تجمع حوامل العراق واتمنى اكو احد موجود [الأرشيف] - الصفحة 3

رودينة الراوي

03-24-2011, 04:52 PM

دلوعة
اني الترجيع سويتة 22/10 يعني قبلج بيومين سبحان الله متقاربين حيل بالوكت رح نجيب سوة بس اني زوجي يريد الولادة عملية مو طبيعي يكول اسلم ألج ولبنتج

نعومة
شلونج حياتي والله جنت موجودة بس انكطع النت وهسة يلة رجع
شلونة لعبان النفس وياج ان شاء الله خف

حبيبة ماما
عاشت ايدج أكيد رح يطلع يخبل اني كلش احب الطرشي
مشكل سويتيه لو بس خيار *

دلوعه زوجی

03-24-2011, 05:03 PM

دلوعة
اني الترجيع سويتة 22/10 يعني قبلج بيومين سبحان الله متقاربين حيل بالوكت رح نجيب سوة بس اني زوجي يريد الولادة عملية مو طبيعي يكول اسلم ألج ولبنتج

نفس الشي انی امی تکلي ما اخلیج اجیبین طبیعي ترحین تقتلین الطفل بلولاده
هههههههههههههه

دلوعه زوجی

03-24-2011, 05:05 PM

عاشت ایدیج حبیبه ماما شنو هذا الطرشي الطیب
خلیتیني اتنسه من اول وجدید ههههههههههه

مجنونة بحبها

03-24-2011, 05:15 PM

ولا يهمج حبيبتي وين انتي وهسه اوديلج ولخاطرج ماراح اخلي بيه فلفل
حتى البيبي لايطلع عصبي

رودينة الراوي

03-24-2011, 05:15 PM

اي اي احنة تعبنة تعبنة بقت عالولادة

دلوعه زوجی

03-24-2011, 05:36 PM

عاشت ایدیج وصل حیاتي
الله شکد طیب بس ریحته وحدهي اتجنن
والله عمري انی کاعده بلغربه وحدی محد یسویلي الي اشتههیه
فلذلک ما اتنسه افضلي

دلوعه زوجی

03-24-2011, 05:38 PM

حبیبتي رودینه شکد کلفتج عملیه الانابیب ویه الادویه؟
اني کلفتني قریب 4ونص ملیون دینار ما عده الربط الی سویته

رودينة الراوي

03-24-2011, 06:36 PM

حبيبتي رودينه شکد کلفتج عمليه الانابيب ويه الادويه؟
اني کلفتني قريب 4ونص مليون دينار ما عده الربط الي سويته

حبي اني سويت عمليتين مو وحدة الاولى مصار حمل والثانية الله كتبلي حمل والحمد لله لتكاليف العمليتين وية الأدوية وية مصاريف العيشة بعمان شهرين والإيجار والطيارة كلهة كلفت شدة

رودينة الراوي

03-24-2011, 11:58 PM

شو ماكو بنات ولا وحدة موجودة؟

ساهرة

03-25-2011, 12:14 AM

نفس الشي انی امی تکلي ما اخلیج اجیبین طبیعي ترحین تقتلین الطفل بلولاده
هههههههههههههه

ليش هلتفكير اكو ناس ربي يسهل لها بطبيعي
وتريد عمليه ..؟
انتي متدرين اكو ناس تموت بلعمليات
وثانيا القيصيريه لها مضار اهوايه
الطبيعي ربي كون جسم المراءه لطبيعي
لشنو القيصري
اسالي مجرب ولا تسالي طبيب على كولتهم :)

ساهرة

03-25-2011, 12:14 AM

ردونه اشونج حبي؟

رودينة الراوي

03-25-2011, 01:02 AM

هلوووووووو حبي ساهرة شلونج اخبارج
والله اني هم زوجي ميقبل الة عملية يمكن لان أطفال أنابيب فيخاف عالبيبي يكول حتى ميتاذة بالولادة الطبيعية

رودينة الراوي

03-25-2011, 01:42 AM

تصبحون علة خير يا حلوات

توتايه

03-25-2011, 01:44 AM

هيلاوش بنات الله يعافيكم وداعتكم شلون نومه عبالك احد كعدني كالي كومي الدنيا هوه عالي رحت ركض لميت الهدوم وزخت مطر علية

الله عاشت ايدج حبيبتي حبيبة ماما يخبل الطرشي

منورات البنات حبيباتي

ساهرة

03-25-2011, 02:11 AM

هلوووووووو حبي ساهرة شلونج اخبارج
والله اني هم زوجي ميقبل الة عملية يمكن لان أطفال أنابيب فيخاف عالبيبي يكول حتى ميتاذة بالولادة الطبيعية

ليش يتاذى الطفل اله يحميه ميتاذى
الله خلق آليه ولاده طبيعيه من الله شنو الي ياذيه
هو بعد هم فكري بروحج بطانة الرحم وغيرها والالم الي يصير
بعد الولاده بشهور وغير هيج انه الولادة القيصيريه مايصير تجيبن اكثر
من 4 او 5 اطفال واذا اكو حمل بلمستقبل ا يزيد وزن الطفل اكثر من 3 يسبب انفجار برحم
اقرائي الموضوع لاتسوينها اله اذا الدكتور قال بحاجه
والله اعلم والله يحمينا ويحميكم من كل شر
وانتي بعد بكيفج

أديم

03-25-2011, 02:23 AM

...........................................

توتايه

03-25-2011, 02:24 AM

سهوره منوره حبحب

ساهرة

03-25-2011, 02:43 AM

اديم لا لطائفيه
احنا اخوان سواء شيعه او سنه
وحسبنا الله ونعم الوكيل
على كل طائفي

توتايه

03-25-2011, 02:48 AM

حبيبتي اديم شكرا على الموضوع بس مانريد طائفية هنا لان الي صارلنا من وره الطائفيه ضيع نص عمرنا

ساهرة

03-25-2011, 02:51 AM

توتايه اشونه لزغيرون..؟

توتايه

03-25-2011, 03:03 AM

والله حبيبتي الحمدلله كاعد ويكمز ابطني بس المشكله ديصير عندي ضيق تنفس كلش قوي كلت لان يمكن وزني هوايه صاير

ساهرة

03-25-2011, 03:12 AM

دبه ها اشكد وزنج هسه..؟
وكم كان سابقا.؟

توتايه

03-25-2011, 03:25 AM

والله حبيبتي عمري موكفت على ميزان وطلع صح بس بداية الحمل جنت 115 وهسه 120 وعكب باجر اروح لموعدي وية الدكتوره واشوف شكد زايد وزني واكلي رزاله

ساهرة

03-25-2011, 03:27 AM

توتايه واي انتي دبه كلش هههههههه
اشاقى وياج مو تزعلين
انا جنت قبل الحمل 45 ونهاية التاسع 60
وهسه راح يرجع وزني ان شاء الله
مو حارمه روحي كلش من الاكل

فيونكه بلون الفراوله

03-25-2011, 03:57 AM

اديم رجاءا احنه منريد تفرقه وطائفيه لان الي صار بالعراق كافي والي ماتوا بسبب التفرقه الي زرعتها امريكا كافي زين
ثاني شي الي ديصير بالوطن العربي هسه من ورة التفرقه هم كافي ذاك اليوم عراق و لبنان واليوم البحرين اذا تردون صدك ادافعون عن الاسلام طلعوا الامريكان من ارضنه العربيه
مو كاعد تحتل بكيفه العراق وهسه ليبيا وباجر منو يجي دورة ها

اريد اكلج اني عراقيه مسلمه شيعيه و زوجي سني وافتخر وما فد يوم صار بينه طائفيه

والفديوات هذه كله تاليف وما اعرف منين اتجيبوها
ارجعي لفتاوة العلماء الشيعه وشوفي شيكولون عن هاي الاشياء

ساهرة

03-25-2011, 04:02 AM

فيونكه هاي شبيج عيني متسوى ترا
هاذول الكل يعرفهم من ياصنف
لاتعصبي فدوه كلشي ولا اعصابج
اشربي ليموناده خذي
http://forum.hwaml.com/imgcache2/hwaml.com_1301014936_680.jpg
هاي لزوم السهره واحد الي وثاني الج:)

فيونكه بلون الفراوله

03-25-2011, 04:08 AM

هههههههههههه فديتك ساهر
والله اني اعصب لان شفت شلون ماتوا ناس كدامي بسبب هاي الاشياء
شفت امريكا شلون خلت طائفيه بالعراق الشيعي ميكدر يدخل منطقه سنيه والسني ميكدر يدخل منطقه شيعيه
وداعتج كل هذا جان مخطط استعماري لا غير لان طول عمرنه احنه العارقيين ايد وحده
هاي توتايه يمج مو من اهل الاعظميه وهاي دلوعه زوجي من النجف اثنينهم على عيني وعلى راسي وثنينهم وحده تحب الخ
زين شيسوي الي اهله نص ونص

فيونكه بلون الفراوله

03-25-2011, 04:10 AM

على العموم خليج من هذا الموضوع هذا شنو الليمون هسه شهيتيني اني شراح اسوي هههههههههههههه
شلونج سهورة حياتي

ساهرة

03-25-2011, 04:13 AM

عيني اني كوووووولش زينه
وسهرانه حتى انتظر الصلاة
اعيوني ترمش بس

فيونكه بلون الفراوله

03-25-2011, 04:18 AM

هههههههههههههههه اما اني ما سهرانه لا لا لا

اني شبعانه نوم لان عندي الساعه 12 وربع الظهر لاني عايشه باستراليا ههههههه

متى موعد الصلاه الساعه بيش يعني عدكم

ساهرة

03-25-2011, 04:26 AM

تقريبا الصلاة عدنا بلاربع و40 دقيقه
باقي ربع ساعه على صلاة الفجر
ها دبه شون استراليا حلوه؟؟
مانوين ترجعون لو خلص استقرار وخذتو الجنسيه؟

فيونكه بلون الفراوله

03-25-2011, 04:37 AM

لا يا عمري ان شاء الله راجعين بعد شهرين

ساهرة

03-25-2011, 04:41 AM

ترجعين بسلامه ياروحي
يلا فديتكمتصبحون على خير :)

فيونكه بلون الفراوله

03-25-2011, 04:43 AM

الله يسلمك ياعمري الله معك

دلوعه زوجی

03-25-2011, 10:53 AM

مرحبا شلونکم بنات اسمعت اسمي لیش اجیبون طاريه شنو شکو شصایر ها خو ماکو شي کولو لتستحون ما اکول لأحد هههههههههههههههههههه
شسوي فضولیه مو بیدي ههههههههههههههههههههههه

مجنونة بحبها

03-25-2011, 11:03 AM

السلام عليكم بنات اليوم جمعه والله يخليهه خير وبركه
عيني اديم كلا للطائفيه وللخرابيط احنه ان شاء الله اخوات
انا شيعيه واحب توتايه السنيه واتمنى اله كل خير وما عندي فرق
بينه وبين اخواتي الشيعيات بس للاسف هذا حجي الجهله وامريكا
والقاعده الي ذبحت كل اهلنه كدام عيونه وحرمت كل طفل من ابوهه وكل ام من ولدهه وكل زوجه من زوجهه ومانكول غير حسبنا الله ونعم الوكيل وعلى فكره انا من قريته طائفي اصلن ماتعبت نفسي ولاشفتهه فرجا كلا للطائفيه

دلوعه زوجی

03-25-2011, 11:09 AM

شنو بنات شکو القاعده دخلت علی المنتدی شو کللکم ضایجین ههههههههه
مرحبا حبیبه ماما عندي کم سؤال اذا ما بیها ازعاج!!!!!!!!!!!!!

رودينة الراوي

03-25-2011, 11:42 AM

هلووووووووووووو بنات شلونكم اخباركم اليوم وية الحمل
جمعة مباركة ان شاء الله

اديم احنة هنا مكان لتجمع حوامل عراقيات ليش تبثون الطائفية بيناتنة احنة كلنة خوات وماكو فرق بين وحدة والثانية كلنة حوامل ودننتظر شوفة جهالنة على احر من الجمر واعتقد هاي الامور بعيدة جدا عن هذا المكان ولة لان عراقيات تردون تفرقونة حتى بالمنتدى

اخواتي اتمنى انو محد يكول اني سنية واحب فلانة الشيعية او اني شيعية واحب اختي السنية خلي نبعد عن هذه المصطلحات الي جابهة النة الاحتلال

فيونكه بلون الفراوله

03-25-2011, 01:36 PM

هلاااااااااا بنات

دلوعه زوجي حياتي ماكو شي موضوع تافه ميستاهل

شلوووووونكم بنات اليوم

نعومه التميمي

03-25-2011, 01:44 PM

مرحبا بنات شلونكم

مجنونة بحبها

03-25-2011, 01:56 PM

هلو بنات انا اجيت وينكم
عيني دلوعه زوجي اسئلي اي سوال وان شاء الله ما اقصر وياج
انا بخدمه الطيبين

نعومه التميمي

03-25-2011, 01:58 PM

هلو حبيبة ماما شلونج وشخبارج

مجنونة بحبها

03-25-2011, 02:06 PM

هلو نعومه حبيبتي انا زينه والحمد لله انتي شاخبارك واخبار البيبي

مجنونة بحبها

03-25-2011, 02:09 PM

اكلكم بنات انا 25/2 اجتني الدوره واليوم 25 وعايشه فيلم رعب اخاف تجيني اتمنى من كل كلبي اكون حامل بهذا الشهر ادعولي بنات

نعومه التميمي

03-25-2011, 02:10 PM

هلو حبيبتي الحمدالله انتي شلونج انشاءالله الله يحقق الي في بالج

مجنونة بحبها

03-25-2011, 02:13 PM

مشكوره وانتي يعطيج الي في بالج قادر ياكريم

نعومه التميمي

03-25-2011, 02:16 PM

شكرا حبيبتي شكو ماكو عندج اطفال

مجنونة بحبها

03-25-2011, 02:24 PM

عيني نعومه انا عندي بنيه بس بطلاع الروح يله حصلته وعندي ثلاث اسقاطات واخر اسقاطقبل شهرين وانتي سولفيلي تراني فضوليه موت

مجنونة بحبها

03-25-2011, 02:28 PM

راح اروح انوم بنتي وان شاء الله بس يصير عندي مجال راح اجيكم بنات
ببببببببببببببببببببببببببباي

توتايه

03-25-2011, 02:34 PM

هلاو بنات شلونكم وشلون اخباركم الله يكتبلج الحمل حبيبتي

اخباركم اني القفص الصدري دمرني من الوجع ومدا اكدر اتنفس

توتايه

03-25-2011, 02:43 PM

الحمدلله والشكر بنات ماكو طائفية بيناتنا احنه هنا جايين نتونس ونرتاح ونفكر ونحلم بالي جاي بالطريق والله حرام مكافي اني عثرت بجثه من وره هالسوالف

دلوعه زوجی

03-25-2011, 03:22 PM

مرحبا حبیبه ماما الله یعطیج درزن جهال انشاالله هههههههههه
قریت انتي کنتي مسویه ربط!!!
شلون کنتي مشیه وقتج مطلعین لو عادي؟ ولیش سوتي ربط؟ وجبتي طبیعي لو عملیه؟
وهمه کان عندج افرازات صفراء؟
عفو علی کثره الاسئله بس تدرین مسویه ربط وکله خایفه علی البیبي

فيونكه بلون الفراوله

03-25-2011, 03:27 PM

هلااااااااااا بنات اني اجييييييييت

توتايه

03-25-2011, 03:29 PM

هلا ومية هلا بالحلوات

دلوعه زوجی

03-25-2011, 03:29 PM

مرحبا توتایه سلامتج انی همه صارلي اسبوع عندي ضیق تنفس انشاالله ماکو الا العافیه والله یخلصناها علی خیر
والله اذا صار شی للبیبي اموت قهر لأن حصلته بطلاع الروح

دلوعه زوجی

03-25-2011, 03:31 PM

هلا بیج فیونکه

توتايه

03-25-2011, 03:33 PM

لا حبيبتي انشاء الله ميصير الا كل خير اني سمعت هاي تصير من يكون الرحم مرفوع واصل للحجاب الحاجز

فيونكه بلون الفراوله

03-25-2011, 03:33 PM

توتايه

03-25-2011, 03:39 PM

حبيبتي كل واحد وحسب منطقته يعني الاعظمية اني اخر شي بال10 محد يطلع والكاظمية لل12 بالليل كاعدين بس باقي المناطق ما اعرف والكهرباء نص ونص وقنينة الغاز ب6000 والوضع نص ونص مثل ما كلتلج حسب المناطق انتي وين بيا منطقه؟

فيونكه بلون الفراوله

03-25-2011, 03:44 PM

ان شاء الله بعلي الصالح اذا اتعرفيها او بالمنصور زوجي يكول الاعظميه او الدورة و الله ما ادري الايجارات شلونها هسه

توتايه

03-25-2011, 03:46 PM

اي اعرفها علي الصالح بس ما اعرف ليوين يظلون كاعدين والله حبيبتي الايجارات كلش غاليه بالاعظمية وبالدوره ما اعرف يعني شقه غرفتين نوم وهول ومطبخ وحمام ب500 اتوقع لو 600 بالشهر

فيونكه بلون الفراوله

03-25-2011, 03:51 PM

حييييييييييييييييييييييل والله كلش غاليه صدمتني

توتايه

03-25-2011, 03:53 PM

اي والله حبيبتي فدمره غاليه زين ماعندج مكان يم عيالج؟ لو يم اهلج الى ان تولدين

فيونكه بلون الفراوله

03-25-2011, 03:53 PM

اكول توتايه البانزين ابيش هسه

فيونكه بلون الفراوله

03-25-2011, 03:58 PM

والله بيبني وبينج بيت عيالي فارغ مابيه احد اكدر اعيش بي بس المشكله المنطقه مو زينه مو امان واني اخاف على زوجي والله
بس انا راح اولد بسوريا يم عيالي لان عيالي عايشين بسوريا بس وراها راجعين للعراق ومستقرين ان شاء الله انا وزوجي

توتايه

03-25-2011, 03:58 PM

حبيبتي الجليكان ابو ال20 ب12 اكولج غلا موطبيعي انتي وين بيا دوله هسه؟

فيونكه بلون الفراوله

03-25-2011, 04:00 PM

سمعت يوزعون اراضي للي مغتربين من قبل صحيح هذا الحجي
ولو تعبتج عيوني بس والله ما الي غيركم

توتايه

03-25-2011, 04:00 PM

انشاء الله على خير حبيبتي هيجي منطقة بيت عيالج موزينه؟

فيونكه بلون الفراوله

03-25-2011, 04:01 PM

اني هسه باستراليا

توتايه

03-25-2011, 04:01 PM

والله هاي ما اعرف بيها بس اعرف اكو رواتب مال رعاية للمغتربين بس ما اعرف شكد دخيلج همه شلون حكومه حتى يوزعون اراضي

فيونكه بلون الفراوله

03-25-2011, 04:03 PM

اي والله بيت اعيالي بالطوبجي صحيح على الشارع العام بس هم تخوف

توتايه

03-25-2011, 04:04 PM

بس حبيبتي مابيها شي الطوبجي صاره فتره هدوء بيها بس اذا جانو مهددين رجلج او عيالج من قبل فما انصحج ترجعين للمنطقه

فيونكه بلون الفراوله

03-25-2011, 04:05 PM

والله ضحكتيني احنه مساكين العراقيين نضحك على حالنه

فيونكه بلون الفراوله

03-25-2011, 04:06 PM

اي والله مهددين من قبل و زوجي يكول انسسسسسسييييي الطوبجي

توتايه

03-25-2011, 04:08 PM

عفيه على كولتج كذابين وعود فارغه

توتايه

03-25-2011, 04:10 PM

لعد حبيبتي انسيها للمنطقه زين سألي الكرايب شوفي ابيش البيوت لو الشقق يمهم حتى يكون احد قريب عليج ومتظلين بوحدج
واذا زوجج عنده شغل هنا تكدرين تعيشين بس اذا ماعنده ويريد يدور على شغل فلازم يجيب ورقه من المرجعيه حتى يلكة شغل بالوزارات او الدوائر هذا حال العراقيين هسه

فيونكه بلون الفراوله

03-25-2011, 04:11 PM

الحمد لله على كل حال والله ما ادري شنو اكول

فيونكه بلون الفراوله

03-25-2011, 04:12 PM

يا مرجعيه ؟؟؟؟؟؟

توتايه

03-25-2011, 04:13 PM

لو الصدر لو السستاني وانتي ادره
وداعتج اخويه صارله 3 سنين مخلص وليهسه ماكو وظيفه كالوله الا تجيب ورقه وتعرفين الا واسطات يله

مجنونة بحبها

03-25-2011, 04:20 PM

مرحبا حبيبه ماما الله يعطيج درزن جهال انشاالله هههههههههه
قريت انتي کنتي مسويه ربط!!!
شلون کنتي مشيه وقتج مطلعين لو عادي؟ وليش سوتي ربط؟ وجبتي طبيعي لو عمليه؟
وهمه کان عندج افرازات صفراء؟
عفو علي کثره الاسئله بس تدرين مسويه ربط وکله خايفه علي البيبي
حبيبتي دلوعه انا اول ما تزوجت حملت بس بسبب الجهل ماتي وكع البيبي وسويت عمليه ينظيف وبعد 5اشهر حملت وللاسف هم وكع وبقيت سنه وشهرين بين علاج وتحليل وحليب بالدم وتكيس وبالاخير حملت بنتي وبقيت اول ثلاث شهور عند اهلي وما اتحرك نهائيا ولما سويت السونار كالتلي الدكتوره عنق الرحم مفتوح وخوفا على البيبي وتدرين المحروم مايريد بس يفرح سويت الربط ويا اختي زوجي جان حيل خايف على البيبي لهذا انا لشهر التاسع مااطلع بس للمراجعه مات الدكتوره واهلي كل شهرين مره الى ان وصلت الشهر التاسع وكانت الحريه عاد كمت اتحرك براحتي وكملت التاسع واول يوم الي بالعاشر اجتني الولاده وانجر مي الراس وماجان عندي توسع بس اصبعين وبقيت الليل كله وثاني يوم وماكو توسع وخوفا على البيبي سويت العمليه القيصريه
وعن الافرازات ماجان عندي اي افرازات
واسفه على الاطاله بس الحمد لله خلصت وعندي ابنيه تسوه الدنيا

فيونكه بلون الفراوله

03-25-2011, 04:21 PM

الله كريم
اعذريني توتايه لازم اطلع هسه اني لان الساعه 12 وربع شكرا على المساعده وما قصرتي
ياله مع السلامه

مجنونة بحبها

03-25-2011, 04:35 PM

شلونكم بنات وشنو اخباركم

مجنونة بحبها

03-25-2011, 04:37 PM

وينكم راح اسجلكم غياب

مجنونة بحبها

03-25-2011, 04:39 PM

رايحه مادام ولا وحده موجوده
ببببببببباي

توتايه

03-25-2011, 04:48 PM

هياتني هياتني وين رايحه؟

مجنونة بحبها

03-25-2011, 04:49 PM

بنات اريد اسالكم شلونه هسه الاوضاع بالعراق امان لو لا
لان ان شاء الله راجعين قريب وكلش خايفه على زوجي
يعني لحد يا ساعه ولازم كله تفلت هههههههههههههه قصدي يعني تروح لبيوتها
اني اتذكر من جنت بالعراق وره 7 العصر يبدي الخط الاحمر والله خايفه
كولولي التفجيرات اشلونها بعد اكو ارهابيين وهاي السوالف
الكهرباء المي والغاز كل هاي الاشياء ياريت تحجولي بنات
عيني فيونكه الاوضاع احسن من قبل من جانت عالكه ومحد يكدر يطلع راسهه وبالنسبه للطلعه فاانا نهائيا ما اطلع فما ادري شكو ماكو احنه بيتنه بالبلديات واهلي بالمدينه الاسعار يكولون غاليه انا كتلج انا نهائيا ما اعرف لاسوق ولاغاز ولابانزين انا علي البيت وبس بس ماحبيت اعوفج بدون ما اجاوبج والسلام

توتايه

03-25-2011, 04:51 PM

مع السلامه حبيبتي فيونكه لا حبيبتي اعذريني لان مكدرت اخدمج بشي

رودينة الراوي

03-25-2011, 05:09 PM

هلوووووووووو بنات شلونكم اخباركم

توتايه

03-25-2011, 05:11 PM

هلو ردونه حبحب

رودينة الراوي

03-25-2011, 05:15 PM

هلوووووتوتاية شلونج حبيبتي اخبارج
يسوفي شلونة ان شاء بخير

اني قريت على وزنج صدك فوك المية ؟؟؟؟؟؟؟؟؟؟؟؟*

توتايه

03-25-2011, 05:20 PM

اي والله حبيبتي طبعا جنت قبل سنتين بال70 من وره التكييس انفشت

توتايه

03-25-2011, 05:22 PM

والله يسوفي كاعد يكمز من سمع صوت جدو وبيبي

رودينة الراوي

03-25-2011, 05:30 PM

حبيبي صدق لالله
مجنت متوقعتج ابد هيج بس هم صدك الأدوية تنفخ وخاصة هيجي انواع
لعد شنو توتاية لو مسويتة بطيخة مو احسن ههههههههههههههههههههههه

توتايه

03-25-2011, 05:35 PM

مو توتاية هذا الدلع مال اسمي اسكتي وخليها صايره ركية مو بطيخه

توتايه

03-25-2011, 05:35 PM

اي وداعتج الي يشوف كتابتي واسمي وحجيي يكول كصبه

رودينة الراوي

03-25-2011, 05:38 PM

صحة وعافية ان شاء الله
خلي يجي يسوفي ان شاء الله وترجعلج عافيتج وسويلج ذاك الريجيم المحترم حتى ترجعين مثل قبل واحسن ان شاء الله
شكد طولج انتي ؟

رودينة الراوي

03-25-2011, 05:39 PM

عظمتج خشنة لو ناعمة ؟

توتايه

03-25-2011, 05:41 PM

امين حبيبتي لا اكيد اول ميجي كبل ارجع على الريجيم اني طولي 160 يعني لازم وزني بين ال60 وال65 بس ميخالف خلي اوصل لل70 والله راضيه

وانتي شكد وزنج وطولج؟

توتايه

03-25-2011, 05:41 PM

حبيبتي عظمي خشن

رودينة الراوي

03-25-2011, 05:45 PM

ها ها
لا اني ناعمة كلش كصبة يعني
وزني من جنت حامل 3 شهور 46 هسة يجوز وصل 49 تقريبا لان مزاد هواية وبطني لحد هسة صغيرونة مالوحدة حامل بالرابع مو بالسادس
طولي والله مااعرف شكد بس مو طويلة ولا كلش كصيرة زينة يعني هههههههههههههه

توتايه

03-25-2011, 05:51 PM

اي كلش زين ههههههههههههههههه بس حبيبتي حاولي تاكلين اشياء مفيده نصيحه واشربي حليب نيدو حتى عظامهم تطلع قويه وانتي الكالسيوم الي بجسمج يصير زين اني نسوان اصدقاء رجلي كلهم يشربون حليب نيدو اني قررت اشربه حتى لو اخبطه كاكاو لو نسكويك بس حتى شي بيه فائده يدخل بجسمي

رودينة الراوي

03-25-2011, 05:55 PM

والله حبي الحليب ابد مااحبة اشربة مطعم فراولة او موز
ووية الكاكاو يكولون موزين لان الكاكاو من المنبهات ويسحب المونة مالتة
والله كلش ضعيف اني وهالايام ديصير عندي هبوط بالضغط هواية
والحمد لله على كل حال

توتايه

03-25-2011, 05:59 PM

ديري بالج حبيبتي تره موزين الهبوط مال الضغط اكولج هم دتصير عندج حموضه

رودينة الراوي

03-25-2011, 06:35 PM

لا الحمد لله مدتصيرعندي حموضة ابد
حبي اني طبيعتي احب الحامض كلش وهوة الي ديسببلي الهبوط بس حالياً زوجي حرمني منة لان يكلون الهبوط يسوي اجهاظ لا سامح الله
ويمكن لان جسمي متعود عالحامض فمدتصير عندي حموضة مااعرف اذا اكو ربط بالسالفة لو لا

شنو سالفة ضيق التنفس الي ديصير عندج؟ سالتي دكتورتج عليه*

توتايه

03-25-2011, 06:45 PM

والله ياعمري باجر راح اروح للدكتوره وبدربي اسوي تحاليل مال فقر دم واملاح والتهاب مجاري بولية دا اشوف شصاير مصاير و ضيق النفس من وره استاذ يوسف لان ديتكعور فوك من يم معدتي بحيث ديضغط على الحجاب الحاجز باجر والله اروح واشوف

اني الحموضه دتصير عندي مال شعر النونو اخاف البنوته يطلع شعرها خفيف بس شوفي حبيبي ابتعدي عن الحوامض لان موزين واسم الله اسم الله مره من مرات الهبوط تروحين بيها فديري بالج حبيبتي

رودينة الراوي

03-25-2011, 07:11 PM

الله كريم حبيبتي مو تنسين باجر طمنيني عنج وكليلي دكتورتج شكلتلج
انتي دكتورتج بالاعظمية مو يم بيت اهلج؟

رودينة الراوي

03-25-2011, 07:13 PM

قررت هسة اشرب حليب ابيض من اليوم وقبل شوية شربت اول كلاص هههههههههههههههه
باركيلي

دلوعه زوجی

03-25-2011, 07:45 PM

شکر یا احلی حبیبه ماما علی اجوبتج وشرحج

مجنونة بحبها

03-25-2011, 08:02 PM

دلوعه انا كتلج انا بخدمه الطيبين وان شاء الله مادوختج تراني ثرثاره

مجنونة بحبها

03-25-2011, 08:05 PM

وينكم هم ماكو شلون بلله وين الكاكم

مجنونة بحبها

03-25-2011, 08:07 PM

بنات انا وكتي للساعه 9 لان زوجي ينام من وكت فتصبحون على خير
خخ خخ خخخخخخخخخخخخخخخخخخخخخخخخخخخخخخ

رودينة الراوي

03-25-2011, 08:58 PM

هلووووو بنات شلونكم منو موجود؟

ساهرة

03-25-2011, 09:15 PM

اني موجوده ..:)

رودينة الراوي

03-25-2011, 09:49 PM

هلوووووو ساهرة شلونج اخبارج والجهال شلونهم

رودينة الراوي

03-26-2011, 12:26 AM

بنات وينكم شنو انقرضتو هههههههههههههه
شو ولا وحدة

فيونكه بلون الفراوله

03-26-2011, 04:38 AM

حبيبه ماما تسلمين حياتي ما قصرتي فديت القلب الطيب

ردونه هاي انتي مثلي اني هم كلششششش ناعمه راح انكطم وزني 49 وطولي 168

مجنونة بحبها

03-26-2011, 10:51 AM

هلو بنات وينكم ؟وشخباركم؟وشنو جديدكم؟ وشكو ماكو؟؟؟؟؟؟؟؟؟؟؟؟؟؟؟؟؟؟؟؟؟؟
كلتلتكم فضوليه موت

مجنونة بحبها

03-26-2011, 10:55 AM

تعال اكلكم انا موعد دورتي البارحه ولليوم ماشرفت
بس البارحه بالليل اجاني الم فضيع كعدني من النوم
وجنت اضن انه اجتني بس للان ما كو اي خبر
وخايفه موت اخاف تشرف وتحطم احلامي
يارب اكون حامل

توتايه

03-26-2011, 10:58 AM

صباح الخير بنات انشاء الله تكونين حامل حبيبتي حبيبة ماما اني هم بوكت الدوره صار عندي وجع بظهري مينحمل ووجع بصدري

اني اليوم رحت سويت تحاليل مال الاملاح والتهاب مجاري بولية وفقر الدم وبعدها النتيجه مطلعت

يلا اشوف الصفحات البقية وارجعلكم

توتايه

03-26-2011, 11:03 AM

قررت هسة اشرب حليب ابيض من اليوم وقبل شوية شربت اول كلاص هههههههههههههههه
باركيلي
عفيه عفيه بالشطوره يلا شربي حليب حتى سنونج تصير قويه ههههههههههههههههههههههههه

اي حبيبتي دكتورتي بالاعظمية

مجنونة بحبها

03-26-2011, 11:04 AM

شنو بنات وكت الي تسكت بنتي ما الكاكم وبس تجون تبدي الطلبات على راسي لو بنتي لو زوجي لو عمتي شلون بلله سولي حل

توتايه

03-26-2011, 11:14 AM

خليلهم منوم بالشربت وانطيهم ياه وتعالي هنا ندردش

مجنونة بحبها

03-26-2011, 11:37 AM

هلو توتايه بنتي لواشربهه فاليوم ابو العشره متنام
وزوجي على اقل حركه يكعد
وامه انا كل شي ما مسويتله وما خلصانه
وتريدين انطيه منوم اتريدين تهججني بلليله ظلمه

مجنونة بحبها

03-26-2011, 11:47 AM

استدعكم الله انا رايحه اصلي صلاه الظهر وبنتي مجلبه بثوبي واريد ورى الصلاه احضر الغدا لان زوجي ما بقه شي ويشرف
ببببببببببببببببببباي
وسلومولي على الما شفناهم

فيونكه بلون الفراوله

03-26-2011, 12:27 PM

هلوووووووووو بنات منو موجود؟؟

نعومه التميمي

03-26-2011, 01:15 PM

مرحبا بنات شلونكم

نعومه التميمي

03-26-2011, 01:25 PM

وينكم بنات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رودينة الراوي

03-26-2011, 01:35 PM

هلووووووووو بنات شلونكم اخباركم
فيونكة لا انتي ارحم مني عالاقل طويلة اني تقريباً اكصر منج ب10 سم
نعومة شخبار لعبان النفس ان شاء الله اقل

نعومه التميمي

03-26-2011, 01:37 PM

هلو حبيبتي رودينه الحمدالله انتي شخبارج والله جاي يزيد لعبان النفس ما يقل
شعدكم اليوم تحجون على الاوزان

دلوعه زوجی

03-26-2011, 01:39 PM

مرحبا بنات شلونکم اسویتو ما سویتو؟؟؟؟؟؟؟ شکوماکو؟؟؟؟؟؟ جدید قدیم؟؟؟؟؟؟؟؟ حجایه عرکه مشکله ماکو ههههههههههههههه
مو تزعلون اشاقه ویاکم الله یبعد المشاکل عن منتدانا یاااااااااااااااااااااارب

نعومه التميمي

03-26-2011, 01:42 PM

هلو دلوعه انتي شلونج اليوم داخله حاميه على المنتدى
عاد متغديه لو بعدج

دلوعه زوجی

03-26-2011, 01:46 PM

اي متغدایه مکانکم خالي شلون غده زوجي سواه تاکلون منا تتقیون منا هههههههههه لا صدک عاشت ایدیه کان طیب

دلوعه زوجی

03-26-2011, 01:48 PM

صدک ماسلمت علیکم
شلونج فیونکه وحبیبه ماما ونعومه ورودینه وتوتایه انشاالله بخیر
حبیبه ماما انشاالله تکونین حامل یارب

نعومه التميمي

03-26-2011, 01:51 PM

الف عافيه حبيبتي

شكوماكو
باي شهر انتي هسه

دلوعه زوجی

03-26-2011, 01:54 PM

والله لله الحمد انی بشهر السادس وانشاالله اعدی للتاسع بسلام
ادعولي

نعومه التميمي

03-26-2011, 01:58 PM

انشاءالله وتكومين بسلامه اني بهايه السادس بعد اسبوع وادخل السابع
بنيه لو ولد هم شفتي بسونار

دلوعه زوجی

03-26-2011, 02:03 PM

اي عمري شفته بلأسبوع ال16 جنت وکالو ولد بس ما أدري لیش اني شاکه أکول من وکت اخذت سونار بس اتمنی یطلع صحیح!!!!!!!!
انتی شنو عندج؟؟؟؟؟؟
وحرکته شلونه هسه بشهر سادس؟ لأن انی صارله 3ایام کله یدفر بس جوه وخایفه اکول لیش میصعد
اسفه علی اطاله تره بعد عندي اسئله رح اهریج اسئله هههههههههههههه

نعومه التميمي

03-26-2011, 02:08 PM

عادي حبيبتي اخذتي راحتج اني شفته بل الاسبوع 91 كالو بنوته
وحركة زينه بس هل العبان نفس ضوجني

دلوعه زوجی

03-26-2011, 02:12 PM

الله یخلیها الج وتفرحین بشوفتها
لیش سلامتج المفروض خلص وقت لعبان النفس؟؟؟؟؟؟؟؟؟؟

دلوعه زوجی

03-26-2011, 02:14 PM

انتي عایشه بأسترالیا مثل ما قریت لو لا؟؟؟؟؟؟؟؟؟؟؟؟؟؟؟

نعومه التميمي

03-26-2011, 02:16 PM

اي صار سنه من زوجت
والله ماعرف بس يمكن لان اني تنسيت متاخر بشهر الرابع والحد هسه تكول الدكتوره احتمال تبقين التاسع هيج

دلوعه زوجی

03-26-2011, 02:22 PM

زین هم سولج تحالیل مالت تشوهات الاجنه لو لا؟؟؟؟؟؟؟؟

نعومه التميمي

03-26-2011, 02:23 PM

انتي بل نجف اني اختي مزوجه بل نجف

نعومه التميمي

03-26-2011, 02:24 PM

اي سويت مرتين والحمدالله وشكر ماكو شي
سويت من دخلت الرابع ومن دخلت السادس

zena

03-26-2011, 02:28 PM

هلو حبيباتي خواتي العزيزات اني هسه الي شفت هذا التجمع الحلووووووووو وعفيه ادعولي حددتلي الدكتوره الولاده راح تكون بهل اسبوعين وخايفه حيل هذا اول نونو وصار عندي مشاكل بالمعده وجفاف واني بالغربه وحيييييييييييل باردين هنا وان شاء الله الكل اكووووم بالسلامه ياااااااااارب

نعومه التميمي

03-26-2011, 02:30 PM

هلو حبيبتي منوره هنا بين اخواتج ويارب تكومين بسلامه من اي دوله

دلوعه زوجی

03-26-2011, 02:30 PM

انی هسه عایشه بإیران علمود سویت طفل انابیب وانشاالله بعد الولاده ارجع

زین عمری ولو ثقلت علیج انی بالاسبوع ال15 سویت هذا التحلیل یسموه التحلیل الثلاثی بس بعدین کالو کون اسوین تحلیل من ماي طفل بس انی رفضت
وظلیت خایفه خاف اکو شی !!! انتي متدرین شکد طلعت نسبه تحلیلج؟؟؟؟؟؟؟؟؟

مجنونة بحبها

03-26-2011, 02:31 PM

هلو بنات شلونكم انا نومت بنتي واجيت

دلوعه زوجی

03-26-2011, 02:33 PM

مرحبا بیج بیناتنا حیاتي والله یکومج بلسلامه انشاالله بس لتنسین تدعینا وقت الولاده

مجنونة بحبها

03-26-2011, 02:33 PM

تعالو كلولي شنو هذي التحاليل الي كاعد تحجون عنه

نعومه التميمي

03-26-2011, 02:34 PM

هلو حبيبته ما ما شلونج
حبيبتي اني ما سويت مال ماي الطفل لان بل سونار طالع ماكوشي
والباقي على ربي العالمين
انشاء تكومين بسلامه

دلوعه زوجی

03-26-2011, 02:34 PM

هلا بیج حبیبه ماما اشرقت وانورت

نعومه التميمي

03-26-2011, 02:35 PM

حبيبتي ماما مال التشوهات

دلوعه زوجی

03-26-2011, 02:36 PM

اشکرج عمري دوختج اني همه الحمدلله طلع بالسونار ماکو شی والله کریم

مجنونة بحبها

03-26-2011, 02:39 PM

فهموني شوكت تسوه وشنو اسمهه
تراني والله مليت من الاسقاطات واتمنى الكه حل
هلا وكل الهلا بيكم حبيباتي اشرقت ونورت بوجودكم

مجنونة بحبها

03-26-2011, 02:41 PM

شوفو كعدت بنتي والله هواي طولت خمس دقايق والله حرام

نعومه التميمي

03-26-2011, 02:42 PM

الحمدالله على كل شي والله اهم شي اتمام الخلقه

نعومه التميمي

03-26-2011, 02:42 PM

ههههههههههههههههههههه موزين طولت خمس دقائق

نعومه التميمي

03-26-2011, 02:44 PM

فهموني شوكت تسوه وشنو اسمهه
تراني والله مليت من الاسقاطات واتمنى الكه حل
هلا وكل الهلا بيكم حبيباتي اشرقت ونورت بوجودكم

حبيبتي والله معرف هنا هم يدزون الج رساله ويحددون الموعد مال التحاليل

رودينة الراوي

03-26-2011, 02:46 PM

هلووووووو بنات

دلوعة زوجي شنو هاي التحاليل الي تبين اكو تشوه بالطفل لو لا شلون تسويهة يعني تحليل دم لو شلون وشوكت الواحد يسويها
اني اسوي سونار ملون والحمد لله ماكو شي بيه بس يعني هاي التحاليل اضبط لو شنو

مجنونة بحبها

03-26-2011, 02:46 PM

شنو بنات وينكم ولا جواب

نعومه التميمي

03-26-2011, 02:48 PM

هلو حبيبتي
موكتلج اني سويت بشهر الرابع و السادس

رودينة الراوي

03-26-2011, 02:50 PM

هلووووو اختي زينة تشرفنا بمعرفتج
انتي عراقية ؟ ووين مغتربة ؟
رح تجيبين طبيعي لو عملية ؟
الله يكومج بالسلامة اختي وتفرحين بشوفة البيبي مو تنسين تدعيلنة هههههههههه
بيج بنية لو ولد؟
عذريني هريتج بالأسئلة

مجنونة بحبها

03-26-2011, 02:50 PM

اي والله اريد اعرف هذي التحاليل مات داء القطط لو غيرهه

نعومه التميمي

03-26-2011, 02:51 PM

رودينه شخبارج

نعومه التميمي

03-26-2011, 02:52 PM

لا يمكن غيره لان هذه يسوه من تكمل اعضاء الطفل

رودينة الراوي

03-26-2011, 02:53 PM

هلووووووو نعومة بخير الحمد لله وانتي شخبارج وشلونهة البنوتة

نعومه التميمي

03-26-2011, 02:54 PM

الحمدالله تسئال عليج انتي شخبار ظهرج شلون صار

رودينة الراوي

03-26-2011, 02:55 PM

نعومة تعرفين تفاصيل هذا التحليل يعني شلون يصير تحليل دم لو شنو ويصير اضبط من السونار الملون لو نفس الشي

مجنونة بحبها

03-26-2011, 02:56 PM

اكلكم صحيح الطرشي موزين على الحامل

رودينة الراوي

03-26-2011, 02:57 PM

والله ظهري كلما دتثكل بنتي ديزيد الوجع بيه يعني شكلة باقي للولادة هههههههههههه والحمد لله على كل حال

نعومه التميمي

03-26-2011, 02:57 PM

اني سويته بل سونار تى اخذو الدماغ مال الطفله وكل اجزاءه وكليتان وكلشي
وكالو اكو ثاني ياخذون من ماي الطفل والعمود الفقري للطفل بس اني ما قبلت كلت لا بس على صور السونار الملون بس الحمدالله كالو صحته زينه

رودينة الراوي

03-26-2011, 02:59 PM

حبيبة ماما
لا مابيه شي اذا تأكليه وانتي مو جوعانة بس الحموضة الزايدة تسوي هبوط بالضغط والهبوط كلششش موزين عالحامل خاصة بالبداية

نعومه التميمي

03-26-2011, 02:59 PM

والله ظهري كلما دتثكل بنتي ديزيد الوجع بيه يعني شكلة باقي للولادة هههههههههههه والحمد لله على كل حال
اني رجليه ما اكدر انام منهن هم تكول الدكتوره عادي كل ماتكبر راح تضغط على رجليج مع العلم اني ماعندي بطن يعني كلش صغير ه

دلوعه زوجی

03-26-2011, 03:00 PM

عمري اصلا حتی لو هذه التحالیل موجوده بالعراق الوحده متسویه احسن لأن هوایه قد یطلع خطأ هذه التحالیل وبس یعشوج بخوف وقلق
هی تحالیل دم یسوها من الاسبوع ال12 الی الاسبوع 18 من الحمل للکشف عن التشوهات العمود الفقری والاطفال المصابین بمتلازمه داون یعنی المنغولیه . الله یبعدنا عن کل هذا

نعومه التميمي

03-26-2011, 03:00 PM

لا يمكن عادي بس كون مو مالح وحار كلش لان موزين على الطفل

نعومه التميمي

03-26-2011, 03:02 PM

عمري اصلا حتي لو هذه التحاليل موجوده بالعراق الوحده متسويه احسن لأن هوايه قد يطلع خطأ هذه التحاليل وبس يعشوج بخوف وقلق
هي تحاليل دم يسوها من الاسبوع ال12 الي الاسبوع 18 من الحمل للکشف عن التشوهات العمود الفقري والاطفال المصابين بمتلازمه داون يعني المنغوليه . الله يبعدنا عن کل هذا

اي حجيج صحيح لا سامح الله وصار هذا الشي ترجع الشغلت الوراثه

رودينة الراوي

03-26-2011, 03:02 PM

اي نعومة اني وجع ظهري من جوة واكثر شي علة رجلي اليسرة تجي احيان بالكوة امشي عليهة
يعني وجع ظهري بالعظام الجوة مو بالعضلات
اني هم بطني صغيرونة تكولين حامل بعصفورة
ههههههههههههههههه

نعومه التميمي

03-26-2011, 03:04 PM

اي هم يضغط على رجلي اليسر
اني زوجي يكول لو مو سوناره ما اصدك حامل

مجنونة بحبها

03-26-2011, 03:05 PM

عيني انا بنتي جان ظهري من اول ماحملت لما جبتهه يموتني من الالم وكلما اكل لدكتوره جانت تكلي الطفل نازل ولما وصلت التاسع وشلت الربط كالتلي الدكتوره الطفل صاعد وبالتالي ماكدرت اجيبه طبيعي ومو بنيه خبيثه وهي بطني وهسه ماتخليني اكعد نهائياhwaml4hwaml4hwaml4hwaml4

رودينة الراوي

03-26-2011, 03:05 PM

الله يبعدنا

نعومه التميمي

03-26-2011, 03:05 PM

هههههههههههههههههههههههههههههه
الله يخليه الج

نعومه التميمي

03-26-2011, 03:08 PM

يله بنات تصبحون على خير باي

دلوعه زوجی

03-26-2011, 03:08 PM

حبیبتي نعومه انی وجع رجلیه یبدي بلیل اني ونایمه واکعد ابجی بس اصور عادي
هو هذا من اسباب الحمل وکبر الطفل
والله یخلي کروشجن ویکبرها بحیث متشوفون الکاع ههههههههههه
آمیییییییییییییییییین

نعومه التميمي

03-26-2011, 03:09 PM

هههههههههههه امين حبيبتي اي كلت الدكتوره كالت عادي هذا الم الرجلين
لان الطفل جاي يكبر

رودينة الراوي

03-26-2011, 03:12 PM

الحمد لله والشكر يعني مااخاف من وجع ظهري
وانتي من اهل الخير نعومة

مجنونة بحبها

03-26-2011, 03:14 PM

نعومه نومت العوافي وتصبحين على خير

فيونكه بلون الفراوله

03-26-2011, 03:18 PM

انييييييي اجييييييييييييييت هلو بنات

حبيبه ماما يارب يارب تكوووووووني حامل

مجنونة بحبها

03-26-2011, 03:21 PM

كروشات اتمنى اطفاكم تصير مثل وكاحت بنتي ويخليكم تكولون لو باقين ببطونه احسن وارحم

مجنونة بحبها

03-26-2011, 03:23 PM

مشكوره فيونكه وان شاء الله يثبت حملك وتجيبين احلى بيبي بالعراق

رودينة الراوي

03-26-2011, 03:26 PM

ليش حبيبة ماما شمتفاولتنة هههههههههه
هلو فيونكة شلونج

فيونكه بلون الفراوله

03-26-2011, 03:26 PM

الله يسمع منج يا قلبي بشري حللتي لو بعد عندج اعراض حمل ؟؟؟

دلوعه زوجی

03-26-2011, 03:28 PM

یله باااااااااااااااااااااااااي بنات

فيونكه بلون الفراوله

03-26-2011, 03:31 PM

الله معك دلوعه

رودينة الراوي

03-26-2011, 03:34 PM

بااااااااااااي دلوعة

فيونكه بلون الفراوله

03-26-2011, 03:36 PM

هلوووووو ردونه شلونج

رودينة الراوي

03-26-2011, 03:48 PM

هلوووووو حبيبتي شلونج

ساهرة

03-26-2011, 04:26 PM

اشلونكم ياحلوات

حبيبي

03-26-2011, 05:35 PM

هلو ردونه اخبارك مع الحمل
وشخبار توتايه اتصور نايمه بعد ما اكلت وجبت الغداء الدسمه نامت ههههههههههه

رودينة الراوي

03-26-2011, 05:57 PM

هلوووووو اختي حبيبي
شلونج حبي اخبارج أني بخير الحمد لله
لا اعتقد اكلت من وكت ويجوز طالعة هسة عدها روحة للدكتورة لان فاتت بالسابع

انتي شخبارج حبي

حبيبي

03-26-2011, 06:02 PM

ان شاء الله تطمن على ابنها ويكون يارب بخير
لا حبيبتي انا توني والد بنتي اربعه اشهر و22 يوم
عقبالكم يارب اجربون الولاده الى زي العسل ههههههههه

رودينة الراوي

03-26-2011, 06:05 PM

تسلمين حبيبتي
هسة أتذكرت انتي مصارلج هواية من والدة فسويت تعديل عالمشاركة ههههههههههههه
ولدتي طبيعي لو عملية ؟ ووين ولدتي

حبيبي

03-26-2011, 06:10 PM

اني ولدت طبيعي الحمد الله
وانى اسعوديه مو عراقيه يعني ولدت اهنا
النت ضعيف عندي اهئ اهئ

ساهرة

03-26-2011, 06:46 PM

حبيبي ماحد مستغرب انج سعوديه
لان ماطقين راس بلمنتديات اله
على راس سعودي خخخخخخخ
الله يامكثرهم والله يزيدهم ويبارك بيهم :)

مجنونة بحبها

03-26-2011, 09:00 PM

هلو بنات نومت بنتي واجيت وينكم
حبيبتي فيونكه بعدني ما محلله اخاف افشل
فكلت انتظر كم يوم احسن لان ذاك الشهر الفات
تاخرت اربعه ايام ومن ثم شرفت بطلعته البهيه
hwaml12

حبيبي

03-26-2011, 09:04 PM

حبيبه ماما كيفك
وكم عمر بنتك
والحمل لا تستعجلي عليه لانه بامر الله يصير وانتي متتوقعين انو يصير

حبيبي

03-26-2011, 09:05 PM

ههههههههههههه ساهره اكيد محد يستغرب

مجنونة بحبها

03-26-2011, 09:10 PM

بنات تصبحون على خير راح انام
خخخخخخخخخ
خخخخخخخخخخخ
خخخخخخخخخخ

حبيبي

03-26-2011, 09:25 PM

وانتى من اهل الخير
من المغرب تنامين دجاجه هههههههههههه

ساهرة

03-26-2011, 10:24 PM

حبيبي اي دجاجه
لانها ماتعوف الديك
ههههههههههههههههه

حبيبي

03-26-2011, 10:34 PM

هههههههههههههههههه حلوه ساهره متعوف الديك
وفرصه بنتها نايمه بعد خوش ديك ههههههههههههههه

توتايه

03-26-2011, 10:55 PM

هلو بنات حبيباتي شلونكم اليوم سويت تحليل وطلع فقر الدم زايد جان 10.6 وصاير 9.3
واملاح شويه و3 صلبان جراحه ودم بالبول والتهاب كلش قوي بحيث كالتلي سويلي زرع بول حتى اشوف وانطتني مضاد وانطتني كالسيوم والنونو زين بس اني موزينه وكالتلي لازم احسن فقر الدم لان الشهر الجاي اذا طلع قليل راح تنطيني ابر وعلى الحساسيه الي عندي كالتلي الحامل كلشي متاخذ للحساسيه وحبيبتي ردونه مانسيتج وكالت ميصير تاخذ شي لان كل حبوب الحساسيه لو بيها كورتيزون لو ديهستامين وثنينهم موزينات للحوامل وكالت اذا كلش زاد عدنا الرشح شويه مي دافي وملح ونقطر قطرتين بالخشم هذي راح تخففها

واترزلت رزاله من هاي التمام لان كلشي مدا اكل بس اكو شيين زينه الضغط مالتي طبيعي والوزن مزايده بس كيلو واحد

ضجت كلش لازم اكل معلاك وخضره وعدس وزبيب لان تزيد الدم وتحسن من فقر الدم

شلونكم حبيباتي؟
زينه منوره حبيبتي انشاء الله ساعه سهله وتشوفين النونو بين ايديج واهلا بيج حبيبتي نورتينا

حبيبي

03-26-2011, 11:05 PM

ليش متاكلين حتى صارلج فقر دم لازم تهتمين بصحتج واكلي جرجير وسلطه وكبده ولحم
كلشي اخضر زين يرفع نسبه الدم عندك ولا تشربين شاي لانه يحرق الحديد الى عندك
وبنسبه لالتهاب البول كثري سؤائل قد متكدري وخاصه الماء لترين بليوم شربي
ابتعدي عن البرتقال والمانجو واي شي حامض مدام فيكي التهاب البول
وسلامتك يا عمري

حبيبي

03-26-2011, 11:06 PM

توتايه هاي صورت بنتي فطومه

توتايه

03-26-2011, 11:14 PM

وي فديت عمرها تجنن ربي يحفظها لك وتشوفيها عرووووووووس

والله حبيبتي اني كل يوم اشرب يمكن 10 قناني ماء الحجم الصغير

حبيبي

03-26-2011, 11:18 PM

التهاب البول خطر على الطفل لازم تعلجيه باسرع وقت وتكثري شرب الماي
وقللي الجاع هالفتره لانه الجماع يسبب التهبات البول وقت العلاج قلليه حتى يخف منك بسرعه
وسلامتك يارب
انا مثل حالتك بضبط يوم كنت حامل والحمد الله جبت فطومه
هصوره اول يوم بلمستشفى

ساهرة

03-26-2011, 11:32 PM

حبيبي بنت فطومه زي بنتي يادووبه

حبيبي

03-26-2011, 11:33 PM

ههههههههههههههههههههه توئم بنتي عندك ونفسها دئما سهر وبكي ليل نهار
ومص بلاصبع

توتايه

03-26-2011, 11:34 PM

انشاء الله اسوي الي قلتيلي عليه وانشاء الله مايصير شي موزين
فديتها تجنن

حبيبي

03-26-2011, 11:36 PM

لا اطمني توتايه راح يكون ابنك بخير وراح اضميه لصدرك
اتعشيتي ولا لا مشان الفقر الدم وشنو عشاكي حتى اشوف اذا مفيد لدم ولا لا هههههههه راح اصير دكتورتك اهنا بلمنتدى
وعقبال متحطي صورته لنا وشنو راح تسميه الولد

رودينة الراوي

03-26-2011, 11:39 PM

مشكوووورة يا توتاية الغالية

اسم الله عليج حبي وماعندج غير العافية
حبي كثري شرب المي شكد متكدرين ولتخلين روحج تكرمين ( محصورة ) راسا اتدرري حتى يروح الرمل ان شاء الله
وبالنسبة لدمج عندج فقر دم قوي كلش لان نسبة الدم الطبيعية للحامل 11.2 فأنتي عندج النسبة قليلة كلش ديري بالج علة نفسج حبي لان اذا زاد يصير عندج خفقان بالقلب لا سامح الله وحدة كرايبنة الدم نالتها جان 8 ونص صار عدها خفقان ورادة تصير عدها ولادة مبكرة بالثامن بس الله السترها لان لو صايرة جان متحملت
ومكيفة مزايد وزنها شلون يزيد وانتي عندج كل هالبلاوي ههههههههههههههههه
حبي لتهملين نفسج ابد اكلي زين خلي يزيد وزنج بس المهم تكوني بصحة وعافية انتي ويسوفي عود ورة الولادة نزليه

ساهرة

03-26-2011, 11:40 PM

بنتي عمرها شهرين توها بدت تمصمص خههههه

توتايه

03-26-2011, 11:40 PM

ههههههههههههههههه ياحبيبتي اتعشيت عشا خفيف اكلت جبن علمود الكالسيوم وباجر راح اتعشه كبده يم يم لان صايره ما اقدر اكل شي مقلي بالدهن يسببلي ضيق بالنفس

الله يسمع منج حبيبتي واشوفه واحضنه لصدري راح اسميه يوسف

ساهرة

03-26-2011, 11:44 PM

حبيبي هاذا صورة بنتي توه طازه
بس قروعه اشويه ههههههع

ساهرة

03-26-2011, 11:45 PM

توتايه ليش منطتج الدكتوره حبوب
كالسيوم..؟

حبيبي

03-26-2011, 11:47 PM

ام يوسف من اليوم ورايح هههههههه
كان اكلتي مع الجبن اخيار وسلطه مشكله حتى دمك يصير زين دئما اكلي سلطات
وهذا العشاء كلش خفيف بعد كم ساعه اكلي ثاني
والاشياء المغليه لا تاكليها فليل لانها اتسبب حرقان بلمعده عندك ومتعرفي تنامي
اشربي حليب

حبيبي

03-26-2011, 11:48 PM

ساهره الله يخليلك بنتك امبين عليها عصبيه ههههههههه طالع على امها ولا ابوها

توتايه

03-26-2011, 11:49 PM

تسلميلي حبيبتي ردونه والله هوه هم هيج راح اسوي كل الي تكولولي عليه حبيبتي اني صاير عندي خفقان واذا على الوزن كالتلي لازم ميزيد وزني لان اني وزني هوايه حتى يكون سهله علية الولاده

حبيبتي سهوره تجنن سمارها يجنن الله يحفظلجياها يارب
حبيبتي الدكتوره انطتني حبوب كالسيوم وحده باليوم