دردشة بنات مصر , دردشة حوامل مصر , تجمع بنات مصر [الأرشيف] - الصفحة 104

دودى مجدى

12-03-2011, 03:24 AM

درس العقل بيطلع غلط وعامل التهابات وحتة ملتحمة جوة لثتى طبعا عاوز يتفتح ويتشال لانى كان عندى واحد كدة برضو وشيلتو قبل ما اتجوز وكان عامل صديد وبلاوى تحتو واجعنى وقارفنى جدا قال يعنى انا ناقصة مش كفاية وجع ضهرى اللى عمال ينزل لتحت لحد ما عضم مقعدتى معنتش قادرة منو الحمد لله خلفة العيال مش بالسهل

om arwa

12-03-2011, 03:26 AM

اه انا قريت حوار الدكتورة ده
ربنا يهدي معللللللش
منطقهم عجيب غريب
انا النهاردة فضلت اعيط لجوزى اد كدة
بسبب انه رجع يقلى اسم امة وبجد كنت حاسة نى هموت خلاص منه
الله يسامحهم ما بيحسوش بينا نهائى نهائى
ربنا يهدية ه وجوزك وكلهم يارررررررب
يارب مالناش غيرك بجد
انا سهيت ع ن الاستغفار الله الايام اللى فاتت
وانتى يا ديناااا

om arwa

12-03-2011, 03:28 AM

رجعنا من عند مامته دخلت سبتة نمت ماقمتش غير بعد مانام بجد
واخدة على خطرى منه اوووووووى
انه مش حاسس بيا
يارب اهديهم جميعااااااااا

دودى مجدى

12-03-2011, 03:30 AM

برضو مفيش فايدة لاحول ولا قوة الا بالله انا برضو والله استغفر الله العظيم من ساعة ما جيت هنا معنتش بستغفر عاوزين نرجع تانى زى الاول ولونى خلاص فقدت الامل فى موضوع الاسم دة انو يتغير دة اهل محمد كلهم عمالين يقولولى يا ام شيرين وانا فى سرى بقول حسبى الله ونعم الوكيل بس انا هستغفر معاكى يمكن ربنا يجيبها كدة على اهون سبب ويغيروة

om arwa

12-03-2011, 03:32 AM

ايوة يا بنتى ربنا اكبر من كل الناااااااااااااس وهو الوحيد القادر وهيسمى ابنك
ادعى بيقين

دودى مجدى

12-03-2011, 03:33 AM

سما صدقينى مفيش منو فايدة انا برضو اتخانقت مع محمد كتير ويا ما نمت معيطة ومتنكدة وفى الاخر لقيت انى انا بنكد على نفسى وعلى ابنى وبس وهو اللى فى دماغو فى دماغو لو اتشنقت كدة قدامو مش هيغيرو ولا هامو بقى انى انا اللى تعبت فية اكتر منو ومحدش حس بية الا انا انا اللى حاسة بحركاتو وبفرحو وبزعلو قال يعنى عشان هو ابوة يبقى خلاص يسمية بمزاجو طب والجاموسة اللى شايلاة فى بطنها كل دة ملهاش حق حسبى الله ونعم الوكيل

AyoyA

12-03-2011, 03:34 AM

دينا ازيك يا به عاملة ايه وحشتينى اووووووووووى
ومحمود عامل ايه
عارفه فتحتى نفسى على البسبوسة بالقشطة

سما عامله ايه والنونة واروى
وانتى فتحتى نفسى على ام على

دودى مجدى

12-03-2011, 03:35 AM

حاسةانى بدات استسلم للامر الواقع يا سما كل اللى حواليا فارضين الاسم عليا وانا طبعا لو اتكلمت هبقى انا اللى وحشة وعاوزة ازعل حمايا وتعبت من التفكير انا هدعى واللى فية الخير يعملو ربنا

om arwa

12-03-2011, 03:36 AM

ما ينفعش تاجلى يا دينا ضرسك
انا كمان الدكتورة عمالة تقولى حش عصب بس قلتلها احطلة حشو خلاص لغاية مااولد ان شاء الله
انا مش ناقصة
بجد اتبهدلنا خالص ههههههه

دودى مجدى

12-03-2011, 03:36 AM

سما هى حماتك اسمها صعب زى حمايا ولا ممكن يعدى

دودى مجدى

12-03-2011, 03:42 AM

اة البت المفجوعة ام نفس مفتوحة دى هههههههههههههههههههههه
ازييك يا ايوية وازى نونانتك سلامة مامتك بصى عاوزة اقولك على حاجة مامتى كان عندها زى اللى عند مامتك بالظبط ورم لوفى على الرحم وراحت مصر قالولها تشيل الرحم وبقت تعيط ونفسيتنا كانت زى الزفت لولا واحدة بنت حلال دلتنا على دكتور فى المهندسين اسمو عمر فرج الله يباركلو مامتى راحتلو وعالجها ببرشام منع الحمل صغر الورم خالص وبقى مفيش منو اى خطورة انا مامتى كمان جالها نزيف لمدة 3 شهور وعملها انيميا بس اقسم بالله ارتاحت للدكتور دة جدا وخفت دلوقتى بفضل الله وبقت زى الفل من غير عملية ولا حاجة ربنا يشفى مامتك ويشفى كل مريض اللهم امين

om arwa

12-03-2011, 03:42 AM

زى عبد الله بقولوا خليك عند اتفاقك بقى
احان كنا متفقين لو ولد على اسم ابوة لو بنت انا اسميهااااا
يقولى وهما دول مش بناتى يعنى
طب هما عشان بناتك تعقدهم
كما يا دينا انا بقولة الولاد
مش تتعقد زى البنات بتاخد المضع بتهريج واصحابهم يدلعهم باسم تانى وكدة
انا البنات بتاخد كل حاجة على نفسيتهاااااا وممكن تتعقد جامد
مش فاهم طبيعتنا خالص
بصى ماتحرقيش دمك عشان اللى فى بطنك
وربنا يقدرلهم اسماء جميلة

دودى مجدى

12-03-2011, 03:42 AM

سما طب ما هو درسى دة عاوز بنج وغلط اخد بنج دلوقتى هستنى بعد الولادة بقى وامرى الى الله

AyoyA

12-03-2011, 03:44 AM

معلش النت فصل
معلش يا سما انتى ودينا استحملوا ومتتعصبوش على شان خاطر اللى فى بطنكوا
وكل مولود بينزل باسمه اللى ربنا كاتبه فى نصيبه
وربنا يعمل الللى فيه الخير

om arwa

12-03-2011, 03:45 AM

لا البنج مش خطر
بس خدى بينج من اللى ه مش بيرفع الظغط
قليلها كدة
عشان ضغطى ما يعلاش فى الحلم بس
لكن البينج عادى

دودى مجدى

12-03-2011, 03:46 AM

يا رب يا سما اللهم امين ربنا يسمع منك يا رب ويكتبلهم اسماء حلوة يا رب

om arwa

12-03-2011, 03:46 AM

ايه بصى نونو نفسة فى البسبوسة نونو نفسة فى ام على هههههههههه

دودى مجدى

12-03-2011, 03:47 AM

واللله طب هشوف بجد الموضوع دة احسن درسى قارفنى جدا ربنا يسهل

om arwa

12-03-2011, 03:49 AM

لا بردو يا دينا اسمهااا كبير على طفلة
وانا نفسى بنتى يبقى اسمها حلو
عشاان البنات بيتضايقوا ويحز فى نفسيتهم كدة بيحسوا
ربنا كريم ان شاء الله

AyoyA

12-03-2011, 03:51 AM

الله يخليكى يا دينا يا عسل
ان شاء الله لما اخش بكرة هبقا اخد منك العنوان بالظبط ممكن تجبيه ماشى
وانتى يا سما بكرة ابقا اخد منك نمرة الدكتور اللى قولتولى عليه

om arwa

12-03-2011, 03:52 AM

قررتى ايه فى شعرك يا ديناااااااااا

AyoyA

12-03-2011, 03:55 AM

تصبحوا على خير
جوزى قاعد فوق دماغى
معلش يا سما انتى ودينا هتيلى ارقام الدكاترة اللى قولته عليها
سلاااااااااااااااااااااااااااااااام

om arwa

12-03-2011, 03:57 AM

ماشى مع السلامة يا يويو

دودى مجدى

12-03-2011, 03:58 AM

بصى يا سما ان شاء الله هعملو بالسوفت اند بيوتيفول بس لما محمد ييجى هو لسة مش عارف هييجى امتى فعقيال ما يقرر ويحجز وكدة يكون عدى وقت لان بصراحة لو قعدت قدامو بمنظرى دة هيطلقنى انا بجد مش حاسة انى عروسة خالص اتجوزت من 6 شهور قضيت 2 منهم مع جوزى و4 مع حماتى وادينى سافرت اهو وعقبال هو ما ييجى هكون ولدت ولخومة فى الواد ملحقتش اعيش اول سنة جواز دى منك لله ياللى فى بالى

om arwa

12-03-2011, 03:58 AM

شكلك نمتى يا ست ديناااااااااا انتى كمان

دودى مجدى

12-03-2011, 03:59 AM

وانتى من اهل الخير يا يويو ازك هجيبهولك بكرة باذن الله

om arwa

12-03-2011, 04:03 AM

مين ده اللى فى بالك ههههههههههه

معلش يا دينا حاسة بيكى بجد

اتخدتى على مشمك
بس احسن الحمدلله ماكنتى اتاخرتى
انا كمان كنت زيك
وبعد ماولدت كان بيجيلى ساعات بحس انى ملحقتش اى حاجة شايلة الهم وبس
لكن الحمدلله مااكتئبتش كنت فرحانة باروى ربنا يخليها
بس هى الام بتحس ان كل المسؤلية عليها ملحقتش تتدلع ولا حاجة
بس عارفة ان شاء الله اما يكبر يشد شوية هترتاحى خالص وتتدلعى وتفقوى وكل ما يعمل حاجة جديدة تحسى انك فقتى اكتر
كل ما يمشى يشيل من عليكى هم الشيل
طفتمية يشيل هم الرضاعة
يقلع البامبرز تشيلى همة
هتحسى انك فقتى تانى
احتسبى الاجر بقى عند ربنا عشان تاخدى ثواب كبير ع الولادة والتربية ان شاء الله

om arwa

12-03-2011, 04:05 AM

بصى استخيرى بردو قبل ماتعملية
وبعدين استودعى ربنا النونو قبلهاااااا

om arwa

12-03-2011, 04:10 AM

انا كمان زهقت من ام منظرى ده
بصى انا شعرى دلوقتى فى نص ظهرى واسود
بفكر ان شاء الله يارب بعد مااقوم بالسلامة اقصة كارية مدررررج
واصبغة لون مطرررقع
عشان احس بالتغير
كمان بحس الرضاعة بتوقعة مش هيبقى ليه لازم طويل
بس اختى واصحابى بيقلولى حرام تقصى شعرك بعد ماطول
بس بجد نفسى اغير اووووى
ايه رايك
ومش هينفع اصبغة على طولة عشان فيه حنة سوداااا لازم اقصة

دودى مجدى

12-03-2011, 04:10 AM

كلامك جميل اوى ما شاء الله يا سما فعلا انا هحتسب عند ربنا الاجر عشان ربنا يؤجرنى خير

دودى مجدى

12-03-2011, 04:12 AM

اة دة بجد هو غلط اوى كدة يا سما ولا اية قلقتينى من الفرد بعد ما كنت اقتنعت انى اتزكل على الله واعملو

دودى مجدى

12-03-2011, 04:14 AM

بصى يا سماسيمو انا برضو عاوزة اقولك حرام تقصية بعد ما طول دة الواحدة ما بتصدق شعرها يطول سنتى
بصى درجية على طولو لحد ما تشيلى اللى كان فية حنة دة وسيبى الباقى عادى واما تولدى اصبغية بقى وظبطى الحاج عبد الله هههههههههههههههه

om arwa

12-03-2011, 04:16 AM

انا بقولك بس استخيرى واستودعى ابنك
عادى يعنى عشان ربنا خير حافظ
مش قصدى اخوفك
مانا قلتلك اختى بتعملة هخى حامل
بس انا بخاف منه
لكن قلت افركك يعدى تدعى ربنا يحفظة

دودى مجدى

12-03-2011, 04:18 AM

بصى يا سماسيموانا برضو عاوزة اقولك حرام تقصية بعد ما طول دة احنا ما بنصدق
ممكن تدرجية على طولو وتشيلى منو اللى معمول حنة وبعد اما تولدى تصبغية بقى وتظبطى الحاج عبد الله هههههههههههههههههههه

om arwa

12-03-2011, 04:20 AM

مش هينفع يتدررررررج عشان الحنة حتة كبيرة اوى لانى كنت عامللاه قبل مااحمل على طول
مالحقش يطول كتير يعنى
فكلة حنة
مش عارفة الله كان نفسى اغير
بس صعبان عليا
ربنا يعمل الخير هبقى استخير بردو قبلها ان شاء الله
المهم نقوم بالسلامة الاول كلنا ياااااااااااااااااارب
تفتكرى هعرف اظبط الحج عبد الله
ربنا يستر ههههههههه

دودى مجدى

12-03-2011, 04:21 AM

الزفتة الفلاشة عمالة تقطع

om arwa

12-03-2011, 04:23 AM

دينا انا حاسة انى سهرتك اوووووووى معلش كنتى وحشانى
لو عايزة تانمى قومى اانا قاعدة شوية لو لسة ماجالك نوم
بس اكيد هتنامى ع الاب ههههههه

دودى مجدى

12-03-2011, 04:23 AM

ايوة متخافيش ان شاء الله هتظبطية وتظبطى امو كمان ههههههههههههههههههههه

om arwa

12-03-2011, 04:24 AM

لا ادفعى الوصلة بقى
عشان تعرفى ترغى براحتك

دودى مجدى

12-03-2011, 04:25 AM

لا والله بالعكس انا مبسوطة اوى انى بتكلم معاكى ونفسى اخد رقمك واكلمك بس لسة مقولتش للحاج دة ومش عاوزة اتخانق معاة فى التليفون ماما بتقولى خلاص اديهم رقم تليفونى انا وكلميهم علية بس انا مش عاوزة اعمل حاجةمن وراة هو طيب والله بس بيصغر دماغو على حاجات هايفة

om arwa

12-03-2011, 04:26 AM

لا يا ستى مالناش دعوة بامة كفاية علينا هوه هههه

دودى مجدى

12-03-2011, 04:28 AM

زعلانة اوى من نفسى انى كنت متبهدلة وانا مع محمد فى السعودية مكنتش بعرف اروح لكوافير اعمل وشى ولا حواجبى لانهم غالين ناااار هناك فكنت بحاول اعمل لنفسى بس مش اد كدة برضو وكمان حماتى كانت لازقالنا ليل نهار مكنتش بحط ميكب كدة ولا كانى عروسة وكمان هنا فى مصر بصراحة الامكانيات احسن وارخص ومتوفرة عن هناك حاسة انى اهملت فية وممكن عينو تزوغ وابقى انا السبب دة انا افقعلو عينو والله

om arwa

12-03-2011, 04:29 AM

براحتك يا دينا
اما جوزك يعقل بقى هههههههه
فعلا نفسى ارغى معاكى
ياربى كنا هنرغى رغى هههههه
بس ه شية هيزهق من التحابيك دى
كلهم كدة فى الاول

دودى مجدى

12-03-2011, 04:32 AM

لا متخافيش باذن الله هنرغى هو قرب يوافق بس لسالو تكةوكمان انا باذن الله لازم اخد رقمك عشان اكلمك اطمن عليكى اما تولدى واطمن على عروسة بنتى وهقولو لو مش مصدق انا هتصل وانت اسمع الصوت هتلاقيها ست عشان تتطمن

om arwa

12-03-2011, 04:33 AM

لا يا بنتى اكيد مقدر وجود مامتة هتعملى ايه يعنى
ان شاء الله تدلعية بعد اللولادة ماتقلقيش

دودى مجدى

12-03-2011, 04:33 AM

قصدى عروسة ابنى هههههههههههههه

دودى مجدى

12-03-2011, 04:36 AM

تفتكرى بعد اما اولد ويبقى فى ايدى طفل محتاج كل وقتى هعرف ادلعو ربنا يستر
عارفة كمان محمد من النوع اللى لو اهملتية لحظة بيزعل جدا ويتضايق وعاوز الاهتمام كلو لية هو دة بيغير لو قعدت اتكلم مع مامتى شوية وسيبتو

om arwa

12-03-2011, 04:36 AM

ههههههههههه حلوة موضوع هتلاقيها ست دى
قوليلة هما الرجالة ليهم طاقة ع الرغى الت العجبن بتاعنااا
معتقدش ان فى راجل ممكن يستحمل رغينا ده ههههههه
ل دخل ع التجمع يوم هيزهق ويقولى ايه الستات الفاضية دى

دودى مجدى

12-03-2011, 04:38 AM

مش انا اخيراااااااااااااااااااا لقيت هدوم على مقاسى اشتريت طقمين وفصلت طقمين هما كتير على الحمل بس انا بخرج كتير ولازم اغير عشان برستيجى وكمان عشان مبقاش زى اللى طول الحمل بنفس الطقم

om arwa

12-03-2011, 04:39 AM

لا ان شاء الله هتعرفى ربنا يسهل
ماه مش المفروض يغير من ابنة اكيد هيبقى فرحان بيه
وانتى حالى تحسسية باهتمام برد عشان مايغيرش منه
من الاخر قطعى نفسك يادينا هههههه
حتة لمحمد و حتة لحمودى ههههههه

دودى مجدى

12-03-2011, 04:40 AM

هههههههههههههه اة والله عندك حق بس محمد معذور شوية لانو قبل ما يتجوزنى مكانش عاوز يتجوز من كتر ما شاف بنات وحشة وبيعملو حاجات من ورا اهاليهم بنات الايام دى بقو حاجة صعبة استغفر الله العظيم فهو بيخاف عليا اوى زيادة عن اللزوم بس لازم يفهم ان مش كل البنات زى بعض وانا وراة بقى لحد ما يفهم

om arwa

12-03-2011, 04:43 AM

مبرك الهدوم
انا نازلت اشترى بيجامات عشان كل اللى عندى تعبنى مع الحمل
طبعا جبت اكبر مقاس عشان البنطلون يبقى مريح بطنى الجاكت طيل ومدفينى ههههههه
طبعا قعدت ادور على اشكال حلوة
عبد الله يقلى هاتى اى حاجة عملية مش مهم الشكل
قلتلة والله
شوية هلبس حاجات عملية وشوية جلبيات وشوية اتبهدل اكتر واكتر
تيجى انت بعد كام سنة تروح تدور على واحدة دلوعة وتقول زهقت من العملية

دودى مجدى

12-03-2011, 04:45 AM

ههههههههههههههههههه فعلا شكلى هقطع نفسى حتتين زى ما بتقولى واقولهم ارتاحو بقى كل واحد ياخد حتتو بعيد عن التانى ههههههههههههههه

دودى مجدى

12-03-2011, 04:48 AM

ومين سمعك يا سما انا من الشهر الرابع والبناطيل مديقانى والاستك بيعملى مغص عارفة اما نزلت مصر ماما قبل ما اتجوز كانت جايبالى قمصان بكم كدة وواسعين عشان اما اولد والحمل وكدة وكنت بتريقلها عليهم واقولها دة انا لو وصلت للحجم دة اموت نفسى بقى دينا تلبس بتاعة الستات العواجيز دى
وحياتك من ساعة ما نزلت ما بلبس غيرهم لانهم مريحنى جدا ومش قادرة البس بنطلون لا واللى يضحك انهم كمان قربو يضيقو عليا بجد تريقتى هتلبسنى فى حيطة

om arwa

12-03-2011, 04:51 AM

كان لازم تتريقى بضمير كدة

اية انا كل الحاجات اللى اتريقت لماما عليها احتاجتها بعد كدة
وبقيت اخد منها عبايات كمان هههههههه

عايزة اشترى جلبية للولادة بقى ان شاء الله عشان ماعنديش جلبيات خالص شتوى
وربنا يسهلل

دودى مجدى

12-03-2011, 04:55 AM

اة وانا كمان عاوزة اشتريها دى انا شوفت عبايات استقبال هنا فى بورسعيد ومش اد كدة يعنى والاسعار نااااااااااااااار 400 و350 معرفش هعمل اية فى الموضوع دةوالله

om arwa

12-03-2011, 04:55 AM

تصدقى لسة ماجبتش حاجة للننة حاسة انى هتزنق اوى
بس طلباتى انا واروى كتي رعلى عبد الله مش عايزة اخنقة والله
فبقل استنى بس خايفة اتزنق

om arwa

12-03-2011, 04:57 AM

حتى فى بورسعيد كل الناس بتقول الحاجات عندكو حلوة ارخص
احنا بردو فى الرينج ده ربنا يسهل يااااااارب

دودى مجدى

12-03-2011, 04:58 AM

بجد ولا اى حاجة طب ابداى بقى الايام دى وشوفى هدوم اروى لو كدة ممكن تلبسيها حتى الغيارات الداخلية وتجيبى للنونوكام طقم كدة من برة الطفل التانى دة بيتظلم حبة غير الاولانى حاجتو كلها جديدة

دودى مجدى

12-03-2011, 05:01 AM

لا يا سما معادش فى حاجة رخيصة يا حبيبتى ولا فى بورسعيد ولا اى حتة ممكن تلاقى مستورد هنا اة بس برضو غالى دة انا بقولك اشتريت فيستين وخفاف مش تقال بس تركى ب800 جنية من غير بقى بنطلون ولا طرحة ولا اى حاجة

om arwa

12-03-2011, 05:03 AM

اانا عندى كتير
كل السالبتات والباطيل القطن الشربات وشنطة البيبى والعربية
وكذا بطانية
ناقص بس سالوبتات الخارجية الشتوى القطيفة وكنت عايزة اشترى باطنية بتتقفل بكباسين
بس
ربنا يسهل

دودى مجدى

12-03-2011, 05:05 AM

بصى يا سما لو قصدك قميص شتوى ايوة فية هنا حاجات اللى هى القماش المضغوط دة واشكال تحفة بس مصرى طبعا يعنى اكيد هتلاقيها عندك انا بجيبها من واحد هنا بيجيب حاجات التصدير دورى فى مصر وهتلاقى باذن الله

دودى مجدى

12-03-2011, 05:06 AM

طب ما بدل البطانية ام كباسين دى ما تجيبى بورت سلقتى كانت جايبة واحدة جميل بسوستة

om arwa

12-03-2011, 05:06 AM

الله يا دينا حاجة تفقع
انا كمان عشان اجيب عباية حلوة وطرحة وجازمة وشنطة
الف ولا حاجة
ايه القرف ده بجدددد

بجد الاسعار بقت مولعى خصوصا ل عايزه تجيبى حاجة نضيفة

دودى مجدى

12-03-2011, 05:07 AM

سما بصى اخويا عاوز الفلاشة مضطرة اقوم هنام واكلمك بكرة باذن الله اوك متزعليش
سلاااااااااااااااااااااااااااااااااااااااااااااااا ام

دودى مجدى

12-03-2011, 05:08 AM

تصبحى على خير

om arwa

12-03-2011, 05:09 AM

مع السلامة يا حبى

om arwa

12-03-2011, 05:10 AM

ماه انا قصد ى ع البورت يا ديناااااااا

om arwa

12-03-2011, 05:12 AM

توتة وحشتينا يا بت

يلا صلحى ام النت

هههههههه
شفتوا الشعررررر

ام انس المصريه

12-03-2011, 08:10 AM

http://t1.gstatic.com/images?q=tbn:ANd9GcQ0leYFPmnFisDm0m0o48YZN9tGIAwm6 e6te_VxNMZsPB81SsaL0CIW875Psw

السلام عليكم

طبعا كلكو اخخخخخ بففففف الساعه دلوقتى 7 لصبح انس صحانى الساعه 5 رضعته وظبطه ونيمته وصليت وفتحت الجهاز

تقرير امبارح بقى هههههههه

روحت عند ماما كلت محشى وبط وفراخخخ ههههههههه وغلست على هاجر كا العاده وشتمت حبيبه وشتمنى ههههههههههه ماما بتقولى اكبرى بقى واعقلى

ام انس المصريه

12-03-2011, 08:18 AM

هاتشى

الحمد لله اه يازورى ومناخيرى يانى

انا هاقوم اكمل اخخخخخخخخخخخ بففففففففف

عماد سافر الجعفريه بعد طنطا والسنطه يابت يانورا تعرفيها

هو انتى من البتنجانيه يابت يانورا

يابتنجانه ههههههههههههههه

ام انس المصريه

12-03-2011, 08:25 AM

ام انس المصريه

12-03-2011, 08:32 AM

سلام بقى ياللى مش هنا

هاقوم اخخخخخخخخخخخخ

Rania Negm

12-03-2011, 08:51 AM

صباحووووووووووو ريجيم واكتئاااااااااااااااااااااااب

Rania Negm

12-03-2011, 08:59 AM

أم أنس شفاكى الله وعافاكى الف سلامة عليكى يا ألبوووووو من الاتشووووووووو

بالنوووسبة للشعر اللى بيقع ده عادى للأسف

أغلب النساوين شعرهم بيقع مع الرضاعة .. وانا منهم

يابنتى انا كنت بوصل لمرحلة كتل شعر بخصلهم تطلع فى ايدى مجرد ما امشيها على شعرى كدا موش حتى ادخل صوابعى واشده ولا حاجة

انا بصراحة كبرت معملتش حاجة بس اعتقدى ممكن تاخدى فيتامينات

وبالنووسبة لعضامك اللى بتوجعك انا بردو كنت نفس الوضع بعد الولادة على طول انا يااادوبك لسة متظبطة الفترة دى شعرى بدأ يهدى شوية ويقع المعدل الطبيعى بس

وعضامى بدأت تتحسن الحمدلله

اعتقد ممكن تاخدى كالسيوم . معرفش انا بفتى

بس انتى المفروض كنتى تاخدى كالسيوم بعد الولادة لمدة شهرين تلاتة

وطبعا الوزن الزايد بيأثر ع العظام يا أم أنوووووووووووووووووس

Rania Negm

12-03-2011, 09:02 AM

Rania Negm

12-03-2011, 09:06 AM

مشيت ع المشاية امبارح ربع ساعة

مشيت كيلو وميت متر

اووووووووووف نازلة من عليها هاين عليا اقول انا جدع

مكسرة ومدغدغة ومرهقة وحالتى حالة

يالهوووووووووووووووووى يارب قدرنى انا والبنات ونخس يااااااااارب

انا بجد عمالة اشجع نفسى واقول استحمل عشان ابقى موزة وارجع البس هدومى وانا عروسة اللى لسه ملبستش نصهم

كنت جايبة شخاليع كتير وكل يوم البس شخلوعة

والسنة الاولى عدت وحملت وبئلظت وكنت لسه مكررتش اغلب لبسى ولا لبست حاجات كتير

عاندى جينسات روشة اووووى

وقمصان ملحقتش احطها على جتتى

وعندى كرش ستة متر قدام

وجوزى راح على موقع جديد وكله شغل وبدأ يخس الحبة اللى زغطتهمله على مدار حملى

اوووووووووووووووووووف

MALAK2010

12-03-2011, 11:25 AM

بالله عليكم يابنات اللى يعرف الحل يجاوبنى

شعرى بينزل بطريقه رهييييييييييييييييييييبه جداااااااااااااااااااااااااااااااااا فوق ماتتخيلو من ساعة ماصبغت شعرى للاسف

جبت امبارح بانتين بديل الزيت

مفيش حاجه تانيه كمان اعملها شعرى خف النص

..

وكمان ياسما عظمى بيوجعنى على طول مدغدغ متكسر ينفع اخد كالسيوم اى مقويات ولو ينفع ادينى اسم اى مقويات

انا كنت باخد ونا حامل كالسيوم اسمه ماركال

وحديد اسمه انرتش
الف سلامه عليكى يا شوشو بصى هو الفرد والصبغه طبعا بيضعفوا الشعر واحنا اصلا شعرنا تعبان خلقه من ايام الحمل

انا باخد كالسيوم وحديد من بعد الولادة كمان والدكتورة هى اللى عطياهونى

بصى انا كان شعرى بيوقع برضه اوووووى بس من ساعه ماانتظمت فى الحديد او الكالسيوم مش عارفه انهو اللى فادنى بدا شعرى يتظبط
وبالنسبه لعضمك لااااااااااازم تاخدى كالسيوم لان انا برضه كنت اهملت فى الكالسيوم بعد الولاده عضمى اتبهدل وغير ضروسى تعبت وضعفت وفى ضرس لتكسر يعنى محتاجين عمرة ههههههه من الاخر
ربنا يعافيكى

MALAK2010

12-03-2011, 11:29 AM

عااااااااااااااااااااااااااااااااااااااااا

بفكر اعمل ريجيم بكره الواد التيت مصحى ماى فاميلى من الساعة 7

وانا صاحية جعانة خلقة

مع انى امبارح عملت حسابى وطول اليوم كنت باكل كشرى وأكلت تلت اطباق كبيرة كاسترد بالبسكوت

واتعشيت طبق كبرى كشرى جوزى بيقولى لو بعنى طبق الكشرى ده هنا هنبيعه ب 30 ريال

من كتر ما هو كبير

ومكملش العشى بتاعه هو وفضل منه بطاطس محمرة كتير

رحت زرفاهم فى ساندويتش وهم النم

دلوقتى صاحية جعااااااااااااااااانة وكنت هروح للدكتورة انهاردة

بفكر بقى اروح للدكتورة انهاردة واعمل الريجيم من بكره

عاااااااااااااااااااااااا

جعاااااااااااااااااااااااااااااااااااااانة
ههههههههه لسه بتفكرى تعملى رجيم مش بقولك يوم السبت مش بيجى ابدا ههههههه
وايه اللى كلتيها ده كله ماشاء الله انتى داخله على رجيم ولا حرمان من الاكل خااالص هههه
انتى رجيمك اللى بعتيه جميل وسهل خااااالص امال لو جربتى الرجيمات العجب اللى كنت بعملها
يلا شدى حيلك وخلى عندك عزيمه وابداى من النهارده تقللى الاكل علشان من بكرة ان شاء الله تبداى رجيم بس انا اللى هسبقك برضه هههههه باذن الله

رحمتك يارحمن

12-03-2011, 11:43 AM

ربى لا تذرنى فردا وانت خير الوارثين

MALAK2010

12-03-2011, 12:03 PM

رحمتك يا رحمن :ربنا يعطيكى كل اللى نفسك فيه ويفرح قلبك وكرمك بالحمل السليم المعافى عاجل غير اجل اللهم امييييييييييييييييييييييييييين

om arwa

12-03-2011, 12:57 PM

صباح الخيرات

ام انس خدى يا حبيبتى نفس الحاجة اللى كنتى بتاخديهااااااااااا انتى حامل
فيتامينات وحديد وكالسيوم
ده طول فترة الرضاعة هتقلل التساقط

ملك ازيك وازاى سيمبا

رانيا شدى حيلك لا البت رانا تسبقك وتبقى موووووزة هههههه

مامامشمشة

12-03-2011, 01:10 PM

انا بدات ريجيم من النهاردة وربنا يقوينا

supermami90

12-03-2011, 02:11 PM

ازيك ياام اروى
ازيك ياملوكة وازاى سلمى
ام انس عامله ايه انتى وتوتة ودودى يارب جميعا بخير

om arwa

12-03-2011, 02:34 PM

ربنا يقويكى يا شيماء

ام ملك بقيتى فى الشهر الكام
ومش بتدخلى ليه

Rania Negm

12-03-2011, 03:57 PM

هاو ار يووووووووووووووز ياللى هونا

ايه الشح ده ؟؟؟

محدش دخل من الساعة 8 الصبح لحد العصر ليه ؟

قلتوا كلمتين وهوبا على فين ؟؟

يا ملووكى انا بدأت ريجيم من النهاردة

غيرش بسى انى فطرت ساندويتش فينو جبنة بيبضا لايت ههههههههههههههههههههه

وكنت ناوية اتغدى غدا عادى

السبب والله موش كسل

بس موش عندى اكل كتير فى البيت

حاجات كتير للريجيم ناقصة

ماعنديش عيوش دايت

اعنديش بصل فبالتالى معرفتش اطبخ انهاردة خضار ولا اسلق فرخة

بس هخلى جوزى يجيبلنا فرخة مشوية وهو جاى

ولما اروح للست الحكيمة هنزل بقى اشترى ألبان وزبديات وعيوش عشان الفطار والعشا

ربنا ييسر

وهقوم اهو خمسة كدا لما افوووووووووق وامشى ع المشاية ربعاية ولا نصاااااية على ما آخد عليها

جعاااااااااااااااااااااااااااااااااااااااااااااااا ااااااااانة

Rania Negm

12-03-2011, 04:02 PM

http://forum.hwaml.com/imgcache2/hwaml.com_1322917336_147.jpg

http://forum.hwaml.com/imgcache2/hwaml.com_1322917336_862.jpg

الجوع كافر يا جدعان

Rania Negm

12-03-2011, 04:03 PM

يوووو بئى محدش هيجى ؟

كان نفسى اتلكك باى حد وممشيش ع المشاية

هوووووووووف

إلى الجهاد

Rania Negm

12-03-2011, 04:33 PM

متنسووووش يابنات الصيااام بكره وبعده تاسوعاااااء وعاشورااااء

واء واء واء واء

عاااااااااااااااااااااااااااااااااااااااا انا موش هعرف اصوووووم كان نفسى اصومه أوووى انا فى عرض ان ربنا يغفرلى ذنوب السنة اللى فاتت

Rania Negm

12-03-2011, 04:41 PM

مقدرتش اكمل ربع ساعة مشى

موش عارفة فى ايه لياقتى البدنية بقت تحت الزيرووووووووووووو

ملك تعالى اقولك على وجبات كانت بتعجبنى وبتشبع جدااا كمان من الريجيم اللى فات

فى الفطار ياستى انتى ليكى بيضاية واتنين توست

ده أول اسبوع وهى سعرات الحرارية لسه كتير 1500 باين فى اليوم

المهم كنت لما كنت بزهأ من البيض المسلوق كنت اجيب منديل كلينيكس واخد بيه نقطة زيت وامسح بيها الطاسة التيفال

وأرب البيضاية بره فى طبق أومليت ياعنى كدا

بس

بيبقى قرص البيضاية كبير ومنفوخ واحطه فى التوستين

وطماطم وخيار وخس وهتشبعى موووت أصلااااااااااااااا

كمان كوسة باللحمة المفرومة

كنت بعصج اللحمة واحط فيها شرايح كوسة ويستووا مع بعض

كانت بتبقى هايلة بردو . حطى ربع كيلو لحمة واى كمية كوسة انتى عاوزاها

رهييييييييييييييب هتشبعك جدااااا مع العيش او الرز موش فاكرة ايه باقى الوجبة شوفى انتى .

كمان الفراخ البانيه : انتى ليكى ربع كيلو

كنت بقطعها قطع واعملها شيش طاووك مع الفلفل والبصل والطماطم ويستووا ع الشواية

كنت بطلعلى باتنين او تلاتة سيخ بردو مشبع جدااااااااااااا مع باقى الوجبة الرز أو المكرونة او العيش والسلطة

امممممممممممممممممممم ايه تانى افكاااااااااااااااار

البابا غنوج متنسيهوش

سلطة جمب الاكل بردو بيشبع موووت

ممكن عشان الهبوط ونقص السكر والكلام ده تاخدى معلقة عسل نحل مع شريحة توست

انا رحتلها مرة واحدة ببس بعد الولادة بشهر كتبتلى اسبوع ريجيم كانت المدرات بتاعة الحليب فيه

تمرررررررر بين الوجبات

3 تمرات مرة واحدة فى اليوم

وكانت تقولى البنجر فى السلطة رهيييييييييب مدر للبن جدا

وموش فاكرة كتبت ايه تانى

سمع تفى التليفزيون ان الينسون مع الدايت بيزود اللبن

هيه يا مووووووووووسهل

Rania Negm

12-03-2011, 04:44 PM

يانهااااااااار احووووووووووس جعااانة طييينة ياعنى

ام يحيي 2011

12-03-2011, 04:46 PM

فى حد هناااااااااااااااااااااااا

يحيي تعبان اوووووووووووووووووووى ادعوله كتتتتتتتتتتتتتتتتتتتتتيتر

ام يحيي 2011

12-03-2011, 04:48 PM

رانيييييييييييييييييييييييييا وحشتنى اووووووووووووووووووى عمله ايه انتى واحمودى ومييييييييييييييييييين هنااااااااااااااااااااااااا معكى

ام يحيي 2011

12-03-2011, 04:54 PM

رحتوووووووووووووووواااااااااااااا فييييييييييييييييين بقى

ام يحيي 2011

12-03-2011, 05:06 PM

طيب انا همشى كمان كان نسى الاقى حد وحشتونى اوووووووووووووووووى

وتعبانه وزعلانه اوى لتعب يحيي وكان نفسى الاقى حد جمبى الحمد لله

احلى نونو

12-03-2011, 05:20 PM

السلام عليكم

سااااااااااااااااره ازيك ياجميل
الف سلامه على يحيى
تعبانه عنده ايه ؟
شافاه الله وعافااااه

ام يحيي 2011

12-03-2011, 05:31 PM

ازيك يا دودو سخن وبردان مكحه وبلغم وترجيع دعوااااااااااااااااااااااتك

احلى نونو

12-03-2011, 05:36 PM

ياحبيبتى الف مليون سلامه عليه
كيب ودتيه لدكتور اطفال عشان يكتبله علاج كويس
انتى دفييه كويس اوى
الجو اصله ملخبط وبرد جامد
كله عيان الكبير والصغير

احلى نونو

12-03-2011, 05:40 PM

ساره بقولك ياجميل
من يوم الخميس الضهرمحسيتش بحركه النونو
وقلقانه بصراحه
ماما بتقولى يمكن اتحرك وانتى مخدتيش بالك او اتحرك وانتى نايمه
انا كده كده معادى عند الدكتور بكره ان شاء الله
ممكن كل ده محسش بالحركه عادى ولا ايييه

ام يحيي 2011

12-03-2011, 05:42 PM

والله متقلله جامد خالص احنا عندنا تلج علطول فى الشتا الحمد لله والله جيت اروح بيه دلوقت وكنت هروح لوحدى وانا مش عارفه العياده بس نام قلت لما يصحى وباباه قرب يجى ربنا يسهل بديله مسكن وخافض للحراره وللرشح وللبلغم وترجيع بس ما فيش اى فايده الدور بيزيد ربنا يستر دعواتك وانتى عمله ايه

دودى مجدى

12-03-2011, 05:42 PM

صباح الخيير عليكو البت سما نمت انا وهى الفجر وهى صحيت زى العفريتة وانا ميكروباص مقلوب نايم ههههههههههههه

ام يحيي 2011

12-03-2011, 05:44 PM

لا أكيد بأذن الله بيتحرك وانتى مش بيتحسى بالحركه هو لسه صغير انا فى نفس شهرك بالضبط جه عليا يومين وما حستش بحركته وروحت كشفت الدكتوره قالتى هو بيتحرك عادى بس انا كان قولونى ومعدتى تعابنى قلتلى يمكن من كده بأذن الله خير ما تخفيش احنا بس بنوهم نفسنا

دودى مجدى

12-03-2011, 05:44 PM

دعاء انا كان بيحصل معايا زييك كدة وابقى قلقانة واعد اقول لمحمد انا خايفة ودينى للدكتورة يقولى بطلى هبل وكنت بروح الاقية بيتحرك عادى فى السونار هو ساعات بيتحرك لجوة او حركة ضعيفة انتى متحسيهاش فمتقلقيش خالص دة الواد حودة الاهبل لسة بيعمل معايا كدة لحد دلوقتى ربنا يهديهم

دودى مجدى

12-03-2011, 05:45 PM

سارة الف سلامة على يحيى ربنا يشفيلك عنو يا رب عاملة اي يا سوووووووووووووووو

ام يحيي 2011

12-03-2011, 05:46 PM

ازيك يا دودى يا ستى نامى برحتى بكره يجيلى الى يقلق نومك ويسهرك لتلات ايام ورا بعض هههههههههه

دودى مجدى

12-03-2011, 05:47 PM

هههههههههههههه اة بعد كدة هتحسر على الايام دى يا سووووووووو

احلى نونو

12-03-2011, 05:49 PM

ان شاء الله يبقى كويس ياساره بس توديه للدكتور على طووول
والف سلامه عليكى
طمنتينى انا كنت قلقانه والله وعلى وشك اعيط بس الحمد لله

دودى مجدى

12-03-2011, 05:49 PM

فى حالات خطف هنا كتير يا بنات عندكو كدة برضو ولا لا كل حبة نسمع عن ابن تاجر كبير او بنت واحد معروف فى البلد اتخطفو ويطلبو من اهاليهم فدية لدرجة الرجالة الكبار بيتخطفو والنهاردة جارتى بتقولى واحدة حامل اتخطفت بعربيتها ام جوزها قالهم خدو العربية بس رجعوها هى سليمة ربنا يستر والله الواحد يكن فى بيتو بقى الايام دى

احلى نونو

12-03-2011, 05:51 PM

دينااااااااااااااا
حبيبيتى
لسه كنت بصلى المغرب وجيتى على بالى وقولت يارب تدخلى انتى عارفه حركات العيال اللى بيعدوا ميتحركوش دووووووول ويوجعوا قلبنا
عارفه انا لقيت نفسى استغفر الله اتلخبطت فى الصلاه ولما افتكرت كلامك وبتقولى حمودى ساعات كده والدكتوره بتقولك بيتحرك اهوو
فخرجت من الصلاه وعدت تاااااااانى
ربنا يطمنك على حمووووووووووودى يارب ويجى بالسلامه
خلصتى البلوفر بتاعه ولا لسه
عاوزين نشوفه

ام انس المصريه

12-03-2011, 05:51 PM

رانيا

ملك

سما

جزاكم الله خيرا على ردكم انا مخدتش اى فيتامين بعد الولاده خالص ان شاء الله هجيب لانى متكسرررررررره

دودى مجدى

12-03-2011, 05:53 PM

كمان يا بنات الستات بقى بيتخطف منهم الشنط بطريقة لا يصدقها عقل بنت خالة مامتى كانت ماشية ومعلقة شنطتها وماسكاها بايديها كويس ام جة واحد بموتسيكل من وراها كهربها بصاعق كهربة ايديها اتفردت غصبن عنها طبعا ام شادد الشنطة وجارى

احلى نونو

12-03-2011, 05:55 PM

استر يارب ايه موضوع الخطف ده كمان
انا ماما مقالتليش عن حاجه كده
بس ياعينى ابن صاحبتها طلعوا عليه بلطجيه بليل هو وصحابه ويابنتى كانت الساعه 9 ونص بليل يعنى مش متاخر وكانوا عاوزين ياخدوا موبايلاتهم والمحفظه والفلوس واحد طلع من سكات والتانى قاوم قموا ضربوه ياحبيبى على دماغه وخدوا برضه حاجاته وفلوسه وجريوا والواد فى المستشفى بقاله 6 ايام فى غيبوبه
ربنا يشفيه ياااارب

بت يادينا متنزليش من البيت الا وحد معاااااااااااااااكى وربنا يستر طريقنا كلنا يارب

دودى مجدى

12-03-2011, 05:56 PM

ههههههههههههه اة الواد دة هيهبلنى معاة والله يا دودو دة انا عاوزة اروح للدكتورة الايام اللى جاية دى اطمن عشان العبيط دة بعد ما بقت حركتو محسوسة وقلت كبر وعقل رجعت احس بالحركة زى النبض كدة كانى لسة فى الرابع ولا الخامس معرفش الناس بتكبر وتعقل ودة بيكبر ويهبل

احلى نونو

12-03-2011, 05:56 PM

منهم لله الحراميه دوووووووووول
اصلا يادنيا انا عارفه موضوع الموتسيكلات ده بسرعه الصاروخ يشدوا منك الشنطه بس بصاعق الكهربا اهو دى اللى حاجه جديده
ربنا يستررر

ام انس المصريه

12-03-2011, 05:57 PM

الف مليون سلامه على يحيى ياساره ربنا يشفيه يارب

..........

دعاء عامله ايه انتى والنونو

دينا ازيك وازى محمود

احلى نونو

12-03-2011, 05:58 PM

هههههههههههههههه بس متقوليش على حمودى كده ليطلع يجننك بعدييين

دودى مجدى

12-03-2011, 05:59 PM

انا فعلا مش بنزل الا مع مامتى بس اللى يخوف انهم بيخطفو البنات من وسط اهاليهم يعنى برضو واحدة خارجة مع خطيبها اتخطفت وصاحب بابا واقف هو ومراتو وصاحبو شدو شنطة الست والرجالة واقفين معاها يعنى خلاص بقى على عينك يا تاجر

دودى مجدى

12-03-2011, 06:00 PM

شيمو ازييك يا حبيبتى احنا بخيير ازى انوس عامل اية

احلى نونو

12-03-2011, 06:02 PM

شيمووووووووووووووووووووووووووووو

ازيك ياوزه عامله ايه
سلامتك الف سلامه
برد وشعر بيقع وعضم كسر قوليلى فاضل اييييييييييييه سليييييييم بس
خدى بقى الفيتامينات عشان تبقى كويسه
دى معلومه انا اول مره اعرفها من البنات هنا والله اننا ناخد بعد الولاده
انوووسى العسل عامل ايييه
انا والنونو بخير الحمد لله
بس النونو خضنى عليه ومش راضى يتحرك

دودى مجدى

12-03-2011, 06:02 PM

لا ما هو من ناحية الجنان هيجنن امى امبارح ابوة اشترالو الحبل اللى بيربطو بية الاطفال دة عشان ميجروش ويتحط شنكل فى هدومو والطرف التانى فى ايد الام قولتلو دة انت متاكد بقى ان ابنك هيطلع شقى قالى ربنا يستر عليكى منو ههههههههههههههههه

دودى مجدى

12-03-2011, 06:03 PM

هصلى المغرب وجاية

ام انس المصريه

12-03-2011, 06:03 PM

عااااااااااااادى يدينا متقلقيش الحركه بتخف كل ما البيبى ماشاء الله حجمه بيكبر

ده انا كنت كل يوم اشتكى من حركة انوس

دودى مجدى

12-03-2011, 06:05 PM

حجمو اية يا شيماء دة انا زعلانة خالص علية انا عمالة اتخنوهو 580 جرام يعنى نص كيلو يعنى شايلة برص

ام يحيي 2011

12-03-2011, 06:05 PM

ازيك يا شوشو منووووووووووره يا وزه انوس عامل ايه

الله يسلمكم يا بنات دعواتكم

احنا عندنا يا دودى بنت جرتنا اتخطفت بس الحمد لله رجعت وفى واحد قربنا عربيتنا اتسرقت ادامه دغدغوه يعنى وسرقوا العربيه ولا اى حد من الناس عمل حاجه ياااااااااااااااارب سلم

دودى اشرف

12-03-2011, 06:08 PM

السلام عليكم
عاملين ايه

ام يحيي 2011

12-03-2011, 06:11 PM

ازيك يا ام عمووووووووووووره وحشنى ايش اخبارك

دودى اشرف

12-03-2011, 06:11 PM

البت توته فييييييييييييين .. حد كلمها او هى دخلت ؟؟؟
ازيكم الاول كلكم على بعضكم

ام انس المصريه

12-03-2011, 06:12 PM

متقلقيش انتى كمان يادودو اسالى البنات كده كنت روشاهم كنت عاوزه انس يتحرك 24 ساعه ههههههههههه

وكنت افعص فى بطنى لحد مايتحرك كان انس هادى جدااااااااااا فى حركته لدرجة انى شكيت انه بنت بسبب حركتة الخفيفه

.......

هصلى المغرب واجى ان شاء الله ده لو انوس مصحاش

.................

دعاء انا المفروض جوزى يبوسنى ويحطنى جمب الحيط هههههههههههههه مفستكه خالصصصصصص وصحتى راحت والله

دودى اشرف

12-03-2011, 06:12 PM

البت توته فييييييييييييين .. حد كلمها او هى دخلت ؟؟؟
ازيكم الاول كلكم على بعضكم .. مفيش وقت اكتب الاسامى ههههههههههههههههههههههhwaml7

ام انس المصريه

12-03-2011, 06:16 PM

يادينا متخافيش يابت الطفل بيبدا يزيد زياده كبيره من الشهر السابع ماشاء الله كنت اروح كل اسبوعين الاقى انس بيزيد 150 جرام او 200 جرام ومره روحت لقيته زاد 80 جرام ههههههههههههههههه المهم فى الاخر انس اتولد

2 كيلو ونصص ههههههههههههههههه

ام انس المصريه

12-03-2011, 06:19 PM

النت فاصل عند توته ياغاده

ملك اتصلت عليها وطمنتنا

نولارا

12-03-2011, 06:20 PM

ازيكم يانسوااااااااااااااااااااااااااااااااااااااان

أم سلسبيل

12-03-2011, 06:21 PM

السلام عليكم ياللى هنا

نولارا

12-03-2011, 06:28 PM

ام عبدالله
فيننننننننك يابنتى من زماااااااااااان

اشوشو
اخبارك انتى وانوس اللى استحمى ايه

ام يحيي 2011

12-03-2011, 06:30 PM

http://forum.hwaml.com/imgcache2/hwaml.com_1322926219_994.jpg

ام يحيي 2011

12-03-2011, 06:32 PM

يحيي الكبير ويحيي الصغير يعنى جدو

ازيك يا نوررررررررررررا النونو عامل ايه واحمودى كمان

ازيك يا ام عبودى عمله ايه

دودى مجدى

12-03-2011, 06:32 PM

عسول يا يحيى انت تبع حزب الحرية والعدالة ولا اية ههههههههههههههههههههه
هو جدو دة اللى شايلو يا سارة

ام يحيي 2011

12-03-2011, 06:36 PM

يحيي ده عضو مؤسس طبعا هههههههههههههههه

ام يحيي 2011

12-03-2011, 06:38 PM

http://forum.hwaml.com/imgcache2/hwaml.com_1322926732_298.jpg

ام يحيي 2011

12-03-2011, 06:41 PM

ايه رايكم فى دى بقى عسوووووول صح ما شاء الله عليه

ام يحيي 2011

12-03-2011, 06:49 PM

رحتوااااااااا فين ما عجبتكمش صور يحيي ولا ايه اهئ اهئ

أم سلسبيل

12-03-2011, 06:49 PM

نوراااااااااا ازيك يا قمر وازاى حمودك والنونو

دينا حبيبتى فييييييييييييينك وازاى حمودك

ازيك يا ساره وازى يحيى ربنا يعفى عنه يارب

انا بخير واهو مختفيه بسبب الانتخابات لان الواحد لازم يكون ليه دور فعال

نولارا

12-03-2011, 06:51 PM

ساره
اوعى الواد سياسى من يومه هههههههههههههههههههه
احنا الحمد لله والنونه بخير

دينا
اخبارك ايه انتى ومحمود

أم سلسبيل

12-03-2011, 06:55 PM

جميل يا ساره ربنا يبارك فيه

نولارا

12-03-2011, 07:11 PM

غديت احمد ومكنتش طايقه ريحه الاكل
بس بطنى وجعانى من الجوع وصدعت اعمل ايييييييييييييييييه
شكلى هنزل اشترى مخلل وربنا يسامحنى بقى

om arwa

12-03-2011, 07:37 PM

بت يا نورا ه ليه توقيع الحمل مش بااااااااااين؟

مروة ازززززززيك
ماتغبيش يا بنتى
معادك امتى مع الدكتورة

دودى مجدى

12-03-2011, 07:42 PM

مروة ونورا ازييكو انتو يا حبايبى عاملين اية وازى نوناتكو وموكشة يا نورا انا وحمودى تمام الحمد لله

om arwa

12-03-2011, 07:45 PM

ازيك يا بت يا ميكروباص
يووة قصدى يا دينا ههههههه
انا صحيت الضهر يا ختى عشان الباب خبط
وبعدين فطرت واتقلبت نمت من 3 ل 6 تانى
يبا بنتى احنا بطيخات ههههههههه

دودى مجدى

12-03-2011, 07:45 PM

سما معلش امبارح قومت اخويا كان عاوز الفلاشة كنمت عاوزة اكمل كلام معاكى انتى هتروحى لدكتورتك امتى انا بقيت مترددة اوى فى ناس عمالة تقولى علىالدكتورة اللى حماتى عاوزانى اروحلها كويسة جدا وممتازة ونضيفة بجد تعبت من التفكير انا فى حيرة وخايفة اعند معاهم اندم انا فى الاخر

دودى مجدى

12-03-2011, 07:46 PM

ههههههههههه ما انا برضو بقول جيبتى النشاط دة منين دة احنا مفستكين وحالتنا صعبة

دودى مجدى

12-03-2011, 07:48 PM

سما امى عمالة تقولى حرام عليكى اما تنيمى الواد فى العربية انتى ترضى حد ينيمك فى عربية مش مريحة والواد هيتعب عمالة تقولى هاتيلو سرير بجملة المصاريف راييك اية
وانا خايفة انيمو جمبى محمد يفعصهولى

نولارا

12-03-2011, 07:51 PM

امبارح ياسما كنت بحاول احط النونو اللى بيتشقلب ما عرفتش والظاهر مسحت الاتنين
اخلص كلام مع خالد وابقى احطه تااااانى

أم سلسبيل

12-03-2011, 07:53 PM

سما عامله ايه يا حبيبتى

وازى اروى والنونه

انا ميعادى مع الدكتورة يوم 14 هيكون لسالى اسبوع وادخل التاسع

قلقانه اوى وبدأت احس بالتعب

ومسكانى خنقه غريبه

ادعولى يا بنات

انا وبودى الحمد لله يا دينا

أم سلسبيل

12-03-2011, 07:55 PM

انا يا دينا هيجيلى سرير هديه

تحفه انا اللى نقيته

بس مش جايلى قلب انيمه لوحده

بقول ينام جمبى وخايفه من نوم محمود جوزى

دا نومه متوحش قلت انيمه على الجنب التانى من السرير

لحد اما يكبر شويه ويبدأ يتقلب انام بيه لوحدينا

ع السرير التانى ولما قولت لجوزى كده زعل

دودى مجدى

12-03-2011, 07:56 PM

مروة يا حبيبتى ربنا معاكى ويديلك ساعة سهلة باذن الله انا برضو معادى يوم 14 ومش عارفة اروح لمين ربنا ييسرها من عندو

om arwa

12-03-2011, 07:57 PM

دينا
استخيرى
ممكن تروحى للدكتورة بتاعة حماتك مرة تجربيها وتشوووووووفى
ولو معجبتكيش روحى للتانية المرة اللى بعدها
لسة قدامك زيارات كتير للدكترة قبل اللادة تقدرى تقرري

دودى مجدى

12-03-2011, 07:59 PM

مبروك على السرير يا مروة انتى ممكن تخلى سريرو جمب سريرك عشان ميبعدش عنك متعرفيش الاسعار كام ونوعو اية خشب ولا اللى هو الالمونيوم دة باين اللى طالع

أم سلسبيل

12-03-2011, 07:59 PM

ربنا يخليكى يا دينا

وربنا يقومك بالسلامه يا قلبى

انتى لسه عندك وقت تقدرى تفكرى فى واحده واتنين وتلاته

وتقررى بعدها الحقى نفسك قبل ما الوقت يسرقك

دودى مجدى

12-03-2011, 08:01 PM

ايوة عندك حق انا هعمل صلاة استخارة النهاردة لانى تعبت من التفكير وربنا يعمل ما فية الخيير

أم سلسبيل

12-03-2011, 08:01 PM

الله يبارك فيكى يا حبيبتى

السرير تقريبا سعره 450

بس الحقيقه مأخدتش بالى نوعه ايه

بس هو حلو اوى

والمشكله يا دينا ان السرير مش هينفع ييجى جمب سريرى

المكان ضيق علشان السرير فالنص الحته ضيقه وطويله

om arwa

12-03-2011, 08:01 PM

اانا كمان معادى 14 ايعه البصرات دى هههههههه

بقولك يا مروة
طبيعى فى التامن متعب اى
ارفعى المخدات شية عشان تعرفى تتنفسى وانتى نايمة
وخلاص هانت يا جميل ان شاء الله
المفروض من نص التامن تبدأى تمشى تلت ساعة كدة ولاحاجة
عشان من اول التاسع تزودى

دودى مجدى

12-03-2011, 08:02 PM

لا انا ان شاء الله يوم 14 لازم اروح لواحدة عشان اطمن على الواد بس يا رب يوقعنى فى واحدة كويسة

om arwa

12-03-2011, 08:04 PM

مش عارفة انا مش مشجعة مضوع السرير
بصى العربية ل البيبى حجمة كبير ممكن تدايقة لكن انا بنتى كانت برص
فمضايقتهاش خالص الحمدلله

أم سلسبيل

12-03-2011, 08:07 PM

فعلا يا سما مش بعرف انام الا وانا رافعه نفسى عالمخده

وكمان فى حاجه الحموضه عندى تعبانى اوى

وخاصه وقت النوم ولازم ارجع علشان اعرف انام

طبعا بيكون غصب عنى والاكل برضه قليل اوى بسبب الترجيع

الدكتورة قالتلى معدتى تعبانه عاطتنى موتينورم ولا عامل حاجه وبرجع برضه

وعطيتى رانيتاك للحموضه اوقات بيريحنى واوقات لا

دودى مجدى

12-03-2011, 08:07 PM

حطية قدام سريرك يا مروة انا هعمل كدة فى بيتى اللى هنا لان برضو مفيش مكان جمبى

دودى مجدى

12-03-2011, 08:08 PM

سما ماما قصدها انها ناشفة ومش مريحة زى السرير حقة فعلا ولا متبطنة

أم سلسبيل

12-03-2011, 08:12 PM

ان شاء الله يا دينا

المهم انهم ييجوا بالسلامه

om arwa

12-03-2011, 08:12 PM

لا هى بتبقى متبطنة وانا كمان بفرشها بكبرتاية وفوقها بطانية عشان البرد

مرة خدى متينرم قبل الاكل بنص ساعة وبعدين كلى
وبعد الاكل فوار رانى
وماتاكليش بليل متاخر هتستريحى ان شاء الله

أم سلسبيل

12-03-2011, 08:16 PM

تسلمى يا سما

ربنا يقومكم بالسلامه

هانت وكلنا نشوف اللى جوه البطيخه

عايزين نبقى نطمن على بعض وقت الولاده وبعدها يا بنات

دودى مجدى

12-03-2011, 08:23 PM

ايوة يا مروة فعلا عاوزيين نطمن على بعض مروة هاتى رقمك كدة اسيفو عندى وربنا يهدى محمد وان شاء الله اكلمك اما تولدى اطمن عليكى

om arwa

12-03-2011, 08:23 PM

اية فعلا يا مروة
هاتى رقمك اكلمك عشان هتولدى الاول ان شاء الله

أم سلسبيل

12-03-2011, 08:29 PM

ماشى يا بنات ربنا يهديهولك يا دينا

هبعتلكم الرقم فى رساله خاصه انتظرونى

دودى مجدى

12-03-2011, 08:31 PM

ماشى مستنين اهو
هى الدكتورة هتقولك المرة الجاية على معاد الولادة يا مروة ولا هتخليكى تروحيلها كل اسبوع ولا اية

أم سلسبيل

12-03-2011, 08:36 PM

والله ما عارفه يا دينا

انا هيكون فاضلى اسبوع وابدأ التاسع

ممكن تقولى تعاليلى لما تبدأى التاسع

والله اعلم

ربنا يستر بقى

وصلت الرساله

دودى مجدى

12-03-2011, 08:39 PM

ايوة وصلت اهى سيفت الرقم وهكلمك باذن الله اطمن عليكى واكون استاذنت الحاج محمد

دودى مجدى

12-03-2011, 08:40 PM

بيتهيالى هى هتقولك تجيلهاكل اسبوع او اسبوعين وتفضلى معاها على اتصال ربنا يسهلهالك من عندو يا رب

أم سلسبيل

12-03-2011, 08:41 PM

ربنا يجيبهولك بالسلامه يا حبيبتى

ويصلح حالكم

ويقومنا بالسلامه يارب

om arwa

12-03-2011, 08:42 PM

وصلت يا مروة
ان شاء الله نقوم كلنا بالسلامة

دودى مجدى

12-03-2011, 08:44 PM

متحرمش منك يا مروة
يااااااااااااااارب اللهم امين يا رب نولد كلنا طبيعى يا رب
من حق يا ست سما انا الحركة على طول تحت فى المثانة زى ما انتى بتقولى وانتى الاخبار اية معاكى

أم سلسبيل

12-03-2011, 08:46 PM

ربنا يخليكم يا احلى اخوات

وربنا يفرحكوا باولادكم وبناتكم على ايديكم سليمين معافيين يارب

رنا خالد

12-03-2011, 08:47 PM

نورا جت ع المنتجع ولا لسه في السكه
انا جيت جررررررررري اهو يانورا بالموتوسيكل ههههههههههه
ازيكم يابنات كلكم نيفر نيفر

أم سلسبيل

12-03-2011, 08:49 PM

ازيك يا رنا

ولوجى عامله ايه

كل سنه وهى طيبه

رنا خالد

12-03-2011, 08:50 PM

سما هنا قششششششطه
قوليلي ياسمسمه هو سكر الدايت ده مضر
وينفع اخد منه بسيط وانا برضع ولا يضر البنت
اصله حلو في الدايت بس سمعت ان مادة الاسبرتام مضره فمش عارفه
ياريت تقوليلي
ولو مضر لاقيلي حل ها
مانا عايزه اخس واشرب مسكر لغز مش كده ههههههههه

Rania Negm

12-03-2011, 08:51 PM

يا عيال انتو عرفتوا ان عامر منيب مات الله يرحمه ؟؟

يخربيت الاكتئااب

عندى اكتئاااااااااب شنييييييييييييييييييييع

كمية ناس ماتت فى السنة دى ياربببببببببى

ناس كتيييير اوووووووووووووووووى

وانا خايفة مووووووووووووووووووت

انا مكنتش بخاف كدااا .. لما كان بتيجى عليا اوقات ربنا يهدينى وابطل معاصى معينة او اخطاء بعملها

ببقى منطلقة كدا وفرحانة بالطاعة ومستبشرة

لكن الفترة دى من بعد وفاة بابا الله يرحمه وانا عندى هاااجس رهيب من المووووت

عاوزة ابطل معاصى او ازود طاعات وانا مرعوبة من الموت والحساب والعقاب

عمر ما كان بيجيلى الاحساس ده ابدااا

أم سلسبيل

12-03-2011, 08:51 PM

استأذنكم انا يا بنات

هعمل شويه حجات قبل ما زوجى ييجى

يلا فى حفظ الله

رنا خالد

12-03-2011, 08:52 PM

ازيك ياميرو فينك يابنتي انتي بتغطسي وتطلعي تاخدي نفسين وتنزلي المايه تاني ولا ايه
مش باينه بقالك فتره عامله ايه انتي وبودي
هانت بقي خلاص وهانبقي امهات وهانتمرمط اخر مرطه
والروس تتساوي وتدوقوا من اللي دايقينه ياشابه هههههههههه

دودى مجدى

12-03-2011, 08:53 PM

رنااااااااااااااااااااااا ازييك وازى لوجى اخبار التورت والجاتوهات ايةمع الدايت

دودى مجدى

12-03-2011, 08:54 PM

رانيا ازييك وازى احمودى بلاش اكتئاب بالله عليكى احسن انا بتلكك وممكن اعييط

أم سلسبيل

12-03-2011, 08:55 PM

اهو يا رنا ظروف والله

وحبه كده وحبه كده

المهم انى بدخل من وقت للتانى اطمن عليكو

وانا كويسه الحمد لله وبودى فى نعمه والله

ادعيلى بقى ربنا يعينى عالمرمطه

ياللى ربنا يطمنك

دودى مجدى

12-03-2011, 08:55 PM

مروة فى رعاية الله يا حبيبة قلبى متبقيش تغيبى كتير وطمنينا عليكى

Rania Negm

12-03-2011, 08:56 PM

لا حول ولا قوة الا بالله

أم سلسبيل

12-03-2011, 08:57 PM

فعلا يا رانيا كلامك صح

طول ما الواحد مقصر فى الطاعات

بيحس انه ممكن يموت فجأه وبيكون خايف ومرعوب

لكن طول ماهو مدوام على الطاعه مش بيخاف من حاجه

ومنتظرة الموت يمكن يموت وهو بيصلى او بيسبح

اللهم ارزقنا حسن الخاتمه ويرحمنا جميعا

أم سلسبيل

12-03-2011, 08:58 PM

ان شاء الله يا دودى

وسلميلى على توته وشوشو كتير

يلا استودعكم الله

دودى مجدى

12-03-2011, 08:58 PM

رانيا ورنا بحس انكم باكدج بتيجومع بعض وتمشومع بعض انتومتفقين ولا اية

رنا خالد

12-03-2011, 08:58 PM

مالك يارينو بس ايه اللي منكد عليكي عيشتك كده ههههههههه
والله احساسك ده عندي علي طول وحالتي دايما مضطربه ومبقتش عارفه الصح من الغلط بس بقالي فتره بدعي ربنا انه يلهمني اعمل حاجه كويسه وادعي دايما دعاء اللهم استخدمني ولا تستبدلني بغيري
وفعلا والله ربنا الهمني اني اعمل حجات كويسه مش عارفه اذا كان صح ولا غلط اني اقول عليها بس انا هقول ومش قصدي رياء والله العظيم بس هاقول عشان نشجع بعضينا
كفلت يتيم في جمعية رساله وبطلع صدقة جاريه علي روح بابا الله يرحمه
وبحد اكل للعصافير هههههههههه
يمكن حديتريق عليا بس حاسه اني بحب الطيور والحيوانات اوي وبحب اعطف عليهم
بحطلهم رز وشعريه هههههههههه وحبة مايه
بس العصافير مفاجيع خالص كل يوم بهفوا الرز كله وسايبين المايه
مش عايزين يتلموا ويعملوا دايت زيي ههههههههههههه

Rania Negm

12-03-2011, 08:58 PM

ربنا يفك الكروووووووووووووووب اللهم امين

ادعيلى يا مروة بظهر الغيب ربنا يرضى عنى وينور قلبى بالطاعات ويريح قلبى اللهم امين

دودى مجدى

12-03-2011, 08:59 PM

حاضر من عينيا يا مروة مع السلامة

رنا خالد

12-03-2011, 09:01 PM

بالف سلامه ياميرو وابقي ادخلي بقي علي طول
انا ورانيا باكدج حلوه ديه
اوفر خد واحد رنا وعليه واحد رانيا هديه ههههههههههه
فرصه لن تعوض

دودى مجدى

12-03-2011, 09:02 PM

ههههههههههههههههههههههههههههههه موتينى من الضحك يا رنا فعلا اللى بيطعم طير او حيوان ربنا بيجازية عنو خير بس انتى شكلك اشتريتى عصافير مفجوعة

دودى مجدى

12-03-2011, 09:03 PM

اةوالله ما انتو بتظهروفجاة وتختفو فجاة اعملكو اية

دودى مجدى

12-03-2011, 09:04 PM

هى سما راحت فييييييييييييييييييييييييييييييييييييييين

Rania Negm

12-03-2011, 09:05 PM

موش عارفة يا رنوووش ماااااااااااااااااالى

الباجراوند عندى اكتئاب لا ينتهــــــــــــــــــــى

حزييييييييييينة حزييييييييييييييييييييييينة حزيييييييييييييييييينة وتعبت من الكونتراست بين الظاهر عليا وبين اللى بحس بيه

حتى جوزى ميعرفش حاجة عنى ونفسى احكى معاه ويكلمنى موش عارفة اكلم حد موش قادرة ارتااااااااح

حاسة انمحدش هيطيق حد مخنوق ولا مكتئب

والدليل دينا لما بتقول غيرى السيرة

عادى مزعلتش انا عارفة ان محدش يحب يعيش موود كئيب

بس انا تعبت فعلاااااااااااا ولا جوزى ولا اخواتى ولا جيرانى اللى معايا هنا قادرة افك معاه ولا اخرج بره المود ولا الاقى تشجيع على حاجة

من سنين وانا نفسى اعتر فى حد يريح قلبى فعلاااااااااااااااااااااااا

وكان عندى أمل انى لما اتجوز هلاقى الحد ده وبردو لاقيتنى موش عارفة ارتاح معاه فى النقطة دى

ياعنى جوايا حاجات كتير جدا بطلعها بينى وبين نفسى لما بحس انى هموت من اللى شايلاه وطول عمرى نفسى اخرج الكلام والاحاسيس دى لحد

ولا ارتحت مع صديقة ولا زميلة

واخواتى اكبر منى بكتير ومتعودتش على كدا معاهم

وعلى ما كبرت وفهمت اصلا كانت مامتى متوفية الله يرحمها

وكان اللى فاضلى وعايشة احلم بيه بئى هو الزوج اللى هيكون تؤم روحى آل

لاقيتنى فى نفس المشكلة موش قادرة ارتاح معاه من ناحية المشورة والفضفضة ومشاركة اللى بحس بيه

اتخنقققققققققققققققققققققققققت وماليش غير ربنا

ياعنى

ادعيلى ربنا يهدينى وينور قلبى وينور بصيرتى ويريح قلبى اللهم امين

ربنا ما يحوجبنى لحد غيره .. يارب اجعلى انسى بك . اللهم امين

رنا خالد

12-03-2011, 09:06 PM

لا ماشترتش يامروه ده انا تحت بيتي جنينه وفيها شجر فمليانه عصافيييييييييييييير كتييييييييير
كل يوم يجوا الغلابه دول يقفوا علي سور بلكونتي قلبي بدأ يحن لقيت جوزي بيجيب رز بيتفضل مننا وبيدلهم لقتهم مش عاجبهم رزي المطبوخ
فضلت اسعي جاهده عشان ارعف هما عايزين ايه ممممممممم
حطيت لساه عصفور معجبش
طب حطيت رز ناشف واخييييييييرا كلو
فبقيت اشتري لهم رز اول كل شهر من مصروفي عشان انا اللي اخد الثواب وجوزي لا
هههههههههههه ولو جيه يحط لهم رز اقوله اوعي انا اللي احطه عشان اخد انا الثواب انت هاتستهبلني امشييييييييي يلا خش جوه من البلكونه لأي موزه تشوفك دلوقتي من العمارات اللي جنبنا ههههههههههههه

دودى مجدى

12-03-2011, 09:09 PM

رانيا انا مش قصدى والله لا يا حبيبتى فضفضى وقولى اللى انتى عاوزاة انا قصدت انى مخنوقة برضو والله من جوايا بس بنسى نفسى معاكو لكن والله ما قصدت خالص الللى انتى فهمتية انا اسفة

رنا خالد

12-03-2011, 09:11 PM

انا بجد اضايقت عشانك وعلي فكره انا بحب اوووووووووي اسمع مشاكل الناس وخاصة الناس الحلوه اللي زيك ياروني
بالله عليكي مضايقي نفسك ولو حابه تتكلمي وتفضفضي انا كلي اذان صاغيه
كتير بتعدي عليا اوقات ببقي فيها زيك كده واكتر وببقي محتاجه فعلا حد يخفف عني ولو بكلمه
يلا قولي مالك وبدون اختصار وانا بحب الحكي بالتفاصيل ولو مش حابه تتكلمي برضه مش هضايق من المود الحزين ده خالص ومش هاسيبك غير لما تفكي

Rania Negm

12-03-2011, 09:12 PM

ربنا يفك كربك يا دينا اللهم امين

عادى اكتئاب مع الحمل والسفر كمان

هانت الله يهونها

انا موش زعلانة يا حبيبتى متعتذريش ولا يهمك

دودى مجدى

12-03-2011, 09:13 PM

رانيا بصى متحاوليش تستسلمى لاى حالة حزن اواكتئاب وبالنسبة اجوزك كلهم كدة يا حبيبتى عاوزينك انتى اللى تسمعى همو وشكوتو وتبقى بلاعة احزانة انما لو جة عليكى الدور واتخنقتى وعاوزة تفضفضى انسى يا عمر هو بيكون مش فاضى او جاى تعبان من الشغل او عاوز ينام معلش مش انتى لوحدك

رنا خالد

12-03-2011, 09:13 PM

النت بس ضعيف عندي شويه لو ردودي متأخره برخامه ده بسبب النت والله لتفتكروني مطنشاكوا

Rania Negm

12-03-2011, 09:14 PM

ربنا يخليكى يا رنا

كفاية احساسك والله

بس خلاص كفاية عشان نزلت دمعتين ولوكترت الميكب هيبوظ وجوزى لسه موش شافنى

كمان احمد عمال يفرك هيقع من ع الكنبة

دودى مجدى

12-03-2011, 09:15 PM

لا والله يا رونى لو لى اكتئاب الحمل الواحد يستحمل ولا يتكلم والله ربنا و اللى عالم وانتى عارفة البيوت مليانة مشاكل وهموم الدنيا مبتخلصش بس اهو نبصبر ونحتسب الاجر عند الله
انتى بقى مالك احنا اخواتك يا بنتى احكى وفضفضى

Rania Negm

12-03-2011, 09:18 PM

والله هو موش حكاية تعبانى ولا حاجة يا دينا

موش عارفة انا المشكلة ولا ايه ؟

بوصى انا اتعودت اكون صاحبة أوووووووووووووى

ياعنى كنت بستجدع جداااا مع كل حد اعرفه من صحباتى

استجدع وآجى على نفسى بالأووووى ياعنى

وانى ملاقيش ولو 50% من المقابل اللى كنت بديه دى حاجة بتأهرنى ويمكن سبب فى انى شبه قاطعت اغلب اللى اعرفهم

بحس انى محتاجةمشاركة من اللى حواليا اكتر من اللى بشوفها

يلاااا ما علينااااااااااااااااااا ربنا المستعان على كل حاجة جوايا

دودى مجدى

12-03-2011, 09:19 PM

سيدى يا سيدى على الميكب الله يسهلو ياااااااااااااااااا عمممممممممممممممممممممممم
يا بنتى روقى وفرفشى معلش فى ساعات بتيجى على الواحد كدة بيتخنق فيها غصبن عنو ويبقى عاوز يفك مع حد احنا بقى تحت امرك يا ست رونى تعالى فكى فى الحتة اللى تعجبك ههههه

Rania Negm

12-03-2011, 09:21 PM

هههههههههههههههه ايه الحتة اللى تعجبنى دى ؟؟؟ هو انا هعمل بيبى

ههههههههههههه قرفتينى فجأة

رنا خالد

12-03-2011, 09:21 PM

اوعي الميكب يعضك هههههههههههه
والله انتي بنت زي السكر وكفايه خفة دمك يارانيا وروحك الحلوه
حرام القمر ده يضايق
وبرضه انا عند وعدي وقت ماتبقي مخنوقه ادخلي وهتلاقينا كلنا حابين نسمعك وتفضفضي براحتك
وانتي يادودي فكي ياوليه وسيبك امن احماتك اللي اربزت عندك 4 شهور دي ههههههههه
وربنا يسهل امورنا كلنا اميييييييين يارب

Rania Negm

12-03-2011, 09:23 PM

الواد احمودى درجة حرارته 39 بس مافيش اعراض تانية الحمدلله غير السخونية

تفتكرى يا رنا ده بسبب التسنين ولا موش بيرفع الحرارة للدرجة دى ؟؟؟؟

انا اديته خافض ومستنية اشوف ايه اللى هيحصل

دودى مجدى

12-03-2011, 09:25 PM

ايوة عندك حق يا رانيا الواحد بيتضايق اما يحس انو مخلص اوى وبيضحى ويدى واللى قدامو مش مقدر كدة وكمان بيعاملو معاملة سيئة بس بصى الاشكال اللى زى دى متبكيش عليها احسن انك عرفتيهم على حقيقتهم وصدقينى ربنا هيعوضك بناس احسن منهم تحبيهم ويحبوكى

رنا خالد

12-03-2011, 09:26 PM

والله يارانيا انا حاسه انك بتكلمي بلساني
انا دايما بحتاج الناس اللي وقفت معاهم في شدتهم بس بلاقي تطنيش
اويمكن احنا اللي حساسين بزياده ومش بنحب نشيل حد همومنا
انا حساسه اوي سعات تبقي عندي مشاكل كتيييييييييير واتكسف احكي لجوزي اقول بدل ماشيله الهم ويقول في نفسه ايه البت الرزله دي هههههههههههه
واقعد بقي اشتكي لربنا وخاصة بعد صلاة الفجر والله بقوم من علي المصليه مرتاااااااااحه واقول الحمد لله انه الهمني اني احكي معاه اعظم من كل شئ ومن اي حد

نولارا

12-03-2011, 09:26 PM

جيبتك ياعبد المعين تعنى لقيتك ياعبد المعين ههههههههههه
بقولكوا ايه يالا نفرفش
لو كنت بعرف ارقص

كنت
كنت
كنت

كنت رقصت لجوزى منك ليها
ارقصلكم ليه
كل واحده ترقص عند بيتها ههههههههههههه

دودى مجدى

12-03-2011, 09:27 PM

يعنى الحق عليا انى عاوزاكى تبوعى فى المكان اللى تحبية وسايبالك مطلق الحرية فى الاختيار طيب يالا يا بت انتى من هنا هحددلك اقامتك فى حتة واحدة تبوعى فيها ههههههههههههه

رنا خالد

12-03-2011, 09:28 PM

انا سمعت من دكتور مدحت ان اثناء التسنين درجة الحراره بتزيد نص درجه او درجه يعني ممكن تبقي 38 فكده بقي لازم تديله سيتال وان شاء الله تنزل حرارته
التسنين ده روشني اكتر من البنت اللي بتسنن والله من اصعب الفترات اللي عدت عليا خلال السنه دي ربنا يهون بقي

دودى مجدى

12-03-2011, 09:29 PM

اة دة نورا انتى خايبة زييى واهلك معلموكيش الرقص دى مشكلة عندى ما تيجى ندور على حد يعلمنا يا بة

رنا خالد

12-03-2011, 09:33 PM

انا بعرف ارقص وعندي امكانيات ومواهب بس من فوق بسسسسسسسس هههههههههه
تعالوا اهزلكم بقي ورانيا كمان بتعرف ترقص انا فاكره انها قبل كده حطت لنا يوتيوب رقص شرقي ههههههههههه
منوره يانورا مالك ياحاجه سحلانه ليه بس
ده انا اكتر واحده فيكوا مفروض ابقي منكده دلوقتي

رنا خالد

12-03-2011, 09:35 PM

شكل نورا ورانيا خانونا وراحوا الاقمار الصناعيه
وسما كمان طفشت طفشانا ( مفعول مطلق ) ههههههههههههه

دودى مجدى

12-03-2011, 09:36 PM

طب ما تدينا درس يا ميس رنا وليكى الاجر والثواب ههههههههههههههه
لية يا رنة بس بعد الشر عليكى من النكد

دودى مجدى

12-03-2011, 09:37 PM

ههههههههههههههه وانتى ناوية تخلعى زيهم انتى كمان ولا لسة بتفكرى

نولارا

12-03-2011, 09:37 PM

يلا يادينا ايدى على كتفك
احنا روحنا فى العيد لقينا اخويا فاتح التت
قعدت اضرب خالد عشان ما يبصش
واخويا يقولى سيبيه
امانى سايبانى اهى امانى دى مراته
قولتله هى حره وانا حره فى جوزى
لما روحنا يقولى موش هتتعلمى الرقص بقى
اعمل ايه بس
الرقص ده موهبه ياجودعاااااااااان

رنا خالد

12-03-2011, 09:40 PM

الرقص ده فعلا موهبه معمليه فاذذذذذذذه ههههههههههه
يابنتي هزتين يمين علي هزه شمال واتمرجحي لورا كده زي شريف منير في مسرحيه حزمني يا
وهو بيقول طب قولي قولللللللللي ههههههههههه
بس خلاص ودي اول حصه في الكورس
في سيكشن بكره الساعه 8 اوعي ماتجوش ههههههههههه

رنا خالد

12-03-2011, 09:41 PM

بصوا خمسايه وجايه هانظف الحمام اي كلام كده عشان ماما جايالي بكره
ماتمشوش عشان نكمل اررررررررر ورغييييييييييي

دودى مجدى

12-03-2011, 09:42 PM

طب لية فعلا يا نورا الراجل المصرى بيموت فى الرقص انا برضو محمد بيعد يقولى فى بنت مبتعرفش ترقص طب اعمل اية انا طيب ماخدتش فرصتى بابايا مكانش بيرضى يخلينى ارقص مع البنات ولا فى افراح ولا اى حاجة قال اية عشان اطلع مؤدبة وادى النتيجة جوزى هيطرشق منى

om arwa

12-03-2011, 09:43 PM

رانا سكر الدايت مضر جدا خصوصا اللى فيه اسبارتام
هاتى سكر فركتوز
اسمة فى الصيدلية يونيى فركتورز ده سكر فاكهه وبيدة لمرضى السكر مش مضر
وبيبقى فى برطمان زى السكر العادى
واقل من سعرات السكر العادى النص

دودى مجدى

12-03-2011, 09:44 PM

طيب طلسقى الحمام وتعالى يا رنا مستنيينك

نولارا

12-03-2011, 09:47 PM

رنا شكله اكتئاب من الحمل
وبطنى جعانه ونفسى غامه عليا
وخالد مسافر زى ماانتى عارفه والنت زباله بقالنا يومين موش عارفيين نسمع بعض وبكتبله
ويقولى انتى موش بتتكلمى ليه
طيب ما تتكلم انتا
وبعدين بيتكلم ببقى انا هاعيط
يالا ربنا يجمعنا على خييييير يارب عاجل غير اجل

رنا خالد

12-03-2011, 09:47 PM

كويس انك قولتيلي ياسما الله يكرمك
انا فعلا كنت حاسه انه غلط
ولقيت سكر الفاكهه ده في اولاد رجب اخر مره بس خفت اجيبه ليكون مش بيحلي
خلاص بقي اجيبه احسن من كاندريل ده انا مش ناقصه اضرار
شكرا لردك علي سؤالي ياسمسم اروح اكمل طلسئه وهاجي
فاصل ونواصل ان شاء الله

om arwa

12-03-2011, 09:50 PM

ب خدونى جنبو انا ممكن ارقص كويس لوحدى قدامة ما بقدرش وبقف واقعد اضحك واقولة ماتبصش هههههههه

دودى مجدى

12-03-2011, 09:51 PM

حبيبتى يا نورا انا حسيت بيكى فعلا دلوقتى وامبارح سحيت من عينيا لما قولت يا بس يا رب يقرب البعيد ويجمعنا باجوازنا على خير يا رب

رنا خالد

12-03-2011, 09:51 PM

اكتئاب اول 3 شهور ده انا مذكراه وحفظاه كويس
انا كنت اقعد اعييييييييييييييط لحد ماعيني تورم وانام علي نفسي وانا قاعده من كتر العياط
كنت بتلكك لجوزي لو عدي من قدامي كنت اهبش فيه وهو ماكنش بيسكت الله يعمر بيته هههههههههه
معلش يانورتي بكره الايام تعدي وخالد يجي وتبقي طايره من الفرحه وبذات بقي لو فيها بيضه مش كتكوت
سيبوني بقي اكمل طلسئه الله يكرمكوا ههههههههه