تجمع حوامل العراق واتمنى اكو احد موجود

[زينب السعدي]

تسلمون بناااااااات ايه وامونة وزينة الله يفرح قلوبكم وقلوب كل البنااات
رحت سويتها طبعا كنت خايفة وارجف واني نايمة ورجلي كاعد يم راس وحاضني ويبوس بيه كدام الدكتور والنيرس خخخخخخخخخخخخ واني ابجي وارجف
ضربني الدكتور اولا شي ابرة تخدير موضعي بالبطن شوي وجعتني عطت بيه عيطة خفيفة ووراها ضربني ابرة الاختبار تصير طويلة اطول من كف اليد كلها تطب بالبطن بس محسيت بيها بس دغدغني بالداخل من ديسحب من سائل الجنين
وكالولي حينطوني ويه النتائج جنس الجنين ولد اوبنت بس اني هسه الي يهمني ان يكون سليم وماهامني الجنس
انشالله ميصير الا الصالح والي كاتبه الله بس والله من شفته اليوم بالسونار شلون يتحرك وشفت كفه واصابعه وسمعت نبض قلبه قلبي انمرد عليه دااشوفه ادمي وقطعة مني مو هين عليه انزله ولا هين عليه يعيش مريض العمر كله.... الله ليحط احد بالموقف الي اني ورجلي بي

[توتايه]

انشاء الله النتائج تبين بخير
زين بالسونار شكالولج؟
وشوكت تبين النتائج مال التحليل
الله ينزل مي بارد على كلبج

[توتايه]

والله هم النتائج وهم يوسف وهم حماتي بعدها على نفس العاده ليهسه

[زينب السعدي]

تسلمين توتاية الله يفرحج بنجاحج يارب
انشالله الجمعة بالليل تظهر النتائج بخصوص الفحص والسونار يكول نفس النتائج مال المرة الاخيرة يعني مو زينة والله كريم
اكلج ايه انتي تقصدين بحماتج ام زوجج لو اخت زوجج هاي اولا وثانيا انتي عايشه ويه عيالج لو وحد وثالثا شبيها حماتج وياج ؟؟؟؟ خلينا وحدة تستفاد من الثانية

[زينب السعدي]

ماكو سهرانيين ضايجة كاعدة وحدي
صديق زوجي جاي خطار وهسه يمه زوجي كاعدين بالاستقبال وشكلهم مطولين

[زينب السعدي]

امونة اريد اعلمج ختومات بخصوص الحمل ومجربة هوااااااي مااعرف سويتيها لو لا ؟؟؟؟
انتظر ردج حتى اذا متعرفيها من ارجع لدبي اكتبلجياها لان الكتاب ببيتنا وهسه مو يمي
اني اول زواجي كنت مااسوي طفل لحد 9 او 8 اشهر كنا منريد بس بعدها صرنا نريد وسوينا 3 اشهر ومصار عدنا وبعدين سويت هالختومات جان بالشهر الرابع يشكل عندي يعني بسما سويت الختومات حبلت الحمد لله

[زينب السعدي]

مبين كلكم نايمين بس اني كاعدة
يلا نوم العوافي واحلام سعيدة وتصبحون ع خيييييييير

[توتايه]

هلو زنوبه لا حماتي اخت زوجي
اي كاعده وية عيالي بس موغريبين امه تصير خالة امي
عيني حماتي من ثاني يوم زواجنا وليهسه صار سنه ونص وهيه تجي من ال9 بالليل يمنا بغرفتنا وتطلع ساعه 4 لو 5 الفجر وعلى هاي الحطه صار سنه ونص ودا اشوف الويل
ومن نوع عديمة الاحساس حتى سيتات نوم البس كبالها وهيه ولا عبالك

[مجنونة بحبها]

هلووووووووو بنات

الله يساعدج ايه على هاي العله ماكو واحد يجي ويخلصج منها عديمه الاحساس

زينب الله يكون بعونج وشنو هذي المقريات ماعرف انا ماعندي ولا جربت الله كريم انتظر رحمه الله بفارغ الصبر هذا الاسبوع موعد المحروسه

زينه حبيبتي شكرا على الدعوه ويارب تكونين دوم بخير وعافيه وحااااااااااااااااامل وياي حتى ندردش سوه


ام سلسبيل شوي زوجي مضايقني والحمدلله والشكر انتي ليش متضايقه

رحاااااااااااااااااااب ماكو ولا صعوب ولا يسرى ولا وئام راح نفصلكم على كثره الغيااااااااااااااااااااااب هههههههههههههههههههههههه

اتشاقه وياكم

[زينب السعدي]

الله يساعدج ايه عليها زين هاي شكد عمرها متزوجة لو مطلقة لو عازبة شنو فلمها
زين اوك هي معدها احساس ماعدها ام تنبهها اخوج يحسسها مثلا شنو هالوضعية؟؟
امونة انشالله من ارجع لدبي اكتبها الج ولنور عيني ولكل وحدة تريد تحمل اني بعد باجر بالليل اطلع من لندن ونوصل الاحد الفجر لدبي انشالله

[زينب السعدي]

اية اقصد اخوها يحسسها يعني زوجج

[ام ملك العراقيه]

هاي لاحلى تجمع كل الهلا ابنات ابلادي
اني من العراق والحمدلله موجوده يالعراق

[توتايه]

هلا و1000 هلا بأم ملك نورتي حبيبتي وين بالعراق وحامل لو بعدج وكم طفل عندج وشكد مواليدج




هاي اسئله روتينيه مو تنهزمين منا تره نتشاقه وياج
اني اية ام يوسف ومواليد 90

[توتايه]

روعه منوره عمري اسفه رحبت بيج متأخر بس جانت عندي ضروف واني ما ارحب الا الترحيب الزين

[مجنونة بحبها]

هلا بزنوبه بشرينه بنتيجه التحليل يارب تكون سليمه

ايه الله يكون بعونج ويساعدج كتلج تعالي نزوجها لحماي كلتي خطيه جبير لعد اتحمليها هههههههههههههههههه

ام ملك اهلا وسهلا بيج

[zena]

هلو بنات والله اسلمج حبيبه ماما شكرا ع الدعوه ببس ياربي تتحقق الج عن قريب لان اني هسه بنوتي صغيره ومعذبتني مااريد اطفال بعد من وراهااا ههههههههه بنات شخباركم وايه خلي لحماتج حبايه منومه شنو تبقئ للفجر شعدها ههه وزنوبه الله ابرد كلبج والي كاتبه الله الج ان شاءالله اصير وباقي البنات هلا بيكم وهلا باام ملك

[توتايه]

والله ميفيد وميكدر يحجي وياها ابد ابد والله كريم عيوني


لا على بختج امونه ما اريد ارتكب جريمه خطيه

[زينب السعدي]

هلا بيج ام ملك طبعا اسم بنتج كللللللللش حلو
شلونكم توتاية وزينة وامونة........ والباقين وينكم شو مختفين؟؟؟؟؟؟
امونة الجمعة بالليل تطلع النتيجة انشالله

[نعومه التميمي]

هلو نات شلونكم اخاركم كل الهله بكل وحده جديده بل تجمع
امونه شخبارج وشخبار بنونه بشري كون ماتبين المحروسه
ايه شخارج شلونه يوسف واذا على حماتج راح اشوفله واحد هنا على مود بعد مشوفيه ههههههه
زينب عيوني كلبي يمج ويارب تتطالع النتائج زينه انشاءالله ربي يعوضج كل خير
وعسى ان تكروه شيء وهو خير الكم حبيبتي كلشي ي صالح ويارب شهر الجاي يشكل عندج طفل وتعوضين الراح
باقي البت شخباركم كوكومختفيه
رودينه شخباره يسريوينج بشري شلون صارت رجل رودينه
صعوبه ام السان شخبارج شلون سيف
رحوبه وينج مشتاقتلج شخبار الحلوين الي عندج

[مجنونة بحبها]

جمعه مباررررررررررركه

شلونكم بنااااااااااااااااات اخباااااااااااااااااااااركم

[زينب السعدي]

هلا بنعومة وينج عيني مشتاقيلج
شلونج امونة جمعة مباركة عليج
وجمعة مباركة عالجميع

[زينب السعدي]

بناااااااات ادعولي لو تكون النتيجة زينة والله يفرحني لو الله يصبرني ويبرد قلبي اذا كانت النتيجة موزينة وميصير الا الصالح

[توتايه]

انشاء الله بجاه يوم الجمعه تكون النتيجه ترضيج وتفرحج بجاه واحد احد

[مجنونة بحبها]

ياااااااااااااااارب ارزق زينب السعدي النتيجه الي تتمناها بحق محمد وال محمد

[حبيبي]

السلام عليكم
اشلونكم مشتاقه للجميع
زينب نتمنى النتيجه تطلع زينه وتفرحين وتفرحينااااا يارب
ايه وايمان اشلونكم

[حبيبي]

ايه حماتج ما اتغيرت بعدماولدتي
شلون هالبنيه متحس hwaml4
وانتي بعد هادتها عاى كيفها وماخذه راحتها
انتي فغرفه وحده بس مو فشقه حتى تجي معاكم hwaml15
انا كلت لج بعد متولدين وترجعين اتغيري وغيري
وضعج فهالغرفه hwaml17
انتظرج اليله تجين ونسولف
وعندي الها عريس من السعوديه ههههه اختاري
يا حماى ايمان
يا بلندن اطيريها
يا السعوديه
وكلهم رجاجيل ومن عيلات محترمه مراح اضيع
بتعيش احسن عيشه بس سافري الها وجلسي بغرفتها على كلبها
ولا زوجيها اخوج ورتاحي منها مو اخوج مو مزوج ههههههه

ايمان موجوده ومتسولف نامت على الاب توب هع
صعوبه ام السان مختفيه يومين

[حبيبي]

اووووووف ضايجه بجون ولا اروح اغسل ملابس وكوي ملابس اهئ
كوكي وينج اشلون علاوي
تعالي مشتاقه لسوالفج
وكم نزل وزنج ههههههه ولا بطلتي رجيم ورياضه

[توتايه]

عزة بعيني ليش ابليها بأخوي خطيه امي مو ناقصه لقافه

اي خلي بالسعوديه احسن شي حتى نجي نعتمر ونحج من يمها

لا والله ماتغير الوضع نفس الشي نفس الشي

اليوم امي راح تحجي وية زوجي وتلكى حل للوضع


بالي بالي يم زنوبه ياربي تدخل وتكوللنا

[زينب السعدي]

شلونكم بناااات انشالله زينيين واني اشكركم ع وقفتكم ويايه
واشكر امونة وتوتايه ورحوبة
لتقلقين توتايه اجيت وجايبتلكم الخبر
النتيجة مو زينة ابدا وماتغير شي ..... وهالنتيجة اكيدة مبيها مجال غير قابلة للنقاش لان ماخذيها من dna مال الطفل الي بي كل صفات الجنين والنتيجة مو زينة
ولازم باسرع وقت انزله قبل ليكبر وتصير المشكلة اكبر
بكرى راجعة لدبي واشوف شنو طرق الاجهاض عدهم اذا زينة اسويها بدبي واذا مو زينه اجي للعراق
ادعولي الله يسهل عليه عملية الاجهاض ويرزقني بالذرية الصالحة الغير عاقة ولا معاقة
واني طلبت من ربي يهون عليه مصيبتي اذا كانت النتيجة مو زينة ويبرد قلبي والحمد لله صح تاذيت وبجيت بس الله مصبرني واتمنى ربي يجبر خاطري بحمل ثاني ويرزق كل وحدة تريد طفل بحق محمد وال محمد
والحمد لله الي عرفت هالشي بدايه حملي احسن مما يتطور الحمل او يجيني طفل معاق .. والله بس هالشغلة لازم اشكر ربي عليها ليل نهار ... الف الحمد لله والشكر
واستغفر الله واسئله التوبة

[توتايه]

حبيبتي زنوبه قدر الله وماشاء فعل وعسى ان تكرهوا شيئا وهو خير لكم انشاء االله بداله يجيج 10 وانشاء الله يكون شفيع الكم بالجنه يارب وانصحج تسوين العمليه بدبي لان بالعراق ماكو عناية طبيه ابد ابد واذا قررتي بالعراق سويها بالمستشفى الي جبت بيها لان انظف شي وربي يهون عليج مصيبتج حبيبتي انتي واحمدي الله وشكريه وانشاء الله ينولج الي ببالج

[صعب تنساني]

بنت السعدي انه ما دخلت الا علشان اسمع اخبارك قدر الله ما شاء فعل انه بعد اجهضت بنفس اسبووعك باظبط انه راح اكتب ردي بسرعه لانه سيف يصرخ لي عوده ثانيه
حبيبي صعوووبه ام لسانين موجوده بس ما تلاقي احد ترقصه او تعضه خخخخخخخخخخخ
توتو يالله لا زمو تحطي حد نهائي وترتاحي من عجوووز النار وتلاقي لها عريس اليوم يا قاتل يا مقتول ههههههههههههههههه
كوكو ووينج ليكون لحين خامره مع الحبيب بالشلال خخخخخخخخخخخخخخخخخخ
حبيبه شلونج وشلون بنونه انه ما انساج على طول ادعيلي لج بتؤائم اولاد وترتاحين
روونه تعالي طمنيني على ريل بنتج وعلى عمليتج
نعووومه وينج مختفيه من زمان
فيوونكه تعبت وااانه اسال عنج ولدتي والله لا
خاطري تدخل حبيبي الحين واسولف معاه انه خااطري افضفض الى بقلبي قلبي يعووورني وااايد وااايد بس خساره الحين ما اقدر القاها لانه لسانها ما يطوول الا باليل ونهار سلسانها يقصر وياكله القطووووووووووووو هههههههههههههههههههههههههه

[مجنونة بحبها]

هلووووووووووو بناااااااااااات اخبااااااااااااركم

زينب الله ينطيج الصبر ويرزقج ذريه صالحه دون زياده او نقصان بس اسئلج رجلج كرايب لو خبيث يعني عندكم وراثه

صعوبه مشكوررررررررررره حبيبه قلبي الله يحفظ سيف ويستجاب دعائج ااااااااااااااااامين

ايه شلونج وشلون الطركاعه العندج سويتي حل وياه لو بعد

رحاااااااااااااااب شلونج يغايبه وشلون جهالج

كوكي ويسرى ووئام شلونكم وشخباركم

نور عيني وزينه وباقي البناااااااااااات كلكم بدون ذكر اسامي شلونكم واخباركم

[دلوعة وطيوبة]

صعووووووبه قسم بالله زعلانه عليك يادوباء ماتسالين عني يافيله اوكي ماراح اخش التجمع هذا تاني مااحد يسال عني ولاكمان اعز صديقه لي صعوبه اوك باي

[مجنونة بحبها]

هلو دلوعه لا عاد كله ولا زعلك بس انتي بلشهر مره تطلين علينا

ايه شوكت تطلع النتائج لان قبل شويه جنت ادور بس مالكيت فضول اريد اعرف اول الناس هههههههههههههه

[zena]

هلو بنات الله اساعدج زنوبه وصبرج بس ان شاءالله يارب اعوضج بااحلئ نونو حبيه ماما شلونج حبيبتي شخبارج البنوته شخبارها اني بنتي دخلت بالشهر السابع ولاتكعد ولاتزحف بعدها حيل خايفه عليها الي ابكدها اشوفهم اكعدون بس هيه ابد

[صعب تنساني]

حبيبه ماما شلووونك يا قلبي وشلون بنونه
دلووعه وطيووبه يا دلوووعه انه اتعب وانه اسال منج وادز لج رسايل انتي ما تستجيبن لندائي ولا تردين على الرسايل مليت من كثر ما اسال عنج وانتي حاااقرتني والله انتي عزيزه على انتي اكيد قاعده تتعززين او تتغلين على صح علشان تعرفين غلاتج عندي كل شي ولا ام عللالاوي الغاليه
حبيبي للحين القطووو ما رد لسانج خخخخخخخخخخخخخخخخ
توتو يالله ننتظر التفاصيل مع المبرووكه
كوكو للحين على شلال ؟؟؟؟
ردوونه تعالي خبريني عن ردونه وعن عمليتك
نعووومه وووينج
فيونكه ما قلتي لي ولدتي والله لا
بنت السعدي اتذكر معانتي واقول الله يساعدك

[صعب تنساني]

زينه شلونج يا قلبوووو

[zena]

هلووو صعب تنساني شلونج شخبارك ان شاءالله تمام

[توتايه]

حيااااااااتي بنات مشتاقتلكم بعده ما انتهى الموضوع امي راح تحجي وية زوجي

وامونه حبيبتي النتائج تطلع باجر الصبح


صعوبه حبيبتي مشتاقتلج كلش انتي ودلوعه الدبه

وباقي البنات شلونكم اخباركم


اليوم رحت على دكتور العيون وكالي العمليه تكلف مليون ومية فأجلتها الى ان تتحسن الامكانيه ويسويلياها بمستشفى اهلي اسمه الفردوس اذا تعرفيه امونه

[zena]

هلو توتايه الف سلامه ان شاءالله ويصير نضرج مالت صقر ههه ومشكلتج لازم تلكولها حل متطلع عيشه هيج وي حماتج والله اكون بعونج

[توتايه]

زينه حبيبتي شعجب بعدها متكعد زين ليش متراجعين دكتور؟

[توتايه]

الله يسلمج حبيبتي انتي زينه اووووووووف اسكتي وخليها حال الضيم حالي

[zena]

والله وديتها للدكتور اكولي شي طبيعي اهنا عدهم بس طبيعي لو الواحد اريد اموت هم اكولون طبيعي باردين مثل جوهم اوووووووووووووووف لاياربي ان شاءالله ترتاحين منها وتنحل مشكلتج وياها

[توتايه]

باعي جربي كعديها على القنفه وحصري جوانبها بالمخدات وخلي مخده بحضنها وشوفيها

[دلوعة وطيوبة]

هلوووو كيفكم صبايا صعوبه واضح انك تسالين عني ترا كل يوم اخش التجمع واشوف تسالين اولا طلعتي مو معبرتني يلا ماعلينا اخبارك واخبار سيوفي تصدقين ليتنا حوامل زي اول كل يوم سهره لين الفجر ودحين مانشوف بعضنا صعوبه حددي الوقت لي تجين فيه من شان نسولف كلنا سسسسسسسوال صبايا انا سمنت بعد الولاده دحين انا في عالم السبعينات وربي احس ان جسمي مو اوكي وانتم كم صار اوزانكم مين لي تسوي رجيم صعووووووووووووووووووووووووووووووبه ردي

[دلوعة وطيوبة]

ردووووووووا انا ضايجه هوايه هههههههههههههههه

[دلوعة وطيوبة]

حبيبي والله فقدتها احس التجمع مافيه حركه من غيرها هههههههههههههههه

[حبيبي]

ههههههههههههههههههههههههههه حبيبتي دلوعه جيت كاني

[حبيبي]

يسلمو على سوالج عني
بنسبه لزياده الوزن عاتي عاتي هع
الكل بعد الطفل الاول بيسمنو بعد سته اشهر يبدى وزنج يقل
بس حافضي على اكلج ومارسي رياضه المشي ورضاعه الطبيعيه اتنزل الوزن بعد
ناس اتنزلهم ناس اتسمنهم هههههههه اترضعين وجوعين بسرعه وتاكلين وهيك
اشلون علاوي دلوعه بيجنن مشاء الله بصوره

[حبيبي]

زينب الساااااااعدي الله يعوضج يارب
ويصبر قلبج ويرزقج بذريه عاجلا
زينب بعد الاجهاض خلج فتره لراحه
الجسميه ونفسيه لا تستعجلين بلحمل مره ثانيه
لانه بعد الاجهاض الظهر والجسم يتعب كلش
وتغذي زين مهم الغذاء حتى جسمج يرجع نفس قبل
والله يقومج بسلامه يارب وتعالي طمنينا عنج

ايه اشلون يوسف تعالي اخاف زوجج يزعل
يكول ادخلي امج بموضوعنا ليششششششش
كان حليتيها انتي اني مشوف الشغله صعبه
حتى اخلي امي اتحلي ايها ههههههه
كلها جرت شعر ونتهى الموضوع هع قويه
لا بلحجي وتفاهم معها وتغيير اسلوبج تنحل ان شاء الله


صعوبه حبيبت قلبي اشلون حبيبي سيف ان شاء الله ما عذبتيه
مشتاقه والله لج حيل حيل بس ظروفي كلش هلايام
ومثل مقالت لج دلوعه تركي النا وقت دخولج حتى نحاول ندخل معاج
وخير شنو مشاكلج وحابه تقوليها اني بلخدمه لج
واذا اتحبين اتركين رسايل لي بلخاص بلمشاكل وسوالف وجاوبج عليها






زينه عادي حبيبتي بنتج تتاخر طبيعي اولادي ارعه كلهم 9 اشهر على ميجلسون
كسلين هههههههه اسنديها بمخاد وكل مره وتتعود تجلس وخليها على بطنها وتحبي
تركي شي قدام وجها وهى اتحاول تاخذه
وبوساتي لبنتج تعالي انتى وين هسه ساكنه ؟



ايمان اشلونج مشتاقين لسوالفج الحلوووووووه والمره منها هههههههه
بوساتي لبنونه
باغي البنات اشلونكم كلكم نفر نفر زنكا زنكا هعhwaml02

اي اي كوكي اعجبج الشلال ورحتي تسبحين تعالي يبنت لتحملين ترى حذرتج hwaml02
كثر السبوح يولد الحماااااااااااااال hwaml7ههههههههههههههههه

[نعومه التميمي]

شلونكم بنات
زنوبه حبيبتي الله يساعدج ويعوضج لا تنقهرين كلشي بي صالح
امونه شلونج شخبار بنونه
صعوبه شلونج مشتاقتلج شخبار سيف شلون صار
دلوعه شلونج شلونه علوي
زينه خاف بنتج ظمه ثكيل وماتكعد بس جربي انتي تكعديه
ايه بشريني بل نتيجه انشاءالله ناجحه ويارب سوين العمليه ويصير نظرج 6\6
رحوبه شلونج شكو ماكو باقيالبنات شلونكمممممممممممممممممم

[مجنونة بحبها]

هلووووووووو بناااااااااااات

ايه هو نفس المستشفى السوت بيه اختي مستشفى الفردوس وهم صارت عمليتها 10 ورقات يعني مليون وميه الله يرزقكم وتسوينها ويصير نظرج 6 /6 شخباريوسف

رحوبه شلونج واخبااااااااااااااااااارج

صعوبه ووئام ويسرى ودلوعه شلونكم اخباركم واخبار الصغار ان شاء الله زينين

حبيبتي زينه عظم بنتج مو قوي لو هي سمينه لو راسه جبير ومتكدر تشيله ههههههههههه وتكعد لان انا ابن اخوي عمره 6 اشهر هسه يزحف وبنونه عمرها 6 اشهر جانت تكعد وتزحف انتي وكليها شوربه عظام حتى تقوى عظامه ولا تخافين شي طبيعي اكو هواي جهال يتاخرون بسبب رخاوتهم وسبب امهاتهم ميشربون حليب بفتره الحمل فيصير الطفل عظمه مو قوي هههههههههههههههه صرت دكتوره براسج

[توتايه]

هلو بنات الحمدلله رسبت طلعت ب4 دروس وانتهى وبعد مراح افكر ادرس بحياتي

[مجنونة بحبها]

لا ايه حرامات وليش متكدرين تعديهن دور ثاني

وين نشروا النتايج بالنت اريد اشوف نتيجه عذراء فضوليه

[مجنونة بحبها]

تعالي وينج سولفي وياي

[توتايه]

حبيبتي اني خارجي وما اريد اعيد امونه لان زهكت هاي صار 4 سنه امتحن بكلوريا جماعتي هالسنه راح يتخرجون من الكليه واني بعدني امتحن


من جريده الصباح لكينا جماعه يشتغلون هناك وطلعولناياها

[مجنونة بحبها]

ايه وينج تعالي بس كويلي وين نشروهن اريد اعرف اول وحده فضووووووووووووووووووووووووول

[فتوونه]

توتايه

ميخالف حبيبتي لضوجين وخلي عندج عزيمه واصرار انج تكملين دراسه ترا والله مايفيدج غير شهادتج وحتى لو تاخذيها بعد عشر سنين شكوعندج

واحمدي الله واشكري على كُل حال والله كريم

بنات شلونكم اخباركم

يارب كلكم بخيييييير

[مجنونة بحبها]

الله يساعدج حبيبتي موزين بس اربعه وانتي عندج استاذ يوسف مخلاج لاتقرين فلا تنقهرين هي وين الدراسه عندنا كلها فاشله بس بفلوس
انا عبالي بالنت كاعد ادور اريد اعرف نتيجه عذراء

[توتايه]

تسلميلي فتونه حبيبتي بس هذا الشي لغيته من حياتي وبالتالي غيرو الكتي يعني شي مستحيل فتونه حياتي اشكرج حبحب


امونه مو كلتلج بجريده الصباح جابو القوائم قبل شويه

[مجنونة بحبها]

هلووووووووووووو فتونه شلونج واخبارج

[فتوونه]

هو اكو شيء بالعراق بيه خير

مو زين طلعتي بـ 4 بس ويه الكهرباء والحر

[فتوونه]

الحمدلله حبيبتي بخير
دخلت بشهر التاسع وصايره بطه ههههههه
وخايفه حيل وربج يعين

انتي شلونج

[مجنونة بحبها]

اي حبيبتي ملقوفه ومستعجله

يله هي الدارسين ومخلصين كاعدين لاوظيفه ولاشي

[مجنونة بحبها]

الحمدلله زينه انتي وين تغيبين

[فتوونه]

والله مالحك افتح نت
شغل البيت ميخلص موتني
وخطار 24 ساعه فلم هندي

[مجنونة بحبها]

هههههههههههه مليت وانا كاعده وحدي وبدون غدا انتظر رجلي وليهسه مرجع

متت من الجوووووووووووووووووووووووع

[فتوونه]

ههههههههههههه

واني مثل حالتج هو زوجي يتأخر المغرب احنه نتغده تخيلي شيصير بيه

ولي هسه ممسويه غده مابيه حيل خخخخخ

[مجنونة بحبها]

الله يساعدج والله شغل البيت ميخلص ابد وزياده الخطار

انتي وين ساكنه

[فتوونه]

اني بعمان
وانتي ؟

[مجنونة بحبها]

ههههههههههههه لتعالي نتغدا انا وياج انا غداي جاهز بس اليوم رجلي تاخر هو يوميه الساعه1 يجي بس اليوم طالعتله شغله وراح يتاخر كال تغدي بس انا ماينطين كلبي اكل وهو بعده جوعان

[مجنونة بحبها]

اني ببغداد

الله يساعدج على الغربه صارلج اشكد متزوجه

[فتوونه]

بألف عافيه على قلبج حبي

[مجنونة بحبها]

الله يعافيج انا مسويه دجاج وتمن ولبن وزلاطه وشربت زبيب

[فتوونه]

صارلي 3 سنوات ونص

صح هيه غربه بس احسن من بهذلت العراق

وزوجي الحمدلله زين معوضني ومخالني احس بغربه

انتي شكد عندج اطفال ؟

[فتوونه]

ياعيني شلون اكل طيب بالهنا والعافيه عليكم

اني راح اسوي تبسي لحم وتمن ^_^

[مجنونة بحبها]

الله يعافيج حبيبتي

انا صارلي 5 سنين متزوجه وعندي 3 اسقاطات وبنوته وحده والحمدلله على كل حال والغربه حلوه اذا اهله مو يمج تخلصين من القيل والقال

[مجنونة بحبها]

وانتي شكد عندج جهال

[مجنونة بحبها]

هلووووووووووووووووووووووووووووووووووووو

[دلوعة وطيوبة]

مساوووو كيفكم صبايا حبيبه ماما شلونج

[العاااالي مستواها]

تعالي عزيزتي الغااليه شاركينا

في مسابقتنا الرائعه والغريبه في قسم الغرائب والعجائب

هذا رابط المسابقه

http://forum.hwaml.com/t74927.html

[زينب السعدي]

هلو بنااااااااات شلونكم
اليوم وصلت الصبح لدبي واول مااجيت طكيتها نومة وقبل ساعة كعدت والله متت تعب طريق 7 ساعات غير الانتظار
اشكر كل البنات الي واسوني ومتصدكون شكد خففتو عني الله يسهللكم اموركم ويحققلكم امانيكم جميعا
واشكر صعوبة لان دخلتي علشاني رغم هوسة سيوفي الله يخليه الج
امونة طبعا اني وزوجي مو كرايب لا من بعيد ولا من قريب والموضوع مو وراثي اصلا يعني الي صار عند الجنين ماله علاقة بالوراثة مجرد خلل بالانقسام يعني من التقت النطفة والبيضة وتكونت البيضة المخصبة وبعدها يبدأ الانقسامات فهنا صارت المشكلة لان الانقسام الصار عند البويضة المخصبة غير طبيعي فاصبح خلل بالانقسام وبعدين من كبر الجنين طلعت عنده هالمشاكل وانشالله بكرى نروح للمشفى نشوف شنسوي
شلونج توتايه لتزعلين اولا انتي بعدج صغيرة ثانيا عندج طفل بعدها كلللش صغير يعني ابد مكانت وكتها مال الامتحانات بس الي اطلبه منج ابد متيئسين وتحاولين حتلو كل سنة لان الشهادة متتعوض اي شي كانت
شلونج زينة قلقتيني ع بتج هي شكد عمرها حاليا
شلونج نعومة انشالله بخييير
شلونج رحوبة رجلج شلون صارت انشالله طبتي
كوكي وينج شو ماكووووو مختفية انشالله خيييير خاااااااف حامل هههههههههههههه
يسورة وينج شو ماكو شلونها عمليتج مسالت عليها بعد لان التهيت بمصايبي وردونة شلونها
بناااااااااااااات ادعولي الله يسهللي بالاجهاض لان شوي خايفة لان ممجربتها ابد ومااعرف شحيصير وخاصة اني حدخل الاسبوع15 والاجهاض حيكون متعمد

[فتوونه]

حبيبة ماما

اي والله الحمدلله خلصانه من اهله ومن المشاكل ههههههههه

اني عندي ولد واحد اسمه (فهد)

.
زينب السعدي
الحمدلله على سلامتج حبيبتي والله يعوضج خير ياااارب
وصدكيني كلها ارزاق من رب العالمين واختبار الج ولزوجج احمدي الله واشكري وهو راح يعوض صبرج خير

[زينب السعدي]

تسلمين فتونة الله يخليلج فهد وابوه
اني مثلج مغتربة بس بدبي وصح بعيدة عن اهلي بس رجلي معوضني الله يخليه يارب وع قولتج بعيدين عن اهله وخلصانين من المشاكل وحت نصير اعزاز ههههههههههه

[زينب السعدي]

امونة شفتج كاتبة مسويه غده وياه شربت زبيب لج عيني اموت عليه ومحرومة منه من كنت بالعراق كنت اشتريه جاهز من السوك مااعرف اسويه ......انت تسويه بالبيت لو تشتريه اذا تعرفين تسويه علميني حبابه اموووووووووت عليه
مشتهية كيمر عرب وصمون عراقي وكاهي وتمن كلم اووووووووف كلهن ماكو هنا ومحرومة منها
انشالله بعد شهر تقريبا اجي واشبع منهن

[توتايه]

حياتي زنوبه الحمدلله على السلامه
وعادي عيوني اني مامهتمه بس المشكله كل صار 4 سنين اعيد وضغط نفسي ووية كل امتحانات يصير عنددي خفقان بالقلب وكثره الخفقان موزينه لان اخر مره تخربطت وودوني للمستشفى فراح انسى هالشي وما اريده

[زينب السعدي]

ولا يهمج ايه المهم سلامتج وصحتج بس اذا تحبين اتجهي غير اتجاه اذا مليتي من الدراسة يعني اتعلمي لغة وكومبيوتر دخلي دورات وبعدها توظفي بشركات او مكاتب اهليه او مدرسة خاصة تكونين بيها موظفة ادارية يعني شغل كومبيوتر وسجلات وهالسوالف اكو هواي مجالات تره.. اذا انتي حابة تشتغلين وتغيرين جو

[مجنونة بحبها]

اي حبيبتي زنوبه اسويه بالبيت حبيبتي انطيج الطريقه تجيبين كيلو زبيب يابس بس بشرط من نوعيه التكون العود ماته موجود لان الطعم يصير بالعود ماته تنكعي بمي فد ساعه بعدها تفرميه بالمفرامه الكهربائيه وبعد الفرم تضيفين مي عليه وتصيفه بمنخل ناعم كلش وبعدها تضيفين كيلو سكر وشويه صبغ زبيب والف عافيه يصير يخبل انا مااكدر افاركه ابد ودايما تلكين عندي بالبيت لان طعمه ماكو مثله رغم كل هذي الصناعات ماكو مثل طعم الزبيب العراقي

[مجنونة بحبها]

http://t1.gstatic.com/images?q=tbn:ANd9GcSntPO-dYpRMh_77zf7_8zZk6wb0RqQdTejC8fxh0eBnX6Yi-xX

[زينب السعدي]

اي والله امونه ماكو مثله بلعافية بس شكد كمية الماء الي اضيفه مااريده خفيف كلش ولا ثخين حيل

[مجنونة بحبها]

وهذا عصير زبيب لزنوبه الف عافيه

[زينب السعدي]

تسلم ايدج ام بنونة

[مجنونة بحبها]

حبيبتي انتي عينج ميزانج لاني مااحفظ كميه المي بس احفظها نظري هههههههههههههههههه

وصحيح شوكت راح تسوين الاجهاض انا اكلج لاتخافين انا مجربتها واي سؤال انا حاضره ههههههههههه انا خبره بالاجهاض

[زينب السعدي]

ماادري بكرى نروح للمشفى ونشوف
انتي شلونط ريقة اجهاضج بحبوب ونزل الطفل ويه تقلصات لو بركتاج وبنج عام

[مجنونة بحبها]

حبيبتي انا الطفل يموت بطني وبعدها اروح للمستشفى اسوي السونار يلكون بقايا فيسولي كورداج والحمدلله والشكر

[زينب السعدي]

الله يعوضج باحسن امونة
زين انتي باي اسبوع سقطتي هسه اني راح اخلص 14 اسبوع والثلاثاء ادخل بالاسبوع 15 صارلي اسبوع داخلة بالرابع

[مجنونة بحبها]

مره اخوي الطفل مات ببطنها بس بشهر الثامن انطوها حبوب سايتوتك وخلوها تولدها طبيعي رغم هيه ولاداتها كلها قيصريه بس صارت مجازفه فالدكتوره تكول السايتوتك ينزل الطفل

[مجنونة بحبها]

والله يساعدج ويعوضج انا بعدهم صغار بالاسبوع الثامن وكم يوم ويروحون مني

[مجنونة بحبها]

انا بنونه هسه بحظني وتبجي زخلتني ماعرف احجي عدل انا الطفل يوكع وحده رغم اني اخذ مثبتات بس تصير عندي تقلصات مثل الولاده ومايطول ساعه وينزل وبعدها اسوي كورداج للتنظيف بس مره وكع ومااحتاجيت كورداج راحت امي لموسى بن جعفر وطلبت بان الطفل اذا مامقسوملي ينزل وبدون الم ولا كورداج والله استجاب ومرتين لا احتاجيت الكورداج اؤؤؤؤؤؤؤؤ دوختج

[زينب السعدي]

اي انتي بعدج ممقبطة شهرين اني هسه بالرابع لج عيني شايله هم
حيشوفون قياسات الطفل اذا كبير يسوون توليد طبيعي واذا صغير كرتاج
بس التوليد احسن للرحم لان الكرتاج خاف ياثر عالرحم خاصة لو الطفل كبير

[زينب السعدي]

لا بالعكس امونة ونستيني واستفاد منج
صدك انتي شكد مواليدج؟؟؟؟

[مجنونة بحبها]

وينج زنوبه نمتي على الاب توب ههههههههههههه نوم العوافي

[مجنونة بحبها]

مااعرف والله صح صعبه الطفل جبير والله افكر بيج كل شويه

بنونه نامت على ايدي ورحت خليتها بفراشها واجيت ههههههههههه


انا مواليد 1986 وانتي يامواليد

[مجنونة بحبها]

الله يسهلج صح الولاده احسن لان الكورداج مو زين سامعه عنه وماعرف صح لو لا لان يكولون يبقى عنق الرحم مفتوح وصح لاني ببنونه جان عنق الرحم مفتوح وسويت ربط يله حافظت عليها

[مجنونة بحبها]

هلووووووووووووووووووووووووووووو

hwaml4hwaml4

[زينب السعدي]

ها حبي امونه
كنت صافنه عالتلفزيون اشوف لميس ولو مسلسل سخيف للغايه
طبعا اني بكدج صدفه حلوة هههههههه
ادعيلي امونه
اذا معندج شي خلي اكتبلج الادعيه
اذا موجودة ردي

[مجنونة بحبها]

انا راح اروح تصبحون على خيرررررررررررررررررررررررررررررر

واحلام سعيده

[مجنونة بحبها]

العمررررررررررررررر كله حبيبتي

اذا تكدرين اخاف تكونين تعبانه

ويارب ياسميع يامجيب بحق محمد واله الطيبين سهل على اختي زينب السعدي عمليتها وارزقها الطفل السليم المعافى بحق الزهراااااااااااااء ياااااااااااااااااااااااااااارب افرح قلبها وابدل حزنها بفرح عاجلا غير اجل

[مجنونة بحبها]

رحوبه وصعوبه السهرانات شلونكم ولا تنسوني من دعائكم ههههههههه

دلوعه حبيبتي شلونك واخبارك واخبار علاوي الحلوووووووووووووووووووووو

[زينب السعدي]

تسلمين حبي الله ينطيج مناج
شوفي امونه اول شي كلما تكدرين اسجدي وكولي
بسم الله الرحمن الرحيم"ربي هب لي من لدنك ذرية طيبة انك سميع الدعاء"
بسم الله الرحمن الرحيم "ربي لاتذرني فردا وانت خير الوراثين"
تكوليها انتي وساجده كل يوم شكد متكدرين وحتى زوجج خليسويها
الثاني
لمدة 3 ايام بعد صلاة الفجر وبعد صلاة العشا تقولين 70 مرة سبحان الله و70 مرة استغفر الله ومرة واحدة بسم الله الرحمن الرحيم"فقلت استغفروا ربكم انه كان غفارا,يرسل السماء عليكم مدرارا, ويمددكم باموال وبنين ويجعل لكم جنات ويجعل لكم انهارا" وحاولي تكرريها كل 3 ايام
طبعا هذا خاص لطلب الولد الذكر
الثالث كل نهار اربعاء تصلين صلاة الامام محمد الجواد عليه السلام وهي ركعتين كل وحدة الحمد و70 مرة الاخلاص وبعدها اكو دعاء اربع ااسطر طلعيها من مفاتيج الجنان موجودة صلاة الامام محمد الجواد

[زينب السعدي]

الرابع عندما تقبلون عالجماع قبل الجماع يقرأ الرجل 3 مرات الاية التالية
بسم الله الرحمن الرحيم"وذا النون اذ ذهب مغاضبا فظن ان لن نقدر عليه فنادى في الظلمات ان لا اله الا انت سبحانك اني كنت من الظالمين فاستجبنا له ونجيناه من الغم وكذلك ننجي المؤمين" وبعدها يضع يده ع الجهة اليمنى من بطنج ويقرأ 7 مرات سورة القدر ويستمر كل ليله عند النوم حتى اذا لم يكن جماع يقرأ القدر 7 مرات عالجهة اليمنى من البطن وعند حدوث الحمل يستمر حتى 4 اشهر انشالله
وطبعا هالشي هم بخصوص طلب الولد الذكر

[زينب السعدي]

وبعد اكو اشياء اخرى اكتبها من افرغ انشالله وانشالله اني وياج ونور عيني وكل وحدة تريد تحبل نحمل سواااااااا امييييييييييين يارب

[zena]

هلو حبيباتي شلونكم وصحيح اني مشربت بنتي حليب ومرضعتها طبيعي بس شهرين والباقي كله صناعي بس موبيدي مجان عندي حليب والي بكدها اشوفهم اكعدون بس الله كريم تسلمووون ع السؤال والله ابرد كلبكم زنوبه لتخافين لان مستشفئ وشراف طبي والله اكومج بالف سلامه واعوضج يارب بطفل سليم معافئ

[@moon light@]

هلو سيدات شلونكم شخباركم مشتاقتلكم

احب اقدم لكم هذي الحلويات بمناسبة نجاحي وتحسين معدلي
يلله سيدات تفضلو اكلو لاتستحون
http://forum.hwaml.com/imgcache2/hwaml.com_1317584832_629.gif (http://forum.mn66.com/t285749.html)
http://forum.hwaml.com/imgcache2/hwaml.com_1317584831_995.gif (http://forum.mn66.com/t285749.html)
http://forum.hwaml.com/imgcache2/hwaml.com_1317584831_333.gif (http://forum.mn66.com/t285749.html)

http://forum.hwaml.com/imgcache2/hwaml.com_1317584831_510.gif (http://forum.mn66.com/t285749.html)

http://forum.hwaml.com/imgcache2/hwaml.com_1317584834_970.jpg

وهذي الكيكة خااااااااااصة بس لرحوبة لاني وعدتها من زمان
وهي بكيفهة اذا تريد تنطيكم منهة
http://forum.hwaml.com/imgcache2/hwaml.com_1317584832_937.jpg

انشاء الله تكون طيبة وعجبتكم

[@moon light@]

اية حبي لا تزعلين ولا تنقهرين على النتيجة لان اني اعرف هواي بنات خطية عادو سنة ثانية وثالثة وهسة رسبو بس شنسوي هي الاسئلة هاي السنة جانت صعبة والله يمون بعونج ولا تنسين انتي أم اكيد ملتهية بابنج اني ماعندي اي شي وبلكوة دبرتهة

[زينب السعدي]

الف الف مبروك النجاح مون لايت وانشالله بالتفوق الدائم بكل مجالات حياتج
وعاشت ايدج عالحلويات الحلوة شكلها يشهي مع انه ويه حملي كرهت الحلو وحبيت بس الحامض
بس اكثر شي حبيته التشيس كيك لان امووت عليه

[@moon light@]

اشكرج حبي زنوبة وانشاء الله تتحقق امنيتج والله يرزقج بالولد الصالح حبيبتي

[توتايه]

حبيبتي مون لايت انشاء الله احسن كليه حبيبتي والف الف الف مبروك النجاح بشريني حبيبتي شكد طلعتي معدل وعلمي لو ادبي

[@moon light@]

اني علمي وبالدور الاول طلعت معدل 64 وسويت تحسين صار معدلي 69وية الدرجتين عدم رسوب صار 71
اشكرج حبيبتي وانشاء الله رب العالمين يعوضج بشي احسن

[توتايه]

امين حبيبتي انتي

[توتايه]

مثلي حبيبتي اني هم علمي هاي رابع سنه امتحن بكلوريا

[Om_Omar]

مرحبااااااا بنااات شلوونكم اني عراقيه مقيمه بالسوويد وحامل بالشهرررر 9 ادعولي اجيب بسرعه لان حدي تعبااانه وعندي اطفاال 2 وهذا ال3 الله يسهل على جميعععع يارب

[فتوونه]

ام عمر

كل الهلا بيج عيني نورتي المنتدى
واني مثلج هم بالشهر التاسع ودااعاني كلش

الله يسهل علينا وعليج الولاده ويرزق الجميع الذرية الصالحه يارب امين

[أم أيهومي]

هلووووووووووو شلونكم اني عراقيه وعايشه بالعراق في بغداد
جابتني ريحة الدولمه مالت توتايه لهنا اويلي اني اتخبل على الدولمة اتمنى من الله الكم الصحه والعافيه اني حامل بالشهر السابع وهذااول طفل
يارب يسهل علي وعليكم اتمنى التواصل مع كل الحب

[zena]

هلابيج ام عمر منوره التجمع وان شاءالله دكومين بخير وسلامه واني هم بالسويد وعندي بنوته

[zena]

ومنوره ام يهومي وساعه سهله ان شاءالله ويجيج احلئ نونو

[زينب السعدي]

هلو بنات شلونكم
نورتي ام عمر هلا بيج وانشالله الساعة السهلة
اهلا ام ايهومي الله يسهل عليج وتكومين انتي والنونو بالسلامة
ويسهل ع فتونة هم لان ماادري بيج حامل وبشهرج
بناااااااات ذاك اليوم من طلعت نتيجة الفحص بس خابرونه وقالو مو زينة ومدزو التقرير وهسه دزو التقرير عالايميل مال رجلي وطلع جنس الطفل (ولد) حرامات كانت امنية رجلي يجينه ولد اول شي وبعدين صارت امنيتي لان اريد افرح رجلي بس شنسوي هذا الصار وانشالله يكون بصالحنا
طبعا للعلم اني قبل الحمل مكنت اسوي يوميه ويه زوجي بس ايام التبويض يقذف بالداخل بس باقي الايام يقذف بره طبعا لان كان يريد ولد هاي غير سويت ادعية مال الحمل بولد
فانشالله بعد الاسقاط نرجع ع نفس الطريقة ونفس الادعية والله يرزقني ويرزق الجميع بالاولاد الصالحين الغير ضارين ولا مضرين

[فتوونه]

زنووووبه

الله يعوضج خير حبي وتملين البيت ولد وبنات
ويفرح قلبج وقلب زوجج امين يارب العالمين


ام ايهومي كل الهلا بيج عيني نورتي
والله يكومج بالسلامه ويقر عينج بشوفت النونو

[زينب السعدي]

تسلمين فتونة انشالله ربي يسهل عليج من الصوت الاول
شنو بيج ولد لو بنية؟؟؟؟؟

[فتوونه]

بنوته

وصار 3 ايام بشهر التاسع ولحد الان مااستقريت على اسم راح ابجي

ماعندج اسم حلو ؟

[زينب السعدي]

شوفي هالاسماء الي احبها بلكي يعجبج شي منها
ملك.... مرح.... تالة.... وله... رتاج.... راما
ومن اذكر اسماء اخرى هم اكلج عليها

[فتوونه]

تاله
لو تدرين شكد عاجبني الاسم بس زوجي المناضل يقلد عليه
اي اسم اكوله خلي نسمي طلع بيه فد عيب راح اذبحه ههههههههه

اوكي حبي تسلمين متقصرين

[زينب السعدي]

ههههههههههههه والله نفس الشي اني وزوجي هم من كنا نتناقش بالاسماء كان ميعجبه اي شي باسماء البنات بس اسم الولد كنا متفقين عليه محمد
واسماء البنات هاي الدزيتها الج كلها كان يصنف عليها

[فتوونه]

ههههههههههههه
ميعجبهم العجب

[توتايه]

لتسمون اسم وله لان اسم من اسماء الشيطان سوو سيرج عليه بالجوجل وشوفو شيطلع

[توتايه]

ام ايهومي منوره حبيبتي تدللين احلى دولمه الج وللبنات حبحب الله يتمم عليج بالخير

فتونه شلون التاسع هههههههههههههههههههه اني صرت بطريق

[روح ملائكيه]

السلام عليكم
طبعا اني عضوه جديده وعراقيه ومغتربه وقبل ربع ساعه سجلت ..
كنت ابحث بجوجل وطلعلي هالمنتدى وعجبني وشفت دردشتكم وكلت خلي اسجل ادردش ويه البنات (طبعا هذا بعد اذنكم)..
اني حامل ومنتظره موعد ولادتي دخلت بالشهر التاسع (حسب حساب السونار) صارلي 3 ايام
هذا حملي الثالث ... للعلم اني اجيت من العراق اول البارحه بالليل حاليا ساكنه بدولة الامارات
واشكر توتايه على تفاعلها وكلامها الحلو مع الكل (قريت اكثر كلامكم) وصينية الدولمه رهيبه لازم اسوي دولمه قبل ولادتي (هذا اذا سمحلي زوجي هههههههه)
يلا طولت عليكم واشوفكم على خير...

[زينب السعدي]

اهلا بيج روح ملائكية نورتي التجمع وحمد لله ع سلامتج وانشالله الله يسهلج ولادتج وتكومين بالسلامة انتي والبيبي ... اني هم مقيمة بالامارات بدبي انتي وين ؟؟؟ وباي مشفى حتولدين
توتاية اني اعرف هواي ناس مسمين وله وطبعا هاي هنابالكوكل شفت هالخرط بس مااعتقد بي لان اعرف ناس كلش متدينين ومسمين بتهم وله طبعا البنيه كبيرة هسه يعني عمرها 30 سنة وماشالله عالجمال الشايلته وفوكاتها دكتورة وقسمتها هم حلوة واشوفها مرتاحة طبعادااكلج هيك لان يكولون الاسم ياثر ع حياة الشخص وهذا معناه اسمها مماثر عليها بالعكس اني اشوفها من المحظوظات

[مجنونة بحبها]

هلوووووووووووو بنات

زنوبه الله يعوضج يااااارب وشكرا على الادعيه راح انتظر تشرف المحروسه واجرب ان شاء الله

مون لايت الف الف مبروك وعقبال الصيدله هههههههههه بس اريد كيك حقيقي مو صوررررررررررررررررررررر

اهلا وسهلا بالبنات الجدد ام عمر وام برهومي وروح ملائكيه شرفتوا

باقي البنات وينكم غايبات رحاب وصعوبه ويسرى ووئام وكوكي مشتاقين لسوالفكم

دلوعه اخبارك واخبااااااااااااار علاوي

[زينب السعدي]

ياااااااااااارب متشرف عندج المحروسة يا امونة وتفرحينا لان صدك افرح اذا حبلتي
واذا شرفت سوي هالادعية مع ايمان صادق بيها وانشالله ادزلج الباقيات بعد لان اكو هواي سوالف
شوكت موعد الدورة مالتج؟؟؟

[xRano0x]

شرفووونا بالقسم العاااام

واعطووونا رأيكم يالغاليااات بالموضوووع

http://forum.hwaml.com/t75780.html

[زينب السعدي]

بناااااااااات
اشو وجهي اليوم اصفر كللللش وشفايفي مزوركة عبالك وعيوني ذبلانة حييييل اخاف مات الطفل ببطني
بعد ساعتين لموعدي ويه الدكتورة

[روح ملائكيه]

اهلا بيج روح ملائكية نورتي التجمع وحمد لله ع سلامتج وانشالله الله يسهلج ولادتج وتكومين بالسلامة انتي والبيبي ... اني هم مقيمة بالامارات بدبي انتي وين ؟؟؟ وباي مشفى حتولدين


تسلمين عمري ..النور نوركم غلاتي
اني مقيمه بالشارقه خلف مستشفى دبليو ولسن ..راح اولد بمستشفى القاسمي هواي نصحوني بيها بس اني حايره هذي اول مره اولد بالامارات كل مره اولد بالعراق ووحدي ماعندي اقارب هنا بس الله كريم..
بالمناسبه اسمي ام شوق وعندي 2 بنات (شوق راح تصير 5 سنوات -وملاك عمرها سنه وشهرين)
ومنتظره محمد (الطفل الجديد)يشرف ههههههه
محتاجه دعواتكم

[روح ملائكيه]

بناااااااااات
اشو وجهي اليوم اصفر كللللش وشفايفي مزوركة عبالك وعيوني ذبلانة حييييل اخاف مات الطفل ببطني
بعد ساعتين لموعدي ويه الدكتورة

اسم الله ع الطفل ياعمري ماتشوفين شر ان شاء الله الدكتوره تطمنج عالطفل مو زين القلق عليج وعلى الطفل.

[فتوونه]

زنوووووووووبه
خليتي بالي عليج حبيبتي وترا هاي من التفكير صدكيني
طمنينا شنو شصار ويارب تكومين بالف سلامة
صليت ودعيتلج يارب متشوفين مكروه ابد



ام شوق

نورتي عيوني وكل الهلا بيج ويانه
الله يخليلج البنوتات ويفرحج بشوفت محمد ويكومج بالسلامه

وترا اني وياج نفس الشيء هم بشهر التاسع صارلي 3 ايام بس حامل بنوته hwaml7


توتايه

يابطريق تعالي شوفي صايره بطه بالكوه امشي وابني صاير يغار من نفسه عليه وكلش متعبني وياه مااعرف شلون اصرفhwaml4 والنفسية فلم بالالوان
والحمدلله على كل شيء

[توتايه]

ام شوق الف الف هلا نورتينا الله يكومج بالسلامه حبحب

ولج زنوبه طمنيني عنج


فتونه اشتري مجموعه ملاعيب وبيوم الولاده كوليله هاي من اخوك اوكي؟
وهسه اشتريله اي شي وكوليله هذا من النونو

[مجنونة بحبها]

شكرا زنوبه حبيبتي انا موعد المحروسه يوم 5 بالشهر الميلادي يعني بعد يومين وعايشه برعب ههههههههههههه

تعالي طمنينه عنج لا تخوفينه حبيبتي

ام شوق اهلا وسهلا بيج نورتي

ايه وفتونه شلونكم

[توتايه]

هلو حبيبتي امونه انشاء الله متجي بس انتي حاولي لتفكرين بالموضوع

[دلوعة وطيوبة]

سلاااااام كيفكم بنات احس الجو سار يبرد وسرت انام كمان المغرب

[مجنونة بحبها]

هلو ايه والله انا ماحاسه اكو حمل بس من افكر راح تجي يطير عقلي هههههههههههههههه الله كريم انا اشتريت اعشاب وادعيه وراح اجرب حتى لو اجت بس اتمنى ماتجي والله كرررررررررررررررريم

هلو دلوعه اي والله الجو اتغير برد وصارت الامراض على حبه الله يشافيج ويبعدها عنج

[دلوعة وطيوبة]

حبيبه ماما كم عمرج احسك صغيره

[مجنونة بحبها]

لا حبيبتي انا عمري 25 وباقي شهرين وادخل 26 سنه عجوووووووووووووووووز ههههههههههههه وانتي كم عمرج

[Om_Omar]

شكررااا حبيباااتي الله يكومكم بالسلامه ويرزقك كل محرووم يارب...شلوون الحمل وياكم ماعدكم طريقة لتسريع الولاده اني جربت ب بنتي الثانيه مغلي عوادن دارسين و اكلت تمر وبانيو مي حاااااار جبت ثاني يوم الظهرر هههه وجبت قبل الوقت تقريبا بدايه اسبوع 39 انتوماعدكم طريقة مجربةةةة بس اريد اخلص لان تعباننننه ماكو نوم بالليل :(((

[@moon light@]

السلام عليكم
هلو امونة شكرا الج وانشاء الله اسويلج احلى كيكة ونحتفل بمناسبة نجاحي بس غير اشوفج
والله مشتاقتلج حيييييييييييييل ومشتاقة لبنونة حبيبة كلبي انشاء الله اشوج عن قريب

ام عمر اهلا وسهلابيج
بالنسبة لسؤالج عن الولادة طبعا اني مامجرب ولا اريد اجرب (الله يبعدني)
بس اني سامعة ان اللي تريد تجيب بسرعة تشرب زيت الخروع هو طبعا طعمة يلعب النفس وابد مينشرب بس شفت زوجة خالي لمن رادت تجيب شربت الزجاجة كلهة والحمد لله جابت.

[دلوعة وطيوبة]

العمررر كله انا 23

[زينب السعدي]

هلو بناااااات ليظل بالكم عليه
رحت للدكتورة والطفل بعده عايش بس كالت حجمه كلللش صغير والمشيمة كلش كبيرة ولازم اسوي الاجهاض باسرع وقت بس ممنوع اسويه بالامارات لان هنا ممنوع لاجهاض باي حال من الاحوال الا يموت الطفل ببطن الام لذلك يمكن راح اجي للعراق واسويه هناك طبعا مجرد حبوب ينطوها مدري تحاميل وهو ينزل واذا احتاجيت تنظيف يسوولي واحتمال مااحتاج
روح الملائكة الطفل اصلا مو زين ولازم انزله اسم الله ع اطفالك الله يحفظهم الج ولابوهم

[توتايه]

حبيبتي زنوبه بالعراق لازم وياج تقرير لان هم ميسووه بس اكو طرق غير شرعيه دكتوره تسويها اعرفها اني ابغداد


ام عمر حبيبتي كلشي سويت ومفاد وتره زيت الخروع ينطوه للي تريد تجيب حتى نتظف معدتها حتى تروح تجيب معدتها فارغه لان اذا تظلين تسوين مثلي يصير عندج توسع بدون طلوكه بالتالي تجيبين وماعندج توسع كافي


منورات البنات

[توتايه]

دلوعه حبيبتي منوره فديتج شخبارج واخبار علاوي ؟

[زينب السعدي]

لا توتاية طبعا اجيب تقاريري وتقاريري من دبي ومن لندن مشكل يالوز
وطبعا اخواني وزوجات اخواني اطباء بالعراق وهمو هسه ديرتبولي الوضع يله اجي يعني بكرى او بعده ينطوني الخبر الاخير اذا الوضع زين اجي والكه كلشي جاهز واذا مو زين مااجي

[توتايه]

لا حبيبتي زين الوضع بس الله يسهلج يارب

[Om_Omar]

مشكووورة حبي..هنا يعطون حقنة شرجيه(العفوو)تنظف البطن بس هاي من يصير توسع وبدايه ولاده تدخلين على الحمام تنزل كلشي تكرمون حتى تولدين على نظافة بس ماعرف اني جربت الدارسين يا انو جان صدفة يا انه فادني هههه راح اجربه بعد فد اسبووع من اصير بنص التاسع ...والله كريم ..دعواتكم !!

[روح ملائكيه]

ام شوق

نورتي عيوني وكل الهلا بيج ويانه
الله يخليلج البنوتات ويفرحج بشوفت محمد ويكومج بالسلامه

وترا اني وياج نفس الشيء هم بشهر التاسع صارلي 3 ايام بس حامل بنوته hwaml7


تسلمين عمري فتونه الله يخليلج ابنج والبنوته الجديده (تره اني من انصار البنات هههههههههه) ان شاء الله تولدين بالسلامه ..

ام شوق الف الف هلا نورتينا الله يكومج بالسلامه حبحب
تسلمين توتايه النور نورج غلاتي
ان شاء الله تكومين بالسلامه عمري

[روح ملائكيه]

عمري زينب ان شاء الله يتعوض الطفل وربج كريم والاوضاع زينه بالعراق اني رجعت من العراق يوم 1 بالليل ..
ربي يحفظج ويعوضج عن الطفل..

[فتوونه]

توتايه

خوش نصيحه راح اشتري اليوم العاب واجرب وياه



حبيبة ماما
اني بخير حبيبتي اسال عنج شنو اخبارج امورج ويارب تطلعين حامل وتصفين ويانه بالسره هههههه


ام شوق
اعشق البنات ودعيت من الله تجيني بنت والحمدلله ويارب اشوفها وافرح بيها^_^

زنوبه

حبي اللي بيه الخير الله يقدمه الج ويريح قلبج
وترا الوضع بالعراق يكولون زين ماكو شيء
بس شعجب مايسون اجهاظ بدبي اذا همه يعرفون ان الطفل صحته مو زينه؟؟
توكلي ع الله

[فتوونه]

ام عمر

اذا مااريد اخذ هذه الحقنه شنو اكدر اسوي حتى اتفادها لان مااريدها صراحه تلعب نفس وحتى اذا اكو ولاده عندي راح ابطل *_*

بنات عدكم طريقه حتى تكون المعده نظيفة اثناء الولاده ومن دون الحقنه الشرجيه ( انتم بكرامه ) ؟؟؟

[زينب السعدي]

شلونكم بنااااات شخباركم

[توتايه]

اي فتونه شربي قدر استكان زيت خروع وبيومها تباتين بالحمام ههههههههههههههههههه مثل ماصارت بية


هلا عمري زنوبه شلونج اليوم حبيبتي

[kokee]

شلونكم بنات شخباركم
اسفه ع الامقطاع بس جان الاشتراك مخلص ورجلي مريض كلش عنده 3 حصوات اسم الله عليكم والليل كله بس يتلوه من الوجع

[kokee]

ايوووت شخبارج بشري نجحتي لا؟وشخبار يوسف ....اني منج هاي حماتج اهجهه هجه زينه واذا علنت بغرفتج طلعي بره بغير غرفه اني هم النت بغرفتي نوبات حماي يكعد بس يطلع اذا اني نايمه او زوجي يمي
امونه شخبارج كَليبي وشخبار بنون؟
زينوبه حبيبتي بيهه صالح بدل ما يجيج معوق ويشلع كلبج
بعدكم شباب انتي ورجلج والعمر كدامكم تخلفون لحد متملون ان شاء الله
رحوبه وتالي وياج يا شلال يمعوده هنه اسبوع وخلصن ورجعنه للضيم هههههههه
صعوبه شخبارج مون لايت رفعتي معدلج بلاعاده لو لا
الباقين شخباركم

[مجنونة بحبها]

هلووووووووو بنااااااااااات

زنوبه الله يعوضج انتي اخوانج كلتي دكاتره باي مستشفى يشتغلون لان الاوضاع زينه بس لازم تشوفين مستشفى ودكتوره شاطره لا تستهينين بالشغله والله يسهلج

ايه اخبااااااااارج ياعسل

كوكي وين هالغيبه وسلامت رجلج مايشوف شرررررررررررررررر

رحاب ماكو وين مشتاقيلج ياام لسان

فتونه الله يسمع منج واطلع هذا الشهر حاااااااااامل من هسه عايشه برعب

[مجنونة بحبها]

دلوعه حبي العمر كله

شلونك وشلون علاوي

[حبيبي]

السلالالالالالالام عليكم شخباركم مشتاقه الكم ياربي اشكد اتفوتني سوالف اهئ

عذراء الف الف مبروووووووووووووووك النجاح والمعدل عقبال الجامعه يارب
وشكرا على الحلويااااااااااات بس صدك شهيتيني عليها وريد اكلهاااااااااااا بجد وستمتع بطعمهااااااااا
سلمي على امج وباركي الها نيابه عني هههههههه

زينب اشلون وضعج هسه بدبي ان شاء الله احسن والحمد الله على سلامتكم

كوكي موتيني ضحك هههههههههههههه على الشلال مسكتها عليج خلاص ههههههههه
ميشوف شر العريس الله يقومه بسلامه يااااارب واخذوه لدكتور يتعالج بسرعه
طمنينا عنه ابو علاوي


ايه حبي لا تزعلي والله حالج من حالنا واذا اخذتي معدل هم قاعده بلبيت وطبخين وتنفخين
معدلي 82
ومنقبلت لا بجامعه ولا كوليه وحطيت شهادتي تحت السرير وطبخ ونفخ وربي جهال هع
وحتى لو قابلتني كلها 4 سنوات وخلص جامعه وجلس بلبيت ماكو وظايف
فخذيها من قاصرها وجلسي ابيتج وربي جهال هههههههههههههههه


ايما ن حبي اشلونج وشلون امونه متتصورين اشقد مشتاقه لسوالفج
بس ااااااااااااااااااااااه من هالظروف طمنيني عنج


وئام صعوبه ردونه ودلوعه طيوبه ودلوعه زوجي وغني ونور عيني وفتونه وزيونه
وفيونكه وباااااااااااااااااااااااااااااغي الصبايا كلكم كلكم اخباركم يمعودات
مشتاقين لجمعتكم ويانه

[حبيبي]

زينب يؤؤؤؤؤ دبي ما يجهضون غريبه ؟
اشلون بتعبين مره لندن ومره دبي ومره العراق الله يساعدج
وعلى الاجهاض الله يكومج بسلالالالالالامه والله الم وتعب
على اجر ان شاء الله
دئما طمنينا عنج وعن اخبارج

[حبيبي]

مشكووورة حبي..هنا يعطون حقنة شرجيه(العفوو)تنظف البطن بس هاي من يصير توسع وبدايه ولاده تدخلين على الحمام تنزل كلشي تكرمون حتى تولدين على نظافة بس ماعرف اني جربت الدارسين يا انو جان صدفة يا انه فادني هههه راح اجربه بعد فد اسبووع من اصير بنص التاسع ...والله كريم ..دعواتكم !!

مرحبا منوره ام عمرررررhwaml7معاج ام علاوي
الله يكومج بسلامه يارب انتي ونونو

اني بصراحه مفكر فحملي اني اولد وشلون راح اولد لاني خوافه hwaml5ونفسي يضل سنه ابطني بس مولد hwaml02

وبنسبه لتنظيف البطن قبل الولاده الحمد الله ممريت بهشي دئما اولد وانا انظيفه وبدون تحاميل بس يجيني بلبيت تكرمون اسهال hwaml5وهذي من علامات الولاده
الاسهال وبعدها يجيني مقص ابطني ويزيد اشوي اشوي وبعدين hwaml10اروح واولد نظيفه بدون لا اعشاب ولا خروع ولا دارسين
فقط امشي كل يوم نص ساعه hwaml8اتعب كلش
والله يسهل عليج انتي وكل حامل بتاسع

[حبيبي]

شنو هالحظ ماكو حدى يسولف اهئ اكوم اروح وفتح بليل

[روح ملائكيه]

مساء الخيررر

شلونكم حبايب قلبي؟ ان شاء الله الكل بخير؟

اليوم حضرت جنطه البيبي الخاصه بالولاده بس المشكله هنا مايكمطون الطفل ولازم ابات بالمستشفى ع الاقل 3 ايام ولو اني مااريد ابات ماعندي احد يبقى يم البنات وخطيه زوجي يعني يظل يروح ويجي من البيت للمستشفى بلكت يرضون اوقع على مسؤوليتي واطلع من المستشفى..
جاي ادور على خدامه تعيني بالبيت ويه البنات وخصوصا الصغيره ملوكه لأن عمرها سنه وشهرين بس راح اولد وترجع سالفة الغيره ههههههههههههههه وداعتجن لا يفيد العاب ولا حلويات ويه الطفل ولا يتقشمر بشي ههههههههه
الله يسهل للجميع ان شاء الله

[روح ملائكيه]

بدبي ممنوع اجهاض الطفل حتى لو كان مشوه يكولون حرام هذا الي سمعته من حامل دتراجع وياي بالمستشفى.. والله اعلم

[زينب السعدي]

شلونكم بنااااااااااات اني زينة بس اليوم ملتهية ويه رجلي
اليوم صحتي احسن بس الغثيان مديفاركني شوكت اجهض واخلص منه ... صارلي 3 اشهر كاتلني الغثيان تالي حينزل الطفل ... شلون حظ

[زينب السعدي]

خلص رتبولي اموري بالعراق وبكرى اشتري تكت وخلال اسبوع اني جايه انشالله واخلص من هالعلة
والله يارحوبه صدك تعبت يعني فوك تعب الحمل فوك التعب النفسي ويه مصيبتي هالمرة يوم رايحه لندن ويوم راجعه ويوم رايحه العراق والله تمرمرت وكل هذا بعدني مشفت لوعة الاجهاض الله يستر

[فتوونه]

توتايه

اشوف وقت الولاده شنو يصير ويايه بلكي اسكن بالحمام من دون مااشرب شيء واخلص خخ

حبيبي
اني بخير الحمدلله ودخلت شهري واريدج تدعيلي بولاده سهله


ام عمر
تسلمين عالمعلومه حبيبتي

ام شوق
حضرت الجنطه صارلي اسبوع مستعجله عبالي اول مادخل بشهري اولد بس ماكو امل بس تقلصات والالم بأسفل البطن شويه ويروح

والله يسهل علينا وعليج يارب

[فتوونه]

زينب
الله يعينج وينطيج الصبر ويحمل عنج مشاق السفر
هي الحامل من تطلع باب البيت تتعب نوب سفر الله يقويج
الله كريم

[زينب السعدي]

تسلمين فتونه الله يخليلج ابنج وتجيج بنتج بالسلامة ويسهل ولادتج

[مجنونة بحبها]

هلو وووووووووووووووووو بنااااااااااات اخبااااااااااااااركم

رحوبه اليوم التجمع منور لو ادري بيج موجوده جان اجيت انا الساعه خمس ضجت ورحت كعدت بالحديقه انا وبنونه لان طلعت روحي ماادري بيج جان اجيت سولفت وياااااااااااج مشتاقتلج مووووووووووووووووت

زينب الله يسهلج بس ماكلتي يامستشفى اتريدين تجين

فتونه الله يسهلج

انا مثلج رحاااااااب بولادتي لا فرغت بطني ولا شي انا من الالم فرغت بطني ههههههههههههههههههههه

دلوعه اخباااااااااااااارك

صعوبه وينك ياغايبه

[kokee]

الله يعينج زنوبه والله كسرتي كلبي

[kokee]

الله يسهلج ويكتبلج الرزق والطفل السليم باقرب وقت

[مجنونة بحبها]

هلوووووووووو كوكي شلونج وشلون لولي

[kokee]

هلا بالكبد
هذا زين لولي نايم يمي ههههه
شخبارج ماكو جديد؟

[kokee]

وينكم بنات اشو مختفين

[دلوعة وطيوبة]

سلام صبايا اوف من علاوي يحط اصابعه بفمه واحيانا كله يدوا هلا كوكي شخباارك حبيبه ماما انا تماااام الحمدالله وانتي شخبارك واخبار بنوتك الحلوة

[توتايه]

دلوعه اني يوسف نفس الحاله ويسيل لعابه الدكتوره قالت يطلع اسنان بس بعد وكت على ولدي

[توتايه]

امونه حياتي اخبارها نفسها هيه هيه حماتي بيها فلاونزا وبعدها على عادتها يمي



ويوسف خبلني متنحس كلش كلش مديسكت نطيته مال غازات ومسكت وخليتله تحميله ومسكت خبلني بس يبجي

[Om_Omar]

حبيبتي فتونه بالعكس هذي الحقنه زينه يعني تاخذيها وتدخلين على التواليت عدل وكبل ههههه وتفرغين بطنج وانتو بكرامه ماتاذي!!

[فتوونه]

توتايه
يجوز ابنج ديطلع اسنان لان ابني طلعلي اسنان بالشهر الثالث يعني شي طبيعي واشبعي نحس وبجي منا الى ان تخلص السنون كلها بس الحمدلله شويه الجو مو حار كلش لان الحر مو زين عليه ومابيه الا العافيه


ام عمر
ههههههههههه ماادري اشو بدت عندي الخوفه اليوم طلعت مشيت ساعه كامله ودااحس بألم ومغص يروح ويجي
خلي نشوف منو بينا راح تولد اول وحده *___*

[kokee]

هلا بدلوعه شخبارج قلب
ايوته حتى اني هم ابني يسبل عادي فتره وتروح لان لثته تحكه

[kokee]

شبي يبجي خاف مصخن؟؟

[kokee]

اني اروح انام طفييييييييييييييييت
تصبحون على خير

[حبيبي]

مرحباااااااااااا مساء الخيرات
اكو حدى والا اروح من غير مطرود ههههههه

[حبيبي]

خساااااااااااره ملحكت عليكم
كوكي وانتى من اهله وطمنينا عن بو لولي صار احسن
فتونه ام عمر واروح الله يقومكم بسلامه ويله مسابقه هههههههه الى تولد قبل الها جائزه

[دلوعة وطيوبة]

توتايه بس اشوف الاسنان بدري عليهااا حبيبي منوره يا بطه شخبارج

[حبيبي]

تمام دلوعه انتي شخبارك وشلون علاوي

[raghad jawad]

السلام عليكم انا عراقيه عايشه في امريكا وهذا حملي لاول

[فتوونه]

رغد

كل الهلا بيج عيني نورتي التجمع والله يتتم حملج على خير

:)

[روح ملائكيه]

اليوم صحتي احسن بس الغثيان مديفاركني شوكت اجهض واخلص منه ... صارلي 3 اشهر كاتلني الغثيان تالي حينزل الطفل ... شلون حظ


حبيبتي ان شاء الله تهون والله يعوضج بطفل سليم معافى ومشافى ..تروحين وترجعين بالسلامه عمري.


ام شوق
حضرت الجنطه صارلي اسبوع مستعجله عبالي اول مادخل بشهري اولد بس ماكو امل بس تقلصات والالم بأسفل البطن شويه ويروح

والله يسهل علينا وعليج يارب

ههههههههه لا عمري فتونه بعده المشوار طويل ..ماادري اني دااحس حملي بهالطفل مختلف عن حملي بالبنات وآلام قويه تجيني البارحه بالليل كلت هاي هيه راح اولد وماصار شي الله يسهلها عليج وعلينا يااااااارب

[روح ملائكيه]

حبيبتي توتايه ابنج عالاكثر عنده اسنان اكو عصاره كريم ينطوها للطفل الي يسنن تدعكين بيها اللثه وتسهل خروج الاسنان وتقلل من الالم اني دائما استعملها ويه بناتي اذا تردين انطيج اسمها بس مااعرف اذا موجوده بالعراق او لا اني اشتريها من دبي ..

[روح ملائكيه]

السلام عليكم انا عراقيه عايشه في امريكا وهذا حملي لاول
وعليكم السلام ورحمة الله وبركاته
ياهلا بيج رغوده نورتي غلاتي ...ربي يتمم عليج حملج وتولدين بسلامه

[روح ملائكيه]

بنات شنو بس بالليل تسون تجمع هههههه
يمعودات اني بالليل بسابع نومه هههههههههههههههه
وعدنه فرق ساعه بينا وبين العراق ..
يلا بلكت الكاكم فد مره واسولف وياكم..
اليوم لازم اطلع اكمل حملة المشتريات للطفل والي ولازم امشي هواي ..البارحه مشيت 10 دقايق عالآله الرياضيه رجليه انفخت هههههههههه كلت لزوجي يمعود مااريد اولد بطلت هههههههههههه
الله يسهلها عليكم وعليه

[زينب السعدي]

شلونكم بنااااااااااااات مشتاقتلكم شخباركم
امونة مااعرف باي مستشفى حسويها لان اخواني متعينيين عالتعليم العالي يعني همو اساتذة بكلية الطب وطبعا هذا مو اختصاص اي واحد بيهم فيودوني لجماعتهم الزينيين والله كريم
اسم الله ع قلبج كوكي احس قلبج وقلوب البنات كلها ويايه بس شسوي هذا اكيد اختبار من ربي
الله يسهل عليج فتونة وتفرحينا بخبر ولادتج السهلة انشالله
وويسهل ع روح ملائكية واطمني بالامارات هواي احسن من العراق عناية اكثر ودلال بالنسبة للمشفى الاهلي بس اعتقد القاسمي حكومي بس هواااي مدحو بي. اني اراجع بمشفى الامارات بدبي هم كلش زينيين وطبيبتي عراقيه مسيحية كلللش حبابه بحيث اول البارحة من رحتلها وانطيتها تقاريري وشافتها مو زينة كلش انقهرت عليه ومن طلعت حضنتني حييل وكالتلي لتنقهرين بس اجهضي هذا راسا يصير عندج حمل وراه كلتلها اريد تؤام هههههههه كالتلي انطيج 3 بدل الواحد بس اكيد تلقيح يعني مو طبيعي وبعدين كالتلي خابريني كلما تضوجين يعني موقفها كلللش حلو حقيقة قلما نلكى بالعراق هيج اطباء الا لو كانو عرف

[توتايه]

روح ملائكيه علوا حبيبتي انطيني اسمه لان خطيه يمرد الكلب بس يبجي
اني اشتريتله جل مخدر بس مديفيد وياه

حبيبتي زنوبه عمري انتي لتنقهرين وطبعا اكيد احنه نكولج لتنقهرين بس انتي مقهوره خلي ايمانج بربج قوي عمري وهلا بيج

رغود منوره عمري الف الف هلا وياربي يتمم عليج بالخير ويكومج بالسلامه
اني اسمي اية ام يوسف مواليد 90
انتي شكد مواليدج ووين عايشه وصارلج شكد متزوجه طبعا هاي اسئله روتينيه بس مو تنهزمين منا تره نتشاقه وياج حبحب

[توتايه]

اي صحيح ام شوق حبيبتي الجو هسه زين بس المشكله عمره مو مال اوكله شي بارد حتى يبرد حلكه

اي كوكي كلش يسيل غاسلني غسل ممصخن جسمه عادي بس راسه حار امي تكول مال السنون

لا دلوعه حبيبتي بن خالتي سننت وعمرها 40 يوم

[أم أيهومي]

وجان آجـــــــــــــي..
شلونكم بنات لو نكول متزوجات,,شكرا للترحيب الحلو من الكل واشكركم من كل قلبي..
واسفه لعدم التواصل دائما لانه عندي دوام بالكليه ومن ارجع اكضيهة نوم او اكمل باقي شغل البيت..
داومت البارحه ودااحس نفسي يوميه اثقل من اليوم الي قبله والورم برجلي ديزيد وايديه..
و(العفو) عندي ادرار خبلني لدرجة بديت اخاف اشرب مي هوايه حتى بالكليه اخاف من الاحراج..
وبالليل مدا انام الا وجه الفجر ومرات اصلا ماانام واعوضهة بالنهار..
اما النوم على الصفحة فنسيته لانه ابني وين ماانام يبدي يرافس ويدفر ومخبلني بس من انام على ظهري يهدأ ويسكت,,

الغاليه فتونه الله يكومج بالسلامه يارب..
وزنوبه الله يعوضج يارب بكل الخير,,مريت بتجربتك بس بشكل اتعس فد يوم احجيلكم
والله عوض صبري بكل خير..
توتايه يارب تطلع سنونه لسوفي وترتاحين لانه شايفه الاطفال من يصيرون هيج اطفال اخوتي واختي..
وسلامي للكل حبايب..
ويارب نتواصل..

[توتايه]

ام ايهومي حبيبتي الله يكومج بالسلامه حاولي وره مترجعين وتنامين ترفعين رجلج حتى متورم واشربي سوائل عادي لتخافين لان هذا ضغط الرحم ومعناها الطفل نزل بالحوض وهاي علامه زينه للي بالتاسع
وكوليلنا بنات عيني عيني بعدنا كلنا صغار

منوره حبحب

[أم أيهومي]

رغوده منوره حبي.. نسيت ارحب بيج على اساس اني صرت قديمه اقدم منج وداارحب ههههههههههههه..
يالله نلتقي بالليل بس ياريت نتفق لى توقيت نكون كولنه موجودين بيه ويناسب الكل..وراح انتظر اقتراحاتكم..

[زينب السعدي]

طبعا نسيت ارحب برغودة هالايام مدري شبيه بس احجي عن نفسي وعن مصايبي وانسى الباقيين بس اعذروني والله دماغي مو براسي وممستوعبه الي ديصير بيه مرات اتهستر واكوم اضحك واحجي وضعي بصيغة نكته ومرات اكعد ابجي وانحب بحيث زوجي يموت قهر عليه ويكوم يبجي ويايه
طبعا نرحب بيج رغودة وانشالله الله سهل عليج حملج وتكومين بالسلامة انتي والبيبي وع فكرة لازم تجاوبين ع اسئلة توتايه حتى نعرفج اكثر ههههه
ام ايهومي الله يكومج بالسلامة وتفرحينا بس من تفرغين اكتبي قصتج الي هي اتعس من قصتي بلكي استفاد من تجارب الاخرين وربي يصبرني ويصبرنا جميعا

[زينب السعدي]

والله العيال مشكلة هسه اني بقارة وهمو بقارة وملوحكيني بعربانه حتى بوضعي هذا... بعد وين انهزم منهم يعني شتقترحون عليه اطلع للمريخ لو للقمر؟؟؟؟؟
شوفو من ردت اجهض بلندن طبعا برغبة زوجي همو رفضو كالو لالالالا روحي للعراق احسن
اني عبالي لسواد عيوني حتى اهلي يمي تالي اسمع امه تكله وديها هناك يم اهله تجهض خاف بالامارات يصير شي وانت وحدك وياها يعني رادو يخلصون من الموضوع ميريدوني اسويها بلندن حتى ليتعذبون همو ولا بالامارات حتى ابنهم ليتورط وحده طبعا هالحجي قبل لا نعرف انه ممنوع بالامارات وجانت تكلي عمتي روحي يم اهلج احسنلج واتونسي وغيري جو وارتاحي نفسيا واني العوبه حشاكم مصدكة تريد مصلحتي شو هناك من صارت الشغلة صدك وقررت اجي للعراق وبعد رجلي يريد يحجزلي كلي زنوبة شكد متردين ضلي انتي نفسيتج تعبانه بلكي ترتاحين يم اهلج واغسليلج دورة دورتين وتعاليلي حتى رحمج يكون مرتاح ونسوي طفل جديد انشالله اني هم كيفت لان صارلي سنة مشايفة اهلي وصدك مشتاقتلهم ومحتاجتهم وهسه من رايحه احس روحي بحلم والله من اذكر اني حشوفهم انسى مصيبتي .. تالي البارحة خابر اهله وكال لامه حتروح فد شهرين يم اهلها كالتله شدعوة وتعوفك وحدك طبعا هو اخوه حيجيه هسه يعني محيبقى وحده ...هناك صاحولي وحجت ويايه عمتي تكولي مو تبقين يم اهلج هواي وتعوفين رجلج وحده كلتلها هو مو وحده اخوه يمه كالت حتلو روحيلج اسبوع اسبوعين سقطي ووتعالي كلتلها شنو فوك تعبي يعني اروح بس اسقط واجي ومااشوف اهلي كلتلها لا عيني اني صارلي سنه مشايفه اهلي كالت اي بس مو شهرين كلتلها لا اقل انشالله الله كريم .. يعني متقدر وضعي شوف هي بيش حايرة واني بياحال طبعا للعلم بنتها مزوجة يوميه يم اهلها تجي من الظهر تطلع بالليل ومن تكعد تحجي تكول زوج بنتي كلش شديد وميخليها تطلع خخخخخخخخ ماادري تضحك علينه لو شو؟
المهم بعد المكالمة ويه اهله زوجي كلب عليه ويكلي هواي شهرين مع العلم هو اقترح هالشي كتله لا مو هواي شنو اني ريدارتاح اريد اشوف اهلي المهم اتناقشنه واني ضليت مصره ع رأيي بس عناد ويه اهله لان صدك مصخوها بالتدخلات وفوكاتها تكلي عمتي شنو اهلج انسيهم بعد رجلج هو اهلج من كل عقلها والله ردت اكللها ليش مابنتج تنساكم بس اتجنبت مشاكل
والله فوك قهري هالمرة يحركون اعصابي يعني واحد يخابرهم تلفون والا يغثوه
لاحول ولا قوة الا بالله العلي العظيم

[kokee]

ابو علاوي خراب كلش وميثبت ابطنه اي اكل من الوجع ادعوله
هلا ام ايهومي منوره قلب
دلوعه شخبارج كبد
منورتنه رغوده
ايات نجحتي من السادس بشري؟
زينب تعالي للعراق ارتاحي يم اهلج ينظف رحمج وترتاحين نفسيا وهذا كلش زين الج
عوفي هاي عمتج النادره عدهن الجنه مثل الخدامه مالج شغل خل تمسلت وحدها
شوفي اهلج وصديقاتج تنسين كل الجره عليج
حتى من ترجعين تسوين تحاليل وفحوصات وسوي تلقيح صناعي ابو التوم حتى تكعدين وزن ويسيبون راسج هههههههههه
يمعوده لا تنقهرين منو ابو اليوم ومنو ابو باجر وشراح يفيدونه الخلفه يمعوده كاتلين روحنه على الخالي بلاش

[kokee]

ايوته حتى لولي راسه حااااااار ويسبل هسه وينهن سنونه اشو حلكه جنه كهف هههههههههه

[رودينة الراوي]

هلووووووووووو بنات شلونكم اخباركم مشتاااااااااقتلكم كلش كلش
اول شي ارحب بالبنات الجدد
رغودة وروح الملائكة وام ايهومي
مية هلا بيكم حبيباتي منورات التجمع والله يكومكم بالسلامة
اسمي يسرى ام ردينة عمري 21 سنة ماعندي بس ردينة عمرها 3 شهور طبعاً اجتني بعد صبر وعمليتين اطفال انابيب والحمد لله على كل حال
انتو احجولنة عن حياتكم شوية خلي نتعرف عليكم اكثر

زنوبة حبيبتي الله يعوضج بالخلف الصالح وان شاء الله تكومين بالسلامة
فتونة شلونج حبيبتي اخبارج وحملج شلونة
توتاية حبيبتي خير شبيه يسوفي العسل بس اريد اكلج شغلة انتبهي علة جسمة وخاصة اطرافة اذا طلعت بيها فراكيس وديه للدكتور واذا لا يعني شغلة سنون لان اكو هواية يسننون من وكت واكو يظلون يشتكون من السنون حتى لو يتاخرون بالتسنن
رحوب شلونج حبيبتي اخبارج واخبار جهالج
امونة شلونج حب وشلونهة بنونة ان شاء الله الشهر الجاي نفرح بحملج آمين يارب العالمين
باقي البنات شلونكم اخباركم

بنات عذروني لان مداادخل التجمع لان اختي الخميس الفات ولدت وجابت ولد سموه محمد بعملية قيصرية ومكظيتها ببيت اهلي يومية اروح الصبح وارجع بالليل واداري بابنها خطية لا اكل ولا شرب كاتلتة الغيرة وكلش مقهور لان امة مدتداريه والله يابنات ماعندي مجال احك راسي
وخطية هسة الطفل صار عنده ابوصفار قوي وبعد شوية رح يرحون يسوولة تحليل

[رودينة الراوي]

هلووووو كوكي شلونج سلامتة ابو لولي
ابن اختي من عمرة شهري بدة يحك بسنونة ويشكي منهن ولحد ال10 شهور يلة طلعتلة سنون عادي والله

[رودينة الراوي]

شهرين اقصد

[زينب السعدي]

شلونكم كوكي ويسورة
كوكي الله يشافي ابو علاوي والله قهرتيني عليه انشالله ميشوف شر .. طبعا اني هم متاملة بجيتي للعراق بلكي اشوف اهلي وناسي ارتاح
وبالنسبة للتلقيح لسه زوجي ممقتنع يكلي ليش احنا شبينا حتى نسوي تلقيح كتله علمود التؤام بس يرادله كعدة وهو يكلي هسه دسقطي وبعدين نتفاهم والله كريم
الحمد لله ع سلامة اختج يسورة انشالله قدمه خير ع اهله ويتشافى من ابو صفار وانشالله اختج تكوم بالسلامة

[kokee]

هلا ردونه الحمد لله على سلامة اختج
خطيه هم ابو صفار مثل ابني هم استلمه ابو صفار بس اذا عبر ال10 ايام ونسبة ابو صفاره دون ال 15 يعني خلص كلشي ما عليه لان غلاف الدماغ مالت الطفل يكتمل بعد الولاده ب 10 ايام هذا لدكتور اللي اخنه لولي اله كال هيج
واهمشي كون بطنه تطلع باستمرار انطوه شويه مي ودبس او مي وشكر يصير عنده اسهال حتى يطلع اللون ويه الخروج

[kokee]

زنوبه دتعالي طرحي وشوفي اهلج وصديقاتج تذكرن ايام الدوام والونسه تنسين كلشي
وبعدين قنعي الرجال على التوم

[kokee]

خل اروح اناملي ساعه لان قفلت
اشوفكم بليل بنات

[روح ملائكيه]

وويسهل ع روح ملائكية واطمني بالامارات هواي احسن من العراق عناية اكثر ودلال بالنسبة للمشفى الاهلي بس اعتقد القاسمي حكومي بس هواااي مدحو بي. اني اراجع بمشفى الامارات بدبي هم كلش زينيين وطبيبتي عراقيه مسيحية كلللش حبابه بحيث اول البارحة من رحتلها وانطيتها تقاريري وشافتها مو زينة كلش انقهرت عليه ومن طلعت حضنتني حييل وكالتلي لتنقهرين بس اجهضي هذا راسا يصير عندج حمل وراه كلتلها اريد تؤام هههههههه كالتلي انطيج 3 بدل الواحد بس اكيد تلقيح يعني مو طبيعي وبعدين كالتلي خابريني كلما تضوجين يعني موقفها كلللش حلو حقيقة قلما نلكى بالعراق هيج اطباء الا لو كانو عرف




هلو عمري زينب ربي يكومج بالسلامه ولا تخافين عمري..
اي صحيح مستشفى القاسمي حكومي بس المقيم يدفع فلوس وبس اجرة الولاده 5500 درهم هذا بدون اجرة المبيت والادويه ..
اني دكتورتي هم عراقيه وعدها سونار اسمها ليلى الجاسم حبابه كلش عيادتها ع البحيره وطبعا اراجع بالمستشفى الكويتي ومرات بالقاسمي هم بس طبعا بفلوس مو ابلاش هههههههههههه
تروحين وترجعين بسلامه عمري.

[روح ملائكيه]

روح ملائكيه علوا حبيبتي انطيني اسمه لان خطيه يمرد الكلب بس يبجي
اني اشتريتله جل مخدر بس مديفيد وياه
تدللين عمري توتايه العلاج اسمه dentinox
teething gel

ان شاءالله تهون هي فتره التسنين صعبه للطفل وللام ..

[روح ملائكيه]

رغودة وروح الملائكة وام ايهومي
مية هلا بيكم حبيباتي منورات التجمع والله يكومكم بالسلامة
اسمي يسرى ام ردينة عمري 21 سنة ماعندي بس ردينة عمرها 3 شهور طبعاً اجتني بعد صبر وعمليتين اطفال انابيب والحمد لله على كل حال
انتو احجولنة عن حياتكم شوية خلي نتعرف عليكم اكثر


هلا بيج عمري ام ردينه النور نورج غلاتي
اني اسمي ام شوق عندي 2 بنات شوق وملاك وحامل بالشهر التاسع بولد ان شاء الله..
طبعا اني متغربه بالامارات ومتزوجه راح يصيرلي 6 سنوات وعمري 34 يجوز اكبر المجموعه ههههههههههههههههههه
بقيت مامتزوجه مصره اله اتزوج ابيت بوحدي ههههههههه والحمدلله اتحقق الي ردته بس طبعا حتى لو بأخر الدنيا العيال مايعوفوني هههههه
الغربه تكتل بس اني كل سنه ازور العراق حتى اسوي اجازه لأن اني معلمه وحرامات اخسر وظيفتي ..والله كريم

[روح ملائكيه]

شوكت تكعدن؟ والله ضجت بس اسولف لوحدي اهئ

[مجنونة بحبها]

هلو روح ملائكيه تعالي انا اجيت اخبارج واخبار شوق وملك اشكد اعمارهم
ويارب تولدين بسهوله ولا تسيني بالدعاء باثناء الولاده ربي يرزقني ولد صالح

زنوبه حبيبتي معليج بعمتج ام رجلج هما هيج فضوليات وحشريات بكل شي ويتخبلن ولا وحده تكول اريد اشوف اهلي انا من العيد ماشايفتهم وهما بعد مسافه 10 دقايق بالسياره ولما اكول اشتاقيت لاهلي دكوم الدنيا وماتكعد اووووووووو الله لا يوريج مثلها تعالي وابقي شهر شهرين غير جو وانوب تلحكين على الرجال هههههههههههههه

كوكي سلامه ابو لولي شنو مااخذ علاج اكو علاج اعشاب اسمه كرفس البريه يتفور ويشرب منه وبسرعه تتفت الحصوه وتوكع يارب ياسميع ياعليم شافي ابو لولي عاجل غير اجل بحق محمد وال محمد

ايه عيشي وشوفي هذا التسبل ميخلص انا بنونه من عمرها شهرين الى ان صارت سنه يله خلصت من التسبل والله دمرتني طلعت كل سنونها وهيا بعدها تمطر مطر ههههههههههههههههه شلون يوسف وماخلصتي من حماتج بشرينه

يسرى الف الف مبروك وحمدلله على سلامته لاختج والله يحفظ حمودي والله يساعدج رودينه كافي انوب زياده هالشغل مرت حماج تساعدج لو لا
وشكرا على الدعوه بس كولي هذا الشهر مو الشهر الجاي هههههههههه

رحاب شلونج وشلون جهالج وشلون حوراء بالمدرسه

دلوعه شلونج وشلون علاوي الله يحفظه

رغوده منوره اهلا وسهلا بيج

باقي البناااااااااااااااااات اخباركم

صعوبه ام لسان ماكو

صحيح بناااااااااات نسيت اكلكم انا اليوم موعد الدوره ولهسه مشرفت ادعولي اطلع حاااااااااااااااااااااااااااامل وارتاح لان هسه عايشه على اعصابي

[روح ملائكيه]

هلو روح ملائكيه تعالي انا اجيت اخبارج واخبار شوق وملك اشكد اعمارهم
ويارب تولدين بسهوله ولا تسيني بالدعاء باثناء الولاده ربي يرزقني ولد صالح

هلا بيج عمري
تدللين والله ادعيلج دعوة اخت لأختها ..وان شاء الله تطلعين حامل هالشهر يااااااااااااااااارب

[روح ملائكيه]

عمري زينب معليج بحجي عمتج وروحي يم اهلج وارتاحي العيال ماينخلص منهم ابد حتى لو انتي بالشرق وهمه بالغرب والله اني بالغربه ومخلصانه منهم وحتى من اروح للعراق اني وبطني (حامل) لازم افتر عليهم واجيبلهم احسن الهدايا وهمه بالجذب محد يذكرني ولو بزياره او تلفون يغارون لأن بس اني المتعلمه بينهم ..بس ربج كريم وكله بالميزان عد رب العالمين. ولا تنسين المهم زوجج راضي عنج معليج بحجي اهله ..

كوكي والدتي اتعالجت هالسنه من الحصوات بالكلى انطوها دوه تحليل الماني وكبسول زيت السمك فتتن الحصوات رغم انه حجمهن جبير الله يعين زوجج ع الالم ويشافيه ويعافيه

توتايه حبيبتي الطفل عادي يسيل لعابه وحتى يصير عنده اسهال بفترة التسنين فلا تقلقين

[روح ملائكيه]

يلا اني تعبت من الكعده انتظركم اروح اتمدد لأن ظهري موتني من الالم..
تصبحون على خير واحلام سعيده

[مجنونة بحبها]

تصبحين على الف خير اسفه حبيبتي تاخرت عليج بنونه نعست نومتها واجيت وفصل النت وهسه يله وصلت ولكيتج رايحه شلون حظ ان شاء الله فرصه ثانيه نلتقي ونسولف وشكرا على الدعوه الحلووووووه مثل صاحبتها

[توتايه]

تسلميلي عمري ام شوق انشاء الله اشوف اذا اكو منه هنا اخليله

اي صار فتره وكف الاسهال

انشاء الله حامل حبيبتي امونه

[مجنونة بحبها]

انا هم راح اروح انام لان شربت فاليوم منو وره سنوني ميقبلن يطيبن موتتني من الوجع

[توتايه]

كوكي حياتي اني طلعت ب5 دروس ومراح اقره بعد

الف الحمدلله على سلامتها يسوره حبيبتي انشاء الله يتربى بعز اهله عيوني

اوووووف خبلني لا ماكو فراكيس ولا شي بس مخبلني بس يعوي

زنوبه عادي حبيبتي كلنا هيج فد يوم اكعد احجيلج

امونه الوضع نفسه متغير

[kokee]

مرحبا بنيات شخباركم

[kokee]

روح ملائكيه اسفه ما رحبت بيج منورتنه حبيبتي
امونه عساج لا شفتيها للدوره منا ل9 اشهر

[kokee]

راح يجون اهلي علمود يشوفون ابو علاوي
اجيكم بعدين

[رودينة الراوي]

هلوووووو بنات شلونكم اخباركم تسلمولي حبيباتي والله يبارك بيكم ان شاء الله ويحققلكم كل امنياتكم

روح الملائكة ام شوق الوردة الله يحفظلج شوق وملاك ويكومج بالسلامة والحمد لله جبتي الولد حتى تخلصين من حجي الناس ههههههههههههههههه
شنو ناوية تسمون الولد ان شاء الله

توتاية حبيبتي الحمد لله لان ماكو فراكيس باطرافة لان كرايبنا صارت عدها صخونة بس براسها تشوفين بس راسها حار وفراكيس طلعت بايدها ورجلها طلع فايروس يطول 10 ايام ومعدي
الله يبعدنا واطفالنا عن كل مرض والله ياحبي الامراض دتكثر تحيرين شتسمعين امراض جديدة بهالوكت

امونة حبيبتي عذريني بس عبالي راحت عليج هالشهر مادام اليوم فاتتج ان شاء الله حامل وتفرحينا عن قريب
مدري ليش دااحسج حامل لان دورتج الشهر الفات جتج يوم ونص وهسة ماكو هسة تطلعين حامل ومتدرين بروحج كولي آمين

[دلوعة وطيوبة]

هاااي شلونكم صعوبه مابينت يوم سرت ادخل وهي تهرب ان شاءالله المانع خير

[أم أيهومي]

هلو حبايب شلونكم توتايه حبي تسلمين عالكلام الحلو وانقهرت حياتي لانه بخمس دروس
لانه الشهادة متتعوض حبي الله كريم خلي يكبر ابنج ورجعي امتحني وتعاي اني اقريج ماعندي مانع..
حياتي توتايه اني مو بالتاسع اني بالسابع كل 11 بالشهر اطب شهر جديد وصايره بطه مو طبيعيه
زنوبه دلب ولا لتنقههرين ايجوز الله سبحانه وتعالى راد يعوضك بااحسن منه..
اني اول متزوجت صرت حامل غابت الدوره عني شهرين ونص واهلي بعيدين عني واني كلشي مااعرف..
وكانت اوضاع بغداد زفت الي يمشي بالشارع يموت لذلك رحت لاقرب دكتوره لبيتنا
وحللت دم وسونار كالت هذا مو حمل هذا تكيس بالرحم وانطتني علاج اشكال الوان ومنزلت الدورة ورجعتلهة ونفس الحاله وهم منزل شي صار 3 اشهر بديت احس حركه ابطني ورحت تكلي موحمل..المهم بديت اشتغل بالبيت واشيل بالتخم وصار عندي نزيف وره 4 ايام وكع الطفل وطلعت حامل ورحتلهة تكول لا حرامات طلعتي حامل شلون معرفنه طبعا زوجي اتخبل راد يخنكهة زوجي هو وحيد اهله واكبر مني لذلك متلهف عالطفل
المهم بقيت اربع سنوات او 3 ونص تقريبا بلا حمل وكطعت نفسي لانه مليت من الادويه مالت الهرمونات والسونارات وغيرها
اخيرا سمعت كلام اختي ورحت لدكتورتهة بشارع فلسطين اسمهة زاهدة السعدي طبعا هاي استاذة الدكتورات العراقيات يجوهة من الامارات ومن الخارج ومتنطي علاج ابد قبل لتتأكد من الحاله تماما سويت تحاليل ماعندي هرمونات وسونار طلع المبيض مبيه شي وسويت اشعه ملونه طلع عندي انسداد بالانبوب لانه مسويت كرتاج وره الاسقاط الاول وره الاشعه الملونه ب8 اشهر صرت حامل..
زنوبه والله لوتشوفين كمت اموت بنت عمي اتزوجت جيرانه وصارت حامل وجابت بنيه وصارت حامل مره لخ وتتعمد تشر ملابسهة كدامي من ارجع من الكليه والحجي من عمامي واهلي وبالكليه شيبني بس صبرت والله عوض صبري خير وهسه حامل بالسابع بأيهومي
لديرين بال حبي وتعاي للعراق وغيري جو يم اهلج وحاولي تتفاهمين وي زوجج واكسبي بلا ميزعل وبلا عصبيه على عناد امه وتعاي برضاه وارتاحي وانصحج روحي لدكتوره زاهده هي تفيدج بعد الاسقاط لانه حالتج نفس حالة اختي وهسه اختي عدهة 5 اطفال ماشاء الله..والله كريم

حبي كوكي تسلمين على الترحيب ياغاليه يارب يكوملج ابو علاوي بالسلامه..
رودينه حبي تسلمين للترحيب الحلو..
وباجر نكمل..

[زينب السعدي]

صباااااااح الخيير بنااااااات شلونكم
همو العيال مثل كل بشر عدهم الزين وعدهم الشين بس عيالي ينكرصون من موضوع الروحه للاهل مو بس ويايه حتى ويه جنتهم اللخي مع العلم علاقة اهلي وعيالي كلللش زينة بس همو طبعهم هيج مو س ويايه ويه الكل والحمد لله اذا صافية بس ع هيك واهم شي زوجي كلش زين والحمد لله وهو هسه مقتنع بجيتي للعراق ويريدني اغير جو وحجزت ع يوم الثلاثاء انشالله
ام ايهومي والله الله يساعدج قصتج كللللش حزينة بس اني مشكلتي طلع قلب الطفل بي خلل عنده تضخم وغلط بالدورة الدموية ومااعرف ايش وكالو هالاشياء يمكن تاثر ع باقي الاعضاء لذلك قررت اسقطه بارادتي لان كالو لو ميستمر الحمل اصلا لو يجي واكثر شي يعيشله شهرين ويموت وشلي اني بهالتعب العضلي والنفسي.. اسقطه والله يعوضني احسن
وبالنسبة لدكتورة زاهدة شجعتيني عليها ولو مااعرفها بس طلعت كرايبي السعدي هههههههههه وانشالله وره الاسقاط اروحلها تسويلي فحص عام وتجيك اموري حتى اذا صارتلي مشاكل بعد الاسقاط لا سمح الله اكتشفها بسرعة واتلافاها والله كريم

[روح ملائكيه]

تصبحين على الف خير اسفه حبيبتي تاخرت عليج بنونه نعست نومتها واجيت وفصل النت وهسه يله وصلت ولكيتج رايحه شلون حظ ان شاء الله فرصه ثانيه نلتقي ونسولف وشكرا على الدعوه الحلووووووه مثل صاحبتها
ربي يسلمج غلاتي وينولج الي ترديه
ان شاء الله نسولف بعدين الايام جايه هواي وحتى اذا ولدت مااعوفكم ماصدكت لكيت عراقيات مثلكم احجي وياهم ههههههههه


تسلميلي عمري ام شوق انشاء الله اشوف اذا اكو منه هنا اخليله

ان شاء الله تلكين منه هو يصير عصاره صغيره وعلى الباكيت مرسوم صورة طفل ..ان شاء الله تطلع اسنانه لأبنج وترتاحين ..

روح ملائكيه اسفه ما رحبت بيج منورتنه حبيبتي

ياعمري عادي ماكو داعي للاسف وهذا نورج غلاتي ..
ان شاء الله يكوم زوجج بالسلامه



روح الملائكة ام شوق الوردة الله يحفظلج شوق وملاك ويكومج بالسلامة والحمد لله جبتي الولد حتى تخلصين من حجي الناس ههههههههههههههههه
شنو ناوية تسمون الولد ان شاء الله


تسلمين عمري
والله لا اني ولا زوجي نهتم لجنس الطفل بالعكس احنه من انصار البنات هههههههههه بس اهل زوجي الله يسلمهم الهم غير نظره ..عبالك اني بأيدي اجيب الولد ..
راح اسميه محمد لأن حلمت مرتين اني شايله طفل واصيحله محمد فسألت كالوا لازم تسميه محمد مع العلم زوجي يريد اسم امير وكوه وافق على اسم محمد ..

[زينب السعدي]

شلونج ام شوق شخبارج

[زينب السعدي]

اذا ام شوق موجودة او غيرها موجوددة خلنكعد نسولف ضايجة بس اذا ممشغولين

[روح ملائكيه]

صباحكم خيرررررررررر

الله يعينج ام ايهومي على الشفتيه هو اكو ناس هالشكل تتصرف كل ظنها هي بتصرفاتها تفوز لاحول الله .. الله عوض صبرج خير غلاتي ..
اني بعد زواجي حبلت ببنتي شوق بعد شهرين ونص شهر منهن زوجي سافر للامارات يعني تكدرين تكولين بشهر ونص بس هههههههههه بس بعد شوق انشلع قلبي يله صرت حامل ماخليت منشطات وفتح انابيب وتنشيف حليب تقريبا 4 مرات متت والله الله لا يراويكم الي شفته وبالاخير طبيبات الامارات مافادوا من رحت للعراق رحت لدكتوره الله يحفظها جانت تشتغل ويه الدكتور محمد الطويل (اعتقد هذا اسمه) الي ابغداد وانطتني مجموعه ابر اخذهن سوه +علاج كم حبايه تصوري ضربت الابر واني حامل ههههههه يعني بس الحبوب فادت وحبلت ابنتي الثانيه ملاك وهسه حامل (ان شاء الله اخر العنقود)ههههههههه بولد وهاي الختاميه هههههههههههههه لأن تعبت كلش

[روح ملائكيه]

هلو حبيبتي زنوبه شلونج؟

[زينب السعدي]

اريد اطلع للمول والمفتاح معصلك بالباب ميطلع هههههههههههههههههه
مصدكت رجلي قبل اطلع وحدي تالي المفتاح معاند ويايه

[زينب السعدي]

هلو عيني ام شوق شلونج

[روح ملائكيه]

هههههههههههههههههه شلون حظ

اني ابو شوق ميرضى اطلع وحدي للمول اي حقه اذا الجيش ويايه (البنات) وبطني طالعه متر لكدام شلون يرضى!!
ان شاء الله ينفتح المفتاح ههههههههههههههه