دردشة بنات مصر , دردشة حوامل مصر , تجمع بنات مصر

[wesa]

تسلمولى يا قمرات انا حبيت اوى العلاقة اللى مابينكم دى وحبيت اكون مع الاسرة السعيدة دى تقبلونى

[AyoyA]

البت اية المفجوعة بتاكل اية كل دة خروف ولا اية



انا يا ختى مبحبش الخرفان
اصل مسلسل أدم شدنى فبتفرج عليه

[AyoyA]

اهلا بيكى Wesa
اول مرة اشوفك
او
تقريبا شوفتك قبل كده

[أم سلسبيل]

منووووووووووورة بين اخواتك يا قمرwesa

[دودى مجدى]

المسلسل شدك طب اوعى تكونى اتكعبلتى هههههههههههههههههههههههه
اهلا بيكى حبيبتى ويصا تنورى وتشرفى عرفينا عليكى بقى يالا

[أم سلسبيل]

دودى ايه رايك فالنيولوك بتاع التوقيع والصوورة ده

[دودى مجدى]

جميلة الصورة يا مروة والتوقيع كمان لسة واخدة بالى منو وقرياة دلوقتى

[AyoyA]

حلو اوى التوقيع بتاعك يا مروة



لأ مفيش حد قدر يكعبلنى غير واحد؟؟؟؟؟
ويارتنى مسكت نفسى

[دودى مجدى]

هههههههههههههههههههههههه معلش يا اية خلاص بقلا معادش ييجى منو لا تبكى على اللبن المسكوب

[أم سلسبيل]

دى انشوده لمشااارى بعشقها

انت الاجمل يا قمراات

[أم سلسبيل]

ومين اللى سكبه يختى

[أم سلسبيل]

انا هقووووم بقى يا موزز

بعلولتى زمانه جى

سلامو عليكو

[AyoyA]

توتة اخبارها ايه حد يعرف حاجه عنها

[دودى مجدى]

هوة يا اختى اللى اتسكب لوحدو من غير ما حد ييجى جمبو

[AyoyA]

وعليكم السلام يا مروة

[wesa]

من عنيا
انا اسمى وسام ومن القاهرة بس متجوزة فى مدينة بدروحاليا رجعت تانى لبيت ابويا عشان جوزى سافر السعودية وحامل فى الشهر الثانى ونص فاضلى اسبوع وادخل الثالث
ومعايا ليسانس اداب قسم علم نفس يعنى منفسنة من نفسى خافوا بأة ههههههه

[دودى مجدى]

توتة دخلت امبارح يا اية وكويسة الحمد لله

[دودى مجدى]

وعليكم السلام يا مروة متبقيش تقطعى الجوابات ماشى

[AyoyA]

ربنا يكملك على خير يا وسام وتقومى بالسلامه
اعملى التيكر الحمل

[دودى مجدى]

اهلا بيكى يا وسام وانا اسمى دينا من بورسعيد بس عايشة مع جوزى فى مكة وعندى 24 سنة وكنت بشتغل مدرسة جوزك عاييش فين فى السعودية وبيشتغل اية

[دودى مجدى]

بت يا اية هتخلصى التالت امتى يا بة

[AyoyA]

اه
نسيت اعرفك بنفسى اممممممم
اسمى أية وعايشة فى القاهرة وعندى 22 ونص

[دودى مجدى]

انا زهقانة اوى قرفت من قعدة البيت نفسى اخرج ومش قادرة بتعب من الخروج وكمان التكييف بايظ فى عربية محمد يعنى النزولة بحماية

[AyoyA]

مش عارفه والله يا بت
اصل الدكتور مئليش انا فى اى اسبوع
مش راضى يقولى بس انا بحاول افهم من السونار
واوقات السونار يمشى مع التيكر ومرة التيكر يسبق

[AyoyA]

قصدى يأخر مش يسبق

[AyoyA]

بقولك يا بت انا هقوم بقا ورايا شويه حاجات عايزة اعملها
وغسيل انشره
واحاول ادخل تانى

[دودى مجدى]

ربنا يتمملك على خير يا اية ويقومك بالسلامة يا رب

[AyoyA]

روحتى فين يا به

[دودى مجدى]

طيب قومى وانا هروح ارخم على امى شوية امال يعنى هكلم مين تستحملنى بقى مش هى اللى خلفتنى

[AyoyA]

ربنا يتمملك على خير يا اية ويقومك بالسلامة يا رب



ياااااااااااارب
انا وانتى ودعاء وتوتة
وكل الحوامل المسلمات كلهم

[دودى مجدى]

انا اهو يا حولة روحى شوفى اللى وراكى وابقى تعالى تانى اوك

[AyoyA]

ماشى يا قمر
سلام يا أم حوده
اشوفك بالليل

[دودى مجدى]

سلام يا ام بقلظ ماشى موعدنا عند الفجر هههههههههههههههههههههه

[wesa]

جوزى فى الرياض بيشتغل مهندس تكيفات

[اروى قلب ماما]

هاى عليكم عاملين ايه

[wesa]

اتشرفت بيكم يادودى وايوى

[اروى قلب ماما]

وحشتونى وحشتونى وحشتووووووووووووووووووووونى

[wesa]

التيكر مش بيتعمل

[اروى قلب ماما]

اخباركم ايه يا عيال

[توتة السيد]

هو لو رميت نور من البلكونة ينفع

[نولارا]

ياالله ياحى ياقيوم
برحمتك استغيث
اصلح لى شانى كله ولا تكلنى الى نفسى طرفه عين



بالله عليكوا يابنات تدعولى انا وجوزى
ربنا ييسر لنا الاحوال وبقدر لنا الخير يارب

[توتة السيد]

ازيكم كلكم نفير نفير عحاملين ايه يامزز

[توتة السيد]

ازيك يانونو ياقمر ربنا يقدملكم الخير وييسرلكم الحال بفضله خير ياقمراية ايه الحكاية


اسلام ازيك ياقمر انت وحشتينا اكتر اروي وايدها عاملين ايه وانت اخبارك ايه طمنيني عليكي
ايويا تسلمي علي السؤال ياقمر ربنا يتمملك علي الف خير يارب

ام زربيح هلا ياوليه يامفشوله هههههههههههههههههههه

[اروى قلب ماما]

توتتتتتته بتقولك ماما هى هتيجى معاكى اصل عندها نفس الاحساس

[اروى قلب ماما]

ماما نفسها تعمل فينا كده ههههههههههههههه زهقت مننا يا عينى اتجوزت ولا اكنى اتجوزت

[توتة السيد]

وسام اسمكجميل ما شاء الله ربنا يتمملك علي خير

ونورتي بين اخواتك انا بقي

توته او نهاد عندي 23 سنة ومتجوزة من سنة ونص

وعندي نوران 8 شهور والحمد لله حامل كام يوم باذن الله وادخل الشهر التالت

وعايشه في الامارات مع بعللتي حبيبي ياكثوفي

واصلا انا صعيدية من سوهاج واه يابوووووووووووي هاتوا الفرفر ونحي وسام بطلقتين في الهوا

ههههههههههههههههههه


اه ومعاية لسانس احموم هههههههههههههههه لا معايا لسانس تربية لغة عربية


انا بموت في علم النفس كان نفسي ادخل تربية علم نفس بس علي ايامي ماكنوش عملو قسم

علم نفس في جامعة بتاعتنا

[نولارا]

واالله ياتوته مخنوق خالص وكلامه خنقنى انا كمان
بيقول ان الاسعار هناك مولعه
يعنى تقريبا موش هنقدر نحوش حاجه
يعنى هتبقى غربه على الفاضى
والجو حر قوى والميه بتاع الشرب موش كويسه
من ساعتها موش عارفه ايه العمل
والازهر بيتكلموا عن تثبيت وفيه منشور فعلا
لكن بيشككوا فيه لان موش عليه ختم
يالله دوامه عجيبه
هو قالى انه هيدور على سكن عشانا
وقالى ان الاستقدام من شهر 3
انا موش عارفه اى حاجه
زهقااانه ومخنوقه

[توتة السيد]

هههههههههههههههههههههه ياستير حتي الكبار عايزين يتحدفوا والله ياحبيبتي فعلا

[wesa]

ههههههههههههه
دمك زى العسل ياتوتة ربنا يخليلك نوران يارب ويكمل حملنا على خير ياجميل
انا برده صعيدية بس من بنى سويف هههههه
ربنا يخليكوا لبعض

[اروى قلب ماما]

شوفتى يا توته ماما بتقولك ايه

انوار حاولى يا حبيبتى تخرجى من المود ده لانك كده هتنكدى عليه اكتر ما هو حرام عليكى

[توتة السيد]

ياقلبي هوني علي نفسك يعني هتكون مولعة اكتر من هنا هنا الحاجة ام بريزة ب100 والله من

غير مبالغة هنا برضه الاسعار ناااااااااااااااااااااار والجو حر لولا التكييفات كنا اتخنقنا

والمية وحشة بنشتري مية معدنية في قوارير يعني كله كده

هو بس علشان لسه في البداية متهيئله انه مش هتترتب لكن باذن الله

وحده وحده هيلاقي كله اتظبط ماتقلقيش وهو علي حسب مرتبه يحاول يحوش

حاجة علي جمب كل شهر ولما تسافروا امسكوا شوية في المصاريف موقتا

وموضوع الازهر انا مااثقش في كلمهم من هنا لحد شاشة اللاب اللي بكلمك منه

دول بق علي الفاضي وربنا يارب يوسع عليكم ويقدملكم الخير بفضله

[نولارا]

والله يااسلام ما عرفت اعمل ايه
اخواته وامه كانوا حواليا
وكمان السايبر بعييييييد يعنى موش كل يوم هنتكلم

[malak ahmed]

ضهري مموتني اووووووووووووووووى ونظري ضعف مبقتش بشوف الكلام اللي بييجي عالتلفزيون

كل ده من الولاده حاسه اني بعد كده هبقي حوله

[توتة السيد]

شالله يخليكي ياوسام انت اعسل وربنا يكملك علي خير يارب ويجمعك ببعللتك علي

خير يارب



اسلام ماما بتقول ايه هتحدفك من الشباك

[malak ahmed]

ازيكم يابنات

توته قلبي ازيك النهارده وازي نور

نورا حبيبتي مالك ياقمر بس روقي كده .. خالد عامل ايه دلوقتي ربنا يجيبو بالسلامه يارب

قوليلي صحيح انتي صلحتي المايك ازاي يابروف

[اروى قلب ماما]

نورررررررررررررررررررررررررا
الانترنت عندى هباب

[malak ahmed]

‎Alaa Elsayed Mahrous

مين اسمها كده عالفيس يابنات حد يعرف

[malak ahmed]

النهارده روحت طعمت ملوكه التطعيم بتاع الحمله ضد شلل الاطفال

يا اللي ف مصر ابقو طعمو عيالكم اخر يوم يوم الاربع بس

[نولارا]

الجهاز اللى كان فيه مشكله صلحته من الكنترول بانل

[توتة السيد]

البت المرطرطة جت اهي ههههههههههههههههه

ازيك يانودي ياحبي الف سلانة كلنا كده وهيجلنا جفاف وحالة ربنا يقوينا

[wesa]

تسلمى ياقمر على ذوقك

[malak ahmed]

ايه ده في وجه جديد هنا ولا ايه

قري بالسي في بتاعك يلا

برافو يانورا انك عرفتي المشكله وحلتيها لوحدك .. احمد فينه وفطمتيه ولا لسه ياتري

والله ياتوته البت هدتني من شيلها لسه مفعوصه ومبقتش قادره منها

اسكتي مش النهارده روحت اعمل النيو بوك زي ما قلتلك عملت نص ولسه نص ولسه مخلصتش المطبخ والحمام وورايا فرح يوم الخميس حاسه ان دماغي بقت قد كده

[نولارا]

انا كنت متوقعه ان البعد وحش بس مكنتش متخيله انه هيبقى للدرجه دى

[احلى نونو]

بناااات ازيكم كلكم عاملين ايييييييييييه

توووووووووووته حبيبتى ازيك وازى نووور والنونو صحتك عامله ايه ؟

نورااااا عامله ايه انتى وحموكشه ؟ ربنا يصلحلكم الاحوال يااااااااااارب

نهااااااااااااااااااد ام ملك ازيك يابت وحشتينى وازى ملوكه انا شايفه الفيس بتاعى بتقولى بتاع مين ده هو مطلوب القبض عليا ولا ايييييييييه طمنينى

[احلى نونو]

ويسااااااااااااااااا اهلا بيكى ياقمر منوره معاكى دعاء

[ام انس المصريه]

ازيكم يا نساوين مصر

وحشتونى والله ووحشنى الرغى معاكو

واخيرااااااااااااااااااااااا

نمتتتتتتتتتتتتتتتتتتتتتتتتتتتتت

صحيح ياولاد النوم سلطان

نمت ساعتين بس ارتحت اوووووى كانى نمت 8 ساعات

[توتة السيد]

دي دعاء يابت يانوهاد احلي نونو

[احلى نونو]

معلش يانورااااااااااا استحملى يابنتى كل الغربه والبعد مراااااااااااااااار بس هنعمل ايه بس
زى ماتوته بتقولك كل حاجه هنا غاليه جدا التكييف ليل نهار شغال لو اتقفل بنبقى هنموت من الحر
والميه انا عندى بنجيب ميه معدنيه للشرب وجالونات ميه نوع تانى للطبخ والاكل
لان ميه الحنفيه ميه مالحه يادوب لغسيل المواعين والهدوم وبسس

[دودى مجدى]

ازييكو يا ولايا انا جيت تانى
دعاء
شيماء
وسام
نورا
اسلام
ازييكو كلكو

[malak ahmed]

معلش يانورا بس ربنا يوفقه يارب ويهونها عليكي انا بجرب الموضوع ده كل سنه ومتعودتش ابدا لسه

دودي ازيك يا قمرايه وحشاني والله النونو عامل معاكي ايه

ايوة انا هضيفك عندي عالفيس اوك ابقي اقبليني بقي


شيماااااااااء يا مجرمه يا دزمه يا هطله ماااااااااااااااشي روحتي تنامي ها

[دودى مجدى]

يا لهوى نسيت توتة ونهاد ازييكو يا قطاقيط

[توتة السيد]

ازيك يادودو عاملة ايه احنا بخير الحمد لله

[malak ahmed]

ازييكو يا ولايا انا جيت تانى
دعاء
شيماء
وسام
نورا
اسلام
ازييكو كلكو


عااااااااااااااااااااااا الدزمه دي ماقالتليش ازيك hwaml4

hwaml17 hwaml17

انا مش هسال عليكي انا هسال علي حوده بس عامل ايه سيادته

[malak ahmed]

ظلمتك يا كثوووفي شكلي وحش

صحيح ان بعض الظن اثم ياولاد .. بس لاااااااااا بردو كده احسن عشان تاخدي بالك بعد كده ههههههههههه هو انا مش منوره ولا ايه

[توتة السيد]

ازيك ياهبلة ياحمارة ياامو بدوي عارفة نفسك طبعا ههههههههههههههههه

نسيتينا ياامو زربيح اخص ماكنش عيش وجاتوه

[wesa]

هقولكم بقى تصبحوا على خير

[دودى مجدى]

والله نسيت اسفة بس رجعت سالت اهو احنا كويسين وحودة بيسلم عليكى ازييك انتى وازى ملوكة

[توتة السيد]

انت حيالة 2 فولت انما انا 600 وات ههههههههههههههههههههه

[malak ahmed]

ازيك يادينا عامله ايه وحشاني والله

انا جبت النهارده مفرش جديد للصالون هندي 4 قطع ب 300 جنيه الراجل ابن اللذينا مرضاش ينزلنا حاجه ابداااا وقالنا انا ببيع بسعر الجمله واسالو برا هتلاقوه ب 400

كنت عاوزة اصورهولكم اشوف رايكو فيه ايه بس مش قادره اتحرك من مكاني بكره بقي

[دودى مجدى]

لا طبعا منورة ومدورة يا نهاد هههههههههههههههههههههههههه بهزر
مقدرش انساكى يا توتة بس معلش اصل الاقبال كبير على المنتدى عاملة اية انتى ونور والنونو

[توتة السيد]

لحقتي ياوسام وانت بالف خير ابقي ادخلي بقي كتييييييييييييير

[malak ahmed]

ملوكه تمام الحمد لله يا دينا بتبوسك اهي وباعته بوسه لحوده ف الخباثه كده

ويسا هتمشي من غير ماتعرفنا بيها

[توتة السيد]

الحمد لله بخير ياقمر انت عاملة ايه وحوده عامل ايه

[دودى مجدى]

انتى وحشتينى اكتر يا نهودة عارفة المفارش دى كنت جايبة منها فى جوازى فى بيتى اللى فى مصر على فكرة السعر كدة حلو جدا دة فى بورسعيد ب500 جنية وجوز جارتى هو اللى بيستوردهم فبيبعهولنا ب250 عشان الجيرة بس انما 300 دة كدة مش حرامى يا دوبك مكسبو

[دودى مجدى]

تسلمولى يا توتة انتى ونهاد حودة كويس بس عاملى مغص مش عارفة لية هروح بكرة للدكتورة لان عندى التهابات وكمان بعطس وفية مية كدة بتزل عليا ربنا يستر

[دودى مجدى]

وانتى من اهل الخير يا وسام ابقى ادخلى تانى وخلينا نشوفك

[اروى قلب ماما]

اذيك يا دينا معلش كنت بكلمك والانترنت بيفصل
حيوان الانترنت ده بيبعدنا عن الناس اللى بنحبهم ويحبونا

[توتة السيد]

ربنا يطمنك ياامو زربيح هي مامتك كانت بتقول عليه اسم ايه بحاول افتكر مش قادرة

[اروى قلب ماما]

نورا انتى موجوده ولا روحتى تنوحى

[اروى قلب ماما]

تقريبا الانترنت بيزعل فبيفصل

[malak ahmed]

ماشي يا دودو طفيتي ناري شويه مانا عارفه ان الراجل ده بيبيع بسعر الجمله لان فيه حاجات عندو بيبيعها ارخص بكتيييييييييييييير من ماكنت شارياها

[نولارا]

hانا هنا يااسلام

[اروى قلب ماما]

يا عيااااااااااال

[دودى مجدى]

ولا يهمك يا سومة المهم انتى عاملة اية وازى اروى ايدها عاملة اية دلوقتى

[دودى مجدى]

توتة مامتى كانت بتقول علية زعرب هههههههههههههههههههههههههههههههههههههه
بدل زربيح زعرب امى دى دمها خفيف اوى

[اروى قلب ماما]

فكى يا نونو ومتزعليش وحسسيه ان انتو كويسين ومستنيين اليوم اللى تروحوله فيه
انا عارفه انه صعب عليكى بس معلش استحملى

[اروى قلب ماما]

الحمد لله يا ديدي بخير فضل ونعمه
ولئن شكرتم لازيدنكم

[نولارا]

بحاول افك يااسلام
بس بجد البعد والفراق وحش قوى
ربنا ما يكيتبه على حد يارب

[دودى مجدى]

روحتو فين يا ستات

[gogo]

نحن هنا يادودى عامله ايه ومبروك على حوده

[دودى مجدى]

هجوووووووووووووووووووووووووورة ازييك يا روحى وحشانى اوى الله يبارك فيكى يا رب عقبال ما نفرح بيكى يارب

[دودى مجدى]

عاملة اية هانى لسة فى مصر ولا سافر

[gogo]

انتى كمان وحشانى يادودى هانى ف مصر وشكلنا هنعدلنا شهرين كده هنا ان شاء الله
انتى قوليلى استقريتى على اسم محمود واقنعتى جوزك

[دودى مجدى]

محمود اسم جميل وعاجبنى اوى ونفسى اسمية بس محمد بقى هو اللى مش مستقر وبيقول هو اللى هيسمية وهيخليها مفاجاة يوم الولادة بس البنات هنا بيبشرونى بية وانا شكلى كدة هندة للواد بمحمود حتى لو ابوة سماة حاجة تانية بس ربنا يهدية ويوافق علية يا رب ادعيلى

[gogo]

ربنا ان شاء الله هيتمم فرحتك بأسم حلو لابنك

[دودى مجدى]

يا رب اللهم امين انا بدعى الدعاء دة كتير اوى يا رب يستجيب منى يا رب

[دودى مجدى]

قوليلى قابلتى رنا ولا لا كنتى بتقولى انكو هتتقابلو

[gogo]

لا انا كنت هقابل رانيا بس محصلش نصيب انا عندى ظروف وهى عندها ظروف
هى راجعه بكره ان شاء الله

[دودى مجدى]

يااااااااااااااااة خلصت اجازتها على طول كدة ربنا يجيبها بالسلامة يا رب السفر بيبقى وحش اوى بعد ما تكونى قعدتى مع اهلك وانتختى انا خايفة من اللحظة دى قوى من قبل ما اسافر
اما ترجع رنا بقى ابقى اقولها نتقابل فى الحج ان شاء الله

[دودى مجدى]

انتى منين فى مصر يا هجورة

[gogo]

هههههههههههههههه دى رانيا فرحانه انها راجعه
انا من كذا حته الاول الجيزه ونقلنا الهرم وبيتى ف المعادى

[اروى قلب ماما]

حد صاحى ولا نمتوا الانترزفت هباب عندى

[دودى مجدى]

بجد طيب ربنا يفرحها يارب
ليا خالى وخالتى فى الهرم

[دودى مجدى]

متخافيش يا سومة صاحيين عودا حميدا

[اروى قلب ماما]

بخخخخخخخخخخخخخخخخخخخخخخخ
عوووووووووووووو
بخوف اروى عشان تنام ههههههه
وبرضه مش بتنام

[اروى قلب ماما]

كل ما احاول انام اروى رافضه النوم يا دودو

[دودى مجدى]

ههههههههههههههههههههه هو لية كل الامهات عاوزين ينيمو عيالهم او بخمدوهم بمعنى اصح

[اروى قلب ماما]

عيال اخر رخامه واستفزاز
بس بنموت فيهم عيالنا بئه ربنا يحفظهم ويحميهم ويباركلنا فيهم يارب

[دودى مجدى]

يعنى انتى ترضى حتى ينيمك غصبن عتك خليها براحتها يعنى هى عاملالك اية بس امهات مدلعة

[اروى قلب ماما]

يا حبيبتى طول النهار شايلاها على ايدى ومش عارفه اعمل منها حاجه
اما بالليل بئه ربنا ما يوريكى ببقى هموت وانام ودى مصهلله مش راضيه تنام

[اروى قلب ماما]

كلها كام شهر ويجى بودى بالسلامه ونقعد جنب الحيطه ونسمع الزيطه
هههههههههههههههههههههه

[توتة السيد]

انا لسه كنت بقول ينفع ارمي نور من البلكونة ولو لقيت حد شحعني كنت عملتها

[اروى قلب ماما]

ربنا يهديهم ويبارك فيهم هو فعلا دلع امهات
عارفه يا ديينا لو نامت وطولت فى النوم بفرك عشان اصحيها

ولما تخرج مع ماما كل شويه اديها تليفون واسالها واقولها هاتيها وحشانى
يبقى لا احبه ولا اقدر على بعده ههههههههههههههه

[دودى مجدى]

دة بودى دة هيورينى العذاب الوان بس لو اتشاقى هسيبو لمامتى واجى هنا لوحدى هههههههههه

[دودى مجدى]

هههههههههههههههههه ايوة ما انا عارفة يا سومة ربنا يخليهالك يا رب وتشوفيها عروسة
توتة والنقار مع نور مالك ومالها يا توتة بصى طنشيها عامليها كانها هوا

[اروى قلب ماما]

انتى رجعتى فى كلامك يا توته ما امى قالتلك يلا وهترمينا احنا كمان
عارفه انا عند ماما وكل واحد فينا قاعد يعمل حاجه وهى بتطبخ وتحضر اكل لبكره وتجيب فاكهه بجى يومين ازيد فيهم 0000000000000 كيلو

[نولارا]

انا عينى تعبت خلاص
ومع ذلك موش عاوزه انام
هاقوم اصلى ورجعالكم

[اروى قلب ماما]

بتعمل كسكسى تحفه مهما اجيبه جاهز من الماركت او اكله عند حد مش زى اللى ماما بتعمله ابدا وبتجهز رقاق باللحمه وممبار امهات اخر عسل عاوزه اقعد هنا على طول ربنا يباركلنا فيهم ويجعل اللى بنعمله فيهم من ميزان حسانتهم
وت

[دودى مجدى]

ربنا يخليهالكو يا سومة يا رب وتتحرميش منها ابدا ويخليلنا امهاتنا كلنا يا رب

[اروى قلب ماما]

واللى ولادنا بيعملوه فينا من ميزان حساناتنا يارب
امين يارب العالمين قولوا امين يا عيال يمكن سبحان الله ده اللى يشفع لنا ويكون سبب فى دخولنا الجنه

[نولارا]

اسلام
اروى ايدها عملت ايه
وانتى اخبارك ايه
اوعى تقفلى قبل ما تردى عليا
طمنينى عليكى
عملتى سونار تانى ولا لاء

[اروى قلب ماما]

انا بحب امى اوى وهى بتقول دايما اسلام اكتر واحده فى ولادى بتحس بيا
لكن والله زاد حبى ليها واحساسى بيها بعد ما بقيت ام سبحان الله
ربنا يسامحنى على كل حاجه زعلتها فيها ويردكم بالسلامه لاهاليكم وتطمنوا عليهم

[اروى قلب ماما]

والله يا نونه يا حبيبتى نحمد ربنا ونشكر فضله
بس انا لسه معملتش اى حاجه لكن هعمل تحليل ان شاء الله لانى حاسه انى لسه حامل ربنا يستر

[نولارا]

اسلام انتى فى كفر الشيخ
سلمى على امك واخواتك
وقولى لامك تدعيلى انا وخالد بالله عليكى

[اروى قلب ماما]

نورا استهدى بالله كده واعتبريها فرصه تسترجعوا فيها ايام الماضى وتحنوا وتشاقوا اكتر زى زمان ربنا يخليكوا لبعض ويحرمش حد من اللى بيحبه اميييييييييييييييين يارب العالمين

[توتة السيد]

نور سمعت كلامي وعايزة تنتحر وترمي نفسها من بلكونة الانترية هههههههههههههههههههههه

[اروى قلب ماما]

افتكرى ايام البطانيه واضحكى
انا عارفه انه احساس صعب اوى انك حتى تنامى لوحدك الراجل هو احساس الست بالامان فى البيت ربنا يرده ليكم سالم غانم امين يارب العالمييين هو وكل اللى زيه

[رنا خالد]

انا عملت كيكايه اسفنجيه غرااااااااااام
احمد جابلي طريقتها من شيف فايف ستار معاه في الفندق
وبكره هزوقها
اول مره اعمل كيكه وتطلع حلوه
لولولولوولولولولوولي

[نولارا]

يخربيت شيطانك يااسلام
خليتينى فتحت فى الع ياط من تانى

[توتة السيد]

نورا انا حاااااااااااااااااااااسة بيكي جداااااااااااااااااا ربنا يقوكي وصدقيني هتتحل وهتشوفي ربك كريم قوي

[نولارا]

ضاقت فلما استحكمت حلقاتها فرجت وكنت اظنها لا تفرج
يارب ياتوته

[توتة السيد]

وبعدين يانورا انا بنهدي ولا بنستهبل موبايلي بايظ كنت كلمتك وشفت الشهتفة والبربرة ههههههههههههههههههههههههههه

[رنا خالد]

نورا مالك ياحبيبة قلبي
بالله عليكي بقي ماتعيطي ياشيخه
ربنا يرجعهولك بالسلامه او يبعتلك قريب اوي
توته ازيك عامله ايه وحشاني اوي انتي ونور
اسلام ازيك ياقمر انا اول مره اتكلم معاكي

[نولارا]

هههههههههههههههههه
انا عملت خاصيه مكالمه الدولى بجنيه ونص
اول ما خالد نزل من الطياره كلمته الدقيقه ب6 قروش
اكتشفت بعدها ان هو اتحاسب ب4 ج على كل دقيقه
وقالى احنا اللى اشترينا التروماى ههههههههه

[اروى قلب ماما]

نونو انتى نمتى ولالالالالالالالالالالالالا
بتفتكرى ايام البطانيه

[نولارا]

بالنسبه لموضوع البطانيه احسن تفهموه غلط
انا واسلام ايام الكليه والخطوبه
كان غير مسموح لما بمكالمات بعد 8 بالليل والعروض بتاع موبينيل وفودافون كانت بتبدا متاخر فكنا بنكلم خالد ومحمود من تحت البطانيه
عشان المشرفه لو دخلت ماتشوفناش وتفتكرنا نايميين

[اروى قلب ماما]

لا يا رنا اتكلمنا يوم الكيكه وقولتلك هاتى حته من يومها مشوفتكيش
هههههههههههههههههه

[نولارا]

ايام البطانيه
كانت ايام لوز والله
طيب فاكره فاطمه قياتى
ربنا يجعل كلامنا خفيف عليها ههههههههههههههههههه

[رنا خالد]

اظاهر ان انا بكلم نفسي

[نولارا]

استهبلى بقى يارنا عشان تقومى تلزقى فى احمد ههههههههههههههههه
ما احنا بنكلمك اهو

[اروى قلب ماما]

وفاكره لما اتكلمت انا وانتى وتوته على العيال لما تيجى ورا بعض عامة انا كان عندى نونو بس الحمد لله قدر ولطف محصلش نصيب ان الحمل ده يكمل
اللهم لك الحمد يارب

[توتة السيد]

مابكلمكيش ياست يابتاعة الكيكة انت اجري في حته ناشفة

[رنا خالد]

يعني اقفل وانام ولا ليا لزمه في القاعده دي

[gogo]

هههههههههههه رنا يارتنا افتكرنا ربع جنيه مخروم
تعالى هنا لو مشيتى هعلقك مبنلحقش نكلمك

[توتة السيد]

هههههههههههههههههههههههههههههه واه ياسمعة

طيب كلميني كده عايزة اتاكد بنفسي هههههههههههههههههههههههه

[اروى قلب ماما]

دى صورة لوجى يا رنا لو هى ماشاء الله وربنا يباركلك فيها ولو مش هى يارب تشوفى لوجى زيها واحسن كمان

[gogo]

يعني اقفل وانام ولا ليا لزمه في القاعده دي


ان ان اه شكل رنا جايه ضاربه بوز
يارنون دنتى الدزمه كلها اقصد اللزمه هههههههههههه

[توتة السيد]

بتتلكك علشان تسرح في التلاجة اتبطي يافشول

[توتة السيد]

ههههههههههههههههههههه حلوة ياجوجو

[رنا خالد]

جوجو وحشاني والله جدااااااااااااااا
عامله ايه
توته اتبطي واسكتي ماتصدعنيش
مين فينا اللي يزعل
ولا سؤال ولا مسا ولا صباح
براحتك ياعم الحب برضه مش بالعافيه
اسلام دي مش صورة لوجي بس هي نفس لون البشره ولون العين
مع اختلاف لون الشعر طبعا
ده انا بنتي مزززززززززززه ماشاء الله
نورا بطلي اؤاء بقي بدل ماجي اغزك

[gogo]

نورا عامله ايه وموكشه عامل معاكى ايه

[اروى قلب ماما]

طيب قوليلنا طابخه ايه يا رنا اصلى بصراحهمرتاحه اليومين دول ما ما اللى بتطبخ

[gogo]

ههههههههههههههه ياتوته دى وصايه عشان رنون انتى عارفه القافيه دى متطلعش لاى حد

[اروى قلب ماما]

نورا صحيح يعنى ايه خالد اللى بيتحاسب على المكالمات

[توتة السيد]

ياسلام انت بتستهبلي يابت انت كل ماتتخلي اكلمك ولما مادخلتش بعتلك رسالة اسال

عليكي ثم مين اللي يسال علي مين خلي البنات تقولك انا حالتي كانت ازاي الايام اللي فاتت

عايزة تزعل بالعافية وتدبسني انا ماهو انا الحيطة المايلة

[gogo]

وانتى كمان وحشانى يارنا بس انتى مبقتيش تعدى كتير بتيجى وتجرى علطول
ومفيش حتى تليفون ياندله

[نولارا]

تغزى مين ياام لوجى خلينا حبايب
بلاش نقلب على الحوات الفاتنات ههههههههههه
لو بنتك ما حبتش ابنى زى ما انا بحب حماها كده
هعلقهالك من رجليها
بس انا واثقه انها هتحبه
لانه طالع لابوه سحره لا يقاوم ابن اللذينا
عمال يقولى وحشتينى وانا موش قادره انطق امه كانت قاعده ورايا
اااااااااه يااااااااااااانى ياامااااااااااا

[اروى قلب ماما]

مساء العسل يا جوجو انا بئه اول مره اكلمك ودايما لما ادخل انتى بتكونى لسه خارجه او العكس

[توتة السيد]

طبعا طيب اديها ياجوجو شوية قوافي كده في وشها يمكن تركز

[اروى قلب ماما]

ياولاد التييييييييييييييييييييييييت بتتكلموا عالخاص وسايبنى
اه يا تيييييييييييييييت محدش يمسح الشتيمه يا تييييييييييييييييييت

[gogo]

اروى قلب ماما مساء النور انا هاجر 24 سنه وانتى عرفينى بنفسك
بس انتى شكلك تقربى لنورا صح

[توتة السيد]

ياحلاوة وهي حماتك هترابط في كل مكالمة كده ان شاء الله

[نولارا]

جوجو اخبارك ايه انتى وجوزك واخبار مطروح يامعلم


اسلام هى كانت مره واحده كان لسه مشغل الخط بتاع اتصالات وانا كنت عامله اهم سته
فاتحاسبت انا على الدقيقه ب6 قروش واتحاسب هو ب4 ج عشان يستقبل المكالمه
وقالى انت مغفل ياميمو هههه

[رنا خالد]

يابنتي انا النت فاصل عندي لأن كابينة تليفونات المنطقه اتسرقت وبقاله اسبوع حتي لما جيه من 3 ايام ضعيف جدا
يعني انا مابدخلش خالص اصلا
بقالي يومين بدخل ارمي كلمه واجررررررررري والله
يعني معرفش انك تعبانه ده اولا
ثانيا لو دورتي في الصفحات اللي فاتت تلاقيني بسأل عليكي كتيير
علي العموم حقك عليا ياستي
بس بجد انا مكنتش بدخل

[اروى قلب ماما]

حتى انتى يا نورا خانك العدوس والتليفونات اخر الليل ونروح الكليه مش فاهمين حاجه هههههههههههه

[توتة السيد]

هههههههههههههههههههه انا يتقلي تيت ياسلام لا كده لنا هنا وقفة

تعالي احدفك بقي مع نور ههههههههههههههههههههه

[gogo]

انا تمام الحمد لله يانورا مطروح ما خلاص كان حلم وراح ياريت يتكرر

[نولارا]

انا مقدرش على كده كل مكالمه ايه
المره الجايه هقفل باب الشقه وموش هسيب المفتاح بره
انا سيبته المره دى عشان اكيد وحشهم زى ما وحشنى

[gogo]

رنا مالك شكلك مش تمام
ايه الى مضايقك

[توتة السيد]

يابت انا مازعلش منك انا بس من عشني وحبي ياحتتي الجوانية

وانا كنت تعبانة بدخل علي الصفحة علي طول مش بذاكر

فطبعا مابشوفش سلاماتك

[اروى قلب ماما]

هاجر احنا صحاب زنزانه واحده هههههههه قصدى مدينه واحده واحنا فى الجامعه بس الاروبه خلصت وانا الحب شحورنى حولت كليه من اول وجديد يعنى انا لسه بدرس نونو يعنىhwaml02hwaml02hwaml02hwaml02hwaml02

[اروى قلب ماما]

مقولتيش يا رنا دى صورة لوجى اللى فى التوقيع

[اروى قلب ماما]

غطصتوا فين

[gogo]

هههههههههههه ياعينى ومن الحب ما قتل يأم اروى وبتدرسى ايه الوقتى وف سنه كام

[اروى قلب ماما]

والله لو محدش ظهر لادخل انام هه

انتو يا عيال

[رنا خالد]

وانا والله مقدرش علي زعلك ياتوته والله ماعرف موضوع تعبك ده
شيماء بس قالتلي دي توته مضايقه ونفسيتها تعبانه شويه قولتلها ده اكيد اكتئاب اول 3 شهور الحمل والف سلامه عليكي ياحبيبتي وماتزعليش مني بالله عليكي
سامحوني يمكن تكون طريقة كلامي بايخه النهارده شويه بس اصلي اول مادخلت فضلت اسلم ومحدش عايز يرد عليا فحسيت اني ماليش لزمه واضايقت وانا مش متعوده منكم علي كده
تعالوا نفرفش بقي هوباااااااااااا
البت جوجو مشيت ولا ايه

[اروى قلب ماما]

انا من علوم لدراسات شريعه يا قلبى
ولسه فى سنه تانيه

[رنا خالد]

اظاهر ان اسلام لابسه نظارة شمس هههههههههه
لا مش صورة لوجي يالوما والله
بقولك ايه ياتوته نور وحشتني ماتنزلي كام صوره ليها

[نولارا]

احنا هنا يالومه

[اروى قلب ماما]

ومن الحب ما مرمط صحابه لحد مقتلهم فى الاخر
يعنى محدش يحب بئه مادام كده كده ميت

[gogo]

انا هنا يارنا لسه متواجده
رانيا هترجع بكره السعوديه ان شاء الله وطبعا التجمع

[اروى قلب ماما]

حلوه اوى هبا دى يا رنا بس هنهب على فين

[اروى قلب ماما]

نورا احمد هيسافر يوم الخميس وهديكى رقمه تديه لخالد عشان يظبط سكاى لانه عاوز لفه طويله عشان يكلمك من عليه

[نولارا]

خلاص يالوما هستنى رقمه
يمكن يهون على خالد شويه لانه على اخره

[اروى قلب ماما]

انا هنام بئه تصبحوا على خير يا حلوييييييين
وافتكرى يا رنا سالتك طبخه ايه مردتيش ماشى
يلا تصبحوا على خير بااااااااااااااااااااااااااااااااااااى

[نولارا]

اسلام اعملى ايميل بقى
الرغى عليه اسهللللللللللللللللل

[أم سلسبيل]

حد هنااااااااااااااااااااااا

[أم سلسبيل]

وانتى من اهل الخييييييير يا ام اروى

[نولارا]

اصحووووووووووووووووووا بقى
بت يارانيا احنا مستنينك اهو
اول ما توصلى كلمينا
هههههههههه
طبعا قددامك ولا 3 ايام لحد ما ترتاحى وبعدين تعبرينا

[om arwa]

سلام عليكم

[ياسميين]

سمآ ازيك وحشتيني كتير والله
اروى والنونو عاملين ايه

[om arwa]

الحمدلله ياسمينا
انتى كمان وحشتينى اوى
الاطفال اخبارهم ايه
وانتى صحتك؟؟؟؟؟؟؟؟

[ياسميين]

الولاد بخير الحمد لله بيسلمو عليكي
وانا الحمد لله بخير
الف مبروووووووووك حبيبتي عرفتي البيضه جواها ايه
ربنا يجيبها لك بالسلامه ويجلعها من الصالحات القانتات العابدات

[ياسميين]

سما حبيبتي عايزه اسالك
هو ممكن يبان الحمل قبل معاد البريود بتحليل دم ولا لا

[om arwa]

آمين يارب
غلبونى ياياسمين
كل مرة مش باين حاجة تزززززززززهق
ربنا يجيبها بالسلامة واقوم انا وكل البنات بالسللامة

[om arwa]

اها ممكن يبان قبل معادها باسبوع
ده العادى
بس فى ناس نسبة بسيطة بيبقى الهرمون ضعيف ممكن ما يبانش

[دودى مجدى]

سماااااااااااااااااااااااااااااااااااااااا ازييك عاملة اية وحشتينى
ازييك يا ياسمينا اخبارك اية

[ياسميين]

ربنا يقومك بالسلامه انتي وكل الحوامل يارب
طيب الحمد لله طمنتيني اصل عندي دوخه جامده وتعبانه وانا عملت التحليل قبل معاد البريود وخايفه عشان الدوا اللي باخده

[دودى مجدى]

مبروك يا سما على الكتكوتة هتسميها اية ان شاء الله

[ياسميين]

انا كويسه يادينا الحمد لله
انتي ازيك والنونو اخباره ايه

[om arwa]

الله يبارك فيكى يا دندوووووووون
غالبا بفكر فى أسيل ان شاء الله
عبد الله عايز يسمى سارة
بس انا نفسى فى اسم جديد

لا اتطمنى ياسمين

[دودى مجدى]

انا كويسة الحمد لله يا ياسمين ازى الولاد عاملين اية
ربنا يجيبهالك بالسلامة يا رب يا سما ويفرحك بيها هى واروى يا رب
اسيل جميل وسارة برضو جميل اوى

[ياسميين]

اسم اسيل حلو اوووي يا سما
و ساره كمان حلو وهو اسم بنت اختي

[om arwa]

يعنى فعلا اسيل حلو؟؟؟؟؟
اصل فى ناس بتقولى مش حلو بس قليلين
الاغلب بيقولى حلو وشيك

[ياسميين]

الولاد بخير يادينا الحمد لله
ريان في المدرسه وبلبل جنبي اهو باعت لك بوسه انتي ومحمود

[دودى مجدى]

اسيل جميل جدا وشيك اوى ما شاء الله
بوسيلى بلبل يل ياسمين وقوليلو محمود باعتلو بوسة كمان اهى موووووووووووووووووة

[ياسميين]

اسم أسيل حلو كتيير يا سما وشيك
وكمان معناه حلو وكفايه انه صفه من صفات الرسول صلى الله عليه وسلم

[دودى مجدى]

انا رايحة للدكتورة بعد الغدا عااااااااااااااااااااااااااااااااااااااااااااااااا اااااااا

[دودى مجدى]

هو اسيل يعنى اية قولولى كدة

[om arwa]

ايه ده
يعنى لية معنى تانى يا ياسمين
ايه الصفة
اصلى اعرف اان معناه الشىء الرقيق الناعم بس

[om arwa]

انتى خايفة لية من زيارة الدكتور

[ياسميين]

الأسيل في اللغة : الأملس الناعم..

والعرب يقولون : فلان أسيل الخد ، وفلانة أسيلة الخد : أي ناعم سهل لين رقيق ، وهو من أوصاف الرسول صلى الله عليه وسلم فقد كان أسيل الخد

[om arwa]

اممممممممممم
حلو ياسمين
ربنا يجيبها بالسلامة

[ياسميين]

ربنا يجيبها بالسلامه
ويخلي لك اروى وتشوفيهم بيلعبو مع بعض زي البنتين اللي في الصوره بتاعتك يارب

[دودى مجدى]

خايفة عشان المغص مستمر معايا وكمان فى مية نزلت عليا مع العطس بس حبة قليلين كدة وعندى كلبشة من تحت فالدكتورة قالتلى تعالى بكرة ضرورى عشان اطمن على الطفل ربنا يستر

[ياسميين]

ان شاء الله خير يادينا
ربنا يطمنك ويتمملك علي خير

[om arwa]

لا يا دينا عادى
لو حبة ميا بقعة يعنى
دى افرازات مش ميا
ماتقلقيش

[أم سلسبيل]

السلام عليكم

[أم سلسبيل]

الف سلامه عليكى يا دينا

ومتقلقيش زى ما قالتلك سما دى افرازات ومتكررة عندى

لحد اما اخدتلها لبوس وتشطيف وقلت كتييير

ازيك يا سما

وازى اروى مبارك عليكى بنوتك التانيه

ربنا يحفطهالك

منوورة ياسمييييينه كيف حالك

وحال الاولاد

[om arwa]

اهلا يا مروة
ازيك وازاى بودى

[أم سلسبيل]

الحمد لله بخير

وبودى تمام الحمد لله يا سما

انتو ايه اخباركم

[om arwa]

الحمدلله بخيرررررررررر
وانتى نفسيتك عاملة ايه؟؟؟؟؟؟؟؟؟؟؟

[om arwa]

امال توتة مختفية لية انا مش بشوفها خالص

[أم سلسبيل]

الحمد لله يا سما فى تحسن والله

ربنا يكرمك حبيبتى

متشكره عالسؤال

[om arwa]

يارب دايما ان شاء الله

[أم سلسبيل]

ربنا يخليكى

صح توته مش باينه

اللى يشوفها يسلم عليها كتييير

عايزة اطمن عليها والله

[ام انس المصريه]

دينا حبيبتى

الف سلامه عليكى ربنا يطمنا عليكى ويكمل حملك على خير

متخافيش يابنتى والله المغص كان مستمر مععايا من اول شهر لحد الشهر الستبع ومغص كان فظيع والله زى مغص البريود وكنت قلقانه على طول

والميه دى افرازات متخافيش

بكره ان شاء الله الواد زوربيح يجى ويغلس عليكى زى انوس مهو مغلس عليا

[ام انس المصريه]

هى توته مبتدخلش ليه

هاشوفها عالاميل كده واطمن عليها واطمنكو

الا مافى حد بيسال عليا ياتيت منك لها هههههههههههههههههه

هو انا هنا كيس جوافه يابت منك لها دنا هنا الكبير اوى يعنى المعلك يعنى البوص يعنى الباشا

ماشى يابنى ادمين ههههههههههههههه

[ام انس المصريه]

حد هوووووووووووووووووون

[نولارا]

مانتخيين النهارده كده ليه

[توتة السيد]

هو مافيش عربية تيجي تلم العيال دي وياخدوا نور معاهم

[توتة السيد]

وانت مين من اساسه علشان يسألوا عنك انت حياله شيماء انما انا توتة هههههههههههههههههههههههههه

شالله يخليكوا ليا ياحلوات ونكيد الاعادي ههههههههههههههههه

انا بخير بس بصدق مانور تنام وورها دغري اريح الدمدمة من الوش عليها شوية وش ياباي يامه

[توتة السيد]

ياختي ياعسل شالله يخليك ليا وتيجي بالف سلاامة يارب

انا دخلت التالت ياويلد هييييييييييييييه حساب الهنا يارب عقبال التاسع يابت يانوهاد هههههههههههههههههه

[توتة السيد]

سمسمة ياقلبي عرفتي البيضه الف مبروك تتربي بعزكم وتيجي بالف سلاامة

يارب وتفرحي بيها اسيل ايسم يجنن والله وعجبني جدا يارب يكون عاجبك وتسميه

[توتة السيد]

ماتيجوا ياكليبه منك ليها

[توتة السيد]

امو زربيح ماتقلقيش ياقمر ان شاء الله تطمني وضروري تطمنينا

[توتة السيد]

بت ياشيماء انا عارفة مدي حبك الشديد لوائل جسار

وهتحبيه اكتر لما تسمعي الاغنية دي اسمعي بقي

http://www.youtube.com/watch?v=NI6M0gLqe50

[توتة السيد]

مالكم كده ضايعين انهارده ماتتلموا وتدخلوا بدال ماتصرف معاكم

[احلى نونو]

تووووووووووووته
توووووووووووووووووووته

[توتة السيد]

سؤال وعايزة اجابة من كل وحده تدخل بس انتا وضميركم مافيش بحث في عمو جوجل

تقولي الاجابة لوحدك

ماهو اسم سورة الحشر الثاني ؟