دردشة بنات مصر , دردشة حوامل مصر , تجمع بنات مصر

[احلى نونو]

اوكى يااسماء فى انتظارك


بت ياهدييييييييييير نمتى ع الجهاز ولا ايه

[احلى نونو]

أسما أنا بقا هدير 19 سنه حامل في السادس أول بيبي ليه مصريه ومقيمه في جده أتشرفت معرفتك ياحبي أنت بتقولي ان الولاده سهله أنت ولدتي طبيعي ولا قيصري
دودو أنا بقا أتخنقت معا عشان نازل يتفرج علي المطش وسايبني طبعا خناقه دلع عشان مايتعودش علي كدا


ماهو انا برضه حسيسسته انى زعلااااااااااااااااانه انو نازل بس معلش يغير جو
واعدت اوصيه ميتاخرش

[أم نورين2012]

أه مش كدا عشان نقعد نرغي مع بعض لحد الصبح
أسماء ماشي ياقمر روحي وأحنا مستنينك

[احلى نونو]

انا شوفتك مره بتقولى ياهدير انك هتولدى قيصرى ودلوقت اسماء بتقول محسيتش بحاجه خالص
عشان ولدت قيصرى فربنا يكرمك ان شااااء الله ومتحسيش بحاجه اعتقد بتبقى ببنج نصفى عشان كده مبتبقيش حاسه بوجع

[أم نورين2012]

أيو لازم يحسو ماأحنا أعدين في البيت ومش بنشوف حد غيرهم ولا حتي نعرف حد مش حاجه تزهق بزبمتك فلازم بقا يستحملو

[احلى نونو]

هدير معندكيش اصحاب فى جده
طيب مش بتروحى عند مامتك فى مكه فى نهايه الاسبوع دى حتى المسافه قريبه

[أم نورين2012]

دودو في بنج نصفي وفي بنج كولي بس أنا عايزه أخد نصفي عشان أشوف النونو أول مايطلع وأحس بيه اللحظات دي مش بتتعوض ونفسي أصورهاساعت ماتتولد بس مش عارفه هاينفع ولا لأ

[اسماء ف]

ياه انتو كلكم في السعوديه كده ربنا يهونها عليكم دي الغربه وحشه

[اسماء ف]

دودو في بنج نصفي وفي بنج كولي بس أنا عايزه أخد نصفي عشان أشوف النونو أول مايطلع وأحس بيه اللحظات دي مش بتتعوض ونفسي أصورهاساعت ماتتولد بس مش عارفه هاينفع ولا لأ

اوعي البنج النصفي بيآثرعلي الضهر بعد كده اوعي الكلي احسن

[احلى نونو]

دودو في بنج نصفي وفي بنج كولي بس أنا عايزه أخد نصفي عشان أشوف النونو أول مايطلع وأحس بيه اللحظات دي مش بتتعوض ونفسي أصورهاساعت ماتتولد بس مش عارفه هاينفع ولا لأ


ايوه اعتقد النصفى ده يبقى كويس مدام الواحد مش هيحس باى وجع من تحت وبرضه يشوف النونو وهو بيطلع
بصى هو فى مصر بينفع . صحبتى الانتيم كانت بتولد بس طبيعى وجوزها دخل معاها وكان بيصورها بالكاميرا
بس فى السعوديه معرفش النظام ايه

[أم نورين2012]

لأ مش شرط كل أسبوع بعدين ماما وبابا في مصر دلوقت وهايجو أن شاء الله علي الحج مافيش في مكه غير أخويا ومراته
وماليش أصحاب هنا في جده لكن ليا طبعا في مكه

[اسماء ف]

انا خدت كلي ومسكن بعد الولاده بساعه فمحستش بحاجه خالص

[احلى نونو]

خلاص ساهدير سيبكمن النصفى وخليكى فى الكلى اسماء بتقولك بياثر ع الضهر

[اسماء ف]

ربنا معاكم وعقبالي يارب

[احلى نونو]

يجوا بالسلامه ياهدير ان شاء الله

انا برضه كل صحابى بتوع الابتدائى والاعدادى والثانوى فى مكه بس على طول بنتكلم بقى ع النت وفى التليفون

[أم نورين2012]

أنت أخدتي بنج إيه ياأسماء بس المشكله في القيصري في الوجع اللبيجي بعد الولاده وربنا يهون ويقومنا بسلامه يارب كلنا
ويارب ينفع أصورها

[اسماء ف]

الوجع اللي بعد الولاده ده بسيط ووقت قليل ولا خدتي ابره مسكن واحده بس مش هتحسي بحاجه تاني خالص

[أم نورين2012]

أنا أعرف ان أي حركه وأنا باخد الأبره بتاعت البنج ممكن بعد الشر تجيب شلل صح المعلومه دي ولا تخريف
ربنا ياأسماء يكرمك ويعوضك خير أنا قريت في توقيعك أن أبنك توفي أن شاء الله يكون عصفور في الجنه وشفيع ليكي ولوالده يارب

[اسماء ف]

يارب ان شاء الله يحيي حبيب امه عصفور في الجنه مستنينا وانتوا يارب تقوموا بالسلامه وميحرمكم ابدا من رؤيه ولادكم سلام معافين باذن الله

[أم نورين2012]

أنتو رحتو فين يابنات

[اسماء ف]

بصي انتي اصلا بيكون معاكي دكتور وممرضه فصعب اوي انك تتحركي بس اللي بتقوليه ده بيبقي في البنج النصفي وانا منصحكيش بيه الدكتور قبل العمليه فهمني الفرق

[اسماء ف]

النصفي ليه اخطار اما الكلي اخطاره التوهان بس وده مقدور عليه

[أم نورين2012]

يارب ياحببتي وتشوفي بأذن الله ربنا يعوضك خير وتجيبي صبيان وبنات كتير ومايحرمك أبدا لأنتي ولا أحنا أمين

[أم رولين]

ازيكم يا حوامل مصر؟؟

[اسماء ف]

انتو فين يا بنات

[اسماء ف]

اهلا ام رولين

[أم نورين2012]

أزيك يامني أخبارك إيه وولادك عاملين إيه
أسماء ماأنا معاكي أهو يابت

[أم نورين2012]

أنت رحتي فين يادعاء

[اسماء ف]

فهمتي قصدي علي البنج

[أم نورين2012]

أيه يابنات بتغطسو فين

[أم نورين2012]

أه ياحببتي فهمت قصدك ربنا يخليكي

[اسماء ف]

انتوا فين يا بنات

[اسماء ف]

ربنا يقومكم بالسلامه

[توتة السيد]

بخ بخ عوووووووووووو مين هنا ولا سرحتوا كلكم

[أم رولين]

مدام اسماء انا اخدت التخدير النصفي اللي في ضهري في الولادة التانية
والحمدلله ماحصليش اي حاجة وكانت طبيعي والمستشفى اللي ولدت فيها كلهم قيصري او طبيعي بياخدوا الحقنة النصفي دي
بس بس ولكن
لازم تتاخد صح وكويس علشان ما تحصلش اي مشاكل لاقدر الله

[أم نورين2012]

توته يانهار أبيض يانهار أبيض إيه النور ده ياختي وأزي البت بنتك المفعصه دي حلوه مفعصه دي

[اسماء ف]

مدام اسماء انا اخدت التخدير النصفي اللي في ضهري في الولادة التانية
والحمدلله ماحصليش اي حاجة وكانت طبيعي والمستشفى اللي ولدت فيها كلهم قيصري او طبيعي بياخدوا الحقنة النصفي دي
بس بس ولكن
لازم تتاخد صح وكويس علشان ما تحصلش اي مشاكل لاقدر الله

شوفتي انتي قلتي ايه بس تتاخد صح اما الكلي عادي تتاخد زي اي ابره

[توتة السيد]

البنج النصفي سهل جدا انا اخدته في ولاده نور ولا عمل حاجة

ازيكم ياموجودين منورين

في اسماء جديده اسماء مش اسماء ههههههههههههههههه

ازيك يااسماء عاملة ايه ياقمر انت حامل في الكام بقي

وعندك اولاد

[اسماء ف]

الاهلي نغلوب والناس هتتجنن هنا

[اسماء ف]

الله يسلمك بصي يا قمر انا مشحامل ومعنديش ولاد بس نفسي احمل والله بس جوزي مش راضي

[توتة السيد]

شفتي النور بتاعي ياهدير غطي علي الكهربا ههههههههههههههههههه

المفعصة بتزن زن القرود

[توتة السيد]

ياحبيبة قلبي ربنا يكرمك ويديكي يارب عن قريب بس جوزك رافض ليه

انت متجوزة قريب يمكن عايز تتمتعو بحياتكم الاول قبل لخمة العيال

[اسماء ف]

انتو ليه كده بتختفوا كل شويه

[أم نورين2012]

أسماء ليه جوزك مش راضي أنت بقالك أد إيه ولده
قوليلي مغلوبين كام عشان اشمت في جوزي تلاقيه دلوقت علي أخره

[أم رولين]

صح بس انا شوفت ناس كتير اخدوها وكانت كويسة معاهم
بصي خدي الامن احسن وربنا يقومك بالف مليون سلامة

[اسماء ف]

مغلوبين واحد لحد ما اعرف من شويه يعني وجوزي مش راضي خايف عليا علشان حالتي النفسيه وحشه اوي من ساعت موت ابني بيقولي استردي صحتك وخسي الاول علشان تقدري

[توتة السيد]

هو المطش مش مذاع ارضي ولا ايه مش لاقينه

ومغلوب كام كام جوزي عايز يشوفه

[اسماء ف]

مغلوبين واحد ومتزاع ارضي وعلي الجزيره

[اروى قلب ماما]

مفيش حد على المنتدى ولا ايه

[توتة السيد]

ياحبيبة قلبي ابنك اتوفي ازاي انت كنتي حامل حصل ايه انا اسفة لو مش حابة تحكي ياقلبي خلاص

ربنا يعوضك خير يارب

[اروى قلب ماما]

كلكم خلاص كروين قلبا وقالبا

[أم رولين]

ازيك يا توتة
وازي بنوتك ولوسمحتي ماتقوليش كده على البنت ربنا يخليهالك
بصي والله من اللي انا شوفته هنا عرفت قد ايه احنا بنتعامل غلط مع الاولاد
احنا نتعصب الطبيعي يتعصبوا هم
بصي انا اخدت هنا قرص في تربية الاولاد
واهههه
تحسي انهم بيتعاملوا بدينا اكتر مننا
اه انا حاسة اني بقى عندي برود الانجليز زي ما بيقولوا
بس تحسي انهم فعلا صح
احنا على كول عصبيين ومخنوقين وووووشايلين المشاكل بتاعت العالم كله على دماغنا وياريت حد بقى بيشيل معانا
عارفة احنا لو هدينا هنلاقي حلول لكل حاجة براحة
قوليلي بس هي عندها قد ايه وانا اقولك على الكتالوج اللي تمشي عليه و
تلاقي حياتك معاها عسل
خبره اتنين قرود ياناس

[توتة السيد]

لا في ازيك ياام اروحي عاملة ايه نورتي عرفينا علي نفسك

[اروى قلب ماما]

جوزى اخد اروى وبيتفرج على الماتش فى الكافيه

[اسماء ف]

لا يا توته عادي انا ولدت من شهرين يوم واحد سبعه وابني اتوفي في نفس اليوم بس الصبح قبل ما اولده بخمس ست ساعات كده كنت في اخر التاسع واتوفي من السكر

[اروى قلب ماما]

ازيك يا توته انا كلمتك مره بس من زمااااااااااااااااااااااااااان اوى

[توتة السيد]

لا ياام اروي ولا ليه في الكورة خالص

[رنا خالد]

ازيكم ياقلابيظ

[أم نورين2012]

أحسن هو باقيله أد إيه يخلص
لأ ياتوته مش متذاع تقريبا عشان جوزي طلع يتفرج عليه بره
أسماء هو خايف عليكي وعنده حق وربنا يكرمكو قريب أن شاء الله

[اسماء ف]

هسيبكم بقي واقوم انام شويه لحسن اتهدت طول النهار من العزومه

[اروى قلب ماما]

انا قليل لما بدخل انتوا عارفين بئه المشغوليات

[توتة السيد]

الحمد لله ياام رولين

هههههههههههههههه دي اقل حاجة اقولها عنها دي بت زنانة ياباي ربنا يخليها وتزن هعمل ايه

انا معاكي والله وانا من طبيعتي هااااااااااااااااادية والله مش بشكر في نفسي اعوذ بالله

بس انا معروف عني ان هادية وبالي طويل كانوا بيقولوا عليا باردة

بس مع الحمل انت عارفة بيضوق الخلق والتعب بيخلي الواحد مش مستحمل

غصب عني ربنا يعينا ويقوينا

[رنا خالد]

بعمل تورته تتتتا
جبت امبارح كتاب الشيف حسن للحلويات
وبدأت التنفيذ
قلبي مش مطمئن
عااااااااااااا
اهئ اهئ اهئ

[اروى قلب ماما]

انتو بتغطصوا تروحو فين

[توتة السيد]

ياحبيبة قلبي ربنا يعوضك خير ويجعله شفيع ليكي في الجنة ونعيمها يارب

ويعوضك خير بفضله

اتفضلي ونوم الهنا ولو ان كنا عايزينك تقعدي معانا

[توتة السيد]

مين ام بقلظ ام لوجي بتاعة الكريب الساعة 6 الصبح ههههههههههههههههه

عاملة ايه ياغزالي

[اروى قلب ماما]

هاااااااااااااااااااااااااااااااااااااااااااااى

[توتة السيد]

احنا هنا ياام اروي فكرينا بنفسك انت عارفة الزمهرير ماخلاش كبير ولا صغير

[اسماء ف]

ياحبيبة قلبي ربنا يعوضك خير ويجعله شفيع ليكي في الجنة ونعيمها يارب

ويعوضك خير بفضله

اتفضلي ونوم الهنا ولو ان كنا عايزينك تقعدي معانا

الله يهنيكي اشوفكم بكره بقي وادعولي احمل والنبي علشان نفسي مووووووووووووووووووووت

[اروى قلب ماما]

على العموم هشوف اللى بتكتبوه وخلاص

[توتة السيد]

يابت ياام اروي ماادينا اهو اتحولتي

[اروى قلب ماما]

انتى عايشه فى مصر يا توته

[توتة السيد]

يارب ياقلبي تحملي الشهر ده ويعوضك خير بفضله ان شاء سبحانه

[اروى قلب ماما]

انا فى اكتوبر تحديدا فى الشيخ زايد

[أم نورين2012]

البت رنا الوحشه جات بت يارنا أنا زعلانه منك أوي
ماشي ياسمسم أومي براحتك ياحببتي

[توتة السيد]

لا ياقمر عايشة في الامارات

[اروى قلب ماما]

وعندى اروى ربنا يخليهالى سنه و3 شهور

[رنا خالد]

توتي روح قلبي من جوا معاميعي ااااااااه
وحشاني شفتيني وانا باكل الكريب هههههههههههه
بقيت شيف محترف وبقيت احب اجرب اووووووووووووي واعمل جديد
ياسلام بقيت بموت في المطبخ ووقفته عايزه انقل السفره جوه
الله يرحمك يالولو ياحبيبة قلبي لما بقول كده بفتكرها
توته قوليلي نور عامله ايه العسسسسسسسل
وقوليلي برضه الكيكه بتقعد اد ايه في الفرن
اصلي مش بعمل كيكه نوهائي نوهائي
ام اروي منوره ونورك غطي علي علب الكهربا
في حد تاني نسياه ماتزعولش بقي الله لايسئكم
الله لايسئكم جديده دي اول مره اقولها بس حلوه ههههههههه

[اروى قلب ماما]

عمتى فى الشارقه وحشانى اوى لو شوفتيها سلميلى عليها
ههههههههههههههههههههههه

[اروى قلب ماما]

مفيش حد فيكم حملت قبل كده وهى بترضع

[توتة السيد]

ربنا يخليهالك ياقمر

هههههههههههههههههههه حاضر هوصلها سلامك احنا قريبين عليها اهو

[اروى قلب ماما]

لا انا محتاسه حوسه

[توتة السيد]

فشتي وكلاويا انت وحشاني اكتر
اه شفت بتاكلي وتللغوصي وملاتي الدنيا ههههههههههههههه

تمام انا كنت زيك كده يااخوتي بس بقي الحمل قضي علي اي عزيمة

بدخل المطبخ اعمل اكل اليوم بالعافية

الكيكة تقعد تلت ساعة ماتفتحيش عليها الفرن نهائي علشام ماتهبطش

وتسبيها تقريبا 45 دقيقة بس توطي بقي النار شوية

الله يرحمها ويسكنها فسيج جناته

[توتة السيد]

ليه محتاسة ياقمر خييييييييييييييير

[توتة السيد]

انا ياام اروي برضع وحامل اهو

[رنا خالد]

ليه بس ياهدير زعلانه مني ليه
هو انا بشوفك اصلا عشان تزعلي ده انتي باقلك شهور مابتجيش ياقرده انتي
هاجي اخنقك يابت

[اروى قلب ماما]

ااروى مغلبانى

[اروى قلب ماما]

فى الشهر الكام يا توته

[رنا خالد]

نور اخبارها ايه ياتوتي فروتي لسه مجنناكي برضه زي اختها
واخبار نورا ايه صحيح ياجدعان هتسافر امتي

[اروى قلب ماما]

انا حملت ومش عارفه اتصرف ازاى

[توتة السيد]

كلهم ياختي مطلعين عنينا جيل غتت

انا في الشهر التاني ياقمر

[اروى قلب ماما]

انا فى اول التانى ومش عارفه افطم اروى ولا اعمل ايه

[توتة السيد]

نور الحمد لله اهو بنعافر مع بعض

نورا جوزها هيسافر 27 الشهر ده لكن هي لسه

[اروى قلب ماما]

اروى صعبانه عليا اوى

[توتة السيد]

ماتعمليش حاجة احمدي ربنا

بصي هي اروي كبيرة ما شاء الله سنة و3 شهور حلو جدا

افطميها

انا مش هفطم نور دلوقتي لانها لسه 7 شهور ونص هرضعها لحد الشهر التالت حتي

[اروى قلب ماما]

محدش شاف نولارا اصلها وحشانى اوى

[توتة السيد]

صعبانة عليكي امال نور بنتي تعمل ايه

[رنا خالد]

يابنات الرضاعه غلط علي البيبي
لسه سمعاها في برنامج كلام من القلب الدكتور قال بمجرد ماتعرفي انك حامل وقفي الرضاعه لسببين
اولا لأن لقدر الله هرمون(البرولاكتين)اللبن بيؤدي للأجهاض بقدر الله بعيد عن السامعين
وكمان عشان البيبي الجديد يلاقي كالسيوم في جسمك ياخده لأن طول مانتي بترضعي نسبة الكالسيوم بتبقي تحت الصفر فلو بترضعي انتي كده بتظلمي البيبي الجديد
حبيت اقولكم عشان انا بحبكم وخايفه عليكم
هاتو بوسه بقي ههههههههههه
ام اروي خليها علي الله ياقمر ربنا كتب للبيبي الجديد انه يجي الدنيا افرحي يابنتي في ناس مش لاقيه وبتدفع الفات عشان تخلف

[اروى قلب ماما]

الله يعينك فعلا اللى يشوف هموم الناس
يقوم ينكش شعره

[توتة السيد]

نورا بتدخل بس مش كتير هي بخير الحمد لله

[رنا خالد]

طب ياام اروي انتي كنتي بتستعملي وسيلة ايه

[اروى قلب ماما]

شكرا يا رنا ان شاء الله هفطمها اول الشهر العربى لكن صحيح توته الغلبانه دى تعمل ايه

[توتة السيد]

يابت يارنا اتبطي لسه سما قيلالي ممكن ترضع لحد اخر الرابع مافيش ضرر علي اي

حاجة لا بيبي ولا الطفل الدكاترة بتستهبل كل واحد يحكي اللي علي مزاجه

[اروى قلب ماما]

ولاحاجه انا الرحم عندى ضعيف وحصلى مشاكل كتير وانا باولد
لولا ستر ربنا فمكنش ينفع اخد حاجه

[توتة السيد]

هموم ايه يابت ياام اروي انت دي نعمة من ربنا انا اصلا من بعد الولاده مااخدتش وسيلة

لاني عايزة ربنا يكرمني وجبهم ورا بعض

وانت اللي ريحتيلك سنة اهو مش عاجب حرام عليكي

[اروى قلب ماما]

الواحد كان بس بيعمل احتياطات ايام التبويض بس خلاص اهو حصل وخلاص

[اروى قلب ماما]

والله الحمد لله انا بحمد ربنا طول الوقت لكن انا خايفه من الولاده

[توتة السيد]

شف شف برضه ترجع وتعترض يابت احمدي ربنا بصي علي خيرك اللي بيتمني ضفر عيل

[دودى اشرف]

هاى شلة .. كيفكن

[رنا خالد]

والله انا قولت اقولكوا عشان خايفه عليكوا اصلي سمعت الكلام من اكتر من دكتور والله سما مهما كان لسه متخرجه مافيش الخبره بتاعة الدكاتره الاستشاري
ده دكتور مدحت الزيات يابت يعني مش بيخرف
بس ممكن تجربوا وان شاء الله خير
ام اروي طالما انتي مش مركبه وسيله يعني كنتي متوقعه الحمل في اي وقت ده شئ بديهي
يعني مش مفاجئه ومعلش اروي سنه و3 شهور مجتش من الكام شهر الفاضلين دول ابدأي عوديها علي الاكل العادي بقي من دلوقتي
انا ماما حملت في مي اختي برضه وانا كان عندي سنه و3 شهور والامور بتمشي طالما ربنا رايد كده

[توتة السيد]

ليه الخوف بقي اش حال ماانت مجربة وعدت عليكي يعني بقيت عادي

[اروى قلب ماما]

والاهم من كده انى لسه بدرس كل سنه بتعطل من حاجه مره الجواز مره الحمل مره رعاية اروى ودلوقت حامل تانى

[رنا خالد]

تعالي شوفي شيماء اللي بتفكر تحمل وابنها لسه مكملش الاربعين
عايزه تحمل في ايام النفاس ازاي مش عارفه باالاسلكي ههههههههههههههههه
تحفه ياشيماء

[رنا خالد]

طالما كده ياام اروي يبقي كان لازم وسيله يابنتي انا مركبه لولب بلاتيني وناويه بمشية الله اشيل اللولب يوم عيد ميلاد لوجي بتاع ال4 سنين اخد نفسي ياما ياااااااااااه يارب ال4 سنين مايعدوا ههههههههههه

[توتة السيد]

مدحت مين وزيات مين اجري انت وهو انا اصلا لسه سائلة دكتورة هنا

قالتلي عاااااااااااااااااااادي جدا

[اروى قلب ماما]

الحمد لله ربنا يستران شاء الله هتعدى زى اللى قبلها

[توتة السيد]

استغفر الله العظيم رنا اتهوست وتجننت ربنا يشفي حرام عليكم بجد والله

صحيح بنتعب في حملهم وتربيتهم لكن دول نعمة اي حد يتمناها مش يجري يبعد عنها

سبحان الله الانسان ده غريب غربنة

[اروى قلب ماما]

ربنا يخليلك لوجى وتخاويها
والله الحمل القريب من بعضه ليه مميزات زى ما ليه عيوب

[رنا خالد]

والله ياتوته انا خايفه عليكي بس رضعي بقي وربنا هيسترها ان شاء الله وتبقي زي الفل وتقومي بالسلامه

[دودى اشرف]

مبروك على الحمل يا ام اروى

ازيك يا رنااااااااااااا

انا كمان بفكر اشيل اللوب

[توتة السيد]

عليكي لمبة عويل ياام اروي ليه مميزات وليه عيوب

[اروى قلب ماما]

عارفه يا رنا بما اننا كلنا عايشين بعيد عن اهالينا فلازم نجيب عيالنا سنهم قريب من بعض عشان يونسوا بعض وكمان عشان تربى
علقه واحده وتخلصى مره واحده

[اسماء ف]

انا جيت يا بنات معرفتش انام الماتش قلقني

[اروى قلب ماما]

تصدقوا بنت خالتى فى فرق بين ابنها وبنتها 5 سنين بس يا عينى تشوفى بنتها وهى بتلعب لوحدها وبتبص على باقى العيال تصعب عليكى

[اسماء ف]

جوزي وصحابه عمالين يسرخوا علي الماتش وانا مش عارفه انام منهم

[اروى قلب ماما]

الطفل بيفرح ومعاه حد قريب من سنه
وفعلا والله علقه واحده وخلاص

[توتة السيد]

انا عارفة ياقمري انك خايفة عليا بس كل الناس بترضع عادي مرات اخويا

حملت علي الاربعين ورضعت بنتها لحد الرابع وعادي

وماما وكله بيعمل كده

طيب اعرف وحده حملت وماعرفتش بحملها الا وهي في الشهر الخامس

وكانت بترضع عادي

[اروى قلب ماما]

ولا اببببببببببببببببببببه

[توتة السيد]

الله عليكي ياام اروي فهماني هي دي النظرية اللي انا بطبقها وطبعا باذن الله وفضله

ربنا يكملنا علي خير يارب ويراضي الجميع



اسماء اهلا بيكي ايه لسه مغلوبين برضه

[رنا خالد]

يابنتي انا بحب الاطفال جدااااااااا
بس انا ليا وجهة نظر الاوهي
اولا عايزه ادي لوجي حقها في الاهتمام والرعايه مش حابه اقصر في حقها انا متأكده اني لو جبت غيرها دلوقتي اني ههملها عايزه يوم ماجيب لها اخت او اخ تبقي مستوعبه وحبه الببيبي الجديد مش غيرانه منه
ثانيا انا عايزه ابقي عروسه لأطول فتره ممكنه اخرج اتفسح براحتي اسافر اعيش في هدوء مش اخرج وانا بجررررررر احلي سنين في الجواز هما اول 5 سنين عايزه استمتع بيهم انا وجوزي حبيبي ولوجي وبسسسسس نكتفي بهذا القدر مؤقتا
و كمان يكون في فرق في تعليم ولادي لما يكبروا وعايزه احس بشوقه للحمل انا بحب الحاجه اللي بتيجي علي شوقه بيبقي ليها طعم عايزه اشتاق لكده واستني اليوم ده ساعتها هحس اني اول مره بحمل
وبعدين العيال مش هطير انا لسه عندي 24 سنه يعني مش كبيره عشان اجيبهم ورا بعض
انا سلفتي عملت زي مانا عايزه اعمل كده وبجد شايفاها مرتاحه جدا وعارفه توفق غير واحده جارتي حملت بعد شهرين من الولاده حايسه ولا يصه وحالتها حاله
اصل انا بحب ابص حواليا واتعمل واشوف الناس اللي جربت واسألهم
بسسسسسس

[رنا خالد]

الكيكه طلعت وباين ليها حلوه يااااااااااارب

[اسماء ف]

ازيكم لا متعادلين دلوقتي يارب يغلبوا لحسن نص مصر هتبات في غم لو خسوا

[اروى قلب ماما]

ربنا يصلحلك الحال يا رنا صدقينى كنت بفكر زيك بالضبط اكن انا اللى كنت بتكلم بس الظروف ساعات بتحكم والحمد لله



وارجع واقولك كل حاجه ليها ايجابيتها وسلبياتها والحمد لله على كل الاحوال

[ميمو2012]

السلام عليكم ورحمة الله وبركاتة
ازيكم يا قمرات انا جديدة معاكم هنا ف المنتدى لسة مسجلة حالا وعاجبنى اوى المنتدى فرحت اوى لما شوفتى وفرحت اكتر لما شفت دردشة حوامل مصر

انا من القاهرة واسمى ميمو واجهضت مرتين وقعدت سنتين وحملت الحمد لله ويدوب لسة فى الاسبوع الخامس ادعولى ربنا يكملهولى على خير

[اسماء ف]

رنا اللي في توقيعك دي صوره بنتك ولا صوره وخلاص

[ميمو2012]

كنت عايزة اسال انا بيجيلى شد وتقل فى اسفل البطن حوالى مرتين فى اليوم هل دة طبيعى ولا فية خطورة
وانا فى الاسبوع الخامس يعنى فى الشهر الاول تقريبا

[رنا خالد]

الحمد لله صح ياام اروي وطالما ربنا كتب خلاص يبقي هو اراد واحمد ربنا ياقمر
وربنا يخليهالك هي والنونه ويتربوا في عزكم
ويقومكم بالسلامه ان شاء الله ياقلابيظ هههههههههه

[اروى قلب ماما]

هى كيكة ايه وجايبه طريقتها منين
على فكره انا بحب المطبخ جدا وبطبخ اكل من بلاد كتير عشان التغير يعنى

[رنا خالد]

لا مش بنتي ياقمر
بس بنتي حلوه برضه ويمكن احلي كمان ماشاء الله عليها عثثثثثثثل بموت فيها ياناس بحبها اوووووووووووووووووووووووووووووووووووووي

[اروى قلب ماما]

هاى يا ميمو منين فى القاهره

[رنا خالد]

بتحبي المطبخ يبقي تعالي بالحضن امووووووووه
بس توته مبتحبش سيرة الاكل والمطبخ غازيه شفتشي هههههههههه
فاكره يابت ياتوته الايام دي
دي ياستي كيكه سبونج وناويه ازوقها واعمل تورتايه
اتفضلي معايا ياقمر انت ياقمر

[اروى قلب ماما]

وخلى بالك يا ميمو على نفسك لان دى فتره حرجه جدا ولازم ترتاحى وتنامى على ضهرك كتير وبلاش تنطيط

[اروى قلب ماما]

بالف هنا انا جوزى من كتر ما غلب منى بسبب قناة فتافيت
طبعت عليه وبدل ما يشوف الاخبار والماتشات بيشوف فتافيت

[توتة السيد]

رنا ياقمر انا عارفة كل اللي بتقولي عليه ده بس هل ده بيمنع ان استمتع بحياتي

بالعكس جدا صحيح لسه مثلا ماولدتش وبقي البيبي ونور بس انا عارفة نفسي باذن الله هظبط الامور هخرج اجرررررررررر عيال الكلمة دي ماحبتهاش

حياة الوحده بايددها تعرف تظبطها لو كانت ماسكة الامم المتحده مش بتربي عيلين

وكلا له وجهة نظره ونحترمها دي حياة الوحده وهي حرة فيها

[اروى قلب ماما]

ليه ياتوته ده صدق المثل


تقرب طريق لقلب الراجل معدته

[رنا خالد]

هههههههههههه فتاافيت هدور عليها دي

[توتة السيد]

اهلا ياميمو ربنا يكملك ةعلي خير ياقمر وعادي الشد والتقل ده بس ابقي اسالي الدكتورة زيده اطمئنان

[gogo]

السلام عليكم
بت يارنا كلمتك امبارح وطنشطينى اعمل فيكى ايه بقى
عامله ايه ولوجى عامله ايه
ميمو واروى منورين اهلا بيكم

[توتة السيد]

هههههههههههههههههههههه مين قال اني مابحبش المطبخ بحبه والله وبحب اصنف بس مابحبش

اتكلم عن المطبخ بتخنق يعني ابقي مزروعة طول النهار فيه واجي بالليل اتكلم عنه لا ده يبقي

افتري بقي لامؤاخذه

[gogo]

توته عامله ايه يامو حرنكش ونوران عامله ايه والاب بتاعك ايه اخباره

[اروى قلب ماما]

تصدقوا جعت هو انا بجوع كتيييييييير كده ليه خايفه اتفجع واكل العيال وابوهم

[توتة السيد]

وانا ياست جوجو مضلمة بقي

[اروى قلب ماما]

صحيح انا بدخل الحمام كتييييييييييييييييييييييييييييييييييييير جدا يمكن كل ربع ساعه ولا اكنى فى التاسع وهولد بكره ليه ده

[اسماء ف]

طب يا رانا حطي صوره بنتك بقي

[توتة السيد]

ايون كده ههههههههههههههههه

الحمد لله ياقمر حرنكش وام حرنكش واخت حرنكش بخير الحمد لله

واللاب اتصلح واتحدث منه الان الله حلوة الفصحي

[gogo]

ياتوته ده انتى النور كله دنا سلمت عليكى سلام مخصوص
ونسمع اجدع سلام لتوته

[توتة السيد]

يابت ياجوجو الله يكون في عون هاني يخاف علي دراعه

[رنا خالد]

جوجو كلميتيني امتي ده
متأكده انك كلمتيني انا
انا ماشوفتش اي ميسد منك يبقي اكيد اتحولت
كانت الساعه كام طيب ياعسليه يامهلبيه انتي ولو معايا كريدت كنت كلمتك بس فنشت رصيدي النهارده علي حماتي
توته اخبار الشفتشي ايه فاكره ياغزال لما كنا بنحط قمصان النوم هنا ونزلتي تجيبي قمصان قبل ماتسافري لبعلولتك
الايام جرررررررريت اوي
جوجتي مش باينه ليه جوزك سافر ولا لسه
بتوحشينا والله يابنتي وانتي تقلانه علينا

[gogo]

رنا بتروح فين مش عارفه اكلمها خالص كده

[توتة السيد]

ياام اروي عادي يابنتتي انت محسساني ان اول مرة تحملي اصلا من اعراض الحمل التبول الكتير

[رنا خالد]

عيني ياقمر احطلك كام صور للوجي عنيا حاضر

[توتة السيد]

شالله يخليكي ياجوجتي ده نورك ياكتكوتي

[gogo]

يارنا دنا كلمتك مرتين وف الاخر اتكسفت اتكلم تانى بقى عارفه انتى لو كنتى على المنتدى كنت رخمت عليكى لحد ما رديتى بس على التليفون بحس انى بتعرف عليكى من اول وجديد ف بتكسف منك هههههههههه

[اروى قلب ماما]

بس ده فى الشهور الاخيره مش فى الاول

عامة حملى ده غير الاول خالص

[ميمو2012]

جزاكم الله كل خير حبيباتى اعتذر على التاخير ف الرد انا مكنتش ادام الجهاز ومش عارفة اعرف ازاى اذا كان حد موجود اون لاين ولا لاء

يعنى موضوع التقل دة عادى ربنا يخليكم
انا من مدينة نصر

[رنا خالد]

ايون قوليلي بقي كويس اني قفشتك ياهاجر
بتكسفي مني ليه
وعايزه اعرف ليه مش واخده عليا في التليفون
اصل حصلت معايا مع اكتر من حد
اري واعترفي هههههههههه
اللي كنت مستغرباها توته في الاول
وبعدين خلاص اخدت عليها ورحرحت ههههههههههههههه
حلوه رحرحت دي بس بلدي خالص

[ميمو2012]

بسم الله ما شاء الله ولا حول ولا قوة الا بالله بنوتك زى القمر

[رنا خالد]

انا كمان من مدينه نصر ياقمر
انتي منين بالظبط
انا من التوب الرملي بعد حي السفارات علي طول

[اروى قلب ماما]

هاستاذن دلوقت اروى هتموت من الجوع ببص جنبى لقيتها بتاكل عيش حاف


بااااااااااااااااااااااااااااااى

[gogo]

توته كلمتنى هيييييييييييييييه
بس تعرفى ياتوته متكسفتش منك رنا هى الى خدت الكسوفه الاوله لانها ااول وحده كلمتنى كمان رانيا لما كلمتنى متكسفتش منها
مش ملاحظين انكوا انتوا الى بتكلمونى وانا بوفر هههههههههههه

[توتة السيد]

مالكيش دعوة بتوتة خالص يارنا ها خلاص كل اللي بنا انتهي

خدي خصامك اهو علشان تقولي اجررررررررر اكويس

[ميمو2012]

انا من زهراء مدينة نصر

تقريبا حى السفارات مش بعيد عننا http://forum.hwaml.com/images/smilies/TR%20%2810%29.gif

[اروى قلب ماما]

الطوب الرملى بالطاء مش توب فضحتينا يا رنا

[توتة السيد]

يالة بنكلمك صدقة جارية ههههههههههههههههههههههههه

بس مز مز يعني صوت رنان يااخواتي اكيد هاني وقع بمكالمة تلفون

[gogo]

رنا كلمتك تانى الوقتى شكلى مسجله نمرتك غلط ابعتيهالى كده

[توتة السيد]

منورة ياميمو ياقمر

ام اروي اكلي اروي بقي

ورنا من يومها كسفانا ياله بقي مش عايزة اكلمها

[رنا خالد]

3481

3482
اي خدمه يامعلم

[ميمو2012]

هههههههههههههههههه
انا اصلا قرتها الثوب ماخدتش بالى اصلى مش اعرف اوى فى مدينة نصر لانى اصلا من اسكندرية ولسة جاية قريبا القاهرة مش قريب اوى من 5 سنوات بس مش بخرج كتير يدوب لماما وشارع عباس العقاد بس

[توتة السيد]

البت رانيا انا زعلانة منها كل مااكلمها ماتردش عليا طلبتها يجي 10 مرات في ايام مختلقفة برضه مش بترد وبعتلها رسالة وبرضه حلقتلي هي ايه الحكاية بقي

[gogo]

هههههههههههه رنان ايه وبتاع ايه انتى كنتى بتسمعينى انا ولا حد تانى

[ميمو2012]

دة نورك يا توتا ربنا يخليكى يا حبيبتى

[توتة السيد]

انت ياقمر بكلمك انت ياغزانازي ياغزال انت هههههههههههههههههه

[ميمو2012]

هو انا لازم اعمل ريفرش كل شوية علشان المشاركة تظهر

[توتة السيد]

انت متجوزة بقالك 5 سنين ياميمو وبتشتغلي بقي ولا زينة مرابطة في البيت

[توتة السيد]

ايون ياقمر لازن وحتمن ولا بد

[ميمو2012]

لا انا مجوزو من 3 سنوات وبقالى 5 سنوات ف القاهرة من منازلهم كنت بشتغل مدرسة لغة عربية قبل الجواز وبعد كدة قعدت ورابطت ف البيت

[gogo]

هى كلمتنى من تلت ايام تقريبا كانت عند اختها يمكن الشبكه وحشه عندها هبقى اكلمها واقلها انك بتكلميها

[ميمو2012]

طبعا باوامر من سى السيد

[gogo]

رناااااااااااااااا ابعتيلى نمرتك تانى لانى شكلى مسجلاها غلط

[توتة السيد]

ايه ده انت لغة عربية زي حالاتي انا تربية لغة عربية

[توتة السيد]

ياريت ياهاجر ويبقي كتر خيرك ياقمر

[رنا خالد]

توته بالله عليكي ماتزعلي مني والله انا ماقصدت اضايقك
انا بحبك وربنا وحده العالم انتي معزتك في قلبي ايه
وبعدين ياستي ماله الجر ده انتي هاتجري نور القمر والواد فيشه ابنك الجاي
يعني مش حد غريب ههههههههههه
جوجو هابعتلك رقمي بس ثواني بس عشان احمد بينادي عليا وجايه تاني ياقمر

[ميمو2012]

يعنى لغة عربية وبتقولى التوب الرملى هى اللغة العربية ضاعت من شوية عند العيال

زى واحدة صاحبتى بتقول على الدرج جرد يعنى لما تيجى تقول درج المكتب تقول فى جرد المكتب ههههههههههههههههههههه

[ميمو2012]

وانا واخواتى زمان كنا بنقول كلمة الراجل الراجر ههههههههههه لسة من قريب عدلنا الكلمة

[gogo]

ماشى يارنون تاك يور تايم حتى لو انا مش هنا ابقى سبيه ف رساله

[توتة السيد]

يابت ياحولة ياميمو مش انا اللي بقول التوب الرملي دي البت رنا اللي منى مدينة نصر هيستي ولا ايه

دا انا اً,نو ل

[ميمو2012]

ههههههههههههههههه ماخدتش بالى

[توتة السيد]

البت نور بعتت المشاركة قبل مااكملها وكتبتلكم حرفين في الاخر علي نفسها

بقولك انا اصون لغتي من قبل اي حاجة هههههههههههههههه

[gogo]

يابنات انا هقوم واحتمال ارجع كمان شويه لو مرجعتش ابقى اخ بف زى توته
سلاممممممممممم

[ميمو2012]

طب اقولكم بقة على كلمتين لعنة هما عاديين خالص فى اسكندرية وطول عمرى بقولهم بس غيرتهم بعد ما جيت القاهرة
الكلمة الاولى كنت بقول على السجق سدق فظيعة كلمة سدق دى كانوا بيتريقوا عليا لما بقولها
وبقول على الارنبيط كرنبيط

[ميمو2012]

يعنى يا توتا انتى مش اسمك نوال انا قلت نسيتى الالف

[توتة السيد]

ماشي ياوزتي يابو صوت رنان تصبحي علي خير

[توتة السيد]

ههههههههههههههههههههههههههه سدق وبسطرمة فظيعة ياميمو

فطستيني ضحك وكرنبيط دي بتقلها سلفتي بنشبعها مقألسه

[ميمو2012]

وانا كمان هستاذن منكم واشوفكم على خير باذن الله
انا حاسة انى تعبت من القعدة هروح اريح وابقة ادخل تانى
انا سعيدة بمعرفتكم جدا ربنا يكتب لنا كل الخير ويرزقنا باطفال شافيين معافيين صالحين جمال يا ارحم الراحمين

[توتة السيد]

ههههههههههههههههههههه نوال مين ولا ليه صله بحد اسمه نوال خالص

دي البت نور كتبت كام حرف هلوسة

انا اسمي نهاد وانت

[ميمو2012]

هههههههههههههه كل اللى كان يسمع كلمة سدق منى يموت م الضحك جدااااااااااااااا وانا بكل براءة كنت مستغرباهم جدا وعاملة ان انا اللى بتريق عليهم وهما اللى مش فاهمين حاجة لغاية ما استوعبت الكلمة وعرفت ان الصعايدة بس اللى بيحولوا الجيم دال

[ميمو2012]

أميمة
انا بحب اسم نور اوى ربنا يخليهالك

[توتة السيد]

ماشي ياقمر اتفضلي وان شاء الله نتقابل بكرة ابقي ادخلي كتير

وحنا كمان سعدا بمعرفتك ياقمر يارب اللهم امين ويطعم الجميع

[ميمو2012]

باذن الله
امين يااارب
ف رعاية الله حبيبتى

[توتة السيد]

اخ هنغلط في الصعايده انا صعدية يابت اجيب الفرفر وبندقك ههههههههههههههههههه

[توتة السيد]

عاشة الاسامي يااميمة اسمك جميل

ربنا يخليكي ياقمر انت احلي وربنا يتمملك علي خير يارب

[توتة السيد]

وانت كمان ياقمر مع سلامة الله

[om arwa]

عو انا جيييييييت
ما بتش فى المستشفى هيييييييييييييييه
هنام فى سريرى الحمدلله

[دودى مجدى]

سما ازييك يا سمسمة انتى موجودة ولا مشيتى

[AyoyA]

يا حواااااااااااااااااااااااااااااامل
انتو فين

[AyoyA]

انتى يااااااااابت انتى وهى وهى وهى حد هنا ولا لأ

[om arwa]

دندونة واية
جوزى كان مسيطر
ماكنتش عارفة اقعد
عاملين ايه ؟؟؟؟؟؟؟؟؟

[AyoyA]

سما اخبارك ايه يا قمر

[om arwa]

الحمد لله بخير يا ايه
وانتى عاملة ايه
بطنك كبرت

[om arwa]

روحتوا فين

[احلى نونو]

بنااااااااات حد صاحى ولا كله نااايم

[om arwa]

دعاء صورتك الرمزية تحفة هههههههههههه كل دى بطن
مبروووووووووووووك التالت

[احلى نونو]

دعاء صورتك الرمزية تحفة هههههههههههه كل دى بطن
مبروووووووووووووك التالت


هههههههههههههههههههههههههه
لو كنت لقيت بطن اكبر من كده كنت حطيتها بطنى من فوق مش عارفه مالها كبرت جامد ومدااااااااااااااايقانى من قبل الحمل بشويه

[احلى نونو]

انتى عامله ايه واروى والنونه
واحشانى والله
كويس انك
دخلتى عاوزة اسالك على حاجة قلقانى

[احلى نونو]

من كام يوم كنت عند الدكتور وقالى هنعمل سونار رباعى الابعاد عشان من الاول وهوكان شايف كيسين حمل واحد متاكد من نبضه والتانى لا
المهم عملت السونار ده وطلع الكيس التانى مافيهوش نبض ( الحمد لله على كل حاجه)
المهم لقيت الدكتور بيقولى رحمك اللى هو ذز القرنين ولما روحت اعدت اشوف ع النت لقيت كلام قالقنى ع الرحم ده
سؤالى ليكى بقى 1/ الكيس الفاضى ياثر ع السليم ؟
2/ نوع الرحم ده ذات نفسه فى قلق منه ؟

وشكراااااااااااا
بس جاوبينى بالتفصيل

[om arwa]

بصى غالبا فى التؤام بيبقى الكيس التانى فاضى او بيقف نموة لان التانى بياخد منه الدم ويكبر
ومع مرور الوقت بيكبر البيبى وبيضغط ع الكيس الفاضى وينكمش لوحدة ماتقلقيش

الرحم زو القرنين لو الحم فى ناحية وبعيد عن القسمة عادى مش بيتأثر والحمل بيكبر ان شاء الله
الا فى بعض الحلات لو بدا نزول دم او مغص ممكن تحتاج ربط
بس فى الغلب مش بيحتاجوا
ماتفكريش بس وادعى ربنا

[احلى نونو]

بصى غالبا فى التؤام بيبقى الكيس التانى فاضى او بيقف نموة لان التانى بياخد منه الدم ويكبر
ومع مرور الوقت بيكبر البيبى وبيضغط ع الكيس الفاضى وينكمش لوحدة ماتقلقيش

الرحم زو القرنين لو الحم فى ناحية وبعيد عن القسمة عادى مش بيتأثر والحمل بيكبر ان شاء الله
الا فى بعض الحلات لو بدا نزول دم او مغص ممكن تحتاج ربط
بس فى الغلب مش بيحتاجوا
ماتفكريش بس وادعى ربنا


ربنا يخليكى ياسمسمه
بصى هو مفيش دم ولا حاجه الحمد لله وانا عندى مش مقسوم وفى حاجز بين الجزأين
لا
الدكتور ورانى الصوره وشوفت الكيسين فى نص الرحم تقريبا او على جنب شويه مش فاكره اوى والله
ده عادى

[om arwa]

لا اللى فيه حاجز ده غير ذو القرنين
لكن كويس ان مكانة على جنب
دة يخلية فى امان اكتر باذن الله

[احلى نونو]

يامسهل ان شاء الله
انا ادانى معاد كمان اسبوعين قالى عشان نبقى مطمنين على طول
وهبقى ابص ع السونار واشوف مكان الكيس

[om arwa]

المرة الجاية هيبقى بيبى وضح المعالم ان شاءللله مش كيس

[احلى نونو]

يارب ياسما ادعيلى لحسن والله بحلم بكوابيس وخايفه من ذو القرنين ده ليكون خطر
انا على حساب الدكتور بعد اسبوعين اخلص التاسع
لكن على حسابى اكون خلصت ال الحادى عشر
مش عارفه مين اصح بقى

[om arwa]

هههههههههههههه
محسسانى ان ذو القرنين ده حيوان
لان فى ناس كتير عندها وبتخلف عادى
اعم حاجة اددددددددددددددددددددددددددعى كتير
بصى اما البيبى هيكبر ويتفرد ان شاء الله هيظبط على معاد البيريود ماتاخديش بالحسابات اللى فى الاول كدة

[احلى نونو]

هههههههههههههه
محسسانى ان ذو القرنين ده حيوان
لان فى ناس كتير عندها وبتخلف عادى
اعم حاجة اددددددددددددددددددددددددددعى كتير
بصى اما البيبى هيكبر ويتفرد ان شاء الله هيظبط على معاد البيريود ماتاخديش بالحسابات اللى فى الاول كدة


ههههههههههههههههههههه
ياخت ى ياريته كان حيوان ويعمل فيا اى حاجه والنونو لااااااا
لما كنت بقول لماما اعدت تقولى متقلقيش مش عارفه مين ومين عندهم كده
قولتها ربنا معايا ويكمل على خير

[om arwa]

بس بردو البطن تحفة هههههههههههه
بتخيل بقيت الست اللى بطنها اد كدة
اكيد قنبللللللللللللة

[om arwa]

انا بطنى كبرت كانى فى السابع وانا فى اروى هههههههههههههههههههههه
بجد منظر فظيع
وزمايلى فى الشغل خدوا بالهم مع ان بلبس عبايات واسعة
فى اروى ماخدوش بالهم الا وانا فى السابع

[رنا خالد]

مسائو الخييييييييييييييييير
ولا المحششين
قولت اسلم عليكوا قبل مادخل اانتخ
دكتورتنا ام اروي ازيك ياعسليه
وانتي يادودو يابتاعة ذو القرنين انتي ضحكتيني يامضروبه ههههههههه
متخافيش خير بأذن الله وبكره الشهور تعدي ونلاقيكي سهرانه بجعلص ومابتشوفيش النوووووووووم
اه ياني
سلام بقي
خخخخخخخخ بف
علي رأي توتي فروتي

[احلى نونو]

انا بطنى كبرت كانى فى السابع وانا فى اروى هههههههههههههههههههههه
بجد منظر فظيع
وزمايلى فى الشغل خدوا بالهم مع ان بلبس عبايات واسعة
فى اروى ماخدوش بالهم الا وانا فى السابع


يعنى وانتى فى اروى مكبرتش غير فى السابع ودلوقت كبرت اكتر
مااشاء الله
يمكن عندك توام
اما ياسما بشوف حبه بطون حوامل وانا براجع عند الدكتورر

ههههههههههههه
كل بطن شكل غير التانيه
جوزى يعد يقولى اوعى تبقى كده
بقوله هبقى البسها طاقيه الاخفا

[احلى نونو]

مسائو الخييييييييييييييييير
ولا المحششين
قولت اسلم عليكوا قبل مادخل اانتخ
دكتورتنا ام اروي ازيك ياعسليه
وانتي يادودو يابتاعة ذو القرنين انتي ضحكتيني يامضروبه ههههههههه
متخافيش خير بأذن الله وبكره الشهور تعدي ونلاقيكي سهرانه بجعلص ومابتشوفيش النوووووووووم
اه ياني
سلام بقي
خخخخخخخخ بف
علي رأي توتي فروتي


ياااااااااااااااااااارب ياختى
ربنا يكرم الجميع
حد يدخل ينام دلوقتى لسه بدرى

[ميمو2012]

صباح الخير يا قمرات عاملين اية
طبعا اكيد نايمين وف سابع نومة وبتكلوا رز مع الملايكة
اصحوا بقة يا خم النوم

[ميمو2012]

انا شفت رؤية ان انا كنت مع ماما فى محل ذهب وبعدين لقيت واحدة بتشترى ماشاء الله جميلة اووووى على شكل فيل مبططة وكبيرة فقعدت ازن على ماما وقلتلها هى دى اللى نفسى فيها وفعلا ماما جبنهالى ولبستها وكانت عاجبانى اووووووووووووووى وفرحانة بيها
حد يعرف تفسير الرؤية دى اية

[أم نورين2012]

صباح الصباح علي بنات المحروسه

[أم نورين2012]

حد صاحي ولا كلو اخ بف علي رأي توته

[أم نورين2012]

طب أنا هاقوم أطبق الغسيل وأكنس الشقه علي ماحد يجي

[أم نورين2012]

هو أنتو لسه نايمين

[أم نورين2012]

يالهوي يابنات أنتو فين دا أنا هاقوم أطبخ وأنتو لسه مادخلتوش

[أم نورين2012]

أنت لسه ماجتوش ياخراشي ماتقومي بقا كفايه نوم

[توتة السيد]

اصطبحنا واصطبح الملك لله

[توتة السيد]

ميمو ياقمر صباح الخير

هو تفسير الحلم اعرف ان الحامل لو حلمت بدهب يبقي فيها بنوتة كتكوتة والله اعلي واعلم

[توتة السيد]

صباح الخير يابت ياهدير عاملة ايه انت ونوري

[توتة السيد]

انا جيت اهو بيب بيب