دردشة بنات مصر , دردشة حوامل مصر , تجمع بنات مصر [الأرشيف] - الصفحة 84

نولارا

11-13-2011, 11:04 PM

ياااااااااااااااه من تانى يوم دا انتوا خللتوا هههههههههه
الاجازه دى خالد خرج مره متنرفز من احمد
فادخلت اتمكيجت ولبست القميص اللى هو وضبطت شعرى
رجع قعد يبصلى وهو مبسوط
قلتله ايه انا حلوه قالى انتى دايما حلوه
عملتى كده ليه قولتله بصالحك
قالى انا موش زعلان منك انتى
زعلان من احمد خليه ه بقى اللى يحط ميكب هههههههههههههههه

MALAK2010

11-13-2011, 11:04 PM

حلو التسريحات بس مين اللى يستنى لغايه مانخلص التسريح
سلمى اول ما بلمس شعرها تقعد تعيط تفتكرى اقدر اعمل الافتكاسات دى ههههههه

ام انس المصريه

11-13-2011, 11:05 PM

انا ونا حامل ياسما مكناش بنعمل سيكو نوهائى نوهائى

اول 4 شهور مكنش ولا مره اول مره نعمل فيها قعدت اعيط واقوله خايفه ع النونو واعيططططططططططططططططط

واول سيكو بعد الولاده كنت هموت من التعب كانى اول مره والله العظيم

كانى بنت بنوت هههههههههههههههههههههه

اصلا عماد مش معبرنى ولا انا معبراه

بس بيوحشنى كده اقوم قايله له انت ياواد ياموز انت يقولى عايزه ايه يابت ياتخينه ههههههههههههههههههههههه

ام انس المصريه

11-13-2011, 11:08 PM

هههههههههههههههههه

ونا يا نورا احط المكياج عماد يجى يقول بسم الله اللهم جنبنا الشيطان وجنب الشيطان مارزقتنا

يقوم انس واااااااااااااااااااااااااااء هههههههههههههههههههه

يقوله كتك نيله على امك اقوله متشتمش الوله اشتمنى انا ههههههههههههههههه

نولارا

11-13-2011, 11:10 PM

ههههههههههههههه
الدعاء ده مسمعتوش من ليله الدخله هههههههههههههههههههههههههههههههههههههه

ام انس المصريه

11-13-2011, 11:11 PM

تاكلو برتقاااااااااااااااااان حادق شرش

نولارا

11-13-2011, 11:12 PM

بصى ياملك لما ببقى عاوزه احمد يقعد ساكت وانا بلبسه البامبرز او اى حاجه بقوله عشان نمشى باااى
بس متهيالى سلمى لسه ما تفهمش نمشى بااى
وكمان انا بخرجه فعلا بعدها عشان مبقاش كذبت عليه

ام انس المصريه

11-13-2011, 11:13 PM

بت يانورا حرااااااااااااام انك متقولوش الدعاء ده يابت

كده الشيطان بيجامع الست مع جوزها اعوز بالله

لازم الدعاء او حتى بسم الله اضعف الايمان

malak ahmed

11-13-2011, 11:15 PM

وحشتوووووووووووووووووووووووووووووني

ام انس المصريه

11-13-2011, 11:15 PM

انا بقول لانس لما يصحى يعيط وعاوز يرضع اقعد اقوله

بزو بزو بزو انت ياحلو يابزو انت ياعسل يابزو انت جميل يابزو بزو بزابيزو هههههههههههههههه

نولارا

11-13-2011, 11:15 PM

ايه الكلام المنيل ده يازفته
جسمى قشعر
مش عارفه هل هو بيسمى فى سره ولا لاء
ان شاء الله ابقى افكره بعد كده

MALAK2010

11-13-2011, 11:16 PM

نهااااااااااااااااااااااد والله على بالى وحشتينااااااااااااااااااا

MALAK2010

11-13-2011, 11:17 PM

ايوا يا نورا كلام شيماء صح لااااااااااااااااااااااااااازم تفتكروا الدعاء

ام انس المصريه

11-13-2011, 11:18 PM

نهاااااااااااااااااااااااد حبيبه قلبى وحشتينى اقسم بالله

انا مش معى رصيد والتلفون خربااااااااااااااااااان وواقع من مكان عالى واتكسر ميت حته وحبه يشتغل وحبه يبوظ ولله

انتى كنتى بترنى عليا وكان بيديكى غير متاح صح

MALAK2010

11-13-2011, 11:19 PM

شيماء تحت صزرتك مكتوب مقالات مدونه يعنى اييييييييييييييييييييييييييييييييه

كل ما اجى اسالك انسى يعنى ايه البطانيه الاسبانى

om arwa

11-13-2011, 11:23 PM

كمان يا نرا لو حصل حمل من جماع ماتقالش فيه الدعاء
بيبقى للشيطان نصيب فى اللد
لكن لو اتقال الدعاء بيبقى الذرية محفوظة من الشيطان ان شاء الله

ام انس المصريه

11-13-2011, 11:25 PM

لاااااااااازم تفتكرو الدعاء بعد كده ياوليه

مش سعات بتسمعى ناس يقولو على عيل شقى ده بخ شيطانى

يعنى الشيطان جامع معاه مراته

لكن لما تقولى الدعاء ده بيحمى الزوج والزوجه ان كمان الشيطان ميتفرجش عليهم لان الوقت ده الملائكه الحفظه بيتركونا فلازم تحصنو نفسكم

وكمان علشان العيال مش يمسها الشيطان

فخمتى

لازم نحول عادتنا الى عباد كل يوم بناكل ونشرب وننام فلو عملنا السنه عند كل حاجه بنغير هدومنا نقول الدعاء نبص فى المرايه نقول الدعاء

كده نحول عادتنا الى عبادات ونعمل عادتنا وكمان ناخد اجررررررررررر

احلى نونو

11-13-2011, 11:27 PM

ازيكم يابنات عاملين ايه

ملوكه
شيمووو
سماسيموووو
نهاااااد
نوراااااااا

ام انس المصريه

11-13-2011, 11:31 PM

مش عارفه ايه المدونه دى بس مكتوب فيها شكرا ياملك ههههههههههههههه

اكيد بشكرك انتى يالوكه بس ليه بشكرك بقى ههههههههههههههههه

ام انس المصريه

11-13-2011, 11:32 PM

نهاد دخلتى قلتى وحشتونى وجريتى ياوليه

مااااااااشى

.............

دعاء ازيك ياحبى حامله ايه فى الحمل

احلى نونو

11-13-2011, 11:35 PM

انا الحمد لله ياشيمووو ياحبيبتى
الحمل الحمد لله متعب اووووووى يابنتى شايفاكى فى الصفحات مستعجله , ربنا يديييكى قريب ان شااااااااااء الله
ضهرى واجعنى اوى يابنتى اخر ضهرى ومسمع فى رجلى كلهاااااااااااااااا
الحقينى
انوسى عامل ايه على فكره مشوفتوش خاااااااااااالص ماااااااااااااااالص

مبرووووووووووك عليكى الشقه الجديده ويارب يكون وشها حلو عليكى وتمليها عياااااااااااال

malak ahmed

11-13-2011, 11:38 PM

مش انااااا ده النت هو اللي فصل والله

دمياط مولعه

والله وحشتوني كلكم اوووووووووووووووووى ازيكم وازي عيالكم اللي جوا واللي برا

malak ahmed

11-13-2011, 11:41 PM

بت يا شيماء انا كلمتك ف العيد وانتي مرديتيش افتكرتك طنشتيني

بنات صحيح قولولي هي اللي بترضع نضيف متحملش ؟؟؟؟؟؟؟؟

انا سمعت وقريت كده انها متحملش غير لما تفطم او لما تقلل الرضعات شويه

صح كده ولا ايه

malak ahmed

11-13-2011, 11:42 PM

بالحق نسيت اقولكم ملوكه علي ايدي اهي باعتالكم بوسه

احلى نونو

11-13-2011, 11:42 PM

نهاااااااااااد حبيبتى عامله ايه
واحشانى كتيييييييير
عامله ايه انتى وملوكه

malak ahmed

11-13-2011, 11:46 PM

نهااااااااااااااااااااااد والله على بالى وحشتينااااااااااااااااااا

انتي اللي وحشتيني انتي وسلمي حبيبه قلبي

ازيها عامله ايه واكلتيها ولا لسه

malak ahmed

11-13-2011, 11:47 PM

دودو حبيبتي الف سلامه عليكي معلش نتي عارفه ان الحمل كلو تعب ربنا يهونها عليكي ويقومك بالسلامه يارب

عرفتي هتجيبي ايه ان شاءالله ولا لسه؟

احلى نونو

11-13-2011, 11:51 PM

الله يسلمك ياملوكه ياحبيبتى
ادعيلى لحسن والله خلاااااااااص صحتى مفيييش
لا لسه ياملوكه لما روحت اخر مره كان لسه الدكتور قالى لسه وكنت فى الرابع
هروحله الاسبوع الجاى ان شاء الله وانا مخلصه اسبوع من الخامس يارب يبان بقى
مقولتليش توقعك ليا اييييييييه بوووى ولا جيرل ؟

احلى نونو

11-13-2011, 11:54 PM

بوسيلى ملووووووووووووكه كتييييييييييييييييير اووى
اعتقد يابنتى فى ناس بتحمل وهيا بترضع
عندك توته اهى كانت بترضع نووور وحامل ماشاء الله
ناويه تحملى ولا اييييييه ياابت

malak ahmed

11-13-2011, 11:55 PM

ربنا معاكي يارب ويقومك بالسلامه

توقعي ليكي بنوته ان شاءالله حاساها بنت من زمان يا دودو بس كلو في علم الغيب بردو وربنا يكرمك باللي تتمنيه

احلى نونو

11-13-2011, 11:56 PM

العيااااااااال غطسووواا كلهم مره وحده

malak ahmed

11-13-2011, 11:57 PM

احلى نونو

11-13-2011, 11:58 PM

ربنا يخليكى ياملوكه
كل اللى يجى من عند ربنا جمييييل وزى الفل المهم يبقى كويس وصحته حلوه

انتى جوزك نزل وسابك انتى ولوكه ولا ايييه

malak ahmed

11-13-2011, 11:59 PM

احلى نونو

11-14-2011, 12:00 AM

يابت يا دعاء مانا عارفه ان فيه ناس بيحملو وهما بيرضعو انا بقول اللي بترضع نضيف يعني من غير بريود اصل البريود لسه مجتش من يوم ما ولدت

وحتي اللي بيرضعو من غير بريود بيقولو انهم ممكن يحملو بس لما يبتدو ياكلو نوناتهم لانهم بيقللو عدد الرضعات فالتلويض يفوق من خموله

اول مره اعرف ان اللى بترضع نضييف معانا مش بتجيلها البريوت يااااااااااسلام دى حاجه جميله خاااااااالص ههههههههه
لا المعلومه دى معرفش يابت
اسالى دكتورتك

malak ahmed

11-14-2011, 12:00 AM

دودو كان نفسي اكمل كلام معاكي بس انتي عارفه حكم القوي بقي

خلي بالك علي نفسك وعلي نونتك

سلام يا قمر

احلى نونو

11-14-2011, 12:01 AM

وانا شكلي هغطس انا كمان اصل ابو ملوكه بيناديني وزعل مني لاني مطنشاه وقاعده

كلها شهرين كمان ويغطس هو كمان ويسيبنا لوحدنا انا وملك :(

انا هروح اقعد معاه برا اصلو ابتدي يتعصب عليا اهو

هتوحشوني يا بنات والله اوى

وانتى كمااااااااااان هتوحشينا كتيييييييييييير ابقى ادخلى سلمى علينا
وقومى اجرررى عند ابو ملك
موووووووووه

توتة السيد

11-14-2011, 01:16 AM

بخ بخ عوووووووووووووو

احلى نونو

11-14-2011, 01:19 AM

هههههههههههه
توووته مفيش حد غييييييييرى هناااااااا
بحرس المنتجع

توتة السيد

11-14-2011, 01:21 AM

انت الخير والبركة ياقمر عاملة ايه انت والنونو الف سلامة علي ضهرك معلش ربنا يهون عليكي

انت ريحي ونامي عليه

احلى نونو

11-14-2011, 01:24 AM

الله يخليكى ياتوتى يارب
انتى عامله ايه وغطسانه لييييييه كل ده
نور والنونه عاملين ايه
والله ضهرى كنت بعيط منه مش عارفه اييييييه اخرتها دهنت فولتارين ربع ساعه والوجع رجع تاانى
حتى وانا نايمه على ضهرى حاسه انى نايمه على شوووك ومسامير
الله المستعااان

توتة السيد

11-14-2011, 01:32 AM

الحمد لله ياقمر بخير كلنا والله غطسانة كنت بطعم نور وشفت نتيجة التحاليل بتاعتي

وودتها للدكتورة ورجعت علت اكل ونمت صحاني سيدو عشيته ونمتتتتتتتتتتتتتتتتتتت

ولسه صاحية النوم حلو ياولاد بقيت انام وانا قاعدة مش عارفة ايه ده

توتة السيد

11-14-2011, 01:36 AM

الف سلامة عليكي ياقمر كلنا والله انا كان ضهري هيموتني والله وقلت للدكتورة

قالتلي ارتاحي علي قد ماتقدري وماتشيليش حاجة تقيلة ربنا يهون علينا يارب

احلى نونو

11-14-2011, 01:37 AM

طيب والحمد لله الدكتوره طمنتك على التحاليل بتاعتك ؟
ااااااااااااه مفيش احلى من النوووووووووم بس يجى
انا زابطه نفسى نص ساعه وبقووووم مبقدرش انام اكتر من كده

لسه كنت بشوف قصه ولادتك حااالا . هو ابره الضهر دى بتوجع ياتوته ولا لا ؟
يعنى كنتى شايفه وواعيه وهما بيطلعوا نور ومحستيش بالخياطه ولا حاجه عشان لو كده وهولد طبيعى اخدها من الاخر واريح نفسى لحسن انا بموووووووت من خلع الضرس

احلى نونو

11-14-2011, 01:40 AM

الف سلامه لضهرك
طيب خلى بالك بقى واوعى تشيلى اى حاااجه

كنت بقولك بموت من خلع الضرس مابالك بحد بيطلع من جسمى يانهار ده انا هبقى خايفه جداااااااا عشان كده عاوزة اتبنج ومحسش بحاجه
بس بقول بلاش افكر من دلوقتى خليها لوقتهاااااا

توتة السيد

11-14-2011, 01:47 AM

الحمد لله ياقمر طمنتني التحاليل كويسة بس قالتلي اخد حبتين حديد لاني في بداية انيميا

بس كله كويس الحمد لله

وانا كمان بقلق علشان ام الحمام يامهون

ايه رائيك قصة مشوقه هههههههههههههههههههه

بصي ياقمر حقنة الضهر دي بيركبوها ويسبوها ومابيكنش في اللم ويسبةكي بقي

حد ماتولدي

انا مااخدتش الحقنة دي انا اخدت بنج نصفي اللي بيتاخد في الولاده القصيري

هما كانوا هيركبوهالي بس الدكتور قال لا ادوها نصفي وهولدها دلوقتي

الحقنة دي سهله بس شكة الابرة وخلاص وماتحسيش بعدها باي شئ تبقي واعية لكل حاجة

انا كنت واعية وشايفة كل حاجة وشفت نور لما اتزلطت وماحسيتش باي شئ لا خياطة

ولا اي شئ

احلى نونو

11-14-2011, 01:51 AM

طيب الحمد لله انك محستيش بحاجه يعنى دى تعبتر ابره بنج نصفى مش ابره الضهر يبقى انا اختلط عليا الامر

اهتمى بقى بالحديد زى مالدكتوره قالتلك وكلى كبده وسبانخ كتيييير واى حاجه مليانه حديد

توتة السيد

11-14-2011, 01:51 AM

الله يسلمك ياقمر يارب والله علي قد ماقدر مش بشيل

بصي هو لازم قبل الولاده تتكلمي مع الدتور وتشوفي واحد شاطر

وتقوليله علي اللي انت عايزاه انا دكتور ربنا يجزيه خير اللي ولدني

كان هادي وشربات اول مارحت كان الوجع مش قوي قالي تاخدي بنج

من هبلي قلتله لا افتكر انه اخري الوجع ده

اتاري في مراحل بقي لما روحتله قالي ما انا قلتلك

وعلي طول والله دخلني وكان كويس جدا واي حاجة كنت بطلبها بينفذها

فاهم حاجة يكون دكتور كويس

احلى نونو

11-14-2011, 01:54 AM

ماشاء الله انا عاوزة دكتور مريح كده ويسهل عليا لحسن انا بصرخ على طووووووووووول ههههههه
هشوف لما انزل مصر دكتور كويس وحد مجربه بس انا هبقى مكسوووفه لو دكتور هيولدنى وهكون فايقه بقول انام احسن عشان مبقاش مكسوفه وانا بولد

توتة السيد

11-14-2011, 01:54 AM

الحمد لله عقبال الزلطة التانية علي خير

اهو والله باكل ربنا يهون بفضله

توتة السيد

11-14-2011, 01:57 AM

هههههههههههههههههههه لا في الوقت ده عايزة تخلصي مش هتفرق دكتور ولا دكتورة

اسال مجرب ههههههههههههه

احلى نونو

11-14-2011, 02:01 AM

ربنا يقومنا كلنا بالسلامه ياتوته يااااارب
وعلى رايك ساعتها ممكن الواحد مش هيبقى مركز فى حاجه بس يخلص

توتة السيد

11-14-2011, 02:07 AM

يارب اللهم اميييييييييييييييييييييييييييييين

منتظرون عودة الخلافة

11-14-2011, 02:10 AM

السلام عليكم ازيكم

توتة السيد

11-14-2011, 02:23 AM

وعليكم السلام والرحمة اهلا اختي عاملة ايه عارفينا عليكي بقي

منتظرون عودة الخلافة

11-14-2011, 03:08 AM

حد هنا و الا كلو نام؟

توتة السيد

11-14-2011, 05:19 AM

في حد صاحي ياقمرات

دودى مجدى

11-14-2011, 06:36 AM

صباح الخيير باليل لسة فى حد هنا ولا كلو اخخخخخخخخخخخخخخخ

دودى مجدى

11-14-2011, 07:08 AM

ها حد هييجى ولا اقوم اخخخخخخخخخخخخخخ انا كمان

دودى مجدى

11-14-2011, 07:10 AM

طيب اقوم اناملى ساعتين بقى واشوفكم الصبح سلااااااااااااااااااااااااااام

MALAK2010

11-14-2011, 08:38 AM

صباح الخييييييييييييييييييييييييييييييييييييييييييييييي ير

توتة السيد

11-14-2011, 08:56 AM

صباح النووووووووووووووووووووووووور

اخيرا حد صحي ازيك يالوكة انا اهو بقيت زيك بفتح المنتجع اخدت نسخة من المفتاح

هههههههههههههههه وصاحية من الفجر عاملىة ايه بقي انت وسيمبا

MALAK2010

11-14-2011, 09:40 AM

انا جيت تانى ياتوتا معلش كل ماالاقى فرصه اروح اعمل حاجه فى البيت
ماشى يا ستى انا مبسوطه انك بتصحى بدرى يعنى هتنامى انتى ونور بدررررررررررررررررى

توتة السيد

11-14-2011, 10:21 AM

وانا عدت من جديد فينك بقي

MALAK2010

11-14-2011, 10:24 AM

انا هناااااااااااااااااااااااا هنفضل ندور على بعض طول النهار هههههههههههههههه
ايه اللى مصحيكى بدرى

توتة السيد

11-14-2011, 10:25 AM

هههههههههههههههههههه انا عارف بقي

صحيت بدري لاني نمنا بدري نمنا 7 ونص بعد العشا تخيلي

يارب دايما قولي امين

توتة السيد

11-14-2011, 10:30 AM

اهئ روحتي فييييييييييييييييييين تاني

MALAK2010

11-14-2011, 10:31 AM

يااااااااااااااه
اميييييييييييييييييييييين
بس 7 دى بدرى اوووووووووووووووووووى

MALAK2010

11-14-2011, 10:32 AM

لا معاكى خلصت كنس وسلمى عيطت قولت اقعد لغااااااااايه ماتنام
يارب سلمى تنام ههههههههههههههههه

MALAK2010

11-14-2011, 10:35 AM

خلاص شوفى ايه اللى حصل امبارح واعمليه كل يوم علشان نور تنام

MALAK2010

11-14-2011, 10:37 AM

انتى اللى رحتى فيييييييييين

ommaysoon

11-14-2011, 11:26 AM

صباح الخير يا بنات

om arwa

11-14-2011, 12:52 PM

سلام عليكم

om arwa

11-14-2011, 12:53 PM

ازيك يااام احمد وازى الاوع والنوم

ام انس المصريه

11-14-2011, 01:44 PM

السلام عليكن ايتها النسوه الموجودات فى هذا المنتجع

كيف حالكن

هههههههههههههه

ملك لو موجوده ياحبى انا لسه واخده بالى انك سالتى ع البطانيه الاسبانى

مركتها اسبانى يعنى

يعنى ماد ان اسبان مصنوعه هناك يعنى زى فى بطاطين مصنوعه فى الصين كده

بس احسن حاجه البطانيه الاسبانى تلاقيها خفيفه بس بتخلى العيل فرن
وبتدفى جامد
احنا كنا اشتريناها واحنا بنعمل عمره من 4 سنين ونص كانت ب60 جنيه جينا سالنا عليها هنا فى مصر لاقيناها ب100 جنيه واكيد غلت دلوقتى
هى بطانيه صغنونه يعنى تاخد العيل لحد 5 شهور بعد كده تصغر عليه فى ليها سوسته وكباسين بتقفل على العيل

هااااااا شرحت لك تفصي ممل اهو هههههههههههه

supermami90

11-14-2011, 02:23 PM

صباح العسسسسسسسل ياقمرات وبصبح عليكى خصوصى ياملك ..يابنات عندى استفساربس متكسفوونيش ولاتتريقوا عليا انا اوقات بحس بحاجة زى العظم او حاجة بتزق فى سرتى ممكن يكون عادى اللى مش عادى بقا انى ساعات باحس ان بطنى بتنط ونفس الحاجة اللى بتزق دى فوق السرة بنص صوباع هو دا طبيعى فى الشهر السادس اقصد اوله!!!!!!!!!!!!

دودى مجدى

11-14-2011, 02:28 PM

صحيت وجيت هقوم اسلق اللحمة عقبال ما حد ييجى ويعبرنى

دودى مجدى

11-14-2011, 02:59 PM

يعنى حطيت اللحمة تتسلق وجيت ومحدش فيكو جة ما تيجو بقى يا عيال مش عاوزة اشتمكو واضيع الحجة

om arwa

11-14-2011, 03:15 PM

سوبر مامى
ام ملك صح
يا بنتى دى حركة البيبى حاجة طبيعية جدا فى السادس
ماتحطى تيكر حمل عشان ماننساش

om arwa

11-14-2011, 03:18 PM

هاتعملى ايه معاها يا دودى ؟؟؟؟؟؟؟؟؟

دودى مجدى

11-14-2011, 03:21 PM

سما سماسم سماسيمو صباح الخيير هعمل ملوخية ورز وهحمر اللحمة اة راييك

om arwa

11-14-2011, 03:33 PM

حلو يا جميل بالهنااااااااااا

ام انس المصريه

11-14-2011, 03:33 PM

الواد انس بيكح جامد معاد اعاده الكشف النهارده والسما بتمطر والدنيا سقعه والارض مزحلقه وعماد مرضاش يودينى للدكتور والدكتور بعيد عنى بكتير

ام انس المصريه

11-14-2011, 03:36 PM

عيال نفسى اجدد فى اكلاتى اللى بعيده بزيده

هاقوم اعمل المحشى بقى وامرى لله

مع انى قلت اعمل قلقاس اسهل

محتاره فى الاكل كل يوم

...............

عندى لحمه كتير يجى 17 كيلو كده ماشاء الله

قولولى طريقه كده لعمل لحمه بس تكون طريقه حلوه وسهله

ام انس المصريه

11-14-2011, 03:39 PM

طب سلام بقى اقوم اشوف الاكللللللللل

ام انس المصريه

11-14-2011, 03:47 PM

ايا عبد كم يراك الله عاصيا .. حريصا على الدنيا وللموت ناسيا
انسيت لقاء الله واللحد والثرى .. ويوم عبوثا تشيب فيه النواصيا
لو ان المرء لم يلبس ثيابا من التقى .. تجرد عريانا ولو كان كاسيا
ولو ان الدنيا تدوم لاهلها .. لكان رسول الله حيا وباقيا
ولكنها تفنى ويفنى نعيمها .. وتبقى الذنوب والمعاصى كما هى

*رحمه*

11-14-2011, 03:57 PM

ازيكم يا بنات عاملين ايه ؟؟؟

om arwa

11-14-2011, 04:00 PM

سا شوشو اعملى مرة كباب حلة
مرة قطعى منها شرايح واعملى شاورما لحمة
اعملى كبسة باللحمة
مقلوبة باللحمة
صوانى فى الفرن باللحمة ( بطاطس او مسقعة او تورلى )

om arwa

11-14-2011, 04:02 PM

اهلا يا دندوووووووون
مبروك السابع يا جميل
اخبارك ايه والنوه عاملة ايه؟؟؟؟؟
انتى بتحسى حركة تحت يا دينا ولا كل الحركة فوق؟

*رحمه*

11-14-2011, 04:13 PM

ازيك يا سما عامله ايه و اروى و النونو
الله يبارك فيكي يا حبيبتي و عقبال ما نولد بالسلامه يارب
والله يا سما الاول كنت بحس بيها تحت ، دلوقتي بحس بيها فوق و على الجنب
و انتي ؟؟

om arwa

11-14-2011, 04:17 PM

انا هتجننى ههههههههههه
ساعات تفضل يومين تحت بس
وبعدها احسها عند السرة وع الجناب مرة يمين مرة شمال
بعدين ترجع تحت تانى

*رحمه*

11-14-2011, 04:20 PM

ههههههههههههه شكل بنتك عماله تتشقلب جوه ، ربنا يهديها و ترسى على بر
بقولك يا سما انتي هتولدي فين ان شاء الله ؟؟
لأني لحد دلوقتي محتاره
كنت هولد عند دكتوره في المهندسين اسمها سماح ابو الغيط بتولد في مستشفى الندى اللي في المنيل بس لقيت الولاده هتتكلف حوالي 12000
فعايزه اشوف حد تاني يكون كويس عشان ممكن ما اولدش مع الدكتوره دي لانها غاليه

*رحمه*

11-14-2011, 04:32 PM

سما انا هصلي العصر و جايه

*رحمه*

11-14-2011, 04:39 PM

سما روحتي فييييييييييييييين ؟؟؟

om arwa

11-14-2011, 04:39 PM

مستشفى الندى غالية مووووووووووووت
طب الدكتورة دى مش بتلد فى مستشفى تانى
هتبقى أقل

بصى انا لدت اروى مع دكتورة فى الدقى فى مستشفى فى الدقى الولادة اتكلفت 2000 وهى كانت خصمالى 1000 عشان انا دكتورة
يعنى الولادة معاها لو طبيعى بتتكلف 3000 والقيصرى 5000 ونص مثلا
بس انا مبروحلهاش المرة دى عشان بكسل المشوار باروى وجوزى مش فاضى يودينى

اللى بروحلها بقى هى فى اول الهرم
هى كويسة اوووى بردو
اختى ولدت معاها وواحدة صحبتى
بتولد فى كذا مستشفى فى رينجات كتير على حسب سعر المستشفى
المستشفى اللى ولدت فيها كويسة هى فى المنيل بردو اسمها الزهيرى
الطبيعى ب 2 ونص والقيصرى 5
بتولد فى مستشفيات تانى ارخص كمان لو حد عايز

ام يحيي 2011

11-14-2011, 04:43 PM

حد هناااااااااااااااااااااا سما ودينو لسه هنا ولا ايه

om arwa

11-14-2011, 04:45 PM

ازيك ياام يويو

ام يحيي 2011

11-14-2011, 04:46 PM

اااااااااااااااه الحمد لله ولدنا بالسلامه عقبالكم يااااااااااااااااااارب وربنا يهديهلكم يااااااااااااااااااارب ويرزقكم برزقهم ياااااااااااااااااااااااااارب

om arwa

11-14-2011, 04:52 PM

يارب ياسارة
يارب
ادعيلنا

om arwa

11-14-2011, 04:53 PM

انتى ولدتى ايه؟؟؟؟؟

ام يحيي 2011

11-14-2011, 04:57 PM

قيصرى لان المايه نزلت وهو ما اتعدلش لسه

ربنا يكرمكم طبيعى ياااااااااااااااااارب

عملتى الغداء ي سمسم

روحتى فين يا دودو

om arwa

11-14-2011, 05:02 PM

ياااااااااارب
ياسارة

بصى انا عندى لحمة من امبارح محتارة اعمل ايه معاها
بفكر سبانخ
ايه رايك عندك اقترحات

دودى مجدى

11-14-2011, 05:08 PM

سما اعملى مع اللحمة صينية بطاطس هتخليهالك كانها جديدة وحطيلها طماطم حمرة كدة تبقى حلوة او ممكن بسلة ويالا اخلصى كل دة مطبختيش امال هتتغدو امتى

ام يحيي 2011

11-14-2011, 05:10 PM

السبانخ حلوه او باميه او اى طبيخ وممكن مكرونه وبطاطس محمره وخلاص او تعملى اللحمه شورما وخلاص

انا جبت سمك بورى لو بتحبيه تعالى معيا

الدنيا كانت سيول عندنا النهارده وانتم

ام يحيي 2011

11-14-2011, 05:11 PM

عادى يا بنتى انا جوزى كمان بيجى متأخر عجبته البصاره اوى يا دودى الحمد لله

MALAK2010

11-14-2011, 05:13 PM

ام انس شكرا على الشرح بالتفصييييييييييييييييييل بس انا عارفه انها اسبانى يبقى مصنوعه فى اسبانيا بههههههههه س كنت قصدى يعنى لها شكل مميز عن باقى البطاطين بس شرحتى ووفيتى يا عسوله

سوبر مامى :ازيك انتى ياجميله عامله ايه انتى والنونه يارب تكونوا بخير وبالنسبه لسؤالك سما ردت عليكى اصلها الدوكتور بتاعنا ربنا يبارك فيها مطمننا وديما مش بنبطل نسالها

ولما نتقابل على المنتجع هبقى اكلمك على اسم ملك واكرهك فيه ههههههه زى ماكرهونى فيه ههههه اشمعنى انا

MALAK2010

11-14-2011, 05:14 PM

اما انس الف سلامه على انس ربنا يشفيه ياااارب

توتة السيد

11-14-2011, 05:15 PM

العواف اخخخخخخخخخخخخخخخخ

عايزة اناااااااااااااااااااااااااااااااااااااااام يااخواتي والراجل لسه ماجاش

مش يجي بقي اعشيه واقوله تصبح علي خير بقي

توتة السيد

11-14-2011, 05:17 PM

لوكة عودا حميدا السلام المؤقت بتاعنا طول قوي ههههههههههههههههه

ام يحيي 2011

11-14-2011, 05:17 PM

نورتى يا لوكا انتى ودودى

MALAK2010

11-14-2011, 05:17 PM

ام يحى مبروك على عمايل البصاره ههههههه والحمد لله انها عجبته اصل الازواج مش بيعجبهم العجب بس الحمد لله جوزى اكلى بيعجبه بس انا بحاول ادخل فى دماغه ان اكلى احلى من اكل مامته ومامتى انا كمان ههههههههه يلا ان شا الله ما حد حوش هههههههه

MALAK2010

11-14-2011, 05:18 PM

توتااااااااااااااااااا لسه مخلصه الوقتى ههههههههه

MALAK2010

11-14-2011, 05:19 PM

توتا بس هنلتقى فى الجزء التانى من برنامج حياتى قريباا ههههههههههه

توتة السيد

11-14-2011, 05:19 PM

يابختكم عندكم مطرة وحشتني يارب تمطر عندنا ادعولنا بقي

ام يحيي 2011

11-14-2011, 05:19 PM

عشاااااااااااااااااااا دلوقت يا توتى ده انا لا اتغديت ولا فطرت حتى ههههههههههه

MALAK2010

11-14-2011, 05:20 PM

دودى ازيك يا جميل اخبار البرد ايه

توتة السيد

11-14-2011, 05:20 PM

سارة ياقمر عاملة ايه انت ويويو العسل ده

MALAK2010

11-14-2011, 05:21 PM

انا جعاااااااااااااااااااااااااااااااانه عاوزة جوزى يجى بقا لسه ماتغدتش لغايه الوقتى الساعه عندنا 6 ونص

توتة السيد

11-14-2011, 05:21 PM

هههههههههههههههههههه اكيد هنلتقي ونكمل البرنامج سوا

دودى مجدى

11-14-2011, 05:22 PM

سارة ازييك الف هنا على البصارة طب وعملتى العجة ولا لا
ملوكة ازييك اخبارك اية وازى سيمبا
توتة هو انا بيتهيالى ان انتى عاوزة تعشى الراجل وتنامى ولا بتتكلمى جد الساعة عندك لسة ستة ونص يا بنتى هو اة اللى جرى للدنيا انتى يا تنامى من 6 يا تطبقى يومين على ربع ساعة

توتة السيد

11-14-2011, 05:23 PM

ماهو ياسارة غدا بس نظرا لان معاد الغدا راح راح ونقضي بنقول عشا الشاعة 6 ونص عندنا

ام يحيي 2011

11-14-2011, 05:23 PM

اه الا اكل مامته دى دوشنى بيه يلا الحمد لله امبارح يقولى جميله ذى الى ماما بتعمله بالضبط شفتى ده يبقى مدح ههههههههههههه

توتى وحشتنى ليه انتوا الصومال ولا ايه يا بنتى

توتة السيد

11-14-2011, 05:24 PM

ومين سمعك يالوكة زيك والله والراجل مش راضي يجي تعالي بقي ياسيدو

توتة السيد

11-14-2011, 05:28 PM

ههههههههههههههههههههه ام زربيح ازيك يابه وزي جعلص بتاعك

يابنتي اعمل ايه مش لازم امشي علي نوم الكونتيسا نور بتنام دلوقتي وتصحي

3 4 الفجر فطبعا بنام معاها وستغل الفرصة وبقي مايهمنيش الساعة كام

سارة ياعسل انت اكترررررررررر لا يابنتي بس هنا الجو حر وحتي الشتا مش سقعة فالمطر هنا

بينزل بصلاة الاستسقاء بس مطرت تاني يوم العيد بس كنت نايمة للاسف ماشفتش غير الاثار

ام يحيي 2011

11-14-2011, 05:28 PM

للاسف يا دودى ملقتش حاجتها كلها عندى حمرت بطاطس وتوتا ومشيت حالى عمله ايه النهارده

توتا احنا بخير يا وزه ولا كعبرتى ولا ايه النظام نونتى نور عمله ايه

الا ليه بتقولوا على سلمى سيمبا يا لوكا ده دلع ده ولا ايه

دودى مجدى

11-14-2011, 05:28 PM

ملوكة الله يسلمك معرفش البرد الغلس دة مش راضى يروح لية عمال يزيد والنهاردة كمان قلب بكحة روحت للدكتورة قالتلى اوعى تاخدى اى مضاد حيوى او كدة وخليكى بقى مع البرتقال والليمون والجوافةوادتنى دوا برد خفيف ادعولى يخف بقى قبل ما انزل مصر

نولارا

11-14-2011, 05:30 PM

j,ji توته انتى لسه هنا ولا نمتى ههههههههههههههه

MALAK2010

11-14-2011, 05:31 PM

ليه ياتوتا ماهى شتت تانى يوم العيد

توتة السيد

11-14-2011, 05:33 PM

سارة عملتي توتا ودي عملتيني ازاي بقي هههههههههههههههههههههه

كعبرت مين ياسوسو دا انا اتسخط اشهر الوحم قضت عليا ادعيلي بقي اعوض اللي نقصني

نوراااااااااااااااااا انا هنا يامز دخلت الياهو كنت هخلس بس قلت لا ليكون الجو بقي

ام يحيي 2011

11-14-2011, 05:33 PM

ايه يا ست نورا مش عايزه غيلا توتا ولا ايه ماشى يا ام هى البت شيماء كانت بتقول عليه ايه للاسف مش فاكره

كانت بتقول عليه ايه يا توتا

توتة السيد

11-14-2011, 05:34 PM

اه يالوكة لسه كنت بقول شتت لسارة بس كنت نايمة ماشفتش الحدث شفت اثاره بس

MALAK2010

11-14-2011, 05:34 PM

ساره انا بدلع سلمى (بسيمبا )لو مش حلو فى (لى لى) لو مش حلو فى (سلوكا )هههههههههههه

MALAK2010

11-14-2011, 05:36 PM

معلش يا دودى هو دور البرد كده فى الحمل بياخد وقت علشان مافيش ادويه ربنا يشفيكى ياااارب

ام يحيي 2011

11-14-2011, 05:36 PM

تونا يا بنتى مش توتا تونه

فطمتى نور ولا لسه حررررررررررررررررررررررررام عليكى نفسك والنونو عرفت اخ ولا اخت لنورو ولا لسه

توتة السيد

11-14-2011, 05:38 PM

ههههههههههههههه حبيبتي يانورا اوعوا بقي ياجماحة ههههههههههه

والله ولا انا فاكرة اكيد كلمه مزفته من كلام ام لسانين ههههههههههههههههه

نولارا

11-14-2011, 05:38 PM

ياساره فتحت صفحه ما كانش فيسها غير توته
ازيك ياساره انتى ويحيى
ودينا وحوده
وملك وسيمبا
توته بلا ميل بلا بتاع
خالد كان على الميل الصبح
وانا كنت بطعم احمد ما كلمتوش
يلا على بكره او بعده هفطم موكشه ادعوووولى

ام يحيي 2011

11-14-2011, 05:40 PM

وده من ايه ده يا اختى لا سلومه احسن لكم مين سلوكا والكلام ده دى كده البونيه تطفش منك يا بنتى

MALAK2010

11-14-2011, 05:42 PM

ازيك يا نورا
انتى هتفطميه مرة واحده ولا بالتدريج
ربنا يعينك يا حبيبتى

ام يحيي 2011

11-14-2011, 05:43 PM

ازيك يا قمر لا بالله عليك استنى شويه يكون فاق من التطعيم ده عشان الطعم ده صعب شويه استنى اسبوع حتى انتى مستعجله ليه على التعب يا بنتى

MALAK2010

11-14-2011, 05:44 PM

ساره : يعنى سلومه احلى من اى دلع من دول ههههههه انتى اللى كده هتعقديها البونيه ههههههه
قوليلها بالاسم اللى انتى عوزاه يا حبيبتى

MALAK2010

11-14-2011, 05:45 PM

هو تطعيم السنه ونص صعب ولا ايه

توتة السيد

11-14-2011, 05:46 PM

ههههههههههههههههه ماانا عارفة ياسارة بس بستهبل عليكي

والله لسه مش راضي باباها ربنا يعينا

اه عرفت اخت مزة مزمزة

ام يحيي 2011

11-14-2011, 05:46 PM

لا سلومه حلو وااقرب حاجه لسلمى هو سيمبا ده الاسد الملك ولا حاجه تانيه

om arwa

11-14-2011, 05:46 PM

دينا انا بطبخ الساعة 11 بليل عشان جوزى بيجى 12 او واحدة
لسة بدرررررررررررى ههههههههههه

نولارا

11-14-2011, 05:47 PM

مره واحده يالوكا
على مراحل ما ينفعش مع احمد

ساره مستعجله عشان افطمه قبل حماتى ما ترجع من الحج والفتى يشتغل
بيتيه عند علا
واكليه موش عارفه ايه
الحق نفسى وافطم ابنى براحتى

توتة السيد

11-14-2011, 05:47 PM

سيدو ده يارداله سلاموز مؤقتوز بقي

ام يحيي 2011

11-14-2011, 05:49 PM

تجى بالسلامه يا قمر

بس بجد بتهزرى والدكتوره قالتلك ايه بصراحه حرام بجد بنتك التانيه روح ولحم ودم وانتى برده حرررررررررررررررررررام هاجى اتعارك مع الراجل ده انتى حره

MALAK2010

11-14-2011, 05:50 PM

نورا كانت معشمانى طول الحمل ان الرضاعه بتخسس هههههههههههههههههههه بس انا عرفت الحقيقه المرة ههههههه

ام يحيي 2011

11-14-2011, 05:51 PM

مع السلامه يا توتا

بس ما تبعدوش عنك عشان ما يتحرمش منك ومنه وربنا يعينك ويهدهولك يارب يا حبيبتى يااااااااااااااارب

MALAK2010

11-14-2011, 05:51 PM

عقبال جوزى يجى يااااااااااااارب الساعه بقت 7 عاوزة اكل ياناس من الصبح على ساندوتش وكوباي زبادى
ماخدتش بالى غير من شويه بس قولت بلاش اكل حاجه علشان هو قرب يجى بالسلامه

om arwa

11-14-2011, 05:52 PM

عايزة اروح لدكتورة الاسنان
ودكتورة النسا ومكسلة
وخايفة احتاس باروى هانم

MALAK2010

11-14-2011, 05:55 PM

مفيش حد من قرايبك قريب من بيتك
او ممكن تاخدى حد معاكى
انتى عندك اخوات بنات يا سما

ام يحيي 2011

11-14-2011, 05:55 PM

الرضاعه بتخسس ناس ناس فى ناس غذاها كله فى لبنها فا البيبى يكبر والام العكس وفى يبيقى عادى الغذا متوزع على الاتنين

بأذن الله يجى علطول يا جميل

ام يحيي 2011

11-14-2011, 05:57 PM

قصه حقيقيه
.
.
.
.
كان هناك امرأة حآمل .
وتحلم بأن يأتيها طفله لتسميها "لين"
لانها كانت تحب اسم لين (على اسم امها)
ولكن صدمتها كانت حين أنجبت طفلا
ولحبها للاسم اطلقت اسم " لين"
على ابنها لأنها كانت تريد هذا الاسم
وبعد مرور عده سنوات أصاب الملك مرض تشقق في قدميه
ومن يستطيع اختراع علاج لتشقق قدمين الملك يتزوج ابنته
فأقام الملك مسابقه لذلك
ودخل لين هذه المسابقه واخترع علاج وفاز هو بالمسابقه
فكان الناس يهتفون بكل مكان
فاز لين ،، فاز لين فاز لين
وسمى الملك العلاج فازلين مكافأة له

ههههههههههههههههههههههههههههههههههههههههههههه

MALAK2010

11-14-2011, 06:04 PM

فضلت اقرا اقرا وكنت فكراها قصه ماساويه وبعد كده لقيتها فازلين فى الاخر ههههههههههههههه

ام يحيي 2011

11-14-2011, 06:06 PM

هههههههههههه اى خدعه

مامتى جايبلى سمك بورى وانتوا لالالالالالالالالالالا

وانتى هتتغدى ايه يا ام سيبما هههههه

MALAK2010

11-14-2011, 06:11 PM

اتصلت بيه بيقول لسه قدامه ربع ساعه ياااااااااااااااااامهون

ام يحيي 2011

11-14-2011, 06:13 PM

طب يجى بالسلامه انا احمد افتكريه على العشا كده على الساعه سبعه ساعه كده واقوم اعمل الرز

تعرفى حاجه عن ميرى يا لوكا

MALAK2010

11-14-2011, 06:15 PM

انا هقوم يابنات احضر الاكل ربنا يجيبوا بالسلامه

MALAK2010

11-14-2011, 06:17 PM

ميرى بقالها مده طويله مادخلتش مش عارفه ليه مش بتدخل اخر مرة دخلت كانت من حوالى شهرين يارب تكون بخير

توتة السيد

11-14-2011, 06:35 PM

عشيت الرادل الحمد لله بس مش هعرف انام اهئ جايلنا ضيوووووووووووف هما حرين هنملهم وانا قاعده

توتة السيد

11-14-2011, 06:36 PM

سارة ههههههههههههههههههه تعالي تخانقي مع الراجل ولاجل حظه الدكتورة قالتلي عادي

البيبي الحمد لله كويس بس انت كولي كويس وخدي الفيتامين ظأطاط بقي لما سمع

om arwa

11-14-2011, 06:39 PM

عندى اخت بنت واحدة يا ملك اكبر منى
بس ساكنة فى التجمع بعيد عنى اوووووووى

توتة السيد

11-14-2011, 06:48 PM

ازيك ياسمسمة وزي القطط

ام يحيي 2011

11-14-2011, 06:51 PM

ربنا يعينك يا توتا ويسهلك امرك ياااااااااااااااارب

سما بترد بالقطاره انتى بتناممى فى النص ولا ايه يا سما

طب ما تصحصحيها وتنيمها متأخر شويه أحسن بدل كده الوقت ده وحش اوى يا توتا

ام يحيي 2011

11-14-2011, 06:58 PM

رحتوا فين انا همشى بقى اسرح بدل ما انا منعكشه كده قبل ما الراجل يجى سلاموز يا وزز

MALAK2010

11-14-2011, 08:05 PM

انا جيييييييييت فى ماتش تعالوا بقا

منتظرون عودة الخلافة

11-14-2011, 08:13 PM

حد هنا؟hwaml5

MALAK2010

11-14-2011, 08:15 PM

انا اللى هنا

منتظرون عودة الخلافة

11-14-2011, 08:32 PM

الكلام مش عربي

نولارا

11-14-2011, 08:41 PM

بخخخخخخخخخخخخخخ
النورقطع ساعتين ولسه جاى
انتوا لسه هنا ولا روحتوا فييييييييييين

MALAK2010

11-14-2011, 09:20 PM

ادخلوا بقااااااااااااااااااااااا

منتظرون عودة الخلافة

11-14-2011, 09:28 PM

انتي هنا يا نورا؟

دودى مجدى

11-14-2011, 10:06 PM

ازييكو يا بناويت عاملين اية

نولارا

11-14-2011, 10:22 PM

ها فى لسه حد هنا ولا ادخل اناااااااااااااااااااااااام

ام انس المصريه

11-14-2011, 10:56 PM

السلام عليكن ايتها الوليات

فى حد هنا ولا طفشتووووووووووو

ام انس المصريه

11-14-2011, 10:59 PM

ياللى هنااااااااااااااااا

طب ياللى هناااااااااااااك

.............

طيب

دودى مجدى

11-14-2011, 11:18 PM

هو فية اة النهاردة كلو عمال يدخل يدور على كلو النهاردة يوم التوهان ولا اية

om arwa

11-14-2011, 11:27 PM

سلام عليكم
معلش يا توتا ماردتش عليكى
نزلت روحت للدكتورة قلت بلاش كسل بقى الهانم بنتى الصغيرة
رجلها لتحت ودماغها لفوق زى ماناا حاسة بالظبط
بس الدكتورة بتقولى ان شاء الله يارب يارب تتعدل
ادعولى تعدل واولد طبيعى
انا خايفة من القيصررررررررى

دودى مجدى

11-14-2011, 11:33 PM

سما ان شاء الله هتتعدل وانا كمان روحت لدكتورتى النهاردة اخر مرة هشوفها فيها وودعتها كمان وبوستها والله يا ريتها كانت فى مصر انا بقى الواد حودة الاهبل نايملى بالعرض هههههههههههه
انزوح سعادتو بس اللى زعلنى حاجة واحدة بس انى عملت تحاليل ولقيت عندى صديد فى البول مش عارفة اعمل اية بيقولولى اشربى مية كتير طب انا بشرب كتير اوى والله وبدخل الحمام فى الخمس دقايق مرتين اعمل اية طيب تانى

om arwa

11-14-2011, 11:36 PM

انا كمان عندى بس مش عالى اوى عادى الحمل بيبقى ضاغط ع الحالب والمثانة بيعمل صديد
عادى يا بنتى لو نسبتة مش عالية
لكن لو عالى لازم مزرعة وتاخدى مضاد حيوى
مش فاكرة كان كام؟؟؟
يارب يا دينا نولد طبيعى يارب وكل الحوامل اصحابنا اللى مش اصحابنا هههههه
انا هابقى ادعى حودة والنونة يتعدلوا يارب ونولد طبيعى
ادعى انتى كمان

دودى مجدى

11-14-2011, 11:40 PM

ماشى هدعى يا سما بيتهيالى سمعتهم بيقولو نسبتو 5 كدة عالية ولا اية
من حق استغفرى دلوقتى انا استغفرت كتير وانا قاعدة مستنية دورى فى السونار

رنا خالد

11-14-2011, 11:43 PM

انا جيييييييييييييت

دودى مجدى

11-14-2011, 11:43 PM

يا رب نولد طبيعى يا رب ولونى خايفة بعد كدة من المنظر العام هنبقى عاملين ازاى بس هههههههه
من حق يا سما هو السونار دة بيكبر حجم النونو ولا لا انا حاسة ان الواد حودة دماغو كبيرة بس الدكتورة بتقول لا طبيعى بس انا بشوف جسمو صغنون وراسو هى اللى كبيرة واخواتى بيتريقو عليا وبيقولولى انتى اتفرجتى على فيلم الراس الكبيرة قبل ما تجيبى الواد دة

دودى مجدى

11-14-2011, 11:45 PM

ازييك يا رنونة وازى لوجى

رنا خالد

11-14-2011, 11:49 PM

محدش يجيب سيرة التنين ليصحي
انا ماصدقت
يابااااااااااااي
منوره يادودي انتي وسمسمه
ازيكم وازي نوناتكم
لسه يادودي جوزك مصر يسمي الولد علي اسم باباه

om arwa

11-14-2011, 11:52 PM

لا مش عالى خالص يا دينا
الطبيعى 4 يبقى عالى فين هههههه
انا عندى 8 وبردوا مش عالى
انا برد الحمدلله استغفرت وانا قاعدة لانى فضلت ساعتين منتظرة الدور منتهى الملل

دودى مجدى

11-14-2011, 11:53 PM

الحمد لله يا رنا
اة والله لسة ادعيلى بالله عليكى ربنا يهدية احسن زهقت من التفكير فى الموضوع دة ودمى محروق على طول

om arwa

11-14-2011, 11:54 PM

اهلا رونى وازاى التنين ههههههههه
شوفتى ماققلت شاسمها عشان ماتصحاش

om arwa

11-14-2011, 11:55 PM

عادى يا دينا السونار بيطلع احجام مش طبيعية
بيكبر الصورة جدا جدا
قالتلك وزنة

دودى مجدى

11-14-2011, 11:57 PM

طب كويس انك استغفرتى يا سمسم انا عملت النهاردة سونار كدة غريب طلبتو الدكتورة منى لاكتشاف التشوهات بس الحمد لله طلع مفيش حاجة يارب يرزقنا باطفال سليمة معافاة يا رب

رنا خالد

11-14-2011, 11:58 PM

بتفكروني بأيام ماكنت حامل
كنت استني واقعد احسبن علي السكرتيره
كانت بدخل بمزاجها بنت اللذيكا
كنت هرياها حسبنا هههههههههههه
توته عامله ايه ماتعرفوش؟

دودى مجدى

11-14-2011, 11:59 PM

سالتها يا سما على وزنو عشان اقولك قالتى 560 جرام اة راييك

om arwa

11-15-2011, 12:00 AM

احلى حاجة ان الدكتورة حاجة لوحة
مكتوب عليها دقايق الانتظار اشغلها بالاستغفار

رنا خالد

11-15-2011, 12:02 AM

يعني انا لو فرمت لحمه في الكبه تطلع ناعمه في الفرم زي المفرمه وتتصبع كفته ولا هاتطلع حتت صغيره وهاتعقدني
قوليلي يااوختشي منك ليها بدل مارمي الفلوس علي الارض

om arwa

11-15-2011, 12:04 AM

يبقى اكيد عملتى ثرى دى مش هى الشاشة ملونة بنى كدة

دودى مجدى

11-15-2011, 12:04 AM

الظاهر بقى الدكتورة بتاعة رنا كانت كاتبة دقائق الانتظار املئها بالحسبنة هههههههههههه

om arwa

11-15-2011, 12:05 AM

لا اختى بتقل ما بتطلعهاش ناعمة يارانا

دودى مجدى

11-15-2011, 12:07 AM

رنا انا مقدرش افيدك لان بتاعتى فى مصر وملحقتش استخدمها عشان قعدت 15 يوم بس بعد جوازى فملحقتش استخدمها

دودى مجدى

11-15-2011, 12:10 AM

لا والله يا سما مش 3 دى دة عادى خالص

om arwa

11-15-2011, 12:10 AM

بصى يادندون
انا طلعت 700 كدجة وزنها الحمدلله
اروى وهى 25 اسبوع كانت 750
بس بعدة كدة كعدل نموها قل تقريبا ههههههه لغاية مااتولدت 2 كيلو
بصى انتى المفروض معاد البيريود بتاعك قبلى باسبوعين صح
يبقى كدة وزنة كويس بالنسبة لاسابيعة
وكدة يبقى ماشى مع معاد البيريود مظبوط
يعنى هو بعد اسبوعين هيبقى 700 او 750 يبقى مظبوط بردو
فخمتى

دودى مجدى

11-15-2011, 12:13 AM

اة ما هى الدكتورة قالتلى انتى فى اخر الخامس بتقولى 23 اسبوع

رنا خالد

11-15-2011, 12:14 AM

خلاص بلاش منها ياسما وشكرا علي ردك ياقمر
ههههههههههههه الحسبنه مش مؤذيه يادودي انتي بتوكلي ربنا يجيبلك حقك وانا اصلي مفتريه شويه
النهارده قلت اعمل عيد ميلاد لجوزي هو كان من 10 ايام بس انا عملته النهارده عشان ماكنش عندي خامات التورته ولا الزينه
يوميها جاب تورته كلناها وخلاص
قلت بقي يابت عيب بلاش تدلئيه اعمليله عيد ميلاد
قومت من الساعه 9 وعملت الكيكه وانا بضرب البيض المضرب باااااااااظ
وبسببه طلعت الكيكه مش حلوه اهئ اهئ
حاسه اني مقهوره
وشكلي هنزل التورتايه للبواب
ياخسارة تعبي
عملاها بكريم شانتي الوان اصفر وفوشيه
وشوكلاته خام
قلبي هايقف دم دم دم
اهئ اهئ اهئ
واسوني بقي وهاتولي منديل عشان امسح الدموع وامسح مناخيري كمان هههههههههه

رنا خالد

11-15-2011, 12:15 AM

التنين صحي
واااااااااااااااااااااااااااااااء

دودى مجدى

11-15-2011, 12:16 AM

بس محمد بيقولى انتى تخنتى وفشولتى اقولو من ابنك يقولى ابنى كلو على على بعضو نص كيلو الباقى دة كلو اية
انا اتوزنت وزعلت اوى بقيت 82 يا سما حاسة انى هقفل ال100 قبل ما اولد

om arwa

11-15-2011, 12:19 AM

يبقى انتى معادك كام يا دينا على كدة؟؟؟؟

رانا
معلش يا حبيبتى اكيد حلوة بردو من ايدك
اكيد الصرف هيبان عليها ههههههه
بجد اكيد هتفرحوا عشان تعبتى
فيها اهى تحلية حلوة بردو

om arwa

11-15-2011, 12:21 AM

ههههههههههههه
يعنى هتزيدى 18 كيلو استحالة
بصة قوليلة الواد نص كيلو والمشيمة نص كيلو والميا كيلو اوالرحم بيكبر لكيلوا لان عضلتة بتكبر
قوليلة اطلع منها انتى
بصى للأسف اول حمل غبى بيزود
انا زدت فى اروى 15 كيلو وهى بررررررص 2 كيلو

om arwa

11-15-2011, 12:24 AM

انا مازدتش كتير المرة دى
لكن منظر بطنى فى البيجامات الشتى غبى
البنطلون بيتزحلق تحت بطنى

دودى مجدى

11-15-2011, 12:26 AM

بصى يا سمسم المرة دى السونار طلع معاد الولادة 13-3 كل مرة حاجة مختلفة فعلا عندك حق انا هقولو ملكش انت دعوة وبص لنفسك الاول وبعدين اتكلم

دودى مجدى

11-15-2011, 12:27 AM

رنونة خدى بكرة مناديل اهى
بس بصى اكيد جوزك هيقدر انك تعبتى فيها عشان خاطرو وبعدين متحكميش عليها الالما تدوقيها ممكن يكون الشكل مش اد كدة بس الطعم حلو وبالنسبة لى دة الاهم لان الشكل بيروح انما الطعم هو اللى بيفضل

دودى مجدى

11-15-2011, 12:29 AM

انتى شتيتى لا انا لسة مصيفة هنا مفيش شتا لسة بس انا برضو زيك الاندر بلاقية ملفوف كدة حوالين نفسو من قدام

om arwa

11-15-2011, 12:32 AM

هههههههههه انا كمان يا دينا
بجد انا ربنا يستر هننفجر على اخر الحمل
وبطنى بدات تبقى مشدودة اوووووى
بدهنها كريم مرطب
احنا هنا الجو بقى تلللللللللللج
والدنيا بتمطر كمان
الشتا بادىء بدرى اووووووووى

رنا خالد

11-15-2011, 12:43 AM

سبت التنين يلعب في الارض
ادتها كبيورد بايظ مش مقتنعه بيه
مصره تلعب في الكيبورد السليم
عيال لئيمه
دينا انا تخنت في الحمل 15 كيلو كنت 65 في اول شهر
وفي التاسع بقيت 80
التنينه بتعمل غازات وريحة الاوضه اتقلبت هههههههههههههه
حاسه اني هرجع

احلى نونو

11-15-2011, 12:48 AM

السلام عليكم
ازيكم يابنات

سمسمه عامله ايه
دودى ازيك ياجميل واخبار البرد ايه
رنوووش ازيك ياعسل ومتقوليش على لوجى تنييين ههههههه لتقوم تاكلك

دودى مجدى

11-15-2011, 12:49 AM

انا نفسى اخس بعد الحمل اووووووووووووووووى
سما انا بقى سرتى هى اللى مشدودة وشكلها غريب
رنا التنين قلب على كائن بيطلع غازات ههههههههههههههههههه الله يكون فى عونك

دودى مجدى

11-15-2011, 12:53 AM

دودو ازييك انتى يا حبيبتى عاملة اية
انا الحمد لله كويسة بس البرد مفيش فايدة فية مش عاوز يروح هو لازم ياخد وقتو كدة بقى لانى كمان مباخدلوش مضاد حيوى عشان الحمل بس بعتت جوزى يجيب جوافة وربنا يسهل بقى ويخف

رنا خالد

11-15-2011, 01:38 AM

انتوا نمتوا
انقذوني قبل مالتنين ينقض عليا

نيهال

11-15-2011, 01:58 AM

السلام عليكم و رحمة الله و بركاته
يا بنات نفسيتي كتير تعبانه يا ربي ساعدني

om arwa

11-15-2011, 02:37 AM

مالك يا نيهال يا حبيبتى

نيهال

11-15-2011, 02:49 AM

أه يا أم أروى كل ما عم شوف وحده حامل أو على يدها ولد عم موت ألف موته و الله تعبت الحمد لله على كل الأحوال

توتة السيد

11-15-2011, 03:26 AM

صباح الزبادي بالفواكهه مين صاحي يامزز هكوي قميص لبعلي ورجع كل يوم

مكوي كل يوم افففففففففففففففففففففف استغفر الله

توتة السيد

11-15-2011, 03:29 AM

نيهال ياحبيبة قلبي ربنا يكرمك بحق لا اله الا الله في القريب العاجل عليكي بالدعاء وتيقن

الاجابة لازم يكون عندك ثقة بالله كبيرة وصدقيني هتشوفي الفرق

MALAK2010

11-15-2011, 07:25 AM

صباح الخير

توتة السيد

11-15-2011, 08:42 AM

صباح الانوار يالوكة عاملة ايه انت وسيمبا ولا اقول سلومة اللي عجب ساره هههههههههههههههههه

MALAK2010

11-15-2011, 08:45 AM

ههههههههههههه صباح النور يا توتا يا حبيبتى
صاحيه بدرى النهارده اوعى تنكونى نمتى امبارح والناس عندكم ههههه

توتة السيد

11-15-2011, 08:50 AM

اه صاحية من الفجرية والله

ههههههههههههههههه لا الحمد لله ماجوش اصلا اجلوها وانا صدقت مالقيتها وعلي السرير

علي طول علي الساعة 8 واخخخخخخخخخخخ

MALAK2010

11-15-2011, 08:52 AM

طيب الحمد لله انك بقيتى بترتاحى وتنامى كويس انتى ونور ربنا يهديهالك يااارب

توتة السيد

11-15-2011, 08:52 AM

بقولك عندي كريم كراميل عندك طريقة تطلعه حلو زي بتاع بره \

اصلي عملته قبل كده كان تقيل ومش حلو قلت اعمله لو الناس جاية انهارده

MALAK2010

11-15-2011, 08:53 AM

طالما صاحيه من بدرى ليه مادخلتيش انا هنا من بدرررررررررررررررى

توتة السيد

11-15-2011, 08:53 AM

يارب اللهم امين اه اسكتي النوم ده نعمة وخصوصا نوم بالليل يااااااه

MALAK2010

11-15-2011, 08:54 AM

الكريم كراميل فى بكاوى مش كده
لو كده يبقى تقيل ليه
اللى بيبقى تقيل هو اللى بيتعمل كله فى البيت

توتة السيد

11-15-2011, 08:56 AM

هههههههههههههههههه دخلت والله بس مالقتش حد وكل شوة اعمل رفريش مالقيش حد

قمت ريحت ضهري واكلت لقمة

MALAK2010

11-15-2011, 08:56 AM

لو اللى موجود فى البكاوى بتعملى زى ماهو موجود على العلبه
تسخنى لبن وتحليه وتسبيه لغايه مايغلى وبعدين تحطى عليه البودرة وتقلبيه وترفعيه من على النار وتصوبيه فى الكاسات وتحطيه فى التلاجه

لو عاوزاه دسم اكتر ممكن تحطي للبن قشطه لان اللبن اللى هنا خفيف وبسسسسسس

توتة السيد

11-15-2011, 08:57 AM

اه في بكاوي ياقمر والله مااعرف عملته مرة وطلع تقيل ومش حلو زي اللي بره

MALAK2010

11-15-2011, 08:58 AM

اما لو عاوزة تعملى كريم كراميل كله فى البيت مش بكاوى اقولك الطريقه بس ده بقا حبيييييييييييبى ماتفكرنيش لحسن اقوم اعمله الوقتى هههههه

توتة السيد

11-15-2011, 08:58 AM

اه انا عملته زي مامكتوب ساعتها والله اجرب انهارده وان شاء الله يطلع حلو

توتة السيد

11-15-2011, 09:00 AM

هههههههههههههههههه طيب قولي برضه ونجرب بتاع البيت كمان

توتة السيد

11-15-2011, 09:04 AM

روحتي فين قمتي تعمليه ولا ايه هههههههههههههه

MALAK2010

11-15-2011, 09:08 AM

بتاع البيت ده حلو اوووووى بس جوزى بيقولى عليه تقيل انا مش حاسه بكده خااااااااااااالص ههههههه
الاول بتعملى الطبقه البنى دى بطريقتين اقولك الاول الطريقه الصعبه
انك تحطى معلقتين سكر فى كل قالب وشويه مياه قليله اوى كام نقطه وتوطى على القالب وتقلبى السكر لغايه مايبقى لونه عسلى ماتغمقيهوش اوى ولا يكون فاتح لان لو غامق بيمرر الكريمه

بس الطريقه دى صعبه علشان بتاخد وقت وكمان ممكن ايدك تتلسع كتييييييير هههههه

الطريقه السهله بتعمليه كانك بتعملى شربات بس مع تقليل الميه وتسبيها على النار لغاااااااااايه ماتجيب اللون اللى انتى حاباه وتصبى شويه فى كل قالب

نيجى بقى للكريمه نفسها
عباره عن كيلو لبن تحطى 5 بيضات او 7 وفانيليا
تسخنى اللبن وتحليه وبعدين لما يبرد شويه تحطى البيض المضروب الفانيليا وتقلبه وتصبي فى كل قالب

وبعدين تحطي القوالب كلها فى صنيه فيها ميه وتغليها على البوتجاز فوق وبعدي تكملى السوى فى الفرن

خلصت ههههههههههههههههههه