تجمع حوامل العراق واتمنى اكو احد موجود

[توتايه]

هلا امونه عمري الله ينطيج العافيه

[نعومه التميمي]

اكول ايه وين اثاري تحجي وي حبيب القلب
الله يساعدج لان اصلا انتي امورمه وصار الثكل على رجليج
هاي شسوي مابقه شي وحضرت يوسف يشرف
امونه شراح سوين فطور

[توتايه]

هوه غير يجي الافندي مو طيح حظي

[نعومه التميمي]

ههههههههههههههههه لا حشاج بس يريد الجو يبرد ويشرف

[توتايه]

اووووووووووف اسكتي وخليها اكعد ساعتين وانام ساعتين رجلي كالي هاي شبيج كلتله مثل المولده بس يخلص الكاز مالتي انام

[نعومه التميمي]

ههههههههههههههههههههههه
يكلون اثكل ايام بل حمل التاسع كوه تمشي زين انتي ابد ماعندج حركه مال توسع

[مجنونة بحبها]

ويساعدج ايه

حبي راح اسوي شوربه ودجاج شوي وتمن بالزعفران وحمص بطحينه ومقبلات وتدرين الصايم كلشي مياكل

ابشركم بقالي 4 ايام واخلص الطلب مات الصيام وارتاح والله عبالك شايلته على ظهري هم الله خلصني منه

[نعومه التميمي]

الحمدالله تقبل الله منج
الف عافيه خوش سفره صيام مقبول

[توتايه]

لا والله حبيبتي ابد لا وجع ولا دم ولا مايات

[نعومه التميمي]

شوفي ايه عندي اختي يصير عده ولاده بس بدون دم ولا مايات بس وجع

[توتايه]

عمري اني حتى الوجع ماكو

[نعومه التميمي]

لعد بعده هو البكريه تاكل شهريه كله يعني بعدج تكملين التاسع

[توتايه]

مو والله بعد ماظل صبر رجلي متبهذل بلياية واني احس اهلي مديتحملوني واخويه متبهذل لان دا انام بغرفته ومن اكعد يلا يجي ينام فمقيدتهم

[نعومه التميمي]

لعد اني مكيف اكول بلكي اول ما ادخل بل تاسع اجيب
هسه اني على حاسب الدوره مالتي صاري اسبوع بل تاسع وعلى الشريط اليوم دخلت التاسع

[نعومه التميمي]

خطيه والله بس شسوين بس الواحد شكدما اهله يدللو يحس نفسه ثقيل يله هنانت ما بقه شي

[توتايه]

وين اكو حبيبتي ياريت اول اسبوع وتفض

[نعومه التميمي]

هههههههههههههههههههه نتحلم بس بس مانعرف يمته
زين الدكتوره هم انطتج موعد الولاده

[توتايه]

عفيه اهله ممقصرين وياه بس مو مثلي

وئام حبيبتي راح اروح لان عيوني مدا اشوف بيهن من البجي فدمره كأبة

[نعومه التميمي]

حبيبتي لا تبجيم موزين على يوسف وانتي اخذي راحتج اني هم اكو انام لان اجه زوجي تصبحون على خير باي

[ام حسين الدار]

خلال فترة الحمل
• يمكنك محاولة تليين عضلات العجان لديك من خلال القيام بتدليك يومي للعجان ابتداء من الأسبوع 33 من الحمل تقريباً. ضعي القليل من زيت الفيتامين إي e أو زيت نباتي خالص على أصابع يديك وعلى الإبهام وحول مدخل المهبل. ضعي إبهامك في داخل المهبل حوالي 3 سم واضغطي إلى أسفل وإلى الجوانب بلطف حتى تشعري بوخز (نغز أو نخز) خفيف. ابقي على وضعية التوسيع هذه حوالي دقيقتين. الآن، دلّكي الجزء الأسفل من المهبل بلطف إلى الأمام والخلف (ذهاباً وإياباً) لمدة ثلاث دقائق تقريباً.

• سوف يفيدك القيام بتمارين قاع الحوض في الاعتياد على التعامل مع عضلات الحوض، والأهم تعلّم كيفية إرخائها. تتشنّج العديد من النساء حين يشعرن بالانقباضات، خاصة لو شعرن بالخوف. إن ممارسة تمارين الحوض قد تساعد على استرخاء العضلات خلال المرحلة الثانية من الحمل.

• كلما انتبهت لنفسك واعتنيت بها خلال فترة الحمل، كلما زاد احتمال ولادتك وأنت جاهزة صحياً وملائمة ولائقة جسدياً وكلما تعافيت بسرعة بعد الولادة. سيساعدك اتباع نظام رياضي وغذائي صحيّ.

خلال المرحلة المبكرة من المخاض
من بين إحدى الأسباب التي تدفع إلى خضوع المرأة لعملية القطع بالعجان أنها تكون مرهقة ومجهدة. وهذه الحالة أكثر شيوعاً في الأمهات لأول مرة، ربما لأن المخاض يكون أطول. تستطيعين مساعدة نفسك بالمشي البطيء والراحة خلال المراحل الأولى من الولادة. ابقي في المنزل أطول مدة ممكنة.

خلال مرحلة المخاض الفعلي
لو كنت تقومين بتدليك منطقة العجان خلال الحمل، فإن إحساس التوسع والتمدد الذي شعرت به خلال التدليك سيجعلك تتأقلمين مع أحاسيس التمدد القوي لقمة أو أعلى رأس طفلك. تصف بعض النساء هذا بما يشبه الوخز (النخز أو النغز) أو ألم الحرقان. في بعض الأحيان، تصاب النساء بالخوف والهلع من هذا الإحساس في المخاض بحيث يتوقفن عن الضغط والشدّ. إن الاعتياد على هذا الإحساس يساعد بالإضافة إلى الزفير (إخراج الهواء) ببطء. حاولي إعطاء دفعات خفيفة واشعري بالفضول إزاء هذا الإحساس. كما يمكنك الاستفسار من ممرضة التوليد لترشدك وتشجّعك.

تجد بعض النساء صعوبة في معرفة متى وكيف تقوم بالشدّ والضغط. ربما من المجدي أن تجلسي في الحمام خلال المخاض وتجربي بضعة دفعات من الشدّ كي تعتادي على الأمر. إن المسألةتيشبه كثيراً عملية التبرّز (التغوّط)، وهي ليست فكرة لطيفة لكنها قد تعينك.
إذا كنت في وضعية عمودية (منتصبة) ، ستساعدك قوة الجاذبية على ولادة طفلك. ربما يعينك اختيار وضعية مختلفة للولادة، مثل الركوع على أربع، في تجنّب القطع بالعجان أو الشقّ (التمزق) السيء. مع ذلك، فإن جلوس القرفصاء إلى تحت يمكن أن يزيد احتمال التمزّق.

عندما تكونين في المخاض، قد تقوم ممرضة التوليد بتدليك العجان لديك واستخدام كمّادات دافئة لإرخاء عضلات المهبل. ليس هناك دليل حاسم أن مثل هذه الإجراءات تخفف من احتمالات خضوعك لعملية القطع بالعجان، لكنها تعينك على الشعور بالراحة.
دعواتكم الله اسهل حملي واكمله على خير

[توتايه]

بنات وينكم

[حبيبي]

سلالالالالالالالالام اشلونكم اشتقت الكم
ها بنات محدى ولد بشروني
وشلونج ايه وايمان ويسرى ووئام وزينب وليمو طمنوني عنكم

[تاج ذهب]

ممممممم حبيبي يعني متسالين علية امشي زعليت اني

[توتايه]

صباح الخير بنات

[توتايه]

?????????????????????????????????

[مجنونة بحبها]

السلام عليكم

جمعه مباركه وخير وسرور على عيونكم

شلونكم بنات وشخباركم

[نعومه التميمي]

هلو بنات شلونكم
شخباركم
بشري ايه
ماكو شي
والله بالي يمج

[نعومه التميمي]

هلو امونه حبيبتي جمعه مباركه على الجميع شلونج شلونه بنونه

[kokee]

هلو بنات شلونكم

[نعومه التميمي]

هلو زنوبه شلونج شخبار ابنج انشاءالله زين

[نعومه التميمي]

وينكم بنات راح احجي وي اهلي وبعدين اجيكم

[نعومه التميمي]

وينكم بنات اشو ماكو خير

[مجنونة بحبها]

سلالالالالالالالالالالام

اليوم ماكو خير

انا نشغلت اباوع على التلفزيون وننه مخلتني اكعد على النت

[kokee]

كمت اتحسر تعلى ايام الحمل ههههههههه
هسه اربع وعشرين ساعه لو يبجي لو حفاظات ونوم ماكوووووووووووووووووووووووو اهئ

[kokee]

شخباركم بنات

[kokee]

اففففففففففف خلصت من شريط الحمل

[kokee]

بنات ابو صفار مجلب بي من جبته لهسه واخذته للدكتور مرتين يكول ما علي شي بس خلي على صدرج وكلش خايفه

[توتايه]

زنوبه شربيه مي معقم لان وية ادراره يروح الابو صفار لتخافين حبيبتي وخليه جوه النيون (الشمعه) وكل ساعه ونص رضعيه لان كلما يدرر زايد كلما يروح اسرع ولتنسين المي بس مي مو مي وشكر

[توتايه]

ها صدكم ابشركم بعدني مجبت هع هع هع

[دلوعة وطيوبة]

سلام وحشتوووووووووووووووني ابشركم ولدت جبت علاووووووي ربي يحفضه لي يارب بقيصري

[توتايه]

الف الف مبروووووووووك حبيبتي دلوعه ربي يحفظه لج وتشوفيه معرس والف الحمدلله على سلامتج يلا حبيبتي ميخالف المهم صحتج وصحه النونو

واكيد صعوبه ولدت لان بعد ما دخلت علينا

وانا باجر اشوف اما اولد طبيعي واما قيصري

مشتاقين لج وراحت الدبه عنج

[حبيبي]

مرحبا اشلونكم انى اجيت على بيتي
ورجعت الكم بخير هههههه
اشلونكم بنات مشتاقه الكم
ايه يارب بكره اتبشرينا بيوسف
ونت عندي دمااااااااااااااااار

[توتايه]

تسلميلي حبيبتي والحمدلله على سلامتك بالرجعه

رحوبه من البارحه وتصير عندي وجع من ظهري يتحول لبطني بس مو كلش قوي بحيث ما استحمله وباجر اروح للدكتوره يمكن بتفحصني داخلي كلت ليكون عندي توسع بدون نزول مويه او دم واكيد بطمنكم باجر اشوف شلون اولد اما طبيعي واما قيصري

[حبيبي]

ووي شو هالخباااااااااااااااااااار الحلوه
مبروك كوكي الف مبروك يتربي بعزكم ومبروك قلت النوم هههههههههه دخلتي عالمي الجميل
وعقبال البقيه اجرب الامومه


الف مبروك دلوعه ويتربى ابعزكم علالالالالالالالالالالاوي
وحطو النا صورهم
والفال تدخل صعوبه اتبشرنا
وايه مسكينه هههههههههههههههه يرب تفرجها عليها اليله يااااااااااااااااااااااااارب

[حبيبي]

هذي الالم طلق بس طلقج كلش باااارد ميزيد ؟
واذا كشفت داخلي راح اكيد تعملك تحفيز للولاده
ويارب تولدي وترتاحين اختى حامل وبسابع اليوم تبجي ههههههههه اتريد تولد
وروحها بخشمها وكلش ضايجه تكول اريد اليله اولد ههههههههههههه
الله يسهالها عليكم يارب وعقبال متدخلي وتكتبي لي ميخليني يوسف انااااااااااااااام
ومشتاقه لج كثير شخبار امج واخبارج

[توتايه]

هههههههههههههه اي والله من اكل الايس كريم صار بارد هع هع

اي بلكي باجر تحفز الولاده

امي تسلم عليج يمي هيه واليوم اجاني ابو الشباب وعليها اليوم هههههههههههههههههههه

امين ياربي تكوم اختج بالسلامه حبيبتي واول ما اولد وارجع للبيت ابشركم واخليلكم صورة يوسف

[توتايه]

مرات يزيد ومرات يخف بس وجع محتمل مو كلش قوي ولو اني صبوره واتحمل الوجع

[حبيبي]

وينج ايههههههههه
تاج ذهب اشلون مسئل عنج اكيد اسئل هههه بس لا تلوميني هالعيال ميخلون بذاكره شي اهئ
اشلونج حبيبتي والحمل اشلونه
وزنوبه الكربلائيه مختفيه ؟

[توتايه]

هياتني انتي وينج تكتبين رد وسنه يلا الرد الللاخ

[حبيبي]

الله يسلمهااااااااا امج والله يبرد قلبها بحفيدها وعقبال متحممه بيدها هههههههههه
ولا تاكلي ايس كريم اكلي فلفل بلكي يصير نار صاروخ ويطلع هههههههههههههههه
واها ابو الشباب هون خلاص لكينا الحل اليله يفتحه يعني يفتحه هههههههههههه

[توتايه]

رحوبه انا بروح ابو الشباب يناديني

[حبيبي]

النت دمرني شكله رده بارد على بطنج ههههههههههه انتقل له المرض
وصديقاتي بلمسن هم يحجون وياي ممخليني اسولف وياج هههههههههههه

[حبيبي]

يؤؤؤؤؤؤؤؤؤؤ نادها وخذها منى اهئ اهئ
لطولين عطيه الي يريد وتعاليلي خخخخخخخخخ

[حبيبي]

ردونه ما الها اخبار اشلونج يسرى طمنينا
ايمان اشلونج ويله الحمد الله خلصتي ايام الصوم ومتى العيد يصير عندج حتى نجي انعيد وناخذ الحلويات ههههههههههه كنتى اشلونهاااااااا اشتقت الها
وكماشه مشتقت الها خخخخ
وزوجي يوم الاربعاء بيروح مكه وبيتركني ثلاث ايام اهئ
وانتى مطلع الجواز ؟
وئام اشلونج مع البرد
ليمو مشغوله يمكن الخطار لسه مخلصو من بيتها ههههه
باغي البنوتات اشلونكم

[مجنونة بحبها]

السلام عليكم ورحمة الله وبركاته

اصبحنا واصبح الملك لله

شلونكم بنات وشخباركم

رحوبه حمدلله على السلامه نورتي التجمع

ايه يارب تكوني اليوم تولدين طبيعي وترتاحي

دلوعه وطيوبه الف الف مبروك والله يخلي علاوي ويحفظه ويارب نسمع اخبار صعوبه

يسرى ووئام وزنوبه2 نسمه شلونكم وشخبار كروشاتكم

زنوبه ام ايليا ههههههههه اهلا فيج بالسهر ووداعا للنوم وعن ابو صفار سهل علاجه وهو الرضاعه الطبيعيه واذا عندج خرزه مات ابو صفار تخليها بالمي وتسبحين ايليا من ذاك المي وتخليله هذي الخرزه ويومين ويختفي ابو صفار نهائيا وانا مجربتها والحمدلله

باقي البنات هلاوووووووووووووووووووووو

[نعومه التميمي]

هلو بنات شلونكم شخباركم
ايه شلونج بشري ما شرف يوسف
الله يساعدج زنوبه على السهر يله تحملي وانشاءالله يروح ابو صفار
دلوعه الف لف مبروك ويار ب يتربى بعزكم
رحوبه حمدالله على السلامه شخبارج وشخبار جهالج
يسرى شلونج وشلون رودينه
زنوبه 2 ماكو
امونه شخبارج انشاءالله زينه وشخبار بنونه خلصتي صيام لو بعدج
صدك من البارحه بلليل عندي وجع بظهري وبعدين بطني ماعرف ليش

[رودينة الراوي]

هلووووووووو بنات شلونكم أخباركم مشتاقتلكم كلش كل عذروني مدااكدر افوت لان تعبانة كلش دتنزل عليه مايات خفيفة كلش بحيث مااحس عليها من تنزل وبيها ريحة والله يابنات خايفة كلش
والمغص الحمد لله احسن بعدلي 3 ايام واخلص العلاج والله كريم

عودة ميمونة رحوب هههههههههههههه
الحمد لله على السلامة شلونج اخبارج واخبار الأولاد
رح يتركج ابو الشباب 3 ايام شلون رح تتحملين ههههههههههههه

توتاية حبيبتي شلونج اخبارج رجلج شلونهة اليوم موعدج وية الدكتورة مو ؟ طمنينا عن اخبارج حبي ولتتاخرين علينا بالرد
ان شاء الله الامور كلها طبيعية وتجيج الطلوكة وتجيبيلنا أحلى يسوفي

امونة شلونج حبيبتي اخبارج واخبار بنونة شنو اخر الفعاليات

دلوعة وطيوبة الف الف مبروك والحمد لله على سلامتك وسلامة علاوي
ليش ولدتي قيصري مو طبيعي وشلونها الآلام وياج

نعومة شلونج حبي وحملج شلونة بديتي تتمشين لو بعدج

ليمو وكوكي ونسمة وغنى ودلوعة زوجي شلونكم كلكم أخباركم *
ان شالله اكون منسيت احد

[مجنونة بحبها]

هلوووووووووووووووو يسرى ووئام اخباركم

[مجنونة بحبها]

وئام بقالي يومين واخلص وارتاح هههههههههه هم على قلبي


رحوبه اي بلعيد ماتي تعالي عيدي وياي لان زوجي راح يبقى صايم ومحد يعيد وياي خخخخخخخخخخخخخ


يسرى سلامتج شنو هاي اخاف عندج التهابات ديري بالج يمعوده

[توتايه]

هلاو بنات تسلمولي حبيباتي بس بعدني مجبت ههههههههههههههههههه

يسوره عمري اذا بيها ريحه هاي التهاب روحي للدكتوره وشوفي شتكولج والمايات عبالك واحد طاش عليج مي متصير لزجه وخابري الدكتور حتى تطمأنين

بنات اكيد اليوم اجيبلكم الخبر اليقين

الله لا يحرم وحده من زوجها البارحه واخيرا نمت مرتاحه لان ابو يوسف يمي صح يشوخر هوايه بس ماكو منه تره صح يغثونه مرات بس حياتنا موشي بلياهم

اكولج حبيبتي امونه هاي وين نلكاها الخرزه مال ابو صفار؟ حتى اخذ احتياطي من هسه

[توتايه]

وئام حبيبتي ادعيلي يشرف الافندي

اكولج ردونه صدك الدكتوره بوكتها كالتلي مرات يصير ضغط على المثانه ووحده تسويها على روحها بدون متحس كالتلي اذا يصير هيج وياج لديرين بال لان هاي كلها تروح


رحوبه البارحه اول محط راسه على المخده نام وراحت علية هع هع هع هع هع

[توتايه]

يؤيؤيؤ بنوات وينكم؟

[مجنونة بحبها]

هلو ايه شلونج حبي

عيني الخرزه هذي قبل جنه ناخذها من مرت عمي بس هسه اختي لكتها صدفه واشترتها بس والله العظيم مضمونه تصوري اخوي عمره 20 سنه وصار بيه ابو صفار وبس سبح بميها ولبسها راح ابو صفار منه بسرعه وجهال اخوتي كلهم على الخرزه ولايت يكون قريب من مهد الطفل والحمدلله كلهم مبيهم شي يومين ويروح ابو صفار بلا رجعه هههههههههههههههه

احنه بدون زلمنه منسوى شي بس هما مرات يشلعون الكلب

[مجنونة بحبها]

هلوووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووو

[نعومه التميمي]

مرحبااااااااااااااااااااااااااااااااا بنات شلونكم

[مجنونة بحبها]

http://forum.hwaml.com/uploaded/21641_11307793741.jpg

[نعومه التميمي]

هلو امونه شلونج شنو هاي صوره منو

[نعومه التميمي]

يارب يرزقج مثل هذا الولد امين

[مجنونة بحبها]

شكرا وئام حبي

ضجت لان وحدي وبقيت اتعلم شلون انزل صور خخخخخخخخخخخخ ولكيت هذي الصوره وحاولت وصارلي ساعه يله ضبطتها هههههههههه

[مجنونة بحبها]

هههههههههه عبالي ضبطت وطلعت منزله رابط وبس ههههههههههههه يله عبروه

[نعومه التميمي]

هلو حبيبتي شلونج شخبارج شلونج وي الصيام
لعد شسوين ضوجه

[نعومه التميمي]

هاي وينج اشو اختفيتي مره ثانيه

[مجنونة بحبها]

الحمدلله اتعودت على الصيام ومبقه شي بس يومين واعيد هههههههههههه

انتي شلونج وشخبار ديمه حبيبه قلبي

[مجنونة بحبها]

كاعد اكتب وبنونه بحظني هههههههههه تريد تتعلم شلون تكتب وترسل جيل اخر زمن خخخخخخخخخخخخخخخخ

[نعومه التميمي]

تقبل الله منج صالح الاعمال
والله الحمدالله بس عندي وجع بظهري وبطني من الجهه اليمنه والجه اليسرى من امس بلليل من الساعه 12 يروح ويجي ولسه بعده ماعرف ليش وحركه ديمه قليله

[رودينة الراوي]

هلووووو امونة ونعومة شلونكم أخباركم

[مجنونة بحبها]

النت شويه بطى وبنونه متخليني صايرين حرب انا وياها ههههههههههههههههههه

[مجنونة بحبها]

موجوده حبي ام ديمه

[نعومه التميمي]

ههههههههههههههه حبيبتي الله يخليه
لعد وحد هم تحب تتعلم

[نعومه التميمي]

هلو يسرى حبيبتي شخبارج رودينه شخباره
هههههههههههههه هاي بنونه تحب نت تريد تتونس

[مجنونة بحبها]

هلو يسرى شلونج بشري شلون صرتي


وئام انتي بالتاسع والتاسع شهر العجائب والغرائب اسمع ههههههههه لاني لاخر يوم بالتاسع وجان ماعندي اي الالم او ولاده خخخخخخخخخخخخخخ

[مجنونة بحبها]

وتقبل منج صالح الاعمال

اي والله تريد تتعلم بسرعه خاف يفوتها شي

[نعومه التميمي]

هههههههههههههههههه تريد صير خبيره مال نت هاي بنونه
اي والله ماعرف يمكن من البرد دي يصير عندي هاي الاوجاع

[مجنونة بحبها]

يسرى شوكت يكمل بيتكم انا روحي طلعت من وره العمال والتراب ومحبوسه بالمطبخ اؤؤؤؤؤؤ مليت اريدهم بس يخلصون البارحه من راحوا وكمت انظف وراهم فكرت بيج كلت هاي شلون حامل وتكدر تنظف بيت هستوه مخلصينه ههههههههههههه

[مجنونة بحبها]

يجوز دفي نفسج زين وديري بالج على ديمه ترى مابقه شي اصبري ومن صبر ضفر

[نعومه التميمي]

والله يساعدكم الترميم يطالع الروح والله شلون بيكم وانتي صايمه
ويسرى حامل خطيه والله

[مجنونة بحبها]

غيرت صوره بنونه مليت من القديمه

[نعومه التميمي]

الله كريم والله تعبت من الثكل ومن وره الدرج لان تعبني بل صعده شسوي خلص مابقه شي

[نعومه التميمي]

فدوه حبيبتي صوره احلى من صوره الله يحفظه الج من العين

[مجنونة بحبها]

مشكوره حبيبتي وان شاء الله يوم الي نشوف صور ديمه

الله يساعدج على الدرج انا فارغه ومن اصعد وانزل اتعب انتي شلون وانتي حامل


قبل شويه النت فصل وهسه يله رجع

[مجنونة بحبها]

انا عني سهله انظف وراهم وراهم بس يسرى خطيه حامل واختها حامل وزياده عندهم عرس وانا احب الاعراس بس كون مو انا اخدم بالعرس لانه تعب في تعب

[نعومه التميمي]

والله يا امونه النزله حلو وخفيفه بس الصعده تموت وخاصه اذا شايله شي بيدي

[مجنونة بحبها]

الله يكون بعونج ليش معدهم مصاعد عاد هذا التطور وماعندهم مصعد

[مجنونة بحبها]

hwaml16hwaml16hwaml16

[نعومه التميمي]

الله يكون بعونهم والله وشلون صدفه عرس وياهم وهم حوامل الله يسهل عليهم بس كون اقربهم يساعدهم بل العرس
لا والله ماكو مصعد شسوي

[مجنونة بحبها]

طفت الكهرباء والحاسبه لو باتري باااااااااااااااااي

[رودينة الراوي]

فصل النت موتني

[مجنونة بحبها]

انتظر عسى ولعل ترجع الكهرباء

[رودينة الراوي]

بنات شلونكم أخباركم
تسلمون حبيباتي

نعومة ديري بالج من البرد حبي حتى بعد متجيبين طول الا40 يوم لازم تتقيدين كلش وان شالله خير
والله يابنات بلكت بعد اسبوع وارجع لبيتي البارحة رحت اشتغلت شوية بالبيت رجعت للبيت هلكانة وظهري ورجلي شكلو هههههههههههههههه*

[مجنونة بحبها]

هههههههههه شغل ابو السحب لازم بالخمسه يطفي وهو الظاهر شويه استعجل وانوب اتذكر

[مجنونة بحبها]

التنظيف ميخلص ابد والله تعب

[رودينة الراوي]

بنات فوكاها العرس رح يصير ورة منرجع ب4 ايام لان اخت العروس بالسادس اعدادي وامتحانات ولازم العرس يصير قبل الامتحانات يعني رح تصير هوسة وخبيصة فد مرة ماعدا التنظيف والحر اووووووف والله ملل*

[نعومه التميمي]

والله صدك هسه اني نفرين والله واركض ما الحك

[نعومه التميمي]

الله يساعدكم يسرى بس لا تعبين نفسج لان موزين على رودينه بلكي اقربكم يساعدكم

[رودينة الراوي]

بنات الإفرازات الي دتنزل علية تصير خفيفة كلش مابيها اي لزوجة وبيها ريحة بس مو ريحة إدرار او شي والله مااعرف شسوي بس منا لباجر الصبح اخابر الدكتورة واشوف شتكولي*

[مجنونة بحبها]

هههههههه هذا واذا اخت العروس عندها امتحان لازم انتم تستعجلون هههههههههه هذي حلوه الله يساعدكم

[مجنونة بحبها]

اتكلي على الله وان شاء بس العافيه عندج وعند رودينه

[نعومه التميمي]

يسرى خاف هذا مي راس الهادي خابري االدكتوره احسن

[رودينة الراوي]

حبي ماعدنا احد يساعدنا من أقاربي لو رح يجون لو لا ومن اقارب زوجي كلهم مشاكل وياهم ولا نحبهم ولا يحبونة يعني اذا يجون بس مجاملة ويرحون

[نعومه التميمي]

هاااااااااااااااااااااااا
لعد اذا يهج مايجون احسن
لعد شلون بيكم

[مجنونة بحبها]

اكلج يسرى انتي زوجج قريب الكم لو غريب

[مجنونة بحبها]

كماشه ذبحتني ذبح شسوي ميعجبها وانوب تتدخل شلون اكل واربي بنتي موتتني

[نعومه التميمي]

كماشه عده حكم فرعون الله يساعدكم
ماعده شي تلتهي بي غيرج

[رودينة الراوي]

تسلمين حبي امونة
اي والله شسوي لان اذا تأجلت ورة امتحاناتهة الحك أني والدة وعلما اتقوة شوية اختي تولد ورة العيد

نعومة الباجر اخابرها الصبح لان بس الصبح والظهر تشيل التلفون

[نعومه التميمي]

الله كريم من تخابرن طمنينه لان راح يبقه بالي يمج
شلونه رودينه حركته شخباره

[رودينة الراوي]

النت كلش ضوجني يفصل وساعة يلة يرجع*

[رودينة الراوي]

لا حبي زوجي غريب مو من اقربائي

[رودينة الراوي]

وين رحتو بنات

[رودينة الراوي]

اروح اخذلي دوش وارجع لان محترة كلش

[رودينة الراوي]

اكو احد موجود

[رودينة الراوي]

توتاية تعالي كلليلنة شكالتلج الدكتورة بالي يمج حب

[توتايه]

هلو حبحب هم صاعد وكالتلي كدامي اسبوع وتشوف اذا هم صاعد تسويلي عملية اوف اوف

انتي شخبارج شلون صرتي؟

[توتايه]

وئام حبيبتي لازم حركة ديمه باليوم من 10 الى 12 حركه حسبيها زين اوكي

والوجع اذا يصير يجي من ظهرج لبطنج هاي يسموها بداية طلوكه كذابية لان اني دتصير عندي

واذا حركة ديمه اقل من 10 معناها تعبت كبل تروحين للدكتوره

[رودينة الراوي]

الله كريم حبيبتي ان شالله ينزل بس انتي اتقيدي شكد متكدرين

أني الحمد لله بخير بس هاي الإفرازات اذا بقت لباجر اخابرها بس هواية يكولولي عادي لتخافين لان رح افوت بالتاسع

[حبيبي]

مرحبا اشلونكم مشتاقه الكم
والمنتدى ميفتح عندي
اشلونج ايه ويسرى

[حبيبي]

رحت قريت الصفحات ورجعت وماكو رد منكم ايه يسرى يله تعالوووووووو
مشتاقه لسوالفكم

[حبيبي]

ما كو احد اليله ؟
الي تدخل ادزلي رساله حتى انتبه

[حبيبي]

اوووووووووووف ملل تعالووووووووووووو

[حبيبي]

ايه يمكن ولدت ولا مو من عويدها متدخل بليل
يارب اطمني بكره وتفرحنا بولادتها

[مجنونة بحبها]

سلالالالالالالالالام منو موجود

[غنى2011]

الووووووووووووو اكو احد

بس عادي اني متعوده من اجي ما احد

يلله اسلم عليكم واطلع شلونكم زينين انشاء الله كلكم بصحه وعافيه

[مجنونة بحبها]

هلو غناوي تعالي انتي بس تسلمين وتروحين

[توتايه]

اني اجيت غناوي شلونج حبيبتي؟

[توتايه]

ام بنونه الورده شلونج حبيبتي

ها بنات تره مجبت والله اليوم اجه رجلي من الشغل فتحتله الباب كالي ها بعدج مجبتي هههههههههههههههههههههههههههههههههههههههه

[غنى2011]

ااااااااي صلوات اجيتو يمعودين كلما اجي ما الكه احد

[غنى2011]

شلونكم سولفو احجو ضايجه كلش

[مجنونة بحبها]

ههههههههههههه هلو ايه حبي العزيزه الغاليه

كليليه اكيد مجبت والا انته اول واحد تعرف

الله يسهلك وتجيبي بسهوله ويسر

[مجنونة بحبها]

اسم الله عليج من الضوجه انا دايما موجوده بس انتي بسرعه تسلمين وترحين متنتظرين الرد وتدرين النت دايما بطى بعراق الخير خخخخخخخخخخ

[غنى2011]

توته شلونج اخبارج شوكت اجيبين

[مجنونة بحبها]

تعالي كوليلي شلونج ويه الحمل وشبين ولد لو ابنيه ان شاء الله تمام الخلقه غناوي

[توتايه]

ههههههههههههههه لا مراح اكوله الا ان اجيب

والله غناوي حبيبتي الحمدلله بس تعبانه كلش من وره الضغط ونوم ابد ماكو

امونه الله يسمع منج عمري والله تعبت

يلا بنوات اتغده واجيكم مو تروحون عليكم الله

[مجنونة بحبها]

ايوته وين رحتي حبحب

[غنى2011]

اسم الله عليج من الضوجه انا دايما موجوده بس انتي بسرعه تسلمين وترحين متنتظرين الرد وتدرين النت دايما بطى بعراق الخير خخخخخخخخخخ

تسلمين حبي ههههههههه
كلما اجي ما الكاكم صدك النت بطئ بالعراق

[مجنونة بحبها]

غدا العافيه واكلي نيابه عني ههههههههههههه

ليش متكليله تريدينه يجيه على الحاضر خليه يحس بالالم والوجع خباثه هههههههههههههه

[مجنونة بحبها]

لا حبي دوم اشوفج بس ماالحك عليج بسرعه ترحين

[مجنونة بحبها]

اليوم باقي البنات مبينو خاصه زنوبه 2 اختفت

[مجنونة بحبها]

ههههههههههههه بقيت احجي وحدي كالعاده

[مجنونة بحبها]

رحوبه مشتاقه اسولف وياج حبي وين هذي الايام ماكو وزوجج شوكت يروح للعمره احنه احتمال 17 رجب راح تصير سفرتنه وخايفه مره اخاف على بنونه يتغير عليها الجو واخاف اتعب من وره كماشه والسفر والطياره اؤؤؤؤؤؤؤؤ وانوب شربت 3 حبات مانع حتى تنزل المحروسه وارتاح منها وبعدها مشرفت ادعيلي اخلص منها لا تروح السفره تعب وبدون فايده واتمنى من كل كلبي اشوفج هناك بس الظاهر ماكو قسمه ونصيب بوسيلي نسيبي وكنتك صايره وكحه ولسانها طويل خليه يدير باله منها خخخخخخخخخخخخخخخخخخخخخ

يسرى ووئام شلونكم وشخباركم


ليمو وزنوبه ماكو اختفو

وزنوبه ام ايليا اكيد انشغلت ونستنه ههههههههههه

باقي البنات هلوووووووووووووووووووووووووو

[توتايه]

اجيت اجيت

لا خطيه يمعوده هوه شاف وحده تطلك بالتلفزيون عيونه دمعت ميستحمل يكولي اني ابقه بره المستشفى من تخلصين سويلي مسكول كلتله اي مو اني رايحه للصالون هع هع هع

[غنى2011]

النت فصل يمي

[مجنونة بحبها]

هع هع هع لا والله مسكول رايحه صالون خخخخخخخخخخخ لاانا اخذته وياي وبس ههههههههه اهلي مخبرتهم وصارت غرفتي يم غرفه الاطفال هو راح يم الاطفال يباوع وانا ابجي من الوجع وانوب كل شويه يكلي خل يشكون بطنج ويطلعونه طلعت روحي شوفيه شكد قوي ولا فكر بحالي فكر بس بنته

[غنى2011]

هاي ثالث مره راح اكتب كل شويه يفصل المصخم

[مجنونة بحبها]

هلوووووووووووووووووو غناوي عادي سالفه النت يافصل يابطى وشلعان كلب

[مجنونة بحبها]

ههههههههههههه هاي حلوه مات المصخم

[مجنونة بحبها]

شعجب ممسويه شريط حمل غنى

[توتايه]

عادي عادي غناوي كلنا بهالحال

اوووووووووووي شلون قلب عنده

اني اذا جاهل بجه بالتلفزيون ينمرد قلبه

يلا بنات رجلي ديصيحني اجيكم بالليل لان اليوم راح يرجع للبيت باااااااايوووووووو

غناوي خلينا نشوفج عليج الله لتكطعين

[مجنونة بحبها]

انا الكهرباء موتتني ضعيفه وجهاز الحمايه صار مثل الاشاره والله اليستر لا يحترك

[مجنونة بحبها]

باي ايه ان شاء الله تولدين قبل الليل ويبتلش المحروس وياج هههههههههههههههههههههه

[غنى2011]

حبيبه اني هسه صايره شريط ههههههههههه
راح اموت من الخوف والقهر يكلولي مي الطفل قليل بدرجه

[مجنونة بحبها]

بقيت انا وبنونه ههههههه هي تحوس وانا اركض وراها

[مجنونة بحبها]

ليش حبيبتي اشربي مي واكلي ايس كريم يزيد المي ويارب تفرحين بشوفته يارب

[مجنونة بحبها]

الله يساعدكم والله الجهال كلهم هم وقهر انجان بطنج مترتاحين ومن يجون للدنيا هم مترتاحين الله كريم الله يسهللكم

[مجنونة بحبها]

هابنة لارؤس ىىة ؤسصضصءسبفبقر اتعة رؤؤ

[مجنونة بحبها]

ههههههههه هذي مواني هذي بنونه بقت تبجي وكامت تدوس بالدكم هههههههههه اتريد تحجي وياكم خخخخخخخخخخخخخ وانتم لا حس ولا نفس

[مجنونة بحبها]

بنات راح اروح لاني مليت كاعده وحدي اسولف يعني مسودنه لو شنو

[مجنونة بحبها]

بااااااااااااااااااااااااااااااااااااااااااااااااا اااااااي

[مجنونة بحبها]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[نعومه التميمي]

مرحبا بنات شلونكم اخباركم
رحوبه سفره سعيده
يسرى شلونج بشري خابرتي الدكتوره
ايه الله كرم انشاءالله ماكو عمليه
امونه شلونج شخبار بنونه خوش تتطوات بنونه كام تكتب على الحاسبه

[حبيبي]

مرحب بنات اني اجيت
وفطومه مرتفعه حرارتها وتبجي وماذيتني عندها التهاب بلحق
وما خلتني لا ليل ولا نهار انام
مين موجود اسولف وياه وانطيه هديه هههههه

[حبيبي]

رحوبه مشتاقه اسولف وياج حبي وين هذي الايام ماكو وزوجج شوكت يروح للعمره احنه احتمال 17 رجب راح تصير سفرتنه وخايفه مره اخاف على بنونه يتغير عليها الجو واخاف اتعب من وره كماشه والسفر والطياره اؤؤؤؤؤؤؤؤ وانوب شربت 3 حبات مانع حتى تنزل المحروسه وارتاح منها وبعدها مشرفت ادعيلي اخلص منها لا تروح السفره تعب وبدون فايده واتمنى من كل كلبي اشوفج هناك بس الظاهر ماكو قسمه ونصيب بوسيلي نسيبي وكنتك صايره وكحه ولسانها طويل خليه يدير باله منها خخخخخخخخخخخخخخخخخخخخخ
هههههههههههههههههههههههههه ايمان طالع كنتي وكحه ولسانها طويل على اكماشه رحت فيها اني وابني هههههههههههههههههههه
وزوجي يوم الاربعاء بيروح واني بروح بيت اهل زوجي لحد ميرجع
انتى كم يوم بمكه وكم يوم بلمدينه اتوقع مكه مضلين غير يومين صح ولالا

ولا اتخافين على بنونه وجونا نفس جوكم بس نحنا اهنا افضل منكم بلكهرباء مكيفات ما تنطفي ليل نهار واذا بيتغير عليها الجو زكام راح يجيها في مستشفيات بلحرم مجانا للزوار لا تخافين عليها وهى عندنا كلش امان

اشلون اتخربطين دورتك بهالحركات مره مانع ومره لا يله بعد المانع ب4 ايام تنزل الدوره
ودعواتك النا بطواف وعند النبي لا تنسينا وترحون وجون بسلامه ولو اني اهناك بلمدينه مشيتك وفرجتك على المدينه كلها حتى تنبسطين وتغيرين جو من اكماشه
راح اتلعوزكم بسفره بس اكماشه لانه كلش زحمه كانو الحج وراح اتعبكم
ايمان خليخ يطوف بامه واخته وانتى جلسي ببنين ويرجعهم ويطوف بيج وبنين خليها عند عمتها
وهيج اريح الكم

[حبيبي]

وئاااااام اشلونج والله مشتاقه الج هوايه من زمان ما سولفنا مع بعض
اكيد هالوقت انتي نايمه
تصبحي على خير واحلام سعيده بديمه

[رودينة الراوي]

رحوب أني اجيت انتي بعدج لو رحتي

[حبيبي]

اني هون هههههههههههههه تحت الطاوله
اشلونج يسرى

[تاج ذهب]

هلا حبيباتي مساء الخيرات شلونكم شلون الوضع مشتاقتلكم

[حبيبي]

مساء النور وسرور اشلونج تاج نحنا بخير
نسيت اسمك ههههههههه شنو اسمك وانتى الى من هولندى
كنداhwaml03

[حبيبي]

وينج تاج اريد ذهب عندج اهوايه ذهب ؟ ههههههههه
اشلون الحمل وياج ان شاء الله ماشي
ورودينه وينج اخاف اجى الحبيب وعفتينا

[تاج ذهب]

اهلين حبيبي شلونك انتي ان شالله بخير هي هون عم شوف شو في جديد بالمنتدى شلونك شلون حملك لا اني بكندا مو بهولندا

[حبيبي]

لالالالالالالالالالالالا اني مو حامل ولا تطلبين احمل ههههههههههههههه
عندي اربع اطفال واصغر طفل عمرها 7 اشهر فطومه
والحمد الله اني بخير
وشلون كندا معاج مرتاحه اهناك
والحمل اشلونه

[تاج ذهب]

هههههههههههههههه ربي يخليهم الك ان شالله وشو اخبار فطومة يارب بخير كويسة كندا هاي عيشة وسلام ملل وقرف بعيد عنك الحمل لاعب فيني لعب

[تاج ذهب]

استاذنكم اشوف المسلسل وراجععععععععععععععععععة

[حبيبي]

اي مسلسل حتى نطير معاج ههههههههههه
الله يساعدج على الحمل والغربه والحمل كله لعب بلعب
يوم زينه وعشره لالالالالا
وفطومه زينه بس لو تاخذيها اسليج بلغربه هههههههههههههه دئما تبجى ودمعه بعينها مكولين غير ميت عليها احد من اهلها هههههههههههه

[حبيبي]

وانى استاذن اروح اسوي العشاااااااااااء ورجع الكم

[رودينة الراوي]

هلووووو رحوب شلونج طمنيني شلون صارت فطوم ان شالله احسن
المنتدى جان ميفتح عندي هسة يلة فتح

[رودينة الراوي]

شرح تسوين عشة
الف عافية مقدماً

[miss sweet]

الله عراقييييين

اموت عليكم وعلى كلامكم الحليو

اخبااااركم ؟؟

[رودينة الراوي]

اهلا وسهلاً اختي مس سويت نورتينا والله
انتي من اي بلد ؟

[توتايه]

هلاوووووووووووو اني اجيت بنات رجلي تموتني من وره المشي شسوي بحالي

مس سويت الف الف هلا حبيبتي انتي من وين ياغاليه

بنات سويت شكل تبوله تلوك الكم

يلا اشوف الصفحات وارجعلكم

يسوره صدك شلون صرتي بالي يمج

[توتايه]

اكول يسوره تندلين وين صاير مأمول مول؟

[مجنونة بحبها]

سلالالالالالالام صبايا شلونكم وشخباركم

رحوبه حبي اني مشتاقتلك مووووووت وان شاء الله فطومه تصير زينه حبيبتي اموت ولا اشوف طفل يتمرض انا بنونه من تتمرض ابقى بس ابجي وانوح هههههههههههه وعن الطواف مراح يكدر يطوف امه واخته وانوب يرجع يطوفني تعرفين وراء الطواف سعي وراء السعي طواف النساء ولازم حسب رائي العلماء بان الطفل لازم انطوف عنه نيابه ونسعى ونقصر وهم لازم نخلي بنونه تمشي كم خطوه سعي وطواف للاجر والثواب وحتى صلاه الطواف لازم نصليها نيابه عنها لانها طفله هههههههههه اكيد هذي المعلومات تعرفينها بس حبيت اثرثر وعن حبوب المنع شربتها وحتى زوجي مكتلها لان مراح يقبل اخربط الهرمونات وراح نصير عركhwaml17 وانا خربطتها تخربط شسوي مظطره وهذا ثاني يوم وانا اشرب الحبوب المقويه الي بشريط الحمل حتى انزلها غصب عنها خخخخخخخخخخخخ وان شاء الله بعد 10 ايام ونروح وامانه بس اسوي العمره النيابيه راح اذكر اسمج واسامي البنات وراح تجيكم عمره نيابيه وانتم ببيوتكم واحنه راح نبقه بالمدينه 4 ايام وبمكه 6ايام والطريق راح يكون 3 ايام فنكمل 13 يوم سفر وتعب ومشقه في سبيل الله وعن بنونه الله يساعدج ويساعد حمودي طالعه على كماشه ثرثاره ووكحه وعصبيه خخخخخخخخخخخخخخhwaml4hwaml4

[مجنونة بحبها]

تصبحون على خير بااااااااااااااااااي

[توتايه]

بنات وينكم صدك جذب

[توتايه]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[توتايه]

اني راح اروح لان تعبت من الكعده سلامي للكل

[نسمة]

مساء الحب والطيبه شلونكم شخباركم حبولات

اني صار كم يوم مده ادخل لان جايتني حالة كئابه خخخخخخ كئابه مؤقته لان عندي امتحانات

ومالي خلك ادرس وخايفه

شكو ماكو اخبار امور احواي ايوته شلون صرتي حبي ؟؟؟؟

[توتايه]

هلو زنوبه حبحب والله الحمدلله اني على كل حال بس احس روحي دا اتعب كلش هوايه ونوم ابد ماكو

ميخالف حبيبتي شدي حيلج علمود من يجي النونو انتي مخلصه فد صفين

[فيونكه بلون الفراوله]

السلام عليكم
شلونكم بناااااااات
ادري زعلانين مني ويمكن مراح تحجون ويايه بس عذروني والله الغربه والزوج وقرررررررررررررررررررررررررررررف الوحام والله متت شوكت ارجع ياربي واخلص
بس الحمد لله الحين احسن بهواااااايه راح ادخل الخامس ان شاء الله بعد 3 ايام وبعده الوحام ويايه بس الحمد لله دا اخذ حبوب لان وحامي كلش كلش قوي الله يعينا
ولدكولون ما ادخل لا والله ادخل واقراه كل اخباركم بس التعب والله قارفني
كنت ادخل تجمع الي بيولدون شهر ذو الحجه لانهم ويايه ونخفف الوحام عن بعض
والله حتى الدراسه تركتها بس كاعده بالبيت
وهسه الحمد لله شويه صرت احسن

ايو الله يسهل عليج يارب وتولدين بالسلامه طبيعي ان شاء الله

وئام شلونج حب اكيد جهزتي للبنوته احجيلي منين جهزتي وشنو اشتريتي والله هنا برد سدني يكسر العظام انا وزوجي صخونه وتعبت والله من الغربه وهوايه اشتاقيت لاهلي وهم زين راح ارجع اشوفهم

يسرى شلونج حب واخبار حملج الله يسهل عليج وادخلين التاسع يارب

ام بنونه شلونج حياتي وشلونها بنونه الله يعينج على عمتج ويسهل عليكم العمرة يارب

رحبوبه شلونج وشلون الاطفال ان شاء الله دوم بخير

بنات هانت مابقه شي وتولدون يارب ان شاء الله عقبالنا اني وغنى وبقيه البنات

والف مبروك الكوكي الولاده

[غنى2011]

سلام شلونكم تغديت واجيت اشوفكم قصدي اسولف وياكم
البارحه النت عذبني كلش شويه ويفصل فكلت خلي اطلع احسن

فيونكه شلونج اخبارج الله يساعدج ع الوحام الصعب اسكتي وخليها هو الحمل كله صعب
بس الله يسهل ع الكل انشاء الله

[توتايه]

هلالالالالالالالالالالالالا بفيونكتنا الورده والله بالنا يمج لا شلون نزعل منج حبيبتي بس بالنا يمج لان اختفيتي على غفله يلا ميخالف حبيبتي هانت اني الوحام لل7 ظل وياية وجنت اخذ حبوب مال لعبان نفس شويه تخففها بشريني اتحرك النونو لو بعد وشفتي شطلع لو بعد

الله يكومج بالسلامه حبيبتي والله يسلمج ويسمع منج حبحب

غناوي عادي حبيبتي النت مصخم من يوم يومه اهم شي انتي لتضوجين

[مجنونة بحبها]

سلالالالالالام شلونكم وشخباركم صبايا


ياهلا وغلا بالغايبه والله والله البارحه افكر بيج شفت اوضاع سوريه وكلت فيونكه خاف رجعت سوريه وبعد مكدرت تحجي ويانه وخفت عليج من الاوضاع وبنفس الوكت ضحكت كلت العراقيين وين ميروحون يسونها حرب هههههه بس هم ازعل عليج يعني تدخلين ومتسلمين ولا تكولين واحنه بالنه يمج بذاته يله ميخالف اختنه الصغيره وانعبر غلطتها خخخخخخخخخخخخخ ان شاء الله الوحام يخف والله يسهلج ويفرح كلبج


هلو غناوي وانا البارحه بقيت وحدي ومليت

ايه بشري ماجبتي

يسرى وئام شلونكم

زنوبه ام ايليا ماكو اختفت

زنوبه2 نسموووووووووووو شنو هذا الغياب موعذر الكأبه

رحوبه حبي ماكو خير

ليمو وتاج شلونكم

باقي البنات شخباركم خاف نسيت وحده نوب تزعل ههههههههههه

[توتايه]

امونه بربج شلون اجيب واحجي وياج اسكتي وخليها حتى الدارسين مدا ايفيد وياية راح اتخبل

[مجنونة بحبها]

هلو ايه عبالي جبتي

انا اليوم طاح حظي هسه يله خلصت شغل واجيتكم ركض هع هع هع هع

[مجنونة بحبها]

ههههههههه هسه يله شفت ردج فعبالي جبتي خخخخخخخخخخخخخ

الله يسهلج وكل ساعه وبيه فرج

[توتايه]

سلامات حبحب لويش شصار؟

[مجنونة بحبها]

رحوبه ماكو مو من عوايدها

[توتايه]

امين يارب العالمين تفرج علية وعليج

[توتايه]

اي يمكن النت بطئ وملتهية وية الجهال اتوقع

[مجنونة بحبها]

حبي عندي عمال وتدرين الساعه5 اجو و7 يريدون ريوك وغدا ومن غير شغل البيت وبنونه اؤؤؤؤؤؤ هسه خلصت واجيت افضفض وياكم

[مجنونة بحبها]

هسه انتي كم اسبوع بالتاسع

[توتايه]

الله يساعدج حبحب عادينه العماله وطلباتهم وفوكاها كماشه وبنونه الله ينطيج الصحه والعافيه

[توتايه]

حبيبتي صارلي اكثر من اسبوعين بعد يومين يصير 3 اسابيع

[مجنونة بحبها]

وينطيج الف صحه وعافيه ويسهل ولادتج

حبي والله مليت اريدهم بس يخلصون انظف الصبح والعصر والبيت تراب ووسخ اهئ اهئ اهئ

[توتايه]

امين حبيبتي

اي اي عفيه خوب يدخنون ويعوفون فضايلهم بالبيت

[مجنونة بحبها]

بعد يجوز تكملين التاسع البكر اول طفل يكولون تتاخر يله تجيب

[مجنونة بحبها]

بله على الجكاير متعوده اسم الله عليج رجلي يدخن ويذب الطفؤ بالكاع

[توتايه]

اوووووووووووووف والله مليت تعبت كلش واحس ابني هم تعب لان حركته كلش خفيفه صارت

يبووووووووو ليش بالكاع شنو قابل ماكو نفاضات لا عيني اني زين بالنفاضه بس يعميني بالريحه

[مجنونة بحبها]

اسم الله عليج يشرب وهو يمشي ومايدري بنفسه وهو يوكع بيه بالكاع والريحه حدث ولا حرج

بس تعالي اضحكج لما جبت بنونه وهي صغيره كام ميدخن الا يطلع بره يخاف على بنته وميخاف على روحه هههههههههههههه

[توتايه]

نفس الشي عندي وداعتج

[مجنونة بحبها]

بنونه عود انطيتها جكيلته ابتليت حتى شعرها سوته جكليت ورحت غسلتلها وسويتلها شيش فواكه والله اليستر شراح تسوي بيه

[توتايه]

فدوه لعمرها دبري بالج لتجك روحها

[مجنونة بحبها]

ههههههههههه المصيبه اذا عمت طابت

ميحسون بتعب الي نتعبه

تعالي اسولفلج لما جنت حامل وبدايه الربط جان ممنوع علي الحركه وكام خطيه هو ينظف وكام ميوصخ ابد ومن ينظف ويخلص ميخلي واحد يتحرك خاف تتوسخ الكاع ععععععععععععععععععع

[مجنونة بحبها]

اسم الله عليج حبيبتي
اي حبي الحافه المدببه كصيتها بالمكص وهسه اباوع عليها مردت الفواكه بالكاع مرد بس التفاح قوي وكاعد تحاول بطرقها الشيطانيه هههههههههههههه

[مجنونة بحبها]

راح انظف الكاع وارجع


فاصل ونواصل

[مجنونة بحبها]

ايوته وينج لاتوكني عفتيني مثل البارحه على غفله هاهاهاهاها

[مجنونة بحبها]

الظاهر راح ابقه اليوم وحدي وبنونه اجت تريد تكتب وبس ماخليها تبجي

[مجنونة بحبها]

اااااااااااااااااااااااااااااااااااااااااااااااااا ااا

[نسمة]

مساء الخير شلونكم بنوتات شخباركم

ايوته لج عيني خليج صبورة بعد وكتتتتتتتتتتتتتتتتتتتتتتتتت البكرية دائما تخلص شهرها وتدخل بالعاشر يالله لاتسوين لنفسج قلق زايد حجت كاكا زينب بعد شيخلصكم مني ههههههههههههه

ام فطوم شخبارج امورج الله يكون بعونج والله العمال مينحملون يبووووووووي

شكو ماكو البقيه شخباركم

[فيونكه بلون الفراوله]

يوووووووووه فديت طيبت كلبكم والله

غنى اي والله الله يعين ويسهل ما بقه شي

ايو حبي والله اني الحمد لله والوحام شكله راح يستمر ويايه زوجي المصون يحطمني اكثر يكلي انتي من النوع الي يستمر وياهم للتاسع كتله ابيش مطالبني وتفالول عليه
بالنسبه للحركه اي حسيت بيها والحمد لله من اسبوع تقريبا وجنس النونو لحد الان ما ادري شنو ان شاء الله بعد اسبوعين اسوي سونار واعرف والله يسهل على الجميع يارب

ام بنونه حقج عليه والله شدكولين صحيح بس ميخالف مشوه اليه تعرفون الحامل ومزاجياتها ههههههههههههه الله يساعد زوجي عليه والله احس نفسيتي زفت كل يوم ابجي ما اعرف شنو القصه اكلهم يمكن عين وصابتني وسوريا اوضاعها تبقه احسن من العراق العظيم يمعوده وعلى كولتج احنه وين منروح نعلكها هههههههههه مدري شنو قصتنه

[حبيبي]

مساء الخير اشلونكم بنات مشتاقه لسوالفكم وجمعتكم الي ما تنمل
ها فيونكه رجعتي النا اشلونج وين هالغيبه وشلون الحمل الله يساعدج على الوحم
انا اخلص الشهر الربع وتبتدى اتخف ان شاء الله انتى هم مثلي لتاسع موت

ايه وايمان اشلونكم
نسمه اشلونج وين هالغيبه

[توتايه]

اني اجيييييييييييييييت

[توتايه]

بنات المشكله ضغطي بعده مرتفع فأريد اجيب حتى ميتأذه الطفل

وفوكاها حركته كلش قليله صايره

[توتايه]

حبيبتي امونه معفتج والله بس فصل النت ومرجع الا بال10 بالليل لتعتبين علية حبيبتي

[مجنونة بحبها]

سلالالالالالالالالام بنات شلونكم

[توتايه]

هلا بأم بنونه الورده شلونج حبيبتي

[غنى2011]

سلااااام شلونكم

[توتايه]

هلو غناوي حبيبتي والله الحمدلله انتي شلونج؟

[غنى2011]

الله يسلمج توتايه شلون صارت رجلج خوما بهدها توجعج

[فيونكه بلون الفراوله]

هااااااااااااااااااااااااي بنات شلونكم

[غنى2011]

اول البارحه رحت سويت سونار ثاني والمي مازايد تكول الدكتوره ناقص درجه وحده
الله اليستر ولتتطور الحاله

[توتايه]

والله حبيبتي احسن من البارحه بس ليهسه ماعندي وجع مال ولاده راح اتخبل

هلا حبيبتي فيونكه شلونج عمري؟

[غنى2011]

هلو فيونكه انتي شلونج

[توتايه]

غناوي انتي بيا شهر حبيبتي؟
رودينه الي ويانه جان المي زايد عدها والدكتوره كالتلها لتاكلين حلا فيمكن الحلا يزيد المي وحاولي ترتاحين تتمددين

[فيونكه بلون الفراوله]

غناوي سلامتج شنو سبب نقص المي وانت باي شهر هسه

هلا بيج ايو اسمعيني روحي جيبي خروع واشربي خاشوكتين مو اكثر لان يكولون يسوي اسهال بس يجب الطلوكه

[غنى2011]

توته اني بشهر الخامس بالاسبوع ال20
والله ياتوته اني عند اهلي هسه وكلشي ما اشتغل يعني مرتاحه

[غنى2011]

اكلكم بنات اني بدايه حملي جان اكلي كلش قليل ونزل وزني 4 كيلو
تعتقدون هو هذا السبب
هسه اني دا اكل زين واكل حلاه حتى دا اجبر نفسي ع الاكل
بس خايفه اكول اخاف اذيت الطفل من وره الضعف ونقص الاكل بس لا يجي مريض يربي

[توتايه]

حبيبتي لعد ديري بالج وكثري من النساتل والحلويات بلكي يزيد المي

فيونكه حبيبتي اخاف اسوي هالشي لان سمعت يسوي نزيف واني معدتي نحسه مو مال ابلع اي شي

[توتايه]

لا حبيبتي لتخافين لان اول شهور مو بيدج اني حتى المي كرهته كمت ما اشربه

[حبيبي]

سلام اشلونكم
مجتمعين بدوني اشلووووووووووون ظ
هلا قيونكه ما طرى راح اجين كل هذا تحت الحبيب وتدلعين عليه هههههههههه
غناوي اشلونج والماي ماله دخل بضعف هذا الماى داخل كيس الطفل وتقل وتزيد نسبته
هيج من الله لا تخافين يزيد ان شاء الله لانه يتغير كل اسبوعين الوضع

[فيونكه بلون الفراوله]

صدك الخروع يسوي نزيف غريبه بس دائمان الطبيبه توصفه وهو معروف يجيب الطلوكه ويحميها همين

غنى حبيبتي اني مثلج بدايه الحمل وبعد الوحام لحد الان ويايه انتي بس حاولي تاكلين هسه وسمعت الجزر يزيد المي بس يكولون يحفز على الاجهاض بالاشهر الاولى صراحه اني دا اكل كل يوميه وحده او اثنين علمود الامساك

[حبيبي]

اروح اشوف الغده ليحترق ورجع

[فيونكه بلون الفراوله]

هلا رحوبه منوووره واذا على الحبيب مو بس ادلع عليه والله شلعت كلبه المسكين