دردشة بنات مصر , دردشة حوامل مصر , تجمع بنات مصر

[Rany]

ام اروى ازيك يارب يكلمك حملك على خير ويخليلك اروى يارب
نهاد : انا في مواقع كتيرة بتجبلي انا في الاسبوع الكام لكن الشهر الكام مش اعرف موقع يعمل كدة ومش عارفة اعمل اللي بتقولي عليه ده اللي في التوقيع لا راضي يتاخد لينك ولا كوبي ولا عارفة ازاي ابعتيلي لينك للموقع اللي بتعملوا ده من عليه

[om arwa]

ايوة يا ختى بخرررررررررى
لحسن بقت فررررررررة

[Rany]

اه خلاص انا شوفت اللينك من التوقيع العتب على النظر بقا :d

[توتة السيد]

عيوني يارانيا ثانية اجبلك اللينك

سمسمة انت بجد زعلتي والله شوشو بتهرج يابت ماتزعليش انت يعني مش عارفها

[توتة السيد]

ماشي ياجميل اكتبي بقي فيه معاد ولا تك وهتتظبط وحطيه في التوقيع

[om arwa]

دخلى معاد ولادتك هيطلعلك التيكررررر

http://tickers.baby-gaga.com/pregnancy.php

[om arwa]

لا يا نهاد ياختى انا حساسة ههههههههههه

[توتة السيد]

هههههههههههههههههه معلش ياسمسمة امسحيها فيا انا المرة دي وانا هشدلك ودانها البت ام بدوي دي

[om arwa]

طيب تعالى اما امسح فى هدومك هههههههه

اطبخ ايه عندى لحمة وفراخ ولحمة مفرومة
قولى بسرعة يا توتة

[om arwa]

http://www.youtube.com/watch?v=mx84oau7nCI&feature=share

[om arwa]

http://www.youtube.com/watch?v=LwJD2RXHR1w&feature=topvideos_mfh

[om arwa]

رانيا شكلك غرقتى فى التيكر هههههههههههه

[توتة السيد]

ههههههههههههههههههههه خدي امسحي قبل ماقوم استحمي ياله بالمرة

والله الاكل ده حير اهلي ياشيخة ياربي

انا عاملة لحمة انهارده لو عايزة حاجة سريعة خفيفة

اعملي كفته وجمبها رز وخلاويص

او فراخ مشوية ولا تكا وجمبها مكرونة

[توتة السيد]

ههههههههههههههههههههه رانيا وقعت في البلاعة

[om arwa]

من غرائب الست المصرية

.
.
.
... ... .

لو ضاع ابنها او بنتها الصغيرة بالشارع بتعيط و تصوت

وأول ما تلاقيه تديله بالقلم علي وشه d:

[om arwa]

طيب يا توتة اما ارجع بقى من الشغل ان شاء الله
هطلع حاجة دلوقتى ربنا يسهل
استودعكم الله
هقوم البس وانزل فى الطينة يييييييييع

[توتة السيد]

سمسمة بقولك ايه انا طبعا فطمت نور بس لازم تشرب لبن اجبلها لبن صناعي وادهولها

في كوباية ولا اديها لبن من بتاعنا بس مخفف ولا اديها لبن نيدو بلاس 1

مش عارفة اعمل ايه دليني انا باكلها زبادي بس مايغنيش عن لبن برضه

[Rany]

اغيب شوية اجي الاقيكم بتنموا عليا واحدة تقول وقعت وواحدة تقول في البلاعة ده انتوا طلعتوا قرود انا هنا اهو بس انا اصلي في شغلي بشتغل على مقرب اتعب كدة وادخل على الولادة ابقا اقعد في البيت فشوية ببقا معاكم وشوية بنام قصدي بشتغل :(

[Rany]

الا حد يقولي انا لسة محستش باي حركة للجنين ده طبيعي ولا ايه انا في الاسبوع العشرين ومعرفش ده اول الخامس ولا اخره ولا نصه بس انا في الخامس , المهم وقولولي كمان هي مووضع علامات الحمل بولد او بنت دي حقيقي ولا كله كلام فاضي ؟

[Rany]

شكلكم انتوا اللي غرقتوا ووقعتوا في البلااااااااااااااااااااااااعة , الا ايه حكاية البلاعة دي انتوا حافرين حتة في المنتدى ده ولا ايه بيقعوا فيها

[Rany]

اوووووووووووووف انتوا قصدكوا صورة البروفايل ده انتوا قروود انا حاسة اني بكلم نفسي انتوا روحتوا فين

[توتة السيد]

انا جيت تاني اهو

رانيا هههههههههههههههههههه ايه رائيك في البلاعة اللي وقعتي فيها

صورتك الرمزية عسل بتشتغلي ربنا يعينك يارب احنا بقي مبلطين في البيت

تحت حزب العاطلين

الحركة ياقمر عادي ممكن علي اخر الخامس تحسي بيها وعلي السادس بقي هتكون واضحة

جدا وبقي كل ماتتقدمي في الحمل كل ما الشلاليت والبوكسات تزيد

بالنسبة لموضوع علامات الحمل في ولد او بنت فده كلام فاضيييييييييييييييي

من هنا السنة اللي جاية كلها هجص الحمل بيختلف من وحده للتانية

يعني مش شرط يطابق علي كل وحده والله اعلي واعلم

ماقلتيش صحيح انتي فيكي ايه بقي ولا لسه مابنش وناوية تسمي ايه بقي

[Rany]

انا والله روحت مرتين المرتين الجنين قافل رجليه بيسمع كلامي اصلي مش عايزة اعرف بصراحة نفسي تبقا مفاجاة لكن الحاح جوزي هو اللي نفسه يعرف طبعا تلاقيه عايز واد بس انا مكبرة دماغي يلا اللي يجيبه ربنا كله كويس اهم حاجة طفل صحته كويسة , انا لاني حاسة انه عايز واد بعانده ومش عايزة اعرف البيبي ايه انا عارفة ايه التفكير ده وكمان حماتي عايزة ولد هي بتقول كلام كدة على انه هزار بس انا باخده انه بجد عشان كدة مش عايزة اعرف , انا بحب البناات قووووووووي ويارب يرزقني بطفل صالح كدة وصحته حلوة سواء كدة او كدة

[ام انس المصريه]

بت ياداكتوره انتى حشاشه على نفسك ياوليه هو انتى لسه عرفانى امبارح

ده احنا عشرة يجى 6 شهور اهو دخلتى المنتجع ونتى لسه فى الشهر الاول

يعنى المفروض تكونى خبزتينى وعجنتينى وعرفتى شخصيتى ياوليه

انا بهزر معاكى والله تقومى تزعلى وتمشى

انا زعلانه ومقهوره ومقموصه وواخده على خاطرى منك ياسما

واهىء اهىء اهىء اهىء اهىء
واهىء اهىء اهىء اهىء اهىء

واهىء اهىء اهىء اهىء اهىء
واهىء اهىء اهىء اهىء اهىء

واهىء اهىء اهىء اهىء اهىء
واهىء اهىء اهىء اهىء اهىء

واهىء اهىء اهىء اهىء اهىء
واهىء اهىء اهىء اهىء اهىء

هعيط كما لما اعيط من قبل

[توتة السيد]

معلشي ياقمر كلهم هذا الراجل كلنا كده اجوازنا عايزين ولاد

ربنا يكرمك باللي تتمنيه يارب ويكون بالف خير وصحة وعافية

انت بتشتغلي ايه وخريجة ايه

[توتة السيد]

ههههههههههههههههههههههههه

امسحي دموعك ياامال تاخدي منديل ولا بلاش انا عندي برد ومحتاجة كل منديل ههههههههههههههههههه

حبيبة عاملة ايه ياشجرة اللبخ انت

[توتة السيد]

مانعمل ايه في لسانك المبرد اللي نازل واكل طالع واكل مش عاتقة حد اشربي بقي

هههههههههههههههه انا بخرت المنتجع امبارح وجبت نملة موتها ياله ياعم يارب يتفك

الفرة اللي جت فجاة دي

[Rany]

انا خريجة حاسبات ومعلومات 2008 وبشتغل مهندسة في شركة برمجيات بس طبعا هقعد قريب للشديد القوي وهنسى الشغل ده فترة طبعا علشان خاطر النونو ان شاء الله مووضع القعاد ده كان مستحيل بالنسبة ليا بس اكتشفت انه مينفعش نهائي اني اسيبه خالص مش هقدر اسيبه مع اي حد حتى لو ايييييييييه انتي في البيت ولا بتشتغلي؟

[ام انس المصريه]

وحشانى اووووووووووى يابت يانهاد

عامله ايه انتى ولوكه الاموره

[MALAK2010]

انا جييييييييييييييييييت
شايفه وجه جديد معانا هلا هلا
ام انوس ازيك يا جميل عامله ايه وحبيبه بقت احسن الوقتى ربنا يتم شفاها يااارب


سما ازيك يا جميل نمت امبارح على الجهاز هههههههه

توتاااااااااااا ازيك يا جميله ونور عامله ايه انا خلصت تنضيف اخيراااااا الحمد لله

[MALAK2010]

ياترى الااااااااااء عملت ايه عند الدكتور ياااااارب تيجى تفرحنا بالنونو

[توتة السيد]

ياباش مهندس انت ياغزال هههههههههههههههههه

ربنا يوفقك هو في البداية صعب فعلا الشغل مع بيبي صغير

بس لما يكبر شوية ممكن ترجعي بقي

انا مش بشتغل ياقمر في البيت خريجة تربية لغة عربية

وبعللتي رافض اني اشتغل علي اساس اني انا عايزة قال ده احب ماعليا بحب الانتخة اصلي

ههههههههههههههه

[توتة السيد]

طيب وتوتة ما وحشتكيش ياشجرة الدوم انت

[توتة السيد]

لوكة حبي احنا بخير ياقمر انت وسيمبا عاملين ايه

ربنا يديكي العافية يارب يوم النضافة ده بيبقي متعب الحمد لله انك خلصتي

وسيمبا كانت امورة كده وهادية ولا قامت بالواجب

[توتة السيد]

يااااااااااااااااااااااااااارب يالوكة اللهم امين ربنا يفرح قلبها يارب بفضله وجوده

[Rany]

ههههههههه انتي عسل والله حلوة هو رافض على اساس انك عايزة دي انتي مسخرة , انا بتمنى والله احب الانتخة وقعدة البيت علشان الموضوع يبقا سهل عليا انا كل ما اتخيل اني هقعد في البيت بحس باحباط وتخن وست بيت بقا وكرومبة والحركات دي وبحس اني هبقا شوااااااااال اكتر ما انا شوال الا قوليلي زدتي كام كيلو من اول محملتي اصلي حاسة اني هنفجر قريب زدت من اول الحمل بتاع 7 كيلو ولا حاجة وخايفة قوووووي مينزلوش بعد الخلفة

[MALAK2010]

سيمبا قامت بالواااجب بس برضه الحمد لله انى خلصت لان بقالى فترة مانضفتش بذمه هههههههههههه

[توتة السيد]

الا مافي حد قالي مبروك علي الشهر الخامس ياكليبة اتعمشتوا كلياتكم اخص

ياحبيب ماما يارب تيجي بالف سلامة يارب

[MALAK2010]

بقولكم الرز عملاه بس طعمه صعب اووووووووى حصى ههههههه لانى مانقعتوش
تفتكروا الحق اعمل رز تانى واانقعه واعمله فى اقل من ساعه ولا خلاص بقا

[MALAK2010]

مبروووووووووووووووووك دخولك الخامس يا جميل عقبال اما تولدى بالسلامه
انتى لسه حاطه فى بالك انه ولد ولا غلطه مطبعيه هههههه

[توتة السيد]

بعللتي جه سلاموز موقت بقي اعشيه وارجعلكم

[ام انس المصريه]

طب مانتى اهو ياتوته بتشتمينى على طول اكتر مابشتمك بس عادى يعنى واخدين على كده مع بعض

ليه بقى سما تزعل علشان كلمه هايفه جدا لا شتمتها ولا غلط فيها


لا لا انا مقهوووووووووووووره

اهىء اهىء

[Rany]

ملك ازيك , تلحقي الرز مش بياخد وقت خااااااااالص تلت ساعة بالظبط بس نصيحة بجد انا بتعبها وعمر الرز ما باظ مني استخدمي الشياااااااااطة تحت حلة الرز ووطي عليه على الاخر على العين الصغيرة قوي هيستوي ويطلع مظبوووط ومش بياخد تلت ساعة ولا تنقعيه ولا اي حاجة يدوب يتغسل بس

[Rany]

انا مستغربة قوي موضوع نقع الرز ده ليه بتنقعيه اصلا , انتي بتعملي رز ايه انا اقصد الرز المصري بتاعنا

[ام انس المصريه]

ازيك يا ملوكه وازى سيمبا عامله ايه فى الريجيم القاسى يا ملك

انا بقى عاوزه اعمل ريجيم مينفعش كده

لسه هافه طبق رز على قلقاس ولحمه ولسه جعانه اووووووووووى هههههههههههههههه
مع ان دى تصبيره يالهوى لما اعمل ريجيم هعمل ايه ده طبق اد كده مكفنيش ولسه جعانه اومال لما هاكل عينات هعمل ايييييييييييييييه

..............

طبعا وحشانى اوى ياتوته ياشجرة الصبار ههههههههههههههههه

[ام انس المصريه]

يارانيا اصل رز الخليج مش زى الرز المصرى بتاعنا لازم ينقعوه قبل مايعملوه

ملك عايشه فى الامارات

[MALAK2010]

لا بس انا بجيب الرز المصرى ولاااازم يتنقع ياما تكون النتيجه زى الحله اللى انا عملاها هههههه
هجيب ارغى معاكم بس اقوم اعمله انا نقعته ياااارب يطلع حلو

[Rany]

طب امال ازاي انا مش بنقعه وبيطلع كويس اكيد الفكرة في الشيااااااااااااطة ومتعلوش عليه العين علشان يستوي براحته وميطلعش حجر , ام انس انا لسة قارية موضوعك اللي هو الصبر وحكايتك انا دمعت وانا بقراها الحمد لله ربنا عوضك خير ربنا يباركلك في ابنك انس يااااارب ويرزقنا كلنا بالذرية الصالحة ويرزق كل مشتاقة يارب

[MALAK2010]

انا جيييييييييييييت انتوا مشيتوا؟؟؟

[MALAK2010]

ممكن على حسب نوع الرز
انا عملته يااارب يطلع حلو

[MALAK2010]

يانهار ابيض يا شوشو كله ده وتصبيره مااااااااااااااااا شاااااااااااااااااء الله

[Rany]

انا ممشتش انا راشقة هنا على الله انتوا اللي متزهقوش مني بقا

[MALAK2010]

لا يا رانيا مش بنزهق اطمنى هههههه
انا برضه موجوده طول النهار لغايه الساعه 5 بتوقيت مصر ببص بصه واروح اشوف اللى ورايا
اما بالليل ممكن ادخل ابص ههههه وساعات مش بعرف

[MALAK2010]

انا قريت انك بتشتغلى مواعيد شغلك ايه

[توتة السيد]

عودناااااااااااااااااااااااااااااااا

[*رحمه*]

انا زهقاااااااااااااااااااااااااااااااانه : ((((((((

[توتة السيد]

رانيا ياقمر منورانا والله

انا عكسك بقي انا نزلت 7 كيلو لان وحمي كان صعب قوووووووووووووووي

ماكنتش باكل نهائي

[توتة السيد]

الله يبارك فيكي يالوكة ياقلبي تسلميلي يارب عقبال ماتخاوي سلومة الاقرع بقي ههههههههههههههه

لا مش خطأ مطبعي انا دايما بتكلم كده حتي نور بقولها حبيب ماما ياناس مش فاهمة ليه والله

بس بلاقيها حلوة يمكن علشان اتعودت اكلم سيدو كده ياكزوفي فخدت بقي

[Rany]

أنا مواعيد شغلي من 9 الصبح للللللللل 5 ونص بتوقيت مصر طبعا وده الوقت اللي هبقا موجودة فيه لاني بروح بعديها يدوب اوصل بيتي واعمل الاكل وانام

[توتة السيد]

الرز لازم يتنقع يارانيا بيبقي اجمل وماياخدش وقت في السوي

لوكة ان شاء الله يطلع الرز جميل وياكل صوابعه وراه صوابعه دي مش عارفة هتتاكل في ايه ولا ايه ههههههههههههههههه

[توتة السيد]

ايه ده ياشجرة اللبخ يعني ايه تزعلي اقطعلك اذناكي اربا اربا هههههههههههههههههههههه

معلش هي بس تفتكرك بتتكلمي جد

[توتة السيد]

ديناااااااااااااااااااااااااااااااا ياقمري

مالك زهقانة من ايه ياجميل فضفضي

عاملة ايه انت والنونة

[احلى نونو]

السلام عليكم ورحمه الله

بنااااااااااااااااات ازيكم كلكم

توووووووووتى مبروووووووووووووووك ياحبى ع الخامس وعقبال التاسع والولاده ان شاااااااااء الله عامله ايه ونور ازيها النهرده والنونو

ديناااااا ازيك ياعسل عامله ايه مالك زهقانه ليييه

ملوكه ازيك ياجميل وازى سيمباااااا انا شوفت ياقمر اللى كنتى كاتبهولى على مووضوع الوزن وهعمل زى مابتقولى على شنطتين شكرااا ياسكر

رانياا اهلا وسهلا بيكى معانا منوره ياجميل
معاكى بقى دعاااء وعندى 26 سنه وومعايا بكالوريوس تربيه ومقيمه مع جوزى فى السعوديه وحامل فى اول نونو ربنا يجيبه بالسلامه وقريبين من بعض فى الاسابيع اهو واحنا كده يعتبر لسه الخااامس

[Rany]

هجربه انا مرة منقوع مرة واشوف الفرق وانتوا برضوا جربوه من غير نقع بس استخدموا الشياطة تحت الحلة ووطوا عليه هيعجبكم بيطلع مفلفل انا قدامي تلت ساعة وامشي من شغلي اشوفكم بكرة ان شاء الله

[Rany]

دعاء ازيك ايوة الحمد لله لقيت حد قريب مني قوي كدة طيب كويس قوليلي بقا هو السادش هيبدا من الاسبوع الكام ؟ ووزنك زاد قد ايه من اول الحمل ؟

[Rany]

انا بردو ده اول نونو ليا عشان كدة تلاقيني متلخبطة ولا عارفة اي حاجة حسيتي بالحركة بتاعته كمان ولا لسة؟

[احلى نونو]

رانيا بصى هو الشهر السادس يكون بدايته
22 اسبوع ويومين يعنى لسه شويه


سما اللى هيا ام اروى كانت حطته جزاها الله خيرا وانا بشوف منه بس مش عارفه ارفعه دلوقتى بس لو لسه قاعده هرفهعه على موقع وابعتلك اللينك

[*رحمه*]

ما بعملش اي حاجه هنا غير اني اكل و انااااااااااام و بسسسس
حتى احمد لسه بدري عليه على ما ينزل
و طبعا مش بخرج عشان حال البلد

انا عايزه اعييييييييييييييييييييييط

[احلى نونو]

ولا تتلخبطى ولا حاجه هنا البنات اللى حملوا قبل كده اسالى فى اى حاجه وهتلاقى الاجابه ان شاااء الله
بصى ايوه انا من فتره بحس بالحركه بس هو بيقولك مش كله زى بعضه لكن من اول الاسبوع العشرين تبداى تحسى ام اروى قالت كده
وانا مزدتش من اول الحمل غير حوالى 3 كيلو لان انا اصلا عندى وزن زياده فالنونو بياخد منى ومش محتاجه ازيد كتير

[*رحمه*]

يا عيااااااااااااال هصلي المغرب و اجي

[احلى نونو]

دينااااااااااا متعيطيش ياجميل عشان النونه متزعلش

طيب منا يابنتى اهو نفس الحكايه باكل وبنااام وبس وعشان التعب اللى بيجيلى محبوسه فى السرير متزعلييييييييييش ياعسل
مفيش حد من قرايبك ساكن قريب تروحى عنده
هو فعلا قلق خالص الواحد ينزل فى الوقت ده والبلد حالها مش مستقر
ان شاء الله الوقت يعدى بسرعه واحمد يجييلك

[توتة السيد]

دودو ياقمر الله يبارك فيكي ياعسل ويقومنا كلنا بالف سلامة يارب

احنا بخير الحمد لله ونور بخير خدت شوية علي الموضوع ربنا يهون

انت والنونو عاملين ايه

[احلى نونو]

ان شاء الله ياتوته يومين كمان وتبقى تمام وتنساه خالص
هيا صاحيه ولا بتعمل ايه

انا والنونو بخيير الحمد لله

[توتة السيد]

معلش يادينا ربنا يهون عليكي ويجمعك بجوزك عن قريب

وحال البلد يتظبط وتقدري تخرجي براحتك

[توتة السيد]

يامسهل يادودو يارب

لا صاحية اهي بتسرح في الارض بتلقط رزقها

[*رحمه*]

ربنا يخليكي يا دعاء و الله نفسي الايام تجررررررررررررررري بقى ربنا يهون
قوليلي انتي عامله ايه دلوقتي و اخبار المغص ايه

صحيح كنت سمعاكي بتسألي على الوزن في المطار
بصي لو مصر للطيران
ليكي شنطتين كل شنطه 23 كيلو بالظبطططط ما تزيدش كيلو
يعني ما ينفعش الشنطه الواحده تزيد عن 23 كيلو
و ليكي هاندباج يكون وزنها حوالي 10 كيلو ده اقصى حاجه و ما يكونش في الشنطه اي حاجه حاده لانهم اخدوا مني ولاعه و كشاف في المطار
و طبعا ممكن تاخدي لابتوب
بس انصحك يعني انك تحاولي تحطي كل حاجه في الوزن عشان ما تتلخميش بيهم و خصوصا انك حامل و تعبانه

توتااااااا مبروك على الخامس يا حبيبتي عقبال التاسع
انتي عامله ايه و نور و النونو
وعامله ايه نور في الفطام ربنا يعدي الايام دي على خير ان شاء الله

[احلى نونو]

ههههه
حلوة بتلقط رزقها دى
كويس بتشغل وقت فراغها

[احلى نونو]

والله يادينا انا برضه هحس زيك بالضبط لما هنزل مصر وهبقى سايبه جوووزى لوحده
وشايله هم الوقت الصعب ده بس ربنا يسهله علينا كلناااااااااا يااااااااااااارب

ايوه كنت بسال دودى عن الوزن لان كل حد بيقول حاجه فقولت انا اخلينى فى المسموح عشان زى مابتقولى مش عاوزة اتلخم بحاجه فى ايدى وعاوزة اشيل نفسى وبس
طيب خدوا الكشاف ليه ولا اله حاده ولا بتاع
ربنا يسهل واقدر اجى بقى , المغص الحمد لله مش بيجى لانى مش مدياله فرصه والله وعلى طول فى السرير ومفروده عشان لما اروح للدكتور يقولى ممكن انزل مصر

[نولارا]

يعنى ولا حد افتكرنى ولا عبرنى
عموما انا الجهاز عندى باظ خالص
بروح عند علا عشان اكلم خالد
وبكلمكم من هناك دلوقتى
ادعولى بقى الجهاز يتصلح بسرعه لانكم وحشتووووووونى جدااااااااا
ولو انى زعلانه منكم بس زى بعضه
وعشان كمان اكلم خالد براحتى

[احلى نونو]

نورااا
ازيك يابنتى
عامله ايه وموكشه والنونو
ياااااااااارب الجهاز يتصلح بسرعه

[ام انس المصريه]

طب امال ازاي انا مش بنقعه وبيطلع كويس اكيد الفكرة في الشيااااااااااااطة ومتعلوش عليه العين علشان يستوي براحته وميطلعش حجر , ام انس انا لسة قارية موضوعك اللي هو الصبر وحكايتك انا دمعت وانا بقراها الحمد لله ربنا عوضك خير ربنا يباركلك في ابنك انس يااااارب ويرزقنا كلنا بالذرية الصالحة ويرزق كل مشتاقة يارب

بتقريه ليه الموضوع ده كانت ايام مايعلم بيها الا ربنا والله يارانيا والحمد لله على كل حال

وبعدين يااوختى اللى قرتيه ده نوبذه يعنى نبذه مختصره جداااااااااااااااااا هههههههههههههههههه

الحمد لله ربنا اعطانى ومن عليه ورزقنى من فضله وجوده وكرمه ولطفه

اللهم لك الف حمد وشكر

[ام انس المصريه]

دينا مالك ياحبيبة قلبى زعلانه ليه وبعدين يابت حد يطول ياكل وينام ويعيش مرتاح ومأنتخ هههههههه ولا عاوزه تطبخى وتغسلى

ايام ماككنتى عايشه انتى وجوزك كنتى زهقانه ونفسك ترجعى مصر ولما جيتى مصر زهقانه وعاوزه جوزك ارسيلك على بر يابت انتى بقى ههههههههههه

بوصى بكره لما تولدى بااذن الله هتنسى جوزك وتنسى الدنيا كلها وتحبى فى النونه وبسسسسس انا نسيت كل الدنيا وبقعد احب فى انوسى كوانوسى

[توتة السيد]

الله يبارك فيكي يادينا ياحبيبتي تلمي يارب

الحمد لله بخير كلنا ونور اهي بتدات تنسي ربنا يهون عليها

وعليا صعبانة عليا قوووووووووووووي وكل شوية اقعد

افكر وقول انا اتسرعت كنت استنيت وخلاص ومش متخيله انها مش هترضع تاني

بجد صعبانة عليا جدااااااااااااااااااااااااااااااا

[توتة السيد]

يعيني ياانس ياوليدي تلاقي هيطفش من امه

[ام انس المصريه]

توتى حبيبى مبرووووووووووك ع الخامس عقبال الولاده ياقلبى

معلش نور هتاخد وقتها وهتنسى الزوزو وكل شىء بااوان يابنتى ربنا اراد لك فى الوقت ده انك تحملى والله لو كنتى مركبه لولب ولا بتاخدى مانع وربك اراد يبقى خلاص امره نفذ

ربنا يكملك على خير انتى وكل المسلمات

وعقبالى ههههههههههههههههههه

[نولارا]

ياعنى كمان يادزم ولا حد عبرنى غير البت دعاء مااااااااااااااااااااااشى

[توتة السيد]

تسلميلي ياشوشو ياقمري يارب عقبال وتملي البت عيال بفضل من الله

انا بس علشان صصعبانة عليا والله بس بس ربك اراد افطمها في المعاد ده سبحان

الله والله ماكنت مرتبة ولا مخططة خالص بس ماتعرفيش فجاة كده لقيت نفسي جبت

الفلفل وحطيته ودعيت ربنا يسهل علينا وبداءت وكنت متخيلة اني هرجع

تاني ورضعها بس جمدت قلبي ربي عايز كده واكيد في خير لينا الحمد لله

[ام انس المصريه]

ايوه ياتوته بيزهق من كتر البوس اللى ببسهولو

وبقى دلوقتى ميسكتش الا لما اقعد ارغى معاه واكلمه بيحب الرغى اوى شكله هيطلع رغاى زى امه هههههههههههههه

[توتة السيد]

نورا ياقمري احنا نقدر مانعبركيش معلش العتب علي النظر عندي برد سادد وداني ومناخيري وعنيا

عاملة ايه ياقمر انت وموكشة والنونو واخبار الاؤع ايه

يارب يتصلح الجهاز بتاعك وترابطي عندنا تاني

[نولارا]

توته انتى وشوشو يعنى انا بكلمكم وانا بكلم جوزى وانتوا ولا معبرنى
ماشى يادزمه منك ليها

[توتة السيد]

علمتي الود الرغي زيك يانهار عماد يسبلكم البلد ويهج

[ام انس المصريه]

الحمد لله ياتوته ربنا يسهل فطامها يارب

ها طلب الزوزو ولا ايه

المفروض ياتوته تديها لبن فى الببرونه

روحى بقى لدكتور اطفال واستشريه تدلها صناعى ولا طبيعى بس اظن ان الطبيعى كويس ليها والله اعلم

لان فى ناس اعرفهم بيدو لعيالهم جمب الرضاعه الطبيعيه اول حاجه لبن بقرى يشيلو منه الوش

وبعد شويه يدو لبن جاموسى مخفف وبعد كدده يدو اللبن من غير ميه

بس برضو عشان تطنى روحى لدكتور اطفال

[توتة السيد]

يابت ماانا بكلمك اهو انت اتحولتي ولا ايه

[توتة السيد]

اه طلبتها امبارح كتير بس انهارده مرتين بس

ربنا يسهل عليها يارب

اه باذن الله هسال واديها لبن بس مش في الببرونة كبرنا بقي عليها

في كوباية بقي

[ام انس المصريه]

حماتى بتقولى الواد ده هيبقى رغاى زيك ده اول مايكبر هاخده يقعد معايا علشان ميبقاش رغاى زيك قلت لها يارب يملا الدنيا رغى وكلام ويبقى لبق كده فى الكلام وعنده رد لكل كلمه بتتقال له ميبقاش هفأ وياخد على قفاه

ههههههههههههه اصل حماتى مبتعرفش تصد ولا ترد معايا بالادب بوصل للى انا عوازه معاها بس مع ابنها مبعرفش اتعامل معاه بالادب هههههههههههه

[ام انس المصريه]

ازيك يابت يانورا انا مشغوله بالكلام مع البت سردينه قصدى توته وانشغلت عنك

وبعدين يانورا هو انتى فضيلنا بقى مش بتكلمى خلودك

[ام انس المصريه]

http://weird.misryano.com/archives/210

الكلبه ايناس الدغيدى كلامها سافل زيها

دماغها معفنه وليه شاذه وتفكرها شاذ زيها

اعوز بالله منها ربنا ياخدها ويريحنا من شرها بتفسر القران على مزاجها الجزمه المتخلفه دى

[ام انس المصريه]

تاخدى سودانى مملح ياتوته

[ام يحيي 2011]

حد هناااااااااااااااااااااااااااااااااااااااااااااااا اااااااااااا

[ام يحيي 2011]

هاتى حبه يا بت يا توتا

وانتخبت وانتوااااااااااااااااا لالالالالالالالالالالالالالالالالالالا

[ام يحيي 2011]

توتى وشوشو ونوراااااا العواف عليكم يا حبايبى

[ام انس المصريه]

انتى ياوليه منك لهااااااااا

[ام انس المصريه]

ساااااااااااااره ازيك انتى ويويو عاملين ايه

[ام انس المصريه]

انا اللى معايا السودانى مش توته

افتحى بوئك ههههههههه

[ام يحيي 2011]

نزلت صورة يحيي على الفيس اول امبارح لسه طازه يعنى شفوها بقى

عايزه ايه يا بونيه

[ام يحيي 2011]

طب هاتى حبه يحيي بيعيط اووووووووووى دعواتكم

[MALAK2010]

حد هنااااا

[ام يحيي 2011]

نحن هنااااااااااااااا يا ام سيمبا وحشتناااااااااااااااا اووووووووووووى

[*رحمه*]

بت يا شيماء ما بتبطليش اكل هههههههههههههه لازم يبعدوا انس عنك لحسن تاكليه

ازيك يا سوووووووووووور عامله ايه والواد يحيى عامل ايه

[ام يحيي 2011]

توتا وشوشو ونورررررررررررررررررا رحتوا فيييييييين

[ام يحيي 2011]

الحمد لله تمام شفوا صوره يحيي على الفيس وقلوللى رأيكم بقى

انتى وحشتنى اووووووووووووى يا دندن انتى مطنشانى ليه مش بتردى عليا على الفيس حتى انت مخصمانى ولا ايه

[MALAK2010]

دينا - ساره ازيكم يا بنات عاملين ايه مش بتدخلوا كتير لييييييه

[ام يحيي 2011]

انا بدخل كتير بس مش بلاقى حد

عملين ايه وحشتونى اوى فى حد فيكم صوت فى الخارج ولا طنشتوا

[ام انس المصريه]

طيب تعالو اشربو كابتشينوووووووووو

[ام انس المصريه]

اه باكل كتير يادينا وعاوزه قال اعمل ريجيم هههههههههههههه

عاوزه طول منا قاعده يفضل بوئى شغال

اهو فتحت التلاجه ملقتش غير برتقان ونا نفسى هفانى على كاكولا

قمت عملت كابتشينو

[ام يحيي 2011]

هههههههههههههههه شكرا يا بطه بالهنا ليكى واسهرى بقى يا اخوتى عشان هينزلوا فى البن ؟لأنوسه

[توتة السيد]

تعالي كولي ادراعي ياست شيماء يخربيت كده فجعانة يابت ليه كده اتهدي شوية

[ام انس المصريه]

انتى ياوليه منك لها ياللى بتدخلو ترمو كلمه وتمشووووووووووو

هشد فى شعرى منكم

[توتة السيد]

سااااااااااااااااااارة القمر ازيك ياسكر وزي يويو

هشوف الصورة واقولك

دينا عاملة ايه دلوقتي الزهق خف شوية

لوكة ياقمري ازيك وحشتيني الدقيقة دي ههههههههههههههههههه

[توتة السيد]

انا هنا ياحولة اهو هو ماينفعش اشيل مناخيري من وشي تعباني قوي

[ام انس المصريه]

الفيس توك اتخرب عندى هههههههههههههه

هحمل برناج جوجل كروم من اول وجديد بقى علشان اعرف ادخل على الفيس بوء

[ام انس المصريه]

انا كمان عندى زكان جامد اوى ياتوته وبعيد عنك زورى ملتهب جدا بقالى اكتر من اسبوعين والله العظيم خلصت 10 كبسولات كولد فرى

واخدت 6 برشامات مضاد حيوى 500 واخدت سيتال 500 وبرشام استحلاب بالنعناع وجددت المضاد حيوى والله زورى تاعبنى جداااااااااااااا

اكيد لازم اكشف

[ام انس المصريه]

اه انا بقيت باكل كتير اوى مش عارفه ليه بجوووووووووووع بسرعه جدا

مع ان والله انس بيرضع قليل جدا

[توتة السيد]

الف سلامة عليكي ياام بدوي البرد رخم بيجي يلزق ربنا يهون اهو بشرب لمون

وربك يعفي

طيب خفي شوية علشان كمان لو حصل حمل ماتضربيش وتفرقعي

[ام يحيي 2011]

وحشتنى اووووووووووووووووووووووووووى يا توتى


بطلى اكل يا شوشو لاحسن تبقى كرمبو

[ام انس المصريه]

بت ياساره

دخلت الفيس صوره يويو متغيرتش هى هى الصوره اللى جمب البحر ابو كسكته

[ام انس المصريه]

هههههههههههههههههه هو انا لسه هضرب وهفرقع ياتوته

هو انا لسه مبقتش كرومبو ياساره

وبعدين حمل ايه ياتوته دى البريود عندى يابت جات امبارح

[ام انس المصريه]

انوس بيمسى

عليكن

[ام يحيي 2011]

الفيس مهنج يا جماعه افتحوا كمان شويه هتلاقوها بأذن الله

[ام يحيي 2011]

عملين ايه يا بنات

طب هنزلهلكم هناااااااااااااااااااا

[ام يحيي 2011]

بسوهولى يا شوشو

توتا نور عمله ايه دلوقت فى الفطام

[ام يحيي 2011]

رحتوااااااااااااااااااا فيييييييييييييييييين

[ام يحيي 2011]

http://forum.hwaml.com/http://up.arabseyes.com/uploads/28_11_1113225064311.jpg (http://up.arabseyes.com/)

[om arwa]

سلام عليكمم
عودنا بعد الشغل

[om arwa]

انتى ياام انس انتى كمان بتعيطى ههههههههههه
ماناتى كلتى قلقاس اهوه نسيتى ولا فى بالك ههههههههه بالهنا الشفا اى دونت لاااااااااايك خالص
انا ياختى لازعلانة لا نيلة
الدنيا مش مستهلة
كمان شكل توتة طردت العفريت بالبخور والنملة الحمدلله
انتى عارفة نفسية الحامل يا اختى زبااااااااالة مابتستحملش يارب هووووووووووون

[توتة السيد]

وعليكي السلام ورحمته وبركاته

حمد لله علي سلامتك ياسمسم عاملة ايه انت والقطط

[om arwa]

اعاااااااااااااااااااااااااا
همت عايزة اررررررررجع
تعبانة جسمى مكسر
مصدعة ودماغى تقيلة
اهىء اهىء
ادعولى يا عيااااااال

[توتة السيد]

الله اكبر الله اكبر بركاتك ياتوتة تعالوا اتمسحوا فيا بقي خدوا من بركتي هههههههههههههههههههه

[om arwa]

توتى مبروك الخاااااااااااامس يا حبى
عقبال التاسع ولاولادة
اان حسكى بقالك كتير فى الرابع
زى مانا كان بقالى كتير فى السادس
هههههههه
يارب هوووووووون

[توتة السيد]

الف سلامة عليكي ياسمسم ربنا يعينك بجد والله اذا كان احنا مريحين في البيت وتعبانين فمابال انت شغلك مش سهل ربنا يقويكي ويجعله في ميزان حسناتك

[توتة السيد]

الله يبارك فيكي ياقمري تسلمي يارب وعقبال ماتقومي بالف سلامة يارب

اه اسكتي تقوليش الزمن بيقف يارب هون علينا بقي

[om arwa]

بقولك يا توتى
ادى لنور لبن صناعى المرحلة التانية
الىل هوة من 6 شهور لسنة
واول ماتتم سنة ان شاء الله لبن عادى من بتاعنااااااااااا
اللبن طبعا مهم ليها جدا
والعصير والسوايل عشان تعوضيهاااااااا

[توتة السيد]

بقولك ياسمسم كنت حطالك سؤال لو ذكرتي شفيه وردي عليا ولو مش ناوية علي مذاكرة وهتفشلي

قوليلي واقولك السؤال تاني

[om arwa]

عيب يا باشا ههههههههههه
شوفتى مقدرش اتاخر عليك ابدااااااا
ذاكرت من قبل ماتقلى
بس هما اول صفحتين روحت ناطة على هنا ههههههههه

[توتة السيد]

الحقيني ياسما

[توتة السيد]

البت نور خفلتني واخدت علبة البرشام بتاع الفيتامين بتاعتي وفضتها ومسكت الحبات

وقعدت تمص فيهم بس مابلعتش حبوب بس مصتهم ودابوا اعمل ايه الحيني يانهاري

يارب سترك

[om arwa]

ماتخافيش يا دودى
ان شاء الله مفيش شر
الحمدلله انها مابلعتهم
ولو مصت شوية مش مشكلة
الحمدلله انها فيتامينات مش ادوية تانية
روخى اديها اى عصير يخففها عصير ليمون مثلا

[توتة السيد]

ماشي ياسمسم اروح اعملها عصير لمون

[توتة السيد]

شربتها عصير لمون يارب سترك البت مش عاتقة اخبيها مااخبيها برضه تجبها وفتحتها ازاي

انا مش عارفة داانا ماعرفش افتحها الا بسناني

[om arwa]

هههههههههه
شكلها اخر شقاوة
اصلا من صورها الشقاة بتن من عينها
زى اروى بالظبط
ربنا يهدى
بس اما يكبروا هيبقوا هاديين
بيصبرونى بكدة هههههه

[توتة السيد]

هي شقاوة بعقل ربنا يهديهم والله دا كل مابيكبروا كل ماشقوتهم بتزيد ربنا يخليهم لينا ويتشاقوا

ويعينا عليهم بقي روحت حميتها دلوقتي لقيت في هدومها من جو حبوب برضه ربنا يستر

ماتكنش بلعت بس الحبة كبيرة لو بلعت كنت حسيت كانت شنقتها يارب سترك

[om arwa]

معلش اروى عملتها فيا قبل كدة
ربنا يهديعم ويكبروا يعقلوا

[توتة السيد]

يارب اللهم امين

[توتة السيد]

معلش ياسمسم البرد مضيعني خالص هحاول انوم البت دي ونام

تصبحي علي الف خير

[توتة السيد]

صحيح تسلميلي ياقلبي علي ردك علي سؤالي البت لخمتني بدري

[om arwa]

وانتى من اهلة
الحال م ن بعضة الله حسمى مكسر
بس مستنيا عبد الله
ربنا يحيبة بالسلامة

[AyoyA]

السلام عليكم
مين هنا ومين مش هناااااااااااااا

[AyoyA]

محدش هناااااااااا
ليهههههههههههههههههه
بتعملو ايه

[MALAK2010]

صبااااااااااااااااااااااح

[Rania Negm]

الخييييييييير

[Rania Negm]

هههههههههههههههههههههه ايه يا ؤكى ؟ مكسلة تكمليها ؟؟؟

صباح الفل عاملة ايه وبنوتك عاملة ايه ؟؟؟؟
اممممممممممممممموه يا سلامة

هههههههههههههههههه انا بقول لبنت اخويا على طول يا سلامة أو سلومة الاقرع ههههههههههههه

سلومة الاقرع ده بايت كان فى فيلم عادل امام

[Rania Negm]

وحدووووووووووووووووووه

[Rania Negm]

هييييييييييييييييه دنياااااااااااااااااااااااااا

[Rania Negm]

أين انتم يا جوووووووووووووووووم

[Rania Negm]

حمايا سافر دلوقتى وانا زعلانة اوى ومكتئبة وبعيط

كان منورلى البيت والله وطالع نازل كان يجيب لأحمودى فى حاجات وبيجيبلى شوكولاتة كتير عشا عارف انى بحبها

:(((((((

كنت بصحى منن النوم الاقيه قاعد فى الصالة وبيشرب شاى ومشغل الاخبار وعاملى حس فى البيت

وكان ينزل يصلى بعد كدا ويطلع جايبلى اى حاجة انا كنت كلمت محمد عليها انى محتاجاها

حبيبى والله هيوحشنى

كااااااااان امور خالص وهو ماشى

كان مفحفح برفان وحالق ع الزيرو بقى بعد الحج

كان وسيييييييييييييييم ربنا يحميه

هتوحشنى يا عموووو أحمد اوى انا وأحمووودى

هتوحشنا اوووووووووووووووووى

:((((

[Rania Negm]

انا زعلانة موووووت الشقة كئيبة

وأودته لسه فيها أثاره

الهدوم اللى كان نايم فيها وشنطه الفاضيه

ااااااااااااه ياربى مشكلتى انى رهيييييييييبة فى الحاجات دى واقعد اشم فى الحاجة وافتكر وادور على ادق التفاصيل اللى تزعلنى

السرير مكانه

والبطانية بنكشتها من مكانه

والمخده مكان ما كان نايم عليها

وفوطته .. ونسى فرشة اسنانه ياقلبى عليه

اانا هقوم انام بئى اكتئبت

[gogo]

طبعا كالعاده مش هلحقك يارانيا باجى على اخر مشاركه
ملوكه صباح الخير الواحد الصبح بيجى على حسك

[gogo]

معلش يارانيا هو ده حال الدنيا عاشر يابن ادم مهما تعاشر مسيرك تفارق
ان شاء الله يوصل بالسلامه وانتى يومين وهترجعى تتعودى على حياتك العاديه

[gogo]

طبعا محدش هنا كالعاده

[توتة السيد]

صباح وقشطات يامزز اتشي الحمد لله اه يانا يامه

[توتة السيد]

ماحدش يستلف مناخيري مني اليومين دول ووالله اكرمه باحلي سعر

[gogo]

صباح الخير ياتوته عامله ايه
خلى مناخيرك معاكى مش هتلاقى حد معندوش برد الدنيا بردت اوى

[Rany]

يا صباح الفل ازيكم يا بنات عاملين ايه , على فكرة انا بحب كلمة يا بنات دي مع انكم كلكم مدامات بس تحسوها بتصغر كدة :( ها مين اللي صاحي ومين اللي نايم

[MALAK2010]

اناااااااااااااااااااااااااااااا

[MALAK2010]

رانيا معلش ربنا يرجعه بالف سلامه
ويلا علشان نبدا الرجيم
انا عكعكت اليومين اللى فاتوا علشان مستنياكى هههه فزدت كيلو

[MALAK2010]

جوجو ازيك يا جميل عامله ايه مش بتدخلى كتير ليه
وصاحيه بدرى على غير العادة
يعنى افلت رجلى اروح اطبخ الاقيكم دخلتم ماليش حظ

[om arwa]

اعا
اروى وانا تعبانين
البنت عندها اسهال من امبارح
وبعدين ع الفجر لقيتها سخنة
ادتها خافض
الحرارة نزلت بعد ساعة لقيتها ررررررررررررررررجعت
غيرتلها وادتلها دوا الترجيع

انا كمان عايزة ارجع بغباء معرفش ايه ده
وجسمى مكسر
ومش قادرة اخد نفسى طول الليل

[MALAK2010]

رانيا :ازيك يا جميل عامله ايه فى الشغل والحمل

[MALAK2010]

الف سلامه عليكى يا سما انتى واروى ربنا يشفيكم ياااارب

[توتة السيد]

صباح الانوار ياجوجو عاملة ايه

انا بخير الحمد لله بس البرد هيقضي علي 99 في المية مني

اه ياعني مش هلاقي حد ياربي اهئ

[توتة السيد]

الباش مهندس وصل ازيك ياروني عاملة ايه انت والنونو

[توتة السيد]

سمسمة الف الف سلامة عليكي وعلي اروتنا الحلوة معلش الجو حالته حالة اليومين دول

حتي عندنا مرة احس اني حرانة موت ومرة بردانه خالص

ربنا يهون انا امبارح زيك ماكنتش طايقة ريحة الشربة واللحمة علي البوتجاز مش عارفة ايه

ده ربنا يهون علينا جميعا

[توتة السيد]

لوكة ياحبي مستنياك انا ياجميل

[om arwa]

انا مش طايقة اسمع
كلمة اكل يا توتة يع يع
انا وزنت نفسى امبارح لقتنى مازدتش من شهرين الا نص كيلو
وكمان كنت لابسة عباية شتوى اثقال يعنى
ومحوقت فى الميران

ماتيجى ياختى نقعد جنب بعض
ونجيبلنا ممرضة كويسة تاخد بالها مننا لحسن اان مش قادرة اعمل حاجة
وخليت عبد الله عملى ينسن قبل ما ينزل عشان يدفى معدتى بس مش قادرة اقوم انا اعمل

[Rany]

انا بقا هموت واسال سؤال هو محرج شويتين تلاتة بس انا محتاجة ردكم انا شايلة هم قوي الولادة انا السبب الوحيد اللي مخليني عايزة اولد قيصري الاحراج مش الخوف ولا اي حاجة فانا عايزة اعرف لو في حد ولد قبل كدة طبيعي الموضوع بسيط ومفيهوش احراج ولا هتبقا هيصة والدنيا كلها هتتفرج وتبقا فضيحة انا بقول القيصري الموضوع مداري وباحترام لكن الطبيعي الواحدة بتضطر تبقا مكشوفة قوي وانا عندي حتة الكسوف دي زيادة عن الحد الطبيعي حتى بتكسف من امي فشايلة الهم قوي لليوم ده انا عايزة ردود الامهات

[توتة السيد]

ههههههههههههههههههههههه تعالي والله محتاجين فعلا ونريح احنا بقي اه يانا صحتنا فستكت

لنا الله بقي

[Rany]

ازيك يا توتة عاملة ايه لسة شايفة دلوقتي والله من يوم وحشتوني انا كنت سالت سؤال كدة وعايزة اعرف رايكم كلكم موضوع الولادة ده بتعملوا ولا هتعملوا فيه ايه انتوما زيي ولا انا اللي معقدة نفسيا :(

[om arwa]

لا عادى يا رانيا
خصوصا لو دكترة
كمان الطلق هيخليكى مستعدة تولدى فى ميدان التحرير هههههههههه
بهزر دى اكسبرشن احدة صحبتى قالتهولى
لكن انا تجربتى كانت مع دكتورة ست وطقم التخدير والممرضات ستات كان اريح بكتير
كمان فى القيصرى بيبص الدكتور من تحت بردو يشوف كمية الدم وكدة
مش ما بيبص خالص هى هى
كل الولادة فضايح هههههههههه
سيبيها طبيعى لا قيصرى دى على ربناااااااااا

[توتة السيد]

لا يارانيا عااااااااااااااااااااااااااااااااااادي جدا كلنا بنتكسف وحالتنا بالبلا لكن عند الولاده

كل همك انك تخلصي ولا هيفرق معاكي اي حاجة خالص مش بخوفك بس بقولك

اللي بيحصل ماتقلقيش والطبيعي احسن من القيصري تعبه في ساعة الولاده بس

ومافيش احراج ولا حاجة اطمني

[توتة السيد]

الحمد لله ياروني بخير تسلمي واطمني علي رائي سمسمة تبقي عايزة تولدي في

ميدان التحرير هههههههههههههههههههههههههه حلوة ياسمسم

[مامامشمشة]

السلام عليكم منورين فالبرد

[مامامشمشة]

الجو صعب النهاردة ده حتى مفيش مدارس اليوم الدفاع المدنى عطل الدراسة اليوم الجو بره صعببببببببببببببببببب ربنا ييسر الحال

[مامامشمشة]

مبروك ياتوتة على الخامس ولو انى يعنى زعلانة منك لانك اتهمتينى قبل كده بس يلا انا قلبى طيب وبجد بحب المنتدى والتجمع ده رغم انى كلامى قليل بس متابعاكم

[توتة السيد]

شوشو ياقمر وعليكي السلام والرحم عاملة ايه انت ولوجي ربنا يهدي الجو من عنده

[مامامشمشة]

اهلا توتة يارب لحسن العواصف شغالة بره ومطر والدنيا ضلمةةةةةةةةةةة ولوجى نايمة بت اللذيكا طول الليل مطلعة عينى فالنوم ونايمة من 8 الى الان متحركتش هقوم اعضها

[توتة السيد]

الله يبارك فيكي ياقلبي تسلمي وانا اقدر علي زعلاك بس اعزوريني والله غصب عني

لو كنتي مكاني كنتي هتفكري في كده معلش ماتزعليش مني

[مامامشمشة]

بس حرام بتصعب عليا لانها بتسنن وبقول تعبانة

[مامامشمشة]

لاانا مسمحاكى لان والله بحبك انتى وكل البنات الجميلة اللى فالمنتدى رغم دخولى القيلي بس بحس انى مش لوحدى فالغربة

[توتة السيد]

ههههههههههههههههههه عضيها وصحيها علشان تنام بالليل هينومونا علي مزاجهم العيال دول

مين بيربي مين بس

[توتة السيد]

ياحبيبتي معلش التسنين ده مقرف نور ماكنتش تنام نهائي طول الليل ومقريفة لما بتسنن

[توتة السيد]

ربنا يخليكي ياقمر واحنا كمان كلنا بنحبك والله ونفسنا تشركينا دايما في السوار والحوار

[Rany]

قولولي كمان انا عارفة ان اسالتي مملة بس معليش , احساسكم فترة الحمل بيصدق ولا بيخيب , يعني اللي بتحس انه بنت بيطلع بنت ولا مش بيصدق , انا اصلي حاسة انها بنت بطريقة فظييييعة معرفش ليه يمكن علشان بقعد اقرا علامات الحمل وبحس انها بنت مش عارفة بردو قولولي انتوا كنتوا بتحسوا ولا حاسين ايه ؟

[gogo]

اده اده اغيب شويه اجى الاقيكوا كلكوا هو فيه مسحراتى بيعدى انهارده ولا ايه كلوا صاحى بدرى
ازيكم كلكم مره واحده اصلكوا كتير

[Rany]

ازيك يا جوجو عاملة ايه صباح الخير عليكي

[مامامشمشة]

صحيت وهاكلها اهو

[توتة السيد]

انت بتغطسي فين ياروني اه افتكرت انك بتنامي اه قصدي بتشتغلي هههههههههههههههه

ولا مملة ولا حاجة اسال براحتك باجميل والله ياقمري مش علي طول انا في نور بنتي

كنت حاسة انها بنوتة وفعلا طلعت بنوتة المرة دي حاسة احساس فظيع انه ولد

ومع ذلك الدكتورة قالت احتمال كبير بنوتة فمش شرط يصدق الاحساس دائما

وكله فضل من رب العباد

[توتة السيد]

كله ترك سريره ياجوجو الناس زهقت من النوم مع ان النوم مايتزهقش منه ابدا ده حبيبي ههههههههههههههههه

[توتة السيد]

صح النوم يالوجي ياقمر نوم الهنا وبصحة وعافية ياجميل هتفطر ايه انهارده بقي

[gogo]

انا تمام يارانيا اهلا بيكى معانا ف البرنامج هههههههههه اقصد المنتجع

[مامامشمشة]

صباح النور جميعا

[Rany]

صح والله فضل من رب العباد لما بقعد افكر بقول لنفسي ايه الخيبة دي انا يعني ضامنة انه ييجي بالسلامة ادعي الاول ييجي صحته حلوة وبعدين افكر يارب يجيبهم بالسلامة بصحة كويسة ويكونوا صالحين يارب , المهم ان انا فرحانة بيكم قوي وفرحانة قوي اني لقيت صحبة حلوة كدة بجد ربنا يكرمكم كلكم ويسعد قلوبكم ويفرحكم بولادكم ويهديلكم ازواجكم امين

[gogo]

انا اصلا ياتوته بقالى كتير مقمتش ف الوقت ده بس امبارح طول اليل منمتش ونمتلى 3 ساعات وقلقت وادينى قاعده زى قرد قطع مش عارفه ايه الفوقان ده

[مامامشمشة]

هفطرها بطاطس مسلوقة عشان الاسهال وكبدة فراخ عشان فيتامين د يساعدها فالتسنين

[مامامشمشة]

ومش راضية تاكل وقرفانة اخر حاجة

[gogo]

ملوكه عامله ايه انتى وسلمى
سما سلامتك تلاقيكى خدتى برد ادفى كويس
ماما مشمشه منوره

[Rany]

مشمشة بس خلي بالك كمان الكبدة بتعمل اسهال جامد قوي يا حبيبتي ولا ايه ؟ انا اصلي اعرف كدة من مامتي بتقول لاخويا ميديش كبدة لابنه لانها بتعمل اسهال شديد خصوصا لو اول مرة تديهالها انتي متعودة انها تاخدها ولا اول مرة ؟

[توتة السيد]

يارب اللهم امين ياروني فعلا دي اهم حاجة

تسلمي ياقلبي واحنا كمان فرحانين بوجودك معانا يارب دايما تكوني معانا وفي احسن حال

[توتة السيد]

قلقان ليه ياجميل بتفكر في الجو اكييييييييييد ربنا يجمعكم علي خير

[om arwa]

الله يسلمك يا هاجر بجد هرجع معدتى واروى عمالة تقولى بنى ججعنى

[توتة السيد]

صحة والف هنا يالوجي ياعسل معلش التسنين اصلا بيسد النفس مش هتبقي عايزة غير صدرك

بس معلش مرحلة وتعدي وابقي عوضيها بعد كده

[توتة السيد]

سلامتك ياسمسمة مالكم بس الجو وحش ادفوا كويس معلش

[om arwa]

انا مبقدرشانام على ضهرى بحس انى هتخنق وافطس

[مامامشمشة]

هى اصلا مش راضية تاكل اى شىء اهلا بيكى ياجوجو

[gogo]

يارب ياتوته يسمع منك ربنا

سما اعملى كوبايه شاى وعليها لمونه هتعدلك معدتك وحلوه للبرد عن تجربه

[مامامشمشة]

الجو وحش السنة دى هنا كان بيكون دافى ماكان بالسقعة دى ابدا

[om arwa]

احنا قاعدين تحت اللحاف الفايبر اهوه نعمل ايه تانى
‏ انا حاسة ان بطنى واخجة برد عشان بنزل البنطلون تحتها فدخل لها برد

[توتة السيد]

تقريبا الجو في كل حته كده حتي هنا ماكنتش اتخيل اني في شتا في الامارات

بس والله الجو سقعة وخصوصا بالليل اول الصبح

[توتة السيد]

اه ياسمسم فعلا حاولي تتقلي البسي قميصين فوق بعض هي لكلكة صحيح بس معلش

علشان ماتتعبيش

[توتة السيد]

عايزة اقوم اصلي واطبخ ونشر الغسل ومش قادرة اقوم من مطريحي حد يجي يسحبني ياولاد

عضمي كل مفشفش ومناخيري هتتنتر من وشي وعنيا مدغششه وحالتي حالة

[om arwa]

حاسة اللمون هيموعلى نفسى اكتر

[مامامشمشة]

اقولكم جميعا مع السلامة لوجى مقريفة وبتعيط

[MALAK2010]

هووووووووووووووووب هههههه

[om arwa]

معلش يا توتة ربنا يشفينا جميعا

[توتة السيد]

لا المون حلو مع الشاي ياسمسم اديها واحد مج في الحنين كده

[توتة السيد]

ماشي ياشوشو ربنا معاكي مع سلامة الله

[توتة السيد]

هووووووووب حمد لله علي السلامة يالوكة

[om arwa]

اروى نامت اهيه هريح جنبها دعواتكم

[توتة السيد]

يارب ياسمسمة يارب

[MALAK2010]

الكل بيشتكى من البرد والتعب الف سلامه عليكم يا بنات

[توتة السيد]

ماشي ياجميل ريحي

[توتة السيد]

الله يسلمك يالوكة ياحبي

[MALAK2010]

ماما برده عندها دور برد جامد اوى يا حبيبتى واخدت دوا فقلب معاها بارتيكاريا
بقا عندها حساسيه من اى دوا تاخده ربنا يشفيها ويشفيكم ياااارب

[MALAK2010]

توتااااااااااااااا انتى فين يا بنتى

[توتة السيد]

الف الف سلامة عليا ماما يالوكة ربنا يعفي عنها يارب ويباركلك فيها

معلش كنت بكلم بعللتي في المهبوش وحشته اخواتي وحشته ههههههههههههههههههه

[Rany]

انتوا مالكم سكتوا كلكم كدة لييييييييييييه :(

[توتة السيد]

عودنااااااااااااااااااااااا مين هنا

[توتة السيد]

رانيا انت هنا

[رنا خالد]

ازيكم يابنات وحشتوني واله العظيم
عاملين ايه ده لو في حد هنا

[رنا خالد]

انا هنا ياتوته انفع بدل رانيا
بس شكلك خلعتي اصلا وانا هنا الون

[Rany]

انا هنا بس تعبانة :( حسيت بدوخة من شوية وانا في الشغل دلوقتي حاسة بهبوط انا حاسة ان كل ده بيحصلي بسبب لبس البناطيل انا لسة بلبس بناطيلي اللي قبل الحمل هي بتبقا ماسكة عليا هي لو ويست وانا قاعدة بس بفكها وانا قاعدة والمشكلة كمان اني بضطر اقعد على الكرسي طول الوقت مبصدق تيجي الصلاة عشان اصلي وامدد جسمي شوية :( ادعولي انا عايزة اروح , لما بحس بخنقتها عليا بحس بمغصة وسعات غثيان غريب قوي الغثيان ده لنه يستمر معايا لدلوقتي بس هعمل ايه مع اني الحمد لله عمر محصلي قئ من اول الحمل بس الغثيان والاحساس باني عايزة ارجع مبيخلصش لحد دلوقتي سعات بحس بيه