تجمع حوامل العراق واتمنى اكو احد موجود

[ام تمار]

اني خريجه كليه علوم قسم علوم حياة سنه 2007_2008

[kokee]

ايييييييييييييييي زينب مو ايمان خخخخخخخخخخ

[بنت الخليج]

زنوبة حبيبتي اسفة غلطت باسمك بس انتي هم كتبتي ام بيداء مو ام كرار هههههههههههه . ام تمار حبيبتي ياريت بايدي التعيينات كان عينتكم كلكم وانشاء الله تتعينين

[kokee]

اهااااا واني تربيه جغرافيه متخرجه سنه 2008_2009

[بنت الخليج]

والله مع الاسف وحدة كلية علوم ووحدة كلية تربية وكاعدات بالبيت ليش هاي الكفائات كلها كاعدات بدون سبب !!!!

[kokee]

ياااا ام بيداء ههههههههههههههههههههههههههههه شكد عيب يلا محد شاف غلسي خخخخخخخخخخخ

[kokee]

هذا العراق العظيم هههههههههههههه
يلا بنات هذا لولي كام يبجي ثبرني اروح انومه وانام
تصبحون على الف خيرررررررررررررررررررررررررر

[بنت الخليج]

اي غلست محد شاف هههههههههههه . صدك بنات هسة صارت عدنة حالة غريبة بالمنطقة تدرون شنو ؟ طفت الكهرباء عندنا . ترة عجيبة ههههههههههه

[توتايه]

ولج كوكه مدا الحك عليج نوميه وتعالي

هههههههههههههه ليش بيوده عدكم متطفى؟

[توتايه]

هلو بنات الدوخه تقره عندي الف وبطني تموتني

كوكه علوا متشيل اللولب بس اشوف شنو سالفة النزف

[توتايه]

بيوده عمري بالي يم كركور شلون صار حياتي؟ باعي والله مجربه جيبي خل ونكعي جفيه او خاولي صغيروني بيه ومسحي جوه اباطه وبطنه وجفوف ايده ورجله وشوفي النتيجه مجربتها والله هسه كبل تروح الصخونه وديري بالج تحطين الكمادات البارده على راسه بس على وجهه مو على راسه من فوك

[توتايه]

وينكم بنات

[حبيبي]

اهلين بسهراناااااااااات اشلونكم
مشتاقه الكم اهوايه اشلونج ايه وشلون رجلج صارت احسن متى بتشيلين الجبس يمكن شهر هاااااا ؟

بيداء اشلونج مشتاقه لج شنواصاير بكرار حرارته مرتفعه ؟ لاني مقريت بلصفحات
سلامته خطيب بنتي ديري بالج عليه هذا نسيبي انطيه خافض للحراره وخليه يستحمه بماي فاتر
وسلالامته يارب

باغي البنات اشلونكم

[ام رريناد]

صباح او مساء الخير
اني من العراق وحبيت انظم الكم
حامل بالشهر الثامن وانتظر بنوته
تحياتي لجميع

[توتايه]

اي حبيبتي شهر والله يعيني والله النزيف دمرني كأنه حنفيه ومفتوحه كل 10 دقايق اغير الالويز الكاها مليانه على الاخير واليوم دكتورتي عطلتها خابرتها قالت اشرب عصير برتقال واخذ حبوب بونستان تخفف النزيف بس ولا كأنه ماخذتها المهم نزلت اليوم عليي قطع لحم كبيره خوفتني خالتي قالتلي هذي من النزيف

نتي شلونج؟

[توتايه]

منوره ام ريناد حبيبتي الف هلا بيج عمري مبين سهرانه من وره البنوته اني هم ججنت بالاشهر الاخيره ما انام ابد من وين انتي حبيبتي؟ وشكد عمرج وصارلج شكد متزوجه وعندج اطفال لو لا
اني ام يوسف رئيسة التجمع عندي بس سوفه واحد ومواليدي 90

[ام رريناد]

اهلا وسهلا حياتي تشرف بمعرفتج
والله يخليلج صوفي
اني من العراق من البصره
متزوجه صارلي 9 اشهر
وحاليا حامل بالشهر الثامن وانتظر بنت وحسميها ريناد
بس ريناد حيل متعبتني هلايام من انام يصير عندي اختناق
والمانه حيل مأذيتني والتهابات صلبين
واني مواليد 86

[توتايه]

العمر كله حياتي انتي وهلا بيج وبكل البصاروه باعي حبيبتي حاولي تكثرين من المخاديد جوه راسج هاي تتكعور فوك وتكبس شي على شي على الرئه اني مجربتها
والمنطقه عادي تأذيي لان الثكل كله يصير جوه عمري واذا على الالتهابات الدكتوره منطتج ادويه؟ واتشطفي دائما بمي وملح كلش زين
واسم ريناد كلش حلو والف مبروك يعني بعدج عروسه اني الجمعه الراحت عيدزواجي الثاني اجلته للسبت وبيومها انكسرت رجلي غير حظوظ خخخخخخخخخخخخخخخخخخخخخ

[ام رريناد]

الف سلامه عليج ماتشوفين شر
يابعدني عروسه مشفت شي من البدايه صرت حامل وتعبت
وحاليا حركاتها كلش قويه خوصصا من انام على ظهري ودكتورتي انطتني فوار اسمه
يوريكول حبيبات فواره بس ميفيد احس شي يبزني بالمثانه ودرار كلش هوايه عندي اوقات يصير لونه احمر

[توتايه]

باعي حبي يوريكول كلش زين وهو يزيد الادرار حتى شكو التهاب يروح بس لويش احمر؟ تتاخذين دوه مال التهابات لونه احمر ؟
اني جنت اخذ اسمه يورسبت بس مجنت حامل جان الادرار يصير احمر

عادي حبيبتي البزه هاي مال الالتهاب

[ام رريناد]

اوه نسيت كـــــــــــــل عام وانتي بخير يارب ينعاد عليكم بالخير والسعاده
وجيبونه اخت حلوه ليوسف

[ام رريناد]

لا ماخذ اي دوه بس المقويات
وحاليا دصير عندي نبضات مثل نبضات القلب ابطني وبالمقعد

[توتايه]

الله يسلمج حبيبتي وانتي بألف خير حبحب ههههههههههههه لابعد وكت على البونيه خلي يكبر هوه يوسف ومشيبني

[توتايه]

هم عادي حبيبتي هاي كاعده تدفع براسها ليجوه مستعجله تريد تطلع

[ام رريناد]

الله يخلي الج
اني اترخص وفرصه سعيده
وشكرا على النصائع
اشوفج بكره
تصبحين على خير

[توتايه]

وانتي من اهله حبيبتي ادللي وباجر تجين تلكينا كلنا هنا

[توتايه]

رحاب وين رحتي؟

[حبيبي]

هلووو بنووتات اخباركم سوويت كرداش ونزلت البيبي

بس شفت الموووت بعيوووني

الحمدلله الكل زوجي وكف ويايه وكوووولش خاف خطيه
بس دا احسه متغير عليه كوولش صاير ............ بشكل مو طبيعي
صدووووك ضايجه منه وكرهت نفسي كوووومه مشاكل دا اتصيرررر
شسوووي بنات ضايجه حيل

الحمد الله على السلامه والله يعوضج يارب بخير منه
وهتمي بصحتج فترت النفااس وتغذي زين واجاازه اسبوع متكفيج لراحه الاسقااط اعظم من الولاده فتاثيرها على الصحه والجسم ديري بالج على صحتج
ونفسيتج مهمه ترتاح الي صار صار ليش يلمونج يعني هما بيصرون اعظم منج محتاجين هطفل وحابين يكون بحضنهم اكيد لالالا
ميحس بناره الا النتي وفقده مهم ترتاحين نفسيا وجسديا وسلالامتج بدنيااا الطفل يتعوض انتي ما تتعوضين

[حبيبي]

موجود بس محمد وفطوم مو مخليني اجلس على النت وتاخرتي برد رحت اقراء الصفحاات

ايوته ادم الي ينزل حسب مقريت فلوصف قطع وكانها لحم ومعرف شنو هذا يشبه اسقاط طفل يمكن انتي حامل وسقطتي ويصير حمل بلولب لا تكولين لالالا وروحي اقرئي موضوع بدردشه وحده حامل بلولب

[حبيبي]

اهلا وسهلا ام ريناااد والف مبروك الزواج والحمل وعكبال منباركلج بلولاده وكومتج بسلامه انتي ورينااد
وعندج التهااب بمجرى البول امبين ؟
علاجه فوار وكثري شرب المااااء لترين بليوم ضروري
وقللي الجمماع لانه يسبب التهاب بلبول ورحم اثناء الحمل
وسلالامتج حبيبتي ومنوره تجمعنااااااااااا






































امونه كل سنه وانتي بخيرررررررررررر ولساااااااتج اصغيره احمدي ربج غيرج فثلاثين خخخخخخخخخخخ كل عمر وتا ريخ اله طعم ولون حلووو منحس بلعمر وشقد انحس بسنه
اشلون عشنها حلوه بما فيهااااااااا وعقبال الميه ههههههههههههههه شنو راح اتسوين فلميه خخخخ



ام تماااااار نومي الرجال زين وخليه يشبع بعد شهر عطيه ظهرج وحضني بنتج ونامي ههههههههههههه بتروح عليه النومه
مشتاقه لسوالفج يريت اكدر افتح الصبح بس اني منام غير الصبح هههههههه


زنوبه اشلونج وشلون لولي واني الاشوق لج



ام شوق وعذراء وصعوبه المختفيه هي ويسرى ومختفيات اهواي بنات ان شاء الله خيرررررررر

[حبيبي]

وينج ايه اني اطلع انتي تختفين اني اختفي انتي اطلعين
دنلعب قط وفار هههههههههههه

اكتبلج بلخط الاحمر لاني معصبه عليج ههههههههه



بنات اني غياب يومين ليش ؟


كلعاد بروح ابيت اهل زوجي اوووف تعبت من المشوير
مريد اروح الهم لاكن مجبوووره الرجال يريد يرووح
وكل سبوع شيلي شنط ورجعي شنط اووووف
راح اشتااق الكم ومتسالفون عني كثير ههههههههه
اتعب واني اقراء ههههههههه
بوساتي للجميع
ام كرار دير بالج على النسيب وطمنيني عنه
الله يشافيه بحق عليل كربلا ء

[توتايه]

موجوده بس النزف خبلني

[توتايه]

والله اتوقع نفس الشي اكون حامل وسقطت باجر اروح واشوف بس اني خايفه ليروح فيني شي وتقولي تعالي سويي كورتاج

[روضانيه]

هلوووووووووووووووووووو



ام علي الهادي وداعتج لو تشوفين رجلي لا ماخذ امتياز

انا يكلي خاف صعدتي الدرج وموتيه امه تكله اكلت طرشي

وموتته ويجي يصيح شلون تاكلين طرشي انوب تكله اكلت

الاكل وهو حار مانتظرته يبرد ويجي يتعارك لو تكله شربت مي بارد

والله من احمل انحرم من كل شي بس الله ماقاسمه الطفل

والحمدلله لو تشوفين حجايه تجيبه وحجايه توديه ببنونه كالت الدكتوره بدون حركه وشردت لاهلي وبقيت 3 اشهر بعدها ربطت
ورجعت وتشوفين حالتي امه تتطلب وهو يصيح لاتتحركين وصرت قصه منا لمن جبت وصارت القصه اضرب لو اسولف صفحات ماتكفي وراح تملون من كثر حجيي الله يعين

يارب يعوضني ويعوضج برزقه الحلال ويصبرنه على ازواجنه وامهاتهم المغثه ههههههههههههههههه


مي حبيبتي شلونج وشلون ابرار يارب يحفظ ابرار وتشوفيها
احلى عروس بالدنيا

يمعوووووووووووده الطرشي شعليه والمي البارد شنو دخله
هنه بس خلي يفكن ياخه من عندنا احنا انصير بخير وانجيب الهم بالسنه خمسه
ههههههههه hwaml7hwaml7 hwaml7
الحمدلله بسلامة بنونه ديري بالج عليهااااااا

كوووولنا لو نسووولف صفحات خيه بس شنسوووي اتكووول مطالعين من بيوت اهلنا

الله كريم
اني رجلي صايره مدا اكدر اباوووع بوووجهه مو هو نفسه القديم من الاجهاض لحد الان
دا احس اريد انتقم منه لانهم السببب
ياربي صبرني مااكدر اهدم بيتي علموووود ......

[روضانيه]

توتايه حبيبي ديري بالج على نفسج شنوووو قابل النزف لعبه

روحي للطبيبه ترى يصفر دمج

لج لاتشتغلين اتغذي زين
طمنينا عليج قلبايه

[مجنونة بحبها]

صباااااااااااااااااح الخيرررررررررررررررر

ايه حبي انا صحيح احس بروحي جبيره
بس من توصل الحجي ويه زوجي اكله اسكت انا بكد بنتك
هههههههههههههههه

انتي شلونج وشنو هذا النزف لاتكوني حامل وماتدرين
اذا قطع يخوف وانتي عندج الم بظهرج لان الاسقاط يصير يكطع الظهر
كطع ان شاء الله مبيه شي وتعالي طمنينه حبي

وعن بنونه انا هسه ماانطيها ممه بس بالليل وبالنهار على الاكل لان هيا نحسه ومتحب الحليب انا جنت اعصر برتقال وبعصير البرتقال اخليلها حليب تحبه هيج ههههههههههههه


رحوبه حبي مشكوررره عيني
وليش كل اسبوع سفر وتعب الله يساعدج طريق 3 ساعات
اتخبل لان يصير عندي غثيان ودوخه وبوساتي للنسيب

وحرام عليج شسوي بالميه سنه تريديني اصير كماشه
لا ان شاء الله اموت وانا صغيرررره حتى مااتعب احد وياي ههههههههههههههههههههههه



ام كرار سلامه كرار ميشوف شرررررر ان شاء الله طمنينه عنه


نوررررررررره حبي شلونج وشلون زهااااااااااااا بوسيلياها من فوك بطنج ههههههههه وسلامتج ليش ضايجه


روضانيه عيني ديري بالج على زوجج وهذا قدر مكتوب من رب العالمين ههههههههه انا كماشتي تكول المي البارد والطرشي
والبهارات تموت الطفل حتى الايس كريم تحرمني منه بس الشغل لا ميوكع الجاهل الحمدلله على قسمتنا والحمدلله لكيتكم اخوات افتح كلبي والى قبل جنت بس ابجي واحرك بروحي بس هسه كمت افضفض هههههههههههه يارب يرزقنه ويعوضنه على عناد كماشاتنه هههههههههههههههه


ام ريناد اهلا وسهلا بالبصراويه منورررررره ياعرووووووس


زنوبه شلونج حبي

عذوره شلونج وشلون سيد جعفر


زينب السعدي ويسرررى ووئام وصعب ودلوعه وغنى غيااااااااااااااااااااااااااااااااااب راح افصلكم اذا متجيبون عذر مقنع


مهاوي ونجوله شلونكم حبااااااااااااااايب

اعذروني اذا نسيت وحده ضاااااااااااايجه وطالعه روحي

[ام تمار]

صباح الخير صباح الحب
اكو احد كاعد احجي وياه ......
امونه انتي موجوده محتاجه احد افطفطله وارتاح ههههههههههههههههههه

[ام تمار]

اخر اكلاتج امونه اليوم شمسويتلنه مطبخ امونه العالمي انتي موجوده

[ام تمار]

انتي همات ضايجه الكل ضايج شبيها الدنيا ويانه بس نضحكلها تضحكلنه
بس نبجيلها تبجيلنه ...........
يعني مايصير اذا نبجي تضحك علينه حتى سكتنه تره اني ضايجه جاي اخربط هههههههههههه

[ام تمار]

عفيه حتى لو شبح يدخل ويرد عليه تره تعبت زهاوي مني بس هيه تسمعني
اريد اعرف الدنيا شبيها معاديتنه............
بس هاي الدنيا القوي ياكل الضعيف .......

[رحمة الرحمان]

احم احم اني عراقيه

[ام تمار]

اهلا وسهلا بيج رحمه الرحمان

[ام تمار]

عرفي بنفسك يعني بطاقتك الشخصيه حتى نتواصل اهلا بيج مره اخرى

[رحمة الرحمان]

وبيج اكثر ام تمار

[ام تمار]

اني نوره من كربلاء المقدسه مزوجه صالي 2 سنه وحامل بالشهر الثامن ومنتظره بنوته
يعني قريبا اصبح ام زها ............هاي اني باختصار

[رحمة الرحمان]

انا عمري 19 وعايشه بمريكا حامل في شهر السادس

[رحمة الرحمان]

انا راح صير عندي بنوته يعني زهراء

[صعب تنساني]

هلووووووووووووووووووووووو وسعوووووووووووا صعووووووووووبه ووصلت يا صباح الخير
تحمدوااااااااااا لي بالسلامه اهئئئئئئئئئئئئئئئئئئئئئئئئئئئئئئئئئئئئئئئئئئئئئئئئ ئئئئئئئئئئئئئئئئئئئئ

[صعب تنساني]

ام تمار حتى لوتبين شبح يدخل بس انه مووووووووووو شبح خخخخخخخخخخخخخخخخخخخخخخ

[صعب تنساني]

رحمه الرحمان الله يقوومج بالسلامه وتشووفين اخلى زهووره

[نعومه التميمي]

هلو بنات شلونكم

[نعومه التميمي]

صعوبه مشتاقتلج شخبار سيف
ام زها شلونج
ام عبد الرحمن منور

[صعب تنساني]

ام تمار وووين رحتى تعالي ليكوون صدقتي وخفتي تراني مسالمه ما عظ هههههههههههههه بس حبيبي ودي اقرصها ههههههههههههههههههههههه

[رحمة الرحمان]

تسلمين حبيبتي صعب تنساني انتي في اي شهر

[ام تمار]

اهلا بيج ام زهراء.......
صعب نساني اهلا بيج ..........\
ام زهراء انتي بامريكا يعني بعيده عن اهلج شلون مدبرتها حالي مثل حالج
اني بوطني بس بغربه اهلي بالاردن اني بالعراق
مبروك ام زهراء على الحمل ان شالله تولدين بسلامه واجيبين احلى زهراء
شلونج وياالحمل وتحسين بحركاتها

[نعومه التميمي]

اشو ماكو احد وين رحتو

[نعومه التميمي]

ام زها شخبار حملج
ام زهراء منور

[ام تمار]

اني موجوده ........اهلا بيج نعومه........صباح الخير

[نعومه التميمي]

امونه كل عام وانتي بخير ويارب شوفيج احفاد احفادج
ويارب يرزيقج بلولد الصالح
ايه لليش ساكته متركين الدكتور هاي اشغلات مايصير واحد ينتظر

[نعومه التميمي]

صباح الخيرات حبيبتي احنه عدنه لليل وانتو صبح

[نعومه التميمي]

hwaml5hwaml5hwaml5hwaml5hwaml5hwaml5شخبارج وي الحمل

[نعومه التميمي]

hwaml7يله بنات تعالو قبل لاتكعد ديمه

[نعومه التميمي]

نجلاء شلونه ايهم يارب تكونون بخير
يسري شخبارج وشخبار رودينه
امونه ماكو شلونج
كوكي شخبارج
رحوبه مشتاقتلج

[ام تمار]

بنات شلونكم (توتايه ايوته ورحاب وزنزبه وام كرار وامونه ورضوانيه )...وبعد منو ذكروني
هستوني دااحفظ اساميكم
شلونكم كلكم .............ايوته طمنينه اليوم رحتي للدكتوره شلونه سيوفي بوسيلياه
ام كرار شلون صار كرار ونسيبج شبيه...........
رحوبه اي صدك بس اجيب اطيه ظهري للرجال مو كافي سنتين بعد حق البنوته علينه
ريناد اهلا وسهلا بيج ......مبروك على الحمل والزواج الله يساعدج مالحكتي تتونسين
لو سافرين لو تلبسين يله من اجيبين سوي كل نفسج بيه بس اولدي بالسلامه
اسم ريناد حلو شنو معناته
اني مثلج حامل بالشهر الثامن واحس بالثقل من بدايه الشهر مااكدر امشي

اي باقي البنات عذوره والله مااذكر المهم شلونك كلكم..........
اني كل ماادخل انتو نايمين اخخخخخخخخخخخخخخ شسوي ماالحك عليكم

[نعومه التميمي]

وينككككككككككككككككككككككككككككككككككككككككككككككك ككككككككم
تعاااااااااااااااااااااااااااااااااااااااااااااااا اااااااااااااااااااااااااااااااااااااااااالووووووو وووووو

[صعب تنساني]

نعوومه شلون ديوومه الحين كم عمرها فديتها

[صعب تنساني]

وشلوونج مع ديوومه وشغل البيت ؟؟؟؟؟؟؟؟؟؟؟

[ام تمار]

اهلا ام ديمه انتي من وين حبي ........

[رحمة الرحمان]

ام زها والله غربه صعبة بس اني وزجي اهلي بالعراق احس ابحركتها بس خفيفه حملي صعب مااكدر اتحرك ابد بس اروح للحمام ورجع للفراش الله يعينج على الغربه بس يله انتي سهله طيارة وحدة يم اهلج انا ثلاث ايام يله اوصل للعراق

[صعب تنساني]

نعوومه احنا مشتاقين لج اكثر
رحمه الرحمان لا انه موو حامل كفايه سيف خخخخخخخخخ

[ام تمار]

اي ام ديمه كم عمر بنتك الله يخليها
صعب تنساني شنو اسمك وعندك اطفال شكد عمرك للتعارف
اي بنات همزين لكيت احد كاعد من الصبح لان كل ماادخل الجماعه نايمين لان خفافيش بس بالليل تكعد هههههههههههههههه

[نعومه التميمي]

هلو صعوبه حبي والله حياتي ركض كلشي ما اكدر اسوي
هسه ديمه 5شهو وسبوع
انتي شخبار سيف
ام زها اني اسمي وئام وعايشه بستراليا وصار سنتين من زوجت وعندي ديمه عمره 5شهور واسبوع واهلي واهل زوجي بل عراق
والغربه تموت والمسؤوليه صعب من صار الطفل وحدي وكلشي ماعرف صح عندي صديقاتي بس شيردون يسولي بس اول اسبوع وبعدين وحدي
شغل وطفله وحدي وصايره بنتي حقل تجارب

[رحمة الرحمان]

نعومه بوجودج حبيبتي

[نعومه التميمي]

صعوبه اريد اشوف سيف صار شكبره

[ام تمار]

رحمه هاي حال الدنيا ماتعرفين قسمتج وين بس زوجك شلونه وياج بالغربه
وحملك ليش هيج يعني عندك توسع لو شنو..............

[نعومه التميمي]

ام زهراء من وين وشكد عندج اطفال

[صعب تنساني]

حبيه الماما

ا شلوونج وشلون بنوونه علميني كيف تسوووين المشوويات اظاهر انتي ست بيت درجه اووولى ههههههههههههههههههههههههههههههههههه

[نعومه التميمي]

صعوبه سيف طالع اسنان وشكم شهر وكام يكعد لو بعده اشو ديمه لسه ماكو
لا تكعد ولا اسنان

[صعب تنساني]

ايوووووته ظجرتيني عليج الله يساعدج انه بعد سيف متعبني وايد لدرجه انه صتر لي ضعف بعضله اللقلب من كثر ما احمله على صدري والحين على طووول تعبانه وقلبي يالمني زين طلعت منها يمعووده ما ظنيت انه رااح اعيش من الم

[صعب تنساني]

سيف راح يدخل الشهر الثامن بعد كم يووم لا اسنان ولا قعده ههههههههههههههههههه كسووول هههههههههههههههههههههههه يمكن ديوومه تغلبه وتمشي ههههههههههههههههههههههه

[صعب تنساني]

بس على طول يبكي ويبي احمله وانه ما اقدر لاه عضلات قلبي تعبانه اهئ الحمد الله

[صعب تنساني]

حبيبي وام شوق وكوكو وردوونه وبنت االسعدي راح ادخل ووارد عليكم الحين رااح اطلع

[نعومه التميمي]

والله يمكن ديومه نفس سيف
والله يا صعوبه متعبتني تعلمت على الشيل كون بس اشيله
ماتقبل تكعد ولا تنام كون بس اشيله كلش تعبانه

[رحمة الرحمان]

وزجي زين وياي عندي مشاكل بالمشيمه وبدم يعني لازم كل يوم اضرب ابرتين بطني نعومه انا عايشه بمريكا

[نعومه التميمي]

حبيبتي ام زهراء ربي يكومج بسلامه
ويسهل عليج

[رحمة الرحمان]

نعومه هذا اول طفل

[ام تمار]

ام زهراء انتي مثل حالتي عندك تخثر بالدم يعني تجلط بالمشيمه تاخذين هيبارين لو كلكسان
اني اضرب ابر كلكسان لحد ماوصلت للسابع اخذت هيباربن اني هسه حملي ماشي

[ام تمار]

نعومه ام ديمه اني رحبت بيج بس انتي اشو مارديتي .............

[ام تمار]

ام زهراء اني بدايه الحمل كنت ملازمه الفراش ماتحرك بس للحمام وارجع
بس من دخلت للسابع دكتورتي كالتلي تركي الفراش وتحركي بس على الخفيف داخل البيت
هسه اني بالثامن مريحه نفسي بس اهم شي انه لازم اتحرك لان اذا ظليت ملازمه الفراش
يزيد الوزن يحصل ضغط دم يرتفع موزين ومااولد طبيعي بس الحركه مهمه باواخر الحمل

[نعومه التميمي]

اي حبيبتي هذا اول طفل عندي بنوته واسمه ديمه
حبيبتي ام تمار انتي مو ام زها اني كتبتلج بس يمكن انتي مانتبهتي وسئالتيني وين اني ساكنه

[نعومه التميمي]

الله يسهل عليكم ياربي اخر شهر بل حمل يصير شثكله

[ام تمار]

اها احتمال اني مامنتبها اهلا بيج اختي
انتي عندك بس ديمه الله يحفظها...........

[رحمة الرحمان]

لا ام تمار انا عندي نقص مادة بالدم وضرب بطني يعني يم السرة ونقص هاي المادة تقتل الطفل الله يتمم على خير يارب

[نعومه التميمي]

اي والله بس ديمه واني عايشه وحدي فكلش متعبتني

[ام تمار]

ام ديمه شلونهن البنوتات مويخبلن اني دااجهزلها جهاز ملابس وغرفه سرير وكنتور
كلهم باللون الوردي وطايره من الفرح احب البنات وزوجي همات يموت على البنوتات
كال اذا ولد مااجهزه هههههههههههههههههههههه احنى نحب البنوتات الدلوعات

[نعومه التميمي]

رحمه هذا اول طفل الج ولو عندج اطفال

[نعومه التميمي]

اني متخبله عليه ياربي يحفظه الي
تخبل سوالف البنات اني احتار شنو اختارله
ابوه هسه متخبل عليه
لان من يرجع من الشغل اذا ماشاله تكوم تبجي عليه هو يتخبل عليه من سوي هيج

[رحمة الرحمان]

نعومه هذا اول طفل الي

[نعومه التميمي]

بس ام تمار حبيبتي لا تكثرين ملابس مال حديثي الولاده لان بس اول شهر بعد متستفادين منه لان طفل يكبر فاخذي خذي قليل

[نعومه التميمي]

يارب يسهل عليج رحه ويكومج بسلامه هسه شكد الج حامل

[رحمة الرحمان]

تسلمين حبيبتي نعومه هسه 24 اسبوع

[نعومه التميمي]

ها يعني بل سادس هسه انتي بيج بنيه لو ولد

[رحمة الرحمان]

اي بل سادس بنيه

[رحمة الرحمان]

نعومه انتي وين عايشه

[نعومه التميمي]

حبيبتي رحمه اعتذر منج ب رد المتاخر لان بنتي جانت تبجي
يارب يجيب بنوتج بسلامه

[نعومه التميمي]

اني بستراليا انتي وين عايشه بل عراق

[رحمة الرحمان]

الله يخليلج بنوتج انا عايشه بمريكا

[نعومه التميمي]

وحدج بس انتي وزوجج لواهلج وياج

[رحمة الرحمان]

لا انا وزجي هئئئئئئئئئئئئئئئئئئئئئئئئئئئئئ

[نعومه التميمي]

مثلي اني هم وحدي تكتل الغربه صارلج شكد بامريكا

[رحمة الرحمان]

انا صار سنه 6 شهور وانتي

[نعومه التميمي]

اني صار سنتين

[نعومه التميمي]

شلونج على الغربه متونسه لو ضايجه

[نعومه التميمي]

من وين من العراق

[رحمة الرحمان]

ضاااااااااااااااااااااايجه اريد امووووووووووووووووووت

[رحمة الرحمان]

انا من البصرة وانتي

[نعومه التميمي]

الله يساعدج بس من تجي البنوته حياتج كله تتغير
اني من الديوانيه

[نعومه التميمي]

زين هم درسين لو كاعده بل بيت

[نعومه التميمي]

اني جنت كلش اضوج من يطالع زوجي اموت بس من اجت ديمه تغيرت حياتي حتى مجال بعد ماعندي امي تحجي عليه تكول اشو بعد ماكو جنت يوميه احجي وياهم هسه كل اسبوع لان ماعندي مجال

[رحمة الرحمان]

لا كاعده مااكدر اتحرك بس اتحرك يعني اروح للمستشفى

[نعومه التميمي]

اسم الله عليج حبيبتي صحتج اهم بس اني درست اول ما اجيت بس من صرت حامل تركته
هسه شكد الوقت يمج

[رحمة الرحمان]

انا اخاف مايكمل حملي كال الدكتور بس انشوف نبض الطفل ضعيف يولدوني

[نعومه التميمي]

وين رحتي رحمه

[نعومه التميمي]

لا تخلين بالج هاي الشغلات توكلي على الله الله الحافظ ويارب يسهل عليج وتكملين حملج وجيبين بسلامه وشوفين احلى بنوته بحنج بجاه النبي

[رحمة الرحمان]

انا هسه الساعه2:20 صباحا وانتي

[نعومه التميمي]

هههههههههههههههههه شكد فرق هسه اني 8ونص بليل

[نعومه التميمي]

شنو اسمج الحقيقي اني اسمي وئام

[رحمة الرحمان]

هههههههههه عندج اقارب بسترليا

[نعومه التميمي]

اعتقد استراليا فرق يوم عن امريكا

[رحمة الرحمان]

عاشت لاسامي انا اسمي علياء

[نعومه التميمي]

لا والله وحدي بس عندي اصديقاتي معارف من العراق بس هم بسدني واني ببرزبن بس الحمدالله صار عندي صديقات هنا

[رحمة الرحمان]

لا استرليا فرق ست ساعات

[نعومه التميمي]

علياء عاشت الاسامي جانت صديقتي بل الابدابتدائي اسمه علياء الله يذكره بلخير

[رحمة الرحمان]

انا خالي بسترليا

[نعومه التميمي]

اليوم شكد بل شهر عدكم احنه عدنه 21 يوم الاربعاء

[نعومه التميمي]

هااااااااااااااااااااااا حلو استراليا
مو اني سامعه انو استراليا تسبق امريكا بيوم بعد ماعرف

[رحمة الرحمان]

انا بنت عمي وئام

[رحمة الرحمان]

اي صح عدنا يوم 21 الاربعاء

[نعومه التميمي]

انشاءالله كلنه بنات عم واخوات
زوجج قريب لو غريب

[نعومه التميمي]

احنه الاربعاء راح يخلص وندخل بل خميس

[رحمة الرحمان]

انشاالله لا زوجي غريب

[نعومه التميمي]

زين ليش سهرانه لهذا الوقت ترى التعب موزين عليج حولي قدر الامكان تنام تريحين شويه

[رحمة الرحمان]

يعني راح صير عدكم 22 الخميس

[نعومه التميمي]

مرتاحه بحياتج تعودي على الغربه

[نعومه التميمي]

اي راح يصير 22 الخميس بعد اربع ساعات وندخل بل خميس

[رحمة الرحمان]

مااكدر انام ماادري ليش كلت للدكتور كال عادي

[نعومه التميمي]

اي صح من أرق يصير عندج بس حولي تنامين لان ظهرج يتعب
شربي حليب حار وانتي تنعسين
او تقرين سورة الضحى ابقي كرري بيه الحد ماتنام اني جنت هيج

[رحمة الرحمان]

لا ماجنت هيج بس من دخلت بالسادس

[نعومه التميمي]

هاي تبقه وياج الحد التاسع وخاص بل تاسع يطير النوم

[رحمة الرحمان]

زين شنو العلاج انتي كنتي هيج

[نعومه التميمي]

ماكو علاج بس دكتورتي كالت اسبحي قبل لاتنامين وشربي حليب
كالت من سبحين جسمج راح يرتاح وتنامين
جنت اسويهن بس هم ما انام بسهوله

[kokee]

هلو بنات شخباركم صعوبه سلامة كلبج حبيبتي
اني لولي يجلس بس اسنان ماعنده بس تحكه ويعضعض اي شي يلزمه ههههههههههه

[نعومه التميمي]

هلو زنوبه شلونج شلونه لولي شخبارج ماكو تعين

[رحمة الرحمان]

زين هم كنتي عصبيه لو بس اني انا ع كل شي ابجي

[نعومه التميمي]

عادي واحد يكون نفسيته تعبانه

[رحمة الرحمان]

نعومه حبيتي انتي موجودة

[نعومه التميمي]

اي
بس جنت ارضع ديمه

[نعومه التميمي]

شوفي دائما حاولي تكوني طبيعيه وهادئه على مودجوعلى مود الطفله لا تفكرين بشي موزين هذي الي يخليج ماتنامين

[رحمة الرحمان]

عندج صديقات عراقيات

[kokee]

هلة كبد شخبار ديمووووو
لولي شالع كلبي بلكوه نومته
شخبارج وشلونه الجو يمكم

[رحمة الرحمان]

اي صح انا هواي افكر وتعبانه نفسيتي

[نعومه التميمي]

اي عندي صديقات عراقيات

[نعومه التميمي]

حبيبي لولي يخبل صاير عيني بارده عليه والله الجو موت حر
رحمه انتي عندج صديقات عراقيات
حبيبتي دائما فكري شلون راح تجي بنوتج شلون تكبره بهاي الشغلات فكري
على مود نفسيتج ماتتعب
هسه يمكن انتي مخليه الشغلات المحلو بالج

[نعومه التميمي]

زنوبه ماكو تعين
هاي ديمه راح تموتني اله تنام بصفي واني اذا تنام بصفي يعني ابقه كاعده لان اخاف عليه هي من تنام تتحرك كساع تكلب ومن تكلب تنام على وجه وخاف تتختنك

[kokee]

رحمه منوره عزيزتي وخلي تفكيرج ايجابي والضحكه متفارك حلكج لان فد جم يوم يشرف ابنج او بنتج وبعد متلحكين تحكينه لراسج

[رحمة الرحمان]

اي صحيح نعومه انا مخليه شغلات المحلو اني لاماعندي صديقات عراقيات عدكم حر بسترليا

[رحمة الرحمان]

هلو حبيبتي بنورج

[نعومه التميمي]

من رحصتكم بنات احجي وي اهلي وارجعلكم

[kokee]

اني هم لولي كله يمي انومه على ايدي بعد مينكلب
بس كلسع يفز يريد الثدي مجزعني هههههههه
لا والله مامش تعيين خخخخخخخ
قدمت على المجاني اداوم سنه ووراهه اثبت ماكو غيرها
واتفقت وي مدير انه اني ماكدر اداوم هواي عندي طفل واخلي لولي يم امي شسوي هههههههههراح تنتحر المره

[رحمة الرحمان]

نعومه حبيتي اخذي راحتج

[kokee]

مرحوصه خخخخخخخخخخخخخخخخخخخخخخ

[نعومه التميمي]

اي احنه يمكن عكسكم هسه عدنه صيف موت حر
حبيبتي احنه هنا صديقاتج واخواتج واي شي تحتاجي بل خدمه من عيني والله
تعنبريني اختج

[kokee]

كلنه هيج رحمه من الثكل والتعب النفسيه والجسم يتعبن قابل احنه حديد خو ما حديد
بس من تجيبين بالسلامه وتكبر البنوته ترتاحين ونفسيتج تتغير تمااااما

[رحمة الرحمان]

تسلمين حبيبتي نعومه احنا عدنا ثلج باااااااردة

[رحمة الرحمان]

بنات تصبحون على الخير

[kokee]

الجو مو كلش بارد والسنه مااكو ولا قطرة مطر الله يستر من الجفاف
صدك وئام رجلج كرايب لو غريب
اني من جنت بنيه شكد خطبوني للخارج بس ما جنت اتخيل نفسي اعيش بعيده عن اهلي ابد
هسه اني مسافة 5 دقايق بلسياره واشتاقلهم بلسبوع مرتين تلاثه امرلهم

[توتايه]

هلو بنات شلونكم ميته قهر وربي زوجي خابرني يكولي الا لازم نروح اليوم للدكتوره مو اريد اصلح السياره عفيه ميكول المره دتنزف يالله بلكي اروح حتى يلتهي زين بالسياره

رحومه منوره حياتي

[رحمة الرحمان]

انا زوجي غريب انتي عايشه بالعراق

[رحمة الرحمان]

تاتويه بنورج حبيتي

[رحمة الرحمان]

تايويه انتي دتنزفين

[kokee]

لا اني بلعراق بالنجف متزوجه اقارب من بعيد
ايو حبيبي منور
صدك يحجي يمعوده اخذي عمتج وروحي تكسي انقذي روحج النزف مو زين علرحم صدك جذب تردين تموتين روحج؟

[kokee]

الله اكبر شبيهه الزلم عبالك رابطين يمهم دجاج مو نسوان

[رحمة الرحمان]

انتي بنجف انا خالتي بنجف اكيد تزورين ادعيلي من زورين

[توتايه]

صعوبه الحمدلله على السلامه حبيبتي ماتشوفين شر ليش هيج؟

والله يابنات شسوي امري لله انتظر مابيدي شي
ويوسف بعده مطلع سنون ولا يكعد

نعومه حياتي وين هالغيبه حبحب اني بالعكس اكيف من ينام يوسف على بطنه حتى شكو طيط طيط تطلع ومتضوجه الغازات عجبني مصطلح طيط طيط ولتخافين جربي انتي ومنومتها وانتي كاعده خليها على بطنها شوفيها شلون تكلب راسها

[نعومه التميمي]

زنوبه زوجي غريب بس من نفس المحافظه
ايه عيني روحي بتاكسي ماتخافين على نفسج موزين عليج
رحمه احنه بل شته الجو كلش حلو وبل صيف بس تمطر وحار

[kokee]

رحمه مو تايويه توتايه ههههههههههههههه

[رحمة الرحمان]

هههههههههههههههههههههه يله جديده

[نعومه التميمي]

ايه حبيبتي والله مشتاقتلج بس تعرفين وحدي وكلشي ما الحك والله وهاي ديومه تهلمت على الشيل ومن تنام على بطنه خاف تتختنك
والج لراح اموت من القهر شيلته نهار ولليل من يجي ابوه تكوم تبجي عليه ماتريدني هو يكيف يكول متحبج تحبني الي هههههههههههههه

[نعومه التميمي]

رحمه روحي نامي موزين عليج هلكد سهرانه

[توتايه]

اي والله علياء حبيبتي عندي نزف من الجمعه بس عبالي دوره بس صار كلش قوي السبت وميكدر يوديني لان دوامه متعب والدكتوره يم اهلي يكولي فدمره من انروحلهم اوديج والنزف اني حاطه لولب وره الاربعين وما اجتني بعد الدوره وهسه صار مرتين نتجامع ومن يصير الجماع اول مره قبل شهر تقريبا ظلت تنزل افرازات ما ادري شلونها وبيها دم وظلت 15 يوم ومن نظفت تجامعنا وصار هذا النزيف وما اعرف شنو السالفه


ولج كوكه راح اتخبل والله عمتي متكدر تروح وتجي على العكازه تمشي خبلني بس اول وتالي اطلعه اليوم اذا مرحت للدكتوره اروح اشتري حفاظات خلصت من يوم السبت لليوم اني مستعمله 6 اكياس ولج كل 10 دقايق ربع ساعه اروح ابدلها الكاها متروسه وطالع على اللباس ودم صافي مو مال دوره طوخ

[نعومه التميمي]

اليوم متحلفه اريد انيم ديمه من وكت

[توتايه]

اي دخيلج هاي اني يوسف هم هيج بس اني على ابو ابوه جده يتخبل تخبل

ما ادري بنات تعبت كلش

لالتخافين مو كلتلج من تنام وانتي كاعده جربي وشوفي هسه تلكيها تكلب راسها

[توتايه]

علياء حياتي عادي حبحب حتى لو تصيحيني ام جويعر ام عادي خهخخخخخخخخخخخخ

نصيحتي الج نزلي بتلفونج قران عبدالرحمن السديس وخلي الهيتفون بأذانج وشغلي القران متشوفين روحج الا غافيه والقران بعده يقره مجربتها مجربتها مجربتها

[kokee]

اي استراليا جوهه استوائي
صارلج شكد مجايه للعراق؟

[توتايه]

تردين تنوميها من وكت؟ لتخليها تنام هوايه بالنهار اني هيج جنت اسوي وداعتج هسه يلا شويه اتعدلت نومته

[نعومه التميمي]

صار سنتين وعلى اساس شهر الواحد اجي هسه اجل السفره زوجي يكول لا بعد سنه يله ترحين واني ميته اريد اروح اشوف امي مشتاقتله

[نعومه التميمي]

تعرفين والله يا ايه تنام بل نهار بس مره ونص ساعه مو اكثر
مخبلتني وبليل تنام بل لوحده

[توتايه]

وليش اجلها؟ بس بارده هنا كلش لتروح تتمرض البنيه اسم الله عليها
اكول بنات هم تنطون جهالكم فيتامين دال او d?

[kokee]

ايوته كل ما تشتغلين ويه الرجال يطك الابي لازم الشغل ثجيل علكيفكم خخخخخخخخخخخخخخخ

[توتايه]

سويلها مميه دافيه بالليل بس اذا ترضضع منج هذا بحث اخر هههههههههههههههههههههه

[توتايه]

ولي لج عوبه وين اكو اصلا دصير بالشهر مره لان مديعجبه والله حتى نفور صار عنده الابي مال روح اهلي ههههههههههههههههههههههههههههههههه

وداعتج نفس الشغل حتى بالحمل نفسه بس ليش هسه ما اعرف ولج مو صارلي 6 اشهر عادي هسه لويش هيج؟

[نعومه التميمي]

والله يازنوبه ضحكتيني ههههههههههههه
والله على مود شغله مينطو اجازه
كتله اروح وحدي يكول لان تعلمت عليكم واذا رحتي من يطبخلي هههههههه
ايه لازم شربين واتاكلين شي يزيد الدم لان راح يصير عندج فقر وضعف موزين عليج

[نعومه التميمي]

هي بليل انطيه مميه
ايه خاف الولب متحرك من مكان وجاي يصير هيج

[توتايه]

ما ادري والله وئام يمكن اليوم لو باجر اروح واشوف تاليها وين تصفه انتي شكاعده تستخدمين مانع؟

اني مرات اظل اهزه اهزه اهزه الا ان ينام اجباري يظل يتنعوص ويعيط بعدين ينام

صدك كالولج رجلي انكسرت بعيد زواجي خخخخخخخخخخخخخخخخ

[توتايه]

زنوبه يمكن حلا جابت اشو بعد مدخلت دتلاحظين الي ديجيبون مديدخلون كاعدين هسه ينتفون بشعور روسهم خخخخخخخخخخخخخخخخخخخخخخخخخخ

[kokee]

اهوووووو كادمت تجذب ايه يلا ماكو غريب خخخخخخخ
تكول كل شهر اللوتيه خخخخخخخ
يا يمه دروحي انتي شنو قابل ذيل ومجلب بيج دروحي وحدج
صرت حاروكه هههههههههههههههههههههههههههه

[نعومه التميمي]

لا صدك تحجين شو الحظ عافتي كليه بعيد زواج تنكسر حمدالله على سلامتج وهسه شلونه
والله كلشي ما استخدم مايقبل يريد طفل بس اكول باكي مايصير لان ارضع
مرات من نخلص كبل ركض للحمام

[توتايه]

لا والله العظيم مدا اجذب كل شهر مره دتصير ما ادري ليش وكلش ضايجه من هالوضعيه مرات حتى اكوله اكوله انت لو مليت مني لو عندك وحده مخصوصه لهالشي ورزلني ههههههههههههههههههههههه بس هوه يكولي خلي هيه تجي بوكتها لتسويها روتين شسوي متكوليلي راح اوكله باجه حتى يشتغل عدل هههههههههههههههههههههههههههههههههههههههههههههههههه هههههههههههههههههههههههههههههههههههههههههههه على كولة المصريين كوارع

[مجنونة بحبها]

هلووووووووووووووووووو

شلونكم ياحلواااااااااااااااااات

هلا وئام وين هالغيبه

ايه شنو السالفه زوجج طلع اضرب من زوجي تنزفين ويكول
انتظري شتنتظرين فهميني الله يساعدج


كوكي نعله على ابليسج موتيني ضحك ههههههههههه


صعب سلامتج ماتشوفين شررررررر تعالي وتدللين اعلمج على مشاوي العراق تخبل


رحمه منورررررررررررررره التجمع حبي


ام تمار شلونج حبي

[توتايه]

اي والله هسه مجبسيها بعد اسبوعين لو 3 يشيلوه الجبس بس همزين بس كف رجلي وشويه من فوك

كوليله شكو شعندك ليش قابل مديشوفج شلون متونسه وياهاه يريد يجيبلج ثاني؟

[توتايه]

شفتي امونه صرت ميز ونصبت علية الملعونه اني اعلمج بلكي تصير بيج وعلى النص ومندمجه ويكعد لولي خخخخخخخخخخخخخخخخخخخخخخخخخخ

[kokee]

يمعوده بتج زغيرونه يا جاهل يا بطيخ معناهه تتخبلين هههههههههه
اي ايه جابت هسه هيه ونجلاء لو انتحرن لو على وشك خخخخخخخخخخخخخخخ
يلا بنات ارجعلكم بعدين اجه ابو لولي اصبله غدا
بيباااااااااااي

[نعومه التميمي]

هلو امونه الحمدالله بس والله ما الحك وي ديمه
ايه ميقبل يكول العمر يمشي وخل نسوي طفل يريد 6.7.8 يكول اهواي اطفال

[نعومه التميمي]

بنات اترخص اروح انيم ديمه تصبحون على خير تحياتي وقبلاتي الجن والاطفالجن امونه بوسيلي بنونه
بوساتي الرحوبه

[مجنونة بحبها]

اي والله صارت حشاشه براسج ههههههههههههه

انا وياج يجوز متزوجين اخوان التحجين عليه هم زوجي هيج

يكول لاتسويها روتين وعلى مزاجه ويريدني احمل هع هع

[مجنونة بحبها]

الله وياج وئام والبوسه وصلت ووصلي بوسه قووووووويه

لحبيبه قلبي ديمه

[مجنونة بحبها]

هلووووووووووووووووووووووووووو

[kokee]

هههههههههههههههه ولج دوم بعدنه ما كايلين حلال ولولي عوه هههههههههه

[kokee]

لا هسه شته نتعاجز نسبح بالصيف عادي خخخخخخخخخخخخخخ

[kokee]

محد اكوووو لو ارووووووووح انام

[kokee]

يلا اشوفكم بعدين
جااااااااااو

[zena]

هلوو بنات مشتاقتلكم كومااااااااات بس تعذروني هاي الفلاونزه خبلتني واني متروح مني اله ابر وهنا العقد ميقبلون ابر ينطون وفوكاها بنتي هم وياي فلاونزه وزوجي شغله الصبح و يجي باليل يعني تخيلووووووو الوضع

[توتايه]

أني اجيت بنات

اي والله امونه تالي هياتني مرحت فوكاها ديزيد مدينقص ومشتغلت السياره وعقوبه اله الا هو يروح يجيبلي لان ميخليني اطلع للمحل الي بمنطقتنا هع

هههههههههههههه زوبه علويه واشور لا عبالج

زينه حياتي والله نصيحه اني انمطلت مطله بالفراش وره الاربعين ماكو منها ومحد خلاني اصحى غير البابونج شكد مابيدج اشربي اخذي اسمه بالانكليزي وخلي زوجج يجيبلج اني جنت اشرب كواب كواب والله كبل خف وجع جسمي وراحت الحراره مني

[عذراء الجابري]

hwaml13hwaml13hwaml13سلام عليكم بنات

[ام تمار]

هلو بنات شلونكم اليوم اني رحت اشتري اشياء كنت محتاجتها
وحسيت بالالم وثكل وحسيت شي بنزل مني هواي خفت اني خوافه وحركت البنوته صارت اقوى
دفع لليجوه وهسه اني جالسه حاسه بالدلفع يعني طبيعي بالثامن لو لان طلعت شويه مشيت
والله خايقه طمنوني حبيباتي
الله لايحرمني منكم

[ام تمار]

العقيله عجبتني الصوره يأبلن لو هيج لحوامل لو لا ههههههههههههههههههه

[مجنونة بحبها]

هلووووووووووووو

ايه موتيني ضحك هههههههههه تشورين دخيل بختج والله شاررره بسررررررررررررررررررعه يله زنوبه ديري بالج هع هع


عقيله شلونج بس هاي الصوره لعبت نفسي
عوووووع شنو ناس متستحي انا زوجي ماخليته يشوف جسمي
طول فتره الحمل بسبب التغيرات

ام تمار ماعرف ان شاء الله البنات يفيدوج
لاني كتلج بحملي كله لا طالعه ولا مشتغله كله راحه في راحه

[توتايه]

ام تموره عادي حبيبتي بس شنو النزل؟ مي لو حسيتي بالطفل نزل؟ اذا بالطفل نزل هاي دتلوف عن عن بيب بيب وعادي حبيبتي هاي كلش زين تدفع براسها تريد تطلع مو كلتلج كلما تدفع احسن حتى تدخل براسها الحوض وتولدين طبيعي بجاه محمد

اي امونه لعد شلون والله علويه من امي وابويه خوب ابويه الشجره مالته موجوده بكربلاء سابع ظهر احنه موشلون مجان نشور هههههههههههههههههههههههههه

عقيله منوره حياتي حلوه الصوره اني جنت اوكف كبال المرايه واشوف بطني كل يوم ومن ابدل هوه يكولي كبرانه لو صغرانه

[توتايه]

وعليكم السلام عذوره حبي

[توتايه]

وينكم بنااااااااااااااات

[ام تمار]

توتايه موجوده حابه اسولف وياج .......
مانزل شي بس الطفله حسيت صارت ضرباتها جوه

[ام تمار]

اتوبه من هاي النوبه اذا اطلع بعد راح اخلي زوجي حبيبي هو يجهزلي للطفله
وامري لله اه اه اه والله اخاف على زهاوي........

[بناتي كل حياتي]

http://forum.hwaml.com/t87601.html#post1773246

ادعولي فديتكم ..

[توتايه]

حبيبتي كلش طبيعي خليها تدفع احسن حتى الولاده طبيعيه لتخافين عمري

[توتايه]

الله ينجحج حبيبتي وتتفوقين وينطيج على كد نيتج

[روح ملائكيه]

هلوووووووووووو
شلونكم بنات؟ اخباركم؟

ام تمار شنو السالفه شكد تخافين ههههههههههههههههههههههه
عمري عادي سواء كانت ضربات قويه او مايات هواي هالفتره كلش مزعجه والله يعينج والله لو تدريم من جنت حامل شكد امشي جا كلتي هالمره مو صاحيه هههههههه وبالشهر الثامن سافرت بالطياره للعراق ورجعت ابداية التاسع ههههههههههه

يمعوده رب العالمين الحافظ والراحه الهواي مو زين بالنسبه للولاده

بنات كلش تعبانه هالفتره وحرت من سالفه الدم (تكرمون)الي دينزل عليه كل ماينزل عبالي دوره بعد الاربعين وبعدين ينكطع البارحه نزل عليه والصبح ماكو ولا قطره بس نزل دم متخثر تكرمون ويه الادرار بس كلش صغار وكم قطعه مثل الي ينزل بالدوره ..هسه هذي دوره لو شنو وعندي اعراض دوره بس من نزل الدم ظهري شويه هدأ ...

[روح ملائكيه]

ايوته شلونج قلب مشتاقوووووون شلونه سوفي؟ انتي شلون صرتي؟

تره كلشي مااعرف بعدني ماقاريه شي
باجر اقره ههههههههههههههه

[روح ملائكيه]

الله ينجحج عيوني واني رديت بموضوعك ان شاء الله سهله

[روح ملائكيه]

شنو هاي وين رحتوووووووووا؟

[قمر بغداد]

بناااااااااااااااااااااات صارت بيها كوارع باجة ههههههههههه
ايوتة انطي زوجج مكسرات مطحونة وخبطيها وية العسل وخلي يومية ياكل خاشوكة بلكت يتهيج وتعلك عليج وتصير بالقليل مرة بالاسبوع هههههههه
كوكي واللة ضحكتيني حيل شعندج سوالف شسويتي بتوتاية
حتة عصير الرمال كارثة هم يفيد مثل فائدة العسل ههههههههه

[قمر بغداد]

اللرمال منو هههههههههههههههه قصدي رمان كمت اشخبط شخابيط

[ام تمار]

روح الملائكه اهلا بيج انتي موجوده
توتايه ايوته وانتي همات موجوده اريد اسولف هههههههههههههه

[قمر بغداد]

روح ملائكية راجعي طبيبة احسن شوفي شنو السالفة لتهملين روحج

[ام تمار]

هلو هباوي شلونج

[قمر بغداد]

هلووووووووووووو نوره شلونج كبدبد

[بنت الخليج]

هلو بنات اشلونكم شخباركم مشتاقتلكم كلش بس شسوي . هسة جيت من الدكتور وقال لازم اتسوين عملية يوم السبت القادم . الله يبعد عنكم الشر عندي الغدة الدرقية ملتهبة والدكتور ايكول متتحمل تاجيل لازم اتسوين عملية وانطاني موعد وبعدين رحت زيارة للامام موسى ابن جعفر عليه السلام لتسهيل امري ودعيتلكم ولجميع امة محمد صلى الله عليه واله وسلم . بنات مدااكدر اتحمل ديصير عندي خفقان وضيق بالتنفس اريد اختنق وخربطة بالدورة والمشتكى لله . على العموم حاللوني واوهبوني وادعو لي اكوم بالسلامة واذا اراد الله ان ياخذ امانته فانا لله وانا اليه راجعون . اذا غبت عنكم اكثر من اسبوع امانة تقرولي الفاتحة واذا كمت بالسلامة انشاء الله فانا معكم . وفقكم الله وستر عليكم وامدكم بالصحة والسعادة والموفقية بحق محمد وال محمد ودمتم سالمين انشاء الله

[توتايه]

مهاوي حياتي روحي للدكتوره لتصيرين مثلي صارلي 5 ايام بس انزف نزيف قوي وهسه خف بس وجع بالرحم دمرني ادمر المهم روحي حبي لتهملين روحج

هباوي شلونج حبحب مشتاقون عابتلج انتي اللخ لاوالله زين بس الوضعيه متسوي واهس موشلون مجان لان ديريد كومه شغلات وتغييرات بس مدتصير وكلش نفسيته صفر وهاي اهم شي النفسية بيها

ولج ام تموره انتي مو اسمج نوره؟ لو اني غلطانه؟ ولج اتحركي صارلج شكد بالثامن؟

[قمر بغداد]

بنت الخليج على بختج صدك جذب شنو هالحجي خلي عينج بعين اللة وتوكلي انشاء اللة تكومين بالسلامة وربي يحفظج ويمد بعمرج ماكو شي لتوهسين كوني طبيعية بالعملية ترة اللة ماينسة عبدة ربي ترجعيلنة بسلامة واحسن عابتلج لتحجين هيج عليج اللة

[قمر بغداد]

توتاية ههههههههههههههههههههه واللة شبيج سويلة هالسوالف تفيد وعود تذكريني بوقتها هههههههههههه

[ام تمار]

هلو هباوي اني ملتهيه بالحمل والله داخله بالثامن وميته من الخوف اليوم شويه طلعت
اشتري اشياء محتاجتها بسيارتنا من المحل للسياره ومن ادخل للمحل اكعد على الكرسي
وخوافه كلش وحاسه بتغيرات الحركه بنوته للتحت يعني اسفل البطن
اخاف من الولاده المبكره لاسامح الله