دردشة بنات مصر , دردشة حوامل مصر , تجمع بنات مصر [الأرشيف] - الصفحة 86

ام انس المصريه

11-15-2011, 10:47 PM

ايووووووووون ساكنه فى بيت عيله معايا حماتى وسلايفى

ادعيلى بقى انفصل عنهم واعزل فى شقتنا الجديده

حماتى قعدت تعيططططططط وتقول لعماد هتمشى وتسبنى واخوه قعد يقوله ياندل ياجبان هتسيب امك

قام قالها عمرى ماهسيبك يامه وهطلع من هنا على توربتى

محسسنى اننا هنهاجر دى الشقه الجديده بعد بيت حماتى بشارعين 3 دقايق بسسس

بس تقولو ايه جوزى لسه متفطمش من امه

اووووووووووووف عشمنى بالحلق خرمت انا ودانى

احلى نونو

11-15-2011, 10:48 PM

سماسيموووووووو ازيك عامله ايه
اورى والنونه عاملين ايه

منتظرون عودة الخلافة

11-15-2011, 10:49 PM

يا رب ياختي تتنقلي حكم بيت العيلة ده بيبقا مليان مشاكل و غيرة و حرقة دم

احلى نونو

11-15-2011, 10:49 PM

ساره اهلا بيكى انا اول مره اكلمك
ربنا يكملك على خيير يارب

شيموووووووووو
مش هتروحى الشقه الجديده ولا ايييييييييه

منتظرون عودة الخلافة

11-15-2011, 10:51 PM

انتي اسمك ايه احلي نونو

om arwa

11-15-2011, 10:51 PM

ازيك سرسورة وازاى النونو
مش انتى سارة صح
وانا سما
نسيتى

منتظرون عودة الخلافة

11-15-2011, 10:51 PM

امال ياسمين راحت فين

منتظرون عودة الخلافة

11-15-2011, 10:52 PM

ازيك يا سما ايه اخبارك

ام انس المصريه

11-15-2011, 10:54 PM

ساره ماشاء الله انتى حامل

ربنا يكملك على خير طب حطى تيكر حمل عشان نعرف

..............

سما سماسيمو

سوفتى اللى حصر يافرحه ماتمت خدها الغراب وطااااااااااااار

مش هنمشى من الشقه الضيقه دى

امو عيطت عشان هيسبهاااااا

ادونى عقلكم حد يبقى عندو شقه كبيره ويعيش فى شقه بنت تيت ضيقه

احلى نونو

11-15-2011, 10:54 PM

اسمى دعاء ياساره
عندى 26 سنه
عايشه فى السعوديه مع جووزى

ام انس المصريه

11-15-2011, 10:55 PM

ااااااااااااااااااه يادعاء شوفتى الفقر

وكان جوزى موافق وفرحان اننا هننقل جات امو عيطت زى مايكون هتفطمه وصعبان عليها

وهو زى مايكون لسه بيرضع

والشقه جديده بينها وبين امه والله 3 دقايق بالظبط فرق شارعيننننننن

om arwa

11-15-2011, 10:56 PM

الحمدلله يا دودو بخير

منتظرون عودة الخلافة

11-15-2011, 10:56 PM

انا كمان ف السعودية يا دعاء انتي فين فيها
شيماء قوليلي ازاي احط تيكر الحمل انا هتجنن مش عارفة اجيبه ازاي

منتظرون عودة الخلافة

11-15-2011, 10:58 PM

شيماء ادعي ربنا تتنقلي من بيتك للشقة الجديدة بجد هناك اريح بكتير ربنا يكرمك و تنقلوا

ام انس المصريه

11-15-2011, 10:59 PM

يارتنى ماشفت الشقه ولا روحتها

عشمنى وخلا بيه

ويقولو مش هسيب امى ولو مش عاجبك روحى اقعدى عند ابوكى خديلك دور من الخمس تدوار

قلت له منا سبت بيت ابويا السرايا وجيت عشت معاك فى حق السردين ده ولما ربنا يوسع علينا تضيقها علينا انت

اوووووووف

امى قالت لى اعتبرى الشقه مجتش وانتى كنتى راضيه بشقتك وخلاص وجوزك امه مسيطره عليه كلمه تجيبه وكلمه توديه

منتظرون عودة الخلافة

11-15-2011, 10:59 PM

سما عاملة ايه اروي و النونو

ام انس المصريه

11-15-2011, 11:01 PM

اضغطى على التيكر اللى فى توقيع اى بنت من البنات زى دعاء مثلا

وهو يجيب لك الموقع ادخلى قولى اخر معاد بريود جاتلك

او معاد الولاده المتوقع

بصى هو موال طويل بس حاولى كده ويارب تعرفى تعمليه انا دووووووخت لحد ماعملته

احلى نونو

11-15-2011, 11:02 PM

معليييييييش يا شيمووووووو هما الحموات كده استغفر الله
انتى حاولى تتكلمى مع عماد براحه وان شاء الله يوافق وقوليله بينا وبين مامتك 10 دقايق وربنا يهديه ويوافق

احلى نونو

11-15-2011, 11:04 PM

انا قاعده فى الجنوب ياساره
بلد اسمها شروره
انتى قاعده فين

منتظرون عودة الخلافة

11-15-2011, 11:07 PM

مرسي شيماء هحاول اديني
دعاء انا ف الرياض

رنا خالد

11-15-2011, 11:14 PM

ِشيماء من غير ماتزعلي مني بالله عليكي
حماتك دي عايزه الحرق
سوري والله بس استفذتني جداااااااااااااااا
والله حرام عليها
يقطع الحموات علي اللي جابوهم ياشيخه
نفسي يلموا حموات البلد كلهم ويولعوا فيهم بجااااااااااااز

دودى مجدى

11-15-2011, 11:14 PM

كلمت ماى موزر وجيت ازييك يا سما انتى وسارة

om arwa

11-15-2011, 11:14 PM

يا شياء ادعى ربنا هو اللى قادر يهدية وسيبك من جوزك ربنا اللى بايدة القلوب

دودى مجدى

11-15-2011, 11:16 PM

رنا كويس انك قولتى الكلام بتاع حماة شيماء دة لانى كنت هموت واقولو بس مش عاوزة اضيع الحجة انا معاكى فى كلمة كلمة وحرف حرف زيادة علية بقى هى يعنى بتعييط عشان مش هتفتلو البسكوت وتديهولو قبل النوم يعنى ولا اية استغفر الله العظيم خرجتنى عن شعورى

om arwa

11-15-2011, 11:17 PM

سارة لو ماعرفتيش تعملية
هاتى معاد ولادتك وانا اعملهولك

دودى مجدى

11-15-2011, 11:17 PM

معلش يا شيماء استحملى يا حبيبتى ربنا يخلصك من بيت العيلة دة على خير ويكتبلك نصيب فى شقة تكون واسعة ويكون فيها بانيو وعلية ستارة كمان

دودى مجدى

11-15-2011, 11:19 PM

سما سماسم سماسيمو ازييك عاملة اية وحشتينى من امبارح ازى عروسة ابنى وارويتا

احلى نونو

11-15-2011, 11:19 PM

ساره عملتى التيكر ولا لسه ؟؟

رنا خالد

11-15-2011, 11:20 PM

والله يادينا حاجه تأرف
انا بقيت خايفه اخلف ولد ليتقال عليا حماه في يوم من الايام هههههههههه
بكره كلمة حماة دي جداااااااااا
مش عارفه ليه الحموات بتغير من مرات الابن
الحق عليها منظفاه ومأكلاه ومشرباه وفتحاله بيت وصاينها وبتربيله عياله وتستحمله وتستحمل ارف اهله وفوق كل ده الحماة بتغير وتتغاظ
ياشيخه بلي ارف دول عايزين يتشنقوا في ميدان عام
كتهم الارف واحده واحده بلي استثناء ابعبع تاني ولا ايه ههههههههههههه

om arwa

11-15-2011, 11:21 PM

الحمدلله وحشانى دندوووووووون

احلى نونو

11-15-2011, 11:22 PM

عودا حميداااااااااا يادودى انتى ورنووووووووش

دودى مجدى

11-15-2011, 11:22 PM

هههههههههههههههههه اعد يا رنا اعد بصى كانك بتعبرى عن اللى جوايا والله بس الواحد مش عارف يفيص

دودى مجدى

11-15-2011, 11:23 PM

انتى اكتر يا سماسم

رنا خالد

11-15-2011, 11:24 PM

ماينفعش ياسما تعملي لها التيكر وتاخده كوبي
لازم هي اللي تدخل علي الموقع عشان التيكر يتحدث شهر بشهره مايبقاش مجرد صوره
منورين يارجاله
نتكلم بقي بعد فاصل القباحه والشتايم علي الحموات هههههههههه

احلى نونو

11-15-2011, 11:24 PM

ليييييه السيره اللى تجيب المغص دى عيال مااحنا قاعدين كويسين
والله شااااااااااايله هم الاجازه واحنا فى مصر من الحركات اللى هتحمل من ...........

مش هكمل بقى اكيد كله فاهم

دودى مجدى

11-15-2011, 11:25 PM

عارفة يا رنا اللى شاللنى وناقطنى اكتر بقى ان الغيرة تكون واضحة جدا واما تشهدى جوزك يقولك لا مفيش حاجة من الكلام دة دة العكس انتى اللى بتغيرى من امى ساعتها مفيش حاجة تتقال الا حسبى الله ونعم الوكيل

om arwa

11-15-2011, 11:26 PM

لا بينفع يارانا
لحطيت اللينك مش كوبى

om arwa

11-15-2011, 11:27 PM

ياعيال هدوا اعصابكوا
ربنا يهديهم
وقولوا دعاء المجلس

دودى مجدى

11-15-2011, 11:27 PM

امال يا ست رنا انتى كل دة بترفعى الصور انتى بترفعيها بكوريك ولا اية ما تقبى بالصور يا بة

ام انس المصريه

11-15-2011, 11:28 PM

دعااااااااااااااااااء

بلاش عودا حميدا دى بتفكرينى بااسم بنتى المنظر حميدووووووووو هانم

................

رنا

مالك ياحبى شكل حماتك سكاكى على قفاكى ههههههههههههههههه

..................

دينااااااااااا

مهى الشقه الكبيره ام ستاره ع البانيو موجوده بس جوزى ابن امووووووو مش قادر يبعد عنها هى طيبه وحنينه وربتو وابوه مات وهو عنده 4 سنين فهى بالنسبه له بمثابة الام والاب ونا مش كارهه ده بس يعيشنى فى شقه ضيقه وعندنا شقه واسعه ده يرضى ميييييييييين

ويقولى انا موافق اوديكى هناك واجوووووووووز هنا فى بيت امى انا مقدرش ابعد عن هنا

اتولدت هنا واتربيت هنا وهموت هنا

اتخنقتتتتتتتتتتتتتتتتتتتتتتتتتتتت من الراجل ده واتفقعت كمان

اووووووووووووف

استغفر الله العظيم

اقوم افش غلى فى صنيه الكيكه دى ونا مش حاسه بطعمها اصلا

منتظرون عودة الخلافة

11-15-2011, 11:28 PM

هاه معرفتش هههههههههههه

احلى نونو

11-15-2011, 11:31 PM

لا يارنا بينفع
سماسيموووو جزاها الله خيرا هيا اللى عملتلى اللينك بتاعى فى اول الحمل واهو ماشى زى الفل

احلى نونو

11-15-2011, 11:31 PM

طيب قولى كده ياساره تاريخ اول يوم فى اخر دوره
اليوم والشهر وهجرب اعملهولك

ام انس المصريه

11-15-2011, 11:33 PM

ايوه والله الحموات بتغير من مرات ابنها

فى العيد صبغت شعرى واشتريت مكياج وجبت بيجامه نوم عباره عن قميص وبنطلون وكاب شفاف بيجامه روعه

المهم انا من هبلى حماتى بتقولى انتى فين قمت وريتها شعرى والمكياج والبيجامه

الغيظ والغل اقسم بالله بانو عليها

وقامت قايله لانس انت هتشتغل نضورجى على امك النهارده

يعنى نضورجى دى كلمه وحشه لما حد بيسرق او اتنين اعوز بالله بيعملو الحرام بيوقفو نضورجى يحرس المنطقه عشان لو فى كبسه

اتغظت اوى منها وعماد زعق لى وقالى وريتها البيجامه وشعرك ليه

حتى هو فى ساعتها قالها يامه ولا هنعيد ولا هنهبب دى عندها البريود

يعنى مهما كانت طيبه بس بتغير برضوووووووووووو

رنا خالد

11-15-2011, 11:33 PM

شيمو منور ياعثل
انا حماتي بتعاملني كويس جداااااااااا
سعات تحدفني بكلمتين كده يحرقوا دمي بس ده مابيحصلش كتير
بس انا بحس بغيرتها
بتبان عليها جدااااااااا وخاصة انها عارفه ان احمد بيحبني اوي ومدلعني
وزي مادينا بتقول الراجل مابيخدش باله خالص من ده
وبعدين مين اللي يديني علي قفايا يابت
لعلمك انا شخصيتي قويه جدا
وهي عارفه كده
وعارفه انها لو خبطت فيا هاقول لأبنها وهاتبقي حكايه
الا كرامتي
اتقي شر الحليم اذا غضب
اللي واخد علي قفاه ولمؤخذه حضرتك هههههههههه
انا لو مكانك كنت عملت عمايل
مش عايزه اسخنك بقي كفايه عليكي كده هههههههههه

منتظرون عودة الخلافة

11-15-2011, 11:34 PM

دينا ازيك
يا جماعة ف الموقع بتاع التيكر طلبوا الايميل عادي كده؟

دودى مجدى

11-15-2011, 11:34 PM

سما دلوقتى ام البرد دة مش راضى يروح وهريت نفسى فيتامين سى ليمون وبرتقال وجوافة ولا حياة لمن تنادى بل بالعكس ظهرت عندى كحة وعمالة تزيد شربت ينسون برضو ولا الدموع اعمل اية عاوزة اخف قبل ما انزل مصر

منتظرون عودة الخلافة

11-15-2011, 11:35 PM

تاريخ 4/8/2011

ام انس المصريه

11-15-2011, 11:35 PM

وكل ماحماتى تلاقينى حاطه مكياج تقولى اللى ماتعجبه فى جلتها ماتعجبه فى حنتها

اقولها اصلا انا معنديش جله تقولى بتحلى نفسك ليه قلت لها انا حلوه اصلا بس بزود حلاوتى وجمالى

تتغغااااااااااظ انى برد عليها ونا بقى برد بدلع ومياصه وفى نفس الوقت بهزار علشان متزعلشششششش

بس بحبها والله هى طيبه برضو وياما وقفت معايا

رنا خالد

11-15-2011, 11:36 PM

انا بحسب هاتعمل كوبي وبيست للتيكر
فهمت قصدكوا لا طالما باللينك يبقي اوكشن
بس هو الموضوع ايزي خالص مش عارفين تعملوا ليه

احلى نونو

11-15-2011, 11:39 PM

منتظرون عودة الخلافة

11-15-2011, 11:41 PM

يا جماعة متسخنونيش انا لو اتكلمت علي حماتي مش هخلص و انا خايفة ع الحمل ماما تعد تقولي متنرفذيش نفسك

ام انس المصريه

11-15-2011, 11:41 PM

ايووووووووون باخد على قفايااااااااااااااا يارنا

بس مبحبش ازعلها منى والله هى اد ستو ام ماما عندها 70 سنه يعنى لازم نستحملها

وبيقولو الواحد كل مابيكبر عقله بيخف ويرجع زى الطفل الصغير اقل كلمه تفرحه واقل كلمه تزعله

وبعدين يابتى دى حماتى لو عملت فيها ايه باللذى عماد عمررررررررررره مايقف اوصدها عشانى ده يجى عليه حتى لو الحق معايا علشان متقولوش ياشورة مراتك يا دلدول

وشتيمه بقى عيبببببببببب متتقلشششش بيئه يعنى

رنا خالد

11-15-2011, 11:41 PM

منتظرون عودة الخلافة

11-15-2011, 11:42 PM

انا نفسي اعرف هما ليه بيتغاظو لما مرات ابنهم تهتم بنفسها و بجمالها ايه هي معملتش كده ف سنها

احلى نونو

11-15-2011, 11:42 PM

http://forum.hwaml.com/imgcache2/hwaml.com_1321389751_784.png (http://pregnancy.baby-gaga.com/)

احلى نونو

11-15-2011, 11:43 PM

سااااااااااااااااره يله خودى التيكر وحطيه عندك

ام انس المصريه

11-15-2011, 11:44 PM

بحاول اتعلم من كيداهم الكيد

وها اللـــــــــه ها اللـــــــــه وياختى اسم الله وشووووبشششششش عليا والله اكبر خمسه وخميسه ههههههههههههههههههههههه

كيداهم دى مجررررررررررررررررررمه فعلا

وحنفى طبعاااااااااااااا ههههههههههههههههه

بقى مكونش كيداهم وعماد حنفى ويقولى طبعا ويبقى خاتم فى صوباعى كده

ده انا اللى خاتم فى صوباعه وبقوله طبعا ههههههههههههههههه زقفايا اتهرى من كتر الضرب عليه

ام انس المصريه

11-15-2011, 11:51 PM

ساااااااااااااره

حماتى بتقولى عمرى ماحطيت كحل وكنت انام بالجلبيه المعفنه اللى بشتغل فيها طول النهار

وكنت ارضع واللبن ينقع على جلبيتها ومكنتش تلبس برااااااا

وكانت الهدم تدوب من على صدرها وترقعهم هههههههههههههههههههههههههه

كانو عايشين عيشه قحطططططط

دلوقتى بقى ربنا انعم عليها بتاخد معاش لوحدها 1800 وبقت ايه ماشاء الله غنيه ومن اصحاب الاموال

رنا خالد

11-15-2011, 11:52 PM

مش عارفه انزل الصور خالص مش عارفه اعمل ايه
احطها في توقيعي بقي ولا ايه
ماكل مره كنت بنزلها مش عارفه ايه اللي حصل

رنا خالد

11-15-2011, 11:53 PM

حماتك بتشجعك علي البهدله ههههههههههه
بدل ماتقولك ازوقي له عشان تملي عينه ومايتجوزش
يلا ماعلينا

ام انس المصريه

11-15-2011, 11:53 PM

انس بيعيط

معطلكوووووووش

احلى نونو

11-15-2011, 11:54 PM

رناااااااااااا
اتصرفى يابنتى باى طريقه عاوزين نشوف الصووور
مالها المرفقات

احلى نونو

11-15-2011, 11:55 PM

العياااااااااااال كلها غطست فييين

ام انس المصريه

11-15-2011, 11:56 PM

بتشجعنى على العفانه يارنا

انا يختى لازم استحمى كل يوم ومبقلعش البرا دى ابدا بس برضو مش مهتمه بنفسى اوى

يعنى فى العيد بس كنت مهتمه بنفسى وبعد كده خلاص

رنا خالد

11-15-2011, 11:58 PM

مش عارفه ده انا حتي عايزه اغير الصوره الرمزيه والتوقيع مافيش صور راضيه تنزل
يمكن النت عندي ضعيف

ام انس المصريه

11-15-2011, 11:59 PM

رنا فى موقع اسمو العملاق جميييييييييييل

بيرفع الصور هواااااااااا

رنا خالد

11-16-2011, 12:02 AM

انا دخلت علي العملاق ده
بس هو هيرفع الصوره ويوديها فين هههههههههههه
يعني بعد مادوس رفع اعمل ايه تاني

رنا خالد

11-16-2011, 12:05 AM

خلاص بقي بلي صور بلي بتاع
هانزلها لمين اصلا ماكلكوا مشيتوا
اقوم انا كمان

احلى نونو

11-16-2011, 12:07 AM

مااااااااااااااااشى يارنا هااانم

ام انس المصريه

11-16-2011, 12:08 AM

صور ايه يارنا اللى عايزه ترفعيها

دودى مجدى

11-16-2011, 12:10 AM

يا بت يا رنا بعد ما ترفعيها اعمليلها كوبى وباست هنا فى المشاركة

دودى مجدى

11-16-2011, 12:11 AM

يا معفنة يا رنا عاوزة تهربى من الصور لا ماليش دعوة نزليها اخس عليكى

ام انس المصريه

11-16-2011, 12:11 AM

مااحنا متلقحين اهو ياست رنا

om arwa

11-16-2011, 12:23 AM

ياعيال بعمل شاروما لحمة احط عليها طماطم ردو بسرررررعة

توتة السيد

11-16-2011, 12:41 AM

يارغايين كل ده رط هذاكر ورجعلكم

بت يارنا يامزغوده قبي بالصور احسنلك

om arwa

11-16-2011, 12:58 AM

ياه رديتو بسرعة اوى هههههه

om arwa

11-16-2011, 12:59 AM

توتة ازيك وازاى النونات
سهرانة يعنى النهاردة هههههههه

توتة السيد

11-16-2011, 01:06 AM

اااااااااااااااااااااااااااااااااه تعبت من المذاكرة اقوم انام بقي تصبحوا علي خير هههههههههههههههههههههههه

توتة السيد

11-16-2011, 01:08 AM

الحمد لله ياسمسمة بخير

لا والله كنت نايمة من الساعة 8 بس قلقت علشان الحمام قلت اجي اشقر عليكم

منتظرون عودة الخلافة

11-16-2011, 01:53 AM

الو الو الو 1 2 3 4

منتظرون عودة الخلافة

11-16-2011, 01:54 AM

حراااااااااااااااام فين جطع التيكر

Rania Negm

11-16-2011, 02:00 AM

وحدووووووووووووووووووووووووه

Rania Negm

11-16-2011, 02:09 AM

يابت منك ليها لمى لسانك عن حماتك شوية

موش بعيد ابداا زوجك يقع فى ايده بالصدفة الهيستورى بتاعك ويقرى كلمة كدا ولا كدا

ربنا يسترها ان شاء الله

بس تيييييييييك كيييييييييييييير

Rania Negm

11-16-2011, 02:11 AM

اه يانى ياغلبى يانى

مافيش حد اقوله كلمتين ؟؟؟؟

شحشتووووونى اووووووووووووووى

حمايا هوووووووون وانا مشغولة مووت موش بفضى ادخل نت خاااالص

دانا موش بفضى اخد شاور حتى وبنام بالجلبية المعفنة على رأى حماة شوشو

هههههههههههههههههه ايه اللى حماتك بتقوله ده يا بت يا شيماء ؟

ياسميين

11-16-2011, 02:12 AM

ازيك يا رانيا عامله ايه

Rania Negm

11-16-2011, 02:13 AM

وكل ماحماتى تلاقينى حاطه مكياج تقولى اللى ماتعجبه فى جلتها ماتعجبه فى حنتها

وسمعونا زغروووووووتة

بس سؤال ولا مؤاخذة .. هل للجلة استخدام آدمى ؟؟

ياعنى يكونش يابت يا شوشو فى استخدام كدا ولا كدا ؟؟ ياعنى ماسك للوش ولا للشعر ولا كدا ؟

يععععععععععععععععععععع ايه القرف ده يابت انتى

ياسميين

11-16-2011, 02:15 AM

انا زيك يارانيا هههههههههه حماتي معايا
بعتنالها زياره ومش بفضى ادخل خآآآآآآلص

Rania Negm

11-16-2011, 02:18 AM

غيروا بقي السيره مش ناقصين ذنوب ربنا يهدهم قصدي يهديهم ههههههههههه
والست الشاطره اللي تعرف تفقع حماتها وتبان قدام جوزها انها عاقله
يعني لو عاملتك وحش روحي قوليله حصل كذه كذه وهولي شويه ونزلي دمعتين وفي اخر كلامك قوليله وانا مستحملاها عشان خاطرك انت ياحبيبي
هاتطلعي انتي الملاك وهي الشيطان وهايشلهالك وفي نفس الوقت هايشيل من امه
شوفتوا بقي النصايح اللي تعمر البيوت هههههههههه

هههههههههههههههههه يخربيت شيطانك يا شيخة

محدش يسمع كلام المصيبة دى خاااالص hwaml4

Rania Negm

11-16-2011, 02:19 AM

ياسميناااااااااااااااااااااا وحشتيييييييييييييييينى ايه النور ده

انا الحمدلله تمام يا قمر

اخبار الولاد ايه ؟؟؟؟ موش عندهم مدرسة الصبح ؟؟

Rania Negm

11-16-2011, 02:20 AM

يا خرااشى ؟

حماتك فى فرنسا ؟؟ طب وايه الاحووال ؟

موش عارف موش مستوعبة ياعنى احنا بنعمل زيارات لبابا محمد ومامته عشان العمرة والحج والكلام ده

لكن فرنسا ايه ظروفها واخبار الموود عندكو ايه ؟

ياسميين

11-16-2011, 02:24 AM

دا نورك ياقمر
احنا بخير الحمد لله والولاد باعتين لك بوسه
لا بكره ماعندهم مدرسه

Rania Negm

11-16-2011, 02:27 AM

امووووووووووووووووووووه ريان وبلبل

ياسميين

11-16-2011, 02:27 AM

انا سبق وبعت لماما زياره لما ولدت بلبل وجت قعدت معايا شهرين ونص
ودلوقتي بقي الدور علي حماتي
هههههههههههههههه
ومين غير ماتسالي علي المووووووووود ههههههههههههه

ياسميين

11-16-2011, 02:29 AM

ادعوووووووو لي تعدي الشهرين ونص دووووووووووووول علي خير
هههههههههههههههههه

ياسميين

11-16-2011, 02:31 AM

اخبار احمد ايه ؟؟
نايم ولا صاحي

Rania Negm

11-16-2011, 02:33 AM

هههههههههههههههههه معلش يا ياسمينا والله حاسة بيكى

ربنا يهديكى ويهديهالك يارب ويحببها فيكى ان شاء الله

فرق شاسع بين زيارة حماتى وحمايا

حماتى جاتلى مرتين

كنت بزعل كتير اوى فى الزيارتين بتوعها وكان موودى زفت ومخنوقة وحالتى حالة

لكن ماشاء الله لا قوة الا بالله وجود حمايا والله بدون مبالغة منورلى البيت وماليه عليا

انا بحبه أوووووووووووى بجد لأنه كان صاحبب بابا حبيبى الله يرحمه

موش عارفة انا ليه حاباه اوى كدا ! هل لأنه بيفكرنى ببابا ولا عشان هو بجدددددد طيب اوووووووى وبيحبنى كمان

والله بخدمه وانا حابه كدا

سبحاااانك يارب فرق شاسع

يلااا الله معك :))

Rania Negm

11-16-2011, 02:35 AM

أحموودى صاحى طبعا ياستى سارح بالمشاية بتاعته يدخل المطبخ ويخبط ع البوتاجاز ويشد فى كيس الباسكت
يخرج من المطبخ يلزق فى الحيطان ويخبط عليها

وبيبعتلك زمارتين ياستى من مشايته ههههههههههههههههه مجنن ماى فاميلى

ياسميين

11-16-2011, 02:40 AM

Rania Negm

11-16-2011, 02:43 AM

اللهم امين يارب

تعرفى ؟ والله احسن حل انك تريحيها

اه والله ولا تقولى بتدخل ولا بتفرض رأيها ولا بتاع

تقوليلها ااه فكرة بردو هيبقى تغيير

وطنشى وهى هتنسى

تانى مرة قولى حاضر

تالت مرة قولى كدا احلى

دمااااااااااااااغك يابنتى

والله نا حاسة احنا اللى بناخد كل حااااااااااجة على اعصابنا وهما بيبقوا كووووول آخر حاجة

انا شخصيا حماتى كدا

هادية مووووووووت وانا ببقى زى القردة مشعننة جمبها

فاتعلمت منها انا كمان ابقى كوووووووول واريحها

ياسميين

11-16-2011, 02:48 AM

هي دي المشكله انا كمان باخد كل حاجه علي اعصابي
وبصراحه مابعرفش اكون هاديه
بس هحاول واعمل زي ماقلتي واطنش
وربنا يسهل

Rania Negm

11-16-2011, 02:48 AM

ياسمينا احمد بدأ يزهأ من المشاية ويزن

هقوم احاول انيمه قبل ما يزود الهيصة والناس نامت

سلاااااااااااااام سريع تصبحى على خير اممممممممموه

ياسميين

11-16-2011, 02:52 AM

وانتي مين اهل الخير ياحبيبتي

ياسميين

11-16-2011, 03:06 AM

إلــهــي قــد
وجــدتــك دائما رحــيــمــاً

فــكــيــف لا أرجــوك... ووجــدتــك دائما ناصــراً و مــعــيــنــاً ... فــكــيــف لا أدعــوك .. فمــن لي إذا لم تكن معي .. و مــن ذا الـــذي سيــضــرّنــي إذا حفظتني .. .فـكـن مـعـي ربـي فـي كـل أمـوري فـقـد فـوضـتـهـا كـلـهـا إلـيـك

منتظرون عودة الخلافة

11-16-2011, 03:43 AM

ما شاء الله كلمات جمييلة

MALAK2010

11-16-2011, 07:30 AM

صباح الخير على الحلوين

MALAK2010

11-16-2011, 07:55 AM

غيروا بقي السيره مش ناقصين ذنوب ربنا يهدهم قصدي يهديهم ههههههههههه
والست الشاطره اللي تعرف تفقع حماتها وتبان قدام جوزها انها عاقله
يعني لو عاملتك وحش روحي قوليله حصل كذه كذه وهولي شويه ونزلي دمعتين وفي اخر كلامك قوليله وانا مستحملاها عشان خاطرك انت ياحبيبي
هاتطلعي انتي الملاك وهي الشيطان وهايشلهالك وفي نفس الوقت هايشيل من امه
شوفتوا بقي النصايح اللي تعمر البيوت هههههههههه

ماتزعليش منى يا رنا بس كده غلط وحرام كمان واللى بعمله النهارده هيتعمل فيا بكرة وان اشحن جوزى من ناحيه مامته ليه

حتى لو ماماته بتغير منى اتعامل معاها زى بنتها واحسسها انها زى امى علشان مايكونش فى اساس للغيره

MALAK2010

11-16-2011, 08:16 AM

امين يارب ربنا يهديهالي
هي بصراحه طيبه بس بتحب تتدخل في كل حاجه وتفرض رأيها فيه
هههههههههه آل ايه مش عاجبها ترتيب البيت وعايزاني اغير اوضه النوم بتاعتي واخليها للولاد واخد انا بتاعتهم
شفتي بقي هههههههههههههههههههه

ربنا يخليهولك ياحبيبتي ويرحم والدك ويجعله من اهل الجنه

انا باين عامله مصلحه النهارده بس مش شايفه سبب يستاهل
عادى انا ماما لما تبقى عندى ساعات بتشور عليا احط ده هنا وده هنا فلما حماتى تقول كده ايييييييه الفرق

MALAK2010

11-16-2011, 08:18 AM

ماتزعلوش منى يا بنات بس انتوا ممكن ماجربتوش المشاكل على اصولها دى حاجات بسيييييييييطه اوى وانتوا مكبرنها وعاوزين تتعبوا اعصابكم وتشيلوا من حمواتكم

توتة السيد

11-16-2011, 09:36 AM

كلامك صح الصح يالوكة مش كل حاجة بسيطة مش جايه علي هوانا نكبرها ونعمل منها قضية

ونقول دي بتغير دي بتعمل اكيد كنتي بتختلفي انت ومامتك في حاجات كتير لكن تقدري

تشيلي منها وتكرهيها لا طبعا يبقي اشمعزة الحمة بقي كبروا دماغكم شوية ومش كل كلمة تقفولها

علي الوحده طنشوا والله هتعيشوا في راحة واخر تمام ربنا يسعدكم ويسعدنا جميعا

نولارا

11-16-2011, 10:39 AM

بخخخخخخخخخخخخخخخخخخخخخ
مين هنا بقى
انا قاعده فى الحصه اهوه
لوكا وتوتا وحشتونى من امبارح للنهارده

نولارا

11-16-2011, 11:01 AM

بت يارنا
احنا موش كنا اتفقنا موش هنقول كلام وحش على حد
ولا هنغتاب ولا ولا ولا
قوام الشيطان نساكى
الحاجه دينا تقول انا معاكى بس موش عاوزه اتكلم عشان الحجه
كده كانك اتكلمتى ياموزه
ياعيال استحملوا شويه واحتسبوا الاجر بدل ما تاخدوا ذنوب
وبعدين يارنا ده كله وموش بتاذيكى فى حاجه اومال لو كانت اذتك كنتى قولتى عليها اييييه ههههههههههههه
ربنا يهدينا كلنا يارب

ommaysoon

11-16-2011, 11:11 AM

سلام عليكم

نولارا

11-16-2011, 11:18 AM

صباح الخير ياشوشو

ommaysoon

11-16-2011, 11:19 AM

ازيك يا نورا اخبارك ايه ؟

نولارا

11-16-2011, 11:20 AM

عيال انا قررت ااجل فطام احمد
طل الليل بفكر وصعبان عليا
ومفيش حاجه تخلينى افطمه
ايه رايكم

ommaysoon

11-16-2011, 11:22 AM

مش فاهمه
هو انتى لسه مش حامل ؟
واحمد عنده قد ايه

نولارا

11-16-2011, 11:23 AM

الحمد لله ياشوشو
انتى عامله ايه واحمد والنونه

نولارا

11-16-2011, 11:25 AM

لسه معاد البيريود الجمعه ادعيلى ما تجييش
احمد عنده سنه ونص

ommaysoon

11-16-2011, 11:35 AM

طيب ليه هتستنى عليه اكتر من كده ؟
الولاد رخمين فى فطامهم كل مايكبرو بيغلسو اكتر

يارب ماتجيش يارب ماتجيش وتطلعى حامل يا نورا وتيجي تفرحينا

طيب هى دايما ليها معاد ثابت ؟ ولا الجمعه دى اكتر يوم تاخير ليها ؟

نولارا

11-16-2011, 11:38 AM

موش عارفه فجاه كده صعب عليا
لا معادها ثابت

ommaysoon

11-16-2011, 11:43 AM

طيب يارب ماتجيش وتكونى حامل

لكن احتمال مع الرضاعه الحمل يتاخر شوية
انتى كنتى بتستخدمى وسيلة ووقفتيها من امتى ؟

الفطام عايز قلب جامد
انوي واجمدي شوية وبالكتير اسبوع وهينسى وهتستغربي هو ازاى نسي
بس سبحان اللى بينسيهم

نولارا

11-16-2011, 11:45 AM

يارب ياشوشو
انا كنت بستعمل لولب بلاتينى
بس خلاص جوزى مسافر يعنى ياالشهر ده ياستنى للصيف الجاى ههههههههههههههههههه
شايلاه من شهرين

توتة السيد

11-16-2011, 11:45 AM

يابنات عايزة اقلكم حاجة اوعوا تفكروا اننا ملايكة مش بنضايق لو سمعنا كلمة ولا حصل موقف

لا بنضايق طبعا بس بنحكم عقلنا وبنطنش علشان خاطر ربنا واجوزنا ونفسنا وصحتنا

om arwa

11-16-2011, 11:47 AM

سلام عليكم

توتة السيد

11-16-2011, 11:48 AM

ازيك ياشوشو عاملة ايه انت واحمد ونونو

ommaysoon

11-16-2011, 11:48 AM

يابنات عايزة اقلكم حاجة اوعوا تفكروا اننا ملايكة مش بنضايق لو سمعنا كلمة ولا حصل موقف

لا بنضايق طبعا بس بنحكم عقلنا وبنطنش علشان خاطر ربنا واجوزنا ونفسنا وصحتنا

ايه يا توتا
صباح الخير
انتى نمتى وصحيتي ولا ايه ؟
ههههههههههههه
انتى بتكملى على كلام امبارح

توتة السيد

11-16-2011, 11:50 AM

وعليكي السلام والرحمة يادك عاملة ايه انت والقطط

لازم علي الريق اديكي استشارة ده الفطار بتاعك هههههههههههههههههه

انهارده حاسة اني الكتكوتة متكومة في بطني من تحت ده ايه بقي

طبيعي ولا ايه النظام

نولارا

11-16-2011, 11:50 AM

اهلا يادوك
صباح النور ياسما
اخبار ارى واختها اييييييييييييه

توتة السيد

11-16-2011, 11:51 AM

هههههههههههههههههه اه والله تقريبا دلوقتي بنام وانا قاعده

اه بكلم الملاكيم اللي رغو في فروة حماتاتهم

ommaysoon

11-16-2011, 11:52 AM

يارب ياشوشو
انا كنت بستعمل لولب بلاتينى
بس خلاص جوزى مسافر يعنى ياالشهر ده ياستنى للصيف الجاى ههههههههههههههههههه
شايلاه من شهرين

ان شاء الله خير
الولب ممكن بعد شيله التاخير يوصل 6 شهور
فكبرى دماغك خالص وماتفكريش فى الموضوع ولما يحصل هتعرفى

انا بفضل الله حصل حمل تانى شهر من شيله وبعد ما فعلا شيلت الامر من دماغي خالص ولا قعدت احسب ولا اوجع فى دماغي
بس اول ما بدات الدوخه معايا قبل معاد البيرود باسبوع شكيت لكن كل يوم اصحى كنت احس ان البيرود هتيجي اقول الحمد لله ان شاء الله الشهر الجاى اكون حامل
والحمد لله ربنا كرمني فخليكي ريلاكس خالص لان ده قدر لما ربنا بيريده بيكون
الشهر ده الصيف الجاى المهم يحصل فى الوقت اللى فيه خير ليكي ولزوجك ولاحمد
واحمد لسه صغنون عموما حقه عليكي تراعيه اكتر وخصوصا الفترة الجاية

توتة السيد

11-16-2011, 11:53 AM

الواحد ياولاد حاسس انه اول مرة ياحمل يعني ماطولتش علشان انسي

ههههههههههههههههه

ommaysoon

11-16-2011, 11:57 AM

الواحد ياولاد حاسس انه اول مرة ياحمل يعني ماطولتش علشان انسي

ههههههههههههههههه

انا حملى المرة دى غير المرة اللى فاتت خصوصا فى الوحم ده
بس لسه اكيد فى حاجات فاكراها

لكن برضه على فكرة النسيان ده نعمة
عارفه لو فضلنا فاكرين كل التعب اللى حصلنا فى الحمل والولادة ماكناش فكرنا نحمل تانى ولا نجيب عيال
ربنا يرزق كل المتجوزات بالذرية الصالحه نعمه الحمد لله ربنا فطرنا على تحمل تعبها وحبها

om arwa

11-16-2011, 11:57 AM

يعنى ايه مكتومة يا توتة؟؟؟؟
مكلكعة فى حتة يعنى

نورا ازيك يا حبى ازاى موكشتك

om arwa

11-16-2011, 11:58 AM

ازيك يااما احمد عاملة ايه
ايوة انا كمان الحمل ده غير اللى فات خالص
سبحان الله

توتة السيد

11-16-2011, 12:00 PM

اه ياشوشو كلنا الحمل التاني مختلف تماما وفعلا النسيان نعمة

ربنا يارب يطعم الجميع ومايحرم حد ابدا

سمسمة اه متكومة يعني متكلكعة تحت حته يعني

ommaysoon

11-16-2011, 12:05 PM

طيب يا ام اروى
انتى فى الشهر السادس
النونو المرة دى ولد ولا بنت ان شاء الله

om arwa

11-16-2011, 12:08 PM

اها عادى الكلكعة يا توتا العيال بيتققزوا على نفسهم ويفكوا تانى
ده انا بحب الكلكعة دى عشان ببقى حاسة بيها هههههه

om arwa

11-16-2011, 12:09 PM

لا بنوتة الحمدلله ياام احمد
انتى هتسمى ميسون لو بنت ؟؟؟

ommaysoon

11-16-2011, 12:14 PM

لا بنوتة الحمدلله ياام احمد
انتى هتسمى ميسون لو بنت ؟؟؟

بدعى ربنا لو البنت خير لينا ربنا يرزقنا بنوته المرة دى
واسميها ميسون ان شاء الله
حلو ولا ايه رايك ؟

ommaysoon

11-16-2011, 12:25 PM

انتو سكتو ليه ؟

MALAK2010

11-16-2011, 12:28 PM

ياااااااااارب سلمى تنااااااااااااااااام

MALAK2010

11-16-2011, 12:28 PM

مين هناااااااا
انا وسلمى موجودين لو حد عاوز يكلمنا

توتة السيد

11-16-2011, 12:30 PM

ههههههههههههههههههه عودا حميدا يالوكة خلصتي اللي وراكي

MALAK2010

11-16-2011, 12:33 PM

اه خلص بس كنت عاوزة اسالكم سلمى حرارتها زايه 4 شرط عادى ولا ايه انا حمتها

om arwa

11-16-2011, 12:35 PM

حلو عشان مش منتشر
ربنا يرزقك ماتتمنى

توتة السيد

11-16-2011, 12:35 PM

اربع شرط ازاي يعني حرارتها كام بالارقام

om arwa

11-16-2011, 12:36 PM

اديها خافض مع الحمام يا لوكة
كتير 4 شرط
اديها لبوس لو عندك ادول اوى اى حاجة خافض

توتة السيد

11-16-2011, 12:39 PM

اه ادول جميل يالوكة وفي هنا منه انا جبته لنور لما طعمتها

MALAK2010

11-16-2011, 12:40 PM

كتير 4 شرط بجددددددددددد
هى 37 واربع شرط بعد الحمى
انا عندى الترمومتر بتاع الودان

om arwa

11-16-2011, 12:42 PM

قبل ماتحميها كانت كام
مش فاهمين الشرط دى فعلا

MALAK2010

11-16-2011, 12:43 PM

اه عندى بارسيتمول بس مش فاكرة ادول ولا سيتال طيب هعطيها
انا بس بقلق علشان جوزى مش معايا فى الشغل وجوده معايا بيطمنى ايه الرومانسيه دى وبنتى دافيه ههههههه

MALAK2010

11-16-2011, 12:44 PM

يابنات 4 شرط مش 4 درجات
يعنى لسه ماوصلتش 38
انا شايفاها كده عادى بس عاوزة اطمن منكم بس انتوا بداتوا تقلقونى

om arwa

11-16-2011, 12:52 PM

اها فهمتك 4 شركط من الواحد لا كدة عادى مش كتير
ممكن ماتديهاش الخافض
هى كدة 37 ونص
طب مادى درجة حرارة عادية

توتة السيد

11-16-2011, 12:53 PM

لا يابنتي كويسه حرارتها طبيعيه مافيش اي حاجة اديها سيتال شراب معلقة وخلاص

زياده احتطاط

MALAK2010

11-16-2011, 12:57 PM

انا بقرا موضوع راااااااااااااااااااائع هو طويل شويه بس حلو اوووى
ياريت تقروه معايا

http://forums.fatakat.com/thread2214205

MALAK2010

11-16-2011, 01:00 PM

تسلموا يابنات على ردكم واهتماكم
بس اول مرة اعرف ان 37 ونص ده الطبيعى عند الاطفال

om arwa

11-16-2011, 01:01 PM

بصى الطبيعى بالظب 37 وشرتطين
انتى بتقولى 4 شرط يعنى عادى شرتطتين زيادة

توتة السيد

11-16-2011, 01:12 PM

نور لما طعمتها كانت حرارتها 36 و6 شرط

توتة السيد

11-16-2011, 01:16 PM

اللهم احسن خاتمتنا وقبضنا علي طاااااااااااعة يارب العالمين

كل مااقرأ شئ زي كده مش عارفة بفتكر علياء الله يرحمها وقول في نفسي ياقلبي

انت دلوقتي لوحدك يارب تكوني في نعيم وعملك الصالح انيسك

MALAK2010

11-16-2011, 01:16 PM

http://forum.hwaml.com/imgcache2/hwaml.com_1321438568_493.gif

انا حاسه انى هكون ام البنات ان شاء الله هههههههه

MALAK2010

11-16-2011, 01:17 PM

اللهم آآآآآآآآآآآآآآآآآآآمين يارب

توتة السيد

11-16-2011, 01:22 PM

هههههههههههههههههههه ربنا يكرمك باللي تتمنيه ياقمر

حلوين القطط دول

om arwa

11-16-2011, 01:49 PM

عملت شاورما لحمةى رهيبة امبارح يا عيال

om arwa

11-16-2011, 02:34 PM

مملين
انا ماشية

دودى مجدى

11-16-2011, 02:46 PM

صباح الخيير يا كتاكيت

دودى مجدى

11-16-2011, 02:47 PM

هههههههههههه مالك يا سما معلش العيال دول زهقوكى خلاص حقك عليا انا

om arwa

11-16-2011, 02:51 PM

السلام عليكم
انا جيبالكم شويه رسايل 2012 ناااار هههه
وطبعا كالعاده مش ملطوووش يعني رسايل حصريه
واتحدي موضوع من مواضيعي في منتدي تاني بالنص
ولو عجبكم الموضوع متنسوش التقييييييييييييييييييييييييييم

http://forum.hwaml.com/imgcache2/hwaml.com_1321444319_522.gif (http://forums.fatakat.com/thread1226411)

عجوزه راحت صيدليه تشتري مرهم للروماتيزم
الدكتور قالها طلباتك ياقمر ؟؟؟
خبت العكاز ورا ظهرها وقالتله الويز الوردي
http://forum.hwaml.com/imgcache2/hwaml.com_1321444319_522.gif (http://forums.fatakat.com/thread1226411)
ولد بيقول لصحابه تصدق البنات دول طلعو اندال فعلا
بقلنا 50سنه مستحملين أعلان اولويز بتاعهم وهما مش مستحملين
قطونيل شهر
http://forum.hwaml.com/imgcache2/hwaml.com_1321444319_522.gif (http://forums.fatakat.com/thread1226411)

مدرس سال طالب ماهي الperiod قاله معرفش
بس يظهر حاجه تخوف لان اختي سوسو قالت لماما ان بقالها 3 شهور
مجتلهاش ماما اغمي عليها وبابا جاتله جلطه ومحمد ابن الجيران
هرب ومنعرفش راح فين

http://forum.hwaml.com/imgcache2/hwaml.com_1321444319_522.gif (http://forums.fatakat.com/thread1226411)
ديك بيجري ورا فرخه الديك بيقول في سره
لو مسكتها هبوسها ولو ممسكتهاش مش مشكله
اهي رياضه
الفرخه بتقول لو وقفت هيقول عليا مش محترمه ولو جريت هتروح عليا البوسه
السؤؤؤؤؤال ؟

لو كنت مكان الفرخه هتعمل ايه
http://forum.hwaml.com/imgcache2/hwaml.com_1321444319_522.gif (http://forums.fatakat.com/thread1226411)

اهدي لقلبك بوسه حنونه ولعيونك بوسه
صغنونه ولرجليك حجر وليفه وصابونه

http://forum.hwaml.com/imgcache2/hwaml.com_1321444319_522.gif (http://forums.fatakat.com/thread1226411)
كل يوم بيعدي
ماتشوفكش
العيون

كان الميه قاطعه
وانا في عيني
صابون

http://forum.hwaml.com/imgcache2/hwaml.com_1321444319_522.gif (http://forums.fatakat.com/thread1226411)

سافرش
لك
قلبي
لتنام
عليه
فان
ازعجك
دقاته
نام ع الارض غلطان الي يدلعك

http://forum.hwaml.com/imgcache2/hwaml.com_1321444319_522.gif (http://forums.fatakat.com/thread1226411)

بعد مابقي جرام الدهب 350 جنيه
ومتر الشقق 4000 جنيه
وكيلو اللحمه ب75 جنيه
حتي البامبرز ب90 جنيه
شكل الجواز هيكون زي الحج لمن استطاع اليه سبيلا
http://forum.hwaml.com/imgcache2/hwaml.com_1321444319_522.gif (http://forums.fatakat.com/thread1226411)

واحد له اربع صحاب
اساميهم (معرفش. ومحدش .ومافيش .وعبيط)
معرفش ضرب محدش
ومافيش وقف يتفرج
وعبيط راح يبلغ البوليس
الظابط ساله .. في ايه ؟
قاله اتنين بيضربو بعض قال مين الي ابتدأ؟
قال معرفش
قال حد اتعور ؟
قال محدش
قالو في شهود؟
قاله مفيش
قاله انت عبيط ؟

قاله اااااااااااااااااااه

om arwa

11-16-2011, 02:54 PM

لا يادودى دول مملين خالص

om arwa

11-16-2011, 03:05 PM

_ حبك قطع الفرامل

وفضى التنك

وكأنى فى لعبه الحياة

مستنى عرض البنك

...........................................

_ يا رقيق زى الندى وبرىء زى الملاك

خليك ديما فاكرنى وانا عمرى ما هنساك

.................................................. .
_ ساعات الدنيا تتبدل ونتوة وسط الدروب

لاكن تحلى بحبايب عايشين جوة القلوب

.................................................. .......
_ هناك أناس كالؤلؤ النفيس صحبتهم شرف ورفقتهم ضمان
والتواصل معهم حق ونسيانهم محال
والدعاء لهم واجب فرزقكم الله صباح الذاكرين وظهيرة المستغفرين
ومساء الشاكرين وأجر الصابرين
.........................................

_ لا ادرى اين تسكن الملائكه على الارض ام فى السماء
لكن انا على يقين ان هناك ملاك جميل يقرأ رسالتى الان ويبتسم

........................................
_ قلبك اخف من الريشه
زى المعسل على الشيشه
حبك مكهرب قلبى
الحقنى وشد الفيشه

..........................................

_ انا من غيرك مقدرش اعيش وانت اغلى من قرش الحشيش
وخدك الوردى وعيونك الحلويناغلى عندى من كيلو هروين
واحلى رمش واحلى عيون والبوسه منك تساوى طن افيون
وبكل الاختصارات انت اغلى من كل المخدرات
.................................

_ اكتشاف خطير !!!!!
زيت شعر ديل البطه ادهن منه واتغطــى
تصبح راسك زلبطـــــــه
.............................

_ يا راكنى فى النمليه
النمل اتلم عليا
والنعمه انا حته سكر
وانت ولا حاسس بيا
.............................

_ محامى مسطول
وقف قدام القاضى وقال ان القانون
ينص

يربع

يا ثلث
مش فااكر

.................................

_ كل زوجه وليها طريقه وجوزها نازل من البيت
اللبنانيه : تقبرنى هالعيون ترجعلى بالسلامه يا حبيبى
السوريه : دخيلك ما تتأخر بحبــك كتيــر
المصريه : خد كيس الزباله فى ايدك وانت ناازلhttp://forum.hwaml.com/imgcache2/hwaml.com_1321445133_548.gif (http://forums.fatakat.com/thread1233633)
..............................

_ عـدى اليوم بطـوله
ومفيش كلام اقوله
غير دعوة ادعيهالك
يارب اللى بتحبه تنوله
.
..........................
_ احلى تحيه عربيه
مع اجمل وردة فرنسيه
معاهم بوسه ايطاليه
للاجملMoZa مصريه !
.....................................
_ رسالتى جايه متأخرة

جايه متجرجرة

جايه تقولك

بحبك ووحشتنى يا حته سكـرةhttp://forum.hwaml.com/imgcache2/hwaml.com_1321445133_823.gif (http://forums.fatakat.com/thread1233633)
..................................

_ حبك راشق فى قلبى زى اللب فى البطيخ
وقلبى دايب فى حبك زى الملح فى الطبيخ

.....................................

om arwa

11-16-2011, 03:06 PM

دينا حبيبتى انتى كمان مملة زيهم
هههههههههه

دودى مجدى

11-16-2011, 03:13 PM

يا معفنة يا بت انا جيت كتبتلك واستنيتك حبة وبعدين قولت اذاكرلى كلمتين ينفعونى

دودى مجدى

11-16-2011, 03:14 PM

قوليلى حطيتى فى الشاورمة طماطم ولا لا وعملتيها ازاى بالتفصيل الممل

om arwa

11-16-2011, 03:18 PM

بصى يا ستى قطعت اللحمة شرايح رفيعة بالطول
وكان فى حتة دهنة
سبتها طبعا عكس مبدأى بس هى اللى بتديها الطعم
تبلتها مية بصل وخل وحبهان وفلف اسود وملح
بس اما جيت اعملها
حطيت حتة زبدة على حبة زيت اوام اسخنوا اى حطيت اللحمة وفضلت اقلب لغاية ما بقت متحمرة حطيت عليها بهارات لحمة
وبعدين شلتها وحطيت مكانها يتحمر بصل جوليان وفلفل مقطع بالطول
وبقدونس وشبت وسنة توم تديها ريحاه
واما دبلوا كدة حطيت اللحمة بعدين طماطم مقطعة طولية سبتهم شوية
ويعدين حطيت معلقة طحينة طبيرة عشان هى اللى بتديها طعم بتاع برة
كانت حلوة وسريعة اوى

دودى مجدى

11-16-2011, 03:21 PM

سيدى يا سيدى شكلها طريقة حلوة اوى انا بعملها زييك بس فى بعض الفروق وحلوة فكرة الطحينة دى هجربها بس اما انزلمصر ان شاء الله لان هنا كرهونى فى اللحمة خالص

دودى مجدى

11-16-2011, 03:25 PM

ازى ارويتا واسيل عامليين اية

دودى مجدى

11-16-2011, 03:47 PM

انتى يا حاجة سما انتى نمتى ولا اية طيب هصلى العصر واجى

نولارا

11-16-2011, 03:49 PM

بخخخخخخخخخخخخخ
مين اول واحده هتقولى مبررررررررررررررررروك

MALAK2010

11-16-2011, 03:54 PM

نوراااااااااااااااااا انتى حامل قولى بسرعه مبروك ياستى يلاااااااااااااا قولى

MALAK2010

11-16-2011, 04:08 PM

مبروووووووووووووووووووووووووووووووووووووووووووووك يانور شفت من التيكر ربنا يكملك على خير يلا علشان تكملى الاوع اللى هنا هههههههه

نولارا

11-16-2011, 04:16 PM

lمعلش يالوكا الكيبورد غلثت فتلاكت واحده تانيه بس عاززه لزقه حروف عربى
الله يبارك فيكى ياقمر الفضزل اكلنى وما قدرت استنة للجمعه هههههههههههه

نولارا

11-16-2011, 04:19 PM

شفت الخطين بقيتموش مصدقه
لانخا موش عينه الصبح بدرى كمملن بسه يوم على ميعاد البيريود

رنا خالد

11-16-2011, 04:22 PM

ملك ونورا ورانياالكلمتين دول ليكوا
انا والله مابكره حماتي وبعاملها معامله استحاله زوجه في الدنيا تعاملها لحماتها
وبحترمها جدااااااااااا
حتي لما بسمع منها كلام يضايق بقعد اعيط مع نفسي واستحمل عشان انا بحب جوزي وروحي فيه واستحمل اكل الزلط علشانه
كلامي ده هزار مش اكتر وسببه ان حماة شيماء استفذتني جدا
ماتخفوش انا مش قليله الادب انا زوق لدرجة الهبل والله لدرجة الهبل
وهي بتحبني والله اوي بس سعات بتغير مني وده اللي بيضايقني لأني مش شايفه اي سبب للغيره طبيعي ان الزوج يحب زوجته مش عارفه ايه اللي بيضايقهم في كده
وانا ماتكلمتش عليها يعني مااغتبتهاش انا اتكلمت بشكل عام ونص كلامي كان هزار
وبعدين ياملك حماتي مش زي مامتي
استحاله الام تبقي زي الحمي
وشكلك انتي عشان بعيد لسه مجربتيش شغل الحموات

رنا خالد

11-16-2011, 04:28 PM

مبروك يانورا علي الحمل ربنا يتمملك علي خير ياحبيبتي ويرزقك بالبنوته اللي نفسك فيها ان شاء الله

راناا

11-16-2011, 04:30 PM

هههههههه رنا انتى لسه فى حماتيك
معلش يا بنات مبدخلش كنت مكتئبه بعيد عنكم
قال يعنى دخلت 100 مره هى مرتين عمى
معلش بقى سامحونى

نولارا

11-16-2011, 04:30 PM

الله يبارك فيكى ياام لوجى عقبال ما نفرح فيكى كده ههههههههههههههههههههه

MALAK2010

11-16-2011, 04:31 PM

لو كنتى هنا يارنا استنى علشان عاوزة ارد على اللى انتى كتباه ونتقناش فيه بدل مانسيب لبعض كلمتين

راناا

11-16-2011, 04:31 PM

والله يا رنا فى حموات زى حماتيك وحماتى كده
والله لو اتعملهم ايه مبيحوقش فيهم
انا من يوم ما حملت مرحتش غير 3 مرات يا اختى
مش ناقصه حرقه دم
وتدخل فى اللى ليها واللى ملهاش فيه
معلش نقول ايه ربنا يهديهم

دودى مجدى

11-16-2011, 04:35 PM

الف مليون مبروك يا نورا ربنا يتملكعلى خير يا رب ويرزقك ببنوتة زى القمر زى ما متها ان شاء الله
شكل النونو فى اوا شهر غريب اوى اول مرة اشوفو

رنا خالد

11-16-2011, 04:36 PM

انا هنا ياملك مامشتش تعالي نتناقش

رنا خالد

11-16-2011, 04:37 PM

دودي منوره انتي ورانا
عاملين ايه يابطابيط

ام يحيي 2011

11-16-2011, 04:39 PM

فى حد هناااااااااااااااااااااااااااا يا حبيايبى

يحيي تعبان اوى وهروح بيه للدكتور دعواتكم كحه وبلغم وزوره مش عارف لا يأكل ولا يرضع يا حبيبى دعواتكم بالله عليكم

رنا خالد

11-16-2011, 04:40 PM

ربنا يشفيه ياساره روحي للدكتور وطمنينا عليه
وتقليله ياساره الجو تلج والشتا دخلت بدري اوي السنه دي

راناا

11-16-2011, 04:42 PM

انا عمله عمايل البيبيه بتاعى وخدى باليك من الكلمه
هههههههههههه
بيتحرك بالليل بس وانا نايمه ياا اختى
واصحى مفزوعه فى ايه هههههههه
شكله او شكلها باين من اوله
ابن او بنت تيييييييييييييييييييت ههههههههههه

راناا

11-16-2011, 04:43 PM

ربنا يشفيه ويعافيه ان شاء الله
خير معلش الشتا شكله حيعوض السنه دى
من الشتا اللى فات اللى محسناش بيه
معلش ان شاء الله خير

MALAK2010

11-16-2011, 04:43 PM

انا مش عاوزاكى تكونى زعلانه بس

انا ماقلتش انك مش ذوق ولا الكلام الغريب ده انتى قريتى كلامى كويس كل اللى قلته ان اللى بعمله النهارده هيتعمل فيا بكرة وبسسسسسسس وانا ممكن ماخدتش بالى انك بتهزرى فى المشاركه دى لانك فى المشاركات اللى قبلها قعدتى تشتمى كل الحموات وانك ارفتى منهم وعاوزة الشنق لهم كلهم

وبعدين افهمك حاجه الحمه لو عاوزة تعكنن على مرات ابنها مش هتفرق معاها انها بعيد ولا قريب واعرفك حاجه كمان ممكن العكننه ليا ماتكنش من الغيره بس فى حاجات اكبر من كده ممكن تعكنن على بلد مش عليا وبس

انا مش حابه تكونى زعلانه انا هبقى كويسه يعنى لما اقعد اقولك فعلا عندك حق وهم الحموات وحشبن والحاجات دى

رنا خالد

11-16-2011, 04:45 PM

عملت مكرونه بالباشميل وطلعت جامده اخر حاجه
بتبرد شويه وهروح الهطها
ياتلحقوني ياماتلحقونيش

دودى مجدى

11-16-2011, 04:45 PM

ازييك انتى يا رنونة عاملة اية انتى ولوجى
سارة ازييك سلامة يحيى الف سلامة ربنا يشفى عنو وعنى وعن كل مريض يا رب

دودى مجدى

11-16-2011, 04:49 PM

رنا وملك بصو عاوزة اقولكو حاجة اكيد كل واحدة بتتضايق من موقف او حركة او كلمة او حقنة وساعتها بتكون مخنوقة ونفسها تولع فى حماتها انما اكيد بعد كدة بتهدى وتكبر وتقول يا بت خلاص كبرى مش هعمل مشكلة على حاجة صغيرة فانتو الاتنين ارائكو صح هى الواحدة بس بتكون لسة اخدة حقنة فى العضل فتنفجر وتفضفض معانا شوية وبعد كدة خلاص تنسى وتهدى

راناا

11-16-2011, 04:50 PM

بالف هنا وشفا يا رنا
انا حعمل شويه خضار مع رز وسلطه وفراخ
والحمد لله

رنا خالد

11-16-2011, 04:50 PM

انا مش زعلانه منك ياملك والله
ويمكن انا انفعلت شويه لأن بيحصل معايا شوية مواقف منها بستغرب لها
واقعد اقول لنفسي هو انا عشان غلبانه ومش بعرف ارد بيتقالي كده
والله ياملك انا بعامل اهل احمد بمايرضي الله جدا
ومش بنتظر مقابل ولما بتحصل حاجه تضايقني بعدي بس سعات تصعب عليا نفسي اوي واضايق وبعدين ارجع اهدي واقول احسن من غيري
واقعد احط قدامي كذه واحده حماتها مشيباها واحمد ربنا اوي واقول انا ظلمتها وخلاص هعدي
انا مقدرش ازعل منك او من اي حد هنا انتوا كلكم اخواتي
وربنا يابنتي يهديهم لنا ويحببهم في ازواجهم شويه عشان يحلوا عن اجوازنا احنا ههههههههههه
كفايه رغي بقي زمانكم صدعتوا
هروح اكل واجي تاني
فاصل ونواصل

دودى مجدى

11-16-2011, 04:51 PM

رانا ازييك عاملة اية لسة معلافتيش البيضة فيها كتكوت ولا كتكوتة
ام لوجى احنا كمان هناكل مكرونة فشاميلة النهاردة بس حاشيينها فراخ

رنا خالد

11-16-2011, 04:52 PM

ماتمشوش بقي عشان وحشني الرغيييييييييييي
هالهط الصنيه كلها وجايه

دودى مجدى

11-16-2011, 04:53 PM

يا مفجوعة يا رنا هتخلينى انا كمان اقوم اسوى الصينية بتاعتى بس محمد هيتاخر فى الشغل النهاردة اعمل اية بس استندل واكل من غيرو

راناا

11-16-2011, 04:54 PM

هو يا دودى مش مساله حقنه
مش حنضحك على بعض الحموات
ليهم حركات بتخلى الواحد يبقى حيفرررررررررررررررق
طب اقوليك
حماتى انا بقالى سنين وده اول حمل
فالحمل العزيز اللى بيقولوا عليه
اول شهرين حمل تقولى لا اتحركى
واخرجى واتمشى ومتنميش كتير
واشربى حجات سخنه
لسه فى العيد كنت عندها تقولى ايه تخييييييييييييييلى
تقولى لا لا متاكليش كتير عشان متزديش عن كده
طب قوليلى دى يترد عليها يتقال ايه

دودى مجدى

11-16-2011, 04:54 PM

طب متتاخريش يا رنة انا مستنياكى معرفش بلقى البنات راحو فيين

دودى مجدى

11-16-2011, 04:58 PM

عارفة اللى انتى بتقولى علية دة يا رنا والله فى الحالة دى تقومى مكبرة دماغك وتقوليلها حاضر وخلاص لانك مهما ناقشتيها هى بتبقى عاوزة تمشى اللى فى دماغها انا مجربة كل دة يا بنتى انا حماتى قاعدة عندى بقالها 4 شهور تخيلى بقى يعنى مش بشوفها كام ساعة فى الاسبوع لا دة احنا فى وش بعض ليل ونهار 4 شهور من اول رمضان لحد دلوقتى بس انا بقى بكبر خااااااااااااااااااااالص لحد ما دماغى بقت اكبر من ساعة مكة عشان منكدش على نفسى وانا حامل واتخانق مع جوزى وفى الاخر ولا هيعملى حاجة لانو مستحيل ينصفنى على مامتو فانا اللى هتشل فى الاخر بس اما بيفيض بيا وابقى هطرشق غصب عنى بقى بحكى لمامتى واعيط واقول هانت كلها ايام على فصل القوات

ام يحيي 2011

11-16-2011, 04:58 PM

انا هنا بس مش عارفه اقول ايه احمد اتصل بالدكتور وقاله اديله جوفه تركس وخلاص والدور جامد انا زهقت من الدكتور ده

MALAK2010

11-16-2011, 04:58 PM

خلاص يا رنا مفيش حاجه انا بتكلم معاكى على انك اختى والله
وخدى التورته دى اتسلى فيها على ماجيب شربات نورا
الحموات ضيعوا فرحتنا بنورا ههههههههه

http://t1.gstatic.com/images?q=tbn:ANd9GcR3jZ-aQNcqmAdH9Xf6qCHMpAZ2UsSejieIUVYYbY7WfAk8vdDNIQ&t=1

دودى مجدى

11-16-2011, 05:01 PM

سارة سيبك من الدكتور دة وروحى لدكتور تانى الا دور البرد بالله عليكى متسكتيش علية وربنا يشفيلك عنو يا رب

MALAK2010

11-16-2011, 05:02 PM

وادى شربات نورااااااااا ههههههههه كل واحده تاخد كوبايه ليها وواحده للنونو اللى جوة واللى بره ههههههه كمان يلااااااااا دى نورا حبيبتى

http://forum.hwaml.com/imgcache2/hwaml.com_1321452167_531.jpg

دودى مجدى

11-16-2011, 05:03 PM

ايوة فعلا عندك حق يا ملوكة انسو الموضوع دة بقى وتعالو نحتفل انا عاوزة كريم كراميل لو سمحتى

MALAK2010

11-16-2011, 05:03 PM

ساره ماله يحى ماخدتش بالى الف سلامه عليه

دودى مجدى

11-16-2011, 05:04 PM

الشربات دة مغشوش دة لونو مش احمر بتضحكى علينا وجايبالى تمر هندى وتقولى علية شربات ماشى يا ملك هوريكى

MALAK2010

11-16-2011, 05:05 PM

دودى ازيك يا جميل انتى تؤمرى هههههه
وادى الكريم كراميل بس كلمه فى سرك همووووووووووووووت عليها هههههههه

http://forum.hwaml.com/imgcache2/hwaml.com_1321452352_671.jpg

MALAK2010

11-16-2011, 05:06 PM

هههههههههههههههههه الصورة مابانتش ههههههه انا اكلته ولا ايه
استنى هاجيبلك واحد تانى

دودى مجدى

11-16-2011, 05:07 PM

ازييك انتى يا ملوكتى وازى سيمبا فعلا باين ان نفسك فية لدرجة ان الصورة مظهرتش هههههههههه

راناا

11-16-2011, 05:07 PM

انا اخدت كوبايه هههههههههه
والله يا ملك بكبر دماغى وحتى لما رجعت سالته
قلت له هو انا تخنت اوى كان رده ما تتخنى اومال تموتى من الجوع
انتى واللى فى بطنيك
انا حماتى عليها كلام تحسي انيك بتدوخى هههههههههه
وبكبر وبقول يلا مجتش على كلمتين حخدهم كل كام اسبوع
بس بامانه اوقات ببقى نفسى ارميها من الشباك
واوقات مش بتحرق دمى وبس
لا لا بتعدى والله فى وقتها بزعل ويتقهر وببقى نفسى ارد
واعرف ارد واخليها تدوق وبالادب
بس بقول على ايه يا بخت من كان ليه ولا كنش عليه
بس يا ملك فى اوقات بتخلينى ابقى مش عايزه اروح لها
يعنى اهو من العيد الصغير مشفتهاش الا العيد الكبير
حقى خايفه على حملى
ونقول ايه ربنا يهديهم

وانتى بقى ربنا يعينك على ما بلاكى
يا رررررررررررررررب ترجع مصر بقى وتسيبيك
انا عارفه بيقعدوا بالشهور عندنا ليييييييييييييييييييييييييييييييييه
اخر مره حماتى عملتها كان شويه وخلاص انتحر
ربنا يهديهم

MALAK2010

11-16-2011, 05:07 PM

http://t2.gstatic.com/images?q=tbn:ANd9GcQmVx41m7KAognrloTTbpxHC8uXyBCzN HfkEpFfZ7_ZLwqGLTin&t=1

بس الاولانى كان احلى

ام يحيي 2011

11-16-2011, 05:14 PM

مبروووووووووووووووووووووووك يا نورى ربنا يتملك بخير يااااااااااااااااااااااااااااارب

رنا هتلى حته معك يا بت الا اعضك

لوكا ودودى وراناا عملين وحشتونى اوى والله

دودى مجدى

11-16-2011, 05:14 PM

شكرا يا ملوكة على الكريم كراميل يالا بقى بسم الله معايا
رنا على فكرة انا دينا مش ملك ومعلش كبرى عشان خاطرى ومتحرقيش دمك ومتخافيش انا حماتى برضو مش هتسيبنى هتنزل معايا مصر هههههههههههه بس انا ناوية اروح اعد عند مامتى شوية فاصل يعنى

رنا خالد

11-16-2011, 05:15 PM

وعشان التورته الحلوه دي ياملك خدي بقي بولة الكريك كراميل دي عشانكhttp://forum.hwaml.com/imgcache2/hwaml.com_1321452913_261.jpg
انا دوقته مره ومعجبنيش بس من كتر كلامك عليه هجرب ادوقه تاني
انا دوقته اللي هو حلو الشام ده
في نوع تاني احلي ؟
اهو يمكن احبه طالما كلكوا بتقولوا عليه حلو كده

دودى مجدى

11-16-2011, 05:15 PM

انتى وحشتينا اكتر يا سوووووووووو سلامة يحيى حبيبى

دودى مجدى

11-16-2011, 05:17 PM

رنا ولا حلو الشام ولا اى كريم كراميل جاهز يدخل زمتى بتعريفة انا بعملو فى البيت زى ما ملك قالت على طريقتو كدة بالظبط وبيطلع رووووووووووعة

ام يحيي 2011

11-16-2011, 05:17 PM

جعانه ونفسى اكل ولا حتى عملت اكل يحيي مقريف ومقريفنى معاه مش عايزه اعمل حاجه قوللى اعمل ايه

رنا خالد

11-16-2011, 05:17 PM

ياجماعه انا اتلخبطت رنا مين هههههههههه
قولولي يارون
دلعوني ياعثل منك ليها ههههههههههههه
خمسه هغير للوجتي وادخل التوتو واجي جرررررري
ماتمشوش بقي اوكشن

دودى مجدى

11-16-2011, 05:19 PM

لا انا هقولك رنة بقى ههههههههههههههههههههه
يا بت ما تركزى انتى عاملة زى الوطواط كدة لية

ام يحيي 2011

11-16-2011, 05:20 PM

الله يسلمك يا دودى احمد مش بيقتنع غير بالدكتور ده ادعولى ربنا يهديه

MALAK2010

11-16-2011, 05:20 PM

الله ده شكله جميييييييييل يمممممممممم ههههههههههههه
فى حد مش بيحب الكريم كراميل ده جمييييل
انتى دوقتيه من بره ولا بيتعمل فى البيت

ام يحيي 2011

11-16-2011, 05:23 PM

ايوه استعبطى يا ام لوجى عشان ما تجبيش حته مكرونه بالباشميل يا بخيله

ياسميين

11-16-2011, 05:26 PM

السلآآآام عليكم
اوعو حد يجيب سيرت الحموآآآآآت هههههههههههههههههههههه حماتي جنبي
وممكن تقرا كلامكم ههههه

نوووووووووورا الف مبرووووووووووووك ربنا يتمملك علي خير يآآآرب
ويرزقك ببنوته قمر
ملك ازيك وسيمبا عامله ايه وحشتيييييييني

ساره الف سلامه علي يحى ربنا يشفيه ويخليهولك يارب
رنا ازيك ولوجي عامله ايه
بالهنا والشفا
دودي ازيك ياحبيبتي وحمودي عامل ايه
البرد خف ولا لسه
ربنا يشفيكي يآارب
رنا ازيك والنونو اخباره ايه

MALAK2010

11-16-2011, 05:26 PM

الله مكرونه بالباشميل بموووووووووووت فيها من رمضان ماكلتهاش تصوروا اول مرة اخد بالى
من ساعه ماعملت الرجيم بطلت اعملها

دودى مجدى

11-16-2011, 05:29 PM

يا سمينا ازييك انتى يا حبيبتى وازى ريان وبلبل اة اللى جاب حماتك عندك يا بنتى بس هى بتحج فى فرنسا ولا اية
الله يسلمك انا وحمودى كويسين بس البرد مش عاوز يخف ربنا يهدية ويخف قبل ما انزل مصر يا رب

ام يحيي 2011

11-16-2011, 05:29 PM

يااااااااااااااااااااارب اللهم آآآآآآآآآآآآآآآآآآآىمين تسلمى يا جاسمين عندى واحده صحبتى اسمها ياسمين مش بدلعها الا بجاسمن وانتى ايه اخبارك يا جميل طمننى عنك

MALAK2010

11-16-2011, 05:29 PM

ياااااااااااااااادى الحمات النهارده هههههههههه
ياسمين ازيك يا جميل وحشااانى والله
انا كنت بعتلك رساله على موضوع الفلاش ده تعرفى ولا ايه اصل عاوزة اكمل الكارتون

MALAK2010

11-16-2011, 05:31 PM

يعنى يا سارة بتدلعى ياسمين ب جاسمين وبنتى بسلومه هههههههههههههه

راناا

11-16-2011, 05:33 PM

اجيب منين كريم كراميل بقى دلوقتى
يا جدعان حرم عليكم كده هههههههه
قلت للراجل نجيب حجات زى دى ونخليها فى البيت
بس هو مجبش اصله عملت 5 بواكى كريم كراميل
واكلتهم كلهم لوحدى هههههههههههههههههههه
هو انا اللى كلت ولا البيبيه الى كل

رنا خالد

11-16-2011, 05:34 PM

ملك وساره اتفضلوا الفشاميل معايا طلعت جامده عملتها باللبن وشوربة اللحمة الضاني حاجه بقي خطيره تاكليها من هنا تتخني 5 كيلو في 5 دقايق ههههههههه
بت يادينا بكره لما تخلفي هاتبقي وطاويط مش وطواط وبس
اما بقي دلوقتي فانتي فايقه ورايقه
النونو لسه جوه
وحماتك بتعملك النجرسكو يعد يومين
ياسلام ع الانتخه ههههههههههههه
طب يعني اكلم جوزي واقوله يجيبلي كريم كراميل من اللي في علب ده
افتوني ياشباب
ياسمين منوره وليكي وحشه كبييييييييييره ازيك انتي وكتاكيتك

ياسميين

11-16-2011, 05:34 PM

احنا بخير الحمد لله يادينا والولاد باعتين لك بوسه
اموووووووووووه
حماتي هههههههههههه جايه تتفسح وتشوف فرنسا عامله ازاي

MALAK2010

11-16-2011, 05:35 PM

رنا هى الست الرشيقه اللى فى توقيعك دى رمز للست الحامل ولا ايه هههههههه

رنا خالد

11-16-2011, 05:36 PM

طب ماتاخدوني انا كمان اتفسح واشوف فرنسا بدل حماتك
انا طيبه ومش هقولك شيلي اوض ولا حتي سراير ههههههههههههه
وهنام في اي زاويه مش هاخد مساحه انا مش طويله

رنا خالد

11-16-2011, 05:37 PM

هقوم ارضع الزفته دي وانيمها واجي
اااااااااااااااه هاشد شعري وانحله زوياده ماهو اتنحل

MALAK2010

11-16-2011, 05:38 PM

تسلمى يا رنا على الباشميل
بصى الكريم كراميل اللى بيتعمل فى البيت له طعم واللى فى بكاوى له طعم تانى بس الاتنين حلووووووين

ياسميين

11-16-2011, 05:40 PM

جاسمين هو اسم الياسمين بالفرنسي يا ساره
هههههههههههههه وفي ناس كتير هنا بتقولي كده
ملوكه الفلاش فيه مشكله انا حاولت معاه كتيير
بس هشوف ان كان في طريقه تانيه وارد عليكي

دودى مجدى

11-16-2011, 05:41 PM

ههههههههههههههههه يالا خليها تتفسح وانتى كمان تتفسحى بس بشكل تانى هههههههههه
رنا لا متجيبيش المعفن بتاع برة دة بقولك اعملية فى البيت دة وانتى قاعدة دلوقتى تاكلية على العشا بصى مقاديرو كيلو لبن علية 8 بيضات وفانيليا
اعملى الكراميل حطى السكر وعلية حبة مية صغننين لحد ما يعمل لون بنى وبعدين تصبية فى قعر السلاطين الميلامين بتاعتك
وبعدين تغلى لتر اللبن وعلية رشة سكر بسيطة وتسيبية يدفى لحد ما يبقى زى دمعة العين وتضربى البيض مع الفانيليا كويس جدا جدا وبعدين تحطية على اللبن وتصبى بقى فوق الكراميل
وبعدين تعمليلو حمام مائى يعنى تحطى السلاطين دى فى صينية فيها مية على عين البوتجاز من فوق لمدة ربع ساعة وبعدين زى ما هى كدة تدخليها الفرن لحد ما تتماسك وبعدين تسيبيها تبرد وتدخليها التلاجة وساعتين تلاتة وطلعيها كليها وادعيلى
اظن بقى ملكيش حجة يالا اعمليها فى ثوانى