دردشة بنات مصر , دردشة حوامل مصر , تجمع بنات مصر [الأرشيف] - الصفحة 127

ام انس المصريه

12-24-2011, 09:31 PM

السلام عليكم

وحشتونى يا معفنه منك لها ياللى مبتدخلوش خالص فينك يابت منك لها خميس وجمعه

كنتو فى المولد يانسوان هههههههههههههههههههه
الله يسهلك ياعم ياعينى عليا يانى كل ماافكر اروح المولد اما انس يبقى صاحى ومفنجل عينو او عماد مرهق وتعبان هههههههههههههههههه

........

اديت لانس الحقنه النهارده رجله بتوجعه ياقلب امه كل مايحركها يعيط ولو شلته ومخدش بالى يعيط
اديتو سيتال للسخونيه بس دماغه سخنه اعملو كمدات ولا بلاش؟ علشان السقعه

AyoyA

12-24-2011, 09:34 PM

الف سلامه على انس يا شوشو انتى عامله ايه
هو ايه المولد ده بجد مش عارفه

ام انس المصريه

12-24-2011, 09:40 PM

المولد محدش يعرف المولد ياايه

مولد ابو سرير خميس وجمعه يابت هههههههههههههههههههه

..

ازيك ياايوش وازى النونات القمرات

..
نيهال نورتى المنتجع

AyoyA

12-24-2011, 09:42 PM

هى ايه يا سما الجبنة امنتال
اجبها من السوبر ماركت ولا فى نوع تانى
اكيد هلاقيها فى اولاد رجب
واللحم لازم اصل انا بقرف اوى من اللحم المدخن

نولارا

12-24-2011, 09:43 PM

حد هنا ولا اجى اضربكم
زهقتووووووووووووووووووونى
شوشو الف سلامه على انوس اصبرى شويه يكون السيتال عمل مفعول بلاش كمادات فى التلج ده

ايه
المولد يااوختى يقصد به اللالا او السيكو سيكووووو
يوم الخميس يازينب على راى سعيد صالح

AyoyA

12-24-2011, 09:45 PM

ههههههههههههههههههههههه
قصدك السيكو ميكو يا شوشو
صح هههههههههههههههه

توتة السيد

12-24-2011, 09:45 PM

ههههههههههههههههههههه حلوة طحناها دي يايويو اعمل ايه بت غتته والواحد قرفان لوحده

ازيك يابتاعة المولد انت احسن ماعيدتيش احسن هههههههههههههههههه

الف سلامة علي انس اعمليله كمدات تلج او مية ساقعة علي رجله بس يابت علشان ماتورمش

وتخف كان المفروض من ساهة ماخد الحقنة تعملي كده

الشخونة في لبوس احسن من سيتال اسمه ادول هاتيه واديله وحده بالليل

ولو الصبح كان سخن اديله وحده كمان

MALAK2010

12-24-2011, 09:45 PM

شوشو الف سلامه على انوس ربنا يهون التطعيم عليه ياااارب
قيسى درجه حرارته باستمرار وبالنسبه للسيتال هو بتهيالى كفايه طالما الحراره بتقل
لو لقتي حرارته زادت وانتى عطياله الخافض ممكن تحميه ولو عاوزه تحطي كمدات اوعى تحطى ميه ساقعه او تلج والحاجات دى هو طفل مش زى كمدات الكبير اعملى كمدات بميه عاديه
وممكن تحطى خل على الميه بتقلل الحراره باذن الله علطول وربنا يطمنك عليه
او ممكن تجيبى قطنه وتبلليها بميه وخل وتمسحى جبهته برضه بتنزل الحراره علطول ان شاء الله

ام انس المصريه

12-24-2011, 09:46 PM

ايه ياعيال اللى جرى فين الرغى بتاع زمان

......

ايه الله يسلمك ياحبيبتى الحمد لله انس نايم دلوقت عندى طبقين كده عاوزه اقوم اغسلهم وانام جمبه علشان اقدر اسهر معاه بليل

MALAK2010

12-24-2011, 09:46 PM

الخافض بيبقى 4 مرات فى اليوم بس كل 6 ساعات

توتة السيد

12-24-2011, 09:47 PM

ام اؤع اللي حلقتلي بالليل ازيك وزي حوكشة والنونة

AyoyA

12-24-2011, 09:47 PM

نوراااااااااااااااااا عامله ايه واحمد عامل ايه وخالد جوزك عامل ايه
ياااااااااااارب تكونوا بخير

فخمت فخمت يا نورا
ههههههههههههههههههههههه

توتة السيد

12-24-2011, 09:49 PM

http://forum.hwaml.com/imgcache2/hwaml.com_1324752563_783.jpg

يانهار ياولاد دا احنا شناخير مش نسوان ايه الشطارة دي انا اتعقدت وهعيط وااااااااااااااااااء عاااااااااااااااااااااا

ام انس المصريه

12-24-2011, 09:51 PM

توته الله يسلمك ياحبيبتى انا عملت له كمدات ميه من الحنفيه على رجله اول ماجيت هما قالو لى اعملو كده
وعملت له من شويه برضو
..

نورا الله يسلمك ياحبيبتى عامله ايه يااوختشى مفيش عندك خميس ولا جمعه ولا سبت هههههههههههههههه ربنا يهون ويجمعك انتى وجوزك على خير يارب

..

ملوكه ازيك ياقلبى وازى سلومه حبيبتى جزاكى الله خيراااااااا انا مره عملت له كمدات ميه بخل ماشاء الله ربنا جعلها سبب والحراره انخفضت

هو السيتال ماشاء الله عمل مفعول بفضل ربنا

AyoyA

12-24-2011, 09:53 PM

ملك عامله ايه
وسيمبا اخبارها ايه

ام انس المصريه

12-24-2011, 09:56 PM

منا اديتو خافض كل 6 ساعات ياملك خمس نقط

......

الله التورته دى تهوس يابت ياتوته

فعلا احنا غفر مش نسوان ههههههههههههههههه لاء ونا فرحانه بالكيكه اللى بكراميل والكريمه اللى اسمها قدرة قادر واقول الله بقيت شاطره هههههههههههه

نفسى اعمل حاجه مختلفه عماد بيصيحلى وبيشكر فى اكلى عند امه واخواته ويقولهم البت شيماء بتعمل فراخ تكا جميله وبتعمل كيكه زى التورته بالظبط يقولو خليها تعمل لنا اشخط فيه واقوله هو انا فاضيه مبعملش لحد حاجه

نولارا

12-24-2011, 09:57 PM

توتى
اوع ايه بس افتكرى حاجه عدله الله يخليكى احسن انا قرفت على الاخر من الاوع والزفت
يارب الشهر ده يخلص على خير ويخلص الاوع معاااااااااااااااه
انا اللى حلقتلك ياوليه انتى ما صدقتى ومشيتى اسالى ملك
وبعدين اسمها خناشير موش شناخير

ايه
احنا بخير الحمد لله
انتى عامله ايه انتى وادم وهنا

MALAK2010

12-24-2011, 09:58 PM

ايه انا الحمد لله وسيمب اهى على رجلى بتسلم عليكم

ام انس المصريه

12-24-2011, 09:58 PM

عيال نفسى اعمل بيتزا عمرى ماعملتها ابداااااا

عندى لحمه مفرومه وهجيب جبنه شيدر

عمرى مادوقت الجبنه الشيدر دى ابدا ههههههههههههههه اعرف الرومى والدوبل دومتى والنستو والتلاجه وبسسسسسسس

هو الربع الشيدر بكام يا جماحه ؟؟؟؟؟

نولارا

12-24-2011, 10:07 PM

ماشى ياوليه ياللى اسمك شوشو
اهوه ان شاء الله جاى اجازه كمان شهر وبيقولى حضرى نفسك من دلوقتى ههههههههههههههههههه

نولارا

12-24-2011, 10:11 PM

نونا مم
نونا امبو
نونا اطاطس
نونا مام
طوووووووول اليوم طلبات
ولا الطريقه اللى بيصحينى بيها
يزقنى من السرير ويقعد يقولى اوووووووووووم اوووووووووووووم
اما يعلق على اطاطس وما يسكتش غير لما اقوم ادخل المطبخ
ما حد ياخد المزعج ده شويه ينوبه فيا ثواب واجر عظيم
ومن قدم شىء بيداه التقاه
وهنيالك يافاعل الخير
احسن انا تعبتتتتتتتتتتتتتتتتتتتت خاااااااااااااااااااااااااالص

om arwa

12-24-2011, 10:13 PM

يا جماعة ه مفيش حد يقدر يفهم الطفل يبطل زن
يعنى افهمها ازاى تقول الحاجة مرة واحدة بس؟؟؟؟؟؟؟

om arwa

12-24-2011, 10:18 PM

يا ايه
انا عملتها بجبنة شيدر المهم جبن يسيح
وبلاش تجيبى لحم مادام بتقرفى هاتى روستو رومى

نولارا

12-24-2011, 10:18 PM

ما تحاوليش ياسما
نو واى ياامى
دى عيال غتيييييييييييييييييته
احمد بيفضل يقول امبوووووووووووووووووووووووو
لحد ما احط الازازه على شفايفه

om arwa

12-24-2011, 10:21 PM

انا مبلحقش دى الكلمة بتتقال يجى 5 مرات قبل ماابدا اتحرك من مكانى
تخيلى بقى على مااجبلها تشرب بكون صدعت
ولا كلة اما تصحينى وتقلى قومى قومى يا ماما قومى كانها حماتى ههههههه
قومى اعدى مايايا فى الاوضة عند الزون هههههههه
اكيد فهمتى
انى اقعد معاها فى الاوضة نتفرج ع التلفزيون

om arwa

12-24-2011, 10:22 PM

يا بت يا شوشو ماتجيبى موتزاريلا ورومى للبيتزااااا
احسن من الشيدر

توتة السيد

12-24-2011, 10:23 PM

هههههههههههههههههه شناخير مناخير اي حاجة المهم مش نسوان وخلاص

طيب انا لو فكرت اعملها دي عايزة اقيم شهرين في المطبخ

om arwa

12-24-2011, 10:24 PM

ايه الرومانسية دى يا نورا
حلو التوقييييييييع

ام انس المصريه

12-24-2011, 10:24 PM

يقطع حبلك السري لحظة خروجك للدنيـا ويبقي أثره في جسدك ليذكرك دائما بـإنسانة عظ...يمة كانت تغذيك من جسدها ربي أعظِم أجر أمــي كم تحملت من أجلي وقل رب ارحمهما كما ربياني صغيرا

توتة السيد

12-24-2011, 10:28 PM

هههههههههههههههههههه ضحكتيني ياسما الجيل ده بيربينا والله جيل معفرت وحالته نيلة

ربك يهدي من عنده

نولارا

12-24-2011, 10:30 PM

بجد ياسما حلو التوقيع
ده خالد شافه فى منتدى وبعتهولى

يااوختى احمد بقى بحس انه جوزى التانى ههههههههههه
ده يصحى الصبح ينادى لو ما فتحتش عينيا
يقوم يقف على السرير ويقيد النور
وينزل يشيل المخده من ورا باب الاوضه
اصل انا موش بقفل الباب بواربه بالمخده بس
قال يعنى عشان لو حرامى دخل الشقه احس بيه هاااااااووووووووووووواو اووو
وبعدين يفضل يشد فيا ويقولى اومى اومى
وحتى دلوقتى غيرا ن انى بكتب لكم وسايباه كل شويخ يبوسنى وشويه يعمل انه بيقع ويعيط
عيل فظيع مريع شنيييييييييييييييييييييع

توتة السيد

12-24-2011, 10:39 PM

طيب انا نور لزقالي بغيرا لا غيرا ايه ده امير المصري اللي مابيطلعش

وزن وحاله بالبلا

ام انس المصريه

12-24-2011, 10:39 PM

لولولولى خلودك جاى كمان شهر يانورا يلا ظبطى التظابيط ههههههههههههه

اشتريلك بقى حته حمرا كده علشان تبقى ليله حمره

.......

سما هى الجبنه الرومى بتسيح فى البيتزا .؟؟ والموتزريلا دى الكيس ا د كده ب9 جنيه غالى وصغير عاوزه عماد يضفحنى هههههههههههههههه
..

توته وحشانى ياموزه معصعصه
تخنتى شويه يابت ولا لسه سنوفه

انا سبحان الله العلى العظيم خسيت ازاى معرفشششش

جسمى كله خسسسسس ماعادا كرشتى هههههههههههههههههه

نولارا

12-24-2011, 10:45 PM

شكلك هتسنقرى زى من الرضاعه ياشوشو

صحيح فكرتينى انا عاوزه اعمل نيولوك بس طبعا موش هينفع صبغ ولا فرد لشعرى عشان النونه
قوليلى بقى افكار جديده
ياااااه لو البت رانيا تدخل عليها افكار مطرقعه واكيد هتفدنى
وبالنوسبه للحته الحمرا ياشوشو هو اشترى ياكثوفى على راى توته هههههههههههه

توتة السيد

12-24-2011, 10:47 PM

عصعصوكي في حته ناشفة يامزبلة يامطينة انا معصعصة يامحولة

لا الحمد لله تخنت ياختي

توتة السيد

12-24-2011, 10:50 PM

هههههههههههههههههه ايه الحته الحمرا دي مش فاهمة ممكن توضيح اصلي مادبة وماعرفش الحاجات دي ههههههههههههههههههه =

كولونا

12-24-2011, 10:51 PM

السلام عليكم ورحمة الله وبركاتة

ام انس المصريه

12-24-2011, 10:51 PM

الدنيا بتشتى عندناااااااااااااا

والجو تلجججججججججججججج

والواد انس مأريف خالص وبيعيط بس الحمد لله السخونيه نزلت طب هو بيعيط ليه وعملت له كمدات على رجله

MALAK2010

12-24-2011, 10:54 PM

رجله بتارصه من التطعيم ربنا يهون التطعيم عليه

كولونا

12-24-2011, 10:56 PM

ازيكم
انا عضوة جديدة
وحبه اتعرف عليكم

توتة السيد

12-24-2011, 10:59 PM

اهلا بيكي ياكولونا نورتي بين اخواتك عرفينا علي نفسك قبي بالسي في بتاعك

ام انس المصريه

12-24-2011, 10:59 PM

بقى انتى ياتوته يا مأرمه يادوئرمه متعرفيش الحته الحمرا

يعنى قميش النوم هههههههههههههههههه

..
رانيا هاتى حنه حمرا وحنى شعرك وحواجبك هتبقى قمر وهاتى مسخره اقصد مسكره لانى عارفه انك مبتعرفيش تحطى ايلينرر زىي ارسمى عينك بالكحل وحطى مسخره عيونك هتوسع
ويسلام لو جبتى عدسات من ام خمشاشر جنيه دى وجبتيها عسلى فاتح هتبقى موزه بيضه حلوه

وهاتى بودره مائيه وهاتى روووووج احمريكا وقميش احمريكا وقشطه ياومن هههههههههههههههه
وادلع ياباشا ادلع ادلع اوى واتشخلع هههههههههههههههههههه

توتة السيد

12-24-2011, 11:00 PM

ههههههههههههههههههههههه ياكزوفي لا يابيه عيب الحاجات دي هههههههههههههههههه

om arwa

12-24-2011, 11:06 PM

بت يا نورا اهم حاجة تزبطى البيت وتزينية ورد وشموع ومعطرات وبلالين حمرا
مع اللوك بتاعك طبعا
تعمليلة عشا جامد وحاجة حلوة من ايدك

om arwa

12-24-2011, 11:07 PM

استنوا اوريكو فستان الننة عشان انتى طلبتية يا نورا
شوفتى البورت فى الصفحة الىل فات ؟؟؟؟؟

كولونا اهلا بيكى يا قمر

om arwa

12-24-2011, 11:09 PM

انا حاسة انى خلاص فى التاسع ليس التامن
انا هبداه ان شاء الله بعد بكرة
بس بجد بمشى الماشية المفرشحة دى عارفينها
وبحط ايدى ىف ظهرى
زى حوامل التلفزيون لا اردايا ههههههههه

om arwa

12-24-2011, 11:10 PM

لو مظهرتش مش هحط فستان الننة الابيض انتاو حورين

توتة السيد

12-24-2011, 11:12 PM

هههههههههههههههههههه طيب انا بمشيها من دلوقتي ياسما امال علي التامن اعمل ايه

يانهاري والله حالتنا بالبلا بفكر انزل اخر واحد لاني بجد جبت زيت ومحتاجة اريح واسترد

بعض من صحتي قبل الولاده

MALAK2010

12-24-2011, 11:13 PM

مستنيه اتفرج

om arwa

12-24-2011, 11:13 PM

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 2448x3264 .
http://forum.hwaml.com/imgcache2/hwaml.com_1324757607_383.jpg (http://up.esgmarkets.com/)

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 2448x3264 .
http://forum.hwaml.com/imgcache2/hwaml.com_1324757607_180.jpg (http://alfrasha.maktoob.com/redirectLink.php?link=http%3A%2F%2Fup.esgmarkets.c om%2F)

نولارا

12-24-2011, 11:14 PM

شوشو
انا قولت هشقر حواجبى لكن شعرى لاء
وبالنسبه للعدسات انا اصلا عينى عسلى فاتح
وجربت قبل كده البس عدسات معرفتش نوهائى جبااااااااااااااانه ههههههههههههه
وفعلا الحته اللى هو اشتراها موف وانا معنديش ولا حته حمرا
الموضوع محتاج فعلا حته حمرا ههههههههههههههه

سما
ايوا ياحبى شوفت البورت والكوردون بلو ههههههههههههههه
تتهنى فيه النونه يارب
انا ناويه ان شاء الله ابقى انزل اشترى شويه حاجات بتلمع لاوضه النوم وهو بيحب الدفا موش هيبقى قدامى غير المفرش القطيفه اغسله واغرقه داونى
اعمل ايه تانى

توتة السيد

12-24-2011, 11:15 PM

انا عايزة اشوف ياقمري وريني فستان النونو

om arwa

12-24-2011, 11:15 PM

اية انزلى ريحى يا توتة

انا الشغل تاعبنى اوى

وكمان مام هتعمل عملية قريب
يعنى لازم ابقى معاها فى المستشفى
على ماتسترد صحتهااااا

احنا الاتنين كاننا هنولد
ربنا يقومنا بالسلامة بقى

ام انس المصريه

12-24-2011, 11:16 PM

ايوه ياملك ربنا يهون عليه التطعيم وعلى كل الاطفال

توتة السيد

12-24-2011, 11:18 PM

ياخلاسوا ياناس عسسسسسسسسسسسسل خالص اسمسمة تيجي بالف سلامة وتتهني ياااارب

نولارا

12-24-2011, 11:18 PM

توته
هيهون عليكى سيدو ههههههههههههههههه

سما
الف سلامه على مامتك وربنا يقومها بالسلامه يارب
وانتى كمان تقومى بالسلامه انتى ونونتك اللى هتنور منتجعنا الغالى ههههههههههههه

كولونا

12-24-2011, 11:19 PM

معلش يا جماعة انا قومت شوية اشوف بنتى
صحيت من النوم عاوزة تشرب
انا ام لطفلين والثالث جى بالطريق ان شاء الله
ادعولى يوصل بالسلامة

توتة السيد

12-24-2011, 11:20 PM

الف سلامة علي ماما يسمسمة ربنا يقومها بالف سلامة وربنا يعينك ياقلبي ويقويكي

نولارا

12-24-2011, 11:22 PM

ههههههههههه كميله الكاليك دى ياسما
يالا حطى الفستان بقى

ام انس المصريه

12-24-2011, 11:24 PM

الفستان عسل ماشاء الله ياسما جمييييييييييييل

لبس البنات اصلا جميل اوى اوى لكن الصبيان مهما جبتى اغلى طقم برضو مبيقاش حلو

ربنا يقومكو بالسلامه يا حبايبى انتو والنونات يارب وتدعولى بالله عليكم احسن اخرشمكم

توتة السيد

12-24-2011, 11:25 PM

ولا يهمك ياكولونا وربنا يخليلك اولادك ويقومك بالف سلامة

اولادك اسمهم ايه والبيبي اللي جاي نوعه ايه وهتسميه ايه

انت اسمك ايه بقي خمسومية سؤال وعايزة اجابة هههههههههههههههههههههه

ام انس المصريه

12-24-2011, 11:27 PM

الف سلامه على مامتك ياسما شفاها الله وعافها

..

نورا بقولك اعملى حنه حمراااااااااااااااااااااااااااااا مش صبغه يابت

فى حنه بتتباع فى الصيدليه بتبقى حمرا اعملى شعرك وحواجبك هههههههههههههه ورموشك هههههههههههههههه لاء يابت كفايه شعرك انتى مش منتقبه ف الرجال هيشفوكى حرام

MALAK2010

12-24-2011, 11:27 PM

البورت جميل ماشاء الله يا سما
والطقم عسول تتهنى بيه النونه ياااارب بس المقاس مش كبير شويه

توتة السيد

12-24-2011, 11:27 PM

طيب انا مش هدعي وريني هتعملي ايه يام قوق انت

نولارا

12-24-2011, 11:29 PM

كولونا
ريحى توته واديها اسمك وسنك وعنوانك والمؤهل ومتجوزه من امتى وحامل فى الشهر الكااااااااااااااام

MALAK2010

12-24-2011, 11:30 PM

الف سلامه على مامتك يا سما ربنا يشفيها ويقومها بالف سلامه

كولونا

12-24-2011, 11:30 PM

انا اسمى شيماء
وبنتى اسمها مريم والولد اسمة فارس
لكن اللى جاى مش عارفة لسة نوع الجنين

ام انس المصريه

12-24-2011, 11:31 PM

ملك تتحسدى انك سهرانه النهارده

..

تاكلو موووووووووووز يا عويال ماما جيبهولى وجات تشوف انوس
ربنا يخليكى ليه ياماما ويبارك فى صحتك وعفيتك ويكفيكى شر المرض انتى وكل الامهات

نولارا

12-24-2011, 11:32 PM

عمرى ما حنيت شعرى بس نجرب ياشوشو اهاحنى رموشى حاضر ههههههههههه
ابقى ذات الرموش الحمراء ههههههههههههههههههههههه
توته
ما تدينى كام فكره ياموزه ولا انتى مستمعه النهارده ههههههههههههههههه

ام انس المصريه

12-24-2011, 11:33 PM

ام قويق مين ؟؟

بتكلمى مين يابت ياتوته انتى هو حد كلمها الوليه الهبله دى هههههههههههه

....

كولونا منوره معانا ياوختى

..

حد يقولى طريقة عمل البيتزااااااااااااااااااااااا

ولا ليه متقولوش هسال الشيف رنا حبيبتى عمرها متاخرت عنى والله فى اى طلب

توتة السيد

12-24-2011, 11:34 PM

ههههههههههههههههههههه ايوة ريحيني اصلي كولونا ده صعب انما الاسم ممكن ندلعوه

والتفاصيل مهمة برضه اتبطي يانورا لخبطك هههههههههههههه

نولارا

12-24-2011, 11:34 PM

ااااااه ياشوشو احدفى موزايه
ربنا يخلى ماما ومامتك وكل المامهات ما احنا كمان مامهات بقى اوقات بنسى والله ههههههههههههه
كولونا طيب ايه الاسم الغريب ده
بقى معانا شوشو كماااااااان

توتة السيد

12-24-2011, 11:35 PM

اهلا بيكي ياشوشو وربنا يخليلك مريم وفارس ويجي اخوهم ولا اختهم بالسلامة يارب

توتة السيد

12-24-2011, 11:36 PM

والله يانورا انا انهارده مش في المود اصتبري عليا لبكرة يمكن المود يتعدل وانا اقلك كام فكرة طرقعة خالد يحكي ويتحاكي بيهم

كولونا

12-24-2011, 11:36 PM

على فكرة يا نولارا الحنة حلوة جدا
بتغذى الشعر وكمان بتدى لمعان ولون حلو
بس للاسف ان الحنة مبتنفعش فى شعرى اصلى لون شعرى
اسود غطيس خالص مبينفعش فيه غير الصبغة رغم انها بضرة على الاخر

MALAK2010

12-24-2011, 11:37 PM

عمرى ماحبيت اللون الاحمر فى الشعر مع ان ناس كتير بتحبه
هى الحنه المرا بتدى ضى ولا لون باين
اصل بتهيالى كل الحنه مش بتعطى لون بتعطى ضى بس

توتة السيد

12-24-2011, 11:38 PM

اه انت ام قويق عاجبك ولا لا واحترسي نفسك بقي

نولارا

12-24-2011, 11:38 PM

اسالى رنا ياشوشو انا عملتها قبل كده عجينتها كانت طخينه وما عجبتش خالودى
توته
هاجى اشلوحك ههههههههههههههه

توتة السيد

12-24-2011, 11:39 PM

شوشو طيب انا شعري بني ومع ذلك الحنه مابتجيش ابدا عليه ان شاء الله اقعد شهر حطها علي راسي برضه مابتسبش لون ليه مش فاهمة

ام انس المصريه

12-24-2011, 11:41 PM

توته مبقتش فاضيه بقى لكلام ده بعد مابطنها بقللت

الواحد بتكره الحجات دى ومبتبقاش طيقاها هههههههههههه

انا الشهر السابع والتامن معملناش غير مره واحده بس ههههههههههههههه مكنتش طايقه نفسى كنت عامله زى البلونه اللى لو حد لمسها هتفرقع ههههههههههههههه

لكن بقى بعد حرمات ال3 شهور الاولانين كنت ايه مقلكوش ههههههههههههههههههههههههههههههه بس برضو كان لازم حزر الدكتور قال مره فى الاسبوع هييييييييييييه كانت ايام حلووووووووووووه

MALAK2010

12-24-2011, 11:41 PM

كولونا اهلا بيكى معانا يا جميل
ماشاء الله ربنا يخليلك اولادك ويقومك بالسلامه ياااارب
الشعر الاسود الغااااااااااااااااامق ده اجمل لون بحبه رااااااااااااااااااااااائع
بس طبعا بحب الوان تانيه بس الاسود له جمال مختلف ماشاء الله

malak ahmed

12-24-2011, 11:42 PM

انتااااااااااااااااااااااااجي ولسه طازة حااااااااااالا

يلا سمعونا سقفه الاول وصلو عالنبي

هااااااااااااااااااا

1

2

3

زهقتووووووووووو

اهي يا كثوفي

http://forum.hwaml.com/imgcache2/hwaml.com_1324759341_316.jpg

توتة السيد

12-24-2011, 11:42 PM

ههههههههههههههه شلوحيني ماهي هزولت اصلي مين فيكم تتبرع وتيجي تاخد قالمين مني

اصلي عايزة افش غلي في حد مين يتبرع واديله 75 قرش ههههههههههههههههههههه

نولارا

12-24-2011, 11:43 PM

شوشو نمره اتنين
لون شعرك بسم الله ما شاء الله جمييييييييييييل
ربنا يبارك لك فيه
لوكا
انا شعرى بنى فاتح وفيه خصل صفرا
فاى حاجه هتلونه

malak ahmed

12-24-2011, 11:44 PM

ودي بالشيبس وبردو الشيبس من انتاجي

http://forum.hwaml.com/imgcache2/hwaml.com_1324759480_720.jpg

ايه رايكم بجااااااااااااااااااااااا ؟؟؟؟

توتة السيد

12-24-2011, 11:45 PM

ااااااااااااااه ياشوشو بتقلبي عليا المواجع ليه بس يابنتي

كرشتي سر فرستي هههههههههههههههههههههه

مايمنعش يابت مدلعة الراجل برضه ياكزوفي بس يابت عيب الله

malak ahmed

12-24-2011, 11:45 PM

بلاش اوريهالكم بعد ما اتاكلت لتصعب عليكم هههههههههههه

ازيك يا وليه منك ليها ليها

توتة السيد

12-24-2011, 11:46 PM

ايه الناس الداخلة علي المم علي طول دي طيب دحرجي التماسي الاول

توتة السيد

12-24-2011, 11:47 PM

تسلم الايادي والزبادي حلوة يامقردنة تشطرنا هاتي حته بقي جعانة ومكسلة اعمل اكل

نولارا

12-24-2011, 11:47 PM

لما نشوف لما تروقى ياتوته هتقولى درر انا عارفه ههههههههههههههههه

نوهاد
اهلا ياموزه اخيار ايه انتى وملك

ام انس المصريه

12-24-2011, 11:49 PM

يااسم غالى ياشيماء على اسمى انا كمان شيماء

..

ياتوته فى حنه فى الصيدليه حمرا بتدى اللون واحده صاحبتى بتجبها

وخلى بالك لون الحنه مش بيبان غير فى الشمس

كنت ادخل البلوكنه وانكش شعرى واشوف لونه لكن اضائه الشقه مش بتبينه

PARADISE MEDO

12-24-2011, 11:50 PM

سبحان اللة بحمدة سبحان اللة العظيم

توتة السيد

12-24-2011, 11:50 PM

بقي كده طيب عليا اللحمة ماانا قايلة ها بس وشوفي خسرتي افكار لولبية حلازونية مية مية ههههههههههههههههههههه

malak ahmed

12-24-2011, 11:50 PM

بححححححححححححححح يا توتي كلناها كلها ممكن ابعتلك حاجه تانيه تاكليها

الحمد لله يا نورا ازيك انت واحمد عامل ايه

om arwa

12-24-2011, 11:50 PM

اهلا بيكى يا شوشو

ملك الفستان من 0 ل 3 بس الصورة مكبراه اوى

PARADISE MEDO

12-24-2011, 11:52 PM

ازيكم يا اخواتى اريد انضم اليكم

توتة السيد

12-24-2011, 11:52 PM

ياحلوة ياسابقة سنك هعمل ايه باللون الحنة في البلكونة هننقل السرير في البلكونة

مالازم تبان في الشقة ويشوفها الراجل ولا ايه لازمتها طول عمري بقول عليكي نبيهة

om arwa

12-24-2011, 11:53 PM

انتى قصدك حنة جلورى يا شوشو
اه بتدى نبيتى غامق او ضى احمر حلو
هاتى مهاخا لينسز زرقا واتشجعى بقى
دى سهلى خالص بس افتحى عينك وماتبربشيش

ام انس المصريه

12-24-2011, 11:53 PM

بت يانوهاد قشطاه ياومن

انا لسه بقول عاوزه اعمل بيتزاااااااااااااااا

انا بس عاوزه اعرف العجينه بتاعها ازاى وطريقة الخبز لانى عملتها قبل كده كانت ناشفه وحاشفه وعامله زى قالب الطوب ههههههههههههههههههههه

اه والله واترمت

توتة السيد

12-24-2011, 11:54 PM

ياختي اسماكم تقيلة وعجيبة ازيك يابراديس عاملة ايه نورتي ياقمر عرفينا علي نفسويتك

PARADISE MEDO

12-24-2011, 11:54 PM

ازيكم يا اخواتى اريد انضم اليكم

شـكــ وبارك الله فيك ـــرا لك ... لك مني أجمل تحية .

om arwa

12-24-2011, 11:56 PM

نهاد وحشانى اووووووووى

براديس اهلا بيكى

PARADISE MEDO

12-24-2011, 11:56 PM

انا ريماس متزوجة وعندى ولد وبنت عندى 23 سنة وربة بيت

ام انس المصريه

12-24-2011, 11:57 PM

يابت انا اللى بشوف شعرى فى البلكونه مش انتى اصل بلكونتى عليها ستاير ونا قاعده فى الدور الرابع والشمش عندى على طول

malak ahmed

12-24-2011, 11:58 PM

سماااا ازيك عامله ايه

ملوكه اخبارك ايه يا جميل

بت يا شوشو هبقي اكتبلك طريقتها ان شاءالله عالميل انا اول مره اعمل الشكل الورده ده كنت بعملها عاديه دايما

ام انس المصريه

12-24-2011, 11:58 PM

عيال زوجى العزيز جه

سلاموووووووووووووووووو

malak ahmed

12-24-2011, 11:59 PM

انتي اللي وحشاني يا سمسمتي اوووووووووووووووووووووى

PARADISE MEDO

12-25-2011, 12:01 AM

طريقة عمل البيتزا 3 اكواب دقيق وخميرة وكوب زبادى او لبن ونصف كوب زيت سكر وملح

PARADISE MEDO

12-25-2011, 12:04 AM

السلام عليكم ورحمة الله وبركاته

malak ahmed

12-25-2011, 12:05 AM

انا مش بحط فيها زبادي

سلام يا ستات الوقت ازف تصبحو ع خير

om arwa

12-25-2011, 12:06 AM

بت يا شووش
تجيبى كيلو دقيق
نوع حلو
وباكو خميرة فورية تدوبية فى نص كباية ميا دافية
وتحطى معلقتين لبن بودرة بيديها طعم حلو
ومعلقة بيكنج صغية
وربع كوب زيت ماتكتريش بينشفها
وذرة ملح وذرة سكرلو عندك زعتر حطى معلقة صغننة بيديها طعم جميل
لو عيزاها طرية ممكن تحطة زبادى
وتسبيها تخمر وتقطعيها وتفرديها يفضل بنشابة عشان ترفعيها كويس

MALAK2010

12-25-2011, 12:08 AM

انا زهقت من الرغى والقرايه والكتابه انتوا هتستمروا فى كده لغايه لصبح ولا هتفصلوا امتى ههههههههههه

om arwa

12-25-2011, 12:08 AM

ريماس
معقول مامتك وباابكى سمكى كدة من زمان
انا كنت فاكرة الاسم جديد
اولادك عندهم اد ايه سنهم ايه ؟؟؟
وانتى فى مصر ولا برة ههههههه

انا سما عندى اروى وحامل فى اختها ان شاء الله

om arwa

12-25-2011, 12:10 AM

مالك يا ملك انتى اكيد زهقانة من حاجة تانية
فبتطلعية علينا ههههههههه

om arwa

12-25-2011, 12:15 AM

الى عشاق التورت ههههههههههه
http://forums.fatakat.com/thread2226230

MALAK2010

12-25-2011, 12:16 AM

لا يا سما بهزر والله
مش زهقانه ولا حاجه بس اصل تعبت من الكتابه ونفسى اناااااااااااااااااام بس مستنيه سلمى تنام

om arwa

12-25-2011, 12:21 AM

هههههههههه
يارب سلمى تنام

رنا خالد

12-25-2011, 01:09 AM

http://forum.hwaml.com/imgcache2/hwaml.com_1324764592_260.jpgام علي الكميله دي عشان خاطر سما حبيبتي عارفه انها بتحبها ومرسي ياسيمو علي تورتة الملفيه (http://food.fatakat.com/photos/605.jpg)
وعزيني في ام علي اللي عملتها النهارده طلعت عجيييييييييبه
اول واخر مره اعملها ههههههههههه

توتة السيد

12-25-2011, 01:18 AM

كله اخخخخ ياولاد ماحدش هيازرني ويسهر معايا

om arwa

12-25-2011, 01:18 AM

ليه بس يا راانا انتى عملتيها باية
ملفاى ولا رقاق ولا ايه ؟؟؟؟؟؟

رنا خالد

12-25-2011, 01:27 AM

ملفيه الطحان ياسيمو
جبت علبة ام علي من الطحان وعملتها طلعت مش حلوه
اصل الملفيه متفتفت اووووووووووووووي وناعم مش حلو انا بحبه رقائق احلي بعد كده هاجيبه صحيح
وكمان اللي بوظها اني جبت باستري كريم بطعم الموز حطيته علي اللبن خلاها تلت ويبقي طعمها موز يعني غير طعمها اهئ اهئ
قوليلي بقي الطريقه لحسن جوزي نازل فيا طريقه
العجل وقععععععععع وكترت سككينه هههههههههههههه
ياكزوفي ياني
مع اني كلتها امبارح بس بره البيت كانت تحفففففففففه قولت اجيب واعمل طلعت شيش بيش
هاغير للوجي وجايه لحسن ريحتها قلبت المنطقه

توتة السيد

12-25-2011, 01:32 AM

ازيك يارنا عاملة ايه انت ولوجي هههههههههههه وقع الشيف هاتوا السكاكين ام علي ماتعرفيش تعمليها دي سهلة قوووي واللي فالحة فيها انا بعمله بصباع ايدي الصغير شوية احباط علي اخر الليل انا بعمل كيك البسكوت بصوص الشكولاته يارب تنجح انا طلعت الكيكة شكلها وطعمها حلو بس برضه خافسة ياخواتي مع اني لما جيت اشوفها استوت ولا لا لقيتها عاليه ما شاء الله بعد ماطفيت وسبتها شوية علشان ماتخفسش جيت اطلعها لقيتها خفست برضه بس ياله حلوة برضه

رنا خالد

12-25-2011, 01:46 AM

توووووووووووووووته
الحقيني انقذيني القفيني
اول مره اعمل ام علي ولا ام حسين دي
مش عارفه مش حلوه ليه
شكلها شبه المكرونه بالباشميل ههههههههههههه
يمكن البتاع اللي حطيته ده هو اللي عكها عااااااااااا
معلش بقي ياغزال ع الكيكه كلنا لها يعوض عليكي اللي خلقك هههههههه

توتة السيد

12-25-2011, 01:49 AM

يابت ماتغظنيش انا مش فاهمة بتخفس ليه والله لما شفتها استود ولا لا لقيتها عالية خالص

لما جيت اطلعها لقيتها خفست مش فاهمة ايه السر في الخفس ده انا مش بفتح الفرن الا

بعد نص ساعة من دخولها مالهاش حجة

رنا خالد

12-25-2011, 02:00 AM

يمكن طلعتيها بعد ماستوت علي طول سبيها خمسه وباب الفرن مفتوح
وماتحطهاش قدام هوا خليها في المطبخ لحد ماتبرد خالص
معلش كلنا لها ههههههههههههههه

om arwa

12-25-2011, 02:20 AM

يا بنتى ازاى تحطى عليها باسترى كريم مش فاهمة انتى بتخترعى
كمان ل الملفاى رهيف اوى هتبوظ
هاتى رقاق وحمرية فى السمنة واعملية بيه
او ملفاى من محل الحلويات مش الجاهز
او الملفاى بتاع ترتة الملفاة تكسرية لانه بيبقى ماسك نفسة كتير

om arwa

12-25-2011, 02:22 AM

الباقى عادى جدا
بتحطى عليها لبن محلى فانيليا تكترية لانه هينشف فى الفرن ومعلقة سمنة تقلبى
وجوز هند وزبيب
وع الش معلقتين قشطة تفرديها كووويس

توتة السيد

12-25-2011, 02:25 AM

عمالة تضحكي يارنا اتلهي في ام علي اللي ماعرفاش تعمليها اجري

توتة السيد

12-25-2011, 02:26 AM

نص الحروف عند سما طايرة ياعيني ههههههههههههههههه

om arwa

12-25-2011, 02:33 AM

انا بقى بعمل كيكة التمر هو يوم الحلويات ولا ايه
ريحتها طلعت اهيه

om arwa

12-25-2011, 02:35 AM

ماتتريقيش عليا يا توتة هااااااااااانم

توتة السيد

12-25-2011, 02:45 AM

ربك يسلم ياسما انهارده مش يوم الحلاياتت كله باظ العربية لللي حلتي باااااااااااااااااظت باااااااااااااااااظت هههههههههههههههههههههههههه

توتة السيد

12-25-2011, 02:48 AM

ماتتريقيش عليا يا توتة هااااااااااانم
hwaml7hwaml7hwaml7hwaml7hwaml7hwaml7

رنا خالد

12-25-2011, 03:06 AM

يابت ياتوته اتلهي يابتاعة الكيكه المخفوسه انتي ههههههههه
انا معرفتش اعمله عشان اول مره بس اصبري عليا المره الجايه
بس انا اصلا بفكر ماعملهاش تاني مليانه سعرات اووووووووووي
قشطه وزبده وملفيه وسكر ومكسرات
كتيييييييييير موت ده الكيكه الاسفنجيه اخف كوباية ونص دقيق ولازيت ولاسمنه وانا بعملها بسكر قليل كمان فابتبقي اخف
في راس السنه ياعمل تورتايه نونو كده ياعمل تورتة او جاتوه الملفيه نونو برضه لحسن انا هضرب
الغريبه ان وزني ثابت خايفه ليكون ده الهدوء مابعد العاصفه
سما انا حطيت باستري كريم لأني ملقتش عندي كريمة خفق ولا قشطه فحطيت معلقتين علي اللبن يدوا سمك شويه مكنتش اعرف بقي معلش سامحوني اهئ اهئ
انا استاهل خليت توته تشمت فيا اللي هاجي انكشها زياده ماهي منكوشه هههههههههه لمؤخذه ياغزال

توتة السيد

12-25-2011, 03:21 AM

لامؤاخذه بعد ايه تهزقيني وتقولي دا انت سيدنا يابيه لا لا مقموصة وزعلانة وهعيط

توتة السيد

12-25-2011, 03:24 AM

في وصفة عجيبة قريتها للشعر هجربها باذن الله يارب شعري ينصلح حاله حاكم

من الحمل والرضاعة اصبح يصارع المرض ياعين امه

ام يحيي 2011

12-25-2011, 03:33 PM

مييييييييييييييين هنااااااااااااااااااااااااااااااا

ام يحيي 2011

12-25-2011, 03:35 PM

هى الصفحة ابتدت تهنج تانى ولا ايه

ام يحيي 2011

12-25-2011, 04:18 PM

بررررررررررررررده ما فيش حد

على العموم وحشتووووووووووووونى اوووووووووووووووى

Rany

12-25-2011, 04:27 PM

من غير ازيكم ولا اي حاجة انا عندي في ايدي حاجة زي ميكون عارفين التشققات يعني زي متكون الايد ماشفة ومن كتر القشف بدات تتشقق بس ياريت بس تشققات ده بالطول كانكم جايبين سكينة ومشرحين دراعي ودا طبعا في الدراعين من اول كف الايد لحد الكوع بس من باطن الايد فحاسة زي ميكون ايدي مدبوحة حد يقولي ده ليه علاقة بالحمل وعلى فكرة انا لا عندي حساسية من اي اكل ولا اي حاجة حد يرد عليا

احلى نونو

12-25-2011, 05:11 PM

السلام عليكم ياللى مش هنااااااااااااا

ازيكم كلكم

ساااااااره ازيك ياجميل وايه الغيبه الطوييله دى
عامله ايه انتى ويحيى ؟؟

راااااااااااااانى

ازيك اهووووووووو مش هرد عليكى على طوول من غير ازيكم
بصى هو اللى بتوصفيه ده قريب بس مش اوى من حاجه غررريبه فى ايدى الاتنين نشفت مررره واحده وكانها بتقشر ولحد الكوع برضه
كشفت الاسبوع اللى فاات عند دكتور الجلديه وقالى ده من الحمل ومكتبلييش اى دواااا ولا كريم وقالى اى كريم مرطب عندك تحطى منه الصبح وبليل ودلوقتى احسن الحمد لله
احتياطى روحى اكشفى واطمنى

ام انس المصريه

12-25-2011, 05:13 PM

في وصفة عجيبة قريتها للشعر هجربها باذن الله يارب شعري ينصلح حاله حاكم

من الحمل والرضاعة اصبح يصارع المرض ياعين امه

ابقى قوليلى الطريقه ياتوتى علشان شعرى مااااااااااااات خالص مبقاش فيه صحه وبيقع بطريقه رهيبه جبت دابر املا الاصلى وجبت بانتين بديل الزيت وجبت شامفو هيد اند شلولدرز ومفيش فايده

عاوزه اعرف وصفه كده بلدى اعملها ولا اى حاجه

ام انس المصريه

12-25-2011, 05:16 PM

عامله صنية مبرومه بالطماطم والتوم والليمون والشطه والكمون بس ايه تستاهل بقكووووووووووووووو

مبرومه دى نوع من انواع السمك الكيلو ب20 جندى

عارفنها ولا ايه

ام انس المصريه

12-25-2011, 05:17 PM

رانيا ازيك ياحبيبتى وحشانى فينك يابنتى

انا مش عارفه التشققات دى بصراحه بس ممكن تكون من السقعه

هاتى اى كريم للجلد وادهنى بيه والف سلامه عليكى ياقمر

ام انس المصريه

12-25-2011, 05:29 PM

جوزى ياحبة قلبى واحد بيشترى منه شغل حطلو وسط الفلوس 100 جنيه مزوره

توتة السيد

12-25-2011, 06:30 PM

عواف يامكتكتين مين هنا ياولاد

توتة السيد

12-25-2011, 06:31 PM

بت يام انس اول مرة احترمك انس وضعك في موقف احترام هقولك علي الوصفة

بس اجربها الاول لحسن تطلع بظرميط وتتعكي وواقلهالك انا هعملها انهارده باذن الله

وهقولك النتيجة

توتة السيد

12-25-2011, 06:34 PM

الف سلامة عليكي ياروني ممكن من السقعة فعلا هاتي كريم بذبده الكاكاو ودهني هتبقي كويسة

باذن الله انا كانت بتجيلي في الحمل بس في شفايفي وكف ايديا بس لما نزلت مصر

فهي من السقعة ماتقلقيش

توتة السيد

12-25-2011, 06:36 PM

دعدع وحشتيني فينك يابنتي عاملة ايه انت والنونة هتنزلي امتي شهر 12 خلص اهو

Rania Negm

12-25-2011, 07:10 PM

السلام عليكم اهل الديااار

نولارا

12-25-2011, 07:14 PM

رانيا
الحق امسك اقفش هههههههههههههههههههههههههه
فينك ياموزه يابتاع الريجييييييم عاوزااااااااااااااااااااااااااااكى ضروووووووووووورررررررررررررررررى

Rania Negm

12-25-2011, 07:19 PM

Rania Negm

12-25-2011, 07:21 PM

نووورا نوورا يا نوورا

ازيك يا ام حموكشة وحشانى حييييييييييل

انا هنا اهو خيرا يا قمرى .؟؟؟

وفى الاعجاز اصلى محلقة ع الواد أحمد

نولارا

12-25-2011, 07:22 PM

راااااااااااااااااااااااااااااااانيااااااااااااااا ااااااااااااااا
جوزى راجع ان شاء االله فى شهر 2 وعاوزه اعمل نيولوك من غير صبغ ولا فرد عشان النونو
يالا ياموز.ه احطينى افكاااااااااااااااااااااااااااااااااااار

نولارا

12-25-2011, 07:24 PM

حبيبتى يارونى
اييوا كده مع كل ريفرش بشوف مشاركه جديده
ده العيال بيذلونى ياشيخه ههههههههههههههههههههههههههه

Rania Negm

12-25-2011, 07:32 PM

ههههههههههههههه يبقى قصى شعرك قصة روشة أو درجيه على طوله لو موش عاوزة تقصريه

وعليكى بالسشوار فى البيت طالما موش عاوزة تفرديه

وموش هيحصل حاجة لو صبغتى خصلتين من الأوصة من غير ما تروحى لجذور الشعر .

لو موش هتعمل ده كله

قصى الاوصة خالص . ياعنى خليها سطر كدا على أورتك وخللى شعرك طويل

الحركة دى روشة اوووى بس دى هتخليكى تسشورى الاوصة كل يوم عشان تفضل سايحة على أورتك كدا

وروحى يا ستى واعملى تاتوو بالحنة على جسمك بقى أماكن وحركات

وكنت شفت وانا حامل من ع النت تاتوهات على بطون ستات حوامل كانت روشة اوووى

بترسم بالحنة على بطنها ياعنى

ارسمى على ضهرك سلسة الضهر كدا بالطول

او آخر الظهر

وعلى قدم رجلك من جوه من ناحية الأنكل كدا من جوه بتبقى سكسكى اوى مع خلخال رفنوع كدا

Rania Negm

12-25-2011, 07:33 PM

اشترى لانجيرى جديد

واشترى لبس خروج صايع كدا واقعدى بيه فى البيت

Rania Negm

12-25-2011, 07:38 PM

هاتى الورد المجفف ده المعفن ابو اتنين ونص

ههههههههههههه هو موش معفن بس اقصد رخيص ياعنى

بتبقى ريحته حلوة

هاتى الوان

اصفر ومووف واحمر

ارسمى بيه على السرير فى اودة نومك

وحطى منه فى البانيو وهو مليان

طبعا هيجى ياخد شاور

ابقى ماليه البانيو وحطى له فيه البابل بااااث " فيه بتاع إيفون امممممممممممم موش فاكرة اسمه "

تقريبا اسمه بابل باث بس كدا bubble bath

ده تحفة يا نورا انا بجيبه على طول واخده معايا وانا مسافرة كمان

ريحته نفاذة وقوية وبيعمل فراقيع كتير فى البانيو وبيلزق فى الجسم

اكيد اللى بيلزق الريحة موش الفراقيع

المهم اعمليله الشاور بالفقاقيع دى فى البانيو

او حطيله الورد المجفف المعطر ده وحطيله البابل باث بردو بس بعد ما تملى البانيو عشان لو حطيتيه والحنفيه شغال هينفش

ياعنى حطيه من غير ما ترغى وهو يبقى يرغيه وهو فى البانيو . عشان تحطى كمان شموع بقى واوعى

انا مجربتش موضوع الشموع

بس دورى على حاجات مبططة صغننة ليها قاعدة ينفع تتحط فى المية ومتغطسش

شوفى كدا ينفع ولا ايه

امممممممممممممممممممممم بفكرلك

نولارا

12-25-2011, 07:42 PM

انا بفكر فعلا فى موضوع القص ده بس يارب الاقى واحده ست فى الكوافير بتقص عدل
وبالنوسبه للحنه خالد بيقرف منها
بفكر اشترى حاجات من اللى بربرق وبتتلزق دى بس موش عارفه اسمها
وكمان الصابون بتاع البانيو اللى بيعمل بابلز ده اسمه اييييييييييييه

Rania Negm

12-25-2011, 07:43 PM

اشترى أطقم أندر ويير جديدة يا نورا موش تنسى

البرااا والبانتى ,, أطقم كاملة كدا

حطى يوميها مانييكير فااقع

اممممممممم فوشيك أو أحمر الالوان الجريئة دى صايعة اوى وجميلة

بوصى اعملى اللى هو موش متعود عليكى فيه

لو انتى على طول ميكب وصارخة كدا

يبقى خليكى بيور وحطى اللى يحدد ملامحك بس

لو العكس يبقى حطى ميكب صارخ وشعر متأفور كدا

أكيد انتى مبتعمليش كيرلى

غيرى واليوم ده انزلى اعمليه كيرلى فى الكوافير مثلااا

Rania Negm

12-25-2011, 07:44 PM

ليه خالد ميحبش الحنة ؟؟

لااء خليه يحبها

هو فى راجل ميحبش الحنة ؟؟؟؟

يالهوووى

Rania Negm

12-25-2011, 07:47 PM

طيب ابقى اشترى كمان أكياس الجليتر دى

اانا كنت زماااااااااااان فى محل من بتوع اتنين ونص ولاقيت اكياس جليتر كدا

جبت منهم حبه كتير وشلته فى جهازى متفهميش جبتهم ليه ههههههههههههه

بس لاقيت فى مرة واحد على قتاة مسايا بيسرح واحدة

بيعملها تسريحات ياعنى

بعد ما نكش لها شعرها راح رش عليه جليتر كدا كان تحفة

فجربت عملته كام مرة جميل بردو

بلون الطقم اللى تلبسيه

الجليتر بيكون ألوان

ازرق واحمر ودهبى وسيلفر

Rania Negm

12-25-2011, 07:48 PM

ممكن يا نورا تزوقى البيت بزينات وبلالين وكدا وتعمليله كيكاية عشان تبقى بسيطة وغطيها بكريمة بيضا واكتبى عليها بالشيكولاته حمدلله ع السلامة ونورت بيتك وموش عارفة ايه وابقى تعالى صيف عندنا والذى منه

Rania Negm

12-25-2011, 07:54 PM

ممكن جيبى الزينة اللى شبه الجليتر دى الطويلة

بتبقى فروع كدا

وتكتبى بيها

بحبك

او N و K

وبينهم قلب

انا عملت R و M

على الحيطة عندى فى عيد ميلاد حمبوسة عجبته يا نورى وقالى موش تفكيها بقى سيبيها

ممكن تكتبى بيها على حيطة أودة النوم أو كدا

هههههههههههههه اموت انا فى الكتابة والرسم ع الحيطان

مرة طبعت صورتى وحطيتها على حيطة المطبخ وكتبت فوقيها

Home Adminstrator

وسبتها كتيييييييييير ونسيناها ونزلت مصر وسبتها

جوزى بقى كان لوحده ومرة زمايله زاروه وحصل ودخلوا معاه المطبخ كانت فوضيحة

وطبعا اتبررررررى منى وقالهم صورة مين دى ؟ وقطعهااااااا عااااااااااااااااااااااااا

نولارا

12-25-2011, 07:54 PM

معلش قومت غصبا عشان الاوكشه عاوز حمام هههههههههههههه
يالا يارانيا اعطينى اكثر ههههههههههههههههه

Rania Negm

12-25-2011, 07:56 PM

واخد بالك انت يا حسن ؟؟

نورا تقولك سريعة وريفريش وبتاع وهى دالقانى اصلا شر دلقة

انا ماليش غير الواد احمد

هروح انكد عليه حبيب امه ده

هو اللى باقى لى

توتة السيد

12-25-2011, 07:56 PM

ياسيدي ياسيدي علي الافكار المطرقعة ايون اديني اموت انا وعيد السنة

فاكاكير تشد الهمة والله بس الراجل مزاجه مش لاطيف اليومين دول امممممممممممم

نستني لما مزاجه يروق ولا نضربله كام فوكيرة من دول يروقوه دا احنا هنروقووووووووووووووووك يابو السيد بس اصتبر علينا
اديني كمان وكمان عايزة انتعش ونعش الراجل

Rania Negm

12-25-2011, 07:57 PM

اعطيكى اكتر ؟

ادينى فى الهايف

وانا احبك يا ناناننس

حتة من فيلم الكيف

Rania Negm

12-25-2011, 07:58 PM

هههههههههههههههههههههههههههههه انتى وهى محسسنى انى مثلاااا لواحظ فى فيلم عيال حبيبة

انى انا بتاعة التهييس مثلا والدماغ العالى

نولارا

12-25-2011, 08:03 PM

هههههههههههههههههه
دا انتى الاصل يارونى
بصى انا عارفه الزينه كتبت بيها اسم احمد يوم عيد ميلاده
ان شاء الله اكتب اللوازم كلها وانزل اشتريها مره واحده

توتة السيد

12-25-2011, 08:03 PM

هههههههههههههههههههههه انت مس انشراح ومس لواحظ ومسات كتير ادينا يااختي الواحد حاسس انه فقد الانوثة مافضيش غير يغير بامبرز ويقول اه ياضهري اه ياوركي اه ياكلي

لما الراجل هيطفش عايزة اغير المود بقي اف استغفر الله واغير حياتي كده

Rania Negm

12-25-2011, 08:05 PM

ياختى محسسنى انى انا الهوبا كلها ؟؟

تعالى شوفى منظرى

مسرحتش شعرى من امبارح ههههههههههههههه

Rania Negm

12-25-2011, 08:07 PM

لاا بس والله اديتونى دفعة وانتو تظنون بيا الخير

هقوم اخد شاور وامرى لله واحطلى حبه احمر على اصفر واسرح الشوشة دى

كنت داخلة انا واحمد ناخد شاور بعدين حميته هو وخرجت قلت كفاية احمد

لما احمد بينضف انا برتاح نفسيا

توتة السيد

12-25-2011, 08:08 PM

ومين سمعك اهو شعري منظره يعر من امبارح والله ماتسرح وحالتنا هوبا اه الحقيقة

توتة السيد

12-25-2011, 08:10 PM

هههههههههههههههههه يعني عمالين نمدح فيكي وهتسبينا وتمشي ياندالة ياربي

ماشي ياعم حمام الهنا انا كمان جبت وصفة لشعري رايحة اعملها يتعدل حاله يتموته والله يرحمه

واخد شور بعدها بس الراجل ناااااااااااااام يشوف النتيجة بكرة بقي ان شاء الله

Rania Negm

12-25-2011, 08:12 PM

ههههههههههههههههههههه انا شعرى متسرحش من امبارح ومنكوشة اه بس موش منظره عرة ههههههههههههههه

انا لما بتخنق ومبيبقاش ليا نفس اتروشن بنكش شعرى واقول انا عملاه كيرلى

لهذا السبب هو منكوش

اذااااااااا فالحل هو الانتفاضة وثورة على النفس

قومى يابت يا منكوشة انتتى اغسلى راسك وسرحى شعرك

بلاش تستحمى كلك

يلااا حبة همة

لو نضفتى واتزوقتى وحطيتى برفان عالى هتلاقى ابو السيد جاى يتلكك ويتلزقفيكى ويرميلك بالكلام قال ياعنى عاوز يكلمك ضرورى

وهو هيبقى منبعر اساسا بالنظر اللى موش بيشوفك بيه غير فى الاعياد

وكل عام وانتم بخير

والله الموفق

Rania Negm

12-25-2011, 08:14 PM

ياااااااااااه نام من دلوقتى لحد بكره ؟؟؟؟؟؟؟؟؟؟؟؟

لاا يبقى ولا تستحمى ولا تسرحى شعرك

بلا هم

خليكى معفنة كدا احلى

العفانة بتدى للواحدة ووقار بردو

احلى نونو

12-25-2011, 08:17 PM

ياسلاااااااااااااااام ياسلااااااااااااام
ياميس انشراااااااااااح ياامو الافكااااااااااااااااااار دى
والله حاجات تشجع وجمييييييييييله

ازيك ياروووووووووونى هانم ياام برقوقى ؟ حمودى عامل اييييييييييه
ابقى قوليلى ضرورى اووووووووووى عملتى الكليب ازاى عاوزة اعمل واحد زيه وياويلك لو نسيتى هاجى اعضك

تووووووووووووتى فروتى
وحشتينى خااااااااااالص. نووووووور والنونه وانتى عامليين ايييه
انا الحمد لله كويسه والنونه كويسه بس الدكتور قلقنى شويه النهارده قالى الضغط 140/90 ولاااااااااازم ينزل وقالى تيجى بكره تقسييه تانى
قاعده وحاطه جنبى ازازة الكركدييه
فى حاجه غيره بتنزل الضغط ياااترى
افيدينى ؟
شوفتى الشهرهيخلص وانا لسه فى شروووووووووره
عندى مشكله فى اقامتى ربنا يستر وتخلص واولماتخلص على خير بفكر احجز يوم 7/1 ان شاااااااااااااااء الله

نوراااااااااااا اللى عاوزة تعمل نيولووكات وحركاااااااااات
عامله ايه وموكشه والنووووووووونه ازيهم

ام انس المصريه

12-25-2011, 08:17 PM

هلووووووووووووووز يالوووووووووووووووز

ياصفايح السمنه البلدى هههههههههههه

....

حد هنا اتنيل اكلمه ولا كلكم مشخرين

توتة السيد

12-25-2011, 08:18 PM

هههههههههههههههههههههههه طيب انا منكوش يااوختي انت عارفة الشعر في الحمل

بيبقي شبه شعر دبور h انا فعلا هقوم اظبط التظبيط بس لا اعتقد ان سيدو يقوم

لانه مانمش امبارح طول الليل ومزاجه مش اللي هو وطردني حاليا من الاوضه

وقالي هش انت وبنتك عايزاناااااااااااااااااااااااام اهئ اه هظبط بقي لبكرة وخلاص

نولارا

12-25-2011, 08:18 PM

يانهار خالد مشحططنى من الاسكاى بى للياهو النت عنده زباااااااااااااااااله

توتة السيد

12-25-2011, 08:20 PM

ياااااااااااه نام من دلوقتى لحد بكره ؟؟؟؟؟؟؟؟؟؟؟؟

لاا يبقى ولا تستحمى ولا تسرحى شعرك

بلا هم

خليكى معفنة كدا احلى

العفانة بتدى للواحدة ووقار بردو

يعني رائيك كده انا برضه بقول كده والكسل بخترق النسيج ويفتت اصعب الهمم ههههههههههههههههههه

ام انس المصريه

12-25-2011, 08:22 PM

عيااااااااااااااااااااااااااااااااااااااال

بهدى لكم الكلام الجميل ده
هل عندك ,,,,؟
صديق يسعدك يشعرك وجوده بالراحه يستقبلك
بأبتسامه ويشتري لك لحظات الفرح ويسعى
جاهداً إلي اختراع سعادتك

صديق يسترك يشعرك وجوده بالامان يمد لك ذراعيه
يفتح لك قلبه ويجوع كي يطعمك ويظمأ كي
يسقيك ويقتطع من نفسه كي يغطيك

ويقوول المثل ..
ان كان لديك في هذا الزمان صديق وفي واحد
فأعلم أنك من أثرياء العالم

يارب لك الحمدوالشكر على ها النعمة

Rania Negm

12-25-2011, 08:22 PM

يا دووودو كيفو الحال

وحشانى والله احنا بخير ياعم الحمدلله

يابنتى الكليب سهل جدااا

هو برنامج بيبقى موجود ع الكومبيوترات اسمه

windows movie maker

بتدخلى جواه وبتكتشفى خباياه

ههههههههههههه شعر

ياعى انتى بتلاقى الدنيا سهلة بعدين

تضيفى صور أ فيديوهات وموسيقى وفى مؤثرات بتختاريها من البرنامج وتضيفيها وبس

احلى نونو

12-25-2011, 08:22 PM

شيماااااااااااااااااء
ياموزه انتى ازيك
عامله ايييييييه
انووووسى باشا ازيه
بقى كويس من التطعيم ولا لسه مقريف
بقولك هو بانتين بديل الزيت كويس لما جربتيه ولا اى كلااام

توتة السيد

12-25-2011, 08:23 PM

دعدع ياحبي الف سلامة عليكي ماتقلقيش انت بس ريحي اعصابك وتابعي الضغط كويس

وحاولي تخففي الحوادق والاملاح قريت عن حاجة حلوة بتنزل الضغط بس الزمهارير بقي

هدورلك عليها تاني وقلهالك احنا بخير الحمد لله رب العالمين

وربنا ييسرلك امرك ياااارب وتسافري بالف سلامة

توتة السيد

12-25-2011, 08:24 PM

مين شجرة الدووم هنا يامرحبو يااستاذ اقصري عامل ايه انت ونوسة

Rania Negm

12-25-2011, 08:24 PM

ازيك يا شوشو وحشانى يابنتى والله

احلى نونو

12-25-2011, 08:24 PM

كله عماااااااااااال يتكلم ع الشعر واللى حاصل فييه

انا شعرى بعد ماكان نايم وسااااااااااايح اقل مايقال علييييييييه دلوقتى بقى شبه المقشه ههههههههه
نايمه حاطه الفرشه ع الكومودينو وكل شويه اساويه
تامر يشوفنى يقولى ماااااااالك شعرك كانك مكهربه وحاجه مايعلم بيها الار بنااااااااا
يارب يرجع لطبيعته

ام انس المصريه

12-25-2011, 08:26 PM

رانياااااااااا ام فلائتوس وحشانى ياموزه عامله ايه واخبار الريجيم ايه ؟

وازى الواد احمودى وزوجك

..

توته صديقة العفانه انا يااوختى شنبى يتبرمممممممم ومعملتش سويت من شهرين بزمتك فى عفانه اكتر من كده هههههههههههههههههه

الدنيا سقعه تلججججججج وعاوزه اعمل سويت وسقعانه قلت اشغل الدفايه واعمل مكسله برضو فبطفى النور وقت السيكو علشان متفضحش ههههههههههههههههههههههه

توتة السيد

12-25-2011, 08:26 PM

اه ياروني دا البرنامج ده طلع سهل قوي انا عملت لنور واحد بس حطيت عليه اغنية

مافيا اعيش الا معك ههههههههههههههههههههه مالقتش اغاني مكتكتة كده

هدور وظبطلها ان شاء الله عيد ميلادها قرب اهو

وانا عيد ميلادي قرب عايزة هدايا تنزل مطرة عليا فاهمين

Rania Negm

12-25-2011, 08:27 PM

دعاااء

الدووم كمان بينزل الضغط جامد

اغليه واشربيه

ونامى كويس

متسهريش

لازم تنامى كويس من تمن لعشر ساعات

كنت تقولى كدا الولية الحكيمة

احلى نونو

12-25-2011, 08:27 PM

توووووتى ابقى قوليللنا الوصفه بتاعه الشعر بس بعد لما تجربيها واوعى تكون من فتكااااااااااات
ههههههههههه فاهمانى طبعا
لحسن الشعريتين لو وقعوا هنلبس بوررررررريك ههههههههههه
ولو افتكرتى اللى بينزكل الضغط ربنا يكرمك ابقى قوليلى

رانيا خلاص ارتبط معايا لازم اقولك مس انشراااح لانك عنجليزى كتييييييير والفيلم لسسه جااااااى امبارح شوفت حته منه افتكرتك
هبقى انكش كده ع البرنامج اللى بتقولى علييه ده ياعسل انت

ام انس المصريه

12-25-2011, 08:29 PM

دعاء حبيبتى ازيك ياقمر وازى النونه لو مكنش انس خاطب 4 كنت خطبتهالو بس معلش بقى متعوضه هههههههههههههههه البت نورا هتلاقيها حامل فى ولد احشاشى بيقولى كده والله اعلم نبقى نجوزها له

..بانتين بديل الزيت زباله ومعفن ومنتن ونشف شعرى وهيشه وهرميه فى الزباله او هشحته

ياخساره ال15 جندى

......

توته مين شجرة الدوم ياشجره الصبار بت بقالى كتير اوى مشرشحتش ونفسى اشرشح ههههههههههههههه

ياسميين

12-25-2011, 08:29 PM

مسآآآآآآآا الخير
ازيكم ياقمرات
وحشتوووووووووووووووووووووووووووووني

توتة السيد

12-25-2011, 08:29 PM

Rania Negm

12-25-2011, 08:30 PM

هههههههههههههههههههههههههههههههههههههههههههههههههه هههههههههههه ضحكتونى على شعوركوا

بس انا يا عيال شعرى مباظش مع الحمل

هو كان بيقع بس ههههههههههه

انا تمام يا شوشو الحمدلله يا حبى

كلنا بخير اهو انا ومحمد عايشين نخنق فى بعض واهى ماشية هههههههههههههه

بالنوسبة للدايت زى الفل كل ما اجوع باكل ومانيش حارمة نفسى من حاجة . بس بعمل دايت بردو هههههههههههههه موش هتنازل عن المبدأ هخش ياعنى هخش

نولارا

12-25-2011, 08:30 PM

السمك البانيه بيتطبخ ازااااااااااااااااااى
بقوله اعمله صينيه وريح دمااااااغك

احلى نونو

12-25-2011, 08:31 PM

دعاااء

الدووم كمان بينزل الضغط جامد

اغليه واشربيه

ونامى كويس

متسهريش

لازم تنامى كويس من تمن لعشر ساعات

كنت تقولى كدا الولية الحكيمة

ههههههههههه حلوه الوليه الحكيمه دى
ايوه انا عندى الدووم بس مش فاكره كنت جايباه لايه هدور عليه واغلى شويه واشرب
لحسن قلقت لما الدكتور قالى كده عااالى وتعالى بكره قيسيه تااانى
شكرااااااااا يامس

توتة السيد

12-25-2011, 08:32 PM

ههههههههههههههههههههههه من فتكات يادعدع وربك يسلم هعملها انهارده وهجرب يصابت ياخابت

لو لقيتها حلوة هقولكم عليها طبعا بس هي من حاجات طبيعية بس وصفه غريبة

انا ببحثك اهو

ام انس المصريه

12-25-2011, 08:33 PM

انا عاوزه اعمل لانوس فديوووووووووووووووو احط له اغنيه ياغالى عليا روحى وعنيا كل الدنيا ديه ولا تغلى عليك

بتاع فريق وامااااااااااااااا
..

وعاوزه اعمل لعمدتى كليب الصبر طيب ههههههههههههههههه

اووووووو اغنية شيرين كنت عارفه انك هتبعد كنت عارفه انك انانى كنت بضحك على نفسى يمكن القى فيك اااااااه فرحة زمانى ههههههههههههههههههههههه

بما انو نايم بعيد عنى وانانى بيسمعنى بصوت بليل من انس ومش بيجى يشيلو انانى بيحب النوم

MALAK2010

12-25-2011, 08:35 PM

ما حدث في الأسبوع الماضي في منطقة مجلس الوزراء ومجلس الشعب والذي أسفر عن مكسب حضاري رائع وهو حرق (المجمع العلمي) الذي هو أحد الكنوز المعرفية النادرة ليس علي مستوي العالم العربي ولكن علي مستوي العالم كله.. بعد هذا الانجاز الثوري حاولت الفتاة ذات العباءة المفتوحة (أم كباسين)

عمل نوع من الاستعراض و(الإستربتيز) حتي تنهمر الكاميرات فوق ملابسها الداخلية ليصبح جندي الجيش المسكين هو السفاح الذي يهتك الأعراض ويسحل النساء في الشوارع.. وحاول الاخوة الثوريون المحرضون أن يتم هذا الاستعراض ويتم تداوله وتوزيع آلاف الصور منه حتي نتلهي في أعراض حريم الشعب بدل حريق تراث الشعب وحتي تخرج علينا الست كلينتون وتهددنا بحقوق الإنسان

اقرأ المقال الأصلي علي بوابة الوفد الاليكترونية الوفد - تسقط حقوق الإنسان (http://forum.hwaml.com/redirector.php?url=%68%74%74%70%3a%2f%2f%77%77%77% 2e%61%6c%77%61%66%64%2e%6f%72%67%2f%e3%de%c7%e1%c7 %ca%2d%c7%e1%d1%c3%ec%2f%31%32%38%2d%e1%e3%ed%d3%2 d%cc%c7%c8%d1%2f%31%33%39%34%30%30%2d%ca%d3%de%d8% 2d%cd%de%e6%de%2d%c7%e1%c5%e4%d3%c7%e4%23%69%78%7a %7a%31%68%5a%31%4e%4c%71%55%75)

لا حول ولا قوه الا بالله
سبحان الله اللى كاتب المقال زعلان على التراااااااااااث وشويه كتب اما اعرض البانت وكشف اجسادهم ده عادى
الكل بيلوموا البت الغلبانه انها ليه مش لابسه هدوم تحت العبايه يعنى بقى العاددى انها تتضرب وتتعرى والمشكله انها مش لابسه هدوم تحت العبايه تسترها لما الجندى الهمام يسحلها ويضربها ويقطع هدومه لا حول ولا قوه الا بالله

نولارا

12-25-2011, 08:36 PM

بت ياشوشوو
مين دى اللى حتجيب ولد
اركب واجيلك المحله اشدك من شعرك ياولييييييييييييه

Rania Negm

12-25-2011, 08:36 PM

يا سميناااا حبى وحشتينى

يارب تكونى بخير ياقمر

نورااااااااا

السمك الفيليه سهل

يتبل زى السمك عادى بليمون وكمون وتوم وفلفل اخضر وكله فى الهون وبعدين يتبل السمك فيه وبعدين بالدقيق ويمريه فى الزيت

توتة السيد

12-25-2011, 08:36 PM

هههههههههههههههههه لا ياختي شعرنا بقي عرة العرر والله

دعااااااااااااااااااااااء الموز والسبانخ والقرنبيط والخس بينزلوا الضغط ويظبطوه

شرشحي ياشوشو انا اشلوحك شلويح

ياسوووووووووووووو ازيك ياقمري وزي الاولاد وحشتينا اكتررررررررررر

احلى نونو

12-25-2011, 08:36 PM

ههههههههههههههههههههه يامعفنة ياشوشو يععععععععععع لا ياختي انا عاملة واوا قريب هو بس شعري علي رائ دعدع كاني متكهربه ههههههههههههههههههههههههههههههههه ضحكتيني يادعاء ضحك قولوا استكت ياتامر سيبني في حالي الله يكرمك

ههههههههههههه شايفه ياتوته
والله فعلا الحمل مغير حاجات جااااااااااامده معايا
بقولك كل شويه اقوم اساوى شعرى من الفولت الزياااده اللى جاااله ده
وحوالين رقبتى الللون بقى مقولكيييييش وعشان بيضا كله مكشوف وبااين
والشنب بقى كل اسبوع لازم اعمله بس البرد اللى كان عندى اعد اسبوعييين خلى تحت مناخيرى وعند شفايفى مقشف خااااااااااالص
وتامر من النوع اللى بيعلق على كل حاااااااااجه
قولتله ابووس ايدك هتبقى انت والحمل ارحمنى ربنا يخليك
بس برضه يابنتى hwaml5hwaml5hwaml5hwaml5

ام انس المصريه

12-25-2011, 08:37 PM

يااااااااااااااااسمين منوره المنتجع ياعسل ياقشطه يازلابيه هههههههههههههههههه ازى ريان وبلال

..

هتخشى ازاى يارنا ونتى كل ماتجوعى تاكلى هههههههههههههه

..........

يابختك ياتوته عامله سويت

انا اصلا مش مشعره يعنى شعر جسمى بيطلع خفيف بس لازم ولابد يتعمل برضوووووو وكمان شعر جسمى اصفريكاااااا بس برضو لازمم يتشال

بس تقولى ايه كسلللللللللللللللللللل

Rania Negm

12-25-2011, 08:39 PM

توتة السيد

12-25-2011, 08:40 PM

صلي علي النبي يالوكا صباح الخير بالليل اصلا اللي كاتب المقال باينه فل من الفلول

عاملة ايه انت وسيمبتي

somia

12-25-2011, 08:40 PM

السلام عليكم ورحمة الله وبركاته

احلى نونو

12-25-2011, 08:40 PM

بت ياشيمااااااااااااااااء
انا بنت مخطوووووووووووبه وحماتها جت على السيره دلوقتى
وفى عرييس تانى برضه
حماتها اللى موجوده
ياسمينااااااااااااااا

وبعدين ان شاااااااااااء الله نورا تجيييييييييييب بنت
بدل مااجى انا وهيا نغزك

توتة السيد

12-25-2011, 08:41 PM

ياربي علي الرجالة مايسبكيش في حالك ابدا قال يعني بمزاجنا اللي احنا فيه مش غصب عننا

معلش يادعدع هنعمل ايه لنا الله بقي

ام انس المصريه

12-25-2011, 08:41 PM

ياسميين

12-25-2011, 08:41 PM

شوشو حبيبتي ازيك وانوس عامل ايه
توته ازيك ياقمر ونور واختها عاملين ايه
رانيا عامله ايه انتي وحمودي
دعآآآآآآء ازيك والنونه عامله ايه
نووووورا ازيك وموكشه واخته عاملين ايه

احلى نونو

12-25-2011, 08:42 PM

ياسمينااااااااااا
ازيك ياعسل عامله ايييييييييه
واحشاانى كتيييييييييير
الاطفال عاملين ايه ريان وبلبل

احلى نونو

12-25-2011, 08:44 PM

يادعاء يا مقشفه ههههههههههههههههههه ياام شنب هههههههههههههههه ياام قفا مصدى ومزنخ زى قفايا ونا حامل

متخافيش قفايا رجع زلابيه ومهلبيه ورجع ابيض تانى وكمان من المناطق الحساسه كنت مهببه برضو ابيضيت ومناخيرى كانت لوحدها بقت كيلو من كبرها فشتتتتتتتت وبقيت قمر احلويت بدليل ان عماد مش معبرنى فى البلغه

ههههههههههههههههههههه

العيب عندك ياست شيموووووووو مش عارفه تغرى عمدتك زى سوكيننه هههههههه
انا عارفه ان كله هيرجع بس فعلا الواحد دلوقتى مش قااااااادر لحاجه

توتة السيد

12-25-2011, 08:44 PM

يانهاري علي اللغة مندس بالسين يابت افضحينا في قلب المنطقة نسيتي العربي وااااااااااااه عربياه

دس يدس اندساس ههههههههههههههههههههههه

طبعا كل اللي بيحصل تدخل من النظام البائد ومذاهب خارجية

ومش مستبعد ان البنت تكون مندسة فعلا لاني الاحداث الاخيرة كان واضح للجميع ان الثوار برااااااااااااااااااء من اي اعتداء او مس اي شئ في اللبد بسوء ربنا يسترها ويسحق اعدائنا اللي

عايزينها فوضي علي طول

ياسميين

12-25-2011, 08:44 PM

بت يا شيمآآآآاء بنت دعآآآآاء مخطوبه لبلبل خلاص
ابعدي عنها هههههههههههههههههههههههه
ملك ازيك وسيمبا عامله ايه
وعليكم السلام
سميه ازيك وتوته اخبارهاا ايه

Rania Negm

12-25-2011, 08:47 PM

الحمدلله ياسمينا كله تمام ياعم بناقر فى بعتيينا اهو انا واحمد

انا اهزئه وهو يضحك

بت يا توتة هو اللى يقول رأى معارض من الفلول ؟؟

طب مانا معارضة عدم الاستقرار اللى حاصل واللى بينزلوا التحرير بس موش فلة من الفلول

وجوزى كمان دااا عامل بلاوى ع الفيس توك

وعيلتى كلها تشجع وتؤيد المشير

يبقوا فلول ؟؟؟

لاا ياختى

كل واحد وليه رأيه ووجهة نظره

والحمدلله حصلت الفرقة والانقسام ولله الامر من قبل ومن بعد

ويلا اسرحوا بقى لما اصحى ابو احمد واخد شاور

somia

12-25-2011, 08:47 PM

الا ما حد فيكم رد على سلامي طب تصبحوا على خييييييييييييييييير
دا توتة ماشاء الله نايمة وانا قلت اقعد معاكم ... انا انام احسن طالما محدش معبرني ...
اهئ اهئ اهئ

ام انس المصريه

12-25-2011, 08:47 PM

الحمد لله يا سمينااااا انا وانوس بخير .. فرنسا حر ولا برددددد وتلج وسقيع

..

رانيا عماد برضو بيقول زيك ع البنت اللى اتسحلت بس هى ليه تتسحل اصلا من الاول فين الاحترام وشيم الرجال انو يضرب بنت

توتة السيد

12-25-2011, 08:48 PM

وعليكي السلام والرحمة ياسومة عاملة ايه انت وتوتة الكتكوتة

Rania Negm

12-25-2011, 08:50 PM

اييوة يا توتة طالما فيه اندساس بالسين

يبقى الدنيا خربانة

ياعم خربانة

وفيه فتنة وفيه قتال مسلمين لبعض

يبقى ايه ؟؟

نعمل بالحديث " فى الفتنة الزم بيتك واملك عليك لسانك "

موش ننزل فى التحرير والعباسية ونولعها

اوووووف انا مخنوقة كل ما بفكر فى اللى حاصل فى مصر

نفسى اصحى من النوم الاقى كل شئ اتحل

البلد دى موش هتتعدل غير لما أنزلهم اجازة كدا واظبطهم

البلد انحلت من ساعة ما اجوزت محمد وسافرت

ياسميين

12-25-2011, 08:51 PM

سميه انا رديت السلام يا قمر

فرنسا برد ومطر ياشوشو
بس الثلج لسه مع انه السنه اللي فاتت نزل من اول شهر 11

somia

12-25-2011, 08:52 PM

هيييييييييييييييييييييه ياسمين وتوتة ردوا عليا ...
انا الحمد لله بخير ومانعه نفسي من النوم بالعافية ..ههههههههه

ام انس المصريه

12-25-2011, 08:52 PM

سميه وعليكم السلام ياحبيبتى والله العظيم كنت هرد فى الرد اللى فات انسانى الشيطان ابنن التيت

..

فاصل غذائى ونواصل على راى توته

هستعشى واجى ان شاء رب العباد

توتة السيد

12-25-2011, 08:53 PM

ههههههههههههههههههههه اه يافلة يارانيا بتايدي المشير اخص يابنتي كلنا مش مؤيدين

عدم الاستقرار وكلنا بنسعي ان الاستقرار والامن يعود تاني احنا بس مش مؤيدين المشير لانه ماعملش حاجة من ساعة الثورة كله كلام فاضي مالوش معني وماكنش في استقرار حتي من قبل ماينزلوا التحرير تاني هما نزلوا التحرير ليه تاني مش علشان مافيش حاجة اتعملت
احنا بنقول اني في جهة خارجية بتحاول تعمل فتنة كبيرة في البلد وتنشر الفوضي
اللي يغيظك ان المشير شايف وساكت ده معناه ايييييييييييييييييييه بقي
دا احنا حتي بنقول انه سوري واستغفر الله حمار كبير كان في ايده انه يصبح افضل شخصية بكسب الشعب في صفه انما هو مش هاين حتي عليه يحاكم النظام البائد بس بس ماتفتحنيش الكلام كتيييييييييييييييير ومشكلة ناس كتير بتبص من الجانب الظاهري فقط انما في في الباطن بلاوي

somia

12-25-2011, 08:55 PM

يا سلام يا عم روني .. هههههههههههههههههه
انزليلنا طب اسبوع اجازة كده وظبتيهالنا وبعدين سافري لزوجك تاني

MALAK2010

12-25-2011, 08:55 PM

دى موش شوية كتب يا ملك ده كان ترااااااااااااااااث

وبعدين موش فكرة ان البنت مكانتش لابسة هدوم تحت العباية

الفكرة انها تعمدت تلبس حاجة كدا عشاناو ما تتلمس تتفك

ياعنى من الاخر بنت مندسة

ومن الاخر ياعنى هنا فيه مندسين وتحوير

وهناك بردو فيه مندثين وتحوير

ياعنى الجانبين مايخلوش من التلاعب والاندثاث

هو مندث ولا مندس ؟؟ سين ولا ثاء ؟

انتى وحشتينى اوى المهم
وانتى كمان يا حبيبتى كنت عاوزة اتفرج على الفيديو اصل كنت عامله كليب زماااان من الموفى ميكر اياااام

بصى يا رانيا اولا هقولك انها دكتورة وكانت بتسعف المصابين حتى لو ماكنتش كده عمرى ماتصور بنت دكتورة تعمل كده فى نفسها ابدااااااااااااااااااا ليه تعمل كده ليه وبعدين انتى ماشوفتيش الفيديو والعسكرى بيضربها ويبهدلها ازاى وفى الاخر يتقال عليه مسكين
وطالما هى كده ماكنتش تلبس كمان بنطلون طالما هى بايعه القضيه كده

وبعدين ده عرض بنت هنقول ايه قدام ربنا لو كانت البنت دى مظلومه والكل بيتكلم فى عرضها وفى اخلاقها

MALAK2010

12-25-2011, 08:56 PM

كتب ايه وتراث ايه
قاعدين نبكى على الكتب وارواح الشباب مالهومش قيمه

ياسميين

12-25-2011, 08:57 PM

http://forum.hwaml.com/imgcache2/hwaml.com_1324836214_712.png (http://www.hayah.cc/forum/t2503.html)

كاس ونص أو كأسين ماء (http://www.hayah.cc/forum/t2503.html)ويوضع البصل (http://www.hayah.cc/forum/t2503.html)والثوم

http://forum.hwaml.com/imgcache2/hwaml.com_1324836214_850.png (http://www.hayah.cc/forum/t2503.html)

يغلي لمدة 10 دقائق

http://forum.hwaml.com/imgcache2/hwaml.com_1324836215_444.png (http://www.hayah.cc/forum/t2503.html)

وهكذا يصبح لونه

http://forum.hwaml.com/imgcache2/hwaml.com_1324836215_136.png (http://www.hayah.cc/forum/t2503.html)

يغطى بالنايلون الشفاف تبع الاكل عشان مايطلع بخار البصل (http://www.hayah.cc/forum/t2503.html)ونتركه حتى يبرد

http://forum.hwaml.com/imgcache2/hwaml.com_1324836215_455.png (http://www.hayah.cc/forum/t2503.html)

استخدم زيت الخروع وزيت السمسم

http://forum.hwaml.com/imgcache2/hwaml.com_1324836216_184.png (http://www.hayah.cc/forum/t2503.html)

نحضر 3 ملاعق سدر + ملعقتين زيت الخروع + ملعقتين زيت السمسم أو زيت الزيتون

http://forum.hwaml.com/imgcache2/hwaml.com_1324836216_958.png (http://www.hayah.cc/forum/t2503.html)

تخلط الزيوت مع (http://www.hayah.cc/forum/t2503.html)السدر

http://forum.hwaml.com/imgcache2/hwaml.com_1324836216_982.png (http://www.hayah.cc/forum/t2503.html)

ثم نصب خليط ماء (http://www.hayah.cc/forum/t2503.html)البصل (http://www.hayah.cc/forum/t2503.html)والثوم (http://www.hayah.cc/forum/t2503.html)على السدر

http://forum.hwaml.com/imgcache2/hwaml.com_1324836216_346.png (http://www.hayah.cc/forum/t2503.html)

الى ان تصبح لدينا عجينه شبه سائله يعني مثل الحنه

http://forum.hwaml.com/imgcache2/hwaml.com_1324836217_761.png (http://www.hayah.cc/forum/t2503.html)

نحضر القفاز مع (http://www.hayah.cc/forum/t2503.html)بروش الحنه ويكون جاهز للاستعمال

http://forum.hwaml.com/imgcache2/hwaml.com_1324836217_193.png (http://www.hayah.cc/forum/t2503.html)

الوصفه دي حلوه للشعر يابنات
وانا بنفسي جربتها بس ماستمريتش عليها كتييير ههههههههههه بكسل اعملها
ههههههههههههه

توتة السيد

12-25-2011, 08:57 PM

ههههههههههههههههههههههههههه اه ياروني هما عايزينك انت ياكابتن انزلي ظبطيهم بقي
وجري وراهم
بالخرازانة بتاعة محمد هههههههههههههههههههههههههه

somia

12-25-2011, 08:58 PM

شيمو سيبك من الاكل وخسي شوية كده ...
عاوزة اخس يا ناااااااااااااااااااااااااااااس

توتة السيد

12-25-2011, 09:00 PM

علي رائيك يالوكا بيبكولي علي تراث وكتب وارواح بني ادمين راحت بلاش ربنا يصلح الحال

احلى نونو

12-25-2011, 09:01 PM

ملوكاااااااااااااا
ازيك ياجميل
سيمبا العسل عامله ايييه
بصى من قريب كان مدحت شلبى بتاع مساء الانوار متصل مع واحد من ضباط الجيش وكان بيقول ان البنت دى كانت متعمده كده واول ماوقعت ع الارض فتحت كباسين العبااايه ووواحد من العساكر قاله غطيها غطيها وان كان فى واحد مع البنت دى واقف عمال يصور

الحقيقه فيين الله اعلم