تجمع حوامل العراق واتمنى اكو احد موجود [الأرشيف] - الصفحة 56

روح ملائكيه

10-26-2011, 06:57 PM

امونه شلون صرتي هسه؟؟ بالي يمج
ونجوله عمري شلونه الطفل؟ تحسين بحركه؟ مره قريت موضوع يكول الام تخاف وتظن انه الطفل مايتحرك بس ظنها خاطئ لأنه الطفل اكثر الاحيان يتحرك وهي تمشي او تشتغل او تأكل فما تحس بحركته طبعا بالاضافه انه تقل حركته بالشهر الثامن والتاسع لأن حجمه كبر وماكو حيز بالرحم يتحرك بيه ...فأنتي هدي اعصابج وحاولي ماتفكرين التفكير يسبب عسر بالولاده لا سمح الله

ام سمر الاردن

10-26-2011, 07:13 PM

عيني ام سمر نورتي

شوفي عيني ديري بالج لا حركه ولا اي شي بس اخذي المثبتات وفاليوم ويارب يكون من نصيبك انا مااريد اخوفج بس انا يصير عندي هيج و3 مرات افقد طفلي الله يتمم حملك على خيررررررررررر وتفرحين بشوفته سليم معافى

والله كلش خوفتيني لان متدرين هذا الحمل شلون صار وبعد معاناة طويلة
تعبت اربع سنين واني اتعالج وكلت الحمدلله عوض صبري خير
بس اكول الله كريم انشالله يثبتلياه امين
والمشكلة زوجي ذابحني على الاطفال. الله يصبرني

ام سمر الاردن

10-26-2011, 07:21 PM

مساااااااااااااااااااء الخيررر

شلونكم بنات؟

نجوله عمري لا تخافين عادي الحركه تقل بهالفتره وقبل الولاده اصلا ماتحسين اكو حركه يعني يخنس الطفل هههههههه

يااهلا وسهلا بأم سمر منوره عيوني..
الافرازات البنيه هي بدايه الاسقاط(لا سمح الله) وبعدين يتبعها دم قوي مثل ماصار وياج ..يسمون هالحاله اسقاط مهدد وصار بيه ببنتي الكبيره شوق (الي حاطه صورتها بالتوقيع) العلاج ابر مثبته ورااااحه تامه تنامين على ظهرج وحتى الجماع ممنوع لفتره مع زوجج وان شاء الله يكمل حملج على خير وسلامه بس انتي التزمي بالتعليمات ..

شكرا ام شوق حبيبتي تسلمين على الرد والحمدلله انك طمنتيني لان انا كل الي سالتهم قالو ما كمل الحمل وصار اسقاط بس الحمدلله لكيت وحده مثل حالتي وكمل حملها
الله يرزقك وادعيلي الله يثبت حملي

أم أيهومي

10-26-2011, 07:51 PM

هلو بنات النت زفت ومديفتح كولشي بس كدرت اقرا كتابة مهاوي..
حبي اني بخير بس مداومت اليوم لانه عندي اعراض انفلاونزا البارحه العامله بالقسم دخنت يم شباك قاعة المحاضرات واني بيه حساسيه من الجكاير من اشتمهة عيوني ادمع وبعدهة يصير عندي رشح ومثل اعراض الانفلونزا وتصير انفلونزا ودمرني
الطفل البارحه حركته كولش قليله بس اليوم الحمد لله احس حركته احسن من البارحه,,
واليوم ساعدت زوجي لانه فرشنه غرفة الخطار ودااريد ابدي افرش غرفه غرفه علمود ارتاح من هم الفرش والزوالي واخلص من كلشي قبل الولاده ان شاء الله
بنات اتمنى كولكم بخير اعذروني حبايب بس النت زفتيشن
ولتنسون ادعولي

مهـــــــــــــــــــاوي حبي ختاما كل عــــــــــام وانتي بمليون خير يارب الصحه والسلامه والعافيه والله يخليلج اطفالج وابوهم ويتربون بعزكم وعقبال المئه عام..

رودينة الراوي

10-26-2011, 08:21 PM

هلوووو بنات شخباركم يا حلوات

تعبانة والله كلش شغل البيت وبديت افرش زوالي ومن ورة ردونة الشغل الي يخلص بساعة يصير ب3 ساعات وخطية لوما زوجي وحماية جان نمت بالفراش من التعب بس همة وياية ولحد هسة بعدنة ممكملين اجيت انيم ردونة وكلت خلي احجي وياكم
والحمد لله من ورة المطر خلصت من الهدوم مرح اغسلها هههههههههههههههههههههه

امونة الله يساعدج هذا زوجج مدري شلون يفكر وليش يطلع حركتة بيج هوة انتي ناقصة الي بيج مكفيج
الله يهديه ويصلحه
بس انتي ديري بالج تعوفين البيت وترحين يم اهلج لخاطر بنونة
ومبروك تحسين قبول عذراء
ام شوق
كل عام وانتي بالف خير الله ينطيج ابصحة والعافية ويحفظج لاولادج وزوجج ومحبينج

نجولة سلامتج حب ولتوهوسين على حركة الطفل عادي بهاي اففترة تقل الحركة المهم كلشي بخير

توتاية شلونج حبي اخبارج واخبار يسوف وشلون صار هسة

صعوب شخبارج واخبار سيوف
المدام رح تخلص الشهر الثالث من الحمل وصارلها اسبوع ببيت اهلها والشغل كلة علية وفوكاها متحملة رجلها
بس شسوي سلمتها بيد الله بقت هية وضميرها

رحوب كل عام وفطوم بالف خير الله يحفظها ويطول بعمرها

نعوم ماكو مختفية

كوكي مبروك على تحسين قبول اختج اخبارج واخبار لولي
ان شاء الله مثل كل سنة يأخرون الحجاج حتى ترتاحين هههههههههه
اني هم مرت ابوه لزوجي راحت للحج

رودينة الراوي

10-26-2011, 08:22 PM

عذروني اذا نسيت وحدة بس والله تعبانة ومسطورة
رح اروح اكمل شغل

مجنونة بحبها

10-26-2011, 09:23 PM

هلوووووووووووووووو بناااااااااات

ام شوق حبيبتي انا اليوم من قهري نسيت اباركلج

عيد ميلاد سعيد ويارب يحفظ بناتك وابنك وزوجك من كل سوء

وشكرا لانك تفكرين بيه حبي انا توكلت على ربي اريد ياخذ حقي من كلمن يظلمني بدون سبب

يسررررررررررى حبي الله يساعدج وهو الشغل يخلص

انا مليت من الروتين وكل يوم نفس الشي ملابس مسح وغسل

وطبخ ونفخ والعمر يخلص والشغل مايخلص

والله يبارك بيج وتحقق احلامك وامنياتك

ايه حبي شلونج وشلون يوسف وحملتج صرفتيها لو بعدها تدخل وياكم والله يساعدج على الجيوب

نجلاء حبي والله ادعيلج واذكرج بالصلاه يارب يفرحج بشوقه ايهم سليم معافى بحق محمد وال محمد

رحااااااب ماكو مشغوله بالعرررررررررررس وعيد الميلاد خخخخخخخخخخخخخخخخ

صعوبه دعائج ماوصل خخخخخخخخخخ السعوديه ماقبلت تفيز الجوازات

كوكي عيني ارتاحي هههههههههه الحج بلكت يطول هاي المررررررررررررررررررره خخخخخخخخخخخخخ وترتاحين جم يوم

ام سمر حبيبتي الله لا يوريج الي شفته ويارب يثبت حملج وتشوفيه سليم معافى حبي انا كتلج لا تخافين رحمه الله واسعه

زوجي حياتي منوووووووووووووره

مجنونة بحبها

10-26-2011, 09:30 PM

كوكي ومها اعذروني اليوم عفتكم على غفله لان
اجه رجلي الافندي وكمت صبيتله غدا بس اليوم
ماانتظرته انا اتغديت ويه بنونه ومن اجه صبيتله وحده كال وانتي كتله اتغديت واذا يكلي الغرفه الفوك نظفيها زين وفرغيها مااريد اي حاجه الج بيها انا عرفت غايته كتله لاتخاف لمن تجيبها انا اعوفلك البيت واروح وانته عاد اخذ راحتك انتم عرفتوا شيقصد يقصد يريد يتزوج
ولحد الان انا كاعد اسويله اي شي يريد اكل وشرب ومن يامر اجيه
بس مامنطيته وجه لحد ميعرف غلطه

اسفه دوختكم بس ماعندي احد احجي وياه غيركم

مي &

10-26-2011, 09:58 PM

ام سمر الاردن

10-26-2011, 11:04 PM

حبيبة ماما شو اخبارك؟ انا بصراحة ما تابعت وياكم من البداية بس قريت كتاباتج الاخيرة وكلش ضجت عليج. شنو المشكلة حبيبتي؟ واللة بالي يمك؟ انشاللة متشوفين الا كل الخير

توتايه

10-26-2011, 11:30 PM

مياوي حبحب نورتي والله يكومج بالسلامه هينه هينه كلها عيطتين وملوكه يمج هع

نعومه التميمي

10-27-2011, 08:05 AM

هلو بنات شلونكم عذروني لان ماجاي ادخل لان اول شي عندي فلونزه كلش قويه وديمه كحه
لان الجو ساعه بارد وساعه حار
ماجاي تقبل ترع متوتني وماجاي تنام كله سهر الحد 2بليل يله نام
المشكله تعلس ملابسه واصابعه شسويله على مود تبطل
انتو شلونكم
كوكو مبروك على اختج والله فرحت من كل كلبي
ام شوق حمدالله على السلامه انشاءالله يتربى بعزكم
ام ايهم حبيبتي عادي حركه الطفل تقل انتي بس لاتخلين بالج وياه ماكوشي يارب جيبين احلى ايهومي بل دنيه سليم معافا
صعوبه شلونج وشلون سيف شخباره
لولي شلونه نسيت اسئل عنه
يسرى الله يساعدج والله هي هاي زوجة حماج اذا كل يوم عده اهله لويش زوجت مابقت
رودينه شلونه شلون صارت رجله
رحوبه شلونج شخبار العيد ميلاد
ام يوسف شلونج صحتج شلونه شلونه يوسف
امونه ياعمري شلونج والله كسرتي كلبي
ولو ماتقبلين مني بس والله من قهري عليج
هو اذا هيج متدين ويعرف الله ليش هيج يعلملج مو حرام عليه والله هو اليرد يروح يحج مو لازم
يتعامل ويه زوجته باحسن معامله هاي لو انتي وكحه والسانج طويل ومسوين شغلج جان سوه
المفروض يخليج على راسه
عنده بنونه تسوه الدنيه هو مايعرف الي يربي بنيه شكد عنده اجره عند ربي العالمين
الله يصبرج
باقي البنات شلونكم

مجنونة بحبها

10-27-2011, 08:55 AM

صبااااااااااح الخيرررررررررررررررررر

وئام سلامتج حبي ماتشوفين شر واسم الله على كلبج
هاي كلمن وقسمته وخطيه ديمه حبيبتي خطيه الكحه مزعجه
واحنه هم الجو عدنا كام يبرد وخايفه على بنونه ولافته لف

ام سمر حبي بعدج جديده هع هع انتي جنتنه تعالي سولفيلنا شلون تزوجتي اخونا العراقي وبشرينه شلون صار حملج يارب يثبت وتفرحين بيه انا مثلج صارلي 5 سنين متزوجه وماعندي بس بنوته وحده و3 اسقاطات الله لا يبلاج واسمي ايمان وعمري 26 ناقصات شهرين هع هع

ايه شلونج واخبار يوسف

نجلاء شلونج وشلون ايهم حبيبي

ام شوق شلونج وشلون حمودي الحلووووووووووووو

يسرى شلونج وشلون ديمه وشلون رجلها يارب تشافه بسرعه

صعب ودلوعه ماكو مختفيات

رحااااااااااااااااااب مشغوله بالعرس وعيد الميلاد هههههههههههه

عاد لا تنسينه من الكيك

كوكي حبي انا لااعرفه ولايعرفني هو من عشيره وانا من عشيره وبيته بالبلديات وبيت اهلي بالمدينه يعني ماشايفته ولا شايفني بس من رحنا لايران صدفه صارت الروحه ويه اهله واخته جوارينه وهيا صارت الواسطه وكله قسمه ونصيب انا اكلج الصراحه قبلت بيه كالوا عمره جبير وحالته الماديه زينه وبيته بس امه وياه كلت يله المره كم سنه ونخلص منها والاهم جبير يدلل هههههههههههههههههههه والماده زينه لان تدرين مصاريف هذا الوكت شلون صعبه بالاخير طلعلي بخيل وعصبي ويصيح انا صغير وانتي عجوززززززززز هع هع وامه ولا كماشه مثلها
بس صحيح هيا ماالها دخل بمشاكله هو يفتعل المشاكل لانه اول مايدخل البيت يجي مسلح بالعرك والصياح hwaml17

مجنونة بحبها

10-27-2011, 09:02 AM

البارحه اجه يكلي تعالي اعتذري كتله وليش اعتذر منو منا الغالطان انا لو انته يكلي اي مو انا مقهور كتله وانا شسويتلك منتظرتك وكالتني الجوع وتاليها تلاكيني بعرك وصياح والحمدلله والشكر اعرف نسوان لايعرفن يطبخن ولا نظيفات وزواجهن يموتون عليهن والحظهن مثل حظي مثل المثل الي يكول

سبع صنايع والبخت ضايع

كتله هذا حظي انته لو ماخذ غيري جان خليتها على راسك بس هاي انا فكر وخربتك هع هع من حركت كلبي كمت اخربط بالحجي
يله لخاطر بنونه راضيتها وكتله قربه لله مو لخاطرك هع هع
سويت انواع الحقاره والله اليستر اليوم من يجي شراح يصير الله اعلم

يله انا راح اروح انظف واغسل لبنونه واريد اليوم افرش البيت لان الجو برد باااااااااااااااااااااااااااااااااااي

مجنونة بحبها

10-27-2011, 09:05 AM

نسيت عيني مي منوره والله يسهلج الولاده وتجيبين احلى بنوته

ولا تنسينه بالدعاء بساعه الولاده اريد احمل ويصير عندي ولد وارتاح

ام سمر الاردن

10-27-2011, 11:48 AM

حبيبة ماما انا زوجي يصير ابن خالي لان امي عراقية وابوية اردني لذلك تشوفين كلامي العراقي مضبوط وانا اساسا من تزوجت كنت ساكنة بالعامرية مع بيت خالي يعني اهل زوجي بقيت اربع سنين بس زوجة خالي شوفتني الويل وموتتني ومن تاخر حملي كانت متصيحني الا (العاقر) او (الناشفة) حسب مزاجهة مع انه اني حملت ببنتي من اول شهر زواج.وبعد ما استمرت المشاكل بابا كدر يلاقي شغل لزوجي بعمان وصارلي 6 شهور بعمان وحملت عن طريق التلقيح الصناعي.
المهم حبيبتي الي اريد اكوله انه ماكو واحد مرتاح ابد والله يهدي زوجج ويصلح حاله
وادعيلي الله يثبت حملي حتى اخلص من القاب خالتي هههههه

توتايه

10-27-2011, 12:18 PM

هلو بنات شلونكم عسالكم بخير

امونه عفيه عليج انتي مظلومه واخذي حقج بيدج ومو عيب وحده تحجي وية رجلها اذا جان ظالمها لان هيج حرام واكبر حرام
اي يمعوده اني على العيد راح افرش
اسكتي وخليها استلم الراتب منا نطه نصه لاهله على عيني وراسي وهسه تقريبا راح يخلص فوكاها اخته 24 ساعه على النت وهو يدفع فلوس النت شايفه شلون بخت
اني موبعيني هالشغلات بس عمي بخيل الى ابعد الحدود
ودينطي رجلي مصرف فوكاها لازم احنه نشتري حتى مرات الاكل لان ميعجبه يجيب لو يجيب لعبان نفس

روح ملائكيه

10-27-2011, 12:18 PM

مسااااااء الخير

شلونجن بنات اخبارجن؟

نجوله حاولي مااتعبين نفسج بفرش الزوالي مو زين عليج حتى لو زوجج يساعدج هو اني من وره الزوالي جبت شوق قبل لا تدخل بالتاسع جان باقيلي يومين وادخل بالتاسع وطك ماي الراس بالليل وولدتها فأنتي انتبهي ولو اني بوكتها فرشت البيت كله مو غرفه غرفه مثلج...

ام سمر عمري مثل ماكتلج اهم شي الج الراحه التامه والنوم على الظهر واخذي ابر مثبته وربج كريم ان شاء الله يكمل حملج على خير وسلامه

ام رودينا عمري ربي يعينج همزين من يساعدج زوجج وحماج شويه ربي يعينج ويقويج غلاتي

روح ملائكيه

10-27-2011, 12:30 PM

هلو بنوتات شلونكم...........
اسمي مي حامل بشهر التاسع ادعولي الله يسهل عليه واولد بسلامه اني فعلا خايفه كلش
عراقيه طبعا وعايشه بلدي ربي يحفظه ويحرسه
حبيت المنتدى كلش واتمنى اتواصل معكم حتى بعد ما اولد انشالله

اه صح نسيت اقوللكم اني حامل بنت ياربي تجي سليمه ومعافايه وتامه الخلقه ياربي ادعولي
نوينه انا وزوجي ان نسميهه ملاك وبعد ما ادري ايجوز يتغير الاسم ههههههه لان كلشي بيد رب العالمين
سلامي حبايب يارب نتواصل

هلو عيني مي منوره التجمع
مبروك ع البنوته وان شاء الله يكمل حملج على خير وسلامه وتولدين بسرعه ..اني هم بنتي اسمها ملاك ههههههههه جنت خايفه لا تطلع مو حلوه بس الحمدلله طلعت احلى من اختها الجبيره ههههههههههههههههههههههههههههه
اني اسمها مها (ام شوق)متزوجه راح يصيرلي 6 سنوات عندي شوق وملاك ومحمد آخر العنقود عمره 8 ايام هههههههههه يوم الالج عمري

روح ملائكيه

10-27-2011, 12:34 PM

نجوله ان شاء الله مشافاة عمري انتبهي لنفسج من الافلونزا مزعجه للحامل

امونه مااكول الاربي يعينج واخذي حقج بأيدج لا تسكتين والي ميستحي منك لا تستحي منه ولو هو زوجج بس لازم اكو احترام ولو شويه والبخل مو زين مانكول الا ان شاء الله الله يهديه ...
وترى هو يريد يحرك كلبج من يكولج اتزوج وحده ثانيه صدكي مايسويها اولا لأنه بخيل وثانيا هو يدري كلش زين ماراح يلكه وحده معدله مثلج ..

روح ملائكيه

10-27-2011, 12:36 PM

ايوته يلا ميخالف هم هذوله اهله وخطيه شيسوي زوجج ؟ ربج كريم ويشوف كلشي
شلون صار سوفي؟

بنات تسلمولي ع التهاني ربي يباركلكم ويهدي سركم ويحفظلكم ازواجكم واطفالكم وينولكم الي ابالكم ..اللهم آمين

توتايه

10-27-2011, 12:42 PM

والله حبيبتي ونعمه بالله بس غير واحد ياكل اكله مال اوادم؟
البارحه ما اتذكر شردت منه كالي ماعندي كبل
كلتله مو قبل 4 ايام استلمت الراتب يكولي خلص لو يوصلنا لنهاية الشهر لو لا

أم أيهومي

10-27-2011, 12:54 PM

هلووو حبايب اليوم مداومت لانه الانفلونزا فووووووول والبارحه هم جنت غياب
مهاوي حبي والله خطيه هو زوجي فرش وشال التخم ومخلاني اشيل شي هيج بس توجيهات واساعده بشي بسيط..
اني كلت من اطب بالتاسع ابدي ابدع وانظف البيت كله واكمل فرش البيت هم..
اي والله الانفلونزا مزعجه وذبحتني..وايهومي الحمد لله يتحرك بس طبعا اقل واني سمعت كلامكم ودااكول مكانه صار ضيق ولانه راح اطب بشهر جديد..
مي حبي منوره التجمع وهلا وغلا بيج ونتشرف بيج وياربي يسهلج وتولدين بخير وسلامه

امونه شبيهة ..؟؟ النت زفت يمي خلي ارجع للصفحات واشوف شنو سالفتهة هي وايوته وارجع ارد..

ام سمر الاردن

10-27-2011, 01:06 PM

شكرا حبيبتي ام شوق على النصائح الحلوة واني ما اسوي شي غير انه نايمة على ظهري وانشالله خير
الله يخليلج ابو الاولاد والاولاد

أم أيهومي

10-27-2011, 01:19 PM

امونه حبي تسلمين ياروحي لدعائج اليه والله انتي اخت واحلى اخت بالكون وانقهرت من قريت شكاتبه..عمري والله البسيه هي اللبسه تسوي اوادم واعتني بنفسج زايد هالايام وخليه يندم على كل كلمه كالهة ..ولديرين بال هاي كلمة اريد اتزوج كولهة تكولهة صايره موده اخويه يوميه يكول لمرته ويتعارك وكلهة جذب وداعتج..
ايوته عمري كلنه حالنه مثل حالج بس شنسوي..اوووووووووف لوتعرفين شبيه بس ساكته ومتحمله انتي هم اتحملي حبي والله كريم..
يسوره غلاي تسلمين للكلام الحلو مثلج ربي يحفظلج ردونه ويقويج على الشغل ومثل مكتلج انسيهة والله ذكرتيني بمرت اخويه الجبير خطيه البيت كوله على راسهة وبالبدايه جانت مثلج هسه تكول تعودت وكمت ماادير بال وبالعكس العيال كولهة تموت عليهة ومتحب اي جنه غيرهة لانه هي ام البيت والي شايله الكل..
ام ديومه دلب سلامتج حبي بس لاانعديت منج انفلونزا ههههههههههههههههه لاحبي اشاقه وياج والله يعينج على ديومه السهر يتعب كولش..
زوجي حبيبي,,,وام سمر الغاليه ومي منورات حبايب واعذروني لانه النت عندي تعبان واتأخرت عليكم
اني نجلاء حامل بنهاية الثامن وحامل بأيهومي..طالبة كليه سنه رابعه..
واتشرف بيكم كولكم
صعووووووووبه ام لسان ماكو وكوكي هم ورحوبه..؟؟ مختفيات يارب المانع خير
بوساتي الكم ولاولادكم...

kokee

10-27-2011, 01:22 PM

(دقةقلب)

10-27-2011, 01:55 PM

حبيبتي ام ايهومي يارب عندج كل العافية ويارب اجيبين بالسلامة ويارب ابنج يجي سالم معافى مثل الورد كولي ياالله لان ماكو احسن من رب العالمين يارب نفرح بولادتج من اطبين بالتاسع وطبيعي وسهلة ان شاء الله

ام سمر الاردن

10-27-2011, 04:17 PM

شكرا ام ايهومي حبيبتي تسلمين ع الترحيب وانشالله نبقى على تواصل

أم أيهومي

10-27-2011, 05:17 PM

تسلمين حبي دقة قلب الله يكومج بالسلامه ويحفظ طفلج من كل شر ومكروه..
ام سمر ياهلا وغلا يسعدني اكيد التواصل واتشرف بيج حبي

kokee

10-27-2011, 05:19 PM

هلاووووووووووووووو

kokee

10-27-2011, 05:24 PM

ام ايهومي ما بقه شي ويشرف الافندي هههههههه
الله يسهل عليـــــــــج

zena

10-27-2011, 07:41 PM

هلوووووووووووووو بنات شلونكم يارب تفرج كل همومكم اني تعذروني مااكدر ادخل هواي لان بنتي طلع عدها التهاب بااذانها قوي الله يبعد الشر ع طفالكم

أم أيهومي

10-27-2011, 07:57 PM

كوكي حبي تسلمين حياتي بالبشاره الله يسمع منج ويشرف بسرعه وارتاح..شلونه لولي زوجي شاف صورته يكول حلو الله يخلي..
زينه حبي هلا وغلا يارب مبيهة بنتج غير العافيه وننتظر ترجع احسن من قبل وترجعيلنه

ام سمر الاردن

10-27-2011, 08:29 PM

بنات شنو قصة امونة شو ماكو؟؟؟؟
هاي لان تصالحت وية زوجهة نستنة؟؟ من لكة احبابه نسة اصحابه هههههههههههه
حبيبتي امونة انشاللة دومج مرتاحة ومتشوفين الا كل الخير

ام شوق حياتي مشتاقين شنو الاخبار
ام ايهومي شلونج؟؟؟ انشاللة بخير ؟وايهومي شخبار حركته؟؟ بعدج دايخة بيهة؟؟ هههه انشاللة تشوفيه بين ايدج سليم معافى اميييييييييييين

بنات ادعولي السبت موعدي مع الطبيب وانشاللة اسمع النبض وارتاح لان كلش قلقانة

مجنونة بحبها

10-27-2011, 09:04 PM

هلالالالالالالالالالاو

ام سمر حبي شكرا على سؤالك والله يعينج على خالتج هع هع خلينه نسميها كماشه 2 لان انا عندي كماشه 1 واتحدى احد عنده مثلها هذا من الجيل القديم هع هع انا ماانشغلت بحبيب القلب بس الافندي من يرجع الظهر لليل بس على النت والفيس بوك وماينطي شويه مجال ويارب ياسميع ياعليم يثبت حملج وتفرحين بيه ويكون ولد ويصير شوكه بعين كماشه هع انا هم تسميني الفكر لان الطفل ميثبت ببطني وتكول فكر ماتحفظ حملها والحمدلله رب العالمين

ام شوق وايه مشكورات حبيباتي اي انفجرت وصرت بركان من القهر لان عايشه ويه ناس ماعندهم احساس وردت ارجع ولو شويه من كرامتي المهدوره ههههههههههه وعن البخل هاي وراثه من كماشه مانخلص منها

ام ايهم حبي انا يوميه اذكرج بالدعاء بدون ماتوصين حبي الله يفرحج بشوفه عيون ايهومي الله تسوه الدنيا ومابيها من تشوفينه اموووووووووووت على الطفل اول ميصير

زينه سلامه بنتج وماتشوف شر وننتظرج بفارغ الصبر

كوكي ودقه قلب شلونكم اخباركم

صعب ودلوعه ورحوبه غياااااااااااااااااااااااااب راح نفصلكم لان الفتره طولته هع هع اتشاقه وياكم مو تزعلون

مجنونة بحبها

10-27-2011, 09:14 PM

بنات اليوم جبرت رجلي ياخذني

لدكتوره الاسنان لان لعبت نفسي من الجراحه

وفتحت الدكتوره وكامت تصيح شنو هذا شلون متحملته

طلع جيس جراحه مخزن ومتت من الوجع بس خلصت من الجراحه

بس بقى الدم يجري لقبل شويه يله وكف وانطتني كفلكس وبونستان

والحمدلله مالكينه عليها احد وبسرعه رحنا ورجعنا بدون مايخبصني لان اتاخر

وهسه يريد النت فاروح واسلم عليكم

واكول تصبحون على الف خيررررررررررررررررررررررر

ام سمر الاردن

10-27-2011, 09:23 PM

سلامات امونة انشالله عندج العافية
لعد اني اتهمتج (بحبيب القلب) مثل متكولين وكلت انشالله هلشهر نسمع امونة حامل هههههه لان الصلح بعد الزعل القوي مرات يجيب نتيجة ههههههه
حبيبتي اني كماشة2 الي عندي هم مو قليلة تخيلي جيت لعمان ومخلصت من تلفوناتهة لازم ابراهيم يومية يخابرهة يعني زوجي وتاخذ منه تقرير مفصل وين رحتو؟ منين اجيتو؟ شوكت كعدتو؟ ومن هلسوالف واذا ميخابرهة تكلب الدنية تكله الاردنية اخذتك مني؟؟ تخيلي

kokee

10-27-2011, 10:19 PM

تسلمين حبيبتي ام ايهومي كليله عيونك الحلوات ورده
هلا امووون والحمد لله على السلامه همزين الله هده رجلج
ام سمر ربي يحفظ طفلج ويكونون تووووووووم ولد ويرزق ايمان بالمثل بجاه كلمن عنده جاه
باقي البنان شخباركم ايوته شو مبينتي ولج
ام ردينه ومهااااااااا شخبارج ويه الشعنون

kokee

10-27-2011, 10:29 PM

زينب السعدي بالي يمها اتمنى تكون بخير واسمع اخبارها الطيبه

أم أيهومي

10-27-2011, 10:43 PM

حبي امونه ادري بيج كلبج حنين هنياله ايهومي على هيج خاله..
وحبي الله يجازيج على حنيتج هاي بجاه الحبيب محمدوهمزين سويتي الجراحه موزين عليج الالتهاب حياتي..
ام سمر حبي تسلمين لدعواتج الحلوة يارب تروحين وتفرحين بنبض الطفل بجاه الحبيب محمد وترجعين تفرحينه ونصيحه انسو الكماشات عيشو حياتكم واكسبوا ازواجكم هن اخيرهن مودعات الدنيا بما فيها
وتسلمن حبيباتي للدعوات الحلوة مثلجن

توتايه

10-27-2011, 10:54 PM

اجيتج ولج زنوبه تعالي هذا مديسكت ابد بس عوي عوي متكوليلي شسويله اشو شبعان ونظيف وناطيته مال غازات وحاطته جل بحلكه والله راح يخبلني

kokee

10-27-2011, 11:01 PM

ما تخلونه نسوي حزب القوطيه للقضاء على الكماشات هههههههه

kokee

10-27-2011, 11:02 PM

هذا ابنج بجاي الله يساعدج عليه
ما ينحط بحلكه لهو احسلج تفكين منه يلتهي بيهه يمصمص

kokee

10-27-2011, 11:09 PM

ايه خاف عنده التهاب من اذاناته
يظل يبجي منهن تره

توتايه

10-27-2011, 11:17 PM

هلووووووو بنات شلونكم
ايوته انتي مثلي الراتب نص الشهر ونكعد عالرنكات
وفوكاهه يسالوني راتبه وين وشبسع يخلص
مايدرون اني كلشي ما حصل خلف الله على بابا يطيني
يعني شون واحد يكون نفسه بس
امونه طلعتي داهيه خخخخخخخخخخ عاشت ايدج هههههههه
باقي البنااااااات مشتاقتلكم تللللللللللللللش

وداعتج نفس الشي يادوب خيطتلي نفنوف وهسه ماادري شكد راح يطلع وكام يبجي بوجهي

دخيلج بس حليب وحفاظات 22 الف

اني هم ابويه مسويلي راتب بس ميقبل اخذ منه اني اخذ بالسر واصرف منه شسوي

كلنا على هالحال ام ايهومي شفتي شلون الحمدلله والشكر ماطول راضين على زوجي هذا اهم شي لان من همه راضيين عليه الله راضي عليه

توتايه

10-27-2011, 11:18 PM

اوف اسكتي وخليها يمعوده تسوي غازات لان يمص بيها وهوه يدخل لحلكه وتسوي بلاعيم وتطلع سنونه عوجه
والله وره العيد اوديه يشوفوه للدكتوره

kokee

10-27-2011, 11:23 PM

يلا عود متانيه اتعين حتى بعد ما اخذ منه هففففففف

رودينة الراوي

10-28-2011, 01:06 AM

هلوووووو بنات شخباركم مشتاقتلكم كلششششششششش
ام شوق شخبارج واخبار حمودي والبنات بديتي تكعدين زين لو بعدج تتاذين من الخياطات
ات شاء الله ماعندج غير العافية

كوكي شلونج حبي اخبارج واخبار لولي يمعودة تتعينين يصير التعب عليج ضعف شغل البيت والتعيين وفوكاها يخلون عينهم عليج يكولون راتبين مالتها ومال رجلها ويزيد سحب الفلوس هههههههههههههههههه

توتاية الله يساعدج حبي همة اهلة ومتكدرين تسوين شي ان شاء الله الله يوفقه وتطلعون بيت وحد وتخلصون اخبار يسوفي

توتاية وكوكي لقحتو لقاح مال 4 شهور لو بعدكم

ام ايهومي على كيفج بالشغل شوية شوية ترة شهر الثامن ميصير تتعبين نفسج بيه لان وسلامتج من الافلاونزا منين جتج

نعومة شخبارج حب وسلامة ديومة ديري بالج عليها واهم شي لبسيها صدرية لان من تحك بسنونة تنكع هدومهة

امونة بنتي اسمها ردينة مو ديمة هههههههههههههههههههههه حشاشة
شلونج حب واخبار بنونة والحمد لله وداج للدكتورة على الاقل خلصتي من سنونج ان شاء الله ماعندج غير العافية ومبرووووووووك عالصلحة

ام سمورة العسل
ان شاء الله السبت تتطمنين عالبيبي وتشوفين النبض مالتة ويرتاح كلبج ويتمم حملج على خير
اني هم ساكنة بالعامرية حالياً الله يساعدج على كماشة 2 اني عندي كماشة بس صغيرونة ههههههههههههههههههه ( مرت حماية )
نزليلنة صورة لسمورة خلي نشوفها
شكراً على جوابج على اسألتي
اني سويت عمليتين اطفال انابيب بعمان بمستشفى الامل عند الدكتور مصطفى الصباغ والله خوش دكتور ومتدين يخاف الله اول وحدة الله مكتبلي حمل والثانية الحمد لله صرت حامل والله انطاني ردونة وهسة عمرها 4 شهور الة 5 ايام
رحوب ماكو مختفية ان شاء الله خير

صعوب تعالي ام لسان مشتاقين لسوالفج *

مي منورة حبيبتي وان شاء الله تكومين بالسلامة وتفرحين بشوفة ملوكة
شكد بالشهر تخلصين التاسع

دقة قلب شلونج حبيبتي اخبارج
زينة شلونج وشلون بنتج سلامتها من التهاب اذنها منين اجاها
ان شاء الله ماعدها غير العافية

بعد منوووووووووووووووووووووو؟
والله ماادري انخبصت كلش كاعدة وحدة بالهول ويمي ردونة وابن اختي الجديد حمودي وثنيناتهم يتنعوصون واحد يرفع والثاني يكبس
اختي شوية وتجي تاخذ ابنها
انطيتكم عذر للي نسيت اذكرها هههههههههههههههههههههههههه*

توتايه

10-28-2011, 01:37 AM

والله يسوره يوم 6 بالشهر عنده لقاح بس ما اعرف هذا اكيد مال 4 اشهر
وبعد ما ادري راح القحه وره العيد حتى ليصخن قبل العيد ويسويلي فلحه
شلونج حبحب مشتاقون

توتايه

10-28-2011, 01:41 AM

اكول يسوره خالة ابويه بمستشفى الامل اسمها ابتهاج الالوسي اختصاص نسائيه تخبل ماكو مثلها وهسه مستشفاها الي هنا اني جبت بيها اكو كوادر تركيه دتسوي اطفال انابيب

انشاء الله الطفل الثاني مو انابيب لان اتفائلت من كرايبنه صارلها 12 سنه متزوجه وسوت انابيب ووكع ورااها من الله صار عدها وهسه جابت قبلي بنوته تخبل

توتايه

10-28-2011, 01:42 AM

دخيلج كوكي هسه يحول على راتبج هم طنش تعش تنتعش

رودينة الراوي

10-28-2011, 02:54 AM

بس ترة صخونة اللقاح يوم واحد واليوم الثاني شوية نحاسة وتروح بس يوم اللقاح اقوى

مستشفى الامل لو الاسراء الي بيها ابتهاج الالوسي
اني اعرف الدكاترة العراقيين اكثرهم بالاسراء
هسة ابتهاج الالوسي بالعراق مو
زوج صديقة اختي يصير كرايبها من قريب هسة يطلع كرايبكم هم ههههههههههه
نسيت اسمه بس ابو اية يصيحولة يمكن لان مرته ام اية تشتغل بالمنصور بشركه حوالات وصيرفة
هسة تطلع امج هههههههههههههههههههههههه
بس لا ذيجة يمكن ماعدها ولد انتي عندج اخ ويمكن اية بنتها مو سمينة مثلج هههههههههههههههههههههه
لتضوجين حبي دااتشاقة بس يمكن تطلع كرايبكم*

رودينة الراوي

10-28-2011, 02:58 AM

والله ياتوتاية حتى اذا سويت اطفال انابيب مااسويها هسة بعد سنتين على الاقل تلحك ردونة تمشي وتفتهم ومتتعبني بشيلة وحطة لان تعرفين يرادلي راحة
لو شمتكون الاغراءات الي موجودة هنا زوجي ميقبل يكلي لسوريا مااوديج الة لعمان وبنفس المستشفى ونفس الدكتور لان ارتاحلة كلش والمستشفى بيها عناية مو طبيعية والدكتور يخاف الله وزوجي حبه اتخيلي لحد هسة نتخابر وياج وطاكيلة صور هههههههههههههههههههه

رودينة الراوي

10-28-2011, 03:02 AM

ردونة هم 6 بالشهر اللقاح مالتها بس انتي يمكن اللقاح ابو الشعرين اخرتيه فاتاخر عندج هذا هم
اني هم شايلة هم والمشكلة مستحيل أأجلة زوجي ميقبل بهيج اشياء عنده ردونة اهم من كل شي لج عيني نساني وكعد يتغازل ببنته

توتايه

10-28-2011, 03:26 AM

لا والله ما اخرته بيومه لقحته ب6 بالشهر يمكن العرفات ما اكدر القحه

اي اي صح بالاسراء

بس لا يطلع عمو يحيى:| الي تحجين عليه

ام سمر الاردن

10-28-2011, 10:52 AM

ما تخلونه نسوي حزب القوطيه للقضاء على الكماشات هههههههه

هههههههه اني اول وحدة انظم للحزب من نار قلبي

ام سمر الاردن

10-28-2011, 11:00 AM

صباح الخير بنات وجمعة مباركة
بنات اني اليوم كلششششششش مقهورة لان حسيت الساعة 3 الفجر وصار عندي نزيف تخيلوا اني بس نايمة كلشي ما اسوي وهيج يصير واللة متت من القهر والمشكلة هذي الاحداث دائما تصير يوم جمعة شايفين هيج حظ؟؟؟؟ الحمدلله على كل حال
ام ايهومي وام ردونة وكوكي شكرا على دعواتكم الحلوة بس والله اني مليت وتعبت ومن كد ما عصبت اليوم كلت راح اطلع امشي عمان كلهة والي يصير يصير لان طلعت روحي صارلي شهر ونص نايمة على ظهري وهذا حالي
انشالله باجر يبين كلشي وارتاح سواء خير او ........ الله لا يقدر

رودينة الراوي

10-28-2011, 01:01 PM

اتوكلي على الله حبي ام سمر والي كاتبة الله يصير اهم تكولين الحمد لله على كل حال

روح ملائكيه

10-28-2011, 02:11 PM

مساء الخيررر
جمعه مباركه للجميع
شلونكم بنات؟

ام سمر ان شاء الله خير ابنتي شوق هم جنت نايمه وفجأة نزفت وماصار شي الحمدلله بس نمت على ظهري تقريبا 3 اشهر ...ان شاء الله باجر تروحين للدكتوره وتطمنج

روح ملائكيه

10-28-2011, 02:16 PM

بنات تعبانه وضايجه وماكو نوووووم وراسي (اسم الله عليكم) راح ينفجر من قلة النوم يعني بيوم واحد مااناملي ساعتين ابد حتى اعصابي تعبت ...وفوكاها الخياطات تأذيني لأن مخيطه هواي ومااكدر اكعد الا على القنفات مالت الصاله لأن اسفنجها عالي وطري ...
بدت بيه الكأبه وفوكاها زوجي راح يسافر للعراق قبل العيد بيوم ويرجع بعد العيد عود كلت ع الاقل يفررني بالسياره هم ماصارت يكلي بعد الاربعين اطلعج متت من الضوجه عود هاي اني اصلا مجنت اطلع من البيت بس هسه حاسه بخنكه وضوجه مو طبيعيه ...
محمد افندي ينام بالنهار ويكعد الليل كله بس يبجي تعبني ...

رودينة الراوي

10-28-2011, 03:59 PM

هلوووووو بنات شلونكم جمعة مباركة عالجميع ان شاء الله

حبيبي

10-28-2011, 04:44 PM

السلالالام عليكم شخباركم مشتاقه الكم اهووووووووووووووووووووووووووووايه
اشلون الحوامل وشلون البيبياااااات
انى هالفتره كلش مشغوله اضيوف رايحه وضيوف جااااايه وراسي وعيوني مشوف منها
وسهر مع لصغااار حياتي دماااار شامل
لي عوده بعد قرئت الصفحاااات

في جدد موجودات هااااااااااااااا نورتونا حبايب
نتمنى نتعرف عليكم عن قرريب

حبيبي

10-28-2011, 04:48 PM

ام سمر لازم ترتاحين على ظهرج ومثبتات وممنوع الجمااااااااااااااااع الى ان يثبت الطفل بعد خمس اشهرررر
ومعرف شنو قصتج مع النزيف بس جاوبت على حسب فهمي هههه ان شاء اقراء الصفحات واعرف سبب نزيفج وسلامتج يارب والله يثبت حملج وتشوفيه بحضنج

يسرررررررررى اشلون الاموره رودينه وشلونج انتى وشلون اختج صاااااااااارت زينه
مشتاااااااااااااااااقه الكم كلكم وحده وحده لاكن ظروفي هلايااام صعبه
وبعد 3 ايام راح اروح بيت اهل زوجي اسبوعين
يعني انى غياااااااااااااب اسبوعين واذا راح افتح بناااااادر وبسركهه هههههههههههه

رودينة الراوي

10-28-2011, 04:53 PM

هلوووووووو رحوب شلونج اخبارج مشتاقتلج حب

(دقةقلب)

10-28-2011, 05:17 PM

حبيبتي امونة شكرا على سؤالج والله يفرج عنج همج ان شاء الله
شكرا ام رودينة على سؤالج حبيبتي الله يحفظلج بنتج ان شاء الله
حبيبتي ام سمر ان شاء الله باجر تفرحينا وتكولين سمعت النبض امين رب العالمين

رودينة الراوي

10-28-2011, 05:18 PM

تسلمين حبي دقة قلب الله يكومج بالسلامة ويفرح كلبج بشوفة النونو سليم ومتعافي

روح ملائكيه

10-28-2011, 06:12 PM

مساء الخيررررر

شلونجن بنات ؟ شو ماكو اليوم؟

خل اروح اقره الصفحات ماقريت شي اليوم

أم أيهومي

10-28-2011, 06:13 PM

مساءكم ووووووووووورد
شلونكم بنوتات ..
اليوم الانفلونزا فوووووووووووووووول
وخطيه زوجي هو سوة الريوك ودنفرش المطبخ خطيه مخلاني اشيل شي..
يسورة حبي والله مشايله شي خطيه بس اوجه بيه بس اريد اخلص من الفرش لانه بالايام الجايه عندي امتحانات وهوووسه..
ام سمر يارب اطمنينه وماكو شي ان شاء الله
توتايه والله كلنه هيج فلوسنه بخت الغير محد يكلج هاج شي كلهة تصيح جيب وشعندك
رحوووووووووبه منوره سجلناج غياب هالكم يوم
ام شوق او بعد نصيحلج ام حموووووووووودي هههههههههه سلامتج حبي..مابيج غير العافيه بالي يمج والله اكول خطيه بوحدهة ...يالله الله كريم ايام وتعدي..
دقة قلب منوره..
زينه يارب تكون بنتج صارت زينه..
ام ديومه غياب..
امووونه ام بنونه هم ماكو.. بس لا مريضه..
واعذروني للي مذكرتهم تره عيوني مغوشه ومااشوف شي..

روح ملائكيه

10-28-2011, 06:20 PM

والله حبيبتي ونعمه بالله بس غير واحد ياكل اكله مال اوادم؟
البارحه ما اتذكر شردت منه كالي ماعندي كبل
كلتله مو قبل 4 ايام استلمت الراتب يكولي خلص لو يوصلنا لنهاية الشهر لو لا
عمري ايوته حاولي تحجين ويه زوجج شويه يمسك ايده اذا كم يوم وطار الراتب شلون بيكم اذا صار عدكم بعد طفل؟ او ع الاقل تجمعون كم فلس للايام الصعبه ..

مهاوي حبي والله خطيه هو زوجي فرش وشال التخم ومخلاني اشيل شي هيج بس توجيهات واساعده بشي بسيط..
اني كلت من اطب بالتاسع ابدي ابدع وانظف البيت كله واكمل فرش البيت هم..
اي والله الانفلونزا مزعجه وذبحتني..وايهومي الحمد لله يتحرك بس طبعا اقل واني سمعت كلامكم ودااكول مكانه صار ضيق ولانه راح اطب بشهر جديد..

اي خوش تسوين لا تشتغلين بالثامن لأن خطر عليج وعـالطفل اي بالتاسع بدعي ههههههههههههههه ذكرتيني بأمي من جنت حامل بملاك جنت بالشهر الثامن تكلي هسه حرام علينه نشغلج ونتعبج بالتاسع اشغلج ههههههههههههه
الحركه تدريجيا تقل خصوصا آخر ايامج بالحمل فعادي عمري ولا تخافين وان شاء الله تكملين حملج على خير وسلامه..

روح ملائكيه

10-28-2011, 06:26 PM

هلوووووووووووووو بنات شلونكم يارب تفرج كل همومكم اني تعذروني مااكدر ادخل هواي لان بنتي طلع عدها التهاب بااذانها قوي الله يبعد الشر ع طفالكم

هلو عمري زينه ..
ان شاء الله مشافاة بنوتج وماتشوف الا الخير والصحه والعافيه ...

ام شوق حياتي مشتاقين شنو الاخبار

هلو عمري ام سمر تسلمين وتشتاقلج العافيه غلاتي الحمدلله اني بخير دامكم انتو بخير

ام شوق وايه مشكورات حبيباتي اي انفجرت وصرت بركان من القهر لان عايشه ويه ناس ماعندهم احساس وردت ارجع ولو شويه من كرامتي المهدوره ههههههههههه وعن البخل هاي وراثه من كماشه مانخلص منها

الله يعينج ع البخل يلا هو ماله الكم قابل المن يروح ؟
وان شاء الله كرامتج محفوظه وماعاش الي يهدرها عمري ولا تنسين اتبعي اسلوب عامل مثلما تعامل ترتاحين وطنش تنتعش هههههههههههههه

روح ملائكيه

10-28-2011, 06:33 PM

ومهااااااااا شخبارج ويه الشعنون

هههههههههههههه الشعنون ماينام الا بالنهار ويسهر بالليل راح يخبلني هههههههه

روح ملائكيه

10-28-2011, 06:38 PM

ام شوق شخبارج واخبار حمودي والبنات بديتي تكعدين زين لو بعدج تتاذين من الخياطات
ات شاء الله ماعندج غير العافية

هلو عمري ام رودينا الحمدلله اني بخير بس الخياطات يأذني ..والله بس على القنفات اكدر اكعد لأن الاسفنج مالتهن طري لا اكدر اكعد على كرسي ولا على جربايتي هسه حتى ولا خياط واحد وكع ! شو تأخرن؟
تسلمين عمري للسؤال ربي يحفظلج بنتج وراعي بيتج ويرزقج بأخو لرودينا

روح ملائكيه

10-28-2011, 06:52 PM

هلو عمري دقة قلب منوره ...ربي يكومج بالسلامه ..

هلووووووووو رحوبه حمدالله ع السلامه عيني ههههههههههه عاش من شافج
عيني مشتاقين لسوالفج الحلوه من تجين انطينه تقرير مفصل على الحفله وشلون طلعت فطوم وامها ههههههههههههههههههههههههههههههه

روح ملائكيه

10-28-2011, 06:59 PM

ام شوق او بعد نصيحلج ام حموووووووووودي هههههههههه سلامتج حبي..مابيج غير العافيه بالي يمج والله اكول خطيه بوحدهة ...يالله الله كريم ايام وتعدي..

[quote]
هلو نجوله الله يعينج ع الافلونزا ...... هههههههههه ضحكتيني على اسمي الجديد ام حمودي ...تردين الصراحه اني اموت من الرسميات واحب تصيحيلي بأسمي بس هههههههههههههه اصلا احد من يصيحلي ام شوق احس مو اني نفسها ام شوق ههههههههههههههههههههههههههههه
الحمدلله حصلت على خدامه وهي عليها غسل الملابس والتنظيف وشويه تهتم بالبنات والباقي عليه ...تدرين اني اطبخ واصبلها الاكل هههههههه حتى هي متعجبه هههههههههههههههههههههههههههه

zena

10-28-2011, 07:32 PM

تسلمون بناااااااااااات عن سؤالكم ع بنتي وخطيه طول اليوم بس تبجي ومصدكون اذا اكللكم هنا بالسويد مينطون قطرات لو شي لان اكولون اثر ع الدماغ بالكبر ومحتاره شنو انطيها بس تبجي

مجنونة بحبها

10-28-2011, 08:07 PM

هلالالالالالالالالالالالالاو انا اجيت

شلونكم ياحلوات واخباركم

مراح اكدر اسال عنكم لان بنونه ضوجتني كتقبل اكعد شويه على النت

واليوم ابوها كاعد بالبيت وماعاف النت بس هسه وراح يصيح علمود اكوم وياخذه

حبيبي

10-28-2011, 09:50 PM

مساء الخيرات انى اجيتتتتتت
ام شوق مسوينا الحفله اجلنهااااااااااااا بس حفلتي سويتها بغرفتي مع الحبيب هههههههههه
اما فطومه اجلتها لانه عماتها يردون ياكلون الكيك ويشفون حفلتها وانا ساكنه ابعيد عنهم
فاجلتها حتى اروح الهم وسويها بس اشتريت كلشي وجاهزه ويوم عيد ميلادها رحنا مطعم وتعشينا
واكلنا كيك بس الحفله الكبيره مع عماتها هههههههههههههه

والله يساعدج على الجراحه يمكن ملتهبه روحي لدكتوره تكشف عليج ولا انتى استخدمي الها معقم
وسلامتج وشلون حمود ي وخواته وشغاله مرتاحه معها وشاااااااااطره لو لالالالا

ايمان كالعاده زوجج واكف النا مثل العظم بلبلعوووووووووم انريد انسووووووووووولف
اشلونج وشلون بنونه

ام ايهم اشلووووووون ايهم ويله عزلي البيت كبل الولاده وجهزي للخطار ههههههههههه
وان شاء الله التجمع كله يزورج بولادتج اتخيلي حلم هااااااااااا ههههههههههههههه

زيونه سلامتها بنتج بس ليش مينطون علاج للالتهاب الاذن اهنا يعطونا عادي
الذن اتموت الله يشافيهاااااااااااااا يارب

حبيبي

10-28-2011, 09:56 PM

هلوووووووو رحوب شلونج اخبارج مشتاقتلج حب
اهلين يسوره الحمدالله اني بخير واخباري نفس اخبارج كلها تنظيف وشغل وتربيت اطفال ههههههههههه تعبت كلش وصرت اطالب بشغاله وهم اخذت راتب من زوجي بدل الشغل هههههههههههههه حتى افرح بلفلوس وتشجع وشتغل صح يسوره ههههه
اشلون رودينه والله وني هم مشتاقه الكم وما انساكم ابدا دئما ابالي كلكم ووحده وحده خوووووووووواتي واعز صرتو بنسبه الي
الله يفرج همكم وهم كل مهموم يااااااااااارب

kokee

10-28-2011, 10:41 PM

بنات شخباركم مشتاقتلكم كلش كلش

حبيبي

10-28-2011, 10:43 PM

وينكم اليله اريد اسولف
رجعت اقراء بصفحات اشحاجين عني ولا الف صفحه تعبت واني ارجع بصفحات
لتركتكم اسبوعين اشلون اقرائ الفاتني هههههههههههههه

امونه والله نزلت دمعتي عليج وعلى هالعيشه الي عايشتهاااا مع هرجااااااااااااال
كله عشااااااااااااان بنونه اتحمليه اصبري كد مكدرين ولو انه الصبر ينفذ بس
والله احسج انتي غير عنا انى لو منج من زمان اني ابيت اهلي ويمكن اتزوجت غيره بعد هههههههههههههه بس اصفق الج وبحراره لصبرج
والله يفرج همج ويهدي هرجال لج ويفرحج بطفل ينسيج همج
بوسااااااااااااااااااااااااااااتي الج ولبنونه

وبنسبه لفرش الزوالي كلكم تفرشون ؟
اني بيتي كلووو سرميك وما في فرش الا بلممرات فقط
وما افرشه بشتاء ابدا
غرف النوم وغرفت الضيوف مفروشه

ام سمر اني هم مثلج نزيف بمحمد وفطومه اثنينهم وستمر حملي وجبتهم
بس مثل ما كلت لج بدون حركه وشغل وبدون جماع
واستمر بلمثبتات
وانتي شوفي شنو الشي الي اتسويه وسبب نزيف الج لاحظي نفسج
والله يثبته الج يارب وتقرين عينج فيه وزين بعدتي عن اكماااشه 2
الحمد الله اني عندي اكمااشه بس مو نفسكم زينه وكانها امي
واذا بكول شي مجرد غيره على ابنها وطنشهاااا هههه
وهم ابعيده عنهم ساكنه ومريحه راسي

وحررررررررام يكلون الكم عاقر او ناشفه ومعرف شنو
مو ابيدكم بيد الله ولو بنت من بناتهم عاااقر كانو حسو بحركت قلبهم
الله يرزق كل محررررررررررروم يارب

حبيبي

10-28-2011, 10:44 PM

الحمد الله كوكي نحنا بخير انتي شخبارج وشخبار علاوي
ومشتاقه الج ولسوالف وللبنات كلكم
تعالو اريد اسولف بعد ثلاث ايام بفقدكم ههههههههههه

kokee

10-28-2011, 10:48 PM

خير تفقدينا وين تطيرين ههههههههههه

حبيبي

10-28-2011, 10:49 PM

بروح بيت اكماشتي هههههههههههههههه اسبوعين
ونعيد عندهم ونرجع هههههههه
وهناك نادر اكدر افتح النت hwaml03

kokee

10-28-2011, 10:54 PM

ههههههههههههههه سفرررررررره موفقه ان شاء الله

kokee

10-28-2011, 11:00 PM

احس نفسي مخنوكه جدا

حبيبي

10-28-2011, 11:00 PM

خووووووووش موفقه هههههههه اني بلبس ادرعه وبروح الهم حتى اواجه الكل
ومراح انسى كم سكين وكم غرض من ادوات المطبخ حركت الجهال بحطها فيهم
هههههههههههههه لالالا والله هما يحبوني واني احبهم وحمياتي اربع بس
عسولالالالالالالالات ومدلليني اخر دلال ههههههههههههههه
ترى انا ما تقشمر معاكم خخخخخخخخخ

حبيبي

10-28-2011, 11:01 PM

خيرررررررررر سلامتج ليش مخنوكه ؟

kokee

10-28-2011, 11:08 PM

ضايجه محبوسه اربع وعشرين ساعه
حتى الدواب يسرحون بيهم واني لا

أم أيهومي

10-28-2011, 11:12 PM

حبي مهاووووووووووووي والله اني هم مااحب الرسميات بس دااشاقيج..
هي هاي مشكلتنه مهاوي احنه معدلات وميرضينه شي اذا منسويه بأيدينه اني بصراحه مااقتنع بشغل اي انسانه اذا مو بيدي..
حبي ديري بالج على نفسج من الشغل لانه بعدج بالنفاس حاولي ترتاحين شويه..

امونه دلب والله مشتاقتلج حياتي ومشتاقه لسوالفج ديري بالج على بنونه من البرد حبي لانه الجو اتغير
رحوبه بالعافيه عالحفله مع الحبيب هههههههههههههههههههه
زينه..يارب يشافي بنتج وتطيب خطيه حياتي بالي يمهة..

حبيبي

10-28-2011, 11:15 PM

حشااااااااااااااااج زنوبه وطيب ليش مطلعين تتمشين مع زوجج اشوي
تتعشون بره او بس تتمشيه بمنتزه او سووك الواحد يضوج من البيت وهالجدران الاربعه
ملومج مجربتها الضوجه هههه

اهلين ام ايهم والله يعافيج وعقبالج ههههههههههه
بس بعد الولاده هاااا مشان سلامت ايهم نخاف الحماس يزيد خخخخ

kokee

10-28-2011, 11:15 PM

منوره ام ايهم الورده

kokee

10-28-2011, 11:16 PM

يمعوده هيه النجف ترابه وين نتمشه هفففففف

حبيبي

10-28-2011, 11:17 PM

اني طولت الاسبوووع محبوسه اطلع ليلت الخميس وليلت الجمعه فقط
وكت الاجازه من المدارس وشغل
وطولت الاسبوع اضوج بس كاعده ياتلفزيون يانت وهذا بس وقت الفراغhwaml15

حبيبي

10-28-2011, 11:21 PM

شلون يعني النجف مابيها تمشيات وامكان ترفيهيه ههههه
لاني ما جيتهااا ومااعرفها ههههه

kokee

10-28-2011, 11:21 PM

حتى اليوم عود اروح لاهلي رحت الظهر وراهه بشويه طلعت للسوك اشتريت جم شغله ورجعت
ب7 كلي جاي عليج عمتي جايه من بغداد تريد تشوف لولي
طبعا رجعت جاب عشا والمواعين مو لسواد عيني نظفت وصعدت وهسه اني ضايجه منه كلش يحجي ما ارد عليه

kokee

10-28-2011, 11:23 PM

لا يمعوده يا تمشيات لعبان نفس

حبيبي

10-28-2011, 11:30 PM

وليش اضوجين على زوجج زعلانه لانه عمته اجت ولا ليش
وانا هم اعيش بمنطقه مابيها تمشيات غير البحر ونادر اروح اله هههه
هى فتره اتحسين انج مخنوكه وتالي عادي
حاله نفسيه
ولكلت لرجال طلعني كال وين اخذج كلشي شفتيه وعرفتيه هع

kokee

10-28-2011, 11:31 PM

يلا حبايبي
اروح انام تعبانه وانوم لولي دوخني
مع السلامه

دلوعه زوجی

10-28-2011, 11:32 PM

هلو بنات شخبارکم وحده وحده والامهات والحوامل الجدد شخبارکم

دلوعه زوجی

10-28-2011, 11:34 PM

مشتاقه اسولف ویاکم بس شسوی والله کله مشغوله ویه حسونی وابو حسونی

حبيبي

10-28-2011, 11:36 PM

اتلاي الخير زنوبه ويارب ترتاح نفسيتج

اووووووووو دلوعه وينج يمعوده شخبار حسوني وشخبارج وشخبار ايران
مشتاقين الج

دلوعه زوجی

10-28-2011, 11:36 PM

حبیبی
ردونه
حبیبه ماما
توتایه
نعومه
کوکی
کلکم مشتاقتلکم واسفه اذا نسیت وحده

حبيبي

10-28-2011, 11:37 PM

كلنا مشغولين مو عذرررررر
بس نسئل ونفتح انغير جووو بدل الشغل والبيت والجهال الي ميخلصووون طلبات

دلوعه زوجی

10-28-2011, 11:39 PM

هلو حبیبی حسونی بخیر وانی بخیر والحمدلله عایشین
انتو شخبارکم ؟
شکو ماکو جدید؟؟؟؟؟؟؟؟؟؟؟؟؟؟

حبيبي

10-28-2011, 11:39 PM

شخباااااار حسوني وشكد صار عمره
واشلون ابو حسوني خلص دراسه لو بعده

حبيبي

10-28-2011, 11:41 PM

شاكو ماكو ؟
احملنا وولدنا وانتي ولا فدنيا هههههههههههه
والله كلنا بخير وايام حلوه ونضحك وايام نزعل ونضوج هههههه

دلوعه زوجی

10-28-2011, 11:42 PM

والله الله یساعدج انی بس واحد ومدالحک علیه شلون انتی ویه 4 جهال
دااموت ارید ارتاح تعبت شسوی

حبيبي

10-28-2011, 11:45 PM

اني والله سوبر مااااان معاهم هههههههههههه

لسعودي ميقبل غير بسبعه او ثمانيه يالله يشبع ههههه
زين وصلت للاربعه ههههههههه
ان شاء الله خلالالاص لربعه واربيهم وعرسهم
ورتاح هما الجهال وهما اصغار تعب
بس من يكبرون ويلتمون حوليج اتفرحين فيهم هههههههههههه

حبيبي

10-28-2011, 11:46 PM

ليش حسوني يتعبج يبجي دئما ما يلعب هو تقريبا صار 6 اشهر
المفروض يلعب ويضحك وياكل وينااام هههه بس اعيال هلايام غير
بس فاك حلجه ويبجي هههههه

دلوعه زوجی

10-28-2011, 11:53 PM

لا والله الحمد حسونی هادئ بس هو یرید کله العب ویاه یضوج وحده اذا اخلیه یکوم یبجی
ودیطلعن سنونه فکله یحک اسنانه
الحمدلله علی کل حال

دلوعه زوجی

10-28-2011, 11:54 PM

والله اسفه مجبوره اروح حسونی کعد یرید یرضع اسفه انشاالله احاول ادخل مره ثانیه
باااااااااااای

أم أيهومي

10-29-2011, 12:00 AM

هذا نورج كوكــــــــــــــــــــــي دلب..
دلوعه منوره حبي..الله يساعدج عالتعب..

حبيبي

10-29-2011, 12:02 AM

يله دلوعه ارجعي النا
اشلونج ام ايهم اشلون ايهم زين ويرفس ويلعب بل
حبل السري هههههههههههه

حبيبي

10-29-2011, 12:04 AM

لا والله الحمد حسونی هادئ بس هو یرید کله العب ویاه یضوج وحده اذا اخلیه یکوم یبجی
ودیطلعن سنونه فکله یحک اسنانه
الحمدلله علی کل حال

اي اكيد يضوج وحده لحكيه بفطومه ههههههههههه hwaml02
حتى يلعبون مع بعض ويتركج اتسوين شغلج ههههه

ولسنان طبيعي اتحملوهم هاي مرحله وتعدي

مجنونة بحبها

10-29-2011, 09:32 AM

صباح الخيررررررررررر حبيباتي

رحوبه اشرقت وانورت وينج مشتاقيلج ياحللللللللللللوه
مبروك على الحفله والمطعم ولاتقطعينه عنه لانه مانكدر نستغني عنج
وعن الصبر خلص صبري وقبل شويه خابرت اهلي وراح يجون يسولي حل لو ياخذوني لو يوكفوه عند حده لان البارحه بنص الليل ويتعارك وياي ومن الصبح ويتحجج وياي وانا تعبت خابرت على ابوي بس جهازه مغلق فخابرت امي وكالت بان ابوي بموسى بن جعفر وبس يرجع راح يجيني على طول ويشوفلي حل تعبت والله تعبت كلشي ماطالبه منه بس الهدوء وميقبل ينطينياه والله اليستر بس كون لايعاند وياخذ بنونه بس انا اكيد مراح انطيها اله والله كريم بالليل اذا مااجيتكم يعني عند اهلي وحتى لو عد اهلي راح احاجيكم من هناك لاني مااتحمل افارقكم حبيباتي انتوا

نجوله حبي شلونج وشلون ايهومي حبيبي

مهاوي الله يساعدج على الخياطات ويارب الشفاء العاجل
ويارب يهدا حمودي وينام بالليل ههههههههه

ام سمر حبيبتي طمنينه عنج بالي يمج شكالتلج الطبيبه
يارب يبين النبض وتفرحين بالبيبي

زينه خلي لبنتج زيت زيتون وبيه شويه ثوم قطريه بقطاره باذنه
احنه مجربينها لان بنت اخوي دايما امها تستخدمه وتطيب البنيه ومابيه اي مضار زيت الزيتون كله فوائد

كوكي يله تعالي نسوي حزب القوطيه هع هع لحرب الكماشات
وليش ضايجه اسم الله عليج من الضوجه

ايه ماكو وينج حبحب

كوكي ودلوعه وطيوبه ماكو مختفيات

ودلوعه زوجي اشرقت وانورت وينج بذاته

يسرى اعرف بنتج رودينه بس خاف شبجت علي هع هع

وشغل البيت ابد ميخلص

باقي البنات شلونكم

راح اروح اشتغل الى ان يجي ابوي ويشوفلي حل

بااااااااااااااااااااااااااااااااااي

توتايه

10-29-2011, 01:59 PM

بنات اني ابيت اهلي بس النت عدهم زفت فدمره ومن البارحه اكتب ردود ومتنزل اوف لعبت نفسي مشتاقتلكم كلكم

امونه عفيه عليج المفروض من البدايه يشوفولج حل ولتعوفين بنتج

روح ملائكيه

10-29-2011, 02:16 PM

مسااااااااااااااء الخيررر

شلونكم بنات؟ اخباركم

مساء الخيرات انى اجيتتتتتت
ام شوق مسوينا الحفله اجلنهااااااااااااا بس حفلتي سويتها بغرفتي مع الحبيب هههههههههه
اما فطومه اجلتها لانه عماتها يردون ياكلون الكيك ويشفون حفلتها وانا ساكنه ابعيد عنهم
فاجلتها حتى اروح الهم وسويها بس اشتريت كلشي وجاهزه ويوم عيد ميلادها رحنا مطعم وتعشينا
واكلنا كيك بس الحفله الكبيره مع عماتها هههههههههههههه

والله يساعدج على الجراحه يمكن ملتهبه روحي لدكتوره تكشف عليج ولا انتى استخدمي الها معقم
وسلامتج وشلون حمود ي وخواته وشغاله مرتاحه معها وشاااااااااطره لو لالالالا

ولكم عمري رحوبه منوره ..
هو حفلتج اهم من حفلة فطومه ههههههههههههه الله يديمها عليكم ويحفظلج زوجج واولادج ..
لا ماعندي التهابات ودااسنعمل معقم ومطهر لبعد الولاده بس هالمره خياطاتي هواي وكلها داخليه فما جاي ارتاح بالكعده ..يلا الله كريم تهوووون

الخدامه زينه والظاهر احنه راح نخربها من الدلال ههههههههههههههههه بس مااخليها تطبخ الطبخ عليه والله الخدامه نعمه بالبيت جاي نفكر نجيب وحده دائميه للبيت لأن وين اكدر ل3 وحدي ...

kokee

10-29-2011, 02:34 PM

مرحبا بنات
امونه حبيبتي الله يهدي سرج ويهدي رجلج عليج ياااااااااااااارب
بس سويتي الصحيح خلي ابوج يشوفلج حل وخل يكتلهم الوصخ بدونج حتى يعرفون قيمتج ولا يتعافون على ربهم
مها شلونج وشلون ابو جاسم
الباقين شخباررررررركم

kokee

10-29-2011, 02:38 PM

رحااااااااااب والله احب سوالفج يم كَلب الطيب

روح ملائكيه

10-29-2011, 02:38 PM

امونه عيني لا تنقهرين ان شاء الله تتصالحون وماكو اي فراق لا سمح الله والله يهدي زوجج عليج اللهم آآآآمين..

نجوله ها بشري شلونج ويه الحمل؟ حاولي لا اتعبين هالفتره واستراحي هواي ولا تدوسين بالشغل يلا شوكت تدخلين بالتاسع؟؟

كوكي شبيج ضايجه؟ يمعوده سمعي وعبري هو هم المن رجلج دز عليج غير للشغل هذي مسأله منتهين منها وكلنه مرينا ونمر بهالشي اهله اهم من عدنه ..وداعتج اني حامل بشوق واخدم حمواتي من يجن ابيتي ولا وحده تكوم وحتى بناتهن يكعدن مربعات وحتى اني بالامارات ماخلصانه ماادري وين اطير بعد واخلص يجوز اسافر للمريخ تجين وياي؟ هههههههههههههههههه

منوره عيوني دلوعه وربي يحفظلج حسوني وابوه...

ام رودينا ماكو ان شاء الله خيرررررر؟

ايوته هاااااا ما آخر الاخبار؟ ابيش طلع ثوب العيد؟هههههههههههه وشلونه سوفي ماصار شويه احسن؟ صدك يانوع حليب تنطين لسوفي؟

روح ملائكيه

10-29-2011, 02:40 PM

هلو كوكي منوره شلونج عمري؟
ها بعدج ضايجه؟؟

ابو جاسم نايم مثل العاده حتى يتحضر للسهره الصباحيه هههههههههههههههه

روح ملائكيه

10-29-2011, 02:44 PM

ضايجه والله ابو شوق يريد يسافر للعراق بالعيد ويعوفني وحدي واني بفترة النفاس والله اتذكر بشوق جنت هم بالنفاس 19 يوم وسافر جان عنده معرض وصارت بيه حاله نفسيه من الخوف وحتى رحت للدكتور بوكتها ..وهم راح تتكرر نفس الحاله وهالمره عندي خدامه مااعرف اصلها من فصلها قابل اني اعرف شراح يصير بهالفتره من احجي يكلي انتي قويه وتتحملين هههههههههههههههههههههههههه وربي شفت وياه من اهله الي محد شايفه وبعد راح اشوف اكثر شسوي ماادري طكت روحي والله

kokee

10-29-2011, 02:46 PM

رحااااااااااب والله احب سوالفج يم كَلب الطيب

روح ملائكيه

10-29-2011, 02:47 PM

يلا اروح محمد يبجي اشوفكم على خيرررررر

رودينة الراوي

10-29-2011, 03:45 PM

هلوووووووو بنات شلونكم اخباركم
مهاوي تسلمين على سؤالج حبي بس ملتهية وشغل البيت الي ميخلص اتخيلي بالنهار ملتهية بالتنظيف والزوالي وبالليل اجي عالمطبخ الكة قنبلة نفجورة بيه ولحد ساعة 1 ونص بالليل يلة اخلصة الحمد لله على كل حال

توتاية يلة الحمد لله غيرتي جو ورحتي ببيت اهلج اخبارج واخبار يسوفي

رحوووووووووووب شلونج اخبارج مشتاقتلج كلششش مو تكطعين بينة هالاسبوعين طمنينا عنج وخلينا نسولف

امونة حبي الله يكون بعونج وان شاء الله اليوم الامور كلها تنحل ويكون اليوم بداية حياة جديدة الج وترتاحين ان شاء الله

ام سمورة تعالي طمنينا عنج شلون صرتي سمعتي نبض الجنين ان شاء الله والله بالي يمج

كوكي ونعومة ونجولة ودقة قلب شلونكم اخباركم ان شاء الله بخير
عذروني اذا نسيت وحدة

ام سمر الاردن

10-29-2011, 04:50 PM

هلو بنات شلونكم؟ مشتاقتلكم هواية
بعد ما صبحت عليكم يوم الجمعة وكلتلكم اني ضايجة لان صار عندي نزيف بنتي سمورة تنك صدرهة ووديتهة للطوارئ واجة الطبيب وكال لازم تنام مستشفى عدهة التهاب حنجرة قوي وتخيلوا اني وضعي شلون وفوكاها سمر كملتهة علية. نومتهة مستشفى وخطية حاطيلهة جهاز التبخير والمغذي بالكانيولة وتبهذلت ومتت قهر عليهة واليوم الظهر يلة طلعتها من المستشفى ورأسا وديتهة يم ماما وطلعت للمستشفى لان موعدي اليوم لسماع النبض ويا ريتني ما رحت!!!!!
لكيت دكتوري عنده عملية ويتاخر وفحصني طبيب ثاني وكال ماكو نبض ممبين والجنين صغير وانطاني موعد يوم الخميس... يعني مثل ما رحت مثل ما جيت
والله تعبت نفسيتي واعصابي بس شسوي؟؟ اهم شي سمورة صارت زينة وكله يهون
اشكركم حبيباتي لان سالتوا علية ومنسيتوني
ام شوق وامونة وكوكي ورحاب وام ايهومي وام ردونة وكل الموجودين واعذروني اذا نسيت احد لان ميتة من التعب هسة راجعة من المستشفيات والقرف مال المستشفيات

ادعولي بنات امانة عليكم وانشالله يسمع منكم

(دقةقلب)

10-29-2011, 05:42 PM

حبيبتي ام سمر سلامتها البنتج ان شاء الله ويارب الله يطمن بالج على الجنين امين

ام سمر الاردن

10-29-2011, 07:16 PM

حبيبتي ام سمر سلامتها البنتج ان شاء الله ويارب الله يطمن بالج على الجنين امين

تسلمين حياتي الله يسلمج ويريح بالج. والله دا افكر اروح دكتور ثاني لان كتلني القلق
واشوف ابراهيم اذا وافق اروح باجر لان شراح يصبرني للخميس

روح ملائكيه

10-29-2011, 07:53 PM

مساء الخيرررررررر

الله يساعدج عيني ام سمر ديري بالج على الجنين مو زين الحركه عليج وعادي هو النزيف يخلي صوت الجنين كلش ضعيف فلا تقلقين ان شاء الله اتممين حملج على خير وسلامه اللهم آمين وان شاء الله معافاة على سمر ..مااوصيج اهم شي الج الراحه التامه وعدم التفكير ...ربي يصبرج

روح ملائكيه

10-29-2011, 07:58 PM

الله يعينج ام رودينا هو الشغل مايخلص بس شدعوه لهالوكت تشتغلين؟
وزوجة حماج ماصار عدها احساس شويه وتساعدج؟ حتى رب العالمين مايرضى بالي ديصير ...!!!

دقة قلب منوره عيوني شلوووووونج؟

باقي البنات وينكم اليوم؟ شنو مسويات اضراب ؟ هههههههههههههههههههههههههههه

امونه شلون صرتي بالي يمج ربي يهدي سركم اللهم آمين

ايوته اليوم لا تدوسين بالاكل عد اهلج هههههههههههههههههه اتشاقى وياج عافيات عمري واتونسي شويه وغيري جو

نجوله ماكو اليوم؟؟؟
مو اتعبين نفسج بالشغل وفرش الزوالي انتظري للتاسع ودوسي ع الشغل

مي &

10-29-2011, 08:00 PM

هلو بنات شلونكم شلون صحتكم انشالله بخير

روح ملائكيه

10-29-2011, 08:00 PM

Now I go and see you in other time

الترجمه ههههههههههه

اروح هسه واشوفكم بغير وقت
تره ترجمت بالعاميه العراقيه ههههههههههههههههههههههههههههه

kokee

10-29-2011, 08:18 PM

kokee

10-29-2011, 08:24 PM

باقي البنات شخباركم
ايمان بالي يمج والله

ام سمر الاردن

10-29-2011, 09:49 PM

ام سمر الاردن

10-29-2011, 09:50 PM

كوكي حبيبتي ما اكول غير الله يساعدج لان اني هم جربت الكعدة وية العيال بصراحة الموووووووووووووووت بعينه الله يعينج ويريحج واصبري مثل ما صبرنة وانشالله تاليهة خير

kokee

10-29-2011, 09:52 PM

رحاااب وينج يمعوووده ههههههههههههه

kokee

10-29-2011, 10:42 PM

اليوم ماكو سهرانات ههههههههههه

توتايه

10-29-2011, 11:18 PM

هلاو عيوني انتو باجر ارجع للبيت واحجي وياكم على راحتي

اوووووووووف مهاوي امي سوت ذيج مركة القرنابيط وكعتلها هبد

حتى تعشيت بيها هع هع

اي والله البراوه مادري شلون جانت بين قوسين معجبني النفنوف

والله ما اعرف ابيش بس يمكن راح تكصبني بالسعر

kokee

10-29-2011, 11:32 PM

شلون تنطبخ مركة القرنابيط ايه؟

kokee

10-29-2011, 11:35 PM

وليش تخطيبين يمعوده يطلع البطانه اغله من الوجه
يعني القماش ب10 والخياط ب50
اشتري حاضر احسن

توتايه

10-29-2011, 11:47 PM

زنوبه ماما تكول سلكي القرنابيط اول وبعدين تقليه يعني تكلاه
وبعدين تحمسين لحم وبصل ومعجون وتخلين القرنابيط المكلة فوكاه وتخلين ملح وفلفل اسود وتخلين مي اذا تحبيه ناشف خلي مي بيناته واذا مي هوايه يصير بيه مي
وتحطيه ساعه على عين ناصيه الا ان يلجع
والف عافيه هع

يمعوده ماكو هدوم على كدي وين ما اروح يضحكون بستهزاء ويكولولي ماعدنه وداعتج نفس الحسبه النفانيف هنا كلها 50 وشيلي ايدج

kokee

10-30-2011, 12:09 AM

اريد اجربهه وصيت رجلي يجيبلي قرنابيط واجربهه
يمعوده اني هم لعبت روحي من الوزن الزايد ملابس مو مرتبه قبل لا احبل جان وزني 73 براحتي البس اووووووووف

(دقةقلب)

10-30-2011, 12:14 AM

حبيبتي ام سمر اني بهذا حملي رحت بالاسبوع السابع لدكتورة كلتلي مااريد اخوفج بس النبض ممبين تعاي ورة اسبوع اني متحملت العصر رحت لسونار دوبلر بشارع المغرب وفورا سمعت النبض بس كلي فرغي ادرار العفو لان من جنت مليانة ادرار مبين وبعد مفرغت ادرار بين وسمعني صوتة اصوري بنفس اليوم لان دكتورتي سونارها قديم لهذا كلت اروح برة احسن خلي ايمانج بالله جبير ومثل مكتلج سوي سونار دوبلر لان حتى اذا صغير كلش هم يبين وعلى فكرة مرت حماية شهرين ومبين النبض حتى كلولها لازم انزلة بس مسمعت كلامهم وانتظرت دخلت بالثالث وراحت سونار زين والحمد لله بين النبض وهسة عدها ولد عمرة 8 اشهر اصوري رادوا بالمستشفى ينزلوا من جان شهرين ابطنها وهسة سبحان الله اجة لدنيا اسفة طولت عليج بس حبيت اطمنج وان شاء الله تبشرينا بخير

kokee

10-30-2011, 12:17 AM

منوره دقة قلب

ام سمر الاردن

10-30-2011, 10:47 AM

دقة قلب حبيبتي ما اعرف شلون اشكرج لان كلامج هوااااااااااااااااية ريحني الله يوفقج انشاللة
هو اني هم اتصلت بدكتور ثاني عنده سونار ثلاثي ورباعي واجهزة حديثة وكلت خلي اشوف عنده احسن وانشالله موعدي باجر وراح اخبركم شيصير وياية
المهم اشكرج مرة ثانية وجزاج الله خير

توتايه

10-30-2011, 10:59 AM

صباحو بنات شلونكم الله يطمن قلبكم
بالي يم امونه كلش هوايه

مي &

10-30-2011, 12:20 PM

صباح الخير
تسلمين حبي رودينه الراوي على سؤالك عني
انا يوم 29 اخلص التاسع وحاسه هذا الشهر مراح يمشي ههههه
ادعولي يابنات الله يقومكم بسلامه امين

توتايه

10-30-2011, 12:32 PM

مياوي الله يسهلج حبيبتي 29_11؟ تخلصين التاسع

ميخالف حبحب هذا اول طفل الج؟

kokee

10-30-2011, 01:26 PM

شلونكم بنات شخباركم

kokee

10-30-2011, 01:44 PM

لولي يكسر خاطري
الصبحيه ابقه وحدي اشتغل وهذا يبجي يريدني اشيله مادري شسوي بالله
حاطته بالحجله ويبجي
افففففففففف

روح ملائكيه

10-30-2011, 01:48 PM

مهاوي حبيبة كلبي
ضجت لان صايره بس اشتغل لاهله بالبيت
وهوه ما يفكر يطلعني
وحتى اذا يطلعني العشيره كلهه ويانه
اتمنى فد مره يكول خل نطلع لفد مطم او مكان
بس يوم الجمعه شويه ارتاح ابيت اهلي من الشغل والطلبات ولحكني من وكت تعالي لبيت اهلي كلش ضجت
رجلي فقير كلش بس يفرسني بتصرافته مرات واضوج منه
ههههههههه سهره صباحيه ممتعه حبيبتي
يبووووووو والله من اتذكر فترة النفاس كرهت روحي
وراح رجلج يروح الله يساعدج ابنج زغير جان سافرتي وياه
اذا تردين نسوي تجمع ونجي يمج كلنه هههههههه

الله يعينج عمري كوكي ويصبرج ..واذا ع الطلعه كل الزلم هالشكل اني من جنت بالعراق حتى لأهلي اروح ساعه الخميس هو يجي وياي هههههههههههههه على كولتج طلعه جماعيه واجباريه ...

والله هسه هم طاكه روحي مليت من كعدة البيت اني قبل الولاده ماطالعه وبعد الولاده هم مطلعت ومايرضى يطلعني صارت بيه كآبه بس هو منو يحس؟؟؟ وفوكاهه راح يعوفني ويسافر لأهله بالعيد هههههههههههه شر البلية مايضحك ماادري اضحك لو ابجي والله ماادري

والله اتمنى هسه كلكم يمي واسويلكم كيك وبسكت وكليجه ههههههههههههههه ياريت ولو وحده منكم يمي يااااااااااااااااريت ..لو تصير اسجلها عيد ثالث هههههههههههههههههههههههههههههه

روح ملائكيه

10-30-2011, 01:51 PM

ام شوق حبيبتي واللة مريحة ع الاخر بس شسوي نصيب من رب العالمين والحمدلله على كل حال
بس كليلي انتي تتذكرين شوكت سمعتي النبض مال الجنين؟ لان اني ما اتذكر بصراحة لان سمورة عمرهة 4 سنين ونسيت

هلو عيني ام سمر
اذا قصدج من نزفت ؟؟؟جنت حامل شهرين ونص تقريبا او 3 مااذكر بالضبط وكتها ماكان اكو نبض للجنين حتى الدكتوره كالتلي انتي شلعتي الطفل من مكانه شلع ..لأن وكتها اشتغلت هواي بالبيت... وبعد ماارتاحيت كم يوم رحت للدكتوره مره ثانيه وسمعت نبض الطفل بس هم كان ضعيف وبأستمرار الراحه والمثبتات رجع نبض الطفل طبيعي

روح ملائكيه

10-30-2011, 01:57 PM

عوافي عمري ايوته مركه القرنابيط كلش طيبه بس اني مااكليها تصير دسمه واسويها شويه ناشفه .. واذا النفنوف معجبج خلي الخياطه تعدله الج انتي مادافعه نوى انتي دافعه فلوس والله اعلم شكد راح تاخذ منج؟؟

ام سمر الاردن

10-30-2011, 02:00 PM

شلونكم حبيباتي؟
اني رحت اليوم لعيادة دكتور مشهور والسونار حديث وسوولي سونار داخلي وقالولي في كيس حمل لكن بدون جنين والحمدلله على كل حال
كالولي وقفي المثبتات ولازم تعملين تنظيفات حتى ينزل الطفل
اني حجزت عند دكتورة عبير عناب وهي هم دكتورة شاطرة وموعدي الثلاثاء كلت حتى ما استعجل بالقرار واذا نفس الكلام راح اتوكل على الله وانزله ما بيدي شي ثاني
ادعولي بنات الله يصبرني ويعوضني خير

روح ملائكيه

10-30-2011, 02:04 PM

هلو عيني مي هو التاسع شهر طويل وثكيل الله يعينج ربي يسهلج ولادتج ويكومج بسلامه

عيني كوكي وين ماتشتغلين خلي ابنج يمج حتى يشوفج وليش معلمته ع الشيل؟؟
بعد لا تشيليه علميه حتى لو بجى بالبدايه مو اذا بقى على هالحال راح يأذيج هواي من يكبر

بالي يمو امونه بس لا رجعت لأهلها ..الله يصبرها على ماابتلاها

نجلاء هم ماكو الله يشافيها خطيه الافلونزا بالحمل تموت ...

بقية البنات شلونكم؟ اخباركم؟؟

kokee

10-30-2011, 02:19 PM

والله ما معلمته على الشيل بس هوه يبجي من يشوفني افتر يمه يريد واحد يلعبه يضحك وياه واني اطبخ وانظف نفس الوكت

مجنونة بحبها

10-30-2011, 04:18 PM

هلوووووووو بنااااااااات

انا رجعت لاهلي والحمدلله على كل حال ومراح اكدر احاجيكم

لان النت مشغول بيد اخواني الله يحفظهم

بس حبيت اطمنكم انا الحمدلله نفسيتي مرتاحه

وبيوم الي اجه ابوي واخوي رجعت وياهم ورجلي التحفه

كال لابوي لو تاخذ بنونه لو ماكو نفقه ابوي كاله منريد منك شي

وطلعنا وهو كام يهدد يطلقني بس احنه تركناه وطلعنه

والله اعلم بعد شراح يصير الي وشمكتوب بجبيني

اخواي يكول ادللج ومااخليج محتاجه شي بس لاتهتمين ولا تنقهرين

واسفه لاني ماسالت عنكم وحده وحده بس صدكوا مشتاقتلكم

موووووووووووت واحبكم في الله صدقوني

ولي عوده باقرب فرصه ان شاء الله

رودينة الراوي

10-30-2011, 04:21 PM

هلووووووو بنات شلونكم اخباركم
مي
ان شاء الله تكومين بالسلامة غمضي عين وفتحي عين يكمل التاسع بس قصدج 29 /11 لو 10 يعني هستوج فتتي بالتاسع لو كملتيه

توتاية بالعافية عالقرنابيط اهبار يسوفي خلينا نشوف صورة جديده اله اميد متغير

كوكي الله يساعدج والله ماكو احد بالبيت يلزملج لولي شوية يلهيه

مهاوي الله يكون بعونج شلون رح تبقين وحدج وية البنات وصدك الخدامة تخوف

امونة بالي يمج حبي تعالي طمنينا شصار مصار

ام سمورة الله يساعدج حبيبتي وان شاء الله ينطيج على كد صبرح اني من سويت اطفال الانابيب ثبتو 2 واحد جان كيس مثلج واللاخ زين وصدك الكيس وكع والثاني اجتني ردونة

الله يعوضج بالخلف الصالح واهم شي كولي الحمد لله على كل حال وصدكيني حاشة لله يخيب ظن عبده بيه

باقي البنات شلونكم اخباركم *

رودينة الراوي

10-30-2011, 04:23 PM

هلوووو امونة شلونج
بس كليلي هسة بنونة وين يمج لو بقت يم ابوها
الله يهديه ويصلحه

مجنونة بحبها

10-30-2011, 04:34 PM

هلو يسرى حبيبتي لا اخذتها شلون اعوفها غيرررررر اموت

رودينة الراوي

10-30-2011, 05:30 PM

اي الحمد لله والشكر هذا اهم شي

kokee

10-30-2011, 10:09 PM

ايمان زين تسوين وخلي رجلج يتادب ويرجعلج وهوه الممنون وجلبي ابنتج
وشوفي شلون يكلتهم الوصخ خلافج
هوه انتي وين يلكه مثلج
حاولي تخصصيلج ساعه تدخلين نسمع اخبارج
ام ردينه شخبارج واخبار بنيتج حبيبتي
لامحد يشيله كلهه دوامات بس مبهذلني بلكوه اكمل شغلي من وراه

zena

10-30-2011, 10:52 PM

هلو بنات حبيباتي مقصرتوا والله انولكم الي ابالكم اندعولي الله اكوم بنتي بالسلامه لان مااعرف شبيها فد مره تمرضت وذانها بعدها ملتهبه وبس تبجي ومتاكل وتختنك باليل من ورا الفلاونزه واني وحدي بالغربه راح تخبل

توتايه

10-30-2011, 11:13 PM

امونه هوه لو صدك جان مخلاج تطلعين بس وداعتج يعقل ويحس على نفسه ويشوف مكانج ومكان بنونه ويرجع واحسن من الاول

الله يشافيها حبيبتي زينه ديري بالج عليها دفي اذنها

اكولج انطيها ينسون دافي اني سوفي يحبه ودائما انطيهياه

هلو يسوره حبحب مشتاقون انشاء الله عالعيد احطلكم صورته تدللين

kokee

10-30-2011, 11:15 PM

زينه ما وديتي بتج للطبيب خطيه

kokee

10-30-2011, 11:17 PM

شلونج ايه وشلون سوفه

توتايه

10-30-2011, 11:21 PM

هلو عمري زنوبه والله الحمدلله
اسكتي صار اسبوعين خلال 24 ساعه بس 5 ساعات ينام والباقي كله متنحس فدمره

kokee

10-30-2011, 11:40 PM

حتى هذا يبجي بس همزين ابوه يطول خلك مرات ابدله واشبعه ويطلعه وياه بليل
هوه هم يخنس بالطلعه
بس الصبح ياذيني ماكدر اشتغل بس يبجي كون اكابله واكعد

توتايه

10-31-2011, 12:56 AM

لاوين اني رجلي من نوع يحب كعدة البيت ميحب يطلع بالليل بس هوه يلزملياه بس من ينعس بعد ميريده يكولي تعالي اخذي ابنج

اكولج طالعه روحي كلش ضايجه ما ادري لويش

طبعا بالكوه هسه نومته عطت بيه ونومته واني مدا اكدر انام والافندي ديشوخر

بدآيه حلم

10-31-2011, 09:30 AM

السسسلام علييكم ورحمه الله

كيف حالكم اهل العراق

دعآء حللووه حبيت تقرونه

حصنت نفسي ومافي رحمي باسم الحي القيوم الذي لايموت ورددت عنه السوء بألف ألف لا حول ولاقوة إلا بالله
اللهم اجعله مسلما صالحا عابدا ذاكرا..
حافظا للقران الكريم وممن يعملون به..
اللهم يامثبت القلوب ثبت قلبي على دينك
وثبت مافي رحمي واجعل حمله تسعة اشهر بلا زيادة او نقصان
اللهم اجعله بارا بوالديه وأهله..
اللهم حسن خلقه وخلقته ..
اللهم أعيذه بكلماتك التامات من شر شياطين الانس والجن..
اللهم سهل ويسر حمله وولادته..
اللهم قر عيني به..
اللهم ارزقني ولدا واجعله تقيا ذكيا
واجعله سليما معافى ولا تجعل في خلقه زيادة ولا نقصان ..
واجعل عاقبته إلى الخير...
اللهم إني نذرت لك ما في بطني محررا...
فتقبل مني إنك أنت السميع العليم...
اللهم اصلح لي ذاتي وذريتي...
اللهم استودعتك هذا الجنين فحسن في خلقه وأخلاقه يا رب العالمين..
اللهم اني اسألك هون الطلق وحسن الخلق ..
اللهم آمين

ام سمر الاردن

10-31-2011, 11:03 AM

صباح الخير بنات شلونكم؟
امونة شلونج انتي وبنونة؟ ديري بالج عليهة وابددددددد لتعوفيهة لابوهة لو مهما يصير. وصدكيني الحياة كلها مشاكل وماكو احد بالدنية خالي منهة
تدرين اني البارحة لمن رحت على دكتورة حتى اتاكد من كلام الطبيب انه كيس الحمل فارغ , انصدمت وزاد قهري وكلت يا ريت ما رحت لان طلع مو طفل واحد.... طلعوا توأم
ولو تدرين من البارحة لليوم واني ابجي واصبر نفسي واكول اللهم اجرني في مصيبتي واخلفني خيرا منها.... وهسة موعدي الخميس حتى اسوي كرداش وادعي الله يعوضني بالاحسن
فأنتي امونة حبيبتي طولي بالج ولتضوجين وفكري انه مو بس انتي على هذا الحال لان هواية ناس مثل حالتج ويمكن اكثر والله يخليلج بنونة ويصلح حال ابوهة

ام شوق حبيبتي شلونج؟ بعدج ضايجة؟؟ ترة اني مثل حالج واتعس... تخيلي راح اسوي كرداش الخميس وزوجي راح يرجع الجمعة لبغداد حتى يقضي العيد يم اهله... تصدكين هذا الشي؟؟ بس اني سكتت وكلشي محجيت واكول رب العالمين موجود هو احسن من الكل

كوكي وام ردونة ونبض قلب ام ايهومي وباقي البنات شلونكم؟؟ الله يحميكم ويبعد عنكم القهر

روح ملائكيه

10-31-2011, 12:27 PM

مسااااااااااااااااااء الخيرر

شلونكم بنات؟؟

امونه لا تنقهرين حبي ربج كريم وبالمرصاد الحمدلله من بنتج يمج هي بنونه تسوه الدنيا كلها ان شاء الله زوجج يحس على نفسه ويقدر قيمتج ويرجعج وربي لو يدور الدنيا كلها مايلكه مثلج ومثل اخلاقج...ربج كريم

زينه البرد مو زين على بنتج انتبهي وحاولي تنطيها اعشاب اذا مايرضون بالادويه لعد شتسوين عمري؟؟ربي يعينج

ام سموره بشري شلون صرتي؟؟؟ المهم سلامتج عمري ربي يرزقج بالولد الصالح ...ربي كريم وماينسى عباده

ايوته شلونج؟؟وشلونه سوفي؟ ماصار احسن ع الاسنان؟

كوكي الله يعينج خطيه لولي هم يريد يشوفج بأستمرار يمه هو طفل شمعرفه انتي دتشتغلين؟؟؟

ام رودينا شلونج عمري ؟ وشلونها جنتكم ههههههههههه ها هم بعدهي على نفس الوضع؟؟

رحوبه هسه انتي عند اهل زوجج تونسي عمري

نجوله شو ماكو خيرج؟ سلامات عمري بس لا جبتي ههههههههههههههههههههههه

صعوبه ماكو مختفيه ؟؟؟؟

دلوعه هم ماكووووو؟

دقه قلب شلونج عيني اخبارج؟؟

مي انتي هسه دخلتي بالتاسع لو بعدج؟؟؟ربي يسهل ولادتج

ان شاء الله مااكون نسيت احد

روح ملائكيه

10-31-2011, 12:36 PM

ام شوق حبيبتي شلونج؟ بعدج ضايجة؟؟ ترة اني مثل حالج واتعس... تخيلي راح اسوي كرداش الخميس وزوجي راح يرجع الجمعة لبغداد حتى يقضي العيد يم اهله... تصدكين هذا الشي؟؟ بس اني سكتت وكلشي محجيت واكول رب العالمين موجود هو احسن من الكل

الله يهون عليج عمري ام سموره...شلون يعوفج الكرتاج هم يعتبر ولاده!! واقل من يوم يعوفج؟؟؟!!! عالاقل اني ولدت من فتره ...والله الله يعينج
تدرين اني زوجي كان شهر بالعراق ورجع قبل رمضان بيوم !! وهسه هم راح يرجع...واجازته السنويه قضاها ويه اهله هههههههههههه هسه اني ماحايره على نفسي خطيه البنات منو يطلعهم بالعيد؟؟ والله اشتريتلهم ملابس وتكرمين احذيه وجواريب وحتى القراصات الخاصه بالشعر عود كلت للعيد هسه اباوعلهم بالدولاب واموت قهر خطيه البنات محبوسات وحتى الصغيره ملاك صارت مثل المتوحشه من الحبسه ..
اني هم سكتت لو احجي منا لبعد سنه مايفيد ..الله كريم

روح ملائكيه

10-31-2011, 12:38 PM

مشكوره اختي بداية حلم على الدعاء الجميل

ربي يجزاج الف خيرر

kokee

10-31-2011, 02:24 PM

ام سمر ربي يحفظج ويعوضج بتوم ولد آميييييييييين رب العالمين
مها خطيه البنات لو ما اخوهن جان طلعتيهن بس شتسوين هذا مينطلع بي طفل نفاس ماعندج فد صديقه اقارب واحد ثقه يطلعهن خطيه

kokee

10-31-2011, 02:26 PM

ايمان ادخلي باستمرار نسمع اخبارج واخبار شعنونه موتنسينه هههههههههه

مجنونة بحبها

10-31-2011, 03:10 PM

هلو بناااااات اخباركم

شكرا لسؤالكم عني

الحمدلله انا زينه وبنونه هم فرحانه وتلعب ويه بنات اخوي

واليوم متت قهر الاب توب يمي بس النت ماعرفت اشغله

ماعرف شلون يشغلوه وهسه رجع اخوي من دوامه وشغله واجيت

اطمن عليكم

رجلي البارحه خابر اخوي يكله انا ماطردته هيا وحده خابرتكم

ومثل مااجيتوا اخذتوها رجعوها انا تخبلت هو طردني وكال خابري اهلج يجون ياخذوج

واجه ابوي وراد يعرف شنو السالفه وهو ماانطاه مجال

اول مااحجه يكول اذا تاخذون البنيه ماانطيكم نفقه

وابوي زعل من هاي الحجايه وكاله منريد شي منكم

ومن طلعت كال اطلكها بس تطلع وعفناه لانه مايعرف اسلوب

وهسه يكول ماطردتها ولو اكلكم المشكله مراح تصدكون

وتكولون تبالغ المشكله ومافيها شلون بنونه بجت بالليل

وبالمناسبه اخذ كل شي مشتريه هو الي الموبايل

والذهب والملابس وانا مامهتمه واريد لو يعرف خطاه ويندم

لو يطلك وهو الخسران لان رب العالمين موجود وياخذ حقي

لانه ظلمني الى ان تعبت وهذي اخباري ابوي وامي اليوم

راحوا لكربلاء وماعرف كم يوم يبقون وانا ابوي كال مترجعين حتى لو هو اجه
الى ان ارجع واتفاهم وياه والحمدلله رب العالمين

kokee

10-31-2011, 04:19 PM

يابه ما تردين نفقته فد قحط
بس ارد اعرف شلون جان يريد يحج؟
هذا هم يعرف ربه؟ويعرف قوانينه ؟
لا ترجعين الى ان يتفاهم ابوج وياه وتملون شروطكم واذا تشرطين بيت عزال هواي احسلج وتفكين من عمتج الحربايه

kokee

10-31-2011, 04:39 PM

محد مرتاح من هالدنيا الكَشره كلمن همه لون وشكل

روح ملائكيه

10-31-2011, 06:32 PM

مساء الخيرر

امونه عمري مشتاقيلج ..الله يعينج ..

حبيبتي لا تهتمين صحيح هي صعبه عليج بس مادام اهلج بصفج لا تشيلين هم ... تدرين احنه اخواتي الي تزعل ابوي رأسا يرجعها لبيتها حتى لو كان زوجها الغلطان!!! فأنتي الحمدلله اهلج بجانبج وبنتج كدام عينج وزوجج مصيره يجي يتوسل بس انتي بوكتها اشرطي عليه بكيفج ..وربج كريم

عمري كوكي تدرين اني صارلي 5 سنوات بالامارات حتى ماعندي جاره اعرفها!!!
وزوجي هم الله يسلمه مايحبني اختلط بأحد يعني حبسه من حبسه هههههههههههههه
هسه خطيه البنات حتى اني مااكدر اطلعهن وين اكدر اسيطر على عربانتين لملاك ولمحمد وياتكسي يشوف حالي ويرضى يركبني هههههههههههههههههههههه

روح ملائكيه

10-31-2011, 06:33 PM

بس امونه شلون ترضين ياخذ الموبايل والذهب هذا حقج ...الله اكبر حتى الملابس ماخذهن!!! انتي شلون رضيتي؟؟؟

روح ملائكيه

10-31-2011, 06:34 PM

تدرون اليوم من الضوجه شسويت ؟؟هههههههههههه
اخترعتلي كيكه ههههههههههههههههههههه
صارلي هواي مامسويه حلويات ...بس والله طلعت اسفنجيه وكلش طيبه ان شاء الله انزلها بالمنتدى ...

kokee

10-31-2011, 11:03 PM

اهلا مها شلونج بعد كَلبي مشتاقتلج
اها انتي مثلي هم ما مختلطه باحد بس انه اهلي هنا الحمد لله
ابو علاوي يريد ياخذنه لبغداد بالعيد بس شو مالي خلك واخاف لان خطره بالعيد
شتسيطرين يمعوده شلون تطلعين وحدج يبهذلونج الجهال خطيه شوق وملاك يظلن محبوسات

توتايه

10-31-2011, 11:24 PM

شلونكم بنات طبعا مغثوثه على امونه بحيث حتى بالبيت مالي واهس اسوي اي شي

ويوسف الافندي بس يبجي خبلني تخبل واني اليوم صبحت بلاعيم

kokee

10-31-2011, 11:35 PM

هلاا ايوته اي والله اني هم بس افكر بايمان كلش مقهوره عليها
اووووووف هالمزعطه والله خبلتنه

توتايه

10-31-2011, 11:45 PM

اي ولج اذا ما انطيه شي يكوم يبجي ويدفر ويكفش براسي فوكاها شعره نصه واكع من وره ومديطلع واريد ازينه ومديقبلون

kokee

11-01-2011, 12:11 AM

ههههههههههههه جبيبي فدوه
ليش زيني خو ما بيبقه مطكع ههههههههههههه

توتايه

11-01-2011, 12:25 AM

ميقبلون يمعوده غير يكلبوها عزة علية علبو يطلع صماخ ويطلع ما ادري شنو واني دا الوب شعره سكط فدمره

kokee

11-01-2011, 12:44 AM

هم ابن اخويه
بس ابن اخويه مصيبه وكع الكدام صارلج يقزز
بس تالي طلعله شعر ايخبل لان هم ما قبلت امي يكصوه هههههههههه

kokee

11-01-2011, 12:46 AM

اني لولي مختصرهه اكرع والحمد لله ههههههههههه

توتايه

11-01-2011, 02:10 AM

فديت الاكرع اني لا اني وكع من وره ومن كدام ثخين هالنوبه اريد احطله جل حتى يثبت من الصفاح وميقبلون

kokee

11-01-2011, 10:13 AM

هههههههههههه هذا شعر البطن يوكع ويتجدد والجديد يصير احلى بعد
صباح الخير بنات شخباركم

kokee

11-01-2011, 10:15 AM

والله ضوجه يعني ميصير يخلص شغل البيت

روح ملائكيه

11-01-2011, 12:48 PM

مساء الخيررررر

شلونجن بنات ؟

امونه شلونج عمري اخبارج؟

كوكي ضحكتيني تكولين لولي مختصرها اكرع ههههههههههههههههههه هسه يطلع شعره ناعم وحلو مثل بنت اختي ظلت سنتين كرعه هسه شعرها يخببببببل

ايوته عادي عمري يوكع الشعر هذا شعر البطن هسه يطلعله شعر كلش حلووووووو

روح ملائكيه

11-01-2011, 12:51 PM

اكلجن الصره مالت محمد دتطك دم بس يابس الكاه من ابدله المستشفى الي ولدت بيها انطتني مطهر بس شو ميفيد ؟؟
ماتعرفن شي مايخلي الصره يطلع دم منها؟؟

مجنونة بحبها

11-01-2011, 02:27 PM

هلالالالالالالالاو بناااااااااااات

حبي كوكي شلونج وشلون لولي حبي انا مراح انقطع عنكم

وشكرا الكم لانكم مهتمين بيه والله صدك انتم اكثر من اخوات

الله يحفظكم ويفرج هم كل مهموم

ومراح اكدر اطلب عزال لان امه مراح تعوفنه للموت وانا استحي

اطلب هيج طلب لان مهما يكون هيا امه

انا الي اريده بس شويه احترام ويبعدني عن عصبيته الزايده وبدون

سبب

ايه حبي سلامتج من الافلاونزه وسلامه يوسف اخبارج

حبيبتي وشكرا على اهتمامك ولا تضوجين ولا تفكرين

اكو رب يشوف ويسمع ويسجل كل كبيره وصغيره

ثقتي بربي هو الي يرحمني ويرحم ضعفي

مهاوي حبيبتي شلونج وشلون حمودي انا بنونه جانت صرتها

تطك دم واختي صيدلانيه وكالت اطحني حبايه براسيتول طحن ناعم

مثل البودره وبعدين ترشين على الصره ويومين والحمدلله نشفت

والله يساعدج على الغربه انا هم خمس سنين زواج ومااعرف

لا جاره ولا صديقه ولا حتى اقارب

وانا ابوي مثل ابوج هم دايما ميقبل ياخذني من يطردني

المحروس بس هذي المره هو غث ابوي لان بس كعد يكله

لو البنيه لو النفقه ابوي انغث واخذني هع هع

وعن الموبايل والذهب والملابس لانه هو مشتريهن مقبل اخذهن

وانا مااهتميت ولا مقهوره عليهن بس الي غثني هو عنده خير من

الله ومانطاني ولا دينار لبنته وهسه حفاظات وحليب ومصاريف

كلها من اهلي الله يحفظهم

رحاب ووئام ونجلاء وصعب ودلوعه ماكو خير يارب ماتشوفون شر

يسرى شلونج وشلون رودينه

*ام هيمن*

11-01-2011, 02:32 PM

هلو بنوتات شلونكم
اني جديدة وياكم
شكوماكو اخباركم

*ام هيمن*

11-01-2011, 02:34 PM

عندي استفسار بسيط من الحوامل والمتزوجات
اني متزوجة وحامل رح ادخل بالشهر الثامن انشاءالله
بس احب اسال ليش وكت الجماع تجيني حرقة بالمهبل
هذا عادي لو مضر؟؟؟
رحت للدكتورة وانطتني ابر وعلاجات وهم مدتفيد
زين هذا رح يأُثر بالولادة
لان سامعة الي عدهة التهابات متكدر تجيب طبيعي
صحيح هالكلام لولا؟؟؟؟
ممكن مساعدة منكم

مجنونة بحبها

11-01-2011, 02:42 PM

منوره انت روحي

حبيبتي انا ماعندي معلومه عن الجماع اثناء الحمل لاني بحملي

ربطت عنق الرحم وكان الجماع ممنوع الى ان ولدت هع هع

وعن الالتهابات انا الي اعرفه الي تولد طبيعي وعندها التهاب يصير الالتهاب بعيون الطفل واول ميولد يصير عنده رمد بعيونه

والله اعلم

مجنونة بحبها

11-01-2011, 02:48 PM

بنااااااااااات ماكووووووووووووووو وينكم

تعالوا شويه خلوني افضفض ضجت هع هع

*ام هيمن*

11-01-2011, 02:54 PM

يعني الالتهاب مضر اذا مااعالجة؟؟؟؟؟؟؟؟؟؟؟
اريد جواب اكيد عفية

رودينة الراوي

11-01-2011, 03:00 PM

هلووووو بنات شلونكم اخباركم مشتاقتلكم موووت

منورة حبيبتي انت روحي
بصراحة ماعندي فكرة عن الموضوع لان اني حملت مرة وحدة ومصارت عندي هاي الحالة
بس اذا تصير عندي حركة جنت اغسل المنطقة بغسول اسمه جينو فوم كلش زين وثاني يوم اصبح زينة الحمد لله

امونة شخبارج حب الله يهديه لزوجج واسمغي كلام ابوج لترجعين الة بشروطج

مجنونة بحبها

11-01-2011, 03:08 PM

هلو يسوره حبي

عيني انت روحي لازم تعالجيه لانه مو زين على الطفل هذا شي اكيد

رودينة الراوي

11-01-2011, 03:08 PM

مهاوي شلوج اخبارج واخبار الجهال
اختي ولدت قبل شهر وهم صرت ابنها كامت تذب دم يابس تلكاه على ملابسه وسبحان الله هم اسمه محمد ههههههههههههه وظل تقريباً 10 ايام او اسبوعين هيج ودته لدكتور كللها اضربيه ابره فيتامين k بالعضلة توكف الدم وصدك ضربتها وورة يوم او يومين تعقيم راح الدم والحمد لله لحد هسة ماكو بس انتي هم لازم تسالين دكتور ءامن
ماعنده غير العافية حب

رودينة الراوي

11-01-2011, 03:10 PM

هلوووووووو امونة شخبارج حبي والله بالي يمج كلش الله يكون بعونج
متستاهلين الة كل خير

مجنونة بحبها

11-01-2011, 03:13 PM

صح يسوره ذكرتيني بابره فيتامين k بس لازم ابره صغيره مثل ابره الانسولين لانه صغير خطيه وماعرف لازم نسبه يحددها الطبيب
الله يشافي حمودي

مجنونة بحبها

11-01-2011, 03:16 PM

مشكوره حبيبتي الحمدلله

والله مااعرف الي سويته صح لو خطا

وانا على حق لولا

والبارحه رجلي هم خابر اخوي وكاله رجعوها لو تعالوا للمحكمه حتى اطلق واخوي كاله مترجع وانته شتريد تسوي سوي والله كريم

مجنونة بحبها

11-01-2011, 03:17 PM

يسوره اخبارج واخبار رودينه

ومرت حماج وين عندكم لو عند اهلها

رودينة الراوي

11-01-2011, 03:27 PM

رجعت قبل يومين والقوانين تكول لازم متشتغل بس تغسل مواعين وخليتها عايفتها شسويلها بعد تعبت والله منها

لا حبي مو غلط السويتيه انتي مو خدامة عدهم بس شغل وفوكاها متلكين الكلمة الطيبة منهم انتي ام البيت وعندج حق عليهم *

مجنونة بحبها

11-01-2011, 04:01 PM

عيني يسرى اسمعت لو ناديت حيا لكن لا حياه لمن تنادي اتركيها احسن وابرك
وانا ماادري والله احتاريت ويه رجلي ماعرف شسويله ويرضه

مجنونة بحبها

11-01-2011, 04:08 PM

اسفه الكهرباء طفت والنت فصل وهسه رجع

رودينة الراوي

11-01-2011, 04:39 PM

لا والله امونة ابرة عادية بالعضلة بس لازم واحد مضبوط ويعرف يضربه

والله عايفتها اصلاً ضجت من رجعت جنت مرتاحة بلياها

مجنونة بحبها

11-01-2011, 05:01 PM

هلو يسرى مو هم ضربتها لبنونه بس ضربتها اختي بسرنجه مات انسولين صغيره والطبيب هو الي سحب الجرعه وهم خليتلها حبوب براسيتول لان بنونه جان ينزل دم منها هواي

صح والله البارحه اجت مره اخوي الغثيثه هع هع واليوم من راحت شكد رتاحينه انا ومره اخوي الثانيه لان ذيج الله يسامحها شغلها مو نظيف بشكل

مجنونة بحبها

11-01-2011, 05:11 PM

وينج يسررررررررررررررررررررى

رودينة الراوي

11-01-2011, 05:38 PM

عذريني امونة رحت دااتغدة حبي
اني ببيت اهلي فشوية ملتهية وياهم

رودينة الراوي

11-01-2011, 05:42 PM

اي زين عازلة مرت اخوج خلصانين منهة

سبحان الله بكل بيت اكو نغصة على كولة زنوبة محد مرتاح بهالدنيا الكَشرة

رودينة الراوي

11-01-2011, 05:45 PM

شو ماكو ولا وحدة اليوم
زنوبة مو من عوايدج ان شاء الله المانع خير

*ام هيمن*

11-01-2011, 06:55 PM

شكرا الكم حبايبي
واسفة تعبتكم وياية
شكوماكو اخباركم؟

رودينة الراوي

11-01-2011, 07:24 PM

هلووو حبي انتي شلونج اخبارج
عندي كم سؤال روتيني لكل وحدة جديدة بس مو تنهزمين هههههههههههه
اسمج؟ عمرج ؟ صارلج شكد متزوجة ؟ كم طفل عندج ؟ شنو بيج ولد لو بنية ؟ وشناوين تسموه
خصم الحجي نريد السيرة الذاتية هههههههههههههههههههههه

*ام هيمن*

11-01-2011, 07:33 PM

ههههههههههههههههه اي عادي عيوني
اسمي نورس عمري 21 سنة
صارلي 8 اشهر متزوجة وهذا اول طفل عندي
سويت سونار انشاءالله ولد واسمي يزن بأذن الله

وانتي انطيني سيرتج الذاتية هههههههههههههه

zena

11-01-2011, 10:25 PM

هلو حبيتي ايه وكوكي وام شوق وامونه وبقيت البنات تسلمون والله افرحكم ياخواتي الغاليات بنوتي احسن ولكيت دكتور عراقي والحمدالله والشكر وكفلي وساعدني
ايمان حبيبتي الله اساعدج وعندي تقريبا نفس النموذج بالبيت من اعصب ميعرف شيبقه يحجي ويتصرف سلمي امرج بيد الااكبر مني ومنج وهيه ان شاءالله تنحل بالشي الي اريح كلبج باقي البنات شلونكم

zena

11-01-2011, 10:27 PM

انت روحي الله افرحج بالنونو وان شاءالله سليم معافئ

توتايه

11-01-2011, 11:39 PM

حبيبتي مهاوي اني جنت استعمله نفس المطهر الي اني استعمله اسمه بيتادين اخففه بالمي وبعوده الاذان لو بالكطنه واخليها عليه يومين ويبس

امونه الله كريم حبيبتي كلها تهون وانشاء الله تنصلح الاحوال بس لازم يعاملج معامله طيبه ويخليلج قدر وقيمه

يسوره ضحكتيني كلها ضايكتها بس من اهل البيت

كوكي شلونج حبحب مشتاقون

زينه شلون صارت البنوته بالي يمها

انت روحي هلا بيج حبيبتي بالنسبه للجماع والحرقه اني جنت استعمل بيكربونات الصوديوم كلش فادتني خاشوكه كوب ببريك مي دافي واتشطف بيه 3 مرات باليوم واني جان عندي التهاب كلش قوي وجبت طبيعي بس صحيح صار رمد بعيون سوفي

باقي البنات مشتاقون وبعنف

توتايه

11-01-2011, 11:43 PM

نورس اني اسمي اية مواليد 90 وعندي ولد واحد وصارلي سنتين الا شهرين متزوجه يعني سنه و10 اشهر وبس :d

kokee

11-01-2011, 11:49 PM

هلا بنات مشتاقتلكم وحده وحده يا اعز من روحي
اليوم لولي موتني بس يبجي من الصبح ومادري شبي بلكوه نام هسه
نوررررررس صديقتي الورده منوره ام يزن الله يتمملج على خير حبيبة كلبي
اليوم ب12 ينتهي الاشتراك اهئ

kokee

11-01-2011, 11:55 PM

الالتهاب مو زين عليج نونه عالجي وغيري علاجج اذا مفادج

kokee

11-01-2011, 11:57 PM

جربي مثل ما كالتلج ايه بيكاربونات الصوديوم

kokee

11-02-2011, 12:00 AM

ايمان وداعتج بس بوخه ميطلك بس ظلي اصري على شروطج وخل يحنرمج
الله يهديه بس
يسرى حبيبة كلبي متدخلين هواي ليش اليوم لولي موتني
زينه وايه والباقيات مشتاقه لسوالفكم

kokee

11-02-2011, 12:02 AM

نورس ادخلي دائماا حبيبتي

توتايه

11-02-2011, 01:30 AM

hwaml17ولج عوبه بيكربونات الصوديوم مو الصودا بيكربونات الصودا تتحط للكيكه خخخخخخخخخخخخخخخخخخخخخخخخخخخخخخ

رودينة الراوي

11-02-2011, 02:38 AM

هلو نورس عاشت الاسامي حب والله يكومج بالسلامة
اسمي يسرى عمري هم 21 يعني مواليد 90 متزوجة قبل سنتين و3 شهور والله كتبلي حمل قبل اكثر من سنة باسبوعين بعد عملية اطفال انابيب وهسة عندي ردونة عمرها 4 شهور والحمد لله والشكر

رودينة الراوي

11-02-2011, 02:39 AM

هههههههههههههههههههه خرب ببليسج زنوبة
الصودا اخليها بالاكل من اتاخر بالطبخ حتى يستوي اللحم من وكت ههههههههههههههههههه
دااتشاقة وياج حب*

نعومه التميمي

11-02-2011, 12:22 PM

هلوووووووووووووووو بنات شلونكم اخباركم وحده وحده مشتاقتلكم كومه بس والله مجال ماعندي
منا فلونزه كلش قويه اني او ديمه وديمه كلنه فلونزه اليوم صرت احسن
المهم انتو شلونكم
امونه حبيبتي خوس سوين من رحتي البيت اهلج خل يعرف قيمتج زين
ام يوسف شخبارج يوسف شلونه
زنوبه شلونج شلونه لولي
يسرى شلونج اخبارج رودينه شلونه اكلج مره كلتي اكو حليب موجود بغداد الي اسمه s\26
وين موجود با منطقه وباي محل ولو صير زحمه عليج
مها شلونج شبي حمودي سلامته
ام ايهم ماكو خيرج
زينه شلون صارت بنوتج
نورس منوره
رحوبه ماكو
صعوبه مختفيه باقي البنات شلونكم

روح ملائكيه

11-02-2011, 12:47 PM

هلو بنات شلوووووووونكم؟؟

عيني نورس منوره التجمع وان شاء الله يجي يزن بخير وسلامه ...

الحمدلله اليوم صرة حمودي ماطكت دم ...ايوته اني استعملت البراسيتول وهم طكت دم فرجعت على المطهر الي انطونياه بالمستشفى والحمدلله من البارحه بالليل ماطكت دم...

امونه عمري اصبري ان الله مع الصابرين ..ومصيره زوجج يحس بقيمتج ..

يسوره شلونج عمري مشتاقون من زمان ماتدخلين...شلونه رودينا؟؟

زينه حمدالله ع السلامه ماتشوفين شر عمري

ام ديمه معافاة ان شاء الله ماتشوفين شر

كوكي شبيه لولي خاف اسنان؟ اني هم ملاك البارحه موتتني من البجي بدت الانياب تطلع وتحك بيهن خطيه...

نجلاء ماكو بس لا عملتيها وجبتي ههههههههههههههههههههههههههه
رحوبه وصعوبه اختفيتوا فد مره هههههههه

باقي البنات اخباركم؟؟؟