخليهملي فروتي ديمه تلعب وحايسه فالعابها وبيمو كانه جيعان بس يعيط او يبي يغير والباقي تبارك الله عليه يلعب وساكت ربي يحفظهم
حاجه وحده مضايقتني قلت ماكله بنتي بس
وكانهم متعبينك ني نقولك سر لو تضميلهم نومهم معاش تتعبي بكل وكان تبي نشرحلك ني جاهزه لاني هكي درت لصغاري

[يقين]

وينكم قاعدين راقدين ولا شني

[ام معاد]

يقوووووووووووووووووونة شن الجو اسمعي توا بعدين نسهر اني ويااااااااااااك تو زوزي قاعد بعدين عمللللللل

[أمل ليبيا]

لا إله إلا الله محمد رسول الله عليه الصلاة و السلام
الحمد لله انا بخير يقونه

[يقين]

مسالخير
وينكم
اثري شكلك هكي والله اعلم انك جاك الوجع وبتجيبي او جبتي باه حمدلله علي سلامتك وتتربى في عزكم البنوته هههههه جيبتك غصبا عنك خخخخخخخ

[ام معاد]

السلام عليكم

[ام معاد]

يقين يا شفشووووووووووفة خخخخخخخخخخخخخخخخخخخ

[يقين]

ام معاذ جيتي مرحبا مرحبا هي ارمي شبشبك وخشي هي

[يقين]

ام معاذ حبيبه نستاذن وليدي يعيط تصبحي علي خير

[أثري في مدادي]

السلام عليكم ورحمة الله وبركاته ،،،،،،،،،،،،،،،،،،،،،،،،،،،،،
وين جبت بالله ،،،،،،،،،،،،،،،، قاعدة مونستكم ~~~~~
كيف خشيت من مشوار استغرق ساعة وعشر دقائق مشي ~~~~......................
وبالنسبة لزيارة الدكتورة ،،، كشفت علي وقتلي :
الراس نازل في الحوض والرحم بدأ """" يرق """" مصطلح جديد عليّ ؟؟؟؟
لكن المهم الظاهر أنه يدل على قرب الفرج ،،،،،،،،،،،،،،،،
وطالبتني بالاستمرار على وصاياها الأولى .... واشتكيت من ألم في عظام الحوض ،،،
فكتبت لي كالسيوم لأنني أخدته شهر وبطلت ،،،، وخلالالالالالالالالالالالاص ~~~~~~

[أثري في مدادي]

تي وينكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أمل ليبيا ،،،،،،،كيفك ؟؟؟ عساك بخير وعافية ؟؟؟

[ام معاد]

هلا والله يالغالية خخخخخخخخ كنت نقرا في رواية شما وهزاع جبتلك هالكليمتين هعهعهعهعهع

[أثري في مدادي]

آه ،،،،،،،،،،،،،،، ناعمة شغلاتك عنا ؟؟؟؟؟؟؟؟؟؟؟؟؟؟؟؟

[شمس الزمان]

اثري يلا كل توخيره فيها خيره توا استمتعي اورقدي قبل مايجيكي الوع واعه ربي ينوضك بسلامه
يقونه واالله مش عل تنضيم النوم بس لاني انا ليا مده مش مستقره اوحوسه اوعرم وجيج وريا
اموووله اهل وسهلا بيك انستينا وشرفتينا
ام معاد ام اجنادين وين باقي البنات ام ورد اوليبيا قلبي ميمونه اوسوسو اوعيون فلبي اوسالي وينهن طمنني عليهن

[ام معاد]

آه ،،،،،،،،،،،،،،، ناعمة شغلاتك عنا ؟؟؟؟؟؟؟؟؟؟؟؟؟؟؟؟
هههههههههه من بكري واني اراجي فيكم وتبي الحق دوراتها وققصصها روووووووووعة واني معاها من بداية زواجي ولله الحمد لكن مش مسجلة في دوراتها الله يجزيها خير عالجت هلللللللللللللبة مشاكل وهدا من فضل الله تم هي

[ام معاد]

اهلين شموووووووووووووووووسة كيف حالك ومعليش هدي مراحل من العمر ضروري ان الانسان بيعيشها والله اهم حااااااااااااااااااااااااااجة الصحة لاغني عنها اللهم لك الحمد يارب

[ام معاد]

وتوا السلالالالالالالالالالالالالالالالالام عليكم

[أمل ليبيا]

بخير و نعمه حبيبتي اثري
ان شاء الله تنوضي بالسلامه يارب و نجو ناكلوا عندكم طبيخة النفاس الحلوة ^-*
الله يأنسك شموسه منورة حبيبتي

[ام معاد]

السلالالالالالالالالالالام عليكم

[ام معاد]

اسمعوا ظهري يوجع فيا ووووووووووووووو حتي كان اتنفست انحسه وانمشي زي السلحفاة خخخخخخخ علي قولت سالي معقوولة من السادس وهكي امالا بعدين كيف استغفر الله والحمد لله علي كل حال وخلالالالالاص

[أمل ليبيا]

سلاااااااااااااااااامتك ياام معاذ ان شاء الله لاباس عليك

[ابتسامة الصباح]

السلام عليكم شنو مافي حد

[أمل ليبيا]

اهلين ابتسامه
ربي ان شاء الله يدوم الابتسامه ع وجهك

[أثري في مدادي]

اسمعوا ظهري يوجع فيا ووووووووووووووو حتي كان اتنفست انحسه وانمشي زي السلحفاة خخخخخخخ علي قولت سالي معقوولة من السادس وهكي امالا بعدين كيف استغفر الله والحمد لله علي كل حال وخلالالالالاص
ظهرك ................... بالك برد ؟؟؟؟؟؟؟؟؟؟؟؟؟؟؟؟؟
معقولة من السادس بيبدأيوجع فيك هكي ؟؟؟
ولا إنت تشكي منه من قبل ؟؟؟
خصوصا حكاية كان تنفست تحسيه ،،،صدقيني هذه بردة على ظهرك ~~~~

اثري يلا كل توخيره فيها خيره توا استمتعي اورقدي قبل مايجيكي الوع واعه ربي ينوضك بسلامه



بارك الله فيك ،،،، معاك حق ،،، أني علاوي جاني عيااااااااااااااااااااااااااااااط درجة أولى
إن شاء الله بنوتتي تجي هادية مهدية ~ْ~~~~~~~~~~~~~~

لكن التثقيل والنفاخ مضايقيني شوية ،،،والحمد لله ،،،

ومناسبات العيلة كلهم تفكروهم وأني في التاسع ورايحة منفوخة زي الكورة ،،،،

بخير و نعمه حبيبتي اثري
ان شاء الله تنوضي بالسلامه يارب و نجو ناكلوا عندكم طبيخة النفاس الحلوة ^-*

تفضلي مرحبتين بيك ،،،،،،،،،،،،،،،،،،،،،،،،،،،، وبعدها ناكلوها عندك إن شاء الله ،،،

[أم أجنادين 80]

السلام عليكم
اثري ان شاء الله اتنوضي انتي والبيبي بالف خير
ام معاذ وا امل ليبيا وشمس الزمان وابتسامة كيف الحال
يقونة شن اخبار مصر

[أمل ليبيا]

ان شاء الله ياختي اثري تسلمي
اهلين ام اجنادين الحمدلله بخير و انتي كيف حالك ان شاء الله طيبه ؟وين هالغيبه؟

[يقين]

السلام عليكم

[يقين]

ام معاذ لا باس عليك ان شالله

[يقين]

شموسه
ربي يعاونك عليهم
امل ليبيا
كيف حالك
ابتسامه
كيف حالك وحال السنفور شن صار فيك ان شالله تحسنتي
اثري
يارب تنوضي بصحه وتشوفي البيبي عالخير
ام اجنادين
كيف حالك وشخبارك ان شالله تمام

[يقين]

ام ورد
وييييينك والله مستاحشاتك خيرك معاش تجينا المنتدي بلاك والله ناقص والله

[أثري في مدادي]

وين " ســـــــــــــــــــــــــــــــــــــــــــــوســ ـــــــــــــــــــــــــــــــــــــــــــــو"

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟

مخلية مكان هكي كبــــــــــــــــــــــــــــــــــــــــــــــــ ــــــــــــــــــــــــره

[يقين]

شنو مش ناويين تجوا الليله ولا شني

[يقين]

اثري
كيف حالك وحال وليدك

[يقين]

خاطرني فاسكموا
كساااااااااااااااااااد

[يقين]

خلاص ني فقدت الامل انه بنتي تاكل وقسما بالله مرقيتلي القاز مش عارفه خيرها قلبي يتقطع عليها لانها ماتاكلش حتي بوها حاول معاها شي ما بت

[يقين]

خلوقي بكل مضااااايقه المانع متعبني ومدايرلي نزيف ومعقدني وبطني تودع فيا ومخلطه الحكايه

[أثري في مدادي]

إن شاء الله لاباس عليك ،،،،

ماتكونش فروتي مدايرة منع الأكل للفت النظر ؟؟؟؟؟

كردة فعل على وجود هيمو ؟؟؟؟

هل غارت منه حين ولادته ؟؟؟؟

[يقين]

ام روفيده ويييييييييييييين ربي يحميها هيا وحملها

[يقين]

لالالالا مش مدايرتله اعتبار بكل ولا هي مدوراته تلعب وجوها مليح ومراته تجي تبوس فيه ومرات يبدا محطوط لوطا وقدامها ماتجيش جنبه بكل
الغيره ماتعرفهاش بكل

[أثري في مدادي]

اثري
كيف حالك وحال وليدك
الحمد لله حالي باااااااااااااااااهي ،،،،،،،،،،،،،،،،،

مشيت لـ" جردينة سوق الثلاثاء " ودرت مهدااااااااج مشي حوالي ساعة ونصف ،،،
وعلاوي يلعب بالألعاب وقعد بحداه بوه ،،،
وأني نمشي بروحي وخلاص ،،، شديتها تسبيح واستغفار ،،،
وحني مروحين خدالنا وجبة كنتاكي ،،، وقبل ماناكل خشيت خديت دوش شبه ساااااااااااااخن ،،،،، وبعد العشي توا حاطة مق مغلي قرفة وعسل ،،،،
وبالتوفيق
قوليلي قداش في شهرك جبتي الفارس هيمو ~~~~

[أثري في مدادي]

باهي افتكيت من جو الغيرة ~~~~~~~~~~~~~~~~

شورها صغيرونة هذا بااااااااااااااااااااااش ؟؟؟؟؟

شن جو مصر ؟؟؟ مناخها ؟؟؟؟

احني اليوم عز الصيف ،،،،،،،،،، ولاحول ولا قوة إلآ بالله

اللهم أغثنا بالغيث النافع

[أمل ليبيا]

صبااااااااااااااااااااااح الوووووووووووووووووورد

[يقين]

صباح الخير
اثري ربي ينوضك بالسلامه انتي والبيبي وني في ابراهيم موعدي يوم 26 وجبت فنفس اليوم بالزبببببط ولو تبي نصيحتي المشي هللللبا ليله جبت مشيت مشي ما يعلم بيه كان ربي لين زدت تنفخت والرحم فتح 9 س بدون مانشعر ولا نحس الا بشي لا يذكر لما مشيت للمصحه لين اندهلو الرحم 9 سانتي والميه مانزلتش فالمشي المشي مشالله يساعد بشكل

[يقين]

امل ليبيا
صباح الورد شخبارك وكيف حال عويلتك

[يقين]

مانيش عارفه وين مختفيين بس

[ابتسامة الصباح]

السلام عليكم كيف حالك يقونه

[يقين]

ام معاذ شكلك فساااااااااااااااااابع حلمه ولا

[يقين]

اهلين ابتسامه صباح النور اني الحمدلله حالي باه انت كيف حالك وحال السنفور

[يقين]

اثري
سالتيني عالمناخ والله جموووووود بالذات الليل والفجر والحمدلله كويس

[يقين]

توا بنمشي نفطر بنتي ونوليلكم ان شالله نلقا حد بس
حتي ابتسامه تاقت ومشت

[ابتسامة الصباح]

الحمد لله أني في المستشفى اليوم الشهر خشيت إنشاء الله غدوه الصبح عمليتي وحطيت عبودي عند جارتي زي وخيتي ليبيه وقلبي معاه اول مرة انفارقة ياحليلي وجعني وين حطيته لكن الله غالب زوجي بيقعد معاي لانه دكتور في نفس المستشفى ادعولي خايفة قريب انموت يااااارب هون عليا

[يقين]

ابتسامه ربي يهون عليكوتنوضي لوليدك وبوه صحيحه

[ابتسامة الصباح]

قاعدة علي أعصابي وخلاص شني يقونه فطرتي بنيتك

[ابتسامة الصباح]

كسااااااادhwaml15 وينكم فديت

[مليونيرة فقيرة]

السلام عليكم
كيف حالكم امهات

[ام معاد]

السلام عليكم

[ام معاد]

اسمعوا عدلتوا ساعاتكم علي التوقيت الجديد جوووووووووووووو ولا

[ام معاد]

وينكم وينكم

[ام معاد]

ابتسامة ربي ينوضي علي خير يارب

[ام معاد]

شكلكم راقدات

[شمس الزمان]

السلام عليكم ورحمه الله وبركاته

[شمس الزمان]

وين رقدين ياام معاد جو دجاج هضا
اوبنسبه ليا اناماغيرتهاش الساعه هكي اويلا انلايم مش انقص ساعه

[شمس الزمان]

ابتسامه ربي اينوضك عل خير اوسلامه
اثري عا الله المانع خير طمنينا عليكي

[شمس الزمان]

حتى انا اليوم حمدولي عل سلامتي
القصه اليوم عمتك ام شموسه دايره حمله عل المطبخ نايضه حامس اونشاط من الساعه 9 "بلتوفيت القديم ياام معاد" وانا انظف حطيت الكلور مع التي توب مش عارفه تعرفوه ولا عموما مش عارفف كيف صار استنشقتا كلا اوخش في صدري جوا والله الدنيا قعدت انشوف فيها حمرا اومعش اليت النفس طلعت للبكني نجري حسيت روحي كل مانستشق الهوا نار تولعا فيا في صدري اتصلت اب زوجي قتلا تعال روحي تبي نطلع وانا منهاره اونبكي اوخايفه انموت انسيب اعيالي جا زوجي اوشالني لمستشفى خلوني 3ساعات عل اوكسجين اوطلعوني اوتوا روحت لحوشي بس مازال صدري امضايقني
الحمد لله ربي العالمين توا خلاص شعفه اوتوبه باذن لله معش نقرب التي توب

[مليونيرة فقيرة]

كيف حالك وشنو اخباركم انا جديدة معاكم !!!
شنو برنامجكم ف التجمع ؟!

[مليونيرة فقيرة]

شموسة حمد لله عل سلامتك ...

[شمس الزمان]

اهلين بيكي اختي مليونيره عرفينا عل روحك اكتر او نحنا ماعندنش برنامج معين بس شعارنا القصقصه
حنعرفك عل روحي
اسمي ام شموسه
موليد 88 من بنغازي اوعندي بنت اواوليد شمس سنتين اونص اوعبدالسلام 3اشهور اونص
خريجة جامعه بنغازي قسم رياضيات

[شمس الزمان]

اطلعن وينكس كساد
اثري شكلبك جبتي "عل خير اوسلامه"
يقونه وين غاطسه

[مليونيرة فقيرة]

شموسة انا من طرابلس
مواليد 89 ليا سنة و3 شهور متزوجة
مزال ربي مقدرش وحملت والحمد لله عل كل حال وان شاء الله ربي يرزقني ببنوتة عسولة زي شموسة :)

[أثري في مدادي]

صباح الخير
اثري ربي ينوضك بالسلامه انتي والبيبي وني في ابراهيم موعدي يوم 26 وجبت فنفس اليوم بالزبببببط ولو تبي نصيحتي المشي هللللبا ليله جبت مشيت مشي ما يعلم بيه كان ربي لين زدت تنفخت والرحم فتح 9 س بدون مانشعر ولا نحس الا بشي لا يذكر لما مشيت للمصحه لين اندهلو الرحم 9 سانتي والميه مانزلتش فالمشي المشي مشالله يساعد بشكل

صحيتي على النصيحة ،،،، والمشي الحقيقة نحبه من يومي وما نقلقش منه ~~~ ربي يسهل وخلاص

الحمد لله أني في المستشفى اليوم الشهر خشيت إنشاء الله غدوه الصبح عمليتي وحطيت عبودي عند جارتي زي وخيتي ليبيه وقلبي معاه اول مرة انفارقة ياحليلي وجعني وين حطيته لكن الله غالب زوجي بيقعد معاي لانه دكتور في نفس المستشفى ادعولي خايفة قريب انموت يااااارب هون عليا

يااااااااااااااااااااااااااربي يسهلك أمورك وتنوضي لا سو ولا سوية ،،،،
بالله طمنينا عنك ،،،، وربي يحفظلك جارتك هذا وين تبان الناس الباهية ،،،
سلميلنا عليها من غير معرفة ،،، ولا تخممي فيه عبودي ،،، أيامات وتفوت بالسلامة
اهتمي بنفسك بــــــــــــــــــــــــــــس

حتى انا اليوم حمدولي عل سلامتي
القصه اليوم عمتك ام شموسه دايره حمله عل المطبخ نايضه حامس اونشاط من الساعه 9 "بلتوفيت القديم ياام معاد" وانا انظف حطيت الكلور مع التي توب مش عارفه تعرفوه ولا عموما مش عارفف كيف صار استنشقتا كلا اوخش في صدري جوا والله الدنيا قعدت انشوف فيها حمرا اومعش اليت النفس طلعت للبكني نجري حسيت روحي كل مانستشق الهوا نار تولعا فيا في صدري اتصلت اب زوجي قتلا تعال روحي تبي نطلع وانا منهاره اونبكي اوخايفه انموت انسيب اعيالي جا زوجي اوشالني لمستشفى خلوني 3ساعات عل اوكسجين اوطلعوني اوتوا روحت لحوشي بس مازال صدري امضايقني
الحمد لله ربي العالمين توا خلاص شعفه اوتوبه باذن لله معش نقرب التي توب

لا حول ولا قوة إلا بالله ،،،، ردي بالك قريب مشيتي فيهاااااااااااااااااااااااا
هكي الفلاحة ولا بلاش ،،، نين يسمع بيك العالم كله ~~~~

كيف حالك وشنو اخباركم انا جديدة معاكم !!!
شنو برنامجكم ف التجمع ؟!

أهلا بيك ،،،،،،،،،،،،،،،،، نورت التجمع ،،،،،،،،،،،،،
شن هالمتناقضات الفقر والملايين ،،،، لازم واحد منهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قوليلي أني مليونيرة حقيقة ،،، بس فقيرة إلى الله تعالى ،،،،
شن رايك تفسير حلووووووووووووووووو

اطلعن وينكس كساد
اثري شكلبك جبتي "عل خير اوسلامه"
يقونه وين غاطسه


لا والله قاعدة نراجي في رحمة ربي ،،،،،،،،،،،،،،،، اللي خير من كل شئ

أم معاذ ،،،،،،،،،،، شن الجو ؟؟؟؟؟؟؟؟؟؟؟؟؟؟؟

أني ماغيرتهاش ساعتي /// لكن شكلي بنمشي نغيرها أريحلي وخلالالالالالالالالالالاص

[شمس الزمان]

تسلمي ياعروستنا ان شالله الشهر الجاي باذن الله تطلعي حامل اوتجيبلنا توم ولد اوبنيه

[شمس الزمان]

اثري الله يسلمك واتجيبلنا احلى كتكوته
قولينا شن تبي اتسميها

[أثري في مدادي]

اليوم قصيت شعري ،،،،،،،،،،،،،،،،، درهلي كبدي ،،، قداش لي نبي نقصه قلت خلي نقصه توا كاني جبت وجتني البنوتة زي خوها حريفة مش حنفضى حتى نحك راسي مش نين نقص شعري ~~~~~
قعدت في جيابي لعلاوي ،،،قريب شهر نصب في المية علي لحمي صبان وبس ،،،،،،،،،،،،،،،، ما نلحقش حتى نحك جلدي
هذا راهو شاده حد وهو يعيط تقول لادغاته عقرب
طول اليوم وأني مطلعة صدري ونرضع لأنه ياإما يرضع أو نايم """ طبعا نادر """ أو يعيط """ الغالب """
قتلي صاحبتي جت تباركلي::: اللي سترتيه تسع سنين عريتيه اليوم ؟؟؟؟؟؟؟؟؟؟؟؟؟؟؟؟ قتلها مش اليوم بس كل يوم وأنا هذا شكلي ~~~~~~~~~~~~~~~~~~~~ ياربي تجي بنيتي صحيحة معافاة هادية بارة صالحة قولوا آمين

[لوليته لولو]

خيرات ع الحلوات شن أخباركم وحشتونى ام شموسه شن أخبارك جارتى العزيزة الحمد لله ع السلامه معش تديريها عملتك رآه تسيرلك حساسيه فى الصدر واصلا التى توب مع الكلور كس يفقد مفعوله ويقعد أميه وانت تتأثر ى
أترى ربي يسهل وتولدى بالصحه والسلامه ليك وللبيبي
مليونيرتنا اهلا وسهلا بيك بينا

[أثري في مدادي]

كنت مرشحة اسم """" عُــــــــــــــــــلا "
على أساس أنه قريب من """ عليّ"""
لكن توا غيرنا رأينا ،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وقاعدين نتشاورو ،،،،، أني مادبيا وين نجيب يكون الاسم جاهز باش نقول علي طول جت فلانة ،،،،
مايبداش فيها حكاية الخاطر ومش عارفة شني ،،،، وربي يسهل

[أثري في مدادي]

أهلا زهووووووووووووورة وين موقعك الإعراااااااابي توااااااااااااا ؟؟؟؟

[أثري في مدادي]

ياناس ياعالم ،،،،،،،،،،،،،،،،،،،،،،
استاحشت """"""""" عيووووووووووووووون """""""""""""""""
و
"""""""""""""""""" سوسو """"""""""""""""""
وما نبيش نكثر أسماء باش مايحرج حد ؟؟؟؟؟؟؟؟؟؟؟؟؟؟؟؟؟؟

[لوليته لولو]

قاعده حايسه فى هالدنيا ربي يعونا وانس عياط طول الوقت وانا شادته

[شمس الزمان]

اهلين زهووره كيف حالك اوحال ليونه اوانوسي اوشن امدايرن فيك
اثري ماتخافش باذن لله تطلع هاديه اصلا ايقول البنات ديما هاديات حتى انا شموسه جتني اهويديه بكل لين مرات نسى فيها مش كيف عبسي لعند توا مازال امهبلني

[أثري في مدادي]

قداش عمره أنوسي ؟؟؟؟

[لوليته لولو]

الحمد لله كويسين لكن تعب ههههه عمره تو سبع شهور ونص ما شاء الله لكن عياط هو صاح لين كانت اهد ربي يسهل وتطلع بنيتك صحيحه وهاديه

[شمس الزمان]

صحه القصه يا اثري والاسماء هنا الاثنين حلوات بس عجابني علا
زهوووووووة طمنينا عليك وين طبيتي هنا ولا مصر

[أثري في مدادي]

الله يطمنك شموووووووووسة ،،، إن شاء الله يا غالية ،،،،
لدرجة مش متصورة أني حنفضى ونسترخى كان جبت ،،،،
وكان مش من حكاية """ بلع اللعاب """ اللي عني في مشكلة متأزمة نين نجيب ،،، راهو دعيت أني نعوشر ،،،
خوفا من ووووووووووووووووااااااااااااااااااااااااااااعععععع ععععععععععععع

[لوليته لولو]

شموسه شن أخبارك وشن نقصتى ولا مازال أنا نقص بكل هههههههه
كيف حال بأقى البنات وشن اخبارهن

[شمس الزمان]

هههههههه والله انقول جسمي اوزني اكويس ماعاده البطن قاهرتني توا وزني 64 معقول

[لوليته لولو]

ربي يسهلك أترى ونسمع عليك خبر خير يارب وادعيلنا واشربي قرفه
أنا تو تصبحو ع خير لان انوسي رقد وهدى فرصه ههههه وان شاء الله نخش بكره

[لوليته لولو]

ههههههه لما قريتها ما قدرتش نسكر هههههه كم طولك نبي نتخيلك ههههههه

[شمس الزمان]

اونتي شن صار كم نزلتي اوشن جو البطن اوشن درتيلها

[شمس الزمان]

طولي 157 مش طويله واجد

[لوليته لولو]

ههههه لا لا كويس طولك157 ووزنك ما شاء الله 64 ههههه
أنا طولى 161 ووزنى هههههه 150 هههههه شفتى الرشاقة ههههههه وجسمى كله نقص وطبيعى البطن تخش بس يبيلها شد هههه وانا مكسله ندير رياضه

[شمس الزمان]

توا تصبحوا على خير نمشي انهدرز احدا زوجي

[لوليته لولو]

50. قصدى هههههههههه

[شمس الزمان]

رياضه والله ياريت انحصل وقت اندير راياضه عليا اوعل الكورسيه ابصرحه ياست منه البطن

[شمس الزمان]

زهووره ماشالله عليكي قعتي سامباتيك ربي يعطيك الصحه عطينا السر مش حنقولا لحد

[شمس الزمان]

نستاذن ليلتكم سعيده

[ابتسامة الصباح]

صباح الخير باركولي ياحبايبي درت العملية اليوم الساعة 8الصبح تخدير تام واكشن ودموع اني وزوجي خايف عليا ياروحي ضربولي يبره التخدير في التغدية وبعدين حطو الأكسجين مشيت في عالم تاني شفت عصافير ودنيا بييييضهhwaml02hwaml7 متاع الرسوم عرفتوهم خخخخخخخخخخخخ بعدها نضت نخرف لقيت زوجي جنبي شادلي ايدي قتلة شن بيبدو قالي تمو ياحبيبتي خخخخخخخخخ ماصدقتش الحمد لله تمت علي خير وسلامه وصحيتو اللي سال عليا اثري حبيبة اطمني الحمد لله كويسه وأم معز شكرًا ياغالية ويقونه اتشجعي وبري عايني وشمس صحيتي ياغالية وكل البنات

[ام معاد]

الحمد لله علي سلامتك ابتسامة

[مليونيرة فقيرة]

صباح الخير عليكم
ابتسامة حمد لله عل سلامة ..

[يقين]

صباح الخير
كيف حالكم
ابتسامه .....حمدلله علي سلامتك
شموسه......حمدلله علي سلامتك ردي بالك المنظفات ما يتخلطوش علي بعضهم مهماكان عزوزتي قبل لين رفعوها لتونس لانها خلطت منظفات مع بعضهم وجاها ضيق فالتنفس فردي بالك

[ام معاد]

يقونة شن الجو وكيف حال سنافرك

[أم ورد]

ام ورد
وييييينك والله مستاحشاتك خيرك معاش تجينا المنتدي بلاك والله ناقص والله

نجيها ياربي ما تفقدي غالي يارب
والله كنت ثلاتة أيام بره طرابلس

[أم ورد]

شموسة الحمد لله على سلامتك حتى أني مره هكي صارلي لكن جتني خفيفة
إبتسامة الحمد لله على سلامتك

وباقي البنات كيف حالكم إن شاء الله بخير

[ام معاد]

ام ورد كيف حالك

[أم ورد]

الحمد لله كيف حالك إنت وكيف حال عبدو وميمي والدكتور

[ام معاد]

الحمد لله في خير ونعمة انت شن جو الرحلة

[أم ورد]

مش عادية بكل

[ابتسامة الصباح]

السلام عليكم ورحمة الله وبركاته

[ابتسامة الصباح]

اهلين أم ورد ليك وحسه ياحبيبه وشكرا ع السؤال

[أم ورد]

وعليكم السلام
إبتسامة كيف حالك اليوم إن شاء أحسن

[أم ورد]

الحمد لله بخير بارك الله فيكي

[ابتسامة الصباح]

الحمد لله روحت لحوشي هدا وين ارتحت تعرفي اكره ما عندي المستشفيات

[أم ورد]

باهي كويس الحمد لله على سلامتك ونورتي حوشك

[ابتسامة الصباح]

كساد وين البقية أتري واجنادين وسوسو وسوما ويقين وأم معاد وشمس ولولو وليبيا كلكم من غير استتناء أتري إنشاء الله غير جبتي اسمعي بنقولك علي وصفه اني جربتها ونضحك جارتي عراقية قالتلي عليها ماصدقتش لين شفت بعيني تفتح الرحم بلا وجع لين تستغربي أغلي الحليب وحطي فيه كاشيك كبير عسل وكاشيك كبير حبة البركة مطحونة زي الدقيق جاستين في اليوم اني مكملتش 3طواسي وجبت ماشاء الله هدا كان ماجبتيش طبعاhwaml7

[أم أجنادين 80]

مساء الخيرات
شن الاخبار
ماشاء الله منورين الصفحات
مستعجلة ماقريتش كل الردود عندي طلعة بنوض نسشور ونمكيج نوتي روحي بكري احسن
حبيت نسلم عليكم

[أم ورد]

أهلين أم أجنادين كيف الحال

[يقين]

السلام عليكم
ام ورد منوره وانستي وحمدلله علي سلامتك

[أم ورد]

وعليكم السلام
الله إيسلمك يقونة النور نورك يا بت

[يقين]

ليا 3 ساعات راقده تقول مخدريني اول مره نرقد هالوقت من المغص مانيش قادره نوووووووووووقف بنموت منه حسني هادا كله من اللولب بهدلني

[يقين]

الله يسلمك يا ام ورد شخبارك وشن دايره معاش تخلينا ديما توقي علينا فالعشيه