تجمع حوامل العراق واتمنى اكو احد موجود

[روح ملائكيه]

هلوات قلب
الحمدلله بخير بشوفتج
انتي شلونج؟

[زينب السعدي]

اني طلعت يم مول يمنا اتمشاله بس رحت لابو اعطور اشتري عطور لاهلي
يالله شكد تسوكت وبعد عندي كومة سوالف

[زينب السعدي]

رجلي مريض بي انفلونزا وشكله عداني اليوم صبحت تعبانه وهسه عندي حرقة ببلاعيمي ومرشحة اشوي

[روح ملائكيه]

مشافاة حبيبتي ماتشوفين شر
والله يعينج ع الهدايا ..هي بس الطلعه والتعب كافي..

[مجنونة بحبها]

هلو بنات اليوم موجودين الصبح

هلو زنوبه وروح ملائكيه شلونكم

سلامتج زنوبه شنو الا يعديج يله يرتاح

ام شوق تعالي البارحه ماكدرت اسولف وياج من وره بنونه وابوها

[مجنونة بحبها]

بنات اليوم نزلت المحروسه ماكدرت تفاركني واجت من الصبح وشلون خربت يومي صرت كابه وضجت وزياده رجلي تعارك وياي وراح للشغل بس انا مكلتله المحروسه اجت ومحتاره شلون راح اكله وشلون وكت اجت بيوم الخميس حتى شلون اسوي تحاليل ثاني يوم لان باجر ماكو اي مختبر مفتوح راح ابقى على يوم السبت والله اليستر شوف شراح تطلعلي من سالفه الله كرررررررررررريم هسه اريد بس حجه حتى ابجي

[مجنونة بحبها]

والله روحي طلعت كل الوراي حملوا جابوا وانا بس احسب ايام هذا الشهر وهذا الشهر وبدون فايده يااااااااااااااااربي شلون حظ

[مجنونة بحبها]

شنو بنات وينكم اذا حضرت الشياطين غابت الملائكه

[زينب السعدي]

حبي امونه اني هنا معندي شي سولفي وفضفضي الحال نفس الشي بينا
بس ايميلي مدري شبي مدينبني عالايميلات اغبر حشاكم

[زينب السعدي]

امونه يعني شنو رجلج يضوج قابل هو بيدج بعدين انت قابل جبيره هسه لو ماعدكم جهال بيها مجال... طبعا اني نفس تفكيرج هم اشوف الي تزوجو ويايه وورايه كلهم جابو واني بعدني مع العلم اني كنت مسويه مانع سنه وبعد السنه حبلت يعني بارادتي بس هسه من صارت شغلتي الاخيره كمت افكر هيج اكول فلانه اتزوجت ورايه وهسه جابت ومااعرف ايش والله هالتفكيير ياذي

[توتايه]

امونه لتكولين هيج وبعدين السالفه موبيدج السالفه من ربج هوه بيده ينطيج او ياخذ منج احمدي ربج واشكريه حبيبتي اكو ناس حسره عليهم طفل واحد وشوفيها لبنونه بربج مو ضحكتها تسوه الف جاهل؟

ويمكن انتو مكاعدين توقتوها وية موعد التبويض روحي للدكتوره تنطيج منشطات واكلي عسل واكلي انناس


شلونكم حبيبات
اي عفيه زنوبه احنه من نطلع للسوك ابو ابونه ننساه

حياتي ام شوق اشلونج اليوم؟

[زينب السعدي]

اي والله توتايه اني ناويه من اجي للعراق بعد الاجهاض ارتاح وبعدها اديح دياحه مو طبيعيه اطلع حيف القهر الي شفته بهالمصيبه واكضيها بالسواكة

[روح ملائكيه]

هلو حبايبي اني اجيت ههههههههههههه
لا تنقهرين ام ينونه ربي يعوضج ان شاء الله والله مريت بحالتج بعد ولادة بنتي شوق وظليت 3 سنوات ونص اعالج بنفسي وكوه حبلت ابنتي ملوكه وسبحان الله ارضع طبيعي وحبلت بهالطفل مع انه جنت مارايده حمل لأن ملاك جانت زغيره 5 اشهر هو رزق من رب العالمين ..وعسى ان تكرهوا شيئا وهو خير لكم

[روح ملائكيه]

هلو عمري توتايه اني بخير والحمدلله شلون صار ابنج؟ طمنيني عليه

[زينب السعدي]

وينكم شو اختفيتو

[روح ملائكيه]

ههههههههههههههه والله ضحكتيني زنوبه
ان شاء الله تروحين بالسلامه وتتخلصين من الطفل وربي يعوضج غيره وارتاحي نفسيا وهذا اهم شي الج ومعليج بحجي العيال ..

[روح ملائكيه]

وينكم شو اختفيتو

لا اني هنا ههههههههههههه

[روح ملائكيه]

اليوم اخذ ابو شوق ونروح لبيبي شوب هذا محل خاص بالاطفال زنوبه تعرفه لأن هم عايشه بالامارات هههههههههه
لحد هسه مامشتريه سرير للطفل راح اختاره جبير حتى البنات لا يخنكن الطفل هههههههههههه راح تبدي سالفة الغيره من جديد

[توتايه]

والله حبيبتي مديقبل يرضع مني خبلني صارله 5 ايام دا اسحب حليبي بالملاطه والبارحه بالليل خليت حلمه اصطناعيه على حلمتي اشو قبل يرضع منها بوكتها جنت ماخذتها لان صدري جان متشكك

[توتايه]

بنات ضايجه ونعسانه اريد بس انام

[روح ملائكيه]

عيني ام بنونه اكو هواي مواقع تحسبلج موعد التبويض وانسب فتره للحمل وحتى الدكتورات يعرفن شلون يصير الطفل قصدي جنسه ولو هو بيد رب العالمين واكو حتى اغذيه ناكلها تحدد جنس الطفل مثلا الي تريد تجيب ولد لازم تمتنع عن اكل البيض والبقوليات لمدة شهرين ع الاقل ..

[روح ملائكيه]

حبيبتي توتايه قبل لا ترضعين طفلج سوي تدليك للثدي حتى يمتزج الحليب لأن سبب تشقق الحلمه هو عدم نزول الحليب يعني ينزل على شكل سائل مخفف فتتشقق الحلمه صار هالشي وياي ابنتي ملاك واخذت كريمات يلا رجعت الحلمه طبيعيه ..
هنا بالامارات يدخلون الحامل دورات عن الرضاعه الطبيعيه وكلشي علموني والحمدلله

[زينب السعدي]

شنو هاي
مدري ليش ايميلي مينبهني بالايملات الجايه عابتله
ام شوق انشالله يوم تجهزيله جهاز عرسه

[توتايه]

اي صحيح اعرف اني دكتوره بالعراق تسويها الحساب الصيني سوت ولد لعمي وولد لخالتي دكتوره شاطره بس هيه بعمان تجي بالشهر مره لو مرتين اذا تحبين من تجي اكولج وتروحليها

[توتايه]

حبيبتي شبع تدليك وماكو فايده هسه صار زين بس خليت الحلمه الاصطناعيه حتى عباله ممية وياخذ صدري

[زينب السعدي]

والله بنات اني كعدت وحدي سويت جدول حتى احبل بولد.. طلعت من النت الاكل الي بي صوديوم كمت اكل منه والاكل الي بي كالسيوم تركته ومااسوي ويه زوجي بس ايام التبويض
يعني بس يوم 13 و14 و15 1و16و 17 من اخلص دورة بس اول يوم اسوي ويه زوجي واخليه يذب بره وبعد منسوي الا يوم 13 وبهالفتره يذب جوه وبعدها يرجع يذب بره وصارولد بس مو زين ههههههههههه وراح نتخلص منه وانشالله بعد الاجهاض نرجع ع نفس الفلم

[توتايه]

زين زنوبه خوش جدول
يالله حبيبتي ربي يكتبلج ولد يجنن انتي والبنات

[زينب السعدي]

انشالله توتايه وتشوفين سوفي يكبر كدامج وتجيبيله اخو لو اخت
كلللللللللللللش عاجبني اسوي توم بس رجلي قافل ويكوم يصيح عليه لان تلقيح

[نعومه التميمي]

مرحبااااااااااااااااااااااااااااااااا بنات

[زينب السعدي]

هلا نعومة نورتي

[نعومه التميمي]

هلو زنوبه حبيتي شلونج والله بالي يمج وكلش انقهرت عليج بس انشاءالله الله يعوضج بتوم

[زينب السعدي]

اللقه يخليج قلب
اني رايحة لاهلي اسبوع الجاي للعراق شهرين انشالله ادعولي من ارجع رجلي يقبل نسوي توم بالتلقيح لان من افتح الموضوع وياه يصير عصبي ويكلي احنا شبينه وبعدين يكلي الله كريم

[نعومه التميمي]

الله كريم اول مره دكومي بسلامه وبعدين من ينسه لان هسه هو من يذكر هذا طفلكم يمكن يوج درتاحو وعدين من ترجعين فتحي الموضوع هسه لا تفاتحي بي

[زينب السعدي]

اي هو هم هيج
انتي شخبارج اخبار بنوتج........صدك شسمها هي وشكد عمرها

[نعومه التميمي]

والله الحمدالله بس ركضه ركه حياتي كلش ماافتهم منه لان وحدي
سميته ديمة وعمره شهرين يوم 15بشهر تكمل 3اشهر
والله تعبانه كلش لان ماجاي الحك انام اول شي تعب الطفله وثاني شي تعب البيت

[زينب السعدي]

الله يساعدج
انتي شكد عمرج وشمخلصة
واهلج وعيالج يمج لو لا

[مجنونة بحبها]

هلووووووووووو بنات اليوم عالكينه سوالف وانا ملتهيه ادور بالقوقل ههههههههههههه

[زينب السعدي]

ها امونة دتعاي وينج انتي
شدورين ساليني اني اجاوبج

[zena]

هلووووووووووووو بنات شلونكم مشتاقه نسولف بس ماكو مجال اشو من شغله لشغله

[مجنونة بحبها]

شكرا بنات على كلامكم الي يجبر الخاطر

شسوي مو بيدي والله انقهر غصبن علي وخاصه خالتي كماشه يوميه وكالت شنو بس هاي البت الناس خلفت اثنين ثلاثه وانتو بس هاي متعجبين عبالك بيدي

[زينب السعدي]

هلا زينة شلونج حبي
امونة هاي منو خالتج ام رجلج .... والله الله يساعدج انتي مجاهدة زوجج من كفة وعيالج من كفة لخي الله يعوض صبرج بخيير وتكسرين عيونهم

[مجنونة بحبها]

هلو زينه منوره

حبيبتي كاعد ادور على الاعشاب مات البردقوش والمرميه يكولون تنزل نسبه هرمون الحليب وتساعد على التبويض وكاعد اقراء زين حتى اجرب ههههههههههههه

[مجنونة بحبها]

حبيبتي ام شوق انا الشهر الفات رحت للدكتوره وسويت كل التحاليل الازمه وطلعت النتايج الحمدلله نظيفه بس هرمون الحليب 17 صاعد يعني ويوم 12 للدوره سويت سونار وطلعت عندي بيضتين وحده بالايمن 17 وبالايسر 18 وجنت متوقعه احمل ميه بالميه لان الدكتوره كالت نظيفه وكلشي مبيج بس للاسف اراده الله فوك كل شي

[زينب السعدي]

امونة اولا اكو ادويه تنزل هرمون الحليب توصفها الج الدكتورة وهاي شغلة بسيطه جدا اعرف هواي ناس صارت عدهم ونزل مستوى الهرمون من اخذو ادويه
ثانيا اعرف وحدة من صديقاتي كانت عدها حجم البويضة صغيرة لذلك تاخرت بالحمل راحت للدكتورة انطتها كلوميد تبلعه من ثالث يوم الدورة ولمدة 5 ايام يوميه حبايه ويوم 12 من الدورة راحت للدكتورة كالتلها بيضتج حجمها 12 وهو لازم اقل شي 18 كامت انطتها ابر يوميه تضربها 3 ايام وراها راحتلها كالتلها حجم البيضه 20 وبنفس الوقت ضربتها ابره تفجيريه وماشالله نفس الشهر شكل الطفل عدها وهسه جابت ولد

[مجنونة بحبها]

ههههههههههه اي حبيبتي احنه لقبانه خالتي كماشه لانها نفس مسلسل خالتي كماشه اذا شايفتها هيا نفس الشي حتى عدها عصا مثلها وانا محبوبه هههههههههههههههههههههههه

[مجنونة بحبها]

حبيبتي صارلي ثلاث اشهر اخذ علاج دوستنيكس مات هرمون الحليب واخذ كل 3 حبايه ويسوي دوخه ولعبان نفس وزياده سعوه غالي ومجاب نتيجه وياي والكلوميد اخاف اكثر منه ذاك الشهر اخذت بس بعد مااريد اخاف اخذه ويصير عندي تكيس لان قبل بنونه شربت منه كل شهر وصار عندي تكيس حرمني الطفل سنه وشهرين فااريد اجرب اعشاب يكولون زينه ومابيها اي مضار والله اعلم

[زينب السعدي]

ههههههههههههههه مااعرفها

[زينب السعدي]

انشالله خييير يارب
زين راح منج التكيس لو لا

[مجنونة بحبها]

وئام وين راحت مشتاقتلج تعالي شلونج وشلون ديمه منزلتي صورتها حتى نشوفها شلون كبرت

[أم أيهومي]

هلو حبيبات شلونكم اليوم..hwaml5
حبيبتي زنوبه والله احس بيج بس الله سبحانه وتعالى راح يعوضج خير بنت عمي نفس تجربتك بس كان على راس الطفل كيس مي وهماتين نزلوه وراسا صار عدهة هسه مااعرف كم طفل عدهة يمكن اربعه
واختي بعد وفاة اول طفل بعد الولاده صار عدهة جرثومه بالدم والله لوتشوفين من كالتلهة دكتوره زاهده بمرضهة بس تبجي وماانطتهة مجرد حبوب وعلاج شهرين وحملت وراهة..
وكل بنات عمي يراجعوهة لزاهده صدكيني تفتهم كولش وكلمتهة وحده وقانون ومتقبل الشك..وحتى اطفال انابيب هي تسوي بس انت ان شاء الله لتخافين..
هي راح اتابعك وتعرف شتنطيج وره الاسقاط
والله كريم ولتظلين تفكرين بفلانه وعلانه عدهة اطفال لانه راح تتعبين..حاولي تلهين نفسك بأي شي..

روح ملائكيه حبي تسلمين على الكلام الحلو..ربي يخليلك شوق وملاك..ومحمد القادم بالسلامه..
طبعا من تحجون على المولات اشبع قهر لانه احنه هنا ابغداد ماعدنه مولات كبيره مثل ما بالخارج..اني احب اشتري شغلات للبيت يعني للمطبخ وللديكور اموت على الشرايه..
بس من صرت حامل بس كمت اشتري ملابس اطفال بس الاختيارات محدوده..
زوجي سافر لعمان قبل لااعرف بيه بنيه لو ولد وممشتري بس شغلات بسيطه واني حاولت اكمل منا من بغداد..
يارب تتونسون وتغيرون جو ولتبقون كاعدين بالبيت بالعكس تغيير الوجوه والجو مفيد للانسان..

ام بنين حياتي الله يعوضج خير يارب ولتضوجين ولاابد والحمد لله انتي مبيج عيب او فد شي هي مجر مسألة تنظيم لااكثر حاول تراجعين دكتوره تنظملك دورتك ووقت الاباضه..
واكلي عسل نحل طبيعي ووياه حبة البركه مطحونه يوميه الصبح خاشوكة اكل اكليهة على الريك..وقبل النوم..بربع ساعه يجوز طعمهة يصير مطيب بس هذا طب مجرب ..اطحني حبة البركة وضيفيهة للعسل والله كريم..
يارب يفرح كل انسان..وتحصلون الي تتمنوه..

على فكره اني منمت الليل عندي ارق موطبيعي..ادعولي..

[مجنونة بحبها]

حررررررررررررررررامات متعرفين مسلسل خالتي كماشه

لعد مراح تعرفين معاناتي هههههههههههههههههههههههه

[مجنونة بحبها]

اي راح التكيس بفضل الله ورسوله لما حملت ببنونه راح

[زينب السعدي]

هللو ام ايهومي
ع فكره كللللللش سويتيلي واهس اروح لزاهدة
وتدرين اني اريد اجي للعراق اشتري كومة ملابس لان صدكيني ملابس دبي محلوة بس ماركات وغاليه كللش وياريتهالو حلوة فبالملابس انتو احلى هواي ولتغرج المولات الكبار

[نعومه التميمي]

زنوه حيتبتي عذريني بس امي خابرتني وجنت احجي وياه
لا اني عايشه بستراليا محدوياي لامن اهلي ولا من اهله
امونه حبيبتي شلونج والله مشتاقتلج ويارب يعوضج الشهر الجاي ماتجي المحروسه

[مجنونة بحبها]

هلو ام ايهومي شكرا حبيبتي

انا دورتي منتظمه بس من كثر الاسقاطات صارت عندي خربطه الله لا يوريها لعبد مسلم شبعانه قهررررررررررررر

يارب اليوم تنامين نومه هادئه للساعه 7 الصبح هههههههههههههههههههه

[نعومه التميمي]

ام ايهومي منوره التجمع

[نعومه التميمي]

امونه شخبار بنونه شنو اخبار خاله كماشه

[مجنونة بحبها]

هلو وئام حبي شنو هلغيبه مشتاقيلج شلون الوالده وبعدج تريدين تجين للعراق لو بطلتي

[توتايه]

هلالالالالالالا بوئام الورده ولج وينج عابتلج شخبارج واخبار ديومه؟

[زينب السعدي]

لاعادي نعومة مصار شي حبي
نعومة = وئام لو اني غلطانة فهموني بداعة خاله كماشه عليكم خو حلفتكم بالعزيزة

[مجنونة بحبها]

خالتي كماشه على حطه ايدج تكبر وتزيد خرف

وبنونه تبوس ايدج صارت جبيره وعنيده وكلشي تريده ومحد يكدر يمنعها لان تكتله ههههههههههههه

[مجنونة بحبها]

ههههههههههههههه

اي وئام اسم نعومه بس الحقيقي هههههههههههههههههه

[نعومه التميمي]

حبيبتي بنونه صايره عروسه
هلو ام يوسف شلونج والله مشتاقتلج اهواي شخار يوسف والله ديمه زينه والحمدالله بس مضوجتني سبل اهواي
زنوبه اي نعومه =وئام هذا اسم الدلع هههههههههههه

[نعومه التميمي]

زين خالتي كماشه ماتعت من الروتين اليومي

[زينب السعدي]

اي شكو ماكو صارت هوسه الدنيا انكلبت

[توتايه]

ايون وئام=نعومه واني اسمي اية

[زينب السعدي]

حموت من النشله والله

[نعومه التميمي]

ايه حبيبتي لا تنقهرين على النتائج انشاءالله السنه جايه من يكبر يوسف تعيدين وتنجحين

[زينب السعدي]

اي توتايه ادري بيج اسمج ايه
بس كل مره تسالون ع وئام واني اريد اكللكم منو وئام وانسى

[توتايه]

عادي حبيبتي اني يوسف هم هيج من عمره شهرين ديطلعون سنون بعد بيتي د ااحطله جل يخدر اللثه حتى متحكه ويبجي وراسه حار انتي استلمي بعد

[مجنونة بحبها]

هلو ايه اخبارج واخبار يوسف

[توتايه]

دخيلج عيوني لا اريد اعيد ولا بطيخ تالي متالي كاعده بالبيت صار عندي خفقان من وره الدراسه الله يلعنها


حبحب اشربي بابونج وادعيلي اني محد روح نشلتي غيرها كمت اسوي كوب كوب واشرب

[نعومه التميمي]

اني هم راسه بي حراره واربع وعشرين ساعه تخلي ايده بحلكه واني واياه عرك اني اطالع وهي تخلي
اضحكج هنا كلشي مينطون من علاج اخذته بطنه سهال وعده غازات انطاني بندور اني عندي وجع بطني هم اطاني ندور كلشي مينطون

[نعومه التميمي]

ههههههههه هو احنه تعبنه بعد بشغل البيت
يله ميخالف كلشي يهون الخاطر يوسف

[زينب السعدي]

يا ايه منيلي بابونج مااجيب هالسوالف تدرين بيوت المتزوجين الجدد خاليه من هالامور هههههههههههههههههه
هاي تلكيها يم اهلي ويم عيالي ..زوجي تاخر بالدوام ومن يرجع يرتاح وبعد ميطلع لان يريد يشوف ايزيل فمنين اجيب البابونج

[مجنونة بحبها]

احسن حبيبتي العلاج مبيه مضار ولازم المناعه تشتغل

وكلتلكم عن التسبل هههههههههه عيش وشوف انا خبلتني بنونه صار عمرها سنه وهي بعدها رغم ان سنونه كلهن طلعن بس تسبل عبالك مطر ههههههههههههههههه

[توتايه]

هلو حبي امونه والله على حطة ايدج ضوجه وملل

[zena]

هلو بنات هاي شنو خيانه من اكون موجوده محد اكو ومن اروح انور التجمع هههه

[زينب السعدي]

لتكولون ضوجة .. اني كنت دايما اكول ضوجه ضوجه الى ان الله راواني الضوجه الحقيقيه
وصديقتي نفس الشي هم تكول ضوجه ضوجه الى الله اسم اللله عليكم خلاها كم يوم متشوف الي تشوفه لو شي احمر لو ضلمة وكوة داكتره وادعيه ورجعتلها عيونها وهي بعدهال بت 23
كولو احمد لله والشكر

[مجنونة بحبها]

احجي وياكم وانا طالعه روحي اريد اطلع حركتي باي احد ليش ماتجين ايه اطلع حركتي بيج ههههههههههههههههههه











اتشاقه وياج لاتزعلين

[زينب السعدي]

هلا بيج زينه انتي اجتي واختفيتي

[نعومه التميمي]

هلو زينه منوره
امونه والله تكولين لوله مفتوحه الخاولي ابد ميروح من ايدي لان مرات انسه اكلي صدره صاير رطب
ايه شخبار حماتج بعده على حالته

[زينب السعدي]

خطيه هاي حماة ايه ماكو حدة متعرفها بس كولولي شكد عمرها

[توتايه]

اكولج من اي محل يبيعون منه تي باك مثل الليبتون يخبل

[نعومه التميمي]

امونه اني ذاك اليوم طلعت الدنيه من عيني بس شفت ديمه كتله يله احجي الج انتي صديقتي وكعدت السوالف وياه اجي زوجي كال هاي انتي شبيج مخبله سوالف وي نفسج

[زينب السعدي]

يا خو ش خلي يجي رجلي واكله يجيلي اني وياه كلنا سكط

[نعومه التميمي]

زنوبه صدك حكتيتيني ههه
جاي ادور على واحد يجي ياخذه ويخلص ايه

[زينب السعدي]

الله شكد حلو وئام تخيلت منظركم كللش حلو
والله اني لو بمكانج هم هيج اسوي
لعد اني ليش اريد طفل بسرعه هسه حتى احجي وياه حتلو هو ميعرف
الله يخلي ديمه الج ياارب

[zena]

ليش ضايجين الله كريم كلشي ينحل بوكته هسه احنه عدنه برد وكاعده تمطر الدنيااااااا اوووف الجو هنا فد شي غريب بعد كم يوم الساعه 3الظهر ظلمه عبالك 1باليل

[نعومه التميمي]

يسرى شخباره اشو ماكو مختفيه

[نعومه التميمي]

زينه انتي باي دوله
اني ميته من النعاس بس من شفتكم راحت النومه

[زينب السعدي]

زينة انتي بالسويد مو؟؟؟ هناك يكولون الصلاة وحدة وره اللخي ماكو فرق بينهن واكييد كابه اني جربت الشتا بلندن اويلي شكد كئيب مينطاق مصدكت رجعت دبي هالحجي العام
وئام يسرى ملتهيه اختها جابت ولد بعمليه قيصريه ويميه تروح لاهلها تداري ابن اختها لان امه جايبه وعايفته

[مجنونة بحبها]

هههههههههههههه اي وئام انا دوم احجي ويه بنونه وهي هم تحجي وياي ذاك اليوم هيه تبجي كتلها ماما ليش تبجين انا طالعه روحي واتمنى اموت واخلص بس اخاف عليج محد يداريج هههههههههه كامت تضحك وتحجي وياي وتبوس بيه بس كلشي مااعرف من حجيها ههههههههههههههه

زنوبه حماه ايه مواليد 1989

زينه احنه رحبنه بيج وانتي اختفيتي

[زينب السعدي]

يعني موزغيرة ماشالله عاقله وتفهم
والله اني كنت اصغر منها ومن اخويه ومرته يجون ببيتنا لان همو عايشين بيت وحد فمن يجون اذا اشوفهم كاعدين بغرفه وحد مااطب استحي واذا عندي شغله بهالغرفه ادك الباب واخذ شغلتي وافلت بس هاي تسويها لو هي متقصده يمكن تغار لو احد يدزها بالعمدني والله اعلم

[مجنونة بحبها]

هاي كلكم ضايجين مثلي اهئ اهئ اهئ هاهاهاهاهاهاهاهاهاهاها

[نعومه التميمي]

هههههههههههههههههههه صدك حلوه هاي امونه الله يخليه الج ويارب شوفيه عروس
زينب احنه صار 3تمطر هاي عوددخلنه بل صيف وصيفنه ورجع البرد من جديد

[نعومه التميمي]

اه حمدالله على سلامته خطيه بس كون ساعده زوجته حماه لان وحده متكدر

[مجنونة بحبها]

لا هيا خبيثه لان ايه تكول امها تحاجيها وهيا يطبك الحجي منا ويطلع منا غايره منها لان اكبر من ايه وبعدها ممتزوجه الله يساعد ايه عليها ويجيب رجل الها ويخلصها منها كولو ااااااااااااااااااااااااااااااااامين رب العالمين

[زينب السعدي]

لتضوجين امونة اهم شي حالتج النفسيه زينه حتى يصير الطفل
اني اول 3 اشهر مصار عندي وضجت كللللللللش
فبالشهر الرابع كمت من اسوي ويه زوجي مااحط الموضوع براسي ولاهو يحط الموضوع براسه كما نلعب اني واه ع اساس احنا مكبلين وطالعين سوا ونسوي هالوكاحات هههههههه هسه تكولون مخابيل اكيد بس والله اندمجنا بالدور ونسينا الموضوع ووصار عندي حمل بذاك الشهر

[نعومه التميمي]

امونه صدك شلونه بنونه من رحتو للعمره هم وضجتج

[زينب السعدي]

امييييييييييييييين يارب ويزوج كل وحدة تريد رجال

[zena]

اي بنات اني بالسويد وبنات تسلمون ع الترحيب اي اي هنا صيفهم بس شهر حتئ مرات من اشتري ملابس صيفيه اكول ع شنو بعد كم يوم ومشتين ههههه

[مجنونة بحبها]

انا حتى لو اريد انساه رجلي يذكرني بالموضوع وهو يريد الطفل اليوم قبل باجر

[نعومه التميمي]

اني اول 6شهور قررنه ماريد اطفال سابع شهر كال خل نسوي طفل الحمدالله بل ثامن شهر شكل طفل بس جانت التلفونات تركع ماصار طفل ليش لسه هم ميدرون احنه جنه مريد بس جانو من يخابرون ترتفع الكابه عندي

[زينب السعدي]

والله اتعجب ع رجلج شكد يلح
هسه اني لحوحة بس مو مثله ومن كنت الح رجلي يصيح عليه
وبعدين اذا رجلج كلش راغب ليش منحاجيه سووو لو تلقيح لو انابيب عالاقل بيها تحديد جنس وتسوون الي تردوه

[مجنونة بحبها]

اؤؤؤؤؤؤؤؤؤؤؤ حجي الناس يكتل انا ذاك اليوم متت من القهر اجت حماتي وكالت فلانه حملت وفلانه وفلانه جابت تحجي على بناتها وجناينها وبالاخير سالتني وانتي انا غير متت من القهر كتلها الله كريم

[زينب السعدي]

والله احنا هم اول 8 اشهر منريد وراها كلنا خنسوي كان تجي سفريه لزوجي وعافني وسافر بذاك الشهر ورها سوينا 3 اشهر ومصار وبالشهر الرابع صار بس ع قولتج وئام حجي الناس اكل راسنا واحنا نكللهم احنا منريد هسه بس غير يستحون وبعد ميسالون مكاو فايده لاحيا ولا مستحى والله اتعجب ع جرأه هالناس

[نعومه التميمي]

المفروض من زوجج يتقبل الامر وينسيج المووع مو يحسسج بس لاتنسين امه يمكن تلح عليه ويجي يطالع الملحه مال امه بيج

[zena]

الله يرزقج الحمل حبيبه ماما حجي الناس ميخلص اني من زوجت راسا صارت عندي هلونه وهم مخلصت من حجيهم شبسرعه وبعدكم عرسان وووووووو كتلهم بعد صار شسوي اذبه وهذا من غير الي زعل شلون مكتلهم بيا يوم صار الحمل ونصيحه مني سمعي وعبري لان صحتج اهم شي

[زينب السعدي]

شنو ماكو بقلبها رحمة حماتج لو بمكانج كوليلها يعني لو حامل مااكللكم ماكو داعي للسؤال

[توتايه]

رجعلتكم بنات حفيت شواربي واجيت تكولون شوارب صرصر لعبت نفسي ودا اربي حواجبي حتى اغير شكلها

[نعومه التميمي]

والله يازنوبه اني لعبت نفسي من الحجي صوره موبس اهلي واهله حتى اصدقائه من يصدفونه يسئلون ماصار شي ماكو بل طرق حتى هو كال هم ميستحون يسئلون هذا شي شخصي بس على كولتج منو يستحي الكل حابه تتدخل

[مجنونة بحبها]

بنات الحمدلله هذا حال البشر يتدخلون بالصغيره والجبيره

وئام رجلي بلعكس اذا حاجته امه ميقبل على الاعناد بس اذا وحده يبقى يحجي هههههههههههه

[زينب السعدي]

والله طززززززز بالناس حشاكم واني هسه رايحة للعراق واكيد كومة راح اسمع حجي ناس بس اعرف شلون اخجلهم بنزاكة واوقف تدخلاتهم
واني ناويه انشالله من اسقط واسوي حمل جديد هالمرة ما احجي لحد 4 اشهر لو5 يمكن حتى اهلي واهله مااكللهم اسويه بالبوكة ههههههههه والله احسن
بحملي هذا دكيت هورن ماكو احد ماعرف تالي هاي النتيجة

[نعومه التميمي]

يمعود ولا يهمج الحجي

[زينب السعدي]

بالعافيه توتايه انشالله يوم حفافتج لعرس حماتج
بس الله عليج اعزمينا تره نسويلها احلى هوسات من كل قلبنا

[زينب السعدي]

هو احنا شمحصلين من الناس غير الحجي والقال والقيل والمغثه
همزين عود اني بعيده عن الناس بس امي تجيبلي الاخبار فلانه سالت عليج وتكول حبلت لو لا ومن هالخرط
وهمزين عاد عيالي ورجلي ميدرورن هالشي اصلا اني الح وهمو ميلحون

[نعومه التميمي]

هذا رجلج غريب طبعه الله يهدي ويسهل امرج وتحملين باسرع من الضوء
ايه نعيمن على حفة الشوارب
زنوبه اشجعج على هذا الشي لاتكولين منا الحد مايصير 5 كولي ما ادري

[نعومه التميمي]

بنات اني كلش نعست اروح انام تصبحون على خير احلام سعيده بلكي باجر يصير عندي فراغ وادخل اسوالف وياكم

[زينب السعدي]

وانتي من اهلو
نشوفج ع خير حبي

[zena]

نعيمااا ايه هههه وزنوبه اني هم انصحج لتحجين ان شاءالله من تصيرين حامل اني لان صرت حامل بسرعه وكلهم عرفوااا مشفت العافيه وحتئ اسم الله عليكم بوكتها مثبت شي بمعدتي وعشت ع المغذي عيون الناس مترحم

[مجنونة بحبها]

وانتي من اهل الخير واحلام سعيده

انا هم راح اروح لان رجلي اجه ويريد النت باااااااااااااااااااااااااااي

[زينب السعدي]

اني كنت اكول هسه لان حامل يحسدوني ممعقوله قابل اني اول لو اخر وحدة تحبل
بس من رحت للعرس والناس مشايفيني وكلها تعجبت عليه وكلهم يكولون يا ماشالله حامل وعيونهم مكعدت راحة تالي ثاني يوم مباشرة والله انصدم بالخبر
فصدك قررت ماكول لاحد

[زينب السعدي]

الله وياج موانه نشوفج غير وكت انشالله

[zena]

نعومه احلام سعيده وحبيبه ماما بااااااااااااااي واني هم اكولكم باي لان بنتي كعدت ان شاءالله اشوفكم ع خير

[زينب السعدي]

اقصد امونه

[زينب السعدي]

الله وياج زينه نشوفج بخير

[توتايه]

تسلمون حبيباتي

الله يسمع منج زنوبه عمري غير اشد وصله واركص يبو يبو

طبعا كم مره كلتلها ومفاد بيها حساسه كلش ولج بابا شبيج

ياهو الي يحجي وياج كوليلهم موبيدي بيد رب العالمين وكافي ملحه وكوليله لرجلج اذا ظل يلح وينك تره ميصير ليش اتكولين واما بنعمة ربك فحدث لان راح يظل يلح والملحه موزينه تالي اسم الله اسم الله يجي ولد بس بيه شي لو انتي بالولاده يصير بيج شي ذاك الوكت شيسوي خلي يكعد ويسكت وينسى الموضوع هسه تلكين روحج كبل حبلتي

[زينب السعدي]

اي والله صدك الملحة الزايدة مو زينه
رجلي من حبلت كال ولد ولد انشالله كتله حبي كول اهم شي اتمام الخلقة ولد لو بنيه يكولي لتجيبين طاري البنيه وجان يتخبل من اكله اذا طلعت بنيه شتسوي
تالي الله انطانه ولد بس مو زين وحنزله .. هسه شنو فايده الولد؟؟؟
هسه يلا عرف كال صدك هاي من ملحتي
بعد بطل كال صدك اهم شي اتمام الخلقة

[توتايه]

هاي شنو كل البنوات راحو

[زينب السعدي]

اني هنا ايه

[زينب السعدي]

يلا حروح اني لان زوجي ع جية واني بعد قفلت النشلة موتتني مااكدر اسوي شي
اشوفكم بخيير

[روح ملائكيه]

هلووووووو
هاي شنو الكل راحوا؟

[kokee]

هلة بنات شخباركم

[kokee]

والله كئابه ياربي
باجر اروح يم اهلي

[أم أيهومي]

طبعا دائما اجي ومالكه احد لانه زوجي بااوقات دخولكم كاعد عالنت..
زنوبه حبي من تقتنعين بالدكتوره زاهده كوليلي علمود انطيج العنوان كامل وكيفية الحجز عدهة..
ام بنونه حبي..تسلمين عالدعوه يارب يسمع منج ربي..والله داادعيلج احس بيج وبلهفتج اكو زلم مترحم تريد خلفه بأي ثمن..ومتعذر والعيال هم مترحم خصوصا ام الزوج الغاليه..
همزين اني ماعندي كماشه ههههههههههههههههه عندي كماش خخخخخخخ
عمتي متوفيه الله يرحمهة بس جانو يكولون كلش حنينه..وماتت من قهر كماش
هههههههههههه ويمكن على يوم اني هم اموت من قهره..
والله عمو بعشرين عمه..
وبس اني وزوجي وعمي بالبيت وحمواتي اثنين وحده بعمان ووحده قريبه علينه وهم ممقصرات طالعات لابوهن الله يحفظه..
والله قبل جنت اهتم بس من صرت حامل سويتلهم كولهم ديليت من راسي وماافكر بس بحملي وبزوجي..فلتهتمين ام بنونه واصبري..وبشر الصابرين
زنوبه لتقنعيني دااشوف الي يجيبونه من الامارات صديقاتي ملابس تخبل..
والله اني اشتريت من السليمانيه من صيفت ابيت اختي وكملت الباقي من بغداد بس تعبت يالله اقتنعت وزوجي كوله اشترى لون ماوي او سمائي مثل ميكلون وخبلني ميقبل لاوردي ولا اي لون..
بس زنوبه بالمنصور شغلات تخبل..
ويارب تفرحين وتشترين كلشي تحبيه..
نعومة حبي هذا نورج ورده..الله يساعدج استراليا بارده بس حلوة تخبل درسناها بأول كليه اني كلية تربيه قسم جغرافيه سنه رابعه..
اسمي نجــــــــلاء..
ام شوق حبي شخبارج عوفي الضوجه اني اصلا هم جنت ضايجه بس اتونس من اقرا كلامكم..
ونصيحه للكل من وحده تصير حامل لتكول حتى تكمل الرابع ويثبت ابطنهة والله اني جربت هالشي وماحجيت بأخر حمل..
قبل اول متغيبلي الدور اسبوع اكول لجيرانه ودكلي طبل وراهة بيوم تنزل الدوره..
والله عيون الناس مترحم..
وعيونكم جربت كلام الناس والعيال وحتى بالكليه بس من لبست الكل ارتاحيت البسو وانتو ترتاحون...

[kokee]

مساااااااااااااااااء الخير

[توتايه]

مساء الورد كوكي حبحب اني هم راح اروح لبيت اهلي

[توتايه]

بديتي توكلين لولي لو بعد؟
اني نطيته فوح تمن وزوعه عليه

[kokee]

هلا كبد شلونج وشلون يوسف
لا احتمال ما اروح طلعتلهه سالفه تريد تسوي قرايه باجر
والله ذبحتني كل ارد اروح لاهلي تطلعلي قصه اني ما اعاول اشوفهم

[kokee]

اي والله مرات اوكله اسويله تشريب شويه لب صمون واحط علي مركه وامرده كلش ياكله ما يزوعه الحمد لله
واشتريت سرلايك بالرز
اشربه اربع ارقام حليب
احط 3 خاشوكات حليب وخاشوكة سرلايك
هم نوبات يزوعه عادي لازم معدته تتعود

[kokee]

عود الا 6 اشهر يلا ياكل
اشو اهلنه كبل 3 اشهر يوكلونهم وكلشي مابيهم كل واحد شقواته

[kokee]

وزني مدينزل عفت الرجيم لان صدك لعبت نفسي

[توتايه]

منو عمتج؟؟؟؟؟؟؟؟؟؟

[kokee]

اي عمتي
جماله صارت مشرفه وبتهه طالبه مرحله رابعه والشغل براسي ولعبت روحي من كعدة البيت اخدمهن
اريد يطلع تعييني ماكو

[توتايه]

حبيبتي اخاف من وره حبوب منع الحمل؟

صدوك اني اشو اخاف اوكله كلت خلي يكمل 4 اشهر يلا ابدي

[توتايه]

ورقي يطلع تعيينج

[kokee]

دخل يقبط الاربعه وابدي وكلي اني صار اسبوع من بديت اوكله
جماله صاير يبجي بس يشوفنه ناكل جوعي هههههههههههه

[kokee]

يمعوده مو ورقت ويوميه باجر

[مجنونة بحبها]

هلو بناااااات

ام ايهومي حبيبه قلبي مشكوره على تفاعلج وياي وراح اتعبج شويه كليلي هاي الدكتوره شنو اسمها وين مكانها بالتحديد وشلون الحجز يكون وعليها زحام لو زين لان زوجي يتخبل ولا ينتظر يعني اريد طريقه حجز اول منوصل ندخل حتى يقبل ابو الشباب ياخذني الها والله تعبت حبيبتي 3 اسقاطات واخر اسقاط صارله عشر اشهر راح يصير سنه وماكو اي حمل ونفسيتي حيل تعبااااااااااااااانه
ههههههههههه انتي عندج كماش وانا عندي كماشه ليش منزوجهم ونخلص منهم ونخليهم بيناتهم وعلى شرط بيت وحدهم حتى منشوفهم ابد واذا على الشغل انجيبلهم خدامه ونخلص هاااااااااا شكلتي مو خوش حل هههههههههههههههههههه

وصحيح انتي شدرسين وشكد عمرج هاي شويه فضول

انا اكيد عرفتي اسمي ايمان وبنتي اسمها فاطمه بس دلعها بنونه وتعودنه عليه اكثر من اسمها عمرها سنه و5 اشهر وانا عمري 25 وباقي شهرين واصير 26 وزوجي عمره 42 حجيتلج كل قصه حياتي هههههههههههههههه يارب تشوفين ايهومي بصحه وعافيه وولاده سهله ميسره من اول صرخه

[مجنونة بحبها]

هلو كوكي وايه شلونكم

اكلكم انا بنونه عمرها 3 اشهر ووكلتها موز وتفاح بس شويه شويه وبالاربع اشهر وكلتها سيريلاك وفواكه وهاي الحمدلله كلشي مبيها بس العافيه

[توتايه]

فديته ابو بطن ذاك اليوم وكلته كاستر وزاعه ووكلته تفاح مهروس وهم زاعه وشربته فوح وهم زاعه

[مجنونة بحبها]

وينكم بنات شفتوني وشردتوااااااااااااااااااااااااا

[kokee]

هلا بامونه شخبارج كليبي
يمعوده بتج سنه و5 اشهر ومختبص رجلج شجاه عبالي 4 سنين 5 سنين

[مجنونة بحبها]

عادي يزوع بس انتي وكليه شويه حتى لايزوعه

انا بنونه موتتني من الزواع حتى من ترضع لازم تزوع بالاخير
حتى هسه صارت مره ومن ترضع الممه لازم بالاخير تزوع ومن تاكل تاخذ ايدي وتزوع بيها ههههههههههههههههههههههه

[توتايه]

ما ادري امونه اشو بس وكلته زوع

[مجنونة بحبها]

حبيبتي هيا عمرها شهر وهو خابصني بس جنت اخوفها اكله العمليه تنفتح ويسكت وبعدها من حملت صارله واهس بس الحمدلله راح ورجع من جديد يحن براسي قبل فتره رحت للدكتوره وبجيت وعاطت بيه الدكتوره كالت شبيه رجلج بنتج بعدها صغيره وهو كالب الدنيا لو عمرها 5 سنين جان سوه هو يكول اتزوج اذا عمرها 5 سنين وانتي ماكو ويحرك بكلبي حرك

[توتايه]

ههههههههههههههههههههههههه خوش عليها تاخذ ايدج وتزوع بيها

[فتوونه]

مساء الخير حبيباتي شلونكم
ان شاء الله كلكم زينين

اشتاقيتلكم البارحه مدخلت التجمع لان سويت حملت عمل شعبي عالبيت لحد ماانكسر ظهري وهسه رجلي راح تنفجر من الورم والطفل بعد متحرك ابطني وكلش خايفه اذا بقى لباجر ماكو حركه اروح للمستشفى لان ممرتاحه

شنو اخباركم انتو نفر نفر واخبار الحوامل ام شوق وام عمر ماكو وحده بيكم فرغت الحموله وولدت .؟؟؟

[توتايه]

والله كذاب ميكدر يتزوج وين يلكة منج يمعوده كوليله بينج وبين نفسج كوليله لتظل تلح بالحمل وبالولد تره الملحه موزينه شيفيدك اذا اجاك ولد سكط؟

[مجنونة بحبها]

ايه حبي ابنج يدلل عليج ليش انا والله جنت اوكلها موزه كامله بس صغيره وهيا عمرها 3 شهور بس اذا كثرت تزوع

ابنج شبيه

[توتايه]

فتونه يالله يا الله معناها الفرج قريب

[فتوونه]

ايه شلونج
حياتوو الله يسمع منج تعبت والله
راح اطك عبالك نفاخه هههههههههههه



امونه حبيبتي شونج

[مجنونة بحبها]

هلو فتونه نورتي

ايه اخوه عنده ولد ومن صار لليوم بالمستشفيات ماشايف العافيه وهسه اخذوا لامريكا ومالكوله علاج بس هوه مياخذ عبره يكول عندنا وراثه ولد عم بس انتي غريبه ههههههههههههه بس انا كتله ميت مره لو ولد ومثل بنونه معذبني ابد لو مريض مااريد

[توتايه]

والله بوكتها من وديته للدكتوره كالت 5 اشهر يلا تنطيه اكل

[مجنونة بحبها]

الحمدلله تحت رحمه ربي وانتي اخبارج

[مجنونة بحبها]

يجوز معدته متتحمل انتي لاتضغطين عليه

[توتايه]

لا كبل عفته كلتله لا اكل ولا بطيخ

[فتوونه]

امونه
ياربي دوووم بخير

[مجنونة بحبها]

اي جهال هذا الوكت تتدلل

وعن بنونه تموتين ضحك تبقى حابسه الاكل بحلكه تجيب ايدي وتزوع بيها ههههههههههه عبالك انا مغسله عندها

[فتوونه]

ايه

مابيه يوسف الا العافيه ان شاء الله
وكلي اشياء خفيفه لحد متتعود معدته لتنتظرين لشهر الخامس لان بعد مياكل ويصير اكله قليل
واحسن شي البتيته المسلوقه كلش يحبوها الاطفال جربي بيها

[فتوونه]

امونه

صدقة بعد سوالف بنات لوتيات الله يخليها الج يارب

[مجنونة بحبها]

شكرا فتوووووونه وياااااااااارب ماتشوفين شرررررررررررر بحياتج

[أم أيهومي]

مســـــــــــــــــــــاء الورد ,,,
شلونكم بنات يارب بخير..حبي امونه انتي تؤمرين وتدللين اني مثل اختج واي شي ترديه اني حاضره..
الدكتوره بشارع فلسطين..خلف الجامعة المستنصريه يعني من جانب الباب الخلفي وبس توصلين وتكولين اسمهة الف من يدلج..هي بسايد الجامعه المستنصريه من الخلف..مكتوب على قطعتهة الاستاذه الدكتوره زاهده السعدي..وتحجزين بنفس يوم الفحص احد يروح يحجزلك الصبح السكرتيره تخلي ورقة الحجز عند صاحب كشك جاي او كماليات مقابل العياده ومن تجي السكرتيره تاخذ الورقه حاولي تحجزين من وكت علمود اطبين بسرعه واذا شويه اتأخرتي انطي السكرتيره 5 الاف اطببج بمكان وحده مجايه او متأخره عن سراهة..
طبعا العياده بسيطه كولش وحتى هي الدكتوره مو مثل دكتوراتنا يحجن بالفلوس بعدهة تخاف الله وهي حجيه وكبيره شويه بس شعلة ذكاء وخبره والله بفضل الله وفضلهة صرت حامل اتخيلي اربع مراجعات حبايه منطتني كملت فحوصات وكالتلي هو علاجك هذا حتى منظم دوره منطتني كالت هو هذا الي دمركم اي منظم تاخذوه..
ومرات من الاسقاط ينسد الانبوب مثل مصار عندي لذلك كملي فحوصاتك وكلهم بشارع فلسطين مختبراتهم واشعاتهم متطوره والله كريم..والله لوما جربتناهة ومجربيهة اهلي واقاربي من سنوات مانصحك بيهة لانه تعتبر رقم 1 بالعراق وكتلج كم مره اشوف نسوان من الامارات وسوريا جايين الهة..
ياريت والله بس عمو رافض الزواج نهائيا بلكي عمتج من يشوفهة تقنعه ونزوجهم ونرتاح هههههههههه...
اني طالبة كلية سنه رابعه كلية التربيه قسم جغرافيه..اسمي نجلاء عمري 25

وبالعكس يشرفني سؤالك..واسمك حلو واحب اسم فاطمه..ويارب يخليهة الج ويجيهة اخ يقر عيونك يارب..
تدرين زوجي هماتين بكد زوجك سبحان الله..ههههههههههههههههههههه
وانصحك..لتعبين نفسيتج بالتفكير تره موزين اهم شي الراحه النفسيه ولتكترثين لكلام هذا وذاك وشوفي شلون راح ترتاح نفسيتج ويساعدج هذا على الحمل بسرعه والله كريم..
ممحتاجه منك بس ادعيلي اولد طبيعي لانه ماعندي احد بس الله سبحانه وتعالى ماما متوفيه واختي الكبيره بيتهة بالشمال فأدعيلي الله يسهلي واولد طبيعي يارب,,,

[مجنونة بحبها]

اي صحيح البنات لعباتهن حلوه ويحببن روحن خاصه للاب تموت على ابوها ومخليته مدلله زياده على اللزوم

[مجنونة بحبها]

شكرا حبيبتي نجلاء وان شاء الله انكون اكثر من اخوات وشلون صدفه انا وياج نفس العمر وزوجي وزوجج نفس العمر هههههههههه
وينه كماش هسه بس يشوف كماشه يطيح بالحب لانها تموت بالحبيات ههههههههههههههه وشلون فرصه نخلص الاثنين ونضرب عصفورين بحجر ههههههههههه

زين السكرتيره ماعندها تلفون حتى نحجز بالتلفون اخاف زوجي يعاند وميقبل يروح يحجز والله شلع كلبي هذا الرجال وياريت لو تسويلي انابيب حتى اسوي تؤم واخلص كم سنه من القال والقيل هههههههههههههههه

[مجنونة بحبها]

يارب ياسميع ياعليم سهل ولادت اختي نجلاء ولاده طبيعيه سهله ميسره من اول صرخه اللهم ااااااااااااااااااااااامين رب العالمين

[مجنونة بحبها]

هلوووووووووووووووووووووووووووووو وين رحتو بناااااااااااااااااااااااااااااااات

[kokee]

اسفه بنات الاشاره جزعتني

[kokee]

اني موجوده بس كون تنصح وياي الاشاره اهئ

[kokee]

وينكممممممممممممممممممممممممممممممممممم

[kokee]

صدوك ضوجه وين رحتو

[kokee]

شكلي بروح وانتو ماكو

[توتايه]

اني اجيت بنات منو موجود اريد اسولف للصبح

[أم أيهومي]

حبي امونه اسفه لانه طبيت متأخره ومرديت عليج اكيد هسه توتايه هم طلعت..
حبي تسلمين للدعاء الحلو مثلج ويارب يفرح كلبج..واتشرف بهيج اخت..
اما عن كماش فهذا يرادله وحده كلبهة بكد بغداديالله تحمله..
والسكرتيره حبي ماعندي تلفونهة لانه متنطي وهاي هي طريقة الحجز الوحيده..الي يم الدكتوره وكتلج تكدرين تروحين حتى اذا بلا حجز وكوليلهة اني من محافظه بعيده جايه واطيهة فلوس للسكرتيره ام محمد اطببج هي مره عجوز وحبابه..
والله يسهلج يارب..

[مجنونة بحبها]

جمعه مباركه

شكرا ام ايهومي ويارب يقتنع ابو الشباب وياخذني الها لان هو ميقبل ياخذني اراجع والحمدلله والشكر

رحاااااااااااااااااااب وينج غياااااااااااب

دلوعه شلونج وشلون علاوي

صعوبه وينج شخبار سيف

[مجنونة بحبها]

بنات اليوم طالعه روحي واريد بس ابجي

وانوب اشتغل وعقلي يجيب سوالف قديمه تشلع الكلب

شلون بله راح امووووووووووووووووت من القهررررررررررررررررررر

اتمنى هسه اغير جو واطلع واروح لاي مكان حتى لو جهنم بس خل اطلع بلكت انسى شويه

اؤؤؤؤؤؤؤؤؤؤؤؤؤ حتى مااريد اكتب من الضوجه

[زينب السعدي]

شلونكم بنااااااات جمعة مباركة عالجميع
نجلاء اني كلت لزوجة اخويه تشوفلي دكتورة زاهدة لان بيت اخويه بشارع فلسطين يم الجامعة المستنصرية وشكلها قريبه عليهم ... وانشالله اروحلها ويصير خييير
شلونج امونة شبيج سلامتج يمعودة لتظلين تحمسين بروحج وهذا زوجج لازم تسويلج حل وياه يعني ميطلعج وبس ينق عليج وهالمرة يريد طفل وميوديج تراجعين .. يعني ماكو واحد يوقفه عند حده شنو هاي والله الله يساعدج

[توتايه]

جمعه مباركه على كل البنات

[روح ملائكيه]

جمعه مباركه
شلونجن حبايب قلبي؟؟
طبعا قريت كل كلامكم الي فاتني ههههههههههه
وربي يسهل للجميع ان شاء الله
عمري ايمان لازم تشرحين لزوجج وتفهميه مايصير يلح ع الطفل يعني زين من تحملين والطفل بيه تشوه لا سمح الله؟؟
نجلاء ربي يسهلها عليج وتولدين ولاده طبيعيه ان شاء الله ..اني هم وحدي هنا بالامارات بس ولادتي طبيعيه بس عندي ضيق الله لا يراويجياه عمري..ان شاء الله تولدين ولاده سهله وهينه بأذنه تعالى..

زنوبه تروحين وترجعين بالسلامه واتونسي ولا تهتمين للقيل والقال تره حجي الناس مايفيد بس يضر وشوفي دكتوره زاهده وان شاء الله ربي يكتبلج الحمل السليم المعافى المشافى..

توتاتيه عمري تعرفين عدنه بالامارات مايرضون ننطي اكل للطفل الا بعد 6 اشهر !!!!!!
ومايصير تبدين بأكلات ثكيله على معدة الطفل حتى السريلاك مكتوب عليه بعد 6عمر اشهر ..
ابدي ويه ابنج بملعقه صغيره يوميا عصير برتقال طبيعي وبعدين صفار بيضه من يتعلم عالاكل والفواكه والخضار المهروسه احسن من اي اكل ودائما وكليه (طازج) مو معلبات وهالسوالف لأن تأذي معدته خطيه.. وربي حتى الماي هنا ينطوه بعد عمر 6 اشهر هههههههههههه

كوكي شلونج عمري وشلونه ابو علاوي ان شاء الله صار احسن؟؟ ابنج شكد عمره الله يخليه؟

فتونه يلا ولدي بسرعه حتى انتم السابقون ونحن اللاحقون هههههههههههههههههه

[روح ملائكيه]

ان شاء الله مانسيت احد واذا نسيت عذروني تره بيه داء النسيان ههههههههههههههههههه

[روح ملائكيه]

البارحه بالليل اجتني آلام موتتني وبس ابجي من الساعه 2 للساعه 7 تقريبا زوجي خطيه يكلي اخذج للمستشفى اكله لا ماعندي آلام بظهري ولا نزل عليه افرازات بنيه (علامة الولاده) مااروح وابجي واجيت للصاله امشي وابجي والله ابناتي ماحسيت بأي الم شو بس هالطفل طالع مكلوبي ماادري عليمن؟ هههههههههههههههههه
بشوق طك ماي الراس وولدتها قبل موعدها وبملاك رايحه اتمشى للمستشفى واضحك بصالة الولاده وتاليها كالوا ولاده ههههههههههههههه
بس هالطفل معاااااااااااااناة

[مجنونة بحبها]

هلوووووووووو بنات

زنوبه حبيبتي ميتحمل انتظار على الدكتوره ومن ياخذني يشبعني حجي روحه رجعه خاصه اذا لكينه ازدحام او الدكتوره اتاخرت من غير كم مره تعارك ويه السكرتيره ووصلت للطرد بسبب حضره جنابه وهسه حرك كلبي خابرني كال شتريدين اجيب وياي يمه العطار كتله جيبلي عشبه البردقوش يكلي مو هسه مو هسه ومقبل يجيب وحرك كلبي


روح ملائكيه هلو حبيبتي اخبارج


ايه اخبارج واخبار يوسف وصحيح البرتقال لاتعصريه ليوسف الدكتوره تكول الحمضيات مو زينه الى عمر السنه تاذي المعده بس باقي الفواكه موز تفاح لا جانت تنصح بيها وبنونه تموت عليهن وهسه كبرت صارت متاكلهن هههههههههههههههههههه


باقي البنات شلونكم اخباركم

[مجنونة بحبها]

حبيبتي ولاده الولد تختلف عن البنيه يكولون اذا عندج البنيه سهله الولد تصير صعبه وبالعكس يعني كل مره شكل والله اعلم هذا الي سمعته

[نعومه التميمي]

هلو بنات شلونكم جمعه مباركه على الجميع
نجلاء حبيتي يارب تكومين بسلامه اني اسمي وئام مزوجه راح يصير سنتين وعندي بنوته اسمه ديمة عمر شهرين ونص وعايشه بوحدي بستراليا بس اني وزوجي حلو استراليا بس مو كل مناطقه بارده احنه بولاية كويزلاند خلو جو بس بصيف تشوي شوي من الحر
امونه حبيبتي ليش ضايجه بس حقج من زمان ما شايفه اهلج يمكن اذا ترحيتن تتغير نفسيتج
روح ملائكيه الله يسهل ولادتج بحق محمد وال محمد وجمع البنات
زنوبه شلونج اليوم يمته انشاءالله ترحين للعراق
ام يوسف حبيبتي هنا سئالت الدكتوره على اكل ديمه با شهر احسن تاكل كالت بعد 6 اشهر لان المعدته تكون جهازه هسه ماكو مناعه عند الطفل يكوم يتقىء

[مجنونة بحبها]

هلو وئام شلونها ديمه حبيبه كلبي

انا ضايجه من الدوره ومن الخنكه احس بروحي مخنوكه اريد بس حجه حتى ابجي اهئ اهئ اهئ

[روح ملائكيه]

البارحه طلعت رحت لمحل اسمه الموناليزا يجوز تعرفيه زنوبه ؟يصير كدام بيتي ورحت مشي اني وزوجي والبنات بس ظهري موتني كوه امشي ..
الحمدلله كملت مستلزماتي الي احتاجهن للولاده الي وللطفل بقت بس الحفاضات لازم اختار مابيهن عطر بامبرز بيها عطر مااعرف شأختار والله حيره؟
قبل جنت اولد بالعراق وامي ماترضى بحفاضات تكلي وره الاسبوعين ع الاقل عود استعملي حفاضات مو زين ع الطفل بس هسه مضطره استعمل حفاضات للطفل لازم اروح للسوبر ماركت واشوف حفاضات بلا عطر

[نعومه التميمي]

هلو حبيتي ديمه تبو سايدج اليوم مسويه ارضراب عن نوم متقل تنام كاعده من العشره الصبح وهسه ساعه 8بليل وماتقبل تنام تعبتني
والله يساعدج بس هذا الشي مو بيدج شسوي ترى الدنيه متسوى لا تزعلين نفسج عندج بنونه تسوى العالم كله

[نعومه التميمي]

عني روح اني هنا ل مستشفى نصحوني بي حفاظات هاكيز كلش خوش نوعيه

[روح ملائكيه]

هلو ام بنونه
هلو ام ديمه
شلوووووووووونجن؟

[مجنونة بحبها]

مبروك على جهاز الطفل اي لازم حفاظات بدون عطر انا بنونه من اول ساعه لبستها حفاظه واستخدم بيبي جوي كلش زينه

[روح ملائكيه]

ام ديمه ماشايفه هالنوع (هاكيز) عدنه ماشايفته اروح للصيدليه بلكت الكاه عدهم

[روح ملائكيه]

تسلمين عمري ام بنونه ان شاء الله يوم تجهزين جهاز اخو بنونه ..ربي يرزقج بالولد الصالح

[نعومه التميمي]

اذا تريدين انطيج صورته على مود اذا شفتي تعرفي
هاي صوره ديمه حلوه

[نعومه التميمي]

http://forum.hwaml.com/imgcache2/hwaml.com_1317983363_918.jpg

[نعومه التميمي]

هاي الصوره مال الحفاظات

[زينب السعدي]

الله يهون عليج امونة تدرين اني بيه انفلونزا وشحالني اسم الله عليكم فبالليل من نمت احلم احلام هوسه بس انتي جيتيني بالحلم طبعا اني مااعرف شكلج فمابين شكلج بالحلم بس اشوف الهيئة مالتج كأنه وكنت حييييييييييييييييييل فرحانة كأنه صار تغييير بحياتج وافز من النوم ومن ارجع انام هم ترجعيلي وكلللش فرحانة .. ياربي يفرحج عن قريب بجاه الحبيب محمد واله الطاهرين وبجاه هذا نهار الجمعة
وئام اني الثلاثاء انشالله اروح لاهلي والله كريم ادعيلي
ام شوق يلا اتحملي الي يريد الحلو يصبر على مره والحمد لله الله قسملج ولد وانشالله ترتاحين فترة وتحبلين مره لخي تجيبيله اخو مو تكولين لالا تره نريدله اخو لتعوفيه وحده بهالدنيا خطيه
بالنسبة الي اني اريد 2 ولد و2 بنات حتى محد منهم محتاج اخو لو اخت كل واحد عنده اخ او اخت يساندوه بس رجلي ماشالله عليه يريد عشيرة والله يكدرني احققله كل اليريده
نجلاء خابرتني زوجة اخي وقالت اكو واحد ميعرف دكتورة زاهدة وكالت قريبه ع بيتهم كلش كالت انشالله وره الاجهاض ندوديج الها ويصير خيير.. وشكرا لان قدمتيلي هالخدمة الله يسهلج عليج ولادتج من اول صوت بحق فاطمة وابيها وبعلها وبنيها والسر المستودع فيها

[زينب السعدي]

حبيبتي ديمة تجنن دبدوبه الله يحفظها الج ولابوها يارب ويرزقج بالولد الصالح انشالله

[نعومه التميمي]

مشكوره زنوبه انشاءالله عن قريب تفرحين بيبي بحظنج بجاه النبي توصلين بسلامه وانشاءالله عندج العافيه وتحملين اول مرتجعين من العراق

[روح ملائكيه]

تسلمين عمري ام ديمه على الصوره بس مشايفتهن عدنه بالامارات

[نعومه التميمي]

ليش شعجب لان اختي بل عراق تستعمل منهن وكلش زينات ميعبرن ومابيهن ريحه كلش مريحان

[روح ملائكيه]

ام شوق يلا اتحملي الي يريد الحلو يصبر على مره والحمد لله الله قسملج ولد وانشالله ترتاحين فترة وتحبلين مره لخي تجيبيله اخو مو تكولين لالا تره نريدله اخو لتعوفيه وحده بهالدنيا خطيه

هههههههههههههه
هلو عمري الله يكومج بالسلامه
لا هذا هو بعد قفلت لأن الدكتوره محذرتني من حمل رابع تكلي ارتاحي كم سنه ثم الحمدلله زوجي عنده اولاد 2 من زوجه سابقه يعني ماعنده عذر هههههههههههههههههههههههههههههههههه
ولو هو يحب الاطفال وخصوصا البنات

ام ديمه بنوتج حلوه ربي يحفظها الج ولأبوها ان شاء الله يوم الي تحملين بولد اخو لديمه

[روح ملائكيه]

ليش شعجب لان اختي بل عراق تستعمل منهن وكلش زينات ميعبرن ومابيهن ريحه كلش مريحان
والله ياريت الكه منهن راح ادور بالصيدليات الي يمي وبالمراكز التجاريه بلكت الكه من هالنوعيه..

[توتايه]

اوووووووووي فديتها لديومه خطيبة ابني فديتها تجنن صايره ولج عضيلياها

اللهم صلي على محمد واله الطاهرين

[نعومه التميمي]

شكرا حبيبتي ام شوق والله على التجره الي مرية بيه ديمه اكو توبه ما اسوي بعد طفل بس زوجي يريد

[روح ملائكيه]

راح اكول لزوجة اخوي على دكتوره زاهده حتى تروحلها لأن خطيه(اسم الله عليكم) متزوجه صارلها 10 سنوات وماعدها طفل واخوي هو الولد الوحيد على 4 بنات واحنه كلنا متزوجات وعدنه اطفال بس اخوي خطيه..
بس اهلي مو سكنة بغداد وحيره واخوي موظف ..ان شاء الله يقبل اخوي يروحلها لأن يتعاجز هههههههههههههههههه ومل من الاطباء بصراحه ..زوجته غلاف بيضتها سميك ومايتلقح وجانت بيضتها صغيره بس هسه كبرت وصار حجمها 22

[روح ملائكيه]

ام ديمه سويلج طفل وارتاحي بس كون تنسقين ويه الدكتوره حتى يصير الجنس ذكر ولو هو بأيد رب العالمين ..

هلو توتايه منوره عمري شلون صار ابنج؟

[نعومه التميمي]

هلو ام يوسف مو يدلل يوسف وين احصل نسيب احسن من يوسف شلونج

[نعومه التميمي]

والله يام شوق الله كريم هو كله بيد ربج بس هنا ماعدهم هاي الشغلات ويوجون من العرب لان يدورن الولد
ايه ابوه ما يقبل واحد يعضه هههههههههههههه

[توتايه]

بالدول العربيه عدنا هاكيز بس يصير لون الجيس اخضر اذا زينه اخذ لسوفي لان بامبرز صايره تسرب هيه وفايني بحيث هدومه تتنكع اكيد مضبوطه وئام هالنوعيه؟

[توتايه]

حبيبتي ام شوق روحي جيكي بالمستشفى لان اني بيوسف صار عندي وجع وماعندي طلوكه رحت للدكتوره لكت عندي توسع اصبع ونص وكالت الصبح اروح للمستشفى يسوولي طلوكه اصطناعية خلولي مغذي جبت بس تره الوجع كلش كلش قوي بالظهر وبالبطن لازم تتحمليه

[نعومه التميمي]

والله كلش زينه لان بل مستشفى انطوني منه هنا من صيرين 3اشهر يحولوج للمستشفى هم يعلموج شنو تستعملين للطفلكالو هاي احسن نوعيه وصدك هسه اخليه بليل من ساعه 9 الحد العشره الصبح مسرب ابد ما تخلي الطفل يمشك

[روح ملائكيه]

لون الحفاضات حسب العمر والوزن يتغير
اي بامبرز صايره مو زينه عود يكولون حمايه 12 ساعه هههههههه والله ساعتين ماتتحمل

[نعومه التميمي]

والله هاي عن تجره واكو اهواي بنات مجربته واعمار اطفالهم فوك السنه كلش زينه حديثي الولده تكون لون الكرتونه خظره يكتبونه عليه Newborn

[نعومه التميمي]

بس هسه اني اخذ على حسب وزن ديمه هسه اخذله من 5كيلوات الحد 11كيلو

[زينب السعدي]

بناااااات شكلكم عدكم كعدة سوالف بس المشكلة اني حييل دايخة ومتاذية من الانفلونزا ودااسوي غده تمن وفاصوليا وفوك المرض هالمرة لازم اطلع اتسوك لاهلي موصيني كومة سوالف عبي خليجيه وجنط واحذيه تكرمون وسواالف كومة .. الله يصبر زوجي ويتحملني اليوم ههههههه

[روح ملائكيه]

حبيبتي ام شوق روحي جيكي بالمستشفى لان اني بيوسف صار عندي وجع وماعندي طلوكه رحت للدكتوره لكت عندي توسع اصبع ونص وكالت الصبح اروح للمستشفى يسوولي طلوكه اصطناعية خلولي مغذي جبت بس تره الوجع كلش كلش قوي بالظهر وبالبطن لازم تتحمليه

عمري توتايه هو اني اصلا ماعندي طلوكه وموعدي ويه دكتورتي الاحد الصبح الساعه 8 يعني عكب باجر وهو يخلولي المغذي يله اطلك بس بهالطفل تجيني آلام قويه خصوصا بالليل والصبح (طبعا اني ولاداتي كلها بالليل) طوارئ هههههههههه
والالم الي الله ان شاء الله اكدر اتحمله واقاوم مااشرد من صالة الولاده هههههههههههههههههههههههههههههههههههههههههههههههههه ههههه

[زينب السعدي]

كاعدين تسولفون عالحفاضات ذكرتوني ببنت اخويه عمرها سنتين حبيبتي بس دبدوبه ماشالله ودياخذولها اكبر حجم بالحفاضات وديفلت منها ههههههه ...يرادلها حفاضات توصا

[روح ملائكيه]

ههههههه الله يعين زوجج اليوم زنوبه ع المصاريف اذا هي بس العبي الخليجيه تكسر الظهر همزين اني خلصت من الصوغات ورجعت لبيتي
الله يعينج ماره بهالمعاناة كل سنه وقائمة الطلبات ماتخلص والف عافيه عالتمن والفاصوليا اليوم اني مسويه برياني دجاج بس حاااااااااااااااار ههههههه ومركه بتيته

[روح ملائكيه]

يلا حبايبي اترخص اشوفكم على خيررررررر

[مجنونة بحبها]

هلوووووووووووووووووو

اكو احد موجود لو لالالالالالالالالالالالالالالالالالالالالالالا

[مجنونة بحبها]

ماشاء الله ديمه صايره تخبل الله يحفظها ويرزقج اخ الها

اللهم صل على محمد وال محمد

[توتايه]

حبيبتي ام شوق اني جان يصير عندج وجع بالليل تالي طلع عندي توسع


بنات عمتي هم طلعتلنا شغله حتى منروح لبيت اهلي وكعدت دكيتها بجية




اريد ارتاح كافي والله حرام

[مجنونة بحبها]

تعالي شوفي حالي من عيد الفطر لليوم مشايفه اهلي وطالعه روحي وماكو احساس لا من كماشه ولا من ابنها

[روح ملائكيه]

عمري توتايه هو منتظره موعدي عكب باجر ويه الدكتوره والله كريم

سبحان الله لا الي عند العيال مرتاحه ولا الي ابيت وحدها مرتاحه..
ذكرتوني من تزوجت ابو شوق كتله خطيه امي ماالها احد من تحتاجني اروحلها كالي صار وتدللين من هالحجي وداعتجن مابتت عد اهلي بس بولادتي ومن اجي للعراق وجان يجيبني لأهلي من جنت بالعراق كل اسبوع نكعد ساعه بس وهو وياي هههههههههههههه
يمعودات هي الي تتزوج تعرف اهل بعد ؟؟؟

[روح ملائكيه]

اجه الليل واجت الآلام ..اخاف يصير بيه الي صار البارحه
ادعوووولي
ربي ييسرها عالجميع

[مجنونة بحبها]

الله يساعدج ام شوق انا ليليه ماانام على على الفاليوم اسم الله عليج سنوني موتتني من الالم

[مجنونة بحبها]

اكو احد لو اررررررررررررررررررررررررروح

[حبيبي]

مرحبا اني وصلت ههههههه
سلامت اسنانج ايمان
ليش مو كنت اتعالجيها بلمستشفى مخلصتي منهاااااا كلشي ولا وجع السن اه
روح ملائكيه عادي هالوجع علامه لقرب الولاده الله يسهل عليج يارب
وتكومين بسلامه
ايه شخبارج شنو عندج مشكله انى لسه مقريت الصفحات ههههه

[أم أيهومي]

سلامتج ام بنونه..
اني والله البارحه نمت سبحان الله من دعواتج..تسلمين حياتي..
ام شوق يارب الله يسهلج واتجيبين وترتاحين يارب..

اني والله الادرار موتني وعندي حركه بالادرار ودتسبب الي حكه داخليه دااستعمل بيكاربونات الصوديوم وميفيد عبالك دتزيد..رحت للدكتوره نفس الحاله عادت البيكاربونات بالوصفه

اكوللكم بنات..احسن حفاظات بيبي حديث الولاده شنو اريد نوعيه زينه لانه دااحضر جهاز البيبي
عندي نواقص ودااريد اعرف احسن نوع حفاظات..
واشووووووووووووووفكم على خير

[توتايه]

شلونكم بنات

امونه زين انتي مايوديج ليش همه مايجون يشوفوج


رحوب عمري مشتاقتلج كلش

[زينب السعدي]

صباااااااح الخير بناااااااااات
رجاءا ...رجاءا...رجاءا اريد مساعدتكم وهمتكم لان حتخبل والله
اهلي معايشين ببغداد والاطباء الي بمحافظة اهلي كلهم يردون موافقة من المرجعيه عالاجهاض ولا كانه الدكتور الي بلندن كالي تقدم الحمل يهدد حياتج بالخطر والدكتورة الي بدبي كالت الطفل صغيير كلش والمشيمة كبيرة حييل ولازم تتخلصين منه لان خايفه عليج من كبر المشيمة .. يعني الا اموت يلا يرتاحون والمرجعية منطتني موافقة يكولون هذا ذنب عظيم مع العلم الي اعرفه من يصير عمره 120 يوم تنزل الروح وهو بعده اقل 120
الي اريده منكم الي تعرف طبيبة مسيحية زينة ومتدور هالسوالف اجيبلها التقارير الي تثبت كلامي وبس تكتبلي حبوب تنزل الطفل لان المسلمات ديبعين ديانة براسي صارن متدينات ع اخر زمن
بناات الوقت ابد مو بصالحي لان تقدم الحمل مو زين عليه والمشيمة دتكبر بشكل مو طبيعي واريد انزله قبل انزال الروح بي
واذا تعرفون مستشفى الراهبات بالكرادة هو مال دكتور مسيحي ... متعرفون يسوون هيك شي ولا لاء؟؟؟؟
بنااااااااااات انتظر ردودكم ومساعدتكم لتنسوني تره اعتمادي ع الله و عليكم

[نعومه التميمي]

هلو زنوبه شلونج الله يكون بعونج بس تعرفين انتي لو منزلته وانتي بلندن اهواي احسلج
لان بل عراق ماعتقد راح تحصلين موافقه لان زوجة عمي صار عده طفل بس دون راس وسونار اثبت هذا الشي واشافو بعينهم بس مقبلو ينزلو لا مراجعيه انطوه موافقه بعدين راحت على ممرضه تشتغل بلبيت هي نزلته انتي شوفي اذا تحصلين طيران على لندن روحي سقطي ورجعي

[زينب السعدي]

وئام والله تعبت من الروحة والرجعة للندن طرق 7 ساعات انهار من وراه
راح اروح للعراق وافره فر الا مااكالي طبيب لو طبيبه يسووها
تره هي مجرد حبب يكتبولياها واخذها من الصيدليه وينزل الطفل وراها بيومين ومرات نسوان يحتاجون بعد هالحبوب كرداج لان مرات متنزل كل السوالف يعني المشيمة لو كيس الحمل ومااعرف ايش يعني يكون بس الطفل نازل مثلا عود بذاك اللوكت اي واحد يكدر يسوويلي كرتاج لان اصلا الطفل نزل بس يسوولي تنظيف
والله الشغله ميحتاجلها كل هالهوسه مدري ليش معقديها

[روح ملائكيه]

صباح الخير بنات؟ شلووووووووونكم؟

الله يعينج زنوبه ..المرجعيه ماينطون اجهاض للحامل ابد حتى لو الطفل بيه عيب خلقي
احسن شي تدورين على ممرضه تسويلج كرتاج او قابله مأذونه ماعندج غير حل..

[روح ملائكيه]

روح ملائكيه عادي هالوجع علامه لقرب الولاده الله يسهل عليج يارب
وتكومين بسلامه


تسلمين حبيبي ربي يسهل ع الجميع ان شاء الله


ام شوق يارب الله يسهلج واتجيبين وترتاحين يارب..

اني والله الادرار موتني وعندي حركه بالادرار ودتسبب الي حكه داخليه دااستعمل بيكاربونات الصوديوم وميفيد عبالك دتزيد..رحت للدكتوره نفس الحاله عادت البيكاربونات بالوصفه

اكوللكم بنات..احسن حفاظات بيبي حديث الولاده شنو اريد نوعيه زينه لانه دااحضر جهاز البيبي
عندي نواقص ودااريد اعرف احسن نوع حفاظات..


الله يخليج عمري ام ايهومي ربي يسهلج ولادتج على خيررر
اي الادرار زاد كلش لأن الطفل ديضغط على المثانه وهم اكو عندي حكه بالرغم انه استعمل غسول مهبلي اسمه مي فامي كلش زين انطته الي الدكتوره وحتى بيه عطر روووووعه بس دكتورتي انطتني كريم للحكه فادني والله استعمله عند الحاجه
بالنسبه للحفاضات شوفي الي مابيها عطر البنات البارحه كالن اكو نوعيه اسمها هاكنز موجوده بالعراق زينه بس للاسف محصلت منها بالامارات عدنه اني اشتريت بيبي ليدو (سوبر دراي)لأن بس هالنوع الي لكيته بدون عطر ان شاء الله تكملين جهاز الطفل على خيررر

[روح ملائكيه]

البارحه طلعت دورت على حفاضات بدون عطر مالكيت بس بيبي ليدو(سوبر دراي) كلهن بيهن عطر (بامبرز-بامبي-سانيتا-فاين-كاتي-جونيور)
اضطريت اشتري بيبي ليدو وكلت اذا لكيت غير نوعيه بعد احسن هم اشتريها وامري لله

[روح ملائكيه]

البارحه نمت لل5 الصبح بدون مقاطعه كلت راح اسجلها بكتاب غينيس للارقام القياسيه ههههههههههه لأن اول مره انام ومحد يكعدني لو مااروح للحمام تكرمون

[توتايه]

زنوبه حبيبتي اعرف دكتوره بزيونه بعيادتها تسوي عمليات بوكتها سوت عملية لامي لان الطفل جان مشوه وهم مقبلو بالمستشفيات ينزلوه راحت عليها ونزلته هيه مشهوره بهالسوالف


ولج عيني ام شوق فايني تلعب النفس استعملتها لابني وسوت عنده حساسيه رجعت على البامبرز لان والمته بس مشكلتها تنترس بسرعه

[توتايه]

نوم العوافي حياتي ام شوق يبو شكد مكروهه الكعده بنص النومه لان تريدين تروحين للحمام شكد جنت اموت من هالكعده