تجمع حوامل العراق واتمنى اكو احد موجود

[حبيبي]

واخيرا على ترك الاب توب لي هههههههههه

[رودينة الراوي]

اخبار يسوفي شلونهة حركتة

[رودينة الراوي]

ههههههههههههههههههههههههههههه
الله يحفظة لج

[توتايه]

وية هالحر استبراد والله حالتنا حاله احنه

[حبيبي]

مووووووو استبراد هذا طلق كاذب
بدايت طلوقات

[رودينة الراوي]

اي حبيبتي لان نسبح وكبال المبردة ونستبرد

[حبيبي]

تسلمي يسرى ترك النت وصار يبجي يريد سونى محمول بليستيشن
اها من طلباتهم متخلص

[توتايه]

والله الافندي صاير بس ينام كعداته قليله بس زين 10 حركات باليوم

[رودينة الراوي]

لا أني برد لان بطني شوية لينة ( وانتو بكرامة )

[توتايه]

الله يسمع منج رحوبه والله ضجت اريد اجيب

[رودينة الراوي]

اي أعرفة psp زوجي عدنة واحد بالبيت زوجي من هوات الألعاب هههههههههههههههههههه

[حبيبي]

الله يساعدكم حمل وحر يربي الحمد الله انى خلصت منها
بس اختى طالعه روحها ههههههههههههه بشهر السادس قربت عسابع
بس ضايجه من روحها اتريد تجيب

[حبيبي]

يله يسرى خطريه ليه حتى اسكت علاوي بيه زوجك كبر على العاب هههههههههههههههههه

[توتايه]

ديري بالج يسوره موزين الاسهال على الحامل وخاصة انتي وصلتي للاخير

[حبيبي]

ايه انسي الحمل ولايام وفجاء تولدين ههههههههههه

[حبيبي]

اي الاسهل يسبب طلق وفتح لرحم بس اذا مره بليوم عادي اكثر لا

[رودينة الراوي]

اي ان شالله بس الحمد لله مو قوي

هههههههههههههههههههههههه
رحوب لو انتي قريبة جان انطيتلجياه لان مديستعملة عندة بلي 3 واكس بوكس ونانتندو ماعدا العاب الحاسبة وحالياً اشترى ايفون وملتهي بيه
مو أكلج من يجي كلشي مااشوف منة ههههههههههههههههههههههههههه

[توتايه]

ههههههههههههههه شلون انساها واني ما اكدر اتحرك خطوتين اليوم بال6 اروح للدكتوره وراها اروح للصالون اسوي حواجبي البارحه شقرت وجهي لان ما استحمل احد يحفلياه بالخيط يمكن الي يحفلي وجهي اضربه واكسر ضلوعه روحي بخشمي فشقرته واليوم اسوي حواجبي

[رودينة الراوي]

وعادي التشقير للحامل
أني اخاف منة

[حبيبي]

هههههههههههههههههههههههه زوجك محل العاب متنقل لو اني جرتكم حطيت على معه بغرفه لو الى ابطنج ولد كان انبسط على هلابو المطور وكل العاب جنبه
زوجى هم شرى ايفون ولا يشيل عينه منه صار زوجته الثانيه هههههههههههههه

[رودينة الراوي]

رحوب منكدر ننسى أني دااحسب بالأيام دورات افتح المنتدى حتى اشوف التوقيع مالتي باقي كم يوم ههههههههههههههههههههههههههه

[حبيبي]

وانا ما يطالعني كثر الايفوووووووووون هههههههههه

[حبيبي]

ايه الله يساعدج وليش اتشقرين فلحمل انا اخاف لانه مو اد كيائيه

[توتايه]

يؤيؤيؤ يسوره هاي شنو اني يفتح الفارم فيل يكعد 3 ساعات عليه بالفيسبوك اكوم اكمز

[حبيبي]

اذا راقبتو انفسكم راح اطول المده ولايام وشهر التاسع كل يوم عن سنه وغير توتر الاعصااااااااب

[توتايه]

لا حبيبتي ماطولت وميأثر لان وصلت اخر التاسع بس قبلها جنت ما اشقر

[رودينة الراوي]

ههههههههههههههههههههههههههههه

تدرين أني صرت مدمنة مال العاب مثله عندي ايباد ومليتة العاب بس هوة اشترى الايفون لان قليل انطيه الايباد لان محتل كلشي خلي عالاقل الايباد الي ههههههههههههههههههه

[توتايه]

اي والله البارحه الظهر كمت ابجي ونمت من ورا البجي لان احس روحي مخنوكه اريد اجيب واخلص

[حبيبي]

والله صلحتو على بعض جدر ولكت غطهاااااااااااااااا
على قولتهم يسرى ههههههههههههههه

[حبيبي]

يسرى بتنولد ردونه وهى فاهمه للعب دئما بغمز لكم

[مجنونة بحبها]

وين الترحيب انا اجيت هلللللللللللللو

[رودينة الراوي]

بنات والمزيل زين عالحامل ؟؟؟؟

شكد اسوي مشاكل من ورة الألعاب يجيني ب8 ونص وينام ب12 ونص وهاب الفترة مااشوف منة غير نص ساعة والباقي بين العشة والألعاب والإنترنت واني ماكلتها اهئئئئئئئئئئئئئئ

[حبيبي]

لا تفكرين ايه ولا تبجين الحمل هذا هو وانتو لساتكم ببدايت المشوار بس ولد واحد بعدين اتشوفون التعب بلحملات الجايه ومع طفل فيدكم

[حبيبي]

اهلين ايمان راح اذبحج من الصبح اناديج
ردونه لانج انتى عطيتيه مجال للعب وتلعبين معه اتسلى خلاص

هم المزيل مواد كميائيه اني اخاف منهم

[رودينة الراوي]

هلووووووو امونة شلونج واخبار بنونة

ههههههههههههههههههههه
شفتي بلة رحوب خلاني أصير مثله

[مجنونة بحبها]

بنات انا هسه رجعت من اهلي واخذت راحتي على الاخير سوالف وضحك رحت الصبح الساعه 8 و4 رجعت وصحيح حفيت وجهي وكتلت بنت اختي لانه حفتني ومتت من الوجع

[حبيبي]

ههههههههههههههههههه بلعافيه على الحفاف انا محف وجهي اخاف حار بس احف حواجبي
ورجولي وديني ببرون
انا الي اتحفلي تكول كانك بتولدين على هصراخ هههههههههههه

[حبيبي]

وصبح اكول ايمان وين اتريها بيت اهلها
بس المنتدى موجود اسمج انتي فتحه من اهناك

[رودينة الراوي]

لا والله رحوب مو أني
ابن عمه رح يصير عمرة 35 سنة ومدمن مال العاب اظاهر عدهم وراثة بهالشي ههههههههههههههههههههههه

بنات فتت سبحت والبرد زاد عندي والله خايفة من الاسهال

[مجنونة بحبها]

رحوبه اعذريني حبيبتي والله اليوم صار افراج رحت لاهلي وحفيت وجهي وخليتهم يجيبولي ملابس داخليه واختاريت على ذوقي ههههههههه وانا بالبيت وودعتهم اخاف اروح للعمره لان بعد مراح اشوفهم

[رودينة الراوي]

بالعافية حبيبتي امونة
وزين رحتي لبيت اهلج خلصتي شوية من كماشة

[حبيبي]

اي وراثه يحبون هشغلات في شباب كثيره مدمنين العاب
مره شفت حركه با احدى المنتديات ههههههههههههه طريقه للجماع وزوجين يلعبون
مدمنين لدرجه ميكدرون يتركونه ويشتغلون فشتغلو وكل واحد يلعب بلاب توب

[مجنونة بحبها]

رحوبه حبي الفتره قليله وماكدر اعوف العايله الكريمه وافتح نت لاني مشيافتهم من شهر وامي مريضه وزوجه اخوي صاير عندها شقيقه ورحت اودعهم فد مره وعن الحفافه متت من الوجع وكتللهم لو اني حامل جان طرحت من التقلصات والوجع

[حبيبي]

متى بتروحين للعمره زوجي يقول مو الخميس الجاي الى بعده بيروح انتى متى بتروحين
واليوم سويت لك دعوه لهلاميل الي مو جاي يزبط معنا ورساله على البريد
يله شوفي اذا وصلو

[رودينة الراوي]

شسوي رحوب أني بعد 3 اسابيع زواج حماية وماعندي غير المزيل لان مالي حيل الحلاوة او البراون فكلت اسوي بس ايدي ورجلي بيه وعالولادة هم رح اسوي بالمزيل

[مجنونة بحبها]

الله يعافيج يسرى حبيبتي اي والله حسيت بروحي شويه ارتاحيت من فضفضت وسولفت والله هنا خنكه لو ماكو نت جان اتخبلت بس والله اشتاقيتلكم

[توتايه]

الف الف الف هلا بأمونه حبيبتي والف عافيه على الحفافه والف عافيه على الملابس الداخليه واخيرا انتي اختاريتي

يسوره المزيل ابد ما استعمله اني لان كبل رجليه وايديه تطكطك دمايه

وخاصة هناك ابد ابد موزين

اكول ليش متشترون لردونه psp صغير مال جهال حتى تلعب وياكم وهيه بالكماط ميصير هيج والله عيونكم راح تروح

حبيبتي يسوره اني اول ما اسبح البس اي شي واحط مخده لو لحاف خفيف على بطني المهم بطني تدفه وخلي جسمي يصير قطعه ثلج ميهمني

[حبيبي]

يله انبسطتي وغيرتي جو وسلامتها امج متشوف شر
والله يرجعج لهم سالمه ان شاء الله

وزين اشتريتي ملابس داخليه على ذوقج ويريت هم ملابس جايبين اتشوفينهم راح يوصل محل الملابس لبيتج ههههههههههههه

[رودينة الراوي]

هية يوم بالشهر المفروض تنسينا مو تشتاقيلنة

[مجنونة بحبها]

ماعرف شوكت نروح لان لحد الان جوازاتنه بالسفاره السعوديه مااجن

عيني يسرى انا كله جنت اسوي بمزيل والحمدلله بنونه مبيها شي عن تجربه لاتخافين والله الحافظ

[حبيبي]

استحملي لبرون يسرى مو كثير اتالم واحسن من المزيل ويطول الشعر ميطلع
بس اخاف من هلاشياء الكميائيه فلحمل

[توتايه]

بنات جربتو معجون الاسنان وية الحفافه اني جربتها وية حماتي لان حماتي اذا احفلها شواربها تدفر ابطني خليلتها معجون اسنان ولا حست بأي شي جربوها

يسوره اذا متعوده على المزيل سوي بس ايدج ورجلج لان غير مناطق موزينه وجربي على منطقه صغيره من ايدج وشوفي اخاف يحركج لو شي

امونه ليش متخليهم همه يجيبولج هدوم مال بيت لو مال طلعه اكيد ذوقهم حلو

[حبيبي]

جوازاتكم بسفارتنا ههههههههههههه خلاص اطلعها لكم بكره هههههههههههههههه
ان شاء الله يطلعون عن قريب

[رودينة الراوي]

هههههههههههههههههههههههه
توتاية خوش فكرة عجبتني

لا لا المزيل كلت بس لايدي ولرجلي واشتريت فيت الوردي بس 3 دقايق واشيله

[توتايه]

هههههههههههههههههه حلوه شلون تطلعيها بالله؟

[مجنونة بحبها]

ومليون هلا بايه عبالي ولدتي بعدج لعد شوكت تفرج هههههههههه


يسرى مو شفت النت وردت ادخل اسولف وياكم بس الوقت قليل وكلت ارجع للبيت وارجعلكم ههههههههههه

رحوبه اي شلعت كلب اختي جابت انواع الملابس وانا اختار وارجع الي مااريده بس ملابس مشتريت لان عندي هواي ومحتاجيت هههههه

[حبيبي]

راح انجرب المعجون ونشوف انا ويسرى ترى متواعدينج ههههههههههههه راح انموتج ضرب
لو حسينا بالم
بنجرب من تحت بس استنى هالتهاب يخف منى

[توتايه]

هم جربيه على منطقه صغيرونه اخاف يتحسس جسمج منه اني مره جبت البخاخ الي وياه اسفنجه وخليت منه وصار على اظافيري واظافيري عبالك ماعت صارت لونها ابيض وثخينه وكامت تحركني جربيه على منطقه صغيرونه احسن

[رودينة الراوي]

اي اي رحوب أني هم رح اجرب بس بعد الولادة لان مااتحمل هسة ومااشوف كلشي

[حبيبي]

ايه واسطه اشبيج متعرفين للواسطات
اني اريد ملابس جديده عندي عرس اولاد عمتى 2
وبنت عمتى
كلهم بليله عرسهم
وريد ملابس لدلع ابيتي شي قصير امفسخ ههههههههه
اليوم اني لابسه شورت وقصير حيل وعلى بس يتمسخر عليا امى اشلون لابسه هيج
راح اكول لابوي عليج قلت كول لابوك هههههههههههههههههه

[مجنونة بحبها]

رحوبه سلامتج من الالتهاب شنو سببه

[توتايه]

لا والله حبيبتي بعد ما اجه الفرج ياربي الفرج قريب

اي رحوبه اكيد تحسين المنطقه خدرت وسويها واهم شي قطعه الحلاوه تصير صغيره مو جبيره لان من جبيره توجع

[مجنونة بحبها]

بنات هاي بنونه متخليني اكتب تريد تكتب مكاني هههههههههههه

[رودينة الراوي]

لا أني استعمل الكريم اي نوعية بخاخ تاذيني دائماً بس الكريم لا

[حبيبي]

وكال لابوه قال ابوه استنى اخذها للغرفه واادبها لامك ههههههههههههههههههههههههههههههه
افهموها عاد ههههههههههههههههههههههههههههه

[رودينة الراوي]

بنات اروح اتغدة وارجع كلش جعت
بااااي

[حبيبي]

معرف شنو سببه اول الشهر جاني ونهايته وتكول الدكتوره يمكن من السكر عندج مرتفع وحللت وبتصل 5 ونص لنتائج

[مجنونة بحبها]

صحيح البخاخ ياذي بس الكريم وخاصه فيت لالالالالالالالا رهيب

انا راح اروح احضر الفطور وبنونه بس تبجي تريد النت هههههههههه

[توتايه]

قوليله اي كول لابوك خلي يجي يشوف بلكي يحن خخخخخخخخخخخخخخخخخخخخخ

بنات رقبتي صايره سووووووووووده وبيها حبوب وموكاعده تروح امي تقولي وره الولاده تروح ومضوجتني كلش

[حبيبي]

متغديتي لهلحين خوش ردونه هلكت روحي بسرعه بتنولد جلده وعظم خطيه

[حبيبي]

رقبتك سوده عادي هذا كلف الحمل يروح بعد الولاده ويطول اربعين يمكن يضل هههههههههههههه فتحملي هسواد برقبه والابط وصدر

[توتايه]

خوش فتان اي خليه يأدبج ليش هيج كاعده بالشورت هههههههههههههههههههههههههههههه

[حبيبي]

الكل بيروح للاكل اهئ
صحتين للفطور والله فطور الصايمين حلو وله نكه غير هههههههههههههه حسبيني معاكم

[توتايه]

الف عافيه يابنات مطرح ميسري يمري

[حبيبي]

انا البس قصير وشورتات ومتعود عليا بس من جت الشغاله ملبست سنه كامله وقبل الحمل الشورت ميفوت من بطني
فلما لبست اليوم استغرب شنو هالبس هههههههههههههه
ابوه اجى استانس واي قال تعالي لادبج قلت وللتهاب لا اخاف هههههههههههههههه حار متحمل

[توتايه]

ضايجه لان زوجي راح يرجع للبيت

رحوبه احس بنغزات بالمنطقه من جهة اليمنى

[توتايه]

يالله بلكي فيه علاج للالتهاب :d

[حبيبي]

ان شاء الله خلاص قربتي وهذي النغزات علامه للماي بينفتح
عطتني تحاميل ومرهم وغسول دش مهبلي
واليوم بعد النتائج انشوف اشلون

[حبيبي]

متى بيروح زوجج ما بيروح معاج لعند الدكتوره يطمن عليج

[توتايه]

انشاء الله سلامات حبيبتي يلا اني اروح اشوفج بالليل واذا انتي ماكو اتركلج خبر شكالتلي الدكتوره انتي هم لاتنسين قوليلي النتائج باااااااااااااي

[توتايه]

اي بيروح معاي وراها يروح للبيت

[حبيبي]

يله اتحملي افراقه عشان هالمستشفى اكريب لابيتكم وعشان يوسف وعشان راحتج

[حبيبي]

يله شبعي منه غزل وكلام حلو بلمستشفى وقبل ميروح خذي كم بوسه وشغله يخلصه ويروح بسلامه هههههههههههههههههه

[حبيبي]

اكيد اكتب لكم اني هالحين بخابر دكتورتي واكت لكم شنو النتائج
وتروحي وترجعي بسلامه
وان شاء الله اتفرحينا بخبر حلو

[حبيبي]

اتصلت على الدكتوره ومطلعت كل النتائج لانه اليوم زحمه على المختبر
طلعت نتائج البول طلع عندي التهاب وبكره اروح الها مشان العلاج
ومره وحده اشوف النتائج الثانيه

[حبيبي]

مساااااااااااااااء اليل
منو موجود

[مجنونة بحبها]

انا اجيييييييييييييت
مساء النووووووووووووور

[مجنونة بحبها]

رحوبه حبي ليش تضحكين علي لان ابجي على الطيور انا ابجي بقهر وكلما اشوف القفص فارغ ابقى ابجي هههههههههههههههههه

[مجنونة بحبها]

تصبحون على خير واحلام سعيده

[حبيبي]

مرحباااااااااااااااااااااا اكو حد ولا اروح

[حبيبي]

ايمان وانتي من اهل الخير
اعذريني اشوف كلامج ومقدر ارد النت بطى والمنتدى ميفتح عندي
وحتى البريد حكي هم ميفتح اقراء رسايلج بكره ان شاء الله يفتح وشوفهم

[حبيبي]

اليله ايه مجات حتى اطمنا شنو قالت الدكتوره

[رودينة الراوي]

هلو رحوب شلونج اخبارج معرفتي نتائج باقي التحاليل

[رودينة الراوي]

أية وينج شو مطمنتينا عنج احجيلنا اخبار يوسف نزل لو بعدة يجر بظهرة هههههههههههههههههههه من هسة يتدلل عليكم

[رودينة الراوي]

وينكم بنات

[رودينة الراوي]

عبالي اسولف وياكم
اظاهر مو قسمتي
رح اروح انام
تصبحون على خير واحلام سعيدة

[توتايه]

هلو بنات من ضوجتني مفتت وكلتلكم شكالت الدكتوره اول شي زايده 4 كيلوات ورزلتني لان كلش هوايه وضغطي 14\10 ونص انطتني حبوب مال ضغط حبايتين باليوم والجاهل منازل راسه للحوض وكالت منا ليوم 25 اذا بقه ظغطي هيج يدخلوني عملية وكمت ابجي وطلعت من يمها جان اعثر واوكع على رجلي وهسه رجلي مورمه وتوجعني كلش ورجعت للبيت ضايجه فدمره كبل نمت وكلت لزوجي وكعت وضاج وسد التلفون بوجهي بدال ميوكف وياية بس مكلتله على الضغط طفرت روحي فدمره

[توتايه]

وينكم بنات

[حبيبي]

يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ سلامتج

[توتايه]

شفتي شلون حالي رحوبه مره مره متضايقه

[حبيبي]

النت عندي كلش بطئ
اشنو هالخبريه وليش متنتبهين لصحتج ايه ليش هيج اتسوين
وشلون طحتى منتبهت لطريق ولا من الزعل يربي
يله الى الله كاتبه لج راح يصير
اتكلي على الله وريحي نفسيتج ترى مهمه بهالفتره اتكونين مرتاحه
واستمري على الحبوب والاكل خليه دايت وبدون ملح كلش

[حبيبي]

لا تضايقين ونسي السالفه وكل الحوامل اتمر بيهم مشاكل حمل
انتى ضغط اني سكر اجاني
وولدت وما فيني ولا فلبيبي شي اهم شي نفسيتج ترتاح
لا تضوجين وزوجج اتصرف هيج خايف عليج وعلى ابنه بكره يعتذر

[حبيبي]

اهلين ردونه اسفه منتبهت لج كنت على المسن متصورت ادخلون هالوقت ضجت ورحت للمسن
وتحليل لسه مطلعت بس البول تكرمون وفيه التهاب
وسكر بكره تطلع بروح الها العصر

[توتايه]

والله مهتمه بصحتي وامي لعوزت نفسي بالاكل الفاهي والدايت والضغط صاعد والله تعبت

اي جنت ابجي ودا امشي وضايجه ووكعت رجولي تموتني

لا بضحكج اقوله ادري بيك زعلان مو تعبان بمسج يرد علية يقولي اذا فتحتي نت احصديلي زرعي بلعبة نلعبها بالنت خلاني بالنار

[توتايه]

ميخالف حبيبتي انشاء الله بس التهاب وتاخذين علاج ويخف وانشاء الله السكر طبيعي يارب

[حبيبي]

رجلك اشلونها هالحين اذا لستها اتالمك كمديها بماي دفى وحطي عليها زيت زيتون

[توتايه]

ما اكدر اطويها من الوجع امي حطتلي عليها جل مخدر

[توتايه]

رحوبه وينج؟

[حبيبي]

ايه يربي الكلام ميوصل انقهرت
هههههههههههههه زوجك يضحك والله
كمديها رجلك واذا منفع روحي لدكتور

[توتايه]

هوه باجر اشوفها اذا بعدها اروح للدكتور

كولي زين ماوقعت على بطني وقعت على رجولي

[حبيبي]

اي والله الحمد الله مو على بطنك
سلامتج ولا تزعلين الحمل كله مشاكل وتعب من اوله لاخره
وانتى مو اول وحده لا تخافين واهم شي نفسيتج اتكون مرتاحه
ومتشجعه للولاده

[توتايه]

الف الحمدلله على كل شي هذا يوسف الوكيح يحب الايسكريم اكلت هسه وكام يرفس

[حبيبي]

هو بس متى يطلع هاليوسف ولو اشوفه اقرصه بخده
على هتعب

[حبيبي]

ههههههههههههههههههه اي بردي على قلبج بلايس كريم
ونسي اهمومج
وحصدي زرع زوجج ههههههههههههههههههههههه
صدك فاضي زوجك احر معندك ابرد معنده
بس طريقته بلمصالحه اعجبتني هههههههههههههههه

[توتايه]

اي والله اني كلت لامي بس يجي اعضه من ايده

[حبيبي]

بس بشوفيه راح اتبوسيه من يده
وانا حامل بعلي اول طفل
قلت نفسج راح اعضه اضربه
ولما شفته بسته ومصيته وشميته
يالله شعور يجنن ههههههههه

[توتايه]

هههههههههههههههه امي تقولي اي تعضيه بس بشفافج لان كلبج ماينطيج واصلا حتى بشفافج ماتكدرين كلبج ما ينطيج


حبيبي علاوي الله يحفظه الج وتشوفيه عريس

[توتايه]

رحوبه وينج نمتي ولا رحتي على ابو الشباب

[نعومه التميمي]

هلو بنات شلونكم شخباركم شكوماكو
مشتاقتلكم بس ماكدر افتح نت لان كلش تعبانه من الكحه الله بيعده عنكم

[رودينة الراوي]

وي وي وي وي
أية شنو هالاخبار ليش ديصعد ضغطج ووزنج اذا أكلج كلة دايت حبي اكلي حامض ينزل الضغط جيبيلج ليمون واكليه مثل متاكلين البرتقال وبدون ملح أخذي فد 2 او 3 ليمونات باليوم هواية تفيد تنزل الضغط بس أكليها انتي وشبعانة مو جوعانة لان تاذي المعدة
شلون صارت رجلج اليوم ان شالله احسن
ان شالله تكومين بالسلامة حبيبتي

رحوب ننتظر اليوم تطمنينا عنج

بنات أني البارحة واليوم مغص بمعدتي قوي واسهال ( وانتو بكرامة ) والله تعبانة وخايفة علة ردونة حيل دااحاول ادفي نفسي زين اتخيلو حتى نمت واني لابسة دشداشة ردن اهئئئئئئئئئئئئئئئئئئ

[رودينة الراوي]

هاي شنو نعومة مراحت منج الكحة
رحتي لدكتورتج انطتج علاج

[ليموو ليموو]

السلام عليكم ورحمه الله وبركاته
سلالامات للكل
يارب خيرر
ايوو سلامات حبي يارب ماتكون رجلج بعدها تاذيج
ولاتخافين من الضغط اني من شهر السابع شكل عندي التزمي بس بالحبوب والملح استعملي مال ضغط بالصيدليه يبيعونه ميرفعه
ولازم ينزل الواطي ل 8 والله يسهل عليج يارب طبيعي وتخلصين

رحوبه سلالامات طمنينا عنج وعن التحاليل يارب خير

نعومه سلامتج من الكحه اجر وعافيه
يسرى شلونج حبي شخبارج
اهم شي دفي رجليج يعني القدم لو حتى البسي جواريب احسن مادفين جسمج كله
ولا تخافين اكلي لبن حامض او ليمون هم زين وجاي نومي بصره
والف سلامه يارب

ام بنين الله يرحم العصفور والله يعينج على هيج قلب رهيف ههههههههه
شلونج وشلون البطه بنين

[ليموو ليموو]

صدك البارحه رحت للسونار وباجر باذن الله اروح للدكتوره
السونار :ممممم يعني الطفل كاعد لحد الان وهو من الشهر السابع كاعد ولحد لان
كالت اذا ضل للتاسع لازم عمليه
وهاي طبعا نفس حاله ابني يوسف هم من السابع الاخ كعد وحلف ميكوم
والله يسهل
الورم بعده الحمد لله ومفاصل الحوض دتوكع برغي برغي
ههههههههههه

يالله اكوم اني هسه وان شاء الله اشوفكم بعدين
اروح اسوي غداا
راح اسوي مطبق قرنابيط
مع السلامه

[حبيبي]

مرحبااااااااااا اشلونكم منوره ام يوسف واخيرا جيتي
اشتقنا لج اشلون الخطار متعبوج
واذا حالف يجلس ميكوم هههههههههه حلفي انج مطلعيه من بطنج بلكي يخاف ويكوم خخ

اتمشي المشي زين حتى يغير وضعيته الطفل

وبلعافيه مطبق القرنابيط واريد الطريقه يمكن اطبخها يوم
اني بلمطبخ وجالسه اطبخ كشري هاي اكله مصريه هههههه

واذا على براغي الحوض اني نفسك بلحمل برغي ورى برغي طاح والحمد الله بعد الولاده
رحت لورشه وصلحوني ههههههه
ومنقهره من المنتدى ابد ميفتح عندي ولفتح ثقيل ومربع الرد على الموضوع ميطلع عندي اهئ


ايه البارحه معرفت اسولف وياج المنتدى اقفل عندي



وئام سلامتج من الكحه اشربي نعناع ساخن وعلاج للكحه استشيري دكتور


اروح لطبخي ورجع ههههه ليحترق

[حبيبي]

يسرى كلي زبادي روب زين يوقف الاسهال
وروحي لدكتوره لانى بشهر السادس اجاني اسهال وصار عندي طلق مبكر وولاده مبكره
وتنيمت يوم بلمستشفى حتى يوقفون الطلق والاسهال
لازم اتعلجين الاسهال واكلي موز هم يوقف الاسهال

[مجنونة بحبها]

السلام عليكم شلونكم بنوتات

ايه شنو هذا الخبر المو حلو ليش وزنج صعد وانتي اكلج دايت الله يكون بعونك ورجلك شلونها

رحوب حبيبتي شلونج وشخبار الالتهابات واخبار عيالك

يسرى شكول عليج وانا اقراء بردج على ايه وتحجين على الليمون خليتيني امطك واشتهيته هههههههههههه وشني سالفه البروده احنه بعز الحر وانتي بروده هاي اكبر نكته ههههههههههههههه الله يشافيج


ليمو عاش من شافج شني هذي الغيبه تعالي كولي شنو ولد لو بنيه وليش كاعد وميقبل يتحرك الظاهر عنيد من البدايه ههههههههه وعن كلبي اي والله ابقى ابجي على اي شي اشوفه يموت كبالي البارحه نظفت القفص مات الكناري وتخيلت شكله شلون من مات وانا ابجي وازيدج مره وانا حامل هم جان عندنه كناري والبزون جرحته وانا لازمه القران وادعي وابجي كون الله يشافيه ومن مات تخبلت من البجي وحتى رجلي يحجي علي يكلي لايصير شي بالبنيه من البجي هههههههههههه مخبله مو

وئام سلامتج من الكحه اشربي شي دافي والله يشافيج قادر ياكريم

سلالالالالالالالالالالالالالامي للجميع

[مجنونة بحبها]

هلووووووووووو رحوب شلونج

راح اكل بنونه وارجع لاتروحين

فاصل ونواصل

[مجنونة بحبها]

اكلتها بنون واجيت هلالالالالالالالالالالالالالالاو

[مجنونة بحبها]

وينكم بنات اذا اجيتوا ارسلولي تنبيه

[توتايه]

الله يسلمكم بنات ادعولي اعدي هال13 يوم على خير

يسوره عمري اكلي لبن حامض او اكولج على شي سحري

جيبي نومي بصره مطحون وجاي جاي ممخدر خبطي مقدار خاشوكه مال الاستكان واكليها وشربي مي وراها والله جان عندي اسهال اسبوعين بس سويتها راح

[مجنونة بحبها]

هلو ايه ان شاء الله تعدي هذي الايام على خير وتولدين ولاده طبيعيه سهله

[مجنونة بحبها]

تعالي سولفيلي شلونها رجلج

[توتايه]

والله مورمه فدمره مخلصت من ورم الوزن هالنوبه ورم الوكعه

اسم الله عليج شلون وكعه وكعت كلش اتأذيت

شلونها بنونه؟

[مجنونة بحبها]

الحمدلله زينه بس صارلها 3 ايام متقبل تشرب حليب ولا ممه شالعه كلبي

اؤؤؤؤؤؤؤؤؤؤؤؤ سوده علي منين اجت هذي الوكعه ديري بالج على يوسف

[غنى2011]

سلام عليكم
طبعا اني كلما اجي ما الكه احد هذا هم حظي

[غنى2011]

توته سلامات ليش هيج توكعين ديري بالج على نفسج حبيبتي

[مجنونة بحبها]

هلو غناوي تعالي انا موجوده شلونج وشخبارج

[توتايه]

شسوي غناوي شفتي شلون صارت حالتي لالاحبيبتي اني وامونه موجودات

زين اكل متاكل؟ جبس نساتل

شلونج غناوي وشلون النونو؟

[مجنونة بحبها]

لا حبي هيه تاكل بس حليب متشرب وانا اخاف يصير عندها نقص بالكالسيوم ولاتاكل بيض واي شي مفيد متقبل تريد ببسي لو سفن والله اليوم فرغت قوطيه البيبسي وخليت بيها حليب ابو الموز حتى يتغير شوي الطعم وهي بس شافت القوطيه اجت تركض ولما شربت واذا تلعب نفسه وتضربني انا والحليب ومقبلت تشرب ولا كدرت اقشمرها ههههههههههه مو بنيه عبالك جنيه

[توتايه]

مو موزين الببسي ولا السفن لان السفن يسوي عدها قبوضيه

اكولج زين ليش متوكليها موطه ام الحليب بهالطريقه يدخل الحليب بجسمها اني هم ما اشرب حليب الدكتوره كالتلي اكلي موطه ام الحليب وكاستر ومحلبي بارد وطيب

[مجنونة بحبها]

هههههههههههه موكتلج بنتي شيطانه انا مانطيها لاسفن ولا بيبسي لان تسوي تنخر بالعظم بس اليوم سويت الها محلبي ومقبلت تاكل سويتلها هذي حبوب الكاكاو مات الاطفال ويه الحليب ومقبلت ومخليت شي مسويته وياها ومفاد وبالاخير كعدت وكمت ابجي

[مجنونة بحبها]

غناوي وين راحت

[توتايه]

ما اعرف وين راحت زين ليش متسويلها جلي؟ الجلي امي تكول زين للعظام

[نسمة]

مساء الخير والطيبه على عيونكم

الله شكد حلو تلكه العراقيات مجمعين ب مكان واحد يااااااااااي

احب انضملكم اذا تقبلوني واذا لا الم جنطتي واروح اسوي لجوء بغير دولة هههههههههه

شكد نحب الجوء احنه وين مانروح ندور لجوء

اني من هولندا وحامل 5 اشهر اول حمل الي عمري 23 عرفتكم بنفسي بعد شتردون

وكل الهلا بيكم حبيباتي

[مجنونة بحبها]

الجلي بعدني ممجربته اجرب وياها والله كريم

[توتايه]

هلا ومية هلا بنسمه الف هلا والف مبروك الحمل وربي يتمملج على خير

لا صدك جذب وين ماخذه الجنطه ورايحه تعالي هلا بيج ويانه نورتينا اني اية اسمي الحقيقي وعمري 21 سنه وحامل واول طفل الي واني من بغداد

انتي من بغداد واذا من بغداد من وين؟

[مجنونة بحبها]

ميت هلا اشرقت وانورت هلا بنسمه

تعالي وين رايحه لالجؤ ولا هرب كافي هروب ولجؤ تعالي لاهلج ووطنج هو اكو اغلى من العراق

انا اسمي ايمان وعمري 25سنه وعندي بنيه وباقيه على الشحن انتظر رحمه ربي

انتي شنو اسمج الحقيقي وصار اشكد متزوجه

[نسمة]

وبيج اكثر حبي ايوته اني من كربلاء وحاليا بهولندا

حبيبتي الله يكومج بسلامة وتفرحين بالنونو الحلو مبين من الشريط ولد؟؟

اني مشافوه عابتلهم كان ساد رجليه الحلوة بس احتمال بنوته لان يكولون البنيه هي الي تسد رجليها على اساس تستحي ههههههههه

[توتايه]

وبما انه احنه عراقيين هاي احلى تضيافه حبيبتي

[نسمة]

امونه حبيبتي تسلمين اي خلص بطلنه لجوء من زمان هههههههههههه

اني صار سنة و 6 اشهر مزوجة واسمي زينب ماتتصورون شكد فرحت من لكيت تجمع عراقيات

لان قبل هيج دخلت ملكيت تجمع النه راسا طلعت كلت ماكو عراقيات وضجت اهئ اهئ

حياتي الله يرزقج بالذرية الصالحة وتشوفينهم مالين البيت عليج

[توتايه]

http://forum.hwaml.com/imgcache2/hwaml.com_1307366340_564.jpg (http://arb-up.com/vhdslf9ncidm)

[مجنونة بحبها]

هلا وميت هلا باهالي كربلاء الطاهره

هههههههههههه لا عيني انا بنتي من اول شي بينت وماكو مستحه كله حجي انا هنا يكولون الولد يستحي ههههههههههههههه

[نسمة]

والله يبنات متعرفون اليوم كعدت كئابه لان مطر والجو تعبان وبقيت بس ابجي

ولا اكلت ولا شئ لان اني بوحدي هنا وبيت اهلي بعيدين عني

بس هسه انتعشت من شفتكم

[نسمة]

شكرا شكرا شكرا ايوته والله شهيتيني

خخخخخخخخخخخخخخخخ امونه مبين عليه وتيحه بنتج من هذا

[مجنونة بحبها]

هلا بزنوبه حبيبه قلبي انا رجلي يكول بس تصير عدنه بنيه ثانيه انسميها زينب وبنتي هذي الوكحه اسمها فاطمه ودلعها ام البنين بنونه بكيفج من حسرتي سميتها ميت اسم

[توتايه]

الف هلا بيج حبيبتي اي يكولون ولد الي يجي من الله انعم الله

انشاء الله تفرحين بشوفة النونو هاي صار عدنا 2 زنوبات وحده من النجف وهيه هسه بالنفاس جابت قبل فتره

الله يسلمج حبيبتي وانتي هم يكومج بالسلامه

ويرزقج يا امونه الذرية الصالحه

اني هم صارلي سنه و6 اشهر اني يوم 16_12 اتزوجت اخاف اني وياج بنفس اليوم هههههههههههههه

[مجنونة بحبها]

تعالي ويانه وتنسين الكأبه والضوجه هههههههههههه لان هنا سوالف

بنتي وكحه موت هاي صورتها بالتوقيع انطيني رايج بيها

[توتايه]

لا حبيبتي موزين عليج الكأبه اني ليهسه بية كأبة مال حمل يلا عمري كومي اكلي شي خفيف حتى ليجوع النونو

[توتايه]

فدوه شلون بنونه مال كرط انشاء الله تشوفين اخوها وتشوفيها عروس

[مجنونة بحبها]

بنونه رادت تدخل ايدها بالمروحه وجان راحت اصابعها وتخبلت

وانوب فتحت شعرها عبالك اليوم عرس ابوها ههههههههههههههههه الله لايكولها

[نسمة]

ايوته اني يوم 5_12 يعني انتي وراية بشوية بالبرد اشاااااااااااااااه شبعنه برد هههههههههههههه

امونه تخبل الله يخليها يارب ضحكتها حلوة ودنفوشه واسم ام البنين يخبل يالله شكد احبه

هسه صايرين مكافش اني والرجال على الاسم اني اكول بسمه وهو يكول نسيم ولد محضري ومخلصين

بس امونه الثاني ان شاء الله ولد حتى هاي هيه ولد وبنيه ونكعد ونسكت

[مجنونة بحبها]

شكرا حبي ايه والله يفرح قلبج بشوفه يوسف قره عينج يارب

الله هذا حلم اشوف اخو لبنونه وارتاح هههههههه

[نسمة]

هههههههههههههههههههههههههههههههه شنو هل الفال ام فاطمة يمة الله يبعد لهناااااااااااك بعيد

اي حبي هسه اكوم اكل

الاكل على النار

[توتايه]

وي وي وي هاي شنو البطه شجابها على البنكه ديري بالج حبيبتي


اي والله شلون برد جان بس يلا احسن حتى يبقى المكياج ميسيح بالحر هههههههههههههههههههههههه

[نسمة]

فطومة شكد عمرها ؟؟؟

[توتايه]

انشاء الله حبيبتي اكولج امونه اني صارت عندي 3 شغلات نذرتها بخبز العباس وصارت ومجربتها تصير ليش متنذرين؟

[مجنونة بحبها]

زنوبه يرادلها بخت من يجي الولد واخلص من القال والقيل ومن حجي الناس

[مجنونة بحبها]

حبي عمرها سنه واليوم كملت الشهرين

ايه نذرت لام البني ولابو الفضل بس ياسبحان الله اراده الله فوك كل شي ماادري ذنوبي هواي والله ميسمعني ولا يستجيب الي


هههههههههههه انا تزوجت 7/5 بعز الحر بتموز بعد شهر وانكمل اربع سنين وندخل الخامسه

[نسمة]

اني وزوجي كنا متفقين منسوي اول سنه اطفال لحد مانروح للعراق زيارة نتونس شوية وبعدين

يالله رحت للعراق وماخذه وياي حبوب مانع اخذ كدامهم وتعرفون شيكولون ؟؟؟

يكولون متروحين دكتور هنا هناك دكاترتهم ماتفتهم شئ هههههههههههههه خبلتني عمتي ام زوجي

وعماتي اخوات بابا لحد ماطلع شبيب براسي خلال شهر واحد

عاد رجعت شهر 11 وتوقفت عن المانع الحمد لله صار حمل خابرتهم كتلهم يالله رتاحيتوا هيج

وهسه كل واحد يكول شئ واحد يريد ولد واحد يكول ابنيه

يعني هيج هيج منخلص من الناس اوووووووف من حجيهم

[توتايه]

لا حبيبتي لتكولين هيج هذا كله امتحان من ربج ديشوف صبرج حبيبتي الله يعوضج خير يارب

[نسمة]

ان شاء الله العمر كله سوة حبيبتي ولايهمج بالناس وداعتج ماتخلصين منهم

بعدين بنتج بعد زغيرة خلي تكبر شوية حتى جسمج يرجع يتلملم

يعني انتي بالبداية مصار عندج حمل لو انتي كنتي متردين ؟؟

[مجنونة بحبها]

حجي الناس ميخلص والله يسووها حرب نفسيه

[توتايه]

والله لو شنسوي ميصيرلهم جاره

اني كلتلهم ولد فمرات اكول لعمتي احس ابطني ابنيه تكولي اسم الله ليش هيج تكولين عبالك دعيت على الجاهل ولا عبالك كلت ابطني بنيه والله احب البنات اكثر من الولد

[مجنونة بحبها]

حبي انا حملت باول شهر تزوجت بيه وللاسف راح فدوه الكم وراها حملت مره ثانيه وهم راح فدوه والحمل الثالث بنونه وراء بنونه هم حملت وهم وكع صارلي اربع شهور من سقط جنيني يعني لو باقي انا هسه 7 شهور اه اه من القهر بس الحمدلله رب العالمين والله لايبلاكم ويفرح قلوبكم بشوفه اطفالكم سالمين يارب

[نسمة]

ياحبيبتي الله يفرح قلبج بجاه هل الاشهر الطاهرة لج عيني خاف اتعبين نفسج

او متاخذين مثبتات يعني لازم تابعين ويه الدكتورة من البداية متتأخرين ابد ولازم تنطين جسمج

فرصه حتى ينعدل

اني عمتي عدها 7 بولد ولا ابنيه يعني تموت على البنات هم زين ههههههههه بس ابوية يكره البنات واني شعليه بيه بس اني عندي احساس ولد وبعد مااعرف

[نسمة]

توتايه والله لو اني بدالج اكفشها ههههههههههههههههههههه

[مجنونة بحبها]

ايوته انا اموت على البنات بس رجلي وامه يريدون ولد وبنونه موتوني لان بنيه عبالك انا حطيتها ببطني مو بالكوه اجت وثبتت وانوب ماراضيين

[نسمة]

ام فطوم العراقين كولهم دقه قديمة هسه الواحد بالكوة يجي جاهل وكامل الخلقه وهلدور يتبطر

يمعودة طنش تعش منتعش

[توتايه]

يمعوده كاعده وساكته شسويلها لا اني عندي الاضرب منها عندي حماتي اكبر مني بسنه ومامتزوجه وتجي يمنا للغرفه من 8 بالليل وتطلع من الغرفه بال4 لو 5 الفجر واتخيلي شلون عيشه عايشه ومحد يكدرلها اووووووووووووف

[مجنونة بحبها]

حبي انا قصتي طويله اول حمل راح بسبب الجهل بس اخر حمل اخذت مثبتات ونايمه على ظهري حتى بنتي تمرضت بسبب الاهمال وبالاخير وكع والسبب مبيه نبض وماعرف شنو السبب والحمدلله رب العالمين

[توتايه]

الف الحمدلله السبب بهالشي مو احنه الرياجيل همه المسؤولين عليه

[نسمة]

ههههههههههههههههههههههههه والله توتايه لزمتني ضحكة اني مااتحمل هيج راسا اكلها لو سمحتي

ممكن تزحلكين من يمي

احجيلكم عن امي دكول بيبي كانت هيج تدفر باب الغرفة وتدخل بدون مدكول الو ودك الباب

فه امي حيل نعومة وتخجل متكدر دكول عيب فد شئ........ دكول فد مره كنه بوضع محرج وهي دخلت علينه وكمت اعيط عليها وكمت دفعتها وسديت الباب هههههههههههههههههههه

من وقتها بعد تابت وكامت حتى غرفتهم متدخللها

[مجنونة بحبها]

شكرا على الدعوه زنوبه

وصحيح العراقيين ماوراهم بس شلعان الكلب

ايه الله يخلصج من حماتج برجل يشلع كلبها اللهم اااااااااامين

بنات انا راح اروح اطبخ للفطور

[توتايه]

ههههههههههههههههه وداعتج حولنا الشغل من المسائي للظهري وفوكاها الرجال يجي ميت تعب وهيه من الغثاثه تظل كاعده والله خايفه من يجي ابني تكوم تجي ظهر وبالليل

[نسمة]

حياتي ام فطومة ربج جبير والي كاتبه يصير الله يرزقج بالذرية الصالحة

توتاية بالولادة والطولك اذكري ام فاطمة بالدعاء دعاء الي تولد مستجاب وان شاء الله الله يرزقها

[نسمة]

ام فطومة لاتنسينه بالدعاء وبالعافية مقدما

توتاية النوب صار الضهرررررررررررر

[توتايه]

هههههههههههههه الف عافيه امونه بربج من تروحين للعمره انطيج اسمها وادعي هناك ههههههههههههههههههههههه

دخيلج نسومه شتتزحلك فوكاها هيه كلمتها المسموعه بالبيت بحيث كلمة عمتي مو ماشيه بكد كلمتها وانتي تخيلي

[توتايه]

اكيد حبيبتي البارحه سويت قائمه مال ادعيه وخليتها بجنطة الولاده

[نسمة]

بنات اني من رحت للعراق تخبلت شهر واجيت
شفت زوجة ابن عمي كاعده ده تباوع على المسلسل تجي عمتها وطف طفي التلفزيون
دكول يالله مو وقتها هسه كومي وهي مخلصه كل الشغل لو تتعارك وياها شلون مشتريه سجادة جديده اني تخبلت وكمت اعيط على زوجة عمي كلت عمه شبيكم الوحده منكم بس تزوج ولدها تتخبل .............. العراق مو طبيعي بهل الشغلات يبوووي

[نسمة]

هههههههههههههه ايوته اهم شي لاتنسينها بالدعاء كولي يااااااااااااااارب الرجل الصالح الها

يخلصني منها ههههههههههههههههههههههه

[توتايه]

اي اي مو شلون مجان لا اني حمامي فوك يم غرفتي تحسبلي تكرمين كم مره اسحب السيفون بحيث تكولي شنو بطنج اسهال تكرمين

واذا سمعت صوت الدوش ولو نزلت وكلتلها بطني توجعني تكولي اي هلكد متسبحين انتي ورجلج يعني قصدها هذيج الشغله ضليت صافنه بوجها ما اعرف شسوي

[نسمة]

الله يزيحها عنج ماكو غير شئ واحد يتورط بيه ههههههههههه ويخلصج منها

مكلتيلي خلصتي تجهيزات النونو

[توتايه]

اي والله امي خلصتها كلها وقبل اسبوعين اشترينا القريولات وحده صغيره خليتها ابيت اهلي حتة كلما اجي انومه بيها

واللخ الجبيره بالبيت

اكو موضوع من ضمن مواضيعي بيه كل جهاز يوسف افندي راح اجيبلج الرابط واتفرجي

[مجنونة بحبها]

ان شاء الله ادعيلكم يوم الي تفرحون فيه بشوفه احلى عيون بالدنيا اعيون جهالكم

وشكرا على كل دعواتكم والله الي يسمع منكم ويرزقني من رزقه الواسع

[توتايه]

http://forum.hwaml.com/t53722.html

[نسمة]

كلش حلو عاشت ايدج حبيبتي بس كله ازرق ممغيرة الالوان شوية

[توتايه]

يلا بنوتات اني اروح لان رجلي دتموتني اروح اتمدد اشوفكم بالليل بااااااااااااااايووووووو

[توتايه]

وداعتج ولا شفتهن كلها جابتها بجنطه حتى ما ادري شوكت اشترتها لو اني وياها مجان خليتها

[نسمة]

يعني امج الي جهزت الله يخليها الج يارب

اني قررت ابد ماابين ولد لو ابنيه اشتري الوان محايدة

[نسمة]

الله وياج حبيبتي

[مجنونة بحبها]

سلالالالالالالالالام

شلونكم بنات اشو ماكو وينكم


رحوبه تعالي طمنينا شكالتج الدكتوره وشنو النتيجه مات التحاليل

يسرى شلونج ويه الاستبراد

زنوبه وايه شوكت راح تجون تسولفون

[مجنونة بحبها]

تصبحون على خير


بااااااااااااااااااااااااااااااااااااااااااااااي

[نسمة]

اني اااااااااااااجيتتتتتتتتتتتتتتتتتتتتت مساء الخير

[نسمة]

اهئ اهئ اهئ ماكو احد

[توتايه]

مساء الانوار حبيبتي وين امونه تعالي

اني حالتي النفسيه ززززززززززززفت فدمره

[نسمة]

هلو حبي توته منورة امونه ماكو راحت

ليش حبي خير خو ماكو شئ؟؟

[توتايه]

والله اليوم يلا كلت لرجلي على ضغطي وكلتله احتمال يسوولي عملية وصعدت الكأبه بس ابجي مثل البومه

وهو يهدي بية لان كلت اذا ما اكوله راح يزعل

انتي شلونج شكد فرق التوقيت بينا وبينكم؟

[نسمة]

ليش حبي تسوين عملية؟؟
احنه هسه بالعشرة ونص بالليل

[توتايه]

احنه بال11 ونص

والله حبيبتي لان ضغطي الواطي 10 ونص ومدينزل انطتني حبوب مال ضغط وكالت الاسبوع الجاي اذا منازل انهي الحمل واسويلج عملية لان موزين على الطفل

اول شي جانت تنطيني فاليوم 2 بس شافته مديفيد انطتني حبوب ضغط

[نسمة]

اشو اني عندي هبوط بالضغط دكول زين يفيد الطفل لج عيني ذولي شلون دكاتره الله يعافينه

[توتايه]

اي حبيبتي الهبوط واحد يسيطر عليه مو مثل الارتفاع

اني حملي كله وقبل الحمل كله هبوط يطلع الضغط مالتي 6 اشو من وصلت للثامن لا كام يصعد ومينزل

[نسمة]

حبيبتي الله يكومج بسلامة يارب

[حبيبي]

هلو ايه اشلونج حبيبتي وشلون رجلج
معنا نسمه ضيفه اجديده
اشلونج اني فراشه التجمع ههههههههههههه اعرفج بنفسي

[حبيبي]

ها اليله محد يسهر معاي
ايه وينج
زينب منوره بينتنا رحت لصفحات اقراء حتى اعرفج اكثر هههههههههههههههههه
منوره بنت كربلاء المقدسه دعواتج الي ويمكن ازورج ابيتكم هههههههههههه
اني اسعوديه بس جايه بتجمع العراق ولزكت فيه
اسمي رحوبه ههه رحاب وعندي 4 اطفال
واتمنى اشوفج ونتعرف اكثر
ومبروك الحمل وزين ماثر عليج الحبوب المنع موزينه للى متزوجه بلبدايه تاخذه
يسبب عقم بس الحمد الله ما اثر عليج

[حبيبي]

حبيت اخبركم بنات نتائج التحليل طلعت
وكلها زينه حتى السكر نسبته زينه فرحت كلش من الفرحه اكلت باونتى هههههه
بس التهاب البول ورحم وعطتني مضاد وموعد ثاني حتى ياخذون مسحه من داخل الرحم
ويسون زرعه ويشوفون نتائج الزرع وفكر ما روح افحص مشتهى روحت الدكاتره اوف
وشكراااااااااا لسوالكم عني

[توتايه]

الف الحمدلله على النتائج انشاء الله سهله الشغله ومايطلع بالزرع شي لاحبيبتي لتهملين روحج خاصة بهالشي موزين الاهمال روحي وشوفي شتكولج فديت فراشه المنتدى حبيبة قلبي هههههههههههههههههههههههههه

اليوم كلتله لزوجي على الضغط مالتي وحسبته بيعصب عليي بس طلع حباب وقالي اني وياج ولاتاكلين مالح وشوفي شلون تولدين طبيعي كلتله الله يسمع منك

[توتايه]

اروح افرفر بالمنتدى اي احد يجي يدزلي تنبيه

[مجنونة بحبها]

سلالالالالالالالالالام

شلونكم كروشات واخباركم


رحوبه الف الف مبروك من طلعت التحاليل نظيفه وانتي مو بس فراشه التجمع انتي ورده التجمع

ايه شلونج ان شاء الله رجلج صارت احسن

يسرى ماكو لايكون الاسهال بعده وياج تعالي طمنينا الله يشافيج ويحفظ رودينه

وئام شلون صارت الكحه ان شاء الله اليوم احسن

زنوبه حبي هاي بيبيتج مثل بيبيتي هم امي تكول تدخل عليهم كبل ومره داخله عليهم بذاك الموقف المحرج

وازيدج انا عندي عجوز مثل بيبيتج وبيبيتي وكاعده وياي مغثه وحجي وهم متقبل نسد الباب من انام تكول شعدكم هههههههههههه وقصصها وياي قصه الف ليله وليله يعني متنتهي ابد والله كريم


صعب مشتاقيلك شوكت راح تجين تخبريني باهم حدث وهو الولاده

ساهره مختفيه وماكو الها اي خبر يارب تكون بخير


تحياتي للجميع

وانا موجوده وتحت الطلب بس نبهوني

[نسمة]

اني اجيت صباح الخيررررررررررر

هلو حبي فروشة منورة يقلبي والحمد لله التحاليل طلعت زينه اني سولي زرع عادي مايخوف تره

نفس التحليل

بنات امس مانمت زين زوجي ماعرف شبيه بقى لساعه سته يجكجك بالابتوب بالاخير كعدت

شفت ضوة طالع عطت عليه كتله شعندك لحد هسه كاعد صار الصبح وحضرتك كاعد وي منو

ده تحجي يكول والله ده اقره درت وجهي عنه لجهه الثانية ونمت خخخخخخخ على اساس زعلت

وهسه هو نايم واني كاعده شفتوا شلون رياجيل اخر زمن؟؟؟

[نعومه التميمي]

هلو بنات شلونكم الحمدالله صرت احسن بس صوتي منبوح
هلو امونه شخبارج واخبار بنونه انشاءالله بخير هاي طالعه على خالته بنونه متحب الحليب مثلي
ايه شلونج حمدالله على السلامه شجاج لو واكعه على وجهج بس همزين اجته سلامات شخبار يوسف
يسرى شلونج هاي ليش مستبرده خاف سابحه وكاعده يم المببرده
رحوبه حمدالله وشكرا طالعت التحاليل زينه واذا على الاتهاب انشاءالله بسيط
نسمه اهلا وسهلا بيج منوره اني اسمي وئام مزوجه في استراليا صاري سنه وشهر وحامل هذا اول حمل الي وبيه بنوته حلوه راح اسميه ديمه انشاءالله الله يرزق امونه بحمل مثلنه

[نعومه التميمي]

بنات راح احجي وي اهلي اكمل وارجعلكم

[نسمة]

هلو حبي نعومة ومبروك الحمل ان شاء الله بسلامة

اني زينب من هولندا همات اول حمل الي يمةةةةةةةةة كولنه اول حمل وين راح نروح ههههههههههه

[مجنونة بحبها]

هلالالالالالالالالاو انا جيت

[مجنونة بحبها]

هلو وئام وزنوبه شلونكم

وئام زين من خفت الفلاونزه

زنوبه بعد وبعد شفتي من زلم اخر الزمن بس شلعان كلب ههههههههههههه

[نعومه التميمي]

هلو زنوبه حبيبتي منو الي الشرف معرفتج
والله ماعرف وين نرروح وحدنه بس الله كريم
هلو امونه

[مجنونة بحبها]

هلو وئام شلونهم اهلج وشلون ديومه حبيبه قلبي

[مجنونة بحبها]

اليوم ايه ماكو ان شاء ولدت وخلصت من الورم والكروش واجه يوسف للدنيا ههههههههه

[مجنونة بحبها]

وينكمممممممممممممممممممممممم

[نعومه التميمي]

هلو امونه حبيبتي الحمدالله خفت بس خطيه اليوم دارت على زوجي الفلونزه
اهلي بخير يسلمون وديمه الوكحه زينه سلم عليج

[نسمة]

ههههههههههههههه امونة اني صرت احقد على الرياجيل من يوم مازوجت اوووووووووووف منهم لاوكل شوية اكعد اكول يمعود اريد انام ماكو
ماكو احد عنده رقم ايوته يتصل عليها؟؟ خطية امس كانت ضايجة حيل

[مجنونة بحبها]

وينكمممممممممممممممممممممممم

[نعومه التميمي]

زنوبه شلونج وي الغربه
اني هنا يوم حلو يوم ضوجه
هم درسين لغه لو بل بيت كاعده

[نعومه التميمي]

امونه موجوووووووووووووووووووووووودين

[نسمة]

بنات لابتوبي موتني وهلدور ماكدر استغنى عنه لان بيه كل حاجياتي واغراضي اوووووف

وئام من هسه افكر بالولادة شلون بيه وشلون راح اخلصهااااااااااااااا

[نسمة]

وئام عندج ولد لو ابنيه

اني حرامات مشافوا بس على الاغلب بنوته

[نعومه التميمي]

انتي مثلي اني من هسه شايله هم بس من امي تخابر كله لا ما اخاف لان هنا العنايه حلو بس الله كريم انتو هم عدكم لازم الزوج يدخل وي زوجته الصاله الولاده لان اني زوجي يدخل وياي

[نعومه التميمي]

لا بنوته وانشاءالله راح اسميه ديمة

[نعومه التميمي]

وينكم بنات قبل لا انام لان كلش نعسانه

[نسمة]

اي حبي احنه لازم يدخل وي الزوجة ويكوم يمسح عليها هههههههههههههه

ذاك الوكت ميفيد اي شئ مال دفرات هههههههه تنامين ليش يمكم لليل ؟؟؟

يمنه نهار احنه شفتي التطور

[نسمة]

حبيبتي الله يكومج بسلامة ديما اسم حلو

اني بعد ملكيت اسم بنوته بس ولد محضرته

[نعومه التميمي]

هههههههههههههههههههه اي هي مال دفرات اني كتله انته انطيني ايدك على مود كل وجعه اتوجعه اعضك
واي والله حبيبتي هسه عدنه لليل هسه ساعه 10 و18 دقيقه

[مجنونة بحبها]

النت فصل عندي وهسه رجعت

الله يسلمج وئام بوسيلي ديمه من وره بطنج

زنوبه انا هم حقدت على الزلم من تزوجت ههههههههههه سوه بيه عقده

[نعومه التميمي]

احنه جنه محضرين اسم ولد لان جان اي احد يشوفن ويشوف التنساه مالتي يكول بيج والد من رحنه لسونار طلعت بنوته

[نعومه التميمي]

حبيبتي امونه يوصا هي هم تبوسج
اوف من الزلم كلهم نفس الحال

[نسمة]

هههههههههههه ولكم باك حبي امونة

اي اي اي اي وئام اني هسه كلها دكول ولد ماعرف شبيهم على الولد

ده خلي يجي وبعد مين يجيب الولد يختي اقفله لمدة عشر سنوات ههههههههههههههه

[مجنونة بحبها]

شنو نعستي وئام انا النت شلع كلبي

[نسمة]

الزلم علل على القلب بس مانستغنه عنهم مو لو مو مو ههههههههههههه

[نسمة]

بنات ده اباوع على البنات السعوديات حيل مدللين انفسهم

لعد احنه اشو منحضر هلكد للولادة شنو على نياته لو شنو السالفة

[نعومه التميمي]

ههههههههههههههههههههههه والج زنوبه والله عندج سوالف تعرفين زوجي شكد يريد اسم الله عليج يريد درزن جهال يكول ميتعبون بل عكس حلوين همه شمدريهم كله على الحاضر يردونه
اي والله لان جنت ما انام اختنك من الحكه بس على مودكم راح ابقه كاعده لان السوالف حلو وياكم

[مجنونة بحبها]

اي ولكم باك هههههههههههه شسوي النت دمرني كل شويه يفصل

اي صحيح منكدر نستغنى عنهم بس همها معدهم احساس فدمره