تجمع حوامل العراق واتمنى اكو احد موجود

[صعب تنساني]

يشبه ابووووه شلون وشدراج ؟؟؟

[حبيبي]

وينج تعالي اختفيتي اتغيرين صور

[حبيبي]

لطفل يقلون سبعه اوجيه
هالحين عليج لكبر اشوي ياخذ ملامح ابوه لانه ولد
ما بيصير شبهج بنوته هههههههه

[صعب تنساني]

ههههههههههههه لابس الي حطيتهم يكفون ويوفوون هخخخخخخخخ

[حبيبي]

ههههه اي اخيرا شفته
بس كلما يكبر صوريه ورينا اتطورات هههههههه
شنو سحورج

[حبيبي]

اختفيتو اروح اشوف شنو سحورنا
مع انى زعلانه نفسي ما اسوي سحور
الحمد الله اليله شفتكم وسولفت معاكم

[نعومه التميمي]

هلو بنات شلونكم شخباركم
اكلكم ديمه خروجه لونه اخصر وسهال شسويله ماعرف

[توتايه]

حبيبتي هاي مستبرده سويلها ينسون اسمه anis سويلهياه دافي لو هوه لو بابنك بالمميه فد 2 سيسي وشربيلهياه اني هيجي صار بيوسف وراح منه

[نعومه التميمي]

هلو حبيبتي ام يوسف والله هاي صار 3 تيام بس هي بطنه تتطالع بين يوم يوم وهاي ثاني مره تتطالع هيج وبالي يمه زين البابنك نفسه النعناع لان يانسون ماعندي وماجلي احصل اهواي فتريت بل المحلات العربيه ماكو شخبارج واخبار يوسف

[توتايه]

لا حبيبتي انتي البابنك وين والنعناع وين خلي اشوفلج اسمائها بالانكليزي حتى تجيبين منها انتي ترضعيها صناعي لو من صدرج؟
والله يوسف زين يسلم عليج

[توتايه]

اليانسون اسمه Anise اني من اول ما اجه للدنيا واني انطيه ينسون لان يطلع الغازات وشي مو دوه شي طبيعي لان ما احب الدوايات

والبابونج اسمه Camomile يفيد بحالات البرد والنشله والاسهال

[نعومه التميمي]

يوسف حبيبي هسه صار شهرين لوبعد لا اني ارضعه اصطناعي وطبيعي لان بس على صدري متشبع

[توتايه]

أي حبيبتي صار شهرين اوكي لعد يمكن مدتفورين الممه زين وصاير عدها التهاب اكولج اذا خروجها بيه ريحه غريبه ومطيبه وديها للدكتوره خلي يسوولها زرع خروج لان احتمال التهاب معده وامعاء
بس اول شي استعملي اليانسون والبابونج واذا ماكو فرق وديها حبيبتي

[kokee]

صباح الخير حبايب

[زينب السعدي]

مرحبا اخواتي ياريت لو البنات الي ولدن يحكولنا عن ولاداتهم وخاصة اذا اكو هنا عراقيات مقيمات باوروبا ياريت يحكولنا عن تجربتهم بالولادة هناك

[kokee]

حد سهران اليوم

[kokee]

هلا بزنوبه نورتي عزيزتي انتي وين ساكنه وكم شهر عليج؟

[kokee]

اني اشتريت جهاز تعقيم للممات ماركه فارلين فايدتني بس اغسل الممه واخليهه بدل دوخة التفوير ب75 الف

[توتايه]

منوره زنوبه انتي وين عايشه حبيبتي احنا هنا عدنا نعومه ولدت بالجديد بالخارج انشاء الله تتلاكون وتسولفلج

كوكي صباح النور حبيبه اكولج الجهاز على الكهرباء؟

[زينب السعدي]

هلو كوكي وتوتاية شلونكم اني ساكنة بدبي وهستوني دخلت بالشهر الثالث وهواي يعجبني اسمع بقصص ولادة لان حيييل متحمسة وطبعا لسه مخايفة يمكن بوكتها اخاف بس مااعتقد احس نفسي قويه وانشالله ابقى هيجي بس يارب اول يثبت الجنين ويتمم بخلقته وحبيباتي توتايه وكوكي بما انكم والدات سولفولي قصص ولادتكم اذا تحبون هنا او عالخاص براحتكم بس بدون مجاملة يعني كولولي شنو اكثر شي يخوف او مؤلم بالولادة طبعا كل وحدة الها راي لان كل مراة ولادتها تختلف بس احب اكون بالصورة اولا وثانيا ناخذ عبر منها حتى موادخل للولادة مثل الاطرس بالزفة هههههههههههه مع الشكر الجزيل

[توتايه]

الوووووووووووووووف وينكم

[توتايه]

بنات وينكم وين رحتو؟

[زينب السعدي]

نعمومة حبيبتي انتي بأي دولة عايشة؟ واذا دخلتي سولفيلنا قصة ولادتج وتفاصيلها يعني شلون توتاية مسولفتلنا قصتها بس توتاية تخرع ولادتها طالما في شق وخياط بدون بنج الله يساعدها

[مجنونة بحبها]

هلوووووووووووووووووووو اشو محد يسااااااااااااال عني يله زااااااااااااعلتكم

[مجنونة بحبها]

هلا بزينب وسهلا هههههههههه انا ولادتي عمليه قيصريه الله لا يوريج ان شاء الله تولدين طبيعي وبسهوله

[زينب السعدي]

هلا بيج حبيبة ماما والله الله يساعدج صدك مزعجة القيصرية لان زوجة اخوية مجربتها الله يسهلي واولد طبيعي ويسهل ع كل حامل

[توتايه]

حبي زنوبه نعومه بأستراليا وولدت طبيعي بس هم طلعو روحها

اي والله فلم رعب ولادتي بس من شفت النونو نسيت كل شي


حيااااااااااااااااااتي اموني منو ينساج يتمرض الي ينساج شلونج حبيبتي

[زينب السعدي]

توتاية اني انشالله اولد بلندن بس مرت حمايه ولدت قبلي طبعا همو هناك لمن يشوفون الوحدة مبيها مجال بعد يلا يضربوها ابرة ظهر واذا هم مفادت يسوولها قيصريه بعدما يئيسون فد مرة يعني مو مثل العراق بسرعه يسوون قيصرية وميطولون خلك بس زوجة حماية محتاجت اصلا ابرة وجابت طبيعي بس سوولها شق طبعا ببنج والخياط ببنج طبعا موضعي بس قوي وحتى سوولها تنظيف بالتخدير والتخدير نصفي يعني من نهاية الظهر الى اخر الرجل

[kokee]

يمعوده زينب اني فتحو وخيطو بدون بنج اصلا الشك ماتحسين بي من شدة الم الطلوكه بس الخياطه عادي شويه تاذي ..
الله يسهلج بلا بنج
ايوته شخبارج
امون شخبارج
رحاب وينج ام لسان هههههههه
ام ردون شخبارج
نعومه ودلوعه وباقي البنات شلونكم

[زينب السعدي]

يالله الله يساعدكم تره مو هينة بس والله اني من دااسمع عالولادات باوربا والله تختلف اهتمامهم وسوالفهم وشلون يحاولون يخففون الالم قدر الامكان وتره هم تبقى مرة عن مرة تختلف يعني اكو طلوكتهم حارة واكو بارده والتساهيل من الله

[زينب السعدي]

يمكن اني كتبت توتاية بس كان قصدي كوكي ههههههههه يلا ماكو فرق

[زينب السعدي]

المشكلة تطلع عندي الكتبابة مالتي بعد ماادزه بالخط الصيني وانسى شكاتبه

[kokee]

منوره زنوبه انتي وين عايشه حبيبتي احنا هنا عدنا نعومه ولدت بالجديد بالخارج انشاء الله تتلاكون وتسولفلج

كوكي صباح النور حبيبه اكولج الجهاز على الكهرباء؟
اي عمري ع الكهرباء تحطين بي شويه مي وتغسلين الممات وتحطيهن وتدوسين الدكمه خلال ربع ساعه تعقم بيهه مجال ست مميات وافتحه على الوطني اذا مولد يرادله اربع امبيرات تقريبا بس كلش مريح لان التفوير يجزع واذا متفورين الممات تخوف
اكو ماركه افانت واكو جيكو بس جيكو غاليه ب120 الف

هاي افانت

http://forum.hwaml.com/imgcache2/hwaml.com_1314303040_108.jpg (http://forum.hwaml.com/imgcache2/hwaml.com_1314303040_108.jpg)

[kokee]

زنوبه لاتخافين حبيبه اسهل منها ماكو المهم لاتسمعين قصص وتخافين صدكيني ساعتها الله يسهلج وكل مره عن مره تختلف اكو ولادتهن اسهل من المي
اني الحمد لله بس الدكتورات هنا ميطن مجال عندي توسع والطفل صغير بس مع ذلك فتحني لان يخافن من التمزق
بس اذا انتي بلخارج اكيد افضل

[kokee]

صايره هواي انعس هههههههههه

[زينب السعدي]

تسلمين حبي كوكي الله يسهل عالجميع وامرنا لله اني بالعكس منتظرة هذا اليوم لاني بالشهر الثالث واول مرة ومستعجلة اشوف الموقف واشوف البيبي ههههههه

[kokee]

ههههههههههه كلنه هيج
يمعوده اشبعي نوم تره يصير حصره عليج بعدين وملحكه على دوخة الراس هههههههههه

[kokee]

اليوم وينكم هااااا

[زينب السعدي]

بس كله يهون ماكو احلى من ان يكون طفلج بين ايدج

[توتايه]

زنوبه السعدي حبيبتي انتي وين بيا دوله وصارلج شكد متزوجه؟

[توتايه]

اي اكيد بالخارج يهتمون اكثر مو اني ليش تأذيت بالشك لان جان عندي توسع 3 اصابع ونص الي عدها 4 اصابع متحس لا بالشك ولا بالخياط وحطولي بنج موضعي ردت ادفرهن ههههههههههههههههههههههه لان يحرك بس وراها خدرت المنطقه

زنوبه بوكتها كلتلهم اريد ابره ظهر بس منطونياها لان جنت مستويه على الاخير لو بعد بية مجال جان نطونياها يلا على الثاني اذا الله كتبلنا عمر

[زينب السعدي]

توتاية اني مقيمة بدبي بس ولادتي انشالله بلندن يم عيالي اذا الله سهل اني صارلي سنة و3 اشهر مزوجة بس السنة الاولى كنا مقررين منسوي طفل كولنا نتونس بيها ههههههههه واتونسنا الحمد لله وبعد عيد زواجنا قررنا نسوي بيبي بعد كافي والحمد لله رأسا صار

[زينب السعدي]

يازين يعني ابرة الظهر موجودة بالعراق ؟ بس تره مااشجعج عليها لان اولا مكانها كلش خطر واذا ملم غلط لاسمح الله قد يؤدي الى شلل المرأة هاي غير الالام مابعد الولادة تصير تأذي الظهر هواي.حماتي اخت زوجي ظلت 3 ايام تطلك ومتجيب والام وشحالها بس خلوها لا فتحو بطنها ولاشي الى ان يئسو انطوها الابرة بعد 3 ايام طبعا هي متخدر كليا للعلم والاطلاع يعني تحسين بالم بس قليل مو مثل الولادة العادية بس الزين الي بيها انه متحتاجين الى شق الا بحالات متعسرة يعني ميصير عندج خياط وهالشي كلش مهم لان الخياط يضوج حتى بالجماع يأذي وكانه ليلة الدخلة حسب مايوصفون هههههههه وانتي اعرف

[ام ياسر جليل]

هلو بنوتات
اني من العراق وحامل بالاسبوع 13 حبيت اشارككم لمتكم الحلوة هاي
ممكن تقبلوني بيناتكم

[صعب تنساني]

محد موجوود سلامي للحاضر والغايب والي موجود يعلم الغايب انه صعوبه تسلم عليه يالله وسلام حار لام لسانين وعشره ههههههههههههههههههههههههههه

[صعب تنساني]

حبيبي اقري قصه ولادتي تراني حشيت فيج اهناك خخخخخخخخخخخخخخخخخخخ

[kokee]

هلا بام ياسر نورتي حبيبتي

[kokee]

لا ايه اتي عندي 5 اصابع توسع ويجوز كثر قبل لا اجيب لان اول مادخلت جان عندي 5 دخلت ب7 الصبح واني جبت ب12 الظهر

[kokee]

اليوم لولي متنحس لو اشيله ويسكت لو ماكو يفك حلكه ويبجي

[kokee]

يازين يعني ابرة الظهر موجودة بالعراق ؟ بس تره مااشجعج عليها لان اولا مكانها كلش خطر واذا ملم غلط لاسمح الله قد يؤدي الى شلل المرأة هاي غير الالام مابعد الولادة تصير تأذي الظهر هواي.حماتي اخت زوجي ظلت 3 ايام تطلك ومتجيب والام وشحالها بس خلوها لا فتحو بطنها ولاشي الى ان يئسو انطوها الابرة بعد 3 ايام طبعا هي متخدر كليا للعلم والاطلاع يعني تحسين بالم بس قليل مو مثل الولادة العادية بس الزين الي بيها انه متحتاجين الى شق الا بحالات متعسرة يعني ميصير عندج خياط وهالشي كلش مهم لان الخياط يضوج حتى بالجماع يأذي وكانه ليلة الدخلة حسب مايوصفون هههههههه وانتي اعرف
اي والله ياذي ؤمكان الخياط ويرادله فتره يلا يطيب

[kokee]

اليوم ماكو ليش اهئ

[صعب تنساني]

هلا كوووكي انه زعلانه منك لانك تسالي عن الكل وتنسيني اههههههههئئئئئئئئئئئئ

[صعب تنساني]

سلامي للي يدخل بعدددددددددددددددي

[kokee]

حبيبتي والله اسفه
شخبارج وشخبار حنوش

[زينب السعدي]

كوكي شلون يدخلوج ولادة وانت توسعج بس 5سم يعني تبدين تدفعين وانت 5 سم لو شو؟ بلندن ميخلون المرأة تبدي تدفع الا اذا صار اقل شي 8سم واكو يريدون الا 10 سم طبعا هالكلام حتى بالامارات بس والله دكتوراتنا بالعراق الله يسلمهن ميطولن خلك

[زينب السعدي]

بنات الي ولدتو ولد سولفولنا شنو كانت اعراضكم بالحمل يعني صح يختلف حمل الولد عن البنت لو خرافات لان اني سألت الدكتورة بخصوص نبض الجنين اذا اقل 140 ولد واذا اكثر بنت كالت مله علاقة والا مكنا ننتظر للاسبوع 20 حتى نعرف جنس المولود بالسونار كان اعتمدنا عالنبض بس هذا كلام نسوان. انتو سولفولنا اعراضكم حتى نقارن بيها ومن باب التسلية وامهات البنوتات هم خلي يسولفولنا اعراضهم وسلامي للجميع

[توتايه]

ام ياسر منوره حياتي


هلالا بيج زنوبه السعدي حبيبتي الله يكومكم بالسلامه حبيباتي

ام سيف الف هلا نورتي حبيبتي

ليش زنوبه شبيه لولي؟ اني هم بس يعوي سطر راسي سطر

والله حبيبتي بالسونار يكولون ندور على القلاقيل اذا اكو قلاقيل يعني ولد واذا ماكو يعني بنيه
واني بيوسف اتوحمت على رمان حامض وشيبس ليز بالجبنه

وتحرك من وكت بنص الشهر الثالث تحرك وبأخير الرابع بين ولد

هذا الي صار عندي

[زينب السعدي]

هههههههههههههه والله ياتوتاية صدك تضحكين. طبعا اسبحان الله اني هم فد مرة صايرة ويه الرمان وجبس ليز بس بالملح والخل وهاي غير اجيب ليمونه وارش عليها ملح واكل بس المشكلة اريد كوجة خضرة اول متنزل حامضة ونرش عليها ملح بس مااااااكو مجي الا بهر 4 و5

[توتايه]

زين اكو بدبي كوجه؟
همزين ما احب الكوجه هع هع

[زينب السعدي]

اي هنا حلو كلشي اكو وبكل المواسم لان يستوردون من دول مختلفة بس هاي الكوجة الخضرة الحامضة هو موسمها واحد بكل العالم بس بالربيع.طبعا اني كنت اموت عالببسي واشربه اكثر من المي هسه ويه الوحام صرت اكرها كلللللش وكمت احب اشياء كنت اكرهها مثل مركة الفاصوليا الخضرة والشجر ابو ركبة هههههههههههه انشالله باجر اسوي فاصوليا خضرة ولاول مرة من ازوجت ولسه بس شسوي اشتهيتها

[توتايه]

اوووووووووووووو عادي كومه اشياء حبيت وكومه كرهت جنت البتيته الفنكر ما اطيق اشوفها كمت اكلها وجبات وجبات

[زينب السعدي]

اي يكولون عادي هالشي بالوحام. توتاية انتي كاتبة صار عندج توسع 3 ونص ودخلوج ولاده يعني كمتي تدفعين وتوسعج بس 3 ونص لو شو؟

[Om KHaled]

تعالو صوتو على أحلى لبس العيد

http://forum.hwaml.com/t70981.html



hwaml7



http://forum.hwaml.com/t70969.html

[توتايه]

اي والله روحي رادت تطلع من الوجع وكمت ادفع واني عندي 3 ونص لان ابني تعب مخلوني بعد جانو يكدرون بعد يخلوني بس اني تعبت والطفل تعب

[توتايه]

نورتي ام ساره وانشاء الله نصوت

[حبيبي]

سلالالالالالالالالالام حار بلفلفل للجميع اشلونكم مشتاقه الكم كومااااااات
اني بخير بس هالفتره بيكون دخولي ناااااااادر

ومرحبا واهلا وسهلا بزينب ومبروك الحمل والله يسهل ولادتج
بلولد اتوحمت بلحامض =البنت الحلو
بلولد وجهي ميتغير ويحلو هههههه= البنت اتورم واسمر خخخ
مممم مره ثانيه اكتب الكم الاعراض بس اريد انام هههههههه اساعه 5 الصباح وما نمت
اشلونج ايمان وصعوبه وكوكي وايه ويسرى وئام
وباغي الستات
وراح اسبق الكل والكول الكم
كل عام وانتو بخير ومن العاااااااااايدين

[نعومه التميمي]

هلو بنات شلونكم اخباركم ام يوسف اخذت ديمه على الدكتور يكول هاي لان شربيه مي غريب وقطرات هو كتبه للغاازات يكول منعده متتحمل فتركيهن وتركي الحليب الاصطناعي وخليه بس على صدري بس المشكله متشبع من صدري كال اذا تطيه حليب اصطناعي 60سم حطي نص مكياله حليب وانطاني شراب بندور كال من تتمغص انطيه 2سم والله كريم بلكي صير احسن
كوكي شلونج شخبتر لولي هذا الجهاز مال التعقيم موجود هنا بس 100دولار
صعوبه شلونج
امونه شخبارج واخبار بنونه
يسرى شخبار رودينه
رحوبه شلونج وكل عام وانتو بخير
زينب السعدي حبيبتي منوره شخبارج وشلون الحمل وياج بنسبه للوحام مالتي تنسيت بس بل الحموضه ووبعدين طلعت ديمه
بس جانت ولادتي كلش صعبه لان ماجان عندي توسع ابد وبعدين انطوني ابر طلق صناعي وابره الظهر يله صار عندي توسع وسحبوه بل فاكيوم الله يسهل عليج

[kokee]

اني لا اتوحمت ولا شي والحمد لله جان زين وحامي محسيت بس جانت تلعب روحي من ريحة الحرمل لان عمتي دوم تطكطك ههههههههههه
حبيبتي هنا ميطولن خلك بس يصير الالم قوي يسون فتحه بعد ماعرف يجوز توسع اكثر الله اعلم

[kokee]

عيني ام ديمه اجهزه اشكال اكو هذا ب100 دولا هذا جيكو مو؟

[kokee]

هههههههههه ايه لعد سمنتي من وره الفنكر مثلي هواي اكلت تكلاة وانفخت ههههههه

[زينب السعدي]

تسلمين حبيبي عالرد طبعا اني هواي سامعه علساس ام الولد تصير حلوة بس ام البنت تصير محلوة لان البنوته تاخذ حلاتها بس مااعرف من اي شهر تبدي المرأة يتغير شكلها اني هسه بالثالث ولسه نفس شكلي ههههههه
حمد لله ع سلامتك نعومة مبين ولادتك كانت صعبة يلا صارت سوالف خخخخخخخخ الله يسهل علينا. اني وحامي خفيف يعني مرات يصير عندي غثيان ودوخة واكثر الاوقات عادية الحمد لله ممتعذبة لحد الان وطبعا شهيتي للحوامض اكثر شي بس هم اكل حلو يعني مكرهت الحلو بس اميل للحامض والمالح اكثر
شلونكم توتاية وكوكي وشلونهم اطفالكم شكرا ع ردودكم
اسفة طولت

[زينب السعدي]

بنات اني اني مااؤمن بشغلة نبض القلب اذا اكثر من 140 واذا اقل وعلاقته بنوع الجنس لان الدكتورة قالت مله علاقة. بس اريد كل وحدة منكم تكول شكد كان نبض طفلها وشنو طلع جنسه للاستمتاع والمقارنه فقط وتحياتي الكم

[مجنونة بحبها]

هلوووووووووووووووووو بنات


زينب كل حمل يختلف عن الثاني عند المراه شلون اذا كل النسوان بس راح اكولج انا اربع مرات حملت وماتوحمت بيهم ولا حسيت بشي ثلاثه ماعرفت جنسهم لان اسقاط وحمل واحد ثبت وهي بنوتي الحلوه وبعد الشهر الثالث حبيت عصير الرمان ومو وحام لالالالالالالالا انا احبه ههههههههههههههه يارب يفرحج بالطفل الي تتمنين انتي شتتمنين بنيه لو ولد وعن النبض ماكلتلي الدكتوره اشكد اااااااااااااااااااااااسفه

رحاب وكل عام وانتي بالف الف ااااااااااااااااالف خير وينعاد عليج بالافراح والمسرررررررررررررررات

ايه حبيبتي انتي شلونج وشلون يوسف

وئام ووويسرى وصعوبه وكوكي شلونكم واخباركم

ام ياسر اهلا وسهلا بيج

باقي البنات هلالالالالالالالالالالالالالالالالالالالاو

وصحيح ايامكم سعيده وكل عام وانتم بمليوووووووووووون خيرررررررررررررررر

[حبيبي]

اهلين بنوتات اشلونكم
ايمان اشلون بنين
زينب انى محسبت شكد نبض الجنين وبنسبه لتغير الوجه فشهر الخامس يتغير او الشهر السابع
الاشهر الاخيره
وبنسبه للوحم اتعب 4 اشهر دوخه وترجيع ونوم وبلبنات اكره زوجي والولاد عادي احبه خخخخ

زينب فشهر الرابع نهايته اتعرفين بنت ولا ولد بسونار
ويبدى يرفس ويتحرك

ايه وصعوبه ويسرى مختفيه مطمنتنا على رودينه
وكوكي اشلون علاوي سكت من الصيحه

[توتايه]

كل عام وانتو بالف خير انشاء الله ينعاد عليكم بالصحه والسلامه والرزق وراحة البال


اني الحمدلله زينه ويوسف زين اليوم رحت للصالون سويت حواجبي وكصيت شعري طلعت جديده

[حبيبي]

قصت ولادتي بفطومه توني راح اكتبها بنتى صار عمرها 9 اشهر هههههههههههههه
بكتبها لزينب لانها اتحب قصص الولاده

طبعا انى كنت تعبانه من دخلت التاسع دائما طلق بس يروح ويرجع ميستمر hwaml15
يوم الاربعا الصباح كنت نايمه جلسني زوجي حتى يستاذن بيطلع hwaml16
كلت ليش اتصب عليااااااا ماااااااااااااااااي
كالي مصبيت وكان فيده كاس مااااااااي
كلت شنو هذا الى امبللني كال ليكوووووووووونhwaml9ماي الطفل اني خفت وقلت لالا
مافيني الم ولا شي نزلت من السرير منزل على رجلي شي كلت روح وخليني اكمل نومتي ههههhwaml02
ونمت وجلست وطبخت وكان في طلق بس يروح ويرجع hwaml15

ليلت الخميس كنت سهرانه على المنتدى وطلق شديد بس اتحمله وسوالف مع التجمع hwaml03
اتركهم اشوي اروح اتمشى ورجع زاد الطلق كلت خليني اروح تحت البطانيه لاني اخاف من الولاده ههههههه كلت اروح انام hwaml8وتعبانه كلش
بس نمت والحمد الله اساعه 2 اظهر جلسني زوجي اجلسي طبخت لج الغده ولذيذ
يله اني جوعان كومي ناكل قلت اوكي استنى بس اصلي الظهر
اتوضيت واتجهت نحو القبله لصلاه وزوجي بلمطبخ يتفنن بطبخه هههههه

الا يسمع صراخي hwaml9hwaml9hwaml9آآآه ه ه
يجي يركض لي وكان الطلق شديد وراس الطفل بيطلع على السجاده
وزوجي يصرخ معاااااايhwaml9شنو اسوي قلت له دكتور بسرعه
يله المستشفى طبعا الم شديد وطلق مكدرت البس حتى ملابس وعباتي ههههههههه
حملني لسياره واني اتالم واخذ نفس hwaml8لاني سمعت من الدكاتره خذي نفس خذي نفس
حتى يخف الطلق وحتى يتاخر اشوي فنزول اذا الدكاتره غير مستعدينا فذكرت
هشي وصرت اخذ نفس حتى متنولد بسياره هههههه وصرخ وزوجي يصرخ معاي
ههههههhwaml10وصلنا وبسرعه الممرضات لسياره اجو اخذوني
لانه زوجي دخل الهم يصرخ زوجتي بتولد بسياااااااااره بسرعه
اجو بسرير لسياره ههههههههhwaml10وخذوني
بس دخلت غرفت الولاده طلعت فطومه مع صرخات قويه hwaml9وتعب
طلعت فطومه الحمد الله وسمعت صرختهااااااااا
وشفتهم يقطعون الحبل السري ومن كثر ماجيت متاخره لهم ومستعجله فطومه لطلعه
مجرحوني طلعت بدون جراحه بس نظفوني وطلعو المشيمه
كان منفتح 10 سم الرحم وقت وصولي
طبعا الدكاتره بعد الولاده hwaml4عصبو علي ليش اجى متاخره وكان ولدتي بسياره
ومن هالكلام بس داخلي يقول خلصت منكم ومن الكشف بليد خخخخ
وخذوني لغرفتي الخاصه واجى زوجي يزورني ههههههههه وعصب ليش اخوفه hwaml4
وسئلته عن الغده خطيه ما اكله ههههههههه لانه صار معي بلمستشفى
واجينا بدون اكل والغده مذقته اذا طيب ولا لا هههههههههه
اتصلت على امي اخبرها بولادتي لانها ابعيده عني وام زوجي وفرحو كثير
طلعت بعد يومين من المستشفى ورجعنا اليوم الثاني
لانه فطومه صارت صفره وعيونها صفر
اتنومت 6 ايام وانا معها مشان الاشعه تتعرض الها وتحليل دم وتعبتني تعب
وهاي هي قصتي الجميله ارجو ان تنال اعجابكم هههههههههههههه
بروح السوق بايييييي hwaml7

[حبيبي]

عقبالي اروح لصالون بلعافيه عليج بكره بروح اني لصالون ههههههه
يله بروح السوق

[صعب تنساني]

ههههههههههههه ضحكتيني بعد ما شيبت بنتج يتي تثقولي القصه يالله عقبال التوئم تجيبهم وتجي تقولي قصتهم ههههههههههههههههههههههههههههههه

[زينب السعدي]

شكرا حبيبي عالقصة طبعا فعلا اني احب قصص الولادة بس ماشالله ولادتك تفتح النفس الحمد لله ع سلامتك وسلامة فطومة الله يخليها الج ولابوها بس وحامج شكله قوي وخاصة شغلة تكرهين زوجج هههههههههه الحمد لله وحامي شي خفيف جدا ومعندي هالحالات
شلونج حبيبة ماما طبعا كلامج صح بالنسبة لاختلاف الوحام . اني اهم شي عندي اتمام الخلقة بس زوجي يريد ولد واليجي من الله حيا الله

[صعب تنساني]

محد موجود حتى بنت السعدي ؟؟؟؟

[زينب السعدي]

اني هم حروح للصالون علمود احف وجهي وردت اسوي تنظيف بشرة بس بكرى عندي مراجعة اتاكد من الدكتورة خاف مو زين وطبعا صبغ ممنوع اصبغ شعري كالت الدكتورة وحمام مغربي ممنوع وزوجي ميقبل اقص شعري شكلي بس راح احف خخخخخخخخخ

[صعب تنساني]

بنت السعددددددددددي انه شاكه فيج

[صعب تنساني]

بنت السعددددددددددددي تعالي ؟؟؟؟؟ ابيج في موووضوع ؟؟؟؟؟؟؟؟؟؟؟؟؟؟

[زينب السعدي]

ههههههههههههه صعب شاكة بشو؟

[صعب تنساني]

بنت السعدي تعالي حبيبي من ولدت للحين صارت رشيقه وتحب تحوووم باسواااق مالي الى انتي ههههههههههههههههههههههههههههههههههههههههههههههههه

[صعب تنساني]

هههههههههههههههههههههههههه خاااااااااايفه ههههههههههههههههههههههههههه

[زينب السعدي]

وياج عيوني اني كاعدة منا ل ربع ساعة وراها اشوف ايزل

[صعب تنساني]

تعال اههني احسن من الخااااااص خلينا نتوااااااااااااجه واعترفي وقولي الحقيقه بلا لف ولا دوراااان خخخخخخخخخخخخخخخخخخخخخخخخخخخخ

[زينب السعدي]

ههههههههه يعني من شنو اخاف بس فضولية اني اريد اعرف شاكة بشو

[صعب تنساني]

انه شااااااااااااااااااكه فيج خخخخخخخخخخخخ

[زينب السعدي]

خخخخخخخخخخخخخخخخخ خفت

[صعب تنساني]

انا
شاكه
انج
7
7
7
7
7
7
7
تبين
7
7
7
7
ووووووووووووووووولد
صحححححححححححححححح

[صعب تنساني]

ههههههههه تعيشي وتاكلي غيرها هههههههههههههههههه

[kokee]

ههههههههههههههه ام لسان صعوبه خرعتي البنيه

[صعب تنساني]

ههههههههههههههههههههه لا كنت امزح معاها وبس لا غير واسليكم شوووويه ههههه بس

[kokee]

بنات عكب باجر يجون اهلي ههههههههههه
فرررررررررررررحانه

[kokee]

هههههههههه ادري بسوالفج
شخبارج وشخبار سيوف

[صعب تنساني]

تمام شلوون لولي كوكي انتي كم رضعه تعطي لولي صنااااعي ها ؟؟؟

[صعب تنساني]

شخبار لولي يناغي ويضحك لوووو؟؟ بدا يتدحرج ؟؟؟ يوقف رااااسه؟؟؟
تحقيق خخخخخخخخخخخخخخخخ

[صعب تنساني]

كوكي تعااالي الحين
زينب السعدي تعالي خلينا نسووولف وسامحيني على المقلب شسوووي لساني متبري مني ههههه علشان جذيه يسمووني ام لسان السمووحه هعهههههههههههههههه

[kokee]

اي يناغي ويضحك بس مو دائما حسب مزاجه ههههههههه
اي زين يعدل راسه بس مو ثابت يكلك
بس مايوكف على رجليه من اوكفه انتي هم هيج؟

[kokee]

لا بعده ما يتدحرج يمعوده بعد وكت وره الاربع اعتقد

[صعب تنساني]

اي يناغي ويضحك بس مو دائما حسب مزاجه ههههههههه
اي زين يعدل راسه بس مو ثابت يكلك
بس مايوكف على رجليه من اوكفه انتي هم هيج؟
كووووووووووووووووكي جاوبتيhwaml4 على كل اسئله بس ما قلتي لي كم رضعه صناعي تعطي لولي باليووووومم ضروري ها hwaml7

[دلوعة وطيوبة]

صباحووو صبايا قصدي امهات كيفكم ياحلوين حيل وحشتوني كل عام وانتم بخير وعيد مبارك قبل الزحمه

[زينب السعدي]

سوري بنات طلعت وعفتكم بس شسوي بدأ ايزل خخخخخخخخ
حبيبتي ادري بيج تشاقين ام لسان بس حبيت اعرف شحتكولين بعد شاكة
والله اهم شي عندي اتمام الخلقة بس كلتلكم زوجي ذابح روحه يريد ولد فصرت اتمنى يكون ولد حتى تكمل الفرحةواهم شي سلامتي اني وياه انتي منين صعوبة شكلك مو عراقية من لهجتك
شلونج كوكي يوصلون بالسلامة اهلج انشالله بس شنو انتي وين عايشه وهمو وين عايشين

[حبيبي]

ههههههههههههه ضحكتيني بعد ما شيبت بنتج يتي تثقولي القصه يالله عقبال التوئم تجيبهم وتجي تقولي قصتهم هههههههههههههههههههههههههههههههhwaml4
مشابت بنتي لستها نونو بس صارت تحبي ههههههه
وعكبالج انتى التوئم انى خلص hwaml11استوب ولا افجر راسي hwaml11
اشلون سيفو

[حبيبي]

زينب مبروك المغلب من ام السان صعوبه هههههههه
والله يرزقج ولد ان شاء الله واذا صارت بنت السنه الجايه يجي الولد هههههههههه
اتمنى نلتقي ونسولف دئما نترك رسايل لبعض هئ

كوكي الله يوصل اهلج بسلامه
ويفرحج بشوفتهم
بس لاتنسيني من الصوغه هههههه واهدايا

[حبيبي]

وانتى بخير دلوعه
وينعاد عليج بلخير يارب
اشلون علاوي

[زينب السعدي]

عيد سعيد وكل عام وانتم بخير والله يتقبل طاعاتنا ويحقق امانينا امييييييييييييين
هلا بيج طيوبه
شلونج حبيبي شخبارج شفتي بله صعوبة شسوت؟؟؟؟؟؟؟
شلونكم بنات كوكي وتوتاية وحبيبة ماما والكل

[نعومه التميمي]

هلو بنات شلونكم شخباركم
شكوماكو
زينب ورحوبه شلونكم
دلوعه كل عام وانتي بخير
زينه حمدالله على سلامت اهلج يوصلون بسلامه

[زينب السعدي]

هلو نعومة شلونج عيوني
بنااااااااااات هسه اجيت من الدكتورة شفت البيبي حياتي مبين الراس مالته واطرافه واضحه وقلبه مبين دينبض وسمعت النبض مالته عبالك ابو الطبل خخخخخخخخخخخخ والنبض مالته 170 وكالتلي الدكتورة هسه اني كملت 8 اسابيع و6ايام بس مقبلت اسوي تنظيف بشرة كالت اجليهن هالشغلات

[رودينة الراوي]

هلو بنات شلونكم كلكم اخباركم مشتاقتلكم كلشششش هواية
اول شي كل عام وانتو بالف الف خير ينعاد عليكم بالصحة والسلامة والعافية

بنات خليتلها مسند لردونة من يوم الخميس بس متنحسة كلش من وراه وبس تبجي ومعذبتني حيل هية تبجي واني ابجي بس الحمد لله ان عرفناه بهالوكت لان الدكتور كال لو معارفيه الا ورة ميصير عمرها سنة جان هسة الة عملية جراحية وبالكبر تكوم تكزل بالمشي والحمد لله على كل حال

[رودينة الراوي]

زينب السعدي منورة حبيبتي الله يتمم حملج على خير ان شاء الله
الله يرزقج الولد الصالح

رح احجيلج على حملي وولادتي
اني طبعاً جبت بنية وحملي مو مثل ميكولون ام البنية تصير محلوة بالعكس اني بالحمل صرت احلى بهواية من قبل الحمل وبعد الحمل هسة اتمنى ارجع حامل هههههههههههههههههه
جنت اول 5 اشهر احب الحامض بس محرومة منة لان جان يصير عندي هبوط بالضغط فميصير اكل حامض لان ينزل الضغط بس بعد الشهر الخامس كمت احب الحلو اكثر واخر شهرين بس فواكه احب لا نساتل ولا جبوسة اكل هذا كل وحامي بالمختصر
بالنسبة لولادتي اني قررت اسوي عملية اخذت موعد من دكتورتي وسويتها لا انتظرت طلوكة ولا ابد

[رودينة الراوي]

تعالي زنوب خلي اسولف وياج مادام ردونة ساكتة هسة تعيط بية

[توتايه]

هلو يسوره حبيبتي وانتي بالف خير عمري

والف الحمدلله على سلامة ردونه والحمدلله عرفتو هالشي من البدايه

استحملي حبيبتي وهيه هسه تتعود عليه بس يراد شويه وكت

[زينب السعدي]

هلو بنات شلونكم شو اليوم ماكو يمكن ملتهين بتحضيرات العيييييييييد يلا ههذا احلى عيد بالنسبة الكم لان وياكم اطفالكم الله يحفظهم ياربي عيد الفطر القادم طفلي بحضني اميييييييين
شلونج يسورة حبي ماكنت كاعده كلش اسفة انشالله نلتقي غير وقت ونشتشت, اني من هسه اعتمادي عالفواكه مااكل هلكد بس فواكه وطبعا هي مفيدة اكثر حاليا,ليش سويتي عملية حرامات اني زوجي قبل مااحمل كال مستحيل اقبل اوقع ع عمليتج مع العلم اني كنت اكله لا غصبا عنك خخخ,بس هسه من حبلت وصرت اقرأ قصص البنات كمت اكول لا اريد طبيعي لو شو مصار وانشالله ميصير الا الخير والصالح والحمد لله ع سلامتك وسلامة بنوتك,خيرها بنوتك شبيها سلامتها اني معندي دخول سابق فمعندي معرفة بحالتها الله يخليها ويريح بالكم

[توتايه]

اي والله انشغال بالعيد وتجهيزاته وتنظيف وشغل بالشيره هع هع هع

اي والله اكيد الطبيعي اهون بهوايه

[زينب السعدي]

والله اني هم بكرى تجيني الشغالة تنظف البيت لان مهدود حيلي ومبي حيل اسوي شي
وبكرى بالليل اروح للصالون احف واسوي شيرة وبس لان الباقي كله ممنوع عليه ههههههههههه

[توتايه]

اي زنوب حاولي ترتاحين هاي الفتره تره الحمل كل فتره اله شكل ولون

[زينب السعدي]

هو اني هم كاضيتها نوم وخاملة 24 ساعة, توتاية شوكت بدأ يتحرك عندج الجنين بالضبط وشوكت عرفتي جنسه باي شهر وبنهاية الشهر لو بدايته لو نصه تحديداهسه تكولين فاتحة ويايه تحقيق ههههههههههههه

[توتايه]

حبيبتي جنت حامل 3 اشهر و3 اسابيع وبده يتحرك عبالك سلبوحه تتحرك بالبطن شعور يخبل
وعرفت بنص الرابع بس هوه المضبوط ببداية الخامس

[kokee]

ههههههههه لج صعوبه ام لسان اني ارضعه على صدري بس هم اساعده بحليب كيكوز مثلا ساعة الشغل او من اوكف على الطباخ واعرك هم ما ارضعه بس ع الاكثر انطي 3 ممات باليوم
ماكتيلي سيف يوكف على رجليه لو لا ؟


زنوبه حبيبتي اهلي بايران يخلصون شهر رمضان هناك ويجوز اني بلنجف عايشه


رحوووبه شخبارج عمري لا مانساج بالصوغه تدللين


يسرى تحملي شويه الله يشافي بنتج بحق الحبيب محمد


نعومه شخبارج


ايمان شو ماكو مختفيه بلكت تبشرينه بحملج ونفرح بيج

ايوووووت شخبارج ام يوسف وشخبار الحلو بعده يعوي مثل حال ابني هههههههه

[kokee]

شكلكم مو سهرانين اليوم

[kokee]

يلا بنات اني اروح يمكن ابات يم اهلي يومين
اشوفكم بخير .......

[رودينة الراوي]

تسلمون حبيباتي

زنوبة
اتفقنة اني وزوجي نسوي العملية لان اني مسوية اطفال انابيب وألعملية أأمن من الطبيعي على الطفل وتعرفين لان مو بسهولة صار الطفل فاختارينة عملية

بالنسبة لردونة طلع عدها خلع برجلها اليمنى من يم الحوض وهذا الشي تكويني يعني من هية ببطني ودتتكون صار وهسة سوينالهة مسند يخلي رجليها مرفوعة ومفتوحة 24 ساعة لان بهذه الوضعية يرجع العظم لمكانة بالحوض
الله ليوري احد الي شفتة بردونة

بنات انتبهو على رجلينات جهالكم لان الدكتور كلي هذا الشي شائع ويصير عند هواية اطفال وان شاء الله ماكو شي والله يحفظلكم جهالكم ويبعد عنكم كل شر آمين*

[رودينة الراوي]

كوكي الحمد لله على سلامة اهلج
يلة روحي شبعي منهم هههههههههههههههههه

[زينب السعدي]

هلو بناااااات شلونكم
شلونج توتاية اكيييد شعور حلو من يتحرك الطفل تحسين صدك اكو ادمي ببطنج ههههههه وطبعا انتي بين عندج بسرعه لان ولد يكولون الولد يبين بسرعه بس البنية تتاخر طبعا السبب معروف خخخخخخخخخخخخخخخخ
شلونج كوكي الحمد لله ع سلامة اهلج روحي شبعي منهم ولو مينشبع من الاهل والله فد مشتاقة لاهلي صارلي سنة مشايفتهم الله يسهلي واجي اشوفهم
شلونج يسورة اني ماادري انتي مسويه انابيب وطبعا الي يسوون انابيب لازم قيصرية يعني اني اعرف اقاربنا سوو انابيب الاطباء كلولهم لازم قيصرية اامنلكم وبالنسبة لردونة انشالله يرجع العظم طبيعي وتشفى ويريح بالكم ياااااااااارب
صعوبة شو ماكو سويتي المقلي وهربتي لتخافين ماااسويها وحدة بوحدة تعالي ههههههههههههههه

[مجنونة بحبها]

السلام عليكم شلونكم بنات وشخباركم

انا اشكر كل من سال عني بس اسفه هذي الايامي

مشغوله تقريبا كملنا ترميم البيت وصار الشغل علي مضاعف

وتعباااااااااااااااااااااااانه موووووووووووووت وزياده من البارحه لليوم بطني مووووووووووووتتني لدرجه البارحه بالليل كمت ابجي من الوجع
وبعدني ليهسه موجوعه بس شسوي عندي ميت شغله انتم شخباركم

كوكي حمدلله على سلامه اهلج سلميلي عليهم بيهم ريحه الامام الرضا عليه السلام وبعدني موعد المحروسه وره العيد ويارب تخجل على نفسه ومتشرف وااااااااااااااخلص

يسرى حمدلله على سلامه رودينه الله يساعدج هاي البنيه من اجت للدنيا يوميه طبيب يااااااااااااااااااارب تشافه بسررررررررررررررعه

زينب السعدي حبيبتي موكتلج حمل عن حمل يختلف انا بحملي صرت العب النفس ولالالالالالالالالالا السودانيين مثلي صرت سوده ووجهي عباره عن خشم والكل كالي ووووووووووووووولدوحتى من اكول السونار ابنيه يكولون تطرد عيون وبالاخيررررررررررر اجت احلى بنونه بالدنيا وهاي صورتها بالتوقيع انطيني رايج بيها ههههههههههه

رحوبه وينج مشتاقيلج

صعوبه ام عشر السانات شلونج

ايه ام يوسف شخبارج واخبار العريس


وئام ماكو بعد مبينتي اخبارج
باقي البنات شلونكم


وكل عام وانتم بالف الف الف خيرررررررررررررررررررررررر

[زينب السعدي]

حبيبتي الله يساعدج اولا عالشغل والله هلاك البيت بعدما يطلعون العمال طبعا بنتج تجنن ومحبوبة مبين عليها الله يحفظها حيااتي.شنو حبيبة ماما تريدين بيبي لاخ شكلج منتظرة حمل؟؟؟؟؟؟؟ اذا منتظرة الله يسهلج ويفرحج يااااااارب

[صعب تنساني]

شلوونكم واخباركم توتايه انتي كم مره تعطي يوسف صناعي وكميه الرضعه الوحده كم
كوكي لا للحين ما يقدر يوقف رجله ولا راااسه مسكين ضعيف
ننعوومه شلوون ديمه العسل ررااح اجزها لسيف لانه بنونه رااحت لسعوودي ولد حبيبي ما نبي نذابح خخخخخخخخخخخخخخ
ردووونه شلوون عروستنا الحلوه الله يساعدج ويساعد قلبج ان شاء الله ترد رجلها
بنت السعدي شلوونك لا تسويها وتسوين فيني مقلب خخخخخخ يا بنت السعدي انتي شدراج انه يسموني ام لسان ها ليكوون كنتى تجسسي علينا من قبل ها اعترفي يا بنت احسن لك انه ارتحت لك علشان جذيه طيحت الميانه معاااج ودي اتعرف عليج اكثر ها
حبيبي ما يحتاج نسال عنها اكيد بالمطبخ تجهز حلوويات العيد هالددبه ما ادي متى بتضعف وضعفنا معاها هههههههههههههههههههههههههههههههه لا تسمع بعدين تذبحني

الظاهر الحين ما راااح تنادوني الى بم لسااااااااااااااااااان هااههههههههههههههههههههههههههههههه

[توتايه]

هلا حبيبتي صعوب اعطيه يمكن 5 رضعات صناعي وكل رضعه 4 ارقام يعني يمكن 100مل


كل عام وانتو بالف خير عيوني ربي يحقق كل امانيكم انشاء الله

[زينب السعدي]

ها صعوبة يمكن نسيتي انتي كتبتيلي اني ام لسان وكلها تصيحلي هيك ههههههههههه
والله اني هم حبيتك وحبيت كل البنات هنا وانشالله بعد العيد تصيرلنا فرصة ونتعرف اكثر وعيد مبارك عليج وعالجميع

[نعومه التميمي]

هلووووووووووووو بنات كل عام وانتو بخير ويارب تحقيق الاماني

[kokee]

كل عام وانتو بالف خير ينعاد عليكم بصحة وسلامه

[kokee]

بنات اليوم كلكم يم اهلكم يمكن ههههههههههههههه

[توتايه]

هلو زنوبه لا والله بس طلعنا ابيت الكرايب لان البارحه مطلعنا

باجر اروح لبيت اهلي واظل هناك اسبوعين علمود الامتحانات مالتي ادعولي انجح واعدي هالسنه على خير


وانتو بالف خير يابنات

[kokee]

هلا حبيبة كلبي
هذا يوسف بالصور
فدو حبيبي جنه بنيه


شدي حيلج يمعود اخلصي انتي سادس علمي مو؟

[توتايه]

اي حبيبتي سادس علمي

هاي شنو اشو الكل يكولولي جنه بنيه والله ولد

[kokee]

هههههههههههههه والله لو ماعرفج جان ماصدكت وليد
الله يخليه الكم

[زينب السعدي]

شلونكم بناااااات مشتاقتلكم بس ملتهين بالعيد
وانت بالف خير نعومة يخليلج بتج وزوجج واهلج يارب
الله يسهلج توتايه وتنجحين وتخلصين

[توتايه]

زنوبه ليش يعني لان لابس كلاو؟

تسلمين حبي زنوبه السعدي الله يسمع منج

[زينب السعدي]

شنو الفلم كوكي هم اسمها زينب؟؟؟؟؟؟؟؟

[kokee]

لابس كلاو وهم دبدوبه خدوده يخبل هههههه
اي زنوبه اني هم نفس اسمج ههههه

[زينب السعدي]

عاشت الاسامي حبي

[غنى2011]

سلام عليكم شلونكم اخباركم ايامكم سعيدهكل عام وانتو بخير ولو انتو متسالون عليه

[زينب السعدي]

هلا بيج غنى اني جديدة هنا واتشرف بمعرفتج

[توتايه]

حبيبتي غناوي والله دوم على بالي حتى لو ما اسأل عليج هنا

اي زنوبه كوكي هم اسمها زينب

[صعب تنساني]

شلووووونكم يا حلووووات

[صعب تنساني]

حبيبي غايبه صار لها يومين ليكووون نقص لسانها ههههههههههههههههههههههههههههههههه خلووني اهرب لتجي تذبحني هههههههههههههههههههههه

[توتايه]

الحمدلله ام سيف انتي شلونج

صدك اي نوعية حليب صناعي تعطين لسيف

[صعب تنساني]

بنت السعدي على طووول ناقعه في دردشه الولاده الظاهر مستعجله على الولاده خخخخخخخخخخخخخخخخخخخخخخخخخخخخخ

[صعب تنساني]

كوكو شلووونك مع الاهل اكيد من لقى احبابه نسى اصحابه
توتايه شلوون وسوفه بس الصوره الي قبلها تبين احلى
غناوي الله يعطيك توائم وتجي تسدحي قصه ولادتك
حبيبه ماما تعالي سوزلفيلي عن قماشه واسولف لج عن قمااااشتي عجوووز النار هههههههههههائ
دلووعه وفيونكه وردوونه ونعومه اخباركم على طووول وينكم غايبين

[توتايه]

صعوب وين رحتي اها رحتي تدعفسين بالثلاجه؟

[صعب تنساني]

لا صعووب ما تسوي هسوالف لحبيبي وبس خخخخخخخخخخخخخخخخ

[صعب تنساني]

توتايه انتي ترضعي سيووفه طبيعي لانه سيف هااايام ما يمشي بطنه يمكن من الصناعي واحيانا اوسوس واقول مايشرب زين

[توتايه]

اني هم طبيعي وصناعي اول ايام من نطيته الصناعي صار عنده امساك بعدين اتعود عليه

[صعب تنساني]

كم رضعه طبيعي باليووم

[صعب تنساني]

شخبار حماتج المبرووكه للحين متا تزوجت ورتحتى منها ؟؟

[توتايه]

والله ما احسبها لان قليله ومو وقت طويل يرضع مني

[توتايه]

لاوالله حبيبتي للحين ما اجه احد عليها

[نعومه التميمي]

هلو بنات شلونكم شخباركم وين رحتو بلعيد

[مجنونة بحبها]

هلالالالالالالالالالالاو بنات شلونكم واخباركم

انا شوي انشغلت ومكدرت ادخل والبارحه دخلت وكتبت قصة العيد وللاسف طفت الكهرباء وراحت كل القصه عليكم وبعد مااكدر اعيدها هههههههههههههه انتم شخباركم


غنى الله يفرحك بالذريه الصالحه

صعوبه شلونج عسل عوفيني من كماشه ماعرف شوكت الله يخلصني وارتاح ملللللللللللللليت

ايه ويسرى وكوكي وزينب ووئام شلونكم واخباركم

رحوبه ماكو اكيد مشغوله سفرات ووناسه مومثلي ههههههههههههه

[توتايه]

حيااااااااااااتي امونه ام بنونه مشتاقتلج هوايه اخبارج واخبار الدوره؟

[توتايه]

والله بنات اول يوم العيد طلعنا جبنه عشه ورجعنا
وثاني يوم رحنه لتجمع كل سنه ابيت خال امي وراها لبيت عمة زوجي
وثالث يوم العيد رحت لبيت اهلي وهسه اني يمهم ارجع بعد 14 يوم لبيتنا ادعولي انجح

[kokee]

هلوووو بنات شخباركم اليوم اشتريت عربانه للولي حلوه جنهه سياره ب95 الف ههههههههههه عيدياته صارن 65 الف وجمله ابوه هع
شخباركم بنات
امونه بشري؟

[kokee]

ايه شدي حيلج يمعوده حتى تنجحين وتخلصين

[توتايه]

الف عافيه حبيبي هاي شنو لا اني عيدياته 70 راحت علينا العيديات

امين حبيبتي ادعيلي ولج

[kokee]

هههههههههههه ياا خوش هذوله يجيبونه رزق هههههه
الله يعينج وتخلصين
وج هاي شنو يخبل ابنج صاير جبير فدوه هههههههه

[kokee]

شعره حلو ابمني اكرع بس جم شعرايه صفره ههههههههه

[kokee]

ماكو اليوم سهرانات ههههههههه

[الخنساء82]

حبيباتي ممكن اكون معاكم؟
انا ام سدرة من الموصل
ارحب بالجميع
انا عندي طفلة واحدة عمرها عشر شهور
وانا حامل بالشهر السادس
بولد انشاء الله
ارجو ان اكون وياكم
علما اني عضوة قديمة في المنتدى بس صارلي فترة ما دخلت بسبب ظروف الحمل والتربية
ارجو منكم اعطائي النصائح وتبادل الخبرات

[زينب السعدي]

اهلا وسهلا بالخنساء نرحب بيج بالتجمع وانشالله ترتاحين ويانه وويه سوالفنه هنا البنات كلهن وردات وحدة احسن من اللخي وانشالله تستفادين منا ولو بالنسبه الي بكرية وانتي خبرتج احسن

[مجنونة بحبها]

هلووووووووووو بنات

ايه الله يرزقج اعلى معدل وتدخلين طبيه وتصيرين دكتوره واراجع عندج هههههههههههههههههه
ماشاء الله يوسف صاير يخبل وجبير الله يحفظه

والمحروسه باجر تكمل شهر وبلكي تستحي على دمها ومتشرف وارتاح


كوكي الف مبروك على العربانه انا لما رحت للعمره اشتريت لبنونه هناك سعرها 75الف تقريبا وماستفاديت منها لاني مااطلع ابددددددددددددد

زينب السعدي اخبارج ياعسسسسسسسسسسسسسل

الخنساء اهلا وسهلا بيج بيناتنه والله يتمم حملك على خيرررررررررررر

رحاب وصعوبه ماكووووووووووووووووووو اخباركم

باقي البنات وينكم تعالوا سولفوا ويانه اخباركم

[توتايه]

اجيتج امونه حبيبتي الله يسمع منج كلبي

وانشاء الله متجي منا ل9 اشهر بجاه واحد احد

اي سوفي يبين بالصور جبير بس بالحقيقه الفاره اصغر منه هههههههههههههههه

منوره الخنساء حبيبتي والله يتمم عليج بالخير

اي كوكي شعره ثخين خبلني اريد ازينه

[توتايه]

تعالي ليش مطلعتي ليكون سويتي العمره بالفندق؟

[مجنونة بحبها]

اسفه حبي ايه رحت بسرعه لان كماشه تريد عشاء

لالالالالاانا سويت العمره وانا شايلتها لان مكدرت اخذها بالعربانه لان العربانات ممنوعه بمكه وبالمسجد النبوي واشتريتها بس حمل وتعب هههههههههههه

الله يسمع منج وماتجي وتستحي على دمها ومااشوفها من هسه عشت برعب

وديري بالج ترى الاسئله يكولون شويه صعبه شدي حيلج

[توتايه]

اي والله صعبه كلش وفوكاها اني مقريت لان التهيت بالولاده وماكو نوم ابد ابد

[زينب السعدي]

هلو امونة شلونج الله يتقبل عمرتج ويارب متشرف الاخت الفاضلة
شلونج توتاية شكد معدلج بالدور الاول؟؟؟؟؟؟؟ شدي حيلج والله كريم

[زينب السعدي]

صدك امونة صارلها كم يوم متاخرة بالضبط؟؟؟؟؟؟؟اذا دورتج منتظمة وتاخرت اكثر من4 ايام سوي تحليل منزلي باختبار بلو كير هذا مضبوووووووووط كلللللللش وتكدرين تسويه قبل لتجي ب4 ايام.زوجة حماية سوته بعد مااتاخرت3 ايام وبين عندها الحمل واني سويته بعد اسبوع وسويته بالليل يعني مو الا الصبح مادام اتاخرت اسبوع وهم طلع حمل والحمد لله انشالله يارب تطلعين حامل

[توتايه]

هلو زنوبه والله ما امتحنت بالدور الاول كلها اجلتها لان جبت قبل الامتحانات ب20 يوم وجانت حالتي صعبه فكلها اجلتها

[زينب السعدي]

الله يساعدج صعبة شوي ,,,,اووووو من اتذكر امتحانات السادس والله رعب وطبعا هسه اني تخرجت من الكلية بس منكملت سادس ولسه بين فترة وفتره يجيني كابوس بالمنام كانه عندي امتحان سادس واكعد مخروعة خخخخخخخخخخ الله يسهلج

[توتايه]

امين حبيبتي اي والله صعبه الله يسهل للجميع

[نور عيني88]

هلو بنات شونكم واخيرا لكيت مكان اكدر اسولف بي كل اللي بقلبي
اني عراقية من بغداد متزوجة صار5555555 سنوات وماعندي اطفال حملت مرتين وطرحت
وطالبة بجامعة الاسلامية مرحلة ثالثة
هاي سيرة حياتي اتمنى تقبلوني وياكم صديقة جديدة

[توتايه]

منوره نور عيني الف الف هلا بيج حبيبتي ويانه وانشاء الله الشهر الجاي تجين تبشرينا بحملج

[الخنساء82]

شلونج توتاية
بنتج تخبل وشاكللها العمرة هههههههه
انشاء الله ما تجيج الدورة وتمام اعملي فحص منزلي
آني يوم سدورة البكرية عملت الفحص وكان يوم 28 من الدورة وبين الحمل وسويته بالليل
ويوم حملي الثاني نفس الشي
وانشاء الله اتفرحينا

[توتايه]

هلو حبيبتي الخنساء يمكن خربطتي بيني وبين حبيبة ماما اني ام يوسف اسمي اية
وحبيبة ماما اسمها ايمان وهيه ام فطومه

بس 2 حبايب فديتها

[مجنونة بحبها]

سلالالالالالالالالالالام بنات

شكرا على سؤالكم ونصايحكم بس للاسف ماضن اكو حمل لان هسه شرفت وطلعت روحي كاعد اكتب وابجي من القهر وماعرف شلون راح اكول لزوجي اكيد راح يغثني بالحجي وتفسيتي صارت صفررررررررررررررر

حبيبتي الخنساء عيونج الحلووووووووووه اي هذي بنونه الحلووووووووووووووه حبيبه الماما

اهلا وسهلا بيج نور عيني انا مثلج صارلي 5555555555 سنين من تزوجت بس انا عندي ثلاث اسقاطات وبنوته والحمدلله رب العالمين

اسفه راح اروح بسرررررررررررعه لان روحي طالعه من القهرررررررررررررررررررر

[نور عيني88]

تسلمين حبيبتي توتاية الله يسمع منج ويخليلج يوسف

[زينب السعدي]

حبيبتي امونة خلي ايمانج قوي بالله والله ميسوي الا الصالح واذا مو هالشهر الي بعده انشالله . انتي تراجعين طبيبة لو لا يعني معرفتي شنو السبب؟؟؟؟؟؟؟ اتمنى افيدج بشئ

[نور عيني88]

شكرا حبيبة فدوة لله بتج تخبل الله يحفظها ةتجيبيلها اخ الها انتي يا دكتورة تراجعين

[نور عيني88]

حبيباتي اني اروح اسوي فطور واجيكم لان صايمين اني وزوجي مال 6شوال والله اجرها عضيم خلي انسوي واهس للي متصوم لان اني بصراحة اول مرة اصوم 6 شوال والله يهدي الجميع يلة باااااااااي ورة الفطور اجيكم

[مجنونة بحبها]

هلوووووووووووووو


نور عيني صيام مقبول انا جنت ناويه اصوم بس زوجي مقبل وزياده المحروسه منطتني مجال حبي انا اراجع عند دكتوره بغداد الجديده وماضن تعرفيها واراجع بمستشفى الراهبات البلكراده

شكرا زنوبه حبيبتي الله يفرحج بشوفه طفلج سليم معافى
حبيبتي انا قصتي طويله بس اخر دوره رحت سويت تحاليل وطلعت كل النتائج نظيفه بس عندي حليب بالدم والنسبه قليله مو قويه ويوم 12 للدوره سويت سونار وجان عندي بيضتين وحده باليمنى وحجمها 17 وباليسرى وحجمها 18 وجنت متامله احمل لان ماعندي اي مشاكل بس الحليب وانا قبل حملت وانا ارضع بنتي بس مامقسوم والحمدلله وصحيح من قبل الدكتوره تكولي رحمي مقلوب بس حملت وجبت فمااضن يمنع الحمل اؤؤؤؤؤؤؤؤؤؤؤ حجيت قصه حياتي ودوختكم

رحاب وصعوبه ماكووووووووووووووووووو وينكم

[رودينة الراوي]

هلوووو بنات شلونكم اخباركم مشتاقتلج كلش
الخنساء منورة حبيبتي والله يتمم حملج على خير ان شا الله
نور عيني مية هلا حبي انتي من وين من بغداد ؟ وعند يا دكتورة تراجعين ؟
الله يكتبلج الحمل عن قريب ان شاء الله
شنو السبب الي مأخر الحمل ؟

توتاية حبي شلونج اخبارج هاي شنو يسوفي صاير يخبل صدقة لالله الله يحفظة ويحميه ويبعد عنة العين
شدي حيلج حبي وان شاء الله تنجحين وتخلصين على خير
ناوية تخلصين ورة السادس لو تكعدين

امونة حبيبتي لتضوجين الله يكتبلج الحمل الشهر الجاي ولتقهرين بنفسج كولي الحمد لله الذي لا يحمد على مكروه سواه وان شاء الله الشهر الجاي نسمع الاخبار الطيبة

صعوب شلونج حبيبتي اخبارج واخبار سيوفي بعدة مينام الليل
حبيبي وينج شو مختفية تعالي سولفيلنة شسويتي بالعيد وين رحتي ووين جيتي
نعومة شخبارج واخبار ديومة
كوكي شلونج وبالعافية عالعربانة خليلنة صورة جديدة للولي خلي نشوفة
غناوي حبيبتي الله يكتبلج الحمل عن قريب ان شاء الله كليلي خبارج واخبار زوجج بعدة زعلان ؟

بنات قبل يومين وصلت غرفة ردونة ونصبناها اشتريتلها جرباية وكنتور وصينة عليها من تركيا بس غالية شوية هههههههههههههههههههه بقة بس اشتريلها الدوشك مالتها وانيمها عليها وهسة دااعزل بغراضها وهدومها واحولها بالكنتور الجديد *

[مجنونة بحبها]

هلووووووووووو يسرى شخبارج واخبار رودينه

انا مليت كل شهر اكول هذا الشهر احمل وللاسف ماكووووووووو تحطمت كل معنوياتي

[زينب السعدي]

ايمان لتخلين ببالج تره العامل النفسي اله اثر سوي نفسج كانه متريدين طفل ومن تتجامعين ويه زوجج خلي نفسيتج مرتاحة ولتخلين ببالج بانه لازم يصير طفل خليها على الله واكو ادعيه خاصة بالحمل ماادري تعرفيها لو لا؟؟؟؟؟؟؟؟ كلش زينه اذا تعرفيها فاوك واذا متعرفيها كوليلي حتى اعلمها الج وتستفاد منها كل وحدة تريد طفل والله يسهل
الله يتقبل صيامكم يا نور عيني

[رودينة الراوي]

الحمد لله حبي امونة اني وردونة بخير ولتكولين مليت كولي الحمد لله واتوكلي على الله وخلي عندج ايمان قوي بالله

زينب السعدي شلونج حبيبتي اخبارج*

[زينب السعدي]

هلو يسرى شلونج اني زينة وماشي حالي شلونها ردونه انشالله احسن يارب

صدك بناااااااااات الدكتورة انطتني موعد فحص خاص بالتشوهات الجنينية اسم اللهرعلى جنيني واطفالكم والمنغوليا يعني فحص يكشف اذا كان اكو هيك شي,,, اكو وحدة منكم سوته؟؟؟؟

[zena]

مرحبا بنات شلونكم حابه اسولف وياكم والتجمع حيل حلو بس بنتي نحيسه هههه بس تبجي وتريد شيل ومتخليني ادخل هواي انا اسمي زينه وعندي بنت دخلت ب 6شهور ومغتربه بالسويد اتمنى اكوووووووون اختكم

[زينب السعدي]

اهلا بالاخت زينة نرحب بيج وانشالله تستفادين منها ونستفاد منج
انا زينب مقينة دبي وحامل باللاسبوع11 ولسه بكريه

[زينب السعدي]

اقصد مقيمة بدبي

[نور عيني88]

تقبل منا ومنكم صالح الاعمال
هلا بزينة شونج اني هم اسمي زينة والله يحفظلج بتج اني خالتي هم بالسويد
رودينة حبي اني بحي الجامعة ساكنة واراجع دكتورة دنيا عادل الراويوالله خوش دكتورة

[نور عيني88]

شنو هاي وينكم اذا حضرت الشياطين ذهبت الملائكة

[*عسولة*]

هلووووووو بنات شلونكم
اني عسولة اذا تتذكروني قبل فترة جنت اجي للتجمع الحلو هذا
كل عام وانتو بالف خير ولو كلش متأخره

[*عسولة*]

حبيبة ماما اني همين مثلج انتظرت الحمل الشهر الفات لان اخذت كلوميد ودوفاستون بس شرفت المحروسة ههههه واكيد الحمد لله على كل حال

[نور عيني88]

وانتي بخير عسولة هلة بيج باي وكت تجين وتنورين

[*عسولة*]

تسلمين حبيبتي نورعيني

[نور عيني88]

اذا على انتظار الحمل بكل شهر فيمكن اني محد مثلي احلم واتامل هذا الشهر ماكو وتجي واكول يلة الشهر الجاي وسامعين بلي يجذب الجذبة ويصدكها هاي اني اجذب على روحي بس حتى الايام تمشي بس شكول الدورة اتحبني ومتكدر على فراكي

[*عسولة*]

هههههههههه اي هي الظاهر مدتدكر على فراكنا ابد
الله يرزقج بالذرية الصالحة ان شاء الله
صارلج شكد متزوجة حبي ؟

[نور عيني88]

هو الرزق من الله والمفروض احنا منستعجل على رزقنا مووووووووووووووووو

[نور عيني88]

امييين يارب ولكل محرومة
حبي صارلي 5555555555555 سنوات مزوجة وعندي اسقاطين ولله الحمد

[*عسولة*]

حبيبتي الله يعوضج خير ان شاء الله واكيد هو كله رزق والمكتوب نشوفه بس هم مرات مو بيدنا نضوج من حجي الناس
اني صارلي تقريبا سنة ومصار حمل وزوجي دائما مسافر برةالعراق والشهر الفات الطبيبة كتبتلي على كلوميد كالت حتى البيضة يصير حجمها مناسب بس الله مكتبلنا والله كريم واراجع اني عند دكتورة بالحارثية اسمها فاتن
هاي ملخص عن حياتي ههههههه

[kokee]

هلوووو بنات هاي صورة لولي بس مو تعيبون حبابين تره مخربط ولابس هدوم بيت وسبالااته ههههههههههه


http://forum.hwaml.com/imgcache2/hwaml.com_1315262480_380.jpg (http://www.iraqup.com/)

[نور عيني88]

والله اني جنت اخذ كلوميد ودوفاستون بس الدكتورة كطعت الكلوميد بس مستمرة على الدوفاستونلان الحمد لله الدورة منتضمة وكل ماروح للدكتورة اتكول انتي اشعندج جاية والله ماعندج شي وزوجي هم مابي شي ومديصير نصيب هااااااا واخذ كلوكفاج لان عندي تكيس مبايض والحمد لله على كل حال

[*عسولة*]

الله كريم حبيبتي وان شاء الله تبشرينا بحملج عن قريب
كوكي ابنج كبران ماشاء الله وضحكته تخبل الله يحفظه ويجعله من اولاد السلامة

[kokee]

الله يرزقكم كل وحده بتوم ماتلحك تحك راسهه من وراه ههههههههه
امين ربي بحق الحسين الشهيد

[*عسولة*]

هههههههههههههه اشكرج حبيبتي

[kokee]

بس ابني كروع اريدله شعر ماكو ههههههههه

[رودينة الراوي]

نور عيني هاي دكتورتج هم بحي الجامعة لو بغير منطقة اني مساكعة بيها عالعلم كلش هواية اروح لحي الجامعة
اني دكتورتي اسمها فائزة الراشدي عيادتها طالعة من مستشفى السلامة الي باليرموك يم السجة كلش خوش دكتورة ومضبوطة ليش متروحيلها وتجربيها يمكن الله يكتبلج الحمل على ايدها

[رودينة الراوي]

ماشاء الله لولي كلش حلو الله يحفظة الج يارب
بس اكلج شي ومتزعلين
لبسيه جتاية دائماً وضبيها شوية حتى اذنة تصفط تصير احلى
مو تضوجين ههههههههههههههههه

[رودينة الراوي]

عسولة شلون منتذكرج
وانتي بالف خير كليلي شلونج اخبارج

[نور عيني88]

الله يرزقكم كل وحده بتوم ماتلحك تحك راسهه من وراه ههههههههه
امين ربي بحق الحسين الشهيد

هلة بيج حبيبتي كوكي الله يسمع منج بس حبيت اكلج الحلف بغير رب العالمين حرام واشكرج على الدعوة

[نور عيني88]

نور عيني هاي دكتورتج هم بحي الجامعة لو بغير منطقة اني مساكعة بيها عالعلم كلش هواية اروح لحي الجامعة
اني دكتورتي اسمها فائزة الراشدي عيادتها طالعة من مستشفى السلامة الي باليرموك يم السجة كلش خوش دكتورة ومضبوطة ليش متروحيلها وتجربيها يمكن الله يكتبلج الحمل على ايدها
اي الدكتورة بحي الجامعة بشارع 66 يم كلية الادارة والاقتصاد والله كلش زينة الدكتورة واني اتحسنت حالتي على ايدها وهسة ماعدي اي مشكلة كل تحاليلي زينة والسونر هم زين بس ماعرف بعد
وانتي شنو حالتج بالظبط حتى اني اجيبج على دكتورتي هههههههه

[kokee]

هلة بيج حبيبتي كوكي الله يسمع منج بس حبيت اكلج الحلف بغير رب العالمين حرام واشكرج على الدعوة
انا لا احلف عزيزتي
لكن للحسين جاه عند رب العالمين لانه حفيد الرسول الكريم
لااحب اناقشك بهذا الموضوع لان كل انسان له فكره الخاص

[نعومه التميمي]

هلو بنات شلونكم اخباركم ايه شنو هذا يوسف كبران وصاير حلو الله يحفظه ويارب يسهل عليج وتنجحين
يسرى شلونج وشلون صار رجل رودينه انشاءالله احسن بل عافيه على الغرفه يارب تفرح بيه
امونه حبيبتي لا ضوجين كلشي بي صالح ويارب الشهر الجاي اكو حمل
زينب العسكري اني سويت هذا السونار
زنوبه كوكو شنو هذا لولي يخبل عيني عليه حبيبي اسمر مملوح يخبل شكد محبوب شكله
صعوبه ورحوب شلونكم
باقي البنات ربي يكتبلكم حمل باسرع وقت امين ياربي
اني اخباري زينه والحمدالله بس ماعندي مجال ركض ركض
واليوم اخذت ديمو لقحته وظربته 2ابر وقطرات وهسه كلش متنحسه بس تبجي وماتقبل انزله

[kokee]

هلاوووو كَلب شلونج وشلونه ديمووو
تدرين لهسه ماملقحته ابرتين هاي اللي بالزر اتعاجز اروح ان شاء الله السبت اخذه

[kokee]

هليام لولي بس يعضعض بيده وعصبي ههههههه

[kokee]

شخباركم وشخبار الجهال ههههههههه

[مجنونة بحبها]

هلووووووووووووووووو بنات اخباركم ياحلواااااااااااات

[مجنونة بحبها]

ماشاء الله لولي يخبل الله يحفظه ويفرحج بشوفته عرررررررررررررررررريس

[زينب السعدي]

شلونكم بنات اليوم اني مختفية ملتهيه بعمتي ام زوجي اجتي مخبوصة بيها
الله يفرحكم يا نور عيني وعسوله وامونه باسرع وقت
اما عن نعومة فصدك ضحكتني كاتبتلي زينب العسكري عود زينب السعدي هههههههه

[زينب السعدي]

هلو ايمان شلونج

[zena]

هلو حبيبتي زينب ان شاءالله دكومين بالسلامه ومعرفتي بنوته لو ولد احنه اهنا بالسويد ميكولون جنسه لان تعليمات ميكولون للعرب ماخذين نضره العرب احبون بس الولد هههه بس اكو عيادات خاصه دكول بس شوي غاليه ومن ولدت اله عرفت اجتني بنيه ههههههههههه وكلشي يجي من الله حياه الله

[zena]

تسلمين حبيبتي نور عيني والله ان شاءالله افرحج عن قريب وتفرحينه بالخبر الحلووو

[زينب السعدي]

هلو زينة شنو هالقرار الصارم بالسويد الله يساعدكم هههههه
طبعا اني هسه بالاسبوع11 يعني بعدلي اقل شي شهرين لاعرف الجنس

[زينب السعدي]

ماكو احد هسه ضايجة اريد اسولف زوجي طالع وعمتي نايمة وكاعدة وحدي خخخخخخخخخخ
زينة اذا موجودة سولفيلي قصة ولادتج لان كلش احب هالقصص وصرت معروفة بالمنتدى بهالشي ههههههههههه

[kokee]

ياربي تفرحين يا ايمان باسرع وكت
اني تاخرت بالحمل ونطوني كلوميد ومدري شنو لان عندي تكيس وضعف بالمبايض
وظليت ابجي كلش انقهرت وبنفس الوكت رحت لابو الجوادين ع لان صارلي 11 سنه مزايرته وطلبت منه و بنفس الشهر صار عندي حمل بدون ما اخذ حتى العلاج
والحمد لله الله رزقني بعلاوي ابو اذانات ههههههههههههه

[kokee]

خل اسولفلج على ولادتي زنوووب
اني كلش تعبت اخر فتره ووزني صار 103 ورجليه موتني من الورم والثكل
صار 19 يوم بشهري رحت للدكتوره كتلله دكتوره خلص تعبت اريد اجيب وابجي
فحصتني كالت خلص الطفل نازل هواي راح انطيج تحاميل وزيت خروع هسه احط تحميله ويوميه تجيني ب6 العصر احطلج وحده اذا ماجبتي باجر ههههههه
وزيت خروع خاشوكة اكل بنص كلاص عصير ب7 العصر
خلتلي التحميله ورجعت البيت شربت الخروع
ب11 بليل حسيت اكو شوي الم
نمت وفزيت ب3 بليل عندي اسهال خفيف والم يروح ويجي ظليت ابجي من الالم من 3 لحد ال6 الفجر كعدت زوجي واني ابجججججججي هههههههه
كتله اخذني لاهلي رحنه وخذتني امي وزوجي للمستشفى دخلت ب7 للمستشفى و7 وثلث للصاله
ظليت اطلك والنسوان يمي يجيبن ويطلعن واني بعدني بس اني مو من النوع الاصرخ واصيح بس ابجي وهاي هيه هههههه
شدولي مغذي ب9 اخر شي ب11 وثلث كلت لدكتورتي شوكت اجيب مو راح يموتني الوجع كالت راح انطيج ويه المغذي شويه منوم حتى ترتاحين ههههه
حطتلياه ظلت الدنيا تفتر بيه وانجطلت اخر شي صرررررررررررررررررخت ب12 الا ثلث الظهر خذوني للغرفه مالت العمليات وولدت لولي طبعا فتح بس ماحسيت بشي من الالم والحمد لله من شفته ارتاحيت بس الحلوه صعد ضغطي اثناء الولاده صار 17 لو قايسينه قبل لا اجيب جان دخلوني قيصريه
الله يسهلج زنوبه وتجيبين ننوس حليو
وهاي هيه صارت سالفه ههههههههههه

[زينب السعدي]

ماشالله كوكي ولادتج تعتبر من الولادات السهلة وخاصة انتي بكريه يارب يسهل عليه ويثبت حملي
بنات ادعولي بعد 10 ايام اروح للندن وطائرة 7 ساعات واني حامل بالاسبوع 12 بذاك الوقت وخليتها عالله ادعولي حبابين

[kokee]

اي الحمد لله الله سهل ولادتي الله يسهلج همينه ويوصلج بالسلامه ان شاء الله

[زينب السعدي]

امين يارب ويحفظلج ابنج الحلو
كوكي من شفتي لولي بالسونار بالاشهر الاولى قبل لتعرفين جنسه كان طابك رجله وحدة عاللخي لو فاتحهن كل وحده بجهة

[kokee]

باعي اني اخذت بنص الرابع سونار مابين يمه يمكن جان طابك رجله بس يكولون البنيه من ال3 تبين بس الولد ب5 يلا يبين
فات اسبوع ب5 اخذت كلي ولد ما حلمتي فد حلم يبين اللي ابطنج؟

[زينب السعدي]

اي احلم بنفس الليله حلو يكول ولد وحلو بنيه خخخخخخخخخخ
مره حلمت كانه جبت تؤام بنت وولد بس اني حامل بطفل واحد بالحقيقة
وقبل 3 ايام حلمت جبت ولد بس كان احمراني يعني مو ع بياض ع حمار اكثر
وقبل يومين حلمت كانه جبت وعلساس ولد بس مشفته كانه ماخذيه للغرفه واني يريدون يخيطوني هههههههه
ومثل ماكتلج مره احلو ولد ومره بنت

[kokee]

ههههههههههههههه لا هاي احلامج من كد ماتفكرين تجيبين ولد
بس مثلا اذا ذهب او مجوهرات هاي بنيه
بينما اذا حديده مثلا مفتاح قوري دنبوس اي حديده هاي ولد

[زينب السعدي]

والله اني من ملحة رجلي اريد ولد حتى نفرح فرحه قويه هههههههههههه
بس اهم شي اتمام الخلقة

[kokee]

اي صحيح
ان شاء الله يرزقكم بولد تام الخلقه

[زينب السعدي]

ياااااااارب
كوكي شحلمت قبل لتشوفين ابنج بالسونار

[kokee]

اني رجلي جان يدعي تجيه بنيه
يكول حلوه وسوالفها حلوه واني اكله ان شاء الله ولد وهوه يريد بنيه هههههههههه
تالي اجانه وليد
يمعوده كلشي الجان بنيه وليد اهم شي الله يجيبه سالم ومعافى

[زينب السعدي]

اي والله اهم شي الصحه والسلامة
قلما اسمع رياجيل يريدون بنيه كلها تريد ولد

[kokee]

باعي اني جنت بهذا الشهر تحديدا العام هم شهر التاسع اصلا ممحسبه يصير عندي حمل لان جنت بعدني مماخذه علاج
يوم ثنين حلمت كانما واحد اجاني كلي تعالي اراويج كبرج حفرنا ويوم الاربعاء تموتين هههههههه
جنت بايته يم اهلي كعدت مخترعه سولفت لاختي كالت الكبر والموت يعني خبر سعيد
جانت فايتتني الدوره يومين تقريبا رحت يوم الاربعاء حللت تحليل دم طلعت حامل

[kokee]

يمعوده جذابين حتى لو تجيه بنيه هم يكتل روحه على ولد ههههههه
بس الولد من يجي اي شي يجي وراه نعم الله بينما البنيه كون ولد وراه لان الناس تكرع الراس اذا بنيه فوك بنيه
وبقت الله يطي الي بي صالح