دردشة بنات مصر , دردشة حوامل مصر , تجمع بنات مصر [الأرشيف] - الصفحة 120

ام انس المصريه

12-15-2011, 10:14 PM

انا اتخنقت والله يادينا لما قالى هاتى الفلوس

هو بقى للاسف الشديد يجيب اى حاجه اطلبها لكن يدينى فلوس فى ايدى لاااااااااااااء

اقوله افرض حصل حاجه يقولى الفلوس اودام خدى منها واعملى
بصراحه هو حاطت كل فلوسه اودام عينى مش بيخبى منى حاجه ولو عوزت حاجه باخد واجيب ميقوليش خدتى ليه

بس مبيرضاش يدينى فلوس فى ايدى ابدااااااااااااااا اجيب مثلا شنطه عجبتنى ولا نقاب عجبنى ولا جزمه ابداااااااااااااااا

الا كل سنه مره

انا معايا على جمب كده بس بينى وبينكم اوعو تقولو له

معايا 750 جنيه بحالهم هههههههههههههه عندى غويشه مكسوره هغيرها

اخر ماتبقى لى من 65 جرام دهب

دودى مجدى

12-15-2011, 10:16 PM

يعنى عروسة جديدة يا ايوية عم يا عم ادلعى بقى واتشخلعى متضيعيش اول سنة كدة زييى انا اسمى دينا ومن بورسعييد

ام انس المصريه

12-15-2011, 10:17 PM

محتاج 100 جنيه عاميه ياايه ههههههههههههههههههههههههه ده انتى طيبه يااوختى

جوزى مبسوووووووووووط ماشاء الله عليه

ربنا يزيده

اهو كله ليه ولابنى برضو بس مش هديلو ال100 جنيه بعينووووووووو

دودى مجدى

12-15-2011, 10:19 PM

معلش يا شيماء هو الظاهر طبعو كدة انما لازم يعرف ان دى نقطة جايالك هو مالوش دعوة بيها وانتى يا بت لو لقيتى حاجة عجبتك خدى من فلوسو وهاتى الله امال هتحرمى نفسك يعنى ومينفعش تمشى فى الشارع من غير فلوس وانتى جوزك ربنا كارمو

somia

12-15-2011, 10:21 PM

واحده صاحبة ماما افت انس فنقططه ب100 جنيه عماد عاوز ياخدهم منى

ليه معرفششششش

يموت لو لقى معايا قرش يبقى عاوز ياخده دايما طمعان فيا اشمعنى انا مش طمعانه فيه وهو ماشاء الله عليه

اوووووووف اضايقت اوى وحلفت مش هديلو منهم حاجه قالى طب انا هعرف اخدهم منك ازاى

اتخنقتتتتتتتتتتتتتت
ااستغفرك ربى واتوب اليك

انا عملت ظرف لتوتة شايلالها فيه فلوس النقطة وبنزل اشتريتلها حاجة دهب بيهم وممنوع ان حد ياخد منهم قثرش ساغ

ام انس المصريه

12-15-2011, 10:21 PM

http://forum.hwaml.com/imgcache2/hwaml.com_1323976918_942.jpg

ادعو لشاب ده جارنا جه المحله خطب وسافر السعوديه بالعربيه بتاعه راج يجيبها من الجمرك اتصدم فى عربيه فيها اسره مكونه من خمس افراد هما ماتو وهو ياقلب امه مات وجسمه اتقطع ياحبيبى
صلو عليه فى الجامع اللى جمبنا ووجوزى هو اللى شالو فى التابوت ومامتو صممت تدخل الاسعاف وتشوفو

عماد فضل اليوم ده طول النهار تعبان ونفسيته تعبانه من المنظر

ربنا يصبر قلب مامته واهله

ادعو لها

دودى مجدى

12-15-2011, 10:22 PM

انا هقولو يا شيماء واخلية يلسوعك بالخرزانة ههههههههههههههههه

متبيعيهاش يا شيماء خسارة الدهب مبيتعوضش يا بنتى وسعرو كل مادا بيغلى واة اللى خلاكى تبيعى دهبك قبل كدة يا خايبة

somia

12-15-2011, 10:23 PM

شيمو وباقي دهبك فييييييييييييييييييين؟؟؟؟

لحظات سعاده

12-15-2011, 10:24 PM

ههههههههههههههههههههه
مشاء الله لا مدام كده متدهلوش
ههههههه

هههههههههههه اهلا يا دينا بيكى والله سعدت بمعرفتك انتى وام انس
وبعدين الدلع اول اسبوعين بس هههههههههههههههههه

ommaysoon

12-15-2011, 10:24 PM

اسكتى يا ام انس ماتفتحيش كلام فى موضوع الفلوس ده الله يكرمك
خلى الواحد شايل فى نفسه وساكت

ربنا يهديهم
فاكرين لو ادونا قرش فى ايدينا هنروح نخلعهم

ام انس المصريه

12-15-2011, 10:24 PM

يابنات انا جالى نقطه من نحية اهلى اكتر من 1000 جنيه اخدهم كلهمممممممممم مع انو مش هيردها

هيرد مثلا لبابا ولا لماما واخواتى صغيرين يعنى لسه اودامهم كتير على مايجوزو

بس هو طبعو كده يادينا

..

شاطره ياسميه انك اخدتى نقطه توته

توتة السيد

12-15-2011, 10:25 PM

عودنا تاني اف يوة

دودى مجدى

12-15-2011, 10:26 PM

لا حول ولا قوة الا بالله ربنا يرحمو ويدخلو فسيح جناتة ويصبر قلب مامتة ياااااااااارب
ويرحمك يا لولو يا حبيبتى انتى ومحمد ويصبر قلب مامتك يااااااااااااااااارب بحق ما انت عالم بقلبى يا رب

نولارا

12-15-2011, 10:28 PM

ههههههههههههه
طيب ما تغيظيه ياشوشو وتنزلى تشترى
يااوختى هما الرجاله كده
انا برضه الفلوس تبقى اودامى وعادى
ولو نازله مشوار يدينى فلوس بزياده ولو مع حد من اهلى و اهله يقولى ادفعى انتى ومتخليش حد يحط ايده فى جيبه
وكويس جدااااااااااا
لكن لما تيجى نقطه ليا او لاحمد
يالا كله على حصاله احمد
وانتى معاكى مصروف البيت
ياااااه يااما اتناقشنا فى الموضوع ده يقولى اعملى حساب معين تمشى البيت بيه على طوووول
ووقتها هاديكى فلوس زياده ليكى انتى موش تحطيها فى مصروف البيت
ودى طبعااااااا معادله صعبه جدااااا موش كل شهر زى اللى قبله ر

دودى مجدى

12-15-2011, 10:28 PM

ايوة صح يا شيماء اصلا النقطة دى اهلك هما الللى هيردوها يبقى هو ياخدها لية بقى

ام انس المصريه

12-15-2011, 10:29 PM

دهبى ياعيال اتباع كله فى الحقن المجهرى والحمد لله

واللهم لك الحمد انى استفدت بغوشتين بعتهم وعملت بيهم عمره لو مكنتش عملت العمره دى كان زمان الغوشتين دول انضمو للباقى

انا كان معايا 4 غوايش تقال و3 خواتم ودبله وحلق

كل ده اتباع مبقاش معايا غير غويشه كنت انا اشترتها من فلوس بتاعتى وزنها 9 جرام هههههههههههههه ومعايا خاتم 4 جرام والحمد لله على كده

وكل الدهب اتباع بس مش زعلانه اقسم بالله انا فرحانه والله انا عندى انس بالدنيا دى كلهااااااااا

بس اللى يزعل بس ان جوزى مبسوط ومعاه ماشاء الله بس مكنش بيصرف على علاجى ولا عملياتى

يلا الحمد لله مش عاوزه افتكر خلينى حاطه فى قلبى وساكته وخلى الجزمه فى بوقى محدش يشدها هههههههههههههههه

........

ايه

انتى عندك كم سنه ومتزوجه من امتى ؟؟

ommaysoon

12-15-2011, 10:29 PM

دودى مجدى

12-15-2011, 10:31 PM

اية لا يا حبيبتى ادعى براحتك ادام لسة مجيبتيش اول نونو يبقى لسة عروسة واتدلعى على كيفك

ام انس المصريه

12-15-2011, 10:32 PM

عارفه يادينا افتكرت علياء النهارده وحسيت بحزن جامد اوى فى قلبى وتخيلتها لحظه وقوع الحادث مش عارفه ليه بفكر فيها دايما والله العظيم

ربنا يرحمهاااااااا ويشفى زوجها

...............

نورااااااااااا

مش كل الرداله زى بعضهم يااوختى

انا بقى لو مع ماما فى مشوار اقوله هات المواصلات ياعماد يقولى امك هتدفع لك هههههههههههههههه شوفتى الراجل

دودى مجدى

12-15-2011, 10:32 PM

بجد حتى انتى كمان يا ام ميسون يا لهوى دة انا شكلى انا ومحمد هنقطع بعض على النقطة اللى هتيجى للنونو ربنا يستر

ام انس المصريه

12-15-2011, 10:35 PM

ياختى نقطه جوازى لهفها برضوووووو حتى العديات اللى جات لانس اخدها ويقولى هى مش جايه لابنى

ونا هلاهوطه وغلبانه وهبله

ام انس المصريه

12-15-2011, 10:36 PM

ههههههههههههههههه لو شاطره يادينا خودى النقطه او صمصرى منهااااا زة منا عملت
صمصرت 300 جنيه هههههههههههه

دودى مجدى

12-15-2011, 10:37 PM

توتة اتبطى بقى واركزى عمالة داخلة طالعة خيلتى امى

دودى مجدى

12-15-2011, 10:39 PM

يعنى انتى كمان يا شيماء اللى دافعة فلوس الحقن المجهرى والعمليات وكدة خلاص يبقى انس بتاعك بقى لوحدك ههههههههههههههههه معلش ربنا يجازيكى خير ويعوضك فى انس يا رب ويحججك عشان تغيظى عماد وتطلعيلو لسانك

لحظات سعاده

12-15-2011, 10:40 PM

والله يا جماعه انا شايفه ان الموضوع مشاركه
يعنى الفلوس النقطه بتاعتى انا وجوزى حطنها على بعض وبقينا نستخدمها هم الاتنين وبصراحه هو كان رافض فى الاول بيقولى دى حاجه بتاعتك انتى

somia

12-15-2011, 10:41 PM

ام انس المصريه

12-15-2011, 10:43 PM

تاكلو سفندى

ولا برتقان

somia

12-15-2011, 10:43 PM

انا نقطه جوازي هى الوحيده اللى مسكتها فى ايدي
واللى سترتنى
رحت جبت بعدها بيومين حلق
لان كان حلقي قبل الجواز مكسور
والباشا ماجبليش حلق مع الشبكة

امي قالتلى فلوس نقطتك من اهلك روحى هاتى بيها الحلق وسيبيله نقطه اهله

وفعلا عملت كده وكان شاااااااااااااااااااايط بس ماقدرش يقول حاجه
لكن بعدها اى نقطه بتروحله دايركت ههههههههههه
طب احمدي ربنا انا شبكتي كانت دبلة و ومحبس وخاتم ونقطتي جبنا بيها فلتر مية للشقة لكننقطة توتة وعيدياتها عملتلها ظرف وبحوشلها فيهم عشان اجيبلها حاجة دهب كده تلبسها وهيه كبيرة

دودى مجدى

12-15-2011, 10:44 PM

هههههههههه حاضر يا شيماء او ممكن نحطهم باسم حودة فى البنك علشان يبقى ولا انا ولا هو

somia

12-15-2011, 10:44 PM

لحظات سعادة الغي لو سمحتي خاصية الخط المائل في كتابتك عشان اعرف اقراه

لحظات سعاده

12-15-2011, 10:44 PM

ان شاء الله يا سومه انس يعوضها بس يبقى يفتخرنى بخاتم ان كمان
ههههههههه
انا عندى 21 ومتجوزه من حوالى 3 شهور ونص

ommaysoon

12-15-2011, 10:45 PM

بصي بقى اللى بتقولك مشاركة

مشاكره ده انا اديله عنيا مش بس فلوس
بس لما احس انه مش باصصلى فى كل قرش ومانع انى اخد حاجه لنفسي وهو عايز كل قرش فى ايده هو وباسمه هو
ساعتها بتحسي انه مستخسر فيكي
يبقى القرش اللى يجيلي ليا يبقى معايا انا مش ليه طالما هو معاه مرتبه ومش محتاج
امال فين القوامه بقى لما اى هديه ولا نقطه اسمها ليا وهو ياخدها بالعافيه

somia

12-15-2011, 10:47 PM

انا عايزةيوستفندي

ام انس المصريه

12-15-2011, 10:47 PM

لاء انا مدفعتش فلوس الحقن المجهرى كلها يادينا

انا حطيت خمس تلاف وعماد حط خمسه برضو واخدت مثبتات باالف ونص هو حطهم برضو

يعنى انس مشترك ههههههههههههههه

ياختى كنوز الدنيا كلها ماتجيش ضحكه من ضحك انوس يارب يخليه ليه ويكون بار بيا ويلبسنى الدهب ويحججنى

ويطلع حنين عليا

نولارا

12-15-2011, 10:47 PM

انا ابتديت اقلق بجد
بتصل بخالد ولا بيرد ولا بيكنسل
وبعتله رساله اما تكنسل او تفتح تطمنى عليك برضه مفيش فايده
استر يااااارب

توتة السيد

12-15-2011, 10:48 PM

لحظات سعاده ازيك ياقمر احنا الالي لينا الشرف وفرحانين بوجودك معانا

ام ميسون الف سلامة عليكي وعودا حميدا

الباقيين سلمت مش صورة هي الله

somia

12-15-2011, 10:48 PM

معاكي حق والله يا ام ميسون

توتة السيد

12-15-2011, 10:48 PM

الله يرحمة ياشيماء ويجعله من اهل اليمين ويصبر اهله

اللهم اجرنا من الموت الفجأة

somia

12-15-2011, 10:49 PM

http://forum.hwaml.com/imgcache2/hwaml.com_1323978564_375.gif

somia

12-15-2011, 10:50 PM

نورا متقلقيش هتلاقيه مش سامع الموبايل زوجي بيعملها فيا كثيييييير اما ببقى بعيط من القلق ومرعوبة وفي الاخر يقولي اصلي كنت بتكلم مع اصحابي وما سمعتش الموبايل

MALAK2010

12-15-2011, 10:53 PM

حسبى الله ونعم الوكيل

ام انس المصريه

12-15-2011, 10:54 PM

كلامك صح ياام ميسون

ده جايب عسل ابيض يقولى مش انتى اللى طلباه هاتى حقه بقى هههههههههههههههههههه

قلت له مش عاوزاه رجعععععه ونا مش هطفح منووووو

قالى طيب هتحتاجى بامبرز لانس شوفى مين هيجبلك

بيتحدانى الراجل اللى مش مخلى على قلبى الميه وعاوز ينفضنى اول بااول

somia

12-15-2011, 10:55 PM

http://forum.hwaml.com/imgcache2/hwaml.com_1323978925_799.gif

انا عاوزة من داااااااااااااااااااه

somia

12-15-2011, 10:56 PM

ايه يا لوكا خير مالك؟؟؟؟؟؟؟؟؟؟؟؟؟؟؟؟؟؟

نولارا

12-15-2011, 10:56 PM

خالد موش كده ياسميه هو عارف انى بقلق موش يسيبنى كده
دى الساعه هناك دلوقت 11
طيب اعمل ايه
اخبط على حد من اخواته بسهيعملولى ايه دلوقتى
يارب استرررررررررر

somia

12-15-2011, 10:56 PM

شيمو فيه عندك حاجات عامليين خصم 25 في المية

توتة السيد

12-15-2011, 10:57 PM

شوفوا انا شايفة انه مادام طلباتي مجابة ومش حرمني من حاجة يبقي موش فارقة الفلوس معايا معاه عادي

لكن لو طلباتي اتقصر فيها ومش بيديني فلوس يبقي في كلام تاني بقي

ام انس المصريه

12-15-2011, 10:58 PM

ربنا يرحمه ياتوته ويغفر له يارب ويصبر قلب اهله

...

متقلقيش يانورا خير ان شاء الله تلاقيه مع العروره التانيه هههههههههههههههههه اللى ادوزها عليكى يافالحه وانتى نايمه فى العثل هههههههههههههههه

...........

ملك

فى ايه
بتحسبنى على مين يااوختى

somia

12-15-2011, 10:58 PM

نورا ان شاء الله خير صدقيني ... اوعي تقلقي عشان البيبي ... صدقيني ممكن ما يبقاش سامعه اصلا

توتة السيد

12-15-2011, 11:00 PM

نورا يابنتي ماتخفيش خير باذن الله تلاقي السوبر ماركت هيصة وزحمة مش سامع الموبايل

ربنا يطمنك ماتخفيش

لوكا ياقلبي خيييير في ايه طمنينا جوزك وصل بالسلامة

ام انس المصريه

12-15-2011, 11:02 PM

لاء هو سامع الفلفون ومطنش مشغول بالعروره يانورا

يابت متقلقيش ممكن يكون فى التواليت ولا حاجه

...

طب ياتوته انا بحتاج حجات كتير ومش بيرضى يجبهالى يبقى من حقى الفلوس دى

يعنى صبغت شعرى ب50 جنيه مدنيش منهم ولا تعريفه

جبت بيجامة نوم ب65 جنيه مدنيش منهم ولا تعريفه

جبت جزمه ب50 جنيه ادانى منهم 30 جنيه بس

طب بالله عليكى ده ينفععععععععععع

اشتريت زيت دابر املا الاصلى سلفى جايبه من السعوديه اخدت منه واحده ب27 جنيه مرضاش يدفع حقه

جبت بانتين بديل الزيت دفع 5 جنيه ونا 4 جنيه هههههههههههههههههههههههه

والله العظيم بجدددددد

توتة السيد

12-15-2011, 11:02 PM

متقلقيش يانورا خير ان شاء الله تلاقيه مع العروره التانيه هههههههههههههههههه اللى ادوزها عليكى يافالحه وانتى نايمه فى العثل هههههههههههههههه

ممكن برضه هههههههههههههههههههه

ام انس المصريه

12-15-2011, 11:04 PM

عيال هنيم انوسه واجى تانى ان شاء الله

فاصل رضاعى ونعود

توتة السيد

12-15-2011, 11:04 PM

معلش ياشوشو ربنا يهديه طبعه صعب شوية رغم انه متدين وعارف الدين

وان القوامة للراجل ومش منحقه فلوسك ربنا يهديهولك ويسخرهولك يارب

نولارا

12-15-2011, 11:05 PM

سوبر ماركت ايه ياتوته للساعه 12
ياارب ا ستررررررررررررررر
اللهم انى استودعتك اياه فرده الى سالما يارب العالميين

ام انس المصريه

12-15-2011, 11:08 PM

ياااااااااااااااارب ياتوته

ربنا يهدي

.

ربنا يطمنك يانورا يارب

somia

12-15-2011, 11:08 PM

ايه المشكلة يا نورا انا ابويا ساعات بيرجع من السوبر ماركت 2 بالليل

ommaysoon

12-15-2011, 11:09 PM

ماتقلقيش يا نولارا
اتعودي تدعى ربنا يردهولك بالسلامه
وحطى فى بطنك بطيخه صيفي

الرجاله على قلبها مرواح مابتحسش بالست اللى قاعده قلقانه وبينشغلو مابيجيش فى بالهم يطمنوها او لو فى مواصلات تلاقيه نام

ام انس المصريه

12-15-2011, 11:14 PM

عويال انا هطلع بقى سلام

somia

12-15-2011, 11:14 PM

لوكااااااااااااااااااااااااااااااااااااااا
طمنينا عليكي يا بنتي ... زوجك وصل بالسلامة ؟؟؟
بتحسبني ليييييييييييييييه؟؟؟؟

MALAK2010

12-15-2011, 11:18 PM

اه وصل بالسلامه الحمد لله
بس مضايقه شويه ربنا يزيح عنى الحزن ويفك كربى ياااارب

توتة السيد

12-15-2011, 11:20 PM

يابنتي وايه يعني اصلا السوبر ماركات بتفتح للصبح وجايز يكونوا عدوا علي حد صاحبهم وبيتسلوا مع بعض

توتة السيد

12-15-2011, 11:21 PM

في ايه يالوكة احنا مش اخوات فضفضي ماتقلقيناش كده

وحمد لله علي سلامته

دودى مجدى

12-15-2011, 11:23 PM

ملك ازييك وازى سيمبا انا اول مرة اشوف الصورة الجميلة اللى فى توقيعك دى قعدت ادور على نفسى هو انادودى اللى مكتوبة على دماغ البنت دى انطقى بسرعة

AyoyA

12-15-2011, 11:25 PM

السلام عليكم جميعا
توتة ودينا وام ميسون وسميه وشوشو لو كانت لسه موجودة

دودى مجدى

12-15-2011, 11:27 PM

ايوية ازييك يا حبيبتى عاملة اية انتى وكتاكيتك عرفتى الكتكوت التانى اية ولا لسة

AyoyA

12-15-2011, 11:28 PM

وملك معلش نسيتك عامله ايه انتى وسلمى

توتة السيد

12-15-2011, 11:31 PM

ههههههههههههههههه ايوة انت يادينا مفجوعة في الاكل قدامك المحمر والمشمر اهو ولهطي

توتة السيد

12-15-2011, 11:32 PM

يويو ازيك ياقمر وزي ادم وهنا عاملين ايه

دودى مجدى

12-15-2011, 11:32 PM

مبروك السادس يا ايوية وعقبال التاسع يا رب

دودى مجدى

12-15-2011, 11:35 PM

يا بنت الذيكا يا توتة ماشى هوريكى انتى وملك بقى انا المفجوعة دى اللى قدامها اكل يهبل دة انا عينى كانت هتطلع علية بس الحمد لله لسة رفيعة وهبتدى اكل واضرب بقى ارحم من شوشو انفجرت خالص هههههههههههههههههه

AyoyA

12-15-2011, 11:35 PM

يويو ازيك ياقمر وزي ادم وهنا عاملين ايه

تسلميلى يا عسل ويباركلك فى نور والنونة وسيدوووووووووووووو
خلتينى جسمى قشعلر لما قولتى ادم وهنا
اول واحدة تقولى ادم وهنا

AyoyA

12-15-2011, 11:37 PM

مبروك السادس يا ايوية وعقبال التاسع يا رب

الله يبارك فيكى انتى يا قمر وعقبالنا كلنا لما نتم التاسع على خير

والحمد لله عرفت النوع التانى
ادم وهنا
باذن الله تعالى

دودى مجدى

12-15-2011, 11:39 PM

ما شاء الله الف مبروك يا يويو ربنا يباركلك فيهم ويجيبهوملك بالسلامة يا رب يالا بقى روحى اشترى البوكسرات هههههههههههههه من حق مش فاكرة الواحد كان بكام يا اية

توتة السيد

12-15-2011, 11:41 PM

هههههههههههههههههههه احنا كدبنا اعتراف صريح منك في احدي مشاركاتك بتقولي

بقيتي مصعورة يعني هتحصلي شيماء قريب دا اذا مافتهاش بقي بمراحل ههههههههههههههههههه

توتة السيد

12-15-2011, 11:43 PM

دودى مجدى

12-15-2011, 11:44 PM

اة والله يا توتة معرفش لية باكل كتييير الايام دى اهو ربنا يسهل واولد ان شاء الله واظبط جسمى بقى تانى

توتة السيد

12-15-2011, 11:45 PM

واتلموا وتعالوا ماتستهبلوش

AyoyA

12-15-2011, 11:46 PM

هههههههههههههههههه
البوكسرات السن الللى ينفع يتلبس لغايت سن سنتين
ب30ج 3بوكسرات
ما انا نزلت بس بصراحه مردتش اجيب علشان محدش يعرف انى معايا تؤام
غير ماما ومحمد دوزى والدكتور وانتوااااااا
وقولنا لمرات اخويا واختى كانوا معانا واحنا بنشترى حاجات النونات
انها بنوتة
على اساس ميزعلوش انى مقولتهمش معايا ايه ههههههههه
هيتصدموا يوم ما اولد ان شاء الله

توتة السيد

12-15-2011, 11:47 PM

صحة وهنا ياقمر هما السابع والتامن الشهية بتزيد جدا ربنا يقومك بالسلامة وانا وانت ورقصني ياجدع هههههههههههههههههه

نولارا

12-15-2011, 11:48 PM

الحمد لله ياتوته خالد رجع بالسلامه وبكلمه
تسلمى ياحبيبتى على اتصالك

AyoyA

12-15-2011, 11:50 PM

تسلميلي يايويو

وربنا يجبهملك بالف سلامة يارب شوفي ياقلبي طول ماانت مع ربنا مافيش حاجة هتأذيكي

وماتقلقيش خالص من الافكار اللي بتجيلك

وادم وهنا اسمين عسل ربنا يحميهم وتفرحي بيهم يارب

انتى اللى عسل يا قمر
ربنا يسترها بس اللى حصلى من يوم الفرح وبعد الفرح الحمد لله على السراء والضراء
انا علشان بفكر كتير فى موضوع الولادة وانا خايفة من الولادة جدااااااااااااااااااااااااااااااااااا
فبتجيلى افكار وحشه وقعد افكر واوقات استعيذ من الشيطان
واوقات كنت بقوم من النوم مرعوبه وحاسه انى عايزة اعيط
يااااااااااااااااااااااااااااااااااااااارب سترك

توتة السيد

12-15-2011, 11:51 PM

مابيجي من وراكم الا وجع البطن شف قال سيبانا قلقانين وبتلك هي

طيب ياوخة لما تخلصي لينا حساب

وحمد لله علي سلامته عقبال مااطمن علي لوكا كمان

توتة السيد

12-15-2011, 11:53 PM

بس كويس انك مافتحتيش يانورا لاني ماعنديش رصيد يادوب دقيقة وحده هههههههههههههههه وفرتي

AyoyA

12-15-2011, 11:54 PM

مبرووووووووووووووووووك عليكى السابع يا دينا
معلش لسه واخده بالى وعقبال ماتقومى بالسلامه وتشوفى حودة على خير

نورا حمد لله على سلامه جوزك ربنا ميحرمكوا من بعض
ازيك وازاى موكشة

توتة السيد

12-15-2011, 11:55 PM

لا ماتفكرييش وسبيها لله انا عندي مرات ابن عمي كانت حامل في تؤام ولدين ما شاء الله

والحمد لله ولدت بالسلامة في التاسع والبيبيهات كانت زي الفل ماتخفيش

انت خليكي مع ربنا وتابعي كويس مع الدكتور وربنا يحميكي انت واللي في بطنك

دودى مجدى

12-15-2011, 11:56 PM

حمد الله على سلامة جوزك يا نورا

توتة السيد

12-15-2011, 11:57 PM

جــل يــجـلـس مــع زوجـتــه فــي المطــعـم
فــأتــت فــتــاة مــن الـطـاولـة المجـاورة وقبلتـه عـلـى خـده..

.وقـالـت أنـا آسـفــه صـديـقـاتــي تـحـدونـي..
وذهـبـت ألـفـتـآه تـمـشــي بـكـل ثـقـة إلـى طـاولـتـها
.نـظـر الرجــل إلـى زوجـتـه فـرأى الـدمـعة فـي عـيـنـهـا:.
فذهب إلـى الفـتاة في وسكب كـأس الـعـصـيـر

فـي وجهــها

وقال لها
..
آســــــف ولكـــــن دمــــوع زوجـتـي تحــدتــــنــــي ♥ ♥

تيراراراااااااااااااااااااا يااخواتي في رجاجيل كده والله بيضحكوا علينا

أم ريـم

12-15-2011, 11:57 PM

مرحباااا اخباركم انا مش مصرية بس حبيت ادخل التجمع اسأل سؤال وياليت تجاوبوني عليه انا صار لي اسبوع والدة وحاسة بحكة مكان الخيوط والجراحة هل هذا دليل على ان الخيوط بتطيح ولا ايش ؟؟؟

AyoyA

12-16-2011, 12:01 AM

اهلا بيكى يا ام ريم حمد لله على سلامتك
والف سلامة عليكى
معلش انا لسه مولدتش ياريت اللى ولدوا يفيدوكى

somia

12-16-2011, 12:02 AM

الحمد لله على وصول جوزك بالسلامة يا لوكا
امال ايه اللي مضايقك يا بنتييييييييييي؟؟؟؟؟؟؟؟؟؟؟؟؟؟؟؟

AyoyA

12-16-2011, 12:03 AM

هههههههههههههههههههه الرومانسيه ده يا توتة كلام بس
ده لو كان جوزى كان قالها ومفيش واحدة على الخد التانى ههههههههههههههه
ده جوزى ده يااااااااااااااااااااااا ربنا يهديه ويبطل البص على الموزز

somia

12-16-2011, 12:04 AM

نورا هوه جوزك طلع ما بيردش عليكي ليييييييييييه؟؟؟
ام ريم انا والده قيصري والام الخياطة مش معناها فكة الخيط ابدا

AyoyA

12-16-2011, 12:05 AM

اهلا يا سميه

توتة ودينا روحتوا فين

دودى مجدى

12-16-2011, 12:05 AM

الله يبارك فيكى يا ايوية ولا يهمك يا حبيبتى وعقبال ما تقومى انتى كمان بالسلامة يا رب

somia

12-16-2011, 12:06 AM

ايويا ربنا يصبرك يااااااااااااااا رب ويهدي ازواج المسلمات كلهم

توتة السيد

12-16-2011, 12:06 AM

اهلا ياام ريم الاول حمد لله علي سلامتك وسلامة علاء ربنا يخليهولك

انت والده طبيبعي ولا قيصري

توتة السيد

12-16-2011, 12:07 AM

ههههههههههههههههههههه حلوة مافيش علي الخد التاني ربنا يهديهولك ويسخره ليكي يارب

توتة السيد

12-16-2011, 12:08 AM

انا هنا يايويو كنت بقلب في الفسيس فوك

AyoyA

12-16-2011, 12:09 AM

يااااااااااااااااااااارب يهديه يااااااااااااااااااااااارب

somia

12-16-2011, 12:13 AM

يا جماعة متطمنوني زوج نورا مكنش بيرد عليها ليييييييييييه؟؟؟؟

AyoyA

12-16-2011, 12:14 AM

http://forum.hwaml.com/imgcache2/hwaml.com_1323983641_627.jpg (http://arabsh.com/4chn287sqpg7.html)
شوفتوا الاهمال فى اسكندريه
ياااااااااااااااااااااااااااااااالهوى على الاهمال وقله الضمير والعيل اللى رامينه

على وشه ده زمانه فطس والعيال تتلخبط يااااااااااااااااارب رحمتك يارب

يارب انتا اللى بترحم يارب

نولارا

12-16-2011, 12:18 AM

عودنا ههههههههههههه
سابنى ونام
الاستاذ رجع من بره دخل يغسل هدومه وساب الموبايل فى الاوضه
اه يانارى منه
بس الحمد لله
الله يسلمكم يابنات معلش قلقتكم معايا
قعدوا يلعبوا طايره للمغرب وبعدين صلوا وراحوا اللولو فيادوب بقى
وقال راجع يغسل كمان
طيب يااخى طمنى عليك الاول
توته ماهانش عليا اكلفك ياقلبى
وا حمد قعد يرقص وانتى بترنى ههههههههههههههههه

دودى مجدى

12-16-2011, 12:18 AM

اية معلش يا اختى كل الرجالة كدة مهما تعمليلو البدع وتهتمى بنفسك وتملى عينو هو عين امو فارغة خلقة

دودى مجدى

12-16-2011, 12:20 AM

حمد الله على سلامة خالد يا نورا ربنا يطمنك علية يا رب ويجمعكو عن قريب

نولارا

12-16-2011, 12:21 AM

ايه
يانهاااااااااار
ما تقوليش ان دى حضانه
اييييه ده

هى ملك
كانت زعلانه ليه ياعيال وبتحسبن على ميين
ربنا يفك كربها يارب

AyoyA

12-16-2011, 12:22 AM

اية معلش يا اختى كل الرجالة كدة مهما تعمليلو البدع وتهتمى بنفسك وتملى عينو هو عين امو فارغة خلقة

ربنا يهدهم كلهم يااااااااااااارب ياختى

دودى مجدى

12-16-2011, 12:24 AM

يا رب اللهم امبن
مقالتش يا نورا بتقول انها متضايقة شوية

توتة السيد

12-16-2011, 12:24 AM

هههههههههههههههه دلقك ونام ااااااحسن

ولا يهمك ياقلبي فداكي ارصده البورصة ذاتها ههههههههههه

توتة السيد

12-16-2011, 12:25 AM

ربنا يفك كربها ادعوا لوكا يابنات انا موش عارفة في ايه بس هي بتقول ادعولي

AyoyA

12-16-2011, 12:26 AM

توتة ودينا مشفتوش الصورة ولا ايه
اللى فى الصفحة اللى فاتت

somia

12-16-2011, 12:27 AM

ادعولي تنام لحسن لو مرحتش لماما هتاكلني

AyoyA

12-16-2011, 12:28 AM

ربنا يفك كربها ادعوا لوكا يابنات انا موش عارفة في ايه بس هي بتقول ادعولي

ليه مالها كفالله الشر
ربنا يهون عليها ويفك كربها يااااااااااااااااااااااااااارب

somia

12-16-2011, 12:29 AM

ربنا يفك كربك يا لوكا يا رب

نولارا

12-16-2011, 12:30 AM

ايه
الف مبرررررروك على ادم وهنا
ان شاء الله يجوا بالف سلامه وتفرحى بيهم يارب

توتة السيد

12-16-2011, 12:30 AM

فكرتيني يانورا مرة سيدو قالي انا نازل اصلي البسي ونخرج

لبست ولبست نور وان يجي مافيش وموبايله هنا ياربي طيب حصل ايه

ومتاتعرفيش ميت فكرة جت في دماغي وكنت هموت من القلق واتاخر ساعة ونص طيب

في صلاة ساعة ونص روحت واخده نور وخرجت قلت انزل اشوف في ايه

لقيته جاي يااوختي يتمختر انا شفته من هنا وتخنقنقي العبرة الله علي اللغة

كنت فين كل ده واسح عيطت لما شبعت وهو خدني في ضنه قالي انا مش قلتلك رايح اصلي وهحلق بعدها قلتله ماقلتش رايح تحلق نعيما اخويا هههههههههههههههه وضحكنا بقي بعدها كل ما ينزل يصلي دلوقتي يقولي هصلي بس اوعي اجي القيكي قدام العمارة بتنادي عليا

AyoyA

12-16-2011, 12:32 AM

ايه
الف مبرررررروك على ادم وهنا
ان شاء الله يجوا بالف سلامه وتفرحى بيهم يارب

الله يبارك فيكى ياقمر وتجيبى بنوتةجميلة زيك

توتة السيد

12-16-2011, 12:32 AM

صورة ايه يايويو

توتة السيد

12-16-2011, 12:34 AM

والله مااعرف يايويو ربنا يطمنا عليها

somia

12-16-2011, 12:34 AM

ههههههههههههههههههههههههههههههههه
فعلا الرجالة دول زي العسل انت تترعبي وتسحي عياط ولا هما يدروا بيكي اصلا
ويااااااه بقى لو وانت بتكلميه سمعتي صفارة انذار ويقولك معلشي هاضطر اقفل ويقفل وت

AyoyA

12-16-2011, 12:35 AM

صروة حضانه فى اسكندريه
صورة بشعه
حسبى الله ونعم الوكيل

somia

12-16-2011, 12:37 AM

فغلا يا توتة الرجالة دول قلبهم جامد قوي
بس موقف تحفففففففففففففففففففففة

somia

12-16-2011, 12:38 AM

الـــــــــــــــــــــــــــــــــزواج

http://forum.hwaml.com/imgcache2/hwaml.com_1323985082_302.jpg (http://forum.hwaml.com/redirector.php?url=%68%74%74%70%3a%2f%2f%66%6f%72% 75%6d%73%2e%66%61%74%61%6b%61%74%2e%63%6f%6d%2f%74 %68%72%65%61%64%32%33%31%39%33%32%33)

وبعد الـــــــــــــــــــــــــــــــزواج

http://forum.hwaml.com/imgcache2/hwaml.com_1323985082_715.gif (http://forum.hwaml.com/redirector.php?url=%68%74%74%70%3a%2f%2f%66%6f%72% 75%6d%73%2e%66%61%74%61%6b%61%74%2e%63%6f%6d%2f%74 %68%72%65%61%64%32%33%31%39%33%32%33)

somia

12-16-2011, 12:39 AM

توتة المهم خرجتوا ولا لا؟؟؟
هههههههههههههه

توتة السيد

12-16-2011, 12:39 AM

يابنات انا قلقانة علي لوكا جدا والله حولت اخبي علشان ماقلقكمش معايا

بس مش قادرة حتي حولت اكلمها مش قادرة تتكلم ده حتي في صورتها الرمزية حطت حسبي الله ونعمة الوكيل يارب طمنا يارب وجيب العواقب سليمة

توتة السيد

12-16-2011, 12:42 AM

اه والله يعيشوا حياتهم واحنا نتشل في البيت عشانهم ربنا يخليهملنا يارب ويشلونا كمان وكمان

AyoyA

12-16-2011, 12:42 AM

قلقتينى يا توتة
يااااااااااااااااااااااااااااااااارب
يكون خير
مادام بتعرفى تكلميها معلش حولى تكلميها تانى
وهديها وخليها تستهدى بالله وتفضفض معاكى
يمكن مش عايزة تتكلم فى المنتدى

توتة السيد

12-16-2011, 12:44 AM

http://forum.hwaml.com/imgcache2/hwaml.com_1323985082_715.gif

دي انا بقي كنت زيها انهارده بستثناء المكوي بس

وهو كل يوم بس انهارده تنطبق تبيكل عليا

نولارا

12-16-2011, 12:44 AM

الغريب فعلا انها دخلت قالت حسبى الله ونعم الوكيل وغيرت صورتها وخرجت
ربنا يستر يارب
هى دى اظاهر ليله القلق

توتة السيد

12-16-2011, 12:44 AM

ههههههههههه اه خرجنا طبعا كنت رايحة للدكتورة يعني خروجة رسمية

توتة السيد

12-16-2011, 12:46 AM

والله يااية قلقانة جدا بس المشكلة الوقت متاخر عندي الساعة 1 ونص خايفة اتصل تكون نامت

ولا حاجة مش عارفة والله وحولت اكلمها علي الشات برضه ماقدرتش تكتب ربنا يسترها يارب وتكون حاجة بسيطة

توتة السيد

12-16-2011, 12:47 AM

والله يانورا بطني وجعتني ربك يسلم

somia

12-16-2011, 12:50 AM

استرنا يا رب طب ما تحاولي تتصلي بيها تاني يا توتة

om arwa

12-16-2011, 12:50 AM

سلام عليكم
جبت شيتس بالجبنة
وكرانشى شطة ليمون
يمىىىىىىىىىىى

نولارا

12-16-2011, 12:50 AM

رجاله رايقه بصحيح ههههههههههههههه
طيب قبل ما تروح تغسل افتح النت وطمنى
لا والتانى اللى راح يحلق ههههههههههههههههه
ربنا يخليهم لنا ويبارك لنا فيهم هنقول اييه بس
دا بيقولى انتى بتعيطى لييييييييه
اعمل فيه اييييييييييييه
حد بس يناولنى عليه
ومالكوش دعوه بقى باللى هيحصل بعدها هههههههههههههه

توتة السيد

12-16-2011, 12:52 AM

والله عايزة ياسومة بس الوقت اتاخر عندي خايفة اتصل تكون نامت او يكون جوزها جمبها

مش عارفة والله حتي فكرت ابعت رسالة برضه خفت اقلقها رغم اني هموت من القلق

نولارا

12-16-2011, 12:53 AM

ان شاء الله يكون خير ونلاقيها بكره بطمناااااا

سما احدفينى بحاجه من دول يمكن احساس الاوع ده يررررررررووووووووووح

توتة السيد

12-16-2011, 12:53 AM

ازيك ياسما وزي القطط

توتة السيد

12-16-2011, 12:54 AM

ههههههههههههههه البت لسه بتتحلف للراجل عديها بقي ياما شفنا يااوختي

قال رايح يحلق قال يعني شعرك طول فجأة قوم حبك الحلاقة ده مرار

ربنا يخليهملنا يارب ومايورينا فيهم حاجة وحشة ابدا ويهديهم بقي علينا

AyoyA

12-16-2011, 12:55 AM

عادى يا توتة ابعتى رساله لو صاحيه هتكلمك
ربنا يستر

توتة السيد

12-16-2011, 12:55 AM

يارب يانورا ربنا يطمنا عليها

somia

12-16-2011, 12:56 AM

رينا يسترها معاها يا رب ويطمنا عليها

توتة السيد

12-16-2011, 12:57 AM

يعني ابعت رسالة وخلاص مافيهاش حاجة

انا اسفة يابنات قلقتكم بس والله حولت اخبي بس ماقدرتش

وقلقي زاد اكتر لما شفت صورتها الرمزية

om arwa

12-16-2011, 12:57 AM

مالها ملك يا بنات
هى جوزها رجع؟؟؟؟؟؟
مش هى كانت بتكلمان المغرب وكانت كوووووويسة

توتة السيد

12-16-2011, 12:59 AM

بعتلها رسالة ويارب ترد عليا

om arwa

12-16-2011, 01:00 AM

هبعتلك يا نورا الحاجات دى بتضيع الاوع ههههههههه

ايه مبروك السادس
والصرة الرمزية الحلوووووووووووة

دودى مجدى

12-16-2011, 01:00 AM

انا جيت تانى

somia

12-16-2011, 01:00 AM

اه يا توتة ابعتي رسالة مافيهاش حاجة ...
بس الصراحة انا خايفة زوجها يقرا الرسالة ويعملها مشكلة انها عرفتنا انها مضايقة

دودى مجدى

12-16-2011, 01:01 AM

مالها ملك يا بنات يا رب يطمننا عليها يا رب

توتة السيد

12-16-2011, 01:01 AM

اه رجع ياسما الحمد لله بس دخلت قالت حسبي الله ونعمة الوكيل وحطتها صورة رمزية

وخرجت حولت اكلمها مش قادرة تتكلم ربنا يطمنا يارب

AyoyA

12-16-2011, 01:01 AM

سمسة عامله ايه
والبنات عاملين ايه

om arwa

12-16-2011, 01:03 AM

لا حول ولا قوة الا بالله ربنا يفك كربها ياااااااااااارب

توتة السيد

12-16-2011, 01:03 AM

اه يا توتة ابعتي رسالة مافيهاش حاجة ...
بس الصراحة انا خايفة زوجها يقرا الرسالة ويعملها مشكلة انها عرفتنا انها مضايقة

ماهو انا خايفة من كده ربنا يسترها وماياخدش باله يارب

انا بعتها خلاص يارب تكون ماسكة الموبايل او بعيد عن جوزها ومايقرهاش ولا ياخد بالله خلتيني اندم وخاف اني بعت ياسوومة ربنا يستر

om arwa

12-16-2011, 01:04 AM

الحمدلله بخير يا يويووووووووووووو

om arwa

12-16-2011, 01:05 AM

لا ماتقلقيش ياتوتة ان شاء الله ماتعملش مشكلة
المهم ترد ونتطمن عليها ياااااااااارب

AyoyA

12-16-2011, 01:06 AM

الله يخليكى يا سمسمه
عقبال ما تقومى بالسلامة ياااااااااااااااارب

توتة السيد

12-16-2011, 01:06 AM

استغفر الله انا بجد ابتديت اتعب هقوم شوية يمكن افك ورجع تاني ان شاء الرحمن

somia

12-16-2011, 01:07 AM

حبيباتى يارب تكونوا بخير وصحة وسعادة

فى البداية احب اابداء موضوعى بدعاء جميل لينا كلنا

اللهم ارزقنا جميعا الزرية الصالحة السليمة المعافية بلا زيادة او نقصان

اللهم امييييييييييييييييييييين

الموضوع النهاردة عن اسباب تشوه الاجنة

وانواع التشوهات هى

(خلقية داخلية او خارجية - عقلية - او فى النمو )

ولاكن لابد فى البداية ان نفهم ان ارادة الله فوق كل شيىء

الاسباب

1- اخد الام الادوية غير المصرح بها للحامل وخصوصا فى الخمس اشهر الاولى

2- تعرض الام لاشعة اكس المضرة والاكثر خطورة وضرر على الجنين

3- افراط الام فى استخدام مستحضرات التجميل الضارة مثل الصبغات والعطور

الضارة خصوصا الخمس اشهر الاولى للحمل

4- ارتداء الملابس الضيقة التى من الممكن ان تضغط على اماكن حساسة لدى الجنين

مثل الرأس وتؤدى لضعف نموها

5- تدخين الام من اخطر واهم الاسباب فى تشوه الاجنة او التدخين السلبى الذى يؤثر

بدوره على المرأة الحامل وجنينها ( تدخين المحيطين بالحامل )

6- سوء التغذية للام مما يؤدى الى التشوه الذى يحدث عن نقص المكونات الاساسية

لنمو الجنين مثل الكالسيوم وغيره من العناصر المهمة للنمو

7- اهمال الام فى اخ الجرعات المنتظمة من الفوليك اسيد الذى يقى الجنين من التشوه

8- الجلوس امام التلفاز لفترة طويلة فى مسافة اقل من 3 متر

9- زواج الاقارب خصوصا العصب مثل ابناء العم او العمة لما فيه من تعزيز للجينات

الوراثية وانتقال الامراض الوراثية الى الاجنة

10- تشوه الحيوانات المنوية لدى الزوج بنسبة كبيرة مما يؤدى الى تلقيح جنين

غير سليم وغير مكتمل

11- تناول الام للاطعمة الجاهزة التى تفتقر الى العناصر الغذائية اللازمة لنمو الجنين

وتناول الزيوت المشبعة

12- اكل التونة والملوحة والفسيخ بكميات كبيرة اثناء فترة الحمل مما يؤدى الى

مشاكل بالجهاز العصبى للجنين

13- تعرض الام للتلوث المستمر مثل العاملات فى المصانع التى لها علاقة بالمواد

الكيماوية واستنشاقها به خطر كبير خصوصا الاشهر الاولى من الحمل

وهذه الاشياء التى يجب تجنبها خلال فترة الحمل لعدم حدوث تشوه

اللهم اعفنا واعف عنا وارزقنا الزرية السليمة المعافية

اتمنى اكون قدمتلكم معلومة مفيدة

ولا تنسونى من صالح دعائكم بظهر الغيب بتيسير الامور

somia

12-16-2011, 01:10 AM

توتة الله يخليكي لو اكمنتي على لوكا ابقي طمنيني برسالة خاصة عشن هاقوم احاول انام لحسن مش قادرة

AyoyA

12-16-2011, 01:12 AM

الله يجزيكى خير يارب يا سميه
انا برده هقوم علشان تعبت
وقبل ما انام هبقا اخش اطمن
يااااااااااااااارب خير

نولارا

12-16-2011, 01:14 AM

ياتوته طمنينا الاول
انا مستنيه اطمن عليها
يارب تطمنا عليها يااااااااااااااارب

توتة السيد

12-16-2011, 01:19 AM

انا زيكم والله مستنية اهو بس ماردتش عليا لسه ممكن تكون نامت

دودى مجدى

12-16-2011, 01:23 AM

يا بنات ممكن تكون مش عارفة ترد تعالو ندعيلها ربنا يفك كربها ويزيل همها وابقى كلميها بكرة يا توتة لانها بتنام بدرى وتصحى بدرى

توتة السيد

12-16-2011, 01:24 AM

انا بقول يمكن نامت ومادام نامت يبقي ان شاء الله بقيت كويسة لانها لما بتكون مخنوقة مابتعرفش تنام ربنا يطمنا يييارب

واكيد لو عرفت حاجة هبلغكم علي طول

توتة السيد

12-16-2011, 01:25 AM

فعلا يادودي معاكي حق

دودى مجدى

12-16-2011, 01:28 AM

يا رب يطمننا عليها يا رب ويفك كربها ويزيل همها اللهم امين

توتة السيد

12-16-2011, 01:29 AM

يارب اللهم امييين

نولارا

12-16-2011, 01:29 AM

صح احنا مانقدرش نعمل حاجه دلوقتى غير اننا ندعيلها
واول ما تشوف رساله توته اكيد هطمنا عليها ان شاء الله

احلى نونو

12-16-2011, 01:32 AM

السلام عليكم ياااااابنات
ازيكم كلكم

لوكاااااااااااا ربنا يفك كربك يارب وتبقى بخير وكويسه
قلقنا والله عليكى

ديناااااا
ام زوربيييييييح وحشتينى خالص عامله ايه وحوده ازيه
سمسمه عامله ايه انتى والكتاكييت
تووووووووووووته ازيك ياحبى نور والنونه ازيهم
سميه عامله اييييييه وتوته ازيها
نوراااااااااااا ازيك والرجاله ليهم حركااااااااات تفقع ياختى ياما حصلت معايا موكشه والنونه عامليين ايه
يويويو ازيك ياجميل والنونات ازيهم ومبروك السااااااااااااادس وعقبال التاسع والاده ان شاء الله
الصوره الرمزيه جميييييله

احلى نونو

12-16-2011, 01:35 AM

ايوه ياتوته اول ماتطمنك عليها تكتبيلنا انها بخير وتطمنينا عليها او حتى لو كلمتيها الصبح بدرى
عادى يابنتى مفيش ندم ولا حاجه انتى صاحبتها وقلقتى علييها مفيش مشكله جوزها مش هقوول حاجه ان شاء الله

دودى مجدى

12-16-2011, 01:38 AM

دعاااااااااااااااااااااااااء انتى وحشتينى اكتر عاملة اية انتى عرفتى النونو وطلع بنوتة ولا لسة

توتة السيد

12-16-2011, 01:40 AM

الحمد لله يدودو ياحبي انت والنونة عاملين ايه ياقمر

احلى نونو

12-16-2011, 01:40 AM

وانتى وحشتينى اكتر ياابت
يله ركبى نت فى بيييييييييييتك
لسه امبارح بقول للبت ايه وحشتينى ومفتقديينك
اهااااااااااا طلعت نونه
بنوووووووووووووته

توتة السيد

12-16-2011, 01:41 AM

ان شاء الله يادعاء اكيد اول ما اطمن هطمنكم علي طول

احلى نونو

12-16-2011, 01:42 AM

انا والنونه بخييير الحمد لله ياتووتى

الصوره اللى حاطاها بعد الجواااااااز
جميييييله ومعبره جدااااااااااااااا

دودى مجدى

12-16-2011, 01:43 AM

انتو وحشتونى اكتر والله انا وانا هناك ببقى زهقانة جدا التليفزيون بايظ وكمان مفيش نت حاجة مملة بس قدمنا علية والله وقالولنا هييجى بعد 15 يوم ربنا يسهل
مبرررررررررررررررررررررررررررررررررررررررررررررررو ك
الف مبروك هتبقى بنوتة جميلة زى مامتها تامر بقى فرح ولا زعل

دودى مجدى

12-16-2011, 01:45 AM

عرفتى امتى يا دعاء واخيرا الدكتور دة رضى يقولك وهتسميها اية ان شاء الله

دودى مجدى

12-16-2011, 01:52 AM

انتو فين يا عيال

احلى نونو

12-16-2011, 01:53 AM

الدكتور ياختى كنت مستحلفاه من 3 اسابيع واخر مره اعد يقولى اصله مش بااين ويمكن يكون فى وضع قافل رجله او مستخبى
قولتله ماليش دعوه وبرقتله هههههههههه
قولتله عشان خلاص نازله مصر وعاوزة اجيب لبس
المهم ياختى اعد يبص يميمن وشمال وقالى 80% بنت
قولتله الحمد لله فضل ونعمه
تامر بقى مش زعل بس اتفاااجئى كان عاوز ولد بس قالى الحمد لله ده رزق
ولما جينا البيت وقاعدين كده يقولى بس لسه فااااضل 20% يبقى ولد
قولتله صعب

احلى نونو

12-16-2011, 01:54 AM

انا هناااااااا اهوووووووووووو

بفكر فى اسم ألين يادودى

ألين : اجمل نساء العالم
ايه رايك فى الاسم

احلى نونو

12-16-2011, 01:55 AM

كنت عنده يوم الاحد اللى فات ده يادودى وقالى بعد طلوع الررووح
وشكله من نوع لما بيشوف بنت فى السونار مش بيقول
لان بيقولى انتى مستعجله ليييييييه بقوله انا خلاص الخامس هيخلص كل ده ومستعجله

احلى نونو

12-16-2011, 01:59 AM

دودى بصى الطقم ده
جيبته النهارده للنونه
ايه رايك فيه

دودى مجدى

12-16-2011, 01:59 AM

يا رب يجيبهالك بالسلامة ويفرحك بيها يااااااااااااااااااااارب

احلى نونو

12-16-2011, 02:02 AM

ربنا يخليكى يادودى يااااااااارب
وربنا يقومنا كلنا بالسلامه احنا والنونااااااااات

دودى مجدى

12-16-2011, 02:03 AM

هههههههههههههههههه تامر جوزك بيفكرنى بنفسى انا حتى بعد ما الدكتورة قالتلى ولد وشوفت البوبو بتاعو فى السونار كان عندى امل ان دكتورة هنا تقولى بنت وتكون الاولانية غلطت بس طلع برضو ولووووووووووووود سبحان الله انادلوقتى متخيلش انى اجيب بنت خلاص سستتمت نفسى على حودة يا رب بس يجيبهم بالسلامة ويفرحنا بيهم ويبقو با رين بينا وبابهاتهم يا رب

om arwa

12-16-2011, 02:04 AM

مبروك طقم النونة يا دعاااااااااااااء

دودى مجدى

12-16-2011, 02:05 AM

يا خلاصى على العسل اة الجمال والطعامة دى يا ناس ايوة يا عم طقم فى البمبى والموف والالوان الجميلة دى زى العسل ماشاء الله بكام دة يا دودو

احلى نونو

12-16-2011, 02:05 AM

بصى يادودى ده كمااان

احلى نونو

12-16-2011, 02:09 AM

الله يبارك فيكى ياسمسمه وعقبال ماتجيبى لاسييل يااااااااااارب

وانا برضه يادينا خلاص اقلمت نفسى انه بنووووووووته
بصى الطقم اللى فيه بمبى ده مكون من ( سالوبيت بكم وبيجامه قطعتين وسالوبيت نص كم ومن غير رجلين بصى عى الصوره هتفهمى قصدى وجوانتى وشراب صغنن و2 بافيته واندر )
البت هتيجى ع الاندر على طوووووول هههههههه
ده كله على بعضه ب 40 ريال
ايه رايك فى السعر؟؟

دودى مجدى

12-16-2011, 02:10 AM

يا جمالو يا ناس ما شاء الله الاتنين احلى من بعض والمقاسات كويسة بس ابقى نوعى متجيبيش كلو مقاس صغير كبرى شوية عشان ميصغروش على طوووول

احلى نونو

12-16-2011, 02:10 AM

اه ومعاه برضه قبعه صغنونه

احلى نونو

12-16-2011, 02:13 AM

بصى يادينا البمبى ده مقاس نيو بورن كان عاجبنى من قبل مااعرف هو ولد ولا بنت وقولت لو ولد هجيبله اللبنى ولو بنت البمبى فجيبت البمبى
وشايفه تانى واحد ده مسكت مقااس سمووول لقيته صغنن جااااااااامد فقولت خلاص ميديام كويس
هو زى فيه سنه قطيفه ومبطن من جوه

دودى مجدى

12-16-2011, 02:14 AM

40 ريال كويس ولونى شوفتو ب35 بس مش مشكلة بس ماشاء الله عسول ولذيذ لقيتى محلات اطفال عندك ولا جيبتى منين

AyoyA

12-16-2011, 02:17 AM

دودى مجدى

12-16-2011, 02:19 AM

كويس انك لقيتى الحاجات الحجلوة دى انا هدوم حودة كلها قطن صيفى مكانش فية شيتوى خالص بس بصى ابقى برضو خدى بالك من المقاس لان فى السعودية مقاساتهم صغيرة جداااااااااااااااا انا فى حاجات جيبتها مقاس سنتين مكتوب عليها كدة وهى فى الحقيقة تلبس 3 شهور بس

AyoyA

12-16-2011, 02:19 AM

انا برده جبت حته فستان كميييييييييييييييييييييييييله خالص
هبقى اصورهم واورهملكوا بس مش النهارده

دودى مجدى

12-16-2011, 02:20 AM

الحمد لله يا ايوية بتقولى البوكسر ب10 جنية عيال ليهم حظ

احلى نونو

12-16-2011, 02:21 AM

ايوه يادودى هو ممكن يكون ارخص من كده
لا يابنتى ده من هنا من شروره لسه مروحتش نجران هناك اكيد الازوراق احلى والسعر ارخص كمااان
هنا يابنتى مفيش غير محليين لبس مواليد واطفااااااااال
تخيلى محلين بس
فقولت اجيب اى حاجه تصبيره لحد لما انزل نجران

لو تعرفى تقولى لايه يجى كام بالمصرى قولييلها لانى مش هعرف

أم صهيب2

12-16-2011, 02:22 AM

تجمع المتأخرات في الحمل جزائريات سعوديات مغربيات ليبيات تونسيات فلسطينيات مصريات (http://forum.hwaml.com/t86759.html) http://forum.hwaml.com/t86759.html#post1753065 (http://forum.hwaml.com/t86759.html#post1753065)

تعالي ونسيني يا الغالية وقلينا تجربتك الله يسعدك

احلى نونو

12-16-2011, 02:24 AM

ياده يادينا من سنتين ل 3 شهوور
انا مش عارفه انا ببص على نيوبورن او مقاس سموول بس تانى واحد ده مسكت سموول كان قد الكف فقولت اكبر وجيبته ميديام
دلوقتى الميزه اللبس لسه حاطين الصيفى فى ركن والشتوى فى ركن فنا قولت اجيب من ده ومن ده

دودى مجدى

12-16-2011, 02:25 AM

يا نهار ابيض 2 بس معلش يا بنتى
بصى بالمصرى يبقو 60 جنية

احلى نونو

12-16-2011, 02:26 AM

ازيك يا بت يا ام اسيل
جميله اووووووووووووووووووووووى السالوبتات الحلوة ده
عقبال ما تلبسهم وتتهنا بيهم يااااااااااارب
دينا وسما
ايش اخباركم
صح
البت نيهال ..الاء..
مبتتخلش ليه حد يعرف عنها حاجه
ياريت يا دعاء اكتبى الاسعار بالجنيه

شكلك محتاجه نكشف على عقلك ياااااااابت انتى سيبتى عقلك فيييييييييييين بس قوليلى وانا اروح اجيييييبه
اليييييييييين hwaml4hwaml4hwaml4hwaml4

اسيييييييييل بنت سمسمه

ومبروك فساتين النونه خلاص اسمها هنااااااااا؟؟

دودى مجدى

12-16-2011, 02:28 AM

لا خدى بالك المقاسات فى السعودية خداعة فانتى استكبرى وية حاجات عان متجي بعد هرين تلاتة تكونى عاوزة تترى هدوم تانى انتى هتنزلى مصر امتى يا دعاء

احلى نونو

12-16-2011, 02:31 AM

وده لقيته يلبس شهر ومقاسه حلو
وتقيل شويه قولت لبعد الولاده ان شاء الله عشان متبردش

وده مفتووح من ع الجنب قولت تغيير

دودى مجدى

12-16-2011, 02:34 AM

كميييييييييييييييييييييييييل بس متكتريش من المقفول من الرجلين عان بيصغر بسرعة متغلطيش غلطتى

احلى نونو

12-16-2011, 02:35 AM

يبقى انا بقى هحاول اجيب بالنظر يادودى مدام بتقولى بتخدع فهكبر شويه المقاس
والله الدكتور قالى دلوقتى الوضع مستقر الحمد لله قدامك الشهر السادس ده تنزلى فييه
بعد ماكنت بقولك انزل قبل اخر شهر 12 حاسه انى مش قادره اسيب تامر لوحده وبقول اصبر شويه لغايه قبل السابع مايبتدى وانزل
لسه مش عارفه والله

AyoyA

12-16-2011, 02:37 AM

الييييييين سورى يا دوع دوع

بقولك يا دعاء متهيئلى ان الاسعار هنا احلى
انا مشتريه 3 سالوبتات بكم وملون وشكلها تحفه وزيها بنص كم
التلاته ب45 وبكباسين من تحت بكرة ان شاء الله
هصورهم واوراهملكم
سلاااااااااااااااااااااااام تصبحوا على خير
اصل جوزى جه

احلى نونو

12-16-2011, 02:38 AM

منا مش هكتر من المقفوول من تحت بس قولت كام واحد بس مش كتيير

دودى مجدى

12-16-2011, 02:47 AM

بصى يا دودو وفى فى سنتر بوينت اللى فى نجران لو عامل عروض هتلاقى حاجات حلوة اوى والاسعار روعة

دودى مجدى

12-16-2011, 02:52 AM

بصى كمان يا دعاء انتى من السعودية تجيبى كريم التسلخات وماء الغريب والببرونات والسوستات والترمومتر والفرشة والمشط والقصافة وشفاطة المناخير الحاجات اللى هى ادوات البيبى دة لان دى احلى من هناك وارخص كمان

somia

12-16-2011, 09:32 AM

لا خدى بالك المقاسات فى السعودية خداعة فانتى استكبرى وية حاجات عان متجي بعد هرين تلاتة تكونى عاوزة تترى هدوم تانى انتى هتنزلى مصر امتى يا دعاء

مين اللي قالكم المقاسات خداعة ماما جابت لتوتة كل حاجة من ابها وخميس مشيط عندكم وبما ان نونتي مولوده في التامن اصلا فحاجات االتلات شهور لسة بتلبس فيهم لغاية دلوقتي وهيه ماشاء الله بقت سبع شهور ونص

somia

12-16-2011, 09:33 AM

يا جماعة انا قريت كل اللي فاتني الا ما في حد طمنا على لوكا ... بالله عليكم اللي اطمن يطمنا

ام انس المصريه

12-16-2011, 10:07 AM

السلام عليكم ياللى مش هنا ومانتخين ومشخرين ومجعوصين هههههههههههههههههه مجعوصين يعنى متكئين ومريحين

انا امبارح فصلت مبقتش شايفه اودامى وانس مفنجل عنيه وصاحى وغصب عنى النوم غلبنى وانس صاحى معرفش عمل ايه حتى سبت النور مطفتوش ونمت بعدها معرفش امتى صحيت لقيته ياقلب امه نايم ومكشوف وايدو متلجه ياحبيبى غطيته واخخخخخخخخخخ

somia

12-16-2011, 10:18 AM

ههههههههههههههههههه حرام عليكي الواد يا انسة نوم انتي ..

somia

12-16-2011, 10:22 AM

انا صاحية من الساعة 8 عشان اروح لماماتي لاني لو مرحتلهاش هتولع فيها ومش هتأكلني سمك ...هههههه اصل النهاردة الجمعة اكلتنا سمك ... الله يرحمك يا لولو كانت بتعمل السمك برضه يوم الجمعه ..
امي هددتني لو ما اتصلتش بيها قبل تسعة ونص مش هتعمل حسابي لانها هتنل تشتريه الوقتي ان شاء الله فانا احترمت نفسي عشان عاوزة اكل سماااااااااااااااااااااك
ادعولي تلاقي سمك كبير وبيلعب كدهع اصل انا جحااااااااااااانة

احلى نونو

12-16-2011, 10:25 AM

http://forum.hwaml.com/imgcache2/hwaml.com_1324020350_965.jpg

احلى نونو

12-16-2011, 10:27 AM

صباح الخير ياشوشو , كده تنامى وتسيبى انوسى برداااااااااااان

صباح الخير ياسميه , تووته عامله اييييييييه

ommaysoon

12-16-2011, 10:34 AM

سلام عليكم

ommaysoon

12-16-2011, 10:35 AM

حد صاحي يا حوامل

ام انس المصريه

12-16-2011, 10:42 AM

ملك مالها ياولاد

ربنا يطمنا عليها

..

عماد خارج فى سبيل الله 3 ايام ابتداء من النهارده وممكن اروح اقعد عند ماما
او هاجر تيجى تقعد معايا

somia

12-16-2011, 10:50 AM

تعرفي يا بت يا شيمو انت لو مافهمتنيش يعني ايه خارج في سبيل الله هاجي اعضك واخد الواد انس منك
دي عاشر مرة اسالك
بسشرعه عاوزة ااقوم البس

somia

12-16-2011, 10:53 AM

مش عارفيين مالها والله ياشيمو دخلت قالت انها مضايقة وحسبنت وخرجت

somia

12-16-2011, 10:56 AM

شيمووووووووووووووووووووووووووووووووووووووووووووووو ووووووووو

ام انس المصريه

12-16-2011, 11:05 AM

ماشاء الله صاحين بدرى ومبدرين اوى

سماسيمو صاحيه بدرى ليه ياحبى

وانتى ياام ميسون ازيك

بت يادعاء حامله ايه

سميه النوم غلبنى يبتاع السمك انا كمان نفسى فى السمك اوى وعماد مبيحبوش

ام انس المصريه

12-16-2011, 11:07 AM

معلش كنت بلغغغغغغغ ههههههههههههه بفطر يعنى

ضربت فول وطعميه وجبنه حدقه وفيها شطيطه

بوصى الخروج فى سبيل الله ده موضوع طويل الشرح

ام انس المصريه

12-16-2011, 11:11 AM

عماد وبابا من جماعة الدعوه والتبليغ بيخرج فى سبيل الله كل شهر 3 ايام وكل سنه 40 يوم وان اتيحت له الفرصه فبيخرج 4 شهور

ازاى بقى

بياخد معاه فلوس تكفيه ويسيب لاهل بيته فلوس تكفيهم ويكون معاه جماعه من اصحابه اقل حاجه يكونو 7 يروحو مسجد من المساجد يقعدو فيه وينامو فيه وتبقى ال3 دول كلهم ذكر وعباده وصلاه وقيام ليل وذكر لله وبيعملو جولات ع القهاوى يدعو الناس ويعرفوهم على ربنا وياخدوهم يصلو معاهم فى المسجد يامرو الناس بالمعروف وينهوهم عن المنكر

..

عمرك ماشفتى ناس ملتحيه ولابسه عمامه وواقفين عن قهاوى او كافى شوب بيكلمو الناس او واقفين مع نجار او سبك او احد فاتح دكان وبيكلموه عن ربنا

دى جماعة الدعوه والتبليغ دى ماليه الدنيا

بابا بقى سافر الباكستان وبنجلادش واليمن وكينيا وتنزنيا يدعو الى ى الله

somia

12-16-2011, 11:20 AM

طب معلشي سؤال رخم كده بمناسبة حديث امبارح عماد بيسيبلك فلوس ولا لا برضه ...ههههههههههههههه
معلشي رخامة بقى
لا يا شيمو عمري ما شفتها اول مرة اعرف النظام ده

somia

12-16-2011, 11:31 AM

شيمو اوعي تزعلي مني ...
انا صاحية من 8 عشان باذن الله هاروح لماما بقالي يومين بقولها جيالك وبتروح عليا نومة فاستحلفتلي النهاردة مش هتأكلني السمك لو مجتش

somia

12-16-2011, 11:56 AM

طب اسيبكم انا والحق انزل اروح لنامتي ... ادعولي اوصل بالسلامة
الله يخليكم اول ما تطمنوا على لوكا طمنونيييييييييييييييي

نولارا

12-16-2011, 01:10 PM

جمعه مباركه ان شاء الله

om arwa

12-16-2011, 01:48 PM

صباح الخير جيرلز
حد يطمنا على ملك بليييييييز

توتة السيد

12-16-2011, 01:57 PM

ازيكم يابنات عاملين ايه

توتة السيد

12-16-2011, 02:07 PM

يابنات انا مانمتش تقريبا نمت 4ر الفجر وكل شوية اصحي ابص علي الموبايل

اقول يمكن بعتت رسالة مالقيش حاجة صبرت نفسي لحد 10 ونص واتصلت اكتر من مرة مش بترد

قلت جايز تكون نايمة لانها ليها كام يوم مش بتنام كويس

استنين كمان شوية لحد 1 ونص ارن برضه مش بترد وفي الاخير بقيت تكنسل عليا

بعتلها رسالة تاني قلتلها طمني ولو برسالة برضه مافيش رد

انا دمااااغي فصلت من التفكير ومش عارفة ايه اللي بيحصل

توتة السيد

12-16-2011, 02:17 PM

http://forum.hwaml.com/imgcache2/hwaml.com_1324034270_505.jpg

توتة السيد

12-16-2011, 02:19 PM

فضل قراته سوره الكهف يوم الجمعه

سورة الكهف وان كانت من السور الطويلة الا انها ممتعه و تساعد على الحفظ

فاياتها سهلة و قصصها معبرة وواعظة و فيها تسلية و تعزية عن حال الدنيا و الملل و التعب والمشاكل التي يتعرض لها من اختار طريق الهداية

و من يقراها كل جمعة بالتاكيد سيشعر بذلك و لربما يقراها احيانا كثيرة غيبا بدون مراجعة المصحف

وهذي احاديث في فضل سورة الكهف

1_ (من حفظ عشر آيات من أول سورة الكهف عصم من فتنة الدجال)

2_(من قرأ سورة الكهف في يوم الجمعة أضاء له من النور ما بين الجمعتين)

3_(من قرأ سورة الكهف يوم الجمعة أضاء له النور ما بينه و بين البيت العتيق)

4_(من قرأ العشر الأواخر من سورة الكهف عصم من فتنة الدجال)

5_(سورة الكهف تدعى في التوراة الحائلة تحول بين قارئها و بين النار)

توتة السيد

12-16-2011, 02:27 PM

فضل قراءة آية الكرسي بعد الصلاة

عن ابي هريرة رضي الله عنه قال : قال رسول الله صلى الله عليه وسلم :
( إن من قرأ آية الكرسي دبر كل صلاة لم يمنعه من دخول الجنة إلا أن يمـــوت )
أخرجه السيوطي وصححه الألباني

عن أبي بن كعب رضي الله عنه قال:
قال رسول الله صلى الله عليه وسلم:
يا أبا المنذر أتدري أي آية من كتاب الله معك أعظم؟
قلت: الله لا إله إلا هو الحي القيوم، فضرب في صدري
وقال: ليهنك العلم أبا المنذر.
رواه مسلم
وعن ابن الأسقع رضي الله عنه أن النبي صلى الله عليه وسلم
جاءهم في صفة المهاجرين فسأله إنسان أي آية في القرآن أعظم؟
قال النبي صلى الله عليه وسلم: الله لا إله إلا هو الحي القيوم لا تأخذه سنة ولا نـــــوم).
أخرجه أبو داود والبخاري

فلماذا نحرم نفسنــآآ بنفسنــآآ من دخول الجنه ..!!

توتة السيد

12-16-2011, 02:30 PM

رَبِّ اجْعَلْنِي مُقِيمَ الصَّلاةِ وَمِنْ ذُرِّيَّتِي رَبَّنَا وَتَقَبَّلْ دُعَاءِ
رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا

رب اغفر لي ولوالدي وللمؤمنين يوم يقوم الحساب
يا حى يا قيوم برحمتك استغيث اصلح لى شانى كله و لا تكلنى الى نفسى طرفه عين
أستغفر الله العظيم الذي لا إله إلا هو الحي القيوم و أتوب إليه