دردشة بنات مصر , دردشة حوامل مصر , تجمع بنات مصر

[احلى نونو]

انا لحقت نفسى قبل اى تصرف
عامله ايه ومالك مش طايقه نور لييييييه ؟ سيبى البت فى حالها
النونو ازيه
مبروك التـــــــــالت وعقبال التاسع ان شاء الله

[نولارا]

تووووووووووووته
مبروك الشهر التالت ياقمر وعقبال سبوع النون و

دعاء
اخبارك ايه انتى والنونو

[ام انس المصريه]

ياتوته يا ملتوته دى القعده مبتحلاش الا بيا يابت

دنا البوص يابت يعنى المعلم يعنى الكبير اوى يعنى الباشا هههههههههههههههه

سيدك انس بيمسى على ايدى اهو لسه مرجع فى قفايا هههههههههههههه

.............

ههههههههههههههههه هحب الاغنيه علشان لسيدنا انس ابن مالك

طيب مش هعلق ع الاغنيه علشان منضاربش واشتمك وتعيطى زى المره اللى فاتت

هههههههههههههههههههههههههههه

[احلى نونو]

نوراااا
عامله ايه ياجميل وحموكشه ايه اخباره؟
انا كويسه الحمد لله والنونو بخير وبيسلم عليكى بس امبارح معرفش كان ماااااااااله عاملى مغص رهييييييييييييب لما فرهدت ومبقيتش قادره
بتطمنى على جوزك

[نولارا]

اه يادعاء لسه مكلماه من شويه
مخنوق من الغربه ربنا يهونها عليه وعليا
والف سلامه عليكى
بالنسبه لحوكشه على رجلى اهو وبينعكش فى الدرج

[توتة السيد]

دودو ياقمر وحشتيني معلش فقدت الامل ان حد يدخل فقمت اعمل سنكوتش

[احلى نونو]

هههههههههه كل العيال بتحب النكش
معلش يابنتى ربنا يقرب البعيد وانتى كل مايكون فى فرصه تتكلموا ع النت كلميه عشان يقدر يتأقلم شويه شويه ع الوضع الجديد

[توتة السيد]

الحمد لله بخير ياقمر دي بت غتته ورخمة

الله بارك فيكي ياقمر ربنا يكملنا علي خير جميعا

[احلى نونو]

وانتى كمان وحشتينى حاسه انك بقيتى مش بتدخلى كتير
وفى كتير سالوا عليكى
سنكوتش ايه يمكن اكل قطمه
بالهنا والشفا

[توتة السيد]

نون ياقمر الله يبارك فيكي يارب عقبالك يارب تخاوي حوكشة بنوتة قمر زي امها

[توتة السيد]

فعلا مش بدخل كتير بناكف في نور وريح شوية

سنكوتش تونة بالبصل وماحدش يقولي بصل باللليل طلبت معايا بقي انا مالي

حرنكش عايز ههههههههههههههههههههه

[نولارا]

هههههههههههههه
فكرتينى ياتوته
حماتى عندها افل انى اكون حامل الشهر ده

[توتة السيد]

ياختي يارب يارب يارب

وافل حماتك يتطلع صح

معاد البريود امتي

[نولارا]

لسه بدررررررررررررررى ياتوته
تقريبا 15 من الشهر ده
بس ما افتك رشششششششششش

[احلى نونو]

بالهنا والشفاااااااااا ياتوته عادى كلى براحتك عشان حرنكش مدام طلب

انا من كام يوم كلت فته تخيلى بقى وبرضه النونو طلب فكلت

[توتة السيد]

بدري ليه ماخلاص انهارده 4 اهو باقي 11 يوم

لا ان شاء لله خير وتكوني حبله بقي

[توتة السيد]

الله يهنيكي ياقمر

الله فته بحبها موت وكل يوم ابقي عايزة اعملها ومابلقيش حيل

[احلى نونو]

ابعتلك صينيه بحااالها
دى اسهل حاجه والله بقدر اعملها
اسلق اللحمه واعمل الرز واحضر الصلصه
يوم لما بغلب وبكون مش قاااادره بعملها

[احلى نونو]

بت يانورااااااااااا انا بعتلك اضافه ع الفيس بووووووووك

[نولارا]

انتى اسمك ايه يادعاء
مفيش حاجه وصلتنى
انا فاتحه اهوه

[توتة السيد]

تسلميلي يارب بالف هنا عليكي

هي سهله بس انا مابدخلش المطبخ غير بكمامة وبعمل كل حاجة سريع سريع

علشان الريحة

[احلى نونو]

هههههههه حلوه اوى مووضوع الكمااااااااااامه

نورااااا انا اسمى alaa elsayed mahrous

[دودى مجدى]

مفيش حد هنا ولا اية

[احلى نونو]

دودودو
حبيبتى عامله ايه
طمنينى الدكتوره قالتلك ايه

[دودى مجدى]

دعاء الحمد لله انا كويسة
الدكتورة كشفت على حمودى لقيتو كويس الحمد لله اهم حاجة
انا بقى اللى تعبانة وعندى التهاب فى عنق الرحم فكتبتلى على لبوس وتشطيف هستخدمو اهو وربنا يسهل وهو دة اللى عاملى المغص بس الحمد لله ان حمود كويس يا رب ما شذاشوف فية حاجة وحشة ابدا

[احلى نونو]

الف سلامه عليكى يادودى
ويارب انتى وهو دايما بخير
معلش مدام اديتك لبوس وتشطيف داومى عليه والمغص هيروح ان شاء الله

انا برضه حاسه ان فى هرش وحاجه بتاكلنى وعاوزة اروح اكشف لكن طبعا مش هكشف عند الدكتور ومفيش دكتوره نسا اللى موجوده فى اجااااااااازة فبعمل تشطيف باللى هوا بتاع ايفون لما اشوف

[دودى مجدى]

ربنا يشفيكى يا حبيبتى يا رب بس متسكتيش على الهرش دة

[احلى نونو]

الله يخليكى يادودى
هو مش متواصل ولا كتير وبقاله يويمن كده بس قولت اجرب التشطيف ده لحد مااشوف الدكتوره واروحلها لانى مستحيل الدكتور

[om arwa]

توتة مبروك التالت يا قمر عقبال التااااسع

دعاء وحشانى يا بت

دينا احلمدلله انك اتطمنتى

[دودى مجدى]

عاملة اية وازى نونتك

[دودى مجدى]

اة الحمد لله يا سما لسة قارية كلامك دلوقتى بس انا اللى عندى مغص على طول هاخد الدوا بقى وبا رب اخف

[احلى نونو]

سمااااااااااا
وانتى كمان واحشاااااااانى خالص
اروى ونونتك عاملين ايه
قربتى تخلصى الطوارئ ولا لسه

[om arwa]

ان شاء الله يا حبيبتى تخفى
معلش كل الحمل تعب

[om arwa]

اه ان شاء الله هخلصة الشهر ده
باقى 24 يوم بالظبط
يارب هووووووووووووون

[احلى نونو]

والله جملتك دى ياسما بتهون عليا

( الحمل كله تعب )

اااااااااااااه فعلا كل لما بتعب بقولها ياختى

[دودى مجدى]

ياة 24 يوم بحالهم هو طول اوى لية كدة انتى هتخلصى كليتك دى امتى يا سما

[om arwa]

اه يا بنتى سبحان الله اذا كان ربنا قال علية حملتة امه وهنا على وهن
سبحان الخالق عارف تعب الامهات

[دودى مجدى]

سما الدكتورة قالتلى بعد اما اولد هتعملى كى عشان عنق الرحم ملتهب جامد من وانا بنت قبل ما اتجوز هو الكى دة بيوجع ولا اية

[om arwa]

24 يوم اخلص الطوارىء
اما اخر الامتياز اخرة شهر اتني
بس الله اعلم هقدر اكمل ولا هانتخ
لان معاد ولدتى فى التاسع ان شاء الله فى شهر اتنين

[om arwa]

لا مش بيوجع يا دينا ان شاء الله

[احلى نونو]

ربنا معاكى ويعدوا بسرعه وتخلصى

دودى كنتى بتقولى بتحسى بحاجه فى بطنك من الشهر التانى كنتى بتحسى بيها فى انهو جنب اليمين ولا الشمال ؟

[دودى مجدى]

بجد يا سما ولا بتقولى كدة عشان تطمنينى بس

[دودى مجدى]

دعاء مكنتش بحس فيها فى مكان معين هى كانت نقرة كدة او زى نبضات فى بطنى بس مش قادرة احدد مكانها

[دودى مجدى]

سما طب هو الكى دة ازاى يعنى يعنى هتجيب مكوة وتحرقنى وازاى يعنى دة فى مكان حساس وهل ممكن العلاج يخففنى ومعملش العملية دى

[احلى نونو]

متخاااااااااااافيش يادودى انا مش دكتوره بس اكيد فى بنج وان شاء الله حاجه بسيطه
متفكريش فيها من دلوقت ركزى فى اللى انتى فيه وفى حمودى

[om arwa]

لا ان شاء الله ما يوجعكيش

[دودى مجدى]

مخوفنى اوى موضوع الكوى دة وخصوصا انى احتمال كبير اعملو فى مصر ومحمد بيقولى الدكاترة فى مصر مش اد كدة والامكانيات ضعيفة فخوفت اكتر

[om arwa]

لا من غير بينج
هى بتجيب اه حاجة بتعمل بيها كى اداه وتكوى بيها عنق الرحم بس اصلا
عنق الرحم مفيهوش احساس فانتى مش هتحسى
بصى دى بتيجى من هرمونات الحمل ومشهورة اوى تبقى موجودة بعد الولادة بس بتروح فى خلال كام شهر
يعنى انتى استنى لو مارحتش ابقى اعملية

[احلى نونو]

يااااااااااابنتى متخاااااااااااافيش سهل ان شاء الله
طيب هو لازم بعد الولاده مباشره ؟ ولاينفع تستنى لما تيجى ترجعى وتعمليها هنا
وحتى لو فى مصر مش كل الدكاتره مش كويسه لو هتعمليها فى مصر اسالى على دكتور شاطر وكزا حد مجربه وروحى

[om arwa]

هههههههههههههههه
ليه هو محمد دكتور نسا
يا بنتى هنا الدكاترة ممتزين
ده فى السعودية ممكن يكون مستواهم اقل

[دودى مجدى]

محمد معجب اوى بالامكانيات هنا عشان الدكتورة اما كشفت عليا فى اداة كدة حديثة بتفتح بيها عنق الرحم من غير ما يوجع هى فى منها فى مصر

[دودى مجدى]

ممكن يكون محمد بيتكلم على بورسعيد عشان بلد صغيرة وكدة بس ما الستات فى بورسعيد بيولدو زى العفاريت

[احلى نونو]

انا مسمعتش عنها فى مصر يادينا
بس الله اعلم يمكن فى دكاتره كبيره اتطوروا وجابوا البتاعه دى

لان لسه من قريب وحده قريبتى كانت بتعمل اشعه بالصبغه وبتقولى على البتاع اللى بيفتحوا بيه عنق الرحم وبتقولى كانت بتصرخ

[om arwa]

ايوة الة بتتفتح كدة زى البق صح
يا بنتى دى ادوات دكاترة النسا العاديين

[دودى مجدى]

اة زى البق كدة وشفافة طب ما هى مصر فلة اهى هقولو بقى

[om arwa]

انتى هتولدى ىف مصر يا دينا صح

[احلى نونو]

بنات ايه ام اياد باعتلكم السلام وبتقولك سلامتك يادودى

كانت فاتحه الفيس بس قامت تحاول تنام قبل مااروى تصحى

[om arwa]

الله يسلمهااااااااااااااااا

[دودى مجدى]

ايوة يا سما هولد فى بورسعيد ان شاء الله
الله يسلمك ويسلمها يا دودو سلمى عليها كتير وقوليلها الله يعينك على اروى

[احلى نونو]

بتسلم عليكم والله
انا دخلت وهيا كانت هتقوم بس كلمتنى شويه صغننه وقامت
بسالها على اروى بتقولى نامت بعد وصله عياط وزن رهيييبه

[احلى نونو]

البت ايويويوا مدخلتش النهرده

اللى يشوف ياسمين وهاجر وهدير يسليملى عليهم كتييييييييير وحشونى

[دودى مجدى]

انا هقوم انام عاوزين حاجة يا بنات تصبحو على خير

[احلى نونو]

ملحقتيش تعدى يادودى
وعامه وانتى من اهل الخير ياجميل . نتقابل ان شاء الله بكره وبوسه لحمودى

[om arwa]

خلاص هتتقلبى يا دينا

[دودى مجدى]

معلش يا بنات عشان اشوف محمد واخد التحميلة وانام اشوفكو بكرة ان شاء الله سلام

[احلى نونو]

سما انتى كمان مشيتى ولا ايه ؟

[om arwa]

لا اانا هنا يا دوددو

[احلى نونو]

ماااااااااااشى ياسمسمه
انا فكرتك مشيتى

[اسماء ف]

حد هنا يا بنات

[أم إياد]

صباح الخير يابنات
حد هناااااااااااااا؟؟

[gogo]

البت ايويويوا مدخلتش النهرده

اللى يشوف ياسمين وهاجر وهدير يسليملى عليهم كتييييييييير وحشونى


الله يسلمك يادعاء انتى كمان وحشانى بس بدخل مبلاقيش حد ان شاء الله المواعيد تتظبط

[gogo]

أيه فينك يابنتى واروى عامله ايه معاكى
بعتلك باركتلك على الفيس وسألت عليكى وانتى ولا هنا ايوه ياعم من لقى احبابه نسى اصحابه زمان اروى مجنناكى

[gogo]

اممممممممممم محدش ناوى يجى

[دودى مجدى]

يا بنات استفسار هو غلط لو اتشطفت بدش مهبلى

[دودى مجدى]

يا رب يا سما تدخلى وتشوفى سؤالى عشان محدش رد على امى

[رنا خالد]

غلط يادعاء طبعا تتشطفي بيه
الدكتوره بتاعتي كانت عامله ورقه فيها المحظورات اثناء الحمل
منها الدش المهبلي
ازيك ياجوجو وحشاني ياقمر عاملين ايه كلكم ياحلوين
هدخل اصلي واتغدي واجي
يارب الاقي حد بقي

[AyoyA]

السلام عليكم يا نسووووووووووووووان
ازيك يا هاجر عامله ايه
عارفه انا متكلمتش معاكى كتير بس
حلمت بيكى حلم حلو وكل ما اخش عايزة اقول لحد علشان لما مكنش موجوده يقولولك
المهم انه هو حلم جميل
يااااااااااااااااااااارب يبقى خير ليكى
ان شاء الله

[دودى مجدى]

رنا طب دلوقتى دكتورتى هى اللى قالتلى استخدمية بس ميكونش داخل جامد يعنى شوية كدة لانى عندى قرحة فى عنق الرحم ومهما اتشطفت خارجى مش هياثر وكمان انا تعبانة منها جدا وعملالى مغص فظيع اعمل اية انا بقى

[رنا خالد]

مش عارفه والله يادينا طالما قالتلك كده خلاص اسمعي كلامها وربك يسلم
والف سلامه عليكي ياحبيبتي

[دودى مجدى]

الله يسلمك يا رنا متحرمش منك على الرد وربنا يستر

[رنا خالد]

محدش هنا ولا ايه
ياختتتتتتتتتتتي منك ليها لوها لاها

[دودى مجدى]

انا هنا اهو

[توتة السيد]

العواف يابناويت حاملين ايه

[دودى مجدى]

ازييك يا بت يا توتة اخبارك اية وانتى والنونو ونور

[رنا خالد]

يابنات انا هصبغ شعري واعمله هاي لايت كمان يومين في الكوافير
عايزه اعرف اجبلها انا الصبغه احسن ولا لا
وايه احسن نوع صبغه
اللي عنده علم يقولي

[توتة السيد]

الحمد لله ياقمر بخير انت عاملة ايه الف سلامة عليكي ياقمر

[توتة السيد]

اي دونت نو يارنا ازيك يامزة الاول عاملة ايه ولوجي اخبارها ايه

[رنا خالد]

توتي حبيبتي هنا
ازيك ياقمر
لوجي بتسلم عليكي وبتبوسك من هنا ومن هنا وبتبوس نور كمان
ازيها عامله ايه لسه مغلباكي ؟

[رنا خالد]

عندي مواعين كتييييييييييييير
حد يجي يساعدني اهئ اهئ
حاسه اني كسانه وعايزه انام
ونفسي غامه عليا ودايخه
هههههههههههههههه بقيت زي الحوامل ياخراشي

[دودى مجدى]

الحمد لله يا توتة الله يسلمك متحرمش منك

[رنا خالد]

شكليي بكلم روحي ومافيش حد هونا
اخش اغسلهم بقي وامري لله لحد مايجي حد

[نولارا]

بخخخخخخخخخخخخخخ
توته
رنا
اخباركم ايه

[دودى مجدى]

رنا راييى بلاش الصبغة اللى عند الكوافيرة لان بيبقو حاطيين فيها اوكسجين وبلاوى زرقة ومنتيش عارفة هى عاملاها ازاى بيجيبو اردا الانواع ويعملو بيها عشان يسترخسو وياخدو منك فلوس كتير ممكن تنقى انتى اللون اللى يعجبك وتشترية من الصيدلية وتديهولها تعملهولك ومهما قالتلك دى نتيجتها مش حلوة اوى زى اللى انا بعملها انا بتاعتى ايطالى ولا تركى متسمعيش كلامها لان مامتى اتلسعت منهم مية مرة والصبغة بتاعتهم دى بتخلى شعرك ليفة ويقشقش ويتقصف ويبوظ احست نوع صبغة فى مصر يا اما جارنيية بتاع هند صبرى او باليت ممتازة اوى عن تجربة سنين مامتى بتستخدمهم

[دودى مجدى]

يا بت يا رنا اصبرى كنت بكتبلك الكلام شكلك خلقك كنز على راى كيداهم خلية استرتش شوية

[دودى مجدى]

نورا ازييك وازى الواد موكشة وازى جوزك عامل اية اتاقلم ولا لسة

[نولارا]

ازيك يادينا
جوزى ياختى محيرنى
المره اللى فاتت معرفتش افهم حاجه منه لان امه واخواته كانوا جنبى
المره الجايه ان شاء الله هاستفرد بيه واقرره هههههههههههههههههههه

[دودى مجدى]

ربنا يصلحلكو الاحوال يا رب عاملة اية يا نورا كويسة
بقولك اية قةليلى طريقة البطاطس البيضة دى بالتفصيل الملل وهل بتبقى حادقة يعنى ولا حلوة

[دودى مجدى]

نورررررررررررراااااااااااااااااااااااااااااااااااا اااااااااااااااااااااااااااا
روحتى فين

[نولارا]

بتكون حادقه يادينا
هى للفطار او للعشاء
بتقطعى البطاطس صوابع
وعليها فص توم وملح وكمون
وتغطيها باللبن
وتسيبيها تستوى فى اللبن بتاعها وتشربه
بس طبعا بتقلبيها كل شويه لانها بتلزق
وممكن بعد السوا تدخليها الشوايه عشان تاخد وش
وبالهنا والشفا
لسه فاطره بيها النهارده انا واحمد

[دودى مجدى]

اول مرة اسمع عنها دى اللى باللبن حماتى عملتهالنا كانت جميلة اوى برضو زى طريقتك دى بالظبط بس بدل اللبن حاططلها شوية مية لكن ام لبن دى هجربها

[نولارا]

كان عندى هدوم قمت نشرتها معلش
سلفتى اللى فوقى جيت انشر بالنهار قالتلى انا هانشر
فاستنيت لحد ما غسيلها بطل تنقيط

[نولارا]

ان شاء الله هتعجبك يادينا

[دودى مجدى]

ماشى يا حبيبتى ولا يهمك كويس انك خلصتى من النشير شغل البيت دة مبيخلصش

[دودى مجدى]

اكيد هتعجبنى كفاية انها بطريقتك يا عسل هعملها واقولك ان شاء الله

[نولارا]

دى طريقه خالد
طول الخطوبه يقولى عليها
ولما جيت بقى علموهالى
نسيت اقولك ابقى حطى معلقه زيت

[دودى مجدى]

زيت وسمنة ولا زيت بس

[نولارا]

زيت بس يادينا وموش كتير

[دودى مجدى]

ماشى منك نستفيد ازى الواد موكشة بيعمل اية اكيد بينكشلو درج ولا بيهرد درفة دولاب

[نولارا]

ههههههههههه
لا نايم يادينا
عشر دقايق كده وتلاقى الشقاوه كلها صحيت ههههههههه
وهيسهر كده بقى النهارده كتير
النهارده وقفته فى البانيو عشان احميه
اخد منى الشفشق اللى بصب عليه بيه
وقعد يملاه ميه ويرش عليا ههههههههههه
وموش راضى يديهونى
دخلت جبت واحد تانى من المطبخ وحميته بيه

[توتة السيد]

انا هرمي نور من الملكونة ياقوي توكلت علي الله هوووووووووووووووب

[نولارا]

هههههه
استنى ياتوته انتى تعبتى فيها برضه هخههههههههههههه

[دودى مجدى]

توتة بداتى نقار مع نور هههههههههههههههههههههههههههههه

[توتة السيد]

اوعي يانورا ماتمسكنيش لازم احدفها دي بت غتاتة وعي اوعوا بقي ياجماحة

[توتة السيد]

وهو احنا بنبطل ابدا يادينا البت شقية بدرجة ياستير عايزة واحد بتاع كمال اجسام يقدر

يجري ورها

[توتة السيد]

والله تعب الحمل والولاده اسهل كتييييييييييييييييييييييييييييييييييييييييييييييير من ما بعد الولاده

[توتة السيد]

ايه الطرقعه دي روحتوا فين

[دودى مجدى]

الله يكون فى عونك يا توتة ويقويكى

[توتة السيد]

يارب يارب يارب بتغطسي فين

[دودى مجدى]

انا اهو يا اوختى بتفرج على مسلسل الريان مع حماتى

[نولارا]

الشقاوه اللى فى الدونيا كلها
صحيت من النوم وبيناكف فيا بقى
توته افتحى الفيس نلوك شويه

[توتة السيد]

هههههههههههههههههه الريان كنت متبعاه في رمضان وكنت عايزة اطخ بدرية عيارين

[توتة السيد]

اوك يامزة ابعتلك شقاوتي تحطيها علي شقاوتك يااختي

[دودى مجدى]

دى لسة تانى حلقة على دريم 2
ربنا يخليلكوولادكويا رب ومعلش الشقاوة دى ضريبة الامومة

[توتة السيد]

انا فتحت الفتيس يابت فينك

[توتة السيد]

اه لسه في البداية

يارب ويقومك بالف سلامة ياقمر وتعيشي بقي وتدفعي الضرايب

مصلحتك اولا ههههههههههههههههه

[دودى مجدى]

هههههههههههههههههه يا رب ان شاء الله دة حمودى بقى هيخلينى انا الللى ارمى نفسى من البلكونة

[دودى مجدى]

اما اقوم استحمى بقى وامرى الى الله

[رنا خالد]

في موزز هنا

[gogo]

رنا انتى هنا ولا مشيتى

[gogo]

رنا لو هنا خمس دقايق ورجعالك

[دودى مجدى]

تعالو كلو معايا كشرى بالدقة حكاية عمايل ايديا وحياة عينيا

[malak ahmed]

مـــؤلـــمٌ أن تـــرى بـــعـــيـــنـــك مـــن يـــجـــرح فـــيـــك. و لـــكـــن لا تـــســـتـــطـــيـــع أن تُــــخـــبـــره بـــذلـــك . . لـــيـــس لأنّــــك ...خـــجـــول.... لـــيـــس لأنّــــك مـــخـــطـــئ بـــحـــقّــــه.... بـــل لأنّــــه قـــطـــعـــه مـــن روحـــك . . . . . . . فـــيـــصـــعـــب عـــلـــيـــك أن تـــقـــول لـــروحـــك أنـــتـــي روح جـــارحـــه

[gogo]

بالهنا والشفا يادودى
عامله ايه

[دودى مجدى]

الحمد لله يا هجورة ازييك انتى يا حبيبتى
بت يا ام ملك ازييك وازى ملك

[gogo]

نهاد ايه الكئابه دى يابنتى الواحد مش ناقص
هاتلنا حته فرايحى كده

[malak ahmed]

ازيكم يا بنات

واخيييييييييييييييييرا خلصت النهارده المطبخ والحمام والبلكونه ودول يبقو اخر حاجه

لسه بس هلمع الازاز والمرايات وهرتب الانتيكات واظبط المفارش

[gogo]

طب كويس يابنتى انا لومكانك كنت خلصت الشقه ف يوم واحد
وانتى عملالى حفله على الشقه

[malak ahmed]

من الكبت اللي فيا يا هاجر هههههههههههه ازيك عامله ايه انتي وهاني ووالده اخبارو ايه دلوقتي

دودو يا ام زربيح متعمليش دش مهبلي

بصي سلفتي من امبارح وهي بتهرش وبتنزل عليها ميه صفرا راحت للدكتور النهارده وصفلها لبوس مهبلي ودهان خارجي بس

[دودى مجدى]

سيدى يا سيدى بس خديلك رست عشان الراجل ميجيش يلاقيكى مدغدغة ومش نافعة جوزك جاى امتى يا نهاد

[gogo]

تمام الحمد لله والوالد بقى احسن كتير الحمد لله

[دودى مجدى]

يا نهاد الدكتورة هى اللى قالتلى استعملو وانا معنديش التهابات بس لو كدة كنت استحملت لكن عندى قرحة فى عنق الرحم ولازم الدش عشان تتعالج بس طبعا مش لجوة اوى

[malak ahmed]

يا هاجر انا مش بروق البيت الترويق العادي بتاع البني ادمين لا ده انا قلبت البيت راسا علي عقب ونفضته

وما ادراكي بالتنفيض وملك هانم معايا هههههههههه كل شويه اسربها ف حته شكل وبعدين شقتي واسعه اوى وتتهب

دي فيها 12 شباك غير البلكونه وشباك المطبخ والحمام حاجه تقرف

[gogo]

12 شباك ليه يابنتى قاعده ف عماره لوحدك
بدام الشقه صعبه كده ياناصحه كنتى جبتى حد نضفهالك وخلاص اريح كتير

[malak ahmed]

يا حبيبتي يا دينا الف سلامه عليكي ربنا يشفيكي يارب

جوزي هييجي يوم 12 الشهر ده ان شاءالله اللي هو الاربع بتاع الاسبوع الجاي


ربنا يكمل شفاء حماكي علي خير يا هجوره

[malak ahmed]

لا يا هجوره مش بحب حد غريب من الستات دول ييجو شقتي وبعدين انا بحب اعمل كل حاجه بايدي عشان احس انها نضفت

امي كانت بتجيلي كل يوم تشيل ملوكه وتتغدا معايا هي واخويا

[دودى مجدى]

يا حبيبتى يا نهاد كنتى جيبتى واحدة تساعدك على راى هاجر الله يسلمك متحرمش منك
هاجر سلامة حماكى الف سلامة اول مرة اعرف انو عيان ربنا يشفى عنو يا رب

[gogo]

طب الدكتوره كتبتلك لبوس ولالا يادودى
اصل انا بسمع ان الدش المهبلى وحش

[malak ahmed]

طالب مسطول في امتحان
.
.
.
.
.
.
.
.
س : ماذا تعرف عن اشهر قاده الحرب العالميه الأولى ؟؟؟
ج : كلهم ماتو

س : اعط مثالا للاشياء التي لا تذوب في الماء ؟؟؟؟
ج : السمك

س : اذا اعطاك شخص برتقاله ماذا تقول له ؟؟؟
ج : قشرها

س : حول عبارة " تذهب امي الى السوق " إلى صيغه الماضي ؟؟؟؟
ج : تذهب جدتي الى السوق

س : خمسة بنطلونات + خمسة قمصان + اربعة احذية فما الناتج ؟؟؟؟
ج : خمسة رجال واحد منهم حافي

[malak ahmed]

مرة واحدة بتكلم ابن عمها عالنت ،
و عمالة تغلس عليه بس هو مش راضى يرد عليها ..
آخر ما زهقت منه قالتله :
.
.
... ... .........
خد الكبيرة بقى !
أنا ماشية مع حسام صاحبك بقالنا سنتين ،
و بنتكلم كل يوم اكتر من اربع ساعات ،
و بنخرج كل أسبوع سوا :)

فرد عليها و قالها :
خدي إنتي الأكبر منها بقا
.
.
.

أبوكي قاعد جنبي ... :))

[gogo]

هههههههههههه ايوه كده يانهاد حلوه النكت
بس ايه حكايه ال12 شباك دى اول مره اسمع ان شقه فيها 12 شباك

[دودى مجدى]

ايوة يا هاجر كتبتلى لبوس لمدة 6 ايام متتالية بس انا سالتها 3 مرات على الدش المهبلى دة استخدمو لانى برضو بسمع انو غلط قالتلى استخدمية بس مش جامد تشطيف حلو عشان تخفى وانا خايفة منو اصلا استخدمتو مرة وقولت اطنش مكنتش قادرة من الوجع مغص رهيب من القرحة دى وهتعملى كى ان شاء الله بس بعد اما اولد

[malak ahmed]

بكره حنه صاحبتي الانتيخ اللي من ايام ابتدائي معايا اسمها رنا هروحلها بكره من غير ملوكه هسيبها عند ماما

بس رنا قالتلي لو مجتيش الفرح هزعل منك لانها جت فرحي وانا مش هعرف اروحو طبعا م البت مع انه قريب هيبقي ف الفندق اللي جنب الفندق اللي كان فيه فرحي في راس البر بس بردو مش هينفع الجو بيبقي برد بليل

[malak ahmed]

متخافيش يا دينا من الكي ده انا بسمع عنه بس معرفش حد عملو خير ان شاءالله وربنا يقومك بالسلامه وتشوفي حوده في حضنك وبيضحكلك

[دودى مجدى]

الله راس البر بحبها اوى بتفكرنى بالصيف وانا صغيرة وكمان لحد قبل ما اتجوز بابا كان بيفسحنا فيها يوم كدة باليل فى شارع النيل ونجيب فطير من عند دعدوووووووووووور

[gogo]

ان شاء الله العلاج يجيب نتيجه يادودى وتبقى كويسه
بس انا اكتشفت اهم حاجه ف علاج الالتهابات ودى الى قضت على الالتهابات عندى التهويه الكويسه مهما خدتى علاجات وغيرتى كتير اهم حاجه المنطقه متبقاش مكتومه علطول

[دودى مجدى]

يا رب ربنا يسمع منك يا نهاد يا رب ويجى بالسلامة يا رب

[gogo]

الكى سهل جدا منا عملته متحسيش بحاجه بعد الولاده لو لسه موجوده اكويها

[malak ahmed]

هحكيلك حكايه شقتي ياهاجر

زمان كان البيت ف الدور شقتين وبعدين جوزي واخوه هدو البيت وخلو الدور شقه واحده وبنوه علي كده

اوضه النوم فيها شباكين واوضه الاطفال كمان 2 وفيه صاله كده بين الاوضتين فيها شباك كبير اووووى

نيجي بقي للصاله الكبيره عباره عن 4 اجزاء جزء صالون بشباكين وسفره بشباك وانتريه بشباك كبير بردو وعامود ف النص كده والحته الرابعه شباك بردو

نيجي بقي للباقي فيه طرقه كده علي شمالك الحمام وعلي يمينك المطبخ وفيه البلكونه وبححححححححححح ههههههههه

[دودى مجدى]

ازاى يا هجورة يعنى التهوية دى يعنى الواحدة تسيبها على الله كدة

[malak ahmed]

انتي تعرفي دعدور يا دودو ايوة كده تحيا مصر ههههههههه

اكيد تعرفي فتوح بردو وحرات وبزوم وهيليوبلس ياااااااااااااه من زمان مروجتش مع اني بيني وبينها دقيقتين بس بالمركب

[malak ahmed]

ازاى يا هجورة يعنى التهوية دى يعنى الواحدة تسيبها على الله كدة

هههههههههههههههههههههه

[gogo]

هههههههههههههه ضحكتينى والله يادودى كله على الله طبعا
بس انا مقصدش انك تهوى دماغك انا اقصد انك تهوى المنطقه يعنى معظمنا بيلبس ترنجات والبناطيل بتبقى كاتمه التهويه عن المنطقه
يعنى انتى مثلا كل يوم سيبى المنطقه من غير ماتغطيها تتهوى شويه ودخلى الجلاليب ف لبسك لانها بتدى فرصه للتهويه اكتر
وكمان كل هدومك الداخليه تبقى اقطان

[دودى مجدى]

الله يكون فى عون مامتك يعنى عملتى 12 ستارة يا لهوى على التكاليف عارفة يا بت يا نهاد انا عاملة ستايرى فى دمياط عند محل اسمو لمسة وكمان عفشى من دمياط من البيت الايطالى

[gogo]

نهاد هو البيت قبل ما يهدوه مكنش فيه شبابيك ف قالوا ينتقموا ف البيت الجديد ولا ايه
الله يكون ف عونك دنتى كده قاعده ف مسرح مش شقه يابنتى

[رنا خالد]

حاسه اني هايجرالي حاجه من البت بنتي دي
والله ارفتتتتتتتتتتتتتتتتتتت

[malak ahmed]

طب كويس يا دودو انك عملتي من عندنا احنا ميعلاش علينا في الموبيليا ولا ايييييييييييييييييييييييييه

انا عملت عفشي عن واحد مجبتوش جاهز لان فيه جاهز خشبه مش حلو اوضه النوم كانت ب 25 الف والاطفال ب 19 ونص والسفره ب 17 والانتريه كلو علي بعضو 12 والصالون مش فاكره كان بكام

جوزي طبعا هو الي جاب الاوض واحنا جبنا تبعا للتقاليد السفره والصالون

[دودى مجدى]

والله يا هاجر كل هدومى قطن من وانا بنت وكمان بقيت بلبس جلاليب عشان استك البنطلون بيدايقنى الايام دى بس انا الموضوع عندى من زماااااااااااااااااااااان من وانا بنت قبل ما اتجوز كنت مهرية وطبعا مش عارفة اتعالج لانى لسة بنت فتفاقم بقى

[رنا خالد]

انتي جايبه عفشك من سيتي ستار ولا ايه يانهاد
الاسعار غاليه اوي
دي نفس اسعار سيتي ستارز واغلي كمان
واوضة الاطفال دي سعرها خيالي يابنتي

[gogo]

بت يارنا تصدقى لو الكلمتين دول زى كل مره ترميهم وتمشى هعلقك على باب المنتجع

[malak ahmed]

نهاد هو البيت قبل ما يهدوه مكنش فيه شبابيك ف قالوا ينتقموا ف البيت الجديد ولا ايه
الله يكون ف عونك دنتى كده قاعده ف مسرح مش شقه يابنتى

هههههههههههه شكلهم كده دول عاوزين يعجزونا بدري

[دودى مجدى]

ايوةيا بت يا نهاد دة انا حافظة راس البر ودمياط وروحتهم كتير يا بنتى البورسعيدية والدمايطة واحد دة احنا بينا نص ساعة بس

[gogo]

ههههههههههههه يارنا ناس معاها فلوس البت نهاد دى شكلها على قلبها قد كده هجومممممم ياعيال

[malak ahmed]

ازيك يا رنا عامله ايه مالها لوجي بس قرفاكي ليه هههههههههه

احنا عندنا الاسعار كده والله يارنون لاني مش جايباهم جاهزين عاملاهم عند واحد وواخد علي قلبو مصنعيه قد كده لان الخشب كلو كويس وعمي هو اللي باشر علي شغل الراجل

[دودى مجدى]

انا برضو مجيبتش جاهز عفشى كلو عمولة بس انتى حاجتك غالية ما شاء الله لا انا عفشى ارخص بكتير لانو كلو امريكان مفيهوش اويمة خالص ولا مدهب فتكاليفو اقل يا دوب حق الخشب والمصنعية وبالنسبة للدفع قسمنا الفلوس بالنص هما النص واحنا النص لاننا جايبين اربع اوض نوم واطفال وسفرة وانترية

[رنا خالد]

لا ياهاجر انا بايته هنا ها
وحشتيني علي فكره اوووووووووي
دودي سلامتك يابتاعة الدش المهبلي انتي والهدوم الداخليه القطن يافضيحه هههههههههههه
نهاد متهديش نفسك في الشبابيك لحسن لو جوزك جيه لقاكي مهدوده هيرميكي منها ههههههههههههههههه

[malak ahmed]

ههههههههههههه يارنا ناس معاها فلوس البت نهاد دى شكلها على قلبها قد كده هجومممممم ياعيال

ههههههههههههه ده انا غلبانه اوووووووى



كويس يا دودو عشان نبقي نشوف بعض لما تيجي بالسلامه

[دودى مجدى]

رنا ازييك يا بنتى انا هدومى داخليا او خارجيا كلو قطن مية فى المية والله حتى بيجامات البيت مبلبسش الا القطن عشان يبقى حنين عليا

[رنا خالد]

ده راجل حرامي لايموني عليه اجي اعلقه من صوابع رجله هههههههههههه
اوصفولي الشقق بتاعتكم بقي وياريت تصوروها
هههههههههههه مهبوشه في عقلي انا

[gogo]

يارنا مبسمعش منك غير وحشتينى وبتختفى
رانيا مظهرتش لحد الوقتى عايزين نطمن عليها

[malak ahmed]

مانا اتهديت خلاص يارنا لسه اسبوع وييجي ان شاءالله يادوبك الحق استعيد صحتي فيهم

[رنا خالد]

انا زيك يادودي من زماااااااااان
انا اشم ريحة البوليستر من علي بعد 100 كيلو
واعرف اميز جدا البجامات القطن من البجامات الصيني اللي نازله اللي تشبه القطن دي
لو لبست حاجه مش قطن اقعد اعييييييييط هههههههه

[دودى مجدى]

ايوة يا نهاد انا لو نزلت دمياط هجيلك وانتى لو جيتى بورسعيد ادينى ميسد بس وانا اجيلك على جناح السرعة بس يا رب مكونش مفستكة فى الاواخر كدة ووارمة

[malak ahmed]

انا وريت لتوته شقتي يارنا عالكام بس شافت الاوض والصاله بس كان نفسي اوريها المطبخ والحمام ههههههههه

مطبخي لوحدو قد نص البيت

[توتة السيد]

ياناس حد يفتحلي البلكونة هرمي نور منها وخلص واحنا الدور السابع يعني فل

[gogo]

وتلاقيكوا انتوا الاتنين عمركوا ما شفتوا اقطان ههههههههههههههههههههه

[رنا خالد]

انا رحت راس البر مره واحده
واتمشيت في شارع النيل واكلت من عند بلبول الحلواني وركبت مركب في الجربي
بس محافظه حلوه والله انا كنت فاكراها شعبيه ومكنتش راضيه اروح بس لما رحت عجبتني

[malak ahmed]

انا جيت بورسعيد كتييييييير قبل كده يا دينا اصل اختي كانت ف هندسه عندكم وكنا بنروحلها

بس تعرفي بورسعيدسامعه انها اتغيرت اوى الحاجه ولعت فيها صحيح؟

[gogo]

بت ياتوته ساعتها هتلاقى جوزك بيدلقك وراها من نفس الدور هههههههههههههه

[رنا خالد]

لا انا شقتي صغننه 80 متر بس
مع ان احمد عنده شقه تانيه واسعه وحلوه بس في منطقه مقطوعه بعد العاشر من رمضان ولما وريهالي قولت لا خليني انا احسن مدينة نصر عمرانه واشيك بكتييييييير
بس اتخنقت من الضيق بصراحه وبنفكر نعزل بس كمان كام سنه نبيع الاتنين بقي ونجيب شقه واسعه في مدينة نصر برضه

[رنا خالد]

توته عايزه ترمي نور اوبا
طب احدفلك لوجي يااوختتتتتتتتتي

[دودى مجدى]

رنا انا شقتى محندقة وصغنونة تدخلى من الباب تلاقى الصالة على طول فيها سفرة وانترية وعلى اليمين مطبخ مفتوح انا بيتى كلو امريكان وفى وشك تلاقى اوضة الاطفال وجمبها اوضة النوم لزق مفيش فواصل وعلى الشمال الحمام شقتى مكشوفة على بعضها يعنى اللى قاعد فى الانترية يشوف اللى فى الحمام ههههههههههههههههههه بس موقعها حلو اوى بشوف البحر وشقة سلفتى جمبى وزى بتاعتى بالظبط وتحت حماتى بقى ضحكت علينا وخدت شقتين فتحتهم على بعض بس معنديش صور خالص فى فيديو بس على تليفون جوزى

[malak ahmed]

ليه بس ياتوته مش بقولك شكلها مظبطاكي ربنا يهديهالك يارب


رنا ابقي تعالي تاني دي راس البر اتغيرت اووووووووووووووى وعملو حاجات حلوة اوى ومتخافيش هتتبسطي جدا منها انا السنه اللي فاتت روحت انا وجوزي اجرنا شقه عالبحر وقعدنا فيها اسبوع ايام حملي الاولاني بجد ايام لا تنسي

[دودى مجدى]

توتة اغزى الشيطان يا بنتى دة انتى بترميها فى اليوم مية مرة هههههههههههههه
نهاد بورسعيد بقت جميلة اوى هى اصلا طول عمرها جميلة واحلى محافظة فى مصر كلها والحاجة يا اوختى غالية فى كل حتة مش فى بورسعيد بس لكن المستورد بيبقى سعرو مرتفع ان مانعين المنطقة الحرة انتى عارفة

[دودى مجدى]

سكتتو فجاة لية خير اللهم اجعلو خير

[توتة السيد]

سبوني ياجماعة ماحدش يمسك فيا لازم احدفها البت ياباي يامه ايه ده

[رنا خالد]

هاجي واقابلك ان شاء الله يانهاد انتي وملوكه
انا بقي يادودي شقتي عباره عن رسبشن قطعه واحده في الانتريه والسفره وبعدين طورئه المطبخ والحمام علي يمينك والليفنج علي شمالك واوضة النوم في وشك والبلكونه بتاعتي في اوضة الليفنج كبيره وواسعه
بس انا كنت حابه شقتي تبقي 3 اوض بحب الشقق الواسعه
انا نظام شقتي الانتريه والسفره كلاسيك اما اوضه الليفنج والنوم مودرن
حبيت اعمل كولكشن
وعامله بيت نور حلو اوي في الرسبشن دي اجمل اوضه عندي فخمه اوي لما بلاقي نفسي ارفانه بروح اقعد فيها هههههههههههههه اهو تغيير جو

[gogo]

بوسعيد جميله فعلا يادودى وليها معزه خاصه عندى لانى انا وهانى ف شهر العسل قعدنا كام يوم ف اسكندريه ويومين ف بورسعيد انا كنت اول مره اروحها وحسيت ان روحها حلوه وانبسط فيها اوى
بس بطلى هتش ههههههههههه احلى محافظه ف مصر هى اسكندريه بلا منازع

[توتة السيد]

انا شقتي الحمد لله واسعة برضه بس مش زي بتاعة نهاد نهاد شقتين وفتحوهم علي بعض

انا شقة وحده بس واسعة نظامها كالاتي في الرد اللي جاي بقي هههههههههههههههههه

اسلوب تشويق

[رنا خالد]

http://forum.hwaml.com/imgcache2/hwaml.com_1317768720_204.jpg
راحه يوم الجمعه للكوافيره وعايزه اعمل شعري عسلي وهاي لايت تلجي زي الصوره دي
يارب بقي يطلع زي مامتخيله

[دودى مجدى]

رنا على فكرة شقتك شكلها شبة شقتى اوى انا شقتى 100 متر صغنونة بس حلوة انا بحب الشقق المحندقة عشان متعبش فى التنضيف ولونى اما كنت فى مصر كنت هارية نفسى تنضيف ومسح زى ما يكون عندى اطفال بيعملو بيبى على روحهم

[gogo]

انا شقتى 100 متر تقريبا اول ما تدخلوا تلاقوا رسبشن قطعتين واخد سفره وصالون
وعلى الشمال اوضه الى هيا فيها الانتريه
وعلى اليمين صاله طويله فاصله الريسبشن عن الشقه ف اخرها اوضه النوم والحمام
والمطبخ وانتى ماشيه فيها على ايدك اليمين
ياسلام ايه الوصف الدقيق ده باش مهندسه

[رنا خالد]

احلي محافظه في مصر شرم الشيخ بلي منازع وبلي منازيع كمان
حته من الجنه
وهم
خيال
فين ايام الهني مون ياسمعه

[malak ahmed]

بنات تصبحو علي خير اشوفكم بكره ان شاءالله

هقوم اناااااااااااااام لاني رايحه الحنة بكره عقبال ولادكم يا امهات وعقبال ماتقومو بالسلامه يا كرومبات وعقبال يا هجوره مانشوف كرشتك وتفرحينا عن قريب يااااااااااااااااااارب بس انتي استقري يختي ف حته واركزي كده هههههههه

شكلك هتفرحينا وانتي هنا يااااااااااارب اسمع منك واتقبل

[gogo]

حلو اللون اوى يارنا ياريت تجينى الشجاعه واعمل شعرى ف يوم من الايام
لو رانيا هنا كانت ردت وقالت
خليكى لفاه كحكه كده وحطاه ف قفاكى وفرحانه بيه ههههههههههههه

[gogo]

ههههههههههههه كرشتى متخافيش موجوده من غير حمل
ربنا يسمع منك يانهاد وساعتها هبقى اجى اسدلك كام شباك علشان يريحوكى ههههههههههه
تصبحى على خير

[توتة السيد]

ليها بابين بقي باب علي اوضة الانترية وباب الشقة الاصلي

اوضة الانترية واسعة وفيها اسمه ايه البلكونة الكبيرة روف باين

مش عافة الاسم ياكثوفي داهلة اللي هي بلكون كبيرة وفيها قعده بقي

نجي بقي نخرج من اوضة الانتريه

نتخبط علي الشمال اوضه النوم تدخلي فيها حمام لوحديها

وفيها ملكونة وشباك تخرجي من اوضه النوم تلاقي بقي عامل سيدو اسمه ايه يانهار مدوحس

الاسماء ضاربة عندي زي بتاعة كده ابت منك ليها اللي هي بتقسم المكان يووووووووة المهم

جزءفيها السفرة وجزء النيش

نخل جمبها علي اوضه الاطفال بقي

وجمبها حمام لوحدها

وبعد كده تدخلي علي المطبخ بقي واسع وفيه شباك الامنتال كبير بيطل علي الخضرة

بس كده يوة

[دودى مجدى]

رنا حلو اوى لون الصبغة دى انا كمان نفسى اعملو اوى كدة بس مستنية اسال الدكتورة عشان الحمل هعملو قبل ما اولد ان شاء الله
رنا اقرى ردى عليكى بتاع الصبح عن الصبغة وقوليلى يعنى اية بيت نور دة عاوزة اعرف

[رنا خالد]

طب ماتعمليه ياهاجر ايه اللي مانعك
ده انا ادمان تغير لون شعري
عملته في شهر اتين وهاعمله تاني ان شاء الله
علي طول بعمله اللون العسلي والهاي لايت التلجي

[malak ahmed]

صحيح يا رنا نسيت اقولك انا رايحه الاسبوع الجاي اصبغ انا كنت صابغه قبل ما احمل علطول بني كده كان حلو هدخل فيه خصل الست بتقولي اللي هيليق عليا هتعملو بس انا متفاءله

يلا تصبحو علي خير بقي متمسكونيش

[gogo]

الى مانعنى انى خايفه شعرى يبوظ وساعتها هعد اعيط جمبو
خايفه يخشن وينشف

[توتة السيد]

نفسي اصبغ شعري بس مافيش فرصة ياعالم يوم كنت جاية قلت افرد واصبغ

قالتلي مستحيل الاتنين شعرك يقع قال يعني مايقعش قلت خلي الفرد وهنا بقي مستحيل

صبغة ودلوقتي حمل مش مكتبالي

[توتة السيد]

الله روحتوا فين كلكم

[gogo]

طب ده اكبر دليل على ان الحجات دى مجهده للشعر اوى

[رنا خالد]

نرد علي توته مبدئيا
البلكونه الواسعه ام كراسي اسمها تراث ياام الجهل ههههههههههههه
ياه بحب اشتمك جدااااااااااا
والشباك اسمه الوميتال ياست الجهل هههههههههههه
الله الله بحس بمتعه
نيجي لنهاد
تصبحي علي فل وياسمين ياقمر واعلمي شعرك بقي عشان الراجل يانبسط علي رأي المسرحيه
نيجي لدودي انا قريت ردك يادودي بس ينفع انا اجيب الصبغه ولا لا ده اللي انا مش عرفاه هسألها ودلوقتي بعمل سيرش علي صبغة باليت وشكلي هاجيبها لو وافقت الكوافيره
نيجي لهجوره روح قلبي اعمليه ياهاجر بس في كوافير كبير تكوني مجرباه او حد مجربه واعملي حمامات كريم كتير يعني مرتين في الاسبوع وفي الحاله دي مش هاينشف خالص واستخدمي بلسم نظيف برضه وماتغسليش شعرك غير مره واحده بالشامبو في الاسبوع ده كلام اكتر من كوافيره علي فكره عشان شعرك ماينشفش استبدليه ببلسم حلو زي بلسم دوف
وبس
اااااااااااه ياايدي وجعتني من الكتابه كتكم الارف ههههههههه

[رنا خالد]

اصلا شكلك بيتغير تماما وانا كمان ناويه اجيب لنسس جرين او جري
بحب اوي اغير في شكلي وبحب اشوف في عين احمد الفرحه لما بيلاقيني حلوه ومتغيره بجد ببقي خارجه من الكوافير وعايزه اركب طياره بسرررررررررعه عشان يشوفني وبيبقي قلبي بيدق واقعد اقول ياتري هعجبه ولا لا ولما بيبقي مشتغربني ياااااااااه
لما غيرت شكلي في الفرح كان كل شويه يبص لي ويبتسم ويقولي حاسس انك واحده تانيه

[gogo]

طب قوليلى اسم كوافير كويس يارنا

[دودى مجدى]

هى لو مرضيتش يا رنا هتبقى عشان تخليكى تعملى ببتاعتها غصبن عنك بس اوعى تسمعى كلامها صبغة الكوافيرات مقرفة ومعفنة

[توتة السيد]

اه يازبلة الزبايل استغليتي ضعفي في حفظ الاسماء وتشتمي مااااااااااااش يابتاعة توب انتي

فاكرة ههههههههههههههههههه الله ينور عليكي العلم نور ياولاد

[gogo]

بت يارنا انتى اديتينى قوه دفع ان شاء الله اعمله
بس قوليلى على كوافير كويس وصبغه كويسه بما انك مجربه

[دودى مجدى]

وانتى من اهل الخير يا ام ملوكة
انا كمان عاوزة اعمل عمرة مش نيو لوك الحمل مبهدلنى خالص والفرد راح وكمان عاوزة اصبغ واغير شكلى شوية انا عمرى ما صبغت حتى فى فرحى تخيلو خوفت افرد واصبغ الاقى ليفة طلعتلى هههههههههههههههه

[توتة السيد]

اه ياولاد نفسي اعمل نيو بوك بس فين بقي اعمل نيو بوك وااوعماتجيش هيكره نفسه

والنيوبوك

[احلى نونو]

ازيكم ياحلوين كلكم

هاااااااااااجر حبيبتى اخيراااااااا وبعد طول انتظار لقيتك عامله ايه ؟


رنووووووووووووش عامله ايه انتى ولوجى ؟ سامعاكى بتشتكى منها خايفه يجيى اليوم وابقى عاوزة ارمى العيل من البلكونه ربنا يستر ههههههههههههههه

توووووووووووووته انا خلاص خايفه على نور منك سيبى البنيه فى حالها واسكتى . نونتك عامله ايه ؟

دوووددددى ازيك ياحبى اخبار الهرش ايه والمغص يارب تكونى احسن دلوقت

[gogo]

انتى ياتوته اصبرى شويه ولما تولدى اعملى احلى نيولوك

[دودى مجدى]

عندك حق يا هاجر انا كلام رنا خلانى عاوزة اولع فى نفسى او ارمى روحى تحت قطر شايفة نفسى عفريت
بنات هخلع اشوف محمد ويمكن ارجع كمان حبة سلام

[رنا خالد]

بصي ياهاجر في كوافير في الضاهر اسمه كارمن ده جامد جدا
في فيصل سنتر كبير قرب العشرين اسمه محمد الصغير
وفي عندي في مدينة نصر بس ده طبعا بعيد عليكي جدا
انا يادودي خايفه اشتري وتقولي لا مش هينفع وكمان سمعت ان في صبغة دايمه بتقعد اكتر من 6 شهور وصبغه بتقعد شهرين بس فخايفه اتخم فاهماني
هي كوافيره جامده طحن في ارقي منطقه في مدينة نصر وزباينها علي مستوي اوي وحامتي عندها علي طول وشكرالي فيها ومعتقدش انها هاتستعمل اي صبغه بس برضه هسألها يمكن تقولي هاتيتها انتي
توته هسسسسسسسسس خشي نامي
وبعدين توب ايه انا مش فاهمه حاجه
من ساعة ماجبتي الكيبورد الجديد ده وانتي كلامك كله ملخفن
ولا انتي بتتكلمي من الاب اللي نور حمته وشطفته ههههههه

[gogo]

دعاء وحشانى يابنتى عامله ايه عرفتى نوع الجنين ولا لسه
اناشفت كلامك الصبح ورديت عليكى واهو الحمد لله اتقابلنا

[توتة السيد]

اهل يادودو وانا مين يسبني في حالي يااختي

الحمد لله بخير انت ونونتك عاملةين ايه

[gogo]

فين الضاهر ده يارنا

[رنا خالد]

دعاء منوره والله يابتاعه السهر انتي زي الخفافيش بنطلع في الضلمه عامله ايه ياقمر انتي ونونتك ؟
توته النونو اخبارها ايه صحيح ومش ناويه تخلصي الشهر التاني بقي خللتي فيه كل شويه ابص علي توقيعك واقول يامسهل

[gogo]

رنا انتى حماتك لسه بتروح للكوافير يابنتى
دنتى على كده المفروض متخرجش من الكوافير

[رنا خالد]

في محطه غمره اللي في مترو الانفاق عرفاها ولا قبرص والمغرب وسوريا نسوكي بلدك ومترو الانفاك هههههههه

[توتة السيد]

ماهو ده اللي هيحصل ياهاجر ربنا يسهل بقي

بت يارنا ياللي ذاكرتك 2 بايت توب رملي فاكرة لما كتبتيها وقعدنا نضحك ونقلك

طوب بالطاء مش بالتاء هههههههههههه فتكرتي يابت

انا فعلا بتكلم من اللاب المتحمي

[احلى نونو]

هجوره ايوه شوفت الرد بتاعك بالنهار وقولت يارب تدخلى وانا موجوده . لا لسه معرفتش نوع النونو انا هروح للدكتور ان شاء الله يوم التلات الجاى وهكون فاضلى كام يوم لسه فى التالت فمعتقدش هيكون لسه بان بس حاسه انه واااااااااد وهيعملنى الادب وربنا يستر هههههههههههه

عقباااااااااااااااالك قريب ان شااااااااااااء الله \. البت ايويوا شوفتها كاتبه انها حلمت بيكى وحلم جميل شوفتى الكلام ده ؟

[رنا خالد]

يابت ياتوته انتي قصدك التوب اللي الطوب
طب والله غلطه مطبعيه وفي بنت لزقتلي علي الكلمه بس مش فاكره مين هيا
كنت هنط في كرشها بس سكت عشان خاطركوا ههههههههههه

[توتة السيد]

كمان ذاكرتك ميح وعنيك مطبشة يابت ماانا دخلت التالت اهو اتحولتي مش شايفة

اهو دليل علي انك بق قي مابتبصيش علي توقيعي

[gogo]

الضاهر وغمره ولا فهمت حاجه اناهشوف بتاع فيصل اقرب

[احلى نونو]

انا كويسه الحمد لله ياتووووته والنونو كويس بس كنت انا وهو بنفرفر من الحررررررررررر
النور قطع من الساعه 9 ولسه جاى من شويه صغيره . يالهوى الجو ناااااااااار ناااااااااار ودخلت خدت دش برضه الميه مش حلوة كده وترطب ع الواحد لا سخنه لبست العبايه وقولت لجوزى نخرج نعد فى العربيه ونفتح التكييف لحسن كده هفطس وفضلنا نلف لحد لما تعبت من العربيه وروحت بس كانوا كام ساعه مايعلم بيهم الا ربنا

[توتة السيد]

ههههههههههههههههههه اه اعتقد ميمو باين مسخرة

طول عمرك عاقلة ياوزة

[gogo]

لا مشفتوش يادعاء احكيلى

[توتة السيد]

ياحبيبتي كتر الف خيرك هنا من غير تكييف نتخنق بس احسن انك خرجتي

[رنا خالد]

ياجوجو ده انتي جنبك المهندسين فيها كوافيرات جامده زي مدينه نصر واجمد
وفي فيصل اكتر من سنتر برضه حلوين
سيبك من غمره والمناطق المجهوله بالنسبه لك دي
مبروووووووووووك ع التالت ياتوته بس انا بصيت امبارح لقيتك في الاسبوع التامن قولت لسه توتي مدخلتش التالت ياااااااااه حامل في جمل يااخواتي
روحي شوفي بقي النونو ولد ولا بنت دي الامارات متقدمه يعني ممكن يقولك انك حامل من قبل ماتحملي ههههههههه اه صدقيني
دعاء انا النور بيقطع عندي بقاله اسبوع كل يومين كده يقطعله ساعه مع اني من ساعة ماتجوزت وهو مقطعش غير مره واحده حد نأ عليا اكييييييييد

[احلى نونو]

هيا محكيتهوش يابت ياهاجر بس بتقول انه حلم جمييييييييييل

اها ياتوته والله كنت عاوزة اطلع من هدومى ده ببقى قاعده فى التكييف واقول حرانه شوفى لو من غير حاجه . ربنا ستر الحمد لله

[توتة السيد]

اله يبارك فيكي ياوزة وباصة امبارح وكنت في التامن نطيت اسبوع في يوم جايز هههههههههههههههههههه

ههههههههههههههههههه اه انت هتقولي تقدم وتكنولودي يعفوا النملة حامل في ايه

[gogo]

يارنا مهندسين ايه وبتاع ايه اروح ادفعلى 1000 جنيه علشان اصبغ شعرى
دول حراميه
انا هشوف بتاع محمود الصغير ده وكمان فيه عادل المصرى الى عملت فيه ف فرحى تحفه بس مشكلته انه مليان رجاله شغالين يمكن اوضه العرايس المحجبات بس هى الى مقفوله ومفهاش رجاله

[توتة السيد]

عايزة دعوة جماعية وفي نفس واحد وتقولوا ياااااااااااااااااااااااااااااااارب








































نور تنااااااااااااااااااااااااااااااااااااااااام

[احلى نونو]

ههههههههههه شوفى بقى يارنا مين اللى نق عليكى
انا عندى هنا مستحيل حد ينق لان مفيش حاجه يتنق عليها ابدااااااااااا البلد مكتومه كتمه سد الحنك والله بعد اقول لجوزى ابوس ايدك وش وضهر عاوزة انزل اجازة وارجع على بلد غير دى نفسيتى تعب منهااااااااا

انتى عارفه مش بصحى قبل الساعه 6 المغرب ويادوب افوق واحضر الغدا وشويه كده والليل يدخل اقوم انا افتح الدردشه

[gogo]

يادعاء يعنى هى محكتش انتوا معندكوش فضول تسألوها ايه الحلم هتشلونىىىىىىى ههههههههههههههههههههههههههههههه

[توتة السيد]

اسكتي ياهاجر امال لو جيتي هنا وشفتي الاسعار

هنا عمل الوش والحواجب ب250 درهم تخيلي

فمابالك باللصبغة بقي

[رنا خالد]

تيجوا نلعب لعبه حلوه
كل واحده تسأل التانيه اي سؤال يخطر علي بالها
نبدأ بالاكبر سنه
ليتس جو
هوبا

[توتة السيد]

هههههههههههههههههه بت ياهاجر البت ايه مابتحكيش تقريبا بتنسي الحلم

قبل كده حلمتني بس انا قالتلي كان وشي منور بس الحلم كله كان وشي منور

وبعده علي طول طلعت حامل والله يارب خير