تجمع حوامل العراق واتمنى اكو احد موجود

[kokee]

والله شهيتيني كرررزات هههههههههه
لا لولي يمي مجلب بصدري يكرص بي ههههههههه

[مجنونة بحبها]

شنووووووووو زعلتي حبي

[kokee]

لا كليبي براحتج ادري بيج

[مجنونة بحبها]

ههههههههه هذا كل طفل يصير سولته تكرص

تعالي وياي شلون كرزااااااااااااات هههههههههه اشهي بيج

[kokee]

الرد بلكوووووووه ينظاف هاي يمي المنتدى ثكيل لو كلجن هيج اهئ

[مجنونة بحبها]

بنونه صارت مره وهيا تخرمش وجهي من ترضع

هههههههه وابشركم رجعتها للممه ومافطمتها لانها تركت الاكل

وبقت بس ترضع عبالك عرفت اريد افطمها

[مجنونة بحبها]

اي حبي المنتدى ثكيل وكوه يحمل

[حبيبي]

اهلين عذراء اني بخير اتاخرت عليج فرد زوجي اخذ من الحاسبه هههههههههههه



اشلونكم زنوبه وامونه جالسين وتشهونا بهلاكلات والكبب واني مكدر اسويها بسبب لصغااار

[حبيبي]

عندكم قنات بلادي خلو عليهاااا

[مجنونة بحبها]

الرجال بس يشوفني اكعد على النت يكلب الدنيا

يبقى بس يدردم ويدور حجج شلون شلعان كلب

رغم هو يكعد الى ان يمل ويكوم وانا ابد ولا احجي وياه

ولا اخلي بنونه تضوجه

[مجنونة بحبها]

هلا برحوبه شلونج

عندنا قناه بلادي بس شفتها وداره زوجي يريد يسمع اخبار

[حبيبي]

امونه صارت لرجال اتغار من الحاسبه لانه انكابلها اكثر منهم هههههههههههههه

[مجنونة بحبها]

صح والله يغااااار من الحاسبه ويصير يتحجج الى ان امل واترك الحاسبه واكعد يمه يسكت بعد حتى ميطلب ولا يحجي هع هع

[حبيبي]

يؤؤ ليش يديرها يتابع السيد الصافي افضل من الاخبار
كل يوم مباشر


زنوبه هو عندكم فنجف اتروحين تسمعين وراه
لو منج اروح هههههه امونه اختى راحت يمه

[حبيبي]

اي اكلج يغارون اني مجربه زوجي من يغثني اكابل النت وعوفه وينقهرررررررر هههههههههه
احسن عقاب لزوج

[حبيبي]

هلا رحوبه حبي راح تهربون من البنت فشلتوني

راح تخرب سمعه بنتي hwaml4 حراااااااام عليكم اهئ اهئ



هههههههههههههههههههههه لاطبعا منهرب وننتظرها تكبر وتعقل وناخذها منج كامله مكمله
ههههههههههههه































ام كرار طالت غيبتج علينا الله يكومج بسلامه ومشتاقه لج وبالي يمج اريد اطمن عليج اهئ

[مجنونة بحبها]

رجعت بعد عراك مع زوجي اخذ الحاسبه وبالحسره يله رجعها لي

[حبيبي]

وين رحتووو وعفتوني وحدي يله تعالو لو اروح ارتب الملابس ودخلها بدوليب هههههههه

[مجنونة بحبها]

ههههههههههه هذا احسن عقااااااب هع هع

وتنتظروها تكبررررررررر بس تبقى نفس طبعها لان جدتها كماااااااااااااااااااااااااااشه هع هع

[حبيبي]

ههههههههه زين انتصرتي عليها وخذتيها
امونه اذا جيت للعراق راح اجيبلج حاسبه مخصوص اتسولفين فيها معاي ههههههههههه

[حبيبي]

لا يارب متطلع على جدتهااااااااا
انريد على امهاااااااا
هههههههههه مو ناقصين حنه وكماشات مستورده

[مجنونة بحبها]

هههههههههه حلووووووووه حاسبه خاصه يوميه اترجى زوجي

اكله اشتريله حاسبه لي ميقبل يكول شسوين بيها


وكتله ارخص وحده ورقتين ميقبل وصايرين حرب انا وياه على الحاسبه

[مجنونة بحبها]

هههههههههه تخاااااااااافين من كماااااشه

لا مراح تطلع علي لان كل حركاتها مثل حركات ابوها وامه ههههههههههههههههههه

[حبيبي]

هههههههههههههههه خلاص اني اجيبلج ايها هديه ولا يهمج بس اطلبي اجي للعراق ههههههههههههههههههههههه




لا دخيلج لا تطلع عليهم حاولي تطلع عليج بكل شي هههههههههههه

[حبيبي]

ونريدها طباخه هههههههههه اترشط مو اني ام الولد اني هههههههههه

[مجنونة بحبها]

وطفت الكهرررررررررررباء

والحين رجعت

شكرررررررررررا رحوبه تسلميلي غاليه انتي والله

ومااكدر جبناتها الوراثيه متشبهني لا بشكل ولا بتصرف ابد

[مجنونة بحبها]

هيا من الطبخ مشاركه بكل طبخه ههههههههه

هسه انطوها بالاخابر ابره الامبكلوكس مبيها شي
لاايدز ولا شي ومفحوصه زين فلا تخاف ام كرار منها بعد

[حبيبي]

العفووو حبيبتي تستاهلين اكثررر


ايوته لسه مرضانه ؟ الله يشفيهااا
البنات اليوم كلهم غياااب اخاف معزومين ونسونا يا امونه هههههههههههه
زنوبه ردها اتعلق فسماء

[مجنونة بحبها]

شلون صار نسيبي الغالي هههههههههههههه

راح يهرب وانا مجلبه بيه هع هع

[حــــــلآ]

مسآآآآء االورررد

ياااحلووين اناااا تووني جدييييده

وان شاء الله ااستمرررر معكم

عندي سؤاال وااتمنى الي يعررف يجاااوبني

ربي يسعدكم ااحسبوولي انااا فكم شهر

كاانت اخر دووره 16|7\1432

الي تعررف تررد بليييز؟؟؟

[مجنونة بحبها]

ايوته صح مرضت ونستنه

وزنوبه هرررررررررربت مع ابو لولي

وانا وانتي بس اليوم هع هع

[مجنونة بحبها]

اهلا وسهلا حلا نورتي

اسفه ماعرف بالهجري اعطيني بالميلادي

[حبيبي]

الحمد الله صار زين بس العلاج لازم نستمر الى 7 ايام وبلموت انشربه نصه فوجهي وملابسي




اهلين حلا منوره
يمكن انتي بدايت السابع ومو شاطره بحسابات الحمل ههههههههههه

[مجنونة بحبها]

هههههههههه هذا مثل خطيبته تموت وماتشرب علاج

واذا شربناها فصير وجوهنا كلها علاج

تنفخه بوجوهنا انا وابوها هع هع

[مجنونة بحبها]

فطوم شلون صارت ولايكون وجها تشوه من طيحه السياره

[حبيبي]

زنوبه هربت مع ابو لولي يلهووووي ههههههههه

حلا انتي من وين ؟
وشكدر صارلج مزوجه ؟
وهذا اول طفل ؟

اكمل اسئلتي بعدين هههههه

اروح امونه زوجي يريد عشاااء ورجعلج

[مجنونة بحبها]

الله وياج

وانا اروح انيم بنونه

تصبحون على خيررررررررررررررررررر

[حبيبي]

اي والله اتشوه بس صارت احسن بدئ يخف منها
صورتها ورسلت الصوره لامي وبسرعه خابرت اصاير ههههههههههههههههه لبنتج
وكلت الها وكلش عصبت ليش منتبهى الهااااا
الحمد الله منكسرت ايدها ولا رجلها الحمد الله
لانها سيارتنا رفيعه سوبر يوكن يسمونها تعرفيها ههههههههههه

[حــــــلآ]

هلاااا حبيبي

مشكووره ياارووحي

وحتى انااااااا ااقول تووي بديت بالساابع

بس ودي تكوون الحسبه كويسه ههههههههههههههههههههه

[حبيبي]

اتلاقي الخير امونه


لي عوده راح ارجع الكم
باي مواقتا

[حــــــلآ]

زنوبه هربت مع ابو لولي يلهووووي ههههههههه

حلا انتي من وين ؟
وشكدر صارلج مزوجه ؟
وهذا اول طفل ؟

اكمل اسئلتي بعدين هههههه

اروح امونه زوجي يريد عشاااء ورجعلج

هلاااا عيووني

اناااا من السعووديه

تقريبآآآ 7 شهوور ونص<<<ماشالله

وهذاااا اوول فرحتي يااروحيhwaml7

واانااا باانتظاارك وباانتظاار اسئلتك

[عذراء الجابري]

هلا ب حلا منورة خيتي
هل من مجيب

[بنت الخليج]

hwaml72hwaml72hwaml72hwaml72hwaml72hwaml72hwaml72h waml72hwaml72hwaml72hwaml72hwaml72hwaml72hwaml72hw aml72hwaml72hwaml72hwaml72hwaml72hwaml72hwaml72hwa ml72hwaml72hwaml72hwaml72hwaml72hwaml72hwaml72hwam l72 هلالالالالالالالالالالالالالالالالالالالالالاووووو ووووووووووووووو اني جيت وخلصت عمليتي بنجاح والحمد لله مشتاقتلكم مووووووت كلكم حبايبي شخباركم الكل بدون استثناء يا احلى بنوتات

[حبيبي]

عدنااااااااااااااااا هل من احد ؟

اي حلا اتوقع الحسبه عدله ههههههههه
الله يتمملج على خيررر

[حبيبي]

اهلين ام كرار الحمد الله على سلامتج وفرحت كلش كلش
ونفسي ازغرط لولالالا الحراااااااااام
الف شكر لله

[ام تمار]

هلو بنات شلونكم مشتاقتلكم هواي هواي شلونكم وحده وحده ...
اني الحمد لله زينه اليوم بعد مااخذت الدواء الي وصفته اليه الدكتوره وسويت سونار وكالتلي البنوته على راسها شنو يعني مااتحرك اخاف تنزل اي انتو شلونكم والله مشتاقه للاخباركم
الوقت متتاخر مااكدر اصفح بالصفحات بكرا اقراهن كلهن
اي شلونكم حوراء توتايه زنوبه عذراء ام كرار هباوي امونه كل البنات سلامي للجميع
صبحون على خير

[حبيبي]

طمنينا اشلون صرتي وكيف العمليه مخفتي
وهسه ماكو الم ؟
اريد كلشي اعرفه وكم يوم فلمستشفى ضليتي ؟

[ام تمار]

ام كرار الف الف حمد لله على السلامه يارب ماشوفين شر الحمد لله على السلامه ياورد

[حبيبي]

الحمد الله ام زها انج بخير
ولا تخافي الراس الطفل من السابع يصير نازل واذا منزل بلحوض معنها مو زين هسه حالتج طبيعيه وزينه والحركه عاديه اتكون على راحتج متعبين نفسج بشي ثكيل
ومتشوفي شر يارب

[حبيبي]

حلا اهلن فيج ومن وين من السعوديه خخخخ بتعبج ؟
ومبروك للحمل جايه متاخره معليش هع ؟
وشلون حملج وتطوراته ؟
جهزتي للبيبي وعرفتي جنسه شنو ؟

[حبيبي]

اللهم صل على محمد وال محمد
وينكم نسواان

[حبيبي]

اليله اضراب عند الجماااعه اهئ ضجت

[مجنونة بحبها]

صباااااااااح الخيرررررررررررررر

حمدلله على سلامتج ام كرار

نورررره ماتشوفين شرررررررررر وطبيعي راس الطفل ينزل
لان قريب تشرف الدنيا

رحوبه خطيه فطومه شوهتي وجهها وهيا صغيرررره

حقها امج اتصيح عليك لانك مانتبهتي الها هههههههههههه

بااااااااااااقي البناااااااااات ان شاء الله المانع خيررررررر ماكوووووووو
سلامتكم

[ام تمار]

صباح الخير صباح العسل صباح الورد لكل ورده بلمتنه الحلوه

شلونكم اليوم بنات مشتاقه هواي لسوالفكم ....

امونه شلونها بنوتك واخبار الطبخ اليوم شنو غدانه
حوراء حبي وينج رحتي للدكتوره الدم اذا مستمر وبكثره مؤذي ياريت ترحين تاخذين دواء حتى لايصير عندج انيميه فقر الدم ماشوفين شر عمري
ايوته شخبارج سيوفي شلونه ...
حبيبي لحد هسه مامتاكده من اسمج مو اسمج زينب
شلونك مشكوره على الرد الله لايحرمني منكم يااجمل بنوتات بالعراق

عذراء ورحمه الرحمان ام كرار هباوي شلونكم حبيباتي ان شالله الكل بخير

[ام تمار]

ام ايهومي شلونك اخبار ايهومي وصحتك وشلونه السهر وياج سولفينه حتى نستفاد

[رحمة الرحمان]

السسسسسسلام عليكم

[رحمة الرحمان]

بنات اشلونكم شخباركم نشالله بخير

[رحمة الرحمان]

بنات مااكو احد موجود اتمنيت اسولف وياكم اهئئئئئئئئئ

[رحمة الرحمان]

هلو حبيبتي ام تمار انا الحمدالله بس عندي مغص صار يومين انتي اشونج مع الحمل نشاالله زينه

[قمر بغداد]

هلووووووووووووووو اني اجيت اكو احد لولا .؟؟؟؟؟
شلونجن حبيبات حوامل ومو حوامل ؟

[قمر بغداد]

رحومة شبيج خوما اكو شي ليش المغص؟

[قمر بغداد]

رحوبة اي واللة شأسوي حاطه بالي حيل يم سالفة الحمل لازم ما اخلي ابالي حتة لا اتعب وهو رزق من اللة ويجي بوقتة انشاء اللة بس شأسوي عندي فضول وعاجبني طفل لان زوجي عمرة فوق 33 سنة ومن حقة يكبر ابنة وياه ولو هو خطية ميحجي بس اني اريد افرحة لان شوية نفسيتة تعبت بعد العملية واللة كريم

[قمر بغداد]

ام تمار وامونة وروضانية وكل من سأل عني من الكبدات البنات الحلوات شلونكم

[قمر بغداد]

روضانية انتي ياكلية اداومين؟؟؟؟؟؟؟؟؟
بنت الخليج انتي وين عايشة؟؟؟؟؟؟؟ وهم اداومين لو متعينة بالبيت هههههه

[مجنونة بحبها]

هلووووووووو علياء شلونج اخبارج سلامتج من المغص

هبااااااااااوي الله كررررريم ان شاء الله تطلعين حااااااااامل وزوجج
بعد صغيررر مو جبير انا زوجي عمره 43 سنه شتكولين علي

نوررره شلونج واخبارررررررررررج

[kokee]

هلاوووووووو شخباركم

[kokee]

امونه شخبارج كبدبد

[مجنونة بحبها]

هلو زنوبه شلونج وشلون لولي

جابت حماتج لو بعدهااااااااااااااا

[kokee]

شخبارج هباوي ورجلج شلونه

[مجنونة بحبها]

هاااااااااااااا زنوبه اخبااااااااااااااااارج

[kokee]

لا والله امونه باجر ب10 الصبح عمليتهه

[مجنونة بحبها]

هلووووووووووووووووووووووووووووو

[kokee]

طبعا الاكزيما صاعده عدي بحيث جسمي منين ما تياوعين عليه مزلوغ وطالع دم

[kokee]

رتبت البيت والغرفه اللي تنام بيها من تجي من المستشفى

[حبيبي]

اهلين زنوبه ها ولدت حماتج ؟
وانتي عندج اكزيما ؟ دئما زيتي جسمج ورطبيه وبتعدي عن الصابون ولكلوركس يزيدها عندج خاصه فليدين
اني محمد اكزيما من ولدته لليوم وتزيد بشتاء
في مرهم اليكاا للاكزيما

[حبيبي]

حبيبي لحد هسه مامتاكده من اسمج مو اسمج زينب
شلونك مشكوره على الرد الله لايحرمني منكم يااجمل بنوتات بالعراق


اهلين ام زهااا نحنو بلخدمه لاي سؤال
اسمي رحاب احفظيه ههههههههههه


رحوبة اي واللة شأسوي حاطه بالي حيل يم سالفة الحمل لازم ما اخلي ابالي حتة لا اتعب وهو رزق من اللة ويجي بوقتة انشاء اللة بس شأسوي عندي فضول وعاجبني طفل لان زوجي عمرة فوق 33 سنة ومن حقة يكبر ابنة وياه ولو هو خطية ميحجي بس اني اريد افرحة لان شوية نفسيتة تعبت بعد العملية واللة كريم


قموره لا تخافين بيصير الحمل بدون متحسووون وكلج نحنا بدايه زوجنا هم سوها زوجي وحملت بعد شهر من العمليه وعقبالج يارب
ورجال ميكبر بعده شاااب زوجج هههههههه
الله يفرحكم ويفرح امونه عن قريب يارب

[حبيبي]

وينكم ياربي شو هالحظ اليوم لما فتحت الكل مشغول
اليوم زوجي اتغده في الشغل كلت فرصه اني اليوم فاضيه مطبخت غده رتبت البيت وفتحت اسولف وياكم
طلع مالي حظ اهئ معاكم



حلاوه مدخلت طمنتنا ولدت لو لالا اجي زوجهاااا وختفت مشتاقين لج يادبه



اهوي بنات مشتاقه الهم يسرى وئام وايه يومين مختفيه الله يشافيهاااا
ام شووق مشتاقين وشلون جهالج
عذراء اليوم ماكووو ؟
وكل البنات الغايبات مشتاقه الكم وحده وحده

اروح اشوفلي شغله اهئ

[ام تمار]

هلو بنات شلونكم
هباوي حبي لاتخلين بالج يم الحمل هو وحيده يصير بدون احساب او كتاب اذا ظلين تفكرين راح تعبين نفسيتج وتتلخبط هرموناتج وتمنع الحمل اسألي مجرب هذا كلام طبيب فاهم
اسمعي اني نفسك زوجي عمره 32 سنه ويعني مو جبير والله ليشوفه يكول 25 سنه
وهمات انتظرت سنه كامله افكر وانقهر واحمس وماصار لحين ماسافرت ونسيت الحمل
واشتركت بنادي والتهيت بغير شي وصار وحدها اصوري اضحكج بالشهر الي حبلت بيه
كان زوجي والله مريض بالفلاونزه ومانمت وياها ايام التبويض بس قبل لايتمرض وبس
حتى كنت خاله بالي الدوره تجي والحمد لله ماجتي كنت بنفس الشهر شايله قنينه غاز من الباب الخارجيه للباب المطبخ وماادري حامل عدالي الدوره تجيني واراده ربج صار الحمل
وان شاء الله ربي يفرح كلبج ويفرج همج وتحبلين بتوم يخبلون بس اتوكلي على الله وخلي ثقتج بربج جبيره وربج يفرجها ياعسل

رحوبه عاشت الاسامي اسمك حلو شلونك مشتاقه اسولف معك ....

امونه شلونك وبنوتك الحلوه الوكحه ههههههههههههههههههه الله يحفظها كل البنوتات الدلوعات وكحات وحلوات بوسيلياها اممممممممممممممممماه هاي بوساتي
اني مااسولف وياج بس على الاكل هههههههههههههههههههه
امونه البارحه اني وزوجي رحنه بيت اصدقاء النه معزومين عدهم على الغداء وسولنه دولمه
وتشريب كسور بس كان التشريب طيب وضابته ام البيت بس دولمتي اطيب من دولمتها
والله اني حامل كلشي مااكدر اسويله للرجلي هذا رجلي شاف الاكل تكول عمره ماماكل ولاطابختله اي شي ههههههههههههههههههههههههههههههههههههههههههههه
هيه حظوظ وبيها ومانفخو ام البيت عاشت ايدج اكلج طيب هذا رجلي يكللهم مره لخ اشتري كسر وطبخولياها ههههههههههههههههههههههه فشلني شفتي حظوظ
بس احنا عزمناهم سبوع الجاي بالمطعم لان مااكدر اطبخلهم ههههههههههههههههههههههه

اي حوراء وين الغياب اشو ماكو ان شاء الله ماكو شي بالي يمج عمري

ام ايهومي توتايه الورده عذوره زينب ام كرار شلونك اخباركم مشتاقين

اني اليوم ال3 بالشهر الثامن الله يستر من الصبح مغص والالم تشبه الالم الدوره تجي وتروح
حتى زوجي انخبص وياي مااعرف هاي الالم طبيعيه بالثامن لو اكو شي
بس حركه البنوته الحمد لله زينه بس اكو مغص ذابحني محتاجه تجاربكم ياورود

[بنت الخليج]

السلام عليكم ياحلوات اشلونكم شخباركم كلكم رحوبة وام تمار وعذورة وحبيبة ماما وقمورة وايوتة وكل الحلوات مشتاقتلكم مووووووووووووت جميعكم واشكركم على سؤالكم عني ومتشوفون شر انشاء الله واعذروني اذا نسيت وحدة ترة اشوية دايخة وتعبانة كلش من العملية دخلت عليكم حتى اسلم عليكم واطمئنكم علية وايضا حتى انقل لكم قصة حصلت معي في المستشفى . فاثناء وجودي داخل المستشفى كانت راقدة الى جانب سريري امراة اخرى كانت تريد ان تعمل عملية هي ايضا للغدة الدرقية وعندما اتى اليها الطبيب للكشف عليها قال لها انك سليمة ولا يوجد بك اي شئ . ثم سالها من قال ان عندك الغدة؟ فقالت له دكتور انت قلت لي ذلك اثناء مراجعتي لك للعيادة الخاصة بك فقال لها عجيب لايوجد في غدتك اي سوء انهضي واذهبي الى البيت ولا يوجد داعي لاجراء العملية لك نهائيا !!!!! فبدا اهلها الذين كانوا متواجدين معها بالتكبير والصلاة على محمد وال محمد . فاقتربت منها وسالتها ماذا عملت لنفسك وماهو العلاج الذي اخذتيه ؟؟؟؟ فاجابتني والله يا خية ما اخذت كل علاج ولم اعمل اي شئ سوى اني نخيت اباالفضل العباس عليه السلام !!!!!! فنظرت على مكان غدتها في رقبتها فوجدت وكان هناك اثار عملية قديمة وملتامة وباقي اثر بسيط . فسالتها وما هذا الاثر فقالت لااعلم لم يكن موجودا بالامس . والله العظيم بنات هذه القصة حدثت معي عند تواجدي داخل المستشفى فالله اكبر الله اكبر الله اكبر وصلى الله على محمد وال محمد .

[عذراء الجابري]

السلام عليكم ياحلوات اشلونكم شخباركم كلكم

امونة شلونج حبي باجر اربعاء انريد سمجhwaml17
رحاب اليوم الكمر طالع من وكت ههههههههhwaml7hwaml
ام زها كبد اعراض طبيعية بس على كيفج بالكتابه هعهعhwaml8
زينب حبحب كوكي +لولي=سعادة دائمة hwaml16
هبة مفرعة وادعيلج بالخلفةhwaml5
ام ايهومي نريد انشوفج ان شاء الله بخيرhwaml29
باقي البنات حبيبات الكل بالف خير ان شاء الله

[عذراء الجابري]

اللهم صلى على محمد وآل محمد
ما خاب من تمسك بهم
وامن من لجيء اليهم

[ام تمار]

عذوره موتتدللين بس هيج كتابه تشفي الكلب هههههههههههههههههههههههههههه

[ام تمار]

اللهم صلي وسلم وبارك على محمد وال محمد

[ام بساسه]

هلا هلا وين الحبايب يالله جيت وجايبه احلى جدر دولمه لاحلى عراقيات

[قمر بغداد]

اللهم صلي على محمد وعلى اله وصحبة وسلم
ماشاء اللة بنت الخليج شفتي خلي ايمانج قوي بالله وال البيت انخيهم يوكفولج بالشدات ذولة ال بيت رسول اللة ومايخيب ضنج انشاء اللة

[قمر بغداد]

ام تمار وامونة ورحوبة وعذراء وزنوبة والكل تسلمولي يارب يحفظكم من كل شر

[ام بساسه]

بنات شنو هاي وين الترحيب اشو وكعتو دك للدولمه على كيفجن حبيبات خخخخخ

[قمر بغداد]

ام بساسة انتي جديدة عالمنتدى اهلا بيج ونورتي بس مثل متكول ايوتة لازم نعرف ملخص عنج
اسمج عمرج ربة بيت لو اداومين وصار شكد متزوجة وعندج اطفال وين ساكنة يعني كل شي وكلاشي
واهلا بيج مرة ثانية وانشاء اللة ترتاحين لان البنات كلهن وردات وحبابات واي شي تحتاجين محد راح يقصر وياج منوررررررررررررررررررررة التجمع

[ام بساسه]

قمر بغداد اشبيج خيه اشو مكمتي تشوفين صار ساعة اصيح خخخخخخخخ

[قمر بغداد]

ها ااااااااااااااااا وينج وين الدولمة دانتضر اريدها حامضة ولاجعه

[قمر بغداد]

ههههههههههههههههه جنت داكتبلج خوش كليشة داريد احقق وياج ههههههههه

[قمر بغداد]

فدوة للنونو الحلو هذا ابنج مو؟؟؟؟؟؟؟؟ يخبل فدوة لكلبة ماشاءءءءءءءءءء اللة

[ام بساسه]

يمعوده دكولي هيج من البدايه وهسه اطلعلج الجنسيه والجواز خخخخخ

عيوني اني عراقيه مقيمه بسلطنة عمان وعندي 3 زعاطيط اثنين بنات ولد واحد اسمه حمودي وندلعه بساسه لان من جان اصغير يخاف من البزونه يسميها بساسه خخخخ

وقبل سنه حبلت وطلع جيس حمل فارغ وسويت كرتاج وهسه حبلت وكلت اسجل وياكم صارلي شهر ونص ولعبان نفس ودوخه واصله لبو موزه خخخخخ

وان شاء الله اكون خفيفه الضل اما عن العمر فليش الفضايح خخخخخ

عمري 36
مزوجه صار 13 سنه يعني لعبانه نفسي من الجهال ورجال بس ربج راد يصير طفل وكله رزق والحمدلله

بعد شتردون تعرفون بس كولو تردون رقم البيت وتلفون خخخخخخخخخ

[ام بساسه]

يمعوده اشو البنات بس سمعو دولمه نزعو العبي وكعو دك لدولمه مخلو شي خخخخخ

[ام بساسه]

والله اليوم مسويه دولمه اشلون صدفه والبارحه حامض شلغم وباجر محتاره شطبخ هههههههه

[ام بساسه]

الي متجي ترحب ورا جدر الدولمه راح اوكف بالباب واصير بطاوات خخخخخخخخخ

[قمر بغداد]

ههههههههههههههههههههههههههههههههههههههههههاي
اي اريدج انشط
اني هبة وساكنة زيونة/بغداد
متزوجة صارلي 3 اشهر تقريباً خريجة محاسبة وعمري 25 سنة دانتضر الحمل بس مثل ماسمعتي البنات كالولي بعدج اتونسي بالاول والحك على شلعان الكلب وسهر الليالي
اي فدوة للبساسة يخبل

[ام بساسه]

هلا عيوني هباوي الله يخليج ويحفظلج رجلج لج عيني بعدج عروس متكوليلي شكو مستعجله تلحكين على الواق والويق وزواع والبهذله خخخخخخ

[ام بساسه]

بس تعرفين هم حقج يمعوده اني منج فوكه فوكه لحد ماسطر فد 3 او 4 وبعدين اروح اسوي شد واشفط وانفخ واصير الشحرورة صباح ايام شبابها خرب عمي شفتها وشافتني بالكفشه وتخوف اشوكت جانت شابه مادري خخخخخخخخخ

[قمر بغداد]

هههههههههههههههههه هسة فد شوية يصير هجوم عالدولمة وكل البنات تتجمع وترحب بيج والهلاهل تكوم تركع ركع وياخذوج حاصل فاصل

[ام بساسه]

يمعوده هنه وينهن اخاف ملتهيات بدولمه وين الهلاهل وجكليت والكليجه وجاي اشو كلشي ماكو خخخخخخ

[قمر بغداد]

هههههههههههههههههههههههه اي واللة ماشايفيها شابة خرب بالحظ

[قمر بغداد]

اسمع رنت ستكاين جا وين الجاي ههههههههههه واسبح اسبح عليهم انتضري لتستعجلين هسة يلزمون عليج سرة وكل وحدة محضرتلج كومة اسئلة

[ام بساسه]

هسه عفنه الحباله وجلبنه بكفشت صبااح خخخخخخخخخخ

[ام بساسه]

يمعوده حتى خريطه البيت مالتنه طلعتها بعد شيسئلون خخخخخخ

[قمر بغداد]

اي يمعودة اخاف اطلع حامل وبنت تطلعلها كفشة وانصدم

[قمر بغداد]

ههههههههههههههههه شكد المساحة طبعاً مبينة انتي كلش مرحة

[قمر بغداد]

الووووووووووووووووووووووووووووووو يمعودة بيش دتفكرين شبيج انسطرتي ههههههه

[ام بساسه]

لا لتخافين اكو سيروم واكو تسريح العلم متقدم الف رحمه على ابو لخترع الاختراع خخخخخ

غير وغفت على كلبي الدولمه والبارحه رحت لدكتورة يمنه بس امبينه مطفيه من الرئيسي اشو ضلمتها عليه رحتلها بليل وضاربه دبس وراشي وتكلي بيج سكر سوتلي تحليل وبعدين كالت بيج التهاب مجاري بوليه وضلمتها عليه وكومه ادويه ركعتني بورقه خخخخخخخخخ

[ام بساسه]

يمعوده مرحه وفرحه اني حتى رجلي من اتعارك وياه هم اضحك يعني كولش فطيره خخخخخخخ

[قمر بغداد]

اكلج شو خبصتينة بالدولمة وماكلتي شنو اسمج حتة ندلعج

[قمر بغداد]

هههههههه خرب يومهن الدكتورات نصهن غبيات ويعلكوها على الواحد ويكطعون الامل خرب حضهن

[ام بساسه]

تعالي خلي اسولفلج على عرسي بس لتفضحيني الله وصى بالستر هههههههههه

طبعا رجلي يصير ابن خالتي اول مخالتي كالت خلي نزوج رعد لهنده ماتت خخخخخ

وراها خطبوني ماتت اخته وراها خالتي وبعدين ابويه وبعدين ابن خالتي بقينه مخطوبين سنتين مكطوعين مهر كالو يمعودين خلي نزوجهم دنخلص بيوم الحنه مات ابن جوارينه سرمد امي كالت متطلع الزفه بعد ودوني بيت اختي مات ابو الفرن يمهم خخخخخ لا كلج ولا تكوليلي ودوني للمصور وكعت الكامره ونكسرت الزفافه تعاركو بلكوستر رجل اختي وكع من درج انكسرت رجليه وبصباحيه خابرونه كالو خماج بالمستشفى رجليه راح يكصوها بشهر العسل كصو رجل حمايه ورجلي نام يمه بالمستشفى خخخخخخخخ

[قمر بغداد]

اكلج هذا رجلج اللة يساعدة اني اذا صايرة عصبية واحد يضحك كبالي ابتلي بي وباليوم الي شفتة بي هههههههههههههههههه

[ام بساسه]

اسمي هنده ورجلي رعد وجهال محمد واخلاص وايناس بعد شنطيج اسم العشيره خخخخخخ

[مجنونة بحبها]

هلوووووووووووووووو انا اجيتتتتتتتتتت

[ام بساسه]

عزه ابعين زكيه وياها فخريه انتي كلش عصبيه امبينه لا اني بارده بس موكلش خخخخخخخخ

[ام بساسه]

هلو عيني حبيت ماما اشلونج منورة خيه بسرعه نطينه اسمج والعنوان خخخخخخخ

[مجنونة بحبها]

اقرا الصفحاات وارجعلكم

[قمر بغداد]

ههههههههههههههههههههههههه اكلج راح يعطب المنتدى موتيني ضحك راح اخرب رجلي كاعد يمي وخرب ضحك لج هاي انتي حاركة الدنيا ههههههههه بس لا من ولدتي سقط النظام هههههههههههههه
يايابة بعد ما اتحمل لج انتي منين طلعتيلي تخبلين وحيل تونست على سوالفج جنت ضايجة خرب يومج بعد ما اتحمل من الضحك انتي كارثة بربج لتكطعين ابقي على تواصل

[ام بساسه]

طبعا كل ميصير عيد ميلاد زواجنا اطلع ثواب على روح الموتا خخخخخخخخخخخ

[قمر بغداد]

اجتي حبيبة ماما امونة وهسة راح تعرفج بنفسها
تدرين بعدني اضحك ياياااااااااااابة انتهيت هاي شمسوية بعرسج

[ام بساسه]

هاا هداوي مو كتلج استري عليه هدورة خلت رجلها يقره المصايب والكوارث الصايره خخخخ

لا يابه بعد يوميا الزكلكم شعندي البيت راح يجيف خخخخخخخخخ

[قمر بغداد]

عززززززززززززززززززة لج هاي شنو خوش ذكرى لو مني ومنج ااتذكر عرسي

[ام بساسه]

خخخخخخخ يمعوده هاي انتي شايفه لو اسولفلج المقالب لسويها برجلي تموتين ضحك خخخخ

[ام بساسه]

حبيبت امج تعالي فدوة خلي نسولف وبعدين اقري ولتقرين على عرسي اخاف تنصدمين تره رجلي خضرة خخخخخخخخخ

[ام بساسه]

هداوي انتي وين بالعراق لو طالعه بره ومنين من العراق

[قمر بغداد]

لج بعد ما اتحمل شافني اضحك عبالة تخبلت واضحك وية روحي لعد اجيب الشبهة لروحي وعبالة مخبلة اني ههههههههههه
لج عيني يومية كملي تنضيف والزكيلنة شعدنة غير السوالف

[ام بساسه]

كامو ميلحكون بس يقرون جان التجمع نايم خخخخخخخخ

[قمر بغداد]

هداوي منوووووووووووو اخاف قصدج هباوي بعدج ماطالعة من المنتدى نسيتي هههههههههههههههههههههههههههههههههههههههههههههههههه ههه

[ام بساسه]

لا يابه افضحينه لجيبين شبهه لنفسج خخخخخخخخخخ

[قمر بغداد]

كتلج بغداد / منطقة زيونة شبيج يمعودة هاي فوكاها تنسين هههههههه

[قمر بغداد]

اي كلشي ولا عبالة طباكات هسة يكول بداية زواجنا وطلعت مخبلة هع هع هع هع

[ام بساسه]

هباوي هداوي يالله على نفس الوزن والقافيه مرات زهايمر يشتغل خخخخخخخخ

[ام بساسه]

حبيبة ماما راح اهريج اني اكتب ونتي اقري هههههههههه

[قمر بغداد]

يابة بعد متلحك امونة تجاوبج راح تضل بس تقرة خطية
اكلج اروح اسوي عشة للرجال جاع وارجعلج عود هم ارجعي شعندج
انتي رهيبة حرامات هيج صارت بيج مواقف لان انتي مبينة كلش مرحة ليش هيج مشت عكس وياج بس شبيج من تذكرين تضحكين هههههههههههههه

[قمر بغداد]

عابتلج ميهلي اروح لحد هسة اضحك كلما اضوج اطلع الصفحة مال قصة زواجج
بايييييييييييي هسة

[ام بساسه]

يمعوده روحي العراقيين اهم شي بطنهم هسه تكب عيطه ومن ورايه خخخخخخخخخ بلا شي رجلي خضرة اني رجلي بعده بشغل من يجي من الباب ميكول السلام عليكم شمسويه عشاا خخخخخخخخخ

[ام بساسه]

يمعوده هاي اشايفه يوميا اتذكرلج قصه واكتبها الج وبقي اضحكي هههههههه

[مجنونة بحبها]

هلووووووووووو هنوده

انا ايمان عمري 27 سنه وصارلي متزوجه 5 سنين وعندي بنوته
وحده و3 اسقاطات وانتظر الحمل بفارغ الصبر
بعد شتحبين تعرفين انا بخدمه الطيبين

[مجنونة بحبها]

ولج هاي شنو متت من الضحك عبالك فاتحه مو عرررررررررس

هلو هباوي شلونج ياورده

[مجنونة بحبها]

مليت وانا اقرا وراجن وانوب رحتن عابتلجن

بعد مااسولف وياجن يله بااااااااااااااي

[ام بساسه]

ياهلا بيج عيوني منوره الله يرزقج عاجلا غير اجلا يارب ويخليلج البنوته

[ام بساسه]

هباوي راحت اسوي عشا رجلها جاع هسه تجي هههههههه

اليوم اني كاعده انطيكم كل الاخبار خخخخخخخخ

[مجنونة بحبها]

هلا هنوده انا صارت خبصه يمي

بنونه ضربت ابوها على عينه وكام يصرخ علي

ويصيح طفي النت ههههههههههههههههههه

[توتايه]

هلاو اني اية ام بساسه منوره حبحب اني ام يوسف مواليد 90 اروح وارجع بالليل راح اقره الصفحات واروح لان ابني كام يبجي

ولج عوبات مشتااقتلكم كلكم عابتلكم بدون ذكر اسامي

[ام بساسه]

ههههههههه مو كتلج مدام اني اهنا راح تنكلب الدنيا هيه شكو طفتها لعين ابوها خخخخخخخخخ

[مجنونة بحبها]

المنتدى عندي كوووووووووه يحمل يشلع الكلب

[ام بساسه]

هلا عيوني توتايه روحي يابه عود ننتظرج خخخخخخخخخ

[مجنونة بحبها]

ايه حبي سلامتج مشتاقيلج حبي

صدك والله رجلج خضره خليتي البنيه طفت عين ابوها

ههههههههههههه عود تلعب وياه وضربته بالموبايل وهصه اكتب وهيا بحضني

[مجنونة بحبها]

وانوب صار عصبي وطلع حركته بيه شلون كعدت على النت

[مجنونة بحبها]

اكلج هنوده ديري بالج لا يصير انقلاب بعمان ههههههههههه

[ام بساسه]

خخخخخخخخ يمعوده ديري بالج لتفشخه ههههههه

[ام بساسه]

بنات فدوة اريد شريط حمل واريد توقيع خخخخخخخخ

[مجنونة بحبها]

واخيرررررررررررررا نامت بنونه ههههههههههههه

انا ماعندي خبره بشريط الحمل ان شاء الله ايه تجي وتسويلج

لانها الخبيرررررررررررره هنا ههههههههههههههه

وتوقيع اختاري صوره وكوبي بيست او تحميل الصوره

[مجنونة بحبها]

تعاي شوفي حظي زعل لان بنته ضربتها عبالك انا ضاربته

وكلب وجهه احجي وياه ويحجي من وره خشمه بله شسوي

والله عليج رجل خضررررررررره ماشاء الله

تره اتشاقه وياج مو تزعلين لان انا زوجي عقله طكه ونص

[مجنونة بحبها]

هلووووووووووو وين رحتي عفتيني وحدي احجي

[مجنونة بحبها]

رااااااااااح اروح لان زوجي يريد النت


هو لو يتعارك وياي لو ياخذه مني


ياااااااااااااااربي شسوي ويه هذا الرجال

كل النهار اله وبس هل ساعه وميقبل

ياااااااااااارب صبرني

[مجنونة بحبها]

لاحياه لمن تنادي

تصبحووووووووووووووون على خيرررررررررررر


رحوبه حبي شلونج اخبارج


نوررررررررررره بلعافيه على الغده وكلها هيج من ياكلون
اكل غير بيت يتعجبون ويمدحون بيهم مررررررض
يغثون بينه هههههههههه بس ولا يهمج مابقه شي
واتجيبين زهاوي بالسلامه واتطبخين اطيب طبخ

[ام بساسه]

يبوووو راحت غير ادكين جرس يمعوده جنت عود اسوي توقيع اشو مصار خرب حظي هم بتوقيع رجلي خضرة خخخخخ

اي حقه يتعارك وياج غير انتي ممهتمه وعايفته ودسولفين وبته ضربته طفت عينه خخخخخخخخخخخ

لا عيوني اني مازعل واحب اتشاقه كولش خلي ارجع اخربط بتوقيع بلكت يصير خخخخخخخخ

[بنت الخليج]

هلو بنات اشلونكم ام بسبوسة عيني امنورة حبي اني بيداء ام كرار hwaml7hwaml7hwaml7عذورة امونة رحوبة قمورة ايوتة وكل الصبايا شلع قلع شخباركم انشاء الله اتكونون بخير

[ام بساسه]

هلوووووو اشلونج خيه بيداء منورة

[بنت الخليج]

النور نورك عيني بسبوسة اني البارحة طلعت من المستشفى كانت عندي عملية مال غدة درقية والحمدلله نجحت رجليج خضرة خيتي هههههههههههه

[بنت الخليج]

وينج بسبس وين رحتي

[kokee]

هلا ام بساسه نوووووره ابينا ودمج خفيف ودولمتج اتخبل خخخخخخخخخخخخخخخخ

[kokee]

هلا ام كرووووري وحمد لله على سلامتج حبيبه

[kokee]

شخباررررررررررررركوم

[بنت الخليج]

الله ايسلمج عمري اشلونج شخبارج حبي

[kokee]

هنوووده اني زينب ام ايليا مواليد 87 متزوجه صارلي سنه ونص وابني عمره 7 اشهر هاي بطاقتي خخخخخخخخخخخخخخخخخ

[kokee]

على الله ماشيه احوالي بهلبيت وباجر حماتي اتجيب بعمليه

[بنت الخليج]

زنوبة اليوم هنودة كلبتة للمنتدى كلاب قريتي قصة زواجها اتموت من الضحك يا عيني عليهة الله ايساعدهة ههههههههههههههههه

[بنت الخليج]

الله ايكوم حماتك بالسلامة اشبيهة ولد لو ابنية واشعجب عملية خطية

[kokee]

شنهي ما شنهيييييييييييي

[بنت الخليج]

ههههههههههههههه على كولت ابن اختي عمره اربع سنوات ايكول نني مانني ههههههههه والله خية صافية دافية بس اشوية دايخة من العملية وتوجعني والصوندة لساها ابركبتي

[kokee]

لا والله ماقريت هههههه يراد ارجع والمنتدى ثكيل
لا هيه صارلهه 5 سنين ماعدهه جهال وبلكوه حبلت بيهه ابنيه وطبت بشهرهه حركة الطفله ضعييييفه دكتورتهه كلتلها سوي عمليه الطفله ما تتحمل تاخير

[kokee]

هههههههههههههههههههه جهال تالي وكت
الله يساعدج هوه الوجع ينحمل اساليني هههههههههههههه

[بنت الخليج]

[size="6"]اي والله ياعيني مينحمل عبالك واحد مذبوح الركبة كلهة شكوهة [/size

[kokee]

يعني فتح وخياطات ابركَبتج؟

[بنت الخليج]

اي طبعا طلعوهة اشوية اصغر من البيضة واخذهة زوجي وداهة زرع بس هي الحمدلله حميدة

[kokee]

اهااااااااااااااا الله يساعدج هاي اجتج صفح الحمد لله مكتوبه

[بنت الخليج]

الحمد لله على كل حال بس كلهة ابصوب والمعجزة اللي صارت بالمستشفى بصوب اخر . كتبتهة قريتيهة لو اكتبلجياها؟

[kokee]

الف الحمد لله والشكر ويبعد عنج وعن جهالج كل مكروه

[بنت الخليج]

امين يارب تسلمين حبي

[kokee]

المنتدى ثكيل بلكوه ينظاف الرد شصار ؟

[بنت الخليج]

يمعودة همزين الله خلصني منهة كانت امدمرتني خفقان واضطراب هرمونات وخربطة بالدورة بلكي عاد اتحسن وكلهة هاي اتروح

[بنت الخليج]

سوي ريستارت للحاسبة لو طفيهة وشغليهة مرة اخرى

[kokee]

ي طبعا تاثر علهرمونات وع الدوره

[حبيبي]

السلام عليكم اشلونكم
امنوره بيداء اشلونج وشلون العمليه صرتي احسن ان شاء الله وشلون الجهال
زنوبه اشلونج وشلون لولي

[بنت الخليج]

هلو عمري رحوبة والله كنت كاعدة انتظرك مخصوص مشتاقتلك موت حبي

[kokee]

لا الاشاره بطيئه يمي تشلع الكلب

[بنت الخليج]

رحوبة كلش دايخة والجرح اياذيني بس الحمد لله خلصت . قريتي المعجزة اللي صارت بالمستشفى اقرايها رجاءا

[حبيبي]

وني مشتاقه مووت لش ومتعرفين شكد بالي يمج من تاخرتي اكثر من يومين فرد

اريد اقراء الصفحات بس مراح اعرف ههههههههه
اريد اسولف وياااج

اشلونج هسه زينه

[حبيبي]

وين كاتبتها بصفحات السابقه
اروح اشوفهاااا

[بنت الخليج]

الله ايسلمك عمري ويبعد عنك كل مكروه بحق محمد وال محمد . اني الحمد لله احسن يعني نص ونص ههههههههه اشوية دايخة والجرح يالمني عبالك مذبوحة الله يبعد عنك

[حبيبي]

تعالي خلي اسولفلج على عرسي بس لتفضحيني الله وصى بالستر هههههههههه

طبعا رجلي يصير ابن خالتي اول مخالتي كالت خلي نزوج رعد لهنده ماتت خخخخخ

وراها خطبوني ماتت اخته وراها خالتي وبعدين ابويه وبعدين ابن خالتي بقينه مخطوبين سنتين مكطوعين مهر كالو يمعودين خلي نزوجهم دنخلص بيوم الحنه مات ابن جوارينه سرمد امي كالت متطلع الزفه بعد ودوني بيت اختي مات ابو الفرن يمهم خخخخخ لا كلج ولا تكوليلي ودوني للمصور وكعت الكامره ونكسرت الزفافه تعاركو بلكوستر رجل اختي وكع من درج انكسرت رجليه وبصباحيه خابرونه كالو خماج بالمستشفى رجليه راح يكصوها بشهر العسل كصو رجل حمايه ورجلي نام يمه بالمستشفى خخخخخخخخ




هههههههههههههههههههههههههههههههههههههههههههههه
ههههههههههههههههههههههههههههههههههههههههههه
موتي العالم خطيه هههههههههه ان شاء الله في عماان رجلج خضره ؟ ؟ لو ماتو نصهم hwaml03hwaml03




منوره بينا اني رحاب عندي اربعه اطفال
عمري 30 ومن السعوديه hwaml5
وضحك مستمر ههههههههههههههه

[حبيبي]

الحمد الله الي اطلعتي منهااا بسلامه
وهتمي بلجرح لا يلتهب
ولسه ما وصلت لسالفتج هههههههههه

[بنت الخليج]

ياااااا اسفة حبيبتي ارجوج ابحثي عنها ضروري تقريها ترة دايخة ومااكدر اكتب كان كتبتها الك عمري

[صعب تنساني]

رحووووووووبه صج هي سالفتج مع العرس ؟؟؟؟؟؟؟؟؟؟؟؟؟؟؟؟

[صعب تنساني]

خلووووووووجه الحمد الله على سلامه

[حبيبي]

بنات هذه القصة حدثت معي عند تواجدي داخل المستشفى فالله اكبر الله اكبر الله اكبر وصلى الله على محمد وال محمد



الله اكبر
اللهم صل على محمد وال محمد
مخاب من توسل بيهم ولتجى اليهم
سلام الله عليهم

[بنت الخليج]

الله ايسلمج عمري صعوبة ويحفظك وين صار فترة ماكو عسة ماشر

[حبيبي]

قريتها ام كرار تقشعر لها الابدا هنيئا لها




اهلين صعوبه اشلونج لا مو قصتي قصت هند ههههههههههههههههه اتموت ضحك

[حبيبي]

صعوبه اني رجلي خضرره ههههههههههههه
يوم انولدت ويوم اتزوجت كلها خضره على اهلي وزوجي ههههههههههههههههههه



بس اكو خبر ومالي ذنب اكيد هههههههههههه
يوم الخطوبه جارتنا ماتت

[بنت الخليج]

رحوبة هذه المعجزات ليست غريبة عن اهل البيت لكن عندما يشاهد الشخص المعجزة بنفسه يصاب بشعور اعجز عن وصفه يوازي شعور الشخص بلقاء الامام شخصيا . فسلام الله عليهم جميعا

[حبيبي]

اي والله موقف رهيب تعالي شوفي لما يصير هشي عندنا فسعوديا ؟؟؟
ولا استطيع الشرح

[بنت الخليج]

كلامك واضح ومفهوم ولكن يريدون ان يطفاوا نور الله ويابى الله الا ان يتم نوره ولو كره الكافرون .

[حبيبي]

اشلون الولادج وانتي ايجازه اكيد ؟
ومن يعتني فيهم.
الله يساعدج مرض وجهال ومدرسه

[حبيبي]

وين ايه ؟

وصعوبه اختفت اووف ؟


اليوم اني زعلانه وضايق خلقي شفتج ام كرار ونسيت نفسي ونفتحت شهيتي للاكل هههههههههه جالسه اكل باستا وبيبسي هههههه

[بنت الخليج]

طبعا مجازة بس تعالي اشبعي ضحك على ابو كرار هو اللي يطبخ ويدرس الاطفال ويغسل لهم ويكنس ويغسل ملابس وطلع ست بيت مظبوطة هههههههههههههههههههه

[حبيبي]

هههههههههههههههههههههههه خطيه موتي الرجال

اني اذا حبلت وولدت هو يقوم بشغل البيت نفس ابو كرار هههههههههه ومن اكله شي يكولي ظهري منكسر ومابيه حيل من شغل البيت ولجهال اقول اي حس فيني اشوي ههههههههههه

[بنت الخليج]

خيرج حبي ليش زعلانة عسى ما شر وبعدين اني ام كرار مو مشهي مال اكل . بس بصراحة شهيتيني بيبسي اكوم افتح علبة هههههههههههههههههههههه

[حبيبي]

عجوز ضيعت شايبها
وراحت لشرطه قالو لها لازم توصفينه عشان نعرفه ؟
قالت ابيض hwaml03
وحلو hwaml03
دلوع شعره ناعم صوته حنون hwaml13
قال ولدها يمه هذا ماهو ابوي ؟hwaml9
قالت قالت اسكت الله يلعن ابوك خلهم يعطونا بدل فاقد hwaml4hwaml4
هههههههههههههههه قويه موووووو hwaml7

[حبيبي]

ههههههههههههههههههه والله من اسمج شهيتيني للكل
لو اشوفج معرف شيصير فينيhwaml02 ههههههههههههه
يمكن لانه اطنمت انج بخير وشفت سوالفج اتغيرت نفسيتي اهئ hwaml5




زعلانه من زوجي اهئ اهئ hwaml15hwaml15

[حبيبي]

ام كرار مدرسه حوراء طالبه من البنات كل وحده تجي اجيب معها طبق من الاكل خخخخخ اخاف بتغدي زوجها على حسابنا هع
اجت حوراء ماما سويلي طبق لبكره سويت الها بسبوسه ههههههه لاني مو فاضيه لطبخ



حتى انتو اطلبون هطلبات حوراء كلش ماذيتنا بطلباتهم

[حبيبي]

مصارت علبه بيبسي من الثلاجه لو بتشترينها بسرعه تعالي هههههههههههههههه

[رحمة الرحمان]

السسسسسسسسسسسلام علييييكم

[رحمة الرحمان]

هئئئئئئئئئئ البنات ماكوhwaml93

[مجنونة بحبها]

صباااااااااااح الخيررررررررررررر


شلونج ام كرار وقصتك مؤثره حيل والبارحه حجيتها لزوجي
انتي شلون صرتي

هلو رحوبه شلونج وشلون الجهال


ام بساسه هذا رابط يعلمج شلون تسوين شريط حمل

http://forum.hwaml.com/t14737.html



باااااااااااقي البناااااااااااااات شلونكم وحده وحده حتى لاانسه اي وحده بيكم

[ام تمار]

صباح الخير شلونكم بنات شخباركم
ام بساسه اهلا بيج نورتي والله البارحه متت من الضحك اقراه بالكتاباتك واضحك كلش روحك مرحه ماشالله
اني نوره من كربلاء المقدسه عمري 26 مزوجه صالي 2 سنه حامل بنوته بالشهر الثامن هذا اول طفل
حصل عندي اسقاط بدايه الزواج والحمد لله هسه منتظره بنوته قريبا اصبح ام زها تشرفنا بحظرتج اهلا بيج مر ه اخره
بنات شلونكم اليوم امونه حوراء وين اشو ماكو ام كرار هباوي عذوراه كل البنات سلامي للجميع

[ام تمار]

اليوم اني جايبتلكم نصائح زوجيه ياريت تعجبكم للاستفاده فقط (للاطلاع فقط) ههههههههههه والله قريتهم حبيت اكتبهم الكم للاطلاع ها ........
وجوب التمتع بروح المرح والتفائل والابتعاد عن الاكتئاب واثاره مواضيع قديمه قد تسبب مشاكل سابقا
اعتياد مدح الشريك للاخر لان الكلمه الحلوه لها مفعول سحري عدم السخريه من الشريك امام الاهل او الاصدقاء
كما على الشريك ان يكون مستمعا جيدا للاخر وعدم التقليل من شأن مايقوله اويفكر به او مقاطعته
على الشريك ان لايتعالى بأفكاره عن شريكه وكأنه يعرف اكثر منه
والابتعاد عن صعوبه الارضاء وعدم تحويل صغائر الامور التي تصدر من الشريك الى مشكله بل يجب تبسيط الامور ومناقشه والاعتراف بالخطا
عدم مراقبه الشريك للاخر _عدم اللجوء للكذب كوسيله للدفاع عن النفس عند اقتراف الخطا
فهذ يفقد الثقه بين الطرفين او الزوجين
واخيرا وليس اخرا مقوله شهيره عن الكذب الرجال(الكذب ليس ملح الرجال)....

بدون تعليق رجاءا هههههههههههههههههههههههههه
اشاقه وياكم حابه تعلقون على الموضوع خخخخخخخخخخhwaml5

[مجنونة بحبها]

هلو نوررررررررررره شلونج

حلووووووووه النصايح بس شسوين اذا الشريك

ميفيد وياه لا مدح ولا كلام حلوووووووووو

[روح ملائكيه]

مساء الخير

شلووووووووووووووووون الجميع؟

هلا بكل الجديدات ماشاء الله التجمع زاد يلا خير وبركه ع الجميع

ماقريت كلشي بس ايوته شلون صرتي راح النزيف؟

اني صرت زينه الحمدلله هسه طلعت اسناني ههههههههههههه راح اروح لطبيبة الاسنان الله اليعلم كم سن راح تحشي خخخخخخخخخ اخلص من شي يطلع شي ثاني هذا من غير السهر ..يلا الحمدلله على كل شئ

اليوم لقحت محمد لقاح الشهر الثاني وتعالوا شوفوا شوق وملاك لزكن بيه يردن يروحن وياي ابو شوق يكولي اخذيهن واخذي الخدامه وياج تعينج كتله مااخذ اي واحد وياي ..خدامتي حشاكم ثوله بالعمس تمشي ومن اطلع لازم اخذ عربانتين وياي لمحمد وملاك ولازم اني افتحهن واسدهن الخاتون صارلنه قرن نعلم بيها وماتعرفلهن ..
لو تدرون شكد نعساااااااااااااااانه راح انام ع الكيبورد هههههههههههههههههه
وكمت اشتغل الصبح اسوي كبه وكباب وسمبوسك وناجست دجاج واضمهن بالتجميد حتى من احتاجلهن اطلعهن والله مجاي الحك هاي عود عندي خدامه ع الخير ههههههههههههههه
خطيه حمودي بده يصخن انطيته ادول قطرات ومجاي ينام خطيه..

[روح ملائكيه]

بنات اريد اسألكم ع اللولب شوكت احطه بعد الدوره؟ لو بالدوره والله نسيت
راح اشتري لولب خاص (مو نحاسي مثل الي موجود بالعراق) مايسوي نزف بس غالي سعره 300 دولار هذا من غير اجرة الطبيبه بعد ...يلا مستعده ادفع اضعاف بس مايصير حمل ههههههههههههههههههههههههههههههههههههه


صدك امونه عمري شلون تسوين الكباب الشوي؟ اللحم تغسليه قبل لا تثرميه لو بعد الثرم
اريد شرح مفصل هههههههههههههههههه

بنات الجو عدنه هسه يخببببببببببببببببببببببل بروده خفيفه والناس تطلع تمشي بره
اكله لزوجي خلي نطلع نمشي يكلي ومحمد؟ امله مو اجذبله حليب واخليه بممه يكلي عندي شغل والله راح اتخبل ماطالعه من ولدت محمد لهسه بس رحت للمستشفى واليوم للتطعيم بمركز صحي
والكأبه صايره فوووووول عندي اسم الله عليكم واكعد وحدي وابجي والطفل المسكين خطيه يشرب حليب قهر..

يبووووووو شوق تصوروا هسه تبجي من شنو؟
تكول راح تجي الحشرات هههههههههههههههه يبو مو لازم انتحر واخلص؟؟
يلا اروح ادعولي محمد مايسويلي سهره
سلامي لجميع البنات

اشوفكم على خيرررررررررررر

[توتايه]

حبي مهاوي تخليه خامس يوم الدوره حتى الدم يكون خفيف والرحم بعده نازل اي يولي انتي اشتري وخلي احسن اني هسه دا اخذ حبوب وايدي على كلبي

[بنت الخليج]

لله يامحسنين لله عضوة قليلة تدفع بلاوي كثيرة هلووووووووووو عضوات حبيباتي اكو وحدة لو ماكو حبي ام يوسف اشلونج وين هالغيبة مشتاقون ياهزامون روح ملائكية حبي اشلونج اللولب خامس يوم الدورة حبي وبالنسبة للسعر ترة السعر مو مهم المهم ايناسبج لولا لان اكو نساء ايوالمهن حتى لو كان من ارخص الانواع واكو بالعكس وسلامة حمودي وسلامة اسنانك وبالعافية مقدما على الاكلات . حبيبة ماما عمري اني الحمدلله اشوية احسن واشوية الم ودوخة . ام تمار حبي مشكورة على النصائح الحلوة وعلى سؤالك عني حبيبتي . رحوبة عذورة وقمورة وكل الحلوات اشلونكم

[بنت الخليج]

الووووووووووووووو وين راح الحلووووووووووو

[رويدة_ أم ألق]

مساء الخير بنات شلونكم
لأول مرة أدخل الدردشة وياكم وإن شاءالله تكون صحبة طيبة

ماحبيت أدخل وإيدي فارغة واحنة عراقيين بعد يلة تفضلوا

[ام تمار]

اهلا وسهلا بيج ام الق نورتي لمتنه العراقيه يارب تكون احلى صحبه منوره
يله حبي عرفينه بنفسك يعني حضري هويه الاحوال الشخصيه حتى نتعرف عليك
يعني من وين مزوجه عمرك كم طفل عندك اهلا بيج مره اخره
اني نوره من كربلاء المقدسه عمري 26 سنه مزوجه صالي 2سنه حامل بالشهر الثامن قربيا اصبح ام زها بأذن الله وتساهيله
اهلا بكل البنات الجدد منورين التجمع

[ام تمار]

بنات والله اليوم اتنسه طرشانه رحت اموت محد يطبخلي حامل ومابيه اتحرك اه اه اه داابجي
زوجي يكول رجعتي تتنسين يكول يمكن كل حامل بالثامن تتنسه لان كل ساعيه اكول مشتهيه اكله وماكو احد يسويلياها
ههههههههههههههههههههههههههههه اريد طرشانه باللوز ما اريد طرشانه

[مجنونة بحبها]

هلالالالالالا مهاوي حبيبتي سلامتج السنون صارت الم منخلص منه

متت منهن وحتى بطلت ماروح لدكتوره لان بدون فايده

وخطيه حمودي اليوم اختي هم خابرتني تكول اخذت تلقح بنتها بس

تكول مقبلوا يكولون غير يوم ونفس الشي سألتني على اللولب الهرموني لان شفته عند دكتورتي بعيادتها اعلان عنه ويمدحون بيه واذا تحبين تعرفين عنه اكثر شوفي هذا الرابط


http://forum.hwaml.com/t22136-post249965.html#post249965


وعن الكباب الشوي اغسله وانشفه انوب اثرمه بالمثرامه
وتعرفين لازم شويه ليه تسوي طعم وانا اشويه على الفحم




ايه شلونج وشلون صارت الافلاونزه


نوررررررره شلونج وياريتج يمي واسويلج اطيب طرشانه
بس شتحبيها حلوه لو حامضه وانتي ليش مطبخين لان انا جنت اطبخ وابو بنونه يساعدني بس لاتوكفين هواي ولا تعبين نفسج اطبخي وانتي كاعده على كرسي ومدام وضع الطفله زين لاتخافين
ولاتصيرين وهواسه


ام كرار شلونج حبي


رويده اهلا وسهلا بيج نورتي

[مجنونة بحبها]

طريقتي بصنع الكباب اجيب لحم عجل وليه مات غنم
اغسلهن واعوفهن ينشفن وره ماينشفن اثرمهن بالمثرامه
ومرا اعيد الثرم مرتين حتى يتجانس اللحم والليه زين واثرم بيدي
كرفس او معدونس حسب الرغبه واثرم بصل وملح اعجن الكل وبعدها اشيشهن بالشياش ويمي شويه عصير طمامه استخدمها بدل المي وارتب اللحم على الشياش وبعدها على المنقله والي يحب الحموضه يخلي شويه سماك



http://forum.hwaml.com/imgcache2/hwaml.com_1325094016_995.jpg

هذي المنقله مات الفحم


http://forum.hwaml.com/imgcache2/hwaml.com_1325094005_334.jpg

وهذي اشياش الكباب


http://forum.hwaml.com/imgcache2/hwaml.com_1325094025_525.jpg

http://forum.hwaml.com/imgcache2/hwaml.com_1325094026_812.jpg

وهذا البصل انا مااحب البصل بس زوجي يموووت عليه

http://forum.hwaml.com/imgcache2/hwaml.com_1325094026_967.jpg

وهذا الكباب اتفضلوا الف عافيه

[ام تمار]

ام بنونه اني احبها حلوه صح كلامك راح اخليها يوم الجمعه من زوجي موجود اطبخها شكرا ياورد انتي بنونه شلونها بعدها وكحه الله يخليها

[ام تمار]

بنات وينكم شوكت تتواجدون اني ادخل اكتب لوحيدي ماكو احد يرد تكول اطرش بالزفه ههههههههههههههه

[ام تمار]

اعظم البكاء على الامام الحسين الذي هو ليس ندما وأنما تعاطف وتوادد وتقرب من هذا الرجل العظيم
الذي هز عروش الطغاة والظالمين وعلى الحسين فلتبك البواكي فانه مات غريبا وشهيدا وذبيحا
في لحظه مخيفه من التراجع والغدر والخيانه وحب الذات
وكل البكاء مهما كان جليلا يحتوي على شي من الذل والخنوع والانكسار ألا دموع عليه
فهي دموع العز والتطهير والكبرياء والشموخ والكرامه
السلام على الحسين وعلى علي ابن الحسين وعلى اصحاب الحسين (عليهم السلام )

[مجنونة بحبها]

السلام على الحسين وعلى علي بن الحسين وعلى اولاد الحسين وعلى اصحاب الحسين

عيني نورررررررره انا موجوده بس النت عندي ضعيف كلش

وبنونه زادت منقصت كلها شررررررررررررررررررررررر

وانتي شوفي يوم زوجج موجود يساعدج واطبخي لان ماكو مثل اكل البيت

[مجنونة بحبها]

اكولج نوررررررررره هسه انتي اكلكم كله من المطعم لو شلون

الله يساعدكم

انا صح جنت رابطه ببنونه بس اول 3 اشهر جنت مااطبخ وبعدها

لا صرنه معاونه انا وزوجي ونسوي اكل النا لاني مااحب اكل المطاعم هوااااااااااااااي

[رويدة_ أم ألق]

اهلا وسهلا بيج ام الق نورتي لمتنه العراقيه يارب تكون احلى صحبه منوره
يله حبي عرفينه بنفسك يعني حضري هويه الاحوال الشخصيه حتى نتعرف عليك
يعني من وين مزوجه عمرك كم طفل عندك اهلا بيج مره اخره
اني نوره من كربلاء المقدسه عمري 26 سنه مزوجه صالي 2سنه حامل بالشهر الثامن قربيا اصبح ام زها بأذن الله وتساهيله
اهلا بكل البنات الجدد منورين التجمع

تسلمين عزيزتي لهذا الترحيب الطيب منج
الله يسهل ولادتج ويكتبلج السلامة

حضرت الهوية وتتدللين
اسمي رويدة عمري 28 من ديالى خريجة كلية العلوم قسم كيمياء
أحب المطالعة والكتابة وعندي نصوص متنوعة منشورة في مواقع أدبية
أطمح أن يكون الي اسم في عالم الأدب
متزوجة من الشاعر قاسم الشمري ومقيمة بالنجف يعني جيرانج
مضى على زواجي 6 أشهر ونص ... حامل بالشهر الرابع وبُشرت ببنوتة
نسميها ألــَق باذن الله

بعد شتحبين تعرفين أكو شي ما كلته؟ ^_^

تحياتي ومحبتي.

[رويدة_ أم ألق]

أم بنين أهلا وسهلا بيج وعاشت الأيادي كبابج يشهّي.

[رويدة_ أم ألق]

سلام الله على الحسين ومن استشهد معه .. أثابكِ الله أم زها.

[قمر بغداد]

هاااااااااااااااا ي بنات شلونجن شكووووووووووووو ماكووووووووووووو
ام بساسة بس بس بس ميووووووو وينج اليوم ماكووووووووو موكلتي راح الزكلكم وخبصتينة شنو نمتي من وكت هههههههههه مشتاقيلج
امونة الورد شلونج
ام تمار حبي وزنوبة ورحاب وايوتة وبنت الخليج ترة اني موجودة وينجن

[رويدة_ أم ألق]

أهلا قمر راح أرحب أنا وأصير من اهل الدار.

[قمر بغداد]

هلوووووووووو رويدة اهلا بيج وانشاء اللة ترتاحين ويانه

[قمر بغداد]

عذورة وينج وروح ملائكية هااااااااااااااااااااااااا يلة ابدء

[رويدة_ أم ألق]

شكرا جزيلا.

[قمر بغداد]

اي شي تحتاجين ام الق الكل موجود ويساعدج اوكي مثل خواتج

[بنت الخليج]

هلووووووووووووووو اكو احد لولالالالالالالا

[بنت الخليج]

رويدة امنورة حبي واهلا وسهلا بيج ويانة

[kokee]

مرحبااااااااااااااااااااااااااا

[بنت الخليج]

اهلين كوكاية كيف الحال حبوبة

[kokee]

هلا حبيبتي ام كروري
بشريني بصحتج